لقاء مستحيل (22)

(22)
_امير ..؟
_ انا كنت عارف انك هنا ..
_ انت فى نيويورك من امتي وبتعمل ايه ؟
_ هفضل واقف ع الباب مش هتدخليني ؟
_ اسفه ..اتفضل ..
دخل خطوات : مفيش حاجه ااقدمهالك انت عارف ..؟
_ عارف ان مفيش حاجه بس مش معني كده تقعدي هنا 8 ساعات لوحدك وتنسي طيارتك كالعاده
_ مااخدتش بالي
_ علشان كده لما عرفت انك هنا نزلت ترانيزت وحجزت ميعاد تاني بليل انا وانتي يلا بينا ولا عاوزه تقعدى شويا ,,
_ لا يلا ..
 
فى لندن فى  يوم زارت "مريم" "ريم" وكانت مفاجاءه ليها :
_ ايه رايك فى المفاجاءه ..
_ جميله كنتي وحشاني جداا يا "مريم"
_ وانتى كمان ..
_ عاملين ايه فى فرنسا ..؟
_ لا مااحنا اتنقلنا "كندا" ,, افتتح فرع لشركه فى "كندا" و"ادمز" هيكون المسئؤؤل عنه
_ مبروووك
_وطبعا اخدنا بيت لكن لسه بيتجدد ومعجبنيش اى حاجه ولا تصميم اى حد
_ ليه كده ..؟
_ لان صديقتي واختي احلي مصممه ديكور عملتلي احلى بيت فى فرنسا الكل كان بيتكلم عنه وعن جماله ومشفتش حد زيها ولا فى شطارتها ف بالتالي هى اللى هتعملي البيت فى كندا ..
_ كندا ..
_ ايوه .. انا عارفه لو كنت طلبت من الموبيل كنتي هتتلككي وفرحت جدا انك رجعتي لشغلك تاني ف جحا اولي بلحم تورو ولا ايه ..؟!
ابتسمت "ريم" واستكملت "مريم": ايوه كده اضحكي ,, اعتبريها اجازه وتغيير جو صدقيني الجو هناك روعه هتغيري جو انتى و"جنه" وهنقضيه مع بعض انا وانتي والبنات لان "ادمز" اغلب الوقت فى شغله وانا وبنته المسكيه لوحدينا فى بلاد الغربه (ضحكت ريم)  موحشكيش سهراتنا ورغينا
_ بجد مش عارفه يا "مريم" اقولك ايه ..
فى اللحظه دى تدخل "امير": طبعا هتقولي موافقه لان انا كمان رايح معاكي
_ امير ..
_ فى شغل فى كندا لمده 3 شهور  فهكون معاكي نروح مع بعض وهنرجع مع بعض ,,
 بعد الحاح من "امير" و"مريم" وافقت "ريم" وتجهزت للسفر هى و"جنه" وأقامت فى منزل "مريم" و"امير" اقام فى فندق ... بدأت "ريم" فى العمل فى منزل "مريم" الجديد وبعد شهر ونص انتهت وانتقلوا اليه ,, فى يوم نزلت "مريم" و"ريم" وبناتهم لحديقه فى الصباح ,,كانت "مريم" مشغولة مع البنات و"ريم" جالسه فى هدوء سماعات الهاند فري معاها و غمضت عينيها  للحظات وفتحت  لمحت شخص شبيه ل "لوهان" بعيد عنها ,,كانت متفاجئه  ندهت ع "مريم":
_ مريم ..
_ ها ..
_ بصي هناك ..
نظرت "مريم" اتجاه المكان وكان فارغ : فى ايه ؟
_ لوهان كان هناك ..
 بملامح استغراب :  "ريم" ..
_ مش مصدقاني  انا شوفته بجد كان واقف بيشرب وبصلي ..
_ باين اننا طولنا وانتى ارهقتي يلا نرجع البيت  خدى علاجك وارتاحي ...
_ مريم ..
_ يلا يا "ريم " ...

 بعد يومين اتجهت مع "مريم" لشوبنج  ,, انتظرت "ريم" "مريم" امام احدى المحلات وخلال انتظارها لمحت نفس الشخص ولكن اتجهت اتجاهه ولكنه اختفي  وسط الزحام ,, كانت "مريم" بتدور ع "ريم" ولمحتها  فى مكان بعيد :
_ فى ايه يا "ريم" انا قولتلك استنيني بره وموبيلك معايا  كنا هنتوه كده  ..
بملامح فرحه :  شوفته .. لوهان هنا يا "مريم" انا شوفته
بملامح لا مبالااه: "ريم" يا حبيببتي انتى اخدتي علاجك الصبح صح ؟
بعصبيه: يا "مريم" انا مش بيتهيئلي انا شوفته لكن اختفي صدقيني
لاحظت "مريم" عصبيتها : اهدي .. اهدي انا مبكدبكيش يا "ريم" بس ممكن تكوني شوفتي حد شبه يخلق من الشبه اربعين
_ هو .. لوهان ..
_ اوكيه .. اوكيه .. يلا نرجع البيت دلواقتي علشان البنات لوحدهم مع الناني  يلا ..
 رجعت "ريم" ومقدرتش تنام,, احساس يقين ان اللى شافته هو "لوهان" بعيد عن التهيئات,, مر اسبوع وكانت "ريم" بتلتفت فى كل مكان متأمله انها تشوفه تاني لكن محصلش ,,مر مده و فى يوم طلب منها "امير" تحضر معاه عشاء عمل فى فندق ,, فى جلسه العشاء شعرت "ريم" بضيق واستأذنت وخرجت بره فى الهواء الطلق ,,جلست ع منضده تستنشق الهواء بالقرب منها  شعرت بوقوف سياره منتظره خروج شخص ما اثناء نظراتها اتجاهها  لمحت نفس الشخص فى المول والحديقة "لوهان" والغريب ان عيونهم اتقابلت لكن هو دخل السيارة مسرع ,, بدون تفكير وقفت واتجهت  اتجاهه لكن اتحركت السياره و"ريم" مع تحرك السيارة  جريت وراها تطلب السياره بان تقف لكنها وقعت ع الارض واتجرحت ,,فى اللحظه دى كان خرج "امير" يبحث عنها ورأها ع الارض اتجه اليها  ولاحظ الجرح فى ايديها ,,: 
_ ايه دا يا "ريم" ..
بنبره هيستريه: لوهان.. لوهان يا "امير" لسه شايفاه حالا فى العربيه دى
_ريم.. اهدي ,,  تعالي نعالج الجرح دا الاول
 اتحركوا ل استقبال مستشفي واتمت الاسعافات الاوليه وخرجت ولاحظ "امير" دموعها :
_ فى حاجه وجعاكي نرجع ليهم ..؟
_ مفيش عندهم علاج ل اللى حساه
_ ليه ايه وجعك تاني ..؟
شاورت "ريم" اتجاه قلبها ودموعها بتتساقط: هنا ,,
_ مالك يا "ريم" فى ايه ..؟
_  مفيش حد مصدقني .. كلكم فاكريني مجنونه ,,مفيش حد مصدقني
  مسك ايديها : انا مصدقك..
_ لا يا "امير" انت كمان مش مصدقني ..
_ لا مصدقك .. انتي مش مجنونه ولا مريضه انتي لوهان وحشك ..
سكتت "ريم" ودموعها مستمره فى التساقط وجلس "امير" امامها  :
_ لوهان وحشك ,, ووحشك جدااا ,, (اتنهد)  لما حد بيوحشنا وهو بعيد احنا  بنشوفه معانا فى كل وقت وفى اى لحظه احنا بس اللى بنشوفه لدرجة اليقين انه موجود فعلا احساسنا وقتها بيبقي يقين مفيش ذره شك بنكون مش عاوزين حد يصدق اننا بنشوفهم وبنتكلم معاهم  لاننا مش عاوزين  حد يشاركنا فيهم يشاركنا اللحظه دى معاهم  , لانها بتكون لحظة خاصة جدا تروي الروح والعيون المشتاقه للقا وتهدي دقات القلب الملهوفه  , انتي شوفتي "لوهان" انا مصدقك ,, انا بس مش عايزك تأذي نفسك يا "ريم" ,, اى خدش بسيط تتعرضيله "لوهان" مش هيكون سعيد بالعكس  ,,
_ يعني انت مصدقني يا "امير" ...؟
_ جداا .. عارفه ليه مصدقك ؟!  لان اوقات كتير لما بتوحشيني لما كنت بسافر كنت بشوفك فى المكان اللى انا فيه لوحدي مفيش حد بيشاركني اللحظه دى بكون اسعد انسان وقتها  ,, لانها لحظه خاصه ليا انا وانتي و بس ,,
 سحبت ايديها :  امير ..
انتبه "امير" لكلامه :  انا بقولك الكلام دا علشان انا مصدقك ولو الناس كلها قالوا عكس كلامك انا هكون معاكي يا "ريم" .. ممكن اطلب طلب ؟
_ اتفضل ..؟
 _ ارجوكي متأذيش نفسك تاني وارجعي لحياتك وابتسامتك اللى اختفت ارجعيلنا يا "ريم" ,, انتي لازم تعيشي ,, سواء "لوهان"  موجود او لا ,, لانه هو نفسه كانت دى امنيته.. ارجعيلي ..
سكتت "ريم": يلا بينا اوصلك ل "مريم" وهتبقي الصبح كويسه ,,
رجعت "ريم" لبيت "مريم" واطمن عليها "امير " ورجع للفندق ,, دخلت "ريم" غرفتها واطممنت ع "جنه" ودخلت "مريم" ل "ريم"  ومعاها كوب لبن :
_ اشربي دى قبل ما تنامي
_ انا مطلبتش اللبن
_ امير قبل ما يمشي  طلب مني اجهزلك كوبايه لبن دافيه تساعدك تنامي
_ اهاا ..
_ بجد انا مشفتش زى "امير" واهتمامه بيكي ,, مشوفتهوش انتي وهو بيوصلك لهنا ونظرات القلق اللى فى عينيه عليكي ,,
_ امير انسان كويس ..
_ امير بيحبك يا "ريم" بجد .. وبيحب "جنه"  و"جنه" اتعلقت به وبتحبه زى باباها
_  مفيش حد زى باباها
_ مالك قفشتي كده ليه دا مجازي يعني ,, انا عاوزه اقولك ان ربنا مبيعملش حاجه وحشه ل اى انسان يعني بياخد منه حاجه بيعوضه بغيرها الاتجاه التاني,, لكن لما نوقف حياتنا ونفضل باصيين ع الماضي  مش هنشوف الخير اللى مستنينا فى المستقبل ,,
_ عاوزة تقولي ايه يا "مريم" ..؟
_ عاوزاكي تفكري فى نفسك وفى بنتك يا "ريم" السنين بتمر و"جنه" بتكبر ومحتاجه اب فى حياتها وانتي محتاجه حد فى حياتك يملي الفراغ اللى انتي تايهه فيه دا  ,, ومش هتلاقي زى "امير" فى صبره وحبه ليكي اللى متغيرش من سنين  وبيعمل المستحيل علشان بس يشوف ابتسامتك.. قوليلي كده مين اللى يعمل كده غيره  ..؟!
_ لوهان ..
_ يا حبيببتي لوهان ..
قاطعتها : مسافر .. مسافر يا "مريم"
انتبهت "مريم" :
_ مسافر .. ومسافر بعيد .. لكن انا بكلمك ع دلواقتي يا "ريم"
_ انا عاوزه ارتاح يا "مريم" ممكن ..؟
_ اوكيه هسيبك ترتاحي بس متنسيش ميعادك بكره هتروحي علشان تشوفي الكافيه اللى هتعمليله الديكور الداخلي ..صديقتي اكددتلي ان الناس اصحاب الكافيه  يهموها جدااا وانبهارهم بشغلك طلبوكي بالاسم  وانا قولت ان "روما" صديقتي قدها ..
_ متقلقيش فاكره وهروح ع الميعاد
 _ تحبي اروح معاكي ..؟
_ لا لا  "امير" هيوصلني وهيرجعني  ...
_ اوكيه  تصبحي ع خير ومتنسيش تشربي اللبن ..
_ تصبحي ع خير ...
خرجت "مريم" من الغرفه وبعدها بلحظات اتجهت "ريم" للبلكونه وخرجت وكان مطر وقفت تحت المطر فتحت كف ايديها وتساقط المطر ع الحرف واغلقت عينيها ونظرت للسماء  مردده اسم "لوهان ",, فى نفس التوقيت واللحظه شخص واقف تحت المطر مغلق عينيه سمع همس اسمه  " لوهان" فتح عينيه ونظر حواليه كان لوحده وبعدها بلحظات سمع صوت عالي :
_ "لوهان" انت واقف تحت المطر كده  هتتعب تعالي ادخل ..
_اوكيه "يومي"

فلاش باك من سنتين
"لوهان" يتحدث فى الهاتف :
_ انا هخلص المقابله بسرعه وع المطار متقلقيش هوصل فى ميعادي
_ انا مش هطفي الشمع من غيرك
_ وانا هكون موجود متقلقيش يا "ريم"  وعلشان تعرفي انا لبست الطقم اللى انتى حضرتيه علشان احضر به يعني من المطار ع عندكم ع طول
_ واحنا مستنينك .
 اغلق "لوهان" الهاتف  ورن مره اخري وكانت "يومي" :
_ اوووبا
_ يومي ايه اخبارك ..
_ انا مصدقتش انك فى ايطاليا فعلا ..
_ كنت فى ايطاليا انا طيارتي كمان 4 ساعات
_ يا خساره يعني مش هلحق اشوفك  كنت عاوزه ابعت معاك هديه "جنه"
- مفيش مشاكل انا عندي ميتنج مش هكمل نص ساعه بعده هقابلك فى كافيه قريب من المطار هبعتلك اللوكيشن ..
_ اتفقنا وانا هتحرك حالا ..
 اغلق "لوهان" الهاتف  واتصلت "ريم" وبلغها بمقابلته ل "يومي" لكن الصوت كان غير واضح ,, اتجه لمقابله العميل  ,, وقرب وصول "يومي" بالهديه بالسعاده حدث انفجار فى المقهي وذعر الجميع ,,, وصلت عربه الاسعاف والمطافي وتم نقل المصابين ولمحت "يومي" ان "لوهان احدي المصابين ... اتجهت معه الى المستشفي وبعد اجراء العمليه دخل فى حاله غيبوبه ,, رفضت "يومي" ابلاغ "ريم" خوفا عليها من الصدمة ولان وضع "لوهان" غير مستقر ,, استمرت "يومي" يوميا الذهاب الى المستشفي ل الاطمئنان ع حاله "لوهان"مع استمرار الغيبوبه ,, مر 10 ايام وكانت "يومي" فى غرفه "لوهان" نايمه ع حرف السرير فتح "لوهان" عينيه وابتدي يحرك جسمه شعرت به "يومي" وبسعاده :
_ لوهان .. انت كويس ..
بملامح اندهاش : انتي مين ؟
 اتفاجئت "يومي" لعدم معرفته لها :
_ لوهان .. انا "يومي " ..
_ لوهان .. مين "لوهان" ؟! انا فين وانتي مين ؟!
دخل الطبيب والممرضات واعطاه حقنه مهدئه وتحدثت "يومي" مذعورة عن ما حدث وطلب اجراء اشاعه ع الراس ,, وبعد فحص الاشاعه تبين تعرضه ل اصابة بالغه فى الراس ادت  لفقدان ذاكره كلي :
_ يعني ايه ..؟
_ يعنى هو حاليا غير متذكر اى شئ من الماضي ولا اشخاص ولا اسمه ,, وحقيقي هو محظوظ لوجودك معاه لانك انتي الوحيده اللى عارفاه وهتكوني اكبر عامل مساعد انه يتعرف عن نفسه وحياته ..
_ مش فاهمه ..؟
_ "لوهان" حاليا صفحه بيضاء زى الطفل حديث الولاده مفيش ذكريات ولا احداث فى حياته ف بالتالي انتي هتساعديه ع تكوين واسترجاع  الذكريات وتعريفه ع نفسه لكن
_ لكن ايه ..؟
_ مش بالضغط والاجبار لانه لو حاول يفتكر بالاجبار هيضغط على نفسه ودا هيسبب ضرر اكبر لان الخبطه  مأثره فى مكان حساس ومعرض لدخول فى غيبوبه اطول  ,,ف هو  افتكر لوحده مفيش مشاكل مقدرش يفتكر  يبقي هيعيش الحاضر وانتي هتكوني دليله وهو هيتبعك بما انك عارفاه  ,,
سكتت "يومي " من هول الصدمة واتجهت لغرفه "لوهان" وهو نايم  وحديث الطبيب بيردد ع مسامعها ,,, تاني يوم كان صاحي دخلت "يومي" الغرفه ومعاها بوكيه ورد وب ابتسامة  :
_ صباح الخير ..
 مفيش اجابه ..: اليوم انهارده جميل ,, فطرت ؟
_ انتي مين ؟
_ نسيت امبارح كنت هنا وقولتلك اسمي "يومي"
_انتي تعرفيني ..؟
_ جدااا
_ انا مين ..؟
_ لوهان ..
_ لوهان ..؟
_ ايوه اسمك لوهان ..
_ علاقتنا ايه ببعض  ؟!
سكتت "يومي" لحظات : انا .. انا .. اقرب شخص لك  ؟
_ اقرب شخص ليا ..؟
_ ايوه .. انا هبقي اجبلك كل الصوره اللى احنا مع بعض ومع الوقت هتعرف كل حاجه
_ يعني انتي عارفنى من زمان
ضحكت"يومي": من واحنا صغيرين ,,اطمن انت مش لوحدك انا معاك ومش هسيبك ..
 كان "لوهان" مسيطره عليه ملامح رعب وخوف من مجهول شخص فاقد القدره التعرف ع نفسه ,, شعر بوود "يومي" كطوق نجاه يساعده ع حالته ,, فى خلال مده اقامته للعلاج  فى المستشفي احضرت "يومي" صورهم مع بعض القديمة  وبعض تسجيلات الفيديو ل اقناعه بعلاقتهم المقربة  واتفاجئ "لوهان" ولم يوجد امامه غير انه يصدق جميع الادله ان بينهم ارتباط  ,,
فى منزل "يومي" فى ايطاليا مع احدي اصدقائها  :
_ انا عاوزه فى خلال يومين الورق دا يخلص ورق لوهان وورق سفري
_ متقلقيش الفلوس بتخلص كل حاجه بسرعه ,, انتي كنتى استقريتي فى ايطاليا وهتتنقلي ل "كندا"
_ ايوه هسافر لكن الظروف الحالية هأجل السفر شويا ,, اطمن ع "لوهان" وضعه يستقر ,,
_ مبلغتيش حد من اهله ؟
_  لا لسه مش عارفه ابلغهم اقولهم ايه ولا "ريم" هتستوعب فقدانه للذاكرة دا ازاى ,,
_هو عامل معاكي ايه دلواقتي ..؟
ابتسامه:اممم حسيت اننا رجعنا زمان لما كنا انا وهو بس لو اتاخرت عنه يقلق ومبياكلش غير معايا
_ انا لو مكانك مش هقولهم حاجه ..؟
_  ازاى ؟
_ يعني القدر باعتلك فرصة ذهبية مع لوهان  استغليها
_ مش فاهمه تقصدي ايه واستغل ايه بقولك فاقد للذاكرة ..
_ هى دى الفرصة ..  مش دا "لوهان" حب عمرك كله اللى لا عارفه تحبي ولا ترتبطي بغيره ,, جالك صفحه بيضا لونيها انتي بوجودك ,, املي حياته كوني انتي حياته ,,وانتي لسه قايله حاسه انكم قريبين لبعض زى زمان  هو كده كده غير متذكر اى شخص ولا اى ذكري ,, فرصه استغليها وكوني انتي كل الاشخاص اللى عاوزهم وكل ذكرياته  ,, صديقته وحبيبته ومراته
_ مراته ..؟
_ ايوه .. مش كان دا هيحصل  قبل ما يعرف "ريم" ,, اهى هى اخدت فرصتها ودا وقت فرصتك
_ يعني ..
_ يعني اجهزلك ورق السفر ليكي و ل "لوهان"ع "كندا" عيشي واستقري هناك معاه هو ميعرفش دلواقتي غيرك انتي سافروا  وابدؤا حياتكم مع بعض وانسي "ريم" ,, لانه كده كده مش فاكرها ولو رجع ليها فى الوضع الحالي  مش هيفتكرها وهتعاني ,, ف ليه ؟! ,, متبلغيش اى حد ب اى حاجه وسافري وعيشي الحياه اللى عشتي بتحلمي بيها ..
الكلام اقنع "يومي":  لكن هما اكيد بيدورو عليه انا عارفه كده ..
_ بسيطه ,, مبلغ صغير لناس اعرفهم هيظبطولك الحكايه وهيبقي "لوهان" بالنسبالهم متوفي وبالنسبالك بدايه حياه جديده معاه وهو مقرب ليكي الفتره دى لانك انتي الوحيده اللى عارفاه ,, الفرص مبتتكررش يا "يومي" ...
الفكره شغلت تفكير "يومي " واقتنعت بالاخص ان حاله "لوهان" ورجوعه الذاكره نسبه حدوثها ضعيفه جداا ,, وفعلا بدأت فى تنفيذ المخطط ودفعت المبلغ وسافرت هى و"لوهان" ع "كندا" ل بدء حياتهم من جديد وتمت الخطه ووصل الخبر ل "ريم" ان "لوهان" اتوفي نتيجه حادث اعتداء وتم القاءه فى البحر ..!
فى كندا رغم قرب "يومي" ل "لوهان" الا ان  "لوهان" كان دائما يشعر ب غربه وغير مطمئن والافتقاد لشئ لا يعلم ماهيته  رغم ان جميع الدلائل بتؤكد علاقته ب "يومي" وبظهور مستر "بارك" والد "لوهان" وبعض الاصدقاء كانو فى الصور معاه تم تأكيد علاقته ب "يومي" ,,ومع الاتفاق مع "يومي" حذرتهم من ذكر "ريم" او اى حدث من الماضي ,, وكان خبر ارتباطه ب "يومي" رسمي من اسعد الاخبار لدى "يومي" ومستر "بارك" ,,, تمت الخطوبه ثم بعدها بفتره قليله تم زواج "لوهان" و"يومي" ,,,
*باك بعد سنتين *
_ داخل ..
نظر حواليه ب استغراب ودخل :
_ حبيبي الجو برد  ..
_ انتى قولتي  اسمي من شويا
_ ايوه لما رديت ..
_ لا قبلها ..؟
_ لا محصلش هى مره واحده ..
_ متاكده ..
_ فى حاجه يا "لوهان" ؟
_ لا "يومي" مفيش ..
_ طيب يلا ننام علشان بكره عندك ميعاد مع مهندسه الديكور للكافيه ,,"جيمس" قال انها ممتازه وشغلها فعلا جميل لما شوفت الصور  وانا هخلص شغلي وهحصلك ع المكان (حضنته) عاوزاك تعمل اللى انت عاوزه فى الكافية دا
_ اوكيه ...

تاني يوم وصل "امير" "ريم" للمكان وفجاءه شعرت بتردد فى النزول :
_ فى حاجه يا "ريم"  انزل معاكي ..؟
_ مش مستهله انا جيت اعاين المكان واعرف هما عاوزين ايه وخلاص
_ انا عندي ميتنج قريب من هنا هخلصه وهرجع اخدك للبيت ناخد جنه ونخرج انا وعدتها
_ تمام .. وانا هكون فى انتظارك ..
_ لو فى اى حاجه كلميني اتفقنا ..
_ متقلقش يا "امير" .. روح انت ميعادك ..
 نزلت "ريم" من السيارة واتجهت للمكان بخطوات بطيئه وشعور بالتوتر تملكها ونبضات قلبها المسرعه  ودخلت الكافيه وابتدت تتمعن النظر فى المكان لتكوين رأي لمشاركته مع مالك المكان ,, بعد فتره بخطوات هادئه اقترب منها شخص تحدث بالانجليزيه :
_ مساء الخير ..
للحظه تفاجئت "ريم" من نبره الصوت المالوفه ومردتش ,,  تقدم خطوتين وكرر كلامه بنبره صوت اعلي :
_ مساء الخير ..
التفتت "ريم" وهى فى حاله مفاجئه لمصدر الصوت واتفاجئت :
_ لوهان ..
 رد فعل "ريم" ونظراتها الى "لوهان" شعرته بالريبه :
_ حضرتك مهندسه الديكور ..
حركت راسها بدون كلام ومد ايده : لوهان ..
فى حاله صدمة تراجعت خطوتين والتاب سقط ع الارض ونظرت الى يده معتقده انها بتتخيل وجوده ,, ببطئ قربت يديها لملامسته لتتاكد من وجوده ولمست يديها يداه وفجاءه انهمرت دموعها وتفاجئ "لوهان" من رد فعلها ودموعها :
_ انتي بخير .. فى حاجه ؟
_ لوهان .. لوهان انت موجود حقيقي ,, انت موجود انا كنت صح
 نظر حوله ب اندهاش : بتكلميني انا ..؟!
ب هيستريه اقتربت منه ومسكت يداه الاثنين ودموعها تتساقط:
_ كنت فين كل الفتره دى . انا استنيتك كتير ,,انت كويس انت بخير وحشتني انا و"جنه" انا كنت بستناك كل ليله وكل لحظه و ..
 بعد عنها "لوهان" واتفاجئت "ريم" من رد فعله وبعده عنها :
_ لوهان ..
_ هو انا اعرفك وانتي تعرفيني ..
_ انت مش عارفني انا مين .؟
_  اول مره اقابلك,, انتي  مهندسه الديكور اللى هتصممي ديكور الكافيه دا اللى اعرفه حتي معرفش اسمك ايه ..
اتفاجئت :  مش عارفني ..
_ لا ,,
 تفاجئت "ريم" بملامح الجديه وبعد "لوهان" عنها بخطوات وشعرت للحظه انه شخص تاني غريب ,, وهما واقفين اقتربت فتاه :
_ مستر "لوهان" ,, مسسز لوهان فى الطريق
_اوكيه ..
_ مسسز لوهان ,, انت متجوز ..؟
بملامح استغراب :  ايوه متجوز ..؟
_ انت بجد  مش فاكرني ..؟
_ لا ..
 حاولت "ريم" تتماسك وتستوعب الموقف لكن الموقف  كان اكبر من استيعابها ,, فقدت تماسكها  وسقطت فى حاله اغماء ولحقها "لوهان" بين ذراعيه وحملها من ع الارض ووضعها ع اريكه موجوده وبسرعه طلب دكتور ليها ,,, وصل "امير" للمكان ل اصتحاب  "ريم" شعر بقلق لعدم ردها ع موابيلها  فقرر يدخل ليها   وفى لحظه دخوله وهو بيتحدث عن الهاتف تصادم مع "يومي" وهى داخله المكان وبتتحدث فى الهاتف والاتنين تفاجئوا من وجودهم فى المكان :
_ يومي ..
_ امير ..
_ عامله ايه  ,, اخر مره شوفتك من سنتين ونص فى عيد ميلاد لوهان ؟
_ ها ... اه شغل واشغال ..
_ انتي هنا بتعملي ايه ..؟
_ انت هنا بتعمل ايه ..؟
_ انا جيت اخد "ريم" ,,هى جوه ..
انصدمت "يومي": ريم ..؟
_ ايوه ماهي اللى هتصمم ديكور الداخلي لكافيه اللى هناك دا ,,هتفرح لما تشوفك تعالي .
 قاطعت "يومي" حديث "امير" وبخطوات سريعه اتجهت للكافيه وكانت ملامحها مضطربه ولاحظ "امير" اتجاهها مسرعه لمكان اللى فيه "ريم" ,,وصلوا "امير " و"يومي" للمكان ودخلت "يومي" وجدت "ريم" نايمه ع الاريكه و"لوهان" جالس بجانبها ينظر اليها ب استغراب ,, وصل "امير" ووجهه كلامه ل "يومي" ونظر لوضع "ريم" وتفاجئ واتجه اتجاهها :
_ ريم . ريم ..
 سمع صوت من خلفه بيطمنه : هى كويسه هتقوم  بعد شويا ..
 اتفاجئ "امير" من نبره الصوت والتفت للشخص وكان "لوهان" :
_ لوهان ..
 بملامح جاده وجاهله التعارف ع "امير" :
_ انت زوجها .. متقلقش هى كويسه الدكتور طمنا ..
 لاحظ "لوهان" وقوف "يومي" وملامحها المضطربه اتجه اليها ومسك يديها :
_ مالك .. فى حاجه ملامحك متغيره ..
_ ها .. لا لا مفيش .
حضنها "لوهان"بحب وود مقرب  واتفاجئ "امير" من رد فعل "لوهان"  اتجاهه وعدم التعرف عليه وتجاهله ل "ريم" وتصرفاته الغير مكترثه لوجود  ريم ,,, طلبت "يومي" التحدث مع "امير" بعيد :
_ انا مش فاهم حاجه فى ايه ..؟
_ اهدي يا "امير" انا هفهمك ع كل حاجه ..
 وابتدت "يومي" تروي ل "امير" عن حاله فقدان الذاكره وحاله "لوهان" .. وبملامح صدمه :
_ فقدان ذاكره كلي ...!
_ لوهان مش فاكر اى حاجه من الماضي لا احداث ولا اشخاص ولولا انا كنت قريبه كان هيختفي فعلا
_ مقولتيش لينا ,, مبلغتناش ليه ..؟!
_انا كنت هقولكم لكن بعد ما يتحسن لكن  وضع "لوهان" الصحي كان غير مستقر الخبطه مأثره فى مكان اى ضغط نفسي  ولو بسيط هياثر عليه وانا محبتش اجازف بروحه ..
_ وريم .. مفكرتيش ف "ريم"وحالتها بعده كانت عامله ازاى .. وبنته  دول اهم ناس لازم يكونوا معاه فى حالته دي ..!
_" امير"  انت لو كنت مكاني كنت هتحط "ريم" ومصلحتها وصحتها قبل اى حاجه فى الدنيا قبل نفسك ,, انا مغلطتش علشان حميت حياته وساعدته يستقر نفسيا بعيد عن اى ضغوطات و ..
_ يومي ..
_ امير ..انا القدر بعتلي فرصه من غير ما اخطط ليها وكنت ابقي غبيه لو ضيعتها ..
_ لدرجة دى منستيش رغبتك فى امتلاك "لوهان" بعد ما اتاكدتي انه ل "ريم" ,,بس اقولك  انتى فعلا غبيه لان القدر اللى بيبعتلك الفرص بيبعتها لغيرك ,,انتي اخدتيه وبعدتي لمكان بعيد  لكن من غير ترتيب القدر نفسه خلاه  يقابلها تاني ..
_ لكن ميعرفهاش .. ولا هيفتكرها ,,
حاولت "يومي" تستغل مشاعر "امير" اتجاه "ريم ":
_ امير .. الفرصه قدامنا نحقق اللى مقدرناش نحققه زمان ,,انا مطلبتش من لوهان يفقد الذاكرة ولا طلبت منه يتجوزني هو اللى طلب الجواز ,, وواضح علاقتك ب ريم بقت اقرب الصح اننا نستغل الفرصه لصالحنا ونعيش مع اللى بنحبهم ,,
_ واللى هما بيحبوهم ,,هنغير قلوبهم ازاى ..؟
_ انا بقولك هو مش عارفها ولا فاكرها و..
قاطعها : هيعرفها .. هيعرفها يا "يومي" ..
_ وانا مش هسمح ل اى اذي يحصله ,, وللعلم لو فكرت تتصرف تصرف بطولي انت اللى هتخسر لان اى تصرف منك فى الوضع الحالي "ريم" مش هتسامحك عليه لانه هيضر "لوهان" ...
بملامح غضب اتجه للمكان وحمل "ريم" واتجه لعربيته واتحرك للبيت ووقف "لوهان" بذهول للموقف  واقتربت "يومي" واحتضنته :
_ باين كان يوم صعب ,, يلا هنتاخر ع ميعادنا ..
_ اوكيه .. اوكيه ..
رجع "امير" للبيت وجلس بجوار "ريم" وفى حاله اضطراب وتوتر من كلام "يومي" وان "لوهان" غير متذكرها ,, فتحت عينيها "ريم":
_ لوهان ..
_ ريم انتي كويسه ..؟
_امير .. انا شوفت "لوهان" ولمسته
_ اهدي بس ..
_ لكن معرفنيش انكر معرفته بيا يا "امير" ..
 مسك ايديها وطبطب : ريم اهدي علشان تعرفي كل حاجه ,,
 اتكلم "امير" مع "ريم" وفى حضور "مريم" وادمز" وكانت المفاجئه كالصاعقه ( لوهان فقد الذاكره)  واتصلت "يومي" وطلبت تزورهم فى منزل "مريم" واستقبلتها "مريم" وكانت  نظرات "ريم" حادة وحزينه :
_ انا عارفه بتفكري فى ايه يا "ريم" دلواقتي ,, انا لو مكانك هفكر زيك ..
بنبره عصبيه اتحدثت "مريم": ايه الهدوء اللى انتي فيه دا .. انتي متخيله انك عملتي جريمة ..
استمر صمت "ريم" واستكمل "امير" :
_ مريم بعد اذنك ,, "يومي" انتى جيتي ليه ؟
_ انا جيت علشان افهم "ريم" انا ليه عملت كده ,, هى لو مكاني كانت هتعمل كده ل اكتر انسان حبيته فى الدنيا ,,انا كبرت ومش شايفه غير "لوهان" ,, وقت ما كنت احتاج حد هو اللى بيكون ماددلي ايده ,, كان اهلي واصدقائي وكل دنيتي ,, انا زى ما قولت ل "امير" انا مرتبتش اى حاجه من اللى حصلت لكن مكنش فى عندي اختيار قررت احميه ,, كلكم بتقولوا ليه مقولتش ليكم لما عرفت انه فقد ذاكرته ودا لان  وجود اشخاص كتير حواليه كان هيحطه تحت ضغط وهياثر عليه وهيدخل فى غيبوبه تانيه ومش هيصحي ,,, كنتي هتقبلي بموته يا "ريم " ..؟
ريم  ساكته و"امير" وجه حديثه ل "يومي":
_ ريم ..
 قاطعته "ريم": انا لو مكانك استحاله اسرق حياه شخص لسنتين وانا عارفه ان فى شخص تاني بيموت وعاوز اى خبر يطمنه  ,, انا لو مكانك عمري ما هفكر فى نفسي وانانيتي وطمعي بس ,, انا لو مكانك مش هسرق حب عمر ولا اب من بنته وتحرميها منه وهو عايش ,, انتي عمرك ما حسيتي ولا هتحسي باللى حسيت به وعشته وعانيت منه السنتين اللى فاتومن وجع والالم وعذاب  ,, الكل اجمع وبالادله انه مات لكن انا مصدقتش لانى كنت واثقه انه موجود فى مكان وهقابله ,, انا مش مسامحاكي يا "يومي" انا كان ممكن اغفرلك اى خطا لكن اللى عملتيه المرادي لا ..
_ ريم ارجوكي افهميني ..
_ "لوهان" هيفتكر وهيفتكرنا وهيرجعلنا مهما عملتي ..
_ انا كنت عارفه مهما قولت مش هتسمعيلي لكن انا جيت هنا علشان  وقبل ما تتصرفوا تصرف هتندموا عليه هبعتلك ع الايميل كل التقارير الطبيه ل حاله "لوهان" والتحذيرات واعرضوها ع اى دكتور فى العالم وعنوان المستشفي فى ايطاليا  وانا هحدد موعد تقابلوا الدكتور المتابع لحالته وبعدها ابقوا قرروا تجازفوا بحياته ولا تحافظوا عليها ..
 استأذنت "يومي" ومشيت  واتجهت "ريم" لغرفه "جنه" وبتبكي وحضنتها ,,
 ارسلت "يومي" الملفات وابتدا "امير" يرسلها لجميع المستشفيات وعرضها ع اكبر الاطباء وكان التشخيص واحد وتم تحديد موعد لطبيب المعالج للوهان وكان ملخص كلامه ( حاله فقدان ذاكره كلي نتيجه اصابه خطيرة فى الراس واى ضغط نفسي ع المريض هيسبب اذي وغيبوبه مش هيقدر يقوم منها ) كان الكلام صادم لكلا من "ريم" و"امير" ورجعت "ريم" البيت واتجهت لغرفتها ورفضت تتكلم مع اى شخص ,, مر يومين "ريم " فى غرفتها رافضه تتكلم وفضلت عزلتها ,, قلق "امير" عليها و طلب يتكلم معاها:
_ انا هحجز تذاكر ونرجع "لندن" انهارده ..
_ ليه ..؟!
_ ليه ؟!  لان خلاص انا خلصت شغلي وانتى كمان ..
_ ولوهان ..؟
_ ريم انتي سمعتي كلام الدكتور قال ايه ووجودك معاه عذاب ليكي لانه مش فاكر اى حاجه ..
_انا مش هرجع "لندن" لان عندي شغل لسه مخلصش ..
_ شغل ايه ؟
_ الكافيه ..
_ ريم ..
_ انا لو كنت فى وضع "لوهان" مكنش هيتقبل الواقع ويستسلم لكلام دكاتره جاهلين ان فى لحظه حاجات كتير بتتغير ,, كان هيفضل معايا ومتمسك بيا ل اخر لحظه حتى لو مش فاكراه  ,, كان هيحارب زى ما طول عمره حارب علشاني ,, انا دلواقتي  دوري احارب علشانه انا مش هسيبه و"يومي" تنتصر عليا ببساطه ,, "لوهان" مش عاوز كده هو عاوز يرجع لحياته ولبينته ومش عارف وانا هرجعه  ..
_ ريم انتي اللى بتقولي عليه دا شبه مستحيل ..
_ مفيش مستحيل وربنا موجود ,, اللى جمعنا انا من الشرق وهو من الغرب ورغم اليقين انه مات وخلاني اجى هنا واشوفه دا يقولي مفيش مستحيل ,, انا مش هرجع "لندن" انا هكمل شغلي فى الكافيه وهكون معاه ..
_ لكن ..
_ متتقلقش مفيش حد هيخاف عليه ولا ان اى اذي يحصله اكتر مني .. لكن انا واثقه فيه واثقه فى حبنا
لاحظ "امير" اصرار "ريم" :
_ واضح ان انتي قررتي ومهما قولت مفيش حاجه هتتغير  وكالعادة انا معاكي فى اى قرار واى خطوة..
ابتسمت "ريم" ,,, كانت "يومي" طلبت شخص اخر يتولي ديكور الكافيه اعتقادا ان "ريم" استسلمت وهترجع لندن  ,, فى يوم استيقظت "ريم" باكرا واستعدت للذهاب الى العمل :
_ صباح الخير ..
_ صباح الخير يا "روما" ..
لاحظوا  ابتسامتها وتناولها الطعام بشراهه ..نظرت "مريم" ل ادمز ونظر ادمز ل "امير ":
_ ريم براحه مفيش حد بيجري وراكي ..
_ متاخره جداا يا " مريم" ونمت من غير عشا وبصراحه الفطار يشهي جدا تسلم ايديكي ..
_ ريم انتي كويسه ..؟
_ جداا يا ادمز " ,, انا مش هتاخر انهارده هتكون معاينه للمكان واحدد اللى عاوزه علشان نبدء ,, ارجع ناخد البنات ونتغدا كلنا برا تمام ..
_ تمام ..
_هتوصلني يا "امير" ولا اطلب عربيه ...؟
_ لا هوصلك فى طريقي يلا انا خلصت فطار ..
_ باى ..
بملامح قلق نظرت "مريم" ل "ادمز":
_ "ادمز"  هى ريم كويسه ..؟
_ مش عارف ..

 فى الطريق مسكت الهاند فري وشغلت ميوزك وابتدت تدندن معاها ولاحظ "امير" التغير المفاجئ ولاحظت "ريم" نظراته  شالت الهاند فري :
_ مالك بتبصلي كده ليه ؟
_ انتى كويسه ..
 ب ابتسامه : جداااا زى ماانت شايف ..
_ ريم انا بتكلم بجد بعيد عن ابتسامتك اللى مداريه وراها احساسك الحقيقي ..
سكتت "ريم" وركن "امير" العربيه :
_ ريم .. متضغطيش ع نفسك فى اى حاجه بلاش الشغل دا .. مش عاوزه ترجعي لندن" اوكيه هنقعد هنا لكن بلاش الشغل ..
_ واكون معاه ازاى ..؟! هكون معاه ازاى وقريبه منه بالوضع اللى هو فيه ,,الشغل دا الوسيله والمكان الوحيد اللى هيجمعني معاه واشوفه  ,, مش هينفع اسيب الشغل هكمل ..
_ ريم ..
_ انا منكرش خايفه ومتوتره وفكره انه هيكون قدامي ومش عارفني وجعاني لكن مفيش سبيل للرجوع ولا الهروب ,, دايما كان بيقولي نواجهه خوفنا لان الهروب والاستسلام مش حل ,, انا مش ههرب ولا استسلم وهحارب علشانا هحارب علشان بنتا "جنه" يرجعلها ...
_انا خايف عليكي ..!
_ متخفش ..اللى مر على حياتي كلها مكنش سهل والنتيجه زى ماانت شايف قدامك ..
_ ريم رغم اعتراض الكل انا معاكي فى اى قرار وهساندك دايما
_ عارفه وبجد يا امير وجودك فارق جدا فى حياتي ..
_ ممكن توعديني وعد ..
_ اكيد..
_ لما تحسي انك مش قادره ومحصلش اللى انتي عاوزاه  تبعدي من غير مقاوحه متضغطيش ع نفسك
اتنهدت "ريم": هحاول ..
_ لا اوعديني ان لو جه الوقت وتعبتي من محاولاتك تستسلمي وتبعدي علشان "جنه" متخسرش اب وام كمان وهى محتجالك اكتر دلواقتي  ..
_ اوعدك ... يلا بقي هتاخر ..
_ تمام ..
 وصلوا للمكان وظهرت ملامح قلق واضطراب ع ريم وتوتر ,,حاول "امير" يخرجها من توترها :
_ روما ..
_ ايوه ..
_ فين ابتسامتك الحلوه .. ابتسامه ,, اراده . قوه
_ حياه
_ ايوه كده نبدء اليوم ومتخافيش انا معاكي انتي مش لوحدك ..
 ابتسمت "ريم" ونزلت من العربيه  ونظرت للمكان وللسما وتنفست نفس عميق وبخطوات واثقه اتجهت للداخل وكانت "يومي" موجوده فى انتظار  الشخص الجديد :
_ صباح الخير
 نظرت ب ابتسامه ثم اتفاجئت: ريم ..
_ اسفه جدا ع تاخيري هما 10 دقائق الطريق وكده ..
_ انتي بتعملي ايه هنا ..؟
 بخطوات ونبره واثقه : بعمل ايه هنا ؟!  شغل انتي نسيتي انا المسئوله عن تصميم الديكور الداخلي للمكان هنا ..
_ لكن انا طلبت شخص تاني من الشركه ..
_  هما قالولي  ع اساس انا اعتذرت لكن انا بلغتهم هكمل عادي  ..
_ انا مش هسمح لشخص من بره الشركه يكون هنا ..
 مسكت كارت : نسيت اقولك انا اتوظفت هناك يعني وجودي هنا رسمي بدون اى جماليات ..
اتفاجئت "يومي" وقربت منها "ريم" وهمست لها  :
_ انتي خايفه من ايه ..؟
_ لا مش خايفه وهخاف ليه ..
_ هو دا .. هتخافي من ايه دى حياتك وهو زوجك ومش فاكر غيرك , ولا انا وجودي هيأثر ..؟!
بملامح مضطربه: هياثر ع ايه .. اللى بينا صعب حد يأثر عليه ؟
_ اكيد .. تسمحيلي ابدء شغلي ..
 اتحركت "يومي" خطوات ورجعت :
_ ريم ..
_ ايوه ..
_ فتره شغلك ياريت تمر بسلام لان انتي عارفه اى تصرف ولو بسيط اللى هيتأذي "لوهان" مش انا
تحذير "يومي" كان بيوجع "ريم" لانها عارفه :
_ متقلقيش انا مجتش علشان ااذيه ولا ااذيكي ,, القدر كتب انك تكوني فى عينه لكن انا واثقه ان انا فى قلبه ,, قدام الناس بالادله اللى وريتهاله انتى حياته لكن انا حياته الحقيقيه ,, القدر بيختبرني وانا قبلت الاختبار والنتيجه موافقه عليها مقدما مهما كانت ,, متقلقيش مني وثقي فى نفسك وفى حبك ..  اوعدك اخلص الشغل هنا وهرجع لندن,, لو مكتوب انا اعيش من غيره  ع الاقل اسمحيلي بالوقت القصير دا ك اعتذار منك  ع اللى عملتيه  ..!
 التفت "ريم" للمكان ومسكت التاب وابتدت شغلها ... وخرجت "يومي" ,, بعد ساعه ونص انهت "ريم" من معاينتها لكل مكان وقبل انصرفها شعرت بدقات قلبها تتزايد فى لحظه دخول لوهان المكان التفتت اتجاه الباب ولمحت دخوله وابتسمت ,, اقترب منها خطوات  وبطريقه رسميه :
_انا عرفت منهم انك انتى هنا ..انتى احسن دلواقتي ؟
_  احسن ..
_ اخر مره كنتي ..
_ انا بعتذر ع اخر مره اول لقائنا وتصرفي لكن انا عندى ظروف ومريت بفتره غير لطيفه وبكرر اسفي لو سببت اى ازعاج ..
_ لا ابداا المهم انك بخير ..
ابتسمت "ريم": ميرسي
_ اى حاجه تحتاجيها هنا عرفيني انا كتبت اللى محتاجه ..
_ تمام وانا هبدا الشغل قريب ..
_ جميل ..
 مدت ايديها وب ابتسامه : ريم .. اسمي ريم
مد ايده وابتسم : لوهان .. اسمي "لوهان " ...

يتبع ,, 

لقاء مستحيل (21)

,, بنقابل فى حياتنا اشخاص  بيكونوا لحظه فى حياتنا ,,لحظه بتعلمنا وبتمهدلنا  لمقابله اشخاص تانين وغيرهم وغيرهم وبيختفوا بلا راجعه ,,ووسط القاءات المتعدده بنقابل اشخاص  نفتكر انها علاقه وقتية هتاخد فترتها الزمنية وتمر زى اللى سبقها  لكن بنتفاجئ  بتعمق علاقتنا معاهم وتتندمج مشاعرنا لدرجة صعب الانفصال والتمييز وبيكونوا هما احنا لكن فى هيئه تانيه ,, فبنردد سؤال بيحيرنا  ازاى بقينا كده ؟!رغم انه منطقيا وعقليا وكلام اللى حوالينا انه مستحيل نكون مع بعض ,, القدرهنا بيجاوب ع سؤالنا وبيوضع حد لحيرتنا فبيقرر انه يختبر العلاقة والنتيجة هى الاجابه  ب انها  علاقة  مؤقتة ولا علاقة ابدية؟!  و انه فعلا رغم الاختلافات مستحيل لقائنا ولا كلمه مستحيل ملغيه من قاموس قدرنا  ..!! "
 
(21)

 استقرت حياة "ريم" و"لوهان" مع ابنتهم "جنه" لمده عامين ,, حياه هادئه بسيطه  مليئه بسعاده وحب ,, استكمل "لوهان" عمله فى شركته وتوسعت بمساعده شريكة "ادوار" ولكن رغم انشغاله لم يقصر اتجاه عائلته من الاهتمام والرعاية ,, واستقر الوضع الصحي والنفسي ل "ريم" ,,وجود "جنه" فى حياه "ريم" شغل وقتها ولكنها مازالت تفضل الانعزال فى البيت ورفض لحضور اغلب التجمعات والحفلات  ومحيط اصدقائها عدد قليل جدااا ,, وكانت دائما تفضل البقاء فى المنزل برفقه "جنه" و "لوهان" ,, كانت "ريم" وقت فراغها تتصفح كالعادة الانترنت فجذب اهتمامها  المواضيع ذات صله بالديكور وبدأت البحث  للمعرفة والتعمق فى مجال الديكور  ,, ومع تعمقها ساعدت بعض اصدقائها فى ديكور منازلهم او مكاتب عملهم ,, لاحظ "لوهان" اهتمامها بكل شئ يخص الديكور وردود الفعل كانت ايجابية جدااا ,,
فى يوم "ريم" جالسة امام اللاب توب اقترب منها "لوهان" واحتضنها من الخلف ووضع قبله ع خديها :
ابتسمت "ريم" :
_ لوهان ..
_ بتعملي ايه ..؟
_ كنت بشوف حاجات اونلاين ,, 10 دقائق والعشا هيكون جاهز
_ جنه نايمه .؟
_ بعد ما تعبتني ,, غير هدومك هيكون العشاء جاهز ..
_ تمام ..
جلسوا ع مائدة الطعام :
_ها قوليلي يومك كان عامل ازاى ..؟
_ لا ابدا مع جنه وشويا ع اللاب توب  وانت ..؟
_ شغل ,, "ادوار" سافر والشغل كله عليا لوحدى قمه الارهاق ..
وضعت يديها ع يده : انت قدها ..
 امسك يديها ووضع قبله فى كف يديها : طول ماانتي معايا ..
ابتسمت "ريم": ايه رأيك فى الاكل .؟
_ مش محتاج رأي روعة ..
_ ميرسي .. بعد ما نخلص اكل ترتاح وبلاش سهر ..
_ لا طبعا هسهر ..
_ شغل ..؟
_ لا معاكي .. انتي ناسية اننا اتفقنا نسهر انهاردة نتفرج ع فيلم مع بعض ولا انتى رجعتي فى كلامك ..
_ لا طبعا بس باين عليك الارهاق فممكن نخليها وقت تاني ..
_ لا طبعا هنتفرج مع بعض ع الفيلم انا وعدتك  ..
 انهوا العشاء وتوجهوا اللى الليفنج روم وتم تشغيل الفيلم وكانت "ريم" فى حضن "لوهان" وبيشاهدوا الفيلم سويا .. واثناء مشاهدة الفيلم غفلت "ريم" ونامت كالطفل بين احضانه ,, ابتسم وبهدوء حملها بين ذراعيه واتجه لغرفه النوم ووضعها ع السرير ووضع قبله ع راسها وخرج من الغرفه توجه لغرفه "جنة" كانت مستيقظه جلس بجوارها وداعبها لبعض الوقت حتى خلدت للنوم ,, خرج واتجه الى الليفنج روم يغلق الانوار ولمح للاب توب "ريم" وفتح الشاشه وراي بعض صور لرسومات ديكور ,,تاني يوم ع الفطار :
_ "ريم" ..
_ ايوه ..
_  عندي اقتراح ليكي بما انك اغلب الوقت فى البيت وانا اوقات برجع متاخر ,, ايه رأيك تشغلي وقتك ؟
_ ما انا شغلاه فعلا .. "جنه" وانت ,,هشغله ب ايه تاني ..؟
_  بشغل ,, هو انتي لسه مفكرتيش تشتغلي ولا انتي رافضه الفكرة ..؟
_ لا مش رفض بمعني الرفض بس اشتغل ايه انا معرفش اى حاجه  ؟
_ ايه رأيك تيجي الشركة معايا ,, هنكون مع بعض طول الوقت ..
ضحكت: لا كده هتزهق  وانا بحب اوحشك علشان ترجعلنا البيت بسرعه
  _حتى وانتوا قدامى بتوحشوني ..
_ وانت كمان ..
_ لكن انا بتكلم بجد ,, ايه رايك اجهزلك مكتب فى الشركة و ..
قاطعته: لا لا لا ,, اولا انا مبفهمش فى شغلك حتي لو شرحتهولي ,, ثانيا انا مبحبش شغل البيزنس والاعمال دا بيرعبني ,, ثالثا انا عندي الشركه اللى مع "امير" وعاملاله توكيل يتكفل بكل حاجه كنت اشتغلت معاه لو كنت احب ..
_ طيب بلاش شغل البيزنس دا ,, انتي عاوزة تعملي ايه؟! مفكرتيش فى مره تشتغلي ؟ ايه الحاجه اللى بتحبيها وتحبي تعمليها ؟
_ امممم ,, اكتر حاجه عملتها درست لغات اون لاين لان دا كان المتاح قدامي وقتها ومؤخرا شد انتباهي الديكور بس كهواية يعني ..!
_ طب ايه رأيك الهواية نحولها ل شغل ,, انتي ساعدتي كذا حد فى ديكور بيوتهم ومكاتبهم واخر حاجه محل زهور "ماريا" ,,
 اتفاجئت " ريم": شغل ..؟!
_ ايوه
_ لا دى هواية والشغل محتاج دراسة وانا مدرستش ديكور  ..!
_ انتي شاطره ومجتهده ولو ع الدراسة  فى كورسس كتير شهادتها بتعادل شهادة الخريجين وانتي عندك خلفية من فتره فهيكون الطريق سهل ليكي ,,و اى شركة هتوظفك بسهوله ,, وانا ممكن اساعدك لو تحبي ,,
سكتت "ريم" لحظات :انت بتتكلم بجد ..
_ جدااا
_  لالا.. و"جنه" مينفعش اسيبها لوحدها ..
مسك ايديها وطمنها : مش هتسبيها لوحدها ,, المربيه موجوده وانا موجود ,, والكورس يومين فى الاسبوع لمده ساعتين والباقي اونلاين فى البيت ,, جربي لو مرتحتيش متكمليش بس لانك بتحبي الديكور اعتقد انك هتكملي الكورس ,,
_ انت دورت وعرفت الايام والساعات ..؟
_ بصراحة ايوه ..ومتوقف ع الحجز فى حال موافقتك ,, ها احجز ..؟
بملامح تردد : مش عارفه انا ..
_ يبقي هحجز وهتبتدي من الاسبوع الجاي (وضع قبله ع خدها ) جود لاك بيبي
 اتفاجئت "ريم" من مفاجاءه "لوهان"الغير متوقعه انها تدرس "ديكور" والهوايه تتحول ل شغل خاص بيها كان شئ جديد فى حياتها ,, حجز "لوهان" فى الكورس وابتدت "ريم" تحضر رغم توترها اول يوم لكن بتشجيع "لوهان" اتشجعت ع الخطوة وابتدت تذاكر ب اجتهاد والتغيير احدث فارق فى حياتها ونفسيتها لوجود كارييير لعمل بتحبه بمساعده "لوهان" ,, كان "لوهان" سعيد بالتغيير فى حياة "ريم" و جميع من حولها كان سعيد بالتطورات فى حياتها وسعادتها ..!

مر 8 شهور وانتهي كورس الديكور وكانت "ريم" من اول 5 اشخاص متفوقين فى الاختبار النهائي ووضع اسمائهم لتوظيفهم فى احدي الشركات وتم تحديد موعد الانترفيو ,, كانت "ريم" متوتره جالسه امام المرأه فى غرفتها صامته متردده تنزل او لا ,, لاحظ "لوهان" تأخير "ريم" فى الغرفة واتجه اليها ووجدها بملامح مضطربه :
_ "ريم" .. انتي جهزتي خلاص ..
انتبهت "ريم": ها .. ايه .. اه .. اه ..
 اقترب منها ومسك ا يديها : مالك ؟ فى حاجه ..؟
بملامح مضطربه: انا خايفه ,, مش عاوزه انزل مش عاوزه
_ خايفه ليه ..؟
_ حاسه  مش هنجح فى الانترفيو وهتلغبط و ..
_ هششش .. ازاى مش هتنجحي  وانتى نجحتي بتفوق فى الكورس ,, توترك دا طبيعي لان دى اول مره فى حياتك تتقدمي لشغل وفى مكان غريب وهتقابلي اشخاص اغراب ..
_ انا مش هروح انا اساسا مش عاوزه الشغل ..
_ ودرستي ليه الكورس وقدمتي فى اختبار التوظيف ليه ؟!
_ انا .. انا ..
_ انتي عاوزه تشتغلي لانك بتحبي الديكور علشان كده قدمتي فى الكورس وذاكرتي ب اجتهاد ونجحتي ,, انتي عاوزه يبقي ليكي كاريير لوحدك  لحاجه بتحبيها  ,, والفرصه قدامك اهي ,, هتروحي بكل ثقه وهتجاوبي ع كل الاسئلة وهتخرجي ,, بسيطة سواء اتقبلتي او لا مش دى المشكله ,, المشكله انك تخافي من مجهول ملوش ملامح واضحه بدون مواجهه واحنا اتفقنا هنحارب الخوف ومنخلهوش يسيطر علينا ,, تمام ..!
اتنهدت : تمام
 ضمها فى حضنه ووضع قبله ع راسها وب ابتسامه : "ريم" عاوزك تعرفي انا فخور بيكي جداا لانك قوية ومبتستسلميش وانك وصلتي لمرحله دى بجد فخور بيكي جدا ,,
كلام "لوهان" ادخل الطمائنية والسعادة فى روح "ريم" وابتسمت وقررت تحارب خوفها ,,
_   يلا علشان اوصلك فى طريقي للشركه و المربيه مع "جنه" وهتخلصي السواق هيكون فى انتظارك وانا هستني منك مكالمه ان كل شئ كان تمام .. وكل حاجه هتكون تمام سواء اتقبلتي او لا ,, اوكيه ..
_ اوكيه ..
 وضع قبله ع جبينها : جود لاك ..
ابتسمت "ريم",, اتجهوا لمقر الشركه ل الانترفيو  واستقلت "ريم" من السياره ووقفت والتوتر تملكها نظرت للخلف وكان "لوهان" ينظر اليها  وبملامح تشجيعيه شجعها ,,غمضت عينيها وعدت من 1 الى 10 وفتحت عينيها ونظرت الى "لوهان" مرة اخري  وتنهدت وتقدمت بخطوات ومرت من باب الشركه ,, اتجه "لوهان" لشركته واثناء الاجتماع كان شارد الذهن بيفكر فى "ريم" وقلقه عليها واستمر بتوجيه اللوم لنفسه انه تركها بمفردها فى اول يوم ولكن  الهدف هو تشجيعها لمواجه المواقف بمفردها لكن كان قلقان انه يكون ضغط عليها  ,, استمر ينظر الى الهاتف بين الحين والاخر وقرر انه يترك الاجتماه و يتجه الى "ريم" ولكن  ظهر رقم"ريم" واتنفض من مكانه وامسك الهاتف واتجه الى خارج المكتب :
بنبره توتر : "ريم"
 اجابت "ريم" بنبره حزينه : لوهان ..
شعر "لوهان" بنبره حزن "ريم" وتوقع عدم قبولها لسبب ما :
_ مفيش مشاكل .. احنا اتفقنا مش مهم مهما كانت النتيجة ايه  وكله تمام فمتزعليش عادي و ..
 ضحكت "ريم" :  المهمه تمت بنجاح  ,,
 اجتزت الانترفيو وقالولي اجهز باقي الاوراق و اقدر استلم مكاني من اول الاسبوع
 بسعاده : مبروووك  "ريم" مبروووك انا اسعد انسان انهارده ..
_  كله يرجعلك انا مكنتش اتوقع ان انا هقدر اقف واتكلم عادي كده ومخفش ,,
_ لان "ريم" حبيببتي اقوي واشجع واحده فى العالم ..
_ لانك معايا ,,
_ انا هخلص الاجتماع والشغل وهرجع ع البيت نتعشي بره بمناسبه الخبر الجميل دا
_ اوكيه .. انا هروح ل "جنه" البيت هاخدها واروح عيد ميلاد "جاسمين" تكون رجعت ونتعشي كلنا مع بعض ,,
_ اوكيه .. اشوفك فى البيت .. لاف يو ..
_ لاف يو ..
 اغلق "لوهان" الهاتف وكان فى منتهي السعادة ,, عاد الى الاجتماع بمنتهي النشاط والتركيز  :
_ نبدا اجتماعنا  كنا بنقول ايه .. ؟!

عادت "ريم" و"جنه" من العيد ميلاد  واتفاجئت "ريم" ب الزينه والورود والبلاليين فى الشقه ,,و ظهر "لوهان" وهو مرتدي مريوله الطبخ  وب ابتسامه :
_ ويلكم باك ماى كوينز  ..
_ ايه كل دا ..؟!
ب ابتسامه:  اتفضلوا معايا ..
 دخلت "ريم" واتجهت للسفره :
_ ايه كل دا ..عملت كل دا امتي ؟
_  ثواني والباستا هتكون جاهزة ..
 اتجهت "ريم" ل "لوهان" فى المطبخ وشاهدته وهو يصنع الباستا المحببه لها وعادوا لطاوله الطعام :
_ ايه كل دا بجد ..؟
_ دا ااقل حاجه احتفال صغير بمناسبه نجاحك فى الانترفيو
ب ابتسامه : لكن انت قولت هنتعشي بره ..؟
اقترب اليها وامسك يديها : فكرت وقولت ازاى اسمح ل اى حد يشوف الابتسامه دى ,, فنقلت جو المطعم هنا ايه رايك  وعملتلك بنفسي باستا السي فود اللى بتحبيها ايه رايك ..؟! ..
_ شكلها يشهي جداا
_ يلا قليلي رايك
نظرت اليه "ريم": شكرا ..
_ شكرا ..؟! ليه ..؟
_ شكرا لان من غيرك مكنتش هقدر اعمل الخطوة دى من غير خوف ,,
مسك ايديها :  "ريم" ,, انا معملتش حاجة انتي اللى عملتي كل حاجه ,, لو انتي مكنتيش شجاعه وقوية  مهما كانت محاولاتي كانت هتفشل ,, انا مجرد عامل لكن الاساس انتي ,, انتي صاحبه والمسئوله عن اللى حصل انهاردة لانك مش ضعيفه لا انتي قوية,, وانا واثق ومتاكد انك هتنجحي لان جواكي حاجات كتير مدفونه تايهه دلواقتي عرفت طريقها وهتظهر فى العلن وهتبهرينا انا واثق   ..!
_ بحبك ..
_ بحبك اكتر ..
لاحظ "لوهان" دموع "ريم":
_  ايه الدموع دى بقي ..؟
ابتسمت: دموع فرح وسعادة
_ انا وعدتك ان دموعك هتكون فرح وسعادة مهما كلفني الامر .. يلا بقي دوقي الباستا وقوليلي رايك ..!
 تذوقتها : جميله ولكن  ..
بملامح مفاجاءه : الملح ..
ضحكت "ريم":  كالعاده بتنسي الملح زى كل مره ..
_ اووووبس انا كنت مركز علشان منساش المرادي ..
_ حبيبي انت ع طول بتنساه مجتش ع المرادي ,,انا هاكلها زى كل مره كفايه انك وقفت علشان تعملها
_ لكن لو بصينا من اتجاه اخر نجد انه صحي الملح القليل صحي
ضحكت : جداااا ..
استكملوا وجبتهم وسط ضحكاتهم وحديثهم ,, قبل استلام "ريم" لعملها سافروا الى "لندن" لحضور عيد ميلاد "رامي" وكانوا الجميع سعداء بتجمعهم جميعا فى مناسبه عائليه ولاحظوا تحسن حاله "ريم" :
_ ريم ..
 ب ابتسامه: اونكل "عاصم" ..
_ كان "رامي" هيزعل لو مكنتيش جيتي انتي و"جنه"
_ وهو انا اقدر ..
_ بس اجازة صغيره مسافره بكره
_ علشان الشغل ,,
_ يااااه اخيرا جه اليوم اللى اسمعك تقولي شغل ..
ابتسمت "ريم": بجد مكنش فى بالي خالص لكن "لوهان" السبب ..
_سعيدة  يا "ريم" بقرار الشغل دا ..؟
 ب ابتسامه مبهجه : مش عارفه بس اللى عارفاه ان انا سعيدة انى مخذلتش ثقه "لوهان" فيا وايمانه وثقته فيا اثبتله انها فى مكانها ,,وسعيدة  بخطوة جديده عليا فى حياتي مكنتش مرتبالها خالص وحصلت ,, بصراحة لولا "لوهان" وتشجيعه ليا مكنتش اخدتها ,,اتمني تكون خطوة كويسه ..!
_ انا سعيد جداا للى انتي وصلتيله فى حياتك يا "ريم" وان شاء الله تكون خطوة كويسه فى حياتك وتأسسي  الشركة الخاصه بيكي وتكوني اشهر واحده فى تخصص الديكور ,,
_ ميرسي يا اونكل بجد وجودك فارق جدا معايا واللى عملته معايا مش عارفه اشكر حضرتك ازاى ..
_ تشكريني ؟! هو انا عملت ايه؟! انا معملتش حاجه انتي اللى عملتى ب ارادتك القوية وبعدين فى اب يستني شكر من بنته ...
 ابتسمت : احن اب فى الدنيا يا بختنا انك فى حياتنا وبالاخص فى حياتي ..
_ انا اسعد اب فى الدنيا لان عندى بنوته زى القمر اسمها "ريم"
ابتسمت "ريم":  هو "امير" فين صحيح  ..؟
_ قرب يوصل ميقدرش ميحضرش .. "رامي" مش هيدخله البيت ..
ضحكت "ريم" واستكمل "عاصم" حديثه :
 _بجد شكرا يا "ريم" انتي صلحتي حاجات كتير فى حياة "امير" حياته بقت احسن من الاول
_ انا معملتش حاجه "امير" انسان كويس بس كان فى مفاهيم مجهوله عنده وعرفها ..
_ ودا مكنش هيحصل من غيرك ..
_ المهم انها حصلت ..
اثناء حديثهم وصل "امير" بالهدايا ولمح "ريم" واتجه ليها ب ابتسامه:
_ روما .. عامله ايه ..؟
_ بخير وانت ..؟
_ الحمد الله جيت جري .. "رامي" كان مترصدني علشان الهدايا ..!
ضحكت: اهم حاجه الهدايا ..
_ اكيد  دى قبلي ,, فين "جنه" و"لوهان" ..؟
_ لوهان اكيد بيتكلم فى الفون و"جنه" نايمه ..
_ وحشتني جداا ..
_ انت اللى مبتسألش عارف اخر مره كنت عندنا كان امتي ..؟!
_ صدقيني الشغل كتير وحضرتك بدل ما تيجي تمسكي شغلك وتشيلي عني شويا  رايحه تشتغلي بره فى حاجه بعيده عن شغلنا ..
_ بعيده لكن بحبها انت عارف انا مبحبش البيزنس  وبدل تقطيمك دا ادعيلي اتوفق فيها
 ابتسم : اكيد هتتوفقي مدام بتحبيها  واللى اعرفه عن "روما" ذات الارادة الحديديه انها لما بتحط حاجه فى دماغها هتعملها ع اكمل وجه ..
ابتسمت : ايوه كده زود الباور جوايا والبوستيف انيرجي ,,
_ عندك 2 لتر باور وبوستيف انيرجي وصايه ل "روما" وصلحه
ضحكوا ووصل "لوهان" ع كلامهم وانضم ليهم وسط ضحكات وحديث ...!

اول يوم عمل ل "ريم" رغم تشجيعها ومحاولة اخفاء توترها لكن كان واضح  لكن بوجود "لوهان" بجانبها ازال توترها وشجعها ,, مر اول يوم واستمر الوضع مستقر لفتره ,, ففى يوم و"ريم" فى المنزل قاعده ع كرسي السفره و معاها نوت وقلم اقترب "لوهان" واحتضنها من الخلف ووضع قبله ع خدها :
_ بتعملي ايه مش هتنامي عندك شغل الصبح ..؟
_ ايوه بس اخلص اللى معايا دا ..
_ شغل دا ولا ايه ؟
_ لا اهم من الشغل ,, عيد ميلاد "جنه" ال 3  قرب كمان اسبوعين ..
_ ياااه الايام بتمر بسرعه هتكبر "جنه" وهتكبرك معاها ..
 ضحكت: لا اطلاقا هتكبرك انت انا لا ..
_ طيب قبل ما تكبرك وتكبرني ايه رأيك فى اخ او اخت ل "جنه"
_ امممم ودا ازاى ..
اقترب من اذنيها : امممم تعالي جوه وانا هقولك ازاى واضح انك نسيتي
ضحكت : استني ,, انا لازم اخلص التحضيرات دى علشان الحجز تورته وحلويات والمكان ,,
_ كله هيجهز متقلقيش ,,
_لكن الاهم انت تكون جاهز وموجود ,, انت هتسافر قبل العيد الميلاد بيومين ..
_ يوم العيد الميلاد هكون معاكم وهطفي مع "جنه" الشمع  متقلقيش ,, انتي عارفه حاولت أأجل الميتنج لكن منفعش وادوار هيكون مسافر فى ميتنج تاني ودا مهم جداا لينا  وانا لازم احضر  ..
_ المهم متتاخرش علينا ..؟
 قام وقف وحملها بين ذراعيه : المهم اننا منتاخرش دلواقتي بس قوليلي  عاوزه ولد ولا بنت ..؟
ضحكت "ريم": انت عاوز ايه ..؟
_ تعالي جوه فى اوضتنا  نتناقش الموضوع دا مع بعض فى هدوء ...!

 قبل العيد الميلاد بيومين جهزت "ريم" شنطة سفر "لوهان" ووضعت فيها ملابس من اختيارها ل ارتدائها يوم العيد الميلاد ,, فى يوم عيد ميلاد "جنه" حضر الجميع "عاصم" و"حنان" و"رامي" و"فريد" و"رنا" و"مريم" وادمز و"امير" ووالد "لوهان" وبعض اصدقائهم ,, اتصل "لوهان" ب "ريم" بلغها انه هيقابل شخص قبل ذهابه الى المطار وهيصل فى الموعد المحدد ,, وسط الحفله اتصلت "ريم" ب "لوهان" الموبيل كان مغلق ولاحظ "امير " توترها :
_ مالك يا ريم فى حاجه ؟
_ مش عارفه .."لوهان" موبيله مقفول من 3 ساعات وقلبي مقبوض ..
_ متقلقيش  اكيد فى الطياره والرحله اتاخرت دا طبيعي بيحصل انتي نسيتي حصلنا قبل كده ,, فمتقلقيش نفسك علشان "جنه" ومحدش يلاحظ حاجه ..
_ اوكيه .. اوكيه ..
_ ويلا علشان نطفي الشمع  الضيوف انتظروا كتير ..
_ لكن "لوهان" وعدني انه هيطفي الشمع معانا  هنستي شويا ..
_  انتى عارفه الساعه كام ,,هتأخريهم اكتر من كده حركة مش لطيفه ,, وهو مش هيزعل صدقينى يلا الكل مستنيكي  ومعاهم "جنه" ..
_ حاضر هجرب اتصل  كمان مره وهاجي ع طول ..
_ اوكيه ومتقلقيش ..
حاولت مره اخري بالاتصال ولكن الهاتف كان مغلق ,, عادت للحفله وطفت الشمع وانتهت الحفله وذهب الجميع  ومازال موبيل "لوهان" مغلق وكان مع "ريم" فى المنزل عاصم وحنان  وامير :
_ متقلقيش يا "ريم" ان شاء الله خير
 بملامح توتر : 9 ساعات الموبيل مقفول اول مره تحصل حتى لو الرحله اتأجلت اكيد زمانها وصلت ,,
رجع "امير" من المطار  واتجهت اليه  "ريم" : ايه الاخبار ؟
_ فى المطار فعلا الطياره وصلت من 7 ساعات لكن الغريب ان اسم "لوهان" مش موجود فى قائمه الركاب الراجعيين ..!
 اتفاجئت "ريم": ايه ؟! ازاى ؟! هو حجز وكان فى المطار هو قالى انه هيقابل شخص وهيطلع ع المطار بعدها ع طول
_ مقابله شغل يعني ,, قالك الاسم ..؟
_ الصوت كان دوشة اوى معرفتش اسمع الاسم كويس
_ انا كلمت "ادوارد" وقالي ميعرفش مين اللى قابله "لوهان"
_ انا متاكده  انه حجز تذكرة الرجوع ..
_ هو فعلا اسمه موجود فى مطار ايطاليا لكن مطلعش الطياره .. يمكن حصل ظرف ولا حاجه او موبيله فصل او اتسرق بتحصل انا حصلت معايا الشهر اللى فات ,,
 ملامح خوف وقلق سيطرت ع "ريم" " لا "لوهان" ميعملش فيا كده وهو عارف ان انا هقلق عليه ,, لو حصل هيتصرف ويكلمني ,, انا حاسه ان فى حاجه حصلت ايوه فى حاجة حصلت منعته عنه يكلمني  ..
تدخلت "حنان": متفوليش عليه يا "ريم" .. صدقيني فجاءه كده هتلاقيه داخل عليكي وزى ما "امير" قالك تلاقي الموبيل ضاع او فصل ,, استبشري خير وابعدي الشيطان ووسوسته ..
_ يارب .. يارب
 طول الليل منمتش "ريم" وايديها ع صدرها احساس الخنقه والضيقه مسيطر عليها  وبتحاول تتصل ب رقم "لوهان" وكان مغلق ,,, مر 10 ايام ع غياب "لوهان" واصرت "ريم" ع عدم مغادرة المنزل منتظرة عودة "لوهان" رافضه الاكل والنوم ووضعها الصحي جسديا ضعفت ,, حاول "امير" يتواصل مع اشخاص فى "ايطاليا" للبحث عن "لوهان" لكن كانت بدون نتيجه ..:
_ "ريم" قله نومك دى غلط شكلك تعبان خالص
_ مش عاوزة انام انا هفضل صاحيه علشان لو اتصل او جه
_ متقلقيش احنا هنبلغك انتى كده هتنهاري من قله نوم واكل ,,
_ ماما سبيني ومتضغطيش عليا بعد اذنك ...
خرجت "حنان" من غرفه "ريم" وكان "عاصم" فى الليفنج:
_ لسه مش عاوزه تاكل ...؟
_ ولا تشرب اكلتها ضعيفه جدا  وبتحارب النوم لو غفلت دقائق بتصحي ع طول رافضه تنام .. ولما تعبت رفضت تفضل فى المستشفي ورجعت البيت مش عارفه انا بتعمل كده ليه فى نفسها ..؟
_ ربنا معاها ,, مر شهر مفيش اى نتيجه و"امير" سافر "ايطاليا بيحاول يدور يوصل ل اى حاجه ..
_ هو ممكن يا "عاصم" يكون سابها وهرب  انا اساسا مكنتش مطمنه و ....؟
_ ايه اللى بتقوليه دا يا "حنان" اذا كان انتي شاهده ع قصتهم وهو عمل ايه معاها ,, هيسيبها وبالطريقه دى لا هو ميعملش كده  ,, ادعي بس يكون غيابه ع خير ..
_ يارب .. يارب يطمن قلبك يا ريم يا بنتي ..

بعد شهريين من البحث فى منزل "ريم" ومعاها "عاصم" و"حنان" و"رامي"  رن جرس الباب وكان "امير" بملامح حزينه غير مبشره ,, حاولت "ريم" تقف واتجهت ل "امير ":
_ ايه الاخبار يا "امير" انت قولت فى اخبار ؟
_ مش عارف اقولك ايه يا "ريم" ..
_ هو كويس صح كان تعبان وبقي كويس دلواقتي صح هو فين انا عاوزة اروحله ؟!
قرب "عاصم" : فى ايه يا "امير" ..؟
بملامح حزينه سكت :
_ اتكلم يا "امير" فى ايه ..؟
_ انا جالى اتصال من الشرطة واتجهت ع المستشفي والتقارير اللى شوفتها قالت ان ,,
_ مستشفي و تقرير ايه .. وفيها ايه التقارير دا ؟!
سكت "امير" للحظات واستكمل حديثه :
_ فى ايطاليا  لقوا جثه فى البحر بعد اجراء التحاليل والفحوصات تبينت ان الوفاه حصلت وقت اختفاء "لوهان"
_ انت عاوز تقول ايه ؟
_ الجثه اللى لقوها التقرير اللى طلع من الطب الجنائي  انها جثه "لوهان "
بلاغ الخبر كان صدمة مزريه ولكن "ريم" ابتسمت :
_ متهزرش يا "امير" قولي هو كويس هيرجع امتي انا هروحله  ..
مسكها "امير": ريم ..
زقت ايده بعنف : انا هروحله هو كان تعبان وبقي احسن انا عارفه ..
_ "ريم" ,, انا عارف انك مش هتصدقي لانى مصدقتش لما عرفت لكن التقارير اثبتت انه هو ,, فعلا "لوهان" كان فى طريقه للمطار لكن اتعرض لهجوم واعتداء وسرقه واتعرض لخبطه ع راسه واترمت جثته فى البحر والبحر شوه الملامح و..
بنبره عاليه : انت بتقول ايه .. لا انت كداب والتقارير دى كدابه واللى قالولك كده كدابين ,, مش "لوهان" اللى بتحكوا عليه دا دا حد تاني ,, هما زهقوا من التدوير عليه فقالوا اى حاجه وخلاص ,,
_ ريم" انا شوفته بنفسي ,,
بدموع تتساقط : وانا بقولك انت بتكدب يا "امير" ..
 حاول "عاصم" تهدئيتها : اهدي بس يا "ريم" ,,
_ امير بيكدب يا اونكل ,, هو زهق من تدويره ع "لوهان" لكن انا مزهقتش وهسافر ايطاليا بنفسي
_ تمام يا "ريم" هنسافر ايطاليا وهعمل اللى انتى عاوزاه ..

 حجز "امير" تذاكر طيران تاني يوم اتجهوا الى ايطاليا وقابلوا الشرطة واعترضت "ريم" ع كلامهم واتجهت للمستشفي ل اثبات كذبهم , كان اول دليل ملابس الجثه كانت ملابس "لوهان" لان "ريم" اشترتها واختارتها للوهان يحضر بيها عيد الميلاد وبلغها انه مسافر بيها ,, انكرت "ريم" وطلبت تشوف الجثه ,, اتجهت للمشرحه وعند ملامستها للجثه قبل الكشف عنها نظرت اليهم :
_ دا مش "لوهان" .. دا مش "لوهان"
_ لكن الملابس ترجعله كان لبسها وقت ما كان فى البحر ونتيجه الفحوصات  ..
_ لكن دا مش "لوهان" .. انا متاكده قلبي بيقولي مش هو .. "لوهان" ميسبنيش كده لا مش هو ..
قبل الكشف عن الجثه وقعت "ريم" فى حاله اغماء .. وتمت اجراءات نقل الجثمان الى نيويورك وحضر والد "لوهان" فى المطار ل استقبال الجثمان وتفاجئ بعدم حضور "ريم" ومكوثها فى المنزل مع "جنه " لانها رفضت تحضر اى مراسم لعدم تصديقها ما حدث وانكارها ان الجثمان  هو "لوهان" ...!

رفضت "ريم" التحرك من منزلها واستمرت فى انتظار "لوهان" والنظر فى هاتفها والاتصال ع رقمه ,, مر ع دفن جثمان "لوهان" 4 شهور وانعزلت "ريم" عن الجميع وعن عملها وجلست مع "جنه" فى انتظار "لوهان" ,, اقترح عليها "امير" العودة الى "لندن" ورفضت بشدة التحرك من منزلها  مردده :
_ اروح فين ولما يرجع "لوهان" وميلقنيش انا ولا "جنه" ازاى يعني ,,لا احنا هنستناه هنا ..
رفضت "ريم" التحدث مع اى شخص وظهر تدهورها صحيا لتكرار حالات الاغماء من قله التغذيه والنوم ورجوعها لمهدئات للنوم ,, حاول "امير" التحدث مع "ريم" للخروج من المنزل ورفضت بشدة ,, لاحظوا افعال "ريم" فى المنزل غير طبيعية لانهاكانت بتكرر  تصرفات "لوهان" معاها كتحضير الفطار لشخصين وجلوسها ع طاوله الطعام  بدون كلام ومشاهدتها ل الافلام لوحدها وتبكي وتضحك بمفردها ففى يوم وقفت فى المطبخ وقررت تحضر الباستا المفضله لها انتهت من تحضيرها وجلست ع طاوله الطعام :
_ ريم ..
 التفتت للصوت بجانبها : لوهان .. انت هنا
_ وهو فى مكان تاني اكون فيه غير هنا  ..معاكي
_ كنت فين كل الفتره دى .. ؟
_  انا معاكي
_ بيقولولي كلام  وفاكرني مجنونه لاني مش موفقاهم ..
_ انتي قلبك بيقولك ايه ؟ اسمعي قلبك وصدقيه لانه المكان اللى انا فيه ..
_ قلبي بيقولي انهم كدابين ..
_ يبقي صدقيه ..
_  وحشتني جدااا
_  وانتي قدامي بتوحشيني جدااا
دموع نزلت من عينيها : ايه مبتاكليش ليه دى الباستا اللى بتحبيها
_ ايوه .. ماانا كنت هاكل اهو ..
_ دوقيها كده وقولى ايه رايك ..؟
_ شكلها يشهي جداا  (دقتها ) لكن ..
_ الملح مش موجود ..؟
ضحكت ودموعها بتتساقط: عادتك كل مره تنسي الملح
_ مش مهم كده الاكل صحي صح ..
ابتسمت: ايوه صح ..
_ يلا كلي بسرعه عاوزك تخلصي الطبق دا ..
_ حاضر ..
 التفت "ريم" للطبق وابتدت تاكل منه وسط دموعها والتفتت لكرسي بجوارها :
_ لوهان ..
كان اختفي ونظرت حواليها فى المكان وانهارت فى البكاء ..!

فى يوم سهرت "ريم" تشاهد فيلم وصوت ضحكاتها العاليه استيقظ كلا من "حنان" و"عاصم" ,, خروجوا من غرفتهم متجهيين لليفنج وشاهدوا "ريم" بتضحك ضحك هيستري :
_ بتعملي ايه يا "ريم"..؟
_ اونكل عاصم .. بتفرج ع فيلم انا و"لوهان" اسفه صوتي صحاكم اصله كوميدي
تفاجئت"حنان": انتي ومين يا "ريم" ..؟
_ ايه يا ماما تعالي اتفرجي معانا
"حنان" بتوشوش" عاصم" : هى "ريم" اتجننت يا عاصم ..؟
_ بطلي كلامك دا يا "حنان" ..
_ بتتكلم مع نفسها ودلواقتي بتقول انها بتتفرج معاه ع فيلم ..
"حنان" ادخلي الاوضه ل "جنه" شوفيها ادخلي ومتخرجيش منها غير لما اجيلك ماشي ..
_ حاضر ..
قرب "عاصم" وجلس بجوار "ريم" و"ريم" استمرت فى ضحكاتها العاليه رغم ان الفيلم كان عادي ,, جلس "عاصم" فى هدوءبدون التحدث ب اى كلمه  وفجاءه سكتت "ريم":
_ لوهان بيحب الفيلم دا كان دايما بنسهر مع بعض فى الويك اند نتفرج عليه ,,مهما شوفناه مبنزهقش
_ باين فيلم جميل انا شوفته مرتين ..
_ وفى فيلم تاني  كمان بيحبه ,, ع طول كنت اخرج من الاوضه بعد ما "جنه" تنام يكون مجهز البوب كورن والشوكليت وعصير الفراوله ونقعد نتفرج عليهم يخلصوا نعيدهم تاني لغايه الفجروكنت بنام فى حضنه .. (سكتت للحظات واستكملت حديثها ودموعها تتساقط  )  مببنحسش بالوقت واحنا مع بعض ,, وجودنا مع بعض كان بيخلي الوقت يمر اسرع ويهون علينا اى حاجه تحصل ,, انا فاكره لما بطني وجعتني من اكله اكلتها فضل معايا ماسك ايدي وايده التانيه حاططها ع بطني مكان الوجع وكان بيتكلم فى اى حاجه ويشغلني وكنت بنسي الوجع وبنام ع صوته واصحي بكون خفيت ,,مبحسش باى خوف ولا الالم وهو معايا ,, دايما بيساندني فى قرارتي حتى لو غلط ,, حياتي مبتكملش من غيره ,, حياتي متنفعش من غيرة  حتى لو انا شوفته وانتم مش شايفينه ..
سكت "عاصم":
_ اونكل عاصم .. انا عارفه انكم بتقولوا عليا اتجننت ...!
ابتسم "عاصم": لا ليه هنقول كده ..؟
_ علشان بحكيلكم عليه وبتكلم معاه ,, "لوهان" معايا طول الوقت مهما بعد
_ وهو دا جنان لا خالص ,,
_ اونكل عاصم ..انا ..
مسك ايديها وطبطب عليها : "ريم"  انتي مش محتاجه تبرري ل اى حد اى حاجه بتعمليها  ,, حياتك هى اختيارتك ,,انتي بتشوفي "لوهان" انا مصدقك انك بتشوفيه ,,لان كتير رؤيه الغايبين فى خيالنا واحلامنا ولو للحظات بتهون كتير علينا بتبقي نجدة الهية لينا من الانهيار ,لكن الاستسلام والعزله مش حياه يا "ريم " , مرت سنه وانتي فى البيت مبتنزليش ورافضه تسبيه ودا حقك لكن اهمالك لحياتك  ,,شغلك بعد ما عرفتي انتى عاوزه ايه و بنتك اللى محتجالك  فى حياه قدامك مستنياكي يا "ريم" ..
_ انا مش قادره اصدق عقلي وقلبي رافضين اللى انتم مصدقينه وقبلتوه ..
_ مفيش حد هيجربك تتقبلي حاجه انتي رفضاها ,, لكن اللى هقدر اقولك عليه اننا فى حياه بعض عابري سبيل يعني بين لحظه والتانيه بنتنقل من مكان لتاني احنا نفسنا منعرفش امتي وفين هيحصل ,,
_ انا مش قادره اصدق انا مش هشوفه تاني ولا اتكلم معاه مش قادره ..
_ مين قال انك مش هتقابليه ولا هتشوفيه تاني ..؟!
_ بجد ..؟
_ "ريم"   لما شخص غالي فى حياتنا  بيختفي من قصاد عيونا عمره ما بيختفي من قلوبنا ودا دليل انه موجود مهما الكل اجمع ع غير كده ,, احنا حاسين بوجودهم لكن مش شايفنهم غير تخاطيف فدا ليه لانهم مسافرين فى رحله غير معروف مدتها ايه واحنا هنقابلهم  ,, ايوه هنتقابل تاني معاهم اكيد فى اخر الرحله دى ,, مش معنى اختفائهم من حياتنا ان صلتهم اتقطعت لا هيفضلوا موجودين وعايشين فى قلوبنا ولحظاتهم وذكرياتهم هتكون دافع يقوينا نكمل رحلتنا لغايه ما نقابلهم  ,,
_ يعني انا هقابله تاني ..؟
_ ايوه .. كل شخص فقد غالي هيجي وقت وهيقابله ,, لكن وقتها لما تقابليه هتحكيله عملتي ايه الفتره دي ,, هتقوليله سيبت الشغل والحياه وبعدت عن الناس واهلمتي فى صحتك وامانته عندك  "جنه" ,, ولا تقابليه وانتى احسن من توقعاته وانك كملتي فى فتره غيابه اللى هو بيعمله وكنتي فعلا قد المسؤؤليه وتفرحيه  بالنتيجه ,, تفرحيه بحالك ولا تحزنيه ؟
دموع تساقطت من "ريم" مسك ايديها عاصم وطبطب عليها :
_ "ريم" كلنا مفارقيين الحياه دى  لكن انتي مش لوحدك انتى معاكي "جنه" وهى محتجالك واحنا كمان محتجينلك معانا ,, انا بقترح عليكي اقتراح ارجعي معانا "لندن" وتعالي نيويورك وقت ما تحبي ,, تعالي وسطينا ومعانا نتدفئ بوجودكم وتتدفوا بوجودنا وعلشان "جنه" ( سكتت "ريم") محدش هيغصبك ع حاجه ولا حد هيبعدك عن "لوهان" لان زى ماقولتلك هو فى قلبك مش شرط يكون قدام عينك رغم انه موجود فى "جنه" بصيلها واحضنيها واحتويها وكوني سندها وهي سندك ..!
بكت "ريم" بشده واحتضنها "عاصم"  فى حضنه :
_ ابكي يا "ريم" وطلعي كل اللى جواكي وصدقيني "لوهان" هيوافقني فى كل حرف ..
 دخلت "ريم" غرفه "جنه" وخرجت "حنان" واحضنتها "ريم" وبكت وبعد يومين عادت "ريم" مع "عاصم" و"حنان" الى لندن ..!

رجعت "ريم" لندن" وكانت اغلب وقتها مع "جنة" لكن كلامها اصبح قليل وشارده الذهن دايما ومعاها الهاند فري طول الوقت  وكان "رامي" و"امير" متكفليين ب "جنه" ,, مع الوقت اتعلقت "جنة" ب "امير" والجميع لاحظ اهتمام "امير" ب "جنة" ,, قرب عيد ميلاد "جنة" ال 5  ونظم "امير" حفلة ليها وكانت مفاجاءه للكل ,, فرحت "جنة" بالهدايا والحفلة و"ريم" فرحت لفرحة "جنة" ,, انتهت الحفلة واتجهت "ريم" مع "جنة" غرفتها و"امير" كان معاه الهدايا وهيدخل الغرفة وسمع حوار "ريم" و"جنة":
_  ايه رايك فى هديه "بابا" ..
_ جميله ,, لكن "بابا" فين ..؟
_ ما احنا اتفقنا انه مسافر والمكان اللى فيه بعيد وهو مشغول لكن منسيش عيد ميلادك وبعتلك الهدية الجميله دى ..
_ وحشني اوى  ,,
_ وانا كمان ,, لكن هنقابله قريب اوعدك ..
_ بجد يا ماما ..
_ ايوه ..
نامت "جنة" و"ريم" خارجه من الغرفه لمحت "امير" واقف :
_ ريم ممكن كلمتين قبل ما تنامي ..؟
_ مينفعش بكره يا "امير" ..؟
_ لا انهارده ..؟
_ اوكيه يلا ..
 ترك "امير" الهدايا فى غرفه "جنة" واتجه للحديقة مع "ريم":
_ ايوه يا "امير"..؟
بنبره جاده:  امتي هتستمري ع كده ..؟
_ مش فاهمه ..؟
_ انا سمعت بدون قصد كلامك مع "جنة" عن باباها ..
_ وماله كلامي ..؟!
_ "جنة" مش صغيره وبتكبر يا "ريم" ودى تاني سنه بعد اللى حصل وانتى بتعلقيها ب أمل كداب ,, باباها مش مسافر باباها ..
 قاطعته : امير ..بعد اذنك دى بنتي وعلاقتي معاها مبحبش حد يدخل فيها انا عارفه بقول ايه كويس ..
_ معقول يا "ريم" منستيش لسه بعد سنتين ..
_ ولا هنسي يا "امير" انتم متاكديين انه مات لكن انا متاكده انه مسافر فى مكان بعيد وهقابله مهما طالت المدة هقابله ...
بعصبيه اتحركت "ريم" اتجاه غرفتها وجلست ع السرير بالهاند فري وفتحت كف ايديها ودموعها تساقطت ع الحرف وقفلت ايديها ...!

 مر مده ع حاله عزله "ريم" اغلب وقتها مع "جنه" وسكته والهاند فري معاها لتتجنب الحديث مع اى شخص ,, كوابيسها رجعت  ورجعت المهدئات تاني ,, جلسات العلاج النفسي كانت غير مجزيه وتوقفت  عن حضورها لرفضها محاولاتهم اقناعها بموت "لوهان" كانت بتسافر "نيويورك" بين الفتره والتانيه منتظره فى شقتها رجوع "لوهان"  ,, كان "امير" بيراقب احوالها وكان رافض فكرة رجعوها للانعزال مرة اخري ..:
_ ريم.. فاضيه ..؟
_ فى حاجه يا "امير" ..؟
كنت محتاج منك طلب واتمني متحرجنيش فيه ..؟
_ لو هقدر اكيد هعمله .
_ هتقدري .. الطلب ببساطة ان انا ليا صديقه هتفتح حضانه ل الاطفال وكانت محتاجه شخص لديكور المكان وطبعا بعد ما شافت شغلك طلبت مني تساعديها فى المكان ,,
_ لكن انا ..
قاطعها : عارف بعيده عن مجال شغلك سنتين كاملين بس عادي نعتبرهم اجازة وراجعه تاني ,, دا شغلك واللى بتحبيه واعتبري الحضانه دى بدايه كده تشوفي لسه فاكره ولا ناسيه ,
_ امير انا ..
_ مينفعش يا "ريم" لما توصلي لحاجه تسبيها بسهولة كده ,, الشغل كتير بيكون سلاح بيساعدنا نتخطي حاجات كتير فى حياتنا ,, واعتبريها هواية وبتمارسيها ,,"جنه" لما تشوفك بتشتغلي وعايشه الحياة هتديها امل تعيش وتكافح متستسلمش انتي قوتها فى الدنيا دى ...
سكتت "ريم" لحظات: هفكر وارد عليك ..
_ قدامك يومين واليوم ال 3 هنقابلها الساعه 9 فى المكان علشان تشوفيه وتعرفي محتاجه ايه تمام ..
 لحظت "ريم" تشجيع "امير" ليها ,, بعد تفكير نزلت مع امير فى اليوم ال 3 وقابلت صديقة "امير" فى مكان الحضانه وابتدت "ريم" تشتغل فى المكان وبعد شهريين كان شغلها خلص وحضرت الافتتاح ونال اعجاب الجميع ,, حاول "امير" نوعا ما يدبر بعض العمل ل "ريم" ل اشغالها عن طريق اصدقائه وكانت "ريم" بتستجاب ,, !
فى يوم سافرت "ريم" نيويورك دخلت الشقة وكان بيمتلكها احساس انها هتقابل "لوهان" مره اخري ,, كانت بتسترجع لحظاتها وذكرياتها مع "لوهان" فى البيت ,, وهى جالسه غمضت عينيها ونامت وانتبهت لجرس الباب وفتحت الباب واتفاجئت ..!

يتبع ,,, 

لقاء مستحيل (20)

(20)

_ انت عارف ان "امير" له شغل بره الشركه انا وهو شركاء فيه
_ اه عارفين ..
_ قبل ما اجي المانيا فى مكتبي فى نيويورك كان فى اشخاص شكاهم غريب وكانوا منتظرين "امير " ,, كان وقتها امير فى لندن علشان "ريم" والظروف اللى حصلت ف قابلتهم انا  واتكلمت معاهم وفهمت منهم ان "امير" اتفق معاهم انه هيجهزلهم صفقه سلاح واحنا مبنشتغلش فى السلاح ..
_ سلاح ..؟
_  ايوه .. ودخل الصفقه دى مقابل خدمات عملوها له هو وواحده ..
_ مين دى ..؟
_ مش مهم مين .. المهم نوع الخدمات اللى قدموها ل "امير" ,,
_ ايه ..؟
_ ترهيب وتخوييف وتخريب ,,
_ مش فاهم ..؟
سكت لحظات "مراد": امير سبب انفصال "ريم" و"لوهان" ,, طلب منهم يسببوا حوادث ويهددوا "لوهان" علشان يسيب "ريم" والرصاصه اللى اتصاب "لوهان" بيها كانت ب أمر منه ,, والمقابل هيساعدهم ويدخل صفقه سلاح ليهم  نيويورك عن طريق معارفه ..!
 اتفاجئ"فريد": امير اخويا يتعاون مع ارهابيين ويأذى "ريم" ..
_ "امير" بيحب "ريم" بيحبها لدرجه انه يعمل اى حاجه علشان تكون معاه ومش طمع فلوس لا حب حقيقي .. انفصال "ريم" و"لوهان" اول مره كان ب اتفاق تم بينه وبين واحده اسمها "يومي" وانا حاسس انها هى شريكته فى الجريمه دى ,, الحقه يا "فريد" قبل ما يأذى نفسه فعلا ..!
"فريد" من الكلام انصدم ومش مصدق ان اخو يعمل كل دا ...

 اتصل "فريد" ب "امير" وعرف انه فى لندن فطلب منه ميسافرش لانه هيجي عاوزه فى موضوع ,, كان "رامي" بيحاول مع "ريم" يخرجها لكن كانت بترفض قاعده فى غرفتها بسماعات الهاند فري ودموعها المستمره وكان باين جدااا تدهور حالتها الصحيه ,,  انهى "امير" اتصاله مع "فريد":
_ فى حاجه ولا ايه ؟
_ لا فريد كان بيأكد عليا مسافرش ع اخر الاسبوع لانه هيجي
_ هنشوف رنا وملوكه .
_ لا هو جى لوحده ... ويطمن ع "ريم"
اتنهدت "حنان": مش عارفه انا حظ "ريم" عامل كده ليه ..كل البنات بتستقر الا هى مكتوب عليها تعاني
_ المهم انها بخير دلواقتي ومعانا ..
_ انت بتحبها يا "امير"
_ مش محتاج سؤال ,, بحبها من زمان جدااا
_يعني مش هتسيبها وتتخلي عنها مهما حصل ..
_ مهما حصل استحاله ابعد عنها ..
_ طيب ساعدها تخرج من الحاله دى  طول الوقت فى غرفتها هى بتسمع كلامك  ولما هتلاقيك معاها وقريب ليها هتعرف انها اختارت غلط ونطمن عليكم مع بعض وياريت قريب  ..!
_ ان شاء الله ..


خرج "امير" مع "ريم" ورامي وقضوا يوم بره ورجعوا ع البيت واتجهت "ريم" ع غرفتها وكان "فريد" منتظر "امير " ,, لحظت "ريم" تغيير ملامح "فريد" ملامح حادة واول ما قابلهم طلب يتكلم مع "امير" فى المكتب ,, اتجهت "ريم" لغرفتها  ونسيت موابيلها كان فى جيب "امير" فنزلت تاخده منه وقربت من غرفه المكتب وسمعت حوار "فريد" و"امير " ,, اول ما دخل "امير" وقفل الباب :
_ فريدو ..ايه الموضوع المهم اللى سفرك من المانيا ل لندن ..
بقبضه يده "فريد" لكم "امير " ضربه مفاجاءه :
_ دى علشان ريم واللى عملته فيها
امير ماسك خده وبيقف : انا عملت ايه فى "ريم"
_ انت خربت حياتها ,, انت السبب فى انفصالهم عن بعض ,,انت السبب فى انها تبعد عن حب حياتها وعلاجها ,, انت دمرتها ب انانيتك وطمعك ,, زمان كنت صغير ومش فاهم وبعدها كبرت وقولت عقلت لما لقيتك بتتقربلها وهى أمنتلك ووثقت فيك ,, لما تحب مش تساندها وتكون سندها لا اشاعه سخيفه تأذيها وتأذي "لوهان" وتكون سبب نقلي من كوريا وانها تنفصل عنه وانه يخرج بره كوريا ,, ومتسكتش عن كده لا القدر لما يقرر يجمعهم تاني لبعض بعد فراق سنين تعمل ايه  تتفق مع ارهابيين يخوفوهم ويرهبوهم ويهددو "لوهان" و"ريم" وتوصلها انها السبب فى اذيته وتنفصل عنه ,, ايه الجشع  والانانيه دى ,, انت ازاى تتفق ع قتل انسان ..
بعصبيه وبنبره عاليه : بحبها .. بحب ريم ومن زمان ,, ريم اختارتها تكون مستقبلي ومع الوقت حبيتها بجد ,, مقدرتش اسمحلها تكون فى حضن شخص تاني ,, مقدرتش استحمل اشوفها معاه ,, هو عمل ليها ايه ,, انا اللى عشت معاها كل لحظات تعبها وحالتها ,, هو ظهر لما اتحسنت ,, سافرت لك علشان تغير جو ورجعت مرتبطة .. ريم ليا انا ودلواقتي هى هنا معانا رجعتلي ..
هيتكلم ويرد فريد فتحت "ريم" الباب ودموعها بتتساقط ,, مصدومه من كلام واعتراف "امير" ,,:
اتوتر "امير" : ريم ..
قرب منها فريد يتكلم :انا هفهمك يا ريم هو ..
سكتت " فريد واتقدمت خطوات ل "امير :
_ انت يا امير تعمل فيا انا كده ,, قلبك طوعك تأذيني وتجرحني بالشكل دا ,, قلبك اللى بيحبني كان سعيد وهو شايفني بتألم وبتوجع ,, كنت سعيد بشكلي كده ,,  دا انا معتبراك اقرب شخص ليا اخويا وصديقي المقرب اللى مكنتش بخبي عليه اى اسرار على طول اول حد اكلمه انت واحكيلك واطلب مساعدتك ,, اى كلمه بتقولها بصدقك وانا مغمضه عيني واثقه فيك لانى عارفه انك مش هتأذيني ,, تأذي لوهان ,, تأذي روحي وحياتي ,, تأذي الشخص الوحيد اللى عرفني يعنى ايه حب ويعني ايه حياه وازاى اعيش ,, الشخص اللى ساعدني فى وقت كلكم .. كلكم كنتم شايفني مريضه نفسيه علاجي فى مستشفي ,,
_ ريم ..انا ..
_  انت كده اخدت مني كل حاجه .. فلوسي ومعاك ,, حياتي خلتني انفصل عن الشخص الوحيد اللى حبيته مفيش غير النفس اللى بتنفسه خده كمان لو دا يرضيك ,, عملت كل دا علشان بتحبني ,, اللى بيحب بيخاف ع اللى بيحبه مش بيأذيه ,, امير انا من بعد لوهان لا هكون لك ولا لغيرك ..عارف ليه ..
 مسكت كوبايه وكسرتها ومسكت قطعه زجاجه وجرت ايديها وفتحت كف ايديها وشاورتله ع الحرف :
_ لان لوهان هنا فى دمي مستحيل يبعد عني ومستحيل اكون لك .. مستحيل ..
بسرعه "فريد" مسك الزجاجه من ايديها ووبيدور ع منديل يسد النزيف وقعت "ريم" اغمي عليها ,, بسرعه "فريد" شالها واتجه للمستشفي والاسعافات الاوليه وتم خياطه الجرح و"عاصم" سمع  كلام "ريم" ل "امير" واول ما شافه ضربه بالقلم :
_ انا قولتلك قبل كده ريم بنتي واللى هيأذيها مهما كان انا مش هسامحه وانت جرحتها جرح مكنتش تتوقع يكون منك ,, من انهارده انت ملكش مكان لا فى البيت ولا الشركة ,, لما ترجع امير ابني اللى ربيته وريم تسامحك وقتها تقدر ترجع ,, امشي مش عاوز اشوفك ..
 بتتكلم حنان اتعصب عليها : مش عاوز كلمه واحده مش عاجبك اتفضلي معاه ,, اللى جوه دى بنتك .. بينتك انتى فاهمه يعني ايه بنتك ..انتي اكتر حد تحسي بيها ..!

استمرت "ريم" فى المستشفي فترة وكانت رافضه تتكلم مع اى شخص ,, قابل "عاصم" "غادة":
_ ريم  انا شايفها زى ما هى من 10 ايام مفيش اى تحسن ..؟
اتنهدت "غادة": انا مش عارفه اقول لحضرتك ايه ,, "ريم" مرت بفتره صعبه وكانت قبلها رافضه العلاج ,, احنا ندعي الفتره دى تمر ع خير ..
 ملامح "عاصم" حزينه وهو بينظر الى "ريم" من خلف غرفه المستشفي ,, رجع البيت ولاحظ "رامي" قاعد فى غرفه "ريم":
_ رامي بتعمل ايه هنا ..
_ ريم وحشتني يا بابا ,, مش عارف ليه بيزعلوها كتير هى مبتعملش حاجه لحد
 اتنهد "عاصم": فعلا ,,
_ عارف يا بابا لما كانت مع "لوهان" كانت بتضحك وبتتكلم ومبتتعبش ,, ليه "لوهان" سابها
كلام "رامي" نبهه "عاصم" لفكره وهى "لوهان" ,, تاني يوم زار "ريم" فى المستشفي وخرجت معاهم ع البيت وانعزلت فى غرفتها ودموعها مستمره ,, سافر "عاصم" نيويورك وقرر يقابل "لوهان".. اتجه لمقر الشركة وانتظر يقابل "لوهان" ورحب به جدا :
_ مستر "عاصم" انا سعيد جدا لتشريف حضرتك هنا ..
_ اتمني تكون كل امورك بخير
_ تمام .. كل حاجه رجعت زى الاول ,, مدام حنان ورامي اخبارهم ايه ؟
_ بخير ..ورامي باعتلك سلام كبير معايا
 وبلجلجه " و"ريم" ..؟
_  محتجالك ..
_ هو فى حاجه ؟
_ "ريم" من بعد انفصالكم وريم حالتها ساءت رفضت العلاج ورجعت لعزلتها تاني وتعبت من قريب ودخلت المستشفي ولسه راجعه البيت من يومين وحالتها زى ماهي مفيش تحسن ,,"ريم" مش عارفه تعيش وهى بعيد عنك ...!
_ حضرتك عارف انا حاولت قد ايه معاها وهى اتمسكت بالانفصال وقالت انها غير سعيده معايا ووعدتها مش هكون سبب اى مضايقه ليها ..
_ انت بتحب ريم بجد ..؟
_  انا محبتش غيرها فى حياتي ,,
_ انتم الاتنين محتاجين بعض والظروف اللى حصلت هى كانت اختبار لكن كان صعب عليكم وللاسف فشلتم لكن دايما بيبقي فى فرصه ,, ارجعوا لبعض انتم بعاد غير مكتملين حياتكم فاضية كلها وجع والالم ,, ارجعوا لبعض ,, ارجع ل ريم  محتجالك جدا .
_ قرار انفصالي عنها كان رغبتها و..
_ ريم بعدت عنك علشان خايفه عليك وتحميك ,, ريم اختارت تضحي بنفسها تاني مره علشان تحميك
 اتفاجي "لوهان" : ايه ؟
 ابتدا "عاصم" يحكي ل "لوهان" خطة "امير و "يومي" ل انفصالهم واتفاجئ "لوهان" ان اقرب الاشخاص ليهم هما سبب وجعهم ,,, انهى "عاصم" كلامه وترك "لوهان" ل اتخاذ القرار ,, فى نفس اليوم اتصلت "يومي" ب "لوهان" وعزمته ع العشاء معاها ووافق "لوهان" ..  اتجهوا لمنزل "يومي" والعشا جهز وقعدوا ,, و"لوهان" مش قادر يستوعب ان "يومي" تعمل كده :
_ انا اخترت الاكل اللى بتحبه وعملته بنفسي ..؟
سكت "لوهان" ولاحظت "يومي" انه مأكلش :
_ اوووبا .. فى حاجه ؟
مسك موبيله وفتح تسجيل كان "مراد" سجل مقابلته ل الاشخاص المشبوهين فى نيويورك واتذكر اسمها ,, وملامح مفاجاءه وصدمه ع ملامحها والشوكه وقعت :
_ اوووبا .. انا ..
_ انتي ايه ,, انتي عارفه انك اقرب شخص ليا ولا فكرت ازعلك ولا اضايقك ب اى حاجه وطلباتك كلها مجابه ,, انتى الوحيده بعد ما سبت كوريا رديت عليكي وعرفتك مكاني ,, انتي الوحيدة اللى كنت فاكر انها بتخاف عليا  ووثقت فيها لكن طلع كل دا كدب ووهم ..
_ اوووبا ..اسمعني انا ..
 بعصبيه: اسمعك هتقولي ايه .. اتقربتي ل "ريم" علشان تأذيها رغم تحذيري ليكي ,, ليه عملتي فى "ريم" كده وفيا .. شايفاني بتوجع وبتألم وساكته لانك انتي سبب الالم دا ,, من وقت ما عرفت وبقول ايه السبب القوي اللى ضحيت ب "ريم" وانا..
بتبكي "يومي": علشان بحبك .. بحبك.. ومن زمان واحنا صغيرين مشفتش غيرك ,, ولما ظهرت "ريم" دمرتلي حياتي واحلامي ..
_ بتحبيني تدمريلي حياتي ,, وتأذي الانسان الوحيدة اللى حبتها ,, انا بحب "ريم" وهى الوحيدة اللى ليها حق فى كل نفس بتنفسه وكل  نبضه فى قلبي ,, بعد "ريم" مفيش حد هياخد مكانها ,,الموت بس اللى يبعدني عنها ,, انا مش عاوز اعرفك تاني ..!
 خرج "لوهان" و"يومي" انهارت ... فى يوم "رامي" كان مع "ريم" فى غرفتها وصمم انها تخرج معاه وكان معاهم "عاصم" وبعد الحاح من رامي وافقت تزور الاطفال فى الجمعيه  ,, حضرت عيد ميلاد طفل من الاطفال وخرجت فى الحديقه تتمشي فى الحديقه وهى بتتمشي وقفت ربعت ايديها واتنهدت وبصت ع الحرف اللى فى ايديها وغمضت عينيها فى اللحظه دى سمعت :
_ وحشتيني ..
 فتحت عينيها متفاجئه بالصوت هى تعرفه استدرات وكان "لوهان" :
_ لوهان .. انت هنا
ابتسم "لوهان": وحشتيني
"ريم" بتبص حواليها احساسها انها بتتخيل : انت هنا بجد ..
 قرب منها ومسك ايديها : وحشتيني ..
فجاءه دموع وكانت عاوزه تمشي حضنها من ضهرها وضمها بشده :
_ انا اسف "ريم" .. اسف انى بعدت ونفذت كلامك من غير تفكير ولا دورت ع السبب ,, اسف لانى مكنتش اعرف ان خوفك عليا هيوصلك تضحي بنفسك ,, انا عرفت كل حاجه وعرفت انك قررتي تحميني ع حساب نفسك ..
بدموع: انا جبانه يا "لوهان" .. ضعيفه لدرجة ان الخوف بستسلمله وبخسر بسبب ,, انا خذلتك وكنت فاكره ان حبي لك قوي ..!
استدرات وبيمسحلها دموعها : انتي قوية وحبك اقوي لانك قررتي تحميني واختارتي تتألمي فى المقابل ,,
_ مكنتش هستحمل اشوفك بتتأذي واقف مكاني ..
قاطعها "لوهان": انتى حياتي يا ريم ,, بعدك الحياه ملهاش لون ولا روح ,,الفتره اللى فاتت مكنتش سهله عليا زى ماهى كانت صعبه عليكي ..
_ انا اسفه .. خوفي مبقدرش اتغلب عليه
مسك ايديها الاتنين وضمهم : هتتغلبي عليه واحنا مع بعض ,, احنا الاتنين شئ واحد فى الفرح والحزن والالم والخوف ,,القدر بيجمعنا ومش هنسمح لحاجه تاني تفرقنا
_ انا حمل تقيل عليك مبسببش لك غير المشاكل ومستحيل علاقتنا تستمر  ..
 قاطعها "لوهان" وشاور للسما : هو اللى بيقرر يحصلنا ايه ,, الموت والحياه ملك له لوحده مش ب ايد بشر ,,وهو اللى جمعنا مع بعض رغم الاختلافات اللى بينا ,, والمستحيل اللى هو مش كاتبه مش اللى بشر مش عاوزينه ,, واحنا مع بعض مفيش مستحيل لان اللى جمعنا مفيش معاه مستحيل ,, الموت وحده اللى يفرقنا عن بعض ,, ريم .. انا كل يوم حبك بيزيد اكتر واكتر وبحتاجك اكتر واكتر فى حياتي ..
 _ وانا مش عارفه اعيش من غيرك ..
 مسك ايديها وفتح ووضع قبله فى كف ايديها : انتي حبيببتي وصديقتي ورفيقتي الوحيده فى الدنيا ,, كفايه تضيع ايام من عمرنا فى بعد ,, انا مش هسيب الايد دى مهما حصل ,, ومهما كانت المشاكل والازمات هنكون مع بعض فيها ونحلها مع بعض ,, اوعديني انك مش هتسيبي ايدى مهما حصل ..
_ اوعدك ..
_ بحبك..
 اترمت فى حضنه: بحبك ..
 كان "عاصم" و"رامي" والاطفال شاهدين ع الموقف وههيصوا وصفروا وفرحوا لرجوعهم لبعض ولرجوعهم الابتسامه لحياتهم مره تانيه ..!

تمت الاجراءات وعادوا الى نيويورك ونزلت "ريم" من العربيه امام العماره وع وجهها ابتسامه ,,تذكرت اول مره وتوترها  ابتسمت وامسكت يد لوهان واوصلوا لشقتهم و"لوهان" بيفتح الباب و"ريم" داخله وقفها :
_ فى حاجه ؟
_ اهم حاجه
 حملها بين يديه ك اول مره ودخل الشقه  ,,
ابتسمت "ريم" وكانت الشقه مجهزه ك اول مره ورود وبلاليين ,, ضمها "لوهان" من ضهرها :
_ هنبدء بداية جديده ..بحياه جديده من غير خوف او قلق
_ شكرا يا حبيبي ..
استدرات ووضع قبله فى كف يديها : وحشتني ابتسامتك ,, الشمس اخيرا ظهرت فى حياتي .. توعديني انك متبعديش عني مهما حصل
_ اوعدك
_ ومهما حصل هتشاركيني فيه ؟
_ اوعدك
_ واى قرار هنشارك بعض فيه
_ اوعدك
_ الفرح والحزن والالم مع بعض
_ فى الفرح والحزن والالم مع بعض
_ بحبك ..
_ بحبك
ضمها "لوهان" وكانوا فى منتهي السعادة ,, شغل الساوند :
_ تسمحيلي بالرقصه دى
 ابتسمت "ريم": اوكيه
رقصوا ع انغام اغنيه من اغاني "لوهان" المحببه لهم ,, ومع انتهاء اخر كلمات الاغنيه انتهت ب قبله بينهم .!

بعد فتره تعبت "ريم" وزارت دكتور وعرفوا انها حامل وكان الخبر مفرح للجميع ومع متابعه حاده لعلاجها ومتابعه الحمل .. كان "لوهان" بيتفرغلها اغلب الوقت ويكون معاها فى البيت وزيارات المستشفي .. ودايما بيحضرلها الوجبات والحلويات وياكلها بنفسه ,, جهز تشيز كيك الفرواله وجلس بجوارها :
_ شكرا حبيبي
مسك منها الطبق تاني : مفيش حاجه مجانا
ضحكت "ريم": طيب قرب كده وانا هدفعلك كاش حالا
 قرب "لوهان" وقبلته :
_ مش ملاحظ انك بقيت مدمن عصير فراوله هو انت اللى حامل ..
ضحكك" لوهان": لازم اشاركم فى كل حاجه .. بس ايه رايك فى التشيز كيك
 اخدت قطعه: اممممم جميله .. انا بحب اووى اكل اكل انت عامله
_ يو ويلكم ..
 لاحظ كريمه ع شفايف "ريم" : ريم ..
_ ايوه
 _عاوز قطعه من التشيز كيك
 قطعت قطعه فى الشوكه " اتفضل
 قرب منها : لا انا عاوز من دى ( وقبلها وازال الكريمه بشفايفه)
_ ايه دا ..؟
_ كنت بدوق عمايل ايدي لكن بفراوله طبيعيه ..
_ وايه رايك ..
_ لا انا محتاج اركز علشان راي النهائي ..
 ضحكت "ريم" : ابقي ركز المره الجايه ..
 مسك كوبايتها ووضعها امامهم مع كوبايته:
_ ليه نستني مره تانيه
قام من ع الكنبه وحمل ريم بين ذراعيه:
_ بتعمل ايه البيبي
_ متقلقيش ع البيبي
دخلوا غرفتهم وسط ضحكاتهم ,, استمر اهتمام "لوهان" ب "ريم" فتره الحمل فى البيت ورفض اى شخص يهتم بيها وتفرغ لها اغلب الوقت ,, من تغيرات نفسيه نتيجه الهرومانت ل الوحم والتعب كان دايما معاها فى كل اللحظات ,, اقترب موعد ولاده "ريم" وحضر الجميع " عاصم وحنان ورامي ورنا وفريد  ومريم وغادة " الى المستشفي ,, كانت "ريم" بتتالم و"لوهان" ماسك ايديها وواصر انه يدخل معاها غرفه العمليات يحضر الولاده وميسبهاش لوحدها لانه وعدها ,, وافق الدكتور ودخل معاها ,, "ريم" كانت بتتالم وبتبكي  و"لوهان" بيحاول يهديها وفجاءه صرخت وبعد لحظات قليله سمعوا صوت البيبي بيبكي :
_ مبروووك بنوته جميله
قرب "لوهان" ل ريم" : مبرووك علينا يا احلى ماما .. بحبك
 ابتسمت "ريم" وبنبره مرهقه: بحبك يا احلى بابا
 جهزوا البيبي وريم حملت البيبي ل اول مره وحضنتها و"لوهان" معاهم وكانت لحظه من اسعد لحظات حياتهم وصورهم الدكتور ,, خرجت "ريم" واتجهت لغرفتها واطمنوا ع البيبي وكانت معاهم :
_  بنوته جميله ل مامتها
_  شكلها غريب اوى مختلطة اسيويه ع عربيه  هتبقي نوع خاص
 ضحكك "لوهان": اكيد يا "رامي"  احننا مميزين
_ وبقيتي مامي يا "ريم" وهتعاني نفس معاناتي انا و"مريم"
 ضحكت "مريم": سبيها يا "رنا" تجرب بنفسها وتنبهر ..
ضحكت "غادة" متخوفهاش يا بنات الامومه احلى احساس فى الدنيا وهتكون احلى فتره فى حياتها ..
وصل 2 بوكيه ورد واحد ب اسم "امير" والتاني "يومي" .. عرفت "ريم" ولاحظت ملامح عاصم الحزينه :
_ هو "امير" لسه مرجعش البيت ..؟
_ لا ..
_ اونكل عاصم.. انت مفيش اطيب منك واكيد "امير" اتعلم من غلطه لان "امير" مش شخص سئ .. سيبه يرجع البيت ويكون معاكم هو محتاج يكون معاكم .. الامان اللى هيحس به معاكم هيحميه ..!
_  بابا قال مش هيرجع غير لما انتى تسامحيه يا "ريم" ...
ابتسمت "لوهان" وهى بتبص ل البيبي وبجوارها "لوهان":
_ انا سامحته من زمان لان انا معرفتش اكره ,, حبي للوهان مالى قلبي مفيش مكان للكراهيه ,,هو غلط واتعلم و"يومي" كمان احنا بالنسبالهم عيلتهم والمقربين ليهم ,, انا و"لوهان" قررنا نسامحهم وندعيلهم يتوجهوا لطريق الصحيح ..
عاصم قرب من ريم وب ابتسامه وضع قبله ع جبهتها:
_ انتى قلبك طيب اوى ياريم ..لوهان محظوظ بيكي
 نظرت للوهان : انا المحظوظه انه فى حياتي ..
فريد تدخل : قررتوا هتسموها ايه ؟
ابتسمت "ريم": جنه
_ جنه ..؟
نظرت الى "لوهان": جنه لوهان ..
قرب "لوهان" ووضع قبله ع جبهتها وايديها: انتم الاتنين جنتي فى الدنيا

خرجت "ريم" من المستشفي ورجعت البيت و"لوهان" كان بيساعدها فى رعايه والاهتمام ب "جنه " :
_ مش مصدق ان البنت الجميله دى بنتي انا ..
ضحكت "ريم": اكيد طبعا مش طالعه لمامتها
_وانا بحب مامتها جداا ..
_ انا بحبك اكتر ..
_ وجودنا مع بعض معجزه يا "ريم" ..
_ رغم اختلافنا اتجمعنا وعشنا وحبينا افترقنا ورجعنا ودلواقتي حياتنا اكتملت ب احلى بنوته
_ رامي سالني وقالي "جنه" هتتكلم ايه عربي ولا كوري ولا انجليش زينا ..
حضن "لوهان" ريم" : هتتكلم حب .. لغه الحب ملهاش وطن ولا مكان معين ..الحب حياه نعيشها
 بحبك ..
_ بحبك ..
وفى لحظه رومانسيه بيقربوا ولوهان هيقبل "ريم" صحيت "جنه" وبكت :
_ بتختاري الوقت الغلط ..
ضحكت" ريم  وحملت "جنه" وضمهم "لوهان" فى حضنه الاتنين  ..!

يتبع ,, 

لقاء مستحيل (19)

(19)
عاد " لوهان" الى نيويورك حتي موعد الخطوبة ,, فى شركته دخلت السكرتيره  ووضعت امامه كارت :
_ خليها تدخل طبعا ..!
قام وقف وب ابتسامة مشرقة: يومي .. ويلكم باك
 ابتسمت "يومي" وحضنت "لوهان": وحشتني جدااا
_ جيتي امتي ؟
_ الصبح ,, كان فى ميتنج شغل خلصته وجيت ع هنا ,, انت مشغول كتير ومش قادره اشوفك
ابتسم "لوهان": الشغل كتير جداا و"ادوارد" بيسافر وبكون لوحدي .. قوليلي "تشربي ايه الاول ؟
_ اشرب ايه انا هتغدي ومعاك وع حسابك
ضحكك"لوهان": وانا موافق .. يلا بينا ..
نزلوا واتجهوا لمطعم قريب من الشركه وطلبوا الغدا :
_ ايه اخبارك واخبارك شغلك ؟
_ كويس .. بسافر من هنا ل هنا شوبنج وشغل
 ضحكك"لوهان" : يا بختك ..
_ طمني انت عليك اخبار شغلك ايه وصفقه "باريس" تمت ,, كانت مهمه لك جداا
 ابتسم "لوهان": تمت ..
_  لدرجه دى كانت مهمه ومفرحاك ..؟
_ جدااا .. السفريه المرادي كانت مختلفه ..
_ ليه كده ..؟
_ رجعت وانا مقرر اخد خطوة جدية فى حياتي واهرب من العزوبية واتجوز ..
 ابتسمت "يومي" فى خجل اعتقادا انه يقصدها :  ياريت ..
 ب ابتسامه: ريم ..
 اتفاجئت "يومي": ريم .. مين "ريم" ..؟
_ معقوله تكوني نستيها ..
_ اهااا .. ايه فكرك بيها ..؟
_ قابلتها فى "باريس" و ( حكي "لوهان" كل الاحداث فى سفريه باريس )
"يومي" مصدومه : بجد ..
_ انا كنت هكلمك بكره علشان تحضري الخطوبة والزفاف لانك شخص مهم جدا فى حياتي ..
_ علشان كده انت أسلمت , علشان "ريم" علشان تتجوزوا ..؟
 لالا "ريم" ملهاش علاقه بقراري ولا اسلامي .. هى وجهتني لكن القرار كان شخصي انا اللى اخترت ..
بملامح حزينه: وانا .. مفكرتش فيا ولا لحظه ..
_ يومي . انتي انسانه جميلة جدااا وانا بحبك لكن ك اقرب صديقة واخت بحترمها وبخاف عليها ,, انا مش ناسي لما خرجت من كوريا انتي دورتي عليا فى كل مكان ولما وصلتيلي فى نيويورك  عرضتي عليا كل طرق المساعده ماديا ومعنويا ورغم نفوري لكن تمسكتي بيا ومسبتنيش لوحدي .. كنتي الوحيده اللى معايا فى ازمتي  ولوقتنا هذا ..!
_ علشان بحبك اعمل اى حاجه ..
_ لكن انا بحب "ريم" ومن زمان ومتخيلتش اى واحده تانيه غير "ريم" معايا ,, وانا قولتلك علاقتنا حدودها واضحه ومكنش ينفع استغل مشاعرك واجرحك علشان انسي لاني مكنتش هنسي .. انا قولتلك كذا مره عيشي حياتك قابلي اللى يحبك وتحبيه ,, انتظارك ليا مفيش منه امل ..!
_ علشان انت أسلمت انا قولتلك ه أسلم زيك وانت رفضت ..!
_ رفضت لانه مكنش ينفع تعملي كده علشاني لانى معملتش كده علشان حد دا قناعه شخصيه ومش سهله انها تحصل ,, رغم بعدي عن "ريم" 4 سنين لكن القدر جمعنا تاني .. انا قابلتها صدفه فى "باريس" غير مرتبه ,, احنا قدرنا واحد ..  بجد يا "يومي" اتمنالك تقابلي اللى يحبك وتحبيه وقتها هتعرفي معني كلامي دا ..
 ابتسمت "يومي": المهم عندي انك تكون سعيد .. مبرووووك
_ هتحضري وتكوني معايا ..؟
_ اكيد هحضر ..يلا نكمل اكل علشان مواعيدنا
_ اوكيه

تمت الخطوبه فى شكل عائلي  وكلا من "امير" و"يومي" اعتذروا عن الحضور ل اسباب تخص العمل ,, وتم الاتفاق ع اتمام الزواج بعد اسبوع وكانت المفاجاءه ان كتب الكتاب هيتم فى المدينه المنورة فى السعودية وكانت هدية "لوهان" ل "ريم"  يتم الكتاب ويتموا عمره بدايه حياتهم ,,, كانت "ريم" بتتحسن بطريقة واضحه والسعادة ظاهره عليها ,,,   قبل موعد السفر  كان "ريم" بتذهب الى غادة يوميا  وفى يوم طلبت "غادة" تقابل "لوهان" لوحده :
_ مبروووك "لوهان" ع الزواج بجد اتمني لكم كل الحظ السعيد والسعادة
ابتسم "لوهان" : شكرا .. انا حابب اشكرك .. شكرا ليكى
_ ليه ..؟
_ شكرا ع وجودك ومساندتك ل ريم كل السنين اللى مرت ,, بجد لو مكنتش قابلت صديقة مخلصه زيك مكنتش هتوصل لمرحله دى من الاستقرار وشجعتها تكمل ..
_ عاوز الحقيقيوة .. انا معملتش حاجه ل "ريم" .. انت اللى عملت كل حاجة ,, وجودك فى حياة "ريم" عمل فرق شاسع فى حياتها ,, اختلفت حياتها عن قبل ما تقابلك ,, مساندتك وتشجيعك ليها دايما وتمسكك بيها  وحبك واهتمام كانوا اهم عوامل تحسنها .. وجودك حسسها بالامان اللى فقدته من صغرها ,, انا اللى بشكرك جداا ..
_ ريم تستحق اكتر من كده ..
_ انا مطمنة وهى معاك وواثقه انها هتتحسن اسرع مما نتخيل قريب جدااا
_  وانا معاها مش هسيبها ولا لحظه ..
 قامت "غادة" وجلست ع كرسي امام "لوهان :
_ انا كنت عاوزة اتكلم معاك فى موضوع بعيد عن "ريم " ..
 اتفضلي ..
_ انت مش محتاج احكيلك عن حاله ووضع "ريم" النفسي ..
_ متقلقيش انا عارف كل حاجه واتفقت معاها انها هتكمل علاجها ووالجلسات ..
 _ انت علاج "ريم" يا "لوهان" .. وجودك معاها اكبر وسيله لعلاج  بدعي دايما متسيبوش ايد بعض
_ انا مستحيل اسيبها ..
_ عاوزة اطلب منك طلب ومنها حابه افهمك نقطه معينه ..
_ اتفضلي ..
_ "ريم" اتعرضت لتشويه نفسي وهى صغيرة نتيجه معامله والدها وهروب الكل من حواليها ,,محستش يعني ايه عيله ويعني ايه دفئ واستقرار وامان  ,, حرمانها من الحنان والحب والامان زرع جواها الخوف من كل حاجه ومن كل شخص يقربلها  الاخص الرجاله لانها شافتهم كلهم باباها ,, عاشت فى عزلة وكانت مقرره تعيش فى عزلتها ل اخر العمر منعا ل اى اختلاط .. فكره تكوين اسره وبيت بالنسبه ل "ريم" فكرة مخيفة ,,انا واثقة وهى معاك كل حاجه هتتحل واحده واحده لانها بتحبك وانت كمان ,, وجودك هيطمنها ,, لكن هى محتاجه وقت .!
_ اطمني يا دكتور انا مش هسيبها ولا هضغط عليها فى حاجه
_ فى حاجه تانيه
_ اتفضلي ..؟
_ انت اول راجل فى حياه "ريم" مشاعرها تتوجهله وتتعلق به وانت الوحيد اللى سمحتله يمسك ايديها ويلمسها ,, كانت بتترعب لما حد يلمس كتفها بدون قصد فكره العلاقة الجسديه غير مستقرة عندها محتاجه وقت .. ف العلاقه بينكم هتاخد وقت لغايه ما تكون طبيعيه ,, يعني اصبر ع "ريم" واحده واحده الدنيا هتتظبط معاها و..
 قاطعها : متقلقيش يا دكتور انا عمري ما هجبرها ع تصرف هى مش متقبلاه ,, انا هتجوز "ريم" لان انا بحبها ومحتاجها تكون ونيسي فى كل لحظات عمري ,, والعلاقه الجسدية عمرها ما كانت سبب ولا هدف لعلاقتي معاها ,, انا فاهم قصدك وعارف واكيد ههتم بالنقطة دى من غير حضرتك ما تقولي ..
_ شكرا لتفهمك ...

فى البيت "ريم" انهت محادثتها مع "لوهان" وشغل الهاند فري ونامت ,, رجع : امير " البيت متاخر وفى حاله سكر غير متزن ,, حاول يطلع السلم اتجاة غرفته وكان بيتمايل غير متزن ,, قبل ما يتجهه لغرفته وقف لحظه ونظر اتجاه غرفة "ريم" ,, بخطوات متعثرة اتجه لغرفته وفتح الباب ,, كانت "ريم" نايمه قرب منها بخطوات هادئه ,, كانت "ريم" مستلقية ع ظهرها نايمة ,,وقف امام السرير يتمعن النظر اليها وخانته دمعه من عينه ونزلت مد ايده ازالها وبهدوء قعد ع حافه السرير من مقربة من "ريم" قرب يده لملامستها من بعيد ثم اقترب اليها رغبه فى تقبيلها ولكن فى هذه اللحظه يده تلامست يد "ريم" و"ريم" فتحت عينيها اتفاجئت ب "امير" من مقربه منها ودفعته بعيد وهى مخضوضه:
_ امير .. انت بتعمل ايه هنا ..؟
 حاول يقف "امير" لكن كان بيتمايل :
_ متخافيش .. متخافيش انا جيت علشان اقولك مبروك مش انتي مسافره بكره .
_ وانت عامل كده ليه .. انت شارب ..؟
 ضحكك "امير" وهو بيتمايل غير متزن : اها .. شربت كاسين ,,تلاته .. خمسه.. عشره
_ ليه كده مش انت كنت بطلت العادة دى علشان صحتك ..؟
 بيحاول "امير" يقف فى اعتدال : علشانك .. انا بطلت الشرب علشانك
 قربت منه "ريم" ومسكته من ايده : روح نام فى اوضتك يا "امير" باين انك تعبان وشربت كتير ..
 دفع ايديها ودموعه تساقطت : مسألتنيش انا شربت كتير ليه ..؟ ولا انا مش مهم ,, اه انا مش مهم ولا اى حاجه فى حياتك من الاساس ..
_ امير .. ارجوك روح لغرفتك ..
_ هقولك انا شربت ليه كتير ,, لان انا مش قادر اصدق بعد السنين دى كلها وبعد اللى عملته وضحيت به علشانك هتكوني لحد تاني ,, انا عمري كله مستنيكي ,, مستني اللحظه اللى هتكوني ليا ,, استنيت ,, استنيت,, استنيت ( كان هيقع ) وبوووووم ظهر من عدم " لوهان " ,, لا من جنسك ولا ديانتك ولا بلدك وحبيتيه ,, فى ايه لوهان اكتر من اللى عملته ,, (قرب منها وبيتطوح) انا عارف انا كنت وحش وطماع وفيا كل حاجه وحشه ,,لكن انا حبيتك يا "ريم" .. حبيتك بجد . اتغيرت كتير علشانك ,,عملت حاجات اللى بتحبيها علشان اكون معاكي ,, وهبت وقتي وكل لحظاتي ليكي لوحدك ,, وبعد كل دا  "لوهان" يجي يخطفك كده ,, ( مسكها من كتفها الاتنين ) انتي ليا انا يا " ريم " ليا  انا ..
حاول "امير" تقبيل "ريم" وهى بتتجنبه و فجاءه صفعته بالقلم ع خده :
_ امير .. فوق ..
 تألم "امير" من القلم ولحظت "ريم" انهمار دموعه ,,قربت منه بخوف يمتلكها :
_ ارجوك يا "امير" روح اوضتك دلواقتي ..ارجوك يا "امير"
 بخطوات غير متزنه وصمت اتجه "امير" اتجاه الباب وخرج واتجه لغرفته واغلقت "ريم" باب الغرفه والرعب تملكها ودموعها تساقطت .. الموقف ارعب "ريم" لدرجه انها مقدرتش تنام ,,تاني يوم كانت فى غرفتها بتجهز ,, "امير" صحى من النوم بصداع شديد غير متذكر اى حاجه من ليله أمس غير انه شاف "ريم"  لكن مضمون اللقاء غير متذكره لكنه شعر ب انه عمل حاجه ,, بعد ما بدل ملابسه وشربت قهوته خرج من الغرفة بيتألم من الصداع  وجد امامه "ريم" خارجه من الغرفه للحظه "ريم" اتوترت ولاحظ "امير" رد فعلها وتأكد انه حصل حاجه ,, :
_ صباح الخير يا "ريم" ..
_ صباح الخير يا "امير " ..
_ ريم .. هو فى حاجه حصلت امبارح ..؟
 ولان "ريم" عارفه ان ن عادات "امير" فى الشرب الكحول انه بينسي : لالا مفيش حاجه ..
_ متاكده .. انا مش فاكر حاجه خالص غير اني شوفتك ..
_ ها ... اها كنت نازله المطبخ اشرب وكنت راجع من بره واضح انك تقلت فى الشرب ساعدتك توصل لغرفتك ونمت بس كده مفيش حاجه حصلت ..
_ لكن ليه حاسس انك مخبيه عني حاجه ..
 اتوترت "ريم": انا .. ( رن موابيلها )  لا مفيش انا نازه لان "لوهان" منتظرني تحت ,,
_ "ريم" لو حصلت وعملت حاجه انا بعتذرلك بجد و ..
 قاطعته : مفيش حاجه يا "امير" خلاص ..  اشوفك يوم كتب الكتاب ,..
_ ان شاء الله .. مبرووك
_ عقبالك ..
 نزلت "ريم" مرتبكه واتاكد "امير" ان فى حاجه حصلت لكن غير متذكرها ,, "ريم" قررت ان ما حدث ليله امس متحكهوش ل اى شخص حتى "لوهان" كان "لوهان فى انتظارها امام السياره ابتسمت "ريم" وبعد احساسها بالخوف شعرت بالاطمئنان فى لحظه ظهور "لوهان ",, اتجهوا للمطار وطارت الطياره و"لوهان" جالس بجانب "ريم" ضامم ايديها و"ريم" نامت ع كتفه وطول الطريق متكلموش .. وصلوا المطار واتجهوا للفندق وكان فى انتظارهم "فريد" و"رنا" وابنتهم "ملك ".. سهروا اليوم مع بعض تجمع عائلي وسط ضحكات وابتسامات ,, تاني يوم تم كتب الكتاب و"ريم" احساسها انها فى حلم واتاكدت انه حقيقي فى لحظه ما وضع "لوهان" قبله فى كف ايديها :
_ مبرووك عليا يا احلي حبيبه وصديقه وزوجه فى العالم
 ريم حاولت تتمالك دموعها لكن افقدت السيطره وانهمرت فى البكاء ضمها "لوهان" لحضنه :
_ بحبك .. بحبك
 تاني يوم اتموا كلهم عمرة وعادوا الى حياتهم ورجعت "ريم" مع "لوهان" الى نيويورك تبدا حياتها مع "لوهان" ,, لحظه وصولهم امام العماره اتملك "ريم" توتر وخوف من الحياه الجديده وياتري هتقدر تعيش طبيعي وبدون مشاكل  وكان واضح على ملامحها ,, لاحظ "لوهان" وحاول يطمنها ومسك ايديها  واتجهوا لشقتهم  و"لوهان" بيفتح باب الشقه اتملك "ريم" رعشه وزاد التوتر والخوف واتجمدت مكانها :
_ "ريم" ..تعالي ..
_ ها ..
 قرب منها "لوهان" وحملها بين ذراعيه ودخل الشقه ونزلها ووقفت تنظر فى ارجاء المكان وكان مزين بالكامل بالورود والبلاليين المشهد كان مبهج  :
_ وااااو ..
_ ايه رأيك ..
_ جميل .. انت عملت كل دا ازاى ..؟
_ ادوارد انا خططت وطلبت وهو نفذ .. اومال ايه فايده الاصدقاء ..
 ابتسمت "ريم": جميل ..
وبعد لحظات من ابتسامتها عاد التوتر والخوف :
_ غرفه النوم فى الاتجاه دا ادخلي غيري هدومك ..
 اتجمدت "ريم" وزاد عليها ملامح التوتر ومسكتها ل ايديها  : ها ..
 ابتسم "لوهان" وقرب خطوتين  ف تراجعت "ريم" تلقائي خطوتين  فمسك ايديها  فمسك ايديها ووضع قبله عليهم وقعدها ع كرسي وهو بجوارها :
_ كل الخوف والرعب اللى فى عينيكي دى ملوش داعي ,, اهدي ,, مفيش حاجه هتحصل ولا هجبرك ع اى شئ ابدا ,, اى حاجه لو هتتم هتكون ب ارادتك ورغبتك قبل رغبتي ,, انا كفاية عليا وجودك معايا ,, ارجع البيت الاقيكي  ,, نتكلم مع بعض .. نتفرج ع فيلم مع بعض ,, نخرج ونتمشي وناكل ونعمل كل حاجه مع بعض .. انا عاوزك تكوني معايا فى كل لحظه وفى كل مكان واى حاجه بعملها تكوني شريكتي فيها ,,انا عاوزك انتي يا "ريم" مش عاوز حاجه تانيه متخافيش اتفقنا ..
كلام "لوهان" طمئن "ريم" وقلل من توترها وخوفها  :
_ انتي هتنامي فى الاوضة دى لوحدك وانا هنام فى الاوضه التانيه ودا كله بيتك اعملي فيه اللى انتي عاوزه مسموح ليكي وانا موافق مسبقا ع اى حاجه ,,
ابتسمت "ريم": لوهان انا بجد اسفه ,,
 قاطعها : لا انا جعان مفيش وقت للاسف .. يلا غيري هدومك لان الاكل هيبرد كده ,,
 لحظت "ريم" ان "لوهان" بطريقه لطيفة منه بيزيل عنها الاحراج : اوكيه ..
دخلت "ريم" غرفتها  وبنظرها تتجول فى انحاء الغرفه كان فى علبه ع التسريحه ومعاها كارت ,, فتحت العلبه وكانت سلسله ع شكل سحاب وحرفهم الاتنين موجود  فتحت الكارت : انا بحبك من الارض لسماء السابعه ,, 
ابتسمت "ريم" وفرحت بالسلسله لانها بتحب السما والسحاب جداا ,, خرجت "ريم" والسلسله فى رقبتها ومبتسمة ولحظها "لوهان" وابتسم  واثناء تناولهم للطعام كانوا بيتبادلوا الحديث والضحكك ك  اصدقاء وطريقه "لوهان" ازالت كل التوتر والخوف واتعاملت "ريم" طبيعي ,,, مر اسبوع والوضع كما هو "لوهان" الصبح فى الشغل ويرجع يتغدا مع "ريم" او يخرج هو وريم للغدا بالخارج او العشا ويرجعوا البيت يتفرجوا ع فيلم مع بعض ويتكلموا ,, فى يوم رجع "لوهان" متاخر من ميتنج وكانت "ريم" منتظراه وغلبها النوم مكانها ,, شافها "لوهان" نايمه بهدوء حملها  لكن "ريم" شعرت بوجوده لكن استمرت فى اغلاق عينيها واتجه لغرفتها وبهدوء وضعها ع السرير ووضع عليها الغطاء وجلس بجوارها للحظات ينظر اليها وهى نايمة ,, وببطئ تلامست صوابع ايده شعرها واعتالت ابتسامة ع وجهه ,, اقترب منها ووضع قبله ع جبهتها وخرج من الغرفه ,, كانت "ريم" تشعر بكل هذا فتحت عينيها وابتسمت  وتملكها احساس الامان والاطمئنان بوجود "لوهان" فى حياتها ,, !
مر شهر ع زواج "ريم" واقاموا حفله استقبال ل وجاهم واستقبال اصدقائهم ,, ولان "يومي" و"امير" كانوا من الاشخاص المقربين اللى كانوا غايبين عن الفرح ف كانوا اول الحاضرين ,, ووحضر الحفله "عاصم وحنان ورامي ورنا وفريد وملك ومريم وادمز وجو وون ومستر بارك "وبعض الاصدقاء المقربين وشركاء عمل "لوهان" ,, كان مستر "بارك" بيتحدث مع "عاصم" عن البيزنس والاعمال و رنا مع "مريم" وادمز وجو وون و "لوهان و"ريم" بيرحبوا بالضيوف وكانت "يومي" تجلس فى كورنر لوحدها و "امير" مع "فريد" ,, اكترث "يومي" فى شرب الكحول وقربت من "لوهان" ووضعت قبله ع خده متعمده مضايقه "ريم":
_ مبرووووك "لوهان "
 انتي شربتي كتير والحفله لسه فى الاول ..
_ متقلقش "يومي" دايما مركزه ..
_ اوكيه اقعدي ( مسك  كوب ماء ) اشربي المايه دى
_ اوكيه ..
"مريم" بملامح متغيره : بجد مبرتحش لما بشوفها بتوقع مصيبه فى الطريق
_ ليه بس .. هى بس بتحب الكحول  "لوهان" قالي ..
_ قالك ع الكحول بس .. "يومي" ماهي الا كارثه متنقله ..
_ متقوليش كده يا "مريم" ..
_ مش مصدقاني اسالي "ادمز" ..
_ فعلا يا "ريم" ,,"يومي" مشاكلها كبيره وغير متوقعه ,, احنا بنقولك كده بس تحرسي منها
تدخلت "رنا": بصراحه انا مش مرتحالها وبتتمايص ع "لوهان" كده  قدامك وقدام الناس
ضحكت "ريم": هى و"لوهان" اكتر من اخوات زى انا وامير وفريد كده ..
_ لكن ولا مره "امير" تعدي حدوده معاكي ..
 تذكرت حادثه قبل السفر : ها .. لا طبعا ..
_ المهم اسمعي كلام صاحبتك وحرسي منها ..
_ ان شاء الله ..
نظرت "يومي" كانت "امير" جالس منفرد  ,, ف اتجهت وقعدت :
_ اتقابلنا تاني يا "امير " ..
_ اهلا "يومي"
_ القدر بيجمعنا ببعض دايما ودايما بنكون احنا الاتنين لوحدنا واللى المفروض نكون معاهم  مش موجودين ,, صح ...؟
_  واضح انك شربتي كتير ..
_ نو نو نو .. انا فى كامل قواي العقليه ومستوعب كل اللى بيحصل ,, احنا فى حفله استقبال "لوهان" و"ريم" احتفالا بواجهم السعيد ,,و انت قدامي بتتألم وبتتوجع لانك شايف اللى بتحبها فى حضن شخص تاني وانا بتوجع علشان اللى عشت عمري كله ماسك ايد واحده تانيه ,, وهما الاتنين سعداء ومبسوطين واحنا بنموت ومحدش حاسس ..
_ يومي .. ملوش لازمه الكلام دا ..
_ انا كنت بفكر فيك من يومين حاولت القي اجابه لسؤالي معرفتش ..؟
_ سؤال ايه ..؟
_ انا لما قابلتك شوفت فى عينيك حب واصرار ع "ريم" ,, ازاى سمحت لموقف زى دا يحصل ومتعملش حاجه ,, ازاى سمحت انها تبعد عنك بسهوله كده . ازاى ؟
_ دا نصيب ..
امممم نصيب . اوكيه هنشوف بقي النصيب دا هيستمر ل امتي ..
اتفاجئ "امير" من كلامها : تقصدي ايه ؟
وقفت "يومي ومبتسمه : انا حاسه اننا هنتقابل قريب جدااا وقتها هتعرف قصدي .. انجوي ..
بعدت "يومي" ووقفت مع بعض اصدقاءها و "امير" بيحاول يفهم قصدها ,, انتهت الحفله ومع توصيل اخر شخص من الحفله جلست "ريم" ع كرسي :
_ رجلي مش حاسه بيها وجعاني اووى
قرب منها "لوهان" وجلس امامها ع الارض وساعدها فى خلع حذائها ورفع رجلها ع رجله  وابتدا فى مساج ليها ,, حاولت "ريم" تمنعه لكن هو صمم :
_ لوهان مفيش داعي لكده انا ..
_ هششششش .. ولا كلمه ممكن ..
سكتت "ريم" رغم توترها لكن مع الوقت شعرت ب استرخاء ,, قام وحملها "لوهان" بين ذراعه وانتبهت :
_ رايح فين ..؟
_ هدخلك اوضته ع سريرك ..
 اتخضت "ريم":  اوضتي .. سريري ..؟
اتحرك "لوهان" بخطوات بطيئه وهو يحمل "ريم" اتجاه غرفتها وشعر بضربات قلبها العاليه وتنفسها الغير منتظم وتوترها ,, وضعها بهدوء ع السرير وابتسم :
_ غيري هدومك وخدى شاور وارتاحي ,, بكره فى ناس هتيجي ترتب كل حاجه اوكيه
_ ها ..
 ابتسم "لوهان" ووضع قبله ع جبينها: تصبحي ع خير ..
_ تصبح ع خير ..
خرج "لوهان" من الغرفه ووضعت "ريم" يديها ع صدرها : ايه اللى فكرت فيه دا ..

استمر زواج "لوهان" و"ريم" 6 شهور والوضع كما هو علاقتهم صداقه ولا مره حاول "لوهان" انه يلمس "ريم" وكان غير معترض وكان سعيد لوجود "ريم" معاه وهى كانت سعيده بعلاقتهم جداا ,, واستمرت فى العلاج ووضعهم لا يعلم به غير "غادة" بما انها الطبيبه المعالجه ل "ريم" وكانت بطريقه ما تزيل خوف "ريم" من العلاقه الزوجيه ,, كانت حياتهم الصبح شغل وبليل خروج او سهره فى البيت او عند احدي الاصدقاء ,, فى الفتره دى كان "امير" قل زياراته ل "ريم" ولكن كان دايم الاتصال ولكن كانت "يومي" عكس "امير" كانت كثيره الزيارات وبالاخص ل "ريم" ,, فى يوم زارتها فى البيت :
_ بجد يا "يومي" وجودك فارق معايا جداا .. انا مليش اصدقاء هنا ومعرفتش اتقرب لحد منهم واغلب الوقت لوحدي  ومفيش حاجه بعملها غير التليفزيون ..
_ هو "لوهان" بيسيبك لوحدك ..؟
_ لا لكن لما بيكون فى ميتنج او شغل كتير بيرجع متاخر .. وانا مبحبش اعطله
_ قوليلي بقي بعد الفترة دى  الجواز حلو يعنى "لوهان" معاكي كويس ؟
_ جدااا .. "لوهان" انسان مفيش زيه هديه من ربنا ليا فى حنيه الدنيا وحبه ليا ..
_ امممم جميل .. هنفرح امتي بقي ب بيبي صغير كده يتنطط حوالينا
_ ها ..
 بتضحك "يومي ": مالك "ريم" دا الطبيعي وانتم مر 6 شهور ع زواجكم ولا انتم مش مخططين ل الاطفال رغم انا اعرف ان "لوهان" بيحب الاطفال جدااا لانه عاش لوحده .. ولا فى حاجه ؟
_ ها .. لا مفيش مفيش
_ احنا مش اصحاب ولسه قايله انى قريبه منك  هتخبي عليا ؟
سكتت "ريم" لحظات وابتدت تحكي ل "يومي" ع شكل علاقتهم انهم بيناموا منفصليين وان "لوهان" مقربلهاش اطلاقا .. اتفاجئت "يومي" وبدل ما تطمنها زادت خوفها :
_ بصراحه انا اسمع ان المواقف دى مرعبه
_ بجد ..؟
_ جداا يا بنتي .. انا اصحابي اللى اتجوزوا عانوا جداا قالولي ان ازواجهم بيتحولوا لوحوش رغم اهم يبانوا بيحبوهم وكويسين  اومال انا متردده اتجوز ليه لا لا ,, لكن انتي غيري انتي متجوزه و"لوهان" لو صبر عليكي كل دا مش هيصبر اكتر متنسيش انه راجل وبيقابله اغراءات كتيره ..
 قلقت واتوترت "ريم" من كلام "يومي ": لكن لو مش قادره متغصبيش نفسك ع حاجه مهما حصل ..
_ اكيد .. اكيد .. لاحظت "يومي" ملامح الخوف والتوتر وكانت سعيده بانها قدرت تخوفها وتجنبها فكره انها تقرب ل "لوهان" او تسمحله يقربلها ... تاني يوم اتكلمت مع "غادة" فى الموضوع وحاولت تطمنها وقالتلها : سيبي احساسك هو اللى هيوجهك ..!

مر يومين وفى يوم  "يوم" بتتفرج ع فيلم مع "لوهان" ,, لاحظت ان "لوهان" نام وهو بيتفرج مسكت الريموت ووقفت الفيلم وبتتعدل علشان تصحيه يدخل ينام ,, فى اللحظه دى حبت تجرب تكون قريبه منه وتشوف احساسها ايه ,, قربت منه ولمست ملامحه وشعره وحواجبه وعينه ومناخيره وشفايفه  ومن غير ما تحس قربت منه ووضعت قبله بجانب شفايفه فى اللحظه دى فتح عينيه واتفاجئت ورجعت مكانها بتتمالك توترها :
_ انا كنت هصحيك تدخل تنام فى اوضتك ..
 ضحك "لوهان" فمثل انه ملاحظش حاجه وبيتأوب :
_ يااااه يا ريم انا كنت بحلم حلم حلو اوى ..
_ ايه يا تري ؟
 لوهان قرب منها : حلمت انك فى حضني وبوستيني
 اتوترت "ريم" وقامت وقفت : انا داخله انام تصبح ع خير
 اتجهت "ريم" لغرفتها بخطوات سريعه ودقات قلبها عاليه و"لوهان" ضحك ع طريقتها وتوترها ,, دخلت "ريم" غرفتها وايديها ع قلبها :
_ ايه اللى عملته دا .. ايه دا
 فى اللحظه دى باب غرفتها خبط وكان "لوهان" واتخضت:  مين
_ انا لوهان مفيش حد غيرنا فى البيت
_ فى حاجه ولا ايه يا "لوهان "
بيحاول يفتح الباب وكان مقفول من جوع : قافله ع نفسك ليه ؟
 من خلف الباب : ها .. فى حاجه ؟
_ ايوه افتحي الباب ..
فتحت الباب ودفعه "لوهان" ودخل  وبيقرب من "ريم" بخطوات بطيئه وهى بتتراجع وقعدت ع السرير وقرب منها ودقات قلبها زادت وتنفسها علي وحطت الموبيل بجانبها :
_ نسيتي الموبيل بره وكان بيرن
_ ها .. اه .. شكرا
قرب منها اكتر : فى حاجه يا "ريم"
 _ انا رايحه الحمام
 وبطريقه غير اراديه دفعت "لوهان" ع السرير وضحكك عليها ...!

تكررت زيارات "يومي" وبطريقه غير مباشره كانت بتشجع "ريم" ع البعد عن "لوهان" واستغلت خوفها من العلاقه ,, و"ريم" كانت ل انشغال وبعد كلا من "مريم" ورنا" كانت "يومي" اقرب شخص ليها الفتره دى وكانت بتصدق كل كلامها ,, بطريقه غي ر اراديه كانت "ريم" بتتقرب ل "لوهان" وهو كان بيلاحظ وكانت بتهرب ,, يوم الفلانتين اتفق "لوهان" مع " ريم" يقضوا اليوم بره ,, اتجهوا لمطعم وكان فى قمه الجمال مفتوح وفى ليله قمريه ونجوم فى السماء واضحه ,, اعجب "ريم" جدا وكانت مبتسمه :
_  شوفتي لما بتضحكي الدنيا كلها بتضحك
_ بلاش مجاملات ولا علشان الفلانتين
_ بصي للسما ( بصت وكانت النجوم بيتضاء وتطفي ) النجوم غارت من ضحكتك فبتضحك
 اتكسفت "ريم" : لوهان ..
_ بحبك ..
_ ليه انا ..
_ لان انتي "ريم" ومفيش فى العالم كله الا "ريم" واحده مميزه ,, انا قابلت بنات كتير مختلفيين لكن انتي الوحيد المميزه,, عيني شايفاكي انتي بس وقلبي بيدق ليكي بس وحواسي كلها بتتجهلك انتي بس  ..!
_ يعني مش هتزهق ولا هتمل مني ..
_ استحاله تحصل ,, مهما الايام تحاول تبعدني انا وطني وسكني ومأمني حضنك انتي ,,( مد ايده ومسك ايديها ) الموت هو الحاجه الوحيده اللى هتخليني اسيب ايدك ,, انا مصدقت لقيتك يا "ريم" ,,
_ انا اللى كنت بحلم  اعيش لحظه أمان واطمن ,, معاك عيشت الامان واطمنت ,,فى حضنك الخوف بيخاف يقرب مني ,, حبك عالجني وبيعالجني وبيساعدني ,, انت هديه ربنا ليا ..
_ بحبك ..
_ بحبك ..
 قام "لوهان" وعزف ع الغيتار اغنيه كان ملحنها ل "ريم" اول ما شافها واعجبت "ريم" جدااا وشعرت فى تلك اللحظه ب انعزالها عن العالم ومفيش حد غيرها هى و"لوهان" ,, انهي "لوهان" الاغنيه واتجهه "ل ريم" مسك ايديها ووضع قبله فى كف ايديها وحضنها وسط تصفيق الموجودين ,,, انهوا عشائهم ورجعوا ع البيت ودخل كل واحد غرفته ينام ,, الاتنين اختفي النوم من اعينهم وتفكيرهم مستمر كل واحد فى الاخر ,,, خرجت "ريم" من غرفتها متجهه للمطبخ ونظرت اتجاه غرفه "لوهان" وفتحت الباب بهدوء وبخطوات هاديه جدا قربت وهو نايم ع السرير ونامت بجانبه ونظرت اتجاهه وهى مبتسمه ,, لمست ملامحه وفتح عينه "لوهان" :
_ ريم ..
 ابتسمت "ريم" : وحشتني ..
اببتسم "لوهان" وقربت "ريم" لحضنه وابتدت اول ليله حقيقيه بينهم ك ازواج ,, وكانت مختلفه عن توقعات "ريم" ورعبها وخوفها لانها كانت اسعد ليله فى عمرها .!

ابتدت الكوابيس تقل عن معدلاتها  بالتدريج واغلب الوقت بتنام "ريم" بدون الهاند فري مجرد حضن "لوهان" يكفيها حتى فى الظلام ..عاشت "ريم" الامان والطمائنيه والسعاده المفتقداها  من زمان مع "لوهان" وحست ان الدنيا صالحتها واتغيرت ,, "امير" كان دايم الاتصال ب "ريم" و"يومي" لظروف شغلها كانت بتسافر كتير لكن كانت بتزورهم ع فترات ومحاولاتها كانت فاشلة انها تبعدهم او تفرقهم عن بعض ,, قررت تسافر ل "امير" لندن ,, وفعلا سافرت وطلبت تقابله رغم رفضه :
_ اتمني الموضوع المهم يكون يستاهل الغب ميتنج مهم
_ اعتقد مفيش اهم من "ريم"ولا ايه ؟
اتفاجئ "امير": "ريم" ..
_ ايوه .. انت ليه مبتزرهاش فى نيويورك ولا مش قادر تشوفها مع "لوهان" ماسكه ايده وفى حضنه
ملامح "امير" اتغيرت وبنبره عصبيه : ممكن تقولي عاوزه ايه بالظبط ..؟
_ بوضوح انا طالبه مساعدتك فى موضوع انت اكتر حد هتساعدني فيه لانها مصلحه مشتركة ..هستفاد وانت هتستفاد ..
 _ مساعده ازاى ..وتخص ايه بالظبط ..؟
_ انا عرفت من مصادري ان ليه معارف كتير فى نيويورك .؟
_ ايوه ..؟
_ انا مجهزه خطة دقيقه جداا فاضل التنفيذ ,, خطه هنبعد "لوهان" و"ريم" عن بعض ..!
_ دول متجوزين ..؟
_ يعني ايه جواز .. كتير بيتجوزو وبينفصلوا واسباب الانفصال كتير ,, انا اخترت سبب "ريم" مش هتتردد وهتسيب "لوهان" وهتصمم انها تبعد عنه .. وهترجعلك و"لوهان" هيرجعلي ,, ها .. هتساعدني ؟
 سكت "امير" لحظات : من غير ضرر ..
_ اكيد انا مش هسبب ضرر ولا أذى ل "لوهان" ولا "ريم" علشانك .. deal
استغلت سكوت "امير" : يبقي deal
وابتدت "يومي" تشرح الخطه ل "امير" بكل تفاصيلها وطلبت التنفيذ يكون فى اقرب وقت ..!

 مر شهر وحياه "ريم" و"لوهان" مستقره وطبيعيه ,, فى يوم "لوهان" فى الشركه دخل "ادوارد" مكتب "لوهان"  وملامحه متغيره ,, :
_ لوهان ..
_ فى ايه مالك ..؟
_ المعرض اللى لسه افتتاحه من اسبوع حصلت حريقه وكل حاجه ادمرت
 اتفاجئ "لوهان": ازاى ..
اتجه "لوهان" لمكان المعرض وكانت كل حاجه اتحرقت :
_ السبب ايه ؟
_ ماس كهربائي ..
_ ازاى .. احنا مأمنين المعرض من اى حاجه ..ازاى يحصل الماس ..؟
_ مش عارفه .. احنا دفعنا كتير فى افتتاح معرض السيارات دا ولسه التامين متمش ياعني فلوسنا راحت ..
حاول "لوهان" يتمالك الخساره الكبيره ,,رجع البيت مظهرش اى تغيير فى معاملته مع "ريم" واتعامل عادي وابتدا يفكر فى تعويض الخساره ,, وبعدها ب اسبوع معرض تاني حصل فيه حريقه وقتها كان مع "ريم" وعرفت واستغربت من اللى بيحصل ,, فى الشركه و"لوهان" قاعد مع "ادوارد" بيحاول يفكر فى تعويض الخساره ,, وصل طرد المكتب بدون اسم .. فتح الظرف كان صورته وعليها دم وورقه :
_ شهر واحد وتسيب نيويورك لو مش عاوز تموت
 اتفاجئ "لوهان" من الموقف وجاهل مين المرسل ,, تجاهل "لوهان" الرسائل ومكالمات التهديد .. الوضع كان غريب وتحمل "لوهان" الموقف وحاول يبعد عن "ريم" اى حاجه من اللى بتحصل علشان متتاثرش وتتعب من التوتر والقلق والخوف ,, فى يوم "امير" اتصل ب "ريم" كالعاده ل الاطمئنان وبطريقه غير مباشره وصل كل اخبار  لوهان ل "ريم" :
_ ايه دا انتي مكنتيش تعرفي الحرائق اللى حصلت دى دى خساره كبيره ل "لوهان"
_ لا مكنتش اعرف ,,
_ ع كده متعرفيش موضوع التهديدات ..
 اتفاجئت "ريم": تهديدات؟
_ انتى واضح متعرفيش حاجه خالص ..
_ فى ايه يا "امير" وتهديدات ايه ؟
_  حد من شركه "لوهان" قال ان فى طرود بتوصل ومكالمات  تهديدات ,, انا كنت فاكرك عارفه فقولت تقوليله ينتبه ويعرف هما عاوزين ايه بالظبط لان لو استمر الحال كده مش بعيد يأذوه ..
_ ايه .. مين دول يا "امير"؟
_ معرفش لكن لو عاوزاني اعرف مين هحاول انتي عارفه معارفي كتير فى نيويورك ..
_ ممكن يا "امير" تعرف مين دول وعاوزين ايه بالظبط بليز ..
_ حاضر بس متقلقيش ..
قفلت "ريم" وهى قلقانه ومتوتره من كلام "امير " ,, لاحظت "لوهان" بيرجع ملامحه طبيعيه وبيتعامل عادي ولما بتسأله عن الشغل يقولها ان مشاكل بسيطه وبتتحل ..!

بعد مده قصيره زار "امير"  "ريم" فى بيتها وملامحه متغيره :
_ انا مقدرتش ابلغك باللى عرفته فى التليفون يا "ريم" ..
_ ليه هو ايه اللى عرفته ؟
_ مش عارف اقولك ايه بالظبط
_ فى ايه يا "امير " ..؟
_ لوهان فى خطر وانتى كمان ,, اطلبي من "لوهان" ترجعوا لندن معانا أأمن ..
_ ليه ..؟
_ اللى عرفته ان فى جماعه متشدده ارهابية  من الناس اللى فاهمين انهم بس اللى عارفين الدين صح ,, لما عرفوا ان انتى و"لوهان" متجوزين مش مقتنعين انه أسلم وشايفينه غير مسلم علشان شريكة والحفلات اللى بيحضرها وفيها كحول وانتي عايشه معاه غلط متجوزه وواخد الاسلام ستار ل اعماله الحرام  ,, مش ناووين ع خير ..
مصدومه"ريم": تقصد ايه مش فاهمه ..؟
_ يعني يا "ريم" حرق المعارض والتهديدات دى بدايه منهم هما مش هيسكتوا ..
_ يعني "لوهان" فى خطر ..؟
_ ايوه .. حاولوا ترجعوا لندن ..
_ مفيش حل تاني يا "امير انت معارفك كتير ,,"لوهان" مش زى ماهما فاكرين و ..
 امير لاحظ توتر وقلق "ريم": هحاول لكن انتم خلوا بالكم من نفسكم
مشي "امير" وترك "ريم" فى حاله من الرعب والخوف ع "لوهان" ,, حاولت تتكلم مع "لوهان" وكالعاده هو طمنها انها مشاكل بسيطه لكن "امير" كان بيبلغها انها كوارث ,, فى يوم وهما نايمين سمعوا انفجار كبير خرجوا وكانت عربيه "لوهان" ورساله وصلت ع موبيله ب "ارحل" ,, اتفزعت "ريم" وانهارت من المنظر وتخيلت ان "لوهان" جوه العربيه فى لحظه الانفجار ,,, والشرطه مقدرتش توصل للجاني ,,, قابل "امير" "ريم" فى كافيه فى نيويور ولاحظ تدهور حالتها وملامح الخوف والتوتر :
_ ايه الحاجه الضروريه الللى طلبتني علشانها يا "امير" ..
_ بدون مقدمات يا "ريم" انا بطريقه ما قدرت اتواصل مع حد من المجموعه المترصده "لوهان" .. ووصلت معاهم ع اتفاق مقابل انهم يبعدوا عنه ووافقوا ..
_ بجد .. اتفاق ايه ؟
سكت لحظات : انك تنفصلي عن "لوهان" وبسرعه يا "ريم"  ..!
_ اسيب "لوهان" ..؟
_ دا الحل وطلبهم لان وجودك معاه هما مش مصدقينه انه شرعي ,, شايفين انه بيستغلك ودا حرام من وجهه نظرهم والخطوه الجايه هيبقي "لوهان" نفسه يا "ريم" ..
_ هيموتوه ..؟؟
_ دا اللى قالوه صراحه ,, ان كل واحد فيكم يرجع لحياته بعيد عن التاني ..!
صدمة "ريم" افتقدتها القدره ع التفكير او اتخاذ اى قرار وفكره انها تبعد عن "لوهان" كان بنسبالها قرر موت ,, زارت "يومي" "ريم" ولاحظت انها مازالت متمسكه ب "لوهان" وموصلتش لقرار الانفصال وهى قاعده ارسلت رساله ل "امير" ,, تاني يوم و"ريم" و"لوهان" بيتعشوا فى مطعم وخارجين من المطعم و"لوهان" بيفتح باب العربيه بسرعه مرت عربيه بجانبهم وسمعت "ريم" صوت رصاص ,, فتحت "ريم" عينيها كان "لوهان" واقع ع الارض وبينزف الرصاصه اصابت كتفه ,, بسرعه اتجهوا للمستشفي ودخل العمليات و"ريم" بتبص ع دم "لوهان" فى ايديها ومرعوبه ومتوتره وخايفه وبتحاول تتمالك اعصابها وتدعي ,, وصلت رساله ع موابيلها من رقم غريب فتحتها :
_ دا انذار اخير الرصاصه الجايه هتكون فى القلب ..
 ريم خافت والموبيل وقع من ايديها وانهارت بكاء ,, اطمنت ع "لوهان" ورجعوا البيت وطول الوقت "ريم" بجانب "لوهان" وماسكه ايده ودموعها مستمره و"لوهان" بيحاول يطمنها لكن اعتقادها انه ممكن يحصله حاجه بسببها راعبها ,,كانت لازم تقرر القرار النهائي لحماية "لوهان"  وقت ما كانت بتفكر فى القرار وصلت رساله موابيلها :
_ وجودك فى حياته خطر عليه ,, ابعدي عنه لو عاوزه تحافظى ع حياته
 اترعبت من الرساله واتصلت ابالرقم لكن غير موجود اتصلت ب "امير" وحكتله بلغها ان قرار الانفصال فى الظروف الحاليه انسب واصح ,, انفصلت عن "لوهان" وقررت تنام فى غرفه منفصله عنه ووافق "لوهان" لرغبتها ,, وفى يوم  كانت قاعده فى غرفتها ع السرير ضامه نفسها وبتحرك فى جسمها ,,"لوهان" لاحظ التغييرات فى حاله "ريم":
_ ريم ..
_ ارجوك يا "لوهان" سيبني لوحدي
_ ممكن اعرف فى ايه افهم ..
_ ارجوك سيبني لوحدي ..
 خرج "لوهان" وهو مش فاهم اى حاجه ,, و"ريم" فى غرفتها منهاره بكاء.. مر يومين ع الوضع وتغيير حاله "ريم" وخرجت من غرفتها :
_ لوهان ..
_ ايوه ..
_ انا عاوزه اسافر لندن ..
_ مفيش مشاكل ع اخر الاسبوع اكون خلصت الشغل اللى عندي ..
_ لا لوحدي ..
_ فى حاجه يا "ريم" ..
_ عاوزه اروح ل اهلي فى مشكله ..
_ لا براحتك ..
رجعت "ريم" لمهدئات علشان تنام اللى منعتهاش شهور ,,,لاحظ "لوهان" ملامحها المضطربه وهى نايمه والكوابيس رجعت تاني ودموعها وهى نايمه ,, حس انها بتمر بفتره صعبه ومبلغتش اى شخص حتى "غادة" متعرفش ,, صحى "لوهان" واتجه لغرفه "ريم" يطمن عليها مكنتش موجوده بيدور عليها لمحها اتجاه الباب ومعاها شنطتها :
_ ريم ,, رايحه فين ؟
_ المطار
_ السفر لسه كام يوم ..؟
_ امير عرف يحجزلي بدري وهسافر لندن
_ اوكيه .. اوكيه .. انا هخلص الشغل اللى عندى وهحصلك ع لندن
 وقفت وبتتمالك دموعها : هستناك ..هستناك علشان اجراءات الطلاق ..
_ طلاق ..؟
_ ايوه .. هنتطلق ..
 اتصدم "لوهان": ليه ..؟
_ مش مرتاحه .. انت خليك فى حياتك هنا وانا هرجع لحياتي اللى كنت مرتاحه فيها فى لندن ..
_ مش مرتاحه ..  وحياتك وحياتي .. من امتي بنتكلم بلغه الاغراب ؟
_ عاوز ايه يا لوهان ..؟
_ عاوز اعرف طلاق ايه اللى بتتكلم عنه وليه ؟
_ مش مرتاحه معاك .. مش مبسوطه هنا حاسه بخنقه وهموت لو كملت هنا اكتر من كده ,, بعيد عن اهلي ولوحدي و ..
_ لوحدك وانا معاكي ..
سكتت وبتتمالك : ايوه لوحدي انت طول الوقت شغل  وانا محبوسه هنا ,, انا مش سعيده وقراري جوازنا كان غلط ولحظه تسرع ,, انا مش هقدر اكمل معاك ..مش مرتاحه
 قرب منها يمسك ايديها : ريم .. ايه حصل غيرك كده ..؟
 سحبت ايديها وبنبره حاده : مش مرتاحه معاك .. هعيش غصب هتغصب عليا اعيش معاك ,, انا راجعه لندن وهستناك علشان ننهي الارتباط دا ...غير الطلاق مفيش حاجه تانيه ..
مسكت شنطتها ونزلت ودموعها سبقاها واتجهت للمطار و"لوهان" بيحاول يفهم ايه حصل ,, رجعت "ريم" لندن  وحاول "لوهان" يتكلم معاها وكانت بترفض وطلبت من عاصم وامير  ان يتم الطلاق ,,
وقبل يوم من اتمام الطلاق طلب "لوهان" يقابل "ريم" ,, وتمت المقابله وكانت "ريم" حاده الملامح والنبره :
_ ريم ..
_ ايوه ..
_انا سيبتك المده دى علشان تهدي ونتفاهم  لسه عاوزه الانفصال ..؟
_ ياريت ..
_ ليه عاوز اعرف السبب لو ع الظروف هتتحسن مع الوقت ..
_ انا مش هستحمل اكتر من كده نفسيتي تعبت ,, حوادث وانفجارات ومشاكل لا انا مش هستحمل ومش مرتاحه .. جوازنا فعلا كان غلطه وانا بصلح الغلطه ..
_ انتى فاهمه كلامك ..؟
_ فاهمه وعارفه كويس عاوز ايه الطلاق ..
 حاول يمسك ايديها اتجنبته :
_ ريم انا بحبك ..مش هقدر اسيبك ولا ابعد عنك ..
_ لا هتقدر .. هتتعود زى ماانا اتعودت ..
_ اتعودتي ..؟
_ ايوه خلاص انا رجعت لحياتي وانت ارجع لحياتك وشغلك
_ ريم ..
_ مش عاوزه اعيش معاك تاني .. ابدا ..!
لاحظ "لوهان" حده "ريم" وتمسكها بقرارها :
_ اوكيه يا ريم اللى انتى عاوزاه هيتم بكره واسف ان الحياه معايا مكنتش غير مريحه وتعبتك ..!
 خرج "لوهان" ودموع "ريم" انهمرت بشده واتجهت ع غرفتها وقفلت الباب ومنعت اى شخص يدخل ,, وتم الطلاق وكان "امير" و"حنان" سعداء بالطلاق ورجوع "ريم" لكن "عاصم" و"رامي" كانوا متاثرين ل "ريم" و"لوهان" ...!
مر شهر ع طلاق "ريم" وساءت حالتها عزله وسكوت وسرحان واضح ورفضت العلاج والجميع بيحاول معاها لكن هى رفضت ,, فى المانيا مقر عمل "فريد" وهو فى مكتبه زاره صديق "امير" "مراد":
_ اهلا يا مراد ..
_ انا عارف انك مشغول ومش فاضي لكن الموضوع مهم جدا ويمكن تعمل حاجه ؟
_ خير يا "مراد" يخصك ولا يخص حد تعرفه فى المانيا ؟
_ يخص "امير" ..!
اتفاجئ "فريد": امير .. ؟

يتبع ,,