(20)
مسك ايديها :" تميمه " انا عاوز اقولك حاجه مهمه ردك هيفرق معايا اوى فيها
_ ايه هى بلاش تقلقنى
_ تميمه ..انا ...
فى اللحظه دى سمعت حد بيندلها : ثوانى وجايالك
اتجهت للى ندهلها واتكلمت معاه وخلصت ورجعت ل "هشام" "
_ ها يا "هشام": كنت عاوز تقولى ايه ؟
_تميمه ,, كنت عاوز اقولك وكنت متردد ,,
وهما واقفين موبيلها رن وكانت "سما " شافت العرض واتصلت تباركلها واتكلمت معاها وخلصت ورجعت ل "هشام":
_ "سما" وطنط "نضال" بيسلموا عليك يا اتش ..ها كنت متردد تقول ايه ؟
بملامح توتر : مفيش بعدين هبقى اقولك
_ لو حاجه مهمه قولى انا سامعاك
_ لالا ,, لما ترجعى من السفر هبقى اقولك كل حاجه
ندهو عليها تانى : طيب ايه مش هتدخل ؟
_ لا داخل اسبقينى انتى
دخلت "تميمه" وسيطرت ع "هشام" احساس الخنقه انه مش قادر يصارحها بمشاعره ,, دخل شافها قاعده بتضحك مع الشباب و"نرمين" و "حازم" معاهم ,,خلصوا و "مشيوا كل واحد ع بيته و "هشام" ع الفندق ,, الليله دى كانت غريبه ع الكل ,, "هشام" كان احساسه انه مش قادر يعترف ل "تميمه" خنقه ,, و "تميمه" فرحتها بالعرض اللى عملوه واحساسها اللى اتملكها وهى بترقص مع "حازم" و "حازم" كان مبسوط انه رقص مع "تميمه" وانها اتغيرت معاه عن الاول وابتدا يحس ب احساس مختلف بيزيد جواه اتجاه "تميمه " كل مره ,, تانى يوم صحيوا زميلتهم فى السكن خبطت عليهم فتحولها وكانوا بيجهزوا علشان ينزلوا الشغل :
_ صباح الهدايا ايه دا ,,معقوله بتودعينا قبل ما تسافرى
ضحكت "البنت": والله هتوحشونى لكن متقلقوش كلها كام شهر وراجعالكم ..المهم من ساعه لقيتهم قدام باب الشقه ومكتوب ع الكارت ل "تميمه" مع الشوكولاته والورد
_ هاتى لما نشوف البنت هتبوظ مننا ,, متتاخريش علينا تسافرى بالسلامه
مسكته "نرمين" ودخلت : وابتدينا والمعجبين يهلو يا هانم
قربت مسكت "الورد" كان لونه ازرق وشوكولاته كبيره وكارت مكتوب " استمرى " والامضاء حرف اتش
فكرت مين اللى بعت كده شكت فى "هشام" ,, كانت زميلتهم وهى خارجه شافت كارت تانى واقع فتحته كان من مكتوب فيه "بحبك" وامضاء "هشام" كانت هترجع تخبط ع غرفه "نرمين" و "تميمه" لكن موابيلها رن حطت الكارت ع الترابيزه وقع فى باسكت الزباله ونسيت انها تقولهم هما نزلوا ع شغلهم وهى سافرت ,, وصلت "تميمه" المطعم شافت "حازم" وبيقربلها : عجبتك الهديه انا قولت مفيش اجمل انك تفتحى عينك ع حاجه بتحبيها
اتفاجئت "تميمه" : هو انت "اتش"
ضحك "حازم" وهو فى غيرى ,, صباح الفل (غمزلها)
مشى "حازم" وابتسمت "تميمه" ,,, كان "هشام" متردد يشوف "تميمه" اتجه لمطعم وقعد ومستنى منها اى رد فعل شافها طبيعيه معاه مقدرش يسألها ع حاجه كمل يومه ورجع ع القاهره ...!
(فلاش باك)
(بعد ما رجعت "تميمه" و "نرمين" فكر "هشام" كتير ونزل يتمشى وشاف شخص بيشترى ورد وقال لبائع انه هيعترف ل البنت اللى بيحبها ففكر "هشام" انها فكره كويسه كمقدمه اتجه للمحل واشترى ورد وحط فيه كارت بيعترفلها فيه "بحبك" وبدرى نزل لسكن "تميمه" وبعده بدقائق وصل "حازم" ومعاه الشوكولاته ومعاه الكارت بتاعه ,, وفتحت الباب زميل "تميمه" فى السكن شافتهم وهى شايلاهم وقع كارت "هشام" منها ...! )
رفض "هشام" يتكلم وو اجل كل حاجه لما يرجعوا من السفر وابتدت تجهز "تميمه" وقرب موعد السفر والمرادى "نرمين" مسافره معاها و"هشام" كان هيحصلها بسبب الشغل ,, سافرت مع اصدقائها و"نرمين" ونزلوا فى الفندق ودخلوا غرفتهم :
_ ايه دااا ..انا قلبى كان هيقف من الطياره
_ علشان اول مره بس بعد كده هتتعودى
_ لالالا انا من دلواقتى بفكر هرجع ازاى بتقوليلى هتعود
_ يابت بطلى خوف , يعنى لو "عبدالله" قالك نقضى شهر العسل بره مصر هتعملى ايه
_ مش محتاجه افكر اصلا ,, "عبدالله" بيكح تراب اخرينا نبلبط فى شرم اهو شغل و فسحه
ضحكت "تميمه": اصبرى عليا بس اكسب الجايزه وهبرشقك
_ يارب يااختى يارب
_ طيب يلا غيرى هدومك علشان ننزل ناكل
نزلوا المطعم وقعدوا وكلهم حماس قرب منهم "حازم" واعضاء فريقه :
_ ويلكم تو لوس انجلوس
_ اهلا يا حازم ..
_ تسمحولنا نقعد معاكم ؟
اتكلمت "نرمين": اتفضل طبعا .. اهو اللى نعرفه احسن من اللى منعرفوش
ضحكوا ,,, بص ل "تميمه": تصدقوا وحشتونى ,, (بص لفريق) اسبوعين مشفتكمش وانا اتعودت عليكم
رد واحد من فريق "تميمه": اهو هنكون هنا مع بعض لمده شهر بس متنافسين
ضحكك"حازم" انا موافق تكسبوا لكن مخسركمش عموما انا واثق ان الليدر (بص ل "تميمه") مجهزه مفاجاءه كبيره وهنستمتع كلنا
ابتسمت "تميمه": هنشوف
"ندى" قاعده ومستغربه تصرفات "حازم" اتجاه "تميمه" والتغيير اللى حصله واهتمامه بيها ,, خلصوا اكل واتجهوا لقاعات التدريب ,, كان "حازم" بيتفرج ع "تميمه" من بعيد دايما .. فى مره اداره المسابقه طلبت "حازم" اتجه وقابلهم طلبوا منه يرشح شخص من فريقته تنضم مع باقى الفرق ال 5 الموجودين هيعملوا عرض قبل المسابقه ك عرض مواهبهم ,, الفكره كان متعود عليها "حازم" وكان بيشارك هو او اغلب الوقت "ندى" للحظه فكر فى "تميمه" اتحمس للفكره واتكلم مع المسئول وطلب منه انه يطلب من "تميمه" شخصيا انها تنضم وان الفكره ان ليدر كل فريق هيشترك نيابه عن فريقه ,, ولانه كان يعرف "حازم" كويس فوافق ,,خرج "حازم" متحمس واتجه الشخص المسئول ل "تميمه" وعرفها هى اتفاجئت لانها عرفت انها ممكن ترشح اى حد وكانت مجهزه شاب من الفريق لكن اتغير الترتيب وهى اللى انضمت ,, رجع "حازم" وبيبص ع موبيله شاف رساله من صديقه انه كلم "تميمه" دخل قاعه التدريب وقرب منهم وقربت "ندى ":
_ ها يا زوم قالولك امتى العرض علشان اجهز
_ تجهزى ل ايه ؟
_ مش كل مسابقه انا اللى بشارك فى عرض الفرق نيابه عن فريقنا
_ لا المرادى مختلف ,,انا اللى هشارك
_ ايه .. من امتى وانت بتشارك ؟
_ فى ايه يا "ندى" هو انا هنا فى الفريق بلم تذاكر مترو ولا انا زيكم
_ مقصدتش بس غريبه يعنى ..
_ متستغربيش عادى قولت اجرب مفيهاش حاجه
اتكلم واحد من فريقه : مين بقى اللى هيشارك من الفراشة الزرقاء ؟
رد واحد تانى : ليدر مع ليدر ولا ايه يا ليدر
ابتسم "حازم": كملوا تدريبكم يلا ,,,
قعد "حازم " وهو مبتسم ان فكره انه هيتشارك مع "تميمه" فى عرض تانى مفرحاه جدااا وانها فرصه ليها كمان تظهر موهبتها ,,مر يوم واتجمعوا المشاركين فى العرض وكان العرض كابلز وكان "حازم" و "تميمه" فريق واحد ,, خرجوا من غرفه الميتنج :
_ تحبى نتكلم دلواقتى ولا شويا
_ عن ايه ؟
ضحك: عن تجهيزات العرض ,, تقولى افكارك واقولك افكارى كده ونجمع فكره وننفذها ,,
_ اوكيه ممكن بليل لان عندى تدريب مع المجموعه دلواقتى
_ اوكيه هستناكى
اتجهت "تميمه" لغرفتها وكانت "نرمين" نايمه .. حست انها مبقتش مضايقه زى الاول من وجود "حازم" واتعودت ع وجوده وحست بفرحه انها هتشارك معاه فى عرض تانى ,, دخلت غيرت هدومها ونزلت تتدرب مع فريقتها ,,, خلصت تدريب ودخل "حازم" غرفه التدريب :
_ اسف ع التاخير
_ لا ولا يهمك
_ بتعملى ايه ؟
_ كنت بجهز حاجات كده نتكلم فيه لكن لو فى حاجه معينه قولى
_ هو بعد كلامك فى كلام ,, انتى شوفى وانا هنفذ
_ ايه دا بقى ؟
_ اقولك حاجه وتصدقينى ؟
_ ها ..؟
_ انا مش مصدق نفسى ان انا وانتى مع بعض وبنجهز لعرض تانى مع بعض وهنكسر الاستيتج مع بعض ,, انا سنين بعمل عروض ومسابقات لكن معاكى بحس انى بكون كامل
اتفاجئت "تميمه" واتوترت وحبت تغير الكلام : انت عكست الحكايه كده ليه .. انت اللى شخصيه مشهوره ازاى تحس بكده اتجاه حد لسه مبتدئ
_ لانك مش مبتدئه انتى بروفيشنال بس مكنش متاح قدامك الفرص ,, انتى تستحقى تكونى مكانى واكتر ,, انا فعلا حاسس انى قدام حد مشهور وانا يادوب قد عقله الاصبع ..
ضحكت "تميمه" : ايه المدح دا كله ,, بلاش تقلل من نفسك علشان تكسبنى مبحبش المجاملات
مسك ايديها : صدقينى ما بجامل حتى بصى فى عنيا لو رمشت اكون كداب
بصت فى عينيه وحست بحاجه غريبه وهو عينه متحركتش اتوترت ,, شدت ايديها : احنا مش جايين نلعب
_ ولا انا .. عموما يلا ,,نبدء من امتى ؟
_ بكره احنا قدامنا اسبوع ع العرض دا و15 يوم ع العرض فريق كل واحد فينا
_ تمام ,, اشوفك بكره فى نفس المكان والموعد (غمزلها)
ضحكت "تميمه" وبعد ما مشى بصت للمرايه وجربت تغمز : بيعملها ازاى هى العيله دى بروفيشنال فى الغمز
اتكلمت مع "هشام" "تميمه " بليل :
_ يعنى انتى وهو فى عرض واحد تانى
_ ايوه .. وهحاول اعمل احلى حاجه
_ متحاوليش يا "تميمه" وركزى ع عرض فريقك اهم دا عرض ترفيهى للحكام
_ لا مهما كان فيه جهد وفرصه الناس تتفرج ع مجهودى و "حازم" هيساعدنى وان شاء الله هيبقى جامد
_ تميمه .. انتى متحمسه اوى ياترى دا للعرض ولا لان "حازم" معاكى فى العرض
_ ايه ..؟ لا طبعا للعرض
_ طيب
_ عارف كان نفسى تكون موجود معايا بجد لكن الظروف اللى حصلت لغبطت كل حاجه
_ اكيد هكون موجود فى عرضك الاخير متقلقيش
_ وطنط "رجاء" عامله ايه دلواقتى ؟
_ الحمد الله حالتها استقرت كويس انها رضيت تنزل مصر علشان تعمل العمليه هنا ,,كنت عندها فى المستشفى من شويا وطمنونى وان بكره هتعمل العمليه وانا مش هسيبها غير لما تكون كويسه هطمن عليها وهجيلك ع طول ..اسف يا "تميمه"
_ لالالا خالص مفيش اسف ,,هى اهم ومحتجالك اكتر من اى حد جنبها وان شاء الله هتقوم بخير
_ ان شاء الله ...
جهزوا للعرض واستمتعوا به ولفتوا انتباه الجميع اتكلم معاهم واحد من الحكام :
_ احنا مستنين نشوف عرض كل فريق فيكم ومتوقعين انه هيكون مختلف وعاوزين نتفاجئ
_ اكيد
رجعت "تميمه" مبسوطه و كانت "نرمين" بتتكلم فى الموبيل وخلصت وشافت "تميمه" سرحانه ومبتسمه :
_ يارب دايما اشوفك كده ؟
_ بجد مبسوطه اوى يا "نرمين" حاسه ان حاجات كتير كنت بقول مستحيل تحصل وبتحصل
_ مفيش مستحيل عند ربنا ,, وانتى بتجتهدى
_ "نرمين"
_ ايوه
_ عاوزه اسألك ع حاجه بس من غير تناحه ولا استظراف ؟
_ ماشى ..
_ انتى و "عبدالله" اتنين شيفات بتعملوا حاجه واحده بتحبوها انتم الاتنين احساسك هو هو لما كان شيف " رضا " موجود قبله ؟
_ اممممم ,, طبعا فى فرق سرعات اللى بيختلف احساسى اتجاه كل واحد فيهم انا بحب "عبدالله" وبحترم "رضا" بس
_طيب انتى حاسه ب ايه ان اللى بتحبيه بيشاركك فى الحاجه اللى بتحبيها لانه هو كمان بيحبها ..؟
_ بصراحه مش عارفه اوصفلك هو احساس ان كل حاجه كده كامله يعنى مش عاوزه حاجه انا معايا انسان بيحبنى وبحبه واحنا الاتنين بنعمل حاجه بنحبها وهى نفس الحاجه بحس ان انا وهو لوحدنا فى الدنيا ,, يعنى سعاده كده مختلفه ,,,
ابتسمت "تميمه" قربت "نرمين" : فى ايه بقى ؟
_ لا مفيش يلا نامى ,,,
تذكرت "تميمه" مشاهد رقصها مع "حازم" وكانت حاسه بسعاده غريبه رغم انها كانت بترقص مع الشباب مجموعتها لكن كان فى حاجه غريبه اتجاهه حستها لما عملوا العرض وحست من تانى عرض ان وجود "حازم" مختلف وبتكون مبسوطه ...!
وهما متجمعين فى يوم يفطروا وكانوا بيتكلموا وبيضحكوا وهما قاعدين الفرق التانين طلبوا "تميمه" و "هشام" ,, قاموا وقعدوا معاهم وكانوا عاوزين يعملوا رحله يومين تغيير جو وبعيد عن ضغط المسابقه ووافقوا ورجعت "تميمه" قالتلهم وفرحوا جدا لكن "ندى" استغربت وكانت مضايقه من "تميمه" لوجدها الدايم مع "حازم",,, مر يوم واتجمعوا وطلعوا رحله تخييم ونصبوا الخيم واشعلوا النيران وقعدوا ياكلوا ويضحكوا خلصوا ودخلوا ناموا ما عدا "تميمه" و "حازم" ,, مسكت الموبيل والهاند فرى وقامت تتمشى ومشى وراها "حازم" وشافته :
_ ايه مش هتنام ؟
_ لا مش جيلى نوم غير كده فى حاجه عاوز اوريهالك
مسكها من ايديها ومشيوا بعيد عن المكان وطلعوا تله عاليه بين الاشجار وقعدوا
_ ايه دا ؟
_ قريت ان انهارده فى مشهد مبيحصلش غير كل كام سنه تساقط الشهب والسما هتكون مليانه نجوم ,, فقولت لازم نشوفه مع بعض
_ وليه انا وانت ؟
اتلجلج: علشان ..علشان انتى ليدر وانا ليدر واحنا اللى بنشحن التيم
ضحكت "تميمه" : اوكيه
_ قعدت ع الارض "تميمه" وساكته وباصه للسما وفعلا كانت مليانه نجوم وفرحت جدا بيهم ,, بصلها "حازم" :
_ هما قالوا كمان ساعتين هيحصل تساقط الشهب
_ ساعتين وشادد ايدى وبتجرى
_ علشان نلحق مكان صف اول
بتبص حواليها "تميمه": نلحق مكان
_ تخيلى يا "تميمه" تخيلى
ضحكت "تميمه" وبصت للسما :
_ السما شكلها جميل اوى
_ جدااا ,, بقولك بدل حاله الصمت تعالى نسلى بعضينا
_ ازاى ؟
_ يعنى كل واحد يسئل التانى سؤال شخصى ويرد بصراحه واهو مفيش غيرنا
"تميمه": بعد ما تخيلت الناس ازاى بتقول اننا لوحدنا
ضحك"هشام": تخيلى اننا لوحدنا وسط الناس
ضحكت "تميمه": ماشى
_ اسالى الاول انتى..؟
_ اممم ,, احكيلى عن علاقتك ب اخواتك عاوزه اعرف زى ما باباك حكالى ولا انت هتكدب هعرف هتقول الصدق ولا لا كبدايه ؟
اتفاجئ "حازم" : اخواتى ؟
_ ايوه هو قالى ان ليك اختين
_ اهااا ,, كان عندى اختين لكن الموجوده دلواقتى "حنين" بس اللى شوفتيها
_ والتانيه ؟
_ اتوفت
_ "حنين" قالت انها اتخطفت او ,,
_ لالالا هى اتوفت كانت اتولدت تعبانه واتوفت ومن الصدمه ماما قالت انها اتخطفت وحصل حوار كبير وبابا مكنش عاوز يسمع انها اتوفت فكان متخيلها موجوده لغايه ما جت "حنين" وركز معاها ..لكن رغم كده منسهاش ,,
_ وانتم متاكدين انها اتوفت ,,ما بيحصل حالات خطف فى المستشفيات ؟
_ ايوه ماهما حبوا يتاكدوا ,, خالو طب اجراء فحوصات وتحليل دم علشان يعرفوا متطابقه ولا لا وطلعت متطابقه لطفله المتوفيه ,, ماما فضلت فتره بتنكر انها ماتت ومصممه انها اتخطفت وبعدها اتقبلت الواقع لكن بابا ل اخر يوم فى عمره متخيلها عايشه ومسافره ,,علشان كده بيجمعنا احنا التلاته لما حد بيسأله عن اولاده .,, و"حنين" علشان معشتش دا فهى قالت اللى سمعاه
_ اهااا ,,, الله يرحمهم
_ يارب ,,, كده عديت اختبار اول سؤال
_ لا لسه ,, احكيلى عن علاقتك ب "حنين" ,, علاقه الاخ بالاخت ..
_ امممم علاقه كده تحسيها توم اند جيرى ,, بنحب بعض لكن مش بنطيق بعض وفى نفس الوقت منقدرش نبعد عن بعض ,, هى بنتى قبل ما تكون اختى وانا ابنها قبل مااكون اخوها ,, بنتشاكل كتير ونخاصم بعض ونصالح بعض , هى حاجه اساسيه فى حياتى وانا كمان فى حياتها ,,الاخوه العلاقه الوحيده بعد الام والاب اللى مهما يحصل بينهم عمرهم ما بيسيبو بعض هى علاقه ابديه مبيفصلش بينهم غير الموت حتى لو عيوبهم اكتر من مميزاتهم وخناقتهم الكتيره لكن اى وجع ليهم بيوجعك انتى وجودهم بتكمل روحك وفراقهم بياخد حته من روحك ,,,!
ابتسمت "تميمه": وصفك مختلف لكن نفس المعنى ,, اسئل
_ اممم ,, "هشام" علاقتكم ببعض عباره عن ايه فعلا اقاريب ولا اكتر ؟
ضحكت"تميمه": علاقتى ب "هشام" مهما وصفت وحكيت مفيش حد هيفهمها لكن الخلاصه انا مقدرش استغنى عنه او اخسره ,, انا مستعده اخسر اى حاجه الا هو لانه عيلتى واهم حاجه فى حياتى ,,
_ بتحبو بعض ؟
_ علاقتنا ليها مسمى اكبر من الحب اممم حياه كل واحد فينا حياه لتانى
_ مش فاهم ,, يعنى انتم فى علاقه عاطفيه ؟
_ لا ,,
_ يعنى انتى مشاعرك اتجاهه مش مشاعر بنت معجبه به وبتحبه وعاوزه تتجوزه وكده لكن هو حاجه مهمه فى حياتك ؟
_ ايوه كده بالظبط ..
_ يعنى افهم من كده انك محبتيش اقصد علاقه عاطفيه ؟
_ لا ,,انا حطيت كل مشاعرى فى الرقص
_ والورده المجففه فى النوتس من حد ومحتفظه بيها كذكرى
ابتسمت "تميمه": دى كانت ورده ماما وانا اخدتها بعد وفاتها حافظت عليها علشان كل مااحس انى اضعف وهتعب اشحن نفسى بيها
ابتسم "حازم" وبان اوى عليه السعاده علشان عرف ان "تميمه" مبتحبش "هشام" عاطفيا ,,
_ استنى كده انت عمال تسئل وانا ارد ؟
_ اسئلى اسئلى ؟
قعدوا يسئلو بعض ويهزروا بص فى الساعه "حازم" :
_ فاضل 5 دقائق
شدها ونامت ع الارض :
_ مينفعش تشوفى المنظر دا وانت قاعده نامى ع الارض علشان تحسى بالمنظر
حطت ايديها "تميمه" وكانت مش عارفه تسند راسها ,, مد ايده "حازم" كف ايده وحطها تحت راس "تميمه" وهى بصتله :
_ متفهميش غلط والنار تطلع من بوقك ,, انا مش عاوزك تكونى مش مرتاحه وكف ايدى اعتبريه مخده وانا هوا
بتحاول تبعد ايده رخم وبص ع الساعه : دلواقتى بصى فى السما بسرعه
اتلهت "تميمه" وبصت ع السما وسند راسها على كف ايده والمنظر كان فى منتهى الجمال فعلا اول مره تشوف شهب وهى بتتساقط ابتسمت :
_قريت مره انك لو شوفى شهب بتقع اتمنى امنيه علشان تتحقق جربى
غمضت "عنيها" "تميمه" واتمنت "امنيه" واتمنى "حازم" امنيه وهو مبتسم" ,, المشهد استمر ساعه و"تميمه" مبسوطه ,, وهى بتتفرج غمضت عينيها من الارهاق نامت من غير ما تحس شافها "حازم" محركش ايده خاف لتقلق وفضل صاحى لقرب الشروق وقلقت "تميمه" ع صوت العصافير ع الشجر فتحت عينيها اتفاجئت ب "حازم" مغمض عينه ونايم جنبها وعرفت انها نامت ع ايده وقامت قعدت وحس بيها "حازم"
_ صباح الخير ,,
_ يعنى ايه اللى عملته دا تسيبنى انام كده ؟
_ مكنش ينفع اصحيكى مش بعيد هتتخضى وهتطلعى نار من بوقك وهتحدفينى بطوبه جنبك وانا مش مستغنى عن نفسى وكده كده هتصحى
_ هو انا نمت ازاى ..
_ غرقتى مع الشهب والنجوم ,,
بيحاول يلم دراعه : اه ..اه ..
مسكت ايده "تميمه": انا مش عارفه كنت بتعذب نفسك وسايب دراعك مفرود طول الليل كده
ب ايدها كانت بتدلك دراعه لانه اتشنج وكف ايده وكان مستمتع "حازم" وهى بتدلك كف ايده ضم ب صوابعه ع ايدها بتشد ايديها كان متحكم فيها :
_ ايه دا
_ ايدى قفشت اه اه
شافت ورقه شجر مددببه وشكته فك ايده وضحكت : كده بقت كويسه يلا
_ طيب مش هتتفرجى ع الشروق
بصت ع السما : خلاص الشمس طلعت قوم ,,
قاموا ورجعوا ع المخيم وكانوا بيهرزوا ويخبطوا فى بعض وضحكوا لاحظهم كل المجموعات و "ندى ":
_ كنت فين يا "حازم" طول الليل ؟
_ كنا بنتفرج ع الشهب ونمنا واحنا بنتفرج
متفاجئه: نعم ,, نمتوا انت وهى
_ اها كنا نايمين ع الارض وبنتفرج ونمنا مكنا ولما فوقنا جينا ,,
سابها ومشى دخل الخيمه واتوعدت "ندى" ل "تميمه",,, وشافتها "نرمين" مبسوطه :
_ كنتى فين يا هانم طول الليل
_ كنت فى السما مع النجوم
_ الله الله ..
_ بطلى لماضه ويلا علشان نفطر
_مش مطمنالك يا "توما"
خرجت "تميمه" وكانت مبتسمه وهما بيفطروا صفرلها "حازم" بصتله مسك دراعه ورسم ملامح انه بيوجعه فضحكت وضحك وكملت فطار وافتكرت وهو حاطط ايده تحت راسها واحساس اللى حسته مكنش خوف كانت حاسه براحه ودا اللى سببلها النوم من غير ما تحس ,,, بليل قعدوا قدام النار يغنوا وياكلوا واقتراحوا يلعبوا لعبوا العب كتيره وكانت اخر لعبه هى سرعه بمعنى ان واحد يقولوه كلمات يقول بسرعه من غير تفكير معناها فى حياته ,,,ووافقوا ,, لعبوا مع كذا حد فى منهم كسب واجاب ع ال 6 اسئله وكان دور "تميمه" :
_ هبدء اقول الكلمات وانتى تردى ع طول من غير تفكير
_ اوكيه
_ البحر
_ الهدوء
_ الرقص
_ الحياه
_ نرمين
_ اختى
_ المسابقه
_ هكسب
_ الاكل
_نرمين
_النجوم
جه فى بالها ع طول "حازم" واترددت تقوله وخسرت ع اخر واحده ,, قامت وقعد مكانها "حازم" :
_ مستعد؟
_ ايوه ..
_ السما
_ براح
_ النجوم
_ احلام
_المسابقه
_ منافسه
_الحب
_ دقه
_ بحب
_ تميمه
اتفاجئوا من ردوا السريع وهو نفسه اتفاجئ وكل القاعدين بصوا ل "تميمه" و "حازم":
_ ايه يا جماعه لعبه ما انا قولت قبل كده بحب "تميمه" لما كنا فى الفيوم هو انا لازم اشرح ماانا بحب بابا وبحب ماما وانور وجدى ولبلبه وفيروز اناناس
ضحكوا كلهم وكملوا لعب ووسط انشغالهم بلعب كانت "تميمه" حاسه بحاجه مختلفه و"حازم" كان بيبص عليها وكانت "ندى" مرقباهم هما الاتنين ,,,!
فى مصر "هشام" عمته "رجاء" عملت العمليه وكانت لسه مفقتش فكان يوميا عندها فى المستشفى وبيتابع مع الدكاتره حالتها ,, فى يوم وهو خارج من باب المستشفى وماسك الموبيل خبطته بنت وهى داخله وقع منها ايصال طار من ملف كانت ماسكاه بص عليها كانت اختفت بص ع الايصال كان لدفع فواتير كان هيمشى لكن رجع دخل وشاف البنت واقفه فى الريسبشن عماله تدور فى الملف على الايصال قرب منها "هشام" : احم احم ,,
بصتله: فى حاجه
مد ايده بالايصال : دا طار منك وانتى داخله
مسكته وفرحت : شكرا شكرا بجد
ابتسم "هشام" ومشى وركب عربيته واتحرك ع الشركه ,,,!
خلصوا قعدتهم ودخلوا خيمهم يناموا علشان يتحركوا بدرى كانت "ندى" مش جايلها نوم وهى شايفه "حازم" و "تميمه" قاعدين واتكلموا وبدء "حازم" بالكلام :
_ المسابقه قربت خلاص 10 ايام بالظبط ,,"الفراشة الزرقاء" جاهزه تطير
ابتسمت "تميمه": جاهزه من زمان المهم "روك دانس" يكونوا جاهزين لان الفراشة الزرقاء هتفاجئكم
ابتسم"حازم": واحنا كمان هنفاجئكم
اتكلموا وهزرو ودخلوا يناموا و"ندى" حست بتجاهل "حازم" ليها اللى بيزيد واهتمامه اللى بيزيد ب "تميمه" رددت كلمه"كفايه كده انا سكت كتير ومش هسكت تانى " ,, كانت قاعده بنت من جروب تانى اجنبى قعدت معاها "ندى " ,, تانى يوم اتحركوا ورجعوا ع الفندق و"تميمه" فى غرفه التدريب دخلتلها البنت الاجنبيه وطلبت منها تساعدها تجيب ليها حاجه من مخزن اللى بجوار غرفه التدريبات ولانها خايفه ,, اتجهت "تميمه" وشافها "حازم" واتجهه وراها ,,دخلت المخزن وكانت بتدور ع اللى طلبتها منها سمعت صوت"حازم" بينده عليها بصتله كان دخل ووقف :
_ بتعملى ايه لوحدك هنا ؟
_ كنت بجيب ل ليندا
سمعت وهى واقفه صوت حاجه بتتحرك من مكانها وكان "حازم" واقف وكان مواسير حديد بتتحرك بسرعه اتجهت وزقته اتكعبلت وقعت وقع ع رجلها ماسوره حديد ,,قام "حازم" وشالها وهى بتتألم من الوجع وبسرعه اخدها للمستشفى وكان كدمه وشرخ بسيط ومطلوب منها متجهدش رجلها لمده شهر ,, رجعت الفندق و"حازم" ساكت وهى ساكته وملامح وشها متغيره ,, :
_ تعرفى يا "توما" انا اول مسابقه دخلتها كنت متحمس ليها جدا وووصلت لنهائى لكن خرجت وزعلت لكن قولت اجرب تانى وكسبت تانى مسابقه اخدتها يعنى عدم مشاركتى للمسابقه الاولى كان خير مش شر زى ماكنت فاكر و ,,
بصتله "تميمه": انا مش هنسحب يا "حازم" مستحيل اعمل كده
بتمشى "تميمه" مسك ايديها "حازم": انتى بتتكلمى فى ايه يعنى ايه مستحيل انتى مش شايفه رجلك مينفعش تحملى عليها وبيقولك الدكتور متقفيش كتير لكن دا رقص وحركه يا "تميمه"
_ مهما كان انا حاسه بنفسى وهكثف العلاج فتره الفاضله ليوم المسابقه وكده كده انا حفظت حركاتى وهبقى كويسه ,,انا مش هضيع حلمى بسهوله كده
_ تميمه,,
_ خلاص ,,تصبح ع خير
رفضت يوصلها لغرفتها وهو راجع ع غرفته شاف "ندى" وشافت دراعه مجروح :
_ حازم حصلك ايه ؟
_ لا مفيش خدش صغير لكن "تميمه"
_ مالها ,, حصل ليها حاجه
بصلها وملامح حزن وخنقه: ماسوره وقعت ع رجلها بسببى انا اللى كنت ابقى مكانها
مسكت "ندى" ايده : متقولش كده ,,
_ انا داخل انام ,,
مشى "حازم" وابتسمت "ندى" لانها حست ان "تميمه" مش هتقدر تشارك فى المسابقه ..!
تانى يوم "حازم" اتجه لغرفه "تميمه" مكنتش موجوده نزل سئل عنها كانت فى غرفه التدريبات ومعاها "نرمين" واعضاء فريقها :
_ انا مش عاوزاكم تقلقوا عليا ,, العرض هيستمر وعرضنا جاهز وهنشارك
_ ازاى ورجلك
_ كدمه بسيطه وهتعدى ,, لكن مش سهل نضيع حلمنا اللى فضلنا كتير نستناه ,,,انا كويسه وكده كده انا هحضر تصميم تانى ونختار مع بعض انهى اللى ننفذه تمام ,, يلا كملوا تدريبكم
بصتلها "نرمين": "تميمه" انتى كده بتيجى ع نفسك
_ صدقينى مفيش حاجه انا كويسه
_مش هتقولى ل "هشام" ؟
_ لالالا عمته بعد العمليه تعبانه ولو قولتيله هيجى ويسيبها لا هو كده كده ان شاء الله هيحضر العرض هكون وقتها اتحسنت
_هروح اجبلك عصير
_ اوكيه
خرجت "نرمين" وحاولت "تميمه" تقف ع رجلها كانت بتقف لكن بسيط شافها "حازم" ودخل ليها :
_ صباح النشاط
_ صبااح الخير
_ يا شباب انا انهارده عازمكم ع الغدا بره الفندق ايه رايكم نقضى اليوم بره
_ موافقين
اخدهم "حازم" وخرجوا ضحكوا ولعبوا واكلوا ولاحظت "ندى" ان مفيش اى ثر زعل ع "تميمه" زى ماهى بتجهز نفسها للمسابقه ,, ابتدت "تميمه" تصمم رقصه تانيه يكون ضغط ع رجلها قليل وتقلل من حركاتها وابتدت فعلا وعملتها وعرضتها ع الفريق واختارو اللى هتكون خفيفه ع "تميمه" علشان رجلها وعجبتهم جداا ,, فى يوم اتنين من فريق "حازم" اخوات والدهم اتوفى وكان لازم يرجعوا مصر ورجعوا وقعد مع فريقه وكده العرض اللى بيجهزه باظ واللى بيصمم الرقصات كان واحد منهم ,, وكده هما فى مشكله ,, شافتها "ندى" فرصه انها تنقذ الفريق وتكسب ثقه "حازم" مره تانيه ,,فعرضت عليه انها هتكلم حد من مصر يبعتلها تصميم رقصه سهل يتعلموا فى مده قصيره ...ووافق "حازم " ... بعد يومين اتفاجئ "حازم" ب تصميم رقصه جهزته "ندى" وكان رائع وسهل فى نفس الوقت واتفق معاها يكون دا عرضهم وابتدوا يتدربوا عليه ,,, كانت رجل "تميمه" افضل من الاول وبتتحسن لكن كانت محتاجه لعلاج اكتر ف اجلته بعد المسابقه ,,,يوميا "حازم" يخلص تدريبه ويقابل "تميمه" وياخدها هى واصحابها بره ,, فى يوم قعدوا يضحكوا وهما بياكلوا مسك سندوتش وقربه ل "تميمه "
_ القطر رايح فين
ضحكت "تميمه": انت فاكرنى بنت اختك ولا ايه ؟
_ انتى ماما وانتى بابا وانور وجدى
_ بس بس كفايه
_ يلا القطر رايح فين
ضحكت "نرمين": اخلصى وافتحى بوقك مش هيسكت وهيفضحنا فى بلاد الفرنجه
_ يلا ها ها ها
فتحت بوقها "تميمه" واخد قضمه : برافوووو "توما" لو خلصتى السندوتش ليكى حاجه حلوه
ضحكت "تميمه" حاجه حلوه
طلع شوكولاته : الشوكولاته الكبيره دى ل"توما" الشطوره اللى هتخلص اكلها كله
ضحكت "نرمين": عرف نقطه ضعفك يلا انجوى يا بيبى
_ حرام بجد حرام انت بتحاول تخلينى اطخن انا مش هعرف احرق قبل يوم العرض الاسبوع الجى دا
_ يبقى مصلحه وتقعدى علشان رجلك
_ يلا ولا اكلها انا (بيفتح الشوكولاته)
_ لالالالا هاكل
كلت السندوتش واخدت الشوكولاته : شطوره يا توما
ضحكت" تميمه" :ناقص تشيلنى حليب يا لبن
وقف "حازم" : ناقص ليه يلا
_يلا ايه
_ حليب يا لبن ...يلا
زقتها "نرمين": قومى حد لقى حد يشيله حليب يا لبن انا لولا انى خايفه ع "عبدالله" ومستقبلنا كنت خليته يشيلنى بس بعدها هيكون قعيد
ضحكت "تميمه" : هقوم بجد وانت المسئول
_ موافق
قامت "تميمه" وشالها وجرى بيها وكانت بتضحك وفريقها بيضحك و"نرمين" معادا "ندى " ,,, خلصوا ورجعوا ع الفندق دخلت قاعه التدريبات وقعدت تراجع حركات الرقصه ودخل "هشام" : بتعملى ايه ارتاحى يا بنتى ؟
_ هشوف حاجه وهنام
_ خلصتى تصميم عرضك
_ ايوه هيكون مفاجاءه هتتفاجئ تصميم بسيط لكن مش معقول
- وانا كمان هفاجئك بعرض هتنبهرى منه
_ هنشوف مين هيبهر مين
_ اتفقنا
موابيلها بترن : انا خارجه وراجعه
_ وانا هستناكى هنا
كان اللاب شغال ع فيديو العرض وقفلت الشاشه "تميمه" لما دخل "حازم" رجعت تميمه وشافته بيقفل الشاشه
_ ها كنا بنقول ايه
قام وقف "حازم" بقول كفايه كده ويلا قومى ارتاحى
_ تمام ..يلا ..
فى المطار قبل يومين من العرض وصل "هشام" المطار وسافر ع لوس انجلوس وهو فى المطار شاف بنت عماله تدور حوالين نفسها قرب منها :
_ محتاجه مساعده فى حاجه ؟
بتوتر وقلق : جواز سفرى كان معايا ومعرفش راح فين وقع ولا ايه مش عارفه
_اهدى بس كده وركزى كان معاكى فين اخر مره
_ من شويا كنت بشترى نسكافيه و ,,
_طيب اقعدى كده واهدى
اتحرك "هشام" اتجاه المكان اللى شاورت عليه وسألهم وملقاش حاجه اتجه ل امن المطار واتكلم معاهم وابتدوا يدور عليه وشويا لقوه واقع ومسكه ورحلها : اتفضلى
_ شكرا جداا بجد
ابتسم"هشام": ولا يهمك ,, فى حد مستنيكى ولا اوقفلك تاكسى ولو تحبى اوصلك لو مش هيضايقك
_ انا اخويا المفروض يكون موجود لكن باين عليه مشغول ,, تعرف فندق رويال
_ ايوه انا نازل فيه
_ ياااه لصدفه ,, انا كمان هناك
_ يبقى يلا اوصلك يا
_ حنين .. اسمى "حنين"
_ وانا "هشام" ,, اتفضلى
شال شنطها وخرجوا ووصلوا للفندق واطمن عليها وصلت لغرفتها وهو كمان طلع لغرفته كان فى مشوار شغل خلصه وقابل "تميمه" و "نرمين" لكن مقالوش له ع الوقعه اللى حصلت ل "تميمه" لكن لاحظ ضحكها وهزارها مع "حازم" اكتر من الاول ,, رجع الفندق وتانى يوم صحى بدرى ونزل صادف "حنين" :
_ صباح الخير
_ صباح الخير
_ مرتاحه هنا ولا فى حاجه ضايعه منك
ضحكت "حنين": لا شكرا ,,
_ طيب الحمد الله
_ ممكن اطلب منك طلب ومتكسفنيش
_ اتفضلى ,, تقبل عزومتى ع قهوه ارد حاجه ع وقفتك جنبى فى المطار
_ اوكيه
اتجهوا للمطعم وقعدوا طلبو القهوه :
_ هو انتى ع طول حاجاتك بتقع منك
_ لا دى اول مره
ضحك"هشام": طيب فكرى كده فى مستشفى لما طار منك الايصال و ..
اتفاجئت "حنين": ايه دا هو انت اللى
_ ايوه
_ يااااه ع الصدفه ,,, انا غالبا لما بكون لوحدى ببقى متلغبطه وتركيزى بيكون زيرو ودا سبب مشاكل كتير
_ خلى بالك لان مش كل اللى بيقدم مساعده بيكون قاصد يساعد
_ اوكيه ... انت هنا موجود لشغل
_ لا هحضر مسابقه حد اعرفه مشترك فيها
_ وانا كمان ,, ايه الصدف دى
موبيل "هشام" رن وكان شغل : استأذنك انا وفرصه سعيده ولو اجتاجتى اى حاجه واتلغبطتى الكارت فيه ارقامى (طلع كارت وحطه قدامها) عن اذنك
_ اتفضل ( مسكت الكارت وابتسمت ) والله انسان ذوق وجنتل
_ الحقى يا "نرمين" "توما" هتطلع نار من بوقها اهو
_ ايه دا ايه دا نطلب المطافى
"تميمه" بصالهم هما الاتنين : انتم ارخم ناس ,, انت هنا بتعمل ايه روح لفريقك يلا
_ جيت اشحن
_ نعم
مسك ايديها : اشحن ,, واقولك متخافيش هتكسبى وهتبهرى الكل ومنهم انا ,,متخافيش (غمزلها)
ومشى شافت "نرمين" ابتسامه"تميمه" : مش كنتى تقولى ؟
_ اقول ايه ؟
_ لا انت هتقولى كتير بس اليوم دا يعدى ع خير ,,داانتى وقعتك سوده معايا
_ فى ايه
_ فى بميه اغرفلك ,, يلا يلا اتنططى ولا اتشقلبى خلى اليوم دا يخلص
ضحكت "تميمه" : انتى جايه السيرك
_ لا انا جايه مقهى القلوب الراقصه الحقنى يا "عبد الله " حبيبتك منهاره فى بعدك والبعده مبيحسوش
_ والله انتى مجنونه
فى الوقت دا كان وصل "هشام" وهو داخل شاف "حنين" :
_ هى المسابقه
_ ايوه هى المسابقه دى
ابتسموا الاتنين ودخلوا واتفرقوا كل واحد اتجاه تانى ,,, كان الترتيب فرقه بعدها فرقه "حازم" وبعدها ع طول فريق "تميمه" ,,, ابتدا العرض وعدى اول فريق و "تميمه" فى غرفتها بتاكد ع ربط رجلها كويس الباب خبط وكان واحد من فريقها وملامحه متغيره :
_ الحقينا يا "توما "
_ فى ايه
_ لا انتى تيجى تشوفى بنفسك بسرعه
بسرعه خرجت وشافها "هشام" واتجه وراها ووقفت وشافت عرض "حازم" هو نفسه العرض اللى "تميمه" هتعمله وكانت مفاجاءه صادمه ليها :
_ احنا ضيعنا يا "تميمه" مجهودنا كل الفتره اللى فاتت اتسرق مننا ببساطه
فى لحظه عصبيه : محدش هيقدر يسرق مننا حاجه انت فاهم ,, فاهمين
_ يعنى احنا هنطلع نعمل ايه هنعمل العرض ويقولوا اننا بنقلدهم وسرقينه
_ لا هنقدم عرض الاولاانى
_ ايه ..؟
_ اول عرض قبل حوار رجلى
قرب منها "هشام": حوار رجلك ايه ؟
_ مش وقته يا "هشام" المهم يلا نجهز ونقدم عرضنا يلا
رغم رفض مجموعتها لكن هى صممت ,, كانت "تميمه" فى حاله صدمه فى صدمتها فى "حازم",, وبتفكر اتاخد ازاى افتكرت اليوم اللى "حازم" كان معاها وشافته بيقفل الشاشه ,,وصدمتها انه سرقها كانت صعبه عليه ,, دخلت غرفتها وراجعت ع ربطه رجلها واخدت مسكنات كتيره ودخل "هشام" مسكها من دراعها :
_ انتى مش هتطلعى ع المسرح فاهمه انسى
بعصبيه: لا هطلع مفيش سبب هيخلينى مقفش ع رجلى و يمنعنى يا "هشام" ,, بعد اذنك
مشيت "تميمه" وملامح وشها حاده بتتمالك نفسها ,,واقفه هى والتيم وكان خارج "حازم" وفريقه وبيبتسم ل "تميمه" نظرت له نظره غضب وجه يتكلم معاها مسك ايديها زقت ايده بقوه اتفاجئ من تحولها ومش فاهم فى ايه ,,, وقف وجت جنبه "حنين" وملامح وشه متغيره قربت منه "نرمين" :
_ ايه اللى عملته دا يا "حازم" اخر حاجه اتوقعها تعمل مع "تميمه" كده
"حازم" مش فاهم : فى ايه هو ايه اللى حصل انا مش فاهم حاجه
قرب منه "هشام" وملامح وشه كلها غضب : ايه الوقاحه دى تسرق مجهودها وتعبها هى ومجموعتها وبتقول مش فاهم
قرب "حازم" وبغضب: انت بتقول ايه ؟
صوت "هشام" و "حازم" كان عالى اتدخلت "نرمين": صوتكم يا جماعه هتلموا علينا الناس المهم دلواقتى ندعى ان ميحصلش حاجه هى غيرت التصميم علشان رجلها ,,دلواقتى هتعرض التصميم الاول اللى اغلبه حركه ليها وضغط ربنا يستر هو دا الاهم دلواقتى تخرج سليمه وولعوا فى بعض بعديها ,,!
بعد "حازم" ووقف يتابع "تميمه" من مكان تانى وهو بيحاول يستوعب و "هشام" بيحاول يتمالك اعصابه وعينه ع "تميمه" ,, واقفه "تميمه" ملامح حاده وبصت لفريقها وابتسمت وطمنتهم و بصت ع رجلها وغمضت عينيها وابتدت الميوزك تشتغل ,, حاولوا فريقها يغطوا عليها ع قد ما يقدروا وكانت نظراتهم عليها خوف وقلق عليها وهى بتتحرك ب اقصى طاقه عندها ,, "تميمه" وهى فى العرض للحظه شريط عمرها مر قدامها من صغرها واللى شافته ومقابلتها ل "سميه" والدار وبيت البنات واللى حصل فيه واللى حصلها بعده وشرم وهشام ومقابلتها ل "حازم" وختمت باللى شافته الوجع الذكريات ورجلها كان بيضغط عليها دمعتها خانتها ونزلت مسحتها وكانت بتضغط ع نفسها وبترقص ب اقصى ,, وصلت لجزء الخاص بيها ومسكت "نرمين" ايد "هشام" من خوف عليها لان فى حركه هتعملها هتحمل جسمها كله ع رجلها ودى اخطر حركه تعملها وفعلا وهى بتعملها حملت ع رجلها بصوت عالى وخضه ( رجلها يا "هشام") المتها بشده ولكن تماسكت وتحاملت ع نفسها وكملت ,, العرض كان 3 دقائق وبالنسبه ل "تميمه" كانوا اطول 3 دقائقفى عمرها مش من الوجع لكن لذكرياتها اللى مرت قدام عينيها ,,, خلص العرض الاول وهى بتحاول تقف وماشيه عادى فى لحظه صرخت (اه ه ه ه) ووقعت فى الارض اغمى عليها بسرعه اتجه ليها "هشام" و "نرمين" وفريقها معاها واتجه ليها "حازم" ولسه هيقربلها زقه "هشام" وبعصبيه :
_ بس ,,كفايه كده كفايه اوى كده ..
,, شالها "هشام" واتجه بيها ع المستشفى وطلب من فريقها يكمل المسابقه علشان النتيجه وطبعا كانوا مخضويين واخدوا موقف من "حازم" وصل "هشام" المستشفى وشافها الدكتور وقاله انها رجلها المصابه اتكسرت نتيجه ضغط زياده عليها وانها فى حاله صدمه عصبيه ودا هيسيبب ليها نوم طويل ,, الكلام خض "هشام" و "نرمين" بتعيط ومش عارفه تعمل ايه ,, سئل "حازم" ع المستشفى وعرف و ساب فريقه واتجه للمستشفى اللى فيها "تميمه" ودخل شاف "نرمين" بتعيط واتخض وكان عاوز يدخلها الغرفه مسك ايده "هشام" فى اللحظه دى ..:
_ انت رايح فين ؟
_ اشوف "تميمه"
_ ب اماره ايه عاوز تشوفها هو مش كفايه اللى حصل دا ,,عاوز تعمل ايه تانى معاها
بيحاول "حازم" يتمالك نفسه : انا معملتش حاجه مكنتش اعرف ان التصميم دا بتاعها مكنتش اعرف
ضحك "هشام" بسخريه : مكنتش تعرف ,, حد بخبرتك يغفل عنه حاجه زى كده ,,
اتحرك "حازم" خطوتين وعاوز يدخل الغرفه ومنعه "هشام":
_ مش هتدخلها
_ انت مين علشان تمنعنى انا هدخل
_ انت اللى مين علشان تدخل ,, انا كل حاجه ل "تميمه" انا عيلتها وعمرها اللى عاشته ,, انت مين يلى عرفاك من كام يوم ,, من وقت ما دخلت حياتها وانا كنت حاسس انك هتأذيها ,, اللى حصلها دا بسببك ورجلها اللى فدتك بيها اتكسرت وانت مش فاهم يعنى ايه واحده حياتها متعلقه فى رجلها منعتها منها ,,, انا مش هسمح ل اى حد مهما كان يأذيها فاهم,, اخرج من حياتنا بقى اخرج ,,,
اتفاجئ "حازم" من كلام"هشام" وحاول يتكلم مع "نرمين" قالتله : حسبى الله ونعم الوكيل ,, "تميمه" تعمل فيها كده تأذيها كده يا "حازم" بعد ما وثقت فيك ودخلتك حياتها ,,دخلت دمرتها وخرجت ,, مبروك عليك المسابقه لكن عاوزاك تعرف انك خسرت اكبر خساره مش هتتعوض
سابته ودخلت غرفه "تميمه" و"حازم" شايف ان كلهم شايفينه خاين وانه سرق "تميمه" ,,, دخل "هشام" وقرب من "تميمه" وحط ايده ع شعرها :انتى مش لوحدك يا "تميمه" انا مش هسيبك ,,
"حازم" بعصبيه رجع مكان المسابقه وكان اعلان النتائج وقف سمع اسم فريقه اتاهل لفاينل فى البرازيك وفريق "تميمه" فشل ,, خرج اعضاء فريق "تميمه" زعلانين وبصوا ل "حازم" نظره احتقار ع اللى عمله واتجهوا للمستشفى ,, "ندى" كانت سعيده وشافت "حازم" جريت عليه حضنته زقها ومسكها من ايديها ووقف ع جنب وبعصبيه :
_ انتى جيبتى تصميم العرض منين
_ ما انا قولتلك هشوف واحد
_ مين الواحد دا ؟
_ ليه ,, عمل العرض وكسبنا
_ انتى تعرفى انه عرض "تميمه" واحنا اللى سرقناه
_ ايه سرقناه دى ,, المسابقه فيها مكسب وخساره وعادى انهم يخسرو لكن مكنش عادى لو احنا اللى خسرنا وانت كنت بتقدملهم المكسب ع طبق من دهب وتعبنا احنا ومجهودنا عادى كده بالنسبالك ,,
_ ندى ,,
_ ندى ايه بس ,, من وقت ما ظهرت "تميمه" فى حياتك وبقت هى كل حاجه اهتمام ورعايه وانا ولا اكنى موجوده ,, الافضليه ليها وناسى انها من فريق المنافس ,, لا يا "حازم" انا مش هسمحلك تهد اللى عملته فى 5 سنين علشان علاقه طايشه هتاخد يومين وتخلص
_ مين قالك انها علاقه طايشه ,,, انا بحب "تميمه" وبحبها بجد
_ نعم ,,
_ ومش عاوزك فى الفريق يا "ندى" ملكيش مكان معانا ,,
_ بسهوله كده
_ زى بالظبط بسهوله انك تسرقى تعب غيرك علشان تثبتى وجودك ,, نرجع مصر مشوفكيش
مشى "حازم" رجع ع الفندق وكان بيتواصل مع المستشفى يطمن ع حاله "تميمه" وفريقه رجع وهو فضل موجود وفضلت "تميمه" فى غيبوبتها ,, فى يوم اتجه لمستشفى مشافش حد بره من اعضائ فريقها وسئل الممرضه عرف انهم مشيوا الصبح ,,رجع ع الفندق وعرف انهم عملوا شيك اوت ,, حجز طيران ورجع ع مصر ..سافر شرم مكنوش موجودين ولا مجموعتها .. حاول يوصل ليهم معرفش ... كان "هشام" نقل "تميمه" مستشفى فى مصر وكانت "نرمين" مرافقه ليها ,, مر 10 ايام كانت نايمه فتحت عينيها وكانت "نرمين" جنبها ماسكه مصحف بتقراه :
_ نرمين ..
_ توما ,, توما صحيت يا "هشام"
حاولت تتعدل لكن كان جسمها تعبان : هو ايه اللى حصل
نرمين بدموع خضيتينى عليكى يا شيخه حرام عليكى
| مسكت ايديها "تميمه": انا اسفه
قرب منها "هشام": ايه كل النوم دا
_ هو انا فين
_ فى مصر فى مستشفى
_ ليه هو ايه اللى حصلى
حست برجلها متجبسه : ايه دا
_ شويا وقت وعلاج وهتكونى كويسه متقلقيش
رجعت راسها لورا وعرفت ان رجلها اتكسرت ودى بالنسبالها مشكله لانها سمعت ان ع الاقل سنه علشان رجلها ترجع زى الاول بالعلاج وخطر انها تحمل عليها ... مر ع وجودها فى المستشفى 15 يوم وخرجت لكن "هشام" طلب منها تخرج ع فيلا الشيخ زايد رفضت وهو رفض انها ترجع شرم فى الفتره دى ف اتفقوا انها هتقعد فى الدار مع الاطفال ,, رجعت "نرمين" وحاول يكلمها "حازم" كانت بترفض وشددت "نرمين" ع "عبدالله" ميعرفش "حازم" مكان "تميمه" ,,, رجعوا فريقها واتجمعوا وزاروها وكانت نفسيا سيئه لكن بينت ليهم انها كويسه :
_ انا اسفه يا جماعه بجد اسفه
_ بتتأسفى ع ايه احنا كويس اننا وصلنا قبل النهائى وكده كده محدش فينا كان متوقع اننا هنكسب
_ انا عارفه انه بسببى
_ انتى مصممه ,, احنا لا زعلانين منك ولا حاجه ,, انتى عملتى لينا كتير واكتر مما نتوقع كفايه انك ساعديتنا فى حياتنا واننا نحقق حلم قولنا انه مستحيل ,, مش معنى اننا خسرنا يبقى نهايه الكون دى البدايه وهى دى الدنيا مكسب وخساره والخساره اكيد فيها مكسب ,, انتى نسيتى كلامك ولا ايه
ابتسمت "تميمه " : المهم دلواقتى تخلى بالك ع نفسك ورجلك لغايه ما تخف خالص واحنا مستنينك يا ليدر مهما غبتى هتلاقينا مستنينك
ابتسمت "تميمه" وقعدوا معاها شويا ومشيوا رجعوا شرم لحياتهم الطبيعيه وعروضهم لكن من غير "تميمه " ,,, مر شهريين ع وجود :تميمه" فى الدار ورجلها فى الجبس قعد جنبها "هشام" :
_ فراشتنا عامله ايه ؟
_ الحمد الله
_ ان شاء الله لما تفكى الجبس بالعلاج الطبيعى هترجعى احسن من الاول
_ ان شاء الله
_ انتى هترجعى شرم برضه
_ هروح فين يعنى شغلى وحياتى هناك كتر خيره صاحب المطعم انه وافق ع اجازه سنه لكن لما افك الجبس وهقدر هرجع
_ ما تخليكى هنا يا "تميمه" اريح واحسن
_ مترجعنيش لورا يا "هشام" انا قررت اكمل لقدام
_ كملى وانتى هنا الدار تكون معاكى
_ صدقنى انا لو زنقت معايا مليش غير هنا لان انا منهم من هنا ,,,
_مش عاوز اضغط عليكى براحتك ...
كان مجموعه "تميمه" كل فتره ينزلوا ويزوروها بيحاول يحسنو من نفسيتها لانهم حسوا انها اتغيرت لكن بتقاوح وتبين العكس ,,, كان "ماندو" بيكون ساكت وباصص "لتميمه" فى مره شافها وهى باصه لرجلها ودمعه نزلت من عينيها ملامحه اتغيرت ,, اتكلم مع "هشام" وقابله :
_ خير يا ماندو انت قولت الموضوع مهم
_ جداا .. انا مش عارف انام من تأنيب الضمير
_ خير ايه حصل
_ اللى حصل فى المسابقه كلكم و"تميمه" فاكره ان "حازم" هو اللى سرق التصميم مننا علشان يخرجنا من المسابقه
_ مش دا اللى حصل
_ لا مش دا اللى حصل
اتفاجئ : هشام" بتقول ايه ؟
_ انا اللى سرقت تصميم العرض وبعته ل "ندى"
_ ايه ؟
_ كنت بمر بفتره محتاج فلوس اختى هتعمل عمليه واتحرجت اطلب منك او اقول ليهم ,, اتكلمت مع "ندى" مره وقالتلى هعمل حاجه بسيطه وهتدينى المبلغ ,, كنت معترض الاول لكن هى اقنعتنى ان كده كده مش هنكسب فى الفاينل وان فى مسابقات كتير هندخلها احسن من دى ,, فكرت فيها انها مجتش ع مسابقه وهتعدى ,, مكنتش اعرف ان اللى هعمله هبعد بين "حازم" و "تميمه"
_ تبعد بينهم ,, هو كان فى حاجه ؟
_ "حازم" يوم المسابقه كان مجهز ل "تميمه" مفاجاءه ويعترفلها بمشاعره وشاف ان اننا نكسب ونتأهل هتكون احلى مناسبه انه يعمل كده ,, رغم انى انا كنت عارف فكرت ب انانيه فى نفسى وسرقت التصميم بس مكنتش اعرف ان "تميمه" هتصمم انها تكمل المسابقه انا قولت هتنسحب لكن هى كملت واذت رجلها ,,, كل دا بسببى انا اسف
"هشام" مذهول من الكلام وكمل "ماندو" كلامه: انا عاوز اعترفلها ومش عارف ممكن تساعدنى اقولها ؟
اتوتر "هشام" وفى لحظه : "ماندو" الكلام اللى قولته دا محدش يعرفه صح ؟
_ لا انا وانت بس دلواقتى و"تميمه" لما تعرف
_ "تميمه" مش لازم تعرف ,,
_ ايه
_ هنقولها بعدين لما تتحسن لكن مش دلواقتى وسيب الموضوع عندى واعتبره اتحل
_ يعنى انت هتبلغها ؟
_ ايوه متقلقش
قام "ماندو" ومشى و"هشام" قاعد بيفكر وقابل "تميمه"
_ "كان "ماندو" عاوزك فى ايه ؟
بصلها : لا مفيش كان محتاج فلوس واخدها ..
_ بس كده ؟
_ ايوه بس ,, اهتمى انتى بنفسك ومتشغليش بالك ب اى حاجه تانيه .,,
حس "هشام" ان "تميمه" مش لازم تعرف الحقيقه علشان يخرج "حازم" من حياتها وانها تفضل فاكره ان هو اللى سرق العرض منها ومهما حصل "تميمه" مش لازم تعرف حاجه ,,!
_________________________
يتبع
ليست هناك تعليقات:
إرسال تعليق