(25)
انتبه "لوهان" لضمه ل "ريم"
وابعدها وتمالك افكاره :
_ اسف لكن ..
_ لا عادي ..يلا نمشي
_ انتى كويسه ..
_ كويسه ..
استقلا السيارة وطول الطريق صامتين ,,
وصلا لمنزل "ريم" :
_ انا اسفه اليوم كان جميل وانا ختمتها بتراجيدي
ابتسم "لوهان": لا بالعكس انتى كنتى محتاجه تقولي الكلام دا واحنا
اصدقاء
_ صح اصدقاء
_ تصبحي ع خير
_ تصبح ع خير
عاد "لوهان" الى المنزل ووقف
امام اللوحه المرسله من "نيويورك" وللحظات راي وميض بسيط لمشاهد واشخاص
غير واضحين الملامح وكان الذاكره بتتمرد ع صمتها وشعر بصداع شديد واستسلم للنوم ..
وفى اثناء نومه راوده حلم ك احلام كثيره متكرره ولكن الشخص الثابت فيها وهى
"ريم" بتبكي وهى بتنظر اليه .. فتح عينه ووجد اثار لدموعه ع الوساده ,,
استمر يشعر "لوهان" بمشاعر واحاسيس مختلفه غير مفهومه اتجاه "ريم
" ....!
فى الكافيه دخل "جى وو" كمفاجاءه لصديقه
"لوهان" لكنه كان غير موجود ولكن لمح وجود "ريم" واقترب اليها
خطوات وبملامح مفاجاءه :
_ ريم .. انتي ريم صح
اتفاجئت "ريم" بوجوده: جى وو..؟!
بملامح سعاده : عامله ايه بجد مبسوط جداا انك هنا
انا مكنتش اتوقع تكوني هنا بجد ,, اخيرا "يومي" عملت حاجه صح فى
حياتها محدش قالي ان "لوهان"
ذاكرته رجعتله ورجعتوا لبعض ,,
_ ثواني وطي صوتك الاول
_ ليه ..
_ "لوهان" لسه مش فاكر حاجه ..
اتفاجئ : ايه .. وازاى وانتي هنا ..؟
_ تعالي نخرج من هنا دلواقتي وهعرفك كل حاجه ..
خرجوا واتجهوا لمكان قريب وجلسا وروت "ريم"
الحكاية كلها وملامح صدمه ودهشه "جى
وو":
_ انا مش عارف اقولك ايه ؟ انا مش قادر استوعب
كلامك اساسا !!
"يومي" ساكته وعارفه وانتي موافقة تعملي كده ,, وهو مفتكركيش خالص ..؟!
_ لا ..
_ انتى غلط .. الصح اول ما عرفتي انه موجود تواجهيه و تقوليله انك مراته انك حب
حياته انك كل حاجه وبنته ..
_ وبعدين ..؟
_ بعدين ايه .. اكيد كان هيبقي فى رد فعل واستجابه ولو بطيئه ,, "لوهان"
لما فقد الذاكره كان بيتمني يعرف اى حاجه عن الماضي اللى اتنسي واكيد كان هيفرق
معاه وجودكم ..
_ لكن رغم وجودي معاه و"جنه" لكن مفتكرش حاجه ,, وانا مش هضغط عليه
علشان يفتكرني ويتأذي ,, انا مقدرش اعرضه
لصدمة ويدخل غيبوبه تاني احتماليه انه يصحي منها ضعيفه ,, هو مستقر و..
_ انتي بتتوهمي يا "ريم" .. مستقر ايه ..؟ انتم الاتنين مش عايشين وانتم بعاد عن بعض ودى
حاجه انا متاكد منها ,, انا مستحيل اسكت ع اللى بتعملوه فى نفسكم دا ,,انا هروح
اعرفه كل حاجه ..
مسكت "ريم" ايده : ارجوك
"جى وو" ,, متعملش كده ,, "لوهان" انا كنت معاه 4 شهور وفى
خلال ال 4 شهور مفتكرش حاجه ,, وهو حياته مستقره دلواقتي مش هقدر ادمرله الاستقرار
اللى وصله ,, انا عارفه معني الانسان لما يكون تايهه وغير ثابت الاحساس بيكون ايه
ولما بيستقر بيبقي وصل لشط الامان ,, انا المهم عندي انه بخير ...
_ انتى هتستسلمي وهتسيبي "يومي" تغلبك ,, هتسبيها تسرق حياتك ..؟
_ انا مش هقدر اعمل اكتر من اللى عملته ومش هجازف ب اى تصرف هيأذيه ,,
_ يعني هتفضلي كده صديقه ..
_ ممكن تقول صداقتنا قربت ع هايتها انا
الاسبوع اللى جى بعد الافتتاح هرجع "لندن" و"لوهان" يقفل
الصفحه دى ..!
_ ريم ..
_ لو بتحب "لوهان" فعلا ارجوك اعتبرني مش موجوده ولا تعرفني ,,
_ مش هقدر ..
_ ارجوك ..
بملامح غضب : هحاول ..
_ اوعدني
_ اوعدك ...
عادا الى الكافيه وعادت "ريم" لعملها وكان "لوهان" وصل المكان
رحب ب "جى وو" واتجهوا الى الخارج ,,, اثناء حديث "لوهان" عن
"ريم" لاحظ "جى وو" انه بيتحدث عنها برسميه واتقانها لعملها
ولم يلاحظ اى كلام يدل ع تذكره لها من الماضي ولكن شعر بنفس مشاعر اول ما اتعرف
"لوهان" ع "ريم" وانجذابه اليها تملكته رغبه بالافصاح عن الحقيقه لكن وعد
"ريم" قيده ,, تاني يوم حضرت
"يومي" مع "لوهان" للقاء نظره اخيره ع المكان وكانت ممسكه يد
"لوهان" وبتتعامل بنعومه ولطف ك ثنائي محب ,, وكانت متعمده التصرف امام
"ريم" ,, اتجه "جى وو" بالقرب من "ريم":
_ غلط اللى عملتيه وبتعمليه يا "ريم" .. انتى المفروض تكوني ماسكه ايده
ومعاه فى كل خطوه مش هى .. مكانك هناك جنبه مش واقفه متفرجه هنا ..
_ مش مهم مكاني اللى الناس شايفاه فين لان انا متاكده ان هى مهما عملت مش هتقدر
تاخد مكاني اللى فى قلبه ,,
_ ريم ..
_ هو بخير ودا المهم دا المهم ...
سكت "جى وو" ووقف يشاهد ما يحدث من نظرات "ريم" وهى بتتمالك
دموعها وتصرفات "يومي"
الاستفزازية و"لوهان" الحائر
,,, كان الافتتاح بعد يومين وتقديرا لمجهود
"ريم"و المساعدين قرر
"لوهان" ان يعزم طقم العمل و"ريم" ع العشاء فى احدي المطاعم :
_ شكرا ع العشاء
_ دا ااقل حاجه اعبرلكم ع شكري ل اهتمامكم وان المكان ظهر احلي مافي تخيلي ..
_ الفضل يرجع ل "ريم" اهتمامها ان المكان يوصل لشكل دا ..
_ شكرا "ريم"
_ يو ويلكم ..
_ مش محتاجين اقولكم كلكم مدعويين ع حفله الافتتاح اكيد ..
_ اكيد طبعا ..
فى المكان كان رجل مسن وزوجته يحتفلوا
بعيد زواجهم ال 75 واشتغلت الموسيقي ورقصوا .. نظرت اتجاههم "ريم":
_ شعور جميل احساس الحب طويل الامد لا بيتغير ولا بينفصل بيكون متماسك
نظر "لوهان" اليهم : ان شخص يستمر معاك عمرك كله مفيش اروع من كده
تحدث احد الاشخاص : ياتري ايه السبب اللى وصلهم لمرحله دى ؟
ردت "ريم": الحب ..
_ الحب مصطلح غير مفهوم لانه بيعتمد حدوثه ع الصدفة ..!
ردت "ريم" ب ابتسامه: مفيش فى الحب صدفة ولا فى حياتنا ,, ,,كل شئ مقدر
من الاول انه يحصل ,, القاء والفراق ,, الحزن والفرح ,, والحب ,,الحب علشان يتحقق
مش محتاج صدفة ,,الحب محتاج شخصين مقدر ليهم يتقابلوا يثبتوا انهم يستحقوه ..
_ وازاى نعرف ان الشخص دا هو المقدر لينا نحبه ..؟
ابتسمت "ريم": امممم هو شخص صعب
نسيانه و اخراجه من تفكيرك ,, يدخل قلبك ويملا الفراغات اللى فيه (غمضت عنيها) لما عينك مش شايفاه قلبك بيرد عليك
بدقاته انه موجود هنا (اشارت ع قلبها) ,, فى وجوده مفيش ظلام لانه بيكون الشمس اللى نورت
حياتك ,, وفى الليل بيكون قمرك ..النجوم فى السما
بتغير من ابتسامته فبتحاول تثبت انها احلي وانت مش شايف غير ابتسامته ,,
الصعب معاه بيهون ,,هو الوحيد اللى فاهمك
من غير كلام وامنياتك بتتحقق معاه ,, ابسط الحاجات معاه بتكون اعظم حاجه فى العالم
,, لمسه ايده بتكون علاجك و سلاحك اللى بيواجه خوفك ,, هو دليلك وثقتك و امانك
واطمئنانك وسكينتك ,,هو رفيقك وصديقك ووينسك قبل ما يكون حبيبك وانت معاه بتكون مش عاوز حاجة تاني من الحياة ولما
بيبعد بيكون معاك ومهما طال الغياب يقينك باللقا القريب اكيد ..!
اغمض "لوهان" عينيه ووضع يده ع
قلبه لمعرفه الاجابه مين المقدر له وجد تكرار ومضات الذاكره
لكن بظهور "ريم" فى بعضها وتسارعت دقات قلبه وتفاجئ وفتح عينيه بسرعه
ونظر اليها ب ملامح صدمه ,, وتناولا
العشاء واشتغلت موسيقي واقترح الجميع ان يقوم "لوهان" و"ريم"
برقصه ووافقت "ريم" ,, ابتدت الموسيقي :
_ لو دوست ع رجلك بعتذر مقدما
_ مفيش مشاكل ..
وريم" بين يدى "لوهان"
بخطوات بطيئه ع نغمات الموسيقي نظر اليها "لوهان" بتركيز ولاحظ تسارع
دقات قلبه :
_ ريم..؟
_ ايوه ..
_انتي مكرهتيش زوجك ؟
_ لا
_ رغم بعده عنك السنين دى وبدون اى اتصال حبك متأثرش بحد تاني ؟
_ لان حبه فى قلبي مش فى عقلي ,, زى مافى ذاكره للعقل فى القلب ذاكرة ,, فى اقوال ان القلب ضعيف لكن ذاكرته اقوي لانها صعب تتنسي حتى لو العقل
نسي ,, ببساطه هو عايش فى كل نبض بحسها ,, انا حبيته ,, وبحبه
,, وهحبه ل اخر يوم فى عمري ,,لانه يستحق الحب دا
_ البعد معلمش قلبك القسوة ؟
_ يتعلم القسوة ازاى وهو اتعلم الحب منه ,, رغم بعاده ومهما عمل قلبي عمره مايقسي
عليه ..
_ انتي ازاى كده مش شايفه غيره ,, وياتري هو يستحق فعلا الحب دا ..؟
_ امممم ,, انت حسيت قبل كده انك مقدر لشخص ما ..؟
سكت "لوهان" لحظات: ايوه .. لكن
...
_ مفيش لكن كل حاجه فى حياتنا مقدره
,,الفرح والحزن ,,اللقا والفراق ,, والحب ,, كل واحد فى الحياه مقدر له شخص ما فى
مكان ما مجهول امتي هنقابله دا اللى
منعرفوش لكن هيتم اللقا فى يوم ,, مجرد احساسنا انه موجود مهما كانت الحواجز والصعاب هنقرب فى يوم
وهنتقابل لاننا نستحق دا لاننا نستحق الحب المقدر لينا واحنا مع بعض ,,مفيش انسان
وحيد طرف الحبل بيكون فى اتجاه واخره بيكون فى اتجاه تاني وبيتحدوا عند نقطه معينه
يا هيحصل قريب ياهيحصل بعيد,,..!
انقطع التيار الكهربائي :
اتفاجئت "ريم": يلا نرجع ليهم
..
مسك يداها واستوقفها ووسط الظلام تحدث "لوهان":
_انا حقيقي حاسس بغيره اتجاه زوجك من حبك له ,,انا بحسده عليكي انتى مش مجرد
انسانه عادية انتى الجنه ع الارض وبعده عنك اكيد هو فى جحيم ,,عاوز اقولك انا مش عارف لما تسافري هقابلك تاني ولا لا لكن
عاوز اقولك انا ممتن للحظه اللى جمعتني معاكي وعرفت يعني ايه حياه ويعني ايه حب
..!
عادت الاناره وللحظات استمرا بالنظر فى اعينهم حتى انتبها من صوت حولهم وعادا الى
المجموعه وملامحهم متغيرة وكملوا اليوم واتجهوا الى منازلهم وقام بتوصيلها
"لوهان":
_شكرا ع السهره
_ لكن الرقصه مكملنهاش زى الباقيين والكهربا قطعت
ابتسمت "ريم" وصمتت :
_ بعد بكره الافتتاح ..
_ ايوه ..؟
_ هتعملي ايه بعد كده ..؟
_ راجعه "لندن" انا اللى كنت هنا علشانه خلص اقعد ليه تاني ..
_ انا ممكن اتكلم مع صاحب الشركه يجهزلك عقد تاني و ..
ابتسمت "ريم": لا شكرا .. انا
ليا حياه فى "لندن" وشغلي هناك ..
بنبره حزن: يعني مش هشوفك تاني ..
ابتسمت "ريم" ونظرت اليه : انا سعيده انى شوفتك ولو حصل والقدر جمعنا
واتقابلنا تاني اكيد هكون سعيده ,..!
_اتمني يحصل ..
تصبح ع خير ..
_تصبحي ع خير ..
اتجهت "ريم" للداخل وتحرك "لوهان" الى منزله وجلس فى غرفه
المكتب وتنهد تنهيده عميقه مع شعوره بدقات قلبه المتسارعه وتفكيره الزائد فى
"ريم" ,,لم يستطع النوم من التفكير والحيره مما يشعر وتكرار الوميض
وظهور وجه "ريم" حتى فى احلامه ... من كثره التفكير استسلم للنوم فى
مكانه ,, تاني يوم اتجه للكافيه لرؤيه اللمسات الاخيرة ونظراته ل "ريم"
اغلب الوقت ,, منتصف اليوم ذهبت "ريم" الى المنزل ل شعورها بالارهاق
وكانت بتابع عبر الموبيل ,, ليلا اتجهت "ريم" للكافيه للنظره الاخير قبل
الافتتاح غدا ,, فا استقلت سياره
"مريم" واتجهت للكافيه ووجدت الانوار مضاءه اغلقتها واتجهت للمطبخ وجدت
"لوهان" امامه طبقين من الباستا و4 زجاجات من الكحول :
_ مستر "لوهان" ..؟
_ ريم .. انتي جيتي انا كنت مستنيكي انا عملت الباستا و..
لاحظت "ريم" عدم اتزانه :
_ انت شربت كتير ..
نظرت حواليها وحاولت تساعده ع الوقوف واتجهت للحوض وامالت راسه وفتحت المايه
البارده ,, ثم اخذته فى الخارج فى الهواء واحضرت له شئ دافي ولكن تاثير الكحول موجود :
_ انت كويس .. محتاج تروح مستشفي ..؟
_ انا بخير .. بخير
_ هطلب تاكسي لان صعب تسوق كده ..
مسك ايديها : انا كداب ..
_ ايه ..؟
_ انا مش كويس ,, مش كويس خالص ..!
نظر الى "ريم" : احنا اصدقاء صح ..؟
_ ايوه ..
_ لا مش اصدقاء ,, انتي مين .. عاوز اعرف انتي مين ؟
_ انا ..
_ ايوه .. انتي مين ,, انا قبل ما تظهري كنت صدقت الحياه اللى عايشها و استقريت
وحياتي منتظمه متجوز واصحابي وشغلي كل حاجه كانت واضحة بالادله ,, ظهرتي وكل حاجه
اتلغبطت ,, انا عارف انه مش صح ,, ومينفعش احس بكدا لكن مقدرتش اسيطر ع مشاعري من
اول مره شوفتك ..اول مقابله هنا ودموعك كانت بتوجعني كأن انا السبب فيها ,, ( وضع
يده ع قلبه) قلبي حس بخلل طول الوقت فى كل مره بكون معاكي,, مش قادر مبصلكيش
ودايما بدور عليكي حتي لو متكلمتش معاكي فشايفك بعنيا كفايه ,, معاكي بحس انك مش
غريبة عني ,,مينفعش يوم يمر من غير ما اشوفك او اكلمك ,,قبل ما بنام لازم اكلمك ,,
معاكي بحس بالامان والطمائنية اللى كنت بدور عليهم ,, بتظهريلي فى مشاهد غير واضحه
حتى احلامي بتكوني فيها ,, انا مش عارف اى حاجه بعد كده ,, ضمير ,, ذنب ,,
_ انت مش فى واعيك هطلب عربيه و..
_ انتى متجوزه وبتحبي جوزك اللى غايب عنك سنين ومتعرفيش حاجه عنه وانا متجوز
ومستني طفل قريب ,,تخيلي مهمنيش كل دا وانه
غلط ومفكرتش فيه اصلا وببقي عاوز اكون
معاكي ,, عارفه كام مره ببقي عاوز اضمك فى حضني وبتردد فى اخر لحظه ,,عارف ,,عارف
انه مينفعش وغلط ,, لكن مش قادر ولا فاهم
انا تعبت ..تعبت ومش قادر اكمل كده مش قادر ..
بدموع تتساقط: لدرجه دى وجودي سببلك كل
التعب دا ..
- ايوه .. انتى ظهرتي ليه؟! ظهورك لغبط كل
حاجه جوايا ,,انا لودلواقتي قالولي تتمني
ايه كنت قولت انك متظهريش فى حياتي ومحسش بكل اللغبطة دى والوجع دا ,, انا تعبان
,,تعبان جدااا
انهمرت دموع "ريم" وسقط
"لوهان" فى حاله اغماء من الكحول
ساندته "ريم" وهى بتبكي :
_ انا اسفه .. انا اسفه ..
طلبت تاكسي وطلبت من السائق توصيله للمنزل
وعادت الى المنزل وكان "امير" فى انتظارها ورأها تبكي :
_ فى ايه يا "ريم"..؟
_ امير عاوزه ارجع "لندن" ..
_ تمام احنا راجعين بعد يومين ..
_ ارجوك عاوزه ارجع "لندن" بكره الصبح انا مش قادره اقعد اكتر من كده مش
هقدر ..
_ حاضر حاضر مهما كان بكره هتكوني فى لندن
..
اتجهت "ريم" لغرفتها وفتحت كف
يديها ودموعها تتساقط ع الحرف ,, تاني يوم سافرت "ريم" الى لندن ,,
استيقظ "لوهان" وشعر بصداع رهيب وغير متذكر غير مقتطفات وانه قابل
"ريم" لكن الحوار غير متذكره ,, استجمع شتات نفسه واستعد وذهب للكافيه ل
الاحتفال ب الافتتاح وعيونه تبحث عن "ريم" وسط الجمع ,, حضر جميع
المدعويين و"ريم" غير موجوده ,, اتصل بها ولكن موبيلها كان مغلق ,, سئل
احدي الحاضرين وعلم انها عادت الى "لندن" ,,شعر بضيق وحزن وملامحه كانت
حزينه طول الحفله ولاحظ ذلك "جى وو" ولكن لم يتحدث معه ,,,!
عادت "ريم" الى المنزل فى "لندن" وكان فى استقبالها حنان
وعاصم و"رامي" ,, اول ما دخلت "ريم" المنزل ونظرت الى
"عاصم" انهمرت فى البكاء واتجهت الى حضنه وضمها "عاصم" بحنيه
الاب وتفاجئت "حنان" من تصرف "ريم" ,, منع "عاصم"
"حنان" من اى كلام واسكاتها ,, اتجهت "ريم" ع غرفتها وجلس
"امير" مع حنان وعاصم :
_ هو ايه اللى حصل يا "امير" .؟
_ انا مش عارف زى زيكم ..احنا كنا هنيجي بعد يومين فجاءه هى طلبت تسافر ,,
تحدث عاصم: اكيد فى سبب انها ترجع قبل
ميعاد سفرها بيومين لكن لغايه ما "ريم" تتكلم محدش يتكلم معاها ولا
يسألها ممكن ,, ممكن يا "حنان" ..
_ حاضر يا عاصم حاضر .. انا اساسا كنت رافضه فكره انها تقعد هناك وهو فى الحاله دى
,, اهى رجعت ايد ورا وايد قدام وهو لا افتكرها ولا اى حاجه .. عذبت نفسها ,,
_ حنان .. مش عاوزك تتكلمي مع "ريم" فى اى حاجه تخص الموضوع دا ..
رد "امير": رغم قرار ريم الغلط لكن هى لو معملتش كده مكنتش هترتاح يمكن
النتيجه كانت صعبه عليها بس التجربه وصلتها ل كل الكلام اللى عاوزين نقوله هى عاشته
_ ولوقت ماهى تتكلم مفيش حد هيفاتحها فى الموضوع تمام ..
_ تمام ..
عاد "لوهان" للمنزل بعد انتهاء حفله
الافتتاح ,,"يومي" بسعاده :
_ اخيرا اليوم عدي كانت حفله جميله ..
_ اها .
_ مالك .. فى حاجه مضايقاك طول الحفله ساكت ومبتتكلمش ؟
_ لا بس تعبان شويا
_ نروح المستشفي ..؟
_ لالا انا هرتاح شويا الفتره اللى فاتت اجهدت فيها من تجهيزات ..
_ طيب يلا نطلع اوضتنا ترتاح ..
_ شويا وهحصلك ..
وضعت يداه ع بطنها : انا وبيبي مستنينك ..
_ اوكيه ...
اتجه للمكتب ووضع الجاكت ع كرسي وجلس ع
المكتب واطلق تنهيده عميقه وحاول الاتصال ب "ريم" لكن الرقم كان مغلق
وزاد من ضيقه ,, بجانب الجاكت لمح الجواب كان "جى وو" اعطاه فى الحفله
من "ريم" ,, جلس فى المكتب وفتح الجواب :
_ لوهان ,,افضل وقت عشته كان معاك واعتز جدا بصداقتك المميزه ,, عاوزه اقولك اسفه
وشكرا ,, اسفه ع اى حاجه حسيت بيهاوحيرتك وشتتك وتعبتك بسببي ,, وشكرا ع الوقت اللى سمحتلي اكون
فيه معاك واحنا بنجهز الكافيه ,,الوقت دا كنت محتجاه جدا فى الفتره الاخيرة كل
لحظه فيه كانت بالنسبالي حاجه كبيره ومهمه ,, انت ساعدتني جداا اكثر مما تتخيل
بالوقت دا ,, انا ممكن اكون كنت متمسكة بحاجات مكنش ينفع اتمسك بيها وفهمت كده
متاخر ,, انا لو كنت قابلت زوجي فى ظروف مختلفه من غير الالم وحزن اللى عاشه كانت
الامور هتكون مختلفة بالنسبه لينا ,,كنا هنكون مع بعض لكن القدر قراراته بتختلف عن
رغبتنا ,, عاوزه اقولك الوقت اللى قضيته
معاك ساعدني اسامحه عن الالم اللى حسيت به لما بعد عني وسابني لوحدي وتذكرت افضل
الاوقات من حياتنا مع بعض ,, انا مش هقدر اقول انى هنساه رغم بعده ومش عارفه
هقابله تاني ولا لا ورغم افتقادي واشتياقي
له,, لكن هقول انا هقدر اكمل حياتي ودا بسببك ,, مش هنسي الوقت اللى قضيته فى كندا
معاك ,, , كن سعيد فى حياتك واتمنالك تحقق الاستقرار والامان وتجمع الاجزاء اللى
بتدور عليها فى حياتك وقتها اتاكد انك هتتمسك بيها ,, اتمنالك كل السعاده لانك
تستحقها ,, ريم ..!
انهى "لوهان" قراءه الجواب وتساقطت دمعه من عينيه جاهل مصدرها وسببها هى
والنغزه فى صدره وفجاءه شعر بصداع وبوميض
ومشاهد اكتر ب اشخاص وريم ,,,!
فى "لندن" مر يومين ع عوده "ريم" الى "لندن" وكانت
صامته اغلب الوقت ,, جلست فى الحديقه مع "جنه" واتي "عاصم"
بعصير الفراوله والشوكلت ل "جنه":
_ شكرا ..
_ انا عملت العصير مخصوص ليكي ..
_ شكرا يا اونكل ..
_ انا جيت اقولك العصفوره قالتلي عاوزه تتكلمي فجيت بسرعه انا هسمعلك مهما كان كلامك ..
سكتت "ريم" ودموعها تتساقط :
_ انا كنت غلط ..
_ يعني ..؟
_ كنت غلط لما فكرت اكون معاه وثقت فى حبنا وقلبه وانه هيفتكرني من غير ما اعرضه ل
اى أذي او خطر ,, كنت فاكره انا هستفز ذاكرته واجبرها تفتكرني لكن اللى حصل كان
العكس ,, وجودي شتته وعذبه ودخله فى متاهه ,,صداقتنا كان ستاره بيداري وراها
مشاعره وعاش فى صراع والالم ,, مشاعره ليا
منعها لانه محبش يدى مشاعره ل انسانه متجوزه بتحب جوزها اللى سابها وبعد عنها وهو
متجوز ومنتظر طفل .. حس انه بيغلط ووجودي
معاه بيستمر فى الغلط ,, كان لازم ابعد وابعد جدااا عنه ,, انتم صح لما قولتولي
مفضلش جنبه هتعذب بنسيانه مكنتش اعرف انا بعذبه بيا ومقدرش يفتكرني ,,, انا اسفه
..
_ ريم .. انتى حاولتي ومفيش غلط ,,كنتي هتعرفي منين اللى هيحصل متشيليش نفسك ذنب ,,
_ انا كنت سبب الالم عاشه لدرجه انه اتمني انى مكنتش اظهر فى حياته ,, ظهوري ضره
اكتر ,,
_ دلواقتي هتعملي ايه ؟
_ هو مستقر هناك وبخير دا اللى عاوزاه ,,دا قدري وانا متقبلاه مش هقدر اغيره ..
مسك ايديها : توقعي اى حاجه يا "ريم" الحال بيتغير فى لحظه ,, نصيحتي
ليكي اهتمي بحياتك وبشغلك وببنتك اكتر حاجات محتجالك دلواقتي ,, قاعدتك كده مش
هتفيدك وسيبي الايام زى ماهي ولو القدر غلبك انه يبعده عنك اثبتي للقدر انك قوية
وهتكملي ,,
_ حاضر ..
مر شهرين ع افتتاح الكافيه لكن
"لوهان" كان غير سعيد دائم الشرود قليل الحديث ,, فى كل مكان يتذكر
"ريم" وتكررت الوميضات بكثره ولاحظ التغيير "جى وو" :
_ لوهان .. مش ملاحظ انك متغير المكان دا كنت حاطط عليه امال كتيره لكن انا شايف
انك مهمله .
_ حاسس ان انا تعبان ,, مش قادر اركز فى ولا حاجه ,, صداع فظيع من وقت ما بنام لوقت ما اصحي حتي فى نومي .
_ ليه كده ..
_ بفتكر مواقف ب اشخاص اول مره واكتر شخص "ريم" حتى فى احلامي بتظهرلي
_ محاولتش تكلمها ..؟
_ لا مش هينفع مش هينفع ..
سكت "لوهان" لكن "جى
وو" قرر ياخذ خطوة لعدم اراحته لوضع صديقه ,, ففى يوم اتصل ب "يومي" وكانت فى البيت :
_ موضوع ايه المهم اللى طلبتني علشانه ؟
_ لوهان ..
_ ماله لوهان ..؟
_ "يومي" ,, وقت ما حصلت الحادثه انا طلبت منك نبلغ "ريم" لكن
انتي كان عذرك انك محبتيش تقلقيها لوقت ما نطمن ع حاله "لوهان" وانا
معترضتش لان كان المهم وضعه الصحي ,, ولما عرفتي فقد الذاكره استغليتها لصالحك ,,
اخدتي "لوهان" وسافرتي "كندا" ومفيش حد قدر يوصلك ,,بعدها
بسنة عرفت بالصدفه انكم اتجوزتوا وهو مفتكرش اى حاجه ,,قولتلك مينفعش وكنت هقوله
كل حاجه لكن لما تعب فجاءه الدكتور نصحنا نبعد عنه اى توتر وضغط نفسي وهو كان
محتاج يستقر ووعدتيني لما حالته هتستقر هتعرفيه ,, لكن انتي عملتي ايه سرقتي
ذكرياته وايامه مع "ريم"
واقنعتيه ان انتي اللى كنتى معاه بكام صوره وبكام حكايه مزيفه اللى حواليكي
اكدوهاله ,, انا كنت مستني تاخدي الخطوة دى وانا جيت هنا علشان اعرفه كل حاجه لكن يشاء القدر وتظهر "ريم" والقدر
يجمعهم تاني مع بعض وبدل ما تساعديه يرجعلها بعدتيهم عن بعض اكتر ,,استغليتي تقرير
الدكتور ان ممكن يحصله حاجه وضغطتي ع "ريم" علشان ترجع "لندن" يا اما هتكون معاه ومش فاكرها
,, كنتي بتستلذذي وانتى شايفاها وهى بتتعذب فى كل لحظه وهى معاه وهو مش فاكرها ولا
فاكر بنته ,, انتي عارفه انا سكت ليه؟! , مش علشانك ,, "ريم" اللى طلبت
مني اسكت ,, ريم اتقبلت الواقع اللى انتى
زيفتيه وبعدت ,, ريم وبنتها مكانهم هنا مع لوهان ,,,انتي سرقتي حياه لوهان يا
"يومي" ,,
_ لا انا مسرقتش ,, القدر اللى سمح ل ريم بفرصه انا كمان سمحلي فرصه ,,واهى كانت
معاه 4 شهور ومفتكرهاش لانه مش عاوز يفتكرها لانه حبني انا وعاوز يفضل معايا ..
_ ومين قالك مفتكرهاش ,, "ريم" مع "لوهان" فى كل لحظه ,, وهو صاحي وهو نايم ,,انتي مش
ملاحظه الفرق بين قبل ظهور ريم وبعد سفرها والتغيير اللى حصله ,,
"لوهان" افتقد ريم يا "يومي" ,, ولانه فاكرها غريبه عنه
ومتجوزه بقي بيتجنب الكلام عنها علشان
ميجرحكيش لكن الصح هو انه يفتكرها ويكلمها ويرجعلها لانها مراته .. مراته وحبيبته
,,حب عمره وام بنته ..
_ جى وو لو سمحت دى حياتنا مش هسمح ل اى حد يدخل فيها ..
_ لا هدخل لانه صديق عمري ومش هسكت بعد كده وهو بيدمر قدامي ,, وصحيح اللى تسمح انها تدفع فلوس لناس يبعتوا جثه ل
"ريم" علشان يقنعوها انه جوزها مات وتقنعه انها حبه الوحيد وتسرق
ذكرياته مع اللى حبها وتنسبها لنفسها اتوقع انها تزييف حملها علشان تربطه بيها اكبر
..
_ ايه اللى بتقوله دا ..؟!
_ اللى بقوله ( اخرج ورقه من جيبه ) اخر
تيست عملتيه فى المستشفي من شهر واثبت ان
مفيش حمل ,, ودا معناه انه مكنش فيه من الاساس ,,"يومي" فوقي من الوهم
دا انت بتظلمي "لوهان" وبتظلمي نفسك معاه ,, لوهان محبكيش ولا هيحبك زى
ماانتى عاوزه ,, لوهان بيحب ريم وبس .. بيحب ريم وبس ..
_ جى وو..
_ صدقيني لما يعرف مش متخيل هيكون رد فعله
ايه ..
_ وهيعرف منين ولا مين هيقوله ,, انت مستعد تتحمل مسؤلية اى حاجه هتحصله لو عرف ..
_ انا ..
فى اللحظه دى دخل "لوهان"
ومصدوم من الكلام وماسك راسه من الصداع ولانه شعر بتعب وقرر يرجع البيت يرتاح سمع
كل كلامهم وبيسترجع مواقفه مع "ريم" وحديثها عن زوجها ودموعها وبعض
المشاهد اللى بيفتكرها كان الموقف صدمة
بالنسباله :
_ لوهان ..
بيحاول يتماسك وماسك راسه :اللى سمعته دا
بجد .. ريم مراتي وجنه بنتي ,,
قربت "يومي": لوهان اسمعني الاول و ..
لسه هيتكلم وقع اغمي عليه فى الارض ,,
بسرعه اتنقل للمستشفي ولكن استمر فى غيبوبه مده15 يوم ,, كانوا فى حاله من التوتر
والقلق بسبب وضعه الصحي والاصابه ,,
استيقظ "لوهان" من الغيبوبة واول اسم نطق به "ريم" ,,
بعد الفحوصات والكشف تبين اثر الصدمة كانت عامل محفز ل استرداد الذاكرة لكن هو
بحاجه الى جلسات علاج ل اتمام شفائه الكامل واسترداها الكامل وكانت رغبته ,, ورفض
مقابله "يومي" وكان "جى وو" ملازمه ,, مع عوده ذاكرته شعر بالالم
والوجع لتجاهله ل "ريم" ,, وروي "جى وو" ع كل حاجه وعن
"ريم" وانها تحملت اقسي ما تستطيع للبقاء بجانبه من الالم والوجع ,, خرج
من المستشفي وزار "مريم" و"ادمز" وعلموا برجوع الذاكرة وطلب
منهم معرفه ما حدث ل "ريم" ف فترة غيابه ,, عاد الى الفندق واعاد قراءه جواب
ريم الاخير وكان يبكي بحرقه :
_ لوهان .. ممكن تهدي انت ناسي انك لسه تحت العلاج ومينفعش تضغط ع نفسك كده ..
_ انا مش قادر اتخيل ازاى معرفتهاش ,, انت متخيل "ريم" عملت ايه ,, عارف
ريم مرت ب ايه ,, ابشع احساس فى الكون ان اللى بتحبه يجهل وجودك وميعرفكش ويعاملك
ك الغريب ,,
_ انت مكنتش تعرف ,, انت مقصدتش تعمل كده اهدي ,,وغير كده انت حبيت
"ريم" تاني احساسك اتجاهها كان حب يعني ماانكرتهاش ,,
_ انا مش مسامح نفسي ولا هسامح نفسي ع اللى عملته فيها وكنت سبب وجع ليها ..
_ ريم نفسها عذراك يا "لوهان" ,, واللى انت بتعمله فى نفسك دا مش
هيفرحها ولا هيرجعلها اللى فات ,, انت عارف تعمل ايه ,, تكمل علاجك وترجعلها دى
اللى هى عاوزاه ,, ترجعلها وترجع ل "جنه" ترجع لحياتك اللى اتسرقت منك 3
سنين ,,,
_ هواجهها ازاى بعد ما انكرت وجودها ..
_ ريم بتحبك ,, واللحظه اللى هتشوفك قدامها هتغفرلك اى خطا مقصود او غير مقصود ,,
حبكم اقوي من المستحيل انت ناسي انتم مع بعض ازاى ,, انتم مريتوا بكتير متتضعفش
وحبك هيقويك ,,
كلام "جى وو" شجع
"لوهان" وحفزه ع استكمال علاجه لعوده الى "ريم" ...!
فى "لندن" "ريم" عادت الى عملها فى الديكور وتحفيز وتشجيع
اللى حواليها كان عامل مهم فى استمرارها ,, كانت بتفتقد "لوهان" دائما
وكانت بتبكي اشتياقأ لكن كانت تتجنب السؤال عنه ومكتفيه ب احساسها ,, كان
"امير" يعلم بحاله "لوهان" وتابعها من بعد وحاول الا يتسرب
خبر دخوله المستشفي ل "ريم" ونجح فى ذلك ,,وكان اكبر المساندين ل
"ريم" ,, فى يوم الويك اند
تجمعت العائله وكان الغداء باربكيو شواء
فى الهواء الطلق ولاحظت "رنا" نظرات "امير" ل "ريم"
وهى بتلعب مع جنه وملك :
_ اللى بتعمليه فى "امير" دا حرام يا "ريم " ..؟
_ هو ايه اللى بعمله ..؟!
_ امير بيتعذب من انتظاره ليكي ,,هيموت عليكي يا بنتي وانتي ولا هنا ,, الكل ملاحظ
وانتي لا انه بيحبك ..ومستني توافقي ويتقدملك رسمي ..
_ استني بس ,, انا موعدتش "امير" ب اى حاجه علشان يستناني وبعدين اوافق
ع ايه؟
_ تتجوزو .. امير بيحبك ..
_ وانا متجوزه ..
_ نعم .. و شهاده المحاكمه انك ارمله بتعمل ايه انتي قانونا غير متزوجه حره ومعاكي ورق يثبت دا
_ ورقه ايه اللى ترتبطني او تفصلني عن "لوهان" ,,ماما اللى صممت عليها
وسبتها لكن لا انا متجوزه ..
اقتربت "حنان" : مالكم يا بنات ..؟
_ الحقي "ريم" يا ماما .. بكلمها ع "امير" ترحمه من عذاب
الانتظار وانها حره نفسها تقولي انها متجوزه ..
_ ايه يا "ريم" دا ,, انتي نسيتي ولا ايه ..؟
_ انتم اللى نسيتوا انا متجوزه وجوزي مسافر
_ جوزك مين .. جوزك اللى مش فاكرك ولا فاكر بنته ؟
كلام "حنان" الجارح صدم "ريم" وحاولت "رنا" تهدي
الامور :
_ ماما متقصدش يا "ريم" هى تقصد ..؟
_ لا اقصد يا "رنا" ,, هى محتاجه تفوق بقي من الوهم اللى عايشه فيه دا
,, "لوهان" صفحه واتفقلت من 3 سنين ,, من الاساس هما مش لبعض ,, انهم
يكونوا مع بعض دا كان مستحيل واللى حصل اكبر دليل ع كلامي ,, عايشه فى انتظار ملوش
ملامح ,, ممكن تقوليلي مين اللى مهتم ببنتك وبيعاملها زى بنته وهى شايفاه ابوها ,,
مين اللى فى مدرستها ولا لما بتتعب بيجري ويسأل ويهتم ,, مين يا "ريم"
.. ابوها اللى ناسيكم ولا "امير" ,,, فوقي بقي من الخيال والاحلام وبصي
ع الواقع ,,
_انا مش خياليه ,,انا متجوزة و"جنه" عارفه ان ابوها مسافر ولو مرجعش انا
متجوزه وابوها "لوهان" ,, ولما اموت هموت وانا مرات لوهان وبس حتى لو مش
موجود ,, و"امير" علاقتي انا وهو بعد اذنكم متتدخلوش فيها ..عن ازنكم ..
فى الوقت كان "امير" واقف مع
"فريد و"عاصم" :
_ ايه يا "امير" متعبتش من
النظرات الصامته دى
تدخل "عاصم": تقصد من الانتظار
الصامت ..
ضحكك"امير": هو انا وقعت بينكم
ولا ايه ..؟
_ بجد يا "امير" كفايه كده
واتكلم معاها واعترفلها بحبك اللى كلنا ملاحظينه دا
ابتسم "امير": لدرجه دى انا
واضح ..؟
ابتسم "عاصم": الحب مبيتخباش
طول ماهو حقيقي ..
_ انت حبك ل "ريم" غيرك كتير
ولغايه دلواقتي مفيش غيرها فى قلبك و ..
تدخل "امير": و احلى حاجه
حصلتلي فى حياتي ان انا حبيت "ريم"
,,مقدر ليا احبها لكن حب غير متبادل ودا قدري ,,استوعبته متاخر واتقبلته ,, "ريم" بتحب "لوهان" سواء
موجود معاها او لا .. زى ما انا بحبها سواء معايا او لا ,, هى قلبها معاه مفيش مجال لشخص تاني يدخل ,, انا مش
زعلان بالعكس انا وجودي معاها وهى بخير دا
اهم بكتير من مسمي علاقه بيكون بينا ,, سعادتها هى و"جنه" اهم حاجه فى
حياتي بس كده ..
سكت "فريد"
وابتسم"عاصم" ووضع يده ع كتف "امير" :
_ انت كده امير ابني وصدقني فى يوم هتقابل
اللى تكون قدرك وانت قدرها ..
_ يا مسهل الحال ..
ذهب "امير" يلعب مع "جنه" و"ملك" و"رامي" ,, اقتربت "ريم"
وتمعنت النظر فى "امير" ومعاملته مع "جنه" ولاحظ "امير" نظراتها واقترب منها :
_ لو عاوزه تتعرفي اسف انا مرتبط
ابتسمت "ريم"..: عاوزه تقولي ايه ؟
_ اممم هو واضح اوي ..
_ انا "امير" يا
"ريم" . قولي فى ايه سامعك ..؟
_ مش ناوي تفرح اللى فى البيت بك مش ملاحظ
انك العازب الوحيد ومطول
ضحك: مش لما القي بنت الحلال ..
_ معقوله ملقتهاش انت بتلف العالم ..
_ بلف العالم لكن قلبي فى مكان واحد ,, بلف الف الف وارجعله تاني ..
لاحظت"ريم" التلميح عليها :
_ مش يمكن قلبك فى مكان الغلط وانت مش حاسس ..
_ امممم معتقدش انه غلط لانه اكتر مكان
قلبي فى امان فيه
_ انسي يا "امير" انساني وشوف حياتك
_ لو انتى قدرتي تنسي "لوهان" انا هنساكي ..
_ لكن ..
_ لكن انا مش عاوز حاجه منك ,,مش مستني مقابل ولا رد ولا ارتباط ولا اى حاجه ,,
انا الاول كنت ممكن اعمل اى حاجه علشانك لكن انتي والاحساس اللى حسيته اتجاهك
عرفني ان اللى بيحب حد مش شرط يكون معاه ,,اللى بيحب حد يتمناله الخير والسعادة
ولو ب ايده مساعده يقدمها بكل حب وميستناش
مقابل ,, اللى بيحب ميبقاش اناني ولا طماع ,, اللى بيحب يحب الحب نفسه الاحساس
ويشكر الشخص اللى كان سبب ظهور الاحساس دا ,, الاحساس دا اللى علجه من كل الافكار
الغلط ,, حبي ليكي يا "ريم" لا بشروط ولا فى انتظار مقابل ,, انا بحبك
ودا قدري وانتى بتحبي لوهان ودا قدرك ومينفعش ندخل فى الاقدار لانها مرتبه من اول
ما اتخلقنا ..
_ انا اسفه
_ ايه ..؟
_ انا اسفه ع اى حاجه عملتها لك من غير قصد
_ متتاسفيش انا اللى بشكرك انك سمحتيلي اكون جزء من حياتك ,, انا علاقتي بيكي مش
مهم المسمي ايه,, صديق اخ رفيق حتى لو عابر سبيل فى حياتك هاخد فترتي وهختفي انا
موافق , المهم انك تكوني بخير علشان انا اكون بخير واى حاجه هقدر عليها هعملهالك
اكيد ,وياعالم فى وقت ما القدر يفاجئني
ويكافئني بقدري اللى منتظرني فى مكان ما فى الكرة الارضية زيك ,, بما انك احتليتي كوريا ف انا هتجه ل
افريقيا او امريكا الجنوبيه اهو نبقي منتشرين فى العالم ونبقي احنا كينج ذا وورد
ابتسمت "ريم" وتساقطت دموعها : بجد يا امير انت انسان جميل جدا ويا
بختها اللى هتكون معاك
ابتسم "امير": ويا بخت "لوهان" بيكي ..
_ لوهان ..
_ القدر يا "ريم" بيفاجئنا بحاجات غير متوقعه وانا حاسس انك هتتكافئي ع
انتظارك وايمانك بحبك .. لكن فى الوقت المحدد انا متاكد ..
ابتسمت "ريم": انت من احلى مكافاءات القدر ليا يا "امير" ..
_ يلا بقي ندخل تلاقيهم نسفوا الايس كريم يلا ..
_ يلا ..
مر مده ع علاج "لوهان" وتحسن وحدد موعد سفره الى "لندن" ,,فى
الفندق حاولت "يومي" تقابله وكان بيرفض وعرف انها حاولت الانتحار واتجه
للمستشفي :
_ انا كنت عارفه انك هتيجيلي ..
_ ايه اللى عملتيه فى نفسك دا ,,ايه السبب اللى يوصلك لكده ؟!
بدموع: انت .. بعدك عني يعني موتي .. انت مسمعتنيش ولا حتى
سالتني عملت كده ليه ,, انا عملت كل دا علشانك ,,انا لا رتبت ولا خططت زى ماانت
فاكر الحكايه حصلت مفاجاءه ..
_ المفروض اصدق ..
_ الحفلك ب ايه انا مقصدتش اى حاجه ,,
_ انتى مش حاسه انك غلطانه ..؟
_ هو حبي لك غلطه .. انا عمري كله محبتش غيرك ولا عرفت احب غيرك ولا هعرف احب غيرك
,, حاولت ومقدرتش ,, ولما اتجوزت انت و"ريم" استسلمت وبعدت لكن مقدرتش
ابعد عنك ,, لما كنت بشوفكم مع بعض كنت بحس بنار جوايا ,,ببقي عاوزه اروحلها
واقولها مكاني هنا انا المفروض اكون هنا ,, استحملت علشانك وسكت ,,كنت بموت كل
لحظه بعيد عنك واستحملت ,, لما قابلتك فى ايطاليا كنت واحشنى جداا ولما حصلت
الحادثه لو طلبوا روحي علشانك كنت اديتهلهم ,,
القدر بعتلي فرصه الاول قولت فتره حلم اعيش فيه شويا ع ان ذاكرتك هترجع لكن
مرجعتش وعرضت عليا الجواز وقتها حسيت انك رجعتلي ,,ايوه رجعتلي لانك ليا انا ..
_ انتى سرقتي حياتي مني يا "يومي" ,, سرقتي 3 سنين من عمري ومش من حقك
,, انا طول عمري بحبك لكن زى اختي الصغيره عمري ما لمحتلك ولا عاملتك ب اكتر من
كده ,, انتى وهمتي نفسك وصدقتي الوهم دا ,, غلطاتك غفرتهالك لكن المرادي صعب ,,
انتى فرقتيني عن الوحيده اللى حبيتها ومحبتش ولا هحب غيرها ,, فرقتينى عن بنتي ,,
خلتيني لما قابلتهم اتجنبتهم وجهلت وجودهم ,, خلتيني اعيش احساس اتعذب به وهى
قدامي ومش قادر اخدها فى حضني لانه مينفعش ,, متخيله هى شايفاكي فى حضني وساكته
وهى الاحق ,, انتى متخيله ,,معتقدش ,,لانك مبتحبيش حد غير نفسك ..
_ لا بحبك انت ..
_ لا بتحبي نفسك وبس .. حبك لنفسك ملي قلبك حقد وغيرة وطمع ان كل حاجه عاوزاها
تاخديها ومش مهم غيرك يحس ب ايه ولا يمر ب ايه المهم انتي ,, مفيش رضا بقدرك
وبحياتك مشوفتيش مين بيحبك وهو معاكي ,, انا لو غفرتلك اللى عملتيه معايا مش هقدر
اغفرلك اللى عملتيه مع "ريم" واللى حسته "ريم" ,,, من انهارده
مفيش حد اعرفه اسمه "يومي" وعيشي فى عزله ووحده يمكن لما تعيشي لوحدك
تقدري اللى كنتى فيه ودمرتيه بنفسك ,,
انهارت "يومي" بالبكاء وخرج
"لوهان" من المستشفي ودخل "جى وو" و"يومي" بتبكي
اقترب اليها وضمها : انا مش هسيبك يا "يومي" المهم انك تحسي بغلطتك اللى
عملتيه صعب صعب ,,
قرب يوم عيد ميلاد "جنه" ال 6
وكانت "ريم" بتجهز ل الاحتفال لكن "امير" تولي مسؤلية الحفلة
:
_ هيتأجل العيد الميلاد اسبوع لان فى شغل ضروري مش هقدر ااجله
_ مفيش مشاكل يا "امير" مش لازم حفله كبيره نحتفل مع بعض فى البيت وخلاص
_ااى تقولي كده يا "ريم" لا طبعا "جنه" يتعملها احلى عيد
ميلاد وانا وعدتها انه هيكون احلي عيد ميلاد هتشوفه فى حياتها ولازم اكون موجود ,, انا مرتب كل حاجه تمام يا
"ريم"
_ تمام يا "امير " ..
مر الاسبوع وجاء يوم 14 مارس وكان
"امير" منظم الحفله فى مكان مفتوح واتجمعوا جميعا وحان وقت التورته
والشمع و"امير" غير موجود :
_ رامي ..هو امير فين ؟
_ هو بعتني علشان عاوزك هو مستنيكي عند
النافوره اللى هناك دى
_ اوك انا رايحه خلى بالك من "جنه"
_ متقلقيش يلا روحي ..
اتجهت "ريم" لنافوره ووقفت تبحث عن "امير" ,, وهى واقفه سمعت
صوت من خلفها :
_ريم ..
اتجمدت للحظه من الصوت والتفتت وكانت
مصدومه :
_ لوهان ..
كان "لوهان" مرتدي قميص وبنطلون متطابق مع اللى كانوا ريم اختارتهم قبل
سفر ايطاليا يحضرر به عيد ميلاد "جنه" ,, اقترب منها خطوه : ريم ..
_ انت هنا بتعمل ايه ,اقصد فى حاجه ؟
كان ماسك بوكيه ورد وعلبه شوكولا : ايوه
,, عاوز نسافر كوريا و اقابلك كل يوم الصبح
وانتي قاعده فى الحديقه بتسمعي الميوزك من الهاند فري واكذب عليكي واقولك
صدفه وانا بكون قاصد ,,( اقترب خطوه) واقابلك تاني واقولك عاوز نكون اصحاب وانتى
ترفضي ,,(اقترب خطوه) واقابلك صدفه فى التخييم ونلعب واكون حصانك الاسود ,, ونبقي
اصحاب (اقترب خطوه ) واقابلك الصبح وانتي فى الحديقه و اشرب عصير الفراوله كل يوم معاكي (اقترب خطوه ووقف امامها ) عاوز اكلمك صبح وبليل وانام ع صوتك,, ععاوز العب
معاكي لعبه .. ؟
اتفاجئت "ريم" : ايه ..؟
_ نلعب لعبه اننا مرتبطين ونروح نهر الهان ونحضر احتفالات الربيع ونطلع برج نامسان
ونعلق قفل كاتبين عليه امنيتنا ونرمي المفتاح وناكل كيمباب وراميون وداكبوكي واكل كوري حلال ,,
نلعب ونتراهن وتكسبيني وتحكمي عليا اكل اكل حار ,, وبعد الاكل نروح السينما وتمسكي
ايدي واحنا بنتفرج ع فيلم كوري اترجمه ليكي واعترفلك بحبي ل اول مره ,, نخرخ بعد
الفيلم ونشتري ايس كريم ونشتري ملابس كابلز جاكت زى بعض ونتصور ونروح نرسم حروفنا فى ايدينا ,,(قرب اكثر ),, و نطلع رحله ونطلع الجبل انا وانتي لوحدينا ,, وفى
بيتنا فى نيويورك افجئك بالباستا اللى بتحبيها لكن احتمال كبير هنسي الملح لكن
عادي لانها كده هتكون صحيه( مسك ايديها
وتتساقط دموع "ريم" ووضع قبله فى كف ايديها ع الحرف ) تسمحي ل قلبي يرجع يتنفس حبك وعيوني تتملي بصورتك واضمك فى حضني
واشوف ابتسامتك اللى النجوم بتغير منها لانى مشفتش احلى منك ,, تسمحيلي امسك ايدك
ومش هسيبها ..
كلام "لوهان" ذكر ريم ب كل ذكرياتها مع "لوهان ومواقف جمعتهم مع بعض من الماضي ,, عرفت "ريم" ان ذاكرته رجعت : لوهان انت ..
تساقطت دموع "لوهان": انا اسف
يا "ريم" ,, اسف ,, اسف ع كل لحظه اتوجعتي فيها معرفتكيش فيها ,, اسف
انى بعدت عنك وسبتك تبعدي ,,اسف ع الجرح
اللى سببته ليكي ,,اسفه انى مفتكرتكيش لما شوفتك
.. اسف ع دموعك اللى كنت سبب فيها طول الوقت اسف انا اسف
_ لوهان ....
مسك ايديها الاتنين وفتح كف ايديها وقبلها :
_ انا عمري ما كنت لحد تاني غيرك ولا هكون,, دايما كنت حاسس ان فى حاجه كبيره
ناقصاني ,, كنت حاسس انا مش عايش ,, (مسك ايدها ووضعها ع صدره)مع كل دقه كان بيفكرني
بيكي ولا عمره نسيكي ,, كل دمعه كنت بشوفها
كانت بتوجعني ,, انا ال 3 سنين كنت
مش عايش يا "ريم" ردت الروح فيا لما شوفتك رغم كنت ناسيكي لكن حبك انتصر
ع فقدان ذاكرتي لانك جنتي ع الارض وكنت فى جحيم ,, وحشتيني ,,وحشتيني ,, بحبك
انهارت "ريم" فى البكاء وحضنت
"لوهان" :
_ لوهان ..انت رجعت ..رجعت ..!
_ ومش هسيبك تاني مهما حصل ولا هبعد عنك لحظه ولا عن بنتنا "جنه" ..
كان من مسافه قريبه واقف "امير"
و"عاصم" و"فريد" وحنان" ورنا" و"مريم"
وادمز" ,,
ابتسم "فريد ": برافوا عليك يا "امير "
تحدثت "رنا": كل دا تخطيط امير بجد ..
تحدث عاصم: امير كان عارف كل حاجه ورتب كل حاجه سافر وقابل "لوهان"
ابتسم "امير":ماهو ان اوان الوقت اللى يرجعوا لبعض كفايه فراق ليهم
,, هى انتظرت وهو كمان ,,كان فاضل وقت
مناسب ومفيش احلي من مناسبه ذكري لحبهم وويرجعوا لنفس اللحظه اللى اتفرقوا فيها
يجتمعوا فيها تاني عيد ميلاد بنتهم ,,
"حنان": انا بجد مش مصدقه دا ولا الافلام كل ما اقول انهم يكملوا مع بعض مستحيل يتمسكوا
ببعض اكتر
ابتسم "عاصم": لان حبهم ضد المستحيل ,, حبهم سلاحهم ضد النسيان
والمستحيل ,, القدر جمعهم مع بعض من الشرق والغرب علشان يثبت ان الحب ملوش مكان
معين ولا اشخاص معينين ,,الحب محتاج اتنين يتقابلوا ويثبتوا انهم يستحقوا يكونوا
مع بعض ودا من اختبارات القدر ليهم ولحبهم يستحقوا ولا ,, هما الكل اجمع ع انهم
لقائهم مستحيل لكن المستحيل
مش هو ال مش قادرين نخليه يكون هو ال ربنا
مش عاوزه يكون ومع ربنا مفيش مستحيل مع حبهم لبعض مفيش مستحيل فى قاموس قدرهم مفيش
مستحيل ولقائهم مش مستحيل ...!
انتهت ...!
(24)
انصدمت "ريم" و"مريم"
واتفاجئ "لوهان" من كلام "جنه" ,, حاولت "مريم" اسكات
"جنه" ووقفت امامها ل اخفاء
"لوهان" وتقدمت مسرعه "ريم"
ل "لوهان":
_ مستر "لوهان" ..
_ انا حبيت اطمن ع "جنه" هى كويسة ..؟
_ ايوه لكن.. لكن العلاج اللى بتاخده
بيخليها مش مركزه ,,اتفضل معايا بره لان
"مريم" هتغيرها
"مريم" بنبره توتر : ايوه العصير وقع عليها ولازم اغيرلها حالا ..
_ انا جيبتلها الشوكلت دى يارب تعجبها
مسكت "ريم" العلبه واتفاجئت انه
نفس النوع اللى كان بيشتريه ل "جنه" شوكولاته بالبندق وهى صغيره فى نيويورك ,,:
_ عرفت ازاى انها بتحب الشوكلت بالبندق ..؟
_ انا خمنت ان اى طفل هيحبها ..
_ اها .. يلا نخرج احنا وانتى يا "مريم" غيري ملابس "جنه" ..
خرجوا من الغرفه و"جنه" وجهت كلام ل "مريم":
_ بابا ..
_ لا يا حبيببتي دا مش بابا ,, بابا لسه مسافر حاولي تنامي ترتاحى يلا ..
خارج الغرفه و"رييم" متوتره :
_ انا قولت اطمن عليها واشوفها واسالك لو محتاجه حاجه ؟
_ لا شكرا اللى عملته كان كتير جداا
_ اوكيه (سكت للحظه) اللى قالته "جنه" لما دخلت ...
قاطعته: بتتخيل .. العلاج مشوشها ف اتخيلتك باباها هى لما بتشوف "امير"
وهى تعبانه بتتخيله باباها ..
_ باين انها مفتقداه جدا لدرجه انها بتشوفه فى كل اللى حواليها ..
_ جدااا .. بس هى عارفه انه مسافر وغايب غصب عنه عنها
_ اللى عنده بنت زى "جنه" لازم يرجع وبسرعه ..
ابتسمت "ريم" : اتمني ...
رن موبيله واستاذن ورجعت "ريم" ع غرفه "جنه" وكان
"امير" موجود وسمعت حوار "جنه" مع "امير" وهى بتبكي
وانها شافت والدها و"مريم"
بتأكدلها انه شخص تاني ,, الموقف ضايق "امير" جداا ورفض يتكلم مع
"ريم" امام "جنه" ,, خرجت "جنه" من المستشفي ع
البيت ودخلت غرفتها ونامت وطلب "امير" التحدث مع "ريم ":
_ الحمد الله انها رجعت البيت و ..
بنبره عصبيه وحاده: و ايه يا
"ريم" ؟! وايه تاني عاوزاه يحصل ؟!
_ مالك يا "امير" ؟
_ مالى .. انتي مش ملاحظه اللى بيحصل ولا انا بيتهيألي ..؟
_ لو تقصد ع الموقف اللى حصل انا لحقته و"جنه" هتنسي لسه صغيره ..
بنبره حاده : بتتكلمي بجد ,, انتى بتقولي عليها هتنسي لانها صغيره ,,
_ امير انا ..
_ايه اللى بتعمليه فى نفسك وفى بنتك يا "ريم" ,, قررتي تفضلي هنا رغم
معرفتك حالته وقولتلك انا معاكي رغم رفض الكل وانه قرار غلط لكن انا كنت واثق فيكي
وفى تصرفاتك ,, لكن تعرضي "جنه" لموقف دا يكون ابوها قدامها وهو مش
عارفاها لا انا لغايه كده وهقولك لا يا "ريم" غلط ..غلط ..
_ صدقني يا امير انا مطلبتش منه يجي هو فاجئني بحضوره ( بملامح فرحه ) لكن عاوزه
اقولك انه اشتري الشوكليت اللى بتحبه "جنه" تخيل وكلامه وقلقه عليها
واصراره انه يكون طول الليل معايا علشانها هو حاسس بيها و ..
_ بس مش فاكرها يا "ريم" ,, اى حد لما بيشوف اى طفل فى العالم بيتعامل
معاه بلطف وحب وبقرب ,, لكن تترجمي شوكليت وانه قلق عليها يوم مادخلت المستشفي
,,ما "ادمز" كان قلقان ,, فوقي "لوهان" ولا فاكرك ولا فاكر اى حاجه بينكم زمان فوقي
واقبلي الواقع .. "لوهان" فاقد الذاكره
يعني نسي نسي كل حاجه زمان وهودلواقتي متجوز ومستقر ,,مفتكركيش ولا هيفتكرك
يا "ريم" كل اللى بتعمليه انك بتعذبي نفسك بوجودك جنبه ومكتفتيش بكده لا دخلتي "جنه" معاكي
,, هنا بقي واقولك لا ,, انتى حبك ل "لوهان" عماكي لدرجه انك بتأذي نفسك
وبنتك ومش حاسه ,, اوكيه انتى لو مش خايفه
ع نفسك انا هخاف ع "جنه",, اتمني متوصلنيش لمرحله اجبرك انك ترجعي لندن
غصب عنك وانا اقدر اعمل كده لان مش هسمح انك تأذي نفسك و"جنه" تتعرض
لصدمة نفسيه بسبب نكران ابوها ليها ,,
انتي مريتي بتجربه حرمان الاب وهو عايش وكنتي فى عمرها ومنستيش ,, مش هسمح ل "جنه" تمر بنفس التجربه
ونفس المعاناه فاهماني يا "ريم"
,,
خرج "امير" بمنتهي اللغضب ووصوته
العالي كانت "مريم" سمعاه من غرفه "جنه" ونزلت كانت
"ريم" بتبكي وحاولت تهديها :
_ "ريم" انا مش هقولك حاجه لكن انا متفقه مع "امير" فى كل
كلامه مش انا بس مامتك واونكل عاصم ورنا ,, كلنا متفقين ان قرارك بالاستمرار مع
"لوهان" بالوضع دا غلط ,,3 شهور
يوميا معاه وهو زى ماهو مفتكرش ولا هيفتكر والموقف اللى حصل ل
"جنه" دا انذار ليكي مش متخيله اصرارها ان هو ابوها ومسلمش عليها ولا
حضنها تخيلي كان ايه احساسها ومشفتيش دموعها و"امير" الوحيد اللى قدر
يهديها ,, فكري فى جنه مش هقولك فى نفسك يا "ريم" لان واضح انك اختارتي
من زمان .. انا عارفه انك بتحولي لكن واضح جدا مفيش نتيجه .. و"جنه"
اللى هتتأذي ..!
قامت "مريم" من جانب "ريم" وظلت فى حاله صمت لتاني يوم وزار
"امير" جنه ووتحدث معاها ولعب وقضي اليوم مع "جنه" وتجاهل
"ريم",, وتجنب "امير" ل "ريم" كان مسبب ليها ضيقه
وابتدا يتوغل احساس ان قرارها بالبقاء بجانب "لوهان" كان قرار خطا من
البداية ,, ولكن وسط احساسها بالضيقة
والتشتت من كلامهم واحساسها كان "لوهان" بيطمئن على "جنه"
و"ريم" يوميا اتصالات ورسائل ,,
فى يوم اثناء ياره "امير" ل "جنه" وبعد ان نامت
"جنه" اتجه الى الباب نامت
"جنه" ندهت عليه
"ريم" :
_ فى حاجه يا "ريم" ؟
_ ممكن كلمتين مش هطول عليك ..
_ اتفضلي ..؟
جلسوا :
_ انا بعتذرلك يا "امير" انا اسفه ..
_ بتتأسفيلي ع ايه ؟
_ انا يمكن تفائلي كان اكبر من الواقع وتخيلت حاجات هتحصل فى مده قصيره لكن مكنتش
اتوقع ان يحصل العكس بالطريقه دى ,, عاوزاك تعرف انا عمري ما هفكر ااذي بنتي ولا
اخليها تمر بتجربه شبيهه بتجربتي بحرمانها من ابوها ,, انا كنت فاكره وانا معاه
هحرك ذكرياته هوصل قلبه بعقله ويفتكر من غير اي أذي ل اى حد ,, ولما شوفت بعض تصرفاته معايا ولما عرف ان
"جنه" فى المستشفي حسيت انه حاسس بينا ,, حسيت ان قلبه بيدله علينا لكن عقله مانعه ,, يمكن تأملت
اكتر ومفكرتش فى الخسائر ..
_ "ريم" اللى بيحب بيفقد احساسه بحواسه كلها فمهما اللى بيحبه وجعه
وجرحه مبيحسش بالوجع منه .. هو بيستلذ الالم منه ومهما نزف والناس كلها شايفاه
موجوع هو مش شايف غير اللى بيحبه ومش عاوز
غير ان يكون معاه شايفه وبيتكلم معاه يسمع صوته ويحس بوجوده لانه بيحبه فمش هيصدق ولا هيسمع غير ل قلبه ,,
ودا اقسي عذاب الانسان بيعيشه ب ارادته ..!
لاحظ "امير" ملامح الحزن فى ملامح "ريم": "ريم" انا
الكلام اللى قولته اخر مره ..
قاطعته: عارفه ومتاكده من خوفك عليا انا
و"جنه" ووقوفك معايا ومساندتك فى كل قراراتي الغلط قبل الصح بجد مفيش حد كان هيعمل كده معايا ,, انا مزعلتش
منك انا زعلت من نفسي انى وصلت لمرحله دى ,, لكن اوعدك انا اسبوعين وهسلم الكافيه
ومع اخر يوم ولو فعلا "لوهان" مفتكرش اى حاجه ,,اى حاجة وانا بقيت من الماضي اللى نسيه فعلا
,,هتقبل قدري وهزيمتي هنسحب ,,هسيبه يكمل حياته وهرجع ع "لندن" انا و"جنه"لحياتنا
هناك ..
_ وعد ..
تساقطت دموعها وصمتت للحظات : اوعدك ..
_ "ريم" عاوزك تتأكدي انك اهم انسانه فى حياتي ولا اقبل اشوفك متعرضه
للخطر او ضرر واقف ساكت انتى انا يا "ريم" ,, خوفي عليكي انتى و"جنه" اكبر من اى حاجه فى الدنيا
..!
_ عارفه ومهما عملت مش هقدر اردلك اللى بتعمله معانا ..
_ كوني بخير انتى و"جنه" دا طلبي الوحيد ليكي ..
_ حاضر ..
_ وانا هحجز تذاكر الطيران تاريخها بعد
اسبوعين وهتكون جاهزه ..
_ تمام ..
تاني " ريم" كانت فى الكافيه هى
واحدي مساعديها ,, فى ذات اللحظه كان
"لوهان" و"يومي" اتجهوا لمطعم يتناولوا العشاء برفقه بعض اصدقائهم
,, "ريم" كانت بتبحث عن غرض واتصلت بالمساعد :
_ كان فى صندوق صغير فيه زجاج الالوان فين ؟.
_ "سام" قال مش محتاجينه فنزلته
مع الحاجات الباقية فى البدروم ..
_لكن انا محتاجاهم دلواقتي ..؟
_ اوكيه ,, نص ساعه وهكون عندك ..
_ اوكيه ..
اغلقت الخط وجلست تنتظر عودته وتأخر : وانا هستني الوقت تاخر و"جنه"
مستنياني ,,
فقررت "ريم" انها تنزل للبدروم
ل احضار الصندوق .. ولكن تملكها الخوف للحظه لنزول لغرفه البدروم لان مازال لديها
رهبه من الظلام ,, اغلقت اعينها للحظات وقامت بالعد ل 10 ورددت اسم
"لوهان" وفتحت عينيها وقررت تنزل ,, فى نفس اللحظه كان
"لوهان" راوده شعور بضيقه وقلق ,, ف استأذن للخارج واتصل ب
"ريم" لكن هى تركت هاتفها فى الاعلي ,, اتصل بمساعدها واعلمه ان
"ريم" بمفردها فى الكافيه ,,
عاد الى اصدقائه و"يومي" لحظت ملامحه المتغيره :
_ فى حاجه ..؟
_ لا ابدا ..
_ انت مااكلتش ليه اطلبلك حاجه تانيه ؟
_ لا لا هاكل ..
"ريم" نزلت البدروم وفتحت الباب ودخلت وبدأت البحث عن الصندوق واثناء
بحثها فجاءه انقطع التيار الكهربائي واصبح
الظلام هو كل ما يحيط بيها ,, للحظه حاولت تتمالك خوفها واتجهت للباب ولكن بطريقه
غير مقصوده اغلقت الباب,,حاولت ان تفتح الباب بكل الطرق لكن فشلت وكسرت مفتاح
الباب ,, للحظه تملكها الخوف لتأكيد حبسها استمرت بالعد ورددت اسم
"لوهان" ,, "لوهان" فى المطعم زاد احساس القلق والضيقه
واستأذن وكرر الاتصال ب "ريم" ولم تجيب ,, بدون تفكير اتجهه للخارج
واستقل سيارته واتجه للكافيه ,, اقترب من الكافيه وكان الظلام فى كل مكان ووجد باب الكافيه مفتوح ,, عاد الاتصال ب
"ريم" وسمع رنين هاتفها وتعجب من تركها للهاتف ولكن لاحظ وجود جاكت
وحقيبتها ,, ردد اسمها ولكن بدون اجابه راوده شعوره بالقلق ,, دخل مساعد
"ريم":
_ هى "ريم" فين ؟
_ مش عارف هى المفروض هنا انا روحت اجيب حاجات طلبتها ..
_ شنطتها وموابيلها هنا ..تكون فين ؟
_ اخر مره كلمتني كانت بتدور ع صندوق قولتلها فى البدروم ..
_ فى البدروم ( اترسمت ملامح صدمه)
بسرعه اتجه "لوهان" الى البدروم ولانه يعلم بعطل الباب وعندما وصل وجده
فعلا مغلق ,, نده ع "ريم" ولم يجد اجابه ولكن حاول فتح الباب بعنف وكسر
الباب ودخل وب اناره الكشاف بحث عن "ريم" وكانت ع الارض مستلقيه فى حاله
اغماء ,, بسرعه حملها وصعد للاعلي وطلب من مساعدها احضار طبيب واعطاها حقنه وجلس بجانبها حتى
تستيقظ ,, تحت الاناره القليله استمر "لوهان" ينظر الى "ريم"
بتمعن اكثر و شعر برغبه بملامسه وجهها وبعد تردد تلامست انامله وجهه "ريم"
وابتسم ولاحظ اتنفاضه جسدها ف امسك يديها حتى هدأت ,, مر اقل من ساعه وعاد التيار
الكهربائي وشعر "لوهان" ب افاقه
ريم بفتح اعينها واقترب منها
"لوهان":
_ ريم ..
بدون تفكير اقتربت من "لوهان"
واستلقت بجسدها فى حضنه وضمته بشده تفاجئ
"لوهان" من تصرفها للحظه ولكنه تلقائي ضمها بين ذراعيه وحاول
تهديئتها ااقل من لحظه شعر ب اريحية وضمها
اكثر للحظات ,, وصل المساعد وانتبهه
"لوهان" و"ريم"ووانتبهت "ريم" وابتعدت :
_ انا اسفه ..
_ انتى كويسه دلواقتي ..
_ ايوه .. انا لازم امشي انا اتاخرت
_ هوصلك ..
_ لا شكرا "مايكل هيوصلني ..
استجمعت "ريم" افكارها وخرجت من الكافيه مرافقه "مايكل" ووقف
"لوهان" ينظر اليها من الخلف واستعاد لحظه ضمه اليها فى حضنه ووضع يده ع
صدره وشعر بدقات قلبه المتسارعه ,,, عاد الى المنزل ووجد يومي فى انتظاره واتجه
الى غرفه النوم ,, لم يستطع "لوهان" النوم ولاحظت يومي والقت بجسدها فى
حضنه ولكن "لوهان" كان يشغل تفكيره لحظه ضمه ل "ريم" وما شعر ولم يشعر بوجود "يومي" ,, فى اليوم
التالي اتجه للكافيه وكانت "ريم" موجوده واحضر عصير الفراوله :
_ ريم .. اتفضلي
_ شكرا ..
_ عامله ايه انهارده ؟
_ تمام ..
_ امبارح ..
قاطعته وبملامح احراج: انا اسفه جدا ,انا
عندي مشكله من الضلمه فمكنتش اقصد يعني ..
_ لا ولا يهمك المهم انك بخير ..
_ بخير ..
_ نتغدا مع بعض ..؟
_ ها
_ احنا اصدقاء نسيتي وطبيعي ناكل مع بعض
,,!
_ اها ..اوكيه اوكيه .. انا هروح اشوفهم عملوا ايه ..
_ اوكيه ..
استمر "لوهان" يراقب "ريم" ويستغل اى فرصه للحديث معها ,, قبل
توجهم للغداء بالخارج دخلت
"يومي" الكافيه وجدت "ريم" و"لوهان" جالسان يتحدثون
وضحكاتهم عاليه ,, شعرت بضيق اتجهت ل"لوهان" :
_ هاي
_ يومي .. انتى جيتي ليه ؟
تفاجئت من سؤال "لوهان" فقبلته امام "ريم": وحشتني
شعرت "ريم" بضيق ف استأذنت وجلست "يومي":
_ مفاجاءه حلوه مش كده ؟
تغيرت ملامح "لوهان": ايوه اكيد
_ لكن ليه انا حاسه بعكس كده ؟
_ لا ابدا ..
_ اوكيه ..
_ يلا بينا ..
_ ع فين ..؟
_ عازماك ع الغدا .ايه رايك فى المفاجاءه ..؟
_ غدا ..؟! لكن انا عندي ميعاد ,,وانتى مقولتليش الصبح .؟
_ ميعاد ايه وبعدين لما احب اتغدي مع حبيبي محتاجه استأذن ولا احجز ميعاد ..؟
_ لا بس ..
_ انت مش عاوز تتغدي معايا هو الميعاد اهم مني ..؟
_ لالا يلا ..
خرج "لوهان" و"يومي" وكانت "ريم" تنظر اليهم
و"يومي" ممسكه يد "لوهان" وشعرت بضيقه وتمالكت دموعها ,, ارسل
"لوهان" رساله ل "ريم" يعتذر عن الغاء موعد الغداء ووعدها
بمره اخري ,, اجابت ع الرساله رد مختصر "اوكيه" وسقطت دمعه من
عينيها ..!
لاحظت "يومي" اهتمام
"لوهان" ب "ريم" الواضح وتناوله الوجبات مع "ريم"
وقضاء اغلب الوقت برفقتها واهتمامه ب
"جنه" هدايا وسؤال..فى يوم ع الغدا :
_ مششغول فى الموبيل ياتري خير ..؟
_ لا عادي ..
_ ابتسامتك وانت فاتح الموبيل خير فعلا بس فرحني معاك ..
اظهر صوره ل "جنه" وهى مرتديه
فستان سندريلا كان اشتراه هديه لما سمع من "ريم" حب "جنه"
لشخصيه سندريلا :
_ ايه دا ..؟
_ جميله "جنه" انا مبسوط ان الهديه عجبتها ..
_ مش ملاحظ انك مهتم زياده ب "ريم" وبنتها ؟
_ لا ابدا عادي ..
_ يعني انك تسهر مع "ريم" فى المستشفي وتاني يوم بعد ما توصلني المطار
ترجع ليها ودايما مع بعض وقليل تاكل معايا
و....
تفاجئ "لوهان": هو انتي بتراقبيني ؟
بنبره متوتره : مش مراقبه بس ناس شافوك كتير وبلغوني ,,
_ اها ..
_لو علشان الكافيه هى خلصت خلاص ومش مستاهل تكون طول الوقت هناك وتعب بنتها كنت
اتصلت كفايه .....
_ انتي ناسيه اللى "ريم" عملته ليا واصابتها فى ايديها كانت بسببي ..
_ وانت شكرتها وعملت اكتر ..
_ وقوفي معاها فى المستشفي دا رد فعل طبيعي حسيت عاوز اعمل كده من غير ما تطلب ,, و"جنه" بنت جميلة لو شوفتيها
هتحبيها
_ ويوم ما سيبتني فى المطعم تسيبني فى
المطعم وتروح ليها ..؟
تذكر "لوهان" الموقف : انا قولتلك اللى حصل "مايكل" اتصل وبلغني بالماس الكهربائي
وطبعا كان لازم اروح الافتتاح ااقل من 10 ايام انتي نسيتي ..
_ روحت علشان كده متاكد ..؟
_ ايوه طبعا ..
_ اوكيه وانا هصدقك ..
للحظات سكتت :لوهان .. انا عاوزه اقولك
خبر رغم اتفقنا لكن مش عارفه حصل ازاى ..؟
_ ايه ..؟
_ انا حامل ..
تفاجئ "لوهان":
_ صدقني انا كنت عامله احتياطاتي زى ما
اتفقنا ع تأجيل الاطفال فتره لكن حصل ..
استمر سكوت "لوهان": :
_ مالك .. مش فاهمه سكوتك دا انت فرحان
ولا زعلان لو مضايقك انا ممكن انزله ..
_ لالا طبعا تنزليه ازاى .. انا بس مكنتش متوقع بالسرعه دى ..
_ بالسرعه دى ؟! احنا 3 سنين متجوزين
_ انا لسه مستقرتش يا "يومي" علشان افكر فى خطوه جديده فى حياتي
_ انا ..
لاحظ ملامحها
الحزينه وامسك يديها وطبطب عليهم: انتى ترتاحي علشان البيبي ومبروك علينا
يمكن يكون هو الجهه اللى بدور عليها والقي نفسي ..
_ يعني انت مش زعلان ..؟
_ لا طبعا
حضنته وضمها : حبيبي ربنا يخليك لينا ..
ل استغراب الموقف كان رد فعل
"لوهان" طبيعي ,, تاني يوم فى الكافيه زارت "يومي" المكان
وكانت "ريم" موجوده :
_ برافوا يا "ريم" المكان شكله اتغير ..
_ شغلي ..
_ رغم انك قدرتي تغيري شكل ومضمون المكان لكن فشلتي فى تغيير صاحب المكان ..
_ مش فاهمه ..؟
_ يعني اول ما جيتي كانت فى عيونك نظره ثقه وتحدي دلواقتي اختفت ياتري دا من الفشل
ولا الاستسلام ل الواقع ..
فهمت "ريم": امممم مهما حكيت مش هتفهيني ,, لكن زى ماانتي شايفه انا مشغوله عن ازنك ..
_ اوكيه هسيبك لشغلك ,, لكن متنسيش تقولي مبرووك ل "لوهان" ..
_ ل ايه ؟
_ قريب جدااا هيكون اب ,, المكان وانتى وشكم حلو علينا ,, كده حياتنا هتستقر اكتر
اتفاجئت "ريم" بخبر الحمل ومشيت "يومي" واتملك
"ريم" احساس الرغبه بالبكاء لكنها تماسكت ,, اليوم دا "لوهان"
كان غير موجود طول اليوم وكانت "ريم" معاها الجاكت اللى تركه ليها فى
المستشفي ,, قفلت المكان وخرجت قابلت "مريم" فى مطعم هى والبنات:
_ مش بتاكلي ليه يا "ريم" ..؟
_ هاكل ..
_ لدرجه دى خبر حمل "يومي" ضايقك ,, المفروض كنتي تتوقعيه دول متجوزين
..
سكتت لحظات وتنهدت : عارفه يا "مريم" ,,انا من وقت ما شوفت
"لوهان" نسيت وجود "يومي" وانها معاه فى بيت واحد ,, يمكن كنت
بفتكر دا لما بكون بعيده لكن لما بشوفه قدامي واتكلم معاه بنسي كل حاجه اى مشاكل
واى حواجز بحس انا وهو بس اللى موجودين فى اللحظه دى ,, صدقت اللحظه دى هو ملكي
لوحدي وانا له لوحده ,, مفكرتش انه عايش حياه تانيه واحتماليه يكون اب مفكرتش فيها
لانى معتبره "يومي" مش موجوده اصلا ,,
_ لدرجه دى ..؟
_وانا معاه متخيلتش انه يلمس حد غيري ,, متخيلتش ان فى حضنه حد تاني بيضمه ,,
متخيلتش ان ايده بتمسك ايد تانيه غير ايدي ,, صوته حد تاني يسمعه غيري ,, لان كل
دا ليا لوحدي حقي انا ,, لكن ,,
سكتت "ريم" واستكملت" مريم": لكن لما قالتلك ع موضوع الحمل
الخيال بقي حقيقيه وحصل وفى غيرك اخد حقك فيه ,, ودا انتي مش قادره تستوعبيه رغم
انه قدامك ..
اشارت "ريم" اتجاه قلبها : دا
رافض يصدق ,,رافض يتقبل ,,
_ لكن حصل خلاص هنعمل ايه ..؟!
_ واضح انكم كنتم صح ,, انا حلمت ونسيت ان الواقع غير الحلم ..
_ مضايقيش نفسك انتى حاولتي لكن ,,
_ فشلت ..
_ "ريم" انا مقصدش ..
_ ميعاد سفري قرب خلاص مش هيفرق كتير ,, زى ما امير قالي انا اتوهمت من تصرفاته
انه افتكر لكن طلعت دى رغبتي وانا ترجمت المعامله كده وصدقتها ,,
بصت "ريم" اتجاه
"جنه" وابتسمت ,,,
انهوا حديثهم وطعامهم ووقت الحساب لاحظت "ريم" ان محفظتها والموبيل غير
موجودين فتذكرت انها نسيته فى الكافيه ,,
عادت "مريم" والبنات ع المنزل واتجهت "ريم" للكافيه للبحث عن
الموبيل والمحفظة وكان الانوار مشتعله
دخلت كان "لوهان" موجود :
_ مستر "لوهان" ..
_ ريم .. فى حاجه ؟
_ نسيت موبيلي والمحفظه هنا و (لاحظت ملامحه المتغيره ) انت فيك حاجه ؟
_ لا ابدا كنت فى مشوار وجيت اشوف وصلتوا ل ايه مكنتش موجود طول اليوم ..
_ اها (تذكرت الجاكت) ممكن ثواني وراجعه
رجعت لعربيه ومسكت الشنطه اللى فيها
الجاكت : اتفضل الجاكت .
_ مكنش ضروري .
_ لا شكرا ليك ..
_ اوكيه ..
سكتوا لحظات :انتى اكلتي ؟
_ انا .. لا
_ ولا انا وجعان جدااا ناكل سوا عزومه اللى لاغيتها هعوضها هنا اوكيه ..
_ اوكيه .. تحب تاكل ايه اطلبه ..
_ لا انا مش عاوز اكل من بره انا هعمل اكل هنا المطبخ جاهز وفيه كل حاجه
_ انت هتطبخ ..؟
ابتسم "لوهان": رغم انا حاسس
بتريقه لكن هتشوفي وهتحكمي بنفسك ..
دخلوا المطبخ :
_ تحب اساعدك ؟
_ لا شكرا اتفضلي اقعدى وانا هعمل كل حاجه ..
لبس مريوله الطبخ ووقف :
_ طبق اليوم باستا بالسي فود
اتفاجئت "ريم" : باستا ..
_ ممكن تقولي اقرب باستا ل قلبي بحبها جدااا ,, لما بعملها واكلها بحس بسعادة غير
طبيعيه فيها سحر غريب ,,لما بكون مشتت او فى حاجه مضايقاني بعملها بحس باطمئنان
غريب تحسي ان فى ساحره سحرتني بيها ,, وللعلم انا بعمل احلى باستا وهتشوفي,, بتحبيها صح ..؟
ابتسمت : ايوه ..
_ كنت عارف يبقي اجهزي ل افخم باستا ..
حاولت تتمالك "ريم" دموعها وظلت تنظر الى "لوهان" وهو يعد
الباستا وهو فى منتهي السعادة ,, انتهي من تحضير الباستا ووضع الطبق امام
"ريم":
_ يلا دوقي وقولي رأيك ..؟
ظلت تنظر للطبق وكان طبق متماثل تماما مثل الطبق فيما مضي واستمر صمتها :
_ شكله مش حلو ؟! هو ملغبط بس طعمه حلو دوقي ..
_ لا ابدا ..
تذوقت "ريم" اول شوكه وسكتت :
_ ايه الاخبار ..
_ جميله .. لكن ..
_ مفيش ملح ..؟
اتفاجئت "ريم" ونظرت اليه : ايوه ..
_ دايما لما بعملها بنسي الملح مش عارف ليه .. سوري
تلقائي : عادتك بتنسي الملح لكن عارفه هتقول ايه مش مشكله كده الاكل صحي
تفاجئ "لوهان" برد "ريم": انا كنت هقول كده فعلا ..
ابتسمت "ريم": علشان اثبتلك انا هخلص الطبق كله ..
ابتدت "ريم" تاكل وفقدت السيطره ع دموعها وتساقطت ولاحظها "لوهان" :
_ لو الطبق سئ لدرجه دى متضغطيش ع نفسك انا مش هزعل ..
بتزيل دموعها :
_ لا ابدا بالعكس جميل جدااا ,,
_ اقولك ع سر ..
_ سامعاك ..
_ امممم ,,انا دايما بعمل الباستا دى لكن
بااكلها لوحدي وفى كل مره بحس ان انا بعملها لحد وبكون سعيد جدااا وانا بعملها ف
بعمل طبقين ع طول واحد ليا والتاني للشخص اللى عملتهاله معرفش مين هو لكن بحس انه مقرب
ليا ,, انهارده وانا راجع ع البيت مريت ع السوبر ماركت لقيت نفسي اشتريت طلبات
الباستا وجيت ع هنا بدل البيت ,, اتملكني احساس قوي وانا قاعد ان الشخص اللى يشاركني الباستا هيظهروانا
انتظرته وفجاءه لقيتك انتي ,, ول اول مره
بدون تردد مش عارف حسيت ان انا عاوز اعملها ليكي حسيت انك بتحبيها ..
نظرت اليه واستمرت دموعها تتساقط :
_ ليه دموعك دى ..؟
_ مش عارفه مش عاوزه تبطل ليه انا اسفه ..
بتحاول تزيل دموعها مسك ايديها واتفاجئت
"ريم" وب ايده التانيه ازال دموعها واعينهم تنظر الى بعضها ,, صمتت
"ريم" وتحدث "لوهان" :
_ كل مره بشوف دموعك بحس بنغزه فى قلبي بتوجعني ,, فكل مره بتبكي فيها واشوف دموعك
بحس برغبه المسهم ,, احساس اني مسؤؤل عنهم مسيطر عليا ..
سكتت "ريم" وانتبهه "لوهان" لكلامه:
_ يمكن لانى مبحبش الدموع فببقي مش عاوز اى حد يبكي قدامي ..
_ اه ممكن .. اسفه ..
_ اوعدك المره الجايه هتعلم الطريقه الصحيحة للباستا ومش هنسي الملح ..
ابتسمت "ريم" : هتنساها ..
ضحكك"لوهان": هحاول ..هحاول ..
قامت وقفت "ريم":
_ شكرا جداا ع الاكله الجميلة دى اللى رجعتلي ذكريات جميلة لكن انا لازم امشي
الوقت اتاخر ..
_ 10 دقائق هقفل المكان واوصلك ..
_ لا شكرا انا معايا عربيه "مريم" .. عن ازنك ..
_ ريم ..
_ ايوه..؟
_ ممكن بكره تيجي معايا مشوار فاضل اسبوع ع الافتتاح ومحتاج اشتري كام لوحه واعتقد انك برأيك هيساعدني بالمناسب للمكان ,,
_ اوكيه ..
_ شكرا ليكي ..
_ تصبح ع خير ..
خرجت "ريم" واتجهت لسياره
واتحركت وتذكرت موقف الباستا ودموع انهمرت بشده وركنت السياره وبكت بشده ... وفى
الكافيه "لوهان" جالس مكانه وينظر الى مكان "ريم" واتملكته
حيره فيما يشعر,, وفجاءه شعر بوميض متشابه لنفس الموقف وامسك راسه من شعوره
بالصداع وبعد لحظات شعر بسقوط دمعه من عينيه وضيقه فى صدره ,,عادت "ريم" للمنزل وموابيلها رن وكان رساله من "لوهان"
بيطمن ع وصولها البيت وردت ريم وطمئنته بوصولها وجلست وتنهدت تنهيده الحيره مليئة
بالدموع هى صح ولا بتتوهم ..!
تاني يوم اتحرك "لوهان" و"ريم" واتجهوا لكذا مكان وقاموا
بشراء بعض الاغراض المطلوب واستوقف "لوهان" بالسياره فى اشاره ولفت نظر
"ريم" اعلان عن فيلم :
_ ايه رايك ندخل سينما ..؟
_ انت بتحب السينما ..؟
_ انا عازمك ايه رايك ..؟
_ اوكيه ..
اتجهوا للسينما ودخلوا القاعه ولاحظ
"لوهان" اغلاق "ريم" اعينها وسمع تمتمه :
_ فى حاجه ؟
_ لا ابدا بس انا زى ما قولتلك مشكلتي مع الضلمه و هوعودني علشان امنع خوفي اغمض
عيني واعد ل 10 و ..
_ و ايه ..؟
_ ولو لسه خايفه ب امسك ايده ..
بتصرف تلقائي مد يداها : وانا ايدي موجوده وقت ما تحسي انك خايفه امسكيها
_ ايه ..؟
_ احنا اصدقاء وعاوزك تستمعي بالفيلم ..
_ اوكيه ..
وابتدا عرض الفيلم وشعر "لوهان"
بتوتر "ريم" وامساكها ل يد الكرسي بشده فوضع يده فوق يداها وضم يدها فى
يداه واقترب منها هامسا : متخافيش انا معاكي استمتعي بالفيلم
للحظه استرجعت "ريم" ذكري
السينما بنفس الاحساس وتكرار الجمله ( متخافيش انا معاكي ) استرخت "ريم"
واطمئنت ودموعها تساقطت ولكن ازالتها مسرعه ,, "لوهان" وهو ممسك بيد
"ريم" ابتسم ونظر الى "ريم" وهى بتنظر الى الشاشه ومتعجب من
الاحساس المسيطر عليه ولكنه شعور مطمئن
واريحية لم يشعر بها منذ افاقته من الغيبوبه وفقدانه الذاكره احساس مختلف عن
احساسه اتجاه "يومي" ,, استمر
"لوهان" ينظر ل "ريم" حتى انتهى عرض الفيلم وانارت القاعه
بالانوار لكن "لوهان" استمر ممسك يد "ريم" :
_ الفيلم خلص ..؟
انتبهه "لوهان": اووه .. اسف
يلا ..
_ يلا ..
خرجا من "السينما وفى طريق العوده
توقف "لوهان" قرب عربه اكل وطلبا سندوتشات وجلسا يتناولها قرب فى الهوا
:
_ شكرا ع السندوتشات
_ كنت حابب اعزمك ع احسن من كده
_ بالعكس انا بحب جداا الاكل فى الشارع والبساطه بعيد عن المطاعم الغاليه
_ انا حسيت بكده فعلا ,, يمكن تكوني قولتي كده قبل كده ..!
_ ها .. يمكن فى مره قولت كده ع ما اتذكر
_ "يومي" بتكره اكل عربيات الاكل فى الشارع بتفضل المطاعم اكتر ,,وللغريب
من غير ما أسالك جينا هنا حسيت انك هتحبيى المكان ,,مبسوط جدا انك حبيتيه ...
_ جداا ,, وميرسي جداا ع اليوم الجميل دا
_ انا اللى بشكرك ع اليوم اللى مش هيتنسي ابداا
_ ولا انا هنساه ..
عادا كلا من "لوهان" و"ريم" الى منازلهم وهم سعداء بما حدث فى اليوم وتحدثا ليلا عبر الرسائل عن احداث اليوم حتى
سقطا فى النوم ...!
فى يوم اتجه "ريم" و"لوهان" لشراء بعض الاغراض للكافيه وتوقفا
ل استنشاق الهوا وتناول سندوتشات ,, وبعد تناولهم السندوتشات تمشيا قليلا ووقفا
اعلي كوبري :
_ الجو جميل جداا ..
نظر "لوهان" للسماء ووجد نجوم :
_ جداااا
_ اتمني شغلي يكون عاجبك ..
_ جداا .. كفايه ان كل مكان فيه انتي موجوده ..؟
_ ايه ..
_ يعني دا تصميمك واثرك هيفضل موجود ..
_ حاولت ع قد ما اقدر يكون مكان تلاقي فيه راحتك ومتحسش بالغربه ..
_ شكرا ..
_ ممكن اسالك سؤال ..؟
_ اتفضلي طبعا ..
_انت بتحب هنا ,, وجودك فى كندا بتحبه ؟
سكت للحظه ونظر اليها :اممممم انا هقولك
احساسي فى اللحظه دى الاول كان صعب لكن احساسي فى اللحظه دى حاسس بان دا مكاني اللى كنت بدور
عليه ,, لما تكوني فى مكان وحواسك كلها
تجتمع ع اشاره واحده وتحسي انه صح يبقي مفيش مجال للشك انك غلط دا اللى انا حاسه
حاليا ..!
حاولت تتمالك : افهم من كده انت سعيد واحساس التيهه اختفي ؟
_دلواقتي اقدر اقولك جدااا .. والفضل
يرجعلك انتي ..!
تفاجئت "ريم": انا ..؟
_ صداقتنا لونت فراغ فى حياتي ب الالوان كتير ,, وجودك وكلامك حتى ابتسامتك ملت
الفراغات اللى كنت مفتقدها ,, حسيت ب الاستقرار واطمنت ,, كل حاجه بعملها معاكي
اكل او خروج او كلام حتى,, كل مره انتي فيها بتملي الفراغ اللى كنت عايش فيه وقت
ما صحيت من الغيبوبه وناسي كل حاجه ,, احساس الافتقاد اختفي بصداقتك وبوجودك ,,
شكرا ..
تساقطت دموع"ريم" وحاولت مسرعه
اخفائهم : وانا مش عايزة اكتر من كده ..
كان يوجد بجانبهم طفل مع والديه ولفت
انتباهم ونظر اليه "لوهان ":
_فى سؤال محيرني هل انا هبقي اب كويس
ولا ,,؟
_اتاكد انك هتكون احن واطيب اب ..
_ والد "جنه" مش اب كويس انه يسيبها طول الفتره دى ..
_ بالعكس هو احن واطيب اب وانا متاكده ان غيابه غير مقصود ..
_ اكيد فى كلام كتير عاوزه تقوليه له صح ..؟
_ جدااا
_كلميه .؟
_ صعب اوصله حاليا ..
وقف امامها : طيب ايه رأيك اعتبرينى هو
وقولي اللى عاوزه تقوليه ؟
تفاجئت "ريم": ازاى ..؟
_ احنا اصدقاء وانا ع طول بتكلم وبعرفك اسرار كتير ,, قولي اللى عاوزه تقوليه له
ليا مفيش حد هيسمعنا متقلقيش ,,(سكتت "ريم") يلا ..
_امممم ..
_ قولي ..
وقفت امامه ونظرت فى عينيه :
_ من يوم ما اختفيت من حياتي اكتر من احساسي بالافتقاد والوحده انا حسيت بالندم
والالم والاسف ,,حسيت بالندم ل انشغالي ب "جنه" عنك كتير ,,وبسفري للندن
وبالنوم وتكون قاعد لوحدك ,, انت عملت حاجات كتير ليا انت جمعت حياتي ,,انا الكل
كان شايفني مختلفه لكن انت الوحيد اللى شوفتني مميزة وعرفتني ان الحب ان حبيبك
يكون مميز مش مختلف لان عادي يكون مختلف لكن الغير عادي انه يكون مميز ,, انا
كنت زى قطع البازل متفرقه وانت ساعدتني
اجمعها ووصلتني اقف ع رجلي واقدر اوجه اى حاجه بحبك ليا ,, ندمانه ع كل لحظه عدت
من غيرك وقتها اعتقدت ان اللحظات اللى مرت
فى لحظات اكتر فى انتظاري انا وانت فى المستقبل واحنا مع بعض ,, حسيت بالالم لان لما اختفيت سالت نفسي ليه
مفكرتش فى كده وقتها ان ممكن اللحظات اللى بتمر مش هعيش غيرها وهتكون اخر لحظاتي
معاك وانا ضيعتها ,, حسيت بالاسف علشان مقدرتش استغل كل لحظه وانا معاك ,, ,, انا حاسه بالندم والاسف وحشني حضنك اللى كنت
بستخبي فيه من الدنيا ومكان الامان اللى بيطمني .. انا مش زعلانه منك بالعكس مهما
كان ومهما تكون المهم انك بخير ..
كلام "ريم" اثر فى "لوهان" جداا وشعر بنغز فى صدره و لاحظ تساقط دموع "ريم" بغزاره اقترب اليها بدون تردد وضمها بين ذراعيه وانهارت "ريم" فى البكاء فى حضنه وتساقطت دموع من عين "لوهان" وشعر
بوجع ..!
يتبع ,,
(23)
ابتدت "ريم" يوميا تذهب الى المكان مع فريق خاص بها للعمل وكان
"لوهان" يتواجد اغلب الوقت .. فى يوم طلبوا سندوتشات ووصل "لوهان" بعد وصول طلب بقليل :
_ انا وصلت فى وقت غير مناسب
_ لا خالص .. اتفضل مستر "لوهان" اتغدا معانا ..
_ مش حابب اضايقكم واتطفل ع غداكم انا
هطلب اكل ليا ..!
ابتسمت "ريم": اعتقد سندوتش
واحد مش هيعمل فرق ( مسكت سندوتش ) اتفضل ..
ابتسم "لوهان" ومسك السندوتش
واتفاجئ انه بدون طماطم بخلاف باقي السندوتشات الموجوده ,, نظر اتجاه
ريم راي قطع الطماطم بجانبها ,, تعجب "لوهان" من معرفتها عدم حبه لوجود
قطع الطماطم فى السندوتشات عن غيره ,,,
انهوا طعامهم وطلبوا قهوه وبدون ان يطلبها "لوهان" وجدها كما
يشربها فى العادة معلقه واحده من السكر ,, وعلم ان "ريم" هى من جهزت
القهوه للجميع ,,, تفاجئ من تصرفات "ريم" المفاجئه اتجاهه ولكن لم يسنح الوقت ليتحدث معها ولكن مع تصرفات
"ريم" المفاجئية الا انه شعر داخليا ب اريحية لتواجد "ريم" فى
المكان ,, !
تحدث "امير" مع عاصم وحنان عبر الهاتف :
_ بس انت كان لازم تمنعها وترجعها يا "امير "؟
_ لا طبعا مش هينفع ولا كنت هقدر اعمل كده ضد رغبتها هى قررت ..
_ طبعا يا "حنان" مكنش يقدر ..
_ انتوا بتتكلموا ببساطة كده ولا فاهمين حجم الموضوع ,, دى هتكون مع جوزها فى مكان
وهو مش فاكرها ,, عارفين يعني ايه والاحساس هيكون ايه وايه اللى ممكن يحصل ..؟! ..
_ انا واثق فى "ريم" وتصرفاتها انها مش هتغلط ولا هتتهور ..
_ امير ..
_ صدقوني انا مش هسيبها لوحدها ومعاها وهى وعدتني انها فتره الشغل بس هتكون موجوده
وبعدها هنرجع ع لندن ,, حبت تقضي وقت قليل معاه رغم جاهله بوجودها فى حياته ..
تنهد "عاصم": "ريم" دخلت تحدي مع مجهول بتراهن بحبها ضد ذاكرته,, ياتري مين اللى هيكسب
حبها ولا ذاكرته المختفيه ..؟
_ مهما كانت النتيجه انا مش هسمح ل "ريم" تتأذي اوعدكم ..
_ "ريم" و"جنه" امانه عندك يا امير ..
_ متقلقوش ...
فى منزل "يومي" جالسه مع صديقتها ولاحظت ذهنها الشارد بتفكر فى "لوهان"
:
_ هاااااى .. فينك ؟
_ ها ..
_ بتكلم معاكي وانتى ولا هنا ..مالك ؟
_ مش عارفه حاسه بقلق خايفه من اللى جي ..
_ ظهور ريم قلقك كده ..؟
_ مش عارفه ..
_ ليه "لوهان" قالك حاجه ؟
_ لا بالعكس حتى من وقت ظهور "ريم" وهو زى ماهو متغيرش ..
_ طيب دى حاجه كويسه جدااا قلقانه ليه ..؟
_ قلقانه من "ريم" وجودها معاه فى الكافيه مضايقني
_ رغم معاملته الرسمية معاها ..؟
_ ايوه .. كل مره اشوفها بشوف فى عينيها نظره تحدي وانها هتخطفه مني تاني ..
_ صعب ..هو مش فاكرها من الاساس متقلقيش ..
_ مش عارفه رغم فعلا عدم تذكرها فى عقله لكن وجودها فى قلبه غير مطئن ليا ,, انا
قدرت اقنع عقله ان انا حب عمره لكن مش عارفه ياتري قلبه اقتنع ولا لا ..؟
_ انتي لحظتي حاجه ؟
_ لا خالص لكن ..
_ ولا لكن ولا غيره ثقي في حبك وفيه هو معاكي وهيفضل معاكي ولما هتخلص شغلها
هتختفي تاني اصبري لوقتها ,,, دلواقتي هتحضروا حفله "جيمس" افتتاح
المطعم ..
_ اها اكيد ..
_ هستناكوا بكره متتاخريش ...
تاني يوم "مريم" اتجهت لغرفه "ريم" وكانت جالسه بملابس المنزل
:
_ انتى لسه مجهزتيش هنتأخر ..
_ "مريم" روحوا انتي و"ادمز" وانا هقعد مع البنات مليش مزاج
اخرج ..
_ اولا البنات مش هيكونوا لوحدهم فى "ناني" قاعده معاهم ,, ثانيا احنا
مش هنتاخر صدقيني علشان "ادمز" عنده طيران بدري ,, ثالثا ودا الاهم
"جيمس" عازمنا شخصيا وانتى بالاخص لان تصميم المطعم بتاعك ولازم تحضري
الافتتاح ,,
_ مريم ..
_ يلا بقي ..
جهزت "ريم" ونزلت واتجهت مع
"مريم" للحفله ,, دخلت "ريم" وبعد السلامات مع بعض الاشخاص
و"جيمس" مالك المطعم وتعريفهم ب "ريم" لمحت "ريم"
ظهور "يومي" مع "لوهان" وكانت مفاجاءه غير متوقعه للكل ,,
تعاملت "ريم" طبيعي بعد القاء التحية
اتجه كل شخص لطرف اخر من الحفله ,, تعمدت "يومي" اظهار الحب فى
طريقه تعاملها مع "لوهان" من القرب والحميميه وكانت متعمده
ل"ريم" تري ذلك ,, تلاقت اعين "ريم" و"لوهان" عده
مرات و بعد قليل شعرت "ريم" ب اختناق واستأذنت وخرجت ل استنشاق الهواء فى الحديقة ,, اثناء تمشيها وقفت اطلقت
تنهيده و نظرت الى السماء رأت نجمه مضيئه ابتسمت لها ,, نظرت اتجاه النجمه مده من الوقت ثم ودعت النجمة
بابتسامة ونظرت الاتجاه الاخر ل استكمال طريقها وجدت "لوهان" واقف ينظر
اليها وتفاجئت :
_ هااي ..
_ هااي ..
_ المكان جوه دوشه وخرجت اشم هواء ..
_ وانا كمان ..
اقتربت "ريم" خطوات :
_ اكيد لو انت هنا من مده اصدقائك هيدوروا عليك ..
_ مين اصدقائي ..؟
_ اللى فى الحفله .. فى اصدقاء تانين ؟
_ مش عارف ..
_ مش عارف ايه بالظبط ..؟
_ مش عارف ليا اصدقاء تانين ولا لا .. مش عارف اللى جوه اصدقائي ولا لا ,, مش عارف
وجودي هنا صح ولا لا ..؟
لحظت "ريم" نبره حزن فى حديثه : ليه نبرة الحزن دى ..؟
اتنهد "لوهان":احساس انك تايهه ,, تايهه عن نفسك , كل حاجه حواليكي
بتأكدلك هويتك لكن انتى جواكي لسه تايهه ,,انا تايه وحاسس انى غريب لكن فى نفس الوقت مش عارف اروح
فين ,, مش عارف اوصل لجهتي حاسس اني تايه عنها ,,
سكتت "ريم" واستكمل
"لوهان" : اكيد حكولك عن حكايتي
الكل عارفها ؟
_ تقصد فقدان الذاكره ..؟
_ ايوه .. من سنتين صحيت من غيبوبه ناسي كل حاجه .. مفيش قدامي غير
"يومي" وشويا صور وفيديوهات وبعض الاشخاص بياكدوا انهم عارفينك من سنين ,, لكن احساسك انك غريب عن نفسك صعب ,, احساسك
انك لوحدك وسط الناس صعب ,, احساس انك تعيش حياه اللى حواليك بيأكدوا ان دى حياتك
وانت مش حاسسها صعب ,, صعب تعيش حياه انت رافضها من جواك لكن مفيش بديل غير انك
تعيشها ..
_ ليه محاولتش تتدور ع حياه تحبها ,,الحياه اللى انت عاوزها ..
_ مش عارف ,,او معني اصح مش فاكر انا كنت
ايه ولا فين ,,ذكرياتي وسنين اللى فاتت اتبخروا , احساس جوايا بينكر كل كلامهم
بينكر الواقع اللى عايشه لكن مفيش دليل ,, احساس ان فى فراغ جوايا كبير مش عارف من
ايه وايه اللى يملااه ..
_ اعتقد انك تعيش مع انسانه بتحبها واصدقاء بيحبوك دى كفيله تستحمل اى صعوبات ..!
_الاعتقاد غير الاكيد انا مفيش قدامي غير
اعيش حياتي حاليا لان دا المتاح قدامي
,,انا فى صراع ومحتاج اوصل للسلام ,, (
بيتنهد) اتمني احصل ع السلام اللى بدور عليه قريب ..
_ اكيد هيحصل ..
ابتسمت "ريم"ونظرت للسما لفت انتباهها لظهور نجمة اخري بجانبها بتضئ
ولاحظ "لوهان" ابتسامتها وشرد ذهنه للحظات ,, التفتت "ريم"
ولاحظت صمته :
_ ممكن اسالك سؤال ؟
_ اتفضلي ..
_ انت ليه مبتضحكش ,,الابتسامه علاج لكل مشاكل الحياه بيها هتقدر تحل كل مشاكلك
صدقني ..
_ بتتكلمي بثقه ..؟
ابتسمت "ريم": فى شخص قالى ان ابتسامتي زى شروق الشمس بتنور الدنيا بعد
ظلامها ومن وقتها قررت ابتسامتي متختفيش مهما حصل ..
ابتسم "لوهان" تلقائي ونظرت
"ريم" للسماء :
_ بص للسما لما ابتسمت النجوم فرحت ,,النجوم غارت من ابتسامتك لانها جميله ومتستحقش تختفي ..
_ انتي شاعره اتعلمتي الكلام دا فين ..؟
_ الحب .. الحب اللى بيعلمنا حاجات كتير مكناش نعرف عنها حاجه ..
_ انتي متزوجه صح ..؟
_ ايوه ..
_ الشخص اللى اخدك لما تعبتي ..
ضحكت "ريم": لا دا شخص من عيلتي وصديق مقرب .. لكن زوجي مسافر ,,مسافر بعيد
_ هو مسافر من مده كبيره ؟
_ سنين ..؟
_ لما اتقابلنا اول مره و ..
_ انا بعتذر وبكرر اعتذاري ع اللى حصل لوجود تشابه بينك وبينه حسيت انه قدامي يمكن من اشتياقي له بقيت شايفاه فى كل الناس ,,,
_ واضح انك مفتقداه جدااا ..
سقطت دمعه من عين "ريم": جدااا
..جداااا
_ مبتتوصلوش مع بعض مكالمات او زيارات ..؟
_ اللى بينا بيوصلنا ببعض من غير ما نسعي لبعض ,,
_ انتي بتثقي فيه جدا ؟
_ واثقه فى حبنا جداا ورغم انه بعيد لكن
انا مطمنه انه بخير ودا المهم عندي حتى لو مش معايا ..
_ اتمني يرجعلك بالسلامه ..
_ وانا كمان ..
سكتوا لحظات :
_ انا لاحظت انك غير مختلط ب اصدقائك كتير يعني فى تجمعات بتبقي غير مندمج معاهم ..؟
_ امممم ,, انا فاقد الالفه معاهم هما قالوا انهم اصدقائي من زمان لكن مش حاسس
بكده ,, مش عارف هما صح ولا لا ,,حتى حكايتهم مش عارف حقيقية ولا لا .. هما لطفاء ودايما حواليا اغلب الوقت ,, لكن
عارفه احساس انك تكوني مع كذا شخص وتحسي انك لوحدك ,,
_ عارفه ..
_ احساس صعب جداا
_ جدااا,, لما تفقد روحك وتكون مجبر تقبل واقع انت رافضه رغم اثبات كل حاجه حواليك
تجبرك تقبله,, تكون وسط كذا شخص لكن انت مفتقد لشخص واحد غير موجود ,, وجوده يغني
عن الكل والكل ميغنيش عنه ,,,
_ صح .. صح انا بحس بكده جدااا عرفتي توصفي اللى مش قادر اوصفه ..
_ اهلا بك فى النادي
ردد "لوهان" فى سره : الغريب ان
"يومي" مقدرتش تفهمني و هى فهمتني
..
ابتسمت "ريم"
نظر اليها "لوهان" ب استغراب :
_ممكن اسألك سؤال ؟
_ اتفضل ؟؟
_ اانتى عرفتي منين انا مبحبش قطع الطماطم فى السندوتش والكافيه معلقه واحده وبلاك
سكتت "ريم" لحظات :
_ اهااا .. سمعتهم قبل كده وحضرتك طلبت اوردر اكل وسمعتك ..
_ اهاااا ( وهيكمل كلام موبيله رن وكانت
"يومي") اتمني مكنش ضايقتك
الوقت دا
_ لا ابدا ..
_ واتمني اللكلام دا يكون سر بينا
_ اكيد ..
_انا حاسس اننا هنقعد ونتكلم كتير ع العموم انا هستأذن دلواقتي لان "يومي"اتصلت احنا طولنا جدااا
ابتسمت "ريم": ايوه فعلا الكلام اخدنا
_ مش هتدخلي
_ شويا وهدخل
_ اشوفك بكره
_ اشوفك بكره ..
تقدم "لوهان" خطوتين وتوقف
واستدار وعاد ل"ريم" ومد يداه :
_ ممكن نكون اصدقاء ؟
تفاجئت "ريم": ايه ..؟
_ اصدقاء .. انا من وقت ما فوقت من الغيبوبه وانا فاقد الغربه فى اى حاجه لانى
فاقد الاحساس بكل حاجه وبصراحه اول مره احس ان انا عاوز نكون اصدقاء و بعد كلامي
معاكي والاسرار اللى بينا اعتقد نستحق فرصه لصداقتنا ..ولا ..؟
ابتسمت "ريم" وتصافحت مع "لوهان": اكيد ..
ابتسم "لوهان": اصدقاء
_ اصدقاء
_ اشوفك بكره
_ اوكيه
تحرك "لوهان" وهو مبتسم وتملكه
شعور ب اريحيه لم يشعرها من قبل بعد استيقاظه وبدايه رحلته مع فقدان الذاكره ووقفت
"ريم" تنظر اليه من الخلف وتذكرت ذكرياتها ل اول مره عرض
"لوهان" صداقته ليها ,, ابتسمت ودموعها تساقطت وشعرت ان الايام بتعود
لكن بشكل اخر , نظرت للسماء وهى مبتسمه ..
تاني يوم اتجهت "ريم" للعمل وهى
سعيدة بصداقتها مع "لوهان" وبعد فترة
وصل "لوهان" ومن بعيد راقب "ريم" وابتسامتها مع العمال
وطاقم العمل ونظر اتجاه الشمس وشعر بمصدقيه مقولتها ان ابتسامتها كشروق الشمس وابتسم
,, فى وقت الراحة خرجت "ريم" وجلست فى حديقه بجانب الكافيه وكان بجانبها
2 من عصير الفراولة ,, فتحت واحد والتاني
وضعته بجوارها ,, فى نفس التوقيت كان "لوهان" يتحدث فى الموبيل ولمح
"ريم" جالسه بمفردها وبطريقه لا اراديه اتجه اليها وراي زجاجتين العصير
:
_ معقول هتشربي الاتنين ..
اتفاجئت "ريم": مستر "لوهان"
_ عاوز اقولك ان السكر كتير غلط ..
ابتسمت "ريم": امممم لكن لو
عبوة واحده مش غلط
_ هترمي التانيه ؟
_ امممم لا طبعا ( مسكتها وفى اتجاهه ) اتفضل ,,
ابتسم "لوهان": هقبلها علشان متشربهاش وتضري نفسك ممكن تسمحي لصديقك يقعد..؟
_ اتفضل اكيد ..
_ عاوزه اقولك معلومة عن الحلويات الانسان محتاجها علشان الطاقه والنفسية بتسبب
السعاده والبهجه لو كنت محبط او مكتئب الشوكولا والحلويات بيبقي مفعولهم اسرع ..
_ اكيد اسرع ل الاصابه بالسكري
ضحكت "ريم" والتفت "لوهان" ل ابتسامتها :
_ كان معاه حق ..
_ مين ..؟
_ اللى قالك ان ابتسامتك زى شروق الشمس لان ابتسامتك جميله فيها سحر مختلف بتخطف
وبتطمن
اتفاجئت "ريم" من الكلام
ومقدرتش ترد وانتبه "لوهان"
لكلامه:
_ لكن ابتسامتك الجميله دى مش مبرر انك تأذي نفسك ب اتنين عصير ..
_ ع فكره مكنتش هرميها ولا هشربها ..
_ كنتي هتعملي ايه ..؟
_ مكنتش هعمل حاجه كنت حاسه انها هتروح لصاحبها
_ لكن انا اخدتها ..
_ مش يمكن انت صاحبها
سكت "لوهان" لحظات وغيرت "ريم" الكلام :
_ بس طعمه يستاهل صح ..؟
_ ها .. اها جدااا
_ كل يوم الصبح اشرب واحده هيفرق معاك اليوم كله ..
_ هبقي اجرب .. ممكن تقبلي عازمك ع الغدا انهارده ,,اردلك العزومه العصير ..
_ مش ضروري ..؟
_ لا انا مبحبش يكون عليا ديون ,,واستغلي الفرصه وانا فاكر انا معرض انسي تاني
ابتسمت "ريم" اوكيه ..
رن "موبيل ريم ": عن ازنك ..؟
_ خدى وقتك انا راجع الكافيه ووقت الغدا هنتغدي مع بعض تمام ..
_ تمام ..
قضوا اليوم وطلب "لوهان" اوردر غدا للجميع وجلس يتناول وجبته بمجالستهم
وكان سعيده بحواره معهم ومع "ريم" ,, عادوا الى منازلهم وجلس
"لوهان" صامت اغلب الوقت فى
المكتب يتذكر احداث وحديثه مع "ريم" ويبتسم ,, اعلمه الخادم بوصول هدايا
بمناسبه عيد ميلاده ,, وجد لوحه مرسله من نيويورك بدون اسم لفتت انتبااهه جدااا
ويصاحبها كارت متمني فيه بعيد ميلاد سعيد ,, قام بتعليق اللوحه ونظر اليها بتعمق جداا
ووقف امامها وللحظات شعر بوميض ل اشياء غير واضحه كلما نظر اليها ,, اتقربت منه
"يومي" :
_ كل سنه واحنا مع بعض حبيبي ..
سكت واستغربت "يومي ":
_ اكيد نسيت زى السنه اللى فاتت ..
_ نسيت ايه ؟
_ انهارده الذكري الثالثه ل زواجنا وعيد ميلادك
_ اهااا ..
_ شوفت اشتريتلك ايه ( فتح العلبه وكانت ساعه )
_ جميله.. ميرسي بكره هديتك هتكون عندك ..
حضنته: انت هديتي ..
_كل سنه وانتى طيبه ..
_ يلا نتعشي مجهزالك احلى عشا
_ اوكيه ..يلا
جلسوا يتناولوا العشاء :
_ مبتاكلش ليه ؟
_ اكلت كتير ع الغدا
_ اهااا
_ لكن هاكل خفيف معاكي ..
_اوكيه ..
عاد "لوهان" لصمته :
_ لوهان ..؟
_ ايوه ..
_ كانت فكره حلوه ان عيد ميلادك يكون فى نفس يوم ذكري زواجنا لان المناسبتين دول
اهم مناسبتين فى حياتي ,,
_ اها فعلا ...
_ لكن تعرف ااحنا بنحتفل بذكري زواجنا ال
3 ولغايه دلواقتي مقولتليش بحبك
_ مش فاهم ..؟
_ يعنى فى مناسبه زى دى الازواج بيقولوها لبعض انت مقولتهاش خالص ,, دا لانك ناسي
ولا مش حاسسها ..؟
_ ليه بتقولي كده ..؟
_ لانك لو حاسسها مش هتستناني اطلبها منك كل مره.. انت بتحبني يا
"لوهان" ..؟
_ اكيد طبعا انتى اهم شخص فى حياتي
لولاكي كانت حياتي ادمرت ..
_ ليه مبتقولهاش غير لما اطلبها ..
سكت لوهان لحظات : "يومي" انا
..
_ مش محتاج تقولها دلواقتي لكن اتمني تقولها لما بجد تحس انك محتاج تقولها ,, كلمه
بحبك جمالها لما تتقال بدون طلب ولا انتظار لكن انا مستنيه لاني بحبك
مسك ايديها ووضع قبله : انا عارف انك مستحملاني ومستحمله تصرفاتي الغريبه لكن انا
لسه بدور ع نفسي ,,محتاج القي نفسي وبحاول ,, انا اسف
حطت ايديها ع ايده : متتأسفش يا
"لوهان" .. انا بحبك ومهما حصل انا مش هبعد عنك وعذراك وهستناك ,,
_شكرا ..
_اخبار الكافيه ايه .. سمعت انه قرب يخلص ؟
_ ايوه شهر وهنعمل الافتتاح
_ جميل . و"ريم" ..
_ مالها ؟
_ اقصد يعني شغلها كويس مفيش مشاكل ..؟
_ اها جداا .. وبتعمل كل اللى بنطلب منها واضافاتها مفيده ..
_ ايه رايك فيها ؟
_ ازاى ..؟
_ يعني .. شايفها ازاى بمان ان اول مقابله من فتره كانت غريبه ..؟
_ اممم فعلا اول مقابله كانت غريبه وتصرفاتها غريبه لكن مع الوقت حسيت انها مألوفه
,,
اتفاجئت "يومي": مألوفه ؟
_ عارفه تقابلي شخص اول مره وتحسي انك عارفاه من زمان الاحساس دا بيبقي احساس جميل
لانه مطمئن بقلل من خوفك وتوترك وغربتك ,,
_ يعني ..؟
_ يعني اقصد هى انسانه كويسه واكيد ليها اسباب للى عملته اول مره ودا شئ يرجعلها
ملناش حق نعرفه ,,
_ صح ,, عموما هو شهر وهتخلص شغلها
وهتسافر ل اهلها وشغلها فى لندن
_ هتسافر ..؟
_ ايوه هى هنا زياره وعقد عملها 6 شهور بس واخر شغل ليها هو الكافيه
_ سكت "لوهان" لحظات ومحبش يلفت انتباه "يومي":
_ شغلك سمعت ان فى مشاكل فى فرنسا
_ اها فعلا ولازم اكون موجوده هناك علشان كده انا اسفه هتلاقيني بسافر كتير لكن
هحاول متأخرش
_ متقلقيش عليا انا احسن من الاول وقدرت اتأقلم ع حياتي واتعودت عليها والكافيه
لما هيشتغل هيبقي كله تمام متقلقيش ..
ابتسم "لوهان" ل "يومي" ووضع قبله ع ضهر يديها وابتسمت واستكملوا
عشائهم ,,, تاني يوم اتجهه "لوهان" للكافيه وكان الجميع بالمكان ماعدا
"ريم" بحث عنها فى المكان ولم يجدها ,, خرج اتجاه السوبر ماركت ولاحظها
جالسه ع منضده وممسكه بكيكه صغيره وفيها شمعه وساكته ,, اقترب منها
"لوهان":
_ بتحتفلي لوحدك ..
_ ها .. مستر "لوهان"
_ ياتري ايه المناسبه اللى خلتك تقعدي لوحدك بعيد كده والشمعه قربت تنطفي ؟
ابتسمت "ريم" : كنت بتمني امنيه واتحققت اسرع مما اتخيل ..
كانت "ريم" جالسه ومتردده تدخل المكان وتطلب من "لوهان" يطفي
شمع عيد ميلاده ولكنه ظهر امامها ..
_ ياتري ايه المناسبة ..عيد ميلادك ؟
_ عيد ميلاد زوجي ..؟
_ اهااا ..
_ رغم انه بعيد لكن انا دايما بحتفل بعيد ميلاده
_ صدفه غريبه انا كمان عيد ميلادي انهارده
ابتسمت "ريم": يبقي صدفه جميله ,, ممكن اطلب طلب بما اننا اصدقاء ..؟
_ اتفضلي ..
وقفت ووجهت الشمعه اتجاهه : اطفي الشمعه قبل ما تنطفي خالص واعتبرها تورته عيد
ميلادك لكن ع الصغير ..
اتفاجئ "لوهان": لكن دى بتاعه زوجك ..؟
_ انتم الاتنين اتولدوا فى نفس اليوم يعني انتم الاتنين واحد مفيش فرق وصدقني لما
يعرف هيفرح جداا
_ بجد ..
_ ايوه ..
_ اوكيه ..
_ ممكن تتمني امنيه بداله ؟
_ زى ايه ..
_ تتمني انه يرجعلنا بسرعه لان سفره طول جداا ..
ابتسم "لوهان": اوكيه ..
غمض عينه "لوهان" واتمني
الامنيه وللحظه حصل وميض بسيط من ذاكرته لمشاهد احتفال غير واضحه للحظات واختفت
وفتح عينيه وطفي الشمع واستغرب من احساسه فى اللحظه دى ,, قربت "ريم" منه قطعه
كيك وتناولها وشعرت "ريم" بالسعاده ل استجابته لها .. وعادا الى الكافيه
ل استكمال العمل ..!
مر يومين و"ريم" واقفه مع طقم المساعدين دخل "لوهان" المكان
ومعاه صندوق عصير الفراوله واتفاجئت "ريم" بتصرفه :
_ ايه دا ..
_ انتم بتشتغلوا واكيد محتاجين طاقه واعتقد مفيش احلي من عصير الفراولة
ابتسموا كلهم : شكرا "مستر لوهان "
مسك علبه عصير وقربها ل "ريم":
الشكر لصاحبه الاقتراح
_ انا مقولتش حاجه ؟
_ من غير ما تطلبي قولتيها الطاقه والبهجه والسعاده
ضحكت "ريم": اهااااا
_ فى صحتك
حركت العبوه : فى صحتك ..
رجعت "ريم" البيت وكانت سعيده بطريقه تعامل "لوهان" واحتفظت
باللعبه معاها وخبط "امير" ع بابا غرفه "جنه":
_ هى نامت ..؟
_ من شويا ..
دخل بخطوات بطيئه ووضع بجانبها الالعاب وخرجوا من الغرفه
_ يا خساره انا كلمتها الصبح وقولتلها راجع بالالعاب اللى طلبتها
_ ماهى كانت مستنياك لكن غلبها النوم وانا بحكيلها حكايه .. بس لما هتصحي هتفرح ..
رامي وماما واونكل عاصم عاملين ايه ..طمني عليهم ؟
_ وحشتيهم جدااا ,, لكن انا طمنتهم قولتلهم هانت شهر وهتخلصي شغلك وهترجعي ..
_ اهااا ..
_ طمنيني عليكي فى اى جديد ..
ابتسمت "ريم" ع غير العاده :
"لوهان" انهارده اشتري عصير فراوله لطقم كله
_ يااااه ..
_ وبقي يقعد معانا وياكل معانا ونتكلم ..
قاطعها : زى اى اتنين بتربطهم مصلحه شغل صح ..؟
_ ها ..
_ يا تري هو افتكر حاجه ,,لا ,,هو بيتعامل طبيعي صاحب عمل وانتي شغاله عنده ,,
انتي اتوهمتي حاجه تانيه ,, انا مع اى شخص بيربطني معاه شغل بتعامل معاه كويس
وبلطافة وانتى المسئؤله عن الكافيه ف اكيد هيتعامل بذوق معاكي .. ريم متتوهميش
حاجات محصلتش ولا هتحصل .. لما تكون حاجه اكيد هيبقي فى كلام تاني ..
_ امير انا ..
_ انا بنبهك لان الوهم احساسه بيوجع وانا مش عاوزك تتوجعي يا "ريم"اكتر
من وجعك وانت معاه فى نفس المكان وهو مش عارفك .. مش معني المعامله الكويسه
والكلام يبقي ننسي اصل المشكله "لوهان" فاقد للذاكرة يعني انتى هتكوني
فى حياته عابره سبيل زى اى حد بعد ما تخلصي الكافيه ,,
سكتت "ريم" وتماسكت دموعها :
_ هسيبك ترتاحي واشوفك الصبح قبل ما تنزلي وهوصلك ..
_ اوكيه ..
استمر جلوس "لوهان" مع "ريم" وفريق عملها ,, ورغم سفر
"يومي" لكن كان كل الاحداث فى الكافيه بيوصلها وكانت مطمئنه لطريقه
تعامل "لوهان" الرسمية رغم تواجد "لوهان" الدائم بصحبه
"ريم" لكن مع باقي الفريق وانه
بيعامل الجميع بنفس الالفه ,,ورغم ذلك كانت بتتمني الشهر يمر اسرع لذهاب ريم نهائي
,, فى يوم وهما فى الكافيه كان "لوهان" واقف مع احدي مساعدين
"ريم" بيشرح حاجه وكان بجانبه عمود من الخشب الثقيل بدون قصد شخص ما خبطة من العمال ولحظته
"ريم" وبدون تفكير قامت بدفع "لوهان" بعيد ووقعت ع يديها ,,
لم تحدث اى اصابات ل "لوهان" لكن يد "ريم" تعرضت لكدمه ,,
عندما "علم" امير ذهب ل احضارها من المستشفي وذهب ع البيت وحاول السيطره
ع غضبه :
_ "ريم" انا مش هتكلم معاكي دلواقتي لاني مضطر اسافر واعرفي لما ارجع فى
كلام كتير هنتكلمه وارجوكي ارجوكي اهتمي بنفسك مش علشانك علشان بنتك ..
سكتت "ريم" وخرج "امير" وهو فى غايه الغضب والعصبيه دخلت
"مريم":
_ امير ع اخره .
_ بجد مكنتش اقصد يحصلي كده ,,انا ..
_ انتي كنتى عاوزه تحمي لوهان من اى اصبه
ولا اذي لكن كنتى هتأذي نفسك ,,الحمد الله انها جت ع كده ,, ارتاحي دلواقتي,,,
خرجت "مريم" و"ريم" حاولت
ترتاح ,, فى المنزل "لوهان" كان متوتر وقلق ع "ريم" ولاحظت
"يومي" قلقه :
_ انت منمتش لدلواقتي ..
_ هنام شويا نامي انتي ..
_ فى حاجه ولا ايه ..؟
_ قلقان مش عارف ليه ..
_ يمكن حادثه انهارده مأثره معاك ادخل ارتاح والصبح هتكون كل حاجه بخير
_ اوكيه ..اسبقيني انتي ..
دخلت "يومي" للغرفه ودخل "لوهان" لغرفه المكتب وجلس وفتح كف يداه ع الحرف وتذكر سؤاله ل "يومي" ع الحرف
ال الراء بالانجليش وانه راجع ل "روما" لمكان اعترافهم
بحبهم وهى نقشت نفس الرسمه بحرفه ,, لكن فى المستشفي لاحظ نفس الرسمه والحرف فى كف "ريم" وكانت صدفه غير متوقعه ,, وبجانب
قلقه ع ريم مسك هاتفه وارسل رساله ل "ريم ":
_ ريم .. انتى بخير ؟
اتفاجئت "ريم" من الرساله وقعدت ع السرير :
_ تمام .. بخير وانت ؟
_ بخير ,, حبيت اطمن عليكي
_ شكرا ..
_ ارتاحي بكره من الشغل ..
_ لا هكون هناك الصبح قرب موعد الافتتاح ..
_ اشوفك الصبح ..
_ اوكيه ..
اغلقت ريم الهاتف وكانت سعيده بمراسله
"لوهان" لها الغير متوقعه ,, تاني يوم اوصلتها "مريم" رغم
اصرارها للذهاب وعدم الراحه وكان فى الموقع الجميع فى انتظارها وب ابتسامه القت
التحيه وطلبت منهم استكمال العمل بنشاط ,,, وبعد وصولها بفتره وصل دليفري من مطعم
بوجبات افطار وعصائر بنكهه الفراوله بكميه كبيره للجميع ,, اتفاجئت
"ريم" وعرفت ان تم طلبه "لوهان" وانتظرته ووصل :
_ شكرا ع الفطار والعصير
_ يو ويلكم ,, دى ااقل حاجه ااقدمها ليكي وليكم كلكم طبعا
_ شكرا ,,
_ انتى بخير ..
رفعت ايديها وهى مربوطه : بخير كدمه بسيطه وهتمر
_ شكرا ليكي ..
_ ع ايه ..
_ ع اللى عملتيه امبارح كان ممكن اتأذي من الخبطه و..
قاطعته ريم": وانا مكنتش هسمح بدا يحصل مهما كان ..
اتفاجئ "لوهان" من جديه
"ريم": ها ..
انتبهت "ريم": اقصد اننا اصدقاء و انك بخير ودا الاهم ,,
_ تمام ...شخص نده ع "ريم": بعد ازنك ..
_ اتفضلي ..
تمالك "لوهان" احساس غريب من كلام "ريم" ووجودها ,, اتكرر
لمده يومين الوجبات تحضر للمكان وكان تركيز لوهان ع "ريم" ومراقبتها من
بعد ل ابعاد اى شئ قد يسبب ضرر لها ,,, وفى
يوم وصل "لوهان" الكافيه ومعاه عصير الفراوله واتفاجئ بعدم وجود
"ريم" وعرف انها اعتذرت لان ابنتها
تعبت وفى المستشفي ,, عرف اسم المستشفي واتجهه اليها وكانت "ريم"
و"مريم" واقفين و"جنه" فى العمليات ..اقترب منهم لوهان :
_ ريم .. ايه حصل ؟
اتفاجئت "ريم" و"مريم":
_ لوهان .. مستر "لوهان" ..انت بتعمل ايه هنا ؟
_ انا عرفت ان بنتك تعبانه ..مالها ؟
_ لا مفيش اكلت حاجه ملوثه وبتعمل غسيل معده
_ متقلقيش هتبقي احسن ..
_ ان شاء الله ..
جلس "لوهان" مقابل "ريم" فى انتظار انتهاء العمليه ,, ولاحظ
كلا من ادمز و"مريم" توتر وقلق "لوهان" الملحوظ .. رن موبيل
"لوهان" وكانت "يومي" ووالده "مستر بارك " وصل كندا
,, استاذن واتجه للمنزل اتغدي مع والده ووصل كلا من "يومي ووالده للمطار وعاد
الى المستشفي ومعاه عصائر ووجبات خفيفه وكانت "ريم" بمفردها :
_ عامله ايه دلواقتي ؟
_ بخير نايمه من العلاج ..
_ تمام .. انا جبتلك سندوتشات وعصاير علشان واثق انك نسيتي تاكلي
ابتسمت "ريم": شكرا لكن دا كتير ..
_ انا كنت فاكر "مريم" وادمز" هنا وعملت حسابهم
_ انا طلبت منهم يرجعوا البيت علشان بنتهم والصبح هيكونوا هنا ..
_ تمام .. المهم انها بخير ..
_ تحب تشوفها ..؟
اتفاجئ "لوهان" : ها ..
_ واضح انك قلقان من كتر سؤالك عنها ممكن
لما تشوفها وانها فعلا بخير تتطمن ..!
_ ممكن ..
ب ابتسامه : طبعا ..
كانت "ريم" متعمده ان تنتهز الفرصه وان يراها "لوهان" ,,
بهدوء دخلوا الغرفه واقترب من سرير "جنه" وهى نايمه واتملكته عاطفه واحساس اول مره يشعره من بعد فقدانه
لذاكره وابتسم واقترب من "جنه" ووضع قبله ع جبينها ومسك ايديها ووضع
قبله فى كف ايديها وكانت المفاجئه "ل ريم" لان "لوهان" عادته
لتقبيل كلا من "ريم" و"جنه" كان فى كف الايد وليس ضهر الايد
,, اهتزت "ريم" وركزت فى ردود فعل "لوهان" اتجاه "جنه
" ,, بعد قليل خرجوا من الغرفه وكانت ابتسامه "لوهان" واضحه ,,,:
_ بجد انا بشكرك جدا ع زيارتك ..
_ لا ابدا .. هو انتى هتسهري لوحدك هنا ..
_ ايوه ..
_ انا معنديش حاجه تسمحيلي اسهر معاكي علشان لو احتجتي حاجه لكن لو هيضايقك انا ..
_ لالالا عادي مفيش مشاكل لكن مش عاوزه اتعبك ..
_ لا ابدا ..
خرجوا فى الاستراحه واعتلت ملامح "لوهان" ابتسامه واحضرت
"ريم" 2 نسكافيه :
_ معلقه سكر واحده وبلاك
_ شكرا ..
_ جميله "جنه" ..
_ جدااا ..
_ هو والدها فين ؟
_ مسافر ..
_ فى لندن ..
_ لا ابعد ..
_ "جنه" بيوحشها باباها كل ما
بيسافر بس اكيد بيصالحا بهدايا جميله زيها ..
ابتسمت "ريم" نص ابتسامه:
_ للاسف ,, هو سافر ولسه مرجعش لكن احنا مستنينه ..
_ سافر ومرجعش ؟
_ ايوه من 3 سنين سافر فى رحله واحنا مستنين رجوعه ..
_ ازاى ميشوفكمش الفتره دى كلها ؟
_ فى سبب اكيد لان انا عارفه انه ميقدرش
يبعد عننا ولا لحظه ,,
_ انتى واثقه فيه ؟
_ اكتر من نفسي ,, حب عمري وابو بنتي
شعر "لوهان" ببعض من التوتر
وقرر يسالها عن الرسمه :
_ ممكن اسالك ع الرسمه اللى فى كف ايديك والحرف
فتحت ايديها وابتسمت: دى ..
_ ايوه ..؟
_ دى انا وهو عاملينها مع بعض ومكان الحرف دا مكان خاتم زواجنا والسهم متجهه
لشريان الرئيسي للدم يعنى هو حياتي واللى رابطني بالحياه ..
فتح لوهان ايده : واضح ان الصدف كتير لان انا و"يومي" عملنا نفس الرسمه
فى اول ذكري ل حبنا ..
_ الحب مش محتاج نفش علشان يثبت ذكري
محفوره فى روحنا مهما مرت الايام ومهما الذاكره تخونا الذكري جوانا هتتكلم وهتثبت
وجودها ...
سكت "لوهان" للحظات : من صوتك
وعيونك باين بتحبيه جدا ,, لكن بتحبيه رغم
بعده ؟
_ وهحبه ل اخر نفس فى حياتي
,,انا حياتي دى مكنتش كده خالص انا مكنتش كده هو بوجوده
فى حياتي بقيت احس يعني ايه حياه ,, يعني ايه حب ,, يعني ايه سعادة ,, هو قوتي
وشجاعتي واملي ,, الوحيد اللى فى عنيه مميزه رغم الكل كان شايفني مختلفه هو شافني
مميزه وعاملني انى مميزة ,, هو علاجي
!وسلاحي
لمواجهه خوفي ,, انا ولا حاجه من غيره ..
لاحظ دموع تتساقط من عينيها وفى نفس اللحظه شعر بنغز فى صدره لمشاهده دموعها وشعر برغبه ملحه وبتردد مد ايده وازال دموعها :
_ اعتقد ميتسحقش دموعك لانه سابك لوحدك ..
نظرت اليه : مين قال انه سابني لوحدى هو
معايا ,, اللحظه معاه بعمر وعمري كله ب
لحظه معاه ..
نظر اليها عن قرب ورن موبيله ورجع كانت "ريم" سانده راسها ع الحائط
مغمضه عنيها كان ماسك الجاكت حطه عليها
وجلس بجوارها يتأمل ملامحها ... تاني يوم استأذن بدري ليستقل "يومي" من
المطار وارسل رساله ل "ريم" وطلب منها عدم حضورها لمكان العمل ليومين
وتبقي بجوار "جنه",, كانت فى الغرفه مع جنه ومريم وادمز الباب خبط
وكانوا فى انتظار "امير" لكن تفاجئوا ب "لوهان" ومعاه شوكلت
وورد وب ابتسامه : مساء الخير ..
نظرت "جنه" اتجاهه وبصوت مرهق
بالانجليش : بابا .. بابا رجع يا ماما ..
اتفاجئ "لوهان" و"ريم" كانت فى حاله صدمة .....!
يتبع ,,
(22)
_امير ..؟
_ انا كنت عارف انك هنا ..
_ انت فى نيويورك من امتي وبتعمل ايه ؟
_ هفضل واقف ع الباب مش هتدخليني ؟
_ اسفه ..اتفضل ..
دخل خطوات : مفيش حاجه ااقدمهالك انت عارف ..؟
_ عارف ان مفيش حاجه بس مش معني كده تقعدي هنا 8 ساعات لوحدك وتنسي طيارتك كالعاده
_ مااخدتش بالي
_ علشان كده لما عرفت انك هنا نزلت ترانيزت وحجزت ميعاد تاني بليل انا وانتي يلا
بينا ولا عاوزه تقعدى شويا ,,
_ لا يلا ..
فى لندن فى يوم زارت "مريم"
"ريم" وكانت مفاجاءه ليها :
_ ايه رايك فى المفاجاءه ..
_ جميله كنتي وحشاني جداا يا "مريم"
_ وانتى كمان ..
_ عاملين ايه فى فرنسا ..؟
_ لا مااحنا اتنقلنا "كندا" ,, افتتح فرع لشركه فى "كندا"
و"ادمز" هيكون المسئؤؤل عنه
_ مبروووك
_وطبعا اخدنا بيت لكن لسه بيتجدد ومعجبنيش اى حاجه ولا تصميم اى حد
_ ليه كده ..؟
_ لان صديقتي واختي احلي مصممه ديكور عملتلي احلى بيت فى فرنسا الكل كان بيتكلم
عنه وعن جماله ومشفتش حد زيها ولا فى شطارتها ف بالتالي هى اللى هتعملي البيت فى
كندا ..
_ كندا ..
_ ايوه .. انا عارفه لو كنت طلبت من الموبيل كنتي هتتلككي وفرحت جدا انك رجعتي
لشغلك تاني ف جحا اولي بلحم تورو ولا ايه ..؟!
ابتسمت "ريم" واستكملت "مريم": ايوه كده اضحكي ,, اعتبريها
اجازه وتغيير جو صدقيني الجو هناك روعه هتغيري جو انتى و"جنه" وهنقضيه
مع بعض انا وانتي والبنات لان "ادمز" اغلب الوقت فى شغله وانا وبنته
المسكيه لوحدينا فى بلاد الغربه (ضحكت ريم)
موحشكيش سهراتنا ورغينا
_ بجد مش عارفه يا "مريم" اقولك ايه ..
فى اللحظه دى تدخل "امير": طبعا هتقولي موافقه لان انا كمان رايح معاكي
_ امير ..
_ فى شغل فى كندا لمده 3 شهور فهكون معاكي
نروح مع بعض وهنرجع مع بعض ,,
بعد الحاح من "امير"
و"مريم" وافقت "ريم" وتجهزت للسفر هى و"جنه" وأقامت
فى منزل "مريم" و"امير" اقام فى فندق ... بدأت
"ريم" فى العمل فى منزل "مريم" الجديد وبعد شهر ونص انتهت
وانتقلوا اليه ,, فى يوم نزلت "مريم" و"ريم" وبناتهم لحديقه
فى الصباح ,,كانت "مريم" مشغولة مع البنات و"ريم" جالسه فى
هدوء سماعات الهاند فري معاها و غمضت عينيها للحظات وفتحت لمحت شخص شبيه ل "لوهان" بعيد عنها ,,كانت
متفاجئه ندهت ع "مريم":
_ مريم ..
_ ها ..
_ بصي هناك ..
نظرت "مريم" اتجاه المكان وكان فارغ : فى ايه ؟
_ لوهان كان هناك ..
بملامح استغراب : "ريم" ..
_ مش مصدقاني انا شوفته بجد كان واقف
بيشرب وبصلي ..
_ باين اننا طولنا وانتى ارهقتي يلا نرجع البيت خدى علاجك وارتاحي ...
_ مريم ..
_ يلا يا "ريم " ...
بعد يومين اتجهت مع "مريم"
لشوبنج ,, انتظرت "ريم"
"مريم" امام احدى المحلات وخلال انتظارها لمحت نفس الشخص ولكن اتجهت
اتجاهه ولكنه اختفي وسط الزحام ,, كانت
"مريم" بتدور ع "ريم" ولمحتها فى مكان بعيد :
_ فى ايه يا "ريم" انا قولتلك استنيني بره وموبيلك معايا كنا هنتوه كده
..
بملامح فرحه : شوفته .. لوهان هنا يا
"مريم" انا شوفته
بملامح لا مبالااه: "ريم" يا حبيببتي انتى اخدتي علاجك الصبح صح ؟
بعصبيه: يا "مريم" انا مش بيتهيئلي انا شوفته لكن اختفي صدقيني
لاحظت "مريم" عصبيتها : اهدي .. اهدي انا مبكدبكيش يا "ريم"
بس ممكن تكوني شوفتي حد شبه يخلق من الشبه اربعين
_ هو .. لوهان ..
_ اوكيه .. اوكيه .. يلا نرجع البيت دلواقتي علشان البنات لوحدهم مع الناني يلا ..
رجعت "ريم" ومقدرتش تنام,,
احساس يقين ان اللى شافته هو "لوهان" بعيد عن التهيئات,, مر اسبوع وكانت
"ريم" بتلتفت فى كل مكان متأمله انها تشوفه تاني لكن محصلش ,,مر مده و
فى يوم طلب منها "امير" تحضر معاه عشاء عمل فى فندق ,, فى جلسه العشاء
شعرت "ريم" بضيق واستأذنت وخرجت بره فى الهواء الطلق ,,جلست ع منضده تستنشق
الهواء بالقرب منها شعرت بوقوف سياره
منتظره خروج شخص ما اثناء نظراتها اتجاهها لمحت نفس الشخص فى المول والحديقة "لوهان"
والغريب ان عيونهم اتقابلت لكن هو دخل السيارة مسرع ,, بدون تفكير وقفت واتجهت اتجاهه لكن اتحركت السياره و"ريم" مع
تحرك السيارة جريت وراها تطلب السياره بان
تقف لكنها وقعت ع الارض واتجرحت ,,فى اللحظه دى كان خرج "امير" يبحث
عنها ورأها ع الارض اتجه اليها ولاحظ
الجرح فى ايديها ,,:
_ ايه دا يا "ريم" ..
بنبره هيستريه: لوهان.. لوهان يا "امير" لسه شايفاه حالا فى العربيه دى
_ريم.. اهدي ,, تعالي نعالج الجرح دا
الاول
اتحركوا ل استقبال مستشفي واتمت الاسعافات
الاوليه وخرجت ولاحظ "امير" دموعها :
_ فى حاجه وجعاكي نرجع ليهم ..؟
_ مفيش عندهم علاج ل اللى حساه
_ ليه ايه وجعك تاني ..؟
شاورت "ريم" اتجاه قلبها ودموعها بتتساقط: هنا ,,
_ مالك يا "ريم" فى ايه ..؟
_ مفيش حد مصدقني .. كلكم فاكريني مجنونه
,,مفيش حد مصدقني
مسك
ايديها : انا مصدقك..
_ لا يا "امير" انت كمان مش مصدقني ..
_ لا مصدقك .. انتي مش مجنونه ولا مريضه انتي لوهان وحشك ..
سكتت "ريم" ودموعها مستمره فى التساقط وجلس "امير"
امامها :
_ لوهان وحشك ,, ووحشك جدااا ,, (اتنهد) لما حد بيوحشنا وهو بعيد احنا بنشوفه معانا فى كل وقت وفى اى لحظه احنا بس
اللى بنشوفه لدرجة اليقين انه موجود فعلا احساسنا وقتها بيبقي يقين مفيش ذره شك بنكون
مش عاوزين حد يصدق اننا بنشوفهم وبنتكلم معاهم لاننا مش عاوزين حد يشاركنا فيهم يشاركنا اللحظه دى معاهم , لانها بتكون لحظة خاصة جدا تروي الروح والعيون
المشتاقه للقا وتهدي دقات القلب الملهوفه ,
انتي شوفتي "لوهان" انا مصدقك ,, انا بس مش عايزك تأذي نفسك يا
"ريم" ,, اى خدش بسيط تتعرضيله "لوهان" مش هيكون سعيد بالعكس ,,
_ يعني انت مصدقني يا "امير" ...؟
_ جداا .. عارفه ليه مصدقك ؟! لان اوقات
كتير لما بتوحشيني لما كنت بسافر كنت بشوفك فى المكان اللى انا فيه لوحدي مفيش حد
بيشاركني اللحظه دى بكون اسعد انسان وقتها ,, لانها لحظه خاصه ليا انا وانتي و بس ,,
سحبت ايديها : امير ..
انتبه "امير" لكلامه : انا
بقولك الكلام دا علشان انا مصدقك ولو الناس كلها قالوا عكس كلامك انا هكون معاكي يا
"ريم" .. ممكن اطلب طلب ؟
_ اتفضل ..؟
_ ارجوكي متأذيش نفسك تاني وارجعي لحياتك
وابتسامتك اللى اختفت ارجعيلنا يا "ريم" ,, انتي لازم تعيشي ,, سواء
"لوهان" موجود او لا ,, لانه هو
نفسه كانت دى امنيته.. ارجعيلي ..
سكتت "ريم": يلا بينا اوصلك ل "مريم" وهتبقي الصبح كويسه ,,
رجعت "ريم" لبيت "مريم" واطمن عليها "امير " ورجع
للفندق ,, دخلت "ريم" غرفتها واطممنت ع "جنه" ودخلت
"مريم" ل "ريم" ومعاها كوب لبن :
_ اشربي دى قبل ما تنامي
_ انا مطلبتش اللبن
_ امير قبل ما يمشي طلب مني اجهزلك كوبايه
لبن دافيه تساعدك تنامي
_ اهاا ..
_ بجد انا مشفتش زى "امير" واهتمامه بيكي ,, مشوفتهوش انتي وهو بيوصلك
لهنا ونظرات القلق اللى فى عينيه عليكي ,,
_ امير انسان كويس ..
_ امير بيحبك يا "ريم" بجد .. وبيحب "جنه" و"جنه" اتعلقت به وبتحبه زى باباها
_ مفيش حد زى باباها
_ مالك قفشتي كده ليه دا مجازي يعني ,, انا عاوزه اقولك ان ربنا مبيعملش حاجه وحشه
ل اى انسان يعني بياخد منه حاجه بيعوضه بغيرها الاتجاه التاني,, لكن لما نوقف
حياتنا ونفضل باصيين ع الماضي مش هنشوف
الخير اللى مستنينا فى المستقبل ,,
_ عاوزة تقولي ايه يا "مريم" ..؟
_ عاوزاكي تفكري فى نفسك وفى بنتك يا "ريم" السنين بتمر
و"جنه" بتكبر ومحتاجه اب فى حياتها وانتي محتاجه حد فى حياتك يملي
الفراغ اللى انتي تايهه فيه دا ,, ومش
هتلاقي زى "امير" فى صبره وحبه ليكي اللى متغيرش من سنين وبيعمل المستحيل علشان بس يشوف ابتسامتك..
قوليلي كده مين اللى يعمل كده غيره ..؟!
_ لوهان ..
_ يا حبيببتي لوهان ..
قاطعتها : مسافر .. مسافر يا "مريم"
انتبهت "مريم" :
_ مسافر .. ومسافر بعيد .. لكن انا بكلمك ع دلواقتي يا "ريم"
_ انا عاوزه ارتاح يا "مريم" ممكن ..؟
_ اوكيه هسيبك ترتاحي بس متنسيش ميعادك بكره هتروحي علشان تشوفي الكافيه اللى
هتعمليله الديكور الداخلي ..صديقتي اكددتلي ان الناس اصحاب الكافيه يهموها جدااا وانبهارهم بشغلك طلبوكي
بالاسم وانا قولت ان "روما"
صديقتي قدها ..
_ متقلقيش فاكره وهروح ع الميعاد
_ تحبي اروح معاكي ..؟
_ لا لا "امير" هيوصلني
وهيرجعني ...
_ اوكيه تصبحي ع خير ومتنسيش تشربي اللبن
..
_ تصبحي ع خير ...
خرجت "مريم" من الغرفه وبعدها بلحظات اتجهت "ريم" للبلكونه
وخرجت وكان مطر وقفت تحت المطر فتحت كف ايديها وتساقط المطر ع الحرف واغلقت عينيها
ونظرت للسماء مردده اسم "لوهان
",, فى نفس التوقيت واللحظه شخص واقف تحت المطر مغلق عينيه سمع همس اسمه " لوهان" فتح عينيه ونظر حواليه كان
لوحده وبعدها بلحظات سمع صوت عالي :
_ "لوهان" انت واقف تحت المطر كده هتتعب تعالي ادخل ..
_اوكيه "يومي"
فلاش باك من سنتين
"لوهان" يتحدث فى الهاتف :
_ انا هخلص المقابله بسرعه وع المطار متقلقيش هوصل فى ميعادي
_ انا مش هطفي الشمع من غيرك
_ وانا هكون موجود متقلقيش يا "ريم" وعلشان تعرفي انا لبست الطقم اللى انتى حضرتيه
علشان احضر به يعني من المطار ع عندكم ع طول
_ واحنا مستنينك .
اغلق "لوهان" الهاتف ورن مره اخري وكانت "يومي" :
_ اوووبا
_ يومي ايه اخبارك ..
_ انا مصدقتش انك فى ايطاليا فعلا ..
_ كنت فى ايطاليا انا طيارتي كمان 4 ساعات
_ يا خساره يعني مش هلحق اشوفك كنت عاوزه
ابعت معاك هديه "جنه"
- مفيش مشاكل انا عندي ميتنج مش هكمل نص ساعه بعده هقابلك فى كافيه قريب من المطار
هبعتلك اللوكيشن ..
_ اتفقنا وانا هتحرك حالا ..
اغلق "لوهان" الهاتف واتصلت "ريم" وبلغها بمقابلته ل
"يومي" لكن الصوت كان غير واضح ,, اتجه لمقابله العميل ,, وقرب وصول "يومي" بالهديه
بالسعاده حدث انفجار فى المقهي وذعر الجميع ,,, وصلت عربه الاسعاف والمطافي وتم
نقل المصابين ولمحت "يومي" ان "لوهان احدي المصابين ... اتجهت معه
الى المستشفي وبعد اجراء العمليه دخل فى حاله غيبوبه ,, رفضت "يومي"
ابلاغ "ريم" خوفا عليها من الصدمة ولان وضع "لوهان" غير مستقر
,, استمرت "يومي" يوميا الذهاب الى المستشفي ل الاطمئنان ع حاله
"لوهان"مع استمرار الغيبوبه ,, مر 10 ايام وكانت "يومي" فى
غرفه "لوهان" نايمه ع حرف السرير فتح "لوهان" عينيه وابتدي
يحرك جسمه شعرت به "يومي" وبسعاده :
_ لوهان .. انت كويس ..
بملامح اندهاش : انتي مين ؟
اتفاجئت "يومي" لعدم معرفته لها
:
_ لوهان .. انا "يومي " ..
_ لوهان .. مين "لوهان" ؟! انا فين وانتي مين ؟!
دخل الطبيب والممرضات واعطاه حقنه مهدئه وتحدثت "يومي" مذعورة عن ما حدث
وطلب اجراء اشاعه ع الراس ,, وبعد فحص الاشاعه تبين تعرضه ل اصابة بالغه فى الراس
ادت لفقدان ذاكره كلي :
_ يعني ايه ..؟
_ يعنى هو حاليا غير متذكر اى شئ من الماضي ولا اشخاص ولا اسمه ,, وحقيقي هو محظوظ
لوجودك معاه لانك انتي الوحيده اللى عارفاه وهتكوني اكبر عامل مساعد انه يتعرف عن
نفسه وحياته ..
_ مش فاهمه ..؟
_ "لوهان" حاليا صفحه بيضاء زى الطفل حديث الولاده مفيش ذكريات ولا
احداث فى حياته ف بالتالي انتي هتساعديه ع تكوين واسترجاع الذكريات وتعريفه ع نفسه لكن
_ لكن ايه ..؟
_ مش بالضغط والاجبار لانه لو حاول يفتكر بالاجبار هيضغط على نفسه ودا هيسبب ضرر
اكبر لان الخبطه مأثره فى مكان حساس ومعرض
لدخول فى غيبوبه اطول ,,ف هو افتكر لوحده مفيش مشاكل مقدرش يفتكر يبقي هيعيش الحاضر وانتي هتكوني دليله وهو
هيتبعك بما انك عارفاه ,,
سكتت "يومي " من هول الصدمة واتجهت لغرفه "لوهان" وهو
نايم وحديث الطبيب بيردد ع مسامعها ,,,
تاني يوم كان صاحي دخلت "يومي" الغرفه ومعاها بوكيه ورد وب ابتسامة :
_ صباح الخير ..
مفيش اجابه ..: اليوم انهارده جميل ,,
فطرت ؟
_ انتي مين ؟
_ نسيت امبارح كنت هنا وقولتلك اسمي "يومي"
_انتي تعرفيني ..؟
_ جدااا
_ انا مين ..؟
_ لوهان ..
_ لوهان ..؟
_ ايوه اسمك لوهان ..
_ علاقتنا ايه ببعض ؟!
سكتت "يومي" لحظات : انا .. انا .. اقرب شخص لك ؟
_ اقرب شخص ليا ..؟
_ ايوه .. انا هبقي اجبلك كل الصوره اللى احنا مع بعض ومع الوقت هتعرف كل حاجه
_ يعني انتي عارفنى من زمان
ضحكت"يومي": من واحنا صغيرين ,,اطمن انت مش لوحدك انا معاك ومش هسيبك ..
كان "لوهان" مسيطره عليه ملامح
رعب وخوف من مجهول شخص فاقد القدره التعرف ع نفسه ,, شعر بوود "يومي"
كطوق نجاه يساعده ع حالته ,, فى خلال مده اقامته للعلاج فى المستشفي احضرت "يومي" صورهم مع
بعض القديمة وبعض تسجيلات الفيديو ل
اقناعه بعلاقتهم المقربة واتفاجئ
"لوهان" ولم يوجد امامه غير انه يصدق جميع الادله ان بينهم ارتباط ,,
فى منزل "يومي" فى ايطاليا مع احدي اصدقائها :
_ انا عاوزه فى خلال يومين الورق دا يخلص ورق لوهان وورق سفري
_ متقلقيش الفلوس بتخلص كل حاجه بسرعه ,, انتي كنتى استقريتي فى ايطاليا وهتتنقلي
ل "كندا"
_ ايوه هسافر لكن الظروف
الحالية هأجل السفر شويا ,, اطمن ع "لوهان" وضعه يستقر ,,
_ مبلغتيش حد من اهله ؟
_ لا لسه مش عارفه ابلغهم اقولهم ايه ولا
"ريم" هتستوعب فقدانه للذاكرة دا ازاى ,,
_هو عامل معاكي ايه دلواقتي ..؟
ابتسامه:اممم حسيت اننا رجعنا زمان لما كنا انا وهو بس لو اتاخرت عنه يقلق
ومبياكلش غير معايا
_ انا لو مكانك مش هقولهم حاجه ..؟
_ ازاى ؟
_ يعني القدر باعتلك فرصة ذهبية مع لوهان
استغليها
_ مش فاهمه تقصدي ايه واستغل ايه بقولك فاقد للذاكرة ..
_ هى دى الفرصة .. مش دا
"لوهان" حب عمرك كله اللى لا عارفه تحبي ولا ترتبطي بغيره ,, جالك صفحه
بيضا لونيها انتي بوجودك ,, املي حياته كوني انتي حياته ,,وانتي لسه قايله حاسه
انكم قريبين لبعض زى زمان هو كده كده غير
متذكر اى شخص ولا اى ذكري ,, فرصه استغليها وكوني انتي كل الاشخاص اللى عاوزهم وكل
ذكرياته ,, صديقته وحبيبته ومراته
_ مراته ..؟
_ ايوه .. مش كان دا هيحصل قبل ما يعرف
"ريم" ,, اهى هى اخدت فرصتها ودا وقت فرصتك
_ يعني ..
_ يعني اجهزلك ورق السفر ليكي و ل "لوهان"ع "كندا" عيشي
واستقري هناك معاه هو ميعرفش دلواقتي غيرك انتي سافروا وابدؤا حياتكم مع بعض وانسي "ريم" ,,
لانه كده كده مش فاكرها ولو رجع ليها فى الوضع الحالي مش هيفتكرها وهتعاني ,, ف ليه ؟! ,, متبلغيش اى حد
ب اى حاجه وسافري وعيشي الحياه اللى عشتي بتحلمي بيها ..
الكلام اقنع "يومي": لكن هما
اكيد بيدورو عليه انا عارفه كده ..
_ بسيطه ,, مبلغ صغير لناس اعرفهم هيظبطولك الحكايه وهيبقي "لوهان"
بالنسبالهم متوفي وبالنسبالك بدايه حياه جديده معاه وهو مقرب ليكي الفتره دى لانك
انتي الوحيده اللى عارفاه ,, الفرص مبتتكررش يا "يومي" ...
الفكره شغلت تفكير "يومي " واقتنعت بالاخص ان حاله "لوهان"
ورجوعه الذاكره نسبه حدوثها ضعيفه جداا ,, وفعلا بدأت فى تنفيذ المخطط ودفعت المبلغ
وسافرت هى و"لوهان" ع "كندا" ل بدء حياتهم من جديد وتمت الخطه
ووصل الخبر ل "ريم" ان "لوهان" اتوفي نتيجه حادث اعتداء وتم
القاءه فى البحر ..!
فى كندا رغم قرب "يومي" ل "لوهان" الا ان "لوهان" كان دائما يشعر ب غربه وغير
مطمئن والافتقاد لشئ لا يعلم ماهيته رغم
ان جميع الدلائل بتؤكد علاقته ب "يومي" وبظهور مستر "بارك"
والد "لوهان" وبعض الاصدقاء كانو فى الصور معاه تم تأكيد علاقته ب
"يومي" ,,ومع الاتفاق مع "يومي" حذرتهم من ذكر
"ريم" او اى حدث من الماضي ,, وكان خبر ارتباطه ب "يومي" رسمي
من اسعد الاخبار لدى "يومي" ومستر "بارك" ,,, تمت الخطوبه ثم
بعدها بفتره قليله تم زواج "لوهان" و"يومي" ,,,
*باك بعد سنتين *
_ داخل ..
نظر حواليه ب استغراب ودخل :
_ حبيبي الجو برد ..
_ انتى قولتي اسمي من شويا
_ ايوه لما رديت ..
_ لا قبلها ..؟
_ لا محصلش هى مره واحده ..
_ متاكده ..
_ فى حاجه يا "لوهان" ؟
_ لا "يومي" مفيش ..
_ طيب يلا ننام علشان بكره عندك ميعاد مع مهندسه الديكور للكافيه
,,"جيمس" قال انها ممتازه وشغلها فعلا جميل لما شوفت الصور وانا هخلص شغلي وهحصلك ع المكان (حضنته) عاوزاك
تعمل اللى انت عاوزه فى الكافية دا
_ اوكيه ...
تاني يوم وصل "امير" "ريم" للمكان وفجاءه شعرت بتردد فى
النزول :
_ فى حاجه يا "ريم" انزل معاكي
..؟
_ مش مستهله انا جيت اعاين المكان واعرف هما عاوزين ايه وخلاص
_ انا عندي ميتنج قريب من هنا هخلصه وهرجع اخدك للبيت ناخد جنه ونخرج انا وعدتها
_ تمام .. وانا هكون فى انتظارك ..
_ لو فى اى حاجه كلميني اتفقنا ..
_ متقلقش يا "امير" .. روح انت ميعادك ..
نزلت "ريم" من السيارة واتجهت
للمكان بخطوات بطيئه وشعور بالتوتر تملكها ونبضات قلبها المسرعه ودخلت الكافيه وابتدت تتمعن النظر فى المكان
لتكوين رأي لمشاركته مع مالك المكان ,, بعد فتره بخطوات هادئه اقترب منها شخص تحدث
بالانجليزيه :
_ مساء الخير ..
للحظه تفاجئت "ريم" من نبره الصوت المالوفه ومردتش ,, تقدم خطوتين وكرر كلامه بنبره صوت اعلي :
_ مساء الخير ..
التفتت "ريم" وهى فى حاله مفاجئه لمصدر الصوت واتفاجئت :
_ لوهان ..
رد فعل "ريم" ونظراتها الى
"لوهان" شعرته بالريبه :
_ حضرتك مهندسه الديكور ..
حركت راسها بدون كلام ومد ايده : لوهان ..
فى حاله صدمة تراجعت خطوتين والتاب سقط ع الارض ونظرت الى يده معتقده انها بتتخيل
وجوده ,, ببطئ قربت يديها لملامسته لتتاكد من وجوده ولمست يديها يداه وفجاءه انهمرت
دموعها وتفاجئ "لوهان" من رد فعلها ودموعها :
_ انتي بخير .. فى حاجه ؟
_ لوهان .. لوهان انت موجود حقيقي ,, انت موجود انا كنت صح
نظر حوله ب اندهاش : بتكلميني انا ..؟!
ب هيستريه اقتربت منه ومسكت يداه الاثنين ودموعها تتساقط:
_ كنت فين كل الفتره دى . انا استنيتك كتير ,,انت كويس انت بخير وحشتني انا
و"جنه" انا كنت بستناك كل ليله وكل لحظه و ..
بعد عنها "لوهان" واتفاجئت
"ريم" من رد فعله وبعده عنها :
_ لوهان ..
_ هو انا اعرفك وانتي تعرفيني ..
_ انت مش عارفني انا مين .؟
_ اول مره اقابلك,, انتي مهندسه الديكور اللى هتصممي ديكور الكافيه دا
اللى اعرفه حتي معرفش اسمك ايه ..
اتفاجئت : مش عارفني ..
_ لا ,,
تفاجئت "ريم" بملامح الجديه
وبعد "لوهان" عنها بخطوات وشعرت للحظه انه شخص تاني غريب ,, وهما واقفين
اقتربت فتاه :
_ مستر "لوهان" ,, مسسز لوهان فى الطريق
_اوكيه ..
_ مسسز لوهان ,, انت متجوز ..؟
بملامح استغراب : ايوه متجوز ..؟
_ انت بجد مش فاكرني ..؟
_ لا ..
حاولت "ريم" تتماسك وتستوعب
الموقف لكن الموقف كان اكبر من استيعابها
,, فقدت تماسكها وسقطت فى حاله اغماء
ولحقها "لوهان" بين ذراعيه وحملها من ع الارض ووضعها ع اريكه موجوده
وبسرعه طلب دكتور ليها ,,, وصل "امير" للمكان ل اصتحاب "ريم" شعر بقلق لعدم ردها ع
موابيلها فقرر يدخل ليها وفى لحظه دخوله وهو بيتحدث عن الهاتف تصادم مع
"يومي" وهى داخله المكان وبتتحدث فى الهاتف والاتنين تفاجئوا من وجودهم
فى المكان :
_ يومي ..
_ امير ..
_ عامله ايه ,, اخر مره شوفتك من سنتين
ونص فى عيد ميلاد لوهان ؟
_ ها ... اه شغل واشغال ..
_ انتي هنا بتعملي ايه ..؟
_ انت هنا بتعمل ايه ..؟
_ انا جيت اخد "ريم" ,,هى جوه ..
انصدمت "يومي": ريم ..؟
_ ايوه ماهي اللى هتصمم ديكور الداخلي لكافيه اللى هناك دا ,,هتفرح لما تشوفك
تعالي .
قاطعت "يومي" حديث
"امير" وبخطوات سريعه اتجهت للكافيه وكانت ملامحها مضطربه ولاحظ
"امير" اتجاهها مسرعه لمكان اللى فيه "ريم" ,,وصلوا
"امير " و"يومي" للمكان ودخلت "يومي" وجدت
"ريم" نايمه ع الاريكه و"لوهان" جالس بجانبها ينظر اليها ب
استغراب ,, وصل "امير" ووجهه كلامه ل "يومي" ونظر لوضع
"ريم" وتفاجئ واتجه اتجاهها :
_ ريم . ريم ..
سمع صوت من خلفه بيطمنه : هى كويسه
هتقوم بعد شويا ..
اتفاجئ "امير" من نبره الصوت
والتفت للشخص وكان "لوهان" :
_ لوهان ..
بملامح جاده وجاهله التعارف ع
"امير" :
_ انت زوجها .. متقلقش هى كويسه الدكتور طمنا ..
لاحظ "لوهان" وقوف
"يومي" وملامحها المضطربه اتجه اليها ومسك يديها :
_ مالك .. فى حاجه ملامحك متغيره ..
_ ها .. لا لا مفيش .
حضنها "لوهان"بحب وود مقرب واتفاجئ "امير" من رد فعل
"لوهان" اتجاهه وعدم التعرف
عليه وتجاهله ل "ريم" وتصرفاته الغير مكترثه لوجود ريم ,,, طلبت "يومي" التحدث مع
"امير" بعيد :
_ انا مش فاهم حاجه فى ايه ..؟
_ اهدي يا "امير" انا هفهمك ع كل حاجه ..
وابتدت "يومي" تروي ل
"امير" عن حاله فقدان الذاكره وحاله "لوهان" .. وبملامح صدمه
:
_ فقدان ذاكره كلي ...!
_ لوهان مش فاكر اى حاجه من الماضي لا احداث ولا اشخاص ولولا انا كنت قريبه كان
هيختفي فعلا
_ مقولتيش لينا ,, مبلغتناش ليه ..؟!
_انا كنت هقولكم لكن بعد ما يتحسن لكن وضع
"لوهان" الصحي كان غير مستقر الخبطه مأثره فى مكان اى ضغط نفسي ولو بسيط هياثر عليه وانا محبتش اجازف بروحه ..
_ وريم .. مفكرتيش ف "ريم"وحالتها بعده كانت عامله ازاى .. وبنته دول اهم ناس لازم يكونوا معاه فى حالته دي ..!
_" امير" انت لو كنت مكاني كنت
هتحط "ريم" ومصلحتها وصحتها قبل اى حاجه فى الدنيا قبل نفسك ,, انا
مغلطتش علشان حميت حياته وساعدته يستقر نفسيا بعيد عن اى ضغوطات و ..
_ يومي ..
_ امير ..انا القدر بعتلي فرصه من غير ما اخطط ليها وكنت ابقي غبيه لو ضيعتها ..
_ لدرجة دى منستيش رغبتك فى امتلاك "لوهان" بعد ما اتاكدتي انه ل
"ريم" ,,بس اقولك انتى فعلا
غبيه لان القدر اللى بيبعتلك الفرص بيبعتها لغيرك ,,انتي اخدتيه وبعدتي لمكان بعيد
لكن من غير ترتيب القدر نفسه خلاه يقابلها تاني ..
_ لكن ميعرفهاش .. ولا هيفتكرها ,,
حاولت "يومي" تستغل مشاعر "امير" اتجاه "ريم ":
_ امير .. الفرصه قدامنا نحقق اللى مقدرناش نحققه زمان ,,انا مطلبتش من لوهان يفقد
الذاكرة ولا طلبت منه يتجوزني هو اللى طلب الجواز ,, وواضح علاقتك ب ريم بقت اقرب
الصح اننا نستغل الفرصه لصالحنا ونعيش مع اللى بنحبهم ,,
_ واللى هما بيحبوهم ,,هنغير قلوبهم ازاى ..؟
_ انا بقولك هو مش عارفها ولا فاكرها و..
قاطعها : هيعرفها .. هيعرفها يا "يومي" ..
_ وانا مش هسمح ل اى اذي يحصله ,, وللعلم لو فكرت تتصرف تصرف بطولي انت اللى هتخسر
لان اى تصرف منك فى الوضع الحالي "ريم" مش هتسامحك عليه لانه هيضر
"لوهان" ...
بملامح غضب اتجه للمكان وحمل "ريم" واتجه لعربيته واتحرك للبيت ووقف
"لوهان" بذهول للموقف واقتربت
"يومي" واحتضنته :
_ باين كان يوم صعب ,, يلا هنتاخر ع ميعادنا ..
_ اوكيه .. اوكيه ..
رجع "امير" للبيت وجلس بجوار "ريم" وفى حاله اضطراب وتوتر من
كلام "يومي" وان "لوهان" غير متذكرها ,, فتحت عينيها
"ريم":
_ لوهان ..
_ ريم انتي كويسه ..؟
_امير .. انا شوفت "لوهان" ولمسته
_ اهدي بس ..
_ لكن معرفنيش انكر معرفته بيا يا "امير" ..
مسك ايديها وطبطب : ريم اهدي علشان تعرفي
كل حاجه ,,
اتكلم "امير" مع
"ريم" وفى حضور "مريم" وادمز" وكانت المفاجئه كالصاعقه (
لوهان فقد الذاكره) واتصلت
"يومي" وطلبت تزورهم فى منزل "مريم" واستقبلتها
"مريم" وكانت نظرات
"ريم" حادة وحزينه :
_ انا عارفه بتفكري فى ايه يا "ريم" دلواقتي ,, انا لو مكانك هفكر زيك
..
بنبره عصبيه اتحدثت "مريم": ايه الهدوء اللى انتي فيه دا .. انتي متخيله
انك عملتي جريمة ..
استمر صمت "ريم" واستكمل "امير" :
_ مريم بعد اذنك ,, "يومي" انتى جيتي ليه ؟
_ انا جيت علشان افهم "ريم" انا ليه عملت كده ,, هى لو مكاني كانت هتعمل
كده ل اكتر انسان حبيته فى الدنيا ,,انا كبرت ومش شايفه غير "لوهان" ,,
وقت ما كنت احتاج حد هو اللى بيكون ماددلي ايده ,, كان اهلي واصدقائي وكل دنيتي ,,
انا زى ما قولت ل "امير" انا مرتبتش اى حاجه من اللى حصلت لكن مكنش فى
عندي اختيار قررت احميه ,, كلكم بتقولوا ليه مقولتش ليكم لما عرفت انه فقد ذاكرته
ودا لان وجود اشخاص كتير حواليه كان هيحطه
تحت ضغط وهياثر عليه وهيدخل فى غيبوبه تانيه ومش هيصحي ,,, كنتي هتقبلي بموته يا
"ريم " ..؟
ريم ساكته و"امير" وجه حديثه ل
"يومي":
_ ريم ..
قاطعته "ريم": انا لو مكانك
استحاله اسرق حياه شخص لسنتين وانا عارفه ان فى شخص تاني بيموت وعاوز اى خبر يطمنه
,, انا لو مكانك عمري ما هفكر فى نفسي
وانانيتي وطمعي بس ,, انا لو مكانك مش هسرق حب عمر ولا اب من بنته وتحرميها منه
وهو عايش ,, انتي عمرك ما حسيتي ولا هتحسي باللى حسيت به وعشته وعانيت منه السنتين
اللى فاتومن وجع والالم وعذاب ,, الكل
اجمع وبالادله انه مات لكن انا مصدقتش لانى كنت واثقه انه موجود فى مكان وهقابله
,, انا مش مسامحاكي يا "يومي" انا كان ممكن اغفرلك اى خطا لكن اللى
عملتيه المرادي لا ..
_ ريم ارجوكي افهميني ..
_ "لوهان" هيفتكر وهيفتكرنا وهيرجعلنا مهما عملتي ..
_ انا كنت عارفه مهما قولت مش هتسمعيلي لكن انا جيت هنا علشان وقبل ما تتصرفوا تصرف هتندموا عليه هبعتلك ع
الايميل كل التقارير الطبيه ل حاله "لوهان" والتحذيرات واعرضوها ع اى
دكتور فى العالم وعنوان المستشفي فى ايطاليا وانا هحدد موعد تقابلوا الدكتور المتابع لحالته
وبعدها ابقوا قرروا تجازفوا بحياته ولا تحافظوا عليها ..
استأذنت "يومي" ومشيت واتجهت "ريم" لغرفه "جنه"
وبتبكي وحضنتها ,,
ارسلت "يومي" الملفات وابتدا
"امير" يرسلها لجميع المستشفيات وعرضها ع اكبر الاطباء وكان التشخيص
واحد وتم تحديد موعد لطبيب المعالج للوهان وكان ملخص كلامه ( حاله فقدان ذاكره كلي
نتيجه اصابه خطيرة فى الراس واى ضغط نفسي ع المريض هيسبب اذي وغيبوبه مش هيقدر
يقوم منها ) كان الكلام صادم لكلا من "ريم" و"امير" ورجعت
"ريم" البيت واتجهت لغرفتها ورفضت تتكلم مع اى شخص ,, مر يومين
"ريم " فى غرفتها رافضه تتكلم وفضلت عزلتها ,, قلق "امير"
عليها و طلب يتكلم معاها:
_ انا هحجز تذاكر ونرجع "لندن" انهارده ..
_ ليه ..؟!
_ ليه ؟! لان خلاص انا خلصت شغلي وانتى
كمان ..
_ ولوهان ..؟
_ ريم انتي سمعتي كلام الدكتور قال ايه ووجودك معاه عذاب ليكي لانه مش فاكر اى
حاجه ..
_انا مش هرجع "لندن" لان عندي شغل لسه مخلصش ..
_ شغل ايه ؟
_ الكافيه ..
_ ريم ..
_ انا لو كنت فى وضع "لوهان" مكنش هيتقبل الواقع ويستسلم لكلام دكاتره
جاهلين ان فى لحظه حاجات كتير بتتغير ,, كان هيفضل معايا ومتمسك بيا ل اخر لحظه
حتى لو مش فاكراه ,, كان هيحارب زى ما طول
عمره حارب علشاني ,, انا دلواقتي دوري
احارب علشانه انا مش هسيبه و"يومي" تنتصر عليا ببساطه ,,
"لوهان" مش عاوز كده هو عاوز يرجع لحياته ولبينته ومش عارف وانا هرجعه ..
_ ريم انتي اللى بتقولي عليه دا شبه مستحيل ..
_ مفيش مستحيل وربنا موجود ,, اللى جمعنا انا من الشرق وهو من الغرب ورغم اليقين
انه مات وخلاني اجى هنا واشوفه دا يقولي مفيش مستحيل ,, انا مش هرجع
"لندن" انا هكمل شغلي فى الكافيه وهكون معاه ..
_ لكن ..
_ متتقلقش مفيش حد هيخاف عليه ولا ان اى اذي يحصله اكتر مني .. لكن انا واثقه فيه
واثقه فى حبنا
لاحظ "امير" اصرار "ريم" :
_ واضح ان انتي قررتي ومهما قولت مفيش حاجه هتتغير وكالعادة انا معاكي فى اى قرار واى خطوة..
ابتسمت "ريم" ,,, كانت "يومي" طلبت شخص اخر يتولي ديكور
الكافيه اعتقادا ان "ريم" استسلمت وهترجع لندن ,, فى يوم استيقظت "ريم" باكرا
واستعدت للذهاب الى العمل :
_ صباح الخير ..
_ صباح الخير يا "روما" ..
لاحظوا ابتسامتها وتناولها الطعام بشراهه
..نظرت "مريم" ل ادمز ونظر ادمز ل "امير ":
_ ريم براحه مفيش حد بيجري وراكي ..
_ متاخره جداا يا " مريم" ونمت من غير عشا وبصراحه الفطار يشهي جدا تسلم
ايديكي ..
_ ريم انتي كويسه ..؟
_ جداا يا ادمز " ,, انا مش هتاخر انهارده هتكون معاينه للمكان واحدد اللى
عاوزه علشان نبدء ,, ارجع ناخد البنات ونتغدا كلنا برا تمام ..
_ تمام ..
_هتوصلني يا "امير" ولا اطلب عربيه ...؟
_ لا هوصلك فى طريقي يلا انا خلصت فطار ..
_ باى ..
بملامح قلق نظرت "مريم" ل "ادمز":
_ "ادمز" هى ريم كويسه ..؟
_ مش عارف ..
فى الطريق مسكت الهاند فري وشغلت ميوزك
وابتدت تدندن معاها ولاحظ "امير" التغير المفاجئ ولاحظت "ريم"
نظراته شالت الهاند فري :
_ مالك بتبصلي كده ليه ؟
_ انتى كويسه ..
ب ابتسامه : جداااا زى ماانت شايف ..
_ ريم انا بتكلم بجد بعيد عن ابتسامتك اللى مداريه وراها احساسك الحقيقي ..
سكتت "ريم" وركن "امير" العربيه :
_ ريم .. متضغطيش ع نفسك فى اى حاجه بلاش الشغل دا .. مش عاوزه ترجعي لندن"
اوكيه هنقعد هنا لكن بلاش الشغل ..
_ واكون معاه ازاى ..؟! هكون معاه ازاى وقريبه منه بالوضع اللى هو فيه ,,الشغل دا
الوسيله والمكان الوحيد اللى هيجمعني معاه واشوفه ,, مش هينفع اسيب الشغل هكمل ..
_ ريم ..
_ انا منكرش خايفه ومتوتره وفكره انه هيكون قدامي ومش عارفني وجعاني لكن مفيش سبيل
للرجوع ولا الهروب ,, دايما كان بيقولي نواجهه خوفنا لان الهروب والاستسلام مش حل
,, انا مش ههرب ولا استسلم وهحارب علشانا هحارب علشان بنتا "جنه"
يرجعلها ...
_انا خايف عليكي ..!
_ متخفش ..اللى مر على حياتي كلها مكنش سهل والنتيجه زى ماانت شايف قدامك ..
_ ريم رغم اعتراض الكل انا معاكي فى اى قرار وهساندك دايما
_ عارفه وبجد يا امير وجودك فارق جدا فى حياتي ..
_ ممكن توعديني وعد ..
_ اكيد..
_ لما تحسي انك مش قادره ومحصلش اللى انتي عاوزاه
تبعدي من غير مقاوحه متضغطيش ع نفسك
اتنهدت "ريم": هحاول ..
_ لا اوعديني ان لو جه الوقت وتعبتي من محاولاتك تستسلمي وتبعدي علشان
"جنه" متخسرش اب وام كمان وهى محتجالك اكتر دلواقتي ..
_ اوعدك ... يلا بقي هتاخر ..
_ تمام ..
وصلوا للمكان وظهرت ملامح قلق واضطراب ع
ريم وتوتر ,,حاول "امير" يخرجها من توترها :
_ روما ..
_ ايوه ..
_ فين ابتسامتك الحلوه .. ابتسامه ,, اراده . قوه
_ حياه
_ ايوه كده نبدء اليوم ومتخافيش انا معاكي انتي مش لوحدك ..
ابتسمت "ريم" ونزلت من
العربيه ونظرت للمكان وللسما وتنفست نفس
عميق وبخطوات واثقه اتجهت للداخل وكانت "يومي" موجوده فى انتظار الشخص الجديد :
_ صباح الخير
نظرت ب ابتسامه ثم اتفاجئت: ريم ..
_ اسفه جدا ع تاخيري هما 10 دقائق الطريق وكده ..
_ انتي بتعملي ايه هنا ..؟
بخطوات ونبره واثقه : بعمل ايه هنا ؟! شغل انتي نسيتي انا المسئوله عن تصميم الديكور
الداخلي للمكان هنا ..
_ لكن انا طلبت شخص تاني من الشركه ..
_ هما قالولي ع اساس انا اعتذرت لكن انا بلغتهم هكمل عادي ..
_ انا مش هسمح لشخص من بره الشركه يكون هنا ..
مسكت كارت : نسيت اقولك انا اتوظفت هناك
يعني وجودي هنا رسمي بدون اى جماليات ..
اتفاجئت "يومي" وقربت منها "ريم" وهمست لها :
_ انتي خايفه من ايه ..؟
_ لا مش خايفه وهخاف ليه ..
_ هو دا .. هتخافي من ايه دى حياتك وهو زوجك ومش فاكر غيرك , ولا انا وجودي هيأثر
..؟!
بملامح مضطربه: هياثر ع ايه .. اللى بينا صعب حد يأثر عليه ؟
_ اكيد .. تسمحيلي ابدء شغلي ..
اتحركت "يومي" خطوات ورجعت :
_ ريم ..
_ ايوه ..
_ فتره شغلك ياريت تمر بسلام لان انتي عارفه اى تصرف ولو بسيط اللى هيتأذي
"لوهان" مش انا
تحذير "يومي" كان بيوجع "ريم" لانها عارفه :
_ متقلقيش انا مجتش علشان ااذيه ولا ااذيكي ,, القدر كتب انك تكوني فى عينه لكن
انا واثقه ان انا فى قلبه ,, قدام الناس بالادله اللى وريتهاله انتى حياته لكن انا
حياته الحقيقيه ,, القدر بيختبرني وانا قبلت الاختبار والنتيجه موافقه عليها مقدما
مهما كانت ,, متقلقيش مني وثقي فى نفسك وفى حبك .. اوعدك اخلص الشغل هنا وهرجع لندن,, لو مكتوب انا
اعيش من غيره ع الاقل اسمحيلي بالوقت
القصير دا ك اعتذار منك ع اللى عملتيه ..!
التفت "ريم" للمكان ومسكت التاب
وابتدت شغلها ... وخرجت "يومي" ,, بعد ساعه ونص انهت "ريم" من
معاينتها لكل مكان وقبل انصرفها شعرت بدقات قلبها تتزايد فى لحظه دخول لوهان
المكان التفتت اتجاه الباب ولمحت دخوله وابتسمت ,, اقترب منها خطوات وبطريقه رسميه :
_انا عرفت منهم انك انتى هنا ..انتى احسن دلواقتي ؟
_ احسن ..
_ اخر مره كنتي ..
_ انا بعتذر ع اخر مره اول لقائنا وتصرفي لكن انا عندى ظروف ومريت بفتره غير لطيفه
وبكرر اسفي لو سببت اى ازعاج ..
_ لا ابداا المهم انك بخير ..
ابتسمت "ريم": ميرسي
_ اى حاجه تحتاجيها هنا عرفيني انا كتبت اللى محتاجه ..
_ تمام وانا هبدا الشغل قريب ..
_ جميل ..
مدت ايديها وب ابتسامه : ريم .. اسمي ريم
مد ايده وابتسم : لوهان .. اسمي "لوهان " ...
يتبع ,,
