زهرة التوليب (8)

(8)

 قفلت "صبا" الموبيل وندهوها فى المطعم  وكان فى اكل كتير :
_ ايه دا يا شباب مين اللى ورث علشان يعزمنا ع كل الاكل دا ومنشل ع الاكل اللى بحبه مين دا  ..
صوت من وراها : انا اللى عازمكم ع العشا انهارده ؟
بصت "صبا"  : حمزة ..
ابتسم: ازيك يا "صبا"..اخبارك ؟|
_ الحمد الله ..
 حد من زمايل "صبا": "حمزه" لسه راجع انهارده وقال كلنا نتعشي مع بعض وهو اللى عازمنا ..
 بكل ثقه وملامح جد ردت "صبا"  : وماله "حمزه" كان زميل لينا فتره طويله وواجب عليه يعزمنا والمبلغ اللى هيدفعوا هو قده فرق العمله بقي يا جماعه  ..يلا اقعدو انا عن نفسي هبدء ...
تعجب "حمزه" من تصرف "صبا" الامبالااه وانها متفجئتش بوجوده : اتفضلوا يا جماعه ..
قعدوا كلهم : اغلب الاصناف دى "صبا" بتحبها
ردت "صبا": نعم . ..ع اساس مين اللى بيطلب الفاهيتا الفراخ كل يوم الساعه 2  خالتى صح
 ضحكوا كلهم وكملت "صبا": مش مهم اغلبهم انا بحبهم ولا لا.. لاني عموما بحب الاكل وكلنا بناكل من دا كل يوم فعادى يا جماعه ..استمتعوا دى عزومه يعني مفيش حد هيدفع ودى فرصه لا تعوض ولا ايه
ضحكوا كلهم وابتدوا ياكلو وابتدت "صبا" تاكل وتهزر مع اصحابها وتتجاهل "حمزة"  ... خلصوا الاكل واتحرك كل واحد فى اتجاه ورن موبيل "صبا" وقامت ترد واتحرك وراها "حمزه" وقف بعيد لوقت ما خلصت المكالمه قرب منها "حمزه" ومد ايده ب ب كانز حاجه ساقعه :
_ خلصتي الاكل ونستيها ودايما متعودة بعد الاكل تشربي حاجه ساقعه ..
ابتسمت "صبا": ما انا كنت راجعه صعب انسي قاعده من قواعد الاكل ..عموما شكرا يا "حمزه"
مشيت خطوتين : مقولتليش يعنى حمد الله ع السلامه ..؟
التفت وبصتله ب ابتسامه : لا بجد هو انا مقولتش مااخدتش بالي ..اصلك بتيجي كتير مبحسش انك سافرت ورجعت عموما  حمد الله ع السلامه يا "حمزه"  عن اذنك ..
_ انتي لسه زعلانه مني ؟ انا بكرر اسفي كل مره بقولك اسف وانتي مش قابله اعتذارى ؟
_ ليه ازعل منك هو انت خبطتني ولا دوست ع رجلي واعتذار ايه اللى اقبله.. عيش حياتك ومتركزش انجوي اجازتك ...
_ "صبا" انا ...
قاطعته "صبا":  انت جى اجازه تقضيها مع اصحابك اتمتع بيهم والمدام كمان تغير جو ..!
_ انا جيت لوحدى ..؟
_ متفرقش كتير قضي اليومين والجو لطيف كده وارجع المانيا لحياتك ولمراتك  ..اسمعها نصيحه مني بلاش تكدر نفسك ب حاجات مش صح وتضيع وقتك فى توضيح حاجات مش مهمة .. اتمتع بلحظات حياتك لان اللحظه اللى بتعدي مش هتتكرر ..يلا انجوى وانا هنام ..!
اتحركت "صبا" بكل ثقه ووقف "حمزه" وملامح حزن اترسمت ع وجهه .. دخلت "صبا" غرفتها غيرت هدومها ومسكت الموبيل وفتحت جروب الواتس واتكلمت مع "ماجد" و"ياسر" و"طارق" و"منه" ...!  
 تانى يوم كانوا فى المستشفى كلهم  واطمنوا ع استقرار حاله حماه "جهاد"  وخرجت "منه" "طارق" فى الاستراحه :
_ "منة" مفيش اى اخبار عن "غدير" ؟
_ "طارق" انا فاكره موضوع "غدير" منستش سالت كذا حد كان معانا فى الجامعه وقالولي انها اخر حاجه سمعوها انها اتخطبت او اتجوزت وسافرت لكن انا اكدت عليهم يسالو تاني يتاكدو هى فين  واول مايوصل ليها او لعنوانها حتى هبلغك انا متابعه معاهم ...
_  ياريت يوصلوا ل اى حاجه اطمن انها بخير قبل ما ارجع ..
_ هى اجازتك قربت ؟
_ ايوه شهر وايام بسيطه وتخلص ..
_ الايام مرت بسرعه جداا ..
_ جداا ...
_ طبعا عامل حسابك الاسبوع اللى جى مسافرين شرم الشيخ عند "صبا" حجزت لينا هناك 4 ايام ..
قرب منهم"ماجد": اجيب اتنين لمون بدل النسكافيه ..؟
_ ظريف يا "ماجد"
_ طبعا  لولا ظرافتى كنت هستحمل "حزينه"  ازاى ؟
_ والله هى خساره فيك
_ اعدلى الجمله انا اللى خساره فيها يلا  ..خلينا فى المهم كنتم بتنمو عن مين من غيري ؟
_ كنت بأكد ع "طارق" سفر الاسبوع اللى جي ..
_ ايوه طبعا من غير تأكيد هنسافر كلنا لو حصل عكس كده "صبار" هتشهر عن شوكها و هتنزل تدى كل واحد فينا طلقه وترجع لشغلها عادى ...
ضحكت"منه": فى دى عنده حق .. دى حجزتلنا وسط الزحمه اللى هناك بالعافيه
_ و"جهاد"..؟
_ لا "جهاد" ظروفها علشان حماتها وبناتها فصعب شويا لكن "صبا" لما يبقي قدامها فرصه بتظبطها ع ظروف "جهاد" ..المرادى انت مسافر وهى مش هتنزل اجازه فتتعوض بقى ..
_ تمام ...
 موبيل "طارق" رن وكان دكتور "عثمان" بيطمن ع حاله المريضه وقفل :
_ ايه يا"طارق" مش هتعرفنا ع دكتور عثمان قبل ما تسافر ..؟
_ لو حابين هو موجود ومستنيكم فى اى وقت ..
_  من كلامك عكس وجهه نظرى خالص ,,زوج الام الشرير الوحش
كمل "طارق": اللى بيلسع ولاد مراته بضهر معلقه وبينيمهم تحت الحوض
_ وبعد وفاه مامتك طمع فى الميراث وطردك فى الشارع وكنت ابن شوارع وعيله غنيه اتبنتك وربتك وخلتك حاجه نضيفه كده ..
 دخلت "منه": وننزل بالنهايه بعوده "طارق" لمصر لينتقم ..
ضحكوا كلهم : دماغك يا "ماجد" افلام فعلا ..
دكتور "عثمان" لو قابلتوه واتكلمتو معاه هتحبوه جداااااا هو قبل ما يكون زوج امي كان صديقي المقرب فى اصعب الاوقات احنا مكنش لينا غير بعض قوينا بعض ومرينا من ازمه فراق ماما ..انا مش متخيل حياتي من غير وجوده ودعمه ليا الدايم ..يكفي انه وافق ع الدعوه علشان عارف انا نفسي انزل مصر اد ايه وحققلى امنيتي ...
_ سؤال رخم يا "طارق" هو انت اتقبلت زواج مامتك عادى كده ؟
_ امممم ... طبعا الفكره صعبه ولو فى ظروف تانيه كان ممكن مش هوافق واعترض لكن الظروف اللى عشناها واللى اثبتت جداره واهميه دكتور "عثمان" فى حياتنا اثبتتلى انه يستحق وبجداره اكتر من كده ...
_ ليه حصل ايه ..؟
_احنا لما سافرنا لندن مكنتش اعرف السبب بمعني كنت اعرف ان ماما تعبانه لكن مكنتش اعرف نوع المرض ايه وعلاجه ايه لانها مكنتش مبينه لانها كانت بعداني عنها ب انشغالي معاكم علشان ملاحظش حاجه .. سافرنا لندن ل خالتو وهناك عرفت مرض ماما وانه كانسر فى مرحله متاخره .. واتبعت علاج كيماوى لفتره وصدفه جمعت بينا ودكتور "عثمان" غير مرتبه فى المستشفي وبدون تفكير اول ماعرف اهتم وتابع حالتها من غير ما يسألنا وعرفت انه صديق من زمان من الجامعه  .. ومع الوقت وكلامي معاه وتقويته ليا ول ماما نفسيتها اتحسنت وحالتها اتحسنت ودا شئ فرحني جدا والدكاتره حسوا ان فى معجزة .. استمرت زيارات دكتور "عثمان" لينا ومقابلته ليا ومساعدتي فى لندن بمعارفه حسيت ان ليا ضهر ومش لوحدي .. والاهم ان ماما اتحسنت واطمنت فى وجوده معايا ..رغم تقارير الدكاتره كلها قالت ان ماما مفيش قدامها وقت كتير وفى اى لحظه تتنكس وهتبقي مش معايا  اتكلم معايا  دكتور "عثمان" وطلب مني الزواج من ماما ومكنش طلب عادي دا كان بيترجاني اوافق ,, للحظه اتفاجئت وكنت هرفض لكن تحسن حاله ماما وان الدكاتره قالو تحسنها نتيجه تحسن حالتها النفسيه والسبب وجود دكتور عثمان ,, ومعاملته ليها وافقت  لكن ماما رفضت لكن انا اقنعتها ووافقت بعد فتره وعشنا مع بعض سنتين وبعدها تعبت فجاءه واتوفت واول حاجه عملها  حضني وقالى انا مش هسيبك انت ابني .. وبعدها عشنا مع بعض ساندنا بعض مرينا من ازمتنا مع بعض كصديقين قبل ما يكون بين اب وابنه ..
_ انت نسيت باباك يا "طارق" سورى ع السؤال ؟
_ لا اطلاقا .. الحب الاول عمره ما بيتنسي مش شرط يكون حبيب لان الحبيب مش هو الحب الاول ,, الام والاب هما اول حب فى حياه اى انسان ومنها تبدء سعادته او تعاسته ,, ف بابا  دايما ع بالى وكان دكتور عثمان بيطلب مني اتكلم واحكي عن بابا وذكرياتي معاه وكان اغلب الوقت هو بيفكرني واتكلمت عنكم لانه كان بيحسن انها احسن فتره تحسن من نفسيتي بالحديث عنها ..ذكرياتي معاكم هنا ..
_علشان كده اشتريت الشقه ؟
_ المفاجاءه ان هو اللى اشتراها بعد ما عرف ان مالكه العماره عاوزاها ولانها ايجار قديم قرر دكتور عثمان يشتريها وقالي انها دين عليا وانا هسدده ,,وفعلا سددت المبلغ من مرتبي علشان يحسسني انى اشترتها بمالى وقالى مينفعش ذكرياتك تتباع وغيرك يخفيها ...علشان كده احتفظنا بيها رغم اننا منزلناش مصر ولا كنا نعرف اننا هننزل امتي ,, ...
_لا انت كده حمستني اقابله واتعرف عليه ...
_ شوف الوقت اللى يناسبكم لان هو مرتبط  بمواعيد فى الجامعه وبيساعد دكتور عزت فى المستشفى
_ خلاص هنظبطها ونقولك .. بس اكيد الاسبوع اللى جي اشطه
_ تمام ...

مر كام يوم  وخرجت حماه "جهاد" من المستشفى وبعدها بيومين عملت عزومه وعزمتهم قبل سفرهم شرم الشيخ بليله :
بص "ماجد" ع الاكل :  ايه دا يا "جهاد" انتى صارفه ليه كده انا قولت هتجيبى فرختين وشويا رز وخلاص
_ لو انت اللى جى كنت هبللك عيش فى مايه بس ..
_ ليه عازمه دكر بط
_ طيب كاكى واسكت
_ كاك كاك
_ ضحكوا كلهم واتكلم "ياسر":
_ "ماجد" ع طول هو و"صبا" بيعملوا كابلز ضد "جهاد" فهو انهاردة قايم بالدورين فى غياب "صبا ولو  مناكفش فى "جهاد" والاتنين لسانهم طول ع بعض نحس بحاجه غلط
 كملت "منه":بجد يااااه لو "صبا" هنا كانت هتخرب مبيقدروش يمسكوا لسانهم ابدا .. دى طبيعتهم يا هدير ..متتخضيش
بتضحك "هدير":  لا لا عادى ..
بص "طارق" ع الاطفال : اللى بياكل والل ماسك التاب .. وبعد الاكل لاحظ كلهم ماسكين تابات ومبيتكلموش مع بعض  كل واحد منهم فى اتجاه ..
_ هما دايما كده ..؟
_ ايوه
_ مبيلعبوش ولا بيتكلموا مع بعض ليه ؟
_ ماهما بيلعبوا مع بعض فى التاب
مر 3 ساعات وهما نفس القعده وجنب الفيش ولاحظ بنت "جهاد" قربت منها توريها حاجه فى التاب و"جهاد" تجاهلتها من غير ما تبص واستصغرت السبب ..
_ دول مبيتحركوش من قدام التاب ..؟
_ ما دا الطبيعى الايام دى ..
لاحظ ردودهم التلقائيه :  لا مش طبيعى يا جماعه ... زى ما اتفقنا لما نتجمع نمسك الموبيل فى الضروره بس لاننا جايين نقعد مع بعض,, الاطفال هما كمان لازم يتعودوا ع كده لازم يحصل تواصل بينهم وبين بعض,,هيعيشوا طفولتهم ازاى من التاب ,,لازم يتواصلوا مع بعض  تواصل ملموس لعب وجرى وحركه وكلام .. وقت التاب يكون لوقت معين ..
_ يا "طارق" كده اريح من الصداع والدوشة اهم ملهيين عننا ..
_ لا كده بتكبرو جواهم العزله والانطوائيه مش هيقدرو يتعاملو اجتماعيه لما يكبرو ,,هو انتم مبتقعدوش معاهم ؟
_ ازاى ؟
_ يعني تتكلمو وتسمعوهم وتلعبوا معاهم ...
_ يعنى..!
_ يعنى؟! .. ازاى يا جماعه .. مهم جدا للطفل ان اهله يقعدوا معاه يتكلموا ويلعبوا دا بيولد جواه وبينمى نقطه التواصل مع الاخريين وبيشجعه يتعامل مع الناس صح ,, ازاى متجاهلين نقطه زى دى ؟! تربيه الطفل مش اكل وشرب وتعليم مدارس ..اهم حاجه هما الاهل والل بيتعلموه منهم ,,, وانتم سايبين التكنولوجيا تعلمهم العزله والانطوائيه وبعدين تشتكوا انهم مش اجتماعيين لما يكبروا  ...
_يعنى نعمل ايه هما مبسوطين خلاص
_ ومين قال ان سعادتهم وانبساطهم فى كده .. دا سلوك غلط  ؟
_ يعني نعمل ايه ..؟
_ خصصلهم وقت ليهم .. هاتولهم لعب بتحتاج تفكير وشاركوهم فيها  ... اتكلمو معاهم عودوهم ع التواصل مع الاخر يتكلموا ويحكوا عن يومهم كان ازاى وعملوا ايه فى اليوم حتى لو حكايات طفوليه استمعوا ليها بتركيز واندمجو معاهم  ك اصدقاء  ... التكونولوجيا مينفعش تاخدهم كده الحياه العمليه تفيدهم اكتر ويلجاءو لتكنولوجيا ع فترات مش دايما .. التكنولوجيا والاستسلام ليها مش ذكاء دا غباء بيحصلنا وبيحصل للطفل .. غيرو من طريقه تعاملكم مع اطفالكم لان زى ماقولتلكم الاكل والشرب والهدوم مش كل حاجه الطفل محتاجاها وتنشاءه طفل مش سهله ..وقبل ما تتعاملو ك اهل اتعاملو معاهم ك اصدقاء انتم اول اصدقاء يقابلوهم فى حياتهم انتم الامان والملجاء لمشاكلهم وحياتهم,, بلاش تبنو جدار هتشتكوا منه بعدين ببعدكم عنهم نتيجه استسهالكم واستسلامكم لتكنولوجيا ..التكنولوجيا بتدمر علاقات الكبار تخيلو بقى ااطفال ...
 سكتوا وملامح حزن واحراج ع وجوهم :
_  "جهاد" بنتها لما قربت منها تشوف حاجه ع التاب "جهاد" تجاهلتها وقللت منها انها حاجه تافهه و "يوسف" بيقولك يا "ماجد" العب معايا وانت قولتله روح امسك التاب والعب دلواقتي .. دا غلط مينفعش كده انتم بتبعدوهم عنكم ..المنظر دا (الولاد ماسكين التاب ) مش لطيف وانتم متمسكوش الموبيل كتير قدامهم لانهم بيقلدوكم ,, الوضع صعب والشكل نفسه صعب وفى طرق كتيره نشغل بيها وقت فراغهم وفراغنا معاهم  ..اتكلموا معاهم والعبوا ..النادى وممارسه الرياضة يحبوها ..او هواية تنموها ,, لما يتقابلو مع اطفال من عمرهم يتكلموا ويلعبوا ويركنوا التاب مؤقتا ,,انا بكلمكم علشان  نتجنب حاجه دلواقتي افضل ما تكبر ويبقي صعب تجنبها بعدين ... وفى ناس كتير بتعاني وعانت بسبب الجدار اللى اتبني بينهم وبين اولادهم ..
 اتفقوا مع "طارق" انهم هيهتموا بكلامه وب اطفالهم .... واتكلموا فى موضوع تانى :
اتكلم "ماجد": يخربيت الحلويات ايه ام على دى لا دى ست وعيله على ..!
_ براحه ياابني هتفرقع ..
_ فينك يا "صبا" لكن متزعليش يا "صبار" حياتي ,, انا ب ااكل علشانك وعلشان غربتك
رد "ياسر": غربتها ... هى مهاجره ؟
_ طبعا .. والله مفتقدها فى القاعده دى خصوصا قاعدات الاكل الوحيده اللى لو مش جعان تجوعك بكلامها عن الاكل  لا وتأكلك عافية والغريبة انك مبتندمش بعدها .. الله يمسيكي بالخير يا "صبارتي "
ضحكوا كلهم : بس خف بقى ليحصلك تتضخم وبدل ما تسافر بعد بكره هتتحجز فى المستشفي ..
 ووجهت "منه"  السؤال ل "طارق " :
_ "طارق" .. هو الطخن او الرفع له علاقه بحاله نفسيه ؟
_ اه طبعا ..
_ يعنى الدكتور عنده حق .. بنت خالتى  دكتور الريجيم طلب منها تستشير دكتور نفسى لكن هى رافضه بشده واحنا بصراحه استغربنا من طلبه ..!
_ يبقى اكيد هو لاحظ حاجه بعيد عن تخصصه وعن جسمها حاجه متعلقه بالجانب النفسى يعني ..
_ امممم .. طيب دى نقنعها ازاى تروح دى مجنونه دايت.. 10 سنين بتعمل ريجيم ودايت لكن مبتخسش بترجع تاكل وهكذا ...
_ ايه رايك تجبيها مستشفى دكتور عزت ,,دكتور "عثمان" هيعمل جلسه علاج جماعى عن السمنه والنحافه من الناحيه النفسيه وهيكون فيها مرضى يتكلموا وكده ,,هاتيها تسمع بس وبعدها تقرر ..
_ يعنى مفيهاش ازعاج ..؟
_ لا اطلاقا ..  بكره هستناكى ولا تحبى امر عليكى ونروح سوا
 قاطعهم "ياسر": لا متتعبش نفسك انا همر عليها ونروح سوا انا نفسى اتعرف ع "دكتور عثمان من زمان .. تيجى يا "ماجد" ؟
_ ايوه طبعا فرصه متتعوضش وخصوصا ان الاجازه بتتبخر وقرب ميعاد سفرهم
_ خلاص هستناكم  بكره الساعه 12 الضهر  تمام ...
_
تانى يوم قابلهم "طارق" ودخلوا معاه ,,
_ انتى جيبانى هنا ليه يا "منه" ؟
_ قولتلك عندى استشاره مش هتاخر ¼ بالكتير وهنروح مشوارنا
_ طيب
 دخلوا قاعه فيها كراسى ع شكل دائره وقعدو وكان اغلبهم احجمهم الجسمينه سمنة مفرطة ا ووصل دكتور "عثمان" وقعد :
_ اتاخرت عليكم اصل كان فى سندوتش حلاوه بالقشطه مقدرتش اسيبه لوحده ..
ضحكوا الموجودين  وبصلهم :
_ قبل ما اتكلم انا احب اسمعكم الاول لانى رغاى وهتكلم كتير فخدوا فرصتكم دلواقتى ..
ضحكوا  ورفعت ايديها مريضه :
 مريضه 1 : فى البداية اول ما بدءت الريجيم كنت فرحانه جداا بالنتيجة وزنى نزل بشكل سريع غير متوقع ,, كل اللى حواليا كانوا بيشجعونى اصحابى واهلى والدكتور الريجيم ,, وقتها حسيت لازم اكمل وكنت متحمسه جداا ..لكن فجاءه حسيت بخنقه وحزن طول الوقت  ولا اكن الوزن اللى بنزله بيتجمع كله واكون فوق صدرى ,, مبقتش احس بفرحه لما بطلع ع الميزان واعرف انى نزلت كيلو او اتنين مبفرحش رغم انى حاولت امثل الفرحة واتجاهل الاحساس ده لكن مبقدرش .. مع الوقت فكره نزول كام كيلو منى مبقتش تحمسى حسيت ان واحده تانيه اللى بتعمل ريجيم والحكايه مش مهمه عندى .. ببص فى المرايا مبقتش اشوف ان وشى ابتدا ملامحه تبان بعد ما كان مليان لكن كل ما ابص فى المرايا بشوف وشى ملامحه حزن وغم ,, حسيت انى عاييشه فى فراغ وبعدت عن الناس وبقيت بخاف من اى حاجه ,,حسيت ان الريجيم دا كان غلط .. ومن غير ما بحس ب اندفع لل اكل واكل بشراهه من غير تفكير كل حواسى كانت فى حاله من الفرحه والاستمتاع بالاكل ووقتها ببقى مش عاوزه ابطل اكل لانى بحس بسعاده وهدوء وراحه .. الاكل انقذنى من حاله الضياع والحزن والعزله اللى حستها ..!
مريضه 2 : انا مع كل يوم بخسر فيه كيلو بحس بثقه وطمانينه وبسرعه ببص فى المرايا وبتمنى اغمض عينى وافتحها اشوف نفسى خسيت وبقيت الجسم المثالى وجميله زى الل بشوفهم وفعلا بعد فتره حسيت ان الحلم والامنيه اتحققت لما ابتديت احس ان هدومى اببتدت توسع عليا اتاكدت ان فعلا انا خسيت كام كيلو حلويين ... وةانا مكمله فى خطه الريجيم والتخسيس  فجاءه حسيت بحاله قلق فظيعه والتركيز اختفى وعصبيه بطريقه بشعه والكل لاحظ وبزهق بسرعه وحاله من الارق سيطرت عليا مبقتش عارفه انام .. اللى مضايقنى ان عصبيتى زادت وبقيت عدوانيه مع الناس واقرب ناس ليا بعاملهم بقسوه وجفاء ,, وبقت احس ان معاملتى الوحشه اتجاههم بقت تزيد رغم انهم مبيعملوش حاجه تستدعى عصبيتى .. كنت بنهار والقلق وقله النوم زادو ,,فى يوم اتوجهت للمطبخ وشوفت الاكل ومعرفش ايه اللى حسيته وانا بفتح الحلل وباكل منها واقتحمت الاكل بطريقه بشعه ,,عوضت اللى اتحرمت منه الفتره اللى فاتت اللى استغربتله ان قلقى اختفى وبقيت هاديه حسيت انى اخدت مهدئات من خلال الاكل فكل ما بتكرر الاحساس اتجه للمطبخ علشان أهدي  ...!
مريضه 3: انا باكل كتير لما بحس ب اكتئاب لما بحزن والدنيا تقفل فى وشى افقد الرغبه فى كل حاجه الا رغبه الاكل ,, بتوجهه للاكل بدون توقف  ومبحسش بالشبع وباكل وباكل واوقات بفقد الطعم مبحسش بااكل  ايه لكن باكل ومش عاوزه ابطل اكل ,,
مريضه 4: انا حياتي طبيعية  مش فاضيه وحواليا ناس كتير سواء فى البيت او الشغل لكن بحس بالوحده وسطهم ,, اخرج النادى ومع اصحابى بتخنق من وجودى معاهم لانهم بيأكدولى احساسى بالوحده ,, جربت كل حاجه لكن احساسى بالوحده زاد فقولت اجرب الاكل رغم اتباعى لريجيم لكن كسرته وابتديت اكل اكل حسيت بونس واغلب الوقت اكل لدرجه انى حسيت ان الاكل صديقى الوحيد فى الدنيا بيسعدنى وجودده وبيحززنى غيابه ...!
مريضه 5: انا شخصيه بيقولولى انى اوفر بتاثر بسرعه بكل حاجه ,, لو حد خبطنى بتعصب  ,لو سمعت اخبار حوادث او وفاه او اخبار محزنه احس بصداع وجسمى يوجعنى ولما اكون مستنيه حاجه بتوتر ,, حسيت ب انعدام ثقتى فى نفسى وسط الناس وقتها,, اللى هديت ببسبه كان الاكل هو الوحيد اللى هدى من غضبى وتوترى والارهاق كان بمثابه مخدر ل اعصابى ,, بقى دا حالى كل ما احس بالاعراض دى اتوجه لعلاجى وهو الاكل وبقت معدتى هى المتحكمه الرئاسيه والمسيطره ع جهاز العصبى ..!
 بعد ما انتهوا ابتسم دكتور "عثمان":
_ ماشاء الله عليكم بعد ما سمعتكم جوعت الكلام عن الاكل بيوجع اووى
ضحكوا وكمل دكتور "عثمان كلامه " :
_ زى ما سمعت حكايتكم ممكن اسمعكم قصه
_ سامعين ..
_ فى يوم وانا فى عيادتى فى لندن دخلت ام ومعاه بنوته رفيعه جداا عظامها كانت باينه وعينيها تعبانه ورغم هذل جسمها وتقوس ظهرها الا انها قعدت قدامى بثقه وبكبرياء  وقالتلى من قبل ما ابدء
"فلاش باك للموقف "
_ انا مش هاخد اى علاج هتكتبه لانى مش عيانه ,,انا سليمه عقليا وجسديا
وشاورت ع والدتها : لكن الست دى هى اللى محتاجه لعلاج لعقلها ..
_ ليه ؟
عاوزه تشوه جسمى بالاكل وانا مش هسمح بكده ,,عاوزانى اطخن واكون زيها فى جسمها والناس يتريقوا عليا ويبعدوا عنى من شكلى ,, انا مش هبطل النظام الغذائى اللى متبعاه مهما حصل .. لان بسببه وصلت الى الوزن المثالى ف انا فى حرب اموت ولا ازيد نص كيلو حتى ...
_ عندك حق ..
 بفرحه  : شوفتى .. انا بحس بسعاده كل ما ابص فى المرايا وبقول لنفسى ان انا لازم اكون كده رشيقه جسمى متناسق ,, لكن لو هى او غيرها شايفين غير كده فدا مشكلتهم مش مشكلتى ...
_ لدرجه دى بتحبى بتبصى فى المرايا ؟
_ كل يوم الصبح وقبل ماانام ولما برجع من بره ..  بحس براحه ونفسى بتهدأ لانى قبل كده كنت بكره نفسى واشمئز من جسمى وهو مليان لما ببص فى المرايا  واشوف الكلاكيع ,,كنت بتكسف وبحرج منه ,,مكنتش بخرج ووببعد عن الناس .. حالتى النفسيه كانت سيئه جداا فعلا وقتها كنت محتاجه اروح لدكتور نفسى لان مفيش اسوء من انسان يكره جسمه وتعيش مع جسم مش طايقه ,, وتعيش وسط ناس بنظراتهم ليك وتريقتهم ع جسمك من منطلق الهزار ,, لكن دلواقتى انا مبسوطه وسعيده جداا بنفسى لكن المشكله ماما .. بحاول تهدم كل اللى عملته وتضيع مجهود سنين اللى تعبت فيه ,, عاوزانى اكل من اكلها .. انا بقيت احس انها عدوتى لانها باللى بتعمله دا بتقتلنى بمحاولاتها دى .. انا فعلا مستغربه ازاى هى متقبله جسمها المليان دا .. دكتور انا عاوزه اسالك سؤال ؟
_ اتفضلى ..
_ الانسان علشان يحب الحياه لازم يحب نفسه الاول صح ؟
_ ايوه
_ وعلشان يحب نفسه لازم يكون راضى عن شكله صح ؟
_  ايوه ..
_لان اى انسان لازم يقبل جسمه اللى عايش به عمره كله من وقت ما بيصحى لوقت النوم ..بيشوفه وبيحس به ..ف اما تقبله يااما ترفضه وتكرهه وتتمنى تتخلص منه ... انا يكفينى  اللى باكله  وماما شايفاه غير كافى  وغيرها يشوفوه كميه الاكل ل اكل طفله رضيعه .. شايفينى نحيفه الى الحد اللى بيهددنى بالامراض لكن انا حاسه انى مليانه طاقه وحيويه .. شايفنى معضمه وشكلى مش حلو لكن انا شايفه نفسى جميله ورشيقه ,,, ب اختصار مهم انا شايفه نفسى ازاى لان دا جسمى  ,, والقرار قرارى ,, ومهما ماما حاولت وروحت لدكاتره تانين هرفض ومش هسمح لحد يغير من حياتى والمحاولات هتكون فاشلة لانى لا هزود اكلى ولا هاخد ادويه ,,,

 خلصت كلامها وخرجت بكل ثقه وكبرياء زى دخولها ... البنت فتاه جامعيه عمرها 20 سنه ,,والدتها حاولت معاها كتير واخيرا استجابت وزارتنى فى عيادتى ,, هى تقريبا امتنعت عن الاكل لمده سنه واكثر وزنها انخفض من 77 ل 38 كجم فى خلال سنه ,,اتحولت لمومياء .. هى عملت كده ليه لانها محبتش جسمها ونظرات الناس وتريقتهم عليها رغم انها مكنتش سمينه اوى .. بقت تبص فى المرايا كتير وقطعت كل صورها ومسحتهم ,, فى اللحظه دى قررت تواجه سمنتها وتتغلب عليها ,, ابتدت ترفض اى اكل والدتها تقدمهولها وبقت عنيفه وعصبيه اتجاه والدتها وابتدت تقول كلمات خارجه ل لوادتها وتوجهلها الاتهام انها السبب فى سمنتها لانها كانت بتاكلها,, وابتدت تمتنع عن الاكل بدون استشاره طبيب مبتشربش غير المايه وعصير فواكه معينه هى اللى بتجهزها بنفسها من غير سكر خوف من والدتها تحط سكر  ,, ابتدت ملامحها تجهد وتبان وتضعف رغم اعتراض اهلها كانت مصممه وفعلا انخفض وزنها بسرعه ومع انخفاض وزنها اثر ع دورتها الشهريه وانقطعت لضعف جسمها ومع ذلك كملت .. الغريب انها كانت من وقت للتانى كان بيلاحظوها بتاكل كميات كبيره من الاكل لكن بسرعه بتروح الحمام وبتحط صوباعها فى بوقها و بترجعه تانى تلحقه قبل ما يدخل مرحله الهضم ويتوزع ع جسمها ,, وساءت علاقتها مع والدتها  وبتعمل اى حاجه تنزل وزنها عن طريقه وعصبيتها زادت وطلباتها زادت وبتصمم تاخد اللى عاوزاه حتى لو ع حساب اهلها ... البنت دى تعانى من حاله تسمى فى الطب النفسى ( فقدان الشهية العصبى ) ,, هو مش فقدان للشهيه لكن هو رفض للاكل يعنى بتحس بالجوع والالم الجوع لكن  ب اصرار ترفض تاكل او تقرب ل الاكل مهما كانت معاناتها ,, وبتكتفى بكميات القليله جدااا ,, الكل يشوفها جسمها مناسب ومتناسق لكن هى شايفه العكس انها سمينة ,, ف المشكله هنا فى ادراكها ومفهمومها لصوره جسمها ,, يعنى فى خلل فى صورتها عن نفسها فى عقلها ,, كل انسان بيشوف نفسه من خلال الصوره المحفوره فى عقله ,, فى الحاله دى بنطلب من الشخص انه يرسم نفسه وزى ما هو راسم بتوضح رويته لنفسه ,,, طبعا هتسالونى دا مرض عقلى ولا نفسى ؟ لغايه دلواقتى محددوش البعض بيقول انه اكتئاب وبعض بيقول انه عرض هيستيرى ومجموعه تالته تعتقد ان مرض عقلى بيتعالج زى الفصام ... بعض الابحاث العضوية اكدت وجود خلل فى منطقه معينه فى المخ ب اسم ( الهيبوثلاموس) والبعض وجدوا خلال فى الغدد اللى بتفرز هرمونات لكن اللى بيحصل دا نتيجه امتناع عن الاكل ,, ,, مريض (فقدان الشهيه العصبى) بيكون قرر واخد موقف  لا رجوع فيه قراراته صلبه مبتتغيرش والقوه دى من صوره الجسم المختزنه فى المخ فبيكمل ع اساس الوصول لصوره اللى فى مخه ,,, بيسعى دايما لتحقيق هدفه ممكن يموت من شده الضعف لكن مش هيستسلم  فبنطلق عليها ان المريض بطل لكن بطوله مرضيه ,,,
فحاله من الذهول استكمل دكتور "عثمان" :
_ زى ما بيمتلك مريض ( فقدان الشهية المرضية ) من اراده وقدرة ع الامتناع عن الاكل فان مريض السمنه عكسه تمام يفقد الاراده ,, يعنى الانسان لما يسمع من اللى حواليه ويشوف نفسه ان  وزنه زايد فبيتوجه لطبيب ويعمله نظام  ريجيم غذائى وبيصمم انه يكون قاسى ومع ادويه تساعده ع خفض وزنه وبيحصل  تدريجى لكن فجاءه كل حاجه بتضيع وبترجع تاكل تانى بشهيه اكتر كميات كبيره من الاكل ,, وتركن فتره الريجيم وزنها يرجع اكتر من الاول وثم تقرر ترجع لطبيب متاسفه وبتتعهد الالتزام لريجيم وبتتكرر اللعبه اكتر من مره لغايه ما تيأس مش من الريجيم لكن من نفسها لانها معندهاش اراده مش قادره تقاوم رغبتها فى الاكل وخاصه الانواع اللى بتزيد الوزن وبعد محاولات فاشله  لتدهور حالتها بيحولها الطبيب المختص لطبيب نفسى زى ما حضراتكم هنا لتعزيز ارادتكم  .. الاول كنتم مستغربين صح؟!  ايه علاقه الطب النفسى ب الريجيم ؟ اجابوا جميهعا بنعم  واستكمل دكتور عثمان:
_ اكدت الابحاث ان الانسان البدين يتمتع بسمات نفسيه خاصة وان زياده الوزن بتحصل نتيجه لعوامل عضوية مشكله فى الهرمونات ومشاكل نفسيه ,, رغم ان المريض بيكون مستعد ويتعهد بالالتزام الا فى لحظه كل شئ بينهار فجاة ,,, وحالات بسيطه اوى اللى بتنجح فى خفض وزنها,,, وفى بيوصل  للوزن المعقول وبنتظم بنظام غذائى معين لكن فى لحظات بتضعف وبينهار النظام مقابل الاكل ... ودا لسبب فقدان السيطرة التامه وعدم القدره ع مقاومة الرغبه فى الاكل .. يعنى ضعف اراده كامل امام الطعام ,,,
 (مريض فقدان الشهيه العصبى) يتمتع ب اراده حديديه صعب تهتز امام اشهى الاكلات لكن مريض السمنه بيضعف جدا قدام الاكل ,,!
 نيجى هنا نتكلم عن السمنه من الاتجاه النفسى ,, الوحده والاكتئاب اعراض واسباب للسمنة المفرطه ,,كلنا معرضيين لضغوط وظروف فى حياتنا بتضغط علينا وقتها بنحتاج نهرب منها حاجه  تنقذنا من الانهيار فمريض السمنة السمنه بتحقق توازن نفسى بيحتاج اليه المريض بتحميه من انهياره علشان كده بيتشبت بها رغم ان عقله بيصرخ برفضها ولسانه بيردد وبيتعهد يتخلص منها ,, هو بيكره جسمه السمين وبيسعى لعلاج السمنه ولكنه بيفشل ,, يعنى كده فى قوة تانيه تمنعه من تحقيق اللى عقله رافضه وعاوزه ,,القوه دى موجوده فى العقل الباطن فى الااشعور قوة عاوزاه يحافظ ع السمنه من اجل حمايه والحفاظ ع صاحبها من الانهيار النفسى ..
هتسألونى هو ممكن يحصل اضطراب نفسى لما مريض السمنه يبدء الريجيم ويبتدى يظهر نتايجه ؟ ارد واقولكم ايوه .. اكدت الابحاث دا ,,ان فى فترة الريجيم ومع انخفاض الملموس فى الوزن المريض معرض وبيصيبه الاكتئاب ويشعر بهبوط فى معنوياته وفقدان لرغبه الاستمرار فى الريجيم و فقدان الرغبة وبرود الاهتمامات واوقات بيحس بحزن ملوش سبب زى حاله (اشار للمريضه رقم 1  ) والمريض السمنه وقت خضوعه لريجيم وبينجح فى خفض وزنه بيتعرض ل الاعراض النفسيه وهى الاكتئاب والقلق والعدوانيه والعداء اتجاه الاخريين والمخاوف والاحساس بالوحده والعزله والفراغ واحيانا زياده رغبة جنسية ( اشار للمريضه رقم 2 و 3 و 4 و 5 ) الاكل فى الحالات دى علاج وتهدئه لالام الاكتئاب والوحده والاثارة ,, مكنش فى حاجه قدامهم غير الاكل وقتها ولما استنجدو بالاكل وجدو الراحة والسكينة ,,فكل ما بيحسوا ب اى عرض من اللى بيحصلهم بيتجهوا تلقائي للاكل ,,
طبعا هتسألونى ازاى الاكل رغم ضرره اكتسب الدور العلاجى دا لمريض السمنه ؟
 علاقه الانسان وارتباطة بالاكل  موجوده ع مستوى العقل الباطن ,, بيكون ارتباط من مرحله مبكره جداا من العمر ,,الطفولة ,, واكدته الام بعلاقتها بطفلها اول ما الطفل بيتولد بيتم اطعامه من امه بيحس بوجوده ب عن طريق ارضاعه واطعامه ,, الام من دول طول ماهي قاعده ترضع وتأكل علشان متسمعش كلمه من حماتها (ضحكوا) .. العلاقه دى كانت محكومه بقلق الام المستمر اللى دفعها دائما ل اطعام طفلها اعتقاد منها انه هيكون بصحه كويسه ومش جعان  وهتحس بالفخر والمدح من اللى حواليها ل اهتمامها ل اطعام طفلها ,,,رغم انها بتأذيه بنوعية الاكل المليان زيوت ودهون ومواد حافظه تضره جسديا وهو بيستلذ الاكل دا ولانها عودته عليه من صغره بيستمر ياكله لما يكبر ,, فبيكبر الطفل وبيكون الاكل وزياده الوزن يمثلان دفاعه الحصين ضد مشاعر الاكتئاب والقلق والشعور بالوحده علشان كده كل محاوله لتخفيض الوزن يعتبر تحطيم لدفاعاته ودا بيعرضه ل الاكتئاب والقلق والفراغ اللى بيحسه والعصبيه والنرفزه من غير اسباب واضحه  ,,,
والتحليل النفسى يرجع السمنه والافراط فى الطعام الى صدمة فى مرحله الفميه حيث الطفل كان بيتعامل مع العالم عن طريق فمه ... مبيحسش بالمتعه غير عن طريق فمه.. يعيط  يرضع او ياكل .. يزن او يكون مشاغب الام تاكله علشان يتقل وينام او يسكت وتشتريله الاكل من بره علشان يسكت  ,,فهو فى طفولته فى المرحله دى لو اتعرض ل اهمال او نبذ او حرمان او عدم وعي  بيثبت عند المرحلة دى وبيحل كل مشاكله وبيتعامل مع العالم اللى حواليه عن طريق فمه  ولما بيكبر فى العمر مريض السمنة بيعاني من خوف لا شعورى من اقامة علاقات اجتماعية وبيخاف من الناس وعاوز يبعد عنهم والسمنة بتكون وسيله لبعده عن الناس لانه وجد راحته مع الاكل  ,, مريض السمنه بيعرف وهو بياكل انه بيزيد الامور تعقيد عن الاول وانه بيسبب لنفسه ضرر عضوى زي تصلب الشرايين لمرضى القلب وارتفاع ضغط الدم والكبد وتأكل المفاصل ..وزياده لمعرفتها ان دا بيشوه صورتها وبيعرضها لنقد وللسخرية من الاشخاص المجردين من مشاعر الذوق ,,مريض السمنة مش غبي بالعكس ذكي جداا هو  عارف ان دا بيضايقه وبيقلل من فرصه ارتباطه العاطفى او دا بيضايق شريكه ..وعارف ان دا بيخلق جو من المشاعر السلبيه حواليه وان دا بيضره فى حياته وعمله ورغم كل دا بيستمر فى الاكل وكان احساسه تبلد ليأسه ,,اللى حواليه هيحسو بالشفقه عليه لكن مريض السمنه مبيحسش بكده خالص ولو حس بتعب بيكون سطحى وبيتحامل ع نفسه ,, ببساطه بيكون انتحار لا شعورى.. لانه تلقائي معندوش ملجأ غير الاكل ومحسش بالراحة غير معاه اللى فقده من اقرب الناس ....
فى اشخاص مرضي السمنه وناس وزنهم طبيعي  بياكلوا من غير ما يحسو بمتعه الاكل ودا بيكون نتيجة ضغط نفسي وعرض من اعراض الاكتئاب ودا خطر لانهم معرضيين لنكسات واوقات ل انتحار ...
كل واحد فينا رفيع او مليان يقف قدام مرايا ويسأل نفسه سؤال ؟ ياتري انا سعيد بجسمي ؟ هل جسمي عائق امام حياتي وبيضرني .. لو اجابة المواجه ايوه يبقي نتجهه ل الدكتور ونتابع ونصمم ونكمل للاخر لكن لو فى رضا ومفيش اضرار ولا اذيه يبقى مفيش مشاكل ..المهم انك متأذيش نفسك ولا تضرها ..!
هتسألوني العلاج ايه ونلحقه ازاى مريض السمنه او اللى فاقد القدره وبيضعف او اللى بياكل من غير ما بيحس بالمتعه وبيأذى نفسه جسديا  لانه بيلاحظ المتغيرات وبيتعب نفسيا  ؟
 فى الحاله دى بيكون محتاج الى اللى يحميه من نفسه يحميه من تحطيم ذاته ,, احباط دوافعه اللى بتضره وتعزيز ارادته وتغير الصوره اللى فى عقله الباطن  ان الافضل تصحيح حياته ودا دور اللى حواليه اصدقاء او اهل او احباب اوانسانيا حتى ,, بدون السخرية منه لانه هيعند وهيرفض يسمع وهيستمر  ولتجنب الاعراض النفسيه ندور ع بدائل ليها وهنلاقية وموجوده اكيد غير الاكل,, محتاج نوصله معلومة احنا بناكل علشان نعيش مشس عايشين علشان ناكل ونضر نفسنا  ,,..!
مستغربين ان الطفولة بيحصل فيها اغلب الازمات النفسيه ومنهم السمنة المفرطة ؟
دا لان الطفل تكوين بيكون زى العطينه الطريه بيتشكل ع حسب البيئه اللى عايش فيها واللى بيكتسبه منها ,, فكره ان دا طفل لسه مش واعي غلط .. الوعي النفسي لطفل بيتكون وهو جنين وتاثيره بكل اللى حواليه بيحسوه وبيتراكم معاه فى الكبر وبيظهر امراض عضوية اومتغيرات جسدية ...
ودا مش الكل ,,فى بعض الاشخاص  عايشين بسلام نفسي مع اجسامهم وحابين جسمهم لان مفيش اى اثر جانبي حصل  ومفيش امراض جسدية عندهم لا سكر ولا ضغط ولا القلب ونشطيين فى الحركة ,, دول اختارو كده وعندهم رضا ووعي  وفى نفس الوقت بيراقبو نفسهم وفى اشخاص مهما ياكلو مبيطخنوش ومبسوطين بجسمهم جدااا وعايشين طبيعي وللعلم فى منهم مش عاجبهم اجسادهم وبيلجأؤ لعلاج ... جلسة انهاردة  لكن الكلام كان عن الاشخاص اللى عندهم سمنة مفرطة  وسببت امراض عضوية ومنعتهم السمنة من التمتع بالحياة اللى فيها حاجات كتير غير الاكل .. واللى مهما حاولو اتاثرو بالاعراض اللى مصاحبة للريجيم  وفقدوا رغبتهم ورجعوا ياكلو ...
ف المطلوب حاجتين :
 اولا: لكل ام يكون عندها وعي ل ابنها او بنتها ونوعية الاكل اللى هتعودهم عليه وطبيعيه الحياه اللى هيعيشوها .. تبعد عن الاكل السريع الجاهز وتركز ع الفاكهه والخضروات ومنتجات الالبان والرياضة  اللى هتفيدهم نفسيا وجسديا وعلاقتها مع ابنها مش الاكل بس  ,,هتتجنب مرض السمنة من الصغر ومش معني ابني مقلبظ يبقي كده صحته كويسة انتي كده بتدمرية بالبطيئ ..
ثانيا: المطلوب  من سيادتكم ومن سيادتي ومن كل شخص السمنة مأثره ع حياته او عاوز يعمل ريجيم وبيضعف ومبيكملش  اننا منبقاش زى مريضه فقدان الشهية العصبي لا المطلوب  اننا  نعزز ارادتنا بالتغلب والتصميم وهدف نقرر وصوله ,,نحارب الاعراض الاكتئاب والفراغ والعصبية بطرق غير الاكل  نستمتع بالاكل لكن ميبقاش هو طوق نجاتنا فى الحياة  ,, نغير حياتنا ل الاحسن ,, نرسم صورة ونمشي بالخطوات الصح من غير ضرر جسدي ولا نفسي ونتأكد ان كل الاجسام مختلفة لان كل جسم وهرماناته مختلفه يعني فلانه نزل وزنها بسرعه وانا لا أيأس واقول لا مش هكمل ,, لا غلط  ارجع لدكتور واتكلم معاه ويغيريلى نظامي الغذائي واركز فى نفسي من غير ما اسمع كلام اى حد ,, فشلنا مره واتنين نرجع ونكمل لان كده هتعيش وكده هتعيش فنعيش حياه افضل بقرارات افضل ,,, لما اوصل للوزن المعقول مخليش هاجس الريجيم يسيطر عليا واحرم نفسي من حاجات كتير لا احافظ ع اللى وصلتله واراقب نفسي ,, واكل كل حاجه لكن بنسب معقوله وفى اوقات صح .. نمارس الرياضه دايما ليها مفعول جبار ,,نغير عاداتنا السيئه ل الاحسن ,, هنلاقي صعوبة لكن هنصمم .. والجلسات النفسية علشان نعزز ارادتنا ونقوي نفسنا ع اتخاذ قرار لحياتنا ,, ونطلب من الاشخاص اللى عايشيشن او بيقابلو مريض السمنة انهم يتجنبو التريقه والسخرية منه لان كده مش بيشجعه ع قرار اخفاض الوزن بالعكس بيزود حبه للاكل ويتجنب الناس ,,نشجعه ونسانده ,, انتم مش عايشين حياته ولا عارفين الظروف النفسية اللى مر او بيمر بيها ,,هو محتاج مساعده ومش قادر يطلبها ,, انا وضحتلكم وضع الحاله  مع المتابعة والجلسات اكيد هتكون النتائج مختلفه المهم الاراده ,,,!
فى الختام عاوزه اقولكم حاجه اجسامنا ليها حق علينا نهتم بيها لان اهتمامنا بيها بيرجع اثاره لينا مش لغيرنا انا بخس علشان نفسي مش قادره اتحرك مش قادره امشي مش قادره اتفاعل مع اهلي ولا اصحابي جسمي عائق لحياتي  مش علشان اسمع مدح واعجاب لان السمنة مسببه ضرر ليا وانا بحافظ ع نفسي ,, والحاجه اللى بتزيد عن حدودها بتأذى صاحبها بس ..!


انهى دكتور "عثمان" جلسته واجتمع مع "طارق" واصدقائه ودار حوار بسيط بينهم بعد الترحيب واستاذنوا واتجه "طارق" و"ماجد" و"ياسر "للمطعم  واتجهت "منه"وقريبتها لمشوارهم :
 اتكلم "ياسر" :اول مره اعرف ان الطخن والرفع له علاقه بالنفسيه ..؟
رد "طارق":  ليه مش دايما بتقولو فرحان او حزين فى ناس بتاكل وفى ناس مبتقدرش تاكل وبتتعب  تدخل "ماجد":  الاكل دا طلع صديق وعدو فى نفس الوقت
 رد "ياسر ": ايوه ..
 بنبره ضاحكه اتكلم "ماجد" : طيب هاتلنا سندوتشين عدو كده مع كوبايه شاى علشان جعت بصراحة ..

ضحكوا وبعد 10 دقائق طلباتهم وصلت وابتدوا ياكلو وجلس برفقتهم اخو " ياسر " وهو الاخ الاكبر ل "ياسر" واسمه "أحمد" واتكلموا وهما قاعدين  ودخل المطعم  صديق ل " أحمد " بيدور عليهم ولاحظه "ماجد" وملامح وجهه اتغيرت :
_ يووووه .. كنا قاعدين بنضحك ومبسوطين..!
انتبه "طارق": فى ايه ؟
_ قابل يا عم " احمد " صاحبك "كريم" بيدور عليك قوم شوفوه عاوز ايه بعيد عننا الله يباركلك ..!
 _ ايه رايك اندهله ها ..هندهله ..!
_ هنط من ع الكرسي وهقول انك السبب
ضحكوا  قام "احمد" ونظر "طارق" ل "كريم" وملامح وجهه المتوتره وحاجبيه المعقودين :
_ وجه "طارق" الكلام ل "ماجد": هو ماله "كريم"انت مش حابب يجى يقعد معانا ليه  ؟
 بملامح ضيقه:  ياعم دا  شخصيه غتيته على طول بيقعد يتكلم ويشكى بيقفل الدنيا فى وشنا  ويكرهنا فى عيشتنا  ويقوم يمشى  هى دى وظيفته فى الحياه ... عارف انت الناس بتوع النجتف انيرجي هو بقى المصنع نفسه المولد ذات نفسة  ..
_ ودا من ايه ؟
اتكلم "ياسر": من غير سبب من اول ماعرفناه وهو كده كاره نفسه والحياه ...!
لاحظ "ماجد" "احمد" و"كريم"بيقربوا اتجاههم  : اهو جالك ياعم قابل بقى السواد ..
 _ "كريم" يا شباب حب يسلم عليكم
 ب ابتسامه وجهها "ماجد": هلا كيمو والله لك وحشه كبيره تعالى اقعد يا راجل اقعد داانا كنت هزعل لو كنت مشيت كده من غير ما تسلم
_ ما انا قولت اسلم عليكم وامشى ..
_ لالالا اقعد اشرب معانا حاجه ع حساب صاخب المخل
 كلهم ضحكوا ع كلام "ماجد" الا "كريم"ابتسم ابتسامه صغيره غير معبره لاحظاها "طارق"
وجلس معاهم  وابتدا "احمد" يعرف "طارق" عليه :
_ اعرفك يا "طارق" دا "كريم" صاحبى وجارنا
_ اهلا بك ..
_ ودا "طارق" صديق طفوله "ماجد وياسر" ..
_ اهلا بك ...
 اتكلموا و"ماجد " بيوزع نككت وضحكات هو و"احمد و ياسر " ولاحظ "طارق" عدم انسجام "كريم" معاهم وراقب تصرفاته  :
_ اكيد "ماجد" دمه تقيل علشان كده مبتضحكش ع نكته البايخه ..؟
_ لا ابدا بس انا مليش نفس اضحك ..
 وجههله "ياسر" : يا "كيمو" قولنا كذا مره روق كده وعديها علشان تفك
 رد "ماجد" : لو ملقتش فكه اكتب شيك او وصل امانه
 ضحكو ع قفشه "ماجد":
_ انا بجد بحسدكم ع روقان بالكم دا ..
_ ماهو انت ممكن تكون زينا لكن انت اللى فقر لمؤاخذه ...
_ اها وانتم عندكم ايه تشغلوا بالكم عليه تضحكوا براحتكم
_ انت جي تقر علينا ولا ايه ياعم "كريم" ..؟
_ عاوز اقولكم واحد فى ظروفى ازاى يضحك كده او يجيله نفس يضحك حتى ...؟
 رد "طارق": ظروف ايه ؟
_ انا عمرى 36 سنه  ,, ابويا اتوفى من وعمرى 20 سنه سابلى فى رقبتى امى واختي اصغر منى ,,خلصت كليه تجاره واشتغلت  فى الشهر العقارى وقبل ما تحس بالانبهار اشتغلت فى الارشيف  وطبعا مش هقولك ع مرتبات الحكومه  وبذخ الحكومه  وعلشان المصاريف بشتغل فى مكتبه باقى اليوم علشان اكفى مصاريف امى واختي  فمرتبى يا دوب بيكفينىا علاج امي و تعليم اختي  ,, قدرت اجوز اختى لكن رجعلتلنا البيت ب عيالين بعد طلاقها  وانا زى ماانا الدخل هو هو مبيتغيرش لكن المصاريف زادت ,, الغريب انهم مبسوطين بالحال دا لكن انا لا ,,انا دايما حاسس انى بموت كل يوم ,,بشوف وبتمنى حاجات مش هقدر لا مستحيل اجيبها .. فى الحلم بس بحقق رغباتى وبصحى من نومى ع الواقع المذل اللى انا عايشه ,,فى اوقات بحس ان الحل الوحيد انى اكون قاتل او حرامى او اتاجر فى المخدرات علشان يكون معايا فلوس واشبع بيها احتياجاتى ,, او اموت علشان ارتاح
_ لا مش مستهله انك تقتل علشان فلوس ممكن ..
قاطعه "كريم": هتقولى اشتغل شغل تانى بقولك بنزل من الصبح الساعه 7 برجع الساعه 1 بليل يعنى 6 او 5 ساعات اللى بنامهم ,, اجيب وقت منين وصحه منين ,,, هتقولى فى ملايين غيرك واسوء منك لكن دول مبسوطين بحالهم وعايشين لكن انا مش مبسوط خالص ,,انا فين فى الدنيا دى ..البنت الل حبيتها سبتها علشان مش هقدر اشترى دبلتين وبسرعه اتجوزت وسافرت الخليج ,, ليه انا ميبقاش معايا فلوس كتيره ,, انا عاوز اعيش زى الناس المبسوطه الاغنياء ,,
قاطعه "طارق": لكن ..
قاطعه"كريم": هتقولى مش كل الاغنياء مبسوطين ومرتاحيين هتجملى الفقر وهتشوهلي الغنى ... انا عاوز اكون غنى ومش مبسوط احسن كتير من فقير غير مبسوط كاره حياته ميت بيتمني الموت كل دقيقه تمر عليه ,, انا مش راضى ع حالى دلواقتى ,,عايز فلوس ..عايز يكون عندى عربيه وشقه ورصيد فى البنك ومكتب ملكي  اشتغل فيه يكون مكيف مش مروحه عطلانه يكون عندي بيزنس خاص بيا ,, يكون عندى ع الاقل 6 بدل اغير فيهم ,,, اخرج واسهر واصرف زى اصحابى  والناس اللى بسمع عنهم اكون زيهم .. انا عايش عمرى كله فى حرمان انا عاوز اعيش ,, وبتقولى ليه مضحكش ..؟
اتدخل "ياسر": دا نصيب وارزاق ربنا بيوزعها هنعترض ...
_ عايز تقولى ان ربنا عايز كده .. لا ربنا مش عايز كده.. ربنا عايزنى اعيش وخلقنى علشان اعيش واحس بكل حاجه حواليا .. وانا كده مش عايش انا ميت ,,
_ لكل مجتهد نصيب و ...
قاطعهم "كريم": شكرا شكرا مش عاوز اسمع شعارات انا كرهت المبادئ والاخلاق كلها كلمات ملهاش معنى غير حقيقي ,, الحقيقه الوحيده هى انا فقير ,,,
قام وقف وملامح غضب مسيطره ع ملامحه : انا ماشى عن اذنكم  واسف يا دكتور "طارق" انى ازعجتك وازعجتهم ...
 مشى وبنظرات غل "ماجد" وجههاله: منك لله يا عم جيت رميت علينا سواد ومشيت
لاحظ سكوت "طارق" واتكلم "احمد":معلش يا "طارق "
_ لالا معلش ع ايه ,, بس هو محتاج مساعده ياريت متسبهوش يا "احمد"
_ والله انا اللى بقدر عليه بديهوله ...
_ لالا مقصدش مساعده ماديه .. اقصد مساعده معنوية نفسية  ,, محتاج مسانده معنوية ل تحفيز الرضا عنده يتقبل وضعه ويحاول يحسنه مش يقعد يشتكى ويندب ويلوم ,,,
 تعجب "ياسر": هو كده مريض نفسى..صح  ؟
 ردد "ماجد" بنبره عاليه : انا قلت كأبه امه دى مش طبيعيه دا سايكو كأبه ..
_ يا جماعه  لازم نفرق بين الانسان السليم نفسيا والمريض النفسي ,, الانسان السليم هو اللى بيكون فى توافق وانسجام تفكيره وعواطفه مع نفسه وبقوا حاجه واحده متنفصلش  لكن المريض النفسي هو اللى بيحصل انفصال بينهم  تفكيره بينفصل عن عواطفه عن نفسه .. يعنى روحه بتهجره فبيعيش فى فراغ وصراع ومحاولات بيدور فيها ع نفسه ومش قادر يلاقيها والطب النفسي وظيفته انه يساعده يلاقيها ونعيد الانسجام دا تانى ...
_ بس هو مريض صح ..؟
_ ,, كلنا مرضى نفسيين لكن فى اللى بيقدر يتغلب واللى بيقدر يجارى ويتعود واللى مبيقدرش وبيضعف ودا لان حصل خلل داخلى  فى حاجه غير طبيعتها .. يعنى هو مثلا مش شايف غير نفسه حتى هو مش لقيها هو اعتقاده ان الفلوس هتصالحه ع نفسه ,,و الاشخاص الكتير اللى حواليه بالنسباله اعدائه لمجرد انهم مش عايشين حالته وعايشين احسن منه  ,,هو عايش فى عذاب طول يومه ومش سبب عذابه فقره وظروفه ودخله القليل لكن عذابه هو نفسه .. رغبه قويه مسيطره عليه  بدون عقل وعمال يحلم ويتمني من غير ما يفكر يحققها ازاى,, بتمتلكه حاله لهفه مشوشه وصبر غير موجود  ,,كل دا جواه  بيتصدم مع بعضه وبيتحول مشاعره للحقد  والغل والتعب والكره لكل حاجه حواليه مش عارف يحصل عليها ,, هو كده ببساطة "مشروع جريمة" ..!
_ جريمه ..انت قصدك جريمه القتل والسرقه وكده؟
_ ايوه ..
_بس هو مش مجرم علشان يعمل جريمه ؟
_ الجريمه مش شرط حدوثها بيئه اجرامية  مليانه مجرمين واسلحه ,, ولا مرض نفسى نتيجه ظروف عاشها ...
_ اومال ايه ؟
_ الجريمة بتحصل نتيجه تمرد واعتراض وعدم رضا  لكن بطريقة عنيفه ل ارضاء النفس او للوصول لمبتغي ,, يعني ممكن  الجريمه بتحصل من اشخاص غير متوقعيين .. ممكن جارك انت شايفه عادي جدا طبيعي وفجاءه تسمع خبر انه اتخانق مع البواب وهو نازل وخبطة بحاجه ومات ... انت تعرف جارك دا ايه نوعية الضغوط النفسيه اللى عايش فيها  لا لانه ظاهر انه طبيعي ,,,وبقي مجرم نتيجه ضعفه واستسلامه لضلمه ,,وفى  اشخاص سهل الاستغلال هما نفسيا جاهزين ل اى حد يحركهم مقابل ارضاء رغبتهم  والاغلب بيكون بسبب الفلوس .. طمع عاوز اكتر فبينفذ اى حاجه تتطلب منه  مقابل الفلوس وهو شايف ومصدق ان تصرفه دا صح لان فلان يستحق الموت ... الارهاب  الفكره قايمه ع غسيل الافكار واستبدالها ب افكار مؤذية وعدوانية والسبب ان الاشخاص دول وصلو لمرحلة من اليأس والاكتئأب وان مفيش حد حاسس بيهم ولا حاسين برضا وقناعه بحالهم  دخلو عتمه وقابلهم حد اقنعهم انهم صح وعلشان يوصل لمبتغاه يقتل ويخطف ويعتدي ع غيره وهكذ وهكذا من حوادث مشابه من ناس حوالينا شايفينهم طبيعيين  وفجاءه بنتفاجئ بانهم مجرمين .. لانه سهل انهم يتحول لمجرمين...
_ ايوه صح الاخبار مليانه وبستغرب ..!
_ هما بيكونوا زى "كريم" علشان كده بنقول عليه مشروع جريمه ...
_ طيب نساعد اللى زى "كريم ازاى ؟
_ اولا تسمعوهم كويس وتقبلوا اعتراضاتهم كلها بدون مقاطعتهم ومتحسسهمش انهم غلط .. وبعدين تبدا تأكد ليهم ان الانسان مش عبد لظروفه ,, الفقر والجهل والمرض والتربيه الغلط مش معناها يكون الانسان فاشل لكن دى اسباب  بتكون حافز للنجاح والخير  وان اللى بيحصل حواليه مهما كانت بيكون دافع مش سبب ,, العامل الحاسم فى حياته بين انه يكون انسان كويس وناجح عن انه يكون مشروع جريمه هو الظرف الداخلى النفسى بمعنى لما يحس بسلام ورضا نفسى داخلى هيتغلب ع كل حاجه حتى لو وقع وفشل هيحاول تانى وتالت وهيكمل وهيوصل لان عنده رضا وسلام داخلي ... ودا بيكون بظبط العملية الداخليه عنده ..!
_ هى ايه ؟
_ النيه .. والاحساس .. والانفعال.. والتصور .. والتردد.. والعزم.. والاندفاع ..هما دول مفتاح مصيره والانسان يقدر يسيطر ع العمليه دى وتنجح اكيد  وقتها هيقدر يتحكم فى غضبه والوسوسه اللى عايش فيها وهيهدى من نفسه وهيتحكم فى انفعالاته ورغبات الحقد والحسد هتختفي  ... بطريقه واحده انه يدور ع الضوء اللى جواه من وسط العتم اللى عيش نفسه فيه .. شايفين الشجره الكبيره اللى هناك دى ؟
_ ايوه ..
_ دى اكبر دليل ان الانسان يقدر يتغلب ع ظروفه مهما كانت ,, الشجره كبرت وفروعها كبرت ونموها اتجاه عكس جاذبيه الارض مهما كانت الرياح قويه هى ثابته فى مكانها منحنتش رغم انها مجبره ع وجودها فى المكان دا وجذورها رابطها بالارض هى م اخترتش مكانها هى لقت نفسها هنا  .. فما بالكم بقى بالانسان حر الاراده والتفكير يقدر يتحرك ويغير من نفسه فى اى وقت لانه يملك عقل بيفكر وقلب بيحس وروح راضيه .. ,,علشان كده لما حد بيقولى فلان عمل كده علشان ظروفه وحشه دا مش سبب دا شماعه بيعلق عليها فشله .. ودا نتيجة عجزه مع نفسه مش ضد ظروفه,,هو مش مستوعب ولا واعي ان لكل انسان هو اللى بيحدد مصيره ودى رسالته فى الحياه هو ممكن يكون عايش وسط عيلته وفيها اشخاص كتير لكن لكل واحد مصير مختلف واحد ممكن يكون دكتور والتانى قاتل والتالت مدمن مخدرات ,, الانسان هو اللى بيقرر يكون ايه لما يكون فى سلام داخلى مع نفسه ورضا ,, لما بتحصل  الفوضى الداخليه وبيفقد طريقه والضلمه بتكون مكان النور وقتها بتحصل  الجريمه ,,,
سكتوا كلهم واستكمل "طارق" كلامه :
_عارفين ايه اكبر صراع بيعيشه الانسان من وقت ولادته لغايه لحظه موته ؟
_ امممم .. صراعه مع الدنيا اكيد ومحاولته للنجاه فيها وميخسرش ..
_ لا خالص ..
_ اومال ايه ؟
_ اصعب صراع الانسان بيخوصه هو صراعه مع نفسه..؟
_ مع نفسة ؟
_ المشاكل والازمات بتتوجد من وقت ولادة الانسان من وهو طفل من اول صعوبة فى المشي وبيقع وبيتخبط وبيتجرح وبيتوجع وبيرجع تاني يجرب يمشي لغاية ما يقف ع رجله ويتكعبل ويقع ويرجع يقف وهكذا ,, كل ما الانسان بيكبر بيتعرض لمشاكل ع حسب الظروف اللى عايشها ,,فلما بيتعرض لمشكلة او أزمة بيعيشها لوحده تايه والمشكلة او الازمة بتزق فيه وتضغط عليه مع الوقت لغايه ما يوصل لحافه الهاوية ,, فى اللحظة دى روحه بتكون بتنهار وبتنفصل عنه فى العتمه وبتقع فى قاع العتمة وبتشده معاها للقاع وبيكون هنا لحظة الصراع ,, الصراع فى انه يحاول بكل قوته يشدها تقف جنبه تاني وهى بتشدة بكل استسلامها علشان يقع معاها ..
_ ياااااه ..
_ محاربه والجهاد مع النفغس وقت الازمات أصعب معركة الانسان بيخوضها فى حياته من وقت ما بيتولد لغايه اخر لحظه فى عمره فى الدنيا ,, ونتيجه المعركة والصراع  هتكون حياته شكلها ايه وعايش  ازاى   وقت ما تتخلي عنه نفسه وتكون فى انهيار وهتسقط فى القاع وهو ةاقف مكانه وهى بتشد فيه تاخد معاها ,,الانسان فى لحظات يأسه وحزنه واكتئابه وانهياره لما بيتعرض لصدمات  روحه مبتحاربش بتضعف وبتستسلم وبتنهار وبتشده معاها وقتها بيكون قدامه اختيار من الثلاثه ,, الاول يستسلم لنفسه ولضعفها ويقع معاها فى قاع العتمه  وقتها مفيش رجوعوحكم ع نفسه بالضياع وحياه مليانة كره وحقد وغم وكده جاهز ل اى جريمة لانه اجرم فى نفسه فسهل عليه يأذى غيره  ,,الاختيار الثاني انه يثيت مكانه ويفضل عايش فى صراع طول حياته ويعيش فى عذاب والالم ملوش اخر لانه مااخدش القرار او معني اصح مش قادر ياخد القرار ,, والاختيار الثالث الاصعب لانه الصح ومحتاج قرار قوى وهو انه ميستسلمش ويحاول مره واتنين وتلاته وينقذ نفسه من السقوط ومن العتمه ويعالجها ويداويها وترجع تاني تلتحم معاه ويكونوا حاجه واحده مش اتنين منفصليين وقتها هيكون قوى ومعاه قوه هيقدر يتغلب ع الدنيا وظروفها مهما كانت هيخرج من العتمه للنور ,, صراع النفس يا ينقذك فى حياتك ياتموت وانت عايش هتكون جسد بلا روح بلا رغبه بلا اراده بلا وجود ,,كده كده احنا فانينين هنموت ف اختيارنا هنموت ب ايدينا ولا هنموت فى الوقت المكتوب لينا ,, من الاخر صراعنا ونتيجه معركتنا مع نفسنا هى اللى هتحدد وقتها حياتنا هنعيشها ازاى وهنواجهه معركتنا مع الدنيا و ازماتها ازاى ومكانتنا هتكون فين  ..هنعيش ولانستسلم لضلمه ونموت ...!
انت بقى يا "احمد " واصحابه كونو معاه ودايما حواليه ... وصله لمرحله السلام والتصالح مع النفس وان فى كل عتمه بيكون فى شعاع نور دا لو تعبت ودورت عليه لان زى مافي ليل بيجى نهار هى دى حياتنا وهنقبلها بكل احوالها ولازم نكون اقوياء بنفسنا علشان نقدر ع مواجهتها,,  المحيطين بالانسان اللى زى "كريم"  بيكونو ليهم اثر نفسى عليه قوي بيساعد يا ينقذه يا يدمره ..!
 ب انبهار بنبره عاليه اتكلم "ماجد": يااااه يا دكتره تسلم كلامك ...
_ احنا كنا فاكرينه مش عاوز حد معاه
_ مفيش انسان مش محتاج حد يكون معاه حتى لو مش باين احتياجه كلنا محتاجين لبعض .. احنا البشر موجودين علشان نملي فراغات بعض اى كان المسمي صديق او قريب او حبيب او انسان ...
_ بمناسبه مشروع جريمه دا يا "طارق" انا دايما ببقى حاسس انى عاوز اخنق "اميره" هو انا كده اكون مشروع جريمه ...
_ضحكك "طارق" واتكلم "ياسر ": لا انت مشروع اهبل ,, "اميره" مين اللى عاوز تخنقها دا انت بتدخل الشقه وهى نايمه ع طراطيف صوابعك
_ علشان العيال متصحاش مش خوف منها ...
_ العيال برضه
_ وانت ايش عرفك يا مطلق يا ولهان بعد مافات الاوان  ..
_ بس يا متجوز يا متعذب يابتاع الحالات الانسانية  ...
 ضحك "طارق": انتو بتردحوا لبعض ولا انا متهيالي ؟
ضحكك"احمد": لا هما كده دايما بيحبوا ينشروا غسيلهم لبعض صداقه رائعه مفيش كلام .. انا هستأذن انا
 غمزله "ماجد": ع فين ياابو حميد ..
 ردله الغمزه "احمد" : حاله انسانيه مستعجله
 غمزله "ماجد": الله يسهله ياعم ..
 ردله "احمد" الغمزه: ويسهلك ياعم ..
 متعجب "طارق" من الطريقه كلمه "ياسر":
_ متركزش معاهم لان الاتنين دول مسؤليين عن الحالات الانسانيه فى الشرق الاوسط
_ حتى "احمد" ؟
_ حتى "احمد" .. المهم هنتحرك بكره الفجر .. "ماجد" بعربيته هيعدى عليك وانا هجى مع "منه" ونمشي مع بعض ع الطريق ..
_ طيب ليه عربيتين ما كلنا فى عربيه واحده ..
 غمزله "ماجد": خليك مفتح يا طروق كده .. بيقولك "انت و"ماجد" عربيه وهو و"منه" عربيه .. افهم بقي دا حتى بيتكلم بالعربيه ..
_ تقصد ..
 غمزله"ماجد": ايوووون هو والحبوبه وطريق طويل يعنى كلام فهيام ف انتقام هتغزه هو يموت وهى تتسجن  ونخلص من بؤسهم هما الاتنين والسلام ..
ضحكك "طارق" وغمز ل "ماجد": ايوه فهمت يستفرد بيها ..
 غمزله"ماجد": ايووون يا دكتره ..
غمزله "طارق": لقطتها اهو ..
 غمزله"ماجد": شاطررر ..
ضحكك "ياسر" عليهم ..:
_ انتم علقتوا ولا ايه بطلوا غمز لبعض ..
بصله "طارق" وغمز: باين اتعديت منه الحقوووني ..
 ضحكوا كلهم واتفقوا ع الموعد اللى يتقابلو فيه ...!

يتبع ,,

زهرة التوليب (7)

(7)

دخل "ياسر" الشقه وقعد ع اول كرسي يقابله وسند راسه لورا واتنهد وبعد لحظات نظر في انحاء الشقه وتذكر اول لحظات لتوضيب الشقه مع "منة" وهى فى منتهي السعادة واول زواجهم وعاودته ذكرياته مع "منة" فى اول زواجهم ولحظات الرومانسيه التى جمعتهم سويا وابتسم ثم تذكر لحظات انتظارها له ساعات ومكوثتها بمفردها فى المنزل بين الجدران البارده ومقابلته البارده له فى عودته وتجهيزاتها للقائهم ومخالفه لوعوده وكم الفرص اللى ضيعيها  ,, احساس الالم التى عاشت به "منة"  امسك هاتفه واتصل ب  " منة " :
_ الو ..
اتوتر لحظه : ايوه يا "منه" انا "ياسر" ..
_ ايوه يا "ياسر " فى حاجه ولا ايه  ؟
_ انا صحيتك ولا معطلك ..؟
_ لا ابدا .. بس الساعه 3 بليل فى حاجه ؟
_ انتى عامله ايه ؟
_ الحمد الله وانت ؟
_الحمد الله ..
 لحظات صمت :
_ ياسر  ...
_ ايوه ..
_ انت متصل فى حاجه ؟
_ لا كنت حابب اطمن عليكى بس
_ انا الحمد الله  كنا مع بعض انهاردة .. انت كويس ..؟
_ ايوه الحمد الله
لحظات صمت :
_ طيب يا"ياسر"  انا هقفل علشان هنام و..
_ وحشتينى يا "منة"
_ ياسر ..
_ معقوله اكون موحشتكيش ..؟!
سكتت "منة"واستكمل "ياسر" كلامه :
_ انا مش عاوز اسمع حاجه انا بس اتصلت علشان وحشتيني و اسمع صوتك تصبحى ع خير
 قفل "ياسر " الموبيل و "منة" متفاجئه من اتصال "ياسر" ونبره صوته المقلقه ,,كانت "صبا" موجوده لاحظت ملامح "منة" المتغيرة محبتش تتدخل وعملت نفسها مش شايفه ..!

مر يومين و"ماجد" حب يتصالح مع "اميره" ع اساس انه حاول .,, بص ع الساعه وكانت 10:30 ,, دخل ع غرفه ولاده طمن عليهم  ووضع قبله ع جبينهم وكانت "اميره" نايمه...نظر اليها للحظات وقرر انه يبدء من جديد واول خطوة تكون منه وانه يحاول يصلح علاقتهم بدل الحرب يعيشو بالحب اللى ربطهم ... قرب من السرير :
_ اميره ..اميره
_ ايه يا ماجد فى ايه ..؟
_ قومى عاوزك ..
_ ايه متعشتش بره عندك الاكل فى التلاجه سخن لنفسك وكل
_ بقولك قومى عاوزك مش عاوز اكل ..فرصه والعيال نايمين و..
_ يوووه يا "ماجد" مش قادره انا ل قله الادب ..
 تعجب "ماجد": قله ادب انتى فهمتى ايه ؟!.. بقولك قومى عاوز اقولك حاجه نتكلم ..نتكلم لوحدنا
بصوت عالى : بقولك مش قادره تقولى نتكلم .. الصباح رباح
 نظر اليها "ماجد" بعصبيه : نامى ..نامت عليكى حيطه قال اتكلم معاها بهدوء قال ... انا متخلف علشان فكرت فى كده ...نامى ..نامي ...!

مر يومين وكان "ماجد" كان "ماجد " عند والدته "ايفون" :
_ حلوه البامية ؟
_ احسن بكتير عن السبانخ .. والكوسة اللى مفيش غيرهم فى البيت ..
_ انت مروحتيش ليه عند "ماري" ؟
_ اروح ليه ..انا قولت مش رايح وهى عارفة كده مبحبش القعدة هناك عالم قفيلة ..
_ كنت تروح علشان مراتك اقعد شويا وامشي زى ما بتعمل هنا ..
_ تقارني نفسك بيهم يا "فونا" والله عيب ..
_ اهو انت اللى بتجيب النكد لنفسك
_ "فونا" هى السبانخ دى مش المفروض انها مواسم ؟
_ ايوه فى الشتا ليه ؟
_ طيب ازاى موجوده طول السنه انا مش فاهم ..!
_ علشان بقى فى منها مجمده يا حمار ..!
_ انا فعلا حمار علشان اتجوزت .. ياريتني كنت سمعت كلام "وليم" وصيعت وقضيتها و ..
_ وتاخد ع دماغك .. وهو انت فاكر ابوك عدل اوى انا اتجوزته عقاب ..
بيغمزلها : عقاب برده مش حب يا "فونا" دا انتي اللى كعبلتيه ..
_ صدقني عقاب .. ستك ام ابوك كانت عاوزه تلم أبوك ف اختارتني المهولها ..
_ هو غسيل ع الحبل هتلميه ... وياتري لمتيه بقى ..؟
_ وهو يقدر يعمل حاجة وانا موجوده
_ ماهو اكيد مش هيعمل وانتي موجوده هيعمل من وراكي وانتي مش عارفه ولا هتعرفي اسمعي مني
_ انا سيباه لربنا بقى يجبلي حقي وقتها  ..
كان بياكل وحط المعلقه فى الطبق :  باااااااااس كده انا فهمت..
_ فهمت ايه ؟
_  انتي اول ما قولتلك ع "اميره" هوب مكدبتيش خبر وروحتي واتكلمتي واتفقتي اتاريكي انتي بقى اتبعتي طريقة اجدادك وقولتي تلميني صح ..؟
_ وياريت نفع طلعت انيل من ابوك و"اميره" غلبانه متقدرش عليك ..
_ غلبانه .. داانتي اللى غلبانه ..مشوفتيش وهى بتنكد عليا من يومين  تحسي هالك واقف قدامي ..
_ انت نمرود ومش حاسس بالنعمة ..
_  مفيش نعمة فى الجوازة دى غير جاسمين ويوسف بس ..
_حتى دول خساره فيك ..كمل لغ لوغ ..
_  فينك يا "صبار " بتحب البامية باللحمة ..
_ فكرتني انا كنت عاوزاك ليه ..
_ مش علشان البامية وصعبت عليكي من "حزينه"  ؟
_ اسمع وانت ساكت ...

مر اسبوع و"صبا" فى شرم الشيخ فى شغلها موابيلها رن وكان "ماجد" :
_ ميجووو ..
_ صبا  ..
 نبره صوته كانت مقلقه : فى ايه ؟
_ تعالى القاهره بكره يا "صبا" ضرورى "ايفون" جتلها الازمة واللى عليها عاوزه تشوفك
قلقت "صبا" : ايه ... ..؟
 قفلت "صبا"  واول ما الشمس ظهرت كانت "صبا"  للقاهره واتجهت ع بيت "ايفون" وخبطت ع الباب وفتح "ماجد" وملامح حزينه:
_ فى ايه يا "ماجد" .. "فونا" فين ؟
شاور ع الغرفه واتجهت بخطوات سريعه للغرفه وكانت "ايفون" نايمه ع السرير ..:
_ "فونا" مالك فى ايه ؟
بصوت مريض : صبا ..انتي جيتي كنت عاوزة اشوفك قبل ..!
_ متقوليش كده يا "فونا" فى ايه ايه تعبك ..
_ صبا ..اسمعيني للاخر انا ..
_ متقوليش حاجه .. فين الدكتور,,فين يا "ماجد" الدكتور  ..؟
_ اسمعيني الاول  انا طلبت منك اشوفك ليه ؟
_ ليه ..؟
 دخل "ماجد" وفى ايده تورته ومعاه "ياسر" و"طارق" و"منة" و"جهاد" و"اميره" :
قامت ايفون من ع السرير وحضنت "صبا" :
_ علشان اقولك كل سنه وانتي طيبه ياقلب "فونا"
من المفاجاءه "صبا" مقدرتش تتكلم وبصت ل اصحابها ول "ايفون" ودموعها نازله :
_ ايه دا .. ايه اللى عملتوه دا ؟
 حضنتها "ايفون" وباستها :
_ احنا عارفين انك مبتحتفليش بعيد ميلادك زى كل مره بتسافري وتختفي علشان متتديناش فرصة ...واحنا لو قولنالك تعالى مكنتيش هتيجي بالسرعه دى وانتي مكنتيش هتنزلي اجازة الشهر دا اخر مره كنتي هنا قولتي انك مسافرة ف ع الاقل انا هحتفل به (بتمسح دموع "صبا")  انتي عنهم كلهم اتولدتي ع ايدى هنا فى الاوضه دى ع السرير دا .. واهتميت بيكي لمده شهر ونص وليا حق زى ما بحتفل بعيد ميلاد الموكوس "ماجد" انتي كمان ليكي حق عليا ... انتي بنتي يا "صبا" ..
_ "فونا"...
_ ولا "فونا" ولا بتاع .. يلا قولي هوف ,, والمرادى كل اصحابك موجودين معاكي ..
دموع "صبا" نزلت وحضنتها "ايفون" وتدخل "ماجد":
_ انتي متاكدة ان انا ابنك مش هي ومتلغبطناش ..
_ ازاى يا موكوس وانت جيت قبلها ب 4 شهور ..
_ ليه يارب كده ..
ضحكوا كلهم:  انتم جايبني اشيل التورته بس .. يلا ياعم "ياسر" ولع الشمعه خليها تقول هوف علشان الحق اخطف الكريز قبلها ..
وقفت "صبا" بعينك ...
_ تيجي نعمل سباق ونشوف ..
_ يلا .. بس اقول هوف الاول ..
_ يلا بينا ع ارض المعركة ...
_ يلا بينا ...
خرجوا بره ع السفره ووقفت "صبا" امام "ماجد" والباقي حواليهم واشعل "ياسر" الشمع وسط ترقب من "ماجد" و"صبا" وبسرعه طفت الشمع  "صبا" وبسرعه مدت ايديها تخطف الكريز و"ماجد" وابتدوا يبهدلوا وشوش بعض و"منة" و"ياسر" و"طارق" و"جهاد" و"فونا" و"اميره" وكانوا فى منتهى السعاده وكانت "ايفون" فى منتهي السعادة وهى شايفاهم كلهم متجمعين ومبسوطين مع بعض  ... انهو اليوم ونزل "ياسر " و"طارق" ع المطعم و "ماجد" يوصل "جهاد" لبيتها و"منة"  و"صبا" قعدوا مع "ايفون" و"اميره"...دخلت "صبا" البلكونه ترد ع موابيلها وقعدت "اميره" مع "ايفون":
_ ولاد اللذينه بهدلو الشقه تعبتك يا "مرمر "
_ لا يا ماما مفيش تعب ..
_ ماهو احنا لو معملناش كده مكنتش المقلوبه "صبا" جت .. بس يوم لذيذ صح
_ اها جداا .. انا مبشفش "ماجد" مبسوط كده ولا ضحكته غير معاهم
_ هو مزعلك من حاجه ولا ايه ؟
_ وهو اصلا بيعمل حاجه غير انه يزعلني .. انا بجد مش عارفه هو اتجوزني ليه ..؟
 دخلت "صبا": اتجوزك علشان بيحبك يا "اميره"
_ حب .. فين دا ..؟
_ بصي وراكي كده يا "فونا" يكون وقع من جيبهم وهما بيجرو..
 ضحكت "ايفون": يخرب عقلك يا "صبا "
_ "اميره" قبل ما تسألي "ماجد" راح فين الحب اللى ربطكم مع بعض .. اسألى نفسك الاول هو راح فين .. لانه تاه منكم انتم الاتنين .. زهقتوا الراجل منكم وطفش وعيشكم فى توهان عقاب  بتدورو عليه مش لقينه وانتم سبب طفشانه ..
_ وهو انا عملتله ايه علشان يطفش يعنى .."ماجد" السبب ..!
_ وانتى كمان السبب ..
_ انتى بتدفعي عنه علشان صاحبك انا عارفه ..!
_ انتى هبله .. صاحبي لو بيعمل حاجه غلط  بقوله فى وشه انت غلطان ..ولانك تهمي صاحبي وبعتبرك اختي وواحده من المجموعه بقولك انتي السبب وانتي مش عاوزه تصدقي ..انتي عاوزه شماعه تعلقي عليها الفشل ومفيش  حد قدامك غير "ماجد" ..
_ انتي مش عارفه حاجه ..!
_ اعرف اللى شايفاه اكيد .. شوفت من اول ما اتجوزتي وخلفتي بقى "ماجد" رقم 2 فى حياتك ,,وصلتيه لمرحله ان يفكر انك اتجوزتيه علشان تستغليه بس وتخلفي ..واهتمامك ب "جاسمين" كان اوفر اوى بصراحه وبعدها "يوسف" نسيتي ان فى راجل فى حياتك ومش عاوز اكل وشرب وهدوم مغسوله ماكل دا "فونا" بتعمله ..انتي اتغيرتي مش عاوزاه يتغير هو كمان .. الست العاقلة تكسب جوزها بالمعاملة الحلوة ..الكلمه الحلوة .. الاكلة الحلوه مش السبانخ والكوسة اللى جوزك مبيحبهمش ..لما الراجل يلاقي كده ومعوج هيتعدل غصب عنه لان الراجل بيحب اللى يدلعه ويحسسه انه رئيس وزراه الكون والوحيده اللى تحسسه كده مراته اللى بتحبه ويحبها ... ولا ايه يا فونا ..
_ ياخواتي ع العقل ..
_ لا داعي لتصفيق يا فونا دا ااقل حاجه عندي ...
 كلام "صبا" عصب "اميره": ماهو انتي لا جربتي جواز ولا خلفه علشان تعرفي قد ايه المسؤليه بتكون كبيره والراجل المفروض يراعي كده ...
تدخلت "ايفون": "صبا" لو عاوزه تتجوز هتتجوز يا "اميره" هى اللى مش عاوزة ..
_ مش قصدى يا ماما ..
 تدخلت "صبا":  انا عارفه هى تقصد ايه ..
وانا لا اتجوزت ولا خلفت علشان اعرف المسؤؤليه اللى هى اكبر من اى كلام .. لكن المسؤؤليه مشتركة زوج وزوجة زى ما الجواز والخلفه مينفعش يحصل من واحد فيهم لوحده ومحتاجاهم الاتنين ف المسؤؤليه محتاجهم هما الاتنين مفيش حد اعلى من حد .. الاتنين متساويين ,, اللى يغلط يعترف ويتأسف ميقاوحش ويتلكك بغلط التاني .. انا عارفه "ماجد" غلطان لكن انتي بطريقتك سمحتيله يتمادي فى الغلط .. وسابك تتمادي فى غلطك لدرجة كل واحد شايف نفسه صح .. بالعقل يقولك اهتمامك ب جوزك بيقربه منك وهو انسان ..
_ وانا انسان الى صح ؟
_  يا بنتي افهميني .. مبتسمعيش انتي عن الستات اللى بتخلى اجوازهم يجرو ع البيت من العشا ..
_ نعم ..
ضحكت "ايفون": عاوزه تقولك اهتمامك بنفسك وبجوزك هتخليه يتلهف يرجع البيت ليكي يعني ..
_ وانا هجيب وقت وصحه ل البيت ولا الاولاد ولا ادلعله لما يرجع ..
_ هو انتى متعلمتيش فى الكلاس ان الجواز بيبقي باكدج واحد مسؤؤلية بيت وعيال وزوج ..
_ نعم ..
_ ايوه يعني زى ما بتهتمي ب البيت والاولاد.. الزوج كمان له جزء من الاهتمام .. والواضح انك اكتفيتي ب ليفل البيت والاولاد ونسيتي ان فى ليفل الزوج ...
_ طيب ليه مبتقوليش الكلام دا ل "ماجد " ؟
_ بقوله بس بيلاقي صد منك بيقفله... فكي كده وابدأي انتي الاول صلحي من عندك علشان لو هو مشفش وقصر يبقى واضح مين المسؤؤل انما كده انتم الاتنين متعادليين فى تحمل المسؤؤليه وللاسف للاسف يعنى عيالكم هما اللى بيدفعوا التمن .. ذنبهم ايه يخليهم يجو لدنيا شايفين اب وام كل ما بيتقابلو بيتخانقوا ولما بيبصوا فى وشوش بعض ابا الغضب مرسوم ع وشهم مفيش ابتسامه..انتم واللى زيكم بيوصلوا لعيالكم معني غلط عن الجواز والحياة عموما ... اسمعي مني بس وجربي ..جربي كده مش هتخسري  ...
 موابيلها رن وقامت :
_ اسمعي كلامها يا "اميره" وجربي واهي محاوله منك لتصليح ما افسده ابني ؟؟
_ انتي عارفه اللى بتكلمني وبتنصحني دى ..هى اكبر سبب للى بيعمله "ماجد" .. عارفه وشايفه انه بيكلم بنات وبيسهر معاهم وبيقابلهم قدام عينيها .. وعامله صاحبتي قال ..هى مبتحبش غير صاحبها غير كده لا ..
_ انتي هتدخلي فى قلوب البشر يا "اميره" ..وبعدين "صبا" انا اللى مربياها وعارفه هى ايه ؟
_ مش قصدى يا ماما ..بس فعلا مفيش حد حاسس بيا خالص
_ انتي محتاجة تحسي باللى حواليكي علشان وقتها هتحسي بنفسك ..
وقامت "اميره" بعصبيه وسمعت "صبا" كلامها ودخلت :
_ هو انا قولت حاجه ضايقتها ؟
_ سيبك منها .. هى بتخبط فى الكلام لكن قلبها طيب ...
_ تيجي نضرب حواوشي يا "فونا" من عند "اشرف"
_ واتوصي بالفلفل  ..
_ جدااااا ...
 ونزلت "صبا" تشتري الحواوشي...!

 وفى المطعم كان "طارق" فى انتظار " ماجد وكان "طارق" بيكمل فرجه ع الصور ولاحظ صور "صبا" بفستان زفاف وصور ليها بالفستان  مع والدتها ومعاهم ...:
_ ايه دا .. سيشن فرح وكان مين العريس بقى ؟
ابتسم "ياسر" نص ابتسامه وبملامح حزينه:
_ اليوم دا من اصعب الايام فى حياتنا وحياه "صبا"
_ ليه ايه حصل ..؟
_  انا مش هقدر احكيلك عن حاجه غير ان اللى مرت ب "صبا" كان صعب وصعب جداا ,,وافضل هى اللى تبقي تحكيلك لكن هحكيلك حكايه الصور دى ... انت عرفت ان مامت "صبا" اتوفت بالكانسر صح ..
_ ايوه ..ماجد قالى ..
_  مامت "صبا" فى اخر ايامها  كانت عاوزة تشوفها بالفستان وتفرح بيها زى اى ام يعني ولان "صبا" كانت تحت ظروف وضغط صعبة رفضت تخضع ليها ففي يوم اتصلت "صبا" ب "ماجد" وجمعنا وبعد جلسة الكيماوي راحت مامتها مع ايفون فى كافية وراحت "صبا" و"منة" و"جهاد" اجرو فستان فرح وعملت ميكب وانا اتفقت مع فوتوغرافر وفاجئنا مامتها ب "صبا" بالفستان قالتلها " كنتي عاوزة تشوفيني وتتصوري معايا بالفستان وانا حققتلك امنيتك وهنتصور كتير " واتصورت واتصورنا معاها وزى ماانت شايف الصور اغلبنا كنا بنعيط ,, فكرة مجنون من شخصية مجنونه "صبا" ,, المصدم بقي ان بعد الفوتوسيشن دا ب اسبوع اتوفت مامتها ..
_ موقف صعب اوى .. وقدرت تتخطاه ؟
_ طبعا كان صعب  لكن زى ماانت شايفها دلواقتي مستقرة فى شغلها  ومعانا وهو دا اللى هى عاوزاه ..
سكت "طارق" : علشان كده مبتحتفلش بعيد ميلادها ..؟
_ يعني هى من زمان مكنتش بتحب اعياد الميلاد لو فاكر وزاد اكتر بسبب اللى حصلها لما بتحتفل حالتها النفسية بتبقي وحشه لانها بتفتقد اخوها ومامتها وباباها وبتفتكر انها لوحدها وبتدخل فى مود وحش واحنا محبناش نضغط عليها  لكن "فونا" مبتتوصاش عليها خطط تخلى "صبا" تيجي  اسرع من الريح .. وبنحاول نحتفل بعيد ميلادها بطرق مختلفه من غير ما تعرف ,, فى مره كبسنا عليها فى شرم من غير ما تعرف مدنهاش فرصه تفكر حتي هى بقي عندها كام سنه ..
سكت "طارق"  وابتسم "ياسر": ايه رأيك فى الكوكتيل بتاعنا اكتئاب ع حالات ميؤؤس منها الامل رائع صح ..
_ مكنتش اتوقع حياتكم  كده خالص ..
_ وياما هتشوف معانا انبهارات يا دكتور
 دخل "ماجد": مين اللى هينبهر ...
_ كل دا كنت فين ...حاله انسانيه ؟
_ بتعب جدا والله ..
_ انت مش هتسكت غير لما تجيب لنفسك مشكله كبيره
_ انت متعرفش ميجو ولا ايه ..
وهما قاعدين "صبا" دخلت المطعم :
_ قفشتوكو بتعملو ايه ؟
_ خير ايه اللى هبك علينا ؟
_ "منه" بتزور خالتها وجهاد مش طالبه رغيها  البتاع دا بكذا ودا بكذا ودول معاهم قد كده مش طلباها  و"اميره" مش طيقاني فسيبتها مع "فونا" ..فقولت تروحي فين يا "صبصوبا يا قمر " قولت  اجي اقعد مع الرجاله هنا ..
ضحكوا وقعدو :
_ تشربي ايه يا "صبا"  ؟
_ انت بتسال سؤال غلط ودا هيزعلني  ..
ضحكك "ياسر": تاكلي ايه يا "صبا"؟
_ اممم هاتلى حاجه خفيفه اتنين شاورما وبطاطس وميني بيتزا  لانى لسه ضاربه حواوشي مع "فونا"
_ كل دا وبسيطة اومال لو كتيره هتأكلينا
|_ ايه معترضيين اومال اخواتك ومكانك و .. و..
_خلاااص احنا اسفين .. بس  حواوشي انتى هتخلصي ع امي عارف ..
_ ان جينا للحق انت ومراتك اللى هتخلصوا عليها بعمايلكم ... متلم نفسك بقى يا "ميجو" واظبط امورك مع "اميره"وكفاية عك بقي  ..
_ هى قعدت تشتكي برده ..؟
_ مش شكوي بمعني شكوي .. رغي بنات مع بعض وفضفضه ..
_ وطبعا قالتلك انا اللى سبب والخ الخ الخ ..
_ بصراحة  قالت كده لكن مسكتش وقولتلها انتى كمان السبب ..
_ صاحبتي وكفاءه ..
_ بس هى مكدبتش انت متحمل نص مسؤؤلية يعني انت السبب ..علشان انت مهزء  حالاتك الانسانية اخدتك عن مراتك وبيتك ونسيتهم واتحولت لبنك يصرف بس ..ما تتكلم يا "ياسر" ..!
_ مش فاهمه انتي الحالات الانسانيه دى اللى مهونه عليا الحياه مع "اميره" .. مفيش نكد ولا تكدير غير معاها .. وانا انسان عاوز اعيش وانتعش  ..
_ عاوز تنتعش خدلك شور ,,
_ ايه يابت العسل دا ..
_  متعيش مع مراتك ياعم انت اومال متجوز ليه ؟
_ ماانا قولتلكم علشان اجبلها عيال وبس ...
_ ماتقول حاجه يا دكتور فى الحاله المهزءه دى ..؟
 ادخل "طارق": "صبا" بتتكلم بجد ..
_ تقصد انا مهزء بجد
_ "ماجد" احنا بنتكلم بجد  انت بتهرب من مشكلتك مع "اميره" وواخد سكة مش لطيفه ..!
_ لطيفه اللى بتغني هاهاهاهاها
 ضحكوا ومسكت "صبا" كوبايه المايه ودلقتها فى وش "ماجد":
_ يا مجنونه  ايه دا ...
_ علشان تفوق لانك بتستعبط وعامل مش فاهم وانت بتخرب حياتك وعندك اولاد ها بنت وولد ..
_ فى ايه يا "صبا" ..
_ فى انك مجربتش تكون كويس معاها وتعاملها معاملة الزوج لزوجته علشان يكملوا مع بعض الحياه .. جرب من ناحيتك تبقي كويس معاها وهى لما تحس بكده هتتعدل هى كمان .. انتم الاتنين تصرفاتكم عباره عن رد فعل ل افعالكم لبعض ..البقاء للاقوي
_ يعنى اعمل ايه ؟
اتكلم"ياسر": قرب منها وافهمها اعمل خط تواصل وكلام مع بعض,, اسمعها وتسمعك  وهتعرف ايه اللى بتحبه وايه اللى بتكره,, اخرجوا مع بعض ,, حسسها بااهميتها فى حياتك .. صدقني   هتتجنبوا حاجات كتير اسالني انا  ,,,
_ وبعدين ..
 اتكلم "طارق": حاول يا "ماجد"... انت قدامك فرص استغلها صح بلاش تضيع الفرص دى ...
سكت لحظات:
_ تمام .. انا هحاول وعلشان تعرفوا انى مش مستسهل الحالات الانسانيه ..
 فى اللحظه دى دخلت المطعم واحده وشاورت ل "ماجد" وقام:
_ عن اذنكم دقيقتين ..
 بصت "صبا" للبنت واستغربت : المهزء  لسه معداش دقيقه ع كلامه وشوفت بيعمل ايه ...؟
 الويتر قرب منهم وطلبو : ثواني وراجعلكم ..
_ رايحه فين  يا "صبا"
 ضحكك"ياسر": هتعرف دلواقتي هتضحكك ضحك ..

 شويا ورجعت "صبا" وقعدت وكان الاكل موجود واتقدم عصير ل "ماجد" والبنت وبعد دقيقتين بطنهم وجعتهم واتجهوا ل الحمام و"ماجد" وهو قايم بص ع "صبا" وشافها بتضحك ونظرلها نظره عصبيه وانهارت فى الضحك و"ياسر" و"طارق" مش فاهم حاجه :
_ هو حصل ايه ؟
_"صبا" حطتت ماده بتعمل اسهال فى العصير بس واضح انها اتوصت ..
 ضحكت "صبا": ماهو السبب استفزني دا ممر دقيقه ع كلامه وراح لحاله انسانيه ..
ضحكك "طارق": يخرب عقلك ..
 _ لا هى ع طول مع "ماجد" كده ..علشان كده بيتجنب "ماجد" تواجد "صبا" ولو موجوده يحطها تحت المراقبة وبصراحه انا طنشت ...
_ انتم فظاع ...
 ضحكوا كلهم وهما شايفين "ماجد" والبنت كل دقيقه يدخلو الحمام ....!


بعد ما انهيت "صبا" قعدتها مع الشباب وتوجهت ل "منه" فى البيت وهما قاعدين فى اوضه "منه" و"صبا" ماسكة الموبيل :
_ مش عارفه انا "ياسر" دا مبيتعبش من تلميحاته دى ..
_ تلميحات ايه ؟
_ افتحي جروب الواتس واسمعي السونج اللى حاططها ...
_ مش هفتح حاجه ؟
- عيني فى عينك كده ..؟
_ "صبا" خلاص ..
انا قولتلك قفلنا الصفحه دى واللى بيعملوا "ياسر" مش هيرجعنى فى كلامي .. سبيه ..
_ والله انتم صعبانين عليا بتقطعوا شرايين عواطفكم ب ايدكم ...
_ خليكي فى نفسك ...
_ تمام .. يبقي قضي الامر  تاكلي ..
_ انتي مبتشبعيش مش قولتيلى اكلتي مع فونا واكلتي مع ياسر وطارق وماجد ..
_ ايوه واتهضموا ..انا ربنا اداني ميزه وهو الاكل بيتهضم اسرع مما تتخيلي والميزة دى بيخصها ل السينجلز اللى لا مجروحين ولا هيمانين ولا مترددين ...
_ مفجوعه ..
_ طيب ع الله تقربي من سندوتش ..
_ هاكل
_ ع الله احط السندوتشات ومتاكليش معايا هااكلك عافيه ..
 ضحكت " منه": يلا قدامي ع المطبخ ..
_ جيبتي البسطرمة هظبطك بيض ببسطرمه ..

تانى يوم و"ماجد" راجع من الشغل فى طريق رجوعه للبيت وقف فى اشاره وع الجانب محل لفت انتباه برفانات للحظات فكر فى طريقه رومانسيه يبدء بها الكلام مع "اميره" ويبدء هو زى ما وعد اصحابه انه هيستغل الفرصة ونزل اشترى واحده هديه ورجع البيت واول ما فتح الباب سمع صريخ "اميره " فى اولاده قرب منها :
_ مالك صوتك عالى كده ليه ؟
_ بنتك يا استاذ مش راضيه تذاكر وماسكه الزفت التاب تلعب طول اليوم و ابنك ..
 _ باااس باااس هو زعيقك حل يعنى براحه كده ( بص ل بنته ) جيسي يا حبيبه بابا تخلصى الجيم دا وتذاكرى ع طول تخلصي الهوموورك علشان نلون مع بعض و ..
 نظرت له نظره استغراب وقاطعته بعصبيه  : لا بجد .. لا هى  تسيب التاب دلواقتى وتتنيل تذاكر
_ انتى ليه عصبيه كده.. اهدي  ؟
_ ايه البرود اللى انت فيه دا اه ماهو انت بره البيت طول اليوم وانا اللى مرزوعه معاهم و...
لاحظ "ماجد" نظرات ولاده ) :  باااس باااس ,,هتبدائي  انا داخل اغير فى اكل ولا مفيش ؟
_ لا فى ..
 دخل اوضته يغير هدومه وبيحاول يهدى اعصابه وبص ع الهديه ومسكها :
بيبص فى الغرفه : احطك فين .. احطك فين ..احط امك فين ..
 فقرر يفاجئها بيها وحطها ع التسريحه وخرج اتغدى وقعد يشرب الشاى و بيراقب تحركات "اميره" لوقت ما دخلت اوضه النوم وبعد 10 دقائق بصوت عالى "مااااااجد " رغم انه اتفاجئ من صوتها لكن ابتسم "ايوووه" خرجت بغضب ماسكه البرفان :
_ ايه دا .. انت اللى جايبه ؟
بهدوء وب ابتسامة : اكيد يعنى مين هيجيب الحاجات الجميله دى غيرى ..!
بعصبية:  نسيتها وحطيتها ع تسريحه ؟
_ لا منستهاش دى ليكي ..
بسخرية:  ليه ان شاء الله فى مناسبه ولا كان معاك قرشين محيرينك
 بيتمالك انفعاله :لا يا حبيببتى من غير مناسبه حبيت اشترى هديه لمراتى حبيببتى
 ضحكت "اميره" بسخرية : قولى بتداري ايه بيها ؟
 ب استغراب :  ايه؟
_ ماهو انت مبتعملش كده طبيعى لازم فى سبب انت عارف واحده عليا وكانت دى ليها لكن معجبتهاش  فقولت تتديهالى اهو احط لساني فى بوقي واسكت و ....
قاطعها بعصبيه: ايه اللى بتقوليه دا واحده مين ؟
_ واحده من الحالات الانسانية .. وقولت توديها فين فقولت للهبله اللى فى البيت صح ..
بعصبيه وقف وقاطعها "ماجد ": ايه الكلام العبيط دا .. انتى فاهمه بتقولى ايه وعيالك قاعدين وسامعين فوقى يا "اميره" وركزي فى كلامك ...
_ عاوزاني اكدب الحقيقه وانت مقضيها بره
_ لا فى دا لو بتفكرى .. زوج حب يهادى زوجته هديه من غير سبب ..هديه تعبر عن مشاعره ليها .. واحده تانيه ومعرفش ايه .. بجد يا "اميره" انتى مفيش فايده منك ...
 بص ل اطفاله وهما باصيين ليهم وسكت وبعصبيه دخل اوضته غير هدومه  وخرج بعصبيه اتجه ل "ياسر " ....!

جلس مع "ياسر:
_ اهدى كده هى اول مره تتخانقوا ..
_ لا دى وسعت منها دى بتفكر انى اعرف عليها واحده
_ وايه الجديد ما انت عارف فعلا مكدبتش هي ..
_ ياسر ..مش فايقلك ؟
_ لا نتكلم بالعقل كده .. هى قالت حقيقه فعلا ...!
_ تمام .. وانا جربت زى ما قولتو فرصه وبتاع اهو الفرصه اتفرمت .."اميره" فرمتها ... اديها الهديه تقولى كده بدل شكرا ...
_ ممكن تكون عملت حاجه وهى فهمت كده ..؟
_ عملت ايه احنا يا بنتخانق يا بنتخانق مفيش حل تالت ا لا و"طارق " يقولى نتكلم بهدوء ونحل مشاكلنا وهى اساسا اصل المشكله وفكره اننا نتكلم مشكله ...
_ طيب روق كده ...
_ اروق ايه هاتلى صندوق حاجه ساقعه ارطب ,,,

فى نفس اليوم ذهب "طارق" لمستشفي الدكتور عزت" يقابل "هدير" وكان فى مجموعه اشخاص كانوافى زياره لصديق فى المستشفي والصدفه جمعتهم ب "طارق" فجلس معاهم "طارق" ل انشغال "هدير" وانتظارها  ودار الحوار بينهم بعد التعارف ابتدوا يوجهوله اسئلة :
_ الناس بقت وحشه اوى يا دكتور يعني تعمل خير يتردلك شر ومبقناش عارفين نعمل ايه ولا نعرف مين بيحبنا ولا مين بيكرهنا ولما بنسامح بيتقال عني انا اهبل من اللى حواليا اهلي او اصحابي   ..؟
_بلاش نفكر فى مين بيحبنا ولا مين بيكرهنا ولا مين بعد عنا ولا مين قرب ولا مين بيحب يتكلم معانا ولا مين مش طايقنا ولا مين شايفنا طيبين ولا مين شايفنا هبل  ..الخلاصة ببساطة اعمل اللى انت شايفه صح ومقنع به وملكش دعوة برد فعل الناس ايه علشان مهما حاولت تراضيهم وانهم كلهم يتفقوا ع حاجه مش هيحصل وهتتعب انت وهتضيع عمرك ,, انت حر اختيارك وقرارك ميمنعش انك تستشير وتسمع اراء لكن مش مجبر تسمعهم وتنفذ انت اللى هتتحمل مسؤؤلية افعالك  ,, ربنا شاهد ع كل افعالك وع كل حاجة وهيجي اليوم اللى هيتاكدو انك اكتر انسان حبيتهم وانهم غلطو فى حقك وان الطيبة دى مش هبل زى ما فاكرين ..؟
_صحيح يا دكتور ان الضحك بيكون وسيلة علاج ؟
_ ايوه .. بيكون تفريغ طاقة من الجسم ..
_ انا اتقالي مره مهما حصلك اضحك ,,دا صح ؟
_ ايوه طبعا دا لو تقدر تعمل كده يبقي حاجه ممتازه ..
_ بس كتر الضحك بيميت القلب يا دكتور ..؟
_ وكتر الهم والحزن بيميت القلب كمان ..
_ يعني نضحك ..؟
_ايوه اضحك .. اضحك لما تركب مترو او اتوبيس زحمة ومش لاقي مكان تقف فيه لان فى غيرك نفسهم يحسوا ان فى ناس حواليهم لكن مش قادرين  ,, اضحك لما تحط ايدك فى جيبك ومتلاقيش غير 20 جنيه مغسوله كويس وان مامتك سبتهملك مقبلتش البنطلون زى كل مره  ,, اضحك لما تمسك ريموت التليفزيون وتقلب كده وانت زهقان وتشوف فيلم ابيض واسود ل اسماعيل ياسين ,, اضحك لما حد يستندل معاك قوله بضحكك طز .. اضحك لما رجلك تفقفق من كتر اللف ع شغل كفايه انك بتسعي ومش واقف مكانك واتمشيت وغيرت هوا  ,, اضحك ع ذكرياتك اللى كلها الالم ووجع وخليك ع يقين ان عوض ربنا اكبر ,,اضحك لما الهم يكتر والحزن يغيم ع حياتك حارب همومك بالضحك لان كله هيعدي ,, متخليش الحزن والهم يسرقوا عمرك بدلهم بضحك وهونها ع نفسك اضحك طوول ما انت عايش وقادر تضحك ,, الضحك عدوي خليك انت صاحب العدوي للى حواليك فى همهم خرجهم ويضحكوا وكل حاجه هتمر لان مفيش وضع ثابت.. بالعقل كده لما تحزن وتنكد ع نفسك هتتحل المشكله لا بالعكس هتتخنق اكتر وهيظهر عليك اعراض بدانيا ل امراض عضوية نتيجه زعل لكن بالضحك بتهونها ع نفسك وهتلاقي حل ...
_ انا بقي كل ما احكي لحد من أهلي او اصحابي  ع حلم ولا امنيه بيتريقوا عليا وبيعجزوني وبعد ما بكون متشجع  وعاوز ابدء برجع فى كلامي ع انهم صح ومش عاوزيني افشل  ..؟
_ غلط .. الاحلام والامنيات دى شخصية مفيش حد له اى حقوق انه يتدخل فى حلمك ولا امنيتك ومعني انك حلمت يعنى انت عندك القدرة لتحقيقة ولو محصلش يبقي عندك القدرة لتحقيق حلم ما هتوصله .. ف اسعي لو فشلت هيظهرلك حلم تاني وهكذا لغايه ما تحقق حلم الكل كانوا فاكرينه مستحيل .. لما يتعلق الامر بحلمكم اسعوا واقفلوا ودانكم والمجال السمعي يتقفل ل الاصوات الساخرة واللى بتقلل من عزيمتكم لغايه ما تحققه او تحقق غايه الحلم وهتثبتلكم نفسك ب ابتسامتك فى الاخر ...!

كانت "هدير" واقفه قريب من "طارق" والمجموعه وكانت سعيده اوى بكلامه ليهم .. انتهي من جلسته معاهم ولاحظ وجود "هدير" واتحركوا علشان يتغدوا مع بعض :
_ حسيت وانا واقفه انك فى جلسة علاج نفسي او تنميه بشريه لشباب اللى كنت قاعد معاهم ..
_ بجد ...
_ اه والله كنت مستمتعه جداا انا واللى واقفين ...
_ حرام شباب لسه فى اول العشرين والظروف والاهل او المعارف يهدموهم بمنطلق انهم عارفين مصلحتهم .. دول بشر ولازم يغلطوا علشان يتعلموا ونساعدهم فى كل خطوه ونشجعهم حتى لو غلطوا دا طبيعي ..مفيش انسان ناجح  بدء بنجاح واستمر بنجاح فى ثغرات فشل وقفته ووقعته ورجع وقف ودا بمساندته لنفسه واللى حواليه ..لكن تعجيز وكلام محبط وسخرية غلط ...
_ مش قولتلك جلسه علاج نفسي ..
_ يلا كلي ..
_لكن دا ميمنعش ان  بعد كده  هبقى اقدم على طلب يا "طارق" علشان اشوفك ..!
_ ليه كده  ماانا من اول اليوم معاكي اهو ...؟
_ من وقت ما اتجمعت مع اصحابك وكل يوم معاهم ومبشوفكش حتى انك تيجى المستشفى بقى قليل اوى دا لما دكتور "عثمان" يكلمك ... انا مليش حق زيهم ولا ايه ؟
_ طبعا ليكى ونص وليكى كل حاجه
 بتضحكك"هدير": لا لا انا بيضحك عليا يا ناس
_ وانا اقدر ...
_ ماشى انا مش معترضه انك تقابل وتشوف اصحابك بس تشوفنى زيهم او معاهم لاحظ ان اجازتك بتكش دلواقتى ومفضلش غير شهر ونص  وياعالم هتنزل تانى امتى ؟
_ فعلا الاجازه بتخلص بسرعه جدااا مكنتش متوقع كده .. تعرفى كنت هعمل الاجازه شهر بس لولا بابا قالى خليها 5 شهور ولو مرتحتش ارجع ...
_ خلاص احنا فيها مدها شويا شهر ولا شهريين ولا 3 كمان
 ضحك "طارق" 3 شهور ... لا صعبه جدااا عندى شغل ومرضى مستنينى مينفعش اتاخر كده عليهم وانا مظبط احوالى ع 5 شهور بس وبعدين ان شاء الله هكررها متقلقيش يعنى ماجد وياسر وجهاد و"منه" و"صبا "وانتى اسيبكم لمين وانتم كل حاجه حلوه فى حياتى
_ بجد .. انت بتكون مبسوط معايا ..؟
_ طبعا .. الوقت اللى بقضيه معاكى دا حتى لو نص ساعه واشوف ابتسامتك الجميله دى بكون مش محتاج حاجه تانى خلاص ..
اتحرجت "هديل": وانا كمان ياطارق ربنا يخليك ليا ..
_ يلا ناكل بقى ..
_ يلا ... قولى صحيح مفيش اخبار عن صاحبه السلسله  ؟
اتنهد:طارق": لا للاسف .. مفيش حد عارف يوصل ل اى حاجه ليها
_ كنت عاوز تشوفهم كلهم مش كده ؟
_ اكيد... هى اكيد اتجوزت ومعاها طفل او اتنين وعايشه فى سعاده مع شخص بيحبها وبتحبه ومدام هى كويسه وبخير مش هحتاج اكتر من كده زى ما اطمنت على الباقيين ..
_ والسلسله هتفضل معاك مينفعش تسيبها لحد فيهم لما يوصلها يدهالها ؟
_ لا مش هينفع زى ماانا اخدتها منها زمان ووعدتها انا اللى هرجعهالها ف انا اللى هرجعهالها وزى ماقولتلك اكيد نازل مصر تانى ..
_ ان شاء الله ...
وهما بيتكلموا رن موبيل "طارق  " وكان "ماجد " اتكلم معاه وقفل :
_ متقوليش انك هتروحلهم  انت قولت اليوم ليا واحنا لسه فى اوله فاضل السينما والايس كريم
ضحكك"طارق": لالا متقلقيش مش هروح فى مكان انا معاكى .. هو بيكلمنى بلغنى ان حماه "جهاد" هتعمل عمليه بكره وهو وياسر هيكونوا معاها وومنه" لان مفيش حد هيكون معاهم فقالى علشان كنت متفق معاه هنروح مشوار ..
_ لا الف سلامه عليها .. تحب افضى نفسى واجى معاك
_ لالا خليكى لشغلك 
_ طيب  ابقى طمنى
_ حاضر .. يلا بقى علشان موعد السينما
_ يلا ...
 خرج "طارق" مع "هدير" وكملوا اليوم دخلوا فيلم واكلوا ايس كريم ووصلها للبيت ورجع الفندق ...


تانى يوم طلب عربية ووصل للمستشفى وكان هناك "ماجد" و"ياسر"و"منه" و"جهاد
_ صباح الخير
_ اهلا يا "طارق" .. صباح الخير
_ دخلت العمليات ولا لسه ؟
_ بيجهزوها جوه اهو ..
 قرب من "جهاد": ان شاء  الله هتكون بخير متقلقيش
_ ان شاء الله .. مكنش لازم تتعب نفسك يا "طارق"
_ عيب تقولى كده هو انا مش زى"ماجد"و "ياسر" ولا ايه ؟
_ تسلمولى يااغلى اخوات
_ امال ولادك فين ؟
_  مع "اميره" مكنش هينفع اجيبهم المستشفى
_ ان شاء الله اليوم يمر ع خير
_ ان شاء الله
 قربت "منه" وسلمت ع "طارق" ووزعت الشاى عليهم ودخلت "حماه"جهاد" العمليات وكانوا فى الانتظار .. نظر حواليه "طارق" بيدور ع اقارب "جهاد" وزوجها ومكنش في غيرهم ..  دار الحوار مع "ماجد"  :
_ "ميجو"..  هو زوج "جهاد" ملوش اخوات ؟
_ ولا قرايب ..!
بتعجب : ازاى ..؟
_ يعنى هو وحيد امه وقرايبه كلهم فى الصعيد وهو شغله كان هناك  فى الاساس ..!
_ و"جهاد" عرفته ازاى ؟
_ لا "جهاد" كانت منجزه ..يعني كانت محدده هى عاوزه تتجوز مين .. عاوزه واحد وظيفته كويسه ودخله محترم وكده يعني ,, فهو كان نازل مأمورية لشغله فى القاهرة وحضر فرح لصديق وكانت العروسة صاحبه "جهاد" من الكليه ..ومن هنا اتعرفوا هتقولى ازاى هقولك معرفش البت بلفته فى 10 ايام ازاى معرفش ,,رجع بلدهم اسبوع ورجع ب امه فى ايده وبيتقدملها ...
 ضحك "طارق" لا يا راجل ..
_ لا ميغركش قصرها ..هى قصيره لكن تحير
_ وبعدين ..
_ "جهاد" فى اول جوازها عاشت هناك فى الصعيد معاهم  ولما اتنقل لشغل القاهره اتنقل هو وامه وجهاد وعاشوا هنا استقرو  ... وانت عارف ان" جهاد" وحيده هى كمان وباباها اتوفى من صغرها وبعد جوزها بسنتين اتوفت مامتها وقرايبها بيسألو من بعيد لبعيد يعني زى ناس كتير .. فحياتها عباره عن جوزها وامه وبناتها .. ولما جاله عقد عمل فى السعودية من غير تفكير وافقت "جهاد" واقنعته يوافق رغم انه كان رافض علشان ميبعدش عنهم لكن "جهاد" بقى والفلوس والتفكير الراسمالي  ..دخل كويس يعنى حياه كويسه لبناتها ..سافر وطمناه اننا معاها  ف انا و"ياسر " معاها ومش بنسبها لوحدها فى اى ظرف جوزها عارف ومطمن وع تواصل معانا ..
_ طيب ما ياخدهم عنده فى السعودية .. واضح ان حياتهم كويسه يعنى ؟
_ هى فعلا حياتهم كويسه ويقدر ياخدهم هناك لكن "جهاد" وهو اتفقوا ان كده هيقدروا يوفرو اكتر  ل المستقبل يعنى ,,
_ متفقين ... وبينزل شهر فى السنه ؟
_ ايوه
_ وشهر واحد بيكفى بناته وامه ومراته ؟
_ دا فى سنه نزل اسبوع بس .. المهم هى راضيه ومبتشتكيش وعاجبها فهى بقى حره فى حياتها
_ ومين قالك انها مبتشتكيش مش شرط تشتكى بلسانها كفايه نظراتها دلواقتى رغم انكم حواليها هى كانت محتاجه جوزها جنبها .. مهما الواحده بينت انها قويه جواها بيكون عكس
_ مش وقت تشخيص يا دكتور .. وبعدين" جهاد" لسانها متبرى منها لو فى حاجه هتتكلم ع طول .. واحنا سألناها كتير واتكلمنا معاها وكان ردها انا مرتاحه ومش مضايقه من الوضع دا ..
 موبيل "ماجد" رن : شوفت بقى هتسمعنى تهزيق ع الصبح من "صبا " قولتلها هتابعك وانت بكلامك نسيتني .. هقوم ارد بعيد علشان اتهزق براحتي ..
 ضحك"طارق": سلملي عليها ..
_ الو ..يا "صبار" حياتي
_ تصدق انك مهزء كلكم مهزئيين .. ولا حد فيكم كلمني قالى طنط دخلت العمليات ولا لسه ..؟
_ الشبكه هنا يابنتى مش كويسه .. داانا سيبهم جوه وكنت بشرب سجاره بره والموبيل رن
_ طيب طمني ايه الاخبار ؟
_ دخلت العمليات اهو ادعيلها انها الان تسأل
 ضحكت "صبا": والله هقول ل "جهاد" وهسجل المكالمه انك بتقول ع حماتها كده ..
_ يوووه .. وهو انا غلطت مش الواحد فى العمليات تحت تأثير البنج بيكون بين الحياه والموت والست هيفتحولها قلبها ..
_ يا ساتر عليك .. بكلم عزرائيل ...!
_ وهو فى عزرائيل واسمه ميجو
_  طيب يا "ميجو" يا سكر ..انا معايا شغل ابقى تابعني واتس وطمني ع "جهاد" وبدل السجاير دى روح ل "جهاد" اكيد خايفه ومرعوبه هي  مش هتبين لكن خليكوا معاها ..
_ حاضر يا ماما "صبا"..
قفل "ماجد" الموبيل وبص قدامه شاف ممرضه ضحكتله ضحكلها وراح يتكلم معاها :
_ لو سمحت يا نيرس ؟
_ ايوه ...
_ انا عندى صداع بيروح وبيجي ممكن مسكن ..
_ وهو دلواقتي موجود ..
_ لا شويا وجي هو قالى مش هيتاخر ممكن نستاه مع بعض ...
ضحكت : لكن انا عندى شغل دلواقتي ..
_ خلاص نستنى وقت الراحه هيكون جه وارتاح ونشوف الموضوع مع بعض ..
 ضحكت : عن اذنك..
_ هستني.. هيستناكي متتاخريش يا نيرس ..
 مشيت وانتبه "ماجد" ب اتصال من "ياسر": اوووبا نسيتهم ...


 وقف "طارق " بيراقب رايأكشنات اصحابه ,, توتر وخوف  "جهاد" اللى مش باين ومبينه العكس  و نظرات" ياسر" ل منة" وهو بيتكلم معاها .. ومحاولات هروب "منة"  فى الوقت دا اتصلت "هدير" وطمنها  وبعد ساعه كانت "هدير"امام  "طارق" واتفاجئ بوجودها :
_ هدير .. انتي هنا ؟
_ بصراحة مقدرتش تكون "جهاد" لوحدها  ولوحدكم فى الموقف دا
_ وشغلك ..؟
_ انا استأذنت متقلقش ..
 ... خرجت حماه "جهاد" من العمليات واتكلمت "هدير" مع الدكاتره وفهمت واطمنت ع الحاله  واطمنوا عليها وسابوها ترتاح :
خارج غرفه "حماه "جهاد" وقفت "جهاد" ب ابتسامه ودموع فى عينيها :
_ بجد يا جماعه مش عارفه اشكركم ازاى وجودكم فرق جدا معايا طول اليوم مسبتونيش ..انا كنت خايفه ووجودكم معايا طمني ..شكرا بجد
"ماجد" بهزار: لا طلعى 100 جنيه وكرمشيها فى ايد كل واحد ملناش فى البوقيين دول
 خبطته ع كتفه: غلس
_ يابت طلعى من تحت السيراميك دا ع قلبك انتى وجوزك قد كده ..!
_ قل اعوذ برب الفلق ..
_ يبقى عاوزه احنا اللى نكرمشلها فى ايديها  يلا ياجماعه جمعوا من بعض
 خبطته تانى وضحكوا كلهم : ايوه كده فكك من جو الانسانيات ده المهم انها بخير وان شاء الله تخرج ع خير لبيتها ...
_ ميرسى يا "طارق" وميرسى يا"هدير" ع اهتمامك وانك اتكلمتى مع الدكاتره انتى و "طارق"
_ حبيببتى متقوليش كده انتم غاليين "ل طارق" وانا اعتبرت نفسى واحده منكم دا لو مش يضايقكم يعني
_ حبيببتى دى حاجه تسعدنا
بيهزر "ماجد": طبعا هيسعدها وهيسعدها جدااا ,, هتلاقي منين دكتور اطفال شاطره وقت ما تحتاجها  يلا هتكشفى ع البنات ببلاش
خبطته تانى وضحكوا  اتكلم "ياسر":
_ دلواقتى متفكريش فى اى حاجه احنا معاكى بكره من الصبح هنكون عندك
_ تسلم يا"ياسر" تسلمولى
_ يلا احنا يا جماعه والصبح نكون هنا
_ يلا بينا
_ يلا يا "منه" اوصلك
_ لا روح انت انا لسه همر ع بيت "جهاد" اجيبلها شويا حاجات وارجع ليها هنا وبعدين هروح ..
_ هوصلك لبيتها وهستناكى واوصلك البيت الوقت اتاخر
_ اوكيه
  ندهت "جهاد"ع "ماجد":  "ماجد".. بناتى امانه عندك ..
_ متقلقيش هعذبهم وهنيمهم تحت الحوض من عينيا
ضحكوا كلهم ومشيوا ....!
 فى الطريق فى العربيه دار حوار بين "هدير" و"طارق" :
_ بجد شكرا يا "هدير" ع وجودك ومساعدتك  انهارده ..
_ متقولش كده انت معتبرني غريبة ولا ايه هما اصحابك ويهموك واللى يهمك يهمني يا دكتور ..
_ انتي مفيش زيك اصلا ..
_ بس بجد يا "طارق" منظركم انهاردة كان حلو اوى .. وجودكم مع جهاد وهى لوحدها كان مطمن وحاجه جميله .. التكاتف اللى بينهم حاجه جميلة مبقتش موجوده الايام دى ..
_ فعلا .. انا مكنتش اتوقع انهم كده مع بعض زى زمان بالظبط واكتر رغم انشغالهم وحياتهم اللى اختلفت  والناس اجديده اللى دخلت حياتهم لكن متمسكين ببعض وعلاقتهم مختلفه ..
_ تحسهم كده بوكيه ورد متجمع بربطه واحده شكلها حلو اوى وهما مع بعض ..
_ فعلا .. يا تشبيهاتك ..
_ اى خدعه يا دكتور ..

فى الطريق  و "ياسر" مع "منه" اتكلمت "صبا":
_ طمنيني الاخبار ..
_ لا تمام الحمد الله حالتها مستقره وانا هجيب ل "جهاد" حاجات من شقتها وارجعلها والصبح هكون عندها ...
_ والله حاولت اخلع يومين اجازه معرفتش فى زحمه شغل والمدير مركز معايا اوى ..
_ لا "جهاد" فاهمه وعارفه ووصلتلها كل كلامك ..
_ قوليلى ..انتي لوحدك ولا اوبر ؟
_ لا "ياسر" معايا ..
_ ياسر .. تيرارارارا رارارا ..
_ مش عاوزه حاجه يلا اقفلي ..
_ طيب استني متنسيش تأكدي عليهم كمان اسبوع هتكونوا هنا انا حجزتلكم ..الفندق بيحتفل بذكرى السنويه وعامل خصومات وكده وانا استغلتها افسحكم يلا غلابه ..
ضحكت"منه": يخليكي لشعب .. هقولهم  حاضر ..؟
_ وانتي ظبطي اجازتك متقوليش معرفتش زى المره اللى فاتت ..انا مش هنزل لشهريين مترخميش وحشاني ..
_ حاضر والله هشوف المكتب ايه نظامه ..
_ لو عاوزاني اكلم صاحب المكتب اكلمه
_ "صبا" لمي نفسك ..
_ تمام وانا هستناكو ..دا احنا هنقضي يومين زمبريطا خالص ..
_ ماشى يلا سلام ..
_ سلميلى ع "ياسر" سلام ..
 قفلت "منه" :
_ بتأكد عليكي السفر ..؟
_ ايوه.. مش هتنزل شهريين ف فرصه تشوفنا وكده ..
_ وانتى طلبتى الاجازه ورفضو ولا ايه ؟
_ لا لسه بصراحه مردوش هبقى بكره اسأل علشان كده مأكدتش عليها انى هاجي ..
_ لازم تيجي ع فكره ..
_ ليه ؟
_ لان انتي لو مروحتيش انا مش هروح ودا مفيهوش نقاش
_ نعم ...؟
_ ايوه انتي لو مش هتروحي انا مش هروح ..
_ ليه بقي ..طيب انا وعلشان شغلي انت ليه بقي ..؟
_ علشان انتي مش موجوده ..
_ ياسر ..
_ مفيش ياسر .. المره اللى فاتت مجتيش وانا مستحملتش المكان من غيرك ورجعت تاني يوم بليل وسيبت "ماجد" لوحده هناك مع "صبا" ...
_ ياسر ..
_ انا مبحسش ب اى حاجه وانتى مش موجوده يا "منه" وانتى عارفه كده من زمان .. بيبقى اليوم طويل جدااا والساعه بطيئه جدااا والاكل ملوش طعم و ..
_ ياسر وبعدين ..
 ركن العربيه ووقف :  ولا قبلين انتي قفلتي الموضوع واتفقنا اننا اصحاب صح تمام معترضتش رغم دا مش حقيقي لكن دا يرضيكي .. ولو تفتكري الشروط اللى اتفقنا عليها علشان يحصل الطلاق ووعدتي تنفذيها فاكراهم .. افكرك  ..
1_ لما اتصل بيكي تردي عليا ..
2_ متهربيش من اى تجمع اكون فيه علشان اشوفك ..
3_متتجنبنيش لما تشوفيني ..
4_ لو حسيتي انك اتسرعتي فى قرارك تقوليلي
_  واتفقنا انك متضغطش عليا
_ وانا مبضغطش يا "منة" انا بتصرف بطبيعتي اللى انتي عارفاها
_ تقصد كنت عارفاها خلاص اللى فات مبفكرش فيه ولا عندي نية يرجع
_ تمام يا "منة" يبقي تنفذى اتفقنا ..؟
_ وانا  بعمل بكلامي ..
_ يبقي هتيجي ولاننا اصحاب  واحنا ك اصحاب كنا بنعمل كل حاجه مع بعض سفر وخروج وكل حاجه .. فمتجيش دلواقتي وتخلفي انتي اتفاقك وتقولى اعذار الا بقى دا اعتراف منك انك لسه منستيش حبي  واتسرعتي ومش عارفه تواجهي وتعترفي ....
_ انا قفلت الصفحه دى يا "ياسر" وقولتلك ..
_تمام يا "منة" .. يعنى هتكونى موجوده الاسبوع اللى جى معانا ..؟
_ هحاول ..
_ لا هتيجي يا "منة" ..
 بنظره غضب : عافية ولا ايه قولتلك بلاش تضغط عليا يا "ياسر"  ..؟
حاول يحسن من نبرته : لا طبعا انتي حرة ومفيش ضغط  لكن  .. لكن "طارق" معانا ودى اول مره وكمان شهر ونص هو مسافر وياعالم هيرجع تاني امتي وفرصه كلنا مع بعض .. وعدم وجودك يعنى انا مش موجود و"جهاد" مش هينفع تكون موجوده وهيكون معاه "ماجد" و"صبا" وانتى عارفه الاتنين لاسعيين و"طارق" مش هيعرف يسلك معاهم ..
_ باااس باااااس خلاص ..
_ يبقى هنسافر .. هنسافر ..
 دار ماتور العربيه واتحرك  و حست "منه" بضغط من "ياسر" وبصتله وشافته وهو مبتسم وهو بيبص ع الطريق ...!


 قفلت "صبا" الموبيل وندهوها فى المطعم  وكان فى اكل كتير :
_ ايه دا يا شباب مين اللى ورث علشان يعزمنا ع كل الاكل دا ومنشل ع الاكل اللى بحبه مين دا  ..
صوت من وراها : انا اللى عازمكم ع العشا انهارده ؟
بصت "صبا"واتفاجئت  : حمزة ..
ابتسم: ازيك يا "صبا"..

يتبع ,,,

زهرة التوليب (6)

(6)
يوم العزومه مر "ماجد" ع "طارق" فى الفندق وكان فى انتظاره وتوجهوا لمطعم حجز فيه "طارق" ووصلوا وكان "ياسر و"منه"و"جهاد" و"صبا" فى انتظاره :
دخل "ماجد" وكانت "منة" و"جهاد" موجودين بس :
_ ايه دا فين الباقيين ؟
 ردت "منة": "ياسر" خرج يدخن سيجاره و "صبا" انت عارف يعني هتكون فين يا بتتكلم فى الموبيل يا ..
 رد "ماجد" هبت ع المطبخ ..
لسه بيكمل كلامه رجعت "صبا" ومعاها طبق فيه سناكس :
_ والله انا قولت انك هتفضحينا هنا ,, يابت  احنا هنتغدي كلنا مع بعض
_ فى ايه وهو انا بتغدي ,, انا مفطرتش كويس وبعدين حبيت اسلي  نفسي بشويا سناكس كده لغاية ما تيجو ..
_ وهو الطبق دا شويا سناكس  ..
_ يمكن لما البسه فى وشك تعرف ..
_ لا شكرا ع وضعك كملي كملي .. نطلب الاكل بقي ..
_ تمام ..
_ كنت فين يا "ياسر " ؟
_ كنت بدخن سيجاره بره لغايه ما تيجو ..
 سأل "طارق": ليه مبتدخش هنا مافي ناس كتير بتدخن عادي المكان سامح بكده ..؟
_ مينفعش علشان البنات "منة" الدخان بيتعبها و"جهاد" بتتخنق و"صبا" كفاية عليا لسانها مش عاوز اسمع كلمتين منها  ..
_ جميل انك بتحترم رغبات غيرك قبل رغبتك وتفكر ينفع كده ولا لا ,,
طلبوا الاكل وقعدوا كلهم يتكلموا :
ابتسم "طارق": مش قادر اوصفلكم قد ايه كنت محتاج القعده دى مفتقدها سنين ..!
"صبا" بنبره ضحكك: طبعا لانى موجوده ,,لما تكون عاوز تنزل اجازه ابقى عرفنى بس اخد اجازتى فى الوقت دا لان من غيري مش هتحس ب اى متعة ..
تدخل "ياسر":  اوعي يابت تكوني بتعلقيه ؟
ضحكك "ماجد"ع كلام "ياسر": مين "صبار" استحاله ؟
ضحك "طارق" : ليه يعني  وايه "صبار" دى ؟
 رد "ماجد": دا دلعها  اللى يقربها تشوكه رغم انها ملبن من جوه لكن لو طمع اكتر بتشله وهتعرف ليه  احكيله احكيله اخر مقابله ليكى عملتى ايه يا فضحانا ..!
_ والله يا "طارق" ماعملت حاجه انا هحكيلك  واحكم انت بالعدل لانهم  متهميني انا بص ,, زميل اتنقل جديد معانا  فى الشغل بعد فترة  طلب يشوفني يتعرف عليا وكده واتوسط ناس يعرفوني  ,,انا مليش فى جو نتعرف دا لكن علشان زنهم عليا هنا واللى هناك وافقت وقولت اقابلة بعد الشغل مع اصحابي يعني كلنا مع بعض لكن  هو طلب يقابلني لوحدي من غير اصحابي اللى هناك وعلشان اصراره وافقت  ,, روحت قابلته  قعدنا وفضل ساكت وفضلت ساكته انا كمان ؟
 _ مفتحتيش كلام انتي ليه ؟
_ وافتح انا كلام ليه هو اللى عاوز يتعرف مش انا ؟
ضحكك"طارق": لا ردك مقنع ..وعمل ايه ؟
_ اممم قعد يقولى ان الكل بيشكر فيا وفى اخلاقي وانى نشيطه ومجتهده فى شغلي وسألني  سؤال عادي جداا وكان لازم ارد بصراحة عليه دا مستقبل بيرسمه ولازم يكون واضح ...
_ سؤال ايه ؟
فلاش باك للمقابله :
 _إنتي شخصية إجتماعية ولا لا ؟
  _بص أنا بتبسط لما أقرر أتصل بحد أسأل عليه بس لما بيرن بقول يارب ميردش لكن لو رد بفرح بالمكالمة جداا فاهمني ؟
 _لا وضحي أكتر ممكن ..؟
 _بص أنا بنبسط لما اظبط خروجة مع أصحابي لكن لو اتلغت بفرح جداا بصراحة واقعد لوحدى كده مأنتخه مع نفسي لكن بزعل بقول مش لو كنت خرجت كنت قعدت مع أصحابي شويا ..
..! تمام .. انا هستأذن دلواقتي وفرصة سعيدة _
 _ انت لحقت استني هنا متمشيش هزعل بجد أو مش هزعل مش عارفه ..خلاص امشي دلواقتي وانا هبقى أشوف انا حسيت ب ايه ولو افتكرت هبقى ابعتلك .. فرصة سعيدة يمكن هشوف واقولك..
 ..
دا اللى حصل لما قابلته لوحدنا لما صمم وبعدها مشى ومكلمنيش تاني وبقى يتجنبني  لما بيشوفني معرفش ليه هى الصراحة تزعل كده ؟
 رد "ماجد": شفت بقي "صبار" ..
 _ اعمل ايه هو اللى سأل وانا جاوبته بصراحة يعنى كنت اكدب واتنحنح وبعدين انا كنت طبيعيه هو اللى مكنش طبيعي بيقولى اصحابك بيشكرو فيكي طبيعي هيشكرو يعني وشايفني اغلب وقتي معاهم انا طول الوقت وسط الناس  وبيسالني اجتماعيه  ولا لا ,,اه اجتماعيه الصبح وبليل تاريخ وجغرافيا هاهاهاهاهاها
 ضحكوا كل اللى موجودين واتكلم "ياسر": الحمد الله انه مطولش ل احسن كانت قومته مش عارف نفسه
 _ يلا اخد نصيبه  هو اللى طلب ونال بقي ..
_انتى فظيعه بجد .
اتكلمت "جهاد":هى فى الطراوة اصلا ,, قولى يا "طارق" بتكسب شغله الدكتور النفسى دى زى البطني  والقلب كده ؟
 ضحكك "طارق"ورد "ماجد": انتي من كتر ما بتحسبي الفلوس كل حاجه عندك ارقام ارحمي نفسك ..!
_ حياتنا كلها بقت ارقام اعمل ايه؟! .. يعنى كل حاجه عاوزها بفلوس والاسعار بتعلى فلازم نحسبها علشان نعرف نشتريها وطلبات الاولاد والبيت والمعيشه ,, مينفعش نعيشها ع البركه ..!
_ بس بس ..انتى مكانك مش هنا انتى مكانك مع "حزينه" هناك اسكتي بقي ..
رد "طارق" احتراما انها سألته :  بالنسبالى شغل طبيب امراض نفسية مبيكسبنيش من الناحيه الماديه لكن بكسب حاجات تانى احسن وبكون محتاجها اكتر من الفلوس ..!
_ زى ايه هدايا ؟
_ هدايا معنويه .. لما اساعد انسان دا مكسب .. لما الحق انسان من طريق بيدمر نفسه فيها دا مكسب ليا .. مساعده الناس دا اكبر مكسب ليا لما يتعالجوا ويعيشوا حياتهم طبيعى ..
_ وعايش ازاى بقى ؟
_ بمرتبى ..
_ يعنى لو صادفت حاله مش معاها فلوس للعلاج بتعمل ايه ؟
_ بتكفل انا بعلاجها..
_ انت كده بتصرف فلوسك ع غيرك ؟
_ غيرى لو محتاجاها اكيد هيكون احسن من ركنتها معايا مبعملش حاجه ... وبعدين الطب هدفه الاساسى مش الربح  بمعنى لو فى مقدرتك تصرف هتصرف لكن لو مش فى مقدرتك تصرف ع مرضك هنا التدخل والتكفل بالحاله دا الصح انسانيا واخلاقيا ودينيا ..
_ علشان كده متجوزتش لغايه دلواقتى  لو اتجوزت كنت هتعرف انك محتاج كل قرش ..
 تدخل "ماجد" : متتجوزش ياابنى اسمع منى بص قدامك 4 حالات اهو انا "حزينه" منكده عليا حياتى و"ياسر" مش طايق نفسه بعد الطلاق و"منة"عاملالي استرونج انتبيدت وومن من برا وهى اصلا  مولتن كيك من جوه  وجهاد الراسماليه واكللها دماغها.. خليك زى "صبا" علاقتها بالاكل والسفر اكبر من علاقه تربطها بشخص  ,, اللى قدامك دول كلنا مرينا بالجواز فبلاش انت كده فى نعمه ...
 موبيل "ياسر" رن وخرج و"جهاد" بتناقر فى "ماجد وصبا ",,موبيل "طارق"رن وخرج يرد :
_ هدير ..
_ مقضيها انت مع اصحابك ونسيتنى ماشى يا دكتور
_ لا والله ابدا ع بالى .. لو فاضيه تعالى انا قولتلك ..!
_ الشغل فى المستشفى كتير مش هينفع وبعدين انا عاوزاك تشبع منهم ع قد ما تقدر واكيد هخرج معاكم مره تانيه متقلقش مش هعديها ..
_ تمام ..
اتكلم شويا وقفل وبيدخل لاحظ  "منه" واقفه بره لوحدها قرب منها :
_ ايه سرحانه فى ايه ؟
_ لا مفيش بس كنت بتكلم فى الموبيل والجو حلو قولت اقف شويا
_فعلا الجو جميل جداا ..
 سكتوا لحظات :
_ "منة"  ينفع اسالك سؤال شخصى ؟
_ اكيد
_ انتى ندمانه ع الطلاق ؟
سكتت لحظات: الانفصال كان افضل حل لوضعنا مكنتش هقدر اكمل بالوضع اللى كنا فيه ..!
_  وانفصلتوا ليه عن بعض ..؟
_  في حاجات نهايتها احسن بكتير من وجودها فى حياتنا بشكل باهت ..!
_ هو ايه اللى حصل ..؟ ..! 
_ "ياسر" مقالش لك ؟
_ عاوز اسمع منك لو مش يضايقك ,, بس واضح انه سبب غلطه كبيره  عملها وندم عليها وبيعتذر وانتى رافضه اعتذاره ..
_  مش كل الاعتذارات نقدر نقبلها ,, فى غلطات بتحصل بتجرحنا مبنقدرش نتعالج منها حتى كلمه اسف ملهاش تاثير ..!
_ زى  الخيانه ؟
_ زيها
_ ايه هى ..؟
_ خيانه الوعد والعهد  ,, الاهمال  .. لما تعيش مع انسان بتحبه وبعد فتره يبتدى يتغير عليك ويبعد والمسافات بتطول بينكم مفيش تواصل ولا كلام ولا حتى احساس .. وجودكم مع بعض حجريين فاقدين الاحساس ومطلوب تعيش كده وتكمل ...
_ المسافات لما تطول طرف بيحاول يقرب ..!
_ حصل لكن المسافات بتبعد اكتر ...لان فى طرف تمادي فى بعده واعتمد ان الطرف التانى هيستحمل وهيستناه.. انا مقدرتش اعيش مع "ياسر" وهو شايفنى اباجوره او كرسى فى البيت طول اليوم بره شغل واصحابه والبيت ساكت كلمتين ومبيسمعش .. قبل الجواز كنا ااقل التفاصيل بنتكلم فيها مع بعض ونقرر مع بعض ,,اغلب الحاجات بعملها لوحدى راميلى مسئؤليه كل حاجه انا اعملها وهو حياته ركزت ع شغل بس .. سحب وجوده فى حياتى واحده واحده لدرجه ان حسيت انا مش محتاجاه فى حياتى لاني بقيت اقرر من غير ما أسئله  لانى عايشه لوحدى ... "ياسر" اتغير بعد الجواز .. فى الاول كنا مع بعض فى كل خطوه وقرار .. يوميا نتكلم ونحكي ..بعد الجواز مع الوقت قل كلامه وقل وجوده وقتها قررت الانفصال ليا وله لانى مش عاوزه اكره ..
_ اى حد بينشغل بشغله علشان يحسن وضعه المادي ويعيش احسن ..؟
_ تمام مفيش خلاف .لكن الانسانه اللى فى البيت ليها حقوق وليها حدودو للصبر والتحمل ومش سكوتها انها راضية ..انا اتعرضت لمواقف كان ممكن اضعف فيها زى ستات كتير من بعد اجوازهم عنهم بيضعفوا ويلومو اجوازهم انهم السبب ,, انا كنت بتلاشي يا "طارق" .. الانفصالل كان هو الحل ...
_ يعنى انفصلتى رغم حبك له ..؟
_ انفصلت لان قرار ارتباطنا ك ازواج كان غلط ,,انا طمعت فى صديقي انه يكون زوجي لكن اكتشفت مش كل الاصدقاء ينفع يكونو ازواج لان الزواج معناه اكبر واعمق هو تكمله الصداقه مش الفصل عنه ..! ...
_ كنتو تتكلموا ونتبهييه ع غلطاته  ؟
_ حصل كتير وكان بيقول اخر مره يومين ويرجع تانى يبعد ..فى افعال لو متعملتش طبيعي بيبقى ملهاش لازمه  وبالكلام مكنش هيفوق .. عشت معاه مش فاهمه بيحبنى ولا كان بيحبنى انا مكنتش طالبه كلام رومانسي وحب وهدايا وخروج ,, انا اللى كنت طلباه وجود ,,يحسسني بوجوده وبوجودي فى حياته ودا محصلش  .. ,, انا رفضت حياه الروتين اللى الكل عايشها لانى لما قررت اتجوز "ياسر" كنت عاوزه اعيش حياه مشاركه مش حياه فرداني,, رفضت اكون شئ ثانوي باكل وبشرب بس مش الحياة دى اللى كنت بتمناها مع انسان بحبه ,, الافضل انفصل عنه وله عندى شويا مشاعر عن انى اكره ...
_ انتي لسه بتحبيه صح ....؟
 ابتسمت "منة": "طارق" .. لما تحب حد بجد عمرك ما هتنساه لما يبعد مهما كانت الظروف والموقف كان ايه قلبك مش هيبطل يدق لما تسمع إسمه أو تمر ذكرى جمعتكم مع بعض هتفتكره طول ما انت عايش ، يمكن تتعود ع غيابه ومتبقاش متوقع منه حاجه ويختفي من حياتك وحياتك هتستمر وتقابل ناس تانيه لكن بتفضل حته جوه قلبك له انت بس الل عارفاها وحاسس بيها حتى لو انكرت ومبينتش ..احنا بنتناسي مش بننسى لأن الإحساس الحقيقي عمره ما بيتنسي بيتخزن فى ذكرياتنا ببساطة الحياة مبتقفش ع حد بتستمر لكن الذكرى بتفضل عايشه لآخر نفس عندنا
سكت "طارق" للحظات  واستكملت "منة" :
_ اللى عشته مع "ياسر" مش بسيط ولا سهل دا عمر وابقي كدابة لو قولت نسيت ..
_ طيب ما تسمحو لعلاقتكم بفرصة تانية و .
_مش هينفع ..فى حاجات حصلت صعب ترجعنا تاني لبعض ك اتنين متجوزيين ,,احنا كنا كويس ..
_ الواضح انك قررتي ومش هترجعي فى قرارك ..؟
_ احنا 3 سنين عايشين منفصليين وحياتنا مستمرة كل واحد فينا عرف هو عاوز ايه وعرف غلطته ومتحمل نتيجتها ,,
_ ومرتاحه دلواقتى ؟
_ الحمد الله .. بشتغل وشاغله نفسى نوعا ما .. وقررت مبصش ع ورا واكمل حياتي
_ المهم انك تكوني مرتاحه فى قرارك ..
_ الحمد الله وعايشه اهو وكله تمام ..
_ يلا بينا ندخل
_ يلا ..
_ "منة " ؟؟؟
_ايوه
_ "ماجد" قالى انك كنتي فى فتره ع تواصل مع "غدير " ؟
_ ايوه
 ابتسم "طارق": واخبارها ايه ؟
_ بصراحه من 6 سنين معرفش حاجه عنها اختفت فجاءه بعد وفاه والدها ومعرفتش اوصلها وعرفت انها سافرت مع اخوها ومامتها بره وسمعت مره انها اتخطبت او اتجوزت مش فاكره بالظبط  ومعرفش حاجه تانى ...
_ مفيش اى وسيله تعرفى توصليلها ؟
_ هحاول ولو لقيت هبلغك
_ متشكر جداا ..
رن الموبيل وكان دكتور "عثمان": انا هدخل بقي وانت رد ع موبيلك ومتتاخرش ..
_ تمام ..
وانهى مكالمته ووقف للحظات وطلع السلسله من جيبه ( بص ع الترابيزه وهما بيتكلموا ) : مكانك فاضى ..!
اتنهد ورجع السلسله فى "جيبه" ودخل كمل كلامه معاهم ,,كملوا قعدتهم وذكرياتهم واتحرك "ياسر" يوصل "منة" و"جهاد" و"صبا" واتجه "ماجد" مع "طارق" للمطعمهم .. ينتظرو "ياسر " :
_ اليوم كان جميل .. انتم دايما كده ولا علشان انا موجود ؟
_ لا احنا من زمان ع كده ..بنتقابل ونتجمع مع بعض لما "صبا" تكون هنا فى اجازتها وغير كده ع حسب ظروف" جهاد ومنة" ولازم يوم فى الشهر نتجمع كلنا مع بعض وزى ماانت شايف كده هى دى قعدتنا ..
_يا بختكم بجد ..
_ ابقى انزل مصر ع طول وهتشبع لغايه ما تزهق ..؟
_ ان شاء الله
 موبيل "ماجد" رن وكانت "اميره" ولاحظ اسم "حزينه "ومردش :
_ مش هترد ؟
_ لا .. مش طالباها انا مبسوط ..هبقى اكلمها بعدين ؟
_ وكاتبها "حزينه" فى حد بيكتب مراته "حزينه" مش خايف تتقفش وتعرف ..؟!
_ لا ما هى عارفه انى بدلعها ب "حزينه"
ضحك "طارق" :  انا لاحظت انكم ع طول فى مشدات مع بعض ودا من ايه ؟
_ يعني تتوقع يكون مني ..هى ..ام النكد اللى فى الكوكب كله اتجمع واتحط فيها علشان تكرهني فى حياتي
_ معقوله دا كلامك وانت كنت بتحب "اميره"وكلامك عنها ..!
_ بقولك كنت مغفل .. ضحكت عليا بهدوئها وابتسامتها وتمنعها لبستنى بدرى بدرى ..
_احكيلى صح اتجوزتوا ازاى ؟
_ انت عارف اول الحكايه من 19 سنه اول ما شوفتها واعجبت بيها ,, كنت معجب بيها وكانت رافضه حتى اسلم عليها ..فى الكنيسه كانت رافضه خالص اكلمها خوفها لحد يشوفها .. دخلنا الجامعه وهى الوحيده اللى شغلت دماغي ,,عرفت بنات اشكال كتير وهى اللى فى دماغي اول ما كانت بتنزل اجازه كنت بقعد قدام العماره مبتحركش انا كنت بستغرب من تصرفاتي لكن بكون سعيد بيها  .. خلصت اخر سنه فى الكلية  فجاءه قولت ل "فونا" عاوزه اتجوز .. هى اتخضت لكن هي  فكرت ان الجواز بدرى هيلمني وكده ..استغلت عفويتي وهبلى وراحت اتقدمت ووافقوا اهلها ع طول  وطلعت هى كمان كانت معجبه بيا لكن كانت مكسوفه .. اتخطبنا واتجوزنا فى ااقل من سنه ,,متعرفش انا الرجل الخارق ولا ايه حصل حمل ع طول ودا كان غير اللى كان فى التخطيط خالص ومن وقتها ابتدا التغيير .. حمل ووحم وولاده ,, و "اميره" اتغيرت خالص بعد ولادة "جاسمين"  ..اهتمامها كله ويومها كله ل "جاسمين" ..كل ما اقربلها تبعد وتقولى تعبانه وعاوزه انام وعصبية ع ااقل الحاجات .. الاكل بأكل لوحدي او تقولي اروح ل "فونا"
_ طبيعي الحامل بعد الولاده اهتمامها بيكون ل طفلها اول مره ..
_ تمام ..قالولى كده وصبرت 4 شهور من بعد الولاده لكن هى زودتها وتحس انها اكتفت ب "جاسمين" بس .. انا مبقتش احس بلزمتي فى البيت ولا حياتها ..اهتمام ورعايه لجاسمين  وانا ساعد نفسك بنفسك اللى كانت عاوزاه مني اخدته خلاص ,,حتى بقت تنام فى الاوضه تانيه علشان ايه متزعجنيش وانها بتخلع بالطريقه .. انا مش طالب اكتر من ساعه نقعد مع بعض ونتكلم .. نتعشي سوا ..نخرج سوا .. كده يعني ,,لكن هى بعد الولادة اتحولت كله لا لا لا .. مش هينفع .. مش قادره .. مش عاوزه .. دا انا روحت قعدت يومين عند "فونا" كلمتني فى تاني يوم لما لاحظت انا مرجعتش .. يوم بحال ملحظتش وجودي ب انشغالها ...
_ متكلمتش معاها ليه  ..؟
_ اتكلمت يوووووه كتير .. اتظبطنا شويا لكن رجعت تانى..  البيت والبنت وكلامنا بقى محوره "جاسمين" لسه مكملتش سنه وبتفكر مدرسه ايه هتدخلها .. عاوزه تغير اوضه "جاسمين" ,,اقولها تعالى نخرج تقولى والبنت ,,اقولها نخرج بالبنت عادى زى بقيت الناس ,,نخرج الخروجه متكملش نص ساعه يلا نروح علشان البنت ... امها تشكر عرضت البنت تنام عندها يوم على اساس تسيبنا مع بعض يعنى و"جاسمين" 11 شهر .. اليوم كان عباره عن عياط وتفكير ياترى نمتى او كلتي  .. تخيل مراتك فى حضنك وبدل ما تقولك بحبك او كلمه حلوه تقولك انا قلقانه ع البنت .. خلتنى الفجر روحت جبتها ...
 ..دا غير انها بتاخد قرارات فى حاجات من غير ما ترجعلي وتقولي ماهو انا هوافق لانها شايف دا صح .. طيب تقولي وانا اقول ..لا القي نفسي لبست كده .. العيال يسالوني ع حاجه عادي واقولهم موافق تطلع هى تقول لا وكان لازم يسالوها الاول .. ماانا موجود وانا وهى واحد لا الطلب لازم يمر من عندها الاول  وانا امضي بس .. انا فى البيت اسم ,, خناق لانها مش عاجبها طريقتى مع العيال انا بدلع ..ماهو الطبيعي حد يشد تانى يرخي مينفعش الاتنين .. حاولت حياتي لنكد وهم ودايما بتشكي .. حزينه ولا مش حزينه ..
_ عرفها غلطها بهدوء..
_بص هى عمرها ما بتغلط نفسها دايما شايفه انا الغلط وهى الصح
_ وانت بقى عملت ايه ؟
_ ولا حاجه استسلمت لدماغها وخليتها تعمل اللى يريحها وانا اعمل اللى يريحني .. المهم طلباتها هى والاولاد مجابة بس كده اللى بره البيت ميخصهاش ..انا عباره عن بنك هات فلوس لكذا اهو .. عاوزين فلوس لكذا اهو .. فى البيت مع العيال خناق لانها مش عاجبها طريقتى معاهم انا بدلع ..ماهو الطبيعي حد يشد تانى يرخي مينفعش الاتنين .. حاولت حياتي لنكد وهم ودايما بتشكي .. حزينه ولا مش حزينه ..
 اتفاجئ "طارق" من كلام "ماجد" :
_ معقول الحب اللى بينكم اختفي ..ولا مكنتوش بتحبوا بعض ..؟!
_ انا متاكد من نفسي انا اتجوزتها علشان بحبها ودا كان غلط ,,الحب مش كل حاجه فى الجواز ,,
وصل "ياسر": ها بتنمو ع مين ؟
_ طبعا وصلت "جهاد" و "صبا"  نزلت فى الطريق وكملت مع "منة" للبيت صح ؟
 اتفاجئ "طارق ": ايه دا ايه عرفك ؟
ضحك "ماجد" : ماهو دا اللى بيحصل  "ياسر" يتفق مع "صبا" بما ان "صبا" بتقضي اجازتها عند "منة" فيقولها انزلى فى نص الطريق علشان يقعد مع "منة" بمعنى اصح يسرق وقت يكونوا مع بعض ..
_انت عيل رخم اسكت ..
_ وياريت بفايده هى مصممه ع رايها وهو قافش فى فكره انها بتعاند بس ..
_اه هى بتعاند وانا متاكد ..
 وجهله"طارق" الكلام: انا اتكلمت مع "منة" لكن محستش بمعانده هى اخدت قرار وبتنفذه ..جبت منين انها بتعاند ايه الاشاره .. يمكن علشان متجوزتش تانى يعنى ؟
ادخل "ماجد" : احكيلك انا .. فى يوم طلعنا كلنا يومين اجازه "صبا" حجزت لينا فى الفندق عندها زى العاده .. وقتها كانوا اطلقوا ومر مده واتفقوا خلاص كل واحد يشوف حياته وهو قرر انه هيفضلو اصحاب بس ..هناك  حصلت حادثه بسيطه وهما مع بعض  ..هى فاقت من البينج متاخر عنه وهو كان مستنيها تفوق ..اول ما فاقت وفتحت عينها رددت اسمه ولما شافته اترمت فى حضنه  بتطمن عليه عادى  هو بقي اوفر قال ايه بتحبه ...
_ لا مش عادى ..قامت من ع السرير واترمت فى حضنى ونبره قلقها وخوفها وانا سمعتها بودنى قالتلى لو كان حصلك حاجه انا مكنتش اقدر اعيش بعدك ..سمعتها .. يبقى لسه بتحبنى ولا لا ؟
_ يابنى دا بنج .. بينننج  وهى مكنتش فايقه ,,هى نفسها نسيت قالت ايه .. قولتله كده وهو قفش فى الجمله ومن وقتها رجع فى كلامه وبيستغل اى لحظه يفاتحها بيضغط عليها وهى  بتصده .. الاهبل بسببها ساب شغله فى شركه ملابس ايطاليه كبيره مكانه كويسه جداا بمرتب عالى قال ايه علشان الشغل دا واخد كل وقته وسبب انفصاله عنها وراح  شارك اخوه وانا فى المطعم دا واهو 3 سنين  اغلب الوقت فاضى ولوحده برده .. غباء ..
_ انت مش فاهم حاجه اسكت احسن ..!
لاحظ "طارق" مشدتهم للكلام : باااااااااس باااااس اهدو كده .. انت مقتنع باللى بتعمله يا "ياسر"..؟
_ جدااا وهى بتصد دلواقتى لكن هتوافق بعدين ..!
ادخل "ماجد": انت مش فاهم ليه .. يابنى هى خلاص صعب ترجع تانى .. القرار اللى وصلتلها له وعملته قطع كل صله .. انت مش قادر تفهم ليه انك وصلتلها لقرار انها تجهضت  نفسها علشان متخلفش منك ولا يبقى فى حاجه ربطاكم ببعض ..
اتفاجئ "طارق": ايه ؟ هى اجهضت نفسها ؟
_ ايوه .. وبعد الاجهاض طلبت الطلاق ع طول .. وقالتهاله علشان مش عاوزه صله تربطنى بك  ازاى بقي ترجعله مش فاهم انا ...!
تذكر "طارق" كلام "منة" ان فى حاجات حصلت صعب يرجعوا لبعض بسببها..
|_ واضح ان الحكايه اكبر منها اتنين انفصلوا ,, "ياسر" حاول تعيد تفكير تاني لان الحكايه مطلعتش سهل زى ماانا افتكرت ..!
غيرو الموضوع وابتدوا يتكلموا ع اى حاجه تانيه ..!

 رجع "طارق" الفندق وغير ملابسه ونام واتكرر الحلم وصوت "غدير" فتح عينه مخضوض وقام  وفى التراس قعد  وحط السلسلة ع الترابيزه امامه وباصصلها  وشافه "عثمان" وقرب منه :
_ اممم باين انك مقابلتهاش لسه ؟
_مين دى ..؟
_ صاحبه السلسه اللى معاك من  17 سنه ..!
ابتسم"طارق": لا للاسف مشفوتهاش لسه  ولا حد في المجموعه يعرف عنها حاجه ..الوحيد اللى كانت ع صله معاه "منة" اخر حاجه عرفتها انها اتخطبت او اتجوزت وسافرت ..
_ يعنى خلاص كده هتحتفظ بيها للابد
_ امممم مش عارفه بس حاسس انى هقابلها حتى لو صدفه ازاى وامتى وفين مش عارف ( مسك السلسله وباصصلها ) طول السنين دى السلسله عاوزه ترجعلها مش قادر احتفظ بيها ليا مش ملكى عاوزه ترجع لصاحبتها ,,
_ ياعالم فى الدنيا معجزات ممكن تتحقق المعجزه دى وتقابلها وترجع لصاحبتها
_ ياريت ...
_ طول ماانت مصدق وواثق انك هتقابلها الظروف هتساعدك تقابلها متيأسش
_ ان شاء الله

مر يومين واستمرت مقابلات طارق و "ياسر و ماجد .. وفى  يوم قابل "هدير" فى المستشفي :
_ صباح الخير
_ يا صباح المواعيد المظبوطه ..
_ انا قولت افطر معاكي تعويض ع اليومين اللى فاتو
_ لا انسي انا مصالحتي مش بالشكل دا لا ..
_ طيب عاوزه ايه واعملهولك حالا بالا
_ حيو ابو الفصاااد هييييييييييه
ضحك"طارق" : لا بجد انا عارف ان انا مشغول مع "ماجد" و"ياسر" و..
_ لالالا متعتذرش دول اصحابك ومش اى اصحاب انتم اتجمعتوا بعد فراق 17 سنه دا انا بكون مبسوطة لما بشوفك مبسوط وانت بتكون مبسوط وانت معاهم ..
_ ومعاكي كمان .. انتم الحاجات الحلوة اللى فى حياتي تعويض عن حاجات كتير خسرتها ..
_ بس دا ميمنعش انك تخرج وتتفسح من غيري .. الجدول اللى كنت عاملاه  معاك اتلغبط ينفع كده ,, والوقت اللى مبتكنش فيه مع اصحابك اتفاجئ بوجودك عندنا فى البيت مع "هاله" اسمه ايه دا ؟
_ انتى عارفه الظروف النفسية اللى بتمر بيها "هاله" ومقدرش اعمل نفسي مش شايف ,, اختي
_ والله لو مش اختك دا انت لما بتتعرف ع حاله مبتسبهاش ..
_ اصل انا بحب الناس اوى اعمل ايه ..؟!
_ وهما كمان بيحبوك اوووى والله  بس لازم شويا عدل ..
_ ماهو ..انا سبت دكتور "عثمان" يفطر لوحده قولتله لا هفطر مع "هدير" ..!
_ ماشي .. يلا بينا .. وهنتغدي مع بعض ..
_ ونتغدي مع بعض ..
_ وبعد الغدا ندخل سينما مع بعض ..
_ وبعد الغدا ندخل سينما مع بعض ..
_ وبعد السينما ..
_ لا بعد السينما ايه انت لازم ترتاحي ..ايه مزهقتيش اليوم كله اهو معاكي ..
_ امممممم .. لا طبعا تيجى فرصه قدامي انتهزك واستغلك واضيعها لالالا ولا انت جى تضحك عليا بالفطار وكلمتين بس ..
_ ولا تزعلى اليوم كله باكدج ليكى بكل مافيه وانا معاكي لغايه ما تقولي خلاص كفاية عاوزه اروح البيت ...
_ وانا موافقه 5 دقائق ورجعالك ننطلق
_ تمام ...

خرج "طارق" مع "هدير" وقضوا اليوم مع بعض ووصل "طارق" هدير للبيت  بيبص للساعه :
_ الساعه 2 بعد منتصف الليل مامتك وباباكي هيزعقولك ويزعقولي ع رجعوك المتاخر دا ..!
_ لا خالص انت الوحيد اللى لو كنت معاك فين عمرهم ما بيقلقو بيطمنوا جداااا وبيفرحوا
_ طيب تمام ... بس اليوم كان جميل .. كده اتصالحنا تمام ..؟!
 ب ابتسامه : انا مقدرش لا مينفعش ازعل منك يا "طارق"
_ وانا مقدرش ازعلك من الاساس يا "هدير" بجد ..بس انتي عارفة اجازتي سببها الرئيسي ايه وفكره انى اتجمعت معاهم تاني كلهم دى كانت مفاجاءه حلوه جداا
_ وان شاء الله هتكمل فرحتك وتطمن ع "غدير" وترجع امانتها ..
_ اتمني كده مر من اجازتي  شهريين ونص ومش عارف ..
_ بتحصل المعجزات من ابسط حاجه .. تفائل انت بس هو انا اللى هقولك ولا ايه ؟
ضحك "طارق":  تمام يا دكتور ,, يلا ادخلى وارتاحي وزى ما وعدتك اليوم دا هيتكرر كتيررر
_ تمام وانا مستنيه .. طمني عليك لما توصل ..!
_ تمام .. تصبحي ع خير .
_ وانت اهل الخير ..
دخلت "هدير" وركب العربيه لما اتاكد انها دخلت الاسانسير ,, دخلت "هدير" الشقه وهى مبسوطة جدااا ورمت بجسمها ع السرير باب غرفتها خبط وكانت والدتها :
_ كل دا تأخير يا "هدير"؟
_ ماما .. بجد محسناش بالوقت
_ باين انك مبسوطة ..!
_ جدااا .. عارفه يا ماما كل انسان محتاج يوم اجازه كل فتره علشان يفرغ كل الضغوط اللى عنده ويصفي ذهنيا علشان يرجع لشغله وحياته بنشاط ...
_ ايوه ..
_ اهو دا اللى حصلي .. ضغط الشغل الفتره اللى عدي راح وحاسه بنشاط انا مستعده اروح المستشفي  دلواقتي ..
ضحكت": لدرجه دى .. بس مش غريبه انك مبتحسيش بالسعاده ولا الراحه دى غير مع "طارق" ..؟
_ بجد الوقت معاه مختلف وبيمر بسرعه ..
_هو "طارق" ملمحش ب اى حاجه كده ولا كده ؟
_ يلمح ل ايه يعنى ..؟
_ يعني ..
_ يا ماما ..
_ بجد انا بتمني انه يكون من نصيبك لانى شايفه سعادتك معاه مش انا بس دا كمان باباكي بيتمني اللحظه دى تيجي وانتم الاتنين مع بعض ...
سكتت "هدير": ماما بلاش الكلام دا  ارجوكي ..
_ ليه انتى مش بتحبي "طارق"..؟
_ ماما .. قومي روحى اوضتك انا عاوزه ارتاح شويا قبل ميعاد المستشفي ..
 وقفت مامتها : بتغيرى الكلام ,,متكدبيش احساسك انتي بتحبيه كلنا ملاحظين كده ..
_ اصل مهما كان كلامي وكلامك  مش هيغير حاجه ..
_ لا هيغير ..
_ لا مش هيغير حاجه لان "طارق" نفسه هو المهم وهو عاوز ايه المهم,, والتخيل والاحلام ساعات بتتعس صاحبها لما يكون مش متاكد او مفيش اى اشارات  ياماما ..
_ ماشي يا "هدير" بس صدقيني مش هتلاقي زى "طارق" وهو مش هيلاقي زيك ..وانا هفضل ادعي لغايه ما يجي اليوم دا ,,,
خرجت مامتها وقعدت "هدير" قدام المرايا  وطلعت صورتها مع "طارق" فى لندن نظرت فيها لحظات واتنهدت ورجعتها مكانها ....!


 تاني يوم  بليل قابل "طارق" "ياسر" فى مطعمه :
_ هو "ماجد" لسه مجاش ..دا كلمني وقالى انه هنا اساسا ..
_ لا ماهو جه وجاله اتصال حاله انسانيه فخرج مش هيتاخر جى .. تشرب ايه ولا ناكل انا ورايا كام حاجه كده هعملها وراجعلك تمام ..
_ياسر..
_ ايوه
_كان "ماجد"قالى ان فى صور لكم فى تجمعاتكم يعنى مع بعض موجوده معاك هنا
_ ايوه ع اللاب هجبهولك ثواني ...
 رجع "ياسر" ب اللاب : اتفرج براحتك  وانا هخلص اللى ورايا وراجعلك تمام
_ تمام ..
 ابتدا "طارق" يفتح الصور كانت كل مجموعه صور تحت سنه حدوثها وابتدا بتاريح سفره "لندن" وابتدا يفتح فى الصور وكانت "غدير" موجوده فى صور منها  ولاحظ تغيير فى ملامحها وعزلتها وهى معاهم مقارنه بالصور اللى هو فيها معاها ..وظهرت صوره فيها "غدير" والسلسله حول رقبتها  طلع السلسله مع جيبه واتمني امنيه واحده انه يقابلها ويرجعلها .. وهو بيقلب فى الصور ظهر "ماجد":
_ ابو الطوارق ..جيت امتي ..؟
_ انت كنت فين ..
_ حاله انسانيه ملحه مقدرتش اقول لا بس انا متاخرتش ,,اكلت ..؟
_ ايوه وبشرب الشاى كمان اهو ...
_ بتعمل ايه بتتفرج ع صورنا ...؟
_ ايوه ..بشوفكم كنتم بتعملوا ايه السنين اللى فاتت ...
_ هتلاقى عاهات ...
ضحك"طارق": بس فى صور مضحكه جداا احسن حاجه عملتوها انكم سجلتو اللحظات دى فى صور ..
_ كتير لما بنتخنق بنحب نرجع ل ايام كنا مرتاحيين واقصي طموحاتنا منحضرش درس ولا مدرسه ونقعد ع ناصيه الشارع نضرب عصير مانجه او كشرى ..لا كان فى هم زوجه نكديه ولا طلاق ولا مرار طافح
_ يااااه لدرجه دى ...
_ واكتر واكتر اسكت ..
 رجع "ياسر": "ماجد" فى حاله انسانيه بتسال عليك هناك ..
_ اه شوفتها .. نصايه وراجع يا "طارق" قلب انت فى الصور واسترجع ذكرياتنا
قام "ماجد" وقعد "ياسر" وبص "طارق" ع الحاله الانسانيه وكانت فتاه فى عمر 22 سنه تقريبا
_ مين دى ؟
_ حاله انسانيه زى ماقالك ؟
_  هو "ماجد" فاتح رعايه اجتماعية وانا معرفش ايه كل الحالات دى ....؟
_ لما يرجع اسأله ..قولى ايه رايك فى الصور شوفتها كلها ..
_ اها شوفت بعضها واسترجعت معاها ذكريات جميله .. ولاحظت صورك انت و "منه" فى الجامعه " كنتم مقربين اووى ..
ابتسم "ياسر": جدااا .. يوميا كنا ع تواصل منعملش حاجه غير لما نقول لبعض كانت ايام جميله ..
_ واضح ذكرياتكم جميله ..
_ جدااا ..موبيل "طارق" رن وكان "دكتور عثمان " : ثوانى وراجع ..
خرج "طارق" يرد ع المكالمه ولاحظ تعامل "ماجد" وضحكه مع البنت ,, خلص المكالمه ورجع وكان رجع "ماجد :
_ ايه كميه الحالات الانسانيه دى ايه كميه البنات دى ؟
_ بزيد من نجاحي ..
_ نعم ..؟
_ مش بيقولك وراء نجاح كل رجل امراه ..صح ؟
_ ايوه ..
_ ف اذا اردت المزيد من النجاح عليك بالمزيد من النساء يا صديقي
_ ومين اللى قال الكلام دا ..
_ "ماجد وليم اينشتاين "
_ انت فظيع ..
 ضحك "ياسر" و "ماجد" و"طارق " واتكلموا وكملو كلامهم  واتصلت "هدير" ب طارق" وخرج كلمها ورجع :
 غمز "ماجد" ل "طارق":  ايه بقى نظام "هدير" يا دكتور "طارق"؟
_ مالها "هدير"..؟
_ فى العيد الميلاد والمرتين اللى قلبناها فيهم وخرجت معانا كان باين اوى انها معجبه ولهانه ..
_ ايه اللى بتقوله دا ..؟
_ البنت عينيها هتطلع عليك  بصراحه انتم الاتنين لايقيين ع بعض يلا علشان تيجى تقعد جنبنا ونبقى الموكوسين الثلاثه زى الاغبياء الثلاثه كده
ضحكك"طارق": علاقتى ب "هدير" صداقه,, ابوها صديق طفوله دكتور "عثمان" وبالتالى اتقربنا لبعض اخوات يعنى زى علاقتي بكم كده ...
_ اممم يعنى مفيش هكا ولا هكا ..
_ انت فاكرني زيك مقضيها حالات انسانيه .؟!
_ مالها الحالات الانسانيه .. تغيير ومركز راحة من نكد اللى فى البيت بشحن علشان اقدر اواجهه الوحش لما اوصل البيت ..!
_ يا سلام ...
_ . بس تصدق احسن انك مش ناوى انا كنت بجرك علشان غيران منك فاضى ولوحدك كده ..
_ انت عارف مشكلتك انت و"ياسر" ايه ؟
_ ايه ؟
_ انكم برغم ارتبطتوا باللى بتحبوهم عشتوا التجربه بطريقه غلط ؟
_ ودا ازاى بقى ؟
_ اولا "ياسر" انا لما سالتك سبب انفصالك بملامح حزينه وندم انك مقدرتش تحافظ عليها ,,فوقت متاخر و"منة" قالتلى "ان الانفصال كان الحل عن انها تكرهك .. انتم الاتنين حبيتوا بعض والاصح انت حبيتها لكن معرفتش تحافظ عليها ..
لاحظ انتباه "ماجد" و"ياسر" واستكمل كلامه :
_ مشكله الرجل او المراه فى العلاقه انهم لما بيدخلوا العلاقه بالزواج  بيكونوا فاكرين ان دى اخر حاجه ممكن يعملوها او دى اخر مرحلة فى العلاقة يعنى خلاص ضمنوا بعض لكن للاسف اللى بيحصل عكس ..لان الزواج بيكون البداية ..فالاغلب فاهمين غلط فبيتعاملو بالامبالااه واهمال اللى بيدمر العلاقه ,,
 لاحظ تركيزهم واستكمل "طارق" كلامه :
_  تخيلوا 30 ثانية كده انكم بتتمشوا ووقفتوا قدام محل فيه تيشيرت عجبك جدا هتعملو ايه ..؟
 رد "ياسر": بروح اشتريه ؟
_ حتى لو غالى ..
اتدخل "ماجد": اتصرف مدام عجبني..؟!
_ احساسك اتجاه التيشيرت بيقل بيبدء ب  الحماس والرغبة انك عاوزه قبل غيرك ما ياخده بيدفعك تشترية وبتلبسه فرحان به طول اليوم  ترجع البيت ترميه ع الكرسي وتاني يوم تلبس تيشيرت تاني لان خلاص اكتفيت منه لانك امتلكته  ,, بتفتكره لما بتشوفه لما ترجع البيت تبص عليه  وبترمي عليه بنطلون  ع قميص ع جاكت  وبيختفي من قدام عينك .. اعجابك وانبهارك به اختفي لانه خلاص بقي موجود  واثق وعارف انه موجود فى مكانه لما تحتاجه تانى بتدور عليه فى المكان اللى رميته فيه وبتلاقيه فعلا متحركش  .. فدا زى علاقه الرجل .. اللى بتحبها بالظبط زى التيشيرت بتشوفها وتحبها وتتلهف عليها وتعمل المستحيل علشان تتجوزو وتكون معاك وبتمروا بمراحل التعارف والخطوبه والجواز وشهر العسل ,,, وبعد ما تتجوزوا بيدء الرجل  احساسه بيتغير اتجاهها لانه ضمن وجودها زى كرسى السفره والتيشيرت اللى لبسه ورماه ع الكرسى بيرجع يلاقيه زى ماهو .. بينسى مراته ويهملها  وبيقضي ع احلامها انها تعيش حياة مع شريك بيحبها ودايما هى من اولوياتة ف تجاهله بيحصل خلافات بينهم ل اعتراضها وبيزيد الخلاف وبيوصل ل الطلاق لانها حست انها ملهاش لزمه فى حياتك اتحولت من انسانه ل خيال .. لكن لما تتاكد انها عاوزه تنفصل بتحس فجاءه بحبك ليها وقلبك يوجعك ع فراقها وتحاول تصلح لكن خلاص فات الوقت  ,,, ودا لان حصل فتور فى العلاقه فى الاول واستمر ...
_ ودا بقي له سبب ؟
_ كيمياء الاعصاب ..
_ يعني ايه ..؟
_ بمعنى ان اعصابنا لدقتها بتحس بلحظات الانتقال لكن مبتحسش بالاستمرار ... يعنى مثلا تكون ساكن فى مكان هادي وفجاءه تفتح الشباك تسمع صوت دوشة فى الشارع فى الاول بتتفاجئ لكن مع الوقت بتتعود والدوشة بتكون شئ عادي ... الروتين يا جماعه  بيقتل المشاعر لكن الاحداث المفاجئه هى اللى بتنبهنا الاحداث المتغيرة اللى بتحسسنا بالحياة اننا موجودين ,, علشان كده مبنحسش بقيمه الحاجات غير وهى فى اخر لحظات ضياعها مننا لما الوضع بيتغير .. مبنحسش بحبنا للى بنحبهم غير لما نفقدهم بنتوجع ونتعذب ونندم اننا سبناهم او قصرنا فى حقهم  ..
_ وايه بقى الحل لتغلب ع الروتين دا ؟
_ التغيير ... الزوجه مينفعش تكون زوجه بس لزوجها ,,تكون صديقه ورفيقه وكل حاجه ف تتحول كل يوم ل واحده تانيه  تحسسه بالتنوع بعيد عن الروتين والزوج كمان يكون صديق قبل ما يكون زوج ليها لان ارتباطهم ببعض يعنى الاتنين هيكونوا كل حاجه فى  يجددوا حبهم بين وقت والتانى يتكلموا .. يتكلموا مع بعض زى ما بدؤ علاقتهم ,, قله الكلام والحوار بين الاتنين بيعمل فتور وبعد  ,, اويعملو  حاجه بيعملوها ع فترات تحسسهم بوجود بعض او معنى اصح انا فاكرك مش ناسيكى ..لكن يركنوا بعض ع اساس ان الجواز كده اخر مطاف وهى مركونه فى البيت لا غلط هى انسانه ليها مشاعر وبتفرح وبتتوجع ووقت ما بتاخد قرارها بتنفذه بلا راجعه ...
رد "ماجد" : لكن فى ستات نكدية هى اللى بتبدء ب الاهمال ..
_ ايوه في لكن الاغلب بيكون من الرجاله ..
_ نعم ..؟
_ فى احصائيه بتقول ان الرجل بيكون المسؤؤل الاول فى قضيه الاهمال ....؟
_ ازاى ..؟
_ لان المراه لما بتحب بتحب بكل حاجه وتركيزها بيكون لشخص واحد لكن الرجل بيحب نفسه معاها  ولما بيرتبط بيها ويضمنها بعقد الجواز  حبه لنفسه بيزيد ,,ا بيخرج ويسافر مع اصحابة  وهى بتتحمل مسؤليه البيت والاطفال ومسؤليته فى غيابة ولو سكتت ورضيت وقدمت اعذار  بيتمادي فى تجاهلها ع انها هتستحمل  .. طبعا فى رجاله غير كده بس الاغلب كده للاسف ... و "ياسر" كان منهم حبه ل "منة" محافظش عليه لانه  فكر فى مستحيل ينفصلوا وتعامل من المنطلق دا اهمال وصل لفتور وصل ل انفصال  .. فى العلاقات مفيش مستحيل فيها  لان كل شئ ممكن وانفصلوا  ...سكتوا وكمل "طارق " كلامه :
- _ صعب اوى ع الواحدة تعيش مع راجل يوصلها انه مجرد ضل فى حياتها ،لما تحتاجة و تسند عليه تقع بينسي انها إنسانة وليها طاقة إحتمال وصبر محددين لما بيخلصوا بتتخلص من كل حاجه فى حياتها وأولها حبها لراجل دا ..!
_ ياااه يا"ياسر" دا انت كنت مغمقها اوى
 نظر "طارق" ل " ماجد ": وانت كمان  متختلفش عنه كتير ؟
_ لا مفيش زى احنا كل يوم انا واميره بنتكلم وبنتخانق مفيش اهمال اهو ..
_ لكن فى حب السيطره ؟
_ مش فاهم ..
_  المتداول ان اقوى علاقه بين الرجل والمراه هى الحب .. لكن بيعادلها الحرب علاقتهم بتكون حب وحرب وهما اللى بيختارو يعيشوا ايه ,, والاغلب بعد الجواز بيختارو الحرب ..حرب مستمره بين الاتنين .. بيتعاونوا ع المعيشه لكن بيحاربوا مين يكون القائد ...ولان المراه بطبيعتها العاطفيه مش بيكفيها تكون سيده على بيت الرجل وقلبه لكن بتحارب علشان تكون سيده على عقله وافكاره عاوزه تكون كل حاجه فى حياته واول اهتماماته وكلامها يسمعه ويكون له تأثير فى حياته ..والرجل كمان نفس التفكير لما بيحب وبيرتبط بيكون عاوز حياه وتفكير اللى بيحبها تكون له لوحده .. مش كفايه انها تحضرله الاكل وتراعى الاولاد لكن عاوز اى خطوه بتعملها وبتخطط ليها تكون تحت اشارته ورايه واردته .. بيكون عاوز يمتلك جسم مراته وعقلها وعواطفها ... فدايما فى اغلب العلاقات الحرب دى بتكون موجوده والشاطر والامهر يغلب ويكون هو القائد فى العلاقه والمسيطر اللى التانى من غيره يتوه  ...
_ ودا من ايه وليه ؟
_ لان المراه لما بتدخل علاقة بتحب ولما بتحب بترمى نفسها من غير تفكير فى دوامه القلق والخوف ياترى بيحبنى ياترى هيفضل معايا ياترى..؟! ياترى..؟! ودا بيضعفها وبيضيعها ,, لدرجه انها بتكره احساس الحب دا لانه بيضعفها ..وعلشان الخوف دا والضعف اللى حساه بيكون همها انها تسيطر ع اللى بتحبه علشان تتاكد ان حبها مش هيضيع زى بالظبط احساسها بتحط فلوسها فى خزنه هى بس اللى معاها المفتاح فتبتدي تضغط عليه وتحاصرهوبتبدء الخلافات بينهم انت مش فاهمني وانتي مش فهماني  ... والرجل كمان بيحس بكده لكن مشكلته اكبر هو بيشوف ضعفه فى الحب بيعادل خسارته لقوه شخصيته ومكانته وانه هيكون من غير شخصيه لو وافق وتنازل  .. يعنى مش راجل ..علشان كده بيحارب انه يكون المسيطر فى العلاقه ويسيطر ع حبيببته او مراته ويمتلكها ... وفى وسط صراع الاتنين فى العلاقه بيتولد الخوف والكراهيه والقسوه وبتتحول العلاقه الى علاقه معقده كلها مشاكل وخلافات ع ابسط الحاجات  ومعنى الحب البسيط والمشاعر الجميله اللى ربطتهم ببعض فى الاول بخ اتبخرت ,,, فهى شايفاه ملاك وشيطان وهو كمان شايفها كده ع حسب مين المسيطر فى العلاقه ... ف انت يا "ماجد" كده بالظبط مع "اميره" اللى شوفت اكدلى كده مفيش تفاهم ونقاش فى هدوء مبتدوش بعض فرصه تسمعوا بعض دايما كل واحد بيحاول يثبت لتانى انا الاقوى وانا الصح وبالتالى انتم الاتنين خسرانين .. خسرانين العلاقه مفيش مكسب ...
 ملامح "ماجد" و"ياسر " اتغيرت ومذهولين من كلام "طارق":
_ لدرجه دى احنا السبب ...؟
_ وهما ,, انتم الاربعه سبب فشل علاقتكم ,, الطرفين بيكونوا السبب ,,فى حاله "ياسر"  هو السبب  ودا من ندمه ع الانفصال ومحاولاته لرجوع وخوفها انها ترجع لانها سمحتلوا بكذا محاوله وفشل ... وانت يا ماجد واميره السبب لانكم مبتسمعوش بعض وصوتكم عالى ولما بتزهق بتهرب ودا غلط ... العلاقه بين اى اتنين محتاجه تفاهم واحتواء سهل انك تحب الصعب ان العلاقه دى تستمر ولما يحصل  مطبات تلحقوها مع بعض مش طرف يحاول والتانى لا او الاتنين يعاندوا لا بيعترفوا بغلطتهم ولا بيحاولوا يصلحوا علاقتهم ... فبالتالى النتيجه .. انفصال وندم والتانى حياه مليانه بمشاكل وصراعات لا نهائيه والاسوء لما يكون فى اطفال هما اللى بيتحملوا النتيجة .. علشان كده "منة" لما حست انها اختفت من حياه"ياسر" قررت تجهض الجنين علشان مكنتش عاوزه ابنها او بنتها يعيش اللى عاشته ولا تكمل فى علاقه بسببهم لانها فقدت الامان  ... !
انهى "طارق" كلامه وسط صمت من كلا من "ماجد" و"ياسر " ...!
  رجع "ياسر" و"ماجد"  كل واحد لبيته و كلام "طارق" بيتردد ع مسامعهم ,,  دخل " ماجد" الشقه والكل كان نايم ,,فتح غرفه اولاده واطمن عليهم وخرج دخل البلكونه يدخن سيجاره واعاد تفكير فى كلام "طارق " واحاطته مشاكله مع "اميره" وهو فى البلكونه خرجت "اميره" وقفت ربعت ايديها ولاحظها "ماجد" واتخض :
_ قولى احم ولا اتنحنحي خضتيني ..
_ حضرتك شرفت امتي ؟
_ من شويا ليه فى حاجه ..كنتى نايمه وصحيتك ولا ايه ؟
_ انهارده ايه يا "ماجد"؟
_ ايه يعنى .. الاحد ,, ولا الاتنين
_ انهارده  كنا معزومين عند طنط "مارى" وقولتلك تيجي واستنناك وانت مجتش
_ ايوه قولتيلى وانا قولتلك مش جاى
_ وانا قولتلك هتيجي وقولتلهم انك جي  علشان مينفعش اكون هناك لوحدى
_ هياكلوكي ولا ايه وبعدين انا مبحبش خالتك "مارى" و جوزها عم "جرجس "ولا ابنها ومراته اروح اعمل ايه واستحمل سخافاتهم دى ليه ,,اديني سبب مقنع واحد ؟
_ من غير اسباب هى عزمانا الاسبوع اللى جي وانا قولتلهم هتيجي وهتيجي يا "ماجد"
_ نعم ..؟
مش هقولك علشاني لانى اصلا مليش لازمه عندك بس علشان شكلك قدامهم ..
_ طز .. ميهمنيش بيفكرو ازاى .. وبعدين تعالى هنا انتى صاحيه لنص الليل علشان نتخانق مقدرتيش تستنسي للصبح ..
_ انا عارفه مهما اقول كلامي ولا له لازمه هوا عندك .. وانا ابقي ايه يعنى الخدامه اللى جايبها فى البيت  لكن تضحك وتهزر وتتكلم وتخرج مع غيرى حلو اوى ..
_ "اميره" مش طلباكي خالص ..تصبحي ع خير ولا متصبحيش
 مشى "ماجد" وهو متعصب ودخل الغرفه ومسك البجامه ودخل الحمام وبيردد : قال ايه انا فاهمها غلط وهى اساسا الغلط نفسه وكنت براجع نفسي علشانها دى تستاهل ومش هروح عند خالتها "ماري"

يتبع ,,