لقاء مستحيل (18)

<3
(18)
 "ريم" فى ذهول مقدرتش تتكلم ,, قرب "لوهان" وجلس امامها :
_ هاي ..
_ بجد ..
 ضحكك "لوهان": لو تقصدي تحيتي ايوه والمتوقع فى المواقف دى انك تردي التحيه وتقولي هاي
سكتت "ريم": ريم ..
_ لو,, هان .. انت بجد ..!
 قرب دراعه : ممكن تمسكيني علشان تتاكدي انى حقيقي مش خيال
لمست ايده "ريم" واتخضت  وضحكك "لوهان":
_ انا كنت متوقع انك هتتفاجئي لكن مش هتتجمدي كده ,, اساليني اخباري عامل ايه كده ..؟
وقعت الهاند فري ع الارض واشتغلت الميوزك وكانت اغنيه من اغاني لوهان :
ابتسم: لسه بتسمعيها ..
مسكت "ريم" الهاند فري وقامت مسكها "لوهان" من ايديها :
_ استني "ريم" رايحه فين ؟
بتوتر : بعد أذنك انا عاوزة امشي
_ لدرجه دى ..
مشيت "ريم" خطوتين :
_ مش عاوزة تعرفي مين "ادوارد صاحب اللوحه ؟
 وقفت "ريم" متفاجئه ورجعت خطوتين : انت ادوارد .. انت كنت موجود امبارح فى المعرض ,, وكنت تعرف انا هنا ..
ضحكك "لوهان": فعلا متغيرتيش ..
طلع كارت من جيبه : اى حاجه عاوزه تسألي عنها معاكي الكارت اتصلي فى اى وقت هستناكي تكلميني
مسكت الكارت وواقفه بعد خطوتين ورجع تاني قرب منها وقالها : وحشتيني
بصلها : هستني مكالمتك باى ..
مشي "لوهان" وهو سعيد ب انه شاف "ريم" و"ريم" غير مستوعبه المفاجئه واحساس سيطر عليها انها بتحلم ,, اتجهت ع غرفتها فى الفندق وكل شويا تبص ع الكارت ودموعها مستمره وبتضحك فى نفس الوقت ,, حاله هستيريه اتملكتها بعد مرور 4 سنين وقطع الاخبار ظهر "لوهان" تاني رغم انها كانت متاكدة انه مستحيل تقابله صدفه .. جلست فى غرفتها بتحاول تصدق الموقف والكارت امامها ,, جلست فى حاله سرحان والباب خبط وهى مش حاسه قلق "امير" طلب مفتاح من الريسبشن ودخل وكانت "ريم" مشغله ميوزك والهاند فري ,, قرب منها "امير":
_ ريم
 اتفاجئت "ريم" بوجود "امير" مسكت الكارت اخفته : امير .
_ متتخضيش لكن انتي قلقتيني مبترديش ع الموبيل ولا فتحتي الباب .. فى حاجه حصلت ؟
 بتوتر : ها .. حاجه ايه .. لا مفيش ..!
_ متاكدة ..؟
_ ايوه ..ايوه ..
_ اوكيه .. يلا غيري هدومه وانا مستنيكي تحت علشان خارجين نتعشي بره
_ اوكيه ..
 استغرب "امير" من توتر "ريم",, خرج "امير" ومسكت "ريم" الكارت وحطته فى درج  وجهزت ونزلت وغير العاده "ريم" كانت سرحانه اغلب الوقت ولاحظ "امير :
_ "ريم" متاكده مفيش حاجه ؟
_ لا مفيش بس حاسه ب ارهاق شويا ..
_ تحبي نرجع الفندق ..
_ مش عاوزه اضايقك ..
_ لا ابدا .. المهم راحتك ..
 طلب "امير" الحساب ورجعوا الفندق .. رجعت "ريم" ماسكه الكارت وقعدت تفكر  بتستوعب انها قابت "لوهان" ,, مسكت موابيلها ولديها رغبه عارمة انها تتكلم معاه .. اترددت كتير لك ن اتخذت قرار وضغطت ع الرقم اتصال وبقلق سمعت صوت الجرس وتمنت فى لحظه انه ميردش وبعد تاني جرس قفلت بتوتر ,, بعد ما قفلت رن موابيلها وكان "لوهان " اتفاجئت انه معاه الرقم ,, رددت :
_ ريم ..
_ عرفت ازاى ..؟
_ كنت مستنيكي وقلبي قالي انك هتتصلي ..
سكتت "ريم" واستغل "لوهان" سكوتها : بكره الساعه 10 الصبح هكون مستنيكي فى الهوول متتاخريش
_ انا ..
_ "امير" بكره عنده ميتنج الساعه 9 هيخلص ع 12 الوقت دا هتكوني فاضيه .. هستناكي
 قفل ومسمحش ليها ترد واتفاجئت "ريم" انه عرف جدول "امير " ...
قفل "لوهان" وكان فى غرفته فى الفندق مع صديقه " ادوارد " ولاحظ ابتسامته المستمره رغم مرور مده ع مكالمه "ريم ":
_ انا أجلت الميتنج لبليل زى ما طلبت مني ..
لاحظ عدم التفات "لوهان" لكلامه وسرحانه فى الحرف فى ايده وابتسامته :
_ ليو .. ليو.. لوهان ..هاي
انتبه "لوهان": ها .. ايوه
ضحكك "ادوارد": روحت فين ..؟
_ معاك فى حاجه ..
_ انت اللى فيك من بعد المكالمه ..مكالمه تعمل كده فيك ؟
_ مكالمه مستنيها من 4 سنين
_ واضح جدا من ملامح السعاده ,, انا فعلا مستغربك لوهان ؟
_ ليه ..؟
_ 4 سنين لا تواعد ولا تقابل اى بنت ولا ترتبط  ع امل انك هتقابل بنت متعرفش عنها اى حاجه ,,ايه المميز فيها خلاها متشوفش غيرها .. جمال اكيد فى اجمل واغني ولا علشان مختلفه  .. ؟
 اتجه "لوهان" لثلاجه وفتحها ومسك علبه عصير فراوله : فى نوع من بنات حواء لما تقابلها وتقربلها وتضيع منك لسبب ما ,, وقتها باقي بنات حواء بيكونوا مجرد تكرار ملهوش معني ولا روح .. وهى من النوع اللى مبيتكررش فى العمر غير مره واحده عارفه ليه لانها مميزه مش مختلفه ..!
 وايه الفرق ..؟
_ الفرق كبير  التمييز بيكون منفرد ملوش تكرار ولا شبه يا هو يا لا  عينك مش شايفه غيره ,, لكن الاختلاف ممكن يتكرر ,, وهى مميزه فى حياتي ...!
_ اتمنالك توصل للى انت عاوزه لان اللى مريت به مكنش سهل
_ ولا اللى هى مرت به كان سهل عليها .. انا قررت استغل فرصه القدر بعد 4 سنين ومضيعهاش ..!
رفع "ادوارد" كاس : حظ سعيد يا صديقي
 رفع "لوهان" علبه العصير : شكرا يا صديقي
  تاني يوم كانت "ريم" صاحيه من بدري ,, فطرت مع "امير" واتجه "امير" لميتنج وابتدت تجهز لمقابله "لوهان" ,, احتارت تلبس ايه وكل شويا تبص ع الساعه ,, جهزت وعينيها ع الساعه وهى بتقرب ل 10 ,, اتملكتها احاسيس حنين وشوق ولهفه جميع الاحاسيس المفتقده اتجمعت فى لحظه ,, اتعمدت "ريم" تتأخر عن موعدها ونزلت اتجهت للهول وهى بتتمالك نفسها وتكون طبيعيه ,, قربت من "لوهان" كان منتظرها ولسه هتكلمه :
_ كل دا تأخير يا "ريم" 10 دقائق .
_ ها ..
 ضحك "لوهان" : تعالي نخرج من هنا هنروح مكان نتكلم فيه وتقولي اللى انتي عاوزاه يلا ..
مشيت "ريم" من غير ما تتكلم فقدت القدره ع الرفض وكانت مسلوبه الاراده ,, لكنها كانت سعيده وابتسمت من قلبها وهى ماسكه ايد "لوهان" ,, وصلوا للمكان ونزلت من العربيه لحديقه كبيره وشبه خاوية ,, مسك ايديها واتحركوا لمكان فى ترابيزه وكرسيين ,, بتنظر "ريم" حواليها ب اندهاش :
_ لوهان ..
_ كان واحشني جداا
_ ايه دا ..؟
_ صوتك ,, كنت مفتقدة جداا شكرا لاني سمعته تاني
 "ريم" بتحاول تتمالك : لوهان .. انا ..
قاطعها : انا اسف ع غيابي 4 سنين ,, اسف ان انا محاولتش اكلمك ولا مره ,, اسف سيبتك لوحدك تعاني لكن اتاكدي انا كنت بعاني اكتر ,, انا اختفيت الفتره دى بسبب كنت عاوز اثبته لنفسي قبل ما اثبته ليكي ..
_ عرفت ازاى انا فى فرنسا ..؟
_ صدفه ..
_ بتقول ايه ..؟
_ انا مرتبتش ولا لحظه قابلتك فيها ( شاور ع السماء) هو اللى رتبها ..
_ مش فاهمه ..؟
_ مقابلتنا دى صدفه ,,انا اتفاجئت بيكي فى اول يوم وصلتي الفندق مع "امير " ,, اتفاجئت جداا انه انتي واللى معاكي "امير " .. انا مكنتش اعرف انك فى فرنسا لكن بصراحه انا كنت هسافرلك "لندن" ..
_ والمعرض و ادوارد ..؟
ضحك"لوهان": صدفه ..
_ تاني ..؟
_  ادوارد دا صديقي وشريكي وصديقه رسام  هو صاحب المعرض ,, دعنا ع حضور المعرض رغم كنت رافض لكن تراجعت فى اخر لحظه وحضرت ,, شوفت اللوحه وعجبتني وقررت اشتريها وقتها شوفتك داخله المعرض انتى و"امير" ,, وراقبتك فتره ووقفتي عند اللوحه ,, قررت وقتها اشتريها حالا واشتريتها وعرفت انك كنتي عاوزاها وبعتهالك ع غرفتك فى الفندق ..
بيضحك "لوهان": بعد 4 سنين انتي زى ماانتي يا "ريم" ,, كنت فى الفندق علشان اشوفك ولمحتك قاعده كاعادتك فى كورنر ومعاكي الهاند فري فكلمتك وفاجئتك بس مكنتش اتوقع هتتخضي كده .. ولو محصلتش المقابله دى كنت هسافرلك "لندن" بعد يومين .. وكان لازم اشوفك ..؟
_ ليه ..؟
_ علشان اشكرك . شكرا ..
_ ع ايه انا معملتش حاجه
 _ انا بشكرك لاني لقيت نفسي ..بسببك لقيت نفسي اللى ضايعه مني وحاجات كتير مكنتش فاهمها ولا قادر افهمها فهمتها لما قربت منه ..
_ ممكن اسالك سؤال ؟
_ اتفضلي ..
_ ليه اعتزلت وسيبت "كوريا"؟
اتنهد : بصراحه مقدرتش اكون فى مكان ذكري فرقنا فيه هتطاردني ,, دايما كنت هعرف ان الموسيقي والفرقه سبب فراقك عني علشان احافظ عليهم ,, مكنتش قادر اتحمل فكرة انك اختفيتي وعلاقتنا انتهت خلاص ,,(فتح كف ايده وشاور ع حرفها ) حرفك المطبوع دا مش مجرد حرف ,, انتي محفوره فى روحي ولا لحظه نسيتك ولا غيبتي عن بالي ولا دقيقه ,, كل لحظه معاكي كانت بتنقذني وتهون عليا الوجع ,, لما رجعت من الرحله  حاولت اعرف اخبارك وعرفت ان خطوبتك من "امير" اتلغت بعدها ع طول وانتظمتي فى زيارات الجمعيه  .. شوفتك كذا مره هناك لكن مكنتش مستعد للخطوه دى .. كنت مستني الوقت المناسب ..
ريم ودموعها نازله : لوهان ..انا ..
 قام "لوهان" وقرب من "ريم" ومسك ايديها وفتح كف ايديها ووضع قبله ع الحرف :
_ سامحيني ع الغياب الفتره دى ,, انتي وحشاني جدااا ,, عاوز اقولك  احساسي اللحظه دى ان روحي رجعتلي وانا شايفك ولمسك وسامهك ,, بحبك ,, بحبك يا اول واخر حب فى عمري ,,
 "ريم" انهمرت دموعها وفقدت القدرة ع الكلام ,, قام لوهان وشاور قرب شخصين ومعاهم تورته وعليها رقم 7 :
_ ايه دا ؟
 _ انهارده مر 7 سنين ع اول مره شوفتك فيها فى لندن ..
اتفاجئت "ريم": 7 سنين ..
_ يلا طفي الشمع علشان تمر ال 7 سنين ونقفل صفحتهم ونبتدي مع بعض من جديد
 طلع علبه فيها خاتم : تتجوزيني يا "ريم"
 اتفاجئت "ريم" : لوهان .. ايه دا .. انت متغيرتش ,, انت مش مستوعب السبب الحقيقي اللى وصلني لقرار البعد عنك  من 4 سنين ..
_ "ريم" انا بطلبك لزواجك كما ينص الدين الاسلامي ع سنه الله ورسوله
 "ريم" مصدومه : بتقول ايه ؟
_ نتجوز كما نص الدين الاسلامي ع سنه الله ورسوله ..
بملامح عصبيه : ازاى .. انت عملت ايه بالظبط ؟
_ عملت المفروض كان يتعمل ..
 بعدت عنه "ريم" وبنبره حاده : اسلمت ..؟!  عملت اللى قت عليه يا "لوهان" .. اتسرعت واستهترت و..
حاول "لوهان" يهديها : اهدى ممكن .. اهدي واسمعيني وبعدين قولي اللى انتي عاوزاه ..؟
قعدوا وابتدت "لوهان" يتكلم :
_ انا اللحظه اللى سيبت فيها "كوريا" مكنتش عارف انا رايح فين ولا لمين ,, اللى كنت عارفه وعاوزه وقتها ابعد ع قد مااقدر علشان انسي لكن مقدرتش ,, لقيت نفسي فى شقتي فى نيويورك عشت فى عزله وتفكير طول الوقت فى سؤال واحد ايه السبب القوي اللى بعدك عني ,, مستقبلي فعلا ولا دينك اللى علاقتي بيكي من المحظورات فيه ,, مكنتش قادر اقتنع بالاسباب اللى قولتيها وكنت يوميا بهرب من التفكير  بسهر فى الكازينوهات  ارجع انام ,, زارني "ادوارد " وطلب منى ادخل شريك معاه وان الشغل اكبر وسيله الهاء طلبت منه يمهلني فتره ,,  بدأنا الشركة وقولت يمكن فعلا الشغل هيشغل تفكيري ,,  بجانب مقر الشركة كان فى جامع كنت بلاحظ ناس بيدخلوه بيصلوا وكان فى اعلانات عن محاضرات بيتكلم عن الدين الاسلامي لمفهومه الصحيح  وخصوصا بعد حادثه البرج اغلب المساجد كانت بتعمل توضيح ان الاسلام بينكر اى عمل ارهابي ,, فضول حضرت محاضره كنت عاوز اعرف هيتكلموا فى ايه ,, او معني اصح كنت عاوز اعرف هل يستحق انك تسبيني علشانه ودفاعك المميت عنه وقرارك بالبعد بسببه ,, حضرت مره لقيت انجذاب احضر كذا مره وبدأت اعمل بحث ع كتب ل الاحاديث والقران والتفسير وقريت كتير بتمعن ,, اتحول يومي لشغل ومحاضرات وقراءه وبحث ,, سنتين حياتي كانت كده ,, كان فى عميل سعودي فى الشركه وكان فى عقد هيتم فى السعودية وهو عرض علينا يستضيفنا مده اقامتي هناك  ,, والفتره اللى كنت هناك حضرات ندوات مع كبار المشايخ وعرفت ناس اعلنوا اسلامهم واسبابهم وسمعت قصصهم ,, لاظت كل ما اتعمق اكتر فى القراءه والبحث كل ما الخنقه فى صدري تقل وتحل محلها سكينة وهدوء ,, قبل ما ارجع حلمت حلم او ؤيه حكيته لشيخ اتعرفت عليه من احدي الندوات بشرني انها علامه ل اعلان اسلامي ,,بعد تفكير ااقل من 24 ساعه روحتله واتكلم معايا  واعلنت اسلامي ب اقتناع تام بدون اى ضغوط ولا اسباب تانيه غير حبا في الدين الاسلامي ,, عملت عمره قبل ما ارجع نيويورك ورجعت مسلم ومأثرش ع حياتي ولا شغلي بالعكس حياتي استقرت اكتر ,, تعاملاتي مع الاشخاص اتحسنت ,, بقي فيه ملجاء الجاءله وقت ضيقى وخنقتي ووجعي  وارتاح ,, حاولت اجتهد واقضي واجباتي اتجاه ربنا واتبع اوامره ,, حاولت ع قد ما اقدر اتجنب المعصيه ولو غلطت اتوب واستغفر ,, انا لقيت فى الاسلام كل حاجه محتاجها فى حياتي ,, هو اصل الحياة بيحترم كل الاديان السماويه  وبيعز الانسان والانسانية ,, موضح البساطه والمعامله والحب بين البشر ,, هو طريق هداية وسكينه وراحه روح وقلب ,, بنغلط وبنرجعله يغفرلنا ونتعلم من اخطائنا وقتها حسيت بكلامك ان الدين علاقه بين الانسان وربه بعيد كل البعد عن مخلوق وان القرار كان لازم يكون نابع مني شخصيا ,,وقتها قررت اكون مسلم علشان نفسي ,, انتي كنتي سبب من اسباب كتير ,, قال تعالي بسم الله الرحمن الرحيم (إنك لا تهدي من أحببت ولكن الله يهدي من يشاء وهو أعلم بالمهتدين" سوره القصص ايه 56 .. انا لما أسلمت كنت عاوز اجيلك واعرفك ان مفيش اى سبب هيفرقنا لكن انا لقيت محتاج وقت اثبت لنفسي اني صح فى الخطوة اللى عملتها ومقتنع بيها جدااا ,, ف اسف ان انا اتاخرت 3 سنين ,,
 "ريم" بتسمع الحكايه ودموعها مستمره وابتسامه ع وجهها لسعادتها بالكلام :
_  انا عمري ما نسيت يا "ريم" ,, علاقتي معاكي فوضتها لربنا وسيبتك امانه عندة ودعيت فى صلاتي انه يجمعني بيكي واترجيته يحفظك ويبعد عنك اى حاجه تضرك واننا نتقابل قريب ,,  والدعوه استجابت بعد 3 سنين بس استجابت لان كان عندى يقين انها هتستجاب وهقابلك .. ومفيش اى مجال لتطفيش خلاص انسي ,,
ضحكت "ريم" ولوهان ماسك ايديها وبيمسح دموعها : انا دلواقتي الحاجه الوحيده اللى بتمناها اننا نكون مع بعض فى كل لحظه وفى كل وقت وفى كل مكان ,, الصدف مكنتش صدف عاديه ,, كانت مقصودة انها تجمعنا ببعض اكتر لاننا لبعض يا "ريم" ,, مهما اتفرقنا هنرجع لبعض احنا بنكمل بعض ,, وانا قررت من اللحظه دى مش هسيبك مهما حصل انا بحبك وهكمل حياتي معاكي ..
فتح العلبه : انا محتاجك فى حياتي كل حاجه صديقتي وحبيببتي ورفيقتي ,, تتجوزيني
"ريم" دموعها متوقفتش فقدت القدره ع الكلام احاسيسها كانت اكبر من الكلام يوصفه فجاءه بدون مقدمات رمت نفسها فى حضن "لوهان" وبتبكي وضمها لحضنه :
_ وحشتيني يا "ريم" .. وحشتيني ..

مقابله "لوهان" كانت غير متوقعه,, قضت اليوم كامل مع "لوهان" يتكلموا ويحكوا لدرجه انهم مسمعوش الموبيلات ,, رجعت "ريم" ع الفندق واتجهت لغرفتها ومعاها علبه الخاتم ومسعيده جدا وهى ماسكاها ,, امير اتجه لغرفتها لما عرف انها رجعت ,,:
_ ريم ..
_ ايوه يا امير
_ كنتي فين طول اليوم ومبترديش ع الموبيل انا قلقت عليكي
_ انا بعتلك رساله وبلغتك انا هكون بره طول اليوم
_ ايوه لكن مقولتيش مع مين ؟
بتوتر : صديقه ..
  "امير" شاف "لوهان" وهو بيوصل "ريم" وكان منتظر من "ريم" تحكيله : صديقه .. ؟
_ ايوه .. انا هنام لانى مرهقه طول اليوم بره وكده
_ اوكيه  ع العموم جهزى نفسك بكره راجعين
_ حاضر
 "امير" وهو خارج لمح علبه الخاتم فى ايد "ريم" كانت مخبياها ومكنتش متوقع منها تكدب عليه ,,, رجع غرفته واتملكه الغضب رمى موبيله واى حاجه قابلته وبيردد : لوهان .. لوهان تاني !
وهما راجعين ف الطياره للندن لاحظ "امير" سكوت "ريم" ومشغله الهاند فري ومغمضه عينيها  وبتلمس الحرف اللى فى ايديها وابتسامه غير معتاده باينه  ,,, وصلوا البيت ولاحظوا الجميع تغيير "ريم" وابتسامتها وتوقعوا ان وجودها مع "امير" السبب ,,  ريم اتجهت لغرفتها وموابيلها رن وكان "لوهان " :
_ وحشتيني ..
 ابتسمت "ريم": لحقت
_ كل دقيقه بتمر بتوحشتيني اكتر من اللى قبلها
_ وانت كمان
_ استعجلي وحدديلي ميعاد مع مامتك ومستر عاصم انا بكره هكون فى لندن
_ اصبر شويا انا محتاجه امهد ليهم ..
_ اصبر ايه بعد كل السنين دى .. هما اكيد عارفين ,, انتي قوليلهم "لوهان" عاوز يقابلكم وبس سيبي الباقي عليا ..

قفلت مع "لوهان" وطلعت علبه الخاتم من الشنطه وبتفتح الدرج لمحت علبه خاتم "امير" للحظه شعرت بتأنيب ضمير لتعليق "امير" فقررت ترجع العلبه ل "امير" نهائي ,, اتجهت لغرفته كان مش موجود وعرفت ان سافر يومين واستغربت انه سافر من غير ما يعرفها كالعاده ...
الكل فى البيت لاحظوا تغيير "ريم" للاحسن وابتسامتها المستمره وكان موعدها مع "غادة":
_ ماشاء الله يا "ريم" كنتي تسافري باريس من زمان ..
_ فى باريس حصلت احلي مفاجاءه فى حياتي ..
_ امير عرض عليكي الجواز عند برج ايفل
ريم ابتسمت : لا . لوهان ..
 اتفاجئت "غادة": مين ..؟
_ لوهان .. قابلته هناك ,, بصي انا كنت فى الفندق و ...
حكت "ريم" ل "غادة" كل اللى حصل ...:
بملامح مفاجئه : ياااااه دا ولا فى الافلام بجد ..!
_ انا كمان مش مصدقة لكن حصل فعلا يا "غادة" ,, مفيش مستحيل مع ربنا ,, ربنا كبير اوووى ورحيييم وعوضه اكبر من اى الم بيحصل ,,الحمد الله
ابتسمت "غادة": بجد مبسوطة ليكى رجعتي "ريم" المبهجه وانك رجعتي مع "لوهان"
اتغيرت ملامح "ريم" لقلق : لكن انا قلقانه من حاجه
_ ايه .. موافقه اهلك ..؟
_ دى حاجه والحاجه التانيه الاكبر انا ..؟
_ مش فاهمه ..؟
_ مش عارفه عندي ثقة اكون أسره واعيش طبيعيه مع "لوهان" ,, مش هسبب اى مشاكل ولا حرج ,, انا عارفه انا لسه علاجي مخلصش ,, هيقدر يتعايش مع انسانه بظروفي ,, هقدر انسي اللى عيشته زمان وبابا و ..
 غادة مسكت ايد ريم : ريم يا حبيببتي .. اللى مر عليكي دا كله علشان يقويكي مش يضعفك ,, وهتقدري تعيشي وتكوني اسره وهتعيشي فى سعاده عارفه ليه .. لانك هتعيشي مع انسان انتي بتحبيه وهو بيحبك ومر عليكم حاجات كتير ورجعتوا لبعض ,, "لوهان" ع علم بكل حاجه ومتمسك بيكي متخافيش ,, السعادة فاتحالك دراعتها متمنعيش نفسك بسب هاجس خوف من مجهول ,,افتكري دايما انك بتحبي وبتتحبي ودا سلاح يواجهه اى حاجه ,, حاربي خوفك بسعادتك ..!

خرجت "ريم" من عند "غادة" بعد كلامها معاها شعرت بالاطمئنان وان وجود "لوهان" فى حياتها هيكون اكبر عامل يشجعها وتكون افضل ,, طول الطريق اتكلمت مع "لوهان" ووصلت البيت واول ماعرفت ان "امير" موجود قررت ترجعله علبه الخاتم ,, اتجهت ع غرفتها وفتحت الدرج ومسكت علبه "امير" ونزلت المطبخ وحضرت عصير  واتجهت ع "غرفته وخبطت ع الباب :
_ امير
_ تعالي يا "ريم"
ابتسمت "ريم": ممكن 10 دقائق
_ وقتي كله ليكي تعالي ..
_ اتفضل عملت ليا ولك عصير
بيضحك "امير": باين الموضوع مهم اوي عصير وقعدة
 اتوترت "ريم" بتحاول تبدأ كلام : امير
_ ايوه سامعك يا "ريم " ..
_ شكرا لكل حاجو عملتهالي ,, وقفوك جنبي ومعايا فى اسوء الظروف وانك صبرت واستحملت ومزهقتش ,, ومحاولتك المستمرة انك تفرحني ب اى طريقه ,, بجد انت صديق مفيش زيه ولا قابلت ولا هقابل زيه ,, قلبك طيب اووى وتستاهل كل خير وكل حاجة حلوة ..
_ انتي اللى عملتي حاجه اكتر ليا يا "ريم" التغيير اللى حصلي للاحسن انتي السبب ,, لو ع الشكر انا اللى اشكرك بجد ..!
ريم بتتمالك نفسها ومتأثره ان "امير" هيزعل : امير .. انا قابلت لوهان فى باريس
ابتسم "امير" : عارف
اتفاجئت "ريم": عارف .. ومقولتش ليه ؟
_ علشان استنيتك تيجي تقوليلي واهو قولتي ..
مسكت ريم العلبه ووضعتها امامه: اسفه يا امير انت قولتلي افكر واخد وقتي وعارفه انى طولت وحاولت لكن مش هقدر اقبل الخاتم ..
_ ريم ..
 قاطعته "ريم": انا 4 سنين كنت بحاول انسي لوهان وافتكرت ان البعد ومش هشوفه هنساه لكن مع مرور السنين فى كل لحظه كنت فاكراه وبفكر فيه ,, لما قابلته فى باريس محستش انه كان غايب عني  واكتشفت واتاكدت من حاجه ,, ان "لوهان" هو الحاجه الوحيده فى حياتي مش هقدر اتخلص منها زى دمه اللى بيجري فى دمي واندمج واصبحوا حاجه واحده ,, انا مش هقدر ابعد عن "لوهان" ,,انا اسفه يا امير اسفه ..
سكت "امير" واحساس وجع فى صدره من كلام "ريم" لكنه ابتسم وتمالك انهياره : مفيش داعي للاسف يا "ريم" .. المهم تكوني سعيدة وزى ما قولتى احنا اصدقاء مهما حصل ..
ابتسمت "ريم" وخرجت و"امير عينه ع العلبه وكان ماسك كوبايه العصير من غضبه فقد الاحساس واتكسرت فى ايده ونزف ...!
خرجت "ريم" من عند "امير" واتجهت اتكلمت مع "عاصم" تحدد موعد ل "لوهان" ورغم معرفتهم ب رفض "حنان" لكن اصر "عاصم" ع مقابلته وسند "ريم" فى قرارها ,, مر 4 ايام و"عاصم" بيحاول يفتح الموضوع مع "حنان " :
_ حنان ,, انا هكلمك فى موضوع بس اسمعيني للاخر بدون تسرع ولا عصبيه اتفقنا ..؟
_ اتفضل ..
حكى "عاصم" ع طلب "لوهان" وانه عاوز يتقدم "ل "ريم" :
_ بتقول ايه يا "عاصم" .. ريم تتجوز دا .. لوهان ..؟
_ اختيارها يا "حنان" ودى حياتها وهى اكتر واحده ادري بيها .. هما الاتنين بيحبوا بعض وعاوزين بعض وانا اليومين اللى فاتوا دورت وبحثت عن كل اللى قاله ل ريم وفعلا مكذبش عليها ,, واى ضمانات انتى عاوزاها هو مستعد ليها ..
بعصبيه: تتجوز اجنبي لا من جنسها ولا دينها
_ أسلم يا حنان بقي مسلم زينا
_ وهو علشان أسلم ارميله بنتي ..
_ حنان الاجنبي دا هو الوحيد اللى ساعد ريم ,, انتي شوفتي لما كانت فى كريا مع "رنا" كانت عامله ازاى وتحسن حالتها واتدهور حالتها لما انفصلت عنه وتحسن حالتها تاني لما ظهر فى حياتها ,, اسالي غادة وتعرفك ان اكتر علاج مؤثر مع ريم هو مش اى حاجه تانيه ,, دا قدر بيجمعهم ببعض احنا ملناش علاقه ..!
_ ماهى مش بنتك .. اللى خلى ابوها يعمل فيها كده زمان طبيعب جوز امها يرميها
 عاصم اتعصب : حنان
 فى اللحظه دى ادخلت "ريم": مع احترامي ليكى يا ماما . جوز امي اللى بتتكلمي عليه دا اول واحد طمني فى البيت دا.. الوحيد اللى حسيت مهما حصلي هو اللى اقدر الجاءله ,, الوحيد اللى كان بيزورني وبيطمن عليا ب استمرار وانا فى المستشفي ,, عاملني زى بينته وحسسني بحنيته وخوفه عليا وكان بيقوي ثقتي فى نفسي واختياراتي ,, كان بيعمل حاجات المفروض ان حضرتك تعمليها لكن انشغلتي مع اصحابك واعتمدتي ع داده عواطف ,,  بابا حب يعوض اللى عمله فسابلى فلوس وحضرتك هدايا وهدوم ,, اونكل عاصم الوحيد اللى كان بيحاول يعوضني عن فقداني ل بابا والمشاعر اللى افتقدتها ,, كان بيتجنب حضن رامي قدامي علشان متأثرش ,, ,, اونكل "عاصم" اكتر حاجه محسساني بالامان وبسببه قاعده هنا ,, انا هتجوز "لوهان" لانه الشخص الوحيد اللى بره البيت دا عوضني عنك وعن رنا وبابا والفلوس وحاجات كتير انتم مهتمتوش بيها ,, بعد اذنك يا اونكل عاصم ومتاسفه ع اللى سمعته ..
 مشيت "ريم" وهى بتبكي وحنان اتصدمت من نبره "ريم" وطريقتها و"عاصم" دخل مكتبه ,,, مر اسبوع والوضع مستقر لكن "لوهان" كان دايم التواصل مع "ريم" ,, ففى يوم بدون علم "ريم" اتفاجئ "عاصم" بوجود "لوهان" فى الشركه وطلب يقابله وكان صريح جدا "لوهان" معاه وقاله ظروفه وتمسكه ب "ريم" ومهما كانت حالتها هيكون معاها وهيساعدها تكمل علاجها وانهم هيعيشوا فى نيويورك ومستني ردهم يتقدم رسمي .. من مناقشته مع "لوهان" اقتنع "عاصم" به جداا  وحدد موعد يزورهم فى البيت  وكانت مفاجاءه للكل ,, اتفاجئت "ريم" و"حنان" بوجوده مع "عاصم" و"رامي" قاعد ,, اتكلموا وحددوا موعد يتقدم "لوهان" رسمي ومعاه والده و"رنا" وفريد" و"امير" يكونوا موجودين ,,,  فقرر "لوهان" يقرو الفاتحه  ع اتفاقهم حاليا و"ريم" مكنتش مصدقه ,, وصلته "ريم" عند عربيته :
_ بقيتي خطيبتي رسمي
_ انت بتفاجئني بجد
_ ولسه هتشوفي مفاجاءات  واسبوع واحد وهتكوني ليا لوحدى ..
ضحكت "ريم" بخجل : يلا امشي
_ نسيت اقولك حاجه
_ ايه؟
_ فى مفاجاءه لكتب الكتاب
_ ازاى ..؟
_ هتعرفي وقتها .. يلا سلام
 مشي خطوتين ورجع : فى ايه ؟
_ نسيت اقولك حاجه تانيه مهمه اوى
_ ايه ..؟
مسك ايديها وفتح كف ايديها ووضع قبله وقرب منها وهمس : بحبك ..!

 يتبع ,, 

لقاء مستحيل (17)

(17)

_ انا هبعتلك لينك فيديو تشوفيه وهتعرفي كل حاجه
 فتحت "ريم" اللينك وكان عباره عن مؤتمر صحفي ل "لوهان" او معني اصح اعتزال "لوهان" اتفاجئت "ريم"  ودورت ع المواقع وترجمتها وعرفت انه اعتزل فعلا وسافر بره كوريا بعد المؤتمر الصحفي  وعرفت من "مريم" انه محددش الجهه اللى هيروحها لكن هو ترك كل شئ فى كوريا وسافر ,,,
حاله "ريم" مبتتقدمش حاله عزله وصمت وسكوت طول اليوم والهاند فري والميوزك هما اصدقائها ,,, حاول "امير" يخرجها من حالتها لكن كان بيفشل .. فى يوم كانت "ريم" قاعده فى الروف لوحدها طلع "امير" وقرب منها وطلب منها تجهز لمشوار الجمعيه ,, جهزت "ريم" واتجهت هى و"رامي" مع "امير" والاطفال كانوا منتظرينهم ولحظت "ريم" تورته كبيره  حواليها الاطفال  وعليها صوره "ريم" :
_ دى انا ..
_ كل سنه وانتى طيبه انا قلت مفيش مكان احلى من هنا تحتفلي بعيد ميلادك تفرحي وتفرحيهم
ادخل "رامي": انتى دايما بترفضي حفلات عيد الميلاد لكن احنا فكرنا فى حفله استحاله ترفضيها
ابتسمت "ريم": بجد ميرسي مش عارفه اقولكم ايه ...؟
ابتسم"امير": مش عاوزين غير ابتسامتك الجميله دى متختفيش ويلا طفي الشمع لكن اتمني امنيه الاول
اتمنت امنيه وطفت الشمع وقضت اليوم مع الاطفال ,, رجعت ع البيت :
_ رامي ..
_ ايوه يا روما
_ اسبقنا انت ع جوه لان انا عاوزه اتكلم مع "امير" فى حاجه ..
_ اوكيه
دخل "رامي" وابتسم "امير": خير يا "ريم" ايه الموضوع السري دا ؟
_ شكرا يا "امير" ع كل حاجه عملتها وبتعملها معايا ,,
_ انتى بتقولي ايه هو دا الموضوع
 مسكت علبه وحطتها امام "امير": اتفضل ..
_ ايه دا ؟
_ انا وقت ما طلبت تتم الخطوببه واخد الخاتم كان علشان "لوهان" يتاكد ان كل الطرق اتقفلت ,, ومعني الخاتم يكون معايا معناه كده انا وعدتك بحاجه وانا اسفه جدا لا هقدر اوعدك ولا انفذ وعود ,, واسفه انى طلبت منك وقتها تعمل كده بصراحه مكنش فى حد قدامي غيرك اطلب منه يساعدني ..
ابتسم "امير" : لالا مفيش داعي ل الاعتذار انا لو مكنتش موافق انتي مكنتيش هتجبريني صح ولا
_ صح .. اتفضل الخاتم واكيد هتقابل اللى تستاهله ..
 حرك علبه الخاتم اتجاه "ريم": خليه معاكي ..
_ امير
_ انا بقولك خليه معاكي مش لازم تلبسيه ,,انتى رافضه دلواقتي علشان الحكايه بدأت بلعبه لكن انا دلواقتي بقولك خليه معاكي ممكن فى يوم تلبسيه حقيقي ,, انا مش مستعجل خالص فى اى وقت ,,
_ امير .. انا غير مناسبه لك انت تستاهل احسن مني اللى مريت به اكدلي انا غير مناسبه ل الارتباط  ..
_ بس بس انتي قلبتيها دراما كده ليه ,, ايه اللى مريتي به فتره صعبه وعدت ,, فى شويا اثار هيعدو .. اللى مريتي به اى واحده معرضه تمر بتجربتك وتفشل ل اى سبب ,, لكن الحياة بتستمر وانا هستناكي مهما طالت المده ,,انا مش هاخد الخاتم خليه معاكي ولما يجى الوقت المناسب مكانه هيكون فى ايدك .. واحنا اصحاب ومعنديش اى مشاكل
_ اصحاب ..؟
_انا ممكن مكنتش قد الثقه دى زمان وممكن يكون دا سبب خلاكي تعرفي "لوهان" وتقربي منه ,, انا مشاعري اتجاههك اتوجهت غلط ومكنتش عارف انتي محتاجه ايه وقتها كنتي محتاجه تطمني وانا كنت بعمل ضغط عليكي بفكره الارتباط ,, وانا اتعلمت من غلطتي وفعلا محتاج صداقتك حاليا ,, اسمحيلي بفرصه اثبتلك انا استحق اكون صديق كويس وبعدها نقرر الخطوه اللى بعدها وبدون استعجال ..!
سكتت "ريم": يلا قومي نامي وانا كمان علشان عندي شغل الصبح تصبحي ع خير
دخل "امير" وبصت "ريم" ع العلبه وفتحت كف ايديها وبصت ع الحرف ولمسته ودمعه نزلت من عينيها ...!

مرت سنتين وحاله "ريم" كما هي مفيش تقدم سكوت وعزله وكلام قليل مع "امير" و"رامي" ,, فى يوم وصلها "امير" للمستشفي لموعد جلستها مع "غادة" :
_عامله ايه يا "ريم"؟
_ عايشه ..
_ طيب قوليلي شايفه ايه ..؟
_ اممم شايفاكي ..
_ انا بتكلم عنك شايفه ايه ,,عاوزه ايه ؟
ابتسمت "ريم" نص ابتسامه : مفيش ,, مش عاوزه حاجه ولا عاوزه حاجه اليوم بيعدي زى اللى قبله واللى قبله وبكره هيعدي زيهم ..
_  "ريم" مينفعش كده ساعدي نفسك ..
 _ ليه .؟! هساعد نفسي ليه ؟!
_ علشان تعيشي حياتك ..
_ اعيش حياتي ... وبعدها القدر يبعتلي مفاجاءه تكسر فى روحي اكتر ,, انا مش قادره ..
_ انتي معقول بعد المده دى منستيش ..؟
لمست "ريم" الحرف وابتدت عينيها تدمع : لاول مره فى حياتي اتمنيت خيال يكون حقيقي ,, كان شئ من خيال بالنسبالي اقابل شخص يغير فيا حاجات كتير فى فتره قصيره كده ,, معاه احس بمشاعر اول مره احسها ,, وجوده فى حياتي مميز ,, حياتي كانت ليالي برد وسماء مليانه غيوم هو الشمس اللى ظهرت وحسستني  بدفي وامان وطمانينة ,, رغم الاختلاف اللى بينا لكن هو الانسان الوحيد اللى حسسني انى مميزه مش مختلفه وعاملني ع طبيعتي ,,لكن الشمش اختفت ورجعت حياتي برد وغيوم ..!
_ ريم انتي لازم تنسي علشان تكملي
ابتسمت "ريم": مش هينفع يا "غادة" .. لو نسيت هموت ,, كل لحظه عشتها معاه هى اللى موقفاني ع رجلي وبرد عليكي وعايشه بيها ,, من غير ذكرياتنا حياتي ملهاش لا لون ولا وجود ,,
_ لكن انتي كده بتعذبي نفسك ..؟
_ ف لحظات فى حياتنا صعب تتنسي مهما مر الزمن ,, لحظات بتتحفر جوه روحنا مبتتغيرش ولا بتتنسي سواء حلوه او وحشه ,, زكرياتي معاه هى الاكسجين اللى بتنفسه وبتقويني ,,انا مش عاوزه نرجع لكن متحرمونيش كمان من ذكرياتي زى ما اتحرمت منه ... فى مقوله هو قالهالي مره ( الذكريات السعيدة تجعل الانسان يعيش أقوي وتعطيه القدرة ان يعيش أطول ) وانا قدامك اهو ..
_ يعني انتي حاسه انك احسن ..
_ الحمد الله
_ ريم ..
_ يلا يا دكتور اكتبيلي علاج تاني اللى ولا بيعمل حاجه الكوابيس هى هى وبقوم من النوم بصرخ زى ماانا
_ ريم .انا ..
 ضحكت "ريم": انا مش بقلل منك يا غادة .. بس انا خلاص اتعودت ع حياتي كده ومش متوقعه تحسن  راضيه الحمد الله ,, متقلقيش هاخد العلاج فى وقته ويلا علشان "امير" اتاخرت عليه
 قربت "ريم" من الباب :
_ "امير" مقدرش ياخد مكان "لوهان" فى قلبك ؟
 ابتسمت "ريم" ل "غاده": سلام ..
اتنهدت "غاده" لوصول "ريم" لحاله اللى هى فيها فقدت الرغبه فى اى شئ وابتسامتها غير حقيقيه ومهما مر سنين حبها ل "لوهان" متغيرش : يارب الحل من عندك

 كانت "ريم" بتقعد مع "امير" نوعا ما وكانت علاقتهم افضل من الاول ,, فى يوم من شباك غرفتها لحظت "امير" قاعد فى الحديقه ومتغير ,, نزلت  واتكلمت معاه وعرفت ان عنده مشكله سيوله ,, تاني يوم اتصلت بالمحامي وطلبت منه توكيل عام ل "امير" .. انتظرت رجوعه :
_ امير
_ ايه منمتيش لدواقتي ..
_ لا مستنياك ..
_ فى حاجه ولا ايه
_ قولي عملت ايه فى مشكله السيوله اللى محتاجها ؟
_ اهو بحاول هتتحل قريب بدور ع شريك تاني
حطت امامه ملف : متدورش واتفضل ..
مسك الملف :ايه دا ؟
_ دا توكيل عام مني باسهمي ورصيد البنك ,, انا اخدت جزء بسيط من الفلوس علشان مصاريفي وكده
_ ايه اللى عملتيه دا يا "ريم" ..
_ مش قولت اننا اصحاب وانت فى ضيقه ,, وانا مش عاوزاهم
اتفاجئ : امير" : ايه ؟
_ اسمع مني ,, لكن مش عاوز حد يعرف دا سر بيني وبينك
 سكت "امير " للحظات : لا لا مش هينفع انا قوتلك هتصرف
_ انا خلاص عملت التوكيل ,, بقولك مش كنت بتدور ع شريك اعتبرني شريكتك فى المشروع تمام ..
_ تمام وهنعمل عقد بالشراكه
_ ملوش داعي
_ لا هنعمل
_ براحتك .. انا داخله
 مسك "امير" الملف والتوكيل حلمه القديم فى الاستيلاء ع ميراث "ريم" اتحقق لكن اتملكه احساس غريب محسش بسعاده انه معاه التوكيل وحط ايده ع قلبه حس بدقاته ووقتها عرف انه عاوز ريم مش فلوسها ..!
حل "امير" المشكله وعرف "ريم" ولاحظ "مراد" صديقه" الابتسامه الغير معتاده وهو بيتكلم مع "ريم":
_ هنستناك انهارده فى الكازينو ..
_ لا مش هقدر
_ ايه يا امير مبقتش تخرج ولا بتسهر معانا الكل بيسأل عنك ..؟
_ الوقت اللى بكون فاضي بسهر مع "ريم" و"رامي " فى البيت او بنخرج ..
ضحكك "مراد": ايه الخطه الجديدة دى بتبينلها انك بيتوتي علشان تتعود عليك ,,بس المده طولت اوى
_ ملهاش علاقه انا اللى عاوز كده ..
_ عاوز ايه مش خلاص معاك توكيل وكل املاكها تحت ايدك ولا فى حاجه تانيه مااخدتهاش
بلمعه عين : اهم حاجه عندها لسه ..
_ ايه يا تري ؟
_ قلبها ..
_ انت هتدخلها حب ورومانسيه وكد
بملامح جد : باين انا حبيت ريم بجد
_ حبيتها ؟؟؟!
اتنهد "امير" وقعد : الاول كنت بتعامل معاها انها شيك وارقام هتزيد من حسابي واستغليت نقطه حالتها ووضعها وكنت ضامنها لان مفيش حد فكر يقربلها ,, لكن بعد ما قربتلها حسيت بوجع وهى بتتوجع لما بعدت عن اللى كانت بتحبه ,, قولت تأنيب ضمير لانى كنت شريك فى اللى حصل ,, لكن بعد كده لما بتضحك "ريم" بضحكك تلقائي ..لما بتبتسم انا كمان ببتسم .. لما بتزعل انا كمان بزعل ,, بحب اكون معاها حتى لو ساكته ,, انجذاب غريب حسيته اتجاهها ,, ببقي مبسوط وانا معاها ,, ولما مسكت التوكيل اكتشفت رغبتي فيها وقلبها اكبر من فلوسها ...وهدفي هى لاني حبيتها بجد ,,!
_ لالالالا مش مصدق نفسي ..امير اول مره تتكلم بعاطفه ورومانسيه كده .. دا سحر هى سحرتك ؟
ابتسم "امير": حبيتها .. هو الحب دا احساسه يمكن انا مكنتش اعرفه وعرفته معاها ..
_ انت نفسك قولت انها منسيتش اللى حبته ؟
_ ل اول مره اغير من شخص قدر يقرب منها ويكسب قلبها وحبها واتحفر جواها ف مده قصيره ,,دايما بشوفها بتبص ع الحرف فى ايديها ومنستهوش ,, لكن الايام كفيله وانا هدفي دلواقتي اكسب قلبها واعوضها عن كل اللى عملته واللى شافته والحرف هيتشال ونبدء من جديد ,, نبدء حياتنا مع بعض
_ ع كده قدامك مشوار طويل
_ همشيه علشان همشيه
_ انا اللمعه فى عينك دى اول مره اشوفها فربنا يوفقك وشابوه ل "ريم" انها حركت جبل جواك غيرها مقدروش يهزوه ..!
مر ع فراق "لوهان" و"ريم" 4 سنين وخلال الفتره دى "امير" كان قرب ل "ريم" واغلب الاوقات كان بيقضيها معاها هى و"رامي" منتظر فى يوم توافق وتلبس الخاتم ,,حاله "ريم" كما هي  مستمره فى العلاج والجلسات وسكوت وصمت اغلب الاوقات وعزله مع الهاند فري دائما تتذكر لحظاتها مع "لوهان" والحرف اللى فى ايديها ,,, كانت "ريم" علاقتها ب "ادمز" و"ريم" اتصالات وزيارات للندن لكن هى مسافرتش "كوريا" من اخر مره وخصوصا بعد سفر "ادمز" و"مريم" ايطاليا لشغل "ادمز" واستقرارهم وزواجهم ... كل مره تحاول "حنان" تتكلم مع "ريم" كان "عاصم" بيمعنها  بشده حرصا ع نفسيه "ريم" ,,, فى يوم و"ريم" راجعه من الجمعيه مع "امير" ,, وقف "امير" ونزل من العربيه يشتري عصير ل "ريم" فى الوقت دا  لفت انتباه "ريم"  عريس وعروسه بيتصوروا ابتسمت ليهم ولاحظ "امير" :
_ احلى عصير ل احلى "ريم"
_ ميرسي جدااا
 "امير" باصص ل "ريم" ومبتسم ولحظت "ريم": عاوز تقول ايه يا امير ..
ضحكك: كشفتيني ..
ابتسمت "ريم": عايشين فى بيت واحد ومع بعض اغلب الوقت ,, عاوز تقول ايه سامعاك ..؟
 استجمع شجاعته : مر 4  سنين يا "ريم" واحنا مع بعض فى كل لحظه واعتقد انا كنت صديق كويس جداا واعترفلك وجودك غير حاجات كتير جوايا وفى حياتي عموما للاحسن ودا حسيته وانا معاكي .. انا مبقتش عاوز من الدنيا دى غيرك يا "ريم" ودا مش ضغط عليكي لكن هستني كام سنه علشان تفكري فيا غير صديق ,,؟
_ امير ..ممكن نتكلم بعدين ؟
_ اوعديني انك هتفكري
_ بجد مش عارفه اقولك ايه انت فعلا مكانتك كبيره فى حياتي لكن ..
_ انا مش محتاج رد ,, اللى طالبه منك تحاولي حاولي ,انتى حقك تعيشي وتكوني اسره حاجات كتير هتتغير لما تاخدي الخطوه دى اولهم انتي ,, ومتقوليش مش هينفع .. حاولي  وصدقيني انا مش هتغير حتى لو مقدرتيش بس ع الاقل حاولي ممكن ..
سكتت لحظات": هحاول ,, هحاول
_ وانا منتظرك مهما طالت الفتره ,, ليا طلب عندك ممكن ؟
_ طلب .. ايه ؟
_ متتخضيش كده .. بما انك شريكتي ف انا مسافر باريس 10 ايام وعاوزك معايا وممنوع الرفض
_ انا شريكتك ايوه لكن انت معاك صلاحيه التصرف فى كل حاجه
_ الصفقه دى كبيره ولازم تكوني موجوده هما عاوزين يشوفوكي واعتبريها تغيير جو ..
_ لكن ..؟
_ مفيش لكن هما 10 ايام بس وهنرجع تمام ,, كل حاجه مترتبه !
_ اوكيه ..
_ ايوه كده مبتجيش غير بالعين الحمره
ابتسمت "ريم" واتحركوا رجعوا ع البيت ,, كلام "امير" شغل تفكيرها وخصوصا انه انتظرها ومنتظرها سنين وانه عارف ظروفها واللى مرت به ومتقبلها ولحظت انه اتغير فعلا  لكن رغبتها بالرفض كانت اقوي وفتحت ايديها ولمست الحرف واتنهدت ,, قررت متفكرش غير لما ترجع من باريس .. !
 جهز "امير" ترتيبات السفر ورفضت تقوله قرارها غير لما ترجع من باريس ,,, وصلوا باريس واتجهوا للفندق كل واحد اتجه لغرفته وبدلوا ملابسهم واتقابلوا فى الهول وخرجوا وهما بيتمشوا كان فى شخص بيعزف ع كمان مقطوعه موسيقيه  شدت انتباه "ريم" وقفت مع الجمع تسمعها ,, انهى عزفه :
_ جميل جدا اللحن دا لكن مؤلم
_ انت تعرفها يا "امير "؟
_ ايوه سمعتها قبل كده ..
_ اسمها ايه وليه حزينه ..؟
_ اسمها اشتياق لشاعر بيحكي عن حبه الوحيد اللى عاش به طول حياته وفراقه ومشتاقله  ..
بملامح "حزينه": صعب تفارق شخص وانت واثق انك مش هتنساه ومع مرور سنين مش عارف تنساه لانه عايش جواك بكل لحظه عشتها معاه محفوره فى روحك وبتشتقاله لكن مستحيل تقابله ولو لحظه ..!
لاحظ "امير" تلميح "ريم" ع "لوهان": ايه رأيك فى الايس كريم ..؟
 انتبهت "ريم": اوكيه
_ يلا ..
اتمشوا وقضوا اليوم وكانت بسيط ع طريقه "ريم",, اقترح " امير " يدخلوا سينما رفضت ,, وهما ماشين حاول "امير" يمسك ايديها لكن "ريم" بعدت ايديها فى جيب الجاكت ,, اتحرج "امير" وجرب يتكلم فى موضوع :
_ ايه رايك فى باريس يا "روما"؟
_ جميل .. بليل عن الصبح  الجو جميل
_ احسن مكان لشهر العسل .ايه رايك ؟
_ ها ..
_ يعني كنت بفكر ان شاء الله لما تقرري نقضي شهر العسل هنا او فى اى مكان تحبيه المهم اكون معاكي ..
"ريم" سكتت وبصت ع الساعه : هنتأخر عن المعرض يلا ..
_ اوكيه يلا ..
 اتجهوا ع معرض لصديق "امير" عزمه هو و"ريم" يحضروا ,, بتتجول "ريم" فى المعرض مع "امير" لفت انتباهها لوحه عباره عن شمس وايدين ماسكين بعض وقفت تتمعنها :
_ عجبتك ..؟
_ تعرف معناها ايه الللوحه دى ؟
 هيمسك "امير الالبوم  وهيقرا :
_  الامل وانقاذ من الظلام وظهور الشمس هو الامل
 اتفاجئ"امير": ايه دا؟!  دا معناه قريب جدا لشرحها فى الالبوم المعرض
_ مش اى حد هيحسها غير اللى عاش لحظاتها ..
_ لدرجه دى ..؟
_ امير انا عاوزاها ممكن ..؟
_ اوكيه مفيش مشاكل
شاور "امير" لبنت بتاخد الاوردر  اللوحات وتحجزهم لكن قبل ما يطلب منها علقت استكير انها مباعه :
_ احنا كنا عاوزين اللوحه دى ..؟
_ اسفه جدا الصوره اتحجزت من 5 دقائق
_ طيب مين الشخص وانا هتكلم معاه ؟
_ مشي للاسف ..
_ خلاص "يا امير " مش مهم .. يلا ..
وقبل ما تمشي "ريم" تمعنت النظر للوحه واضايق "امير" انه مقدرش يشتريها ليها ,, اتعشوا ورجعوا ع الفندق دخلت "ريم" غرفتها واتفاجئت باللوحه موجودهواتصلت ب "امير " ع اعتقاد منها انه حب يفاجئها لكن هو انكر علاقته بيها ,,واتجه "امير" لغرفتها وواقفين بيبصوا ل اللوحه :
_ مفيش اى كارت ولا اى معلومات عن اللى ارسلها ؟
_ لا خالص .. اتصلت ب الريسبشن قالوا ان المعرض اللى بعتها هنا
اتصل "امير" بالمعرض وحاول يستفسر عن مشتري اللوحه واسمه وعرف ان اسمه " ادوارد " اتفاجئ "امير" بالاسم لانه ميعرفوش ولا "ريم" تعرفه ,, :
_ بكره بعد الاجتماع هاخد اللوحه وارجعها المعرض
_ اوكيه ..
طول الليل كان بتتمعن "ريم" اللوحه وبتفكر مين "ادوارد " ,,
تاني يوم حضر "امير" الاجتماع وكان فى الفندق واستأذنت "ريم" وانتظرته فى الهوول طلبت عصير وشغلت ميوزك والهاند فري وجلست فى ركن معزول وهادئ ,, المسجل علق وشالت الهاند فري وبتحاول تظبطه سمعت صوت شخص قرب  بجوارها :
_ مر 4 سنين وانتي متغيرتيش يا "ريم"
 بتلتفت "ريم" ع الصوت واتفاجئت : لوهان ..!
 ابتسم "لوهان ": اهلا بيكي فى باريس ..

يتبع ,, 

لقاء مستحيل (16)

(16)

أستمرت "ريم" فى عزلتها وطلبت من "فريد" يحجزلها ترجع "لندن" وطلب منها مهلة أسبوع يسافروا معاها ووافقت ,, فى خلال الاسببوع كان "لوهان" بيرسل رسائل اليها :
_ريم ارجوكي ردي عليا
_ ريم متعمليش كده اكيد فى حل
_ريم متبعديش عني
وكانت "ريم" بتقرا الرسائل وهى منهاره فى البكاء لان مجرد ما هترد عليه هتتضعف وهى عاوزه تتمسك بقرارها  تجنب الاذيه للجميع ,, فى يوم "مريم " زارت "ريم" وملامحها متغيره :
_ مالك يا "مريم" .. فى حاجه ؟
_ بصراحه كده انا كنت عاوزه اقولك لكن "ادمز" منعني ..
_ تقوليلي ايه ..
_ لوهان .. لوهان يا "ريم" ..
: ماله "لوهان"؟
_ حفلات كتير اتلغت واعلانات وحبس نفسه فى شقته ورافض ينزل وطول الوقت بيشرب وماسك الموبيل مستنيكي تكلميه ,,
_ وانتوا فين و"يومي" وباباه واصحابه
_ لوهان حاجتين بس المهمين فى حياته انتي والموسيقي ,, علاقته مع والده غير مقربين من بعض و"يومي" هى اللى بتتطفل عليه دايما وصحابه ,, غير فرقته ملوش اصحاب  و"ادمز" حاول معاه وفشل ,, حتى الاكل مبياكلش بيشرب طول اليوم ,, بجد انا قلقانه لو طول كده بيدمر نفسه وحياته ..
_ "مريم" اتصلي ب "ادمز" قوليله عاوزه اروح بيت "لوهان"
_ ايه ..؟
_ يلا يا "مريم"  ارجوكي ..
 اتصلت "مريم" ب " ادمز" ومر عليهم ووصلوا بيت "لوهان" ومن الصحافيين  دخلوا من باب جانبي,,وقفوا امام باب الشقه و"ريم" بتتمالك مشاعرها منعا ل الضعف لما تشوفه ,, دخلوا الشقه ولاحظوا الشقه مهمله غير مرتبه زجاجات الخمور فى كل مكان مرميه ع الارض ,, والاكل زى ماهو ,, الاضاءه كانت ضعيفه واتجهوا لمصباح الكهرباء وشغلوا الاضاءه وابدتوا يدوروا عليه وسط الكراكيب ... لمحته "ريم" قاعد ع الارض فى ركن وماسك زجاجه ويسكي وبيشرب منها وفى الايد التانيه الموبيل ..اتصدمت "ريم" من المشهد ودموعها كانت هتخونها لكنها تمالكتها قربت منه خطوتين:
_ لوهان .. لوهان ..
الفت بسرعه "لوهان" للصوت : ريم ..
قربت منه ومسكت ايده يقف : انت قاعد كده ليه قوم يلا ..
 بينظر اليها بسعاده : ريم انتي هنا بجد ..انتي حقيقي قدامي
طلبت "ريم" من "ادمز" يساعدها لدخوله الحمام ووضعه تحت الدش علشان يفوق وقعد فى البانيو وفتحو المايه البارده  " و"مريم" ابتدت ترتب المكان ,,خرج من الحمام واتجه لغرفته مع "ادمز" ليبدل ملابسه و"ريم" بتتمالك انهايارها وبتساعد "مريم" ,,, خرج بعد ما بدل ملابسه وجلس ع كرسي و "مريم" قدمتله مشروب يساعده انه يفوق يقلل من تأثير الكحول ,, "ريم" جلست امامه بنتظر له فى صمت :
_ ريم ..
_ فوقت ولا لسه ..
_ انتى بجد موجوده هنا مش مش حلم ..
_ ايوه انا هنا و"ادمز" و"مريم"
 نظرت "ريم" ل "مريم" وشدت دراع "ادمز":
_ طيب احنا جوه هنسيبكم تتكلموا براحتكم
لوهان بسعاده: وحشتيني جدا جدا يا ريم
"ريم" بنبره وملامح جاده : انا سمعت اخبار مش كويسه عنك ,, حفلات اتلغت وتصوير ومقابلات ومعطل شغل كتير للفرقه ,,ليه كل دا .. مش الموسيقي دا اهم حاجه فى حياتك ليه تهملها كده
_ لان انتي اهم منها فى حياتي ,, انا مفيش حاجه فى العالم اهم منك عندي ..
_ ايه الاستهتار دا يا "لوهان" مكنتش اعرف انك كده فعلا ..
_ ريم" انا فعلا مش هقدر ابعد عنك ,,انا حياتي بقت انتي ,, خلينا نرجع اصحاب زى ما كنا وصدقيني مش هضغط عليكي ب اى حاجه ..
_ مش هينفع ..
_ انتي لو سبتيني هموت يا "ريم" هموت
_ مفيش حد بيموت من فراق حد يا "لوهان" .. واحنا فى جميع الاحوال مقدر لينا الفراق ,, واى علاقه تربطنا ببعض مش هتنفع مستحيل ...
قام "لوهان" ومسك ايد "ريم" جسمها انتفضت زقلبها دق :
_ مفيش حاجه اسمها مستحيل يا "ريم" واحنا مع بعض هنحارب المستحيل
سحبت "ريم" ايديها وتمالك نفسها لانها شعرت انها هتضعف :
_ ارجوك افهم الموقف اللى احنا فيه ,, مينفعش انت تكون فى الحاله دى كده وتدمر حياتك ومستقبلك كده ,, انا كنت متوقعه انك هتستوعب الموقف وكلامي اخر مره وهتبقي اقوي ,,
وقف "لوهان" قرب "ريم": استوعب ان روحي هتبعد عني ,,مستحيل
بعدت "ريم" خطوتين": "لوهان" ارجوك افهم ,, علاقتنا خلاص انتهت ,, ومينفعش نكون اى حاجه لبعض مينفعش ,, وانت مينفعش تكون فى الحاله دى ,,انت لازم تعيش وتعيش احسن من كده ارجع "لوهان" اللى قابلته اول مره ..
_ لوهان اللى قابلتيه اول مره مكنش عايش يا "ريم" ,, وجودك فى حياتي عرفتي يعني ايه حياه واعيشها ودلواقتي بتاخديها مني تاني ,,
_ لوهان ..
قاطعها: متقوليش علاقتنا انتهت لان اللى بينا صعب ينتهي بسهوله كده ,, انا دمي بيجري فى دمك يا "ريم" انا وانتي شئ واحد صعب يتقسموا او يتفرقوا عن بعض ,, حرفك محفور فى ايدي ,,
مسك ايديها : انا لما اتكلمت ع الجواز كنت بتكلم بجد لانى كنت مقرره من فتره وكنت منتظر الوقت المناسب واصارحك مكنش لحظه اندفاع مني ,,انا مستعد حالا نتجوز بس متبعديش عني
"ريم" بملامح استغراب : مدني ..؟
_ اى حاجه مش مهم ,,عاوزاني ادخل الاسلام انا مستعد ودلواقتي قوليلي اعمل ايه وهعمله
بملامح "غضب": نفس الاستهتار ,, الاستهتار بالاديان وبحياتك وبحياتي , فوووق اللى بتتكلم عليه دا مش هينفع ,, مش عربيه ولا تيشيرت غالي هتشتريهم مهما كلفك لمجرد رغبتك المميته فى امتلاكه ,,, هتبقي مسلم علشاني انت متوقع هفرح وهترمي فى حضنك وامسكك من ايدك ونروح تلعن اسلامك ,, اسفه ,, مش هيحصل لانى مش موافقه ولو عملتها لوحدك موقفي من هيتغير وقراري هو هو ..
بنبره عصبيه : انا مش فاهم سبب رفضك دا ايه ,,انتى بتحبيني وبحبك ايه المشكله نكون مع بعض ..؟
بنبره عصبيه وعاليه : لان انا مسلمه وانت لا ,, ديني محرم عليا اى علاقه بره ديني
_ وانا قولتلك هأسلم ..
_ وانا قولتلك لا مش هينفع ..
كسر "لوهان" فازه من العصبيه وحاولت تهدى "ريم" وبنبره هاديه اتكلمت :
_ لوهان .. الاسلام معناه اكبر من كده ومينفعش تستخف بدين علشان حد مهما كان مين ,, عاوز تبقي مسلم تكون رغبتك الشخصية واقتناعك بالدين نفسه مش رغبه مؤقته فى اى وقت ممكن تروح ,, مينفعش علشان توصل لحاجه تستغل الدين ,, علاقتنا بربنا وودينا مش بالسهوله زى ماانت متخيل يا "لوهان" ,, ديني يعني حياتي ونجدتي فى اى وقت صعب بمر فيه ,, طريق بكون فيه لوحدي ربنا بيسيرهولي طول ماانا راضياه ,, تيجي انت بسهوله وتستخف به كده لا ,, انا عارفه ان انا مقصره وبغلط لكن بيبقي قدامي فرصه ارجع عن غلطتي ,, علاقتي معاك غلط ومتنفعش لان ديني محرمها عليا ,, عاوز تأسلم أسلم علشان ربنا وعلشانك مش علشان شخص زيك مخلوق من عدم فى اى وقت ممكن يموت ,,
لوهان مقدرش يرد ع "ريم" وقعد ع الكرسي ووطي راسه  قربت منه "ريم":
_ لوهان .. منكرش ان الفتره اللى فاتت كانت بعمري كله لكن لكل شئ نهايه وزى ماانا اتقبلتها انت كمان اتقبلها ..انت لك حياة ومستقبل وانا ليا حياتي ,, لما اتقابلنا مكنتش اعرف ولا اتخيل اننا هنوصل للحظه دى ,, يمكن لو كنا اتقابلنا فى ظروف مختلفه كنا هنكون مع بعض ,,
نظر "لوهان" ل "ريم" ودموعه خانته امامها  ,,مدت ايديها ومسحتها :
_  زى ما انت دايما بتقولي مهما كانت امنيتي هتحققهالي ف انا ليا طلب وحيد منك ,, عيش حياتك وارجع للموسيقي اللى بتحبها هتلاقي فيها علاج ونجده من اى الالم هتحسه ,, وصدقني كل لحظه عشناها مستحيل تتنسي وهتكون ذكريات جميله هتساعدني امر من اصعب الاوقات ,, ارجع لمعجبينك وحياتك وشغفك , ارجع لوهان اللى الكل مستنيه وبيحبه ..
"ريم" دموعها خانتها ونزلت : انا بحبك يا "ريم" .. بحبك
تمالكت دموعها وقامت وقفت : ادمز .. مريم .. يلا بينا
مسك "لوهان" ايد "ريم" : طيب ارجوكي تسمحيلي من بين فتره وتانيه اكلمك اسمع صوتك ك اصحاب زى الاول وصدقيني اوعدك مش هعدى الحدودو .. اوعدك
ريم بصتله ودموع فى عينيها : مينفعش يا "لوهان" .. مر الوقت اللى ممكن نرجع فيه زى الاول ,, مينفعش لاننا مش هنقدر .. الحدود عديناها من غير ما نحس وصعب نرجع تاني ..!
قربت "ريم" من الباب .. "لوهان" بنبره عاليه :
_ لو مقدرناش نتغلب ع مشاعرنا وع حبنا هنعيش حياتنا فى عذاب والالم دا حل
بصتله "ريم": يبقي دا قدرنا ودا قدري اعيش عمري بتعذب وبتوجع لكن ذكرياتنا هتكون علاج ل اى وجع ...
خرجت "ريم" ودخلت الاسانسير فتحت كف ايديها ولمست الحرف :
_ انا اسفه يا "لوهان" دخلت حياتك ودمرتها اسفه ..
رجعت "ريم" ع البيت دخلت غرفتها رفضت تتكلم مع اى شخص ,,حاولت "رنا" تتفهم من "مريم" لكن "مريم" اظهرت عدم معرفتها ب اى شئ ,, مر يوم وهو يوم سفر "ريم" للندن ,, جهزت واتجهت للمطار منتظره الطياره ,, فى الوقت دا حاول يتصل "لوهان" لكن الموبيل كان مغلق ,,اتجه للمطعم وقابل "مريم" وعرف انها مسافره وفى المطار ,, اتجه للمطار بيدور ع "ريم" ولمحها من بعيد وهى متجهه  للطياره ,, بصوت عالي نده ب اسمها : ريييييم ,, ريييييم
كل الموجودين التفتوا لمصدر الصوت و"ريم" لمحته واتفاجئت بوجود "لوهان" بدون كاب او مسك وظاهر فى العلن بينده ع اسمها ,, بعدت "ريم" وبسرعه اتجهت ل "لوهان" :
_ لوهان .. بتعمل ايه هنا ..؟
مسك ايديها : متسافريش يا "ريم" وتسبيني ,, هنفكر وهنلاقي حل ,, انا مش قادر اقتنع بكل اللى قولتيه امبارح ,, قلبي رافض ,, انا حاسس بوجع ومش هقدر اتغلب عليه وانسي حبك ..مش هقدر
لحظت "ريم" اللى حواليا ابتدوا يصورو مسكت كاب كان معاها وحطه ع راسه وماسك ع وشه ونظارته ومسكت ايده وبعدت عن الزحمه :
_ لوهان .. هو دا اللى اتفقنا عليه ؟؟؟
_ انا متفقتش ع حاجه .. متسافريش ارجوكي
دموع "ريم" نزلت من عينيها ومسكت ايد "لوهان": بلييز يا لوهان بليزز متضغطش عليا اكتر من كده انا مش قادره ومينفعش اشوفك كده ,, لو حقيقي بتحبني انساني . انسي وجودي اعتبرني عابر سبيل مر فى حياتك واختفي ,,ارجع لحياتك ومستقبلك ,, ارجوك
"لوهان" بنبره صوت مخنوق بالدموع: ريم ..
"رنا" ندهت ع "ريم" علشان الطياره : انا قولتلك مش هينفع ودا قراري النهائي . انا اللحظه اللى هتجهه لطياره هيبقي كل حاجه بينا انتهت نهائي بلا عودة .. متحاولش تكلمني لاني مش هرد ولا تقابلني لانى هرفض ,, لانك بالنسبالى شخص غريب فى اللحظه دى .. امشي يلا
_ ريم .. بجد مش هقدر ..
وقفت "ريم": هتقدر .. مع السلامه
"لوهان" ماسك ايد "ريم" وضاغط عليها وشدت "ريم" ايديها وبعدت وهى بتمسح دموعها المستمره ,, طارت الطياره و"لوهان" مصدوم من الموقف وخبط قلبه بقيضه يده من الوجع ودموعه نازله ,, "ريم" فى الطياره فتحت كف ايديها ولمست الحرف ودموعها نزلت ع الحرف ,, حاولت "رنا" تتكلم معاها لكن فريد منعها ... !

رجعت " ريم" لندن واتجهت ع غرفتها بدون كلام ,, رفضت تتكلم مع اى شخص وع طول نايمه ,, مر يومين وفى نص الليل البيت كله سمع صوت صريخ من غرفه " ريم" واتجهت "حنان" لغرفتها كانت "ريم" مرعوبه وبتبكي ب انهيار وقربت منها "حنان" اترمت "ريم" فى حضنها وبتبكي ,, الكل شعر ان فى مشكله كبيره حصلت ل "ريم" والكل كان "جاهلها ,, قرر "فريد" انه لما يرجع كوريا يعرف ايه اللى حصل ,, رجع بعد اسبوع واول ما دخل مكتبه كان موجود جواب نقل لبلد تانيه وعرف من اصدقائه انه بسبب اشااعه ظهرت ان اخت زوجته ع علاقه مع مشهور كوري ولانه حسن السلوك تم نقله لبلد تانيه ,, زارت "غاده" ريم" وكانت ساكته :
_ مش هتتكلمي يا "ريم" ..؟
_ مفيش حاجه اقولها ..
_ طيب مش عاوزه تسألي ع اى حاجه ..؟
مسحت دموعها ونظرت ل "غاده ":  وهلقي اجابه ؟
_ يمكن ..
بدموعها نازله : انا امتى هرتاح ؟! امتي هفرح ؟! امتي هحس بالسعادة واعيش ؟!
سكتت "غاده ": مفيش اجابه صح ,, انا بسأل نفسي سؤال ليه لما بتعلق بحد واقول اخيرا بقي فى حاجه جميله فى حياتي يختفي ,,هو انا لدرجه دى مستحقش السعاده ؟! مستحقش اطمن واعيش بأمان ؟!  القدر دايما ياخد مني اللى بحبهم وروحي بتتفتت مفيهاش حته سليمه ,,انا حاسه انا عايشه بس علشان اتوجع واتألم ,, ليه  بيحصلي كده ليه ؟
_ نصيب وقدر يا "ريم" ,, احنا مسييرين مش مخيريين وكل اللى بيحصلنا اختبارات من عند ربنا نستقوي بيها لانه معانا وهيقوينا ..
_ انا بجد مش قادره ,, حاسه انى بغرق ,, بصلي وبدعي ربنا اموت علشان ارتاح الكوابيس مش سايباني والخنقه زادت ..
_ انتي لسه بتفكري فى "لوهان"؟
فتحت "ريم" كف ايديها ولمست الحوف :
_ انا منستهوش .. كل لحظه كانت معاك بتهون عليا اوقات كتير لكن لما اتاكد انه مش موجود بتوجع اكتر ,, صعب اوى يا "غادة" تاخدي قرار فى حاجه تسبيها لانه صح وانتي عارفه انك هتتوجعي بعد ما تسبيها وجع شبيه بالموت البطئ ..
مسكت ايديها : هتتغلبي يا "ريم" ع وجعك ,, الوقت هيهون عليكي كل حاجه متستسلميش ..!
خرجت "غاده" ورجعت "ريم" لعزلتها وسكوتها مع الهاند فري ,,لاحظ "امير" تدهور حالتها وشعر بتأنيب الضمير قرر يساعدها تخرج من حالتها وف اتصل ب "غاده" وطلب موعد وقابلها :
_ دكتور هى ريم هتستمر ع الوضع دا ؟
_ المرادى مش عارفه الظرف اللى بتمر به "ريم" صعب عليها جدا
_ يعني ايه ؟
بتتنهد "غادة" : ريم عاشت تجربه قاسية جدا وتركت أثر شديد فى حياتها ونفسيتها ,, والانتكاسات اللى مرت بيها اثرت فيها جدا فراق رانيا صديقتها وداده عواطف واخيرا "لوهان" .. لان ال 3 كانوا بيمثلوا جوانب كانت مفتقداها فى حياتها وحسسوها بالامان ,, "رانيا" عوضتها عن الاصدقاء والاخت ,, داده "عواطف" عوضتها عن الام ,, و"لوهان" صاحب اكبر جزء عوضها عن الاب والاخ والصديق والحبيب ,, دور "لوهان" كان كبير لانه اعاد ل "ريم" ثقتها فى نفسها والخوف اختفي وجوده كان علاج بديل ,, وقرار "ريم" انها تبعد عنه وتسيبه كان بالظبط تختار تعيش ولا تموت ,, ف اختارت انه يعيش وهى اللى تموت ,, علاقتها ب "لوهان" لو كانت صداقة بس كان الامر وأثر هيكون اخف وهياخد مده اقصر ,, لكن علاقتها به مختلفه مشاعر وحب متبادل ولانها عارفه انه مش هينفع ومستحيل بعدت ,, انا بحاول معاها وبدعي حالتها متتنقلش ل الاسوء ,,|
بملامح قلق : قوليلي اعمل ليها ايه وانا اعملها ؟
_ حاولوا تخرجوها من البيت ..
_ بترفض ..
_ الاماكن اللى بتحب تكون فيها مش هترفض مثلا الجمعيه ,, ومهما طلبت تكون لوحدها متبعدوش وتابعوها ... هتاخد وقت لكن لازم نحاول ..
_ انا مش هسيبها واعمل كل حاجه تخليها ترجع زى الاول ..
تاني يوم اتجه "امير" لغرفه "ريم" خبط ع الباب مكنش فى رد اتخض وفتح الباب كانت "ريم" بتسمع ميوك من الهاند فري وهى قاعده ع الكرسي ومغمضه عينيها ,, قرب منها "امير" ووقف لحظات يبص عليها وهى مغمضه عينيها وابتسم ولاحظ دمعه نازله من عينيها بحركه لا اراديه قرب منها يمسحها اتخضت "ريم ":
_ امير ...؟!
_ سوري يا "ريم" انا خبطت ع الباب لكن انتي مردتيش
_ فى حاجه ؟
_ ممكن تلبسي وتيجي معايا
_ مش عاوزه انزل
_ مشوار صغير ولو ضايقتي هرجعك حالا ,, هنروح نقابل ناس بتحبيهم وبيسالوا عليكي دايما
_ مين ..؟
_ يلا بس هستناكي ..
 نزلت "ريم" وكان "رامي" فى انتظارها ,, اتحركوا بالعربيه وعرفت "ريم" انهم متجهيين للجمعيه ,, لاحظت هدايا كتير اشتراها "امير" وحلويات فى شنطه العربيه  وابتدا يوزعهم ع الاطفال هو و"رامي "  كانت متفاجئه من تصرف "امير" لكن فرحت بفرحه الاطفال ,, اتكرر زيارتهم لجمعيه و"امير" بيلعب ويهزر مع الاطفال واغلب وقته مع "ريم" .. فى مره وهما قاعدين فى حديقه الجمعيه عربيه كبيره دخت ب بلالين وهدايا وشاور "امير" للاطفال وقربوا وفرحوا جدا بالهدايا ,,, بعد فتره "ريم" قعدت لوحدها سرحانه قرب "امير" بعصير :
_ اتفضلي عصير الفراوله
_ شكرا ..
_ اننا مبسوط جدا لفرحه الاطفال
_ "امير"  .. انا عندي سؤال ممكن ؟
_ اتفضلي
_ من امتي وانت بتحب الاطفال والجمعيه وتلعب معاهم وهدايا اقصي حاجه كانت بتديني فلوس ..
_ امممم .. فى واحده اعرفها قالت زمان لو فى شخص بتحبه بجد وعاوز تفرحه فرحه بفعل مش بفلوس ,, والاطفال فرحوا بالهدايا والحلويات واللعب معاهم وابتسامتهم جميله زى ابتسامتك لما كنتي بتبصي عليهم  ,, ابتسامتك الجميله اللى كانت غايبه من فتره ورجعت معاهم ,, انا ممكن اعملك اى حاجه متغيبش ابتسامتك دى يا "ريم" ..
اابتسمت "ريم" : شكرا بجد يا "امير"
ابتسم"امير": يو ويلكم

بعد سفر "ريم" بفتره حاول "لوهان" يرجع لحياته وحاول يتواصل مع "ريم" لكنها قطعت كل خطوط التواصل و"مريم" و"ادمز" من توصيه "ريم" رفضوا يبلغوه اى اخبار عنها ,, رجع لحياته نوعا مع يركز فى شغله والموسيقي تكون ملجاء له ,, لكن حياته توقفت ع الشغل فقط  لا سهر ولا سفر ولا مقابلات  واغلب وقته الخالي من الشغل فى البيت لوحده رافض يقعد او يقابل حد ,, "يومي" كانت بتحاول تتقرب ل "لوهان" لكن كان بيصادفها رفض وبيتجنبها ,, ففى يوم عرفت انه فى الاستوديو اشترت اكل واتجهت للاستوديو واصرت عليه ياكل معاها وتجاهله ليها ضايقها ومشيت ,, :
_ لوهان ,, مش ملاحظ انك بقيت قاسي اوى
_ خلينا نركز ع الشغل يلا اخر جزء فى الاغنيه عيده علشان هنعدله
لاحظ "جو وون" حده "لوهان": انت مكنتش كده لما ريم كانت موجوده .. !
"لوهان" سمع اسم "ريم" حس بنغزه فى قلبه : جون
_ انا بجد مش قادر اشوفك كده ,,انت بقيت انسان تاني مش "لوهان" صديقي ,, "ريم" لما قررت تبعد عنك مكنتش عاوزاك تكون كده .هى بعدت علشان ترجع لحياتك مش تسيبها ..
_ تقصد ايه ..؟
_ "ريم" قابلت مستر "بارك" والدك و ..
حكي "جو وون" مقابله "ريم" لمستر "بارك" وسبب تحولها المفاجئ خوفا عليه وع مستقبله ,,, "لوهان بيسمع ومصدوم من الموقف وتصرف "يومي" .. خرج "لوهان" وقابل "مريم" و"ادمز" وعرفهم انه عرف كل حاجه وهما اكدوا ع الكلام ,,قرر "لوهان" يسافر لندن ل "ريم " .. حجز تذكره وسافر للندن  ورغم رفض "مريم" بطريقته الخاصه وصل للعنوان لكن مقدرش يدخل البيت منعا انه يسبب احراج ل "ريم " ,, كان اغلب الوقت بينتظر خروجها امام الفيلا لكن مكنتش بتظهر ,, فى يوم لمح "رامي" وهو نازل من باص المدرسه ونده عليه .. وطلب منه يقابل "ريم" لكن كمفاجاءه وعجبت الفكره ل "رامي " ,, بعد الحاح ع "ريم" من "رامي" انها تخرج معاه تقابل بعض اصدقائه خرجت معاه واتجهت للحديقه  وهى واقفه بتبص ع "رامي" مع اصدقائه وبتسمع الهاند فري شخص خبط ع كتفها :
_ لوهان.. انت هنا ازاى و ..
_ هششششش ليه الخوف دا كله
_ انت هنا ليه ..؟
_ وحشتيني ..
_ انا ماشيه .. رامي ..
 شدها من ايديها : انتي مش هتتحركي من هنا ,, و"رامي" عارف انا هقابلك وكان لازم اقابلك ..
_ مفيش كلام بينا خلاص انا مشيت من كوريا وقفلت الصفحه دى وقطعت علاقتي بكل حاجه هناك
_ لكن انا لا ,, انا لسه بحبك ولسه بفكر فيكي ولسه بتوحشيني كل لحظه
جسم "ريم" اتنفض ودقات قلبها زادت بعدت عنه " ارجع يا  لوهان .. لرجع
_ انا عرفت السبب اللى بسببه بعدنا عن بعض ,, انتي بعدتي علشان خايفه عليا ,,ضحيتي بنفسك وبحبك علشان تحميني
ريم بتتمالك : دا سبب لكن السبب الاقوي انا قولتلك عليه ..
_ ايه ؟
_ لو فرضا فضلت هناك ولا همني الاشاعات ولا حياتك ,, علاقتنا كانت هتوصل ل ايه , ولا حاجه لانه مش هينفع زى ما قولتلك ,, مينفعش يكون فى علاقه تربط بينا ومهما طال الوقت هنتفارق ,,
_ كل مشكله وليها حل  انا هعمل اللى انتى عاوزاه انا ه,,
_ ارجع يا لوهان لحياتك لان خلاص مينفعش اى حاجه تتعمل خلاص ..
_ تقصدى ايه ؟
 "ريم" بتتمالك :انا اتخطبت ..
 اتفاجي "لوهان": اتخطبتي .. مين وامتي ؟
_ امير .. وبكره خطوبيتنا الرسميه ..
_ انتى بتكدبي عاوزاني ابعد صح
_ مش مصدقني اتفضل بكره فى حفله خطوبتنا الصغيره
_ اتخطبتي ل "امير "؟
_ امير اكتر شخص يناسبني ,, عارفني ومتربي معايا وقريب ليا والاهم انه من ديني  مسلم ودا قبل ما يعرفني ,,
_ لكن انتي مبتحبهوش ..؟
_ الحب هيجي بعدين ..
_ ريم ..
ندهت "ريم" ع رامي : بكره الخطوبه هستناك .. باي ..
اتصدم "لوهان" من خبر .. فى نفس اليوم قابلت "ريم" امير وطلبت منه يعلنوا خطوبتهم بكره فى حفله صغيره وفرح "امير" جدااا .. وفعلا التجهيزات خلصت وكانوا المعازميم المقربين فقط ,.. عيون "ريم" كانت دايما متجهه لباب الفيلا منتظره ظهور "لوهان" وفعلا لمحه وجوده زقف خلف الباب وشهد مشهد "امير" ويبيلبس "ريم" الخاتم الخطوبه وكانت صدمة ,, ريم كانت متابعاه ومتمالكه اعصابها ودموعها وحست بنغز فى صدرها ,, اتحرك "لوهان" ومشي وهى اتحركت ع غرفتها واول ما دخلت الغرفه رمت الخاتم و وقعت ع الارض وانهارت فى البكاء وبتخبط ع صدرها ,, اتجهت "غاده" ليها ومنعت دخول اى شخص وكانت "ريم" فى مشهد مؤثر قربت منها "غادة" وحضنتها :
_ مش قادره يا غادة .. حاسه اني بموت مش قادره ..
حضنتها "غادة" وحاولت تهديها بحقنه مهدئه ونامت و"امير" كان خلف باب الغرفه سمعها وشعر بوجع فى صدره واتاثر ل "ريم" وشعر بذنب لحالتها وسهر طول الليل يطمن عليها ..!
مر اسبوعين و"ريم" فى حاله نفسيه سيئه مبتتكلمش وساكته ودموعها مبتتوقفش ,, مسكت الموبيل ومتردده تتصل ب "لوهان" اتصلت ب "مريم" ,, بعد السؤال عن الجميع سكتت لحظات تسأل عن "لوهان :
_ مالك يا "ريم" سكتي ليه ؟
_ لوهان .. تعرفي عنه حاجه ..عام ايه ؟
_ لوهان ..
_ ايوه ..
_ ريم .. معقوله متعرفيش انا تخيلت انك عرفتي من النت الاخبار ..
_ انا مبفتحش من فتره .. هو حصل حاجه ؟
بنبره حزينه : لوهان يا ريم
_ ماله لوهان يا "مريم" ؟؟

يتبع ,, 

لقاء مستحيل (15)

(15)
حاول "لوهان" يتكلم مع "ريم" او تقابله وكانت بترفض وشرطها انها هتقابله بعد مكالمته مع  "غادة" .. قرر يوم يسافر لندن رفض يتكلم معاها عبر التليفون .. كانت "ريم" اتكلمت مع "غادة" وعرفتها كل الاحداث والتطورات ,, وصل "لوهان" لندن ومن المطار اتجه للمستشفي وطلب يقابل "غادة " واتفاجئت "غادة" لانها كانت منتظره مكالمه هاتفيه :
_ ريم حكتلي كتير عنك وانا بشكرك ع كل حاجه ساعدتها فيها ..
_ لا داعي للشكر .. اختصارا لوقت حضرتك ولان موعد طيارتي بعد 3 ساعات انا محتاج افهم اللى "ريم" طلبت مني اتكلم معاكي وهتعرفهولي ..
_ فعلا "ريم" طلبت منى اعرفك كل حاجه ف ياتري عندك استعداد تسمع وهتفهم ..؟
_ اكيد ..
_ الحكايه بدءت
وابتدت "غادة" تحكي ل "لوهان" قصه "ريم" من بدايتها وهى صغيره بالاحداث والظروف اللى مرت فيها ومعامله والدها والحاله النفسيه السيئه اللى عانت منها سنين واثارها لسه مستمر وبتتعالج ودخولها المستشفي للعلاج  .. تفاجئ "لوهان" من حجم الالم اللى عاشته "ريم" لوحدها بتعاني :
_ كل دا حصل ل "ريم" وكانت لوحدها ؟
_ للاسف ايوه .. لكن حاليا الوضع اختلف انا معاها واهلها وانت ..
لوهان سكت لحظات ..قامت "غاده" من ع المكتب وجلست ع الكرسي امامه :
 لكن ممكن يحصل ل "ريم" اسوء من كده وترجع لوضعها الاولاني ..
_ ازاى وايه السبب ؟
_ ريم حكتلي كل حاجه عن علاقتكم ,,بصراحه انا فى الاول كنت سعيدة جدا بالتغيير اللى حصل ل "ريم" والتحسن فى حالتها ودا بسبب علاقه الصداقة اللى بينكم اللى شجعتها تتغلب ع خوفها وانها لقت الشخص اللى يحسسها بالامان اللى عاشت مفتقداه عمرها وسبب خوفها ..والدها سبب لها ازمه نفسيه ..اول رجل فى حياه اى بنت هووالدها يا يترك بصمه كويسه يا يسئ ليها ويأثر معاها لما تكبر والدها ترك انطباع ان الرجاله كلهم قاسين غير ودوديين قلبهم قاسي فبالتالي هى كرهت وجودهم ورفضت التعامل معاهم  ..هى  كانت رافضه اى رجل يقرب ليها حتى السلام كانت بترفضه ..حاليا بتقدر تتعامل عادي  لانها قابلت رجل يستحق الثقه استثنائي فى حياتها ..بدون مقدمات دخلت حياتها وساعدتها فى حاجات كتير كانت هتاخد سنين طويله .. انت شخص مميز فى حياتها .. لكن ..
_ لكن ..؟
_ لو كانت صداقه بس اللى بينكم كان مفيش مشاكل وكنت شجعتكم لكن الموضوع مختلف والعلاقه اتحولت لحب ومشاعر متبادله .. انت حركت مشاعر فى ريم غيرك حاولوا كتير وفشلوا ومنهم "امير " ..
_ خطيبها ..!
_ لا "امير" مش خطيبها .. كان عاوز تتم الخطوه دى لكن "ريم" رفضت من زمان .. "ريم" رافضه الارتباط فى العموم و"امير" مستنيها ع امل تتغير وتوافق .. "ريم" كانت محتاجه لحب يقويها ويساعدها ويطمنها ودا حصل معاك وحياتها اتغيرت للاحسن .. لكن بالمقارنه بينك وبين امير .. امير انسب ليها ل اسباب كتير
_ الدين ..؟
_ دا سبب واقوي سبب بجانب الثقافه والعادات والمجتمع .. ريم مش مستعده تتعرض ل انتكاسه وتهدم كل اللى وصلتله فى لحظه ..اعتقد انت فاهم قصدى ..!
_ لكن انا بحب "ريم" بجد
_ كقصه فى كتاب او فيلم رومانسي اقولك ممكن لان دا الخيال فيه مسموح ,, لكن فى الواقع غير مسموح يحصل بينكم حاجه غير الصداقه ,, انفصالكم هيحصل هيحصل سواء دلواقتي او بعدين ,, ف اعتقد انها تحصل حاليا قبل ما تتعلقوا ببعض اكتر وتعانوا وريم تتأثر ,, دا طلب مني لو "ريم" مهمه فعلا ووضعها الصحي مهم عندك ,,, احنا مش ضامنين المستقبل لكن الحذر واجب ل عواقب احنا مش قدها ..!
"لوهان " كان ساكت بيسمع كلام "غادة" بدون رد فعل ,, انهت "غادة" حديثها واستاذن "لوهان" واتجهه للمطار ,,, مر ع رجوع "لوهان" من مقابله "غاده 3 ايام ,, بدون اى اتصال مع "ريم" ولا رساله .. تيقنت "ريم" انه قرر يبعد بعد ما عرف حكايتها وحالتها ,, اثر فى حالتها اختفاء "لوهان" لكن كانت بتبين انه عادي ,, فى يوم "ريم" بتسمه ميوزك من الهاند فري لمحت موبيلها نور مسكته وكانت رساله من "لوهان ":
_ اكيد عاوزه تعرفي قراري الاخير  انا فى انتظارك فى حفله بكره مع مريم وادمز وهقولك قراري المستحيل يتغير .. منتظرك ..!
قلقت "ريم" من محتوي الرساله والجديه فى كلام "لوهان" .. تاني يوم اتجهت مع "مريم" للحفله وقررت مهما كان القرار هتتقبله بدون جدال ,, ابتدت الحفله وقبل ما تخلص كان فى اخر اغنيه ,, مسك "لوهان" المايك وبالكوري :
_ فى شخص قال ان اى شخص هيكون قريب له او يحبه هيكون انسان غير محظوظ ,, انا بهديله الاغنيه دى واتمني تعجبه وتعجبكم لانها اتكتبت واتوزعت فى يومين ويعتبر اسرع اغنيه اعملها ..
ترجمت "مريم" ل "ريم"  كلامه وابتدت الاغنيه وكانت بالانجليش ,, وكانت بتعبر ع انه محظوظ بوجودها فى حياته وانهم مع بعض والسعاده اللى شعر بها فجاءه بوجودها وعبر عن مشاعره اتجاهها .. وفى نهايه الاغنيه قالها ( بحبك يا روما ) ,, اتفاجئت " ريم" من الموقف وطريقه "لوهان" ...
دموعها نزلت وقلبها دق بسرعه رهيبه  وكانت هتقع ومريم مسكتها .. خرجت "ريم" مع مريم " مذهولين باللى حصل.. رغم سعاده "ريم" لكن زاد قلق "ادمز" من تصرف "لوهان" الجرئ ,, ارسل "لوهان" رساله ل "ادمز" انهم يسبقوه لمكان عند نهر الهان .. بعد نص ساعه من وصول "ريم" وكانت واقفه وبتحاول تستوعب الموقف قرب منها "لوهان":
_ بحبك
 _ لوهان ..
_ بحبك ..
دموع نزلت من عينيها : بجد ..
_ جدااا
_ بعد اللى عرفته ..؟
_ بعد اللى عرفته

تذكر "لوهان" مقابلته مع "غاده" فى نهايتها لما طلبت منه يبعد عن "ريم" لمصلحتها
"فلاش باك"
_ دا طلبي وياريت تكون فاهمني
اتجه لوهان اتجاه الباب ورجع وقف :
_ حضرتك قولتي احنا مش ضامنين بكرة هيحصل ايه فيه لكن عارفين هيحصل ايه دلواقتي ,, انا بحب "ريم" ومتاكد انها بتحبني ,, ف اللى هيحصل بعد اللى سمعته بقي فى سبب قوي جدا اتمسك ب ريم علشانه وهو انها محتجالي وانا محتاج ليها اكتر ,, انا مش هسيب "ريم" مهما حصل ,,الموت وحده كفيل يبعدني عنها غير كده لا ,, واتمني مقوليش ل "ريم" ع قراري انا هبلغها بنفسي ..
اتفاجئت "غاده" من جديه "لوهان" ..!
مسك ايديها : "ريم" انا اكتر انسان محظوظ فى العالم لاني بحبك ولانك بتحبيني ,, انا بحبك ومش هسيبك ابدا,, اوعدك اللى فات من حياتك كان حاجه واللى جى واحنا مع بعض وانتي معايا هيكون حاجه مختلفه ,, انا مش هسيب ايدك متسبيش ايدي يا "ريم" لان انا محتاجلك اكتر من احتياجك ليا ..!
"ريم" كانت ساكته فقدت القدره ع التعبير والكلام لكن كانت سعيده باللحظه دى وانها مع "لوهان" ,, قرب منها ووضع قبله ع جبينها وضمها فى حضنه : بحبك يا ريم اكب مما تتخيلي
ابتسمت "ريم"وانعزلت عن العالم وهى فى حضنه وتلقائي حضنته ونسيت كل حاجه كل الخوف والفروق والاختلافات بينهم ,, محستش غير بالامان وهى فى حضنه ..!

كانت "يومي" فى الحفله وتابعت كل الاحداث واتاكدت ان "لوهان" بيحب "ريم" وقررت انها لازم تبعدهم عن بعض ب اى طريقه ويرجع "لوهان" ليها زى الاول  حب عمرها ,, رجعت البيت متعصبه رمت شنطتها وقع كل حاجه فيها ع الارض ولحظت كارت لشخص كان ارسله ليها من لندن بيعرض انه يساعدها ع انفصال "ريم" و"لوهان" نهائي ,,, مسكت الكارت واتصلت بالرقم :
_ الو ..
_ امير معاكي ..
اتفق يقابلها فى مطار انشتون الساعه 3 بعد الضهر ويتكلموا فى كل حاجه .. اتحمست "يومي" ..!

وصل "لوهان" "ريم" البيت وكانت ساكته وملامحها مضطربه وقبل ما يتكلم "لوهان":
_ لوهان .. مش هينفع .. مش هينفع واللى حصل من شويا دا كانت لحظه ,,مش هينفع
 نزلت من العربيه وداخله العماره ولحقها "لوهان" ومسك ايديها :
_ ايه اللى بتقوليه دا ..؟ لحظه .. خزلتي كل مشاعرنا فى لحظه واحده ,, ومش هينفع ايه ؟
_ مش هينفع نكون مع بعض ..انت فاهم كويس انا اقصد ايه ؟
سكت لحظه : ومين قالك ان انا عاوز حاجه منك انا مش عاوز اكتر من انى اشوفك واسمع صوتك ومش هلزمك باى التزام ..
_ مش هينفع ..
_ طيب بصي احنا نعتبرها لعبه ونكملها مش باقي ايام قليله ع المهله ,, نكمل اللعبه وبعدها نقرر هنعمل ايه ممكن .. ارجوكي يا "ريم" ..
 سكتت لحظات "ريم" واستغل سكوتها :
_ انا مسافر الصبح وراجع بعد يومين هنكمل اللعبه تمام .. تصبحي ع خير
 قرب منها وباس راسها واتحرك بسرعه اتجاه العربيه ,, وقفت "ريم" ساكته فى حاله رفض وقبول للوضع ,, رجعت البيت دخلت غرفتها ارسلها "لوهان" رساله انه وصل البيت ابتسمت ونامت ..!

تاني يوم سفر "لهان" فى المطار كانت "يومي" فى كافتيريا منتظره "امير " :
_ يومي..
_امير ..
قعد : اعرفك بنفسي انا "امير" قريب "ريم" من الدرجه الاولي وخطيبها قريب جدا
_ اهااا ,,اهلا بك ..
_ لما عرفت ان فى شخص بيعمل تحريات عن "ريم" بالخصوص مقدرتش اقف اتفرج ولازم ادخل لان "ريم" تهمني وتهمني جداا .. ولما بدوري دورت وعرفت انك من المقربين ل "لوهان" فعرفت ان فى بينا هدف مشترك ..
_ هدف مشترك ..
_ طبعا .. علاقه "لوهان" و"ريم" اعتقد انها اخدت وقت اطول وان الاوان ان كل حد فيهم يرجع لحياته ,, "ريم" ترجع لندن ليا و"لوهان" يرجعلك ,, صح ..؟
ابتسمت "يومي": صح .. واضح انك عارف كل حاجه ..
_ "ريم" فى اى مكان وفى اى وقت ببقي عارف هى مع مين وبتعمل ايه ,, قولتلك "ريم" تهمني وجدا
_ واضح ان هدفنا واحد
_ وهيتحقق قريب جدااا
ابتسمت " يومي" هى و"امير" ...!

مر يومين ورجع "لوهان" من السفر وقابل "ريم" امام العماره زى العاده واتفقوا هيقضوا يوم كامل مع بعض ,,قبل ما تنزل "ريم" من البيت دخلت "مريم":
_  "ريم"
_ مريم .. تعالي ..؟
_ نازله تقابلي "لوهان" ..؟
ب ابتسامه : ايوه ..
بصوت واطي : هى "رنا" عرفت ..؟
_ لا ..
_ ليه ..؟
_ لانها هترفض وهتمنعني ..وان عملت كده انا مش هقدر امنعها تمنعني لانها هتكون صح ..
_ مش فاهمه .. انتي بتحبي "لوهان" ولا لا ..؟
_ مش هقول حب لان انا بحاول انكره ,, لكن "لوهان" حاجه مهمه جدا فى حياتي ,, مش هينفع يكون بينا غير صداقه غير كده مش هينفع مستحيل ,, وانا اتكلمت معاه وفهمته ..
_ ونازله تقابليه ..؟
_ نكمل اللعبه ,, هو طلب مني نكملها وبصراحه انا كمان عاوزه حتى لو كدب وتمثيل ,, حلم وعاوزه اعيش فيه حتي لو ايام بما ان الواقع رفضه وحارمني منه ..!
_ ريم ..
اتنهدت "ريم": انا هنزل دلواقتي وياريت متحكيش اى حاجه ل "رنا" لان مفيش حاجه اساسا اوكيه
_ اوكيه ..
نزلت "ريم" وهى سعيده هتقابل "لوهان" وكان فى انتظارها ونسيت كل خوفها ورفضها وقررت تعيش اللحظه الحاليه :
_ هنروح فين انهارده ؟
_ يلا بينا وهتعرفي
اتحركوا واتجهوا لبرج "نامسان" وطلعوا لقمته :
_ اايه دا ..؟
_ فى حاجه كنت بتمني اعملها هنا واعتقد ان الاوان دلواقتي
بتضحك "ريم": هنط من هنا ولا ايه ..؟
 ضحكك "لوهان:  تعالي بس ..
مسك "لوهان" ايد "ريم" واتجهوا للسور فيه اقفال كتير متنوعه ورجع ومعاه قفل  :
_ ايه دا ..؟
_ احنا هنكتب ع القفل دا امنيتنا ونعلقه هنا مع الباقيين ,, امنيتنا فى يوم هتتحقق وحبنا هيكتمل ,, دا عاده بيعملوها الثنائي هنا ..
_ حلوه الفكره ..
_ يلا اكتبي ع قفلك وانا هكتب ونعلقه مع بعض وهنرمي المفتاح
_ اوكيه
 ابتدت "ريم" تفكر تكتب ايه فى اللحظه دى "لوهان" كتب :
_ احبك الى الابد ريم
 كتبت "ريم:
_ اتمني اكون معك الى الابد
 كل واحد معرفش ايه مكتوب وعلق القفل ورموا المفتاح بعيد ,, بعد ما تناولوا وجبه بطاطس خفيفه اتجهوا لوسط البلد وهما بيتفرجوا ع المحلات موبيل "لوهان" رن و"ريم" وقفت تتفرج ع شخص بيرسم اوشام ولفت انتباها رسمه قلب عجبتها :
_ ايه عجبك ..؟
_ جدااا ..
_ تحبي تجربي يلا ..
_ لالالا انا مبحبش الاوشام وثانيا مش هينفع اعمله اللى بيرسموا اوشام بيخلي جسمهم وحش ويخوف ليه منسبش جسمنا ع طبيعته ..
_ طيب ايه رأيك هنرسم حروفنا  بس وصغير مش واضح
"لوهان" شدها ودخلوا المحل وطلب من اللى بترسم انه يرسم ع ايده حرف "ريم" و"ريم" ترسم حرف "لوهان" فى صباع البنصر لكن اتجاه كف الايد ,, "ريم" كانت سعيد به ومسك ايديها "لوهان" ووضعه قبله ع الحرف اتفاجئت "ريم" وضم كف ايديها :
_انتي كده ملكتيني ولا مفر للهروب ودا مكاني صعب حد تاني ياخده مستحيل
فقدت "ريم" القدره ع الكلام : لوهان ..
_ انا عاوز اكل حاجه حلوه ,, تشيز كيك يلا بينا
"ريم" رغم عدم قدرتها استيعاب الاحداث لكن الاحساس تملكها سعاده ,, وهما واقفين بيطلبوا التشيز كيك كان فى محل فساتين زفاف ,, لاحظ "لوهان" انجذاب "ريم" لبنت بتظبط فستان ع المينكان ,,بدون تفكير شدها من ايديها ودخلوا المحل :
_ بتعمل ايه ..؟
_ ولا حاجه هنجرب ..
وقفته وهى محرجه : نجرب ايه انت مستوعب احنا فين .. يلا بهدوء ..!
_محل فساتين زفاف .وهتجربي فساتين اللى تعجبك هنا ..
_ مين قالك ان انا عاوزة اجرب اصلا .. يلا بينا
 شدها ووقفها امامه : عينك قالت عاوزه تجرب ,, التجربه مش  معناه الامر حقيقي  خوفك من التجربه دا ملوش مكان ,, هتجربي الفساتين وهتخرجي تاني زى ما دخلتي .. المكان دا بحجز علشان الخصوصيه لكن علشان هيبقي فى استثناء ..
_ لوهان ..
_ هشششش .. يلا
مسك موبيله واتصل بشخص ووصل لصاحب المحل وكان صديق وقفلوا وللخصوصيه دخل "لوهان" قاعه وطريم" متفاجئه بالفساتين حواليها مع البنات وابتدت تقيس واخر فستان عرفت انه اختيار لوهان" خرجت امامه بالفستان كان هو غير ملابسه لبدله واتفاجئوا الاتنين ب المشهد وابتسموا ,, قرب منها "لوهان" ومسك ايديها :
_ مكنتش اتوقع انك هتجملي الفستان بالشكل دا
_ وانا مكنتش اتخيلك بالبدله كده
ابتسموا الاتنين للحظات ومسك موبيله واتصوروا صوره للذكري ,, ورجعوا ع البيت وكانت "ريم" سعيده باليوم .. وطول الليل للصبح بيتكلموا بالموبيل وختمت ب اغنيه بصوت "لوهان" ونامت "ريم" صوت "لوهان" بدون مهدئات ولا الهاند فري ...واستمر الوضع كده فتره خروجهم مع بعض وبليل مكالمات وتنام ريم" ع صوته ,,!

فى يوم رجع "لوهان" من السفر ع شقته واتفاجئ ب "جو وون" موجود وملامحه متغيره :
_ جون ,, مالك ..؟
فتح الموبيل : قريت الخبر دا ولا لسه ؟
كان الخبر ع "لوهان" انه بيواعد بنت اجنبيه واهدالها اغنيه فى العلن فى حفله من شهرين :
_ وفيها ايه ما كتيير بيطلع اشاعات ,,متركزش ..
_ قبل كده كانوا بيتكلموا ع حاجه غير اكيده لكن المره دى مختلفه "ريم" موجوده ,,دول قاصدين "ريم" تلميحاتهم اجنبيه وعربيه واول حرف من اسمها مكتوب  ,, دول متاكدين مش اشاعه ..
_ جون ..جون اهدي مفيش داعي للخوف والقلق .. يومين وهينشغلوا بخبر تاني
_ لوهان انا مش مطمن ..
_ لا اطمن ..مفيش حاجه هتحصل ..

فى المطعم "مريم" و"ادمز" قاعدين مع بعض :
_ ادمز .. مش ملاحظ ان الاشاعات عن "لوهان" اخدت وقت اطول من الطبيعي
_ فعلا ..
_ فى العاده اى اشاعه يومين وبتختفي وبيظهر غيرها لكن المرادي لا ..
_ دا اللى قلقان منه ,,"ريم" و"لوهان" الهدف من الاشاعات الاذيه ليهم ,,لو اتاكدت الاشاعه وعرفوا "ريم" مش هيسيبوها فى حالها  و"لوهان" هيعيش فى جو غير مريح وشغله وحياته هتتاثر
_ نسيت "رنا" و"فريد" ..
_ الكل هيتأذي ,, المهم "ريم" متتابعش الاخبار وندعي ان اليومين يعدوا
_ ياريت ...
|
فى يوم "يومي" اتصلت ب "ريم" وهى فى المطعم  وطلبت منها تخرج تقابلها وركبت معاها العربيه :
_ مدخلتيش ليه ؟
"يومي" ملامحها مضطربه ومتغيره : انا عاوزاكي فى موضوع بعيد عن مريم ..
_ اوكيه ..
اتجهوا لكافيه وقاعدوا :
_ مالك "يومي" فى حاجه ..؟
_ بملامح قلق : مش عارفه اقولك ايه بجد ..
_ قلقتيني فى ايه ..؟
فتحت الموبيل ع موقع اخبار وكان كوري ولاحظت صوره "لوهان :
_ ايه دا انا مش بعرف كوري بس دى صوره "لوهان" ؟
_ دا خبر من اخبار كتير منتشره من فتره عن "لوهان"
_ خبر ايه عن حفله ولا ..؟
_ بيتكلموا عنكم يا "ريم" .. بيقولوا بيواعد بنت اجنبيه عربيه
_ لا انا وهو اصدقاء وفرضا لو صح ايه المشكله ..؟
_ "ريم" انتي متعرفيش ثقافه المجتمع هنا ,, الفنان او المغني زى "لوهان" بيبقي له معجبين كتير ولو ارتبط ببنت من بلده بيقلبوا الدنيا لانه بيعتبروها خيانه وانه هيبعد عنهم وبيقلبوا حياته جحيم ,, تخيلي لو عرفوا انه ارتبط ببنت عربيه ..!
_ انا علاقتي مع "لوهان" شخصيه مش محتاجه مبررات
_كان الاول لكن لما وصلت لصحافه والاعلام بقي يخص العالم كله ,, الضرر هيكون ليكي وللوهان لو اتعرفتي ,, لوهان شخصيه عامه ومشهوره ومحبوبه يا "ريم"
سكتت "ريم" وكل تفكيرها ان "لوهان" هيتأذى  :
_ "ريم" الاخبار دى لو استمرت مده اطول كده مستقبل "لوهان" هيضيع وهينضر فى مشواره الفني ,, وانتي عارفه ان "لوهان" اكتر حاجه بيحبها هى الموسيقي والغنا ولو اتحرم منهم مش هيكون سعيد فى حياته ..
_ وانا اقدر اعمل ايه ..؟
_ مش عارفه بجد .. لكن انا حسيت لازم تعرفي لان "لوهان" مبيهتمش بالحاجات دى وللاسف الضرر هيكون كبير وانا عارفه انه شخص يهمك جداا .. ووالده لو عرف هتكبر المشكله ,, يلا بينا علشان متتاخريش  وياريت ميوصلش ل "لوهان" اننا اتقابلنا او عرفتك حاجه ,, عموما كل الاخبار ع النت ..!
رجعت "ريم" البيت وفتحت اللاب وفتحت المواقع وترجمتها واكتشفت ان تلميحات عليها واضحه وكانت "يومي" ارسلت ليها بعض الاخبار القديمه عن فنانين اتعرضوا لهجوم اعلامي واتأذوا ومنهم انتحر بسبب الاكتئاب والعزله ,, اتفاجئت وكانت مصدومه ,, فى نفس اليوم ارسلت "يومي" رسله ل "امير":
_ انا نفذت خطوتي ,, خطوتك الجايه وانا اللى بعدها ...
 بليل رجع "لوهان" من السفر واتصل ب "ريم" تنزل امام العماره لكنها اعتذرت ب انها تعبانه رغم انه كان وحشها لكن مكنتش عارفه تتصرف ازاى ف اللى عرفته وملامحها هتفضحها امامه .. ارسلها رساله وطلب منها تفتح باب الشقه وفتحته وكان امام باب الشقه صندوق فيه شوكليت وحلويات كالعاده ,, مسكتها وابتسمت,,, تاني يوم نزلت تتمشي فى الحديقه وتصفي ذهنها .. قعدت ع دستك وحست بشخص جلس بجانبها وكان "لوهان ":
_ وحشتيني ..
_ وانت كمان
_ قولت مينفعش يمر يومين من غير ما اشوفك وانهارده طول اليوم هكون مشغول
_ عملت حاجه كويسه لاني كنت محتاجه اشوفك
_ وحشتك ..
ضحكت "ريم": شويا
اشترا عصير ورجع ليها :
_ لوهان ..
_ ايوه..
_ الموسيقي والغنا فى حياتك ايه ..؟
حاجه مهمه جدا فى حياتي لكن انتي اهم طبعا
_ نتكلم بجد
_ بتكلم بجد ,, هما حاجه كبيره جداا فى حياتي مبعرفش اعمل غيرهم ومش هقدر اعمل حاجه غيرهم
_ ولو حصل حاجه ومنعتك عنهم ..؟
_ اووووه صعبه جدا معتقدش هعرف اتعامل مع الموقف وقتها اتوقع اكتئب وهنعزل وهحاول ارجع تاني ,, تخيل نفسه صعب .. صعب جداا حياتي هتتدمر ..!
_ انت بتتأثر ب اى اشاعه ؟
_ لا اطلاقا لانها هتاخد وقت وتختفي انا حصلي كده كتير
بص "لوهان" ع الساعه : همشي انا علشان الحق مواعيدي ..اشوفك
مشي "لوهان" و"ريم" بتفكر فى كلام "لوهان" تصدقه ان الموضوع بسيط فعلا ولا كبير كما قالت "يومي" ..!

_ا
Lkjj


رجعت البيت  "ريم" وكانت قررت تصدق "لوهان" ان الموضوع بسيط  لكن  اتفاجئت بوجود "امير":
_ امير ..
_ انا قولت اقضي يوم معاكم ومسافر بليل ملوكه وحشتني ..
_ يلا يا "ريم" علشان نفطر
_ تمام هغير هدومي وجايه
رجعت قعدت ع السفر هى ورنا و"امير " :
_ قريتوا الخبر اللى حصل من يومين فى اليابان ؟
_ لا .. خبر ايه يا "امير " ..؟
_ ممثل ياباني ارتبط ببنت عربيه والعلاقه وصلت لصحافه والاعلام وطلع اشاعات كتير عنهم
_ دا طبيعي يا "امير" .. انا قريت عنه من شهر
_ انا كنت فى اليابان الاسبوع اللى فات وعرفت ان الممثل دا اعتزل لانه مستحملش الضغوطات والكلام السئ والتعليقات السلبيه والهجوم الشرس عليه من صحافه والاعلام والمعجبين وبيتعالج من الاكتئاب بعد محاولته ل الانتحار والبنت اهلها شبه اطردوا من البلد بعد فضيحه كبير ,, يعنى لا حافظ ع شغله ولا مسيرته ولا البنت ..!
_ ياااه هما دول شرق اسيا كده ,,, حياه الفنان بتكون ملك فنه ومعجبيه لان دول اللى سبب وجوده
_ علشان كده الواحد لما يتقرب لمشهور من بلد ثقافتها مختلفه عنه ,,يخلي باله علشان ميضرهوش ولا يضر نفسه ولا اللى حواليه ,, ولا ايه يا "ريم " ..؟
"ريم" بملامح مضطربه من كلام "امير" : ها ..
_ اقصد "لوهان" انتم اصدقاء ف واجبك عليه تحذريه لان الغلطه بنهايه هنا
_ اوكيه .. اوكيه ..
راقب "امير" تصرفات "ريم" وشعر ان نجح فى خطته انه خوفها اكتر  ,, ارسل رساله ل "يومي" ان خطوته اتنفذت الدور ع خطوتها ,,, مر اسبوع  و"ريم" قابلت "لوهان" كذا مره وعرفت "يومي" وقررت تاخد الخطوه الاخيره لانها لاحظت ان "ريم" متمسكه ب "لوهان " ,, سافر "لوهان" وطلبت "يومى" تقابل "ريم" ضروري لان فى شخص عاوز يقابلها ,, اتجهوا ع الشركه وعرفت "ريم" ان الشخص اللى طلب يقابلها والد "لوهان":
_ اعرفك يا "ريم" مستر "بارك "
حيت "ريم" وهى متوتره لجهلها سبب :
 بكل ثقه وبنبره حاده اتحدث مستر بارك :
_  اختصارا لوقتك ووقتي هدخل فى الموضوع
_ اتفضل ..
فتح اللاب : اعتقد انك شوفتي الاخبار دى .. "يومي" قالتلي انها عرفتك ..؟
_ ايوه ..
مسك ظرف فيه صور ووزعهم امام "ريم": بعد ما عرفتي الاخبار دى كنت متوقع منك خطوه ايجابيه لكن انتي بعدها  قابلتي "لوهان" كذا مره ,, بدون حرص فى حد صوركم وبصعوبه منعنا نشر الصور دى ولان لو اتنشرت دا معناها بتأكدي الاشاعات وبتظهري نفسك للعلن والكل هيتأذي ,, اعتقد ان زوج اختك فى السلك الدبلوماسي هنا فى السفاره واشاعه زى دى لو وصلت مقر عمله هتكون فضيحه كبيره وأذي كبير هيحصله ,, انا عاوزك تتخيلي الموقف هيبقي ازاى ونهايته ايه وكل دا بسبب علاقه فاشلة للاسباب كتير انتي اكيد عارفاها ..
"ريم" من قسوة الكلام مقدرتش تتكلم :
_ انا طلبت اقابلك هنا علشان اطلب معروف واتمني متخذلنيش لو فعلا "لوهان" يهمك وعيلتك ..
_ اتفضل ..
_ اقطعي علاقتك ب "لوهان" سواء صداقه او حاجه تانيه وارجعي لندن لحياتك وهو هنا لحياته ,, دا الحل الوحيد لمنع الاذي عن الكل ..
اتصدمت "ريم" وكمل كلامه : انا منعت نشر الصور دى بصعوبه ومش هقدر اوعدك ان انا هلحق لو حصل تاني ,, القرار فى ايدك ,, اذي شخص ولا أذي الكل ,,انا هحمي ابني باى طريقه وواجبك تحمي عيلتك ..!
 استأذنت "ريم" وهى مصدومه من الكلام اللى سمعته وكميه الضرر اللى هيصيب رنا وفريد ولوهان ,, وصلت "يومي" "ريم" للبيت ولاحظ نجاح خطتها ارسلت رساله ل "امير ": DONE
اتصلت "ريم" ب غاده" وهى منهاره ومش قادره توصل لحل واككدتلها "غادة" ان الحل الوحيد لمنع اى ضرر انها فعلا تبعد عن "لوهان" ,, قفلت ريم وهى مش متخيله بعدها عن "لوهان" وانهارت فى البكاء ورفضت تخرج من غرفتها طول اليوم ومر ايام رجعت لسكوتها وعزلتها و رفضت تنزل من البيت  ...!
رجع "لوهان" من السفر وحاول يتصل ب "ريم" وكانت مبتردش ,, كرر اتصالاته كانت بتشوف الرقم لكن مبتردش عليه وعرف انها مبتنزلش من فتره ,, اتجهه لبيتها رفضت تقابله بعذر انها مريضه ,, مر 5 ايام ع الوضع دا و"لوهان" مستمر بالاتصال ودايما بيرسلها رسائل :
"وحشتيني ..".."عاوز اشوفك ".."انتي فين كل دا ".."مالك يا ريم قلقتيني "..." ردى عليا اطمن ".."ريم مش عارف اشتغل من التفكير ارجوكي ردى برساله ".." انا زعلك فى حاجه ".."انا اسف لو زعلتك ".."وحشتيني جداا ".. "ريم" بتقرا الرسائل وهى منهاره  بكاء لمست حرف "لوهان" فى ايديها :
_ انا اسفه يا "لوهان" ..انت وحشتني وعاوزه اشوفك لكن هقابلك اقولك ايه .. انا مش مستعده دلواقتي ,,مش عارفه ازاى هسيبك وامشي ,,مش عارفه ازاى اودعك ,, مش عارفه ..مش عارفه ..
وفى انعزال "ريم" وانهيار "لوهان وسوء حالته النفسيه لانه مش قادر يوصل "ل ريم " ,, "يومي ارسلت رساله ل "ريم " وعرفتها ان "لوهان" حالته النفسيه سيئه وأثرت ع شغله وووالد "لوهان" فى انتظار قرارها النهائي .." وارسلتلها لينك خبر وفتحته كان صورتها مع "لوهان" ومضللين وجهها ومكتوب بعض معلومات عنها ,, اتفاجئت "ريم"  وبعد يومين اتصلت ب "لوهان" وقابلته فى الحديقه امام المطعم :
حاول "لوهان" يمسك ايديها : وحشتيني ,,كان مالك ؟
سحبت ايديها : تعبانه
_ من ايه ..؟
_ من التفكير ..
_ شاركيني معاكي بتفكري فى ايه ..
حاولت "ريم" تتمالك توترها وشجعت نفسها رغم الالم اللى حساه : لوهان
_ ايوه
_ انا هرجع لندن ومش هاجي كوريا تاني
_ ليه .. عموما اللى يريحك انا هجيلك لندن ..
_ مش عاوزه اشوفك تاني ..
_ ايه ..
_ علاقتنا غلط من الاول وكانت غلطتني ان انا استمريت فيها
_ ريم انا مش فاهم حاجه ؟
_ اخر علاقتنا دى ايه ,, صداقه ازاى وانت وانا عارفين حقيقه مشاعرنا لبعض وبنضحك على نفسنا بالصداقه وبنمثل ..
_ اللى انتى عاوزاه هيكون ..
_ اللى انا عاوزاه ..؟
_ اكيد مهما كان لكن مبعدش عنك ..
_فكرت بسرعه فى عذر قوى : هينفع نتجوز ..
_ مفيش مشكله نتجوز
 بملامح صدمه : ازاى ...؟
_ عادي زى اى اتنين بيتجوزو انا معنديش مشكله ومستعد
ريم بنبره عصبيه قاطعته : انا اللى عندى مشكله انه مينفعش ات مش مسلم وعلاقتي بك غلط
_ اه علشان مسلمه ممكن نتجوز مدني ..
_ لا طبعا ..
_ اوكيه يبقي ه أسلم ونتجوز كده مفيش مشاكل ..
_ هتأسلم علشان تتجوزني بس ..؟
_ وهو فى سبب تاني اقوي من كده ,, دينك مبيسمحش تتجوزي غير المسلم زيك
اتعصبت "ريم" : دا لو حصل انا مش موافقه ,,
_ ليه ..؟
_ لان فى سبب اقوي من حبك ليا ,, فى ربنا ,, هتدخل الاسلام ادخل علشان ربنا ونفسك وتكون مقتنع بكده .. الدين حياه عايشنها مش ب استهتار كده ,, مش علشان واحده حبيتها انسانه زيك ممكن فى لحظه تموت تعمل كده وبعدها ترجع لدينك ماهو السبب اختفي ,, العلاقه بين الانسان وربه علاقه ابديه لطول العمر ل اخر لحظه فى حياه الانسان ,,
_ ريم انا ممكن اعمل اى حاجه علشان ومتبعديش عني ..
_ لا هتبعد يا "لوهان" .. انا وانت من الاساس ارتباطنا ببعض مستحيل ,, اللى عشناه كان حلم بنهرب به من قساوه الواقع ,, الواقع بيقول ان لقاءنا مستحيل ,, نعتبر الفتره اللى فاتت ذكريات جميله هنعيش بيها ,, ف ارجوك احترم رغبتي ومتكلمنيش تاني لان دى اخر مره نشوف بعض ودا قرار نهائي
"لوهان" بيحاول يميك ايديها : ريم ..
وقفت "ريم" وبعدت عنه : مفيش حل تاني ودا قرار نهائي ,, ومتقلقش انا هقدر اعيش واكمل حياتي وانت كمان هتعيش حياتك ونعتبر مفيش حاجه حصلت ,,
بعدت ريم خطوتين: ولو مقدرتش
"ريم" بصت ل لوهان وكمل كلامه : لو مقدرناش نتغلب ع مشاعرنا واحساسنا متغيرش
دمعه نازله من عيون "ريم": هنقدر .. لان لازم نقدر لان احنا مع بعض مستحيل يكون ..
 اتحركت "ريم" ودموعها بتتساقط و"لوهان" مصدوم من تصرفها واصرارها وتغيرها المفاجئ ,, حاول يلحقها كانت وقفت تاكسي ومشيت ,, حاول يتصل بيها مكنتش بترد وارسل ليها رساله :
“Reem .. You are my sunshine ,, I need you ,, you are the one and the only ,, please back don’t go ,, I love you
ردت "ريم" وهى بتبكي :
_ its over ,,bye

يتبع ,, 

لقاء مستحيل (14)

(14)
 "ريم" اتفاجئت واتهزت: لو ..هان ..
"لوهان" اخد نفس : انا عارف انا عديت حدودي و مينفعش ولكن دا حصل من غير ترتيب امتي وازاى وليه معرفش مفيش اجابات ,, اجابه واحده وصلتلها انك بقيتى كل حاجه فى حياتك بدايه يومي ونهايته ,, انا بحبك ومش مستني منك تحبيني فى المقابل ,, انا كفاية اشوفك سعيدة وابتسامتك متختفيش واسمع صوتك هو دا اللى محتاجه ,, لا طالب وعود ولا حب مقابل ,, انتي خليكي زى ماانتي بتعامليني وانا هتعامل مع مشاعري واوعدك مش هكون سبب اى مشكله ولا اذيه ليكي  لكن اوعدين متبعديش عني ممكن
 "ريم" فقدت القدره ع الكلام  وكانت هتقع مسكها "لوهان " :
_ ريم .. انا مصدقت انى لقيتك ,,حياتي اتغيرت بوجودك فيها ولو اختفيتي مش هقدر اكمل ,, انا مش مستعد اخسرك .. صديقه او حبيبه مهما كان ,, مش عاوز اخسرك ..
 صمت "ريم" وملامح المفاجئه افقدها النطق واول مره شخص يعترف بحبه وتسكت غير العاده كانت بترد وترفض :
_لوهان .. مينفعش اللى بتقوله دا ..
_ مش ب ايدي عارف انا عديت الحدود لكن دا حصل من غير ما احس ,, غلطت لكن مش غلط احلم ,,حلمي بسيط لمده شهر نكمل اللعبه وهنرجع زى ما كنا ناكل النودلز ونرجع زى ما كنا
_ ممكن ننزل ...
_ اوكيه يلا
_ ريم ..
_ ايوه
_ انا مسافر لمده اسبوع لما ارجع هستني ردك هتسمحيلي اكمل الحلم ولا لا وفى الحالتين علاقتنا واضحه اصدقاء ,, لكن ارجوكي مهما كان قرارك  متبعديش عني  ..!
_ يلا ننزل ..
رجعوا وملامحهم متغيرة ساكتين مبيتكلموش زى العادة ,, استأذنت "ريم" واتجهت لغرفتها و"لوهان" أستاذن وطلب يكون لوحده ,, كانت "ريم" فى غرفتها طول اليوم بعذر انها مرهقه و"لوهان" كان ساكت اغلب الوقت ,, كانت "ريم" بتحاول تستوعب الموقف المفاجئ وراجعت كل الاحداث والمواقف مع "لوهان" ,, كل المواقف المشابهه كانت "ريم" بتقدر تقرر وقتها لكن مع "لوهان" فقدت القدره ع اتخاذ القرار ودا اكتر سبب كان محيرها ..!
فى الشركة اتجهت "يومي" ودخلت  الاستوديو وكان موجود "جو وون"واتفاجئ بوجودها :
_ يومي ..
_ "لوهان" فين ..؟
_ طيب سلمي الاول ازيك اخبارك كده
_ ازيك .. اخبارك.. فين لوهان مش عارفه اوصله من يومين وفى البيت مبيرجعش
_ مسافر ..
_ مسافر ..؟! مسافر فين  لسه يومين ع السفر ..؟
_ لا هو فى جيجو ..
_ مع مين ..؟
تلقائي: مع ريم ..
اتفاجئت من الاسم : ريم .. مين ريم ..؟
لاحظ "جو وون"  ان "يومي" مازالت تجهل وجود "ريم":
_ انتي متعرفيش مين "ريم" ؟
_ لا .. مين "ريم"؟
_ ريم وادمز ومريم صديقه جديده اتعرف عليها "لوهان" وطلعوا مجموعه مع بعض لانها راجعه بلدها قريب ..
_ اهااا ... وهى العلاقه  صداقه فعلا ...؟
سكت لحظات وحاول يكذب: اكيد .. اكيد ..
قربت خطوات وبنبره ناعمه : انا ليه حاسه انها حاجه تانية .. "لوهان" ميسافرش وسط جدوله المشغول رحله الا لو كان فى حد مهم ..
 اتوتر "جو وون": لما يرجع "لوهان" اساليه بنفسك ؟
_ لا انت اللى هتقولي اللى تعرفه ,, هتخبي ع "يومي" بليز ..
 ضعف "جى وون" وحكي الحكاية من بدايتها وكانت "يومي" ملامحها غضب ومفاجئه ..!
منعا لقلق "مريم" قررت ",, ومن غير ما تحس نزلت ع السلم وكانت سرحانه ومحستش بيهم وقابلت "مريم" عند الاسانسير :
_ ريم .. انا كنت هطلعلك ..
_ها ..
_ ها ايه .. انتي نزلتي ع السلم .. نزلتي 17 دور ؟
_ هما 17 دور . محستش بيهم
_ فى ايه مالك . انتي من الصبح متغيرة ومحبتش اضغط عليكي تتكلمي من وقت رجوعك من الجبل مع "لوهان"
ملامح  "ريم" اتغيرت : لوهان ..
_ ريم .. هو فى حاجه حصلت متخبيش عليا ..؟
_ لالا مفيش .. يلا علشان ناكل لاني جعانه
سكت "مريم" غط عليها تتكلم وهى رافضه ,, اتجهوا للمطعم وقعدت "ريم" وملامح ارهاق واضحه عليها ,, :
_ انتي تعبانه ..؟
_ لا ابدا صداع بسيط
ابتدت "ريم" تاكل وهى ساكته وعنيها اتجاه الطبق وبتتجنب النظر ل "لوهان" وبتحاول تاخد "قرار تبلغه ل "لوهان" لكن الاحساس المسيطر عليها فى وجود  افقدها القدره ع اتخاذ اى قرار ,, استأذن "لوهان" واتجه لغرفته ولاحظ "ادمز" ان فى حاجه حصلت ,, قام ولحق "لوهان" ومكنش فى غرفته ونزل يدور عليه كان فى البار :
_ ليو انت هنا انا قولت هتنام ..
_ النوم اختفي قولت انزل هنا وشويا هنام
_ مش هتحكيلي ايه اللى حصل ومغيركم انتم الاتنين كده ..
 اتنهد "لوهان": ريم عرفت كل حاجه ,, انا قولتلها كل حاجه ..!
_ ايه .. لوهان انت فاهم معني اللى عملته دا ايه ..؟
_مقدرتش امنع نفسي اكتر من كده ,, حسيت ان دى الفرصه الوحيده المتاحة ليا لان بعدها مفيش فرص تانيه بعد خطوبتها ..
_ هى مخطوبة ..؟
_ ايوه .. امير ..
_ امير قريبها .. ؟
_ ايوه وعزمني ع خطوبتهم قريب ,, كنت هحس بندم لو فعلا مقولتلهاش عن حقيقه مشاعري اتجاهها ..
"ادمز "كان عارف حقيقة ارتباط "امير" و"ريم" انها غير صحيحه و"ريم" رفضت الارتباط ب "امير" لكن شعر انها فرصه ينقذ صديقه من قصه حب غير مقبوله والخطوبه المزيفه خطوه تساعده انه يبعد عن "ريم" مجبر غير مخير  ..
_ اعتقد انا نصحتك ان حبك غير كامل ومش هينفع ..!
خبط "لوهان" ع قلبه: دا مش قادر يقتنع .. مش قادر يقتنع انها لشخص تاني رافض يصدق ومش قادر امنعه ..
_ "ريم" مقالتش انها بتحبك يعني حب من طرف واحد ودا مش صح .. !
_لا صح ,, حبي ل "ريم" حقيقي وصح ومطلبتش منها تحبني انا عاوز منها تسمحلي احبها لان انا فعلا بحبها ,, بحبها ..
 سكت "ادمز" مش عارف يرد وهو شايف "لوهان" بيعاني ..:
_ كل حاجه مع الوقت هتكون بخير ..!

فى غرفتها "ريم" بتردد : هو اكيد فهم غلط ,, دا احساس مؤقت مش حقيقي انا هفهمه كده
فى اللحظه دى حست بدقات قلبها غير طبيعيه ك اشاره لنكران كلامها ,, استغربت من احساسها ,, قررت انها هتقرر فى المده المتاحه ومفيش داعي ل الاستعجال ,, رجعوا ع "سيئول" وكان كلامهم قليل  وكل واحد فيهم معاه الهاند فري ومغمض عينيه طول الوقت ..!

كانت "ريم" متلهفه لرسائل "لوهان" ,, كانت دايما بتراقب موابيلها .. قبل ما تنام ارسل "لوهان" رساله :
_ انا وصلت البيت اتمني الرحلة تكون عجبتك ...؟
_ اكيد عجبتني وهنكررها تاني قريب
اتفاجئت من ردها السريع : ايه الللى هنكررها قريب .. فوقي يا "ريم"
 تاني يوم ارسل "لوهان" رساله":
_ انا فى الطريق الى المطار ..
ردت تلقائي : وانا فى انتظار رسالتك لما توصل
اتفاجئت من تصرفها : ايه اللى بعمله دا .. اه احنا اصحاب ودا عادي بين الاصحاب  ..
خرجت تقعد مع "رنا" وملك تشغل تفكيرها لكن مقدرتش عينيها ع الموبيل اغلب الوقت منتظره رساله وصوله ,, فعلا ارسل ليها رساله انه وصل ,, دخلت غرفتها تنام ومكنتش عارفه طلعت دفتر الورق وكتبت اسم "لوهان" فى ورقه وورقه كتبت حرف الاكس ولعبت لعبه الاختيار ,, فى كل مره كانت بتختار "لوهان" .. كل اختياراتها كانت "لوهان" .. كان فى ورق مرمي كتير ع الارض من انتظارها يظهر الاكس لكن كان "لوهان " ,, تاني يوم طلبت من "فريد" يحجزلها ع لندن وفعلا سافرت ووصلت البيت مكملتش نص ساعه  واتجهت ل "غادة" فى المستشفي واتفاجئت "غادة" من ملامح "ريم" المتغيره ..:
_ مالك يا "ريم" .. فى حاجه ؟
_ حاسه انا مشلوله مش قادرة اخد قرار ..
_ قرار ايه .. هو ايه اللى حصل ؟
اتنهدت "ريم": لوهان .. قالى انه بيحبني ..!
اتفاجئت "غادة": بجد ولا هزار ..؟
_ بجد .. ملامحه كانت حقيقيه واول ما قالها اتجمدت مكاني مقدرتش لا اتكلم ولا اتحرك ..معرفتش ارد عليه .. لما كنت بتعرض لمواقف دى كنت بتصرف وارد فى لحظتها لكن المرادي حسيت ان كل الكلام اتبخر ..
_ وقالك ايه تاني ..؟
_ قالي ان لعبه الارتباط دى كانت كدبه علشان يكون قريب مني
اتفاجئت "غادة": لعبه الارتباط ..؟! محكتيش عنها ؟
سكتت "ريم" وكملت "غادة" : كملي يا "ريم" ..
_ ع فكره انا مقولتش علشان دى مجرد لعبه وخلاص و ..
_ لا انتي خوفتي اقولك لا ارفضي وانتي خبيتي علشان كنتي عاوزه
_ لا يا غادة انا ..
قاطعتها "غادة": لما قالك بحبك كان رد فعلك ايه ؟! هاجمتيه .. رديتي عليه فى لحظتها .. قطعتي علاقتك به .. بعدتي عنه .. ؟!
 "ريم" حركت راسها : ولا قدرت اعمل اى حاجه من دول ,حسيت انى اتجمدت فى مكاني .. بعدها تاني يوم اتعاملت عادي ولا اكن حاجه حصلت ولا حسيت بنفور ولا عاوزه ابعد .. حتي مش عارفه اخد قرار اقطع علاقتي معاه ولا لا ..!
"غاده" : اقطعي علاقتك معاه ..
 "ريم" بنبره رفض : لا .. لا .. لا ..
_ ليه ؟
_ ها .. علشان .. علشان ..
_ علشان ايه يا "ريم" .. قولي اللى حساه متخافيش ..!
_ علشان "لوهان" الانسان الوحيد اللى حسيت بالامان معاه واطمنت ,, خوفي قل وهو موجود معايا ,,حياتي اتغيرت للاحسن . اوقاتي معاه بكون سعيده فيها ,, انا اتعودت ع وجوده فى حياتي ,, لما بيغيب يوم من غير رساله رغم انا عارفه انه مشغول ومسافر لكن بحس بقلق وبطمن لما اشوف رسالته ,, معاه بعمل كل حاجه من غير خوف ,,,ورغم اننا اتفقنا اننا اصحاب لما قالي بحبك حسيت بعجز مش قادره اخد قرار ابعد عنه ولا

 هعمله احساس رفض مسيطر عليا فكره ابعد عنه مرفوضه .. بجد مش عارفه افكر ..؟
اتنهدت "غادة" وملامحها مضطربه: علشان انتي يا "ريم" كمان بتحبيه
 اتفاجت "ريم": ايه .
_ بهدوء كده مش غلط اننا نحب ونتحب يا "ريم" ,, كل اللى حكتيه ومشاعرك واحساسك اتجاهه عدت حدود الصداقه اللى انتي كنتي رسماها يعني انتي كمان عديتي الحدود مش هو لوحده ,, وواضح ان دا حصل وانتم الاتنين مش حاسيين واتفاجئتوا بمشاعركم ..!
 اتوترت "ريم": لا يا "غادة
_ ريم .. ريم .. لما تتلهفي انك تشوفي شخص معين عن باقي الاشخاص ووقتك بيكون مختلف فى وجوده وبيغنيكي عن الكل وبعده عنك يأثر فيكي ,, لما تسمحي لشخص يقربلك لدرجة يشاركك الالمك ومعاناتك من غير ما يعرف تفاصيل وتطمني فى وجوده ,, لما تقولي انه الانسان الوحيد اللى حسيتي بالامان واطمنتي معاه وانتى مفتقده احساس دا من زمان ... يكون اول شخص تفكري فيه لما تصحي من النوم ,, لما يكون هو الشخص اللى بتنهي به يومك ... كل دا عدى الصداقه دا حب ...!
"ريم" متفاجئه من كلام "غادة: انا الاول كنت شاكة من شكل علاقتكم ببعض وكنت قلقانه من تطورها من صداقة ل حب وحب متبادل مش طرف واحد ..!
_ غادة انتي بجد فهمتي غلط اللى بينا ..
_ اللى بينكم مشاعر ,, مشاعر حب مفيش مجال لنكرانها ,, المشاعر دى كانت من اهم الاسباب  اللى ساعدتك تتغلبي عن حالتك بنسبه كبيره وبسرعه .. كنتي محتاجة تطمني وتحسي بالامان ..كنتي محتاجه تحاربي خوفك وكانت السلاح اللى حاربتي به ,,هى مش غلط لكن الشخص هو اللى غلط ..
سكتت "ريم" ودموع فى عينيها : "لوهان" صعب ,,مستحيل تكونو لبعض ل اسباب كتير اولهم الدين واكيد انتي عارفه كده ..!
مسحت "ريم" دموعها: انتي كبرتي الموضوع يا غادة .. علاقتي انا وهو صداقة وصداقة مميزة انا عارفه كده ومينفعش تعدي ولو زى ما قولتي انا هقدر ومش هضعف متقلقيش لان زى ما قولتي مش هينفع اى حاجه غير صده تكون بينا ,, هو فاهم غلط او مش فاهم حاجات كتير وانا هفهمه وهنكون اصدقاء زى ما بدأنا ..!
_ ولو كانت  بدايته مكنتش هدفها صداقه ..؟
سكتت "ريم" لحظه : لا .. لا كانت صداقه مفيش غير كده ولا هيكون غير كده ,, انا قايمه علشان اتاخرت ومسافره بكره ل "رنا" ..!
مشيت "ريم" واتنهدت "غاده ": مسافره ل "رنا" ولا ل "لوهان" .. النكران والهروب مش حل  يا "ريم" .. ولو مقدرتيش تعالج الحكايه مش هتكون سهله عليكي ..!
 تاني يوم و"ريم" راجعه فى الطياره راجعت كلام "غادة" عن علاقتها ب "لوهان" وقررت "ريم" ان اللى بينها وبين "لوهان" صداقة وهتحافظ عليها ..وهتتكلم مع "لوهان" فى قرارها النهائي ..!
رجع "لوهان" من السفر و "ريم" كانت مستعده تبلغه قرارها ,, اتصل "لوهان" وطلب يقابل "ريم" امام العماره كالعاده ونزلت "ريم":
_ لوهان ..
_ ريم .. وحشتيني .
_ وانت كمان .. اخبار رحلتك ؟
_ كله تمام ..
كان ماسك شنطه فيها شوكليت وحلويات : اتفضلي ..
ابتسمت "ريم": ميرسي جدا..
_ انا مستعد لقرارك اللى هتقوليه ..
 قعدت "ريم" : ممكن تقعد ..
_ اولا اسفه ع ردى المتاخر ,, بس كنت ارتب افكاري لانى اتفاجئت بصراحه ,,وبعد تفكير كتير كانت النتيجه انك فاهم غلط يمكن لاننا اتقربنا لبعض ففهمت انه حب و ..
قاطعها "لوهان": لا مش فاهم غلط ..انا متاكد انا بحبك ..ودى مشاعري الحقيقيه ..
"ريم" سمعت الكلمه ملامحهاها دق حاولت تتمالك : لوهان .. انا هعتبر نفسي مسمعتش حاجه لا دلواقتي ولا اخر مره لسبب واحد ..احنا اللى بينا علاقه صداقه مميزه وانا مش عاوزه اخسرها مهما كانت ,, لكن لو انت مصمم تخسرها وتخسرني دا شئ يرجعلك .. توعدني نحافظ ع صداقتنا ..؟!
سكت "لوهان" لحظه : موافق لكن بشرط ..!
_ شرط ايه ..؟
_ مده اللعبه مخلصتش بعدها  موافقه ..؟
_لوهان ..
قاطعها: لعبه زى ما وافقتي فى الاول نكملها وبعدها هعمل اللى هتقولي عليه ..ممكن ؟
سكتت لحظات : موافقه .. ولان انا زهقتك طلبات فحقك عليا اوافق ع طلبك ..!
ابتسم "لوهان": اوكيه ..
_ يلا تصبح ع خير
_ تصبحي ع خير ..
اتحركت "ريم" لمدخل العماره وقف منتظرها لما تدخل الاسانسير ودخلت وحست بتوتر ودقات قلبها سريعه حطيت ايديها ع قلبها وحاولت تهدي ... رجع "لوهان" البيت وهو سعيد كانت "يومي منتظراه تجاهلها ودخل نام والتصرف دا ضايقها جدااا لان واضح انه اتغير ..!

اتعاملت "ريم" مع "لوهان" زى ما كانوا بيتعاملوا ونسيت اتفقها انها تعمل حدود كانت معاه بتنسي كل حاجه ,,واستغرب كلا من "ادمز ومريم" انهم رجعوا زى الاول وكان اكتر حاجه مستغربها "ادمز" قرار "ريم" ب انها مستمره ومبعدتش .. فى يوم كانوا قاعدين فى المطعم سمعوا صوت :
_ مساء الخير ..
الكل بص اتجاه الصوت واتفاجئ "لوهان" : يومي ..؟!
ب ابتسامه : ممكن اقعد معاكم
"مريم" اتغيرت ملامحها :" يومي" مش معقوله ,, من سنين مجتيش هنا لانك قولتي ان المكان زحمه وفيه ناس كتير  وبلا بلا بلا
ابتسمت "يومي": اوبا هنا ازاى المكان ميبقاش جميل .. الاول مكنش بيجي ..
اصطنعت "مريم" ضحكه : هاهاهاهاها .. تشربي ايه ولا شربتي قبل ما تيجي
 ضحكت "يومي": كيوت يا ريمو .. انا هشرب من اللى لوهان بيشرب منه ..
لوهان متفاجي بوجودها : هنا .. فى حاجه حصلت ؟
ب نبره دلع: ايه المقابله دى ..انا مش عارفه اشوفك لا فى الشركه ولا البيت ولا الاستوديو وعرفت انك هنا فقولت اجي .. موحتكتش ( بصت اتجاه ريم) مش هتعرفني ولا ايه ؟
_ اها .. ريم .. اعرفك يا "ريم" .. "يومي"
ابتسمت "ريم": سمعت اسمك كتير من "لوهان" ..
بتضحك"يومي": انا بقي مسمعتش اسمك خالص غير حالا ..
"لوهان" استغرب طريقه "يومى": يومي ..
_ بنتعرف يا "اوبا"
ريم : احنا كنا هنطلب اكل هتاكلي معانا اكيد ..
_ طبعا طبعا ..انا قاعده معاكم طول اليوم ..
طلبوا الاكل واكلوا وكانت "يومي" بتراقب "ريم"  و"لوهان" و"مريم" حاسيين بعد راحه لوجودها ... خرج "لوهان" يرد ع موبيله واستغلتها "يومي" فرصه تتكلم مع "ريم":
_ اسمك جميل ..ريم
_ ميرسي ..
_ واضح انك انتي و"لوهان" اصدقاء من فتره
_ اممم ممكن تقولي سنه وشهور كده ..
_ اهاااا .. انا مكنتش هنا لاني كنت مسافره لندن بدرس
_ بتدرسي فى لندن ..؟
_ ايوه واتخرجت
_ جامعه ايه ..؟
_ امبيرال كوليدج
_ انا كنت بدرس هناك
_ و اوبا كمان .. ايه الصدف دى ..
_ صدفه جميله  بجد ..
_ لازم نكون اصحاب ينفع ..؟
_ اكيد ..
 تبادلت الارقام مع "ريم" ودخل "لوهان":
_ اوبا ..انا و"ريم" بقينا اصحاب خلاص ..
اتفاجئ "لوهان" من يومي" متعملش كده غير لهدف : بجد ..؟
_ اها واخدت رقمها ومعاها رقمها ..
_ جميل ..
 فى اخر اليوم وصل "لوهان" "يومي" لعربيتها :
_ كانت مفاجاءه انك تكون هنا ,, اللى اعرفه انك مبتحبيش تنزلي "ايتوان" ولا "ادمز" و"مريم" ..
ابتسمت : اي مكان انت فيه بروحه اكيد وبحبه  .. بس انا زعلانه منك ..
_ ليه ..؟
_ لانك طول المده دى معرفتنيش ع صديقتك المميزه "ريم"
_ مين قالك انها صديقتي المميزه ؟
_ هى قالتلي ان علاقه صداقتكم مميزه ..
_ اكيد يعني كنت مستني فرصه مناسبه واعرفكم ع بعض
_ عموما خلاص انا اتعرفت ولسه هتعرف عليها عن قرب ( مسكت موابيلها )
_ يومي .. "ريم" مش زى اى واحده اتعاملتي معاها ..!
بتضحك: متقلقش دى المميزه عندك .. يلا باي

مشيت "يومي" وبعد  الابتسامه اترسمت ملامح غضب بعد ما لحظت اهتمام "لوهان" ب "ريم" المختلف والواضح انه مميز  ... "ريم" و"مريم" راجعين ع البيت واتكلموا عن "يومي ":
_ بجد كنت سعيده ب انها بعيده عننا
_ مين دى ..؟
_ يومي ..
_ ليه بس دى لذيذه
_ لذيذه ..؟! انتي فعلا متعرفهاش الله يكون فى عون "لوهان" ,, متتغريش بالابتسامه دا ياما كوارث بتكون وراها ,, خلى بالك ...!

ابتدت "يومي" اتصالاات ب "ريم" وكانت بتقعد معاهم ولاحظ "لوهان" تقربها الواضح ل "ريم" .. فى يوم اتكلمت "يومي" وطلبت "ريم" تسهر معاها هى واصحابها فى كازينو ... رغم اعتراض "ريم" لكن ضغط "يومي" واستغلال "لوهان" انه هيكون موجود وصداقتهم تحبذ وجودها معاها وافقت "ريم " ,, عرفت" مريم" وطلبت من "ريم" متقابلش "يومي" لانها غير مطمنه ليها لكن "ريم" كانت مقرره انها تروح .. فى نفس التوقيت اتصلت "يومي" ب "لوهان" تأكد عليه حضوره حفله العيد ميلاد صديقهم فى الكازينو ... حاولت "ريم" تتصل ب "لوهان" لكن موبيله كان مغلق ... جهزت ونزلت وكانت فى انتظارها "يومي" واتجههوا ل الكازينو .. والمكان كان مظلم وبتدور "ريم" ع "لوهان" وقالتلها "يومي" انه قريب هيوصل ... وقدمتلها العصير فيه كحول  لكن "ريم" شعرت ان طعمه مختلف لكن كملته ,, ولان "ريم" مبتشربش اى كحول فكان تأثيره عليها سريع ,, فى الوقت دا "لوهان" موبيله كان مقفول وكان بيحاول يتصل ب "ريم" من موبيل تاني لكن مكنتش بترد .. اتصل "بمريم" واتفاجئ انها نزلت مع "يومي" لحفله عيد الميلاد وان المكان ضلمه وخوف "ريم" من الضلمه  واتاكد ان "يومي" هتنفذ مقلب فى "ريم" .. بسرعه اتجه "لوهان" لمكان الكازينو وابتدا يدور عليها وكان شايفها بتتمايل ,, قرب منها اترمت فى حضنه :
_ ريم ..
وصلت "يومي": اوبا انت جيت ..
_ ايه اللى عمل فيها كده ..؟
_ هى حبت تجرب وشربت كاس واحد وعمل كده مكنتش اتخيل ان صديقتك المميزه ضعيفه كده ..
_ لكن هى مبتشربش كحول ..
_ هى قالت عاوزه اجرب وسبتها تجرب
نظر "لوهان" نظره غضب ل "يومي": هو دا اتفقنا ...
كانت مش قادره تمشي "ريم" ف شالها "لوهان" امام الكل وخرج .. فتحت "ريم" عينيها بشويش :
_ لوهان .. انت هنا ..
وفجاءه معدتها وجعتها سندها "لوهان" ورجعت كل اللى شربته وكانت شبه فاقده الوعي وقعدها ع الرصيف :
_ انتى تعبانه تروحي مستشفي ..؟
"ريم" بتبص ل "لوهان" بنص عين وابتسمت : لوهان ..
_ ايوه ..
مسكت ايده ب ايديها الاها سحر عجيب .. لما بمسكها كل الخوف بيختفي ولكن قلبي بيدق بيدق بيدق
"لوهان" مش فاهم  كلامها : ريم متتكلميش كتير "مريم" فى الطريق ..
_ عاوزه أسالك سؤال وعاوزه اجابة صحيحه ممكن ؟
_ اتفضلي ..؟
_اللى بينا صداقة مميزه مش حب وانت مبتحبنيش ..
_ لا انا بحبك ..
"ريم" بتبص فى عينيه وبتحاول تقف : وانا ا كمان ,, غادة بتقولي انا بحبك ,,, انا بحبك .. قولتلها اصدقاء قالتلي لا بتحبيه ..انا مش عاوزه اخسرك ولا ابعد عنك انا مصدقت قابلتك .. حياتي اتغيرت للاحسن من وقت ظهورك فيها ..!
رغم عدم اتزان "ريم" وانها تحن كان سعيد ب اعترافها :
_ ريم ..
_ لكن احنا اصحاب .. اصحاب بس .. انا بحاوا اقنع نفسي اننا اصحاب وانا مش بحبك لاني بحبك .. بحبك ..
و"ريم" بتتكلم وقعت وشالها "لوهان" وقعدها فى كرسي العربيه ووقف امامها وابتسم ومسك ايديها وحس بسعاده ب اعترافها وان احساسه كان حقيقي مش كدب وانه متبادل مش طرف واحد ... وصلت "مريم" ووصلهم "لوهان" لبيت ونامت عند "مريم" وتاني يوم صحيت غير متذكره اى حاجه وصداع .. سالت "مريم" ايه حصل عرفت اللى عرفته لكن كلامها مع "لوهان" مفتكرتهوش .. اتصل "لوهان" يطمن عليها واتاكد انها غير متذكره اى شئ وضحكك وقفل ...!

اتاسفت "يومي" من موقفها واتقبله "لوهان" وطلب منها عدم تكراره .. طلبت من شخص فى لندن يبحث عن "ريم" ويقدملها بكل تفاصيل تخصها معلومات عنها وعن اهلها واصدقائها وحياتها كلها ... فى يوم طلب "لوهان" من ريم" تحضر حفله تنكرية صديق عاملها وكان التنكر فى المسكات ,, وصلت "ريم" الحفله هى و"مريم" و"ادمز" وكانت "لوهان" معجب ب فستان ريم" الراقي الاسود وشعرها المسدول ولبست ماسك ع وجهها .. كانت "ريم" بتدور ع "لوهان" وهى واقفه سمعت صوت :
_ بتدوري عليا صح ..
ابتسمت "ريم": لوهان .. ايوه بدور عليك انا معرفش حد هنا غيرك .. والمكان مخيف وضلمه و ..
مسك ايديها: طول ماانا هنا مفيش خوف ولا توتر
"ريم" اتملكها احساس رعشه خفيفه وقلبها دق من لمسه لوهان ل ايديها  وكانت سعيده بتواجدها معاها ... للحظه  تراجعت وشدت ايديها :
_ يومي فين ..؟
ضحك "لوهان" لما شافها متوتره : هتيجي
_ انا عطشانه ( مسكت كوبايه كانت ع صينيه مع شخص فى الحفله ) عصير دا صح ( شدها "لوهان منها وبدلها بكوبايه تانيه عصير )
|_ متشربيش اى حاجه دى كانت ويسكي دى عصير ..
_ اه .. سوري .. ( شربت الكوبايه مره واحده ) انا كنت عطشانه جداا
النور ابتدي يقل تلقائي "ريم" مسكت ايد "لوهان" .. حط ايده التانيه ع ايديها :
_ متخافيش دا عرض رقص ثنائي
_ اوكيه .. اوكيه ..
ابتدت الميوزك واول ثنائي رقصوا و "ريم" ماسكه ايد "لوهان" وجسمها كان بيتنفض من احساس متملكها احساس جميل لكن غير مفهوم وبتحاول تتمالك بعدت عن "لوهان" انتهت الرقصه وصفقوا لثنائي ,, قرب "لوهان" منها : تحبي ترقصى ..؟
 ضحكت "ريم": لالالا مش هعرف وهسببلك احراج
مسكها من ايديها : متقلقيش انا معاكي يلا ..
اتحركت "ريم" بتصرف لا ارادي مع "لوهان" ومسك ايديها وضمها لصدره واشتغلت ميوزك وابتدوا يرقصوا بخطوات هادئه عليها ... "لوهان" كان عينيه موجهه لعيون "ريم" و"ريم" كانت بتحاول تتجنب نظراته ..
_ لوهان .. بلاش تبصلي كده انا متوتره اصلا
_ مش قادر مبصش عليكي .. انا مش مصدق انك بين ايديا فى اللحظه دى ,, صعب تكوني قدامي ومبصش عليكي ,,عيوني دايما بتدور عليكي فى كل مكان ,,ولما بتبعدي صورتك بتكون محفوره فى عنيا مش شايف غيرك ..
_ لوهان ..
قاطعها "لوهان": ريم" انا حاولت كتير انكر احساسي اتجاههك لكن مقدرتش ,, جربت كل حاجه ومقدرتش واكتشفت رغم فشلتي ان حبك اقوي من اى حاجه تخفيه وصعب اتغلب عليه واتجاهله ,, انا لقيت ابتسامتي ف ابتسامتك وفرحت لما اسمع صوتك وسعادتي لما اشوفك ووجودي لما بلمس ايديكي ,, النكران موصلنيش لحل .. وصلني ل اجابه صريحه وواضحه ,, انا بحبك ..
"ريم" من كلام "لوهان" شعرت انها انعزلت عن الدنيا وعن الحفله والموجودين واللحظه اختزلت بينهم هما الاتنين فقط لا غير ,, حاولت تقاوم لكن قلبها كان سعيد بكلام "لوهان"  حاولت تبعد عنه ضمها بقوه لصدره اقرب
_ لوهان .. ارجوك ..
قاطعها : ارجوكي متحرمناش من لحظه تحسسني ان انا عايش فعلا مش بحلم ,, انا مش عاوز اسمع كلام منك ,,كفايه اللى انا حاسه دلواقتي واللى واضح فى عينيكي .. ريم .. انا بشكرك ع كل لحظه عايشها معاكي وع ذكريات هتعيش معايا وشكرا ع انك فى اللحظه دى معايا وفى حضني وشايف ابتسامتك ولمس ايديك وحاسس بنضك .. شكرا ع الاحساس اللى كنت فاكر عمري ما هحسه .. علمتيني يعني ايه حب لما حبيتك ..حبك فى قلبي هحافظ عليه للابد مهما كبرت ومرت سنين وقابلت مش هحب حد زيك .. بحبك ..
اسلوب الهجوم اللى استخدمه لوهان ع "ريم" كان ناجح جداا لانها فقدت فرصتها فى المقاومه واستسلمت وكانت لحظه من اسعد لحظات "ريم" اللى عاشتها ونسيت خوفها ونسيت كل حاجه ,,انتهت الرقصه والكل صفقوا ليهم وكانت "يومي" بتراقبهم وكانت مليانه غضب ... اتجهت ل "ريم" ولحظت توتر "ريم" وبعد وقت قصير انشغل "لوهان" مع اصدقائه لكن عيونه كانت متابعه "ريم" .. طلبت "يومي" من صديقين ل "لوهان" يبعدوه عن المكان لوقت قصير وفعلا نجحوا ... قربت "يومي" من "ريم" وطلبت منها تقابل "لوهان" فى مشتل الورود المهجور وكان مضلم .. قربت "ريم" للمكان وبخطوات متوتره بتدخل وبتنده ع "لوهان" الباب اتقفل من بره واتحبست "ريم" وكان المكان مضلم جدااا ,, حاولت "ريم" تفتح الباب معرفتش .. ندهت ع "لوهان" مفيش اجابه .. فى لحظه تملكها الخوف وتذكرت الغرفه المظلمه وذكريات الماضي القاسية وابتدت تصرخ وقعدت ع الارض فى ركن وضمت نفسها وهى بتنهار بعد ما فقدت قدرتها ع التماسك ... لوهان كان بيدور عليها وسال كل الموجودين ومعرفش يوصلها ,, دور عليها فى الفيلا اكملها مقدرش يوصلها خرج هو و"مريم" و"ادمز" يدورو عليها بره وكانت "مريم" سمعت صوت استنجاد  من المشتل المهجور ندهت ع "لوهان" و"ادمز" وفتحوا الباب بالقوه وبالكشافات دوروا كانت "ريم" فى الركن بتهز جسمها وبتردد كلام بتمتمه واول ما لمسها اغمي عليها .. بسرعه شالها واتجه للغرفه وطلب دكتور وكشف والاسعافات الاوليه وعرفوا من الدكتور انها اتعرضت لصدمه عصبيه وهتفضل نايمه فتره من المهدي ,,قلقه عليها مهتمش بسبب دخولها المشتل المهجور ... رجع الغرفه وقرب منها لاحظ ملامحها المضطربه ودموعها المستمره وتمتمتها بالكلام مش فاهمه وجسمها بينتفض ,,, قرب منها بهدوء ومسك ايدييها وحرك ايده ع شعرها ولاحظ انها هديت شويا لكن ملامحها المضطربه متغيرتش ,, قام وهو قايم لاحظ مسكه ريم ل ايده ف رجع مكانه ومسك ايديها واتملكه احساس انها بتمر ب ازمه صعبه عليها :
_ متخافيش يا "ريم" واطمني ,, مهما كان اللى شايفاه او بتحلمي به مرعب ..انا معاكي وهيختفي قريب .. اوعدك مش هيتكرر تاني اللى حصل ولا هتعاني كده لانى هكون معاكي وهتهتم بكل حاجه تخصك ومش هسيبك ,,, نامي وارتاحي واطمني ..!
رفع لوهان" ايد "ريم" وباسها وطول الليل قاعد بجوارها متحركش بيمسح فى دموعها و"مريم" معاه ... كانت بتقوم من النوم مخضوضه بتصرخ  من كوابيس وكان بيهديها "لوهان " .. تاني يوم فتحت عينيها كانت فى غرفه متعرفهاش وبصت حواليها كانت "مريم" نايمه ع كرسي و"لوهان" ع حرف السير ماسك ايديها ونايم .. حاولت تفتكر اللى حصل مفتكرتش غير انها اتحبست فى المشتل .. نظرت ل "لوهان" ودموع من عينيها ل احساسها ان حبها واضح لكن مش هينفع مستحيل ,, فى اللحظه فكرت انه هيكون زى غيره لما يعرف حالتها هيبعد عنها .. فقررت تعرف كل حاجه .. قلق "لوهان" ولاحظ انها صحيت :
_ صحيتي امتى .. انتى كويسه ..؟
_ احسن .. هو انا فين ..؟
_ فى مكان الحفله ..
_ اسفه لو كنت سببت ازعاج او قلق ..
_ هشششش متتكلميش المهم انك بخير ..
ريم باصه للوهان :
_ لوهان .. انا قولتلك قبل كده الانسان اللى هيحبني هيكون غير محظوظ
_ وانا قولتلك بالعكس هيكون محظوظ جدااا
_ لا هيكون غير محظوظ .. مسالتش ليه انا تعبت امبارح .. انا واثقه انى كنت فى حاله صعبه صريخ طول الليل وبكاء مستمر وعنف ,,
_ مش عاوز اعرف حاجه ..المهم انك بخير دلواقتي
حاول تقعد : لا لازم .. تعرف انا مين وانت بتتعامل مع مين ,, انا مش زى ماانت فاكر وشايفني دايما ,, انا حياه تانيه خالص متعرفهاش ,,
اتفاجئ "لوهان" من كلامها : ايه كلامك دا .. ممكن متتكلميش دلواقتي وارتاحي ..
مسكت موابيلها وكتبت رقم غاده : الرقم دا رقم دكتور غادة كلمها وهى هتعرفك كل حاجه وبعدها قرر تستمر فى صداقتنا .. صداقتنا بس ولا نبعد خالص ...

 يتبع ,,