(10)
استمرت مكالمات بين فاطيما ومعتز يوميا بدون انقطاع وكان معتز هو اللى بيتصل دايما مش مدى فاطيما فرصه تكلمه ورسايل طول الوقت وسهر طول الليل ع الشات جت وقت الامتحانات وامتحنوا والنتيجه طلعت قربت الاجازه تخلص وفاطيما قاعده ف البيت .. فى يوم نزلت فاطيما وماريا علشان يشتروا هديه لعماد لعيد ميلاده قبل ما يسافر .. فاطيما ماشيه جنب ماريا ماسكه الموبيل وع وشها ابتسامه وفاطيما منفضه لماريا وهى بتتكلم لاحظت ماريا كده ..
ماريا بعصبيه: صدقينى هاخده منك ..
انتى يابت نازله معايا ولا مع الموبيل عاوزه اعرف
فاطيما: فى ايه يهددك خضتينى واحنا ف الشارع كده
ماريا: من وقت ما نزلنا من البيت وانت ماسكه الموبيل وعينك فيه وانا عماله اتكلم واقولك اجيب هديه لعماد ايه عيد ميلاده الاسبوع دا وانتى ولا هنا
فاطيما بصت لماريا: عماد دا خطيبك ع فكره واكيد عارفه بيحب ايه وبيكره ايه انتى ادرى بالل يناسبه ..
ماريا : الله ..الله .. اتغيرتى يا طيما معتز غيرك يا لوزه ... ماشى شكرا
اتقمصت ماريا ومشيت راحت فاطيما وراها وشدتها وانكجتها : مالك بس يا رومانه قلبى
ماريا: مفيش يا ستى خليكى مع معتز واولع انا
فاطيما قفلت موابيلها وحطيته ف الشنطه : يغور الموبيل هيطير .. رومانه قلبى اهم
ماريا بتضحك: ايوه ايوه ثبتينى ثبتينى طبعك دا ولا هتشتريه
فاطيما: لا مش هشتريه لانه معيش فلوس تكفى .. ها ها ها ها
ماريا: يخربيت ظرافتك .. سكر سكر
فاطيما: وشربات كمان .. قوليلى انتى عاوزه ايه تجبيه
ماريا: يعنى لو عارفه هسألك يا ناصحه ماانا محتاره
هو فى عيد ميلادى اشترى السلسله دى
فاطيما: اشتريله سلسله انتى كمان انتوا بتلبسوا الدهب عادى يعنى
ماريا: هو مبيحبش لبس السلاسل
فاطيما بصت لاقت محل رجالى : تعالى ندخل نبص هنا ع القمصان والجرفاتات كده
ماريا : فكره يلا
دخلوا الاتنين المحل واتفرجوا ع القمصان والجرافتات ووافقوا قميص وجرفاته
وخرجوا اشتروا .. اشترت ماريا ساعه غاليه ..
فاطيما: مدام انتى عاوزه ساعه وهتجبيها سألتينى ليه
ماريا: كنت عاوزه اجيب حاجه جنب الساعه ومكنتش عارفه
فاطيما : بس جامده الساعه
ماريا ماسكه علبه الساعه وباصلها بااابتسامه: علشان يلبسها ف ايده لما يسافر وحاجه منى تكون معاه دايما ...
فاطيما: يا رومانسياتك العاليه
ماريا: هو صحيح عيد ميلاد معتز امتى ..
فاطيما:لا لسه بدرى
ماريا : وهتجبيله هديه اكيد
فاطيما: مش عارفه ..
ماريا بتغمزلها:احنا جوه القميص والجرفاته الل عينك كانت هتطلع عليهم
فاطيما ارتبكت: مين انا .. لا خالص انا كنت بختار معاكى
ماريا: بتختارى بعد ما اشتريت ودفعت وكنا اتفقنا
فاطيما معرفتش تقول ايه : عاجبنى عادى
ماريا: لو محتاجه فلوس اديهولك وتشتريهم
فاطيما وقفت وبصت ل ماريا : وهياخدهم ازاى انتى محسسانى انه ف الشارع اللى ورايا
ماريا ركزت: اه صح.. دانتم من وقت خطوبه سلمى ومقابله اللى مش مقابله ومشفتوش بعض خالص
فاطيما: شوفتى .. اشتريهم واخللهم عندى صح
ماريا : هو مفكرش يجى يشوفك
فاطيما: متكلمش ف كده
ماريا: ولا انتى تروحى تشوفيه
فاطيما متفاجئه: نعم .. اروحله ..ودا اسمه ايه
ماريا: اسمه الحب يا حبيببتى .. انك تعمل كل حاجه مش مألوفه
فاطيما: لالا طبعا .. وبعدين مش هو المفروض الل يطلب يشوفنى
ماريا: انتى او هو مش فارقه
فاطيما: لا فارقه.. وبعدين انا مش مهم عندى اشوفه هو ع طول معايا
ايه هيفرق لو قابلته يعنى ...
ماريا: طبعا الاختلاف كبير ... تشوفيه قدامك عن كلام ف الهوا انا مشكلتى مع عماد اننا هنتكلم تليفون ونت ومش هقابله وانا معاه الاحساس مختلف جداا .. بتحسى الل بتحبيه قدامك جسد وروح ...
فاطيما : امممم.. لكن مش انا اللى هعمل الخطوه دى يلا نخلص مشورنا كده هنتاخر
ماريا : اوكيه براحتك .. يلا .. !!
رجعت فاطيما ع البيت فرجت جددتها ومامتها ع الحاجه اللى اشتروها
واتعشت ودخلت اوضتها لما رن عليها معتز انه موجود اون لاين .. راحت فتحت الللاب وقعدت مربعه ع السرير
معتز: كل دا عقبال ما تفتحى
فاطيما: سورى بجد كنت برغى مع توحا بره وكنت بعمل كوبايه شاى
معتز: عملتيلى معاكى
فاطيما: طبعا طبعا: عملت ليا وليك ف كوبايه واحده وهشربها توفيرها لوقت والمجهود
معتز: ههههههههههههههه قوليلى اختفيتى مره واحده من بعد العصر
بعتيلى وقولتى انك مع ميمى واختفيتى ومبترديش ع الرسايل ولا المكالمات
فاطيما: كنت مشغوله معاها بتشترى هديه ل عماد قبل ما يسافر لانه خلاص اتحدد ميعاد سفره قريب وكلام البنات بقى اخدنى ونسيتى نفسى
معتز: لا مش مسموحلك
فاطيما: مش مسموحلى ايه ؟
معتز: انك تنسى نفسك مع اى حد غيرى .. انا وبس ؟
فاطيما اترسمت ع وشها ابتسامه : ليه يعنى تقربلى ايه ؟
معتز : اممممم ... صاحبك .. صديقك.. بلاش اخوكى علشان هندخل ف الحرمانيه كده
ضحكت فاطيما: ويعنى اعمل كده مع كل اصحابى
معتز: وهو انتى اصلا بتكلمى حد غيرى .. انطقى بسرعه
فاطيما: ولا بعرف وغلاوتك
معتز: ليه
فاطيما: مش عارفه بجد من وقت ما بنبتدى نتتكلم وانا مبردش ع اى حد .
اقولك الصراحه
معتز: ها
فاطيما: انا مبشوفش حد اونلاين غيرك .. ودا كفايه عليا
معتز ابتسم: طيما
فاطيما: ايوه
معتز: عاوز اشوفك
فاطيما قامت اتعدلت حست كلامها مع ماريا بيتحقق وهو هينزل السنطه يشوفها
فاطيما: ازاى
معتز: ابعتيلى صور ليكى
فاطيما تنحت: ليه مش انت شوفتنى ف خطوبه سلمى وخالد
معتز: عاوز اتاكد من حاجه ابعتيلى اقرب صوره ليكى
فاطيما: حاجه ايه
معتز: حاجه مهمه اوى وهقولك ايه هى بعد ما اشوفها
فاطيما حست بالفضول وبعد تفكير وتردد لاقت نفسها تلقائى فتحت تتدور ع احدث صور ليها وبعتتله صوره
معتز: مش باينه ابعتى غيرها اوضح
وفضل معتز يجرجر ف فاطيما وهى بتلقائيه بعتتله فوق ال 11 صوره ليها وهى مع اصحابها والكليه
فاطيما: ها .. اتاكدت من اللى عاوزه
معتز: ايوه
فاطيما: ايه بقى ؟
معتز: انتى ازاى كده
فاطيما قلقت وحست هيتكلم ع تخنها : هو ايه اللى ازاى خلقه ربنا
معتز: انتى ازاى اموره اووووووى كده ... انا شايف قمر قدامى
فاطيما اتكسفت و ابتسمت : دا ااقل حاجه عندى
لحظت فاطيما ان معتز اختفى ومبيردش رغم انه اون لاين
لحظات ورن تليفونها وكان معتز وردت :فاطيما : الو
معتز: اكيد احلى الو دى طالعه من احلى بنوته شوفتها
فاطيما اتحرجت اووى : لا ونبى
معتز: وكنتى مخبيه عليا كل دا .. انا قلت فستان وميكب ف الخطوبه مغيرك
طلع انتى ف الطبيعه احلى ..ماشاء الله
فاطيما: انا افتكرت هتتكلم ع تخنى
معتز: طخن ايه ..انتى عسوووله اوى وكفايه ضحكتك والغمازات اللى ف خدك انتى مقولتليش عنهم حاجه
فاطيما بتضحك: لا بجد
معتز: طيما ..ممكن طلب
فاطيما: اتفضل لو اقدر
معتز: متضحكيش قدام اى حد كده غير معايا ممكن
فاطيما اتكسفت: ودا ازاى وليه
معتز: مش عاوز اى حد يشوف ضحتك ولا غمازاتك
فاطيما بتضحك: حاضر هكشر قدامهم ينفع
معتز: لو عليا هقولك متنزليش من البيت اصلا
فاطيما: لا مش اوى كده ..محسسنى انك شوفت الملكه فريده
معتز : انا شوفت ملكه قلبى انا..
فاطيما معرفتش ترد وكانت مكسوفه او ومرسوم ع وشها ابتسامه وكلام معتز عزلها عن الدنيا والوقت وفضلت تتكلم معاه ومره واحده خرج من النت معتز .. اضايقت فاطيما بعدها بدقايق وموابيلها رن وكان رقم مردتش .. بعت ليها رساله قالها
" انا معتز يا طيما ردى "
ردت فاطيما : الو
معتز: سورى موابيلى والشحن خلصوا واللاب فصل
فاطيما: رقم مين دا
معتز: دا رقم كان بتاع بابا وانا بستخدمه وف عدته
فاطيما: طيب اقفل ونكمل شات علشان مطولش عليك هنا
معتز: عاوزه تحرمينى اسمع صوتك
فاطيما محروجه: لا.. اصل ..انا مبردش ع ارقام غريبه
معتز: انا قلت كده ..بس قلت دا كلام طلع بجد
فاطيما: من بعد 11 مش برد ع ارقام غريبه
معتز: نعم.. يعنى بتردى ع ارقام مش غريبه عادى
فاطيما ضحكت: لا طبعا مفيش غيرك بس
معتز: ليه مفيش غيرى ها
فاطيما بكسوف: لانك حد مميز عندى وبرتاح ف الكلام معاك وبتوحشنى
معتز: وايه تانى
فاطيما حبت تهرب : لا اقفل علشان مطولش عليك
معتز: انا معاكى لصبح نتكلم
وقفلت فاطيما اللاب وقعدت تتكلم مع معتز لصبح فعلا ...!!
مر يومين و والعادى الل بيحصل بين فاطيما ومعتز وفى يوم ماريا راحت لفاطيما البيت
ماريا: طيما .. انا رايح لماريان يومين تعالى معايا
فاطيما: لا فكك مش عاوزه
ماريا : يابت هتنبسطى تعالى نغير جو سوا انتى وانا مبنخرجش و مايكل هيودينا ويرجعنا
فاطيما : لا ياستى انا اتعودت ع قاعده البيت خلاص
ماريا : فكرى فيها فرصه تشوفى معتز
فاطيما انتطرت : اشوف معتز
ماريا: مزهقتيش كل دا شوفيه لايف بقى ياختى وبلاش دلع انتوا هتقضوها حب اون لاين واهو نخرج يومين فى الاجازه الغابره دى لحسن من بعد عماد ماسافر وانا مش طايقه اقعد ف البيت تعالى بقى وبطلى رخامه
فاطيما بتفكر والفكره حمستها : بس جيجى هتوافق دى كانت عاوزانى اروح معاها عند بنت عمتها وانا مردتش
ماريا : سبيها عليا وع ماما هتخليها توافق وهما يومين بالظبط
فاطيما : اشطه
اتكلمت مامت ماريا لمامت فاطيما واخدت الموافقه وقبل ما تسافر بيوم
كانت سهرانه فاطيما مع معتز ع النت ....!!
فاطيما: يلا بقى علشان عاوزه انام بدرى علشان اصحى فايقه ..النور هيهل عندكم من بكره لان طيما جايه القاهره بنفسها تراااااااااااااا
معتز: جايه القاهره .. ايه النور دا
فاطيما: منوره باللى فيها
معتز: وهتقعدى فين
فاطيما: عند اخت ميمى ..ماريان
معتز: بس عادى يعنى تقعدى عند اخت ميمى
فاطيما بتضحك: ماريان قبل ما تتجوز كنت لجاءه عندهم ف بيتهم وميمى كتير بتبات معايا احنا بيوتنا واحد احنا اخوات ومتربين مع بعض.. امان يعنى
معتز: معانى مش حابب كده بس ماشى
فاطيما: طيب عاوز حاجه
معتز: بصراحه اه
فاطيما: ايه
معتز: اشوفك
فاطيما: مفيش صور جديده انسى بقى
معتز بيضحك: لا مش صور المرادى عاوز اشوف الجثه نفسها
فاطيما باستغراب : جثه
معتز : اقصد اشوفك شحما ولحما .. عاوز اقعد معاكى
فاطيما تلقائى لانه حصل الل هى عاوزاه وهو الل طلب منها : اوك
معتز: كلمينى وحددى المكان هتلاقينى قدامك
فاطيما فرحت انه عرض عليها قبل ماهى تطلب : اوك
معتز: طمنينى لما توصلى
فاطيما : اوك
قفلت وفاطيما هى فرحانه انها هتقابل معتز زى الطفل الل فرحان بلبس العيد يوم الوقفه وطلعت هدوم الل جهزتها وقعدت تختار الطقم اللى هتقابله بيه ....!!!
سافرت فاطيما هى وماريا مع مايكل اخو ماريا وطول الطريق عماله ترغى وتناكف فى ماريا وهما الاتنين يناكفوا ف مايكل :
فاطيما: ايه يا مايكل مش هنحضر فرح قريب ولا ايه
مايكل: قريب ..متقلقيش جهزى انتى الفستان
فاطيما: ع عينى بس لا يجوز مينفعش اتجوزك انا
ماريا بتضحك: يافقر ..حتى لو يجوز انا همنع الجوازه دى
فاطيما: ليه ان شاء الله دا مايكل زى العسل والله
ماريا: انا عارفه .. انا سبب رفضى انتى هتجننيه وهو اللى حليتنا
فاطيما: سامع يا مايكل اختك
مايكل وهو بيسوق: طيما دى زى السكر بجد يا بخته اللى هتكونى من نصيبه مش هيبطل ضحك
فاطيما بتضحك: ع اساس انه هيتجوز السيرك القومى على كده هلم فلوس بالهبل
ماريا ومايكل ضحكو وكملوا طريقهم ووصلوا عند ماريان وبعد السلامات والتحييات دخلت فاطيما تغير هدومها مع ماريا
فاطيما: تعرفى اول مره ابات عند ماريان
ماريا: اه فعلا .. وهى بتفرش انا شرطت عليها الاوضه دى تعملهالى ع اساس انى هاجى اقعد معاها
فاطيما: بس دىلمينا ومرام
ماريا: عقبال ما يكبروا يكبروا بقى هكون انا اتجوزت يارب ياررررررررب
فاطيما بتضحك : هتتجوزى ع نفسك
ماريا: فكره انك عاوزه تعيشى مع الانسان اللى بتحبيه تحت سقف بيت واحد تصحى وشك ف وشه .. تاكلوا مع بعض من نفس الاكل .. تناكفوا ف بعض ميبقاش عندك شغلانه غيره ..هو دا الاحساس اللى ملوش وصف
فاطيما وماريا بتتكلم حست بكل كلامها لانها اتمنت دا مع معتز وكانت مبتسمه
فاطيما: ان شاء الله يرجع بالسلامه عماد وتتجوزوا
ماريا: يارررب يااختى ..يلا نغير علشان نتغدى
فاطيما: اوك اخرجى وانا هحصلك
ماريا خارجه اتجاه الباب رجعت >>هو انتى صح اتفقتى مع معتز هتشوفيه فين وامتى
فاطيما : لا بصراحه ..انتى عارفه انا معرفش اماكن هنا
انا زى الكاو تتجر من بيتها لهنا وماسكين ايدى لتوه
ماريا راحت مسكت خدود فاطيما: يؤؤغتى ع طعامه الكاو
فاطيما زغزغتها : يوغتى ع الى بتركب الجو
ماريا بتضحك: عموما انا فكرت وحددتلك المكان فين شوفى انتى الميعاد وعرفينى ولو سألك قوليله ف مصر الجديده ف الكوربه
فاطيما: بس كده
ماريا: فى كافيهات كتير هناك وكمان مسافته مش بعيده عن هنا تاكسى 10 دقايق مااحنا مش عاوزين نتاخر ولا ايه ..يلا كلميه وظبطى وحصلينى
خرجت ماريا واتصلت فاطيما ب معتز كنسل عليها واتصل بيها ع طول
معتز: حمد الله ع السلامه
فاطيما باابتسامه: الله يسلمك
معتز : القاهره نورت بجد
فاطيما: دا نور اهلها ..ايه اخبارك
معتز: وحشتينى
فاطيما اتحرجت : يا سلام ثبتنى ثبتنى
معتز: مش مصدقانى قوليلى عنوانك فين هتلاقينى قدامك
فاطيما بتضحك: لالالا مش ناقصه هى ..كده كده هنشوف بعض بكره
معتز بفرحه: بجد
فاطيما: اها ان شاء الله هيبقى ف مصر الجديده ف الكوربه
معتز: بجد.. جنب بيتى
فاطيما: طيب كويس وجنب بيت ماريان كمان علشان الوقت
معتز: تمام .. فين وامتى
فاطيما: اممممم فين وامتى هعرفك بليل اوك ..
معتز: عموما فى كافتيريا هناك هبعتلك اسمها ف رساله حددى الوقت وعرفينى هتلاقينى مستنيكى
فاطيما: اوك يلا هقفل بقى علشان متاخرش ع الناس اللى بره هيخلصوا الاكل من غيرى
معتز: الف هنا يا قلبى
فاطيما بكسوف: باى
معتز: هتوحشينى
فاطيما: انت كمان ..يلا سلام
وقفلت فاطيما من كسوفها وخجلها وحست ان وشها احمر وحاسه بفرحه مش لاقيه ليها وصف خرجت بره الاوضه وقعدت مع ماريان وماريا والبيبيهات التؤام يحكوا ويتكلموا .. لغايه بليل بعتلها معتز اسم الكافيه وهى بعتتله الميعاد ....لاحظت ماريا ان فاطيما مش نايمه
بصت ع الساعه لاقتها 3 بليل : طيما ..ايه اللى مصحيكى كده
فاطيما كانت حاطه سمعات الهاند فرى ف ودانها وبتسمع منير ومتمزجه
حست باايد ماريا وبصتلها: انتى صحيتى
ماريا : انا كنت بتقلب عادى لاقيتك قاعده والاباجوره جنبك شغاله ايه مصحيكى انا قلت هتتقتلى نوم
فاطيما باابتسامه: مش عارفه يا ميمى ..حاسه بفرحه مش مخليانى اعرف انام احساس الطفل بليله العيد بجد
ماريا باابتسامه قامت قعدت جنب فاطيما: الله يا طيما ايه يابت الجمال دا
لدرجه دى فرحانه انك هتشوفى معتز
فاطيما بكسوف بسيط: بصى بصراحه انا فكره اقابله دى مكنتش بفكر فيها وجوده مخلينى مطلبش اشوفه هو معايا ع طول وكل يوم ... انا مكنتش متخيله احساسى هيكون كده احساسى انى هشوفه وسعادتى بانه هيكون قدامى بجد مش قادره القيلها وصف بجد مش عارفه اسيطر على نفسى .. انا حبيته بجد.. انا بحب معتز بجد يا ميمى
ماريا : ياجمالو .. ربنا يسعدك يا حبيببه قلبى وقريب يارب نسمع خبر حلو ونفرح بيكم بس حاولى تنامى يا حبى علشان انتى كده هتنامى قدامه ولا ايه
فاطيما بصت ع الساعه: هصلى الفجر وهنام ..نامى انتى
ماريا: اوك ..تصبحى ع خير
فاطيما باابتسامه: وانتى من اهله
تانى يوم صحيت فاطيما لوحدها الساعه 10 الصبح وابتدت تجهز نفسها لان ميعادها كان العصر لكنها فضلت تقيس وتظبط ف هدومها والميكب تتقله مره .. وتخففه مره .. وتشيله خالص مره ولفه الطرحه تخليها عاديه
ولا تعملها اسبنش ولا تعملها ايه ... ماريا دخلت عليها الاوضه وبصت لاقت فاطيما مطلعه كل هدوم اللى ف الشنطه ومبعتراها
ماريا: ايه كل دا يا طيما ..احنا جايين يومين مش شهرين
وانا اقول شنطتك كبيره ليه انتى جايبه الدولاب يا بت
فاطيما بتوتر وحيره : ونبى يا ميمى قوليلى رايك الطرحه دى ولا دى حلوه ع الطقم دا ولا استنى حلو الطقم دا ..ولا ..
ماريا قاطعتها: فاطيما .. طيما اهدى يا حبيببتى ..انتى رايحه تشوفيه مش خطوبه البسى زى ماانتى متعوده ..خليكى فاطيما الل انتى عارفاها متغيريش نفسك هو بيحبك كده فخليكى بطبيعتك هو مش هيتفرج عليكى هو عاوز يقعد معاكى
بصت حواليها ماريا واختارت ليها طقم : البسى دا انتى بتكونى جميله ف اى حاجه بتلبيسها ويلا علشان نتغدى
فاطيما: مش قادره حاسه انى شبعانه من الفطار
ماريا متفاجئه : يا للهول شبعانه تتحسدى
فاطيما: لما هنرجع هاكل متقلقيش
جت تخرج ماريا ..فاطيما: ميمى ممكن تعمليلى سندوتش تصبيره لغايه ماارجع واكل براحتى
ماريا بتضحك: ايوه هى دى طيما اللى اعرفها ياناس
ضحكت فاطيما وماريا .. وجه الميعاد نزلت فاطيما وماريا وقالوا لماريان انهم هيتمشوا وراحوا ع الكافيه وقعدوا وكان قبل ميعادهم بنص ساعه ... ومعتز مكنش وصل فاطيما كانت متوتره وماريا بتهدى فيها ... شويا وقرب منهم شاب طويل لابس بنطلون جينز وتيشيرت موف و لابس نضاره شمس : مساء الخير
بصت فاطيما وماريا : مساء الخير
شد كرسى وقعد ولانه كان بيبعت لفاطيما صور كتير فهى عارفه شكله واول ما شافته اترسمت ع وشها ابتسامه ظهرت فيها غماوزتها ..
بصلها معتز مبتسم: سورى ع التاخير
ماريا : ولا يهمك مجتش من ربع ساعه احنا اصلا لسه واصلين
معتز: ازيك يا ميمى عامله ايه
ماريا باابتسامه: كله تمام وانت
معتز: الحمد الله
فاطيما قاعده ساكته وع وشها ابتسامه .. معتز: نورتوا القاهره
فاطيما بصتله لقته باصص ليها : تسلم
ماريا: ميرسى ..
ماريا لاحظت ان معتز اتفاجئ بوجودها : احم .. سورى يا معتز انا عارفه انك عامل حسابك هتشوف فاطيما لوحدها بس فاطيما ممكن .. لالا ممكن ايه دا اكيد هتوه .. وانا مردتش اسيبها لوحدها تتعوض مره تانيه بقى لما تيجى السنطه.. او طنطا هتنورنا بجد
حست فاطيما ان ماريا قالت كلام كانت هى عاوزه تقوله وارتاحت ..
معتز: لا ابدا مفيش مشاكل بجد مبسوط انى شوفتكم انتم الاتنين ... اخبار عماد ايه ف الغربه
ماريا: متفكريش دا وحشنى بشكل .. هو تمام ربنا يسهل الحال
وانا بعد الايام علشان يرجع بالسلامه
ضحك معتز: يرجعلك بالسلامه ان شاء الله
ماريا: ان شاء الله
معتز باصص لفاطيما وملاحظ انها مبتسمه ومببتتكلمش بص لماريا: هى فاطيما سابت لسانها ف السنطه ولا ايه
ماريا بتضحك: دى دى حاجتين مبتفصلش فيهم الاكل والكلام
راحت فاطيما خبطت ماريا .. فاطيما: لا ابدا مفيش حاجه
راح معتز باصص ع فاطيما وشربوا المشروبات وقعدوا شوياوفكت فاطيما وبقت ع طبيعتها نوعا ما خلصوا قعدتهم وقاموا حاسب معتز ووقفلهم تاكسى وفتحلهم الباب وركبوا وبعد ما قفل الباب
:هكلمك بليل وابعتيلى انك وصلتى لااله الا الله
فاطيما باابتسامه : سيدنا محمد رسول الله
واتحرك التاكسى ولاحظت ماريا سعاده فاطيما وهما ف الطريق بعتلها معتز رساله ع الموبيل " انتى احلى عن الصور كنتى زى القمر .. بحبك "
فاطيما عنيها لمعت وابتسمت اوى وماريا شافتها وابتسمت ومحبتش تفصلها وسابتها تعيش اللحظه وصلوا البيت ودخلت فاطيما فرحانه اوى لدرجه ماريان استغربت
ماريان: مساء النور .. ايه الانشكاح دا
ماريا: اصل الجو بره حلو اوى
فاطيما بسعاده: اوى اوى اوووى يا مانو
ماريان : مانو ..وعيون بتلمع .. قوليلى انتى وهى كنتو فين ها
ماريا شدت فاطيما ورايحه ع الاوضه: اتمشينا احنا هنغير وهنجيلك
دخلت فاطيما وماريا .. ماريا: ايه يابت الانشكاح دا هو انتى اول مره تشوفى شاب
فاطيما قعدت ع حرف السرير وحضنت المخده:: وانتى الصادقه اول مره احب ..دا طلع حلو اووى
ماريا بتضحك: ههههه ولسه انتى شوفتى حاجه ياما هتنبهرى يابنتى ...!!
قضت فاطيما اليومين عند ماريان ومعاها ماريا وكملت الاجازه بتاعتها ف البيت طول الليل سهر مع نعتز ع الشات ويكملوا رغى ف الموبيل ورسايل طول اليوم ... ونجحت سلمى وعرفتهم انها هتنزل قريب .. وابتدا العام الدراسى و فى اليله اللى صابح فيها دخول فاطيما جامعتها .. كنت بتظبط الطقم اللى هتلبسه ومحتاره بين اتنين
ف الوقت دا اتصل بيها معتز لانها كان طول النهار ف مقابلات لشغل ...
فاطيما : الو
معتز: انا كنت مستنى الو دى علشان تعب اليوم يروح
فاطيما ابتسمت : بتلحقنى انت وتثبتنى صح
معتز بيضحك: لا خالص ..دا حقيقى انا كده ارتاحت
قاعدت فاطيما ع مكتبها : ايه أخرك كل دا
معتز: كنت بعمل انترفيو ل 3 شركات مع العلم انى عارف انى مش هتقبل بس يلا
فاطيما بتضحك: ايه التشائم دا ..تفائل
معتز: انا مش عاجبنى ولا وظيفه من دول اللى قدمت فيها بس قلت اجرب لان دا المتاح قدامى وانا متعودتش اقعد كل دا من غير شغل ...
فاطيما: من غير شغل ازاى ..ماانت بتقعد ف المحل
معتز بيضحك: قعدانى ف المحل هو دا شغل .. اى واحد باليوميه يقعد ويعمل اللى يعمله واحسن كمان.. انا نزولى المحل دا بجرب وعلشان مقعدش ف البيت يعنى ممكن تقولى كسر الممل
فاطيما: امم.. وايه الاخبار
معتز: روحت عملت الانترفيو واتكلمت وقالولى هنتصل بيك
فاطيما: ان شاء الله خير ..وان جتلك حاجه متهملهاش لان مفيش شغل اصلا
معتز: ع كلامك البطاله بقت اكتر من نسبه الفقر ف بلدنا .. انا قابلت ناس محضرين مجاستيرات ودكتوراه ومشتغلوش لسه ..ومنهم الل خاطب ومتجوز..انا اتصدمت برغم انى كنت عارف
فاطيما: ربنا هيرزقهم برزق الل معاهم ان شاء الله
معتز: ونعم بالله بيعجبنى فيكى تفائلك دا يا طيما والله ...بس دا توكل واستهبال
فاطيما: ليه بقى
معتز: يعنى واحد مفيش شغل ثابت ولا معاه فلوس يجيب شقه ويجهزها و يصرف بيها وهيعيش ع جمعيات والديون علشان يتجوز دا استهبال وفوق يأسس حياته وخطواته علشان ميظلمش ولا يتظلم
فاطيما: ما الكل شغال كده..او معنى اصح اغلب الجوازات كده فى مصر
معتز: وانا اتجوز واحده اعذبها معايا ليه
فاطيما تنحت: ازاى يعنى
معتز: يعنى انا خطوه الجواز دى هاخدها لما استقر ماديا .. اثبت ف شغلانه مناسبه وفى دخل ثابت ومحترم.. اجيب شقه محترمه تليق بالل هتعيش فيها ... علشان اعرف اربى عيالى.. انا هاخد واحده من بيت اهلها علشان اعيشها ملكه مش هعيشها الفقر والتعب انا هتجوزها علشان انا وهى نعيش مش نكره اللحظه الل اتجمعنا فيها .....انا ليا اصحابى متجوزين بفلوس جمعيات وبعد الجواز خناقات علشان الدخل مش بيكفى وفى الل اهلهم ساعدوهم ومحسوش بتعب الحاجه الل هما عايشين فيها
فاطيما: بص مساعده الاهل دا ضرورى جدااا... يعنى مثلا انا بابا شارى شقه لحماده اخويا ف الدور اللى تحت من زمان علشان امان ليه ولو مش عايزها يتصرف فيها .. مسئوليه الاب مبتخلص عند تعليم واكل وشرب
الام والاب بيشيلوا مسئوليه عيالهم لغايه ما يموتوا ....
معتز: بس الواجب ان الاب صرف تعليم وربى ..الشخص دا يكون مسئول عن نفسه يكون نفسه علشان زى ماانا شوفت ابويا وهو بيكافح علشانا وعايشنا احسن ماهو كان عايش ..فانا هكافح علشان ولادى اعيشهم احسن ماانا عايش ..ولادى يتعلموا يكافحوا علشان ولادهم لكن لو اخدوا الحاجه بالساهل واعتمدوا ع حد صدقينى مش هيحسوا بيها ولا بالقرش الل مدفوع فيها
فاطيما: نظريه برضه
معتز: عندك مثلا الل ياخد خطوه الخطوبه والارتباط وهو لسه فى الاول يفكر هى هتصبر فعلا عليه ولا لا لغايه ما ربنا يكرمه ويبدء حياته صح ليه وليها لانه هيعمل ليهم هما الاتنين مش لوحده ... اداها وعد يكون قده وهى كمان قده وتساعده وتحافظ عليه وتقاوح معاه مش كلام وخلاص .. والحب هيبان وقتها مش مجرد كلمه والسلام
فاطيما فهمت تفكير معتز وعرفت من كلامه انه مستنى يثبت ف شغله ويثبت رجله وبعدها خطوه تانيه ..كلامه اقنعها جدااا ومع نفسها قررت من غير ما تقوله انها هتتمسك بيه مهما حصل ومش هتسيبه
معتز لاحظ انها سرحت .. معتز: ادعيلى بقى يا طيما اثبت ف شغلانه كويسه وابتدى صح علشان البس
فاطيما: ربنا يكرمك ان شاء الله وتثبت ف شغلانه كويسه
معتز: ويثبتك معايا ونفضل مع بعض
فاطيما ضحكت: ان شاء الله
معتز: المهم كنتى بتعملى ايه؟
فاطيما: محتاره مش عارفه اختار البس ايه بكره
معتز: من تفكيرك فيا صح
فاطيما: يارخم.. بجد مش عارفه
معتز: طيب انا هساعدك
فاطيما: ازاى
معتز: البسى الطقمين وصورى نفسك بيهم وانا هقولك الاحلى ..معانى عاوزك تنزلى بشوال
فاطيما بتضحك: ليه يعنى
معتز: علشان محدش يشوفك غيرى
فاطيما اتكسفت: طيب يلا اقفل وانا هبعتلك الصور
معتز: هتوحشينى
فاطيما بكسوف: وانت كمان
قفل معتز وقامت فاطيما بفرحه قاست الطقمين بطرحهم وصورت نفسها
وبعتتهم ل معتز لانه كان اون لاين ..
معتز: الطقم الاولاانى احلى ..هما الاتنين حلوين طبعا بس دا مخليكى قمرايه اكتر
فاطيما: انا قمر اصلا
معتز: من حق القمر يدلع ... علشان كده البسى التانى
فاطيما: انت قلت الاولاانى احلى
معتز: مدا سبب كافى انك تلبسى التانى الل حلو بس مش اوى
فاطيما: انت رخم
معتز: لا انا بحبك
وكملت فاطيما كلام مع معتز ..شويا ومامتها ندهت عليها وقفلت ورجعت كملت معاه لفجر ويادوب نامت كام ساعه وصحيت لبست وكانت نهى مستنياها ومشيوا الاتنين اتجاه الموقف :
فاطيما نازله نعسانه وبتتأوب: صباح الخير يا نونا
نهى : صباح الخير ايه ..انتى متاكده انك صحيتى
فاطيما: مش عارفه ..انا اصلا مش عارفه انا نازله ليه ..ولبست ازاى
نهى بتضحك: اول اسبوع بتكونى كده ..من تاثير الاجازه
فاطيما بتتأوب: ارجع انام احسن
نهى شدتها: بالله عليكى لتركزى يا طيما احنا ليسانس السنادى ..خلينا نخلص
فاطيما ركزت : نخلص ليه ..هناخد الشهاده ونحطها تحت المرتبه
لان شهاده محمد هتتعلق ف الصالون انا عارفه لانه هجيب تقدير
نهى: عاوزين نطلع من غير مواد عاوزه انجح صافى
فاطيما : ليه ..هتدخلى الجيش
نهى : اركبى يا طيما يلا اركبى
ركبوا الميكروباص ..وفاطيما عماله تتأوب
فاطيما: لا بجد ايه الحماس اللى فيكى دا السنادى ..مكنتيش كده السنه اللى فاتت
نهى: اصل محمد جه لبابا من يومين واتفق معاه ف اجازه الترم هكتب الكتاب وف اخر السنه بعد امتحانات اليسانس هنعمل الفرح
فاطيما فاقت: بجد مبروووووك يا نونا ربنا يكملك ع خير يا حبيببتى
نهى: تسلميلى ..عقبالك
فاطيما: وهتكتبى فين بقى
نهى: ف البيت ...احنا بنعمل حاله تقشف واقتصاد علشان المصاريف يعنى
فاطيما: والله جدعه..المهم انك مبسوطه ومحمد مبسوطه
فكك من اى حاجه ..ربنا يسعدك يا حبى
نهى: ومتقلقيش هعزم ميمى وهتكونوا معايا ف الفرش ...
فاطيما بسعاده: ولا هنسيبك متقلقيش ....
وكملت نهى مع فاطيما كلام ونهى توصف سعادتها مع محمد وفاطيما حاسه بسعادتها لانها حاسه بسعاده مع معتز ...!!!
وصلت فاطيما الكليه وهى عماله تتكلم مع نهى ويضحكوا وصلوا طلعوا المدرج حضروا اول محاضره والمحاضره التانيه خرجت فاطيما لانها صدعت وقعدت ف الكافتيريا مسكت موابيلها تفتح نت لاقت ان معتز عامل ليها tag ف اغنيه ع الوول عنده.. وكانت اغنيه لعمرو دياب "بتوحشنى ".. سمعتها فاطيما وابتسامه كبيره ع وشها ونسيت انها ف الجامعه .. عملت لايك ع الفيديو لاقت معتز بيتصل بيها .. اتخضت :
فاطيما: انا قلت انك نايم
معتز: حد ينام وقلبه بره كده ..
فاطيما: قلبك بره وعايش ازاى يا حرام
معتز: عايش بصوتك اللى بسمعه
فاطيما اتحرجت اوى : معتز انا ف الجامعه والناس فاكرنى مجنونه بابتسامتى دى
معتز: ملكيش دعوه بالناس انتى معايا انا بس
فاطيما : جميله الاغنيه بس انا معنديش قلب
معتز: ايوه
فاطيما: ليه ان شاء الله
معتز: علشان مبعتليش رساله الصبح انك نازله
فاطيما: انا الصبح مشفتش قدامى لبست ونزلت مش مجمعه وبعدين قلت انك نايم
معتز: تبعتيلى برضه
فاطيما: غلطه ومش هتتكرر
معتز: سماح المرادى علشان بحبك
فاطيما وشها احمر وحبت تخلع من معتز : ايوه يانهى جايه اهو ..
معتز بيضحك: اوك .. ابقى كلمينى او رنيلى هكلمك
فاطيما: حاضر ..
معتز: لااله الا الله
فاطيما: سيدنا محمد رسول الله
مر الترم الاول وكان اخر يوم امتحانات الترم ل فاطيما رجعت ع البيت لاقت واحده قريبه مامتها عندهم وهى من البحيره جيالهم زياره تزور توحا ..!!
فاطيما : السلام عليكم
مامتها باابتسامه: تعالى يا طيما قربى سلمى على طنط احسان
فاطيما باابتسامه راحت سلمت ع طنط احسان
احسان: ماشاء الله يا طيما ..بقيتى عروسه قمرايه ماشاء الله
توحا: طبعا طيما قمر العيله اللى منورنا
فاطيما: ميرسى يا طنط
مامت فاطيما: عملتى ايه ف الامتحان
فاطيما: الحمد الله
احسان: انتى ف سنه كام
فاطيما: ليسانس السنادى ان شاء الله ..هخلص وهبلط ف البيت
ضحكوا كلهم .. احسان: لا تبلطى فى بيتك بقى
مامت فاطيما: احسان ماانا قلتلك انا مبفكرش لفاطيما تتخطب غير لما تاخد شهادتها ف ايديها لما تتخرج وتاخد اليسانس ربنا يسهل بعد كده
احسان: يبقى ع كلامنا فاطيما لمحسن ابنى وكل حاجه جاهزه
فاطيما متنحه: ها
توحا: ربنا يسهل يا احسان لسه فى ترم تانى وامتحانات لما ربنا يأذن
قومى يا طيما اعمليلنا شاى بايديكى
مامت فاطيما: طيما عليها شاى بنعناع تحفه
فاطيما مستغربه الكلام ..قامت دخلت المطبخ وبتكلم نفسها : محسن واحسان ايه الناس اللى بتشحت دى وبعدين ايه الكلام دا ..معقوله ماما تكون وعدت محسنه وتحسين ابنها بحاجه
ف اللحظه دى دخلت مامتها : واقفه كده ليه المايه قطعت نفسها غليان
فاطيما باصه لمامتها: مين توسكافين وفازلين دول يا ماما
مامتها بتضحك: احسان ومحسن يخرب عقلك
فاطيما: انا مشفتهاش غير ف خطوبه سلمى ..مين فازلين ابنها دا
مامت فاطيما: ماهما كلمونى بعد خطوبه سلمى وقلتلهم انا مانعه اى ارتباط او خطوبه لغايه ما تخلصى جامعتك وتاخدى اليسانس وبعدها ربنا يسهل
فاطيما بعصبيه: يا سلام وانا اباجوره .. طيب اسألينى ..
مامت فاطيما: هو انا قلتلك اتجوزى دلواقتى ولا حاجه.. لما تخلصى الترم التانى يحلها ربنا
فاطيما : وبابا رأيه ايه ف الكلام دا ياترى
مامت فاطيما: رأيه ايه يا طيما..
اى بنت اخرتها الجواز وانتى هتتجوزى كده كده ..وهو شايف فازلين
فاطيما: محسن يا جيجى محسن
مامتها ضحكت: يخرب عقلك خليتنى اتلغبط .. هو شايف محسن انسان كويس موظف ف شركه بترول وعنده دخل ثابت من ارضه بجانب مرتبه ومعاها عربيه ..وغير كده وحيد امه
فاطيما بتريقه: يا حبيب امه
مامتها: اتريقى اتريقى ..
فاطيما ساكته وحست ان الموضوع دا طلعلها زى فرقع لوز ..
مامتها : متقلقيش مفيش اى حاجه هتحصل دلواقتى ..اى حاجه بعد ما تاخدى اليسانس
فاطيما: انا داخله ارتاح السكه فرهدتنى
دخلت فاطيمما اوضتها وحست انها لازم تلاقى حل بدل ما تتدبس ف جوازه من تحسين او غيره ... معتز بعتلها رساله ترد عليه .. فضلت باصه ع رقمه راحت بعتتله ان ف ضيوف وهتكلمه بليل ...!!
عرفت فاطيما ان احسان هتقعد وتبات عندهم وحست انها مربوطه وخصوصا ع الغدا كانت دايما كل ما تشوف فاطيما تقول عروسه ابنى ... فلبست الاسدال ونزلت راحت عند ماريا ...!!!
ماريا اتفاجئت لما فتحت الباب الساعه 10 بليل : انتى مطروده ولا ايه
فاطيما: انا بايته عندك انهارده ومن غير كلام
دخلت فاطيما ع اوضه ماريا وطلعت ع السرير ...وهى ملامح وشها متغيره
ماريا: انتى اطردتى ولا ايه ..مش قاريبتكم عندكم مش تقعدى معاها
فاطيما بعصبيه: لا قريبه ولا غريبه مش عاوزانى هنا هروح ف اى حته هروح عند نهى
ماريا : بهدوء كده مالك بس ..وبعدين من امتى بتباتى عند نهى ها
فاطيما بعصبيه: ميمى انا مش طايقه نفسى
ماريا: فى ايه
فاطيما:تةكسافين طلبتنى ل ابنها فازلين من خطوبه سلمى وانا معرفش
ماريا: مين توكسافين ..وفازلين
فاطيما: الل عندنا
ماريا: اها احسان ..
فاطيما: هو دا اللى فرق معاكى
ماريا : سورى ..سورى .. مش فاهمه
فاطيما: من يوم خطوبه سلمى و...
حكت فاطيما لماريا ع طلب احسان فاطيما ل ابنها محسن وان باباها مش عترض ولا مامتها والاعتراض انها بتدرس ولما تخلص اليسانس
ماريا مذهوله: هو فى حد بيعمل كده دلواقتى معقوله ...
ماريا: هو مكلمكيش ف اى حاجه ولا لمحلك
فاطيما: ظروف معتز متسمحش ليه لاى حاجه دا لسه بيدور ع شغل ولسه لما يستقر من الاخر مش دلواقتى اى حاجه هو ظروفه مش سمحاله باى حاجه وانا مش هضغط عليه
ماريا: طيب احكيله يمكن يتنحرر زى خالد كده.. خالد لما عرف ان ف حد متقدم ل سلمى اخد خطوه وش ...
فاطيما بصت ل ماريا: تفتكرى
ماريا: جربى وشوفى
فاطيما ملامح وشها متغيره: مش عارفه
ماريا: لا حاولى مش احسن ما بتسمعى جمله مرات ابنى مرات ابنى
فاطيما :متغظنيش انا جيت ابات عندك علشان اسبلها الاوضه لانى عارفه انها هتستلمنى رغى
ماريا بتضحك: لقد وقعتى ف الفخ
وف الوقت دا موبيل ماريا رن .. ماريا بفرحه: عماد
فاطيما : انتم اتغديتوا ايه انهارده
ماريا: مكرونه وكفته
فاطيما :طيب حضريلى اكل لانى محتاجه افكر
ماريا بتضحك: ايوه القرارات الحاسمه بتاخديها وانتى بتاكلى
فاطيما بتبصلها: ارضى معدتك هيروق عقلك وتعرف تفكر يلا انجزى لانى متغدتش كويس من توكسافين وفازلين ابنها
ماريا :حاضر هخلص مع عماد واحضر ليا وليكى
فاطيما بتبص حواليها شافت شنطه فتحتها لاقت حلويات وكيس شيبسى : هنقنق ف دول لغايه ما تخلصى
ماريا خرجت ترد ع عماد وفاطيما قاعده تفكر تعمل ايه تكلم معتز وتحكيله ولا تتدور هى ع حل من غير ما تضايقه وتتصرف______________
يتبع
استمرت مكالمات بين فاطيما ومعتز يوميا بدون انقطاع وكان معتز هو اللى بيتصل دايما مش مدى فاطيما فرصه تكلمه ورسايل طول الوقت وسهر طول الليل ع الشات جت وقت الامتحانات وامتحنوا والنتيجه طلعت قربت الاجازه تخلص وفاطيما قاعده ف البيت .. فى يوم نزلت فاطيما وماريا علشان يشتروا هديه لعماد لعيد ميلاده قبل ما يسافر .. فاطيما ماشيه جنب ماريا ماسكه الموبيل وع وشها ابتسامه وفاطيما منفضه لماريا وهى بتتكلم لاحظت ماريا كده ..
ماريا بعصبيه: صدقينى هاخده منك ..
انتى يابت نازله معايا ولا مع الموبيل عاوزه اعرف
فاطيما: فى ايه يهددك خضتينى واحنا ف الشارع كده
ماريا: من وقت ما نزلنا من البيت وانت ماسكه الموبيل وعينك فيه وانا عماله اتكلم واقولك اجيب هديه لعماد ايه عيد ميلاده الاسبوع دا وانتى ولا هنا
فاطيما بصت لماريا: عماد دا خطيبك ع فكره واكيد عارفه بيحب ايه وبيكره ايه انتى ادرى بالل يناسبه ..
ماريا : الله ..الله .. اتغيرتى يا طيما معتز غيرك يا لوزه ... ماشى شكرا
اتقمصت ماريا ومشيت راحت فاطيما وراها وشدتها وانكجتها : مالك بس يا رومانه قلبى
ماريا: مفيش يا ستى خليكى مع معتز واولع انا
فاطيما قفلت موابيلها وحطيته ف الشنطه : يغور الموبيل هيطير .. رومانه قلبى اهم
ماريا بتضحك: ايوه ايوه ثبتينى ثبتينى طبعك دا ولا هتشتريه
فاطيما: لا مش هشتريه لانه معيش فلوس تكفى .. ها ها ها ها
ماريا: يخربيت ظرافتك .. سكر سكر
فاطيما: وشربات كمان .. قوليلى انتى عاوزه ايه تجبيه
ماريا: يعنى لو عارفه هسألك يا ناصحه ماانا محتاره
هو فى عيد ميلادى اشترى السلسله دى
فاطيما: اشتريله سلسله انتى كمان انتوا بتلبسوا الدهب عادى يعنى
ماريا: هو مبيحبش لبس السلاسل
فاطيما بصت لاقت محل رجالى : تعالى ندخل نبص هنا ع القمصان والجرفاتات كده
ماريا : فكره يلا
دخلوا الاتنين المحل واتفرجوا ع القمصان والجرافتات ووافقوا قميص وجرفاته
وخرجوا اشتروا .. اشترت ماريا ساعه غاليه ..
فاطيما: مدام انتى عاوزه ساعه وهتجبيها سألتينى ليه
ماريا: كنت عاوزه اجيب حاجه جنب الساعه ومكنتش عارفه
فاطيما : بس جامده الساعه
ماريا ماسكه علبه الساعه وباصلها بااابتسامه: علشان يلبسها ف ايده لما يسافر وحاجه منى تكون معاه دايما ...
فاطيما: يا رومانسياتك العاليه
ماريا: هو صحيح عيد ميلاد معتز امتى ..
فاطيما:لا لسه بدرى
ماريا : وهتجبيله هديه اكيد
فاطيما: مش عارفه ..
ماريا بتغمزلها:احنا جوه القميص والجرفاته الل عينك كانت هتطلع عليهم
فاطيما ارتبكت: مين انا .. لا خالص انا كنت بختار معاكى
ماريا: بتختارى بعد ما اشتريت ودفعت وكنا اتفقنا
فاطيما معرفتش تقول ايه : عاجبنى عادى
ماريا: لو محتاجه فلوس اديهولك وتشتريهم
فاطيما وقفت وبصت ل ماريا : وهياخدهم ازاى انتى محسسانى انه ف الشارع اللى ورايا
ماريا ركزت: اه صح.. دانتم من وقت خطوبه سلمى ومقابله اللى مش مقابله ومشفتوش بعض خالص
فاطيما: شوفتى .. اشتريهم واخللهم عندى صح
ماريا : هو مفكرش يجى يشوفك
فاطيما: متكلمش ف كده
ماريا: ولا انتى تروحى تشوفيه
فاطيما متفاجئه: نعم .. اروحله ..ودا اسمه ايه
ماريا: اسمه الحب يا حبيببتى .. انك تعمل كل حاجه مش مألوفه
فاطيما: لالا طبعا .. وبعدين مش هو المفروض الل يطلب يشوفنى
ماريا: انتى او هو مش فارقه
فاطيما: لا فارقه.. وبعدين انا مش مهم عندى اشوفه هو ع طول معايا
ايه هيفرق لو قابلته يعنى ...
ماريا: طبعا الاختلاف كبير ... تشوفيه قدامك عن كلام ف الهوا انا مشكلتى مع عماد اننا هنتكلم تليفون ونت ومش هقابله وانا معاه الاحساس مختلف جداا .. بتحسى الل بتحبيه قدامك جسد وروح ...
فاطيما : امممم.. لكن مش انا اللى هعمل الخطوه دى يلا نخلص مشورنا كده هنتاخر
ماريا : اوكيه براحتك .. يلا .. !!
رجعت فاطيما ع البيت فرجت جددتها ومامتها ع الحاجه اللى اشتروها
واتعشت ودخلت اوضتها لما رن عليها معتز انه موجود اون لاين .. راحت فتحت الللاب وقعدت مربعه ع السرير
معتز: كل دا عقبال ما تفتحى
فاطيما: سورى بجد كنت برغى مع توحا بره وكنت بعمل كوبايه شاى
معتز: عملتيلى معاكى
فاطيما: طبعا طبعا: عملت ليا وليك ف كوبايه واحده وهشربها توفيرها لوقت والمجهود
معتز: ههههههههههههههه قوليلى اختفيتى مره واحده من بعد العصر
بعتيلى وقولتى انك مع ميمى واختفيتى ومبترديش ع الرسايل ولا المكالمات
فاطيما: كنت مشغوله معاها بتشترى هديه ل عماد قبل ما يسافر لانه خلاص اتحدد ميعاد سفره قريب وكلام البنات بقى اخدنى ونسيتى نفسى
معتز: لا مش مسموحلك
فاطيما: مش مسموحلى ايه ؟
معتز: انك تنسى نفسك مع اى حد غيرى .. انا وبس ؟
فاطيما اترسمت ع وشها ابتسامه : ليه يعنى تقربلى ايه ؟
معتز : اممممم ... صاحبك .. صديقك.. بلاش اخوكى علشان هندخل ف الحرمانيه كده
ضحكت فاطيما: ويعنى اعمل كده مع كل اصحابى
معتز: وهو انتى اصلا بتكلمى حد غيرى .. انطقى بسرعه
فاطيما: ولا بعرف وغلاوتك
معتز: ليه
فاطيما: مش عارفه بجد من وقت ما بنبتدى نتتكلم وانا مبردش ع اى حد .
اقولك الصراحه
معتز: ها
فاطيما: انا مبشوفش حد اونلاين غيرك .. ودا كفايه عليا
معتز ابتسم: طيما
فاطيما: ايوه
معتز: عاوز اشوفك
فاطيما قامت اتعدلت حست كلامها مع ماريا بيتحقق وهو هينزل السنطه يشوفها
فاطيما: ازاى
معتز: ابعتيلى صور ليكى
فاطيما تنحت: ليه مش انت شوفتنى ف خطوبه سلمى وخالد
معتز: عاوز اتاكد من حاجه ابعتيلى اقرب صوره ليكى
فاطيما: حاجه ايه
معتز: حاجه مهمه اوى وهقولك ايه هى بعد ما اشوفها
فاطيما حست بالفضول وبعد تفكير وتردد لاقت نفسها تلقائى فتحت تتدور ع احدث صور ليها وبعتتله صوره
معتز: مش باينه ابعتى غيرها اوضح
وفضل معتز يجرجر ف فاطيما وهى بتلقائيه بعتتله فوق ال 11 صوره ليها وهى مع اصحابها والكليه
فاطيما: ها .. اتاكدت من اللى عاوزه
معتز: ايوه
فاطيما: ايه بقى ؟
معتز: انتى ازاى كده
فاطيما قلقت وحست هيتكلم ع تخنها : هو ايه اللى ازاى خلقه ربنا
معتز: انتى ازاى اموره اووووووى كده ... انا شايف قمر قدامى
فاطيما اتكسفت و ابتسمت : دا ااقل حاجه عندى
لحظت فاطيما ان معتز اختفى ومبيردش رغم انه اون لاين
لحظات ورن تليفونها وكان معتز وردت :فاطيما : الو
معتز: اكيد احلى الو دى طالعه من احلى بنوته شوفتها
فاطيما اتحرجت اووى : لا ونبى
معتز: وكنتى مخبيه عليا كل دا .. انا قلت فستان وميكب ف الخطوبه مغيرك
طلع انتى ف الطبيعه احلى ..ماشاء الله
فاطيما: انا افتكرت هتتكلم ع تخنى
معتز: طخن ايه ..انتى عسوووله اوى وكفايه ضحكتك والغمازات اللى ف خدك انتى مقولتليش عنهم حاجه
فاطيما بتضحك: لا بجد
معتز: طيما ..ممكن طلب
فاطيما: اتفضل لو اقدر
معتز: متضحكيش قدام اى حد كده غير معايا ممكن
فاطيما اتكسفت: ودا ازاى وليه
معتز: مش عاوز اى حد يشوف ضحتك ولا غمازاتك
فاطيما بتضحك: حاضر هكشر قدامهم ينفع
معتز: لو عليا هقولك متنزليش من البيت اصلا
فاطيما: لا مش اوى كده ..محسسنى انك شوفت الملكه فريده
معتز : انا شوفت ملكه قلبى انا..
فاطيما معرفتش ترد وكانت مكسوفه او ومرسوم ع وشها ابتسامه وكلام معتز عزلها عن الدنيا والوقت وفضلت تتكلم معاه ومره واحده خرج من النت معتز .. اضايقت فاطيما بعدها بدقايق وموابيلها رن وكان رقم مردتش .. بعت ليها رساله قالها
" انا معتز يا طيما ردى "
ردت فاطيما : الو
معتز: سورى موابيلى والشحن خلصوا واللاب فصل
فاطيما: رقم مين دا
معتز: دا رقم كان بتاع بابا وانا بستخدمه وف عدته
فاطيما: طيب اقفل ونكمل شات علشان مطولش عليك هنا
معتز: عاوزه تحرمينى اسمع صوتك
فاطيما محروجه: لا.. اصل ..انا مبردش ع ارقام غريبه
معتز: انا قلت كده ..بس قلت دا كلام طلع بجد
فاطيما: من بعد 11 مش برد ع ارقام غريبه
معتز: نعم.. يعنى بتردى ع ارقام مش غريبه عادى
فاطيما ضحكت: لا طبعا مفيش غيرك بس
معتز: ليه مفيش غيرى ها
فاطيما بكسوف: لانك حد مميز عندى وبرتاح ف الكلام معاك وبتوحشنى
معتز: وايه تانى
فاطيما حبت تهرب : لا اقفل علشان مطولش عليك
معتز: انا معاكى لصبح نتكلم
وقفلت فاطيما اللاب وقعدت تتكلم مع معتز لصبح فعلا ...!!
مر يومين و والعادى الل بيحصل بين فاطيما ومعتز وفى يوم ماريا راحت لفاطيما البيت
ماريا: طيما .. انا رايح لماريان يومين تعالى معايا
فاطيما: لا فكك مش عاوزه
ماريا : يابت هتنبسطى تعالى نغير جو سوا انتى وانا مبنخرجش و مايكل هيودينا ويرجعنا
فاطيما : لا ياستى انا اتعودت ع قاعده البيت خلاص
ماريا : فكرى فيها فرصه تشوفى معتز
فاطيما انتطرت : اشوف معتز
ماريا: مزهقتيش كل دا شوفيه لايف بقى ياختى وبلاش دلع انتوا هتقضوها حب اون لاين واهو نخرج يومين فى الاجازه الغابره دى لحسن من بعد عماد ماسافر وانا مش طايقه اقعد ف البيت تعالى بقى وبطلى رخامه
فاطيما بتفكر والفكره حمستها : بس جيجى هتوافق دى كانت عاوزانى اروح معاها عند بنت عمتها وانا مردتش
ماريا : سبيها عليا وع ماما هتخليها توافق وهما يومين بالظبط
فاطيما : اشطه
اتكلمت مامت ماريا لمامت فاطيما واخدت الموافقه وقبل ما تسافر بيوم
كانت سهرانه فاطيما مع معتز ع النت ....!!
فاطيما: يلا بقى علشان عاوزه انام بدرى علشان اصحى فايقه ..النور هيهل عندكم من بكره لان طيما جايه القاهره بنفسها تراااااااااااااا
معتز: جايه القاهره .. ايه النور دا
فاطيما: منوره باللى فيها
معتز: وهتقعدى فين
فاطيما: عند اخت ميمى ..ماريان
معتز: بس عادى يعنى تقعدى عند اخت ميمى
فاطيما بتضحك: ماريان قبل ما تتجوز كنت لجاءه عندهم ف بيتهم وميمى كتير بتبات معايا احنا بيوتنا واحد احنا اخوات ومتربين مع بعض.. امان يعنى
معتز: معانى مش حابب كده بس ماشى
فاطيما: طيب عاوز حاجه
معتز: بصراحه اه
فاطيما: ايه
معتز: اشوفك
فاطيما: مفيش صور جديده انسى بقى
معتز بيضحك: لا مش صور المرادى عاوز اشوف الجثه نفسها
فاطيما باستغراب : جثه
معتز : اقصد اشوفك شحما ولحما .. عاوز اقعد معاكى
فاطيما تلقائى لانه حصل الل هى عاوزاه وهو الل طلب منها : اوك
معتز: كلمينى وحددى المكان هتلاقينى قدامك
فاطيما فرحت انه عرض عليها قبل ماهى تطلب : اوك
معتز: طمنينى لما توصلى
فاطيما : اوك
قفلت وفاطيما هى فرحانه انها هتقابل معتز زى الطفل الل فرحان بلبس العيد يوم الوقفه وطلعت هدوم الل جهزتها وقعدت تختار الطقم اللى هتقابله بيه ....!!!
سافرت فاطيما هى وماريا مع مايكل اخو ماريا وطول الطريق عماله ترغى وتناكف فى ماريا وهما الاتنين يناكفوا ف مايكل :
فاطيما: ايه يا مايكل مش هنحضر فرح قريب ولا ايه
مايكل: قريب ..متقلقيش جهزى انتى الفستان
فاطيما: ع عينى بس لا يجوز مينفعش اتجوزك انا
ماريا بتضحك: يافقر ..حتى لو يجوز انا همنع الجوازه دى
فاطيما: ليه ان شاء الله دا مايكل زى العسل والله
ماريا: انا عارفه .. انا سبب رفضى انتى هتجننيه وهو اللى حليتنا
فاطيما: سامع يا مايكل اختك
مايكل وهو بيسوق: طيما دى زى السكر بجد يا بخته اللى هتكونى من نصيبه مش هيبطل ضحك
فاطيما بتضحك: ع اساس انه هيتجوز السيرك القومى على كده هلم فلوس بالهبل
ماريا ومايكل ضحكو وكملوا طريقهم ووصلوا عند ماريان وبعد السلامات والتحييات دخلت فاطيما تغير هدومها مع ماريا
فاطيما: تعرفى اول مره ابات عند ماريان
ماريا: اه فعلا .. وهى بتفرش انا شرطت عليها الاوضه دى تعملهالى ع اساس انى هاجى اقعد معاها
فاطيما: بس دىلمينا ومرام
ماريا: عقبال ما يكبروا يكبروا بقى هكون انا اتجوزت يارب ياررررررررب
فاطيما بتضحك : هتتجوزى ع نفسك
ماريا: فكره انك عاوزه تعيشى مع الانسان اللى بتحبيه تحت سقف بيت واحد تصحى وشك ف وشه .. تاكلوا مع بعض من نفس الاكل .. تناكفوا ف بعض ميبقاش عندك شغلانه غيره ..هو دا الاحساس اللى ملوش وصف
فاطيما وماريا بتتكلم حست بكل كلامها لانها اتمنت دا مع معتز وكانت مبتسمه
فاطيما: ان شاء الله يرجع بالسلامه عماد وتتجوزوا
ماريا: يارررب يااختى ..يلا نغير علشان نتغدى
فاطيما: اوك اخرجى وانا هحصلك
ماريا خارجه اتجاه الباب رجعت >>هو انتى صح اتفقتى مع معتز هتشوفيه فين وامتى
فاطيما : لا بصراحه ..انتى عارفه انا معرفش اماكن هنا
انا زى الكاو تتجر من بيتها لهنا وماسكين ايدى لتوه
ماريا راحت مسكت خدود فاطيما: يؤؤغتى ع طعامه الكاو
فاطيما زغزغتها : يوغتى ع الى بتركب الجو
ماريا بتضحك: عموما انا فكرت وحددتلك المكان فين شوفى انتى الميعاد وعرفينى ولو سألك قوليله ف مصر الجديده ف الكوربه
فاطيما: بس كده
ماريا: فى كافيهات كتير هناك وكمان مسافته مش بعيده عن هنا تاكسى 10 دقايق مااحنا مش عاوزين نتاخر ولا ايه ..يلا كلميه وظبطى وحصلينى
خرجت ماريا واتصلت فاطيما ب معتز كنسل عليها واتصل بيها ع طول
معتز: حمد الله ع السلامه
فاطيما باابتسامه: الله يسلمك
معتز : القاهره نورت بجد
فاطيما: دا نور اهلها ..ايه اخبارك
معتز: وحشتينى
فاطيما اتحرجت : يا سلام ثبتنى ثبتنى
معتز: مش مصدقانى قوليلى عنوانك فين هتلاقينى قدامك
فاطيما بتضحك: لالالا مش ناقصه هى ..كده كده هنشوف بعض بكره
معتز بفرحه: بجد
فاطيما: اها ان شاء الله هيبقى ف مصر الجديده ف الكوربه
معتز: بجد.. جنب بيتى
فاطيما: طيب كويس وجنب بيت ماريان كمان علشان الوقت
معتز: تمام .. فين وامتى
فاطيما: اممممم فين وامتى هعرفك بليل اوك ..
معتز: عموما فى كافتيريا هناك هبعتلك اسمها ف رساله حددى الوقت وعرفينى هتلاقينى مستنيكى
فاطيما: اوك يلا هقفل بقى علشان متاخرش ع الناس اللى بره هيخلصوا الاكل من غيرى
معتز: الف هنا يا قلبى
فاطيما بكسوف: باى
معتز: هتوحشينى
فاطيما: انت كمان ..يلا سلام
وقفلت فاطيما من كسوفها وخجلها وحست ان وشها احمر وحاسه بفرحه مش لاقيه ليها وصف خرجت بره الاوضه وقعدت مع ماريان وماريا والبيبيهات التؤام يحكوا ويتكلموا .. لغايه بليل بعتلها معتز اسم الكافيه وهى بعتتله الميعاد ....لاحظت ماريا ان فاطيما مش نايمه
بصت ع الساعه لاقتها 3 بليل : طيما ..ايه اللى مصحيكى كده
فاطيما كانت حاطه سمعات الهاند فرى ف ودانها وبتسمع منير ومتمزجه
حست باايد ماريا وبصتلها: انتى صحيتى
ماريا : انا كنت بتقلب عادى لاقيتك قاعده والاباجوره جنبك شغاله ايه مصحيكى انا قلت هتتقتلى نوم
فاطيما باابتسامه: مش عارفه يا ميمى ..حاسه بفرحه مش مخليانى اعرف انام احساس الطفل بليله العيد بجد
ماريا باابتسامه قامت قعدت جنب فاطيما: الله يا طيما ايه يابت الجمال دا
لدرجه دى فرحانه انك هتشوفى معتز
فاطيما بكسوف بسيط: بصى بصراحه انا فكره اقابله دى مكنتش بفكر فيها وجوده مخلينى مطلبش اشوفه هو معايا ع طول وكل يوم ... انا مكنتش متخيله احساسى هيكون كده احساسى انى هشوفه وسعادتى بانه هيكون قدامى بجد مش قادره القيلها وصف بجد مش عارفه اسيطر على نفسى .. انا حبيته بجد.. انا بحب معتز بجد يا ميمى
ماريا : ياجمالو .. ربنا يسعدك يا حبيببه قلبى وقريب يارب نسمع خبر حلو ونفرح بيكم بس حاولى تنامى يا حبى علشان انتى كده هتنامى قدامه ولا ايه
فاطيما بصت ع الساعه: هصلى الفجر وهنام ..نامى انتى
ماريا: اوك ..تصبحى ع خير
فاطيما باابتسامه: وانتى من اهله
تانى يوم صحيت فاطيما لوحدها الساعه 10 الصبح وابتدت تجهز نفسها لان ميعادها كان العصر لكنها فضلت تقيس وتظبط ف هدومها والميكب تتقله مره .. وتخففه مره .. وتشيله خالص مره ولفه الطرحه تخليها عاديه
ولا تعملها اسبنش ولا تعملها ايه ... ماريا دخلت عليها الاوضه وبصت لاقت فاطيما مطلعه كل هدوم اللى ف الشنطه ومبعتراها
ماريا: ايه كل دا يا طيما ..احنا جايين يومين مش شهرين
وانا اقول شنطتك كبيره ليه انتى جايبه الدولاب يا بت
فاطيما بتوتر وحيره : ونبى يا ميمى قوليلى رايك الطرحه دى ولا دى حلوه ع الطقم دا ولا استنى حلو الطقم دا ..ولا ..
ماريا قاطعتها: فاطيما .. طيما اهدى يا حبيببتى ..انتى رايحه تشوفيه مش خطوبه البسى زى ماانتى متعوده ..خليكى فاطيما الل انتى عارفاها متغيريش نفسك هو بيحبك كده فخليكى بطبيعتك هو مش هيتفرج عليكى هو عاوز يقعد معاكى
بصت حواليها ماريا واختارت ليها طقم : البسى دا انتى بتكونى جميله ف اى حاجه بتلبيسها ويلا علشان نتغدى
فاطيما: مش قادره حاسه انى شبعانه من الفطار
ماريا متفاجئه : يا للهول شبعانه تتحسدى
فاطيما: لما هنرجع هاكل متقلقيش
جت تخرج ماريا ..فاطيما: ميمى ممكن تعمليلى سندوتش تصبيره لغايه ماارجع واكل براحتى
ماريا بتضحك: ايوه هى دى طيما اللى اعرفها ياناس
ضحكت فاطيما وماريا .. وجه الميعاد نزلت فاطيما وماريا وقالوا لماريان انهم هيتمشوا وراحوا ع الكافيه وقعدوا وكان قبل ميعادهم بنص ساعه ... ومعتز مكنش وصل فاطيما كانت متوتره وماريا بتهدى فيها ... شويا وقرب منهم شاب طويل لابس بنطلون جينز وتيشيرت موف و لابس نضاره شمس : مساء الخير
بصت فاطيما وماريا : مساء الخير
شد كرسى وقعد ولانه كان بيبعت لفاطيما صور كتير فهى عارفه شكله واول ما شافته اترسمت ع وشها ابتسامه ظهرت فيها غماوزتها ..
بصلها معتز مبتسم: سورى ع التاخير
ماريا : ولا يهمك مجتش من ربع ساعه احنا اصلا لسه واصلين
معتز: ازيك يا ميمى عامله ايه
ماريا باابتسامه: كله تمام وانت
معتز: الحمد الله
فاطيما قاعده ساكته وع وشها ابتسامه .. معتز: نورتوا القاهره
فاطيما بصتله لقته باصص ليها : تسلم
ماريا: ميرسى ..
ماريا لاحظت ان معتز اتفاجئ بوجودها : احم .. سورى يا معتز انا عارفه انك عامل حسابك هتشوف فاطيما لوحدها بس فاطيما ممكن .. لالا ممكن ايه دا اكيد هتوه .. وانا مردتش اسيبها لوحدها تتعوض مره تانيه بقى لما تيجى السنطه.. او طنطا هتنورنا بجد
حست فاطيما ان ماريا قالت كلام كانت هى عاوزه تقوله وارتاحت ..
معتز: لا ابدا مفيش مشاكل بجد مبسوط انى شوفتكم انتم الاتنين ... اخبار عماد ايه ف الغربه
ماريا: متفكريش دا وحشنى بشكل .. هو تمام ربنا يسهل الحال
وانا بعد الايام علشان يرجع بالسلامه
ضحك معتز: يرجعلك بالسلامه ان شاء الله
ماريا: ان شاء الله
معتز باصص لفاطيما وملاحظ انها مبتسمه ومببتتكلمش بص لماريا: هى فاطيما سابت لسانها ف السنطه ولا ايه
ماريا بتضحك: دى دى حاجتين مبتفصلش فيهم الاكل والكلام
راحت فاطيما خبطت ماريا .. فاطيما: لا ابدا مفيش حاجه
راح معتز باصص ع فاطيما وشربوا المشروبات وقعدوا شوياوفكت فاطيما وبقت ع طبيعتها نوعا ما خلصوا قعدتهم وقاموا حاسب معتز ووقفلهم تاكسى وفتحلهم الباب وركبوا وبعد ما قفل الباب
:هكلمك بليل وابعتيلى انك وصلتى لااله الا الله
فاطيما باابتسامه : سيدنا محمد رسول الله
واتحرك التاكسى ولاحظت ماريا سعاده فاطيما وهما ف الطريق بعتلها معتز رساله ع الموبيل " انتى احلى عن الصور كنتى زى القمر .. بحبك "
فاطيما عنيها لمعت وابتسمت اوى وماريا شافتها وابتسمت ومحبتش تفصلها وسابتها تعيش اللحظه وصلوا البيت ودخلت فاطيما فرحانه اوى لدرجه ماريان استغربت
ماريان: مساء النور .. ايه الانشكاح دا
ماريا: اصل الجو بره حلو اوى
فاطيما بسعاده: اوى اوى اوووى يا مانو
ماريان : مانو ..وعيون بتلمع .. قوليلى انتى وهى كنتو فين ها
ماريا شدت فاطيما ورايحه ع الاوضه: اتمشينا احنا هنغير وهنجيلك
دخلت فاطيما وماريا .. ماريا: ايه يابت الانشكاح دا هو انتى اول مره تشوفى شاب
فاطيما قعدت ع حرف السرير وحضنت المخده:: وانتى الصادقه اول مره احب ..دا طلع حلو اووى
ماريا بتضحك: ههههه ولسه انتى شوفتى حاجه ياما هتنبهرى يابنتى ...!!
قضت فاطيما اليومين عند ماريان ومعاها ماريا وكملت الاجازه بتاعتها ف البيت طول الليل سهر مع نعتز ع الشات ويكملوا رغى ف الموبيل ورسايل طول اليوم ... ونجحت سلمى وعرفتهم انها هتنزل قريب .. وابتدا العام الدراسى و فى اليله اللى صابح فيها دخول فاطيما جامعتها .. كنت بتظبط الطقم اللى هتلبسه ومحتاره بين اتنين
ف الوقت دا اتصل بيها معتز لانها كان طول النهار ف مقابلات لشغل ...
فاطيما : الو
معتز: انا كنت مستنى الو دى علشان تعب اليوم يروح
فاطيما ابتسمت : بتلحقنى انت وتثبتنى صح
معتز بيضحك: لا خالص ..دا حقيقى انا كده ارتاحت
قاعدت فاطيما ع مكتبها : ايه أخرك كل دا
معتز: كنت بعمل انترفيو ل 3 شركات مع العلم انى عارف انى مش هتقبل بس يلا
فاطيما بتضحك: ايه التشائم دا ..تفائل
معتز: انا مش عاجبنى ولا وظيفه من دول اللى قدمت فيها بس قلت اجرب لان دا المتاح قدامى وانا متعودتش اقعد كل دا من غير شغل ...
فاطيما: من غير شغل ازاى ..ماانت بتقعد ف المحل
معتز بيضحك: قعدانى ف المحل هو دا شغل .. اى واحد باليوميه يقعد ويعمل اللى يعمله واحسن كمان.. انا نزولى المحل دا بجرب وعلشان مقعدش ف البيت يعنى ممكن تقولى كسر الممل
فاطيما: امم.. وايه الاخبار
معتز: روحت عملت الانترفيو واتكلمت وقالولى هنتصل بيك
فاطيما: ان شاء الله خير ..وان جتلك حاجه متهملهاش لان مفيش شغل اصلا
معتز: ع كلامك البطاله بقت اكتر من نسبه الفقر ف بلدنا .. انا قابلت ناس محضرين مجاستيرات ودكتوراه ومشتغلوش لسه ..ومنهم الل خاطب ومتجوز..انا اتصدمت برغم انى كنت عارف
فاطيما: ربنا هيرزقهم برزق الل معاهم ان شاء الله
معتز: ونعم بالله بيعجبنى فيكى تفائلك دا يا طيما والله ...بس دا توكل واستهبال
فاطيما: ليه بقى
معتز: يعنى واحد مفيش شغل ثابت ولا معاه فلوس يجيب شقه ويجهزها و يصرف بيها وهيعيش ع جمعيات والديون علشان يتجوز دا استهبال وفوق يأسس حياته وخطواته علشان ميظلمش ولا يتظلم
فاطيما: ما الكل شغال كده..او معنى اصح اغلب الجوازات كده فى مصر
معتز: وانا اتجوز واحده اعذبها معايا ليه
فاطيما تنحت: ازاى يعنى
معتز: يعنى انا خطوه الجواز دى هاخدها لما استقر ماديا .. اثبت ف شغلانه مناسبه وفى دخل ثابت ومحترم.. اجيب شقه محترمه تليق بالل هتعيش فيها ... علشان اعرف اربى عيالى.. انا هاخد واحده من بيت اهلها علشان اعيشها ملكه مش هعيشها الفقر والتعب انا هتجوزها علشان انا وهى نعيش مش نكره اللحظه الل اتجمعنا فيها .....انا ليا اصحابى متجوزين بفلوس جمعيات وبعد الجواز خناقات علشان الدخل مش بيكفى وفى الل اهلهم ساعدوهم ومحسوش بتعب الحاجه الل هما عايشين فيها
فاطيما: بص مساعده الاهل دا ضرورى جدااا... يعنى مثلا انا بابا شارى شقه لحماده اخويا ف الدور اللى تحت من زمان علشان امان ليه ولو مش عايزها يتصرف فيها .. مسئوليه الاب مبتخلص عند تعليم واكل وشرب
الام والاب بيشيلوا مسئوليه عيالهم لغايه ما يموتوا ....
معتز: بس الواجب ان الاب صرف تعليم وربى ..الشخص دا يكون مسئول عن نفسه يكون نفسه علشان زى ماانا شوفت ابويا وهو بيكافح علشانا وعايشنا احسن ماهو كان عايش ..فانا هكافح علشان ولادى اعيشهم احسن ماانا عايش ..ولادى يتعلموا يكافحوا علشان ولادهم لكن لو اخدوا الحاجه بالساهل واعتمدوا ع حد صدقينى مش هيحسوا بيها ولا بالقرش الل مدفوع فيها
فاطيما: نظريه برضه
معتز: عندك مثلا الل ياخد خطوه الخطوبه والارتباط وهو لسه فى الاول يفكر هى هتصبر فعلا عليه ولا لا لغايه ما ربنا يكرمه ويبدء حياته صح ليه وليها لانه هيعمل ليهم هما الاتنين مش لوحده ... اداها وعد يكون قده وهى كمان قده وتساعده وتحافظ عليه وتقاوح معاه مش كلام وخلاص .. والحب هيبان وقتها مش مجرد كلمه والسلام
فاطيما فهمت تفكير معتز وعرفت من كلامه انه مستنى يثبت ف شغله ويثبت رجله وبعدها خطوه تانيه ..كلامه اقنعها جدااا ومع نفسها قررت من غير ما تقوله انها هتتمسك بيه مهما حصل ومش هتسيبه
معتز لاحظ انها سرحت .. معتز: ادعيلى بقى يا طيما اثبت ف شغلانه كويسه وابتدى صح علشان البس
فاطيما: ربنا يكرمك ان شاء الله وتثبت ف شغلانه كويسه
معتز: ويثبتك معايا ونفضل مع بعض
فاطيما ضحكت: ان شاء الله
معتز: المهم كنتى بتعملى ايه؟
فاطيما: محتاره مش عارفه اختار البس ايه بكره
معتز: من تفكيرك فيا صح
فاطيما: يارخم.. بجد مش عارفه
معتز: طيب انا هساعدك
فاطيما: ازاى
معتز: البسى الطقمين وصورى نفسك بيهم وانا هقولك الاحلى ..معانى عاوزك تنزلى بشوال
فاطيما بتضحك: ليه يعنى
معتز: علشان محدش يشوفك غيرى
فاطيما اتكسفت: طيب يلا اقفل وانا هبعتلك الصور
معتز: هتوحشينى
فاطيما بكسوف: وانت كمان
قفل معتز وقامت فاطيما بفرحه قاست الطقمين بطرحهم وصورت نفسها
وبعتتهم ل معتز لانه كان اون لاين ..
معتز: الطقم الاولاانى احلى ..هما الاتنين حلوين طبعا بس دا مخليكى قمرايه اكتر
فاطيما: انا قمر اصلا
معتز: من حق القمر يدلع ... علشان كده البسى التانى
فاطيما: انت قلت الاولاانى احلى
معتز: مدا سبب كافى انك تلبسى التانى الل حلو بس مش اوى
فاطيما: انت رخم
معتز: لا انا بحبك
وكملت فاطيما كلام مع معتز ..شويا ومامتها ندهت عليها وقفلت ورجعت كملت معاه لفجر ويادوب نامت كام ساعه وصحيت لبست وكانت نهى مستنياها ومشيوا الاتنين اتجاه الموقف :
فاطيما نازله نعسانه وبتتأوب: صباح الخير يا نونا
نهى : صباح الخير ايه ..انتى متاكده انك صحيتى
فاطيما: مش عارفه ..انا اصلا مش عارفه انا نازله ليه ..ولبست ازاى
نهى بتضحك: اول اسبوع بتكونى كده ..من تاثير الاجازه
فاطيما بتتأوب: ارجع انام احسن
نهى شدتها: بالله عليكى لتركزى يا طيما احنا ليسانس السنادى ..خلينا نخلص
فاطيما ركزت : نخلص ليه ..هناخد الشهاده ونحطها تحت المرتبه
لان شهاده محمد هتتعلق ف الصالون انا عارفه لانه هجيب تقدير
نهى: عاوزين نطلع من غير مواد عاوزه انجح صافى
فاطيما : ليه ..هتدخلى الجيش
نهى : اركبى يا طيما يلا اركبى
ركبوا الميكروباص ..وفاطيما عماله تتأوب
فاطيما: لا بجد ايه الحماس اللى فيكى دا السنادى ..مكنتيش كده السنه اللى فاتت
نهى: اصل محمد جه لبابا من يومين واتفق معاه ف اجازه الترم هكتب الكتاب وف اخر السنه بعد امتحانات اليسانس هنعمل الفرح
فاطيما فاقت: بجد مبروووووك يا نونا ربنا يكملك ع خير يا حبيببتى
نهى: تسلميلى ..عقبالك
فاطيما: وهتكتبى فين بقى
نهى: ف البيت ...احنا بنعمل حاله تقشف واقتصاد علشان المصاريف يعنى
فاطيما: والله جدعه..المهم انك مبسوطه ومحمد مبسوطه
فكك من اى حاجه ..ربنا يسعدك يا حبى
نهى: ومتقلقيش هعزم ميمى وهتكونوا معايا ف الفرش ...
فاطيما بسعاده: ولا هنسيبك متقلقيش ....
وكملت نهى مع فاطيما كلام ونهى توصف سعادتها مع محمد وفاطيما حاسه بسعادتها لانها حاسه بسعاده مع معتز ...!!!
وصلت فاطيما الكليه وهى عماله تتكلم مع نهى ويضحكوا وصلوا طلعوا المدرج حضروا اول محاضره والمحاضره التانيه خرجت فاطيما لانها صدعت وقعدت ف الكافتيريا مسكت موابيلها تفتح نت لاقت ان معتز عامل ليها tag ف اغنيه ع الوول عنده.. وكانت اغنيه لعمرو دياب "بتوحشنى ".. سمعتها فاطيما وابتسامه كبيره ع وشها ونسيت انها ف الجامعه .. عملت لايك ع الفيديو لاقت معتز بيتصل بيها .. اتخضت :
فاطيما: انا قلت انك نايم
معتز: حد ينام وقلبه بره كده ..
فاطيما: قلبك بره وعايش ازاى يا حرام
معتز: عايش بصوتك اللى بسمعه
فاطيما اتحرجت اوى : معتز انا ف الجامعه والناس فاكرنى مجنونه بابتسامتى دى
معتز: ملكيش دعوه بالناس انتى معايا انا بس
فاطيما : جميله الاغنيه بس انا معنديش قلب
معتز: ايوه
فاطيما: ليه ان شاء الله
معتز: علشان مبعتليش رساله الصبح انك نازله
فاطيما: انا الصبح مشفتش قدامى لبست ونزلت مش مجمعه وبعدين قلت انك نايم
معتز: تبعتيلى برضه
فاطيما: غلطه ومش هتتكرر
معتز: سماح المرادى علشان بحبك
فاطيما وشها احمر وحبت تخلع من معتز : ايوه يانهى جايه اهو ..
معتز بيضحك: اوك .. ابقى كلمينى او رنيلى هكلمك
فاطيما: حاضر ..
معتز: لااله الا الله
فاطيما: سيدنا محمد رسول الله
مر الترم الاول وكان اخر يوم امتحانات الترم ل فاطيما رجعت ع البيت لاقت واحده قريبه مامتها عندهم وهى من البحيره جيالهم زياره تزور توحا ..!!
فاطيما : السلام عليكم
مامتها باابتسامه: تعالى يا طيما قربى سلمى على طنط احسان
فاطيما باابتسامه راحت سلمت ع طنط احسان
احسان: ماشاء الله يا طيما ..بقيتى عروسه قمرايه ماشاء الله
توحا: طبعا طيما قمر العيله اللى منورنا
فاطيما: ميرسى يا طنط
مامت فاطيما: عملتى ايه ف الامتحان
فاطيما: الحمد الله
احسان: انتى ف سنه كام
فاطيما: ليسانس السنادى ان شاء الله ..هخلص وهبلط ف البيت
ضحكوا كلهم .. احسان: لا تبلطى فى بيتك بقى
مامت فاطيما: احسان ماانا قلتلك انا مبفكرش لفاطيما تتخطب غير لما تاخد شهادتها ف ايديها لما تتخرج وتاخد اليسانس ربنا يسهل بعد كده
احسان: يبقى ع كلامنا فاطيما لمحسن ابنى وكل حاجه جاهزه
فاطيما متنحه: ها
توحا: ربنا يسهل يا احسان لسه فى ترم تانى وامتحانات لما ربنا يأذن
قومى يا طيما اعمليلنا شاى بايديكى
مامت فاطيما: طيما عليها شاى بنعناع تحفه
فاطيما مستغربه الكلام ..قامت دخلت المطبخ وبتكلم نفسها : محسن واحسان ايه الناس اللى بتشحت دى وبعدين ايه الكلام دا ..معقوله ماما تكون وعدت محسنه وتحسين ابنها بحاجه
ف اللحظه دى دخلت مامتها : واقفه كده ليه المايه قطعت نفسها غليان
فاطيما باصه لمامتها: مين توسكافين وفازلين دول يا ماما
مامتها بتضحك: احسان ومحسن يخرب عقلك
فاطيما: انا مشفتهاش غير ف خطوبه سلمى ..مين فازلين ابنها دا
مامت فاطيما: ماهما كلمونى بعد خطوبه سلمى وقلتلهم انا مانعه اى ارتباط او خطوبه لغايه ما تخلصى جامعتك وتاخدى اليسانس وبعدها ربنا يسهل
فاطيما بعصبيه: يا سلام وانا اباجوره .. طيب اسألينى ..
مامت فاطيما: هو انا قلتلك اتجوزى دلواقتى ولا حاجه.. لما تخلصى الترم التانى يحلها ربنا
فاطيما : وبابا رأيه ايه ف الكلام دا ياترى
مامت فاطيما: رأيه ايه يا طيما..
اى بنت اخرتها الجواز وانتى هتتجوزى كده كده ..وهو شايف فازلين
فاطيما: محسن يا جيجى محسن
مامتها ضحكت: يخرب عقلك خليتنى اتلغبط .. هو شايف محسن انسان كويس موظف ف شركه بترول وعنده دخل ثابت من ارضه بجانب مرتبه ومعاها عربيه ..وغير كده وحيد امه
فاطيما بتريقه: يا حبيب امه
مامتها: اتريقى اتريقى ..
فاطيما ساكته وحست ان الموضوع دا طلعلها زى فرقع لوز ..
مامتها : متقلقيش مفيش اى حاجه هتحصل دلواقتى ..اى حاجه بعد ما تاخدى اليسانس
فاطيما: انا داخله ارتاح السكه فرهدتنى
دخلت فاطيمما اوضتها وحست انها لازم تلاقى حل بدل ما تتدبس ف جوازه من تحسين او غيره ... معتز بعتلها رساله ترد عليه .. فضلت باصه ع رقمه راحت بعتتله ان ف ضيوف وهتكلمه بليل ...!!
عرفت فاطيما ان احسان هتقعد وتبات عندهم وحست انها مربوطه وخصوصا ع الغدا كانت دايما كل ما تشوف فاطيما تقول عروسه ابنى ... فلبست الاسدال ونزلت راحت عند ماريا ...!!!
ماريا اتفاجئت لما فتحت الباب الساعه 10 بليل : انتى مطروده ولا ايه
فاطيما: انا بايته عندك انهارده ومن غير كلام
دخلت فاطيما ع اوضه ماريا وطلعت ع السرير ...وهى ملامح وشها متغيره
ماريا: انتى اطردتى ولا ايه ..مش قاريبتكم عندكم مش تقعدى معاها
فاطيما بعصبيه: لا قريبه ولا غريبه مش عاوزانى هنا هروح ف اى حته هروح عند نهى
ماريا : بهدوء كده مالك بس ..وبعدين من امتى بتباتى عند نهى ها
فاطيما بعصبيه: ميمى انا مش طايقه نفسى
ماريا: فى ايه
فاطيما:تةكسافين طلبتنى ل ابنها فازلين من خطوبه سلمى وانا معرفش
ماريا: مين توكسافين ..وفازلين
فاطيما: الل عندنا
ماريا: اها احسان ..
فاطيما: هو دا اللى فرق معاكى
ماريا : سورى ..سورى .. مش فاهمه
فاطيما: من يوم خطوبه سلمى و...
حكت فاطيما لماريا ع طلب احسان فاطيما ل ابنها محسن وان باباها مش عترض ولا مامتها والاعتراض انها بتدرس ولما تخلص اليسانس
ماريا مذهوله: هو فى حد بيعمل كده دلواقتى معقوله ...
فاطيما: شوفتى وكستى ..ومعرفش غير دلواقتى بالصدفه
ماريا: ومعتز
فاطيما: ماهو انا مش عارفهماريا: هو مكلمكيش ف اى حاجه ولا لمحلك
فاطيما: ظروف معتز متسمحش ليه لاى حاجه دا لسه بيدور ع شغل ولسه لما يستقر من الاخر مش دلواقتى اى حاجه هو ظروفه مش سمحاله باى حاجه وانا مش هضغط عليه
ماريا: طيب احكيله يمكن يتنحرر زى خالد كده.. خالد لما عرف ان ف حد متقدم ل سلمى اخد خطوه وش ...
فاطيما بصت ل ماريا: تفتكرى
ماريا: جربى وشوفى
فاطيما ملامح وشها متغيره: مش عارفه
ماريا: لا حاولى مش احسن ما بتسمعى جمله مرات ابنى مرات ابنى
فاطيما :متغظنيش انا جيت ابات عندك علشان اسبلها الاوضه لانى عارفه انها هتستلمنى رغى
ماريا بتضحك: لقد وقعتى ف الفخ
وف الوقت دا موبيل ماريا رن .. ماريا بفرحه: عماد
فاطيما : انتم اتغديتوا ايه انهارده
ماريا: مكرونه وكفته
فاطيما :طيب حضريلى اكل لانى محتاجه افكر
ماريا بتضحك: ايوه القرارات الحاسمه بتاخديها وانتى بتاكلى
فاطيما بتبصلها: ارضى معدتك هيروق عقلك وتعرف تفكر يلا انجزى لانى متغدتش كويس من توكسافين وفازلين ابنها
ماريا :حاضر هخلص مع عماد واحضر ليا وليكى
فاطيما بتبص حواليها شافت شنطه فتحتها لاقت حلويات وكيس شيبسى : هنقنق ف دول لغايه ما تخلصى
ماريا خرجت ترد ع عماد وفاطيما قاعده تفكر تعمل ايه تكلم معتز وتحكيله ولا تتدور هى ع حل من غير ما تضايقه وتتصرف______________
يتبع
ليست هناك تعليقات:
إرسال تعليق