(19)
جه يوم السفر لمصر و جهزوا "جميله" و " على " و " احمد" كان مستنيهم يوصلهم لمطار
ركبوا التاكسى وفى طريقهم لمطار ...:
احمد: والله ما مصدق نفسى
جميله: مش مصدق ايه انك هتوصلنا لمطار
احمد بيضحك: مش مصدق نفسى انى بوصل "على".. "على ".. "على " لمطار ولفين ل مصر.. ل مصر.. ل مصر بعد مقاطعه 4 سنين انها معجزه من السماء
جميله ضحكت: انت علقت ولا ايه يا احمد
احمد بيضحك : والله ما مصدق نفسى
على كان ملامح وشه متغيره : متقرش فيها لطياره تقع بينا
جميله مسكت ايد "على" : انا مستعده ولو ربنا كاتبلى اموت وانا جنبك موافقه
على ابتسم : بعد الشر عليكى
احمد: انزل انا بالكمانجات
على : ايه ياواد الخفه دى .. المهم تخلى بالك من الشغل ومن نفسك
احمد: متقلقش انا ظبطت مع ادوارد هيجى معايا الصبح نجيب المجلات والجرايد ويقف معايا
اهو مش لاقى شغل ونكسب ثواب فيه .. يمكن ..يمكن ربنا يبعتلى بقى بنت الحلال
على بيضحك: ماشى ياعم الشيخ
جميله: متستعجلش يا احمد .. هتلاقيها فاجاءه ف وشك وانت مش حاسبها .
مسكت جميله ايد على : ف حاجات ف حياتنا بتجيلنا من غير ميعاد ولا ترتيب وبتبقى احلى حاجه ف حياتنا تنسينا الل فات وتشجعنا نكمل الل جى ونمشى ف خطوات ثابته ل قدام
على حس براحه من كلام جميله زى الل بتطمنه .. واحمد ابتسم وحس براحه ان على لقى جميله بعد سنين الضلمه الل كان فيها وهعيش وربنا كرمه ب جميله .. وكان احمد مبسوط جدا ليهم وانهم مسافرين مع بعض ...
احمد اخد نفس : المهم يا عصافير الكناريا .. تسافروا وترجعوا بالسلامه بس متكتروش عن اسبوع ل تلاقونى اخدت اول طياره ونطيت عندكم شددتكم من قفاكم وجيت بيكم هنا ... انتوا مش فاهمين يعنى ايه هقعد لوحدى .. هرجع لليتم تانى .. ويارب واحد فيكم لا انتم الاتنين مره واحده ..كتير عليا يارب مش هلاقى الفطار جاهز ولا حد اناكف فيه .. متغبوش عليا يا جدعان
جميله: ليه كده دا كل الناس بتحبه وهيسلوك لغايه مانرجع
احمد: متتاخروش برضه انا مهما عرفتك مقدرش استغنى عن اخواتى فاهمين
جميله بتضحك : متقلقش مش هنتاخر ان شاء الله
على بيتنهد وبيبص اتجاه الشباك جنبه: ان شاء الله
"جميله" نامت ع كتف "على" و "احمد" بص من المرايا ع "على" شايف وشه ملامحها متغيره
"احمد" وهو باصص ع "على" فى سره : لدرجه دى يا "على" انت قلقان من زيارتك لمصر .. حاسس انك ندمت بقرار نزولك ولا خايف من الل ممكن تشوفه هناك وذكرياتك القديمه ترجع .. ربنا يستر وجميله تكون حمايتك من الل هتشوه وتقابله
وصولوا المطار وركبوا طيارتهم وطول الطريق "جميله" نايمه ع كتف "على" و "على" صاحى بيعيد تفكيره وف حاله توتر "ياترى كان صح انى انزل ولا لا ....."
وصلوا بالسلامه واول ما باب الطياره اتفتح ملامح "على" بقت حاده لاحظت "جميله" راحت بهدوء مسكت ايده وبصلها ..ابتسمت ليه ابتسامه بتقوله "انا معاك " مسكت ايد "جميله" حسست "على" بجزء من الامان والخوف والقلق قل عن الاول ... نزلوا وخلصوا الاجراءات بص "على"ع الساعه: الساعه دلواقتى 7 الصبح
جميله : احنا ناخد تاكسى من بره ونروح لبابا وماما وبعدها نروح ل هبه
على : اوكيه نفطر الاول بس ..
جميله باابتسامه: يلا بينا انا جعانه اوى
على : يلا قبل ما تاكلينى
راحوا قعدوا فى كافتيريا وطلبوا فطار وقعدوا يفطروا
جميله: انت اكيد متكلمتش مع هبه صح ؟
على باابتسامه: لا
جميله: هتبقى مفاجئه جامده
على : جداااا .. وخصوصا انى هشوف ولادها "على وعمر"
جميله ب ابتسامه : ان شاء الله
سكتوا شويا ...جميله بنظره توتر : على
على : ايوه
جميله بنظره توتر : احم .. عاوزه اطلب منك طلب وع فكره طلب بسيط جدااا مفهيوش حاجه
على : اطلبى
جميله: وتوعدنى تنفذهولى
على : اطلبى
جميله : بعد ما نرجع من عند بابا وماما ..نروح "عين شمس" نشوف شقتكم والمنطقه الل كنت فيها
على اتفاجئ والمعلقه وقعت من ايده : ايه
جميله ب ابتسامه: عاوزه اشوف البيت الل عشت فيه والمنطقه ..عاوزه اعرف انه زى ماانت حكيت وزى ماانا اتخيلت ولا الواقع احلى
على متفاجئ وبيجمع نفسه : ملوش لازمه المشوره وكمان علشان نلحق نسافر قبل الليل و ..
جميله بنظره استغراب: مش هناخد وقت صدقنى اشوفه بس
على بتوتر : مره جايه مش المرادى
جميله بصت ل على : على انت قلقان من حاجه ولا ايه ؟
على بص ل جميله: وهقلق من ايه .. تمام عاوزه تروحى نروح وفرصه اسلم ع اهل المنطقه
جميله مسكت ايد "على" : تمام
كانت "جميله" هدفها من الزياره حاجتين .. اولا عاوزه تروح فعلا المنطقه الل عاش "على" فيها طفولته واحلى سنين عمره وتشوف طبيعتها ازاى .. والتانى عاوزه "على" ميهربش من المواجهه مع الماضى واماكن ذكرياته عاوزاه يواجهه وتشوف رد فعله ..!
خلصوا فطار واخدوا تاكسى وراحوا مقابر اهل " جميله " نزلت "جميله" من التاكسى ونزل معاها "على" ... على : انا هستناكى هنا لغايه ما تخلصى
جميله راحت اتجاه "على" ومسكت ايده : لا انا مش هدخل لوحدى انت هتكون معايا
على : ها ..
جميله باابتسامه: عاوزه اعرفك عليهم واعرفهم عليك يلا
مسكت "جميله" ايد "على" ودخلوا المقابر ...
وقفت "جميله" و"على" قدام مكان مامتها وابوها قرت الفاتحه هى و"على " ..
جميله باابتسامه :بابا .. ماما .. وحشتونى اووى اووى اووى ..انا الحمد الله بخير و جمال ومراته وولاده كويسيين اووى...انا جيت انهارده علشان اطمنكم عليا لانى عارفه انكم قلقانين لكن اطمنوا انا ف احسن حالاتى..انا عارفه انكم فى مكان احسن بكتير ومش زعلانه انكم سبتونى ومشيتوا لانكم مع بعض لانى كنت دايما لما بشوفكم مع بعض كنت بدعى ربنا ميفرقش بينكم واهو انتم مع بعض دلواقتى .... انا اخر مره كنت هنا قلتلكم انا حاسه ان ربنا شايلى حاجه حلوه اووى وانا مستنياها بعد وجعى من فراقكم ليا وثقتى ف ربنا مرحتش هدر واتاكدتت مع الايام .. فرحه عمرى الل بحلم بيها عاوزه اقولكم انى خلاص لقتها وعايشاها ... " مسكت ايد على وبصاله " اعرفكم على فرحتى وسعادتى واحلى حاجه فى حياتى حصلتلى "على" .. جيت انا انهارده علشان اعرفكم انى لقيت الانسان الل اتمنيته فى حياتى وحلمت بيه .. اعرفكم ع الانسان الل امتلك قلبى وحياتى الل بعده عنى يعنى موتى ..اعرفكم ع الانسان الل بحبه " على" .. اطمن يا بابا انا لقيت حضن يضمنى ف وجعى و والدفا لما اكون بردانه مع "على" .. وزى ما انتى يا ماما اتمسكتى ب بابا ف انا هتمسك ب على ومش هسيبه لغايه اليوم الل هكون جنبه ف تربه واحده زيكم ...
سكت جميله لحظات وكانت بتسقى الصبار ..على متفاجئ من كلام "جميله" وجسمه اشعر احساس جميله وصدقها وصل ل على زى كهربا ف جسمه متفاجئ جداا من تصرفاتها وقلبه دق بسرعه وحس بلمسه ايد "جميله" ومعرفش يقول ايه
جمع نفسه : يلا بينا ولا عاوزه تقعدى شويا
جميله باابتسامه: يلا ..
بصت جميله اتجاه باباها ومامتها : انا همشى دلواقتى وهجيلكم انا و"على" المره الجايه وكل مره
رفعت ايديها تقرا الفاتحه و"على " معاها .. خلصوا وخرجوا "وعلى" مستغرب من تصرف وجراءه "جميله" ..ركبوا التاكسى ... جميله: على فين كده ؟
على:هنروح على البلد عند هبه
جميله : وهنروح بيتكم القديم امتى ؟
على : واحنا راجعين هوديكى
ركبوا التاكسى واتحركوا ووصلوا بعد فتره لمكان بيتهم فى المنيا "على" كان حاسس بفرحه انه بعد الفتره الطويله دى ومن مكالمات التليفونات ومحادثات النت هيشوف اخته
جميله: يلا يا على يلا
دخل "على" مدخل البيت وطلع درجات السلم وقلبه بيدق جامد ووصل لباب الشقه
وايده بترتعش اتثبت ..جميله قربت منه : مالك يلا رن الجرس
على مبتسم اتشجع ورن الجرس وسمع صوت هبه : ايوه جايه
فتحت هبه الباب وبتبص شافت "على" تنحت : على
على باابتسامه ودموع فى عينيه : وحشتينى يا بيبو
صرخت هبه واترمت فى حضن "على" : يااااه .. ياااااه .. ياااه يا على يااااه
"على" حاضن اخته : وحشتينى وحشتينى وحشتينى
هبه ودموعها نازله : انت اكتر ..انت اكتر
فى اللحظه الحميميه دى "جميله" كانت واقفه ودموعها نزلت من عنيها من منظر المقابله بعد غيبه بين "على" واخته ..هبه شدت ايد "على" وماخدتش بالها من "جميله " ودخلوا ..
على: استنى لحظه
خرج "على" ومسك ايد "جميله: تعالى
دخلت "جميله " الشقه وهبه متوتره من المفاجئه : اسفه بجد اهلا بيكى
على ب ابتسامه : جميله الل حكتلك عنها
هبه : بس مقولتليش انها جميله فعلا كده
جميله مبتسمه : دا من ذوقك ميرسى
هبه مسكت ايد على وقعدت جنبه : ياااه يا "على" اخيرا جيت تشوفنى بدل المكالمات 4 سنين فراق يا على .. هونت عليك لدرجه دى
على بيمسح دموع هبه : ربنا لما كتبلى النصيب اشوفك حصل ..والبركه فى "جميله"
هبه قامت من مكانها وراحت حضنت وباست جميله: مش عارفه اقولك ايه انتى عملتى حاجه بقالى 4 سنين بحاول وبفشل ... كنت خلاص أيقنت انى مش هشوف اخويا تانى
جميله باابتسامه وبتبطب ع ايد هبه: ربنا يخليكوا لبعض ولا تتحرموا من بعض ابدا
على : كفايه دموع بقى .. قوليلى فين الاولاد
هبه بتمسح دموعها : عند خالتو راحت بيهم تزور حد قرايبنا شبطوا فيها وراحوا معاها زمنهم جايين .. وعبد الله ف الشغل وهكلمه حالا يجى وعقبال ما ترتاحوا هكون حضرت الغدا
جميله: متتعبيش نفسك
هبه : تعب ايه الل بتتكلمى عليه دا .. دا يوم الفرح يوم ما شوفت "على" اخويا
ولا انتى مش عاوزه تدوقى عمايل ايديا
جميله وقفت: لا ازاى وهساعدك كمان ..اه انا مش بعرف اوى ف الطبيخ وكده بس هحاول اتعلم واساعد
هبه باابتسامه: يلا بينا اوديكم اوضتكم و"على" يرتاح واحنا ندخل المطبخ
على : انا هنام ف أوضه امى
هبه : تصدق انا لسه مروقاها ومنفضاها حسيت انها هتتفتح ومن بعد وفاه ماما ووصيتك بالاوضه تفضل انا مقربتلهاش خالص اروقها وانفضها واسيبها ...
على : ربنا يخليكى
هبه: تعالى يا جميله اوريكى اوضتك تغيرى هدومك
مشيت "جميله و "هبه " دخلتها اوضه تغير هدومها و "على" اخد شنطته ودخل اوضه مامته
... وفتح باب الاوضه ودخل وشم ريحه البخور الل دايما كانت مامته بتبخر بيه البيت ف القاهره حط شنطته ع الارض ومشى خطوتين اتجاه السرير دموع نزلت من عينيه وقعد ع السرير وحط راسه ع المخده وغمض عينه وقال : وحشتينى يا امى ..
شويا "هبه و " جميله " بيحضروا الاكل ع السفره
هبه بصوت عالى : عبد الله انده ع "على" من الاوضه
لسه عبد الله هيروح اتجاهه الاوضه شاف قدامه "على" : ابن حلال كنت لسه هخبط
على: بصراحه انا كنت مريح شويا لكن ريحه الاكل الل قومتنى من مكانى
هبه : عملتلك كل الاكل الل بتحبه يا ابو على
على بص ع السفره :ايه كل دا
جميله بتضحك: انا قلتلها انتى ناويه منعرفش نرجع من الحموله التقيله الل هنكون فيها
هبه : بذمتك يا "على" موحشكش اكلى
على شد كرسى وقعد وشم الاكل: انا من الريحه شبعت
قعدت "جميله و "هبه و "عبدالله " ... هبه : انا عاوزه الاكل دا كله يخلص
جميله : لا كده مش هنعرف نقوم من مكانا
على بيضحك: بيبو ..احنا مش ماشين دلواقتى احنا قاعدين شويا لسه
هبه بتقطع بط وبتحط فى الاطباق : جميله حكتلى ع الاكل الل بتاكلوه هناك ..اتارى وشكم مشفوط وخسين كده فعلا مكنتوش بتاكلوا وانا بقى هعوض ال 4 سنين دا
على بيبص ل عبدالله: وصيتك هبه يا عبد الله .. كان نفسى اشوف عيالكم بس بطريقه دى مش هلحق ادخل الحمام
الكل ضحك وقعدوا يتكلموا وهما بياكلوا ... شويا وخلصوا الاكل وقعدوا يشربوا الشاى
على : احنا عاوزين جردل شاى يسيح الل اكلناه دا
جميله ماسكه معدتها: مش قادره اخد نفسى ..اول مره اكل بالطريقه دى ف حياتى من بعد وفاه ماما
عبدالله: هو انتم لسه شوفتوا حاجه
هبه : الل يشوف كده يقول انكم اكلتوا ..انا شيلت الاطباق زى ماهى ..بس تتعوض ف العشا
جميله اتخضت : على .. انا كده هموت
على بيضحك: متقلقيش .. لو حصلنا حاجه عبد الله هيبلغ عن هبه
ضحكوا كلهم وف الوقت دا جم ولاد "هبه" وقام حضنهم "على" وفرح بيهم جدااا واداهم العب الل اشتراها ليهم وسلم ع خالته وقعدوا شويا .. طلعت خالته ع شقتها وجميله كانت ف اوضتها وهبه كانت ف المطبخ دخل "على" المطبخ : بيبو
هبه شافته: ايوه يا حبيبى محتاج حاجه
طلع مبلغ من الفلوس ومسك ايديها وادهالها .. هبه : ايه دا يا على انا معايا والله
على بيضغط ع ايديها: انا معرفتش اشتريلك هديه فاانتى اشترى لنفسك ولعبدالله ولخالتى ..
هبه بصت لفلوس: كل دا كتير
على : حلال ربنا بيخلى القليل كتير يا بيبو وبعدين انتى نسيتى انك مسئوله منى حتى لو اتجوزتى
هبه بملامح زعل: وكان ينفع تعاملنى زى الديانه كده تبعتلى الفلوس ومتنزلش ولا مره تزورنى ... ذنبى ايه ف الل حصل يا "على" انا مخبتش عليك زى ماانت فاكر .. والله والله انا عرفت متاخر من اسماء وتعب ماما شغالنى ومكنتش اتوقع انك تنزل القاهره فاجاءه كده والله كان ف نيتى اقولك ان ايمان فسخت الخطوبه والله ما كان ف نيتى اخبى عليك
على : هس ..هس خلاص احنا مش هنتكلم ف الماضى انا غلطت كتير اكتر منك ومكنتش واعى وقتها كنت انسان تانى الصدمه كانت كبيره وتقيله عليا والحل الانسب كان الهروب .. انا غلطت ومش مستعد اكرر غلطتى وبعدين ولو انتى مستحملتنيش مين هيستحملنى بقى ... انسى الل فات وخلينا ف دلواقتى والل جى
هبه اترمت ف حضن "على" : ربنا يخليك ليا يا احن اخ ف الدنيا وتفضل منور عنيا بشوفتك دايما ولا اتحرم منها
على : تسلميلى يااحن واجدع اخت ف الدنيا .. ياااه يا بيبو كان واحشنى الحضن دا اووى
هبه :طيب خلينى شويا لحسن انت واحشنى اكتر
على ابتسم وباس راس اخته ف الوقت دا كانت جميله خارجه من الاوضه لمطبخ وسمعت كلامهم مع بعض ودموع نزلت من عنيها من الموقف .. قرب منها عبد الله وبصوت مبتسم
عبد الله: يااااه كانت اللحظه دى حلم انها تحصل .. هبه كانت خلاص فقدت الامل انها هتشوف على ..كانت اغلب الليالى الاقيها بتعيط ومش عارف اعملها ايه .. احساس ان اخوها بعيد عنها كان وجعها .. الاخ مهما عمل مبيتعوض يا جميله وخصوصا زى "على" .. بجد يا جميله انا اول مره اشوفك انهارده بس انك تعملى الحركه دى وتخلى على ينزل مصر بجد دا يدل ع انك بنت ناس ومبنت اصول وجدعه اووى ... بجد شكرا
جميله ب ابتسامه: متشكرنيش يا عبد الله انا معملتش حاجه ..على كان محتاج زقه بس ودا الل انا عملته ... وانا عندى اخ وحاسه ب احساس هبه كويس وفاهمها ربنا يخليهم لبعض ولا يتحرموا من بعض ابدا
عبدالله : امين ...انا نازل تحت وراجع لو هبه سالت عليا وانا واثق مش هتسئل
جميله ضحكت: لا ازاى .. هقولها انا ..
نزل عبد الله ومشيت جميله دخل اوضتها تانى ومسكت موابيلها وبعتت رساله ل جمال اخوها " بحبك يا جيمى اووى " وابتسم وقعدت ع السرير شويا ...
شويا و"على" طلع ف البلكونه .
"على" كان قاعد لوحده ..دخلت "جميله : سرحان فى ايه
على : سرحان فى ذكرياتى والايام القليله الل قضتها هنا مع امى .. واحساسى بان جزء كبير منى هنا وان امى وحشتنى اوى فعلا ومفتقدها ف المكان بينا ..
جميله: قدر ونصيب
على اتنهد : عارف انها اقدار ونصيب بس الفراق بيوجع اوى
جميله قربت منه ومسكت ايده : ربنا يطول فى عمرك انت و"هبه " وولاد هبه وان شاء الله ولادك انا كمان زيك حاسه ان حاجه كبيره منى هنا فى مصر لكن عارفه ان ربنا لما بياخد حاجه بيعوضنا بحاجه هى مش ممكن تكون زى الل راحت لكن بتشفى وجع وجرح فراق الناس الغاليه عندنا .. الحياه هتستمر سواء قبلنا او رفضنا .. لكن طول مااحنا مع بعض وجنب بعض هنقدر نعدى اى حاجه
"على" حس بلمسه ايد "جميله " وابتسامتها بأطمئنان غريب كان مفتقده وكلامها نزل ع قلبه زى النسمه فى عز وقت الحر ..
قرب منها : ان شاء الله ..
هبه من بعيد: احم احم ..
جميله ارتبكت .. على : بيبو ..
هبه باابتسامه خبث: انا جيت فى وقت غلط ولا ايه
على بيضحك : ها .. لا خالص انتى تيجى براحتك
جميله اتكسفت : تصبحوا ع خير .. على ميعادنا هتلاقينى جاهزه
راحت بسرعه ع اوضتها ... هبه ضحكت وراحت اتجاه "على " وشدت كرسى : ميعاد ايه
على بيتنهد: هتيجى معايا نزور ماما
هبه : جميله فعلا انسانه جميله .. جواها طيب اوى
على باابتسامه: اه فعلا ..
هبه : انا حبيتها يا "على" لانها كانت سبب انك تنزل واشوفك
وواضح كده انها عملت حاجات كتير ليك وفيك ..
على حب يهرب من الكلام : انا هنام علشان هصحى بدرى
هبه بتضحك: ماشى ياعم .. روح نام لكن هتهرب منى فين
على حط دراعه حوالين رقبه هبه: هروح انام
وبعد 4 سنين "هبه" شايفه ابتسامه "على" وطريقته رجعت زى زمان وفرحت اوى انه عدى الازمه ..!
دخل نام "على" و "جميله" كانت صاحيه موابيلها رن وكانت "هايدى" مرات اخوها
هايدى: جميله .. مكلمتنيش طول اليوم
جميله بصوت واطى: انشغلت ولسه حالا بقيت لوحدى
هايدى : انتى فين .. كلمتك ف الفندق قالوا انك مرحتيش
جميله: لا ماهو انا مرحتش ومش هروح انا هقضى الاجازه هنا
هايدى: هنا فين ؟
جميله: مع "على " انا فى بيته فى شقه اخته فى المنيا
هايدى: يا مجنونه
جميله: متتخضيش .. انا نايمه ف اوضه لوحدى وهو نايم فاوضه لوحده
هايدى: جمال لو عرف مش هيسكت
جميله: وديدى حبيببتى راحت فين
هايدى : ايوه ايوه .. ثبتينى بكلمتين وانا اشيل الليله
جميله: ديدى حبيببتى
هايدى: خلاص خلاص .. بس ياريت تردى عليه لما يكلمك متفتحيش ع نفسك حوارات
جميله: حاضر .. بوسيلى الاولاد
قفلت :جميله"مع "هايدى" ونامت وهى مبسوطه ...!
تانى يوم بدرى كانت جاهزه وكانت "هبه" مجهزه الفطار علشان "عبدالله " رايح شغله خرج "على" وشاف جميله وهى بتساعد "هبه" فى التحضيرات الاخيره لفطار
على : الله .. الله .. فطير مشلتت وجبنه قريش وعسل هو دا الفطار
هبه: ايوه ياابنى طبعا .. العيش التوست يجى ايه جنب الفطير السخن دا
جميله: بصراحه انا مقدرتش اقاوم واكلت منه من شويا
هبه: اقعدى بقى كملى اكل
عبد الله : هستأذن انا يا جماعه علشان شغلى واشوفكم ع الغدا
والعربيه جاهزه تحت بالسواق مستنيكم تخلصوا فطاركم وهيوصلكم ويرجعكم
على : شكرا يا عبدالله تعبتك
عبد الله: تعبك راحه
مشى "عبدالله " وفطوروا وخلصوا ونزلوا ركبوا العربيه "جميله" و "على" وراحوا المقابر الل فيها مامته .. نزل "على" وملامح وشه متغيره وحس بوجع ف قلبه وخنقه من فراق مامته ولاحظت "جميله" كده فراحت مسكت ايده وضغطت عليها بطمنه انها معاه ... دخلوا المكان وقروا الفاتحه ... جمله لاحظت "على" ساكت
جميله: انا هقف بره شويا تكون خلصت وعلشان انا عاوزه مامتك ف كلمتين
على هز راسه ومشيت "جميله " وكان جمال بيتصل عليها وردت عليه
"على" سكت لحظات ودموعه نازله : وحشتينى يا امى .. اكتر وقت محتاجك معايا مكنتيش موجوده .. بعدك عنى كسرنى يا امى ... وحشنى حضنك اووى كان بيشيل عنى هموم الدنيا .. دعاكى ليا كان بيحرسنى .. لو كنتى موجوده اكيد مكنتش عملت الل عملته .. وحشتينى ياامى ..
وسكت "على" وفضل باصص ل مكان الدفنه شويا قربت "جميله" مش سامعه انه بيتكلم
راحت وقفت جنبه : على
على بصلها : ها .. تعالى يا جميله
جميله: اسيبك شويا
على: لا خلاص يلا بينا
جميله : لالا استنى انا عاوزه مامتك ف كلمتين
على : اخرج يعنى
جميله : لا خليك علشان تكون شاهد
على مستغرب ...جميله بصت اتجاه الدفنه : السلام عليكم .. ازيك يا ماما .. انا بعد اذنك هقولك ماما لانك فى مقام والدتى وبحبك زى ما بحبها بالرغم انى مشفوتكيش .. لكن حاسه ان فيكى حنيه الدنيا كلها ومتاكده من كده والل اكدلى كده لما شوفت هبه و " مسكت ايد على " لان "على" حنين اوووى اووى .." ابتسمت " انا اعرفك بنفسى .. اسمى جميله بنت كانت عايشه مع ابوها وامها واخوها وكانت احلى ايام حياتها معاهم .. لكن فاجاءه الموت خطف منىماما وبعدها بسنه بابا ومن بعدهم حسيت ان فى جزء كبير منى حزين وبيتالم ... لكن كان عندى يقين ان الايام الحلوه الل عشتها .. هعيش ايام احلى منها وان ربنا هيبعتلى فرصه تانيه لاياام حلوه تانيه مكنتش متخيلاها ودا فعلا حصل من اول لحظه قابلت فيها "على" حياتى اتغيرت ل الاحسن والدنيا بقى ليها لون وطعم مختلفين احساس كنت مفتقداه ولاقيته مع "على " احلى حاجه حصتلى .. برغم ان علشان اقابله حصلتله حاجه مش ظريفه لكن الحاجات دى الل قربتنى ليه .. ماهى الدنيا كده لازم تقابل الوحش علشان لما تقابل الكويس تحس بيه .... انا كنت من زمان حابه اجى وازورك علشان حاجتين
اولا : اشكرك ع انك جبتى "على" لدنيا وربتيه التربيه دى لغايه ما قابلته
ثانيا: عاوزه اقولك انى بحب "على" واوعدك مش هسيبه لوحده ابدا ولا هسيب ايده ابدا لاخر يوم فى عمرى ..اطمنى "على" امانه عندى وانا هحافظ عليه .. ووعد احنا مش هنتاخر عنك تانى ..ومش هيتكرر الغياب الطويل دا تانى وهنجيلك ع طول لانك حد مهم فى حياتنا ...
انا عارفه انى رغيت كتير وصدعتك ..بس دا جزء بسيط من كلام كتير عندى هقوله لما اجى تانى وتالت ورابع ماهو انا مليش غيرك اتكلم معاه لما يزعلنى وانا واثقه انه مش هيزعلنى ..
"على" اتفاجئ تانى من كلام "جميله" عليه واصرارها وتمسكها بيه وحبها الل مكنش يتخيله لدرجه دى ومسكت ايديها الل طمنته وحسسته ان كل حرف قالته كانت صادقه فيه ابتسم ومسك ايديها الل ماسكه ايده ورفعها و وكان هيبوس ظهر ايديها لكن عكسها وباس بطن ايديها و "جميله" اتفاجئ وابتسمت ...
قروا الفاتحه وخرجوا من المقابر ماسكين ايد بعض والمرادى "على" الل ضامم ايد "جميله" ومش عاوز يسيبها ..ركبوا العربيه وراحوا عند الارض بتاعتهم الصغيره المزروعه ونزلوا .. جميله فرحانه بالمنظر: الله الله ايه الجمال دا اول مره اشوف خضره ومنظر بالشكل الجميل دا
على بيشم هوا: فعلا الجو تحفه
جميله مسكت ايد على ولحظت سرحان "على" وهو باصص عليها "
ف اللحظه دى عقل "على" وقف ع التفكير والتردد وقلبه اخد موافقه عقله وبقى هو المسئول "
على باصص ل جميله : انتى بتحبينى اوى كده يا جميله
جميله : يااااه .. اكبر من بحبك انا خلاص ادمنتك .. ادمنت الهوا الل بتتنفسه يا "على "
على قلبه دق وحس بسعاده : انتى غيرتى فيا حاجات كتير يا جميله كنت ابتديت افقد الامل تتغير لانها حاجه مش صح .. انتى ساعدتينى اغير مسار طريقى .. انتى عملتى حاجات كتير اكتر مما كنت اتخيل
على قرب من جميله: بحبك يا جميله وعاوز اكمل باقى حياتى معاكى
جميله بفرحتها بعرض الجواز ابتسمت ..
على : توافقى تكونى معايا بظروفى دى وتستحملينى
جميله قاطعته: انا معاك فى اى وقت فى اى حاله فى اى وضع ..انا مش هسيب ايدك دى ولا هبعد عن حضنك دا ..انا وعدت ووعدى بنفذه
رمت نفسها ف حضنه وحضنته وحضنها "على " : بحبك
جميله: بحبك
كانوا منعزلين مفكروش ف الناس ولا هما فين كانوا لوحدهم الموجودين ...
بعدها "على" عن حضنه وباصص ف عنيها وهى باصاله وبيقرب منها وفاجاءه باس راسها ورجع ضمها لحضنه تانى ... ف اللحظه دى موابيلها رن وكان اخوها جمال كنسلت عليه وفضلت فى حضن "على " ... !!
فى الوقت دا كانت "ايمان" نزلت الاجازه نزلت من المطار اخدت تاكسى وراحت ع بيت اهلها ولما نزلت من التاكسى بصت بعنيها ع بيت "على"واتنهدت وطلعت شقه اهلها سلمت ع ابوها وامها وكانوا مستغربين من تغيرها وكل مره بتبقى متغيره عن الاول سالوها "مالك" مكنتش بترد ع حد وتقول مفيش ... بعد ما وصلت بيوم راحت ليها "اسماء" وقضت معاها يوم ووعدتها هتروح تقضى معاها يوم فى بيتها ...
فى يوم نزلت "ايمان "واخدت تاكسى وراحت لشاهنده ..
شاهنده: والله ليكى وحشه ياايمى
ايمان : وانتى كمان
شاهنده: بس خير النازله دى مفاجئه ..وحشناكى ولا ايه
ايمان بصت ل شاهنده: انا حامل
شاهنده متفاجئه : اوعى تقولى انك نازله مصر علشان ..
ايمان : ايوه ..عاوزه تروحى معايا لدكتور واعمل العمليه
شاهنده بتولع فى سيجاره وبعصبيه : مدام انتى مش عايزه بتحملى ليه انا مش فاهمه.. دى المره التالته كده يا ايمان
ايمان بلا مبالااه : مش عارفه برغم انى عامله احتياطى وبحمل برضه
شاهنده بنظره استعجاب: فعلا ادى الحلق ل ال بلا ودان .. انتى ربنا بيديكى حاجات وانتى بترفسيها بااستهتار ... غبيه ..غبيه
ايمان: بتقولى ايه مش فاهمه
شاهنده: انتى ليه بتعملى كده يا ايمان .. انتى شايفه كده صح
ايمان بتتنهد: انا مش شايفه حاجه انا عاوزه انزل الل ف بطنى دا
شاهنده بملامح غضب: غبيه ..غبيه مبتتعلمش
ايمان: بتقولى ايه
شاهنده : لا ولا حاجه .. قبل ما اقوم اتكلم مع الدكتور انتى متاكده من قرارك دا
ايمان بنظره حيره وتردد : ايوه
شاهنده طفت السيجاره ومسكت موابيلها : انا هكلمه دلواقتى ونروحله
مشيت شاهنده خطوتين وبصت ل ايمان بقرف : غبيه ..غبيه
اتصلت شاهنده ب الدكتور واخدت ميعاد ولبست ونزلوا راحوا العياده وعملت "ايمان" عمليه الاجهاض وبعد مافاقت بساعتين اخدتها "شاهنده" ع شقتها دخلتها الاوضه وارتاحت ع السرير
شاهنده: هعمل عشا خفيف علشان تاخدى علاجك
ايمان: لا مش قادره
شاهنده: ايه يا ايمى .. المفروض اتعودتى وعرفتى ضرورى تخدى العلاج علشان ميحصلكيش نزيف هعمل حاجه خفيفه وهاجى نتعشى سوا ...
خرجت "شاهنده" من الاوضه وراحت المطبخ وطلبت من الخدامه تحضر عشا خفيف
وراحت قعدت ف الصاله وولعت ف سيجاره وبصت ع اوضه الل فيها "ايمان" وفى عنيها نظرات استغراب خلصت السيجاره والعشا جهز اخدته ودخلت اوضه "ايمان" وكانت ايمان بتكلم اهلها تعرفهم انها هتقعد يومين عند "شاهنده"
شاهنده: يلا ياايمى العشا
ايمان بصوت تعبان: بجد مش قادره
شاهنده:لا ماهو انا مش قد يحصلك حاجه وانتى عندى
ايمان: متقلقيش مش هيحصلى اكتر من الل بيحصلى
شاهنده باندهاش: وهو ايه الل بيحصلك ان شاء الله .. عايشه احسن عيشه من الل كنتى بتحلمى بيها ومعاكى راجل بيحبك ويتمنالك الرضا .. الدنيا فاتحالك دراعها واخدتك بالحضن ..
مش دا الل كنتى عاوزاه وبتحلمى بيه
ايمان : اه انا حلمت بكده لكن لاقيت الواقع غير احلامى ...
شاهنده : امسكى بس السندوتش دا وفهمينى لانى مفهمتش
ايمان بملامح حزن : انا مش عارفه فى ايه ..حاسه ان انا رافضه كل حاجه ومش حاسه بمتعه اى حاجه .. السعاده الل كنت متخيلاها ملقتهاش برغم كل الل بتحكى عليه دا
شاهنده استغربت : فى ايه ياايمان ؟
ايمان بتتنهد : انا مش عارفه مالى لكن الل انا عارفاه انى مش سعيده
شاهنده: ودا سبب انك مش عاوزه اطفال ؟
ايمان: حسست ع بطنها : ازاى اجيب اطفال المفروض اعيشهم فى سعاده وانا اصلا مش حساها معنديش استعداد اجيب اطفال يتعذبوا ف الدنيا ويدعوا عليا ...
شاهنده: ليه كل دا ..مش يمكن لما يجوا حياتك تتغير
ايمان: وانتى ليه مخلفتيش لغايه دلواقتى علشان حياتك تتغير
شاهنده ضحكت نص ضحكه: باين ان مش مكتوبلى اعيش كده.. لغايه دلواقتى جربت كل انواع العلاج والعمليات دا انا حتى روحت لبتوع الاعمال والشيوخ ومفيش فايده ..والدكاتره بيقولوا محتاجه معجزه
ايمان: وجوزك عارف وراضى
شاهنده ضحكت: هو عارف اه لكن راضى دا غصب عنه علشان شغل بابا وابوه غير كده زمانه اتجوز وخلف .. المهم سيبك انتى منى و يلا كملى اكلك وخدى علاجك وارتاحى
اقنعت "شاهنده" "ايمان" علشان تاكل واخدت علاجها ونامت وقعدت جنبها "شاهنده" "..
سرحت شاهنده وهى باصه ل "ايمان" : ايه الل بتعمليه فى نفسك دا يا ايمان ..ربنا بيديكى هدايا وانتى بترفسيها باايدك وبتبعديها بعيد عنك ... اولها كان "على" وضيعتيه منك وضيعتى حب مش هتعرفى تلاقيه كنت اتمنى اعيش نصه .. وعايشه عيشه كل البنات بتتمناها مع شخص بيحبك بجد ومش شايفاه ..."حسست بايدها على بطنها " ربنا بيبعتلك هديه غيرك بيتمناها ومش طايل وبترفسيها برجلك برضه .... انا مشفتش اغبى منك فى حياتك ... انتى تستاهلى الل بيحصلك والل هيحصلك طول مانتى مبتحفظيش ع نعمه ربنا ...!
مر يومين وقعدت "ايمان" فيهم عند "شاهنده" لغايه ماحست انها بقت كويسه ورجعت بيت اهلها .. فى الوقت دا "على" كان بيقضى اجازته مع اخته وولادها و"جميله" معاهم ...
فى يوم و "جميله" ى المطبخ مع "هبه " .. بيحشو حمام
هبه: هااكلكم انهارده حمام محشى فريك ورز مقولكيش انا
جميله: انا حاسه انى هرجع هغير كل هدومى مقاساتى خلاص مش هتدخل فيا تانى
هبه بتضحك: فين دا يابنتى انتى لو نفخت فيكى هتطيرى .. اقعدى بس معايا شهر وانا هظبتلك المقاس صح
جميله بتضحك: كتر خيرك .. داانا الاسبوع دا حاسه انى هرجع مش هعرف اكل الاكل الل هناك
هبه: وهو دا اكل .. الاكل الصح هو دا
جميله: الله ..الله .. ريحه الصوانى تجنن
هبه: بعد ما نتغدى اخدك وننزل نتمشى
جميله : بيبو انا عاوزه اطلب طلب منك ممكن
هبه: انتى تؤمرينى ..عيونى ليكى
جميله بتقرب من "هبه" وصوتها واطى : انا عاوزه افاجئ "على"
هبه اتفاجئت: ازاى يعنى
جميله: عاوزه البس زيكم هنا كده جلابيه فلاحى ومنديل ع راس وكده
ضحكت "هبه" :يخرب عقلك هو انتى فاكره اننا بنلبس كده ..طيب بذمتك انتى شوفتى حد لابس كده
جميله: ماهو انا مشوفتش كتير ..بس فلاحين مصر لبسهم معروف
هبه ضحكت: المسلسلات دمرتلك معلوماتك.. ياحبيببتى مفيش حد بيلبس زى ما بتحكى ..دلواقتى بنلبس هدوم عاديه زى اهل المدينه..جينز وجيبات وعبايات عادى يعنى .. الرجاله الكبار الل قليلين اوى بيلبسوا جلاليب وطقيه .. زى جوز خالتى كده انما انا بلبس اهو زى مانتى شايفه ..
جميله: ياخساره يعنى مش هينفع
هبه: وانا مقدرش ازعلك .. هجبلك الهدوم دى
جميله : وافاجئ "على" بيهم الله
هبه شايفه سعاده "جميله" .. خلصوا الغدا ونزلت "هبه" راحت لواحده جارتها واخدت من عندها الل طلبته "جميله" ورجعت واداتهم ل "جميله" وغيرت وكان شكلها جميل اوى .. ولصدفه ف الوقت دا "على"كان لابس جلابيه وقاعد عند الارض بتاعتهم تحت الشجره .. نزلت "جميله" مع "هبه" وهما ماشين الناس كانوا بيتفرجوا عليها وصلت لعند "على " وكان مديها ضهره : انا جبتلك الشاى ياسى "على "
التفت "على" ع الصوت وع النبره المتغيره واتفاجئ ب "جميله" وهدومها ووقفت ف ذهول
على: ايه دا الل انتى عاملاه دا
هبه: صممت تلبس كده وتجيلك عاوزه تحس بالريف المصرى قال .. انا هرجع ع البيت اكمل الغدا وانتم متتاخروس
مشيت "هبه.. وقرب "على" من جميله ومسك منها ترمس الشاى وع وشه ابتسامه
على: ايه الل عملتيه دا بس
جميله مبتسمه: ايه رائيك بقى .. انفع اكون فلاحه
على بيضحك: تنفعى ونص .. الجلابيه هتاكل منك حته
جميله: والمنديل والطرحه وانت بالجلابيه دى ناقصلك طاقيه ونبقى كابل مفيش زيه
على ضحك بصوت : يخرب عقلك
جميله: بجد مبسوطه انك انبسطت وشوفت ابتسامتك دى
على قرب من جميله ومسك ايديها : انا انبساطى فى وجودى معاكى .. انتى بقيتى بالنسبالى حبه السعاده .. كل لحظه ببص فيها ليكى بتحسسنى بسعاده ملهاش اخر .. لمسه ايدك بتحسسنى بامان ودفى .. ابتسامتك دنيا تانيه بغرق انا فيها .... جميله .. انتى اجمل حاجه حصلتلى ف حياتى ..
جميله حست بسعاده كبيره : انا مش عارفه اقولك ايه
على : متقوليش ..
جميله اترمت ف حضن "على" : انا مهمتى ف الدنيا ان ابتسامتك متغبش
على وهو حاضنها : ربنا يقدرنى واسعدك
على وجميله مهتموش بانهم ف ارياف والناس.. احساسهم بوجدهم مع بعض لغى اى عادات وتقاليد ممكن تحكمهم ...!
قعدوا شويا واتصوروا بموابيلاتهم صور لذكرى بهدوم الل لبسينها .. واتصلوا ب "هبه تجيب الغدا يتغدوا فى الغيط وجت "هبه" بالغدا وقعدوا يتغدوا وهزروا وضحكوا وغسلوا ايديهم من التورمبه .. شويا و"عبدالله " جه عليهم ومعاه بلونات ل اولاده اول ما شافوها جريوه اتجاهه واخدوها منه وجريوا ماسكينها ويطيروها ف الهوا بالخيط .. لاحظ "على" .."جميله" وهى بتبص عليهم وف عنيها دموع وع وشها ابتسامه
على : فى ايه
جميله باابتسامه: المنظر دا فكرنى بنفسى وانا صغيره دايما كان بابا بيشتريلى بلاليين وكان بيلعب معايا وكنت بعمل زيهم كده بالظبط
على: وبعدين
جميله اتنهدت : مفيش من بعد ما اتوفى اتحرمت من للحظه دى كانت لحظه جميله مش هتتعوض
على لاحظ دموع "جميله " مسك ايديها : انا معاكى
جميله بصت ل "على": ربنا يخليك ليا
قعد "على" يهزر ويضحك غير مود "جميله " وروحوا البيت وقعدوا شويا ودخلوا ناموا ..
تانى يوم الصبح صحيت "جميله" وغيرت هدومها وفتح باب الاوضه تخرج اتفاجئت بان ايد الباب من بره مربوط فيه بلاليين فكته وبصت عليهم لاقت انهم 5 بلالين لونهم بينك وفى النص بلونه بيضا مرسوم عليها وش مبتسم ومكتوب تحتها
"smile"
مسكتهم وكانت فرحانه اوى.خرج "على" من الاوضه ال قدامها : هو دا الل انا عاوزه ضحكتك ..صباح احلى ابتسامه
"جميله" عرفت ان "على" هو الل عمل كده ومبتسمه : على
هبه : "على" نزل بدرى ولف ع بلاليين دى وعملك المفاجاءه
جميله ودموعها نازله راحت اتجاه "على" وحضنته: على .. بحبك يا على
على مبتسم: بلاش دموع دى ..دموعك دى تنزل من الفرح ومش هسمح تنزل لحزن ابدا ..
بعدها عنه وبصلها ب ابتسامه : انا لو قدرت كنت مليتلك البيت كله بلاليين
جميله ب ابتسامه : كفايه انك فكرت فيا والبلونه دى اغلى حاجه جتلى المهم انك الل جبتهالى مش مهم عددها ..
على ب ابتسامه: ربنا يديم ابتسامتك دايما
جميله اترمت ف حضنه: ربنا يديمك سعادتى
هبه مسكت موابيلها : اللحظه دى محتاجه صوره
وفضلت تصور جميله وعلى وكانت برغم بساطه المفاجاءه الا ان جميله كانت ف منتهى السعاده ... !!
______________________
يتبع
جه يوم السفر لمصر و جهزوا "جميله" و " على " و " احمد" كان مستنيهم يوصلهم لمطار
ركبوا التاكسى وفى طريقهم لمطار ...:
احمد: والله ما مصدق نفسى
جميله: مش مصدق ايه انك هتوصلنا لمطار
احمد بيضحك: مش مصدق نفسى انى بوصل "على".. "على ".. "على " لمطار ولفين ل مصر.. ل مصر.. ل مصر بعد مقاطعه 4 سنين انها معجزه من السماء
جميله ضحكت: انت علقت ولا ايه يا احمد
احمد بيضحك : والله ما مصدق نفسى
على كان ملامح وشه متغيره : متقرش فيها لطياره تقع بينا
جميله مسكت ايد "على" : انا مستعده ولو ربنا كاتبلى اموت وانا جنبك موافقه
على ابتسم : بعد الشر عليكى
احمد: انزل انا بالكمانجات
على : ايه ياواد الخفه دى .. المهم تخلى بالك من الشغل ومن نفسك
احمد: متقلقش انا ظبطت مع ادوارد هيجى معايا الصبح نجيب المجلات والجرايد ويقف معايا
اهو مش لاقى شغل ونكسب ثواب فيه .. يمكن ..يمكن ربنا يبعتلى بقى بنت الحلال
على بيضحك: ماشى ياعم الشيخ
جميله: متستعجلش يا احمد .. هتلاقيها فاجاءه ف وشك وانت مش حاسبها .
مسكت جميله ايد على : ف حاجات ف حياتنا بتجيلنا من غير ميعاد ولا ترتيب وبتبقى احلى حاجه ف حياتنا تنسينا الل فات وتشجعنا نكمل الل جى ونمشى ف خطوات ثابته ل قدام
على حس براحه من كلام جميله زى الل بتطمنه .. واحمد ابتسم وحس براحه ان على لقى جميله بعد سنين الضلمه الل كان فيها وهعيش وربنا كرمه ب جميله .. وكان احمد مبسوط جدا ليهم وانهم مسافرين مع بعض ...
احمد اخد نفس : المهم يا عصافير الكناريا .. تسافروا وترجعوا بالسلامه بس متكتروش عن اسبوع ل تلاقونى اخدت اول طياره ونطيت عندكم شددتكم من قفاكم وجيت بيكم هنا ... انتوا مش فاهمين يعنى ايه هقعد لوحدى .. هرجع لليتم تانى .. ويارب واحد فيكم لا انتم الاتنين مره واحده ..كتير عليا يارب مش هلاقى الفطار جاهز ولا حد اناكف فيه .. متغبوش عليا يا جدعان
جميله: ليه كده دا كل الناس بتحبه وهيسلوك لغايه مانرجع
احمد: متتاخروش برضه انا مهما عرفتك مقدرش استغنى عن اخواتى فاهمين
جميله بتضحك : متقلقش مش هنتاخر ان شاء الله
على بيتنهد وبيبص اتجاه الشباك جنبه: ان شاء الله
"جميله" نامت ع كتف "على" و "احمد" بص من المرايا ع "على" شايف وشه ملامحها متغيره
"احمد" وهو باصص ع "على" فى سره : لدرجه دى يا "على" انت قلقان من زيارتك لمصر .. حاسس انك ندمت بقرار نزولك ولا خايف من الل ممكن تشوفه هناك وذكرياتك القديمه ترجع .. ربنا يستر وجميله تكون حمايتك من الل هتشوه وتقابله
وصولوا المطار وركبوا طيارتهم وطول الطريق "جميله" نايمه ع كتف "على" و "على" صاحى بيعيد تفكيره وف حاله توتر "ياترى كان صح انى انزل ولا لا ....."
وصلوا بالسلامه واول ما باب الطياره اتفتح ملامح "على" بقت حاده لاحظت "جميله" راحت بهدوء مسكت ايده وبصلها ..ابتسمت ليه ابتسامه بتقوله "انا معاك " مسكت ايد "جميله" حسست "على" بجزء من الامان والخوف والقلق قل عن الاول ... نزلوا وخلصوا الاجراءات بص "على"ع الساعه: الساعه دلواقتى 7 الصبح
جميله : احنا ناخد تاكسى من بره ونروح لبابا وماما وبعدها نروح ل هبه
على : اوكيه نفطر الاول بس ..
جميله باابتسامه: يلا بينا انا جعانه اوى
على : يلا قبل ما تاكلينى
راحوا قعدوا فى كافتيريا وطلبوا فطار وقعدوا يفطروا
جميله: انت اكيد متكلمتش مع هبه صح ؟
على باابتسامه: لا
جميله: هتبقى مفاجئه جامده
على : جداااا .. وخصوصا انى هشوف ولادها "على وعمر"
جميله ب ابتسامه : ان شاء الله
سكتوا شويا ...جميله بنظره توتر : على
على : ايوه
جميله بنظره توتر : احم .. عاوزه اطلب منك طلب وع فكره طلب بسيط جدااا مفهيوش حاجه
على : اطلبى
جميله: وتوعدنى تنفذهولى
على : اطلبى
جميله : بعد ما نرجع من عند بابا وماما ..نروح "عين شمس" نشوف شقتكم والمنطقه الل كنت فيها
على اتفاجئ والمعلقه وقعت من ايده : ايه
جميله ب ابتسامه: عاوزه اشوف البيت الل عشت فيه والمنطقه ..عاوزه اعرف انه زى ماانت حكيت وزى ماانا اتخيلت ولا الواقع احلى
على متفاجئ وبيجمع نفسه : ملوش لازمه المشوره وكمان علشان نلحق نسافر قبل الليل و ..
جميله بنظره استغراب: مش هناخد وقت صدقنى اشوفه بس
على بتوتر : مره جايه مش المرادى
جميله بصت ل على : على انت قلقان من حاجه ولا ايه ؟
على بص ل جميله: وهقلق من ايه .. تمام عاوزه تروحى نروح وفرصه اسلم ع اهل المنطقه
جميله مسكت ايد "على" : تمام
كانت "جميله" هدفها من الزياره حاجتين .. اولا عاوزه تروح فعلا المنطقه الل عاش "على" فيها طفولته واحلى سنين عمره وتشوف طبيعتها ازاى .. والتانى عاوزه "على" ميهربش من المواجهه مع الماضى واماكن ذكرياته عاوزاه يواجهه وتشوف رد فعله ..!
خلصوا فطار واخدوا تاكسى وراحوا مقابر اهل " جميله " نزلت "جميله" من التاكسى ونزل معاها "على" ... على : انا هستناكى هنا لغايه ما تخلصى
جميله راحت اتجاه "على" ومسكت ايده : لا انا مش هدخل لوحدى انت هتكون معايا
على : ها ..
جميله باابتسامه: عاوزه اعرفك عليهم واعرفهم عليك يلا
مسكت "جميله" ايد "على" ودخلوا المقابر ...
وقفت "جميله" و"على" قدام مكان مامتها وابوها قرت الفاتحه هى و"على " ..
جميله باابتسامه :بابا .. ماما .. وحشتونى اووى اووى اووى ..انا الحمد الله بخير و جمال ومراته وولاده كويسيين اووى...انا جيت انهارده علشان اطمنكم عليا لانى عارفه انكم قلقانين لكن اطمنوا انا ف احسن حالاتى..انا عارفه انكم فى مكان احسن بكتير ومش زعلانه انكم سبتونى ومشيتوا لانكم مع بعض لانى كنت دايما لما بشوفكم مع بعض كنت بدعى ربنا ميفرقش بينكم واهو انتم مع بعض دلواقتى .... انا اخر مره كنت هنا قلتلكم انا حاسه ان ربنا شايلى حاجه حلوه اووى وانا مستنياها بعد وجعى من فراقكم ليا وثقتى ف ربنا مرحتش هدر واتاكدتت مع الايام .. فرحه عمرى الل بحلم بيها عاوزه اقولكم انى خلاص لقتها وعايشاها ... " مسكت ايد على وبصاله " اعرفكم على فرحتى وسعادتى واحلى حاجه فى حياتى حصلتلى "على" .. جيت انا انهارده علشان اعرفكم انى لقيت الانسان الل اتمنيته فى حياتى وحلمت بيه .. اعرفكم ع الانسان الل امتلك قلبى وحياتى الل بعده عنى يعنى موتى ..اعرفكم ع الانسان الل بحبه " على" .. اطمن يا بابا انا لقيت حضن يضمنى ف وجعى و والدفا لما اكون بردانه مع "على" .. وزى ما انتى يا ماما اتمسكتى ب بابا ف انا هتمسك ب على ومش هسيبه لغايه اليوم الل هكون جنبه ف تربه واحده زيكم ...
سكت جميله لحظات وكانت بتسقى الصبار ..على متفاجئ من كلام "جميله" وجسمه اشعر احساس جميله وصدقها وصل ل على زى كهربا ف جسمه متفاجئ جداا من تصرفاتها وقلبه دق بسرعه وحس بلمسه ايد "جميله" ومعرفش يقول ايه
جمع نفسه : يلا بينا ولا عاوزه تقعدى شويا
جميله باابتسامه: يلا ..
بصت جميله اتجاه باباها ومامتها : انا همشى دلواقتى وهجيلكم انا و"على" المره الجايه وكل مره
رفعت ايديها تقرا الفاتحه و"على " معاها .. خلصوا وخرجوا "وعلى" مستغرب من تصرف وجراءه "جميله" ..ركبوا التاكسى ... جميله: على فين كده ؟
على:هنروح على البلد عند هبه
جميله : وهنروح بيتكم القديم امتى ؟
على : واحنا راجعين هوديكى
ركبوا التاكسى واتحركوا ووصلوا بعد فتره لمكان بيتهم فى المنيا "على" كان حاسس بفرحه انه بعد الفتره الطويله دى ومن مكالمات التليفونات ومحادثات النت هيشوف اخته
جميله: يلا يا على يلا
دخل "على" مدخل البيت وطلع درجات السلم وقلبه بيدق جامد ووصل لباب الشقه
وايده بترتعش اتثبت ..جميله قربت منه : مالك يلا رن الجرس
على مبتسم اتشجع ورن الجرس وسمع صوت هبه : ايوه جايه
فتحت هبه الباب وبتبص شافت "على" تنحت : على
على باابتسامه ودموع فى عينيه : وحشتينى يا بيبو
صرخت هبه واترمت فى حضن "على" : يااااه .. ياااااه .. ياااه يا على يااااه
"على" حاضن اخته : وحشتينى وحشتينى وحشتينى
هبه ودموعها نازله : انت اكتر ..انت اكتر
فى اللحظه الحميميه دى "جميله" كانت واقفه ودموعها نزلت من عنيها من منظر المقابله بعد غيبه بين "على" واخته ..هبه شدت ايد "على" وماخدتش بالها من "جميله " ودخلوا ..
على: استنى لحظه
خرج "على" ومسك ايد "جميله: تعالى
دخلت "جميله " الشقه وهبه متوتره من المفاجئه : اسفه بجد اهلا بيكى
على ب ابتسامه : جميله الل حكتلك عنها
هبه : بس مقولتليش انها جميله فعلا كده
جميله مبتسمه : دا من ذوقك ميرسى
هبه مسكت ايد على وقعدت جنبه : ياااه يا "على" اخيرا جيت تشوفنى بدل المكالمات 4 سنين فراق يا على .. هونت عليك لدرجه دى
على بيمسح دموع هبه : ربنا لما كتبلى النصيب اشوفك حصل ..والبركه فى "جميله"
هبه قامت من مكانها وراحت حضنت وباست جميله: مش عارفه اقولك ايه انتى عملتى حاجه بقالى 4 سنين بحاول وبفشل ... كنت خلاص أيقنت انى مش هشوف اخويا تانى
جميله باابتسامه وبتبطب ع ايد هبه: ربنا يخليكوا لبعض ولا تتحرموا من بعض ابدا
على : كفايه دموع بقى .. قوليلى فين الاولاد
هبه بتمسح دموعها : عند خالتو راحت بيهم تزور حد قرايبنا شبطوا فيها وراحوا معاها زمنهم جايين .. وعبد الله ف الشغل وهكلمه حالا يجى وعقبال ما ترتاحوا هكون حضرت الغدا
جميله: متتعبيش نفسك
هبه : تعب ايه الل بتتكلمى عليه دا .. دا يوم الفرح يوم ما شوفت "على" اخويا
ولا انتى مش عاوزه تدوقى عمايل ايديا
جميله وقفت: لا ازاى وهساعدك كمان ..اه انا مش بعرف اوى ف الطبيخ وكده بس هحاول اتعلم واساعد
هبه باابتسامه: يلا بينا اوديكم اوضتكم و"على" يرتاح واحنا ندخل المطبخ
على : انا هنام ف أوضه امى
هبه : تصدق انا لسه مروقاها ومنفضاها حسيت انها هتتفتح ومن بعد وفاه ماما ووصيتك بالاوضه تفضل انا مقربتلهاش خالص اروقها وانفضها واسيبها ...
على : ربنا يخليكى
هبه: تعالى يا جميله اوريكى اوضتك تغيرى هدومك
مشيت "جميله و "هبه " دخلتها اوضه تغير هدومها و "على" اخد شنطته ودخل اوضه مامته
... وفتح باب الاوضه ودخل وشم ريحه البخور الل دايما كانت مامته بتبخر بيه البيت ف القاهره حط شنطته ع الارض ومشى خطوتين اتجاه السرير دموع نزلت من عينيه وقعد ع السرير وحط راسه ع المخده وغمض عينه وقال : وحشتينى يا امى ..
شويا "هبه و " جميله " بيحضروا الاكل ع السفره
هبه بصوت عالى : عبد الله انده ع "على" من الاوضه
لسه عبد الله هيروح اتجاهه الاوضه شاف قدامه "على" : ابن حلال كنت لسه هخبط
على: بصراحه انا كنت مريح شويا لكن ريحه الاكل الل قومتنى من مكانى
هبه : عملتلك كل الاكل الل بتحبه يا ابو على
على بص ع السفره :ايه كل دا
جميله بتضحك: انا قلتلها انتى ناويه منعرفش نرجع من الحموله التقيله الل هنكون فيها
هبه : بذمتك يا "على" موحشكش اكلى
على شد كرسى وقعد وشم الاكل: انا من الريحه شبعت
قعدت "جميله و "هبه و "عبدالله " ... هبه : انا عاوزه الاكل دا كله يخلص
جميله : لا كده مش هنعرف نقوم من مكانا
على بيضحك: بيبو ..احنا مش ماشين دلواقتى احنا قاعدين شويا لسه
هبه بتقطع بط وبتحط فى الاطباق : جميله حكتلى ع الاكل الل بتاكلوه هناك ..اتارى وشكم مشفوط وخسين كده فعلا مكنتوش بتاكلوا وانا بقى هعوض ال 4 سنين دا
على بيبص ل عبدالله: وصيتك هبه يا عبد الله .. كان نفسى اشوف عيالكم بس بطريقه دى مش هلحق ادخل الحمام
الكل ضحك وقعدوا يتكلموا وهما بياكلوا ... شويا وخلصوا الاكل وقعدوا يشربوا الشاى
على : احنا عاوزين جردل شاى يسيح الل اكلناه دا
جميله ماسكه معدتها: مش قادره اخد نفسى ..اول مره اكل بالطريقه دى ف حياتى من بعد وفاه ماما
عبدالله: هو انتم لسه شوفتوا حاجه
هبه : الل يشوف كده يقول انكم اكلتوا ..انا شيلت الاطباق زى ماهى ..بس تتعوض ف العشا
جميله اتخضت : على .. انا كده هموت
على بيضحك: متقلقيش .. لو حصلنا حاجه عبد الله هيبلغ عن هبه
ضحكوا كلهم وف الوقت دا جم ولاد "هبه" وقام حضنهم "على" وفرح بيهم جدااا واداهم العب الل اشتراها ليهم وسلم ع خالته وقعدوا شويا .. طلعت خالته ع شقتها وجميله كانت ف اوضتها وهبه كانت ف المطبخ دخل "على" المطبخ : بيبو
هبه شافته: ايوه يا حبيبى محتاج حاجه
طلع مبلغ من الفلوس ومسك ايديها وادهالها .. هبه : ايه دا يا على انا معايا والله
على بيضغط ع ايديها: انا معرفتش اشتريلك هديه فاانتى اشترى لنفسك ولعبدالله ولخالتى ..
هبه بصت لفلوس: كل دا كتير
على : حلال ربنا بيخلى القليل كتير يا بيبو وبعدين انتى نسيتى انك مسئوله منى حتى لو اتجوزتى
هبه بملامح زعل: وكان ينفع تعاملنى زى الديانه كده تبعتلى الفلوس ومتنزلش ولا مره تزورنى ... ذنبى ايه ف الل حصل يا "على" انا مخبتش عليك زى ماانت فاكر .. والله والله انا عرفت متاخر من اسماء وتعب ماما شغالنى ومكنتش اتوقع انك تنزل القاهره فاجاءه كده والله كان ف نيتى اقولك ان ايمان فسخت الخطوبه والله ما كان ف نيتى اخبى عليك
على : هس ..هس خلاص احنا مش هنتكلم ف الماضى انا غلطت كتير اكتر منك ومكنتش واعى وقتها كنت انسان تانى الصدمه كانت كبيره وتقيله عليا والحل الانسب كان الهروب .. انا غلطت ومش مستعد اكرر غلطتى وبعدين ولو انتى مستحملتنيش مين هيستحملنى بقى ... انسى الل فات وخلينا ف دلواقتى والل جى
هبه اترمت ف حضن "على" : ربنا يخليك ليا يا احن اخ ف الدنيا وتفضل منور عنيا بشوفتك دايما ولا اتحرم منها
على : تسلميلى يااحن واجدع اخت ف الدنيا .. ياااه يا بيبو كان واحشنى الحضن دا اووى
هبه :طيب خلينى شويا لحسن انت واحشنى اكتر
على ابتسم وباس راس اخته ف الوقت دا كانت جميله خارجه من الاوضه لمطبخ وسمعت كلامهم مع بعض ودموع نزلت من عنيها من الموقف .. قرب منها عبد الله وبصوت مبتسم
عبد الله: يااااه كانت اللحظه دى حلم انها تحصل .. هبه كانت خلاص فقدت الامل انها هتشوف على ..كانت اغلب الليالى الاقيها بتعيط ومش عارف اعملها ايه .. احساس ان اخوها بعيد عنها كان وجعها .. الاخ مهما عمل مبيتعوض يا جميله وخصوصا زى "على" .. بجد يا جميله انا اول مره اشوفك انهارده بس انك تعملى الحركه دى وتخلى على ينزل مصر بجد دا يدل ع انك بنت ناس ومبنت اصول وجدعه اووى ... بجد شكرا
جميله ب ابتسامه: متشكرنيش يا عبد الله انا معملتش حاجه ..على كان محتاج زقه بس ودا الل انا عملته ... وانا عندى اخ وحاسه ب احساس هبه كويس وفاهمها ربنا يخليهم لبعض ولا يتحرموا من بعض ابدا
عبدالله : امين ...انا نازل تحت وراجع لو هبه سالت عليا وانا واثق مش هتسئل
جميله ضحكت: لا ازاى .. هقولها انا ..
نزل عبد الله ومشيت جميله دخل اوضتها تانى ومسكت موابيلها وبعتت رساله ل جمال اخوها " بحبك يا جيمى اووى " وابتسم وقعدت ع السرير شويا ...
شويا و"على" طلع ف البلكونه .
"على" كان قاعد لوحده ..دخلت "جميله : سرحان فى ايه
على : سرحان فى ذكرياتى والايام القليله الل قضتها هنا مع امى .. واحساسى بان جزء كبير منى هنا وان امى وحشتنى اوى فعلا ومفتقدها ف المكان بينا ..
جميله: قدر ونصيب
على اتنهد : عارف انها اقدار ونصيب بس الفراق بيوجع اوى
جميله قربت منه ومسكت ايده : ربنا يطول فى عمرك انت و"هبه " وولاد هبه وان شاء الله ولادك انا كمان زيك حاسه ان حاجه كبيره منى هنا فى مصر لكن عارفه ان ربنا لما بياخد حاجه بيعوضنا بحاجه هى مش ممكن تكون زى الل راحت لكن بتشفى وجع وجرح فراق الناس الغاليه عندنا .. الحياه هتستمر سواء قبلنا او رفضنا .. لكن طول مااحنا مع بعض وجنب بعض هنقدر نعدى اى حاجه
"على" حس بلمسه ايد "جميله " وابتسامتها بأطمئنان غريب كان مفتقده وكلامها نزل ع قلبه زى النسمه فى عز وقت الحر ..
قرب منها : ان شاء الله ..
هبه من بعيد: احم احم ..
جميله ارتبكت .. على : بيبو ..
هبه باابتسامه خبث: انا جيت فى وقت غلط ولا ايه
على بيضحك : ها .. لا خالص انتى تيجى براحتك
جميله اتكسفت : تصبحوا ع خير .. على ميعادنا هتلاقينى جاهزه
راحت بسرعه ع اوضتها ... هبه ضحكت وراحت اتجاه "على " وشدت كرسى : ميعاد ايه
على بيتنهد: هتيجى معايا نزور ماما
هبه : جميله فعلا انسانه جميله .. جواها طيب اوى
على باابتسامه: اه فعلا ..
هبه : انا حبيتها يا "على" لانها كانت سبب انك تنزل واشوفك
وواضح كده انها عملت حاجات كتير ليك وفيك ..
على حب يهرب من الكلام : انا هنام علشان هصحى بدرى
هبه بتضحك: ماشى ياعم .. روح نام لكن هتهرب منى فين
على حط دراعه حوالين رقبه هبه: هروح انام
وبعد 4 سنين "هبه" شايفه ابتسامه "على" وطريقته رجعت زى زمان وفرحت اوى انه عدى الازمه ..!
دخل نام "على" و "جميله" كانت صاحيه موابيلها رن وكانت "هايدى" مرات اخوها
هايدى: جميله .. مكلمتنيش طول اليوم
جميله بصوت واطى: انشغلت ولسه حالا بقيت لوحدى
هايدى : انتى فين .. كلمتك ف الفندق قالوا انك مرحتيش
جميله: لا ماهو انا مرحتش ومش هروح انا هقضى الاجازه هنا
هايدى: هنا فين ؟
جميله: مع "على " انا فى بيته فى شقه اخته فى المنيا
هايدى: يا مجنونه
جميله: متتخضيش .. انا نايمه ف اوضه لوحدى وهو نايم فاوضه لوحده
هايدى: جمال لو عرف مش هيسكت
جميله: وديدى حبيببتى راحت فين
هايدى : ايوه ايوه .. ثبتينى بكلمتين وانا اشيل الليله
جميله: ديدى حبيببتى
هايدى: خلاص خلاص .. بس ياريت تردى عليه لما يكلمك متفتحيش ع نفسك حوارات
جميله: حاضر .. بوسيلى الاولاد
قفلت :جميله"مع "هايدى" ونامت وهى مبسوطه ...!
تانى يوم بدرى كانت جاهزه وكانت "هبه" مجهزه الفطار علشان "عبدالله " رايح شغله خرج "على" وشاف جميله وهى بتساعد "هبه" فى التحضيرات الاخيره لفطار
على : الله .. الله .. فطير مشلتت وجبنه قريش وعسل هو دا الفطار
هبه: ايوه ياابنى طبعا .. العيش التوست يجى ايه جنب الفطير السخن دا
جميله: بصراحه انا مقدرتش اقاوم واكلت منه من شويا
هبه: اقعدى بقى كملى اكل
عبد الله : هستأذن انا يا جماعه علشان شغلى واشوفكم ع الغدا
والعربيه جاهزه تحت بالسواق مستنيكم تخلصوا فطاركم وهيوصلكم ويرجعكم
على : شكرا يا عبدالله تعبتك
عبد الله: تعبك راحه
مشى "عبدالله " وفطوروا وخلصوا ونزلوا ركبوا العربيه "جميله" و "على" وراحوا المقابر الل فيها مامته .. نزل "على" وملامح وشه متغيره وحس بوجع ف قلبه وخنقه من فراق مامته ولاحظت "جميله" كده فراحت مسكت ايده وضغطت عليها بطمنه انها معاه ... دخلوا المكان وقروا الفاتحه ... جمله لاحظت "على" ساكت
جميله: انا هقف بره شويا تكون خلصت وعلشان انا عاوزه مامتك ف كلمتين
على هز راسه ومشيت "جميله " وكان جمال بيتصل عليها وردت عليه
"على" سكت لحظات ودموعه نازله : وحشتينى يا امى .. اكتر وقت محتاجك معايا مكنتيش موجوده .. بعدك عنى كسرنى يا امى ... وحشنى حضنك اووى كان بيشيل عنى هموم الدنيا .. دعاكى ليا كان بيحرسنى .. لو كنتى موجوده اكيد مكنتش عملت الل عملته .. وحشتينى ياامى ..
وسكت "على" وفضل باصص ل مكان الدفنه شويا قربت "جميله" مش سامعه انه بيتكلم
راحت وقفت جنبه : على
على بصلها : ها .. تعالى يا جميله
جميله: اسيبك شويا
على: لا خلاص يلا بينا
جميله : لالا استنى انا عاوزه مامتك ف كلمتين
على : اخرج يعنى
جميله : لا خليك علشان تكون شاهد
على مستغرب ...جميله بصت اتجاه الدفنه : السلام عليكم .. ازيك يا ماما .. انا بعد اذنك هقولك ماما لانك فى مقام والدتى وبحبك زى ما بحبها بالرغم انى مشفوتكيش .. لكن حاسه ان فيكى حنيه الدنيا كلها ومتاكده من كده والل اكدلى كده لما شوفت هبه و " مسكت ايد على " لان "على" حنين اوووى اووى .." ابتسمت " انا اعرفك بنفسى .. اسمى جميله بنت كانت عايشه مع ابوها وامها واخوها وكانت احلى ايام حياتها معاهم .. لكن فاجاءه الموت خطف منىماما وبعدها بسنه بابا ومن بعدهم حسيت ان فى جزء كبير منى حزين وبيتالم ... لكن كان عندى يقين ان الايام الحلوه الل عشتها .. هعيش ايام احلى منها وان ربنا هيبعتلى فرصه تانيه لاياام حلوه تانيه مكنتش متخيلاها ودا فعلا حصل من اول لحظه قابلت فيها "على" حياتى اتغيرت ل الاحسن والدنيا بقى ليها لون وطعم مختلفين احساس كنت مفتقداه ولاقيته مع "على " احلى حاجه حصتلى .. برغم ان علشان اقابله حصلتله حاجه مش ظريفه لكن الحاجات دى الل قربتنى ليه .. ماهى الدنيا كده لازم تقابل الوحش علشان لما تقابل الكويس تحس بيه .... انا كنت من زمان حابه اجى وازورك علشان حاجتين
اولا : اشكرك ع انك جبتى "على" لدنيا وربتيه التربيه دى لغايه ما قابلته
ثانيا: عاوزه اقولك انى بحب "على" واوعدك مش هسيبه لوحده ابدا ولا هسيب ايده ابدا لاخر يوم فى عمرى ..اطمنى "على" امانه عندى وانا هحافظ عليه .. ووعد احنا مش هنتاخر عنك تانى ..ومش هيتكرر الغياب الطويل دا تانى وهنجيلك ع طول لانك حد مهم فى حياتنا ...
انا عارفه انى رغيت كتير وصدعتك ..بس دا جزء بسيط من كلام كتير عندى هقوله لما اجى تانى وتالت ورابع ماهو انا مليش غيرك اتكلم معاه لما يزعلنى وانا واثقه انه مش هيزعلنى ..
"على" اتفاجئ تانى من كلام "جميله" عليه واصرارها وتمسكها بيه وحبها الل مكنش يتخيله لدرجه دى ومسكت ايديها الل طمنته وحسسته ان كل حرف قالته كانت صادقه فيه ابتسم ومسك ايديها الل ماسكه ايده ورفعها و وكان هيبوس ظهر ايديها لكن عكسها وباس بطن ايديها و "جميله" اتفاجئ وابتسمت ...
قروا الفاتحه وخرجوا من المقابر ماسكين ايد بعض والمرادى "على" الل ضامم ايد "جميله" ومش عاوز يسيبها ..ركبوا العربيه وراحوا عند الارض بتاعتهم الصغيره المزروعه ونزلوا .. جميله فرحانه بالمنظر: الله الله ايه الجمال دا اول مره اشوف خضره ومنظر بالشكل الجميل دا
على بيشم هوا: فعلا الجو تحفه
جميله مسكت ايد على ولحظت سرحان "على" وهو باصص عليها "
ف اللحظه دى عقل "على" وقف ع التفكير والتردد وقلبه اخد موافقه عقله وبقى هو المسئول "
على باصص ل جميله : انتى بتحبينى اوى كده يا جميله
جميله : يااااه .. اكبر من بحبك انا خلاص ادمنتك .. ادمنت الهوا الل بتتنفسه يا "على "
على قلبه دق وحس بسعاده : انتى غيرتى فيا حاجات كتير يا جميله كنت ابتديت افقد الامل تتغير لانها حاجه مش صح .. انتى ساعدتينى اغير مسار طريقى .. انتى عملتى حاجات كتير اكتر مما كنت اتخيل
على قرب من جميله: بحبك يا جميله وعاوز اكمل باقى حياتى معاكى
جميله بفرحتها بعرض الجواز ابتسمت ..
على : توافقى تكونى معايا بظروفى دى وتستحملينى
جميله قاطعته: انا معاك فى اى وقت فى اى حاله فى اى وضع ..انا مش هسيب ايدك دى ولا هبعد عن حضنك دا ..انا وعدت ووعدى بنفذه
رمت نفسها ف حضنه وحضنته وحضنها "على " : بحبك
جميله: بحبك
كانوا منعزلين مفكروش ف الناس ولا هما فين كانوا لوحدهم الموجودين ...
بعدها "على" عن حضنه وباصص ف عنيها وهى باصاله وبيقرب منها وفاجاءه باس راسها ورجع ضمها لحضنه تانى ... ف اللحظه دى موابيلها رن وكان اخوها جمال كنسلت عليه وفضلت فى حضن "على " ... !!
فى الوقت دا كانت "ايمان" نزلت الاجازه نزلت من المطار اخدت تاكسى وراحت ع بيت اهلها ولما نزلت من التاكسى بصت بعنيها ع بيت "على"واتنهدت وطلعت شقه اهلها سلمت ع ابوها وامها وكانوا مستغربين من تغيرها وكل مره بتبقى متغيره عن الاول سالوها "مالك" مكنتش بترد ع حد وتقول مفيش ... بعد ما وصلت بيوم راحت ليها "اسماء" وقضت معاها يوم ووعدتها هتروح تقضى معاها يوم فى بيتها ...
فى يوم نزلت "ايمان "واخدت تاكسى وراحت لشاهنده ..
شاهنده: والله ليكى وحشه ياايمى
ايمان : وانتى كمان
شاهنده: بس خير النازله دى مفاجئه ..وحشناكى ولا ايه
ايمان بصت ل شاهنده: انا حامل
شاهنده متفاجئه : اوعى تقولى انك نازله مصر علشان ..
ايمان : ايوه ..عاوزه تروحى معايا لدكتور واعمل العمليه
شاهنده بتولع فى سيجاره وبعصبيه : مدام انتى مش عايزه بتحملى ليه انا مش فاهمه.. دى المره التالته كده يا ايمان
ايمان بلا مبالااه : مش عارفه برغم انى عامله احتياطى وبحمل برضه
شاهنده بنظره استعجاب: فعلا ادى الحلق ل ال بلا ودان .. انتى ربنا بيديكى حاجات وانتى بترفسيها بااستهتار ... غبيه ..غبيه
ايمان: بتقولى ايه مش فاهمه
شاهنده: انتى ليه بتعملى كده يا ايمان .. انتى شايفه كده صح
ايمان بتتنهد: انا مش شايفه حاجه انا عاوزه انزل الل ف بطنى دا
شاهنده بملامح غضب: غبيه ..غبيه مبتتعلمش
ايمان: بتقولى ايه
شاهنده : لا ولا حاجه .. قبل ما اقوم اتكلم مع الدكتور انتى متاكده من قرارك دا
ايمان بنظره حيره وتردد : ايوه
شاهنده طفت السيجاره ومسكت موابيلها : انا هكلمه دلواقتى ونروحله
مشيت شاهنده خطوتين وبصت ل ايمان بقرف : غبيه ..غبيه
اتصلت شاهنده ب الدكتور واخدت ميعاد ولبست ونزلوا راحوا العياده وعملت "ايمان" عمليه الاجهاض وبعد مافاقت بساعتين اخدتها "شاهنده" ع شقتها دخلتها الاوضه وارتاحت ع السرير
شاهنده: هعمل عشا خفيف علشان تاخدى علاجك
ايمان: لا مش قادره
شاهنده: ايه يا ايمى .. المفروض اتعودتى وعرفتى ضرورى تخدى العلاج علشان ميحصلكيش نزيف هعمل حاجه خفيفه وهاجى نتعشى سوا ...
خرجت "شاهنده" من الاوضه وراحت المطبخ وطلبت من الخدامه تحضر عشا خفيف
وراحت قعدت ف الصاله وولعت ف سيجاره وبصت ع اوضه الل فيها "ايمان" وفى عنيها نظرات استغراب خلصت السيجاره والعشا جهز اخدته ودخلت اوضه "ايمان" وكانت ايمان بتكلم اهلها تعرفهم انها هتقعد يومين عند "شاهنده"
شاهنده: يلا ياايمى العشا
ايمان بصوت تعبان: بجد مش قادره
شاهنده:لا ماهو انا مش قد يحصلك حاجه وانتى عندى
ايمان: متقلقيش مش هيحصلى اكتر من الل بيحصلى
شاهنده باندهاش: وهو ايه الل بيحصلك ان شاء الله .. عايشه احسن عيشه من الل كنتى بتحلمى بيها ومعاكى راجل بيحبك ويتمنالك الرضا .. الدنيا فاتحالك دراعها واخدتك بالحضن ..
مش دا الل كنتى عاوزاه وبتحلمى بيه
ايمان : اه انا حلمت بكده لكن لاقيت الواقع غير احلامى ...
شاهنده : امسكى بس السندوتش دا وفهمينى لانى مفهمتش
ايمان بملامح حزن : انا مش عارفه فى ايه ..حاسه ان انا رافضه كل حاجه ومش حاسه بمتعه اى حاجه .. السعاده الل كنت متخيلاها ملقتهاش برغم كل الل بتحكى عليه دا
شاهنده استغربت : فى ايه ياايمان ؟
ايمان بتتنهد : انا مش عارفه مالى لكن الل انا عارفاه انى مش سعيده
شاهنده: ودا سبب انك مش عاوزه اطفال ؟
ايمان: حسست ع بطنها : ازاى اجيب اطفال المفروض اعيشهم فى سعاده وانا اصلا مش حساها معنديش استعداد اجيب اطفال يتعذبوا ف الدنيا ويدعوا عليا ...
شاهنده: ليه كل دا ..مش يمكن لما يجوا حياتك تتغير
ايمان: وانتى ليه مخلفتيش لغايه دلواقتى علشان حياتك تتغير
شاهنده ضحكت نص ضحكه: باين ان مش مكتوبلى اعيش كده.. لغايه دلواقتى جربت كل انواع العلاج والعمليات دا انا حتى روحت لبتوع الاعمال والشيوخ ومفيش فايده ..والدكاتره بيقولوا محتاجه معجزه
ايمان: وجوزك عارف وراضى
شاهنده ضحكت: هو عارف اه لكن راضى دا غصب عنه علشان شغل بابا وابوه غير كده زمانه اتجوز وخلف .. المهم سيبك انتى منى و يلا كملى اكلك وخدى علاجك وارتاحى
اقنعت "شاهنده" "ايمان" علشان تاكل واخدت علاجها ونامت وقعدت جنبها "شاهنده" "..
سرحت شاهنده وهى باصه ل "ايمان" : ايه الل بتعمليه فى نفسك دا يا ايمان ..ربنا بيديكى هدايا وانتى بترفسيها باايدك وبتبعديها بعيد عنك ... اولها كان "على" وضيعتيه منك وضيعتى حب مش هتعرفى تلاقيه كنت اتمنى اعيش نصه .. وعايشه عيشه كل البنات بتتمناها مع شخص بيحبك بجد ومش شايفاه ..."حسست بايدها على بطنها " ربنا بيبعتلك هديه غيرك بيتمناها ومش طايل وبترفسيها برجلك برضه .... انا مشفتش اغبى منك فى حياتك ... انتى تستاهلى الل بيحصلك والل هيحصلك طول مانتى مبتحفظيش ع نعمه ربنا ...!
مر يومين وقعدت "ايمان" فيهم عند "شاهنده" لغايه ماحست انها بقت كويسه ورجعت بيت اهلها .. فى الوقت دا "على" كان بيقضى اجازته مع اخته وولادها و"جميله" معاهم ...
فى يوم و "جميله" ى المطبخ مع "هبه " .. بيحشو حمام
هبه: هااكلكم انهارده حمام محشى فريك ورز مقولكيش انا
جميله: انا حاسه انى هرجع هغير كل هدومى مقاساتى خلاص مش هتدخل فيا تانى
هبه بتضحك: فين دا يابنتى انتى لو نفخت فيكى هتطيرى .. اقعدى بس معايا شهر وانا هظبتلك المقاس صح
جميله بتضحك: كتر خيرك .. داانا الاسبوع دا حاسه انى هرجع مش هعرف اكل الاكل الل هناك
هبه: وهو دا اكل .. الاكل الصح هو دا
جميله: الله ..الله .. ريحه الصوانى تجنن
هبه: بعد ما نتغدى اخدك وننزل نتمشى
جميله : بيبو انا عاوزه اطلب طلب منك ممكن
هبه: انتى تؤمرينى ..عيونى ليكى
جميله بتقرب من "هبه" وصوتها واطى : انا عاوزه افاجئ "على"
هبه اتفاجئت: ازاى يعنى
جميله: عاوزه البس زيكم هنا كده جلابيه فلاحى ومنديل ع راس وكده
ضحكت "هبه" :يخرب عقلك هو انتى فاكره اننا بنلبس كده ..طيب بذمتك انتى شوفتى حد لابس كده
جميله: ماهو انا مشوفتش كتير ..بس فلاحين مصر لبسهم معروف
هبه ضحكت: المسلسلات دمرتلك معلوماتك.. ياحبيببتى مفيش حد بيلبس زى ما بتحكى ..دلواقتى بنلبس هدوم عاديه زى اهل المدينه..جينز وجيبات وعبايات عادى يعنى .. الرجاله الكبار الل قليلين اوى بيلبسوا جلاليب وطقيه .. زى جوز خالتى كده انما انا بلبس اهو زى مانتى شايفه ..
جميله: ياخساره يعنى مش هينفع
هبه: وانا مقدرش ازعلك .. هجبلك الهدوم دى
جميله : وافاجئ "على" بيهم الله
هبه شايفه سعاده "جميله" .. خلصوا الغدا ونزلت "هبه" راحت لواحده جارتها واخدت من عندها الل طلبته "جميله" ورجعت واداتهم ل "جميله" وغيرت وكان شكلها جميل اوى .. ولصدفه ف الوقت دا "على"كان لابس جلابيه وقاعد عند الارض بتاعتهم تحت الشجره .. نزلت "جميله" مع "هبه" وهما ماشين الناس كانوا بيتفرجوا عليها وصلت لعند "على " وكان مديها ضهره : انا جبتلك الشاى ياسى "على "
التفت "على" ع الصوت وع النبره المتغيره واتفاجئ ب "جميله" وهدومها ووقفت ف ذهول
على: ايه دا الل انتى عاملاه دا
هبه: صممت تلبس كده وتجيلك عاوزه تحس بالريف المصرى قال .. انا هرجع ع البيت اكمل الغدا وانتم متتاخروس
مشيت "هبه.. وقرب "على" من جميله ومسك منها ترمس الشاى وع وشه ابتسامه
على: ايه الل عملتيه دا بس
جميله مبتسمه: ايه رائيك بقى .. انفع اكون فلاحه
على بيضحك: تنفعى ونص .. الجلابيه هتاكل منك حته
جميله: والمنديل والطرحه وانت بالجلابيه دى ناقصلك طاقيه ونبقى كابل مفيش زيه
على ضحك بصوت : يخرب عقلك
جميله: بجد مبسوطه انك انبسطت وشوفت ابتسامتك دى
على قرب من جميله ومسك ايديها : انا انبساطى فى وجودى معاكى .. انتى بقيتى بالنسبالى حبه السعاده .. كل لحظه ببص فيها ليكى بتحسسنى بسعاده ملهاش اخر .. لمسه ايدك بتحسسنى بامان ودفى .. ابتسامتك دنيا تانيه بغرق انا فيها .... جميله .. انتى اجمل حاجه حصلتلى ف حياتى ..
جميله حست بسعاده كبيره : انا مش عارفه اقولك ايه
على : متقوليش ..
جميله اترمت ف حضن "على" : انا مهمتى ف الدنيا ان ابتسامتك متغبش
على وهو حاضنها : ربنا يقدرنى واسعدك
على وجميله مهتموش بانهم ف ارياف والناس.. احساسهم بوجدهم مع بعض لغى اى عادات وتقاليد ممكن تحكمهم ...!
قعدوا شويا واتصوروا بموابيلاتهم صور لذكرى بهدوم الل لبسينها .. واتصلوا ب "هبه تجيب الغدا يتغدوا فى الغيط وجت "هبه" بالغدا وقعدوا يتغدوا وهزروا وضحكوا وغسلوا ايديهم من التورمبه .. شويا و"عبدالله " جه عليهم ومعاه بلونات ل اولاده اول ما شافوها جريوه اتجاهه واخدوها منه وجريوا ماسكينها ويطيروها ف الهوا بالخيط .. لاحظ "على" .."جميله" وهى بتبص عليهم وف عنيها دموع وع وشها ابتسامه
على : فى ايه
جميله باابتسامه: المنظر دا فكرنى بنفسى وانا صغيره دايما كان بابا بيشتريلى بلاليين وكان بيلعب معايا وكنت بعمل زيهم كده بالظبط
على: وبعدين
جميله اتنهدت : مفيش من بعد ما اتوفى اتحرمت من للحظه دى كانت لحظه جميله مش هتتعوض
على لاحظ دموع "جميله " مسك ايديها : انا معاكى
جميله بصت ل "على": ربنا يخليك ليا
قعد "على" يهزر ويضحك غير مود "جميله " وروحوا البيت وقعدوا شويا ودخلوا ناموا ..
تانى يوم الصبح صحيت "جميله" وغيرت هدومها وفتح باب الاوضه تخرج اتفاجئت بان ايد الباب من بره مربوط فيه بلاليين فكته وبصت عليهم لاقت انهم 5 بلالين لونهم بينك وفى النص بلونه بيضا مرسوم عليها وش مبتسم ومكتوب تحتها
"smile"
مسكتهم وكانت فرحانه اوى.خرج "على" من الاوضه ال قدامها : هو دا الل انا عاوزه ضحكتك ..صباح احلى ابتسامه
"جميله" عرفت ان "على" هو الل عمل كده ومبتسمه : على
هبه : "على" نزل بدرى ولف ع بلاليين دى وعملك المفاجاءه
جميله ودموعها نازله راحت اتجاه "على" وحضنته: على .. بحبك يا على
على مبتسم: بلاش دموع دى ..دموعك دى تنزل من الفرح ومش هسمح تنزل لحزن ابدا ..
بعدها عنه وبصلها ب ابتسامه : انا لو قدرت كنت مليتلك البيت كله بلاليين
جميله ب ابتسامه : كفايه انك فكرت فيا والبلونه دى اغلى حاجه جتلى المهم انك الل جبتهالى مش مهم عددها ..
على ب ابتسامه: ربنا يديم ابتسامتك دايما
جميله اترمت ف حضنه: ربنا يديمك سعادتى
هبه مسكت موابيلها : اللحظه دى محتاجه صوره
وفضلت تصور جميله وعلى وكانت برغم بساطه المفاجاءه الا ان جميله كانت ف منتهى السعاده ... !!
______________________
يتبع
ليست هناك تعليقات:
إرسال تعليق