ساره بصه لممدوح: بجد لولااك انت واحمد مش عارف كنت هستحمل ازاى الى حصل
ممدوح: انا جنبك فى اى وقت هتلاقينى موجود
ساره بصتله : تسلم يارب ا
ممدوح: كنت عاوز اقولك حاجه مهمه
ساره بصتله : اتفضل
ممدوح : لو بتحبى حد مش بالحزن هتبينى حزنك بالعكس بانك تعيشى كويس وبتضحكى زى ماكانوا بيحبوكى فاهمانى وانا مش هسيبك لوحدك
ساره بصت لممدوح: فاهماك وان شاء الله هى فتره هتاقلم وهتعدى
ممدوح: خلاص بقى نفك من الجو دا وتعالى نروح ناكل ايس كريم لان نفسى فيه اووى
ساره بصتله باابتسامه: حد يسيب ايس كريم مستورد ويركز فى المصرى دا تلج
ممدوح : ايوه كده هى ديه ساره يلا وهتعزمينى كمان يلا
قامت ساره وممدوح واتفقوا على انهم يفضلوا اصدقاء واتعهدوا انهم يفضلوا جنب بعض وقت ما اى واحد فيهم يحتاج لتانى
__________________________
مرت سنه ع وفاه مصطفى وملك وساره وصلت لااخر سنه ليها فى الكليه
اليسانس وبقت تتعامل عادى بسبب وجود احمد معاها من ناحيه وممدوح من ناحيه تانيه ورضت ساره بالواقع بان مصطفى مش مكتوب ليها وانها اعمار وانه ذكرى لحب كانت تتمنى يكبر وعرفت فرق بين الواقع والخيال والواقع لا مفر منه وومش بالحزن هتعيش وانها لازم تعيش واكتفت بمصطفى ذكرى جميله وانها تدى فرصه جديه لااحمد واتعلقت ساره ب احمد او معنى اصح اتعودت ع وجوده من اهتمامه ليها ووقوفه جنبها فى الفتره الى فاتت وبقت شبه يوميا هى تتصل علي احمد وتكلمه لكن بعد فتره الحال اتغير شويا بينهم
فى يوم ساره بتتكلم مع احمد فون
ساره: ياااااااااه اخيرا رديت
احمد: ايه يابنتى كل الرنات ديه انتى حسستينى ان فيه مصيبه
ساره بعصبيه: ماهو انت مبتردش ليه ها
احمد: يعنى مشغول مش سامع الموبيل كده يعنى
ساره: اممممم ماهو انا لو ضامنه انك هتتصل كنت مرخمتش كده
بس انا عارفاك هتنفضلى
احمد بيضحك: حد يقدر ينفض لروحه
ساره: ثبتنى ثبتنى ماهو دا الى باخده منك تثبتنى بكلمتين
احمد: يعنى انا لو مش عاوز ارد مكنتش هرد يعنى
ساره: ياااا الله يرحم زمان تليفونى انا كان بيفصل من الرنات
والاتصالاات داانا مش كنت بشحن .. اياااااام
احمد: قصدك ايه يعنى ..انك بتكلمينى بخساره
ساره: لا ياحبيببى طبعا بس حصل فرق سرعات واقول مشغول
متظنيش وحش يا سوو احمد ميعملش كده وينفضلك
احمد بيضحك: ايوه كده اهو انتى رديتى ع نفسك
ساره: طيب ما بتردش ليه ع طول
احمد: كان بعيد عن ع الشاحن
ساره سمعت صوت جرس الويتنج: ايه الى انا سمعاه دا مين بيكلمك دلواقتى
احمد: يابنت الايه انتى سامعه الويتنج
ساره: لا حاسه بيه مش ملاحظ ان الويتنج بقى يكتر الفتره ديه
يا اكلمك ويدخل ويتنج يااما انا الى ادخل ع الويتنج
احمد: اصحابى بلاش يكلمنى يعنى والشغل وكده
ساره : امممم اصحابك ماشى
المهم ... هتيجى اخر يوم الامتحانات صحيح
احمد: ليه فى حاجه
ساره تنحت: هو انا لازم يكون فى حاجه مش انت قلتلى هتيجى تشوفنى
احمد: اه افتكرت هحاول ان شاء الله
ساره تنحت : هتحاول ... لا لو مش عاوز تيجى متجيش
احمد: اصل بصراحه مش برتاح مع اصحابك بس علشان خطرك هاجى
ساره: هنشوف
احمد: بس امتى امتحاناتك صحيح
ساره: لا لسه شهر
احمد: يااااه وبتقوليلى من دلواقتى ...ابقى فكرينى قبلها
ساره قفشت: ودا ع اساس ايه بدل ما تتطمن عليا ..هبقى اشحنلك
احمد بيضحك: انتى مالك بتاخديها قفش ليه انتى عارفه انى نساى
ساره: طيب احمد ربنا انك لسه فاكرنى انت عارف مين معاك
احمد: حبيببه قلبى وعمرى
ساره: بلاش تثبيت وحياه مامتك
احمد: صدقينى ما بثبتك انا لو لافيت مش هلاقى زيك
عاوزك تعرفى كده ومهما قابلت هى واحده بس الى فى قلبى
ساره: ياااه لو افعالك ترجع زى زمان وتبقى زى كلامك كده
احمد: ياادى الفصلان ..امشى يابت
ساره: ماانا همشى علشان ورايا مذاكره
وبعدين اسيبك لصحابك الى ع الويتنج
الساعه 2 بليل ها
احمد: ماشى ياحبيببى تصبحى ع خير
ساره: بتقلبنى ماصدقت ها ماشى
احمد: يلا يابت
قفلت ساره وهى مضايقه بس فى نفس الوقت مبسوطه انها كلمته
جربت بعدها بساعه لاقت معاه تليفون وهى دخلت ع الويتنج
فضلت صاحيه لفجر جربت لاقت الموبيل مقفول فنامت مضايقه
__________________________
تانى يوم نزلت الجامعه تجيب ورق مراجعه قابلت حسن صاحبها
ساره: ابو على
حسن: ساره انتى جايه تجيبى ورق ولا ايه
ساره: اها ... خلينا نخلص ونعدى بقى
حسن: انتى بتقولى فيها انا نفسى اطلع من الجامعه الى لازق فيها ديه
ساره: ان شاء الله قولى عامل ايه مع خطيبتك
حسن: مطلعه عينى اهو اخلص امتحانات والشقه تخلص وهنعمل الفرح
هعزمك وتيجى انتى واحمد بس تيجوا رسمى بقى
ساره: رسمى ازاى يعنى
حسن: مخطوبين او متجوزين فى السريع مش انتى مستنيه لما تخلصى جامعه
ساره : ان شاء الله
حسن: عاوزه حاجه منى طيب
ساره: لا سلامتك انا هنجز وهروح
حسن: سلامى ل احمد
ساره ابتسمت وهى ماشيه افتكرت ان احمد نفسه مفتحهاش فى الموضوع الخطوبه تانى راحت مسكت موابيلها تتصل بيه لاقت ممدوح بيكلمها
ساره: الو
ممدوح: ازيك يا سو
ساره: تمام يا باشا انت اخبراتك
ممدوح: تمام ..انت فين كده
ساره: بجيب ورق من الجامعه ومروحه الامتحانات قربت بقى
ممدوح: ربنا معاكى يامتر
ساره: الله يخليك يا بشمهندس
ممدوح: طيب علشان انتى ف الشارع ومش ينفع تتكلمى وانتى ماشيه
انا هقفل ولما تروحى البيت رنيلى هكلمك
ساره: اوك
قفلت معاه واتصلت بااحمد رد بعد عاشر مره
ساره بضيقه : كنت تكنسل ارحم
احمد ببرود : انتى داخله خناقه
ساره: انت فين يا حبيببى
احمد: قاعد فى كافيه مع اصحابى يا حبيبى
ساره: اها ماهو واضح من الصوت
احمد: انتى فين كده
ساره: فى الجامعه بجيب ورق .. انت اخبراتك ايه
احمد: انا تمام وخلصتى ولا لسه
ساره حبت تلم الدور ومش تتخانق : لا خلاص اهو هجيبه وامشى .. انا كلمتك علشان وحشتنى
احمد: ربنا يخليكى ليا وانتى كمان
ساره :طيب انا هقفل بقى
احمد: طيب
ساره: مش عاوز حاجه
احمد: سلامتك
ساره : اممم طيب سلام
احمد: سلام
قفلت ساره وهى كانت متوقعه هيقولها مثلا لما تروحى طمنينى زى ماكان بيقول راحت جابت الورق وروحت البيت و وقعدت مسكت موابيلها بعتت رساله ل احمد
(انا قلت اطمنك انى روحت مع انك مقولتليش اعمل كده بس يلا خلينى احسن منك )وسابت الموبيل وهى ع يقين انه مش هيكلمها ولا هيبعتلها رد ونسيت تكلم ممدوح ومره ساعتين تليفونها رن راحت تبص بسرعه
كانت فاكراه احمد طلع ممدوح
ساره: اوووبس نسيت خالص ارنله
ردت ساره بكسوف: انا اسفه اوى والله نسيت
ممدوح : ولا يهمك انا قلقت عليكى قلت اطمن انك روحتى
ساره: تسلملى ربنا يخليك بس متقلقش انا مش صغيره
ممدوح: حتى لو كبيره وعجزتى هخاف عليكى
ساره: يا بختها يا بنى
ممدوح: مين
ساره: الى هتكون من نصيبك ..انا بحقد عليها من دلواقتى
ممدوح بيضحك: لو لاقيتى واحده زيك انا موافق هكتب عليها من وقتها
ساره: لا متلاقيش خلاص بح
ممدوح: ياخساره
ساره: لا انت تستاهل حد احسن منى بكتير ربنا يكرمك
ممدوح: الى ربنا كاتبه هيكون .. المهم انتى هتعملى ايه فى اخر الامتحانات
ساره متفاجئه: قصدك اخر يوم
ممدوح: اهاا .. عامله خطه معينه
ساره: لا عادى همتحن واروح بس ليه بتسئل ؟
ممدوح: ايه دا انتى مش هتحتفلى بعيد ميلادك وتحتفلى مع اصحابك
على انها اخر سنه
ساره اتفاجئت ان ممدوح فاكر عيد ميلادها : انت فاكر كل دا امتى
ممدوح: فى مره اتكلمنا وانتى قولتى بتحتفلى بعيد ميلادك
اخر يوم الامتحانات زى اول سنه
ساره: فعلا كان مصطفى الى بيعمل كده
ممدوح: السنه دى عليا بقى وبعد اذن احمد يعنى
ساره اتحرجت : لا شكرا بلاش تكلف نفسك احمد اصلا هيجى يقضى اليوم معايا واصحابى لما النتيجه تطلع نتاكد اننا عدينا يعنى وكده
ممدوح: مفيش مشاكل انتى اخر يوم الامتحانات يوم الخميس صح
ساره : انت عارف الجدول كمان انت بتراقبنى ولا ايه
ممدوح بيضحك: اها حاطك فى دماغى وبراقبك
ساره بتضحك: يا ع شغل شركه الرعب المتحده دا
ممدوح: خلاص مش هطول عليكى وهبقى اكلمك اطمن عليكى تانى
ساره: اوك وتسلملى ع اهتمامك
ممدوح: دا ااقل حاجه اقدر اعملها ليكى انتى تستاهلى اكتر
ساره: تسلملى
ممدوح: لااله الا الله
ساره: سيدنا محمد رسول الله
قفلت ساره وهى متنحه من ممدوح الى فاكر كل حاجه واحمد الى نسى
فقالت لنفسها : ممكن يكون احمد محضر مفاجاءه ولا حاجه بلاش الظن الوحش
راحت فتحت الملازمه وقعدت تذاكر وتبص ع الموبيل مستنيه رساله او اتصال من احمد مفيش
__________________________
فى يوم ساره بتتصل ع احمد لاقت تليفونه غير متاح
وفضل غير متاح لمده اسبوع وفى يوم لاقت تليفونها رن وكان احمد
ساره: حمد الله ع السلامه
احمد: الله يسلمك
ساره: وايه فكرك بيا ان شاء الله
احمد: براحه طيب عليا
ساره: يعنى انت عارف انى داخله ع امتحانات رايح انت تشتتنى كده وتقلقنى
احمد: ايه دا قلقتى عليا
ساره: لا خالص قلقت ع الموبيل يكون حصله حاجه
احمد: الموبيل فعلا كان محتاج الى يسئل عليه
ساره بعصبيه: كنت فين يااحمد الاسبوع دا ولا فكرت تطمنى عليك
احمد: بهدوء كده ..موبيلى باظ وودتيه يتصلح
ساره: اهااا ومكنش فى تليفونات تطمنى عليك وتقولى
احمد: يعنى هيحصلى ايه متقلقيش يا حبيببتى انا كويس طول ماانتى كويسه
ساره بضيقه : احمد انت خنقتنى
احمد: لالالا انتى داخله ع امتحانات ولازم تروقى كده
ساره: ودلواقتى موبيلك اتظبط ان شاء الله
احمد: اها ..وبكلمك منه لان جتلى رسايل كتير من رقمك
ساره: ع الله يطمر
احمد: بتقولى ايه
ساره: ع الله يطمر
احمد: والله وحشتينى
ساره : المفروض اصدق واعدى
احمد: متجيش ع ديه بس والله بجد وحشتينى اووووى
ساره كالعاده لمت الدور : ماشى هعديلك التثبيته ديه علشان انت وحشنى
احمد بحنيه: قد ايه كده
ساره: قد برودك
احمد بيضحك: انا بارد حرام عليكى
ساره : اها انت بارد
ومره واحده التليفون فصل شحن
ساره: يووووه مبلحقش اتكلم كلمتين موبيله يفصل ايه الخنقه ديه
بس كويس انى اطمنت عليه
راحت ساره مسكت موابيلها تجرب لاقته مقفول عرفت انه فاصل شحن وبعتتله رساله
(انت كنت واحشنى جدااا ويارب دايما تكون بخير )
وحطت الموبيل جنبها ورجعت تذاكر وتانى يوم الصبح اول ما فتحت عنيها
بصت ع الموبيل تشوف الرساله وصلت ولا لا ولاقتها وصلت وكالعاده لا اتصال ولا رد منه
__________________________
فى يوم ممدوح كان قاعد مع مامته ومروه اخته
مامته: كمان اسبوع انا عاوزاك تفضى نفسك يا ممدوح
ممدوح: ليه خير
مروه بتغمز: خير ان شاء الله
ممدوح : فى حاجه ضرورى يعنى
مامته: انا بقولك تفضى نفسك يوم مش هيجى ع يوم يعنى
ممدوح: امتى يعنى حددى اليوم ولا عاوزانى الاسبوع كله
مامته: لا عاوزاك تكون فاضى يوم الخميس
ممدوح : لالالا الخميس مش هينفع
مامته بصتله : ليه وراك ايه يعنى
ممدوح: ورايا مشوار مهم واصلا انا طول اليوم مش فاضى
شوفى يوم تانى .. وبعدين انتى عاوزانى فى ايه
مروه: اصل ماما عازمه ناس عندنا ولازم تكون موجود
ممدوح: وانا مالى يعنى ومن امتى بحضر عزومات انتم بتعملوها
انتوا عارفين انى فى الشغل ومش فاضى
مروه بتغمزله: ماهى مش اى عزومات دى عزومه ع اسمك
ممدوح متنح ل مروه : نعم
مامته: من الاخر كده خالتك عزمت واحده قريبتها وبنتها عندنا
ولسه مامته بتكمل كلام ممدوح قاطعها: تانى يا امى تانى عروسه وجواز
مامته بعصبيه: اه عروسه وجواز انت مستنى ايه اصلا تقعد كل دا
مستنى تكون نفسك ولا مش لاقى تجيب شبكه وشقه
ماشاء الله عليك شغلتك مضمونه شركتك شغاله كويس جدااا وشقتك موجودهولو عاوز فيلا هتجيب وشبكتك هتتوجد مهما كلفتناقصك ايه فهمنى كل ما اجبلك بنوته وتكون مناسبه ترفض
مروه : اصل ممدوح ياماما عاوز يتجوز عن حب
ممدوح بيبص ل مروه وبعصبيه: حقى انى اختار طريقه الى هتجوز بيها
انا مش هتجوز صالونات ..انا هتجوز من الى هحس انها مناسبه ليا
الى عاوز اعيش معاها مش انتم تشوفوها مناسبه
مامته : يعنى افهم من كده انك مش هتيجى
ممدوح: لا وانا داخل اوضتى ارتاح شويا
قام ممدوح وقطع كلام مع مامته ودخلت مروه عليه الاوضه
مروه: مالك كده اتعصبت ليه
ممدوح: يعنى انتى مش عارفه الى ماما عماله تعمله
مروه: بالمسايسه يعنى مش بعصبيه اخلع
ماما زى اى ام عاوز تفرح بيك وتشوف احفادك وكده
ممدوح: يعنى انا مش عاوز استقر وابقى اب ,,بس مش علشان ابقى اب
اتجوز اى واحده وخلاص لازم يكون فى بينا تفاهم وحب اسباب تخلينا نعيش مع بعض غير اننا نخلف ونفرح الى حوالينا
مروه : امممم معاك حق بهدوء كده وصلها الفكره ..هى بصراحه قلقانه عليك تنسى نفسك والعمر بيجرى
ممدوح: هعنس يعنى ولا ايه
مروه: لا يعنى دى اهم واحلى فتره حياتك عيشها
ممدوح: كله باامر الله
مروه : هو انا ينفع اسئلك سؤال
ممدوح : خير يا عم رويتر
مروه: هو فى حد فى حياتك ومخبى علينا قول دااحنا هنفرح والله وماما اكتر
تنح ممدوح لسؤال مروه: ايه الى بتقوليه دا قومى يامروه روحى ذاكرى علشان امتحاناتك
مروه : اقطع ايدى ان فى واحده الى خلى وشك جاب الوان كده
ممدوح بيزق مروه ناحيه الباب : امشى يلا
خرجت مروه وقفل وراها ممدوح الباب وحس بقلبه بيدق بسرعه لما سالته حط ايده ع قلبه
__________________________
واستمر الوضع ساره تتصل تكلم احمد وممدوح يتصل بساره يطمن عليها
وقبل ليله الامتحان الاخيره اتصلت ساره ب احمد وتليفونه مقفول
بعتتله رساله يكلمها ضرورى اول ما يفتح الموبيل
وهى سهرانه لاقت ماسج من ممدوح (حاولى تنامى ساعه ترتاحى (
راحت ساره مسكت موابيلها واتصلت عليه
ساره: ايه الى مصحيك الفجر قرب يأذن
ممدوح : مفيش كان فى شغل بخلصه وبعدين قلت اصلى الفجر وانام
وبعدين انا عارف انك بتطبقى ليله الامتحان
ساره: كنت بحاول انام ومعرفتش بس انبسطت برسالتك بجد
ممدوح: حاولى ترتاحى ساعه علشان بكره تقدرى تقضى اليوم مع احمد
وانت مش فاصله
تنحت ساره لما جبلها سيره احمد الى مش عارفه توصله : اها ان شاء الله
ممدوح: يلا اسيبك ترتاحى وهكلمك بكره بعد الامتحان
ساره: اوك ان شاء الله
ممدوح: لااله الاالله
ساره: سيدنا محمد رسول الله
قفلت ساره واتكدرت بعد ما ممدوح جاب سيره احمد وجربت تانى تتصل لاقته مقفول والرساله موصلتش لسه ... رمت الموبيل جنبها وقامت تتوضى وتصلى ركعتين وترجع تراجع شويا
__________________________
تانى يوم راحت ساره الجامعه وعماله تجرب ع موبيل احمد ولسه مش مفتوح دخلت الامتحان وخرجت قابلت اصحابها بره
شيماء: اخيرا خلصنا
ساره: طبعا مين قدك النتيجه هتطلع من هنا وفرحك من هنا
شيماء: اخيرا ماهو دا قصدى وافكنى من جو خناقات البيت
مى: وانتى يا سو هنسمع خبر حلو قريب
ساره : خبر ايه
حسن: مش انتى يابنتى قلتى مفيش خطوبه ولا جواز الا لما تخلصى
وقعدتى احمد جنبك ها هنفرح ولا ايه
ساره بتهته: اه.. ان شاء الله .. يلا بينا بقى
حسن : استنى بس العيال يتجمعوا
ساره: بصت حواليها هنستنى مين تانى
مى: استنى بس علشان منتهش
ساره: طيب تعالوا فى المكان الى بنقعد فيه نستناهم
حسن بلهوجه وخضه: لالالالالا هنستناهم هنا اصبرى مستعجله ع ايه خلينا نشبع من بعض مش دى اخر سنه ولا ايه
ساره مستغربه من وقفتهم وانهم مش عاوزين يتحركوا
تليفون حسن رن رد وقفل : يلا يا جماعه
ساره: ع فين
حسن: تعالى بس العيال مستنين هناك فى مكانا
ساره: ماهو انا قلت كده بدل الوقفه ديه
مى بتبص ل ساره وبتضحك هى وشيماء
ساره: فى ايه الى بيضحكم كده ها
مى: هتوحشينى يا سوو
ساره: هو انا هموت ولا ايه
شيماء: احتمال بعد شويا
وهما ماشين ومقربين ع المكان ساره لاحظت حاجه
ساره: دا فى حفله فى الجامعه ولا ايه
مى : اه حفله
ساره: ومحدش قال يعنى وبمناسبه ايه
حسن: لما هتقربى هتعرفى كلنا هنعرف
ساره: بس دى مكلفه اوى ايه البلالين ديه والزينه نادرا لما اشوف كده فى الجامعه
ولسه ساره هتكمل كلامها وقربت من المكان لاقت اصحابها واقفين وترابيزه كبيره فيها حلويات وتورته كبيره مكتوب عليها happy birth day sara
ومطبوع عليها صورتها واصحابها هايصين وبيغنولها
ساره باندهاش وسعاده بعد ما كانت متكدره : انتم الى عملتوا كل دا بجد
حسن : بصراحه احنا ساعدنا فى التحضيرات وانتى انما الى عمل كل دا
شاور حسن ع شخص واقف كان مستخبى بينهم : اظهر وبان عليك الامان
ساره بتبص ع الاتجاه الى حسن شاور عليه واتخضت من المفاجاءه : معقول ..... لاقت قدامها ممدوح
ساره مذبهله فى مكانها : ممدوح معقوله
ممدوح قرب منها : حبيت افاجئك وتختمى اخر سنه فى الجامعه بذكرى حلوه
ساره افتكرت كلام مصطفى عن الذكرى الحلوه وانه نفس التصرف الى حصل قبل كده عنيها دمعت وفرحت اوووى
ممدوح: ايه دا ايه الدموع ديه انتى زعلتى ولا ايه
ساره باابتسامه: ازعل داانا ابقى عبيطه بجد مفاجاءه حلوه اوووى
ميرسى يا ممدوح
حسن : بصراحه انا الى كنت فاكر ان الوحيد الى قابلته وبيعمل مفاجاءات هو مصطفى انما ممدوح طلع نسخه مستحدثه منه
ممدوح : ساره انسانه غاليه عندى ودى اقل حاجه اعملها ليها
ساره : ميرسى اوى يا ممدوح بجد مش لاقيه كلام اقوله
ممدوح: متقوليش حاجه يلا طفى الشمع علشان انا استأذنت اننا مش هنطول كنت عاوز اعملهولك بره بس انتى قلتى انك خارجه مع احمد فقلت نحتفل كلنا هنا
ساره سمعت اسم احمد وشها اتحول : اه .. احمد .. اصله مشغول وكلمنى من شويا وقالى انه مش جى
حسن: كلمك امتى ..داانتى كنتى عماله ترنى
ساره خبطته : كلمته واحنا ماشين وانت مش واخد بالك بعد كده هنبهك تشوفنى وانا بتكلمى
حسن : اه طيب يلا بينا بقى لان التورته تفتح النفس
ممدوح بص ل ساره حس انها مضايقه من حاجه راح ناحيتها : فى حاجه يا ساره
ساره : لالالا ابدا مفيش سلامتك يلا بينا نطفى الشمع
ممدوح وباصص ع ساره : يلا بينا
راحوا طفوا الشمع واستغرب ممدوح ان مفيش هدايا
ممدوح بص لساره : هو اصحابك مبيجبوش لحد هدايا ولا ايه
ساره ضحكت فسمعه حسن وقال : ساره من اول عيد ميلاد اتعملها هنا
وكل سنه قالت لينا مش عاوزه هدايا الهديه ذكرى حلوه تجمعنا نفتكر بعض بيها ومن ساعتها مقضيها ذكريات
ساره : تصدق يا حسن انت رخم
ممدوح: بجد الكلام دا مش بتاخدى هدايا
ساره: اممم انا المهم عندى لحظات افتكرها مع اشخاص القريبين ليا
الهديه مش مهمه عندى اكتر من الشخص نفسه الى معايا
ممدوح حط ايده فى جيبه وكان هديها العلبه ورجع فى كلامه
وكملت ساره كلامها: انا هديتى من الكل وصلت انهارده بالى انت عملته يا ممدوح ووجود اصحابى معايا والفرحه ال دخلت قلبى بجد هحتاج ايه انا اكتر من كده
بصلها ممدوح وع وشه ابتسامه : يا ع بساطتك يا ساره
ساره: الاشخاص مش بالهدايا الاشخاص بالمواقف هنا تعرف مكانتك عندهم انا هستأذنك بس شويا هكلم البيت
مشيت ساره ووممدوح باصص عليها والابتسامه مرحتش من ع وشه
جربت ساره تتصل ب احمد كذا مره لغايه ما اتخنقت وبعتتله رساله وقالتله شكرا ورجعت قضت اليوم مع اصحابها وروحت البيت
دخلت اوضتها رمت الموبيل واخدت دش وخرجت تقعد مع مامتها شويا
لاودخلت اوضتها تانى بصت ع الموبيل شافت مسد وماسج
فرحت لما شافتهم مسك الموبيل بسرعه وهى بتكلم نفسها
ساره: والله لسه فاكر يااستاذ احمد
فتحت الماسج لاقتها من ممدوح : يارب تكونى انبسطى واجازه سعيده
اترسمت ع وشها ملامح الزعل : كتر خيرك يا ممدوح مش زى ناس
اكيد المسد من ممدوح
بصت لاقتها منه راحت اتصلت عليه : الو
ممدوح: انا قلت انك نمتى
ساره: لا خالص كنت قاعده مع ماما ورغى وكده ماهو بقيت فاضيه
ممدوح: امممم وهتعملى ايه فى الاجازه
ساره: هرتاح شويا لغايه النتيجه ولما تطلع يحلها ربنا بقى
ممدوح: طيب لو محتاجه اى مساعده فى اى حاجه قوليلى متتكسفيش
ساره:تسلم يارب هو انت مديلى فرصه اطلب
ضحك ممدوح: لا ما ممكن يكون فى ومخبيه
ساره: تسلم يارب وقت ما هكون محتاجه حاجه هكلمك اكيد
ممدوح: وعد
ساره: وعد
ممدوح: طيب يلا روحى ارتاحى وهكلمك بعدين
ساره: اوك سلام
قفلت ساره ورمت نفسها ع السرير ورمت الموبيل جنبها وكانت مبسوطه من ال عمله ممدوح وافتكرت ال عمله احمد ومن خنقتها من احمد عملت الموبيل سيلنت ونامت
__________________________
فى اليوم دا ممدوح كان فى البلكونه قاعد ع الكرسى مربع ايده وباصص ع السما وع وشه ابتسامه دخلت مروه شافته وعجبها المنظر اوى
مروه: مش قلنا بنحب
ممدوح انتبه لمروه: يا شيخه اتنحنحى ايه دخلت الحراميه دى
مروه : قولى ايه ال مخليك مبسوط كده بالرغم ان ماما مش طايقاك علشان عزومه انهارده ال فركشت
ممدوح باابتسامه ع وشه : قوليلى يا ميرو هو ممكن تعجبى شخص من غير ما تشوفيه اقصد من حكاوى بتسمعيها عنه
مروه: والله كل شئ جايز
ممدوح: يعنى تسمعى عن شخص ولما تقابليه تقربيله وتلاقى نفسك مشدوداله وتبقى مبسوطه وانتى معاه وطول ماهو بيضحك تحس انك مش محتاج حاجه تانى من الدنيا
مروه باابتسامه كبيره : دا مش اعجاب يا دوحه دا حب وغرقان فيه ..مين بقى ها
ممدوح: امشى اطلعى بره
مروه: لا بجد انت متغير بقالك فتره فى حاجه ولا ايه
ممدوح بص ل مروه : انا قايم ورايا شغل هعمله
خرج ممدوح وهو بيكلم نفسه : انا مش كنت متوقع اوصل لكده خالص بس ال عارفه انى سعيد جدااااااا هتوصل لفين يا ممدوح
__________________________
ابتدت الاجازه وصحيت ساره متاخر من النوم اول ما صحيت راحت شافت موابيلها وكانت متوقعه تلاقى رنه او اتصال من احمد جربت تتصل لاقته مقفول
ساره: لا مش معقوله ايه اتخطف ولا فطس يعنى
وهى لسه بتتكلم مع نفسها لاقت موابيلها بيرن لكن من رقم
ساره: الو
احمد: صباح الورد يا سو كل سنه وانتى طيبه
ساره: احمد
احمد: لا عفريته انتى لسه مش صحيتى ولا ايه
ساره بعصبيه: لا ياراجل انت لسه فاكر تكلمنى
احمد: طيب قبل ما تتعصبى وبتاع انا موبيلى اتسرق منى بقاله يومين
ولسه جايب شريحه بس نسيتها ف العربيه فقلت اكلمك من رقم الشغل دا
ساره: رقم شغل هو من امتى معاك رقم لشغل
احمد: ماهو الشغل الجديد كده
ساره: شغل جديد ..انت مقولتليش قبل كده ؟
احمد: بجد ... انا فاكر انى قلتلك عموما اديكى عرفتى
ساره بضيقه: انت مش ملاحظ انك بتفاجئنى وترجع تقولى كنت فاكر قايلك
احمد: مش مهم تعرفى اهو عرفتى ..
وبعدين متنكديش ع نفسك كل سنه وانتى طيبه
ساره بضيقه : شكرا فيك الخير
احمد: مالك بتقوليها من غير نفس كده
ساره: اصلى كنت مستنياك امبارح
احمد: مستنيانى ليه
ساره مندهشه: احمد انت بتتكلم بجد مش عارف
احمد: لا يابنتى فى ايه
ساره: مش انت قلت هتيجى تقضى اخر يوم معايا وعلشان عيد ميلادى
احمد تنح : اه ه ه ه بس انتى مفكرتنيش احنا اتفقنا واتقفنا تفكرينى لانى ببقى مشغول
ساره: افكرك .. خلاص انسى
احمد: طويب يلا علشان عندى شغل وانتى اخرجى وفكى فى الاجازه بلاش قاعده البيت
ساره : هو انت مش نازل القاهره قريب
احمد: معرفش ظروفى لسه ..
ماتيجى انت اسكندريه اهو افسحك وهتنبسطى
ساره بلهجه ضيقه: هتفسح بنت اختك صح يلا اقفل علشان متتاخرش
احمد: اوك هكلمك تانى لما اشغل الشريحه
ساره: ان شاء الله
قفلت ساره وهى مخنوقه وحاسه ان فى حاجات بتتغير وانه كلمها تقضيه واجب بس رجعت قالت لنفسها بلاش اسئ الظن واكيد ليه اعذاره
خرجت ساره من اوضتها لاقت مامتها قاعده
ماماتها: صباح الورد ع الناس العاطله
ساره بتضحك: هههههه صباح الفل على الناس ال بتتريق
مامتها: مردتش اصحيكى وسيبتك تقومى براحتك
ساره: يخليكى ليا ياست الكل
مامتها : يلا بقى هتساعدينى ف شغل البيت بس المرادى بزمه مفيش هروب
ساره: نعم ..هو انا هاخد الاجازه هروب من الاشغال الشاقه الى كانت ف الجامعه لاااشغال شقه فى البيت
انتم اشترتونى منين اعترفى ياماما ان انا مش بنتكم واتنبتونى
مامتها بتضحك: والله يابنتى احنا لاقناكى قدام باب الشقه قلت اكسب فيكى ثواب وغير كده انتى عارفه انى مش عندى بنات هما ولد بس وقلت اربيكى تكبرى تخدمينى
ساره متاثره بتكمل تمثيل: سحقا لهذا الزمان كنتى استنى اخد الشهاده وقوليلى الحقيقه لا مش قادره مش قادره لا
مامتها: كفايه كده يلا قومى معايا شوف هنتغدى ايه الساعه 2 وباباكى قرب يوصل
ساره: فصلتينى كده يا ماما وانا كنت مندمجه
مامتها: انتى ناويه هتعملى ايه صح هتشتغلى ولا ايه
ساره: والله مش عارفه انا هستنى النتيجه واشوف لانى عندى احساس انى شايله
مامتها: طيب قومى قدامى يلا ال شايله ال
ساره: متزقيش كده عاملينى كاانى بنتك خلى الثواب تكسبيه كام من غير تخفيض
مامتها: امتى اليوم ال اشوفك مترحله من هنا ع بيت احمد واشوفك هتعملى كده معاه
ساره وشها اتحول : اسبقينى يا ماما وانا هحصلك تليفونى باين بيرن
مامتها: مفيش حاجه
ساره: يلا يا ماما انا هحصلك
دخلت ساره اوضتها وافتكرت انها كانت قايله لمامتها انها لما هتخلص امتحانات احمد هيجى يتقدم رسمى ولاحظت ان احمد طراوه مفتحهاش فى حاجه بعد ما وعدها بكده وخلاها تتكلم بقلب جامد
تليفونها رن وهى قاعده كان ممدوح
ساره: ممدوح باشا
ممدوح: ازيك يا سو
ساره: لسه صاحيه من النوم حالا
ممدوح: ايه الدلع دا وانا ال فاكرك نشيطه
ساره: اجازه بقى وهنا ناوينين يشغلونى سيده الفلبينيه فبجهز
ممدوح بيضحك: اخرت كل بنت شغل البيت
ساره: انا راضيه ياخويا بس لو هيدفعولى مش لله
ممدوح : خليها عليكى ... انا قلت اكلمك اسلم عليكى علشان مسافر
ساره: مسافر مش قلتلى يعنى ..
هو ايه الحكايه الكل بيبلغنى اخر واحده ليه
ممدوح: انا لسه عارف من نص ساعه وانتى اول حد اقوله البيت عندى ميعرفش لسه
ساره تنحت: دايما نصفنى يا ممدوح يخليك لولايا
ممدوح: هو اسبوع ومش هتاخر بس حبيت اسلم عليكى
ساره: توصل بالسلامه يارب
ممدوح: عاوزه حاجه ولا مش هتاخدى هدايا
ساره بتضحك: لا مليش فى جو الهدايا ممكن عزومه راضيه
ممدوح: ياسلام جيتى فى جمل ليكى عزومه اول ما هنزل تمام
ساره: تمااااااام خلى بالك ع نفسك انت
ممدوح: كله باامر الله يلا سلام
ساره: لا اله الا الله
ممدوح: سيدنا محمد رسول الله
قفل ممدوح الموبيل وهو مبسوط وقلبه بيدق جامد من السعاده انه كلمها
__________________________
مر اسبوع من الاجازه وساره مقضيها ف البيت وفى خلال الاسبوع دا مكلمتش احمد غير مرتين وهو دايما مشغول فى يوم ساره قاعده بتتفرج ع التليفزيون تليفونها رن بصت لاقته ممدوح
ساره: حمد الله ع السلامه
ممدوح: الله يسلمك لسه خارج من المطار حالا
ساره: وانا اقول القاهره نورت ليه
ممدوح: يا بكاشه.. يلا جهزى نفسك لعزومه بكره ومفيش نقاش تمام وبليل هكلمك هقولك فين
ساره: براحه طيب نتفاهم
ممدوح: مفيش تفاهم يلا سلام
قفلت ساره وهى بتضحك : الواد اتجنن كان بعقله والله
جه فى دماغها تكلم احمد وتلمحله ع موضوع انه يجى وان مامتها مستنيه وكده اتصلت عليه 10 مرات مردش فى المره ال 11 رد
ساره: كنت هقفل خلاص
احمد: انتى محسسانى ان فى مصيبه بزنك ع التليفون دا
ساره: الله عاوزه اكلمك واطمن عليك احنا مش بقينا بنتكلم بقالنا فتره
مش كفايه مش بقيت اشوفك زى الاول
احمد: يا اااه يا ساره ع دلعك انتى كبرتى بقى وانا قلتلك مشغول يعنى مش فاضى ومنفضلك
ساره: طيب خلاص اقفل وروح لل بتعمله
احمد بيجر ناعم: وهو بعد ما اسمع صوتك هقدر اقفل
ساره : ياسلالالام ثبتنى يا واد
احمد: ياعيون الواد وقلب وروح الواد والله وحشتينى
ساره بعد ما كانت متحوله رجعت حنت : وانت كمااان اوى عامل ايه
احمد: مطحون فى الشغل والله الجديد
ساره: اها الله يعينك .. بقولك صح ماما بتسلم عليك
احمد: لا سلميلى ع طنط اووى
ساره استنت يقول يبلغها انه هيشوفها قريب ولا حاجه ومش قال
ساره: احمد ..هو الشقق فى اسكندريه غاليه
احمد: ع حسب ال عاوز
ساره: اصل ابن خالتى هيخطب من اسكندريه وهيعيش هناك فكان بيدور ع شقه كويسه بسعر كويس
فاجائها احمد بالرد : بجد طيب مقلتليش ليه كنت اديتله شقتى بدل ما بعتها لواحد غريب
ساره سمعت الرد تنحت: هو انت بعت الشقه بعد ما جهزتها ؟
احمد: هو انا مقولتلكيش انى اتزنقت فى فلوس علشان الشركه ال داخلها فبعت الشقه
ساره: اهاااا لا مقولتليش حاجه .. وناوى تجيب غيرها ولا هتكبر
احمد: لما ربنا يسهل بقى مش مستعجل انا بركز فى الشغل بس يثبت وبعدين ابقى افكر فى الشقه
ساره متنحه من رده حست منه انه كبر دماغه عن الارتباط والخطوبه
ساره: طيب يااحمد انا هقفل لان ماما عاوزانى وانت روح لشغلك
احمد: اوك خلى بالك ع نفسك وانا لما هكون فاضى هكلمك
ساره: ان شاء الله
قفلت ساره وهى مصدومه من كلامه وانه مش فى دماغه حاجه خالص غير الشغل فضلت طول الليل تفكر ومش عارفه ترسى ع بر منه وهى اختارت ولازم تستحمل اختيارها حلو او وحش وحست انها استعجلت بس قالت بلاش اسئ الظن تانى يوم الصبح نزلت ساره وراحت كافيه تستنى ممدوح راحت لاقته هناك
ساره باابتسامه: نفسى مره تيجى متاخر واستلمك مش بتدينى فرصه
ممدوح باصصلها وهو مبتسم: المره الجايه وبماانى مبعرفش استلم هفوتها
ساره بتضحك: حمد الله ع السلامه يارب تكون اتوفقت فى شغلك
ممدوح: الحمد الله كله تمام انتى اخبارك ايه
ساره: جعانه
ممدوح بيضحك: ماشى ياستى يلا بينا
ساره: ايه مش هناكل هنا انا راضيه
ممدوح : لا هوديكى مكان نفسك تروحيله يلا ع الله يطمر
ساره: لو بحبه هيطمر صدقنى
خرجوا وركبت العربيه مع ممدوح ووصلوا لمطعم بيعمل سوشى
ساره متنحه: ايه دا هو احنا فين
ممدوح: ادخلى برجلك اليمين بس وانتى ساكته
ساره متفاجئه : معقوله مطعم سوشى
ممدوح: مش انتى قلتى نفسك تجربيه صعب تسافرى اليابان بس المطعم دا من احسن المطاعم ال بتعمله وعن تجربه
ساره : بس انت مقلتليش انك بتحب السوشى
ممدوح: تعالى نقعد بس انا حاجز من اسبوع يلا
ساره متنحاله ومشيت معاه وقعدوا ساره منبهره بالمكان اول مره تدخله
ممدوح: عجبك المكان
ساره: روعه اوووى بس انا قلتلك عاوزه ادوق مش اكل مش يمكن ميعجبنيش
ممدوح: لا هيعجبك لانى جربته واخترتلك انواع هتحبيها
ساره بتضحك: ودوقتلى كمان
مممدوح: اومال هو انا عندى كام ساره
ساره : يلا الوصله ال بعدها دانتى متوصى عليكى
ضحك ممدوح : شاطره
ساره: بس تعرف انا كنت ناويه اقول لاااحمد عليه ونروح نجربه سوا
تنح ممدوح: عادى يابنتى ابقى روحى معاه المره الجايه
ساره وشها اتغير وصوتها : مش باينلها فى مره جايه
ممدوح: مالك فى حاجه
ساره : لا مفيش عادى متركزش وخلينا فى السوشى هو هيجى امتى
ممدوح: هو احنا مش اصحاب احكيلى وهساعدك بدل ماانتى لوحدك
ساره بصت لممدوح : فعلا مفيش حد جنبى غيرك هاخد منك استشاره بماانك ولد
ممدوح: ومجانا اول مره
ضحكت ساره: ماشى موافقه .. انت لو مرتبط بواحده وبتحبها هتتعامل ازاى معاها
ممدوح: الطبيعى افضل جنبها ومحسسهاش انها لوحدها كده يعنى
ساره: طيب لو انشغلت عنها عادى
ممدوح: عادى انى انشغل بس هحاول مش ابينلها كده علشان متزعلش
مدام هى كويسه معايا وبتقدر احطها ع راسى
ساره: طيب لو كنت متفق معاها ع خطوبه بعد ما تخلص وجبت الشقه وجهزتها ناقص الفرش بس انت خلاص بعت الشقه
ممدوح: لا وهبيعها ليه مدام جايبها ع اسمها وانى هتجوز فيها الا سبب جامد وهاخد رائيها
ساره بتنح من الاجابات : وال بيبع الشقه من غير ما يقول لل مرتبط بيها ودخل مشروع وعرفت كل دا بالصدفه
ممدوح: يبقى هى مش مهمه عنده ومش هقدر اقولك مبيحبهاش لان كل واحد ادرى بس ال بيحب حد بجد بيعمل المستحيل يكون معاه ويقرب مش يبعد وخصوصا لو الطرف التانى بيساعد مش بيتقل
ساره متنحه واتلغبطت : تمام شكرا لحسن تعاونكم
ممدوح: هو انتى فى مشكله بينك وبين احمد
ساره تهتهت: لالالا مفيش هو انا جبت سيرته بس دى مشكله تخص واحده اعرفها ارتبطت بواحد بسبب معاملته واهتمامه وزنه عليها باانه بيحبها خلااها تحبه وتتعلق بيه مع الوقت اتغير وابتدى يبعد وحصل ال قلتلك عليه فبتقولى هو كده ايه ..فانا بقى وانت عارف مفيش خبره بلاطه فقلت اسئلك
ممدوح فهم من طريقه كلامها وتوترها وهى بتحكى انه عليها : بصى لو هى شاكه تروح تقابله وتصارحه وتفهم منه الاخر
عاوزها ولا لا علشان تبطل الحيره ديه ولو بتحبه معتقدش هتحب واحد انانى كده
ساره سرحت : اه اه ماشى
ومره واحده حبت تغير الموضوع : انت اخبار شغلك ايه
ممدوح مركز عنيه ع انفعالاات ساره وحاسس ان فى حاجه هى مخبياها
ممدوح: تمام .. صحيح بمناسبه الشغل مش ناويه تشتغلى ولا هتشتغلى بالشهاده
ساره بتضحك: بشهاده ايه من حبى فى الحقوق .. عموما انا لو جت فرصه حلوه غير المحاماه دايسه غير كده ربنا كريم بقى
ممدوح: طيب وال مجهزلك شغل عاوزين مؤهل عالى مش شارطين ايه مرتب حلو ومواعيد كويسه مش فيها بهدله
ساره : قولى عليه اكسر بيه الروتين ال عايشه فيه انا اتحولت فلبينيه فى البيت
ممدوح: عندى فى الشركه
ساره: عندك ايه هتشغلى سكرتيرتك ويطلع علينا اشاعات وكده لا ياعم انت صاحبى الوحيد مش عاوزه اخسرك
ممدوح بيضحك: صاحبك لا متقلقيش مش هتبقى معايا هتشتغلى فى العلاقات العامه انتى ومروه اختى
ساره: مش هى كمان خريجه حقوق
ممدوح: ايوه هيبقى فى 6 شهور تدريب تعرفوا الدنيا والنظام وبعدين تتثبتوا ايه رائيك
ساره بسعاده: حلو اوووى ابتدى من امتى ها بكره
ممدوح بيضحك: ايه النشاط دا لا استنى ع اول الشهر انا هبلغك ع المعاد الانترفيو وهستناكى
ساره: ميرسى اوى يا ممدوح بجد انت اجدع صاحب اعرفه
ممدوح : يلا عدى جمايل ع الله يطمر
ساره بتضحك: هيطمر بعد السوشى لو عاجبنى استعجلوا
ممدوح : هنشوف
اكلوا وقعدوا يهزروا ويضحكوا وحاول ممدوح يلهى ساره عن التفكير فى احمد وفى موضوعها شويا ورجعت ساره البيت قالت لمامتها ع الشغل وحاولت تكلم احمد تقوله مردتش بعتتله رساله بلغته ونامت
__________________________
بعدها بكام يوم اتصل احمد وقال لساره انه فى القاهره وعاوز يقابلها تانى يوم الساعه 10 علشان هيسافر فى قطر الساعه 12 وفى نفس اليوم ممدوح اتصل على ساره
ساره: ايوه يا باشا
ممدوح: بكره الساعه 9 الانترفيو
ساره تنحت : بكره
________________
يتبع
ليست هناك تعليقات:
إرسال تعليق