دخلت حياه المكتب عند ادم :
حياه: ادم
ادم بصلها: ايوه ياحياه
حياه: انا فكرت امبارح واخدت قرار
ادم بقلق : وهو
قربت حياه ناحيه ادم وسكتت لحظه وهى باصه فى عين ادم عن قرب : انا عاوزه اسألك لمره الاخيره انت عاوزنى ادى عمرو فرصه تانيه .. ارجع ل عمرو
ادم متصلب وبيجمع نفسه مش عاوز يبان مهزوز: دا قرارك
حياه بتقرب من ادم: انا بسألك انت عاوز كده
ادم بعد عينه عن حياه وقعد يلم ف ورق ع المكتب : عمرو حقه فرصه تانيه
هو عاوز يصلح ال فات والقرار قرارك ..انا خارج مش هتفطرى
حياه مذهوله: هفطر واحنا بنفطر هقولك اخر قرارى
خرجت حياه مع ادم وادم كان متوتر اوى وحياه مش مصدقه ان دا ادم
قعدوا يفطروا وحياه بتراقب ادم وحساه مش ع بعضه
ادم لاحظ كده فحاول ع اد ما يقدر يظبط نفسه
ادم: مقولتيش قررتى ايه
حياه باصه ل ادم: قرارى
ادم: ايوه
حياه بتضغط ع نفسها : هدى عمرو فرصه مدام انت شايف انه يستحقها
ادم سمع الجمله اتصلب وتنح : طيب ..تمام ..كويس
حياه قامت وقفت: بلغه بكده وقوله انا قلت لحياه تديك فرصه وهى سمعت كلامى
ادم باصص لحياه وشايف ملامح وشها متغيره وزى ال هتعيط
وبسرعه مشيت حياه راحت ع اوضتها قعدت ع السرير تستوعب ودموعها نازله من تصرف ادم وقلبها وجعها دخلت الممرضه ال تعرفها عليها لاقياها بتعيط
الممرضه: حياه مالك
حياه بصت ليها وساكته .. الممرضه : مالك يا بنتى اتكلمى
حياه: ادم .. انتى متاكده انه بيحبنى
الممرضه: الكل هنا شايف وعارف ..انتى قلبك بيقولك ايه
حياه: قلبى بيقولى بيحبنى وعقلى كمان لكن ادم كذبهم
الممرضه: ليه
حياه بصتلها وحكتلها ال حصل كله لغايه الفطار
الممرضه مستغربه: لالا مش دكتور ادم دا ال حكيتى عنه
يا حياه دا نظراته ليكى بتقول انا بعشق حياه ..دا لما بتتعبى بيفضل جنبك
حياه: واضح انى بوهم نفسى بانه بيحبنى
بس ال وجعنى ان انا بحبه بجد .. بحب ادم بجد
الممرضه حاولت تدارى ع سر ادم ومعرفتش لما شافت حياه :
الممرضه : بصى يا حياه انا كنت هخبى عليكى بس ف الوضع دا مش قادره
مينفعش اشوفك مع حد غير دكتور ادم
حياه بصالها : فى ايه
الممرضه بصالها ومتردده: انا واثقه ان ادم بيحبك
حياه بملامح خيبه : بااماره ايه
الممرضه بسرعه : بااماره بااماره انه مش عيان ولا حاجه وعمل نفسه مريض
وبيحضر معاكى العلاج وبيتحطله حقنه وكلنه زيك علشان متبقيش لوحدك
حياه مذهول من ال سمعاه: بتقولى ايه
الممرضه: يعنى بالعقل كده فى حد مبيحبش حد ويعمل كده دا لو امه او اخته مش هيعملهم كده ... دكتور ادم شاركك ف وجعك وتعبك وف كل لحظه
ودا كله معناه واحد وواضح جدااا .. بيحبك لالالا بيعشقك
حياه: بيحبنى ..مين قالك ما ممكن صعبت عليه وبيشفق عليا
الممرضه قاطعتها: لالالا اسمعى منى والله دا حب مش شفقه ولا عطف
وبعدين ال مشغول زى دكتور ادم عمليات ومعاكى ع طول ومبنمش غير ساعات قليله ويبقى بيشفق ع واحده ..ركزى يا حياه كده وبصى كويس
حياه من مفاجئه ال سمعته مش مجمعه : سو انتى بتتكلمى بجد
الممرضه :جد الجد
حياه: لو كده ليه قالى ارجع لعمرو وليه مقاليش حاجه
الممرضه: ممكن كان مستنى الفرصه المناسبه وعمرو دا سبق
ما يمكن كمان هو مش عارف انك بتحبيه وخاف يصارحك يخسرك
ماهو انتم الاتنين محدش نطق لتانى هتنجموا يعنى
حياه: والعمل دلواقتى
الممرضه : نطقيه ..خليه ينطق وهتشوفى بنفسك
حياه: ها
الممرضه : انا هقولك تعملى ايه واهى تبقى اتاكدتى سواء بيحبك او لا
حياه قعدت سمعت كلام الممرضه ومركزه ونسيت عمرو وتركيزها
تاخد من ادم اعتراف باانه بيحبها ..!!!
جه ميعاد الغدا راحت حياه وملامح وشها اتغيرت بقى عندها اصرار ومهمتها هى ادم بس ادم شافها ف المطعم قاعده مستنياه ..
ادم: مجبتيش غدا ليه
حياه بصاله باابتسامه: مستنياك
ادم حس بااختلاف عن الصبح راح جاب غدا ليه وليها وقعدوا ادم بيبص ع حياه شايفها بتاكل عادى بالرغم انه شافها الصبح وقلق عليها
ادم: حياه انتى كويسه
حياه : فل الفل انت شايف ايه
ادم: الحمد الله
حياه بصاله: فى واحده خطيبها القديم عاوز يرجعلها وعاوزها تبقى عامله ازاى مزقططهطبعا
ادم مستغرب من كلام حياه ..حياه خلصت اكل : يلا يا دكتور اراك ع العشا
علشان عندى مذاكره انت ناسى بكره اول يوم ف الكورس
ادم باصصلها: ها ..طيب
حياه رجعت وبصت ل ادم: الساعه 2 هنتحرك من هنا هكون جاهزه
ادم معرفش يتكلم ومشيت حياه وهى مضايقه من ادم >>!!
اتصل عمرو ب ادم يسأله ايه الاخبار فعرفه ادم ان حياه وافقت واتفق هيظبط ميعاد بعد ما ترجع حياه من الكورس علشان يقعد معاها وقفل ادم مع عمرو وهو باصص ل تليفون وع حياه من بعيد وحاسس انه بيتخلى عنها ودى حاجه
كانت وجعاه جداااا ..!!!
_________________
تانى يوم اتعاملت حياه عادى مع ادم وفطروا وراح ع اوضتها تجهز وع الساعه 2
ادم كان مستنيها يوصلها مقر الشركه علشان دا اول يوم نزلت حياه وبرغم انها بتتعالج بكيماوى وحصلها تغيرات كتير الا انها كانت ف نظر ادم اجمل بنت ولبسها البسيط والميك اب مخليها اجمل بنت
ادم شافها بتقرب منه متنح .. حياه باابتسامه: مالك يا دكتور
ادم فاق: مفيش يلا اركبى
راح ادم فتح باب العربيه ل حياه وركبت وركب وطول الطريق مش بيتكلموا وحياه مش عارفه تفتح كلام ازاى
ادم بدء كلام: عاوزك متتوتريش واتعاملى عادى واى حاجه مش فاهمها يوسف هيكون موجود
حياه: وانت هتكون فين
ادم: هستناكى ف الاستراحه لان مش هينفع ادخل معاكى
حياه : هتوحشنى لغايه ما اخرج
ادم اتوتر من لهجه حياه وحياه لاحظت كده ..ادم: احنا وصلنا يلا
حياه قبل ما تنزل: لما اخلص تعزمنى ع ايس كريم ممكن
ادم: بعد ما تخلصى انتى عندك مشوار ..ف يوم تانى
حياه: مشوار ايه
ادم : عمرو عاوز يقابلك
حياه قلبها اتقبض وافتكرت كلام سو: هيقابلنى بره المستشفى
ادم: انتوا محتاجين تتكلموا فقلت فرصه تتكلموا وترتبوا حياتكم
حياه بتضحك: انت كمان رتبت ميعاد لالالا بصراحه تعبينك
والله مش عارفه اودى جمايلك فين عن اذنك
نزلت حياه من العربيه متعصبه ودخلت عرفت مكان فين ودخلت من غير ما تبص ل ادم فضلت قاعده وكان بدايه تعريف واغلب الوقت مش مركزه وسرحانه من موقف ادم خلصت وخرجت بصت لاقت عمرو قاعد مع ادم قلبها اتقبض لكن تمالكت نفسها وراحت ناحيتهم
عمرو باابتسامه قام وقف ومد ايده : ازيك يا حياه
حياه مدت ايدها تسلم: الله يسلمك ياعمرو
ادم كان قاعد ف النص وباصص ع مسكت ايد عمرو ل حياه وحياه بصت عليه لاقته باصص ع ايدهم مره واحده قام ادم : طيب ياعمرو الساعه 6 حياه تكون ف المستشفى ممنوع التاخير تمام
عمرو: متقلقش يا دكتور حياه ف عنيا
حياه ساكته وال عليها باصه ل ادم ولغايه ما مشى
عمرو : يلا بينا
حياه انتبهت لكلام عمرو: يلا بينا
خرجت حياه وعمرو كان مأجر عربيه يتحرك بيها وركبت حياه جنب عمرو
وكان ادم لسه متحركش وشافهم وهما ماشيين ..!!1
وصلوا عمرو وحياه لكافيه ودخلوا قعدوا ..حياه قاعده قدام عمرو
عمرو: حياه انا مبسوط جداا انك ادينى فرصه تانيه اصالح ال عملته
انا كنت عاوز اقولك ال حصل كان ..
قاطعته حياه بلهجه جد: انا مش يهمنى ال حصل ..انا يهمنى ال هيحصل
انا مش هفتح ف حاجات حصلت زمان خلاص ..انا يهمنى ال جى
عمرو: ال جى احلى ان شاء الله طول ماانتى معايا
حاول عمرو يمسك ايد حياه راحت شدتها وعملت نفسها بتدور ع الموبيل ف الشنطه وطلعته مسكته ف ايديها ....
حياه باصه لعمرو ومش مرتاحه ف القعده
عمرو: انتى عامله ايه ف علاجك ماشى كويس
حياه ابتسمت ابتسامه بارده: زى ماانت شايف ممتش
عمرو: متقوليش كده بعد الشر عنك
حياه: لالا مش شر دا قدر وغير كده الكل كان متوقع انى هموت لانى فعلا كنت بموت وادم هو ال خلاانى موجوده قدامك اهو
عمرو: ادم دكتور شاطر اووى
حياه: اووى
عمرو : حياه انا ...
حياه بصت لعمرو وقاطعته : هو انت رجعتلى ليه ياعمرو ايه السبب
عمرو: بحبك وعاوزك تبقى مراتى
حياه: وال ف مصر دى تبقى ايه وال ف بطنها
عمرو بملامح حزن: انا اضحك عليا ومنى استغفلتنى
حياه قاطعته: وال ف بطنها استغفلك مش ابنك
عمرو: متقلقيش انا مش هرميه انا هربيه وههتهم بيه
حياه: اتمنى دا وهنشوف
عمرو: انت قدامك شهرين لغايه ما تنزلى مصر ايه رأيك اول ما ننزل نعمل خطوبه ولا جواز ع طول احنا مش محتاجين خطوبه علشان عارفين بعض
حياه ضحكت: لا محتاجين لان انت مش عمرو ال اعرفه ولا انا حياه ال انت عرفتها فمتستعجلش ع خطوه لسه بدرى اووى عليها ..وانت حر ف قرارك
عمرو بسرعه: لالالا موافق موافق طول ماانتى معايا
حياه باصه ع عمرو وابتسامه ومش حاسه براحه وهى قاعده معاه
بصت ع الساعه : يلا بينا
عمرو : احنا مكملناش ساعه
حياه: تعبانه وعاوزه ارتاح
عمرو : خلاص يلا بينا وانا كده كده نازل ف فندق جنب المستشفى هتلاقينى عندك ع طول
ابتسمت حياه ابتسامه بارده وقامت ركبت العربيه سندت راسها وغمضت عينها لغايه ما وصلت المستشفى عملت نفسها نايمه ودخلت اوضتها ورمت شنطتها وحاسه انها داخله حرب لازم تكسب فيها وفتحت الصور ع التليفون وبصت ع ادم : انا مش هسيبك
__________________________
تانى يوم حياه كانت مستنيه ادم ف ميعاد الفطار وهو قاعده لاقت ال خبط ع كتفها بصت لاقته عمرو ... عمرو باابتسامه: صباح الجمال
حياه متفاجئه: ايه ال مصحيك بدرى كده
عمرو: امممم قلت افطر معاكى ايه بلاش
حياه: ها ..لا افطر
وعمرو قاعد مع حياه ..ادم كان جى ناحيتهم شافته راحت ضحكت وهزرت مع عمرو كنوع من انه تخليه يحس بالغيره وتضايقه زى ماهى مضايقه منه وتشوف رد فعله ..ادم شافهم اتفاجئ واضايق ومبينش ..
ادم: عمرو من بدرى كده
عمرو باصص لحياه: انا لو اطول اقعد هنا ف المستشفى هقعد علشان حياه متغبش عن عينى
حياه عملت نفسها اتكسفت : بس بقى ياعمرو
ادم اضايق لما شافهم وراح يجيب فطار وقعد معاهم وحياه قضتها هزار وضحك مع عمرو ولاحظت هى ان ادم اضايق ... شويا وقام ادم عنده مرور .
حيااه من بعد ما كانت بتضحك لما ادم مشى رجعت لوشها وملامح الجد : انت هتفضل طول اليوم هنا ياعمرو
عمرو: انا جى علشانك مش ورايا حاجه
حياه: بس انا عندى مذاكره وعندى علاج
عمرو: وماله يا توتا ذاكرى وانا جنبك وعلاجك خديه وانا جنبك
حياه وقفت وضحكت : عمرو انا مش بحب كده سيبنى ع راحتى انت ممكن تمشى وترجع ع المغرب كده اكون خلصت ال ورايا
عمرو: بتوزعينى
حياه باابتسامه بارده : علشان مش فاضيه
عمرو : ماشى يا توتا من اجل الورد
مشى عمرو وحياه قعدت مكانها واضايقت ع ال عملته قدام ادم واتخنقت اكتر من ادم ال وصلها لكده حطت ايدها ع قلبها ومسكت السلسله ...
استمر الوضع عمرو بيجى لحياه كتير وادم بيبقى مع حياه ف الجلسه والاتنين بيبقوا ساكتين وبيراقبوا بعض من تحت لتحت وادم كان بيعمل نفسه نايم وحياه بتفضل باصه عليه لغايه ما تخلص ومحاولتش حياه تعرف ادم انها عرفت انه مش عيان علشان يفضل معاها لانه لو عرف هيسيبها لوحدها والجلسات المكان الوحيد ال بيبقوا لوحدهم ..!!1
رجعت مها من السفريه ال كانت فيها وراحت ل ادم واتفاجئت من ال سمعته
مها: بتتكلم جداا حياه رجعت لعمرو
ادم: بملامح حزن: اه
مها بعصبيه: وانت
ادم بيضحك : انا ايه ..
انا مكتوبلى اعيش كده شايف حياه بس مقدرش المسها
مها مش مستوعبه: سبتها ببساطه كده كنت تصارحها وهى تختار
ما ممكن تكون مش عارفه انت حاسس باايه اتجاهها ..انت ايه ال بتعمله دا
ادم اتنهد: خلاص هى اختارت وقررت وانا هحترم قرراها المهم تكون سعيده
وال شايفه ان عمرو رجعلها ضحكتها وطول ماهى معاه بتبتسم وفرحانه
مها بعصبيه: ياادم قولها قولها انك بتحبها
ادم: لو عمرو مظهرش كنت هتكلم لكن ظهر وهى رجعتله وانا مش هعمل ال عمرو عمله قبل كده واخطفها منه
مها: مش قادره اصدق
ادم بص ع الساعه وكان وقت الغدا : هتشوفى بنفسك دلواقتى
مها : هشوف ايه
ادم : مها قبل ما نخرج انا طالب خدمه
مها: اتفضل
اتكلم ادم مع مها ع ال قال ل حياه ع علاقتهم ومها اتفاجئت وطلب منها ادم تمثل قدام حياه .. خرج ادم ومها ورايحين المطعم يتغدوا كانت حياه قاعده وعمرو معاها
عمرو: ما تاكلى
حياه بتبص ع ادم : ها .. كل انت انا هاكل اهو
شافت ادم جى من بعيد ابتسمت وشويا شافت مها جنبه اتخنقت
قرب ادم ومها بعد ما جابوا غداهم وقعدوا جنب حياه وعمرو
عمرو: فينك يا دكتور من بدرى
حياه ابتدت تاكل .. ادم: خير فى ايه
عمرو بيبص ع حياه: ابقى متتاخرش تانى واضح انك بتفتح نفس حياه ع الاكل
مبتقربش ل اكل غير لما تيجى
ادم بص ع حياه حياه عملت نفسها مش سامعه وبتاكل وبتبص ع ادم من تحت لتحت
مها: ازيك يا حياه عامله ايه
حياه بصت ل مها : الحمد الله
مها: عامله ايه ف كورس التصوير
حياه باصه ل ادم: دكتور ادم معايا وبيروح ممكن تسأليه
عمرو: انا مش عارف انتى مش عاوزانى اجى اوصلك ليه لهناك وتعطلى ادم عن شغله
حياه بتبص ل ادم: انا بعطلك يا دكتور
ادم بص لحياه وقلبه بيدق ووجعه ف نفس الوقت وبص ع الاكل
ادم: لا تعب ولا حاجه وعموما هانت اهو وهنرجع مصر كلنا
عمرو بص ل مها : هتفضلى معانا طبعا لغايه ما ننزل مصر
مها شايفه ملامح وش حياه ونظرتها ل ادم وملامح وش ادم الحزينه ونظرته لحياه وحاسه انه مربوطه مش عارفه تتصرف ازاى وانتبهت لكلام عمرو
مها : ها .. اه طبعا
عمرو : جميل اوى ايه رائيكم نخرج يوم بعيد عن المستشفى
زى ما كنا ف الغردقه قبل كده ..نغير جو ..حياه بتحايل عليها مش راضيه
وقالتلى ادم لو وافق وهيجى معندهاش مانع
بص ادم ع حياه لاقاها بصاله .. عمرو: قولت ايه ياادم
ادم : مفيش مشاكل
عمرو: تمام كده يوم اجازتكم هنخرج كلنا ....
__________________________
يوم الخروجه اتشيكت حياه وكان عمرو مستنيها ونزلت لاقت عمرو واقف مع ادم ومها ركبوا العربيه وراحوا لفوا وحياه كانت بتمثل قدام ادم انها مبسوطه مع عمرو وادم بيمثل مع مها انهم منسجمين مع بعض
حياه مسكت كاميرتها وعماله تصور تطبيق لل درسته ف الكورس
وكانت بتجيب الكاميرا اتجاه ادم وتقربها ويطلعلها عمرو زى البتاع كده
وراحوا ف حديقه وقعدوا وحياه كانت مبسوطه لانه المكان ال خرجت فيه مع ادم وكان مناسعد ايامها وشافت اتنين راكبين عجل
حياه: عاوزه اركب عجل
عمرو : من عنيا حاضر
حياه: لا عاوزه ادم ..اركب معاه ممكن
ادم اتاخد ومها زقته يوافق وافق .. وعمرو اضايق بس مبينش وضحك
راحت حياه مع ادم وركبوا العجل واختارت حياه العجله ال هى كرسى واحد وانها تحضن ال بيسوق ومخترتش ال فيها كرسيين ركبت وادم كان راسم وش الجد ركبت حياه وراه وحضنته وحطت راسها ع ضهره سامعه دقات قلبه
حياه باابتسامه ع وشها : عارف ياادم وانا معاك بحس باامان غريب اوووى محستهوش قبل كده وانا قريبه منك ببقى مش محتاجه حاجه ولا حد تانى لان انت كفايه عليا ...انا سعيده جداا وانا معاك ربنا يخليك ليا
..ادم قلبه دق اسرع معانه ماشى بالعجله بشويش من كلام حياه وهى حضناه اوى وهو حس بكده اتوتر ادم وبيحاول يتمالك نفسه :حياهحياه وهى حاطه راسها ع ضهره لاحظت انه وقف: وقفت ليه
ادم: حياه ..انا عاوز ارجع وخلى عمرو يركبك العجله
حياه استغربت من رد فعل ادم : مالك ياادم فى ايه
ادم بتوتر: مفيش مفيش عاوز ارجع مها ممكن تكون اضايقت
حياه اضايقت : طيب يلا بينا
سابته حياه وسبقته وراحت ل مها وعمرو وقعدت وادم كان واقف حط ايده ع قلبهحس انه هيبقف من سرعه الدق ال فيه وقشعرت جسمه لما حياه حضنته شويا وسبق راح قعد شاف حياه قاعده حطت سماعات الهاند فرى وباصه الناحيه التانيه قعد ادم وبيراقب حياه ولاحظ انها بتمسح دموع نازله ومش قادر يقولها مالك واتخنق لانها زى المحرمه عليه فقام ولاحظت حياه وحياه مش عارفه تعمل ايه تانى وادم مش عارف هيقدر يستحمل لامتى
ومها كانت مركزه عليهم اكتر من عمرو ال كان ملهى ف الكلام ...!!!
خلصوا الخروجه وروحوا كل واحد مكانه وحياه ف اوضتها التفكير هيدمرها
وادم كمان مش عارف يتصرف ازاى ف ال هو حاسه وحس ان الهروب افضل وسيله ...!!!
تانى يوم كان ف كورس لحياه لبست وجهزت ونزلت بسرعه علشان ادم اتفاجئت ب عمرو مستنيها
عمرو: اخير ا هنول شرف واوصلك
حياه متفاجئه: هو ادم فين
عمرو: ادم مشغول وقالى اوصلك واستناكى ارجعك
حياه اضايقت ومشيت مع عمرو وكان ادم واقف بعيد شايفها ..!!!
واستمر الوضع دا صدر ادم عمرو لتوصيل حياه من الكورس
وكان جلسات علاج حياه النهائيه كل 10 ايام مره علشان كانت يعتبر قربت خلاص والنتيجه كويسه جدا.....جه يوم الجلسه و كان ميعاد جلسه حياه وكانت فرحانه اووى انها هتشوف ادم وهتبقى معاه لوحدها من غير عمرو ومها ال دايما بيبقوا موجودين معاهم وبسرعه جهزت وراحت مع الممرضه لاوضه ومش لاقت ادم مستنيها زى كل مره
حياه: هو دكتور ادم فين
الممرضه: احتمال ميجيش لان عنده عمليه
حياه: خلاص هستناه لما يجى
فضلت قاعده مستنيه ادم ساعه واتنين وتلاته ومجاش ورفضت تاخد علاجها الا لما ادم يجى ...رجعت اوضتها وهى مضايقه وعرف ادم ان حياه مش اخدت علاجها ورفضت .. راح لاوضتها شافها قاعده ع السرير ..
حياه شافته ابتسمت: ادم
ادم بملاح جد وغضب: انتى مأخدتيش ليه الجلسه بتاعتك انتى هتيجى ع الاخر وتستهبلى ولا ايه ياحياه
حياه مستغربه من طريقه ادم الجامده اتخضت: ادم فى ايه
ادم بعصبيه: فى ان انتى خلاص راجعه مصر وخفيتى بنسبه كبيره جايه ف الاخر وتستهبلى وماتخديش علاجك ليه يا حياه ها
حياه وسط عصبيه ادم بصتله وردت : علشانك
ادم تنح: ايه ..انا
حياه: علشان انت مش موجود معايا
ادم بص لحياه : افرضى ان ف عمليه زى قبل كده ما حصل ضرورى وانتى لازم تاخد علاجك هتعملى ايه
حياه باصه ل ادم : هستناك
ادم: يعنى كررتى الحركه يعنى انتى عادى مريض يموت علشان اخد الجلسه معاكى
حياه : انا ياادم بموت و انت مش معايا
ادم سمع الجمله وحاول يجمع نفسه : حياه مينفعش كده خلصى علاجك ع خير انتى قربتى تنزلى مصر و ..
حياه مسك ايد ادم: وانت معايا هكمل علاجى زى ما ابتديته معايا
ادم جسمه قشعر وقلبه دق ونده ع الممرضه : جهزوا اوضه العلاج علشان الجلسه وخرج ادم بسرعه وحياه ابتسمت ...!!!
وراح ادم بياخد الجلسه مع حياه لكن المرادى حياه وهى باصه ل ادم وعلشان الجلسه كانت متاخره ف الوقت نامت وهى باصه ل ادم ..ادم لاحظ كده ومن غير ما يحس نزل من ع السرير وقرب منها ولاحظ دموع نازله من عنيها حاول يقاوم نفسه مقدرش احساسه غلبه لحظتها مسح دموعها ولمس خدها وباس عينيها بوسه خفيفه ودمعه نازله من عينه وفى سره بيقول: انا اسف يا حياه اسف
وفضل ادم جنب حياه لغايه ما ابتدت تصحى وفتحت عينها لاقت ادم ع سريره نايم
كلمت نفسها: انا كنت حاسه ان حد لمس خدى ولا كنت بحلم
الممرضه دخلت وكانوا خلاص راح ادم ع مكتبه وحياه ع اوضتها ومشى ادم من غير ما يقول حاجه ...!!!
وابتدء اليائس يبان ع حياه من ناحيه ادم معانها حاسه بغير ال مبينه ادم بقت تعمل نفسها تعبانه ادم اول واحد بيجيلها وهى ماشيه تقع ادم يشيلها لكن بقى عمرو يروح معاها الكورس ويجيبها ويقعد معاها ويتكلم ع تخيط المستقبل وحياه بيبقى تركيزها ونظرها ع ادم وعمرو مش ملاحظ ....عدت فتره علاج حياه وخلصت الكورس والنتيجه الاتنين كانت كويسه جداااا الدكاتره قالوا ل ادم انها ترجع مصر عادى وتتابع علاجها مرتين ف الشهر ف المستشفى وتكمل حياتها عادى ..ودا فرحه جداااا ... وفى الكورس والشغل اتفقت حياه انها هتبقى ف مصر وتبعتلهم ال يطلبوه وال هى هتصوره ع الميل وهتسافر مره ف الشهر هناك ... خلصت حياه حاجتها وظبطت امورها وعرفت مامتها وباباها انها راجعه وحجز ادم تذاكر السفر ليهم ومعاه مها وعمرو .. وكانوا ف المستشفى عاملين حفله صغيره لتوديع حياه ..والكل كان زعلان انها هتسافر بس مبسوطين انها خفت ومش هتحتاج علاج كتير كده وهتعيش حياتها
كانت حياه بعد الحفله وتوزيع الجاتوه وكده قعدت ع ترابيزه بتبص ع ادم وهو قاعد مع مها
عمرو قرب منها ..عمرو: بخ
حياه: عمرو
عمرو: سرحانه ف مين اكيد انا صح
حياه : انا مصدعه اوى هدخل انام علشان طياره الصبح
عمرو مسك ايد حياه : استنى ياحياه عاوزك
حياه: خير
طلع عمرو علبه وفيها سلسله لان لفت نظره ان حياه مش بتقلع السلسله ال ادم جبهالها
حياه: اى دى
عمرو: دى سلسله ع شكل قلب ..قلبى يا حياه خديه وخليه معاكى
حياه باصه لعمرو: عمرو
عمرو ماسك ايد حياه : حياه انا بحبك ومحبتش غيرك وامنيه حياتى انك تعيشى معايا انا مش هقدر استغنى عنك ..انا بحبك يا حياه
وعمرو ماسك ايد حياه باسها و حياه متصلبه من الموقف الفاجئه ف اللحظه دى ادم كان قرب منهم علشان ينبهمم ميسهروس هو ومها وشاف المشهد دا اضايق جداااا ... حياه بصت لاقت ادم شدت ايدها من ايد عمرو :ادم
ادم بيتمالك نفسه: ياريت متسهروش علشان ميعاد الطياره
عمرو: متقلقش ..صحيح ياادم مش هنفرح بيك قريب
ادم بص لحياه : ان شاء الله اول ما هرجع مصر هروح واخطب مها احنا متفقين ع كل حاجه
حياه سمعت قلبها اتقبض وتنحت ومها من المفاجئه معرفتش تنطق
راح ادم مسك ايد مها ومشى وحياه قاعده ال سمعته مش مصدقاه .. سابت عمرو وراحت ع اوضتها فتحت ف العياط وحست ان ادم مش بيحبها وقررت تبعد تفكيرها عنه .... تانى يوم ركبوا الطياره الاربعه ووصلوا القاهره ركب عمرو مع حياه وركب ادم مع مها
مها: ايه ال عملته امبارح دا
ادم: ارجوكى يامها متسأليش ع حاجه لانى مش عارف قلت ليه كده بس وجعى خلاانى اقول اى حاجه
مها: رديت ع العرض بتاع مستشفى ايطاليا ولا لسه صحيح
ادم: مش عارف لسه مرددتش انا متلغبط
مها مسكت ايد ادم: طيب اهدى كده وكله هيتصلح
ادم بنظره حزن: معتقدش
وصلت حياه البيت واخدت نفس وكانت زعلانه اوى ان ادم مش معاها وال معاها عمرو منى كانت غضبانه عند مامتها من وقت ما سافر عمرو وشافت حياه نازله من التاكسى ومعاها عمرو وهو بيضحك طالعه حياه ع السلم وهى قربت من شقه منى لاقت الباب اترزع ف وشها ..عرفت انها منى لان مامتها قالتلها ان منى قاعده عند مامتها لان دا شهر ولاده افتكرت حياه الرساله ال منى بعاتتها راحت جت قدام شقه منى عملت نفسها تعبانهوبصوت عالى : اه اه
عمرو: مالك يا حياه
حياه: مش عارفه دايخه ليه مش قادره اطلع
عمرو ساب الشنط وشال حياه: متتعبيش نفسك انا هطلعك
حياه بصوت عالى: ربنا يخليك ليا يا حبيببى
حياه شافت خيال واقف ورا باب شقه منى وكانت هى منى مفروسه ومتغاظه من حياه وحياه قصدت تغيظ وتفرس منى .....طلعت حياه ونزل عمرو راح شقته اتخانق مع مامته ع ال عمله وقالها جمله واحده: انا هتجوز حياه قريب ودا اخر كلام
سكتت مامته ومش عارفه ترد .... !!!
__________________________
مرت ايام وحياه مش قادره تقتنع بان ادم هيرتبط ب مها ومش قادره متفكرش فيه وطول الوقت سرحانه وبتبص عليه من البلكونه وماسكه السلسله ف رقبتها لكن اتمنتله الخير ف نفس الوقت فكرت ف عمرو وطريقته وندمه وانه بيستموت عليها ... ففى يوم حياه اتصلت بعمرو وهو كان عند خالته
عمرو: ربع ساعه وهكون عندك يا قلبى
قفل عمرو ..خالته: ايه البهجه دى
عمرو: اصل انهارده انا رايح احدد ميعاد الفرح مع ابو حياه وحياه
عقبالك يا دكتور
ادم سمع ومردش ... خالته: امتى كده
عمرو: انا حجزت ع اول الشهر اول اسبوع وهما يحددوا اليوم بقى
يلا علشان هتاخر انا ع حياتى
مشى عمرو وادم كان هيموت لما سمع انهم هيحددوا ميعاد الفرح
نزل عمرو وراح لحياه ومكنتش لسه قررت هتعمل ايه وف لهوجه كده حدد عمرو مع ابو حياه ميعاد الفرح اول يوم ف الشهر ونزل فرحان وراح بلغ خالته وسمع ادم وهو ف اوضته حط ايده ع صدره وضغط من الوجع ومسك التليفون وكلم مها ...!!
مها: ادم
ادم بصوت مخنوق: مها ارجوكى ابعتى لمستشفى ال ف ايطاليا وقوليلهم انى موافق وهسافر واحجزيلى قبل اخر الشهر
مها: فى ايه ياادم
ادم ودموع نازله من عنيه : ارجوكى
قفل ادم وهو حاسس بوجع هيموته ان حياه بعدت عنه نهائى ...!!!
_____________________
مرت الايام وحياه مش بقت تشوف ادم خالص وفى مره لبست وراحت لمنى
منى اتفاجئت: خير
حياه: ممكن كلمتين ومش هطول
دخلت حياه قعدت وبصت ع بطن منى : ماشاء الله هتولدى امتى
منى: اول الشهر متقلقيش مش هزعجم
حياه ضحكت لمنى: منى انتى فعلا عارفانى كويس
منى: ازاى
حياه: يعنى تتوقعى منى اخطف راجل من مراته او من خطيبته مثلا
منى حست بتلقيح الكلام: حياه عاوزه ايه
حياه قامت وقفت: انا جيت علشان اقولك سهل جدااا خراب البيوت لكن صعب تعميرها انا فى ايدى فرصه استغلها واردلك ال عملتيه زمان فيا بس العكس انتى اخدتينى ع خوانه لكن انا ع وشك يا تاجر
منى: حياه
حياه : منى ..الكلام ال بعتهولى ولا حاجه منه حصلت ولا هتحصل .. وعمرو راجعلك لانه ف الاول والاخر ملوش غيرك انتى وابنه ..ربنا يهديكم لبعض
مشيت حياه ومنى مش فاهمه فى ايه .. واتصلت حياه بعمرو
وكان فاضل اسبوع ع الفرح ... راح عمرو لحياه وهو مبسوط وف منتهى السعاده
عمرو: حياه
حياه قاعده ومبتسمه : عمرو عاوزاك ف موضوع
عمرو: خير ياقلب عمرو
حطت حياه العلبه ال فيها السلسله ع الترابيزه: اسفه
|عمرو مندهش: اسفه ..اسفه ع ايه
حياه:اسفه مش هقدر اخد قلبك لان انا قلبى مش معايا .
عمرو: ايه
حياه: جوازنا هيفشل فشل زريع وهتكرر الغلط تانى
عمرو: ليه ياحياه
حياه مبتسمه: علشان ببساطه مش حاسه بيك مش حاسه باى مشاعر اتجاهك وهظلمك معايا لو هعتمد ع انك بتحبنى وانا مفيش ناحيتك يبقى غلط وظلم ليك وانا مش عاوزه اظلمك واستغل حبك
عمرو: حياه مش هقدر اعيش من غيرك
حياه: لا هتعيش ياعمرو مش لو علشانك يبقى علشان مراتك وابنك
علشان المستقبل وال جى ... منى غلطت بس علشان بتحبك بجد
عيش مع ابنك ومراتك يا عمرو ..مضيعش سنين ف محاولاتك فاشله لانى فكرت كتير وعلشان المعرفه القديمه انا مش عاوزه اجرحك بتمثيل مشاعر مش حقيقيه ..اسفه بجد
عمرو: دا الفرح كمان اسبوع
حياه: النصيب
عمرو: حياه انتى ...
حياه ودمعه نازله من عنيها: بحب ادم ..
قامت حياه ودخلت اوضتها وعمرو ف حاله ذهول ....مش مستوعب ساب العلبه ونزل من شقه حياه وبيحاول يجمع ال حصل ...فى الوقت دا كانت مها عند ادم ف شقتهم شافتها حياه من البلكونه قاعده مع مامت ادم
دخلت حياه اوضتها حاطه سماعات الهاند فرى ودموعها نازله
مها : ادم فكر تانى مينفعش قرار انك تعيش بره دا
ادم: مش هقدر اقعد انا كنت بستحمل لكن مش قادر بجد انا بموت ومحدش حاسس بيا الحل اهرب ..اهرب من كل حاجه
مها واقفه شافت مذكرات ادم مسكتها قلبت فيها جسمها اشعر ودموعها نزلت ازاى حب بالشكل دا يضيع كده وببساطه ازاى حياه متعرفش ان ادم بيحبها كده ولا ادم اعترف لحياه ..وادم بيجهز شطنته وهينزل نزلت مها راحت لحياه البيت .. حياه استغربت لما شافت مها ف وشها ومها شافت دموع حياه
حياه: مها
مها :انا مش هتكلم كتير خدى اقرى دى
مسكت حياه مذكرات ادم ومش عارفه ايه دى لكن اتفاجئت بال مكتوب
ان ادم بيحبها من وهما صغيرين وعمل علشانها حاجات كتير وان حياته من غيرها متسواش وانه عايش بس علشان هى عايشه وبيتنفس الهوا ال هى بتتنفسه حياه بتقرا الكلام دموع نزلت من عنيها ..
مها: الحقى ادم ياحياه قبل ما يسافر ..ادم هيسافر ايطاليا ومش هيرجع
حياه بسرعه نزلت طلعت عند ادم لاقته اخد تاكسى وراح المطار ..نزلت مع مها وراحوا المطار وقعدوا يدوروا ع ادم وشافته حياه وكان مديها ضهرها راحت حياه بسرعه حضنته من ضهره : ادم
ادم اتاخد ..حياه: متسافرش ياادم
ادم بص لاقاها حياه: حياه
حياه ودموعها نازله:متسافرش ياادم
ادم مكنش يعرف انها لاغت جوازها من عمرو : مش هينفع ياحياه مش هينفع
مشى ادم خطوتين ..حياه بصوت عالى ودموع نازله من عنيها : متسبنيش ياادم انت قلتلى مش هتسيبنى ابدا وهتفضل معايا انا هموت من غيرك متسبنيش ياادم انا بحبك ..بحبك ,,بحبك
ادم واقف بيتمالك نفسه وبيضغط ع نفسه ميضعفش وفكر ف عمرو ومشى خطوتين ...حياه: انا بحبك ياادم وانت بتحبنى ليه نوجع بعض بفراق انا ولا انت مش هنقدر عليه لو سبتنى ياادم انا همووت همووت
قلب ادم وجعه ومقدرش يتحكم ف نفسه وسمع كلام قلبه ولف وراح ناحيه حياه بسرعه وحضنها ,,,حياه: متسبنيش ياادم
حضن ادم حياه اوووى : مش هسيبك يااحياه الموت بس ال هيبعدنى عنك بحبك ..بحبك
حياه: بحبك ..
مها وهى واقفه دموعها نزلت من المشهد وقالت ازاى اتنين بيحبوا بعض كده يبعدوا عن بعض ...!!!
__________________________
واتحققت امنيه ادم وحياه وبقوا لبعض بعد اعترافهم لبعض بحبهم والدنيا رجعت تضحك ليهم تانى بعد ما فقدوا الامل وابتدت حياه علاجها عادى ف المستشفى وادم بيحضر معاها لغايه ماتخلص كدكتور بعد ما عرف انها عرفت انه مش عيان بيروح معاها بيخلى حياه تنام ويقعد جنبها ماسك ايدها لغايه ما تخلص ...بعد ما ادم لاغى فكره السفر رجع لشغله ف المستشفى
و رجعت حياه لحياتها وابتدت شغل تصوير علشان تبعته لفرنسا وادم كان مع حياه فى كل مكان تسافره .. فى يوم حياه جالها اوردر تصور المنتزه ف الاسكندريه اتفقت مع ادم وسافرت معاه الاسكندريه وحجزوا ف الفندق هناك
واتقابلوا الصبح بدرى
ادم: ياصباح الجمال
حياه باابتسامه: يا صباح الروقان
ادم :عاوز اقولك سر
حياه: ايه ياترى
ادم : وحشتينى وحشتينى وحشتينىىىىىى
حياه اتكسفت: وانت موحشتنيش ايه رأيك
ادم: عينى ف عينك كده
حياه راحت باست ادم من خده : كده خالصين يلا بينا هتاخر
وبسرعه مشيت حياه وادم لمس خده :لالالا مش خاللصين خالص حياه استنى
وجريت حياه وادم جرى وراها وقعدوا يهزروا ويضحكوا ادم راح مشوار وساب حياه تفضل تصور ..وهى واقفه ومدياله ضهرها لاقت ال حضنها من ضهرها: وحشتينىىى
حياه : اتاخرت ليه كده اوعى تكون بتبصبص لواحده هرميك ف البحر
ادم : امم لما تبقى معايا حياتى ازاى ابص ع غيرها ها
ورينى كده صورتى ايه ..
راح ادم وهو حاضن حياه مسك الكاميرا : الصوره الحلوه ببوسه والوحشه ببوستين ماشى
حياه بتضحك: لا كده طمع بجد قولي رأيك علشان لما ارجع مصر ابعتهم بكره
ادم مسك الكاميرا وحياه ف حضنه وعجبته صوره وباسها ع خدها ادم حاضن حياه ومش هامه الناس وال حواليه وعمال يتفرج وكل صوره ببوسه ع خد حياه
وهى ف حضنه خلصوا ال وراهم وراحوا يتغدوا وهما قاعدين حياه لاحظت ملامح ادم متغيره
حياه: ادم ..مالك
ادم : مفيش
حياه: لا فى ..مالك بجد ومشوار ايه ال روحته ؟
ادم وملاح قلق : بصراحه فى حاجه عاوز اقولهالك من فتره وكنت متردد ومش عارف اقولها ولا لا
حياه بقلق: خير فى ايه
ادم متوتر : حياه انا عاوزك تتملكى نفسك وتسمعى بهدوء
حياه بملامح خوف وقلق :فى ايه ياادم
ادم بملامح قلق وتوتر :انا كنت ...
__________________________
يتبع
ليست هناك تعليقات:
إرسال تعليق