(21)
فى يوم صحيت "ايمان" بدرى وجهزت وخرجت من اوضتها
مامتها : لبسه ورايحه فين ع الصبح كده
ايمان: رايحه انا وشاهنده نقضى يوم عند ناس قرايبهم كنت موعداهم انا ومازن هنجيلهم وعرفوا انى موجود فاتصلوا بشاهنده وهنروح سوا ومش هتاخر ان شاء الله
مامتها : طيب ياايمان هتفطرى
ايمان: لا هاخد اى حاجه ف الطريق
مامتها: خلى بالك ع نفسك
نزلت "ايمان " وطلعت ع اول الشارع واخدت تاكسى وراحت موقف اتوبيسات السوبر جيت المنيا وطول الطريق سرحانه وبتفكر ... وصلت بعد مده ونزلت المحطه طلعت ورقه من شنطتها ووقفت تاكسى
ايمان: ممكن لو سمحت اروح العنوان دا
السواق: اتفضلى
ركبت التاكسى وكانت المسافه نص ساعه من الموقف ..نزلت قدام بيت "هبه"حاسبت التاكسى ومشى ووقفت متصلبه للحظات قدام البيت .. استجمعت شجاعتها وسالت محل البقاله الل جنب البيت ع شقه "عبدالله" وقالولها ودخلت وطلعت السلم بترقب وتوتر .. مش عارفه نتيجه تصرفها دا ايه وقفت قدام باب الشقه وهدت نفسها وسمعت صوت "هبه" بتنده ع اسم "على" قلبها انقبض وكانت هترجع لولا ف اللحظه دى
خاله"هبه" كانت نازله من شقتها وشافت "ايمان ..
خاله هبه: السلام عليكم .. انتى عاوزه مين يا بنتى
ايمان بتستجمع توترها: انا .. هبه ..هى دى شقه "هبه"
خاله هبه: ايوه هى ..اتفضلى اهلا بيكى
خاله هبه كانت بتشبهه لكنها مش فاكره رنت الجرس وفتحت هبه الباب لكنها اتفاجئت ب "ايمان" قدامها
هبه: ايمان
ايمان بتلجلج: انا اسفه لو جيت كده
خاله هبه: اتفضلى يابنتى جوه هتفضلى بره كده ..ايه يا هبه رحبى بضيفتك عيب كده
هبه متلغبطه من المفاجئه: اتفضلى يا ايمان اتفضلى
دخلت ايمان ودخلتها هبه ع الصالون ..
ونزلوا الولاد مع جددتهم ودخلت هبه معاها صينيه فيها عصير وكيك ..
هبه: مفاجئه جميله يا ايمان
ايمان: بجد..
هبه بتضحك: اه بجد .. هى اه زياره متاخره اوى يجى كده 4 سنين ونص بس حصلت
اهلا بيكى اتفضلى
ايمان مسكت العصير : انا عارفه انك زعلانه منى ..وزعلانه اووى كمان
هبه ب ابتسامه : وايه هيزعلنى منك يا ايمان
ايمان حطت كوبايه العصير ع الترابيزه قدامها وعدلت قعدتها وبصت ل هبه
ايمان : هبه .. انا جايالك اعتذرلك ع كل حاجه حصلت منى وضايقتك او ضايقت ماما الله يرحمها او على ؟
هبه بتبتسم: يااااه يا ايمان .. انتى بتتكلمى ف حاجه خلاص اتنست مع الايام ..
عن نفسى انا مش زعلانه منك وماما مبتزعلش من حد وعلى كمان نسى لان الل بينا اكبر من اى زعل احنا بينا عشره وكل واحد فينا بيختار يعيش حياته ازاى ومش شرط اختياره يعجب كل الناس .. وانتى مغلطتيش انتى اختارتى زى ماانا اختارت عبد الله ..اه انتى اتصرفتى غلط بس حصل خلاص و دا نصيب يا ايمى
ايمان: يعنى افهم من كده انك مسامحانى
هبه: احنا متربين مع بعض واحنا قد ولادى ..واكلين عيش وملح مع بعض وانا اتربيت انى احافظ ع العيش والملح مهما حصل ..
ايمان ابتسمت : يعنى هينفع نرجع زى زمان
هبه بتضحك: زى زمان قول لزمان .. بس اقدر اقولك وقت ما تكلمينى هتلاقينى وبيتى مفتوح ليكى
ايمان قامت وحضنت هبه: متشكره يا هبه متشكره انك سامحتينى
هبه: البيت بيتك يا ايمى
ايمان بصت ل هبه: انا كده ارتاحت .. هستاذن انا بقى
هبه : رايحه فين ..هتتغدى معانا مش عاوزه تدوقى اكلى ولا ايه
ايمان باابتسامه: اوكيه
هبه: 10 دقايق وهيكون جاهز
ايمان : هاجى معاكى اساعدك
هبه: يلا تعالى
دخلوا المطبخ وابتدوا يجهزوا الاكل
ايمان: بيتك جميل يا هبه
هبه: دا من ذوقك يا حبيببتى .. انتى اخبارك ايه وجوزك عامل ايه ؟
ايمان: تمام الحمد الله .. هما ولادك فين صحيح
هبه: مع جددتهم بتريحنى منهم شويا مصدعينى
ايمان: ربنا يخليهملك
هبه: تسلميلى .. وانتى صحيح معاكى ايه دلواقتى بنات ولا ولاد
ايمان سكتت وملامح وشها اتغيرت : لسه ربنا مأذنش
هبه اتحرجت:اه صح نسيت اسماء قالتلى انا اسفه و..
ايمان قاطعتها: لالا عادى متتاسفيش لسه ربنا مكتبش نصيب ..المهم اخبارك ايه مبسوطه هنا
هبه: الحمد الله واحلى حاجه حصلتلى ان على قضى معايا اسبوع بعد غياب لمده 4 سنين
ايمان بلجلجه: وعلى كويس
هبه انتبهت لكلامها: الحمد الله يلا نحط الاكل وناكل
ايمان : يلا
فى الوقت دا كان "على" وجميله" فى المطعم فى شغلهم وقاعدين فى وقت الغدا وبعد اخر موقف "على" انتبه ع تصرفاته الل بتضايق "جميله " فكان واقف عادى قربت منه "ميلدا" وبتهزر معاه وبتحط ايديها ع كتف "على" وشافت كده "جميله" وكانت هتعمل مشكله لكن لاحظت "على" تعامل مع الموضوع ونزل ايديها وبان من ملامح "على" انه نبهه "ميلدا" متعملش كده تانى ومشى ووقتها فرحت "جميله" بتصرف "على " .. جت ساعه الاستراحه :
روما: ها يا جميله هتحتفلى بعيد ميلادك فين
جميله: عادى هقضيه معاكم ايه رايكم نخرج
على اتفاجئ: عيد ميلاد جميله
احمد: ايه دا انت متعرفش عيد ميلادها
على: بصراحه لا ..اصل ...
احمد قاعه: بس بس بس . اصل ولا صوره . الحق نفسك طيب بقى يلا
بعد كلام كتير بين جميله واصحابها خلصوا الغدا ورجعوا لشغلهم وجه اتصال ل جميله ع موابيلها وكان جمال شاورت ل على وراح ليها : انتى رايحه فين؟
جميله: واحده صاحبتى اتصلت بيا وعاوزانى اروح معاها لدكتور علشان تعبانه ومفيش حد هيروح معاها
على : اهاا .. وهتتاخرى
جميله: لا خالص ساعتين بالكتير وهرجع ع هنا
على : طيب خلى بالك وانت رايحه ولا تحبى استاذن واجى معاكى
جميله بسرعه: لالالالا .. انا مش هتاخر وبعدين هتيجى معايا انا وصاحبتى ليه
ها ها ها
على ضحك: خلاص متضربيش
جميله: يلا ارجع لشغلك وانا مش هتاخر
على : انتى مكلمتيش اخوكى لسه
جميله: هو مشغول اليومين دول ومسافر اول ما يرجع هكلمه
على : طيب
جميله: يلا باى
على : لااله الا الله
جميله باابتسامه: سيدنا محمد رسول الله
مشيت جميله و"على" عينه عليها لغايه ما خرجت ..جه "احمد" خبطه ع كتفه
احمد: مش اوى كده ينيلك هو انت بتقع بسرعه كده ليه
على: بس يا رخم ارجع لشغلك روح اغسل المواعين روح
مشى "على" واحمد باصصله : صحيح الحب بهدله يا جدعان .. نفسى اتبهدل كده يارب..!
راحت جميله تقابل جمال فى الشركه بتاعتهم دخلت وكان ف ميتنج وخلصه والسكرتيره دخلتها .. جميله باابتسامه: جيمى ..
جمال: بريتى.. اخيرا شوفتك لازم اكلمك علشان اشوفك
راحت جميله حضنت جمال : انا مقدرش استغنى عنك يا جيمى
جمال: بكاشه اوى .. اعمل ايه اختى الصغيره وبمووت فيها
جميله بتضحك: انا الل بموت فيك ..عامل ايه ؟
جمال : اقعدى .. تشربى ايه
جميله: مش عاوزه اعطلك
جمال : انا الغى كل شغلى علشان اقعد مع اختى حبيببتى الل بتهرب منى بالشهور
ومعرفش اوصلها غير بالتليفون .. دا ينفع دا
جميله: لالالا واضح انك زعلان اوى
جمال راح طلب السكرتيره ودخلت : عصير الفروله لبريتى
جميله: وكمان عصير الفروله .. لا انت بتحرجنى
جمال: انتى بس قوليلى بتختفى فين كده وبقيتى تسافرى اكتر من الاول
وحتى البيت مبقتيش تيجى غير تغيرى هدومك وتختفى تانى ..احنا اتفقنا انى اسيبك براحتك وثقتى فيكى هتحافظى عليها ..بس غيابك الكتير دا ابتدى يقلقنى ...
جميله بتضحك: فى ايه يا جيمى .. مش احنا اتفقنا انك تركز ف الشغل وتسيبنى انا انطلق
جمال: بس انطلاقك دا جى عليا بحتاجك ومش بلاقيكى
جميله: ماانا قلتلك اعملك التوكيل شامل وانت مش رضيت واكتفيت بالاداره
جمال: ماهو كل دا بتاعى وبتاعك ومينفعش تسيبه كده ووصيه بابا اشاركك ف كل حاجه
جميله: خلاص اوعدك وقت ما تحتاجنى قبل ما تقفل الموبيل هكون قدامك
جمال ضحك: يا بكاشه
جميله : عيب يا جيمى ..
جمال: خلاص اعملى حسابك ان الاسبوع ال جى تكونى ف الفيلا علشان صاحبه الحفله لازم تكون موجوده
جميله: حفله ايه ؟
جمال: حفله عيد ميلادك وهنحتفل بالعقد الجديدالل مضتيه ف مصر وبما انك صاحبه عيد الميلاد وشريكتى ضرورى تكونى موجوده
جميله اتفاجئت: ها ..
جمال: مفيش ها .. الاسبوع ال جى تكونى ف البيت فاهمه ولا ..
جميله: مفيش ولا... ان شاء الله
رن موبيل جمال وقام يرد وجميله بتشرب العصير : هتعملى ايه يا جميله ..
خلصت "جميله: قعدتها مع "جمال" ونزلت اخدت تاكسى ورجعت ع المطعم
خلصوا الشغل ورجعوا ع البيت اتعشوا ودخلوا ناموا .. لكن "على" مش عارف ينام
خرج من اوضته لاقى "احمد" فى المطبخ ..
على :ايه الل مصحيك لدلواقتى
احمد بيصب كوبايه الشاى : نفسى راحت ع كوبايه شاى العشا كابس ع قلبى
على: ماهو انت طفس مش معقوله الكميه الل اكلتها دى
احمد: كنت جعان يااخى الله . المهم انت ايه مصحيك دلواقتى ؟
على بيتنهد: مش عارف انام
احمد بيهزر: ليه بتحب ولا حاجه
على خبطه بفوطه المطبخ : خفيف يا واد
احمد: ماشى ياعم ..اصبلك كوبايه ونشرب مع بعض ف البلكونه
على : ماشى ..صب
صب "احمد" كوبايه الشاى ل " على " واخدها وراحله بيها البلكونه
احمد: اتفضل ياسى على .. ولا اشربهالك
على : يخربيت ظرفتك
احمد بيضحك: لا بجد ..مالك فى ايه ؟
على بيتنهد: محتار
احمد: محتار فى ايه
على : جميله
احمد: نعم .. محتار ليه ياعم .. مش الحياه تمام .
على : مش عارف اعمل معاها ايه ..
احمد: ونبى بلاش الغاز
على : عارف يااحمد .. انا لما شوفت ايمان فى مصر قلبى دق
احمد شرق : نعم
على : زى ما بقولك كده .. قلبى دق
احمد بيبص ع اوضه جميله: وجميله
على : قلبى دق برضه
احمد حط الكوبايه ع الترابيزه : ايه ياعم .. هو قلبك دا طبله كل ما يقابل واحده يدق
على : مش كل واحده القلب يدقلها ... ماكان زمانى ارتبطت ببنات كتير وانت كنت عارف وشايف ..وانا الل مهتمتش ..
احمد: اومال ايه حوار الدقه دا بقى ..يعنى بعد ما قولت فرجت تكون اتعكت
على : دقه ايمان ..دقه ان انا احساسى ومشاعرى وحبى ووجود ايمان كان حقيقى ..
احمد: وجميله
على: دقه جميله دقه حقيقيه ..الدقه الل انا محتاجها وكنت بدور عليها
اححمد: مش فاهم ..انت عاوز تقول ايه ؟
على : الانسان قلبه بيدق دقتين فى عمره .. دقه تقوله انت كنت عايش ومش واهم نفسك ودقه بتقوله انت عايش اهو مش بتتخيل وبين الدقتين حياه بتعشها علشان تعرف انت عاوز انهى دقه بالظبط ب اختيارك تبقى ف الماضى ولا تعيش الحاضر وباصص ع المستقبل
احمد: انت لغبطتنى .. يعنى قلبك متحركش وحن ل ايمان
على: مش هكدب عليك انا كنت قلقان وخايف من زياره مصر ومكنش ف دماغ اروح المنطقه وانى اشوف ايمان علشان انا منستش حاجه.ولما وصلت البيت حسيت انى كنت امبارح هنا ومبعدتش 4 سنين ولما شوفتها قدامى لحظات دى حسيت ان كل حاجه عملتها لسه حاسس بيها
احمد: ايه ياعم..هو انت لسه بتحبها ولا ايه ؟
على: لا
احمد: والل بتحكيه دا ايه ?
على : الل بحكيه دا معناه ان كنت صادق ف مشاعرى اتجاه ايمان و ايمان جزء من الماضى مش هيتمسح ولا هيختفى
احمد : اهو دا الل قلقان منه وجميله هتتظلم ف النص ياعلى لو اهتزيت متظلمش جميله معاك علشان تنسى ايمان متستغلش جميله علشان تنسى ايمان
على بيتنهد: لالالا خالص عمرى ما استغل جميله او غيرها علشان انسى .. عاوز اقولك انا حاسس ان .تجربتى مع ايمان كانت بدايه الوصول ل جميله
احمد ابتسم: ايوه بقى خضتنى ..جميله متستهلش منك تعمل معاها حته نقص بصراحه
جميله: تستاهل كل حاجه حلوه
احمد: بمناسبه كل حاجه حلوه .. هتعمل ايه ف عيد ميلادها
على: مش عارف بفكر ع حاجه كده تكون بسيطه وف نفس الوقت هتبسطها
احمد: نعم .. بسيطه ايه هو انت فقير ياعم .. فكها شويا انت معاك ومعاك كتير اوى ف البنك
على بلهجه حاده : لا يااحمد.. انا مش هسحب قرش من الل ف البنك .. انا من وقت ما توبت وقولت مش هكمل ف الطريق دا انا حرمت ع نفسى كل قرش جه بالطريق الغلط..
وهكتفى بالقرش الحلال الل بتعب بجد واخده ..
احمد ابتسم: على .. انا فخور انك صاحبى ياجدع
على: المهم عاوز مساعدتك معايا تمام ...
احمد: ودنى ليك يا معلم
على : بس قبل مساعدتى دى عاوز منك خدمه
احمد: خير اخطفلك جميله
على : ظريف .. انت نازل مصر يومين
احمد: اه بعد بكره ماانت عارف نازل اشوف الحج واسلم المحل لواحد يمسكه الحج مشغول ف جوازه ومصمم ان الل انزل واكتب العقد
على : هطلب منك خدمه تعملهالى ف مصر
احمد: خير
على: هديك امانه توصلها ل واحده غاليه عليا وتاخدها وتفتحلها حساب ف البنك وتعملها رقم علشان ابقى احولها الفلوس عليه وانت اكتر حد هتساعدى لان خالتى تعبانه وهبه مش هتسيبها وتروح القاهره الفتره دى ...
احمد: عمل خير يعنى .. ربنا يبعتلنا البركه ع الله نحسى يفك
على بيضحك : كتر افعال الخير ربنا يكرمك من حيث لا تدارى ..ساعد غيرك ربنا هيبعتلك الل يساعدك
احمد: خلاص خلاص انت اتحولت قولت ياعم مين دى
على: اسمها "هدى " هى ساكنه ف منطقتى هقولك رقم البيت وتروح تمام
احمد: تمام ياريس
جه يوم سفر "احمد" وسافر القاهره وراح زار ابوه وقعد معاها شويا وكان "على" مااكد عليه يروح ل "هدى" وفعلا اخد تاكسى وراح ع "عين شمس " وسئل ع البيت ووصل وطلع رن الجرس وفتحت "مامت هدى " وملامح وشها تعبانه وباين كانت بتعيط .. احمد : السلام عليكم
مامت هدى: وعليكم السلام عاوز حاجه يا ابنى
احمد بص ف الورقه: انا احمد صاحب "على" جاركم
مامت هدى: اهلا بيك يا ابنى
احمد: وكنت عاوز الانسه هدى ف كلمتين ممكن
مامت هدى استغربت : الانسه هدى .. اتفضل ادخل
ندهت مامت هدى عليها وخرجت وكان ملامح وشها صعبه وحزينه وكانت بتعيط هى كمان ..
احمد شافها اتخض من شكلها الحزين : هو انا جيت ف وقت غلط
هدى : لا اتفضل .. خير
احمد لسه هيطلع الفلوس سمع صوت مامتها بتنده عليها وقامت هدى بسرعه واحمد مش فاهم حاجه لكن سمع كلام مامت هدى : ربنا يسوقك ع خير يا محمد ياابنى ..
هدى منهاره: ماهى لو بنته كان اهتم بيها بقاله 3 ساعات قال جى ف الطريق والبنت حرارتها عاليه
احمد تلقائى من نفسه خبط ع باب الاوضه ودخل حط ايده ع راس بنت "هدى " : ايه دا انتم ساكتين ازاى البنت سخنه اووى
راح مره واحده شال البنت ونزلت معاه هدى واخدوا تاكسى وراحوا ع الحميات وللحظ انهم عرفوا من الدكتور انهم لحقوها قبل ما السخونيه تأثر ذياده .. احمد واقف ومش فاهم حاجه بس الاهم انه يطمن ع البنت(الله يسامحك يا على خلتنى اقول انسه وهى معاها بنت لما اشوفك ) ... دفع حق العلاج وهدى كانت جنب السرير بنتها وعماله تعيط ومش مركزه ف اى حاجه ..فضل احمد مع هدى اليوم دا ومن غير ما يتكلم ف حاجه بس حس انه ضرورى يكون موجود لانها لوحدها ... ع بليل اخدها "احمد" ورجعها البيت وطلبت منه يطلع يشرب حاجه ومرضاش لانه الوقت متاخر ومشى ...
هدى باصه لمامتها : طبعا مجاش ابنك
مامت هدى : موبيله مقفول من الصبح
هدى : ماهو مهتمش ب امها هيهتم بشيماء ازاى يارب انت الل عالم بحالى
دخلت هدى ف اوضتها عماله تعيط : يارب رحمتك بالل انا فيه دا
تانى يوم الصبح قبل ما تنزل فتحت باب الشقه شافت "احمد" قدامها وع وشه ابتسامه : صباح الخير
هدى بنظره استغراب: صباح الخير .. ايوه حضرتك
احمد استغرب انها نسيته : انا احمد صاحب على الل جيت امبارح وودينا شيماء المستشفى و ..
هدى قاطعته: ايوه ايوه .. معلش انا دماغى مش فيا
احمد: لا ولا يهمك يلا نروح لشيماء اكيد بقت احسن
نزلت هدى مع احمد وراحوا المستشفى واطمنوا ع شيماء بقت احسن والحراره نزلت وقعد احمد يلعب معاها وياكلها ولا اكنه قريبها وبعد العصر اخدوها روحوها البيت وطلع احمد معاهم ... قعد احمد مع مامت هدى :
مامت هدى: شكرا يا ابنى تعبناك
احمد: لا ابدا ياامى متقوليش كده الل يهموا "على" يهمونى
مامت هدى بتتنهد: على .. هو ف زى على انا كنت بتمنى ابنى يكون زيه
احمد: ربنا يخليهولك.. بس سؤال فضولى انتم ازاى سيبتوها لغايه ما تتعب كده ؟
مامت هدى بتلقائيه: لان مكنش معانا جنيه ف البيت ننزل بيه ومحمد ابنى كان هيجى يوديها وهو اتاخر لكن ربنا بعتك لينا
احمد: طيب ابو شيماء فينه
مامت هدى بملامح حزن: ابو شيماء اتوفى من سنتين نتيجه جرعه مخدرات ذياده وهدى وشيماء مسئوليين من محمد من كل حاجه
احمد باصص ع حال الشقه: واضح فعلا انه مهتم
جت هدى وقعدت: شكرا يا استاذ احمد
احمد: لا ابدا ولا يهمك .. المهم "على" باعتلك الامانه دى معايا وبكره الصبح فضيلى نفسك ساعه نروح ل اقرب بنك افتحلك حساب
هدى : لالالا شكرا قول ل على شكرا
احمد: انا مقولش و"على" معتبرك اخته وقالى انك مش هترجعى ف كلامه ولا ايه
هدى دموعها نزلت ... مامت هدى: ربنا يرزقه ويفتحها ف وشه كل خير
احمد بيهزر: وانا ونبى يا امى ادعيلى
مامت هدى: ويرزقك بالخير يا حبيببى
احمد قام : المهم تجهزى نفسك واشوفك الصبح وسلميلى ع شوشو
قام "احمد" ونزل و هدى مستغربه من تصرف "على" لما شافها لما كان موجود واتكلم معاها وعرف ظروفها انها ارمله ومحمد اخوها متجاهلهم ومهملهم لدرجه وحشه بعد ما اتجوز وعاش ف الاسكندريه وسايبهم وبيشوفهم كل فين وفين .. ف اتعهد على ع نفسه انه هيراعى هدى وبنتها ع قد ما يقدر ويبعتلها زى مصروف كل شهر زى ما هيبعت ل هبه ودا بعد ذياده مرتبه ف المطعم والدنيا بقت احسن معاه ...!
تانى يوم راحوا البنك وفتح ل هدى حساب ورجعوا ع البيت وقعد احمد يلعب مع شيماء
وقبل ما يمشى : عمو خليك قاعد معايا
احمد ب ابتسامه: طيارتى الفجر يا شيمو بس اوعدك لما انزل تانى هجيلك وهفسحك كمان اوكيه
شيماء: انا بحبك اوى يا عمو
احمد: وانا كمان يا صغنن انت بس ناخد العلاج ونخلى بالنا ع نفسنا علشان ماما وتيتا ميعيطوش تانى اتفقنا
شيماء هزت راسها وحضنت احمد .. احمد كان مبسوط ب الل حصل ..
هدى ابتسمت: اول مره اشوف شيماء فرحانه كده
احمد: ربنا يديم فرحتها
هدى: ميرسى يااستاذ احمد تعبناك معانا
احمد: لا خالص انا عاطل وفاضى ومحتاج نص جنيه اروح
هدى : ها
احمد ضحك: بهزر .. الل يهمو على يهمونى المهم تكونوا بخير
هدى: ان شاء الله ...
وهو خارج طلب من "هدى" رقم موابيلها يسئل على شيماء واخده ومشى وجه ميعاد طيارته ورجع لندن
حكى ل على كل الل حصل: ايوه يا ابو احمد دا تصرفات الرجاله تسلم
احمد: عيب انت وراك رجاله
على: تسلم
سكتوا لحظات: بس هدى ظروفها وحشه اوى كده ليه ؟
على اتنهد وحكاله قصتها من اولها ل اخيرها .. احمد متاثر: ياااااه وصابره ومستحمله ازاى لو واحده غيرها كانت انتحرت
على: علشان مامتها وبنتها بس انا واثق ان ربنا هيفرجها عليها
احمد: ان شاء الله ..
شويا قعد " احمد" و"على" يخططوا لعيد ميلاد "جميله وبعدها دخلوا ناموا وصحيوا لشغلهم وكانوا عمالين يبصوا لبعض ويغمزوا و"جميله"مش فاهمه ..!
جه يوم عيد ميلاد " جميله" واستغربت ان الكل بيعاملها عادى ومفيش حد قالها "كل سنه وانتى طيبه " ولاحظت ان اخوها ومراته بس الل كلموهم وقالولها .. و"على" متجاهلها
جميله راحت اتجاه على : على
على: ايوه
جميله: انت مش عاوز تقولى حاجه
على : انا .. لا مفيش .هو انا قلتلك انى عاوزك ف حاجه
جميله بملامح ضيق: لا مقلتش
على: يلا روحى لشغلك
جميله: طيب
جميله وهى ماشيه: معقوله مش فاكر دا عادى زى كل يوم ..
لكن بالنسبه لل كانوا مهتمين محدش فكر يقولى
راحت اتجاه احمد: احمد
احمد: ايوه يا جيمى
جميله: انت مش عاوز تقولى حاجه
احمد بصلها: اه افتكرت
جميله ابتسمت: ها
احمد شاور ع صف اطباق : اغسلى دول انا نسيتهم ومشغول دلواقتى
مشى احمد وجميله اضيقت : ماشى ..حاضر
راحت بنرفزه وخيبه امل : ماشى ماشى
خلصوا شغلهم وقبل ما يمشوا بساعتين استاذن "على" و"جميله" متعرفش
جميله بتدور ع على: هو على فين ؟
احمد: استاذن عنده مشوار
جميله مسكت موابيلها تتصل عليه : مشوار ايه دا
احمد مسك الموبيل: هنروح هنلاقيه ف البيت متقلقيش مرحش يشوف واحده بالرغم انى شاكك
جميله اتخضت: احمد
احمد بيضحك: هو الل يعرفك يعرف يعرف غيرك انك القضا المستعجل ل على يا صديقتى
جميله : رخم
احمد: يلا طيب
جميله : يلا
مشيوا وقفوا تاكسى ووصلوا ع اول الشارع
جميله: فى ايه منزلتش قدام البيت ليه
احمد: عاوز اتمشى معاكى ياجيمى الله
جميله بتضحك: ماشى ياابو حميد
نزلوا من التاكسى وماشين ع اول الشارع لاحظت جميله بلونه هليوم متثبه ع الارض وطايره وفيها جواب مكتوب عليه " جميله امسكى البلونه وفتحى الجواب "
جميله: ايه دا
احمد عامل نفسه متفاجئه: ايه دا جواب غرامى ولا ايه بتخونى "على" يا جيمى
جميله: اسكت كده .خلينى اشوف ايه دا
فتحت الجواب مكتوب "من"
جميله: من
احمد: مين الل باعت دا ؟
احمد بيبص بعد خطوتين : الحقى فى واحده تانيه هناك اهى ومكتوب جميله
راحت جميله بسرعه اخدت الجواب ولاقت كلمه" حظى "
جميله: حظى ..
احمد: ايه الكلمات المتقاطعه دى
جميله بصت خطوتين لاقت غيرها جريت عليه وفتحت الجواب
لاقت "انك"
جميله بتجمع بصت قدام لاقت واحده تانيه راحت بسرعه اتجاهها ومسكت البلونه مع الباقيين وفتحت الجواب لاقت "انك "
جميله باابتسامه: من حظى انك
احمد: جمعى جمله تكسبى بلونه هاهاهاها
جميله مهتمتش بكلام "احمد" وبصت شافت بلونه تانيه راحت اتجاهها
فتحت الجواب لاقت " اتولدتى "
ابتسمت جميله وفضلت تمشى كل ما تلاقى بلونه وجواب تفتح الجواب
من اول العماره لباب الاسانسير والاسانسير لاقت بالترتيب " من" "حظى" "انك" "اتولدتى"" يوم " ""ولاده" "سعادتى" "يوم" " ولادتك" وكانت وصلت لباب شقه ولاقت بلونه مربوطه قدامها وفيها جواب فتحته
ولاقته فاضيه .. استغربت .. بسرعه رنت الجرس لاقت الباسورد اتغير واحمد اختفى
لاقت الباب اتفتح والشقه كانت ضلمه : على..على
ومره واحده خرج على بلوحه كبيره منوره مكتوب عليها
"happy birth day gamila "
مره واحده سمعت حاجه بتفرقع وصواريخ وورق طاير كانوا زمايلها ف الشغل ولاقت حفله ف الشقه وبصت ل على ودموعها ف عينيها : انت عملت كل دا
احمد جه من وراها : ومرمتنى معاه والله
راحت بتلقائه اترمت ف حضن على : بحبك ياعلى بحبك بحبك
على : كل سنه وانتى احلى
احمد: يلا نطفى الشمع
راح احمد جاب التورته وكانت على شكل بلاليين مكتوبه كل بلونه حرف اسم جميله وكان شكلها تحفه جدااا وعجبت جميله اوى وطفوا الشمع وقبل ما يطفوا الشمع "جميله" بصت ل "على" ولما قالولها اتمنى امنيه مسكت ايد " على" وفضلت بصاله وضغطت ع ايده واتمنت وكان مرسومه ع وشها ابتسامه وطفت الشمس ومسك "على" قطعه من التورته واكل "جميله " واكل بعدها وابتدوا الموجودين ياكلوا من الحلويات والتورته وكانت "جميله" ماسكه كوبايه عصير وبتشرب شربت منها مره .. ومره واحد شدها من ايديها "على " ..
جميله: فى ايه
على: عاوز اشرب عصير
جميله بتضحك: ماهو موجود قدامك يعنى ونفس النوع
على : لا مش نفس النوع .. دول اى حد يمسكهم ويشرب منهم ..
لكن دى جميله مسكتها وشربت منها .. يعنى تختلف وانا عاوز اشرب من دى
جميله : يا سلام خلاص اشرب
مسك على الكوبايه وشرب مكان جميله ما كانت بتشرب وبعدها ادهالها
: كده نجرى ورا بعض ومش هنبعد عن بعض ...
ابتسمت جميله قرب من ودنها : بحبك
جميله حست بسعاده باليوم دا والاحتفال بعيد ميلادها برغم بساطته لكن فرحتها ب "على" انه فكر واحتفل بعيد ميلاددها ومنساش عشقها ل البلاليين ...
خلص العيد ميلاد وابتدت هى وعلى واحمد ينظفوا الشقه من الل كان موجود
و"على" لاحظ ابتسامه "جميله " الل مراحتش وانها صورت كل حاجه بموابيلها حتى الكركبه
احمد قرب من على : دى فرحت اوى انا مكنتش متخيل كده
على ابتسم: لان جميله عاوز مضمون مش مظهر وانا ببساطه عبرتلها عن حبى وهى ايه عندى من غير بذخ .. الحاجه البسيطه بتوصل معنى الحقيقى
احمد: ماشى ياعم ..هروح ارمى الزباله دى
على راح اتجاه جميله : عجبك العيد ميلاد
جميله بسعاده: اوى اوى اوى اوووووووى يا على بجد مش عارفه اشكرك ع ايه ولا ايه
بجد
على مسك ايد جميله : انا الل مش عارف اشكرك على ايه ولا ايه .. اشكرك انك قابلتينى .. ولا اشكرك على تمسكك بيا .. ولا اشكرك ع وجودك فى حياتى الل فرق كتير معايا
.. انا كنت عاوز اعملك حاجه اكبر ولو بايديا اعملك اكتر من كده
جميله اترمت ف حضن على : انا مش عاوزه من الدنيا غير انى مبعدش عن حضنك دا ابدا ..
ومش عاوزه انا حاجه من الدنيا
على : ربنا يخليكى ليا
جميله: ويخليك ليا
على : كلمتى جمال ولا لسه
ملامح جميله اتغيرت .." اه قريب هو راجع كمان يومين هروح اقعد معاه وافاتحه ف الموضوع
على: ياريت متنسيش
جميله : ان شاء الله
على بص فى عين جميله وهو وجميله بيقربوا لبعض .. للحظه كان هيبوسها لكن تراجع وباس راسها وحضنها : ربنا يخليكى ليا يا جميله
جميله: ويخليك ليا يارب
احمد : احم احم .. اروح اجيب لب من تنزانيا واجى علشان معطلكمش
على ضحك : ياريت
جميله اتكسفت: انا هودى الاطباق دى المطبخ
وهى ف المطبخ بتروقه ..احمد جه اتجاها: كل عيد وانتى احلى يا جيمى
جميله بصت ل احمد تظره غضب: وانت طيب بس مش هنسهالك
احمد: فى ايه ..داانا المظلوم بينكم .. انا سنجل يا ناس
جميله: يعنى مخطط ومدبر مع "على" وساحبنى وراك كده
احمد ضحك: اومال هتكون مفاجاءه ازاى
جميله: رخم انت وصاحبك
على : بتجيبوا سيرتى
احمد: تعالى ياعم شيل ليتلك .. جيمى هتشيلهالى لوحدى
جميله: مثلتوا عليا ولا حد عبرنى وقالى كل سنه وانا طيبه .. لدرجه انا شكيت انهارده عيد ميلادى
على بيضحك: اومال هفاجئك ازاى ..
احمد: على .. على فكره هو الل خطط ودبر واتفق مع الناس وعمل كل حاجه
وحوار البلاليين دا حسسنى عيد ميلاد بنت اخته والله
ضحكوا كلهم .. جميله: فكره البلاليين جميله جدا مش قادره اوصفلك فرحتى بالل حصل متتوصفش ربنا يخليكوا ليا
احمد: انا هدخل اوضتى لان على هرانى خبط فى رجلى
على : ذكى طول عمرك
جميله بتضحك: ومين هيكمل معايا
على باابتسامه: انا اهو ..مش كفايه ولا ايه
قام احمد وقعد "على" و"جميله" يكملوا ف تظبيط الشقه وعملوا كوبيتين شاى وطلعوا البلكونه يتكلموا ومناموش خالص ... لغايه لحظه الشروق وهما ماسكين ايد بعض ..
جميله: اول شمس ف السنه الجديده وانت معايا يارب كل سنه نكون مع بعض
على : يارب
احمد صحى من النوم وداخل الحمام شافهم وراح اتجههم : يخربيت عقلكم انتوا منمتوش انتوا بنفس الهدوم
جميله: صباح الخير
على: صباح الفل
احمد: صباح الهبل .. والله هتفرقعوا من كتر الحب دا ..
على قام خبطه: دا قر
احمد : لا قر وبافترا يا تعرفونى ع واحده احبها وتحبنى يااما هرمى نفسى من البلكونه وهكتب جواب وهقول السبب جميله وعلى .. حبهم عملى حموضه وفوران
جميله ضحكت: يارب تخبط فيها
على : يارب ياخويا يلا علشان ننزل
احمد: لا ياخويا ننزل ايه انا هفطر الاول يااما هلم عليكم الجيران
جميله بتضحك: 5 دقايق والفطار هيكون جاهز
فضل احمد وعلى وجميله يهزورا وفطروا ونزل "على" "واحمد" وجميله اتصلت ب " هايدى " ونزلت قابلتها وحكتلها ع الل عمله على وورتها الصور
هايدى: ايه الجمال دا
جميله: شوفتى مفاجاءه على .. احسن عيد ميلاد اتعملى
هايدى: ياسلام.. يعنى احنا لما بنعملك عيد ميلاد مش عاجبك
جميله: لا مش قصدى .. بس "على" بحاجه بسيطه وصلى كلام كتير من غير ما يقوله
وفكرنى ب بابا لما كان كل عيدميلاد ليا يجيبلى بلاليين .. مع "على" حسيت ان بابا موجود
وبعدين انتى عارفه انا مبحبش الاوفر ولولا بس جمال ميزعلش كنت قولتله بلاش
هايدى: ماشى ياستى.. هتيجى امتى بقى اخر الاسبوع دا الحفله
جميله: هاجى اكيد قبلها بيومين علشان عاوزه اتكلم مع ججمال ف موضوع على
هايدى: ايه
جميله ب ابتسامه : على عاوز يطلب ايدى من جمال وانا موافقه
هايدى بقلق : وجمال هيوافق
جميله: ومش هيوافق ليه يعنى
هايدى: الفرق الل بينكم وغير كده جمال مش عاوز يجوزك اى جوازه
جميله: لا يا هايدى .. جمال وعدنى انا هتجوز الشخص الل هوافق عليه مهما كان
.. شخص هقابله واحبه وهبقى عاوزه اكمل معاه .. وهو وعدنى بكده ومفيش اختلاف
هايدى بملامح قلق: طيب ..طيب
اتفقت "جميله" مع "على" انها هتروح تقعد يومين مع اخوها علشان تفاتحه ف الموضوع
وهو وافق واخدت اجازه يومين ونزلت راحت ع الفيلا ...وبعد العشا كان "جمال" فى مكتبه دخلت "جميله" ومعاه صينيه القهوه
جمال: بريتى بنفسها جيبالى القهوه
جميله: هو انت اى حد انت جيمى حبيبى
جمال: يبقى عاوزه منى حاجه ..ها عاوزه كام
جميله: لالالا مش عاوزه فلوس
جمال: اومال عاوزه ايه
جميله باابتسامه: عاوزاك تقابل واحد
جمال اتفاجء بصلها: واحد.. مين؟
جميله : فاكر وعدك ليا
جمال: وعد ايه؟
جحميله: وعدك ليا انى لما هقابل الانسان الل يحبنى واحبه واحس ان انا عاوزه ارتبط بيه هقولك وتقابله
جمال: ايوه
جميله بسعاده: لاقيته ..ربنا بعتلى انسان كويس اوى وبحبه وبيحبنى اوى اوى يا جمال
ومش عاوزه حاجه من الدنيا غيره .. وطلب منى يقابلك
جمال: وهو عارف انتى مين وعندك ايه؟
جميله بلجلجه: لا .. بس هقوله .. ماهو الل ربطنى بيه انه عاوزانى انا مش عاوز حاجه تانيه
ومتاكده من كده انه مش هيطمع فيا لان انا فى الاساس ميهمنيش الفلوس وانت عارف
جمال رسم ابتسامه: تمام . انا يهمنى ايه غير سعاده اختى الصغيره
جميله : يعنى موافق تقابله
جمال بص ليها للحظات: موافق
جميله قامت وحضنته وباسته من خده: ميرسى يااحلى جيمى ف الدنيا احلى اخ ف الدنيا
جمال: انتى ال احلى اخت ف الدنيا
جميله: تحب احدد الميعاد امتى بكره
جمال: لالا مش بسرعه كده .. الحفله بعد بكره ..
نخلص الحفله وافضى واقابله دا مش اى حد
جميله : لسه هستنى
جمال بيضحك: 48 ساعه مقولتكيش السنه الجايه
جميله: ماشى هحاول استنى ..يلا هسيبك تكمل شغلك ..
راحت جميله باست خد جمال وخرجت وجمال ملامح وشه اتغيرت ...!!
كان جمال راح طلب من ادم طقم مساعين للحفله ولاحظ "جمال" ان اسم "على" مش موجود فى يوم الحفله الصبح واحد من طقم المساعدين مرض واخد اجازه مرضى
فطلبو من "على" يروح بداله ووافق لان فى فلوس ذياده راح "على" الحفله وانبهر بالفيلا وبالضيوف وكان بيسرفس ع الضيوف وهو بيقدم ليهم المشوربات سمع الحوار الاتى :
ضيف 1: العقد المرادى بمليارات
ضيف2: هو جيمى صغير دا قدها وقدود اومال عمل الحفله دى ليه
ضيف1: وعيد ميلاد بريتى كمان .. ماهى شريكته ف كل حاجه
ضيف2: يابخت شادى بيها خطيبته معاها مليارات
ضيف1: اه فعلا محظوظ وبريتى مش اى حد يخطفها
مشى .."على" وفضل يسمع اسم "بريتى" كتير لدرجه فضوله خلاه عاوز يشوف مين "بريتى"
شويا واتحطت تورته عيد الميلاد والكل فى انتظار "بريتى " ع درجات السلم كانت نازله جميله مع هايدى لبسه فستان تحفه غالى جدااا ..وميكب وامجوهرات .. الاول "على" كان بيشبه عليها لكن لما ركز اكتر كانت الصدمه عرف ان "بريتى" هى "جميله" وخصوصا لما شاف "هايدى" لانه شافها ف المطعم وكانت بتتكلم مع جميله ... وعرف انها مرات اخوها .. "جمال" وهما الاتنين.. ملياردات ..عكس ما كان شايف وفاكر خالص ...طفت الشمع وشكر جمال الموجودين ..
جمال: بشكر كل الموجودين ع حضوركم ليا ف حفلتى المتواضعه ..
وحضور حفله عيد ميلاد بريتى واحب اقولها كل سنه وانتى طيبه وقريب ان شاء الله
كلكم معزومين ع خطوبتها الرسميه من شادى
جميله اتصدمت من الكلام بتاع جمال: ايه
جمال: اتمتعوا بالحفله
"على" سمع الكلام وصدمه المفاجاءه خلته يبعد عن المكان وخرج بره الحفله ف الجنينه
وبيحاول يستوعب مش عارف حس بلغبطه ودماغه وقفت عن التفكير .. وف نفس الوقت جميله قفشت ع جمال بسبب ال قاله ...
جمال: مالك قافشه كده ليه
جميله: ايه الل قلته دا
جمال بيضحك: هزار ..يعنى شايفه شادى اشترى الخواتم ..اهو كلام
جميله بعصبيه : الهزار مش ف كل حاجه
جمال: مش هينفع نسيب الناس كده ولا ايه
مشى جمال وجميله كانت مضايقه ..
هايدى: يلا يا بريتى الناس مستنيك انتى صاحبه الحفله
جميله: شايفه جوزك
هايدى : معلش .. يلا بقى
نزلت جميله تتضايف الناس ورسمت ع وشها ابتسامه .. فى الوقت دا خرج جمال ع الجنيه لما شاف "على" واقف لوحده
جمال ماشى ف اتجاه "على " وعلى مديله ضهره :
جمال: اعتقد كده الصوره وضحت والل شوفته مش محتاج كلام
على اتفاجئ وبص : نعم
جمال بيضحك ضحكه سخريه: اكيد انت عارف انا مين دلواقتى او معنى صح جميله تبقى ايه
على : جمال بيه
جمال بلهجه تعالى : اخو بريتى .. جميله هانم ومفيش كلام تانى يتقال لانك شوفت كل حاجه .. شوفت مين "جميله"ومستوى "جميله" وحياه "جميله" معتقدش الل عايش ف المستوى والحياه دى هيربط نفسه بويتر ف مطعم ولا ايه ...
على ساكت ف صدمه من الل شافه والل بيسمعه ... جمال : جميله انا بسيبها تعمل الل هى عاوزاه تسافر وتروح وتيجى براحتها بس قرار مصيرى هتعمل الل انا عاوزه وانت سمعت هى ف حكم مخطوبه من شادى ابن شريك ليا .. على انا سمعت انك ذكى وواثق انك هتاخد قرار صح .. دا لو بتحبها بجد ومصلحتها وسعادتها تهمك ولا ايه ...!!
مشى جمال ودخل الحفله و"على" فى حاله فوضى ولغبطه وخنقه وضيقه ومش قادر ياخد قرار شويا ووقف وبص ع الحفله من بره .. ودخل الحفله مسك صينيه وبخطوات هاديه وملامح جد ع وشه ومشى اتجاه .. جميله ... قرب منها : اتفضلى مسز بريتى
جميله بتلقائيه بصت : ميرس...
وفاجاءه كوبايه العصير وقعت من جميله من المفاجاءه ع الارض ...: على
على مسك الفوطه ووطى : بعد اذنك انضف الل حصل دا شغلى وهقبض مرتبى منه وانا محتاجه مش جى هنا اتسلى
جميله مصدومه: على ..
جمال: مفيش حاجه يا جماعه بريتى دايما ايديها سايبه مبتعرفش تمسك اى حاجه كويس
ودايما تقع من ايديها تتكسر كده .. عادى اتفضلوا معايا اتفضلوا معايا
على لاحظ تلميح كلام جمال .. لم الازاز ودخل المطبخ .. جميله راحت ليه وكان واقف مديها ضهرها ..قربت منه وحطت ايديها ع كتفه : على
على من غير ما يحس زق ايديها بعنف ..: فى حاجه مسز بريتى ..كسرتى كوبايه تانى
جميله متلغبطه: على ..انا كنت هقولك ..اسمعنى بس
دخلت هايدى المطبخ .: بريتى الناس بتسال عليكى مينفعش كده يلا
جميله باصه ل على : على متمشيش ضرورى اتكلم معاك
خرجت جميله وعلى باصص عليها ومسك قطعه ازاز وضغط بيها عبايده ....!!
__________________
يتبع
فى يوم صحيت "ايمان" بدرى وجهزت وخرجت من اوضتها
مامتها : لبسه ورايحه فين ع الصبح كده
ايمان: رايحه انا وشاهنده نقضى يوم عند ناس قرايبهم كنت موعداهم انا ومازن هنجيلهم وعرفوا انى موجود فاتصلوا بشاهنده وهنروح سوا ومش هتاخر ان شاء الله
مامتها : طيب ياايمان هتفطرى
ايمان: لا هاخد اى حاجه ف الطريق
مامتها: خلى بالك ع نفسك
نزلت "ايمان " وطلعت ع اول الشارع واخدت تاكسى وراحت موقف اتوبيسات السوبر جيت المنيا وطول الطريق سرحانه وبتفكر ... وصلت بعد مده ونزلت المحطه طلعت ورقه من شنطتها ووقفت تاكسى
ايمان: ممكن لو سمحت اروح العنوان دا
السواق: اتفضلى
ركبت التاكسى وكانت المسافه نص ساعه من الموقف ..نزلت قدام بيت "هبه"حاسبت التاكسى ومشى ووقفت متصلبه للحظات قدام البيت .. استجمعت شجاعتها وسالت محل البقاله الل جنب البيت ع شقه "عبدالله" وقالولها ودخلت وطلعت السلم بترقب وتوتر .. مش عارفه نتيجه تصرفها دا ايه وقفت قدام باب الشقه وهدت نفسها وسمعت صوت "هبه" بتنده ع اسم "على" قلبها انقبض وكانت هترجع لولا ف اللحظه دى
خاله"هبه" كانت نازله من شقتها وشافت "ايمان ..
خاله هبه: السلام عليكم .. انتى عاوزه مين يا بنتى
ايمان بتستجمع توترها: انا .. هبه ..هى دى شقه "هبه"
خاله هبه: ايوه هى ..اتفضلى اهلا بيكى
خاله هبه كانت بتشبهه لكنها مش فاكره رنت الجرس وفتحت هبه الباب لكنها اتفاجئت ب "ايمان" قدامها
هبه: ايمان
ايمان بتلجلج: انا اسفه لو جيت كده
خاله هبه: اتفضلى يابنتى جوه هتفضلى بره كده ..ايه يا هبه رحبى بضيفتك عيب كده
هبه متلغبطه من المفاجئه: اتفضلى يا ايمان اتفضلى
دخلت ايمان ودخلتها هبه ع الصالون ..
ونزلوا الولاد مع جددتهم ودخلت هبه معاها صينيه فيها عصير وكيك ..
هبه: مفاجئه جميله يا ايمان
ايمان: بجد..
هبه بتضحك: اه بجد .. هى اه زياره متاخره اوى يجى كده 4 سنين ونص بس حصلت
اهلا بيكى اتفضلى
ايمان مسكت العصير : انا عارفه انك زعلانه منى ..وزعلانه اووى كمان
هبه ب ابتسامه : وايه هيزعلنى منك يا ايمان
ايمان حطت كوبايه العصير ع الترابيزه قدامها وعدلت قعدتها وبصت ل هبه
ايمان : هبه .. انا جايالك اعتذرلك ع كل حاجه حصلت منى وضايقتك او ضايقت ماما الله يرحمها او على ؟
هبه بتبتسم: يااااه يا ايمان .. انتى بتتكلمى ف حاجه خلاص اتنست مع الايام ..
عن نفسى انا مش زعلانه منك وماما مبتزعلش من حد وعلى كمان نسى لان الل بينا اكبر من اى زعل احنا بينا عشره وكل واحد فينا بيختار يعيش حياته ازاى ومش شرط اختياره يعجب كل الناس .. وانتى مغلطتيش انتى اختارتى زى ماانا اختارت عبد الله ..اه انتى اتصرفتى غلط بس حصل خلاص و دا نصيب يا ايمى
ايمان: يعنى افهم من كده انك مسامحانى
هبه: احنا متربين مع بعض واحنا قد ولادى ..واكلين عيش وملح مع بعض وانا اتربيت انى احافظ ع العيش والملح مهما حصل ..
ايمان ابتسمت : يعنى هينفع نرجع زى زمان
هبه بتضحك: زى زمان قول لزمان .. بس اقدر اقولك وقت ما تكلمينى هتلاقينى وبيتى مفتوح ليكى
ايمان قامت وحضنت هبه: متشكره يا هبه متشكره انك سامحتينى
هبه: البيت بيتك يا ايمى
ايمان بصت ل هبه: انا كده ارتاحت .. هستاذن انا بقى
هبه : رايحه فين ..هتتغدى معانا مش عاوزه تدوقى اكلى ولا ايه
ايمان باابتسامه: اوكيه
هبه: 10 دقايق وهيكون جاهز
ايمان : هاجى معاكى اساعدك
هبه: يلا تعالى
دخلوا المطبخ وابتدوا يجهزوا الاكل
ايمان: بيتك جميل يا هبه
هبه: دا من ذوقك يا حبيببتى .. انتى اخبارك ايه وجوزك عامل ايه ؟
ايمان: تمام الحمد الله .. هما ولادك فين صحيح
هبه: مع جددتهم بتريحنى منهم شويا مصدعينى
ايمان: ربنا يخليهملك
هبه: تسلميلى .. وانتى صحيح معاكى ايه دلواقتى بنات ولا ولاد
ايمان سكتت وملامح وشها اتغيرت : لسه ربنا مأذنش
هبه اتحرجت:اه صح نسيت اسماء قالتلى انا اسفه و..
ايمان قاطعتها: لالا عادى متتاسفيش لسه ربنا مكتبش نصيب ..المهم اخبارك ايه مبسوطه هنا
هبه: الحمد الله واحلى حاجه حصلتلى ان على قضى معايا اسبوع بعد غياب لمده 4 سنين
ايمان بلجلجه: وعلى كويس
هبه انتبهت لكلامها: الحمد الله يلا نحط الاكل وناكل
ايمان : يلا
فى الوقت دا كان "على" وجميله" فى المطعم فى شغلهم وقاعدين فى وقت الغدا وبعد اخر موقف "على" انتبه ع تصرفاته الل بتضايق "جميله " فكان واقف عادى قربت منه "ميلدا" وبتهزر معاه وبتحط ايديها ع كتف "على" وشافت كده "جميله" وكانت هتعمل مشكله لكن لاحظت "على" تعامل مع الموضوع ونزل ايديها وبان من ملامح "على" انه نبهه "ميلدا" متعملش كده تانى ومشى ووقتها فرحت "جميله" بتصرف "على " .. جت ساعه الاستراحه :
روما: ها يا جميله هتحتفلى بعيد ميلادك فين
جميله: عادى هقضيه معاكم ايه رايكم نخرج
على اتفاجئ: عيد ميلاد جميله
احمد: ايه دا انت متعرفش عيد ميلادها
على: بصراحه لا ..اصل ...
احمد قاعه: بس بس بس . اصل ولا صوره . الحق نفسك طيب بقى يلا
بعد كلام كتير بين جميله واصحابها خلصوا الغدا ورجعوا لشغلهم وجه اتصال ل جميله ع موابيلها وكان جمال شاورت ل على وراح ليها : انتى رايحه فين؟
جميله: واحده صاحبتى اتصلت بيا وعاوزانى اروح معاها لدكتور علشان تعبانه ومفيش حد هيروح معاها
على : اهاا .. وهتتاخرى
جميله: لا خالص ساعتين بالكتير وهرجع ع هنا
على : طيب خلى بالك وانت رايحه ولا تحبى استاذن واجى معاكى
جميله بسرعه: لالالالا .. انا مش هتاخر وبعدين هتيجى معايا انا وصاحبتى ليه
ها ها ها
على ضحك: خلاص متضربيش
جميله: يلا ارجع لشغلك وانا مش هتاخر
على : انتى مكلمتيش اخوكى لسه
جميله: هو مشغول اليومين دول ومسافر اول ما يرجع هكلمه
على : طيب
جميله: يلا باى
على : لااله الا الله
جميله باابتسامه: سيدنا محمد رسول الله
مشيت جميله و"على" عينه عليها لغايه ما خرجت ..جه "احمد" خبطه ع كتفه
احمد: مش اوى كده ينيلك هو انت بتقع بسرعه كده ليه
على: بس يا رخم ارجع لشغلك روح اغسل المواعين روح
مشى "على" واحمد باصصله : صحيح الحب بهدله يا جدعان .. نفسى اتبهدل كده يارب..!
راحت جميله تقابل جمال فى الشركه بتاعتهم دخلت وكان ف ميتنج وخلصه والسكرتيره دخلتها .. جميله باابتسامه: جيمى ..
جمال: بريتى.. اخيرا شوفتك لازم اكلمك علشان اشوفك
راحت جميله حضنت جمال : انا مقدرش استغنى عنك يا جيمى
جمال: بكاشه اوى .. اعمل ايه اختى الصغيره وبمووت فيها
جميله بتضحك: انا الل بموت فيك ..عامل ايه ؟
جمال : اقعدى .. تشربى ايه
جميله: مش عاوزه اعطلك
جمال : انا الغى كل شغلى علشان اقعد مع اختى حبيببتى الل بتهرب منى بالشهور
ومعرفش اوصلها غير بالتليفون .. دا ينفع دا
جميله: لالالا واضح انك زعلان اوى
جمال راح طلب السكرتيره ودخلت : عصير الفروله لبريتى
جميله: وكمان عصير الفروله .. لا انت بتحرجنى
جمال: انتى بس قوليلى بتختفى فين كده وبقيتى تسافرى اكتر من الاول
وحتى البيت مبقتيش تيجى غير تغيرى هدومك وتختفى تانى ..احنا اتفقنا انى اسيبك براحتك وثقتى فيكى هتحافظى عليها ..بس غيابك الكتير دا ابتدى يقلقنى ...
جميله بتضحك: فى ايه يا جيمى .. مش احنا اتفقنا انك تركز ف الشغل وتسيبنى انا انطلق
جمال: بس انطلاقك دا جى عليا بحتاجك ومش بلاقيكى
جميله: ماانا قلتلك اعملك التوكيل شامل وانت مش رضيت واكتفيت بالاداره
جمال: ماهو كل دا بتاعى وبتاعك ومينفعش تسيبه كده ووصيه بابا اشاركك ف كل حاجه
جميله: خلاص اوعدك وقت ما تحتاجنى قبل ما تقفل الموبيل هكون قدامك
جمال ضحك: يا بكاشه
جميله : عيب يا جيمى ..
جمال: خلاص اعملى حسابك ان الاسبوع ال جى تكونى ف الفيلا علشان صاحبه الحفله لازم تكون موجوده
جميله: حفله ايه ؟
جمال: حفله عيد ميلادك وهنحتفل بالعقد الجديدالل مضتيه ف مصر وبما انك صاحبه عيد الميلاد وشريكتى ضرورى تكونى موجوده
جميله اتفاجئت: ها ..
جمال: مفيش ها .. الاسبوع ال جى تكونى ف البيت فاهمه ولا ..
جميله: مفيش ولا... ان شاء الله
رن موبيل جمال وقام يرد وجميله بتشرب العصير : هتعملى ايه يا جميله ..
خلصت "جميله: قعدتها مع "جمال" ونزلت اخدت تاكسى ورجعت ع المطعم
خلصوا الشغل ورجعوا ع البيت اتعشوا ودخلوا ناموا .. لكن "على" مش عارف ينام
خرج من اوضته لاقى "احمد" فى المطبخ ..
على :ايه الل مصحيك لدلواقتى
احمد بيصب كوبايه الشاى : نفسى راحت ع كوبايه شاى العشا كابس ع قلبى
على: ماهو انت طفس مش معقوله الكميه الل اكلتها دى
احمد: كنت جعان يااخى الله . المهم انت ايه مصحيك دلواقتى ؟
على بيتنهد: مش عارف انام
احمد بيهزر: ليه بتحب ولا حاجه
على خبطه بفوطه المطبخ : خفيف يا واد
احمد: ماشى ياعم ..اصبلك كوبايه ونشرب مع بعض ف البلكونه
على : ماشى ..صب
صب "احمد" كوبايه الشاى ل " على " واخدها وراحله بيها البلكونه
احمد: اتفضل ياسى على .. ولا اشربهالك
على : يخربيت ظرفتك
احمد بيضحك: لا بجد ..مالك فى ايه ؟
على بيتنهد: محتار
احمد: محتار فى ايه
على : جميله
احمد: نعم .. محتار ليه ياعم .. مش الحياه تمام .
على : مش عارف اعمل معاها ايه ..
احمد: ونبى بلاش الغاز
على : عارف يااحمد .. انا لما شوفت ايمان فى مصر قلبى دق
احمد شرق : نعم
على : زى ما بقولك كده .. قلبى دق
احمد بيبص ع اوضه جميله: وجميله
على : قلبى دق برضه
احمد حط الكوبايه ع الترابيزه : ايه ياعم .. هو قلبك دا طبله كل ما يقابل واحده يدق
على : مش كل واحده القلب يدقلها ... ماكان زمانى ارتبطت ببنات كتير وانت كنت عارف وشايف ..وانا الل مهتمتش ..
احمد: اومال ايه حوار الدقه دا بقى ..يعنى بعد ما قولت فرجت تكون اتعكت
على : دقه ايمان ..دقه ان انا احساسى ومشاعرى وحبى ووجود ايمان كان حقيقى ..
احمد: وجميله
على: دقه جميله دقه حقيقيه ..الدقه الل انا محتاجها وكنت بدور عليها
اححمد: مش فاهم ..انت عاوز تقول ايه ؟
على : الانسان قلبه بيدق دقتين فى عمره .. دقه تقوله انت كنت عايش ومش واهم نفسك ودقه بتقوله انت عايش اهو مش بتتخيل وبين الدقتين حياه بتعشها علشان تعرف انت عاوز انهى دقه بالظبط ب اختيارك تبقى ف الماضى ولا تعيش الحاضر وباصص ع المستقبل
احمد: انت لغبطتنى .. يعنى قلبك متحركش وحن ل ايمان
على: مش هكدب عليك انا كنت قلقان وخايف من زياره مصر ومكنش ف دماغ اروح المنطقه وانى اشوف ايمان علشان انا منستش حاجه.ولما وصلت البيت حسيت انى كنت امبارح هنا ومبعدتش 4 سنين ولما شوفتها قدامى لحظات دى حسيت ان كل حاجه عملتها لسه حاسس بيها
احمد: ايه ياعم..هو انت لسه بتحبها ولا ايه ؟
على: لا
احمد: والل بتحكيه دا ايه ?
على : الل بحكيه دا معناه ان كنت صادق ف مشاعرى اتجاه ايمان و ايمان جزء من الماضى مش هيتمسح ولا هيختفى
احمد : اهو دا الل قلقان منه وجميله هتتظلم ف النص ياعلى لو اهتزيت متظلمش جميله معاك علشان تنسى ايمان متستغلش جميله علشان تنسى ايمان
على بيتنهد: لالالا خالص عمرى ما استغل جميله او غيرها علشان انسى .. عاوز اقولك انا حاسس ان .تجربتى مع ايمان كانت بدايه الوصول ل جميله
احمد ابتسم: ايوه بقى خضتنى ..جميله متستهلش منك تعمل معاها حته نقص بصراحه
جميله: تستاهل كل حاجه حلوه
احمد: بمناسبه كل حاجه حلوه .. هتعمل ايه ف عيد ميلادها
على: مش عارف بفكر ع حاجه كده تكون بسيطه وف نفس الوقت هتبسطها
احمد: نعم .. بسيطه ايه هو انت فقير ياعم .. فكها شويا انت معاك ومعاك كتير اوى ف البنك
على بلهجه حاده : لا يااحمد.. انا مش هسحب قرش من الل ف البنك .. انا من وقت ما توبت وقولت مش هكمل ف الطريق دا انا حرمت ع نفسى كل قرش جه بالطريق الغلط..
وهكتفى بالقرش الحلال الل بتعب بجد واخده ..
احمد ابتسم: على .. انا فخور انك صاحبى ياجدع
على: المهم عاوز مساعدتك معايا تمام ...
احمد: ودنى ليك يا معلم
على : بس قبل مساعدتى دى عاوز منك خدمه
احمد: خير اخطفلك جميله
على : ظريف .. انت نازل مصر يومين
احمد: اه بعد بكره ماانت عارف نازل اشوف الحج واسلم المحل لواحد يمسكه الحج مشغول ف جوازه ومصمم ان الل انزل واكتب العقد
على : هطلب منك خدمه تعملهالى ف مصر
احمد: خير
على: هديك امانه توصلها ل واحده غاليه عليا وتاخدها وتفتحلها حساب ف البنك وتعملها رقم علشان ابقى احولها الفلوس عليه وانت اكتر حد هتساعدى لان خالتى تعبانه وهبه مش هتسيبها وتروح القاهره الفتره دى ...
احمد: عمل خير يعنى .. ربنا يبعتلنا البركه ع الله نحسى يفك
على بيضحك : كتر افعال الخير ربنا يكرمك من حيث لا تدارى ..ساعد غيرك ربنا هيبعتلك الل يساعدك
احمد: خلاص خلاص انت اتحولت قولت ياعم مين دى
على: اسمها "هدى " هى ساكنه ف منطقتى هقولك رقم البيت وتروح تمام
احمد: تمام ياريس
جه يوم سفر "احمد" وسافر القاهره وراح زار ابوه وقعد معاها شويا وكان "على" مااكد عليه يروح ل "هدى" وفعلا اخد تاكسى وراح ع "عين شمس " وسئل ع البيت ووصل وطلع رن الجرس وفتحت "مامت هدى " وملامح وشها تعبانه وباين كانت بتعيط .. احمد : السلام عليكم
مامت هدى: وعليكم السلام عاوز حاجه يا ابنى
احمد بص ف الورقه: انا احمد صاحب "على" جاركم
مامت هدى: اهلا بيك يا ابنى
احمد: وكنت عاوز الانسه هدى ف كلمتين ممكن
مامت هدى استغربت : الانسه هدى .. اتفضل ادخل
ندهت مامت هدى عليها وخرجت وكان ملامح وشها صعبه وحزينه وكانت بتعيط هى كمان ..
احمد شافها اتخض من شكلها الحزين : هو انا جيت ف وقت غلط
هدى : لا اتفضل .. خير
احمد لسه هيطلع الفلوس سمع صوت مامتها بتنده عليها وقامت هدى بسرعه واحمد مش فاهم حاجه لكن سمع كلام مامت هدى : ربنا يسوقك ع خير يا محمد ياابنى ..
هدى منهاره: ماهى لو بنته كان اهتم بيها بقاله 3 ساعات قال جى ف الطريق والبنت حرارتها عاليه
احمد تلقائى من نفسه خبط ع باب الاوضه ودخل حط ايده ع راس بنت "هدى " : ايه دا انتم ساكتين ازاى البنت سخنه اووى
راح مره واحده شال البنت ونزلت معاه هدى واخدوا تاكسى وراحوا ع الحميات وللحظ انهم عرفوا من الدكتور انهم لحقوها قبل ما السخونيه تأثر ذياده .. احمد واقف ومش فاهم حاجه بس الاهم انه يطمن ع البنت(الله يسامحك يا على خلتنى اقول انسه وهى معاها بنت لما اشوفك ) ... دفع حق العلاج وهدى كانت جنب السرير بنتها وعماله تعيط ومش مركزه ف اى حاجه ..فضل احمد مع هدى اليوم دا ومن غير ما يتكلم ف حاجه بس حس انه ضرورى يكون موجود لانها لوحدها ... ع بليل اخدها "احمد" ورجعها البيت وطلبت منه يطلع يشرب حاجه ومرضاش لانه الوقت متاخر ومشى ...
هدى باصه لمامتها : طبعا مجاش ابنك
مامت هدى : موبيله مقفول من الصبح
هدى : ماهو مهتمش ب امها هيهتم بشيماء ازاى يارب انت الل عالم بحالى
دخلت هدى ف اوضتها عماله تعيط : يارب رحمتك بالل انا فيه دا
تانى يوم الصبح قبل ما تنزل فتحت باب الشقه شافت "احمد" قدامها وع وشه ابتسامه : صباح الخير
هدى بنظره استغراب: صباح الخير .. ايوه حضرتك
احمد استغرب انها نسيته : انا احمد صاحب على الل جيت امبارح وودينا شيماء المستشفى و ..
هدى قاطعته: ايوه ايوه .. معلش انا دماغى مش فيا
احمد: لا ولا يهمك يلا نروح لشيماء اكيد بقت احسن
نزلت هدى مع احمد وراحوا المستشفى واطمنوا ع شيماء بقت احسن والحراره نزلت وقعد احمد يلعب معاها وياكلها ولا اكنه قريبها وبعد العصر اخدوها روحوها البيت وطلع احمد معاهم ... قعد احمد مع مامت هدى :
مامت هدى: شكرا يا ابنى تعبناك
احمد: لا ابدا ياامى متقوليش كده الل يهموا "على" يهمونى
مامت هدى بتتنهد: على .. هو ف زى على انا كنت بتمنى ابنى يكون زيه
احمد: ربنا يخليهولك.. بس سؤال فضولى انتم ازاى سيبتوها لغايه ما تتعب كده ؟
مامت هدى بتلقائيه: لان مكنش معانا جنيه ف البيت ننزل بيه ومحمد ابنى كان هيجى يوديها وهو اتاخر لكن ربنا بعتك لينا
احمد: طيب ابو شيماء فينه
مامت هدى بملامح حزن: ابو شيماء اتوفى من سنتين نتيجه جرعه مخدرات ذياده وهدى وشيماء مسئوليين من محمد من كل حاجه
احمد باصص ع حال الشقه: واضح فعلا انه مهتم
جت هدى وقعدت: شكرا يا استاذ احمد
احمد: لا ابدا ولا يهمك .. المهم "على" باعتلك الامانه دى معايا وبكره الصبح فضيلى نفسك ساعه نروح ل اقرب بنك افتحلك حساب
هدى : لالالا شكرا قول ل على شكرا
احمد: انا مقولش و"على" معتبرك اخته وقالى انك مش هترجعى ف كلامه ولا ايه
هدى دموعها نزلت ... مامت هدى: ربنا يرزقه ويفتحها ف وشه كل خير
احمد بيهزر: وانا ونبى يا امى ادعيلى
مامت هدى: ويرزقك بالخير يا حبيببى
احمد قام : المهم تجهزى نفسك واشوفك الصبح وسلميلى ع شوشو
قام "احمد" ونزل و هدى مستغربه من تصرف "على" لما شافها لما كان موجود واتكلم معاها وعرف ظروفها انها ارمله ومحمد اخوها متجاهلهم ومهملهم لدرجه وحشه بعد ما اتجوز وعاش ف الاسكندريه وسايبهم وبيشوفهم كل فين وفين .. ف اتعهد على ع نفسه انه هيراعى هدى وبنتها ع قد ما يقدر ويبعتلها زى مصروف كل شهر زى ما هيبعت ل هبه ودا بعد ذياده مرتبه ف المطعم والدنيا بقت احسن معاه ...!
تانى يوم راحوا البنك وفتح ل هدى حساب ورجعوا ع البيت وقعد احمد يلعب مع شيماء
وقبل ما يمشى : عمو خليك قاعد معايا
احمد ب ابتسامه: طيارتى الفجر يا شيمو بس اوعدك لما انزل تانى هجيلك وهفسحك كمان اوكيه
شيماء: انا بحبك اوى يا عمو
احمد: وانا كمان يا صغنن انت بس ناخد العلاج ونخلى بالنا ع نفسنا علشان ماما وتيتا ميعيطوش تانى اتفقنا
شيماء هزت راسها وحضنت احمد .. احمد كان مبسوط ب الل حصل ..
هدى ابتسمت: اول مره اشوف شيماء فرحانه كده
احمد: ربنا يديم فرحتها
هدى: ميرسى يااستاذ احمد تعبناك معانا
احمد: لا خالص انا عاطل وفاضى ومحتاج نص جنيه اروح
هدى : ها
احمد ضحك: بهزر .. الل يهمو على يهمونى المهم تكونوا بخير
هدى: ان شاء الله ...
وهو خارج طلب من "هدى" رقم موابيلها يسئل على شيماء واخده ومشى وجه ميعاد طيارته ورجع لندن
حكى ل على كل الل حصل: ايوه يا ابو احمد دا تصرفات الرجاله تسلم
احمد: عيب انت وراك رجاله
على: تسلم
سكتوا لحظات: بس هدى ظروفها وحشه اوى كده ليه ؟
على اتنهد وحكاله قصتها من اولها ل اخيرها .. احمد متاثر: ياااااه وصابره ومستحمله ازاى لو واحده غيرها كانت انتحرت
على: علشان مامتها وبنتها بس انا واثق ان ربنا هيفرجها عليها
احمد: ان شاء الله ..
شويا قعد " احمد" و"على" يخططوا لعيد ميلاد "جميله وبعدها دخلوا ناموا وصحيوا لشغلهم وكانوا عمالين يبصوا لبعض ويغمزوا و"جميله"مش فاهمه ..!
جه يوم عيد ميلاد " جميله" واستغربت ان الكل بيعاملها عادى ومفيش حد قالها "كل سنه وانتى طيبه " ولاحظت ان اخوها ومراته بس الل كلموهم وقالولها .. و"على" متجاهلها
جميله راحت اتجاه على : على
على: ايوه
جميله: انت مش عاوز تقولى حاجه
على : انا .. لا مفيش .هو انا قلتلك انى عاوزك ف حاجه
جميله بملامح ضيق: لا مقلتش
على: يلا روحى لشغلك
جميله: طيب
جميله وهى ماشيه: معقوله مش فاكر دا عادى زى كل يوم ..
لكن بالنسبه لل كانوا مهتمين محدش فكر يقولى
راحت اتجاه احمد: احمد
احمد: ايوه يا جيمى
جميله: انت مش عاوز تقولى حاجه
احمد بصلها: اه افتكرت
جميله ابتسمت: ها
احمد شاور ع صف اطباق : اغسلى دول انا نسيتهم ومشغول دلواقتى
مشى احمد وجميله اضيقت : ماشى ..حاضر
راحت بنرفزه وخيبه امل : ماشى ماشى
خلصوا شغلهم وقبل ما يمشوا بساعتين استاذن "على" و"جميله" متعرفش
جميله بتدور ع على: هو على فين ؟
احمد: استاذن عنده مشوار
جميله مسكت موابيلها تتصل عليه : مشوار ايه دا
احمد مسك الموبيل: هنروح هنلاقيه ف البيت متقلقيش مرحش يشوف واحده بالرغم انى شاكك
جميله اتخضت: احمد
احمد بيضحك: هو الل يعرفك يعرف يعرف غيرك انك القضا المستعجل ل على يا صديقتى
جميله : رخم
احمد: يلا طيب
جميله : يلا
مشيوا وقفوا تاكسى ووصلوا ع اول الشارع
جميله: فى ايه منزلتش قدام البيت ليه
احمد: عاوز اتمشى معاكى ياجيمى الله
جميله بتضحك: ماشى ياابو حميد
نزلوا من التاكسى وماشين ع اول الشارع لاحظت جميله بلونه هليوم متثبه ع الارض وطايره وفيها جواب مكتوب عليه " جميله امسكى البلونه وفتحى الجواب "
جميله: ايه دا
احمد عامل نفسه متفاجئه: ايه دا جواب غرامى ولا ايه بتخونى "على" يا جيمى
جميله: اسكت كده .خلينى اشوف ايه دا
فتحت الجواب مكتوب "من"
جميله: من
احمد: مين الل باعت دا ؟
احمد بيبص بعد خطوتين : الحقى فى واحده تانيه هناك اهى ومكتوب جميله
راحت جميله بسرعه اخدت الجواب ولاقت كلمه" حظى "
جميله: حظى ..
احمد: ايه الكلمات المتقاطعه دى
جميله بصت خطوتين لاقت غيرها جريت عليه وفتحت الجواب
لاقت "انك"
جميله بتجمع بصت قدام لاقت واحده تانيه راحت بسرعه اتجاهها ومسكت البلونه مع الباقيين وفتحت الجواب لاقت "انك "
جميله باابتسامه: من حظى انك
احمد: جمعى جمله تكسبى بلونه هاهاهاها
جميله مهتمتش بكلام "احمد" وبصت شافت بلونه تانيه راحت اتجاهها
فتحت الجواب لاقت " اتولدتى "
ابتسمت جميله وفضلت تمشى كل ما تلاقى بلونه وجواب تفتح الجواب
من اول العماره لباب الاسانسير والاسانسير لاقت بالترتيب " من" "حظى" "انك" "اتولدتى"" يوم " ""ولاده" "سعادتى" "يوم" " ولادتك" وكانت وصلت لباب شقه ولاقت بلونه مربوطه قدامها وفيها جواب فتحته
ولاقته فاضيه .. استغربت .. بسرعه رنت الجرس لاقت الباسورد اتغير واحمد اختفى
لاقت الباب اتفتح والشقه كانت ضلمه : على..على
ومره واحده خرج على بلوحه كبيره منوره مكتوب عليها
"happy birth day gamila "
مره واحده سمعت حاجه بتفرقع وصواريخ وورق طاير كانوا زمايلها ف الشغل ولاقت حفله ف الشقه وبصت ل على ودموعها ف عينيها : انت عملت كل دا
احمد جه من وراها : ومرمتنى معاه والله
راحت بتلقائه اترمت ف حضن على : بحبك ياعلى بحبك بحبك
على : كل سنه وانتى احلى
احمد: يلا نطفى الشمع
راح احمد جاب التورته وكانت على شكل بلاليين مكتوبه كل بلونه حرف اسم جميله وكان شكلها تحفه جدااا وعجبت جميله اوى وطفوا الشمع وقبل ما يطفوا الشمع "جميله" بصت ل "على" ولما قالولها اتمنى امنيه مسكت ايد " على" وفضلت بصاله وضغطت ع ايده واتمنت وكان مرسومه ع وشها ابتسامه وطفت الشمس ومسك "على" قطعه من التورته واكل "جميله " واكل بعدها وابتدوا الموجودين ياكلوا من الحلويات والتورته وكانت "جميله" ماسكه كوبايه عصير وبتشرب شربت منها مره .. ومره واحد شدها من ايديها "على " ..
جميله: فى ايه
على: عاوز اشرب عصير
جميله بتضحك: ماهو موجود قدامك يعنى ونفس النوع
على : لا مش نفس النوع .. دول اى حد يمسكهم ويشرب منهم ..
لكن دى جميله مسكتها وشربت منها .. يعنى تختلف وانا عاوز اشرب من دى
جميله : يا سلام خلاص اشرب
مسك على الكوبايه وشرب مكان جميله ما كانت بتشرب وبعدها ادهالها
: كده نجرى ورا بعض ومش هنبعد عن بعض ...
ابتسمت جميله قرب من ودنها : بحبك
جميله حست بسعاده باليوم دا والاحتفال بعيد ميلادها برغم بساطته لكن فرحتها ب "على" انه فكر واحتفل بعيد ميلاددها ومنساش عشقها ل البلاليين ...
خلص العيد ميلاد وابتدت هى وعلى واحمد ينظفوا الشقه من الل كان موجود
و"على" لاحظ ابتسامه "جميله " الل مراحتش وانها صورت كل حاجه بموابيلها حتى الكركبه
احمد قرب من على : دى فرحت اوى انا مكنتش متخيل كده
على ابتسم: لان جميله عاوز مضمون مش مظهر وانا ببساطه عبرتلها عن حبى وهى ايه عندى من غير بذخ .. الحاجه البسيطه بتوصل معنى الحقيقى
احمد: ماشى ياعم ..هروح ارمى الزباله دى
على راح اتجاه جميله : عجبك العيد ميلاد
جميله بسعاده: اوى اوى اوى اوووووووى يا على بجد مش عارفه اشكرك ع ايه ولا ايه
بجد
على مسك ايد جميله : انا الل مش عارف اشكرك على ايه ولا ايه .. اشكرك انك قابلتينى .. ولا اشكرك على تمسكك بيا .. ولا اشكرك ع وجودك فى حياتى الل فرق كتير معايا
.. انا كنت عاوز اعملك حاجه اكبر ولو بايديا اعملك اكتر من كده
جميله اترمت ف حضن على : انا مش عاوزه من الدنيا غير انى مبعدش عن حضنك دا ابدا ..
ومش عاوزه انا حاجه من الدنيا
على : ربنا يخليكى ليا
جميله: ويخليك ليا
على : كلمتى جمال ولا لسه
ملامح جميله اتغيرت .." اه قريب هو راجع كمان يومين هروح اقعد معاه وافاتحه ف الموضوع
على: ياريت متنسيش
جميله : ان شاء الله
على بص فى عين جميله وهو وجميله بيقربوا لبعض .. للحظه كان هيبوسها لكن تراجع وباس راسها وحضنها : ربنا يخليكى ليا يا جميله
جميله: ويخليك ليا يارب
احمد : احم احم .. اروح اجيب لب من تنزانيا واجى علشان معطلكمش
على ضحك : ياريت
جميله اتكسفت: انا هودى الاطباق دى المطبخ
وهى ف المطبخ بتروقه ..احمد جه اتجاها: كل عيد وانتى احلى يا جيمى
جميله بصت ل احمد تظره غضب: وانت طيب بس مش هنسهالك
احمد: فى ايه ..داانا المظلوم بينكم .. انا سنجل يا ناس
جميله: يعنى مخطط ومدبر مع "على" وساحبنى وراك كده
احمد ضحك: اومال هتكون مفاجاءه ازاى
جميله: رخم انت وصاحبك
على : بتجيبوا سيرتى
احمد: تعالى ياعم شيل ليتلك .. جيمى هتشيلهالى لوحدى
جميله: مثلتوا عليا ولا حد عبرنى وقالى كل سنه وانا طيبه .. لدرجه انا شكيت انهارده عيد ميلادى
على بيضحك: اومال هفاجئك ازاى ..
احمد: على .. على فكره هو الل خطط ودبر واتفق مع الناس وعمل كل حاجه
وحوار البلاليين دا حسسنى عيد ميلاد بنت اخته والله
ضحكوا كلهم .. جميله: فكره البلاليين جميله جدا مش قادره اوصفلك فرحتى بالل حصل متتوصفش ربنا يخليكوا ليا
احمد: انا هدخل اوضتى لان على هرانى خبط فى رجلى
على : ذكى طول عمرك
جميله بتضحك: ومين هيكمل معايا
على باابتسامه: انا اهو ..مش كفايه ولا ايه
قام احمد وقعد "على" و"جميله" يكملوا ف تظبيط الشقه وعملوا كوبيتين شاى وطلعوا البلكونه يتكلموا ومناموش خالص ... لغايه لحظه الشروق وهما ماسكين ايد بعض ..
جميله: اول شمس ف السنه الجديده وانت معايا يارب كل سنه نكون مع بعض
على : يارب
احمد صحى من النوم وداخل الحمام شافهم وراح اتجههم : يخربيت عقلكم انتوا منمتوش انتوا بنفس الهدوم
جميله: صباح الخير
على: صباح الفل
احمد: صباح الهبل .. والله هتفرقعوا من كتر الحب دا ..
على قام خبطه: دا قر
احمد : لا قر وبافترا يا تعرفونى ع واحده احبها وتحبنى يااما هرمى نفسى من البلكونه وهكتب جواب وهقول السبب جميله وعلى .. حبهم عملى حموضه وفوران
جميله ضحكت: يارب تخبط فيها
على : يارب ياخويا يلا علشان ننزل
احمد: لا ياخويا ننزل ايه انا هفطر الاول يااما هلم عليكم الجيران
جميله بتضحك: 5 دقايق والفطار هيكون جاهز
فضل احمد وعلى وجميله يهزورا وفطروا ونزل "على" "واحمد" وجميله اتصلت ب " هايدى " ونزلت قابلتها وحكتلها ع الل عمله على وورتها الصور
هايدى: ايه الجمال دا
جميله: شوفتى مفاجاءه على .. احسن عيد ميلاد اتعملى
هايدى: ياسلام.. يعنى احنا لما بنعملك عيد ميلاد مش عاجبك
جميله: لا مش قصدى .. بس "على" بحاجه بسيطه وصلى كلام كتير من غير ما يقوله
وفكرنى ب بابا لما كان كل عيدميلاد ليا يجيبلى بلاليين .. مع "على" حسيت ان بابا موجود
وبعدين انتى عارفه انا مبحبش الاوفر ولولا بس جمال ميزعلش كنت قولتله بلاش
هايدى: ماشى ياستى.. هتيجى امتى بقى اخر الاسبوع دا الحفله
جميله: هاجى اكيد قبلها بيومين علشان عاوزه اتكلم مع ججمال ف موضوع على
هايدى: ايه
جميله ب ابتسامه : على عاوز يطلب ايدى من جمال وانا موافقه
هايدى بقلق : وجمال هيوافق
جميله: ومش هيوافق ليه يعنى
هايدى: الفرق الل بينكم وغير كده جمال مش عاوز يجوزك اى جوازه
جميله: لا يا هايدى .. جمال وعدنى انا هتجوز الشخص الل هوافق عليه مهما كان
.. شخص هقابله واحبه وهبقى عاوزه اكمل معاه .. وهو وعدنى بكده ومفيش اختلاف
هايدى بملامح قلق: طيب ..طيب
اتفقت "جميله" مع "على" انها هتروح تقعد يومين مع اخوها علشان تفاتحه ف الموضوع
وهو وافق واخدت اجازه يومين ونزلت راحت ع الفيلا ...وبعد العشا كان "جمال" فى مكتبه دخلت "جميله" ومعاه صينيه القهوه
جمال: بريتى بنفسها جيبالى القهوه
جميله: هو انت اى حد انت جيمى حبيبى
جمال: يبقى عاوزه منى حاجه ..ها عاوزه كام
جميله: لالالا مش عاوزه فلوس
جمال: اومال عاوزه ايه
جميله باابتسامه: عاوزاك تقابل واحد
جمال اتفاجء بصلها: واحد.. مين؟
جميله : فاكر وعدك ليا
جمال: وعد ايه؟
جحميله: وعدك ليا انى لما هقابل الانسان الل يحبنى واحبه واحس ان انا عاوزه ارتبط بيه هقولك وتقابله
جمال: ايوه
جميله بسعاده: لاقيته ..ربنا بعتلى انسان كويس اوى وبحبه وبيحبنى اوى اوى يا جمال
ومش عاوزه حاجه من الدنيا غيره .. وطلب منى يقابلك
جمال: وهو عارف انتى مين وعندك ايه؟
جميله بلجلجه: لا .. بس هقوله .. ماهو الل ربطنى بيه انه عاوزانى انا مش عاوز حاجه تانيه
ومتاكده من كده انه مش هيطمع فيا لان انا فى الاساس ميهمنيش الفلوس وانت عارف
جمال رسم ابتسامه: تمام . انا يهمنى ايه غير سعاده اختى الصغيره
جميله : يعنى موافق تقابله
جمال بص ليها للحظات: موافق
جميله قامت وحضنته وباسته من خده: ميرسى يااحلى جيمى ف الدنيا احلى اخ ف الدنيا
جمال: انتى ال احلى اخت ف الدنيا
جميله: تحب احدد الميعاد امتى بكره
جمال: لالا مش بسرعه كده .. الحفله بعد بكره ..
نخلص الحفله وافضى واقابله دا مش اى حد
جميله : لسه هستنى
جمال بيضحك: 48 ساعه مقولتكيش السنه الجايه
جميله: ماشى هحاول استنى ..يلا هسيبك تكمل شغلك ..
راحت جميله باست خد جمال وخرجت وجمال ملامح وشه اتغيرت ...!!
كان جمال راح طلب من ادم طقم مساعين للحفله ولاحظ "جمال" ان اسم "على" مش موجود فى يوم الحفله الصبح واحد من طقم المساعدين مرض واخد اجازه مرضى
فطلبو من "على" يروح بداله ووافق لان فى فلوس ذياده راح "على" الحفله وانبهر بالفيلا وبالضيوف وكان بيسرفس ع الضيوف وهو بيقدم ليهم المشوربات سمع الحوار الاتى :
ضيف 1: العقد المرادى بمليارات
ضيف2: هو جيمى صغير دا قدها وقدود اومال عمل الحفله دى ليه
ضيف1: وعيد ميلاد بريتى كمان .. ماهى شريكته ف كل حاجه
ضيف2: يابخت شادى بيها خطيبته معاها مليارات
ضيف1: اه فعلا محظوظ وبريتى مش اى حد يخطفها
مشى .."على" وفضل يسمع اسم "بريتى" كتير لدرجه فضوله خلاه عاوز يشوف مين "بريتى"
شويا واتحطت تورته عيد الميلاد والكل فى انتظار "بريتى " ع درجات السلم كانت نازله جميله مع هايدى لبسه فستان تحفه غالى جدااا ..وميكب وامجوهرات .. الاول "على" كان بيشبه عليها لكن لما ركز اكتر كانت الصدمه عرف ان "بريتى" هى "جميله" وخصوصا لما شاف "هايدى" لانه شافها ف المطعم وكانت بتتكلم مع جميله ... وعرف انها مرات اخوها .. "جمال" وهما الاتنين.. ملياردات ..عكس ما كان شايف وفاكر خالص ...طفت الشمع وشكر جمال الموجودين ..
جمال: بشكر كل الموجودين ع حضوركم ليا ف حفلتى المتواضعه ..
وحضور حفله عيد ميلاد بريتى واحب اقولها كل سنه وانتى طيبه وقريب ان شاء الله
كلكم معزومين ع خطوبتها الرسميه من شادى
جميله اتصدمت من الكلام بتاع جمال: ايه
جمال: اتمتعوا بالحفله
"على" سمع الكلام وصدمه المفاجاءه خلته يبعد عن المكان وخرج بره الحفله ف الجنينه
وبيحاول يستوعب مش عارف حس بلغبطه ودماغه وقفت عن التفكير .. وف نفس الوقت جميله قفشت ع جمال بسبب ال قاله ...
جمال: مالك قافشه كده ليه
جميله: ايه الل قلته دا
جمال بيضحك: هزار ..يعنى شايفه شادى اشترى الخواتم ..اهو كلام
جميله بعصبيه : الهزار مش ف كل حاجه
جمال: مش هينفع نسيب الناس كده ولا ايه
مشى جمال وجميله كانت مضايقه ..
هايدى: يلا يا بريتى الناس مستنيك انتى صاحبه الحفله
جميله: شايفه جوزك
هايدى : معلش .. يلا بقى
نزلت جميله تتضايف الناس ورسمت ع وشها ابتسامه .. فى الوقت دا خرج جمال ع الجنيه لما شاف "على" واقف لوحده
جمال ماشى ف اتجاه "على " وعلى مديله ضهره :
جمال: اعتقد كده الصوره وضحت والل شوفته مش محتاج كلام
على اتفاجئ وبص : نعم
جمال بيضحك ضحكه سخريه: اكيد انت عارف انا مين دلواقتى او معنى صح جميله تبقى ايه
على : جمال بيه
جمال بلهجه تعالى : اخو بريتى .. جميله هانم ومفيش كلام تانى يتقال لانك شوفت كل حاجه .. شوفت مين "جميله"ومستوى "جميله" وحياه "جميله" معتقدش الل عايش ف المستوى والحياه دى هيربط نفسه بويتر ف مطعم ولا ايه ...
على ساكت ف صدمه من الل شافه والل بيسمعه ... جمال : جميله انا بسيبها تعمل الل هى عاوزاه تسافر وتروح وتيجى براحتها بس قرار مصيرى هتعمل الل انا عاوزه وانت سمعت هى ف حكم مخطوبه من شادى ابن شريك ليا .. على انا سمعت انك ذكى وواثق انك هتاخد قرار صح .. دا لو بتحبها بجد ومصلحتها وسعادتها تهمك ولا ايه ...!!
مشى جمال ودخل الحفله و"على" فى حاله فوضى ولغبطه وخنقه وضيقه ومش قادر ياخد قرار شويا ووقف وبص ع الحفله من بره .. ودخل الحفله مسك صينيه وبخطوات هاديه وملامح جد ع وشه ومشى اتجاه .. جميله ... قرب منها : اتفضلى مسز بريتى
جميله بتلقائيه بصت : ميرس...
وفاجاءه كوبايه العصير وقعت من جميله من المفاجاءه ع الارض ...: على
على مسك الفوطه ووطى : بعد اذنك انضف الل حصل دا شغلى وهقبض مرتبى منه وانا محتاجه مش جى هنا اتسلى
جميله مصدومه: على ..
جمال: مفيش حاجه يا جماعه بريتى دايما ايديها سايبه مبتعرفش تمسك اى حاجه كويس
ودايما تقع من ايديها تتكسر كده .. عادى اتفضلوا معايا اتفضلوا معايا
على لاحظ تلميح كلام جمال .. لم الازاز ودخل المطبخ .. جميله راحت ليه وكان واقف مديها ضهرها ..قربت منه وحطت ايديها ع كتفه : على
على من غير ما يحس زق ايديها بعنف ..: فى حاجه مسز بريتى ..كسرتى كوبايه تانى
جميله متلغبطه: على ..انا كنت هقولك ..اسمعنى بس
دخلت هايدى المطبخ .: بريتى الناس بتسال عليكى مينفعش كده يلا
جميله باصه ل على : على متمشيش ضرورى اتكلم معاك
خرجت جميله وعلى باصص عليها ومسك قطعه ازاز وضغط بيها عبايده ....!!
__________________
يتبع
ليست هناك تعليقات:
إرسال تعليق