تانى يوم الصبح صحى مهاب من النوم كانت دماغه تقيله ومصدع فتح عينه بص ع الساعه وبيحاول بيببص حواليه ومش كان فاكر هو ايه حصله حاول يفتكر و افتكر مشاهد ليه هو ورقيه وفى الحظه ديه خبط ايده فى راسه كان فاكر انه حلم ... مهاب : ايه ال انا عملته دا ..ليه كده يا مهاب
ياترى رقيه قالت ايه ..!!
فضل مهاب نايم ع السرير عمال يخبط راسه ف ضهر السرير ومحرج يخرج يشوف رقيه مش عارف هيقول ايه ولا هيبررلها ايه ال حصل ازاى حس انه استغلها ومسيطرش ع نفسه الباب خبط وكانت رقيه وهى قبل ما تفتح الباب من ورا الباب : مهاب ..انت صحيت
مهاب اتخض واتفز من ع السرير : ها .. ايوه ايوه 5 دقايق وخارج
رقيه: الفطار جاهز
مهاب: اوكيه
قام قعد ع حرف السرير مهاب وبص ع السرير وبالرغم انه حاسس بالاحراج الا انه حس بسعاده بس مش عارف هيقول ايه لرقيه حاول يجمع نفسه واخد نفس وفتح باب الاوضه بهدوء ورسم ع وشه علامه ان مفيش حاجه حصلت
خرج من الاوضه يبص ع رقيه لاقاها ف المطبخ واقفه راح الحمام اخد دش سريع يفوق وخرج راح ع اوضته لبس وخرج لاقى رقيه قاعده مستنياه ع الفطار ....رقيه باابتسامه المعتاده: صباح الخير
مهاب حاول يدارى توتره واتعامل عادى: صباح الخير
رقيه : اتاخرت ع شغلك يلا افطر
مهاب وهو واقف : مش ضرورى يعنى هاخد اى حاجه خفيفه وانا ...
رقيه قاطعته و راحت مسكت ايده وشدته قاعدته ع السفره: لا مفيش حاجه اسمها مش ضرورى الفطار حاجه اساسيه علشان تقدر تشتغل وتركز .. يلا اتفضل وهجيب النسكافيه حالا
راحت رقيه ع المطبخ تجيب النسكافيه ومهاب بص عليها من تحت لتحت لاقاها بتتصرف عادىولا اكن حاجه حصلت ومش مضايقه .. استريح مهاب لانه مش عارف كان هيبرر لرقيه وهيقول ايه وال حصل ازاى وانه اتصرف معاه بالطريقه دى ... جت رقيه وقعدت تفطر مع مهاب .. انجز مهاب ف الفطار
مهاب: الحمد الله .. انا نازل عاوزه حاجه
رقيه : لا شكرا سلامتك
مهاب قام من ع السفره وراح ناحيه الباب اخدت شنطه ال فيها اوراق الشغل
والجاكت وخارج ناحيه الباب رقيه ندت عليه : مهاب
وقف مهاب يبص ع رقيه : نعم
رقيه راحت ناحيه مهاب وباسته ع خده : لااله الاالله
مهاب اتصلب مكانه واتفاجئ من التصرف : سيدنا محمد رسول الله
نزل مهاب بسرعه ركب العربيه وقلبه كان بيدق جامد حسس ع خده وكان مبسوط من ال حصل بص ع ناحيه البلكونه لاقى رقيه واقفه بتبص عليه شغل العربيه ومشى بسرعه >>!!!
رقيه كانت ف منتهى السعاده واحساسها ان الحاجز ال بينها وبين مهاب خلاص اتهد ومش موجود وبقوا قريبن لبعض .. انشغلت رقيه بالى حساه وملاحظتش توتر وتصرقات مهاب نزلت رقيه عند خالتها وع وشها ابتسامه كبيره ...خالتها : صباح الروقان يا روكا ايه الجمال دا
رقيه باابتسامه: ايه يا خالتو هو انتى اول مره تشوفينى ولا ايه
خالتها: لا اول مره اشوف الفرحه هتنط من عينك كده هو حصل حاجه ولا ايه
رقيه بتضحك: ايه يا خالتو ال حصل ..انا هخرج ف الحديقه شويا
خالتها: ماشى
خرجت رقيه وابتدت تشتغل ف الحديقه تليفونها رن بصت كان هيثم
رقيه بسعاده: لالالالا مش مصدقه بشمهندس هيثم عطف عليا واتصل
هيثم بيضحك: ليه القفش ع الصبح كده .. طيب قولى صباح الخير ولا اى حاجه
رقيه: صباح الخير ولا اى حاجه
ضحك هيثم: عامله ايه روكا
رقيه بصوت سعاده: الحمد الله جدا جدا جدا جدا
هيثم : ايه التاكيد دا هو انا كدبتك ولا ايه
بتضحك رقيه : ايه الرخامه دى
هيثم : وحشتنى ضحكتك .. طمنينى عليكى
رقيه: الحمد الله ..انت فينك كده ومبتردش عليا ليه ع الفيس ولا اتصالاتى من وقت ما سافرت
هيثم سكت لحظه : كنت عاوز اشوف هوحشك ولا لا
رقيه: ودا سؤال يعنى اكيد هتوحشنى انا افتقدت وجودك فعلا
هيثم بصوت قلق: ليه حصل حاجه .مهاب عملك حاجه
رقيه بصوت فرحه: مهاب .. لا طبعا
هيثم: ايه التاكيد دا ..
رقيه: لان مهاب استحاله يعملى حاجه تضايقنى
هيثم سمع الكلمتين سكت ومش عارف يرد : طيب كويس
المهم انتى خلى بالك ع نفسك ولو احتجتى انا حاجه عرفينى
رقيه: تسلملى يارب ..انت عامل ايه شغل ال كان متعطل
هيثم: الحمد الله كله اتظبط
رقيه: خلى بالك ع نفسك يا هيثم وطمنى عليك دايما
هيثم: طول ماانتى بخير هكون انا بخير فانتى اهتمى بنفسك
رقيه بتضحك: متقلقش طول ماانا مع مهاب كل حاجه متظبطه وتمام
هيثم اتخنق لما جابت اسم مهاب: طيب يا روكا هطير انا عندى شغل
رقيه: هستنى مكالمتك متغبش فاهم
هيثم: ان شاء الله
قفلت رقيه مع هيثم ورجعت تكمل ال بتعمله ف الحديقه وهى مبسوطه
وهيثم قفل مع رقيه وقعد سرحان ومش عارفه يسيطر ع احساسه ناحيه رقيه بالرغم انه عرف انها متجوزه ومضايق انها مش شخصيه زى مهاب بيخدعها . وف حيره مش عارف يقولها ال عرفه ولا لا فقرر انه مينكدش عليها ويكدرها .. باب المكتب خبط ودخلت مساعده هيثم هديل :
هديل: مستر هيثم الاوراق ال حضرتك طلبتها
لاحظت انه سرحان ومش بيرد عليها
هديل : مستر هيثم.. هيثم
هيثم انتبه: ها ..انتى دخلتى امتى
هديل بتضحك: لالالا انت متغير من وقت مارجعت من عند هاله هو فى حاجه حصلت
هيثم مد ايده واخد الاوراق: لا مفيش حاجه اخرجى ولما هراجع الاوراق هبعتلك
هديل بصت لهيثم: هيثم احنا قبل ما نبقى بنشتغل مع بعض احنا اصحاب وقت ماتحب تتكلم انا هسمعك ...!!
هيثم باابتسامه: ان شاء الله يلا نشوف شغلنا
هديل : اوكيه
خرجت هديل وع وشها قلق ع هيثم ومش عارف ايه ال حصله فى الاجازه ال اخيره ...!!!!
مهاب فى الشركه دخل وع وشه ابتسامه غير المعتاد من وش الخشب ال دايما حاطه حتى السكرتيره استغربت من ابتسامه ال ع وشه
دخل المكتب وقعد وفتح الاب وحس ان الدنيا وردى وردى وهو قاعد افتكر ليله امبارح وحط ايده ع خده مكان ما باسته رقيه
قعد شويا ومسك موبيله يبصله متردد يكلم رقيه ولا لا
وهو ماسك الموبيل لاقاه رن وكانت رقيه ...اتخض واتلجلج لغايه ما فصل
استنى 10 دقايق وجمع نفسه واتصل ورد بصوت جاد
مهاب: الو
رقيه : ايوه يا مهاب انت مشغول
مهاب: يعنى.. فى حاجه انا كنت عامل الموبيل سيلنت ولاقيت اتصالك
رقيه : كنت عاوزه اسألك هتيجى ع الغدا ولامش هتقدر
مهاب : ان شاء الله هاجى ع الغدا
رقيه : طيب اسيبك لشغلك
مهاب : تمام .. سلام
قفل مهاب بسرعه خاف لتوتره يبان وحس ان قلبه بيدق لمجرد ان شاف رقمها واسمها وقفل وابتدى يشوف شغله بسعاده ع وشه من غير شكوى
رجع البيت ورقيه كانت محضره الغدا وكانت متوقعه ان مهاب هينقل حاجته لاوضه لكن لاحظت ولا قال حاجه فحبت متضايقهوش وسابته ع راحته المهم عندها انه ابتدى يكون احسن من الاول وهى حكايه وقت زى ما قالها فى الاول
وبقى يتغدى ويتعشى معاها ودى كانت من الحاجات ال نفسها فيها ...!!!!!
__________________________
فى يوم مهاب فى الشركه وبيشتغل الباب خبط ومهاب رد: ادخل
فتح الباب وكانت سهر : بيبى وحشتنى
مهاب سمع صوت سهر وبص اتخض وملامح وشه اتغيرت : سهر
سهر قربت منه وجت تحضنه : وحشتنى يا بيبى
مهاب بعد نفسه : حمد الله ع السلامه متكلمتيش قلتى انك راجعه
سهر استغربت من رد فعل مهاب: عادى يا بيبى حبيت افاجأءك داانا جيت من المطار ع هنا شنطتى ف العربيه
مهاب باابتسامه بارده: حمد الله ع السلامه
قعد مهاب وبص ع اوراق قدامه : وعملتى ايه خلصتى الحوار ال سافرتيله
سهر استغربت ع برود كلام مهاب قعدت: اه كله تمام هيبعتولنا الرد ف خلال 10 ايام
مهاب مبصش لسهر: تمام
سهر : مهاب انت فى حاجه
مهاب : لا ليه بس مشغول شويا
سهر : اخبار رقيه ايه
مهاب مردش .. سهر: مهاب
مهاب بصلها : وهو دا مكان تسألى فيه عن رقيه ولا غيره
سهر ركزى وافصلى دا مكان شغل .. شغل يا سهر
سهر اتحرجت من كلام مهاب وقفت: ماشى يا مستر مهاب بماانه مكان شغل يبقى نكمل كلامنا بره
مهاب : ان شاء الله
سهر : نتغدى مع بعض
مهاب: لا معتقدش هينفع
سهر بنبره نرفزه: خلاص يا بيبى نتغدى انا وانت ورقيه ونتكلم هناك
مهاب بص لسهر وحس انه اتسرع : خلاص يا سهر هنتغدى مع بعض ممكن تروحى مكتبك بقى علشان انا مشغول فعلا
سهر : حاضر يا مستر مهاب
خرجت سهر وهى مش فاهمه ماله مهاب واتغير ليه كده ف ردوده معاها
استنته ف المطعم ال جنب الشركه وكان مهاب كلم رقيه وعرفها انه فى ميتنج مهم وهيرجع ع العشا وصل مهاب وكانت سهر قاعده مستنياه ..اول ما وصل مهاب قامت سهر علشان تسلم عليه وتبوسه بعد نفسه مهاب : سورى يا سهر اصل عندى بوادر برد وانت مبتحبيش تتعدى
سهر : اها .. طيب ...
مهاب: تتغدى ايه
سهر: انا طلبت خلاص
مهاب: طيب تمام
مهاب مسك موبيله وفاتحه عمال يقلب فيه .. سهر لاحظت انه مش بيبصلها وساكت .... سهر بتحاول متسبقش الامور : بيبى مشغول ولا ايه
مهاب رسم ابتسامه بارده: لا معاكى بس كنت بشوف ايميل مهم
سهر بدلع : الشغل عندك مهم اوى كده وسهر حبيببتك موجوده
مهاب ضحك: الكلام دا بتقوله سهر ال عندها الشغل والمستقبل اهم حاجه
انتى دايما كنتى بتقوليلى الشغل والبيزنس اهم حاجه ف حياتنا غير كده لا
سهر بتضحك: انت مذاكر كويس اهو
مهاب : من بعد ما عندك
سهر بصت لمهاب : اخبار رقيه ايه
مهاب اتصلب : ها .. مالها رقيه
سهر: مفيش جديد ..انت قولتلى هتتصرف ياترى ف نتيجه
مهاب اتوتر من السؤال ورسم وش جد: زى مانتى شايفه كده انا مش فاضى يا سهر الشغل شاغلنى عن كل حاجه من وقت ما سافرتى وانا مشغول ف الشغل
سهر بصت لمهاب: وبعدين
مهاب بيحور ع سهر : زى ماقلتلك حوار تنازل العقد هياخد وقت مش بسهوله كده لاحظى انها قريبتى بنت عمى يعنى بابا لو عرف هينطلى والمشروع ممكن يتوقف لكن لو هى ال عملته من نفسها هيسكت ولو اتكلم هى ال ترد مش انا
سهر باصه لمهاب وحاسه انه متغير : انت مش مخبى عليا حاجه
مهاب : لا هخبى ايه
الاكل جه واتحط .. مهاب: يلا ناكل علشان منتاخرش ع الشغل
سهر: تمام يا بيبى
ابتدا مهاب ياكل ومش بيبص ع سهر وسهر حاسه بحاجه غريبه ف مهاب ومش عارفه ايه هى والشك ابتدا يزيد ...!!!!
__________________________
فى يوم رقيه كانت قاعده فى البيت مع خالتها اتصل عمها
خالتها: الو
عمها: ايوه يا زوزو شوفى كده ف المكتب ملف اخضر محطوط
قامت زينب تبص ف المكتب ولاقت فعلا الملف
زينب: ايوه يا محمود موجود
محمود: طيب ابعتيه مع احمد موظف الامن ضرورى لانى محتاجه بعد الضهر
زينب :حاضر
قفلت زينب ورقيه كانت معاها: فى ايه يا خالتو
خالتها: عمك نسى الملف دا وعاوزه هبعته مع احمد
رقيه: بس انا بعت احمد يشتريلى حاجات علشان الحديقه
خالتها: طيب عمك عاوز دا اكلمه يبعت حد ياخده
رقيه بسرعه: هوديه انا يا خالتو
خالتها: وهتعرفى ازاى تروحى لوحدك وتوهى انتى مروحتيش خالص هناك
رقيه بتضحك: هو اه هيثم مش موجود ال دايما يلاقينى وانا تايه بس مفيش حل واهو اجرب بقى ومتقلقيش هاخد تاكسى من هنا واديله العنوان ووارجع بنفس الطريقه ومعايا موبيلى متقلقيش ثوانى هغير وانزل اروح اوكيه
خالتها: طيب
طلعت غيرت رقيه فى شقتها ونزلت اخدت الملف ووقفت تاكسى وقالتله ع العنوان ووصلها دخلت الشركه ودى كانت اول مره سألت ع مكتب عمها ووصلت ع طول عنده خبطت السكرتيره ودخلت
السكرتيره: مستر محمود فى واحده اسمها رقيه عاوزه حضرتك بره
محمود بفرحه : رقيه خليها تدخل بسرعه
دخلت رقيه وعمها قابلها بفرحه: نورتى الشركه يا روكا
رقيه باابتسامه: الشركه منوره بال فيها يا عمو
عمها: كويس انك جيتى بسرعه خالتك وانا كنا قلقانين
بس بصراحه احيكى ع شجاعتك ايوه كده لازم تجربى ومتخافيش
رقيه: مش كده برضه يا عمو انا ركبت تاكسى وقلتله العنوان وجبنى ع طول
عمها : اقعدى تشربى ايه
رقيه: لا مش مستهله انا راجعه البيت لانى ورايا حاجات اعملها انا قلت اجرب
عمها بيغمز لرقيه: يعنى هتمشى من غير ما تشوفى مكتب مهاب
ابتسمت رقيه بخجل: انا .. انا
عمها ضحك: متتكسفيش دا جوزك انا هوصلك لغايه عنده يلا
وهما ماشين فتح عمها كلام
عمها: رقيه انتى مبسوطه مع مهاب مرتاحه
رقيه بتبتسم: الحمد الله ياعمو هو انا كنت احلم
عمها حط ايده ع كتفها ووقفها قدانه: رقيه انتى زى نهله واكتر انتى بنت اغلى الناس عندى .. لو مهاب ضايقك او عملك حاجه قوليلى وانا هتصرف
ولو حاسه انك مغصوبه ع العيشه ومجبره متفكريش فينا فكرى ف نفسك وال يريحك اعمليه والقرار ال هتاخديه انا مش هقف قصادك وهشجعك
رقيه بتضحك: ايه ياعمو انت قلبتها دراما كده ليه لا الحمد الله كله تمام ومهاب بصراحه مش مقصر وانا مبسوطه انا حاسه اصلا انى ف حلم مش عاوزه اصحى منه
عمها باص راسها: ربنا يسعدكم دايما يا حبيببتى ..يلا المكتب اهو
رقيه مع عمها وراحت مكتب مهاب وباباه خبط ع الباب ودخل
مهاب: ادخل
باباه: مشغول يا مهاب
مهاب وقف: اتفضل يا بابا فى حاجه
باباه: جايبلك هديه مش تتخيلها
مهاب بيضحك: ايه يا ترى
فتح باباه الباب ودخلت رقيه واول ما مهاب شافت اتفاجئ وفرح: رقيه جيتى ازاى
باباه: ملف نسيته فاتشجعت هى وجت
رقيه باابتسامه: انا اسفه لو عطلتك بس عمو ال صمم يجبنى هنا انا كنت هروح ع طول
عمها بيضحك وبيغمز لرقيه : انا برضه ال صممت ماشى نعديها
مهاب : هترجعى ازاى
رقيه: بنفس الطريقه تاكسى عادى
عمها: تاكسى ايه لا طبعا مهاب وصلها وارجع
مهاب : ها
باباه: وصل مراتك وارجع هو ايه ال ها
مهاب : طيب اقعدى 5 دقايق هبعت الميل دا ونتحرك
قعدت رقيه وخرج عمها ومهاب قاعد مش ع بعضه علشان رقيه هنا ووممكن ف اى لحظه سهر تدخل خلص بسرعه الاميل واتحرك هو ورقيه ونزلوا وهما نازلين من الشركه وخارجين من الباب شافتهم سهر وهى داخله بصت عليهم شافت ابتسامه ع وش مهاب وع وش رقيه وشافت مهاب وهو بيفتح الباب لرقيه وقعدت جنبه .. النار ولعت فيها من الغيره والخنقه دخلت الشركه سمعت من الموظفين كلام ان مرات مستر مهاب جت والكل شبه شافها ودى حاجه كانت سهر مش عاوزاها علشان لما يطلق وتتجوز تبقى هى الزوجه الرسميه دخلت ع مكتبها بنرفزه ومسكت موابيلها اتصلت ع مهاب كنسل عليها .. راحت المكتب تسأل عليه لاقته مش راجع لان ف ميتنج بره ...!!!!
ع بليل كلمت مهاب لاقته ف البيت طلبت منه ينزل يقابلها حالا الا هى تدخل وكانت متعصبه من كلامها نزل مهاب واستناها ف الحديقه ال جنب البيت وراح
مهاب بعصبيه: مش قلنا نبطل الجنان دا
سهر بعصبيه: مش لما تبطل حضرتك الاستهبال ال بتعمله
مهاب : استهبال ايه
سهر بتحاول تهدى: مهاب احنا اتفقنا من اول ع حاجات كتير اهمهم ان رقيه اسم ع ورقه ال هى الجوازيعنى مجرد اسم وتعتبر مش موجوده وانت هتتعامل ع اساس كده
قلق مهاب وافتكر سهر عرفت حاجه ع اليله ال حصلت : عاوز ايه يعنى انا عارف الكلام دا
سهر : انما تبتدى تجيلك الشركه وتبان لناس وشويا الاقيك بتسهرها وتعرفها ع اصحاب لا الموضوع كده كبر ولازم يتوضعله حد
مهاب : عاوزانى اعمل ايه ماهو انا قلتلك ال فيها
سهر بعصبيه: سيب البيت
مهاب: نعم
سهر: سيب البيت واقعد بره او اقعد عندى بابا مش هيعترض
مهاب: واقولهم ايه انا لما اسيب البيت
سهر : قول اننا بنجهز ف مخطاطات المشروع الاخيره مع بعض او اى حاجه المهم تبعد عنها
مهاب مسك ايد سهر وبيحاول يهديها: سهر اهدى كده جنانك دا مش هيوصلك لحاجه
سهر : مهاب انا
ف الوقت دا تليفون سهر رن وكانت سكرتيره باباها قالتلها ان باباها عاوزها ضرورى تسافرله الصبح فرنسان وحجزتلها
سهر بصت لمهاب : انا همشى دلواقتى ولينا كلام تانى
احتمال اسافر بكره فرنسا لبابا هناك لما ارجع ولقيت الوضع زى ماهو مش هستحمل واصبر لانى صبرت كتير وانت مبتعملش حاجه مش هسكت يا مهاب فاهمنى مش هسكت
مشيت سهر وركبت عربيتها ومهاب واقف ماسك راسه ومش عارف يتصرف ازاى مع سهر وجنانها وف نفس الوقت مش عاوز يجرح رقيه ...!!!
______________________
تانى يوم ومهاب ف الشركه باباه طلبه بسرعه راح لمكتب باباه
باباه متوتر: مهاب احنا لازم نسافر فرنسا حالا
مهاب: خير يا بابا
باباه: عمك كمال تعب وهيعمل عمليه ف القلب وسهر لوحدها ومش ينفع اسيبه لوحده
مهاب قلق : هحجز حالا وان شاء الله خير
اتصل مهاب بشركه اللطيران وحجز مستعجل وسافروا يحضروا عمليه كمال ابو سهر وسهر متبقاش لوحدها ... واول ما وصلوا المستشفى مهاب شاف سهر بتعيط اول ما شفته جريت عليه واترمت ف حضنه
سهر بتعيط: مهاب .. بابا تعبان اوى يا مهاب
مهاب بيطبطب عليها: ان شاء الله خير متقلقيش كده وهيبقى كويس
حضنته سهر اوى : مهاب انا مليش غيرك متسبنيش
ابو مهاب سمع كلام سهر استغرب وبص لمهاب شاف وشه متغير
خلصت العمليه واطمنوا ع ابو سهر وفضلوا قاعدين مهاب وباباه لمده 20 يوم ف فرنسا يطمنوا ع ابو سهر لان مش ليه قرايب ويعتبر هو وسهر لوحدهم وكان مهاب دايما بيطمن ع رقيه ومامته بالتليفون
فى يوم جه تليفون مهم من الشركه ف المانيا وكان ضرورى يا مهاب يا باباه يرجع فى المستشفى سهر وقفت مهاب تتكلم معاه
سهر: انت لازم ترجع يا مهاب ما تخلص شغلك من هنا
مهاب : مينفعش يا سهر وبعدين عمو ان شاء الله هيكون كويس وبابا معاكم
وانا هطمن عليكم بالتليفون
سهر اترمت ف حضن مهاب: وانا ال قلت ان ربنا عمل كده علشان نبقى مع بعض
مهاب محضنهاش وحاول يبعدها هى ماسكه فيه جدااا ... كان باباه معدى وشافهم والمنظر مريحهوش ومهاب شاف باباه راح زق سهر جامد وسهر لما بعدت بصت شافت ابو مهاب .......!!
ف الفندق قبل ما يرجع مهاب باباه قعد معاه
باباه: مهاب انت لسه فى حاجه بينك وبين سهر
مهاب بص لباباه: لا يا بابا طبعا علاقتنا اخوات واصحاب وزمايل شغل بس
باباه: يعنى اعتبر ال شوفته تحت المسميات دى
مهاب : اه طبعا
باباه : بص يا مهاب لو عرفت انك بتكدب عليا او هتأذى بنت اخويا معرفش انا هعمل ايه بجد مش هسامحك
مهاب قاطعه: بابا مش محتاج الكلام دا لانى عارفه وانا مش غبى يعنى
باباه : انا قلت انبهك لان تصرفات سهر اوفر
مهاب باابتسامه: متقلقش يا بابا
رجع مهاب وفضل باباه مع صاحبه ابو سهر علشان ميبقاش لوحده وسهر معاه رجع مهاب ع الشركه حل المشكله ال كانت موجوده ورجع ع البيت عدى ع مامته الاول
خبط فتحت الخدامه ودخلت :
مهاب: زوزو وحشتينى
مامته: وانت كمان يا حبيبى حمد الله ع سلامتك
مهاب بيبص حواليه: انتى لوحدك ولا ايه
مامته: اها روكا نايمه فوق ف شقتكم
مهاب بص ع الساعه: غريبه مش بتنام رقيه دلواقتى خالص
مامته: مش عارفه يا حبيبى هى بقالها كام يوم حاسه بخمول وع طول عاوزه تنام ومش بقت تاكل باين دور برد فسيبتها تريح
مهاب : تلاقيها اخدت دور برد من اهملها ف نفسها
مامته: لا بعد الشر هو يمكن من قله النوم والارق ال عندها من وقت ما سافرت يا بيبو
مهاب بيبتسم: طيب انا هطلع اخد دش واغير وهبقى اجبها وننزل نقعد معاكى نتغدى
مامته: هستناكو
طلع مهاب شقته رن الجرس ورقيه مفتحتش راح فتح بالمفتاح ودخل ينده ع رقيه
مهاب: رقيه ... رقيه
ردت رقيه بصوت تعبان وهى نايمه ع كنبه الصالون: ايوه يا مهاب
مهاب بص عليها: ايه دا انتى مالك تعبانه
رقيه وعلامات تعب ع وشها : حمد الله ع السلامه
مهاب بقلق: انتى تعبانه
رقيه بصوت تعبان: اجهاد وارهاق جسمى وجعنى وعاوزه انام كده
مهاب: لا مبحبش اشوفك تعبانه قومى كده وفرفشى هغير وننزل لماما تحت
رقيه بتحاول تقوم وقامت : حاضر
لسه بتمشى رقيه راحت ع الحمام بسرعه رجعت وهى خارجه من باب الحمام اغمن عليها
مهاب شافها اتخض وجرى عليها: رقيه .. رقيه
اتصل بمامته اتصل بالدكتور بسرعه وجه وبعد الكشف المبدئى
مهاب بقلق: مالها يا دكتور تعبانه من ايه كده
الدكتور بيبتسم : متقلقش دا طبيبعة لل زيها كده بس هى علشان عندها ضعف برغم مش باين ع جسمها وقله نوم بياثر عليها هى محتاجه غذا كويس واهتمام وراحه الفتره الجايه
مامت مهاب: هو ايه لل زيها يكونشى تقصد
الدكتور بيهز راسه باابتسامه: ايوه يا مدام زينب .. مبرووك مدام رقيه حامل
الدكتور قال الكلمه دى زى دش بارد وقع ع مهاب :
الدكتور: انا اخدت عينه دم والنتيجه هتظهر بكره وهبلغكم النتيجه بس
زى ما قلت هى محتاجه راحه واهتمام علشان هى مش بقت واحد اتنين
وهاتوها المستشفى اول ما تقدر تتحرك وكويسه علشان نعملها سونار ودكتور المتخصص يطمنكم عليها ......مهاب فضل متنح وفى سره : امتى دا وبسرعه كده دا معداش الا شهرين
مامت مهاب بسعاده: مبروك يا بيبو يا بابا بيبو
رقيه باابتسامه ع وشها حاطه ايدها ع بطنها : الحمد الله يارب الحمد الله
مهاب بص ع بطن رقيه : هبقى بابا انا
مامت مهاب : احلى بابا وماما انا هخرج اكلم محمود وفاطمه ومحمد ونهله وعمار افرحهم باحلى خبر كلنا مستنينه
الدكتور: استاذن انا وهستناكى يا مدام رقيه
رقيه: ان شاء الله يا دكتور
خرج مهاب وصل الدكتور وفضل واقف لحظات بيجمع الخبر ال مش كان متوقعه بسهوله وبسرعه كده
مامته : باباك تليفونه مقفول يا مهاب
مهاب: انا هروح اجيب اللادويه دى يا ماما وراجع
نزل مهاب ركب العربيه وبيبص ع الروشيته وفاجاءه جالته هيستريه ضحك
مهاب بيضحك: انا هبقى بابا ..هبقى بابا انا
وراح الصيداليه يجيب الادويه ورجع ع البيت لاقى رقيه نايمه ومامته قاعده
مامته: اتاخرت كده ليه ومالك لونك مخطوف
مهاب: مش مصدق انى هكون بابا
مامته: ازاى يعنى دى سنه الحياه وغير كده انتم متجوزين ودا طبيعى واصلا انا حاسه انكم اتاخرتوا بس سبحانه كل حاجه وليها ميعادها
مهاب باصص لمامته وف سره: ماهو انتى مش تعرفى حاجه
مامته: انا هنزل وهطلعلكم الصبح اقعد مع رقيه لما تكون ف الشغل
وكده كده العلاج هتاخده من الصبح لانها اخدت جرعه من الحقن هتنام لصبح هى واضح بنتك او ابنك بيعشقوا النوم
المهم مش هوصيك يا مهاب انا صحيح كلمت باباك وجى الصبح قلت اقوله لما يجى احسن عاوزه اشوف الفرحه ف عينه ولما رقيه تصحى ابقوا كلموا عمك وخالتك علشان يطنمنوا عليها ونهله وعمار متنساش علشان حلفونى
مهاب باابتسامه: متقلقيش يا ماما
نزلت مامت مهاب ومهاب قفل وراها الباب وقعد يحاول يجمع ومش عارف يوصف احساس الفرحه الممزوجه بالاندهاش وهو قاعد بص ع اوضه رقيه وبراحه راح ناحيتها فتح الباب وبص عليها شافها نايمه وكانت رقيه حاطه ايدها ع بطنها راح مهاب لا ارادى راح ناحيتها وقعد جنبها ع السرير بهدوء
وبص ع رقيه وهى نايمه وع وشه ابتسامه راح حط ايده ع ايد رقيه
قلبه بيدق بسرعه وحاسس بسعاده غريبه وقال: انا كنت بسأل نفسى ليه حصل ال حصل فى اليله ال فاتت وحاجات كتير حصلت مش فاهمها وحكمه ربنا ي ورينى بعينى حاجه تمنع اى شك او تردد .. حكمته انه جمعنا مع بعض
لدرجه دى ربنا بيحبنى .. بالرغم ال بعمله وعملته بيدينى من وسع ويفرح قلبى كده سبحان الله ع عطياه
مهاب وهو حاطط ايده ع بطن رقيه وبتكلم من سعادته بحمل رقيه دموع نزلت من عينه وكانت دموع فرح ..احساس جواه بيكبر بيكبر مخليه مش عاوز حاجه ف الدنيا تانى قام براحه وقرب من رقيه بهدوء وباس قوريتها وباس ايدها ال ع بطنها براحه جدااا وخرج من الاوضه وقفلها براحه فتحت رقيه عينها وسمعت وحست بوجود مهاب ودموع نزلت من عنيها من السعاده وقالت: الحمد الله
تانى يوم صحيت رقيه حست انها كويسه بصت ع الساعه لاقت انها اتاخرت ف الصحيان
خرجت من الاوضه سمعت كركبه ف المطبخ راحت ناحيته لاقت مهاب واقف ولابس مريله المطبخ
رقيه: مهاب بتعمل ايه
مهاب باابتسامه: انتى ايه خرجك من الاوضه انتى لازم ترتاحى
رقيه: انا الحمد الله ..انت بتعمل ايه انت لازم تنزل دلواقتى
مهاب شاور ع السفره: لما نفطر ولا هنزل من غير الوجبه الاساسيه يرضيكى يعنى
رقيه اتفاجئت بان مهاب جهز الفطار وراحت قعدت ومهاب قعد وبيحطلها ف طبقها بيض وجبنه وحط كوبايه لبن
مهاب : انا عاوزك تخلصى ع كل دا فاهمه ومتقوليش لا
رقيه بتضحك: لا انا متفجعتش لسه
مهاب بيبصلها: وهو انتى فاكره انا بتكلم علشانك
انا بتكلم ع ال يخصنى ال جوه دا
رقيه : اهاا بتبعنى وش شكرا
مهاب : افطرى كويس يا رقيه فاهمانى انا هنزل اروح الشركه
انتى متتحركيش من مكانك مهما حصل ماما معاكى محتاجين حاجه كلمينى
اجهاد مننوع الراحه المسموح بيها
رقيه: انا كنت عاوزه اروح المستشفى اعمل سونار واتاكد
تليفون مهاب رن وكان الدكتور
الدكتور: صباح الخير يا استاذ مهاب انا حبيت اكد على حضرتك ان نتيجه التحليل الدم ظهرت ومدام رقيه حامل فعلا
فياريت اقرب فرصه تيجى علشان نعرف باقى التفاصيل
مهاب بفرحه: شكرا يا دكتور شكرا جداااا
قفل مهاب والباب خبط راح فتح وكانت مامته: صباح الخير يا بيبو
مهاب بسعاده: صباح كل حاجه حلوه يا زوزو
الدكتور كلمنى واكدلى خبر الحمل ..انا هسيبكوا دلواقتى
مش هوصيكى
مامته: روح انت بالسلامه وربنا يكمل فرحتكم ع خير
وباباك صح راح ع الشركه هنستاكنوا ع الغدا
وصل مهاب عند الباب وجاله احساس ووقف لحظه ورجع ناحيه رقيه وهى مش واخده بالها راح باس راسها رقيه اتاخدت من المفاجاءه ومشى مهاب بسرعه .. وخالتها ابتسمت: ربنا يخليكوا لبعض
وصل مهاب الشركه والسعاده بتنط من عينه وكلامه وتصرفاته وهو قاعد باب المكتب خبط ودخل باباه
مهاب باابتسامه كبيره : خير يا مهاب امك قلقتنى قالتلى روح لمهاب عاوزك ضرورى
مهاب قام من ع المكتب وراح قعد باباه : قلبك جامد تسمع ال هقوله
باباه قلق: ايه ياابنى ف ايه حصل حاجه
مهاب بيبتسم وبفرحه: تحب اقولك يا بابا ولا اقولك يا جدو محمود
باباه تنح من المفاجاءه : نعم .. مين انت تقصد
مهاب: رقيه حامل يا بابا مبروك يا جدو
باباه بيضحك: ايوه كده يا مهاب فرحتنى والله
مهاب : اى خدمه عد جمايل
باباه: ربنا يفرحكوا دايما يا ولاد رقيه عامله ايه
مهاب: كله تحت السيطره اهى قاعده مع ماما
باباه : الف مبروك يا حبيبى
قام باباه وشد مهاب وحضنه: دا احلى خبر سمعته هيجيلى الحفيد ال مستنيه ويشيل اسمى من اغلى اتنين بحبهم
مهاب: تعيش وتفرح بيه يا بابا
مهاب : هو صحيح حضرتك رجعت ليه مش كنت هتقعد مع عمو كمال
باباه: اتصلوا بيا لازم اجى غيبت كتير وف اوراق لازم امضيها انا وكمان بقى الشغل تقيل وكمال مش موجود عموما انا قلت لسهر لو محتاجه حاجه ضرورى لانها هتطول معاه ف فرنسان لانه هيعمل عمليه كمان 15 يوم
مهاب: يعنى سهر مش هتيجى لمده طويله
باباه: مش هتيجى غير وباباها معاها يعنى ممكن تقول شهرين
نهاب حس بالامان ان سهر هتفضل فتره بعيده عنه وعن رقيه وزنها وجنانها والمشاكل ال ممكن تعملها وسهر طول ماهى بره مصر مبتكلمش غيره ..
باباه: كمال وسهر لو عرفوا هيفرحوا جداااا
مهاب بخضه: لا يا بابا متقولهمش دلواقتى
باباه: ليه
مهاب بتوتر: يعنى لما الحمل يثبت الدكتور قال كده لان رقيه محتاجه رعايه وراحه لما يثبت وكه يبقى تمام انا هقولهم بنفسى متقلقش
باباه: مفيش مشاكل عموما دى حاجه مش بتستخبى وكده كده هيعرفوا
مهاب بصوت قلق: كده كده هيعرفوا
خرج باباه راح ع مكتبه ومهاب قعد بقلق يفكر ومن فرحته نسى سهر ...!!!
تليفونه رن وكانت سهر كان متردد يرد ورد عليها
مهاب: سهر كنت لسه بفكر فيكى
سهر : وحشتك يا بيبى ولا ايه
مهاب بيحور ع سهر يطمنها: طبعا يا بيبى انتى عامله ايه واونكل كمال
سهر: الحمد الله مستنين العمليه الاولى تبقى كويسه وهيعمل التانيه
مهاب: يعنى مش هتنزل المانيا الفتره الجايه
سهر: لو عاوزانى اجى انا مستعده اجيلك وارجع
مهاب: لالالالا مينفعش تسيبى اونكل كمال هنبقى نطمن ع بعض بتليفونات
سهر : حاول يا بيبى انك تيجى لانك بتوحشنى اوى
مهاب: ان شاء الله
سهر: كله تمام عندك مفيش اى جديد
مهاب بسرعه : سهر خليكى مركزه معباباكى دا الاهم دلواقتى
سهر: طيب يا بيبى يلا سلام علشان عاوزنى اموووووواه
مهاب : سلام
قفل مهاب وهو حاسس انه بيكدب ع سهر بس مفيش حل قدامه غير كده
شويا وخلص شغله وراحوا البيت والكل كان فرحان ورقيه كلمت اهلها وفرحتهم ومهاب بيببص ع رقيه باابتسامه ع وشه ورقيه الابتسامه مغلتش عن وشها وكانهم ف عالم لوحدهم ومش حاسين بال معاهم ...!!
__________________________
تامى يوم صحيت رقيه من النوم متاخر حست ان مهاب نزل من غير فطار قامت وهى زعلانه خرجت من الاوضه بتبص ع السفر شافت الفطار موجود واتفاجئت ان مهاب حضر الفطار بصت عليه ف الشقه مش لاقته .. شافت كارت مرسوم عليه بيبى مكتوب فيه ** افطرى كويس يا رقيه علشان تقدرى تحضرى الغدا علشان نروح المستشفى .. متقلقيش انا فطرت منزلتش من غير فطار الوجبه الاساسيه حافظت عليها حافظى انتى كمان **
ابتسمت رقيه لما قرت الكارت وحضنته وحطته ع السفره وبصت ع السفره باابتسامه ومن فرحتها مغسلتش وشها وقعدت تفطر ....!!!
قامت حضرت الغدا رقيه وجه مهاب اتغدى واخدها وراحوا المستشفى يطمنوا عليها وع الجنين ... قعدت رقيه وجنبها مهاب مستنين دورهم يدخولوا رقيه عماله تفرك ف ايديها ومتوتره مهاب شافها راح مسك ايدها :
مهاب: اهدى ليه متوتره كده
رقيه : انا قلبى هيقف من الفرحه احساس جايلى مسيطر عليا مش قادره بجد انا هشوف ابنى ولا بنتى
مهاب بيضحك: لا لسه مش هيبانوا ومتقلقيش ان شاء الله هتقومى بالسلامه وتشوفيهم قدامك
رقيه : ان شاء الله
الممرضه ندت ع مهاب ورقيه ودخلوا لدكتور وقعدت رقيه وبتدى الدكتور يعمل السونار مهاب ورقيه باصين ومش شايفين حاجه
الدكتور شاور ع حاجه صغننه : شايفين اهو دا الجنين
رقيه من السعاده : دا صغنن اوى
مهاب مركز ف الشاشه ومش حاسس بيهم
رقيه : هو بنت ولا ولد يا دكتور
ضحك الدكتور : يا مدام انتى لسه فى شهرين بعد الرابع هنعرف
مهاب : دا ابنى
الدكتور : او بنتك ... تحب اسمعك دقات قلبه
مهاب هز راسه ..
وشغل الدكتور الصوت وعلااه وسمعوا دقات قلبه : دق دق دق دق دق
مهاب اتصلب مكانه لما سمع دقات قلب الجنين
الدكتور : الجنين بعد 40 يوم بيبقى فيه نبض زى ما انتم سامعينه كده
رقيه بسعاده دموع نزلت من عنيها ومهاب مركز ع الشاشه وعنيه دموع نزلت من الفرح والدكتور كان مبسوط بمنظرهم اوى ...!!!!
خلصت رقيه كشف والدكتور كتب ع فيتامينات : الفتيامينات دى مهمه والتغديه متتغريش انك مليانه يعنى فيكى صحه لاحظى انكم اتنين
مهاب: فعلا يا دكتور اى دور برد بينيمها
الدكتور يبقى نهتم بنفسنا بقى ولا ايه
رقيه وحاطه ايدها ع بطنها وبسعاده: حاضر ان شاء الله
خرج مهاب ورقيه من عند الدكتور وهما فرحانين جدااا ومهاب مش قادر ينسى ال سمعه ودقات قلب الجنينين ..مهاب وهو ماشى مروحش ع البيت راح ع مكان طالل ع بحر
رقيه: ايه دا احنا فين
مهاب : انزلى هنقعد هنا شويا
نزلت رقيه وقعدت وشافت منظر البحر فرحت اوى ومهاب باصصلها باابتسامه رقيه شافته اتحرجت : بتبصلى كده ليه
مهاب: اول مره الاحظ ان ضحكتك حلوه بتضحكى بتخرج من ضحكتك وابتسامتك حاجه بطمن ال قدامك
رقيه اتكسفت: كل دا من ضحكتى
مهاب باابتسامه: الواضح ان ف حاجات كتير انا مكنتش شايفها معمى عنها وابتدت تظهر ...
رقيه : مش فاهمه
مهاب : مش مهم تفهمى مهم ان انا فهمت وانت معايا
رقيه اتحرجت يلا نقعد هناك عاوزه انزل رجلى ف المايه
راحت رقيه ومهاب قعدوا ورقيه حاطه ايدها ع بطنها : اول خروجه اهو يا بختك
مهاب بيضحك: انتى بتكلمى مين
رقيه: البيبى ... لولاه مكنتش هكون ف المكان دا ولا معاك
فيا بختها بجد
مهاب بص لرقيه : رقيه ف متابعه عند الدكتور انتظمى عليها وانا هاجى معاكى
رقيه : حاضر ... انت مبسوط يا مهاب
مهاب: الحمد الله ..المهم انتى اهتمى بنفسك وبلاش اهمال فاهمانى
رقيه حاضر ...
فضل مهاب باصص ع رقيه وبعدين باابتسامه بص ع البحر ورقيه حاطه ايد واحده ع بطنها وبتبص وفرحانه مهاب وهو قاعد جنب رقيه راح حط ايده ومسك ايد رقيه التانيه ال كانت حاطها جنبها رقيه اتاخدت واتنفضت ومهاب ابتسم ورقيه ابتسمت وفضلوا ساكتين وقعدوا شويا وروحوا ...!!!
__________________________
مر اسبوع مهاب منتظم ع تحضير فطار لان رقيه بتقوم متاخر ويرجع يتغدا مع رقيه وقاعدين مع مامته وباباه وكانوا ف منتهى السعاده ....!!
بعتت رقيه لمامتها وباباها وعمار ونهله صوره من السونار لبيبى وكانوا فرحانين جدااا ففكرت وبعتت ل سها ومصطفى تفرحهم وافتكرت هيثم وقالت تفرحه :
** شوف يا خالو انا عامله ازاى اجهز بقى علشان هتعملى ديكور اوضتى والسبوع بتاعى ** شافت هيثم الصوره والكلام فرح وف نفس الوقت قلبه انقبض ...
فى يوم ف الشركه مهاب كان قاعد ف الشركه الباب خبطت
مهاب: ادخل
سمع صوت سهر: بيبى وحشتنى
مهاب وقع القلم من ايده وبص ناحيه الباب ولاقى فعلا سهر قدامه ...
مهاب:سهر
____________________
يتبع
ليست هناك تعليقات:
إرسال تعليق