منى: عمرو لما عرف قال يفاجئك واهو يرفع من معنوياتك
قبل الامتحانات وكده
عمرو: كل سنه وانتى دايما احلى وبسعاده
حياه جسمها قشعر لان اول مره يحصل ليها كده وبصت ع عمرو وهو مبتسم ليها حست بحاجه غريبه .. فصلتها منى : يلا اقطعى حته واكلينا بقى بسرعه
حياه : ها .. طيب يلا
وهما بيقطعوا التورته جرس الباب رن .راح عمرو يفتح الباب
اول ما فتح الباب بذهول: مش معقول .......ماما
مامت عمرو: مفاجاءه
عمرو حضن مامته: ايه يا هناء المفاجاءات دى
مامته خبطته ف راسه وهو ف حضنها: هناء ف عينك
عمرو بفرحه: وحشتينى يا ماما
مامت ادم : هناء ايه المفاجاءه الحلوه دى
ام عمرو: حبيت افاجئكم وحشتينى ياهدى
سلموا الاتنين ع بعض وحضنوا بعض وبصت ام عمرو ع ال واقفين
حياه ومامتها ومنى ..
مامت عمرو بصت ع مامت حياه: امل يااااه ليكى وحشه
مامت حياه: حمد الله ع السلامه يا هناء مصر نورت
بصت مامت عمرو ع حياه ومنى واقفين جنب بعض : مين القمرات دول
مامت ادم: دى حياه بنت امل ودى منى بنت عيشه ال ساكنه فى الشقه ال تحت امل فاكراهم
مامت عمرو بصت ع البنتين: ماشاء الله كبرتوا يا بنات انا فاكراكم وانتم صغننين
ابتسموا حياه ومنى وبصت مامت عمرو ع السفره شافت تورته: عيد ميلاد مين دا
عمرو : حياه
مامت عمرو : كل سنه وانتى طيبه يا توتا ..انا حماتى بتحبنى
حياه مبتسمه : ميرسى يا طنط وحمد الله ع سلامه حضرتك
مامت حياه: يابخت ال حماتها بتحبها
ضحكوا الكل ونزلت حياه ومامتها ومنى بعد ما قعدوا شويا مع مامت عمرو ..!!
عمرو قعد جنب مامته: انما ايه المفاجاءات دى يا هناء مقولتيش ليه
مامته خبطته ع رجله: هناء ف عينك انا امك ياواد
عمرو بيضحك: مش عاوز اكبرك يا هناء الله
بس بجد ايه المفاجاءه دى
مامت عمرو: اممم بصراحه ابوك شغله هيطول مش هينزل الشهر الجى
قفلت انزل بدرى واقعد معاكم وقلت اقعد مع اختى شويا اشبع منها
مامت ادم: والله وحشانى يا هناء ومنورانى
مامت عمرو: ادم عامل ايه واخباره
عمرو: زمانه هايص ف فرنسا
مامت ادم: هتفضلى قاعده معايا لغايه ما يرجع انت وعمرو
عمرو بسرعه: وهو انا هسيبك يا خالتو قاعد لغايه ما ادم يرجع هسلمك تسليم اهالى زى ما استلمتك هسلمك
ضحكوا الكل وبص عمرو ع التورته وفى سره: وهو انا اقدر امشى اصلا
دخلت حياه اوضتها وهى فرحانه بال حصل وحاسه بحاجه غربيه مخليها مبسوطه واول عيد ميلاد ليها تحس بيه بكده .. ومنى دخلت اوضتها وكانت فرحانه انها اتكلمت وقعدت مع عمرو مده طويله لوحدهم وسألها حاجات عنها فقعدت قدام المرايه وبصت ع نفسها لاقت وشها احمر كل ما تفتكر وكانت فرحانه ... بصت ع السرير لاقت الهديه ال جهزتها ل حياه وبصت ع الساعه لاقتها 10 ونص وشافت لسه بدرى علشان هتطلع ليها الساعه 12 زى كل سنه .....
حياه قاعده ف اوضتها والساعه قربت ع 12 مامتها وباباها ندوا عليها
خرجت لاقت جايبن تورته وبيندهوا عليها تطفى الشمع معاهم ..
حياه فرحانه: الله .. وتورته عليها صورتى كمان
راحت حياه حضنت مامتها وباباها : ربنا يخليكوا ليا يااغلى من روحى
مامتها : ويخليكى لينا يا نور عينى
باباها: ويخليكى يا حياتى انا ..
يلا اتمنى امنيه وطفى الشمع الساعه قربت ع 12
غمضت عينها حياه واتمنت امنيه وطفت الشمع ولسه هتقطع من التورته
تليفونها رن راحت دخلت اوضتها لاقته ادم
حياه بسعاده: كنت هزعل لو مكنتش قولتلى كل سنه وانا طيبه
ادم بيضحك: انتى مش عارفه انا مقدرش دى عاده ومن وانتى صغننه ومقدرش اطنش بصراحه متعرفيش انتى فرق التوقيت وعندى عمليه الصبح وسهران علشان اكلمك بتوقيت مصر
حياه بتضحك: نشكر سيادتكم ع هذا المجهود
ادم بيضحك: ماهو ميبقاش مفيش تورته ولا معايده ميصحش
حياه : التورته وصلت متقلقش طفيت الشمع مرتين
ادم: ازاى
حياه: عمرو عملى مفاجاءه واتفق مع منى وجاب تورته وطفينا الشمع عندكم
وبابا جبلى تورته هنا ولسه حالا طافيه الشمع
ادم بيضحك : كويس ان عمرو عمل حاجه عدله .. المهم اتمنيتى امنيه
حياه: طبعا
ادم: ايه بقى
حياه: مش هقولك طبعا يا دكتور ..
المهم طمنى عليك اخبراتك ايه وعامل ايه عندك
ادم: مقوليكش يا حياه بجد كل يوم بترمى انام مبحسش بنفسى غير تانى يوم وبتعلم حاجات كتير .. يلا هانت وارجع اطبق عليكم عملى
حياه بتضحك: لا شكرا يا دكتور مش لدرجه يعنى
بس انت مبتخرجش ولا ايه .. عمرو دايما يقول حد ف فرنسا وميلفهاش
ادم : بصراحه خرجت بس مقولكيش روحت كام مكان كنت بقول فينك يا حياه
كنتى هتصورى كام صوره تحفه .. يلا شدى حيلك وابقى مصوره فوتغرافيه اد الدنيا وتسافرى وتيجى هنا
حياه بتضحك: يااااااااااااه الله يخليك رافع معنوياتى دايما
ادم : وحشتينى يا بنت الايه اول مره اسافر كده واقعد فتره من اشوفك
حياه: والله وانت كمان يا دكتور
ادم: هانت الايام مفيش اسرع منها .. يلا كل سنه وانتى طيبه
وان شاء الله تكون سنه احلى وبدايه كل حاجه حلوه ف حياتك
حياه: تسلملى ..
يلا تصبح ع خير ونام علشان العيان ال مستنيك ف اوضه العمليات
ادم ضحك: وانتى من اهل الخير .. لااله الا الله
حياه: سيدنا محمد رسول الله
قفلت حياه وهى فرحانه بمكالمه ادم لقت ال دخلت عليها اوضتها
منى : كل سنه وانتى طيبه يا توتااااااااا
حياه اتخضت: يخرب بيتك هتقطعى خلفى من الخضه ال كل شويا
منى رمت نفسها ف حضن حياه: بتكبرى يا توتا عجزتى بدرى
حياه خبطتها وقلدت صوت ست كبيره : حسبى عليا يا بنتى
منى : معلش يا تيتا شكلك كده مش هتاكلى الشيكولاته هاخدها وانزل
راحت حياه شدت العلبه: بعينك الشيكولاتات دى بتاعتى انا
ضحكت منى وباست حياه: كل سنه وانتى طيبه يا حبى
حياه: وانتى طيبه يا حبى انا
قعدت منى شويا مع حياه ونزلت ونامت حياه مبسوطه وفرحانه بعيد ميلادها وبالي ال حصل واقرب ناس ليها معاها وجنبها حتى ادم ال مسافر كلمها ..فحست ان كل ال بتحبهم جنبها ... وافتكرت ال عمرو عمله فجالها احساس مش فاهماه بس كانت مبسوطه .. فغمضت عينها وهى مبسوطه
وقالت: يارب حققلى امنيتى
__________________________
جه اول يوم امتحانات الترم مامت حياه دخلت علشان تصحيها
بتقوم حياه من ع السرير مامتها شافت دم ع المخده
مامت حياه: ايه دا
حياه بصت : تانى انا كنت عارفه
مامت حياه : ماهو من توترك وقله اكلك بيحصلك كده ينفع كده
حياه: معلش يا ماما بقى ادعيلى بس اعدى ع خير انا هروح اغسل وشى واجهز
مامت حياه راحت تغير المخده والملايه وجهزت لحياه الفطار
حياه من توترها خرجت البلكونه تشم هوا الصبح وتهدى شويا
وهى واقفه بتهدى نفسها غمضت عينها وبعد لحظات فتحتها لاقت عمرو واقف ف البلكونه قدامها اتخضت
راح بعتلها ع الموبيل : صباح الروقان
حياه بصت ع الموبيل وابتسمت وردت: صباح النشاط
ايه مصحيك بدرى كده
عمرو: وهو انا ينفع انام وانا قلقان عليكى كده
حياه: قلقان عليا انا
بصت حياه ع عمرو لانها اتوترت و بعتلها: عليكى انتى ومنى مجهودى الشهور ال فاتت عاوز اطمن عليه
حياه: لا اطمن ان شاء الله خير
عمرو: المهم ركزى كده ومتتوتريش ولما تخرجى تطمنينى
عليكى وع منى يعنى
حياه : تمام
قفلت حياه الموبيل وبصت ع عمرو عملها باى بايده وهو مبتسم ابتسمت وعملتله باى ودخلت حست ان الدقايق البسيطه ال اتكلمتها مع عمرو وشافته توترها راح .. فطرت بسرعهونزلت ل منى لاقتها قاعده بتعيط ف اوضتها ...
حياه مخضوضه: فى ايه بتعيطى ليه
منى: خايفه يا حياه ..خايفه معرفش احل
حياه حاولت تهديها: ماهو انتى مش هتعرفى انك هتعرفى تحلى ولا لا الا لما تشوفى ورقه الاسئله... اه هى اول مره لينا بس هتعملى ايه .. احنا راجعنا وذاكرنا والحياه كلها تمام يلا توكلى ع ربنا وال كاتبه هيكون .. ودى اول ماده هتعملى ايه ف ال بعدها ..قومى يلا بس علشان منتاخرش
هدت حياه منى ومنى دخلت تغسل وشها حياه جتلها رساله بصت لاقتها من ادم
" Good luck "
ونزلوا راحوا الكليه كل واحده دخلت امتحانها ابتسمت حياه وحست ان تشجيع ال حواليها دوبت توترها وان الكل جنبها هدت منى ونزلوا راحوا الكليه وكل واحده دخلت ع لجنتها ومسكوا ورقه الاسئله بدون توتر بصت حياه ع الاسئله لقت اغلبها من ال عمرو راجعالهم ففرحت انها تعرف اغلبهم
وابتدت تحل ومنى من توترها وتفكيرها انها مش هتعرف تحل خلااها تاخد وقت عقبال ما تفتكر الاجابات ... خلصت حياه الامتحان قبل وقته ب نص ساعه وخرجت راحت الكافتيريا تطلب الكابتشينو لغايه ما منى تخرج وهى واقفه ..حياه : لو سمحت واحد كابتشينو
..سمعت صوت جنبها .. عمرو:واحد نسكافيه بلاك لو سمحت
بصت ع الصوت اتفاجئت بعمرو ... حياه متفاجئ: عمرو .. اقصد استاذ عمرو
عمرو مبتسم: خلصتى الامتحان بدرى يعنى
حياه متصلبه من المفاجاءه : انا .. اه
راح عمرو شد من ايديها ورقه الاسئله : يلا قوليلى عملتى ايه بقى
حياه بااستغراب: انتى مش قولت مش هتنزل ايام الامتحانات هتقعد تذاكر لماجستير
عمرو قاطعها : جيت اقابل الدكتور المسئول وقلت اجى اشرب النسكافيه بلاش
حياه: ها
عمرو: يلا طمنينى عليكى ومنى هتخرج امتى
حياه بصت ع الساعه : لما الوقت يخلص
جه الكابتشينو والنسكافيه وقعد عمرو يراجع لحياه وحياه بقى يجلها احساس غريب من تصرفات عمرو ليها احساس مخليها مبسوطه بوجوده .. راجعت الامتحان ومنى خرجت شافت عمرو عدلت نفسها وفرحت
سلمت عليه ولسه هيتكلموا جاله تليفون مشى ..عمرو: منى ابقى كلمينى قوليلى عملتى ايه
منى من فرحتها: حاضر
مشى عمرو وحياه واقفه: عملتى ايه
منى بتجمع نفسها مش عاوزه تبين حاجه: هو عمرو جه ليه ومن امتى
حياه: كان وراه مقابله .. مش جاى مخصوص لينا المهم طمنينى
تليفونها رن وكانت رساله من ادم ع الواتس
عاوز يطمن عليهم طمننته حياه
منى: والله فيه الخير ادم طول عمره بيطمن علينا ايام الامتحانات ولا نسينا
حياه: اه والله لدرجه مش عارفه هنرد عماليه دى ازاى
المهم قولى عملتى ايه
منى بملامح حزن: حليت سؤالين بالعافيه مفتكرتش ولا اى حاجه
حياه تنحت: ايه
منى : ولا ايه ولا بيه يلا ومش هراجع
مشيت حياه ومنى وهما عاملين يناقروا ف بعض وحياه بتعرفها ان الاسئله كلها اغلبها يعرفوها وراجعوها مع عمرو .. لكن ال حياه متعرفوش ان منى دماغها مش كانت ف المراجعه اكتر ما كانت مركزه مع عمرو ..!!
وعمرو كان واقف من بعيد شايفهم لانه نزل مخصوص علشان يطمن ع حياه ومش كان عنده مقابله ولا اى حاجه ...!!!
__________________________
مرت فتره الامتحانات وزى كل يوم حياه تلاقى عمرو واقف ف البلكونه مستنيها يصبح عليها وادم يبعتلها رساله والاتنين يشجعوها وكانت بتدخل الامتحان وهى معنوياتها مرفوعه برغم الارهاق والتعب من المذاكره ال اثر ع صحتها وجسمها بس كانت بتحس انها احسن طول ما اقرب ناس ليها حواليها وبيشجعوها .. ومنى كانت زى الماده الاولى تخرج قالبه وشها ومش عارفه تحل خلصت الامتحانات واخدوا اجازه نص السنه .. وحياه سافرت مع باباها ومامتها علشان تحضر فرح بنت عمها فى البلد ووصت منى تخلى بالها من الزرع وتراعيه لغايه ما ترجع .. ومنى استغلت الفرصه انها تتقرب من عمرو
اول مرتين طلعت الروف مشفتش عمرو فكانت نازله زعلانه رجعت البيت لاقت نوال بنت خالتها ...
منى: نوال
نوال بفرحه: منمونتى
سلموا وحضنوا بعض وقعدوا يتكلموا
منى:ايه المفاجاءه الحلوه دى
نوال بتضحك: انا جايه فى مهمه خاصه علشان اعزمكم ع فرحى
منى متفاجئه: اخيرا اتحدد الفرح
نوال: طبعا يا بنتى هو انا زى اى حد
مامت منى: مبروك يا حبيببتى هقوم نحضر الغدا نتغدا سوا
نوال: ماشى يا خالتو
منى: يا بنت الايه اقنعتيه ازاى مش كان منفضلك انا قلت خطوبه انما فرح ع طول
نوال : البركه فى امه
منى : نعم
نوال : انا لاقيت الاستاذ بيتقل عليا روحت ركزت ع امه واتقربت ليها وهو علشان بيحب امه ولاقانى قريبه وامه حبتنى فكنت الاختيار الامثل ومن غير مااعمل حاجه هى ال قامت بكل حاجه اقنعته وزنت عليه ولاقيتهم ف يوم كلمونا وجم وبس
منى مندهشه: يابنت الايه فكرتنى فيها ازاى دى
نوال: ال عاوز حاجه هيصمم عليها وكله بعيد عنى
مامت منى خرجت من المطبخ: ايه يا بنات مش هتساعدونى ولا ايه
نوال : جايين يا خالتو يلا يا منى
منى قعدت فكرت فى كلام نوال وفكرت لاقت اقرب وسيله تتقرب لعمرو ومضمومنه هى مامته ...
ففى يوم عملت كاب كيك وحطته ف صينيه وقبل ما تطلع الروف
عدت ع شقه ادم وعمرو مش كان موجود كالعاده بس هى كانت قاصده عدم وجوده وفتحت الباب مامت ادم : منى
منى باابتسامه: مساء الخير يا طنط ..انا قلت اعدى عليكى ادوقك انتى وطنط هناء عمايل ايديا قبل ما اطلع فوق
دخلت منى .. مامت ادم: حبيببتى تسلم ايدك
منى : لا دوقى الاول ..اومال طنط هناء فين
ع الصوت خرجت مامت عمرو : انا سامعه اسمى
بصت مامت ادم: منى جيبالك تدوقى حاجه حلوه هى عاملااه
مامت عمرو مبتسمه: ميرسى يا منى ليه التعب دا شكله لذيذ
منى مبتسمه: مع كوبايه شاى هتحسى بطعمه احلى
مامت عمرو: يبقى اقعدى بقى نشرب الشاى وادوق واقولك راى
منى : انا اصلى طالعه فوق ..
مامت عمرو شدتها: فوق مش هيطير تعالى
راحت قعدت منى وهى مبسوطه وحاسه ان تخطيطها ماشى حلو : هقوم انا بقى اعمل الشاى علشان يبقى الوجبه من كله
مامت ادم: حبيببتى خليكى مش هتعبك
منى: دا كلام مش دايما تقولى انا وحياه زى بناتك انا رايحه
مامت عمرو مبتسمه : منى بنوته عسوله اوى
مامت ادم: هى وحياه ميختلفوش عن بعض
مامت عمرو: باين فعلا ..
جت منى بصنيه الشاى وقعدت قدمته لمامت ادم ومامت عمرو ودوقتهم الكاب كيك
مامت عمرو: امممم ايه الجمال دا انتى متاكده انك عاملااه
منى بسعاده: اه يا طنط والله
مامت عمرو: قوليلى الطريقه ازاى بقى
مامت ادم: مش قولتلك منى وحياه هيبقوا ستات بيوت نمره واحده
منى بتضحك: حياه ملهاش ف المطبخ اوى غير اوقات بمزاجها
انما انا هوايتى الاكل وبحب افنن فيه
مامت عمرو مبسوطه لكلام منى: وهو دا احلى حاجه علشان جوزك ميزهقش
والرجاله عموما بيحبوا اكل البيت
شكلك هتبقى ست بيت مفيش زيك يا بخته ويابخت مامته بيكى ؟
منى اتكسفت: انا هقوم بقى دلواقتى اطلع اسقى الزرع وكده بعد اذنكم
مامت عمرو: ابقى دوقينا حاجاتك الحلوه دى بقى متحرمناش
منى: ان شاء الله . مع السلامه
مشيت منى وخرجت وحاطه ايدها ع قلبها ومبسوطه ان تخطيطها شغال
وعرفت سكه تقرب بيها لمامت عمرو طلعت سقت الزرع ونزلت .. ورجع عمرو وبعد الغدا طلع الروف وقعد ع الكرسى وحط الللاب ع الترابيزه الموجوده
وابتدا يشتغل شويا وبعدين افتكر اللحظات ال حياه بتكون موجوده واترسمت ع وشه ابتسامه وانها لما وقعت وكانت ف حضنه راح مسك الموبيل وكان متردد يكلم حياه خايف يسبب ليها ازعاج
راح بص حواليه وفكر ف تلكيكه واتصل ...
حياه: الو
عمرو: اتصلت ف وقت غلط
حياه : لالا خالص انا كنت قاعده مبعملش حاجه
عمرو: اخبار الفرح ايه
حياه: اهم بيعملوا التجهيزات وبكره الحنه يلا عقبالك
عمرو: لما هى توافق انا معنديش مشاكل
حياه: مين
عمرو: ربنا يكرم ان شاء الله .. انتى هتطولى ع كده ؟
حياه: كمان اسبوع ان شاء الله
عمرو: انا افتكرتك يومين وخلاص انتى كده هتقعدى الاجازه كلها
حياه حست من نبره عمرو انه اضايق فااستغربت: ماانا قايله لمنى كده هى مش قالتلك
عمرو تهته: ها .. اه ..
حياه ابتسمت : طيب ميرسى ع اتصالك
عمرو حس انها هتقفل بسرعه واتحرج ونسى كان هيسألها ع ايه وفضل يبص حواليه : انا صح كنت متصل عاوز اسألك هو .. هو .. هو ... السماد ال بيتحط لزرع بيتحط كل اد ايه
حياه: انت بجد مش عارف
عمرو: لا نسيت
حياه بتضحك: اذا كان انت ال عرفتنى
عمرو افتكر وحس بالاحراج : اه .. صح بس كنت عاوز اتاكد يعنى ...
طيب انا هقفل علشان جالى تليفون يلا سلام
حياه قفلت وهى بتضحك ومبسوطه من مكالمه عمرو... وعمرو اتوتر لما كلم حياه بس فرح ف نفس الوقت انه سمع صوتها ...!!!!
__________________________
استمرت منى بالتقريب لمامت عمرو وكانت بتعمل حلويات وتروح تدوقها
وكانت لو عاوزه تروح مشوار تروح معاها فى خلال الفتره ال غايبه فيها حياه
فى يوم المفروض مش يومها حسب ما حياه وعمرو مرتبين بالاعتناء بالزرع ال فالروف كانت عارفه ان عمرو فوق فراحت طالعه بعد ما قعدت مع مامت عمرو شويا ....
عمرو كان قاعد مشغل اغانى وسرحان ..منى: بخ
عمرو بص : منى
منى حاولت تدارى توترها: انت بتعمل ايه هنا
عمرو: انتى ال بتعملى ايه مش انهارده انا ال مفروض اكون هنا
منى عملت نفسها ناسيه: اه صحيح انا نسيت خالص
عمرو بيضحك: لا مفيش مشاكل تعالى اقعدى
راحت منى قعدت: انا اسفه لو هعطلك يعنى
عمرو: لا ابدا انا خلصت وكنت برتاح
منى مبتسمه: حلوه اوى الموسيقى دى
عمرو: ذوقى حلو مش كده
منى: جدااا هو ف حاجه انت وحش فيها
عمرو بيضحك: رافعه معنوياتى دايما
منى شايفه عمرو مبتسم سرحت .. عمرو: منى
منى فاق : صحيح بتدوق الحاجات ال بعملها دى عمايل ايديا
عمرو: اه جميله تسلم ايدك دا انتى هتكونى ست بيت شاطره
منى: ما طنط قالتلى كده وقالتلى يا بخته
عمرو: فعلا يا بخته
منى اتكسفت: بس بقى بتكسف
عمرو: والله ما بجامل انتى فعلا انسانه جميله اووى يا منى واخلاقك ممتازه وطيبه وقلبك ابيض وبتحبى الناس وتساعديهم .. وماما بتحبك اووى ع فكره
طول الوقت منى عملت .. منى جت معايا .. منى ساعدتنى
منى بسعاده: وانا بحب طنط اووى لما قربتلها حساها زى ماما
عمرو: ماهو انتى مليتى الفراغ البنت عندها .. لو حياه كانت موجوده كانت هتنبسط اكتر
منى قاطعته : خلينا ف دلواقتى والمهم انها مبسوطه
عمرو: جاهزه لترم التانى صحيح
منى: اول ما حياه هتيجى هنبتدى مش كده
عمرو: اه ان شاء الله
منى : هانت هى جايه بعد بكره الفرح خلاص خلص عقبالك بقى
عمرو: عقبالك انتى كمان
منى بخجل: قولى صح انت فتاه احلامك عاوزها ازاى
عمرو : هتجيبلى عروسه
منى: مش ممكن من غير تدوير تكون موجوده
عمرو ابتسم : صح ع رائيك
عمرو وهو بيتكلم فكر فى حياه :احم انا عاوزها بتحبنى مش كلام تكون افعالها تثبتلى حبها تحسسنى انى من غيرها مش اسوى وانها محتجانى واكون محتاج ليها .. تحس بيا .. تكون طيبه ودمها خفيف .... تحسسنى ايه هى الحياه وتكون هى الحياه ليا مش عاوز اكتر من كده...
منى سرحت ف كلام عمرو وحست انه عليها : طلبات دى متوفره وبشده
عمرو حاول يخبى بس لمح ل منى: اممم بصراحه انا لاقيت بس مش اتاكدت لسه
منى قلبها دق واتوترت: لاقيت ..ال تحبها
عمرو باابتسامه: ايوه
منى : طيب مضيعش الفرصه وصارحها علشان تتاكد بدل ما تكون ف حيره كده
واكيد هتلاقى الرد ال يفرحك
عمرو : تفتكرى
منى : طبعاااااااا انت انوى بس
عمرو : ماانا بفكر فى كده فعلا وناوى بس مستنى الوقت المناسب
منى اتوترت وحست ان الكلام ليها فقامت بسرعه : طيب انا نازله بقى يلا سلام
لسه عمرو هيرد عليها كانت هى نزلت وحاطه ايدها ع قلبها وفرحانه ...
__________________________
رجعت حياه من الاجازه وابتدا حوار الدرس تانى بس المرادى حياه لاحظت منى متغيره بقت مش بتروح معاها كتير يا تسبقها او تخليها تنزل لوحدها لان مامت عمرو بتبقى عاوزاها ...!!!
فى يوم وهما رايحين الجامعه :
حياه: قوليلى يا منمونتى هو انتى عملتى ايه ف الاجازه طول ماانا غايبه
منى خبت ع حياه : ولا حاجه كنت مقضيها ف البيت وكنت بطلع الروف اشوف الزرع زى ماانتى قولتيلى
حياه: اممم اصلى ملاحظه طنط هناء متقربه ليكى اوى
منى : اه .. يعنى كنت بصادفها ع السلم ومرتين طلعت الروف تشوفه واتكلمنا فعادى يعنى
حياه بصت ل منى: طيب تمام ..انتى بقى اخبراتك ايه شيفاكى متغيره
بتحبى من ورايا يا بت ولا ايه
منى اتكسفت وابتسمت.. حياه: لالالا لازم اعرف مين وامتى التفاصيل
منى : اصبرى بس هقولك كل حاجه لما هو يتكلم واتاكد صدقينى هتكونى اول واحده
حياه: حد نعرفه من الجامعه ولا بره
منى : اممم مش هينفع اقولك دلواقتى بس هو حد تعرفيه ومن الجامعه كمان
حياه : مااااااااشى يا منى بتخبى
منى: مش كده بس هو قريب ممكن يتكلم اول ما يتكلم هقولك ع طول يا حياتى
حياه: ماشى ماشى
فى يوم وهما ف السيكشن وعمرو اداهم الترم التانى لان زميله لسه مرجعش نزلت حياه قاعده هى ومنى مع اصحابهم فلاقوا عمرو مقرب منهم بعد ما سلم ع طلبه و راح قعد جنبهم منى فرحت وحياه اتوترت مش عارفه ليه
حياه: استاذ عمرو
عمرو: انا زهقت من قاعده المكاتب قلت انزل اقعد مع طلابى انتم بتعملوا ايه
منى : مفيش قاعدين شويا ..فى منهم بيغنى وبنحكى وكده
عمرو مبتسم: طيب كويس اقعد معاكم شويا
اغلب الطلبه راحوا سلموا واتكلموا مع عمرو وهو قاعد جنب حياه كان قلبها بيدق وحاسه انها متاخده ومبسوطه انه جنبها ومداريه مش مبينه ... ومنى عمال تبص ومش عارفه تقوم حياه وتقعد مكانها وعماله تحسدها ف سرها
وهما قاعدين واحد من اصحاب حياه ومنى جه ناحيتهم اسمه احمد
احمد: ازيك يا استاذ عمرو
عمرو: اهلا بيك
احمد بص ل حياه ومنى: ها قولتم ايه هتيجوا معانا الرحله
عمرو قاطعه: رحله ايه
احمد: عاملين رحله يوم هنروح الفيوم نقضى يوم ونرجع والجو حلو كده
اخر يوم الامتحانات
عمرو: كلكم طالعين
احمد: تحب تطلع معانا
عمرو: حياه انتى طالعه انتى ومنى
حياه: ان شاء الله
عمرو: خلاص اعمل حسابى معاكم اهو نغير جو من مود الدراسه
منى: وانا كمان يا احمد
احمد: تمام جدااا كده .. يبقى بكره تجيبوا الاشتراك وهنحدد اليوم بعد اخر يوم امتحانات
حياه ومنى : ان شاء الله
مشى احمد .. عمرو مبتسم: جميل جو الرحلات دا بيقرب ناس لبعض بعيد عن جو الدراسه ولا ايه ياحياه
حياه : ها.. اه طبعا
منى: انا مبسوطه اوى انك طالع معانا ااستاذ عمرو كده اهلنا هيبقوا مطمنين يعنى
عمرو بيبص لمنى ومبتسم: انا الاكتر انبساط
حياه قامت : انا رايحه الكافتير
منى فرحت انها هتقعد جنب عمرو ..اتفاجئت بعمرو: انا كمان رايح عاوز اشرب نسكافيه
منى قامت: وانا كمان
مشيت منى وحياه وعمرو كان ف طلبه وقفوه يسألوه ع حاجه وراح ع الكافتيريا
مش لاقى حياه ولا منى ..كانت حياه غيرت رائيها ومنى كانت قايمه تلكيك لعمرو ....!!!
__________________________
فى يوم حياه ومنى كانوا عند عمرو بيذاكرلهم وقفت مامت عمرو تبص عليهم لاحظت نظرات منى ل عمرو وعمرو ل منى وفرحت .. فقررت تفاتح عمرو ف موضوع.. مشيت حياه ومنى .. دخلت مامت عمرو اوضه عمر و لاقته سرحان
مامت عمرو: عمورى مشغول
عمرو : لا خالص كنت لسه بجهز علشان انام اصلا شويا
مامته: كنت عاوزاك ندردش شويا كده بس كنت سرحان فى ايه كده
عمرو قعد ومامته قعدت جنبه: وماله يا هنوئتى دا حتى وحشنى رغيك
سرحان فيكى اصلك بتوحشينى
مامته خبطته: ياولد اسمى ماما
عمرو بيضحك: هنوئتى وهتفضلى كده
مامته: يارب امتى يجى اليوم ال اشوف ولادك بيعملوا كده زى ما بتعمل واشوفك هتعمل ايه
عمرو: يارب وهتشوفى وهخليهم يقولولك يا هنوئه كمان
مامته : موضوع الخطوبه مجاش ع بالك لسه رافضه زى ماانت
عمرو : اممم بصراحه بفكر فيه
مامته: بجد دانت كنت لغى الفكره .. نفسى افرح بيك وبعروستك واشوف اولادك .. وانت حالتك متيسره وشقتك موجوده
ولو ع العروسه انا اعرف واحده مش هتعرف تقول لا عليها
عمرو بيضحك : بتدوريلى ع عروسه يا هناء انتى وصلت معاكى لكده
ياترى مين بقى
مامته بانشكاح: منى
عمرو جاله ذهول: بتقولى مين منى ..منى ال نعرفها
مامته بسعاده: بنوته زى السكر ..حبوبه اوى وحبيتها اوى ياعمرو وفعلا بتمنى تكون مراتك وام عيالك
عمرو: مينفعش يا هنوئتى
مامته بزعل: ليه بقى ..هو ف حد تانى
عمرو بص لمامته: معانى مش كنت عاوز اقولك حاجه دلواقتى لما اتاكد بس انتى هنوئتى حبيببتى
مامته : هتقول ايه
عمرو: لو مصممه تفرحى بيا وعاوزه تشوفى عيالى
مامته: ياريت
عمرو: فانا عاوز اخطب حياه
مامته اتفاجئت: مين ..حياه
عمرو بيبص لمامته: انا بحب حياه واتاكدت
مامته: ومش باين عليها خالص
عمرو بيتنهد: ماهو انا مفتحتهاش لسه ومعرفش هى حاسه بايه
مامته: بتحب هوا يعنى
عمرو: لا انا قررت افاتحها لانى حاسس بانها بتبادلنى الشعور
مامته مبتسمه وماسكه ايده: حبيببى ربنا يفرحك وال انت تختاره انا موافقه عليه ..انت اختار سعادتك وحياتك انت حر فيها ..وحياه من منى مش فرق معانى حبيت منى ..بس المهم انت بتحب مين
عمرو باس ايد مامته: يخليكى ليا يا ست الكل
__________________________
مرت الايام وابتدت فتره الامتحانات وعمرو زاد من اهتمامه بحياه ومنى لكن حياه بشكل شخصى اكتر ...خلصوا الامتحانات وكان صابح يوم الرحله فعمرو كان بيدور ع تيشرت هيلبسه وسأل خالته ومامته.. وطلعوا انهم افتكروه بتاع ادم فدخلوه ف دولاب ادم ..فراح اوضه ادم فتح الدولاب
بيدور ع التيشيرت شافه ولمح حاجه تانيه لما شافها اتفاجئ ...!!
تانى يوم واتجمعوا ف فى الميعاد قدام باب الجامعه وجه اتوبيس وركبوا وكانوا فرحانين وبيغنوا وحياه كانت جايبه معاه كاميرتها علشان تتصور مع اصحابها وتصور وصلوا المكان ونزلوا حاجتهم والدى جى اتحط وكل واحد بقى حر ف ال بيعمله فعمرو كان قاعد وسط طلبه بيتكلم معاهم وبيضحك
منى كانت قاعده ماسكه علبه عصير ..
حياه شافتها: مالك متررده تشربيها ليه فيها سم
منى : مش ليا يارخمه انا عاوزه اديها لعمرو بس محرجه بسبب ال معاه
انتى عارفه طفستهم ممكن ياخدوها
حياه بصت ل منى: وش كسوف حضرتك وبعدين خليكى عادى
انا قايمه اصور شويا تيجى معايا.
منى: لا هقعد هنا روحى انتى
قامت حياه ومعاه كاميرتها ومنى قاعده مش شايفه اى حد الا عمرو .
جت واحده صاحبتهم اتكلمت مع منى ومشيت رجعت تبص ع عمرو لاقته اختفى وقفت مفزوعه تدور عليه مش لاقياه ... كان عمرو شاف حياه وهى قايمه وشافها ماشيه انهى اتجاه وراح وراها .. وفضل موجود ف المكان ال حياه فيه واتفرج عليها والابتسامه ع وشه واتفرج عليها وهى بتصور ... فى مره حياه كانت بتبص من خلال الكاميره حواليها علشان تلقط صوره وهى بتلف حوالين نفسها وبتبص شافت عمرو واقف وباصص حركه لا اراديه راحت للقطت الصوره
عمرو شافها وقرب منها: ينفع تبعدى كده ولو تهتى حضرتك بقى
حياه متوتره: انا لا عادى هعرف ارجع ..انت واقف من امتى
عمرو مبتسم: اممممم من شويا صغيرين لو بالساعه شويا كتار
حياه بصت ل عمرو: نعم ..ازاى دى
عمرو مبتسم وبيقرب لحياه: الوقت معاكى بيمر ثوانى مش بيتحسب علشان كده بقولك وقت قليل انما من غيرك هيبقى وقت طويل
حياه لاقت قلبها دق وابتدت تتوتر سمعت صوت منى : ها .. ايوه يا منى ..
منى: نادى استاذ عمرو ويلا الغدا
حياه من غير ما تبص ل عمرو : يلا علشان هيتغدوا
ولسه هتمشى كانت هتقع لحقها عمرو : خلى بالك
راحت وقفت حياه بسرعه وهى مش عارفه مالها وايه ال حاسه بيه دا ..وايه ال جد كل ما تبقى مع عمرو لوحدهماو قريبه منه ..احساس مش فاهمها بس مبسوطه منه ؟
اتغدوا وفضلوا قاعدين والدى جى مشغل اغانى وحياه انشغلت بتصوير اصحابها لما طلبوا منها وعمرو قعد قرب منى .. فعلبه العصير المحيراها راحت مسكتها وراحت ناحيته
منى بكسوف: اتفضل
عمرو بصلها: ميرسى تسلمى
اخد علبه العصير وقعدت منى : الجو انهارده تحفه
عمرو بيبص لمنى: الجو تحفه علشان انتى موجوده ولا ايه
منى اتكسفت: ميرسى
عمرو: انتى مش بتقومى تروحى تتمشى ولا تعملى اى حاجه من وقت ما جينا ولاحظتك قاعده
منى قلبها دق وافتكرت ان عمرو كان ملاحظها من ساعه ما وصلوا : لا ابدا اصل انا بحب الهدوء وكده
عمرو: مش باين عليكى .. تحبى نتمشى
منى كانت هتطير من السعاده : اوك
قامت منى اتمشت مع عمرو وهى كانت فرحانه اوى شافتهم حياه مش عارفه اضايقت ليه
راحت قالت لنفسها: اهدى ياحياه بلاش تخيلات مفيش حاجه وال حساه دا من خيالك هو بيتعامل عادى معاكى زى ما بيتعامل مع منى مفيش حاجه فوقى
رجعت حياه لتصوير ... شويا ورجعت منى وعمرو وكانت منى ع وشها ابتسامه كبيره من فرحتها وقابلوا طلاب تانين وقعدوا ساعه راحه فواحد منهم اقتراح يلعبوا صراحه الكل واقف وطلبوا عمرو ينضم ليهم ... فقعدوا وابتدا لف الازازه والاسئله ومنهم كانت اول حد يتسأل منى ..
احمد: قولى يا منى بصراحه انتى فى حد معجبه بيه ولا لسه محصلش
منى اتكسف : ها .. مش عارفه بس ممكن
حياه بصتلها بااستغراب : لا يا شيخه
منى قربت لحياه: متسيحيش
حياه: ماشى ماشى
جت الازازه ع حياه ... واتسألت من واحده : ايه الامنيه ال بتتمنيها ؟
قالت: انى اشوف كل ال بحبهم فرحانين ومفيش حد زعلان
ابتسم عمرو ... وجت الازازه ع اتنين من اصحابهم
وجه الدور ع عمر ... فمنى طلبت من ال هتسأل تسأله سؤال
كان السؤل: استاذ عمرو .. ممكن تقولنا اكتر حاجه حصلتلك وبتحبها ؟
عمرو بص ناحيه حياه وحياه كانت سامعه بس مش بصاله ومن غير تردد : حياه .. انا بحب حياه _____________________________
يتبع
ليست هناك تعليقات:
إرسال تعليق