تانى يوم الصبح حياه قاعده ف اوضتها باب اوضتها خبط
حياه: اتفضل
دخل ادم وع وشه ابتسامه : صباح الخير
حياه مبتسمه: صباح الخير
ادم: القمر جاهز يلا بينا
حياه متوتره : يلا بينا
ادم: عاوز اعرفك حاجه الاول بس
حياه : ايه هى
ادم: العلاج المرادى ممكن تلاقيه اتقل من ال فات الجرعه زادت شويا
فممكن تحسى بخمول اليوم كله بس تانى يوم هتبقى كويسه وعادى
حياه بتبتسم: عادى ياادم مش هتفرق ماانا طول اليوم نايمه يلا
ادم: لا ماهو انتى متعرفيش انا مجهزلك مفاجئه بس نرجع الاول من الجلسه
حياه: يلا بينا يا دكتور
راحت حياه مع ادم ودخلت اوضه العلاج ومسكت ايد ادم وادم مسك ايدها وحط ايده التانيه وطمنها قعدها وساعد ف تركيب الحاجات وهو قعد جنبها وركبوله ال اتفق عليه مع دكتور مراد وحياه شايفاه واحساس ان فى حد حاسس بوجعك وألمك كان مطمن حياه لما ادم قالها انه زيها تعبان فكانت مرتاحه لان احساس الوحده ابتدا يروح واحده واحده ..!!
حياه وهى قاعده بصت ع ادم وال متعلقله لاقيته متغير عن ال عندها ..!!
حياه: ادم
ادم: ها
حياه: انت قلت اننا بنتعالج مع بعض ليه الكيس عندك لونه غير الكيس عندى
ادم بص ولاحظ الفرق فعلا : لا مفيش فرق دا لانى بقالى فتره طويله سنين
فدا علاجى انما انتى علشان لسه فى الاول مبتدئه يعنى فدا علاجك
ويا حياه مش فارقه الاتنين بيخشوا من نفس الابره
حياه مسكت دراعها: دراعى وجعنى اوى من الابره بتاعه الكلنه
ادم: معلش ان شاء الله قريب مش هتتشكشكى تانى خفى بسرعه بقى
حياه: ان شاء الله انا وانت
فضلوا ادم يتكلم مع حياه لغايه ما حياه حست بخمول وادم قالها تنام لانه لسه ف وقت فنامت وهى قاعده ع السرير وادم فضل يبص ع وشها ويدقق ف ملامحها قام تلقائى من نفسه وشال الكلنه من دراعه وقرب من حياه وبيبص بتركيز ع ملامحها ويحس بنفسها لدرجه انه بيتنفس نفسها .. وشاف دمعه نازله من عنيها بايده شالها وقرب باس بوسه خفيفه ع عنيها
ف اللحظه ديه باب الاوضه خبط ودخلت مها وادم اتفاجئ
ادم : مها
مها شايفه ادم جنب سرير حياه وبصت ع دراعه والعلاج ال محطوط لاتنين
مها مش مصدقه ال شايفاه : ادم
ادم بسرعه وبهدوء اخد مها وخرج علشان مش يقلق حياه ووقفوا بره الاوضه
ادم: حمد الله ع السلامه مكنتش اعرف انك جايه
مها بتحاول تهدى من نفسها: قلت اعملهالك مفاجئه انا جايه احضر مؤتمر هنا خاص بالاطفال انهارده وراجعه بكره الصبح وقلت اعدى اشوفك واطمن ع حياه ..بس مكنتش اتوقع ال سمعت انه صح
ادم: سمعتى ايه
مها بغضب: ان دكتور ادم بيتعالج بالكيماوى مع المريضه حياه
ادم عرف ان الممرضه او مراد ال قال : مها الموضوع مش كده
مها : الموضوع ايه بتاخد كيماوى ياادم كيماوى وانت سليم
ادم بسرعه: لو ينفع هاخده
مها بصت لادم: بتعمل ليه كده ياادم ؟
ادم بيبص لمها: دا مش وقت اسئله
مها : هى حياه بالنسبالك ايه ياادم
ادم بص لمها :حياه تهمنى اكتر من نفسى لو ينفع اخد انا العلاج بدلها
والوجع بدالها كنت عملت كده ولا اشوفها تعبانه للحظه .. انا بعمل ال يساعد حياه انا عاوز حياه تخف ..لو انتى شايفه دا حب اعتبريه كده مش مهم عندى اتفهم من الناس ازاى المهم عندى اتفهم عند حياه ايه .. وانا لحياه شريكها ف العلاج والتعب فارجوكى يامها متبوظيش ال قعدت فتره اعمله
مها متفاجئه من لهجه ادم العصبيه : ادم انا مقصدتش حاجه انا بس قلت متوصلش معاك لكده انت مهتم بيها اكتر من اهلها وسافرت معاها هنا
ومراعيها انا بس خايفه عليك ..!!
ادم قاطعها:وانا خايف ع حياه اكتر من نفسى
مها استوعبت ان ادم بيحب حياه جدااا لدرجه يضحى بنفسه علشانها
مها عدلت من اسلوبها واتحكمت ف اعصابها :
خلاص ياادم ال انت شايفه وان شاء الله تخف وتبقى احسن
ادم: ان شاء الله
انا هستاذنك علشان متصحاش ومش تلاقينى ..
مها: طيب نتغدى سوا
ادم: هشوف حياه وارد عليكة تمام ..سلام
مشى ادم بسرعه ودخل لحياه ومها واقفه على قد ما كان ادم كانت مفتقداه ع قد مفاجئتها بتصرف ادم مع حياه ال هى كانت فاكره انهم جيران وتهمه وعلشان صغيره وجالها مرض وهى صغيره فمتعاطف معاها اكتشفت بعد ال شافته انه اكتر من حب .. عشق
..!!!دخل ادم الاوضه براحه وقعد ع السرير وحط الكلنه وحياه فضلت نايمه من تاثير العلاج شويا وقلقت حياه من وجع دراعها لما حركت الكلنه
حياه: ادم
ادم: ايوه
حياه: خلاص ولا لسه تعبت
ادم: شويا صغيرين اهو بس هانت
حياه: هو انا نمت كتير
ادم بيضحك: وياترى حلمتى
حياه بتضحك : مركزتش بصراحه
وسط الكلام حياه كانت خلصت جت الممرضه تشيل المحلول والكلنه
وادم كمان .. فحياه مكنتش قادره تقف ادم راح عندها وسندها لغايه باب اوضتها ودخلها ع السرير ..ادم: ارتاحى ويلا نتغدى
حياه بتعب : مش قادره
ادم: اشربى الشوربه بس ونامى انا عارف انك تعبانه ولما تصحى نتعشى مع بعض
حياه : ان شاء الله ..ادم انت كويس
ادم: الحمد الله مانتى شايفه
حياه: اومال انا تعبانه ليه كده
ادم اتلجلج: اصل .. اصل دى اول مره ليكى وانا متعود ع كده
يلا ارتاحى ..!!
مشى ادم بعد ما اطمن ع حياه وراح بسرعه يجهز لان فى عمليه
راح خلص عمليته ورجع ع ميعاد العشا جاب العشا بتاعه وبتاع حياه وراح عندها خبط ودخل لقى حياه قاعده ع كنبه جنب الشباك باصه ع السما وحاطه سماعات الهاند فرى ف ودانها محستش باادم دخل .. راح ادم خبط ع كتفها وبصتله
ادم: صحيتى
حياه بصوت تعبان: معرفتش انام حسيت بوجع اوى
ادم : معلش جسمك بس يتعود وهتبقى تمام يلا بقى نأكل
حياه : مش قادره
ادم: مفيش مش قادره يلا ناكل يا انسه حياه
بصت حياه ع الاكل لاقت ان نفس اكلها هو نفس اكل ادم
حياه: انت مبتحبش المسلوق
ادم: مجبر اخاك بقى علشان العلاج يوم العلاج الاكل مسلوق ملح خفيف
حياه: اكل عيانين بقى
ادم بيضحك : اه ياانا ياعيانين يا غلابه
حياه حاولت تضحك وادم فرح انه ضحكها .. راح جهزلها طبقها
ادم: يلا افتحى بوقك ها
حياه : لالالا انا هاكل بنفسى
جت حياه تمسك الشوكه وقعت من ايدها .. حياه اضايقت ..
ادم بسرعه : يلا افتحى بوقك ها
حياه فتحت بوقها وادم اكلها باايده وكان ف منتهى السعاده وف نفس الوقت
حياه : انت هتاكلنى ومش هتاكل ولا ايه
ادم : ربنا ادانا ايدين ليه هاكل طبعا انتى مره وانا مره
ضحكت حياه برغم انها تعبانه ومش قادره واكل علشان يشجعها
بالرغم انه مبيحبش المسلوق بس اكله علشان حياه ...
خلصوا اكل .. حياه بصت ل ادم ونشاطه
حياه: ادم
ادم مبتسم : نعم
حياه: هو انا ممكن اوصل لمرحله ال انت فيها دى
ادم: مش فاهم
حياه: انى اخد العلاج ومتعبش واتعامل عادى يوم الجلسه
ادم اتوتر واتلجلج: اه طبعا ..انا اخدت سنين بس كان لسه علاج مش موجود
انتى حظك احلى العلاج الموجود مفعوله اسرع بس الاهم ان المريض يبقى عاوز يخف الاراده يا حياه
حياه: انا فعلا عاوزه اخف انا مش عاوزه افضل موجوعه
ادم مسك ايدها : مع بعض هتخفى وتبقى احسن
حياه بصتله: وانت كمان هتخف وهتبقى احسن
ادم اتوتر من نظره حياه ولما حطت ايدها ع ايده وقلبه دق ..
ادم بتوتر غير الموضوع : كنتى بتعملى ايه بقى قبل ما اجى
حياه: كنت بسمع موسيقى قولت يمكن يكبس عليا النوم اعرف انام
حاجه تشيل تفكيرى عن الوجع
ادم :بتسمعى ايه ؟
حياه : تحب نسمع سوا
ادم : لو مش يضايقك طبعا
حياه : امسك دى حطها ف ودنك
حطت حياه سماعه ف ودنها والتانيه ف ودن ادم الاتنين سمعوا من سماعات هاند فرى واحده وادم كان قاعد جنب حياه قرب لما شغلت الاغانى وبقى جنب حياه اوى لمس كتفها جسمه قشعر .. ابتدت الاغانى وكان بيقول رأيه ف كل اغنيه وموسيقى وكان ف منتهى السعاده وشويا لقى مره واحده دماغ حياه سندت ع كتفه ونامت .. ادم اتاخد من المشهد وعرف انها نامت
ولاحظ انها كانت ماسكه اديها ال كانت واخده فيها الكلنه والعلاج راح محاولش ادم يصحى حياه وفضل مخليها سانده ع كتفه وحس بسعاده وقلبه دق واترسمت ابتسامه ع وشه وراح تلقائى باس صوباعه وحطه ع مكان الكلنه ف ايد حياه ال بتوجعها مرتين ورا بعض لقى حياه بتتحرك رجع ثبت وكملت حياه نوم ففضل قاعد ع الكنبه وحياه سانده دماغها ع كتف ادم وفضلت نايمه نوم عميق لتانى يوم الصبح وادم من فرحته باللحظه معرفش ينام فضل صاحى يعدل ف دماغها لو وقعت ويظبطها لغايه الصبح طلع والشمس دخلت من الشباك وجت ع وش حياه فحط ايده يمنعها تأذيها وهى نايمه وفضل كده لغايه ما حياه قلقت وبصت لاقت نفسها قاعده بصت جنبها لاقت ادم
حياه مخضوضه: هو انا نمت كده
ادم: مالك اتخضيتى ليه عادى انا مرضتش اقلقك
لانك كنتى تعبانه فسيبتك نايمه
حياه محرجه: ومذنباك كده ليه كنت نتبهنى ياادم
ادم مبتسم: انا قلقت انى اضايقت ولا حاجه
حياه محروجه: اصل اصل
ادم قاطعها وحس بانها احرجت : انت باين وشك احسن من بليل
حياه: الحمد الله
ادم: انهارده كمان هتحسى بتعب بسيط بس ع بليل هتعرفى تنامى
حياه: ان شاء الله
قام ادم واتأوب : يلا بقى علشان نفطر لانى جوعت ومستنيكى
حياه: كمان
ادم بيضحك: لو حصل لعصافير بطنى حاجه انتى السبب المجوعانى دايما
حياه بتضحك: لالالا خلاص هغير هدومى وهحصلك
ادم: تمام يلا هستناكى ف المطعم
خرج ادم وهو فرحان انه قضى ليله مع حياه وجنب حياه
وحياه حست بااحراج لكن ال استغربته حياه انها للاول مره من ساعه ما تعبت
عرفت تنام وتحس بالامان والراحه بالشكل دا .. ابتسمت حياه ودخلت الحمام تاخد دش وتلبس ..!!
__________________________
راحت حياه ع المطعم لاقت ادم قاعد مستنيها وبيقلب فى اوراق ..رسمت ع وشها ابتسامه وشدت الكرسى وقعدت
حياه: مشغول ولا ايه
ادم : لالا ابدا براجع بس شويا حاجات
حياه: طيب ها الفطار فين
ادم : ثوانى وهيبقى هنا
قام ادم وجاب الفطار وحطه : هتاكلى كل دا فاهمه
حياه بصت ع الفطار: وانت هتتفرج عليا
ادم : لا هاكل معاكى طبعا يلا
حياه: بسم الله
ادم بياكل بيبص ع حياه من تحت لتحت وهى بتاكل واول ما بتبصله بيبتسم ليها
ادم: حياه
حياه: ايوه
ادم : انت حاسه بتعب
حياه: بسيط
ادم: طيب بكره جهزى نفسك هنخرج
حياه: هنروح فين
ادم: هنخرج شويا نغير جو
حياه: ملهاش لازمه متتعبش نفسك
ادم: حد قالك ان انا تعبان شيفانى تعبان وانتى تعبانه
دا ال يشوفنا يقول علينا جايين نهزر هنا ال تعب ال
حياه ضحكت: هصدقك كده
ادم: صدقى انتى مش تعبانه انتى ف فتره وهتعدى وهتبقى احسن
حياه: ان شاء الله
ادم: المهم انا هسيبك انهارده ترتاحى وانا كمان
وبكره انا اجازه فيه هخرج انا وانتى تمام
حياه ابتسمت ..ادم: يلا كملى الفطار واعملى حسابك هنتغدى سوا ونتعشى سوا ومفيش تاخير تمام
حياه: تمام
رجعت حياه للاكل وادم ع وشه ابتسامه انه شايفها قدامه ......
جه وقت الغدا وادم راح لحياه اوضتها واخدها واتغدوا ف المطعم
ووقت العشا كمان وراحوا كل واحد ع اوضته ع ميعاد هيقابلوا بعض تانى يوم الصبح ... تانى يوم الصبح حياه صحيت ومتردده لاقت باب اوضتها خبط
حياه: اتفضل
دخل ادم : صباح الخير
حياه بصت ل ادم: صباح الخير
ادم: يلا بينا
حياه اخدت نفس: يلا بينا
ادم بص ع ايد حياه لقاها فاضيه : رايحه فين
حياه: خارجه فى حاجه ولا ايه
ادم مسك الكاميرا ال حوالين راقبته: عددتك فين ... كاميرتك معاكى
حياه: ها
ادم :يلا علشان هيفوتك شويا مناظر هتندمى انك مصورتهاش يلا
حياه مااخدتش بالها من ان ادم معاه كاميرا : ماشى
راحت حياه فتحت الشنطه واخدت كاميرتها وخرجت مع ادم
وكانت محروجه ومش فاهمه حاجه .. ركبوا تاكسى وراحوا عند كوبرى فيه اقفال كتير
ادم: تعالى نفطر هنا ف المطعم دا بيحضر فطار حلو
حياه: اوك
ادم: لالالا فكى كده وانطلقى دى خروجه واللحظه الحلوه مبترجعش
وبصى المناظر حوالينا عامله ازاى الحياه فاتحلنا دراعها يا حياه
حياه بتضحك: متقلقش
دخل ادم وحياه المطعم وطلبوا فطار وهما قاعدين قام ادم مسك الكاميره بتاعته وصور حياه وهى بتشرب الكابتشينو
حياه: يوووه ياادم دى مناظر تصورها
ادم بيبص ع الصوره: قمر ياناس
حياه بصت ع الصوره لقت شكلها غريب: امسحها ياادم امسحها
ادم: لالالا انسى اى صوره هتتصور انهارده مش هتتمسح دى لحظات يا امى
حياه بصت ل ادم : مااشى
خليته مش واخد باله مسكت كاميرتها وصورته : هههههههه
ادم : اوووبس هى بقت كده تتاخد خوانه
حياه بتضحك ع الصوره ورد فعل ادم: يخرب عقلك
ادم فرحان انه شايف حياه بتضحك ...
حياه: صحيح ياادم من امتى وانت ليك ف التصوير ومعاك كاميرا
ادم مسك الكاميرا : لالالا مش لدرجه ..دى موجوده معايا كده عادى يعنى
مش حب ف التصوير زيك ..
حياه: اهااا ..بس شكلك حلو بيها مش تدى ع دكتور خالص
ادم: الصبح دكتور وبعد الظهر مصوراتى
حياه: وماله اشغلك معايا
ادم : طيب يلا يااسطى علشان اليوم هيطير كده
خرج ادم وحياه وشافت الكوبرى : هو ايه دا
ادم: دا كوبرى العشاق اى اتنين مرتبطين بيبقى القفل مكتوب باسمهم
علشان يبقوا مع بعض ع طول ..كنوع من التفائل والحب الامنتهى يعنى
حياه بصت ع الاقفال واشكالهم والكلام المكتوب بكل لغات
حياه: بجد حاجه جميله ..ربنا ما يفرق اى اتنين عن بعض
ادم: تحبى تعملى امنيه وتحطيها هنا
حياه : لالالا مش عاوزه
ادم: خلاص هعمل انا
راح ادم اشترى قفل وكتب ع ضهره و حياه مشفتش ايه ال كتبه وحطه
حياه: مش هتقولى .. ايه يا دكتور بتحب من ورايا
ادم: اه ومخبى اسرار بقى
حياه: ماشى ماشى
ا وهما ماشين بيتمشوا ادم عمال يصور يشجع حياه فلاقاها مسكت كاميرتها وبتصور بااحتراف وصورت ادم وادم كان بيصور حياه بس وهى مش حاسه
راحوا ع حديقه دخلوا فيها قعدوا يصوروا فيها وحياه اندمجت ف الجو وانطلقت .. خرج ادم اشترى حاجات اكل بسيطه وشرب ورجع لحياه اخدها وقعدوا يلفوا شويا ويلعبوا مع الاطفال ال صادفوهم ويصور ادم حياه ...
راحت حياه قعدت ع الارض ونامت : انا مش قادره جسمى اهلك
ادم راح نام جنبها ع الاض: وانا كمان
حياه بتبص ل ادم: بجد ميرسى يا ادم ع اليوم دا
ادم بيبص لحياه: انا ال شكرا علشان انتى معايا وخرجتى
حياه من نظره ادم جسمها قشعر واتكسفت راحت بصت لسماء شافت عصافير طايره
حياه: بص ياادم ع العصافير دى صورهم
اادم: بسرعه طيب يلا
حياه بتضحك ومسكت كاميراتها هى وادم ونايمين ع الارض وبيبصوا ع السماء وبيصوروا بكاميرتهم ...ادم باصص ع حياه وهى بتبتسم ومبسوطه ففرحان انها كده ومش زعلانه ولا حزينه
قضوا اليوم ورجع ادم مع حياه ع المستشفى ووصلها اوضتها
حياه: ميرسى ياادم
ادم: اعملى حسابك ان دى مش الاخيره وف كده كتير هنستغل اى فرصه وننطلق
حياه: امم تمام
ادم: يلا ادخلى ارتاحى تصبحى ع خير
حياه: وانت من اهل الخير
خرج ادم وحياه قعدت ع حرف السرير فى اوضتها وحاسه بسعاده وفرحه بالخروجه ومسكت الكاميرا تقلب ف الصور وع وشها ابتسامه
وادم راح ع اوضته نام ع السرير ومسك الكاميرا وعمال يقلب ف صور حياه ويكبرها وع وش ابتسامه كل ما يشوف ابتسامه حياه ..!! ...
__________________________
منى لاحظت تغير عمرو معاها وبقى يتجنبها ويقعد ف مكتبه اكتر الاوقات كتير عن الاول ..فى يوم عمرو كان ف البيت قاعد ف مكتبه منى خبطت ودخلت
عمرو: اتفضل
منى: عمرو انت مش محتاج حاجه
عمرو من غير ما يبص: لا شكرا
منى: هتفضل قاعد ف الاوضه كده
عمرو بيبص لمنى: اعتقد ان انا مش بلعب يا منى الماجستير قرب
منى : طيب انا مقصدش حاجه ..اصلك مش بقيت تقعد معانا
عمرو: مليش ف رغى بتاعكم دا
منى : طيب لو احتجت حاجه انده عليا
عمرو: ان شاء الله .. وبعد اذنك مش عاوز ازعاج
منى خرجت وهى مضايقه من طريقه عمرو ال اتغيرت اسوء من الاول
مامت عمرو كانت قاعده بتتفرج ع التليفزيون
مامت عمرو: مالك يا منى
منى : مفيش يا طنط انا قايمه اعمل شاى تشربى
مامت عمرو مسكت ايدها : بلاش تضايقى نفسك علشانك وعلشان ال ف بطنك فاهمه سيبى كل حاجه لايام هتعدل اى حاجه
منى : ان شاء الله هعمل شاى
مامت عمرو : ماشى
__________________________
استمر ادم يحضر مع حياه جلسات العلاج ويفضل معاها لغايه ما يطمن عليها
ويحضر عمليات ومرور عيانين واوقات كان بينام ف المكتب من الارهاق وبيتحمل وبيستغل اى فرصه ويبقى جنب حياه ففى يوم ادم قاعد مع حياه يتغدى معاها وفاتحها ف موضوع
ادم: انتى مريحاكى قعدتك طول اليوم ف اوضتك
حياه: يعنى اعمل ايه
ادم: امممم ايه رأيك لما تشتركى ف نشاط هنا ف المستشفى
تساعدى العيانين وتقضى ف وسط وقت بدل قعدتك لوحدك ..بيبقى ف نفسيتهم تعبانه ومحتاجين ال يتكلموا معاه غير الدكاتره وكده يعنى دا نشاط مش شغل وهيبقى خفيف ع قد ما بتقدرى
حياه ساكته: مش عارفه هقدر ولا لا
ادم: دا كلام .. وكمان هترجعى لتصويرك وصورك
حياه بتبتسم نص ابتسامه: التصوير
ادم: اه وبالمناسبه دى ف عيد ميلاد مريض هنا من الاطفال هنعملهاله وانتى هتصوريهم تمام ممنوع الرفض لانى انا وعدتهم انى هجيب اشطر مصوره فوتغرافيه انهارده بليل
حياه مش عارفه تنطق وتقول ايه : ادم
ادم: يلا انا رايح ع مكتبى وعندى مرور عيانين وانتى فكرى وقوليلى قرارك بليل
ومن غير ما اسمع جهزى نفسك بليل هعدى عليكى الساعه 7 تمام
قام ادم وساب حياه مش عارفه هتقدر ولا لا ...
راحت حياه ع اوضتها وقفت قدام المرايه لقت ملامح وشها اتغيرت شويا
وافتكرت كلام ادم راحت فتحت شنطتها وطلعت منها الكاميرا وع وشها ابتسامه ولاحظت طريقه ادم واصراره وتمسكه بالحياه برغم تعبه فقررت متخذلوش وتثبتله انها تقدر وترجع لحياتها الطبيعيه بعد ما فقدت الامل واستسلمت ... حطت الكاميرا ف مكانها وخرجت ع الريسبشن تسأل عن النشاط الاجتماعى ال قالها عليه ادم وفهمت منهم ع قد ما تقدر وطلبت انها تشارك ....
بليل ادم راح لحياه اوضتها وكان شايل حمل انه هيتحايل ويزن لغايه ما توافق وتجهز وتروح معاه فكان بيتستعد لمعركه .. خبط ع الباب ودخل :
ادم: هتقولى مجهزتش يلا علشان ...
ادم بص لقى حياه لبسه وجاهزه ومستنياه وع وشها ابتسامه وماسكه كاميرتها
حياه مبتسمه: اتاخرت يا دكتور يلا بينا
ادم اتفاجئ بحياه: يلا بينا
مشيت حياه وادم فرحان انه شايفها كده ... راحوا ع الحفله الصغيره ال عاملينها وحياه اندمجت وقعدت تصور الاطفال وتلعب معاهم وصاحب العيد الميلاد وادم بيراقبها من بعيد وشايفها سعيده وبتضحك وكان سعيد بال هو شايفه ... خلص العيد الميلاد وحياه راحت قاعدت ف حديقه وادم دور عليها
لقاها قاعده ع ديسك ف الحديقه فمشى ناحيتها
ادم : بخ
حياه اتخضت: لا ياراجل
ادم: بتعملى ايه هنا ...كده
حياه : برتاح شويا حسيت بتعب
ادم اتخض: تعب .. تعب ايه وفين
حياه : لالا متتخضش ياادم مفيش حاجه .. هو بس حركتى مع الاطفال اجهتدتنى شويا دلواقتى بقيت احسن
ادم قعد جنبها: خضيتينى طيب يلا نقوم اوصلك اوضتك
حياه : شويا بس ممكن الجو حلو اوى
ادم : الجو برد اوى ايه يابنتى مش بردانه
حياه مسكت دراعتها وبتضحكك: بصراحه بردانه جدااا
ادم راح قلع الجاكت وحطه ع كتف حياه .
ادم: وبعدين تتعبى شوفتى اهمالك
حياه اول ما ادم حط الجاكت ع كتفها والدفا ال حست بيه جالها احساس غريب احساس براحه غريبه قلبها دق وحست بالدفا الداخلى ..
حياه: هتبرد كده
ادم قعد: متركزيش معايا انتى دفيانه انا دفيان متقلقيش وشويا وهنقوم
ولا ناويه تقعدى لصبح هنا هتشيلى ذنبى
حياه بتضحك: لالالا يلا بينا من دلواقتى
راحت حياه تدى الجاكت ل ادم راح ادم رجعه ولبسهولها تانى : هاخده منك لما نوصل اوضتك يلا
حياه وهما ماشين فتحت كلام
حياه: ادم
ادم: امم
حياه: من امتى وانت تعبان
ادم اتفاجئ بالسؤال: من فتره
حياه : من امتى يعنى
ادم : سنه .. لا سنتين ..لا تلاته تلاته
حياه بتضحك: انت مش فاكر
ادم: لا مش فاكر ومش هفتكر لانه حاجه متستهلش افتكرها اصلا
لو فضلت افكر فى التعب مش هتقدم ولا هخف ولا هبقى زى ماانتى شايفه
انا اتجاهلته محسستوش بقيمته .. علشان ميتغلبش عليا وانا اغلبه
فى حجات بتحصلنا متستهلش لحظه نفكر فيها ونشغل بالنا بيها
حياه مبهوره بكلام ادم... ادم وقف وبص لحياه :
وانتى ياحياه هتعملى كده لان دى الطريقه الوحيده علشان تعيشى
..عيشى الحياه يا حياه .. استغلى كل دقيقه ولحظه ال ربنا ادهالك .. زى مافى حزن فى فرح .. زى مافى تعب فى راحه ...خدى حقك من الدنيا ال ربنا ادهولك ومتفرطيش فيه ولا تضيعيه فى تفكير ع حاجات بتوجع وبتزعل وتبكيكى
اتغلبى ع مرضك مهما كان حتى لو طولت المده ... اضحكى عليه
بلاش هو يضحك عليكى اقفلى صفحه كل ال فات واكتبى باايدك ال جى .. انتى هتقدرى ..انا واثق انك هتقدرى وانا معاكى ومش هسيبك
حياه واقفه وباصه ل ادم و كلامه حمسها وشجعها وزرع جواها الامل انها هتكون احسن وافضل
ادم : هتقدرى ياحياه صح
حياه باابتسامه هزت راسها : ان شاء الله
ادم باصص لحياه وهى قدامه متصلب فضلوا وافقين لحظات باصيين لبعض وفاجاءه نزل مطر وهو واقفين وبسرعه ادم وحياه جريوا علشان يقوفوا تحت اى حاجه تحميهم من المطر وقفوا الاتنين تحت مظله وقعدوا يضحكوا ..
ادم: انا مكنتش اتوقع انها تمطر كده
حياه بتبص ع المطر: انا بعشق الجو دا بجد
ادم : ع الله ما ناخدش برد احنا الاتنين
ادم لسه بيكمل كلام لاقى حياه سابت الجاكت وراحت وقفت تحت المطر
وفاتحه دراعها ومغمضه عينها ورافعه راسها لسماء وع وشها ابتسامه كبيره
ادم : يا مجنونه هتبردى كده
حياه كانت ف دنيا تانيه مش حاسه ولا سامعه ادم ال عايشاه وسط المطر
راح ادم بسرعه حط الجاكت عليها واخدها وراح ع اوضتها
ادم: بسرعه غيرى واشربى حاجه دافيه فاهمه
مش عاوز الاقيكى تعبانه الصبح
حياه :وانت كمان
حياه بتدى ادم الجاكت : امسك وشكرا
ادم رجعه تانى عليها : خليه عليكى هتبردى كده الصبح هبقى اخده
يلا وادفى كويس
حياه دخلت ع اوضتها وبسرعه غيرت وعملت حاجه دافيه
وادم كمان راح غير هدومه ووعمل حاجه دافيه ووقف ف الشباك ف اوضته وكان لسه المطر شغال وافتكر منظر حياه وابتسامتها وسعادتها وقال: مجنونه
تانى يوم راح ادم ع اوضه حياه خبط ع الباب مش ردت دخل بص عليها مش لقاها استغرب اول مره مش تكون الصبح ف اوضتها .. خرج يسأل الممرضه
ادم: هى حياه راحت فين
الممرضه: من الصبح خرجت تتمشى
ادم بااستغراب: تتمشى
بص ادم حوالينه مش لقاها فطلبوه علشان عاوزينه ...شويا وخرج ادم ماشى ف الطورقه بيبص شايف حد شبه حياه بتلعب مع طفل قاعد ف الجنينه
قرب منهم لقاها فعلا حياه ففرح جدااا ..ادم: حياه
حياه بصت ل ادم وابتسمت .. ادم: ايه المفاجاءات دى
حياه بتضحك: احنا بتوع المفاجاءات
ادم ابتسم ..
حياه: يلا يا دكتور علشان مودى عاوزنى ف موضوع شخصى
ادم: الله الله من اولها كده
حياه: ماهو انت جيت واحنا بنتكلم ودى اسرار
ادم بيضحك: ماشى ماشى .. اشوفك بليل
حياه قاطعته: لا ع الغدا نتغدا سوا ماشى
ادم شايف ابتسامه حياه فرحان جداا مشى وهو مبسوط وحياه وقفت تبص ع ادم وهو ماشى وف بالها بتقول هثبتلك يا ادم ان انا قدها وهتغلب ع تعبى
....!!
اتقابل ادم مع حياه ع الغدا زى ما اتعودوا وادم لاحظ نشاط حياه والتغيير عن الاول
ادم : حياه انتى كويسه
حياه باابتسامه: فل الفل الحمد الله زى ماانت شايف
ادم : تعالى قربى كده
حياه قربت مد ادم ايده حطها ع قورتها : لا مش دافيه
حياه بتتضحك: انت فاكرنى عيانه ولا ايه
ادم: بصراحه انا شكيت بعد ال عملتيه امبارح ..ايه ال عملتيه دا يا مجنونه
حياه بتضحك: انا بعشق المطر وبحس انه بينزلنا من السماء علشان ينضف الشجر البيوت ويغسلها والارض .. دوره الحياه يعنى
ادم : ايه الثقافه دى .. مادا المعروف بس مش نتعب ونعى يعنى
انا مش عارف انتى كنتى بتفكرى ازاى وانتى عارفه ان ممكن تتعبى ببساطه
حياه سابت المعلقه من ايديها وبصت ل ادم : انا وقتها ال فكرت فيه انت
ادم اتفاجئ : انا
حياه: كلامك .. خلانى فكرت ان لازم ارمى كل ال فات وقفت تحت المطر علشان المطر يغسلنى من همومى ومن حزنى ومن المى من وجعى من ال فات علشان اعرف ابتدى من جديد ع نظافه
ادم مذهول من كلام حياه ..
حياه بتكمل كلامها : انت حطتنى ع الطريق وانا هكمل فيه ياادم
ادم فرح بمعنويات حياه ال ارتفعت : بتتكلمى بجد مش هترجعى تانى زى الاول وتتضعفى لو حصل حاجه
حياه بلهجه كلها اصرار : هبقى احسن من الاول مش انت معايا ومش هتسيبنى
ادم: مش هسيبك
حياه: يبقى هتشوف بنفسك انا هعمل ايه وهثبتلك
ادم مبهور بحياه : اتفقنا ولو اثبتيلى دا ف نتيجه التحاليل الجايه ليكى عندى هديه
حياه: هديه ايه بقى ها ها
ادم : اممم وهينفع اقولك ازاى كل واحد هيعمل بكلامه ولو عملتى عكس كلامك ليكى عقاب اتفقنا
حياه باابتسامه: اتفقنا وقبلت التحدى
ادم : طيب اشربى الشوربه واغلبى تحدى الشوربه
حياه بتضحك: وع بوق واحد كمان
ادم وحياه ضحكوا .. ..!!
_______
ابتدا ادم زى كل مره مع حياه ف جلسه العلاج الكيماوى وبيتحطله زيها والاتنين بيفضلوا يتكلموا ويهزروا واوقات حياه العلاج بيتعبها بتنام
وبيفضل قاعد جنبها لغايه ما تخلص ويوصلها لااوضتها ترتاح .. وبعد ما بتبقى كويسه تانى يوم بتقاوح تعبها وتقوم تنطلق ف المستشفى مع المرضى ال محتاج مساعده وال تصوره بكاميرتها واتعمل البوم ع حائط بصور المرضى وهما كلهم بيبتسموا وحياه ادت ليهم حياه فى الوقت ال هى فيه ... فى يوم ادم راح لدكتور المسئول ع حاله حياه
ادم: صباح الخير يا دكتور
مراد: صباح الخير يا ادم اتفضل
ادم: مش هعطلك كتير بس روحت المعمل اسأل ع نتايج حياه قالولى هى عندك فعاوز اشوفها ممكن ولا فيها حاجه ؟
مراد: شوفها بنفسك واحكم
ادم مسك الفايل وبيبص بقلق واتفاجى بال شافه: معقول
مراد بيضحك: معقول جدااا ..التأهيل النفسى ورغبتها ف الحياه وتخف ساعدها جدا انها توصل لنسبه العاليه دى
ادم فرح : بجد مكنتش اتخيل انها توصل لكده
مراد: كله بفضلك ووجودك معاها حياه كانت عاوزه الامل وانت اديتهولها
ادم تلقائى: لو اقدر اعمل اكتر من كده هعمل
لو اقدر اشيل المرض المعلون دا من دمها خالص هعمل كده
مراد باصص ل ادم: ان شاء الله هتتحسن هى ابتدت وهتبقى احسن لو استمرت ع الطريق دا
ادم: شكرا جداا يا دكتور
مراد: بس دا مش معناه انها مش هنوقف العلاج ..
العلاج هيفضل لان الكورس دا مدته سنه بعد سنه هنقرر وعدى 7 شهور بس
ادم: فاهم يادكتور متقلقش
خرج ادم وهو فرحان جداا بالنتيجه وراح لحياه يدور عليها مش لاقاها ف اوضتها
فدور عليها ف المستشفى شافها قاعده مع راجل عجوز مريض وبتضحك معاه وبتصوره وقف ادم ومبسوط بال شايفه وحس ان الدنيا ابتسمت تانى لحياه
حياه واقفه شافت ادم شاورتله بايدها وشاورلها ادم تروحله .. راحتله حياه
حياه باابتسامه وبتنهج من الجرى : صباح الخير يا دكتور
ادم: اهدى كده وبتجرى ليه .. صباح النشاط
حياه : ايه رأيك فيا مش نشيطه اهو من اول الشمس ما بتشرق ببقى معاها وابتدى يومى بال فيه وافتح دراعى ل امل والحياه ..مش كده
ادم فرحان بكلام حياه : شاطوره يا توتا
حياه : انا مفطرتش لسه مستنياك
ادم : طيب يلا بينا
راحوا ادم وحياه ع المطعم وطلبوا الفطار زى بعض وقعدوا يفطروا
ادم طلع فايل نتيجه التحاليل .. ادم: حياه عارفه ايه دا
حياه بصت بقلق: شكله بيقول نتيجه تحليل الدم بتاعى
ادم غير ملامح وشه لجد : وعارفه فيه ايه
حياه لاحظت وش ادم قلقت : متقلش ياادم
ادم: لا لازم اقول علشان تعرفى يا حياه
حياه كانت هتدمع لحقها ادم وابتسم : النتيجه برفيكت اعلى من ال قبلها وقبلها ودا يعنى انك بتتحسنى يا حياه
حياه سمعت : احلف
ادم: النتيجه اهى شوفيها
حياه: بجد يا ادم يعنى انا بخف كده
مش قلتلك هقدر اتغلب عليه شوفت بقى
ادم: شوفت بعينى
حياه : وانت نتيجتك ايه
ادم : ها .. اه كويسه جداا بتحسن هى كمان ماهو علاجنا مع بعض ساعدنى
حياه: وساعدنى انا جدااا وجودك جنبى ومعايا هو ال وصلنى لمرحله دى
بجد مهما عملت مش هوفيلك جزء ال عملته
ادم: لو عاوزه ترديلى ال عملته خفى وخليكى كده وكملى ال بداتيه مهما حصل
حياه: اوعدك ..صح فين الهديه بقى مش قلت ف هديه
ادم : اممممم ايه رأيك تنزلى مصر زياره اسبوعين تغير جو ونرجع نكمل
حياه سكتت لحظه : بجد ينفع ..انا دكتور مراد قالى سنه كامل متحركش لغايه ما كورس العلاج ما يخلص
ادم: ماهو انتى شطوره وانجزتى ف فتره قصيره وفاضلك قليل عدى 7 شهور
حياه اتفاجئت : مكنتش متخيله بسرعه كده
ادم: اسبوعين ونرجع
حياه دارت توترها وابتسمعت :كويس جداا ماما وبابا وحشونى جداااا
ادم : يبقى جهزى نفسك هنسافر قريب
حياه قامت : وانا هروح ابلغ ماما وبابا النتيجه وانى راجعه هيفرحوا اوى
قامت حياه من فرحتها تكلم مامتها وباباها وادم قاعد وقلق من حياه تصادف عمرو او منى هتبقى عامله ازاى وهتتصرف ازاى و.. وهو دا ال حياه فكرت فيه لما وصلت اوضتها ومردتش تبينه ل ادم وهو قاعد هتعرف تواجه عمرو ومنى لو شافتهم بحكم انهم فى مكان واحد واحتماليه مقابلتهم اكيده
هتقدر تتغلب ع صدمتها منهم وتواجهها هتقدر تحتفظ بال وصلتله ومش هتتنكس تانى وتضيع ال عملته ف علاجها ..
حست انها هتدخل امتحان مجهول نتيجته ...!!
__________________
يتبع
ليست هناك تعليقات:
إرسال تعليق