(12)والاخيــره
وهما قاعدين حياه لاحظت ملامح ادم متغيره
حياه: ادم ..مالك
ادم : مفيس
حياه: لا فى ..مالك بجد؟
ادم وملاح قلق : بصراحه فى حاجه عاوز اقولهالك وكنت متردد ومش عارف اقولها ولا لا
حياه بقلق: خير فى ايه
ادم : اصل ....
حياه: اصل ايه كمل
ادم: اصل انتى وانتى معايا بتوحشينى مش عارف اعمل ايه انا بقى
راحت حياه خبطته ف كتفه: خضتنى الله يسامحك
بيضحك ادم: حبيبى اتخض يؤغتى
حياه: بس يا رخم انا هقوم ومش هكلمك لبكره يلا علشان رخمتك دى
سابته حياه وطلعت ع اوضتها وع بليل بعتلها رساله تنزل ضرورى ف المنتزه
وقالها ع المكان بالظبط ..جهزت ونزلت حياه وماشيه ومش شايفه ادم دخلت جوه اكتر لاقت المكان ضلمه اتخضت : ادم ..ادم
ومره واحده اتفجئت بصوت ادم عالى من ميكرفون "حياه تتجوزينى "
بصت حواليها لاقت حاجات بتطير وبلونات كتير ف الهوا ناحيتها
واشتغلت اغنيه هانى عادل
تتجوزيني
مش عايز غيرك فى الحياة اوعى تسبيني
من غير ما اتكلم انتي بتسمعيني
عشانك اطول السما لو حبتيني
انا حاسس ان الكون وياك بشوفو بشكل جديد
الدنيا بتضحك وانتى معايا
تكشر وانتى بعيد
انا شايف فيكى ولادنا ومستقبلنا ودنيا أمان
مهما هنكبر ونعجز هفضل احبك زي زماااااااااان
تتجوزيني
مش عايز غيرك فى الحياة اوعى تسبيني
من غير ما اتكلم انتي بتفهميني
عشانك اطول السما لو حبتيني
انا من اللحظه دى بقولك اني بحبك اكتر مني
انتي اللي عشانك بكتب شعري انتي اللي عشانها بغني
تتجوزيني
حياه واقفه متصلبه من المفاجاءه ومش مستوعبه راح قرب منها ادم والناس اتجمعوا ع ال عملوا دا وحياه باصه ل ادم ف ذهول وادم باصص لحياه ومش هامهم الناس .. قرب ادم من حياه مسك ايدها وباسها
ادم: تتجوزينى
حياه هزت راسها بالموافقه ودموع الفرحه نزلت ورمت نفسها ف حضن ادم والناس قعدوا يصفروا ويهيصوا وكان موقف صعب حياه تنساه فى حياتها ....!!
فضلوا سهرانين لتانى يوم الصبح ع البحر قاعدين وحياه سانده راسها ع كتف ادم وادم حاضن ايدها ... !1
ادم: اول ما هنرجع هنقولهم ونحدد ميعا ع طول
حياه: لالا استنى مش بسرعه كده
ادم بص لحياه: هنخلع ولا ايه اوعى المكان كله محاصر
حياه بتضحك: حتى لو عوزت اهرب مش هعرف بس انا رجعت لجامعه تانى وفاضلى سنتين خلينى اخلصهم بقى علشان الحمل التقيل دا
ادم: ياااااااااه عاوزانى استنى سنتين ..كملى وانتى معايا
يا حياه انا مقدرش ف لحظه تعدى مشوفكيش هموت يرضيكى يعنى
حياه : بعد الشر عنك خلاص سنه واحده اخلص تالته ورابعه اخدها معاك دا لو عرفت
ادم: وباامتياز لا تقلقى
حياه رجعت نامت ع كتف ادم : تعرف ياادم امنتيتى ايه
ادم: ايه
حياه: اننا نكبر مع بعض ونشيب مع بعض واموت انا قبلك واكون ف حضنك
ادم بيضحك: متقلقيش هنكبر مع بعض ونرخم ع بعض وهنزهق بعض
بس متجبيش سيره الموت دى ممكن
حياه بتضحك: حاضر ياسى ادم
ادم: ايوه كده يا امنيه
ضحكوا الاتنين وكملوا قاعده لفجر طلعوا اوضهم جهزوا ونزلوا ركبوا القطر ورجعوا ع القاهره اول ما رجعوا عرفوا اهلهم بخبر الجواز وان حياه تخلص امتحانات تالته يعملوا الفرح ع طول والكل رحب وفرح ...!!
__________________________
فى يوم حياه كانت رايحه الجامعه وكان هيوصلها ادم فطلعت الروف الاول تهتم بالزرع لانها هى وادم المسئولين عنه وصورت كام صوره وادم كلمها نزلت ع شقتهم وكانت قاعده مع مامته وقشرتلها برتقال وادم فى اوضته ندا ع حياه : حياه هاتى ابره وخيط ابيض وتعالى ف زرار واقع
راحت حياه وكانت بتاكل برتقال وفى ايديها فص برتقال وراحت بالخيط ل ادم
حياه: اتفضل
ادم: وهو انا هعمله لنفسى ولا ايه يا انسه
لالالا احنا من اولها كده
حياه بتضحك : يعنى تلبس وتكتشف الزرار واقع مش تبص الاول
بتبص حواليها تحط فص البرتقال فين راحت حتاها ف بوقها
ومسكت الابره والخيط خيطت الزرار
ادم بيبص لحياه : ايوه كده شاطره
حياه ف بوقها البرتقال معرفتش تتكلم مركزه ف الخياطه
راح ادم ندا عليها: حياه
حياه: اممممم
ادم :بصى
حياه رفعت راسها بصت راح ادم مفاجئه راح قضم البرتقالايه من بوق حياه وباسها حياه تنحت وشرقت : ايه دا
ادم وبياكل البرتقالايه: الله هو البرتقال دا سكرى صح اصله مسكر اوى
حياه راحت خبطته ع كتفه واتكسفت وخرجت وادم ضحك
خرج ادم واخد حياه ونزل يوصلها الجامعه
ادم: لما تخلصى كلمينى
حياه: تمااام
نزلت حياه وداخله الكليه بسعاده وحضرت اول محاضرتين وهى ف الكافتيريا شافها عمرو وقرب منها
عمرو: صباح الخير يا حياه
حياه باابتسامه: صباح الخير يا عمرو ااقصد استاذ عمرو
عمرو بيضحك: عامله ايه
حياه: تمام
عمرو: مبروك سمعت انك انتى وادم حددتوا الفرح بعد الامتحانات
حياه: ان شاء الله وهتيجى اكيد
عمرو: ان شاء الله لو احتجتى اى حاجه ف المذاكره عرفينى يا حياه متتكسفيش
حياه: تسلملى يارب اكيد لما هحتاج هعرفك منى وحماده عاملين ايه
عمرو: تمام انا رايحلهم انهارده
حياه: لسه ياعمرو
عمرو: مش عارف ياحياه بجد ...عموما انا فكرت كتير وهتكلم مع منى انهارده
حياه: ربنا يصلحلكم الحال
مشيت حياه وكملت اليوم وروحت وبليل عمرو راح يشوف ابنه مع منى عند ما متها وهو قاعد مع منى ..
| منى: قالولى الاولاد بيحننوا قلب اهلهم ويخليهم مع بعض
معاك ياعمرو اكتشفت انها مش صح
عمرو : منى ..انا وانتى صعب نعيش مع بعض تانى حتى لو علشان ابننا
انا مرضاش ابنى يكبر وشايف اهله مش سعدا ليه اعمل فيه كده ونمثل عليه ال بينا احترام وتقدير وانتى قولتى مش عاوزه تتطلقى لما سالتك
منى: قلت ممكن بعد فتره تغير كلامك
عمرو: حاولت مقدرتش ..انا حبيت مره وخسرت الحب دا وياعالم هحب تانى امتى والتعود ال بيقولوا عليه معرفتش اعمله معاكى واظلمك ليه وانا مفيش حاجه من ناحيتك ..ابننا هنربيه متقلقيش
منى سكتت ومش عارفه تتكلم ورضيت بالامر الواقع وان ال كانت متخيلااه زمان حصل عكسه وبدل ما تعيش ف سعاده عايشه ف بؤس وحزن ولولا ابنها كانت علاقتها اتقطعت خالص مع عمرو. وقررت تكمل مع عمرو ع امل يرجع لها زى الاول ..!!!
__________________________
فى يوم ادم كان قاعد مع حياه ف الروف وهى بتذاكر وهو فاتح اللاب بيعمل حاجه خاصه بيه وكانت علاقه ادم وعمرو متخبطه وحياه كانت عاوزه ترجع علاقتهم لبعض وتتعامل عادى مع عمرو ..:
حياه: ادم
ادم: بحبك
حياه اتكسف: بس بقى
ادم : الله فى ايه
حياه: انا بكلمك بجد عاوزه اقولك حاجه بقى
ادم: وانا بتكلم بجد بحبك
حياه : وانا مبحبكش وهلم حاجتى وهنزل
ادم مسك ايد حياه وبيضحك: اهدى يا صميده كنت عاوزه تقوليلى ايه
حياه: مش فاهمه المحاسبه
ادم: طيب خدى درس فيها ولا مجموعه مش هعرف اشرحلك انا
حياه بصت ل ادم: اممممم بصراحه الوحيد ال بفهم منه عمرو ممكن تكلمهولى ولا انا اكلمه
ادم وشه اتحول: نعم يعنى ايه الوحيد حضرتك
حياه: ركز قولتلك ال بفهم منه يعنى بيعرف يفهمنى
ادم : وبعدين
حياه: اكلمه لو فاضى يدينى درس
ادم سكت لحظات: ماشى ياحياه وهيبقى قدام عينى
حياه بتضحك: مش هيخطفنى ع فكره
ادم: لو مش عاجبك اسقطى
حياه بتضحك: خلاص خلاص هتكلمه ولا اكلمه انا
ادم : امرى لله هكلمه انا طبعا
حدفت بوسه ف الهوا ل ادم ..ادم: لالا مليش ف الهوا انا بحب التاتش
حياه بتضحك: التاتش دا موبيل يلا كمل ال بتعمله
ضحك ادم وحياه حست انها عملت حاجه كويسه ...
وكلم ادم عمرو واتفق معاه يذاكر لحياه وعمرو رحب وحددوا الميعاد
وكان ف بيت حياه وادم كان بيحضر معاهم وبيراقبهم
عمرو بيهمس ل حياه: انا حاسس ان عين ادم راشقه ف الورق
بتكتم الضحكه حياه: وانا كمان والله
ادم شافهم بصوت عالى : فى ايه ايه الوشوشه دى يا استاذ انت والابله
حياه: مفيش يا دكتور
ادم: طيب ركزوا ف ال بتعملوه انا شايف كل حاجه
حياه بتضحك: انت بتفكرنى بالست ال فى الكارتون انا شايفك ومراقبك
ادم ضحك : لو عاجبك يعنى
حياه: انا اقدر اقول لا
عمرو بصوت: ونبى يا طنط اتنين لمون وانا هعمل شجره ليهم
ضحكوا كلهم وكمل عمرو الدرس لحياه وهو نازل ع السلم مع ادم
عمرو مسك ايد ادم: خلى بالك ع حياه يا ادم وحافظ عليها
لانك لو خسرتها هتندم
ادم باابتسامه: متقلقش انا مش هسيب حياه مهما حصل الموت بس ال هيفرقنا غير كده مش هسمح ابعد عنها
ونزل كل واحد راح طريقه وحياه واقفه ف البلكونه شافتهم بيسلموا ع بعض فرحت وهى واقفه صدرها وجعها وحاولت تاخد نفسها وكان صعب قعدت ع الكرسى شويا ولاقت جسمها سخن اخدت خافض حراره ونامت ...!!!
__________________________
فى يوم عمرو كان بيذاكر لحياه وادم كان عنده عمليه ف الوقت دا ومش كان موجود لكن حياه مكنتش متظبطه باين عليها هزلان ..وعمرو لاحظ كده
عمرو شايف حياه بتاخد نفسها بالعافيه :
عمرو: حياه مالك
حياه باابتسامه: مفيش اخدت دور برد غبى
عمرو : طيب قومى ارتاحى وهبقى اجى يوم تانى ولا تعبتى علشان ادم مش هنا
بتضحك حياه بالعافيه: يمكن تصدق
جت حياه تقوم مسك ايدها عمرو : حياه روحى اكشفى
حياه : متقلقش ياعمرو ومتقلش ل ادم حاجه هو دور برد بس بسيط
والمره الجايه هبقى احسن متقلقش انا هرتاح وهبقى كويسه
مشيت حياه وباين عليها تعبانه وعمرو قلق عليها ...!!
حياه دخلت تنام ولما صحيت لاقت دم ع المخده قلقت وقررتى تروح تكشف
بس عاوزه نتيجه اكيده اتصلت بمها وراحتلها ف يوم ادم مش موجود
حياه: اسفه يامها بس ملقتش غيرك
مها باابتسامه: خير يا عروسه
حياه : بس دا بينى وبينك توعدينى
مها قلقت: اسرار حرب
حياه بتضحك: حاجه زى كده
مها : خير
حياه رفعت كم التيشيرت ال لابساه وورت مها علامات زرقا كبيره
مها اتخضت: ايه دا
حياه : انا مش عارفه انا بقالى فتره بيجيلى اعراض التعب الاولاانى بس انا باخد علاجى باانتظام ومش بأخر جلسه وبقالى سنه وكام شهر اهو كويسه محصليش حاجه ومن قريب رجع حوار الدم تانى وبعدين لاقيت العلامات دى
مها : ومقولتيش ل ادم ليه
حياه : انا مش عاوزه اقلقه انتى عارفه انه مشغول ف تحضير الدكتوراه
ولو قلت ل ادم هيفضل قاعد جنبى انا عارفه وانا مش عايزه كده
مش عايزه يضيع ثانيه اهو احق بيها ..قلت اجيلك تساعدينى اعرف فى ايه وادينى علاج مقويات اى حاجه لانى تعبانه
مها قلقت : طيب تعالى معايا
راحت حياه مع مها عملتلها التحاليل وكل حاجه ضروريه
مها : انا كتبتلك مقويات تاخديها لغايه ما النتيجه تطلع ونشوف ايه ال بيحصل
حياه: انا مسافر فرنسا كمان يومين علشان اودى شغل هناك وراجعه كمان اسبوع
مها : ان شاء الله كله هيبقى تمام متقلقيش
حياه : ان شاء الله
مها وصلت حياه لتاكسى ركبت ومشيت وهى واقفه جالها القلق انه يكون المرض رجع زى الاول وفكرت تكلم مراد ف فرنسا لكن قالت تتاكد الاول
وهى واقفه ادم كان رجع من مشوار ال كان فيه ..
ادم: ايه يادكتور واقفه كده ليه
مها انتبهت ل ادم وابتسمت : لالالا مفيش انا داخله اهو
دخلت مها وهى مش عارفه صح ولا غلط ال عملته انها مخبيه ع ادم
قالت لما تتاكد من النتيجه هتبقى تقوله بللاش قلق ..!!
__________________________
سافر ادم مع حياه فرنسا توصل شغل بتاعها واهو يقضى معاها يومين ويحضر موتمر طبى هناك سلمت حياه شغلها وخلصت وادم كان مستنيها ... اخدها وخرجوا يتمشوا وراحوا عند الكوبرى ال حط فيه القفل ادم
ادم: تعالى هوريكى حاجه
حياه بصت ع الكوبرى : القفل
ادم مسكها من ايديها ووراها القفل مكتوب ايه
"بحبك يا حياه وخفى بسرعه ويارب متغبيش عن عينى للاخر يوم فى حياتى " حياه أتاثرت اووى بكلام ادم
حياه: ادم
ادم: انا مش عاوز غير كده
حياه: بحبك
ادم مسك ايد حياه وباسها : بعشــقك
وقفوا شويا وبعدين ادم عازمها ع العشا ...كانت حياه حاسه بتعب اخدت المقويات ال كتبتها مها ,, حجز فى مطعم ولبست حياه فستان شيك جدا اشتراه ادم ليها وادم لبس بدله ومتشيك ع الاخر
ادم قاعد باصص لحياه طول الوقت
حياه باابتسامه: هتفضل باصصلى كتير مش هتخطف
ادم : اعمل ايه قلبى وعقلى امرين عينى متنزلش عنك
حياه: سيطر عليهم يا دكتور اوعى تكون بتعمل كده مع اى واحده
ادم: فشر ..قلبى لحياه واحده
وعقلى يفكر فى حياه واحده بس
وعينى تبص حياه واحده بس
حياتى انا وبس
اتكسفت حياه : ربنا يخليك ليا يارب
ادم:ويخليكى انتى ليا
اشتغلت موسيقى لرقص السلو قام ادم وطلب حياه لرقص قامت
ابدوا يرقصوا حياه وادم والاتنين عينيهم مبتنزلش عن بعض
حياه افتكرت الكلام ال ف مذاكرات ادم :
حياه: حبتنى من امتى ياادم
ادم: من اول ما ابتديتى تتكلمى
حياه بتضحك: لا بجد
ادم: من اول ما ابتديتى تتكلمى وتقوليلى امم امم
لاقيت قلبى بيقولى هى دى
حياه: انت كنت صغير قلبك ايه هتشتغلنى
ادم: قلبى من صغرى ومشفش غير حياه واحده ومش شايف غيرها
لانه عايش بيها وليها..
حياه: ومقولتليش ليه
ادم: كنت مستنى الوقت المناسب كنت بفكر الماجستير اخلصه
تكونى انتى خلصتى الجامعه وكنت بستعجل علشانك
حياه :والروف
ادم بيضحك: سمعت مامتك بتتكلم ف يوم مع مامتى بتقولها انتى بتحبى تصورى زرع فقررت اعمل الروف علشان اشوفك ع طول وكنت بتلكك بيكى بصراحه
حياه: والشيكولاتات
ادم: لانك بتحبيها جبتلك كل مره منها وكنت بفرح لما الاقيكى مبسوطه وفرحانه
حياه : ومسابقات المجلات
ادم: كنت بقول لصحابى وكنت بدور علشانك
علشان الاقى موضوع اكلمك فيه
حياه : والعلاج
ادم: قلت اخفف عنك الوجع لو كان ينفع اخده منك كنت اخدته انا
ولا تتوجعى ثانيه
حياه عنيها رغرغت بالدموع : بحبك
ادم ضم حياه لصدره وحضنها اوى: وانا بعشقك ...
حياه دموع نازله من عنيها خافت انها تبعد عن ادم
الموسيقى خلصت :.. ادم: يلا بينا انا جوعت
حياه حست بدوخه: يلا بينا ناكل
وهما ماشين حياه مقدرتش تتمالك نفسها اغمن عليها وقعت
ادم اتخض : حياه حياه
مفقتش حياه راح شالها وراح ع استقبال مستشفى جنب الفندق وقف ف الكشف لاقوا ان عندها هبوط ف الدوره الدمويه والدكتور المعالج طلب تحاليل
ولاحظ ادم وهما بيحطولها المحلول علامات ف دراعها بعد ما اختفت
قاعد جنبها وباصصلها ودموع نازله من عينه وجاله شك ومش عاوز يصدقه
وهو باصص ليها بيقول: يارب لالالا مش هو ..يارب ..يارب
تليفونه رن وكانت مها
ادم: مها
مها بصوت قلق ومخنوق: ادم خد حياه وروح المستشفى حتى لو هى مردتش انا كلمت مراد
ادم : حياه اغمن عليها ومتعلقلها محاليل يامها
مها : انا كنت هقولك بس لما النتايج تطلع
انا اسفه يا ادم .. ارجوك اسمع الكلام وخدها هناك
قفل ادم وهو مصدوم من ال سمعه .. طلب عربيه اسعاف بسرعه
ونقل حياه ع المستشفى وهى مش حاسه بحاجه
راح ادم ف مكتب دكتور مراد
مراد: انا مش عارف اقولك ايه بس انت دكتور
ادم: هتخف صح انتكاسه بسيطه
مراد:ادم انا قلتلك قبل كده ان حياه حالتها حرجه الفتره ال عاشتها كويس كانت معجزه انا مكنتش اتخيل كده وربنا قادر ع كل حاجه ..ال مستغربله ان هى بتاخد علاجها وكله كان منتظم بس النسبه زادت جدااا لدرجه تخوف للاسف متوقع جدا الفتره الجايه هتدخل ف حالات اغماء لغايه ..
ادم قاطعه : هتخف يا مراد حياه هتخف ..دا فرحنا كمان كام شهر
هتعيش حياه يا مراد هى مش هتسيبنى صح
مراد شايف ادم منهار : اهدى ايادم انت لازم تتماسك هى هتعمل ايه
ادم قعد ومش مجمع ومش عارف يعمل ايه
مراد حاول يهديه : متقلقش هنشوف علاج تانى اقوى
ادم: اى حاجه يا مراد تخلى حياه عايشه
خرج ادم راح ع اوضه حياه وهو بيحاول يستوعب وهى لسه مغمى عليها ومسك ايدها وعيط جنبها وال بيقوله: متسبنيش ياحياه متسبنيش
فضل جنب حياه لتانى يوم لغايه ما قلقت وعرفت من ادم انها تعبت وهتقعد ف المستشفى يومين وافقت حياه وابتدت تاخد العلاج التانى بس كان اقوى وبيتعبها جدااا وبتستحمل علشان ادم وادم فضل جنبها طول الوقت مسبهاش لدرجه انه بينام ع الكرسى جنبها ف اوضتها
مش بيضيع ثانيه ... مرت فتره وعملت تحاليل وراح ادم لمراد
ادم: خير يا مراد
مراد بعلامات حزن : مفيش تحسن بالعكس الحاله بتسوء ياادم
ادم : ازاااى لا دور وشوف لالالا
مراد: اهدى ياادم انت دكتور وعارف ..احنا مش عارفين هى حصلها ايه
بس الكيماوى الكتير ف جسم بيعمل اوقات مضادات معاكسه بيرفض
ادم :والحل
مراد: خدها وارجع بيها مصر ياادم مفيش جديد هيتعملها وخليك جنبها
وربنا قادر
خرج ادم وفاقد الامل واحساس انه هيفقد حياه مدمره
دخل ع حياه اوضتها ولاقاها قاعده بتسمع اغانى
ادم: ياعم الروقان
حياه: ادم
ادم: يلا جهزى نفسك هنرجع مصر
حياه: طيب كويس
ادم: انتى نسيتى ولا ايه انتى عروسه وفرحنا كمان شهر
حياه باصت ل ادم ودموع ف عنيها نازله: مش هينفع ياادم
ادم مسك ايد حياه: مفيش حاجه اسمها مش هينفع
زى ما اتغلبتى عليه مره هتقدرى تتغلبى عليه تانى وتالت ورابع واحنا مع بعض انا مش هسيبك يا حياه وانتى مش هتسبينى
راح حضن ادم حياه ودموعها نازله : مش مكتوبلى ياادم البس فستان ابيض
ادم: هتلبسيه وهتكونى احلى عروسه وهتعيشى انا مش هسيبك
__________________________
نزلوا مصر ادم وحياه وادم شبه اتفرغ ليها وكان بيحاول يدور ع اى علاج يشفيها ومش عارف وكانت حياه ف المستشفى بتاخد علاجها وادم لاحظ انها بتتعب
وكانت نايمه صحيت حياه لاقت ادم دموع نازله من عينيه
حاولت تقعد حياه : مالك بس
ادم: مفيش عينى اتطرفت
حياه بصواعبها مسحت دموعه : ممكن اعرف بقى ايه سبب الدموع ديه
ادم دموع نزلت: احساسى بالعجز مموتنى
البنت الوحيده ال بحبها ف الدنيا دى وفى حياتى كلها تعبانه وبتتألم ومش قادر اعملها حاجه
حياه دموع نزلت من عنيها وابتسمت وقربت باست عينين ادم زى ما كان بيعملها
حياه: ادم انا مش محتاجه حاجه تانى
وانت معايا مش محتاجه حاجه تانى
راح ادم حضن حياه: متسبنيش ياحياه ؟
حياه تمالكت نفسها: مش هسيبك ياادم
..ففى يوم راح ادم اخد حياه من البيت وقالها رايحين مشوار راح حط شريط ع عنيها ونزلت من العربيه ودخلت مكان هادى شال ادم الشريطه بتبص حياه لاقت نفسها فى قاعه فرح وبتبص ع جنب لاقت منكانين واحد عليه بدله عريس والتانيه عليها فستان عروسه ... بصت حياه ل ادم: ايه دا ياادم
ادم باابتسامه: زى ماانتى شايفه القاعه ال هيتعمل فيها الفرح
والبداله بتاعت حضرتى والفستان بتاع حضرتك
حياه بتبص ع الفستان والبدله ودمعه نزلت من عنيها : هلحق البسه
ادم مسك حياه من دراعها الاتنين: هتلبسيه ياحياه وهتعيشى فاهمه
حياه بتبص ل ادم وعندها اراده وقرار هتعمل ال هتقدر عليه علشان تفضل مع ادم وفعلا عملوا الفرح ولبست حياه الفستان وادم البدله وكل الناس حضروا وكان يوم فرحه حياه وهى لحظه كتب كتابها ع ادم ودموع نازله من عنيها وفرحه كل ال حواليها والفرحه مطولش كتير علشان ظروف حياه لكن ادم اخد حياه وراح الاسكندريه حجز ف نفس الفندق ف المنتزه ,,,وسافروا يوم الفرح
ودخلت حياه الاوضه وحست بتعب بسيط
ادم: حاسه بحاجه
حياه بتتمالك : لا ابدا انا حاسه انى كويسه جدااا
راح ادم باس راس حياه وايديها: ربنا يخليكى ليا
حياه انا من غيرك مش هقدر اعيش علشان خاطرى اتغلبى ع التعب
متستسلميش ليه وخليكى معايا ..متخليش المرض ياخدك منى
حياه اترمت ف حضن ادم: اوعدك ياادم
ونامت حياه ف حضن ادم وادم حاضنها ...!!!
_________________________
مر كام شهر والكل مش متخيل ان حياه محصلهاش حاجه والسبب ان حياه تمسكت باادم وعاوزه تعيش علشان ادم لانه كان امها ف الحياه وبيه قدرت تقاوح التعب ... راحوا قعدوا مع مامت ادم ف شقتها
استمرت حياه بتاخد العلاج وادم بيبقى معاها وبعد فتره قصيره تحسنت
مها : حياه عامله ايه دلواقتى
ادم: كويسه الحمد الله هو اه مبقتش تعمل مجهود زى الاول بس احسن
مها: طيب تمام نتايج التحاليل مبينه تحسن طفيف
ادم: الحمد الله ..طيب انا ماشى عاوزه حاجه
مها: لا سلامتك سلملى عليها
خرج ادم ومها اتصلت ب مراد
مها: مراد نتيجه التحليل بتاعت حياه النسبه قلت بنسبه قليله
مراد: طيب كويس دا معناه انها عندها اراده انها تعيش
عارفه يامها
مها: ها
مراد: حياه بنتيجه التحليل ال عملتها اول مره جت فيها فرنسا بتقول انها مش هتعيش اكتر من 4 شهور مش سنتين ال حصل دا معجزه بجد
مها: حياه عايشه باادم زى ماادم عايش ب حياه
_________________________
فى يوم دخل ادم ع حياه اوضتهم لقاها قاعده قدام التسريحه سرحانه
حياه بانت مع الوقت انها اتحسنت وادم فرح جدا بكده
ادم: ايه الجمال دا كله مراتى قمرايه
حياه ابتسمت ابتسامه كسوف: متحرجنيش بقى
ادم: لا والله قمرايه
حياه: ماشى يا جوز القمر
ادم بيضحك: احلى قمر وانا اسعد زوج ف الدنيا لان حياتى معايا
حياه راحت حضنت ادم : انا ال اسعد واحده ف الدنيا علشان معايا احلى واطيب زوج فى الدنيا ال بحبه وبموت فيه
ادم حضنتها : انا ال بموووت فيكى يا حياتى انا
حياه : ادم عاوزه اخرج اشم هوا
ادم : يلا بينا
حياه: عاوزه اروح اسكندريه واقعد قدام البحر معاك
ادم: مفيش مشاكل
حياه:ونفضل قاعدين لصبح
ادم مبتسم: نفضل قاعدين لصبح
حياه حضنت ادم: وتاخد اجازه من انهارده ونسافر انهارده
ادم بيضحك: طيب خليها بكره
حياه اصرت : لا انهارده ياادم ارجوك
ادم استغرب من الحاح حياه : حاضر نسافر انهارده
قامت حياه : طيب هدخل ارتاح شويا ماشى واجهز شنطتنا
ادم :تمام وانا هعمل تليفون كده لمستشفى واجى اجهزها معاكى
دخلت حياه الاوضه ومره واحده حطت ايدها ع صدرها جالها حوار التنفس
راحت قعدت ميلت راسها لاحظت دم نزل من مناخيرها راحت دارته بسرعه لما حست ان ادم داخل... جهزوا الشنط وسافروا لكن المرادى حجزوا شاليه ع البحر زى ما طلبت حياه قرب الفجر خرج ادم ومعاه حياه وقعدوا قدام البحر وحياه ماسكه ايد ادم وسانده راسها ع كتف ادم
حياه: الجو جميل اووى
ادم: علشان انتى معايا وموجوده
حياه بتمسك دموعها: عارف ياادم
ادم: ايه
حياه: انا لو سالونى عاوزه ايه تانى من الدنيا هقولهم مفيش
ادم بيضحك: لا بجد انتى قنوعه اوى
حياه وسانده راسها : وانا معاك اخدت كل حاجه من الدنيا محتاجها
حب ودفئ وامان واحتواء ... انت ال اديتنى الامل اعيش لدلواقتى
انت كنت الامل ال متمسكه بيه اخف واعيش ومعاك عشت حياه مش هعيشها تانى انا راضيه جدااا وسعيده جداااا
ادم: انا وانتى هنعيش مع بعض حياه افضل واحلى والايام الجايه والسنين هتثبتلك
حياه: فاكر امنيتى ياادم
ادم: اننا نكبر سوا ونشيب مع بعض
حياه دموع نازله: انا كانت امنيتى الحقيقيه انى لما اموت اكون ف حضنك
ادم: متقلقليش هتعيشى اكتر منى وهتشوفى انا هموت قبلك
حياه بتضحك نص ضحكه: ادم عاوزاك تعرف انى محبتش فى حياتى غيرك
انت حبى واملى وحياتى ودنيتى ... هتوحشنى اووى
ادم : ايه كلام الوداع دا فرفشى كده بصى انا جبت الكاميرا تعالى نتصور انا وانتى مع بعض لذكرى
حياه : اوك
راح ادم عاكس الكاميرا وحياه باصه لكاميرا وللقط الصوره
ولفه الكاميرا يشوفها لاحظ حياه دموع نازله من عنيها
ادم : حياه
مره واحده حياه رمت دماغها ع كتف ادم : ادم دخلنى جوه عاوزه ارتاح شويا
قام ادم شايل حياه وحطها ع السرير : هتصل بالاسعاف تعبانه
حياه بتقاوح مسكت ايده : مش مستاهله هرتاح شويا وهبقى كويسه متقلقش خدنى بس ف حضنك انا عاوزه انام
نام ادم جنب حياه وحضنها ..
ادم: حياه لو تعبانه عرفينى ..لا هكلم الاسعاف انا
حياه بصوت تعبان حضنت ادم اووى : هبقى كويسه ياادم
حضنها ادم ..حياه:عارف ياادم .. كان نفسى نجيب اولاد وبنات واعيش زى اى بنت طبيعيهمن غير تعب ولا مرض من وقت ما حبيتك ياادم
محستش ف مره ان انا تعبانه ولا مريضه بحاجه انت حسستنى انى طبيعيه
ادم: انتى طبيعيه ياحياه مفكيش حاجه اعتبريه دور برد
حياه بتضحك بالعافيه: دور برد ..
ادم .. عاوزاك تعرف ان اجمل سنينى ال عيشتها معاك ياادم
ضمنى ياادم لحضنك
ادم بيضم حياه ..حياه: انا هبقى كويسه متقلقش
ادم: ان شاء الله
حياه:بحبك
ادم ودموع نازله: بحبك
حياه ودموع نازله: اسفه ياادم
وسمع ادم تمتمت حياه بالشهاده
وشويا حياه متكلمتش ولاحظ ادم كده بصلها وحركها مبتتحركش
شاف النبض ملقاش نبض وقلبها مبيدقش ..راح شالها بسرعه وراح ع اقرب مستشفى وفى الطوارى قالوه: احنا اسفين المدام جايه متوفيه البقاء لله
ادم وقع ع الارض وحط ايده ع ودنه وكلمه متوفيه بتررد راح صرخ: حيااااااااااااااااااه
_________________________
وصل الخبر لاهل حياه واهل ادم ودفنوا حياه وادم اتغير مبقاش ادم ال يعرفوا
مبيتكلمش كتير والزرع ال ف الروف مات مفيش حدبيعتنى بيه وادم بقى يروح المستشفى مبيكلمش حد ومش بيدخل عمليات ولا بيكشف ع عيان ودايما حاسس بحياه وف ودانه صوتها ويسمع ضحكتها وكان بيقعد طول اليوم ف اوضته ماسك الكاميرا ال فيها صور حياه ويقلب فيها ودموع نازله ... يقوم يتوضى ويصلى وفى كل صلاه دموع تنزل ويعيط لدرجه ان مامته كانت بتسمعه وهو بيتوجع طول الليل ويبيدعى ربنا
نزل المستشفى دخل علميات مقدرش يمسك مشرط وخرج بسرعه اخد شنطه وسافر اسكندريه واخد اجازه مفتوحه اجر الشاليه وقعد فيه ومبيخرجش منه ويفضل ماسك كاميرا حياه وصور حياه ودموعه نازله
فى يوم مها راحتله اخد وقت لغايه ما قدر يفتح الباب ولما فتح الباب مها اتصدمت من شكل ادم
مها مخضوضه: ادم مالك
ادم بيفتح عنيه بالعافيه : مها اتفضلى
مها دخلت لاقت المكان زى المهجور ودخل ادم رمى نفسه ع السرير وشافت صور حياه وهو معاها متبعتره وادم شكله تعبان اووى ..
مها: ادم ايه ال بتعمله دا
ادم دموع نازله : مش قادر يا مها حاولت ومقدرتش
مها: حياه سابتنا داخله ع سنه وانت زى مانت كده دا قدر واعمار
ادم دموعه نازله وبوجع : عارف والله عارف بس مش قادر حاسس ان قلبى هينفجر من التقطيع فيه ..حاسس ان حد بيغرز سكينه ف صدرى
مش عارف اتنفس الهوا حاسه خانقنى ... مش عارف اعيش مش عارف أتاقلم ان حياه مش موجوده مش قادر اصدق انها مش معايا .. مش قادر استوعب انى محتاجها ومش لاقيها الامان والحنيه ال حسيته ف حضنها مش لاقيه حاسس انى وحيد ف الدنيا سامعها بس مش شايفها ع طول .. مش عارف يا مها مش قادر انا بدعى ربنا ف صلاتى يرحمنى من عذابى
مها دموعها نزلت وهى شايفه ادم منهار : ادم اتماسك مينفعش كده
ادم: اتماسك لمين وليه حياتى راحت منى اعيش ليه
انا كنت عايش ليها وبيها ..انا عاوز حياه يا مها مش قادر اعيش من غيرها
ومره واحده وادم بيتكلم وقع اغمن عليه اتصلت مها بالاسعاف جم خدوه واتحجز ف الرعايه
مها: حالته ايه يا دكتور
الدكتور: مش هقدر اقولك غير ان المريض رافض الحياه الاجهزه ف جسمه مبتستجبش معانا اتعرض لصدمه نفسيه كبيره مأثره عليه جداااا رافض انه يعيش احنا حاطينه تحت الرعايه ل 48 ساعه وان شاء الله خير
مها حست بخوف وقلق ع ادم طلبت تدخله الرعايه ودخلت لاقته ف دنيا تانيه
قربت منه ومسكت ايده: بجد مش عارفه اقولك ايه ياادم
ودموعها مش ملاحقه عليها
فى يوم ادم فاق بس لسه تعبان راحتله مها : ادم انت كويس
ادم بيفتح عينه بالعافيه: حياه
مها: انا مها ياادم
ادم بيبص ع جنب : حياه
مها حست ان ادم مش شايفها ولا سامعها : ادم رد عليا
راح ادم وهو باصص الناحيه التانيه كان شايف حياه جاياله ومبتسمه ومدت ايدها ليه راح ادم ابتسم ومد ايده وقال: حياه
وف لحظه عين ادم غمضت ودمعه نزلت من عينه والاجهزه عملت صوت بسرعه مها حاولت تتصرف جه الدكتور بسرعه يحاولوا ينعشوا القلب مفيش استجابه وسمعت الدكتور بيقول : الوفاه الساعه 6 مساءا
وكان اليوم دا هو نفس اليوم ال اتوفت فيه حياه
مها : ودى كانت قصه حب اساسا الامل وانتهت لما الامل اختفى
ومها قاعده سمعت صوت وراها .. مراد: انتى برضه بتحكيلهم حكايه ادم وحياه
مها باابتسامه : بحكيلكم حكايه امل حياه
مراد مسك ايدها: طيب يلا بينا علشان هنتاخر ع ادم وحياه ف المدرسه
واحد من ال قاعدين : رايحه فين يا دكتور
قامت مها باابتسامه ودمعه نازله من عنيها : جايه تانى
مسكت مها مذاكرات ادم وحطتها ف شنطتها وع وعد انها هتحكلهم حكايه حياه وادم ال اساسها الامل ال هى امل حياه
تمت بحمد الله
اتمنى تكون عجبتكم بجد لانها بالنسبالى افضل قصه عندى
__________________________
المفاجاءه ال قلتلكم عليها حاجتين
اولا: شخصيه حياه وادم مش شخصيات وهميه اشخاص حقيقين
واسمهم (امل ومحمد)
ثانيا: الحلقه الاخيره كل احداثها حصلت فعلا مش من خيالى عرض الجواز ف المنتزه وعزومه العشا وتعب المستشفى والفرح وموقف الشاليه للاخر غير تغيرات بسيطه علشان احداث القصه
__________________________
انا عارفه ان الحلقه الاخيره صعبه وفيها حزن كتير وكنت متردده جدااا فى انى اكتبها علشان نهايتها بس فيها حب بنقول مستحيل يحصل لكن هو فعلا موجود بس عاوزه اوصلكم مغزى من القصه وهو :
1_قدر الموت لا مفر منه وملوش سن
حافظ ع حبيبك ومتضيعش لحظه ف فراق ممكن متتعوضش
فحب بجد ومتستهرش بمشاعر شخص بيحبك لانك ممكن يا مش تلاقيه او انت مش تبقى موجود ف الدنيا وفى الحالتين هتبقى ندمان خسران
ولو حبيت لمح لاقيت استجابه صارح لان حياتنا فرص وممكن خوفك يضيع فرصه تندم عليها
2_ الفراق ال بيموت حقيقى هو فراق الموت
3_ الحب افعال وهو دا اصدق حب ولو خسرته هتعيش عمرك ندمان ع فقدانه لانه مش بيتعوض ..انجذابك لكلام الحلو زى انجذابك لشكل الحلو مع الوقت هيروح وهتفوق لصدمه
4_المواقف الحقيقيه بتبينلك من حبايبك ومين الممثلين انهم حبايبك
5_احكم ع الشخص لما يثبتلك انه بيحبك خوفه عليك واهتمامه تقديره ليك يخليك من الاولويات ف حياته مش ثانويه ومركون مش يقولك بحبك يوريك يعنى ايه بحبك
6_الامل بيغير كتير ف حياتنا واوقات كتير ربنا بيبعتلنا الامل ف اشخاص بيبقوا جنبنا وبوجودهم نستحمل هموم الدنيا واى حاجه تحصل لانهم الامل والامان لينا ودا اهم حاجه نحتاجهم ف الحياه
7_ فى فرق بين الامل والوهم ..هو مينفعش ترتبط بشخص وتقول هتعود عليه واحبه وانت مش ليك مشاعر ليه ولو بسيط وهو بيحبك لانك كده بتظلمه معاك ولا ترتبط بشخص بتحبه وتستحمل علشانه وهو مش بيحبك لانك كده بتظلم نفسك ... الارتباط زواج او خطوبه او عاطفى تكمله مش سباق مين ياخد اكتر من التانى من غير ما يدى بيبقى سباق مين هيدينى التانى اكتر علشان بيحبه
8_الانانيه فى العلاقات صداقه او حب بيبقى دا طريق تدميرها بدون عوده
9_ أستغلال شخص علشان توصل لشخص غلط لان ممكن تتفهم غلط وتعلق بيك الشخص الوسيط دا ويحبك من كلامك واهتمامك ويفتكره ليه..
10_الحب شجاعه وخصوصا لولاد حبيت وحاسس بانها بتحبك متفضلش ف شك واحتمالات واجه واعرف النتيجه وفى الحالتين هترتاح لانك هتعرف الاجابه
12_ مفيش حب مستحيل
الحب موجود بس المشكله ف الطرفين مش ف الحب
13_البنت ال بتخسر صاحبتها علشان ولد والولد ال بيخسر صاحبه علشان بنت
عاوزه اقولهم انتوا مش فاهمين يعنى ايه حب بجد وزى ببساطه خسرتوا اقرب ناس ليكم سهله ال خسرتوهم علشانهم يسيبوكم ويبقى خسرت الاتنين ..
14_متستعجلش ع الحب لانه بيجى ف وقته وهو النصيب
15_مفيش حد بينسى ذكرى حد لكن فى شخص بيخلق ذكرى اجمل تستمر العمر كله
16_فىاشخاص لما بيحبوا مش بيطلبوا اى حاجه غير انهم يسعدوك
17_البنت بتحتاج الامان والاستقرار والاحتواء اكتر من كلمه بحبك والولد بيحتاح لاطمئنان اكتر من وانا كمان بحبك
18_اخيرا ...
الامل مش مجرد كلمة ... الامل حيـــاه عايشنها
♥بـالامل بتبتدى الحياه ومن غير الامل بتنتهى الحياه
♥أن شاء الله لما اجهز الجديده هعرفكم بس مش دلواقتى طبعا
شكرا لكم جميعا بجد ع كلامكم وتشجعيكم ليا ونقدكم
ويارب دايما افضل عند حسن ظنكم ويعجبكم كل حواديتى
ليست هناك تعليقات:
إرسال تعليق