(19)
الاخيــــره
رجع عامر وفاطيما البيت وراح الشركه ..فاطيما قاعده كلمت البنات تستشيرهم تعمل ايه وافقوا على انها تحكى لعامر وهو هيسامحها اكيد لو هى حكت وعرف منها لانه بيحبها .. فكانت بتتجمع شجاعتها علشان تحكيله ... ف الوقت دا رجع عامر البيت ونده ع فاطيما وكانت بتنيم اياد ودخل المكتب يخلص شغل لغايه ما تنزل يتعشوا مع بعض .. دخل مكتبه لاقى ملف موجود فتحته بتلقائيه لاقى صور وورق ..وشاف صور معتزمع فاطيما ماسك ايدها الصور الل اتصورت ايام مكان ف المستشفى الصور بالاوضاع الل اتاخدت فيها وقتها توحى بحاجه غلط وصور لفاطيما بشعرها ...ففتح الورق وقرى المحادثات بين فاطيما ومعتز ومحادثات معينه مع البنات كلام فاطيما فيه انها استغلته واتقربت ليه واتجوزته مش علشان بتحبه لكن استغلته سلمه توصل لمعتز .... حس بصدمه ومش قادر يصدق وفضل قاعد ع المكتب والصور والورق قدامه باصص عليهم متحركش ..اتاخر عن العشا دخلتله فاطيما وكانت رويدا ف اوضتها بتراقب الموقف ..
فاطيما: يلا ياعامر لانى هفرفر من الجوع
شافته ملامحه متغيره قربت منه: مالك ياعامر انت تعبان
عامر بصلها وملامح وشه متغيره وعنيها فيها دموع اتخضت فاطيما بصت لمحت صور ليها مع معتز اتفاجئت ..راح مسك عامر ورق المحادثات ليها ..
مسكتها وبتقراها من الصدمه قعدت ع الكرسى .... حاله صمت رهيبه سادت المكان وفاطيما ف حاله صدمه من الورق الل فيه كلامها مع معتز وكلامها مع البنات عن عامرواستغلالها ليه ...
عامر بصوت حزين متهالك من الصدمه : فاطيما معندكيش حاجه تقوليها اتكلمى انا سامعك ... قوليلى ان دا كدب صح كله كدب صح
فاطيما نزل عليها صمت ومش قادره تبص لعامر ولا قادره تتكلم ولسانها مش قادر يتحرك ينطق ..احساسها ان فى حد سبقها بخطوه وهى كانت عاوزه تتكلم معاه بعد العشا وتحكيله.. فرق ااقل من ساعه غير مسار الموضوع وهى قاعده موطيه باصه لورق ومش قادره ترفع عينها ف عين عامر ..قام عامر من ع الكرسى وراح قعد قدامها عامر بيرفع وشها بايديه وباصصلها : كدبى الل مكتوب قدامك دا يا فاطيما قوليلى محصلش وانا هصدقك ..هصدقك
فاطيما مش قادره تتكلم وايديها بترتعش ودموع نزلت من عنيها ...
عامر بصوت واطى بنبره حزن : قوليلى محصلش ياعامر وكل دا متبفبرك عاوزين يوقعوا بينا وانا هصدقك
فاطيما قلبها وجعها من نبره عامر .. عامر بيكمل كلام:
عامر: قوليلى ياعامر انا مستغلتكش وقرارى ارتبط بيك لانى عاوزاك مش علشان اوصل لحد تانى .. قوليلى ياعامر انا مكدبتش عليك ومخدعتكش .. قوليلى ياعامر وعدى معاك انا محافظه عليه ومش خذلتك .. قوليلى ياعامر انا كنت معاك بروحى وجسمى مش جسمى بس وروحى بتفكر ف شخص تانى.. قوليلى ياعامر انا مكنتش بمثل انى سعيده معاك ..قوليلى ياعامر ما دسدش ع مشاعرك وقلبك .. قوليلى ياعامر ان كل دا كدب ... قولى اى حاجه تثبت ان كل دا غلط مش صح ,,اتكلمى دافعى
فاطيما حست بخنقه وقلبها قبض ومش قادره تتكلم ..
عامر بصوت حزين : يعنى افهم ان كل دا صح وقد ايه كنت مش شايف كويس واضحك عليا ... لدرجه دى كنت ساذج كده علشان حبيتك بجد .. وصدقتك ..صدقت كدبك عليا ,,تعملى فيا كده يافاطيما انتى ومعتز ..قاعدين معانا ف بيت واحد وبناكل من نفس الاكل .. وغدرتوا بينا ...
فاطيما وطت راسها ودموعها نازله وكلام عامر زى السكينه راح رفع وشها تانى بايده : انا عملتلك حاجه وحشه أذيتك فى حاجه علشان تأذينى كده ها يا فاطيما هو انا وحش اوى كده مينفعش تعيشى معايا وتحبينى وتمنعى نفسك من الخلفه وانا الل كنت فاكر من قلقلك طلع انه بسبب انك مش عاوزه اصلا منى وكنتى مقرره تسبينى بعد ما تعملى الل اتجوزتينتى علشانه ....هو انا وحش اوى كده يا فاطيما ..ها يا فاطيما ..ها
فاطيما من كتر الضغط صرخت: كفايه ياعامر كفايه
عامر ودموع نازله من عينه : هو فعلا كفايه .. كفايه .. المسرحيه دا لازم تخلص وننزل الستاره بس برافوا عليكى بجد انا صدقتك برافو
فاطيما حست بقبضه ف قلبها بصت لعامر ودموعها نازله : يعنى ايه ؟
عامر سكت لحظات وباصص لفاطيما ودمعه نازله من عينه :انتى طالق
فاطيما اتصدمت من الكلمه واتصلبت معرفتش تقول حاجه ..
عامر قال الكلمه وخرج اخد عربيته وخرج وفاطيما متصلبه مكانها مش مستوعبه الكلمه وماسكه الورق فى ايديها .. رويدا شافت عامر خرج دخلت المكتب لاقت فاطيما قاعده ودموع نازله وبتخبط ع صدرها
رويدا : حسيتى بوجع القلب يا فاطيما .. ماهى الدنيا كده الل توجعيه ف يوم بتلف ويتوجع ..حقى انا واخويا اخدناه منكم الله لا يسامحكم ع الل عملتوا فينا
فاطيما بصت لرويدا وحاله الصمت ولسانها تقيل مش قادره تتكلم .. جمعت نفسها وطلعت اوضتها واول ما دخلت وقفلت الباب قعدت ف ضهر الباب وفاتحه ف العياط : انا الغلطانه انا السبب انا السبب
مفكرتش فاطيما مين عمل كده وليه تفكيرها انها خسرت عامر بسببها مش قادره تستوعبه ..عامر مرجعش البيت وهى اول ما النهار طلع اخدت اياد وطلعت بيه ع المطار ترجع مصر .. ورجعت ع مصر ف شقه عامر الل ف القاهره قعدت اسبوعين عامر مسألش فيها ولا كلمها وكل ما تكلمه يكنسل عليها ... باباها عرف ومامتها راحوا اخدوها ترجع معاهم السنطه
وراحت وهما مش فاهمين فى ايه فاكرينها زعله عاديه فتره وهتعدى لكن وهى قاعده جتلها ورقه طلاقها واتصدموا الكل دخلت فاطيما اوضتها رزعت اللاب توب وكسرته لانها شيفاه انه السبب وانهارت واتاكدت فاطيما ان عامر اخد قراره ومش هيرجع فيه زى ماكانت فاكره.. اهلها حاولوا يفهموا منها مكنتش بتتكلم ع طول قاعدهفى اوضتها مبتتكلمش مع حد فى يوم راحت زارت قبره توحا وقعدت جنبه وبتعيط
فاطيما: وحشتينى يا توحا ..
اكتر وقت محتجالك فيه مش لاقياكى جنبى ومعايا شوفتى عملت ف نفسى ايه .. بعد ما افتكرت ان الدنيا صالحتنى بعامر طلعت بتضحك عليا تانى والمرادى قتلتى مش وجعتنى ياريتنى سمعت كلامك من زمان مكنتش هوصل لكده ... انا قلبى وجعنى اوى يا توحا مش قادره استوعب عامر عمل كده وطلقنى ببساطه ..انا عارفه انه معاه حق بس مش قادره استوعب ..
وعيطت فاطيما وقعدت تتكلم مع جددتها وبعدها قرت الفاتحه وخرجت رجعت ع البيت..وكانت قاعده ف اوضتها مع اياد طول الوقت وبتاكل كميه اكل كبيره ودموع نازله من عنيها ع طول.. اتصل باباها بعامر يفهم منهكان رد عامر " متفهمناش مع بعض والجواز نصيب .." واستغرب باباها من كلام عامر .. مستحملتش فاطيما نظرات اهلها وان البيت توحا مش فيه ووحشها عامر فقررت ترجع تقعد ف شقتها ف القاهره بتاعه عامر وعامر سابهالها تقعد فيها معترضش وباباها شاف حالتها النفسيه الوحشه وافق وكانت مامتها بتروح تقعد معاها ع فترات كانت ميمى مسافره الفتره دى مع عماد وسلمى بتحاول توصل لفاطيما مش عارفه بعد ماعرفت حوار طلاقها ..فحجزت ونزلت اجازه وراحت ع شقه فاطيما وكانت ميمى سبقتها ع هناك ...
سلمى بتلاعب اياد: ماشاء الله ايه القمر دا
ماريا: شبه طيما الخالق الناطق شوفى بوقه فاتحه ع طول ازاى جعان زى امه
سلمى ضحكت: لالالا اياد هيطلع رياضى مش اكيل زى امه
ماريا تلقائيه : قصدك زى باباه
فاطيما بصت ل ماريا ودموع نزلت من عنيها .. ماريا: اسفه يا طيما
فاطيما: متتأسفيش يا ميمى انا بدعى يطلع زى ابوه ...
سلمى: هو مفيش اى اخبار عن عامر مكلمكيش خالص
فاطيما وبتمسح دموعها: وهيكلمنى يقولى ايه بعد الل عملته معاه وفيه وجع القلب ملوش علاج الوقت الكفيل بالشفا والوقت يا يوم يا شهر يا سنين ودا لو خف اصلا
ماريا : هو انتى ليه متكلمتيش معاه وفهمتيه وقتها هو كان هيسمعك سكوتك دا الل عمل فيه كده كنتى انتهزيها فرصه واتكلمى واحكى ..
فاطيما بصت ليهم: مقدرتش الصدمه شلت لسانى مقدرتش انطق وكلامه كان زى السكينه ف صدرى مكنتش قادره اتنفس حتى بس هو معاه حق ف كل كلمه قالها
سلمى: لا يا فاطيما مش معاه حق ..
انتى غلطتى اه بس مش لدرجه يطلقك كده ببساطه
فاطيما ودموع نازله: لا مش بسيطه .. انا خدعته وخونت ثقته وخالفت عهده معايا ودى اكتر حاجه هو قالى عليها بتوجعه من الغريب تخيلى انا الل عملت فيه كده ؟؟ كنت بمثل عليه وهو بيصدق كنت فعلا ف اول جوازنا معاه جسم من غير روح لانى كنت بفكر ف معتز مش حب لا كنت بفكر ازاى اخد حقى واسكن وجع قلبى ... مثلت عليه وكدبت وهو صدقنى بمنتهى البساطه وليه لانه كان واثق فيا وف كلامى وحبنى
سلمى: انتى ع كلامك كان ساعه وهتحكيله ..
مين دا الل سبق وعمل كل دا وصور المحادثات بتاعتنا ومع معتز
ماريا بعصبيه : هو مفيش غيره معتز الحيوان الل يعمل كده اكيد لما شافك سعيده مع عامر مستحملش بعد انفصاله ..اكيد حب يهد المعبد ع الل فيه
فاطيما بتتنهد ودموعها نازله من عنيها : مش عاوزه اعرف مين عمل كده ..لانها كده كده كان هيعرف ..الل وجعنى واحساسى الل تاعبنى اكتر ..انى مفكرتشفى عامر فى الاول ولا ف وجع قلبه الل هيحسه لما يعرف معانى جربت وجع القلب وعارفه انك تتخدعى ف شخص بتحبيه ووثقتى فيه عامل ازاى .. احساس ووجع صعب تحمله .. ازاى انا مفكرتش كده ازاى انا سببت وجع لا اكتر شخص كان بيحمينى من الوجع وبيحبنى ازاى
سلمى: لانك للاسف الغضب كان عاميكى من ناحيه عامر وكنتى مركزه مع معتز اكتر وانتقامك .. وجع قلبك لاغى عقلك
فاطيما وبتعيط: انا السبب ف كل دا ...قراراتى كلها غلط عشت حياتى غلط وكنت فاكره انى صح سمعت كلام قلبى وجعته سمعت كلام عقلى وجعت قلبى تانى ..ولما جيت اسمع الاتنين كان فات الاوان خلاص..
انا مغلطتش انى كنت عاوزه اعيش زى اى بنت ..لكن غلطت لما افتكرت ان كل العلاقات زى بعض وعلشان شوفت علاقات ناجحه تبقى علاقتى هتنجح ومفكرتش فى الاختيار صح ولا غلط ..
ماريا : لا مفتش الاوان احنا ممكن نتكلم مع عامر ونفهمه ..
سلمى: خالد ممكن يساعدنا يتكلم مع عامر
فاطيما : لالالالا محدش هيعمل حاجه لان الل اتكسر مش هيتصلح خلاص
ماريا:وانتى ايه عرفك ... مش يمكن مستنى منك مرسال
فاطيما سكتت لحظه: ماانا بعتله ووصلى الرد
سلمى وماريا: ازاى ...
فاطيما: سجلت كل الل عاوزه اقوله ل عامر ف فيديو وحطيته ع فلاشه وبعتهاله اكتر من شهر واتاكدت انها وصلت البيت ومردش عليا من بعدها
ماريا وسلمى مش عارفين يقولوا ايه ...
ماريا:وانتى هتفضلى قاعده هنا مش هتروحى السنطه
فاطيما بتمسح دموعها:اه مش هتحرك من هنا دى الحاجه الوحيده الل روح عامر ونفسه هنا وذكريات ليا معاه هنا واحس بيه انه معايا انا واياد ..
سلمى ماسكه ايد وماريا ايد : واحنا مش هنسيبك لوحدك
راحوا حضنوا بعض التلاته وكملوا قعده وقعدت سلمى اجازتها مع فاطيما يعتبر وماريا اغلب الوقت معاهم ...1!!
ف الناحيه التانيه ف السعوديه عامر شغله متأثرش بالعكس اندمج فيه اكتر من الاول لكن حالته النفسيه كانت مش مظبوطه اتغير ومبقاش يتكلم كتير وبقى ياكل قليل لانه كل ما يقعد ياكل يفتكر فاطيما وهى بتاكل وتأكله
ولما بيجى ينام بيتخيل فاطيما موجوده قدامه وجنبه وبيبتسم ولما يقرب يلمسها تختفى .. كرامته وجعاه اوى وقلبه من كذب فاطيما
قام ع السرير وقعد وخبط ع صدره :ليه يافاطيما تعملى كده ليه
مقدرش ينام ونزل دخل المكتب وكان بيراجع شغل شغل اغانى كانت اغانى منير قلبه برغم وجعه دق اوى وسرح فى فاطيما .. ف اللحظه دى دخلت رويدا وشافته سرحان وف دمعه نزلت من عنيه زعلت لما شافته راحت قفلت الاغانى واتكلمت معاه فى اى حاجه غير فاطيما ..
رويدا: عامر ..اياد وحشنى
عامر : وانا كمان
رويدا: طيب مش صح يجى يعيش معانا انا ههتم بيه
عامر: وهو رضيع .. لا اياد ليه حقوق ربنا وهبها ليه مينفعش احنا نرحمه منها وعاجلا اجلا هيجى ويكون معانا متستعجليش ..انا طالع انام
رويدا بصت ل عامر: انت كويس ياعامر
عامر بيرسم ابتسامه: الحمد الله ..انتى كويسه
رويدا صعبان عليها شكل عامر بس حاسه انها عملت الصح : الحمد الله ربنا يخليك ليا
عامر راح قرب منها وباس راسها : ويخليكى ..تصبحى ع خير
طلع عامر اوضته وحاول ينام مقدرش اخد منوم علشان ينام ....!!
علاقه احمد مع رويدا نوعا ما رجعت كويسه احمد بعد موضوع معتز والل عمله ف رويدا محبش يسيبها لوحدها ووقف جنبها وكان دايما بيسأل عليها ومكنش يعرف الل عملته رويدا وانها قالتله ان عامر عرف لوحده لانه كان شكك وهى مقدرتش تعمل حاجه واحمد صدقها لانه لسه بيحبها ...ومعتز كان اشتغل ف شركه تانيه بعد انفصاله من رويدا وكان عباره عن سفر فكان مش موجود وقت انفصال فاطيما وعامر ومكنش يعرف حاجه عنهم لفتره لكن عرف بالصدفه واتفاجئ .. ودور ورا الموضوع وعرف الل حصل .. نزل مصر علشان يطمن ع فاطيما وعرف انها قاعده ف شقه عامر وكان معاه رقم ماريا وكلمها وردت عليه بطريقه حاده وفهمت منه انه هو الل مش عمل
كده وعاوز يطمن ع فاطيما ويشوفها .. اتفقت ماريا معاه يقابلهم فى نادى ماريا زنت ع فاطيما تشترك فيه تخرج لانها مبتخرجش نت البيت خالص ..ولان فاطيما رافضه اى شخص غريب يدخل شقه عامر احتراما لغيبته ولانها قاعده لوحدها ... راح معتز ع الميعاد وكانت فاطيما قاعده واياد نايم جنبهها ف عربيته وفاطيما باصه عليه وسرحانه
معتز قرب يسلم ع فاطيما لاحظ شكلها متغير من كتر العياط والحزن : فاطيما
فاطيما انتبهت لصوت : معتز ..حمد الله ع السلامه
معتز قعد: فاطيما ..انا اسف بجد انا ...
فاطيما : ماريا قالتلى انك كلمتها وحكتلها وانك ملكش يد ف الموضوع .. وخلاص يامعتز مش مهم الل حصل حصل
معتز: انا لما هرجع هتكلم مع عامر هو ميعرفش انتى عملتى ايه علشانه هو واخته
فاطيما بسرعه: لا يا معتز متعملش كده .. عامر لو قلبه سامحنى هيكلمنى لوحده من غير الحاح حد معاه.. هو قرر وانا مش معترضه ع قراره وعنده حق .. واضح ان دا نصيبى كده اعيش موجوعه لكن راضيه الحمد الله
معتز: فاطيما مينفعش كده.. عامر لازم يحس ان معاه جوهزه مش بتتكرر
فاطيما ضحكت: جوهره
معتز بااحراج: عارف انا ان كلامى متاخر لكن انا بتكلم عن تجربتى انا محستش بقيمتك غير لما روحتى منى
فاطيما بتمسح دموعها: النصيب يا معتز وانا راضيه بقضاء الله خلاص
معتز مش لاقى كلام يقوله
شويا ومعتز استأذن : انا هستأذن دلواقتى
فاطيما: اوكيه
معتز: تسمحيلى يا فاطيما أسئل عليكى بين فتره والتانيه
فاطيما: متتعبش نفسك
معتز: ارجوكى مترفضيش واوعدك مش هعدى المساحه دى واى حاجه تتطلبيها انا موجود
فاطيما بترسم ابتسامه مكسوره: شكرا يامعتز انت عملت كتير
مشى معتز وهو حزين ع وضع فاطيما لكن هو ادى فاطيما كلمه انه مش هيكلم عامر ...كان معتز نزل اجازه اسبوع وقبل ما يمشى كان كلم فاطيما وعرف منها انها رايحه لدكتور ب اياد عدى عليهال يوديها ويرجعها.. وصلها لغايه البيت وطلعت فى اللحظه دى كان عامر قرر ينزل مصر يقابل فاطيما لانها وحشته ويتلكك ب اياد لكن رويدا سخنته ان فاطيما عايشه حياتها
وبتخرج وبتقابل معتز .. وهو بالعربيه كان مستنيها تحت البيت لانه عرف انها مش فوق شاف معتز بيوصلها لغايه البيت ورجع حس بخنقه وان كلام رويدا صح انها رجعت علاقتها مع معتز ...وبدل ما يطلع لفاطيما .. طلع ع المطار وقلبه واجعه ...!!
استمرت اتصالات معتز لفاطيما يطمن عليها معداش المساحه الل اخدها الصداقه وفاطيما اتعاملت بالمنطلق دا وبحدود حددتها ل معتز و عامر كان بيشوف اياد كل فتره بينزل زياره عن طريق رويدا تروح تاخد اياد كام ساعه وترجعه كانت فاطيما مبتشفش عامر فكان لما بيرجع اياد فاطيما بتاخده ف حضنها اوى حاسه بنفس وريحه عامر فيه .. لاحظت ماريا كده وكانت بتتوجع من المشهد دا لكن سلمى وماريا ومعتز وعدوا فاطيما انهم مش هيعملوا حاجه من وراها الا ف حاله عامر هو اللى كلمهم والكل سمع كلام فاطيما وكان عامر بعد ماعرف اتصالات معتز ل فاطيما وزن رويدا وكلامها انها رجعتله
فاتجنب عامر يعرف اخبار فاطيما واكتفى انه يشوف اياد بس ....!!!
مرت سنتين ع الوضع دا فاطيما مبتعملش حاجه غير انها تهتم ب اياد بس وعامر مسئول عن مصاريفهم وبيشوف اياد ع فترات عن طريق رويدا واهل فاطيما كانوا بيزروها اوقات ومعتز كان بيطمن عليها وكان بيشوفها ف النادى مع ماريا ... وماريا وسلمى مسابوش فاطيما لوحدها وخصوصا ماريا لانها
كانت اغلب الوقت مع فاطيما وسلمى كانت بتحاول تنزل اجازات ويقعدوا مع فاطيما يتكلموا ...وعامر عايش ومركز ع الشغل والسفر ورويدا لاحظت تغييره بنسبه كبيره ومع مرور الوقت مرجعش زى الاول بالعكس بقى طبعه قليل الكلام والاكل والضحك حتى الخروجات مع مجموع المضايفين مبقاش يعملها وحياته بقت شغل ....
فى يوم معتز قابل فاطيما ف النادى مع ماريا وبعد الكلام معتز وهو قاعد جنب فاطيما كانت بتبص ع اياد ومريم وهما بيلعبوا
معتز : تسمحيلى بفرصه تانيه يافاطيما
فاطيما استغربت بصت ل معتز.. معتز: تتجوزينى يافاطيما
فاطيما باصه لمعتز وباابتسامه: مش هينفع يا معتز
معتز: انا مستعد استناكى عمرى كله يافاطيما انا مش عاوز رد دلواقتى
فاطيما باابتسامه: ولا بعدين هينفع
معتز: انتى لسه شايله منى
فاطيما: بالعكس انا مش فاكره حاجه حصلت
معتز: اومال ايه
فاطيما بتشاور ع قلبها : لان هنا مليان ومفيش مكان لحد تانى
معتز بااندهاش: مليان .
فاطيما وحاطه ايديها ع صدرها :عامر موجو هنا ومفيش مساحه لغيره
معتز: بعد الفتره دى كلها وبعده عنك وسنتين متعرفيش حاجه عنه
فاطيما باابتسامه: المهم عندى انه بخير وعايش مش طالبه اكتر من كده من ربنا
معتز : لسه بتحبيه
فاطيما: عامر يا معتز شال الكره والغضب والحقد الل كانوا ف قلبى والتشويه الل كان فيه والوجع وخلى قلبى قماشه بيضا مفيهاش اى غلطه بصنع ايده هو .. ولغايه دلواقتى هو متحركش من مكانه برغم البعد والل حصل
معتز: بتحبيه يافاطيما لدرجه دى
معتز ودمعه نازله من عنيها : عامر عرفنى يعنى ايه حب بجد يا معتز
عامر عرفنى يعنى ايه حياه وعيشهالى بجد .. عامر هو الحياه بالنسبالى ول اياد
معتز معرفش يقول ايه وسكت ..
فاطيما: معتز كفايه الل ضاع منك من العمر واتعلم من تجاربك وعيش حياتك ..دور ع واحده تحبها وتحبك بجد .. تعيشوا الحب والحياه مع بعض .. تعيشوا مغامره الدنيا مع بعض مش كلام وبس وهتلاقى اكيد
معتز باابتسامه: تمام يا فاطيما وصل الل انتى عاوزاه انا افتكرت ان ممكن يكون ف فرصه بس واضح عامر اخد كل الفرص
فاطيما حطت ايديها ع صدرها: لانه عايش هنا فى روحى ونبضى
بصت فاطيما ع اياد: وفى اياد
رجعت تبص لمعتز: وانا مش عاوزه اكتر من كده انا راضيه بالل ربنا كتبهولى
وانت كمان ارضى ومتكررش غلط زمان ..توعدنى
معتز باابتسامه: اوعدك
فاطيما : صحيح فى امانه ليك معايا
طلعت فاطيما من الشنطه الميداليه : اتفضل
معتز : يااااه هى لسه معاكى
فاطيما باابتسامه: مش كان اتفقنا لما اقابلك اديهالك ..
خدها وعيش حياتك يا معتز اقفل الصفحه القديمه وافتح صفحه جديده
معتز: وانتى
فاطيما مسكت السلسله الطياره الل عامر جبهالها: وانا هعيش حياتى
باابتسامه بصت فاطيما ع اياد ودمعه نزلت من عنيها ومعتز فى سره : ياااااه يا عامر لو تعرف اد ايه فاطيما بتحبك مكنتش هتضيع ثانيه ف بعدك عنها ... انا ضيعت فاطيما بسذاجتى وطمعى وانانيتى ولما فوقت فوقت متاخر كانتهى خلاص راحت منى بلا عوده ... يابختك يا عامر بحب فاطيما ...
فى خلال السنتين دول كان احمد مع رويدا مسابهاش لوحدها لغايه ما قدر يخليها تتغلب عن ازمتها رجعت الضحكه ليها فعلا ....
احمد: اتفضلى العصير
رويدا مبتسمه: ميرسى ليك
احمد: ها .. مقولتليش فاتحتى عامر ف موضوعنا ولا لا
رويدا بصت ل احمد: احمد ..انت بتتكلم بجد .. عاوز تتجوزنى
احمد مسك ايد رويدا : ودا محتاج سؤال ..انا بحبك يا رويدا
رويدا : بعد كل الل حصل وعملته معاك وارتباطى بمعتز و..
احمد قاطعها: هششششش .. كل دا فات واتفقنا احنا فى انهارده وانهارده انتى معايا هعوز ايه تانى
رويدا باابتسامه: بتحبنى بجد يا ااحمد ومش هتسبنى
احمد: حاله واحده اسيبك فيها
رويدا : ايه
احمد: لم ربنا ياخد امنته
رويدا مخضوضه: بعد الشر عليك
احمد بيضحك: وعاوزانى اسيبك انا مش هسيبك ..
ولو متكلمتيش مع عامر انا هروح اتكلم معاه
رويدا بملامح وشها متغيره : انا مش عارفه اتكلم معاه ازاى ..عامر مبقاش زى الاول بقى يسافر اكتر ما بيقعد ف البيت .. ولما بيقعد بيبقى سرحان ومش معايا .. كلامه قليل اووى واكله شبه بياكل من بره مبياكلش ف البيت ..اعامر بقى حد تانى انا معرفوش بحاول اعرفه مش عارفه
احمد طبطب ع ايد رويدا: هو لسه منساش فاطيما..
رويدا بصت ل احمد: معقوله كل دا منساش برغم الل عملته فيه والسنين دى
احمد بااستغراب باصلها: فاطيما عملت ايه
رويدا حست انها وقعت بالكلام : مفيش مفيش
احمد : فى ايه يا رويدا مخبياه عنى
سكتت رويدا لحظالت وبعدها حكت ل احمد كل اللى حصلمنها وانها خبت الفلاشه الل فيها الفيديو ومدتهاش ل عامر وخبت عليه علشان ميرجعش لفاطيما البيت وهو مصدوم من الل سمعه
احمد: انتى يا وريدا تعملى كده ف فاطيما .. انتى الل توريه الحاجات بنفسك وتخبى رساله فاطيما وتبلغيه اخبار غلط عنها انها عايشه حياتها ونسيته وبتقابل معتز ...فاطيما يا رويدا
رويدا: كنت فى حاله غضب ومقدرتش استحمل اشوفها عايشه بسعاده وهى السبب فى تعاستى
احمد بعصبيه: فوقى يا رويدا .. مفيش حد بيسبب حد تعاسه.. انتى الل اختارتى ومسمعتيش كلام حد وتماديتى ف غلطك...فاطيما حاولت تساعدك وانتى صدتيها ..فاطيما فى الاساس كانت بتحميكى وتحمى عامر من معتز.. فاطيما عملت كتير علشانكم ... و ساعدتنى ارجعك ليا
انا وريتلك الحاجه وقولتلك ع سرها مش علشان تمسكيه ضدها لو كنت اعرف كده مكنتش اتكلمت ... فاطيما مقلتش ل معتز يضحك عليك ويتجوزك
ويخونك ويطلقك .. فوقى يا رويدا نار غضبك مأذتكيش انتى بس .. أذت اقرب الناس ليكى .. اخوكى .. انا مش متخيل ازاى جالك قلب تهدى بيت اخوكى وسعادته وعامر كلنا عارفين كان بيحب فاطيما ازاى وفاطيما غيرت فيه وعملت معاه ايه ... مكنتش اتخيل منك كده يا رويدا
رويدا بتعيط: بجد مكنتش اعرف ان الوضع هيوصل لكده قولت الزمن كفيل ينسيه ويعيش زى ما نسى تجربته الاولى وعاش
احمد بيهدى نفسه وبيمسح دموع رويدا : فى تجارب بتبقى تجربه العمر مبتتنساش يا رويدا كنت انا نسيتك برغم كل الل حصل .. فى تجربه هى الحياه نفسها لبعض الناس
رويدا : والحل
احمد: تصارحيه وتعترفى بغلط ل عامر
رويدا: ايه
احمد: روحى اتكلمى مع عامر واحكيله انك الل كبرتى المشكله والفرقه بينهم وانها معملتش حاجه من وقت ما انفصلوا وتعتذرى ليه فاهمانى ولفاطيما ول اياد لانك ساعدتيهم يبعدوا عن بعض بدل ما يقربوا .. ورويدا حبيببتى الل انا بحبها قلبها الطيب هيعمل كده .. ها
رويدا اتنهدت : اوكيه ...!!
فى يوم عامر رجع من الشغل ع البيت وكان هيغير علشان يخرج خبطت على باب اوضته رويدا ودخلت
رويدا: عامر انت مشغول
عامر: شويا فى حاجه
رويدا: عاوزه اتكلم معاك
عامر: لو مش مهم بعدين بعدين
رويدا سكتت لحظه وافتكرت تحفيز احمد ليها: الموضوع يخص فاطيما
كان عامر واقف قدام المرايه بيربط الجرافته اتصلب مكانه لحظات: مش عاوز اسمع
راح اخد الجاكت ونازل .. رويدا بصوت عالى: انا كدبت عليك ياعامر
عامر وقف ورجع بص ل رويدا : كدبتى عليا
رويدا ودموع نازله من عنيها: سامحنى ..انا اسفه
عامر قرب من رويدا: كدبتى فى ايه
حكت رويدا ل عامر الحكايه كلها بالل هى عملته وعامر ف حاله ذهول
عامر: يعنى فاطيما مخنتنيش مع معتز ولا نسيتى ولا اى حاجه من الل كنتى بتوصليهالى
رويدا ودموعها نازله: ايوه ..واتفضل دى الفلاشه
عامر: ايه دى
رويدا وبتمسح دموعها: دى فاطيما بعتتها بعد ما سافرت ليك وانا اخدتها خبيتها ...انا اسفه يا عامر اسفه
وخرجت رويدا بتعيط ع اوضتها وعامر ماسك الفلاشه بيجمع ومش مصدق الل سامعه .. لحظات كان واقف متفاجئ .. راح ع المكتب وفتح اللاب توب وشغل الفلاشه USB وفتح الفيديو وظهرت فاطيما
فاطيما: عامر .. انا ملقتش طريقه اتكلم معاك غير كده وقلت ممكن تقدر وتفهمنى انا هحكيلك حكايه صغيره عن بنت عاديه جدااا كان اقصى احلامها انا تنام وتاكل وبس ..(حكت فاطيما عن حياتها فى مرحله الثانوى والاكل والااب واصحابها لغايه ما اتعرفت ع معتز ) البنت دى ربطت نفسها وحياتها بكلام متعلق صدقته وامنت بيه وسدت ودانها لمده 6 سنين
وفاقت من الاحلام ع كابوس ووجع قلب وخذلان وخديعه مستحملتهوش .. قررت نتنتقم لروحها ولقلبها وبرغم نصايح الل حواليها مكنتش بتسمع ليهم .. لكن ربنا اراد ليها انها تتعلم من الدرس ومتأذيش نفسها اكتر بعتلها شخص ..ملاك طبطب ع جروحها وداوى وجعها وملى قلبها حب وسعاده ودا لانها اكتشفت انه هو السعاده الل ربنا كاتبهالها ... خلاها تنسى انتقامها وقررت تحافظ على حبها الحقيقى وتعيشه مع الانسان دا وتقف معاه فى كل وقت وحلمت يكبروا مع بعض ويشوفوا ولادهم وولاد ولادهم ..الحياه الل كانت بتحلم بيها وهى طفله حست انها حقيقيه مع الانسان دا ....(فاطيما كانت دموعها بتنزل وهى بتتكلم وماسكه السلسله) عامر انت هديه ربنا ليا لكل لحظه وجع حستها .. انت عوض ربنا ليا لكل الل فات ..الل من وقت ما حبيتك وعشت معاك نسيت كل الل فات وملوش وجود ... انا عارفه انى غلطت فى حقك وفى قلبك ووجعته بس صدقنى مقصدتش دا وكنت هحكيلك كل حاجه لانى قررت اقفل ع كل الل فات واعيش معاك دلواقتى وبكره والل جى انا وانت واياد ... انا عارفه انى وجعتك اوى انا اسفه .. وربنا عاقبنى ببعدك عنى وانا راضيه بعقابى اخر حاجه عاوزاك تعرفها .. انى بحبك ولا هحبك غيرك ولا هعرف احب بعدك ...!!
خلص الفيديو وعامر لاحظ ان فاطيما مشلالتش الدبله ولابساها والفيديو من سنتين ...الفيديو زى الزقه الل عامر كان محتاجها فخرج من اوضته ع المطار واخد طياره وراح ع مصر لفاطيما ...!!!
كان قرب عيد ميلاد فاطيما اول ما نزل القاهره اتصل ب ماريا وكانت متفاجاءه بمكالمته وراحت قابلتهواتكلموا وسمع منها فاطيما كانت عايشه ازاى وانها مستنياه طول الوقت ..واتفقوا يفاجئوا فاطيما نزلت سلمى فى الاجازه هى كمان وكانوا بيحضروا مفاجاءه مع عامر ..!!
راحت ماريا البيت عند فاطيما لاقتها قاعده ف البلكونه باصه لسما ومشغله منير وسرحانه .. ماريا: بخ بتعملى ايه
فاطيما باصه لسما: بتفرج ع نفسى
ماريا بتبص : نعم .. ازاى
فاطيما : الطياره الورق دى هى انا ... حياتى كانت عباره عن طياره ورق كانت بتحلم تتطير وتسافر وحلمت ونسيت ان الواقع مختلف وان ليا حدود مش اعديها ... كنت فاكره ان الطياره الورق طياره حقيقيه هتسافر بيا وتطير لكن مع حبه هوا جامدين الخيط اتقطع ووقعت اتقطعت .. ولما كانت معايا طياره حقيقيه عاملتها معامله الطياره الورق وخسرتها ... حياتى طياره ورق ...!!
ماريا مش فاهمه: ايه الفلسفه دى .. يلا قومى معايا
فاطيما: ع فين
ماريا : عاملين حفله عيد ميلاد صغيره ليكى
فاطيما: ماانا قلتلكم لا نجيب تورته هنا وخلاص
ماريا: لا والعيال ايه ذنبهم خليهم يفرحوا يلا وسلمى مستنيانا هناك هى وخالد
فاطيما بعد الحاح من ماريا قامت لبست ونزلت راحت ع حديقه فندق استغربت فاطيما وماريا فهمتها انه تبع شغل عماد ... دخلت فاطيما ولاقت اغلب الموجودين عارفاهم وبصت ع البوفيه وكانت متفاجئه لانه كان اغلب الاكل الل اكلته فاطيما مع عامر هى حافظاه زى اسمها ومره واحده النور انطفى واشتغلت اغنيه منير " البعد نار ".. فاطيما مش فاهمه فى ايه
وابتدت الاغنيه وقبلها سمعت صوت بيقول: الاغنيه دى اهداء لصاحبه عيد الميلاد :
يا حبيبتى البعد نار
قلبى داب من الانتظار
الشمس تطلع كل يوم
وانتى غايبه ليل نهار
انتى فين و الحب فين؟
قلبى دايب من سنبن
لسه بيدور عليكى
نفسى اشوفك ثانيتين
انتى مش زى الجميع
بسمتك لون الربيع
ضحكتك تجرى فى دمى
تبعدى انا مش هضيع
نبض قلبى يونسك
من النسيم انا هحرسك
وانتى غايبة عن عينية كل ثانية بلمسك
(فى الوقت دا سمعت Fireworks فى اتجاه معين لاقت عامر خارج منه وبيقرب منها وهى مش مصدقه انها شايفه عامر .. قرب منها عامر وواقف وع وشه ابتسامه )
روحى طايرة فى دنيتك
عمرى كلة فى سكتك
لسه بحلم يا حبيبنى تونسينى بنظرتك
انتى مش زى الجميع
بسمتك لون الربيع
ضحكتك تجرى فى دمى
تبعدى انا مش هضيع
خلصت الاغنيه وعامر قرب منها : وحشتينى
فاطيما من المفاجاءه متصلبه مكانها ودموعها نازله ومن غير ما تحس رمت نفسها ف حضن عامر وحضنته وبتقوله وهى بتعيط : اسفه ياعامر اسفه
عامر باس راسها وبيقولها: هشششش انا الل اسف علشان سمحت ان روحى تبعد عنى ومتمسكت بيكى ... احنا فى انهارده والل فات خلاص اتقفل : تتجوزينى يافاطيما
فاطيما حضنته اوى وهزت راسها فى وسط تصفيق وتصفير وهيصه من الكل وفاطيما وعامر معزولين عن البشر وهما حاضنين بعض وماريا وسلمى فرحوا لدرجه انهم عيطوا وكل واحده جوزها خدها ف حضنه ..قبل ما تمشى فاطيما عرفت الل عملوه ماريا وسلمى قالتلهم جمله واحده "ربنا يخليكم ليا يااجدع اصحاب عرفتهم يااخواتى الل مش شايلين اسمى لكن جوه قلبى "
وماريا وسلمى حضنوا فاطيما "ربنا يخلينا لبعض العمر كله "
كتب عامر ع فاطيما من تانى والمرادى كبدايه جديده لحياه جديده ليهم ورويدا اعتذرتلها واتقبلت اعتذراها وعذرتها واتجوزت رويدا احمد ورجعت فاطيما لبيتهاولجوزها ولابنهم وسافر معتز يبدء حياه جديده بالدرس الل اتعلمه ...!!
فى يوم وهما ف بيتهم عامررجع من الشغل وراح ع اوضه اياد
لاقى اياد وفاطيما بيتخانقوا ع شيكولاته مين ياخدها وضحك عامر عليهم ودخل فتح شنطته وطلع علبه شيكولاته واداها ل اياد اخدها وجرى وفاطيما معرفتش تاخد منها حاجه واتقمصت فاطيما وراحت ع اوضيتها ..
عامر شافها راح طلع شيكولاته تانيه هى بتحبها وادهالها
فاطيما: ايه دا ميرسى يا حبيبى ميرسى
وفتحتها فاطيما وبتاكلها ..عامر: عاوز حته ممكن
فاطيما بتضحك: لو عاوز تعالى خد اهى موجوده فى ايدى وفى ..
قاطعها عامر وقرب من الل بين شفايفها :انا عاوز دى
( Chocolate Kiss هييييح)
فى الوقت دا دخل اياد : انتوا بتعملو ايه
عامر ضحك وفاطيما: بابا كان نفسه فى شيكولاته اشمعنى انت
اياد: مامى تعالى احكيلى حدوته
فاطيما قامت بتضحك: يلا ياروح مامى وهاخد شيكولاته
جرى اياد: لا دى تاعتى
راحت فاطيما نيمت اياد وهى بتحكيله الحدوته ورجعت كان عامر بيقرا ف كتاب ..فاطيما قعدت جنبه: عامر
عامر: ها
فاطيما: احكيلى حدوته
عامر بيضحك: ازاى
فاطيما نامت جنبه ونامت ع صدره وحضنته : كده اهو
عامر: بس دى من حدوته
فاطيما: خلينى كده انام وانت كمل قرايه
عامرباس راسها : بحبك
فاطيما وهى نايمه: بحبك
___________________
عاوزه اقولكم ان القصه دى واقعيه بنسبه 85% وخيال بنسبه 15
المواقف حصلت والقصه حصلت
وشخصيه فاطيما دى حقيقيه واسمها فاطمه واعرفها شخصيا وحصلها كل الل اتكتب مع تاتش خفيف منى
يعتبر نقلتلكم تجربه شخصيه
شاطره انا ها ههههههه
_____________________
المغزى من القصه
1_السعاده مش شرط شخص واحد نحبه
فى حاجات حوالينا تخلينا سعداء لانها من نعم ربنا كالاصحاب والاهل والاكل واللعب والخروج كتير نعم ربنا ....
2_الصحاب الل بجد الل بيكونوا موجودين فى الازمه قبل الفرح
3_علاقات النت مش كلها فاشله ومش كلها ناجحه فمتفرحوا بعلاقه الايك والكومنت
والرغى طول الليل لان فى كائنات غريبه بيبقى هويتهم تسالى سواء بنات او ولاد
خليك وحاف ع المحترم والصديق الكويس ..انا حب وارتباط يكون النت وسيله لاتصال مش اساس لعلاقه
4_الحب افعال ومش كلام
5_فى بنات بتصدق وبتتعلق سنين وبتحب بجد فياريت كل شاب يتقى ربنا فيهم والبنات كمان متتسلاش بالمشاعر لان جرحها بيوجع عمر بحاله
6_كل ازمه ربنا بيحطنا فيها بيبقى وراها مغزى ودرس نتعلمه
7_الصبر وعدم الاستعجال ف الارتباط سواء عاطفى او رسمى التأنى واجب لانها حياه وسنين هتعشوها
8_كلنا واحد وكلنا هنموت مفيش فرق بين مسيحى ومسلم واخوانى وسلفى وموزنبيقى ولا تنزانى ..كلنا هنموت وكلنا ليا رب هيحاسبنا ولكل شخص ليه اعماله
9_متحكمش ع شخص انت متعرفش ظروف ..اعرف ظروف وحط نفسك مكانه وساعده ولو مش قادر انصحه ..متتدخلش فى الل ملكش فيه
10_لا تخلى العقل حاكم سائد ولا القلب حاكم سائد ..قرار الاتنين منعزلين غلط وقرارات متهوره وبيحصل ندم بعدها .. حكم الاتنين مع بعض وقرارك انت خده واتحمل نتيجته متحملهاش لحد تانى ..
11_المصارحه ف العلاقات شرط اساسى علشان الثقه متتهزش ..لان الثقه لو اتهزت يبقى العلاقه ف انهيار ..والل ميتحملش مصارحتك يبقى مش بيحبك (راى شخصى)
12_الانتقام مبيوصلش لنتيجه غير اذى صاحبه واللى حواليه
13_ربنا كريمم اووووووووووى وعوضه احسن كتير من حاجات كنا فاكرينها مش هتتعوض وحنين بيجبر القلوب
14_ع نيتكم ترزقون .. حسنوا نيتكم وجهوها لله هيبعتلكم روقكم زوج/زوجه _فلوس_اطفال_حياه احسن بكتير مما تدعون ..
15_ ثقه الاهل ل اولادهم كنز مفروض ع اولادهم يحافظوا عليها بلاش استهتار
16_كتر التجارب العاطفيه بتموت القلوب والمشاعر ..حافظ ع قلبك لشخص واحد ربنا كاتبهولك تقابله
فين وازاى هو اعلم بكل دا عنك سيبها ع ربنا وربنا هيفرح قلبك
17_خليك نفسك متبقاش حد تانى ..عيش حياتك انت بكل مافيها وصلح عيوبك وحس مميزاتكط
18_العلاقات بتكون مختلف .. غلط انك تاخد علاقه قدامك مقياس لعلاقتك فى النجاح او الفشل
لكل علاقه ليها ظروفها وحياتها ووقتها ودرسها من الل بيحصل فيها
19_علاقات الل ف النور افضل كتير من الضلمه
لما تكونوا جاهزين نفسيا وقادرين ماديه ومعنويا ع الارتباط وفاهمين يعنى ايه اتكلوا ع الله وخدوا خطوه ..لكن مش جاهزين بلاش استعجال كلمه بحبك سهله النطق لكن تقيله التأثير وعميقه وخليك قدها
20_ربنا كاتب نصيب لكل واحد واكيد احسن من مخيلتنا فبلش الاستعجال والتعقل والتروى
21_اتعلموا من تجارب غيركم بيبقى عظة وانذار قبل المصيبة وبلاش شماته
22_ماخاب كن استشار .. المشوره ف أمور أو مشاكل بتساعد اكتر من قرار فردى
23 خد وقتك ف قرارك لأنك الل هتشيل نتيجته لوحدك
20_ربنا عالم بيك خليك معاه ترتاح وكريم وعطاياه ملهاش حدود
__________________________
وتوتا توتا خلضت الحدوته ممله اكيد وملتوته
اتمنى تكون عجبتكم وكانت تستاهل وقتكم وانتظاركم
وتكونوا استفدتوا منها
وبشكر كل الل اهتم وتابع وكتب كومنت وحجز كومنت وعمل لايك والل قرا ومعملش بس عجبتك
تسلمولى ع كلامكم وتشجيعكم نفر نفر ونفره نفره
واشوفكم ف القصه الجايه باامر الله
بحبـــــــكم فى الله جميعا
كالعاده هاخد وقتى افصل واجهز لجديده وهعرفكم بس مش دلواقتى
رايك ف القصه كلها وليا
الاخيــــره
رجع عامر وفاطيما البيت وراح الشركه ..فاطيما قاعده كلمت البنات تستشيرهم تعمل ايه وافقوا على انها تحكى لعامر وهو هيسامحها اكيد لو هى حكت وعرف منها لانه بيحبها .. فكانت بتتجمع شجاعتها علشان تحكيله ... ف الوقت دا رجع عامر البيت ونده ع فاطيما وكانت بتنيم اياد ودخل المكتب يخلص شغل لغايه ما تنزل يتعشوا مع بعض .. دخل مكتبه لاقى ملف موجود فتحته بتلقائيه لاقى صور وورق ..وشاف صور معتزمع فاطيما ماسك ايدها الصور الل اتصورت ايام مكان ف المستشفى الصور بالاوضاع الل اتاخدت فيها وقتها توحى بحاجه غلط وصور لفاطيما بشعرها ...ففتح الورق وقرى المحادثات بين فاطيما ومعتز ومحادثات معينه مع البنات كلام فاطيما فيه انها استغلته واتقربت ليه واتجوزته مش علشان بتحبه لكن استغلته سلمه توصل لمعتز .... حس بصدمه ومش قادر يصدق وفضل قاعد ع المكتب والصور والورق قدامه باصص عليهم متحركش ..اتاخر عن العشا دخلتله فاطيما وكانت رويدا ف اوضتها بتراقب الموقف ..
فاطيما: يلا ياعامر لانى هفرفر من الجوع
شافته ملامحه متغيره قربت منه: مالك ياعامر انت تعبان
عامر بصلها وملامح وشه متغيره وعنيها فيها دموع اتخضت فاطيما بصت لمحت صور ليها مع معتز اتفاجئت ..راح مسك عامر ورق المحادثات ليها ..
مسكتها وبتقراها من الصدمه قعدت ع الكرسى .... حاله صمت رهيبه سادت المكان وفاطيما ف حاله صدمه من الورق الل فيه كلامها مع معتز وكلامها مع البنات عن عامرواستغلالها ليه ...
عامر بصوت حزين متهالك من الصدمه : فاطيما معندكيش حاجه تقوليها اتكلمى انا سامعك ... قوليلى ان دا كدب صح كله كدب صح
فاطيما نزل عليها صمت ومش قادره تبص لعامر ولا قادره تتكلم ولسانها مش قادر يتحرك ينطق ..احساسها ان فى حد سبقها بخطوه وهى كانت عاوزه تتكلم معاه بعد العشا وتحكيله.. فرق ااقل من ساعه غير مسار الموضوع وهى قاعده موطيه باصه لورق ومش قادره ترفع عينها ف عين عامر ..قام عامر من ع الكرسى وراح قعد قدامها عامر بيرفع وشها بايديه وباصصلها : كدبى الل مكتوب قدامك دا يا فاطيما قوليلى محصلش وانا هصدقك ..هصدقك
فاطيما مش قادره تتكلم وايديها بترتعش ودموع نزلت من عنيها ...
عامر بصوت واطى بنبره حزن : قوليلى محصلش ياعامر وكل دا متبفبرك عاوزين يوقعوا بينا وانا هصدقك
فاطيما قلبها وجعها من نبره عامر .. عامر بيكمل كلام:
عامر: قوليلى ياعامر انا مستغلتكش وقرارى ارتبط بيك لانى عاوزاك مش علشان اوصل لحد تانى .. قوليلى ياعامر انا مكدبتش عليك ومخدعتكش .. قوليلى ياعامر وعدى معاك انا محافظه عليه ومش خذلتك .. قوليلى ياعامر انا كنت معاك بروحى وجسمى مش جسمى بس وروحى بتفكر ف شخص تانى.. قوليلى ياعامر انا مكنتش بمثل انى سعيده معاك ..قوليلى ياعامر ما دسدش ع مشاعرك وقلبك .. قوليلى ياعامر ان كل دا كدب ... قولى اى حاجه تثبت ان كل دا غلط مش صح ,,اتكلمى دافعى
فاطيما حست بخنقه وقلبها قبض ومش قادره تتكلم ..
عامر بصوت حزين : يعنى افهم ان كل دا صح وقد ايه كنت مش شايف كويس واضحك عليا ... لدرجه دى كنت ساذج كده علشان حبيتك بجد .. وصدقتك ..صدقت كدبك عليا ,,تعملى فيا كده يافاطيما انتى ومعتز ..قاعدين معانا ف بيت واحد وبناكل من نفس الاكل .. وغدرتوا بينا ...
فاطيما وطت راسها ودموعها نازله وكلام عامر زى السكينه راح رفع وشها تانى بايده : انا عملتلك حاجه وحشه أذيتك فى حاجه علشان تأذينى كده ها يا فاطيما هو انا وحش اوى كده مينفعش تعيشى معايا وتحبينى وتمنعى نفسك من الخلفه وانا الل كنت فاكر من قلقلك طلع انه بسبب انك مش عاوزه اصلا منى وكنتى مقرره تسبينى بعد ما تعملى الل اتجوزتينتى علشانه ....هو انا وحش اوى كده يا فاطيما ..ها يا فاطيما ..ها
فاطيما من كتر الضغط صرخت: كفايه ياعامر كفايه
عامر ودموع نازله من عينه : هو فعلا كفايه .. كفايه .. المسرحيه دا لازم تخلص وننزل الستاره بس برافوا عليكى بجد انا صدقتك برافو
فاطيما حست بقبضه ف قلبها بصت لعامر ودموعها نازله : يعنى ايه ؟
عامر سكت لحظات وباصص لفاطيما ودمعه نازله من عينه :انتى طالق
فاطيما اتصدمت من الكلمه واتصلبت معرفتش تقول حاجه ..
عامر قال الكلمه وخرج اخد عربيته وخرج وفاطيما متصلبه مكانها مش مستوعبه الكلمه وماسكه الورق فى ايديها .. رويدا شافت عامر خرج دخلت المكتب لاقت فاطيما قاعده ودموع نازله وبتخبط ع صدرها
رويدا : حسيتى بوجع القلب يا فاطيما .. ماهى الدنيا كده الل توجعيه ف يوم بتلف ويتوجع ..حقى انا واخويا اخدناه منكم الله لا يسامحكم ع الل عملتوا فينا
فاطيما بصت لرويدا وحاله الصمت ولسانها تقيل مش قادره تتكلم .. جمعت نفسها وطلعت اوضتها واول ما دخلت وقفلت الباب قعدت ف ضهر الباب وفاتحه ف العياط : انا الغلطانه انا السبب انا السبب
مفكرتش فاطيما مين عمل كده وليه تفكيرها انها خسرت عامر بسببها مش قادره تستوعبه ..عامر مرجعش البيت وهى اول ما النهار طلع اخدت اياد وطلعت بيه ع المطار ترجع مصر .. ورجعت ع مصر ف شقه عامر الل ف القاهره قعدت اسبوعين عامر مسألش فيها ولا كلمها وكل ما تكلمه يكنسل عليها ... باباها عرف ومامتها راحوا اخدوها ترجع معاهم السنطه
وراحت وهما مش فاهمين فى ايه فاكرينها زعله عاديه فتره وهتعدى لكن وهى قاعده جتلها ورقه طلاقها واتصدموا الكل دخلت فاطيما اوضتها رزعت اللاب توب وكسرته لانها شيفاه انه السبب وانهارت واتاكدت فاطيما ان عامر اخد قراره ومش هيرجع فيه زى ماكانت فاكره.. اهلها حاولوا يفهموا منها مكنتش بتتكلم ع طول قاعدهفى اوضتها مبتتكلمش مع حد فى يوم راحت زارت قبره توحا وقعدت جنبه وبتعيط
فاطيما: وحشتينى يا توحا ..
اكتر وقت محتجالك فيه مش لاقياكى جنبى ومعايا شوفتى عملت ف نفسى ايه .. بعد ما افتكرت ان الدنيا صالحتنى بعامر طلعت بتضحك عليا تانى والمرادى قتلتى مش وجعتنى ياريتنى سمعت كلامك من زمان مكنتش هوصل لكده ... انا قلبى وجعنى اوى يا توحا مش قادره استوعب عامر عمل كده وطلقنى ببساطه ..انا عارفه انه معاه حق بس مش قادره استوعب ..
وعيطت فاطيما وقعدت تتكلم مع جددتها وبعدها قرت الفاتحه وخرجت رجعت ع البيت..وكانت قاعده ف اوضتها مع اياد طول الوقت وبتاكل كميه اكل كبيره ودموع نازله من عنيها ع طول.. اتصل باباها بعامر يفهم منهكان رد عامر " متفهمناش مع بعض والجواز نصيب .." واستغرب باباها من كلام عامر .. مستحملتش فاطيما نظرات اهلها وان البيت توحا مش فيه ووحشها عامر فقررت ترجع تقعد ف شقتها ف القاهره بتاعه عامر وعامر سابهالها تقعد فيها معترضش وباباها شاف حالتها النفسيه الوحشه وافق وكانت مامتها بتروح تقعد معاها ع فترات كانت ميمى مسافره الفتره دى مع عماد وسلمى بتحاول توصل لفاطيما مش عارفه بعد ماعرفت حوار طلاقها ..فحجزت ونزلت اجازه وراحت ع شقه فاطيما وكانت ميمى سبقتها ع هناك ...
سلمى بتلاعب اياد: ماشاء الله ايه القمر دا
ماريا: شبه طيما الخالق الناطق شوفى بوقه فاتحه ع طول ازاى جعان زى امه
سلمى ضحكت: لالالا اياد هيطلع رياضى مش اكيل زى امه
ماريا تلقائيه : قصدك زى باباه
فاطيما بصت ل ماريا ودموع نزلت من عنيها .. ماريا: اسفه يا طيما
فاطيما: متتأسفيش يا ميمى انا بدعى يطلع زى ابوه ...
سلمى: هو مفيش اى اخبار عن عامر مكلمكيش خالص
فاطيما وبتمسح دموعها: وهيكلمنى يقولى ايه بعد الل عملته معاه وفيه وجع القلب ملوش علاج الوقت الكفيل بالشفا والوقت يا يوم يا شهر يا سنين ودا لو خف اصلا
ماريا : هو انتى ليه متكلمتيش معاه وفهمتيه وقتها هو كان هيسمعك سكوتك دا الل عمل فيه كده كنتى انتهزيها فرصه واتكلمى واحكى ..
فاطيما بصت ليهم: مقدرتش الصدمه شلت لسانى مقدرتش انطق وكلامه كان زى السكينه ف صدرى مكنتش قادره اتنفس حتى بس هو معاه حق ف كل كلمه قالها
سلمى: لا يا فاطيما مش معاه حق ..
انتى غلطتى اه بس مش لدرجه يطلقك كده ببساطه
فاطيما ودموع نازله: لا مش بسيطه .. انا خدعته وخونت ثقته وخالفت عهده معايا ودى اكتر حاجه هو قالى عليها بتوجعه من الغريب تخيلى انا الل عملت فيه كده ؟؟ كنت بمثل عليه وهو بيصدق كنت فعلا ف اول جوازنا معاه جسم من غير روح لانى كنت بفكر ف معتز مش حب لا كنت بفكر ازاى اخد حقى واسكن وجع قلبى ... مثلت عليه وكدبت وهو صدقنى بمنتهى البساطه وليه لانه كان واثق فيا وف كلامى وحبنى
سلمى: انتى ع كلامك كان ساعه وهتحكيله ..
مين دا الل سبق وعمل كل دا وصور المحادثات بتاعتنا ومع معتز
ماريا بعصبيه : هو مفيش غيره معتز الحيوان الل يعمل كده اكيد لما شافك سعيده مع عامر مستحملش بعد انفصاله ..اكيد حب يهد المعبد ع الل فيه
فاطيما بتتنهد ودموعها نازله من عنيها : مش عاوزه اعرف مين عمل كده ..لانها كده كده كان هيعرف ..الل وجعنى واحساسى الل تاعبنى اكتر ..انى مفكرتشفى عامر فى الاول ولا ف وجع قلبه الل هيحسه لما يعرف معانى جربت وجع القلب وعارفه انك تتخدعى ف شخص بتحبيه ووثقتى فيه عامل ازاى .. احساس ووجع صعب تحمله .. ازاى انا مفكرتش كده ازاى انا سببت وجع لا اكتر شخص كان بيحمينى من الوجع وبيحبنى ازاى
سلمى: لانك للاسف الغضب كان عاميكى من ناحيه عامر وكنتى مركزه مع معتز اكتر وانتقامك .. وجع قلبك لاغى عقلك
فاطيما وبتعيط: انا السبب ف كل دا ...قراراتى كلها غلط عشت حياتى غلط وكنت فاكره انى صح سمعت كلام قلبى وجعته سمعت كلام عقلى وجعت قلبى تانى ..ولما جيت اسمع الاتنين كان فات الاوان خلاص..
انا مغلطتش انى كنت عاوزه اعيش زى اى بنت ..لكن غلطت لما افتكرت ان كل العلاقات زى بعض وعلشان شوفت علاقات ناجحه تبقى علاقتى هتنجح ومفكرتش فى الاختيار صح ولا غلط ..
ماريا : لا مفتش الاوان احنا ممكن نتكلم مع عامر ونفهمه ..
سلمى: خالد ممكن يساعدنا يتكلم مع عامر
فاطيما : لالالالا محدش هيعمل حاجه لان الل اتكسر مش هيتصلح خلاص
ماريا:وانتى ايه عرفك ... مش يمكن مستنى منك مرسال
فاطيما سكتت لحظه: ماانا بعتله ووصلى الرد
سلمى وماريا: ازاى ...
فاطيما: سجلت كل الل عاوزه اقوله ل عامر ف فيديو وحطيته ع فلاشه وبعتهاله اكتر من شهر واتاكدت انها وصلت البيت ومردش عليا من بعدها
ماريا وسلمى مش عارفين يقولوا ايه ...
ماريا:وانتى هتفضلى قاعده هنا مش هتروحى السنطه
فاطيما بتمسح دموعها:اه مش هتحرك من هنا دى الحاجه الوحيده الل روح عامر ونفسه هنا وذكريات ليا معاه هنا واحس بيه انه معايا انا واياد ..
سلمى ماسكه ايد وماريا ايد : واحنا مش هنسيبك لوحدك
راحوا حضنوا بعض التلاته وكملوا قعده وقعدت سلمى اجازتها مع فاطيما يعتبر وماريا اغلب الوقت معاهم ...1!!
ف الناحيه التانيه ف السعوديه عامر شغله متأثرش بالعكس اندمج فيه اكتر من الاول لكن حالته النفسيه كانت مش مظبوطه اتغير ومبقاش يتكلم كتير وبقى ياكل قليل لانه كل ما يقعد ياكل يفتكر فاطيما وهى بتاكل وتأكله
ولما بيجى ينام بيتخيل فاطيما موجوده قدامه وجنبه وبيبتسم ولما يقرب يلمسها تختفى .. كرامته وجعاه اوى وقلبه من كذب فاطيما
قام ع السرير وقعد وخبط ع صدره :ليه يافاطيما تعملى كده ليه
مقدرش ينام ونزل دخل المكتب وكان بيراجع شغل شغل اغانى كانت اغانى منير قلبه برغم وجعه دق اوى وسرح فى فاطيما .. ف اللحظه دى دخلت رويدا وشافته سرحان وف دمعه نزلت من عنيه زعلت لما شافته راحت قفلت الاغانى واتكلمت معاه فى اى حاجه غير فاطيما ..
رويدا: عامر ..اياد وحشنى
عامر : وانا كمان
رويدا: طيب مش صح يجى يعيش معانا انا ههتم بيه
عامر: وهو رضيع .. لا اياد ليه حقوق ربنا وهبها ليه مينفعش احنا نرحمه منها وعاجلا اجلا هيجى ويكون معانا متستعجليش ..انا طالع انام
رويدا بصت ل عامر: انت كويس ياعامر
عامر بيرسم ابتسامه: الحمد الله ..انتى كويسه
رويدا صعبان عليها شكل عامر بس حاسه انها عملت الصح : الحمد الله ربنا يخليك ليا
عامر راح قرب منها وباس راسها : ويخليكى ..تصبحى ع خير
طلع عامر اوضته وحاول ينام مقدرش اخد منوم علشان ينام ....!!
علاقه احمد مع رويدا نوعا ما رجعت كويسه احمد بعد موضوع معتز والل عمله ف رويدا محبش يسيبها لوحدها ووقف جنبها وكان دايما بيسأل عليها ومكنش يعرف الل عملته رويدا وانها قالتله ان عامر عرف لوحده لانه كان شكك وهى مقدرتش تعمل حاجه واحمد صدقها لانه لسه بيحبها ...ومعتز كان اشتغل ف شركه تانيه بعد انفصاله من رويدا وكان عباره عن سفر فكان مش موجود وقت انفصال فاطيما وعامر ومكنش يعرف حاجه عنهم لفتره لكن عرف بالصدفه واتفاجئ .. ودور ورا الموضوع وعرف الل حصل .. نزل مصر علشان يطمن ع فاطيما وعرف انها قاعده ف شقه عامر وكان معاه رقم ماريا وكلمها وردت عليه بطريقه حاده وفهمت منه انه هو الل مش عمل
كده وعاوز يطمن ع فاطيما ويشوفها .. اتفقت ماريا معاه يقابلهم فى نادى ماريا زنت ع فاطيما تشترك فيه تخرج لانها مبتخرجش نت البيت خالص ..ولان فاطيما رافضه اى شخص غريب يدخل شقه عامر احتراما لغيبته ولانها قاعده لوحدها ... راح معتز ع الميعاد وكانت فاطيما قاعده واياد نايم جنبهها ف عربيته وفاطيما باصه عليه وسرحانه
معتز قرب يسلم ع فاطيما لاحظ شكلها متغير من كتر العياط والحزن : فاطيما
فاطيما انتبهت لصوت : معتز ..حمد الله ع السلامه
معتز قعد: فاطيما ..انا اسف بجد انا ...
فاطيما : ماريا قالتلى انك كلمتها وحكتلها وانك ملكش يد ف الموضوع .. وخلاص يامعتز مش مهم الل حصل حصل
معتز: انا لما هرجع هتكلم مع عامر هو ميعرفش انتى عملتى ايه علشانه هو واخته
فاطيما بسرعه: لا يا معتز متعملش كده .. عامر لو قلبه سامحنى هيكلمنى لوحده من غير الحاح حد معاه.. هو قرر وانا مش معترضه ع قراره وعنده حق .. واضح ان دا نصيبى كده اعيش موجوعه لكن راضيه الحمد الله
معتز: فاطيما مينفعش كده.. عامر لازم يحس ان معاه جوهزه مش بتتكرر
فاطيما ضحكت: جوهره
معتز بااحراج: عارف انا ان كلامى متاخر لكن انا بتكلم عن تجربتى انا محستش بقيمتك غير لما روحتى منى
فاطيما بتمسح دموعها: النصيب يا معتز وانا راضيه بقضاء الله خلاص
معتز مش لاقى كلام يقوله
شويا ومعتز استأذن : انا هستأذن دلواقتى
فاطيما: اوكيه
معتز: تسمحيلى يا فاطيما أسئل عليكى بين فتره والتانيه
فاطيما: متتعبش نفسك
معتز: ارجوكى مترفضيش واوعدك مش هعدى المساحه دى واى حاجه تتطلبيها انا موجود
فاطيما بترسم ابتسامه مكسوره: شكرا يامعتز انت عملت كتير
مشى معتز وهو حزين ع وضع فاطيما لكن هو ادى فاطيما كلمه انه مش هيكلم عامر ...كان معتز نزل اجازه اسبوع وقبل ما يمشى كان كلم فاطيما وعرف منها انها رايحه لدكتور ب اياد عدى عليهال يوديها ويرجعها.. وصلها لغايه البيت وطلعت فى اللحظه دى كان عامر قرر ينزل مصر يقابل فاطيما لانها وحشته ويتلكك ب اياد لكن رويدا سخنته ان فاطيما عايشه حياتها
وبتخرج وبتقابل معتز .. وهو بالعربيه كان مستنيها تحت البيت لانه عرف انها مش فوق شاف معتز بيوصلها لغايه البيت ورجع حس بخنقه وان كلام رويدا صح انها رجعت علاقتها مع معتز ...وبدل ما يطلع لفاطيما .. طلع ع المطار وقلبه واجعه ...!!
استمرت اتصالات معتز لفاطيما يطمن عليها معداش المساحه الل اخدها الصداقه وفاطيما اتعاملت بالمنطلق دا وبحدود حددتها ل معتز و عامر كان بيشوف اياد كل فتره بينزل زياره عن طريق رويدا تروح تاخد اياد كام ساعه وترجعه كانت فاطيما مبتشفش عامر فكان لما بيرجع اياد فاطيما بتاخده ف حضنها اوى حاسه بنفس وريحه عامر فيه .. لاحظت ماريا كده وكانت بتتوجع من المشهد دا لكن سلمى وماريا ومعتز وعدوا فاطيما انهم مش هيعملوا حاجه من وراها الا ف حاله عامر هو اللى كلمهم والكل سمع كلام فاطيما وكان عامر بعد ماعرف اتصالات معتز ل فاطيما وزن رويدا وكلامها انها رجعتله
فاتجنب عامر يعرف اخبار فاطيما واكتفى انه يشوف اياد بس ....!!!
مرت سنتين ع الوضع دا فاطيما مبتعملش حاجه غير انها تهتم ب اياد بس وعامر مسئول عن مصاريفهم وبيشوف اياد ع فترات عن طريق رويدا واهل فاطيما كانوا بيزروها اوقات ومعتز كان بيطمن عليها وكان بيشوفها ف النادى مع ماريا ... وماريا وسلمى مسابوش فاطيما لوحدها وخصوصا ماريا لانها
كانت اغلب الوقت مع فاطيما وسلمى كانت بتحاول تنزل اجازات ويقعدوا مع فاطيما يتكلموا ...وعامر عايش ومركز ع الشغل والسفر ورويدا لاحظت تغييره بنسبه كبيره ومع مرور الوقت مرجعش زى الاول بالعكس بقى طبعه قليل الكلام والاكل والضحك حتى الخروجات مع مجموع المضايفين مبقاش يعملها وحياته بقت شغل ....
فى يوم معتز قابل فاطيما ف النادى مع ماريا وبعد الكلام معتز وهو قاعد جنب فاطيما كانت بتبص ع اياد ومريم وهما بيلعبوا
معتز : تسمحيلى بفرصه تانيه يافاطيما
فاطيما استغربت بصت ل معتز.. معتز: تتجوزينى يافاطيما
فاطيما باصه لمعتز وباابتسامه: مش هينفع يا معتز
معتز: انا مستعد استناكى عمرى كله يافاطيما انا مش عاوز رد دلواقتى
فاطيما باابتسامه: ولا بعدين هينفع
معتز: انتى لسه شايله منى
فاطيما: بالعكس انا مش فاكره حاجه حصلت
معتز: اومال ايه
فاطيما بتشاور ع قلبها : لان هنا مليان ومفيش مكان لحد تانى
معتز بااندهاش: مليان .
فاطيما وحاطه ايديها ع صدرها :عامر موجو هنا ومفيش مساحه لغيره
معتز: بعد الفتره دى كلها وبعده عنك وسنتين متعرفيش حاجه عنه
فاطيما باابتسامه: المهم عندى انه بخير وعايش مش طالبه اكتر من كده من ربنا
معتز : لسه بتحبيه
فاطيما: عامر يا معتز شال الكره والغضب والحقد الل كانوا ف قلبى والتشويه الل كان فيه والوجع وخلى قلبى قماشه بيضا مفيهاش اى غلطه بصنع ايده هو .. ولغايه دلواقتى هو متحركش من مكانه برغم البعد والل حصل
معتز: بتحبيه يافاطيما لدرجه دى
معتز ودمعه نازله من عنيها : عامر عرفنى يعنى ايه حب بجد يا معتز
عامر عرفنى يعنى ايه حياه وعيشهالى بجد .. عامر هو الحياه بالنسبالى ول اياد
معتز معرفش يقول ايه وسكت ..
فاطيما: معتز كفايه الل ضاع منك من العمر واتعلم من تجاربك وعيش حياتك ..دور ع واحده تحبها وتحبك بجد .. تعيشوا الحب والحياه مع بعض .. تعيشوا مغامره الدنيا مع بعض مش كلام وبس وهتلاقى اكيد
معتز باابتسامه: تمام يا فاطيما وصل الل انتى عاوزاه انا افتكرت ان ممكن يكون ف فرصه بس واضح عامر اخد كل الفرص
فاطيما حطت ايديها ع صدرها: لانه عايش هنا فى روحى ونبضى
بصت فاطيما ع اياد: وفى اياد
رجعت تبص لمعتز: وانا مش عاوزه اكتر من كده انا راضيه بالل ربنا كتبهولى
وانت كمان ارضى ومتكررش غلط زمان ..توعدنى
معتز باابتسامه: اوعدك
فاطيما : صحيح فى امانه ليك معايا
طلعت فاطيما من الشنطه الميداليه : اتفضل
معتز : يااااه هى لسه معاكى
فاطيما باابتسامه: مش كان اتفقنا لما اقابلك اديهالك ..
خدها وعيش حياتك يا معتز اقفل الصفحه القديمه وافتح صفحه جديده
معتز: وانتى
فاطيما مسكت السلسله الطياره الل عامر جبهالها: وانا هعيش حياتى
باابتسامه بصت فاطيما ع اياد ودمعه نزلت من عنيها ومعتز فى سره : ياااااه يا عامر لو تعرف اد ايه فاطيما بتحبك مكنتش هتضيع ثانيه ف بعدك عنها ... انا ضيعت فاطيما بسذاجتى وطمعى وانانيتى ولما فوقت فوقت متاخر كانتهى خلاص راحت منى بلا عوده ... يابختك يا عامر بحب فاطيما ...
فى خلال السنتين دول كان احمد مع رويدا مسابهاش لوحدها لغايه ما قدر يخليها تتغلب عن ازمتها رجعت الضحكه ليها فعلا ....
احمد: اتفضلى العصير
رويدا مبتسمه: ميرسى ليك
احمد: ها .. مقولتليش فاتحتى عامر ف موضوعنا ولا لا
رويدا بصت ل احمد: احمد ..انت بتتكلم بجد .. عاوز تتجوزنى
احمد مسك ايد رويدا : ودا محتاج سؤال ..انا بحبك يا رويدا
رويدا : بعد كل الل حصل وعملته معاك وارتباطى بمعتز و..
احمد قاطعها: هششششش .. كل دا فات واتفقنا احنا فى انهارده وانهارده انتى معايا هعوز ايه تانى
رويدا باابتسامه: بتحبنى بجد يا ااحمد ومش هتسبنى
احمد: حاله واحده اسيبك فيها
رويدا : ايه
احمد: لم ربنا ياخد امنته
رويدا مخضوضه: بعد الشر عليك
احمد بيضحك: وعاوزانى اسيبك انا مش هسيبك ..
ولو متكلمتيش مع عامر انا هروح اتكلم معاه
رويدا بملامح وشها متغيره : انا مش عارفه اتكلم معاه ازاى ..عامر مبقاش زى الاول بقى يسافر اكتر ما بيقعد ف البيت .. ولما بيقعد بيبقى سرحان ومش معايا .. كلامه قليل اووى واكله شبه بياكل من بره مبياكلش ف البيت ..اعامر بقى حد تانى انا معرفوش بحاول اعرفه مش عارفه
احمد طبطب ع ايد رويدا: هو لسه منساش فاطيما..
رويدا بصت ل احمد: معقوله كل دا منساش برغم الل عملته فيه والسنين دى
احمد بااستغراب باصلها: فاطيما عملت ايه
رويدا حست انها وقعت بالكلام : مفيش مفيش
احمد : فى ايه يا رويدا مخبياه عنى
سكتت رويدا لحظالت وبعدها حكت ل احمد كل اللى حصلمنها وانها خبت الفلاشه الل فيها الفيديو ومدتهاش ل عامر وخبت عليه علشان ميرجعش لفاطيما البيت وهو مصدوم من الل سمعه
احمد: انتى يا وريدا تعملى كده ف فاطيما .. انتى الل توريه الحاجات بنفسك وتخبى رساله فاطيما وتبلغيه اخبار غلط عنها انها عايشه حياتها ونسيته وبتقابل معتز ...فاطيما يا رويدا
رويدا: كنت فى حاله غضب ومقدرتش استحمل اشوفها عايشه بسعاده وهى السبب فى تعاستى
احمد بعصبيه: فوقى يا رويدا .. مفيش حد بيسبب حد تعاسه.. انتى الل اختارتى ومسمعتيش كلام حد وتماديتى ف غلطك...فاطيما حاولت تساعدك وانتى صدتيها ..فاطيما فى الاساس كانت بتحميكى وتحمى عامر من معتز.. فاطيما عملت كتير علشانكم ... و ساعدتنى ارجعك ليا
انا وريتلك الحاجه وقولتلك ع سرها مش علشان تمسكيه ضدها لو كنت اعرف كده مكنتش اتكلمت ... فاطيما مقلتش ل معتز يضحك عليك ويتجوزك
ويخونك ويطلقك .. فوقى يا رويدا نار غضبك مأذتكيش انتى بس .. أذت اقرب الناس ليكى .. اخوكى .. انا مش متخيل ازاى جالك قلب تهدى بيت اخوكى وسعادته وعامر كلنا عارفين كان بيحب فاطيما ازاى وفاطيما غيرت فيه وعملت معاه ايه ... مكنتش اتخيل منك كده يا رويدا
رويدا بتعيط: بجد مكنتش اعرف ان الوضع هيوصل لكده قولت الزمن كفيل ينسيه ويعيش زى ما نسى تجربته الاولى وعاش
احمد بيهدى نفسه وبيمسح دموع رويدا : فى تجارب بتبقى تجربه العمر مبتتنساش يا رويدا كنت انا نسيتك برغم كل الل حصل .. فى تجربه هى الحياه نفسها لبعض الناس
رويدا : والحل
احمد: تصارحيه وتعترفى بغلط ل عامر
رويدا: ايه
احمد: روحى اتكلمى مع عامر واحكيله انك الل كبرتى المشكله والفرقه بينهم وانها معملتش حاجه من وقت ما انفصلوا وتعتذرى ليه فاهمانى ولفاطيما ول اياد لانك ساعدتيهم يبعدوا عن بعض بدل ما يقربوا .. ورويدا حبيببتى الل انا بحبها قلبها الطيب هيعمل كده .. ها
رويدا اتنهدت : اوكيه ...!!
فى يوم عامر رجع من الشغل ع البيت وكان هيغير علشان يخرج خبطت على باب اوضته رويدا ودخلت
رويدا: عامر انت مشغول
عامر: شويا فى حاجه
رويدا: عاوزه اتكلم معاك
عامر: لو مش مهم بعدين بعدين
رويدا سكتت لحظه وافتكرت تحفيز احمد ليها: الموضوع يخص فاطيما
كان عامر واقف قدام المرايه بيربط الجرافته اتصلب مكانه لحظات: مش عاوز اسمع
راح اخد الجاكت ونازل .. رويدا بصوت عالى: انا كدبت عليك ياعامر
عامر وقف ورجع بص ل رويدا : كدبتى عليا
رويدا ودموع نازله من عنيها: سامحنى ..انا اسفه
عامر قرب من رويدا: كدبتى فى ايه
حكت رويدا ل عامر الحكايه كلها بالل هى عملته وعامر ف حاله ذهول
عامر: يعنى فاطيما مخنتنيش مع معتز ولا نسيتى ولا اى حاجه من الل كنتى بتوصليهالى
رويدا ودموعها نازله: ايوه ..واتفضل دى الفلاشه
عامر: ايه دى
رويدا وبتمسح دموعها: دى فاطيما بعتتها بعد ما سافرت ليك وانا اخدتها خبيتها ...انا اسفه يا عامر اسفه
وخرجت رويدا بتعيط ع اوضتها وعامر ماسك الفلاشه بيجمع ومش مصدق الل سامعه .. لحظات كان واقف متفاجئ .. راح ع المكتب وفتح اللاب توب وشغل الفلاشه USB وفتح الفيديو وظهرت فاطيما
فاطيما: عامر .. انا ملقتش طريقه اتكلم معاك غير كده وقلت ممكن تقدر وتفهمنى انا هحكيلك حكايه صغيره عن بنت عاديه جدااا كان اقصى احلامها انا تنام وتاكل وبس ..(حكت فاطيما عن حياتها فى مرحله الثانوى والاكل والااب واصحابها لغايه ما اتعرفت ع معتز ) البنت دى ربطت نفسها وحياتها بكلام متعلق صدقته وامنت بيه وسدت ودانها لمده 6 سنين
وفاقت من الاحلام ع كابوس ووجع قلب وخذلان وخديعه مستحملتهوش .. قررت نتنتقم لروحها ولقلبها وبرغم نصايح الل حواليها مكنتش بتسمع ليهم .. لكن ربنا اراد ليها انها تتعلم من الدرس ومتأذيش نفسها اكتر بعتلها شخص ..ملاك طبطب ع جروحها وداوى وجعها وملى قلبها حب وسعاده ودا لانها اكتشفت انه هو السعاده الل ربنا كاتبهالها ... خلاها تنسى انتقامها وقررت تحافظ على حبها الحقيقى وتعيشه مع الانسان دا وتقف معاه فى كل وقت وحلمت يكبروا مع بعض ويشوفوا ولادهم وولاد ولادهم ..الحياه الل كانت بتحلم بيها وهى طفله حست انها حقيقيه مع الانسان دا ....(فاطيما كانت دموعها بتنزل وهى بتتكلم وماسكه السلسله) عامر انت هديه ربنا ليا لكل لحظه وجع حستها .. انت عوض ربنا ليا لكل الل فات ..الل من وقت ما حبيتك وعشت معاك نسيت كل الل فات وملوش وجود ... انا عارفه انى غلطت فى حقك وفى قلبك ووجعته بس صدقنى مقصدتش دا وكنت هحكيلك كل حاجه لانى قررت اقفل ع كل الل فات واعيش معاك دلواقتى وبكره والل جى انا وانت واياد ... انا عارفه انى وجعتك اوى انا اسفه .. وربنا عاقبنى ببعدك عنى وانا راضيه بعقابى اخر حاجه عاوزاك تعرفها .. انى بحبك ولا هحبك غيرك ولا هعرف احب بعدك ...!!
خلص الفيديو وعامر لاحظ ان فاطيما مشلالتش الدبله ولابساها والفيديو من سنتين ...الفيديو زى الزقه الل عامر كان محتاجها فخرج من اوضته ع المطار واخد طياره وراح ع مصر لفاطيما ...!!!
كان قرب عيد ميلاد فاطيما اول ما نزل القاهره اتصل ب ماريا وكانت متفاجاءه بمكالمته وراحت قابلتهواتكلموا وسمع منها فاطيما كانت عايشه ازاى وانها مستنياه طول الوقت ..واتفقوا يفاجئوا فاطيما نزلت سلمى فى الاجازه هى كمان وكانوا بيحضروا مفاجاءه مع عامر ..!!
راحت ماريا البيت عند فاطيما لاقتها قاعده ف البلكونه باصه لسما ومشغله منير وسرحانه .. ماريا: بخ بتعملى ايه
فاطيما باصه لسما: بتفرج ع نفسى
ماريا بتبص : نعم .. ازاى
فاطيما : الطياره الورق دى هى انا ... حياتى كانت عباره عن طياره ورق كانت بتحلم تتطير وتسافر وحلمت ونسيت ان الواقع مختلف وان ليا حدود مش اعديها ... كنت فاكره ان الطياره الورق طياره حقيقيه هتسافر بيا وتطير لكن مع حبه هوا جامدين الخيط اتقطع ووقعت اتقطعت .. ولما كانت معايا طياره حقيقيه عاملتها معامله الطياره الورق وخسرتها ... حياتى طياره ورق ...!!
ماريا مش فاهمه: ايه الفلسفه دى .. يلا قومى معايا
فاطيما: ع فين
ماريا : عاملين حفله عيد ميلاد صغيره ليكى
فاطيما: ماانا قلتلكم لا نجيب تورته هنا وخلاص
ماريا: لا والعيال ايه ذنبهم خليهم يفرحوا يلا وسلمى مستنيانا هناك هى وخالد
فاطيما بعد الحاح من ماريا قامت لبست ونزلت راحت ع حديقه فندق استغربت فاطيما وماريا فهمتها انه تبع شغل عماد ... دخلت فاطيما ولاقت اغلب الموجودين عارفاهم وبصت ع البوفيه وكانت متفاجئه لانه كان اغلب الاكل الل اكلته فاطيما مع عامر هى حافظاه زى اسمها ومره واحده النور انطفى واشتغلت اغنيه منير " البعد نار ".. فاطيما مش فاهمه فى ايه
وابتدت الاغنيه وقبلها سمعت صوت بيقول: الاغنيه دى اهداء لصاحبه عيد الميلاد :
يا حبيبتى البعد نار
قلبى داب من الانتظار
الشمس تطلع كل يوم
وانتى غايبه ليل نهار
انتى فين و الحب فين؟
قلبى دايب من سنبن
لسه بيدور عليكى
نفسى اشوفك ثانيتين
انتى مش زى الجميع
بسمتك لون الربيع
ضحكتك تجرى فى دمى
تبعدى انا مش هضيع
نبض قلبى يونسك
من النسيم انا هحرسك
وانتى غايبة عن عينية كل ثانية بلمسك
(فى الوقت دا سمعت Fireworks فى اتجاه معين لاقت عامر خارج منه وبيقرب منها وهى مش مصدقه انها شايفه عامر .. قرب منها عامر وواقف وع وشه ابتسامه )
روحى طايرة فى دنيتك
عمرى كلة فى سكتك
لسه بحلم يا حبيبنى تونسينى بنظرتك
انتى مش زى الجميع
بسمتك لون الربيع
ضحكتك تجرى فى دمى
تبعدى انا مش هضيع
خلصت الاغنيه وعامر قرب منها : وحشتينى
فاطيما من المفاجاءه متصلبه مكانها ودموعها نازله ومن غير ما تحس رمت نفسها ف حضن عامر وحضنته وبتقوله وهى بتعيط : اسفه ياعامر اسفه
عامر باس راسها وبيقولها: هشششش انا الل اسف علشان سمحت ان روحى تبعد عنى ومتمسكت بيكى ... احنا فى انهارده والل فات خلاص اتقفل : تتجوزينى يافاطيما
فاطيما حضنته اوى وهزت راسها فى وسط تصفيق وتصفير وهيصه من الكل وفاطيما وعامر معزولين عن البشر وهما حاضنين بعض وماريا وسلمى فرحوا لدرجه انهم عيطوا وكل واحده جوزها خدها ف حضنه ..قبل ما تمشى فاطيما عرفت الل عملوه ماريا وسلمى قالتلهم جمله واحده "ربنا يخليكم ليا يااجدع اصحاب عرفتهم يااخواتى الل مش شايلين اسمى لكن جوه قلبى "
وماريا وسلمى حضنوا فاطيما "ربنا يخلينا لبعض العمر كله "
كتب عامر ع فاطيما من تانى والمرادى كبدايه جديده لحياه جديده ليهم ورويدا اعتذرتلها واتقبلت اعتذراها وعذرتها واتجوزت رويدا احمد ورجعت فاطيما لبيتهاولجوزها ولابنهم وسافر معتز يبدء حياه جديده بالدرس الل اتعلمه ...!!
فى يوم وهما ف بيتهم عامررجع من الشغل وراح ع اوضه اياد
لاقى اياد وفاطيما بيتخانقوا ع شيكولاته مين ياخدها وضحك عامر عليهم ودخل فتح شنطته وطلع علبه شيكولاته واداها ل اياد اخدها وجرى وفاطيما معرفتش تاخد منها حاجه واتقمصت فاطيما وراحت ع اوضيتها ..
عامر شافها راح طلع شيكولاته تانيه هى بتحبها وادهالها
فاطيما: ايه دا ميرسى يا حبيبى ميرسى
وفتحتها فاطيما وبتاكلها ..عامر: عاوز حته ممكن
فاطيما بتضحك: لو عاوز تعالى خد اهى موجوده فى ايدى وفى ..
قاطعها عامر وقرب من الل بين شفايفها :انا عاوز دى
( Chocolate Kiss
هييييح) فى الوقت دا دخل اياد : انتوا بتعملو ايه
عامر ضحك وفاطيما: بابا كان نفسه فى شيكولاته اشمعنى انت
اياد: مامى تعالى احكيلى حدوته
فاطيما قامت بتضحك: يلا ياروح مامى وهاخد شيكولاته
جرى اياد: لا دى تاعتى
راحت فاطيما نيمت اياد وهى بتحكيله الحدوته ورجعت كان عامر بيقرا ف كتاب ..فاطيما قعدت جنبه: عامر
عامر: ها
فاطيما: احكيلى حدوته
عامر بيضحك: ازاى
فاطيما نامت جنبه ونامت ع صدره وحضنته : كده اهو
عامر: بس دى من حدوته
فاطيما: خلينى كده انام وانت كمل قرايه
عامرباس راسها : بحبك
فاطيما وهى نايمه: بحبك
___________________
عاوزه اقولكم ان القصه دى واقعيه بنسبه 85% وخيال بنسبه 15
المواقف حصلت والقصه حصلت
وشخصيه فاطيما دى حقيقيه واسمها فاطمه واعرفها شخصيا وحصلها كل الل اتكتب مع تاتش خفيف منى
يعتبر نقلتلكم تجربه شخصيه
شاطره انا ها ههههههه _____________________
المغزى من القصه
1_السعاده مش شرط شخص واحد نحبه
فى حاجات حوالينا تخلينا سعداء لانها من نعم ربنا كالاصحاب والاهل والاكل واللعب والخروج كتير نعم ربنا ....
2_الصحاب الل بجد الل بيكونوا موجودين فى الازمه قبل الفرح
3_علاقات النت مش كلها فاشله ومش كلها ناجحه فمتفرحوا بعلاقه الايك والكومنت
والرغى طول الليل لان فى كائنات غريبه بيبقى هويتهم تسالى سواء بنات او ولاد
خليك وحاف ع المحترم والصديق الكويس ..انا حب وارتباط يكون النت وسيله لاتصال مش اساس لعلاقه
4_الحب افعال ومش كلام
5_فى بنات بتصدق وبتتعلق سنين وبتحب بجد فياريت كل شاب يتقى ربنا فيهم والبنات كمان متتسلاش بالمشاعر لان جرحها بيوجع عمر بحاله
6_كل ازمه ربنا بيحطنا فيها بيبقى وراها مغزى ودرس نتعلمه
7_الصبر وعدم الاستعجال ف الارتباط سواء عاطفى او رسمى التأنى واجب لانها حياه وسنين هتعشوها
8_كلنا واحد وكلنا هنموت مفيش فرق بين مسيحى ومسلم واخوانى وسلفى وموزنبيقى ولا تنزانى ..كلنا هنموت وكلنا ليا رب هيحاسبنا ولكل شخص ليه اعماله
9_متحكمش ع شخص انت متعرفش ظروف ..اعرف ظروف وحط نفسك مكانه وساعده ولو مش قادر انصحه ..متتدخلش فى الل ملكش فيه
10_لا تخلى العقل حاكم سائد ولا القلب حاكم سائد ..قرار الاتنين منعزلين غلط وقرارات متهوره وبيحصل ندم بعدها .. حكم الاتنين مع بعض وقرارك انت خده واتحمل نتيجته متحملهاش لحد تانى ..
11_المصارحه ف العلاقات شرط اساسى علشان الثقه متتهزش ..لان الثقه لو اتهزت يبقى العلاقه ف انهيار ..والل ميتحملش مصارحتك يبقى مش بيحبك (راى شخصى)
12_الانتقام مبيوصلش لنتيجه غير اذى صاحبه واللى حواليه
13_ربنا كريمم اووووووووووى وعوضه احسن كتير من حاجات كنا فاكرينها مش هتتعوض وحنين بيجبر القلوب
14_ع نيتكم ترزقون .. حسنوا نيتكم وجهوها لله هيبعتلكم روقكم زوج/زوجه _فلوس_اطفال_حياه احسن بكتير مما تدعون ..
15_ ثقه الاهل ل اولادهم كنز مفروض ع اولادهم يحافظوا عليها بلاش استهتار
16_كتر التجارب العاطفيه بتموت القلوب والمشاعر ..حافظ ع قلبك لشخص واحد ربنا كاتبهولك تقابله
فين وازاى هو اعلم بكل دا عنك سيبها ع ربنا وربنا هيفرح قلبك
17_خليك نفسك متبقاش حد تانى ..عيش حياتك انت بكل مافيها وصلح عيوبك وحس مميزاتكط
18_العلاقات بتكون مختلف .. غلط انك تاخد علاقه قدامك مقياس لعلاقتك فى النجاح او الفشل
لكل علاقه ليها ظروفها وحياتها ووقتها ودرسها من الل بيحصل فيها
19_علاقات الل ف النور افضل كتير من الضلمه
لما تكونوا جاهزين نفسيا وقادرين ماديه ومعنويا ع الارتباط وفاهمين يعنى ايه اتكلوا ع الله وخدوا خطوه ..لكن مش جاهزين بلاش استعجال كلمه بحبك سهله النطق لكن تقيله التأثير وعميقه وخليك قدها
20_ربنا كاتب نصيب لكل واحد واكيد احسن من مخيلتنا فبلش الاستعجال والتعقل والتروى
21_اتعلموا من تجارب غيركم بيبقى عظة وانذار قبل المصيبة وبلاش شماته
22_ماخاب كن استشار .. المشوره ف أمور أو مشاكل بتساعد اكتر من قرار فردى
23 خد وقتك ف قرارك لأنك الل هتشيل نتيجته لوحدك
20_ربنا عالم بيك خليك معاه ترتاح وكريم وعطاياه ملهاش حدود
__________________________
وتوتا توتا خلضت الحدوته ممله اكيد وملتوته
اتمنى تكون عجبتكم وكانت تستاهل وقتكم وانتظاركم
وتكونوا استفدتوا منها
وبشكر كل الل اهتم وتابع وكتب كومنت وحجز كومنت وعمل لايك والل قرا ومعملش بس عجبتك
تسلمولى ع كلامكم وتشجيعكم نفر نفر ونفره نفره
واشوفكم ف القصه الجايه باامر الله
بحبـــــــكم فى الله جميعا
كالعاده هاخد وقتى افصل واجهز لجديده وهعرفكم بس مش دلواقتى
رايك ف القصه كلها وليا
ليست هناك تعليقات:
إرسال تعليق