(20)
راحت "ايمان" ل "اسماء " بيتها زى ما وعدتها انها هتقضى معاها اليوم
اشترت هدايا واخدت تاكسى ووصلت لعنوان وكانت شقه :اسماء" فى "المرج القديمه " وكانت ف شارع ضيق نوعا ما وف بيت قديم الشقه مكونه من 3 غرف مقفوله واحده صغيره واتنين كويسين ف المساحه وصاله ومطبخ وحمام معقولين ودى كانت شق عمه "محمد" قبل ما تسافر اتديهاله يقعد فيها بالايجار .. نزلت "ايمان" من التاكسى ع اول الشارع لان الشارع كان فيه عربيات سداه فمشيت حبه صغيرين ووصلت للبيت وكانت شقه "اسماء" الدور ال 2 بعد الارضى مش عالى وكانت "اسماء" مستنياها ..رنت ايمان الجرس
اسماءفتحت الباب : ايه النور دا كله .. ايمى عندنا انهارده عيد
دخلت ايمان سلمت ع اسماء وحضنتها : دا نورك يا سمسم
كان ابن "اسماء" منيماه ع كنبه الانتريه .. راحت ناحيته "ايمان"
ايمان: حبيب خالتو يا ناس
شالته وحضنته وقعدت تبوس فيه وقعدت وفتحت اللعب الل جايباها ليه
ايمان بسعاده: كل الللعب دى ل الاستاذ زيزو لوحده اوعى مامى ولا بابى ياخدوها منك
اسماء بتضحك: وهو اصلا هيعرف يلعب بالحاجات دى يا ايمى دى لسه نونو وبعدين
كده كتير زيزو هيتعود ع كده ومش هنعرف نلاحق واحنا ياستى عاوزينه يطلع قنوع ويكيف نفسه ع عيشتنا
ايمان: ملكيش دعوه .. اى حاجه زيزو عاوزها انا تحت امره هو انا عندى كام زيزو
اسماء مبسوطه وهى شايفه فرحه ايمان ب ابنها ...
اسماء: اسيبك انا مع زيزو وهحضر الغدا
ايمان : ومحمد فين ؟
اسماء: ف شغله
ايمان: مش هيجى يقعد معانا
اسماء: هيجى وقت الغدا وهيرجع تانى وكمان علشان نقعد براحتنا
صحيح تشربى ايه عقبال ما الغدا يخلص ؟
ايمان: مش لازم بس مايه انا عطشانه والجو حر
اسماء بتضحك: معلش يا ايمى انا عندى مروحه مفيش تكييف
ايمان بصت ل اسماء: انا مقصدش بس المشوار فرهدنى
اسماء : انا بهزر معاكى .. ثوانى وهجبلك المايه
مسكت اسماء موابيلها وكلمت جارتها وشويا باب الشقه رن فتحت بنت صغيره ومعاها مكعبات تلج .. ايمان: ايوه يا حبيببتى
البنت الصغيره: طنط اسماء موجوده
اسماء خرجت من المطبخ وشافت البنت : شوشو
البنت الصغيره: اتفضلى يا طنط
اسماء ب ابتسامه : ميرسى يا حبيببتى هفضيهم وهبقى اطلعهم ل مامتك
البنت الصغيره : هو زيزو صاحى ولا نايم
اسماء ب ابتسامه : نايم يا حبيببتى دلواقتى
البنت الصغيره : يا خساره كنت عاوزه العب معاه شويا .. ينفع ابوسه
اسماء فتحت الباب : طبعا يا قلبى ادخلى هناك ع الكنبه اهو بس خلى بالك
البنت الصغيره بكل ثقه: متخافيش يا طنط اسماء انا هبوس زيزو بوسه صغننه علشان ميصحاش
اسماء ضحكت : ماشى يا قلبى
راحت البنت اتجاه زيزو وهو نايم وباسته ورجعت خرجت وقفلت الباب واسماء ابتسامتها مبتغبش ... ايمان الموقف البنت فرحها وخلاها تبتسم لكن رجعت افتكرت مكعبات التلج ..
شويا وخرجت "اسماء" ومعاها كوبايه مايه وفيها مكعبات تلج : اتفضلى يا ايمى
ايمان بصلها: ايه دا
اسماء : مايه مش قولتى عطشانه
ايمان : انا اقصد ع التلج .. انتى بتشحتى تلج من الجيران
اسماء ضحكت: بشحت .. انتى اوفر كده ليه
ايمان: انتى مبتعمليش تلج ف تلاجتك ولا مفيش مكان
اسماء ضحكت: لا ف اختيار تالت ... مفيش تلاجه اصلا
ايمان: ها
اسماء: من شهر حصل ماس كهربا والتلاجه ماتورها باظ وعاوزه فريون وتصليح بمبلغ كبير واحنا مكنش معانا .. فربنا يسهل ونجيب غيرها ..
ايمان : وعايشه كده عادى
اسماء بصت ل ايمان: يعنى اعمل ايه سيادتك تلاجه باظت ف داهيه وان شاء الله هنجيب غيرها هعقد نفسى ليه ..
ايمان: وبتتصرفى ازاى احنا ف صيف والاكل والشرب و ..
اسماء قعدت جنب ايمى : بصى يا ست ايمى لو قصدك ع الاكل انا بشترى الخضار ع حسب ما بطلب وساعات جيرانى كتر خيرهم بيساعدونى وبيروحوا وهما نازلين يجيبولى خضارى وعارفه شوشو البنت الصغيره دى اختها اكبر منها كل ما تروح تجيب حاجه تعدى عليا او بكلمها وعموما انا بعمل اكل يخلص ف يومها ع قدانا لا ذياده ولا اكتر علشان حرام ميبوظش ولو تقصدى المايه بصى هناك كده ناحيه البلكونه .."بصت ايمان" ..قله حبنا (ضحكت اسماء ) بنحط فيها المايه وتسقع ولا اقولك تلاجه 20 قدم الله ع طعمها الله .. وبس والحياه ماشيه اهو دا ظرف ولازم اتصرف واتعامل معاه ومقعدش اندب وقالبه وشى .. الحياه مشاكلها اكبر من مشكله تلاجه بايظه يا ايمى .. انا هقوم اكمل الغدا علشان محمد قرب يجى
ايمان مستغربه من بساطه كلام اسماء قامت "اسماء" راحت المطبخ وقامت "ايمان" تبص ع الشقه الصغيره وكانت شقه اسماء اصغر من شقتهم وف اوضه مش مفروشه مقفوله
دخلت المطبخ ل "اسماء "
ايمان: متتعبيش نفسك اى حاجه تعمليها هاكلها
اسماء بتضحك: انهارده اليوم المفتوح هعملك فراخ ف الفرن وصينيه بطاطس حكايه
ايمان بتضحك: اليوم المفتوح .. ودا يعنى ايه
اسماء: يعنى يوم الزفر .. وبصراحه انا كنت شايله الفرختين دول عند ام عماد جارتى من وقت ما جيتى
ايمان: لدرجه دى ..
اسماء: طبعا هو انتى اى حد .. وبعدين انا ومحمد مبنركزش ع الاكل ..اى اكل موجود ناكله مقولكيش بقى عليا لما اعمل الكشرى ولا البصاره ولا الطعميه البيتى خرافه ..
هدوقهملك قبل ما تسافرى
ايمان مذهوله من اختها : هو انتى لغايه دلواقتى مفرشتيش الاوضه المقفوله دى
اسماء بتعمل السلطه : لا بصراحه
ايمان: ليه
اسماء: احنا ف نيتنا نفرشها بس كل ما ندبر مبلغ يظهرلنا حاجه تضيع فيها وبعدين مش محتاجينها ضرورى اوى ف اولويات ف حياتها ودخلت ف ولاده والاستاذ زيزو ومصاريفه .. فاا احنا اتفقنا الاهم الاول وبعدين المهم وبصراحه محمد مش مقصر وانا لازم اعذره ومضغطش عليه ...
ايمان سكت لحظات : اسماء انتى مرتاحه ف العيشه دى
اسماء باابتسامه: مالها العيشه دى زى الفل والحمد الله
ايمان : اقصد يعنى الامكانيات الماديه البسيطه دى انا مكنتش اتخيل انك عايشه كده وماما مقالتليش حاجه لما كنت بسألها عليكى
اسماء : علشان انا مبحكيش حاجه يا ايمى .. انا اخترت العيشه دى ومشاكلى وظروفى بينى وبين جوزى الل هو شريك حياتى وهو كتر خيره مش مقصر وحياته ودخله واضحين انا وهو بنلم حياتنا ع قدنا هندخل بينا الناس ليه
ايمان: ازاى يعنى عاوزه تفهمينى انك انتى ومحمد مبتتخانقوش علشان الفلوس
اسماء: مش هكدب عليكى واقولك كله تمام ومش هاممنى الفلوس .. ومبنتخنقش لكن بنتكلم وبنتفاهم لان مفيش حد فينا كدب ع التانى وبعدين انا الحمد الله عندى الاهم من الفلوس ..
ايمان: ايه هى ان شاء الله ؟
اسماء ب ابتسامه : الرضا .. انا الحمد الله راضيه بحياتى واختيارى ليها الحمد الله ربنا رزقنى بزوج بيحبنى وبحبه ومش كلام اغانى لا حبنا لبعض هون علينا حاجات كتير مرينا
بيها وهنمر بيها لسه لان المواقف الل بتاكد الحب مش الكلام وكرمنى بزيزو حبيبى .. هطلب اكتر من كده ايه
ايمان: يعنى مبسوطه
اسماء بتتنهد بسعاده: برغم ظروفى دى .. لما بشوف ابتسامه فى وش زيزو بحس ان هم الدنيا اتزاح.وان مهما فى الدنيا قساوه فيها نعيم وهو انى اخد ابنى ف حضنى ويكون بصحه كويسه وجوزى ياخدنى انا وابنى ف حضنه ويحتوينا .. الله يا ايمى ع دا احساس ..مفيش حاجه ف الدنيا احلى من كده .. احساس الرضا راحه
ايمان : يعنى مجتيش فى وقت حسيتى بتعب من العيشه دى
اسماء بتضحك : يووووه كتير جدااا ..انا محمد طقشنا ف بعض كتير
ايمان: ايه وعملتى ايه
اسماء بتضحك: اقولك الصراحه ومتضحكيش عليا
ايمان : ايه
اسماء اتنهدت وبصت ل ايمان: كل ما الدنيا تضيق عليا وتتعبنى اروح ارمى نفسى ف حضن محمد حضنه بيشيل كل هموم الدنيا وبيقولى انا معاكى متخافيش .. وكل ما الدنيا تخبط مع محمد..امسك ايده واضمه ف حضنى وااكدله انا معاه وهنكمل مهما حصل ... المواقف والظروف هى الل بينت قد ايه احنا حبينا بعض واختيارنا لبعض كن صح قلب وعقل مع بعض .. ونصحى تانى يوم ولا فاكرين حاجه من خناقه امبارح .. هتقولى كلام مثاليات هقولك الانسان طول ماهو ربنا ناعم عليه بنعمه الرضا بيبقى اغنى من اى مليونير معاه فلوس مش عارف يوديها فين .. كفايه انك تكونى مع شخص بيحبك وبتحبيه وتقفوا مع بعض فى الوحشه قبل الحلوه .. كده علاقتكم بتتاكد طول مانتم ماسكين ايد بعض ..وهو دا ملخص علاقتى مع محمد ...
ايمان سامعه كلام اسماء عنيها فيها دموع ونزلت لاحظتها اسماء واتخضت
اسماء مسكت ايد ايمان : ايمان
طفت اسماء ع الاكل واخدتها وقعدوا ف اوضتها : مالك ياايمان فى ايه ؟
ايمان ودموعها نازله: مش عارفه فى ايه
اسماء: مازن مزعلك فى حاجه ..عرفينى ومتكتميش ف نفسك كده
لو مزعلك قوليلى انتى ليكى اهل ...
قاطعتها ايمان ودموعها نازله: انا الل زعلانه من نفسى يا اسماء وزعلانه اوى
اتخضت اسماء من شكل ايمان: فى ايه يا ايمان اتكلمى
ايمان: انا مش مرتاحه ..مش قادره احس بالسعاده .. انا عملت ف نفسى حاجات بدفع تمنها من حياتى دلواقتى
اسماء: فى ايه ..فى حاجه حصلت زعلتك
ايمان بتبص ل اسماء: انا تعبانه اوى يااسماء .. انا مش سعيده ..برغم الحياه الل عايشاها لكن مش سعيده ..انا مفيش حاجه عاوزاها غير لما تكون عندى اتنين او تلاته منها .. مفيش اكل نفسى اجربه غير تانى يوم الاقيه قدامى اذا مكنش فى نفس اليوم .. السفر بسافر لدرجه انى زهقت .. كل متع دى معايا لكن مش حاسه بيها .. الاول كنت مشدوده لحاجات دى ومبهوره لكن مع الوقت احساسى بيها قل لدرجه العدم .. موجوده زى مش موجوده ... الل تاعبنى اكتر مازن والل انا بعمله معاه..مازن بيعملى كتير وانا مش بعمله حاجه .. انا تعبانه اوى يا اسماء تعبانه ..
اسماء بملامح حزن: اهو دا الل كنت عامله حسابو وقلتلك عليه وحذرتك وانت مسمعتيش
..قلتلك الفلوس والغنى مش مسببات السعاده .. الفلوس وسيله مش اساس الاهم اختيارك ل الانسان الل هتعيشى معاه بتحبيه ويحبك تحبى كل لحظه معاه ... الاكله الحلوه هى وقتها بس وبعدها اخرتها المجارى .. الفستان الحلوه الغالى ديته نتشه مسمار ويبوظ وميبقاش ليه لازمه ... المكان الغالى هو استمتاعك للحظه وهيروح.. الاهم الانسان الل هتعيشى معاه
..وانتى ضيعتى من ايدك فرصه سعادتك وظلمتى انسان معاكى بس ارجع واقول نصيب
ايمان دموعها بتنزل : قلبى وجعنى اوى
اسماء: اقول الحق ..طبيعى تتوجعى وتتوجعى اوى .. لانك وجعتى قلب "على" ووجعتيه اووى "على" كان بيحبك لدرجه متتخيلهاش ..دا سافر علشانك ..والاهم من دا كله كنتى بتحبيه وهو بيحبك.. مازن اتظلم ف الحكايه دى هو حبك وانتى حبيتى الل معاه ولما زهقتى من الل معاه مش عارفه تحبيه هو ..عملتى زى الل نفسه ف حته جاتوه وطمع ف تورته ولما جتله التورته اكل نصها ومش قادر يكملها لانه نفسه قفلت ... ايمان دا كان قرارك واختيارك وانتى زى ما كنتى لوحدك بتقررى وتختارى لوحدك للاسف هتتحملى النتيجه ..!!
ايمان انهارت من العياط واسماء مش عارفه تعملها ايه وخصوصا بعد ما حست بغلطتها اخدتها ف حضنها ..1!!
قعدت ايمان مع اسماء وجه وقت الغدا وشافت بساطه معامله محمد مع اسماء وذوقه والابتسامه الل مبترحش من وشهم رغم قسوه حياتهم وطريقه وداع محمد ل اسماء وهو خارج باسها من راسها وفرحه اسماء باللحظه دى حست انها حرمت نفسها من حاجات كتير ... خلصت القعده وجتنت تقوم تمشى وهى ماشيه راحت جهزت مبلغ وبتديه ل اسماء : امسكى دول
اسماء متفاجئه: ايه دول
ايمان: دى حاجه بسيطه كده تساعدك و
اسماء قاطعتها وب ابتسامه: هو انا صعبت عليكى ولا ايه .. ايمى انا عايشه والحمد الله باكل وبشرب ومقفول عليا باب شقه وبستغطى كمان .. انا الحمد الله الل معايا مكفينى
ايمان: طيب خديهم وهاتيلك تلاجه
اسماء ضحكت: هو تلج ام رشا مش عاجبك .. انا داخله جمعيه وبتمنها هجيب التلاجه متقلقيش نفسك انا مظبطه حياتى ع الامكانيات الل معايا
ايمان: طيب خديهم هديه
اسماء مسكت الفلوس وحطتهم ف شنطه ايمان : انتى جيبتيلى هدايا كتير وانا لو احتجت هطلب منك مش هتكسف
ايمان: ماهو انتى لا بتطلبى ولا حاجه
اسماء بابتسامه: لانى مش محتاجه
مشيت ايمان ورجعت البيت فكرت ف كلام اسماء وقفلت الموبيل ودخلت البلكونه
واسترجعت ذكرياتها مع "على" ايام ما كانت حاسه بالسعاده الحقيقيه بالحاجات البسيطه ..
وهى باصه ع بلكونه شقه "على " دموعها نازله : انا اسفه يا على ..
خلصت اجازه "على" وجميله وبيجهزوا شنطهم وقعدوا يتعشوا مع "هبه" و"عبدالله"
هبه: طيارتكم بكره بليل
على : ان شاء الله .. وعبد الله كتر خيره حجزلنا عربيه تودينا الصبح عين شمس
هبه: كويس انك رايح انا كنت رايحه علشان ادفع ايجار وفرصه نروح مع بعض
على : انتى مكنتيش بتروحى
هبه: لا كنت بروح بس كل كام شهر كده اهوى الشقه واسلم ع الجيران وادفع الايجار والكهربا والمايه وارجع وكتر خيره عبدولى حبيببى كان بيروح معايا وبيرجع معايا
جميله: ربنا يخليكم لبعض
هبه بصت ل جميله :هتعجبك المنطقه اوى يا جميله .. المنطقه الل عشنا فيها طفولتنا وشبابنا واحلى ايام حياتنا انا وعلى واسماء و ....
لاحظت هبه تغيير ف وش "على" من كلامها وحست انها فكرته ب "ايمان"
هبه : على انا ...
على قاطعها باابتسامه: يلا نقوم ننام بقى علشان هنتحرك بدرى
جميله لاحظت تغيرهم المفاجئ وقامت دخلت اوضتها وفكرت ايه الل غيرهم وموابيلها رن وكانت هايدى مرات اخوها ...!!
تانى يوم ركبوا العربيه وفى طريقهم لقاهره "جميله" مسكت ايد "على" لانها حست انه متوتر
و"على" فعلا متوتر وملامح وشه اتغيرت لانه اول مره يروح بيتهم بعد غياب 4 سنين ... وصلوا ونزلوا من العربيه ..وسكان المنطقه بصوا يشوفوا مين وكان "على" وكانت مفاجئه..لجميع وقف "على" يسلم ع الكل .. اخدت "هبه" "جميله" وطلعوا شقتهم وفتحتها واول ما فتحتها دموعها نزلت "هبه "
هبه: الله يرحمك يا ماما
جميله مسكت ايديها: البركه فيكى
هبه مسحت دموعها : تعالى اوريكى شقتنا ..
دى اوضتى زى ماهى متغيرش فيها حاجه ودا مكتبى الل دايما كان "على" يجيبلى الشوكولاته ويسبهالى عليها ..
اخدتها وخرجت وراحت اوضه مامتها وبعدها راحت دخلت اوضه "على "
هبه: دى بقى اوضه ابو على ودا مكتبه ودا سريره
قعدت "جميله" ع السرير وحسست بايديها ع السرير ومسكت المخده وحضنتها
هبه قعدت جنبها : انتى بتحبيه لدرجه دى ؟
جميله ب ابتسامه : بحبه دى حاجه قليله ..انا مش لاقيه كلام اوصف بيه الل حساه
انا اول ما قابلت "على" لاقيت حاجه شدانى ناحيته معرفتش اقاومها وخصوصا محستهاش اتجاه اى حد قابلته ومع تعاملى معاه برغم قسوته اوقات لكن اتولد جوايا احساس يقين انه مش زى ما مبين وان جواه حاجه جميله اوى حسيت انى عاوزه اكون معاه تحت اى ظروف ... حسيت انه محتاجنى وانا محتاجاه اكتر .. احنا الاتنين محتاجين بعض ومش هنسيب ايد بعض ان شاء الله .. "على" هديه ربنا ليا وصبرى وانا هحافظ ع الهديه مهما حصل ..
هبه عنيها رغرغرت من كلام "جميله" : انا بحبك اووى يا جميله وربنا يسعدكم ويبعد عنكم اى شر .. انتى غيرتى "على" كتير .. رجعتيلى "على" اخويا بعد غياب 4 سنين .. رجعتى "على" لنفسه .. بجد مهما قولت مش هوفيلك حقك
الوقت دا كان "على" واقف وسمع كلام "جميله" ودخل قاطع كلام "هبه
على : بتعملوا ايه ف اوضتى اوعوا تكونوا قلبتوا حاجه
جميله ضحكت: اوضتك جميله اوى يا على .. شقتكم كلها جميله اوى .. بجد كنت بتمنى اعيش معاكم هنا
هبه بتغمز : لو كنتى ف مصر كنتى هتعيشى .. يلا انا خارجه اعمل شاى
على : اعملى الشاى وانتى ساكته
هبه ضحكت: ماشى
خرجت هبه بسرعه وهى بتضحك .. رجع "على" باصص ل "جميله" : كنتى عاوزه تشوفى بيتى ومنطقتى واهو شوفتيهم نفذت كلامى اهو ومضحكتش عليكى
جميله بصت ل على : بس انت مش مبسوط انك جيت هنا يا على
على بيحاول يدارى ملامح وشه ب ابتسامه..: ليه ماانا كويس اهو
جميله ب ابتسامه : مش مبسوط يا على او معنى اصح مش مرتاح وابتسامتك الكدابه دى مش هصدقها
على حس ان جميله قفشته واتنهد: معلش يا جميله انا زى ما قولتلك محتاج وقت .. انا هنا ليا ذكريات كتيره مع امى و ..
جميله : انا عارفه علشان كده عاوزاك تواجهه انت مش هتفضل طول عمرك هربان من الماضى .. الماضى دا صفحه من كتاب اكتب بايدك كلمه النهايه ف اخر الصفحه وتقفل الكتاب علشان تعيش مستقبلك لكن تكون فاتح صفحه الماضى مع الحاضر الل انت عايشه وعاوز تعيش مستقبل ..مش هينفع يا على .. فاهمنى
على : فاهمك .. واوعدك مش هاخد وقت كتير اللغبطه هتتظبط كل حاجه
جميله ب ابتسامه: ان شاء الله
على ب ابتسامه : المهم ..اول ما نرجع تحديلى ميعاد مع جمال ..انا مش هستنى كتير
جميله : اول ما نوصل ع طول ان شاء الله
شويا وموبيل جميله رن وكان جمال اخوها ..
على: مين
جميله اتوترت : ها .. جمال
على: طيب كويس جداا هاتى اكلمه
جميله بسرعه بعد الموبيل : لا استنى انا لما هرجع هتكلم معاه مينفعش موضوع زى دا يتفتح كده
على : اه فعلا
على حس ان جميله مش عارفه ترد فخرج من الاوضه ...وكانت المكالمه ل جميله تروح مشوار ... استاذنت جميله وعرفت "على "انها ف مشوار مهم لناس قرايبهم تاخد منهم امانه وبسرعه واخدت تاكسى واتفقت يتقابلوا ف المطار وفعلا مشيت جميله وكان "على" مصر يروح معاها وهى اصرت انه ميجيش ...!!
شويا وهما قاعدين ف الشقه
على باصص ع الشقه : يااااه مرت 4 سنين
هبه: عمر عدى يا على
على : اه فعلا .. (بص ف الساعه ) يلا بينا علشان متتاخريش انتى
هبه: ايه هتروح المطار من دلواقتى
على: اها هستنى جميله وانتى علشان متتاخريش ..
هبه بملامح توتر : طيب .. بس اسماء كلمتنى وقالتلى انها هنا ف بيتهم
على : طيب كويس كلميها تيجى نسلم عليها
هبه: باباها تعبان يا على مش الواجب نروح نسلم عليه ؟
على سكت لحظات: معاكى حق .. يلا بينا
هبه اتفاجئت : انت بتتكلم بجد
على : الراجل دا وقف جنبنا كتير زمان وصبر عليا اكتر وهو مريض وزياره المريض واجب
هبه: يلا بينا
طلعوا بيت ايمان وكان وقت ما وصل "على" كانت ايمان بره هى واسماء ومكنوش عرفوا انه رجع ورجعوا شقتهم عادى .. على ملامح وشه متغيره توتر مع عدم راحه وذكرياته مع ايمان حاضره قدام عينه وبيقاوح وبيحاربها وبيتمالك نفسه ...طلع قدام باب الشقه وللحظات وقف ساكت :
هبه: لو مش عاوز يلا ننزل يا على
على بصلها : لا مش هرجع خطوه مشيتها
ورن جرس الباب وللحظ والمفاجاءه فتحت ايمان باب الشقه: ايوه
بصت شافت "على" قدامها اتصلبت فى مكانها و"على" اتفاجئ جداا لانه كان مستبعد فكره انه يشوفها وقفوا دقايق باصيين لبعض ...اسماء خرجت تشوف مين
اسماء: مين يا ايمى
شافت "اسماء" "على" اتفاجئت: على معقوله
جمع نفسه بسرعه ورسم ملامح طبيعيه وابتسم : اسماء ازيك
اسماء بسعاده: اتفضل يا على اتفضل .. بيبو ازيك
هبه: الله يسلمك يا سمسم .. ازيك يا ايمان ؟
ايمان بلجلجه: الحمد الله
على : الحج موجود.. انا قلت نسلم عليه قبل ما نمشى
اسماء: هيفرح اوى .. تعالوا اتفضلوا ف الصالون اتفضلوا حالا هقوله
ايمان كانت واقفه متصلبه مش عارفه تتحرك ولا تتكلم .. دخل "على" و"هبه" الصالون .. وبسرعه دخلت " ايمان" اوضتها حست بقلبها دق بسرعه ومكنتش عارفه تاخد نفسها وحطت ايديها ع صدرها ومسكت السلسله الل لابساها بتاعه "على" واترسمت ابتسامه : على .. على
دخل ابو ايمان الصالون وسلم على "على " و "هبه "
ابو ايمان: ياااه عاش من شافكم يا ولاد
هبه: الله يخليك ياعمو
على ب ابتسامه وبلهجه كلها ثقه ابتدى يتكلم : والله دايما بسال عليك اسماء ووببعت معاها السلام ليكم
ابو ايمان: وصل .. وصل منك كل خير يا على ياابنى
على مبتسم : الف سلامه عليك وربنا يطولنا فى عمرك
ابو ايمان مسك ايد على وبملامح حزن : انا اسف ياابنى ع الل حصل عارف انها متاخره كتير
على اتفاجئ و قاطعه: على ايه يا حج متقولش كده انت متتاسفش انت مهما عملت انا راضى ولا هتكلم انت ابويا ياحج ومفيش ابن بيزعل من ابوه ولا اب بيتاسف .. مينفعش ياحج انت الكبير بتاعنا
قام "على" باس راس ابو ايمان : ربنا يباركلك فى صحتك ويخليك لينا
ابو ايمان اتحرجت من كلام على : ربنا يكرمك يا على بكل خير ويوفقك فى حياتك وتعيش ايام احسن من الل فاتت
هبه ابتسمت: امين
دخلت اسماء بصينيه العصير : اميييييين..قولى بقى قاعد قد ايه ؟
هبه: دا مسافر بليل
اسماء : نعم.. انت جى تثبتنا بالزياره دى .. لا ياعم انا عاوزه اعزمك عندى ف بيتى وتشوف محمد دا هيزعل اوى والله
على بيضحك: المره الجايه وعد هجيلك زياره مخصوص
اسماء: بعد 4 سنين برضه
على بيضحك: لا مش لدرجه ان شاء الله قريب ربنا يسهل
قعدوا شويا وبعدين استاذن "على" و"هبه" ونزلوا .. ركبوا العربيه وكانت "ايمان بتبص عليهم من البلكونه... اسماء دخلت عليها الاوضه: ايمان
ايمان اتخدت: ها
اسماء: مالك
ايمان: انا .. لالالا مفيش مفيش انا هاخد دش
لاحظت اسماء ان ايمان ماسكه السلسله ولهوجتها فمحبتش تسالها وسابتها ..!!
وصل "على" المطار وكانت "هبه وصلته ومشيت بالعربيه ل المنيا لانه كان السواق معرفه فكان امان ... فضل "على" يبص على "جميله ويدور عليها ويبص فى ساعته برغم ان لسه فى وقت ع ميعاد الطياره لكن هو مش عاوزها تغيب عن عينه .. كان متوتر ومتعصب وقعد ف كافتيريا المطار يشرب قهوه .. شويا "جميله" وصلت وكانت جايه بسرعه وبتنهج
جميله : انا جيت
على قالب وشه.. جميله: على ..انا جيت
على بيشرب القهوه ومش باصصلها : حمد الله ع السلامه
بص "على" ع الساعه: ما لسه بدرى لسه فاضل ساعه ع ميعاد الطياره
جميله لاحظت "على" مضايق : مالك فى حاجه حصلت
على باصصلها بغضب : يعنى مش عارفه ؟
جميله اتخضت: ايه دا هو انا عملت حاجه ..؟
على : كنتى فين كل دا مش قولتى انى هاجى هلاقيكى مستنيانى
جميله ضحكت: هو دا الل ضايقك ياراجل انا افتكرت انى عملت كارثه
على بسرعه: اه عملتى كارثه.. اتاخرتى
جميله ابتسمت وحطت ايديها ع ايد "على":انا مش هقدر ابعد عنك ولا افكر ابعد عنك
الحكايه انى قريبى بس مسكوا فيا وكده ومرضتش ازعلهم
على بزعل: لكن اولع انا صح
جميله ضحكت : انا مقدرش ع زعل حبيبى ياناس ..اوعدك مش هكررها تانى
على : ومين قالك انا هسمحلك تكرريها رجلى على رجلك فى كل خطوه
جميله : وانا موافقه ..مش هتعزمنى ع كافيه ولا ايه
على ابتسم : عاوزاه ايه ؟
جميله بصت من الفنجان الل بيشرب منه اخدته : اطلب لنفسك
على اتفاجئ: لكن دا بتاعى شارب منه و ...
جميله : هشربه علشان اجرى وراك
راحت جميله شربت من نفس مكان ما شرب "على" وعلى اترسمت ع وشه ابتسامه من الموقف ...شوويا وركبوا الطياره وسافروا ع لندن وكان "احمد" مستنيهم ...!!
احمد: يا هلا ومرحبا بالناس الحلويين
على: اهلا بيك ياعم المض
جميله: احمد ..وحشتينى
على : نعم
جميله بتضحك: اقصد وحشتنا
احمد: الله الله .. الاسبوع دا حصل تطورات معرفهاش ..انتم غير ما سافرتم ..هو انا كل ما اسيبكم شويا واغيب عنكم كام يوم ارجع القيكم ف تطور دانتم غلبتوا تطور الحاجه الساقعه
على ضحك : يا خفه
احمد : يلا بينا لينا بيت يلمنا احنا التلاته وهتحكولى كل دقيقه مرت عليكم ..
على بيضحك: ماشى ياعم يلا هات الشنط وتعالى ورانا
مسك "على" ايد "جميله" ومشى وسابوا الشنط مع "احمد"
احمد: ع اساس انى الخدام الل سابو باباه المرحوم ياولاد التيت ماشى ماشى
مسيرى ارتبط انا كمان بدل دور زرعه البصل الل انا عايشه دا .. ابعت يارب
كانت " ايمان " قاعده فى اوضتها سرحانه وماسكه السلسه فى ايديها
دخلت عليها "اسماء " الاوضه ...لاحظت سرحانها وانها مااخدتش بالها ..
اسماء: ايمان
ايمان مسمعتش .. اسماء قربت وبصوت اعلى : ايمااان
ايمان اتخضت: ايه يااسماء خضتينى
اسماء: خضيتك ايه يا شيخه انا ايدى وجعتنى من الخبط ع الباب واتنبح من كتر ما بنادى .. انتى فينك
ايمان: ماانا قدامك اهو ..
اسماء لاحظت السلسه وايمان بتداريها تحت التيشيرت الل لابساه
اسماء ملامحها اتغيرت: انتى مش لازم تكونى هنا يا ايمان ..انتى مكانك هناك مع جوزك يا ..جوزك سامعانى
ايمان ملامحها اتغيرت: فى ايه يا اسماء .. انتو زهقتوا منى كده
اسماء: لا انتى كنتى نازله 10 ايام دلواقتى بقالك 20 يوم .. انتى ناسيه ان ليكى زوج محتاجك ومستنيكى وان صبر عليكى مره مش معناه تسوقى فيها .. هو مش وحشك ولا ايه ؟
ايمان : فى ايه يا اسماء بتتكلمى كده ليه ?
اسماء قربت من ايمان : بتكلم كده علشان انتى مش عجبانى خالص وبتسوء عن الاول
قربت منها ومدت ايديها طلعت السلسله من تحت التيشيرت
اسماء بعصبيه: ممكن اعرف دى بتعمل معاكى ايه .. مش قولتى انك رجعتيها مع الدبله والحاجه زمان بتعمل ايه دى معاكى يا ايمان ؟
ايمان اتلغبطت: عادى يا اسماء عجبانى ونسيت احطها .. ولاقتها فى وسط حاجات عندى ومعرفتش ارجعها و ..
اسماء : عينى ف عينك كده ان دا فعلا الى حصل
ايمان اتهربت من النظر ف عين اسماء .. ايمان : فى ايه يااسماء الله
اسماء: اهو نرفزتك دى اكبر دليل ع انك بتكدبى
مسكت اسماء ايد ايمان وقعدوا وبلهجه هاديه اتكلمت اسماء
اسماء : ايمى يا حبيببتى انا اختك وعارفه دماغك بتفكر فى ايه بس الل بتفكرى فيه مينفعش ولا هينفع
ايمان اتوترت: هو ايه الل بفكر فيه ؟
اسماء بهدوء وبطبطب ع ايد ايمان: ايمى انتى متجوزه وليكى حياتك و "على" له حياته
كل واحد فيكوا عايش فى اتجاه عكس التانى ومفيش نقطه تلاقى بينكم ..يعنى الطريق مقفول خلاص .. فالتفكير ف المستحيل غلط انتى احتفطتى بالسلسله دى علشان "على" اشترهالك اول هديه ليكى اشتراه وليها مكانه عندك ..او معنى اصح بتفكرك بالوقت الل حبيتى فيه بجد واتحبيتى .. بس انتى كده بتوهمى نفسك وبتظلميها وبتظلمى مازن جوزك الل بيحبك ..مينفعش نبص ورانا ونتشعلق فى الماضى .. الماضى صفحه واتقلبت مش هيفيد حاجه الرجوع ليها غير وجع القلب .. وتضيع العمر منا
ايمان : انا ..
اسماء: غلط انك تحتفظى بالسلسله .. وغلط بعدك الطويل عن جوزك الجواز معايشه بين اتنين مش لقب بتاخديه قدام الناس علشان كلامهم .. الجواز حياه بالانصاف بين راجل وست ..الحلو والوحشه .. وممنوع البعد بينهم مهما حصل ..انتى بتبعدى بارادتك ودا مش صح لعلاقه المفروض انها ابديه ..
اسماء لاحظت صمت ايمان .. اسماء : نصيحه من اختك الصغيره الل ملهاش غيرك ف الدنيا
حافظى ع الل معاكى لان مش كل حاجه بتروح بنعرف نرجعها ..وطعم الخساره بيوجع والندم مش بيعمل حاجه غير انه بيجرح فى صاحبه ...علشان ببتصادم مع المستحيل ... بلاش تكملى حياتك كده فى فرص بتجيلك وانتى بتضيعيها ... بلاش ...
قامت اسماء من جنب ايمان وخرجت من الاوضه وايمان قامت وقفت ف البلكونه باصه ع بلكونه شقه "على" وماسكه السلسه ودموعها نازله ...!!
رجعت "جميله" و "على" من سفريه مصر احسن من الاول وارتبطهم ببعض بقى اقوى من الاول وفضلت "جميله" مع "على" و"احمد" فى الشقه ومرضتش تسيبهم برغم اعتراض "هايدى " ومحاولتهم تخبيه الموضوع عن "جمال" اخوها ... فى يوم كانوا ف المطعم وجميله كانت استاذنت وقابلت هايدى ورجعت وهى داخله المطعم شافت حاجه خلتها ف حاله صدمه .. شافت "على" بيهزر مع بنت من اصحابهم ف الشغل وبيضحك اوى .. كانت هتروحله لكن كان المحل زحمه ورجعت ع المطبخ وعماله تنفخ .. احمد لاحظها : مالك يا جيمى
جميله بتنفخ: ونبى يااحمد ما تكلمنى مش طايقه نفسى
احمد: ليه كده ..حد اكلك سندوتشك ولا توستك ولا مصاصتك
جميله بصت ل احمد وكانت هتضحك: والله انت رخم
احمد: ف ايه بجد
جميله: عاجبك الل صاحبك بيعمله دا . اخرج ساعتين ارجع القيه عمال يهزر ويضحك مع البت المعصعصه "ميلدا" ينفع كده بذمتك
احمد : اممم انا بصراحه لاحظت كام مره كده ومش ميلدا بس دا صافى وولورا وغير الزباين دا ناس بتيجى تطلبه بالاسم علشان ياخد الاورد منهم .. على بقى انترناشوال انا بفكر اقول لمستر ادم يكتب حصه من المحل ل على ونبقى اغنيا ومعانا فلوس فلوس فلوس
جميله شافت احمد بيهزر : بتهزر ماشىلا يارخم
احمد: طيب متزقيش كده ..مش انتى السبب خلاص شيلى
جميله بااستغراب: السبب
احمد: ايوه طبعا .. مش انتى الل فكيتى ربطته وقعدتى تقوليله الحياه حلوه لازم نعيشها .. الحياه حلوه وانطلق يا على .. انطلق يا على .. اهو انطلق وابقى قابلينى لو عرفتى تلميه
جميله بملامح غيظ وتسخين احمد خرجت بعصبيه ع الصاله وعلى كان بياخد طلب من زبونه راحت مسكته من ايده وشدته اتجاه المطبخ .. على : فى ايه بتشدينى كده ليه
جميله بملامح عصبيه: ايه الل بتعمله دا حضرتك
على : بشتغل هو بعمل ايه يعنى
جميله : ها ها ها .. بتشتغل .. بتشتغل الزباين ولا ايه وشغلك ضحك وهزار ولا تاخد اورد وانت ساكت
على حس بغيره جميله ورسم ملامح جد: يعنى انتى عاوزانى اكشر ف وش الناس .. مش دول الزباين الل بيدخلوا فلوس لمطعم واحنا بناخد مرتباتنا منهم ... عاوزانى اكشر قدام لقمه عيشى
جميله بعصبيه: ماهو انت كنت شغال عادى ومبتضحكش كده
على : وكنت هترفد وانت لحقتينى .. وانا مش مستعد اخسر شغلى علشان ارضيكى
جميله سكتت ومش عارفه ترد : يعنى انت بتقولى انك لا هتبطل هزار ولا ضحك وهتفضل كده
على بلهجه عصبيه: احنا ف شغل يا جميله وصوتك ميعلاش عليا كده .. وانا مش بلعب انا ف الشغل فاهمه لما نخلص شغل نبقى نتكلم
مشى خطوتين وجميله واقفه ومستغربه من لهجه على . رجع ليها تانى وبيكلمها بلهجه حاده: الحركه الل عملتيها وشدتينى من ايدى قدام الناس كده متتكررش تانى ماشى .. روحى لشغلك
مشى "على" واترسمت ع وشه ابتسامه ..بعكس جميله الل كانت مضايقه اكتر من الاول .. رجعت المطبخ قعدت تنفخ واحمد شايفها وعمال يضحك عليها ... جه وقت الغدا الاستراحه وهما قاعدين "جميله" كانت متجاهله "على" وكانت مركزه مع زمايلهم وبالاخص " احمد " كانت بتهزر وبتضحك بصوت كانت هايبر اوى كانت عاوز تضايق "على " ...
جميله: خدى قطعه الجاتوه دى يا حماده
احمد: تسلميلى ياعيون حماده
جميله: والعصير دا كمان الل بتحبه انا طلبته مخصوص علشانك
احمد : امووووت انا
ضحك احمد وقرب من جميله وبيوشوشها : جيمى عاوز اقولك حاجه
جميله: ها
احمد: الل انتى بتعمليه دا ولا هيحوء مع لوول يعنى اهدى بقى كده وبلاش اوفر
وبصى عليه كده وهتعرفى ..
بصت "جميله" ع "على" لاقته قاعد عادى وبيتكلم مع زمايله ولا باصص عليهم اترسمت معالم غيظ ع وش جميله ..
احمد : يا ناصحه عاوزه تغيظيه .. غيظيه مع اى حد غيرى انتى لو حضنتيتى وبوسيتى وياريت دا يحصل وانا موافق ( خبطته جميله ) سورى انا يعنى بقولك مهما ادلعتى واتصرفتى "على" مش هيتحرك منه شعره ل سببين .. اولا لانه استحاله يغير منى ثانيا لانه عارف وواثق انك متنيله ع عين اهلك وبتحبيه يعنى مش هتفكرى تبصى لحد تانى غيره .. عاوزه تغظيه يا هبله .. عندك ادوارد .. جاك .. ادمز رجاله ملونه اهو توست امريكانى مش رغيف بلدى محمص يا هبله .. يا هبله
جميله بملامح غيظ: ماهو انا مش هقدر اعمل كده مع اى حد غيرك..علاقتى بيهم ليها حدودها وانا مش هتعداها علشان "على" و دا علشانى قبل ما يكون علشانه .. مش هعمل زى عود الكبريت الل يتولع بيه البيت علشان حشره جوه وممكن برش مبيدات تموت والبيت يفضل ..
احمد : نظرتى فيكى مخيبتش وبرضه نظرتى انك هبله مخيبتش .. يعنى انتى عارفه المشكله وحلها وبتستغبى كتك نيله ..
جميله خبطته : متخبطش بقى
احمد: حاجه مضايقاكى اتكلمى معاه بهدوء كده واسمعوا بعض انما التلطيش مش بيعمل حاجه يا موكوسه .. متشمتيش الاعداء فيكى
بص احمد ع بنات زمايلهم الل اسمها "مليدا " كانت باصه ل جميله وبتضحك لانها شايفاها مضايقه و"على" نفضلها غير العاده .. راحت جميله ابتسمت ف وشها : صح يااحمد مش لازم اشمت الاعداء فيا وخصوصا الانجليز ..
احمد: يحيا ثوره 19
جميله بصت ل احمد : ثوره 19 دى بتاعت سعد زغلول
احمد: مش فاكر بس هى ثوره ناس راحت تتكلم راحوا نافوهم لمكان تانى يعنى اودعك دلواقتى لانك مش هتعمرى كتير انا عارف
جميله ضحكت : رخم والله
احمد: ايوه كده الضحكه من القلب احلى كتير من الملونه .. بعد الشغل اتكلموا كده مع بعض وانا لو مش عاوزنى ف البيت ممكن اخلع يا ستى
جميله: لا طبعا خليك موجود
احمد: خلاص امرى الى الله هتقمص شخصيه الاباجوره لحين احتياجى واتحول لنبووت
جميله ضحكت: اشطه
خلصوا شغل وخرجت جميله واحمد يشوفوا "على" علشان يرجعوا البيت لاقو ان "على" استأذن ساعه ومشى ومش عارفين راح فين وقافل موبيله .. رجعت جميله واحمد البيت ودخلت لاقت "على" قاعد ف الليفنج بيشرب شاى ومشغل التليفزيون ..
احمد: فينك يا لوول اختفيت كده
على : صدعت وقلت ارجع البيت
جميله بعصبيه: ومقلتش ليه لينا وسبتنا كده
على بصلها بنظره حاده ع عصبيتها وقام دخل اوضته من غير ما يكلمها
جميله حست بضيقه واحمد سحب نفسه ع اوضته ودخلت جميله اوضتها وبتبص ع السرير شافت علبه شوكولاته الل بتحبها ع السرير وبعد ما كانت مضايقه ابتسمت وبتفتح باب الاوضه وخارجه شافت "على " واقف ف الصاله وباصص ل اوضتها ومبتسم ..مشيت جميله بخجل اتجاهه : احم.. انت الل جبت الشوكولاته دى
على ب ابتسامه: ايوه
جميله : جبتلى انا الشوكولاته دى
على : ايوه
جميله بكسوف: ليه وسببها
على مسك ايديها : علشان اقولك انك هبله اوووى وانى بحب واحده هبله اووى بتغير من بنات ميجوش جنبها حاجه
جميله : ياسلام .. دول زى القمر
على : انا بكلمك عليا انا .. انا عينى مشفتش ولا هتشوف غيرك .. كل حاجه حلوه ف عينى انتى .. انتى احلى حاجه شوفتها ومش هشوف غيرها حتى بصى كده
جميله بصت ف عين على : يعنى اصدق ان صورتى بس الل ف عينك
على قفل عينه وفتحها : كده اتاكدت .. انا حياتى هى جميله وعينى مش شايفه غير جميله لان قلبى وعقلى مفهمش غير جميله ..فاهمه
جميله اتكسفت : انا اسفه ان صوتى على عليك
على : وانا اسف انى اتعصبت عليكى
جميله : يعنى صافى يا لبن خلاص
على باس راس جميله : صافى يا لبن خلاص
احمد كان بيراقب الجو وشايفهم واقفين وخرج من الاوضه وبيعمل صوت كمانجات : تيرررا ررا ترااا .. كان ناقص الكمانجات
ضحكوا كلهم وحضروا عشا كان "على" اشتراه واتعشوا ودخلوا اوضهم ناموا .. !
ف القاهره ايمان صحيت بدرى ولبست ونزلت واخدت تاكسى وراحت موقف السوبر جيت وراحت المنيا ووصلت عند بيت هبه وطلعت رنت الجرس وهبه فتحت : ايمان ..
_______________
يتبع
راحت "ايمان" ل "اسماء " بيتها زى ما وعدتها انها هتقضى معاها اليوم
اشترت هدايا واخدت تاكسى ووصلت لعنوان وكانت شقه :اسماء" فى "المرج القديمه " وكانت ف شارع ضيق نوعا ما وف بيت قديم الشقه مكونه من 3 غرف مقفوله واحده صغيره واتنين كويسين ف المساحه وصاله ومطبخ وحمام معقولين ودى كانت شق عمه "محمد" قبل ما تسافر اتديهاله يقعد فيها بالايجار .. نزلت "ايمان" من التاكسى ع اول الشارع لان الشارع كان فيه عربيات سداه فمشيت حبه صغيرين ووصلت للبيت وكانت شقه "اسماء" الدور ال 2 بعد الارضى مش عالى وكانت "اسماء" مستنياها ..رنت ايمان الجرس
اسماءفتحت الباب : ايه النور دا كله .. ايمى عندنا انهارده عيد
دخلت ايمان سلمت ع اسماء وحضنتها : دا نورك يا سمسم
كان ابن "اسماء" منيماه ع كنبه الانتريه .. راحت ناحيته "ايمان"
ايمان: حبيب خالتو يا ناس
شالته وحضنته وقعدت تبوس فيه وقعدت وفتحت اللعب الل جايباها ليه
ايمان بسعاده: كل الللعب دى ل الاستاذ زيزو لوحده اوعى مامى ولا بابى ياخدوها منك
اسماء بتضحك: وهو اصلا هيعرف يلعب بالحاجات دى يا ايمى دى لسه نونو وبعدين
كده كتير زيزو هيتعود ع كده ومش هنعرف نلاحق واحنا ياستى عاوزينه يطلع قنوع ويكيف نفسه ع عيشتنا
ايمان: ملكيش دعوه .. اى حاجه زيزو عاوزها انا تحت امره هو انا عندى كام زيزو
اسماء مبسوطه وهى شايفه فرحه ايمان ب ابنها ...
اسماء: اسيبك انا مع زيزو وهحضر الغدا
ايمان : ومحمد فين ؟
اسماء: ف شغله
ايمان: مش هيجى يقعد معانا
اسماء: هيجى وقت الغدا وهيرجع تانى وكمان علشان نقعد براحتنا
صحيح تشربى ايه عقبال ما الغدا يخلص ؟
ايمان: مش لازم بس مايه انا عطشانه والجو حر
اسماء بتضحك: معلش يا ايمى انا عندى مروحه مفيش تكييف
ايمان بصت ل اسماء: انا مقصدش بس المشوار فرهدنى
اسماء : انا بهزر معاكى .. ثوانى وهجبلك المايه
مسكت اسماء موابيلها وكلمت جارتها وشويا باب الشقه رن فتحت بنت صغيره ومعاها مكعبات تلج .. ايمان: ايوه يا حبيببتى
البنت الصغيره: طنط اسماء موجوده
اسماء خرجت من المطبخ وشافت البنت : شوشو
البنت الصغيره: اتفضلى يا طنط
اسماء ب ابتسامه : ميرسى يا حبيببتى هفضيهم وهبقى اطلعهم ل مامتك
البنت الصغيره : هو زيزو صاحى ولا نايم
اسماء ب ابتسامه : نايم يا حبيببتى دلواقتى
البنت الصغيره : يا خساره كنت عاوزه العب معاه شويا .. ينفع ابوسه
اسماء فتحت الباب : طبعا يا قلبى ادخلى هناك ع الكنبه اهو بس خلى بالك
البنت الصغيره بكل ثقه: متخافيش يا طنط اسماء انا هبوس زيزو بوسه صغننه علشان ميصحاش
اسماء ضحكت : ماشى يا قلبى
راحت البنت اتجاه زيزو وهو نايم وباسته ورجعت خرجت وقفلت الباب واسماء ابتسامتها مبتغبش ... ايمان الموقف البنت فرحها وخلاها تبتسم لكن رجعت افتكرت مكعبات التلج ..
شويا وخرجت "اسماء" ومعاها كوبايه مايه وفيها مكعبات تلج : اتفضلى يا ايمى
ايمان بصلها: ايه دا
اسماء : مايه مش قولتى عطشانه
ايمان : انا اقصد ع التلج .. انتى بتشحتى تلج من الجيران
اسماء ضحكت: بشحت .. انتى اوفر كده ليه
ايمان: انتى مبتعمليش تلج ف تلاجتك ولا مفيش مكان
اسماء ضحكت: لا ف اختيار تالت ... مفيش تلاجه اصلا
ايمان: ها
اسماء: من شهر حصل ماس كهربا والتلاجه ماتورها باظ وعاوزه فريون وتصليح بمبلغ كبير واحنا مكنش معانا .. فربنا يسهل ونجيب غيرها ..
ايمان : وعايشه كده عادى
اسماء بصت ل ايمان: يعنى اعمل ايه سيادتك تلاجه باظت ف داهيه وان شاء الله هنجيب غيرها هعقد نفسى ليه ..
ايمان: وبتتصرفى ازاى احنا ف صيف والاكل والشرب و ..
اسماء قعدت جنب ايمى : بصى يا ست ايمى لو قصدك ع الاكل انا بشترى الخضار ع حسب ما بطلب وساعات جيرانى كتر خيرهم بيساعدونى وبيروحوا وهما نازلين يجيبولى خضارى وعارفه شوشو البنت الصغيره دى اختها اكبر منها كل ما تروح تجيب حاجه تعدى عليا او بكلمها وعموما انا بعمل اكل يخلص ف يومها ع قدانا لا ذياده ولا اكتر علشان حرام ميبوظش ولو تقصدى المايه بصى هناك كده ناحيه البلكونه .."بصت ايمان" ..قله حبنا (ضحكت اسماء ) بنحط فيها المايه وتسقع ولا اقولك تلاجه 20 قدم الله ع طعمها الله .. وبس والحياه ماشيه اهو دا ظرف ولازم اتصرف واتعامل معاه ومقعدش اندب وقالبه وشى .. الحياه مشاكلها اكبر من مشكله تلاجه بايظه يا ايمى .. انا هقوم اكمل الغدا علشان محمد قرب يجى
ايمان مستغربه من بساطه كلام اسماء قامت "اسماء" راحت المطبخ وقامت "ايمان" تبص ع الشقه الصغيره وكانت شقه اسماء اصغر من شقتهم وف اوضه مش مفروشه مقفوله
دخلت المطبخ ل "اسماء "
ايمان: متتعبيش نفسك اى حاجه تعمليها هاكلها
اسماء بتضحك: انهارده اليوم المفتوح هعملك فراخ ف الفرن وصينيه بطاطس حكايه
ايمان بتضحك: اليوم المفتوح .. ودا يعنى ايه
اسماء: يعنى يوم الزفر .. وبصراحه انا كنت شايله الفرختين دول عند ام عماد جارتى من وقت ما جيتى
ايمان: لدرجه دى ..
اسماء: طبعا هو انتى اى حد .. وبعدين انا ومحمد مبنركزش ع الاكل ..اى اكل موجود ناكله مقولكيش بقى عليا لما اعمل الكشرى ولا البصاره ولا الطعميه البيتى خرافه ..
هدوقهملك قبل ما تسافرى
ايمان مذهوله من اختها : هو انتى لغايه دلواقتى مفرشتيش الاوضه المقفوله دى
اسماء بتعمل السلطه : لا بصراحه
ايمان: ليه
اسماء: احنا ف نيتنا نفرشها بس كل ما ندبر مبلغ يظهرلنا حاجه تضيع فيها وبعدين مش محتاجينها ضرورى اوى ف اولويات ف حياتها ودخلت ف ولاده والاستاذ زيزو ومصاريفه .. فاا احنا اتفقنا الاهم الاول وبعدين المهم وبصراحه محمد مش مقصر وانا لازم اعذره ومضغطش عليه ...
ايمان سكت لحظات : اسماء انتى مرتاحه ف العيشه دى
اسماء باابتسامه: مالها العيشه دى زى الفل والحمد الله
ايمان : اقصد يعنى الامكانيات الماديه البسيطه دى انا مكنتش اتخيل انك عايشه كده وماما مقالتليش حاجه لما كنت بسألها عليكى
اسماء : علشان انا مبحكيش حاجه يا ايمى .. انا اخترت العيشه دى ومشاكلى وظروفى بينى وبين جوزى الل هو شريك حياتى وهو كتر خيره مش مقصر وحياته ودخله واضحين انا وهو بنلم حياتنا ع قدنا هندخل بينا الناس ليه
ايمان: ازاى يعنى عاوزه تفهمينى انك انتى ومحمد مبتتخانقوش علشان الفلوس
اسماء: مش هكدب عليكى واقولك كله تمام ومش هاممنى الفلوس .. ومبنتخنقش لكن بنتكلم وبنتفاهم لان مفيش حد فينا كدب ع التانى وبعدين انا الحمد الله عندى الاهم من الفلوس ..
ايمان: ايه هى ان شاء الله ؟
اسماء ب ابتسامه : الرضا .. انا الحمد الله راضيه بحياتى واختيارى ليها الحمد الله ربنا رزقنى بزوج بيحبنى وبحبه ومش كلام اغانى لا حبنا لبعض هون علينا حاجات كتير مرينا
بيها وهنمر بيها لسه لان المواقف الل بتاكد الحب مش الكلام وكرمنى بزيزو حبيبى .. هطلب اكتر من كده ايه
ايمان: يعنى مبسوطه
اسماء بتتنهد بسعاده: برغم ظروفى دى .. لما بشوف ابتسامه فى وش زيزو بحس ان هم الدنيا اتزاح.وان مهما فى الدنيا قساوه فيها نعيم وهو انى اخد ابنى ف حضنى ويكون بصحه كويسه وجوزى ياخدنى انا وابنى ف حضنه ويحتوينا .. الله يا ايمى ع دا احساس ..مفيش حاجه ف الدنيا احلى من كده .. احساس الرضا راحه
ايمان : يعنى مجتيش فى وقت حسيتى بتعب من العيشه دى
اسماء بتضحك : يووووه كتير جدااا ..انا محمد طقشنا ف بعض كتير
ايمان: ايه وعملتى ايه
اسماء بتضحك: اقولك الصراحه ومتضحكيش عليا
ايمان : ايه
اسماء اتنهدت وبصت ل ايمان: كل ما الدنيا تضيق عليا وتتعبنى اروح ارمى نفسى ف حضن محمد حضنه بيشيل كل هموم الدنيا وبيقولى انا معاكى متخافيش .. وكل ما الدنيا تخبط مع محمد..امسك ايده واضمه ف حضنى وااكدله انا معاه وهنكمل مهما حصل ... المواقف والظروف هى الل بينت قد ايه احنا حبينا بعض واختيارنا لبعض كن صح قلب وعقل مع بعض .. ونصحى تانى يوم ولا فاكرين حاجه من خناقه امبارح .. هتقولى كلام مثاليات هقولك الانسان طول ماهو ربنا ناعم عليه بنعمه الرضا بيبقى اغنى من اى مليونير معاه فلوس مش عارف يوديها فين .. كفايه انك تكونى مع شخص بيحبك وبتحبيه وتقفوا مع بعض فى الوحشه قبل الحلوه .. كده علاقتكم بتتاكد طول مانتم ماسكين ايد بعض ..وهو دا ملخص علاقتى مع محمد ...
ايمان سامعه كلام اسماء عنيها فيها دموع ونزلت لاحظتها اسماء واتخضت
اسماء مسكت ايد ايمان : ايمان
طفت اسماء ع الاكل واخدتها وقعدوا ف اوضتها : مالك ياايمان فى ايه ؟
ايمان ودموعها نازله: مش عارفه فى ايه
اسماء: مازن مزعلك فى حاجه ..عرفينى ومتكتميش ف نفسك كده
لو مزعلك قوليلى انتى ليكى اهل ...
قاطعتها ايمان ودموعها نازله: انا الل زعلانه من نفسى يا اسماء وزعلانه اوى
اتخضت اسماء من شكل ايمان: فى ايه يا ايمان اتكلمى
ايمان: انا مش مرتاحه ..مش قادره احس بالسعاده .. انا عملت ف نفسى حاجات بدفع تمنها من حياتى دلواقتى
اسماء: فى ايه ..فى حاجه حصلت زعلتك
ايمان بتبص ل اسماء: انا تعبانه اوى يااسماء .. انا مش سعيده ..برغم الحياه الل عايشاها لكن مش سعيده ..انا مفيش حاجه عاوزاها غير لما تكون عندى اتنين او تلاته منها .. مفيش اكل نفسى اجربه غير تانى يوم الاقيه قدامى اذا مكنش فى نفس اليوم .. السفر بسافر لدرجه انى زهقت .. كل متع دى معايا لكن مش حاسه بيها .. الاول كنت مشدوده لحاجات دى ومبهوره لكن مع الوقت احساسى بيها قل لدرجه العدم .. موجوده زى مش موجوده ... الل تاعبنى اكتر مازن والل انا بعمله معاه..مازن بيعملى كتير وانا مش بعمله حاجه .. انا تعبانه اوى يا اسماء تعبانه ..
اسماء بملامح حزن: اهو دا الل كنت عامله حسابو وقلتلك عليه وحذرتك وانت مسمعتيش
..قلتلك الفلوس والغنى مش مسببات السعاده .. الفلوس وسيله مش اساس الاهم اختيارك ل الانسان الل هتعيشى معاه بتحبيه ويحبك تحبى كل لحظه معاه ... الاكله الحلوه هى وقتها بس وبعدها اخرتها المجارى .. الفستان الحلوه الغالى ديته نتشه مسمار ويبوظ وميبقاش ليه لازمه ... المكان الغالى هو استمتاعك للحظه وهيروح.. الاهم الانسان الل هتعيشى معاه
..وانتى ضيعتى من ايدك فرصه سعادتك وظلمتى انسان معاكى بس ارجع واقول نصيب
ايمان دموعها بتنزل : قلبى وجعنى اوى
اسماء: اقول الحق ..طبيعى تتوجعى وتتوجعى اوى .. لانك وجعتى قلب "على" ووجعتيه اووى "على" كان بيحبك لدرجه متتخيلهاش ..دا سافر علشانك ..والاهم من دا كله كنتى بتحبيه وهو بيحبك.. مازن اتظلم ف الحكايه دى هو حبك وانتى حبيتى الل معاه ولما زهقتى من الل معاه مش عارفه تحبيه هو ..عملتى زى الل نفسه ف حته جاتوه وطمع ف تورته ولما جتله التورته اكل نصها ومش قادر يكملها لانه نفسه قفلت ... ايمان دا كان قرارك واختيارك وانتى زى ما كنتى لوحدك بتقررى وتختارى لوحدك للاسف هتتحملى النتيجه ..!!
ايمان انهارت من العياط واسماء مش عارفه تعملها ايه وخصوصا بعد ما حست بغلطتها اخدتها ف حضنها ..1!!
قعدت ايمان مع اسماء وجه وقت الغدا وشافت بساطه معامله محمد مع اسماء وذوقه والابتسامه الل مبترحش من وشهم رغم قسوه حياتهم وطريقه وداع محمد ل اسماء وهو خارج باسها من راسها وفرحه اسماء باللحظه دى حست انها حرمت نفسها من حاجات كتير ... خلصت القعده وجتنت تقوم تمشى وهى ماشيه راحت جهزت مبلغ وبتديه ل اسماء : امسكى دول
اسماء متفاجئه: ايه دول
ايمان: دى حاجه بسيطه كده تساعدك و
اسماء قاطعتها وب ابتسامه: هو انا صعبت عليكى ولا ايه .. ايمى انا عايشه والحمد الله باكل وبشرب ومقفول عليا باب شقه وبستغطى كمان .. انا الحمد الله الل معايا مكفينى
ايمان: طيب خديهم وهاتيلك تلاجه
اسماء ضحكت: هو تلج ام رشا مش عاجبك .. انا داخله جمعيه وبتمنها هجيب التلاجه متقلقيش نفسك انا مظبطه حياتى ع الامكانيات الل معايا
ايمان: طيب خديهم هديه
اسماء مسكت الفلوس وحطتهم ف شنطه ايمان : انتى جيبتيلى هدايا كتير وانا لو احتجت هطلب منك مش هتكسف
ايمان: ماهو انتى لا بتطلبى ولا حاجه
اسماء بابتسامه: لانى مش محتاجه
مشيت ايمان ورجعت البيت فكرت ف كلام اسماء وقفلت الموبيل ودخلت البلكونه
واسترجعت ذكرياتها مع "على" ايام ما كانت حاسه بالسعاده الحقيقيه بالحاجات البسيطه ..
وهى باصه ع بلكونه شقه "على " دموعها نازله : انا اسفه يا على ..
خلصت اجازه "على" وجميله وبيجهزوا شنطهم وقعدوا يتعشوا مع "هبه" و"عبدالله"
هبه: طيارتكم بكره بليل
على : ان شاء الله .. وعبد الله كتر خيره حجزلنا عربيه تودينا الصبح عين شمس
هبه: كويس انك رايح انا كنت رايحه علشان ادفع ايجار وفرصه نروح مع بعض
على : انتى مكنتيش بتروحى
هبه: لا كنت بروح بس كل كام شهر كده اهوى الشقه واسلم ع الجيران وادفع الايجار والكهربا والمايه وارجع وكتر خيره عبدولى حبيببى كان بيروح معايا وبيرجع معايا
جميله: ربنا يخليكم لبعض
هبه بصت ل جميله :هتعجبك المنطقه اوى يا جميله .. المنطقه الل عشنا فيها طفولتنا وشبابنا واحلى ايام حياتنا انا وعلى واسماء و ....
لاحظت هبه تغيير ف وش "على" من كلامها وحست انها فكرته ب "ايمان"
هبه : على انا ...
على قاطعها باابتسامه: يلا نقوم ننام بقى علشان هنتحرك بدرى
جميله لاحظت تغيرهم المفاجئ وقامت دخلت اوضتها وفكرت ايه الل غيرهم وموابيلها رن وكانت هايدى مرات اخوها ...!!
تانى يوم ركبوا العربيه وفى طريقهم لقاهره "جميله" مسكت ايد "على" لانها حست انه متوتر
و"على" فعلا متوتر وملامح وشه اتغيرت لانه اول مره يروح بيتهم بعد غياب 4 سنين ... وصلوا ونزلوا من العربيه ..وسكان المنطقه بصوا يشوفوا مين وكان "على" وكانت مفاجئه..لجميع وقف "على" يسلم ع الكل .. اخدت "هبه" "جميله" وطلعوا شقتهم وفتحتها واول ما فتحتها دموعها نزلت "هبه "
هبه: الله يرحمك يا ماما
جميله مسكت ايديها: البركه فيكى
هبه مسحت دموعها : تعالى اوريكى شقتنا ..
دى اوضتى زى ماهى متغيرش فيها حاجه ودا مكتبى الل دايما كان "على" يجيبلى الشوكولاته ويسبهالى عليها ..
اخدتها وخرجت وراحت اوضه مامتها وبعدها راحت دخلت اوضه "على "
هبه: دى بقى اوضه ابو على ودا مكتبه ودا سريره
قعدت "جميله" ع السرير وحسست بايديها ع السرير ومسكت المخده وحضنتها
هبه قعدت جنبها : انتى بتحبيه لدرجه دى ؟
جميله ب ابتسامه : بحبه دى حاجه قليله ..انا مش لاقيه كلام اوصف بيه الل حساه
انا اول ما قابلت "على" لاقيت حاجه شدانى ناحيته معرفتش اقاومها وخصوصا محستهاش اتجاه اى حد قابلته ومع تعاملى معاه برغم قسوته اوقات لكن اتولد جوايا احساس يقين انه مش زى ما مبين وان جواه حاجه جميله اوى حسيت انى عاوزه اكون معاه تحت اى ظروف ... حسيت انه محتاجنى وانا محتاجاه اكتر .. احنا الاتنين محتاجين بعض ومش هنسيب ايد بعض ان شاء الله .. "على" هديه ربنا ليا وصبرى وانا هحافظ ع الهديه مهما حصل ..
هبه عنيها رغرغرت من كلام "جميله" : انا بحبك اووى يا جميله وربنا يسعدكم ويبعد عنكم اى شر .. انتى غيرتى "على" كتير .. رجعتيلى "على" اخويا بعد غياب 4 سنين .. رجعتى "على" لنفسه .. بجد مهما قولت مش هوفيلك حقك
الوقت دا كان "على" واقف وسمع كلام "جميله" ودخل قاطع كلام "هبه
على : بتعملوا ايه ف اوضتى اوعوا تكونوا قلبتوا حاجه
جميله ضحكت: اوضتك جميله اوى يا على .. شقتكم كلها جميله اوى .. بجد كنت بتمنى اعيش معاكم هنا
هبه بتغمز : لو كنتى ف مصر كنتى هتعيشى .. يلا انا خارجه اعمل شاى
على : اعملى الشاى وانتى ساكته
هبه ضحكت: ماشى
خرجت هبه بسرعه وهى بتضحك .. رجع "على" باصص ل "جميله" : كنتى عاوزه تشوفى بيتى ومنطقتى واهو شوفتيهم نفذت كلامى اهو ومضحكتش عليكى
جميله بصت ل على : بس انت مش مبسوط انك جيت هنا يا على
على بيحاول يدارى ملامح وشه ب ابتسامه..: ليه ماانا كويس اهو
جميله ب ابتسامه : مش مبسوط يا على او معنى اصح مش مرتاح وابتسامتك الكدابه دى مش هصدقها
على حس ان جميله قفشته واتنهد: معلش يا جميله انا زى ما قولتلك محتاج وقت .. انا هنا ليا ذكريات كتيره مع امى و ..
جميله : انا عارفه علشان كده عاوزاك تواجهه انت مش هتفضل طول عمرك هربان من الماضى .. الماضى دا صفحه من كتاب اكتب بايدك كلمه النهايه ف اخر الصفحه وتقفل الكتاب علشان تعيش مستقبلك لكن تكون فاتح صفحه الماضى مع الحاضر الل انت عايشه وعاوز تعيش مستقبل ..مش هينفع يا على .. فاهمنى
على : فاهمك .. واوعدك مش هاخد وقت كتير اللغبطه هتتظبط كل حاجه
جميله ب ابتسامه: ان شاء الله
على ب ابتسامه : المهم ..اول ما نرجع تحديلى ميعاد مع جمال ..انا مش هستنى كتير
جميله : اول ما نوصل ع طول ان شاء الله
شويا وموبيل جميله رن وكان جمال اخوها ..
على: مين
جميله اتوترت : ها .. جمال
على: طيب كويس جداا هاتى اكلمه
جميله بسرعه بعد الموبيل : لا استنى انا لما هرجع هتكلم معاه مينفعش موضوع زى دا يتفتح كده
على : اه فعلا
على حس ان جميله مش عارفه ترد فخرج من الاوضه ...وكانت المكالمه ل جميله تروح مشوار ... استاذنت جميله وعرفت "على "انها ف مشوار مهم لناس قرايبهم تاخد منهم امانه وبسرعه واخدت تاكسى واتفقت يتقابلوا ف المطار وفعلا مشيت جميله وكان "على" مصر يروح معاها وهى اصرت انه ميجيش ...!!
شويا وهما قاعدين ف الشقه
على باصص ع الشقه : يااااه مرت 4 سنين
هبه: عمر عدى يا على
على : اه فعلا .. (بص ف الساعه ) يلا بينا علشان متتاخريش انتى
هبه: ايه هتروح المطار من دلواقتى
على: اها هستنى جميله وانتى علشان متتاخريش ..
هبه بملامح توتر : طيب .. بس اسماء كلمتنى وقالتلى انها هنا ف بيتهم
على : طيب كويس كلميها تيجى نسلم عليها
هبه: باباها تعبان يا على مش الواجب نروح نسلم عليه ؟
على سكت لحظات: معاكى حق .. يلا بينا
هبه اتفاجئت : انت بتتكلم بجد
على : الراجل دا وقف جنبنا كتير زمان وصبر عليا اكتر وهو مريض وزياره المريض واجب
هبه: يلا بينا
طلعوا بيت ايمان وكان وقت ما وصل "على" كانت ايمان بره هى واسماء ومكنوش عرفوا انه رجع ورجعوا شقتهم عادى .. على ملامح وشه متغيره توتر مع عدم راحه وذكرياته مع ايمان حاضره قدام عينه وبيقاوح وبيحاربها وبيتمالك نفسه ...طلع قدام باب الشقه وللحظات وقف ساكت :
هبه: لو مش عاوز يلا ننزل يا على
على بصلها : لا مش هرجع خطوه مشيتها
ورن جرس الباب وللحظ والمفاجاءه فتحت ايمان باب الشقه: ايوه
بصت شافت "على" قدامها اتصلبت فى مكانها و"على" اتفاجئ جداا لانه كان مستبعد فكره انه يشوفها وقفوا دقايق باصيين لبعض ...اسماء خرجت تشوف مين
اسماء: مين يا ايمى
شافت "اسماء" "على" اتفاجئت: على معقوله
جمع نفسه بسرعه ورسم ملامح طبيعيه وابتسم : اسماء ازيك
اسماء بسعاده: اتفضل يا على اتفضل .. بيبو ازيك
هبه: الله يسلمك يا سمسم .. ازيك يا ايمان ؟
ايمان بلجلجه: الحمد الله
على : الحج موجود.. انا قلت نسلم عليه قبل ما نمشى
اسماء: هيفرح اوى .. تعالوا اتفضلوا ف الصالون اتفضلوا حالا هقوله
ايمان كانت واقفه متصلبه مش عارفه تتحرك ولا تتكلم .. دخل "على" و"هبه" الصالون .. وبسرعه دخلت " ايمان" اوضتها حست بقلبها دق بسرعه ومكنتش عارفه تاخد نفسها وحطت ايديها ع صدرها ومسكت السلسله الل لابساها بتاعه "على" واترسمت ابتسامه : على .. على
دخل ابو ايمان الصالون وسلم على "على " و "هبه "
ابو ايمان: ياااه عاش من شافكم يا ولاد
هبه: الله يخليك ياعمو
على ب ابتسامه وبلهجه كلها ثقه ابتدى يتكلم : والله دايما بسال عليك اسماء ووببعت معاها السلام ليكم
ابو ايمان: وصل .. وصل منك كل خير يا على ياابنى
على مبتسم : الف سلامه عليك وربنا يطولنا فى عمرك
ابو ايمان مسك ايد على وبملامح حزن : انا اسف ياابنى ع الل حصل عارف انها متاخره كتير
على اتفاجئ و قاطعه: على ايه يا حج متقولش كده انت متتاسفش انت مهما عملت انا راضى ولا هتكلم انت ابويا ياحج ومفيش ابن بيزعل من ابوه ولا اب بيتاسف .. مينفعش ياحج انت الكبير بتاعنا
قام "على" باس راس ابو ايمان : ربنا يباركلك فى صحتك ويخليك لينا
ابو ايمان اتحرجت من كلام على : ربنا يكرمك يا على بكل خير ويوفقك فى حياتك وتعيش ايام احسن من الل فاتت
هبه ابتسمت: امين
دخلت اسماء بصينيه العصير : اميييييين..قولى بقى قاعد قد ايه ؟
هبه: دا مسافر بليل
اسماء : نعم.. انت جى تثبتنا بالزياره دى .. لا ياعم انا عاوزه اعزمك عندى ف بيتى وتشوف محمد دا هيزعل اوى والله
على بيضحك: المره الجايه وعد هجيلك زياره مخصوص
اسماء: بعد 4 سنين برضه
على بيضحك: لا مش لدرجه ان شاء الله قريب ربنا يسهل
قعدوا شويا وبعدين استاذن "على" و"هبه" ونزلوا .. ركبوا العربيه وكانت "ايمان بتبص عليهم من البلكونه... اسماء دخلت عليها الاوضه: ايمان
ايمان اتخدت: ها
اسماء: مالك
ايمان: انا .. لالالا مفيش مفيش انا هاخد دش
لاحظت اسماء ان ايمان ماسكه السلسله ولهوجتها فمحبتش تسالها وسابتها ..!!
وصل "على" المطار وكانت "هبه وصلته ومشيت بالعربيه ل المنيا لانه كان السواق معرفه فكان امان ... فضل "على" يبص على "جميله ويدور عليها ويبص فى ساعته برغم ان لسه فى وقت ع ميعاد الطياره لكن هو مش عاوزها تغيب عن عينه .. كان متوتر ومتعصب وقعد ف كافتيريا المطار يشرب قهوه .. شويا "جميله" وصلت وكانت جايه بسرعه وبتنهج
جميله : انا جيت
على قالب وشه.. جميله: على ..انا جيت
على بيشرب القهوه ومش باصصلها : حمد الله ع السلامه
بص "على" ع الساعه: ما لسه بدرى لسه فاضل ساعه ع ميعاد الطياره
جميله لاحظت "على" مضايق : مالك فى حاجه حصلت
على باصصلها بغضب : يعنى مش عارفه ؟
جميله اتخضت: ايه دا هو انا عملت حاجه ..؟
على : كنتى فين كل دا مش قولتى انى هاجى هلاقيكى مستنيانى
جميله ضحكت: هو دا الل ضايقك ياراجل انا افتكرت انى عملت كارثه
على بسرعه: اه عملتى كارثه.. اتاخرتى
جميله ابتسمت وحطت ايديها ع ايد "على":انا مش هقدر ابعد عنك ولا افكر ابعد عنك
الحكايه انى قريبى بس مسكوا فيا وكده ومرضتش ازعلهم
على بزعل: لكن اولع انا صح
جميله ضحكت : انا مقدرش ع زعل حبيبى ياناس ..اوعدك مش هكررها تانى
على : ومين قالك انا هسمحلك تكرريها رجلى على رجلك فى كل خطوه
جميله : وانا موافقه ..مش هتعزمنى ع كافيه ولا ايه
على ابتسم : عاوزاه ايه ؟
جميله بصت من الفنجان الل بيشرب منه اخدته : اطلب لنفسك
على اتفاجئ: لكن دا بتاعى شارب منه و ...
جميله : هشربه علشان اجرى وراك
راحت جميله شربت من نفس مكان ما شرب "على" وعلى اترسمت ع وشه ابتسامه من الموقف ...شوويا وركبوا الطياره وسافروا ع لندن وكان "احمد" مستنيهم ...!!
احمد: يا هلا ومرحبا بالناس الحلويين
على: اهلا بيك ياعم المض
جميله: احمد ..وحشتينى
على : نعم
جميله بتضحك: اقصد وحشتنا
احمد: الله الله .. الاسبوع دا حصل تطورات معرفهاش ..انتم غير ما سافرتم ..هو انا كل ما اسيبكم شويا واغيب عنكم كام يوم ارجع القيكم ف تطور دانتم غلبتوا تطور الحاجه الساقعه
على ضحك : يا خفه
احمد : يلا بينا لينا بيت يلمنا احنا التلاته وهتحكولى كل دقيقه مرت عليكم ..
على بيضحك: ماشى ياعم يلا هات الشنط وتعالى ورانا
مسك "على" ايد "جميله" ومشى وسابوا الشنط مع "احمد"
احمد: ع اساس انى الخدام الل سابو باباه المرحوم ياولاد التيت ماشى ماشى
مسيرى ارتبط انا كمان بدل دور زرعه البصل الل انا عايشه دا .. ابعت يارب
كانت " ايمان " قاعده فى اوضتها سرحانه وماسكه السلسه فى ايديها
دخلت عليها "اسماء " الاوضه ...لاحظت سرحانها وانها مااخدتش بالها ..
اسماء: ايمان
ايمان مسمعتش .. اسماء قربت وبصوت اعلى : ايمااان
ايمان اتخضت: ايه يااسماء خضتينى
اسماء: خضيتك ايه يا شيخه انا ايدى وجعتنى من الخبط ع الباب واتنبح من كتر ما بنادى .. انتى فينك
ايمان: ماانا قدامك اهو ..
اسماء لاحظت السلسه وايمان بتداريها تحت التيشيرت الل لابساه
اسماء ملامحها اتغيرت: انتى مش لازم تكونى هنا يا ايمان ..انتى مكانك هناك مع جوزك يا ..جوزك سامعانى
ايمان ملامحها اتغيرت: فى ايه يا اسماء .. انتو زهقتوا منى كده
اسماء: لا انتى كنتى نازله 10 ايام دلواقتى بقالك 20 يوم .. انتى ناسيه ان ليكى زوج محتاجك ومستنيكى وان صبر عليكى مره مش معناه تسوقى فيها .. هو مش وحشك ولا ايه ؟
ايمان : فى ايه يا اسماء بتتكلمى كده ليه ?
اسماء قربت من ايمان : بتكلم كده علشان انتى مش عجبانى خالص وبتسوء عن الاول
قربت منها ومدت ايديها طلعت السلسله من تحت التيشيرت
اسماء بعصبيه: ممكن اعرف دى بتعمل معاكى ايه .. مش قولتى انك رجعتيها مع الدبله والحاجه زمان بتعمل ايه دى معاكى يا ايمان ؟
ايمان اتلغبطت: عادى يا اسماء عجبانى ونسيت احطها .. ولاقتها فى وسط حاجات عندى ومعرفتش ارجعها و ..
اسماء : عينى ف عينك كده ان دا فعلا الى حصل
ايمان اتهربت من النظر ف عين اسماء .. ايمان : فى ايه يااسماء الله
اسماء: اهو نرفزتك دى اكبر دليل ع انك بتكدبى
مسكت اسماء ايد ايمان وقعدوا وبلهجه هاديه اتكلمت اسماء
اسماء : ايمى يا حبيببتى انا اختك وعارفه دماغك بتفكر فى ايه بس الل بتفكرى فيه مينفعش ولا هينفع
ايمان اتوترت: هو ايه الل بفكر فيه ؟
اسماء بهدوء وبطبطب ع ايد ايمان: ايمى انتى متجوزه وليكى حياتك و "على" له حياته
كل واحد فيكوا عايش فى اتجاه عكس التانى ومفيش نقطه تلاقى بينكم ..يعنى الطريق مقفول خلاص .. فالتفكير ف المستحيل غلط انتى احتفطتى بالسلسله دى علشان "على" اشترهالك اول هديه ليكى اشتراه وليها مكانه عندك ..او معنى اصح بتفكرك بالوقت الل حبيتى فيه بجد واتحبيتى .. بس انتى كده بتوهمى نفسك وبتظلميها وبتظلمى مازن جوزك الل بيحبك ..مينفعش نبص ورانا ونتشعلق فى الماضى .. الماضى صفحه واتقلبت مش هيفيد حاجه الرجوع ليها غير وجع القلب .. وتضيع العمر منا
ايمان : انا ..
اسماء: غلط انك تحتفظى بالسلسله .. وغلط بعدك الطويل عن جوزك الجواز معايشه بين اتنين مش لقب بتاخديه قدام الناس علشان كلامهم .. الجواز حياه بالانصاف بين راجل وست ..الحلو والوحشه .. وممنوع البعد بينهم مهما حصل ..انتى بتبعدى بارادتك ودا مش صح لعلاقه المفروض انها ابديه ..
اسماء لاحظت صمت ايمان .. اسماء : نصيحه من اختك الصغيره الل ملهاش غيرك ف الدنيا
حافظى ع الل معاكى لان مش كل حاجه بتروح بنعرف نرجعها ..وطعم الخساره بيوجع والندم مش بيعمل حاجه غير انه بيجرح فى صاحبه ...علشان ببتصادم مع المستحيل ... بلاش تكملى حياتك كده فى فرص بتجيلك وانتى بتضيعيها ... بلاش ...
قامت اسماء من جنب ايمان وخرجت من الاوضه وايمان قامت وقفت ف البلكونه باصه ع بلكونه شقه "على" وماسكه السلسه ودموعها نازله ...!!
رجعت "جميله" و "على" من سفريه مصر احسن من الاول وارتبطهم ببعض بقى اقوى من الاول وفضلت "جميله" مع "على" و"احمد" فى الشقه ومرضتش تسيبهم برغم اعتراض "هايدى " ومحاولتهم تخبيه الموضوع عن "جمال" اخوها ... فى يوم كانوا ف المطعم وجميله كانت استاذنت وقابلت هايدى ورجعت وهى داخله المطعم شافت حاجه خلتها ف حاله صدمه .. شافت "على" بيهزر مع بنت من اصحابهم ف الشغل وبيضحك اوى .. كانت هتروحله لكن كان المحل زحمه ورجعت ع المطبخ وعماله تنفخ .. احمد لاحظها : مالك يا جيمى
جميله بتنفخ: ونبى يااحمد ما تكلمنى مش طايقه نفسى
احمد: ليه كده ..حد اكلك سندوتشك ولا توستك ولا مصاصتك
جميله بصت ل احمد وكانت هتضحك: والله انت رخم
احمد: ف ايه بجد
جميله: عاجبك الل صاحبك بيعمله دا . اخرج ساعتين ارجع القيه عمال يهزر ويضحك مع البت المعصعصه "ميلدا" ينفع كده بذمتك
احمد : اممم انا بصراحه لاحظت كام مره كده ومش ميلدا بس دا صافى وولورا وغير الزباين دا ناس بتيجى تطلبه بالاسم علشان ياخد الاورد منهم .. على بقى انترناشوال انا بفكر اقول لمستر ادم يكتب حصه من المحل ل على ونبقى اغنيا ومعانا فلوس فلوس فلوس
جميله شافت احمد بيهزر : بتهزر ماشىلا يارخم
احمد: طيب متزقيش كده ..مش انتى السبب خلاص شيلى
جميله بااستغراب: السبب
احمد: ايوه طبعا .. مش انتى الل فكيتى ربطته وقعدتى تقوليله الحياه حلوه لازم نعيشها .. الحياه حلوه وانطلق يا على .. انطلق يا على .. اهو انطلق وابقى قابلينى لو عرفتى تلميه
جميله بملامح غيظ وتسخين احمد خرجت بعصبيه ع الصاله وعلى كان بياخد طلب من زبونه راحت مسكته من ايده وشدته اتجاه المطبخ .. على : فى ايه بتشدينى كده ليه
جميله بملامح عصبيه: ايه الل بتعمله دا حضرتك
على : بشتغل هو بعمل ايه يعنى
جميله : ها ها ها .. بتشتغل .. بتشتغل الزباين ولا ايه وشغلك ضحك وهزار ولا تاخد اورد وانت ساكت
على حس بغيره جميله ورسم ملامح جد: يعنى انتى عاوزانى اكشر ف وش الناس .. مش دول الزباين الل بيدخلوا فلوس لمطعم واحنا بناخد مرتباتنا منهم ... عاوزانى اكشر قدام لقمه عيشى
جميله بعصبيه: ماهو انت كنت شغال عادى ومبتضحكش كده
على : وكنت هترفد وانت لحقتينى .. وانا مش مستعد اخسر شغلى علشان ارضيكى
جميله سكتت ومش عارفه ترد : يعنى انت بتقولى انك لا هتبطل هزار ولا ضحك وهتفضل كده
على بلهجه عصبيه: احنا ف شغل يا جميله وصوتك ميعلاش عليا كده .. وانا مش بلعب انا ف الشغل فاهمه لما نخلص شغل نبقى نتكلم
مشى خطوتين وجميله واقفه ومستغربه من لهجه على . رجع ليها تانى وبيكلمها بلهجه حاده: الحركه الل عملتيها وشدتينى من ايدى قدام الناس كده متتكررش تانى ماشى .. روحى لشغلك
مشى "على" واترسمت ع وشه ابتسامه ..بعكس جميله الل كانت مضايقه اكتر من الاول .. رجعت المطبخ قعدت تنفخ واحمد شايفها وعمال يضحك عليها ... جه وقت الغدا الاستراحه وهما قاعدين "جميله" كانت متجاهله "على" وكانت مركزه مع زمايلهم وبالاخص " احمد " كانت بتهزر وبتضحك بصوت كانت هايبر اوى كانت عاوز تضايق "على " ...
جميله: خدى قطعه الجاتوه دى يا حماده
احمد: تسلميلى ياعيون حماده
جميله: والعصير دا كمان الل بتحبه انا طلبته مخصوص علشانك
احمد : امووووت انا
ضحك احمد وقرب من جميله وبيوشوشها : جيمى عاوز اقولك حاجه
جميله: ها
احمد: الل انتى بتعمليه دا ولا هيحوء مع لوول يعنى اهدى بقى كده وبلاش اوفر
وبصى عليه كده وهتعرفى ..
بصت "جميله" ع "على" لاقته قاعد عادى وبيتكلم مع زمايله ولا باصص عليهم اترسمت معالم غيظ ع وش جميله ..
احمد : يا ناصحه عاوزه تغيظيه .. غيظيه مع اى حد غيرى انتى لو حضنتيتى وبوسيتى وياريت دا يحصل وانا موافق ( خبطته جميله ) سورى انا يعنى بقولك مهما ادلعتى واتصرفتى "على" مش هيتحرك منه شعره ل سببين .. اولا لانه استحاله يغير منى ثانيا لانه عارف وواثق انك متنيله ع عين اهلك وبتحبيه يعنى مش هتفكرى تبصى لحد تانى غيره .. عاوزه تغظيه يا هبله .. عندك ادوارد .. جاك .. ادمز رجاله ملونه اهو توست امريكانى مش رغيف بلدى محمص يا هبله .. يا هبله
جميله بملامح غيظ: ماهو انا مش هقدر اعمل كده مع اى حد غيرك..علاقتى بيهم ليها حدودها وانا مش هتعداها علشان "على" و دا علشانى قبل ما يكون علشانه .. مش هعمل زى عود الكبريت الل يتولع بيه البيت علشان حشره جوه وممكن برش مبيدات تموت والبيت يفضل ..
احمد : نظرتى فيكى مخيبتش وبرضه نظرتى انك هبله مخيبتش .. يعنى انتى عارفه المشكله وحلها وبتستغبى كتك نيله ..
جميله خبطته : متخبطش بقى
احمد: حاجه مضايقاكى اتكلمى معاه بهدوء كده واسمعوا بعض انما التلطيش مش بيعمل حاجه يا موكوسه .. متشمتيش الاعداء فيكى
بص احمد ع بنات زمايلهم الل اسمها "مليدا " كانت باصه ل جميله وبتضحك لانها شايفاها مضايقه و"على" نفضلها غير العاده .. راحت جميله ابتسمت ف وشها : صح يااحمد مش لازم اشمت الاعداء فيا وخصوصا الانجليز ..
احمد: يحيا ثوره 19
جميله بصت ل احمد : ثوره 19 دى بتاعت سعد زغلول
احمد: مش فاكر بس هى ثوره ناس راحت تتكلم راحوا نافوهم لمكان تانى يعنى اودعك دلواقتى لانك مش هتعمرى كتير انا عارف
جميله ضحكت : رخم والله
احمد: ايوه كده الضحكه من القلب احلى كتير من الملونه .. بعد الشغل اتكلموا كده مع بعض وانا لو مش عاوزنى ف البيت ممكن اخلع يا ستى
جميله: لا طبعا خليك موجود
احمد: خلاص امرى الى الله هتقمص شخصيه الاباجوره لحين احتياجى واتحول لنبووت
جميله ضحكت: اشطه
خلصوا شغل وخرجت جميله واحمد يشوفوا "على" علشان يرجعوا البيت لاقو ان "على" استأذن ساعه ومشى ومش عارفين راح فين وقافل موبيله .. رجعت جميله واحمد البيت ودخلت لاقت "على" قاعد ف الليفنج بيشرب شاى ومشغل التليفزيون ..
احمد: فينك يا لوول اختفيت كده
على : صدعت وقلت ارجع البيت
جميله بعصبيه: ومقلتش ليه لينا وسبتنا كده
على بصلها بنظره حاده ع عصبيتها وقام دخل اوضته من غير ما يكلمها
جميله حست بضيقه واحمد سحب نفسه ع اوضته ودخلت جميله اوضتها وبتبص ع السرير شافت علبه شوكولاته الل بتحبها ع السرير وبعد ما كانت مضايقه ابتسمت وبتفتح باب الاوضه وخارجه شافت "على " واقف ف الصاله وباصص ل اوضتها ومبتسم ..مشيت جميله بخجل اتجاهه : احم.. انت الل جبت الشوكولاته دى
على ب ابتسامه: ايوه
جميله : جبتلى انا الشوكولاته دى
على : ايوه
جميله بكسوف: ليه وسببها
على مسك ايديها : علشان اقولك انك هبله اوووى وانى بحب واحده هبله اووى بتغير من بنات ميجوش جنبها حاجه
جميله : ياسلام .. دول زى القمر
على : انا بكلمك عليا انا .. انا عينى مشفتش ولا هتشوف غيرك .. كل حاجه حلوه ف عينى انتى .. انتى احلى حاجه شوفتها ومش هشوف غيرها حتى بصى كده
جميله بصت ف عين على : يعنى اصدق ان صورتى بس الل ف عينك
على قفل عينه وفتحها : كده اتاكدت .. انا حياتى هى جميله وعينى مش شايفه غير جميله لان قلبى وعقلى مفهمش غير جميله ..فاهمه
جميله اتكسفت : انا اسفه ان صوتى على عليك
على : وانا اسف انى اتعصبت عليكى
جميله : يعنى صافى يا لبن خلاص
على باس راس جميله : صافى يا لبن خلاص
احمد كان بيراقب الجو وشايفهم واقفين وخرج من الاوضه وبيعمل صوت كمانجات : تيرررا ررا ترااا .. كان ناقص الكمانجات
ضحكوا كلهم وحضروا عشا كان "على" اشتراه واتعشوا ودخلوا اوضهم ناموا .. !
ف القاهره ايمان صحيت بدرى ولبست ونزلت واخدت تاكسى وراحت موقف السوبر جيت وراحت المنيا ووصلت عند بيت هبه وطلعت رنت الجرس وهبه فتحت : ايمان ..
_______________
يتبع
ليست هناك تعليقات:
إرسال تعليق