(16)
اخدت "جميله" اجازه لمده اسبوع علشان تهتم ب "على" وميفضلش لوحده واطمن"احمد" بكده وراح هو الشغل الصبح لجرايد والمجلات ويطلع ع المطعم الساعه 3 لبليل ... مر يومين و"على" ابتدا يفوق ويستوعب اللى حواليه وفى يوم قرر يخرج من الاوضه وكان مش مركز مين موجود ولا مين خرج .. خرج من الاوضه بص ع الصاله ملقاش حد راح ع اوضه "احمد" لقاه مش موجود وراح قعد ع كنبه الانتريه وفاجاءه سمع خبط جى من اتجاه المطبخ بص لقى "جميله" فاتحه الموبيل وعماله تقلب ف حله وبتدندن
على بصوت تعبان : انتى مرحتيش الشغل
جميله اتخضت : "على" .. انت ايه قومك من ع السرير
على بيجمع: انتى بتعملى ايه
جميله مشيت اتجاهه : ارجع ارتاح ف اوضتك عقبال ما احضرلك الاكل
على : علشانى
جميله: اها .. 10 دقايق وهيكون عندك .. ادخل اوضتك يلا
على : لا مش داخل ومش عاوز اكل
جميله : لالالا معندناش الحاجات دى علشان علاجك روح اقعد وهيكون عندك
راح قعد "على" ع كرسى ف الصالون وقعد يحاول يجمع ويفتكر الل حصله ... ف الوقت دا "احمد " كان نسى موبيله ورجع ع البيت ياخده قبل ما يروح المطعم واول ما دخل شاف "على" قاعد ف الصاله
احمد : لوول ..حمد الله ع سلامتك
على : الله يسلمك
احمد قرب وقعد جنبه : ايه اخبارك وايه ياعم الل عملته ف نفسك دا
على : انا مش فاكر غير انى رجعت تعبان ومن بعدها مش فاكر حاجه
هو ايه الل حصل يا احمد
احمد: يوووه حصل كتير ..انت كنت تعبان خالص ولولا جيمى لحقتك كنت روحت مننا بصراحه كتر خيرها "جميله" مسبتكش ولا لحظه
على اتفاجئ: ايه.. جميله ؟
احمد بيضحك: نعم .. انت مكنتش حاسس بال كان بياكلك وبيديك العلاج وبيغيرلك
على اتخض: يغيرلى هدمى ؟
احمد ضحك: متقلقش هى كانت تخصص الجزء العلوى وانا الجزء السفلى.. عندنا ولايا احنا متخفش واحسن من الشرف مفيش
جميله جت بصينيه فيها اكل : يلا قول بسم الله عقبال ما اجيبلك من الاوضه علاجك
على باصص ومش مجمع : هى مرحتش شغل ليه
احمد: البت دى جدعه اوى يا لوول .. اخدت اجازه علشان تقعد تخلى بالها منك قالتلى مش هينفع نسيبك لوحدك .. ومينفعش اقعد انا كمان ..اخدت اجازه وشالت اليله
على : جميله
احمد: مش بقولك البت دى جدعه ..
دى كانت بتسهر علشان تديك علاجك ف وقته لو واحده تانيه غيرها كانت ولا اهتمت ياجدع .. اصيله اصيله ويابخته الل هتكون من نصيبه ... يا بختى يارب
على : انا مش فاكر حاجه
احمد قام وقف : افتكر ع راحتك انا نازل .. وعاملها كويس البنت شيلتك جميل عمرك ها
احمد بصوت: جيمى انا نازل اشوفك بليل
جميله: اوكييه
نزل "احمد" و"على" بيحاول يجمع ..خرجت "جميله" ومعاه العلاج وقعدت جنبه واتعاملت بتلقائيه
جميله: يلا افتح بوقك ها
على بصلها: نعم
جميله: يلا بسرعه علشان دا قبل الاكل يلا ها
على مد ايده: شكرا ..انا هاخد علاجى بنفسى
على فتح بوقه واخد العلاج وشرب المايه .. راحت جميله تقلب طبق الشوربه تدفيه
جميله: تاكل لوحدك ولا اكلك زى كل مره
على : كل مره
جميله بتضحك: انت ناسى ..ماانا الل كنت بااكلك
على بعد عنها : لا انا هاكل لوحدى
جميله : اوك يلا بالف هنا وشفا
على بيدور حواليه: هو موبيلى فين ؟
جميله: قفلته وشيلته
على بااستغراب : نعم
جميله: ماانت لازم ترتاح شويا والدكتور قال اسبوع .. وانت بتجيلك مكالمات غريبه وبتنزل
قفلته وفصلتك عن العالم علشان ترتاح و..
على قاطعها بلهجه حاده : لو سمحت هاتى موبيلى
جميله : لا
على بعصبيه: هاتى موبيلى بقولك
جميله اتخضت : حاضر
قامت جابت موبيله فتحه ولاقى رسايل كتير .."جميله" فضلت مرقباه لغايه مااتصل ب "ابراهيم" وقاله هينزل انهارده راحت "جميله" شدت الموبيل وقفلته : مش هتنزل
"على" بملامح غضب: ايه الل انتى عملتيه دا
جميله بشجاعه: مش هسيبك تنزل وانت تعبان .. هتكمل اسبوع يعنى اسبوع ها
على بيحاول يتمالك نفسه: هاتى الموبيل
جميله بملامح خوف وبصوت شجاع: لا .. لا
على بعصبيه: انتى مين ادالك حق تتحكمى فيا كده ميخصكيش هنزل ولا لا
جميله بصوت عالى : مش هتنزل
على بعصبيه : نعم
جميله بعصبيه: انت ليه بتعمل ف نفسك كده وانت مش كده اصلا
على باستغراب : وانتى ايه عرفك انا كنت ازاى
جميله سكتت لحظات ووطت صوتها وبهدؤء : انت مكنتش كده يا "على" ..انت كنت انسان بتخاف ع غيرك وعلى نفسك بيحب وقلبه بيدق .. لو انت ف الاساس مش كده مكنتش تحب ايمان وتكتب الكلام دا عنها وعن مشاعرك
على سمع اسم ايمان : انتى عرفتى منين ..احمد
جميله قاطعته: من قبل ما تحكم ع حد "احمد" محكاش حاجه انا قريت كلامك ف الاجنده لما لاقيتها واقعه وعرفت كل حاجه.. مش كل واحد يتعرض ل ازمه ف حياته يكون كده .. يضيع نفسه .. انت كنت حاسس انك مريض من قبل ما تقع بيومين ومع ذلك اهملت نفسك لغايه ما وقعت وبدل ما تكلم حد يلحقك سيبت نفسك زى الل بينده ع الموت .. ايه الل انت عملته ف نفسك دا ازاى تعيش بالشكل دا.. مامتك الله يرحمها مش هيفرحها الل بتعمله دا صدمتك ف فراقها تقويك علشان هى ترتاح لان دى سنه الحياه ناس بتسلم لناس ومش معنى حبيت واتخدعت مره يبقى الدنيا اتهدت انت متعرفش بكره مخبيلك ايه حتى لو مخبيلك وحش متبقاش انت كمان وحش زيه ... فوق لنفسك كده ربنا مديك حياه تعيشها غيرك تحت التراب بيتمناها ..واى حاجه مهما تحصل متستهلش والازمات بتقوى الواحد مش تضعفه
على بيستوعب جراءه جميله وكلامها : انتى ازاى بتتكلمى كده
جميله بتستجمع شجاعتها : انا .. انا .. انا عاوزاك ترجع "على" زى زمان
على : نعم
جميله : ايوه ترجع "على" الل كتب باايده الخواطر ف الاجنده دى "على" الل قلبه بيدق وبيحس وبيحب الحياه والناس ..مش "على" الل شال قلبه وحط بداله حجر... ارجع "على"
الل كان الكل لما يشوفك يتمناك تكون ابنه .. ارجع ل اصلك وطبيعتك مش الل انت فيه دا .. انا واثقه من الاول انك مكنتش كده وان فى حاجه .. وانا مش هسيبك تكمل كده
على : نعم ... انتى ليه بتعملى كده وباى حق تقوليلى الكلام دا ميخصكيش
جميله عنيها ف عين على وقلبها بيدق جامد : علشان انت تهمنى اكبر مما تتخيل
على اتفاجئ... جميله: انا عاوزاك ترجع زى الاول ارجع يا على وبلاش تبقى كده ..
على سكت لحظات : انتى ملكيش مكان معانا هنا لمى حاجتك وشوفى سكن تانى
"جميله" اتصدمت واقفه مكانها و "على"شد الموبيل من ايديها ودخل اوضته قعد ع حرف السرير وهو متعصب علشان هى دخلت دعبست جواه ف الركن الضلمه الل قفل عليه .. وجميله بره حست بندم من تسرعها وكلامها .. دخلت اوضتها وقفلت عليها وحست بغلطتها وجابت شنطتها وابتدت ترمى الهدوم فيها ... وقبل ما تمشى بعتت رساله ل "احمد" انها ماشيه ومواعيد علاج "على" .. "احمد" اتفاجئ وكلمها قالها متتحركش .. استاذن ورجع ع البيت بسرعه ... اول ما دخل شاف البيت هادى خبط ع باب اوضه "جميله" وشاف ملامحها متغيره وحكتله ع الل حصل وطلب منها تفضل ف الاوضه متتحركش .. وراح خبط ع باب اوضه "على" ودخل واتعامل عادى ..:
احمد: لووول .. جبتلك الدوا
على : انت رجعت ليه ..
احمد: ماهو انت ليك علاجك ف الميعاد دا
على :مش مستاهل تتعب نفسك يعنى
احمد بخباثه: مش انا الل تعبت .. البت جميله دى جدعه اووى كانت نازله مشوار كلمتنى علشان استاذن واجى اديك علاجك قبل ما تخرج وعلشان انت هتنسى واحتمال لا مش احتمال اكيد مش هتاخد علاجك فضرورى حد يدهولك ف انا استاذنت وجيت .. والله من غيرها ف البيت دا كنا لصنا بت اصول صحيح وعامله روح للبيت كده من وقت ما جت تعيش معانا وعرفناها واحساس الغربه راح واختفى ..
على بص ل احمد: احمد... جميله لازم تمشى من هنا فاهم
احمد : ليه ان شاء الله ..انا بقولك ايه وانت بتقول ايه يا جدع .. وبعدين دا جزاء المعروف ترد بكده .. يعنى البنت اخدت اجازه وقعدت بيك تاكلك وتشربك وتديك العلاج ف مواعيده وتغيرلك هدومك ..واهتمت بيك وبيا ..دى حسستنا اننا عيله يا عم انت وبعدين تقولى تمشى لا طبعا مش هتمشى ولو هى هتمشى انا همشى معاها .. انا مش هسيبها لوحدها ملطشه ف الشارع
على اتفاجئ بكلام احمد: هى وصلت لكده .. اخرج يااحمد وسيبنى لوحدى
احمد : اوكيه هخرج لكن زى ماقولتلك جميله مش هتمشى ولو مشيت انا همشى معاها ... يلا ارتاح
خرج احمد وكلامه عصب "على" اكتر وكان مش طايق نفسه .. للحظات فتح الدرج وطلع الاجنده وفتحها وقلب ف صفحاتها لثانيتين وبعدها قفلها بعصبيه ورماها ف الدرج ونفخ ورجع براسه وسند ع ضهر السرير و دخل "احمد" عند "جميله" واتكلم معاها واقناعها انها متمشيش وفعلا رجعت حاجاتها وفضلت قاعده ف الاوضه بقيت اليوم مخرجتش منها لغايه ما احمد رجع ولاحظ ان البيت هادى دخل اوضته ونام .. !
تانى يوم الصبح نزل "احمد" بدرى ع الشغل الصباحى وصحيت "جميله" تحضر الفطار ل "على" علشان علاجه .. فضل "على" ف اوضته مخرجش ... جهزت "جميله" الفطار ع الصينيه ومشيت بخطوات متردده اتجاه اوضه "على" وقفت ثانتين اخدت نفس وخبطت ع الباب سمعت صوت بيقول : ادخل
دخلت وهى راسمه ملامح جاده ع وشها : انا حضرتلك الفطار
راحت اتجاه الكوميدينو : والعلاج دا تاخده قبل الفطار ودا بعده ولما تخلص انده هاجى اخد الصينيه
على باصص عليها وساكت .. مشيت اتجاه الباب وهتخرج من الاوضه رجعت تانى خطوتين : انا اسفه ع فضولى ..اسفه انى قريت حاجه مش تخصنى ودخلت فيها .. انا اتكلمت معاك لانى كنت فاكره نفسى واحده منكم وانتم تهمونى عموما اوعدك مدخلش تانى ف حاجه تخصك ولا هضايقك تانى وهتحس ان مفيش حد ف الشقه وقريب هنقل من هنا علشان مسببش ازعاج تانى .. وشكرا انك استحملتى الفتره دى ...
خرجت بسرعه و"على" باصص عليها من غير ما ينطق .. بص ل الفطار وابتدا ياخد علاجه واكل.. استمر الوضع كده يومين علاقه "على" و "جميله" من غير كلام مجرد تحضر الاكل وتديله العلاج وتخرج تقعد ف اوضتها .. "على" لاحظ انها اخدت جنب منه فعلا بعد الاعتذار .. ففى يوم الل قبل ما ينزل "على" الشغل حضرتله "جميله" الفطار وودتهوله الاوضه خلص "على" الفطار شال الصينيه وخرج بيها من الاوضه بيدور ع "جميله " لقاها ف المطبخ واقفه سانده ع التلاجه ومربعه ايديها وباصه ف الارض..
على قرب منها : هو ف حاجه واقعه منك
اتفاجئت جميله : ها ..
على حط الصينيه ع المطبخ : باصه ع الارض
جميله: لا مستنيه المايه تغلى علشان بعمل شاى ..
على : هينفع تعمليلى معاكى كوبايه شاى
جميله ابتسمت: اكيد طبعا
"على" راح شغل التليفزيون وقعد و"جميله" فاجاءه من حاله تكدير ل حاله حيره اول مره "على" يبدء كلام معاها لانه دايما بيتجاهلها ...
صبت الشاى وراحت ل على : اتفضل
على : شكرا
جميله بااستغراب : ها
على باصلها: شكرا
جميله : انت بتشكرنى انا ..
على بيبص حواليهم: هو فى غيرنا هنا
جميله باابتسامه مشرقه: اوكيه .. اوكيه
على اخد شفطه من الشاى وباصص اتجاه التليفزيون : انا اسف
جميله تنحت : ها
"على" طفى التليفزيون و حط مج الشاى ع الترابيزه واتنهد وبص ل جميله بنظره ثقه : اسف ع اللهجه الل كلمتك بيها اخر مره وعصبيتى والمعامله الل عاملتك بيها انا مبحسش بنفسى وانا بتكلم ولا بتصرف فبيطلع منى كلام زى الطوب واسلوب زباله
جميله بصت حواليها: انت بتتكلم معايا انا صح
على : وهو ف غيرنا قولتلك
جميله ابتسمت : لا ولا يهمك انا اتعودت ع طريقتك دى
على : انا شخصيتى وطبعى صعب حد يتقبلهم عارف
جميله باابتسامه: انا عارفه وواثقه انك مش كده .. انت غير الل بتظهرله لناس
على بااستغراب : واتاكدتى من ايه واحنا منعرفش بعض علشان تعرفينى وتحكمى عليا
جميله شاورت ع قلبه : دا الل قال
على بص ع قلبه: نعم
جميله : مفيش انسان يا "على" بيتخلق وحش .. ظروف وحياه وتخبيط دنيا هو الل بيخلى الانسان وحش لان القلب من وقت ما ربنا بيحط فيه اول نبضه بيبقى كله خير ونقاء زى السما بالظبط ...انا مبصدقش ان حد اتخلق وحش لكن اصدق ان فى ظروف وحشه عملت انسان وحش .. ولو اتحط ف بيئه كويسه وناس كويسين حواليه هيبقى كويس لان اصله كده ... انت مريت بضغوط وظروف فوق طاقتك ولان ربنا مبيحملش انسان اكبر من طاقته وبيختبر صبره انت من غير مااعرف تفاصيل مستحملتش واستسلمت واللل انت فيه دا نتيجه استسلامك ودا مكنش حل دا كان ضغط تانى حطيت نفسك فيه ...ولانك يا "على" مش كده ابسطها اهو شكرتنى وتأسفت ليا انت لو وحش فعلا وانسان مش كويس وجواك مش صافى مكنتش استحملتنى ولا شكرتنى ولا كلمتنى ...
على باصص ومندهش من كلام جميله ليه ...
جميله : ادى لنفسك فرصه يا"على" ترجع زى الاول "على" الل احمد حكالى عنه .. عن "على" الل هو والحياه ند قصاد ند تقاوحوا ف بعض لكن مبتستسلمش "على" الل ابتسامته كانت مفتاح كل حاجه ومهونه عليه وعلى الل حواليه كل حاجه .. بااختصار ارجع عيش تانى يا "على" .. جرحك ووجعك متسبهوش يستغلك .. حاربه وعيش ..ربنا خلقلنا حياه وهنعيشها لانها حياه واحده سواء قصيره ولا طويله هنعيشها ..ع الاقل نعيشها واحنا مبسوطين وراضين فيها .. ولا ايه .. !!
على مش لاقى كلام : لكن انتى متعرفيش حاجه من الل حصلى ومر عليا
جميله: ولا عاوزه اعرف .. الل فات خلاص فات بقى ماضى احنا نعيش دلواقتى ونستنى بكره علشان نعيشه حلو او وحش لاننا هنعيشه لا مفر وقدامنا فرصه تانيه نصلح ونبتدى من الاول نستغلها بقى ومنضيعهاش لان الفرص مش سهله تيجى لكن سهله تروح مننا
"على" حس بااحساس غريب من كلام جميله حرك حاجه جواه ..حس بصدق ف كلامها حس انه محتاج يقعد مع نفسه ويفكر تانى ...
سكت لحظات : المهم افهم من كده انك قبلتى اعتذارى
جميله ب ابتسامه: اعتبر ان مفيش حاجه حصلت اصلا بس ليا طلب
على: خير
جميله : من انهارده نكون اصحاب
على سكت ... جميله : ومش هتندم صدقنى
على : انا داخل ارتاح ...
جميله : اوكيه
على دخل الاوضه وحس بلغبطه وان دى اول مره يتكلم مع حد وكلامه يعلق معاه بعد السنين دى راح اتجاه كرسى ف اوضته وقعد وطلع سجايروولع سيجاره وسرح وبدء مرحله التفكير ...و"جميله" كانت سعيده انهااتكلمت مع "على" ل اول مره من غير خبط كلام ولا عصبيه منه وانه سمعها .. موبيل "جميله" رن وقامت تجيبه من الاوضه لبست جميله وخرجت من الاوضه خبطت ع باب اوضه على : ادخل
دخلت جميله: : على انا نازله عاوز حاجه
على : لا شكرا
جميله : هقابل واحده صاحبتى ومش هتاخر اوكيه
على استغرب انه مسألش وهى قالت رايحه فين : اوكيه
جميله باابتسامه: خلى بالك ع نفسك مش عاوزه ارجع المرادى القيك تعبان انا مش هتاخر ولو احتجت حاجه كلمنى تمام ..
على مستغرب من طريقتها : تمام
جميله باابتسامه: لا اله الا الله
على : سيدنا محمد رسول الله
خرجت جميله وقفل باب الاوضه وراها و"على" مستغرب من طريقتها : دى ما بتصدق وتفتح كلام ورغى .. غريبه البنت دى اوى
راحت جميله ف كافيه وقابلت واحده كانت مستنياها :
جميله: سورى يا هايدى اتاخرت عليكى
هايدى : لا خالص انا لسه واصله
جميله : ايه الاخبار ..
هايدى : تشربى ايه الاول
جميله : لسه شاربه
هايدى بصت ل جميله: جميله هترجعى البيت امتى جمال بيسأل عليكى كتير وانا قلتله انك مسافره زى ماقولتى
جميله: هو انا لحقت لسه شويا
هايدى: امتى يعنى
جميله: امممم انا قلتلك شهر وراجعه يا ديدى الله
هايدى بملامح مزعجه: اهو انتى تعملى العمله وتسبينى ف وش المدفع مع جمال
ومبترديش عليه ليه مش فاهمه انا طمنيه عليكى
جميله بتضحك: هو انا اول مره اسافر ..انا ع طول بسافر
هايدى: ايوه ع طول بتسافرى بره لندن لكن تكونى موجوده جوه لندن وتقولى انك مسافره
يعنى لو حد شافك وقال ل جمال هتعملى ايه ؟
جميله: ديدى حبيببتى انا قلتلك متقلقيش انا واخده بالى من كل حاجه
هايدى : لما اشوف اخرتها ايه
جميله باابتسامه : خير ان شاء الله
خلصت جميله القاعده ورجعت ع البيت تحضر الغدا .. ودخلت وحست انها اتاخرت حضرت الاكل وخبطت ع "على" وخرج علشان يتغدى وطول القاعده "جميله" مبتسمه و "على" حس انها بتراقبه ..
على حط المعلقه : لا كده مش هينفع
جميله: ايه ف حاجه ناقصه عاوز ملح انا عملااه خفيف علشان انت تعبان و ..
على قاطعها وحاول يتمالك نفسه علشان ميتكلمش بعصبيه : مينفعش طول ماانا قاعد انتى بصالى كده ..انتى بتراقبينى .. كلى انت كمان او قومى مبحبش حد يبصلى كده وانا باكل
جميله: اوووبس سورى ..مش هيحصل تانى اصلى فرحانه انك بقيت احسن من الاول
على: الحمد الله ..
وهما قاعدين بياكلوا موبيل "على" رن وكانت هبه اخته :
على: بيبو ازيك وحشانى
جميله ركزت مع المكالمه .. على: اخبارك ايه وكل الل عندك
هبه: بخير يا حبيبى انت عامل ايه ؟
على: الحمد الله .. عمر وعلى عاملين ايه وحشنى اوى
هبه: بخير ونفسهم يشوفوك يا على وانا اكتر مش هتنزل اشوفك
على اتنهد: انا مش عاوزك تقلقى انتى خلى بالك ع الاولاد وسلميلى ع عبدالله وخالتى
هبه : يوصل
خلص كلام مع هبه وجميله كانت عاوزه تعرف مين : باين حد مهم الل كلمك نبره صوتك اتغيرت
على : دى اختى هبه
جميله : ومخلتنيش اسلم عليها ليه
على بصلها بنظره حاده: تانى .. واخليها تسلم عليكى ليه
جميله: امم اصحاب مش احنا اصحاب
على بلهجه حاده: لا مش اصحاب انا موافقتش ..علاقتنا زمايل شغل وسكن ودا ليه حدوده تمام .. لو مش حابه يحصل تصادم بينا ف ياريت متوصلنيش لكده
جميله حست ان على اتحول : اوكيه .. سورى
انا قايمه اعمل شاى اعملك ..
على: لا شكرا انا داخل ارتاح
جميله: اوكيه
قامت "جميله" مشيت اتجاهه المطبخ ووقفت بعيد تبص ع "على" : ايه الانسان الل بيتغير ف اليوم اكتر من مره دا .. كائن غريب ..!
ف نفس اليوم بليل "احمد" رجع ومعاه عشا جاهز احتفالا بنزول "على" اول يوم شغل وقعد هو و"جميله" يهزروا و"على" باصص لتليفزيون ومش مركز معاهم وشويا دخل اوضته قعد يشرب ف سجاير دماغه شغاله ....
كان "على" تانى يوم هينزل الشغل الصبح صحيت "جميله" بدرى حضرتلهم الفطار
خرج "على واحمد" من اوضتهم وفى اتجاه المطبخ ...
احمد بيتأوب: صباحو جيمى
جميله : صباح الخير
على : صباح الخير
جميله : يلا افطروا قبل ما تنزلوا واشوفكم ف المطعم
احمد بياكل: مش عارف انا بعد ما هتمشى هعمل انا ايه من غيرك
جميله: نبقى ناكل ف المطعم
احمد: بجد لازم تمشى
جميله: اها .. شوفت مكان هروح اسكن فيه جنب الشغل ماهو انا مش هعيش معاكم
احمد : وهو ف حد ضايقك عادى خليكى
على كان باصص ع الاكل ومبيتكلمش
احمد خبط كتف على : ولا ف حد ضايقك بجد وانتى مخبيه عليا اعترفى وانا اخدلك حقك
على بص ل احمد: تقصدنى انا
جميله ضحكت : لا خالص بس الانسان الخفيف بيبقى احسن وبعدين احنا مع بعض ف الشغل
المهم تخلوا بالكم من نفسكم وخصوصا الناس الل بتهمل ف نفسها ها ..ماشى يا احمد
احمد ضحك : تمام يا جيمى
جميله: عموما انا فضلى اسبوع استحملونى لغايه ما يعدى
احمد: البيت بيتك يا جيمى ولا ايه يا لوول
على : اه طبعا عموما وقت ما تحبى الشقه موجوده واوضتك موجوده
جميله: ميرسى
على خبط راس احمد: يلا بينا هنتاخر
جميله: خلى بالكو من نفسكم
احمد بياكل ف سندوتش: اوكيه
جميله: لا اله الا الله
على بص ل جميله .. احمد : سيدنا محمد رسول الله
نزل "على واحمد" و"احمد" طول الطريق
احمد: ايه ياعم "على" التحول دا
على : تحول ايه
احمد: يا سلام.. من امتى فيك الحنيه دى انا حسيت انها اول ما هتقول انا همشى حسيت انك هتقوم تجهزلها الشنطه لكن فضلت ساكت ...دا انت كنت هتطردنى انا وهى لما جيت ولاقتنا وعرفت انها هتقعد معانا
على : يعنى انت لا عاجبك كده ولا كده ..مش انت الل قلت انها ساعدتنا كتير وكمان بالخصوص انا لما تعبت دا تصرف طبيعى يعنى
احمد: ياراجل .. ماشى ماشى
المهم ابقى اتصل ع ابراهيم مش عارف يوصلك وخنقنى
على : اوكيه
خلصوا شغلهم وسبقتهم "جميله" ع المطعم و"على" كان شاغله قرار عاوز ياخده و"جميله" كنت بتسرق لحظات وتخرج من المطبخ ف المطعم وتراقب تصرفات "على" وكان بيصادف ان "على" يشوفها فكانت لما بتشوف راسم ملامح جد ع وشه كانت بترسم ابتسامه بايديها ووشها وتقوله ابتسم فكان بيستغرب من تصرفاتها ..عدى اليوم و"على" نوعا ما حسن بتغيير خفيف وكان مبسوط ومشغلش موبيله يومها .. رجعوا ع البيت على واحمد وجميله قعدوا يتكلموا ودخلوا ناموا ... وكانت اول ليله الكل نايم من غير شد ولا خناق ... !!
استمر "على" قافل موبيله وبينزل الصبح لبيع الجرايد ويطلع ع المطعم ويرجع مع احمد وجميله ع البيت ..فى يوم "ابراهيم" راح ل "على" مكان الجرايد والمجلات واتفاجئ بيه "على" قدامه
على : هيما
ابراهيم بيخلع النضاره من ع عنيه: ابو على ..فينك يا مان
على : موجود اهو
ابراهيم: قافل موبيلك ومعطل لينا الشغل يعنى
على بياخد نفس : انا كنت هكلمك واقابلك انهارده
ابراهيم: احنا فيها
راح قعد جنب "على" و "احمد" واقف بيبع
ابراهيم: خير يا ابو على سامعك
على : انا عاوز اجازه
احمد سامع ومش مصدق
ابراهيم: نعم .. عاوز اجازه .. ايه التغيير دا ولا انت تعبان لو تعبان اوكيه خد اجازه
على : لا مش تعبان لكن عاوز اخد اجازه طويله شويا فااعتبرنى ف اجازه
ابراهيم: وهتطول اووى الاجازه دى
على : مش عارف لسه
ابراهيم قرب من على : بس اجازتك دى هتخسرك كتير يا على
على : عارف .. ادينى وقتى واحنا اتفقنا وقت مااحب اخد اجازه هاخدها ولا انت نسيت وعدك وكلامك ليا
ابراهيم سكت لحظات : لا منستش لانك غير اى حد عرفته يا على عموما اوكيه .. معاك اجازه مفتوحه ... لكن شغل موبيلك
على: اوكيه
مشى ابراهيم واحمد قرب من على : هو الكازينو اشتغل
على: لا لسه
احمد : على
على: ها
احمد : هو انت بجد مش عاوز تشتغل مع ابراهيم؟
على : مين قال كده
احمد: انت اهو .. سمعتك قولتله عاوز اجازه وطويله
على: محتاج وقت من غير ضغط من اى حاجه ف قرار محتاج اخده من غير ضغوط ..
احمد باابتسامه: ايوه بقى ..ايوه بقى .. شكلها هتفتح اهو بدل الغمقان
على : متسبقش الاحداث انا لسه مقررتش ومش عارف القرار هيكون ايه
احمد: انا متفائل خير وحاسس الايام الجايه هتبقى احلى واسالنى انا
على : ركز ف شغلك يلا
وهما بيتكلموا رن موبيل احمد وكان من مصر
احمد: الو.. ايوه يا عمتى
شويا وملامح احمد اتغيرت : بتقولى ايه .. انا هحاول احجز وهاجى ف اسرع وقت
قفل احمد ووشه متغير ..على : فى ايه
احمد: عمتى بتقولى ابويا تعب ودخل المستشفى وحالته خطره
احمد : ان شاء الله خير
احمد: انا لازم احجز وارجع مصر بسرعه
على : اكيد .. اكيد
راح على واحمد مكتب حجز تذاكر الطيران ولحظ احمد كان ف مكان حجز ع طول
وكان السفر ف نفس اليوم بليل ... راح "احمد" ع البيت جهز شنطته و"على" راح ع المطعم قدم طلب اجازه ل ظروف احمد وسافر "احمد" ل باباه وكان "على" متابعه ع الموبيل لغايه ما وصل اطمن هو وجميله انه وصل ... رجع "على وجميله" البيت والاتنين ل اول مره يرجعوا مع بعض لوحدهم وكان ع وش جميله توتر بعكس "على" كان عادى جدا دخلوا البيت ودخلوا ع اوضهم ..تانى يوم الصبح "على" صحى علشان يروح شغل الصبح شاف "جميله" صاحيه حضرت الفطار
على : صباح الخير
جميله: صباح الخير
على اكل بسرعه : انا نازل
جميله : استنى هاجى معاك
على بصلها: هتيجى فين معايا انا رايح
جميله قاطعته : عارفه
طلعت موابيلها وفتحت رساله من احمد مكتوب فيه
" جميله لو تقدرى تقفى مكانى مع "على" لغايه ماارجع انتى عارفه انه لسه طالع من دور تعب جامد "
جميله بعتتله: "OK"
على بااستغراب: تانى ... هو ما بيصدق وبعدين انا كويس ومفيش حاجه ..
جميله: لا هاجى معاك
على: لا لا خليكى انا هقف لوحدى
جميله: وانت ايه مضايقك انا هقف مكان احمد لغايه ما يرجع
على : لغايه ما يرجع .. هتقفى معايا 15 يوم
جميله باابتسامه: وفيها ايه مش شغل وانا ليا جزء من الفلوس وانا الصبح مبعملش حاجه وبروح المطعم بعد الضهر يعنى عادى .. .. ثوانى هجيب شنطتى
مشيت بسرعه "جميله" دخلت اوضتها جابت شنطتها ولبستها : يلا
على بااستغراب من تصرفاتها متكلمش ..راحوا المستودع اخدوا الجرايد والمجلات ورحوا مكانهم ووقفوا يرسوا الحاجه وقعدوا ..جميله لاحظت سكوت "على " :
جميله: الجو برد تشرب كافيه
على : استنى هقوم اجيب
راح "على" اشترى اتنين نسكافيه ورجع : اتفضلى
جميله: THANK YOU
على لاحظ "جميله" بردانه من البرد : على فكره انتى مش مجبره تنزلى كل يوم ف البرد دا معايا ... لو محرجه تقولى لا انا هقول ل احمد انا قلتلك متنزليش
جميله: مين قالك انى محرجه .. بالعكس انا مستمتعه اوى وانا معاك
على : احنا مش ف رحله
جميله باانشكاح: حياتنا رحله وفيها محطات كتير بنعدى عليها ..
والاهم من الرحله الاستمتاع بمحطاتها ..
على : ايه الفلسفه دى
جميله: انا خريجه جامعه ومعايا ماستر فى علم الاجتماع
على باندهاش: بجد
جميله: شور ..لو محتاج اوريك شهادتى اجبهالك
على: وايه الل مشغلك الشغل المرهق دا
جميله : مش مرهق .. احساسك بالارهاق انت الل بتوحى نفسك بيه
لكن لما بتشتغل شغل بتحبه مع ناس بتحبهم هيبقى احلى متعه ف الدنيا
على ابتسم: يااه ع تفائلك
جميله ابتسمت : الله ابتسامتك جميله يا "على" متخلاش تروح
على : مش اوى يعنى
جميله بتضحك: لا اكتر كمان
على بص ل جميله وحس بااحساس راحه نوعا ما وانه مش مضايق لدرجه زى الاول وحب يغير الموضوع : انتى جيتى لندن لوحدك ولا مع حد؟
جميله: مع اخويا ومراته
على : فين دول مشفنهمش
جميله: موجودين بس احنا اتفقنا كل واحد يعمل الل يريحه وبنطمن ع بعض
على : ايه الحريه دى
جميله: دى ثقه اكتر من ماهى حريه
على : وبابا وماما فين فى مصر
جميله باابتسامه: فعلا ف مصر
على : بيوحشوكى
جميله باابتسامه ودموع ف عنيها اتجمعت : جدااا
على : مشوفتكيش بتتكلمى عنهم ولا بتكلميهم
جميله بصت لسما : انا لما بحب اكلمهم ببص فوق ليهم
على لاحظ دموع ف عنيها وعرف انهم متوفيين : اسف مكنتش اعرف
جميله جمعت نفسها باابتسامه: لا ولا يهمك ماهو الحال من بعضه
على ابتسم نص ابتسامه: اها فعلا الله يرحمهم
سكتوا تانى ..
جميله بصت للحظات ل على : تعرف يا "على" انك فيك من بابا كتير
على : يخلق من الشبهه
جميله: فعلا
على قام لزبون وجميله قاعده متكته من البرد ,,!
استمر نزول "جميله" مع "على" الصبح ويطلعوا مع بعض ع المطعم ويرجعوا بليل مع بعض ع البيت يدخلوا اوضهم وميشوفوش بعض غير الصبح وكان حوارهم قليل ونوعا ما افضل من الصمت الل كان ف الاول ... بعد مرور 3 ايام ظهر ع "جميله" اعراض تعب من الاجهاد وقله الراحه فى يوم صحيت ومكنتش قادره تقف و"على" خارج من الاوضه شافها قاعده وسانده راسها
على : جميله مالك
جميله جمعت نفسها وباابتسامه: لا مفيش بس اتخبطت ف الكرسى وانا خارجه
على بااستغراب: اتخبطتى ف الكرسى وتمسكى راسك
جميله تنحت: ها .. ايه دا احنا اتاخرنا يلا بينا
على : لو تعبانه متنزليش خليكى
جميله مسكت شنطتها الكورس ولبستها وجمعت نفسها وبينت انها كويسه: تعبانه مين انا زى الفل اهو يلا
على : اوك ..يلا
وهما راكبين التاكسى "على" لاحظ ان "جميله" غير العاده قاعده ساكته وملامح وشها بتتغير نزل "على" لوحده اخد حصته من الجرايد والمجلات ورجع ركب التاكسى و"جميله" باين عليها التعب وبتقاوح وصلوا المكان الل بيقفوا فيه ونزلت "جميله" راحت لصيداليه اخدت مسكن وفيتامين نوعا ما ظبطها لكن كانت مش قادره تقف فكانت قاعده ورافضه انها تمشى ... كملوا اليوم وراحوا ع المطعم واول ما دخلت المطبخ كانت هتقع وسندوها وفضلت قاعده شويا لاحظ "على" انها مخرجتش زى العاده ..كانت بتنطله ف الصاله من بعيد قلق فسئل عليها عرف انها تعبانه جوه .. دخل لاقاها قاعده وشكلها تعبان
على : جميله مالك
جميله: لالا مفيش انا كويسه
على : لا مش كويسه قومى روحى وخدى انهارده اجازه
جميله مقدرتش تقاوح: اوكيه .. هروح ارتاح هبقى كويسه لما اصحى متقلقش
"على" سندها ووقف تاكسى وركبت ومشيت وراحت ع البيت واول ما دخلت رمت نفسها ع السرير .."على" ف الشغل حاول يكلمها معرفش وافتكر انها نامت فمحبش يقلقها خلص شغله وبسرعه رجع ع البيت يطمن عليها .. دخل الشقه وبيبص ف الصاله والمطبخ لقاها مش موجوده بص ع اوضتها كانت مقفوله قرب منها وخبط خبطتين : جميله .. انتى صاحيه ..لسه تعبانه ..ملقاش رد وقلق ف نفس الوقت فجازف بعد تردد وفتح الباب بهدوء وبص لقى جميله ضامه نفسها ونايمه ع السرير من غير غطا وبسرعه راح ناحيتها ولقاها سخنه جداا ومبتردش عليه بسرعه نزل شاف دكتور وجابو يكشف ع جميله وعرف انه الل حصلها اجهاد ولان جسمها ضعيف مستحملش انها تكون ف جو بارد مده طويله كتبله العلاج وقاله انها هتبقى كويسه وترتاح يومين ... نزل "على" بسرعه جاب علاج ل جميله ورجع الشقه اشترى عصير طبيعى علشان يشربهولها واخده مع العلاج ودخل اوضتها .. كانت جميله عرقانه وهدومها لازم تغيرها .. "على" وقف لحظات متردد يعمل ايه يغيرلها هدومها ولا يجيب حد يقلعها هدومها دى بس هجيب مين دلواقتى والساعه 1 بليل بعد تردد قرر يسيبها زى ماهى لانها معندوش الجراءه يقرب منها يقلعها ولا يفك زرار من زراير القميص الل لبساه "جميله" حاول يديها العلاج وغطاها كويس ومرداش يخرج ويسيبها لان الدكتور قاله يواليها بالكمادات لان الحراره هترجع تانى احتمال وهو قاعد لاحظ علامات تشنج ع وش جميله وبتهمس بكلمات هو مش فاهمها قرب منها : جميله .. جميله
جميله مش بترد عليه وفاجاءه لاقى جسمها بيرتعش .. وجميله بتتكلم : انا بردانه .. بابا انا بردانه
على قرب منها ومسك ايديها : جميله .. جميله
مسكت جميله ايده اوى : بردانه اجيبلك غطا تانى استنى
جميله مسبتش ايده ومسكتها اوى "على" اتجمد مكانه ومش عارف يعمل ايه وهى بتردد جمله : انا بردانه ..بابا انا بردانه
"على" ف اللحظه دى دماغه وقفت عن التفكير متلغبط ومش عارف يعمل ايه بص حواليه مش لقى حاجه يدفيها فبتصرف تلقائى مسك ايديها يدفيها ولقاها لسه بترتعش راح من غير تفكير وهى ماسكه ايده نام جنبها ع السرير وضمها ليه ف اللحظه دى "جميله" قربت منه جدا وهو حاضنها وبيدفيها للحظات "جميله" بطلت تمتمه ونامت وهديت من الرعشه و"على" ل اول مره يحس بااحساس غريب و "جميله" ف حضنه .. نشوه احساس اول مره يحسه وفى نفس الوقت مش نشوه شهوه ان فى واحده ف حضنه زى الل قابلهم اللحظه دى حس "على" بقلبه بيدق وهدوء فى قلبه واحساس سكينه سيطر عليه واطمئنان .. مجموعه احاسيس "على" حس انه افتقدها او موتها ومش فاهمها لكن رجعت وهو حاضن جميله وجميله نامت فعلا ومش حاسه بحاجه ... "على" استغرب نفسه جدااا وبص ع "جميله" وهى ف حضنه وع تصرفه وسرح للحظات .. !!
"على" فضل صاحى جنب جميله وهى فى حضنه متحركش من مكانه طول الليل مش فاهم ايه الل عمله وايه الل حاسه ... بص ع الساعه وبدءت الشمس تظهر بهدوء اتحرك من جنبها وغطاها كويس ووقف لحظات باصص عليها ولاحظ ان التشنجات الل بتظهر ع وشها راحت
خرج بهدوء من الاوضه وراح ع المطبخ جهز ليها فطار خفيف وحطه ع صينيه ومعاه علاجها الل تاخده وحطهم جنبها ع السرير وكتب ورقه صغيره وسابها وخرج لشغل بتاعه .. نزل راح شغله الصباحى اخد الجرايد والمجلات من المستودع وراح ع مكانه وحطهم وهو قاعد راجع مشهد امبارح وحس بقشعريره ف جسمه ولاحظ انه محسش بولا مره الاحساس دا اتجاه الى كان بيروحلهم ويقابلهم وقعد وكان سرحان ووحس بااحساس غريب ..!
قلقت جميله من نومها وبتحاول تستجمع نفسها وتفوق فتحت عنيها و بتبص حواليها بتحاول تفتكر الل حصل مكنتش فاكره حاجه وكانت حاسه بتعب بسيط .. للحظه حست ان كان فى حد معاها ف الاوضه كانت حاسه انها كانت ف حضن حد وضاممها ركزت اكتر وافتكرت انها سمعت صوت فضلت تجمع لغايه ما عرفت انه "على" واستنتجت ان "على" هو الل كان حاضنها ومكنتش مصدقه من التصرف نفسه بصت ع نفسها لاقت نفسها بنفس الهدوم الل كانت لبساها ..بتعب بتتحرك من ع السرير بصت شافت الصينيه وكان ف الورقه مسكت الورقه وكان مكتوب
" صباح الخير .. ان شاء الله تكونى بقيتى احسن الفطار جهزتهولك افطرى وخدى علاجك ضرورى وانا مش هتاخر "
شافت جميله الورقه وبصت ع الفطار وحست بسعاده اول مره "على" يتصرف كده معاها واول مره تشوفه مهتم بيها كده .. رجعت نامت ع السرير وبصت تانى ع الورقه وقريتها وابتسمت ..!
_____
يتبع
اخدت "جميله" اجازه لمده اسبوع علشان تهتم ب "على" وميفضلش لوحده واطمن"احمد" بكده وراح هو الشغل الصبح لجرايد والمجلات ويطلع ع المطعم الساعه 3 لبليل ... مر يومين و"على" ابتدا يفوق ويستوعب اللى حواليه وفى يوم قرر يخرج من الاوضه وكان مش مركز مين موجود ولا مين خرج .. خرج من الاوضه بص ع الصاله ملقاش حد راح ع اوضه "احمد" لقاه مش موجود وراح قعد ع كنبه الانتريه وفاجاءه سمع خبط جى من اتجاه المطبخ بص لقى "جميله" فاتحه الموبيل وعماله تقلب ف حله وبتدندن
على بصوت تعبان : انتى مرحتيش الشغل
جميله اتخضت : "على" .. انت ايه قومك من ع السرير
على بيجمع: انتى بتعملى ايه
جميله مشيت اتجاهه : ارجع ارتاح ف اوضتك عقبال ما احضرلك الاكل
على : علشانى
جميله: اها .. 10 دقايق وهيكون عندك .. ادخل اوضتك يلا
على : لا مش داخل ومش عاوز اكل
جميله : لالالا معندناش الحاجات دى علشان علاجك روح اقعد وهيكون عندك
راح قعد "على" ع كرسى ف الصالون وقعد يحاول يجمع ويفتكر الل حصله ... ف الوقت دا "احمد " كان نسى موبيله ورجع ع البيت ياخده قبل ما يروح المطعم واول ما دخل شاف "على" قاعد ف الصاله
احمد : لوول ..حمد الله ع سلامتك
على : الله يسلمك
احمد قرب وقعد جنبه : ايه اخبارك وايه ياعم الل عملته ف نفسك دا
على : انا مش فاكر غير انى رجعت تعبان ومن بعدها مش فاكر حاجه
هو ايه الل حصل يا احمد
احمد: يوووه حصل كتير ..انت كنت تعبان خالص ولولا جيمى لحقتك كنت روحت مننا بصراحه كتر خيرها "جميله" مسبتكش ولا لحظه
على اتفاجئ: ايه.. جميله ؟
احمد بيضحك: نعم .. انت مكنتش حاسس بال كان بياكلك وبيديك العلاج وبيغيرلك
على اتخض: يغيرلى هدمى ؟
احمد ضحك: متقلقش هى كانت تخصص الجزء العلوى وانا الجزء السفلى.. عندنا ولايا احنا متخفش واحسن من الشرف مفيش
جميله جت بصينيه فيها اكل : يلا قول بسم الله عقبال ما اجيبلك من الاوضه علاجك
على باصص ومش مجمع : هى مرحتش شغل ليه
احمد: البت دى جدعه اوى يا لوول .. اخدت اجازه علشان تقعد تخلى بالها منك قالتلى مش هينفع نسيبك لوحدك .. ومينفعش اقعد انا كمان ..اخدت اجازه وشالت اليله
على : جميله
احمد: مش بقولك البت دى جدعه ..
دى كانت بتسهر علشان تديك علاجك ف وقته لو واحده تانيه غيرها كانت ولا اهتمت ياجدع .. اصيله اصيله ويابخته الل هتكون من نصيبه ... يا بختى يارب
على : انا مش فاكر حاجه
احمد قام وقف : افتكر ع راحتك انا نازل .. وعاملها كويس البنت شيلتك جميل عمرك ها
احمد بصوت: جيمى انا نازل اشوفك بليل
جميله: اوكييه
نزل "احمد" و"على" بيحاول يجمع ..خرجت "جميله" ومعاه العلاج وقعدت جنبه واتعاملت بتلقائيه
جميله: يلا افتح بوقك ها
على بصلها: نعم
جميله: يلا بسرعه علشان دا قبل الاكل يلا ها
على مد ايده: شكرا ..انا هاخد علاجى بنفسى
على فتح بوقه واخد العلاج وشرب المايه .. راحت جميله تقلب طبق الشوربه تدفيه
جميله: تاكل لوحدك ولا اكلك زى كل مره
على : كل مره
جميله بتضحك: انت ناسى ..ماانا الل كنت بااكلك
على بعد عنها : لا انا هاكل لوحدى
جميله : اوك يلا بالف هنا وشفا
على بيدور حواليه: هو موبيلى فين ؟
جميله: قفلته وشيلته
على بااستغراب : نعم
جميله: ماانت لازم ترتاح شويا والدكتور قال اسبوع .. وانت بتجيلك مكالمات غريبه وبتنزل
قفلته وفصلتك عن العالم علشان ترتاح و..
على قاطعها بلهجه حاده : لو سمحت هاتى موبيلى
جميله : لا
على بعصبيه: هاتى موبيلى بقولك
جميله اتخضت : حاضر
قامت جابت موبيله فتحه ولاقى رسايل كتير .."جميله" فضلت مرقباه لغايه مااتصل ب "ابراهيم" وقاله هينزل انهارده راحت "جميله" شدت الموبيل وقفلته : مش هتنزل
"على" بملامح غضب: ايه الل انتى عملتيه دا
جميله بشجاعه: مش هسيبك تنزل وانت تعبان .. هتكمل اسبوع يعنى اسبوع ها
على بيحاول يتمالك نفسه: هاتى الموبيل
جميله بملامح خوف وبصوت شجاع: لا .. لا
على بعصبيه: انتى مين ادالك حق تتحكمى فيا كده ميخصكيش هنزل ولا لا
جميله بصوت عالى : مش هتنزل
على بعصبيه : نعم
جميله بعصبيه: انت ليه بتعمل ف نفسك كده وانت مش كده اصلا
على باستغراب : وانتى ايه عرفك انا كنت ازاى
جميله سكتت لحظات ووطت صوتها وبهدؤء : انت مكنتش كده يا "على" ..انت كنت انسان بتخاف ع غيرك وعلى نفسك بيحب وقلبه بيدق .. لو انت ف الاساس مش كده مكنتش تحب ايمان وتكتب الكلام دا عنها وعن مشاعرك
على سمع اسم ايمان : انتى عرفتى منين ..احمد
جميله قاطعته: من قبل ما تحكم ع حد "احمد" محكاش حاجه انا قريت كلامك ف الاجنده لما لاقيتها واقعه وعرفت كل حاجه.. مش كل واحد يتعرض ل ازمه ف حياته يكون كده .. يضيع نفسه .. انت كنت حاسس انك مريض من قبل ما تقع بيومين ومع ذلك اهملت نفسك لغايه ما وقعت وبدل ما تكلم حد يلحقك سيبت نفسك زى الل بينده ع الموت .. ايه الل انت عملته ف نفسك دا ازاى تعيش بالشكل دا.. مامتك الله يرحمها مش هيفرحها الل بتعمله دا صدمتك ف فراقها تقويك علشان هى ترتاح لان دى سنه الحياه ناس بتسلم لناس ومش معنى حبيت واتخدعت مره يبقى الدنيا اتهدت انت متعرفش بكره مخبيلك ايه حتى لو مخبيلك وحش متبقاش انت كمان وحش زيه ... فوق لنفسك كده ربنا مديك حياه تعيشها غيرك تحت التراب بيتمناها ..واى حاجه مهما تحصل متستهلش والازمات بتقوى الواحد مش تضعفه
على بيستوعب جراءه جميله وكلامها : انتى ازاى بتتكلمى كده
جميله بتستجمع شجاعتها : انا .. انا .. انا عاوزاك ترجع "على" زى زمان
على : نعم
جميله : ايوه ترجع "على" الل كتب باايده الخواطر ف الاجنده دى "على" الل قلبه بيدق وبيحس وبيحب الحياه والناس ..مش "على" الل شال قلبه وحط بداله حجر... ارجع "على"
الل كان الكل لما يشوفك يتمناك تكون ابنه .. ارجع ل اصلك وطبيعتك مش الل انت فيه دا .. انا واثقه من الاول انك مكنتش كده وان فى حاجه .. وانا مش هسيبك تكمل كده
على : نعم ... انتى ليه بتعملى كده وباى حق تقوليلى الكلام دا ميخصكيش
جميله عنيها ف عين على وقلبها بيدق جامد : علشان انت تهمنى اكبر مما تتخيل
على اتفاجئ... جميله: انا عاوزاك ترجع زى الاول ارجع يا على وبلاش تبقى كده ..
على سكت لحظات : انتى ملكيش مكان معانا هنا لمى حاجتك وشوفى سكن تانى
"جميله" اتصدمت واقفه مكانها و "على"شد الموبيل من ايديها ودخل اوضته قعد ع حرف السرير وهو متعصب علشان هى دخلت دعبست جواه ف الركن الضلمه الل قفل عليه .. وجميله بره حست بندم من تسرعها وكلامها .. دخلت اوضتها وقفلت عليها وحست بغلطتها وجابت شنطتها وابتدت ترمى الهدوم فيها ... وقبل ما تمشى بعتت رساله ل "احمد" انها ماشيه ومواعيد علاج "على" .. "احمد" اتفاجئ وكلمها قالها متتحركش .. استاذن ورجع ع البيت بسرعه ... اول ما دخل شاف البيت هادى خبط ع باب اوضه "جميله" وشاف ملامحها متغيره وحكتله ع الل حصل وطلب منها تفضل ف الاوضه متتحركش .. وراح خبط ع باب اوضه "على" ودخل واتعامل عادى ..:
احمد: لووول .. جبتلك الدوا
على : انت رجعت ليه ..
احمد: ماهو انت ليك علاجك ف الميعاد دا
على :مش مستاهل تتعب نفسك يعنى
احمد بخباثه: مش انا الل تعبت .. البت جميله دى جدعه اووى كانت نازله مشوار كلمتنى علشان استاذن واجى اديك علاجك قبل ما تخرج وعلشان انت هتنسى واحتمال لا مش احتمال اكيد مش هتاخد علاجك فضرورى حد يدهولك ف انا استاذنت وجيت .. والله من غيرها ف البيت دا كنا لصنا بت اصول صحيح وعامله روح للبيت كده من وقت ما جت تعيش معانا وعرفناها واحساس الغربه راح واختفى ..
على بص ل احمد: احمد... جميله لازم تمشى من هنا فاهم
احمد : ليه ان شاء الله ..انا بقولك ايه وانت بتقول ايه يا جدع .. وبعدين دا جزاء المعروف ترد بكده .. يعنى البنت اخدت اجازه وقعدت بيك تاكلك وتشربك وتديك العلاج ف مواعيده وتغيرلك هدومك ..واهتمت بيك وبيا ..دى حسستنا اننا عيله يا عم انت وبعدين تقولى تمشى لا طبعا مش هتمشى ولو هى هتمشى انا همشى معاها .. انا مش هسيبها لوحدها ملطشه ف الشارع
على اتفاجئ بكلام احمد: هى وصلت لكده .. اخرج يااحمد وسيبنى لوحدى
احمد : اوكيه هخرج لكن زى ماقولتلك جميله مش هتمشى ولو مشيت انا همشى معاها ... يلا ارتاح
خرج احمد وكلامه عصب "على" اكتر وكان مش طايق نفسه .. للحظات فتح الدرج وطلع الاجنده وفتحها وقلب ف صفحاتها لثانيتين وبعدها قفلها بعصبيه ورماها ف الدرج ونفخ ورجع براسه وسند ع ضهر السرير و دخل "احمد" عند "جميله" واتكلم معاها واقناعها انها متمشيش وفعلا رجعت حاجاتها وفضلت قاعده ف الاوضه بقيت اليوم مخرجتش منها لغايه ما احمد رجع ولاحظ ان البيت هادى دخل اوضته ونام .. !
تانى يوم الصبح نزل "احمد" بدرى ع الشغل الصباحى وصحيت "جميله" تحضر الفطار ل "على" علشان علاجه .. فضل "على" ف اوضته مخرجش ... جهزت "جميله" الفطار ع الصينيه ومشيت بخطوات متردده اتجاه اوضه "على" وقفت ثانتين اخدت نفس وخبطت ع الباب سمعت صوت بيقول : ادخل
دخلت وهى راسمه ملامح جاده ع وشها : انا حضرتلك الفطار
راحت اتجاه الكوميدينو : والعلاج دا تاخده قبل الفطار ودا بعده ولما تخلص انده هاجى اخد الصينيه
على باصص عليها وساكت .. مشيت اتجاه الباب وهتخرج من الاوضه رجعت تانى خطوتين : انا اسفه ع فضولى ..اسفه انى قريت حاجه مش تخصنى ودخلت فيها .. انا اتكلمت معاك لانى كنت فاكره نفسى واحده منكم وانتم تهمونى عموما اوعدك مدخلش تانى ف حاجه تخصك ولا هضايقك تانى وهتحس ان مفيش حد ف الشقه وقريب هنقل من هنا علشان مسببش ازعاج تانى .. وشكرا انك استحملتى الفتره دى ...
خرجت بسرعه و"على" باصص عليها من غير ما ينطق .. بص ل الفطار وابتدا ياخد علاجه واكل.. استمر الوضع كده يومين علاقه "على" و "جميله" من غير كلام مجرد تحضر الاكل وتديله العلاج وتخرج تقعد ف اوضتها .. "على" لاحظ انها اخدت جنب منه فعلا بعد الاعتذار .. ففى يوم الل قبل ما ينزل "على" الشغل حضرتله "جميله" الفطار وودتهوله الاوضه خلص "على" الفطار شال الصينيه وخرج بيها من الاوضه بيدور ع "جميله " لقاها ف المطبخ واقفه سانده ع التلاجه ومربعه ايديها وباصه ف الارض..
على قرب منها : هو ف حاجه واقعه منك
اتفاجئت جميله : ها ..
على حط الصينيه ع المطبخ : باصه ع الارض
جميله: لا مستنيه المايه تغلى علشان بعمل شاى ..
على : هينفع تعمليلى معاكى كوبايه شاى
جميله ابتسمت: اكيد طبعا
"على" راح شغل التليفزيون وقعد و"جميله" فاجاءه من حاله تكدير ل حاله حيره اول مره "على" يبدء كلام معاها لانه دايما بيتجاهلها ...
صبت الشاى وراحت ل على : اتفضل
على : شكرا
جميله بااستغراب : ها
على باصلها: شكرا
جميله : انت بتشكرنى انا ..
على بيبص حواليهم: هو فى غيرنا هنا
جميله باابتسامه مشرقه: اوكيه .. اوكيه
على اخد شفطه من الشاى وباصص اتجاه التليفزيون : انا اسف
جميله تنحت : ها
"على" طفى التليفزيون و حط مج الشاى ع الترابيزه واتنهد وبص ل جميله بنظره ثقه : اسف ع اللهجه الل كلمتك بيها اخر مره وعصبيتى والمعامله الل عاملتك بيها انا مبحسش بنفسى وانا بتكلم ولا بتصرف فبيطلع منى كلام زى الطوب واسلوب زباله
جميله بصت حواليها: انت بتتكلم معايا انا صح
على : وهو ف غيرنا قولتلك
جميله ابتسمت : لا ولا يهمك انا اتعودت ع طريقتك دى
على : انا شخصيتى وطبعى صعب حد يتقبلهم عارف
جميله باابتسامه: انا عارفه وواثقه انك مش كده .. انت غير الل بتظهرله لناس
على بااستغراب : واتاكدتى من ايه واحنا منعرفش بعض علشان تعرفينى وتحكمى عليا
جميله شاورت ع قلبه : دا الل قال
على بص ع قلبه: نعم
جميله : مفيش انسان يا "على" بيتخلق وحش .. ظروف وحياه وتخبيط دنيا هو الل بيخلى الانسان وحش لان القلب من وقت ما ربنا بيحط فيه اول نبضه بيبقى كله خير ونقاء زى السما بالظبط ...انا مبصدقش ان حد اتخلق وحش لكن اصدق ان فى ظروف وحشه عملت انسان وحش .. ولو اتحط ف بيئه كويسه وناس كويسين حواليه هيبقى كويس لان اصله كده ... انت مريت بضغوط وظروف فوق طاقتك ولان ربنا مبيحملش انسان اكبر من طاقته وبيختبر صبره انت من غير مااعرف تفاصيل مستحملتش واستسلمت واللل انت فيه دا نتيجه استسلامك ودا مكنش حل دا كان ضغط تانى حطيت نفسك فيه ...ولانك يا "على" مش كده ابسطها اهو شكرتنى وتأسفت ليا انت لو وحش فعلا وانسان مش كويس وجواك مش صافى مكنتش استحملتنى ولا شكرتنى ولا كلمتنى ...
على باصص ومندهش من كلام جميله ليه ...
جميله : ادى لنفسك فرصه يا"على" ترجع زى الاول "على" الل احمد حكالى عنه .. عن "على" الل هو والحياه ند قصاد ند تقاوحوا ف بعض لكن مبتستسلمش "على" الل ابتسامته كانت مفتاح كل حاجه ومهونه عليه وعلى الل حواليه كل حاجه .. بااختصار ارجع عيش تانى يا "على" .. جرحك ووجعك متسبهوش يستغلك .. حاربه وعيش ..ربنا خلقلنا حياه وهنعيشها لانها حياه واحده سواء قصيره ولا طويله هنعيشها ..ع الاقل نعيشها واحنا مبسوطين وراضين فيها .. ولا ايه .. !!
على مش لاقى كلام : لكن انتى متعرفيش حاجه من الل حصلى ومر عليا
جميله: ولا عاوزه اعرف .. الل فات خلاص فات بقى ماضى احنا نعيش دلواقتى ونستنى بكره علشان نعيشه حلو او وحش لاننا هنعيشه لا مفر وقدامنا فرصه تانيه نصلح ونبتدى من الاول نستغلها بقى ومنضيعهاش لان الفرص مش سهله تيجى لكن سهله تروح مننا
"على" حس بااحساس غريب من كلام جميله حرك حاجه جواه ..حس بصدق ف كلامها حس انه محتاج يقعد مع نفسه ويفكر تانى ...
سكت لحظات : المهم افهم من كده انك قبلتى اعتذارى
جميله ب ابتسامه: اعتبر ان مفيش حاجه حصلت اصلا بس ليا طلب
على: خير
جميله : من انهارده نكون اصحاب
على سكت ... جميله : ومش هتندم صدقنى
على : انا داخل ارتاح ...
جميله : اوكيه
على دخل الاوضه وحس بلغبطه وان دى اول مره يتكلم مع حد وكلامه يعلق معاه بعد السنين دى راح اتجاه كرسى ف اوضته وقعد وطلع سجايروولع سيجاره وسرح وبدء مرحله التفكير ...و"جميله" كانت سعيده انهااتكلمت مع "على" ل اول مره من غير خبط كلام ولا عصبيه منه وانه سمعها .. موبيل "جميله" رن وقامت تجيبه من الاوضه لبست جميله وخرجت من الاوضه خبطت ع باب اوضه على : ادخل
دخلت جميله: : على انا نازله عاوز حاجه
على : لا شكرا
جميله : هقابل واحده صاحبتى ومش هتاخر اوكيه
على استغرب انه مسألش وهى قالت رايحه فين : اوكيه
جميله باابتسامه: خلى بالك ع نفسك مش عاوزه ارجع المرادى القيك تعبان انا مش هتاخر ولو احتجت حاجه كلمنى تمام ..
على مستغرب من طريقتها : تمام
جميله باابتسامه: لا اله الا الله
على : سيدنا محمد رسول الله
خرجت جميله وقفل باب الاوضه وراها و"على" مستغرب من طريقتها : دى ما بتصدق وتفتح كلام ورغى .. غريبه البنت دى اوى
راحت جميله ف كافيه وقابلت واحده كانت مستنياها :
جميله: سورى يا هايدى اتاخرت عليكى
هايدى : لا خالص انا لسه واصله
جميله : ايه الاخبار ..
هايدى : تشربى ايه الاول
جميله : لسه شاربه
هايدى بصت ل جميله: جميله هترجعى البيت امتى جمال بيسأل عليكى كتير وانا قلتله انك مسافره زى ماقولتى
جميله: هو انا لحقت لسه شويا
هايدى: امتى يعنى
جميله: امممم انا قلتلك شهر وراجعه يا ديدى الله
هايدى بملامح مزعجه: اهو انتى تعملى العمله وتسبينى ف وش المدفع مع جمال
ومبترديش عليه ليه مش فاهمه انا طمنيه عليكى
جميله بتضحك: هو انا اول مره اسافر ..انا ع طول بسافر
هايدى: ايوه ع طول بتسافرى بره لندن لكن تكونى موجوده جوه لندن وتقولى انك مسافره
يعنى لو حد شافك وقال ل جمال هتعملى ايه ؟
جميله: ديدى حبيببتى انا قلتلك متقلقيش انا واخده بالى من كل حاجه
هايدى : لما اشوف اخرتها ايه
جميله باابتسامه : خير ان شاء الله
خلصت جميله القاعده ورجعت ع البيت تحضر الغدا .. ودخلت وحست انها اتاخرت حضرت الاكل وخبطت ع "على" وخرج علشان يتغدى وطول القاعده "جميله" مبتسمه و "على" حس انها بتراقبه ..
على حط المعلقه : لا كده مش هينفع
جميله: ايه ف حاجه ناقصه عاوز ملح انا عملااه خفيف علشان انت تعبان و ..
على قاطعها وحاول يتمالك نفسه علشان ميتكلمش بعصبيه : مينفعش طول ماانا قاعد انتى بصالى كده ..انتى بتراقبينى .. كلى انت كمان او قومى مبحبش حد يبصلى كده وانا باكل
جميله: اوووبس سورى ..مش هيحصل تانى اصلى فرحانه انك بقيت احسن من الاول
على: الحمد الله ..
وهما قاعدين بياكلوا موبيل "على" رن وكانت هبه اخته :
على: بيبو ازيك وحشانى
جميله ركزت مع المكالمه .. على: اخبارك ايه وكل الل عندك
هبه: بخير يا حبيبى انت عامل ايه ؟
على: الحمد الله .. عمر وعلى عاملين ايه وحشنى اوى
هبه: بخير ونفسهم يشوفوك يا على وانا اكتر مش هتنزل اشوفك
على اتنهد: انا مش عاوزك تقلقى انتى خلى بالك ع الاولاد وسلميلى ع عبدالله وخالتى
هبه : يوصل
خلص كلام مع هبه وجميله كانت عاوزه تعرف مين : باين حد مهم الل كلمك نبره صوتك اتغيرت
على : دى اختى هبه
جميله : ومخلتنيش اسلم عليها ليه
على بصلها بنظره حاده: تانى .. واخليها تسلم عليكى ليه
جميله: امم اصحاب مش احنا اصحاب
على بلهجه حاده: لا مش اصحاب انا موافقتش ..علاقتنا زمايل شغل وسكن ودا ليه حدوده تمام .. لو مش حابه يحصل تصادم بينا ف ياريت متوصلنيش لكده
جميله حست ان على اتحول : اوكيه .. سورى
انا قايمه اعمل شاى اعملك ..
على: لا شكرا انا داخل ارتاح
جميله: اوكيه
قامت "جميله" مشيت اتجاهه المطبخ ووقفت بعيد تبص ع "على" : ايه الانسان الل بيتغير ف اليوم اكتر من مره دا .. كائن غريب ..!
ف نفس اليوم بليل "احمد" رجع ومعاه عشا جاهز احتفالا بنزول "على" اول يوم شغل وقعد هو و"جميله" يهزروا و"على" باصص لتليفزيون ومش مركز معاهم وشويا دخل اوضته قعد يشرب ف سجاير دماغه شغاله ....
كان "على" تانى يوم هينزل الشغل الصبح صحيت "جميله" بدرى حضرتلهم الفطار
خرج "على واحمد" من اوضتهم وفى اتجاه المطبخ ...
احمد بيتأوب: صباحو جيمى
جميله : صباح الخير
على : صباح الخير
جميله : يلا افطروا قبل ما تنزلوا واشوفكم ف المطعم
احمد بياكل: مش عارف انا بعد ما هتمشى هعمل انا ايه من غيرك
جميله: نبقى ناكل ف المطعم
احمد: بجد لازم تمشى
جميله: اها .. شوفت مكان هروح اسكن فيه جنب الشغل ماهو انا مش هعيش معاكم
احمد : وهو ف حد ضايقك عادى خليكى
على كان باصص ع الاكل ومبيتكلمش
احمد خبط كتف على : ولا ف حد ضايقك بجد وانتى مخبيه عليا اعترفى وانا اخدلك حقك
على بص ل احمد: تقصدنى انا
جميله ضحكت : لا خالص بس الانسان الخفيف بيبقى احسن وبعدين احنا مع بعض ف الشغل
المهم تخلوا بالكم من نفسكم وخصوصا الناس الل بتهمل ف نفسها ها ..ماشى يا احمد
احمد ضحك : تمام يا جيمى
جميله: عموما انا فضلى اسبوع استحملونى لغايه ما يعدى
احمد: البيت بيتك يا جيمى ولا ايه يا لوول
على : اه طبعا عموما وقت ما تحبى الشقه موجوده واوضتك موجوده
جميله: ميرسى
على خبط راس احمد: يلا بينا هنتاخر
جميله: خلى بالكو من نفسكم
احمد بياكل ف سندوتش: اوكيه
جميله: لا اله الا الله
على بص ل جميله .. احمد : سيدنا محمد رسول الله
نزل "على واحمد" و"احمد" طول الطريق
احمد: ايه ياعم "على" التحول دا
على : تحول ايه
احمد: يا سلام.. من امتى فيك الحنيه دى انا حسيت انها اول ما هتقول انا همشى حسيت انك هتقوم تجهزلها الشنطه لكن فضلت ساكت ...دا انت كنت هتطردنى انا وهى لما جيت ولاقتنا وعرفت انها هتقعد معانا
على : يعنى انت لا عاجبك كده ولا كده ..مش انت الل قلت انها ساعدتنا كتير وكمان بالخصوص انا لما تعبت دا تصرف طبيعى يعنى
احمد: ياراجل .. ماشى ماشى
المهم ابقى اتصل ع ابراهيم مش عارف يوصلك وخنقنى
على : اوكيه
خلصوا شغلهم وسبقتهم "جميله" ع المطعم و"على" كان شاغله قرار عاوز ياخده و"جميله" كنت بتسرق لحظات وتخرج من المطبخ ف المطعم وتراقب تصرفات "على" وكان بيصادف ان "على" يشوفها فكانت لما بتشوف راسم ملامح جد ع وشه كانت بترسم ابتسامه بايديها ووشها وتقوله ابتسم فكان بيستغرب من تصرفاتها ..عدى اليوم و"على" نوعا ما حسن بتغيير خفيف وكان مبسوط ومشغلش موبيله يومها .. رجعوا ع البيت على واحمد وجميله قعدوا يتكلموا ودخلوا ناموا ... وكانت اول ليله الكل نايم من غير شد ولا خناق ... !!
استمر "على" قافل موبيله وبينزل الصبح لبيع الجرايد ويطلع ع المطعم ويرجع مع احمد وجميله ع البيت ..فى يوم "ابراهيم" راح ل "على" مكان الجرايد والمجلات واتفاجئ بيه "على" قدامه
على : هيما
ابراهيم بيخلع النضاره من ع عنيه: ابو على ..فينك يا مان
على : موجود اهو
ابراهيم: قافل موبيلك ومعطل لينا الشغل يعنى
على بياخد نفس : انا كنت هكلمك واقابلك انهارده
ابراهيم: احنا فيها
راح قعد جنب "على" و "احمد" واقف بيبع
ابراهيم: خير يا ابو على سامعك
على : انا عاوز اجازه
احمد سامع ومش مصدق
ابراهيم: نعم .. عاوز اجازه .. ايه التغيير دا ولا انت تعبان لو تعبان اوكيه خد اجازه
على : لا مش تعبان لكن عاوز اخد اجازه طويله شويا فااعتبرنى ف اجازه
ابراهيم: وهتطول اووى الاجازه دى
على : مش عارف لسه
ابراهيم قرب من على : بس اجازتك دى هتخسرك كتير يا على
على : عارف .. ادينى وقتى واحنا اتفقنا وقت مااحب اخد اجازه هاخدها ولا انت نسيت وعدك وكلامك ليا
ابراهيم سكت لحظات : لا منستش لانك غير اى حد عرفته يا على عموما اوكيه .. معاك اجازه مفتوحه ... لكن شغل موبيلك
على: اوكيه
مشى ابراهيم واحمد قرب من على : هو الكازينو اشتغل
على: لا لسه
احمد : على
على: ها
احمد : هو انت بجد مش عاوز تشتغل مع ابراهيم؟
على : مين قال كده
احمد: انت اهو .. سمعتك قولتله عاوز اجازه وطويله
على: محتاج وقت من غير ضغط من اى حاجه ف قرار محتاج اخده من غير ضغوط ..
احمد باابتسامه: ايوه بقى ..ايوه بقى .. شكلها هتفتح اهو بدل الغمقان
على : متسبقش الاحداث انا لسه مقررتش ومش عارف القرار هيكون ايه
احمد: انا متفائل خير وحاسس الايام الجايه هتبقى احلى واسالنى انا
على : ركز ف شغلك يلا
وهما بيتكلموا رن موبيل احمد وكان من مصر
احمد: الو.. ايوه يا عمتى
شويا وملامح احمد اتغيرت : بتقولى ايه .. انا هحاول احجز وهاجى ف اسرع وقت
قفل احمد ووشه متغير ..على : فى ايه
احمد: عمتى بتقولى ابويا تعب ودخل المستشفى وحالته خطره
احمد : ان شاء الله خير
احمد: انا لازم احجز وارجع مصر بسرعه
على : اكيد .. اكيد
راح على واحمد مكتب حجز تذاكر الطيران ولحظ احمد كان ف مكان حجز ع طول
وكان السفر ف نفس اليوم بليل ... راح "احمد" ع البيت جهز شنطته و"على" راح ع المطعم قدم طلب اجازه ل ظروف احمد وسافر "احمد" ل باباه وكان "على" متابعه ع الموبيل لغايه ما وصل اطمن هو وجميله انه وصل ... رجع "على وجميله" البيت والاتنين ل اول مره يرجعوا مع بعض لوحدهم وكان ع وش جميله توتر بعكس "على" كان عادى جدا دخلوا البيت ودخلوا ع اوضهم ..تانى يوم الصبح "على" صحى علشان يروح شغل الصبح شاف "جميله" صاحيه حضرت الفطار
على : صباح الخير
جميله: صباح الخير
على اكل بسرعه : انا نازل
جميله : استنى هاجى معاك
على بصلها: هتيجى فين معايا انا رايح
جميله قاطعته : عارفه
طلعت موابيلها وفتحت رساله من احمد مكتوب فيه
" جميله لو تقدرى تقفى مكانى مع "على" لغايه ماارجع انتى عارفه انه لسه طالع من دور تعب جامد "
جميله بعتتله: "OK"
على بااستغراب: تانى ... هو ما بيصدق وبعدين انا كويس ومفيش حاجه ..
جميله: لا هاجى معاك
على: لا لا خليكى انا هقف لوحدى
جميله: وانت ايه مضايقك انا هقف مكان احمد لغايه ما يرجع
على : لغايه ما يرجع .. هتقفى معايا 15 يوم
جميله باابتسامه: وفيها ايه مش شغل وانا ليا جزء من الفلوس وانا الصبح مبعملش حاجه وبروح المطعم بعد الضهر يعنى عادى .. .. ثوانى هجيب شنطتى
مشيت بسرعه "جميله" دخلت اوضتها جابت شنطتها ولبستها : يلا
على بااستغراب من تصرفاتها متكلمش ..راحوا المستودع اخدوا الجرايد والمجلات ورحوا مكانهم ووقفوا يرسوا الحاجه وقعدوا ..جميله لاحظت سكوت "على " :
جميله: الجو برد تشرب كافيه
على : استنى هقوم اجيب
راح "على" اشترى اتنين نسكافيه ورجع : اتفضلى
جميله: THANK YOU
على لاحظ "جميله" بردانه من البرد : على فكره انتى مش مجبره تنزلى كل يوم ف البرد دا معايا ... لو محرجه تقولى لا انا هقول ل احمد انا قلتلك متنزليش
جميله: مين قالك انى محرجه .. بالعكس انا مستمتعه اوى وانا معاك
على : احنا مش ف رحله
جميله باانشكاح: حياتنا رحله وفيها محطات كتير بنعدى عليها ..
والاهم من الرحله الاستمتاع بمحطاتها ..
على : ايه الفلسفه دى
جميله: انا خريجه جامعه ومعايا ماستر فى علم الاجتماع
على باندهاش: بجد
جميله: شور ..لو محتاج اوريك شهادتى اجبهالك
على: وايه الل مشغلك الشغل المرهق دا
جميله : مش مرهق .. احساسك بالارهاق انت الل بتوحى نفسك بيه
لكن لما بتشتغل شغل بتحبه مع ناس بتحبهم هيبقى احلى متعه ف الدنيا
على ابتسم: يااه ع تفائلك
جميله ابتسمت : الله ابتسامتك جميله يا "على" متخلاش تروح
على : مش اوى يعنى
جميله بتضحك: لا اكتر كمان
على بص ل جميله وحس بااحساس راحه نوعا ما وانه مش مضايق لدرجه زى الاول وحب يغير الموضوع : انتى جيتى لندن لوحدك ولا مع حد؟
جميله: مع اخويا ومراته
على : فين دول مشفنهمش
جميله: موجودين بس احنا اتفقنا كل واحد يعمل الل يريحه وبنطمن ع بعض
على : ايه الحريه دى
جميله: دى ثقه اكتر من ماهى حريه
على : وبابا وماما فين فى مصر
جميله باابتسامه: فعلا ف مصر
على : بيوحشوكى
جميله باابتسامه ودموع ف عنيها اتجمعت : جدااا
على : مشوفتكيش بتتكلمى عنهم ولا بتكلميهم
جميله بصت لسما : انا لما بحب اكلمهم ببص فوق ليهم
على لاحظ دموع ف عنيها وعرف انهم متوفيين : اسف مكنتش اعرف
جميله جمعت نفسها باابتسامه: لا ولا يهمك ماهو الحال من بعضه
على ابتسم نص ابتسامه: اها فعلا الله يرحمهم
سكتوا تانى ..
جميله بصت للحظات ل على : تعرف يا "على" انك فيك من بابا كتير
على : يخلق من الشبهه
جميله: فعلا
على قام لزبون وجميله قاعده متكته من البرد ,,!
استمر نزول "جميله" مع "على" الصبح ويطلعوا مع بعض ع المطعم ويرجعوا بليل مع بعض ع البيت يدخلوا اوضهم وميشوفوش بعض غير الصبح وكان حوارهم قليل ونوعا ما افضل من الصمت الل كان ف الاول ... بعد مرور 3 ايام ظهر ع "جميله" اعراض تعب من الاجهاد وقله الراحه فى يوم صحيت ومكنتش قادره تقف و"على" خارج من الاوضه شافها قاعده وسانده راسها
على : جميله مالك
جميله جمعت نفسها وباابتسامه: لا مفيش بس اتخبطت ف الكرسى وانا خارجه
على بااستغراب: اتخبطتى ف الكرسى وتمسكى راسك
جميله تنحت: ها .. ايه دا احنا اتاخرنا يلا بينا
على : لو تعبانه متنزليش خليكى
جميله مسكت شنطتها الكورس ولبستها وجمعت نفسها وبينت انها كويسه: تعبانه مين انا زى الفل اهو يلا
على : اوك ..يلا
وهما راكبين التاكسى "على" لاحظ ان "جميله" غير العاده قاعده ساكته وملامح وشها بتتغير نزل "على" لوحده اخد حصته من الجرايد والمجلات ورجع ركب التاكسى و"جميله" باين عليها التعب وبتقاوح وصلوا المكان الل بيقفوا فيه ونزلت "جميله" راحت لصيداليه اخدت مسكن وفيتامين نوعا ما ظبطها لكن كانت مش قادره تقف فكانت قاعده ورافضه انها تمشى ... كملوا اليوم وراحوا ع المطعم واول ما دخلت المطبخ كانت هتقع وسندوها وفضلت قاعده شويا لاحظ "على" انها مخرجتش زى العاده ..كانت بتنطله ف الصاله من بعيد قلق فسئل عليها عرف انها تعبانه جوه .. دخل لاقاها قاعده وشكلها تعبان
على : جميله مالك
جميله: لالا مفيش انا كويسه
على : لا مش كويسه قومى روحى وخدى انهارده اجازه
جميله مقدرتش تقاوح: اوكيه .. هروح ارتاح هبقى كويسه لما اصحى متقلقش
"على" سندها ووقف تاكسى وركبت ومشيت وراحت ع البيت واول ما دخلت رمت نفسها ع السرير .."على" ف الشغل حاول يكلمها معرفش وافتكر انها نامت فمحبش يقلقها خلص شغله وبسرعه رجع ع البيت يطمن عليها .. دخل الشقه وبيبص ف الصاله والمطبخ لقاها مش موجوده بص ع اوضتها كانت مقفوله قرب منها وخبط خبطتين : جميله .. انتى صاحيه ..لسه تعبانه ..ملقاش رد وقلق ف نفس الوقت فجازف بعد تردد وفتح الباب بهدوء وبص لقى جميله ضامه نفسها ونايمه ع السرير من غير غطا وبسرعه راح ناحيتها ولقاها سخنه جداا ومبتردش عليه بسرعه نزل شاف دكتور وجابو يكشف ع جميله وعرف انه الل حصلها اجهاد ولان جسمها ضعيف مستحملش انها تكون ف جو بارد مده طويله كتبله العلاج وقاله انها هتبقى كويسه وترتاح يومين ... نزل "على" بسرعه جاب علاج ل جميله ورجع الشقه اشترى عصير طبيعى علشان يشربهولها واخده مع العلاج ودخل اوضتها .. كانت جميله عرقانه وهدومها لازم تغيرها .. "على" وقف لحظات متردد يعمل ايه يغيرلها هدومها ولا يجيب حد يقلعها هدومها دى بس هجيب مين دلواقتى والساعه 1 بليل بعد تردد قرر يسيبها زى ماهى لانها معندوش الجراءه يقرب منها يقلعها ولا يفك زرار من زراير القميص الل لبساه "جميله" حاول يديها العلاج وغطاها كويس ومرداش يخرج ويسيبها لان الدكتور قاله يواليها بالكمادات لان الحراره هترجع تانى احتمال وهو قاعد لاحظ علامات تشنج ع وش جميله وبتهمس بكلمات هو مش فاهمها قرب منها : جميله .. جميله
جميله مش بترد عليه وفاجاءه لاقى جسمها بيرتعش .. وجميله بتتكلم : انا بردانه .. بابا انا بردانه
على قرب منها ومسك ايديها : جميله .. جميله
مسكت جميله ايده اوى : بردانه اجيبلك غطا تانى استنى
جميله مسبتش ايده ومسكتها اوى "على" اتجمد مكانه ومش عارف يعمل ايه وهى بتردد جمله : انا بردانه ..بابا انا بردانه
"على" ف اللحظه دى دماغه وقفت عن التفكير متلغبط ومش عارف يعمل ايه بص حواليه مش لقى حاجه يدفيها فبتصرف تلقائى مسك ايديها يدفيها ولقاها لسه بترتعش راح من غير تفكير وهى ماسكه ايده نام جنبها ع السرير وضمها ليه ف اللحظه دى "جميله" قربت منه جدا وهو حاضنها وبيدفيها للحظات "جميله" بطلت تمتمه ونامت وهديت من الرعشه و"على" ل اول مره يحس بااحساس غريب و "جميله" ف حضنه .. نشوه احساس اول مره يحسه وفى نفس الوقت مش نشوه شهوه ان فى واحده ف حضنه زى الل قابلهم اللحظه دى حس "على" بقلبه بيدق وهدوء فى قلبه واحساس سكينه سيطر عليه واطمئنان .. مجموعه احاسيس "على" حس انه افتقدها او موتها ومش فاهمها لكن رجعت وهو حاضن جميله وجميله نامت فعلا ومش حاسه بحاجه ... "على" استغرب نفسه جدااا وبص ع "جميله" وهى ف حضنه وع تصرفه وسرح للحظات .. !!
"على" فضل صاحى جنب جميله وهى فى حضنه متحركش من مكانه طول الليل مش فاهم ايه الل عمله وايه الل حاسه ... بص ع الساعه وبدءت الشمس تظهر بهدوء اتحرك من جنبها وغطاها كويس ووقف لحظات باصص عليها ولاحظ ان التشنجات الل بتظهر ع وشها راحت
خرج بهدوء من الاوضه وراح ع المطبخ جهز ليها فطار خفيف وحطه ع صينيه ومعاه علاجها الل تاخده وحطهم جنبها ع السرير وكتب ورقه صغيره وسابها وخرج لشغل بتاعه .. نزل راح شغله الصباحى اخد الجرايد والمجلات من المستودع وراح ع مكانه وحطهم وهو قاعد راجع مشهد امبارح وحس بقشعريره ف جسمه ولاحظ انه محسش بولا مره الاحساس دا اتجاه الى كان بيروحلهم ويقابلهم وقعد وكان سرحان ووحس بااحساس غريب ..!
قلقت جميله من نومها وبتحاول تستجمع نفسها وتفوق فتحت عنيها و بتبص حواليها بتحاول تفتكر الل حصل مكنتش فاكره حاجه وكانت حاسه بتعب بسيط .. للحظه حست ان كان فى حد معاها ف الاوضه كانت حاسه انها كانت ف حضن حد وضاممها ركزت اكتر وافتكرت انها سمعت صوت فضلت تجمع لغايه ما عرفت انه "على" واستنتجت ان "على" هو الل كان حاضنها ومكنتش مصدقه من التصرف نفسه بصت ع نفسها لاقت نفسها بنفس الهدوم الل كانت لبساها ..بتعب بتتحرك من ع السرير بصت شافت الصينيه وكان ف الورقه مسكت الورقه وكان مكتوب
" صباح الخير .. ان شاء الله تكونى بقيتى احسن الفطار جهزتهولك افطرى وخدى علاجك ضرورى وانا مش هتاخر "
شافت جميله الورقه وبصت ع الفطار وحست بسعاده اول مره "على" يتصرف كده معاها واول مره تشوفه مهتم بيها كده .. رجعت نامت ع السرير وبصت تانى ع الورقه وقريتها وابتسمت ..!
_____
يتبع
ليست هناك تعليقات:
إرسال تعليق