فى يوم ادم كان بيمر عادى ع العيانين بص لقى حياه قاعده مع شويا اطفال وعماله تضحك وتهزر وتصور فيهم وفكر ف كلام مها انه يصارح حياه بمشاعره وقلبه بيشجعه ع الخطوه دى وخصوصا ان شايف حياه بتتحسن كل مره عن الاول .. وهو واقف سمع صوت الممرضه بتكلمه
الممرضه: دكتور ادم
ادم: ايوه
الممرضه: فى ناس عاوزين حياه فقلت اقولك الاول
ادم استغرب: مين دول
الممرضه ادته كارت مكتوب فيه اسم شخص
ادم: وعاوزين حياه ليه
الممرضه مش عارفه بصراحه هما سألونى فخليتهم ينتظروا ف مكتبك
علشان حضرتك محرض علينا اى حاجه تخص حياه تعدى عليك الاول
ادم: طيب تمام انا رايح حالا
راح ادم ع مكتبه وشاف شخص قاعد
ادم: مساء الخير
يوسف:مساء الخير يا دكتور
ادم: اتفضل اقعد تشرب ايه
يوسف: لا شكرا انا طلبت
ادم: خير انا سمعت انك بتسأل ع حياه
يوسف: اعرفك بنفسى انا صاحب شركه بتهتم بالمصورين الفوتغرافيه ودى مجله بنزل عليها اعمالناولينا ويب سايت بااسمنا لو عاوز تتاكد
ادم باابتسامه : اها وايه دخل حياه كده
يوسف: احنا كنا جايين زياره لمستشفى وشوفت لوحه المتعلقه ف الريسيبشن لصور ال محطوطه ومتعلقه ولفتوا نظرى اوى ع دقتهم وبساطتهم هما اه مش بروفيشنل اوى بس واضح ان ال بيصور فاهم بيعمل ايه واحنا ب نتبنى مواهب الجديده ونعلمهم ونشغلهم معانا .. ولما سألت مين ال صور الصور دى قالولنا مريضه هنا اسمها حياه وال شجعنى اكتر انها مريضه بمرض بياخد وقت لشفا منه ومع ذلك ف صورها باين سعاده وبهجه ومرح .. فجالى فضول اتعرف عليها واعرض عليها تنضم لينا
ادم مذهول بالكلام: بس دى مش مقيمه هنا دى راجعه تانى مصر
ولسه عندها دراسه هتكملها
يوسف: مفيش مشاكل احنا هنجهزلها كل حاجه هتاخد كورس التدريب هنا 3 شهور وبعدها هى تقرر لو هتقعد ف فرنسا هنوفرلها مكان واستوديو خاص ليها
لو فى مصر مفيش مشاكل هنوفرلها مكان برضه وتبقى تخص مجموعه مصر تبعتلنا شغلها يعنى مفيش مشاكل بنسبالنا ..وكمل يوسف العرض ..!!!
ادم شايفها فرصه حلوه جدااا لحياه وخصوصا لحاجه هى بتحبها
يوسف: قالولنا انك المسئول عنها فلو فى اى استفسار لحاجه تانيه اتفضل
ادم: بالنسبالى شايفها فكره حلوه جداا بس اكيد صاحبه الشأن ضرورى تعرف ورأيها هو النهائى فاانا هتكلم معاها وهقولها ال قولته ولو وافقت هكلمك ونحدد ميعاد
قام يوسف سلم ع ادم: تمام اتفقنا فى انتظار مكالمتك
ادم : ان شاء الله
خرج يوسف من مكتب ادم ومسك الكارت بتاعه وكان شايفها فرصه حلوه لحياه فكمل شغل وهو قاعد ف المكتب الباب خبط ..ادم: اتفضل
حياه دخلت وع وشها ابتسامه: الغدا يا دكتور
ادم بص ع الساعه: يوووه نسيت اسف يا انسه حياه
حياه: يلا بينا علشان عصافير بطنى عامله مظاهره
ادم بيضحك : لا يلا ليعملوا اعتصام
خرج ادم وحياه وقاعدين بيتغدوا ولاحظ ادم السلسله ف رقبه حياه وهما بياكلوا فاتحها ف موضوع يوسف
ادم: حياه
حياه: ايوون
ادم: اممم انت مخططه ل ايه لما ترجعى مصر ان شاء الله
حياه بصت ل ادم : اسمها نرجع مش ترجعى انت هتسيبنى لوحدى ولا ايه
ادم بيضحك: خلاص يا بيبى هنرجع ولا تزعلى بكلم بنت اختى انا
ضحكت حياه : اممم اول حاجه بفكر ارجع الجامعه واخلص اعوض السنين ال ضاعت
ادم: وغيره
حياه: ارجع لحياتى واهتم شويا بالتصوير ال اهملته ارجع الحياه
ادم مبتسم: طيب لو جتلك فرصه تتعلمى تصوير الفوتغرافى وتشتغلى
حياه : يااااه دا يبقى ماما دعيالى ساعه استجابه
ادم بيضحك: يبقى الدعوه استجابت
حياه: تقصد ايه
طلعت ادم الكارت : دا جيه وسأل عليكى انهارده وقابلته وعرض عليا
انك تتدرسى وتشتغلى معاهم هو اعجب بتصوير لما شاف الصور ال مصوراها هنا
حياه متفاجئه: بجد ياادم
ادم: وكمان يا ستى موفرلك الدنيا يعنى عاوزه تقعدى هنا هيوفرولك مكان واستوديو هتقعدى ف مصر هتييجى مره ف الشهر بس وباقى كله هيبقى عن طريق النت تبعتلهم الشغل ويبعتولك هما عاوزين ايه وتكاليف السفر والتنقل ع حسابهم .. ايه رأيك ؟
حياه بسعاده: بتتكلم بجد يا ادم ولا انا بحلم
ادم بيضحك: بجد جداااا ولو موافقه اكلمهم وهنروح نمضى العقد قبل ما ننزل مصر
حياه : وانت رأيك ايه
ادم: انا شايفه فرصه كويسه جداااا ليكى خصوصا لحاجه بتحبيها
حياه: يبقى انا موافقه
ادم: يعنى اكلمهم
حياه: ع خير الله بس هتكون معايا
ادم: انا قلتلك مش هسيبك
كملوا الاتنين الغدا وحياه فرحانه بالعرض ال جالها وان ادم معاها وادم فرحان لانه شايف حياه بتضحك ومبسوطه ..!!
تانى يوم اتصل ادم بيوسف واخد ميعاد يروح فيه واخد حياه وراحوا مقر الشركه
حياه وادم داخلين الشركه وحياه شايفه الصور المتعلقه
حياه: ايه الجمال دا كله رووووعه
ادم هو انا ممكن اوصل لمستواهم دا
ادم مسك ايد حياه: هتقدرى وهتبقى احسن منهم كمان بالاراده والاصرار هتوصلى
حياه : ان شاء الله
دخلت حياه وادم مكتب يوسف وسلموا ع بعض واتكلم يوسف وقال لحياه ع العرض ال قاله ل ادم وحياه بصت ل ادم وادم هز راسه ومضت حياه واتفقوا انها تبتدى الكورس ف خلال اسبوعين تحضر مرتين
حياه : ياترى هقدر
ادم: هتقدرى وانا معاكى هوصلك وهرجعك متقلقيش
وانا مظبطلك الايام البعيده عن الجلسات العلاج وهتبقى كويسه متقلقيش واهو هيخلص كورس التصوير مع كورس العلاج وتبقى كده ضربتى عصفورتين وبعدها تقررى بقى
حياه : ربنا يخليك ليا ياادم
ادم: ويخليكى ليا
ادم: بالمناسبه الجميله دى مش هتعزمينى ع حاجه ولا ايه
حياه : طبعا طبعا انت هتعزمنى اكيد
ضحك ادم: ماشى يا ستى اجازتى بعد بكره هنخرج واعزمك ع غدا
حياه بفرحه: بيتزا وايس كريم وشيكولت و..
ادم قاطعها بضحك: حاضر حاضر كل ال عاوزاه يلا بينا علشان عندى عمليه كمان ساعتين
حياه : يلا بينا
مشيت حياه مع ادم وهى فرحانه جدااااا ورجعت اتصلت بمامتها وقالتلها وفرحت مامتها بالخبر وف المستشفى عرفوا فجابت شيكولاته ووزعتها عليهم لفرحتها بالخبر والكل كان فرحان لفرحت حياه ...!!!
__________________________
جه يوم اجازه ادم وحياه كانت صاحيه من بدرى عماله تلبس وتغير وكانت الممرضه الى متابعاها ع طول معاها اسمها سو
حياه: سو حلو دا
الممرضه: جميل
حياه: لالالا هلبس دا استنى
غيرت حياه ولبست طقم تانى
حياه: سو حلو دا ولا دا
الممرضه بتضحك: يا حياه ال بتلبسيه اى كان حلو عليكى هو ادم اول مره يشوفك
حياه بسعاده: انا مش عارفه عاوزه ابقى احلى واحده يشوفها فى عنيه انهارده
الممرضه بتضحك: هو اصلا مش شايف غيرك حتى لو روحتى بالترينج هتبقى ملكه جمال أسالينى انا ..انا ال شايفه النظرات والمحات
حياه اتكسفت: بس بقى يا سو .
حياه حطت ايدها ع صدرها : قلبى بيدق بسرعه ليه كده يكون ادم قرب
ف اللحظه دى الباب خبط .. ودخل ادم وحياه اتوترت
ادم: انا مستنيكى ف الريسبشن وانتى لسه بتلبسى
الممرضه: معلش يا دكتور اصل حياه مبتخرجش واللبس مقاسه اتغير عليها فاحتارت بقى
حياه : انا خلصت اهو
اخدت شنطتها وكاميرتها وخرجت مع ادم وبتبص ورا لاقت الممرضه بتقولها : good luck
ابتسمت حياه ومشيت مع ادم وكان ف تاكسى مستنيهم ركبوا وخرجوا و جاب ادم لحياه بلونات وشيكولاتات كتير واكلت ايس كريم وصورت صور كتير وادم معاه وصورت ادم وراحوا ع مطعم يتغدوا فيه
حياه بسعاده: اليوم كان تحفه ياادم ربنا يخليك ليا
ادم: اى خدعه عدى جمايل اهو
حياه بتضحك: عداها متقلقش لدرجه مش عارفه اردها ازاى انا
ادم: خفى بسرعه وانجحى ف حياتك دا ال انا عاوزه ومتتعبيش تانى
ومهما حصل من ظروف متخليهاش تهدك ابقى اقوى
حياه: وانت معايا ببقى اقوى من اى حد ف الدنيا
ادم : انا مش هسيبك يا حياه بس عاوز انتى تكونى عاوزه دا
حياه باصه ل ادم ومبتسمه ادم اتوتر راح بص جنبه لاقى اتنين مرتبطين
حياه لاحظت بصت ..حياه: جميل انك تلاقى شريك فى حياتك تحبه ويحبك
ادم: طبعا
حياه سألت ادم بخباثه: وانت يا دكتور مفيش حد فى قلبك
ادم بتلقائيه: لا فى
حياه: مين
ادم : اممم متستعجليش هتعرفى مين هى هى حد تعرفيه جداااا
حياه حست بفرحه بتلميح: طيب قولى مين
ادم اتردد : كلى ياحياه كلى
حياه ضحكت ورجعت للاكل وادم باصص ليها
ادم بص لحياه : حياه
حياه: ايوه
ادم متوتر: عاوز اقولك حاجه
حياه: اتفضل تخصنى يعنى
ادم: وتخصنى معاكى
حياه قلبها دق وحست ان ادم هيعترفلها انه بيحبها
حياه باابتسامه : سامعاك انا
ادم: احم انا بقالى فتره كنت عاوز اتكلم معاكى وكنت مستنى الفرصه
حياه : ها
ادم بيببص لحياه : حياه .. انا .. انا ..
ولسه هيتكلم ادم تليفونه رن وكان المستشفى ..ادم: ثوانى
حياه فى سرها: دا وقته .
ادم رد ع التليفون وكان المستشفى الحاله ال عملها العمليه دخلت كومه وضرورى يرجع المستشفى حالا
ادم قفل وهو متوتر : معلش يا حياه نكمل كلمنا مره تانيه لانى لازم ارجع المستشفى
حياه اضايقت بس مبنتش : عادى ولا يهمك يلا بينا وتتعوض
ادم بضيقه: ان شاء الله
قام ادم وحياه والاتنين ع قد ما كانوا مبسوطين اضايقوا لكن دا ال حصل ....
رجعت حياه اوضتها ورمت نفسها ع السرير وماسكه السلسه الباب خبط افتكرته ادم طلعت الممرضه
الممرضه: ها يا توتا ايه الاخبار متاخرتيش يعنى
حياه بتنفخ: شكلك قرتيلى فيها يا سو
الممرضه: انا حرام عليكى داانا مستنياكى ومنمتش وشفت بتاعى الصبح
حياه بتنفخ: كان هيتكلم خلاص وهينطق وجاله تليفون فاجئه وطلبوه هنا ف المستشفى
الممرضه : اوووبس .. معلش يمكن وقتها لسه مجاش متزعليش
يلا نامى علشان عندك جلسه الصبح
حياه: اوك .. تصبحى ع خير
خرجت الممرضه ورمت حياه نفسها ع السرير وكلمت نفسها : دقيقه وكان هينطق دقيقه ...!!
_______________________
تانى يوم حياه راحت لوحدها الجلسه ...
حياه: سو هو فين ادم
الممرضه : مش هيقدر يجى وهيعدى عليكى كمان شويا الحاله ال عملها العمليه دخلت عمليات تانى بقالهم نص ساعه
حياه: طيب استنى ادم انا مش هينفع اخد العلاج لوحدى
الممرضه: بطلى دلع بقى هو قالى واكد عليا انك تاخدى علاجك وهو هيجيلك
حياه وقفت: لما يخلص هبقى اخد العلاج انا مش بموت يعنى
خرجت حياه وهى مضايقه وراحت وراها الممرضه تقنع فيها مرضتش وقعدت ف اوضتها ادم لما عرف اضايق وراح ع اوضه حياه وهو مضايق
خبط ع الباب ودخل وكانت حياه محستش بيه لانها كانت حاطه سماعات الهاند فرى وكانت قاعده ع الكنبه وسانده راسها ومغمضه عنيها .. دخل ادم وهو مخنوق من تصرفها اول ما شافها عصبيته هديت زى دش ساقع ادلق ع نار حميه بص لحياه وفضل باصص ليها حياه فتحت عينها شافته اتخضت .. حياه. : يا ماما
ادم: شوفتى عفريت
حياه شالت السماعات: محستش بيك انت جيت امتى
ادم بلجلجه: من شويا .. دلواقتى .. المهم انتى مااخدتيش علاجك ليه يا ابله
حياه : مستنياك
ادم: هو غدا هتستنينى ..دا علاج يا حياه متستهتريش بنفسك كده
انا كنت مشغول ومش هينفع يعنى اسيب المريض يموت واجى
حياه وقفت : مالك ياادم متعصب كده ليه .. انا قلقت عليك ماهو انت لازم تاخد علاجك انت كمان ومحصلش حاجه يعنى
ادم هدى نفسه: حياه .. انا ظروفى هنا ممكن ف اى لحظه يستدعونى وابقى مشغول وصادفت كده فبلاش تعملى كده تانى ممكن
حياه: حاضر
ادم : وعقاب ليكى اتغدى لوحدك علشان متفكريش تعملى كده تانى
حياه اتفاجئت: ادم انا
ادم : مفيش كلام ويلا قدامى علشان تاخدى علاجك
حياه: وانت
ادم: معاكى
حياه: يبقى كفايه عليا ومش مهم الغدا
ادم اتوتر : يلا بينا
راحت حياه مع ادم واخدت جلسه العلاج وحاولت تقاوح وقعدت ترغى وتتكلم مع ادم وادم كان بيراجع اوراق عيانين وهو معاها ومتعلقله العلاج وحياه عماله تناقر فيه ..
حياه: ادم
ادم: ها
حياه: هو ايه ال كنت هتقوله لما كنا بنتغدى امبارح
ادم تنح : ها
حياه: ال التليفون جالك وقتها وقلتلى بعدين .. كنت هتقول ايه
ادم اتوتر : يعنى هو دا وقته بعدين هقولك بعدين
راحت حياه ابتسمت وادم عمل نفسه بيركز ع الورق ال معاه ...!!!
خلصوا الجلسه وادم وصل حياه اوضتها وهى نامت من تعب الجلسه ..!!
__________________________
تانى يوم صحيت حياه كويسه راحت فطرت مع ادم وراح ادم ع مكتبه ويمر ع العيانين وحياه جابت كاميرتها وراحت تعمل ال بتعمله وبتمر ع اى مريض محتاج مساعده من ال تعرفهم وتصورهم
وهى واقفه سمعت صوت من ضهرها .. حياه
حياه باابتسامه: ايوه
بصت حياه لاقته عمرو اتفاجئت : عم.. عمرو
عمرو مبتسم: هى دى حمد الله ع السلامه
حياه بتجمع نفسها من المفاجئه : حمد الله ع السلامه انت هنا ليه
عمرو: علشانك
حياه: نعم
عمرو: جيت علشانك انتى يا حياه
حياه بتضحك: لا متهزرش انت جيت ل ادم صح
عمرو: لا ياحياه انا جيت علشانك عاوز اتكلم معاكى محتاج اتكلم معاكى
حياه : عمرو .. اعتقد انا قلتلك كلمتين ف مصر وهما هما مش هيتغيروا
مفيش كلام بينا خلاص انت ف حياتك وانا ف حياتى
وهما واقفين سمعت حياه حد بينده عليها ردت : ايوه جايه
حياه بصت لعمرو: لو جى ليا يبقى يا خساره هترجع زى ما جيت انما لو ل ادم فهو ف مكتبه بعد اذنك ..
مشيت حياه وهى متفاجئه ب عمرو وايه ال جابه ...
ادم وهو ف مكتبه الباب خبط .. ادم: اتفضل
مها دخلت : صباح الخير
ادم اتفاجئ بمها وباابتسامه: مها .. يا صباح المفاجاءات
راحت مها سلمت ع ادم : ايه رأيك ف مفاجاتى اخدت اجازه وجيت اقضيها هنا
واهو اتابع قسم الاطفال ال هنا هما بعتولى وانا قلتلهم هاخد اجازه وهاجى
ادم: انا سمعت بس مكنتش اتوقع تيجى بالسرعه دى .. فرنسا نورت
مها: تسلملى .. ها ايه اخبارك واخبار حياه
ادم: كله تمام
مها بلجلجه: انت اتكلمت مع حياه ولا لسه
ادم: ازاى
مها: صارحتها
ادم اخد نفس : امبارح كنت هفاتحها واستغل الفرصه لكن حصل ظرف كده وقلت مره تانيه
مها حست باامان : طيب كويس
ادم: نعم
مها: اقصد يعنى فرصه تانيه ربنا يكتبهالك يعنى
ادم: ان شاء الله
يلا انا رايح عندى مرور اشوفك ع الغدا دى حياه هتفرح بيكى اوى
مها شافت ادم ماشى: بس انا lمش جيت لوحدى
ادم وقف: باباكى جه
مها لفت بصت ل ادم: لصدفه وانا نازله من الطياره ف المطار صادفت عمرو ابن خالتك لاقته جى هو كمان
ادم اتفاجئ: عمرو هنا .. ف المستشفى
مها : ايوه
ادم وقف متصلب لحظات ..
مها: ايه مش هتلحق المرور قبل اليوم ما يخلص اشوفك ع الغدا تمام يلا سلام
خرجت مها وبعد ما رمت قنبله ف وش ادم وكلمت عمرو عرفته ان ادم مفتحش حياه ف حاجه وادم خلص مرور العيانين قاعد ف المكتب سرحان الباب خبط وكان متوقع انه عمرو
وفعلا كان عمرو ودخل ... عمرو باابتسامه: وحشتنى يا دكتور
ادم: انت جيت ليه
عمرو: هى دى حمد الله ع السلامه هو انتوا ايه حكايتكم معايا
ادم: انت شوفت حياه
عمرو: وسألتنى نفس السؤال جيت ليه
ادم: ورديت عليها
عمرو: طبعا
ادم: قولتيلها ايه
عمرو وباصص ل ادم: قولتلها انا جيت علشانها
ادم بعصبيه: عمرو
عمرو ببرود: ادم براحه كده اعصابك انا اتكلمت معاك وعرفتك ظروفى وحالتنى وانت مصدقتنيش .. انا سبت كل حاجه وجيت علشان ارجع حياه
مهما كلفنى الامر .. انا بحب حياه
ادم باصص ل عمرو : عمرو انت عارف انت بتعمل ايه
عمرو بص ل ادم : بعد ما سافرت فاجاءه قبل ميعاد السفر بيومين
قعدت افكر وعرفت السبب ال خلااك عصبى عليا ومتفهمنيش وتاخد حياه وتسافر
ادم: وايه هو ان شاء الله
عمرو بص ل ادم: السبب انك انت بتحب حياه
ادم اتفاجئ: بتقول ايه ياعمرو
عمرو : ادم انا عارف من زمان انك بتحب حياه من صغرك وحياه متعرفش
انا قريت مذاكراتك ال ف دولابك وعرفت انك كنت بتتقرب لحياه لدرجه انك عملت الروف فوق السطوح لما عرفت ان حياه بتهتم بالزرع والتصوير وعملته علشان يساعدها وتتواجد اكتر وقت معاك فى الروف ..كنت بتسهلها كل حاجه
وكنت بتذاكرلها ف اعدادى وثانوى رغم انشغالك ف كليه الطب
وكنت هتفاتحها لما تاخد الماجستير بس كنت انا فعلا حبيت حياه ووقتها حياه حبتنى انا .. حبتنى انا يا ادم وانت خبيت عليا من زمان لكن انا بحب حياه
ادم متفاجئ من كلام عمرو .. عمرو: انا مش طالب كتير
زى ما اتنازلت زمان واديتنى فرصه جمعتنى مع حياه عاوز فرصه معاها تانى وساعدنى ... مش طالب اكتر من كده انا حياتى ادمرت بعد ما سبتها
انا عاوز ارجع حياتى واعيش واعوضها ع ال حصلها ...
ادم مذهول بال سامعه .: عاوزنى اساعدك ترجع لحياه ليه بعد ال شفته منك حتى لو زى كلامك.. اه انا بحب حياه حبيتها من صغرها ومصارحتهاش حافظت عليها لغايه ما تيجى الفرصه واصارحه ورجعت لاقيتك خاطبها .. اتنازلت وقفلت ع ال فى قلبى وقولت مدام سعيده ودا اهم عندى ومطلبتش اكتر من كده لكن انت عملت ايه انت سبتها لوحدها ف عز ازمتها وفى عز وجعها دمرتيلها نفسيتها بالوهم ال عيشتهولها .. انت حسيت بوجع حياه من الابر والكيماوى شوفت حياه وهى بتعانى وبتتألم قدامك وتشيل عنها .. انت ضيعت النعمه ال ربنا ادهالك وببساطه كده عاوزانى اساعدك ترجعلها ..ضحكتنى
عمرو بص ل ادم: ماهو انا لو مرجعتلهاش انت مش هتاخدها
ادم بص لعمرو: نعم
عمرو: انا سبت حياه ف ازمتها بس مضحكتش عليها وعرفتها انى عيان وباخد معاها كيماوى مكدبتش عليها وعرفتها انى مريض علشان اتقرب ليها .. متسغلتش ضعفها وقربت منها عطف وشفقه
ادم بعصبيه: انا مستغلتش حياه ..انا عملت كده علشان حياه نفسها
عمرو: دا انت بتقول كده لكن اعتقد حياه لما تعرف ان ادم ضحك عليها واستغل ازمتها واتعامل معاها بشفقه وعطف هيبقى ليها معنى تانى ..
ادم مصدوم من كلام عمرو وخاف ع حياه اكتر من نفسه
ادم: عاوز ايه ياعمرو من ال بتعمله دا
عمرو: ادينى فرصه مع حياه وهى ال تختار ...حياه رافضه تسمعنى
ادينى فرصه ارجع لحياه وهى تختار عاوز ايه ومين .. فرصه اعوض ال ضاع منى ومنها ..مش طالب اكتر من كده ياادم وبايدك كل دا
ادم : ولو حياه بتحبنى انا
عمرو ضحك بسخريه: ف الوقت القصير دا ..
ليه مقولتش انها متقربالك عطف وشفقه
او رد جميل لوقوفك معاها هى قالتلك انها بتحبك
ادم اتصلب ف مكانه ومعرفش يرد
عمرو: انا هسيبك يومين بالظبط ومعاك القرار يا تدينى فرصه يا نتحرم منها احنا الاتنين
خرج عمرو وساب ادم فى صدمه من الكلام والمفاجئه ... شويا حياه رنت عليه علشان الغدا كنسل عليها وبعتلها انه ف اجتماع وتتغدى هى ... واضايقت حياه ومتغدتش ودخلت اوضتها ...!!!
مها رجعت تانى ل ادم لاقت وشه متغير
مها: ادم ..مالك
ادم بيبص ل مها: مفيش
مها : لا فى انا سيبتك ساعه وجيت
ادم: انتى رجعتى تانى ليه
مها: كنت هقولك حوار الغدا الغيه علشان انا احتمال اسافر
مع مجموعه من المستشفى نشاط تبع قسم الاطفال و..
ادم كان سرحان ومش مركز معاه .. مها: ادم
مها : فى ايه ياادم
ادم بيبص لمها ومها شايفه دموع محبوسه ف عين ادم وللحظه دمعه نزلت من عينه ..
مها: ادم
ادم: حياه
مها: مالها حصل حاجه ..
ادم: انا بحب حياه يا مها مش متخيل حياتى من غيرها
مها اتأثرت لما شافت ادم : كلمها ياادم وصارحها متبقاش كده
ادم جمع نفسه: ان شاء الله انا رايح بره
مها : طيب ولما ارجع تكون ظبطت احوالك
ادم: ان شاء الله
خرج ادم ومها واقفه وحاست بوجع ف قلبها بال كانت هتعمله وحست ان ادم ميستهلش كده وانه فعلا بيحب حياه ومش هيحب ولا حب غيرها ... !!
وبعت ادم رساله لحياه انه تعبان وهينام وقفل موبيله وراح ع اوضته ورمى نفسه ع السرير وحاسس انه مشلول عن التفكير من كلام عمرو وحياه وخوفه عليها وان حياه تقرر عاوزه مين وحاول يتمالك نفسه حس انه بيتقطع ..!!
مها قابلت حياه ف الحديقه وهى خارجه قاعده وباين عليها زعلانه
مها: حياه
حياه بصت : مها ..دكتور مها حمد الله ع السلامه ايه المفاجاءه الحلوه دى
مها: الله يسلمك
حياه: سمعت انك جايه بس مش بالسرعه كده
مها: وحشتونى اعملكم ايه
بس مالك قاعده زعلانه ليه كده
حياه: انا .لا مفيش
مها: هتخبى عليا
حياه: لالا متركزيش معايا ..طبعا انتى قاعده معانا
مها: اها .. وسخن سخن هيسافرونى اروح معاينه خارجيه لمده اسبوع وراجعه
اشوفك بقى بعد يومين
حياه: تمام ..
مشيت حياه وحست مها ان حياه ف حاجه مزعلااها
راحت حياه ع اوضتها وجربت ع موبيل ادم لاقته مقفول ورمت نفسها ع السرير وهى زعلانه لقت موابيلها بيرن وكانت رساله بسرعه فتحتها وافتكرتها من ادم لكن لقته من رقم منى استغربت فتحتها لاقت مكتوب فيها :
" عملتيها يا حياه خربتى بيتى وخطفتى منى جوزى انتى جواكى الحقد دا كله ومنستيش عمرو واخدتيه منى ..دمرتيلى حياتى "
حياه قرت الرساله تنحت ومش عارفه تعمل ايه ترد عليها ولا تكلمها وهى مش فاهمه ايه ال حصل حاولت تجمع مع وجود عمرو ومش فاهمه حاجه .. ملقتش حل غير تتكلم مع ادم فقررت تقابل ادم تانى يوم وتحكيله ...!!
__________________________
عمرو كان نزل ف فندق جنب المستشفى اتصل بمها وقابلها ف كافيه جنب المستشفى راحت مها وكان عمرو مستنيها وقعدت
عمرو: تشربى ايه
مها: نسكافيه لو سمحت
عمرو: ايه الاخبار
مها بصت ل عمرو بتفحص: انت ال عملت ايه
عمرو رجع بالكرسى ورا وربع ايده وحط رجل ع رجل : اتكلمت مع حياه وكالعاده صدتنى ورحت اتكلمت مع ادم ووضحتله كل حاجه
مها : انت قلت ايه ل ادم بالظبط
عمرو : قلتله بصراحه يا يساعدنى ع انى ارجع لحياه يا اما لا انا ولا هو هنبقى لحياه
مها حست بتأنيب ضمير وقلبها وجعها وافتكرت شكل ادم والوجع ال حاسه
عمرو: انتى بقى الدور عليكى ادم و...
مها قاطعته: انا مش هعمل كده
عمرو: مش هتعملى ايه
مها:انا رايحه مكان اسبوع شغل تبع المستشفى وهرجع هنا اسلم حد تانى مكانى وهرجع مصر تانى
عمرو تنح: ايه التغيير دا ليه
مها باابتسامه: مش عاوزه اوجع ادم ... ميستهلش منى اوجعه
عمرو: توجعيه
مها : ادم بيحب حياه بجد ومش هيحب غيرها حتى لو انت رجعت لحياه
فانا مكانتى عند ادم اخت وصديقه قريبه ولو خسرت ادم هخسر كل حاجه وانا مش عاوزه اخسره وزى ماقلتلك ف مصر انا اقلمت نفسى ع الوضع مينفعش اخلى حد بيحب واحده تانيه يحبنى وهو مش عارف ولا هيعرف ينسى الاولى ... مش عاوزه اخسر ادم ياعمرو
عمرو: مها
مها قاطعته: انا بحب ادم وطول ماهو سعيد انا هكون سعيده مش شرط اكون ليه ولا معاه بس صدقنى مع ادم سنين صعب اضيعها ف لحظه انانيه منى وطمع .. دا اخر كلام عندى انت حر بس اتمنى تراجع تفكيرك تانى ..تمام ... هقوم انا علشان مسافره الصبح ..سلام
قامت مها وهى حاسه انها اتصرفت صح ولحقت نفسها قبل ما تندم وساعتها مش هيفيد الندم وعمرو مستغرب من تصرف مها وف اعتقاده ان مها كده مش بتحب ادم وال بيحب حد يتمسك بيه وقرر انه يكمل لوحده ويرجع حياه تانى ليه زى ما قال ل ادم ومستنى رده ...!!!
__________________________
تانى يوم الصبح اتصلت حياه ع ادم لقت الموبيل مقفول لسه راحت ع مكتبه عرفت انه لسه مجاش .. قعدت مستنياه اتاخر فقررت تروحله مكان سكنه اوضته كانت متردده بس قلقت عليه فراحت لممرضه ال مصاحباها واخدتها وراحت معاها عند ادم خبطت ع الباب ومفتحش
الممرضه: انتى متاكده انه جوه
حياه: من امبارح من ساعه ماقال انه هينام ومظهرش تانى ولا راح المكتب
الممرضه : اممم طيب استنى هنا ثوانى
وقفت حياه تستنى وشويا رجعت الممرضه ومعاها مفتاح الاوضه وفتحوا براحه ودخلوا .. بصت حياه ع السرير لاقت ادم نايم بشويش ندهت عليه مردش .. راحت تحركه لاقته عرقان وعمال يرتعش
حياه مخضوض: ادم ادم مالك
ادم كان عمال يخرف بالكلام مقطع مش مفهوم..حياه: سو بسرعه اتصرفى
راحت الممرضه لاقت درجه حرارته عاليه راحت تجيب حقنه خافض لحراره
وحياه دورت ع فوطه وجابت مايه ساقعه وتعمله كمادات وادم بيخرف ف الكلام وحياه حاولت تفهم كلام ادم وسمعته بيقول: حييياااه ..متسبنيش يا حيييااه
حياه تنحت لما سمعت الجمله واتكررت ..جت الممرضه ادته خافض لحراره الحقنه وغيروله هدومه وفضلت حياه جنبه تعمله كمادات لغايه ما الحراره تنزل وحياه وهى قاعده جنب ادم قاعده بصاله وبتدقق فى ملامح وشه قربت منه وحركت ايديها وكانت متررده وكان جواها حاجه بتدفعها تلمس ادم استجابت ل احساسها وفاجاءه قامت قربت من ادم تحس بنفسه ولمست خده وملامح وشه وباست قورته بوسه خفيفه ورجعت مكانها وقلبها عمال يدق بطريقه اسرع من المعتاد وادم كان نايم مش حاسس باى حاجه خالص ...لمست خده وشعره تانى وتمتمت ودموع نازله من عنيها : خف ياادم مش عاوزه اشوفك تعبان كده خف ..يارب اشفيه ورجعه احسن من الاول يارب
... ع بليل فاق ادم وبيبص لاقى حياه نايم ع حرف السرير جنبه
ادم: حياه
حياه سمعت وفاقت: ادم انت كويس
ادم: انت بتعملى ايه هنا
حياه: قلقت عليك من امبارح ومش جيت ع الفطار فقلقت وموبيلك مقفول
جيت انا وسو وجابت هى المفتا ح لقيناك سخن جدااا وبترتعش ومحستش بينا... ازاى تسيب نفسك كده ها وبتقعد تزعقلى لو كحيت شويا
ادم : اصل ..اصل
حياه مسكت موابيلها واتصلت ب سو الممرضه تجيب شوربه ل ادم وخلال 10 دقايق جت
الممرضه: سلامتك يا دكتور
ادم: ميرسى يا سو
الممرضه: ع فكره يا دكتور حياه مرضتش تتغدا وقاعده جنبك من الصبح
حياه: سو
ادم: متغدتيش
حياه: هشرب معاك شوربه انت مش شايف طبقين
ادم: ودا غدا
حياه: ملكش دعوه ال هتشربه هشربه انا شركاء الازمه يا دكتور
ادم معرفش يتكلم وخرجت الممرضه .. قربت حياه الطبق ناحيه ادم والمعلقه ناحيه بوقه: يلا ها
ادم: نعم
حياه : الله هشربك الشوربه يلا بقى علشان سخنه
ادم بيحاول يبعد حياه : خلاص يا حياه سبيها واخرجى
حياه : مفيش خلاص انا مش همشى غير لما اطمن عليك ..ومعرفش انا ازاى دكتور وتتعب وتسيب نفسك كده سيبت ايه لعيانين ال زى يلا بسرعه
ادم باصص لحياه ولا ارادى هاودها وشربته الشوربه وادته علاج وهى كمان شربت الشوربه بسرعه
ادم: انتى كده شبعتى
حياه: كفايه انا معاك هحتاج ايه تانى
ادم بص ع الساعه : يلا علشان الوقت متاخر
حياه قامت: ماشى وبكره
ادم قاطعها: بكره انا هنزل عادى متجيش
حياه باابتسامه: خلاص تمام نفطر سوا بقى ..
ادم باصص لحياه ومش عارف يقول ايه هز راسه
حياه مشيت خطوتين ورجعت ..: ادم
ادم بصلها .. حياه: متتعبش تانى ياادم علشان خاطرى ممكن
ولما تبقى احسن بكره عاوزاك ف موضوع
ادم: وانا كمان عاوزك ف موضوع بكره
حياه باابتسامه : يبقى اشوفك بكره تمام ...تصبح ع خير
ادم: تصبحى ع خير
خرجت حياه وادم رجع لحيره بين قلبه وعقله ومش عارف ياخد قرار وكلام عمرو وكتمه ف نفسه خلااه يتعب بالشكل دا و سند راسه ع المخده ودمعه نزلت من عينه لاقى انه لازم يلاقى حل ويتكلم مع حياه ...!!!
__________________________
تانى يوم ادم اتشجع وخرج وحياه استنه ف المطعم وادم شافها
راح عندها ..ادم: صباح الخير
حياه: صباح الخير ما لسه بدرى لو كنت اتاخرت شويا كنت هجيلك
ادم : يلا نفطر علشان عندى شغل كتير
حياه : يلا بينا
وهما بياكلوا ادم بص لحياه وكان متردد
ادم: حياه
حياه: ايوه
ادم: اعملى حسابك هنتغدى بره علشان عاوزك ف موضوع
حياه باابتسامه: تمام يا دكتور
خلصوا الفطار وفى حد نده ع حياه ..
حياه: هقوم انا وهستناك ع الغدا هكون جاهزه تمام
مشيت حياه وع وشها ابتسامه وادم فضل باصص ع حياه وهى ماشيه واتنهد
جه ميعاد الغدا اتصل عليها لبست وجهزت حياه ونزلت
حياه: هتغدينى فين يا دكتور
ادم: ال انتى عاوزاه
حياه: اممم اختار انت وانا موافقه
ادم : يلا بينا
راحوا مطعم وطلبوا الغدا وهما بياكلوا ..
حياه لاحظت ان ادم متغير ملامح وشه
حياه: مالك ياادم
ادم بملامح حزن : اصل عمرو عمل حادثه
حياه اتفاجئت وبملامح خضه وقعت الكوبايه جنبها : ايه
ادم شاف رد فعل حياه ع عمرو خلااه بشك انها لسه عندها مشاعر ل عمرو
فقرر ان حياه هى ال تقرر
ادم: متتخضيش انا كنت بهزر
حياه: هو الهزار فى كده اخص عليك خضتنى بس وشك بيقول حاجه
ادم باصص لحياه ومتردد: حياه
حياه: ايوه
ادم: عمرو ..عاوز فرصه تانيه
حياه بتضحك: دا مسلسل هندى كان بيجى ع زى افلام
ادم بملامح جد: انا بتكلم جد مش بهزر عمرو كلمنى وطلب منى اقولك تديله فرصه تانيه
حياه سامعه الكلام مش مستوعبه انه ادم : انت بتتكلم بجد
ادم: ايوه
حياه: هو دا الموضوع ال عاوزنى فيه تكلمنى ع عمرو عاوزنى ارجع لعمرو
ادم بيتماسك وثابت ع ملامح جد: ايوه والقرار ليكى
حياه باصه ل ادم : انت شايف ايه ياادم ادى عمرو فرصه تانيه وابص ورا
ادم بيتمالك : عمرو ندمان ويستحق فرصه تانيه وانتى حره ف قرارك دى حياتك
حياه اتصدمت من الكلام بصت ل ادم : حياتى
ادم بيبص لحياه ومتماسك : ايوه حياتك
حياه بتتمالك نفسها :ادم ممكن سؤال
ادم: اتفضلى
حياه: ممكن تقولى مين البنت ال بتحبها وقولتلى هتعرفنى مين وانها حد اعرفه اووى
ادم باصص لحياه وسكت لحظات : مها
حياه مش قادره تستوعب الموقف : ادم ..انا عاوزه اروح
قامت حياه بسرعه وادم لحقها وطول الطريق حياه بتبص ل ادم مش مصدقه ال قاله وادم بيدارى نظراته ورسم وش الجد لغايه ما وصلوا المستشفى .. بسرعه حياه نزلت من التاكسى من غير ما تتكلم ل ادم وراحت ع اوضتها وادم حسن بوجع وندم ف نفس الوقت ...راحت حياه ع اوضتها قاعده بتستوعب الكلام ال سمعته وقلبها اتقبض واتخنقت وقفت ف الشباك تشم هوا وتراجع علاقتها ب ادم تفكيرها كان فى ادم مفكرتش خالص ف عمرو .. قلبها وعقلها بيفكروا ف ادم بس ... وبيقولها ادم بيحبك لكن ال سمعته كان عكس فضلت طول اليل سهرانه بتفكر تعمل ايه ..لغايه ما قررت والصبح لبست وخرجت تدور ع ادم قبل الفطار راحتله مكتبه خبطت ودخلت :
حياه: ادم
ادم بصلها: ايوه ياحياه
حياه: انا فكرت امبارح واخدت قرار
ادم بقلق : وهو
قربت حياه ناحيه ادم
وسكتت لحظه وهى باصه فى عين ادم عن قرب : انا ...........
__________________________
يتبع
ليست هناك تعليقات:
إرسال تعليق