كان الوضع ف البيت وضع ترقب وقلق وتوتر عامر بمشاكله الل ف الشركه
ورويدا وشكوكها ف معتز .. وفاطيما الل بتتخيل منظر معتز بعد لما يتكشف
وانه هيختفى خالص من حياتها وكانت بتجمع معلومات اكيد هى واحمد علشان تبقى خبطه جامده لمعتز ورويدا تاخد موقف ... فى يوم فاطيما قاعده ف الفيلا عادتها يعنى معتز دخل شافها قاعده ماسك التاب وكانت بتتكلم مع البنات ومشغله منير بتسمعه ومبسوطه ومندمجه معاهم شافهاوبدل ما يطلع ع اوضته راح اتجاهها وهى قاعده كانت مهويه الطرحه لان دا مش ميعاد رجوع لا عامر ولا معتز فكانت نوعا ما قاعده بأطمئنان وهى قاعده الطرحه اتزحلقت من ع راسها ووطت تجبها لاقت حد مسكها معاها بصت لاقته معتز باصصلها ومبتسم
معتز: شعرك ع الحقيقه احلى
فاطيما بتشد الطرحه ومعتز ماسك فيها ..معتز: احلى من الصور
فاطيما شدت بقوه: بعد أذنك
اخدت الطرحه حطتها ع شعرها بسرعه وبعصبيه : ف حاجه اسمها استأذان انت مش قاعد ف البيت لوحدك فى بنادمين غيرك
معتز بيضحك: بتعاملينى زى الاغراب يا فاطيما ..انتى ناسيه ايه ...انا كنت بختارالك تلبسى ايه قبل ما تنزلى نسيتى
فاطيما : ايه الل انت عايش فيه دا فوق كده دا كان زمان يا معتز .. وزمان يعنى ماضى خلاص خلص
معتز: مخلصش يا فاطيما طول ماانا شايفك قدامى
فاطيما حاولت تهدى علشان صوتها ميعلاش وقربت من معتز خطوتين :
لا خلص يا معتز وخلص من زمان قبل ما يبدء بس احنا كنا صغيرين وفرحانين بنفسنا وبنحلم والحلم كان كابوس ..
معتز: كابوس
فاطيما بتهدى نفسها :معتز .. الل انت عاوزه اخدته فسيب غيرك يعيش وعيش انهارده وبكره .. سيب امبارح بالل كان فيه مهما كان لانه خلاص بقى امبارح والل بيعدى مبيرجعش .. انت قررت ونفذت فاستحمل نتيجه قراراتك لوحدك مدخلش الل حواليك فيها فاهمنى مدخلش الل حواليك فيها ...
مشيت فاطيما وطالعه اوضتها ..
معتز: لكن الل حواليا دخلوا خلاص يا فاطيما .. دخلوا
فاطيما بصتله: تقصد ايه
فى الوقت دا لاقت رقم سكرتيره عامر اتصلت عليها
فاطيما: ايوه يا ايمان
ايمان بصوت متوتر: مدام فاطيما .. مستر عامر تعب ونقلناه المستشفى
فاطيما مخضوضه : مستشفى
بسرعه طلعت اوضتها وغيرت وخرجت ومعتز واقف متحركش مستغرب من خضه فاطيما ع عامر وطريقتها معاه ... بسرعه راحت فاطيما ع المستشفى ولاقت رويدا وايمان السكرتيره واتنين موظفين واقفين وعامر مع الدكاتره جوه ف الطوارى ..
فاطيما بخوف وقلق: هو ايه الل حصل يا رويدا .. ايه الل حصل يا ايمان
رويدا بتوتر : مصيبه يا فاطيما.. صفقه عامر كان بيعملها الفتره الل فاتت دى تعوض الخساير الل حصلت راحت منه لمجموعه تانيه وخسر مبلغ كبير اوى مستحملش الخبر وقع ..
فاطيما بخضه راحه ناحيه الطوارى مانعوها تدخله وقعت ع الارض : عامر عامر .. واغمن عليها
شويا وفاقت وكان عامر دخل عمليات وخرج من العمليات راح ع عنايه المركزه وممنوع الزياره
فاطيما بدموعها نازله : ايه اخباره يا دكتوره هيكون كويس صح
الدكتور بملامح توتر : ان شاء الله .. ادعوله تعدى 48 ساعه ع خير وبعدها هنتاكد حاله قلبه صعبه ان شاء الله تمر من الازمه دى ادعوله
رويدا ف حاله صدمه والموظفين كمان وفاطيما حست بوجع فظيع ف قلبها خصوصا لما راحت وبعد محيلات دخلت تشوف عامر ... راحت بخطوات هاديه تقرب منه وشايفاه نايم قدامها ع السرير ومحطوطله الاسلاك الكتيره دى وفاقد الوعى مسكت ايديه ودموعها نازله : عامر .. متسبنيش يا عامر انا قولت اخيرا هرتاح وقلبى هيرتاح بلاش توجعنى يا عامر وتسيبنى انا محتجالك احنا محتاجينلك اكتر من الاول .. انت اقوى من كده فلوس الدنيا فداك .. احنا محتاجينك .. اتمسك بالحياه علشانا ..احنا محتاجينك ياعامر
فضلت فاطيما سهران جنبه لانها رفضت تسيبه وتمشى غير لما يفوق ع الاقل .. تانى يوم الصبح فاطيما ماسكه فوطه مبلوله وبتمسح راسه ورقبته وايديه وهى ماسكه ايديه وبتمسحها دموعها نازله: وحشتينى يا عامر اووى وحشنى اسمع صوتك انهارده اول مره متكلمنيش الصبح ف الشغل وفطرت لوحدى من غيرك ينفع كده .. انا مش متعوده عليك تغيب عنى كده ومسمعش صوتك .. انت قلت ان انا روح الحياه ليك ينفع كده حياتك تعيش من غير روحك .. احنا محتاجينلك يا عامر ارجع علينا واقف ع رجلك تانى
حطت ايديها براحه ع صدره مكان جرح العمليه ماحيه قلبه : انا مكنتش متخيله انك غالى اوى عندى كده ..طلعت اغلى من حياتى نفسها
مهما كان الظروف انا مش هسيبك ...انا حاسه انك سامعنى وقلبك سامعنى وحاسس بيا .. متسبنيش يا عامر احنا محتجينلك
راحت باست راسه وماسكه ايده بعد لحظات حست فاطيما بايد عامر بتمسك ايديها .. فرحت فاطيما بصت عليه مفتحش عنيه لسه راحت ندهت الدكتور وراح شافه
فاطيما: خير يا دكتور فاق صح
الدكتور : هو ف تحسن ضعيف بس بدايه مبشره ان شاء الله قريب هيفوق
فاطيما حست براحه نوعا ما : الحمد الله .. الحمد الله
رجعت بسرعه ع اوضته ومسكت ايديه باستها وراسه وقعدت جنبه تقرا قران و تدعى يفوق ...!!
فى الوقت دا احمد كان بعت لفاطيما كل الاوراق والمعلومات ع ايميلها لكن لظروف عامر مفتحتش ونسيت وانشغلت مع عامر ... عرف احمد انشغال فاطيما واتفقوا يأجلوا الموضوع لغايه ما تطمن ع عامر وفى نفس الوقت كان بيراقب معتز ومكنش هو لوحده الل بيراقب معتز كانت رويدا لانها كانت شاكه ف تصرفات معتز بس مش معاها دليل .. استمر عامر ف غيبوبه يروح ويرجع ووضع الشركه بيسوء .. فحبت فاطيما تساعد عامر .. راحت الشركه وتحاول تفهم ولان الموضوع اكبر منها فهمت ان ف مشاكل وعقود وقروض وحاجات كتير والل المسئول عن اغلب الحاجات دى معتز فاستنتجت ان معتز الوحيد الل هيقدر يساعدها كلمت معتز ع الموبيل وكان متفاجئ وطلبت تقابله ف كافيه جنب الشركه وراح معتز وكانت فاطيما متاخره نوعا ما وكان مستنيها شافها راح قرب منها وشدلها الكرسى وقعدت
معتز بفرحه: مش مصدق نفسى لما كلمتينى
فاطيما: متفهمنيش غلط يا معتز .. انا جايه علشان اتكلم معاك ف موضوع
معتز: وانا سامعك
فاطيما تمالكت نفسها علشان تتكلم بهدوء: الشركه
معتز بلا مبالااه: مالها
فاطيما: عاوزاك تساعدنى نحل المشاكل الل انت عملتها دى
عامر ولا رويدا ليهم ذنب .. وانت المفروض تحل الل عملته
معتز بيضحك: دا طلب ولا امر
فاطيما بتتمالك نفسها: انت عاوزه ايه
قرب معتز : انا موافق باى حاجه انت هتقوليها يا طيما
فاطيما لاحظتطريقه الغير مريحه : انا الل بقوله تساعدنى لحل المشاكل مش اكتر
معتز: والمقابل
فاطيما بتتمالك: مقابل ايه عاوزه تانى ..
انت مركزك كبير ف الشركه ومتجوز اخت صاحب الشركه و..
قرب معتز ومسك ايد فاطيما: عاوزك انتى ومش عاوز حاجه تانيه
فاطيما اتصلبت: ايه
معتز مسك ايد فاطيما جامد: عاوزك انتى يافاطيما ولو وافقتى انا ممكن اصلح كل دا بشرط ترجعيلى ونرجع مصر ونبدء مع بعض وننسى الل فات
فاطيما شدت ايديها: انت مجنون يا معتز.. الل فات اتنسى خلاص دلواقتى انا متجوزه وانت متجوز
معتز: مش اختيارنا
فاطيما بعصبيه: لو جوازك من رويدا مش اختياراك .. انا اختارت عامر ومش هسيبه وواضح انى غلطت لما قابلتك
وقامت فاطيما متعصبه من الموقف ورجعت بتفكر مش عارفه بتعمل ايه
فى الوقت دا كان ف شخص صورهم وصورهم ومعتز ماسك ايد فاطيما ...
رجعت فاطيما تدور ع حل ملقتش ولاقتها بتتقفل ولاقت رويدا مبتعرفش تتصرف وحاجه تانيه شغلااها ومفيش قدامها غير معتز وخصوصا حاله عامر الل مفقش لسه وضرورى يلاقوا حل فى اسرع وقت ...فى يوم كان بليل كانت مستنيه معتز ف البيت تتكلم معاه لما يرجع ومجاش واتاخر اتصلت بيه عرفت انه سهران ف مكان من غير ما تفكر راحت تقابله شافتها رويدا من البلكونه وهى نازله بصت ع الساعه لاقتها 10 بليل واستغربت خروج فاطيما الكتير من وقت ما تعب عامر ودخل المستشفى ...
راحت فاطيما المكان الل سهران فيه وكان شبه كافيه ليلى دخلت فاطيما مستغربه المكان شافت معتز قاعد وبيشرب راحت اتجاهه
فاطيما : مفيش مكان اهدى من دا نتكلم فيه براحتنا
معتز فتح دراعه: حضنى ينفع
فاطيما بصتله بنظرح حاده وقعدت قدامه : فوق يامعتز كده واسمعنى
معتز: جيتى تانى ليه يا فاطيما خير
فاطيما قربت من معتز: ساعدنى يا معتز نحل مشكله الشركه البنك بعت انذار اخير بعد يومين لو موصلوش رد الوضع هيتدهور
معتز بلا مبالااه: عادى .. ميهمنيش
فاطيما ملقتش حل غير تسترجى معتز قربت منه ومسكت ايده: ارجوك يا معتز ساعدنى انت الوحيد الل تقدر تساعدنى ف الوضع دا وتحل المشاكل دى ..انا لوحدى ومش عارفه و رويدا ..
معتز اتفاجئ بمسكه ايد فاطيما ل ايده راح حط ايده التانيه عل ايديها : فاطيما
فاطيما دموع نازله : ارجوك يا معتز ساعدنى لو ليا لسه مكانه عندك بحلفك بيها تساعدنى
معتز اتفاجئ بدموع فاطيما وانها بتترجاه : لدرجه دى عاوزانى اساعدك
فاطيما: انا معرفش اتصرف ومش عارفه ولا اتكلم ولا اتعامل .. عامر الل كان بيعمل كل حاجه وهو لا حول له ولا قوه .. انت الل قدامى ورويدا معرفش مالها مكبره ولا ايه مش فاهمه.. عامر لو الشركه دى راحت .. هيحصله حاجه بجد .. ارجوك ساعدنى يا معتز نلحق الشركه ونلحق عامر
معتز ف حاله ذهول من شكل فاطيما وعياطها وقلبه وجعه لما شافها كده : لدرجه دى يا فاطيما بتحبى عامر
فاطيما بتعيط: ارجوك ساعدنى
معتز بطريقه لا اراديه وفاطيما ماسككه ايده وبتعيط راح بصوابعه مسح دموعها ومسك راسها قربها ليه فاطيما بعدت نفسها .. معتز حس بفرق وقرر يساعدها .. طبطب ع ايديها ومسحلها دموعها:
معتز: خلاص يا طيما خلاص بلاش دموع وعياط .. انا بكره هشوف وهعمل الل هقدر عليه ومش هسيبك
فاطيما: شكرا يا معتز شكرا ..
كانت هتقوم ومعتز مرضاش يسيبها تمشى وهى منهاره كده طلبلها عصير شربته ومشيوا الاتنين روحوا مع بعض والوقت كان داخل ع الساعه 1 بليل شافتهم رويدا واستغربت ... دخلت فاطيما اوضتها ومعتز دخل اوضته .. رويدا: كنت فين كل دا يا معتز
معتز: مع صحابى
رويدا: ورجعت مع فاطيما ازاى
معتز بصلها وسكت لحظات : قابلتها بره وكانت بتوقف تاكسى فاخدتها معايا عادى
رويدا: وهى كانت فين
معتز بعصبيه: وانا اعرف منين يا رويدا ها ..
رويدا شافت معتز اتعصب ودخل الحمام .. !!
تانى يوم ف الشركه قبل ما تروح فاطيما ل عامر المستشفى راحت وقعدت مع معتز قبل ميعاد البنك الل حدده معتز وقالها هيعمل ايه وكانوا لوحدهم ... وقابل معتز مندوب من البنك وطلب مهله اطول وكانت خطوه كويسه اطمنت فاطيما ورجعت ل عامر تطمنه .. واستمر الوضع اسبوعين لغايه ما نوعا ما احوال الشركه اتظبطت وكانت فاطيما بتبلغ عامر وهو نايم بكل حاجه .. فى يوم وفاطيما قاعده بتتكلم مع عامر سمعته : فاطيما
بصتله وهو بيتكلم: عامر انت فوقت
عامر بصوت تعبان وبيحاول يبتسم : انتى معايا وانا كنت فاكر نفسى بحلم
فاطيما قربت منه باست راسهوماسكه ايده : انا مسبتكش ومش هسيبك ابدا ياعامر حمد الله ع سلامتك لينا
خرجت بسرعه وندهت الدكتور ورجع طمنها انه تحسن ومع الوقت هيكون افضل ..ومرحله الخطر عدت واستمرت فاطيما تروح لعامر كل يوم المستشفى تقعد معاه وتاكله وتاكل معاه تفتح نفسه ويتكلموا ووضع الشركه استقر نوعا ما وحاله عامر استقرت نوعا ما هو كمان ...
وجه وقت خرج عامر من المستشفى
الدكتور: حمد الله ع سلامتك يا استاذ عامر بعد كده خلى بالك ع صحتك
عامر: ان شاء الله يا دكتور شكرا ع تعبك
الدكتور: دا واجبى .. المهم الراحه ويفضل تغير جو
عامر: والشغل
فاطيما ببهجه: شغل ايه اعتبر نفسك ف اجازه مفتوحه.. انا هخطفك وهووووب ع اول طياره نروح اى حته لوحدينا بالمعنى الاصح هستفرد بيك ولا عندك اعتراض
الدكتور بيضحك: برغم خروجك دا حاجه تفرحنا بس استف الممريضات والدكاتره هيفتقدوا مدام فاطيما كانت معاهم ومعاك طول الوقت
عامر: انتى كنتى قالباها مسرح شكلك
الدكتور: ربنا يخليهالك ويخليك ليها ..مش عاوزين نشوفك غير زيارات
عامر بيضحك.. فاطيما: ولا زيارات يا دكتور خلاص انا اخدت كورس تمريض
واتعلمت حقن الطبيه بجانب حقن البشريه .. اخدت دكتوراه بالمعاشره
الدكتور ضحك وعامر .. وخرجت فاطيما وعامر ماسك ايديها وهما واقفين مستنين العربيه عامر رفع ايد فاطيما وباسها: ربنا يخليكى ليا
فاطيما باست ايده: ربنا يخليك انت لينا
عامر: ليكم
فاطيما: يلا بينا دلواقت علشان ترتاح وانا مجهزالك برنامج طفشان ف الجو محصلش خبرتى ف الضيافه هطلعها عليك والمرادى انا الل هفاجئك لالالا انا هبهرك
عامر فرحان بكلامها قرب منها باس راسها .. واخدها ف حضنه
فاطيما: ربنا يخليك لينا يارب ولا يكررها علينا
ركبوا العربيه وراحوا ع البيت وكانت رويدا عامله حفله صغيره لترحيب بعامر
وكان الموجودين الموظفين ومعتز وهى .. احتفلوا وطول الحفله فاطيما كانت بتقول بعنيها ل معتز شكرا وهو يبتسم ليها لاحظت رويدا نظراتهم ومش فاهمه لكن مش مرتاحه ..خلصت الحفله وطلعت فاطيما الاوضه مع عامر قعد ع السرير ونام وفاطيما ادته العلاج
وراحت فاطيما نامت جنبه: نورت الدنيا يا عامر مش البيت بس
عامر باصص لفاطيما: انتى دنيتى يا فاطيما ربنا يخليكى ليا
فاطيما: البيت مكنش ليه طعم ولا اى حاجه .. مكنتش عارفه اكل من غيرك عودتنى ع الاكل معاك خسستنى 2 كيلو ودا مبيحصلش
عامر بيضحك: لا فعلا باين ..انا وحشنى الاكل معاكى
فاطيما: متقلقش انا هعرف اعوض الل راح منى كويس وانت معايا
عامر مسك ايد فاطيما باسها: بعد كده مش هننفصل عن بعض ابدا اوعدك
فاطيما: يلا نام وارتاح علشان هخطفك من الصبح
عامر راح شد فاطيما لحضنه : انا هرتاح كده وانتى ف حضنى
راحت فاطيما قربت منه وضمها لحضنه ونامت فاطيما وهى سعيده برجوع عامر وانها ف حضنه ...!!
تانى يوم صحيوا بدرى لبسوا ونزلوا راحوا ع المطار وعامر مش عارف هما رايحين فين واتفاجاء من مفاجاءات فاطيما وانهم سافروا ع طياره لشركتهم وعملوا حفله ترحيب ف الطياره لرجوعه بالسلامه وعرف انهم فى فرنسا لما نزلوا اخدوا طياره تانيه صغيره لجزيزه ع المحيط بعيد عن المشاكل والناس
عامر متفاجئ: دا انتى خطفانى صح
فاطيما وهى ماسكه ايده: خطفاك رسمى مش هنمشى من هنا غير لما تبقى تمام هنرتاح ونسترخى وناكل انا عرفت بيعملوا اكل حلو
اوى هنا وصحى اوووى .. وانا موصيالك ع اكلات هتخليك تنور اصبر عليا
عامر: طيما بجد مش هقدر
فاطيما : اخص عليك ..انا طيما فاتح الشهيه نسيت ولا ايه يلا بقى
راحت فاطيما ع الفندق وطلبوا الاكل وقعدوا
فاطيما بتاكل عامر : يلا ها ها .. الكوكو رايح فين
عامر بيضحك: كوكو تانى.. انا مش بيبى يا طيما
فاطيما بتاكله: انت اغلى بيبى عندى مهما عملت هتاكل وهتاكلنى ..بسببك كنت مباكلش غير طبقين مكرونه ف الطبيعى كنت بضرب 3 شفت بقى عملت فيا ايه .. انا هفتانه وذنبنا ف رقبتك
عامر: مش فاهم
فاطيما: يلا كل وخد العلاج علشان نخرج نتمشى نشم الهوا تحفه هنا
عامر: امرى اللى الله
اكل عامر وكان سعيد جدااا خلصوا الاكل وقاموا ينزلوا كان ف عربيه مستنياهم
اخدتهم وراحت ع مكان ع البحر ونزلوا والجو كان تحفه ...بص عامر لاقى قاعده جاهزه ع البحر
عامر : ايه دا انتى مجهزه كل حاجه
فاطيما ماسكه ايد عامر باستها: هو انا عندى كام عامر
عامر قرب منها وباس راسها: ربنا يخليكى ليا
مشيوا واتقدملهم مشروب ف كوبايه واحده
عامر: دا ليا ولا ليكى
فاطيما بتضحك: احنا الاتنين فمتشربش اوى لانه فال وحش لو شربته لوحدك
ضحك عامر وشرب منه الاول وشربته فاطيما الباقى ...
عامر: ايه دا
فاطيما بتضحك: مستحيل انا قلت عارفها دى حاجه كنت بتحب تعملها اوى
عامر بيجمع.: ايه
فاطيما: ف الجزيزه دى ف اسطوره بتقول
ضحك عامر .. فاطيما: ان دى فاكهه مباركه من مايه مباركه اى اتنين بيشربوا مع بعض من كوبايه واحده والاتنين شربوها بانصاف .. هيفضلوا مع بعض طول العمر ومش هيبعدوا عن بعض ابدا فجبتك هنا ع طول اول ماعرفت القصه دى علشان نشربها ..لانى عاوزه اكون معاك بقيت عمرى
عامر ضم فاطيما لحضنه وباس راسها: ربنا يخليكى ليا العمر كله
فاطيما : ويخليك لينا العمر كله
عامر : انتى بتجمعى ليه فى حاجه
فاطيما باابتسامه: قوم اتمشى معايا وانا هقولك
عامر: انهارده يوم المفاجاءات
فاطيما: ضحكت .. قولتلك هبهرك
فاطيما وهما بيتمشوا ووقفوا قدام الشط وقفت قدام عامر
فاطيما باابتسامه: انت نفسك فى ايه
عامر: مش فاهم
فاطيما: نفسك فى ايه فن الدنيا وعايش علشانه
عامر مسك ايد فاطيما وحطها ع صدره مكان عمليه قلبه ع قلبه: انا مش عايز حاجه من الدنيا لان انا معايا الل يكفينى عن الدنيا معايا انتى وانتى جوه هنا ..انتى الل رديتى لقلبى الحياه وعايش بيكى يا فاطيما.. لولا حبك الل ف قلبى مكنتش عشت ولا موجود دلواقتى ... انتى كل حاجه عاوزاها واتمنتها وربنا كتبهالى ..بحبك يا فاطيما حب مش قادر الاقيله وصف ..غير انتى روح والحياه الل ف قلبى وعايش بيهم
فاطيما من الكلام حست بسعاده كبيره واتأثرت مسكت ايد عامر وحطته ع بطنها ودموع نازله من عنيها .. فاطيما: وانت بالنسبالنا حياتنا وروحنا الل عايشين بيه ومن غيرك لا هنقدر نعيش ولا نكمل
عامر بيجمع وهو باصص ع بطنها : انتى ..
فاطيما من دموع الفرح : ايوه حامل ف الشهر 3
عامر من الفرحه مش مصدق: بجد يا فاطيما بجد
فاطيما : والله بجد ..انا عرفت يوم مادخلت انت المستشفى اغمن عليا وكشفوا والدكتور قالى مبرووك وقتها كان نفسى تكون معايا وتسمعها وافرحك لكن انا قلتلك وانت نايم
حطت فاطيما ايديها ع قلبه: قلبك حس بيا وفرح انا متاكده .. فعلشان خاطرنا خلى بالك ع نفسك ومتتعبش نفسك كده تانى .. وعاوزاك تعرف مهما حصل احنا معاك هنقويك ونقف معاك ضد اى ازمه مش هتكون لوحدك احنا معاك ..لانك دنيتنا وحياتنا ..ربنا يخليك لينا
راح عامر من الفرحه والسعاده قرب دماغ فاطيما لصدره وحضنها: بحبك يا فاطيما
فاطيما: بحبك ..بحبك ..!!
كملوا يومهم مع بعض وفى يوم عامر شاف فاطيما قاعده ف مطعم الفندق وجايبه كميه شيكولاتات وحلويات وبتاكل ..قرب منها بيضحك
عامر: الاجانب بيصوروكى يا طيما ايه كل دا
فاطيما: يادوب يكفينى انا والبيبى
عامر مبتسم شاف فى ايديها حته شيكولاته : طيب عامله حسابى
فاطيما : طبعا يا حبيبى خد الل عاوزه
عامر: لا ادينى انتى
راحت حطت حته الشيكولاته ف بوقها بين شفايفها ومدت ايديها تديله واحده تانيه ... راح عامر قرب منها : انا عاوز ديه
وقرب منها وقطم حته الشيكولاته وباسها وسط كل الموجودين وفاطيما مركزتش ف الناس ولا عامر وكان مشهد جميل لدرجه ان الاجانب صوروهم ..!!
واستمرت لحظه السعاده بين عامر وفاطيما وهما ف منتهى الفرحه ومحدش ازعجهم لانهم قفلوا موابيلاتهم وقرروا ينعزلوا عن المشاكل والناس ويكونوا مع بعض ... والمرادى هما التلاته مش الاتنين ..!!
فى الوقت الل كان عامر وفاطيما عايشين ف الجنه كانت رويدا ومعتز بدءت النار تولع عندهم معتز بعد ما شاف فاطيما ولهفتها ع عامر ووجع قلبه لما بيشوفها حزينه قرر يسيبها تكمل حياتها مع الل اختارته وهو يكمل حياته مع رويداولغى فكره اذيه ل عامر او فاطيما وساعد عامر ف الشركه واكتفى انه يكون جنبها وشايفها سعيده وخصوصا لانه هو الل سابها ...
احمد كان مستنى يحدد ميعاد مع فاطيما ويبعتوا الاوراق والصور عن علاقات معتز وينفذوا ال اتفقوا عليه لكن فاطيما قافله موابيلها ومش قادر يوصلها .. وتبع المراقبه احمد شاف معتز بيقابلالموظف الل متجوزها عرفى وحس بضيقه ان رويدا متعرفش فقرر هو الل يعرف رويدا ..ففى يوم كلم رويدا وطلب يقابلها رويدا نزلت تقابله وهى مش فاهمه حاجه
راحت لاقته مستنيها وقدام فايل مقفول ..
رويدا: ازيك يااحمد
احمد: مش بخير .. لانك مش بخير
رويدا باصه لفايل وبعدين بصت ل احمد: ليه خير انا كويسه
احمد : لا يا رويدا انتى مش بخير لان معتز معاكى ودا شر
رويدا اتاخدت وحاولت تجمع نفسها: لو سمحت يااحمد متكلمش كده لو قصدك ع الشغل الل بيعمله والكل بيتكلم انا عارفه كل دا وبيعمله بمعرفتى
احمد استفز من كلامها وهروبها فتح الملف الل قدامه وحطلها ورق وصور
احمد: وعارفه انه بيخونك كمان
رويدا بتبص ع الصور مع البنات ومع موظفه هى عارفاها ف الشركه
وع الورق وقرت عقد الجواز العرفى وكانت مصدومه
احمد: انا عارف اكتر حاجه توجعك الخديعه والخيانه والكذب ومعتز بدء معاكى بكده وانتى صدقتى كذبه لحبه ليكى
رويدا مصدومه: اكيد دا متفربك اكيد لالالا معتز ميعملش كده
احمد : لو مش مصداقانى اسألى فاطيما هى شربت من نفس الكاس
كلمه فاطيما رنت ف ودن رويدا وبصت ل احمد: اسأل مين .. مالها فاطيما بمعتز
احمد حس انه اتسرع بس حب يوضح موقف فاطيما: فاطيما اتغدرت من معتز قبلك سنين علقها وخذلها وكذب عليها ووجعها .. معتز كان يعرف فاطيما قبلك بسنين ووعدها وعود وهى زيك صدقيته لانها حبته ضاع منها سنين وكانت مستنياه وسابها
رويدا اتلغبطت: فاطيما كانت ع علاقه بمعتز .. متاكد
احمد: هتكدبينى برضه بكره هتلاقى محادثات فاطيما ومعتز من اول ماعرفها .. ماهى فاطيما الل ساعدتنى اجبلك المعلومات دى من حساب معتز انا اختراقته وحفظت كل الملفات علشان اوريكى وقائع مش كلام ... مينفعش تكملى كده يا رويدا ..حياتك مع خاين
رويدا ف حاله صدمه من الل شافته ومن معرفتها بان معتز ع علاقه بفاطيما وافتكرت ايام ما كانت شغاله ونظرتهم لبعض انهم مش عارفين بعض
وبعد الجواز ولما عامر تعب وخروجا الكتير ومقابلاتها بالصور مع معتز ومعتز كدب عليها بانها قابلته علشان حاجات ف الشغل وهى صدقته او معنى اصح حبت تصدقه علشان تكمل معاه ....
رويدا بتوتر وملامح متوتره قامت ولمت الورق: انا ماشيه ..
احمد: ياريت تاخدى قرار صح
رويدا ودموعها نازله: الصح ..
مشيت رويدا مصدومه من الل حصل رجعت ع البيت ف اوضتها مصدومه وانهارت ف العياط ورمت الورق والصور تانى يوم احمد بعتلها صور محادثات معتز مع فاطيما وقرتها وهى بتقراها عماله تعيط من كلامهم وطريقهم حبهم لبعض وكلام معتز مقلوش ليها خالص .. طلبت من شخص تانى يخترق ايميل فاطيما وجبلها كل المحادثات وقرت محادثاتها مع البنتووعرفت انها استغلت عامر علشان تنتقم من معتز ..حست بأحاسيس متلغبطه غيره ع غضب ع وجع قلبها وجعها اوى لما عرفت ان معتز وفاطيما خدعوها هى وعامر ... رجع معتز من الشغل ف العادى وملقاش رويدا زى كل مره مستنياه طلع ع الاوضه دخل اتفاجئ من المنظر رويدا قاعده حاطه رجل ع رجل وع الترابيزه قدامها ورق وصور معتز قرب منها
معتز: مساء الخير
قعد جنبها وبص لاقى صور ليه اتفاجئ وقرب وبص لاقى صور ليه مع الل كان متجوزها وبنات كانوا بيسهر معاهم وصور مقابلته لفاطيما لما عامر كان تعبان .. والورق ورقه الجواز العرفى ومحادثاته مع فاطيما من صدمه المفاجاءه مكنش عارف يتكلم ..
رويدا بتتمالك نفسها: ايه مفيش حاجه عاوز تقولها
معتز بصوت متوتر: اقول ايه
رويدا قامت وبعصبيه: تقول قد ايه كنت غبيه ومتخلفه انى صدقتك وحبيتك
تقول قد ايه كنت مغيبه وانا واخويا يضحك علينا من اتنين ملهمش اى لازمه
تقول انك طلعت حيوان بمعنى الكلمه والتانيه الخاينه بتخون اخويا
معتز بعصبيه: متغلطيش ف فاطيما يا رويدا واسمعينى
رويدا اتفاجئت: وكمان بتدافع عنها ماهى فعلا حب عمرك ومحبتش غيرها
انت مقولتليش انا مراتك انى حب عمرك ولا محبتش حد قدى
معتز بيتمالك: كل دا من الماضى وخلاص قفلنا عليه كل واحد فينا ليه عيله
رويدا بتضحك من الوجع: ماضى .. الماضى عايش معانا يااستاذ كل يوم ف وش بعض وبتخرجوا تقابلوا بعض .. وانت مقضيها بره معاها ومع غيرها
مش بعيد الحمل دا يكون منك مش من عامر
راح معتز ضربها بالقلم: اكتر من كده مش هسمحلك تغلطى فيها ..انتى متعرفيهاش علشان تحكمى عليها متعرفيش هى عملت ايه علشانك وعلشان اخوكى علشان تغلطى ف شرفها ..فاطيما اشرف من اى واحده قبلتها فاهمه .. اشرف من اى واحده
رويدا الكلام وجعها اووى ودموعها نازله: طلقنى يا معتز .. طلقنى
معتز اخد الجاكت والمفاتيح:انتى طالق يا رويدا
خرج معتز ورزع الباب ورويدا بتكسر حاجات ف الاوضه وانهارت وقلبها وجعها اوى انه متمسكش بيها حتى لو كدب واتاكدت من موقفهانه مبيحبهاش وقررت تنتقم منه ومن فاطيما الل دمرتلها حياتها وعلاقتها مع اخوها ..!@!!
فاطيما قضت الاجازه ف استرخاء تام وعامر حالته الصحيه اتحسنت اكتر من الاول ويعتبر هو وفاطيما قضوا شهر عسلهم المتأجل من وقت ما اتجوزوا .. وكانت فاطيما سعيده جداا بعلاقتها مع عامر رجعوا ع البيت واتفاجئوا برويدا وبخبر انفصالها ومحدش عارف السبب غير انهم مش متفاهمين عامر محبش يضغط عليها يعرف وكانت بتتجنب فاطيما مش عاوزه تشوفها .. حاولت كذا مره تتكلم مع عامر مقدرتش رويدا ..خصوصا لما شافت عامر عايش ف سعاده وخصوصا بعد حمل فاطيما ...من شكها ف فاطيما
عملت حركه طلبت من الدكتوره المتابعه لحاله فاطيما وهى متعرفش تاخد تحليل دم منها كانه اختبارات عاديه لكن ف الحقيقه كانت عاوزه تثبت ان فاطيما حامل من رجل تانى غير عامر وتعرف عامر بالطريقه دى لكن شكها طلع غلط لان طلعت نتيجه التحليل متطابق بنسبه كبيره ... فكانت شايفه فرحه عامر ف الحمل فقررت تستنى لغايه ما فاطيما تولد ....!!
ابتدت فاطيما بطنها تبان وكانت ع طول قاعده بتاكل ف اوضتها
عامر: طيما انتى اتعشيتى من غيرى
فاطيما ماسكه طبق السندوتشات: لا خالص يا حبيبى داانا بسلك بس زورى انا والبيبى علشان نعرف نتعشى معاك
عامر طلع من الشنطه علبه شيكولاته : اتفضلى ليكى ولبيبى
فاطيما فرحت اوى لان وحمها ع الشيكولاته ..
فاطيما: حبيببى ربنا يخليك لينا
راحت حسست ع بطنها فاطيما : شوفت بابا جبلنا ايه دانا وانت هنزروط الزراويط انهارده
بصت لعامر : تعالى كلم عاوزك
عامر قرب منها ومسكت ايده حطتها ع بطنها : بيقولك ميرسى يا بابا ربنا يخليك لينا يااحلى بابا ف الدنيا
عامر حس بحركه البيبى وفرح قرب ع بطنها وباسها : ويخليك ليا يا احلى بيبى ف الدنيا
فاطيما كانت فتحت شيكولاتايه بتاكلها.. عامر: طيما والعشا
فاطيما وبتاكلها: هخلص دى بسرعه وهنزل اتعشى ..
قرب منها عامر :هتعرفى تخلصيها لوحدك
ضحكت فاطيما وبكسوف: لا بصراحه هى كبيره اوى هاخد وقت لو ف مساعده انا معنديش مشاكل
حطت الشيكولاته فى بوقها بين شفايفها راح عامر قرب منها وبياكل الشيكولاته من بوقها حته حته لغايه ما خلصت وقرب من شفايفها وباسها
(هيييييح chocolate kiss
)كانت رويدا بتقعد ف الشغل اكتر من الاول وبتتجنب تقعد مع فاطيما وماسكه نفسها متتكلمش كل ماتشوف عامر سعيد ومبسوط ... قرب ميعاد ولاده فاطيما وكانت مبتتحركش ..فى محادثه مع ميمى وسلمى
فاطيما: مكنش يومك يا فاطيما بقيتى كوره كفر بتتدحرجى ..انا عامر مش بيمشينى لا اطلاقا بيدحرجنى قدامه
ماريا وسلمى بيضحكوا .. ماريا: احسن احسن علشان كنتى بتتريقى علينا شوفتى ربنا
سلمى: بس يا طيما يخربيت شكلك فشولتى فشوله انتى مكنتيش كده لما كنتى بتاكلى
ماريا: ع اساس انها بتبطل ارهنك انها بتكلمنا وع حجرها طببق اكل او شيكولاته
فاطيما: انتى مرقبانى يا ميمى ولا ايه يابت اوعى تكونى بتقرى
هاجى اقعد عليكى ابططك وارجع مكانى
سلمى: خلى بالك يا ميمى طيما قادره وتعملها
ماريا: فشر ..هبلغ عليها عامر احنا ف حماه منها
سلمى: احنا فرحانين طيما رجعت ليا
ماريا: اقيموا الافراح وليالى الملاح طاخ طاخ
سلمى: اخبارك ايه مع عامر يا طيما
ماريا : متسأليش لان طيما قاعده فوق السحاب ومدلدله رجليها
فاطيما: يارخمه يا ميمى ... والله يابنات مش عارفه اوصفلكم احساسى بجد عايشه سعاده متخيلتهاش خالص انى هعيشها .. وعامر ربنا يخليه ليا ول البيبى الل جى مش مقصر خالص معانا برغم انشغاله .. وحنيته عليا دا كفايه الحضن الل كل يوم بنام متمرمغه فيه ياااااااااااااااااه حاجه كده لا توصف بجد .. ربنا يخليه ليا
سلمى وماريا مبسوطين من كلام فاطيما ...
سلمى: شوفتى كنتى حارمه نفسك من ايه
ماريا: يابنتى الل بيسيبها ع ربنا ربنا بيعوضه اكتر مما كان عاوز احنا الل بنستعجل بس
فاطيما : اقولكم الحق يا بنات
سلمى وماريا:ها
فاطيما: بصراحه انا مكنتش متخيله انى هكون كده وجع قلبى الل عشته والتجربه الل سيطرت عليا وقتها لاغت تفكيرى فى اى حاجه غير الانتقام من معتز .. ومكنتش شايفه عامر غير سلمه فعلا لكن لما شوفته وحسيت بوجوده وتصرفاته الل حد غيره بطريقه معاملتى والل عملته واستحملنى كان زمانه سابنىعامر اشترانى بالغالى اووووى يا بنات وانا محستش بدا غير متاخر بس الحمد الله هو صبر عليا واتمسك بيا بجد اكتشفت ان هو رحمه ربنا وعوض لقلبى ع الل حصله ..قلبى الموجوع اتغير واتسكن وبقى هادى ومليان حب اكتر مما كنت بتخيل .. انا كنت فاكره معتز حب عمرى الل مش هنساه بس اكتشفت مع عامر انه هو الحب الحقيقى الل صعب يتنسى .. عامر اثبتلى وورانى الحب افعال مش كلام .. الحمد الله ..الحمد الله
ماريا: سولى ..طيما بتقول اشعار زغرطى يابت
سلمى: بطلى قر يا ميمى وغيره ها بلاش سيبيها تعيش حياتها
ماريا: ومعتز صحيح متعرفيش عنه حاجه
فاطيما: لا خالص ملقتش غير رساله منه بعد انفصاله عن رويدا بيقولى متخافيش ولو احتاجتينى هتلاقينى جنبك ومن وقتها لا موجود ف الشركه ولا ف شقته ... ربنا يهديه
سلمى: تلاقيه اتعلم ان الشر اخرته وحشه
فاطيما: ربنا كريم اوووووى وحنين اوى بجد رغم انى حسيت بالندم انى مسمعتش كلام توحا وكلامكم فى الاول بس كل حاجه وليها وقتها
سلمى: هى دى الدنيا دروس نتعلم منها
ماريا: والاهم ف قرارتنا نحكم قلبنا وعقلنا منخليش حد فيهم يسيطر ع التانى
فاطيما :فعلا
سلمى: ميعاد ولادتك امتى
فاطيما: كمان اسبوعين
سلمى: تقومى بالسلامه
فاطيما : تسلمولى يااصدقاء الكفاح
جه ميعاد ولاده فاطيما وحضر معاها عامر وشال ابنه وكانوا متفقين ع اسم اياد وفرحت فاطيما لما شافت عامر سعيد وكان دايما من بعد الولاده بيرجع بدرى ويفضل قاعد جنبها ويشيل اياد وينيمه كان ف مقام داده ل اياد وفاطيما كانت سعيده بكده اوى ....فى يوم جه اتصال من مصر لفاطيما ان توحا تعبانه اوى وعاوزه تشوفها حجزلها عامر ع طول ونزل معاها ومسبهاش لوحدها ورويدا كانت عاوزه تتكلم مع عامر وقالها لما يرجع ...سافرت فاطيما وراحت ع بيتهم ودخلت ع اوضه توحا وكانت تعبانه اوى
فاطيما ماسكه دموعها: ايه يا توحا شدى حيلك كده اياد محتاج يتعلم منك حاجات كتير
توحا بصوت تعبان: طيما حبيببتى وحشتينى الحمد الله انى شوفتك
فاطيما:الك يا توحا اول مره اشوفك مستسلمه كده
توحا: خلاص يا طيما الل جى مش هيكون قد الل عدى كلنا بنسلم لبعض
فاطيما دموعها نازله: توحا ..
توحا مسكت ايد فاطيما: انا كده اموت وانا مطمنه عليكى يا طيما قلبى كان قالقنى عليكى عامر ابن حلال وانتى بنت حلال ربنا يبعد عن اى شر ويخليلكم ابنكم لكن يا فاطيما صارحى عامر ومتخبيش عليه حاجه .. صارحيه علشان تخففى الحمل من ع قلبك ويصفى وتقفلى ع الل فات
فاطيما: توحا انا
توحا مسكت ايد فاطيما: ابدئى مع عامر وابنك صفحه ف كتاب جديد لكن لازم تقفلى الصفحه القديمه وتقفلوها مع بعض ... اتكلمى معاه وقولى الل ف قلبك لان الايام غداره يا فاطيما جوزك بيحبك وانتى بتحبيه هتعدوها مع بعض وخليها تيجى منك احسن ما يعرف من بره توعدينى انك هتعملى كده ..
فاطيما ودموعها نازله: اوعدك يا توحا
ابتسمت توحا: الحمد الله انا كده ارتحت عاوزه انام
خرجت فاطيما وهى بتعيط عامر شافها راح ليها خدها فى حضنه وفاطيما فتحت ف العياط تانى يوم الصبح كانت توحا اتوفت ووقف عامر ع دفنه وعزاء توحا ل 3 ايام ومسبش فاطيما لوحدها ودايما واقف جنبها وبليل فاطيما كانت بتفتح ف العياط برغم انها ماسكه نفسها لكن مع عامر بيظهر ضعفها
فكان بيضمها لصدره ويطبط عليها كانت بتحس باامان وراحه وكانت بتنام ف حضنه ...فضلت فاطيما اسبوعين ورجعت مع عامر لانه محبش يسيبها لوحدها ..!!
كان قبل ما يوصل عامر وفاطيما بيوم كان محامى عاوز عامر وقابته رويدا :
رويدا: عامر فى ظروف ف مصر وهيتاخر فى حاجه اساعدك انا
المحامى:انا مسافر ف شغل وهتاخر بره ولما يجى بعد اذنك سلميه الورق دا
رويدا: هو ف مشاكل ولا ايه اعتقد حلينا كل حاجه
المحامى: لا كله تمام دى الوصيه الجديده
رويدا متفاجئه: وصيه جديده
المحامى بتلقائيه: استاذ عامر لاغى الوصيه القديمه وكتب واحده جديده حط فيها ابنه اياد ومدام فاطيما
رويدا: وانا
المحامى: حضرتك ليكى نسصيبك ف الشركه بااسمك
رويدا فهمت ان عامر كتب كل حاجه بااسم فاطيما واياد والغضب عماها وقررت تاخد من فاطيما كل حاجهوتنتقم منها وغضبها نسيت اخوها وشافت انه كده بتحميه من عماه ....!!
رجع عامر وفاطيما البيت وراح الشركه ..فاطيما قاعده كلمت البنات تستشيرهم تعمل ايه وافقوا على انها تحكى لعامر وهو هيسامحها لو هى حكت وعرف منها لانه بيحبها .. فكانت بتتجمع شجاعتها علشان تحكيله ... ف الوقت دا رجع عامر البيت ونده ع فاطيما وكانت بتنيم اياد ودخل المكتب يخلص شغل لغايه ما تنزل يتعشوا مع بعض .. دخل مكتبه لاقى ملف موجود فتحته بتلقائيه لاقى صور وورق ..وشاف صور معتز مع فاطيما ماسك ايدها الصور الل اتصورت ايام مكان ف المستشفى وكانت بتسترجى معتز يساعدها ..الصور بالاوضاع الل اتاخدت فيها توحى بحاجه غلط ..فقتح الورق وقرى المحادثات بين فاطيما ومعتز ومحادثات معينه مع البنات وانها استغلته واتفقربت ليه واتجوزته مش علشان بتحبه لكن استغلته سلمه توصل لمعتز .... حس بصدمه ومش قادر يصدق وفضل قاعد ع المكتب والصور والورق قدامه ..اتاخر عن العشا دخلتله فاطيما وكانت رويدا ف اوضتها بتراقب الموقف ..
فاطيما: يلا ياعامر لانى هفرفر من الجوع
شافته ملامحه متغيره قربت منه: مالك ياعامر انت تعبان
عامر بصلها وملامح وشه متغيره وعنيها فيها دموع
اتخضت فاطيما بصت لامحت صور ليها مع معتز اتفاجئت ..راح مسك عامر ورق المحادثات ليها ..مسكتها وبتقراها من الصدمه قعدت ....!!!
__________________________
يتبع
ليست هناك تعليقات:
إرسال تعليق