(17)
شافت "جميله" الورقه وبصت ع الفطار وحست بسعاده اول مره "على" يتصرف كده معاها واول مره تشوفه مهتم بيها كده .. رجعت نامت ع السرير وبصت تانى ع الورقه وقريتها وابتسمت شويا وقامت بصت ع الفطار باابتسامه كلها سعاده وابتدت تشرب العصير وتاكل وهى بتاكل شمت ريحه هدومها كانت وحشه قامت اخدت دش وغيرت ورجعت اخدت العلاج وريحت ع السرير مسكت موابيلها ملقتش رنه ولا اتصال من "على" فمسكت الورقه وفضلت باصه عليها وتقراها كذا مره ....
"على" كان قاعد يفهم فى ايه وايه الل حصل وحس بيه حس انه مش عارف يوصل لمفهوم واضح ل احاسيسه دى ..انتبهه من زبونه بتكلمه قام وقف معاها واخدت مجله و بص ف ساعته واتصل بصديق ليه يجى يقف مكانه ورجع ع البيت يطمن ع "جميله" .ودخل بص حواليه مش لقاها .. خبط ع باب اوضتها : جميله .. انتى صاحيه
جميله بصوت تعبان: ادخل يا على
على وع وشه ابتسامه: صباح الخير ..عامله ايه دلواقتى
جميله ابتسمت : الحمد الله
على بص ع الفطار : ايه دا انتى مفطرتيش
جميله: مش قادره بجد ..اكلت الل قدرت عليه
على قرب منها وحط الصينيه قدامها : لا لازم تفطرى انتى اصلا ضعيفه والعلاج شديد عليكى
انا بسببك منمتش من امبارح وشكلك عاوزنى انام هنا تانى انهارده
جميله اتفاجئت من كلامه : ها
على مبتسم : بسببك منمتش طول الليل قلقت السخونيه ترجعك تانى
جميله بتكلم نفسها: يعنى فعلا "على" كان حاضنى طول الليل يعنى مكنتش بتخيل وايه كمان بيتكلم وهو بيضحك وبيبتسم كمان .. بجد دا مش بحلم صح ...
على لاحظ سرحانها : هاااى .. روحتى فين يلا قومى افطرى..
قرب منها "على " : انا هحطلك المخده ورا ضهرك استنى
على قرب منها يحطلها المخده ..جميله فى سرها : ايه دا الل بيحصل دا ..معقول دا "على"
قرب منها "على" اتاخدت ومنطقتش وحست وهو قريب منها ف اللحظه دى احساس كانت حساه وهى نايمه ...
على بصلها : ايه دا انتى غيرتى هدومك .. كويس هدوم امبارح مكنتش كويسه
جميله حست بالاحراج لان هدومها كان ريحتها عرق ومش كويسه..فى سرها : اوووبس ايه الاحراج الل انا كنت فيه دا
على عمل سندوتش ومد ايده : يلا افطرى
جميله مسكت السندوتش : شكرا يا "على" تعباك معايا
على: انتى تعبتى معايا برضه ومفيش غيرى انا وانتى ف البيت
جميله باابتسامه: اها فعلا .. صحيح انت رجعت بدرى ليه
على سكت لحظه ورسم ملامح جد : خلصت بدرى وقلت اجى البيت افطر واغير وارتاح شويا ما قولتلك منمتش امبارح بسببك وبعدين اروح المطعم وبالمره ابص عليكى لو احتاجتى حاجه
جميله لاحظت ملامح وحشه بتتغير مش ثابته مره مبتسم ومره قافش وجاد حست ان دا تهييس تعب مركزتش : بدرى كده الساعه 10 الصبح
على : اعترضتى ع رزق ربنا
جميله: ونعم بالله يارب دايما ..
على: انا هخرج ارتاح ساعتين ونازل المطعم
جميله: اوكيه
على: ارتاحى انتى يلا ..
خرج "على" من الاوضه وكان راسم ملامح جد علشان يعدى موقف امبارح انه عادى يعنى وحط ايده ع صدره واخد نفس وراح دخل ع اوضته ... "جميله" كانت مبسوطه اوى وحاسه انها بتحلم ...شويا وقلقت "جميله" وخرجت من اوضتها رايحه الحمام سمعت صوت دوشه ف المطبخ قربت اتجاه المطبخ شافت "على" ودى اول مره "على" يقف ف المطبخ او معنى اصح اول مره هى تشوفه من وقت ما عرفته هو واحمد ... جميله: على ..
على بصلها: جميله
جميله بملامح اندهاش: انت بتعمل ايه عندك
على : مفيش بعملك شوربه
جميله متفاجئه: ليا انا
على: لا لجيران اصلهم عيانين
جميله ضحكت: متتعبش نفسك
على : خلاص عملتها وكنت هخبط عليكى اصحيكى واديلك علاجك
جميله باابتسامه: ميرسى يا على
على : مفيش شكر انتى عملتى معايا اكتر من كده يلا روحى اقعدى
قعدت جميله ع كرسى وشويا "على" جه وراها بصينيه فيها شوربه وحطها قدامها .. استنت جميله ان "على" يااكلها وكده زى ما عملتله لكن كانت المفاجاءه تجاهلها ..
على : اتغدى انتى وخدى علاجك وارتاحى انا نازل
جميله بملامح يأس .. فى سرها : الحلو ميكملش يعنى مش قادر تعزم عليا تاكلنى زى ماكنت باكلك فعلا شخص غريب ...
مشى "على" خطوتين..جميله :: استنى هنزل معاك
على بصلها : تنزلى فين .. انهارده اجازه باامر الدكتور
جميله: نعم
على : الدكتور قال راحه يومين يعنى يومين ...
جميله: لكن انا كويسه ومفيش حاجه ..
على بلهجه حاده: ممكن تقوليلى انتى بتعملى ف نفسك كده ليه .. جسمك ضعيف وبيتعب بااقل مجهود ومع ذلك بتجهدى نفسك ف حاجات مش تخصك وتقاوحى .. انتى شاطره بس تدى نصايح وتفلسفى ع غيرك ..
جميله تنحت: ها
على بيكمل : تعالى هنا صحيح بتجهدى نفسك معانا غير شغلك ليه .. ليه تنزلى الصبح بدرى معايا وانا اقدر اكون لوحدى وترجعى لشغل المطبخ الل بتعمليه ليكى ول احمد .. انتى ليه بتعملى كده
جميله بصت ل على : علشان عاوزه اكون معاك وانا عاوزه اعمل كده
على اتفاجئ من رد جميله وحس بقشعريره وقلبه دق تمالك نفسه وبلهجه حاده : مهما كان عذرك خلى بالك من نفسك وبلاش اهمال ومش هتنزلى من بيت غير بعد يومين زى ما الدكتور قالك .. ع الشغل انا قدها وقادر اكون لوحدى قبل ما تظهرى ف حياتنا كنت بقف لوحدى ف غياب احمد واحمد كان بيقف ف غيابى .. متفكريش ف غيرك وركزى ف نفسك
جميله اتفاجئت من حده كلامه .. على : انا نازل سلام
خرج "على" بسرعه لانه حس انه هيضعف وارتاح شويا ان ملامحه وطريقته متغيرتش لانه ف حاله عدم فهم وادراك لحاله الل هو فيها ... وراح المطعم وطلب من المدير اجازه ل جميله واستأذن هو بدرى ... راح ع السوبر ماركت اشترى حاجات لتلاجه وللعشا ل "جميله " ورجع بيها ع الشقه .. جهز العشا ل جميله علشان علاجها وهو ف المطبخ بيحضرله ع صينيه علشان يدخله ليها الاوضه شافها خارجه من الاوضه ... جميله: على
على : انتى ايه مخرجك من اوضتك وانتى تعبانه
جميله بتتسند وبتجمع نفسها: لا انا بقيت كويسه .. انا اصلا مبحبش انام كتير
على شال الصينيه وراح حطها ع ترابيزه الانتريه : طيب تعالى يلا علشان تتعشى
جميله: لا انا مش قادره بجد
على بملامح جد : مفيش هزار ف التعب كلى علشان علاجك
جميله بصت ل على : انت ليه بتكلمنى كده انا حاسه انك هتضربنى يا على
على انتبهه لطريقته: انا
جميله: اه ملامح وشك قافله وطريقتك فيها عنف حسيت انك هتقولى لو ما كلتيش هديكى قلمين .. راعى انى مريضه ومحتاجه رعايه واهتمام ..انا مريضه
على لاحظ طريقه جميله المسهوكه وكان هيضحك ومسك نفسه ورسم ملامح الجد: انا اسف لو طريقتى ضايقتك .. الاكل اهو اتفضلى اتعشى وخدى علاجك انا داخل ارتاح
لسه هتتكلم "جميله" لقته دخل اوضته : ايه دا .. هو مبيفهمش انا بقوله مريضه محتاجه رعايه واهتمام يقوم يسيبنى ويقولى هنام .. هو فعلا كان نايم معايا ف الاوضه ولا كان بيتهيألى ..شخص غريب وكمان مجبش ليا مايه مع الاكل مش هاكل اهو وهدخل انام
قامت "جميله" وهى متغاظه من "على" اوضتها ... و"على" دخل اوضته وقعد ع الكرسى وحس انه متلغبط كل مره لما يتكلم معاها ... جمع نفسه وغير هدومه ورمى نفسه ع السرير وسرح ..!
تانى يوم الصبح كانت "جميله" احسن وصحى "على" لقاها ف المطبخ :
على: جميله انتى بتعملى ايه ؟
جميله مبتسمه: بحضر الفطار
على وشه قلب .. جميله لاحظت : استنى قبل ما تحدف طوبك انا الحمد الله احسن مبعملش حاجه غير تحضير فطار بسيط ليا علشان اخد علاجى اهو وبالمره احضرلك تفطر معايا
على كان هيضحك من طريقتها وفضل ماسك ملامح وشه : اوكيه
جميله: يلا تعالى افطر يلا
"على" راح قعد وابتدوا يفطروا وكانوا ساكتين ....
وهما قاعدين بياكلوا ... على : واضح انك كنتى متعلقه ب باباكى اوى
جميله : جدااا ..
على : علشان كده يوم ما تعبتى طول مانتى نايمه كنتى بتندهى عليه وتقوليله انك بردانه
جميله تلقائى ابتسمت : بجد
على: اها ورددتيها كتير
جميله باابتسامه : فعلا كنت ع طول لما بكون بردانه بابا بياخدنى ف حضنه ويدفينى
مهما غطيت نفسى بغطا مش بحس بدفى غير فى حضنه بس ...
على : اهااااا ... علشان كده لما جتلك الرعشه وغطيتك مدفتيش غير لما ..
جميله لاحظت انه هيتكلم ع يوم ما كان نايم جنبها وحاضنها اتكسفت ف قاطعته وشرقت: ايه دا هو انا مجبتش الكافيه استنى هصبه حالا
على ابتسم على شكلها وهى مكسوفه : بسرعه طيب
سكتوا شويا ...
على : هو باباكى اتوفى من امتى ؟
جميله : من 5 سنين هو بعد ماما بسنه اتوفى فى مصر
على : هو انتم عايشين فى مصر وانتى لوحدك هنا ولا انتى جيتى ازاى
جميله سكتت لحظه : اه .. احنا كنا عايشين فى مصر وبعدين بابا جاله شغل هنا وجينا هنا .. وبعدين ماما اتوفت و ادفنت فى مصر وبابا تعب وهو ف مصر وادفن هناك وفضلت انا واخويا هنا وبس
على: انتى بتتكلمى كده ليه زى الل ناسيه
جميله : هاهاها لالا بس تعبانه وكده
على بتلقائيه حسس ع شعرها ومبتسم : طيب كملى اكلك وانا نازل
جميله بصت ل على وسرحت وعلى لحظتها محسش بنفسه : ضايقتك ..سورى ..انا ..
جميله بنظره متفاجئه وابتسمت وقاعت كلامه : بابا كان بيعملى كده لما بكون بااكل ..
على : واضح ان باباكى دا قصه كبيره
جميله باابتسامه: بابا دا احسن راجل ف الدنيا قابلته .. مش علشان انا بنته لا معاملته وحياته مع الناس و مع ماما بالخصوص كان احسن زوج شوفته .. اصلا بابا وماما اتجوزوا عن حب بعد قصه حب قويه جدااا واعتراض اهل ماما وتمسكها بيه وتمسكه بيها برغم اعتراضات الل حواليهم وظروف بابا الل كانت مش كويسه كملوا حياتهم مع بعض بحب واحتواء وامان ... لدرجه انه لما ماما تعبت كان جنبها مسبهاش لما كنت بسئله ارتاح قالى هى مسبتنيش فى اقسى لحظات عمرى ولا سابتنى انا مش هسيبها ..وبعد وفاتها مستحملش فراقها ومن حزنه اتوفى بعدها ووصيته يدفن معاها هناك ف مصر .. بالنسبالى قصه حب بابا وماما احسن من روميو وجوليت وقيس وليلى .. انا عايشه علشان اعيش زيهم..اعيش قصه حب حقيقيه بمرها قبل حلوها .. باللحظات الجميله والايام الصعبه .. اعيشها مع شخص مش اسيب ايده مهما حصل وهو يتمسك بيا و ميسيبش ايديا مهما حصل ونكون مع بعض فى وش الايام .. من الاخر نعيش مع بعض ولبعض علشان اولادى يشوفونى ويشوفوه ويتعلموا مننا يعنى ايه حب واحترام وتقدير .. ويعرفوا ان الحب مش كلام رومانسى واغانى .. الحب حياه تتعاش بحلوها ومرها مع شريكك انا بدور ع الحياه دى ولانى عاوزه اعيش الحياه دى ..
على بنص ابتسامه: كلامك جميل بس كتير بيبقى الواقع مختلف .. الظروف بتبقى اقوى من اى ارتباط .. العاطفه والحب مش كل حاجه لان العقل بيبقى ليه حق يقول كلمته
جميله : احنا الل بنحدد نكون قدها ولا لا المهم يكون قرار اتنين مع بعض مش طرف واحد بيحارب والتانى واقف مكانه .. الحياه بتكون مقسوم بين اتنين مش واحد بس ..ودى الحياه الل قررت اعيشها
على : ان شاء الله
جميله بتضحك : عارف يا على انت فيك من بابا كتير
على : بعد الل حكتيه دا معتقدش انا فين وهو فين ..
جميله بتضحك: لا انتوا الاتنين قريبين لبعض اوى ظروفك شبه ظروف بابا ف اول حياته صعوبه الايام وقسوتها عليك
على ملامح وشه اتغيرت: لا يا جميله معتقدش ان باباكى عمل الل عملته انا
جميله: وانت عملت ايه بقى ؟
على للحظه سكت مش عارف يقولها انه اشتغل ديلر مخدرات وكان بيبيع جسمه مقابل فلوس لستات كبار ..على اتنهد: الل عملته باباكى معملهوش ودا انا متاكد منه
جميله: مالك قلبتها دراما ليه كده وانا عيانه
على رسم ابتسامه: لا دراما ولا اكشن انا نازل سلام
جميله: على ..لااله الا الله
على بصلها: سيدنا محمد رسول الله
ف نفس اليوم دا "على" رجع البيت اتلكك انه ناسى حاجه لكن جه علشان يطمن ع "جميله" ونزل راح شغل المطعم ورجع البيت وكانت جايب الاكل معاه ليها وليه .. قعدوا مع بعض ف ا ف الليفنج قدام التليفزيون اكلوا واتفرجوا ع التليفزيون وجميله قاعده حست ب انها بردانه ولاحظ "على" انها مش عاوزه تدخل اوضتها ترتاح ..فدخل اوضتها واخد مخده وبطانيه وراح اتجاهها حط المخده تحت دماغها وغطاها وجميله شكرته وراح يعمل حاجه دافيه يشربها هو وهى وعمل مكالمه وخلصها ورجع لجميله لقاها نامت نده عليها مردتش وعرف انها نامت فعلا .. وعلشان الجو برد خط المجات ع الترابيزه .. راح "على" شالها وحطها ع سريرها بهدوء وغطاها كويس ووقف لحظات باصص عليها ومن غير ما يحس بنفسه لمس بايده شعرها وخرج بشويش وكانت "جميله" حاسه بيه وكانت عاوز تعرف هيتصرف ازاى معاها هيستغل الفرصه ولا هيعمل ايه ...وبتصرف "على" دا زاد احساس "جميله" بالامان ف وجود "على" ونامت وهى مطمنه .. !!
تانى يوم صحى "على" وخارج من اوضته شاف "جميله" لبسه هدوم خروج وباين عليها لسه التعب ...على : جميله .. انتى رايحه فين
جميله: نازله معاك .. يومين منزلتش اهو كفايه كده
على : لا لسه الدكتور قال انك مش هتنزلى غير لما تتحسنى وانا مش هسيبك تنزلى .. يلا ادخلى غيرى هدومك ونامى وارتاحى ومتنسيش علاجك
جميله: لا يا على مش هينفع كده انت بتقف لوحدك الصبح وكمان شغلى ف المطعم
على بلهجه حاده : انتى شايفانى سوسن ولا ايه .. انا قادر اشتغل لوحدى على فكره ومتقلقيش ف المطبخ عندهم الل يساعدهم والمطعم شغال متوقفش بغيابك يعنى .. يلا ادخلى ارتاحى
جميله اتخضت وحبت تهزر : اوكيه .. اوكيه .. هتجيبلى حاجه حلوه طيب
على ابتسم : خدى علاجك يا جميله وبلاش دلع
جميله لاحظتانه ابتسم : حاضر
خرج على من البيت وراح لشغل الصباحى وجميله دخلت غيرت هدومها ونامت .. !!
"على" خلص شغله متاخر وملحقش يرجع ع البيت فااتصل اطمن ع "جميله" وراح المطعم
جو العام بعدم وجود جميله واحمد مش مريح "على" بس كان بيصبر نفسه انهم هيرجعوا تانى .. وهو واقف جت زبونه المحل ولاحظ عليها انها عارفه شويا من العماله وقعدت ع ترابيزه
وعلى عرف انها مدام مستر "ادم" اسمها "دينا"
راح ليها "على" وع وشه ابتسامه : اهلا بيكى مدام دينا ..انا ويتر جديد هنا اسمى "على"
دينا با ابتسامه : اهلا بيك .. ان شاء الله تكون مبسوط هنا
على باابتسامه: الحمد الله .. اتفضلى تطلبى ايه ؟
دينا بصت ع الساعه : اممم ممكن اى عصير فريش لغايه ما ادم يجى وهنتغدى سوا
على بيكتب : اوكيه
دينا : على .. ممكن طلب
على : اتفضلى
دينا: ممكن تندهلى بريتى ..قالولى انها موجوده هنا المجنونه دى
على ب استغراب : بريتى .. مين بريتى
دينا بتجمع: واحده شغاله هنا
على بيراجع اسامى الموجودين : لا مفيش واحده هنا اسمها بريتى ..هى ممكن كانت موجوده قبل ما نيجى
دينا : اه .. مع ان ادم قالى انها موجوده .. ع العموم ميرسى ليك
على باابتسامه: ولا يهمك .. ثوانى والعصير حضرتك هيكون موجود
دينا بصتله باابتسامه : اوكيه
مشى على وبيقول : بريتى مين بريتى
وطلعت دينا موابيلها تكلم ادم وقالها انه ف الطريق ... !!
على وهو راجع ع البيت بعد الشغل عدى ع السوبر ماركت ودخل قسم الشوكولاتات والحلويات واشترى نوع شوكولاته شاف جميله بتاكل منها وكانت بتحبها اوى واشترى منها علبه كامله وكانت ع وشه ابتسامه ومش عارفه السعاده دى ايه سببها .. رجع البيت وكانت جميله محضره العشا
على بملامح جد : وقفتى برضه ومرتحتيش
جميله كان لما ارتاحت اليومين الل فاتوا كان بان عليها تحسن مع العلاج
جميله بهزار : تمام يا فندم اكلت اكلى كله واخدت علاجى كله وعملت باستا بالجمبرى ليا وليك لانى نفسى فيها جدا تعبت من المسلوق يا جدع
على كان هيضحك ومسك نفسه: اوكيه
قبل ما يدخل اوضته فتح الشنطه وبملامح جد : اتفضلى
جميله : ايه دا
على : مش انتى طلبتى حاجه حلوه .. اتفضليها
جميله مسكت علبه وشافت الشوكولاته فرحت اوى : ايه دا .. الشوكولاته الل بحبها
ميرسى يا على
على فرح لما شاف جميله فرحت بالشوكولاته : العفو
جميله شافت ملامح جد ع وشه بعد ما ابتسم ع طول ..فى سرها : انا مبقتش عارفه هو مبسوط ولا لا ايه قفله الوش دى كائن غريب بجد
شويا وقعدوا ياكلوا وبعدها دخلوا كل واحد اوضتهم نام .. وعلى لاحظ نفسه انه بينام وهو مبسوط ومش عارف السبب حس ان اليوم طعمه اتغير عن المعتاد نوعا ما .. احساس كان مفتقده سنين وحس انه مش هيحس بالفرحه دى تانى .. وجميله ماسكه علبه الشوكولاته وحضنتها وهى قاعده ع السرير ومسكت موابيلها وصورتها ورفعتها ع الاستغرام وكتبت تحتيها "اجمل هديه"
فى يوم "على" خرج شاف جميله مجهزه فطار ولبسه .. على : جميله
جميله باابتسامه ونشاط: انا تمام وزالفل اهو .. وكلمت الدكتور وقالى اتعايش عادى
وارجع لحياتى الطبيعيه وكفايه انك لوحدك الايام الل فاتت ووعدى مع احمد هنفذه لغايه ما يرجع من الاخر مش هسيبك انا ..
على : ايه
جميله ب اصرار : اقصد مش هسيبك تنزل لوحدك وبلاش الوش دا ع الصبح اضحك خلى ربنا يفتحها ف وشنا
على شافها مصممه سكت ....
على فطر ونزل هو وجميله واول ما وصلوا مكان الجرايد والمجلات لاقى ابراهيم مستنيه
على ملامح وشه اتغيرت : ابراهيم
ابراهيم : هاى .. مان
جميله : مين دا
على بص ل جميله : خليكى هنا كملى رص الحاجه دى وانا راجع ع طول
جميله: اوك
على مشى اتجاه ابراهيم وشده من دراعه وبعد عن المكان : انت جيت ليه يا هيما
ابراهيم: ايه دا .. ايه دا .. مكنش العشم بعد الفتره دى تقابلنى كده يا ابو على
على ملامح وشه متغيره : مقولتش جيت ليه مش انا قلتلك هبقى اكلمك واعتبرنى ف اجازه
ابراهيم: اجازتك طولت اوى يا على .. وشغل كتير متاخر ومكالمات كتير طالبينك
على مش عارف يقول ايه : انا مش هنزل شغل غصب عنى واحنا متفقين يا هيما
ابراهيم: متفقين اه لكن كده كتير
على بص ع جميله لاحظ انها بتراقبه : طيب انا هخلص شغل واكلمك
ابراهيم: اكيد ولا
على بعصبيه: قولتلك هكلمك
ابراهيم لاحظ تغييره : اوكيه يا مان .. بلاش تتعصب كده
مشى ابراهيم خطوتين ورجع : بس اموره البنت الل هناك دى .. تستاهل الاجازه
على بصله : بتقول ايه
ابراهيم بيضحك: هقبلك بعد الشغل باى
مشى ابراهيم و"على" كان ناسى حوار ابراهيم وحواراته وانه شاف ابراهيم دا غير موده ع الصبح بطريقه رخمه .. لما رجع لجميله لاحظت تغيره دا وعلى فضل ساكت وهى احترمت انه مش عاوز يتكلم وقعد "على" يفكر هيعمل ايه ... !!
خلص "على" الشغل ورجع ع البيت هو وجميله علشان يغيروا هدومهم قبل ما يروحوا شغل المطعم وهما واقفين تحت العماره
على : جميله اسبقينى انتى وانا هاجى بعديكى ولو حد سالك قولى انى ف مشوار شخصى
جميله: رايح فين يعنى
على بعصبيه : مشوار قولت
جميله استغربت من طريقته: اوكيه ..
ركب على تاكسى بسرعه واتصل ب ابراهيم وقابلوا ف كافيه كان جنب الكازينو ..
راح على وكان ابراهيم مستنيه هناك ..دخل على وقعد قدام ابراهيم
ابراهيم باابتسامته: تشرب ايه بتلج ولا مايه
على : قهوه
ابراهيم: قهوه .. ايه التطور دا .. اوكيه نجبلك قهوه
طلب ابراهيم القهوه وجت .. ابراهيم: ها ايه كلامك هترجع شغل امتى
على سكت لحظات وبص ل ابراهيم : ابراهيم
ابراهيم: نعم
على : انا مش عاوز اكمل الشغل دا يا هيما ..
ابراهيم بااستغراب: ليه
على : عادى انا مش عاوز اكمل ف الشغل دا حفى
ابراهيم بااستغراب : وايه غيرك كده .. ولا الفلوس مكفياك
عاوز اقولك الجبل مسيره يقع لما تاخد منه وترجع زى الاول يا على
على اخد نفس: انا فكرت كتير وقلت كفايه كده 3 سنين شغال معاك وكسبت وانا كسبت فلوس كتير .. كفايه كده .. انت مجبرتنيش ف الاول اشتغل معاك ومش هتجبرنى دلواقتى اشتغل معاك واكمل وزى ما بدءت الشغل بارادتى انا هسيبه ب ارادتى ودا حقى
ابراهيم: بس هخسر اكتر لما تمشى
على : ابراهيم انت قولتلى وقت ما انقذتك واخدت الرصاصه بدالك اى طلب هطلبه هتنفذه من غير مناقشه
ابراهيم سكت : ايوه
على : ودا طلبى .. علاقتنا صداقه موجوده مش هنسى وقفاتك جنبى ووقوفى معاك لكن شغل تانى لا مفيش انا هرتب نفسى ع حياتى الجديده ودخلى الجديد ..
ابراهيم سكت لحظات وفكر ان فعلا "على" اكتر شخص عرفه وانقذه وقت ضرب النار
وخاف عليه بجد من غير مقابل .. : اوكيه يا "على" .. انا يهمنى راحتك ووقت ما تفكر ترجع لشغل كلمنى
على ابتسم: اوكيه يا هيما ... ومعاك رقمى ممكن نتقابل ونتشرب قهوه مع بعض
ابراهيم ضحك: من نبيذ ل قهوه يا مغير الاحوال
على قام وقف : اسيبك علشان متاخرش ع شغلى
ابراهيم : اوكيه اوكيه
مشى على وهو ارتاح انه هيقفل صفحه شغل ابراهيم دا .. وابراهيم مستغرب من كلام "على"
ابراهيم بيكلم نفسه وماسك فنجان القهوه بتاع على : اكيد حاجه كبيره حصلت حولتك كده ..
انا شايف قدامى "على" الل قابلته من 3 سنين راجع تانى ... !!
رجع "على" المطعم وكانت "جميله" كل شويا تبص عليه تشوفه وصل ولا لا وكانت بتتلكك باى حاجه علشان تخرج من المطبخ وشافت "على" لبس اليونيفورم بسبستله بصلها بنظره حاده اتاخدت ...وراحت تكمل شغل ... شويا وكان عربيه جت لطلبات لمطعم والل ف المطبخ خرجوا يجبوها وكان ف كارتونه تقيله لفاكهه "جميله" بتقاوح ف شيلها ..شافها "على" راح ناحيتها ومسككها منها
هى اتفاجئت : على
على بصلها : وسعى
ورجع "على" كمل شيل باقى الصناديق التقيله ..
وقعد قرب المخزن يرتاح .." جميله" عملت كوبايه عصير : اتفضل
على بصلها: لا شكرا
جميله: انت ايه الل خلاك تشيل الصناديق كده
على بصلها بنظره حاده : دا شغلى ع ما اعتقد هيكون ايه يعنى
جميله استغربت من تغييره دا الل كل شويا بيتحول فممعرفتش تتكلم ..فسبها "على" ومشى
جميله واقفه ف المطبخ سرحانه ف حال "على" المتقلب ..!
خلصوا شغلهم ورجعوا البيت من غير ما يتكلموا ودخلوا ناموا زى كل يوم .. وتانى يوم الصبح نزلت "جميله و"على" شغل الصبح لبيع الجرايد والمجلات وكان الجو برد جدااا فكانت "جميله" قاعده بتدفى نفسها بايدها الاتنين و"على" قعد جنبها
ومن غير مقدمات مسك ايديها وبيدفيهم .."جميله" اتفاجئت : على
على : انتى ايدك ليه صغيره كده مش عارف امسكهم
جميله ابتسمت : خلقه ربنا اعترض بقى
على ملامح جد ف وشه : كده دفيتى
جميله بملامح حيره : على
على: ايوه
جميله اترددت : لا خلاص انا دفيت كده
على : لو تعبانه ارجعى البيت .. هتتعبى تانى ومش هقضيها انا تمريض
جميله بملامح غيظ من طريقه على : شكرا يا على شكرا
وقعدوا سااكتين لغايه ما رجعوا البيت غيروا هدومهم وراحوا المطعم وكانوا مبيتكلموش و"على" راسم ملامح الجد ع وشه واتغير ...!
استمر اهتمام "على" الغير مرتب منه وملاحظه "جميله" ان "على" كل شويا ف حال لدرجه انها احتارت ... فى الويك اند خرجوا مع اصحابهم ف المطعم و"على" كان غير اخر مره كان بيتعامل معاهم وبيلعب وبيناكف فى "جميله" ...و"جميله"سعيده بتغير "على" الل لاحظوا الجميع وفى وسط اليوم وهما قاعدين ..قام "على" يتمشى وقعد على ديسك فى الحديقه وشافته "جميله" وشافت جنب "على" كوبايه نسكافيه .. اخدت نفس واتجرءت وراحت ناحيته وقعدت ومسكت الكوبايه وشربت :
جميله بمرح: يضايقك لو قعدت جنبك واشرب من دا ..حتى لو يضايقك هقعد وهشرب
على بصلها بااستغراب : اتفضلى
جميله : ها بقى انت قاعد لوحدك ليه
على: محتاج اقعد لوحدى شويا
جميله بتغمزله: بتحب ولا ايه
على بصلها : انتى عاوزه ايه يا جميله
جميله اتحرجت : انا .. انا .. عاوزه اشرب دا
على قام وقف : اتفضليها كلها .. انا هتمشى ولوحدى بعد اذنك ممكن
جميله بملامح يأس: اتفضل
مشى "على" وحط ايده ف جيوبه وجميله باصه عليه وهو ماشى : ايه حكايتك بقى حيرتنى ..!
فى يوم استأذنت جميله من الشغل وراحت تقابل هايدى فى كافيه :
جميله باانشكاح: ديدى ..هاى
هايدى بصت ع الساعه: لازم تخلينى استنى كده ومعرفش انا ايه مقابلات السريه دى احنا داخلين حرب
جميله بتوشوشها: حاجه زى كده
هايدى ضحكت : وبعدين ايه اللبس دا مش عارفه تلبسى كويس وانتى جايه تقابلينى وريحتك ريحه مطبخ
جميله بصت ع هدومها : ماله هدومى وبعدين انا قلتلك انا برتاح فى كده ومش هغير اسلوب لبسى وريحتى دى جميله
هايدى: عناديه طول عمرك .. المهم طمنينى عليكى
جميله باابتسامه: تمام ..تمام
هايدى : ايه دا .. باين كده فارس احلامك نطق ولا ايه
جميله بملامح خيبه: خالص .. انا الل مضايقنى تصرفاته بتقول حاجه لكن لسانه لما بينطق بيقول حاجات تانيه طوب بيتحدف وكل شويا بحال مش عارف ارسى ع حال واحد و مش عارفه اخليه ينطق .. عاوزاه ينطق اعمل ايه اكتر من كده
هايدى : اتصرفى ع حسب طريقته
جميله بتركيز: نعم ..ازاى
هايدى : يعنى مثلا شوفى هو بيحب ايه واعمليه .. اغلب الرجاله بينجذبو لبنت الل بتعمل حاجات بيحبوها خصوصا لو كانوا النوع التقيل الل زى الاستاذ "على"
جميله بتفكر: اعمل ايه مش فاهمه
هايدى : امممم هو كان خاطب صح
جميله: اها
هايدى : شوفى كان ايه الل شادو ف خطيبته لدرجه انه يخطبها برغم ظروفه زى ما قولتيلى وخلته ينطق
جميله عجبتها الفكره: ممكن تصدقى
هايدى : المهم .. انا مش عارفه انا موافقاكى ازاى ف الل بتعمليه دا وعاوزه اقولك
"جمال" لما يعرف هيقلب عليا وعليكى وانا بقولك اهو
جميله : انتى صاحبتى الوحيده يا ديدى وبعدين ملكيش دعوه انا ليا تصرف تانى مع جمال انا هكلمه متقلقيش .. بس يحصل الل انا عاوزاه دا ووقتها مفيش حد هيقف قدامى
هايدى : هترجعى البيت امتى "جمال"ابتدا يقلق لاحظ انك مش موجوده بقالك كتير ومكالماتك قليله معاها
جميله: متقلقيش قريب هكون موجوده ...
بصت "جميله"عالساعه : يلا اتاخرت انا
هايدى : ايه السربعه دى احنا لحقنا
جميله وهى ماشيه: اشوفك قريب باى
هايدى : مجنونه ... حقيقى مجنونه
مشيت "جميله وراحت المطعم وقعدت سرحانه تعمل ايه تعمل ايه وهى واقفه وبتراقب "على" من بعيد ففكرت ترجع البيت وتشوف الاجنده بتاعه "على" يمكن تلاقى فيها حاجه تساعدها لكن افتكرت انها هترجع مع "على" ع البيت وبينزلوا مع بعض .. فكرت تعمل تعبانه ومسكت بطنها واستأذنت و"على" شايفها خارجه وهى بتمثل انها تعبانه وبسرعه راح اتجاهها وهو قلقان
على: جميله مالك ؟
جميله رسمت ملامح تعب: مغص غبى جه ؟
على: طيب استنى هغير واجى اوصلك
جميله بسرعه: لالا خليك .. انا هروح اخد مسكن وهرتاح شويا
على : متاكده مش محتاجه تروحى لدكتور
جميله فكرت بسرعه انه ممكن يرجع ع البيت فاجاءه وهى بتدور قربت منه وشوشته بصوت واطى : لالا متقلقش دا حوار بناتى كده مش حاجه كبيره
على حس بااحراج: طيب تمام .. روحى البيت ولو حسيتى بتعب كلمينى هاجى ع طول
جميله لاحظت قلق "على" عليها وخرجت وركبت تاكسى ورجعت ع البيت وبسرعه اول حاجه عملتها قبل ما تغير هدومها دخلت أوضه "على" تدور ع الاجنده بتاعته.. فتحت درج الكوميدينو ولاقتها واخدتها وخرجت وابتدت تقرا الل فيها وهى بتقرا ..قرات مشاعر "على" وتعبيره عنها وصدقه فيها الل لمسها بجد لدرجه ان دموعها نزلت ملقتش حاجه واضحه لسبب حب "على " ل "ايمان لانه مش كاتب حاجه واضحه الكلام كله عن مشاعره هو ... مسكت الصوره وبصت عليها كويس ولاحظت حاجه وجت ف دماغها فكره ...رجعت حطت الاجنده ف الدرج ودخلت اوضتها اخدت شنطتها ونزلت ... !!
رجع "على" بليل و "جميله" فى اوضتها خبط ع باب اوضتها مردتش فعرف انها نايمه وهى اصلا ع السرير صاحيه قلقانه ومتوتره من الل هتعمله وبتشجع نفسها ... !!
تانى يوم الصبح خرج "على" من أوضته بيبص ع المطبخ مش شاف "جميله"
قلق عليها تكون تعبان لسه وراح اتجاهه اوضتها وخبط ع الباب : جميله .. جميله انتى صاحيه
جميله بصوت عالى : دقيقه وخارجه يا على
على: انتى كويسه طيب
جميله: الحمد الله .. خارجه اهو
على : طيب يلاهنتاخر
جميله: اوكيه
راح " على " اتجاه المطبخ بيحط التوست ف التويستر وبيفتح التلاجه يطلع الجبنه والمربى وبيجهز النسكافيه ولسه هينده ع "جميله " لقاها خارجه من اوضتها وماشيه قدامه .. "على" شافها الطبق الل فى ايده وقع : جميله..ايه الل انتى عاملاه دا
جميله كانت خارجه ولبسه طرحه ع شعرها : ماله مش عاجبك
على قرب منها : مش حكايه عاجبنى ولا مش عاجبنى انتى ليه لبسه طرحه
جميله سكتت لحظات بصت ل "على" : اكلمك بصراحه
على : ايوه طبعا
جميله : بصراحه لما شوفت صوره خطوبتك وحبك لخطيبتك الل قبل كده مكنتش عارفه ايه سبب حبك ليها ..ايه المختلف فيها عنى جذبك ليها .. قلت لما البس الطرحه هتقربلى و..
على قاطعها وقرب منها : انتى مجنونه صح
جميله: ها
على بنبره هاديه: الل بتعمليه دا غلط وغلط كبير كمان
جميله بملامح يأس انها يعتبر اعترفت بحبها ل "على" وهو اعترض عليه : خلاص اعتبر مفيش حاجه حصلت
كانت هتمشى مسك "على" دراعها : جميله
جميله : ايوه يا على قولتك اعتبر محصلش حاجه
على بصلها : انا مش عاوزك تغيرى من نفسك فى حاجه.. انا بحبك زى ماانتى كده .. جميله الل عرفتها حبيتها كده انتى مش محتاجه تتغيرى
جميله مش مصدقه الكلام وان "على" قالها انه بيحبها : ايه قولت ايه
على مسكها من كتافها باايده الاتنين : بحبك يا جميله
جميله ابتسمت ومش مصدقه .. على ب ابتسامه : كونى نفسك مش حد تانى يا جميله ..انا حبيتك كده زى ماانتى بطريقه كلامك وتصرفاتك وابتسامتك وتلقائيتك كل حاجه حبيت جميله الانسانه الل عرفتها .. الل بيحب حد بيحبه علشان نفسه مش لانه نسخه من حد تانى .. كونى نفسك وخليكى جميله بشخصيتها المرحه المبهجه .. خليكى جميله المجنونه الل انا حبيتها ..
جميله بانشكاح : انت بتقول انك بتحبنى يا على بجد
على راح ضمها لصدره وحضنها وفى ودنها :بحب جميله العناديه المجنونه
جميله حضنت على ودموع نزلت من عنيها : على
على بعدها عنه وبصلها : انا مكنتش فاهم ايه حصلى ولا ايه الل حاسس بيه عاندت وقاوحت لكن مفيش فايده وكنت محتاج ارتب حاجات كتير ..ومش عارف اختار الوقت ولا عارف اى حاجه لكن الل عرفته كويس انك حاجه مميزه ف حياتى ..حاجه جميله ف حياتى
جميله مش مصدقه الل سمعاه
على :عارف انها متاخره ... انا اسف
جميله ودموعها نازله: المهم انك قولتها وان انتظارى كان صح واحساسى كان صح
على بيمسح باايده دموع جميله : انتى يا جميله غيرتى حاجات كتير فيا كنت خلاص فقدت الامل انها تتغير انتى اجمل حاجه حصلتلى ف الفتره الاخيره
جميله مش مصدقه الل سمعاه والكلام الجميل دا من "على"
على بص ع الساعه : يلا هنتاخر ع اكل عيشنا ولا ايه
جميله ب ابتسامه : يلا بينا
على بصلها : هتنزلى كده برضه
جميله حسست ع راسها : هو مضايقك الطرحه
على وقفها قدامه: مش حكايه مضايقنى ولا مفرحنى ..
هسالك سؤال ؟ انتى لبستيه ع اقتناع ؟
جميله بتوتر: لا بصراحه لبستها علشانك
على : دا غلط .. اكبر غلط كنتى هتعمليه الوقت الل هتقررى تلبسى فيه طرحه دا لازم يكون قرار خارج منك انتى لنفسك ل ربنا مش علشان بنادم ابدا ... انتى الل تقررى تلبسيه ولا لا ..وانا مليش حق التدخل ف قرارك انتى اعملى الل شايفاه ومقتنعه بيه ... يعنى مثلا لو كنت عاوز اتسلى بيكى وهاودتك شويا وبعدها سيبتك اكيد كنتى هتقلعى الطرحه صح
جميله سكتت ... على باابتسامه: شوفتى كنتى هتعملى اكبر غلط ف حياتك براحه وفكرى انتى عاوزه تلبسيه ولا لا ومهما كان قرارك انا معاكى ..
جميله باابتسامه : اوكيه واضح انى استعجلت فعلا ف دى ... . ثوانى
على : عاوز اقولك حاجه كمان
جميله: ها
على: اى حاجه ف حياتك فكرى فيها وقرارك يكون راجع ليكى ويكون خارج من ارادتك من غير ما يكون متاثر باى حد حواليكى حتى انا .. لان قرارك انتى الل هتشيلى نتيجته مش الل حواليكى .. ارضى نفسك وطول ماانتى بتتصرفى بااقتناع ميهمكيش حاجه ..مفيش حد دايم ليكى .... انا مش دايم ليكى
جميله بملامح حزن: انت هتسيبنى يا على
على ضحك: هفكر
جميله خبطته ف كتفه: يا رخم وع فكره يا لوول كلمتك ليا بانك بتحبى دى ختم ع ورقه بينى وبينك وانا كنت مستنيها ف انسى انى اسيبك تبعد عنى ..دخلت المصيده خلاص
على ابتسم: ماشى
جميله: ثوانى وراجعه
دخلت جميله اوضتها خلعت الطرحه وظبطت هدومها : انا جاهزه
على : كده جميله رجعت .. يلا بينا
جميله قربت منه : يلا بينا
على مد ايده مسك ايد جميله وشبك صوابعه ف صوابعها و"جميله" حست بسعاده من مسكه ايده ليها وهى ماشيه وماسك ايديها اخدت عهد على نفسها انها مش هتسيب ايده دى مهما حصل ... !!
فى الوقت الل "على" و "جميله " بدؤا قصه ارتباطهم " على " كان حريص اوى ف تصرفاته برغم قراره انه يرتبط بجميله ..جميله كانت بتصرفاتها بتطمنه .. "على" ادى اهتمامه كله ل " جميله " لانه قرر يتغير وكانت هى حافز التغيير .. وكانت جميله زادت اهتمامها ب على اكتر من الاول وقت الاكل تهتم ب اكله والشرب تهتم بشربه وحاولت ف مده قصيره قلل من السجاير ومش بتسيبه لحظه لوحده ف اى مكان على يبص يلاقيها موجوده وبصاله ب ابتسامتها فكان بيبتسم .. كانت جميله بتعوض "على" احاسيس كتير كان مفتقدها وبتشجعه ...!
فى يوم وهما ف المطعم " جميله " ف المطبخ و " على " واقف ف الصاله بيشتغل عادى بياخد طلبات الزباين "جميله " خرجت من المطبخ بتتسحب تبص ع " على " وقفت بعيد وابتسامتها ع وشها .. " على " شافها وابتسم وهى بصاله بعتتله بوسه بعنيها " غمضت عنيها وفتحتها " .." على" مسكها باايده وحطها ع صدره .. ف المشهد الرومانسى دا كان " احمد" داخل من باب المطعم رايح اتجاه مكتب مستر " ادم " علشان يعرفه انه رجع من الاجازه
وكمان علشان يعمل مفاجاءه ل " على " وهو داخل لمح جميله واقفه وبيبص عليها باصه على مين لقاها باصه على " على " ومبتسمه وعلى كان بيتكلم مع زبونه ولاحظ "على" ابتسامته باينه اوى مع الزبونه وشايف طريقته اتغيرت ..حس " احمد بحاجه غريبه بتحصل او معنى اصح حصلت من وراه .. بهدوء مشى بشويش اتجاه " جميله" وبصوباعه خبط ع كتف " جميله " : احمد: جيمى
اتخضت "جميله" : احمد .. انت جيت امتى ؟
___________________
يتبع
شافت "جميله" الورقه وبصت ع الفطار وحست بسعاده اول مره "على" يتصرف كده معاها واول مره تشوفه مهتم بيها كده .. رجعت نامت ع السرير وبصت تانى ع الورقه وقريتها وابتسمت شويا وقامت بصت ع الفطار باابتسامه كلها سعاده وابتدت تشرب العصير وتاكل وهى بتاكل شمت ريحه هدومها كانت وحشه قامت اخدت دش وغيرت ورجعت اخدت العلاج وريحت ع السرير مسكت موابيلها ملقتش رنه ولا اتصال من "على" فمسكت الورقه وفضلت باصه عليها وتقراها كذا مره ....
"على" كان قاعد يفهم فى ايه وايه الل حصل وحس بيه حس انه مش عارف يوصل لمفهوم واضح ل احاسيسه دى ..انتبهه من زبونه بتكلمه قام وقف معاها واخدت مجله و بص ف ساعته واتصل بصديق ليه يجى يقف مكانه ورجع ع البيت يطمن ع "جميله" .ودخل بص حواليه مش لقاها .. خبط ع باب اوضتها : جميله .. انتى صاحيه
جميله بصوت تعبان: ادخل يا على
على وع وشه ابتسامه: صباح الخير ..عامله ايه دلواقتى
جميله ابتسمت : الحمد الله
على بص ع الفطار : ايه دا انتى مفطرتيش
جميله: مش قادره بجد ..اكلت الل قدرت عليه
على قرب منها وحط الصينيه قدامها : لا لازم تفطرى انتى اصلا ضعيفه والعلاج شديد عليكى
انا بسببك منمتش من امبارح وشكلك عاوزنى انام هنا تانى انهارده
جميله اتفاجئت من كلامه : ها
على مبتسم : بسببك منمتش طول الليل قلقت السخونيه ترجعك تانى
جميله بتكلم نفسها: يعنى فعلا "على" كان حاضنى طول الليل يعنى مكنتش بتخيل وايه كمان بيتكلم وهو بيضحك وبيبتسم كمان .. بجد دا مش بحلم صح ...
على لاحظ سرحانها : هاااى .. روحتى فين يلا قومى افطرى..
قرب منها "على " : انا هحطلك المخده ورا ضهرك استنى
على قرب منها يحطلها المخده ..جميله فى سرها : ايه دا الل بيحصل دا ..معقول دا "على"
قرب منها "على" اتاخدت ومنطقتش وحست وهو قريب منها ف اللحظه دى احساس كانت حساه وهى نايمه ...
على بصلها : ايه دا انتى غيرتى هدومك .. كويس هدوم امبارح مكنتش كويسه
جميله حست بالاحراج لان هدومها كان ريحتها عرق ومش كويسه..فى سرها : اوووبس ايه الاحراج الل انا كنت فيه دا
على عمل سندوتش ومد ايده : يلا افطرى
جميله مسكت السندوتش : شكرا يا "على" تعباك معايا
على: انتى تعبتى معايا برضه ومفيش غيرى انا وانتى ف البيت
جميله باابتسامه: اها فعلا .. صحيح انت رجعت بدرى ليه
على سكت لحظه ورسم ملامح جد : خلصت بدرى وقلت اجى البيت افطر واغير وارتاح شويا ما قولتلك منمتش امبارح بسببك وبعدين اروح المطعم وبالمره ابص عليكى لو احتاجتى حاجه
جميله لاحظت ملامح وحشه بتتغير مش ثابته مره مبتسم ومره قافش وجاد حست ان دا تهييس تعب مركزتش : بدرى كده الساعه 10 الصبح
على : اعترضتى ع رزق ربنا
جميله: ونعم بالله يارب دايما ..
على: انا هخرج ارتاح ساعتين ونازل المطعم
جميله: اوكيه
على: ارتاحى انتى يلا ..
خرج "على" من الاوضه وكان راسم ملامح جد علشان يعدى موقف امبارح انه عادى يعنى وحط ايده ع صدره واخد نفس وراح دخل ع اوضته ... "جميله" كانت مبسوطه اوى وحاسه انها بتحلم ...شويا وقلقت "جميله" وخرجت من اوضتها رايحه الحمام سمعت صوت دوشه ف المطبخ قربت اتجاه المطبخ شافت "على" ودى اول مره "على" يقف ف المطبخ او معنى اصح اول مره هى تشوفه من وقت ما عرفته هو واحمد ... جميله: على ..
على بصلها: جميله
جميله بملامح اندهاش: انت بتعمل ايه عندك
على : مفيش بعملك شوربه
جميله متفاجئه: ليا انا
على: لا لجيران اصلهم عيانين
جميله ضحكت: متتعبش نفسك
على : خلاص عملتها وكنت هخبط عليكى اصحيكى واديلك علاجك
جميله باابتسامه: ميرسى يا على
على : مفيش شكر انتى عملتى معايا اكتر من كده يلا روحى اقعدى
قعدت جميله ع كرسى وشويا "على" جه وراها بصينيه فيها شوربه وحطها قدامها .. استنت جميله ان "على" يااكلها وكده زى ما عملتله لكن كانت المفاجاءه تجاهلها ..
على : اتغدى انتى وخدى علاجك وارتاحى انا نازل
جميله بملامح يأس .. فى سرها : الحلو ميكملش يعنى مش قادر تعزم عليا تاكلنى زى ماكنت باكلك فعلا شخص غريب ...
مشى "على" خطوتين..جميله :: استنى هنزل معاك
على بصلها : تنزلى فين .. انهارده اجازه باامر الدكتور
جميله: نعم
على : الدكتور قال راحه يومين يعنى يومين ...
جميله: لكن انا كويسه ومفيش حاجه ..
على بلهجه حاده: ممكن تقوليلى انتى بتعملى ف نفسك كده ليه .. جسمك ضعيف وبيتعب بااقل مجهود ومع ذلك بتجهدى نفسك ف حاجات مش تخصك وتقاوحى .. انتى شاطره بس تدى نصايح وتفلسفى ع غيرك ..
جميله تنحت: ها
على بيكمل : تعالى هنا صحيح بتجهدى نفسك معانا غير شغلك ليه .. ليه تنزلى الصبح بدرى معايا وانا اقدر اكون لوحدى وترجعى لشغل المطبخ الل بتعمليه ليكى ول احمد .. انتى ليه بتعملى كده
جميله بصت ل على : علشان عاوزه اكون معاك وانا عاوزه اعمل كده
على اتفاجئ من رد جميله وحس بقشعريره وقلبه دق تمالك نفسه وبلهجه حاده : مهما كان عذرك خلى بالك من نفسك وبلاش اهمال ومش هتنزلى من بيت غير بعد يومين زى ما الدكتور قالك .. ع الشغل انا قدها وقادر اكون لوحدى قبل ما تظهرى ف حياتنا كنت بقف لوحدى ف غياب احمد واحمد كان بيقف ف غيابى .. متفكريش ف غيرك وركزى ف نفسك
جميله اتفاجئت من حده كلامه .. على : انا نازل سلام
خرج "على" بسرعه لانه حس انه هيضعف وارتاح شويا ان ملامحه وطريقته متغيرتش لانه ف حاله عدم فهم وادراك لحاله الل هو فيها ... وراح المطعم وطلب من المدير اجازه ل جميله واستأذن هو بدرى ... راح ع السوبر ماركت اشترى حاجات لتلاجه وللعشا ل "جميله " ورجع بيها ع الشقه .. جهز العشا ل جميله علشان علاجها وهو ف المطبخ بيحضرله ع صينيه علشان يدخله ليها الاوضه شافها خارجه من الاوضه ... جميله: على
على : انتى ايه مخرجك من اوضتك وانتى تعبانه
جميله بتتسند وبتجمع نفسها: لا انا بقيت كويسه .. انا اصلا مبحبش انام كتير
على شال الصينيه وراح حطها ع ترابيزه الانتريه : طيب تعالى يلا علشان تتعشى
جميله: لا انا مش قادره بجد
على بملامح جد : مفيش هزار ف التعب كلى علشان علاجك
جميله بصت ل على : انت ليه بتكلمنى كده انا حاسه انك هتضربنى يا على
على انتبهه لطريقته: انا
جميله: اه ملامح وشك قافله وطريقتك فيها عنف حسيت انك هتقولى لو ما كلتيش هديكى قلمين .. راعى انى مريضه ومحتاجه رعايه واهتمام ..انا مريضه
على لاحظ طريقه جميله المسهوكه وكان هيضحك ومسك نفسه ورسم ملامح الجد: انا اسف لو طريقتى ضايقتك .. الاكل اهو اتفضلى اتعشى وخدى علاجك انا داخل ارتاح
لسه هتتكلم "جميله" لقته دخل اوضته : ايه دا .. هو مبيفهمش انا بقوله مريضه محتاجه رعايه واهتمام يقوم يسيبنى ويقولى هنام .. هو فعلا كان نايم معايا ف الاوضه ولا كان بيتهيألى ..شخص غريب وكمان مجبش ليا مايه مع الاكل مش هاكل اهو وهدخل انام
قامت "جميله" وهى متغاظه من "على" اوضتها ... و"على" دخل اوضته وقعد ع الكرسى وحس انه متلغبط كل مره لما يتكلم معاها ... جمع نفسه وغير هدومه ورمى نفسه ع السرير وسرح ..!
تانى يوم الصبح كانت "جميله" احسن وصحى "على" لقاها ف المطبخ :
على: جميله انتى بتعملى ايه ؟
جميله مبتسمه: بحضر الفطار
على وشه قلب .. جميله لاحظت : استنى قبل ما تحدف طوبك انا الحمد الله احسن مبعملش حاجه غير تحضير فطار بسيط ليا علشان اخد علاجى اهو وبالمره احضرلك تفطر معايا
على كان هيضحك من طريقتها وفضل ماسك ملامح وشه : اوكيه
جميله: يلا تعالى افطر يلا
"على" راح قعد وابتدوا يفطروا وكانوا ساكتين ....
وهما قاعدين بياكلوا ... على : واضح انك كنتى متعلقه ب باباكى اوى
جميله : جدااا ..
على : علشان كده يوم ما تعبتى طول مانتى نايمه كنتى بتندهى عليه وتقوليله انك بردانه
جميله تلقائى ابتسمت : بجد
على: اها ورددتيها كتير
جميله باابتسامه : فعلا كنت ع طول لما بكون بردانه بابا بياخدنى ف حضنه ويدفينى
مهما غطيت نفسى بغطا مش بحس بدفى غير فى حضنه بس ...
على : اهااااا ... علشان كده لما جتلك الرعشه وغطيتك مدفتيش غير لما ..
جميله لاحظت انه هيتكلم ع يوم ما كان نايم جنبها وحاضنها اتكسفت ف قاطعته وشرقت: ايه دا هو انا مجبتش الكافيه استنى هصبه حالا
على ابتسم على شكلها وهى مكسوفه : بسرعه طيب
سكتوا شويا ...
على : هو باباكى اتوفى من امتى ؟
جميله : من 5 سنين هو بعد ماما بسنه اتوفى فى مصر
على : هو انتم عايشين فى مصر وانتى لوحدك هنا ولا انتى جيتى ازاى
جميله سكتت لحظه : اه .. احنا كنا عايشين فى مصر وبعدين بابا جاله شغل هنا وجينا هنا .. وبعدين ماما اتوفت و ادفنت فى مصر وبابا تعب وهو ف مصر وادفن هناك وفضلت انا واخويا هنا وبس
على: انتى بتتكلمى كده ليه زى الل ناسيه
جميله : هاهاها لالا بس تعبانه وكده
على بتلقائيه حسس ع شعرها ومبتسم : طيب كملى اكلك وانا نازل
جميله بصت ل على وسرحت وعلى لحظتها محسش بنفسه : ضايقتك ..سورى ..انا ..
جميله بنظره متفاجئه وابتسمت وقاعت كلامه : بابا كان بيعملى كده لما بكون بااكل ..
على : واضح ان باباكى دا قصه كبيره
جميله باابتسامه: بابا دا احسن راجل ف الدنيا قابلته .. مش علشان انا بنته لا معاملته وحياته مع الناس و مع ماما بالخصوص كان احسن زوج شوفته .. اصلا بابا وماما اتجوزوا عن حب بعد قصه حب قويه جدااا واعتراض اهل ماما وتمسكها بيه وتمسكه بيها برغم اعتراضات الل حواليهم وظروف بابا الل كانت مش كويسه كملوا حياتهم مع بعض بحب واحتواء وامان ... لدرجه انه لما ماما تعبت كان جنبها مسبهاش لما كنت بسئله ارتاح قالى هى مسبتنيش فى اقسى لحظات عمرى ولا سابتنى انا مش هسيبها ..وبعد وفاتها مستحملش فراقها ومن حزنه اتوفى بعدها ووصيته يدفن معاها هناك ف مصر .. بالنسبالى قصه حب بابا وماما احسن من روميو وجوليت وقيس وليلى .. انا عايشه علشان اعيش زيهم..اعيش قصه حب حقيقيه بمرها قبل حلوها .. باللحظات الجميله والايام الصعبه .. اعيشها مع شخص مش اسيب ايده مهما حصل وهو يتمسك بيا و ميسيبش ايديا مهما حصل ونكون مع بعض فى وش الايام .. من الاخر نعيش مع بعض ولبعض علشان اولادى يشوفونى ويشوفوه ويتعلموا مننا يعنى ايه حب واحترام وتقدير .. ويعرفوا ان الحب مش كلام رومانسى واغانى .. الحب حياه تتعاش بحلوها ومرها مع شريكك انا بدور ع الحياه دى ولانى عاوزه اعيش الحياه دى ..
على بنص ابتسامه: كلامك جميل بس كتير بيبقى الواقع مختلف .. الظروف بتبقى اقوى من اى ارتباط .. العاطفه والحب مش كل حاجه لان العقل بيبقى ليه حق يقول كلمته
جميله : احنا الل بنحدد نكون قدها ولا لا المهم يكون قرار اتنين مع بعض مش طرف واحد بيحارب والتانى واقف مكانه .. الحياه بتكون مقسوم بين اتنين مش واحد بس ..ودى الحياه الل قررت اعيشها
على : ان شاء الله
جميله بتضحك : عارف يا على انت فيك من بابا كتير
على : بعد الل حكتيه دا معتقدش انا فين وهو فين ..
جميله بتضحك: لا انتوا الاتنين قريبين لبعض اوى ظروفك شبه ظروف بابا ف اول حياته صعوبه الايام وقسوتها عليك
على ملامح وشه اتغيرت: لا يا جميله معتقدش ان باباكى عمل الل عملته انا
جميله: وانت عملت ايه بقى ؟
على للحظه سكت مش عارف يقولها انه اشتغل ديلر مخدرات وكان بيبيع جسمه مقابل فلوس لستات كبار ..على اتنهد: الل عملته باباكى معملهوش ودا انا متاكد منه
جميله: مالك قلبتها دراما ليه كده وانا عيانه
على رسم ابتسامه: لا دراما ولا اكشن انا نازل سلام
جميله: على ..لااله الا الله
على بصلها: سيدنا محمد رسول الله
ف نفس اليوم دا "على" رجع البيت اتلكك انه ناسى حاجه لكن جه علشان يطمن ع "جميله" ونزل راح شغل المطعم ورجع البيت وكانت جايب الاكل معاه ليها وليه .. قعدوا مع بعض ف ا ف الليفنج قدام التليفزيون اكلوا واتفرجوا ع التليفزيون وجميله قاعده حست ب انها بردانه ولاحظ "على" انها مش عاوزه تدخل اوضتها ترتاح ..فدخل اوضتها واخد مخده وبطانيه وراح اتجاهها حط المخده تحت دماغها وغطاها وجميله شكرته وراح يعمل حاجه دافيه يشربها هو وهى وعمل مكالمه وخلصها ورجع لجميله لقاها نامت نده عليها مردتش وعرف انها نامت فعلا .. وعلشان الجو برد خط المجات ع الترابيزه .. راح "على" شالها وحطها ع سريرها بهدوء وغطاها كويس ووقف لحظات باصص عليها ومن غير ما يحس بنفسه لمس بايده شعرها وخرج بشويش وكانت "جميله" حاسه بيه وكانت عاوز تعرف هيتصرف ازاى معاها هيستغل الفرصه ولا هيعمل ايه ...وبتصرف "على" دا زاد احساس "جميله" بالامان ف وجود "على" ونامت وهى مطمنه .. !!
تانى يوم صحى "على" وخارج من اوضته شاف "جميله" لبسه هدوم خروج وباين عليها لسه التعب ...على : جميله .. انتى رايحه فين
جميله: نازله معاك .. يومين منزلتش اهو كفايه كده
على : لا لسه الدكتور قال انك مش هتنزلى غير لما تتحسنى وانا مش هسيبك تنزلى .. يلا ادخلى غيرى هدومك ونامى وارتاحى ومتنسيش علاجك
جميله: لا يا على مش هينفع كده انت بتقف لوحدك الصبح وكمان شغلى ف المطعم
على بلهجه حاده : انتى شايفانى سوسن ولا ايه .. انا قادر اشتغل لوحدى على فكره ومتقلقيش ف المطبخ عندهم الل يساعدهم والمطعم شغال متوقفش بغيابك يعنى .. يلا ادخلى ارتاحى
جميله اتخضت وحبت تهزر : اوكيه .. اوكيه .. هتجيبلى حاجه حلوه طيب
على ابتسم : خدى علاجك يا جميله وبلاش دلع
جميله لاحظتانه ابتسم : حاضر
خرج على من البيت وراح لشغل الصباحى وجميله دخلت غيرت هدومها ونامت .. !!
"على" خلص شغله متاخر وملحقش يرجع ع البيت فااتصل اطمن ع "جميله" وراح المطعم
جو العام بعدم وجود جميله واحمد مش مريح "على" بس كان بيصبر نفسه انهم هيرجعوا تانى .. وهو واقف جت زبونه المحل ولاحظ عليها انها عارفه شويا من العماله وقعدت ع ترابيزه
وعلى عرف انها مدام مستر "ادم" اسمها "دينا"
راح ليها "على" وع وشه ابتسامه : اهلا بيكى مدام دينا ..انا ويتر جديد هنا اسمى "على"
دينا با ابتسامه : اهلا بيك .. ان شاء الله تكون مبسوط هنا
على باابتسامه: الحمد الله .. اتفضلى تطلبى ايه ؟
دينا بصت ع الساعه : اممم ممكن اى عصير فريش لغايه ما ادم يجى وهنتغدى سوا
على بيكتب : اوكيه
دينا : على .. ممكن طلب
على : اتفضلى
دينا: ممكن تندهلى بريتى ..قالولى انها موجوده هنا المجنونه دى
على ب استغراب : بريتى .. مين بريتى
دينا بتجمع: واحده شغاله هنا
على بيراجع اسامى الموجودين : لا مفيش واحده هنا اسمها بريتى ..هى ممكن كانت موجوده قبل ما نيجى
دينا : اه .. مع ان ادم قالى انها موجوده .. ع العموم ميرسى ليك
على باابتسامه: ولا يهمك .. ثوانى والعصير حضرتك هيكون موجود
دينا بصتله باابتسامه : اوكيه
مشى على وبيقول : بريتى مين بريتى
وطلعت دينا موابيلها تكلم ادم وقالها انه ف الطريق ... !!
على وهو راجع ع البيت بعد الشغل عدى ع السوبر ماركت ودخل قسم الشوكولاتات والحلويات واشترى نوع شوكولاته شاف جميله بتاكل منها وكانت بتحبها اوى واشترى منها علبه كامله وكانت ع وشه ابتسامه ومش عارفه السعاده دى ايه سببها .. رجع البيت وكانت جميله محضره العشا
على بملامح جد : وقفتى برضه ومرتحتيش
جميله كان لما ارتاحت اليومين الل فاتوا كان بان عليها تحسن مع العلاج
جميله بهزار : تمام يا فندم اكلت اكلى كله واخدت علاجى كله وعملت باستا بالجمبرى ليا وليك لانى نفسى فيها جدا تعبت من المسلوق يا جدع
على كان هيضحك ومسك نفسه: اوكيه
قبل ما يدخل اوضته فتح الشنطه وبملامح جد : اتفضلى
جميله : ايه دا
على : مش انتى طلبتى حاجه حلوه .. اتفضليها
جميله مسكت علبه وشافت الشوكولاته فرحت اوى : ايه دا .. الشوكولاته الل بحبها
ميرسى يا على
على فرح لما شاف جميله فرحت بالشوكولاته : العفو
جميله شافت ملامح جد ع وشه بعد ما ابتسم ع طول ..فى سرها : انا مبقتش عارفه هو مبسوط ولا لا ايه قفله الوش دى كائن غريب بجد
شويا وقعدوا ياكلوا وبعدها دخلوا كل واحد اوضتهم نام .. وعلى لاحظ نفسه انه بينام وهو مبسوط ومش عارف السبب حس ان اليوم طعمه اتغير عن المعتاد نوعا ما .. احساس كان مفتقده سنين وحس انه مش هيحس بالفرحه دى تانى .. وجميله ماسكه علبه الشوكولاته وحضنتها وهى قاعده ع السرير ومسكت موابيلها وصورتها ورفعتها ع الاستغرام وكتبت تحتيها "اجمل هديه"
فى يوم "على" خرج شاف جميله مجهزه فطار ولبسه .. على : جميله
جميله باابتسامه ونشاط: انا تمام وزالفل اهو .. وكلمت الدكتور وقالى اتعايش عادى
وارجع لحياتى الطبيعيه وكفايه انك لوحدك الايام الل فاتت ووعدى مع احمد هنفذه لغايه ما يرجع من الاخر مش هسيبك انا ..
على : ايه
جميله ب اصرار : اقصد مش هسيبك تنزل لوحدك وبلاش الوش دا ع الصبح اضحك خلى ربنا يفتحها ف وشنا
على شافها مصممه سكت ....
على فطر ونزل هو وجميله واول ما وصلوا مكان الجرايد والمجلات لاقى ابراهيم مستنيه
على ملامح وشه اتغيرت : ابراهيم
ابراهيم : هاى .. مان
جميله : مين دا
على بص ل جميله : خليكى هنا كملى رص الحاجه دى وانا راجع ع طول
جميله: اوك
على مشى اتجاه ابراهيم وشده من دراعه وبعد عن المكان : انت جيت ليه يا هيما
ابراهيم: ايه دا .. ايه دا .. مكنش العشم بعد الفتره دى تقابلنى كده يا ابو على
على ملامح وشه متغيره : مقولتش جيت ليه مش انا قلتلك هبقى اكلمك واعتبرنى ف اجازه
ابراهيم: اجازتك طولت اوى يا على .. وشغل كتير متاخر ومكالمات كتير طالبينك
على مش عارف يقول ايه : انا مش هنزل شغل غصب عنى واحنا متفقين يا هيما
ابراهيم: متفقين اه لكن كده كتير
على بص ع جميله لاحظ انها بتراقبه : طيب انا هخلص شغل واكلمك
ابراهيم: اكيد ولا
على بعصبيه: قولتلك هكلمك
ابراهيم لاحظ تغييره : اوكيه يا مان .. بلاش تتعصب كده
مشى ابراهيم خطوتين ورجع : بس اموره البنت الل هناك دى .. تستاهل الاجازه
على بصله : بتقول ايه
ابراهيم بيضحك: هقبلك بعد الشغل باى
مشى ابراهيم و"على" كان ناسى حوار ابراهيم وحواراته وانه شاف ابراهيم دا غير موده ع الصبح بطريقه رخمه .. لما رجع لجميله لاحظت تغيره دا وعلى فضل ساكت وهى احترمت انه مش عاوز يتكلم وقعد "على" يفكر هيعمل ايه ... !!
خلص "على" الشغل ورجع ع البيت هو وجميله علشان يغيروا هدومهم قبل ما يروحوا شغل المطعم وهما واقفين تحت العماره
على : جميله اسبقينى انتى وانا هاجى بعديكى ولو حد سالك قولى انى ف مشوار شخصى
جميله: رايح فين يعنى
على بعصبيه : مشوار قولت
جميله استغربت من طريقته: اوكيه ..
ركب على تاكسى بسرعه واتصل ب ابراهيم وقابلوا ف كافيه كان جنب الكازينو ..
راح على وكان ابراهيم مستنيه هناك ..دخل على وقعد قدام ابراهيم
ابراهيم باابتسامته: تشرب ايه بتلج ولا مايه
على : قهوه
ابراهيم: قهوه .. ايه التطور دا .. اوكيه نجبلك قهوه
طلب ابراهيم القهوه وجت .. ابراهيم: ها ايه كلامك هترجع شغل امتى
على سكت لحظات وبص ل ابراهيم : ابراهيم
ابراهيم: نعم
على : انا مش عاوز اكمل الشغل دا يا هيما ..
ابراهيم بااستغراب: ليه
على : عادى انا مش عاوز اكمل ف الشغل دا حفى
ابراهيم بااستغراب : وايه غيرك كده .. ولا الفلوس مكفياك
عاوز اقولك الجبل مسيره يقع لما تاخد منه وترجع زى الاول يا على
على اخد نفس: انا فكرت كتير وقلت كفايه كده 3 سنين شغال معاك وكسبت وانا كسبت فلوس كتير .. كفايه كده .. انت مجبرتنيش ف الاول اشتغل معاك ومش هتجبرنى دلواقتى اشتغل معاك واكمل وزى ما بدءت الشغل بارادتى انا هسيبه ب ارادتى ودا حقى
ابراهيم: بس هخسر اكتر لما تمشى
على : ابراهيم انت قولتلى وقت ما انقذتك واخدت الرصاصه بدالك اى طلب هطلبه هتنفذه من غير مناقشه
ابراهيم سكت : ايوه
على : ودا طلبى .. علاقتنا صداقه موجوده مش هنسى وقفاتك جنبى ووقوفى معاك لكن شغل تانى لا مفيش انا هرتب نفسى ع حياتى الجديده ودخلى الجديد ..
ابراهيم سكت لحظات وفكر ان فعلا "على" اكتر شخص عرفه وانقذه وقت ضرب النار
وخاف عليه بجد من غير مقابل .. : اوكيه يا "على" .. انا يهمنى راحتك ووقت ما تفكر ترجع لشغل كلمنى
على ابتسم: اوكيه يا هيما ... ومعاك رقمى ممكن نتقابل ونتشرب قهوه مع بعض
ابراهيم ضحك: من نبيذ ل قهوه يا مغير الاحوال
على قام وقف : اسيبك علشان متاخرش ع شغلى
ابراهيم : اوكيه اوكيه
مشى على وهو ارتاح انه هيقفل صفحه شغل ابراهيم دا .. وابراهيم مستغرب من كلام "على"
ابراهيم بيكلم نفسه وماسك فنجان القهوه بتاع على : اكيد حاجه كبيره حصلت حولتك كده ..
انا شايف قدامى "على" الل قابلته من 3 سنين راجع تانى ... !!
رجع "على" المطعم وكانت "جميله" كل شويا تبص عليه تشوفه وصل ولا لا وكانت بتتلكك باى حاجه علشان تخرج من المطبخ وشافت "على" لبس اليونيفورم بسبستله بصلها بنظره حاده اتاخدت ...وراحت تكمل شغل ... شويا وكان عربيه جت لطلبات لمطعم والل ف المطبخ خرجوا يجبوها وكان ف كارتونه تقيله لفاكهه "جميله" بتقاوح ف شيلها ..شافها "على" راح ناحيتها ومسككها منها
هى اتفاجئت : على
على بصلها : وسعى
ورجع "على" كمل شيل باقى الصناديق التقيله ..
وقعد قرب المخزن يرتاح .." جميله" عملت كوبايه عصير : اتفضل
على بصلها: لا شكرا
جميله: انت ايه الل خلاك تشيل الصناديق كده
على بصلها بنظره حاده : دا شغلى ع ما اعتقد هيكون ايه يعنى
جميله استغربت من تغييره دا الل كل شويا بيتحول فممعرفتش تتكلم ..فسبها "على" ومشى
جميله واقفه ف المطبخ سرحانه ف حال "على" المتقلب ..!
خلصوا شغلهم ورجعوا البيت من غير ما يتكلموا ودخلوا ناموا زى كل يوم .. وتانى يوم الصبح نزلت "جميله و"على" شغل الصبح لبيع الجرايد والمجلات وكان الجو برد جدااا فكانت "جميله" قاعده بتدفى نفسها بايدها الاتنين و"على" قعد جنبها
ومن غير مقدمات مسك ايديها وبيدفيهم .."جميله" اتفاجئت : على
على : انتى ايدك ليه صغيره كده مش عارف امسكهم
جميله ابتسمت : خلقه ربنا اعترض بقى
على ملامح جد ف وشه : كده دفيتى
جميله بملامح حيره : على
على: ايوه
جميله اترددت : لا خلاص انا دفيت كده
على : لو تعبانه ارجعى البيت .. هتتعبى تانى ومش هقضيها انا تمريض
جميله بملامح غيظ من طريقه على : شكرا يا على شكرا
وقعدوا سااكتين لغايه ما رجعوا البيت غيروا هدومهم وراحوا المطعم وكانوا مبيتكلموش و"على" راسم ملامح الجد ع وشه واتغير ...!
استمر اهتمام "على" الغير مرتب منه وملاحظه "جميله" ان "على" كل شويا ف حال لدرجه انها احتارت ... فى الويك اند خرجوا مع اصحابهم ف المطعم و"على" كان غير اخر مره كان بيتعامل معاهم وبيلعب وبيناكف فى "جميله" ...و"جميله"سعيده بتغير "على" الل لاحظوا الجميع وفى وسط اليوم وهما قاعدين ..قام "على" يتمشى وقعد على ديسك فى الحديقه وشافته "جميله" وشافت جنب "على" كوبايه نسكافيه .. اخدت نفس واتجرءت وراحت ناحيته وقعدت ومسكت الكوبايه وشربت :
جميله بمرح: يضايقك لو قعدت جنبك واشرب من دا ..حتى لو يضايقك هقعد وهشرب
على بصلها بااستغراب : اتفضلى
جميله : ها بقى انت قاعد لوحدك ليه
على: محتاج اقعد لوحدى شويا
جميله بتغمزله: بتحب ولا ايه
على بصلها : انتى عاوزه ايه يا جميله
جميله اتحرجت : انا .. انا .. عاوزه اشرب دا
على قام وقف : اتفضليها كلها .. انا هتمشى ولوحدى بعد اذنك ممكن
جميله بملامح يأس: اتفضل
مشى "على" وحط ايده ف جيوبه وجميله باصه عليه وهو ماشى : ايه حكايتك بقى حيرتنى ..!
فى يوم استأذنت جميله من الشغل وراحت تقابل هايدى فى كافيه :
جميله باانشكاح: ديدى ..هاى
هايدى بصت ع الساعه: لازم تخلينى استنى كده ومعرفش انا ايه مقابلات السريه دى احنا داخلين حرب
جميله بتوشوشها: حاجه زى كده
هايدى ضحكت : وبعدين ايه اللبس دا مش عارفه تلبسى كويس وانتى جايه تقابلينى وريحتك ريحه مطبخ
جميله بصت ع هدومها : ماله هدومى وبعدين انا قلتلك انا برتاح فى كده ومش هغير اسلوب لبسى وريحتى دى جميله
هايدى: عناديه طول عمرك .. المهم طمنينى عليكى
جميله باابتسامه: تمام ..تمام
هايدى : ايه دا .. باين كده فارس احلامك نطق ولا ايه
جميله بملامح خيبه: خالص .. انا الل مضايقنى تصرفاته بتقول حاجه لكن لسانه لما بينطق بيقول حاجات تانيه طوب بيتحدف وكل شويا بحال مش عارف ارسى ع حال واحد و مش عارفه اخليه ينطق .. عاوزاه ينطق اعمل ايه اكتر من كده
هايدى : اتصرفى ع حسب طريقته
جميله بتركيز: نعم ..ازاى
هايدى : يعنى مثلا شوفى هو بيحب ايه واعمليه .. اغلب الرجاله بينجذبو لبنت الل بتعمل حاجات بيحبوها خصوصا لو كانوا النوع التقيل الل زى الاستاذ "على"
جميله بتفكر: اعمل ايه مش فاهمه
هايدى : امممم هو كان خاطب صح
جميله: اها
هايدى : شوفى كان ايه الل شادو ف خطيبته لدرجه انه يخطبها برغم ظروفه زى ما قولتيلى وخلته ينطق
جميله عجبتها الفكره: ممكن تصدقى
هايدى : المهم .. انا مش عارفه انا موافقاكى ازاى ف الل بتعمليه دا وعاوزه اقولك
"جمال" لما يعرف هيقلب عليا وعليكى وانا بقولك اهو
جميله : انتى صاحبتى الوحيده يا ديدى وبعدين ملكيش دعوه انا ليا تصرف تانى مع جمال انا هكلمه متقلقيش .. بس يحصل الل انا عاوزاه دا ووقتها مفيش حد هيقف قدامى
هايدى : هترجعى البيت امتى "جمال"ابتدا يقلق لاحظ انك مش موجوده بقالك كتير ومكالماتك قليله معاها
جميله: متقلقيش قريب هكون موجوده ...
بصت "جميله"عالساعه : يلا اتاخرت انا
هايدى : ايه السربعه دى احنا لحقنا
جميله وهى ماشيه: اشوفك قريب باى
هايدى : مجنونه ... حقيقى مجنونه
مشيت "جميله وراحت المطعم وقعدت سرحانه تعمل ايه تعمل ايه وهى واقفه وبتراقب "على" من بعيد ففكرت ترجع البيت وتشوف الاجنده بتاعه "على" يمكن تلاقى فيها حاجه تساعدها لكن افتكرت انها هترجع مع "على" ع البيت وبينزلوا مع بعض .. فكرت تعمل تعبانه ومسكت بطنها واستأذنت و"على" شايفها خارجه وهى بتمثل انها تعبانه وبسرعه راح اتجاهها وهو قلقان
على: جميله مالك ؟
جميله رسمت ملامح تعب: مغص غبى جه ؟
على: طيب استنى هغير واجى اوصلك
جميله بسرعه: لالا خليك .. انا هروح اخد مسكن وهرتاح شويا
على : متاكده مش محتاجه تروحى لدكتور
جميله فكرت بسرعه انه ممكن يرجع ع البيت فاجاءه وهى بتدور قربت منه وشوشته بصوت واطى : لالا متقلقش دا حوار بناتى كده مش حاجه كبيره
على حس بااحراج: طيب تمام .. روحى البيت ولو حسيتى بتعب كلمينى هاجى ع طول
جميله لاحظت قلق "على" عليها وخرجت وركبت تاكسى ورجعت ع البيت وبسرعه اول حاجه عملتها قبل ما تغير هدومها دخلت أوضه "على" تدور ع الاجنده بتاعته.. فتحت درج الكوميدينو ولاقتها واخدتها وخرجت وابتدت تقرا الل فيها وهى بتقرا ..قرات مشاعر "على" وتعبيره عنها وصدقه فيها الل لمسها بجد لدرجه ان دموعها نزلت ملقتش حاجه واضحه لسبب حب "على " ل "ايمان لانه مش كاتب حاجه واضحه الكلام كله عن مشاعره هو ... مسكت الصوره وبصت عليها كويس ولاحظت حاجه وجت ف دماغها فكره ...رجعت حطت الاجنده ف الدرج ودخلت اوضتها اخدت شنطتها ونزلت ... !!
رجع "على" بليل و "جميله" فى اوضتها خبط ع باب اوضتها مردتش فعرف انها نايمه وهى اصلا ع السرير صاحيه قلقانه ومتوتره من الل هتعمله وبتشجع نفسها ... !!
تانى يوم الصبح خرج "على" من أوضته بيبص ع المطبخ مش شاف "جميله"
قلق عليها تكون تعبان لسه وراح اتجاهه اوضتها وخبط ع الباب : جميله .. جميله انتى صاحيه
جميله بصوت عالى : دقيقه وخارجه يا على
على: انتى كويسه طيب
جميله: الحمد الله .. خارجه اهو
على : طيب يلاهنتاخر
جميله: اوكيه
راح " على " اتجاه المطبخ بيحط التوست ف التويستر وبيفتح التلاجه يطلع الجبنه والمربى وبيجهز النسكافيه ولسه هينده ع "جميله " لقاها خارجه من اوضتها وماشيه قدامه .. "على" شافها الطبق الل فى ايده وقع : جميله..ايه الل انتى عاملاه دا
جميله كانت خارجه ولبسه طرحه ع شعرها : ماله مش عاجبك
على قرب منها : مش حكايه عاجبنى ولا مش عاجبنى انتى ليه لبسه طرحه
جميله سكتت لحظات بصت ل "على" : اكلمك بصراحه
على : ايوه طبعا
جميله : بصراحه لما شوفت صوره خطوبتك وحبك لخطيبتك الل قبل كده مكنتش عارفه ايه سبب حبك ليها ..ايه المختلف فيها عنى جذبك ليها .. قلت لما البس الطرحه هتقربلى و..
على قاطعها وقرب منها : انتى مجنونه صح
جميله: ها
على بنبره هاديه: الل بتعمليه دا غلط وغلط كبير كمان
جميله بملامح يأس انها يعتبر اعترفت بحبها ل "على" وهو اعترض عليه : خلاص اعتبر مفيش حاجه حصلت
كانت هتمشى مسك "على" دراعها : جميله
جميله : ايوه يا على قولتك اعتبر محصلش حاجه
على بصلها : انا مش عاوزك تغيرى من نفسك فى حاجه.. انا بحبك زى ماانتى كده .. جميله الل عرفتها حبيتها كده انتى مش محتاجه تتغيرى
جميله مش مصدقه الكلام وان "على" قالها انه بيحبها : ايه قولت ايه
على مسكها من كتافها باايده الاتنين : بحبك يا جميله
جميله ابتسمت ومش مصدقه .. على ب ابتسامه : كونى نفسك مش حد تانى يا جميله ..انا حبيتك كده زى ماانتى بطريقه كلامك وتصرفاتك وابتسامتك وتلقائيتك كل حاجه حبيت جميله الانسانه الل عرفتها .. الل بيحب حد بيحبه علشان نفسه مش لانه نسخه من حد تانى .. كونى نفسك وخليكى جميله بشخصيتها المرحه المبهجه .. خليكى جميله المجنونه الل انا حبيتها ..
جميله بانشكاح : انت بتقول انك بتحبنى يا على بجد
على راح ضمها لصدره وحضنها وفى ودنها :بحب جميله العناديه المجنونه
جميله حضنت على ودموع نزلت من عنيها : على
على بعدها عنه وبصلها : انا مكنتش فاهم ايه حصلى ولا ايه الل حاسس بيه عاندت وقاوحت لكن مفيش فايده وكنت محتاج ارتب حاجات كتير ..ومش عارف اختار الوقت ولا عارف اى حاجه لكن الل عرفته كويس انك حاجه مميزه ف حياتى ..حاجه جميله ف حياتى
جميله مش مصدقه الل سمعاه
على :عارف انها متاخره ... انا اسف
جميله ودموعها نازله: المهم انك قولتها وان انتظارى كان صح واحساسى كان صح
على بيمسح باايده دموع جميله : انتى يا جميله غيرتى حاجات كتير فيا كنت خلاص فقدت الامل انها تتغير انتى اجمل حاجه حصلتلى ف الفتره الاخيره
جميله مش مصدقه الل سمعاه والكلام الجميل دا من "على"
على بص ع الساعه : يلا هنتاخر ع اكل عيشنا ولا ايه
جميله ب ابتسامه : يلا بينا
على بصلها : هتنزلى كده برضه
جميله حسست ع راسها : هو مضايقك الطرحه
على وقفها قدامه: مش حكايه مضايقنى ولا مفرحنى ..
هسالك سؤال ؟ انتى لبستيه ع اقتناع ؟
جميله بتوتر: لا بصراحه لبستها علشانك
على : دا غلط .. اكبر غلط كنتى هتعمليه الوقت الل هتقررى تلبسى فيه طرحه دا لازم يكون قرار خارج منك انتى لنفسك ل ربنا مش علشان بنادم ابدا ... انتى الل تقررى تلبسيه ولا لا ..وانا مليش حق التدخل ف قرارك انتى اعملى الل شايفاه ومقتنعه بيه ... يعنى مثلا لو كنت عاوز اتسلى بيكى وهاودتك شويا وبعدها سيبتك اكيد كنتى هتقلعى الطرحه صح
جميله سكتت ... على باابتسامه: شوفتى كنتى هتعملى اكبر غلط ف حياتك براحه وفكرى انتى عاوزه تلبسيه ولا لا ومهما كان قرارك انا معاكى ..
جميله باابتسامه : اوكيه واضح انى استعجلت فعلا ف دى ... . ثوانى
على : عاوز اقولك حاجه كمان
جميله: ها
على: اى حاجه ف حياتك فكرى فيها وقرارك يكون راجع ليكى ويكون خارج من ارادتك من غير ما يكون متاثر باى حد حواليكى حتى انا .. لان قرارك انتى الل هتشيلى نتيجته مش الل حواليكى .. ارضى نفسك وطول ماانتى بتتصرفى بااقتناع ميهمكيش حاجه ..مفيش حد دايم ليكى .... انا مش دايم ليكى
جميله بملامح حزن: انت هتسيبنى يا على
على ضحك: هفكر
جميله خبطته ف كتفه: يا رخم وع فكره يا لوول كلمتك ليا بانك بتحبى دى ختم ع ورقه بينى وبينك وانا كنت مستنيها ف انسى انى اسيبك تبعد عنى ..دخلت المصيده خلاص
على ابتسم: ماشى
جميله: ثوانى وراجعه
دخلت جميله اوضتها خلعت الطرحه وظبطت هدومها : انا جاهزه
على : كده جميله رجعت .. يلا بينا
جميله قربت منه : يلا بينا
على مد ايده مسك ايد جميله وشبك صوابعه ف صوابعها و"جميله" حست بسعاده من مسكه ايده ليها وهى ماشيه وماسك ايديها اخدت عهد على نفسها انها مش هتسيب ايده دى مهما حصل ... !!
فى الوقت الل "على" و "جميله " بدؤا قصه ارتباطهم " على " كان حريص اوى ف تصرفاته برغم قراره انه يرتبط بجميله ..جميله كانت بتصرفاتها بتطمنه .. "على" ادى اهتمامه كله ل " جميله " لانه قرر يتغير وكانت هى حافز التغيير .. وكانت جميله زادت اهتمامها ب على اكتر من الاول وقت الاكل تهتم ب اكله والشرب تهتم بشربه وحاولت ف مده قصيره قلل من السجاير ومش بتسيبه لحظه لوحده ف اى مكان على يبص يلاقيها موجوده وبصاله ب ابتسامتها فكان بيبتسم .. كانت جميله بتعوض "على" احاسيس كتير كان مفتقدها وبتشجعه ...!
فى يوم وهما ف المطعم " جميله " ف المطبخ و " على " واقف ف الصاله بيشتغل عادى بياخد طلبات الزباين "جميله " خرجت من المطبخ بتتسحب تبص ع " على " وقفت بعيد وابتسامتها ع وشها .. " على " شافها وابتسم وهى بصاله بعتتله بوسه بعنيها " غمضت عنيها وفتحتها " .." على" مسكها باايده وحطها ع صدره .. ف المشهد الرومانسى دا كان " احمد" داخل من باب المطعم رايح اتجاه مكتب مستر " ادم " علشان يعرفه انه رجع من الاجازه
وكمان علشان يعمل مفاجاءه ل " على " وهو داخل لمح جميله واقفه وبيبص عليها باصه على مين لقاها باصه على " على " ومبتسمه وعلى كان بيتكلم مع زبونه ولاحظ "على" ابتسامته باينه اوى مع الزبونه وشايف طريقته اتغيرت ..حس " احمد بحاجه غريبه بتحصل او معنى اصح حصلت من وراه .. بهدوء مشى بشويش اتجاه " جميله" وبصوباعه خبط ع كتف " جميله " : احمد: جيمى
اتخضت "جميله" : احمد .. انت جيت امتى ؟
___________________
يتبع
ليست هناك تعليقات:
إرسال تعليق