رجعت فاطيما ع شقه ماريا تكمل معاها باقى الفرش وماريا كانت لاحظت غياب فاطيما وكل ما كانت بتتصل عليها تكنسل عليها وتبعتلها تقولها فى مشوار وراجعه ... وصلت فاطيما وحطت الميداليه فى شنطتها وطلعت شقه ماريا ودخلت :
فاطيما: السلام عليكم
العمال وماريا وعماد: وعليكم السلام
شدت ماريا فاطيما من دراعها : كنتى فين قلقتينى
ايه جمديه القلب الل عندك ديه تنزلى لوحدك ..انتى هبله
فاطيما: فى ايه يا ميمى انا متاخرتش ومتخفيش منقصش منى حاجه
ماريا: كنتى فين بقى ?
فاطيما باابتسامه: كنت بشوف معتز
ماريا اتفاجئت: نعم ... هو ف مصر
فاطيما: اتصل بالصدفه وقالى لو ينفع وانا مصدقت لاقيت نفسى بوقف تاكسى بقوله المطار الجديد هوووب ركبت نزلت لاقيت معتز واقف مستنينى
ماريا: ناقص تقولى انك اول ما شوفيه اخدتوا بعض بالحضن
فاطيما: يارريت ..
ماريا: ياريت ف عينك ... مش انتى يابت قولتيلى انك وعدتى توحا مش هتشوفيه تانى وكفايه المكالمات والرسايل سايبنك براحتك ..تكسرى الوعد كده من اول عاوز اشوفك
فاطيما بتتنهد: مقدرتش امنع نفسى وخصوصا انى كنت عاوزه اشوفه فعلا
انا بقالى سنتين مشفتوش غير مره يا ست اعذرينى بقى ..انا قلت هتحسى بيا انتى مجربه ولا ايه
ماريا بتتنهد: اه يااختى الفرقه وحشه اوى
انتبهت ماريا لكلامها واتعدلت: بس يا حبيببتى موعدتش حد وعد مش قده وكسرته
فاطيما: خلاص بقى هحاول ميتكررش تانى
ماريا: لا ميتكررش تانى اما هروح اقول لتوحا انا
فاطيما : ماشى ماشى ماهو خلاص هتدخلى القفص
ماريا: ليه فرخه قدامك
فاطيما: ع اساس ان عماد ديك ههههههههههههههه
ماريا: لمى لسانك
فى الوقت دا عماد نده ع ماريا : ميمى تعالى شوفى كده مكان الانتريه كويس ولا نغير مكانه
ماريا: لما افضى بس يا طيما .. جايه يا حبيبى
فاطيما فتحت شنطتها مسكت الميداليه : خليكى مع الانتريه وسبينى اتهنى باللحظه الل كنت فيها .....!!
خلصت ماريا الترتيبات والفرش وقرب ميعاد الفرح وفاطيما مسبتهاش خالص .. تم الفرح وخلص ع خير ومشيت ماريا هى وعماد بالعربيه من السنطه متوجهين لقاهره لشقتهم ف التجمع الخامس .. رجعت فاطيما البيت وبسرعه بعتت ل سلمى الفيديوهات والصور وفضلوا يتكلموا كتير وكانت فاطيما يوميا تقرا الرسايل القديمه لمعتزوتمسك الميداليه وتحضنها وتنام ...!!!
واستمرت مكالمات معتز ورسايله مع فاطيما ع فترات ..وابتدا العام الدراسى التالت لفاطيما وطبعا كانت قررت انها مش هتعيد السنه ولازم تنجح .. وكان محمد اخوها فتح ورشه الميكانيكا جنب البيت هو وصاحبه والشغل كان بسيط فى الاول ..عدى الترم الاول وفاطيما معندهاش امتحانات ..وابتدا الترم التانى وذاكرت فاطيما وكان باباها بيقولها لما كان بيدخل يطمن عليها " انا واثق فى بنوتى انها مش هتزعلنى تانى وهتنفذ وعدها " كانت فاطيما بتذاكر بجد عاوزه تنجح وفعلا ابتدا الامتحانات وراحت فاطيما وامتحنت والنتيجه طلعت ونجحت فاطيما ... اخيرا فاطيما اتخرجت وقفشت ف اليسانس ...
باباها: مبرووك يا حبيببه بابا
مامتها: اخيرا
محمد: كفاررره انا كنت عامل حسابى هتعيدى رابعه كمان
جددتها: لا طيما شاطوره ولا ايه
فاطيما: ياجماعه انتوا محسسنى انى عبرت القناه ... دا التقدير العام مقبول وباين اوى بالشفقه .. انا نجحت بس علشان لاقيت محصلها بعضها نجحت او ريحت فى الحالتين قاعده ف البيت
محمد: ماهو انتى مبتعمريش ف مكان ..دكتور سامى وبتطفشى العيانين من هناك .. ونانى هتفلسيها ... ومكتبه اشرف الذمه بتاعتك خسرته
فاطيما: الله هو الشغل بضمير ملوش مكان ف الزمن دا ياجدعان .. يعنى دكاتره يتاخروا والعيان يتلوى من الوجع .. ونانى الحرميه سورى يا ماما انتى وتوحا .. تغير ف تيكت الهدوم وتقول مستورد وهو من مصنع ف المحله .. والمكتبه جايب حاجات نص لبه ومغليها ع الطلاب لالا انا اقعد ف بيتى حاضنه تلاجتنا وشكرا
باباها: ان شاء الله ربنا هيكرمك بحاجه كويسه انا بشوفلك حاجه تناسبك
فاطيما: فكك ياحج من سكه المحاماه دى لانهم حراميه بيقلبوا الباطل حق والحق باطل علشان فلوس
مامتها: لا فى محامين شرفا وكويسين
فاطيما:قليليين ..و تلاقيهم بياكلوا ومكفين مصارفهم بالعافيه وباين عليهم الفقر ... لا انا اخدت اليسانس كده كمنظره كنت بفكر اعلقه ف الصالون بس انا اتفق مع البشمهندز هحطه تحت السرير اشطه اوى ... لاقيت شغل عاوزاه ومريحنى هشبط غير كده لا
محمد: طيب خدى كورسات سلى نفسك
فاطيما : هفكر وهشوف .. المهم خلينا فيك انت يا عريس .. سنه بحالها بتجهز نفسك ايه جهزت ولا لسه بتشحر
محمد: لا يارخمه كله متظبط وياسمين نجحت وهتفق معاها ع ميعاد نروح كلنا نخطبها
مامتها: مبروووك يا حبيبى الفرحه هتدخل بيتنا
فاطيما حست بتلقيح الكلام لان فاطيما رفضت فازلين اقصد محسن ومامتها زعلت : يلا مبرووك يا بشمهندز ربنا يكمل فرحتك
بباباها: الصيف دا كله افراح الشهر الجى نازله سلمى هيتكتب كتابها هنا وهخلى خطوبه محمد بعدها علشان يحضروا ..
توحا: ربنا يفرح قلبك يا طيما واشوفك عروسه
فاطيما باابتسامه: تسلميلى يا توحا قلبى ...
فى يوم ماريا قاعده بتتغدا مع عماد :
ماريا: حبيببى بقولك ايه
عماد: ها
ماريا: انا عاوزه اروح السنطه اسبوعين وارجع
عماد بصلها: اسبوعين ليه
ماريا متفاجئه: ليه .. انت ناسى انا قلتلك كتب كتاب سلمى وخطوبه محمد اخو فاطيما ياعماد
عماد: طيب ما كفايه مناسبه واحده كتير اسبوعين
ماريا: لا مش كتير اعتبرهم زى اجازه مصيف واهو تشوف مامتك وانا اشوف اهلى والبنات وحشونى بقالنا كتير متجمعناش
عماد: بس كتير يا ميمى اسبوعين وشغلى مش هيسمحلى بكده هما يومين او تلات ايام بالكتير هينفع اخدهم اجازه
ماريا: متتعبش نفسك انا هروح اعمل الواجب وهرجع .. ها
عماد: بتشترى اصحابك عنى
ماريا: دول مش اصحابى يا عماد ..دول اخواتى الل مليش ف الدنيا غيرهم ... ولازم اكون معاهم ف كل لحظه فرحهم وحزنهم بعد الشر يعنى ...
عماد: انت هتخلينى اغير منهم وانا اصلا غيران طول الوقت رغى مع فاطيما بتجيبوا الكلام دا منين
ماريا بهزار: من بوقنا هاهاهاهاها.. قلت ايه بقى
عماد: ماشى يا ميمى بس اعرفى انك هتسيبنى لوحدى ف البيت ..وانا بزهق وممكن اجيب حد يونسنى ف غيابك
ماريا مسكت سكينه من ع السفره: وماله يا حبيببى داانا حتى لسه شاريه كياس بلاستك جديده ف درج المطبخ
عماد بيضحك: متجوز ريا وسكينه ايه دا
ماريا ماسكه السكينه: لو عاجبك ..قولت ايه هتخلينى اسافر
عماد: سفرى سفرى انا مش مستغنى عن عمرى
ماريا: وهقولك جمله فاطيما المشهور لو حد قرب من حاجتها .. "لما هرجع هعمل مسح بصمات وهعرف لو حاجه اتحركت من مكانها"
عماد: متجوز المباحث .. برئ يا بيه
ماريا: نقوم بقى اجهز شنطتى وانت لم الاطباق فى الحوض وانا هغسلهم
عماد: امرك ياست ميمى هانم
ماريا: حبيببى ياناس اموواه
سافرت ماريا قبل كتب كتاب سلمى بيومين وكانت سلمى موجوده واتفقتوا يكتبوا الكتاب ف البيت عند فاطيما وهى عائلى اكتر ... وهما قاعدين فى الاوضه سلمى عمالين يغنولها :
ماريا: وهانت يا سولى وهتحصيلنى اهو وهتدخلى المطحنه
سلمى : انتى بتخوفينى ولا ايه
فاطيما: ميمى اخدت صدمه عمرها بعد الجواز
ماريا اخدت نفس: وانا اللى كنت ههرب من بيت اهلى والشغل الل فى بيت اهلى وهروح بيتى ابقى براحتى وانام براحتى ..طلع كل دى احلام احلامم م م
سلمى: ليه
ماريا: غسيل مواعين مبيخلصش طلبات تنزلى تجبيها ولو جوزك راضى عنك ينزل معاكى وترويق شقه وتجهيز اكل والاهم الاكل الاكل الاكل وهنا حسيت بطيما وعشقها للاكل لان الراجل بعد الجواز بيركز ع الاكل اول ما بيدخل من باب الشقه يابنات والله.. انا عماد اوقات بلاقيه متحول بس بيبقى معذور بيبقى جعان ولسه مخلصتش ...
فاطيما: سدى نفسها كمان وكمان يلا وهى كلها يوم وهتبقى المدام
ماريا بتضحك... سلمى: انا ايه الل خلانى اجيبكم
ماريا: بس تعرفوا يابنات رغم تعب والاجهاد دا كله لشخص بتحبيه وهو بيقدر واخر اليوم بتترمى ف حضنه وتنامى تعب اليوم بيروح بجد وبتبقى عاوزه تعملى ايه تانى يوم ليه ..
سلمى وفاطيما مركزين مع ماريا .. ماريا: هو انا بحكيلكم قصه انا بكلمكم عن واقع ... البيت الل مفهوش حب والاتنين بيحبوا بعض مفهوش روح.. الجواز عمتا هلكه ومطحنه لبنت والراجل بس مدام الاتنين بيحبوا بعض هيعدوها مع بعض والتعب هيبقى بلذه سعاده لانهم بيتعبوا لبعض صدقونى ...انا خبره سنه اهو
سلمى: الله يطمنك يا ميمى ايوه كده فرحينى
لاحظوا فاطيما ساكته: مالك يا طيما
طيما: مفيش
ماريا: هو مفيش غيره معتز
سلمى: كل دا ومتحركش خالص ... اتحركى يابنتى ووضحى الصوره مش انتى دايما بتقوليلنا كده توضيح الصوره والنور مفيش احسن منه
فاطيما: ماهو انا مش طيلاه من اخر مره شوفته ومشوفتوش تانى بسبب عقد الذنب لكسر وعدى لتوحا ... وغير كده هو بقى ينزل مصر قليل وبيكلمنى ع طول ورسايله بيعتهالى ..انا لاحظت انه بيفتح فيس يبعتلى بس مبينشرش اى حاجه خالص
ماريا: اهجمى عليه وكلميه قوليله واخرت دا ايه
سلمى: صح يا طيما اثبتى الصوره بدل ماهى مهزوزه
ما تجربى تعملى فيه زى ما عملنا ف خالد .. تحبى اقول لخالد واخليه يكلمه
فاطيما: لا لالالالا اياكى .. اذا كان هو ساعدنى ف الحوار مش بعيد هيفتكر انى بحور عليه لا لا
ماريا: هتعملى ايه طيب
فاطيما : انا بفكر فى حاجه وكنت عاوزه اخد رايكم فيها
ماريا وسلمى: خير
فاطيما: قررت اشتغل
ماريا وسلمى بملامح خيبه: احنا بنكلمك فى ايه وانتى بتتكلمى فى ايه
فاطيما: ماهو الاتنين واحد ع فكره وعصفورين بحجر واحد
سلمى : وضحى
فاطيما قامت وسابت طبق البسبوسه من ايديها واخدت شويا عصير : الحكايه ببساطه..معتز شغال فى شركه طيران سعوديه صح
ماريا وسلمى: ها
فاطيما: والشركه دى فيها موظفين ومضيفات وهو مسئول عن المضيفات تشغيلهم واختيارهم علشان كده بيلف ف فروع الشركه والمطارات صح
ماريا وسلمى: ها
فاطيما: فاانا قررت اشتغل مضيفه طيران تاتاتاتاااااااااااااااا
ماريا وسلمى تنحوا وبعدين قلبت معاهم هيستريه ضحك
فاطيما بصلهم بااستغراب : بتضحكوا ع ايه
ماريا: ونبى يا شيخه اعقلى الكلام مضيفه طيران ازاى .. دانتى بتركبى اسانسير بتدوخى عاوزه تطيرى ف السما
سلمى: غير كده يابنتى انتى متعرفيش المضيفات عاملين ازاى .. شكلا ومضمومنا ودراسه
فاطيما : جتكم القرف بتحبطوا الواحد انا غلطت انى كلمتكم
ماريا: لا بجد انتى فكرتى ازاى
فاطيما: انا دخلت ع النت ودورت ع حوار المضيفه دا ازاى وكده ولاقيتها بسيطه كورس 3 او 4 شهور وبعدها شهاده من سنتر معروف وموثق بشهاداته واحضر انترفيو الشركات لما تنزل وهما بيختاروا الل تنجح وبس
سلمى: انتى بتتكلمى بجد انتى فكرتنى بجد بقى
فاطيما: بصوا.. انا علشان كسرت وعد توحا مره مش عاوزه اكررها تانى لان معتز لو كلمنى وقالىعاوز يشوفنى انا عارفه مش همنع نفسى وهنزل ... فلما فكرت لاقيت انى لو اشتغلت مضيفه ف نفس الشركه اولا هفاجئ معتز بوجودى وهكون معاه عن قرب دايما .. ثانيا مش هخلف وعد توحا تانى لانى هكون بشتغل مش رايحاله بالقصد فهمتوا
سلمى: يابت الايه
ماريا: يخرب عقلك داانتى رتبتيها بقى وعارفه هتعملى ايه كويس
فاطيما: طبعا انا لما بحط حاجه ف دماغى هعملها
سلمى شايفه فاطيما بتاكل من طبق الحلويات : وبالنسبه لتنك دا
ماريا: انتى محتاجه ريجيم قاسى ع الاقل تخسى 15 او 20 كيلو
سلمى: ايه الل بتقوليه دا ااقل واجب 40 كيلو
فاطيما : ايه منك ليها انا مش لدرجه يعنى انا عادى
ماريا وسلمى: نعم
فاطيما : عادى وشويا صغيرين ... ع الريجيم هجرب بس لغايه مااقدر
ماريا: سولى انا مش مصدقه ودانى انتى سمعتى طيما هتعمل ريجيم
سلمى: ولا انا بجد هتعملى ريجيم بجد
فاطيما: وغلوتكم هعمل ريجيم لغايه مااقدر .. لكن فى اعاقتين مش عارفه اعمل ايه فيهم غير الريجيم
ماريا وسلمى: بابا ومكان الكورس
سلمى :ليه
فاطيما: مكان الكورس المركز الكويس ف وسط البلد ف القاهره ودا هيبقى متواصل ومش هقدر كل يوم مواصلات
ماريا: وليه كل يوم مواصلات ..تعالى اقعدى معايا وقت الكورس ع الاقل هنوفر مكالمات وتونسينى ولو ع عماد دا بيحبك وهيفرح بجد
سلمى: ولو ع باباكى سيبهولنا احنا نعمل هاجمه مرتده مع توحا وهو هيوافق لو عارف انك عاوزه كده
ماريا: الاهم الريجيم يا طيما لازم تخسى شويا مطلبتش منك تكونى عود فرنساوى بس خسى شويا اعملى مجهود
فاطيما :حاضر انا نويت اعمل ريجيم بجد يابنات
ماريا وسلمى:ايوه بقى
راحت فاطيما اخدت الصينيه ع حجرها وبتاكل
سلمى: والريجيم يا طيما
فاطيما : بعد كتب كتابك وخطوبه محمد علشان ميبقاش عندى عذر سيبونى بقى اخدلى غطس علشان هعيش ف الحرمان سيبونى اودعهم
....!!
فى يوم كتب كتاب سلمى والماذون بيكتب الكتاب وبيقول الدعا فاطيما مستحملتش من فرحتها دموعها نزلت هى وماريا .. ماريا حست بيها راحوا حضنوا بعض ودموعهم نازله ولان المشهد دا اتكرر يوم فرح ماريا ف الكنيسه دموع ماريا وفاطيما نزلت من فرحتهم انهم مع بعض ف نفس اليوم دا .. سلمى شافتهم قامت من ع الكرسى وراحت ناحيتهم ومسحت بايدها دموع ماريا وفاطيما وحضنتهم وفتحوا ف العياط لدرجه ان الكل استغرب من وضعهم هما عارفين انهم اصحاب بس مش لدرجه دى وكان مشهد جميل مليان باحساس ومشاعر الاخوه والصداقه الصادقه بجد بين 3 بنات ميفرقش عن بعض غير اسم ابوهم بس غير كده بيتعاملوا انهم واحد مهما غابوا عن بعض ... سلمى اتكتب كتابها وسط اهلها وكان الكل فرحان وفاطيما وماريا فرحانين وهايصين وبيرقصوا وكان الاتفاق مفيش فرح حفاظا ع التكاليف لكن امنيه سلمى انها تسافر بفستان الفرح واشترالها الفستان الل هى عاوزاه ... وبعد كتب كتاب سلمى بيومين تمت خطوبه محمد وياسمين وكانت طيما فرحانه وبتدعى فى سرها عقبالها ما تتدوق الفرحه دى ودموعها نازله وكانت حاطه مفاتحيها ف ميداليه معتز وكانت بتضمها بايدها اوى وتقول يارب .... خلصت خطوبه محمد ومن تانى يوم سلمى وماريا عملوا مراقبه يوميا ع فاطيما ع حوار الاكل والريجيم واشتركولها ف جيم واتفقوا مع حج عبد المجيد ومحمد ميدوش طيما اى حاجه .. وكانوا بيعملوا تفتيش يومى وكانوا بيلاقوا فاطيما مخبيه الحلويات بطرق غريبه مره ف ضهر الدولاب ومره ف الهدوم الل مش بتلبسها ومره ف اوضه توحا ...وكل دا تمهيد لريجيم ولاحظ باباها كده ولما سالها فتحته ف الموضوع بعد تفكير وانه شاف رغبه فاطيما ف كده فوافق ومعترضش ع قعاد فاطيما عند ماريا فتره الكورس لكن تنزل السنطه كل اسبوع يومين وفاطيما وافقت وطلبت مع عماد تستاذنه وفعلا لما رجعت ماريا أستأذنت عماد ورحب وابتدت توضبلها الاوضه الل هتقعد فيها معاها ... وسافرت سلمى بفستان الفرح زى ما حبت وكان فى مشهد جميل والطيار قدم تورته هديه لفرحهم وشبه الركاب احتفلوا بيهم ..ولما راحوا زملاء ابو سلمى وخالد عملوا حفله ترحيب ومباركه لعروسيت وبدوء حياتهم .... فاطيما مستحملتش الريجيم غير شهرين بس وكانت بتكلم معتز عادى ومحكتلهوش لانها حبت تفاجئوا بيها قدامه وهى عندها احساس بالثقه انها هتقابله قريب .... سافرت فاطيما ل ماريا القاهره علشان تقدم ع الكورس وخلصت ورجعت ع ماريا :
ماريا: ايه رايك فى الاوضه الل وضبتهالك يا طيما
فاطيما بفرحه: تسلميلى يا ميمى تعبتك بجد
ماريا: ياحبيببتى تعبك راحه داانت هتنورينى ..هتبدئى امتى
فاطيما: كمان اسبوعين
ماريا: طيب كويس اووى لان عماد عنده زياره ف الشركه وجرد لمده 10 ايام هيبدا ف اول يوم هتيجى فيه وبيتأخر وكتير بيبات بره اهو تكونى معايا
فاطيما: ان شاء الله
ماريا: بس الريجيم ماله مش هتكملى
وقفت فاطيما: ميمى انا خسيت 5 كيلو وانا بتعذب وصعبانين عليا ومش هقدر اكمل مش هقدر دول عشره عمر
ماريا: طيب علشان تتقبلى وبعدها خلاص استحملى
فاطيما: نعم وليه يعنى اعذب نفسى علشان اعجب الناس ... انا هفضل بحجابى وبجسمى لانى انسانه ربنا خلقنى ليا حقوق زى اى انسانه ..
ماريا: خلاص خلاص يابتاعه حقوق الانسان انتى
فاطيما: جوعتينى .. اكلينى
ماريا: الل فيه طبع .....
بدءت فاطيما كورس الضيافه وكان 3 ايام ف الاسبوع ويومين هتروح فيهم السنطه ل اهلها ... ابتدت الكورس وسط حماس منها ونظرات من الل حواليها من نظرات استغراب لانها الوحيده الل مليانه عنهم ومحجبه وبرغم ملاحظه فاطيما بالل بيحصل الا انها مبينتش اى ملامح ضيق بالعكس مع الوقت اتصاحبت عليهم وكانت مجتهده عنهم ... برغم رسايل معتز ومكالماته الا فاطيما محاولتش تقوله وكانت قالتله انها نزلت مكتب تتدرب وهو صدقها ... مرت ال 4 شهور فتره تدريب فاطيما ونجحت بتقدير ودراجات اعلى ف الكورس وكانت يعتبر الاولى عن الموجودين ... فالمركز كان بيجيله اعلانات عن شركات الطيران الل هتنزل هتعمل انترفيو لمضيفات ويختاروا منهم .. والمركز رشح فاطيما و5 غيرها ل 3 شركات وكان بينهم شركه High الل شغال فيها معتز وكان معروف عن الشركه دى انها من الشركات الل بتنزل كل سنه مره واحده بس القاهره تعمل انترفيو ..حست فاطيما ان ربنا بيسلها امورها وقريب هتقابل معتز لانها واثقه من نجاحها ف الكورس ... مرحتش مقابله الشركتين التانين وجهزت نفسها لانترفيو لشركه high وسط حماس وتشجيع من سلمى وماريا وقبلها ماريا كانت عامله ريجيم قاسى لفاطيما مانعه عنها الحلويات .... فيوم المقابله ماريا حبت تروح مع فاطيما علشان متكنش لوحدها .. وافقت فاطيما وجهزت ونزلت وكان الانترفيو ف رمسيس هيلتون ف وسط البلد وكان قريب من السنتر دخلت فاطيما وماريا واخدت رقم وقعدوا :
ماريا بصت لاقت اعداد كبيره اوى : ايه كل دا معقول هياخدوا كل دا
فاطيما بتراجع الاسئله: لا طبعا هيختار 15 او 20 سمعت كده
ماريا: وانتى ضامنه هتكونى منهم دول كتير يا طيما
فاطيما : بلاش بوزك دا ان شاء الله هكون معاهم اسكتى بقى
شويا وفاطيما جاعت : انا حاسه انى جعانه التوتر جوعنى
ماريا: انسى استحملى لغايه ما تخلص المقابله متضيعيش الل عملته
فاطيما بملامح غيظ: ماشى ماشى
شويا وعين فاطيما ضربت ع الكافتيريا وشافت كاب كيك وكيك طازه ومتغطى بشيكولاته وفراوله عينها رشقت فيهم وطبعا قلقت انها تقول لماريا هتمنعها ...فقامت :
ماريا: رايحه فين
فاطيما : الحمام .. الحمام
ماريا: طيب متتاخريش
فاطيما: مسافه ما اخلص هاجى
ماريا: تخلصى ايه
فاطيما: الحمام طبعا
مشيت فاطيما وبعد ما ماريا بعدت عنيها عنها خرجت من الحمام بتتسحب راحت الكافتيريا اشترت اتنين كاب كيك واخدتهم وخرجت بره الفندق : اكلكم هنا ف الرواقه قبل ما تقفشنى ميمى وهتاخدكم وانا جعانه ..الله انتم ازاى حلوين كده ها يا طعامتكم
وفاطيما واقفه جنب عربيات وبتاكل الكيك سمعت صوت شخص بيتوجع وبيستنجد بحد مركزتش لكن الصوت بيضعف قعدت تبص ع العربيات ولاقت ف عربيه فى شخص قاعد ف الكرسى الامامى ونايم ع الدركسيون قربت منه خبطت ع الازاز كان مفتوح جزء بسيط منه : السلام عليكم ... انت كويس ..
الشخص دا بيتوجع صوت ضعيف : الحقينى بمووت
فاطيما سمعت بالعافيه راحت فتحت الباب لاقت علبه فيها برشام خلصانه والشخص اغمن عليه سمعت دقات قلبه سمعاها ضعيفه اوى اتوترت ومش عارفه تعمل ايه ومتوتره ونسيت رقم الاسعاف وقفت تدور حوالين نفسها شافت شخص بيركن عربيته فراحت اتجاه: لو سمحت ... لو سمحت ..فى شخص تعبان اوى ممكن توديه المستشفى لو سمحت
الراجل راح معاها ومعاه شخص تانى شالو العيان وركبوا العربيه وقالوا لفاطيما تيجى معاهم لانها مسوليه لو حصلوا حاجه فركبت معاهم من توترها وراحوا ع المستشفى وبسرعه دخل ع الطوارى ولحقوا فى اخر لحظه وفاطيما كانت قاعده بتجمع مش فاهمه فى ايه ولاحظت انها ماسكه كاب كيك ف ايديها راحت تتكلم معاها: انتى الل عملتى كده صح.. مش عاوزانى اكلك صح... والله داانا كنت هاكلك بشويش خالص من غير ما تحسى.. انا بحبك والله ليه تعملى فيا كده ...
الدكتور خرج من الاوضه المحجوز فيها المريض وراح لفاطيما: هو انتى ولى امر المريض
فاطيما بتوتر : ها .. لالالالا انا معرفوش انا كنت واقفه وسمعته وبس انا معملتلوش حاجه والله ..انا كنت باكل كاب كيك حتى شوف
الدكتور : اهدى ياانسه هو الحمد الله لحقناه ف اخر لحظه هو مريض بالقلب وجتله الازمه ومااخدش العلاج ودا الل عمله كده ...هو هيفوق وهيبقى تمام
فاطيما: طيب كويس ربنا يطمنك ..امشى
الدكتور باصصلها:واضح من اليونفورم انك مضيفه
فاطيما افتكرت المقابله بصت ع الساعه لاقتها عدت ميعاد المقابله ب 4 ساعات ومن غير ما تتكلم خرجت بسرعه بصت ع الموبيل لاقته صامت لانها كانت عاملااه كده وماريا بتكلمها اكتر من 30 مره وقفت تاكسى وكلمت ماريا :
ماريا:انتى فين يا فاطيما كل دا
فاطيما: هحكيلك بعدين انا هروح الفندق وبعدين هجيلك
ماريا: مستنياكى بس هما خلاص مشيوا خلصوا
فاطيما بعصبيه: ازاى خلصوا واسمى موجود لالا هروح
قفلت فاطيما ونزلت دخلت الفندق كان فعلا الشركه مشيت وفى ميعاد مع المجموعه تانيه كمان اسبوع رجعت لماريا وحكتلها الل حصل :
ماريا: شوفتى مشيانك ورا بطنك وصلك لفين
فاطيما: اسكتى بقى.. دلواقتى ف المقابله التانيه دى هروحها
ماريا: ازاى
فاطيما: هما بيدخلوا ال اسمهم مكتوب هحاول ع الله ينفع
ماريا: هتروحى يعنى
فاطيما: طبعا..انا عملت كل دا ليه وهستنى سنه كمان لا انا هتحرك وهاخد موقف
ماريا: ربنا معاكى يااختاه ..!!
فى ميعاد المقابله التانيه راحت فاطيما واستاذنت تدخل وحكت الل حصل المره الل فات لكن موفقوش لان متحدد العدد لمقابله وكده فرصتها ضاعت وسمعت جملتهم الاخير " ان شاء الله فرصه تانيه ف السنه الجايه ان شاء الله تكونى موجوده ومعانا " سمعت طيما الكلام دا واضايقت اوى لدرجه انها قفلت الموبيل وراحت لكافتيريا وبصت ع الكاب كيك وحست انه هو السبب .. اشترت طبق مليان كاب كيك وحاجه ساقعه وقعدت ع ترابيزه حاطه قدامها وبصاله وبتتكلم معاه : عاجبك كده .. يرضيك الل عملتوا فيا .. حلم سنه بحاله اتبخر بسببك.. حد قالك اغرينى وخلينى اروحلك حد قالك اندهانى انا بالذات.. ضيعت عليا فرصه مبتتكررش غير ف السنه مره واحده ... كل دا بسببك لولاك مكنتش اخدتك وخرجت بره ووقفت جنب العربيه والراجل الل كان تعبان شوفته وطلبت المساعده وروحت معاه المستشفى ...لولا كل دا كنت حضرت مقابلتى ونجحتى وكان زمانى طايره فوق... عقابا ليك هاكلكم كلكم وكل ما هشوفكم هاكلكم كلكم استعدوا لعذاب ..
ف اللحظه دى كان الشخص الل انقذته طيما سمعها ولفتت نظره بكميه الكاب كيك وانها بتتكلم بصوت ليهم ركز معاها من غير ما يحس وسمع انها بتحكى انها الل انقذته وهو كان بيدور ع الل انقذته يشكرها ... فقرب منها وهى هتبتدى تاكل : مساء الخير
فاطيما: من غير ما تبصله: نعم
الشخص: ممكن اقعد
فاطيما مبصتبلوش وبتاكل: ليه ماالاماكن فاضيه وانا مبقعدش مع شخص معرفوش سورى
الشخص: انا عاوز اشكرك ع انقاذك ليا لما كنت تعبان ف العربيه و..
لسه هيكمل بصتله فاطيما لاقت شاب فى اوائل الثلاثين من العمر لابس بدله كحلى ونضاره وبشرته قمحاويه وطويل عنها وجسم رياضى معقول
فاطيما: انت
الشخص: ممكن اقعد ..
قعد: انا بجد بشكرك سمعت انه لولاكى مكنتش اعيش لغايه دلواقتى
فاطيما: لا انا معملتش حاجه ربنا الل انقذك وضيعت عليا فرصتى
الشخص: اعرفك بنفسى اسمى عامر
فاطيما: طيما .. اقصد فاطيما
عامر: انا بتأسف ع فرصتك الل ضيعتها واضح انك كنتى جايه مقابله الضيافه
فاطيما: للاسف (بصت لكاب كيك ) هو السبب
عامر بيضحك: انا اسف ع تطفلى بس انا سمعت حواركم مع بعض بس مش بعيد تكون كده احسن يعنى ربنا شايلك فرصه تانيه
فاطيما: كمان سنه هستنى انا كمان سنه..اصل عمرى سنينه فرى بتمط
عامر ضحك: انتى دمك خفيف اوى
فاطيما: شكرا..وياريته نفعى يلا النصيب
عامر: طيب والل يعوضك بفرصه زيها
فاطيما: هيعملوا مقابله تانى يعنى
عامر: لا هو صعب لانه خلاص اكتمل العدد فعلا لشركه وهياخدوهم خلاص .. بس فى فرصه ضيافه ارضى ايه رأيك بما انك شكلك بتحبى الضيافه برغم اختلافك عن الل بيقدموا
فاطيما: ازاى يعنى
عامر: يعنى اغلبهم من غير طرحه وميكب واليونيفورم قصير وضيق وشعر معمول المنظر العام يعنى
فاطيما: افهم من كلامك انى مش مناسبه علشان محجبه ولابسه طويل ومش حاطه ميكب
عامر: بالعكس انتى جمالك ربانى وسورى يعنى ع صراحتى
فاطيما: عادى بقى هبقى اعمل جمالى سندوتشات واشبع بيه ماهو كمان مش نافعنى
عامر: انا ممكن اشوفلك مكان ف الضيافه الارضيه فى نفس الشركه وهيوفرولك مكان لان احتمال يفضى مكان فى الجو والمرشحين بيبقوا الل ع لسته الاحتياطى وانتى هتكونى منهم ايه رايك..انا عاوز اساعدك ارجوكى وافقى
فاطيما : اممم بس انا عاوزه اطير ف الجو مش اقف ع الارض
عامر: ليه
فاطيما سكتت: امم اسباب شخصيه
عامر طلع كارت واداه لفاطيما : كلمينى لو وافقتى لانى مسافر الاسبوع الجى والل يريحك وياريت تقبلى
فاطيما : هشوف ان شاء الله .. صحيح اتفضل كاب كيك
قام وقف عامر: لا انا هسيبك تنتقمى منهم لانى عندى ميعاد
فاطيما ابتسمت: اوك..فرصه سعيد
عامر: فرصه سعيد
مشى عامر بصت فاطيما ع الكارت لاقت اسم عامر ومكتوب تحتيه: المدير التنفيذى لشركه high لطيران تنحت فاطيما : المدير .. صاحب الشركه نفسها
بسرعه قامت وركبت تاكسى وراحت لماريا تحكيلها وتاخد رأيها ....!!!!
ومن وجهه نظر ماريا دى فرصه من ناحيه انها هتكون معاها ومش هترجع السنطه غير فى الاجازات ومن ناحيه تانيه حاجه تشغلها عن الفراغ الل هى فيها ... ومر يومين واتصلت فاطيما ب عامر وقالتله انها موافقه
فطلب منها تروح الفرع بتاع الشركه تعمل انترفيو قعدت فاطيما اليومين تراجع الل اخدته ف الكورس علشان تثبت ل عامر او معنى اصح صاحب الشركه انها مناسبه ومش بالشكل ولا بالجسم ..جهزت نفسها من بدرى فى يوم المقابله ونزلت لوحدها اخدت تاكسى وراحت الشركه واخدت رقم وقعدت تستنى دورها وراحت تقعد لاقت قدامها الكافتيريا فقامت بسرعه خافت تضعف زى المره اللى فاتت فراحت قعدت ف مكان تانى ... مر الوقت ودخلت فاطيما المقابله وبالمعنى الحرفى ابهرت الموجودين بلغتها الانجليزيه الممتازه والباقه فى الكلام والرودود واسلوبها ومرحها الل خلى الموجودين مركزوش ع جسمها انه مليان غير المعتاد عن المضيفات
وانها محجبه ومتمسكه بحجابه اعجبوا بيها وبطريقتها لكن النتيجه كمان اسبوع هيبلغوهم تليفونيا او ايميل ..رجعت فاطيما وهى حاسه بانها ناجحه بنسبه كبيره .. عامر كان بيتابع مقابلتها من غير تدخل ولما سأل عليها الاشخاص الل عملولها المقابله لاقوا انها اكتر واحده علقت معاهم باابتسامتها وضحكها وشطارتها فاابتسم ومشى ... رجعت فاطيما ع ماريا وحكتلها وتانى يوم رجعت ع السنطه تستنى النتيجه فى الوقت دا معتز كلمها مره تليفون ومرتين شات ومحكتلوش حاجه حبت تفاجئوا ..
مر اسبوع وفاطيما نايمه موابيلها عمال يرن يرن يرن وهى نايمه زى القتيله فى اخر رنه ردت وهىنايمه
فاطيما: ايوه ...نعم.. خير يعنى
الموظفه: حضرتك الانسه فاطيما عبد المنعم
فاطيما: ماقولت ايوه نعم خير ..
الموظفه: انا ببلغ حضرتك انك نجحتى ف الانترفيو الضيافه ومطلوب منك تجهزى اوراقكوتيجى مقر الشركه علشان تستلمى شغلك
فاطيما بتسمع ومش مصدقه بصت ع الموبيل لاقت انها بتتكلم بجد مش بتحلم : بتتكلمى بجد احلفى
الموظفه بتضحك: بجد ..واحنا ف انتظار حضرتك
قفلت فاطيما وفاطيما بتجمع قامت منطوره من ع السرير : جيجى ..توحا .. انا نجحت يابشر ف الضيافه
جددتها خرجت من الاوضه مخضوض: خير يا طيما خير
خرجت من الاوضه زى المجنونه : انا نجحت وهبقى مضيفه ..هبقى مضيفه انا يا توحاا لولولوولى
راحت فاطيما حضنت جددتها وهى فرحانه شافتها مامتها : ضيافه ايه ..مش انتى قولتى ملحقتيش
فاطيما: ضيافه السما ملحقتش لكن ضيافه الارض اتقبلت
مامتها : نعم
فاطيما: انا ملحقتش الاولى لكن كان ف مقابله لضيافه الارضيه لنفس الشركه وفرصتى فيها اطير افضل من استنى سنه بحالها .. روحت ونجحت
مامتها: مبروووك يا حبيببتى والله وعملتى حاجه عدله ف حياتك يا طيما غير الاكل
جددتها بتضحك: مبرووك يا حبيببتى ربنا يجعلها فتحه خير ونور ليكى لحياتك
فاطيما: تسلمولى يارب .. انا هكلم منعم اقوله والبنات وهجهز علشان هسافر القاهره الاسبوع الجى
راحت فاطيما ع اوضتها اتصلت بماريا وبسلمى مكالمه جماعيه وفرحوا جدااا بفاطيما قفلت معاهم وفتحت الفيس وفتحت الرسايل وكانت هتكتب لمعتز لكنها ترردت ومنعت نفسها حبت تشوفه وجها لوجهه لما تكون مضيفه جويه ... جهزت فاطيما نفسها وكانت متفقه مع ماريا هتقعد معاها وباباها عرف ووافق وسابها تجرب حاجه بتحبها علشان تاخد تجربه ولانه واثق فى قرارات وتربيته لبينته .. راحت فاطيما ع ماريا :
ماريا: ايوه بقى يا طيما هنقعد مع بعضينا
فاطيما: ايوه بقى عماد هيطفش منك قريب انا عارفه جايبه صاحبتك لبيت ومبلطه
ماريا قاطعتها: اختى .. اختى جايه تقعد معايا ايه صاحبتى دى
فاطيما اتاثرت بكلام ماريا راحت حضنتها : يخليكى ليا يا ميمى
ماريا: ويخليكى ليا يا قلب ميمى
فاطيما: بس هيوحشنى حماده وغلاسته وتوحا وحضنها واكل جيجى وسوبر ماركت جدو
ماريا: متقلقيش كله هتلاقيه متوفرلك هنا وبعدين انتى مش مهاجره انتى داخل الحدود المصريه
فاطيما ضحكت: صح... انا متفائله خير
ماريا: وانا كمان
فاطيما: وجعانه جدااا ..هتجوعينى من اولها
ماريا بتضحك: ودا يفوت عليا مظبطه عشا ليا وليكى وصايه
فاطيما: وعماد
ماريا: بينام خفيف
فاطيما: فهيا بنا لمطبخ بذات نفسه منتعبش الاكل نروحله
ماريا: يلا بينا
ابتدت فاطيما شغلها فى مكتب الطيران الضيافه الارضيه وكانت خايفه لكن بروحها الحلوه وخفه دمها اتقرب ليها كل الل معاها ف الشغل واتعودت ع المكان ف مده قصيره وكان عامر بيتابعها من بعيد شايل جميله انها انقذته وكان بيردها ليها وكان بيطمن انها مرتاحه ..ففى يوم راح مكتب الطيران فى وسط البلد ودخل وكانت فاطيما لفه الكرسى وبتاكل كيكه
خبط ع الازاز .. فاطيما وبتاكل: دقيقه لو سمحت
بلعت فاطيما ولفت الكرسى : سورى ..
بصت لاقته عامر ومبتسم فاطيما حست انها اتقفشت من صاحب الشغل نفسه وقفت ودارات غلاف الكيكه ف الدرج : مستر ..مستر عامر
عامر: ازيك يا فاطيما
فاطيما بتبلع ريقها وفى سرها انه هيمشيها لانها بتاكل : انا الحمد الله
عامر بيبص ع الدرج كان مفتوح: حلوه الكيكه دى
فاطيما: ها
عامر: هما مقلولش ليكى ممنوع الاكل فى وقت الشغل علشان شكل العام
فاطيما بسرعه: حضرتك دى اول مره لالا تانى لالا اقصد دى تخاطيف كده اصل ملحقتش افطر وجوعتوانا لما بجوع بهنج ويمينى بيكون شمالى .. وبنسى اسمى وهبهدل الدنيا .. فبسكت معدتى مؤقتا ..ووعد مش هيتكرر تانى الا ف الظروف القصوى وهخلى بالى مش اتقفش .هقعد تحت المكتب او الكافتيريا هتصرف
عامر ضحك: الل سمعته عنك صحيح
فاطيما: خير
عامر: ع خفه دمك .. مستغربتش ان الكل حبك وممرش غير شهر
فاطيما بتضحك: ربانى يا مستر بلاش حسد
عامر ابتسم: ماشى يا طيما
مر شهر كمان ع وجود فاطيما وعامر بيطمن عليها ففى مره كانوا عاوزين مضيفه جويه لشركه لان فى مضيفه مشيت فعامر بسرعه رشح اسم فاطيما واتقبلت وفاطيما مكنتش متخيله ولا مصدقه نفسها بسرعه خلصت اجراءاتها واوةراقها وسافرت ف اول رحله وكانت سعيده وخايفه وطلعت فاطيما اول رحله ليها واتعاملت فاطيما بتلقائيتها وقابلت اتنين كانوا معاها فى الانتريفيو وبعد 3 رحلات عملت صداقه مع الطاقم كله ... كان فى رحله ل السعوديه وكان ف اجتماع مع طاقم العمل كله ف الشركه الرئيسيه ... سافروا ف رحلتهم ونزلوا ع الفندق طلعت فاطيما غيرت هدومها ونزلت تتعشى معاهم وكانت موجوده ع العشا بنوته متعرفهاش فاطيما
فاطيما: مين دى
هاله : دى رويدا .. تعتبر من اصحاب الشركه لانها اخت صاحبهامساعده المدير التنفيذى
فاطيما: اها باين عليها عسوله
هاله بصت لفاطيما: بلاش هبل دى بومه ورخمه غير مستر عامر خالص
رويدا: مين فيكم فاطمه
فاطيما بصت حوليها
رويدا: فاطمه عبد المنعم
فاطيما تنحتلها : ايوه انا فاطيما مش فاطمه
رويدا : مفرقتش حرف فرصه سعيده
فاطيما: انا الاسعد
خلصوا العشا وراحت فاطيما تشترى ايس كريم ..رويدا راحت اتجاهاا: فاطمه
فاطيما: مسزز هويدا
رويدا: هويدا
فاط\يما: مفرقتش حرف هههه
رويدا : انا حبيت اشكرك ع الموقف الل عملتيه مع عامر بجد شكرا
فاطيما بخجل: لالا مفيش داعى لشكرا
رويدا : فرصه سعيد وانشاء الله تنبسطى معانا يا فاطمه
فاطيما اضايقت انها بتتلغبط فى اسمها : انا الاسعد يا مسزز هويدا
رويدا: روايدا مش هويدا
فاطيما: وانا فاطيما مش فاطمه
رويدا: سورى ..
مشيت روايدا وفاطيما رجعت ل الايس كريم اخدته وراحت جنب اصحابها وفتحت موابيلها علشان تبعت لسلمى وماريا وتطمن اهلها كمان وتشوف معتز لاقته بعتلها رساله الصبح بيطمن عليها وبيقولها " وحشتينى جداا ..اشوفك قريب ""ابتسمت فاطيما وردت عليه وهى قاعده شافت اصحابها متجمعين عند واحد منهم فضول فاطيما شدها
فاطيما: فى ايه يا جماعه كده
هاله: واضح اننا هنسمع خبر خطوبه البومه قريب
فاطيما : وعرفتوا منين
هاله: اها انتى متعرفيش ..دى بقالها سنه مرتبطه بواحد اتعين جديد ف الشركه بقاله سنتين وع طول مع بعض وع حسابه وحسابها صورهم مع بعض فى كل سفريه وكلام وكده هما شبه مخطوبين بس الرسمى قريب
فاطيما بفضول: ورينى كده شكله ايه دى نخله
محمد: بصى اهو دا الاكونت بتاع معتز
فاطيما: تلقائى : خساره فيه الاسم .. ورينى
بصت فاطيما وكانت الصدمه شافت معتز هو الل متصور مع رويدا وبصت ع الاكونت لاقته غير الل معاه ...!!
__________________________
يتبع
ليست هناك تعليقات:
إرسال تعليق