فى يوم سهر من قلقها فكرت تروح لرقيه البيت راحت دخلت الاول عند مامت مهاب وقعدت معاها شويا :
سهر: اومال فين رقيه يا طنط انا اسمع انها قاعده هنا ع طول
مامت مهاب: كانت موجوده من شويا بس طلعت تحضر الغدا لمهاب
سهر بص ع الساعه: بس مش هتلحق تبعته دا متاخر كده
مامت مهاب بتضحك: لا ماهو خلاص بقى مهاب يتغدى ف البيت معاها
سهر اتخنقت بس مبينتش ع وشها واتعاملت عادى : طيب كويس جدا
مامت مهاب: بصراحه رقيه مهتميه بمهاب من وقت ما تعب بطريقه متتوصفش فعلا القلب ومايريد
سهر اتخنقت ومره واحده قامت وع وشها ابتسامه: طيب يا طنط انا هطلع لرقيه اسلم عليها بقى علشان كنت فاكره هلاقيها هنا
مامت مهاب: اتفضلى يا حبيببتى طبعا
خرجت سهر وطلعت شقه مهاب ووقفت قدام باب الشقه وعمال تفكر ان مهاب كدب عليها رنت جرس الباب فتحت رقيه لاقت فى وشها سهر ...
رقيه: سهر
سهر بابتسامه بارده : ازيك يا روكا عامله ايه
رقيه: اتفضلى ..انا الحمد الله وانتى اخبراتك ايه
سهر دخلت الشقه وعماله تبص حواليها : انا الحمد الله ..انا كنت عند طنط تحت وقلت اجى اسلم عليكى قبل ما امشى
رقيه : نورتينى والله يا سهر
سهر : انا معطلااكى ع حاجه
رقيه: لا خالص دا انا كنت بحضر الغدا وخلصته خلاص ..نتغدى سوا بقى مهاب زمانه جى
سهر باابتسامه بارده : والله .. مش عاوزه ابقى عازول بقى
رقيه ضحكت : لا ابدا عادى داانتى هتنورينا
شافت سهر رقيه وهى ماسكه السلسله : ذوقك حلو اوى ف السلاسل جميله
رقيه بصت : هى فعلا جميله لانها هديه من مهاب
سهر سمعت الجمله زى دش ساقع وقع عليها : بجد ...
رقيه باابتسامه وتلقائيه: اها ..لما كان مسافر اخر مره اشترهالى هديه وبصراحه دى اجمل هديه جتلى
سهر بتحاول تدارى خنقتها : اها فعلا مش مهاب ال اشتراها يعيش ويشتريلك
رقيه : تسلميلى يارب .. قوليلى تشربى ايه
سهر : لا انا هقف معاكى وانتى بتحضرى الاكل ونشرب بعد الغدا مع بعض احنا التلاته
رقيه : اوك
قامت وقفت رقيه ف المطبخ ومعاها سهر :
رقيه: مش هنفرح بيكى بقى يا سهر
سهر بصت لرقيه باابتسامه: نصيب لسه مجاش
رقيه : غريبه واحده ف جمالك وشياكتك ومستواكى الثقافى والاجتماعى ولسه مرتبطيش
سهر: اعمل ايه بقى
رقيه بتغمز لسهر: يعنى مفيش حد كده ولا كده
سهر بصت لرقيه : لا فى
رقيه: بجد.. طيب مين وفينه دا
سهر : مشغول ف حاجه كده كان فاكر انها مش مهمه ونسيها ومره واحده ظهرت فلما هيخلص انتى هتعرفى وكل الناس يعنى
رقيه استغربت من طريقه سهر وابتسمت: ربنا يجمعك بيه ع خير
سهر: ان شاء الله ... انا هخرج اعمل مكالمه
خرجت سهر ع البلكونه وهى مش طايقه نفسها وشكوكها ف مهاب طلعت بجد واكتر ما تخيلت ..شويا وخرجت ع الصالون
سلمت عليها ودخلت ورقيه طلبت منها تقعد تتغدى معاها ووافقت سهر و شويا باب الشقه اتفتح ومهاب دخل وبصوت عالى : رقيه .. الغدا علشان جعان جدااا وسورى انى اتاخـــ.....رت
بيبص ع الصالون لاقى سهر قاعده ومبتسمه : نورت يا بيبو
مهاب: سهر
رقيه: سهر هتتغدى معانا انهارده
مهاب اتصلب من المفاجاءه: هتتغدى
سهر قربت منه باابتسامه: فى مانع ولا ايه يا بيبو
مهاب : لا طبعا
رقيه بسرعه: البيت بيتك يا سهر
سهر ردت وبتبص لمهاب: البيت فعلا بيتى ولا ايه يا بيبو
مهاب : انا داخل اغير
رقيه: دقايق والغداء يجهز ع السفره
اتحضر الغدا ومهاب قاعد مش مجمع لمفاجاءه سهر الغير متوقعه ورقيه قاعده مش حاطه ف دماغها حاجه وسهر قاعده مخنوقه ع الاخر
سهر بصت لمهاب: جميله السلسله ال جبتها لروكا يا بيبو
مهاب تنح لما سمع : سلسله
سهر : اها سلسله جميله مش كنت تقولى انك هتجيب واحده كنت عاوزه اشترى انا كمان
مهاب : ان شاء الله
سهر باصه لرقيه: روكا فرحانه بيها جدااا
رقيه باابتسامه: جدا جدااا
سهر باابتسامه بارده : حافظى عليها بقى لان ممكن تتاخد منك ف اى لحظه مش بيقولوا تبقى فى ايدك ومقسومه لغيرك
رقيه : يعنى ايه
سهر بتضحك: يعنى خلى بالك لتضيع او تتقطع دى هديه بيبو
ويسلم ايدك ع الاكل بصراحه انا زدت بسببك
رقيه بتضحك: انتى كده زيدتى اومال انا ايه
سهر : هتنفجرى طبعا خلى بالك
رقيه حست بتريقه مهاب راح اتكلم: سهر لو خلصتى اكل تعالى علشان عاوز اسألك ع حاجه
سهر : اوك يلا
رقيه: دقايق والشاى يكون عندكم
قام مهاب ودخل المكتب ومعاه سهر وقعدت سهر وحطت رجل ع رجل : خير يا بيبو
مهاب بيحاول يتمالك نفسه ويتكلم بهدوء: ايه ال بتقوليه دا مش قلنا تخلى بالك من الكلام
سهر لفت وبصت لمهاب بنظره غضب : احنا ع الكلام قلنا كتير بس لا كلمه حصلت واضح انك نسيت
مهاب : سهر مش وقته الكلام دا
سهر بتضحك: انت خايف لمدام تسمع .. طيب ما تسمع ع الاقل تقولى رأيها حتى نجيب اخر لموضوع
مهاب بنظره غضب: سهر انتى زودتيها اوى
سهر بعصبيه : انت ال ذوتها ونسيت نفسك
ف الحظه دى الباب خبط ورقيه دخلت بصينيه الشاى : اتفضلوا
سهر قامت وقفت : تسلميلى يا حبيببتى مره تانيه بقى علشان عندى مشوار
رقيه: ليه كده طيب
بصت سهر لمهاب: انا هاجى تانى متقلقيش وهقعد لان قعدتكم حلوه اووى ..(رجعت تبص لرقيه) متزعليش يا روكا بجد وريا مشوار
رقيه: ولا يهمك هستناكى تيجى تانى
مشيت سهر ومهاب قاعد ف المكتب وشه اتغير دخلت رقيه عليه المكتب : مهاب ..انت محتاج حاجه انا نازله لخالتو
مهاب: لالالا شكرا انا ورايا شغل اخلصه
نزلت رقيه لخالتها ومهاب قاعد مش عارف يتصرف ازاى مع سهر وجنونها ...!!!
خلصت رقيه قعدتها مع خالتها وطلعت ع شقتها بصت ع المكتب لاقت مهاب لسه قاعد فقرررت مش تنام الا لما ينام هو .. شغلت التليفزيون وقعدت تتفرج عليه وهى بتتفرج غلبها النوم ونامت وهى قاعده وسنده راسها ..خرج مهاب من المكتب ورايح ع اوضته سمع التليفزيون شغال وقرب لاقى رقيه فراح ناحيتها ...:
مهاب: انت ايه مسهرك لغايه دلواق.....
لسه مهاب بيكمل كلام لقى رقيه نايمه ومش حاسه بيه طفى التليفزيون ورايح يصحيها قرب منها لا ارادى لاقى نفسه ركز فى ملامحها وقعد ع الكرسى ال قدامها يبص بتركيز ع عنيها ورموشها ومناخيرها وشعرها وشفايفها .. قام بهدوء وقعد جنبها براحه وسند راسه قرب من رقيه وباصص ليها وحس بنفسها واترسمت ع وشه ابتسامه ... تلقائى مد ايده يلمس شعرها بهدوء ونزل بايده ع حواجبها وعلى خدها لغايه ما وصل لشفايفها وف الحظه دى رقيه فاقت ومهاب قام وقف بسرعه ..:
رقيه: هو انا نمت ولا ايه
مهاب بيدارى توتره: احم ... ف حد ينام كده والصوت العالى ال عملتيه وانتى نايمه ينفع يعنى
رقيه بخضه: انا .. لا مش بعمل صوت وانا نايمه
مهاب بيبصله وبيتوه : يعنى انا كداب يعنى ..دا الصوت ال خرجنى من المكتب وقلقنى ينفع كده
رقيه بملامح احراج بصت ع مكانها ال نامت فيه : يمكن رقبتى كانت معوجه انا اسفه هاخد بالى بعد كده
مهاب بيدارى توتره: عادى بس بعد كده نامى جوه
رقيه: حاضر... واسفه تانى مره ..تصبح ع خير
مشيت رقيه ودخلت اوضتها ومهاب دخل اوضته واول ما قفل الباب حط ايده ع قلبه كان بيدق بسرعه وابتسم وضحك ع سذاجه رقيه لما صدقته .. شويا ودخل ع السرير ينام وقبل ما ينام بص ع ايده ال لمست شعر رقيه وخدها وشفايفها اترسمت ع وشه ابتسامه ونام وهو مبتسم والقلق راح اول ما فكر ف رقيه ....!!!!!
__________________________
هاله لاحظت تغير هيثم من بعد ما رجع يضحك ويهزر رجع لسكوت والنوم الكتير وخروجه قل عن الاول ..!!
هاله خبطت ع باب اوضه هيثم ودخلت : ثومى
هيثم قاعد مشغل موسيقى وسرحان ومش حاسس ب هاله دخلت ..راحت هاله لغايه عنده وخبطت ع كتفه: هيثم
هيثم التفت ل هاله: هاله.. انتى موجوده من بدرى
هاله بتضحك: لا كده الحب ولع ف الدره انت روحت فين
هيثم : ماانا معاكى اهو هروح فين
هاله : انت متغير بقالك فتره مالك
هيثم: مفيش عادى
هاله لاحظت السلسله فى ايد هيثم: امم صاحبه السلسله المجهوله ... مقولتليش عملت ايه
هيثم : مين
هاله: صاحبه السلسله انت من فتره كنت ناوى تتكلم معاها وتعرفنى عليها .. ايه طفشت منك ولا ايه
وهاله بتضحك بصلها هيثم: فعلا طارت منى مش مقسومالى
هاله متفاجئه: ليه كده هى رفضتك
هيثم اتنهد: انا مقلتلهاش حاجه .. لانها مرتبطه
هاله : اووووبس انت مش كنت تعرف ولا ايه هى كانت مخبيه
هيثم قام وراح يوطى صوت الموسيقى: انا ال اتسرعت ومشاعرى خانتنى لتانى مره واختارت ال مش ليا ..انا الغلطان
هاله وبصوت حزين: هيثم انت حبيتها بجد
هيثم بصوت حزين: انا معرفش ايه ال حصلى بس ال متاكد منه انها الوحيده بعد ال حصلى ال قلبى دق ليها واختارها ..
هاله راحت وقفت مسكت ايد هيثم: حبيبى قلبك دق مره هيدق تانى وتالت دا نصيب ومقدر ومكتوب متزعلش ولا تضايق نفسك
هيثم باابتسامه حزينه: الحمد الله ع كل حاجه
__________________________
فى يوم رقيه تليفونها رن وكانت سها
رقيه بفرحه: سوسوووووو
سها بفرحه: روووووووكا .. عامله ايه يا بنت عمو محمد من غيرى
رقيه بتضحك: الحمد الله يافقر ..كنتى فين كده بقالى كتير مكلمتنيش
سها: افتحى السكاى علشان وحشتينى عاوزه اشوفك
رقيه قفلت مع سها وفتحت الاب وشغلت السكاى وكلمتها
رقيه: وحشتينى يا مضروبه بقالى شهرين واكتر مسمعتش صوتك ولا بلاقيكى فاتحه السكاى
سها: الجواز وسنينه يقطع ال تقول يا جواز
رقيه بتضحك: يا شيخه دلواقتى بتقولى كده ..دانتى كنتى هتموتى وتتجوزى مصطفى هو مضايقك ولا ايه
سها: دا خانقنى مبيبطلش طلبات يااختى سها هاتى سها جيبى سها شيلى وهو مقضيها تشجيع ف المكان ... مالها القعده ف بيت ابويا
رقيه: احنا فيها ارجعى
سها شاورت لرقيه ع بطنها: وال هنا دا اوديها فين
رقيه سمعت ان سها حامل ف بنوته فرحت اوى: يااااااااه بنوته ماشاء الله
سها : انا اتاخرت عليكى ف الكلام قلت اول ما اشوف السونار واعرف افرحلك انا عارفه انك بتحبى البنات
رقيه: مبرررررروك يا حبيببتى الف مبررروك تقومى بالسلامه وتشوفيها احلى عروسه
سها باابتسامه: تسلمى يا حبيببتى وعقبالك بقى مفيش حاجه كده ولا كده
رقيه تنحت ودارت باابتسامه: ربنا يسهل ويكرم
سها: ربنا يكرمك بالاحسن لانك تستاهلى كل حاجه حلوه
فىالوقت دا مهاب كان وصل ورقيه ما شافتهوش وراح يشوف هى بتكلم مين
ووقف سمع سها وهى بتسألها عليه :
سها: هو لسه مهاب رخم ولا اتعدل
رقيه بسرعه: سها لمى نفسك مهاب مش رخم
سها : انتى لسه زى مانتى دا وراكى ايام انا معرفش يا بنتى انتى استحملتى ازاى
رقيه باابتسامه: بحبه .. بحبه
سها : يقطع الحب وسنينه ال يبهدل صاحبه كده يا بنتى دا انتى كنتى بتقعدى تتكلمى مع نفسك دا هبلك ...بصراحه ال شوفته منه لما نزل دمنهور استغربت وقلت بتحبى فيه ايه دا
رقيه: انت عارفه بتحبى مصطفى ليه
سها: اتعميت يااختى
رقيه بتضحك: من ورا قلبك عارفه الاحساس ال يمتلكك ومتعرفيش تهربى منه ... احساس حلو يفصلك عن العالم مجرد تسمعى اسم شخص بتحبيه ةلما تشوفيه ولما تسمعى صوته ..احساس ملوش وصف
سها: بس الحياه خد وهات وال شوفته من مهاب ميستهلش بصراحه ال بتعمليه ولغايه دلواقتى لما بتكلم انا ومصطفى مش عارفين انتى بتعملى كده ليه ومشفتيش منه حاجه ..
رقيه سكتت لحظه وباابتسامه : علشان انا عاوزه كده وعاوزه مهاب ... عارفه احساس انك عاوزه تعملى اى حاجه للبتحبيه تفكيرك فيه بس وناسيه نفسك.. انا كده عاوزه مهاب فى الوحش والحلو عاوزه لما يفرح اكون معاه ولما يحزن اكون جنبه اخفف عنه لما يضايق يطلع غضبه فيا وهستحمل ..انا عاوزه اعمل كده ..عاوزه اعمل كل ال اقدر عليه علشانه ومش مستنيه حاجه غير انى اشوفه بخير بس
سها : يااااااااااه انتى لسه فيكى التفانى دا
رقيه : انتى متعرفيش مهاب فمتحكميش عليه وانا بحبه وهفضل احبه وجنبه
مهاب واقف مكانه سمع الكلام اتصلب ومندهش وحس بقشعريره وتأنيب ضميره لما افتكر سهر
سها: مش هقدر اقولك غير ربنا يكرمك ويهديكم لبعض
فى الوقت دا مصطفى كان موجود ودخل ف المحادثه: روووكا وحشانى
مهاب فضل واقف يسمع ... رقيه: درش ..اخبارك ايه مش تخلى بالك ع البنت
مصطفى: اكتر من كده دا ناقص ادخلها الحمام صاحبتك كسليه اوووى يا روكا
سها : ماهو ال ف بطنى دا منك ولازم تستحمل مش هشيل لوحدى انا
رقيه بتضحك: ربنا يخليكم لبعض .. مصطفى صحيح مش لاقيت قرين ليك هنا
مصطفى: مين ..ايه مهاب غار وبقى يعمل زى
رقيه : جار لينا اسمه هيثم دايما بيجبلى شيكولاته ومعايا ف كل مكان بصراحه ملى وقت فراغى وحدتى لما مهاب مش موجود
مصطفى بيضحك: طيب خلى بالك ليحبك بقى وانتى دلواقتى متجوزه
رقيه بتضحك: لا طبعا ازاى وهو عارف بس فعلا بيحسسنى بجدعنتك ووقفك معايا ..
مصطفى: يا روكا انتى انسانه كويسه وجواكى نضيف وال ربنا بيحبه بيحبب فيه خلقه ..مين يقرب منك وميحبكيش
سها: فعلا والله انتى يا بنتى خساره ف مهاب انتى محتاج ال يقدرك ويسعدك
رقيه بسرعه: معاب سعادتى وسعادتى مع مهاب
مهاب من كلام رقيه اتصلب وقلبه دق اووى من كلام رقيه راح مشى بهدوء دخل الاوضه قعد ع السرير مخنوق مش عارف يعمل ايه
__________________________
فى يوم ف الشركه ابو مهاب كان قاعد مع ابو سهر ف ميتنج شغل وخلصوا الميتنج وقعدوا يتكلموا مع بعض ع التفاصيل
محمود :مش ناوى بقى تقعد وكفايه سفر ولا انت استحلتها
كمال: ايه يا محمود مليش ف جو الخنقه دا واحنا اتفقنا انى مسول عن شغل بره وانت ليك هنا والشركه
محمود: بس العقد الجديد فيه مكسب كبير
كمال: علشان تعرف بس انى مش بلعب
ضحك محمود: كمال انا كنت عاوزك ف حاجه
كمال : اتفضل يا محمود خير
محمود: ف حاجه مضايقانى ومش هستريح غير لما اتكلم معاك
كمال بملامح قلقك: خير ان شاء الله
محمود حط فنجان القهوه: كنت عاوز اوضحلك عدم موافقتى ع ارتباط سهر ومهاب وتمسكى بجواز مهاب ل رقيه
كمال ضحك: يا شيخ قلقتنى من غير توضيح يا محمود الموضوع اصلا خلصان من زمان مهاب وسهر هما ال غلطوا وسهر غلطت لما دخلت نفسها ف ال ملهاش فيه وارتبطت بمهاب من ورانا ومهاب كمان غلطان ... انا مش زعلان بالعكس انا فرحان جدا لمهاب لان رقيه بنت محمد اخلاق وتستاهل كل خير وسهر نصيبها ربنا ليه مأذنش ... الموضوع خلصان واعتقد من ال شايفه ان الاطراف فاهمين الموضوع وخلاص اتجوزوا وان شاء الله نسمع خبر حلو عند حفيد
محمود اخد نفس: طمنتنى اوى يا كمال انا كنت قلقان لتكون زعلان لرفضى
كمال: انا كنت هزعل وهقف ليك لو كنت وافقت ولاغيت اتفاقك مع اخوك
انت ومحمد اخواتى يا محمود انتم ياما ساعدتونى لغايه ماجيت هنا
محمود: ونعم الاخ يا كمال
__________________________
فى يوم مهاب ورقيه اتغدوا وقضوا اليوم عند مامته وباباه ف الاجازه وهما قاعدين رن جرس الباب فتحت الخدامه وكانت سهر ..دخلت سهر وعلى وشها ابتسامه : مساء الخير
الكل رد: مساء الخير
مهاب اتفاجئ : سهر
سهر: انا كنت ف مشوار هنا بزور واحده صاحبتى ومروحه حسيت بزهق قلت اجى اقعد معاكم شويا وكويس ان روكا هنا علشان كنت عاوزها
مهاب اتوتر : عاوزه رقيه فى ايه
سهر بتضحك: حاجه بناتى بقى متخفش يا بيبو مش هينقص منها حته
مامت مهاب: طيب اشربى حاجه عامله عصير تحفه
سهر : ماانا قاعده
رقيه بتضحك: يلا بينا انا كنت طالعه ع الحديقه
سهر باصه لمهاب : يلا بينا يا روكا
مهاب كان مش قاعد ع بعضه ومتوتر وقلقان من سهر ..خرجت سهر مع رقيه ع الحديقه ...
سهر: بصراحه يا روكا حديقتك جميله بال فيها
رقيه : تسلمى يا حبيببتى انتى ال عينك حلوه
سهر : بصى عاوزه خدمه انا سمعت انك بتوزعى من الورد ال بتزرعيه انا عاوزه تعميلى بوكهين ورد علشان اهديهم لصاحبتى عروسه وبصراحه الورد ال زرعاه تحفه وانتى ذوقك حلو اوووى .. طلبى رخم صح
رقيه : لالالا خالص داانا بتسلى ف الحاجات دى
سهر بتطلع فلوس: عرفينى حسابهم بقى وهعدى عليكى بكره
رقيه : انتى بتتكلمى فى ايه طبعا مش هاخد دا انتى زى اختى مينفعش
سهر باابتسامه: يا حبيببتى يا روكا .. بس تعرفى انا ممكن اجبلك شغل صغنن من اصحابى بيطلبوا ورد وحاجات هدايا واهو تتسلى
رقيه: مشروع صغير يعنى
سهر: اهااا انتى امسكى المشروع الصغير ال تفهمى فيه وسيبى لمهاب المشروع الكبير ال بيفهم فيه
رقيه بتلقائيه: هو صح اخبار المشروع ايه مهاب مبيتكلمش
سهر جتلها فكره تقلق رقيه : والله مش عارفه اقولك ايه يا رقيه .. اهو بنعمل ال علينا بس حوار نسبه مهاب القليله بتعطلنا كتير احنا زمنا خلصنا
رقيه بملامح زعل: انا قلت لمهاب ياخد العقد ويتعامل عادى وهو مرضاش
سهر بتضحك: ماهو ازاى وانتى صاحبه اكبر نسبه ..مش بيجى يمضيكى ع اوراق
رقيه: ايوه
سهر: اهو يعنى مش بيعرف يتصرف لوحده ..
سهر عملت نفسها بتتكلم بصوت واطى :ياه لو كنتى بعتي له نصيبك ع الورق هيسهل عليه كل حاجه وبرضه هتبقى شريكته ف المكسب
رقيه سمعتها ولسه هتتكلم مهاب خرج من قلقه راح ناحيتهم
مهاب بقلق: كل دا بره انتم مش بردانين ولا ايه
سهر باابتسامه: لا خلاص انا كنت خارجه افتكرت مشوار
بصت سهر لرقيه : زى ما اتفقنا بقى سلام يا حبى
مشيت سهر مهاب راح وراها : سهر استنى عاوز اسألك ع حاجه
بص مهاب لرقيه: ادخلى انتى يا رقيه الجو برد وانا هحصلك
رقيه: حاضر
دخلت رقيه ومهاب راح بسرعه ناحيه سهر وكانت واقفه قدام عربيتها شد ايديها ومشى بعيد فى حديقه كبيره جنبهم وقريبه من فيلا هاله
سهر بوجع: مهاب ايدك وجعتنى فى ايه
مهاب بغضب: انتى هتفضلى تعملى التصرفات الغريبه دى
سهر : انا عملت ايه ما كله قدامك
مهاب: كنت عاوزه رقيه فى ايه ومن امتى ف اسرار بينكم
سهر : اصحاب حاجه متخصكش
مهاب: سهر اتعدلى ف كلامك
سهر لاحظت عصبيه مهاب : ايه يا بيبى انت بتوحشنى وبعدين حبيت اساعدك
مهاب: نعم ازاى ...؟
سهر بهدوء : انا شبه كلمت مع رقيه وسهلتلك حوار التنازل ال هتعملهولك
مهاب اتخض: انتى قلتلها ايه ؟؟؟
سهر: متقلقش مفيش حاجه تقلقك ..وبعدين يا بيبى مش دا اتفاقنا من الاول خالص انك تتجوزها لغايه ما تزهق هى وتطلب الطلاق ولما استجد حوار المشروع ونسبتها اتفاقنا انك هتخليها تعملك تنازل وفى الحالتين هتطلقها ونتجوز احنا
مهاب بيحور ع سهر: مااحنا قلنا انا هاخد التنازل منها باى طريقه وهيحصل قريب بس انتى متدخليش فبلاش تداخلات منك انتى كده بتبوظى كل حاجه
سهر : انت بتحبنى يا مهاب
مهاب مش عارف يتكلم لا يوافق ومش قادر يرفض خوف من رد فعلها : سهر انتى عاوزه ايه
رمت سهر نفسها ف حضن مهاب وبتعيط: عاوزاك انت يا مهاب انا من غيرك ضايعه مش مستحمله اشوفك معاها وانا لوحدى ...حاول بجد تسرع ف الموضوع وتاخد خطوه لانى مش بحس بنفسى لما اتصرف لما الموضوع يطول ..مهاب انا بحبك وانت بتحبنى انا مش هى
ف الحظه دى كان هيثم بيتمشى وبالصدفه وقف سمع الحوار وف حاله صدمه وذهول اتصلب ف مكانه وحس زى خنجر دخل قلبه وان رقيه بتنخدع بالطريقه دى وبالوقاحه دى ...!!!
وصل مهاب سهر لعربيه ومشيت وجه يرجع ع البوابه الفيلا يدخل سمع صوت بينده عليه : مهاب
بص مهاب ع الصوت لاقاها هيثم: هيثم..خير
هيثم بملامح جاد: ممكن 5 دقايق من وقتك
مهاب ك اتفضل خير
مشيوا خطوتين لغايه الحديقه ال كان فيها مع سهر :
هيثم : عاوز اسألك سؤال وترد عليا ؟
مهاب مستغرب من الطريقه: اتفضل
هيثم: انت اتجوزت رقيه ليه ..بتحبها ؟
مهاب اندهش من السؤال وبعصبيه : نعم.. ودا يهمك ف ايه وانت مين علشان تسألنى كده ؟
هيثم شاور ع المكان ال كانت واقفه فيه سهر: هنا كنت واقف مع واحده وحضناك واتكلمتوا ان جواز رقيه مصلحه علشان عقد وبعدها هتسيبها صح الكلام ولا انا سمعت غلط
اندهش مهاب من ان هيثم سمع كلام سهر : انت مش فاهم حاجه
هيثم بعصبيه: ال فاهمه ان انت متستهلش رقيه ..رقيه متتعملش بالحقاره دى
مهاب بيحاول يتماسك: هيثم .. بعد اذنك متدخلش ف حاجه انت مش فاهمها ال سمعته دا ولا اى حاجه
هيثم بيضحك ضحه سخريه: ولا اى حاجه انتم بتلعبوا بحياه انسانه معملتش حاجه غير انها بتحبك دا ذنبها
مهاب : هيثم.. انت فعلا مش فاهم حاجه .. فارجوك اخرج بره الموضوع
هيثم: هشوف اخرج ولا لا لما رقيه تعرف
مهاب اتخض : هيثم.. انت هتولعها من مفيش كل الكلام دا ال سمعته كلام ورقيه مش هيحصلها حاجه
هيثم: مهاب انت بتسكتى
مهاب اخد نفس وحاول يهدى وميتعصبش: علاقتى برقيه محدش هيفهمها غيرنا فارجوك اخرج من بينا .. انا هصلح كل حاجه
هيثم: انت بتحب رقيه
مهاب سكت ومش عارف يرد : هيثم انا قلتلك هصلح كل حاجه
لان ال سمعته دا ولا اى حاجه مجرد كلام
هيثم سكت لحظات: هعتمد ع كلامك يا مهاب بس صدقنى لو حسيت انك بتكذب هدخل وهعرف رقيه كل حاجه
مهاب : متقلقش كل حاجه هتتصلح لااحسن
هيثم: هشوف ...
مشى هيثم وساب مهاب واقف ومهاب حاسس ان الدنيا بتخبط فيه يمين وشمال وشويا ودخل البيت وطلع الشقه لقى رقيه مستنياه :
مهاب: انتى صاحيه لسه
رقيه: انت اتاخرت ليه كده
مهاب: قابلت واحد صاحبى واتكلمنا
رقيه: تحب اعملك حاجه
مهاب بص لرقيه: لا شكرا انا شويا وهنام
__________________________
تانى يوم بعد ما مهاب نزل شغل رقيه مسكت موابيلها لاحظت ان هيثم بقاله فتره لا بيكلمها ولا ببعتلها حاجه برغم ان كان يوميا بيبعتلها فقررت انها تروح لهاله ومنها تشوف الزرع والحديقه وتشوف هيثم فين كده وكلمت هاله واتفقت معاها ع العصر هتجيلها .... وصلت الفيلا عند هاله ودخلت وهاله كانت مستنيها :
هاله: صباح الجمال يا روكا
رقيه مبتسمه: صباح الفل يا لولو عامله ايه واولادى عاملين ايه
هاله بتضحك: ولادك بخير وشوفى بنفسك
بصت رقيه ع الورد والزرع وهى بتتمشى اتكلمت مع هاله : قوليلى يا لولو هو هيثم فين
هاله بملامح زعل: ف اوضته بيجهز شنطته هيسافر بليل
رقيه اتفاجئت: بتتكلمى بجد ومن غير ما يقول كده
هاله : اذا كان انا معرفتش الا من ساعه
رقيه: ليه فأجاءه كده طيب .؟
هاله اتنهدت: الحب بقى ..حب واحده بس طلعت مرتبطه داانا كنت مبسوطه وفرحانه انه خلاص يعنى عقدته اتفكت من بعد طلاقه لكن يا فرحه ما تمت رجع تانى زى ما هو
رقيه: ومين دى انا هيثم محكليش حاجه ؟
هاله: ولا انا كان مستنى لما يتاكد ويعرفنا كلنا يلا نصيب بقى
رقيه واقفه مع هاله هيثم كان نزل لما شاف رقيه وع وشه ابتسامه: ايه النور دا
بصت رقيه ع ملامح وشه لقتها متغيره: وايه ال انا شايفاه دا وشك متغير ليه كده
هيثم بيضحك: اصلى منمتش كويس
رقيه: ليه بتحب جديد
هيثم: اه بحبك انتى
رقيه ضحكت: هزر هزر ..مالك بجد
هيثم: مفيش بس حوارات ف الشغل وكده
رقيه: علشان كده هتسافر
هيثم بص لهاله: هى لحقت فتنت عليا
هاله : انا داخله اشوف الاولاد
رقيه: اهون عليك صداقتنا تعمل فيا كده تختفى فاجاءه واعرف بالصدفه ..دا ينفع يعنى لولا انى جيت هنا كنت سافرت ولا اعرف
هيثم بيضحك: هوحشك ولا ايه
رقيه: اه فعلا ..هفتقدك جدااا بشكل مش متخيله
هيثم بيبص لرقيه بنظره حب : وانا كمان جداااا
رجع هيثم وقلب الكلام هزار: بس انا مش مقيم هنا انا زياره ابقى تعالى هولندا بقى دى خطوه كعب
رقيه: هزر هزر
هيثم: انت تصدقى انا اعمل كده ... كنت هكلمك اسلم عليكى طبعا
بس فعلا حوارات وحصلت غبطه لانى طولت ف الاجازه فرجع تانى ع فترات متقلقيش هزهقك منى
رقيه باابتسامه: تسافر بالسلامه
هيثم: اهى الابتسامه دى خلتنى من محتاج حاجه تانى
ضحكت رقيه وهيثم كمل كلام: انتى عامله ايه ؟
رقيه: تمام
هيثم: ومهاب
رقيه: الحمد الله
هيثم : رقيه انتى بتحبى مهاب اد ايه
رقيه: اد عمرى ال عشته وال هعيشه
هيثم قلبه وجعه : ياااه لدرجه دى
رقيه : واكتر ..مهاب حب عمرى ربنا يخليه ليا
هيثم : ربنا يهديه ليكى
رقيه: بتقول ايه
هيثم: لا مفيش .. المهم نتواصل بقى واتس وفيس وفايبر تمام
رقيه :متقلقش انا هزهقك منى ..
بصت رقيه ع الساعه : يلا اسيبك انا دلواقتى واول ما توصل تطمنى عليك هى طيارتك امتى
هيثم : 9:30 ان شاء الله
رقيه: تسافر بالسلامه
مشيت رقيه وهيثم باصص عليها من ضهرها : يارب انتى ال تكون فى سلامه يا رقيه
قبل ما رقيه ترجع الشقه كان مهاب رجع ودور عليها ومش لاقاها .. وهو قاعد لاقى باب اوضه ال بتنام فيها رقيه موارب فضوله خلااه يفتح ويدخل ... دخل مهاب الاوضه شاف ع الكومدونين رقيه حاطه صوره لمهاب وع التسريحه كمان وكان فى صندق ع التسريحه فتحه لاقى فيه حاجات من وهما صغيرين ومنهم علبه الشيكولاته ال جبهالها اترسمت ع وشه ابتسامه وحس بقلبه بيدق وقعد ع السرير راحت ايده تلقائى ع المخده ال بتنام عليها رقيه وحسس عليها وبراحه بنام ع السرير وغمض عينه وع وشه ابتسامه وكان مبسوط راح تليفونه رن وكانت سهر اتخض زى ما كان ف حلم وقام من مكانه واخد التليفون وخرج يرد عليها :
مهاب: الو
سهر: انت فين
مهاب: فى مشوار
سهر: عاوزه اشوفك
مهاب: بكره لان مش هينفع
سهر: اوك يا بيبى بكره لان طيارتى العصر
مهاب : ان شاء الله
قفل مهاب مع سهر وحس بقبضه ف صدره ...!!
رجعت رقيه وطلعت ع شقتها لاقت مهاب موجود :
رقيه: مهاب انت موجود من بدرى
مهاب : لا من شويا انتى كنتى فين ؟
رقيه بملامح زعل : عند هاله بشوف الحديقه وهيثم
مهاب اتوتر: هيثم ليه ؟
رقيه: بقاله فتره مش بيكلمنى ولا بيرخم عليا زى عادته فرحت اشوف ليكون تعبان ولا حاجه طلع مسافر انهارده
مهاب: اها .. انتوا اتكلمتوا قالك حاجه
رقيه : لا خالص .. والله فراقك هيفرق معايا اتعودت عليه
مهاب بص لرقيه بضيقه: نعم ازاى يعنى
رقيه: يعنى ف مصر سبت مصطفى وهنا هيثم سابنى اصحابى بينقرضوا
مهاب : وانا روحت فين
رقيه بصت لمهاب : ربنا يخليك ليا
مهاب ابتسم وفضل باصص لرقيه ورقيه اتحرجت : احضرلك الغدا
مهاب عدل صوته : احم .. اه ياريت
جت الساعه 9:15 وقفت رقيه ف البلكونه تبص ع هيثم مهاب وقف معاها ..هيثم بص عليها وابتسملها وعملها باى وبص لمهاب بصه انذار وركب تاكسى وبعت رساله لمهاب ** خلى بالك رقيه مش لوحدها وكلمتك معايا راجل راجل ** بص مهاب لرساله ومسك راسه وصدع من التفكير ...!!!
__________________________
تانى يوم ف الشركه دخلت سهر المكتب ع مهاب
سهر: صباح الخير
مهاب: صباح الخير .. جهزتى كل الورق معاكى
سهر: اها .. كله متظبط الموضوع مش هياخد اسبوع وهرجع ان شاء الله ومعايا التقارير
مهاب: طيب كويس
سهر: مهاب
مهاب: ايوه
سهر : عاوزه اتكلم معاك
مهاب بص لسهر : اتفضلى سامعك
سهر: هتعمل ايه ف موضوع رقيه ...؟
مهاب فكر يعمل حوار ع سهر علشان زنها وجننها : لسه مفيش جديد
انتى عارفه زى ما قلتلك انا الشده مجبتش معاها نتيجه فقلت اجرب معاه المعامله الكويسه لغايه ما تعملى التنازل بمزاجها علشان بابا لو عرف هى ترد فلسه شويا
سهر : مش ملاحظ انك طولت
مهاب بيضحك: لا انتى ال مستعجله بقى
سهر قامت وقفت وبهدوء: بص يا بيبى انا هعدى كل ال فات انا هغيب اسبوع ارجع القيك اخدت موقف واتصرفت ورقيه تكون عملت التنازل ازاى معرفش كفايه عليها كده .. لاقيت غير كده بصراحه مش اضمنلك ال ممكن اعمله ويطلع منى تمام يا بيبى ..يلا بااى اموووووووواه
خرجت سهر ومهاب بعد ما حس انه ثبتها راحت قلبت عليه الترابيزه وتهورها ممكن يحطه ف مشاكل كتير وحس بخوف ع رقيه من سهر ومش عارف يعمل ايه وفضل يفكر ورجع البيت اتغدى ودخل المكتب ومن كتر عصبيته خبط راسه عند حجبه وهو مش واخد باله دخلت رقيه ومعاها كوبايه العصير وشافت دم اتخضت : مهاب ايه دا ؟
خرج مهاب من المكتب وقعد فى الصالون رقيه جابت قطن ومطهر وقعدت تعالج الجرح: مش تاخد بالك ينفع كده
مهاب : مااخدتش بالى وبعدين دى بسيطه
رقيه بتبص لمهاب: انت ف حاجه مضايقاك اتكلم هسمعك لو بايدى حاجه هعملهالك
مهاب باصص لرقيه وحاسس بحيره ومش عارف يقول ايه : لا انا كويس
راحت رقيه بعد ما حطت المطهر تنفخ ع الجرح براحه
مهاب اتاخد : بتعملى ايه
رقيه: بنفخلك ع الجرح علشان يخف بسرعه
راحت كملت نفخ براحه وهى قريبه منه قلب مهاب دق بسرعه ووشها قريب من وشه ونفس الاحساس اتملكه تانى لما باسها وهو بيلبسها السلسه راح بعد نفسه مره واحده
رقيه: فى ايه
مهاب بتوتر : انا نازل
خرج مهاب بسرعه وهو متوتر والغبطه ال حصلتله راح ع الكازينو وفضل يفكر وهو بيشرب ف كلام سهر وفى ال بيحسه ناحيه رقيه والحيره ال فيه ويتصرف ازاى وشرب لغايه ما سكر ودماغه تقلت وواحد صاحبه روحه لبيت وكانت رقيه سهرانه مستنياه لانها قلقت عليه صاحبه وصله ومهاب قعد يخبط لغايه ما طلع الشقه فتحت رقيه واول ما فتحت اترمى مهاب عليها عرفت انه سكران حاولت ع اد ما تقدر تسنده لغايه ما وصلته الاوضه ونام ع السرير ..!!
رقيه: ليه كده يا مهاب عمو لو شافك كده كان هيحصل مشاكل
مهاب وهو بيتكلم بسكر: انا اصلى مش عارف اعمل ايه
رقيه بتحاول تقلعه الجزمه وحاولت تقلعه القميص : تعمل ايه فى ايه
مسك مهاب ايدها : اعمل معاكى ايه
رقيه بصتله: انا
شدها مهاب ناحيته وهو نايم: انتى عملتيلى ايه انتى لغبطيلى كل ترتيباتى وحياتى ... انتى خليتنى احس بحاجات مش فاهمها قلبى بيدق لما بسمع صوتك وبحس بنفسك ..عاوز اعرف عملتيلى ايه ومستحملاانى ازاى وليه
رقيه وهى باصله ف عينيه وهى قريبه منه :علشان بحبك ومش حبيت غيرك
مهاب شدها اكتر ناحيته بقت قريبه منه اووى : انا عاوز اقولك حاجه
رقيه بتبعد نفسها : بعدين لانك تعبان لما تصحى وتفــ......
ولسه رقيه بتكمل كلمها مهاب شدها ناحيته وحضنها وقربها منه ونفسهم بقى نفس واحد وقلبهم بيدق زى السباق مين الاسرع ف الدق
رقيه متاخده وقلبها بيدق : مهاب
مهاب بصوت واطى : هشششش
وبهدوء قرب منها مهاب من شفايفها وكانت تانى بوسه ورقيه استسلمت بسهوله ودى مش كانت زى البوسه الاوانيه دى كانت اول ليله يقضيها مهاب ورقيه كزوج وزوجه من وقت ما اتجوزوا ...!!!!
________________________
يتبع
ليست هناك تعليقات:
إرسال تعليق