عليا: الشقه اتبهدلت وهما اصحابك البنات دول ايه مفيش واحده تقوم تعزم حتى
بمساعده
يوسف ضحك:لالا الحاجات ديه فى مصر هنا ساعد نفسك بنفسك وبعدين انا هكلم حد يبعتلى حد ينظفها
عليا: طيب هنلم الحاجه ديه
يوسف: اقعدى انتى تعبتى من اول اليوم انا هلمهم وكده كده مش هنام هنا هروح عند ادم علشان هنسهر نرتب لشغل جايلنا
عليا وباين عليها التعب: بصراحه انا مش قادره
يوسف: انا هعملى قهوه اعملك معايا
عليا: ياريت علشان افوق وهشوف مى اتاخرت ليه
راح يوسف دخل المطبخ يجهز القهوه واتصلت عليا ب مى قالتلها نص ساعه وهتجيلها راحت عليا قعدت ع كنبه الانتريه
وسندت راسها ورا ومن التعب نامت وهى مش حاسه جه يوسف بالقهوه شافها نايمه مشى براحه وحط القهوه براحه
وراح علشان يعدلها تنام عدل اول ما مسك ايديها راح نايمها عدل بهدوء وغطاها وقعد قدامها يبص
عليها ويركز براحه فى ملامحها وهى نايمه وع وشه ابتسامه سعاده حاسس كانه فى حلم
وللحظه من غير ما يحس قرب من وش عليا وباس راسها وبعدين بيقرب اتجاه شفايفها
فى اللحظه دي
رن تليفون عليا وجرس الشقه ضرب
قلقت عليا من صوت الجرس ومكنتش حاسه انها نامت فتحت عينها ولاقت نفسها نايمه
وجت تبص جنبها لاقت يوسف بيبصلها وبيبتسم فقامت مفزوعه
يوسف: مالك اهدى مفزوعه كده ليه
عليا: انا نمت ازاى كده
يوسف: لا ابدا كنتى قاعده وغفلتى وانا عدلتك تنامى عدل وبعدين تليفونك رن ..
اهدى كده محصلش حاجه تتفزعى عليها يعنى انا هروح افتح الباب
عليا مفزوعه ومسكت موابيلها لاقت مصطفى الى رن عليها وكانها حاسه ان فى حاجه غلط
فتح يوسف الباب لاقى مى قدامه ..دخلت مى
مى: سورى يا لولى ع التاخير بس كان فى ايميلاات لازم تتبعت
وكمان معادنا بكره اتاجل لبعده
عليا متنحه : ايه .. طيب خلاص يلا بينا
يوسف: استنى مالك كل دا علشان نمتى
مى بتبصلها : انتى نمتى باين من التعب سورى انى اتاخرت يا حبيبتى
عليا قامت : لا مفيش مشاكل يلا بينا بس علشان منتاخرش
مى: نتاخر ع ايه
عليا ركزت : انا قلت هنتاخر .. مى يلا علشان انا فاصله ؟
يوسف:طيب استنى 5 دقايق مى تشرب اى حاجه تاخديها وش كده
مى : اه تصدق انى تعبانه
عليا زغرت ل مى: يلا يا مى هشربك واحنا ماشين
مى بتضحك: عليا انا مش فى مصر يعنى مفيش عصير قصب هنا
الكل ضحك على كلام مى وخرجت عليا ومى ويوسف وصلهم
ورجع الشقه قعد ع الكنبه الى كانت عليا نايمه عليها
وراجع منظر عليا وهى نايمه قدامه ع الكنبه
وع وشه ابتسامه سعاده اول مره يحس بيها ادم صاحبه اتصل بيه ونزل قابله
__________________________
ادم: ايه التأخير دا كله انا سبقتك على الاستوديو انت اتاخرت ليه
يوسف: لا مفيش كانت عليا ومى مش مشيوا واستنيت لغايه ما مشيوا
ادم: معرفش انا عليا ومى الى طلعولك فى بنك الحظ دول
يوسف: انت بتقول فيها فعلا انا حاسس انهم طلعولى او معنى اصح طلعتلى من بنك الحظ
ادم: تقصد مين ؟
يوسف بصوت هادى : عليا
ادم: صاحبه الانسيال
يوسف : ايوه هى ديه ..
من ساعه ما لاقيته وانا حسيت ان فى حاجه فى حياتى هتحصل
ومكنتش عارف ايه هى
ادم: ايه ياعم الرومانسى الى يشوفك كده تقول داخل فى قصه حب مع الانسيال
يوسف: وانت الصادق واضح انى وقعت فى صاحبه الانسيال
ادم: وهو انت تعرف ايه عنها علشان تحبها انت كل ال تعرفه مقابلتكم انتم التلاته
والشات والتليفونات والرسايل وكلامك متعرفش غير اسمها حتى انت متعرفش اسم ابوها
يوسف: انا ميهمنيش اى حاجه الى يهمنى الى عرفته ووقت ما عرفتها
وهعرف ايه يعنى عادى الباقى حاجات كماليات
انما عليا الاساس
ادم: فوق كده وبطل دور الرومانسى دا غريب عليك مش متعود اشوفك كده
يوسف: صدقنى مش عارف انا حاسس اتغيرت ازاى
وبقيت عليا شاغله تفكيرى طول اليوم ولما بكون معاها بحس انه يوم عيد
روحى مش بلاقيها غير معاها بجد .. السعاده الى كنت مش عارف ايه هى
عرفت معناها مع عليا
ادم : اهاااااااااااا يعنى دلواقتى انده منادى ينادى ع روحك علشان نشوف ال ورانا
يوسف: تصدق انك رخم بتفصلنى
ادم : طيب فصل بفصل بقى مدير مكتب ابوك كلمنى وعاوز يشوفك
يوسف: روح قابله
ادم: هنهزر بقولك عاوز يقابلك مش عارف يوصلك علشان مبتردش عليه
يوسف: ادم يلا نشوف الى ورانا انت فصلتنى خالص
مشيوا ادم ويوسف ع الاستوديو
__________________________
رجعت عليا ومى مصر واستمر التواصل مع يوسف رسايل واتصالاات لفتره طويله
لاحظ مصطفى ان عليا اتغيرت
وشافها بقت دايما مبسوطه وع وشها ابتسامه ودايما ماسكه الاب او الموبيل
بتعمل شات غير الاول دايما كانت هاديه او نايمه او بتتفرج ع التليفزيون
فى مره عليا بتتكلم مع يوسف شات وكان بيهزر وهى بتضحك على هزاره
دخل مصطفى ع عليا اوضتها لما سمع ضحكتها وخبط وعليا مااخدتش بالها ودخل
مصطفى : ضحكتك جميله اوى يا عليا
عليا وهى ماسكه موابيلها انبهت ل مصطفى : مصطفى خضتنى مااخدتش بالى انك دخلت الاوضه
مصطفى: معانى خبطت ع الباب قبل ما اادخل وكلمتك
عليا قفلت الموبيل : بتتكلم بجد
مصطفى: متحطيش فى بالك بس انا مبسوط انى شايفك مبسوطه وبتضحكى كده
عليا : ليه هو انا بكشر فى وشك
مصطفى : لا انا بتكلم ع الضحك الى من القلب ياترى ايه الى ضحكك كده
عليا: لا ابدا فى حد قالى حكالى موقف ضحكنى
مصطفى: هو انتى ليكى اصدقاء انا معرفهمش
عليا اتوترت لانها اصلا مقالتلوش ع يوسف : اها انا ومى اتصاحبنا ع اصدقاء عرب لما كنا فى اوروبا
وبنقابلهم لما بنكون هنا دول شخصيات لذيذه اوى
مصطفى: اممم طيب كويس اهو بقى لسفر ميزه غير الشغل
عليا بتلقائيه : جداا يا مصطفى متعرفش القعده معاهم مريحه ازاى ضحك وهزار وبيودونا اماكن منعرفش نروحها
مصطفى: اتمنى اشوفهم قريب .. لما يجوا مصر اعزميهم هنا
عليا: لاسف هما مش بينزلوا مصر
مصطفى: يبقى نقابلهم لما نسافر واعمل عشا وتعزميهم لازم اشكرهم ع التغيير الى عملوه والابتسامه ال مش بقت تروح من ع وشك
عليا: تسلم ياحبيببى .. انت كنت عاوز حاجه ولا جيت عادى
مصطفى: لا ياحببتى انا سمعت ضحكتك فجيت وكنت جى اطمن عليكى
عليا: تسلم يا حبيببى
مصطفى: عاوزه حاجه انا فى المكتب شويا لو عاوزه تقعدى معايا ونتكلم زى زمان انا قاعد
عليا: تمام هشوف كده لان احتمال كبير هنام
مصطفى: اوك يا حبيببتى تصبحى ع خير
عليا باسته ع خده : تصبح ع خير يا حبيبى
خرج مصطفى من عند عليا وهو عاوز يعرف سبب التغير دا ومش قدامه غير مى
كلم مى وطلبها يتكلم معاها راحتله المكتب
مصطفى: اقعدى يامى
مى: خير حضرتك قلقتنى فى حاجه
مصطفى: لا متقلقيش انا بس عاوز اسئلك ع حاجه
مى : اتفضل ؟
مصطفى: هو فى حاجه حصلت ل عليا وانا معرفش
مى: حاجه زى ايه
مصطفى: التغيير الى بقى ع عليا وانها بقت تسافر اكتر من الاول وهى مش كانت كده
مى: لا عادى بس احنا اتعرفنا ع مجموعه فى اوروبا وبقينا لما بنسافر مش بنبقى لوحدنا
يمكن علشان كده عليا اتغيرت وبقت تعيش حياتها بدل الشغل الكتير
مش حضرتك كنت دايما تقولها اخرجى واتفسحى ولفى متحرميش نفسك من حاجه انا ساعدتها
ومتقلقش عليها هى لو مش عاجبها حاجه مش هتعملها
مصطفى: اممم ماهى قالتلى عليهم وانهم عرب كمان .. المهم انها كويسه
مى: الحمد الله وهى عندك اسئلها
مصطفى: لو فى حاجه انا هعرفها
استاذنت مى وخرجت قابلت احمد فى وشها
مى بسعاده : احمد ازيك
احمد عامل نفسه ماخدش باله : مى ازيك
مى: انا عديت عليك مش لاقيتك
احمد: ودا من امتى بقالك فتره مش بتيجى ولا تعدى كنتى عاوزه حاجه
مى اتحرجت : انا لا ابدا كنت عاوزه اسلم
احمد بيبصلها نص بصه وبيبص ع الورق الى فى ايده : الله يسلمك طيب عاوزه حاجه دلواقتى
مى : ايه دا انت بتقلبنى ليه كده مش تعزمنى ع حاجه اشربها
احمد: ليه هو انتى غريبه انتى عارفه الكافتريا فين وانا عندى شغل يلا اشوفك ع خير يا مى
مى بصوت حزين : سلام
رجع احمد وقالها : 10 دقايق بس مش اكتر لان عندى شغل
مى بسعاده : واوعدك 10 دقايق ودقيقه هتلاقى سيلنت
ضحك احمد ومشى هو ومى ع مكتبه
__________________________
خرجت مى راحت عند عليا فى بيتها
عليا: مالك داخله قالبه وشك كده ليه
مى بصوتها الحزين وشكطلها الحزين : احمد فعلا سابنى خلاص مفيش امل
ضحكت عليا: انتى بتقولى ايه هو ربطك علشان يسيبك فوقى بقى
بصت مى ل عليا بنرفزه: ماهو كله من ناصيحك الى جابتنى ورا اقولك ايه انا
عليا بتضحك : طيب براحه كده فى ايه
مى: احمد جننى ومش فاهمه فى ايه
بقى بينفضلى وبقى يتجاهلنى كتير انهارده كان بيقلبنى ومره واحده رجع فى كلامه
وطول مااحنا قاعدين مش بيبصلى حاجه وانا الى قاعده اتكلم انا مبقتش فاهمه حاجه
هو عاوزنى ولا لا انا تعبببببببببت
عليا : امممممممم انتى عملتى ايه يضايقه
مى: ولا اى حاجه غير نصايحك انتى وسى يوسف
عليا: طيب خلاص متزعليش كده هتصرف انا
مى : هتعملى ايه
عليا :ملكيش دعوه انتى بس اهدى كده
مى: اه صحيح يوسف عامل ايه
اترسمت ع وش عليا ابتسامه : كويس الحمد الله
مى: وايه الابتسامه ديه يا لولى الى يشوفها هيفهمك غلط
عليا : ازاى يعنى
مى: يعنى هيتفهم انك فى قصه حب وكده
عليا تنحت من كلام مى : ايه الى بتقوليه دا حب ايه احنا اصحاب زى ماانتى عارفه
مى: خلينى ساكته اصحاب قال
عليا: فى ايه ؟
مى: اصحاب ينفضلى انا ويرد عليكى انتى ويكلمنى لما يعوز يعرف حاجه صح
عليا : مين دا
مى: جو بالانجليزيه يوسف بالعربيه
ضحكت عليا اووى ع اسلوبها : تعرفى العسل الى بينقط منك دا مش يطفش احمد لا يطفش بلد
مى بصوت زعل : فكرتينى ليه تانى
عليا: صدقينى احنا اصحاب بس قريبين لبعض عارف الاصدقاء الى تحسى انهم مرتبطين بس هما صحاب
مى بصتلها ورفعت حاجب : لا ونبى عروستى
عليا بتضحك : ايوه هما دول
مى: عليا انتى قولتى ل يوسف انك متجوزه ولا لسه ؟
عليا اترسم ع وشها ملامح زعل بمفاجاءه كانها صحيتها من حلم : لا مقولتش
مى بنرفزه : ليييييه بقى مش قولنا نصلح الدنيا علشان متتعكش
عليا: مبتجيش فرصه اقوله يعنى عاوزانى واحنا بنتكلم اخبطله ف النص انا متجوزه
مى : والله لو ينفع اعمليها ..
مى: انا شامه ريحه حاجه غير طبيعيه بتحصل ومش مطمنه بعد كده
من الاخر انا شايفه ان يوسف بيتقربلك مش زى الى كانوا بيحاولوا يتقربولك قبل كده
يعنى اهتمامه بيكى مع صدك ومعاملتك الى مش مفهوملها معنى
لو حد تانى كان زهق انما هو مصمم عليكى .. من الاخر حاسه انه بيحبك
وحاسه ان فى حاجه فيكى بتتغير بتكتمى حاجه وبتضغطى ع نفسك
لكل حاجه اخر المواجهه الحل الامثل فى كل الحالات
عليا ساكته مبتردش
مى: لو حاسه بحاجه اتجاه يوسف متمنعيش نفسك عيشى بس علشان تعيشى بوضوح وبحريه لازم تقطعى العقد لان الحياه الى انتى عيشاها مش عيشه وانتى فاهمه قصدى ايه العقد يتقطع وبلا راجعه انتى عملتى الى عليكى بزياده وانتى مغلطتيش
عليا بتقاطعها: مى انتى سابقه الاحداث انتى بتتكلمى فى ايه
مى: عليا انا بره الموضوع وشايفه الى بيحصل ومفيش مجال لكدب انتى لو ف ظروف تانيه هقولك عيشى واستمتعى بكل لحظه بس انتى فى ظروف حاكماكى مصطفى فى حياتك
وانتى واخده عهد ع نفسك اه مكنتيش ضامنه الايام وعيشتى سنين ناسيه نفسك وكلنا مضايقين علشان كده بس مصطفى موجود ومش هيحصله حاجه من غيرك عيشى اه بس متقتليش نفسك فكرى فى نفسك ودورى ع حل يرضى جميع الاطراف
عليا بتضحك ضحكه صفرا : مى انتى متاثره بمشهد من مسلسل ولا ايه
مى: عليا متزعليش منى بس انا عاوزالك الاحسن وتكون فى افضل حال .. انتى اختارتى كده وبارادتك ومحدش غصبك اه كنتى فى وقت وظروف مفيش قدامك الا الى عملتيه وغلطتك انك مكنتيش عامله حساب المستقبل الى فى ايد ربنا انتى وافقتى ع ماضى وانك تفضلى فيه بس استجد حاجات وفرص من ربنا نستغلها علشان الفرصه مبتتكررش ويوسف الشخص الى غيرك مع محاولاتنا الفاشله فى تغييرك .. وبقولهالك تانى لو حاسه بحاجه عيشيها متموتهاش
. عيشى بس من غير ما تظلمى نفسك ولا تظلمى حد معاكى سواء مصطفى او يوسف خلى بالك
شوفى انتى عاوزه ايه واعمليه دورى ع حل ليكى وسرعى بيه من غير تردد واعتقد انتى عارفه الحل ايه والاهم تصارحى يوسف بجوازك
عليا: ع الله بس بجد متقلقيش انا هحاول احل الموضوع من الاخر
مشيت مى من عند عليا ونسيت تقولها على حوار مصطفى وكلامه ليها وسابت عليا بتفكر ياترى من حقها تعيش ولا تمنع نفسها لانه مينفعش
__________________________
وفى فى محادثه دارت بين يوسف وعليا على النت
يوسف: الوووووووووه يا مصر الوووووووووه
عليا بتضحك : ايوه يا يوسف ازيك
يوسف: ومالك بتردى بالزق كده ليه انتى مشغوله
عليا وهى اساس مبتعملش حاجه : شويا .. عامل ايه
يوسف:اممممممم/ وحشتينى
عليا: انا بقولك عامل ايه
يوسف: بقولك وحشتينى بجد احنا بقالنا شهرين مشفناش بعض
عليا: ميرسى
يوسف:ميرسى .. ودا ازاى يعنى هو انا موحشتكيش
عليا بالرغم انها مبسوطه انها بتكلمه : عادى يعنى
يوسف: يعنى انا موحشتكيش ؟
عليا سكت ومردتش
يوسف: عليا انتى غرقيتى ولا النت فصل
عليا: لا بس جالى مكالمه
يوسف : مكالمه اممممممم اصلك بتوحشينى باين
حظى الوحش خلاانى احب اقصد اصاحب سيده اعمال
عليا: خلى بالك من كلامك يدك بتفلت منك فى الكتابه زى لسانك
يوسف: ماهو انا عايز حد يلمنى ويظبطلى زوايا ماتعملى الخير دا فيا
عليا: واعمله ليه شوف حد يشيل ويستحمل
يوسف: ماهو انا حاسس ان الكتالوج معاكى
عليا ابتدت تلاحظ من تلميحاته : لا المحل دا كتالوج واحد ومتاخد
يوسف: يعنى ايه ايه المحل الى فيه حاله تقشف ديه انا مليش دعوه اتصرفى
عليا سكت ومش كتبت حاجه
يوسف: عليا ممكن سؤال ؟
عليا : ؟
يوسف: مالك هو فى حاجه مضيقاكى اسلوبك متغير
عليا: لا ابدا بس مشغوله زى ما قلتلك
عليا غيرت الموضوع : قولى اخبارك ايه
يوسف عادى : مقضيها خروج وموسيقى زى ماانتى عارفه
عليا: هو انت ليه مبتشتغلش
يوسف: ما انا بشتغل موسيقى وعاجبنى
عليا: بس انت قلت باباك عنده شركه مش بتشتغل معاه ليه
يوسف: مش بحب التحكم
عليا: بس لو مشتغلتش مع باباك وانت الوحيد ليه هيشغل مين
يوسف: بصراحه انا متردد فى الجزء دا ومش عارف اخد قرار
عليا: لا اتشجع وروح اشتغل معاه والموسيقى هوايه عندك وخليك فيها ومتزعلش باباك ولا مامتك منك انت معاك كنز مش بيتعوض
يوسف: هما كلموكى ولا ايه
عليا: لا وانت الصادق الواحد مبيحسش بقيمه الحاجه بجد غير لما بتضيع منه
يوسف: هفكر فى الموضوع دا .. المهم انتى مش هتسافرى فى شغل ولا حاجه
عليا: ليه
يوسف: اصلى نفسى فى فول سودانى من عندكم كنت هقولك هاتيلى وانتى جايه
بتضحك عليا : لا ياراجل لدرجه ديه
يوسف: اه والتحمه هتيجى امتى بقى لندن
عليا: كمان اسبوع رايحين المانيا لشغل
يوسف: تمام اوى انا عندى واحد صاحبى عاوز ازوره هناك عيان
عليا: وتعب امتى دا
يوسف: دلواقتى حلا عرفينى بقى هتنزلى فين ولا اعرف من مى
عليا بتضحك : ودا ليه ان شاء الله احنا هنكون مشغولين
يوسف: لا اصل انا عاوزك فى موضوع يخص الصحابيه الى بينا ومش هستنى
عليا جالها شك انه هيعترفلها بحاجه
عليا: طيب انا هقفل لان لازم اعمل تليفون دلواقتى
يوسف: انا افتكرت هتزنى علشان تعرفى ايه الموضوع مش فضوليه انتى طيب خلاص هقفل
بس ركزى مع موبيلك وايميلك وردى عليا
فى اللحظه ديه مصطفى دخل الاوضه ع عليا راحت قفلت اللاب بسرعه
يوسف قفل وهو محتار ومش عارف مالها اتغيرت معاه ليه
وعليا قفلت وهى حاسه بنغز فى قلبها علشان كانت بتصد يوسف فى الكلام وبتعمل عكس ماهى حساه______________________
فى يوم طلب مصطفى من عليا يتعشوا بره
وصلوا لمطعم وطلبوا العشا
مصطفى: بقالنا كتير مخرناش مع بعض
عليا: اه فعلا
مصطفى: الشغل اخدك منى كتير
عليا: لا ابدا ليه بتقول كده
مصطفى: بتسافرى كتير اكتر ما بتقعدى فى مصر ومش بقينا بنتكلم كتير
اصحابك وشغلك اخدوكى منى يا حبيببى
عليا حست بتوتر من كلامه : لالا متقلش كده ياحبيببى هو علشان كان فى ضغط شغل بس
مصطفى: ماشى هنشوف هنفضل كده ولا ايه ... مسك ايديها ..
عليا انتى بتوحشينى
عليا بتبتسم: انت كمان ع طول بتوحشنى ربنا يخليك ليا
مصطفى باس ايديها : ويخليكى ليا
مصطفى كمل كلامه وهو ماسك ايدها ولمس الخاتم :
عليا هو انت ممكن تخلعى الخاتم دا و تسبينى
عليا اندهشت من السؤال: ايه الى انت بتقوله دا
مصطفى: ردى عليا بصراحه انتى عارفه انى مش هقدر اغصب عليكى
وعلشان الوعد الى قولتهولك من من وقت ما كتبتنا الكتاب
وهنفذه حتى لو حياتى بس عاوز اعرف اجابتك.. انتى ممكن تسبينى ؟
عليا سرحت فى كلامه : لا طبعا لو كنت عاوزه كنت سيبتك من زمان من غير اجبار انا معاك بارادتى وقرارى
مسك ايدها باسها وحط ايده التانيه عليها وبصوت هادى: عليا انا بحبك حياتى هى عليا
وجودك فارق معايا انا بقيت كويس من وقت ما دخلتى حياتى لو حصل وخرجتى منها
روحى هتخرج معاكى صدقينى دا ال هيحصل فخليكى جنبى طول مافيش حاجه غيرت
عليا وتبص لمصطفى وزاتاثرت بكلامه: مصطفى انت عوضتنى عن حاجات كتير فى وقت مكنش فى حد معايا
ومش هسيبك وزى ما اتفقنا هنسيب بعض لما يكون طرف هو ال عاوز يفسخ العقد
وانا مش هسيبك متقلقش قاعده ع قلبك (وبتضحك)
مصطفى: ربنا يخليكى ليا
عليا: ويخليك ليا
كملوا عشا وعليا كانت بتفكر فى كلام مصطفى الى اكيد وراه معنى لحاجه
وللحظه افتكرت يوسف والى حساه اتجاه وحست انه لازم توقف نفسها
روحوا البيت مصطفى دخل مكتبه وعليا طلعت اوضتها
وقعدت تفكر لفتره فى كلام مصطفى وحست بالمسئوليه اتجاهه وكلام مى وانها لازم تحدد علاقتها مع يوسف نوعها ايه
وتحاول تتحكم فى نفسها وفى الى حساه اتجاه يوسف وان يوسف صديق مش اكتر
علشان يوسف ميتعلقش اكتر
ومهمها حست اتجاه يوسف تمنع ظهوره علشان متجرحش مصطفى
ومتعلقش يوسف بيها لانها حاسه مش ينفع تسيب مصطفى الى بيحتجلها اكتر مع الوقت
وتصارح يوسف بموضوع جوزاها علشان يتراجع عن اى قرار ياخده وتترسم العلاقه صح كا اصدقاء
لانها محتاجه تصفى ذهنها ومش عاوزه تظلم اى حد ودا يحصل انها لازم تيجى ع نفسها
علشان الى حواليها تفكر فيهم مش فيها مهما كلفها الامر .. وحست ان الفرح حايش نفسه عنها حتى فى احلامها
طفت النور واستسلمت لواقع الى عايشاه ومش ينفع تهرب منه ونامت ع امل تلاقى فى الحلم شئ ينقذها
__________________________
تانى يوم عليا كلمت احمد وطلبت منه يجيلها عاوزه تتكلم معاه
وصل احمد للبيت فتحت الخدامه الباب وطلب فنجان قهوه جاله كانت عليا نزلت
عليا: ازيك يااحمد
احمد: الحمد الله تمام
عليا: هو انا لازم اطلبك علشان نتكلم مش احنا اصحاب بقى
احمد:لا ابدا ياعليا انتى عارفه ضغط الشغل
عليا: اممم بس برضه مش ضغط الشغل يخليك تزعل مى كده
انتبهه لكلام عليا احمد : مى
عليا: اه مى انا طلبت علشان اتكلم معاك بخصوصها
احمد : اتفضلى
عليا: انت عارف مى عندى ايه وانت كمان مكانتك عندى غاليه اوى
ومن الاخر انا بتمنى تكونوا مع بعض حساكم كابل جميل
احمد: والله يا عليا انتى مش غريبه ومينفعش اكدب عليكى
انا فعلا حاسس بحاجه اتجاه مى بس ليها تصرفات مجنونه
عليا: ماهى ديه حلاوه مى فى جنانها وبتحبك يااحمد بجد مش هزار
كفايه انها حبت فوق ال 500 على انهم حبها الاول واتنسوا وانت الى معلق معاها
ضحك احمد: يا لدرجه ديه
عليا: بص انا بتكلم معاك علشان لو فى حاجه ناحيتها اعرف واتصرف علشان متتعلقش بوهم
احمد: لا متقلقيش مى امانه معايا وانا قررت اخد خطوه فى الموضوع دا
انا بحب اشوفها بتنطط كده وقريب هتسمعى حاجه حلوه
عليا: بجد طمنتى .. ربنا يكمل ع خير
احمد: وانتى يا عليا عامله ايه مبسوطه
عليا: الحمد الله ع كله
احمد: اممممم الحمد الله .. انا هستاذن دلواقتى واكيد فى لقاء تانى
عليا: ان شاء الله ومستنيه اسمع خبر حلو
احمد: ان شاء الله
__________________________
بعد كام يوم من مقابله احمد ل مع عليا .. احمد اتصل ب مى
مى: لا مش معقول
احمد: هو ايه دا
مى: انت بتتصل بيا لا بجد فى حاجه فى الشغل ؟
احمد: ايه يا مى فى ايه الناس بتقول الو ازيك مش كده
مى: الو ازيك فى حاجه فى الشغل
احمد : مالك بجد
مى: اصلك مش بتكلمنى غير لما تعوز حاجه من الشغل
احمد بيضحك: ياااه لدرجاتى واخده صوره وحشه
مى: لا متقوليش انك عاوزنى انا
احمد: اه فعلا انا متصل علشانك
مى: اهااا بخصوص عليا
قاطعها احمد: مش بخصوص عليا انا متصل علشان مى فاهمه مى
مى: طيب احلف
احمد : علشان تصدقى انتى فاضيه بكره نتغدا سوا
مى: فى الشركه يعنى
احمد: لا بره فاضيه ولا الغى الترتيب
مى بسرعه : لالالا فاضيه ولو مش فاضيه هفضى امتى وفين والساعه كام
احمد بيضحك : هبعتلك كل التفاصيل ديه فى رساله متتاخريش
مى: عيب عليك هكون سبقاك بساعه
احمد: بتقولى ايه
مى: اقصد هكون عندك فى تمام الساعه
قفلت مى وهى مش فاهمه ولا عارفه فى ايه
بس مبسوطه جريت ع الدولاب تشوف هتلبس ايه بكره
__________________________
نزلت مى قبل المعاد بساعه وسبقت وقعده متوتره وكل شويا تبص فى المرايا والساعه
شافت احمد جى من بعيد جمدت نفسها وعملت انها لسه واصله
احمد: اتاخرت عليكى
مى: لا ابدا انا لسه جايه
احمد: لسه جايه ومج النسكافيه فاضى كده شربتيه سخن
مى : اه عادى يعنى
جه الويتر وبيسئلهم ع الطلبات
الويتر: تطلبى حاجه تانى تحبى اجبلك نسكافيه تانى
مى: لا شكرا شوف تشرب ايه يااحمد
الويتر : حضرتك نسيتى الفاتوره الطلبات الى طلبتها لما دفتى من شويا
بصلها احمد وفهم انها موجوده من بدرى وابتسم وطلب حاجه يشربها ليها وليه
ومى اتحرجت اخدتها وقالته شكرا
بصت لل احمد : موضوع ايه بقى الى نزلتنى علشانه
احمد: بصراحه عاوز اخد رائيك فى موضوع شخصى
مى: انا ومن امتى تسئلنى ع حاجات تخصك
احمد: ماهو مفيش غيرك هيفيدنى
مى: اممم قول هحاول اساعدك
احمد بص ل مى وهى بتبص عليه وبتسمع: انا عاوز اخطبك موافقه
مى تنحت من الى سمعته ومش عارفه ترد ايه
احمد: مى مالك انا بقول انا عاوز اخطبك موافقه
مى متنحه: انت قلتها تانى يعنى سمعتها صح انا
احمد: ايوه انا بقول عاوز اتقدملك واخطبك لو موافقه حدديلى معاد مع اهلك قريب
مى بتشرب مايه : انت بتتكلم بجد صح مبتهزرش معايا
احمد: هو فى هزار ف كده انتى بنوته عسوله ودمك خفيف وحاسس دايما انى عاوز اشوفك
وبفرح بااتصالك وبزعل لما تغيبى فوصلت لنتيجه انى عاوز اخطبك موافقه
مى مش مستوعبه الى سمعاه : احمد احلف انك بتتكلم بجد تقصدنى انا
احمد: ايوه يا بنتى شكلك مش موافقه انا قلت كده يلا انا هقوم
مى: لالالا استنى انا بتاكد بس مش مصدقه ال سمعته احمد هو انت حبتنى
احمد: لا عاوز اخطبك تخليص حق هتححدى معاد ولا الغى الفكره
مى: اعتبر المعاد اتحدد من امبارح
ضحك احمد ومى طايره من السعاده وسابت احمد وراحت ع عليا ع طول
__________________________
عليا قاعده فى البيت لاقت مى داخله عليها بتتنطط من السعاده
مى : لولى يا لولى انا بمووووووووووووت فيكى انا بعشقك انا بحبك انا مش عارفه اقولك ايه بجد
عليا باستغراب : فى ايه انتى اتجننتى ولا ايه اعقلى
مى : اه اتجننت خلاص خلاص اتجننت
عليا: استهدى بالله وفهمينى مش عارفه اجمع كلامك
مى وهى بترقص من الفرحه وبتتنطط: احمد طلبنى احمد عاوز يخطبنى احمد بيحبنىىىىىىىى
عليا ضحكت وقامت حضنتها : لا بجد مبرررررررررررررررروك يا ميوش الف مبرروك ياحبى
مى وهى حضنها: الله يبارك فيكى يا لولى انا عارفه انك احدى الاسباب الرئيسيه الى خلت احمد يتحرك كده ويفاتحنى
عليا: متقوليش كده هو لو مش بيحبك مش كان فاتحك فى الموضوع اصلا
مى: انا مبسووووطه اوى يا لولى
عليا: اقعدى بقى واحكيلى من الاول لغايه ما جيتى
قعدت مى تحكى ل عليا ع الى حصل
وبعدها بكام يوم اتحدد معاد لخطوبه واتخطبت مى ل احمد
__________________________
__________________________
سافرت المانيا عليا ومى بعد خطوبتها وكانت عارف ان يوسف موجود
وقررت تغير المعامله وترجع لبرودها وتعمل حدود لعلاقتها مع يوسف
مى: ايه رائيك يا لولى نفاجئ يوسف احنا المرادى
عليا: وانتى هتعرفى منين فين هو
مى: هعرف ودلواقتى
اتصلت مى ب ادم صاحب يوسف وسئلته يوسف فين
مى: ادم ازيك
ادم: مى ازيك
مى: الحمد الله تمام بخير وانت
ادم: كله تمام
مى: تعرف فين يوسف
ادم: يوسف معايا هنا بنحتلف بعيد ميلاد واحده صاحبتنا
مى : امممم طيب ابعتلى العنوان ومتقلش ل يوسف اننا جايين عاوزين نفاجئوا
ادم: اوك هبعتلك العنوان حالا
بعت ادم العنوان ببساطه جداا
وصلت عليا ومى المكان ودخلوا كان هيصه اووى
ولحظه دخولهم المكان دوروا ع المكان الى هما فيه
شلفت عليا منظر اتصدمت منه حست بالغيره
الاحساس الغير متوقع والى حاولت تخفيه
لما لاقت يوسف قاعد وحاطط ايده ع كتف بنت جنبه
مى: اهو هناك اهو يوسف
عليا: استنى يامى كده
مى: نستنى ايه يلا نروح نخوضه
عليا بنرفزه وملامح غضب ع وشها :قلتلك استنى
فى اللحظه ديه قام يوسف مع البنت ع الاستيتج وكان البنت مسكت المايك وقالت انها بتشكر كل اصحابها
وخصوصا يوسف وطلبت منه علنا ينفذ طلبها الى هو هديتها ويرقص معاها سلو
قام يوسف ورقص معاها
وكانت عليا من بعيد بتتفرج ومى
مى: فينك يااحمد ياريتك كنت هنا لوولى ابقى خلى احمد يسافر معانا بعد كده
ادم: انتوا واقفين ليه تعالو اقعدوا
قعدت عليا وهى بتبص ع ادم وهو بيرقص والبنت حضناه
ادم: كريستين من اصحاب يوسف القدام فتحسى انها واخده عليه عادى
مى: امم واضح اووى
خلص يوسف رقصته ورجع ع الترابيزه لاقه فى وشه عليا اتفاجئ مع خضه
يوسف: مى .. عليا
ادم: حبوا يفاجئوك ياعم زى مانت هاريهم مفاجاءات
يوسف بصوت بيلجلج: طيب مقولتوش ليه .. شربتوا حاجه
جت كريستين من وراه وهى بتحضنه : مين دول يا جو
شال ايديها من عليه : عليا ومى من مصر
كريستين : هاى
مى وعليا: هاى
كريستين: اعتبروا الحفله حفلتكم
يوسف: مبرررروك يامى ع الخطوبه مش قلتلك هيدبس قريب
مى وهى بتشاور ع الدبله: اها طبعا ومش هسيبه والبركه فى لولى
يوسف قعد وفضل مركز ع عليا وعليا تجاهلته خالص واتعاملت عادى وكان فى بنات وولاد تعرفهم
قعدوا يهزروا ويضحكوا وتجاهلت يوسف خالص .. بصت لساعتها
عليا: مى يلا بينا كفايه كده
مى: يلا بينا
يوسف: رايحين فين استنوا شويا
مى: انا لو عليا اقعد عليا عاوزه تمشى
يوسف : ليه كده
عليا تجاهلت سؤاله
ادم: ليه كده يا عليا خليكى شويا
عليا: سورى ياادم عندى صداع الهيصه هنا صدعتنى اوى
استغرب يوسف من تجاهل عليا ليه وردها ل ادم
عليا: كريستين هابى بيرث داى وفرصه سعيده
كريستين : ميرسى ليكى
قامت مى وخرجوا بره المكان كلمها مردتش عليه بعتلها رساله مردتش اتصل ع مى
يوسف: الوو مى بقولك ايه استنى انتى وعليا 5 دقايق خارجلكم حالا
لسه هترد مى لاقيته قفل
عليا: فى ايه يلا وقفى تاكسى نروح الفندق
مى : اصل يوسف ...
ولسه هتكمل كلامها يوسف ظهر فاجاءه
يوسف: فى ايه ياجماعه
مى: مفيش هو ايه الى فى ايه
عليا فضلت ساكته
يوسف: مى ممكن تسبينى مع عليا 5 دقايق بس
عليا بعصبيه: ليه تسيبنى معاك مى مش غريبه احنا كلنا اصحاب ومش بنخبى حاجه يعنى
يوسف: ارجوكى يا مى 5 دقايق بس
مى اتلككت انها رايحه الحمام ومشيت راح يوسف يمسك ايد عليا راحت زقت ايده
يوسف: فى ايه يا عليا
عليا وهى بتبص الناحيه التانيه : مفيش يا ابنى انت ليه عامل مشكله من مفيش
يوسف: قومتى يعنى لما جيت اقعد جنبك وبكلمك تتجاهلى كلامى واتصل عليكى من شويا مبترديش
عليا: لا عادى تليفونى مش سامعاه عاملااه سيلنت كمان الوقت متاخر وانا صدعت
يوسف مسك موبيله رن عليها سمع صوت الجرس: دا السايلنت ..
اوعى تكونى اضايقتى من كريستين دى ....
ولسه هيكمل كلامه عليا بصتله بنظره برود ووش جامد :
ومالها كريستين وموضوع ايه الى يتفهم غلط انتوا اصحاب زى مااحنا كلنا ع بعضنا اصحاب
مفيش فرق ولا فى معامله خاص وكل واحد بيعمل الى يريحه .. مش دى معنى الصحابيه فمفيش حاجه
انت حر فى تصرفاتك ومليش حق ادخل اقولك تعمل ايه ومتعملش ايه زى ما ليا حريه
مش من حقك تقتحم حياتى بتطفل ... كا ااصحاب دا حدودنا انت روح كمل يومك ومتحطش فى بالك اوهام
ملهاش علاقه باى حاجه
اتنرفز يوسف من كلام عليا ومسكها بايده الاتنين دراعها الاتنين :
صحاب صحاب صحاب انتى كل ما بكلمك بترددى الكلمه دى بتسمعيهالى اكتر من الكلام نفسه
وبتتجاهلى كلامى وبتصدينى كل ما بكلمك .. عليا انتى مش بالنسبالى صاحبه ..
بصتله عليه : يوسف متكملش كلام مش حقيقى هتندم عليه بعدين
وسيب دراعى وادخل لصحابك الموضوع مش مستاهل النرفزه دا
ساب دراعها وسابته ومشيت خطوتين وسمعته بيقولها
يوسف : عليا .. انا بحبك _____________________
يتبع
ليست هناك تعليقات:
إرسال تعليق