فاطيما: ومفيش اصحاب خالص
عامر: انا حياتى شغل ورويدا وشويا لحظات زى انهارده كده بس
وعايش وموافق وراضى الحمد الله
فاطيما : الحمد الله ع كل حال طبعا ..بس دى مش حياه
عامر بص لفاطيما: وايه هى الحياه
فاطيما: الحياه حق تعيشها وتشارك ناس فيها ضحك وهزار ووجع( ملامح وشها اتغيرت لما قالت وجع لحظات ورجعت ل ابتسامتها ) حياتنا يعنى
بص من انهارده اعتبر نفسك لاقيت صديقه بمجمع اصدقاء مش شايف الجحم
عامر بيضحك.. فاطيما: انا هعرفك يعنى ايه حياه انت ليك حق تعيش والمرض عمره ما يهزمك ..اعمل الل نفسك فيه بالعقل هتعيش صح ..وانا هساعدك والمقابل مجانى يلا زكاه عن صحتى وعفيتى بس هتعزمنى
عامر بيضحك : يعنى افهم من كده اننا بقينا اصحاب
فاطيما: فى التو واللحظه حالا بالا نقول اكشششن
عامر بيضحك: استنى استنى انتى هتضحكى عليا ولا ايه
فاطيما : ايه دا .. انت معترض ع صداقه طيما لالالا هسحب العرض ومش هتلاقى زيه تانى
عامر : لالا خالص .. بس انا بحب احط قواعد واساس لكل حاجه بعملها
انا بقالى اكتر من 18 سنه معنديش صحاب وال اعرفهم زمايل او موظفين ف الشركه وجربت هجر الاصحاب والاحباب واتوجعت ومش عاوز اتوجع تانى
فاطيما بصت لعامر للحظات وانتبهت وجمعت نفسها وبتهزر : ايه يا مستر انت مكبرها كده ليه هو انا بقولك امضى ع وصل امانه انا بقولك سيبلى نفسك وانا هعيشك الحياه صح الل حرمت نفسك منها انت ليك حق تعيش
بس ليا شرط
عامر: اتفضلى
فاطيما: ف الوقت اللى هتوافق فيه ع صداقتى تسمع كلامى وتنفذه من غير نقاش مهما كان لو قلتلك نط دلواقتى تنط
عامر اتفاجئ وبص لفاطيما ول المايه .. فاطيما ضحكت : انت صدقت بهزر طبعا انا بغرق من ع الشط ومش هنقذك .. اقصد يعنى مهما قلت اعرف انه لصالح مش هضرك متخفش انا مبعضش بنادمين انا بعض الاكل بس هم هم
عامر ضحك: وانا ليا شرط
فاطيما: اتفضل
عامر:علشان تكون بدايه واضحه عاوز اعرفك اكتر حاجتين مبحبهمش وبسببهم فارقت ناس كتير
فاطيما: ايه هما ؟
عامر :الكذب والنفاق ..
فمهما حصل كونى صريحه معايا من غير كذب ولا نفاق
فاطيما اتصلبت : يعنى
عامر: يعنى المصارحه بينى وبينك .. مش المصارحه من اهم بنود الصداقه
فاطيما تنحت لحظات وجمعت نفسها وتهرب : اوكيه .. اوكيه انا جوعت
عامر ابتسم: وانا كمان
وهما قاعدين سمعوا صوت اصحاب فاطيما .. هاله: طيمااا
فاطيما: يلا يا شباب علشان نروح ناكل بدل ما افترسكم
ضحكوا كلهم وراحوا مطعم اكلوا وكملوا اليوم ضحك وهزار وانبسط عامر جداا وحس بااختلاف عن اى مره خرج فيها .. رجعوا الفندق وهما داخلين بيضحكوا قابلوا ف وشهم معتز ورويدا
عامر مبتسم: رودى
رويدا: عامر شكلك مبسوط
عامر: جداا اليوم كان لذيذ ياريتكم كنتم معانا كنتم هتنبسطوا
رويدا : ماانا كمان كنت مبسوطه وانا بشترى فستان الخطوبه تعالى معايا اوريهولك
مسكت رويدا ايد عامر ومشيت ورجع عامر خطوتين : طيما
بصت طيما : نعم
عامر: شكرا ع اليوم
فاطيما ابتسمت ومشى عامر مع رويدا ومعتز واقف مستغرب من تصرفات فاطيما ونظرات عامر مبيشوفهوش سعيد كده وكان عاوز يتكلم معاها لكن هاله والباقيين واقفين
فاطيما تجاهلت وجوده كمان: هاله انا هطلع الاوضه يلا بينا
هاله: يلا بينا انهارده تعبنا من اللف مع مستر عامر .. تصبح ع خير يا مستر معتز
معتز: تصبحوا ع خير
ومشيت فاطيما كملت كلام مع باقى المجموعه وهاله وطلعت اوضتها ..
اخدت دش وفتحت النت وردت ع سلمى وميمى ع الشات طمنتهم عليها
وبعتت لمحمد اخوها يطمنهم عليها وحاولت تنام معرفتش ... قامت اتوضت وصلت وحاولت تنام مش عارفه حاسه بوجع ف صدرها كل ما تفتكر معتز ورويدا ... قامت فتحت علبه حلويات كانت اشترتها وفضلت تاكل وتفكر ....!!!
رجعت فاطيما لرحلات والسفر وكان اغلب الرحلات بيبقى موجود فيها عامر لطبيعه شغله يعنى ففى مره كانوا موجودين فى فنلندا والجو كان شتا .. وكان لفاطيما اجازه 12 ساعه انتهزتها فرصه وخرجت مع اصحابها وعامر معاهم ...راحوا ع مكان ما زى حديقه كبيره
هاله: طيما تعالى نركب عجل
فاطيما: لالالا انا هقع انسى وحرام اظلم العجله معايا المسكينه بالحجم دا
عامر سمعها: ايه الل بتقوليه دا بقى
فاطيما: انا بقول ايه
عامر: هتركبى عجله يلا
فاطيما: الله الله .. هتركب معانا يا مستر ولا ايه
عامر: اها .. انا ليا حق زى زيهم انى اركب مدام قادر ليه مركبش واحرم نفسى
فاطيما بتضحك: لالا اتغيرنا يا مستر
عامر: وانتى كمان هتركبى معايا
فاطيما: لالالا حرام العجله مش هتستحملنى لا ياعم مش لاعبه
عامر بص لاقى ف عجله بكرسيين : هنركب دى انا وانتى ومتخافيش
خلينا نعيش الحياه الل من حقنا ولا ايه يا صديقتى
فاطيما: اممم بتحرجنى بالذوق ماشى بس لفه واحده بس
عامر: اتفقنا
فاطيما: لو وقعت مليش ذنب وهتدفعلى حق الجبس
عامر بيضحك: هنتحرك براحه متخافيش يلا
هاله بتضحك وباقى اصحابهم: ايوه بقى يا مستر عامر اول مره نشوفك راكب عجله دايما بتكون متفرج
فاطيما: ادعولى ارجع بالسلامه ووصيتكم ف سندوتيشين ف الشنطه حطوهم ع قبرى
عامر بيضحك: متقلقيش هترجعى تاكليهم يلا
وركبت فاطيما وكانت خايفه اوى واتحرك عامر براحه وشويا
فاطيما: استوووب هنا يا اسطى
عامر وقف: فى حاجه
فاطيما: كفايه عليا كده لو عاوز تكمل كمل
عامر: لا خلاص نتمشى
فاطيما: تمام
راح عامر ساب العجله مكان ما اخدها ورجع ل فاطيما باتنين هوت شيكولت وكان عزم الباقيين وجبلها معاه دونتس شيكولاته وراح اتجاهها فاطيما شافت الدونتس والهوت شيكولت : ميرسى يا مستر ميرسى
عامر اخد حته وساب الباقى.. فاطيما: لا كملها ع فكره سكرها قليل ع الاقل كل نصها مدام بتحبهاوانا هكمل ع الباقى متقلقش
عامر: انا قلقان اتعب ولا حاجه
فاطيما: متقلقش انت اخدت علاجك والحياه تمام يلا سيبها ع ربنا ومتحرمش نفسك دا اكل ..
بصلها عامر وابتسم و اكل منها وبدل ما ياكل نصها اكلها كلها فى وسط كلامه مع فاطيما محسش بنفسه وهما ماشين فاطيما مكنتش تعرف المكان كويس ومعتمده ع عامر فكان فى ممر بين اشجار يمين وشمال
عامر: تعالى نمشى من هنا
فاطيما بصت الناحيه التانيه: ومنمشيش من هنا ليه
عامر: تعالى وهقولك وهيعجبك الطريق اوى هو مش طويل
فاطيما: امرى الى الله يلا بينا
وهما ماشين اتكلموا .. عامر: تدينى كام % من درجات الصداقه
فاطيما بتضحك: لا انت ممتاز لسه شويا ع التخرج متقلقش انا بحسبها
المهم انك تكون مبسوط وحاسس بتغيير
عامر: جدااا لدرجه كبيره حياتى اختلفت انا الاول مش عارف مكنتش عايش زى اى انسان طبيعى كان مرضى رابطنى ف مكانى ..
فاطيما: انت مامتك وباباك فين انا مشفتش اى حد من اهلك غير مسزز رويدا
عامر لاحظ وش فاطيما متغير ونطقت اسم رويدا بطريقه غريبه: مالك يا طيما
فاطيما: لا مفيش بس كنت هشرق المهم فين اسرتك
عامر : انا ورويدا الوحديين ووالدى اتوفى وهو مصرى ووالدتى سعوديه واتوفت هى كمان
فاطيما: انا اسفه بجد
عامر: مفيش داعى للاسف الموضوع بقاله سنين
فاطيما: علشان كده انتم شغالين ف الطيران مش راسين ف مكان معين
عامر: الحكايه بدءت لما كنت ف الثانويه كان حلمى اكون طيار وكنت بقول لوالدى كده ففتح شركه الضيافه تكون خاصه بيا لما ادخل كليه واتخرج .. ابتديت اتعب ع خفيف فعدى عليا اختبارات الكليه ف باريس فدخلت كليه تانيه نظرى مؤقتا وهناك اتعرفت ع الانسانه الل حكتلك عليها وارتباطنا لمده 4 سنين واخر سنه لتخرج حصلتلى ازمه وتعبت جامدودخلت المستشفى وعرفت انى مريض بالقلب حقيقى مش مجرد اعراض وكنت متاخر ف حالتى لانى كنت اهملتها .. اهلى مقصروش ف حقى وهى فضلت جنبى لغايه ما تحسنت ولما روحت اتفق معاها ع الارتباط وتحديد ميعاد الارتباط الرسمى
ببساطه قالتلى "سورى عامر مش هينفع نكون مع بعض وانت كده مش هقدر " احترمت صراحتها وقدرت ظروفها وظروفى وبعدها بفتره اتوفى والدى وبعده والدتى بسنتين ومفضلش غيرى انا ورويدا .. من املاك والدى الشركه دى بااسمى فبنصيبى من الميراث استثمرت فيها ورويدا كمان بنسبه صغيره وتعتبر شريكه بنسبه و وريثه ليا لما يحصلى حاجه انا كتبت وصيه بكده ان كل حاجه ليا تروح ل رويدا وحياتى بقت شغل وسفر وتكبير الشغل حول العالم وبس زى ماانتى شايفه ..
فاطيما سامعه ومركزه اووى : واصحابك وحياتك
عامر: حياتى شغلى ورويدا.. لو قصدك ع حياتى الخاصه معتقدش ان فى واحده هترضى ترتبط بشخص معرض فى اى لحظه يموت وتقعد جنبه بمرضه .. فلغيت الفكره من وقت ماعرفت مرضى وهفرح ب رويدا ..
فاطيما : انت غلط ع فكره
عامر : ليه
فاطيما : انت احسن من ناس كتير بخصوص مرضك دا .. ااقصد ان المرض درجات انت مش نايم ع السرير ومبتتحركش ..انت ماشى اهو وواقف ع رجلك وبتاكل وبتشرب زى اى انسان طبيعى ربنا خلقه ليه حق يعيش .. انت واهم نفسك وواضح الل حواليك كانوا وهمينك انت ولا انا ولا اى حد عارف هيموت امتى .. والصح تحمد ربنا كل يوم تصحى من النوم فيه انك قادر تتحرك وتعيش حياتك الل ربنا وهبهالك عندك توحا جددتى ربنا يخليهالنا يارب ولا نشوف يوم وحش فيها .. عندها سكر وضغط والقلب لكن اقعد معاها واتكلم تحسها بنت ف العشرين ممكن تلف التراك رايح جى بس الكونفرس بتاعها باظ وهى مش بتلبس اى كونفرس
عامر ضحك.. فاطيما: ايوه كده اضحك وعيش ومتفكرش اى تفكير وحش دا
عامر: يعنى انتى لومكان الل كنت مرتبط بيها كنتى هتوافقى ع وضعك
فاطيما تلقائى : وهرفض ليه ..
مش ممكن اموت انا قبلك ..الحاجات دى غيبات يا مستر
عامر : طيما ينفع اسألك سؤال شخصى
فاطيما: اممم هتسألنى معايا فلوس كام احنا فينا من كده
عامر بيضحك:انتى كام سنه
فاطيما بتضحك: هو دا الشخصى .. اممم بينى وبينك كده 25
عامر: بجد ..انا كنت متخيل اصغر
فاطيما: لا يا مستر مش لدرجه يعنى بصى ليا كويس انا الل يشوفنى يقول معديه ال 30انت بقى كام اقولك انا امممممم 30 .. اممم 32
عامر بيضحك: لا مش اوى كده انا 35
فاطيما: غريبه شكلك اصغر خالص ..
ضحك عامر ...فاطيما: بس ليه سؤالك انتم بتعملوا تحديث بيناتات ولا ايه
عامر بيضحك: انتى مرتبطيش قبل كده
فاطيما كانت بتشرب وكانت هتشرق : ها
عامر: مرتبطيش قبل كده ولا اعجاب حتى بحد
فاطيما بتتمالك نفسها : لا محصلش
عامر: غريبه
فاطيما بااستغراب: ايه الغريب
عامر : اقصد يعنى البنات عموما تفكيرهم الارتباط والحب واغلبهم بيكونوا مرتبطين سواء ف المدرسه او الجامعه وبعد ما يخلصوا بيتجوزوا .. دا فى بيجوا هنا سنه واحده وبعدين بيقعدوا علشانبيكونوا مخطوبين وهيتجوزوا .. المعروف عن بنات يعنى ...
فاطيما بملامح وشها متغيره : مش شرط كل البنات تكون مرتبطه .. فى منهم ممكن يتوهموا انهم مرتبطين وهما ف الاساس مش مرتبطين
ودول ميتحسبوش ع المرتبطين اصلا ...
عامر: يعنى انتى مفكرتيش ترتبطى ولا اعجبتنى بحد
فاطيما بملامح وشها متغيره : لا .. لا.. صدقنى
عامر: وانا هصدقك لانك وعدتينى لا هتكذبى ولا تنافقينى مهما حصل
صح
فاطيما بصت ل عامر : صح
وفى سرها قالت " سورى ياعامر "
وقف عامر وع وشه ابتسامه : اخيرا وصلنا
فاطيما بتبص حواليها : وصلنا فين المجموعه ورانا
عامر بص لفاطيما وهما واقفين ع اول الطريق : فى اسطوره بتقول ان اى اتنين بيمشوا مع بعض الممر دا من غير شكوى اى حد منهم من التعب وبيوصلوا ف سلاسله وسهوله الاتنين دول علاقتهم هتفضل وقت طويل اكتر مما هما يتخيلوا
فاطيما بتضحك: بجد انت بتصدق الحاجات دى
عامر باابتسامه: هصدقها لانى عاوز اصدقها ..
وبعدين انتى تعبتى ولا حاجه
فاطيما: لا خالص
عامر : يلا بينا بقى نرجع لحسن جوعت ..
فاطيما بتضحك: ايه يامستر بتقلدنى ولا ايه
عامر: خلتينى زيك يا طيما تفكيرى ف الاكل
فاطيمافتحت شنطتها : طيب امسك نقنق فى الشيبسى دا لغايه ما ناكل
مع طيما التنك دايما مليان
عامر اخد: وانتى الصادقه مع طيما مستحيل تكون جعان
فاطيما بتضحك: ايوه صح ... يلا بينا
ورجعوا ع المكان الل فيه المجموعه وكملوا اليوم ضحك وهزار ورجعت فاطيما الفندق وفاطيما ع السرير مش عارفه تنام قامت وقفت قدام المرايه عاشت صراع ومش مرتاحه بين وجع قلبها وضميرها
" اسفه ياعامر .. بس انت طريقه الوحيده الل قدامى دلواقتى اسفه "
تانى يوم عامر اخد طياره وسافر لشغل وفاطيما بعده طلعت ع رحله كالعاده ...!!!
فاطيما قاعده ف يوم ف اوضتها ف الفندق بترتاح من رحله وحاطه الهاند فيرى بتسمع منير ومغمضه عنيها لاقت مره واحده مخده اتحدفت عليها اتفزت بصت : فى ايه يا هبله
هاله: الحقى البت مها بتقولى ايه ف الشات بصى
قربت منها ووريتها لاقت بتعرفها انه اتحدد ميعاد خطوبه معتز ورويدا الاسبوع الجى ف الوقت الل هتكون فيه فاطيما فى رحله ل السعوديه ولان اغلب طاقم الضيافه هيكون موجود ف الوقت دا اتفقوا يعملوا خطوبتهم
فاطيما متصلبه .. هاله: يابختها البومه بالنخله طول وجنتله حاجه كده تفرح
فاطيما بصت ل هاله : تفرح ..انتى تعرفيه كويس
هاله: واعرفه منين ..بس عليه هيبه يقول انه اخلاق واحترام وشخصيه كله بيشكر فيه
فاطيما بعصبيه: ياما الشكل بيدارى المضمون ..هاله متتكلميش ع حاجه مش عارفاها بلاش تنجيم
هاله اتفاجئت من اسلوبها: فى ايه يا طيما احنا بنتكلم
فاطيما استوعبت انها اوفر هدت نفسها: معلش اصلى مصدعه اوى
هاله: لا سلامتك اخدتى حاجه
فاطيما: اه تمام متزعليش ها
هاله: لا انا مش زعلانه منك انا زعلانه من حاجه تانيه انى مش هحضر الخطوبه هيكونف رحله انا فيها ..انتى الل هتحضرى يا محظوظه
فاطيما متصلبه .. هاله: بس تعرفى ف شخص صعبان عليا اووى
فاطيما: مين
هاله: احمد .. احمد مجدى
فاطيما: اها ..انا لاحظت انه متغير افتكرته طبعه كده اصلا
هاله بملامح حزن: لا يا حبيببتى ياعينى الواد اخد اكبر مقلب ف حياته
تعالى احكيلك تعالى ...
قعدت فاطيما : خير يا رويتر
هاله: احمد كان معجب ب رويدا وكان فى بدايه استلطاف بينهم وهيحصل كليك بينهم ورويدا كانت مشدوده ل احمد وبتحبه وكانوا شبه متفقين وكلنا قلنا هانت اهو .. اذا فاجاءه معتز ظهر من حيت لا نعلم ومتعرفيش ازاى ف مده قصيره اتغيرت رويدا مع احمد ونهت معاه اى حاجه كانت ف اولها وربطت مع معتز ..ومن وقتها واحمد زى ماانتى شايفاه كده
فاطيما سامعه ومتفاجئه: يعنى عاوزه تقولى ان معتز فرق بين رويدا واحمد
هاله: بصراحه احنا سمعنا كده انه اتقرب ليها متعمد لان رويدا مش سهله يعنى وعملها عمل باين ولا ايه يااختى متفهميش سافروا سفريه ورجعوا ملامح الارتباط ع وشهم وهو مكنش كمل 4 شهور ف الشركه اصلا ..احمد ارتبط ب رويدا بعد سنتين مش 4 شهور
فاطيما : ومعتز كان يعرف ان احمد كان معجب وفى ارتباط بينه وبين رويدا
هاله :اه يعرف باماره انبعد ما بان عليهم الارتباط احمد يعتبر اتنفى
سفروه الرحلات البعيده الل فيها بهدله وباامضاء معتز وتاكيد من رويدا
سفر الواد بمعنى اصح .. بس ارجع واقول نصيب .. انا هدخل الحمام
قامت هاله وفاطيما ف حاله ذهول وصدمه ان معتز سبب جرح لشخص معملوش حاجه ورغبتها ف الانتقام من معتز زادتوصدمتها فيه وجع قلبها ...!!
فى مكالمه مع اهل فاطيما عرفت ان محمد اخوها حدد ميعاد فرحه وللحظ كان ف ميعاد خطوبه معتز ورويدا فطلبت تبديل مع هاله تخليها تحضر وهى تطلع رحاله القاهره وتاخد اجازتها وتحضر فرح اخوها وكانت ماريا وسلمى عارفين وسلمى حدد ميعاد نزولها تحضر الفرح ... فاطيما وهى راجعه
فى الرحله كان معاها احمد زميلها ولاحظت تغيير اكتر من الاول وسرحان وتايهه لدرجه انه غلط كذا مره ودارت عليه فاطيما .. وهما قاعدين يشربوا شاى ف الكابينه ...
فاطيما: احمد ..
احمد: ها ..نعم
فاطيما: صدقنى مفيش حاجه تستاهل تعمل ف نفسك كده .. عيش حياتك
احمد: بتتكلمى على ايه
فاطيما اتنهدت وجمعت نفسها: انا عرفت حكايتك مع رويدا والنصيب
احمد بغضب وبصوت موجوع: النصيب انى اكون متفق معاها ع كل حاجه واننا كمان سنه هكون ظبطت نفسى اتقدملها والكل كان عارف علاقتى بيها وانى بحبها وهى بتحبنى .. وبعد شهر من اتفاقنا تتحول وتتغير عليا وتنفصل عنى وبعدها بشهر الاقيها مع شخص تانى وبتعلن ارتباطها لجميع بيه ... وهى اصلا متعرفوش هو مبيحبهاش يا طيما مبيحبهاش
فاطيما: اهدى بس .. وانت ايه عرفك بكده
احمد: معتز بيحب فلوس ومكانه رويدا ..انا عرفت ان معتز اول ما استلم الشغل سأل كويس حوالين مستر عامر ورويدا وعرف انها الوريثه الوحيده لمستر عامر وانه ممكن ف اى لحظه هيحصله حاجه .. فهو طمعان فيها مبيحبهاش يا طيما صدقينى مبيحبهاش انا بحبها .. ومش عاوز حاجه غيرها هى ..
فاطيما مش قادره تستوعب حوار الوصيه الل عرفه معتز : انت متاكد من كلامك دا
احمد: واثق مليون % انا عرفت من صديق ليا ف مكتب المحامى الل بيتعامل معاه مستر عامر ان معتز طلب نسخه من الوصيه ورويدا متعرفش كده حاولت اقولها رفضت تسمع .. عميها بالكلام الحلو والاهتمام المزيف .. الجوازه دى مينفعش تتم مينفعش
فاطيما مصدومه من كلام الل سمعته ورددت :الجوازه دى مش لازم تتم مهما حصل
حاولت فاطيما تهدى احمد ووصلت المطار واخدت عربيه لشقتها غيرت واخدت هدومها ونزلت السنطه بعد السلام والتحيه لمامتها وباباها وتوزيع الهدايا عليهم ولمحمد ولتوحا توحا لاحظت فاطيما بتتجنب عنيها تيجى فى عينها ولانها بقالها فتره طويله منزلتش السنطه كانت مستنيه بعد فرح حماده تقعد تتكلم معاها ... وف نفس اليوم وصلت ماريا وسلمى لكن وضعهم كان مختلف عن كل مره لان الاتنين حوامل
فاطيما شافتهم: ادحرجى يا بطيخه انتى وهيا يلا
ماريا: بطيخه ف عينك .. احنا ف الرابع لسه
سلمى: بس الل يشوفنى يقولى ف العاشر انا اتنفخت يا رجاله
فاطيما بتضحك: وحشتونى يا فقر يلا ادخولوا اقعدوا
دخلوا قعدوا ونزلوا شقه محمد وكانوا بيفرشوا الشقه وكانت فاطيما فرحانه لفرحه اخوها اووى والجميع لاحظ تغيير ف شخصيه فاطيما ضحكها وهزارها مش طبيعى كانت اوفر حسوا انها بتمثل الفرحه ... يوم الفرح ف القاعه اول ما شافت محمد اخوها مع عروسته ياسمين داخلين القاعه دموع نزلت من عنيها فتمالكت نفسها ووقفت جنبه وجنب العروسه وهيصت ع قد ما تقدر وكانت بترقص ..سلمى وماريا كانوا قاعدين لان بسبب حملهم مش بيتحركوا لكن كانوا مراقبين فاطيما
ماريا : سولى ..طيما مش طبيعيه ..مش دى فاطيما الل نعرفها
سلمى: انا كمان حاسه بكده ..فاطيما مهيبره بتدرى ع وجعها بطريقه غريبه توجع اكتر
ماريا: هى بتحاول متبينش حاجه لل ال حواليها وواضح ان مفيش حد ملاحظ تغييرها
سلمى بصت ع توحا: لا فى احنا وتوحا ..
رجعت سلمى بصت ع فاطيما: طيما مدمره من جوه يا ميمى قلبها موجوع اوى
ميمى : حبيببتى يا طيما مش عارفه بجد اعملها ايه يارب هونها عليها
سلمى : يارب
فاطيما راحتلهم ضحكت وهزرت وجه وقت كتب الكتاب وفاطيما وهى واقفه والمأذون بيكتب الكتاب افتكرت اللحظات الل كانت بتتمنى فيها اللحظه دى مع معتز ومستنياها وكلامه معاها ع اللحظه دى دموعها نزلت وقلبها وجعها ولاحظوا سلمى وماريا كده وخصوصا لما خبطت بديها ع صدرها وبتتنهد
شويا وقعدوا وكانت رقصه العروسين السلو واشتغلت اغنيه منير "لما النسيم " والاغنيه دى وجعت قلب فاطيما اوى اوى لانها كانت الاغنيه الل متفقه مع معتز يرقصوا عليها سلو ف فرحهم وهو الل اختار الاغنيه لانها بتحب منير وحبتها اوى فاطيما وتخيلت اللحظه دى اول ما بدءت الاغنيه قلب فاطيماوجعها اوووى مقدرتش تتمالك نفسها ودموعها خانتها ونزلت وهى راسمه ابتسامه ع وشها محمد اخوها شافها وعروسته وحدفوا بوسه ف الهوا فعملت فاطيما انها مسكتهاوخبطتت ع صدرها اوى ودموعها نازله
بدون توقف .. شافوها ماريا وسلمى مقدروش يتمالكوا نفسهم دموعهم خانتهم ونزلت لما شافوا فاطيما وحسوا باد ايه هى موجوعه فقاموا الاتنين وراحوا لفاطيما وحضنوها وفتحوا ف العياط وفاطيما بتبتسم وبتهدى فيهم
ودموعها نازله وحضنتهم اوووى وحضنوها ومحمد اخوها شافها راح اتجاهها مسك ايديها وكمل الرقصه معاها وفاطيما دموعها نازله وراسمه الابتسامه محمد باس راسها وحضنها محمد اوووووى وبكت بشده ف حضنه فى مشهد الكل مش مستوعبه هى فرحانه لمحمد وف نفس الوقت صعبان عليها نفسها انها مش مكتوبلها الفرحه تحسها واتكتبلها الوجع الل عايشه بيه لكن حاولت متظهرش دا خلصت الاغنيه بحضن محمد اخوها وابتسمت ومسكت ايد ياسمين وحطتها ف ايد محمد وباسته وباستها وقالتلهم " مبروووك ربنا يسعدكم ويفرح قلوبكم دايما "
وسابتهم وراحت الحمام وراحوا وراها سلمى وماريا قلقوا عليها دخلوا لاقوها واقفه قدام المرايه باصه لنفسها وسرحانه ودموعها نازله ..
سلمى : طيما ..مالك
انتبهت فاطيما وبتضحك: مفيش حاجه متقلقوش انا بس بعدل الميكب الل اتخرب دا فلوسى ضاعت ع الارض
ماريا : بلاش تضغطى ع نفسك كده يا فاطيما لو عاوزه تعيطى عيطى
فاطيما بصتلهم ودموعها نازله: انا فرحانه بمحمد اوى ومش عاوزه افكر ف اى حاجه تانيه
سلمى: سيبيها دلواقتى يا ميمى
خرجت فاطيما كملت الفرح وروحت ودخلت ف غيبوبه نوم توحا ملحقتش تتكلم معاها تانى يوم الصبح كانت متفقه ترجع القاهره مع ماريا وسلمى لان سلمى يومين وهتسافر دبى وعاوزه تقعد مع اهل خالد مع خالد
فعلا الصبح بدرى سافرت مع خالد وسلمى وماريا وعماد وراحت ع السكن الل تبع الشغل ..وقبل ما تسافر سلمى
اتفقوا يتجمعوا ف يوم عند ماريا .. وراحت فاطيما :
فاطيما شايفاهم الاتنين قاعدين جنب بعض رافعين رجيلهم ع كرسى وبياكلوا
فاطيما: ياخواتى ع العسل البقرات الحلوب بذات نفسهم
ماريا: متتريقيش لو سمحتى الل احنا فيه دا منك
فاطيما: ليه هو الل انا خليتكم حامل ولا ايه هنتفهم غلط
سلمى: يهدك يا فاطيما احنا وحمنا عليكى بناكل زيك بطريقه بشعه ربنا يستر ع عيالنا
فاطيما: يلا الل معملتوش انتوا عيالكم يعملوها
سكتت فاطيماوبتشرب العصير .. وسلمى وماريا بصوا لبعض
سلمى: طيما
فاطيما: ها
سلمى: لا خلاص
ميمى بصت لسلمى: لا مش خلاص .. سلمى عاوزه تقولك حاجه
فاطيما : انتوا هتعزموا ع بعض اتكلموا
سلمى: احنا مش عاجبنا حالك والحاله الل انتى فيها يا طيما
ميمى: ايوه يا طيما .. بقيتى بتتضحكى مجامله ومبتتكلميش كتير
سلمى: احنا قلقانين عليكى ..من الاخر حوار شغلك دا مش عاجبنا سبيه يا طيما
فاطيما بصتلهم: خلصتوا
ميمى بصتلها:وكمان والل انتى ناويه تعمليه غلط ومينفعش وجعك مخليكى مش حاسه بحاجه بلاش يا طيما علشان متندميش
فاطيما بتضحك نص ضحكه: اندم.. ما انا ندمت ..هندم ع ايه تانى مفيش حاجه تستاهل الندم تانى وحقى هاخده .. وقبل اى حد ميتأذى تانى بسبب معتز
سلمى وماريا: يعنى ايه
حكتلهم فاطيما ع حوار احمد والوصيه والاتنين تنحوا
سلمى: مهما كان ميخصكيش تتدخلى ف الموضوع دا
فاطيما: انا مش هسمح ليه يجرح حد تانى علشان مصلحته ومش قادره اشوف احمد مجروح ورويدا وهى متغميه عنيها ومصداقاه انه بيحبها وهو اصلا بيستغلها علشان يوصل ..مش قادره اشوفه بيضحك معاها وبيستغلها
ماريا : ماهو انتى بتستغلى عامر علشان توصلى فرقتى ايه عنه
فاطيما بعصبيه: لا افرق انا موعدتش عامر ولا هوعده بحاجه قربى ليه اه استغليته علشان عاوزهاخد حقى من معتز وهاخده واعرف ارده لوضعه الحقيقى مش الل هو متخيله وعايش فيه .. وعامر هو الوسيله الوحيده
سلمى: فاطيما ..انتى ملاحظه لهجتك.. انتقام وتحدى واستغلال
دى مش انتى .. مش فاطيما الل الكل بيحبها ويعرفها
فاطيما بصتلهم وباابتسامه ودموعها بتنزل: فاطيما بتاعه زمان انتهت ..فاطيما الل كان اكبر حلمها انها تحب وتتجوز الل بتحبه ولما قابلت شخص قرب منها وخلاها تصدق انه بيحبها وحبته بجد وضحت بعمرها وسنينها وباقرب ناس ليها علشانه ..وهو استمر ف الكدب والخديعه وووجعنى .. وجع قلبى وشرخ روح .. انا زىزيكم كنت عاوزه اعيش زيكم .. سلمى اتعرفت ع خالد من النت وحياتهم استقرت وانت يا ميمى مع عماد .. حسيت ان انا مختلفش عنكم ارتباطكم نجح انا وثقت فيه وهو وجعنى صدقت حلم وعشت فيه وصحيت ع كابوس قاتل ... قلبى ووجعه محدش حاسس بيه غير وماهرتاح غير لما اخد حقه واندمه ع كل لحظهأذانى فيها
انا تعبانه جدا.. كل مره بشوفه فيها عايش حياته ولا اكنه عمل حاجه قلبى بيتقطع فيها وكل ما بشوفه بيضحك معاها وهى كمان وعارفه انه بيضحك عليها قلبى بيوجعنى ... عامر هيساعدنى اوصل ل اللى انا عاوزاه
ماريا وفاطيما اتاثروا بكلام فاطيما ومنظرها ودموعها نازله محبوش يضغطوا عليها ع الاقل انها بتحكيلهم الل بيحصل خافوا لو رفضوا وحاولوا يوقفوها انها توصل لمرحله انها تبعد عنهم وتقفل ع نفسها وهما ميعرفوش بتعمل ايه ..قررور مش هيسيبوها وهيفضلوا معاها خطوه بخطوه و سمعوها وطلبوا منها تخلى بالها وتحاول تفكر فى طريقه تانيه متجرحش حد ولا تسبب أذى لحد وهى مش شايفه غير تستغل عامر مهما حصل لانه الوحيد القادر ع مساعدتها ف تدمير معتز ...!!
سافرت سلمى وكان لسه فاضل ف اجازه فاطيما 3 ايام قعدتهم ف السكن لوحدها لان هدى كانت ف رحله وماريا كانت فى زياره لسنطه ومن فراغها كانت محتاجه تفكرالخطوات الجايه ومكنتش بتعمل حاجه غير انها تقعد ف المطبخ تعمل اكل وتاكل وتتفرج ع التليفزيون او تسمع لمنير ... فى يوم كانت قاعده بتاكل كعادتها رن موابيلها رنه قصيره بصت لاقته عامر واستغربت انه رن كده لانه ع طول بيتصل .. فضولها خلاها تتصل عليه
ردت عليها صوت واحده كبيره :
فاطيما: تليفون مستر عامر دا
الست: ايوه مين حضرتك
فاطيما: انا زميلته ف الشغل هو فين اصل تليفونى رن وظهر رقمه فقلت محتاج حاجه
الست: هو نايم تعبان وانا الل رنيت بالغلط كنت عاوزه اتصل بالصيداليه
فاطيما: هو تعبان اوى
الست : اوى يا بينتى ورافض اتصل بالدكتور فقلت اطلب دكتور صيداليه يشوفه
فاطيما : طيب اقفلى انتى وانا جايه
قفلت فاطيما بسرعه وفكرت تكون جتله الازمه والست باين انها كبيره ومش عارفه تتصرف ومسافه السكن عن شقه عامر مسافه 10 دقايق بالتاكسى ..نزلت فاطيما واخدت تاكسى وراحت البيت بعد ما سألت هاله ع العنوان فتحتلها ست كبيره دى كانت المسئوله عن الشقه تنظيف واكل ..دخلت واستأذنت ودخلت اوضه عامر خبطت ع الباب ودخلت فاطيما
لاحظت لونه متغير وجسمه سخن وبيكح ..
فاطيما: مستر عامر ..مستر عامر انت سامعنى
عامر : فاطيما.. انتى جيتى ازاى .
فاطيما: مش مهم جيت ازاى ..المهم ان دكتور يشوفك انت تعبان اوى
عامر: لالا انا هبقى كويس مش عاوز دكتور
فاطيما: وهو دا وقته وبعدين احنا اتفقنا تسمع كلامى مهما كان
مسكت فاطيما موابيلها واتصلت بصيداليه الل عند سكنها وطلبت منهم رقم دكتور وادتهم العنوان ووصل الدكتور وكشف ع عامر وعلقله محلول :
فاطيما: خير يا دكتور
الدكتور: نزله شعبيه حاده مع سوء تغذيه وان القلب ضعيف وضغط واطى كويس انكم لحقتوه لان الحاله كان ممكن تتدهور
فاطيما: يعنى ايه فى خطر
الدكتور: لا كله هيتظبط ان شاء الله ياخد العلاج ويرتاح ويتغدى كويس وهيبقى كويس
فاطيما: ان شاء الله
نزل الدكتور ودخلت فاطيما ل عامر كان نايم ادت الروشته لست الل ف البيت جابت العلاج ودخلت ادتهوله ورجعت دخلت ع المطبخ فتحت التلاجه ملقتش ولا اى حاجه غير جبن ومايه وحاجات ساقعه نزلت السوبر الماركت الل تحت العماره واشترت حاجات وطلعت دخلت ع المطبخ وعملت اكل سلقت فرخه وعملت شوربه خضار شويا ودخلت تاكل عامر وكان رافض واكلته غصب عنه واكل ع قد ما قدر واخد العلاج ونام خرجت فاطيما بعد ما اطمنت انه نام لاقت الست واقفه قلقانه
فاطيما باابتسامه: متقلقيش هو ان شاء الله هيكون كويس
الست: بجد مش عارفه اقولك ايه لولاكى مكنتش عارفه ايه هيحصل
فاطيما قعدت والست معاها: هو مفيش حد بيجيله هنا
الست: لا خالص .. استاذ عامر بيجى ع النوم طول الوقت بره
انا باجى انضف البيت4 ايام ف الاسبوع بس وانهارده جيت ولاقيته نايم تعبان ومرضاش اتصل بالدكتور والحمد الله ان حضرتك اتصرفتى ...
فاطيما : الحمد الله
الست: انا هقوم اكمل الل ورايا وهنام لما تحتاجينى اندهى عليا
فاطيما بصت ع الساعه لاقتها 3 بعد منتصف الليل : وانا هقعد هنا والصبح هنزل لما اديله علاج الساعه 6
راحت فاطيما كانت اشترت حلويات وحاجات قعدت تاكل منها شويا وبعدين حطت سماعات الهاند فرى وشغلت منير وسندت راسها ع ظهر الكرسى
وغمضت عنيها ...ع الساعه 5 ابتدا عامر يشد حيله نوعا ما عن الاول قام يدخل الحمام بص ع الصالون لاقى حد قاعد ورافع رجله ع الترابيزه قرب لاقاها فاطيما .. بيحاول يفتكر الل حصل جمع الل قدر عليه قرب من فاطيما وهى نايمه وماسكه كيس الشيبسى ف ايديها وابتسم راح قعد جنبها لغايه ما موابيلها رن ع ميعاد العلاج
فاقت لاقت عامر قاعد قدامها اتخضت: ياما
عامر: لدراجاتى شكلى يخوف
فاطيما: مش كده بس اتخضيت انت قمت من ع السرير ليه يلا ادخل
عامر دخل الاوضه وطلع ع السرير خرجت فاطيما جبتله طبق شوربه خضار وكوبايه عصير
عامر: لا مش قادر
فاطيما: لا هتاكل لان العلاج هيتعب معدتك يلا يلا الاكل رايح فين بص الكوكو حلو ازاى ايه الطعامه دى يا كوكو
عامربيضحك: كوكو
فاطيما: الفراخ كوكو ايه متعرفش .. يلا يلا ها ها
وابتدت فاطيما تاكل عامر وعامر مبسوط بالموقف شربته العصير واخد العلاج
فاطيما: ارتاح دلواقتى وانا هنزل اروح اغير وهجيب شويا حاجات وجايه متتحركش وموبيلك دا يتقفل
عامر:الشغل
فاطيما: صحتك اهم .. يلا ام محمد بره هخليها معاك لغايه ما ارجع
مشيت فاطيما ونبهت ع ام محمد وراحت الشقه لاقت هاله رجعت عرفتها الل حصل غيرت ونزلت معاها راحوا سوبر ماركت اشتروا فاكهه وحاجات لتلاجه عصاير والبان وزبادى وراحوا ع شقه عامر
هاله: سلامتك يا مستر
عامر: الله يسلمك .. الشكر لفاطيما 3 مره تنقذ حياتى
فاطيما: والتالته تابته يا مستر
هاله : انا هروح اجيب لحضرتك كوبايه لبن دافيه
فاطيما: ومعاها سندوتيشن جبنه بالخيار والطماطم يا لولو
هاله: وهعمل حسابك حاضر
فاطيما: شاطوره
عامر باصص لفاطيما ومبتسم: بجد شكرا
فاطيما: مفيش داعى لشكر يا مستر احنا اصدقاء ولا ايه ..بس عاوزه اعرف
سوء تغذيه ازاى انت مبتكلش
عامر : لا
فاطيما: ليه
عامر: لانك مش معايا .. مبقتش عارف اكل غير معاكى اعمل ايه
فاطيما بتضحك: اعملك منى سيديهات مجسمه حاضر
عامر :يارريت
جت هاله والسندويتشات ..
فاطيما : يلا اتفضل وانا هتفضل ولولو هتتفضل
ابتدت فاطيما تاكل وعامر اتشجع ع الاكل واكل وهاله معاهم وكانوا بيهزروا وبيضحكوا ...ولان رحله فاطيما بليل مشيت متاخر ووصت هاله تهتم بعامر فتره اجازتها وكان يومين وبقى كويس وابتدا يتحرك عادى ...!!!
وكانت فاطيما بتابع عامر ع الشات وبقى كويس ونزل الشغل وموصياه بالعلاج والاكل وانها هتعزمه ع اقرب وقت ع اكله حلوه ... كانت فى رحله لسعوديه ونزلت ف الفندق ومعاها هاله وباقى الطقم وهى واقفه معتز شافها وحاول يكلمها اتجاهلته ومسكت تبص ف الموبيل مشيت هاله للحظات
معتز: فاطيما
فاطيما بصتله بنظره حاده: ايوه يا مستر معتز
معتز: ممكن 5 دقايق ..
فاطيما: اتفضل سمعاك خير
معتز بيبص حواليه : انا عارف انى سببتلك وجع كبير بس محتاجين انا وانتى نقفل الصفحه دى
فاطيما بتتمالك نفسها ومستغربه بساطه كلام معتز : ازاى
معتز بياخد نفس: سيبى الشغل ف الشركه دى وانا هشوفلك ف مكان تانى مينفعش انا وانتى ف مكان واحد
فاطيما ضحكت: اسيب الشغل.. وانا اسيبه ليه
معتز: بصراحه مش مرتاح اننا ف مكان واحد
فاطيما: يبقى حضرتك الل تسيب الشغل مش انا
معتز: انا
فاطيما: انا اعرف الل بيكون مش مرتاح ف مكان بيسيبه ويمشى فاتفضل امشى انا مرتاحه ومش هسيب المكان
معتز حس بعند ف كلام فاطيما : واضح انك اخدتى قرارك
فاطيما: فى حاجه تانى
معتز: اه
فاطيما: خير
معتز بعد تردد لحظات: الل كان بينى وبينك محدش يعرفه ولا يوصل لرويدا ممكن
فاطيما بصتله وراسمه ابتسامه وحست بوجع اووى : وهو كان فى حاجه بينا علشان حد يعرف .. مفيش .. الل موجود الكل عارفه اننا شغالين ف شركه واحده بس .. بعد اذنك يا مستر
مشيت فاطيما وهى موجوعه من كلام معتز ومعتز متفاجئ من اسلوب و كلام وقوه فاطيما حاسس انها اتغيرت جداا وهو واقف وباصص عليها كان عامر موجود نده ع فاطيما فاطيما بصت: مستر عامر حمد الله ع السلامه
عامر باابتسامه: انتى حمد الله ع السلامه انا هنا من يومين
فاطيما: حمد الله ع سلامتنا ..عامل ايه دلواقتى احسن بتاخد علاجك و..
عامر بيضحك: متقلقيش عامل بالوصايا ..
فاطيما بتضحك: شاطور
عامر طلع من جيبه علبه : اتفضلى
فاطيما: ايه دا
عامر: افتحيهاوتعرفى
فتحتها فاطيما وكانت سلسله دهب ابيض وفيها طياره وبرج ايفيل
فاطيما: الله جميله اوى انت جايبها هديه لمينبقى ..اعترف يا مستر
عامر: جايبها ليكى ..هديه ومترفضيش ياريت
فاطيما متفاجئه: هديه بمناسبه ايه
عامر: بمناسبه الل عملتيه ليا بشكرك عليه
فاطيما: انا معملتش حاجه بجد ليه تكلف نفسك
عامر: انا شوفت الديزين دا عجبنى لانه فكرنى بيكى
الطياره باول مقابله واانتى بتقدمى الضيافه وبرج ايفيل سفريه باريس الل اتعاهدنا ع صداقتنا ..
فاطيما ابتسمت : بجد مش عارفه اقول ايه هديه مقبوله شكرا
طلعت فاطيما من شنطتها شيكولاته : وانت كمان خدى دى هديه مؤقته لغايه العزومه الل وعدتك بيها
عامر :وانا فى الانتظار
ف الوقت دا كان واقف معتز ومراقبهم وملامح وشه اتغيره جداا لما شاف فاطيما فرحانه وبتضحك وعامر اداها علبه واخدتها منه وكان ماسك سيجاره محسش بيها لغايه ما لاسعته .. جتله رويدا بتكلمه مردش عليها
رويدا: حبيبى .. معتز
معتز بعصبيه: ايه . ايه
رويدا متفاجئه: مالك
معتز متوتر وبعصبيه: مفيش مفيش مخنوق وعاوز اشم هوا انا هخرج ولوحدى يا رويدا معلش
مستغربه رويدا من تصرفه ومش فاهمه ماله .. خرج معتز وملامح وشه متغيره ووقف وبيكلم نفسه : فاطيما وعامر لا مستحيل ..مستحيل ...!!
____________________
يتبع
ليست هناك تعليقات:
إرسال تعليق