(24)
جميله: فين الناس وفين الافتتاح دا
خرج "على" من المكتب : ماهو مينفعش نبدء الحفله وصاحبه الحفله مش موجوده ولا ايه
جميله بصت ع اتجاهه الصوت ومتفاجئه: على
واستغربت اكتر من شكل "على" وطريقه لبسه .. كان لابس بدله لونها كحلى وقميص بيج فاتح وكرافته كحلى ف بنى ونظاره نظر ومحدد دقنه ..هيئه مختلف عن المتعوده عليها جينز وتيشيرتات ومفيش دقن ولا كان بيلبس نظاره نظر ...
جميله ف حاله صدمه من المفاجئه : على .. على
على بيقرب منها وابتسامته مليه وشه : انتى علقتى ولا ايه
احمد خرج بعديه وكان لبس نفس لبس "على" بس البدله بنى : براحه عليها يا لوول خليها تستوعب .. نورتى شركتنا يا جيمى
جميله من المفاجئه مش مصدقه ..
هايدى مسكت ايد جميله: "على" كلمنى وقالى انه فتح شركه جديده وانهارده يوم الافتتاح وقالى انك ضرورى تكونى موجوده مترددتش وجبتك هنا ..
جميله ودموع نازله من عنيها : هايدى
على قرب منها خطوتين ومبتسم : طيب قوليلى مبروك وبعدين عيطى براحتك
احمد بهزار : يهدك يا لوول .. كده البنت محتاجه تغيير جلده علشان بتسرب ع طول
الكل ضحك وابتسمت جميله ... احمد : جيمى .. ايوه كده بقى الضحكه الحلوه دى كانت فيييييييين الله يسامحه الل ف بالى
على خبطه ع راسه .. احمد : واللله وحشتينى موووت يابنت الايه وع راى الشاعر العمورى " سبت فراغ كبير يا جيمى سبت فراغ كبير "
جميله ابتسمت : وانت كمان يا احمد
على : وانا موحشتكيش
جميله بصت ل على بنظره زعل ودموعها نزلت وسكتت .. على قرب منها وب ايده مسح دموعها : خلاص كفايه بجد كل دمعه بتنزل بتوجعنى انا يا جميله
جميله بصتله ولسه هتتكلم قاطعتها هايدى ...
هايدى : قبل ما تقولى حاجه اسمعى منه الاول
احمد: وف الانجاز بقى يا جيمى علشان الحفله ..
ودخلوا قعدوا ف مكتب "على" وابتدا "على" يحكيلها سبب الل عمله معاها وطريقته انه كان من خوفه انه كان يوعدها بوعد مش هيقدر ينفذه وانه كان سبب المعامله الوحشه ليها كان كده وحب فعلا يثبت انه يستحقها قدام اخوها وانه مش هيسيبها ابدا تانى وجميله بكل بساطه سامحته لانها صدقته لانها بتحبه جدااا حتى وهو بعيد منستهوش ولا لحظه وفرحت اكتر ب انه فكر ودبر وعمل الشغل دا علشان يكسبها هى معاه ...
على ب ابتسامه : صافى يا لبن
جميله ابتسمت : صافى يا لبن
احمد دخل عليهم المكتب وشايف جميله مبتسمه ل على : ماشاء الله عليكى هو دا الل قدرتى عليه يابت طالعى عينه زى ما كان مطلع عينك ببساطه كده ترجعيله يا موكوسه ماهو هبلك دا الل مخليه يزيط فيها معاكى ..اديله جامد كده
جميله مسكت ايد "على" : بحبه يا احمد بحبه
احمد حط ايده ع قلبه: قلبى قلبى قلبى .. بحبه يا بابا عااااااااااااا .. لا انا اخرج اخد كوبايه ليمون تروق او كاكاو يهدى ..فكها عليا بقى يارب
خرج احمد .. على : يلا بقى كفايه دموع علشان ضيفه شرف الحفله هى الل هتقص الشريط
جميله ب ابتسامه: اوكيه
هايدى : لاحظتى يا جميله اسم الشركه ايه ؟
جميله مكنتش اخدت بالها: لا اسمها ايه صحيح
على طلع كارت وادهولها: بريتى لادوات التجميل
جميله اتفاجئت: بريتى .. جميله ...
على :اجمل حاجه ف حياتى حصلت ودا اقل حاجه اقدر اعملهالك
جميله بصت ل على : متسبنيش تانى يا على مهما حصل ..
على مسك ايديها وباسها : مش هسيبك ابدا مهما حصل ...
وابتدت الحفله وقصت جميله الشريط واختلفت جدااا عن اول اليوم وضحكتها رجعت وابتسامتها مختفتش تانى وفرحت هايدى جدااا بالل شايفاه ... قضت اليوم مع احمد وعلى ورجعوا ع البيت وملامحها بقت كلها بهجه وسعاده وكان جمال قاعد مستنيهم لان الاتنين قافلين موابيلاتهم ... :
هايدى : مساء الخير
جمال بقفش : مساء الخير .. ممكن اعرف كنتم فين وقافلين موبيلاتكم ليه
هايدى قلقت ل جمال يزعل جميله ..
هايدى : كنا ف مشوار والموبيلات فصلت
جمال: الاتنين ..
جميله فتحت شنطتها وطلعت كارت : كنا ف حفله افتتاح شركه على
جمال اتفاجئ : مين ؟
هايدى : على وصاحبه احمد عملوا شركه صغيره لادوات التجميل وكنا ف الحفله دى انهارده
جمال مسك الكارت شافه شكله فخم يعنى متكلف مش رخيص ..:
جميله مبتسمه: انا طالعه ارتاح
هايدى باصه ع جميله وهى طالعه: اتغيرت خالص جميله الحمد الله مش لاحظت كده يا جمال
جمال: جاب فلوس ازاى ف الفتره القليله دى
هايدى: هو كان معاه مبلغ وصاحبه معاه مبلغ واخدو قرض من البنك
وبعدين دى شركه صغيره بس ان شاء الله تكبر .. على بيثبت انه بيحب جميله بجد
جمال : وسمى الشركه ع اسمها بريتى
هايدى : مش بقولك بيحبها بجد .. انا طالعه اشوف الاولاد
مشيت هايدى خطوتين ..ورجعت: ع فكره "على" حكى ل جميله ع كل حاجه وكلامك معاه وانه يبعد عنها وكلامك دا هو الل حفزه وخلاه ياخد الخطوه دى
طلعت هايدى ع اوضه اولادها وطلع جمال ع اوضه جميله وكان متردد ومش عارف يوضح ل جميله ازاى .. خبط ع الباب ودخل ..:
جمال : بريتى هتنامى
جميله ب ابتسامه: تعالى يا جيمى شويا
دخل جمال .. جمال بلجلجه: انا حبيت اوضحلك بس انا اتكلمت مع "على" ليه و..
جميله قاطعته ب ابتسامه : متقولش حاجه يا جمال .. "على" قالى وفهمنى كل حاجه وعرفنى قد ايه انت بتحبنى وانا مهمه عندك.. على عنده اخت وفهمك كويس لانه لو مكانك كان هيعمل كده لانه بيحب اخته جدااا وانا مش محتاجه تاكيد لحبك لانى واثقه فيه .. وكلامك كان السبب انه يعملالخطوه دى لمستقبله ويفكر ف شركه دى .. هو مش زعلان منك بالعكس هو احترم فيك خوفك عليا من البهدله وانى اعيش ف مستوى ااقل من الل عشت فيه .. لكن يا جمال ان انا اعيش مع انسان بحبه ويحبنى متفاهمين مع بعض بيحتوينى ويقدرنى وانا احافظ عليه مهما كان المستوى الاجتماعى الل احنا فيه لان التفاهم والحب هو الل بيحدد مستوى العلاقات بين الناس والل فاكر انها الفلوس دا غلط لان الفلوس ممكن ف لحظه تختفى لكن المشاعر بتفضل .. ودا الل انا حسيته مع "على" لانه محتاجنى وانا محتجاله مش محتاجين كام لكن محتاجين بعض ..ولو جى علشان تعتذرلى فاانا مش زعلانه منك لانك ف مكانه بابا وانت عارف انت عندى ايه يا جيمى ولا ايه
جمال ابتسم: وانا الل افتكرت ان "على" هيسخنك عليا وهتكشرى ف وشى ونزعل واقعد اصالح الموضوع طلع بسيط اوى
جميله ابتسمت : لان على مش كده مبيشيلش حقد او زعل ف قلبه اتجاهه اى حد وعارف ان كل واحد ليه مبرر لتصرفه دا وانا مش زعلانه لان حب "على" ف قلبى مش سايب مساحه اشيل من حد وغير كده ااستحاله اشيل منك انت
جمال حضن جميله: انتى اغلى حاجه عندى يا جميله انتى اختى حبيببتى الل اخاف عليها من الهوا وكلامى وموقفى مع "على" دا علشان مكنش ضدك
جميله : عارفه والله ومش زعلانه
جمال بصلها: بس متفتكريش ان فتح شركه يبقى خلاص انا قرارى الاخير لما اشوف خطواته هتبقى ازاى انا هحكم ع الافعال مش الكلام ..ووقتها هقولك قرارى الاخير تمام
جميله : تمام وانا واثقه ف "على" هيثبتلك انه قدها
جمال: هنشووف
تانى يوم ف الشركه "على" و " احمد" كانوا مشغوليين ف اول شغل ليهم وكانت طلبيه هى مش كبيره اووى كانت معقوله مكسبها مقبول وكبدايه كانت حاجه كويسه ... وهما ف الشركه والمكتب كان فيه 8 او 9 موظفين غير احمد وعلى .. وهما قاعدين الصبح وبيشتغلوا اتفاجئوا بجميله داخله المكتب ومعاها شنط كتيره وفيها "كافيه و دونتس " ودخلت توزع ع كل موظف ع مكتبه كوبايه كافيه وقطعه دونتس .. "على" شافها من ورا الازاز المكتب وفرح لما شافها وكان احمد مش ف مكتبه ودخلت ع مكتب "على" ... جميله ب ابتسامه: صباح الخير
على قام وبفرحه: صباح الجمال
جميله: انا قلت انكم كالعاده مش هتفطروا فقلت اجيب ليكم حاجه خفيفه تبدءو بيها اليوم
على بص وضحك: نسكافيه ودونتس فكرتينى بزمان
جميله بتضحك: والله مافى احلى من زمان لكن انا متفائله خير ان الل جى هيكون احلى ان شاء الله
على ابتسم: ان شاء الله
جميله قعدت وطلعت قطعه دونتس ل على ومسكها : هو احمد فين دا لو مااخدش نصيبه هيفضحنا
على بيضحك: بتقولى فيها ومش بعيد يقفلنا باب رزقنا دا
ف الوقت دا دخل احمد المكتب .. احمد وشاف جميله وعلى : لالالا يا عم لووول مش من اولها كده اجدع .. احنا فاتحين المكان دا ودافع تحويشه عمرى علشان اكل عيش مش اكل دونتس وغراميات ع الصبح
على ضحك : تعالى اقعد يافقر
احمد بص ل جميله وشايفها مبهجه ومبتسمه: عندك حق يا لوول تسيب الشغل وتركز ف ..
على خبطه : لم نفسك
احمد: ياجدع كنت هقولك الدونتس طعمه حلو اوى
جميله: انا مستحيل انساك يا احمد اتفضل
جميله قطعت حته من الدونتس الل معاها وحطيتها ف بوق على واحمد شافهم
احمد: هييييح .. امتى بقى يجى اليوم الل ياكلنى ف بوقى كده
جميله: ان شاء الله ربنا هيكرمك متستعجلش
على : هو لسه هيكرمه ..ماهو كرمه ومتنيل ع عينه
جمله: بجد .. مين ؟
على حكى ل جميله ع موضوع هدى ..
جميله بفرحه: هدى .. البنت الل حكتلى عليها وظروفها الوحشه .. والله يااحمد انت ربنا بيحبك انه يرزقك ب انسانه فيها كل الصفات الحلوه دى وربنا يجعلك فرصه تانيه ليها تعيش بيها حياتها ..مبروووك
احمد بملامح يأس: مبرووك ايه هو انا قولتلها حاجه لسه
جميله: ومستنى ايه ؟
احمد بملامح حزن : مستنى اتنيل وانزل مصر ماهو مش هينفع افاتحها ف التليفون عاوز اشوف رأيكشن ام شيماء بعينى
جميله : ام شيماء .. مش هى اسمها هدى
احمد ضحك: لا ماهو انا هاخد شروه ع بعض البت وامها الانجاز مطلوب
ضحكوا .. جميله: طيب انزل وبلاش تأخير كده
احمد بص ل على بنظره غيظ : الاستاذ "على" عاملى فيها صاحب شركه كبرى و حجزنى جنبه لغايه ما نسلم اول طلبيه .. فين ايام المطعم اول ما اقولهم ابويا بيموت مستر ادم بيحدفنى ب اجازه ع طول .. انا لو قلت ل على ابويا مات دلواقتى .. هيقولى مفيش نزول مصر غير بعد تسليم الطلبيه برضه
جميله: ليه كده يا على
احمد بيقلد جميله: ليه كده يا على
ضحك على : مينفعش ببساطه يخلع كده احنا فتحنا المكان دا سوا فنتحمل مسئوليته سوا وهنا المشاركه بالانصاف ومفيش حد هيشيل عن حد هو عاوز يتجوز ويستقر وانا كمان عاوز اتجوز واستقر فكل واحد يشتغل بقى علشان يوصل ل الل عاوزه نسلم اول طلبيه وينزل مصر براحته لكن اخره اسبوع مش اكتر
جميله ابتسمت .. احمد: انت عاوز تتجوز مين يا على ؟
على خبطه ف رجله: مفيش نزول برضه غير بعد اول طلبيه فاهم وومش اسبوع هيكونوا 4 ايام وانا الل هحجزلك التذكره ذهاب ورجوع
احمد : اشكو اليك .. مشحتفنى معاه كده الحقينى ياام شيماء
واستمرت اتصالاات ايمان ب على ع فترات وعرفت منه انه مشغول ف شغل جديد علشان كده مبيردش كتير وهو فعلا مشغول وكانت بتتوهم بعكس كده ان "على" بيتقل عليها .. وتركيزها ف "على" نسيت مازن وانه مسافر .. وف يوم وهى قاعده اسماء راحتلها البيت ..
اسماء شايفاها ماسكه الموبيل : ايه يا ايمى مالك
ايمان: لا مفيش
اسماء: قوليلى مازن عامل ايه كلمك؟
ايمان سكتت : باين كده
اسماء: بتقولى ايه باين
ايمان : يوووه يااسماء انا مش فيقالك واللهى انا داخله ارتاح
اسماء بصت ع ايمان : هو ايه الل مغير حالك كده ياترى ..يارب خير ..
استمرت جميله من يوم فتح الشركه تروح ل على الشركه ومعاها نسكافيه ودونتس ومره غدا ليه وللموظفين تقعد شويا وتمشى .. وكان قرب ميعاد تسليم او طلبيه وهما قاعدين بياكلوا ..:
على: ليه تتعبى نفسك كده يا جميله
جميله: يا حبيببى انت تعبك راحه وانت بتتعب اهو واكيد هتنسى اكلك
على : بس كل مره تجيبى اكل لكل الموظفين
جميله: ماهو كلهم شغاليين يا على وانت طحنهم وشغل كتير
على : اول شغل لشركه لو اتظبط هيجى شغل كتير
جميله : ان شاء الله
على: واوعدك يوم ما اسلم الطلبيه والصفقه تخلص ليكى عندى خروجه بعيده عن جو المكاتب دا
جميله: ماشى وانا مستنيه ..
دخلت السكرتيره المكتب وكانت بنت انجليزيه شعر اصفر وعيون ملونه وجسم ممشوق حطت ورق ع المكتب وخرجت وجميله باصه عليها .. على : روحتى فين ؟
جميله: على ..انا عاوزه اشتغل معاك
على: نعم .. ازاى يعنى ؟
جميله: سكرتيرتك الخاصه ايه رائيك بدل ماانا بجيلك كل مره واعطلك كده هكون معاك ع طول ومتقولش لا انا مؤهلاتى تسمحلى بكده شهاداتى ولغاتى ( وقفت جميله ) وجمالى ينفع وجهه لشركه .. ها
على : هشوف
جميله بسرعه: ع فكره انا بقدملك عرض جمال كان بيتحايل عليا انزل الشغل معاه وانا مردتش .. هتخسر سكرتيره جامده بامكانيات اجمد
على ضحك: هشوف بقولك
جميله بسرعه : مفيش هشوف انا هاجى بكره استلم والموزه دى وديها مكتب تانى وديها ل احمد اهو بيحب الالوان
على ضحك وفهم : بس بشرط مش هتتدخلى ف شغل ولا تتوسطى فيه .. شغلك سكرتاريه فقط لا غير فاهمه ..
جميله: اوكيه
على : ماشى يا جيمى تنورى
جميله : تمام كده .. اصلها مش ناقصه الانجليز
على: بتقولى حاجه
جميله: بقول ان شاء الله هبقى كويسه متقلقش ..
خلصوا الصفقه وسلموا الطلبيه واول حاجه عملها "احمد" انه حجز طيران ل مصر ونزل علشان يفاتح هدى ف الموضوع .. فى نفس اليوم الل احمد رايح فيه ل هدى ... "محمد" اخو "هدى" كان عندهم ف البيت بعد مده 7 شهور مشفهمش وهو قاعد شايف شيماء بنت هدى بتلعب بلعبه غاليه اووى كان جايب لبنته واحده زيها وعارف امكانيتهم متسمحش ...
محمد: شوشو
شيماء: نعم يا خالو
محمد: مين الل جابلك اللعبه الحلوه دى
شيماء: عمو احمد
محمد ب استغراب : عمو احمد ..
شيماء: اه وبيجبلى لعب كتير وحاجات حلوه كتير وقالى هيجبلى حاجات اكتر لما يجلنا تانى
محمد: هو بيجيلكم كتير ؟
شيماء: شويا وشويا بس بيكلم ماما ف الموبيل وانا كمان
محمد سمع الكلام اتعصب مامته كانت داخله الصالون ومن غير اى تفاهم وبصوت عالى :
محمد موجهه كلامه ل مامته بعصبيه : مين عمو احمد دا الل بيجى هنا وبيكلم المدام ف الموبيل .. هى بقت كده سايبه ومحدش بيلمها
مامت هدى: مالك بس اهدى كده يا محمد واسمع
هدى كانت جايبه صينيه الشاى وع الصوت راحت وحطت الصينيه ..
هدى: ف ايه بتزعق لماما ليه ها ؟
محمد بصوت عالى : ماشاء الله بقى ليكى لسان دلواقتى وبتتكلمى ماهو انتى بقيتى سايبه ومفيش حد بيلمك .. بتدخلى رجاله وبتكلمى معاهم ..
هدى بصوت عالى : احترم كلامك يا محمد ايه الل بتقوله دا انا اختك
محمد: وانا ميشرفنيش تكون اختى صايعه كده
هدى بعصبيه: والله عندك حق انا الل غلطانه انى قولت انى اختك ...هو من امتى صحيح انت فكرت فيا انى اختك ..ها من امتى .. بعد بابا ما اتوفى وانت بقى تمامك معايا ترميلى قرشين وشكرا ولا فكرت تسأل عليا حتى ولا ع امك العيانه دى .. وبعدها رمتنى ل رضا وانت عارف عيوبه كويس لكن فلوسه حلوه وقلت زى ما انا بصرف هو يصرف ع اساس انى بقره بتعشروها علشان تدبحوها فحبيت تخلص منى والدنيا لفت و رجعتلك ببنتى الل المفروض الخال والدك وهى يتيمه اتحرمت من حنيه ابوها ومع ذلك اهملتنا ولا بتسأل علينا .. الغرب الل انت معصب نفسك بسببهم احن علينا منك ... تعرف انت ان امك تعبت واتحجزت ف المستشفى كذا مره ولولا الفلوس الل "على" بيبعتها مكنتش قدرت الحقها وانا استحاله امد ايدى لجيران واسمع كلمه منهم " اومال فين محمد سايبكم كده ليه " .. مش ملاحظ اننا مبقناش نقولك ع اى فلوس لاننا مستغنين عنها اصلا لانها منك .. اتقى الله ف كلامك
محمد اتفاجئ: على بيبعتلك فلوس ليه ان شاء الله ... عاوز ايه من واحده ارمله
هدى: اتقى الله ف تفكيرك الزباله دا هو انت ع طول كل حاجه يبقى قصادها حاجه .. على وقف معايا وانت يلى اسمك اخويا بعتننى وقت ما كنت محتجالك وياريتنى سمعت كلامه ف الاول ووقفتلك لكن قلت دا اخويا ههمه .. واحمد الل بتسأل عليه هو الل لحق بنتى ..بنت اختك لما جتلها الحمى وكانت هتموت وانت مجتش وقفلت موبيلك وبيبعتلها العب والهدايا عوضا عن وجودك الل مش موجود اصلا ... الغرب فعلا احن منك
محمد بيتجاهل كلام هدى وركز ع احمد : واحمد دال وان شاء الله عاوز ايه هو كمان ماهو اكيد بيدفع علشان ياخد
هدى بصوت اعلى وبعصبيه : احترم نفسك يا محمد... احمد وعلى ارجل منك ع الاقل فاهمين الرجوله مواقف مش زيك متعرفش عن الرجوله غير اسمها
محمد راح مسك هدى من شعرها وعمال يضربها: انا هربيكى
انا هعرفك ازاى هما ارجل منى
ف الوقت دا شيماء كانت بتصرخ ومامت هدى مش عارفه تحوش بينهم الباب رن الجرس جامد راحت مامت هدى فتحت وهى بتعيط وكان احمد اتخض من شوفتها وسامع صريخ هدى وبسرعه رمى الل ف ايده ودخل شاف محمد ماسك هدى من شعرها وبيضربها راح مسكه وشده واداله بوكس وقعه ع الارض
احمد بعصبيه وبيرفع هدى من الارض : انت حيوان ايه الل بتعمله دا
محمد بعصبيه : انت مين الل دخلك هنا وبتتكلمى معايا كده ليه انا اخوها انت مين
احمد شد طرحه كانت واقعه وحطها ع شعر هدى وشال رماه ع كتافها لان كتف الجلابيه اتقطع من الضرب : انت استحاله تكون اخوها .. بتعمل ف اختك كده قدام والدتك المريضه وبنتها الصغيره .. مش خايف يحصلهم حاجه
محمد: مين الاستاذ بتاع الاخلاق دا
شيماء جريت رمت نفسها ف حضن احمد: عمو احمد الحقنا
محمد : عمو احمد.. انت بقى الل المدام ماشيه معاك ع حل شعرها يا اهلا
احمد اتعصب وكان هيروح يضرب محمد ..هدى مسكته : امشى يا احمد .. امشى
احمد بصلها وشاف بوقها منزل دم وبتعيط: امشى ازاى وانتى كده
محمد: اجبلكم اتنين لمون احسن
هدى بعصبيه وباصه ل اخوها : انت ايه يا اخى .. استحاله تكون انسان .. اطلع بره ومش عاوزه اشوفك هنا اطلع بره ... كفايه كده كفايه
محمد: بتطردينى من بيت ابويا علشان غريب ماشى يا هدى .. شوفى مين الل هيصرف عليكم .. سواء هو او على لو بيدفعوا دلواقتى مش هيفضلوا يدفعوا لاخر العمر
ومشى محمد وهو متعصب وهدى بصت ل احمد: اتفضل يااحمد امشى
احمد: طيب اوديكى مستشفى
هدى بتعيط: ارجوك يااحمد امشى دلواقتى
احمد حس انها منهاره : اوكيه... وهكلمك تانى
مشى احمد اتجاهه باب الشقه وبص ع هدى شافها حاضنه بنتها وعماله تعيط وبقى عنده اصرار اكتر انه يتجوزها عن الاول ... !
مر يومين وراح احمد يزورهم وقعد متكلمش ف اى حاجه حصلت وكان بيهزر مع شيماء وهدى كانت ساكته .. شويا خرجت مامت هدى وشيماء لان احمد طلب من مامتها يتكلم مع هدى ...
احمد: هدى بصراحه كده ومن غير مقدمات وتحوير انا طلبت من مامتك تسيبنا مع بعض
هدى: خير
احمد: من الاخر كده .. انا عاوز اتجوزك ايه رأيك ؟
هدى اتفاجئت .. احمد: قبل ما تقولى ردك .. انا كنت عاوز افتحك من زمان بس ف ظروف حصلت كده ل على ولينا ف شغلنا ولاقيت ان الوقت مش مناسب واجلتها لغايه ما الدنيا تتظبط معايا .. بجد يا هدى وجودك فرق معايا جدااا انتى وشيماء ياريت مترفضيش
هدى بملامح حزن : لاقيت وقت المناسب بعد الل شوفته هنا صح .. صعبت عليك انا
احمد قاطعها: لالالالا خالص انا محدد قرارى قبل ما اجى والل حصل دا اكدلى انك محتجالى اكتر ماانا محتاجلك
هدى: محتاجلى انا .. وانا معايا ايه اقدمه ليك ؟
احمد: معاكى كل حاجه انا عاوزها ومحتاجاها ... طيبه قلبك وحنانك الل انا محروم منها .. الدفئ الل بحسه لما بتكلم معاكى ..مشاركتك ليا وحدتى .. ظهورك انتى وشيماء ملى حياتى لان حياتى كانت فاضيه بجد .. بضحك وبهزر دا بهلى نفسى بيهم لكن اخر اليوم بحس ان الدنيا فاضيه حواليا اوى .. ولما بكلمك انتى او شيماء بحس بحاجه مميزه ف يومى ..
هدى سكتت .. احمد :وانتى محتجالى يا هدى
هدى: انا
احمد: محتاجه السند والضهر وقت الشد .. الايد الل تطبطب عليكى لما تكون زعلانه او مضايقه .. محتاجه الحضن الل يضمك وقت وجعك .. محتاجه من الاخر ل احمد الل هو انا ..
هدى ساكته: مش عارفه اقولك ايه .. بس معتقدش انك فكرت صح.. انت اول مره تتجوز هتتجوز واحده ارمله ومعاها بنت ليه تعمل كده ف نفسك وانت قدامك بنات كتير احلى واصغر
احمد: انا مبدورش ع الاحلى ولا الاصغر .. انا كنت بدور ع الل محتاجلها ومحتاجه لى ..
وانا محتاجك اكتر ما انتى محتجالى وظروفك دى مش ب أرادتك تحصل فكرى فيها انها حصلت علشان ف فرصه تانيه مستنياكى تصلحى بيها الل فات منك واتاكدى من حاجه انا وقت ما قررت انى ارتبط بيكى استحاله ارجع فيه قراراتى زى السيف
هدى ساكته : لكن ..
احمد قاطعها : خدى وقتك وفكرى وهستنى ردك قبل ما اسافر
هدى بتبص ل احمد ومش مصدقه ..
احمد: يبقى استاذن انا وفكرى براحتك انا مش هقولك بحبك وبموت فيكى لكن الل هقوله انى محتاجك معايا وجنبى نكمل الطريق سوا ... !
اسماء قاعده ف شقتها ع الغدا مع محمد جوزها :
محمد: يسلم ايديكى يا سمسمتى المسقعه تحفه
اسماء : تسلملى يا حبيبى
محمد: بس انتى مزوده الملح سيكا كده
اسماء ضحكت: ايوه انا كنت مستنيه تعليق السيكا دا .. اصلى حطيت الملح مرتين بسبب الاستاذ زيزو معلش يا حبيبى
محمد ضحك: ولا يهمك يا حبيببتى بس خلى بالك المره الجايه مش طالبه ضغطى يعلى ولا انتى عاوزانى اقعد جنبك ف البيت
اسماء بتضحك: لالالا بعد الشر عليك وبعدين هندفع الاقساط الل علينا منين
محمد بهزار: انا قلت انك بتستغلينى .. انتى اتجوزتينى طمع فيا صح
اسماء بتضحك: ع ايه يا حسره ياعم روح كل عيش
محمد : ادى الل بناخده من الستات .. بياخدونا لحم ويعضعضوا فينا ويرمونا عضم منكم لله يا ظالمه
اسماء مسكت لياقه القميص: دااحنا نقطعوك ونقلوك ونحمروك ونقرقشوك هم
محمد قرب من اسماء: وانا موافق هو ف كام سمسم ف حياتى
اسماء ضحكت : فصلتنى يا محمد كنا ماشين حلو اهو
محمد ضحك: انتى الل فاشله مبتعرفيش تتماسكى لللاخر
ضحكت اسماء ... محمد :بجد تسلم ايدك ع الاكل يا حبيببتى كفايه انك وقفتى وعملتى اكل من وسط الدوشه بتاعه زياد .. وانى ارجع البيت الاقيه هادى ونضيف ولقمه حلوه ..اه ملح مبيتظبتش معاكى بس طعمه جميل تسلميلى انا ويخليكى لينا
مسك محمد ايد اسماء باسها .. اسماء : ويخليك لينا ويرزقك برزقنا ويكرمك من اوسع ما عنده .. مهما لفيت يا محمد مش هلاقى راجل زيك حنين وطيب وبيعمل اقصى ما عنده علشان يجبلنا طلبتنا
محمد: دا علشان ربنا رزقنى بزوجه مكنتش احلم بيها مستحملانى وعايشه معايا تحت اى ظروف ومبتححسسنيش بهم الدنيا لان راحتى معاها ..
اسماء: تسلملى يا ابو زياد
محمد: كوبايتين شاى بقى ع السريع علشان انزل
اسماء: من عنيا
محمد: لا من البراد لو سمحت
اسماء ضحكت: رخم
محمد: بس بحبك وبتحبينى
راحت اسماء عملت الشاى ومحمد قعد يلعب مع زياد وحطت الصينيه الشاى ومسكت موابيلها تتصل ب ايمان لاقتها مبتردش ...
محمد: مالك يا سمسمتى
اسماء: ايمان محيرانى اوى بقالها شهرين ف مصر مرجعتش فرنسا ومتغيره كده خايفه ليكون بتعمل حاجه تضرها
محمد: طيب اساليها واتكلمى معاها
اسماء: مبتفهمنيش حاجه .. مهما حاولت ..ايمان عامله حاجز بينى وبينها دايما فاكره انى بضرها معان العكس هو الصح ..
محمد: معلش هى اختك ف الاول وف الاخر استحمليها وافضلى وراها
اسماء: هشوف ...
احمد قاعد مع ابوه فاتحه ف موضوع هدى واول ما عرف انها ارمله ومعاها بنت صوته على
ابو احمد: ايه الل انت بتعمله دا .. تصبر تصبر ورايح تتجوز واحد ارمله ومعاه بنت
احمد: ودا فيها ايه يعنى مش فاهم انا
ابوه: انت مش فاهم ولا بتستعبط .. اول نصيبك تكون ارمله ومعاها بنت
احمد: استغفر الله العظيم .. يا حج انا مش فاهم هى فين المشكله انها ارمله ومعاه بنت يعنى
ابوه: ايوه طبعا .. وانت قادر تتجوز بنت بنوت واصغر
احمد ضحك: لا يا حج انا تفكيرى مختلف عنك ف النقطه دى .. انا مش عاوز واحده تدلعنى ..انا عاوز واحده اعيش معاها وتعيش معايا تستحملنى واستحملها
ابوه: فى بنات كده كتير مش ارمله
احمد: ومالها الارمله هى ارمله دى وصمه عار ولا ايه مش بنت زى باقى البنات ولا هى نزلت من بطن امها ارمله دى واحده اتجوزت وربنا افتكرجوزها ايه ذنبها بقى تروح تموت نفسها ولو معاها عيل يموتوا جماعى علشان عيب .. ايه يا حج ركز كده ف كلامك
ابوه: يعنى الناس لما تتكلم وتقول ان اول نصيبك ارمله اقول ايه ؟
احمد: بسيطه.. قولهم اختياره وهو ادرى به ودى حياته .. ومحدش من الناس له حاجه عندى يا حج .. الناس مش فاضيه غير ف اللك والعجن ..وانا مش هرضى الناس ع حسابى .. دى حياتى ودى اختياراتى ودا قرارى .. هتجوز ام شيماء يا حج خلصت
ابوه اتعصب: ومش قادر تقولى اسمها وعمال تقولى ام شيماء
احمد: ماهى فعلا ام شيماء مغلطتش انا ..غير كده علشان اعرفك ان الجوازه دى جايالى بمكسب اتنين ف واحد ياحج هوفر ف الوقت
ابوه : والله انت هزارك وضحكك دا مش فاهم الدنيا صح
احمد ابتسم: بالعكس يا حج انا مكنتش فاهم الدنيا لكن دلواقتى فهمتها صح... فهمت ان راحتى وسعادتى ب ايدى مش ب ايد حد تانى .. وان الدنيا مش ب المظاهر لان الباطن فيها اكتر وكتير بيكون احلى واى خطوه ف حياتى افكر فيها جدااا كويس قبل ما اقرر واختيارى انا الل بتحمل نتيجته لوحدى علشان كده ضرورى افكر كويس ولما اقرر يبقى سقط السيف ع التفاحه ومقدمناش حل غير اننا ناكلها هم هم زى التفاحه دى
مسك تفاحه وقسمها واكلها : اتفضل يا حج التفاح تفاحك ...
ابوه : يعنى مش هتندم ع اختيارك لوحده ارمله
احمد: سواء ارمله او مطلقه دى ظروف حكمت عليهم كده واحنا علشان مجتمع متخلف للاسف بنشيلهم الهم معان بره مصر ولا بيفكروا دى مطلقه ولا ارمله تفكيرهم ف الانسانه نفسها تكوينها شخصيتها .. ودا المفروض نفكر فيه هنا لبعض .. لان الغلط والصح مفروض ع كل الناس المتجوزين والعزاب والمطلقيين والارامل .. فتصرفاتهم هى الل بتخلى الناس تحكم عليهم كل شخص شايل ليلته مش معنى واحده مطلقه تتصرف غلط يبقى كل المطلقات كده .. مش سوق هو وبالكيلو ... احنا مين كمان علشان نحكم ع الناس وربنا يوم القيامه هيحاسب كل انسان فردانى بعمله ... فكها كده يا حج وانا متاخد انك هتحب ام شيماء وشيماء وتقولك ياجدو وبتاع
ابوه مش عارف يرد عليه : ربنا يجعل قرارك خير ليك
احمد: لا ونبى يا حج ادعى ان ام شيماء توافق
ابوه: هى كمان مش موافقه
احمد: بنادمه ياحج وليها حق تفكر مش حياتها دى ولا كيلو باميه
صحيح انت اتغديت ايه انهارده ل حسن جعان ولا هنقضيها تفاح ..
ضحك ابوه وطلب الغدا يتحضر واتغدى معاه احمد وشويا ونزل قعد ع قهوه ع النيل وسرح وفكر : ياترى يا ام شيماء ردك هيكون ايه ؟
قبل ما يسافر "احمد" راح علشان يسمع الرد من "هدى " مرحيتهوش وقالتله جمله واحده
"ادينى فرصه افكر وانت كمان فكر كمان " رجع وهو مضايق جدا ع لندن فرجع ع الشقه دخل نام ومرحش ع الشركه ... !
كانت جميله خلاص نزلت استلمت الشغل وكانت نشيطه جدااا وعلى اعجب بحماسها واقتراحتها ورفض انها تتوسطله ف اى شغل لانه عاوز يثبت وجوده بنفسه شافوا احمد
جميله : حمد الله ع سلامتك
على قام سلم ع احمد: والله ليك وحشه ياابو حميد
احمد قعد وكان بينقفخ : الله يسلمك
جميله: مالك ؟
على: ايه حصل ؟
احمد بملامح حزن: ام شيماء تعبانى يا لوول .. مريحتنيش ورجعتنى قفايا يقمر فرنه عيش
على : قالتلك لا
احمد: ولا قالت اه .. قالت محتاجه تفكر
جميله: اديها فرصتها تفكر يا احمد
على: تحب اكلمها انا طيب
احمد: ليه يا جدع شايفنى بضاعه بايره مش لاقيه مشترى .. احنا جامدين اوى ع فكره
جميله ضحكت: بجد لو بتسمع ل على خليها تكلمه
احمد: لا هديها وقتها وهى قالتلى هتكلمنى وانا كنت عملت الل عليا وروحت ل الحلال برجلى معان الحرام بره اهو بيغمزلى بس اقول ايه .. لان الحلال احلى سانتظر
على : خير ان شاء الله تفائل
احمد : اكيد هتفائل ..يلا انا ف مكتبى ..
خرج احمد ومعاه جميله وقعدوا يناكفوا ف بعض ... !!
مر شهرين كمان ف الشركه وكان ف طلبيتين تانين والطلبيه الاولى سمعت ومعامله على واحمد مع العملاء وجميله فكانوا بيطمنلهم بسهوله ومضوا عقدين ...
فى الويك اند طلب "على" من "جميله" يخرجوا مع بعض يقضوا يوم كامل بره .. كان "على" اشترى عربيه بالقسط وكانت دى اول خروجه له بيها ..عدى ع جميله ف الفيلا اخدها وراحوا ع مطعم فطروا وبعدها اتمشوا واشترالها ايس كريم :
جميله : الله ..الشوكولت طعمه تحفه
على : الفانيليا تحفه كمان
جميله مددت صباعها واخدت من الايس بتاع على : اممم لذيذ
على بص ل جميله وكان فى شوكولت ع شفايفها من جنب مد صباعه وشاله به واكله: اممم لذيذ
جميله اتحرجت: ايه الل عملته دا
على: ف ايه اخدت ايس كريم زى ما اخدتى منى
جميله: ماهو ف ف ايديا ايه خلاك تروح لشفايفى
على : الله .. انتى محسسانى انى بوستك دى لحسه كده تصبيره
جميله خبطه ع كتفه: تصبيره ايه ها ها
على بيضحك: اقصد تصبيره لغايه ما نتغدى ظلمانى انتى
جميله اتكسفت: اه فعلا انا ظالمه
على:لا جميله
جميله: لابجد
على : عينك ف عنيا وشوفى كده
كانت جميله بتاكل ايس كريم ولحوست عند شفايفها تانى وبصت ف عين على راح مد صوباعه تانى ومسح الايس كريم واكله : لا انتى قاصده ..المره التالته مش هشيله بصباعى
جميله: نعم هتشيله ب ايه
على وقف وبيبص حواليه وبص ل جميله : هشيله ..هشيله ..هشيله كده
راح قرب من جميله لكن جميله اخدت بالها وجريت : ابقى قابلنى
على : استنى هنا يابتاعه الايس كريم استنى
وجرى "على" ورا " جميله .... وقضوا اليوم وقرب من بيتها العربيه وقفت ...:
جميله: ايه دا .. وقفت هنا ليه ؟
على : اوووبس واضح ان العجله ريحت
جميله: وهتعمل ايه طيب ؟
على : هعمل ايه هغيرها طبعا ...انزلى انتى اتمشى الخطوتين دول وسبينى اتعامل معاها كده
جميله: لا طبعا مش هسيبك لوحدك هفضل معاك لغايه ما تغيرها وتمشى
على : اممم طيب روحى نزلى الاسبتن من الشنطه بما انك مضحيه كده يا بليه
جميله ضحكت: اصبر عليا انا هغيرهالك يلا افتح انت الشنطه
نزلت جميله ووقفت قدام الشنطه خبطت عليها علشان يفتحها ومسكت موابيلها علشان تتصل بالامن الل ف الفيلا يجوا يساعدوها ف اللحظه دى شنطه العربيه فتحت ولسه بتبص لاقت بلاليين ومكتوب ف ارض الشنطه كلمه "Will You Marry Me ? "
مكتوبه بحجر مضئ بينور وفى الوسط علبه صغيره .. جميله من المفاجاءه مش مصدقه وحاطه ايديها ع بوقها وف اللحظه دى "على" خرج من العربيه وراح اتجاهها ..
على : انتى مش موافقه الم بلاليينى وامشى
جميله بصاله وملامح وشها سعاده: على .. انت
على مسك ايديها : انا مش عاوز اعدى ثانيه وانتى مش معايا واقول لناس دى كلها ان جميله مراتى وحبيببتى انا ومش هستنى اكتر من كده .. موافقه تشاركينى حياتى الوحش قبل الحلو ولا الم بلاليينى وامشى
جميله ضحكت وبصت تانى ع الكلمه .. على مسك العلبه وفتحها وشافت خاتم
جميله اتفاجئت بالخاتم : على .. مش معقول
على بص ل الخاتم: انا فاكر الخاتم دا شوفتيه ف مجله من مجلات الل كنا بنبيعها وكان عاجبك اووى وسمعتك وبتقولى ل احمد نفسك لما ترتبطى ب انسان بيحبك وبتحبيه يقدمهولك ف عرض الجواز وانا شيلت الورقه دى معايا ووديتها لمحل مجورات وعملها مخصوص ليكى
مسك على الخاتم : تقبلى تتجوزينى .. قولى اه بقى
مدت ايديها جميله ولبسته: اكيد اه طبعا
حضنت جميله على المفاجاءه خلتها طايره من السعاده وهى ف حضن على
على : ايوه بقى ناكل ايس كريم بالحلال وبراحتنا
جميله ضحكت .... وصلها لغايه البيت واخدت البلاليين معاه واللوحه الل عليها الحجر المضئ ودخلت به الفيلا وحطته ف اوضتها وكانت فرحانه .. دخلت هايدى وشافتها وفرحت ل جميله اوووى ... وعلى كان اتفق مع جميله تحدد ميعاد يقابل جمال ف البيت مش الشركه ف استنت جميله جمال لغايه ما رجع واتفقت معاه ع اليوم وبلغت على ... !
فى يوم المحدد راح "على" بيت " جميله" وكانت مستنياه .. الباب رن مستنتش حد من الخدم يفتح راحت فتحت الباب وب ابتسامه: على ..اهلا بيك
على كان معاه شوكولاته ملفوفه لفه شيك وكانت من النوع الل بتحبه جميله وادهالها وكان معاه ف الايد التانيه بوكيه ورد شيك لما شاف هايدى ادهولها وعجبها جدا ... قعد ف الصالون وكان بيتكلم مع جميله وهايدى لغايه ما جمال نزل وسلم عليه واخده ودخلوا المكتب : القهوه ف المكتب يا هايدى بعد اذنك
مشى ودخلوا ... جمال: اهلا بك يا على
على ب ابتسامه وبكل ثقه: اهلا بحضرتك
جمال: مبروووك ع الشغل الجديد هى متاخره بس خطوه كويسه لمستقبلك
على باابتسامه: الفضل بعد ربنا يبقى لحضرتك لولا كلامك الل استفزنى وشجعنى وخوفى انى اخسر جميله كل دا كان دافع قوى انى افكر ابدء صح
جمال: بالتوفيق .. جميله بتحكى ع الشغل انه شغال كويس
على : برغم الطلبات الل بتجي قليله بس ارباحها معقوله ومع الوقت ان شاء الله نتوسع
جمال: ان شاء الله
على عدل قعدته: انا جيت انهارده اطلب ايد جميله واتمنى مترفضش
جمال ضحك: ولو رفضت هتعمل ايه
على : هسمع اسبابك وهرجع تانى اتقدملها اترفضت تانى هرجع تالت وهفضل اجى لغايه ما تقتنع
جمال: داانت مصمم بقى
على: جميله علمتنى حاجه مهمه ف حياتى اووى ان لو عوزت حاجه اصمم عليها لغايه ما اخدها حتى لو الامل ضعيف لان الظروف بتتغير ومفيش حاجه ثابته
جمال: فعلا مفيش حاجه ثابته الل يشوفك اخر مره هنا ميشوفكش دلواقتى بس عجبنى اصرارك وثقتك ف نفسك وانت بتتكلم لوهله تقول غرور لكن دلواقتى دا ثقه
على: الحمد الله
جمال : انا هوافق علشان جميله اختى قبل اى حاجه وسعادتها تهمنى وواضح انها معاك
على بسعاده: الحمد الله
جمال بنظره حاده: انا هوافق ع خطوبه ف الوضع الحالى لكن متتخيلش ان دى موافقتى النهائيه انت تحت الميكروسكوب ولو اكتشفت او عرفت انك عملت حاجه تضرها وهتضر سمعتها صدقنى انا مش هرحمك لان دى جميله اختى الوحيد وروحى والل يقرب من روحى يتحرق
على ضحك: الل يسمع كده يقول دا تهديد
جمال ب ابتسامه: ايوه تهديد .. لو اختى ف يوم زعلت ولا دمعه من عنيها نزلت هتكون انت المسئول ومش هقولك انا هعمل ايه وقتها ..لكن الل هقدر اقولهولك ان معاك فرصه لو ضاعت مش هترجع
على بنظره ثقه: وانا مش هضيع فرصتى مع جميله مهما كلف الامر ..
جمال مد ايده: نقرا الفاتحه
جميله دخلت : اقراها معاكم
ضحك جمال ودخلت هايدى وقروا الفاتحه كلهم وكانت جميله سعيده اوى بالخطوه دى الل قربت اكتر واكتر ل على ...!
_______________
يتبع
جميله: فين الناس وفين الافتتاح دا
خرج "على" من المكتب : ماهو مينفعش نبدء الحفله وصاحبه الحفله مش موجوده ولا ايه
جميله بصت ع اتجاهه الصوت ومتفاجئه: على
واستغربت اكتر من شكل "على" وطريقه لبسه .. كان لابس بدله لونها كحلى وقميص بيج فاتح وكرافته كحلى ف بنى ونظاره نظر ومحدد دقنه ..هيئه مختلف عن المتعوده عليها جينز وتيشيرتات ومفيش دقن ولا كان بيلبس نظاره نظر ...
جميله ف حاله صدمه من المفاجئه : على .. على
على بيقرب منها وابتسامته مليه وشه : انتى علقتى ولا ايه
احمد خرج بعديه وكان لبس نفس لبس "على" بس البدله بنى : براحه عليها يا لوول خليها تستوعب .. نورتى شركتنا يا جيمى
جميله من المفاجئه مش مصدقه ..
هايدى مسكت ايد جميله: "على" كلمنى وقالى انه فتح شركه جديده وانهارده يوم الافتتاح وقالى انك ضرورى تكونى موجوده مترددتش وجبتك هنا ..
جميله ودموع نازله من عنيها : هايدى
على قرب منها خطوتين ومبتسم : طيب قوليلى مبروك وبعدين عيطى براحتك
احمد بهزار : يهدك يا لوول .. كده البنت محتاجه تغيير جلده علشان بتسرب ع طول
الكل ضحك وابتسمت جميله ... احمد : جيمى .. ايوه كده بقى الضحكه الحلوه دى كانت فيييييييين الله يسامحه الل ف بالى
على خبطه ع راسه .. احمد : واللله وحشتينى موووت يابنت الايه وع راى الشاعر العمورى " سبت فراغ كبير يا جيمى سبت فراغ كبير "
جميله ابتسمت : وانت كمان يا احمد
على : وانا موحشتكيش
جميله بصت ل على بنظره زعل ودموعها نزلت وسكتت .. على قرب منها وب ايده مسح دموعها : خلاص كفايه بجد كل دمعه بتنزل بتوجعنى انا يا جميله
جميله بصتله ولسه هتتكلم قاطعتها هايدى ...
هايدى : قبل ما تقولى حاجه اسمعى منه الاول
احمد: وف الانجاز بقى يا جيمى علشان الحفله ..
ودخلوا قعدوا ف مكتب "على" وابتدا "على" يحكيلها سبب الل عمله معاها وطريقته انه كان من خوفه انه كان يوعدها بوعد مش هيقدر ينفذه وانه كان سبب المعامله الوحشه ليها كان كده وحب فعلا يثبت انه يستحقها قدام اخوها وانه مش هيسيبها ابدا تانى وجميله بكل بساطه سامحته لانها صدقته لانها بتحبه جدااا حتى وهو بعيد منستهوش ولا لحظه وفرحت اكتر ب انه فكر ودبر وعمل الشغل دا علشان يكسبها هى معاه ...
على ب ابتسامه : صافى يا لبن
جميله ابتسمت : صافى يا لبن
احمد دخل عليهم المكتب وشايف جميله مبتسمه ل على : ماشاء الله عليكى هو دا الل قدرتى عليه يابت طالعى عينه زى ما كان مطلع عينك ببساطه كده ترجعيله يا موكوسه ماهو هبلك دا الل مخليه يزيط فيها معاكى ..اديله جامد كده
جميله مسكت ايد "على" : بحبه يا احمد بحبه
احمد حط ايده ع قلبه: قلبى قلبى قلبى .. بحبه يا بابا عااااااااااااا .. لا انا اخرج اخد كوبايه ليمون تروق او كاكاو يهدى ..فكها عليا بقى يارب
خرج احمد .. على : يلا بقى كفايه دموع علشان ضيفه شرف الحفله هى الل هتقص الشريط
جميله ب ابتسامه: اوكيه
هايدى : لاحظتى يا جميله اسم الشركه ايه ؟
جميله مكنتش اخدت بالها: لا اسمها ايه صحيح
على طلع كارت وادهولها: بريتى لادوات التجميل
جميله اتفاجئت: بريتى .. جميله ...
على :اجمل حاجه ف حياتى حصلت ودا اقل حاجه اقدر اعملهالك
جميله بصت ل على : متسبنيش تانى يا على مهما حصل ..
على مسك ايديها وباسها : مش هسيبك ابدا مهما حصل ...
وابتدت الحفله وقصت جميله الشريط واختلفت جدااا عن اول اليوم وضحكتها رجعت وابتسامتها مختفتش تانى وفرحت هايدى جدااا بالل شايفاه ... قضت اليوم مع احمد وعلى ورجعوا ع البيت وملامحها بقت كلها بهجه وسعاده وكان جمال قاعد مستنيهم لان الاتنين قافلين موابيلاتهم ... :
هايدى : مساء الخير
جمال بقفش : مساء الخير .. ممكن اعرف كنتم فين وقافلين موبيلاتكم ليه
هايدى قلقت ل جمال يزعل جميله ..
هايدى : كنا ف مشوار والموبيلات فصلت
جمال: الاتنين ..
جميله فتحت شنطتها وطلعت كارت : كنا ف حفله افتتاح شركه على
جمال اتفاجئ : مين ؟
هايدى : على وصاحبه احمد عملوا شركه صغيره لادوات التجميل وكنا ف الحفله دى انهارده
جمال مسك الكارت شافه شكله فخم يعنى متكلف مش رخيص ..:
جميله مبتسمه: انا طالعه ارتاح
هايدى باصه ع جميله وهى طالعه: اتغيرت خالص جميله الحمد الله مش لاحظت كده يا جمال
جمال: جاب فلوس ازاى ف الفتره القليله دى
هايدى: هو كان معاه مبلغ وصاحبه معاه مبلغ واخدو قرض من البنك
وبعدين دى شركه صغيره بس ان شاء الله تكبر .. على بيثبت انه بيحب جميله بجد
جمال : وسمى الشركه ع اسمها بريتى
هايدى : مش بقولك بيحبها بجد .. انا طالعه اشوف الاولاد
مشيت هايدى خطوتين ..ورجعت: ع فكره "على" حكى ل جميله ع كل حاجه وكلامك معاه وانه يبعد عنها وكلامك دا هو الل حفزه وخلاه ياخد الخطوه دى
طلعت هايدى ع اوضه اولادها وطلع جمال ع اوضه جميله وكان متردد ومش عارف يوضح ل جميله ازاى .. خبط ع الباب ودخل ..:
جمال : بريتى هتنامى
جميله ب ابتسامه: تعالى يا جيمى شويا
دخل جمال .. جمال بلجلجه: انا حبيت اوضحلك بس انا اتكلمت مع "على" ليه و..
جميله قاطعته ب ابتسامه : متقولش حاجه يا جمال .. "على" قالى وفهمنى كل حاجه وعرفنى قد ايه انت بتحبنى وانا مهمه عندك.. على عنده اخت وفهمك كويس لانه لو مكانك كان هيعمل كده لانه بيحب اخته جدااا وانا مش محتاجه تاكيد لحبك لانى واثقه فيه .. وكلامك كان السبب انه يعملالخطوه دى لمستقبله ويفكر ف شركه دى .. هو مش زعلان منك بالعكس هو احترم فيك خوفك عليا من البهدله وانى اعيش ف مستوى ااقل من الل عشت فيه .. لكن يا جمال ان انا اعيش مع انسان بحبه ويحبنى متفاهمين مع بعض بيحتوينى ويقدرنى وانا احافظ عليه مهما كان المستوى الاجتماعى الل احنا فيه لان التفاهم والحب هو الل بيحدد مستوى العلاقات بين الناس والل فاكر انها الفلوس دا غلط لان الفلوس ممكن ف لحظه تختفى لكن المشاعر بتفضل .. ودا الل انا حسيته مع "على" لانه محتاجنى وانا محتجاله مش محتاجين كام لكن محتاجين بعض ..ولو جى علشان تعتذرلى فاانا مش زعلانه منك لانك ف مكانه بابا وانت عارف انت عندى ايه يا جيمى ولا ايه
جمال ابتسم: وانا الل افتكرت ان "على" هيسخنك عليا وهتكشرى ف وشى ونزعل واقعد اصالح الموضوع طلع بسيط اوى
جميله ابتسمت : لان على مش كده مبيشيلش حقد او زعل ف قلبه اتجاهه اى حد وعارف ان كل واحد ليه مبرر لتصرفه دا وانا مش زعلانه لان حب "على" ف قلبى مش سايب مساحه اشيل من حد وغير كده ااستحاله اشيل منك انت
جمال حضن جميله: انتى اغلى حاجه عندى يا جميله انتى اختى حبيببتى الل اخاف عليها من الهوا وكلامى وموقفى مع "على" دا علشان مكنش ضدك
جميله : عارفه والله ومش زعلانه
جمال بصلها: بس متفتكريش ان فتح شركه يبقى خلاص انا قرارى الاخير لما اشوف خطواته هتبقى ازاى انا هحكم ع الافعال مش الكلام ..ووقتها هقولك قرارى الاخير تمام
جميله : تمام وانا واثقه ف "على" هيثبتلك انه قدها
جمال: هنشووف
تانى يوم ف الشركه "على" و " احمد" كانوا مشغوليين ف اول شغل ليهم وكانت طلبيه هى مش كبيره اووى كانت معقوله مكسبها مقبول وكبدايه كانت حاجه كويسه ... وهما ف الشركه والمكتب كان فيه 8 او 9 موظفين غير احمد وعلى .. وهما قاعدين الصبح وبيشتغلوا اتفاجئوا بجميله داخله المكتب ومعاها شنط كتيره وفيها "كافيه و دونتس " ودخلت توزع ع كل موظف ع مكتبه كوبايه كافيه وقطعه دونتس .. "على" شافها من ورا الازاز المكتب وفرح لما شافها وكان احمد مش ف مكتبه ودخلت ع مكتب "على" ... جميله ب ابتسامه: صباح الخير
على قام وبفرحه: صباح الجمال
جميله: انا قلت انكم كالعاده مش هتفطروا فقلت اجيب ليكم حاجه خفيفه تبدءو بيها اليوم
على بص وضحك: نسكافيه ودونتس فكرتينى بزمان
جميله بتضحك: والله مافى احلى من زمان لكن انا متفائله خير ان الل جى هيكون احلى ان شاء الله
على ابتسم: ان شاء الله
جميله قعدت وطلعت قطعه دونتس ل على ومسكها : هو احمد فين دا لو مااخدش نصيبه هيفضحنا
على بيضحك: بتقولى فيها ومش بعيد يقفلنا باب رزقنا دا
ف الوقت دا دخل احمد المكتب .. احمد وشاف جميله وعلى : لالالا يا عم لووول مش من اولها كده اجدع .. احنا فاتحين المكان دا ودافع تحويشه عمرى علشان اكل عيش مش اكل دونتس وغراميات ع الصبح
على ضحك : تعالى اقعد يافقر
احمد بص ل جميله وشايفها مبهجه ومبتسمه: عندك حق يا لوول تسيب الشغل وتركز ف ..
على خبطه : لم نفسك
احمد: ياجدع كنت هقولك الدونتس طعمه حلو اوى
جميله: انا مستحيل انساك يا احمد اتفضل
جميله قطعت حته من الدونتس الل معاها وحطيتها ف بوق على واحمد شافهم
احمد: هييييح .. امتى بقى يجى اليوم الل ياكلنى ف بوقى كده
جميله: ان شاء الله ربنا هيكرمك متستعجلش
على : هو لسه هيكرمه ..ماهو كرمه ومتنيل ع عينه
جمله: بجد .. مين ؟
على حكى ل جميله ع موضوع هدى ..
جميله بفرحه: هدى .. البنت الل حكتلى عليها وظروفها الوحشه .. والله يااحمد انت ربنا بيحبك انه يرزقك ب انسانه فيها كل الصفات الحلوه دى وربنا يجعلك فرصه تانيه ليها تعيش بيها حياتها ..مبروووك
احمد بملامح يأس: مبرووك ايه هو انا قولتلها حاجه لسه
جميله: ومستنى ايه ؟
احمد بملامح حزن : مستنى اتنيل وانزل مصر ماهو مش هينفع افاتحها ف التليفون عاوز اشوف رأيكشن ام شيماء بعينى
جميله : ام شيماء .. مش هى اسمها هدى
احمد ضحك: لا ماهو انا هاخد شروه ع بعض البت وامها الانجاز مطلوب
ضحكوا .. جميله: طيب انزل وبلاش تأخير كده
احمد بص ل على بنظره غيظ : الاستاذ "على" عاملى فيها صاحب شركه كبرى و حجزنى جنبه لغايه ما نسلم اول طلبيه .. فين ايام المطعم اول ما اقولهم ابويا بيموت مستر ادم بيحدفنى ب اجازه ع طول .. انا لو قلت ل على ابويا مات دلواقتى .. هيقولى مفيش نزول مصر غير بعد تسليم الطلبيه برضه
جميله: ليه كده يا على
احمد بيقلد جميله: ليه كده يا على
ضحك على : مينفعش ببساطه يخلع كده احنا فتحنا المكان دا سوا فنتحمل مسئوليته سوا وهنا المشاركه بالانصاف ومفيش حد هيشيل عن حد هو عاوز يتجوز ويستقر وانا كمان عاوز اتجوز واستقر فكل واحد يشتغل بقى علشان يوصل ل الل عاوزه نسلم اول طلبيه وينزل مصر براحته لكن اخره اسبوع مش اكتر
جميله ابتسمت .. احمد: انت عاوز تتجوز مين يا على ؟
على خبطه ف رجله: مفيش نزول برضه غير بعد اول طلبيه فاهم وومش اسبوع هيكونوا 4 ايام وانا الل هحجزلك التذكره ذهاب ورجوع
احمد : اشكو اليك .. مشحتفنى معاه كده الحقينى ياام شيماء
واستمرت اتصالاات ايمان ب على ع فترات وعرفت منه انه مشغول ف شغل جديد علشان كده مبيردش كتير وهو فعلا مشغول وكانت بتتوهم بعكس كده ان "على" بيتقل عليها .. وتركيزها ف "على" نسيت مازن وانه مسافر .. وف يوم وهى قاعده اسماء راحتلها البيت ..
اسماء شايفاها ماسكه الموبيل : ايه يا ايمى مالك
ايمان: لا مفيش
اسماء: قوليلى مازن عامل ايه كلمك؟
ايمان سكتت : باين كده
اسماء: بتقولى ايه باين
ايمان : يوووه يااسماء انا مش فيقالك واللهى انا داخله ارتاح
اسماء بصت ع ايمان : هو ايه الل مغير حالك كده ياترى ..يارب خير ..
استمرت جميله من يوم فتح الشركه تروح ل على الشركه ومعاها نسكافيه ودونتس ومره غدا ليه وللموظفين تقعد شويا وتمشى .. وكان قرب ميعاد تسليم او طلبيه وهما قاعدين بياكلوا ..:
على: ليه تتعبى نفسك كده يا جميله
جميله: يا حبيببى انت تعبك راحه وانت بتتعب اهو واكيد هتنسى اكلك
على : بس كل مره تجيبى اكل لكل الموظفين
جميله: ماهو كلهم شغاليين يا على وانت طحنهم وشغل كتير
على : اول شغل لشركه لو اتظبط هيجى شغل كتير
جميله : ان شاء الله
على: واوعدك يوم ما اسلم الطلبيه والصفقه تخلص ليكى عندى خروجه بعيده عن جو المكاتب دا
جميله: ماشى وانا مستنيه ..
دخلت السكرتيره المكتب وكانت بنت انجليزيه شعر اصفر وعيون ملونه وجسم ممشوق حطت ورق ع المكتب وخرجت وجميله باصه عليها .. على : روحتى فين ؟
جميله: على ..انا عاوزه اشتغل معاك
على: نعم .. ازاى يعنى ؟
جميله: سكرتيرتك الخاصه ايه رائيك بدل ماانا بجيلك كل مره واعطلك كده هكون معاك ع طول ومتقولش لا انا مؤهلاتى تسمحلى بكده شهاداتى ولغاتى ( وقفت جميله ) وجمالى ينفع وجهه لشركه .. ها
على : هشوف
جميله بسرعه: ع فكره انا بقدملك عرض جمال كان بيتحايل عليا انزل الشغل معاه وانا مردتش .. هتخسر سكرتيره جامده بامكانيات اجمد
على ضحك: هشوف بقولك
جميله بسرعه : مفيش هشوف انا هاجى بكره استلم والموزه دى وديها مكتب تانى وديها ل احمد اهو بيحب الالوان
على ضحك وفهم : بس بشرط مش هتتدخلى ف شغل ولا تتوسطى فيه .. شغلك سكرتاريه فقط لا غير فاهمه ..
جميله: اوكيه
على : ماشى يا جيمى تنورى
جميله : تمام كده .. اصلها مش ناقصه الانجليز
على: بتقولى حاجه
جميله: بقول ان شاء الله هبقى كويسه متقلقش ..
خلصوا الصفقه وسلموا الطلبيه واول حاجه عملها "احمد" انه حجز طيران ل مصر ونزل علشان يفاتح هدى ف الموضوع .. فى نفس اليوم الل احمد رايح فيه ل هدى ... "محمد" اخو "هدى" كان عندهم ف البيت بعد مده 7 شهور مشفهمش وهو قاعد شايف شيماء بنت هدى بتلعب بلعبه غاليه اووى كان جايب لبنته واحده زيها وعارف امكانيتهم متسمحش ...
محمد: شوشو
شيماء: نعم يا خالو
محمد: مين الل جابلك اللعبه الحلوه دى
شيماء: عمو احمد
محمد ب استغراب : عمو احمد ..
شيماء: اه وبيجبلى لعب كتير وحاجات حلوه كتير وقالى هيجبلى حاجات اكتر لما يجلنا تانى
محمد: هو بيجيلكم كتير ؟
شيماء: شويا وشويا بس بيكلم ماما ف الموبيل وانا كمان
محمد سمع الكلام اتعصب مامته كانت داخله الصالون ومن غير اى تفاهم وبصوت عالى :
محمد موجهه كلامه ل مامته بعصبيه : مين عمو احمد دا الل بيجى هنا وبيكلم المدام ف الموبيل .. هى بقت كده سايبه ومحدش بيلمها
مامت هدى: مالك بس اهدى كده يا محمد واسمع
هدى كانت جايبه صينيه الشاى وع الصوت راحت وحطت الصينيه ..
هدى: ف ايه بتزعق لماما ليه ها ؟
محمد بصوت عالى : ماشاء الله بقى ليكى لسان دلواقتى وبتتكلمى ماهو انتى بقيتى سايبه ومفيش حد بيلمك .. بتدخلى رجاله وبتكلمى معاهم ..
هدى بصوت عالى : احترم كلامك يا محمد ايه الل بتقوله دا انا اختك
محمد: وانا ميشرفنيش تكون اختى صايعه كده
هدى بعصبيه: والله عندك حق انا الل غلطانه انى قولت انى اختك ...هو من امتى صحيح انت فكرت فيا انى اختك ..ها من امتى .. بعد بابا ما اتوفى وانت بقى تمامك معايا ترميلى قرشين وشكرا ولا فكرت تسأل عليا حتى ولا ع امك العيانه دى .. وبعدها رمتنى ل رضا وانت عارف عيوبه كويس لكن فلوسه حلوه وقلت زى ما انا بصرف هو يصرف ع اساس انى بقره بتعشروها علشان تدبحوها فحبيت تخلص منى والدنيا لفت و رجعتلك ببنتى الل المفروض الخال والدك وهى يتيمه اتحرمت من حنيه ابوها ومع ذلك اهملتنا ولا بتسأل علينا .. الغرب الل انت معصب نفسك بسببهم احن علينا منك ... تعرف انت ان امك تعبت واتحجزت ف المستشفى كذا مره ولولا الفلوس الل "على" بيبعتها مكنتش قدرت الحقها وانا استحاله امد ايدى لجيران واسمع كلمه منهم " اومال فين محمد سايبكم كده ليه " .. مش ملاحظ اننا مبقناش نقولك ع اى فلوس لاننا مستغنين عنها اصلا لانها منك .. اتقى الله ف كلامك
محمد اتفاجئ: على بيبعتلك فلوس ليه ان شاء الله ... عاوز ايه من واحده ارمله
هدى: اتقى الله ف تفكيرك الزباله دا هو انت ع طول كل حاجه يبقى قصادها حاجه .. على وقف معايا وانت يلى اسمك اخويا بعتننى وقت ما كنت محتجالك وياريتنى سمعت كلامه ف الاول ووقفتلك لكن قلت دا اخويا ههمه .. واحمد الل بتسأل عليه هو الل لحق بنتى ..بنت اختك لما جتلها الحمى وكانت هتموت وانت مجتش وقفلت موبيلك وبيبعتلها العب والهدايا عوضا عن وجودك الل مش موجود اصلا ... الغرب فعلا احن منك
محمد بيتجاهل كلام هدى وركز ع احمد : واحمد دال وان شاء الله عاوز ايه هو كمان ماهو اكيد بيدفع علشان ياخد
هدى بصوت اعلى وبعصبيه : احترم نفسك يا محمد... احمد وعلى ارجل منك ع الاقل فاهمين الرجوله مواقف مش زيك متعرفش عن الرجوله غير اسمها
محمد راح مسك هدى من شعرها وعمال يضربها: انا هربيكى
انا هعرفك ازاى هما ارجل منى
ف الوقت دا شيماء كانت بتصرخ ومامت هدى مش عارفه تحوش بينهم الباب رن الجرس جامد راحت مامت هدى فتحت وهى بتعيط وكان احمد اتخض من شوفتها وسامع صريخ هدى وبسرعه رمى الل ف ايده ودخل شاف محمد ماسك هدى من شعرها وبيضربها راح مسكه وشده واداله بوكس وقعه ع الارض
احمد بعصبيه وبيرفع هدى من الارض : انت حيوان ايه الل بتعمله دا
محمد بعصبيه : انت مين الل دخلك هنا وبتتكلمى معايا كده ليه انا اخوها انت مين
احمد شد طرحه كانت واقعه وحطها ع شعر هدى وشال رماه ع كتافها لان كتف الجلابيه اتقطع من الضرب : انت استحاله تكون اخوها .. بتعمل ف اختك كده قدام والدتك المريضه وبنتها الصغيره .. مش خايف يحصلهم حاجه
محمد: مين الاستاذ بتاع الاخلاق دا
شيماء جريت رمت نفسها ف حضن احمد: عمو احمد الحقنا
محمد : عمو احمد.. انت بقى الل المدام ماشيه معاك ع حل شعرها يا اهلا
احمد اتعصب وكان هيروح يضرب محمد ..هدى مسكته : امشى يا احمد .. امشى
احمد بصلها وشاف بوقها منزل دم وبتعيط: امشى ازاى وانتى كده
محمد: اجبلكم اتنين لمون احسن
هدى بعصبيه وباصه ل اخوها : انت ايه يا اخى .. استحاله تكون انسان .. اطلع بره ومش عاوزه اشوفك هنا اطلع بره ... كفايه كده كفايه
محمد: بتطردينى من بيت ابويا علشان غريب ماشى يا هدى .. شوفى مين الل هيصرف عليكم .. سواء هو او على لو بيدفعوا دلواقتى مش هيفضلوا يدفعوا لاخر العمر
ومشى محمد وهو متعصب وهدى بصت ل احمد: اتفضل يااحمد امشى
احمد: طيب اوديكى مستشفى
هدى بتعيط: ارجوك يااحمد امشى دلواقتى
احمد حس انها منهاره : اوكيه... وهكلمك تانى
مشى احمد اتجاهه باب الشقه وبص ع هدى شافها حاضنه بنتها وعماله تعيط وبقى عنده اصرار اكتر انه يتجوزها عن الاول ... !
مر يومين وراح احمد يزورهم وقعد متكلمش ف اى حاجه حصلت وكان بيهزر مع شيماء وهدى كانت ساكته .. شويا خرجت مامت هدى وشيماء لان احمد طلب من مامتها يتكلم مع هدى ...
احمد: هدى بصراحه كده ومن غير مقدمات وتحوير انا طلبت من مامتك تسيبنا مع بعض
هدى: خير
احمد: من الاخر كده .. انا عاوز اتجوزك ايه رأيك ؟
هدى اتفاجئت .. احمد: قبل ما تقولى ردك .. انا كنت عاوز افتحك من زمان بس ف ظروف حصلت كده ل على ولينا ف شغلنا ولاقيت ان الوقت مش مناسب واجلتها لغايه ما الدنيا تتظبط معايا .. بجد يا هدى وجودك فرق معايا جدااا انتى وشيماء ياريت مترفضيش
هدى بملامح حزن : لاقيت وقت المناسب بعد الل شوفته هنا صح .. صعبت عليك انا
احمد قاطعها: لالالالا خالص انا محدد قرارى قبل ما اجى والل حصل دا اكدلى انك محتجالى اكتر ماانا محتاجلك
هدى: محتاجلى انا .. وانا معايا ايه اقدمه ليك ؟
احمد: معاكى كل حاجه انا عاوزها ومحتاجاها ... طيبه قلبك وحنانك الل انا محروم منها .. الدفئ الل بحسه لما بتكلم معاكى ..مشاركتك ليا وحدتى .. ظهورك انتى وشيماء ملى حياتى لان حياتى كانت فاضيه بجد .. بضحك وبهزر دا بهلى نفسى بيهم لكن اخر اليوم بحس ان الدنيا فاضيه حواليا اوى .. ولما بكلمك انتى او شيماء بحس بحاجه مميزه ف يومى ..
هدى سكتت .. احمد :وانتى محتجالى يا هدى
هدى: انا
احمد: محتاجه السند والضهر وقت الشد .. الايد الل تطبطب عليكى لما تكون زعلانه او مضايقه .. محتاجه الحضن الل يضمك وقت وجعك .. محتاجه من الاخر ل احمد الل هو انا ..
هدى ساكته: مش عارفه اقولك ايه .. بس معتقدش انك فكرت صح.. انت اول مره تتجوز هتتجوز واحده ارمله ومعاها بنت ليه تعمل كده ف نفسك وانت قدامك بنات كتير احلى واصغر
احمد: انا مبدورش ع الاحلى ولا الاصغر .. انا كنت بدور ع الل محتاجلها ومحتاجه لى ..
وانا محتاجك اكتر ما انتى محتجالى وظروفك دى مش ب أرادتك تحصل فكرى فيها انها حصلت علشان ف فرصه تانيه مستنياكى تصلحى بيها الل فات منك واتاكدى من حاجه انا وقت ما قررت انى ارتبط بيكى استحاله ارجع فيه قراراتى زى السيف
هدى ساكته : لكن ..
احمد قاطعها : خدى وقتك وفكرى وهستنى ردك قبل ما اسافر
هدى بتبص ل احمد ومش مصدقه ..
احمد: يبقى استاذن انا وفكرى براحتك انا مش هقولك بحبك وبموت فيكى لكن الل هقوله انى محتاجك معايا وجنبى نكمل الطريق سوا ... !
اسماء قاعده ف شقتها ع الغدا مع محمد جوزها :
محمد: يسلم ايديكى يا سمسمتى المسقعه تحفه
اسماء : تسلملى يا حبيبى
محمد: بس انتى مزوده الملح سيكا كده
اسماء ضحكت: ايوه انا كنت مستنيه تعليق السيكا دا .. اصلى حطيت الملح مرتين بسبب الاستاذ زيزو معلش يا حبيبى
محمد ضحك: ولا يهمك يا حبيببتى بس خلى بالك المره الجايه مش طالبه ضغطى يعلى ولا انتى عاوزانى اقعد جنبك ف البيت
اسماء بتضحك: لالالا بعد الشر عليك وبعدين هندفع الاقساط الل علينا منين
محمد بهزار: انا قلت انك بتستغلينى .. انتى اتجوزتينى طمع فيا صح
اسماء بتضحك: ع ايه يا حسره ياعم روح كل عيش
محمد : ادى الل بناخده من الستات .. بياخدونا لحم ويعضعضوا فينا ويرمونا عضم منكم لله يا ظالمه
اسماء مسكت لياقه القميص: دااحنا نقطعوك ونقلوك ونحمروك ونقرقشوك هم
محمد قرب من اسماء: وانا موافق هو ف كام سمسم ف حياتى
اسماء ضحكت : فصلتنى يا محمد كنا ماشين حلو اهو
محمد ضحك: انتى الل فاشله مبتعرفيش تتماسكى لللاخر
ضحكت اسماء ... محمد :بجد تسلم ايدك ع الاكل يا حبيببتى كفايه انك وقفتى وعملتى اكل من وسط الدوشه بتاعه زياد .. وانى ارجع البيت الاقيه هادى ونضيف ولقمه حلوه ..اه ملح مبيتظبتش معاكى بس طعمه جميل تسلميلى انا ويخليكى لينا
مسك محمد ايد اسماء باسها .. اسماء : ويخليك لينا ويرزقك برزقنا ويكرمك من اوسع ما عنده .. مهما لفيت يا محمد مش هلاقى راجل زيك حنين وطيب وبيعمل اقصى ما عنده علشان يجبلنا طلبتنا
محمد: دا علشان ربنا رزقنى بزوجه مكنتش احلم بيها مستحملانى وعايشه معايا تحت اى ظروف ومبتححسسنيش بهم الدنيا لان راحتى معاها ..
اسماء: تسلملى يا ابو زياد
محمد: كوبايتين شاى بقى ع السريع علشان انزل
اسماء: من عنيا
محمد: لا من البراد لو سمحت
اسماء ضحكت: رخم
محمد: بس بحبك وبتحبينى
راحت اسماء عملت الشاى ومحمد قعد يلعب مع زياد وحطت الصينيه الشاى ومسكت موابيلها تتصل ب ايمان لاقتها مبتردش ...
محمد: مالك يا سمسمتى
اسماء: ايمان محيرانى اوى بقالها شهرين ف مصر مرجعتش فرنسا ومتغيره كده خايفه ليكون بتعمل حاجه تضرها
محمد: طيب اساليها واتكلمى معاها
اسماء: مبتفهمنيش حاجه .. مهما حاولت ..ايمان عامله حاجز بينى وبينها دايما فاكره انى بضرها معان العكس هو الصح ..
محمد: معلش هى اختك ف الاول وف الاخر استحمليها وافضلى وراها
اسماء: هشوف ...
احمد قاعد مع ابوه فاتحه ف موضوع هدى واول ما عرف انها ارمله ومعاها بنت صوته على
ابو احمد: ايه الل انت بتعمله دا .. تصبر تصبر ورايح تتجوز واحد ارمله ومعاه بنت
احمد: ودا فيها ايه يعنى مش فاهم انا
ابوه: انت مش فاهم ولا بتستعبط .. اول نصيبك تكون ارمله ومعاها بنت
احمد: استغفر الله العظيم .. يا حج انا مش فاهم هى فين المشكله انها ارمله ومعاه بنت يعنى
ابوه: ايوه طبعا .. وانت قادر تتجوز بنت بنوت واصغر
احمد ضحك: لا يا حج انا تفكيرى مختلف عنك ف النقطه دى .. انا مش عاوز واحده تدلعنى ..انا عاوز واحده اعيش معاها وتعيش معايا تستحملنى واستحملها
ابوه: فى بنات كده كتير مش ارمله
احمد: ومالها الارمله هى ارمله دى وصمه عار ولا ايه مش بنت زى باقى البنات ولا هى نزلت من بطن امها ارمله دى واحده اتجوزت وربنا افتكرجوزها ايه ذنبها بقى تروح تموت نفسها ولو معاها عيل يموتوا جماعى علشان عيب .. ايه يا حج ركز كده ف كلامك
ابوه: يعنى الناس لما تتكلم وتقول ان اول نصيبك ارمله اقول ايه ؟
احمد: بسيطه.. قولهم اختياره وهو ادرى به ودى حياته .. ومحدش من الناس له حاجه عندى يا حج .. الناس مش فاضيه غير ف اللك والعجن ..وانا مش هرضى الناس ع حسابى .. دى حياتى ودى اختياراتى ودا قرارى .. هتجوز ام شيماء يا حج خلصت
ابوه اتعصب: ومش قادر تقولى اسمها وعمال تقولى ام شيماء
احمد: ماهى فعلا ام شيماء مغلطتش انا ..غير كده علشان اعرفك ان الجوازه دى جايالى بمكسب اتنين ف واحد ياحج هوفر ف الوقت
ابوه : والله انت هزارك وضحكك دا مش فاهم الدنيا صح
احمد ابتسم: بالعكس يا حج انا مكنتش فاهم الدنيا لكن دلواقتى فهمتها صح... فهمت ان راحتى وسعادتى ب ايدى مش ب ايد حد تانى .. وان الدنيا مش ب المظاهر لان الباطن فيها اكتر وكتير بيكون احلى واى خطوه ف حياتى افكر فيها جدااا كويس قبل ما اقرر واختيارى انا الل بتحمل نتيجته لوحدى علشان كده ضرورى افكر كويس ولما اقرر يبقى سقط السيف ع التفاحه ومقدمناش حل غير اننا ناكلها هم هم زى التفاحه دى
مسك تفاحه وقسمها واكلها : اتفضل يا حج التفاح تفاحك ...
ابوه : يعنى مش هتندم ع اختيارك لوحده ارمله
احمد: سواء ارمله او مطلقه دى ظروف حكمت عليهم كده واحنا علشان مجتمع متخلف للاسف بنشيلهم الهم معان بره مصر ولا بيفكروا دى مطلقه ولا ارمله تفكيرهم ف الانسانه نفسها تكوينها شخصيتها .. ودا المفروض نفكر فيه هنا لبعض .. لان الغلط والصح مفروض ع كل الناس المتجوزين والعزاب والمطلقيين والارامل .. فتصرفاتهم هى الل بتخلى الناس تحكم عليهم كل شخص شايل ليلته مش معنى واحده مطلقه تتصرف غلط يبقى كل المطلقات كده .. مش سوق هو وبالكيلو ... احنا مين كمان علشان نحكم ع الناس وربنا يوم القيامه هيحاسب كل انسان فردانى بعمله ... فكها كده يا حج وانا متاخد انك هتحب ام شيماء وشيماء وتقولك ياجدو وبتاع
ابوه مش عارف يرد عليه : ربنا يجعل قرارك خير ليك
احمد: لا ونبى يا حج ادعى ان ام شيماء توافق
ابوه: هى كمان مش موافقه
احمد: بنادمه ياحج وليها حق تفكر مش حياتها دى ولا كيلو باميه
صحيح انت اتغديت ايه انهارده ل حسن جعان ولا هنقضيها تفاح ..
ضحك ابوه وطلب الغدا يتحضر واتغدى معاه احمد وشويا ونزل قعد ع قهوه ع النيل وسرح وفكر : ياترى يا ام شيماء ردك هيكون ايه ؟
قبل ما يسافر "احمد" راح علشان يسمع الرد من "هدى " مرحيتهوش وقالتله جمله واحده
"ادينى فرصه افكر وانت كمان فكر كمان " رجع وهو مضايق جدا ع لندن فرجع ع الشقه دخل نام ومرحش ع الشركه ... !
كانت جميله خلاص نزلت استلمت الشغل وكانت نشيطه جدااا وعلى اعجب بحماسها واقتراحتها ورفض انها تتوسطله ف اى شغل لانه عاوز يثبت وجوده بنفسه شافوا احمد
جميله : حمد الله ع سلامتك
على قام سلم ع احمد: والله ليك وحشه ياابو حميد
احمد قعد وكان بينقفخ : الله يسلمك
جميله: مالك ؟
على: ايه حصل ؟
احمد بملامح حزن: ام شيماء تعبانى يا لوول .. مريحتنيش ورجعتنى قفايا يقمر فرنه عيش
على : قالتلك لا
احمد: ولا قالت اه .. قالت محتاجه تفكر
جميله: اديها فرصتها تفكر يا احمد
على: تحب اكلمها انا طيب
احمد: ليه يا جدع شايفنى بضاعه بايره مش لاقيه مشترى .. احنا جامدين اوى ع فكره
جميله ضحكت: بجد لو بتسمع ل على خليها تكلمه
احمد: لا هديها وقتها وهى قالتلى هتكلمنى وانا كنت عملت الل عليا وروحت ل الحلال برجلى معان الحرام بره اهو بيغمزلى بس اقول ايه .. لان الحلال احلى سانتظر
على : خير ان شاء الله تفائل
احمد : اكيد هتفائل ..يلا انا ف مكتبى ..
خرج احمد ومعاه جميله وقعدوا يناكفوا ف بعض ... !!
مر شهرين كمان ف الشركه وكان ف طلبيتين تانين والطلبيه الاولى سمعت ومعامله على واحمد مع العملاء وجميله فكانوا بيطمنلهم بسهوله ومضوا عقدين ...
فى الويك اند طلب "على" من "جميله" يخرجوا مع بعض يقضوا يوم كامل بره .. كان "على" اشترى عربيه بالقسط وكانت دى اول خروجه له بيها ..عدى ع جميله ف الفيلا اخدها وراحوا ع مطعم فطروا وبعدها اتمشوا واشترالها ايس كريم :
جميله : الله ..الشوكولت طعمه تحفه
على : الفانيليا تحفه كمان
جميله مددت صباعها واخدت من الايس بتاع على : اممم لذيذ
على بص ل جميله وكان فى شوكولت ع شفايفها من جنب مد صباعه وشاله به واكله: اممم لذيذ
جميله اتحرجت: ايه الل عملته دا
على: ف ايه اخدت ايس كريم زى ما اخدتى منى
جميله: ماهو ف ف ايديا ايه خلاك تروح لشفايفى
على : الله .. انتى محسسانى انى بوستك دى لحسه كده تصبيره
جميله خبطه ع كتفه: تصبيره ايه ها ها
على بيضحك: اقصد تصبيره لغايه ما نتغدى ظلمانى انتى
جميله اتكسفت: اه فعلا انا ظالمه
على:لا جميله
جميله: لابجد
على : عينك ف عنيا وشوفى كده
كانت جميله بتاكل ايس كريم ولحوست عند شفايفها تانى وبصت ف عين على راح مد صوباعه تانى ومسح الايس كريم واكله : لا انتى قاصده ..المره التالته مش هشيله بصباعى
جميله: نعم هتشيله ب ايه
على وقف وبيبص حواليه وبص ل جميله : هشيله ..هشيله ..هشيله كده
راح قرب من جميله لكن جميله اخدت بالها وجريت : ابقى قابلنى
على : استنى هنا يابتاعه الايس كريم استنى
وجرى "على" ورا " جميله .... وقضوا اليوم وقرب من بيتها العربيه وقفت ...:
جميله: ايه دا .. وقفت هنا ليه ؟
على : اوووبس واضح ان العجله ريحت
جميله: وهتعمل ايه طيب ؟
على : هعمل ايه هغيرها طبعا ...انزلى انتى اتمشى الخطوتين دول وسبينى اتعامل معاها كده
جميله: لا طبعا مش هسيبك لوحدك هفضل معاك لغايه ما تغيرها وتمشى
على : اممم طيب روحى نزلى الاسبتن من الشنطه بما انك مضحيه كده يا بليه
جميله ضحكت: اصبر عليا انا هغيرهالك يلا افتح انت الشنطه
نزلت جميله ووقفت قدام الشنطه خبطت عليها علشان يفتحها ومسكت موابيلها علشان تتصل بالامن الل ف الفيلا يجوا يساعدوها ف اللحظه دى شنطه العربيه فتحت ولسه بتبص لاقت بلاليين ومكتوب ف ارض الشنطه كلمه "Will You Marry Me ? "
مكتوبه بحجر مضئ بينور وفى الوسط علبه صغيره .. جميله من المفاجاءه مش مصدقه وحاطه ايديها ع بوقها وف اللحظه دى "على" خرج من العربيه وراح اتجاهها ..
على : انتى مش موافقه الم بلاليينى وامشى
جميله بصاله وملامح وشها سعاده: على .. انت
على مسك ايديها : انا مش عاوز اعدى ثانيه وانتى مش معايا واقول لناس دى كلها ان جميله مراتى وحبيببتى انا ومش هستنى اكتر من كده .. موافقه تشاركينى حياتى الوحش قبل الحلو ولا الم بلاليينى وامشى
جميله ضحكت وبصت تانى ع الكلمه .. على مسك العلبه وفتحها وشافت خاتم
جميله اتفاجئت بالخاتم : على .. مش معقول
على بص ل الخاتم: انا فاكر الخاتم دا شوفتيه ف مجله من مجلات الل كنا بنبيعها وكان عاجبك اووى وسمعتك وبتقولى ل احمد نفسك لما ترتبطى ب انسان بيحبك وبتحبيه يقدمهولك ف عرض الجواز وانا شيلت الورقه دى معايا ووديتها لمحل مجورات وعملها مخصوص ليكى
مسك على الخاتم : تقبلى تتجوزينى .. قولى اه بقى
مدت ايديها جميله ولبسته: اكيد اه طبعا
حضنت جميله على المفاجاءه خلتها طايره من السعاده وهى ف حضن على
على : ايوه بقى ناكل ايس كريم بالحلال وبراحتنا
جميله ضحكت .... وصلها لغايه البيت واخدت البلاليين معاه واللوحه الل عليها الحجر المضئ ودخلت به الفيلا وحطته ف اوضتها وكانت فرحانه .. دخلت هايدى وشافتها وفرحت ل جميله اوووى ... وعلى كان اتفق مع جميله تحدد ميعاد يقابل جمال ف البيت مش الشركه ف استنت جميله جمال لغايه ما رجع واتفقت معاه ع اليوم وبلغت على ... !
فى يوم المحدد راح "على" بيت " جميله" وكانت مستنياه .. الباب رن مستنتش حد من الخدم يفتح راحت فتحت الباب وب ابتسامه: على ..اهلا بيك
على كان معاه شوكولاته ملفوفه لفه شيك وكانت من النوع الل بتحبه جميله وادهالها وكان معاه ف الايد التانيه بوكيه ورد شيك لما شاف هايدى ادهولها وعجبها جدا ... قعد ف الصالون وكان بيتكلم مع جميله وهايدى لغايه ما جمال نزل وسلم عليه واخده ودخلوا المكتب : القهوه ف المكتب يا هايدى بعد اذنك
مشى ودخلوا ... جمال: اهلا بك يا على
على ب ابتسامه وبكل ثقه: اهلا بحضرتك
جمال: مبروووك ع الشغل الجديد هى متاخره بس خطوه كويسه لمستقبلك
على باابتسامه: الفضل بعد ربنا يبقى لحضرتك لولا كلامك الل استفزنى وشجعنى وخوفى انى اخسر جميله كل دا كان دافع قوى انى افكر ابدء صح
جمال: بالتوفيق .. جميله بتحكى ع الشغل انه شغال كويس
على : برغم الطلبات الل بتجي قليله بس ارباحها معقوله ومع الوقت ان شاء الله نتوسع
جمال: ان شاء الله
على عدل قعدته: انا جيت انهارده اطلب ايد جميله واتمنى مترفضش
جمال ضحك: ولو رفضت هتعمل ايه
على : هسمع اسبابك وهرجع تانى اتقدملها اترفضت تانى هرجع تالت وهفضل اجى لغايه ما تقتنع
جمال: داانت مصمم بقى
على: جميله علمتنى حاجه مهمه ف حياتى اووى ان لو عوزت حاجه اصمم عليها لغايه ما اخدها حتى لو الامل ضعيف لان الظروف بتتغير ومفيش حاجه ثابته
جمال: فعلا مفيش حاجه ثابته الل يشوفك اخر مره هنا ميشوفكش دلواقتى بس عجبنى اصرارك وثقتك ف نفسك وانت بتتكلم لوهله تقول غرور لكن دلواقتى دا ثقه
على: الحمد الله
جمال : انا هوافق علشان جميله اختى قبل اى حاجه وسعادتها تهمنى وواضح انها معاك
على بسعاده: الحمد الله
جمال بنظره حاده: انا هوافق ع خطوبه ف الوضع الحالى لكن متتخيلش ان دى موافقتى النهائيه انت تحت الميكروسكوب ولو اكتشفت او عرفت انك عملت حاجه تضرها وهتضر سمعتها صدقنى انا مش هرحمك لان دى جميله اختى الوحيد وروحى والل يقرب من روحى يتحرق
على ضحك: الل يسمع كده يقول دا تهديد
جمال ب ابتسامه: ايوه تهديد .. لو اختى ف يوم زعلت ولا دمعه من عنيها نزلت هتكون انت المسئول ومش هقولك انا هعمل ايه وقتها ..لكن الل هقدر اقولهولك ان معاك فرصه لو ضاعت مش هترجع
على بنظره ثقه: وانا مش هضيع فرصتى مع جميله مهما كلف الامر ..
جمال مد ايده: نقرا الفاتحه
جميله دخلت : اقراها معاكم
ضحك جمال ودخلت هايدى وقروا الفاتحه كلهم وكانت جميله سعيده اوى بالخطوه دى الل قربت اكتر واكتر ل على ...!
_______________
يتبع
ليست هناك تعليقات:
إرسال تعليق