(6)
تانى يوم ادم اخد حياه وراحوا ع المطار وسافروا ووصلوا المستشفى
حياه: ادم متسبنيش
ادم مسك ايد حياه يطمنها : متقلقيش انا هبقى معاكى ف كل خطوه مش هسيبك هما هيودوكى اوضتك وبعدين هيعرفوكى نظام العلاج واوقاته هو هيكون متعب شويا وهيبقى ف نقل دم وصفايح علشان تساعدك ع التحسن
فهبقى معاكى متقلقيش
حياه ابتسمت ل ادم واخدت نفس كبير وراحت مع الممرضه تروح اوضتها وراحت وسابها ادم تغير وترتاح وراح قابل الدكتور المسئول عن الحاله والعلاج ويعرف التفاصيل ....!!
شويا ورجع ادم ل حياه اوضتها خبط علي الباب
حياه: اتفضل
ادم وابتسامه ع وشه: ها اخبارك ايه مرتاحه ف الاوضه دى
حياه مبتسمه نص ابتسامه وبتبص حواليها: اممم كويسه انا مش هعيش فيها ع طول
ادم: ان شاء الله قبل المده المحدده هترجعى بيتك وهتبقى احسن من الاول
بس ف حاجه غريبه صح .. انتى زعلانه من منى وعمرو علشان مش وصلوكى المطار
حياه: انا ال طلبت منهم محدش يجى يوصلنى مش بحب لحظه الوداع
وخصوصا ان انا وعدتهم انى راجعه تانى .. فهعتبر نفسى مسافره مصيف او ف البلد
ادم لاحظ روح التفائل ال عند حياه وانبسط جدااا وكده اتشال عنه هم كبير انه
يخلى عندها تفائل وحس انه هيتعب ف كده ولكن هو اتفاجئ بااسلوبها وكلامها
حياه: ها يا دكتور ..ان شاء الله هتبتدوا تخرمو ف دراعى امتى
ادم : نخرم ... ايه نخرم دى
حياه بتضحك: مش قلتلى هاخد علاج ونقل دم وحاجات كده ..
فاامتى الحاجات دى انا مستعجله عندى ناس مستنينى ف مصر
ادم ضحك: حاضر يا ست هانم هستعجلهم
حياه بتضحك: ايوه كده
ادم بص ع حياه لاقاها بتدارى وجعها باالابتسامه وبتقاوح
ادم: هتتغدى هنا ولا بره
حياه: بره خلينى مع الناس مش عاوزه ابقى لوحدى
ادم : تمام ..يلا بينا
حياه يلا بينا
خرجت حياه مع ادم وقعدوا يتغدوا فى المكان المخصص لغدا (المطعم)
حياه : اممم اكلهم حلو اوى
ادم: طبعا شيفات كبار مسئولين عن الاكل واعلى درجات النظافه والجوده
حياه بتبص حواليها: واضح جداااا بجد
ادم : حياه عاوزك تاكلى وتتغدى لان العلاج ممكن يتعبك شويا
حياه بتاكل : اتوجع شويا احسن ما معرفش اتوجع ولا الحق
ادم : ايه دا راحت فين حياه والتفائل
حياه رسمت ابتسامه: انا اهو ...
ادم: ايوه بقى مش عاوز الابتسامه دى تغيب
حياه بقلق: ادم هو انا هتعب اوى
ادم: متخافيش من اى حاجه انا جنبك وهكون معاكى ف كل خطوه
بس استحملى شويا ف الاول وبعدها هتهون
حياه باابتسامه : انا عاوزه اخف وبسرعه زى ما وعدت عمرو فهستحمل
ادم ابتسم : ان شاء الله ترجعيله احسن من الاول
حياه : هو انت مش هيكون عندك شغل
ادم: لا عندى طبعا وهنا جنبك والسكن بتاعى هنا برضه
فيعنى وراكى وراكى مش هسيبك غير لما ترجعى مصر احسن من الاول
حياه بتبص ل ادم: بجد مش عارفه اشكرك ازاى يا ادم .. شكرا
ادم غير ملامح وشه: شكرا ع ايه وليه بقى هتزعلينى وهقفش
حياه باابتسامه: ال بتعمله دا كتير اوى .. هبقى انا وشغلك
ادم قاطعها: انتى الاهم دلواقتى فكرى ف نفسك ومتشغليش بالك بيا ممكن ..انا لو تعبت واشتكيت ابقى اتكلمى تمام ..يلا خلصى طبق الخضار دا انا موصيلك عليه ملح قليل والعصير دا ع بوق واحد والفرخه دى ..
حياه قاطعته : حاضر حاضر
بصت حياه لاااكل وبتاكل وادم باصص ع حياه وبيتأملها وهى بتاكل وجواه بيتمنى تخف بسرعه ...!!!
_____________________________
فى مصر بعد ما حياه سافرت ابتدت مامت عمرو تتكلم معاه شويا واتقبلت قرار عمرو .. ففى يوم عمرو كان قاعد ف اوضته مامته دخلت عليه
مامته: عمرو
عمرو: ايوه
مامته: مش هتتغدى
عمرو: هخلص ال ورايا دا مش تستنينى اتغدى انتى
دخلت مامته : هتفضل زعلان كده .. انا يا حبيبى خايفه عليك
قام عمرو من ع المكتب لامحت مامته علبه فيها دبله حياه :
مامته: دبله مين دى
عمرة: حياه
مامته متفاجئه وباابتسامه: انت فسخت الخطوبه اومال الكلام ال قلته ...
عمرو قاطعها : هى ال فسختها مؤقت لغايه ما ترجع
علشان تثبت لينا انها بقت احسن وهتعيش
مامته: ربنا يطول ف عمرها ويشيل عنها
عمرو بيبص لمامته: من قلبك
مامته: يعنى هشمت فيها ... انا اه مش حبيتها بس دى اختيارك
وربنا اثبتلك مينفعش وهى اتصرفت صح .. مستقبلك وعمرك مش حاجه رخيصه تضيعهم هباء كده
عمرو مش عاجبه : ماما عندى شغل ممكن
رجع قعد ع المكتب .. مامته حست انه غير الكلام : طيب ماشى هسيبك لشغلك
خرجت مامت عمرو من الاوضه وعماله تفكر ف موضوع ان حياه هى ال فسخت الخطوبه وازاى تستغل الفرصه ...!!!
____________________________
مرت فتره من بدايه حياه العلاج وهى عندها اراده انها تخف علشان ترجع لعمرو زى ما وعدته وهو وعدها ويلبسها دبلتها تانى ...!!
اول يوم كان متعب نامت حياه واطمن عليها ادم
وادم ركز ف شغله والبحث عن وسيله علاجيه افضل متاحه
وكان مجتهد فى الاتنين رعايته لحياه ... وفى شغله
فى يوم بص ع المطعم مش لاقى حياه اخد صينيه فيها الغدا وراح ليها
خبط ع الباب ..حياه بصوت تعبان: اتفضل
ادم: ينفع كده اقعد من غير غدا وانا بشقى
حياه قامت بعد ما كانت نايمه ع السرير : مليش نفس
ادم: يعنى انا مااكلش ماشى
حياه: استنى ياادم ...
قامت حياه من ع السرير وقعدت قدام ادم وبيحطلها الاكل
ادم: ممكن اعرف مالك ايه مغيرك اليومين دول
حياه ماسكه شوكه وبتلعب ف الارز: مفيش
ادم مد ايده ورفع وشها ناحيته: على ادم برضه مالك
فى حاجه مضايقاكى ولا ايه
حياه بعلامه حزن: عمرو وحشنى
ادم تنح .. حياه: انا عارفه انى قولتله منكلمش بعض غير لما ارجع
بس بجد وحشنى جدااا .. ومنى كمان وحشانى وماما وبابا وبيتى حياتى وحشانى السنه ال ضاعت عليا عاوزه اعوضها واخلص جمعتى عاوزه ابقى اقدر الف واصور زى زمان وحشنى مسكتى لكاميرا
ادم ابتسم: انتى لسه فى الاول ومعداش كام شهر والعلاج بدء وان شاء الله هترجعى لحياتك داانتى اسمك حياه .. تفائلى خير
حياه بصت ل ادم: عارف السبب الرئيسى ال مخلينى عاوزه ارجع ايه
ادم: ايه
حياه: عمرو مستنينى
ادم : وان شاء الله ترجعى احسن من الاول ..سلا كملى اكل
ابتدت تاكل حياه وادم بيفكر هو فعلا عمرو مختفى ليه كان بيكلمه وبعدين قطع خالص ومنى كمان وبعدين رجع ركز ف حياه الاهم ...!!
___________________________
ابتدا العام الدراسى التانى ومنى بتروح لوحدها الجامعه قابلت اصحابها واتكلمت وحكتلهم ع ظروف حياه فى ال زعل وف ال مركزش لكن منى كان تركيزها فى عمرو ..عمرو السبب ال مخلى منى تروح الجامعه كل يوم وخصوصا انها شايفه انه متغير من وقت ما حياه سافرت
اتصلت فى مره منى ب عمرو ..!!
عمرو: الو
منى: ازيك ياعمرو
عمرو: مين
منى: منى
عمرو: اها يا منى عامله ايه
منى: الحمد الله ..معطلااك عن حاجه
عمرو : لا خالص عاوزه حاجه
منى محرجه: كنت عاوزه اطلب طلب ممكن
عمرو: اتفضلى
منى: ف ماده اخدناها ومش مجمعه خالص ممكن تشرحهالى اصل شرحك
الوحيد ال بفهمه
عمرو: اممممم .. ماشى مفيش مشاكل بس هيكون يوم واحد لانى فعلا مشغول
منى بفرحه: يوم واحد حلو جداااا ..
عمرو: خلاص ظبطى نفسك وعرفينى امتى ونبتدى
منى بفرحه: ان شاء الله .. سلام
قفلت منى وفرحانه ان عمرو هيذاكرلها لوحدها .. افتكرت حياه وكانت عاوزه تسمع اى اخبار لكن منعت نفسها زى ما حياه قالتلها ....!!!
ظبطت منى يوم وراحت لعمرو وابتدا الدرس ويشرحلها ..
كان اغلب وقتها بتسرح ف عمرو وهى بصاله وعمرو كان بيشرح بطريقه جديه مش زى ما كان بيشرح زى الاول ..ودا مش كان منى مهتميه بيه
المهم عندها انها مع عمرو .... وكانت مراقبه الجو مامت عمرو وشايفه نظرات
منى ل عمرو ...!!!
فى يوم مامت عمرو اتصلت بمنى وطلبتها منها تخرج معاها تشترى حاجات
وافقت منى ببساطه ونزلوا ركبوا تاكسى وراحوا وسط البلد ودخلوا محلات هدوم وشنط ومامت عمرو رمت الاختيار الحاجه ع ذوق منى لانها حباها فهديتها هديه شنطه خلصوا لف ودخلوا كافيه يشربوا حاجه :
منى: ميرسى يا طنط ع الهديه
مامت عمرو مبتسمه: ميرسى ع ايه يا حبيببتى انتى متعرفيش انا بحبك اد ايه
منى : والله وانا كمان
مامت عمرو: علشان مامت عمرو
منى تنحت: ها
مامت عمرو ضحكت: متتخضيش كده انا ملاحظه حاجات بقالى فتره
وكنت عاوزه اتاكد منك واتكلم معاكى
منى: ها
مامت عمرو: انتى بتحبى عمرو يا منى
منى سكت وبصت ع الارض.. مامت عمرو: بتحبيه
منى: وهيفيد باايه يا طنط عادى
مامت عمرو: لا هيفيد وهيفيد كتير اوى كمان
انا عاوزه علاقتى بيكى متبقاش جيره بس
منى بتضحك: اتبنينى
مامت عمرو: حاجه زى كده هتبقى واحده من العيله وبنتى معايا طول الوقت
منى بتحاول تجمع: ازاى
مامت عمرو: عاوزاكى تكونى مرات ابنى
منى من المفاجاءه كوبايه العصير طرطشت ع الترابيزه :بتقولى ايه يا طنط
مامت عمرو بتضحك: عاوزاكى تكونى مرات ابنى وام احفادى
مش انتى بتحبيه .. ولا بتحبى حد تانى
منى بسرعه: طبعا بحب عمرو ومن زمان
مامت عمرو: يبقى اتفقنا
منى بصوت محرج: ازاى يا طنط وحياه وعمرو نفسه
مامت عمرو: حياه ربنا يشفيها مسافره ومحدش عارف هى هتخف ولا لا
والمرض دا مش سهل علاجه وبيبقى ليه مضاعفات انا سألت دكتور متخصص
حتى لو اتحسنت مش هتخف الا بمعجزه و عمرو ..انتى بقى وشطارتك انا من ناحيه وانتى من ناحيه ونزنقه
منى مركزه ف كلام مامت عمرو وجواها مبسوطه لكن بينت عكس كده
منى: لا يا طنط مينفعش عمرو خاطب حياه
مامت عمرو: هو انتى متعرفيش ان حياه قبل ما تسافر فسخت الخطوبه
منى اتفاجئت: لا معرفش .. بس عمرو لابس الدبله
مامت عمرو: فتره كده بس وانتى هتشيلها وهتخليه يلبس دبلتك ف ايده التانيه
منى بفرحه : بجد يا طنط
مامت عمرو مسكت ايدها تشجعها: اسمعى كلامى وانت هتشوفى
منى ابتسمت وجواها كان فرحان ولما لاقت ال يشجعها ويقربها لعمرو
مبقتش تفكر غير ف كده ....!!!
فى يوم عمرو كان قاعد ف الروف منى اتصلت عليه
عمرو: الو
منى: عمرو ازيك
عمرو: الحمد الله
منى: عمرو فى مسأله مش عارفه احلها ..هو انت فين
عمرو: فوق ف الروف
منى بخبث: طيب لو ينفع اجى ومش هعطلك
عمرو: مفيش مشاكل
قفلت منى مع عمرو وقامت بسرعه تفتح الدولاب تتشيك وقعدت قدام المرايه تتمكسج .. افتكرت ان من الحاجات ال شدته لحياه بساطتها ف البس والميكب .. راحت غيرت هدومها ولبست لبس بسيط بنطلون جينز وقميص طويله وطرحه .. وميكب خفيف جدااا خلصت ونزلت راحت طلعت لعمرو وقبلها بعتت لمامت عمرو انها طالعه الروف لعمرو ع الموبيل
اول ما وصلت منى لاحظت عمرو وشغال ع الللاب توب
منى قربت لعمرو : احم احم
عمرو بص لمنى: منى تعالى اقعدى
منى : اسفه لو عطلتك يعنى
عمرو باصص ع الللاب : لا ولا يهمك .. فين المسأله ال محيراكى دى ؟
مسك من منى الملزمه ولاحظت انه مشفهاش .. وهى قاعده راح اتكلم وبصلها
عمرو: ايه التغيير دا .. انتى كده احلى بكتير
منى عملت نفسها مكسوفه: بجد ..يعنى كده احلى
عمرو مبتسم: بكتيرررر خليكى كده
منى: علشانك هفضل كده
عمرو: نعم
منى اتلجلجت: المسأله دى تعبتى والله ولسه فاضل كتير ع الدرس
عمرو بص ع المسأله: دى بسيطه اوى بصى حلها كده
وابتدا عمرو يحل المساله ومنى عينها منزلتش من عليه وهيمانه ومبتسمه ..
خلص عمرو وبصلها: وصلت كده
منى فاقت: ها .. اه تمام .. هروح اجربها كده وهشوف
عمرو: من غير مرواح جربى هنا وحليها كده اهو فرصه
منى مسكت قلم وبتحل وهى اصلا عارفه المسأله ..خلصت حلها بسرعه ورجعت تبص ع عمرو وهو بيشتغل ع الللاب وحساه متغير مبيضحكش زى الاول ....
ادته الورقه الحل ..عمرو: تمام كده ..ف حاجه تانيه عاوزه تحليها
منى باصه لعمرو: اه
عمرو: ايه
منى: انت
عمرو بيضحك: انا
منى: انت مش عمرو ال نعرفه .. عاوزاك تخرج من الحزن والوحده دا
مامتك قلقانه عليك جدااا ..مالك ياعمرو مش احنا اصحاب
عمرو اخد نفس وقفل الللاب :حياه وحشتنى
منى اتخنقت بس مبينتش :حياه
عمرو: وعارف انى مش هينفع اكلمها ولا اكلم ادم ولا بحاول اعرف اخبارها
منى: ليه
عمرو بحزن : خايف .. خايف اسمع حاجه وحشه عنها
منى تلقائى كده راحت مدت ايدها ومسكت ايده: متفكرش ف حاجه وحشه
وزعلك وحزنك واكتئابك دا مش هيوصلك لحاجه .. انت كده قالق كل ال حواليك انا ومامتك وباباك وخالتك انت قدامك مستقبل .. وماجستير .. والايام بتجرى وال ربنا كاتبه هيكون
عمرو : ونعم بالله
ف اللحظه دى مامت عمرو طلعت ع الروف وشافت منى وهى ماسكه ايد عمرو اترسمت ع وشها ابتسامه ومنى شافتها وغمزتلها ...
مامت عمرو بصوت: منى انتى هنا يا منى
منى عملت نفسها اتحرجت زقت نفسها بس عمرو عمل مش واخد باله ولاحظ شدت ايدها
منى: ازيك يا طنط انا نازله اهو
مامت عمرو: كده متعديش عليا
منى: والله يا طنط مستعجله انتى عارفه امتحانات الترم بقى
مامت عمرو : بس ايه الجمال والشياكه دى قمر ياناس
يا بخته ال هتكونى من نصيبه
منى اتكسفت: ميرسى يا طنط .. انا همشى بقى يا عمرو تمام
عمرو: لو ف حاجه تانى وقفت قصادك عرفينى
منى : ان شاء الله ..
وانت فكر ف كلامى وانا هبقى اطمن عليك .. سلام
وهى ماشيه غمزت لمامت عمرو ومامت عمرو ابتسمت ليها وعمرو باصص ع الللاب
مامته: منى بنوته زى العسل
عمرو: عاوزه حاجه يا ماما
مامته: لا يا حبيبى كنت بتمشى وقلت اطلع اشم هوا لاقيت الهوا كله متاخد
عمرو مش فاهم: نعم
مامته : مفيش يا حبيبى كمل ال بتعمله انا نازله
نزلت مامت عمرو من الروف وعمرو قفل الللاب وقعد سرحان شويا يفكر ...!!
____________________________
كان كل شهر حياه بتعمل تحاليل دم علشان تعرف ف تحسن ولا لا
فكان اول نتيجه تحاليل اول شهور كانت كويسه وفى تقدم لكن اخر تحاليل النتيجه نزلت لكن ادم خبى ع حياه ..!!
فى يوم مها اتصلت ب ادم علشان تتطمن عليه وع حياه
ادم: الو
مها: ازيك ي دكتور
ادم: مها .. عامله ايه
مها: الحمد الله ..انت اخبراتك ايه انت وحياه
ادم: اممم الحمد الله بس نتايج التحليل مش مظبوطه الاخيره
فى الاول كان ف تحسن دلواقتى حصل العكس
مها : ف حاجه غلط ف العلاج طيب
ادم: لا خالص انا مهتم بكل حاجه
مها: وحالتها النفسيه كويسه
ادم سكت لحظه: هى اول ما جت حالتها النفسيه كانت مرتفعه
واصرارها انها تخف مخليها استقبلت العلاج واستحملت لكل بعدها بشهرين اتغيرت بس مش مبينه
مها: يبقى العامل النفسى يا دكتور هو السبب ..
المريض بيحتاح حافز علشان يستمر هو انا هقولك يعنى ولا ايه
ادم : صح كلامك وانا هشوف الموضوع دا
مها: طيب وهبقى اطمن ع الاخبار
..كنت عاوزه اجى اشوفكم بس مش عارفه من الشغل انت مش محتاج حاجه
ادم: شكرا يا دكتور ع تعبك
مها: متقلش كده وربنا يشفيها ع خير
ادم: يارب
قفل ادم مع مها وراح ع حياه فى اوضتها لاقاها قاعده وحاطه سماعات الهاند فرى وسرحانه رجع ادم بهدوء وهى محستش وخرج مسك موبيله واتصل ب عمرو ...!!
عمرو: الو
ادم: ازيك يا عمرو
عمرو اتفاجئ من المكالمه: ادم
ادم: انت مالك مخضوض كده ليه
عمرو: حياه حصلها حاجه
ادم استغرب من كلام عمرو: هو انت مستنى مكالمه توصلك خبر عن حياه بالوحش
عمرو اتلجلج: لا مش اقصد اصل
ادم اضايق وحاول يتمالك نفسه: انت مش بتكلمها ليه
عمرو: هى ال طلبت ..
ادم: انت كنت بتتصل تسألنى عليها وقطعت وبعدين يعنى هى تطلب وانت تنفذ ع طول ..هى مش وحشاك وعاوز تطمن عليها
عمرو: اه طبعا
ادم : طيب ايه هو انا هقولك تعمل ايه مع ال بتحبها
عمرو: اصل الظروف و,,,,
ادم قاطعه بعصبيه: عمرو اسمعنى ...
حياه هنا بتتعالج علشان تتحسن وتخف العلاج لوحده مش كفايه ...حالتها النفسيه وحشه بسبب بعدها عن بيتها واهلها وعنك بالخصوص وعن صاحبتها
حتى ال مستغربه منى بطلت تتصل تتطمن ع حياه زى اول ما جت
عمرو: هو ف تحسن ف حالتها يعنى فى امل
ادم اتنهد وتلقائى : بص ياعمرو احنا بنعمل ال نقدر عليه ومتفائلين خير ان شاء الله
عمرو سمع تنح وخوفه زاد ... ادم :.. المهم
كلم حياه واسأل عليها هى محتاجه تسمع صوتك تشجعها
عمرو تنح من طلب ادم: ها
ادم: مفيش ها ..
اتصل ب حياه ع تليفونى كمان ساعتين هتكون بتتغدا
وكلمها اتفقنا ...؟
عمرو: طيب
قفل عمرو مع ادم وادم اتصل بمها وطلب منها طلب
واتفاجئ عمرو من طلب ادم وفضل باصص ع موبيله بعد ما قفل ...!!!
شويا وجرس الباب عند عمرو رن راح فتح وكانت منى جايه علشان الدرس .. قعدت ولاحظت عمرو متغير :
منى: مالك ياعمرو فى حاجه ولا ايه وشك متغير
انت تعبان ..همشى وبلاش انهارده درس
عمرو بتلقائيه: لالالا مفيش .. اصل ادم كلمنى
منى سمعت اسم ادم قلبها اتقبض: خير
عمرو بيبص ل منى: عاوزانى اكلم حياه اسمعها صوتى بيقولى نفسيتها مش مظبوطه من الوحده
منى : ها ..اه طبعا كلمها دلواقتى
عمرو بص ع الساعه : لا لسه فاضل ساعه ونص
يلا نبتدى الدرس وبعده هكلمها
منى اتوترت وملامحها اتغيرت : ها .. اوك اوك
ابتدا الدرس وعمرو ابتدا يركز مع منى ف الدرس ومنى قعدت تفكر تخليه ازاى مش يكلمها ... فضلت طول الوقت تخليه يعيد شرح مسأئل
وطولت القعده ل ساعتين ونص ولو طولت عن كده هتتفقس وفى الاخر مسكت رأسها : اه ..اه
عمرو: مالك فى ايه
منى: صداع غبى ..انا هقوم اروح اخد مسكن
عمرو: لا استنى هجيبلك من جوه
قام عمرو بسرعه وجاب المسكن واخدته ورسمت ملامح عيانه : انا هقوم بقى
عمرو: انتى كويسه
منى قايمه وقفت ولسه هترد وقعت نفسها مثلت انها اغمن عليها
عمرو بسرعه لحقها ونده ع مامته وخالته وشالها وقعدها ع كنبه الصالون
وكان قلقان : نروح مستشفى
مامته: لالا هتفوق اهى
حطت برفان ع ايدها وقربته من منى شمته فاقت شويا
عمرو: منى انتى كويسه
عملت منى نفسها تعبانه: هو ايه حصلى .. انا كنت قاعده ع الكرسى
عمرو: اغمن عليكى ..لو تعبانه تعالى نروح لدكتور
مامته: لو تعبانه تعالى نروح
منى قامت قعدت: لا مش مستهله اوى شويا وهبقى كويسه
عمرو: تحبى اقول لمامتك
منى: لالالا بلاش تخضها انا هبقى كويسه
جابت مامت ادم كوبايه عصير : اشربى دا واضح انه هبوط
منى: اصلى صحيت بدرى ومااتغدتش لغايه دلواقتى وفطرت بسيط
مامت عمرو: ودا ينفع يعنى
منى: مش حبيت اتاخر عن عمرو علشان معطلوش
مامت عمرو بصت ل عمرو: دا كلام هنتغدى كلنا دلواقتى
منى: لا شكرا
مامت عمرو : يلا يا هدى نحضر الغدا ونتغدى كلنا ودا اخر كلام وانت ياعمرو خلى بالك ع منى
قامت ام عمرو وام ادم وقعدت منى ومثلت انها لسه تعبانه شويا علشان تلفت انتباه عمرو ليها وعمرو فعلا اتخض حضروا الغدا وقعدوا يتغدوا وعين منى ع الساعه وعدى الوقت بكتيررررررررر وعمرو حتى مفتكرش المكالمه
كانت فرحانه جواها جدااا انها نجحت ف ال عملته وعرفت ان سهل السيطره ع عمرو زى مامته قالت ...!!!
فى الوقت دا كان ادم مع حياه بيتغدوا وعمال يبص ع التليفون
عدى ساعتين وذياده وعمرو متصلش وبيبص ع حياه لاقاها ساكته مبتتكلمش
ادم: ايه يا توتا الاكل مش عاجبك
حياه: لا ابدا
راح ادم رن ع مها وحط الموبيل .. وهو قاعد جتله رساله ع موبيله
مسك ادم الموبيل واتفاجئ : ايه دا دا عمرو
حياه سمعت اسم عمرو وشها اتغير وفرحت:عمرو
ادم: المعفن بعت رساله يسألنى عليكى بصى بعت ايه
" ادم ايه اخبراتك ارجوك طمنى ع حياه وعامله ايه هى وحشانى اوى
ونفسى اسمع صوتها بس هى طلبت مش يكون فى اتصال ..طمنى عليها وقولها انى بحبها ومستنيها <3 "
سمعت حياه الكلام اترسمت ع وشها ابتسامه وادم لاحظ كده
حياه: هات اشوفها كده
ادم كان متردد وبعدين اخدت التليفون تقرا الرساله وع وشها ابتسامه
ودموع نزلت من عنيها ..
ادم: وايه لازمتها الدموع دى بقى
حياه: فرحانه انه فاكرنى وحشنى اوى .. هبعتله رد انا ممكن
ادم لسه هيتكلم لاقى حياه بتتعامل ولاحظت حاجه حياه : ايه دا هو عمرو غير رقمه
ادم تنح : ها .. اه غيره من قريب
حياه : طيب اصله دا غير رقم ال اعرفه مش مهم
بعتت حياه رساله " عمرو انا حياه وبطمنك ان انا بخير وقريب راجعه وهكون احسن وحشتنى ..بحبك <3 "
وداست ع ارسال وبعتتها واخد ادم الموبيل ولاحظ التغيير الاحسن المفاجى ال حصل لحياه لمجرد رساله قريتها واكلت بشهيه وبتضحك ..ابتسم ادم وابتدا ياكل وجواه تأنيب ضمير من ال عمله ان الطلب ال طلبه من مها انها تبعت رساله هو هيقولها ع مضمونها لما يرن عليها علشان حياه لاحتمال ان عمرو
مش هيتصل وقبل ما يقعد غير اسم مها ل عمرو ف الموبيل لكن مكنش يتوقع ان حياه حافظه رقم عمرو لكنها عدت .. ع قد تأنيب ضميره انه غلط وكدب بس هو مفيش قدامه غير كده لان حياه هى الاهم عنده وممكن يعمل اى حاجه علشانها وعلشان تخف بسرعه ..!!!
_____________________________________
عدى فتره وعمرو بيتجنب مكالمات ادم ومبيردش عليها و ابتدت منى تتواجد بكثره عند عمرو سواء وقت الدرس او لما يطلع يقعد ف الروف
تعمل حلويات وتجيبها وتطلعله و بينت اهتمام بيه اووى تعمله نسكافيه
وتحضر الغدا وقت الغدا مع مامته وتحطله قدامه ف طبقه .. لدرجه انها بقت تطبخ بنفسها وتعمل الاكل اوقات كتير ل عمرو واغلب وقتها قاعده مع مامت عمرو وعمرو لاحظ اهتمام منى بيه وام ادم لاحظت ومش بتتكلم ...!!
واختفت منى اسبوع بحاله مظهرتش قدام عمرو ومش كانت بتيجى الدرس وعمل استغرب وشغل تفكيره بيها لدرجه انه فى مره كان ف الحمام قلع دبله حياه ال كانت ف ايده ونسيها ومامته لاقتها اخدتها خبتها ,,,, اتصل عمرو ب منى وتليفونها كان مقفول وف الكليه مش كانت بتروح وفى مره بعد محاولات من عمرو ردت منى وراحت علشان الدرس
راحت منى الدرس وقعدت وعمرو ملاحظ وشها المتغير
عمرو: تعبانه ولا ايه يا منى
منى دمعه نازله من عنيها: لا
عمرو قلق: مالك فى ايه وكنتى مختفيه فين كده
منى: اهلى جايبلى عريس وبعد امتحانات اخر السنه الفرح
عمرو اتفاجئ : عريس ..عريس ايه انتى بتدرسى لسه ولا هتقعدى
وبعدين ليه الاستعجال دا يعنى
منى بتعيط: مش عارفه بس هما مصممين ع كده ومش عارفه اعمل ايه
عمرو باصص ل منى وجاله احساس غريب كده مش فاهمه ..خلص الدرس ومامت عمرو شافت منى وهى بتعيط اتخضت قامت منى حكيالها ع الموضوع راحت بصت لعمرو وعمرو باصص لمامته ومش فاهم بصتها
نزلت منى روحت ع بيتها ومامت عمرو دخلت الاوضه ع عمرو ..
عمرو كان قاعد سرحان .. مامته: عمرو
عمرو: ايوه يا ماما
مامته بنظره جد : عاوزاك ف كلمتين
عدل نفسه: خير
مامته قعدت: ايه رأيك ف موضوع العريس ال اتقدم ل منى
عمرو : ها
مامته: مينفعش بعد كل ال عملته ليك وقعادها معاك بااستمرار واهلها مسامحين بكده تروح تتجوز واحد تانى
عمرو: يعنى عاوزانى اعمل ايه
مامته بصتله لحظات: اتجوز انت منى هى بتحبك وانت معجب بيها
عمرو : ايه اتجوز منى
مامته: اومال كنت بتقضى معاها اغلب الوقت ليه وكانت هى بتقعد هنا اكتر ما فى بيتها ليه وانت كنت دايما بتتكلم معاها ف التليفون اسمه ايه العلاقه دى صحاب مفيش صحاب كده .. غير كده مامتها كلمتنى وكانت هتمنعها تيجى
علشان بتيجى كتير وبتقعدوا لوحدكم كتير وكلام الناس والجيران فاانا لمحتلها انك هتخطبها
عمرو اتفاجئ من كلام مامته: بتقولى ايه يا ماما
مامته قامت وقفت وبلهجه غضب: انت حر بقى وال شايفه بس لو يرضيك ترمى البنت كده بعد ما اتعلقت بيك وسمعتها اتربطت بيك وترضاه ماشى .. عقلك ف راسك بقى
خرجت مامت عمرو وسابته مذهول من ال سمعه ودماغه انشغلت بالتفكير ...!!!!
___________________________________
مرت فتره وروح حياه المعنويه ارتفعت بسبب الرسايل ال بتيجى ع فترات ع موبيل ادم من عمرو ال هى مها وعملوا تحاليل وانبهر ادم بالنتيجه وراح لحياه يفرحها: حياه
حياه مبتسمه: ايوه
ادم: مبرووك يا حياه .. التحاليل المرادى المعدلات فيها عاليه عن كل مره ودا دليل ع انك فى بدايه الشفا يعنى ممكن نقول تمارسى حياتك عادى وتروحى جامعتك تانى وتخرجى وتطنطى براحتك وتصورى ال انتى عاوزه من غير تعب
حياه سمعت فرحت اوى راحت حضنت ادم : بجد ياادم بجد انا خفيت
ادم اندهش من الحضن : ها.. اه اه الحمد الله
حياه: وهرجع مصر خلاص
ادم: ان شاء الله
بعدت حياه وعماله تطنطط من الفرحه : وهرجع لعمرو والبنت الوحشه منى وماما وبابا وجامعتى وحياتى ..انا بقيت كووووويسه
ادم شايف فرحه حياه فرح ع منظرها زى الطفل ال بيتقاله بكره خارجين
ادم مسك ايد حياه وقعد : عاوزك تخلى بالك
الدكاتره هنا قالوا بصراحه انتى فى بدايه الشفا يعنى لسه هتاخدى علاج ع فترات كتكمله كورس العلاج ..يعنى متتعامليش انك شفيتى تمام انتى هتكملى ال ابتديه بس بالاحسن عن الاول
حياه: يعنى مش هرجع مصر
ادم: لالا هترجعى وانتى فعلا خفيتى بس نكمل كورس العلاج ونقفله يعنى وهتيجى عندى ف المستشفى تاخدى علاجك واعتبريه مرور اسبوعى
حياه مبتسمه: ان شاء الله وهكون احسن
هنسافر امتى بقى ها ها ها
ادم بيضحك : هحدد واقولك
حياه: متعرفش حد انى راجعه انا عاوزه افاجئهم ممكن
ادم: تمام
_____________________________
حدد ادم ميعاد السفر وحجز تذاكر ليه ول حياه
اتصلت مها ع ادم
مها: دكتور ادم
ادم بيهزر: عمرو افندى
مها: اخس عليك هو فى عمرو صوته حلو كده
ادم: لا طبعا انا بهزر عامله ايه
مها: مستنينك ع نار المستشفى من وقت ما سافرت وتحس انها ضلمت تعالى نورها بقى
ادم : ان شاء الله بعد بكره
مها : صحيح انا سمعت كلام انهم عاوزينك تفضل عندك تشتغل معاهم
ادم: ماهما فعلا كلمونى بس انا قلتلهم مش هينفع لظروف
مها: علشان حياه
ادم: مش عاوز اسيبها ..عاوز ابقى جنبها وشايفها قدام عينى
مها: وعمرو كلمته
ادم: مبيردش
مها: وهتعمل ايه طيب
ادم: مش عارف
مها: المهم تيجى بالسلامه هنستناك تمام
ادم : ان شاء الله
قفل ادم مع مها وراح لحياه اوضتها لاقاها عماله تجهز ف الشنط وفرحه ع وشها وبتغنى وهو واقف لاحظها وقفت قدام المرايه تبص ع نفسها .. خبط ادم ودخل
ادم: زى القمر بتبصى ع ايه
حياه بملامح زعل : ادم انا اتغيرت شكلى اتغير صح
ادم بيغمزلها وبيبتسم : لللاحلى طبعا
حياه: يا كداب وعموما ميرسى ع المجامله
بس انا محيرنى حاجه .. عمرو هيبقى رأيه ايه لما يشوفنى
ادم: هو فى راى ولا مرائيوش الامر الواقع هنقبل بيه
حياه بتضحك: ماانا بقول كده بره
ادم: يلا اجهزى علشان هنخرج نتعشى بره احتفالا وتوديعا لمكان
حياه: ع اد كان نفسى اخرج واصور بس يلا مليش نصيب
ادم: ان شاء الله تيجى المره الجايه وتبقى احسن وهلفلفك المكان
حياه: لالالا علاج تانى لا زياره اه
ادم بيضحك: زياره ان شاء الله
خرجت حياه مع ادم واتعشوا واتمشوا شويا وقضوا اخر ليه قبل سفرهم بضحك وهزار
_______________________
تانى يوم الصبح قبل ميعاد الطياره ادم جاله تليفون عاوزينه ضرورى فى عمليه والدكتور المساعد مش وصل راح كلم حياه ووصلها لمطار
ادم: كان نفسى اجى معاكى بس انا جى بعد بكره ان شاء الله
حياه: متتعبش نفسك خلص ال وراك وتعالى براحتك
ادم: حياه ممكن طلب
حياه: اتفضل طبعا
ادم: وتنفذيه اوعدينى حياه بتضحك: مالك يا دكتور وعد هنفذه
ادم: لما توصلى مصر والبيت ارتاحى اليومين دول متنزليش من باب الشقه لااى مشوار لغايه ما ارجع انا
حياه: انا كنت هروح لعمرو و
قاطعها ادم: لا تروحى ولا حاجه اعتبريهم راحه لغايه ما ارجع ممكن
حياه سكتت .. ادم : ولا اجى معاكى وتشيلى ذنب المريض ال مستنى
حياه : لالالا خلاص وعد هقعد ف البيت لغايه ماتيجى ..بس لو عمرو جى هقابله
ادم سكت لحظه.: لو جه .. المهم اتفقنا
حياه: اتفقنا
وصلت حياه واتفاجئت مامتها وفرحت برجوعها هى وباباها وقفت ف البلكونه تبص ع عمرو مش شايفاه ارتاحت شويا .. تانى يوم كانت ف اوضتها قاعده عماله تقاوم احساسها متزلش واشتياقها لعمرو معرفتش .. فنزلت الاول راحت لمنى مش لاقت حد تحت فراحت عند مامت ادم تسلم عليها
فتحت مامت ادم الباب: حياه
حياه مبتسمه: ازيك يا طنط وحشتينى
مامت ادم متفاجئه : نورتى يا حبيببه قلبى لالا ايه القمر والحلاوه دى
حياه: ميرسى يا طنط .. هو عمرو فين يا طنط
مامت ادم بصت لحياه : عمرو مش هنا فى شقته
حياه: راح قعد هناك لوحده
مامت ادم بصالها : لا امه هناك
حياه قامت بسرعه : طيب يا طنط انا نازله وهبقى اجيلك تانى
مامت ادم: حياه انا عاوزه اقولك حاجه
حياه: بعدين يا طنط هجيلك تانى ماهو انا رجعت خلاص بس امانه متقولى ل ادم انى جيت علشان وعدته مش هنزل من البيت فمقدرتش عاوزه اشوف الناس واسلم عليهم وحشتونى
مشيت حياه فرحانه ومستعجله عاوزه تشوف عمرو وف نفس الوقت كانت مامت ادم متوقعه ان ادم هيبقى مع حياه
نزلت حياه واتمشت لغايه شقه عمرو ال بعدها بشارعين واشترت علبه شيكولاته وقفت قدام العماره تظبط نفسها واخدت نفس وطلعت عاوز تثبت لمامت عمرو انها رجعت احسن وخفت فعلا مش مريضه
فى الوقت دا مامت ادم اتصلت ب ادم : ادم الحق ال حصل
ادم مخضوض : فى ايه ....
مامت ادم : حياه .. حياه راحت لعمرو
ادم : ايه ...!!
_____________________
_ يتبع
ليست هناك تعليقات:
إرسال تعليق