مهاب بيحاول ينام ومش عارف قال يقوم ياخد دش وينام وهو قايم وماشى براحه من جنب رقيه سمعها وهى نايمه بتقول : مهاب .. بحبك يا مهاب
وقف مهاب اتصلب مكانه وقرب منها لاقاها فعلا نايمه بيبصلها لاقاها بتبتسم وهى نايمه مسكت الغطا بيغطيها حس بقشعريره ف جسمه راح خرج بسرعه قبل ما تقلق وتشوفه واقف جنبها ودخل الحمام اخد دش وشرب سجاره فى البلكونه ف الصاله وفضل قاعد لصبح ف البلكونه سرحان وعمال يفكر فى ال جى ....!!!
رجعت رقيه ومهاب البيت وف اول يوم يرجعوا فيه اتغدوا مع خالتها وعمها
لكن قبل ما تدخل البيت راحت ع الزرع والورد ال زراعها ف الحديقه تطمن عليهم وبعدها دخلت البيت
رقيه: وبقيت جدو يا عمو
عمها بيضحك : كبرتونى يا اولاد الايه بس ع مين انا لسه شباب ولا ايه يا زوزو
خالتها:طبعا يا حبيبى يجيبوا عيال زى ماهما عاوزين احنا لسه شباب
رقيه : ربنا يسعدكم دايما
عم رقيه: ويفرحنا بيكى بيبى صغير يدهولنا الدنيا هنا
رقيه بنص ضحكه : ان شاء الله
مهاب: استأذن انا علشان ورايا حاجات
باباه : اقعد ثوانى مش هعطلك
طلع مع جنبه ملف واداه لرقيه ..رقيه: ايه دا ياعمو
عمها : دى هديه الجواز بس متاخره
رقيه: هديه جواز .
فتحت رقيه الملف لاقته عقد شراكه الطرف الاول مهاب والطرف التانى هى
وبصت ع المبلغ اذبهلت وعن نسبتها تنحت لانها اكتر من مهاب
رقيه مندهشه: عمو ايه دا ..
عمها باابتسامه: زى ماانتم شركاء ف البيت ..حبيت اخليكم شركاء ف الشغل
رقيه : بس انا مفهمش شغل مهاب
عمها بيضحك: بس مهاب يفهم لان دا مشروعه سواء نجح او فشل اهو ليكم بعيد عنى انا عملت ال عليا زى مااتفقت معاه هو ومجهوده بقى
رقيه بصت لمهاب : مهاب
مهاب بالرغم انه مضايق من الحركه النسبه : عادى يا رقيه ادعى بس المشروع يمشى كويس
رقيه : طيب يا عمو ليه نسبتى اعلى وانا مش هعمل حاجه
عمها: لانك داخله مكانى ودى هديتى ونسبتى اعلى منه يعنى لو حبيتى تطرديه اطرديه لو ضايقك
ضحكت رقيه : لالالا مش كده
عمها : بصى انا اديتك العقد وانتى حره ..دى هديه وليكى حريه التصرف
مسكت رقيه الملف ومش مصدقه انها بقت شريكه مهاب ف الشغل كمان
مهاب : بس قدام عمك بلاش فلسفه ف حاجه متعرفهاش يعنى انا ههتم بكل حاجه تمام
باباه قاطعه: ومش غلط لو عاوزه تتعلم
رقيه : هو صح ياعمو ..انا مش هزعجك يا مهاب متقلقش
مهاب: لا مش ازعاج بس انتى مش هتفهمى مجال الشغل فانا هبقى افهمك بس من غير تدخل ف حاجه متعرفهاش
رقيه: حاضر
عمها: مبرووك يا رقيه وعقبال ما اباركلك ع النونو هو دا ال فاضل
رقيه باابتسامه: ال ربنا عاوزه هيكون
قام مهاب طلع شقته دخل المكتب اتكلم مع سهر
سهر: بتقول ايه
مهاب: اداها العقد وعرفها ان نسبتها اعلى
سهر: وايه يا مهاب هى مزهقتش من معاملتك انت متاكد انك بتعاملها زى ما كنت ف مصر وزى ما اتفقنا
مهاب بااندهاش : جدااا ويمكن اكتر وهى مستحمله
سهر: طيب خليك كده ..بس متقلش العيار يعنى علشان دلواقتى روحك ف ايدها وربنا يسهل والمشروع يثبت عاوزه اقولك لو ينفع تخليها تعملك تنازل يبقى وفرت كتير عليك بجد
مهاب تنح وسكت .. سهر : مهاب روحت فين
مهاب: انا هقفل دلواقتى ونتكلم بعدين
طلعت رقيه الشقه ومعاها العقد وفرحانه وبصت ع مهاب لاقته ف المكتب ونوره شغال خبطت ودخلت
رقيه : مهاب .. هعطلك
مهاب: لا فى حاجه
رقيه باصه لعقد : انت مضايق علشان حوار نسبتى اعلى منك
اتفضل العقد وانا اسم ع الورق ولا اعرف حاجه واتعامل ان المشروع بتاعك ولو عاوز ممكن اعملك بيع منى ليك
مهاب تنح لكلام رقيه ال لسه قايلااه سهر والشيطان كان بيوسوسله يوافق ويعمل كده : ايه ال بتقوليه دا لا طبعا خلى العقد معاكى ودى هديه عمك مينفعش تفرطى فيها كده ..وانا مش زعلان انا بس المشروع قلقنى هو دا الكلام لانه لسه ف اوله
رقيه : طيب دا المشروع .. ينفع اسألك ع حاجه تانيه
مهاب: اتفضلى
رقيه بعد تردد : انت ليه مش بتنام ف الاوضه وبتنام هنا ف المكتب
انا مضيقاك ف حاجه ..عرفنى ؟
مهاب مش عارف يقولها ايه قام من ع المكتب وقعدها وقعد ع الكرسى ال قدامها
مهاب اخد نفس : بصى يا رقيه هتكلم معاكى بصراحه بس ياريت تفهمينى
رقيه مخضوضه : سمعاك
مهاب : انتى بنت كويسه وفوق كل دا قريبتى
بس ال8 سنين فراق عملوا فرق بينا .. ودا مش عيب فيكى لا فيا انا
انا انشغلت ف شغلى وحياتى وكنت بسمع اخبار عنك وعلاقتى معاكى ايميلاات كل فتره وانتى عارفه كده
رقيه : ايوه
مهاب : انا طلبت نأخر الجواز شويا ع الاقل لما مشروعى يثبت لان تركيزى كله فيه ف الوقت دا بس الظروف منعت ... بااختصار انا محتاج لوقت احس بوجودك اتعود عليكى مش عايز علاقتى بيكى تقضيه واجب علشان قريبتى ... انتى مراتى وانا علاقتى مع مراتى حياه مش تقليد وخلاص انا محتاج وقت اتعود عليكى وع وجودك هو الوقت بس .. وعدم نومى معاكى ف الاوضه
علشان تكونى براحتك وكل واحد فينا ع راحته ..هو وقت بس ال طالبه منك
رقيه رسمت ابتسامه ع وشه : خد وقتك ال يريحك انا مش كنت فاهمه وفهمت وفاهمه قصدك
مهاب باابتسامه: طيب الحمد الله انك فهمتينى
قامت رقيه : هسيبك انا لشغلك بقى
مهاب : تمام
قامت رقيه ولسه هتخرج مهاب كلمها : رقيه
رقيه: نعم
مهاب بيتلجلج : هو انتى دايما بتتكلمى وانتى نايمه
رقيه اتخضت: انا .. قلت ايه
مهاب : لالا متتخضيش انا مسمعتش كلام لما كنا عند نهله بس استغربت
رقيه : انا .. اصل
مهاب قاطعها: خلاص مفيش مشاكل
رقيه اتحرجت وهى خارجه بصت ع ازايز الويسكى بصت لمهاب
رقيه : ممكن طلب ورجاء ف نفس الوقت
مهاب : اتفضلى
شاورت رقيه ع الازايز: سمعت انك بتشرب ف الويك اند وف الحفلات انا مش بتكلم علشانى دى حريه بس يفضل انك تقللها او تبطلها لان اعتقد ملهاش لازمه
مهاب : بس انا مش مدمن كحول وبشرب ع فترات
رقيه باابتسامه: مش ضرورى كحول اشرب عصاير وبلاش منهم خالص لو حتى ديكور ..وجودهم غلط ع الاقل علشان ربنا يكرمك ف مشروعك
مهاب اتحرج: تمام ...
رقيه : انا عارفه كلامى يضايقك بس صحتك وحياتك مهمين لينا كلنا فمينفعش تهدر فيها دا ربنا هيحاسبنا عليها
مهابل : ان شاء الله
رقيه باابتسامه: اسيبك انا
خرجت رقيه ومهاب باصص ع الازايز المرصوصه وكلام رقيه ورجع بص ع الاب تانى . وشويا دخلت رقيه ومعاها عصير فرش عملته
رقيه مبتسمه: اشرب العصير هتحس بانتعاش وطعمه احلى
مهاب ضحك نص ضحكه : شكرا
__________________________
تانى يوم صحى مهاب واخد دش ع السريع ولبس وخرج لاقى رقيه مجهزه الفطار ومستنياه باابتسامه
رقيه: الفطار صباح الخير
مهاب: صباح الخير
فطر مهاب وهو بيفطر بيبص من تحت لتحت ع رقيه يقول ملامح وشها اتغيرت او اضايقت من كلام امبارح لاقاها عاديه جداا وكل ما تيجى عينه ف عينها تبتسم ليه
رقيه: مش هتتغدى هنا انهارده
مهاب: لا معتقدش هكون ف الشركه ابتديت ف اجراءات المشروع وهيبتدوا البنا اول الاسبوع وهبقى موجود معاهم ...
رقيه: ربنا يوفقك .. طيب العشا
مهاب : مش تعملى حسابى ومش تستنينى لان احتمال الفترات الجايه اتاخر بره وكده يلا انا نازل سلام
رقيه : سلام
نزل مهاب وركب عربيته ومشى ...ف الحظه دى رقيه كانت ف البلكونه بتبص عليه وبتدعيله وبتبص ع حديقتها ال زراعها ال نطقت الفيلا ....ف الوقت دا الفيلا ال جنبها كان فيها زرع برضه مهمل وصعبان عليها كانت محرجه
فقررت انها تبقى تستاذن الجيران فقالت تتكلم مع خالتها الاول فدخلت المطبخ تخلص ال وراها وتنزلها ف الوقت دا هاله ال ساكنه ف الفيلا كانت مسافره ورجعت من يومين وشدها الحديقه ال موجوده ف فيلا مهاب
فعملت زياره لاام مهاب وراحت معاها هدايا من سفراها
ضربت الجرس والخدامه فتحت ودخلت وشافتها ام مهاب فرحت جدا
ام مهاب: لولو حمد الله ع السلامه يا حبيبتى
هاله: الله يسلمك يا طنط وحجشتينى والله
ام مهاب: انتى كمان اقعدى
هاله حطت شنط ع الترابيزه: دى هدايا بسيطه ليكم ع قدى
ام مهاب: ليه تتعبى نفسك طيب
هاله: تعبك راحه يا طنط ودا يجى ايه جنب هداياكى ليا
ام مهاب : يا حبيببتى تسلمى انتى عامله ايه وجوزك والاشقيا بناتك هما فين
هاله: ف السكول بقى واحنا تمام هى نهله عمله ايه ولدت ولا لسه
ام مهاب : بقت مامى ل عمر
هاله: الف مبرووووووك يا طنط عقبال مهاب
ام مهاب : تسلمى يا حبيببتى
ام مهاب: مامتك وباباكى عاملين ايه
هاله: بخير كنت عاوزاهم يجوا يغيروا جو بس مش رضيوا رجعت جبت معايا هيثم من هناك
ام مهاب: يااااه هيثم مش كان قاعد ف هولندا علشان شغله
هو متجوزش تانى بعد انفصاله
هاله: اخد اجازه وكان هناك عند ماما وبابا مسكت فيه يجى يومين قبل ما يرجع هولندا ومن ساعه ما انفصل وهو رافض اى واحده ..عندك عروسه ليه يا طنط
ام مهاب: ع عينى الاتنين ال اعرفهم اتبخروا
هاله: يلا نصيبه لسه ..قوليلى يا طنط من ساعه ما رجعت وانا ملاحظه الحديقه اتغيرت وانا داخله لاقيت فيها ورود وازهار جميله .. مين الجناينى ال عمل كده لو معاكى رقمه هاتيه علشان اكلمه ع الحديقه بتاعتى
ضحكت ام مهاب : الجناينى تبقى مرات ابنى رقيه
ف الوقت دا دخلت رقيه وكانت مش تعرف هاله : صباح الخير
هاله: صباح الخير
خالتها : تعالى يا روكا دى هاله جارتنا ال قاعده ف الفيلا ال جنبنا
رقيه : اها اهلا بيكى ..
خالتها: اهى دى الجناينى ال بتسألى عليه
هاله اتحرجت: سورى مش قصدى انا سألت طنط مين ال ظبط الحديقه بره ومكنتش اعرف
رقيه ابتسمت: لا ولا يهمك وعادى لو تقالى جناينى هو انا اطول
هاله : اصل بصراحه كنت محتاجه لحد يهتم بحديقه لانها خربت خالص وبقت تلم حشرات كتير
رقيه بتضحك: سبحان الله انا لسه كنت شايفاها من شويا وكنت هنزل اسأل خالتو ع اصحاب الفيلا لو يوافقوا ادخل اهتم بالحديقه بتاعتهم
لانها صعبت عليا اوووى ومش هاين عليا يموت الزرع كده
هاله بسعاده: يعنى انتى موافقه تيجى تشوفيها
رقيه: دا لو مش يضايقك
هاله : لا اطلاقا دا حاجه تسعدنى جدااا
رقيه : تمام اتفقنا انا بعد ما تخلصى قاعده هنا اروح معاكى اشوف هنحتاج ايه واول ما تحضريهم هبتدى ع طول انا مش ورايا حاجه
هاله : ميرسى جدا ليكى
قعدت هاله شويا واخدت رقيه وراحت ع الفيلا وشافت الحديقه وايه ال محتاجه وكتبته ف ورقه ل هاله واتفقت معاها ع ان الحاجه تجهز هى هتبتدى ... رجعت رقيه البيت وحست ان مهاب لازم يعرف فضلت مستنيه ف الشقه مهاب وجهزتله مفاجاءه .. رجع مهاب متاخر دخل المكتب لاقى المخده والغطا اتشالوا وهدومه خرج من المكتب يسأل رقيه لاقاها ف وشه
مهاب: رقيه هى فين الحاجه ال كانت جوه ف اوضه المكتب
مسكت ايده وراحت ع اوضه تانيه وضبتها وفتحتله الباب
رقيه باابتسامه: دى اوضتك ترتاح وتغير وتلبس فيها مينفعش تفضل تنام ع كنبه انت داخل ع مشروع كبير محتاج تركيز ومحتاج راحه
مهاب بص لرقيه بااستغراب : انتى جهزتى الاوضه دى
رقيه باابتسامه: بنفسى ومتقلقش محدش هيعرف دى حياتنا احنا
وانت محتاج وقت فوقتك معاك ومش معنى كده تتعذب ف النوم لا ارتاح وعيش حياتك ولو محتاج اى حاجه تانيه انا موجوده قولى ..هسيبك تغير هدومك وبعد ما تغير وهتدخل المكتب كنت عاوزه اخد رائيك ف حاجه
مهاب : خير اتفضلى
رقيه : هى حاجه عاديه جارتنا ال اسمها هاله
مهاب : اه مالها
حكتله رقيه ع حوار هاله ......
مهاب : انتى اى حاجه خضرا قدامك بتفقدك تركيزك
رقيه: ماهو انا شفتهم وصعبوا عليا ولو هى مش كانت فتحت الموضوع كنت انا هفتحه واطلب منها انى اصلح ال باظ منها
مهاب : ال يريحك اعمليه ..
رقيه: يعنى مفهاش مشاكل
مهاب: لا بالعكس اهو تتسلى وانا قلتلك متقعديش ف البيت واخرجى علشان متزهقيش
رقيه: تمام ..اسيبك ترتاح ولو احتجت حاجه عرفنى
مهاب: اوك
خرجت رقيه من الاوضه ومهاب ملاحظ انها نقلت كل حاجه تخصه ومرتباها مش كروته ومش قادر يستوعب هى صابره ليه كل دا غيرها كان يزهق ويشتكى
وانها لغايه دلواقتى ولا اشتكت ولا قالت لحد ال بينهم ايه بيحصل واهتمامها بيه ال ابتدء يحسه وانه حاسس انه ميستهلش كده وحس بقشعريره مش فاهمها ف جسمه من تصرفتها ..!!!
__________________________
ف يوم اتصلت هاله ب رقيه وقالتلها الحاجه جاهزه فبعد ما مهاب نزل راح الشغل راحت رقيه ع طول ع بيت هاله ولبست لابس الشغل والطاقيه ومعاها شيكولاتنه ف جيبها وابتدت شغل وهى موطيه وعماله تنضف الارض وف بوقها شيكولاته اتكلمت مع الزرع
رقيه بصوت حزين: يا حبايبى انتم حالتكم متاخره اوى .. والله لو كنت شفتكم من بدرى كنت لحقتكم بس متقلقوش هاله بتحبكم بس مش عارفه تراعيكم كويس ..اعرفكم بيا انا روكا جارتكم ههتم بيكم زى حديقتى بالظبط
وهتظهروا وتعيشوا وتبقوا مبسوطين
ف الحظه دى ف صوت رقيه سمعته : اول مره اشوف جناينى بيتكلم مع زرع ميت رقيه لافت بتبص ع الصوت .......
ف الحظه دى ف صوت رقيه سمعته : اول مره اشوف جناينى بيتكلم مع زرع ميت وبياكل بداله شيكولاته كمان ...
رقيه لافت بتبص ع الصوت : نعم
هيثم قام من مكانه : اعرفك بيا هيثم اخو هاله
رقيه : رقيه جارتكم ف الفيلا ال جنبكم
هيثم : طنط زوزو واونكل محمود
رقيه : ايوه انا قريتهم من مصر
هيثم : اصل اول مره اشوفك يبقى انتى روكا اسمك سمعت تخاطيف
انا افتكرتك ف الاول جناينيه بس مشفتش عمرى جناينى بيحب شغله كده
رقيه بتضحك: واضح انك فهمت غلط انا مش بشتغل جناينيه .. ال بعمله دى هوايه مش وظيفه
بص هيثم ع طريقه رس وزع رقيه لمكان اندهش: مش معقوله ال يشوف ال بتعمليه يقول عليكى شغاله مش هوايه
رقيه بتضحك : انت بتقول كده وانت شايف لسه الورد من كبر وفتح ولا العشب كبر هتقول كلام تانى
هيثم بيضحك: ايه الثقه دى ..غرور ولا ايه
رقيه بتضحك: لا ثقه لانى عارفه انا بعمل ايه وانا علشان بحبهم فاكيد هيكبروا احلى من توقعاتى لانى اتعاملت وزعتهم بحب
هيثم : علشان كده بتتكلمى معاهم وبيشاركوكى شيكولاته
رقيه اتحرجت : هو ممكن تقول جنون بس انا متعوده ع كده من وانا صغيره
لانى مش شايفاهم جماد .. دول بيتنفسوا ويعيشوا وبيبقى ليهم عمر يعيشوه وعمر بيموتوا فيه زى باقى مخلوقات ربنا واحنا البشر كده ..الفرق انهم يلاقوا ال بيعتنى بيهم ويحبهم يعيشوا اكتر ويفرحوك بمنظرهم وازدهارهم وتفرحهم باعتنائك بيهم
هيثم مندهش من كلام رقيه : انتى بتحبيهم اوى كده
رقيه باابتسامه وفرحه : جداا جدااا
هيثم بتلقائه: ابتسامتك حلوه اوى
بصت رقيه ع الموبيل لما اتحرجت : استأذن انا دلواقتى ع العموم انا خلصت شغل انهارده وبكره هرجع اكمل بس ياريت متخليش حد يقربلهم
هيثم وقف : تمام يافندم حراسه عليهم لغايه ما تستلمى
رقيه ضحكت: يلا سلام
مشيت رقيه وهيثم مبهور بطريقه كلام رقيه وطبيعتها ال حاسسها انها مش متكلفه وطبيعتها بالرغم من شكلها العادى وابتسامتها ال شدته ....
خرجت هاله من الفيلا تشوف رقيه وشافت هيثم ف وشها
هاله: هيثم هى رقيه راحت فين
هيثم : مشيت وراجعه الصبح
هاله بصت ع شغل رقيه من اول يوم : واضح انها بتفهم اوى ف حوار الزرع والورد والازهار
هيثم: بتفهم دى بتعشقهم دى بتاكلهم شيكولاته
هاله : ايه
هيثم ضحك: لا متحطيش ف بالك ..انا طالع اريح شويا
هاله: اوك
__________________________
مهاب فى الشركه قاعد ف مكتبه سهر خبطت ودخلت
سهر : بيبى انت لسه مشغول
مهاب: براجع العقد دا علشان اجتماع الصبح
سهر راحت وقفت وراه وبتعمله مساج : انت شكلك مرهق اوى
مهاب : سهر احنا ف الشركه وممكن اى حد يدخل
سهر حضنته من ضهره : مش مهم وانت عارف انا ميهمنيش حد
يلا بقى علشان نتعشى
مهاب بيشيل ايدها : اتعشى انتى انا لسه شويا
سهر : خلاص هستناك
مهاب : براحتك
سهر سكتت شويا وبعدين فتحت كلام : اخبار رقيه ايه مفيش اى مشاكل كده ولا كده
مهاب ساب ال ف ايدده وبص لسهر : رقيه دى محيرانى اوووى
سهر : ليه
مهاب : برغم معاملتى ال انا مضايقانى انى بعاملها بيها وانفصالنا من اول يوم ف النوم وكل دا بتعاملنى عادى لا وجهزتلى اوضه وكل احتياجاتى جاهزه ودايما مبتسمه ف وشى ومش بتقاوح معايا وماما وبابا مش ملاحظين حاجه شايفنا عايشين طبيعى ... حتى خالتى وعمى بيكلمونى يشكرونى ع اهتمامى ومراعيتى لرقيه دا غير انها مبتزعليش حتى لو اتلككت انا هى بتهاودنى لو انا ال غلطان بتشيل هى الغلط زى حوار الحفله شالت هى الغلط واعتدرتلى بجد انسانه غريبه ..!!
سهر متنحه: ازاى يعنى ..
ايه معندهاش احساس مش شايفه انت مش بتحبها
مهاب : مش عارف بجد
سهر لحظت مهاب ملامح وشه اتغيرت وابتدى يسرح : المهم عادى يعنى هانت المشروع اهو هنبتدى التنفيذ والبنا ومش هتحتاجها وهترتاح من ازعاجها
مهاب : ازعاج .. ولا شوفته منها
سهر اضايقت : مهاب ركز يا بيبى ف شغلك وسيب رقيه لزرع والورد ال هى فيه
مهاب : طيب يلا روحى شوفى هتعملى ايه
سهر : هطلب عشا ونتعشى سوا
وطلبت سهر العشا وسهرت هى ومهاب ف المكتب ورجع مهاب البيت متاخر لقى رقيه قاعده مستنيه نايمه ع الكنبه
راح ناحيتها يصحيها: رقيه . رقيه
رقيه اتخضت : مهاب
مهاب : انتى نايمه كده ليه
رقيه بتتأوب : استنيتك احضرلك العشا هى الساعه كام
مهاب الساعه داخله ع 2 الصبح ادخلى نامى
رقيه : احضرلك العشا
مهاب: لا اكلت وانا قلتلك مش تستنينى علشان انا الفتره دى هبقى مشغول
رقيه : انا مش هعرف انام وانت بره ببقى عاوزه اطمن عليك
مهاب سكت لحظه : ابقى نامى ومتقعديش كده
رقيه : حاضر
دخل مهاب ع اوضته وجتله القشعريره تانى وماسك ايده : فى ايه هو انا مالى راح دخل اخد دش وفتح الاب يركز فيه ..!!
_________________________
مرت فتره ورقيه بتروح حديقه عند هاله ويناكف فيها هيثم شويا وبليل تقعد تستنى مهاب وتنام .. فى يوم صحيت بدرى تجهز فطار لمهاب زى العاده لاحظت انه مش قام ... راحت لااوضته خبطت مردش فتحت براحه لاقته نايم ع السرير بتكلم مبيردش قربت منه لاقت وشه احمرررر وبيعرق حطت ايدها عليه لاقت درجه حرارته عاليه فتح عينه بصعوبه : هى الساعه كام
رقيه بقلق: مهاب انت تعبان خليك مرتاح
مهاب قام من ع السرير وهو تعبان وعمال يتسند ع الحيطان والباب لغايه ما وصل لصاله ولسه هيمشى خطوه وقع ع الارض جريت عليه رقيه بسرعه ومش عارف تتصرف ازاى وخالتها وجوز خالتها عند نهله ف ايطاليا اتصلت بهاله ادتها رقم دكتور جارهم بسرعه كلمت دكتور :
رقيه بقلق: خير يا دكتور مهاب ماله
الدكتور: جاله فيروس نتيجه اتعرض لجو او اكل اكل مش سليم قلب معاه نزله شعبيه بطريقه وحشه بارتفاع ف درجه الحراره يعنى بالكتير ع الصبح لو الحراره منزلتش لازم يروح مستشفى
رقيه : يعنى ايه هيروح مستشفى
الدكتور: يستحسن لو مش هتقدروا تراعوه هنا
رقيه بسرعه: لا يا دكتور مهاب هيفضل هنا وانا هفضل معاه
الدكتور بصلها: مفيش داعى لان الدور دا معدى انا هبعت ممرضه
رقيه صممت : انا هبقى معاه يا دكتور قولى انت اعمل ايه وانا هتصرف
الدكتور قال لرقيه تعمل ايه وفضلت رقيه جنب مهاب تعمله كمادات مايه ساقعه وتغيره لما يعرق وتديله دوا لغايه ما درجه الحراره نزلت فضلت سهرانه طول اليل جنبه وكانت بتصلى جنبه وتدعى ربنا بصوت : يارب اشفى مهاب وال فيه يجى فيا .. يارب مااشوفهوش نايم تعبان .. يارب يفضل بصحه كويسه ومرتاح ومطمن .. يارب انت عالم مهاب عندى ايه وف قلبى ايه يارب احفظهولى انا من غيره مش هعرف اعيش ..
ابتدا مهاب تانى يوم يفتح عينه حس بجسمه واجعه وهو ع السرير بيحاول يقوم بص جنبه لاقى رقيه نايمه ع حرف السرير وبيبص لاقى نفسه فى الاوضه ال رقيه بتنام فيها بيعدل نفسه رقيه صحيت ...
رقيه بقلق: مهاب انت عاوز حاجه
مهاب بصوت تعبان: هو انا ايه ال جبنى هنا ...
رقيه: انت تعبت امبارح وقعت ف الصاله وجبنا الدكتور
مهاب: اها ... طيب انا عاوز اروح هناك دلواقتى
رقيه مسكت ايده ورجعته ع السرير : متقلقش انا هروح انام هناك بس اطمن عليك الاول ... ثوانى وراجعه
مهاب بيعدل جسمه لاقى ع الكوميدينوا الاتنين ال جنب السرير صورته ..جت رقيه ومعاه صينيه فيها اكل وحاجه سخنه يشربها :
رقيه باابتسامه : ورينى كده درجه حرارتك
مدت ايدها ع راسه وقاست الحراره لاقتها نزلت 38 بعد ما كانت 42
رقيه باابتسامه: الحمد الله انت احسن يلا بقى علشان تاكل
مهاب بصوت تعبان : مش قادر
رقيه : لا حاول علشان تاخد العلاج وتبقى احسن ولا انت عاوز تفضل تعبان
مهاب : طيب هاكل انا
مهاب مسك المعلقه ياكل وقعت منه لان اعصابه سايب من تعبه
رقيه باابتسامه: ماقلت كده من الاول
رحت رقيه اكلت مهاب بنفسها وبهدوء ومهاب كان حاسس انه مطمن اووى
اداته العلاج رقيه : نام دلواقتى شويا ولو احتجت حاجه انده عليا انا قاعده بره
مهاب هز راسه وخرجت رقيه مسك موبيله لاقى رسايل من سهر كتير
اتصل عليها .. مهاب بصوت تعبان : الو
سهر: ايوه يا بيبى انت فين
مهاب : تعبان شويا
سهر: ماهو اونكل قالى انك اجازه يومين علشان تعبان ومانعين زياره
مهاب: ليه يعنى انا الحمد الله
سهر: طيب لما الدكتور يأكد انك كويس هبقى اجى واشوفك ..ابقى طمنى عليك يلا سلام
مهاب : سلام
شويا وخطبت رقيه ع اوضه مهاب ودخلت ومعاها صينيه الغدا والعلاج
رقيه باابتسامه: الغدا
مهاب : بتتعبى نفسك ليه كده
رقيه حطت الصينيه ع حرف السرير : وانا هتعب لااغلى منك عندى
مهاب بص لرقيه وسرح وحس بقشعريره ال بتحصل المرادى اتوهم انه تعب
مهاب: هى ماما فين
رقيه : انا طمنتها عليك وخالتو السن بقى وغلط عليها ممكن تاخد العدوى وكده
مهاب باصص لرقيه: وانتى مش خايفه
رقيه بصت لمهاب باابتسامه: انا لو اطول اخد التعب منك فيا وانت تبقى كويس ترجع لحياتك الطبيعيه انا موافقه ..
مهاب ف الحظه دى قلبه دق من كلام رقيه وباصصلها وهى مبتسمه وسرح وفاجاءه: انا مش جعان دلواقتى سيبى الصينيه وانا هاكل لوحدى
رقيه: وعلاجك
مهاب: شويا وتعالى ادهولى
رقيه باابتسامه : حاضر
خرجت رقيه بهدوء ومهاب مش عارف ايه ال حصله لما سمع كلام رقيه معاه وقلبه ال دق دقه غريبه عليه اول مره تحصله ... وافتكر انه سمع صوت حد بيدعى ليه ولما ركز عرف انها رقيه ال كانت بتصلى وتدعى بصوت هو عرفه برغم درجه حرارته العليه ال افتكرها هلوسه ....!!
اليومين ال مهاب قاعدهم ف البيت كانت رقيه بتراعيه اكل وعلاج واهتمام ودايما لما يطلب قهوه تجبله حاجه سخنه يشربها او عصاير
مهاب قاعد فى المكتب ورقيه خبطت ودخلت :
رقيه: اتفضل
مهاب بيبص: انا طلبت قهوه مش دا
رقيه باابتسامه: قهوه شاى نسكافيه بلاك ممنوع ..المتاح عصاير مشروبات ساخنه اعشاب علشان معدتك
مهاب تنح لرقيه: انا عارف مش هغلب معاكى شكرا
رقيه: الفواكه جايه كمان شويا
مهاب ضحكك نص ضحكه وخرجت رقيه
وكانت رقيه بتعمل كل حاجه لمهاب واهتمت بااكله واتحسن .. لغايه ما الدكتور جه زياره علشان يتابعه
الدكتور: لالالا ماشاء الله عليك التعب راح خالص وبقيت تمام التمام
رقيه بفرحه: يعنى يا دكتور بقى احسن والتعب كله كله راح
الدكتور باابتسامه: متقلقيش يا مدام هو بقى كويس جدااا ويقدر ينزل الشغل لو حابب من بكره
مامت مهاب: الفضل ليكى يا روكا بااهتمامك ومراعيتك لمهاب ف تعبه واحنا مش هنا
الدكتور: بصراحه المدام عملت مجهود معاك ورفضت انك تروح مستشفى وتفضل موجود وهى تهتم بيك ومهتمتش انها ممكن تاخد العدوى منك والتعب والارهاق باين عليها جدااااا
مهاب باصص لرقيه : شكرا
رقيه باابتسامه: الف حمدالله ع سلامتك
خرج الدكتور مشى ورقيه وصلته لباب ومهاب قاعد مع مامته
مامته: حمد الله ع سلامتك يا حبيبى
مهاب : متقلقيش يا ماما انا كويس
مامته: ربنا يبارك ف رقيه مسبتكش لحظه
مهاب: تعبتها معايا
دخلت رقيه ع الكلمه دى : تعبك راحه يا مهاب انا معنديش حد اغلى منك اتعبله
مامته: ربنا يخليكوا لبعض انا هنزل دلواقتى وع بليل هطلعلك انا وباباك وانت ارتاح
مهاب: حاضر
وصلت رقيه خالتها لغايه الباب وخالتها لاحظت ع رقيه وشها متغير : رقيه انتى كويسه
رقيه بتحاول تجمع نفسها : الحمد الله تلاقى اخدت نزله برد هاخد حاجه دلواقتى
خالتها: رقيه اجيب الدكتور
رقيه: لالالا يا خالتو انا هاخد حاجه لبرد وهرتاح
نزلت خالتها ودخلت رقيه لمهاب الاوضه وسألته لو عاوز حاجه قالها انه هينام
خرجت رقيه ورمت نفسها ع كنبه ال ف الصاله ....!!
تانى يوم الصبح مهاب لاحظ ان رقيه مدخلتش عليه بالفطار فخرج يتمشى يشوفها راحت فين ويجيب الاب من الاوضه التانيه لاقى رقيه نايمه ع الكنبه
فراح ناحيتها: دايما تنامى بره كده معان كذا مره اقولك نامى جوه
مسك ايدها علشان يعدلها لاقاها سخنه واتخض: رقيه ..رقيه ..
رقيه بصوت تعبان: مهاب ..عاوز حاجه ثوا,,,,
ولسه هتكمل اغمن عليها راح شالها ودخلها الاوضه ع السرير واتصل بمامته اتصلت بالدكتور :
الدكتور : اخدت العدوه منك يا مهاب مع ارهاق وقله نوم جسمها مستحملش
مهاب اتخض: اوديها مستشفى
الدكتور : هكتبلك ع خافض لحراره لو منزلتش هاتوها بكره
خرج الدكتور ومهاب حس بقلق وذنب انها تعبت بسببه كانت مامته موجوده مع رقيه جه اليل ومامته نزلت شقتها وهتطلع لرقيه الصبح ..دخل مهاب الاوضه وبص ع رقيه وهى نايمه وبتلقائيه حط اديه ع راسها لاقاها دافيه راح جابتلج وعملها كمادات ...وهو بيعملها الكمادات اتكلم: ليه بتعملى ف نفسك كده ..تهملى نفسك وتتعبى
راح سمع صوت رقيه وهى تعبانه: علشان انت تخف
مهاب اندهش : علشان ايه
رقيه فتحت عينها : لما اخد منك التعب انت هتخف مش مهم انا اتعب ومش مهم انا هيحصلى ايه ..المهم انك تخف وتقوم وتبقى احسن ..
مهاب ماسك الفوطه ف ايده وحس بقشعريره ف جسمه وقلبه دق من كلام رقيه : رقيه.. انتى تعبانه ارتاحى لصبح
رقيه بصوت تعبان: مهاب ممكن طلب
مهاب : ها
رقيه فتحت ايدها : هات ايدك ممكن
مهاب استغرب من طلبها وبتوتر اداها ايده وهى مسكتها : انا كده ارتحت
رقيه غمضت عينها ومهاب اتوتر لما مسك ايد رقيه وهى نايمه ا فضل قاعد ع الكرسى وباصص لوش رقيه وهى نايمه ..احساس خلااه يتصلب مكانه مش يقوم ولا يشد ايده وبايده التانيه بيعملها كمادات وفضل لغايه الصبح جنبها ...صحى مهاب لاحظ ان درجه الحراره نزلت والباب خبط راح فتح لاقاها مامته دخلت وهو اخد هدوم ولبس وراح الشركه ...!!!
وصل مهاب الشركه ووشه مخطوف الباب خبط وكانت سهر
سهر باابتسامه: حمد الله ع السلامه يا بيبى
مهاب: الله يسلمك
سهر : انا عاوزه اجى اسلم عليك بس انت لسه تعبان لما تخف
مهاب: اخبار الشغل ايه
سهر: انا حجزت لينا هنسافر كمان شهر ع الارجنتين نجيب المعدات ونتفق عليها من هناك ..اتفقنا
مهاب: تمام
سهر: مالك يا بيبو فى ايه انت تعبان
مهاب: لا انا كويس ..يلا روحى مكتبك انا ورايا شغل
مشيت سهر ومهاب فضل باصص لاايده ال مسكتها رقيه وقلبه ال دق لما افتكر الحظه لما مسكتها وبسرعه فوق نفسه: مهاب ..فوق من ال انت فيه دا ..انت محدد علاقتك مع رقيه ايه متعديش حدودك ...
فتح الاب توب وقعد يركز ف شغله وفى وسط النهار اتصل بمامته يطمن ع رقيه ع انه بيكمل التمثليه ع مامته ...!!!
__________________________
ابتدى ينشغل مهاب ف شغله ورقيه بتبعتله اكل من البيت بتعمله علشان مش ياكل من بره ورقيه بقت كويسه ورجعت لحياتها العاديه
ف يوم راحت رقيه الحديقه عند هاله تكمل شغلها وابتدت وحطت الهاند فرى ف ودنها وابتدت شغل شويا وشافها هيثم من شباك اوضته ونزل
هيثم خبط ع كتف رقيه باابتسامه: صباح الخير
رقيه شافت هيثم ابتسمت وشالت السماعات : صباح الخير
هيثم : فينك كده اختفيتى بقالك كام يوم كده تسيبى اولادك لوحدهم
رقيه بتضحك: والله غصب عنى تعبت شويا
هيثم: باين ع وشك طيب جيتى ليه
رقيه باابتسامه : علشان مفضلش تعبانه
هيثم باابتسامه: بلاش الابتسامه دى
رقيه: نعم
هيثم:تشربى قهوه
رقيه : هو انا لسه هشرب انا فطرت وشربت مع خالتو وعمو
هيثم : انالسه صاحى ..
هاله نادت ع هيثم علشان يفطر ورد عليها انه جاى
هيثم : هاله والازعاج الصباحى
رقيه بصت ع ايده : ماهو مينفعش قهوه ع الصبح من غير فطار
هيثم : ليه هموت زى الزرع
رقيه بتضحك: اى حاجه ف الدنيا لو مهتمناش بيها كويس تموت
احنا ربنا ميزنا بعقل فهنعرف نميز ايه يضر لينا وايه الصح انت بتنزل مصر
هيثم : اوقات
رقيه: ف مثل بيقول عقلك ف راسك اعرف خلاصك ولا ايه
تنح هيثم قدام كلام رقيه: انتى قولتيلى معاكى شهاده ايه
رقيه : لا مقلتلكش ..عموما معايا تربيه قسم لغه عربيه
هيثم : مس يعنى .. افتكرتك دارسه علم نفس
رقيه: علم النفس مش محتاج دراسه محتاج تعامل علشان تفهم
هيثم : طيب انا حاسس انى معطلك .. تحبى اى مساعده
رقيه : ميرسى جدااا .. اتفضل انت افطر
رجعت رقيه حطت سماعات ومسكت ادوات الزراعه وابتدت ... شويا وهيثم رجع لرقيه ولابس زيها وخبط ع كتفها
رقيه بصت عليه استغربت من لبسه : ايه دا
هيثم باابتسامه: تقبلى اكون مساعد بتاعك ماهو انا فاضى ومش لاقى حاجه اعملها ممكن وكمان انت لسه خارجه من تعب
رقيه بتضحك: يعنى هتبقى بليه عندى
هيثم بيعدل الكاب : ايون يا اسطى
وطلع من جيبه شيكولاته كتير : وجيبت التموين اهو علشان هما ينبسطوا وانتى كمان اتفضلى
رقيه ضحكت وفتحت شيكولاتايه واكلتها : يلا امسك المقص دا واعمل ال هقولك عليه
فتح هيثم شيكولاتايه واكلها وابتدا شغل مع رقيه ف الحديقه وبقى يوميا لمده اسبوع هيثم مع رقيه شغالين مع بعض ف الحديقه .......
لغايه ما جه اخر يوم ورقيه واقفه مع هاله بيتكلموا :
رقيه: هاله كده الحديقه وكله تمام بس اسقى ف المواعيد ال قلتلك عليها وانا كل يومين هاجى ابص عليهم
هاله مبسوطه: بجد مش عارفه اشكرك يا روكا
رقيه شافت هيثم جى من بعيد : بصراحه الشكر يبقى بالنص لان هيثم تعب معايا واشتغل ف الحديقه
هيثم قرب : انا سامع اسمى
هاله : بلاش هيثم هيقولى عاوز حقى فلوس مش شكر
رقيه بتضحك: لالالا اوعى تديله مليم واحد
هيثم : انتم اتفقتوا عليا ولا ايه
رقيه : بجد ميرسى ليك لمساعدتك واتمنى ف الفتره ال قاعدها سمعت انك اجازه تخلى بالك منهم
هيثم بيضحك : وهاكلهم شيكولاته متقلقيش .. بس انتى كده مش جايه تانى
هاله: لا هتيجى كل يومين تبص عليهم كده وتطمن دا بيتها
رقيه بابتسامه : تسلميلى يا لولو يلا انا ماشيه سلام
هيثم سرح مع رقيه : سلام
هاله بتبصله: يلا يا بشمهندس
هيثم : هتوحشنى الابتسامه الصباحيه دى .....
__________________________
فى يوم رقيه بصت ف النتيجه عرفت ان عيد ميلاد مهاب قرب وعاوزه تشتريله هديه نزلت لخالتها تاخدها وتخرج زى ما مهاب قالها تجبله هديه وتجهزها
راحت عند خالتها لاقتها مشغوله فقررت تجازف وتخرج هى لوحدها طلبت من موظف الامن يجبلها خريطه لمكان واخدتها وخرجت وهى دخلت محل ايس كريم وخرجت واحد خبطتها الخريطه وقعت منها ومش عارف ترجع ازاى
وهى واقفه ومش عارف تروح فين شخص خبط ع كتفها : رقيه ..بتعملى ايه هنا
رقيه مخضوضه بتبص :...
____________________
يتبع
ليست هناك تعليقات:
إرسال تعليق