كانت فاطيما اول ما وصلت الفندق وعرفت ان الفندق دا الل كل موظفين الشركه بينزلوا فيه فتره تواجدهم راحت الريسبشن تسأل عن معتز لكن مكنش موجود وعرفت انه ف خلال يومين ممكن يكون موجود علشان هيحضر الاجتماع ... راحت اتعشت واتعرفت ع رويدا واتكلمت معاها واخدت الايس كريم وراحت قعدت جنب اصحابها وفتحت موابيلها علشان تبعت لسلمى وماريا وتطمن اهلها كمان وتشوف معتز لاقته بعتلها رساله الصبح بيطمن عليها وبيقولها " وحشتينى جداا ..اشوفك قريب ""
ابتسمت فاطيما وردت عليه وهى قاعده شافت اصحابها متجمعين عند واحد منهم فضول فاطيما شدها
فاطيما: فى ايه يا جماعه كده
هاله: واضح اننا هنسمع خبر خطوبه رويدا قريب
فاطيما :بجد وعرفتوا منين
هاله: اها انتى متعرفيش ..دى بقالها سنه مرتبطه بواحد اتعين جديد ف الشركه بقاله سنتين وع طول مع بعض وع حسابه وحسابها صورهم مع بعض فى كل سفريه وكلام وكده هما شبه مخطوبين بس الرسمى قريب
فاطيما بفضول: ورينى كده شكله ايه دى نخله
محمد: بصى اهو دا الاكونت بتاع معتز
فاطيما تلقائى : خساره فيه الاسم .. ورينى
بصت فاطيما وكانت الصدمه شافت معتز هو الل متصور مع روايدا وبصت ع الاكونت لاقته غير الل معاه ...مكنتش مصدقه الل شافته وبصت كويس لاقت ان دا الاكونت مختلف فعلا عن الل معاه ...
فاطيما مصدومه : هو دا الل بتتكلموا عنه مع.. مع..معتز
هاله: يابنتى انتى مبتشوفهمش مع بعض دول ع طول قاعدين مع بعض وبياكلوا مع بعض خلاص يعنى كل الموجودين ف الشركه مستنين ارتباطهم رسمى خلاص وبينى وبينك سمعت انه قريب اووى
فاطيما مش مجمعه الل سمعاه ولا الل شايفاه عقلها وقلبها رافضين يسمعوا ويصدقوا لكن عنيها الل شافت بتفكرها بالصور زى الفلاش وهى واقفه الايس كريم وموابيلها وقعوا محستش ..
هاله: طيما.. فى ايه يابنتى موبيلك وقع عليه الايس كريم وبهدلتنى الدنيا
فاطيما بصت : سورى .. سورى
وطت فاطيما تمسح وايديها بترتعش والموبيل بيقع منها
هاله: مالك يا بنتى .. اوعى اوعى خدى موبيلك واطلعى ارتاحى ف الاوضه
فاطيما مسكت موابيلها وطلعت ع الاوضه عماله تتخبط وهى ماشيه ف الناس راحت اوضتها قاعده مش فاهمه الل شافته مسكت موابيلها فتحت الرسايل شافت اخر رساله من معتز وتوقيتها " وحشتينى " وافتكرت اخر مكالمه معاه وعاشت لحظه نكران : لالالا اكيد هما فاهمين غلط .. علاقتهم علاقه زمايل شغل وعادى بيتصوروا ... عادى دى الحقيقه زمايل وعادى
فضلت طول اليوم تراجع رسايل معتز وكلامه وكلام الل سمعاه وقلبها رافض وعقلها وقف عن التفكير ودخلت ف حاله نكران الل شافته وسمعته رفضاه ف معرفتش تنام .. نزلت المطعم ف الفندق وطلبت اكل بكميه غريبه
وقعدت تاكل وهى مش حاسه بالاكل وبتقول ل نفسها: اكيد مش صح .. اكيد زمايل شغل وهما فهموا غلط معتز بيحبنى انا بس .. مبيحبش غيرى انا واثقه ..مفيش حاجه بينهم انا متاكده لالا
وفاطيما عماله تاكل مش اكل جوع بتاكل تلهى نفسها بطريقه غريبه بتاكد لنفسها ان كلامهم غلط وبتطلع مبررات ل معتز ع صوره وع ايميله الجديد ... ف الوقت دا كان عامر موجود فى الفندق ونزل عادى لاحظ فاطيما والاكل الكتير الل قدامها فقرب منها : طيما
فاطيما بتاكل ومش سامعاه
عامر قرب: طيما
فاطيما انتبهت بصت لاقته عامر راحت وقفت الاكل : مستر عامر
عامر: انتى بتتعشى متاخر ولا ايه
فاطيما بصت ع الاكل اتفاجئت بالكميه وان دا مش عشا ل انسان طبيعى
بصت ل عامر : ها.. اصلى جعانه
عامر:تسمحيلى اقعد اتعشى معاكى
فاطيما بتوتر: ها.. اتفضل
عامر قعد وطلب الاكل ولاحظ فاطيما متغيره مبتتكلمش وبتاكل بطريقه غريبه حس ان فى حاجه : فاطيما..انتى كويسه
فاطيما متوتره: ها.. اه كويسه كويسه جدااا
عامر: انا مش شايف كده ..لو ف مشكله قوليلى يمكن اقدر اساعدك
فاطيما بصت ل عامر وكانت عاوزه تسأله ع اخته ومعتز لكنها مقدرتش او معنى اصح مش عاوزه تسمع تاكيد منه عاوزه تسمع من معتز : لالالا مفيش جعانه ..جعانه
راحت بصت ل الاكل وبتاكل وعامر مستغرب من حالتها ومش فاهم فى ايه ...
خلصت فاطيما الاكل بسرعه وطلعت اوضتها وشويا معدتها وجعتها دخلت الحمام رجعت كل الل اكلته وقعدت ف الحمام وبتردد : اكيد هما كدابين ..اكيد هما كدابين معتز بيحبنى انا ..
تانى يوم صحوا بدرى وكانت فاطيما منمتش اصلا من التفكير والقلق والتوتر نست نفسها الل سمعته وجهزت نفسها تقابل معتز زى ماهى مرتبه لبست اليونيفورم ونزلت قبل هاله وراحت ع الريسبشن تسأل عن معتز وصل ولا لسه ... عرفت انه هيوصل متاخر ومش هيحضر الاجتماع حضرت الاجتماع وهى كانت سرحانه ومش مركزه ولا سامعه ولا كلمه طلعوا ع اوضهم يجهزوا نفسهم ويرتاحوا قبل رحلتهم بليل وهى خارجه من القاعه شافت معتز واقف مع موظف من الشركه ابتسمت وفرحت كانت رايحه اتجاهه لكن ندتها واحده من زمايلها وراحتلها وبعد ما خلصت بسرعه راحت اوضتها ظبطت اليونيفورم ونسيت الل سمعته والل شافته وكان تركيزها مفاجاءه معتز لما يشوفها باليونيفورم وانها هتشوفه شخصيا عاشت حاله النكران .. جهزت نفسها ونزلت سالت عليه لاقته قاعد ف كافيه مع واحد من زمايله فكانت عاوزه معتز يكون لوحده علشان تفاجئوا ... راحت قعدت فى ترابيزه جنب معتز قريبه اوى منه ومدياله ضهرها وع وشها ابتسامه وسعاده انها دقايق وهتكون قدام معتز وعماله تظبط ف لبسها ... فى الوقت دا دار حوار بين معتز وصاحبه :
معتز: المهم انت نويت تعمل ايه هتسيب الشغل دا وترجع مصر
صاحبه: بجد يا ميزو مش عارف .. انا بحبها لكن لو طولت عن كده لما ارجع مش هلاقيها
معتز: وف نفس الوقت مش هتلاقى الشغل الل انت فيه دى فرصه ومش هتتكرر تانى
صاحبه : لكن انا بحبها
معتز: وشغلك مستقبلك .. هى مش قادره تستناك مش تستاهلك هتلاقى احسن منها
صاحبه : معتقدش
معتز اخدت نفس من سيجاره وشفطه من فنجان قهوه : اوقات كتير مش الل انت بتحبه تاخده لكن الل انت محتاجه بيبقى اهم
صاحبه: مش فاهم ازاى يعنى
معتز: هحكيلك حكايه صغيره عن شخص اعرف .. قلبه اختار واحده وعقله اختار واحده وفضل فى صراع بين الاتنين لانه مضطر يختار واحده منهم
صاحبه: اكيد اختار قلبه لان اختيار القلب بيبقى اقوى
معتز : اختار عقله .. لان اختيار عقله يعنى مستقبل وحياه افضل
وهو مرتاح باختيار عقله
صاحبه: يعنى مش ندم ع انه ساب اختيار قلبه
معتز بصله وضحك: القلب دا احنا الل نتحكم فيه مش هو الل يتحكم فينا
الصح اختيار العقل لان حياتنا محتاجه عقل مش عاطفه وخيال .. القلب مش هيعيشنا ف مستوى كويس مش هيخلى معانا مرتب كويس .. العقل وقراراته اقوى وافضل لانه لمصلحتنا
صاحبه: مش قادر اقتنع
معتز: اسمع قرار عقلك وامشى وراه انت مش لوحدك كتير عملوا كده وكتير هيعملوا كده
فاطيما سامعه كلام معتز مستغرباه خالص متغير عن الل متعوده عليه ف السنين الل فاتت .. صاحبه كان هيقوم ولكن سأله سؤال تانى اخير : صحيح هنفرح بيك امتى بقى مش طولت كده
فاطيما ابتسمت .. معتز: هانت قريب هنتكلم وهحدد ميعاد ف اقرب وقت علشان يكون الارتباط رسمى
ابتسمت فاطيما وكانت سعيده لانها افتكرت الكلام عليها .. لكن
صاحبه: يا اابن المحظوظه يا ميزو .. مساعده المدير التنفيذى مره واحده
وقعت واقف بارتباطك ب رويدا
معتز: هتقر .. ادعيلى ربنا يتممها ع خير ..لانى ناوى مطولش الخطوبه
اتفقت انا ورويدا ان الجواز هيكون بعد الخطوبه بفتره قليله
صاحبه: لا مش هقر .. بس انت بتحبها
معتز اخد نفس من السيجاره: هى الوحيده الل محتاجلها هتسمى دا حب يبقى بحبها
صاحبه :ربنا يكملك ع خير يا صاحبى ونفرح بيك ورويدا
معتز: ان شاء الله
فاطيما سمعت كلام معتز زى الدش البارد مش مصدقه الل سمعاه حست بنغزه جامد ف صدرها :معقوله دا معتز الل بحبه واستنيته كل السنين دى .. اكيد مش هو
وهى قاعده ف حاله ذهول وصدمه قام صاحبه هو ومعتز لكن رجع معتز لانه نسى سجاريه وهو راجع لمح فاطيما وشبه عليها و اتاكد انها فاطيما
بذهول : طيما .. طيما
فاطيما مصدومه بصتله ورسمت ع وشها ابتسامه وهى ف حاله انكار ل الل سمعته: معتز ..ازيك
معتز متفاجئ: انتى جيتى هنا ازاى وليه .. ولبسه مضيفه ازاى
فاطيما باابتسامه قامت وظبطت هدومها : شوفت حبيت افاجئك ازاى .. انى بقيت مضيفه طيران ايه رائيك بالمفاجاءه
معتز متصلب مش عارف يتصرف ازاى فاطيما قدامه وبعيد عنه بخطوات رويدا ..
فاطيما وابتسامتها ع وشها فى حاله نكران : مالك يا معتز هو انا موحتكش .. انت لسه باعتلى رساله امبارح حتى بص
فتحت فاطيما موابيلها الرسايل ع رسالته : بص وحشتينى وانا قلتلك انت كمان اهو
معتز بيجمع: فاطيما .. براحه علشان استوعب
فاطيما: انا قلت اقرب عليك المسافه وابقى معاك واشوفك دايما بدل مكالمات والرسايل .. ايه رايك ها ..مفاجئه حلوه صح
بتضحك فاطيما :وتخيل لما وصلت هنا سمعت ايه .. سمعت انك مرتبط ب رويدا طبعا دول كدابين لانك مرتبط بيا انا صح يا معتز .. مرتبط بيا انا بتحبنى انا
معتز راح شد ايد فاطيما وخرجوا بعيد عن الكافيه وطلعوا بعيد :
معتز: وطى صوتك.. فاطيما الل عملتيه دا غلط ..ايه جابك هنا
فاطيما وابتسامه ع وشها وحابسه دموعها : جيت هنا علشان اسمع منك كلامهم صح ولا غلط انت هتخطب رويدا .. ها
معتز معرفش يقول ايه : فاطيما عاوزك تفهمينى .. انا ملقتش قدامى وسيله استمر ف شغلى غير ...
فاطيما قاطعته ومبتسمه بوجع ودموعها نزلت : غير انك تدوس عليا صح
معتز اتصلب: فاطيما اسمعينى .. انا وانتى صعب كان نرتبط ببعض وانتى عارفه ظروف الل كنت فيها
فاطيما: فقلت تدوس على قلبى وعليا صح ..
معتز متوتر : فاطيما اسمعينى
فاطيما ضحكت ضحكه موجوعه: لا اسمعنى انت المرادى .. انا لما سمعت منهم مصدقتش وقلت هما فاهمين غلط و كنت مستنيه منك تنكرها وتكدب الل سمعته وشوفته لكن سمعتها منك انهم هما صح وانا الل غبيه ... تصدق كنت هصدقك لو قلت هما كدابين .. والله العظيم هصدقك لو كنت قلت الل سمعته كان غلط
معتز: فاطيما اسمعينى براحه كده وافهمينى .. انا مقصدتش ازعلك كده
فاطيما ضحكت ضحكه وجع : تزعلنى.. هو انت خبطتنى ف كتفى ولا ضربتنى فى دراعى انت عارف عملت ايه انا علشان اقف قدامك كده.. تعرف الل مريت بيه علشانك انت بسببك عزلت نفسى عن العالم كله ..لانى اكتفيت بيك عالم بتاعى .. صحابى ميمى وسلمى كنت بقصر من ناحيتهم علشان اكون معاك اطول وقت سواء تليفون او شات عمرى ما حسبتها انى عرفتك نت لانى حبيتك بجد وراعيت ظروفك دراستى ضيعت سنتين من عمرى علشان اديك فرصه وانا امنع اى فرصه لحد يفكر يرتبط بيا ويتقدم ... انت عارف انت كنت ايه .. انت كنت كل حاجه ف حياتى انت كنت حياتى يا معتز وكنت ع طول مستنياك مهما غبت بترجع تلاقينى انا زى ما سبتنى ... تقوم انت ترد عليا بيه ...
خبطت فاطيما جامد ع صدرها بوجع: بوجع برغم انى قلتلك مبحبش اتوجع بخاف ورغم كده وجعتنى تمسك سكينه متكسره وتغرسها هنا بتشاور(فى قلبها ف صدرها )ببساطه جداااا ... تعشمنى سنين وانا اصدق وانت ليك مخططات تانيه وماشى فيها ... انت لسه باعتلى رساله امبارح .امبارح قال ايه وحشتك وانا فرحت وطيرت بيها .. بص بص عليا (بتشاور ع اليونيفورم ) وانا الل زى الغبيه كنت عاوزه افاجئك باليونيفورم دا وانى هكون معاك ع طول وكنت جايه اقولك انى هستناك ومش مستعجله
بتضحك فاطيما ودموعها نازله : ويا سخريه القدر اجى اعرف خطوبتك ولو كنت اتأخرت كنت احضر فرحك
معتز متفاجئ ومش عارف يرد ع فاطيما : فاطيما.. انا اسف بجد .. اسف
فاطيما ودموعها نازله : اسف .. وبجد...
معتز: فاطيما انا فعلا بحب..
قاطعته فاطيما: بس متكملش كفايه كفايه ..
معتز: فاطيما
فاطيما : انت مدام مش عاوزنى ليه ربطتنى جنبك وبيك انت امبارح بعتلى رساله .. صددقنى لو قلتلك مش هينفع نكمل مع بعض كنت هسيبك وع الاقل كنت هحترمك ياخساره ..ياخساره
حاولت تتمالك متضعفش قدامه فاطيما بوجع : اوكيه .. اوكيه يا مستر معتز
عيش حياتك وابنى مستقبلك .. لكن اعرف ان الل بيبنى حاجه ع جرح الناس مبيعمرش ولا ربنا بيارك فيه ابدا ابدا ابدا وبحق وجعى لل حساه ربى وكيلى ياخد حقى منك انا مش مسامحاك ومش هسامحك والايام كفيله تجيبلى حقى منك ..
مشيت فاطيما وعنيها نظره حاده معتز اتصلب مكانه معرفش يعمل ايه حس انه غلط بس للاسف بعد فوات الاوان .. تمالكت نفسها فاطيما وطلعت ع اوضتها ف الفندق ودخلت الحمام وفتحت الدش وبهدومها وقفت تحت المايه وفضلت تخبط ع صدرها مكان قلبها وقعدت ف البانيو والمايه نازله عليها وانهارت ف العياط وطلعت منها كلمه " اه " بوجع فظيع
فضلت موجوده ف الحمام لغايه ما هاله خبطت عليها وحبت فاطيما متبينش انها ضعيفه حاولت تجمع نفسها وغيرت ونزلت من الفندق وشافها معتز وبصتله باصه حاده وتجاهلته ومشيت مع مجموعتها
وراحوا ع المطار علشان الرحله ... معتز كان متوتر ولاحظت كده رويدا :
رويدا: مالك يا حبيببى فى حاجه
معتز : ها .. لا مفيش قله نوم وكده .. انتى عامله ايه
رويدا مسكت ايده: انا بخير ..يلا بينا علشان اقولك حصل ايه ف الاجتماع
معتز: يلا بينا ...
طلعت فاطيما الرحله لكن كانت متغيره .. سرحانه ومش مجمعه وحاجات بتقع من ايديها وطلبات بيطلبوها الركاب مش بتعملهالهم .. فاطيما المرحه اختفت خالص والكل لاحظ
هاله: مالك يا طيما انتى تعبانه
فاطيما : ها .. لا انا كويسه كويسه
شافتها ماسكه صينيه وخارجه.. هاله: رايحه فين يا طيما
فاطيما: فى راكب طلب عصير هروح اديهوله
هاله بصت لاقت الصينيه فاضيه: الصينيه فاضيه يا طيما
فاطيما بصت ع الصينيه: بجد .. سورى
هاله: اقعدى انتى انا هروح اديهوله
خرجت هاله وفاطيما بتحاول تتمالك نفسها ومن كتر الضغط ع نفسها اغمن عليها ف الكابينه شافتها زميلتها راحت ندهت هاله وعملولها الاسعافات الاوليه وكان حصلها هبوط ف الدوره الدمويه فضلت مرتاحه لغايه ما وصلوا مصر وكان ع الطياره عامر معاهم راجع ع مصر وفضل مع فاطيما وهى مغمن عليها وكان ع وشه قلق وكان ف دكتور ف الطياره كشف عليا
لاقى عندها دور بدايه حمى وهبوط ومحتاجه لراحه ليومين من غير اجهاد
نزلوا اخدتها هاله ووصلهم عامر بالعربيه لغايه السكن الل قاعدين فيه .. الشركه كانت عامله شقق لمضيفاتت والعاملين من محافظات يكونوا ع راحتهم فيها وكانت فاطيما وهاله وواحده كمان ف شقه واحده
وصلهم عامر وطلعت فاطيما مع هاله دخلتها ع سريرها ونامت وسابتها هاله افتكرتها نايمه ..لكن كانت منهاره وفتحت ف العياط اول ما خرجت هاله
فاطيما مكنتش قادره تستوعب الل حصل ولا الل سمعته ولا موقف معتز حاسه انها ف كابوس .كان بالنسبالها اكبر صدمه ف حياتها وكانت مش قادر تكلم ميمى ولا سلمى تحكيلهم الل حصل ... عامر طلب ليها اجازه اسبوع ترتاح من دور الحمى وكان بيسئل عليها ع طول هاله لان فاطيما مكنتش بترد ع موابيلها ..مر يومين واتصلت فاطيما ع بيت باباها تطمنهم عليها وردت عليها توحا .. سمعت فاطيما صوتها مكنتش عارفه تقولها ايه فحاولت تتمالك نفسها
فاطيما: توحا.. ازيك عامله ايه
توحا لاحظت صوت فاطيما المتغير : مالك يا طيما فيكى ايه
فاطيما بتتمالك نفسها: سلامتك يا حبيببتى مفيش بس عندى دور برد
تغيير جو وكده
توحا بقلق : طيما طمنينى عليكى
فاطيما : اطمنى انا بخير بدعواتك ليا وطمنى ماما وبابا لانى متصلتش بيكم بقالى 4 ايام وقلت قلقتوا
توحا: ربنا يطمنا عليكى دايما ويريح قلبك يا طيما
فاطيما ودموعها نازله: ادعيلى تانى يا توحا انا محتاجه دعواتك اوى ..
وفى سرها: محتاجه لحضنك اوى يا توحا ..محتاجه اووى
توحا: ربنا يريح قلبك وبالك ويرزقك بالخير والاصلح يا فاطيما يابنت جيهان
فاطيما بتسمح دموعها: انا هقفل وهبقى اكلمكم تانى
وقفلت فاطيما مع توحا وفتحت ف العياط وبتخبط ع صدرها : ياريتنى سمعت كلامك يا توحا ومسمعتش كلام قلبى ياريت .. كله منك علشان سمعت كلامك كله منك (وفضلت تخبط ع صدرها )
شويا ورن موابيلها وكانت رساله من ماريا وسلمى عاوزين يطمنوا عليها شويا واتصل عامر
فاطيما فضلت باصه ع الاسم وبعدين ردت : الو
عامر: طيما ..عامله ايه دلواقتى
فاطيما: الحمد الله
عامر: صوتك لسه تعبان بتاخدى علاجك ..انا سمعت انك بتغلبى هاله مينفعش كده الكل بيسأل عنك
فاطيما: الكل
عامر:كلنا المكان بقى وحش من غيرك ارجعى بقى بالسلامه
فاطيما: ميرسى يا مستر ع سؤالك واهتمامك
عامر: لا مفيش داعى انا لو اقدر اعمل اكتر من كده كنت عملت ..المهم خلى بالك ع نفسك واشوفك قريب ..اجازتك قربت تخلص يومين ومش همدلك الاجازه فاهمه
فاطيما: ان شاء الله
قبل ما تنزل فاطيما شغلها بيوم راحت لماريا البيت فتحت ماريا اتفاجئت بفاطيما وبشكلها
ماريا مخضوضه: طيما.. مالك وكنتى فين ومبترديش ع الرسايل ليه ها
اول ما دخلت فاطيما رمت نفسها ف حضن ماريا وفتحت ف العياط: ميمى انا محتجاكى اوى
اتخضت ميمى واخدتها وقعدوا وعملتلها لمون تهدى وبعد ما هديت حكتلها ع كل الل حصل من معتز من اول ما سافرت
ميمى: ابن اللذينه الحيوان.. كل دا بيتسلى وراسملك الوهم الكداب الحقير
حيوان بجد حيوان ..مين يطولى رقبته والله مخلى فيها حته سليمه ابن @#$%%
فاطيما قاعده ساكته .. ماريا: اتكلمى
فاطيما: عاوزانى اقولك ايه انا حكتلك ع كل حاجه
ماريا بعصبيه : سيبى الضيافه دى .. انتى اصلا مكنتش ف دماغك ومينفعش تكونى معاه ف مكان واحد
فاطيما بصت لماريا ومردتش ..
ماريا بعصبيه : فاطيما سيبى الشغل دا ولو عاوزه تشتغلى نشوفلك اى شغل تانى بعيد عن الحيوان دا
فاطيما: وانا اسيب الشغل ليه ...
ماريا استغربت من طريقه فاطيما لهجتها ونظرتها: تسبيه ليه .. انتى عاوزه تكونى موجوده ف نفس المكان معاه لا طبعا مينفعش .. لالالا مينفعش خالص هتسيبى الشغل
فاطيما: انا مش هسيب الشغل يا ميمى لو حصل ايه مش هسيب الشغل دا بالذات وهفضل موجوده ف مكانى
ماريا مستغربه من كلام فاطيما: مالك يا طيما ..اللهجه دى جديده عليكى ايه لهجه التحدى دى
فاطيما حطت كوبايه اللمون ع الترابيزه ونبره صوتها حاده: لان انا الل مش المفروض اسيب الشغل .. معتز الل هسيب الشغل
ماريا: نعم .. ودا ازاى
فاطيما: ازاى ..دى انا هعرف ازاى ارجعه مصر زى ما سافر مش معاه مليم ومش لاقى شغل هضيع منه سنينه الل كان فاكر نفسه بيبنى فيها مستقبله وهخليه يعرف انه كان بيبنى الوهم زى ما عيشنى سنين الل فاتت الوهم وخدعنى... هدوقه يعنى ايه يتحسر ع سنين عمره الل فاتت وانه معملش حاجه ...هو الل هيسيب الشغل وهيسبها بخساره
ماريا اتخضت من لهجه فاطيما: فاطيما.. من امتى وانتى بتتكلمى بلهجه الانتقام دى انا افتكرتها تحدى لكن انتى صوتك وملامح وشك ولهجته لهجه غضب وانتقام .. فاطيما
فاطيما قاطعتها وبتخبط ع صدرها: انا الل اتوجعت يا ميمى لانى اخترت قلبى ومشيت وراه واتوجعت وانا هندمه ع اختياره دا مهما كلفنى الامر .. معتز لازم يسيب الشركه بفضيحه كبيره ميقبلش ف اى شركه تانيه
وانا فى الشركه هلاقى طريقه
ماريا : بس دا غلط مش انتى الل تفكرى كده
فاطيما: مفيش غلط اكبر من الل عملته ف نفسى يا ميمى وفاطيما الل عرفها حاجه والل هيلاقيها ف وشه واحده ع كل لحظه
ماريا مصدومه :انتى بقى فكرتى هتعملى ايه اول حاجه هتعمليها ايه
تليفون فاطيما رن وكان عامر وبصت لرقم للحظات : بفكر
ردت فاطيما ع عامر .. عامر: فاطيما .عامله ايه
فاطيما: الحمد الله وحضرتك بخير
عامر: الحمد الله
فاطيما: يارب دايما .. صحته حضرتك مهمه عندنا كلنا
عامر : ميرسى ليكى .. جاهزه تنزل الشغل بكره
فاطيما : ان شاء الله .. انا بزور واحده قريبتى وهروح ع طول
عامر بص ع الساعه لاقاها 11 بليل : هى قريبتك دى فين
فاطيما: ف التجمع الخامس
عامر: وهتركبى طبعا تاكسى
فاطيما: اكيد ..مش هركب توكتوك
عامر: لا مينفعش طبعا الوقت متاخر ومش مضمون الطريق ل اكتوبر
انا ف التجمع قريب منك اوصفيلى العنوان اعدى عليكى اوصلك
فاطيما: لالا متتعبش حضرتك ..انا هاخد تاكسى
عامر: لا متقوليش كده انتى من مسؤليه الشركه ولو حصلك حاجه احنا الل هنتسأل
فاطيما: اوك... هبعتلك العنوان ف رساله
عامر: وانا هكون عندك بعد 10 دقايق
فاطيما: تيجى بالسلامه ان شاء الله
وقفلت فاطيما وماريا مستغربه اسلوب فاطيما: طيما انتى بتفكرى فى ايه
فاطيما: انا مش هفكر يا ميمى انا هنفذ
هقوم علشان متاخرش ..
قامت فاطيما تجهز ونزلت وماريا مستغربه من وضعها .. راحت اتصلت ع سلمى وحكتلها وسلمى انصدمت لما عرفت حوار معتز
واتفاجئت اكتر من تغيير فاطيما ..
سلمى: لدرجه دى
ماريا: ابن اللذينه الحيوان عمل ايميل تانى لشغل ووساب الايميل لفاطيما تعيش الوهم فيه ويشتغلها براحته الجزمه الحيوان وهى كانت فاكره انه الايميل دا هى بس الل فيه ..صدقته الحيوان ..فاطيما اتغيرت يا سلمى
سلمى: معذوره يا ميمى .. الصدمه مخلياها مش متنزنه
ميمى: لو كلام بس كنت هقولك اوكيه.. انما انا حاسه انها هتسبب لنفسها مشاكل اكبر فاطيما اتغدر بيها وجعها وغضبها كبير
سلمى: احنا معاها ومش هنسيبها يا ميمى انا هكلمها وانتى اى جديد عرفينى
ميمى: اوك .. اوك
ونزلت فاطيما وكانت واقفه عامر كان وصل ومستنيها لاقته فاطيما نزل من العربيه وهى راحه اتجاهه وسلمت عليه وراح فتح لها باب العربيه فاطيما استغربت لكن مبينتش وقعدت وابتدا يتحرك بالعربيه .. فى الطريق بدوا يتكلموا :
فاطيما: ميرسى ليك يا مستر ع التوصيله تعبتك انا اسفه
عامر: مفيش تعب كده كده انتى ف طريقى انا شقتى ف اكتوبر قريبه من السكن بتاعكم ويعتبر زملاء ف الشغل .. ومينفعش اسيب زميلتى ترجع متاخره معانها غلطت لما اتاخرت كده
فاطيما بتضحك: سورى ..اصل انا لما بكون مع ميمى بنسى نفسى والوقت ولولا ان عندى رحله بكره كنت نمت عندها ...
عامر: ع كده اشكر الرحله انها كانت السبب انى اوصلك
فاطيما بتضحك: توصيله سعيده .. اخت فرصه سعيده
ضحك عامر : انا الاسعد
شويا كده ..عام: طيما اتعشيتى
فاطيما مكنش ليها نفس تاكل : الحمد الله ..
عامر: يا خساره انا متعشتش ومكنتش عاوز اروح البيت اتعشى لوحدى ولا اروح اقعد لوحدى ف مطعم يلا بلاش عشا
فاطيما: ولا تزعل نفسك شوف انت عاوز تتعشى ايه وانا معاك .. اصلا انا جعانه وكنت مكسوفه
عامر: انتى قولتى انك اتعشيتى
فاطيما: اها وهضمت ..الكلام مع ميمى ومعاك جوعنى ..انا الكلام بيهضم اسرع معايا ..اه يا بطنى يا جعانه اه
عامر ضحك: حاضر حاضر يلا بينا
فاطيما : يلا بينا
واثناء الطريق فاطيما كانت مش مبينه حالتها النفسيه وراسمه ع طول ابتسامه ع وشها وعامر كان بيفتح مواضيع وفاطيما تتكلم معاه وراحوا المطعم طلبوا اكل وابتدت فاطيما تاكل برغم انها مش حاسه بالاكل بس مثلت شخصيتها الل اتعود عليها عامر علشان ميحسش بتغيير
عامر وهو بياكل: تعرفى يا طيما ..انتى الشخص الوحيد الل اشوفه بيحب الاكل كده
فاطيما: الاكل بالنسبالى تؤامى .. الل معايا على طول وقت ما بكون محتجاله الاقيه ... لما عاوزه اوصل لقرار وعاوزه افكر الاكل بيساعدنى ... ارضاء المعده بيساعد ع تشغيل العقل دا مبدئ
عامر بيضحك: لدرجه دى لما تفكرى تاكلى
فاطيما: مش احسن من انى اشرب سجاير
عامر ضحك زابتد ياكل : تعرفى ..انتى الوحيده يا طيما بحب اكل معاها
انا معنديش حد اكل معاه ..ع طول بااكل لوحدى
فاطيما: جيتلى ف ملعبى .. بس متشتكيش بعد كده وتقولى طخنت وبتاع
عامر: بالعكس ببقى فرحان وبحس بطعم الاكل انتى كنز يا بنتى ربنا بعتهولى
فاطيما باابتسامه ورافعه الشوكه: مع طيما تجد ما يسركم ويشبعكم
ضحك عامر وكمل اكل وطول القاعده ع وشه ابتسامه .. خلصوا اكل وقامت فاطيما تروح الحمام تغسل ايديها غسلت ايديها وبصت ف المرايا وخبطت ع صدرها : متنبنيش ضعفك انتى اقوى يا طيما اقوى و اكيد فى حل تانى
خرجت فاطيما ووصلها عامر لسكن وطلعت اخدت دش وكلمتها سلمى ومعرفتش تغير تفكيرها ولاحظت تغيير ف لهجتها وكلامها وانها هتتحمل نتيجه الل بتعمله مهما كان ....جهزت شنطتها ونامت وصحيت نزلت هى وهاله وراحوا المطار وهما ف المطار قعدوا ف صاله الانتظار مؤقتا لان الطياره حصل فيها عطل بسيط وهى قاعده كانت مترردده تفتح رسايل معتز جمعت شجعتها : اول خطوه يا طيما مينفعش التراجع
فتحت الرسايل وابتدت تدلت الرسايل والحاجات والاغانى الل عمالهالها معتز ودموع نازله من عنيها وهى بتقرا الكلام وشعورها بالوجع والخديعه
خلصت وقامت وقفت راحت الحمام تعدل هدومها وتغسل وشها وبصت ف المرايا : اللى جى يا طيما حاجه والل فات حاجه تانيه اللى جى اهم يا طيما ولازم تكسبى كفايه خساره .. معتز لازم يخسر كل حاجه .. وهيخسر
خرجت فاطيما وطلعت رحلتها ورجعت شخصيتها قدام الكل طيما الل بتهزر وبتضحك لكن الل جواها محدش حاسس بيه ولا يعرفه غيرها محبتش تفلت انتباه حد ليها واتعاملت عادى حاولت متبينش اى فرق وانها غابت بسبب دور تعب بس ... كانوا فى رحله ل ايطاليا ونزلوا الفندق وفاطيما مع اصحابها ف المجموعه بيتكلموا وماشيه بتبص ف الموبيل لاقت ف وشها معتز قلبها حس بنغزه وجع وعملت نفسها مش شايفاه وكملت مشى طلعت ع اوضتها غيرت ونزلت علشان تاكل مع اصحابها كانت هاله نسيت حاجه ف الاوضه رجعت تجبها
فاطيما واقفه بتقلب ف الموبيل قرب منها معتز : طيما
فاطيما مردتش .. معتز كرر اسمها: طيما
فاطيما بصت حواليها : حضرتك بتكلمنى انا
معتز : هو فى غيرك اسمه طيما هنا
فاطيما بملامح حاده : اسمى انسه فاطيما .. مش طيما
معتز: انا متعود ع فاطيما
فاطيما قاطعته: وحضرتك تعرفنى علشان تقولى يا طيما .. الناس القريبه ليا بس ليهم الحق وحضرتك غريب ومش مكعنى شغالين ف شركه واحده ليك حق ..حضرتك مستر معتز وانا الانسه فاطيما ..وبعد اذن حضرتك
مشيت خطوتين فاطيما ....!!
معتز: انا سمعت انك كنتى تعبانه واخدتى اجازه ..كان مالك وان شاء الله تكونى بخير
فاطيما بصتله بنص ضحكه: متقلقش حضرتك دا كان دور حمى عادى مكنتش بنتحر ولا حاجه اصلا مفيش حاجه تستاهل اضيع عمرى بسببها ..بعد اذنك
مشيت فاطيما بعد ما ردت ع معتز بالطريقه دى وهو استغرب تحولها واسلوبها الجامد وانه مش باين عليها اى وجع لكن شخصيتها كانت جامده
كملت فاطيما طريقها وهى حاسه بوجع ف صدرها لما شافت معتز ...راحت ع المطعم وكالعاده شغلت نفسها وتفكيرها بالاكل...كانت الراحه يوم واحد وتانى يوم اخدت رحله تانيه وسافرت ومشافتش معتز واستمرت فى رحلاتها واوقات ف رحلات كانت بيكون موجود عامر كطبيعه شغل ..فى رحله من الرحلات كانت ل باريس .. وكان عامر ف الرحله دى لان كان ف مشكله
ف فرع باريس ونزلت فاطيما راحت الفندق وقابلت عامر ف الهول :
عامر شافها ماسكه شيكولاته وبتاكلها: الل ياكل لوحده
فاطيما : مستر عامر ..حمد الله ع سلامتك
عامر: حمد الله ع سلامتك انتى كمان احنا كنا ع نفس الرحله انتى نسيتى
فاطيما بتضحك: ههههههه اه صحيح يبقى حمد الله ع سلامتنا جمعاء
عامر: والشيكولاته جمعاء ولا فردى
فاطيما: جتلى ف نقطه ضعفى ... حضرتك ممكن تجيب تحب اوصفلك اشتريتها منين
عامر : لا مليش دعوه انا عاوز حته من دى دلواقتى ها ينفع ولا لا
فاطيما بملامح قمصه الاطفال: ضنايا حبيببى ..مستر عامر مش غريب وهياكل براحه
قطعت حته صغيره : اتفضل وهى دى بس انا مبفردش ف ضنايا ابدا
اكلها عامر وبيضحك: ضناكى طعمه حلو اوى ..علشان كده هردلك الهديه
فاطيما: هديه ايه ..دى حته شيكولاته يتيمه متكبرهاش يا مستر
عامر :انا سمعت من اصحابك انك مبتخرجيش فى اى مكان ع طول ف الفندق يا المطعم ف ايه رأيك اخرجك انهارده ف رحله لو تحبى تلفى فى باريس شويا ممكن اساعدك انا كنت مقيم هنا فتره وعارف الاماكن وانتى رحلتك بعد بكره ..فكرى وقوليلى رأيك وشوفى اصحابك اعتبرونى مرشدكم وانا موافق
فاطيما: متتعبش حضرتك انا اصلا لا بحب اللف انا هنام وهاكل لغايه يعاد الرحله
عامر: فكرى وقررى ومش هتندمى وانا محتاج اخرج معاكم
فاطيما: اوك
مشى عامر وفاطيما وافقه سرحانه كانت مستنيه هاله تجيب مفاتيح الاوضه
هاله: الحقى يا طيما ..النخله والبومه هنا ف الفندق معانا
بصت فاطيما: نخله وبو..
تنحت فاطيما لما شافت معتز داخل الفندق ورويدا ماسكه فى ايديه وبيضحكوا حست بغليان جواها ونغزه وجع جامده واتمالكت نفسها لما شافتهم قربوا منها ..
رويدا: فاطمه .. اقصد فاطيما ازيك
فاطيما باابتسامه: الحمد الله
رويدا: ازيك يا هاله
هاله: تمام يا مسزز رويدا .. صدفه حلوه اننا شوفناكم هنا
رويدا : هى فعلا صدفه انا كنت ناسيه ان ف رحله انهارده لباريس
بس فرصه حلوه علشان اشوف عامر وينزل معايا نشترى فستان الخطوبه
هاله: خطوبه ..انتم حددتوا .مبروك يا مستر معتز
فاطيما سمعت خطوبه حست بوجع ونغز جامد : مبرووك يا مستر معتز ..مبروك يا مزز رويدا
رويدا بسعاده: عقبالكم يابنات
فاطيما بسرعه : ميرسى جدااا بس احنا مش متسعجلين المهم عندنا ربنا يرزقنا بالل بيحبنا بجد مش بوهم ولا خداع يثبتلنا انه بيحبنا ويشترينا مش نشتريه احنا
معتز سمع الكلام زى الخبط .. رويدا: مش فاهمه
فاطيما باابتسامه: اقصد الحلال يامزز رويدا مفيش احلى منه مبروك عليكم
رويدا: ميرسى .. يلا يا حبيببى علشان اتكلم مع عامر يفضى نفسه بكره لينا
مشيت رويدا وفاطيما كانت بتتقطع لما شافتهم مع بعض تمالكت نفسها ومن غير ما تحس بعتت رساله ع موبيل عامر " موافقه يا مستر تفسحنى بكره انا وهاله ونجلا واحمد ..الصبح بعد الفطار هتلاقينا جاهزين "
بعتلها " اوكيه ..اشوفكم الصبح "
فاطيما: هاله كلمى نجلا واحمد وعرفيهم اننا هنخرج بكره مع مستر عامر من الصبح
هاله: مين الل قال
فاطيما: هو عزمنا وانا وافقت وطلب منى ابلغكم بما انكم الفاضيين والباقي سايحيين
هاله بفرحه: الله خروجات مستر عامر تحفه يا طيما..عمره ما حسسنا انه صاحب الشركه مش زى اخته البومه
فاطيما اخدت نفس : يلا نطلع الاوضه نرتاح وكلميهم هنتجمع بعد الفطار
طلعت فاطيما اوضتها وكانت رويدا راحت هى ومعتز ف اوضه عامر
رويدا: امر يعنى ايه انت مش فاضى انا عارفه جدول اعمالك انت فرى بكره
عامر باابتسامه: لا مش فرى انا اتفقت مع مجموعه هاله وطيما ونجلا واحمد اننا هنخرج نقضى اليوم كلنا بره وهفسحهم انا
رويدا: تشترى شويا موظفين عندنا عن اختك يا عامر شكرا
عامر قام قرب من معتز خبط ع كتفه: يعنى هيكون معاكى خطيبك هتحتاجى ايه انتى انا مش هفيدك الل هيفيدك خطيبك ولا ايه
معتز حاول يقنع عامر ينزل معاهم: بس وجودك يا مستر مهم ات اخوها الكبير
عامر: لو كنتوا سبقتوا بنص ساعه كان ممكن بس انا وعدت ومش هينفع اخلف وعدى اتمنلكم يوم جميل ممكن تسيبونى عاوز ارتاح اخدت العلاج وعاوز انام علشان بكره اكون فايق
رويدا: ماشى ياعامر ..خليك فاكرها
عامر بص لمعتز: صالحها وفهما هى عقلها صغير
معتز: اوكيه
تانى يوم الصبح كانت قاعده فاطيما هى والمجموعه شويا انضم ليهم عامر
وكان فطار مختلف شويا لاحظت فاطيما كده وافتكرت لما اتعشوا كان اكله كان مختلف فمركزتش .. شويا وشافت معتز ورويدا
قاعدين جنبهم بيفطروا ورويدا بتاكل معتز ف بوقه وهو كمان وعايشين لحظتهم مستحملتش فاطيما ..:
فاطيما اضايقت : يلا يا جماعه احنا
هاله: تتحسدى قومتى بدرى وطبقك فيه
فاطيما بتبص ع معتز ورويدا: اصلى شوفت حاجه سدت نفسى
عامر: خير ف حاجه مش كويسه هنا
فاطيما: لالا عاوزه بس انتهز اليوم من اوله ولا حضرتك عاوز تقلبنا
هاله: لا خروجات مستر عامر متتوصفش هتنبسطى يا طيما
فاطيما وقفت: يلا بينا
عامر: يلا بينا
قاموا وقفوا ومشيوا وركبوا عربيه كانت مستنياهم وعامر الل ساق بيهم
فاطيما كانت سرحانه وحاسه بغليان جواها وانها مش عارفه تعمل ايه وبتبص ع عامر ومتردده وصلوا لمكان حديقه ونزلوا يتمشوا ويتصوروا وحاولت فاطيما تنمدمج لكن جمله خطوبه وانه عايش حياته وهى بتتوجع كده مخلياها مش مركزه ... بعد هزار وضحك بين المجموعه الا عامر كانت حركته خفيفه وكان واقف بعيد لابس نضاره الشمس ومبتسم ليهم
كان فى بحيره ف الحديقه دى راحت فاطيما قعدت قدامها وهاله ونجلا واحمد راحوا يشتروا حلويات وعامر كان بيعمل مكالمات بعيد شويا وفاطيما شافته خلص وفاجاءه بان عليه التعب قامت راحتله بسرعه
فاطيما: مستر عامر مالك
عامر: ممكن يا فاطيما تجبيلى العلاج من العربيه
بسرعه فاطيما راحت جابته واخده وقعدوا قدام البحيره
فاطيما: انت حاسس بايه كويس ولا تعبان نروح مستشفى
عامر اخد نفس: لا الحمد الله تمام .. شكرا
تانى مره تنقذينى يا طيما
فاطيما باابتسامه: عد جمايل يا مستر بقى
عامر بيضحك: انتى مشكله بجد
فاطيما اخدت نفس واتنهدت: يمكن دى مشكلتى فعلا
عامر: يعنى ايه
فاطيما غيرت الكلام: حضرتك مااخدتش علاجك ليه الصبح انت مهمل ف نفسك كدهانا فاكره الدكتور ف المستشفى قال انك لازم تاخده علشان قلبك وميحصلكش ازمه تانى
عامر: اممم تعبت من العلاج حياتى كلها ادويه
تعرفى يا فاطيما انا بخرج مع مجموعه المضيفين ف اى بلد ليه
فاطيما: انا سمعت من هاله انت كل فتره بتاخدهم تخرجهم
عامر: علشان اشوفهم بيعملوا حاجات انا مبقدرش اعملها .. ع الاقل اعيشها معاهم بالفرجه سواء جرى او تنطيط او تمشيه ... يعنى بعيش حياتى من خلال حياتهم
فاطيما: ليه كده
عامر مسك علبه البرشام: انا من غير دا اموت وميبقليش وجود
انا مريض قلب زى ماانتى عارفه ودا مش جديد من زمان وانا ف الجامعه اكتشفت مرضى دا وبسببه بعد عنى اصحابى وبعدت عن حياتى وبعدت عنى اول واحده احبها وكنا هنتجوز كنت مرتب كل حاجه لكن لما عرفت رفضت تكمل خافت تكون ارمله او تشيل مسءوليه مريض
فاطيما بتسمع الكلام ومتاثره : مش معقوله
عامر: انا مصدقتش زيك لكن صراحتها معايا احترمتها ومن وقتها محبتش اظلم اى واحده معايا لانى معرض ف اى وقت لموت ..
فاطيما: ومفيش اصحاب خالص
عامر: انا حياتى شغل ورويدا وشويا لحظات زى انهارده كده بس
وعايش وموافق
فاطيما : بس دى مش حياه
عامر بص لفاطيما: وايه هى الحياه
فاطيما بصتله وفكرت للحظات وابتسمت: من انهارده اعتبر نفسك لاقيت صديقه بمجمع اصدقاء مش شايف الجحم
عامر بيضحك.. فاطيما: انا هعرفك يعنى ايه حياه انت ليك حق تعيش والمرض عمره ما يهزمك ..اعمل الل نفسك فيه بالعقل هتعيش صح ..وانا هساعدك والمقابل مجانى يلا زكاه عن صحتى وعفيتى بس هتعزمنى
...........
___________________________
يتبع
ليست هناك تعليقات:
إرسال تعليق