خرجت بسرعه سهر واتفاجئ جداااا مهاب من رد فعلها لما عرفت انه تعبان وفكر انه لما تعب المره ال فاتت كانت مفكرتش ولا مره تزوره واستنت شويا واتصل ع اوضتها لقاها مش موجوده وسأل عليها فى الريسبشن عرف انها سهرانه فى الديسكو قفل مهاب وفاجاءه جت ف باله رقيه وال عملته لما تعب وانها تعبت ومكنش همها ومسك موبيله وقعد يبص عليه كتير لغايه ما ..!!!اخد القرار واتصل بالريشبشن يحجزولوا اول طياره ل المانيا لوحده بكره الصبح
تانى يوم الصبح رقيه كانت قاعده فى الحديقه وسرحانه بتفكر ف مهاب سمعت صوت من وراه : رقيه ...
بصت بسرعه رقيه ع الصوت :lمهاب
مهاب : انتى قاعده ليه كده
رقيه قامت بسرعه: لا ابدا عادى زهقت من قعده فوق و..
مهاب قاطعها: طيب انا طالع فوق
مهاب وهو ماشى كح رقيه قلقت طلعت وراه ع الشقه
رقيه: اعملك حاجه دافيه تشربها
مهاب: لا شكرا
رقيه بصتله حاسه انه متغير : مهاب انت تعبان
مهاب بصلها : لا مفيش دور برد بسيط
بسرعه وتلقائى رقيه راحت ناحيته حطت ايدها ع راسه : ايه دا انت دافى
مهاب اتاخد من الموقف وزق ايدها براحه: لا عادى انا هاخد دش وهريح شويا
رقيه : طيب
بصت رقيه ع ايده لاقته لابس الساعه فى ايده وفرحت اوووى
دخل مهاب اوضته وقعد ع السرير اخد نفس وبيقول لنفسه : مالك فى ايه
دخل اخد دش وهو خارج من الحمام كانت رقيه جهزت بسرعه شوربه خضار ومستنياه ع السفره
مهاب : ايه دا
رقيه باابتسامه: شوربه خضار وعليها لمون تاكلها وتشربها وهديك علاج لبرد وان شاء الله هتكون احسن
مهاب: مفيش داعى انا هنام و ..
رقيه راحت ناحيته مسكت ايده وقعدته ع الكرسى : اقعد كل الاول وبعدين نام
مهاب متلجلج معرفش يعمل ايه وشاف رقيه قاعده قدامه بتبصله ومبتسمه : انتى هتفضلى بصالى كده وانا باكل
رقيه : اصلى فرحانه انك رجعت بالسلامه معانى بعتب عليك
مهاب: ليه
رقيه: مااخدتش بالك من نفسك ليه هناك كده تتعب ويجيلك برد
مهاب : مقدر ومكتوبلى بس الحمد الله مش دور تقيل يعنى
رقيه : لا الف سلامه عليك انت ادخل اوضته بعد ما تاكل ارتاح وانا هحضر غدا خفيف وهصحيك
مهاب : لا سبينى انام براحتى انا رجعت البيت ارتاح يومين قبل ما انزل الشركه
رقيه باابتسامه: مفيش مشاكل وقت ما هتصحى الاكل هيكون جاهز ومستنيك
مهاب خلص اكل ورقيه قامت راحت ناحيته تساعده لو محتاج : مهاب .. ابعدى شويا متقربيش كده علشان متاخديش البرد
رقيه باصه لمهاب: لو هتخف انا موافقه وقلتلك قبل كده انا مش مهم انت الاهم
مهاب اتوتر وبسرعه دخل اوضته وهو داخل: انا هنام متصحنيش
دخل مهاب الاوضه وهو متوتر من كلام رقيه وال عمال يحسه ومش فاهمه
تليفونه رن بص كانت سهر لااول مره كان متردد يرد عليها ورد ..
مهاب: الو
سهر: مهاب ايه ال عملته دا
مهاب: هو ايه دا
سهر: سافرت فاجاءه كده من غير مقدمات ولا قولتيلى نرجع سوا
l مهاب: كان ورايا حاجه مهمه هنا وقلت قبل ما انشغل وكده
سهر: انت عامل ايه دلواقتى خفيت
مهاب بنص ضحكه: اه الحمد الله اخدت دش و.....(سكت شويا ) وهنام
سهر: طيب يا بيبى ارتاح انا كمان يومين هبقى عندك تكون اتحسنت
مهاب: ان شاء الله
قفلت سهر ومهاب رمى نفسه ع السرير ينام ودماغه اشتغلت برقيه وتصرفاتها ...!!
الوقت دا موبيل رقيه رن وكان هيثم ..
رقيه: الو
هيثم: يا صباح الوهات
رقيه: ياصباح التثبيتات .. ازيك يا هيثم
هيثم: تمام وانتى
رقيه: الحمد الله
هيثم متلجلج: رقيه
رقيه : ايوه
هيثم: انتى فاضيه انهارده
رقيه بصت ع اوضه ال نايم فيها مهاب : لا معتقدش بس ليه فى حاجه
هيثم: لا ابدا كنت مخنوق وكنت عاوز اتمشى شويا بما اننا اصدقاء تمشيه واحده
رقيه بتضحك: مره تانيه لانى فعلا مش هقدر اخرج
هيثم: مفيش مشاكل .. ابقى طمنينى عليكى
رقيه: ان شاء الله
قفلت رقيه مع هيثم وكان هيثم عاوز يستغل الفرصه ويفاتح رقيه ف الموضوع وانه معجب بيها بس مصابتش معاه المرادى ..!!
صحى مهاب من النوم وفعلا رقيه مش ازعجته خرج من الاوضه وكانت الشقه هاديه جداااا بص ع رقيه لاقاها قاعده حاطه الهاند فرى ف ودنها وقاعده ف البلكونه راح ناحيتها ولسه هيتكلم رقيه لفت نفسها وبصت ع ناحيته وشالت السماعات من ودانها وقامت : انت صحيت عامل ايه دلواقتى
راحت ناحيه مهاب وحط ايدها ع راسه : لا الحمد الله الحراره نزلت شويا تحب احضرلك الغدا
مهاب مش لاحق يرد عليها راحت حضرت الغدا وندتله راح قعد واتغدوا ولاحظ ابتسامه ع وشها وهى بتاكل : ياترى ايه ال مفرحك كده فرحينى معاكى
رقيه: بصراحه ومتتريقش عليا
مهاب: لا قولى
رقيه: انا كنت بدعى ربنا ان انا وانت نقعد ع السفره ونتغدا سوا ونتعشى سوا ونفطر سوا لان دى حاجه بتفرحنى جدااااا ودلواقتى حاسه ان فرحه الدنيا مش سيعانى
مهاب مندهش: علشان باكل معاكى
رقيه باابتسامه هزت راسها : ايوه دى بنسبالى حاجه كبيره ..انا عارفه انك مشغول وشغلك ال بيأخرك بره فعادى مش زعلانه
مهاب فى سره حاسس بذنب انه بيبقى متعمد ميرجعش الا متاخر علشان يزهقها ميعرفش انها طيبه اوى كده .....
مهاب: اى فرصه متاحه هاجى ونتغدى سوا تمام
رقيه بفرحه: تمام اووى
وكملت رقيه الاكل بفرحه ومهاب مستغرب من تصرفاتها ... شويا وخلصوا الاكل ودخل المكتب مامته كلمته ينزل شويا يقعدوا معاها لانها مشفتش رقيه طول اليوم نزلوا قعدوا مع مامته ورقيه خرجت تسقى الزرع ومهاب عينه منزلتش عنها ولاحظ انها اتاخرت والجو برد خرج يبص عليها شافها موطيه ع الارض بتعدل فى حاجه
مهاب: بتعملى ايه
رقيه بصتله: لاقيت الزرع دا هيموت فبحطله مقويات بالكتير نص ساعه وهخلص لان لو سبته ع الصبح هيكون مات
مهاب : طيب
مشى مهاب خطوتين وبعدين رجع لف بص عليها حس الجو برد : مش حاسه باى برد دى
راح مهاب قلع الجاكت ال لابسه وحطه ع ظهر رقيه وهى موطيه ع الارض رقيه اتخضت وبصت: ايه دا
مهاب: مش هنقضيها كل شويا نتعب انا وانتى ع الاقل انتى خلى بالك ع نفسك والجو برد بره
رقيه باابتسامه: ميرسى يا مهاب فعلا الجو برد والجاكت بتاعك دافى اوى
مهاب بصلها وهى بتضم الجاكت عليها تنح مكانه واتوتر : طيب بسرعه متتاخريش انا داخل
رقيه: حاضر ...!!!
خلصت رقيه ال وراها وطلعوا شقتهم دخل مهاب اوضته شويا ورقيه خبطت ع الباب ودخلترقيه: مهاب انت هتنام ولا شويا
مهاب: لا شويا ليه فى حاجه
رقيه : اتفضل اشرب الحاجه الدافيه دى والعلاج دا وادفى كويس
مهاب : مش عاوز شكرا
رقيه قعدت جنبه ع السرير : مش هخرج غير لما تشرب وتنام ايه رأيك
مهاب قلبه دق جامد ومتنح : ها .. طيب خلاص هشرب اخرجى
رقيه : يلا اشرب
شرب مهاب وهو مش قاعد ع بعضه راح قال : انا هنام تصبحى ع خير
قامت رقيه مسكت الغطا وحطته عليه ووشها قرب من وشه وهى بتغطيه فى الحظه دى مهاب قلبه دق بسرعه اوى راح مدارى وشه : اقفلى الباب وراكى
رقيه استغربت من رد فعله: حاضر
وخرجت رقيه ومهاب حط ايده ع قلبه ومش عارف فى ايه ....!!!
__________________________
تانى يوم كالمعتاد حضرت رقيه الفطار وصحى مهاب احسن من امبارح وخرج لاقى الفطار جاهز ورقيه مستنياه باابتسامه : صباح الخير
مهاب بصلها وبص ع الفطار : صباح الخير
رقيه: خد دش بسرعه وافطر قبل ما فطار يبرد
مهاب دخل اخد دش ورجع ع اوضته تانى بيفتح الدرج يدور ع حاجه لاقى العلبه ال فيها السلسله وافتكرها ومش عارف يديها ل رقيه ازاى ...!!
خرج وحطها فى جيبه وقعد يفطر مع رقيه ومش عارف يفتح كلام ازاى
رقيه: انت هتعمل حاجه بعد ما تفطر
مهاب: لا ليه
رقيه : هنزل الحديقه اشوف الزرع بتاع امبارح وهطلع
مهاب: لا عادى خليكى براحتك انا هقعد ف المكتب
خلصوا فطار ومهاب دخل المكتب وماسك العلبه ومش عارف يعمل ايه ويدهالها ازاى ودى اول مره يجبلها حاجه الباب خبط ودخلت رقيه ومعاها صينيه ..رقيه باابتسامه: اتفضل
مهاب : انا مطلبتش عصير
رقيه: لا عصير البرتقال كويس علشان نزله البرد ال عندك احسن من القهوه
قلت اديهولك قبل ما انزل ومش هتاخر اتفقنا
مهاب : اتفقنا
خرجت رقيه ونزلت ع الحديقه تكمل ال كانت بتعمله بليل
هيثم كان عاوز يشوف رقيه باى طريقه ومش عارف يعمل ايه راح اتصل عليها
رقيه: الو
هيثم: انا ذنبى ف رقبتك لو جالى اكتئاب
رقيه: ليه كده بس
هيثم: قاعد فى البيت مبخرجش بسببك
رقيه: لا بجد
هيثم: خرجينى انهارده علشان هديكى هديه
رقيه بتضحك: اممم لاسف مش هينفع بجد خليها وقت تانى
هيثم: تانى ماشى يا ست المشغوله
رقيه: متزعلش بقى ليك عزومه ع كوبايه شاى
هيثم : اتفقنا لما تفضى عرفينى
قفلت رقيه مع هيثم وهيثم عمال يلف فى الاوضه وعاوز يشوف رقيه فشأف علبه شيكولاته واتلكك انه يروح يديها لرقيه واخدها ونزل ودخل من البوابه لاقاها شغاله فى الارض قرب منها وحط علبه الشيكولاته جنبها رقيه بصت
رقيه: هيثم
هيثم باابتسامه: قلت اكيد التموين خلص قلت الحقك بذياده
قامت رقيه ومسكت العلبه: بس دا كتير اوى انا عندى فوق
هيثم: مش مهم الذياده حلوه برضه ولا هترفضى الهديه
مسكت رقيه العلبه: فى دى مبعرفش اقول لا ابدا
هيثم: وبرضه مش هنسى كوبايه الشاى
بصت رقيه ع العلبه وابتسمت ابتسامه كبيره هيثم لاحظ كده: لدرجه دى فرحتى دا انا كل يوم هجبلك علبه
رقيه بصت لهيثم: اصلك فكرتى بشخص كان جارى فى مصر ومتربى معايا وكان دايما كل يوم يجبلى شيكولاتايه وحشنى جدااا
هيثم ملامح وشه اتغيرت : مين ال وحشك
رقيه بتلقائيه: مصطفى وسها ودمنهور وحديقتى
هيثم: مين دول
رقيه: اها ..انت متعرفهمش مصطفى دا جارى وسها مراته ال هى ف نفس الوقت صاحبتى
هيثم ملامح وشه اتعدلت لما عرف ان مصطفى دا واحد متجوز: طيب يا ستى ربنا بيقطع من دمنهور ويوصل ف المانيا
رقيه: بس بصراحه شيكولاتاتك انت اغلى مستورده مش انتاج محلى زى هناك
هيثم بيضحك: الغالى لغالى
ضحكت رقيه وهيثم ومهاب وقف يبص من البلكونه وشاف هيثم واقف مع رقيه وبيضحكوا اوى وبص لاقاها ماسكه علبه شيكولاته مره واحده ملامحه اتغيرت وحس ان دمه فار ومش ع بعضه واتنرفز لما شافها بتضحك مع هيثم راح وهو واقف مستحملش راح ندا ع رقيه : رقيه ..رقييييه
رقيه بصت ع مهاب: ايوه
مهاب: ممكن تيجى ثوانى
رقيه : حاضر ثوانى
هيثم: حمد الله ع السلامه يا بوب
مهاب بملامح رخامه: الله يسلمك يلا يا رقيه
هيثم وهو باصص ع مهاب وهو داخل : طول عمره رخم هو بيعمل ف نفسه كده ليه
رقيه قاطعته: لالالالا عندك لو سمحت لغايه مهاب خط احمر وهو مش رخم
يلا انا هروح اشوف مهاب عاوز ايه
ومشيت رقيه وهيثم واقف ربع ايده الاتنين وباابتسامه ع وشه انه شاف رقيه لكن بص ع مكان مهاب لاقاه الدور التالت يعنى شقه مهاب ..: ايه ال يطلع رقيه شقه مهاب ولوحدها ...!! رد ع نفسه : قرايب بقى
مشى هيثم وراح ع قفيلا اخته وطلع اوضته وطلع من جيبه السلسله وكان عاوز يديها لرقيه ومش عرف : مش وقتك دلواقتى ليكى مره تانيه !
طلعت رقيه ل مهاب بسرعه وف ايديها علبه الشيكولاته ودخلت ع المكتب
رقيه: ايوه يا مهاب فى حاجه عاوزها ولا ايه
مهاب بملامح غيره : انا .. اصل . القميص ال كنت لابسه امبارح مش لاقيته راح فين عاوزه
رقيه: فى اوضتك طبعا هيروح فين ..استنى اروح اشوفهولك
مهاب بسرعه: لا استنى خلاص هيبقى اشوفه لو ملقتهوش هقولك
رقيه : طيب عاوز حاجه تانى
مهاب : مالك مستعجله كده ليه وراكى حاجه مهمه كده
رقيه بتضحك: اه طبعا الى ف الحديقه دا الزرع لسه مخلصتش
مهاب : اه .. ماهو انتى لو مركزه ف حاجه وتخفى رغى كنتى هتخلصى
رقيه استغربت من اسلوب مهاب : مش فاهمه
مهاب بص ع علبه الشيكولاته: ال ال فى ايدك دا
رقيه بصت : اه دى علبه شيكولاته جيالى هديه
مهاب اضايق : مين ال جبهالك يعنى هيثم
رقيه باابتسامه: ايوه ..
مهاب: ويدهالك ليه ويعرفك منين هيثم ؟
رقيه : من وقت ما كنت بروح عند هاله بعتنى بالزرع والورد هو كان هناك واتعرفت عليه وبقى بيساعدنى وشافنى ف مره باكل شيكولاته وانا بشتغل فى الورد ومن ساعتها كل يوم يجبلى واحده حتى بعد ما خلصت و...
مهاب بنرفزه: خلاص خلاص ... وهو انتى لسه فيكى طبع اى حد يديكى حاجه تاخديها
رقيه تنحت: ايه
مهاب حس بنفسه بقى اوفر : لا اقصد انه فكرنى بمصطفى
رقيه بتضحك: ياااه انت فاكر مصطفى وهو فعلا فيه من مصطفى كتير وبصراحه ملى وحدتى هنا يعتبر هو واخته هاله اصحابى الوحديين ال اعرفهم وقت ما احتاج حاجه دايما بلاقى هيثم بصراحه انسان محترم جداا وذوق و...
مهاب قام من مكانه: هو بيقدم ع وظيفه ايه كميه المدح دا
رقيه استغربت اسلوب مهاب: اصل ..
مهاب بعصبيه: خلاص ..خلاص روحى كملى ال بتعمليه انا ورايا شغل
رقيه : طيب عاوز اعملك حاجه
مهاب بعصبيه: لا اخرجى واقفلى الباب
خرجت رقيه وهى مش فاهمه ايه ال عصب مهاب كده وبصت ع علبه الشيكولاته وافتكرت انه نفس رد فعل مهاب من 8 سنين لما مصطفى اداها شيكولاتايه ضحكت وراحت حطيتها ع السفره ونزلت ...!!
مهاب كان قاعد مش عارف هو اتكلم معاها ليه كده واتعصب واتخنق ليه لما شافها بتضحك مع iهيثم اضايق راح نفخ ووقف ف الشباك يشرب سيجاره راح بص ع المكان وشاف رقيه وهى بتشتغل سرح وافتكر وقوفها مع هيثم اتعصب اكتر راح طفى السيجاره ودخل يروح اوضته ينام وهو خارج بص ع السفره شاف علبه الشيكولاته راح من غير تفكير مسكها اخدها وخباها ف الدولاب عنده ونام ع السرير وضحكه وبعدها نام ...!!
خلصت رقيه ال وراها وراحت لخالتها تشوفها لو محتاجه حاجه وشويا طلعت شقتها دخلت براحه راحت ع المكتب مش لاقت مهاب لاقت باب اوضته مقفوله فعرفت انه نايم وهى رايحه اوضتها علشان تغير افتكرت علبه الشيكولاته ال سابتها ع السفره رجعت تاخدها بصت مش لاقتها : ايه دا .. راحت فين دى انا سايباها قبل ما انزل هنا ع السفره
بصت رقيه تحت السفره وع الكراسى وحوالين المكان ودورت ف المطبخ واوضتها ومش لاقتها ف الوقت دا مهاب فتح باب الاوضه وخرج ..
مهاب: بتدورى ع ايه كده
رقيه بملامح حيره: علبه الشيكولاته كانت هنا انا سبتها قبل ماانزل هنا ومش لاقياها .. شفتها يا مهاب
مهاب بتوتر وبسرعه: اشوفها فين انا شفتها ف ايديك وبعدين متلفتش نظرى يعنى تلاقيكى رمتيها هنا ولا هنا
رقيه بملامح زعل: لا انا متاكده انى سبتها هنا
مهاب : رقيه ..انا عاوز كوبايه عصير انا دخل مكتبى
رقيه بصت لمهاب: لا انا هحضر الغدا هغير بسرعه وهجهزه
مهاب : طيب انا ف المكتب
مشى مهاب واول ما ادى ضهره لرقيه اترسمت ابتسامه كبيره ع وشه ودخل المكتب وهو فرحان زى الاطفال ورقيه زعلانه انها ضيعت علبه الشيكولاته .. بعد ما دخل المكتب وقعد وكانت ففرحان اوى سكت لحظه كده : هو انا فرحان ليه كده .. انا اصلا عملت ليه كده من الاساس .. ايه يا مهاب فى ايه ..!!
تنح مهاب لنفسه ع تصرفاته وشويا رقيه خبطت قالتله الغدا جاهز خرج وقعد وهما بياكلوا لاحظ وشها متغير
مهاب: لدرجه دى زعلانه ع علبه الشيكولاته
رقيه: مش حكايه علبه شيكولاته .. الحكايه انها هديه وانا بحب احافظ ع الهدايا ال تجيلى ..شخص قدرنى مستهترش انا واضيع الحاجه عموما عادى يلا كمل اكلك انت ..!!
مهاب باصص ع رقيه وحس بذنب انه زعلها كده واضايق وفكر انه يرجعالها بس حس انه هيضايق لو لاقاها بتاكل منها ....!!!
__________________________
تانى يوم صحى مهاب على ميعاد شغله فتح الدولاب شاف علبه الشيكولاته وافتكر شكل رقيه وهى مضايقه فقال : لو لاقيتها لسه زعلانه هحطها ف اى مكان وهى تلاقيها ... بعد ما لبس خرج من الاوضه وكالعاده رقيه كانت صاحيه قبله حضرت فطار وفطروا سوا ولاحظ مهاب انها مش باين عليها زعل ولا اى حاجه فقرر انه مش يديها العلبه وهما ع الفطار لاحظت رقيه انه لابس الساعه برضه ال هى جبتها وفرحت وابتسمت ولاحظ مهاب انها شافت الساعه فاابتسم نص ابتسامه وبعد ما فطر رجع ع اوضته وحط علبه الشيكولاته ف الشنطه ال معاه واخدها وراح الشركه واول ما دخل المكتب طلعها وكانت دخلتله السكرتيره فداها العلبه
السكرتيره: ايه دا يا مستر
مهاب باصص لعلبه: خديها وزعيها انا لاقيتها ف العربيه
السكرتيره: ميرسى اووى
اخدتها السكرتيره وخرجت وشويا جت سهر وخبطت ودخلت ومهاب كان مندمج ف الشغل وسهر داخله بفرحه ورايحه ناحيته راح بعد عنها مهاب
مهاب : سورى يا سهر اصل لسه تعبان وانتى ممكن تتعدى
سهر بلجلجه : اها .. طيب معانك باين انك كويس
راح مهاب عطس: شوفتى لسه اهو بس احسن من الاول
سهر: واضح ان طنط مهتميه بيك
مهاب : طنط .. اه طنط مهتميه بيا ربنا يخليها بصراحه
المهم عملتنى ايه ف العقود كده كلها خلصت
سهر: لا لسه ف عقد مع شركه فرنسيه هنحتاج نسافر .. انا ممكن اسافر اخلص الموضوع ولو احتجتك هخليك تيجى علشان لازم حد يتابع البنا هنا
مهاب : طيب كويس ابقى بلغينى بكل جديد
سهر لاحظت مهاب راح ركز ع الورق ال قدامه وسكت : بيبى
مهاب : ها
سهر : هو انا موحشتكش
مهاب وباصص ع الورق: لا طبعا وحشتينى
سهر: باين اووى .. اعمل حسابك نتغدى سوا
مهاب بص لسهر: انا مبقتش اكل من بره يا الاكل هيجيلى هنا يا هروح اتغدى ف البيت والاغلب هروح البيت لسه مقررتش
سهر استغربت من طريقه مهاب عملت نفسها مش مركزه: طيب انا رايحه المكتب عاوز حاجه منى
مهاب : no
سهر : صحيح متنساش ان بكره ف حفله يوسف بمناسبه جوازه
بليل ف الكازينو سهر لصبح وكده وكده ويك اند يعنى اجازه ولا مش ناوى تيجى
مهاب: لا طبعا هاجى دا يوسف واحشنى واهو اباركله بالمره
سهر : اوك يبقى اعدى عليك ونروح سوا
مهاب: لا روحى انتى وانا هبقى احصلك اوك
خرجت سهر وهى حاسه ان مهاب متغير معاها مش بقى زى الاول ... قالت يمكن تعبان والمشروع موتره فمحطتش ف بالها برغم الشك انها عاوزه تعرف السبب ...!!!!
رجع مهاب البيت ع معاد الغدا وكانت رقيه قاعده ف البلكونه عماله تنظف فى الزرع ال ف البلكونه وحاطه سماعه الهاند فرى ف ودنها وبتاكل شيكولاته دخل مهاب ورقيه مااخدتش بالها قرب منها واترسمت ع وشه ابتسامه بعد ما شاف طريقتها عن قرب بااهتمامها بالزرع وفضل واقف سرحان ف رقيه... قامت رقيه وبتبص عادى لاقت مهاب واقف سرحان اتخضت
رقيه : مهاب .. خضتنى
مهاب جمه نفسه : انا عمال اكلمك من بدرى وانتى مش سامعه
رقيه: انت جيت من بدرى انا اسفه مكلمتنيش ليه
مهاب : تليفونى فصل شحن وبعدين يعنى مش بدرى اوى انا لسه داخل
الغدا جاهز ولا لسه هتعمليه
رقيه بفرحه : هتتغدى معايا ..اقصد هنتغدى سوا ..اقصد هتتغدى هنا تانى
مهاب : ايه ال تانى دا بيتى ع فكره .. وبعدين الدكتور قال اكل اكل بيتى نضيف ومتغدتش بره ..ولو مش عامله غدا هنزل عند ماما اتغدى
رقيه قامت بسرعه : لالالالا ع طول الاكل هيكون جاهز انا اصلا مجهزاه ع التسخين بس اصل كنت حاسه انك جى
مشيت رقيه بسرعه ع المطبخ تحضر الاكل ومهاب ماشى موبيله رن راح اتحرج لانه قال انه فصل شحن وبسرعه قفله ورقيه مااخدتش بالها .. دخل غير هدومه وخرج شاف رقيه ماسكه موابيلها وسمع صوت ضحكتها .. قرب من ناحيتها والفضول شاغله
مهاب: ياترى ايه ال ضحكك كده
رقيه بتلقائيه وبتضحك: هيثم بعتلى فيديو كوميدى اوووى بجد جااامد
مهاب وش قلب: هيثم باعتلك ... ودا ازاى يعنى هو انتم بتكلموا وتبعتوا حاجات لبعض يعنى
رقيه : اها .. مش قلتلك يعتبر صديقى الوحيد هنا وبصراحه فيديوهاته والنكت مسليه اوى بتضحكنى
مهاب : ورينى كده
مسك مهاب اللموبيل وشاف الفيديو وشايف رقيه جنبه بتتفرج وعماله تتضحك راح وقع الموبيل من ايده فصل
مهاب عمل نفسه مخضوض: ايه دا سورى يا رقيه
رقيه وطت جابته مش عاوز يشتغل : لالالا مفيش سورى فداك
مسكت الموبيل وزعلت حطته ع جنب وبصت لمهاب: روح اقعد ع السفره الاكل جى حالا
مشى مهاب ورسم ع وشه ضحكه خبيثه بس فكر فيها قال : ماهى لما هتصلحه هيبعتلها تانى ... وحس بضيقه وبعدين رد ع نفسه.. انت مضايق كده ليه
__________________________
تانى يوم كان عادى شغل وبليل مهاب راح الحفله بتاعه صاحبه ف الكازينو ودخل لاقى كل اصحابه موجودين راح لصاحبه يباركله وشاف مراته لاقاها عاديه جداااا
وسهر كانت موجوده ومندمجه مع اصحابها رقص وهيصه .. راح قعد ع البار وطلب مشروب وصاحب الحفله يوسف قرب منه وقعد جنب مهاب
يوسف: كنت هزعل لو مش كنت جيت يا بيبو
مهاب بيضحك: عيب عليك داانت صاحبى الف مبروك وربنا يسعدك دايما
يوسف بص ع مراته: طول ما منى معايا مش محتاج حاجه تانيه هى سعادتى
مهاب استغرب اوى من طريقه كلام يوسف : ايه ياعم الحب دا كله كنت مخبيه فين وبعدين يا جو بصراحه كنت متوقع ليك توقع ع موزه جامده تتجوزها ودا مش غلط ف منى بس انت كل ال كنت تعرفهم ملكات جمال
يوسف بيضحك: انا عن نفسى مش كنت اعرف انى بحب منى اووى كده .. انت عارف اننا كنا زمايل ف الشغل وعلاقتى معاها عاديه جدااا بس لما قربتلها لاقيت ان ال جواها اجمل بكتيرررر عن ال بره ... كل ال عرفتهم جمالهم وقتى يعنى ممكن ع السنه الجايه يتغير وعينى هتشوف غيرهم انما ال يدخل القلب والقلب يحسه صعب يتغير .... انا شايفها اجمل من ال موجودين دول كلهم او معنى اصح مش شايف غيرها
مهاب : لدرجه دى ... هى عملتلك ايه سحرتلك
يوسف شاور ع قلبه: دخلت هنا ... عرفت تدخل هنا صح .. طريقه كلامها تعاملها اهتمامها بكل ..ابتسامتها ... كل حاجه حلوه فيها ودا اكيد فيها عيوب بس مميزاتها اكتر وصلحت فيا كتير ..هقولك ع حاجه بسيطه .. حط نفسك وسط 10 بنات تعرفهم وملكات جمال تشوفهم عينك مترمش لكن وسطهم واحده الوحيده الى فيهم ال انجذبت ليها والوحيده ال فكرت انها عاوز تبوسها معان فى احلى منها لكن هى الوحيده ال حركتك من غير ما تغريك بس دخلت قلبك ببساطتها ومسمحتش لواحده تانيه لو ملكه العالم تملى فتفوته صغيره فيك
مهاب قلبه عمال يدق : يعنى انجذابك ليها مختلف عن غيرها
يوسف: انجذابى ليها مش مخلينى اشوف غيرها
مهاب : لا اتغيرت كتير اشرب ف صحتك ..
لاحظ مهاب ان ال مع يوسف مايه : ايه دا مايه
مهاب: هى قالتلك ولا ايه متشربش
يوسف: انا ال قررت علشانها ..هى بتعمل كل حاجه ليا ع الاقل اردلها ابسط حاجه .. العلاقات خد وهات
مهاب: انت اتغيرت اووى يا يوسف
يوسف باابتسامه: علشان حبيبت بجد وحبيبت اووى
مهاب باابتسامه: ربنا يسعدك ونفرح بنونو قريب
يوسف: ونفرح بيك عرفت انك اتجوزت .. وبصراحه فرحت انها مش سهر .. ودا مش عيب ف سهر لا بس انت عاوز واحده تحب مهاب ال جوه دا (شاورله ع قلبه ) مش مهاب المركز والفلوس والمنظره .. ربنا يسعدك مع مراتك انت مجبتهاش ليه نتعرف عليها
مهاب بلجلجه: المره الجايه ..
يوسف: اسيبك انا بقى Enjoy y man
مهاب ابتسم ل يوسف ولما مشى افتكر رقيه وحس ان يوسف بيتكلم عليها والحظه دى قلبه دق وبص ع الساعه وابتسم ..حاسس بحاجه حلوه وبنفس الوقت متوتر ومش فاهم ماله بجد ... شويا وسهر جت لمهاب
سهر: قوم يا بيبى ارقص معايا
مهاب : شويا يا سهر لانى فاصل
سهر بصت ف ايده : انت لسه مشربتش الكاس بتاعك ايه عامل ريجيم
ضحك مهاب : بوفر علشان الاقتصاد
سهر : فك بقى وكده دا السهره لصبح
ومشيت سهر ومهاب رجع يفكر ف رقيه وشويا سحب نفسه من الحفله ومشى وهو راكب العربيه .. راجع كلام يوسف ليه حسس ف جيبه لاقى السلسله موجوده وصل البيت ودماغه شغاله وهو داخل لاقى رقيه قاعد عماله تظبط فى الورد والزرع راح ناحيتها ..
مهاب: رقيه.. انت ايه مسهرك كده
رقيه : مهاب انت جيت حمد الله ع سلامتك
مهاب: ايه اخرك كده وسهرانه ليه مش انا قلتلك هتاخر
رقيه : ماهو انا مبعرفش انام وانت مش تكون رجعت فنزلت هنا قلت اشغل نفسى شويا عقبال ما تيجى ....
راح مهاب قعد وقعدت جنبه رقيه ... رقيه: مالك منبسطتش ولا ايه
مهاب بص لرقيه: لا كانت حفله لذيذه بس صدعت
رقيه قامت وقفت: تحب اعمل حاجه تشربها ولا اجبلك مسكن
مهاب بص لرقبه ومسك ايدها وقعدها: مش مستهله شويا وهيروح الصداع
رقيه: ال انت شايفه
راحت رقيه حست بالسقعه ومكنتش بتتكلم .. مهاب لاحظ كده : برضه مش وانتى نازله جبتى حاجه تقيله تلبسيها غاويه تعب انتى
راح قلع الجاكت وحطه عليها .. رقيه باابتسامه: انت دافى اوى يا مهاب
مهاب بصلها : يعنى ايه
رقيه: الجاكت بتاعك دافى اووى ودا زى صاحبه انا بطمن وانا جنبك زى ما كنت سقعانه ودفيت ...
مهاب سرح فى رقيه وابتسم: متتعوديش ع كده هتبردى
حسس ع جيبه وافتكر السلسله طلعها من جيبه براحه ومد ايده لرقيه : امسكى
رقيه فتحت الكيس الصغير القطيفه لاقت سلسله فرحت اوى : الله
مهاب ابتسم: عجبتك
رقيه : جداا جداا جدااا ميرسى يا مهاب
مهاب : انا شفتها قلت هتعجبك لانها شبهك
رقيه حضنت السلسله: دى اجما هديه جتلى ربنا يخليك ليا
مهاب ابتدى التركيز يروح .. رقيه : لبسهالى ممكن
مهاب بتوتر : اوكيه
قامت رقيه وقفت قدام مهاب وهو قدامها وقرب منها اووى وقفلها السلسله وهو بيقفل السلسله رقيه : شكرا انك افتكرتنى حتى لو لحظه ال اشتريتها فيها دى اغلى حاجه عندى لانها من اغلى انسان ف حياتى مهاب حس بقشعريره ال بيحسها ع طول وهو قريب من رقيه اوى كده و قلبه دق اووى ورجع براحه وكان وشه قريب من وش رقيه وقلبه بيدق جامد وباصص لرقيه اوووى وحس برغبه غريبه اول مره يحسها ف قرب اكتر واكتر واكتر من رقيه وهى ثابته وقلبها بيدق وقرب مهاب شفايفه من شفايف رقيه وكانت دى اول بوسه بينهم فى الحديقه ال زرعتها رقيه ...!!
ف الحظه دى عم رقيه ابو مهاب كان راجع هو وام مهاب من بره وشافوا رقيه ومهاب فراح باباه اتنحنح : احم احم احم
مهاب ورقيه ارتبكوا وبعدوا عن بعض ..ام مهاب : ايه يا محمود كنت تدخل عادى
سورى يا ولاد
ابو مهاب ابتسم : ليكم شقه تلمكم الزرع ليه حرمه
ضحكت رقيه واتكسفت وطلعت بسرعه ع الشقه ومهاب اتوتر : بابا .. اصل .. اصل
ابو مهاب بيضحك: انت محسسنى انى قفشتك مع واحده دى مراتك ع فكره
مهاب متوتر: اها .. تصبح ع خير
ومشى مهاب وطلع ع الشقه وابو وام مهاب بيضحكوا ع منظرهم .. ودخلت رقيه اوضتها وم ش مصدقه نفسها وفرحانه جداااا وماسكه السلسله ف رقبتها ومهاب دخل اوضته ومش عارف هو عمل كده ازاى لكنه حس بسعاده بس مش عارف ازاى مقدرش يتحكم ف نفسه ...!!!
__________________________
تانى يوم صحيت رقيه حضرت الفطار لمهاب ومهاب خرج من اوضته ولا اكن حاجه حصلت امبارح واتعامل عادى ورقيه اتعاملت زيه لكن قبل ما يخرج قال : انا جى ع الغدا تمام ...رقيه: تمام
ونزل مهاب راح الشركه وطول ماهو قاعد مشهد البوسه مش رايح من دماغه ومش لاقى استفسار لانه معملش كده مع سهر برغم انه لو حصل هيبقى عادى بس احساسه بالانبساط مخلى ابتسامه ع وشه ملحوظه ...!!!
راحت رقيه وهى مبتسمه ع فيلا هاله تطمن ع الزرع وكانت واقفه مع هاله وبتضحك وفرحانه اوى
هاله: ماشاء الله عليكى يا روكا السعاده هتنط من وشك خير
رقيه مبتسمه وماسكه السلسله : حاسه انى مبسوطه اووى يا لولو بجد
هاله لاحظت السلسله : ايه السلسله الجميله دى اول مره اشوفها
رقيه بسعاده: مهاب جبهالى هديه لما كان مسافر
هاله : يا بختك يا روكا ادى الرجاله ال بيفكروا فى ستاتهم
ف الحظه دى هيثم كان شاف رقيه موجوده ونزل بسرعه وراح على هاله ورقيه وسمعهم ودخل ف الكلام : مين الرجاله دى ال بيفكروا ف ستاتهم
هاله بتضحك: خضيتنا ياعم قول صباح الخير
هيثم بيبص ع رقيه: صباح كل حاجه حلوه .. روكا موجوده مش محتاجين صباح احنا .. وبعدين مقولتوش مين الرجاله دول هفتن عليكى لجوزك يا لولو
هاله: مهاب اشترى السلسله دى لرقيه
رقيه ماسكها وفرحانه .. هيثم: عادى يعنى ماانا جبتلك هدايا كتير مشفوتكيش بتمدحينى كده
هاله بتضحك: لا مش عادى .. لان واحد فكر يجيب هديه لمراته وهو مسافر دا معجزه ف حد ذاتها
هيثم مش مجمع: مرات مين ومعجزه ايه
هاله بتضحك: صباح الخير رقيه مرات مهاب هتكون مين يعنى
هيثم سمع ان رقيه متجوزه مهاب زى الدش البارد ال وقع عليه : مت,,ت,,جوزه مين
هاله بااستغراب: انت مكنتش تعرف ان رقيه مرات مهاب
هيثم : اعرف انهم قرايب
رقيه باابتسامه: مااحنا قرايب ومن زمان مقرى فتحتنا واتجوزنا وجيت هنا
هيثم بص ع ايد رقيه : مش لابسه دبله ؟
رقيه بصت ع ايديها : مهاب ال اختار يجبلى الخاتم دا ولبسته زى النظام الاوروبى بما انى هعيش فى اوروبا
ضحكت هاله : زى يعنى حوار الدبل دا قدم هنا
هيثم وقف مندهش من ال سمعه والصدمه ال اخدها ال مكنش متوقعها ....
رقيه : انا همشى بقى وبكره هاجى يا لولو تكونى جهزتى الحاجات ال طلبتها علشان ابدء
هاله : ان شاء الله يا حبيببتى ..عاوزه الابتسامه دى تدوم
رقيه مسكت السلسله : ان شاء الله ..سلام يا هيثم
هيثم واقف مصدوم مردش هاله استغربت وبعد ما مشيت رقيه هيثم كان مركز عليها .... هاله: هيثم
هيثم بعصبيه: سبينى دلواقتى يا هاله لو سمحت ...!!!!
حس هيثم بوجع فى صدره قعد يخبط فيه ويقول: غبى غبى
__________________________
ومهاب فى الشركه دخلت سهر عليه وقعدت تتكلم معاه ع الشغل ولما خلصت سألته ع رقيه .. سهر : مقلتليش يا بيبو وصلت لفين مع رقيه
مهاب اتوتر: وصلت فين لفين يعنى
سهر : اتفاقنا يا بيبى انت نسيته ..
انك تزهقها وتعاملها ببرود لغايه ما تطلب الطلاق وقبلها تعملك تنازل ع حصتها ف المشروع ليك وتطلقها ونتجوز احنا ونكمل طريقنا
مهاب تنح لسهر : لسه مفيش جديد
سهر: طيب الشله كلها موجوده انهارده نتقابل ف الكازينو
مهاب : معتقدش روحى انتى
سهر: طيب نتغدى سوا انا عرفت مكان بيعمل اكل بيتى نضيف
مهاب بسرعه: لا متعمليش حسابى انا عندى ميتنج مع ناس وهتغدى معاهم
سهر حست بقلق من ناحيه مهاب : مهاب انت مش مخبى عليا حاجه
مهاب بيدارى توتره: هخبى ايه يعنى ما كل حاجه انتى عارفاها
سهر قامت وقفت: هصدقك يا بيبى بس لو اكتشفت عكس ما بتقول او مخبى حاجه مش قادره اوصفلك ال هيحصل .. سلام يا بيبى
خرجت سهر ومهاب ملامح وشه اتغيرت بعد ما فكرته سهر بالاتفاق ال كان نسيه فعلا ومش عارف هو بيعمل ايه ولا هيعمل ايه ....
__________________________
فى يوم سهر من قلقها فكرت تروح لرقيه البيت وف يوم باب الشقه رن فتحت رقيه لاقت فى وشها سهر ... سلمت عليها ودخلت ورقيه طلبت منها تقعد تتغدى معاها ووافقت سهر و شويا باب الشقه اتفتح ومهاب دخل وبصوت عالى : رقيه .. الغدا علشان جعان جدااا وسورى انى اتاخـــ.....رت
بيبص ع الصالون لاقى سهر قاعده ومبتسمه : نورت يا بيبو
مهاب: سهر
رقيه: سهر هتتغدى معانا انهارده
__________________________
يتبع
ليست هناك تعليقات:
إرسال تعليق