مر مده ع دخول حياه الكليه فى يوم حياه بعد الغدا قعده مع مامتها
مامتها: ايه ياتوتا مفيش مذاكره ولا ايه
حياه: لا ماانا نازله لمنى هنذاكر عندها انهارده
مامتها: طيب يا حبيببتى
ولسه حياه بتخلص كلام لاقت جرس باب الشقه رن راحت تفتح لاقت منى
حياه: منى ايه طلعك انا كنت نازله
منى: اتاخرتى قلت اطلعلك علشان كنت بسقط نوم
دخلت منى ومعاها ورق وحاجات المذاكره
حياه بصتلها وبصت ع الساعه: اتاخرت ايه..
مش قلتلك ع 7 هنزلك الساعه لسه 6 ؟
منى عملت نفسها اتفأجئت: لا بجد يبقى ساعتتا مخرفه تحت
ع العموم انا جبت الورق وهنذاكر هنا يلا بقى
حياه بتضحك: والله مجنونه ال يشوف كده يقول البت دحاحه
منى بصوت عالى: توتا انا ف البلكونه هشوف العصافير ها
حياه: اوكيه
منى دخلت البلكونه وبصت ع بلكونه ادم لاقياها مفتوحه ومفيش حد ظاهر
وقفت تبص ع العصافير وتبص ع البلكونه ..حياه ندت عليها خرجت ودخلوا اوضه حياه وابتدوا يذاكروا :
حياه لاحظت منى مش مركز ومش ع طبيعتها
حياه: مالك
منى: حياه انا عاوزه اقولك حاجه ...
حياه: ها
منى: انا مش فاهمه حاجه خالص
حياه متنحه: ايه العك دا ولا انا
منى : اممم احنا محتاجين اعاده شرح وبراحه
حياه: ودا ازاى ..اها قصدك نقول لحد من اصحابنا يعنى ال فهم يفهمنا
منى وشها قلب : اصحابنا.. وهما دول بيفهموا علشان يفهموا
مش البت حنان كانت بتاخد دروس ف الكليه
حياه: اها ..عاوزانا ناخد دروس احنا كمان طيب مين وفين
منى بتشاور بعنيها ناحيه الشباك اتجاه بلكونه ادم: اهو
حياه: نعم انزلى بالترجمه
منى: عمرو ..مش هو ال بيدرسلنا واكيد فاهم عننا ال خلااه يجيب امتياز ويتعين اكيد عبقرى والعبقرى ينفع مع اتنين اغبيه زينا .. هنروح نطلب منه يساعدنا لو حتى يومين ف الاسبوع زى درس
حياه اتلغبطت: مش عارفه اصلا هو هيوافق ولا لا
منى: قوليله
حياه : لالالا انا كلامى معاه سلام مش اكتر موصلتش لمرحله اطلب منه حاجه
منى : امممممم يبقى تقولى ل ادم ويقوله وسيط يعنى
للاحسن كده هنضيع يا وديع
حياه بتبص ل منى : تفتكرى هيرضى
منى : لو مرضاش نشوف غيره يعنى بس هو الاقرب يعنى ها قولتى ايه
حياه: هشوف
فى يوم حياه ومنى نازلين رايحين الجامعه وهما خارجين من باب العماره
منى : ايه دا استنى يا حياه
حياه: فى ايه
منى: موبيلى .. نسيت موبيلى من سربعتى
حياه: علشان قايمه متاخره وهتأخرينا يلا اطلعى بسرعه وتعالى
منى : بسرعه يلا
طلعت منى وخرجت حياه تقف تستناها قدام العماره ماسكه موابيلها بتقلب فيه ...سمعت صوت : صباح الخير
بصت حياه ع الصوت: ادم.. دكتور ادم ..صباح الخير
ادم: نازله بدرى عندك محاضرات بدرى ولا ايه
حياه : اه وواضح انها هتفوت علينا بسبب تأخير منى اول محاضره
ادم : اممم خلاص هوصلكم فى طريقى توصيله مجانى فرصه لا تتكرر
حياه بتضحك: اممم اذا فلننتهز الفرصه بس تنزل الابله
ادم : صحيح يا حياه مقولتليش ليه ع نتيجه المسابقه بقالها شهر واكتر ظهرت ايه عاوزه تاكلى عليا الحلاوه ولا ايه
حياه بااحراج: ماهو مش عارفه هقولك ايه
ادم : ايه دا مظهرتش ولا ايه
حياه باحراج: احم احم ظهرت
ادم : منجحتيش مش معقول داانتى قعدتى شهرين تصورى فى صور طالعه نازله
حياه: لا نجحت وطلعت ال 20
ادم : طيب كويس من 50
حياه باحراج: الاخيره حضرتك
ادم من صدمه الخبر راح ضحك: يااه لدرجه الاجتهاد هتاخدى السلم من اوله
حياه بقمصه: خلاص يا دكتور بقى بلاش تريقه
ضحك ادم: عادى متزعليش دى اول مسابقه تدخليها واهى تجربه اتعملتى منها
حياه: وهو انا هسكت هفضل اجرب لغايه ما اكسب اصبر عليا بس
ادم : صابرين
حياه تليفونها رن من واحده صاحبتها : بس انا مش هصبر اتاخرنا
خرجت منى بسرعه : سورى يا توتا .. صباح الخير يا دكتور
ادم: صباح الشياكه
منى اتكسفت: احم ميرسى
حياه شدت منى : مش وقت كسوف اتاخرنا
ادم: يلا بينا هوقف تاكسى بسرعه يوصلكم وبعدين اروح المستشفى انا
ركبت حياه ومنى مع ادم التاكسى منى ميلت ع حياه ووشوشتها : قولتيله
حياه: اقوله ايه
منى: ع الدرس وعمرو
حياه: لا نسيت
منى خبطتها ف دراعها: يعنى فرصه شوفتى ادم تضيعيها كده قوليله قبل ما ننزل ها
وصلهم ادم ونزلوا ونزل من التاكسى : يلا الحقوا محاضرتكم وربنا يوفقكم
حياه ماشيه منى شدت ايدها : دكتور حياه كانت عاوزه تقولك حاجه ومكسوفه
ادم بص لحياه وبيضحك: مكسوفه ليه هو ايه الطلب
حياه : احم . انت عرفت ان عمرو بيدرسلنا فى الكليه
فكنت عاوزه منك تسأله لو ينفع يدينا انا ومنى درس لاننا بصراحه هنضيع
منى : هنضيع خالص بجد يا دكتور
ادم بيضحك: بس كده مفيش مشاكل هقوله وهعرفكم
يلا ادخولوا
منى باابتسامه وحياه: سلام
دخلت منى وحياه الكليه .. منى : اهو زى شكه الابره حصل حاجه
حياه : يلا يا ياابره
__________________________
وصل ادم المستشفى ودخل الاوضه يغير ويلبس البلطو وهو خارج سمع صوت مها
مها: دكتور ..دكتور ادم
ادم بص ع الصوت: مها
مها باابتسامه: صباح الخير
ادم : صباح الخير
مها: اتاخرت انهارده غريبه
ادم: كنت بوصل ناس اعرفهم واتاخرت عموما فاضل ع العمليه ربع ساعه هلحق
مها : طيب خلص وكلمنى لانى عاوزاك ف موضوع مهم
ادم: ان شاء الله اتفقنا
راح ادم وخلص العمليه ورجع اتصل بمها وجتله اوضته
مها دخلت ومعاه مجين كابتشينو : انا قلت اكيد محتاج دلواقتى كابتشينو
ادم بيضحك: بنت حلال دايما بتقرى ال انا عاوزه قبل ما اقوله فعلا كنت هطلب
مها: اهو انا حسيت بيك وجبتلك ونشرب سوا
قعدت مها .. ادم: ايه الموضوع صحيح
مها باابتسامه: ليك عندى خبر بمليون جنيه
ادم: هاتى المليون وخليلك الخبر
مها : يارخم
ادم بيضحك : ايه الخبر
مها: فاكر موضوع المنحه ال كانوا بيناقشوها من فتره ان يسافروا دكاتره من هنا فتره لمستشفى مورتج ف فرنسا
ادم: اها بقالهم سنين بيتكلموا ومعملوهاش من وقت ما جيت هنا
مها: تراراا تم الموافقه وبابا مضى عقد تبادل منح واول دفعه هيسافروا كمان شهر
ادم: والله كويس هيفيدهم كتير
مها باابتسامه: وانا وانت اول اسمين ف الكشف ال هيسافروا
وع بكره هيتعلق منشور ب ال7 دكاتره ال مسافرين ف التخصصات المختلفه
ادم فرح: بجد .. هنسافر
مها: ايون .. فجهز نفسك انا عرفت من بابا نفسه هنسافر ل 8 شهور وممكن تتكرر والاحتمال الكبير لو لاقوا دكاتره مميزين هيتعاقدو معاهم يشتغلوا هناك
فرصه بمليون جنيه ..ها تاخد المليون
ادم: لا ادينى الفرصه وخدى المليون جنيه انتى ..
__________________________
رجع ادم وهو مبسوط بال سمعه من مها وانه مسافر فرصه كان مستنيها من فرص كتير وكانت مامته وعمرو قاعدين مامته بتتفرج ع التليفزيون وعمرو فاتح الللاب
ادم: السلام عليكم يااهل الدار
مامته وعمرو: وعليكم السلام
عمرو: الحقى يا خالتو ابنك حصلوا حاجه
ادم: ليه
عمرو: ياابنى انت دايما تدخل زى ال مضروب علقه المرادى داخل مزقطق
ادم قعد: هقولكم حاجه مفرحانى اوى
عمرو: ايه هتتجوز ولا ايه
ادم خبطه بمسند ع كرسى الانتريه : يا رخم
مامته: خير يا حبيبى
ادم: ف منحه عملااها المستشفى مع مستشفى ف فرنسا لمده 8 شهور
وتم الموافقه عليها واسمى من ال مكتوبين وهتفرق معايا كتير المنحه دى
مامته: مبروك يا حبيبى ربنا يوفقك
عمرو: ايوه لعبت معاك فرنسا مره واحده
ادم : لا ع مرتين فر نسا
ابقى خلى بالك من خالتك لما اسافر
عمرو : ف امان يا معلم
ادم: هقوم اغير هدومى انا ونتعشى سوا
مامته قامت: وانا هحضر العشا
ادم لف ورجع تانى لعمرو : اه صحيح كنت عاوزك ف حاجه
عمرو: غير خالتى ولا ايه ايه احرسلك الشقه
ادم: يا خفيف .. لا بجد عاوزك ف موضوع
قعد ادم: انت بتعمل ايه غير نزول الجامعه
عمرو: حاليا مفيش غير انى بجمع علشان رساله الماجستير بس ليه
ادم: طيب تمام .. منى وحياه ذاكر ليهم
عمرو تنح: مين ونعم
ادم: انت عارف انهم عندك ف الكليه وطلبت حياه منى اسألك لو ينفع تذاكرلهم حتى لو درس زى بره
وبعدين انت موجود يروحوا بره ولا ايه
عمرو ابتسم: حياه طلبت .. مفيش مشاكل
ادم: خلاص هكلمها اعرفها
عمرو: وتعرفها ليه هو انت ال هتذاكرلهم ولا انا المفروض يتفقوا معايا انا
ادم: خلاص هديها رقمك تكلمك تمام
عمرو منشكح: تمام
دخل ادم اوضته وعمرو كان منشكح ومش عارف ليه
ادم اتصل ع حياه وعرفها ان عمرو وافق وبعتلها رقمه تكلمه وتتفق معاه
قفلت معاه حياه واتصلت ب عمرو .. عمرو تليفونه رن
عمرو: الو
حياه: مساء الخير
عمرو: مساء النور
حياه: انا حياه
عمرو غير صوته: حياه مين انتى عاوزه مين
حياه اتفاجئت وبصت ع الرقم: مش دا رقم عمرو لو غلط انا اسفه
وكانت هتقفل عمرو لحقها بسرعه: انتى بيضحك عليكى بسرعه كده
حياه: عمرو
عمرو بيضحك: ايوه انا كنت بهزر معاكى
حياه: انا اتخضيت يكون رقم غلط
عمرو بيضحك: لا صح
حياه: ادم قالى انك موافق تذاكر ليا ولمنى مواعيدك ايه
عمرو : عادى انا فاضى كل يوم بعد الجامعه ظبطوها انتم وبلغونى
حياه : تمام هكلمك تانى ودا رقمى
عمرو: خلاص اتسيف
حياه: تصبح ع خير
عمرو: تصبحى ع خير
قفل عمرو وهو منشكح ....
__________________________
تانى يوم حياه ومنى رايحين الكليه
حياه: منى
منى: ها
حياه: مش عارفه اقولك ايه
منى: فى ايه
حياه: لازم نشوف حد يدينا درس علشان الترم قرب وكده هنضيع
منى: ماانا قلتلك يااختى
حياه بملامح زعل: مرضاش
منى: نعم
حياه: مرضاش هغصبه يعنى
منى سكتت لحظه: خلاص يبقى نشوف ونسأل العيال بقى
حياه ضحكت وخبطت منى: ايه الاستسلام دا انا افتكرت هتاكلينى
امبارح ادم قال لعمرو ووافق وسايبلنا نحدد الميعاد والايام
منى : انتى رخمه صح
حياه قربت لمنى: منمن هو ف حاجه ولا ال بيحصل دا زى ال بيحصل ف العاده
منى: لا حاجه ولا بتاع انا قلت الاقربون اولى بس لو مش عاوزه نشوف حد تانى عادى
حياه : انا اختك قوليلى لو ف حاجه يا منمونتى
منى اتوترت ومش بينت: حاجه ايه ياام حاجه انتى انا عاوزه نطلع صافى مش شايلين اول سنه
حياه قاطعتها : خلاص هتصل بيه ونتفق ع الايام انتى موافقه
منى: تمام
منى دارت فرحتها وحياه ملاحظتش وركبوا الميكروباص وراحوا الكليه ومش كان عندهم سيكشن عمرو اليوم دا
رجعوا البيت بعد ما خلصوا الكليه واتكلمت حياه مع مامتها وباباها وعرفتهم
ان عمرو هيذاكر ليها ول منى ووافقوا وعلشان عارفين بيت ادم فكانوا مطمنين انهم يروحوا اتصلت حياه بعمرو وحدد الايام والمواعيد ...
__________________________
فى يوم راحت منى وحياه عند ادم علشان اول يوم لعمرو يذاكرلهم
وراحت معاهم مامت حياه تقعد مع مامت ادم لغايه ما يخلصوا الدرس
ف الصاله ع طرابيزه السفره قاعد عمرو ومنى وحياه
عمرو : ركزوا معايا ولا هتغلبونى وهفضل اعيد
حياه مبتسمه: ان شاء الله هنفهم ولا ايه يا منى
منى : اها اكيد داا احنا محظوظين استاذ عمرو هيذاكرلنا
عمرو : نركز بقى ونقول بسم الله
فتحوا الورق وعمرو ابتدا يشرح وحياه مركزه اووى ومنى نص نص
كانت محاسبه واداهم مسأله يحلوها وهما قاعدين وقام يعمل لنفسه نسكافيه وهو راجع وقف مكانه وفضل باصص ع حياه وع وشه ابتسامه
وحياه مش ملاحظه وشاف منى من ضهرها حاطه ايدها ع خدها فضل واقف شويا وسند ع حيطه وباصص ع حياه مش عارف ايه ال شده ليها
ومبتسم .. شويا باب الشقه فتح اتعدل ف وقفته وبص لقاه ادم ..عمل عمرو انه خارج من ناحيه المطبخ
عمرو: ادم
ادم مبتسم: عمور
بص ادم ناحيه السفره لاقى حياه ومنى وبصوا عليه : السلام عليكم ازيكم يا بنانيت
حياه مبتسمه: تمام يا دكتور اهو بنكافح
ادم بص ع عمرو: اشرحلهم بزمه ها لو اشتكوا منك هبلغ عنك انك مبتشرحش عدل
منى : لالالا استاذ عمرو شرحه مفيش زيه المشكله ف العقول بقى يا دكتور
ولا ايه يا توتا
حياه : اينعم
ادم بيضحك: بقى ليك مدافعين اهو اطلع منها بقى
حياه: انت الخير والبركه يا دكتور متقلش كده
ادم : طيب انا مش هعطلكم وداخل اوضتى ولما تخلصوا عرفينى يا حياه علشان عاوزك ف خدمه
حياه: حاضر
ادم: هى ماما جوه
عمرو: مع مامت حياه
ادم: طيب تمام هروح اغير هدومى واروح اسلم عليها ..عاوزين حاجه
حياه ومنى : شكرراا
عمرو: ادخل بقى خلينا نكمل ..وانتم ورونى عملتوا ايه
ادم بيضحك: داخل اهو
دخل ادم اوضته ورجع عمرو قعد مكانه : ورونى حليتوا السؤال
حياه ورت الورقه لعمرو : اممم انا وصلت لهنا ومش عارفه اكمل
عمرو بص ع اجابتها: اممم كويس انك حليتى كده فاضلك خطوه وتوصلى لناتج ..وانتى يا منى ؟
منى باحراج : معرفتش اعمل غير الخطوه الاوله
عمرو بيضحك: ومالك محروجه كده ليه عادى هشرحهالك تانى ؟
منى : سورى هتعبك
عمرو: لا مفيش مشاكل ولا تعب انتم جيتوا علشان اشرحلكم وانا هساعدكم
واهو علشان حياه تعرف اخر خطوه
حياه: تمام
عمرو : الخطوه الاولى ...
شويا وخلص عمرو الدرس لحياه ومنى وحياه افتكرت ان ادم عاوزها راحت خبطت ع اوضته وخرج
ادم: خلصتوا
حياه: اه صدعناه انهارده
ادم : لا هو شكله ال مبيعرفش يشرح
عمرو : انا ..ماشى يا دكتور
ادم:خلاص اثبتلى وخلى تقديرهم اخر السنه امتياز
ضحكت منى وحياه .. حياه: امتياز مين صلى ع النبى احنا راضين بمقبول صافى
منى: مقبول صافى رضا يا دكتور بس نجيبه
حياه: كنت عاوزنى ف حاجه ايه هى عشان نازله
ادم : اه صحيح ..بصى بقى انا مسافر كمان اسبوعين كده
فعاوز منك خدمه تخلى بالك من الزرع ال ف الروف كخدمه ممكن
حياه: هتغيب كتير ولا ايه
ادم: 8 شهور منحه وصيتك انا قلت لعمرو بس عارف انه تراوه
عمرو بيضحك: انا ماشى
حياه بتضحك: اطمن يا دكتور تسافر وترجع بالسلامه
ادم: الله يسلمك
مامت حياه خرجت : خلصتى يا توتا انتى ومنى
حياه: ايوه يا ماما خلاص
نزلوا حياه ومامتها ومنى وراحوا ع بيتهم ...
______________
سافر ادم فرنسا ومر شهر وكانت حياه ومنى بيروحوا يومين ف الاسبوع
عمرو يذاكرلهم وكل مره يزيد اهتمام عمرو بحياه ...!!
فى يوم ادم كان ف المستشفى قابلته مها فى الكافتيريا
مها : ايه يا دكتور
ادم باابتسامه: نعم يا دكتور
مها: احنا بقالنا شهر هنا وانت من المستشفى لفندق ومن الفندق لمستشفى
ادم: اومال عاوزانى اعمل ايه
مها : يا ادم احنا ف فرنسا مش فى رحله ف القاهره
يعنى نخرج ونلف احنا اه جايين دراسه ومنحه بس برضه ميضرش شويا ترفيه
انا عازماك ع حسابك ع الغدا بره ويوم الاجازه هتقضيه معايا هنلف شويا
ادم: امممم لا مفر اتفقنا
مها: ماهو انت مبتجيش غير لما ازنقك غاوى بقى
ادم بيضحك: والله انتى ال بتفكيرنى بحاجات مش بلاحظها بجد ربنا بعتك ليا نجده
مها : احم احم.. قدر النعمه بقى واسمع الكلام خلص شغلك ونتقابل ف الهول ف الفندق نروح نتغدى وبكره طول اليوم معايا هنخرج ومفيش كلمه هشوف وهشرب قهوه وحاسبلى عليها عقاب تمام
ادم بيضحك : تمام
قابلت مها مع ادم واتغدوا مع بعض واتفقوا الساعه كام تانى يوم يتقابلوا
واتقابلوا ف الميعاد تانى يوم ...
ادم: صباح الخير
مها باابتسامه: صباح النشاط
ادم: ها هتودينى فين اوعى تتوهينى
مها بتضحك: لو تهت هتتصرف داانت بتتكلم فرنساوى احسن منى ال تعلمتها ف مدرسه لغات من صغرى
ادم: قروا بقى ع حبه التعليم ال طلعت بيهم
مها طلعت ورقه من جيبها : احم احم اولا هنفطر مع بعض ف مطعم انا عارفاه وبعده هنروح نتمشى ع البحر وهنتغدا سوا وهننزل وسط البلد نعمل شوبنج وبعده هناكل ايس كريم وهنتعشى فى ..
ادم مذهول بال سمعه: ايه دا كله انتى كده هنتتحر مش هنخرج
مها : كل ويك اند كده لازم نخرج يا دكتور
ادم : خلاص خلاص انتى مش هتفصلى يلا اليوم هيخلص واحنا وافقين قولتى هنفطر فين
مها: يلا بينا
خرجت مها مع ادم وركبوا عربيه كانت مستنياهم مها كانت مجهزها
وراحوا ع المطعم وكانت مها مجهزها الاوردر وفطروا ورجعوا ركبوا العربيه وراحوا ع مكان ع البحر ونزلوا قعدوا شويا وطلبوا الغدا وخرجوا يتمشوا ع البحر لغايه ما الغدا يجهز ...
ادم مستمتع بالمنظر: المكان تحفه اوووى هو ف كده
مها: مش قلتلك هبهرك يا دكتور
ادم بيبص حواليه: فعلا تحفه المكان ويغير المود ومن ضغط الشغل
مها : احم احم ربنا يخلينى بقى
ادم بص ع مها وابتسم: ربنا يخليكى طبعا لغلابه ال زى
مها : هو انا هفتح جمعيه كفايه انت انا راضيه
ادم بيضحك: قنوعه من يومك
رجع بص حواليه وتمتم: المنظر هنا محتاجك يا توتا كنتى هتصورى كام منظر تحفه
مها : بتقول ايه
ادم انتبه لكلامه : ها .. مفيش افتكرت واحده قريبتى بتحب التصوير والمنظر هنا روعه بقول ياريت كانت معانا كانت صورت كام صوره روعه
مها : ايه دا يا دكتور انا معاك وبتفكر ف غيرى
ادم : انا اقدر داانتى صاحبه اليله
مها: يبقى خلاص متفكرش ف شغل ولا ف حد فكر ف الجو والمنظر الجميل ال حواليك فكر ف البحر والسماء ووجه الحسن ال هو انا
ضحك ادم : ماشى يا حسن يلا علشان جوعت
مشى ادم ناحيه المطعم ومها : حسن اخرتها بقيت حسن ماشى ياادم
راحت قعدت واتغدوا وخلصوا الغداء ورجعت ركبوا العربيه وراحوا وسط البلد واشترت حاجات وقف ادم قدام محل بيبيع اكسسورات وشاف سلاسل ع شكل كاميرا فضل يتفرج عليها ..مها لاحظت انه وقف راحت شدته وراحوا محل ايس كريم وكملوا تمشيه وبعدين اتعشوا ورجعوا ع الفندق ..
ادم وقف وبص ل مها وع وشه ابتسامه: بجد مش عارف اقولك ايه
مها مبتسمه: متقولش حاجه المهم تكون انبسطت وغيرت المود علشان تبتدى الاسبوع بنشاط
ادم : جدااا حاسس براحه وانبساط كبير بجد شكرا
مها : اممم يبقى العزومه الجايه ع حسابك هتخرجنى انا هحدد الاماكن وانت تصرف تمام
ادم بيضحك: مبتضيعيش حقك ابدا انتى
مها بصت ل ادم : معاك ابدا
ادم : يبقى اتفقنا يلا تصبحى ع خير واشوفك الصبح ف المستشفى لان ف عمليه بدرى
مها : اتفقنا تصبح ع خير
مشى ادم ومها واقفه واتنهدت : انا ال مبسوطه انى قضيت يوم معاك يا ادم
تليفونها رن كان باباها ردت عليه وخلصت المكالمه وطلعت ع اوضتها ونامت ...
__________________________
فى يوم رجعت حياه بدرى من الجامعه طلعت غيرت واتغدت ونزلت تانى طلعت الروف تشوف الزرع وتسقيه كوصيه ادم ليها وانها اتفقت تقسم الايام مع عمرو فكان يومها فطلعت وحطت سماعه الهاند فرى ف ودنها وشغلت موسيقى واغانى وابتدت تسقى الزرع ومندمجه واكنها فاصله عن الدنيا .. فى الوقت دا عمرو رجع البيت
فتح باب الشقه ودخل : السلام عليكم
خالته: وعليكم السلام ورحمه الله وبركاته
عمرو: الغدا يا خالتو علشان هقع خلاص
خالته: 10 دقايق يا حبيبى وهيكون جاهز بس هطلع ابص ع حياه فوق تكون محتاجه حاجه
عمرو بعد ما كان باين عليه التعب فاق مره واحده
عمرو: حياه .. هى فوق
خالته: ايوه بقالها ساعتين فوق انهارده الدور عليها
وكنت واخده العصير دا ليها
عمرو قام من مكانه: خليكى انتى يا خالتو هطلع انا هديهولها وكمان هبص ع الدنيا فوق تكونى حضرتنى الغدا تمام اهو انشغل شويا عن الجوع
اخد عمرو كوبايه العصير وبسرعه خرج من الشقه وطلع ع السطوح
وقعد دور ع حياه فين لاقاها واقفه بتقص اوراق زرع ميت فضل ماسك الكوبايه وبيتفرج عليها وع وشه ابتسامه وفاجاءه وحياه واقفه مسكت راسها ووقعت اغمن عليها .. حط عمرو الكوبايه وراح بسرعه ناحيتها
عمرو مخضوض شالها من ع الارض وحطها ف حضنه : حياه حياه مالك
بسرعه دور حواليه لاقى كوبايه مايه حط شويا ف ايده ورش ع وشها وقعد يفوق فيها بص ع شنطتها لاقى ازازه برفان طلعها وحط ع ايده وقربه من مناخيرها تشمه ولحظات فاقت ..
حياه بصوت تعبان: هو ايه ال حصلى
عمرو بياخد نفس : خضتينى انتى ايه ال حصلك
حياه: مش عارفه فاجاءه كده حسيت بدوخه
استوعبت حياه انها ف حضن عمرو زقت نفسها بسرعه اتخبطت ف راسها
حياه: اىىىىى انا اسفه
عمرو بيضحك: انتى اتنترتى كده ليه واسفه ع ايه
حياه حاولت تقوم كانت هتقع : انا نازله
عمرو مسكها من ايديها وقعدها : ارتاحى كده بس واشربى العصير دا
ممكن يكون هبوط حصلك وجمعى نفسك وبعدين انزلى ولا عاوزاهم عندك يقلقوالما يشوفوكى كده
قعدت حياه وكانت محروجه من ال حصل ومن نظرات عمرو
فغيرت الموضوع : الدرس انهارده صح
عمرو : ايوه كنت هتغدى وهستناكم
حياه: ان شاء الله ..
عمرو: انتى مهتميه بالزرع والورد ال هنا دا اوى بتحبى زرع والورد
حياه باابتسامه بصت عليهم: دول كانوا اول مشروع تصوير ليا فليهم معزه عندى
عمرو: اممممم .. بس انتى مش بشوفك بتصورى الايام دى
حياه: الدراسه وكده وبعدين انا بصور لما اكون مسافره او خارجه كده حاجات معينه مش عمال ع بطال
عمرو: عاوزك تبقى مصوره فوتغرافيه اد الدنيا ولا محاسبه
حياه بتضحك: يارب يسمع منك انا بجد بحب التصوير جدااا
الصوره عباره عن تثبيت لحظه ممكن متتكررش زى ورده ممكن مش تشوف زيها ..زى لحظه ضحك متعرفش تضحك تانى .. تجمع بين الناس ممكن ميحصلش تانى .. مجرد ما تشوف الصوره بتفتكر اللحظه الحلوه دى فبتفرح
التصوير والصور فرحه
عمرو مبسوط من كلام : ايه الكلام الكبير دا .. انتى خساره ف البلد
حياه بتضحك: طبعا طبعا مفيش زى
عمرو: اكيد هى حياه واحده بس
قوليلى بقى انتى خططك المستقبليه ايه ..يعنى ناويه تعملى ايه غير الجامعه؟
حياه: اممم بصراحه مخططتش لانى لسه ف اول سنه
بس اكيد اخلص الجامعه واهتم بالتصوير اكتر والشغل ال يناسبنى هشتغله
عمرو: مش هتتجوزى ولا ايه
حياه: لما ربنا يأذن بالنصيب
عمرو: اممم ممكن اسألك سؤال شخصى شويا ولا هيكون تطفل
حياه: اتفضل لو ليه رد اكيد
عمرو: انتى مرتبطيش ولا ناويه ترتبطى ؟
حياه: اممم بصراحه محصلش انى ارتبطت انما ناويه ارتبط ولا لا
دا ف علم الغيب لانى سايبها لظروفها ..الحب دا زى خبطه ف الدماغ مش بحسب ليها بتخبطها ع طول هههههه فاانا مستنيه خبطتى
عمرو: ايه بقى مواصفات ال عاوزه ترتبطى بيه
حياه : بيحبنى
عمرو بيضحك: ايه البساطه دى
انا افتكرت هتقولى زى باقى البنات .. يكون متدين من عيله كويسه
محترم ..دمه خفيف متعلم كده يعنى
حياه بتضحك: لا مش بسيطه انه يكون بيحبنى ..
بيحبنى باافعاله مش بكلامه .. يثبتلى ويورينى بيحبنى اد ايه وازاى انما الحاجات ال قلتلها دى اساسيه بس الاهم اشوف واحس بحبه
عمرو مركز ف كلام حياه : اول بنت اسمعها تتمنى كده ف ال عاوزه تتجوزه
حياه: لان دى حياه واحده هعيشها يا اعيشها مع الشخص الصح يا هتضيع منى وهتخلص
عمرو بيضحك: لا ربنا يديكى طولت العمر ويرزقك بال بيحبك
حياه: امييين انا وانت ومنى وادم وكل ال مش مرتبطين
قعدت حياه مع عمرو بيتكلموا وبصت ع الساعه : انا اتاخرت يا دوب الحق واشوفك ساعه الدرس بقى ..عموما انا خلصت سقى الزرع .. انت اجازه بكره وبعده ابقى اطلع راعيه بقى احنا اتفقنا نقسم الجدول
عمرو بيضحك: تمام يا فندم
نزلت حياه وعمرو شويا ونزل الشقه .. خالته كانت قاعده مستنياه: كل دا تقولى 10 دقايق تغيب ساعه ونص الاكل سخنته اكتر من مره
عمرو باابتسامه لخالته: انا شبعان هغير وارتاح شويا لغايه ما حياه تيجى
خالته: حياه بس ال جايه ولا ايه
عمرو : اقصد حياه ومنى يعنى
خالته: سبحانه مغير الاحوال ال يشوفه اول ما جه من الجامعه مش يشوفه دلواقتى
شويا جت حياه ومنى وبدء يشرحلهم ويديهم حاجات يحلوها وفضل يبص عليهم لكن الاغلب مركز مع حياه ومنى بتبص على عمرو من تحت ل تحت ...
وشويا خلصوا الدرس .. عمرو: كده الماده دى كمان اتفقلت
الباقى بقى يرجع ليكم ومجهودكم ف المراجعه
منى: ربنا يستر
حياه: ربنا يستر فعلا
عمرو: هو فاضل شهر ع امتحان اول ماده
لو وقفت قدامكم اى حاجه عرفونى فى اى وقت ..انتم عندكم اكونت ع الفيس صح
منى بسرعه: اه طبعا بنهيس عليه
عمرو بيضحك: اعملولى ادد ولو احتجتوا اى حاجه ابعتولى انا بسهر بليل
حياه: تعبينك معانا
عمرو بيبص لحياه: تعبكم راحه المهم تخلوا بالكم ع نفسكم علشان ميحصلكم اغماء وانتم داخلين ع امتحانات
منى بتضحك: لا مش لدرجه
عمرو بيبص نص بصه ع حياه: اعرف ناس كده
حياه بتضحك: لا ان شاء الله مفيش حاجه هتحصل
لموا ورقهم وحياه ومنى نازلين من ع السلم
منى: اعتبرينى من انهارده هجيب اللاب بتاعى وهقيم عندك
يا نعيش عيشه فل يا نضيع احنا الكل
حياه بتضحك: ماشى يا مصيبتى
اول ما روحت منى ع البيت كتبت الاكونت بتاع عمرو وعملتله ادد وبعتته ل حياه وعملوا ادد استمر الوضع واهتمام عمرو وحياه بالزرع لفتره وكان ادم بيتكلم مع عمرو ع النت واوقات كانت حياه لما تكون فاتحه ويطمن عليها ....!!
__________________________
ابتدا معسكر المذاكره فاضل اسبوع ع امتحان الترم اول ماده
منى قاعده عند حياه وداخله خارجه من البلكونه لدرجه انها اقترحت ع حياه انهم يذاكروا فيهاوحياه وافقت علشان زن منى عليها وف الناحيه التانيه كان عمرو قاعد ف البلكونه فاتح الللاب وشغال فيه وكانت منى مبسوطه ان دايما بتلاقى عمرو ف الوقت ال بيدخلوا يذاكروا بعد العصر ...بتلاقيه قعد وبيسلموا ع بعض بهز الدماغ وحياه مش ملاحظه اى حاجه لكن عمرو كان بيتعمد يقعد ف البلكونه علشان يشوف حياه ومنى بتتعمد علشان تشوف عمرو ومش مبينه حاجه قدام حياه لان منى كانت بتتصرف بخباثه
فكان عمرو بيبص عليهم ومنى بتلاحظ كده فبتفتكر انه بيبص عليها وحياه مركزه ف المذاكره ......!!!
فى يوم منى وحياه رايحيين يراجعوا قبل الامتحان بيومين مع عمرو
منى اتصلت بحياه
منى : الساعه 3 بالظبط تنزليلى علشان نروح
حياه : اوووبس منى ممكن طلب
منى: خير
حياه : انا ع الساعه 1 نازله رايحه مع ماما مشوار
هنزور طنط عايده عملت عمليه وهنروحلها المستشفى ومش هنتاخر
فأخرى الدرس ع 4 كده لغايه ما اجى
منى : طيب مقوليش ل عمرو
حياه: لا بصراحه لانى لسه عارفه دلواقتى وملحقتش فاانتى تروحى واعتذريلى مؤقت لغايه ما اجى
منى: اممم مفيش مشاكل
حياه: وطلب صغنن تانى
منى: خيررررررر
حياه: بماانه وقت بدرى اطلعى الروف اسقى الزرع علشان مش هلحق لما اجى لانى معرفش هنخلص امتى وهيكون ليل وانهارده المفروض انى انا ال اسقيه
منى : ماشى يا ست هانم اى اوامر تانى حضرتك
حياه بتضحك: لا كفايه كده لو افتكرت هكلمك
منى بتضحك: لا وماله مااجى اغسلكم المواعين بالمره
حياه: لا غسلناهم تعالى بكره
منى: اقفلى بدل ما اطلعلك
حياه بتضحك : سلام
قفلت حياه مع منى ولبست ونزلت مع مامتها ..ومنى ف اوضتها حستها فرصه اول مره تكون مع عمرو لوحدهم فتحت الدولاب وفضلت تدور تلبس ايه وقعدت وعملت ميكب وظبطت نفسها ونزلت قبل الميعاد بدرى ..حياه كانت سابتلها المفتاح الروف اخدته وطلعت ع طول ع الروف وحطت حاجاتها ع الترابيزه الموجوده وراحت تسقى الزرع ...!!
عمرو كان قاعد تحت بص ع الساعه لاقاها 2 وكان حس بحد طلع ع السلم
واستغرب ان حياه مخبطتش فقرر يطلعلها ...فتح باب الشقه وطلع السطوح
ومشى براحه بص ع الترابيزه لاقى حاجات محطوطه شبه حاجات حياه
فاترسمت ع وشه ابتسامه ومشى براحه ناحيتها ومش كان شايفها كويس
فقرب منها : حياه
منى اتخضت ووقعت: ياماما
عمرو بيضحك وقرب منها بسرعه مسك ايدها وقفها: منى ,, انا اسف
انى خضيتك انتى اتعورتى ولا حاجه
منى اتوترت : ها .. لا مفيش بس اتخضيت اصلى محستش بيك
عمرو: انا بصراحه استغربت قلت حياه قلعت الحجاب ولا ايه وبعدين انتى كمان حتى حياه كده بس انتى كنتى سرحانه ف ايه كده ومحستيش بيا ؟..حياه دايما بتكون حاطه السماعات علشان كده بتتخض ..انتى بقى
منى قاطعته: الامتحانات بقى وقلقها اول سنه كليه وياعالم هنعدى ولا لا
عمرو: لا ان شاء الله هتعدى .. اومال حياه فين
منى: لا حياه راحت مشوار مع مامتها وهتتاخر شويا فبتستأذنك تأخر الدرس ساعه تكون رجعت وانا كنت هعدى عليك تحت بس هى طلبت منى اسقى الزرع الاول ..سورى
عمرو: لالالا مفيش مشاكل ..انتى خلصتى
منى: فاضل بس الجزء دا وخلاص
عمرو مسك من ايد منى البتاعه ال بتسقى بيها: اقعدى انتى وانا هعملها
منى: لا مينفعش اصل
عمرو : لا اصل ولا صوره اقعدى يلا وانا هخلصهم بسرعه
قعدت منى وهى متوتره وكانت فرحانه اوى ان عمرو لمس ايدها واترسمت ابتسامه كبيره
وعمرو خلص سقى الزرع وراح قعد قدام منى : ف حاجه وجعاكى
منى متوتره: ها ..لالا مفيش
عمرو: طيب تمام ..
بص عمرو ع الساعه ولاقى لسه بدرى وجتله فكره يعرف معلومات عن حياه من منى
عمرو: قوليلى بقى
منى: ها
عمرو: انتى وحياه اصحاب من زمان ولا ايه اصلكم ف نفس الكليه
منى : احنا اخوات مش اصحاب من صغرنا مع بعض لغايه الكليه
انا جالى كليه تانيه وحولت علشان نبقى مع بعض
عمرو: ع كده انتوا تعرفوا بعض جدااا
منى: كل حاجه
عمرو: بس مختلفين .. يعنى مشفتش ليكى اى اهتمام باى حاجه
يعنى حياه مهتمه بالزرع والتصوير وانتى
منى حست بسؤال عمرو كااهتمام فرحت وخبت دا ومظهرتوش : انا بحب الخروج واشترى الورد .. يعنى احنا نخرج وحياه تصور .. اشترى الورد وحياه تراعيه كده يعنى
عمرو بيبص ع منى لبسها: وملاحظ لبسكم شبه بعض بااختلاف الالوان
منى: المهم لايق ودا لاننا اخوات مش اصحاب
عمرو: طيب ايه اكتر حاجه بتحبها حياه وانتى طبعا
منى : امممم الحاجه المشتركه بينا الشيكولاته مدمنينها
حتى انا مجهزالها هديه هديهالها بليل
عمرو: هديه ..هو ف مناسبه
منى: اها ..عيد ميلادها بكره والساعه 12 هديها الهديه
عمرو اتفز من مكانه: بجد..عيد ميلاد حياه بكره
منى: ايوه والله الحاجه ال هتكون ناقصه هديه ادم كل سنه بيجيب تورته لحياه
عمرو: اممم ادم
بص عمرو ع الساعه : طيب انزلى انتى استنى تحت وانا هروح اجيب تورته نحتفل بيه بعيد ميلادها ونفاجئها ايه رائيك
منى فرحت ع الاقتراح: فكره جامده جدااا ..وهاجى معاك علشان اختار ال حياه بتحبه
عمرو : طيب يلا بينا
نزل عمرو مع منى وراحوا محل الحلويات واختار منى تورته الشيكولاته
ورجعوا قبل حياه ما ترجع وخبى عمرو التورته ... وقعد عمرو ومنى يتكلموا مع بعض وعمرو بالطريقه بياخد معلومات عن حياه من منى وهى مش حاسه
ومنى فاكره ان عمرو مهتم بيها باسألته عنها وعن حياه .. شويا وحياه جت هى ومامتها دخلت مامتها تقعد مع ام ادم وابتدا الدرس والمراجعه
خلصوا مراجعه : عمرو: كده كله تمام الباقى عليكم شرفونى بقى
حياه: ان شاء الله
عمرو: اى حاجه تحتجوها ابعتولى ع الفيس او كلمونى
منى: ان شاء الله
غمز عمرو ل منى ومنى ابتسمت وحياه مش واخده بالها
عمرو: استنوا نسيت اديكم حاجه نسيتها جوه
عمل عمرو نفسه انه رايحه ع اوضته ومنى شغلت حياه راح براحه جهز التورته وحط الشمع وطفى النور .. حياه اتخضت: ايه دا هو النور قطع
وهى واقفه وبتبص حواليها سمعت صوت عمرو وماسك التورته ورايح ناحيتهم: HAPPY BIRTHDAY TO YOU
HAPPY BIRTHDAY TO YOU
..HAPPY BIRTHDAY TO YOU TOTA
HAPPY BIRTHDAY TO YOU
حياه من المفاجاءه مش مصدقه ان ممكن يحصل كده منى حضنتها: كل سنه وانتى طيبه يا توتا
عمرو حط التورته وخرجت مامت ادم ومامتها : يلا قولى هوف علشان نشغل النور
جت حياه تطفى الشمع ..عمرو وقفها.. اتمنى امنيه الاول
حياه بصت لعمرو وهى مبتسمه :حاضر
غمضت عينها واتمنت امنيه وطفت الشمع
منى: عمرو لما عرف قال يفاجئك واهو يرفع من معنوياتك
عمرو: كل سنه وانتى دايما احلى وبسعاده
حياه جسمها قشعر مكنتش متوقعه من عمرو كده وبصت ع عمرو وهو مبتسم ليها حست بحاجه غريبه .. فصلتها منى : يلا اقطعى حته واكلينا بقى بسرعه
حياه : ها .. طيب يلا
وهما بيقطعوا التورته جرس الباب رن .راح عمرو يفتح الباب
اول ما فتح الباب بذهول: مش معقول .....
_____________________
يتبع
ليست هناك تعليقات:
إرسال تعليق