فى يوم كان قاعد مهاب هو ورقيه بيتفرجوا ع فيلم ورقيه كانت مبسوطه اوى فيلم رومانسى مهاب قعد معاها وشايف علامات السعاده ع وش رقيه شافوا مشهد عرض جواز ...!!!
رقيه بسعاده: الله .. جميل اووى
مهاب بص لشاشه : انتى عاجبك كده
رقيه: اى بنت بتحب المفاجاءات والحاجات دى
مهاب ضحك: دا البنات دماغها فاضيه فعلا
اخرت الفرجه ع الافلام ..انا داخل المكتب
قام مهاب ودخل المكتب بص ع نتيجه ال ع المكتب بالصدفه لاقى ان عيد ميلاد رقيه قرب كمان اسبوعين فافتكر ال عملته ليه فقرر يعملها مفاجاءه !!!
_________________________
فى يوم سهر كلمت ليلى ع التليفون
ليلى: مفيش جديد
سهر: ولا اى حاجه
من وقت ما سافرت متصلش عليا خالص زى ما صدق انى سافرت
ليلى: ممكن يكون عاوز يهرب
المهم انتى جايه امتى طيب
سهر :قريب لازم ارجع ضرورى
_________________________
فى يوم رقيه كانت قاعده ف حديقتها بتشوف الزرع والورد سمعت صوت من وراها ......هيثم: خلى بالك من ياسمينتى
رقيه بصت ع الصوت وباابتسامه: هيثم
هيثم باابتسامه: ازيك يا روكا انتى والبنوته
رقيه باابتسامه: الحمد الله ..انت جيت امتى
هيثم: امبارح بليل كان عندى شغل قريب من هنا قلت اعدى اشوف هاله والولاد واشوفك واشوف ياسمينتى ..
رقيه حط ايدها ع بطنها: ياسمينك بتقولك انها مبسوطه انها شافتك
لانك واحشها وواحش مامتها بس زعلانين منك
هيثم : ليه كده
رقيه: يعنى من ساعه ما سافرت 4 شهور متيجيش زياره كده ونشوفك
هيثم بنص ضحكه: مشغول بجد المهم انتم عاملين ايه
رقيه: الحمد الله
هيثم كان معاه شنطه اداها لرقيه : اتفضلى بس دا لياسمينتى مش ليكى ع فكره
رقيه بصت ف الشنطه لاقتها شيكولاتات من كل الانواع : ايه دا خالو هيثم مظبطتك يا ياسو
هيثم بيضحك: خالو ايه انا مستنيها تيجى علشان اخطبها وبعدين هو انا ليا بركه غيرها ..فعاوزك تظبطيها عاوزها زى مامتها كده ف كله مبحبش المعصعصين انا بقولك اهو
رقيه بتضحك: لا دى مضمنش بس متقلقش هتوصى فى الاكل ليها
بس انت ال هتشيل ولو ابوها طردنا من كتر الاكل انت ال هتشيلنا احنا الاتنين
هيثم: وانا موافق
رقيه بتضحك: شغلك عامل ايه
هيثم: تمام .. انتى عامله ايه مع مهاب كله تمام مفيش جديد
رقيه باابتسامه وحاطه ايدها ع بطنها: الحمد الله انا فى سعاده بشكر عليها ربنا ع طول كل يوم
هيثم : يارب دايما اشوفك سعيده..
يلا اسيبك انا وهروح انام لانى منمتش من امبارح
رقيه سكتت لحظه: تصدق انك ابن حلال
كنت بدور ع حد امين ومش لاقيت وكنت محتاره
هيثم: خير فى ايه عاوزه فلوس ولا ايه
رقيه بتضحك: مش لدرجه دى ... عاوزاك تودينى مشوار سر
هيثم بيوطى لرقيه: من ورا جوزك
رقيه بتوشوش هيثم: ايوه ..محدش يعرف
هيثم: اذن هيا بنا نطفش الان
ضحكوا الاتنين ..رقيه... لا بجد كنت عاوزك تيجى معايا مشوار لمكتب شهر العقارى زى ال ف مصر ال يخص بلعقود وكده
هيثم: ليه
رقيه: عاوزه اعمل مفاجئه لمهاب وانت هتساعدنى ممكن
هيثم : تمام
رقيه: بكره الصبح بعد مامهاب ينزل الشغل نروح
هيثم: تمام يافندم وكله علشان خاطر ياسمينتى ماانتى حماتى
رقيه: يخليك لينا
مشى هيثم ورقيه رجعت لل بتعمله ...!!!
__________________________
تانى يوم كان عيد ميلاد رقيه مهاب اتصرف عادى زى مش عارف حاجه
ورقيه مركزتش نزل راح عند مامته قبل ما يروح الشغل
مهاب: زوزو عاوز منك خدمه
مامته: خير يا حبيبى
مهاب: تاخدى رقيه طول اليوم مشوار تروحوا اى حته لغايه ما اكلمك وترجعوا
مامته استغربت: ليه يعنى
مهاب: عامل مفاجاءه لرقيه وعاوز اجهزها
مامته ضحكت: ماشى يابيبو
خرج مهاب ركب عربيته وراح الشركه وهو متحمس وشويا ورقيه نزلت
خالتها : رايحه فين ع الصبح يا روكا
رقيه باابتسامه: صباح الخير يا زوزو ..رايحه مشوار صغنن كده وراجعه
خالتها: لوحدك
رقيه: لا معايا هيثم
خالتها : اها .. طيب متتاخريش علشان عاوزاكى ف مشوار
رقيه: تمام .. بس بقولك يا زوزو لو مهاب سأل عليا قوليله اى حاجه مش تقوليله انى خرجت مع هيثم وهبقى افهمك بعدين
خالتها: هو انتم ايه حكايتكمم انهارده
رقيه: مين
خالتها : لا متركزيش المهم متتاخريش تمام
رقيه: ان شاء الله
خرجت رقيه وهيثم كان مستنيها ركبت العربيه معاه وراحت المشوار ال طلبته منه خلصت رقيه مشوارها وهما راجعين قعدوا ف كافيه يشربوا حاجه
هيثم: ينفع اسألك انتى ايه ال عملتيه دا
رقيه بتضحك: قصدك ع التنازل ..عادى دا طبيعى
هيثم: طبيعى ايه مش انت قولتيلى دا هديه عمك ليكى بتسيبها كده ليه
رقيه باابتسامه كبيره: لا مش تفريت انا رجعت الحاجه لمكانها الصح ..انا مش بفهم ف شغل مهاب حاجه وغير كده هو ابو بنتى ياسمين ودا مشروعه بتاعه فطبيعى انه يرجعله ..وحبيت اهاديه انا مجرد اسم
هيثم: بس انا مش معاكى ف كده
رقيه باابتسامه: اذا كان سبت نفسى ومامنه نفسى معاه هخاف ع فلوس
هيثم سكت ومش عارف يقولها ايه بس هو شايفها مبسوطه محبش يكدرها : ربنا يهنيكى وتفضلى ع طول كده
رقيه: تسلملى .. يلا بينا بقى علشان رايحه مشوار مع زوزو
هيثم : يلا بينا
وصلت رقيه البيت واخدتها خالتها وخرجوا وبعتت رساله ل مهاب انهم خرجوا
خرج مهاب من الشغل بدرى ونزل يلف ع محلات الهدايا يشترى هديه ل رقيه
وهو بيشترى الحاجه راح عند جواهرجى كان اتفق ع دبله تتعمل مخصوص هيقدملها لرقيه بدل الخاتم ويعمل ليها عرض زواج ويلبسها الخاتم
مهاب ماسك العلبه فيها الدبل: كده اتقدم لرقيه انا مش ابويا ال يتقدملها
يبقى اختيارى وقرارى انا انى اعترف لرقيه بحبى ليها وطلبى انها تعيش معايا ع طول
ماسك مهاب علبه الخاتم وع وشه ابتسامه وقفلها وكمل لف ع محلات ويشترى حاجه لزوم ال proposal عرض الجواز ... رجع مهاب وهو فرحان جداا ع الشقه وابتدا يجهز كل حاجه حط الورد والبلونات والشموع ورسم قلب ع الارض مكتوب فيه بحبك تتجوزينى وجاب تورته مكتوب عليها
**كل سنه وانت معايا **
وطفى الانوار وابتدا يعمل بروفه ع ال هيقوله
مهاب: احم .. رقيه اول ما تدخل من الباب اقف انا قدام القلب دا ومعايا بوكيه الورد...واول ما اشوفها اقولها كل سنه وانتى طيبه
هى هتتندهش فاقعد ع ركبه ونص واطلع الدبله واقولها تتجوزينى دا
عرض جواز بسيط تعويض ع انه محصلش فى الاول خالص ونبتدى من لحظه دى مع بعض ونفضل مع بعض طبعا هتتفاجى وهتفرح وهتوافق
واروح لعندها البسها الدبله واقولها بحبك ...
ايوووووووه هو دا يا بيبو .. ابعت لماما بقى يجوا
مهاب كان ف منتهى السعاده ف الحظه دى ال قرر يعترف لرقيه عن حبه ليها
مسك موبيله وجاب رقم مامته وبعتلها المسج لاقى تليفونه رن وكانت ليلى
استغرب مهاب ورد .. مهاب: الو
ليلى بصوت شبه معيطه : مهاب ..الحقنا يا مهاب
مهاب اتخض: فى ايه يا ليلى
ليلى: سهر يا مهاب وقعت من طولها وهى معانا وراحت المستشفى
مهاب : هى سهر رجعت امتىت
ليلى: من يومين ومش كانت عاوزه تقولك بس تعبت اوى وكان لازم اقولك تعالى بسرعه
مهاب قفل وهو مخضوض مش عارف يعمل ايه اخد العلبه بتاع الدبله ف جيبه وساب كل حاجه ونزل ....شويا ورجعت رقيه وخالتها قالتلها هتنام شويا فطلعت رقيه شقتها فتحت باب الشقه ودخلت اتفاجئت بال موجود وشيفاه.. ورد محطوط ف كل مكان وشموع شغاله وبلالين وشافت رسم القلب ال ع الارض بحبك تتجوزينى ..فرحت جداااا ونادت ع مهاب ملاقتش رد
راحت شالت بوكيه الورد من ع الارض وحضنته وكانت فرحانه جدااا .. وراحت قاعده تستنى مهاب
مهاب راح بسرعه ع عنوان المستشفى ال ليلى قالتله عليها ولاقى ليلى واقفه بره الاوضه وعلى وشها ملامح قلق
مهاب بقلق: فى ايه يا ليلى سهر مالها
ليلى : مش عارفه الدكتور جوه معاه
خرج الدكتور من عند سهر ليلى وقفته: ايه يا دكتور سهر مالها
الدكتور وجه كلام ل مهاب : انت جوزها
مهاب اتصلب فى مكانه ليلى ردت بسرعه: ايوه يا دكتور خير
الدكتور باابتسامه: متخافش كده وتقلق مبرووك المدام حامل
مهاب مستوعبش ال سمعه : نعم
الدكتور : مدام سهر حامل فى شهر ونص والتحاليل اهى النتيجه positive اتفضل شوف
مسك مهاب نتيجه التحاليل وشاف النتيجه اتصدم ومن صدمته مش عارف يتكلم >>> ليلى : مبروك يا مهاب الف مبروك
الدكتور : بس عاوز اقول ليكم حاجه مهمه
مهاب بص لدكتور وليلى : خير يا دكتور
الدكتور وعلامه قلق ع وشه : مدام سهر محتاجه رعايه خاصه ف حملها ..لان عندها مشكه ف عضله القلب يعنى محتاجه رعايه واهتمام اكتر من الحامل الطبيعى واى زعل او ضغط نفسى غلط عليها وع الجنين
وانا ان شاء الله هتابعها
ليلى بقلق: يعنى هى كويسه يا دكتور ولا محتاجه تقعد هنا
الدكتور : لا تروح عادى بس زى ما قلت رعايه واهتمام وزعل وضغط نفسى لا
والف مبرووك
مشى الدكتور وليلى بصت لمهاب شايفاه من المفاجاءه شكله مصدوم مبينطقش
ليلى : مهاب ..مش هندخل لسهر
مهاب بصلها: ها ... ايوه
ليلى شدته ودخلت لسهر : مبروك يا سهروه الف مبروك
سهر بصوت تعبان: الله يبارك فيكى .. مبروك يابيبى
مهاب باصص لسهر وع بطنهاومش بيرد ... ليلى: مهاب
مهاب : ها .. انتى عامله ايه يا سهر
سهر: الحمد الله مش هتقولى مبروك
مهاب : مبروك
سهر قامت قعدت وشدت ايد مهاب ومسكتها : مهاب انا مش عاوزاك تقلق
الموضوع دا هيفضل بينا ومش هطلب حاجه بس مش هينفع اصبر كتير
لازم تقرر وتسرع من الخطه وتنفصل عن رقيه علشان نتجوز احنا
علشان نعيش انا وانت وابننا مع بعض
مهاب واقف متصلب مش عارف يتكلم: اها .. المهم انتى قادره تروحى ولا ايه
سهر: ايوه يلا
خرجت سهر من المستشفى وهى شايفه مهاب مش مصدق وعلى وشه ملامح صدمه ركبوا العربيه وطول الطريق مبيتكلمش وصلها هى وليلى لبيت سهر ومشى وفضل سايق ومش عارف يعمل ايه وصل عند البيت وقاعد ف العربيه لغايه الفجر وهو مش عارف هيعمل ايه ..نزل من العربيه دخل البيت وطلع ع شقته وفتح براحه الباب واول مادخل افتكر ال كان مجهزه وشاف كل حاجه لسه زى ماهى دمعه نزلت من عينه راح ع الاوضه فتح الباب براحه لاقى رقيه نايمه وهى حاضنه بوكيه الورد ال كان هيدهولها
راح جنبها ع السرير وفضل يبص عليها ولمس شعرها وحط ايده ع بطنها وفى سره : انا اسف يا ياسمين
راح نام بهدومه جنب رقيه وقرب منها وحضنها ورقيه حست بيه وهى نايمه وف حضنه: انت اتاخرت اوى يا مهاب
مهاب بصوت حزين وهو حاضن رقيه ودموع نزلت من عينه : انا اسف .. انا اسف يارقيه
__________________________
صحيت رقيه من النوم مش لاقت مهاب جنبها قلقت وقامت لاقت مهاب مجهزلها الفطار ...رقيه باابتسامه: صباح الخير
مهاب لابس مريله المطبخ ولابس طاقيه الشيف وماسك معلقتين كبار : صباح الخير سموك فطار سموك جاهز ع السفره
بصت رقيه لاقت السفره فيها فطار ملوكى ع وصفها: ايه كل دا انا حاسه انى خارجه من فيلم تاريخى
مهاب بيضحك: سمو الاميره ياسمين فطارها هى والملكه الام مش اى فطار
رقيه عملت نفسها متنكه : العصير فريش يا شيف
مهاب : قطفته بنفسى لسعادتك
رقيه بتضحك: لا كده كتير هو احنا عندنا شجره برتقال
مهاب : اعتبريها اتزرعت وقطفتها اهو
مهاب مثل انه بيقطف برتقال وبيعمله عصير ورقيه ضحكت ع طريقته
رقيه مسكت بطنها من الضحك: كفايه يامهاب هولد بدرى كده
مهاب : واضح ان البرنسيسه ياسمين عاوزه تقطف البرتقال
رقيه : لا انا هشربهولها .. رايحه اغسل وشى وراجعه
مهاب وسعلها ووطى كتحيه : اتفضلى سموك
رقيه راحت باست خد مهاب : دى عربون لغايه ما ادوق الفطار انا والبرنسيسه ياسمين
مشيت رقيه رايحه الحمام مهاب باصص عليها وبعد ما كان بيضحك علامات ضيق اترسمت ع وشه ....خرجت رقيه وقعدت تفطر مع مهاب : انت كنت فين امبارح صحيح واتاخرت ليه كده
مهاب اتصلب من السؤال واتلجلج: اصل واحد صاحبى كان عنده مشكله كبيره روحت وفضلنا سهرانين معاه
رقيه : خير ماله
مهاب وهو بياكل : اصله يعرف واحده ع مراته والواحده دى حامل
رقيه اتخضت: خان مراته
مهاب : هو مش فاكر ايه حصل هو اتفاجئ بالخبر منها ومش عارف يتصرف ازاى
رقيه وعلامات ضيقه ع وشها: لا حول ولا قوه الا بالله
وليه يعرف ع مراته اصلا هو مبيحبش مراته ولا مراته مضيقاه وعرف عليها
مهاب بيحاول مش يبين توتره: زميلته ف الشغل وكانوا اصحاب قوى بس هو فعلا مش فاكر ال حصل هو قال انه هيصارح مراته
رقيه : صعبه اوووى ..
مهاب : تعتقدى مراته هتسامحه وتغفرله ال حصل وتتقبل الوضع دا
رقيه بتبص لمهاب : اممم مش عارفه بصراحه ..اصل اى حاجه ممكن نتغاضى عنها الا الخيانه بتبقى صعبه اوى خصوصا لو من شخص بنحبه .. بتوجع اووى ع قد حبك لشخص دا بتتوجع واكتر حتى لو سامحته مش هتنسهاله
مهاب :انتى شايفه كده
رقيه : بالنسبالى الخيانه يعنى موت لو من حد بحبه وقريب ليا دا زى ال ماسك خنجر وانا مدياله الامان وحط الخنجز وغرزه ف قلبى
حتى لو الخنجر اتشال الجرح بيبقى معلم لا صعبه جدااا انا اكتر حاجتين بكرهم ف حياتى الكدب والخيانه ..الكدب يعتبر خيانه لانه بعتبره صوره مصغره من الخيانه وبتوجع اوى لما بتكتشف الكدبه متاخره ...ربنا ما يكتبها ع حد
مهاب اتصدم من رد رقيه واحساس بالذنب اتجاهها وانها لو عرفت هتتوجع اوى
مهاب: يلا كملى فطارك وانا نازل رايح الشركه وهتاخر ع الغدا اتغدى انتى مع ماما
رقيه : تمام
قامت رقيه وباست خد مهاب الناحيتين : دى منى ودى من ياسمين بنقولك ميرسى ع كل حاجه حلوه عملتها واعتبر هديتك وصلت ومفاجئتك كانت اجمل حاجه تحصلى ف حياتى ربنا يخليك لينا .. لااله الاالله
مهاب باصص لرقيه راح حضنها : كل سنه وانتى معايا ويخليكوا ليا
راح باس راس رقيه : سيدنا محمد رسول الله
__________________________
نزل مهاب من البيت قعد ف العربيه بيفكر اتصل ع سهر لاقاها صاحيه
فراح ليها البيت قبل ما يروح الشغل ...
سهر بملامح تعب: جيت بدرى ليه كده
مهاب: قلت اشوفك لو محتاجه حاجه وزى ماانتى سمعتى من الدكتور انتى محتاجه راحه
سهر حضنت مهاب: ميرسى يا بيبى انا طول ماانا شيفاك ببقى كويسه واكيد البيببى كويس
مهاب راح قعد وعمال يتردد يتكلم مع سهر : سهر عاوزك ف موضوع
سهر قعدت ومبتسمه: خير يا بيبى
مهاب بلجلجه: انا عارف انك هتفهينى ف ال هتكلم فيه
سهر: اتكلم يا بيبى قول عاوز ايه انت هتتحرج منى برضه
مهاب بتوتر : احم .. الدكتور زى ما سمعتى وقالنا ان انت عندك مشكله ف عضله القلب
سهر : اها .. بصراحه مكنتش اتوقع بس الحمد الله ع كل حاجه
مهاب بيبص لسهر: سهر... انتى ف شهر ونص وقال الحمل هيبقى متعب ليكى بعدين
سهر بصت لمهاب: عاوز تقول ايه يا مهاب
مهاب : البيبى ينزل
سهر اتفاجئت: نعم .. عاوزنى انزل ابنى بنفسى
مهاب : انا بتكلم علشانك الحمل غلط عليكى ولازم تتعالجى الاول
سهر بصت لمهاب : انت خايف عليا ولا خايف ع المدام رقيه لما تعرف
مهاب: انا خايف عليكم انتم الاتنين
سهر مش صدقت ال سمعته : ومقلتش ليه كده لرقيه لما حملت ولا هى علشان مراتك وانا حبيببتك
مهاب بعصبيه: علشان اصلا ال حصل بينا مكنش ينفع من الاساس يحصل
احنا اتمدينا وعدينا الحدود وانتى موقفتنيش انا لغايه دلواقتى مش مستوعب ال حصل وازاى انا مش فاكر حاجه
سهر دموع نزلت من عنيها : لا يا مهاب مش هنزل ابنى واموته ولو هتحصل يبقى انا وهو نموت سوا
مهاب بص لسهر ومش عارف يقول ايه راح مسك ايدها يهديها: سهر انا بجد خايف عليكى
سهر وبتعيط: لو خايف عليا حافظ عليا انا وابنك ال ف بطنى مش تموتنا
سهر رمت نفسها ف حضن مهاب : احنا ملناش غيرك واحنا لينا حق عليك زى رقيه وبنتها
مهاب اتصلب ومش عارف ينطق وفضل ساكت ....!!!
__________________________
مهاب كلم ليلى تخلى بالها من سهر وهو مش موجود ورقيه لاحظت عليه سرحانه ووشه المتغير
رقيه: مهاب انت ف حاجه مضايقاك
مهاب: لا ابدا ليه
رقيه: متغير بقالك فتره يعنى
مهاب: شغل والمشروع ابتدا فقلقان من النتيجه يعنى
رقيه مسكت ايده : متقلقش كل حاجه هتبقى احسن وكويسه اتكل ع ربنا واعمل ال عليك
مهاب باصص لرقيه وابتسامتها حس بطمائنينه كل ما بيبص ف وش رقيه وابتسامتها ال بطمنه ان كل حاجه هتبقى كويس
راح مهاب مسك ايد رقيه وباسها: طول ما انتى وياسمين بخير كل حاجه هتبقى بخير
رقيه : طول ماانت معانا
مهاب : يلا اخرجى عاوز اشوف ال ورايا
رقيه: انا هنزل تحت لو احتاجت حاجه كلمنى
مهاب : ان شء الله
نزلت رقيه قعدت مع خالتها شويا وخرجت الحديقه تقعد شويا
وهى قاعده سرحانه هيثم شافها من البلكونه عنده فنزل ومعاه شيكولاته وراح لرقيه ...هيثم: بخ
رقيه ضحكت نص ضحكه: هيثم
هيثم باابتسامه: ايه الضحكه الوحشه دى ..لا يا حماتى مينفعش كده
رقيه بتضحك : كده حلو
هيثم : ايوه بقى هو دا انا جيت من هولندا لاالمانيا علشان اشبع من الابتسامه دى وعارف انا ايه ال هيروقك
طلع شيكولاته : اتفضلى اظبطى الدماغ انتى وياسمنتى
رقيه مسكت الشيكولاته : ميرسى ياهيثم
هيثم حس انها متغيره : مالك ياروكا فى ايه مش احنا اصحاب ولا معتبرانى غريب
رقيه اتنهدت: مهاب متغير بقاله فتره ومش عارفه ماله بقى بيسرح كتير ومبيتكلمش
هيثم: اسأليه
رقيه: سألته قالى شغل وكده
هيثم : ما ممكن كده انتى متفكريش ومتضايقيش نفسك كل حاجه هتبقى كويسه
رقيه: ان شاء الله
هيثم: لالالا مش بالوش دا ضحكتك الحلوه بدل ما انط من ع الكرسى وانتحر هنا
ضحكت رقيه ..هيثم: هو دا الكلام
ف الوقت دا مهاب كان واقف بيبص ع رقيه وشايف طريقه هيثم مع رقيه واضايق وحس بغيره بس هو واثق ف رقيه
فى نفس اليوم بليل ومهاب ورقيه قاعدين بيتفرجوا ع التليفزيون جرس الباب رن قام مهاب يفتح لاقى قدامه سهر
مهاب متفاجئ: سهر
سهر : بقالك اسبوعين مشفتكش قلت اجى اشوفك انا
مهاب واقف متصلب .. رقيه: مين يا مهاب
دخلت سهر وزقت مهاب: انا يا روكا جيت اقعد معاكم شويا
رقيه قامت: تنورينا يا حبيببتى ..انتى حماتك بتحبك انا كنت هقوم احضر العشا تتعشى معانا
سهر بتضحك وبتبص لمهاب : حماتى بتحبنى وانا بعشق ابنها
رقيه استغربت بس مركزتش : اقعدى و10 دقايق والعشا يكون جاهز
دخلت رقيه المطبخ ومهاب قعد مع سهر : سهر ايه ال بتعمليه دا
سهر بصوت واطى: وطى صوتك لمدام تسمعك عاوزه اشوفك فجيت
رقيه راحت ندت ع سهر : ايوه يا روكا جايه يا حبيببتى
حضرت رقيه العشا وقعدوا ياكلوا
سهر : ازعجتكم انا عارفه
رقيه: لا خالص يا حبيببتى
سهر: كنت عند واحده صاحبتى هنا ونزلت مضايقه من عندها قلت اجى اقعد معاكم افك شويا
رقيه: خير ايه مضايقك
سهر : اصلها تعرف واحد وهى حامل منه وطلب منها تنزل البيبى
رقيه اتفاجئت: لا حول الله يارب ..دا مش انسان ال بيطلب كده
سهر : ماهى اتصدمت لما عرفت كده
رقيه: هما مش متجوزين
سهر: لا .. هيتجوزوا بس هو عنده مشكله هيحلها ويتجوزوا الا هى ممكن تعمله مشاكل ولا ايه يا مهاب
مهاب بص لسهر : ان شاء الله
رقيه بتلقائيه: لا بجد ربنا معاها
خلصت سهر الاكل واستأذنت نزلت ومهاب معاها يوصلها ..اخدها وبعد من قدام البيت
مهاب متعصب: ايه ال بتعمليه دا وايه الكلام دا
سهر هو جنانك اشتغل ولا ايه
سهر : انا باخد حقى .. انا ليا فيك زى ما رقيه ليها فيك
وابنك ال ف بطنى ليه فيك زى ما بنت رقيه ليها فيك
كفايه انى ساكته ومستحمله الوضع ولا طلبك لجواز ولا غيره ومحتفظه باابنك ف بطنى المساواه يا مهاب
مهاب حاول يهدى نفسه: سهر روحى ومتكرريش ال عملتيه تانى وانا هبقى اجيلك
سهر : لو مجتش واتاخرت هتلاقينى قدامك
مشيت سهر ومهاب واقف متلغبط ومش عارف يفكر وهو واقف سمع صوت بينده عليه
هيثم: مهاب
مهاب اتفاجئ: هيثم
هيثم وع وشه علامات ضيقه وخنقه : ايه ال سمعته دا
مهاب اتوتر: سمعت ايه
هيثم بلهجه جامده: ال كانت معاك دى حامل منك .. انت عارف اسمه ايه دا
مهاب بعصبيه: انت ايه دخلك ف حياتنا حاجه متخصكش اخرج منها
هيثم: لا تخصنى علشان تخص رقيه ..انا غلطان انى مقلتش لرقيه من الاول
بدل ماهى عايشه ف كدبه بسببك
مهاب باصص لهيثم: انت مضايق اووى كده ليه .. هو انت بتحب رقيه مراتى
هيثم اتصلب مكانه : انا .. انا
مهاب : انا بقالى كتير ملاحظ معاملتك وكلامك واهتمامك لرقيه وحكاويها عليك
الاول قلت جارنا واحنا يعتبر عيله مع هاله وجوزها ... لكن تدخل ف كل حاجه تخص رقيه بالشكل دا يبقى ف مسمى غير صداقه
هيثم وقف ساكت .. مهاب : بص يا هيثم علاقتى انا ورقيه متخصش حد غيرنا .. مش ليك الحق لا انت ولا غيرك يتكلم ولا يعدل علينا .. وال بيحصل بينا ميخصكش ودا اخر كلام .. اها لو رقيه عرفت حاجه انت هتكون السبب ف اى حاجه وحشه هتحصل لرقيه مراتى ..مراتى يا هيثم
هيثم وقف متصلب ومش عارف ينطق وف نفس الوقت دماغه وقفت يقول لرقيه ولا لا ...!!!!
__________________________
رجعت سهر تروح الشركه زى الاول ومهاب ابتدئ يهتم بيها شويا عن الاول
ودا يعتبر تحت تهديد مش بمزاجه علشان رقيه ميوصلهاش حاجه
فى يوم قدمت سهر ع اجازه طويله بجحه انها تعبانه ودا ريح مهاب من انه مش هيشوفها ف الشركه لانها كانت دايما ف وشه بتفكره بغلطته
ليلى صاحبه سهر راحتلها البيت وقعدوا يتكلموا
ليلى: يعنى انتى مش تعبانه
سهر: لا الحمد الله بس اخدت الاجازه علشان اقلق مهاب عليا وع ال ف بطنى
ضحكت ليلى : يخرب عقلك انت مش ملاحظه انك بقيتى اوفر
سهر: ماهو انا هرجع مهاب هرجعه باى طريقه
ليلى : يعنى انتى كده هتتحبسنى مفيش خروج ولا سهر يا سهر
سهر : مؤقتا بس لغايه ما الدنيا تظبط وهنرجع نسهر انا ومهاب
فى بيت مهاب كان باباه ومامته قاعدين يتعشوا مع بعض
محمود: ابقى كلمى سهر يا زوزو شوفيها عاوزه حاجه
زينب: ليه ف حاجه
محمود: اخدت اجازه بقالها كام يوم اجازه مرضى وانتى عارفه هى لوحدها وكمال مسافر
زينب :لا الف سلامه انا معرفش عموما انا بكره هروحلها البيت ولو لاقيتها تعبانه اوى هجيبها غصب عنها تقعد هنا
محمود: يبقى احسن برضه
__________________________
تانى يوم الصبح مهاب طول اليل سهران مش عارف ينام فضل يبص ع رقيه
وحاطط ايده ع بطن رقيه وبيكلم البيبى ف سره :انا عارف انى ممكن اكون أسوء اب فى نظرك بس صدقينى يا ياسمين انتى وامك اغلى اتنين ف حياتى ..امك الهديه ال ربنا بعتهالى ال غيرت حاجات كتير فيا ومش عاوز اخسرها ..
انا ضرورى اصارح رقيه ومخبيش عليها اكتر من كده .. انا بدعى ربنا يدينى الشجاعه واعرف اقولها ..انا بحبك يا ياسمين وبحب رقيه جدااااااااااا
راح مهاب قرب ضامم وحاضن رقيه لدرجه انه منمش وفضل حاضنها لتانى يوم
عامل زى ال هتسافر وتسيبه وهتوحشه ..رقيه قلقت بصت ع مهاب وهى ف حضنه
رقيه: انت لسه صاحى الوقت متاخر وشغلك
مهاب حاضن رقيه: انا كده مرتاح نامى انتى وارتاحى
رقيه حضنت مهاب وع وشها ابتسامه: اممممم بجد بستنى اليوم يخلص علشان تاخدنى ف حضنك كده بحس انى ف امان ومش خايف ..معزوله عن الدنيا ودا ال اتمنيته طول العمر
ربنا يخليك ليا .. انا بحبك اووى يا مهاب
مهاب ملامح ضيقه ع وشه وهو بيسمع كلام رقيه : انت اغلى انسانه ف حياتى يارقيه ربنا يقومك بالسلامه انتى وياسمين وتملوا علينا دنيتنا
رقيه: ان شاء الله
مهاب بص ع الساعه لاقاها 7 الصبح
مهاب: انا هقوم البس وانزل
رقيه بعدت عن حضنه مخضوضه: ليه بدرى كده افطر الاول
مهاب باابتسامه بالعافيه يغطى ملامح البؤس ال ع وشه:انا مستعجل عندى حاجات اعملها ف ميتنج بدرى
رقيه : طيب
مهاب كان خارج من الاوضه رجع لرقيه: رقيه انا عاوزك ف موضوع
رقيه:اتفضل سمعاك
مهاب سكت لحظه: لما ارجع علشان ف كلام كتير
رقيه باابتسامه: وانا هستناك
ماشى راح باس راس رقيه : كملى نوم انتى لانى قلقتك طول اليل ولما تصحى كلمينى لو احتاجتى حاجه
رقيه باست مهاب ع خده: محتاجاك تكون بخير دايما
خرج مهاب اخد دش سريع ولبس ونزل راح الشغل ورقيه نزلت تقعد مع خالتها
خالتها: عامله ايه ف الحمل يا روكا
رقيه : الحمد الله يا خالتو بس ياسمين واضح انها مفراك
خالتها: زى انتى وابوها
رقيه: بس انها فركها عجيب اوى كل ما اقوم اتحرك تفرك ارجع اقعد
اكنها بتقولى متقوميش خليكى قاعده
خالتها بتضحك: عقبال ما تيجى وتفرك وتنورنا
رقيه: يا مسهل يارب
انا سمعت من عمار انه هو ونهله جايين ع الاسبوع الجى
خالتها: اها وحشونى وقلت لنهله يجوا
رقيه: ياريت لانهم وحشونى جداااا
موبيل خالتها رن وكانت واحده معرفه جايلها بعد العصر
خالتها قفلت معاها ملامح وشها اتغيرت : يوووه اعمل ايه انا دلواقتى نسيت
رقيه: نسيتى ايه يا خالتو
خالتها: كنت هروح لسهر انهارده اطمن عليها وثريا جايالى ضرورى
رقيه: ليه مالها سهر
خالتها: واخده اجازه مرضى ولوحدها ف البيت فقلت بدل ما اتصل اروحلها
رقيه بسرعه: خلاص يا خالتو مفيش مشاكل خليكى استقبلى صاحبتك وانا هروح لسهر اهو تمشيه وتغير جو والتاكسى هيودينى بسرعه
خالتها: هتعبك كده لتكون تعبانه بعدوه
رقيه بتضحك: متقلقيش هاخد بالى وهكلمها اعرفها ولو مينفعش اروحلها مش هروح
خالتها : تمام
مسكت رقيه موابيلها واتصلت ع سهر وكانت سهر لوحدها ف البيت
سهر: روكا ازيك
رقيه: تمام وانتى يا سهر
سهر : الحمد الله
رقيه: سمعت انك تعبانه خير سلامتك
سهر عوجت صوتها زى التعبان: جسمى واجعنى ومصدعه دايما قلت اخد اجازه من الاجهاد
رقيه: لا الف سلامه عليكى انت ف البيت مبتنزليش صح
سهر : لا ليه
رقيه : هجيلك ع حدود الساعه 6 اشوفك واقعد معاكى شويا ولا مش عاوزانى اجى
اتفاجئت سهر بكلام رقيه : لا طبعا يا حبيببتى تعالى هستناكى
رقيه : ان شاء الله ع 6 بالظبط
قفلت رقيه مع سهر وسهر دماغها اشتغلت وفكرت ف حاجه تعملها ومنها مش هتخسر مهاب ..!!!
________________________
جهزت رقيه ولبست ونزلت وقفت قدام البيت مستنيه تاكسى هيثم كان راجع البيت شافها
هيثم: روكا
رقيه: هيثم
هيثم قرب من رقيه: رايحه فين يا حماتى انتى وعروستى..
كده يا ياسمنتى تخرجى من غير ما تقوليلى ..
رقيه بتضحك: ماهو انت مش فاضى تخرج ياسمينتك هخرجها انا
هيثم: لالالالا مينفعش الكلام دا تعالى يلا
رقيه : لا بهزر انا رايحه مشوار لخالتو ولما ارجع اعزمنى ع ميلك شيك نفسى فيه اوى ياسمينته شكلها طالعه مدمنه زى مامتها
هيثم: انا عينى لياسمينتى ومامتها ... طيب اوصلك
رقيه: مش مستهله انا مش هتاخر ساعه بالكتير ..
وقفت رقيه تاكسى : يلا سلام
هيثم حس بقلبه انقبض لكن استغفر ربنا ومفكرش ودخل البيت ورقيه ركبت التاكسى وادته عنوان سهر ومشى بيها لهناك
كانت سهر عماله تفكر تعمل ايه تعمل ايه بصت ع الساعه لاقتها 4 ونص
مسكت موابيلها واتصلت ع مهاب وعملت نفسها تعبانه اوى :
سهر: مهاب الحقنى يا مهاب قلبى هيقف ومش قادره
مهاب اتوتر: اقفلى جايلك حالا
نص ساعه ومهاب كان عند سهر شافها قاعده ف الصالون مفرهده اتخض وراح ناحيتها
مهاب: سهر انتى كويسه مالك ايه حصل
سهر عامله نفسها تعبانه: انا مش عارف مره واحده دخت ومش قادره اقف ولا اطلع اوضتى
مهاب: اومال الخدامه ال معاكى دى بتعمل ايه
سهر: كانت بره بتجيب طلبات
بصت سهر ع الساعه لاقتها قربت ع 5 ونص : بيبى ممكن تطلعنى اوضتى فوق اريح
مهاب : اه طبعا
شال مهاب سهر وطلع بيها اوضتها وحطها ع السرير ونزل المطبخ جاب لها عصير وطلع الاوضه سهر فضلت مراقبه الساعه وهى بتقرب من 6 ومهاب قاعد جنبها مهاب جاب العصير وطلع الاوضه لسهر يدهولها .. دخل الاوضه وسهر نايمه ع السرير عامله تعبانه سمعت صوت جرس الباب وبصت ع الساعه لاقتها 6 عرفت انها رقيهلان مفيش حد بيجلها البيت لانها مش بتقعد فيه وليلى صاحبتها قايالاها مش تجيلها ومعرفاها هتعمل ايه
مهاب بيدى سهر كوبايه العصير تشربه ورفضت
مهاب : سهر مينفعش كده ال تعمليه دا علشان صحتك
سهر بصوت حزين ودموع نازله : انا عاوزه اموت يا مهاب
مهاب: ليه كده متقوليش كده
كانت رقيه وصلت فعلا والخدامه قالتلها سهر مستنياها فوق فى الاوضه
وهى طالعه براحه ع السلم وصلت عند باب الاوضه وكان مفتوح سمعت صوت صوت سهر وهى بتقول عاوزه تموت وقالت اسم مهاب
ومهاب لما رد عليها وقفت مكانها متحركتش رقيه ... سهر بصت ناحيه الباب لاحظت خيال رقيه كملت كلام
سهر: عاوزه اريحك منى ومن ال ف بطنى يا مهاب
رقيه سمعت الجمله ان سهر حامل من مهاب اتصلبت مكانها
مهاب : لا متقليش كده يا سهر حرام عليكى
سهر بدموع وصوت حزين : كل حاجه باظت يا مهاب وحاسه انى مش عاوزه اعيش
مهاب قعد ع حوف السرير مسك ايد سهر: اهدى بس
سهر : احنا اتفقنا فى الاول انك تتجوز رقيه جواز ع الورق لغايه ما المشروع يخلص لان باباك هو ال ضغط عليك صح
مهاب : ايوه
سهر : واتفقنا انها مش موجوده ف حياتك دلواقتى بقت هى الظاهره ف حياتك وحامل كمان
مهاب شايف سهر عماله تعيط خاف عليها من حوار التعب لان منظرها تعبان
فحس انه مينفعش يرد عليها عكس كلامها لانها ممكن تتعب والدكتور قال بلاش ضغط نفسى ..
مهاب قرر يهاودها لغايه ما تهدى ويتكلم معاها مره تانيه تكون اهدى : سهر بيبى انتى عارفه ان الموضوع بدء بغصب انا مش كنت عاوز اتجوز ولا اعرف عن رقيه حاجه وبابا ال غصبنى وضغط عليا بالمشروع لما رفضت ..انا وافقت بشروطى وهو حطلى شروطه واهمهم انها هتكون شريكتى ف المشروع
وانتى عارفه اد ايه صعب اقعد معاه .. جربت اضايقها منفعش قلت اهاودها
سهر بتعيط : وبقت شركتك ف كل حاجه
مهاب بيكمل كدبته ع سهر وتحويره: لو تقصدى الحمل حصل بالصدفه غير كده مش كنت هقربلها دى .. دى .. دى .. دى حتى مش ف جمالك يا بيبى
سهر : بس انت بتعاملها كويس وبتجبلها هدايا
مهاب بيضغط ع نفسه يكمل الكدبه ع سهر : تمثيل كل دا تمثيل علشان تصدق وبعدين زى ما اتفقنا ف خطتنا هستنى لغايه مااخد التنازل ليا او لبيبى لما يجى ويبقى المشروع بتاعى لوحدى وهسيبها
سهر بتعيط: علشان كده طلبت منى اجهض ال ف بطنى
مهاب وبيغصب ع نفسه بالكلام: من خوفى عليكى يا بيبى انتى ..انتى .. انتى اغلى حد ف حياتى
سهر : يعنى يا بيبى خطتنا ماشيه وهنتجوز ونربىلا اببنا وهتسيب رقيه
مهاب اتصلب مش عارف يتكلم : ها .. اه طبعا اهدى بس انتى وارتاحى
راحت سهر اترمت وحضنت مهاب وباسته .. رقيه مش كانت مستوعبه ال سمعاه وحاسه بشلل ف جسمها كله قربت ببطئ تبص .. قلبيها مش مصدق ال سمعه وعقلها بيقولها بصى شوفى بعينك علشان تصدقى ..
وسط الصراع دا بصت ع الاوضه براحه جوه لاقت سهر قاعده ع السرير وحاضنه مهاب وبيبوسوا بعض... صدمتها من ال سمعته وشافته مش كانت قادره تقف ع رجلها مقدرتش تدخل تواجهم لان الكلام اتحاش ومش بيخرج
غير دموع من عنيها ورجليها مش شايلااها ... وهى نازله ع السلم قعدت تقع وتتخبط فى بطنها وتقع وتقوم فتح باب الشقه وخرجت اتخبطت ف بطنها كتير من كتر الوقعات مش حاسه بنفسها ودموع سيول نازله من عنيها مسكت بطنها ابتدت تحس بوجع وكان فى نقط دم نزلت منها
وقفت تاكسى وقالتله ع العنوان وطول الطريق ماسكه بطنها انهيار فى العياط
من وجع ال ف بطنها ووجع ال فى قلبها ومش مصدقه ان مهاب كدب عليها وبيمثل وخانها .... نزلت من التاكسى بصعوبه وهى نازله كان ف دم كتير نزل منها وقفت قدام البيت وقعت وهى سانده ع البوابه ..هيثم كان واقف ف البلكونه شافها نازله تعبانه اتخض لاقاها واقعه نزل بسرعه عليها راح قرب منها لاقاها شبه فاقده الوعى وبصى ع مكانها لاقى دم كتير بسرعه اخدها وراح بيها المستشفى ودخلت عمليات وكانت حاله حرجه وكانوا عاوزين حد من اهلها اتصل بسرعه بخالتها واتصلت خالتها ب مهاب
خالتها بصوت عياط: مهاب الحقنا يا مهاب رقيه ف المستشفى
مهاب سمع رقيه ف المستشفى اتفز من مكانه وساب سهر من غير كلام ونزل بسرعه ركب عربيته راح المستشفى
سهر قامت وهى نازله ع السلم شافت نقط دم عليها فضحكت ضحكه خبيثه : كده لعبتك يارقيه خلصت
فى المستشفى كانت مقلوبه لان شبه دمها اتصفى من النزييف وعاوزين فصيله دمها هيثم راح يديها لاقاها غير متتطابقه
دخل مهاب خايف ومرعوب ومخضوض شاف مامته بتعيط
مهاب: ماما ..فى ايه رقيه مالها
هيثم واقف وباصص لمهاب وهو مش طايقه من غير ما يعرف حاجه
الممرضه خرجت هيثم راح ناحيتها وبعصبيه: نقلتوا دم ولا لسه قوليلى فين وهروح انتم اتاخرتوا اوى
مهاب سمع نقل دم راح بسرعه لممرضه: نقل دم ليه ونوعه ايه
قالتله الممرضه وطلع نفس فصيله دم مهاب دخل من غير تفكير واخدوا منه دم وابتدت العمليه وكانت صعبه لان الجنين مات ورقيه نزفت كتير ....
فضلت رقيه تحت الرعايه وفضلت فتره نايمه بسبب المهدئات ومهاب فضل سهران معاه ومسبهاش ولا يوم فى يوم قاعد معاها وماسك ايدها
ابتدت رقيه تفوق مهاب لاحظ
مهاب : رقيه حمد الله ع سلامتك
رقيه بتجمع نفسها بصت ع مهاب ودموع نزلت من عنيها : طلقنى .....!!
__________________________
يتبع
ليست هناك تعليقات:
إرسال تعليق