فى يوم كان عامر موجود فى نفس البلد الل فايها فاطيما كانت طالعه فيها رحله وكانت وعدته ع عزومه ياكلوا مع بعض يعنى اتفقوا يتقابلوا هى وعامر والمجموعه فى مطعم ويتعشوا بره وكانت هى عزماهم
عامر: العزومه دى ع حسابى
فاطيما: لا يا مستر انا الل عزمتكم مينفعش كده
عامر: خلاص مش هاكل
فاطيما: يوووه بقى والله ما تحلف خلاص ادفع انت
ابقى تعالى كل يوم
ضحك عامر : فعلا مبعرفش اكل غير فى وجودك .. بتفتحى نفسى ع الاكل
فاطيما: ليه شايفنى فاطيما فاتح لشهيه
عامر: واكتر انتى مش حاسه بقيمه نفسك ولا ايه
فاطيما بتضحك: من تواضع لله رفعه يا مستر
وابتدت فاطيما تاكل واصحابها بياكلوا وبتكلموا لاحظت فاطيما عامر مبياكلش وبيبص عليها .. فاطيما: مالك يا مستر
عامر مبتسم : طريقتك فى الاكل طفوليه اوى يا طيما
فاطيما : ازاى
عامر: كام مره الل اكلت معاكى فيها غير الاكل الجاهز سندوتشات
بلاقيكى بتقطعى الفراخ او اللحمه ع المكرونه او الرز وتخلطيهم وتاكليه
بجد بحس بطفله بتاكل
فاطيما سابت المعلقه : ياريت ارجع طفله .. عموما احنا كلنا اطفال جوانا طفل بايدنا نعيشه او نموته يا مستر ..وبعدين انت بترقبنى ولا ايه لالالا
كده نفسيتى هتتعب وهاكل اكتر وهتدفع اكتر بقولك اهو انت الل هتضرر
عامر : لالالا براحتك ع الاخر حتى بصى انا هاكل زيك
قام عامر ساب الشوكه والسكينه ومسك قطعه اللحمه وقطعها وحطها ع الرزوعليه سلطه واكل زى فاطيما بالظبط فاطيما باصه بااستغراب .. راحت حطت قطعه لحمه ف لقمه عيش وعليه سلطه ومسطرده ومايونيز
واكلتها لاقت عامر عمل زيها بالظبط وع وشه علامه سعاده وابتسامه ..
فاطيما بتضحك: القعده قلبت اطفال خالص
عامر شافها بتضحك ع تصرفاته : ابتسامتك حلوه يا طيما بجد
فاطيما: ميرسى يا مستر دا من ذوقك
عامر: وعندك نغزه جميله ف خدك بجد جميله اوى لما بتضحكى
اى حد هيشوفها هيعجب بيها
فاطيما افتكرت كلام معتز ع نغزتها حاولت تتمالك نفسها
فاطيما: مش جميله ولا حاجه يا مستر انت عارف ان النغزه دى تشويه ف الوش نتيجه عضله كسلانه فعملت الفراغ دا ..يعنى مش جميله ولا حاجه
او لو بايدى كنت شيلتها خالص.. خالص
عامر مستغرب من رد فاطيما وطريقه لمسها لنغزه: فاطيما ربنا مخلقش حاجه وحشه مينفعش تقولى كده .. وغير كده لو مش عاجبه اى حد كفايه انها عجبانى ولا ايه
فاطيما لفت وشها وماسكه خدها: اتفضلها يا مستر متغلاش عليك
عامر ضحك: لا مش محتاجها انا معايا صاحبتها كلها
فاطيما: مش هناكل الحلو ولا ايه مكانه فاضى
عامر : ثوانى وهيجى
وكان مجموعه عاملين يتكلموا والل خرجوا يتمشوا ...وبعد شويا عامر كان طول القعده عينه ع فاطيما وبيناكف فيها وبيضحك وفاطيما معاه
عامر فاجاءه: طيما انتى مرتاحه ف الضيافه
فاطيما: الحمد الله .. اهو بتفسح انا ف مصر بقعد ف بيتنا مبتحركش
عامر: طيب لو جتلك شغله تانيه بفسحه برضه توافقى
فاطيما وهى بتشرب وقفت بصتله قلقت ليكون معتز هو الل عمل كده علشان يمشيها
فاطيما: ليه هو فى حد اشتكى منى
عامر: لا خالص بس فى مكان تانى بفرصه احسن وانا عاوزك تروحيها
فاطيما ملامح وشها متغيره: هترفدونى يعنى هتنهوا عقدى معاكو
عامر بسرعه: لالالا خالص انتى واضح فهمتى غلط
انا عاوزك تشتغلى معايا
فاطيما: معاك .. ازاى ؟
عامر: مساعده ليا .. سكرتيره.. مرافقه .. الل تعتبريه عاوزك معايا
تسافرى معايا مكان مااسافر وتساعدينى ف مقابلاتى وكده هو نفس شغل الضيافه سفر كتير بس الفرقه انك هتكونى معايا وانا محتاجك ايه رأئيك
فاطيما بتجمع :بس انا معرفش شغل السكرتريه دا ..انا هبوظ الدنيا
انت محتاج خبره وشهادات ..انا معايا ليسانس حقوق بتقدير مقبول يعنى نجحت بدعى الوالدين
عامر بيضحك: اهو خفه دمك ومرحك وتلقائيتك دى شهاده كتير مفتقدينها
وغير كده انا مبعرفش اكل فعلا غير معاكى .. يرضيكى اتعب يعنى تانى هتشيلى انتى الذنب
بتضحك فاطيما: لا متتلككش يا مستر مش مستهله يعنى
عليا كل فتره اعزمك ع حسابك وهظبطك
عامر : فكرى يا طيما وردى عليا بجد هكون مبسوط وانت معايا
ومش هتتعبى اوعدك لانى محتاجلك .. فكرى
فاطيما مش عارفه تفكر حاجه مكنتش تتوقعها ومعرفتش تقول ايه
ندهت هاله ع فاطيما توريها حاجه بره المطعم فخرجت معاهم وعامر قاعد بيبص عليها من ورا الازاز وكان اطفال موجودين فكانوا بيلعبووا معاهم وعامر ابتسمته مبتغبش .. شويا وجاله اتصال من رويدا لانها كانت موجوده ف نفس البلد ف الوقت دا :
عامر: رودى
رويدا: عامر ..انت فين
عامر: انا ف مطعم ستار مع المجموعه
رويدا: كنت بسألك اتغديت ولا لا انا ومعتز كنا بنلف وقلت نتغدا سوا
عامر: تعالى هطلبلكم الغدا عقبال ماتيجو
رويدا: 10 دقايق وهنكون عندك
قفلت رويدا مع عامر ورجعت فاطيما وهاله وبنتين ع الترابيزه
فاطيما: عسل اوى الاطفال دول معرفش انا بيجبوهم ازاى
عامر بيضحك: نعم .. متعرفيش
فاطيما تنحت : لالالا مقصدش كده انا اقصد حلويين كده ازاى
انا شوفتهم واتصورت معاهم لعل وعسى يبهتوا عليا ...
عامر: ليه هو انتى وحشه ولا ايه
فاطيما بتناكه : معاك الاميره فاطيما بنت ابى الجمال
ايه يا مستر ركز .. انا ااقل واحده فى المجموعه جمال
عامر شاورلها قربت و قرب منها وبصوت واطى : لو ع الجمال الخارجى كله ميكب ولينسيز وشعر معمول وفترته متحدده وهيروح انما الجمال الداخلى المضمون الل بيعيش والل بيكون جميل من جوه بيبقى اجمل من بره
وانتى اجملهم لانك مش زيهم
بصت فاطيما وبخبث: يارافع معنوياتى يا مستر بس لو سمعوك هيعلنوا عليك الحرب تحب افتن عليك واتفرج اصل انا ف الخير صاحبته كده لزم
عامر : ليكى ايس كريم عندى
فاطيما: بقولك انا والخير لزم
عامر: وشيكولاته بالكميه الل انت عاوزاها بلاش انا مش قدهم
فاطيما بصوت: عارفين يا بنات مستر بيقول ايه عليكم
عامر : طيما
فاطيما: بيقول ماشاء الله عليكم قمرات تتخطفوا خطف بيحسد نفسه انكم ف الشركه
البنات اتحرجوا واتكسفوا وعامر ضحك: طبعا طبعا
فاطيما مالت عليه: نتعشى انهارده بيتزا ع حسابك يا مستر والا
عامر ضحك : وانا موافق
وهما بيضحكوا ف اللحظه دى دخلت عليهم رويدا ومعتز ومعتز شاف فاطيما بتضحك ومبسوطه مع عامر ملامحه اتغيرت
رويدا: مساء الخير
فاطيما اول ما شافت معتز ورويدا ملامحها اتغيرت وحاولت تتمالك نفسها
قعدوا وطلبوا الغدا ليهم و فاطيما بتاكل ايس كريم هى وعامر وكام حد معاهم فاطيما سكتت وباصه ل كاس الايس كريم مبتتكلمش
رويدا: مالك يا فاطمه ..اقصد فاطيما
عامر بيضحك: هى طيما كده لما بتشوف حاجه بتحبها بتركز معاها وبتنسى الكل
معتز وهو بيشرب القهوه: واضح يا مستر عامر انك عارف فاطيما كويس
فاطيما بصت بنص نظره ل معتز وع كلامه .. عامر: طبعا واعرف اكتر
بس دى اسرار ولا ايه يا طيما
فاطيما بتبتسم: طبعا يا مستر اسرار بينا وبس
معتز اضايق من طريقه فاطيما ..معتز: طيارتك الساعه كام يا مستر عامر
عامر: كمان 3 ساعات ..ياخساره الوقت الحلو بيمر بسرعه
معتز بيضحك: الحلو بيتاكل بعد الغدا
الكل ضحكوا الا فاطيما واضايقت انه بيألش ع عامر
فاطيما: تسافر بالسلامه يا مستر هتوحشنا
عامر: كان نفسى تكونى معايا بجد يا طيما
معتز متفاجئ: معاك ازاى
عامر: اه صح انا عرضت ع فاطيما تكون مساعده ليا وهى...
فاطيما قاطعته : وافقت .. موافقه يا مستر .. موافقه اكون معاك
معتز اتصلب من الجمله وبص لفاطيما ..
هاله: اخس عليكى يا طيما مش تقوليلنا كده
عامر بص لفاطيما: بجد .. ولا ايه مفيش هزار
فاطيما: اوعدك السفريه الجايه هكون مع حضرتك هكون ظبطت امور شغلى علشان مينفعش اسيبه فاجاءه كده ولا ايه يا مستر معتز
معتز بملامح متغيره: اه .. اه
رويدا: بس ياترى فاطيما عندها مؤهلات تنفع لمكان دا
عامر: عندها مؤهلات مش عند حد و انا شايفها تنفع ودا كفايه يا رودى
رويدا: اه .. بالتوفيق
معتز حاول يتمالك نفسه مقدرش استأذن يعمل مكالمه وخرج ولع سيجاره وبيشربها بعصبيه : وبعدين .. وبعديين
وفضلت فاطيما تتكلم مع المجموعه وعامر ومتجاهله كلام معتز لما رجع ... !!
خلصت فاطيما اجراءات ترك شغلها ف الضيافه وابتدت تجهز لشغل الجديد مع عامر كمساعده ليه وهى بتسلم ع اصحابها دورت ع احمد وكان ف كافيه جنب الفندق راحتله
فاطيما: ممكن اقعد
احمد: اتفضلى يا طيما
فاطيما: انا هسيب الضيافه وهشتغل ف الشركه مع مستر عامر
احمد: اه عرفت ..ربنا يوفقك مستر عامر شخصيه محترمه جدا
فاطيما: اه ا انا عارفه ودا مريحنى نوعا ما
احمد: ربنا يوفقك
فاطيما عاوزه تفتح كلام مع احمد : احمد انا عاوزاك تعرف حاجه ان الل جرحك بنفس السكينه هينجرح مهما طال وقت صدقنى ..
احمد بملامح حزن : ازاى يا فاطيما بس انا خلاص فقدت الامل .. الانسان الكويس ملوش مكان ف الزمن دا .. اتاكدت ان الخبيث والكذاب والمنافق هما الل عايشين
فاطيما مدت ايديها: متقلقش كده يااحمد وساعدى نلحق رويدا ونرجع معتز لمكانته الاولاانيه
احمد مستغرب: انا وانتى
فاطيما: السكينه الل وجعك بيها ..انا اتوجعك بيها زيك واكتر كمان
وابتدت فاطيما تحكى ل احمد مختصر عن علاقتها مع معتز
كلام فاطيما ولهجتها أثر فيه جدا وحفزه جدا : انا معاكى يا طيما ف الل هتعمليه مهما كان
فاطيما: بص هنعمل ايه وهنتواصل مع بعض ازاى ...
وفضلت فاطيما تتكلم مع احمد لمده ساعه ونص ومشيت ع اتفاقهم مع بعض ...!!
ابتدت فاطيما شغل المساعده مع عامر وكان اول يوم دخل عامر المكتب وقعد دخلت وراه فاطيما لابسه فورمال (رسمى) ونظاره نظر والحجاب الطبيعى بتاعها وماسكه ورق وقلم ..عامر اول ما شافها ضحك
عامر: ايه دا يا طيما
فاطيما: انا المساعده مدير التنفيذى طيما يافندم وربنا يستر
عامر: انتى بتتكلمى كده ليه وايه الرسميه دى
فاطيما بصت ل عامر: اوفر صح
عامر بيضحك: جدااا
فاطيما فكت : ماهو انا معرفش المساعده دى دورها ف الحياه ايه .. قلت اعمل زى الل بشوفهم ف التليفزيون بيبقوا لابسين فورمل كده ونظاره ومعاه الورق دا والقلم معرفش انا بيعملوا بيهم ايه
عامر قام ومسك ايد فاطيما وقعدها قدامه: اسمعينى انا عاوزك ع طبيعتك ممتتجمليش انتى نسيتى لكذب والنفاق والمجاملات مبحبهمش ..المصارحه.. خليكى زى ماعرفتك خليكى طيما
فاطيما: يعنى اشيل النظاره دى
عامر بيضحك: معان شكلك كيوت بيها بس شليها
فاطيما : كانت عامالالى حول والله
عامر وقف: جهزى نفسك هنسافر ع ايطاليا كمان 4 ساعات جواز سفرك هيبقى قدام ف خلال ساعه تمام يا مساعده المدير
فاطيما: تمام يا سياده المدير
ضحك عامر وخرجت فاطيما وقال : حياتك اتغيرت ياعامر وبقى ليها طعم
وابتدت فاطيما شغلها مع عامر تسافر من بلد لبلد معاه وكل وجبات الاكل فاطيما وعامر مع بعض وبقت فاطيما تهتم باابه ينفع ياكله عامر وايه لا وف نفس الوقت ع تواصل مع احمد ع الل اتفقوا عليه ..وبقى عامر قريب لفاطيما جدااا ودا حاجه مفرحاه جداا .. فى يوم كانوا سافروا الهند وبعد حضور عامر الاجتماع بص ع الساعه وكان لسه بدايه النهار
عامر: طيما
فاطيما: ايوه
عامر: احنا مفيش مواعيد تانى انهارده
فاطيما ماسكه تاب : لا وطيارتنا بكره الصبح الساعه 8 الصبح ع طيارتنا من رحله هتقوم من هنا
عامر : كويس .. انا جعان يا طيما
فاطيما حطت ايديها ع معدتها: متفكرنيش يا مستر انا عماله اكل ف بسكويت لغايه ماخلاص هبوش زى البسكوته وهى بتغرق ف كوبايه الشاى ولم تجد من يعطف عليها بمعلقه
عامر بيضحك وقام وقف : يلا بينا ليكى عندى فسحه هتحلفى بيها
فاطيما: ايوه بقى يا مستر هو دا الكلام
عامر : يلا بينا
عامر كان مخطط لخروجه و اخدها وراحوا ع مطعم وطلبوا الاكل وقعدوا ياكلوا
فاطيما بتاكل: فعلا الاكل الهندى سبايسى اوى يهدهم ايه النار دا
عامر : مش انتى الل طلبتى اكله هندى اصيله كلى بقى
فاطيما: ماشى يا مستر فرحان فيا ماشى
عامر : لو عاوزه نغير الاكل مفيش مشاكل
فاطيما بصت ع الاكل وكان كتير : تغير ايه ايه التبذير دا .. انت باباك سعودى بس واضح عرق المصرى بتاع مامتك واصلها المصرى بيجرى فيك .. هما المصريين كده يعشقوا التبذير .. احنا هناكل الل طلبناه مش كفايه انك طلبت كتير
عامر: لو كان ينفع اجبلك كل الل ف المطعم كنت جبتله.. انا شهيتى من وقت ما عرفتك مبقتش اقدر اسيطر عليها وبقيت احسن من الاول بكتير ف حاجات كتير .. فمهما عملت مش كتير عليكى
فاطيما: ع كده انا فاهمه شغلى غلط.. انا شغاله فاتح لشهيه مش مساعده
عامر بيضحك: انتى كل حاجه عندى
فاطيما هزرت: يخليك لولايا
وهما بياكلوا فتحت فاطيما سيره معتز: مستر
عامر: ايوه
فاطيما: انا ملاحظه انك مش علاقتك كويسه مع مستر معتز هو حضرتك كنت رافض ارتباطه مع مسزز رويدا
عامر: مش حكايه مش كويسه علاقتى انا اتفاجئت بوجوده وسطنا واحنا منعرفش عنه حاجهوتعلق رويدا بيه السريع مسبتش قدامى فرصه اسأل واهتم هى بتحبه وعاوزه وانا مبحبش اجرح اختى وهى حره ف قرراتها وهى سعيده ودا كفايه عندى
فاطيما بصت لعامر : مش معنى انك بتحب اختك انك تسيبها تأذى نفسها
عامر: مش فاهم
فاطيما انتبهت لكلامها : اقصد يعنى الارتباط الرسمى حاجه غير الطيارى
الارتباط الرسمى انت بتتاخد شخص ملموس عارف جواه وخارجه ايه
هتعيش معاه وهيبقى جزء من العيله ..علشان كده الاحتراس واجب والانتباه ف الاختيار .. مش شخص هتقضى معاه يومين فرى وفركش بعدها ... هبسطهالك اكتر باللغه الل انت تفهمها الفرق بين الطياره الحديد الكبيره الل بنركبها والطياره الورق الطياره الحديد طياره حقيقيه شكلا وملمس ومضمون وحقيقيه وطبيعه لكن طياره الورق دا وهم ..خيال مش حقيقى حاجه كده لتسليه نتفرج عليها مجرد خيط ضعيف رابطها بالسما وليها حدود ومع اى خبطه بتتقطع ومش بتوصلنا لحاجه ومش متنينه
فالشخص الل هتربط بيه نفسك وحياتك لازم يكون شخص حقيقى بعيد عن الاحلام والخيالاات لان الحياه واقعها اكبر من احلامنا يا مستر والارتباط مش سهل دا اصعب ما يمكن ان تختار شخص الل هتكمل معاه حياتك مش هتتفسح معاه ... تفرق لان الجرح بيفضل العمر كله لو حصل
عامر مبهور بكلام وفلسفه فاطيما: اللى يسمع كده يقول عليكى بتتكلمى نتيجه تجربه حصلتلك
فاطيما اتوترت: لا خالص وهتحصل امتى ..انا لما هعوز اركب هختار الطياره الحقيقيه مش الورق الورق لفرجه لكن الحقيقيه لحياه ..دا الل اتعلمته من الل شوفته
عامر: شوفتيه
فاطيما انتبهت: شوفته حواليا تجارب الغير لموعظه مش لفرجه بس
عامر ابتسم : وعلشان كلامك دا قومى بينا نروح مكان
فاطيما: والحلو ..الحلو
عامر: هناكله ف مكان تانى يلا
قامت فاطيما وعامر وراحوا ع مكان فى بير مايه وناس بتشرب منه
راح عامر ملى كوبايه مايه وشرب منها واداها لفاطيما تشرب منها
فاطيما: ايه دا
عامر: اشربى بس
فاطيما شربت ..: ايه دا بقى
عامر:ف اسطوره بتقول ان المايه دى عذبه طبيعيه الل بيشرب منها ويتمنى امنيه بتتحقق هو والل معاه
فاطيما : بس انا متمنتش
عامر بصلها: لكن انا اتمنيت يلا بينا
فاطيما مش فاهمه حاجه .. ومشيت معاه وكملوا جولتهم ورجعوا الفندق وتانى يوم سافروا ع الشركه الرئييسه ف السعوديه ..مرت فتره وسلمى وماريا جه ميعاد ولادتهم وولدوا وفاطيما عاوزه تشوف الاتنين بس معرفتش
فبعدها بااسبوع نزلت مصر مع عامر وراحت ل ماريا وماريا جابت بنت وسمتها مريم
فاطيما: يا طعمتها يا ناس ايه الجمال دا يا مريومه
مستحيل يكون من ابوكى وامك ..اكيد من خالتو طيما صح يا صغننه
ماريا بتضحك: هى انتى البت مبتفصلش رضاعه خلاص شفطتنى وحولتنى لبقره متنقله ..يخربيته الوحم لما اتوحمت عليكى
فاطيما بتضحك : هى تعمل براحتها الل هى عاوزاه وكلى براحتك يا مريومه واكبر شويا و انا هكحرتهالك
ماريا: لا ياختى شدى حيلك واتجوزى واتكحرتى براحتك
فاطيما: لا مش هفكر انا ف جواز مش عاوزه
ماريا: ليه يا بنتى تعملى كده
فاطيما :ممكن تقولى اتعقدت
ماريا: مش عامر سينجل برضه ومهتم بيكى وكده متشوفى مش هتخسرى
فاطيما بسرعه : لا عامر لا ..مينفعش عامر مساحته الموجوده ف حياتى لغايه ما انفذ الل عاوزاه اكتر من كده مش هينفع علاقتنا معروفه لالا
ماريا: خلاص خلاص .. بمناسبه الكلام دا انتى حكيتى ل احمد ع علاقتك بمعتز ليه مش قلقانه انه يعرف الكل وكده هتأذى نفسك
فاطيما: لالالا متقلقيش انا واثقه مش هيحصل
ماريا: ودا ازاى يعنى
فاطيما: اولا فكرت فكانت الطريقه الوحيده الل تخليه يساعدنى انه يعرف الل حصلى ..دايما المدبوح بنفس السكينه بتعاطف مع الل زيه ويساعده لانه حاسس بنفس الوجع وبيحافظ ع سره لانه بيحس انه اتغدر بيه ... واحمد من الشخصيات المحترمه جدا برغم انفصاله عن رويدا الا انه متكلمش مع اى حد عنها بكلمه ابدا وكان بيسكتهم .. لو كان طبعه وحش كان استغل الفرصه وشهر بيها ف الشركه وهو قادر يعمل كده ...
ماريا: وهيساعدك ازاى بقى
فاطيما: هيدور ورا معتز وشغله ويمسك عليه اى غلطه واحنا هنكبرها وبسببها ينطرد من الشركه قبل ما يتمم الجوازه مع رويدا
ماريا: انتوا واثقين هتقدروا
فاطيما: اكيد ف غلطه عملها واحمد شغال ع كده وانا بحاول مع عامر بلمحله بكلام وعامر ذكى .. وقريب معتز هينطرد بفضيحه اكيد
خلصت فاطيما قاعده مع ماريا ورجعت ع شقتها وسافرت السنطه شافتهم ورجعت ع طول ومن انشغالها محدش عرف يقعد معاها ....!!!
واستمرت سفر فاطيما العادى مع عامر لفتره ومن الناحيه التانيه معتز كان مش مرتاح لتواجد فاطيما مع عامر لدرجه انه اتكلم مع رويدا
معتز: بقولك يا حبيبى
رويدا: ايوه يا حبيببى
معتز: مش ملاحظه انتى عامر متغير بقاله فتره طويله
رويدا: اه جداا ..من وقت ظهور فاطيما فى حياته وهو مبقاش زى الاول
معتز: انا بتكلم علشان انا قريب هكون فرد من عيلتك ومصلحكتكم تهمنى
رويدا: فى ايه يا معتز قلقتنى ليه كده
معتز: طريقه قرب فاطيما لعامر مش طبيعيه تحسى كده انها عاوزه توصل لحاجه مش بعيد تكون سألت وعرفت وضع عامر الصحى واستغلت قربه علشان تخليه يتجوزها مثلا
رويدا متفاجئه: انا مجاش ف بالى خالص كده انا قلت موظفه
معتز بيضحك: موظفه.. انتى ردى ع نفسك ف موظفه شوفتيها قربت من عامر كده
رويدا بملامح قلق: لا خالص برغم قربه ليهم
معتز: شوفى انتى بقى سبب قرب فاطيما لعامر بالشكل دا ايه
عامر زى اخويا الكبير ويهمنى زى ماانتى تهمينى .. قلتلك انتم عيلتى
رويدا: ميرسى يا معتز نبهتى قبل فوات الاوان ..انا هتكلم مع عامر وهخليه يمشيها يشغلها ف فى مكان وهدورله ع واحده تانيه امنيه تكون جنبه ... لالالا فاطيما لازم تمشى كله الا عامر
اترسمت ملامح فرحه ع وش معتز انه قدر يزرع الشك ف قلب رويدا اتجاه فاطيما وانها هتمشيها وهيبقى قرار رويدا بعيد عنه .. وقال فى سره: هتبعدى يا فاطيما عن عامر مش هقدر استحمل اكتر من كده
فى سفريه عامر مع فاطيما لنيوزلندا علشان هيفتح مكتب لشركه هناك سافر عامر وفاطيماوبعد ما خلصوا الشغل وحضر ميعاد فاطيما كانت قاعده ف الهوول مستنياه يتعشوا مع بعض وهى قاعده مستنياه حطت سماعات الهاند فرى وشغلت اغانى منير وكانت مبسوطه شافها عامر من بعيد
وقرب منها وقعد وفضل يبص عليها وهى مش حاسه كانت فاتحه موابيلها بتتكلم مع البنات واتفاجءت بعامر
فاطيما: مستر عامر خضتنى
عامر بيضحك: ايه الاندماج دا انا قاعد بقالى ربع ساعه محستيش
فاطيما: لا بصراحه منير والبنات فصلونى
عامر: لدرجه دى بتحبى منير
فاطيما: الكينج.. مين مبيحبش الكينج
عامر: انا كمان بحبه
فاطيما : الله ع ذوقك يا مستر من اول ما شوفتك وقلت ذوقك عالى اوى اوى .. تحب تسمع معايا
عامر : ياريت بتسمعى ايه
فاطيما شالت سماعه واحده من الهاند فرى وادتها ل عامر : اسمع يونس
شغلت فاطيما الاغنيه وابتدت تغنيها تحرك راسها وعاشت الاغنيه وعامر مبسوط وهو شايفها ومبتسم شويا وشال السماعه : طيما يلا بينا
فاطيما: هنتعشى
عامر: اه بس بره مش ف الفندق احنا طيارتنا الصبح
فاطيما: مش مهم فين المهم البى النداء
عامر بيضحك : يلا بينا
خرجت فاطيما مع عامر ولاحظت انه اخدها لمكان زى جبل كده ونزلت من العربيه لاقت ناس كتير موجوده وفارشه ف الارض وقاعدين
فاطيما: ايه دا هو احنا فين
راحوا قعدوا.. عامر بص ع الساعه: انهارده فى حاجه بتحصل كل 5 سنين مره سقوط نجم التمنى
فاطيما: مش فاهمه واحنا جينا هنا ليه انا جعانه
عامر: فى شهب بيقع من السماء ع الارض فى اسطــ......
فاطيما قاطعته: الاسطوره بتقول
عامر بيضحك: ايوه الاسطوره بتقول الل يشوف الشهب دا وهو بيقع ويتمنى امنيه بتتحقق
فاطيما: مستر عامر انت مندمج اوى ف الحاجات دى طيب بالله عليك ف حاجه من الل بتتمناها وتمنتها ف كام حاجه الل عملتها وحصلت واتحققت
عامر مبتسم: اه فى جزء منها بيتحقق
فاطيما: بجد .. ايه هى
عامر: هقولك بعدين لانه فاضله 4 دقايق بصى ع السما واتمنى
فاطيما : اكنك بتقولى بصى ع الحيطه وارفعى ايدك
عامر بيضحك: اسمعى الكلام
فاطيما: بس انا جعانه ..
عامر طلع علبه فيها كوكيز : سلى نفسك بدول لغايه ما نروح ناكل
فاطيما: اوكيه
عامر بيبص ع فاطيما ومبتسم وهى بتاكل : فاطيما ممكن طلب
فاطيما: عاوز كوكيز اتفضل
عامر : ممكن امسك ايدك
فاطيما تنحت : ها
عامر : وقت الامنيه بس ممكن وهرجعهالك
فاطيما بعد تردد : اوكيه
مد عامر ايده وحط ايديها فاطيما مع استغراب منها ومسك ايديها وبصوا ع السما وفعلا شافوا شهب بيقع غمض عنيه فاطيما عجبها اوى المنظر وعامر اتمنى امنيه وحست فاطيما بضغطه ع ايديها وهو مغمض عنيه
عامر فتح عينه وابتسم: يلا بينا
فاطيما جمعت نفسها : مش هتقولى اتمنيت ايه انت استعملت ايدى وايدى ليها حق
عامر: هتعرفى بعدين قريب هتعرفى
قامت فاطيما وهى مش فاهمه حاجه ومشيت مع عامر راحوا اتعشوا ورجعوا الفندق وعامر كان ف منتهى السعاده وفاطيما بتحاول تفهم ومش عارفه وقضتها اكل ونامت ..!!
فى يوم فاطيما وهى قاعده ف المكتب لاقت رساله من عامر طويله ع ايميلها وكان مختصرها انه هيسافر سفريه خاصه لمده 8 شهور وانه عاوزها تهتم بشغله واى حاجه تحتاجها تكلم رويدا وموضحش هو سافر فين وطلب منها متكلمهوش لانه هيقفل الخط وكتب ف اخر الرساله " اذا ربنا اراد اشوفك قريب هنتقابل "... استقرت فاطيما ف الشركه ف السعوديه اغلب الوقت وكانت بتسافر المكاتب ف البلاد التانيه تخاطيف ومتعرفش حاجه عن عامر ولاحظت ان معتز بيضحك لما بيشوفها لوحدها بعد ما اتعود يشوفها مع عامر فكانت بتتجنبهكل ما بيفتح كلام معاها ..معتز كان فرحان ببعد عامر عن فاطيما.. وخصوصا انه كان حاطط فاطيما ف مراقبه لخطواتها فى يوم فاطيما قاعده مع احمد وبيتكلموا
فاطيما: بتتكلم بجد يااحمد
احمد: زى ما بقولك معتز بيعمل صفقات وبياخد عمولات ع حساب رويدا
رويدا بتمضى ع حاجات وهى متعرفش ل ايه لو شافت هى الاوراق دى هتعرف انه بينصب عليها وعاوز فلوسها وواثق انها هتسيبه وهينتطرد
فاطيما فرحت: ايوه كده صح جدااا .. امتى الورق دا هيجهز
احمد: قريب جدااا واول ما يجهز هكلمك
فاطيما: اتفقنا
وكانت فاطيما فرحانه جداااا بالخبر دا ان نهايه معتز قربت ...
نزلت فاطيما فرع الشركه فى مصر لمده 4 ايام مقدرتش تروح السنطه وكانت بتكلمهم ومحمد وياسمين راحوا يطمنوا عليها يوم ورجعوا
فى يوم كانت فاطيما قاعده ف الشقه ف السكن تليفونها رن وكان رقم عامر تفاجئه ردت
فاطيما: مستر عامر
عامر: ازيك يا طيما وحشتينى
فاطيما:وحضرتك جدااا انا قلت نسيتنى ونسيت صوتى ..حضرتك فين كده وكنت فين كل دا و..
قاطعها عامر : عاوزك تلبسى وبعد ساعه هتلاقى عربيه مستنياكى تحت العماره هتجيبك لعندى وهتعرفى كل حاجه انتى عاوزاه وانا كمان عندى حاجه عاوز اقولهالك
فاطيما مش فاهمه: ها
عامر: زى ما سمعتى يلا هستناكى
فاطيما مش فاهمه حاجه وقامت تدخل اوضتها تفكر وماسكه كيس شيبسى كبير بتاكل فيه مستغربه من اسلوب عامر لبست وهى خارجه بصت ع الاكل الل كانت هتعمله وتاكله: مش هتاخر عليكم خليكوا هاديين عقبال ما ارجع
نزلت فاطيما وشافت العربيه ركبتها وراحت ع مكان مطعم ..دخلت فاطيما واستغربت ان المطعم فاضىمشيت مش عارفه فى ايه بصت لاقت عامر قاعد ف ترابيزه :
فاطيما: اوعى تكون خاطفنى يامستر
عامر بيضحك: وحشتينى
فاطيما: وحضرتك والله
راح عامر شد الكرسى ليها وقعدت قدامه :
فاطيما بتبص حواليها : قر واعترف كنت فين كل دا يا مستر ها
عامر باصص لفاطيما وساكت وهى بتتكلم وطلب الاكل وبيشوفها هى بتاكل وبتتكلم لاحظت فاطيما سكوته :
فاطيما: مالك يا مستر عامر مبتتكلمش ليه وانا مبفصلش
عامرمبتسم : وحشنى صوتك
فاطيما بتضحك: بجد ..انا قلت ال 8 شهور نسوك صوتى قلت بتفتكره ولا حاجه ..مقولتليش كنت فين ..
عامر مد ايده : ممكن ترقصى معايا الرقصه دى
فاطيما بتضحك: بتتكلم بجد .. مستر مالك
عامر : ممكن
قامت فاطيمابعد لماضه منها واول ماوقفو عمل اشاره بايده وابتدت ميوزك تشتغل وكانت اغنيه منير " صوتك "
عامر ميل ع فاطيما : اسمعى كويس الاغنيه دى وهتعرفى انا عاوز اقولك ايه
فاطيما بصت لعامر وابتدت الاغنيه ورقصوا سلو
صوتك وسط القلوب انا بعرفوا
صوتك مليون كمانجا بيعزفوا
صوتك ارق من النيا صوتك غنى مالى السكات
صوتك مفيش اى شعر يقدر حبيبتى يوصفوا
( بعد الكوبليه دا وموسيقى شغاله وفاطيما بتجمع الموقف ميل عليها عامر وقالها "وحشتينى " فاطيما اتفاجئت وبصت لعامر لاقته مبتسم وابتدا الكوبليه التانى )
خلينى اصرخ جوا حضنك من الحنان
وكل ما اصرخ زودى الاحضان كمان
املكينى اأسرينى اعبرى بيا الزمان
(بعد الكوبليه دا ميل ع ودنها تانى وقالها " محتاجلك " فاطيما متفاجئه وابتدا الكوبليه الاخير )
صوتك حبيبتى هوه بابى على الحياه
لو يتقفل يبقى حلم العمر تاه
اندهيلى اوهبيلى بايديكى دى شط النجاة
(قرب منها عامر وقالها بشويش " تتجوزينى ")
بصتله فاطيما اوى بعد ما سمعت الكلمه ومتفاجئه وقفت لحظات متنحه خلصت الاغنيه ومسك ايديها عامر وقعدها وقعد قدامها فاطيما متفاجئه وباصه لعامر اوى .. عامر مبتسم: انا عارف انك متفاجئه
بس ملقتش انسب من منير يوصلك كلام انا عاوز اقوله ان صوتك وضحكتك وكلامك وانتى نفسك بقيتى الحياه بالنسبالى .. وجودك غير كتير فيا .. بسببك سافرت اعمل عمليه كنت رافض اعملها معان نسبه نجاحها ضعيفه ..لكن ايمانى بربنا وبيكى وبحبى ليكى قوانى وعملتها وعاهدت نفسى لو ربنا كتبلى عمر اكملى بقيته معاكى يا فاطيما محتجلك.. "تتجوزينى "
فاطيما سامعه الكلام عنيها ملت دموع حاولت تتمالك نفسها من الصدمه الل متوقعتهاش
عامر : انا مش عاوز رد منك ..
خدى وقتك وانا مستنى ..مستنيكى يا فاطيما
فاطيما فاجئه وهى باصه لعامر : ممكن اروح
عامر: طبعا يلا بينا انا قلت الل عاوز اقوله ومستنيككى
قامت فاطيما تبص حواليها وركبت العربيه ساكته هى وعامر وحاسه برعشه ف جسمها وتوتر غريب ..
وصلت البيت عامر بصلها وقالها: خدى وقتك ..وانا مستنيكى ..
طلعت فاطيما مش مجمعه اى حاجه ومش عارفه تعمل ايه حاجه كانت غير متوقعه ...!!
رجع عامر فرحان ع شقته ودخل اتفاجئ بوجود رويدا :
رويدا جريت عليه واترمت ف حضنه: اخص عليك يا عامر اعرف من الغريب انك سافرت لندن تعمل عمليه ينفع كده وتكون لوحدك
عامر باس راسها وحضنها واخدها وقعد: امسحى بس دموعك دى انا مكنتش لوحدى ربنا كان معايا ومحبتش اقلقك ولا اعرضك لموقف صعب لو حصلى حاجه
رويدا: الف سلامه عليك المهم انت كويس
عامر بسعاده: جدا جداا ..طمنينى عليكى ايه اخبارك .. وكنتى بعتالى رساله عاوزانى ف حاجه مهمه خير
رويدا: اه صح .. كنت عاوزه اتكلم معاك بخصوص فاطيما
عامر: مالها
رويدا: بفكر انقلها لمكان تانى واجبلك واحده تانيه كفاءه عنها
عامر : نفس تفكيرى
رويدا فرحت: بجد.. طيب كويس انا هشوفلها مكان كويس ومناسب ليها
عامر: متتعبيش نفسك انا خلاص لاقيت المكان
رويدا: فين
عامر بيبص حواليه: هنا
رويدا: نعم
عامر: انا قررت اتجوز فاطيما ونعيش مع بعض
رويدا متفاجئه: فاطيما.. ازاى فى المده القصيره دى وانت تعرفها منين ولا خلفيتها ايه علشان تتجوزها ياعامر
عامر: الل اعرفه انها ساعدتنى كتير عن غيرها مفكرش فيا ..الل اعرفه انى بحبها ومحتجلها جنبى ومعايا ..الوحيده الل ردت الحياه ف قلبى الل كان بيموت و الل اعرفه انى حر ف اختيارى يا رويدا زى مااختارتى معتز وموقفتش قصادك علشان بتحبيه
رويدا معرفتش ترد : انا ماشيه
عامر باابتسامه: الله يبارك فيكى
خرجت رويدا متنرفزه ومتعصبه كلمت معتز وحكتله ومعتز اول ما سمع الموبيل وقع منه ومش مجمع من الصدمه ومكنش عارف هيعمل ايه فااخد اول رحله وراح لفاطيما تانى يوم مكان السكن ..رن الجرس وفتحت هاله
هاله: مستر معتز
معتز: فاطيما موجوده ياهاله
فاطيما سمعت اسمها: ايوه... معتز
معتز: ممكن 10 دقايق من وقتك ضرورى هستناكى ف الكافيه الل ع اول الشارع
فاطيما متفاجئه ونزل معتز وهى لبست ونزلت تقابله ...
فاطيما قعدت وملامح حاده ع وشها: خير يامستر
معتز بملامح توتر وقلق: من غير مقدمات متتجوزيش عامر يا فاطيما
فاطيما اتفاجئت انه عرف والموضوع كان بليل : نعم
معتز مش ع بعضه : متتجوزيش عامر .. ارجوكى
فاطيما: والسبب
معتز بيجمع نفسه : لانى بحبك ومش هقدر اتخيلك مع شخص تانى
سمعت فاطيما الكلمه: نعم
معتز:انا عارف انى وجعتك بس والله من غير مااقصد .. انا بحبك يا فاطيما ومحبتش غيرك ..وارتباطى ب رويدا ارتباط مصلحه صدقينى ولو انك جيتى وعملتى الل عملتيه كان زمانى ظبطت امورى واتقدملك
فاطيما سامعه ومتفاجئه ضحكت: انت بتهزر
معتز بصوت متوتر ومش طبيعى: انا بحبك يا فاطيما اقسم بالله ماحبيت غيرك بلاش تحطينى ف موقف دا مش هستحمل اشوفك مع حد تانى .. انا قريب هروح اتقدملك انا ..انتى بتحبينى انا يا فاطيما مبتحبيش عامر ..انا عارف عنك كل حاجه
فاطيما قاعده مربعه ومستغربه تصرفات الغير طبيعيه لمعتزوراسمه ابتسامه :عارف عنى كل حاجه ومع ذلك وجعتنى وسيبتنى واتخليت عنى بسهوله وسلاسه وعشت حياتك .. معتز انت انسان مش طبيعى بجد انت عايش تجرح ف الناس علشان نفسك ..انانى مبتحبش غير نفسك.. انت لا حبيتنى ولا بتحب رويدا ولا بتحب نفسك الل بينى وبينك انتهى خلاص وانت الل نهيته بايدك انا كنت معميه وفتحت
معتز: متتجوزيش عامر يا فاطيما انا هموت بجد
فاطيما ضحكت: جرب ودوق يا معتز من الكاس الل شربتهولى
انت ملكش حق تتدخل ف حياتى ولا قررارتى .. وبعد اذنك مش عاوزه اشوفك عند بيتى تانى
ومشيت فاطيما وجواها غضب كبير ووجع قلبها زاد من تصرف وكلام معتز ومعتز حس بندم ووجع .. طلعت فاطيما الشقه دخلت اوضتها متغيره ومتعصبه وفى حاله غضب وتفكير مشلول وتفكيرها منحصر فى ازاى توجع معتز .. اتصلت ب عامر واول ما قال الو
فاطيما: انا موافقه يا عامر ع طلبك .. وهحدلك ميعاد مع اهلى
فرح عامر بالخبر وقفل وفاطيما : جرب يا معتز الل عملته
وفعلا فى اقرب وقت قابل عامر اهل فاطيما وفرحوا بيه جدااا لكن توحا وسلمى وماريا كانوا رافضين الجوازه ..
سلمى: انتى بتستهبلى صح
ماريا: مينفعش كده ..الموضوع قلب جواز
فاطيما: مش هرجع ف قرارى لازم اشوفه قدامى بيتقطع من الوجع الل خلانى اعيش فيه
سلمى : فوقى يا فاطيما انتى فاهمه هتعملى ايه فى عامر
فاطيما: انا عارفه هعمل ايه ف معتز وهو لسه مشفش حاجه..انا عارفه بعمل ايه محدش يكلمنى
خرجت فاطيما من المحادثه :
ماريا: فاطيما ف حاله غضب وقررارت غلط
سلمى: هتدمر نفسها وهتأذى معاه شخص ملوش ذنب
ماريا: ندعيلها ربنا يسكن قلبها
سلمى: يارب قبل فوات الاوان واحنا مش هنسيبها
فى فتره قصيره جهزت فاطيما والفرح كان ف قاعه كبيره ودخلت القاعه وهى ماسكه ايد باباها ل عامر وع وشها ابتسامه وعامر مش مصدقه نفسه ان اللحظه الل اتمناها اتحققت ... راح شال الطرحه من ع وشها وباس راسها واخدها من باباها وماشيه فاطيما بمنتهى الثقه والابتسامه ع وشها وماريا وسلمى وتوحا مش موافقين ع تصرفتها .. شافها معتز وهى ف ايد عامر حاول يتمالك نفسك ولاحظت فاطيما تغيير ملامح وتصرفات معتز وفرحت وخصوصا لما شافته خبط ع صدره وخرج بره الفرح .. وعامر مكنش مصدق الل حصل وفضل طول الفرح باصص ع فاطيما وبيبوس ايديها وفضل ماسكها طول الفرح والجميع لاحظوا انه محسش بوجدهم وكان دايما بيبص ع فاطيما بس مش شايف غير فاطيما بس ... وفاطيما فرحانه ف معتز .. واوحت لجميع انها سعيده .. خرج معتز من القاعه ومشى بعيد ومره واحده صرخ فى الهوا " اه ه ه ه ه ه ه ه ه" ووقعد ع ركبته ع الارض وحاسس بوجع رهيب وبيقول: انا السبب ..انا الل عملت كده فينا ..انا الل ضيعتها
فى الوقت دا فاطيما كلمت هاله قالتلها تكلم احمد ويبعت الفايل ل رويدا ع البيت الل فيه الورق يوم الفرح .. روحت فاطيما البيت هى وعامر
واول ما دخلوا فاطيما حاولت ترسم ملامح السعاده لكن عامر كان عايش السعاده فعلا لانه حاسسها
عامر: نورتى حياتى كلها يا طيما
فاطيما: ها
عامر: انا عارف الموضوع جه بسرعه بس صدقينى اوعدك انى عمرك ما هتحسى بندم ع قرارك دا
فاطيما باابتسامه: ان شاء الله
عامر : ادخلى غيرى هدومك واتوضى وتعالى نصلى ركعتين لله يجمعنا بيهم بالخير ونبدء حياتنا بيهم
فاطيما متوتره: ها.. اه ..حاضر حاضر
دخلت فاطيما الاوضه ومتوتره وقعدت ع السرير : وبعدين يا فاطيما
هتعملى ايه ... هتقدرى تكملى
غيرت فاطيما وراحت اتوضت وراحت ل عامر لاقته بيصلى استغربت وافتكرت الفروض اليوم
خلص صلى وسالته: انت بتصلى ايه العشا ولا المغرب
عامرمبتسم : بصلى ركعتين شكرا لربنا انه حققلى امنيتى وجمعنى بيكى وبقيتى حلالى
فاطيما مش عارفه تقول ايه : لدرجه دى كنت بتتمناها
عامر: من وقت ماعرفتك ف كل فرض وصلى يلا بينا نصلى مع بعض ركعتين وندعى ربنا يهديلنا حياتنا ويرزقنا ذريه صالحه
فاطيما متفاجئه : يلا
وروحت رويدا البيت واول ما وصلت شافت الفايل بالاوراق الل استعملها معتز بامضتها وهى متعرفش عنهم حاجه واستغل امضيتها ومكانها ف الشركه واتفاجئت بيهم ....!!
______________________
يتبع
ليست هناك تعليقات:
إرسال تعليق