تانى يوم وفاطيما مع ماريا ف الكوافير علشان بتعمل لون لشعرها
وهما قاعدين فاطيما كانت عماله تتكلم مع صاحبه الكوافير لانها معرفه وبتهزر ... موابيلها رن وكان معتز بصت بااستغراب وخرجت بره المحل ترد ...
فاطيما: الو
معتز: طيما ..ازيك
فاطيما: معتز.. الحمد الله تمام وانت
معتز: الحمد الله
فاطيما: انت سافرت ولا ايه
معتز: اه سافرنا قريب ماما اتوفى وحضرنا الدفنه والعزاء بعد العشا بليل
وخرجت بشرب سيجاره قلت اكلمك
فاطيما : ..البقاء لله
معتز: الدوام لله ..انتى فين كده صوت اللى حواليكى دوشه
فاطيما: انا ف الكوافير مع ميمى تظبيطات الخطوبه بقى
معتز: عقبالك
فاطيما: ميرسى
معتز: طيب عاوزه حاجه
فاطيما: لا شكرا
معتز: هقفل علشان عاوزنى وهكلمك تانى
فاطيما : اوك
جت تقفل ..معتز: طيما ... لااله الا الله
فاطيما فى حاله استغراب : سيدنا محمد رسول الله
قفلت فاطيما وبصت لموابيلها : هو معتز متغير ولا انا متهيالى ايه الاهتمام دا ... ...خير خير خليكى يا طيما فى فرحه ميمى يلا
رجعت تانى لمحل .. وخلصت فاطيما وماريا ورجعوا ع البيت ..فتحت فاطيما شويا النت واتكلمت مع سلمى وحكتلها ع اليوم وقفلت سلمىلان خالد مش هيدخل انهارده ..قعدت شويا تتكلم مع اصحابها ولاحظت غياب معتزعمل فرق بسيط .. وملقتش حاجه تعملها قامت تتفرج ع التليفزيون مع جددتها خرجت من اوضتها وبصت ع الصاله : بتعملى ايه يا توحا
جدتها: بتفرج ع فيلم تعالى اتفرجى معايا بدل قاعدتك دي
فاطيما: طيب هجيب طبقين رز بلبن نغطس فيهم واحنا بنتفرج
جددتها : ماشى يا حبيببتى
اليومين بقوا اسبوع ومعتز فى الاسماعليه ويوميا بيكلم فاطيما مجرد بيسئل عليها ويقفل ولاحظت فاطيما ان اتصالاته مش مره ساعات بتبقى 3 مرات ف اليوم ..مركزتش كتير لان دا كان باسطها ..نوعا ما عوض غيابه من النت بمكالماته ولانها كانت مشغوله مع ماريا ف تجهيزات الخطوبه فكانت مبتفتحش غير قليل تكلم سلمى وتقفل ...!!
وجه يوم خطوبه ماريا وفاطيما معاها فى الكوافير واخت ماريا ف البيت بتجهز مع مامتها الحاجات ... خلصت ماريا لبس وتجهيز وفاطيما بصلها بذهول : يخربيتك ..ايه الحلاوه دى يابختك يا عمده
ماريا بكسوف وتوتر: بلاش تكسفينى بقى .. طيما كل حاجه تمام
الميكب وشعرى والفستان و...
فاطيما بتضحك: ميمى ..دى خطوبه مش دخله ..يعنى اخره هيلبسك الدبله ولو متدردح شويا هيخطف بوسه مشبك كده احتفال الخطوبه ..ولا المصيبه يطلع مبيعرفش ..
ماريا خبطتها : بطلى قله ادب يحرقك
فاطيما: ايوه كده ارجعى ميمى ام لسان طويل
يا حبيببتى انتى زى القمر ..متفكريش ف اى حاجه لانك انهارده اميره اليوم .. برنسيس يوم الخميس يعنى لا حد هيبقى زيك ولا ف جمالك وحلاوتك ... ركزى ف فرحتك يا عروسه
راحت ماريا حضنت فاطيما : ربنا يخليكى ليا يا طيما
فاطيما من فرحتها هى كمان دمعت: ويخليكى ليا .. كده احنا هنخرب الميكب اللى عاملينه والفلوس هتضيع علينا ع الاقل نتصور بالميكب اثبات هى فلوسنا حرام
ضحكت ماريا بعد ما كانت بتدمع : يخرب فقرك خرجتينا من اللحظه العاطفيه دى
فاطيما بتغمزلها: اللحظات العاطفيه كلها ااقل من ساعتين وهتبقى حلال حلال حلال وانا هنقضيها فرجه ع مسلسلات وافلام انتى هتعيشى الواقع
ماريا: قرى بقى وانا لسه ماخرجتش من هنا والتيكت معرقش
فاطيما بتضحك وبتقرصها: متقلقيش عينى حلوه حتى بصى
ماريا : فقريه ..هو عماد اتاخر ليه
فاطيما: ليكون رجع ف كلامه يالهوتى
ماريا : رخمه
ف الوقت دا عماد اتصل وكان قرب من الكوافير ووصل وركبت ماريا العربيه ومعاها فاطيما قدام وراحوا الاستوديو يتصوروا واتصورت فاطيما مع ماريا صوره لوحدهم وراحوا ع البيت ..وكانت خطوبه ع الضيق بس فرحه ماريا وفاطيما كانت ماليه الدنيا .. ماريا لانها اتخطبت لانسان اللى بتحبه وبيحبها
ومعاها وجنبها اقرب واحده ليها فاطيما ..وفاطيما فرحانه جداا لاانها شايفه السعاده اللى فيها ماريا .. لبسوا الدبل وشغلوا الاغانى واختارت فاطيما اغانى لمنير وشغلت اغنيه "عينيك حلووين " وشدت ماريا من جنب عماد وقعدوا يرقصوا ويهيصوا وخلصت اليله ومشى عماد وفضلت فاطيما موجوده لاخر الحفله وبعد ما مشيوا المعازيم دخلت هى وماريا اوضه ماريا وغيروا ولبسوا لبس البيت وابتدوا يوضبوا الشقه تانى ويرجعوها زى ما كانت وف اليوم دا نامت فاطيما عند ماريا فى البيت ...فاطيما رمت نفسها ع السرير وجنبها ماريا وهى سرحانه وباصه لدبله وع وشها ابتسامه
فاطيما من التعب : اه ياانا يا ما ياانا .. يا وسطى يا رجلى يا صوابعى يا فشتى يا كبدتى مكنش يومك يا طيما ياااختتتتاى
ماريا بصتلها: ايه يابت احنا ف مسمسط ولا ايه ايه فشه وكبده دى
لتكونى جعانه
فاطيما: والله ما عندك دم بتسألى لا قومى هزى طولك هاتى طبق جاتوه كده وحاجه ساقعه نقنق فيهم اعوض المجهود اللى عملته.. خلتينى اخس 4 كيلو ونص بسببك
ماريا بتتضحك: ايه الدقه دى
فاطيما: انا عارفه نفسى والحقينى باى حاجه علشان هيبقوا 5 كيلو
ماريا: بتضحك والله ما قادره بجد
ف الوقت دا دخلت ماريان اخت ماريا ومعاه طبق الجاتوه : انا الطبق دا اهداء خاص لطيما ع اللى عملته
فاطيما بتضحك: دى اجرتى يعنى
ماريان بتضحك: انتى تستاهلى اكتر من كده والله يا طيما
فاطيما: ميمى اختى ولو معملتش كده معاها هعمل مع مين
ماريا حضنت فاطيما: حبيببى يا ابو اشرف
فاطيما: عيب اختك واقفه هنتفهم صح كده
ضحكت ماريان : انا هسيبكم وهروح انام تصبحوا ع خير
فاطيما وماريا: تصبحى ع خير
فاطيما: صحيح ماريان هتولد امتى دى بتتحرج ياعينى
ماريا بتضحك: هانت موعد الانفجار
تليفون ماريا رن وكانت سلمى وكانت محادثه فيديو واتكلموا مع بعض وحكوا وقفلت ... ماريا بسعاده: كان نفسى تكون معانا
فاطيما: انا بدالها مش شايفانى انا اعمل من سلمى اتنين وتلت
ماريا بتضحك: حوشى يا بت حوشى التلت مضايقنى مش هعرف انام
فاطيما: التلت دا الجاتوه اللى ماريان جابته مليش ذنب
ماريا: يارب نسمع خبر قريب بقى من سلمى ويبقى فاضل غيرك
فاطيما: يارررب ..
ماريا: صحيح انتى قولتى هتعملى الخطه وهتتكلمى مع معتز يساعدك ..كلمتيه
فاطيما: لا بصراحه انشغلت ف خطوبتك ومعاكى وهو مسافر ف عزا عند قرايبه والمفروض راجع بكره بليل
ماريا: ايه الدقه دى بكره وبليل
فاطيما: ماهو اللى لما كلمنى قالى هيرجع بكره بليل
ماريا بتبص لفاطيما بنص عين: ايه الحكايه يا زعيم
فاطيما : الحكايه فى المقلاايه
ماريا: يخربيت طفستك
فاطيما :والله يابنتى عادى بنتكلم عادى متكبريش الموضوع هو اه واضح انه اعلن اسلامه قريب مفيش مكالمه غير لما يختمها ب لااله الا الله او شات بس اشطه ربنا يهدى
ماريا بتضحك: اعلن اسلامه الل يسمعك يقول انه مش مسلم
فاطيما: انا عارفه انا بتريق اصله الوحيد الل بيكلمنى ويختم كده كلامه
ماريا بخبث: مش غالبا المعجبين ببعض او الل بيهتموا ببعض بيختموا كلامهم كده
ماريا: مش ودوده ... بلاش خبث دا يا كرومبو مفيش قلتلك
ماريا بتضحك :طيب .. معانى حاسه ان فى حاجه بس هعديها .. وشوفى كده موضوع سلمى الدراسه قربت
فاطيما: ان شاء الله .كله متظبط
ماريا: يلا ننام بقى لانى هلكانه
فاطيما بصتلها : والله طول ماانتى باصه ع الدبله ومش مصدقه كده مهتنامى نامى يا بت هو خطبك والله اجبلك مصحف احلف عليه انه خطبك بجد ..
ماريا خبطت فاطيما بالمخده وفاطيما خبطتها وقعدوا يضحكوا ويهزروا لغايه ما ناموا ....!!
تانى يوم قضت فاطيما اليوم مع ماريا وماريان قبل ما ترجع القاهره وع بليل رجعت و قعدت مع جددتها شويا ودخلت لاخوها اوضته تناكف فيه شويا
وقعدوا يناكفوا ف بعض وراحت ع اوضتها لاقت وهى بتفتح اللاب لاقت اتصال من معتز
فاطيما: الو
معتز: حمد الله ع سلامتى
فاطيما بتضحك: الله يسلمك
معتز: انا قلت اطمنك عليا انى وصلت بالسلامه
فاطيما معرفتش تقول ايه : طيب كويس انا كنت لسه هفتح الفيس و..
معتز قاطعها: كمان ساعه هنزل السيبر وهستلم ورديتى ومعاكى لصبح
فاطيما مستغربه من تغير معتز الفتره الاخيره لكن مركزتش: اشطه وانا اصلا عاوزاك ف موضوع
معتز: مستنيكى .. يلا سلام
نزل معتز السييبر .. معتز: مسائو يا حوده يلا سلم واتكل ع الله
محمود بااستغراب: ايه النشاط دا انا قلت مش هتنزل انهارده
معتز: ودا ينفع اسيبك لوحدك
محمود: طيب هشطب كام جهاز عاوز نسخه ونسلم
معتز: اوكيه ..وانا قاعد ع المكتب ...
وشويا وفاطيما فتحت وكان معتز مستنيها ولسه قبل ما تدخل تكلمه دخل يكلمها
معتز: ايه النور دا
فاطيما: اكيد نور الشاشه هههههههههه
معتز: ماشى يالمضه ..اتاخرتى 10 دقايق عن ميعادك
فاطيما تنحت لحظات : ميعادى ..هو انا اديتك ميعاد اصلا
مش انت قلت كمان ساعه هتفتح نت وقلتلك اشطه
معتز: اها .. وقولتى عاوزاك ف موضوع فطبيعى هتكونى فاتحه ف الوقت اللى انا قلت هفتح فيه مش بعده ولا ايه
فاطيما سكتت معرفتش ترد وقلبت الكلام هزار : سورى اصل التوكتوك اتاخر كان بيمول
معتز بيضحك: كنت اتمشيها
فاطيما: رجلى بتوجعى ..اى يا رجلى اى
معتز: مش هعرف اخلص من لماضتك دى ..ايه الاخبار وميمى وخطيبها عاملين ايه
فاطيما: كانت ليله حلوه اووى اووى بجد
معتز: لدرجه دى
فاطيما: الليله كانت حلوه لان ميمى وعماد كانوا هما احلى مافى الليله
فرحتهم وسعادتهم وهما مع بعض .. ربنا يجمع كل المحبين فى حلااله
معتز: امين يارب
قوليلى ايه الموضوع اللى عاوزانى فيه
فاطيما: اه صح .. انت فاضى لان الموضوع محتاج تركيز
معتز: ادينى نص ساعه اظبط الدنيا هنا وهكون معاكى لصبح
فاطيما : اوك وانا قاعده موريش حاجه
كان محمود صاحب معتز جاله وبيكلمه :
معتز: خلاص خلصت
محمود: ايوه ..
محمود لاحظ سربعه معتز .. محمود: فى ايه مستعجل ع ايه
معتز: مفيش ياعم بس علشان متتاخرش انت وانا ورايا حاجات اعملها
محمود: اموت واعرف ايه اللى شقلب حالك كده انت مكنتش كده خالص ..كنت ابرد خلق الله بروته دلواقتى سخان
معتز: قر ياعم ..يلا اتوزع
محمود: ماشى سلام
شويا ورجع معتز : معاكى
فاطيما : ويلكم باك
معتز: كلى اذان صاغيه
فاطيما: توعدنى ان الكلام اللى بينا مفيش حد هيعرفه غيرنا
معتز: هنعمل ثوره تانى ولا ايه
فاطيما: مبهزرش بكلمك بجد
معتز: اوعدك
فاطيما: بااختصار كده الموضوع خاص بخالد انت بتشوفه او بتكلمه
معتز: شوفته قبل ما اسافر و عرف انه هيدخل الجيش
وكان مضايق اوى ان سنه هتضيع كده من ترتيباته
فاطيما: قالك ايه ترتيباته دى
معتز: انتى بتقررينى عن خالد ولا ايه
فاطيما: بليز يا معتز رد عليا وهفهمك وعد .
معتز: قالى هيعمل الماجستير والدكتوراه وبيدور ع شغل ف شركه او يسافر بره لان ظروف البلد واقعه خالص
فاطيما: بس كده
معتز: دا اللى اعرفه غير كده مفيش صدقينى
فاطيما سكتت لحظات ..معتز:طيما روحتى فين ولا النت علق
فاطيما: معتز عاوزه منك خدمه
معتز : اتفضلى
فاطيما : بصراحه كده انا حاسه ان خالد معجب ب سلمى وبرغم كده منطقش وهى مش فاهمه احساسه اصلا عاوزها ولا لا لانه كده معلقها بتلميحات ملهاش اخر
معتز: انا كنت حاسس بكده بس مش متاكد لانه مبيتكلمش بوضوح عنها
فاطيما: ساعدنى بقى نعرف احساسنا صح ولا لا علشان منضيعش سنين تانى
معتز: انتى عاوزه ايه طيب
فاطيما : توصل لخالد باى طريقه ان فى عريس متقدم ل سلمى واهلها بيضغطوا عليها توافق وهى مش قالت رائيها الاخير
معتز: حوار يعنى عليه
فاطيما: ايوه وتظبطه بطريقتك والنص التانى عليا وطبيعى لو سالك عرفت منين هتقوله منى وهو لما يكلم سلمى انا هخليها تاكد الكلام وهنشوف هيتصرف ازاى احنا عاوزينه ينطق هى ال حساه صح ولا واهمه نفسها بااهتمام وهمى
معتز: فاهمك .. كده كده هقابله بعد بكره ف كتب كتاب واحد صاحبنا
انا معرفش انا ايه الناس ال بتتجوز والبلد خربانه كده
فاطيما: ياعم بلاش حقد سيب الناس تفرح هتبقى انت واللى بيحصل ف البلد
معتز: يعنى انتى شايفه الظروف مناسبه لارتباط
فاطيما: الحب بيعمل معجزات
معتز ابتسم : فعلا الحب بيعمل معجزات
واتكلموا شويا فاطيما ومعتز وفتحوا مواضيع كتيره واتكلموا لغايه الساعه 7 الصبح زى العاده ...!!
تانى يوم بعتت فاطيما ل سلمى رساله ع الموبيل تكلمها او تفتح نت
فااتصلت بيها ..سلمى: فى ايه خضتينى
فاطيما: اسمعى كلامى واعملى اللى هقولك عليك بالحرف من غير نقاش
قالت فاطيما ل سلمى اللى اتفقت عليه مع معتز
سلمى بصوت مخضوض : ايه اللى عملتيه دا
فاطيما: ملهاش حل تانى علشان نجيب اخر انتى تعرفيه بقالك 3 سنين ونقول سنه تعارف يعنى سنتين وبعدين يعنى طلع بيفكر فى ماجستير ودكتوراه وسفر وبتاع وبتنجان لا يحدد موقفه منك عاوزك ولا لا .. عاوزك يبقى عرفنا وانتى واقفه ع ارض صلبه مش عاوزك يبقى تشوفى مستقبلك .. انتى رايحه تالته وكمان سنه هتخلصى كليتك وعمى اعتقد لو قابل عريس مناسب هيشيله ع طول اصل عمى وعارفاه .. جواز البنات عنده واجب ..وانتى هبله مش هتعرفى تتصرفى وتقولى لا و هتوافقى وهتعيشى دور المغصوبه ومكسوره الجناح فنعرف بقى علشان نقرر ...
سلمى سمعت كلام فاطيما ومش عارفه نتيجه دا ايه
فاطيما: انا عاوزاكى تطمنى اى كانت النتيجه هتكون ف صالحك.. انتى اعملى اللى قلتلك عليه بس
سلمى : ماشى وربنا يستر
فى يوم قابل معتز خالد فى كتب كتاب صاحبهم زى ما قال ل فاطيما
وبعد سلامات وتصوير مع اصحابهم راحوا يحتفلوا معاه فى مكان كان حجزه ..خرج معتز بره المكان يشرب سيجاره وشاف خالد كان بيتكلم ف الموبيل علشان الدوشه فى المكان
معتز: عقبالك يا خالد
خالد: عقبالك انت كمان
معتز: كل حاجه بأوانها وربنا يسهل
خالد: ان شاء الله ..انت اخبارك ايه
معتز: تمام الحمد الله ..بس واضح ان رغم الى بيحصل ف البلد ان الافراح كترت وباين هتكتر
خالد: ايه نويت ولا ايه
معتز: يسمع منك ربنا ..بس بتكلم ع صحابنا ف الكليه واصحابنا ع النت
خالد: تقصد ميمى يعنى اه انا عرفت وكلمتها باركتلها
معتز بخبث: وباين كده هتعمل مكالمه دولى قريب
خالد ملامح وشه اتغير: دولى ...تقصد ايه
معتز بيمثل متفاجئ : انت متعرفش ..وانا متوقع انك اول واحد يعرف
خالد: اعرف ايه
معتزاخد نفس من السيجاره وبص ل خالد ولاحظ ع وشه اتوتر وحس بان الحوار هيشتغل زى ما فاطيما عاوزه
معتز: فى عريس متقدم ل سلمى واهلها موافقين وبيحاولوا يقنعوها
خالد سمع الكلام اتصلب: عريس .. وسلمى
معتز: اومال عروسه لسلمى .. اكيد عريس ..ما كل البنات بيتقدملهم عريسان عادى يابنى ..المهم فين النصيب وقراراها
خالد بملامح متغيره : وهى وافقت .
معتز: بقولك اهلها بيضغطوا عليها انها تخلص تالته وتتخطب وسنه وتتجوز لما تخلص العادى بتاع البنات يعنى
خالد متصلب: انا كلمتها امبارح ومفتحتش معايا سيره
انت عرفت منين ..؟
معتز: فاطيما .. حكتلى ان سلمى متردده وفى حاجه شغلااها ومش عارفه تحدد موقف وخايفه عليها انها ف اخر المطاف من الزن توافق
خالد مش مجمع اللى سمعه ومعتز لاحظ جدا التغيير اللى حصل ل خالد
وحس انه نجح فاانتهز الفرصه ..معتز: خالد ..هو انت بتحب سلمى
خالد من غير تفكير : ايوه
معتز اتفاجئ: اخيراااا نطقت ازغرط يقولوا الواد اتهبل ..... طيب ايه ياعم انت هتسيبها تضيع منك كده روح كلمها وقولها
خالد: وبعد ما اقولها وانا ظروفى مش عارف ايه هيحصل و..
معتز قاطعه: ظروفك دى تحكيها ليها وهى وقتها تقرر تفضل معاك ولا تسيبك علشان متندمش على قرار اخدته انت من ناحيتك وخسرت اللى تحبها ..عرفها واتكلم معاها ووقتها هتلاقى القرار لوحده
خالد بص ل معتز وحس بتشجيعه : تفتكر ان دا الصح
معتز: الصح انك لما تلاقى حد بيحبك بجد وانت بتحبه تكونوا مع بعض وانتم متفقين ع كده ع الحلو والوحشه من غير مجاملات مش انكم تبعدوا عن بعض للاسباب طرف واحد مقتنع انها صح علشان مصلحه التانى
اتكلم معاها وعرفها الظروف والدنيا وهى تقرر
خالد موبيله رن وبعد يرد عليه فى الوقت دا معتز بعت رساله لفاطيما
"Done "وكانت فاطيما قاعده مع ماريا مستنيه نتيجه اللى هيعمله معتز وجتلها الرساله اطمنت ..لكن كانت عاوزه تعرف ايه حصل فااتصلت ب معتز كنسل عليها كذا مره.. خلص الحفله واستأذن وهو ف الطريق اتصل بفاطيما :
فاطيما بقلق: ايه كل دا
معتز بيضحك: وحشتك ولا ايه
فاطيما: تصدق اه ..قولى ايه الاخبار
معتز : مش رومانسيه خالص بتزقى ... تدفعى كام
فاطيما: اللى انت عاوزه ياعم الرومانسى يلا ايه الاخبار
معتز: امممم هفكر ف اللى انا عاوزه دا وهقولك بعدين عليه .. بس افتكرى ماشى
فاطيما: ماشى يلا
معتز: خالد .. طلع بيموت ف سلمى مش بيحبها بس ..
فاطيما بصت ل ماريا : بيحب سلمى بجد
معتز: ابتدى الكلام من ...
وحكى معتز لفاطيما اللى حصل والكلام اللى دار بينه وبين خالد وخلصوا كلام وبسرعه ..رنت ع سلمى كلمتها وقالتها اعملى اللى قلتلك عليه وكانوا مستنين خالد يكلمها .. مر يومين وخالد اختفى فعلا خالص وقافل موبيله لدرجه ان سلمى حست انه بيهرب منها وبيوصلها رساله انه مش عاوزها .... وفاطيما استغربت لدرجه انها شكت فى معتز انه زود كلام وحوار من عنده علشان يطمنها لكن هو اكدلها انه حكالها اللى حصل من غير ذياده ....فى تالت يوم سلمى كانت قاعده مستلمه لامر الواقع موابيلها رن وبصت وكان رقم خالد مكنتش مستوعبه وفضل باصه كتير لدرجه انه قفل لكن اتصل تانى ودا مبيحصلش كتير ...اتشجعت وردت عليه
سلمى: الو
خالد: بحبك
سلمى تنحت : الو
خالد: بحبك يا سلمى ومش متخيل انك تكونى لحد غيرى
سلمى بعدت الموبيل وبصت لاقته رقم خالد وصوت خالد : خالد
خالد: انا عاوزك تسمعينى للاخر وبعدها ردى
سلمى بتجمع نفسها: سمعاك
خالد: سلمى انا حبيتك من اول ما اتكلمنا ومشفناش بعض ع النت حبيت شخصيتك وكنت مبسوط ان ليا صديقه كده زيك لكن لاقيت احساسى اتجاهك مش صدداقه فااحتفظت بيه لنفسى علشان لا الوقت مناسب ولا ظروفنا كانت مناسبه ومكنتش عاوز اخسرك .فقررت انى احتفظ بمشاعرى لنفسى واحتفظ بيكى ع حساب مشاعرى ... انا بحبك يا سلمى واتاكدت انى محبتش ولا هحب غيرك بجد ...
سلمى من المفاجئه مش مستوعبه.. خالد كمل كلامه..
خالد:انا لما قربتلك اكتر لاقيتك الانسان اللى بتمناها من زمان ورغم البعد واننا مشفناش بعض دا مكنش سبب يقلل احساسى ليكى لانك فى قلبى مهما بعدتى وانا شايفك بقلبى مش بعينى .... ولما اقترحت لما تنزلى مصر نتجمع ونتقابل كلنا كان السبب الرئيسى عاوز اشوفك...
سلمى: ايه اللى خلااك تتكلم دلواقتى
خالد: عرفت انك هتروحى منى ومقدرتش استحمل الفكره دى وقلت لو اعترفت وروحتى منى احسن بكتير من عذاب انى معترفش وتروحى منى ..انا قلبى حاسس بانك بتبادلينى احساسى ياترى ياسلمى احساسى صح ولا لا
سلمى ودموع نازله من عنيها من الفرحه : اتاخرت اوى ياخالد ..
خالد: انا اسف ..اسف بجد بس ظروفى كانت منعانى
سلمى: ظروفك دى انا اللى احكم هقدر استحمل معاك ولا لا مش تقرر لوحدك وتبعد وتوجعلى قلبى بالشكل دا وتعيشنى اوهام ف دماغى انى عايشه فى وهم لوحدى
خالد: يعنى افهم من كده انك بتحبينى
سلمى بدون تردد : من اول ما اتكلمنا ومحبتش غيرك ولا هحب غيرك
خالد: وظروفى
سلمى: انا وانت مع بعض مفيش حاجه اسمها ظروف وكل حاجه ليها حل
خالد: والعريس
سلمى اتفاجئت كانت نسيت : العريس
خالد: اللى متقدملك واهلك بيضغطوا عليكى
سلمى افتكرت : اه ..لا خلاص كده ردى جاهز ومفيش بنات هنا لجواز
خالد: بحبك
سلمى بكسوف ودموعها نازله : بحبك
وقفلت سلمى من السعاده وخالد كمان ومن سعادتها اتصلت بفاطيما وكانت نايمه وافزت فاطيما من نومها ع الكلام اللى سمعته واعتراف خالد وحست ان خطتها نجحت بامتياز وفرحت انها طمنت سلمى بدل الحيره اللى فيها دى ....!!!
تانى يوم من فرحه فاطيما باللى سمعته اتصلت بماريا ولاقتها مع عماد حكتلها موجزوقالتلها هتعدى عليها وهى راجعه تعرف التفاصيل ... خرجت من اوضتها بهيصه
فاطيما: جيجى جعاااااااااااااانه
مامتها: طبيعى توجعى شايفه الساعه كام دلواقتى انا بحضر الغدا
فاطيما: اصل اكل الملايكه مغرى اوى بصراحه قعدت اكل اكل اكل ومحستش بالوقت اعمل ايه
مامتها: امتى الدراسه تبتدى واشوفك صاحيه بدرى غصب عنك
جددتها خارجه من الاوضه: ايه يا جيجى متضايقيش طيما
فاطيما راحت حضننت جددتها: حبيببتى يا توحا والله انتى اللى فيهم انتى كنتلوبه البيت..انتى فخده مشويه وهما الخضار اللى حواليها ..انتى صينيه مكرونه بشامل وهما مكرونه بصلصه..انتى بطاطس محمره وهما بطاطس مهروسه اللى مبحبهاش |..انتى
جددتها بتضحك: ايه كل دا جوعتينا
فاطيما: حتى انتى يا توحا ..
بصت فاطيما ل مامتها: ايه اللى بتعمليه فى امك دا ينفع كده مقعداها جعانه هو دا وصيه ربنا على امهاتنا ... تسيبها جعااااانه كده
جددتها بتضحك : ياجيجى انا جعانه يابنتى
مامتها بتضحك: انتى بتسايريها دا بدل ما تقوليلها ادخلى ساعديها فى تجهيز الغدا
فاطيما: هو فى بعد عماليك عمايل .. مينفعش اعدى الخط الاحمر
مامتها: لما اشوفك فى بيتك هتعملى ايه
فااطيما: هعمل كل خير وبعدين هو اللى هيتجوزنى هيتجوز علشان ياكل يخليه عند امه ولا يشترى مطعم بدل ما يتجوز ...
جددتها: طيما حبيببتى ست بيت شاطره مفيش زيها دى تعليمى هى وميمى
فاطيما: يلا بقى يا جيجى جعانيييييييييين
مامتها : خلاص خلاص انا قربت اخلص هيكون باباكى ع وصول
فاطيما : وانا هتوضى واصلى الضهر والعصر اللى هيأذن دا
مامتها: وياريت تروقى اوضتك طبقى الغطا
فاطيما: واطبقه ليه مدام هرجع انام وابهدله تانى .. هى هده حيل وخلاص
وعموما سريرى وانا حره عاجبنى بعبله كده
مامتها: يا معفنه
فاطيما: ميرسى يا جيجى مقولتيش جديد
ضحكت جددتها ومامتها ودخلت فاطيما تتوضى وتصلى وهى قاعده فى اوضتها موابيلها رن وكان معتز
فاطيما: الو
معتز: يا احلى الو
فاطيما بتركز: بتقول ايه
معتز: بقول الواحد يصحى من النوم ويسمع الو دى تترد فيه الروح والنشاط
فاطيما: انت بتعاكسنى ع الصبح كده اوووعى اهلى صعايده يقطعوك
معتز ضحك: صعايده ياكدابه وانتى من الغربيه
فاطيما: ماهو حمشنه الصعايده فى عيلتنا والفلاح والصعيدى ايه مصرى واحد يعنى ..ولا عندك اعتراض يابتاع القاهره
معتز: لالالالا خالص انا اقدر ..دى احلى بنات بنات السنطه
فاطيما: مش محتاجه تقولى انا عارفه ...
معتز بيضحك: هو صحيح صبح ايه الساعه داخله ع 4
فاطيما: مدام انا لسه صاحيه يبقى دا بدايه يومى يبقى صباح ولا مش صباح
معتز بيضحك: صباح واحلى صباح
فاطيما ملاحظه تغيير فى نبره وطريقه معتز ومش فاهمه فى ايه فقلبتها هزار: صباح اللى بتغنى
معتز: ماشى يا لمضه ..ايه الاخبار
فاطيما افتكرت حوار سلمى : اسكت هسمعك الجديد
راحت قعدت ع الارض مربعه وكان تحت الرير كيس شيبسى فتحته وكلت منه و حكت ل معتز ع اللى حصل بين سلمى وخالد وكانت فرحانه اوى
معتز: ايه السعاده دى اللى يسمعك يقول انتى اللى حصل معاكى كده
فاطيما: انا سلمى وميمى اللى يفرحهم يفرحنى واللى يزعلهم يزعلنى
وهما طول ماهما فرحانين وعايشين بسعاده انا ببقى مبسوطه اووى
معتز: ربنا يديم عليكم السعاده
فاطيما: امييين
معتز: يعنى خطتك نجحت اهى
فاطيما: مع العلم انى كنت حاطه احتمال لفشل كبير
معتز: ونفذتيها ليها
فاطيما: انا ماشيه بمبدا اعمل الحاجه وازعل احسن بكتير معملهاش وازعل
ع الاقل بيبقى توضيح لامور
معتز: نظريه برضه ..بس مش كل حاجه بتحتاج لمجازفه
فاطيما: حياتنا اصلا مجازفه .. انك تعيش وتعدى يومك انت بتجازف بيومك بالحاجات الل بتعملها فيه ومتعرفش النتيجه ايه زى الخروجه انت مش ضامن هتنبسط ولا لا بس بتخرج من منطلق انبسطت اشطه مفيش مشاكل منبسطتش اهو عرفت ومش هتتكرر تانى غير بعد تفكير .. اكله جوعت ومفيش غيرها قدامك بتاكلها متعرفش ايه هيحصل بعدها بطنك هتوجعك ولا هتاكل تانى... وبعدين ماهو احنا لازم نجازف وناخد ع دماغنا
علشان منكررش الغلط .. وعلشان منضيعش الفرص ..ونندم ع اللبن المسكوب والسندوتش المقلوب وعجبى ..يخربيت طعمتك يا طيما
معتز بيضحك: بس دا محتاج شجاعه
فاطيما: محتاج قرار ...اخدت قرارك هتبدء التنفيذ ع طول لان الشجاعه قدامها جبن ... وهتدخل ف صراع بينهم فانت هتاخد قرار ....وبعدين كل اللى بيحصل مكتوب واحنا راضين وربنا ادانا عقل نفكر ونقرر ونتحمل نتايج قرارتنا ... اى حاجه فى حياتنا لازم نجرب وندخل التجربه علشان نقرر هتنجح ولا هتفشل من البر مش دايما الحكم صح وخصوصا لو فيها اتنين ... خد قرار نهائى هتلاقى الشجاعه موجوده والتنفيذ فى ثوانى وخلصت الحكايه والنتيجه سيبها لوقتها مش دايما الل بنرتبله بيحصل غالبا بيحصل عكسه وع فكره فى فرق بين الشجاعه والتهور .. الشجاعه بعد تفكير وقرار ثابت يعنى عارف هتعمل ايه ومرتب انما التهور لاغى دماغك والبس يا معلم ..
معتز مبهور بكلام فاطيما وعاجبته طريقه تفكيرها : تمام... كده بقى ليا هديه عندك
فاطيما: هديه ايه
معتز: مش ساعدتك انا ف حوار خالد ولا انتى زى القطط
فاطيما بتضحك: اه صح.. عاوز ايه طيب
معتز: سيبنى هفكر واقولك اصل دى فرصه ولازم اخد قرار المجازفه علشان مضيعهاش ولا ايه
فاطيما بتضحك : تمام وانا مستنيه ...
معتز: فى سؤال كنت عاوز اسألهولك
فاطيما: اتفضل
معتز: انتى بتاكلى وانتى بتكلمينى
فاطيما حست بااحراج: لا دا شيبسى
معتز بيضحك: بجد مكنش اعرف انه مش من الاكل
فاطيما : لا دا من النقنقه هاهاهاهاها
وقعدت تتكلم فاطيما مع معتز ومامتها ندهت عليها علشان الغدا وقفلت واتفقت مع معتز تقابله ع النت بليل فى السهره ....!!
فاطيما قعدت مع مامتها وجددتها بعد الغدا يتفرجوا ع التليفزيون وقعدت شويا تناقر فى اخوها ونزل راح يقابل اصحابه ... شويا ورجعت ماريا من بره وطلعت عند فاطيما ع طول ..وكالعاده دوشه حضورها
فتحت فاطيما واخدتها ودخلت اوضتها :
فاطيما: اوعى تكونى مجبتيش حاجه
ماريا فتحت شنطتها : انا اقدر الشيكولاته اللى جبلى منها عماد جبتلك زيها .. ودول من عندى يلا
فاطيما: حبيببى يا مدلعنى ..ها ايه اخبار الخروجه
ماريا نطت ع السرير جنب فاطيما: احكيلى الاول موضوع سلمى انا مش مصدقه
فاطيما باابتسامه كبيره : ولا انا .. من الاول ...
وحكت فاطيما لماريا كل اللى حصل ...
ماريا بسعاده: اخيراااا نطق ابن المفكوكه
فاطيما بتضحك: كان محتاج زقه ابن المفكوكه دا ..هى متاخره بس كل حاجه ليها وقتها ومبسوطه اوى بجد ان سلمى رست بدل ماهى كانت متعلقه لا عارفه عاوزها ولا لا
ماريا: هى كده نص السكه ..السكه لسه شويا
فاطيما: هى ايه
ماريا: ماهى مش هتفضل تحب فيه ويحب فيها مع نفسهم كده ... خطوه رسمى يلعنوا للكل
فاطيما بتبص لماريا: وكبرنا ياناس ونقول رسمى ونظمى وفهمى .. الله يرحم ما كنتى بتستنى صباح الخير او مساء الخير ..دانتى كنتى بتدعى ف صلاتك انه يسلم عليكى بس
ماريا شدت من فاطيما الشيكولاته : والله ما هتاكليها علشان تريقتك دى
فاطيما بسرعه : لالالا سورى سورى ميمى ترضى تزعلينى
ماريا: متتريقيش ها
فاطيما اخدت الشيكولاته : لا خالص لا هقول كنتى بتروحى بدرى الجمعيه والكنيسه علشان تشوفيه بس ولا بتتلككى علشان تكونى ف المكان اللى هو فيه ولا انك دورتى ع ايميله واخدتيه ..مش هقول حاجه خالص
ماريا بتضحك: تصدقى انك رخمه ..انا همشى
فاطيما شدتها: ههههههه خلاص خلاص
احكيلى بقى عملتى ايه فى اول يوم خروجه رسمى لوحدكم بعد ما ابوكى الله يهديه وافق
ماريا بتضحك: جه خدنى من البيت وشرب شاى ونزلنا روحنا قاعدنا ف كافيه واتكلمنا شويا ودخلنى سينما يا طيما فى طنطا..
فاطيما: الله العبى يا العاب .. سينما وقعدتوا فى اخر صف ولا ايه
ماريا بتضحك: وانتى الصادقه تانى صف وكان فى ناس رغايه جنبى دا غير انه فيلم اجنبى اكشن
ضحكت فاطيما بصوت عالى : يخربيت فقره .. واحد بيخرج مع خطيبته بيوديها فيلم اكشن واجنبى
ماريا: واضح انه فهم انى اداب انجليش فبحب اى حاجه انجليش فدخلنى فيلم اجنبى
فاطيما: ع كده لو اتخطبت بالحقوق اللى انا فيها دى هيدخلنى فيلم لسبكى الراقصه والعرباجى
ماريا ضحكت: يافقر .. اموت انا واشوف صاحب النصيب اللى هيلبس دا
فاطيما: هو يطول بس يجى وهتناقش معاه انا ف الموضوع دا
ماريا : يارررب ... واخبار معتز ايه صحيح انا مبقتش افتح كتير ومش بشوفه لما بفتح
فاطيما: مشغول ف الانترنت كافيه مع صاحبه داخل معاه شريك لغايه ما يلاقى شغل كويس وطول الليل مع بعض ع الفيس لصبح
ماريا : غريبه يا طيما ..
فاطيما: ماغريب الا الشيطان فين الغرابه
ماريا: معتز الوحيد اللى بتقعدى تتكلمى معاه وخاص كل دا مبتزهقيش
دانتى مشهوره ان اللى يكلمك ربع ساعه بتزهقى وبتخلعى او ممكن تدلتيه علشان رغاى
فاطيما بتضحك: دا لو رخم لكن معتز شخصيه لذيذه كده والوقت بيعدى بسرعه
ماريا بتغمز ل فاطيما ..فاطيما لاحظت: يلا يا ميمى يا دوب تلحقى امك بتنده عليكى
ماريا بتضحك: بتوزعينى
فاطيما : اصل عارفه السؤال اللى بعده مفيش حاجه
ماريا بتضحك: هتقولى دجاجه فى التلاجه
فاطيما: ايوه .يلا امشى بقى
ماريا : انا اصلا هقوم علشان عاوزه انام .. الكليه الاسبوع الجى جاهزه ولا مش هتروحى
فاطيما: لا هروح ما الوضع استقر اهو وبقى عندنا رئيس هو ممكن يحصل حاجه تانى وغير كده العيال بيزنوا انى انزل وابطل كسل هروح انور الجامعه وارجع
ماريا : السنادى جداولنا متغيره .. يوم واحد بس اللى هنروح مع بعض
فاطيما: عارفه يا واطيه عموما البت نهى هتروح معايا اهى تونسنى
ماريا :بمناسبه نهى صحيح انتى مش ملاحظه حاجه
فاطيما: حوار النقاب اها دا جديد عليها بس مدام مقتنعه اشطه
ماريا: لا مش النقاب ..انا قابلتها وانا جايه لاقتها مكلمتنيش وهى نازله ندتلها نفضتلى ومشيت ومش اول مره كذا مره اقابلها ف الشارع مبتسلمش عليا
فاطيما: ممكن تكون ريحتك وحشه ولا حاجه اصلها انفه
ماريا خبطت فاطيما بالمخده: ريحتى وحشه يا معفنه انتى
فاطيما :هو انا اه ملاحظه تغييرها حتى لما جبنا الجدول وقلتلها نروح سوا وكده سألتنى عليكى وقالتلى اليوم اللى هتبقى موجوده مش هتيجى معانا ..وكنت هسألك انتى عملتى حاجه
ماريا: هعمل ايه يعنى .. بعد ما اتخطبت لمحمد وهى بعدت
فاطيما: ممكن تكون من البنات اللى لما بتتخطب بتتهبل وتبعد عن صحابها ..كبرى دماغك
ماريا: ومحمد برده متغير مكنش كده .. كذا مره اروح اشترى حاجات يقولى مش موجود ويقولى هلاقيها عند محل تانى ولو الحاج موجود بيدينى الحاجه من غير نفس والغريب بقى اللى ضحكنى امبارح دخلت لاقيته على صوت القران
فاطيما : عاوز يخسفك انتى ملبوسه ولا ايه
ماريا بتضحك: تصدقى ممكن ههههههههههه هو معاكى كده
فاطيما: هو اتغير بس مش لدرجه اللى بتحكى عليها دى وبعدين حماده هو الل بيجيب اغلب الطلبات ..
فاطيما: متركزيش فى محمد ونهى سيبيهم يولعوا ببعض
ماريا: وانا اللى كنت زعلانه انك رفضتيه دا طلع رخم اوى
فاطيما: يابنتى محمد كان معجب بيا مش بيحبنى
ولما لاقى الل بتحبه وبيحبها بجد ارتبط ونسينى ع طول ..
ماريا: ياخبره انتى
فاطيما: اللى يعرفك انتى وسلمى ياخد شهادات خبره
ماريا اخدت شنطتها وموابيلها: طيب انا هطير بقى اشطه
فاطيما: طير يا عصفور
خرجت ماريا وفاطيما بصت ع الساعه وفتحت اللاب ولاقت رساله من معتز
" وحشتينى فينك " ... تنحت فاطيما : الواد دا فيه حاجه اكيد
فاطيما بعتتله: معتز
معتز: ايوه ياهلا بالنور
فاطيما: هو انت كويس ..فى حاجه
معتز: اه الحمد الله ..ليه
فاطيما: ايه الل بعته دا ..
معتز راجع كلامه: وحشتينى
فاطيما: اه ودا ازاى يعنى واحنا كنا لسه بنتكلم تليفون من ساعتين
معتز: عادى.. حسيت انك وحشانى وكمان حبيت اول ماتدخلى تكلمينى كده مش تنشغلى مع حد تانى
فاطيما ضحكت: انت بتعمل عليا خطه ولا ايه
معتز: هو انتى شوفتى حاجه
فاطيما: يامى يامى خاف ياعيد
وكملوا كلامهم وسهروا لتانى يوم الصبح يتكلموا شويا ف الجروب واغلب الوقت خاص مع بعض ..!!
مرت الاجازه
ابتدا اول يوم دراسى فى الكليه وفاطيما وماريا فى سنه تانيه
ورغم انه مش كان ف جدول ماريا لكن نزلت علشان تروح مع فاطيما وتتاكد من جدوالها
فاطيما نازله من العماره نص نايمه ولبسه نضاره شمس قابلتها ماريا
ماريا بتشاورلها: انتى نايمه واقفه ولا ايه
فاطيما : نايمه الساعه 6 الصبح وصاحيه 9 ملحقتش يا ناس
ماريا: بتعملى ايه كل دا ..اكيد بترغى مع معتز
فاطيما: انا عاوزه انام ..انا هطلع انام ومش رايحه
ماريا شدتها: يلا يا كسلانه يعنى انا نازله معاكى وهتخلعىى كده
فاطيما: طيب استنى هرن ع نهى لانها قابلتنى امبارح وقلتلها رايحه هتيجى معاينا
ماريا : اشطه
نهى بصت من البلكونه شافت فاطيما واقفه مع ماريا ..ردت ع فاطيما وقالتلها انها مش رايحه
واستنت لما مشيوا ونزلت ركبت الميكروباص اللى بعدهم وراحت الكليه ...
لما وصلوا هناك فاطيما قابلت اصحابها وقعدت معاهم ومطلعوش محاضرات وقضوا اليوم مع بعض
راحت لكافتريا مع اصحابها صادفت نهى ولانها لبسه نقاب فكانت بتشبهه عليها لما سمعت صوتها
فاطيما: نهى
نهى ارتبكت: فاطيما
فاطيما : انتى جيتى امتى مش مامتك تعبانه وقلتى مش نازله
نهى باارتباك: ماهو .. ماهو... بقت كويسه..عن اذنك يا طيما
راحت فاطيما مسكتها من دراعها : نهى ..هو فى ايه انتى متغيره بالك فتره معايا ومع ميمى
انتى مكنتيش كده ..
نهى سكتت لحظات: بصراحه يا طيما .. انا محمد طلب منى متعاملش مع ميمى واخفف من علاقتى معاكى
فاطيما سمعت ومذهوله: ليه احنا غلطنا فى حقك ولا زعلناكى .. دااحنا السبب فى ارتباطكوا يابنتى
محمد: ميمى السبب
فاطيما: عملتلك ايه
نهى:
_______________
يتبع
ليست هناك تعليقات:
إرسال تعليق