حجز ادم التذاكر وجه يوم السفر وركب الطياره هو وحياه وفضل يراقب حياه شايفها متوتره فمسك ايديها وهى جنبه وابتسم لها وابتسمت حياه .. وصلوا المطار واخدوا تاكسى لبيت التاكسى وقف قدام العماره ادم لاحظ حياه متنحه حط ايده ع ايدها
ادم: متقلقيش انا معاكى وزى مااتفقنا منبصش ورا ونبقى احسن
حياه ابتسمت: يلا بينا
نزلت حياه من التاكسى ووقفت قدام العماره واخدت نفس وادم كان وراها بالشنط طلعت ع السلم وهى طالعه بصت ع شقه منى وجالها احساس وجع انها خسرت صاحبتها مبينتش ل ادم وطلعت ع شقتهم رنت الجرس مامتها فتحت الباب بفرحه كبيره
مامتها : حيااه
حياه اترمت ف حضن مامتها: وحشتينى وحشتينى يا ماما
مامتها: انتى اكتر يا عمرى وحشتينى اووى
حياه حست بمامتها بتعيط: ايه ياست الكل لازمته العياط دا
انا بخير والحمد الله اهو زى ما انتى شايفه اهو
مامتها: حبيببتى دى دموع الفرحه انك رجعتى بالسلامه
ادم دخل: لا مش رجعت اوى دى اجازه ولما تخلص خالص هترجع
مامتها: ادم معلش يا حبيببى ازيك حمد الله ع سلامتك
حياه خليتنى مركزش واسلم عليك
ادم بيضحك: ولا يهمك يا طنط يلا انا سلمتلك حياه اهى وانا رايح ل امى
مامت حياه: اقعد اتغدى معانا
ادم: يوم تانى بقى ..
بص ادم ل حياه: زى مااتفقنا يا حياه
حياه: متقلقش كله تحت السيطره
نزل ادم وراح ع بيتهم وحياه قعدت مع مامتها وباباها رجع من الشغل
وادم راح ع شقتهم مامته فتحت بفرحه
مامته: حبيب قلبى حمد الله ع سلامتك
ادم: وحشتينى ياست الكل
مامته: وانت كمان يا حبيببى تعالى اقعد
قعد ادم .. مامته: ثوانى الغدا هيكون جاهز
ادم : هكون غيرت هدومى
مامته: ع طول
قامت مامت ادم تحضر الغدا وادم قعد معاها يتغدوا
مامته: وحياه عامله ايه كويسه؟
ادم بسعاده: احسن من الاول بكتير الحمد الله
مامته: بس انت قلت مش هتنزل غير بعد سنه ايه الجديد انا أتفاجئت بمكالمتك افتكرت فى حاجه
ادم : نزلت علشان حياه
مامته: ليه مالها
ادم: هى وصلت لمرحله كويسه جدااا من التحسن وفكرت اخليها تجرب
مامته : تجرب ايه
ادم: المواجهه
مامته: مواجهه
ادم اخد نفس: عاوز اشوف هتتصرف ازاى لما تصادف عمرو او منى
هتبقى عامله ازاى ... علشان لو حصل ال مش عايز افكر فيه الحقها ونرجع
مامته : ايه ال يحصل
ادم: انتكاسه ...
هتبقى قويه وتتمسكى بال وصلتله ولا هتضعف .. انا هعتبر الزياره دى خطوه تمهيديه لنزولها النهائى .. هى كده كده نازله مش هتقعد ف فرنسا ع طول
واكيد هتصادف عمرو او منى بحكم انهم بنفس المنطقه فيبقى عندها علم وتجربه احسن ما تتفاجئ وحياه نفسها عارفه كده
مامته: هى اتكلمت معاك ف حاجه
ادم: انا قلبى حاسس بكده
مامته: لا ان شاء الله مفيش حاجه وكده كده منى مبتجيش كتير لمامتها
بسبب انهم متخانقين بسبب الجوازه وعمرو قليل اوووى يجى
ادم: وليه عين يجى
مامته: بصراحه يا ادم.. عمرو باين عليه الندم اووى هو متكلمش بس بيجى يقعد حبه صغيريين ويكمل قاعدته ف الروف ويمشى مبقاش عمرو ال تعرفه ال بيضحك دايما ساكت وحزين وخالتك مبنكلمش بعض غير سلامات
ادم: يارب ما يحصل ال ف بالى ويعدى الاسبوعين ع خير
مامته: متقلقش هيعدوا اعتقد لو وصلهم خبر ان حياه هنا مش هيقربوا
وخصوصا ان منى حامل يعنى مشغوليين
ادم : ان شاء الله
خلص ادم اكل ودخل اوضته يرتاح ودخل البلكونه وبص ع بلكونه حياه وشافها قاعده مع مامتها وباباها بتضحك وع وشها الفرحه .. فضل واقف حياه قامت شافته واقف عملتله باى باى وهو عملها وابتسم ودخل اوضته ونام ع السرير وبيفكر ف ال جى عامل ازاى ... ودخلت حياه اوضتها ونامت ع السرير وكانت حاسه بتوتر وقلق لكن وجود ادم طمنها ..!!!
__________________________
تانى يوم صحيت حياه بدرى وكانت نشيطه ومامتها لاحظت كده فدخلت تبص ع الزرع ال موجود وايه ال جد الفتره ال فاتت دخلت البلكونه وللحظه افتكرت عمرو وبصت ع البلكونه عند ادم وصعب عليها نفسها نزلت دمعه ف اللحظه دى ادم خرج البلكونه وشافته حياه مسحت دمعتها ورسمت ابتسامه ...!!
وهى باصه ل ادم وهو مبتسم ليها اخدت قرار انها مهما حصل مش هتبص لورا تانى وتنفذ وعدها ليه وتبص لقدام مهما حصل ...!!
نزل ادم راح المستشفى علشان يوفر لحياه العلاج والجلسه لان مش هينفع تقطعه وقابل هناك مها ... ادم: مها
مها باابتسامه : ادم حمد الله ع سلامتك يا دكتنور
ادم: الله يسلمك
مها: عامل ايه وحياه عامله ايه ?
ادم: الحمد الله احسن بكتير نزلنا اجازه
مها:ان شاء الله ترجعوا ع طول بقى
ادم : اكيد وحشك ناقر بتاعنا
مها بصت ل ادم: وحشنى كل حاجه المستشفى من غيرك عتمه
ادم بيضحك: كفايه انتى فيها النور كله
مها بتبتسم .. ادم: انا رايح اجهز العلاج بتاع حياه علشان كمان يومين هتيجى واظبط الحاجات و....
مها مبتسمه قاطعته : متقلقش ياادم انا مجهزالك كل حاجه ومجهزالك ال انت هتحتاجه معاها ف جلستكم مع بعض وكله تمام ..انا لما قولتيلى انكم جايين اجازه انا جهزت كل حاجه متقلقش وزى مانت عاوز
ادم : مش عارف اشكرك ازاى يا مها بجد
مها باصه ل ادم واحساسها ان مفيش امل بس صداقه ادم اهم : عاوز تشكرنى اعزمنى ع نسكافيه حالا دلواقتى ضرورى
ادم بيضحك: يلا بينا
وهما قاعدين ف الكافتيريا .. مها : قولها ياادم
ادم بص لمها: اقول لمين
مها: حياه
ادم اتفاجئ : ايه
مها بتبتسم: قول لحياه انك بتحبها ولا هتفضل تخبى عليها
ادم: مش عارف
مها : صارح حياه بمشاعرك وهى تبقى صاحبه القرار وقتها وعرفها انك مش تعبان وكنت كده علشان تساعدها لانها لو عرفت من بره ممكن تفهم انها شفقه وعطف وتخسرها هتفهمك غلط ..انت فهمها وشوف انت حاسس باايه
ادم مبتسم: انا بحس بسعاده وانا معاها وشايفها .. وقلبى بيقولى هى كمان بس مش عاوز استعجل عاوزها تخف الاول واطمن عليها تبقى كويسه ووقتها هتشجع واقولها
مها: انتوا فاضلكم 3 شهور
ادم: اوعدك قبل ما نرجع هكون فاتحتها وعرفتها كل حاجه
مها باابتسامه: ربنا يسعدكم يارب
ادم: يارب
ف الوقت دا عمرو راح لخالته يزورها عادى اول ما رن جرس الباب
خالته: جيت بسرعه يا حبيببى كده ايه خلصت مشوارك ...
فتحت الباب لاقت عمرو قدامها : عمرو
عمرو باابتسامه : ايه ياخالتو كنتى عارفه انى جى ولا ايه
خالته اتلجلجت: اصل كنت فاكراك ..
دخل عمرو وقفل الباب : فاكره مين ايه يا هدهد انتى صاحبتى ولا ايه
خالته : بس قله ادب
عمرو: اومال كنتى فاكره مين
خالته باصه ل عمرو: ا دم
عمرو بعد ما كان مبتسم اتفاجئ: ادم .. هو رجع امتى وليه حصل حاجه لحياه
خالته: لالالا حياه كويسه هما نزلوا اجازه وراجعين يكملوا العلاج وهترجع
عمرو حس بسعاده: حياه هنا .. هى عامله ايه ؟
خالته: الحمد الله احسن بكتير ربنا يكمل شفاها ع خير
عمرو ابتسم وبص ع البلكونه
خالته : اعملك ايه تشربه
عمرو : شاى ..شاى
خالته راحت تعمل الشاى وعمرو راح ع البلكونه يبص من بعيد ع حياه
ومش شايفها خالته جابت الشاى .. خالته : الشاى
عمرو: ها اه
خالته : مالك ياعمرو هنرجع تانى سيب البنت ف حالها بقى وارضى بنصيبك وبيبتك وابنك ال جى
عمرو مسك كوبايه الشاى وقعد: خالتو انا مش حاسس باى رضا ولا سعاده
انا تعبان من حياتى ال عايشها دى ... انا مش كنت عاوز كده ومعرفش انا ازاى عملت ف نفسى كده
خالته: نعمل ايه يا حبيبى النصيب بقى اللهم لا اعتراض
عمرو: بس ظلم انى اتحرم من ال بحبها
خالته بصتله: الظلم ال انت عملته انت ومنى فى حياه لو هنتكلم ع الحق
ااقل حاجه كانت لازم تعرف مش تتفاجئ .. امك الله يسامحها هى ال عملت كده واستغلت الفتره ال انت فيها نفسيتك تعبانه وخلتك تعمل ال هى عاوزاه
معان تصرفها ليها حق اى ام تتمنى لابنها احسن عيشه واستقرار وهى خافت بس تصرفها كان غلط ...
عمرو باصص لخالته وع وشه ملامح حزن: والعمل
خالته اتنهدت: نرضى بالنصيب انت بقى ليك حياه وحياه بقى ليها حياتها
انا هقوم اجهز الغدا ..
قامت خالته وقام عمرو وقف من بعيد يبص ع حياه وفى لحظه خرجت حياه البلكونه راح استخبى وكانت بتنشر هدوم ليها وشافها من ورا الستاره ولاحظ اشراقها وانها فعلا اتحسنت ومش باين عليها اى علامات التعب وحس بالندم انه اتخلى عنها فى ازمتها وسابها لوحدها .. فضل باصص لغايه ما دخلت .. فنزل عمرو وخرج وخالته محستش بيه ...!!!
_________
فى يوم ادم استنى حياه واخدها وراحوا المستشفى ياخدوا الجلسه العلاج وحصل زى ما كان بيحصل ف فرنسا مها كانت مجهزه كل حاجه ل ادم ومسهله الموضوع
حياه مع ادم فى الاوضه بتاخد العلاج ..
حياه: ادم
ادم: ايون
حياه: هما عارفين هنا انك تعبان مش كنت مخبى
ادم اتلجلج: اها مش عارفين بس مها عارفه وهىال مظبطه كل حاجه
حياه بصت ل ادم: لو انت خفيت ياادم هتفضل تيجى معايا هفتقدك بجد
ادم : وهو انا هسيبك لوحدك ..حاجه واحده ال تفرقنى عنك
حياه : هتتجوز يعنى
ادم بص لحياه: الموت ..لو مت غير كده مش هسيبك
حياه قلبها اتقبض : ادم بعد الشر عنك
ادم بيضحك: انا عارف انها اعمار بس فعلا انا مش هسيبك دا وعد قطعته لربنا
حياه بصت ل ادم: وانا عاوزك دايما جنبى ومعايا
ادم وحياه فضلوا باصيين لبعض لغايه ما خلصوا الجلسه وحياه كانت تعبانه بسيط من تاثير الجلسه اخدها ادم وروحوا ع البيت ..!!!
وصلوا البيت وطلع معاها ادم وخبطت حياه ع الباب ومحدش فتح
حياه: باين ماما نزلت هفتح اناخلاص انزل انت ياادم انا كويسه
ادم: مش هطمن غير لما تدخلى
حطت حياه المفتاح ف الباب ولاقت الشقه ضالمه : ايه دا النور قاطع ولا ايه
ادم : طيب خلى بالك وانت داخله
حياه وهى داخله علشان تعبانه كانت هتتكعبل لحقها ادم : خلى بالك
وراح ادم وقف حياه ف وسط الصاله وراح ينور النور وفاجاءه مع النور
ولاقت حاجات عماله تضرب وتطلع صوت وحاجات طايره ف الجو وبلونات
اشكال والالوان كتير واتفاجئت حياه :.. حياه: ايه دا
مامتها راحت ناحيتها : كل سنه وانتى طيبه يا حبيببه قلبى
باباها: كل سنه وانتى دايما بخير وبسعاده ويطول ف عمرك لينا
حياه بتبص لاقت ادم ماسك تورته وبيقرب ناحيه حياه وعليها شمعه واحده
حياه: ادم
ادم : يلا طفى شمعه السنه ال عدت علشان تبتدى سنه جديده من حياه حياه الجديده
حياه كانت هتطير من السعاده من المفاجئه وراحت قبل ما تطفى الشمع بصت ل ادم وطفته
ادم: كل سنه وانتى طيبه يا حياتنا
حياه بتضحك: مفاجاءه جميله كده مكنتش متوقعاها بصراحه انكم هتحتفلوا بعيد ميلادى
ادم: ودا يوم يتنسى هو اه فاضل اسبوعين بس قلت الافضل نحتفل بيه مع مامتك وباباكى ولا ايه
حياه بتبص حواليها: بس كتير اوى دا
مامتها: ادم هو ال صمم يعمل كده حب تحتفلى بعيد ميلادك معانا وعمل كل دا
بصت حياه ل ادم: بجد شكرا انك خليتنى اقضى عيد ميلادى مع اهم ناس واغلى ناس ف حياتى
ادم: ان شاء الله كل سنه هتكونى ف وسطهم
حياه: وانت معايا
ادم تنح من الكلمه ودارى توتره وطلع علبه من جيبه : اتفضلى
فتحت حياه العلبه وكانت سلسله ع شكل كاميرا
حياه فرحت بالهديه: الله جميله اوووى يااادم ميرسى بجد
ادم شايف حياه سعيده ودعى ربنا يجعل ايامها كلها سعاده والضحكه متغبش راحت حياه قطعت حته من التورته واول حد ياكل منها كان
ادم : يلا شاركنى تورتيتى زى ما مشاركنى حياتى
ادم ابتسم واكل قضمه من التورته ال مسكاها حياه وبص لحياه وحياه كانت مبسوطه جداا لوجود ادم ومامتها وباباها والتعب ال كانت حساه من الجلسه مبقتش حاسه بيه من سعادتها وكانت مامت ادم نازله لكن عمرو كان وصل ونزلت هى وسابت عمرو ف البلكونه واقف بيتفرج وبيتحسر ع انه مش مع حياه وادم ال معاها ...!!!
__________________________
وكان عمرو بيروح عند خالته ويفضل يبص ع حياه من ورا الستاره وحياه عاشت اول اسبوع عادى واتأقلمت ولا حصل حاجه وادم ع طول معاها
ففى يوم حياه مع مامتها ف الشقه
.. حياه: ماما انا نفسى ف شيكولاته
مامتها: يا حبيبتى مقولتيش ليه من بدرى انزل اجبلك حاضر
حياه : لالالا انا هنزل واهو اتمشى شويا
مامتها بصتلها بقلق: حياه
حياه بتضحك: لالالا متخافيش مش هيحصل حاجه انا زى الفل
مامتها: ادم قال متنزليش لوحدك ابدا الشارع
حياه: يا ماما دا السوبر ماركت ع الشارع ع طول هجيب الشيكولاته وارجع تمام يلا باى
نزلت حياه بسرعه قبل ما مامتها تمنعها وقفت قدام العماره وع وشها ابتسامه سمعت صوت من ضهرها .. حياه
حياه بصت ع الصوت لاقيتها مامت منى
حياه : طنط
مامت منى بكسوف واحراج: حمد الله ع سلامتك يا حبيببتى
حياه باابتسامه: الله يسلمك عامله ايه يا طنط
مامت منى : الحمد الله انتى عامله ايه
حياه: الحمد الله فل الفل
مامت منى : حياه انا محروجه منك اووى
حياه قاطعتها ومسكت ايدها: حد يتحرج من بنته ... مفيش حاجه حصلت يا طنط وال فات انا نسيته بكل حاجه انا مركزه ع حياتى والتعب بتاعى بحاربه ودا ال مركزه عليه دلواقتى وانا مش زعلانه منك ولا من منى ولا عمرو لان دا نصيب وربنا كتب كده وانا راضيه بكل حاجه
مامت منى : انا من وقت منى ما اتجوزت عمرو وشبه مقاطعها انا مكنتش موافقه وهى ال صممت والله يا بنتى
حياه باابتسامه: نصيب يا طنط ومحدش عارف نصيبه فين ربنا يهنيهم مع بعض
استاذنك انا علشان متاخرش ع ماما ..حضرتك عاوزه حاجه انا رايحه السوبر ماركت
مامت منى : تسلميلى يا حبيببتى من كل شر وربنا يهنيكى ف حياتك ويرزقك الاحسن من ال فات ويعوضك خير
مشيت حياه وحست انها اتصرفت صح لان الكره والحقد مش هيفيدها بحاجه وكل واحد بياخد ع اد افعاله وهى سلمت امورها لربنا ومكتفيه باادم جنبها .. ومامت منى نزلت دمعه من عنيها بااحساس الذنب ال بنتها عملته
مشيت مامت منى فى الوقت دا كان عمرو واقف وشاف حياه واقفه مع مامت منى وحياه كانت عاديه وبتبسم عادى سلمت وباست مامت منى اتشجع ينزل يروح يكلمها فنزل بسرعه وقعد يدور عليها لقاها بتتكلم وبتهزر مع صاحب السوبر ماركت ال دايما بتجيب منه وعارفها .. اشترت شيكولاتات وحاجات وماشيه سمعت صوت عمرو : حياه
حياه قلبها اتقبض وقفت مكانها ..
عمرو نده عليها تانى : حياه
حياه براحه لفت ع الصوت وقلبها كان مقبوض بصت لاقته عمرو اتاخدت
حياه: عمرو
عمرو بيقرب منها لاحظ حياه بتبعد .. عمرو: حياه حمد الله ع سلامتك
جمعت حياه نفسها بسرعه وافتكرت ال وعدت نفسها بيه وادم وانها مش هتبص ورا ابدا ولا تتأثر
وقفت ورسمت ابتسامه : الله يسلمك .ازيك يا عمرو
عمرو بملامح حزن وزعل: الحمد الله عايش
حياه: يارب دايما ومنى عامله ايه يارب تكون بخير
عمرو : حياه موضوع منى و ..
قاطعته حياه باابتسامه: مفيش موضوع تتكلم فيه وتبررى انت راجل متجوز دلواقتى ومتجوز من صاحبتى مفيش تبرير دا واقع وانا قفلت ع كل ال فات ومش هبص ع ورا تانى انا عايشه لحياتى الجايه ال ربنا كاتبهالى وراضيه بيها
ودا نصيب وربنا جمعكم مع بعض فربنا يهنيكم مع بعض
عمرو قرب : حياه انا عاوز اتكلم معاكى
حياه باابتسامه: عمرو مفيش حاجه هنتكلم فيها خلاص كل واحد وعايش حياته فربنا يوفقك ف حياتك ومع مراتك ...
عمرو ..: حياه ...
فى اللحظه دى تليفون حياه رن وكان ادم وقلبها ال كان مقبوض وهى واقفه مع عمرو حس باامان بوجود ادم وحست انه جه ف وقته ابتسمت ل عمرو
حياه: فرصه سعيده يا عمرو استاذن انا
مشيت حياه وردت ع ادم :الو يا دكتور
ادم: نزلتى برضه لوحدك
حياه بتضحك: نزلت اجيب شيكولاته منزلتش احارب يعنى الله
ادم: كنتى تقوليلى واجبلك وانا راجع انتى فين
حياه: قدام العماره اهو
ادم: طيب كويس
حياه حست ملهاش لازمه تقوله ع مقابلتها ع السريع مع عمرو او مامت منى
حياه: المهم يادكتور ميضروش هاتلى شيكولاته وانت راجع بقى هستناها
ادم بيضحك: حاضر يلا اطلعى
قفلت حياه وع وشها ابتسامه ونسيت مقابلتها مع عمرو وحست زى ان الدنيا كانت غيوم وفاجاءه مطرت والشمس طلعت وجود ادم خلااها متفكرش ف عمرو لما قابلته ولا أثر فيها غير ف الاول من المفاجئه لكن اتعاملت عادى وفرحت بنفسها انها عملت بالوعد وماشيه صح وان ال كانت خايفه منه يحصلها محصلهاش ومتهزتش قدام عمرو والسبب ادم
وعمرو كان واقف متصلب مكانه معرفش يعمل ايه ولا يرد ع حياه باايه وحس انها بتكلم ادم وطريقه ردها ..اضايق وروح ع البيت .. دخل بسرعه ع المكتب وكانت منى ومامته قاعدين ف الصالون
قال بصوت عالى وهو داخل المكتب : محدش يدخلى ولا يقلقنى
مامت عمرو: هو ماله ايه ال معفرته كده
منى : مش عارفه بجد اول مره اشوفه كده
مامت عمرو: خلاص سبيه يهدى مع نفسه زى ماقال بلاش مشاكل
منى بصت لمامته: ماشى يا ماما
ودخل المكتب حس بخنقه كبيره وقبضه ف صدره وقعد ع الكرسى فتح الدرج
وبص ع العلبه ال فيها دبله حياه ودمعه نزلت من عينه ...!!
__________________________
فى يوم عمرو كلم خالته وعرف ميعاد رجوع ادم وقرر انه يروح يتكلم مع ادم
بس ادم كان بيتجب يتكلم مع عمرو علشان مش عارف ممكن يعمل ايه معاه
فى يوم عمرو فضل قاعد مستنى ادم وكان بيراقب حياه من ورا ستاره البلكونه
فتح ادم بالمفتاح باب الشقه : انا جست يا ماما
عمرو شافه وقف : حمد الله ع سلامتك
ادم بص ع الصوت: عمرو
عمرو باابتسامه: وحشتنى يا دكتور
ادم بص ل عمرو وحس انه عاوز يضربه فسابه مردش عليه وراح ع اوضته
جرى عمرو ومسك ايد ادم : ادم ... انا عارف انك مش طايقنى بس انا محتاج اتكلم معاك انت ال هتساعدنى
بصله ادم : اساعدك .. اساعدك فى ايه
عمرو : ممكن تقعد وتسمعنى بهدوء
ادم حاول يتمالك نفسه وقعد : خير
عمرو: انا عارفه ومعترف انى غلطت وغلطت غلطه كبيره
بس والله ماعارف انا عملت كده ازاى .. الفتره ال تعبت فيها حياه انا كنت خايف افقدها ويحصلها حاجه فكنت متلغبط جدااا ومش عارف فى ايه .. وفوقت متاخر بعد جوازى من منى
ادم بيضحك ضحكه سخريه: فوقت ليه هو انت اتجوزت وانت نايم مكنتش حاسس دا جواز يا عمرو جواز وال عرفته ان المدام حامل
عمرو بملامح حزن: والله ما عارف انا عملت كده ازاى كنت تايه ومتلغبط وتفكيرى مشتت
ادم بملامح ضيقه : عاوز ايه يا عمرو من كلامك دا
عمرو: عاوز اقولك انى مش قصدى اوجع ولا اجرح حياه انا بحبها
ادم سمع الجمله الاخيره قام وقف : خلصت
عمرو: والله بحبها ومش نسيتها وندمان انى عملت كده وسيبتها
انا كل يوم عايش ف ندم وحسره ع ال عملته وانى سبتها
ادم ادم بص ل عمرو: عمرو انت متجوز .. متوقع من حياه انها ترجعلك ولا ايه
عمرو: انا مستعد اسيب كل حاجه واروحلها
ادم بعصبيه : عمرو ..انت فاكرها بسهوله تموت حد وترجع تانى بعد ما ربنا اداله فرصه يعيش انت ليه عاوز توجع حياه سيبتها ف اكتر وقتك محتاجاك فيه دى كانت وهى ف فرنسا كل ال بتقوله عاوزه اخف علشان عمرو انا عاوزه ارجع لعمرو انت كنت املها وطلعت وهم .. سيبها تعيش ..ليه عاوزها لما تشوفك تتوجع تانى وتتعب بعد ما خفت ..انا بحذرك يا عمرو تقربلها
عمرو قاطعه : ماهى شافتنى ومحصلهاش حاجه يبقى هيبقى عندها مساحه تفهمنى انا عاوز فرصه ..فرصه اتكلم معاها
ادم اتفاجئ: شافتك فين
عمرو: من يومين ف الشارع واتكلمنا شويا ومشيت
ادم اضايق ان حياه مش قالتله : حياه
عمرو: ال طالبه منك تتكلم مع حياه تدينى فرصه ولا انت ال مش عايز
ادم بص ل عمرو: اعتقد كلامك خلص انا داخل اوضتى
ومشى ادم وساب عمرو ودخل وهو متعصب وغضبان من ال سمعه سواء من كلام عمرو وانه عاوز يرجع لحياه وبين احياه خبت عليه انها قابلت عمرو ومبنش عليها حاجه .....!!!
__________________________
قبل الاسبوع التانى ما يخلص فكر ادم انه يستعجل برجوعه هو وحياه فرنسا
وابتدا يجهز فى الاوراق وعرف حياه وكانت موافقه واتلكك ان ف عمليه ضرورى يحضرها هناك وحياه مجبتش سيره ل ادم ع مقابلتها ل عمرو ومحطتش ف دماغها اصلا وسافروا فعلا فى يوم ال سافرت فيه حياه وادم عمرو كان ف المطار وملحقش يشوف حياه رجع ع البيت ودخل ع اوضه المكتب
منى قاعده مع مامت عمرو ومش فاهمه عمرو متغير اوى ليه كده الفتره دى
منى: ماما
مامت عمرو: ايوه يا حبيببتى
منى: مش ملاحظه عمرو متغير اوى بقاله اسبوعين دا مش بقى يجى يقعد معانا والاكل بياكل لوحده وبقى يغيب بره البيت كتير
مامت عمرو: غيره دى ولا ايه لا متقلقيش عمرو مفيش حد ف حياته غيرك انتى مراته وحبيببته وام ابنه ان شاء الله
منى بملامح قلق: لا انا حاسه ان عمرو متغير الفترد دى وفى سبب
مامت عمرو : بصى انا مش كنت عاوزه اقولك بس حسيت لازم اعرفك
منى: خير فى ايه
| مامت عمرو بتلجلج: اصل ..اصل حياه كانت هنا
منى متفاجئه: حياه ... هنا فين هى نزلت مصر
مامت عمرو: ال سمعته من هدى انها جت اجازه ورجعت ..
رجعت تانى فرنسا خلاص متقلقيش
منى بان عليها ملامح خنقه وضيقه: جت امتى من اسبوعين .. عمرو كان عارف
مامت عمرو : متهيالى
منى: يبقى ال شقلب عمرو كده حياه .. شافها واتكلم معاها
هى رجعت تدمرلى حياتى هى هتنتقم منى انا عارفه
مامت عمرو بتهدى منى : يا حبيببتى بقولك رجعت رجعت خلاص
منى : عمرو متغير وانا اقول ايه السبب طلع حياه انا هتكلم معاه
مسكتها ام عمرو وقعدتها : اهدى كده ومتخربيش ع بيتك
منى : اخرب ايه .. حياه ال جايه تخربه جايه تنتقم منى
مامت عمرو : لالالا متقوليش كده هى هتركز ع علاجها ولا تشاكل الناس اهدى انتى بس
منى قاعده ودموع نزلت من عنيها: انا قلت خلاص بقى ليا حياتى وبيتى وجوزى ال بحبه وابنى ال جى كل دا هيدمر يا ماما
مامت عمرو مسكت ايديها: عيب تقولى كده وانا موجوده
مش انا ال ساعدتك فى الاول تتقربلى لعمرو وعرفتك ازاى وتخليه بنفسه يطلب يتجوزك انا هخليكى تحافظى ع جوازك
منى: انا سمعت كلامك ف كل حاجه مفكرتش ف حياه لانى انا ال حبيته الاول انا كنت الاحق بيه مش هى
مامت عمرو: علشان كده خططنا نجحت واديكى اهو عايشه ف بيته وشايله ابنه
منى: تفتكرى حياه هتاخده منى
مامت عمرو: انا مش هسمحلها وانتى كمان
اطمنى بس واهدى ماشى ..
ف اللحظه دى كان عمرو واقف وسمع عن تخطيط امه ومنى وانهم ال وصلوه لكده وانه اضحك عليه واستغلو ضعفه وقتها وعرفوا يسيطروا عليه ...
رجع دخل المكتب بيجمع ال سمعه وحس قد ايه هو غبى انه ساب حياه علشان منى فتفكير الاكبر يرجع لحياه ..عمرو فضل قاعد ف مكتبه عمال يفكر يعمل ايه ويرجع حياه ازاى وخصوصا انه حس ان ادم مش هيساعد فجت ف باله مها فقرر يروحلها يتكلم معاها ....
تانى يوم نزل راح المستشفى يسأل ع مها
راح ناحيه الريسبشن .. عمرو: لو سمحت دكتوره مها القيها فين؟
موظف الريسبشن: فى قسم الاطفال
عمرو: شكرا
راح عمرو قسم الاطفال وسأل عن مها وكانت بتمر ع الاطفال فاستناها ف مكتبها رجعت مها ودخلت وبصت استغربت ..: ايوه
عمرو مبتسم: عمرو ابن خاله ادم ..دكتور ادم ..غردقه و,,
مها افتكرت: اهااااا .. اهلا بيك اتفضل اقعد تشرب ايه
عمرو: شكرا انا طلبت
مها باابتسامه: ادم سافر امبارح مش هنا اكيد عارف
عمرو : انا جى ليكى مش ل ادم
مها : خير اتفضل ؟
عمرو سكت لحظات : انا عارف انك بتحبى ادم
مها سمعت اتصلبت: ايه
عمرو: انا عارف ان دى خصوصيه ومينفعش اتطفل عليكى وادخل فيها
بس حسيت انى لازم ادخل لانى عارف احساس انك تكونى بتحبى شخص ومش عارفه تكونى معاه
مها بتجمع نفسها: انا حتى لو زى ما بتقول انا عارفه اتعامل مع نفسى متتعبش نفسك
عمرو: بصراحه كده انا عاوز ارجع لحياه ..انا بحبها
مها اتفاجئت : مش انت اتجوزت ؟
عمرو: انا ممكن اسيب كل حاجه علشان حياه
مها تنحت : وادم
عمرو: اتكلمت معاه علشان يصلح الامور مع حياه واتجنبنى وسافر
مها اتنهدت: علشان ادم بيحب حياه
عمرو بص ل مها: بتقولى ايه
مها قامت وقعدت قدام عمرو: ادم بيحب حياه
عمرو: وعرفتى ازاى هو قال
مها: ادم مش محتاج يقول .. تصرفاته وافعاله قايله بوضوح بحب حياه
ادم كل ال حواليه شافوا وعرفوا من تصرفاته انه بيحب حياه دا بياخد علاج مع حياه علشان يبقى معاها ف الجلسه ..هو اه مش كيماوى لكن بيتحطله ابره ومحلول وبيفضل قاعد معاها وجنبها اكتر من 4 ساعات ومعاها ع طول فطار وغدا وعشا ... ادم بيعمل المستحيل لحياه علشان تخف ..ادم بيحب حياه
عمرو متفاجئ من ال سمعه: عاوزه تقوليلى ان ادم بياخد علاج مع حياه وهى عارفه
مها: حياه فاكره ادم مريض زيها وبيتعالج معاها نظام العلاج الجماعى كده
عمرو: يعنى مش تعرف انه بيكدب عليها
مها: مش كدب دا تشجيع منه ليها
عمرو حس ان ادم متقدم عليه كتير : مها انتى بتحبى ادم
مها: مش هيفيد بحاجه اى كلام هتقوله انا رضيت بقدرى وبتعامل معاه مش عاوزه اخسر ادم ولا صداقته
عمرو :وانا هساعدك تكونى ل ادم وانتى ساعدينى ارجع لحياه
مها: نعمل ايه اذا كان ادم قبل ما ينزلوا مصر ادم قالى هيعترف لحياه بحبه ليها
عمرو لما سمع كده : نسافرلهم انا وانتى وناخد حقنا انا ضيعت حياه مره مش هضيعها تانى
مها كلام عمرو اداها امل ان حياه هترجع ليه وادم هيكون معاها ومتعرفش ازاى وافقت عمرو ف كلامه واتفقوا يسافروا فرنسا ل ادم وحياه ....!!!
__________________________
سافرت حياه وادم و رجعت لحياتها هناك والكل كان مشتاق ليها ووجوداها
وهى قاعده ف اوضتها دخلتلها الممرضه تاخدها ع اوضه الجلسه
الممرضه : كنا مفتقدينك يا حياه الكل بيسأل عنك لما سافرتى الكبار قبل الصغيرين
حياه باابتسامه: وانتم كمان والله وحشتونى
الممرضه : هنزعل اوى لما تسافرى بعد ما تخلصى علاجك
حياه بتضحك: خلاص افضل موجوده
الممرضه: لالالا بعد الشر ان شاء الله تخفى وتبقى احسن واحسن بس
لو جت فرصه تيجى انتى ودكتور ادم ياريت
حياه: ربنا يسهل
بصت الممرضه ع السلسه ف رقبه حياه : جميله السلسله دى
حياه مسكتها وباابتسامه كبيره: ادم جبهالى
الممرضه: بصراحه الكل بيحسدك عليه وعلى حبه ليكى
حياه اتفاجئت: ايه حبه
الممرضه بتغمزلها: دا باين زى الشمس دكتور ادم بيحبك
انالو منك اقفش فيه ومش اسيبه
حياه قلبها دق واتاخدت وفرحت لكن دارت احساسها لان ادم مش قال ليها حاجه مجرد احساس بس ...!!!
حياه بتلجلج: لالا انتوا فاهمين غلط
الممرضه بتضحك: داانتى ال شكلك مش فاهمه حاجه يلا بينا دكتور ادم مستنيها هناك هيحصلنا لان كان عنده كشف
حياه ماشيه مع الممرضه ومش عارفه ايه ال حصلها حست بسعاده فى نفس الوقت خبت احساسها
دخلت الاوضه لاقت ادم مستنيها باابتسامه : ما لسه بدرى يا انسه
حياه بتضحك: التوكتوك بقى
ضحك ادم : يلا بينا
فاابتدت اول جلسه علاج لما رجعت مع ادم وهما قاعدين ونايمين ع السرير
حياه المرادى كانت باصه ل ادم وع وشها ابتسامه وكلام الممرضه بيرن ف ودنها وقلبها بيدق وحاسه بسعاده انها مع ادم
ادم: بتشبهى عليا ولا ايه
حياه:اه اصل اعرف واحد شبهك كده
ادم بيضحك: اممم شبهى شبهى ف طعمتى وحلوتى
حياه : شوفت الصدف كمان دكتور
ادم : يااااه لدرجه دى
حياه باصه ل ادم: واكتر لولاه مكنتش هفضل عايشه لغايه دلواقتى .. لولاه مكنتش هكون كده
ادم اتاثر بالكلام : دا لولا اصرارك وارادتك وشجعتك يا حياه
حياه: مهما قلت فانت السبب الرئيسى لل انا وصلتله من تحسن
حياه قلبها دق اوووى وهى بتتكلم وحست بحاجات كتير وبسعاده بنظرها ل ادم
ادم ابتسم: ربنا يخليكى ليا يا حياه وتخفى وتعيشى
حياه: ويخليك
ادم اتوتر فغير الموضوع: قوليلى الكل هنا ف المستشفى ملهمش سيره غير حياه هيزعلوا اوى لما نرجع مصر
حياه: انا كمان هفتقدهم اووى بجد
حست حياه بتوتر وحاجات غريبه فحبت تهرب :ادم العلاج ابتدا يهمدنى انا هنام شويا
ادم : نامى
غمضت حياه عينها هروب من نظرات ادم وخافت تتقفش .. ادم فضل باصص ع حياه فقام براحه وقرب منها وحست بيه حياه لانها مكنتش نايمه كانت بتمثل انها نايمه ولمس خدها ورموشها وحست حياه باايده
واتكلم ادم وهو بيلمس بصوابعه وش حياه ودراعها ال فيه الكلنه : ان شاء الله يا حياه مش هتحتاجى تعيشى الموقف دا تانى وال جى هيكون احسن واحسن ولا هتتألمى تانى ولا تتوجعى وانا مش هسيبك وهفضل معاكى .. لو اطلب منى اديكى عمرى مش هأخره عليكى
حياه سامعه كلام ادم اتمالكت نفسها وعملت نفسها نايمه وكانت هتطير من الفرح من الكلام لان ادم بياكدلها احساسها وكلام الممرضه واحساسها بال حساه اكبر دليل على انها بتحب ادم فعلا ايوه بتحب ادم وقلبها بيقولها هو كمان بيحبها فدعت ربنا يحققلها امنيتها ويجمعها مع ادم ومتتفرقش عنه ويشفيها ويشفيه ويبقوا مع بعض .. عملت نفسها هتفوق بسرعه ادم راح ع سريره
ادم: صحيتى
حياه: هو انا نمت كتير
ادم: يعنى ليه
حياه: اصلى حلمت حلم حلو اوى
ادم بيضحك: ف الوقت الصغير دا ايه ياترى
بصتله حياه : مش هقولك علشان يتحقق
ادم : اممم بقى كده ماشى
فضلت حياه وادم بيهزور وبيضحكوا وخلصوا الجلسه وحياه فعلا حست بتعب راحت ترتاح ف اوضتها ونامت وغمضت عينها وماسكه السلسله وهى نايمه ابتسمت وكررت الامنيه تانى ...!!!!
__________________________
ضبط عمرو احواله وشغله واخد قرار انه يسافر ويرجع حياه قبل ادم ما يقولها اى حاجه ...فى يوم عمرو ف بيته فى اوضه مكتبه بيدور ع جواز سفره
منى دخلت ع عمرو وهو بيدور ع جواز سفره
منى: بتدور ع حاجه اساعدك
عمرو: جواز سفرى مش عارف حطيته فين
منى اتفاجئت: جواز سفرك ..ليه .. هتسافر لباباك ولا ايه ؟
عمرو مش باصص لمنى وبيدور ف الادراج: لا هسافر فرنسا
منى سمعت فرنسا عرفت انه رايح لحياه: فرنسا
عمرو: اها
منى :وانا
عمرو بصلها وانتى ايه
منى: الدكتور هيحدد الولاد امتى مش هتبقى معايا
عمرو: البركه ف ماما معاكى مش كفايه عليكى ماهى معاكى ف كل حاجه
منى اضايقت انه مش اهتم: هتسيبنى وتسافر لحياه ياعمرو
عمرو سمع منى وقف وبنظره حاده: ايوه يامنى انا هسافر لحياه
منى بعصبيه: حياه ..
عمرو بص لمنى: اخرجى من المكتب يا منى بعد اذنك مش عاوز نتكلم دلواقتى مش فاضى
منى مره واحده انطلقت وبعصبيه: حياه ياعمرو .. هتسيبنى انا وابنك علشان حياه يبقى انت متغير من وقت ما كانت هنا وقابلتها وكلمتها واقنعتك تسيبنى وتسافرلها عملتها حياه رجعت تدمر بيتى وحياتى وتخطف منى جوزى
عمرو قاطعها بعصبيه: مين ال خطف مين يا منى ومين ال دمر وسرق حياه مين انتى بتكدبى وتصدقى نفسك ...انا سمعت كلامك مع ماما وتخطيطكم وانك استغليتى الفتره ال كنت مشتت وخايف وقلقان ع حياه وخليتها لصالحك وبعدتينى عنها بدل ما تشجعينى وتخلينى اتمسك بيها خلتينى اتجاهلها واسيبها .. انتى وماما لعبتوا بيا زى عرايس للعبه روح ياعمرو عمرو يروح تعالى يا عمرو عمرو يجى .. اتجوز يا عمرو علشان اهلها هيغصبواها
فيتجوز عمرو ... انتى ال خطفيتى من حياه علشان انانيتك .. تعملى كده ف صاحبتك ....منى انا بحب حياه ومحبتش غير حياه ومش هكون غير لحياه وغلطتى هى ارتباطى بيكى وهصلحها
منى دموعها نازله ومتفاجئه من كلام عمرو ومامت عمرو سمعت ودخلت: ايه ال بتقوله دا يا عمرو مراتك حامل وكده غلط ع ابنك ..
منى: يعنى انت بتنهى علاقتك بيا وهتسافر لحياه
عمرو: اعتبريها زى ماانتى عاوزه انا هروح لحياه وهعمل المستحيل علشان ترجعلى ومهما كانت طلباتها هتتنفذ
مامته بعصبيه: عمرو
عمرو بعصبيه قاطعها: وانتى يا ماما كفايه كده السنين ال خلتينى اعيش ف كئابه وحزن ونكد ولا شوفت لحظه سعاده ولا حستها البيت دا بالنسبالى سجن وانتى السبب ومنى السبب ..انانيتكم موتتنى وانا عايش
مسك جواز السفر : انا هسافر لحياه وهرجعها هرجع حياتى ال بغبائى ضيعتها هرجعها ...!!!
______
يتبع
ليست هناك تعليقات:
إرسال تعليق