(18)
فى يوم وهما ف المطعم " جميله " ف المطبخ و " على " واقف ف الصاله بيشتغل عادى بياخد طلبات الزباين "جميله " خرجت من المطبخ بتتسحب تبص ع " على " وقفت بعيد وابتسامتها ع وشها .. " على " شافها وابتسم وهى بصاله بعتتله بوسه بعنيها " غمضت عنيها وفتحتها " .." على" مسكها باايده وحطها ع صدره .. ف المشهد الرومانسى دا كان " احمد" داخل من باب المطعم رايح اتجاه مكتب مستر " ادم " علشان يعرفه انه رجع من الاجازه
وكمان علشان يعمل مفاجاءه ل " على " وهو داخل لمح جميله واقفه وبيبص عليها باصه على مين لقاها باصه على " على " ومبتسمه وعلى كان بيتكلم مع زبونه ولاحظ "على" ابتسامته باينه اوى مع الزبونه وشايف طريقته اتغيرت ..حس " احمد بحاجه غريبه بتحصل او معنى اصح حصلت من وراه .. بهدوء مشى بشويش اتجاه " جميله" وبصوباعه خبط ع كتف " جميله " : احمد: جيمى
اتخضت "جميله" : احمد .. انت جيت امتى ؟
احمد بيضحك: انتى شوفتى عفريت ولا ايهايه يابنتى الرياكشن دا ..انا قلت هتفرحنى وتاخدينى بالحضن ولا حاجه
ضحكت جميله: والله كنت واحشنى وافتقدك اوى هنا
احمد بيغمزلها: غسلتى مواعينى ومواعينك
جميله: امااان يا معلم ونظيف للاخر قطره
احمد بيضحك: والله انتى وحشتينى ولوول كمان رغم مكالماتكم القليله بس انا اجدع منكم ومش هزعل .. انا افتكرت هتزهقونى مكالمات يا بخله
جميله: طمنى عمو عامل ايه ?
احمد باابتسامه كبيره : عمو عاوز عروسه
جميله ضحكت: بجد
احمد : اه والله لما اتحسن وبقى كويس طلب من عمتى تشوفله عروسه شوفتى الهنا الل انا فيه .. ابويا هيتجوز يا جيمى ل المره ال 3 وابنه لسه بكر رشيد
جميله بتضحك : يخرب عقلك .. قولى وصلت امتى ومقولتش ليه انك جى
احمد:حبيت افاجئكم انا بخ ...
جميله: لا بجد ..جيت امتى
احمد بيتنهد: لسه واصل وصلت شنطتى الشقه وجيت اقطع الاجازه وقلت افاجئكم
جميله ب اابتسامه: كنا متوقعين انك جى الاسبوع الجى
احمد: لا مدام الحج فاق وهرمون النشاط ضرب ف عروقه وهيتجوز اسيبه انا بقى يتجوز براحته ..مش عارف انا كانت بيحطوله ايه ف المحاليل الحبايه الزرقا
جميله ضحكت : حمد الله ع سلامتك ..احلى مفاجاءه
احمد بخبث وبيبص ع " على " : قوليلى اخبار لوول ايه زعلك ف حاجه
جميله تلقائى ابتسمت وهى بتبص ع على : لا خالص
احمد بصلها: ماشاء الله بتعملى اعلان معجون سنان ايه الابتسامه دى
جميله خبطته : يا رخم .. بس بججد احلى مفاجاءه انك جيت
احمد بيغمز ل جميله : واضح كده ان فى مفاجاءه تانيه مستنيانى انا معرفش عنها حاجه
ف الوقت دا شيف من المطبخ شاف " جميله" واحمد واقفين : حمد الله ع السلامه يااحمد
احمد: الله يسلمك يا شيف
الشيف: مينفعش تقفوا هنا والزباين و ..
جميله بلجلجه: اووه سورى .. يلا يااحمد
احمد: ادخلى انتى انا هروح لمستر ادم الاول وهاجى
دخلت جميله ومشي احمد اتجاه مكتب مستر " ادم " وف الطريق شافه " على " وسلم عليه ع السريع ودخل المكتب وخرج دخل المطبخ وغير هدومه ولبس اليونيفوم الشغل .. وشكه ان فى حاجه حصلت وخصوصا لما لاحظ " جميله " بتعمل عصير فى كوبايه كبيره وبعدها قسمتهم ع كوبايتين سابت كوبايه واخدت واحده وخارجه ..
احمد: رايحه فين يا جيمى
جميله بسربعه : جايه تانى ..ثوانى
راح وراها احمد بيراقبها ولقاها واقفه بتشاور ل " على" و"على" راح ليها وع وشه ابتسامه " احمد " بقاله كتير مشفهاش وبسرعه رجعت "جميله" المطبخ و" احمد اخد الكوبايه التانيه وخباها رجعت " جميله بتبص ع الكوبايه ومش لقياها واتخضت :
جميله : احمد .. فين الكوبايه الل كانت هنا ؟
احمد بلامبالااه : الل كانت هنا دى الل فيها عصير دى
جميله : ايوه اوعى تقول شربتها
احمد: ياريت .. دى وقعت
جميله : ايه .. ازاى وانا كنت حاطاها بعيد
احمد بخبث: امم بصراحه .. انا طمعت فيها لان العصير كان شكله حلو اوى وجيت امسكها راحت وقعت من ايدى يلا مش خساره فيا
جميله مخضوض: بجد وقعت
احمد مسك الكوبايه: لا لكن لو مشربتهاش دلواقتى هوقعها اهو
ولسه " احمد" بيقرب الكوبايه من بوقه راحت "جميله: اتجاهه بسرعه وشدتها
احمد: ايه دا يا جيمى مستخصره فيا كوبايه عصير
جميله ماسكه الكوبايه: هعملك عصير واكبر كوبايه لكن دا لا لا
احمد: ليه ان شاء الله .. العصير فيه سم قاتل ودى شده تشديها ..
جميله: معلش يا احمد ..هعملك واحد تانى مخصوص
احمد برخامه: لا انا عاوز دى ولو مشربتهاش مش عاوز حاجه
جميله: لا .. هعملك غيره
احمد: لا هاخد دى
جميله : لا قلتلك لا
الشيف بصوت: ايه الدوشه دى ..كل واحد يبص ع شغله
احمد بصوت واطى ل جميله: ماشى يا جيمى مش هنسهالك
جميله شربت العصير وطلعت لسانها ل احمد ...
جه وقت الغدا وكل واحد اخد طبقه واحمد بيبص ع " على " لقاه قاعد و"جميله" راحت قعدت جنبه
احمد: والله العظيم فى حاجه حصلت
راح شد كرسى وقعد قدامهم : بصوا بقى هتقولولى ايه حصل ف غيابيى ياما مش هعديلكم اليوم دا فاهمين .. عملتوا ايه ف غيابى اعترفوا يلا
على بيضحك وهو وجميله ... على : مالك كده
احمد: انتوا غير ما كنت سايبكم وماشاء الله انت بتضحك ع طول دانا نسيت شكلك وانت بتضحك يا جدع انا نااسى اخر مره كانت امتى .. وجميله مرضتش تشربنى العصيرالل انت شربت منه عادى يعنى وشدتوا منى ..فى ايه بقى ها ..ها .. ها
"على" مسك ايد "جميله" وباسها واحمد تنح لما شاف كده
احمد وهو مذبهل من المفاجاءه : اوعوا الل بالى يكون صح
جميله بتضحك وبتهز راسها : yup
على : مش كله لان عارف دماغك هتسرح منك
احمد بصوت عالى : يا ولاد اللذينه ... اسيبكم شهر ارجع القيكم كده يعنى لو كنت طولت اسبوع كنت هرجع وهلاقى معاكم عيال
على : لم نفسك
احمد ضحك: صحيح جميله انتى نقلتى ولا لسه ؟
على : لا لسه
احمد بيغمز : ايوه بقى والشقه فاضيه و..
على خبط الفوطه الل قدامه ع وش احمد: لم نفسك قولتلك مفيش حاجه من الل ف دماغك الزباله دى
جميله: هو يقصد ايه ؟
على: متركزيش هو دماغه زباله كده
احمد بيضحك: يخربيت عقلكم دا احلى خبر سمعته بعد خبر ان بابا خف وانه هيتجوز والله فرحتلكم اكتر من ابويا والله مبروووك يا لوول عليك جميله .. معانها خساره فيك
جميله ضمت دراع "على" ليها: مبروك عليا انا هو ..
احمد: انزلولى بالكمانجات تيرارارارارارا
على بيضحك: بطل بواخه
كان ف بنت ندهت جميله وقامت ... على : انت بجد مبسوط لينا
احمد: اكتر مما تتخيل يا جدع
على : اصل جه وقت وحسيت ان ف حاجه ناحيه جميله منك و ..
احمد قاطعه وضحك: يخرب عقلك ..داانت كنت مركز معانا من زمان وعامل نفسك من هناك يا لوول ...
على : مش اوى يعنى
احمد بيغمزله: ماهو انت لو كنت مفتح كنت عرفت ان البت دى حبيتك من اول ما شافتك وصبرها عليك من حبها .. وربنا بعتلك فرص كتير علشان تحس وانت جبله ..انا لو كنت جيت ولاقيتك مزعلها او مكدرها انا كنت هقولها يابت الحلال هذا الكائن مفقود منه الامل انسيه وتعالى نتجوز نكسب ف بعض ثواب بما اننا فاشلين ف اختياراتنا
على ضحك: انا فهمت متاخر لانى كنت محتاج افهم نفسى الاول عاوز ايه وكنت محتاج وقت ارتب حاجات كتير ف حياتى
احمد: جميله بنت جدعه يا على متسبهاش
على : ان سبتها انا هى مش هتسبنى
احمد: لو زعلتها هتلاقينى ف وشك انت متعرفش هى عندى ايه
على بص ل احمد : بجد مفيش حاجه من ناحيتك لجميله ؟
احمد ضحك: عارف يالوول .. ربنا خلق البشر اتنين اتنين ولكل فرد ليه الزوج الل يكمله .. جميله اتخلقت ف الدنيا علشانك وانت جميله ليك انتوا الاتنين بتكملوا بعض بطريقه مش متخيلها ف انت محتاج ل جميله وهى محتجالك . انا وجمميله اخووووات ..جميله وقت ما عرفتها مفكرتش فيها اى تفكير غير انها بنت جدعه وحسيت انها اختى الل اتحرمت منها لانى كان نفسى يكون عندى اخت اناكف فيها ..انا كنت بغير اووى لما بلاقيك بتحكى وبتتكلم مع هبه يا على بجد .. فسبحان الله ربنا بعتلى جميله اختى الل ابويا وامى مخلفهاش ودا احساس من ناحيتها لا اكتر ولا اقل ..ربنا يشهد انى معاملتى وكلامى ل جميله اخواتى مش اكتر
على : يعنى محبتهاش ؟
احمد : انت غبى .. بقولك اخويه وصداقه بس محستش اى مشاعر تانيه اتجاهها .. اقولك ع سر
على : قول :
احمد: فاكر اول ما جينا هنا واتعرض عليك شغل ابراهيم وكلامك انك تحافظ ع نفسك علشان واحده بس ومتعكش
على اتنهد: اها
احمد: انا يومها راجعت نفسى وندمت انى شجعتك وحسيت انك بتتكلم صح احافظ ع مشاعرى وقلبى ل انسانه واحده تدخل جواه واقفل الباب عليها واسيبها تفرفر جوه لغايه ما اجيب اجلها
على ضحك : فقرى يخرب عقلك
احمد: انا اول ما قابلت جميله وكلامى معاها عرفت ع طول هى معجبه بيك وانت طراوه يا حج وقتها حسيت بغيره مش علشان جميله نفسها وكده لا لا خالص .. حسيت بغيره علشان انت فعلا تستاهل واحده زى جميله تكون ف حياتك قلت لنفسى لو كنت انا ماشى صح ف حياتى ومعكتش يعنى بمعنى اصح زمان ولا اول ما جيت هنا وكنت استنين حلال ربنا كان ربنا كرمنى بالانسانه ال تربع ف قلبى وميبقاش ف غيرها ... هو انا اه فوقت متاخر وربنا باين كده بيعاقبنى ع الل عملته زمان ف دنيتى وضحكى ع بنات الناس بان الانسانه المختاره ليا لسه مقبلتهاش لكن انا راضى ومستنى وباخد قلبى وشين دهان وترويق وهفرشه اغلى حاجه لانسانه الل تستاهله بجد واهو حاليا اشتغل دور النخله ليكم
على ضحك: ربنا هيكرمك بواحده تكون نتيجه صبرك ليها ..انت يااحمد تستاهل كل خير
احمد : احم ..احم.. طيب شخلل بقى شويا خير ل احسن اخوك راجع من مصر مفلس الحج قشطنى
على ضحك : وعاوزهم فكه ولا ورق
احمد: لا الورق بيتبل خليها فكه تشخلل
وكملوا قعدتهم هزار وضحك وانضمت ليهم جميله وخلصوا ورجعوا ل شغلهم بفرحه بين التلاته ....!
خلصوا شغلهم ورجعوا ع البيت وكان "على" اشترى اكل جاهز وحلويات وشوكولاته ل جميله احتفالا برجوع احمد ...
احمد: لالا كده كتير يا بشر انا هيغمن عليا
جميله: دا لينا كلنا
احمد: وانا الل افتكرت ان دا كله ليا
على : ليه ان شاء الله هتاكل كل دا
احمد بيهزر رسم ملامح حزن: اهى اهى .. ماهو انا بعد ارتباطكم مفضلش غيرى انا والاكل
على ضحك.. جميله: تحب اعرفك ع حد من اصحابى
احمد : لا شكرا حضرتك .. انا هعمل زى لوول واسيبها لصدفه انا بحب المفاجاءات ومجايب المفاجاءات
جميله بتضحك: انت مفاجاءه نفسها يااحمد
على بيضحك: يلا كمل اكل
احمد باصص لطبق: اهو انت رفيقى وحبيبى لفيت ورجعت لاقيتك تعالى ف بطنى يا حبيبى
"جميله" و "على" ضحكوا وكملوا اكلهم خلصوا غسيل مواعينهم وترويق مكان الاكل
جميله باابتسامه وباصه ل على : تصبح ع خير
على باابتسامه وباصص ل جميله : تصبحى على خير
احمد بعد ما شافهم واقفين ومقضينها نظرات اتنهد : اصبح على خير انا
دخل احمد اوضته ... جميله: انا هتنقل من الاسبوع الجى
على : ليه
جميله : علشان احمد وميضايقش
على: اذا كان احمد الل اتمسك بيكى وبعدين انتى مضايقه
جميله بسرعه: لا خالص ..داانا مبسوطه وسعيده اوى انى طول اليوم معاك
على مسك ايد جميله الاتنين وقفل عليهم باايده: بمناسبه طول اليوم
انتى مش هتنزلى معانا الصبح خلاص ..احمد رجع وانتى ارتاحى وكفايه المطعم
جميله بملامح مقموصه: ليه بقى
على : قولنا نسمع الكلام وانتى كنتى نازله مكان احمد وهو هنا
جميله: طيب هبقى انزل معاكم تخاطيف ماشى
على : ماشى
جميله ابتسمت .. على باصص عليها وهى باصاله قرب منها وباس راسها: تصبحى على خير
جميله اتنهدت: وانت من اهله
دخلت جميله اوضتها وقلبها بيدق وطايره من السعاده و"على" هو كمان دخل رمى نفسه ع السرير ... قبل ما يناموا باب اوضه "على" خبط وكان احمد :
فتح احمد الباب وبص ل على : نمت يا لوول
على : لا تعالى
دخل احمد : بصراحه مقدرتش انام قبل ما اتكلم معاك ف حاجه
على : اتكلم سامعك
احمد : هتعمل ايه ف شغل ابراهيم مش صح تشتغل و..
على قاطعه: انا كنت مستنيك ترجع واحكيلك ..انا قطعت شغلى مع ابراهيم خلاص
احمد: بجد .يعنى مفيش رجوع
على : اها ان شاء الله انا حتى كمان جمدت الرصيد الل ف البنك
احمد ب استغراب : ها
على : هعيش ع قد مرتبى والامكانيات الل معايا
احمد ابتسم وبفرحه : يابنت الايه يا جميله
على : لا جميله مش السبب .. قبل موضوع جميله دا انا الل قررت واخدت قرارى بنفسى من غير اى ضغوط ..قررت ادى حياتى فرصه تانيه واعيشها صح
احمد استغرب: يعنى جميله مش السبب
على : جميله كانت حافز من حوافز كتير ساعدتنى .. جميله فتحت قلبى وقعدت تدعبس فيه .. حسيت ان "على" القديم موجود وانا رادم عليه .. وكنت بقاوح وبعاند .. حبيت انى استغل الفرصه التانيه وابتدى بدايه جديده ع نضافه لنفسى الاول وبعدين ل الانسانه الل هتكون معايا سواء جميله او غيرها
احمد مستغرب: غيرها .. هو انت مبتحبش جميله
على اتنهد: بحبها لكن مش متاكد
احمد: ها
على : جميله حاجه مميزه ف حياتى يا احمد وحاجه جميله اوى .. اه اتشديت ليها وبتصرفاتها اتقربت ليها لكن حب موت ..لسه مش متاكد انا مش عاوز اعيد غلطتى الاولى محتاج لنفسى وقت اتاكد فيه انا ف بدايه الطريق مش عاوز اعمل زى قبل كده وانط ف السما ومره واحده انزل ع جدور رقبتى .. انا هاخدها واحده واحده ليا نصيب نبقى مع بعض دى حاجه تبسطنى جداا ..ملناش يبقى القدر ليه كلمه تانيه
احمد: ايه المياعه دى يا على انت كل دا مااخدتش قرار
على بيشاور ع قلبه : احمد انا جوايا لغبطه ودمار قفلت عليه سنين ومش هينفع جميله او غيرها يدخلوا ف اللغبطه دى هظلمهم معايا ... هنا ف جرح غويط اوووى يا ااحمد ومش هيتداوى ف يوم وليله لكن هياخد وقته وانا مش محتاج غير وقت
اححمد: انت كده بتلعب بالبنت ومينفعش يا على
على : لا مش بلعب بس بتأنى ف حكمى وقرارى ولما هتاكد من نفسى واظبط نفسى وحياتى انا عاوز اشفى نفسى يااحمد انا روحى متفتته وعاوز اجمعها تانى .. فاهمنى ومش هسمح لنفسى اظلم حد معايا
احمد : فاهمك ..بس ياريت تفهمها يا على اتكلم معاها ..
على اتنهد: هيحصل
احمد قبل ما يقوم بص ل على : اوعدنى يا على لو للحظه حسيت ب انك هتظلم البنت دى معاك سيبها ومتكملش
على اتنهد: وعد دا الل هيحصل
ف الوقت دا كانت جميله خارجه رايحه الحمام وشافت باب اوضه "على" موارب وصوت خارج منه وسمعت حوارهم مع بعض وبرغم كلام على الل سمعته الا انها كان عندها اصرار اكتر وتمسكت ب على اكتر وقالت ف سرها هى واقفه: انا هساعدك تشفى جرحك يا على انا مش هسيبك مهما حصل
ومشيت بخطوات هاديه بسرعه ع اوضتها وراجعت كلام الل سمعته وبصت ع الشوكولاته الل على اشترالها باستها وحطتها جنبها ونامت ناموا التلاته فى اوضتهم وتانى يوم الصبح كانت : جميله" صاحيه ولا اكنها سمعت حاجه وفى المطبخ بتحضر الفطار
احمد نص نايم: صباحو ياجيمى
جميله: صباح الخير
على ب ابتسامه : صباح كل حاجه جميله
جميله باابتسامه: صباح كل حاجه حلوه
احمد بص عليهم هما الاتنين : صباح النسكافيه
مسك سندوتش جبنه : صباح الجبنه السايحه على العيش المحمص ومعاه خيار وجنبه و كوبايه النسكافيه
على بيضحك: انت بتتغزل ف السندوتش
احمد: علشان محسش انى طرف تالت ياعم راعوا مشاعرى واحاسيسى انا سنجل ياجدعان
على بيضحك: حد قالك كون سنجل ارتبط
احمد بهزار : ماهو الل كنت هرتبط بيها انت اخدتها ياعم ..جيمى لو فى منك احجزيلى واحده بالقسط
جميله: ياخساره ..انا معنديش اخوات بنات ..عندى جمال اخويا ومتجوز
احمد : بص الفقر .. اخوها ومتجوز .. انا مليش غير السندوتش
راح اخد قضمه كبيره منه .. جميله: ربنا يكرمك بااحسن واحده
احمد: الله يكرمك لغايه ما يكرمنى ممكن تجيبلى مربى الفراوله من التلاجه
جميله ضحكت: حاضر
على : يلا افطر بسرعه هنتاخر
احمد وفى بوقه الاكل : ياعم سيبنى اكل ياعم .. يعنى لا بحب ولا اكل اموت نفسى ها
على شده من ع الكرسى : امشى قدامى
احمد: الى اللقاء يا جيمى ياحبى القديم
جميله بتضحك ع طريقه احمد: باى يا لمض
على : مع السلام
جميله : على
على بصلها: ايوه
جميله باابتسامه: لا الله الا الله
على ابتسم: سيدنا محمد رسول الله
احمد: الى الجهااااد
على خبط احمد ونزلوا وجميله واقفه وع وشها ابتسامه وفرحه .. موابيلها رن وكانت "هايدى "وروقت مكان الفطار ودخلت تغير هدومها وتقابل دينا ..:
:على" و"احمد" قاعدين فى مكان بيع الجرايد ..و"احمد" شايف "على" وهو مبتسم وماسك الموبيل
احمد: كانت فين من زمان
على: انتى بتقول ايه
احمد بيضحك: كنت بقول كانت فين من زمان الشمس الل تنور حياتك كده بدل الضلمه الل كنت فيها
على ابتسم: تقصد جميله
احمد: لا اقصد عمتى فوزيه .. اه طبعا جميله..كنت مفتقد اشوفك مبتسم الصبح كده ياعم
على ابتسم .. احمد بيغمز ل على : احكيلى كده حاسس ب ايه يا لوول نتسلى واحنا فاضين
على اتنهد: مش عارف اوصفلك بجد الل انا حاسس بيه دا ايه
بس بجد جميله وجودها فرق معايا كتير .. زى ما بتقول كده شمس ونورت حياتى
عارف احساس لما تكون عطشان وعاوز تشرب مايه وكل ما تشرب من كوبايه تلاقيها مش عذبه لغايه ما كنت هتفقد الامل ومره واحده لقيت كوبايه مايه عذبه ترويلك عطشك وتدى جواك امل ان الحياه فيها حاجه حلوه "جميله" عملت كده من غير ما احس ...
احمد مندهش: ياااه.. ايه التعبير العميق دا ..انتى بتقرا كتب من ورايا ولا ايه
على : اكبر كتاب قريته ..كتاب الحياه على قد مراراته على قد انه فيه حاجه حلوه
احمد بيضحك: يعنى افهم من كده انك رجعت "على" بتاع زمان
على : لا.انا مش عاوز اكون زى زمان هكون "على" احسن من "على" بتاع زمان واحسن من "على" ال قبل ما يقابل جميله بالمختصر هكون "على" الل يستاهل "جميله" والل يستاهل الحياه الل ربنا ادهاله .. !!
احمد قام وشد "على" فى حضنه:ايوه بقى يا لوول هو دا لوول صاحبى واخويا
فى نفس الوقت دا كانت جميله فى مقابله مع هايدى فى كافيه
هايدى: ها يا جميله هترجعى امتى ..جمال عمال يسألنى وبيقولى دى طولت اوى
جميله: قريب خلاص .. قوليله مسافره
هايدى: جميله.. جمال ابتدا يقلق من غيابك لو ابتدا يدور مش هيكون لصالحك
جميله: بليز يا ديدى بليز بلاش تكدرينى .. وانا عايشه احلى ايام حياتى
هايدى : يا حبيببتى عيشى بس اعملى حساب ل اخوكى
جميله: متقلقيش انا مرتبه كل حاجه .. انا هروح واتكلم مع جمال وهعرفه كل حاجه
هايدى : والفارس بتاعك عارف ولا لا
جميله: مجتش فرصه .. بس هيعرف اكيد متقلقيش
هايدى : جميله انتى مش بنت عمى ولا اخت جوزى ..انتى اختى بلاش تهورك وجنونك يوصلك لحيطه سد وانتى فهمانى
جميله طبطبت ع ايد دينا: متقلقيش كله هيكون كويس ..
فى فرنسا كانت " ايمان :قاعده فى البلكونه ماسكه ايباد بتقلب فيه
وهى قاعده لقت حد باسها من راسها جسمها اتخض :
مازن: متتخضيش كده دا انا ..مين غيرى يعنى هيجرء يعمل معاكى كده
ايمان : بلاش تخضنى كده يا مازن بليز اعمل اى صوت
مازن لاحظ عصبيتها: مالك ياايمى انا مكنتش اقصد
ايمان لاحظت طريقتها: انا اسفه ..انا منمتش كويس و..
مازن مسك ايديها : ولا يهمك . ارتاحى وانا هخلص مشوار وهرجع اخدك نتعشى بره اوكيه
ايمان: اوكيه
قام مازن وقرب من ايمان يبوسها راحت بعدت نفسها راح باسها ف خدها ومشى ...مسكت ايمان موابيلها واتصلت ب "شاهنده"
ايمان: شاهى
شاهنده بصوت نايم : ايوه ياايمى
ايمان: انتى نايمه الوقت العصر
شاهنده: كنت سهرانه مع الشله وراجعه الصبح وعقبال ما عرفت انام
ايمان : طيب ..شويا لما تفوقى كلمينى
شاهنده: اوكيه ..
قفلت شاهنده الموبيل وفصلت خالص ورحعت تنام .. ايمان اتصلت ب اسماء اختها
ايمان: سمسم ازبك
اسماء: ايمى انا الحمد الله وانتى
ايمان بتاخد نفس : الحمد الله
اسماء: مازن عامل ايه ؟
ايمان: الحمد الله .. انتى عامله ايه واحمد والعفريت الصغير
اسماء : الحمد الله كلهم بخير مطلع عينى
ايمان بفرحه: ربنا يخليهولك
اسماء:تسلميلى يا حبيببتى
اسماء: برغم انه مش وقته بس ممكن تقولى غلطه مطبعيه .. وبدفع تمن غلطتى سهر ورضاعه وهدت حيل يا اختى
ايمان ابتسمت: زوز حبيببى
اسماء: هتيجى مصر ولا مش ناويه
ايمان: ان شاء الله لان زياد وحشنى اووى
اسماء: واحنا مستنينك يا خالتو
ايمان : مش محتاجه حاجه يا اسماء ...انا عارفه ظروفكم و..
اسماء قاطعتها: شكرا ياايمى الحمد الله مستوره معانا وانا عارفه ااقلم نفسى ع ظروف محمد والحمد الله
ايمان : اسماء تعرفى كل ما بكلمك نبره صوتك مبتتغيرش مبهجه كده
اسماء: علشان سعيده والحمد الله ربنا رزقنى بزوج بحبه وبيحبنى وابن جميل
وهما بخير وبصحه كويبسه هطلب ايه تانى من ربنا ...
ايمان: ربنا يخليكم لبعض
اسماء: لكن صوتك انتى الل مش مريح مالك
ايمان بملامح خنقه ودموع محبوسه ف عنيها: مش عارفه يااسماء فيا ايه
حاسه بخنقه فظيعه وملل وزهق ومش عارفه اخرج منه ازاى
اسماء: هو مازن سايبك لوحدك كده ع طول
ايمان بلهجه عصبيه: بالعكس .. مازن مبيسبنيش ابدا وبيرضينى بكل الطرق ومستحملنى بطريقه فظيعه لكن انا مش فاهمه مالى ..فيا ايه بجد ..
اسماء حست بخنقه ايمان: انزلى اجازه واقعدى معانا يومين ياايمى تغيرى جو
ايمان بتتنهد: ان شاء الله هعمل كده ..
قفلت ايمان مع اسماء ووقفت بتبص حواليها اخدت موابيلها وطلعت اوضتها رمت نفسها ع السرير ولا ارادى دموع نزلت من عنيها ... قبل مازن ما يرجع ع البيت اتصل ب ايمان تجهز علشان يخرجوا ... قامت اخدت شاور وفتحت دولابها ووقفت نص ساعه بتبص على الفساتين الل عندها وبرغم انهم اغلى فساتين وماركات عالميه من مصممين مشهورين لكن فاجاءه ف نظر ايمان انهم عاديين ومش عاجبنها دخل الاوضه مازن شايفها واقفه قدام الدولاب بتبص ع الفساتين .
مازن: مالك ياايمى واقفه كده ليه ..انا قلت هلاقيكى جهزتى
ايمان بنبره بؤس: مش عارفه البس ايه ؟
مازن بيضحك: نعم.. عندك 3 فساتين لسه انتى شارياهم من يومين البسى واحد فيهم
ايمان: ها... اوكيه
اخد مازن الشاور وخرج يكمل لبس شاف ايمان واقفه زى ماهى باصه ع الفساتين
مازن راح حضن ايمان من ضهرها : لو مش عاوزه ننزل ونقعد مع بعض هنا انا معنديش مانع
ايمان جسمها اتنفض : لالا هلبس ع طول اهو
وبسربعه شدت فستان وابتدت تلبس وشويا نزلت هى ومازن فتحلها باب العربيه وراحوا ع مطعم ودخلوا وشد الكرسى ليها وقعدت وقعد هو كمان قدامها .. شويا وطلبوا العشا وجه
مازن لاحظ سكون ايمان فحب يفتح كلام : ايمى
ايمان: ايون
مازن مسك ايديها وباسها: انتى جميله اوى انهارده
رسمت ايمان ابتسامه: ميرسى
مازن : انا اختارت الاكل دا مخصوص علشانك
ايمان : جميل .. ميرسى
مازن: الف هنا يا حبيبى
ايمان : مازن
مازن: ايوه
ايمان: انا عاوزه انزل مصر اقعد مع اهلى شويا
مازن: انتى لسه راجعه من شهرين ولا فى حاجه ؟
ايمان: وحشنى زياد اوى وغير كده اسماء بعد ولادتها مش حابه اسيبها لوحدها
مازن:.. اوكيه مفيش مشاكل بس اشوف مواعيدى واخد اجازه و...
ايمان قاطعته: لا خليك انت ف شغلك متعطلش نفسك ..انا هنزل اقعد معاهم شويا وبعدين هرجع تانى
مازن سكت لحظات: مفيش مشاكل سافرى انتى مصر وغيرى جو وشوفى زياد
ايمان: ميرسى يا حبيبى
مازن : عارفه يا اايمى لو كان عندنا زياد احنا كمان مكنتيش هتحسى بكده
ايمان اتلجلجت: كله باامر ربنا
مازن ضحك: انتى اتجوزتى قبل اسماءبكتير ومرت لغايه دلواقتى 4 سنين واسماء معاها زياد ربنا يخليهولها
ايمان: يارب
مازن : انتى ليه ياايمى مش موافقه تروحى لدكتور انا وانتى
ايمان بعصبيه حطت الشوكه والسكينه: قلتلك يا مازن انا مبحبش الدكاتره وكله باامر ربنا
ليه الاستعجال
مازن بيضحك: 4 سنين وبتقولى استعجال .. احنا مستنين ايه طيب
ايمان: امر ربنا يا مازن .. لما يأذن هيكون
مازن لاحظ عصبيه ايمان: اوكيه .. سورى انى ضايقتك
ايمان اتعصبت اكتر لما اعتذر مازن : انا عاوزه اروح البيت صدعت
مازن: اوكيه ..
طلب مازن الشيك وحاسب وروحوا ع البيت غيرت ايمان هدومها وكان مازن نايم ع السرير ماسك التاب بيقلب فيه
راحت نامت جنبه ايمان وقربت منه : مازن ممكن تاخدنى ف حضنك
مازن رفع دراعه ونامت ع صدره ايمان : انا اسفه ع عصبيتى يا مازن
مازن ضمها ليه: متتاسفيش ع حاجه انا الل اسف انى زعلتك وفعلا الموضوع نصيب وكفايه عليا انتى
باس مازن راس ايمان وحضنها وناموا وايمان منمتش وملامح وشها متغيره لغايه ما مازن راح ف النوم وبعدت عنه وادته ضهرها ودموعها نزلت من عنيها ... !!
فى يوم فى لندن رجعوا "على" و"جميله" و " احمد" البيت و"جميله" قاعده ع السرير بتتكلم مع هايدى مرات اخوها باب الاوضه خبط قامت من ع السرير وراحت فتحت الباب ولقت قدامها " احمد "
جميله بقلق: احمد .. فى حاجه ولا ايه ؟
احمد بيضحك: لالالا متقلقيش كده ..نا بس عاوز اتكلم معاكى شويا ممكن
جميله بصت ع الساعه .. احمد: مش هنقعد كتير انا عازمك ع شاى بلبن ف البلكونه
جميله ضحكت : اوكيه .. ثوانى وجايه وراك
راح احمد اتجاه المطبخ وعمل شاى بلبن فعلا وجهزهم واخدهم وقعدوا ف البلكونه
جميله خرجت من الاوضه شافت احمد بيشاورلها وراحت اتجاهه .. جميله: البلكونه
احمد بيضحك: اهو تغيير يا جيمى .. وبعدين انا مش عاوز نتقفش من "على"
جميله بذهول: نتقفش ..انت حاططلى حاجه ف شاى بلبن
احمد بعلامه الصددمه: انتى عرفتى ازاى .. حاطط معلقه سكر
ضحكت جميله واحمد .. احمد: لا بجد عاوز اتكلم معاكى بعيد عن "على" الل مش بيسيبك لحظه
جميله بتضحك: انا الل مش بسيبه لحظه صحح جملتك
احمد: جيمى
جميله: ايوه
احمد: انتى بتحبى "على" بجد ولا مشدوده ليه
جميله استغربت من السؤال : انت بتسألنى يا ااحمد ؟
احمد: انا عارف لكن محتاج اسمع منك الاجابه
جميله اتنهدت : ببساطه يا ااحمد حياتى قبل ماقابل "على" اختلفت بعد ما قابلت لان "على" هو حياتى يا ااحمدالل كنت بدور عليها .. نفسى الل بتنفسه الل لما بكون بعيده عنه مبعرفش اتنفس .. بسمتى وضحكتى هو .. هو الهديه الل ربنا بعتهالى وانا مش هفرط فيها وهحافظ عليها
احمد شايف احساس جميله وهى بتتكلم ودموعها ف عنيها : يقطع سنينه
جميله ضحكت .. احمد: الحب بهدله اوى كده يا جدعان
جميله : الحب احلى حاجه لما تلاقى الشخص الل سنين كنت بتدور عليه
احمد: توعدينى انك مش هتسيبه وهتتمسكى بيه مهما حصل
جميله: انت مش محتاج تقولى كده انا مش هسيب "على" مهما حصل
احمد: طمنتينى
جميله: هو انت شاكك فيا
احمد: مش فكره شاكك فيكى..بس "على" مر بظروف صعبه اوووى والدنيا مسبتهوش ف حاله وكل خبطه وخبطه انيل من الل قبلها وفرحت انه ابتدى يرجع لنفسه ل على وطبعا دا بمساعدتك ووجودك فرق كتير .. يا جميله ب انا بقالى كتير مشفتش "على" بيضحك من قلبه كده والابتسامه مرسومه ع وشه كده ..انتى ساعدتى "على" يرجع يعيش حياته .. ساعدتيه يخرج لنور بدل حياه الضلمه الل كان غارق نفسه فيها .. وعاوزك بس تصبرى عليه هو ابتدا يظبط حياته متسبهوش وخليكى جنبه انتى هديه ربنا ليه وفرصه انقاذ وانا واثق ان على بيحبك اضعاف بس الل مر عليه مكنش سهل يتنسى ببساطه ومحتاج وقت يظبط نفسه ..
انا حبيت اتكلم معاكى لانى واثق من حبك ليه ومتاكد منه ومش عاوز اشوف حد فيكم مجروح من التانى ...فلو هتحسى بتعب انتى ف اولها "على" مش ناقص صدمه تانيه وانتى حرام تتنجرحى ..
جميله حطت ايديها ع ايد احمد: انت اجدع صاحب انا شوفته واوعدك انى مش هسيبه مهما حصل ...لانى ببساطه بحبه وقابلاه بكل حاجه فيه وايدى ف ايده كله حاجه هتكون تمام ..متقلقش
احمد: عاوز منك مساعده
جميله: اتفضل قول
احمد : على ضرورى ينزل مصر علشان اخته يشوفها ..مرت 4 سنين اهو ومنزلش خالص ولا مره .. ساعدينى اخليه ينزل ودى اول خطوه لعلاج نفسيته وقلبه ..
جميله سكت لحظات : امم هفكر ف طريقه واقولك
احمد : وحاجه تانيه
جميله: انت طماع اوى كل دا علشان كوبايه شاى بلبن اومال لو عصير هتعمل ايه
احمد: بيضحك: كله عند ربنا
جميله :ها
احمد: متمشيش من هنا وخليكى قاعده معانا وجودك حسسها بالعيله الل فقدينها من زمان والدفئ والسعاده .. ودا مش طلب دا أمر .. لازم اشوفكم تحت عنيا بتعملوا ايه انا ف مقام اخوكى واخوه ولازم احافظ ع حدود الله وكله بما يرضى الله
ضحكت جميله: انت فظيع يااحمد
احمد ضحك: يبقى كنسلى النقل الاسبوع الجى ويلا قومى نامى علشان لو اتقفشنا مش بعيد يرمينى من هنا ويخليكى انتى وانا عاوز اخلص الشاى بلبن بتاعى ف اوضتى شايل سندوتش هسقسق فيه وهنام ..
جميله بتضحك: ماشى ..وميرسى ع العزومه دى ..المره الجايه اعمل حسابك ف سندوتش
احمد: لا مش هاكلك كمان والراجل الل معاكى دا بيعمل ايه بقى
جميله ضحكت : خلاص شبعت
احمد: اموت انا ف الحب داالل بيشبع
ضحكت جميله: تصبح ع خير
احمد: تصبحى ع خير يا جيمى
دخلت جميله اوضتها واحمد ماشى اتجاه اوضته وقف قدام اوضه على ابتسم ودخل اوضته ..!
تانى يوم وهما فى الشغل وف استراحه الغدا كانت جميله بتتكلم ف الموبيل وعلى واحمد قاعدين ..جميله ملامح وشها متغير .. على: فى ايه مالك
جميله: مفيش .. بس كنت بفكر اخد اجازه اسبوع كده
احمد: ليه فى حاجه
جميله: هنزل مصر
على متفاجئ : مصر .. ليه ؟
جميله: الاسبوع الجى ذكرى وفاه بابا وماما وانا متعوده كل سنه انزل ازورهم
احمد: اه.. الله يرحمهم.. واخوكى معاكى
جميله: لا هسافر لوحدى
احمد: هتسافرى لوحدك ازاى طيب وانتى مبتنزليش غير ع فترات ... لازم حد معاكى
جميله بتغمز ل احمد: تعالى انت معايا يا ااحمد
احمد: انا اخدت اجازه طويله اكتر من كده هترفد انا ...
جميله بملامح حزن: اعمل ايه طيب ..جمال كان بينزل معايا كل سنه المرادى مش نازل
احمد: انزل معاها يا على ومنها شوف هبه ولالادها
على اتفاجئ : ها
جميله قفشت ف الكلام: اه ونبى يا على انا نفسى اشوفهم اوى
على سكت : هشوف وهقولك ..
جميله حست انه احتمال كبير يوافق بصت ل احمد وغمزلها ...
جميله: خلاص متتاخرش ف الرد علشان نحجز طيران وناخد الاجازه ..!
فى يوم وهما قاعدين ف البيت يوم الويك اند اتفقوا يقضوه ف البيت لان "احمد" كان تعبان شويا ومرضوش يخرجوا ويسيبوه لوحده .. فااتفق "على" و "جميله" يقضوا اليوم ف البيت ...
وهما قاعدين بيتفرجوا ع التليفزيون قامت جميله تعمل عصير .. دخلت المطبخ وعملت عصير برتقال وابتدت تصب منه كان احمد خارج من الحمام وباصصلها واستغرب من صبها .. لانها كانت بتصب ف كوبايه كبيره وتملها وبعدين تقسمها ع كوبيتين وكوبايه احمد كانت من الشفشف ع طول .. فراحت تحط الصينيه قام احمد برخامه مد ايده وهياخد الل قدام "على" شافتها جميله: استنى
احمد: يخرب عقلك خضتينى ف ايه مش انتى عامله دا ليا ولا هنصور ولا هنعبده
جميله حطت الصينيه : دى ليك .. انما دى ل على
احمد بصلها ب استغراب : انتى هبله .. ماهى نفس الكوبايات
جميله : لا طبعا يا ناصح
احمد: خير دى عليها سكر ودى عليها كخ
على ضحك: خلاص امسك يا عم
جميله بسرعه: لا يا على اشرب انت دى
احمد حط كوبايته : لا فهمينى بقى لانك بتعملى كده ف المطعم وانا مش فاهم
جميله باابتسامه : من غير تريقه لو سمحت
احمد: اشجينا
جميله انا صبيت العصير دا من كوبايه كبيره ليا ول على بالنص
احمد: ليه كده
جميله بصت ل على : علشان انا عاهدت نفسى انى هقسم مع على كل حاجه ..اكل وشرب وحياه
على اتفاجئ بكلام جميله : جميله
احمد مسك الكوبايه: اه ياانى يا سنجل يلى هتجيبوا اجله ياانى
جميله اتكسفت وقامت اتلكتت باى حاجه دخلت اوضتها وشها احمر وكانت فرحانه ف نفس الوقت على مستغرب تصرفها لكن فرحه ...!
شويا وهما قاعدين .. جميله : هقوم اعمل بوب كورن اوكيه
احمد بهزار: اوكيه وخلى السكر بره
على : خليكى وهعمله انا
جميله: لالا هعمله بسرعه كملوا الفيلم انتم
قامت جميله ووقفت تعمله وجهزت 3 اطباق وحطتيتهم ع صينيه كبيره وكانت مجهزه ورقه وحطيتها جوه طبق "على " ... على وهو بياكل لاحظ الورقه وفتحها " انا احترت اكتب اقولك ايه لكن سمعت انهارده ان عيد الحب الاسبوع الجى واحنا هنكون مسافرين وبعدين فكرت فيها وقلت يعنى ايه عيد حب واحنا مع بعض احنا مش مستنين تاريخ يحكم مشاعرنا ولان اللحظه معاك عيد حب عندى ووجودك عيد حب ليا فكل لحظه حب وانت معايا يا على .. بحبك " على ماسك الورقه ومتصلب مكانه ومش عارف يعمل ايه بص ل جميله : جميله
جميله بصتله ب ابتسامه : كل يوم هيمر عليا وكل ساعه جايه وكل لحظه جايه مش هسيبك وهفضل ماسكه ف ايدك ومعاك ف كل وقت هكون معاك ف الوحش قبل الحلو .. ف الالم قبل الفرح .. هكون معاك ومش هسيبك "
على اتلغبطت واتفاجئ : جميله انا مش عارف اقولك ايه بجد ..الل قادر اقوله انتى وجودك فرق كتير ف حياتى جداا ومشاعرك الل بتحوطينى بيها بجد مش قادر اوصفها ف انتى تستاهلى حياه نقيه ونضيفه ... ف انا محتاج وقت ارتب اللغبطه الل جواايا.. صدقينى لو مش هتقدرى تستحملى هحترم قرارك جدا وعاوزك تعرفى انك انتى اجمل حاجه حصلتلى ف حياتى
جميله ب ابتسامه ومسكت ايده : على انا عشت عمرى كله مستنياك وهعيش عمرى الل جى كله هستناك ... انا سبب وجودى ف الدنيا انى اقابلك وقابلتك ومش هسيبك
على ب ابتسامه مسك ايد جميله وباسها: ربنا يخليكى ليا واكون استحق كل الل بتعمليه
جميله: ربنا يقدرنى واعملك اكتر لانك تستحق اكتر
قرب "على" من "جميله " وباس راسها وابتسمت وقعدت مسكت ايد "على" وهما بيتفرجوا ع التليفزيون " احمد" تنح من الموقف وشايف الحوار ب ومشاعره غلبته وكان ف دموع ف عنيه لانه شاف صدق جميله وصدق على ف كلامهم مع بعض : ابقوا فكرونى اشترى كمنجات ونبى
على :ليه
احمد: علشان انزلكم بيها ف اللحظات المؤثره دى
جميله ضحكت وعلى ... على: ركز ف الفيلم
احمد: ماشى ماشى ..
خلصوا قاعدتهم ودخلوا ناموا وتانى يوم راحوا شغلهم ورجعت جميله دخلت اوضتها شافت ورده وعلبه حمرا قربت مسكتها فتحتها لقت الشوكولاته الل بتحبها وشافت تحت الورده كارت " انتى قولتيلى عيد الحب الاسبوع ال جى مش مهم عندى جى امتى لانك اكدتيلى ان كل لحظه مع شخص بيحبك بجد هى عيد ..كل لمسه امان معاه هى عيد ..كل ابتسامه معاه من القلب هى عيد هى عيد... ف كل حياتى ب ايامها وساعتها ودقايقها وثوانيها حب وانتى معايا .. "
______________________
يتبع
فى يوم وهما ف المطعم " جميله " ف المطبخ و " على " واقف ف الصاله بيشتغل عادى بياخد طلبات الزباين "جميله " خرجت من المطبخ بتتسحب تبص ع " على " وقفت بعيد وابتسامتها ع وشها .. " على " شافها وابتسم وهى بصاله بعتتله بوسه بعنيها " غمضت عنيها وفتحتها " .." على" مسكها باايده وحطها ع صدره .. ف المشهد الرومانسى دا كان " احمد" داخل من باب المطعم رايح اتجاه مكتب مستر " ادم " علشان يعرفه انه رجع من الاجازه
وكمان علشان يعمل مفاجاءه ل " على " وهو داخل لمح جميله واقفه وبيبص عليها باصه على مين لقاها باصه على " على " ومبتسمه وعلى كان بيتكلم مع زبونه ولاحظ "على" ابتسامته باينه اوى مع الزبونه وشايف طريقته اتغيرت ..حس " احمد بحاجه غريبه بتحصل او معنى اصح حصلت من وراه .. بهدوء مشى بشويش اتجاه " جميله" وبصوباعه خبط ع كتف " جميله " : احمد: جيمى
اتخضت "جميله" : احمد .. انت جيت امتى ؟
احمد بيضحك: انتى شوفتى عفريت ولا ايهايه يابنتى الرياكشن دا ..انا قلت هتفرحنى وتاخدينى بالحضن ولا حاجه
ضحكت جميله: والله كنت واحشنى وافتقدك اوى هنا
احمد بيغمزلها: غسلتى مواعينى ومواعينك
جميله: امااان يا معلم ونظيف للاخر قطره
احمد بيضحك: والله انتى وحشتينى ولوول كمان رغم مكالماتكم القليله بس انا اجدع منكم ومش هزعل .. انا افتكرت هتزهقونى مكالمات يا بخله
جميله: طمنى عمو عامل ايه ?
احمد باابتسامه كبيره : عمو عاوز عروسه
جميله ضحكت: بجد
احمد : اه والله لما اتحسن وبقى كويس طلب من عمتى تشوفله عروسه شوفتى الهنا الل انا فيه .. ابويا هيتجوز يا جيمى ل المره ال 3 وابنه لسه بكر رشيد
جميله بتضحك : يخرب عقلك .. قولى وصلت امتى ومقولتش ليه انك جى
احمد:حبيت افاجئكم انا بخ ...
جميله: لا بجد ..جيت امتى
احمد بيتنهد: لسه واصل وصلت شنطتى الشقه وجيت اقطع الاجازه وقلت افاجئكم
جميله ب اابتسامه: كنا متوقعين انك جى الاسبوع الجى
احمد: لا مدام الحج فاق وهرمون النشاط ضرب ف عروقه وهيتجوز اسيبه انا بقى يتجوز براحته ..مش عارف انا كانت بيحطوله ايه ف المحاليل الحبايه الزرقا
جميله ضحكت : حمد الله ع سلامتك ..احلى مفاجاءه
احمد بخبث وبيبص ع " على " : قوليلى اخبار لوول ايه زعلك ف حاجه
جميله تلقائى ابتسمت وهى بتبص ع على : لا خالص
احمد بصلها: ماشاء الله بتعملى اعلان معجون سنان ايه الابتسامه دى
جميله خبطته : يا رخم .. بس بججد احلى مفاجاءه انك جيت
احمد بيغمز ل جميله : واضح كده ان فى مفاجاءه تانيه مستنيانى انا معرفش عنها حاجه
ف الوقت دا شيف من المطبخ شاف " جميله" واحمد واقفين : حمد الله ع السلامه يااحمد
احمد: الله يسلمك يا شيف
الشيف: مينفعش تقفوا هنا والزباين و ..
جميله بلجلجه: اووه سورى .. يلا يااحمد
احمد: ادخلى انتى انا هروح لمستر ادم الاول وهاجى
دخلت جميله ومشي احمد اتجاه مكتب مستر " ادم " وف الطريق شافه " على " وسلم عليه ع السريع ودخل المكتب وخرج دخل المطبخ وغير هدومه ولبس اليونيفوم الشغل .. وشكه ان فى حاجه حصلت وخصوصا لما لاحظ " جميله " بتعمل عصير فى كوبايه كبيره وبعدها قسمتهم ع كوبايتين سابت كوبايه واخدت واحده وخارجه ..
احمد: رايحه فين يا جيمى
جميله بسربعه : جايه تانى ..ثوانى
راح وراها احمد بيراقبها ولقاها واقفه بتشاور ل " على" و"على" راح ليها وع وشه ابتسامه " احمد " بقاله كتير مشفهاش وبسرعه رجعت "جميله" المطبخ و" احمد اخد الكوبايه التانيه وخباها رجعت " جميله بتبص ع الكوبايه ومش لقياها واتخضت :
جميله : احمد .. فين الكوبايه الل كانت هنا ؟
احمد بلامبالااه : الل كانت هنا دى الل فيها عصير دى
جميله : ايوه اوعى تقول شربتها
احمد: ياريت .. دى وقعت
جميله : ايه .. ازاى وانا كنت حاطاها بعيد
احمد بخبث: امم بصراحه .. انا طمعت فيها لان العصير كان شكله حلو اوى وجيت امسكها راحت وقعت من ايدى يلا مش خساره فيا
جميله مخضوض: بجد وقعت
احمد مسك الكوبايه: لا لكن لو مشربتهاش دلواقتى هوقعها اهو
ولسه " احمد" بيقرب الكوبايه من بوقه راحت "جميله: اتجاهه بسرعه وشدتها
احمد: ايه دا يا جيمى مستخصره فيا كوبايه عصير
جميله ماسكه الكوبايه: هعملك عصير واكبر كوبايه لكن دا لا لا
احمد: ليه ان شاء الله .. العصير فيه سم قاتل ودى شده تشديها ..
جميله: معلش يا احمد ..هعملك واحد تانى مخصوص
احمد برخامه: لا انا عاوز دى ولو مشربتهاش مش عاوز حاجه
جميله: لا .. هعملك غيره
احمد: لا هاخد دى
جميله : لا قلتلك لا
الشيف بصوت: ايه الدوشه دى ..كل واحد يبص ع شغله
احمد بصوت واطى ل جميله: ماشى يا جيمى مش هنسهالك
جميله شربت العصير وطلعت لسانها ل احمد ...
جه وقت الغدا وكل واحد اخد طبقه واحمد بيبص ع " على " لقاه قاعد و"جميله" راحت قعدت جنبه
احمد: والله العظيم فى حاجه حصلت
راح شد كرسى وقعد قدامهم : بصوا بقى هتقولولى ايه حصل ف غيابيى ياما مش هعديلكم اليوم دا فاهمين .. عملتوا ايه ف غيابى اعترفوا يلا
على بيضحك وهو وجميله ... على : مالك كده
احمد: انتوا غير ما كنت سايبكم وماشاء الله انت بتضحك ع طول دانا نسيت شكلك وانت بتضحك يا جدع انا نااسى اخر مره كانت امتى .. وجميله مرضتش تشربنى العصيرالل انت شربت منه عادى يعنى وشدتوا منى ..فى ايه بقى ها ..ها .. ها
"على" مسك ايد "جميله" وباسها واحمد تنح لما شاف كده
احمد وهو مذبهل من المفاجاءه : اوعوا الل بالى يكون صح
جميله بتضحك وبتهز راسها : yup
على : مش كله لان عارف دماغك هتسرح منك
احمد بصوت عالى : يا ولاد اللذينه ... اسيبكم شهر ارجع القيكم كده يعنى لو كنت طولت اسبوع كنت هرجع وهلاقى معاكم عيال
على : لم نفسك
احمد ضحك: صحيح جميله انتى نقلتى ولا لسه ؟
على : لا لسه
احمد بيغمز : ايوه بقى والشقه فاضيه و..
على خبط الفوطه الل قدامه ع وش احمد: لم نفسك قولتلك مفيش حاجه من الل ف دماغك الزباله دى
جميله: هو يقصد ايه ؟
على: متركزيش هو دماغه زباله كده
احمد بيضحك: يخربيت عقلكم دا احلى خبر سمعته بعد خبر ان بابا خف وانه هيتجوز والله فرحتلكم اكتر من ابويا والله مبروووك يا لوول عليك جميله .. معانها خساره فيك
جميله ضمت دراع "على" ليها: مبروك عليا انا هو ..
احمد: انزلولى بالكمانجات تيرارارارارارا
على بيضحك: بطل بواخه
كان ف بنت ندهت جميله وقامت ... على : انت بجد مبسوط لينا
احمد: اكتر مما تتخيل يا جدع
على : اصل جه وقت وحسيت ان ف حاجه ناحيه جميله منك و ..
احمد قاطعه وضحك: يخرب عقلك ..داانت كنت مركز معانا من زمان وعامل نفسك من هناك يا لوول ...
على : مش اوى يعنى
احمد بيغمزله: ماهو انت لو كنت مفتح كنت عرفت ان البت دى حبيتك من اول ما شافتك وصبرها عليك من حبها .. وربنا بعتلك فرص كتير علشان تحس وانت جبله ..انا لو كنت جيت ولاقيتك مزعلها او مكدرها انا كنت هقولها يابت الحلال هذا الكائن مفقود منه الامل انسيه وتعالى نتجوز نكسب ف بعض ثواب بما اننا فاشلين ف اختياراتنا
على ضحك: انا فهمت متاخر لانى كنت محتاج افهم نفسى الاول عاوز ايه وكنت محتاج وقت ارتب حاجات كتير ف حياتى
احمد: جميله بنت جدعه يا على متسبهاش
على : ان سبتها انا هى مش هتسبنى
احمد: لو زعلتها هتلاقينى ف وشك انت متعرفش هى عندى ايه
على بص ل احمد : بجد مفيش حاجه من ناحيتك لجميله ؟
احمد ضحك: عارف يالوول .. ربنا خلق البشر اتنين اتنين ولكل فرد ليه الزوج الل يكمله .. جميله اتخلقت ف الدنيا علشانك وانت جميله ليك انتوا الاتنين بتكملوا بعض بطريقه مش متخيلها ف انت محتاج ل جميله وهى محتجالك . انا وجمميله اخووووات ..جميله وقت ما عرفتها مفكرتش فيها اى تفكير غير انها بنت جدعه وحسيت انها اختى الل اتحرمت منها لانى كان نفسى يكون عندى اخت اناكف فيها ..انا كنت بغير اووى لما بلاقيك بتحكى وبتتكلم مع هبه يا على بجد .. فسبحان الله ربنا بعتلى جميله اختى الل ابويا وامى مخلفهاش ودا احساس من ناحيتها لا اكتر ولا اقل ..ربنا يشهد انى معاملتى وكلامى ل جميله اخواتى مش اكتر
على : يعنى محبتهاش ؟
احمد : انت غبى .. بقولك اخويه وصداقه بس محستش اى مشاعر تانيه اتجاهها .. اقولك ع سر
على : قول :
احمد: فاكر اول ما جينا هنا واتعرض عليك شغل ابراهيم وكلامك انك تحافظ ع نفسك علشان واحده بس ومتعكش
على اتنهد: اها
احمد: انا يومها راجعت نفسى وندمت انى شجعتك وحسيت انك بتتكلم صح احافظ ع مشاعرى وقلبى ل انسانه واحده تدخل جواه واقفل الباب عليها واسيبها تفرفر جوه لغايه ما اجيب اجلها
على ضحك : فقرى يخرب عقلك
احمد: انا اول ما قابلت جميله وكلامى معاها عرفت ع طول هى معجبه بيك وانت طراوه يا حج وقتها حسيت بغيره مش علشان جميله نفسها وكده لا لا خالص .. حسيت بغيره علشان انت فعلا تستاهل واحده زى جميله تكون ف حياتك قلت لنفسى لو كنت انا ماشى صح ف حياتى ومعكتش يعنى بمعنى اصح زمان ولا اول ما جيت هنا وكنت استنين حلال ربنا كان ربنا كرمنى بالانسانه ال تربع ف قلبى وميبقاش ف غيرها ... هو انا اه فوقت متاخر وربنا باين كده بيعاقبنى ع الل عملته زمان ف دنيتى وضحكى ع بنات الناس بان الانسانه المختاره ليا لسه مقبلتهاش لكن انا راضى ومستنى وباخد قلبى وشين دهان وترويق وهفرشه اغلى حاجه لانسانه الل تستاهله بجد واهو حاليا اشتغل دور النخله ليكم
على ضحك: ربنا هيكرمك بواحده تكون نتيجه صبرك ليها ..انت يااحمد تستاهل كل خير
احمد : احم ..احم.. طيب شخلل بقى شويا خير ل احسن اخوك راجع من مصر مفلس الحج قشطنى
على ضحك : وعاوزهم فكه ولا ورق
احمد: لا الورق بيتبل خليها فكه تشخلل
وكملوا قعدتهم هزار وضحك وانضمت ليهم جميله وخلصوا ورجعوا ل شغلهم بفرحه بين التلاته ....!
خلصوا شغلهم ورجعوا ع البيت وكان "على" اشترى اكل جاهز وحلويات وشوكولاته ل جميله احتفالا برجوع احمد ...
احمد: لالا كده كتير يا بشر انا هيغمن عليا
جميله: دا لينا كلنا
احمد: وانا الل افتكرت ان دا كله ليا
على : ليه ان شاء الله هتاكل كل دا
احمد بيهزر رسم ملامح حزن: اهى اهى .. ماهو انا بعد ارتباطكم مفضلش غيرى انا والاكل
على ضحك.. جميله: تحب اعرفك ع حد من اصحابى
احمد : لا شكرا حضرتك .. انا هعمل زى لوول واسيبها لصدفه انا بحب المفاجاءات ومجايب المفاجاءات
جميله بتضحك: انت مفاجاءه نفسها يااحمد
على بيضحك: يلا كمل اكل
احمد باصص لطبق: اهو انت رفيقى وحبيبى لفيت ورجعت لاقيتك تعالى ف بطنى يا حبيبى
"جميله" و "على" ضحكوا وكملوا اكلهم خلصوا غسيل مواعينهم وترويق مكان الاكل
جميله باابتسامه وباصه ل على : تصبح ع خير
على باابتسامه وباصص ل جميله : تصبحى على خير
احمد بعد ما شافهم واقفين ومقضينها نظرات اتنهد : اصبح على خير انا
دخل احمد اوضته ... جميله: انا هتنقل من الاسبوع الجى
على : ليه
جميله : علشان احمد وميضايقش
على: اذا كان احمد الل اتمسك بيكى وبعدين انتى مضايقه
جميله بسرعه: لا خالص ..داانا مبسوطه وسعيده اوى انى طول اليوم معاك
على مسك ايد جميله الاتنين وقفل عليهم باايده: بمناسبه طول اليوم
انتى مش هتنزلى معانا الصبح خلاص ..احمد رجع وانتى ارتاحى وكفايه المطعم
جميله بملامح مقموصه: ليه بقى
على : قولنا نسمع الكلام وانتى كنتى نازله مكان احمد وهو هنا
جميله: طيب هبقى انزل معاكم تخاطيف ماشى
على : ماشى
جميله ابتسمت .. على باصص عليها وهى باصاله قرب منها وباس راسها: تصبحى على خير
جميله اتنهدت: وانت من اهله
دخلت جميله اوضتها وقلبها بيدق وطايره من السعاده و"على" هو كمان دخل رمى نفسه ع السرير ... قبل ما يناموا باب اوضه "على" خبط وكان احمد :
فتح احمد الباب وبص ل على : نمت يا لوول
على : لا تعالى
دخل احمد : بصراحه مقدرتش انام قبل ما اتكلم معاك ف حاجه
على : اتكلم سامعك
احمد : هتعمل ايه ف شغل ابراهيم مش صح تشتغل و..
على قاطعه: انا كنت مستنيك ترجع واحكيلك ..انا قطعت شغلى مع ابراهيم خلاص
احمد: بجد .يعنى مفيش رجوع
على : اها ان شاء الله انا حتى كمان جمدت الرصيد الل ف البنك
احمد ب استغراب : ها
على : هعيش ع قد مرتبى والامكانيات الل معايا
احمد ابتسم وبفرحه : يابنت الايه يا جميله
على : لا جميله مش السبب .. قبل موضوع جميله دا انا الل قررت واخدت قرارى بنفسى من غير اى ضغوط ..قررت ادى حياتى فرصه تانيه واعيشها صح
احمد استغرب: يعنى جميله مش السبب
على : جميله كانت حافز من حوافز كتير ساعدتنى .. جميله فتحت قلبى وقعدت تدعبس فيه .. حسيت ان "على" القديم موجود وانا رادم عليه .. وكنت بقاوح وبعاند .. حبيت انى استغل الفرصه التانيه وابتدى بدايه جديده ع نضافه لنفسى الاول وبعدين ل الانسانه الل هتكون معايا سواء جميله او غيرها
احمد مستغرب: غيرها .. هو انت مبتحبش جميله
على اتنهد: بحبها لكن مش متاكد
احمد: ها
على : جميله حاجه مميزه ف حياتى يا احمد وحاجه جميله اوى .. اه اتشديت ليها وبتصرفاتها اتقربت ليها لكن حب موت ..لسه مش متاكد انا مش عاوز اعيد غلطتى الاولى محتاج لنفسى وقت اتاكد فيه انا ف بدايه الطريق مش عاوز اعمل زى قبل كده وانط ف السما ومره واحده انزل ع جدور رقبتى .. انا هاخدها واحده واحده ليا نصيب نبقى مع بعض دى حاجه تبسطنى جداا ..ملناش يبقى القدر ليه كلمه تانيه
احمد: ايه المياعه دى يا على انت كل دا مااخدتش قرار
على بيشاور ع قلبه : احمد انا جوايا لغبطه ودمار قفلت عليه سنين ومش هينفع جميله او غيرها يدخلوا ف اللغبطه دى هظلمهم معايا ... هنا ف جرح غويط اوووى يا ااحمد ومش هيتداوى ف يوم وليله لكن هياخد وقته وانا مش محتاج غير وقت
اححمد: انت كده بتلعب بالبنت ومينفعش يا على
على : لا مش بلعب بس بتأنى ف حكمى وقرارى ولما هتاكد من نفسى واظبط نفسى وحياتى انا عاوز اشفى نفسى يااحمد انا روحى متفتته وعاوز اجمعها تانى .. فاهمنى ومش هسمح لنفسى اظلم حد معايا
احمد : فاهمك ..بس ياريت تفهمها يا على اتكلم معاها ..
على اتنهد: هيحصل
احمد قبل ما يقوم بص ل على : اوعدنى يا على لو للحظه حسيت ب انك هتظلم البنت دى معاك سيبها ومتكملش
على اتنهد: وعد دا الل هيحصل
ف الوقت دا كانت جميله خارجه رايحه الحمام وشافت باب اوضه "على" موارب وصوت خارج منه وسمعت حوارهم مع بعض وبرغم كلام على الل سمعته الا انها كان عندها اصرار اكتر وتمسكت ب على اكتر وقالت ف سرها هى واقفه: انا هساعدك تشفى جرحك يا على انا مش هسيبك مهما حصل
ومشيت بخطوات هاديه بسرعه ع اوضتها وراجعت كلام الل سمعته وبصت ع الشوكولاته الل على اشترالها باستها وحطتها جنبها ونامت ناموا التلاته فى اوضتهم وتانى يوم الصبح كانت : جميله" صاحيه ولا اكنها سمعت حاجه وفى المطبخ بتحضر الفطار
احمد نص نايم: صباحو ياجيمى
جميله: صباح الخير
على ب ابتسامه : صباح كل حاجه جميله
جميله باابتسامه: صباح كل حاجه حلوه
احمد بص عليهم هما الاتنين : صباح النسكافيه
مسك سندوتش جبنه : صباح الجبنه السايحه على العيش المحمص ومعاه خيار وجنبه و كوبايه النسكافيه
على بيضحك: انت بتتغزل ف السندوتش
احمد: علشان محسش انى طرف تالت ياعم راعوا مشاعرى واحاسيسى انا سنجل ياجدعان
على بيضحك: حد قالك كون سنجل ارتبط
احمد بهزار : ماهو الل كنت هرتبط بيها انت اخدتها ياعم ..جيمى لو فى منك احجزيلى واحده بالقسط
جميله: ياخساره ..انا معنديش اخوات بنات ..عندى جمال اخويا ومتجوز
احمد : بص الفقر .. اخوها ومتجوز .. انا مليش غير السندوتش
راح اخد قضمه كبيره منه .. جميله: ربنا يكرمك بااحسن واحده
احمد: الله يكرمك لغايه ما يكرمنى ممكن تجيبلى مربى الفراوله من التلاجه
جميله ضحكت: حاضر
على : يلا افطر بسرعه هنتاخر
احمد وفى بوقه الاكل : ياعم سيبنى اكل ياعم .. يعنى لا بحب ولا اكل اموت نفسى ها
على شده من ع الكرسى : امشى قدامى
احمد: الى اللقاء يا جيمى ياحبى القديم
جميله بتضحك ع طريقه احمد: باى يا لمض
على : مع السلام
جميله : على
على بصلها: ايوه
جميله باابتسامه: لا الله الا الله
على ابتسم: سيدنا محمد رسول الله
احمد: الى الجهااااد
على خبط احمد ونزلوا وجميله واقفه وع وشها ابتسامه وفرحه .. موابيلها رن وكانت "هايدى "وروقت مكان الفطار ودخلت تغير هدومها وتقابل دينا ..:
:على" و"احمد" قاعدين فى مكان بيع الجرايد ..و"احمد" شايف "على" وهو مبتسم وماسك الموبيل
احمد: كانت فين من زمان
على: انتى بتقول ايه
احمد بيضحك: كنت بقول كانت فين من زمان الشمس الل تنور حياتك كده بدل الضلمه الل كنت فيها
على ابتسم: تقصد جميله
احمد: لا اقصد عمتى فوزيه .. اه طبعا جميله..كنت مفتقد اشوفك مبتسم الصبح كده ياعم
على ابتسم .. احمد بيغمز ل على : احكيلى كده حاسس ب ايه يا لوول نتسلى واحنا فاضين
على اتنهد: مش عارف اوصفلك بجد الل انا حاسس بيه دا ايه
بس بجد جميله وجودها فرق معايا كتير .. زى ما بتقول كده شمس ونورت حياتى
عارف احساس لما تكون عطشان وعاوز تشرب مايه وكل ما تشرب من كوبايه تلاقيها مش عذبه لغايه ما كنت هتفقد الامل ومره واحده لقيت كوبايه مايه عذبه ترويلك عطشك وتدى جواك امل ان الحياه فيها حاجه حلوه "جميله" عملت كده من غير ما احس ...
احمد مندهش: ياااه.. ايه التعبير العميق دا ..انتى بتقرا كتب من ورايا ولا ايه
على : اكبر كتاب قريته ..كتاب الحياه على قد مراراته على قد انه فيه حاجه حلوه
احمد بيضحك: يعنى افهم من كده انك رجعت "على" بتاع زمان
على : لا.انا مش عاوز اكون زى زمان هكون "على" احسن من "على" بتاع زمان واحسن من "على" ال قبل ما يقابل جميله بالمختصر هكون "على" الل يستاهل "جميله" والل يستاهل الحياه الل ربنا ادهاله .. !!
احمد قام وشد "على" فى حضنه:ايوه بقى يا لوول هو دا لوول صاحبى واخويا
فى نفس الوقت دا كانت جميله فى مقابله مع هايدى فى كافيه
هايدى: ها يا جميله هترجعى امتى ..جمال عمال يسألنى وبيقولى دى طولت اوى
جميله: قريب خلاص .. قوليله مسافره
هايدى: جميله.. جمال ابتدا يقلق من غيابك لو ابتدا يدور مش هيكون لصالحك
جميله: بليز يا ديدى بليز بلاش تكدرينى .. وانا عايشه احلى ايام حياتى
هايدى : يا حبيببتى عيشى بس اعملى حساب ل اخوكى
جميله: متقلقيش انا مرتبه كل حاجه .. انا هروح واتكلم مع جمال وهعرفه كل حاجه
هايدى : والفارس بتاعك عارف ولا لا
جميله: مجتش فرصه .. بس هيعرف اكيد متقلقيش
هايدى : جميله انتى مش بنت عمى ولا اخت جوزى ..انتى اختى بلاش تهورك وجنونك يوصلك لحيطه سد وانتى فهمانى
جميله طبطبت ع ايد دينا: متقلقيش كله هيكون كويس ..
فى فرنسا كانت " ايمان :قاعده فى البلكونه ماسكه ايباد بتقلب فيه
وهى قاعده لقت حد باسها من راسها جسمها اتخض :
مازن: متتخضيش كده دا انا ..مين غيرى يعنى هيجرء يعمل معاكى كده
ايمان : بلاش تخضنى كده يا مازن بليز اعمل اى صوت
مازن لاحظ عصبيتها: مالك ياايمى انا مكنتش اقصد
ايمان لاحظت طريقتها: انا اسفه ..انا منمتش كويس و..
مازن مسك ايديها : ولا يهمك . ارتاحى وانا هخلص مشوار وهرجع اخدك نتعشى بره اوكيه
ايمان: اوكيه
قام مازن وقرب من ايمان يبوسها راحت بعدت نفسها راح باسها ف خدها ومشى ...مسكت ايمان موابيلها واتصلت ب "شاهنده"
ايمان: شاهى
شاهنده بصوت نايم : ايوه ياايمى
ايمان: انتى نايمه الوقت العصر
شاهنده: كنت سهرانه مع الشله وراجعه الصبح وعقبال ما عرفت انام
ايمان : طيب ..شويا لما تفوقى كلمينى
شاهنده: اوكيه ..
قفلت شاهنده الموبيل وفصلت خالص ورحعت تنام .. ايمان اتصلت ب اسماء اختها
ايمان: سمسم ازبك
اسماء: ايمى انا الحمد الله وانتى
ايمان بتاخد نفس : الحمد الله
اسماء: مازن عامل ايه ؟
ايمان: الحمد الله .. انتى عامله ايه واحمد والعفريت الصغير
اسماء : الحمد الله كلهم بخير مطلع عينى
ايمان بفرحه: ربنا يخليهولك
اسماء:تسلميلى يا حبيببتى
اسماء: برغم انه مش وقته بس ممكن تقولى غلطه مطبعيه .. وبدفع تمن غلطتى سهر ورضاعه وهدت حيل يا اختى
ايمان ابتسمت: زوز حبيببى
اسماء: هتيجى مصر ولا مش ناويه
ايمان: ان شاء الله لان زياد وحشنى اووى
اسماء: واحنا مستنينك يا خالتو
ايمان : مش محتاجه حاجه يا اسماء ...انا عارفه ظروفكم و..
اسماء قاطعتها: شكرا ياايمى الحمد الله مستوره معانا وانا عارفه ااقلم نفسى ع ظروف محمد والحمد الله
ايمان : اسماء تعرفى كل ما بكلمك نبره صوتك مبتتغيرش مبهجه كده
اسماء: علشان سعيده والحمد الله ربنا رزقنى بزوج بحبه وبيحبنى وابن جميل
وهما بخير وبصحه كويبسه هطلب ايه تانى من ربنا ...
ايمان: ربنا يخليكم لبعض
اسماء: لكن صوتك انتى الل مش مريح مالك
ايمان بملامح خنقه ودموع محبوسه ف عنيها: مش عارفه يااسماء فيا ايه
حاسه بخنقه فظيعه وملل وزهق ومش عارفه اخرج منه ازاى
اسماء: هو مازن سايبك لوحدك كده ع طول
ايمان بلهجه عصبيه: بالعكس .. مازن مبيسبنيش ابدا وبيرضينى بكل الطرق ومستحملنى بطريقه فظيعه لكن انا مش فاهمه مالى ..فيا ايه بجد ..
اسماء حست بخنقه ايمان: انزلى اجازه واقعدى معانا يومين ياايمى تغيرى جو
ايمان بتتنهد: ان شاء الله هعمل كده ..
قفلت ايمان مع اسماء ووقفت بتبص حواليها اخدت موابيلها وطلعت اوضتها رمت نفسها ع السرير ولا ارادى دموع نزلت من عنيها ... قبل مازن ما يرجع ع البيت اتصل ب ايمان تجهز علشان يخرجوا ... قامت اخدت شاور وفتحت دولابها ووقفت نص ساعه بتبص على الفساتين الل عندها وبرغم انهم اغلى فساتين وماركات عالميه من مصممين مشهورين لكن فاجاءه ف نظر ايمان انهم عاديين ومش عاجبنها دخل الاوضه مازن شايفها واقفه قدام الدولاب بتبص ع الفساتين .
مازن: مالك ياايمى واقفه كده ليه ..انا قلت هلاقيكى جهزتى
ايمان بنبره بؤس: مش عارفه البس ايه ؟
مازن بيضحك: نعم.. عندك 3 فساتين لسه انتى شارياهم من يومين البسى واحد فيهم
ايمان: ها... اوكيه
اخد مازن الشاور وخرج يكمل لبس شاف ايمان واقفه زى ماهى باصه ع الفساتين
مازن راح حضن ايمان من ضهرها : لو مش عاوزه ننزل ونقعد مع بعض هنا انا معنديش مانع
ايمان جسمها اتنفض : لالا هلبس ع طول اهو
وبسربعه شدت فستان وابتدت تلبس وشويا نزلت هى ومازن فتحلها باب العربيه وراحوا ع مطعم ودخلوا وشد الكرسى ليها وقعدت وقعد هو كمان قدامها .. شويا وطلبوا العشا وجه
مازن لاحظ سكون ايمان فحب يفتح كلام : ايمى
ايمان: ايون
مازن مسك ايديها وباسها: انتى جميله اوى انهارده
رسمت ايمان ابتسامه: ميرسى
مازن : انا اختارت الاكل دا مخصوص علشانك
ايمان : جميل .. ميرسى
مازن: الف هنا يا حبيبى
ايمان : مازن
مازن: ايوه
ايمان: انا عاوزه انزل مصر اقعد مع اهلى شويا
مازن: انتى لسه راجعه من شهرين ولا فى حاجه ؟
ايمان: وحشنى زياد اوى وغير كده اسماء بعد ولادتها مش حابه اسيبها لوحدها
مازن:.. اوكيه مفيش مشاكل بس اشوف مواعيدى واخد اجازه و...
ايمان قاطعته: لا خليك انت ف شغلك متعطلش نفسك ..انا هنزل اقعد معاهم شويا وبعدين هرجع تانى
مازن سكت لحظات: مفيش مشاكل سافرى انتى مصر وغيرى جو وشوفى زياد
ايمان: ميرسى يا حبيبى
مازن : عارفه يا اايمى لو كان عندنا زياد احنا كمان مكنتيش هتحسى بكده
ايمان اتلجلجت: كله باامر ربنا
مازن ضحك: انتى اتجوزتى قبل اسماءبكتير ومرت لغايه دلواقتى 4 سنين واسماء معاها زياد ربنا يخليهولها
ايمان: يارب
مازن : انتى ليه ياايمى مش موافقه تروحى لدكتور انا وانتى
ايمان بعصبيه حطت الشوكه والسكينه: قلتلك يا مازن انا مبحبش الدكاتره وكله باامر ربنا
ليه الاستعجال
مازن بيضحك: 4 سنين وبتقولى استعجال .. احنا مستنين ايه طيب
ايمان: امر ربنا يا مازن .. لما يأذن هيكون
مازن لاحظ عصبيه ايمان: اوكيه .. سورى انى ضايقتك
ايمان اتعصبت اكتر لما اعتذر مازن : انا عاوزه اروح البيت صدعت
مازن: اوكيه ..
طلب مازن الشيك وحاسب وروحوا ع البيت غيرت ايمان هدومها وكان مازن نايم ع السرير ماسك التاب بيقلب فيه
راحت نامت جنبه ايمان وقربت منه : مازن ممكن تاخدنى ف حضنك
مازن رفع دراعه ونامت ع صدره ايمان : انا اسفه ع عصبيتى يا مازن
مازن ضمها ليه: متتاسفيش ع حاجه انا الل اسف انى زعلتك وفعلا الموضوع نصيب وكفايه عليا انتى
باس مازن راس ايمان وحضنها وناموا وايمان منمتش وملامح وشها متغيره لغايه ما مازن راح ف النوم وبعدت عنه وادته ضهرها ودموعها نزلت من عنيها ... !!
فى يوم فى لندن رجعوا "على" و"جميله" و " احمد" البيت و"جميله" قاعده ع السرير بتتكلم مع هايدى مرات اخوها باب الاوضه خبط قامت من ع السرير وراحت فتحت الباب ولقت قدامها " احمد "
جميله بقلق: احمد .. فى حاجه ولا ايه ؟
احمد بيضحك: لالالا متقلقيش كده ..نا بس عاوز اتكلم معاكى شويا ممكن
جميله بصت ع الساعه .. احمد: مش هنقعد كتير انا عازمك ع شاى بلبن ف البلكونه
جميله ضحكت : اوكيه .. ثوانى وجايه وراك
راح احمد اتجاه المطبخ وعمل شاى بلبن فعلا وجهزهم واخدهم وقعدوا ف البلكونه
جميله خرجت من الاوضه شافت احمد بيشاورلها وراحت اتجاهه .. جميله: البلكونه
احمد بيضحك: اهو تغيير يا جيمى .. وبعدين انا مش عاوز نتقفش من "على"
جميله بذهول: نتقفش ..انت حاططلى حاجه ف شاى بلبن
احمد بعلامه الصددمه: انتى عرفتى ازاى .. حاطط معلقه سكر
ضحكت جميله واحمد .. احمد: لا بجد عاوز اتكلم معاكى بعيد عن "على" الل مش بيسيبك لحظه
جميله بتضحك: انا الل مش بسيبه لحظه صحح جملتك
احمد: جيمى
جميله: ايوه
احمد: انتى بتحبى "على" بجد ولا مشدوده ليه
جميله استغربت من السؤال : انت بتسألنى يا ااحمد ؟
احمد: انا عارف لكن محتاج اسمع منك الاجابه
جميله اتنهدت : ببساطه يا ااحمد حياتى قبل ماقابل "على" اختلفت بعد ما قابلت لان "على" هو حياتى يا ااحمدالل كنت بدور عليها .. نفسى الل بتنفسه الل لما بكون بعيده عنه مبعرفش اتنفس .. بسمتى وضحكتى هو .. هو الهديه الل ربنا بعتهالى وانا مش هفرط فيها وهحافظ عليها
احمد شايف احساس جميله وهى بتتكلم ودموعها ف عنيها : يقطع سنينه
جميله ضحكت .. احمد: الحب بهدله اوى كده يا جدعان
جميله : الحب احلى حاجه لما تلاقى الشخص الل سنين كنت بتدور عليه
احمد: توعدينى انك مش هتسيبه وهتتمسكى بيه مهما حصل
جميله: انت مش محتاج تقولى كده انا مش هسيب "على" مهما حصل
احمد: طمنتينى
جميله: هو انت شاكك فيا
احمد: مش فكره شاكك فيكى..بس "على" مر بظروف صعبه اوووى والدنيا مسبتهوش ف حاله وكل خبطه وخبطه انيل من الل قبلها وفرحت انه ابتدى يرجع لنفسه ل على وطبعا دا بمساعدتك ووجودك فرق كتير .. يا جميله ب انا بقالى كتير مشفتش "على" بيضحك من قلبه كده والابتسامه مرسومه ع وشه كده ..انتى ساعدتى "على" يرجع يعيش حياته .. ساعدتيه يخرج لنور بدل حياه الضلمه الل كان غارق نفسه فيها .. وعاوزك بس تصبرى عليه هو ابتدا يظبط حياته متسبهوش وخليكى جنبه انتى هديه ربنا ليه وفرصه انقاذ وانا واثق ان على بيحبك اضعاف بس الل مر عليه مكنش سهل يتنسى ببساطه ومحتاج وقت يظبط نفسه ..
انا حبيت اتكلم معاكى لانى واثق من حبك ليه ومتاكد منه ومش عاوز اشوف حد فيكم مجروح من التانى ...فلو هتحسى بتعب انتى ف اولها "على" مش ناقص صدمه تانيه وانتى حرام تتنجرحى ..
جميله حطت ايديها ع ايد احمد: انت اجدع صاحب انا شوفته واوعدك انى مش هسيبه مهما حصل ...لانى ببساطه بحبه وقابلاه بكل حاجه فيه وايدى ف ايده كله حاجه هتكون تمام ..متقلقش
احمد: عاوز منك مساعده
جميله: اتفضل قول
احمد : على ضرورى ينزل مصر علشان اخته يشوفها ..مرت 4 سنين اهو ومنزلش خالص ولا مره .. ساعدينى اخليه ينزل ودى اول خطوه لعلاج نفسيته وقلبه ..
جميله سكت لحظات : امم هفكر ف طريقه واقولك
احمد : وحاجه تانيه
جميله: انت طماع اوى كل دا علشان كوبايه شاى بلبن اومال لو عصير هتعمل ايه
احمد: بيضحك: كله عند ربنا
جميله :ها
احمد: متمشيش من هنا وخليكى قاعده معانا وجودك حسسها بالعيله الل فقدينها من زمان والدفئ والسعاده .. ودا مش طلب دا أمر .. لازم اشوفكم تحت عنيا بتعملوا ايه انا ف مقام اخوكى واخوه ولازم احافظ ع حدود الله وكله بما يرضى الله
ضحكت جميله: انت فظيع يااحمد
احمد ضحك: يبقى كنسلى النقل الاسبوع الجى ويلا قومى نامى علشان لو اتقفشنا مش بعيد يرمينى من هنا ويخليكى انتى وانا عاوز اخلص الشاى بلبن بتاعى ف اوضتى شايل سندوتش هسقسق فيه وهنام ..
جميله بتضحك: ماشى ..وميرسى ع العزومه دى ..المره الجايه اعمل حسابك ف سندوتش
احمد: لا مش هاكلك كمان والراجل الل معاكى دا بيعمل ايه بقى
جميله ضحكت : خلاص شبعت
احمد: اموت انا ف الحب داالل بيشبع
ضحكت جميله: تصبح ع خير
احمد: تصبحى ع خير يا جيمى
دخلت جميله اوضتها واحمد ماشى اتجاه اوضته وقف قدام اوضه على ابتسم ودخل اوضته ..!
تانى يوم وهما فى الشغل وف استراحه الغدا كانت جميله بتتكلم ف الموبيل وعلى واحمد قاعدين ..جميله ملامح وشها متغير .. على: فى ايه مالك
جميله: مفيش .. بس كنت بفكر اخد اجازه اسبوع كده
احمد: ليه فى حاجه
جميله: هنزل مصر
على متفاجئ : مصر .. ليه ؟
جميله: الاسبوع الجى ذكرى وفاه بابا وماما وانا متعوده كل سنه انزل ازورهم
احمد: اه.. الله يرحمهم.. واخوكى معاكى
جميله: لا هسافر لوحدى
احمد: هتسافرى لوحدك ازاى طيب وانتى مبتنزليش غير ع فترات ... لازم حد معاكى
جميله بتغمز ل احمد: تعالى انت معايا يا ااحمد
احمد: انا اخدت اجازه طويله اكتر من كده هترفد انا ...
جميله بملامح حزن: اعمل ايه طيب ..جمال كان بينزل معايا كل سنه المرادى مش نازل
احمد: انزل معاها يا على ومنها شوف هبه ولالادها
على اتفاجئ : ها
جميله قفشت ف الكلام: اه ونبى يا على انا نفسى اشوفهم اوى
على سكت : هشوف وهقولك ..
جميله حست انه احتمال كبير يوافق بصت ل احمد وغمزلها ...
جميله: خلاص متتاخرش ف الرد علشان نحجز طيران وناخد الاجازه ..!
فى يوم وهما قاعدين ف البيت يوم الويك اند اتفقوا يقضوه ف البيت لان "احمد" كان تعبان شويا ومرضوش يخرجوا ويسيبوه لوحده .. فااتفق "على" و "جميله" يقضوا اليوم ف البيت ...
وهما قاعدين بيتفرجوا ع التليفزيون قامت جميله تعمل عصير .. دخلت المطبخ وعملت عصير برتقال وابتدت تصب منه كان احمد خارج من الحمام وباصصلها واستغرب من صبها .. لانها كانت بتصب ف كوبايه كبيره وتملها وبعدين تقسمها ع كوبيتين وكوبايه احمد كانت من الشفشف ع طول .. فراحت تحط الصينيه قام احمد برخامه مد ايده وهياخد الل قدام "على" شافتها جميله: استنى
احمد: يخرب عقلك خضتينى ف ايه مش انتى عامله دا ليا ولا هنصور ولا هنعبده
جميله حطت الصينيه : دى ليك .. انما دى ل على
احمد بصلها ب استغراب : انتى هبله .. ماهى نفس الكوبايات
جميله : لا طبعا يا ناصح
احمد: خير دى عليها سكر ودى عليها كخ
على ضحك: خلاص امسك يا عم
جميله بسرعه: لا يا على اشرب انت دى
احمد حط كوبايته : لا فهمينى بقى لانك بتعملى كده ف المطعم وانا مش فاهم
جميله باابتسامه : من غير تريقه لو سمحت
احمد: اشجينا
جميله انا صبيت العصير دا من كوبايه كبيره ليا ول على بالنص
احمد: ليه كده
جميله بصت ل على : علشان انا عاهدت نفسى انى هقسم مع على كل حاجه ..اكل وشرب وحياه
على اتفاجئ بكلام جميله : جميله
احمد مسك الكوبايه: اه ياانى يا سنجل يلى هتجيبوا اجله ياانى
جميله اتكسفت وقامت اتلكتت باى حاجه دخلت اوضتها وشها احمر وكانت فرحانه ف نفس الوقت على مستغرب تصرفها لكن فرحه ...!
شويا وهما قاعدين .. جميله : هقوم اعمل بوب كورن اوكيه
احمد بهزار: اوكيه وخلى السكر بره
على : خليكى وهعمله انا
جميله: لالا هعمله بسرعه كملوا الفيلم انتم
قامت جميله ووقفت تعمله وجهزت 3 اطباق وحطتيتهم ع صينيه كبيره وكانت مجهزه ورقه وحطيتها جوه طبق "على " ... على وهو بياكل لاحظ الورقه وفتحها " انا احترت اكتب اقولك ايه لكن سمعت انهارده ان عيد الحب الاسبوع الجى واحنا هنكون مسافرين وبعدين فكرت فيها وقلت يعنى ايه عيد حب واحنا مع بعض احنا مش مستنين تاريخ يحكم مشاعرنا ولان اللحظه معاك عيد حب عندى ووجودك عيد حب ليا فكل لحظه حب وانت معايا يا على .. بحبك " على ماسك الورقه ومتصلب مكانه ومش عارف يعمل ايه بص ل جميله : جميله
جميله بصتله ب ابتسامه : كل يوم هيمر عليا وكل ساعه جايه وكل لحظه جايه مش هسيبك وهفضل ماسكه ف ايدك ومعاك ف كل وقت هكون معاك ف الوحش قبل الحلو .. ف الالم قبل الفرح .. هكون معاك ومش هسيبك "
على اتلغبطت واتفاجئ : جميله انا مش عارف اقولك ايه بجد ..الل قادر اقوله انتى وجودك فرق كتير ف حياتى جداا ومشاعرك الل بتحوطينى بيها بجد مش قادر اوصفها ف انتى تستاهلى حياه نقيه ونضيفه ... ف انا محتاج وقت ارتب اللغبطه الل جواايا.. صدقينى لو مش هتقدرى تستحملى هحترم قرارك جدا وعاوزك تعرفى انك انتى اجمل حاجه حصلتلى ف حياتى
جميله ب ابتسامه ومسكت ايده : على انا عشت عمرى كله مستنياك وهعيش عمرى الل جى كله هستناك ... انا سبب وجودى ف الدنيا انى اقابلك وقابلتك ومش هسيبك
على ب ابتسامه مسك ايد جميله وباسها: ربنا يخليكى ليا واكون استحق كل الل بتعمليه
جميله: ربنا يقدرنى واعملك اكتر لانك تستحق اكتر
قرب "على" من "جميله " وباس راسها وابتسمت وقعدت مسكت ايد "على" وهما بيتفرجوا ع التليفزيون " احمد" تنح من الموقف وشايف الحوار ب ومشاعره غلبته وكان ف دموع ف عنيه لانه شاف صدق جميله وصدق على ف كلامهم مع بعض : ابقوا فكرونى اشترى كمنجات ونبى
على :ليه
احمد: علشان انزلكم بيها ف اللحظات المؤثره دى
جميله ضحكت وعلى ... على: ركز ف الفيلم
احمد: ماشى ماشى ..
خلصوا قاعدتهم ودخلوا ناموا وتانى يوم راحوا شغلهم ورجعت جميله دخلت اوضتها شافت ورده وعلبه حمرا قربت مسكتها فتحتها لقت الشوكولاته الل بتحبها وشافت تحت الورده كارت " انتى قولتيلى عيد الحب الاسبوع ال جى مش مهم عندى جى امتى لانك اكدتيلى ان كل لحظه مع شخص بيحبك بجد هى عيد ..كل لمسه امان معاه هى عيد ..كل ابتسامه معاه من القلب هى عيد هى عيد... ف كل حياتى ب ايامها وساعتها ودقايقها وثوانيها حب وانتى معايا .. "
______________________
يتبع
ليست هناك تعليقات:
إرسال تعليق