وجه الدور ع عمر ... فمنى طلبت من ال هتسأل تسأله سؤال
كان السؤل: استاذ عمرو .. ممكن تقولنا اكتر حاجه حصلتلك وبتحبها ؟
عمرو بص ناحيه حياه وحياه كانت سامعه بس مش بصاله ومن غير تردد : حياه .. انا بحب حياه
الكل اتفاجئ من الاجابه وحياه لما سمعت راحت بصتله
عمرو : مالكم يا جماعه الحياه فى حد فيكم مش بيحبها
الكل غيروا نظرتهم لما عدل ف الكلمه لكن منى قلبها انقبض لما سمعت وبصت ع نظره عمرو ونظره حياه من غير تعليق ....
عمرو بيضحك: يلا كملوا لعب ولا هتقف لغايه كده
منى حبت تغير الجو : يلا لف الازازه يا احمد
حياه موابيلها رن وكانت مامتها فاستأذنت وقامت ترد
ومنى لاحظت عمرو عينه منزلتش ع حياه لما قامت ..وابتدت تشك ان فى حاجه هى مش عارفاها ...!!1
حياه خلصت مكالمتها مع مامتها و أستغلت الفرصه ان مفيش حد ملاحظها واخدت كاميرتها بهدوء وبعدت وسابتهم قاعدين بيتكلموا وبيلعبوا
وقعدت تصور شويا وبعدين قعدت ع صخره كده قدام المايه وسرحت ف ال حصل ومش عارفه ايه حصلها وليه قلبها اتاخد كده
لاقت صوت من وراها وهى سرحانه : انتى هتصتادى سمك ولا ايه
حياه مخضوضه: ها .. عمرو
عمرو مبتسم: اومال عفريته ....
بيبص حواليه ف المكان : بس تصدقى فعلا الهدوء حلو عن الزحمه ال هناك هقعد جنبك ممكن ؟
لسه حياه هترد قعد عمرو : قوليلى بقى بتفكرى فى ايه .. بتفكرى ف ال قلته من شويا ؟
حياه اتوترت : انا لالالا خالص
عمرو بيضحك: طيب خلاص اهدى مالك لونك اتخطف بس تصدقى كده احلى ...
سكتت حياه شويا وعمرو فتح كلام : وباصص اتجاه المايه .. انا بحبك يا حياه
حياه اتفاجئت وبصت لعمرو من غير ما تنطق.. عمرو بصلها مبتسم : بحبك
راحت حياه متوتره وقايمه بسرعه تمشى قام عمرو ومسك ايدها ووقفها :
عمرو: حياه انا مش بهزر انا بكلمك بجد
انا بحبك وعاوز اتقدملك اخطبك .. عاوزك تبقى حلالى
حياه متوتره ومش عارفه تقول ايه ولا تعمل ايه من هجوم عمرو المفاجئ
حياه بتهته: انا .. انا
عمرو وماسك ايد حياه : انا كنت عاوز افاتحك من فتره بس كنا داخلين ع امتحانات ومش عاوز اشتتك لاقيت دى فرصه وعاوز اقولك ع ال حاسه ناحيتك
حياه متصلبه وقلبها بيدق ....
عمرو بيكمل كلامه :انا بحبك من اول ما شوفتك
اول ما وصلت ..اول ما شوفتك حسيت بحاجه اتغيرت فيا بقيت بحب اشوفك
وبحب اشوف ضحكتك واتكلم معاكى بحب وجودى ف وجودك .. بحبك
حياه زى ال اتخرست وقلبها بيدق جامد اوى راح عمرو رافع ايدها ال ماسكها
وباسها وقالها: تتجوزينى
حياه جسمها اتنفض منها ومش عارفه تجمع راحت تمشى راح مسك ايدها وقالها وهى مدياله ضهرها:
انا مش هقول السكوت علامه رضا وانك موافقه بس لما هنرجع هاجى اتقدم رسمى علشان تبقى ليا قدام الناس كلها ولو ف اعتراض قبل ما نوصل البيت عرفينى لكن قلبى بيقولى انك موافقه ...
حياه ابتسمت جريت بسرعه وقلبها عمال يدق وعلى وشها ابتسامه وحست انها انفصلت عن الدنيا
ف الوقت دا كانت منى واقفه من بعيد لما شافت عمرو ماشى كانت رايحه وراه تسأله ع ال قاله لكن ال شافته من مسكه ايد عمرو لايد حياه ولما باس ايديها اثبت شكوكها وبقى اكيد ان عمرو ال اتكلم عليها هى حياه مش منى
دموع نزلت من عنيها وهى واقفه وقلبها وجعها .. شويا ورجع عمرو وكان واقف بيصب لنفسه شاى منى جت جنبه وحبت تسمع بنفسها عدلت من ملامح وشها وقربت لعمرو : ايه المفاجاءات دى
عمرو بيضحك: مفاجاءات ايه
منى: حياه ..مكنتش اتخيل بس مش كنت تقولى مش احنا اصحاب وحياه صاحبتى بس لما استفرد بيها هوريها ازاى تخبى عليا
عمرو بيضحك: انا قلت انتى ال فيهم ال هتفهم وهتعرف ان قصدى ع حياه ... بس انا كنت مكتم لغايه اجازه الصيف علشان اقولها بس حصل خلاص
منى: قولتلها ؟
عمرو ومبتسم: ايوه قولتلها انى بحبها وعاوزها تكون مراتى وهتقدم لما نرجع
منى حاولت تجمع نفسها ورسمت ابتسامه: الله بجد وهى قالتلك ايه ..قالتلك بتحبك
عمرو : مقلتش بس عنيها وتصرفتها قالتلى كده وانا متاكد قلبى بيقولى كده وان شاء الله قريب اووى هنلبس الدبل
منى : وطنط .. طنط ايه رأئيها
عمرو بتلقائيه: ماما عارفه عرفتها قبل ما نيجى هنا وعندها فكره وهرجع ااكد ليها ونتفق تكلم مامت حياه امتى الشكليات دى بقى .. انا رايح هناك تعالى اقعدى معانا
مشى عمرو ومنى متصلبه مكانها : شكرا
رجعت منى لمجموعه شافت حياه قاعده وع وشها ابتسامه كبيره وعمرو كمان حست انها اتخدعت واتصدمت ف اقرب الناس ليها وان حياه مقلتلهاش حاجه ...
خلص اليوم والكل ركب الاتوبيس علشان يرجعوا
قعدت منى جنب حياه من غير ما تسأل حياه اى حاجه لان حياه اصلا من فرحتها بال سمعته واحساسها ال اتاكدت منه ال كانت مش فاهمها كلام عمرو وضحهولها مخليها عايشه ف دنيا تانيه وماسكه ايدها وبتبصلها وبتضحك طول الطريق ف الاتوبيس ...!!!
منى حطت سماعات الهاند فرى وغمضت عينها لغايه ما وصلوا وعمرو كان عليه علامات السعاده والابتسامه طول الطريق ..!!
وصلوا لعند الجامعه عمر و عرض عليهم يوصلهم مال كل عارفين انه جارهم
وقف تاكسى عمرو وبرغم ان منى كانت مش عاوزه بس محبتش تبين حاجه
ركبوا التاكسى وكانت قاعده مع حياه فى الكنبه ورا وعمرو قاعده قدام
فكان عمال يبص ع حياه من المرايه وهى كانت ع وشها ابتسامه ومنى
طول الطريق باصه من الشباك بعد ملاحظت كده لغايه ما وصلوا منى نزلت بسرعه وطلعت ع شقتهم من غير ما تستنى حياه .. حياه وقفت مع عمرو لحظات
عمرو: نقول مبروك
حياه مكسوفه وابتسمت : انا داخله
دخلت حياه بسرعه من كسوفها وفرحتها وعمرو وقف وع وشه ابتسامه كبيره وكان ف منتهى السعاده ... منى دخلت ع اوضتها ورمت نفسها ع السرير وفتحت ف العياط من صدمه المفاجاءه .. وكانت عكس حياه ال كانت فرحانه ومن فرحتها حكت لمامتها ومامتها رحبت بالفكره بعد ما حست ان حياه موافقه
وعمرو اتكلم مع مامته وقالها انه فاتح حياه وقريب هيبقوا مخطوبين رسمى ..!!
__________________________
فى يوم ادم كان قاعد فاتح الللاب توب بتاعه ولاقى ايميل من حياه بالصور ال صورتها ف الرحله وكان مبسوط من الصور اووى ومعجب بيها وكانت بعتاله صور فيها هى ومنى و عمرو فكان مثبت عند صوره حياه فيها ومكبرها وسمع صوت من وراه : حلوه اوووى
بص ع الصوت : مها
قعدت مها ومعاها ماجيين واحد نسكافيه ليها وكابتشينو ال بيحبه ادم
وحطت قدام ادم الكابتشينو : اتفضل يا دكتور
ادم : شكرا يا دكتور
مها: ايه السعاده ال ع وشك دى وصوره مين ال فاتحها دى
ادم : دى صور واحده قريبتى غاويه تصور وكده
فكل ما بتروح مكان بتصوره بتبعتلى اشوفهم واقولها رائ يعنى
فكانت ف رحله تبع جامعتها لفيوم وادى الريان وصورت شويه صور حلويين
مها بفضول : ممكن اشوفهم
ادم لف الللاب توب ناحيتها وفتحلها الصور وشافتهم مها وركزت ع شكل حياه
لما شافته مثبت الصوره وباصص عليها : جميله الصوره والاجمل ال موجوده فيهم
ادم: هى ممتازه ف التصوير معانها مبتدئه بس بتصور حلو اوى
مها: انا قصدى عليها اموره مكنتش اعرف ان ليك قرايب قريبن كده ليك
ادم ومبتسم: دى اقرب واحده ليا فى قرايبى وامرها يهمنى جدااا وبحب اعرف كل حاجه عنها بحس كده انها ملزومه منى من صغرها
مها : اسمها ايه
ادم مبتسم : حياه
مها: اسمها غريب بس جميل
ادم بص ع الصوره: لانها فعلا حياه لل يعرفها ويقرب منها
مها لاحظت نظره ادم وحست بغيره بالرغم ان ادم لا فاتحها فى ارتباط ولا لمح ليها بحاجه بس حست بغيره من اهتمامه بحياه
مها حبيت تغير الموضوع : عرفت ان دكتور حمزه هيخطب دكتوره جانيت
ادم: اها سمعت منه هيخطبها ولما ننزل هتنزل معاه مصر ويعرفها ع اهله
دماغه لاسعه بجد هو جى دراسه ولا بيدور ع عروسه
مها بتضحك: القلب بقى لما بيختار مش بيحدد ميعاد يا دكتور يلا عقبالك
ادم بص ع الصور: ان شاء الله الماجستير الاول وربنا يسهل
مها ماسكه المج وبتشرب منه: قولى ياادم احنا اصحاب بقلنا كتير عمرى ما سمعت منك انك ارتبطت ولا حبيت هو قلبك دا مدقش لحد
بص ادم ل مها: قلبى موجود وبيدق بس انا عاهدته انى مش هجرحه ولا استغله ف شعور سطحى واديه لانسانه ال تستاهله بجد وهحافظ عليه علشانها لانها تستاهله
مها : هى موجوده دى ياادم
ادم مبتسم : اكيد موجوده ...
رجع قفل الالللاب وقام : انا قايم وراجع تانى اوك
مها : اوك
مشى ادم فتحت مها اللاب وفتحت الصور وبصت ع حياه وحست ان فى حاجه مش فاهمها ..!!!
__________________________
بعد ما فاتح عمرو مامته ف الموضوع الارتباط كلمت باباها وعرفته وفرح جدا
وقال هينزل ف الخطوبه لما تتحدد و اتصلوا بمامت حياه يحددوا ميعاد
وعمرو بقى يبعت لحياه رسايل ويكلمها ف الموبيل وبيتقرب لحياه ..!!!
قبل ما يجى عمرو بيومين فرحت حياه خلتها مش تلاحظ تغيير صاحبتها منى
لكن كانوا دايما بيقولوا هيبقوا مع بعض ف افراحهم فلاحظت حياه ان منى من وقت الاجازه مش بقت تطلع كتير عندها فقررت تنزلها تشوف مالها
حياه دخلت الاوضه ع منى :
حياه فرحانه: منمونتى انتى نايمه ولا ايه
منى وهى ع السرير متغطيه: كنت هنام بعد الازعاج دا هشوفه
حياه بتضحك: زى ما بتعمليلى بالظبط
قومى يلا البسى وتعالى معايا
منى: ع فين كده
حياه وع وشها ابتسامه : هننزل اشترى طقم علشان عمرو ومامته جايين بعد بكره وهدومى كلها قديمه عاوزه حاجه جديده
منى بصت لحياه ودارت احساسها: ماشى ثوانى
قامت منى تجهز حياه لاحظت انها متغيره شويا
حياه: منى هو انتى مالك ف حاجه مزعلااكى
منى ومديها ضهرها وبتطلع هدوم من الدولاب : انا لا ليه
حياه: من وقت ما رجعنا من الرحله وانتى متغيره شويا
منى دارت احساسها وضحكت: لا ياستى انتى ال من وقت ما عمرو قالك ع الخطوبه بقيتى طايره فوق انا زى ما انا
حياه : مقولتليش طيب ... ف سؤال اتسألك ف الرحله لما لعبنا صراحه وانتى قولتيلى هقولك بعدين مين بقى سعيد الحظ قالك ولا لسه ؟
منى لفت وبصت لحياه وع وشها ابتسامه : كان يا حياه كان وملوش لازمه نتكلم ف الموضوع دا انا قفلته خلاص ممكن
حياه لاحظت دموع نازله من عين منى راحت حضنتها: يا حبيببتى هو ايه حصل طيب ولا اقولك متتكلميش والله هو خسران مش حاسس بنعمه معاه
منى بدموع نازله : النصيب بقى
حياه حبت تغير الجو: ربنا هيرزقك بااحسن منه صدقينى
يلا اجهزى وهاكلك ايس كريم شيكولاته ع حسابى يلا عدى جمايل
منى ضحكت نص ضحكه وحياه باستها ع خدها وخرجت واول ما خرجت حياه من الاوضه منى قعدت ع السرير ودموعها نازله وبتكلم نفسها : هتقدرى يا منى هتقدرى النصيب لا مفر منه انتى اقوى
شويا خرجت منى ونزلت هى وحياه تشترى لبس كان عمرو شافهم من البلكونه راح اتصل بحياه
حياه ووشها مكسوف ومبتسمه: الو
عمرو: احلى الو سمعتها .
حياه بتضحك: مش لدرجه يعنى
عمرو: لا اكتر كمان
حياه بكسوف : قولى عاوز ايه علشان مش فاضيه
عمرو: وحشتينى فبتصل اسمع صوتك بماانى شايفك
حياه لافت لاقته واقف ف البلكونه ابتسمت
منى لما شافت كده بصت لحياه: يلا يا بنتى ولا ارجع
حياه : طيب يلا سلام ولما هرجع اكلمك انا
منى بضحكه: لما ترجعى حبى براحتك يا ستى علشان منتاخرش يلا
حياه: طيب يلا
منى وحياه ماشيين .. منى : حياه انتى بتحبى عمرو من امتى
حياه : مش عارفه بس ال اعرفه انى بقيت استريح ليه وبحب اشوفه
ومكنتش اعرف انه حب يعنى غير لما قالى
منى بنص ابتسامه: ومقولتليش ليه ولا حكتيلى
حياه: بقولك مكنتش اعرف غير لما فاتحنى ف الرحله وغير كده كنت هقولك انا عندى احساس ناحيه عمرو ومعرفش هو حاسس بايه
زى ماانتى كنتى عاوزه تتاكدى ف موضوعك قبل ما تقولى انا كمان كنت كده .. مش كنت عاوزه اوهم نفسى بحاجه مش هتحصل .. انا سيبتها ع ربنا ..!!!
منى حست بغبائها وابتسمت: ونعم بالله
خلصت حياه مشوارها مع منى ورجعت البيت واول ما رجعت تليفونها رن كان عمرو
حياه: كنت لسه هكلمك
عمرو: قلبى حاسس بيكى
حياه بكسوف : عامل ايه وبتعمل ايه
عمرو مبتسم : عامل ايه كنت مستنيكى وبعمل ايه بستناكى
حياه اتكسفت: انا بكلمك بجد
عمرو: وانا بكلمك بجد انتى ال كنت بستناكى عمرى وبحمد ربنا انى لاقيتك
حياه جالها ويتنج وكان ادم : ايه دا ادم بيتصل بيا هو انت قولتله صحيح تلاقيه عاوز يباركلى
عمرو اتفاجى : لا مقولتش ومتقوليش انا عاوزه يتفاجئ لما ينزل
حياه: كان نفسى يحضر الخطوبه
عمرو: ماهو لسه هينزل كمان شهرين وماما مسافره مع بابا كمان اسبوعين
مش هتقدر تقعد اكتر من كده ..
حياه : يا خساره لو كان ينفع كنا استنينا
عمرو: انا مش هقدر استنى شهرين ..اذا انا عاوز بعد بكره يجى بسرعه
حياه: يا لدرجه دى
عمرو: واكتر ..بس بقولك لو ادم كلمك مش تعرفيه حاجه
خليه لما ينزل يتفاجئ بينا مخطوبين تمام
حياه بتلقائيه : تمام
خلصت حياه كلام مع عمرو وشويا لاقت موابيلها بيرن وكان ادم
حياه: الو
ادم: ازيك يا توتا عامله ايه
حياه: الحمد الله يا دكتور
ادم : الصور ال بعتيها بتاعت الفيوم تحفه وعجبت دكتوره زميلتى
وادتنى رقم واحد قريبها شغال ف مجله روحيله بمجموعه صور مصوراها
عامله مسابقه لاحلى صوره طبيعيه لمنظر طبيعى وانا واثقه انك هتكونى من ال هيختارهم
حياه: بجد مش قادره اقولك ايه ياادم حتى وانت مشغول ومسافر بتفكر فيا وبتساعدنى دايما
ادم: وهو انا عندى كام حياه هى واحده بس
حياه بسعاده: ويخليك ليا يارب
ادم: بس انت ايه السعاده دى قبل ما اقولك الخبر هو فى حاجه حصلت وانا معرفش
حياه سكتت : اممممم لما تيجى مجهزالك مفاجاءه
ادم: ايه ياترى
حياه: وهتبقى مفاجاءه ازاى
ادم: ماشى هانت شهرين ونازلكم حتى الواد عمرو بيقولى مجهزلى مفاجاءه
تعرفى ايه هى ولا ملاحظتيش حاجه
حياه كتمت الضحكه: لما تنزل هتعرف كل حاجه
ادم: طيب يلا تصبحى ع خير
حياه: وانت من اهله
قفلت حياه مع ادم ومن الف تعبت وحست بدوخه فغيرت هدومها ونامت
تانى يوم صحيت لاقت دم ع المخده نازل من بوقها ومناخيرها
حياه: تانى .. علشان لفيت كتير انا عارفه وتعبت نفسى
هقوم اغير الملايه بسرعه قبل ماما ما تشوفها وتعملى حوار
قامت غيرت الملايه والمخده ولا اكن حاجه حصلت وراحت تغسل وشها وقعدت تفطر ....
__________________________
يوم الخطوبه حياه صحيت لاقت دم ع المخده وكالعاده غيرت المخده قبل ما مامتها ما تدخل لكل المرادى حست بوخه لما قامت من النوم ..الباب خبط وكانت مامتها
مامتها بسعاده: صباح الخير يا احلى عروسه
حياه مبيتنش لمامتها وابتسمت: صباح الخير ل احلى ام
مامتها: يلا بقى بلاش كسل ورانا حاجات كتير عمرو ومامته جايين بعد العصر والضهر قرب
حياه: وراكى ع طول
باب الشقه الجرس رن ..مامت حياه: هروح افتح الباب تلاقيها منى
راحت مامت حياه تفتح الباب وكانت فعلا منى ..دخلت منى ع حياه
ابتدت منى تتعامل عادى مع الواقع علشان محدش يلاحظ حاجه ..: ايه الكسل دا قومى يلا
راحت منى تشد حياه لاقتها خملاانه.. منى: ايه يابنتى مالك
تلاقيكى طول اليل عماله تتكلمى مع عمرو ومنمتيش كويس وشك كمان متغير
حياه ضحكت: ان شاء الله تجربى وهتعرفى التوتر يعنى ايه
منى: يسمع منك يارب ..يلا قومى
حياه: متزوقيش طيب قايمه اهو
وحياه قايمه وخارجه ناحيه الباب منى شافت الدم ال ع كيس المخده ال مرمى جنب السرير
منى : حياه .. تانى حوار الدم دا ماتروحى تكشفى يابنتى
هتتصفى كده يدوكى حاجه انا بابا كان بيحصله كده وكان عنده مشكله ف مناخيره الشعيرات ضعف يعنى فكان من توتر ولا زعل بيحصله كده روحى يدوكى علاج
حياه: لو زادت عموما مش مستاهله ع فكره انا لما ببقى متوتره بيبقى كده عموما متقوليش لماما حاجه تمام
منى: خلاص يلا وانا هجهزلك الطقم
خرجت حياه راحت اخدت دش ع السريع ورجعت لمنى وغيرت ولبست وجهزت وقاعده مستنيه عمرو ومامته وخالته وهما قاعدين جرس الباب رن راحت حياه مسكت ايد منى من الفرحه ومنى رسمت ابتسامه ع وشها
دخلت حياه مع منى اوضتها وفتحت مامت حياه الباب ودخل عمرو ومامته وخالته وقعدوا ف الصالون وشويا دخلت حياه ومعاه الحاجه الساقعه والجاتوه
وكانت حياه هتطير من الفرحه ومنى رسمت ع وشها الفرحه والسعاده واول ما قروا الفاتحه وطلع عمرو الدبل راحت منى مزغرطه ودموع نزلت من عنيها والكل افتكرها دموع الفرحه
راحت ماما عمرو مطلعه علبه فيها طقم دهب ابيض هديه ل حياه
مامت عمرو: مبروك يا حبيببتى ربنا يكملكم ع خير والفرحه الكبيره تبقوا ف بيت واحد وتسمعونى احلى تيتا وتملولى البيت بالاطفال
حياه مبتسمه وفرحانه: ان شاء الله يا طنط ميرسى
خلصت الخطوبه وحياه قاعده ع السرير باصه لدبله ف صوباعها وفرحانه اوى
لاقت اتصال من عمرو وفرحت اكتر انه اتصل
عمرو: مبرووك يا حبيببه قلبى انا
حياه بكسوف: الله يبارك فيك يارب
عمرو: انا اسعد انسان انهارده يا حياه بجد رديتى فيا الحياه
حياه: وانا كمان فرحانه جدااا جدااا جداا ياعمرو
مكنتش اتخيل انى هكون سعيده بالشكل دا
عمرو : ربنا يقدرنى واسعدك دايما يا حبيببتى
حياه: تسلملى يارب وربنا يقدرنى اسعدك
عمرو: وجودك لوحده بيسعدنى هطلب ايه تانى من ربنا
حياه انا بحبك اووووووووى
حياه بكسوف: وانا كمان
عمرو: انا استأذنت عمو وطنط اننا هنخرج بكره تمام الساعه 2 تكونى جاهزه
حياه: حاضر
عمرو: يلا يا حبيببتى تصبحى ع خير انا كنت عاوز اسمع صوتك قبل ما انام
اشوفك بكره وبعده وطول العمر
حياه: وانت من اهله
قفلت حياه مع عمرو وكانت فرحانه ومبسوطه اوووى
عمرو قفل لاقى مامته خبطت عليه ع الباب تشوفه نايم ولا صاحى
لاقته صاحى دخلت تتكلم معاها شويا :
مامته: مبروك يا عمورى
عمرو مبتسم: الله يباركلى فيكى يا حبيببتى
مامته: معانى كنت متخيله منى ال هخطبهالك مش حياه بس يلا نصيب بقى
عمرو: منى صديقه مقربه ليا ولحياه وتهمنى جدااا ربنا يرزقها بالاحسن
مامته: قولى هتكلم حياه ع ال اتفقنا عليه انا مرضتش اتكلم علشان انت قولتلى عاوز تسألها
عمرو: ماهو فعلا مش عاوز افاجئها بانى عاوز ع اجازه تانيه لما تخلص امتحانتها نتجوز لازم اشوف رائيها ..بكره خارجين هفاتحها
مامته: طيب يا حبيببى هستنى تقولى عملت ايه
عمرو: حاضر
مامته: تصبح ع خير
عمرو: وانتى من اهله
__________________________
تانى يوم عمرو كان مستنى حياه وطلع اخدها من شقتها على اساس مخطوبين رسمى وحياه كانت متشيكه ع الاخر واخدها عمرو ونزلوا ومنى شافتها من البلكونه وفضلت تبص عليهم لغايه ما اختفوا من عنيها بالتاكسى وقالت لنفسها : كده خلصت يامنى فوقى بقى من وهمك وارجعى ع الواقع
دا نصيب والحمد الله ع كده ربنا يهنيهم مع بعض ...!!
دخلت حياه مع عمرو سينما وكان فيلم رومانسى وطول الفيلم عمرو ماسك ايد حياه خلص الفيلم وبعدها وهما ماشين حياه كانت حزينه
عمرو: مالك بتعيطى ليه
حياه: صعبانه عليا البطله اوووى هو ف حب كده
عمرو : ازاى
حياه: حد بيحب حد ومش يسيبوا فى ازمته ويبعد عنه ويقربله اكتر رغم معارضه الناس كلها
عمرو مسك ايد حياه : طبعا فى لو حب بجد
حياه: هو انا لو حصلى حاجه هتفضل معايا ولا هتسبنى
عمرو باس ايد حياه: هو انا اقدر ابعد عنك مستحيل انتى حياتى
حياه ابتسمت : ربنا يخليك ليا
راحوا يتغدوا وهما قاعدين عمرو فضل باصص ع حياه وهى مبسوطه
عمرو: مبسوطه يا حياه
حياه مبتسمه : جدااااا
عمرو: انا اكتر
حياه بصت ع الساعه: مش كده اتاخرنا ولا ايه
عمرو : شويا وهنقوم كنت عاوز اخد رائيك ف حاجه
حياه: ايه ياترى
عمرو : انتى عندك مانع تكملى كليه وانتى معايا
حياه بتضحك: ماهو انا معاك اهو وبكمل
عمرو بيضحك: لا مقصدش كده انا بتكلم نتجوز وتكملى كليه معايا
حياه من المفاجئه تنحت: ها
عمرو مسك ايد حياه: انا بجد مش قادر ابعد عنك يا حياه وحوار الخطوبه دا خطوه ومش عاوز اطول فيها عاوز نكون ف بيت واحد مع بعض مش انتى بتحبينى
حياه: ايوه
عمرو: مفيش مشاكل بقى اهو هديكى درس خصوصى لوحدك
ضحكت حياه : مش عارفه وغير كده ماما وبابا مش عارفين
عمرو: انا مستنى اخد رائيك انتى الاول ولو موافقه انا هتكلم معاهم
واهلك اعتقد مش هيمنعوا .. علشان انا ادم لما هينزل مش هطول عندهم ومش هقعد خاطبك 3 سنين
حياه بكسوف : ال تشوفه
عمرو مبتسم: يعنى موافقه
حياه بخجل هزت راسها.. قام عمرو مسك ايدها وباسها: ان شاء الله هتكونى احلى عروسه واحلى ام لاولادنا
رجعت حياه من الخروجه وقعدت مع مامتها حكتلها
مامتها: لدرجه دى بيحبك مستعجل ع الفرح
حياه بكسوف: متكسفنيش يا ماما بقى
مامتها حضنتها: يا حبيببتى هسأل بااكى وعمرو لما يجى هنشوف ربنا يسهل وقتها
راح عمرو قابل ابو حياه ومامتها واتفقوا ومعترضوش انها تخلص تانيه كليه وفى اجازه الصيف يتم الفرح وكده تبقى الخطوبه اقل من سنه ....!!
وظهرت النتيجه وحياه نجحت صافى ومنى طالعه بمادتين
حياه : تعوضيها يا منى بقى
منى بتضحك: ياستى عادى هى اصلا كانت سنه غريبه
المهم واحده فينا طلعت صافى
حياه: بس مقبول
منى: احمدى ربنا .. اتشطرى بقى وهاتى التقدير وانتى مع عمرو
حياه بتضحك: والله انتى فقر ...!1
__________________________
استمرت علاقه حياه وعمرو وفرحتهم بخطوبتهم وبقوا يتقابلوا ويقعدوا لما يطلعوا الروف يهتموا بالزرع عمرو كان بيتلكك ف الايام ال بتطلع فيها حياه وتكون هى فوق كان يطلع ويقعد معاها عمرو يشغل اغانى ع الللاب ويقعد يتكلم مع حياه وكانت اوقات منى معاهم كمحرم واوقات مامت عمرو لما تلاقيه طالع الروف وحياه فوق واول ما نزلوا الكليه
كانت مفاجئه لكل واصحاب حياه باركوا ليها ومنى اتعاملت عادى واتصرفت زى الاول زى مفيش حاجه أستسلمت لامر الواقع ال مش هيتغير لكن منى متغيرتش مع مامت عمرو وفضلت عادى اقرب ليها من حياه ..!!1
فى يوم عمرو كان بيذاكر لحياه ومنى جرس الباب رن راح فتح عمرو واتفاجى
عمرو متفاجى: ادم ايه المفاجاءه دى
ادم بسعاده : مفاجاءه حلوه مش كده
عمرو حضنه: جداااااااا حمد الله ع السلامه
اول ما دخل ادم وشاف حياه فرح جداااا وحياه كمان فرحت
حياه: حمد الله ع السلامه يا دكتور
ادم: الله يسلمك يا توتا
منى: مصر نورت والله
ادم بيضحك: منوره بيكم طبعا
سمعت مامت ادم لما عمرو نده عليها خرجت حضنته وسلمت عليه وقعدوا
عمرو: ايه المفاجئه دى مش لسه شهر
ادم : لاقيت قعادى ملوش فايده كانوا عاملين الشهر دا كنقاهه يعنى مفيش شغل وترفييه فقلت اجى ارفه معاكم احسن اصلكم وحشتونى
حياه بفرحه : والله كان ليك وحشه
ادم باصصلها: وانتو اكتر
عمرو كان قاعد قام وقعد جنب حياه : انما احنا مجهزينلك مفاجاءه
ادم مبتسم : خير ياترى انتم صح كل واحد فيكم بيقولى ف مفاجاءه لما تنزل
عمرو بيبص لحياه وحياه مبتسمه لعمرو مسك ايدها : قولنا مبرووك
ادم مش فاهم : مبرووك ع ايه ؟
عمرو بيضحك: لدرجه دى مش شايف الدبل .. انا وحياه اتخطبنا
ادم : سمع الجمله زى الدش البارد وتنح من المفاجاءه
اتخطبتوا امتى وازاى
مامت ادم: من قريب كده عمرو قال بحب حياه وعاوز اخطبها خطبنهاله
عقبالك يا حبيببى
ادم رسم ضحكه ومن المفاجاءه مش مستوعب: بجد مفاجاءه جامده جداااا يا ولاد الايه
قام ادم حضن عمرو : مبروك يا عموره ربنا يكملك ع خير
وسلم ع حياه ومبتسم: مبروك يا توتا بجد احلى مفاجاءه
حياه: الله يبارك فيك عقبالك يارب
ادم : عقبالك يا منى
منى مبتسمه : لما النصيب يجى مستنيه اهو
عمرو : وتكمله المفاجئه حياه تخلص السنادى وهتبتدى تالته معايا ف بيتى
مسك عمرو ايد حياه وباسها: مش كده يا عمرى
حياه شدت ايدها من الكسوف: بس بقى الناس شايفانا
عمرو: فيها ايه خطيبتى وهتبقى مراتى
خالته: لما تبقى مراتك بقى لم نفسك
الكل ضحك وادم بيحاول يجمع المفاجاءه
الكل مشى وادم دخل اوضته يغير ويرتاح وقعد ع مكتبه وفاتح الللاب وبيبص ع صور حياه وبيستوعب وضحك نص ضحكه ... عمرو خبط ع الباب ودخل
عمرو: هتنام ولا ايه انا قلت وحشتك فهنحكى
ادم: هنحكى فى ايه مواضيعك كلها تضيع وقت
عمرو: هحكيلك ع قصه حبى انا وحياه
ادم بص لعمرو: قصه حبك بالسرعه دى
عمرو: انا برضه مش مستوعب بالسرعه دى حبيتها ازاى
صدقت انت لما قلتلى القرب منها حياه وهى فعلا حياه
لما قربت منها حسيت بحاجات حلوه كتير بجد نعمه ربنا ادهالى
ادم باابتسامه : وحافظ عليها لان ف نعم لما بتخسرها صعب ترجعلها
عمرو بيضحك: استحاله اضيعها داانا مصدقت لاقتها
ادم: طيب تمام ..
يلا روح بقى اوضتك عاوز انام هدخل ف غيبوبه متصحونيش غير لما اقوم انا
عمرو :تمام وعقبالك معانى عارف الماجستير اولا ومشاعرك ثانيا
ادم بص ل عمرو: نعم
عمرو: ولا حاجه يلا تصبح ع خير يا دكتور
خرج عمرو وادم مش فاهم معنى كلام عمرو فمركزش فيه وحاول ينام ويستوعب المفاجاءه ان حياه خلاص هتتجوز عمرو ... فضل طول اليل نايم ع السرير مفتح عينه مش عارف ينام من التفكير والمفاجاءه الغير متوقعه وحط ايده ع قلبه حس بوجع.... قام اتوضى وصلى ركعتين و قعد وفتح الللاب وقعد يراجع رسايل حياه ويضحك نص ضحكه ووسط وهو بيتفرج على صور حياه دمعه نزلت من عينه ......!!!
تانى يوم نزل ادم المستشفى وبعد تفكير لاقى انه يركز ف شغله ومستقبله يشغله عن اى حاجه والاهم ان حياه سعيده وهو مش عاوز اكتر من كده بعد ملاحظ عليها مبسوطه وفرحانه ...!!1
تانى يوم راح المستشفى شافته مها وكانت مستغربه من ملامحه .. راحتله اوضته خبطت ع الباب ودخلت لاقته قاعد ع الكرسى ومربع ومرجع راسه ورا ساندها ع الكرسى
مها: صباح الخير يا دكتور
ادم: صباح الخير
مها: مشغول ولا ايه
ادم: لا ابدا تعالى اقعدى
مها: معانك قلت هتاخد اسبوع اجازه استغربت لما شفتك لسه راجع امبارح ونزلت شغل ع طول
ادم بياخد نفس : ملهاش لازمه قاعده البيت الشغل احسن
مها: انت فيك حاجه ياادم
ادم: لا ابدا بس قله نوم مش اكتر
مها: ليه كده
ادم رسم ابتسامه: ابن خالتى استلمنى رغى وسهر ه
مها بتضحك: لا بجد وياترى قالك ع مفاجئته ال مجهزهالك
ادم : طبعا انا شفتها بعينى ... خطب
مها: طيب كويس مبرووك بس ايه المفاجاءه ف كده
ادم بيبص ل مها: المفاجاءه انه خطب حياه
مها اتفاجئت ومره واحده ابتسمت وحست بفرحه كبيره : والله مبرووووووووك
ادم: الله يبارك فيكى
فى الحظه دى الممرضه خبطت ع ادم وطلبته
..ادم: طيب انا قايم اشوفك وقت تانى
مشى ادم والفرحه مش كانت سايعه مها ان حياه اتخطبت يعنى السكه فضيت ليها والشكوك راحت ومفيش حاجه وادم مجرد بيعز حياه مش اكتر ..!!!
__________________________
مرت فتره ع خطوبه عمرو وحياه وعمرو ابتدا ينشغل بتحضير الماجستير
وكان بيدى دروس ل حياه ومنى وادم ركز ف المستشفى والدكتوراه وشغله ...فى يوم ادم رجع البيت بدرى كانت حياه قاعده هى ومنى مستنين عمرو بيجيب حاجه من اوضته
ادم: السلام عليكم
حياه ومنى: عليكم السلام ورحمه الله وبركاته
ادم: اومال المدرس فين
منى: دخل يجيب حاجه من اوضته
بص ادم ع حياه لاحظ انها متغيره وباين عليها تعب : مالك يا حياه انتى تعبانه
حياه بتجمع نفسها: لا مفيش هو ممكن برد داخل عليا مهمدنى بس
ادم: طيب مدامم تعبانه كنت اجلى الدرس دا ليوم تانى
حياه: مش هينفع عمرو ابتدى ينشغل ف الماجستير ومفضيلنا يومين بالعافيه
وكمان امتحانات الترم قربت
ادم قلقان من منظر حياه : انتوا خلصتوا طيب
منى: قربنا
عمرو خرج من الاوضه: حمد الله ع سلامتك يا دكتور
ادم شد ايد عمرو واخده ع جنب : ايه مبتشفوش... حياه تعبانه ومخليها قاعده كده كنت أجلت درس دا ليوم تانى
عمرو : انا قلتلها كده هى مرضتش وجت
ادم: كنت تصمم مش شايفها تعبانه
عمرو بصوت عالى : حياه مش انتى ال صممتى تيجى يابنتى هو انا جبرتك
حياه: انا ال جيت وصممت
عمرو: سمعى دكتور ادم بقى فاكرنى ..
ادم قاطعه : المفروض ترتاحى يا حياه شكلك تعبان
حياه: لما ارجع هنام وهبقى كويسه متقلقش
وبعدين هتعمل عليا دكتور ولا ايه يا دكتور
منى : متخليه يكشف عليكى واهو الفيزيتا تبقى ببلاش
حياه بتضحك: مش لدرجه ..انا هبقى كويسه متقلقش
عمرو: نرجع كنا بنقول ايه
ابتدا عمر الدرس وادم بص ع حياه ومضايق انها تعبانه وعمرو بيتصرف كده
دخل اوضته وخرج بعلبه فيتامينات مقويه واداها لحياه ورجع اوضته تانى ...!!!
وقعد يراجع ال حصل ويسأل نفسه هو رد فعله صح ولا كان اوفر ..؟؟
___
يتبع
ليست هناك تعليقات:
إرسال تعليق