مهاب سكت لحظه : رقيه ..انا عاوز اقولك حاجه
رقيه وقفت وبابتسامه : اتفضل سمعاعاك
مهاب باصص لرقيه : انا ....
رقيه : سمعاك
مهاب راح فتح الدولاب واخد بيجامه ليه واخد مخده وغطا : خليكى براحتك انا هنام بره لو احتجتى حاجه اتعاملى يعنى بيتك انا هكون ف اوضه المكتب .. فمتقلقيش .. يلا تصبحى ع خير
رقيه وهى ف مكانها اتفاجئت من كلام مهاب : ها.. وانت من اهله
خرج مهاب ورقيه ف حاله ذهول انه سابها تنام لوحدها ف اول ليله ليها بعيد عن اهلها واول ليله وهما متجوزين وف لحظه حلم يوم الفرح اتبخر ع واقع كانت مش متوقعاه خالص رقيه ..شويا و قامت غيرت الفستان ولبست لبس نوم وقعدت ع السرير تفكر ومع الوقت غلبها النوم ونامت ........
مهاب دخل اوضه المكتي رزع الحاجه ال ف ايده وفك الجرافته وفتح الشباك يشم هوا ويستوعب ال حصل وهيعمل ايه بعد كده رمى نفسه ع الكنبه ينام وبص ع الموبيل لاقى ان سهر من وقت ما سافر مكلمتهوش ولا بعتتله رساله وافتكر اخر مره شافها قبل ما يسافر
**فلاش باك **
قبل ما ينزل مهاب هو واهله مصر بيومين كان ف الشركه بيقفل شغل لفتره ال هيغيبها ولاحظ ان سهر مختفيه ..راح ع مكتبها مش لاقاها انها جت انهارده
اتصل عليها وهو خارج من الشغل مردتش ..ع بليل سأل عليها اصحابها
لاقاها سهرانه ف الكازينو ال بيتقابلوا فيه دايما راح لاقاها قاعده ع البار وبتشرب كتير راح ناحيتها وهو مضايق من ال بتعمله ف نفسها مسك ايدها وهى ماسكه كاس وهتشربه
مهاب: سهر .. ايه ال بتعمليه دا
سهر بصوت سكران بسيط : العريس .. انت ايه جابك هنا مش المفروض تكون هوب ف مصر علشان عروستك
مهاب بملامح ضيقه: سهر فوقى من ال بتعمليه دا ... انتى بتأذى نفسك كده
سهر بدموع نازله من عينها : بأذى نفسى.. انا سلمتك ليها بايدى دى يا مهاب بايدى دى خليتك تبقى معاها هى هتبقى مراتك
مهاب : سهر احنا اتفقنا ع كل حاجه وانتى عارفه ايه هيحصل وكله علشان المشروع واول ما يثبت هسيبها ..
سهر بصت ل مهاب وقامت كانت هتقع وقعت ف حضنه: بجد يا مهاب هترجعلى تانى مش هتسيبنى ابقى لوحدى ..
مهاب بيحضنها: اكيد يا سهر
سهر : مهاب ال اتفقنا عليه فاكره
مهاب : ايوه فاكر مقربش لرقيه مهما حصل
سهر : مهما حصل يا مهاب متلمسهاش
مهاب بيضحك: انتى فايقه اهو .. يلا هطلبلك قهوه تفوقك
قامت من حضنه سهر : لا نشرب مع بعض احتفالا بالزواج الميمون
مهاب : مش هكتر لانى هصحى بدرى ورايا حاجات كتير تتعمل قبل ما اسافر
وعاوز لما ارجع مش الاقيكى كده اتفقنا
طلبت سهر كاس مشروب ل مهاب وليها وخبطوا الكاسات مع بعض : اتفقنا
قال مهاب ف سره : ياترى بتعملى ايه يا سهر وبتدبرى ايه وغلبه النوم ونام
__________________________
تانى يوم الصبح .. صحيت رقيه ونسيت انها مش ف بيتها اتفاجئت لما لقت نفسها ف اوضه غير اوضتها ... فتحت عينها وقعدت تبص حواليها وشافت الفستان ع حرف السرير وافتكرت انها سافرت .. رمت نفسها ع السرير تانى : دا حقيقى مش حلم ياريت ال حصل كان حلم مش حقيقى
بصت ع الساعه لاقتها 10 بتوقيت المانيا قامت غيرت هدومها وخرجت من الاوضه وبراحه من غير ازعاج تبص ع مهاب خبطت ع المكتب براحه مردش فتحت لاقته نايم ع كنبه المكتب رجعت قفلت الباب وراحت ع المطبخ تحضر فطار ليها وليه وكان اول فطار مع بعض وحضرت الفطار ال بيحبه لانها كانت عارفاه وهى بتجهز فى الاواخر ع السفره مهاب صحى من النوم
وخرج من اوضه المكتب واتفاجى برقيه : رقيه
رقيه باابتسامه: صباح الخير
مهاب افتكر ان اتجوزها : اه .. رقيه ايه مصحيكى بدرى كده
رقيه: انا متعوده ع كده وانا ف مصر عادى ..
ادخل الحمام خدلك شاور وتعالى افطر
مهاب بيبص ع الفطار : انتى لحقتى تحضرى كل دا عرفتى لوحدك
رقيه بتضحك: لا طلبت مساعدين .. هى مش كميه يعنى يلا بس بسرعه قبل ما يبرد هكون جهزتلك النسكافيه البلاك
مهاب باصصلها ومشى راح ع الحمام ال ف اوضه النوم بيجهز البس ال هيلبسه تليفونه رن وكانت سهر مهاب رد بسرعه : يا صباح الفل
سهر: بيبى صباح الفل ..بتعمل ايه
مهاب : اخدت شاور و,,,
سهر بعصبيه: اخدت ايه .. هو انت نمت فين امبارح ها ؟
مهاب : ف المكتب ورقيه ف الاوضه لوحدها ..متقلقيش
سهر هديت: سورى يا بيبى ع عصبيتى ..
مهاب بيضحك: ولا يهمك انت فين
سهر:ف المطعم ال جنب بيتك وطلبت فطار لااتنين
مهاب: مين هيفطر معاكى
سهر: انت يا بيبى طبعا
مهاب بيضحك: لا بتهزرى
سهر: لا بتكلم بجد .. هتنزل ولا اطلعلك انا ..
مهاب حس انها ممكن تعمل كده : لا هنزلك ربع ساعه بالكتير
وغير لبسه وكان لابس لبس خروج فتح باب الاوضه وخرج ورقيه كانت قاعده مستنياه
رقيه: انت خارج
مهاب بلجلجه: اها .. واحد صاحبى عاوزنى ف موضوع ضرورى ساعه بالكتير وهاجى
رقيه بصت لفطار: والفطار
مهاب باابتسامه بارده: افطرى انتى انا هاخد اى حاجه خفيفه معاه
يلا لو عوزتى حاجه كلمينى وممكن تنزلى عند ماما عادى
رقيه بملامح زعل: انت قلت ساعه ..انت هتتاخر عن ساعه
مهاب : اصل مش عارف هيقعد اد ايه وكده عموما مش تستنينى تمام
رقيه بزعل: تمام ..خلى بالك ع نفسك لااله الاالله
مهاب : سيدنا محمد رسول الله
__________________________
نزل مهاب راح ع المطعم ووشه متغير وسهر استقابلته باابتسامه
قامت سهر راحت اترمت ع مهاب وحضنته : وحشتنى يا بيبى
مهاب بعدها عنه ووشه متغير وقعد.. سهر لاحظت تغيره ده : مالك يا مهاب
مهاب وملامح جد ع وشه: هو ايه كلامك لو منزلتش هجيلك دا
سهر بتضحك: بهددك يا بيبى .. وبعدين عاوزه افطر معاك محصلش حاجه
مهاب : لا بجد .. طيب خلى بالك ع كلامك وتصرفاتك بعد كده
مش عاوز مشاكل من اولها ..
سهر : انت خايف ع زعلها ولا ايه
مهاب : انا خايف ع ال هيحصل لو هى اشتكت بابا او ماما
مفيش حد هينفعنا انا وانتى وهيبقى الضياع بعينه
سهر مسكت ايده: بصراحه انا منمتش من امبارح مش متحمله فكره ان مقفول عليك وع واحده باب واحد
مهاب : الواحده دى مراتى مش واحده غريبه..وغير كده احنا متفقين ع حاجات وبتحصل بلاش الاوفر بتاعك دا وخلى المركب تمشى
سهر بصوت واطى: انا اسفه هخلى بالى بعد كده ..ممكن نفطر
مهاب : ميتكررش يا سهر مش هلاحق انا بعد كده
سهر : خلاص يا بيبى بقى .. نفطر يلا
مهاب : طيب
فى البيت كانت رقيه قاعده قدام الفطار ال قعدت ساعه تحضر فيه وتظبطه علشان مهاب وشربت كوبايه النسكافيه بلبن ال متعوده عليها وبعدين شالت الفطار ف الوقت دا باب الشقه خبط راحت فتحت وافتكرته مهاب ونسى مفاتيح لاقتها خالتها
خالتها باابتسامه: صباح الخير يا روكا
رقيه : صباح الخير يا خالتو اتفضلى
خالتها دخلت وبتبص ف الشقه : انا صحيتك ولا ايه
رقيه باابتسامه: وهو انا بصحى متاخر عمرى يا خالتو لا صاحيه من بدرى وكنت شويا وهنزلك
خالتها بتدور ع مهاب : مهاب فين
رقيه بتلقائيه: نزل
خالتها بصتلها بااستغراب وبصت ع الساعه لاقتها 11 : ينزل بدرى كده راح فين
رقيه : واحد صاحبه كلمه ضرورى ونزله
خالتها: صاحبه .. صاحبه مين وبعدين انتوا فطرتوا
رقيه سكت لحظه: اه طبعا يا خالتو انا اقدر اخلى مهاب ينزل من غير فطار والنسكافيه البلاك بتاعه
بصت خالتها ع المطبخ شافت ماجيين ع الحوض فعرفت انهم فطروا
خالتها: طيب كويس ..
ف الوقت دا مهاب فتح باب الشقه ودخل واتفاجئ بمامته ع الصبح عنده كده
مهاب : ماما
ماماته: بيبو حبيبى احلى عريس شافته عنيا
مهاب : خير ف حاجه ولا ايه
مامته: ايه الاسلوب دا جيت اصبح عليكم واشوف لو محتاجين حاجه
مهاب بص لرقيه وقلق لتكون قالت لمامته انهم ناموا فى اوضتين و نزل ومفطرش معاها : اصل اول ما صحيت جالى تليفون ضرورى ونزلت
مامته : ماهى رقيه قالتلى بعد ما فطرت نزلت الا كنت هتنزل من غير فطار ازاى
مهاب استغرب من رقيه وبصلها لاقاها بصاله باابتسامه : فطرت .. اه طبعا
مامته : يلا اسيبكم انا وهنزل اجهز الغدا متتاخروش بقى ماشى يلا سلام يا حبايبى
رقيه وصلت خالتها لغايه الباب ونزلت ومهاب واقف مكانه
رجعت رقيه لمهاب وباابتسامه : عاوز حاجه اعملهالك
مهاب بص بااستغراب لرقيه : لا شكرا
__________________________
قبل ما تنزل رقيه مامتها وباباها اتصلوا بيها واطمنوا عليها وبعدهم عمار اخوها ومراته وشويا لبست رقيه ونزلت عند خالتها تجهز معاها الغدا وهما قاعدين ف المطبخ خالتها فتحت كلام
خالتها: بجد يا روكا منورانى البيت كان فاضى علينا اوووى
رقيه باابتسامه: تسلميلى ياخالتو داانتوا البركه
خالتها : مبسوطه مع مهاب ..هو اه معداش غير ليله
بس انطباع اليوم الاول هو ال بيقرر
رقيه ابتسمت وبصت ف الطبق ال قدامها : اليوم الاول عدى ع خير الحمد الله
خالتها: عاملك مهاب كويس ..انا عارفه ابنى شخصيته صعبه بعد ما اشتغل
رقيه: اها ماانا لاحظت كده من اهم اهتماماته الشغل
خالتها : متزعليش منه ولا من اسلوبه مهاب جواه انسان غير ال شايفاه
جواه مهاب بتاع زمان فاكراه .. بس لابس شكل الراجل الاوروبى
رقيه: معان عمو محمود متغيرش يا خالتو
خالتها بتضحك: ف فرق يا حبيببتى احنا سافرنا وعمك محمود كبير ومسئول عن اسره مهاب كبر ف مجتمع مختلف واطبع ع طباعه .. انتى بقى باايدك ترجعيه لمهاب بتاع زمان هياخد وقت بس هتلاقى نتيجه بس اصبرى .. مهاب مش وحش
رقيه باابتسامه : انا عارفه يا خالتو متقلقيش انا مش هسيب مهاب
خالتها : ولو عملك حاجه وزعلك متخبيش وتزعجى امك ولا ابوكى انا موجود ه اهو
رقيه باابتسامه: ربنا يخليكى يا خالتو ليا
خالتها : انتى زى نهله بالظبط يا رقيه
عملوا الغدا وكان مهاب نزل وباباه قاعدين مستنين الاكل يجهز ع السفره
باب الشقه رن راحت الخدامه تفتح الباب ومهاب كان ف طريقه لحمام شاف سهر ال ع الباب ...سهر باابتسامه: مساء الخير
مهاب اتفاجئ دخلت سهر ع الصالون كان ابو مهاب قاعد : مساء الخير يا اونكل
ابو مهاب اتفاجى استقبل ع وشه ابتسامه: سهر ازيك يا حبيببتى
سهر باابتسامه: انا قلت اجى اتغدى معاكو رخامه بقى .اصل بابا لسه مرجعش من السفر وبالمره ابارك لعرايس الجداد
ابو مهاب باابتسامه: تنورينا يا حبيببتى البيت بيتك وانتى عارفه
سهر بصت ع مهاب وهو واقف بعيد : ازيك يا بيبو الف مبروك يا عريس
سألت سهر ابو مهاب : هى طنط فين
ابو مهاب : ف المطبخ مع رقيه روحى سلمى عليهم ودلواقتى رقيه ومهاب اخواتك يا سهر ولا ايه
سهر بصت باابتسامه بارده : طبعا يا اونكل طبعا انا رايحه المطبخ
دخلت المطبخ ومن بعيد بصت ع رقيه لاقتها انسانه عاديه جدا ومليانه شويا مش زيها فااطمنت ان استحاله مهاب يبصلها .. وبصوت عالى ومبهج: مساء الخير عليكم
مامت مهاب: سهروه ازيك يا حبيببتى تعالى
دخلت سهر : انا قلت اتغدى معاكم بدل ما اتغدا بره ف مطعم لان بابا لسه مرجعش
مامت مهاب : يا حبيببتى البيت بيتك انا قلتلك تعالى اقعدى معانا انتى مردتيش
سهر : يخليكى ليا يا زوزو
بصت سهر ع رقيه ومدت ايدها : رقيه مش كده العروسه
مامت مهاب حط ايدها ع كتف رقيه وحضنتها : ايوه عروسه ابنى وبنت اختى وبنتى روكا
اضايقت سهر من حب مامت مهاب ليها لكن الابتسامه ع وش سهر مرحتش وفضلت ثابته وماده ايدها ل رقيه ...سهر مبتسمه: سهر ممكن تقولى واحده من البيت بالعشره وبنت شريك اونكل محمود
رقيه باابتسامه بسيطه مدت ايدها : اهلا بيكى
سهر : مبروك ع الجواز ..
رقيه: ميرسى
سهر : يلا بسرعه بقى عاوزين نونو يملى البيت علشان تحصلى نهله و علشان اونكل وطنط يفرحوا
رقيه اتحرجت ومامت مهاب ضحكت: ان شاء الله .. عقبالك يا حببيببتى
سهر بتضحك : ميرسى ياطنط ماهو لو عندك ابن تانى كنت مش هسيبه انما مهاب خطفتوه منى
رقيه تنحت لكلام سهر ومامت مهاب ردت باابتسامه: ربنا يرزقك بالاحسن يا حبيببتى
سهر رجعت كلامها وبصت ل رقيه : بهزر يا رقيه انا كان الرجل المثالى حد زى مهاب ادعيلى الاقى زيه
رقيه: ربنا يرزقك بالاحسن ليكى ان شاء الله
مامت مهاب: يلا فرحنا باتنين فاضل سهروتى
سهر : يارب يا طنط عن قريب يا طنط .. يلا انا معاكوا عاوزين تخرجوا ايه ع السفره
مامت مهاب : ودى الاطباق دلواقتى
خرجت سهر من المطبخ بترس الاطباق ..مامت مهاب لاحظت رقيه وشها اتغير من طريقه كلام سهر
مامت مهاب : سهر اتربت ف البيت هنا مع نهله ومهاب وهى التالته بتاعتهم يعنى كلهم اخوات مع بعض علشان كده تلاحظى انها واخده علينا وع مهاب ونهله فمتستغربيش
رقيه فاقت من سرحانها: اه طبعا مفيش حاجه تضايق اصلا مسمعتش اسمها قبل كده المفاجئه بس
مامت مهاب: لا اتعودى عليها لانها شبه ع طول معانا وف اغلب المناسبات
وزى ماانتى شايفه باباها مش موجوده بتكون هنا ..دا ليها لغايه دلواقتى هدوم ف دولاب نهله ماهى كانت بتقعد معاها
رقيه باابتسامه بصت لخالتها: متقلقيش ياخالتو انا هعاملها زيكم بالظبط من غير اى تحيز انتى مش عارفه رقيه ولا ايه
خالتها حضنتها : حبيببتى يا روكا ربنا يهديكى
راح مهاب ناحيه سهر وهى بتحط الاطباق ع السفره
ووقف جنبها ع انه بيساعدها ويحط الاطباق معاها وبيتكلم بهدوء
مهاب: هو دا ال اتفقنا عليه
سهر : متقلقش يا بيبى انا جايه اتغدى معاكم وهمشى
مهاب بغضب: سهر ..
سهر راحت استغلت لحظه وهو بيحط طبق ع السفر وهو جنبها راحت حطت ايدها ع ايده ومسكت ايده ف الحظه دى رقيه راحت ناحيتهم تحط الاكل مهاب شد ايده وبعد عن سهر ورقيه ملاحظتش غير ابتسامه ع وش سهر ومهاب بعد راح قعد مع باباه ... حطوا الاكل وقعدوا ياكلوا
سهر : اممممممم يسلم ايدك يا طنط اكلك روعه كالعاده
مامت مهاب بتضحك: تسلميلى يا حبيببتى بس المرادى ال عمل اغلب الاكل روكا مش انا ,,انا كنت مجرد مساعد .. حبت تخليكم تدوقوا اكلها
سهر بصت لرقيه: جميل يا روكا تسلم ايدك .. انتى اتعلمتى الطبخ امتى
بس مش محتاجه اسألك باين عليكى بتحبى الاكل اووووى
رقيه لاحظت تريقه سهر .. رقيه: مين فينا مبيحبش الاكل
كلنا بنحب الاكل وبناكل وال يثبت كده انك بتكلمينى وف اكل ف بوقك وف الطبق قدامك وف الشوكه ف ايدك .. عادى الاكل حاجه طبيعيه المهم النفس ال تعرف تعمل
سهر حست انها اتحرجت: اها .. اها عندك حق مين يشوف الاكل دا ويقاوم بجد يسلم ايدك
رقيه باابتسامه: بالف هنا
سهر غيرت الموضوع: صحيح يا طنط نهله ميعاد ولدتها امتى .
مامت مهاب : لسه شويا هتروح لدكتور وهتعرفنا
سهر بتبص لمهاب : عقبالك يا بيبو
مهاب:ان شاء الله
سهر :بقولك يا بيبو الاكل الجميل دا لازم الشله تدوقوا
تعملنا عزومه عندك ف شقتك وروكا تدوقنا اكلها المصرى الجميل والابداعات
مهاب بلهجه غضب مداريه: لا مش لازم رقيه مش اول ما تيجى عزومات وكده
انا هبقى اعزمكم بره
سهر: ليه رقيه مش موافقه
رقيه ردت بسرعه باابتسامه: لا طبعا انتى واصحابكم تنورنى
سهر: خلاص يبقى اتفقنا ف الويك اند بارتى عندك احتفالا بجوازك
رقيه : مستنياكم
سهر بصت لاابو مهاب: انا عارفه يا اونكل انك مبتحبش الشله بس احنا ف شقه مهاب بعيد عنك اهو
بيضحك ابو مهاب: ع اساس مهاب عايش ف منطقه تانيه مش الدور ال فوق
سهر : هنحاول نعمل الدوشه سيلنت
ضحكوا كلهم وكملوا اكل وقعدوا شربوا شاى وعصير
مهاب لاحظ ان سهر بتبقى اوفر اوى ف كلامها ورقيه لسه مش كملت يوم ع بعضه .. شويا وسهر مسكت دماغها : اه مش عارفه ايه الصداع دا
رقيه: اجبلك مسكن
سهر: شكرا يا حبيببتى انا هروح هنام هبقى كويسه عندنا شغل بكره ميعاد البنك يا مهاب
مهاب : اه ماانا عارف وماكد ع باب هنمضى العقد بكره وهيحضر مش كده
باباه: اه اكيد ..
سهر: هستأذن انا دلواقتى واشوفكم الصبح ف الشركه يا اونكل
ممكن يا مهاب توصلنى لعربيه
مهاب اتفاجئ: ها اوك مفيش مشاكل
قامت سهر تسلم ع رقيه : بجد انا مبسوطه انى اتعرفت عليكى عاوزين نبقى اصحاب
رقيه باابتسامه: مفيش مشاكل دى حاجه تسعدنى
مامت مهاب دخلت ف الكلام: واهو تبقوا اخوات مع بعض طبعا مهاب ورقيه اخواتك
سهر ضحكت ضحكه بارده : ههههههههه اه طبعا يا طنط .. يلا يا مهاب
خرج مهاب يوصل سهر لعربيه ووشه متغير ولاحظت سهر كده
سهر: مالك يا بيبى
مهاب : ال بتعمليه دا استهبال انتى عارفه كده
سهر: ال هو ايه بالظبط
مهاب: تيجى من غير ما تقولى وانا كنت معاكى الصبح وتقعدى اليوم بحاله وتخبطى ف رقيه وغير كده دا تدبسينى ف عزومه لشله هنا .. سهر انتى عاوزه ايه
سهر بصتله بنظره جد: عاوزه افكرك انك ف تمثليه مش حياه زوجيه طبيعيه
انت متجوز لهدف معين مشروعنا يتم ويثبت علشان باباك .. اكلك وشربك معايا ..قعدتك تبقى معايا .. مش معاها .. اى فرصه هنتهزها يا مهاب ودا حقى
زى ما سلمتك ليها هحافظ عليك علشان ترجعلى وكنت بشوفها والقلق ال من ناحيتها تغيرك بجمالها وكده راح بعد ما شوفتها وهى ساذجه جدااا ...
قاطعها مهاب: قبل اى حاجه دى قريبتى فخلى بالك من الكلام وانا مش شغال بريموت عندكاحنا اتفقنا ع حاجات وبتحصل لو حصل العكس اتكلمى
سهر لاحظت انفعال مهاب : خلاص يا بيبى سورى هبقى اعمل كنترول بعد كده يلا ادخل علشان مامتك وباباك ميلاحظوش حاجه
مهاب : خلى بالك وانتى ماشيه واشوفك بكره
سهر : باااى
ركبت العربيه سهر ومهاب رجع البيت كانت رقيه طلعت الشقه وسبقته ودخلت اوضه النوم قاعدت ع السرير تستنى مهاب وفضلت قاعده وتبص ع الساعه وبعد فتره سمعت باب الشقه اتفتح واتقفل وخرجت بسرعه
رقيه باابتسامه: مهاب انت اتاخرت كده ليه
مهاب : اتاخرت فين كنت قاعد مع بابا براجع اوراق علشان مشوار الصبح
رقيه: اها ..طيب عاوز حاجه اعملهالك
مهاب: لا شكرا انا شويا وهنام
رقيه دخلت الاوضه وقعدت مستنيه مهاب ف اى لحظه يدخل
فضلت قاعده كتير وبصت ع الساعه لاقتها وقت متاخر .. خرجت تبص عل مهاب راحت ع المكتب خبطت براحه مردش فتحت براحه لاقته نايم ع الكنبه وواضح من بدرى لانه محسش بيها قفلت الباب براحه ورجعت الاوضه نامت ع السرير وهى مضايقه تانى يوم مهاب ينام بعيد عنها ..!!
__________________________
صحيت بدرى تانى يوم رقيه وحضرت الفطار ل مهاب وكان مهاب صحى وبيلبس علشان ينزل خرج من الاوضه لاقى رقيه محضره الفطار وواقفه مستنياه باابتسامه
رقيه مبتسمه: صباح الخير
مهاب اتحرج: صباح الخير
رقيه : الفطار جاهز والنسكافيه حالا يكون موجود
مهاب : لا علشان
رقيه قاطعته: مش متاخر لسه ف وقت لان عمو اتصل قالى ميعادك ف الشركه 9 والساعه دلواقتى 8 وربع
مهاب حس انه اتزنق راح قعد ورقيه بسرعه راحت تعمله النسكافيه
عملت رقيه النسكافيه ورجعت لمهاب وهو فاتح الاب ومش مركز معاها
رقيه : تحب تتغدى ايه
مهاب مش باصصلها: لا مش تستنينى ع الغدا لان غالبا هتاخر وهتغدا بره
رقيه: خلاص هستناك نتعشى سوا
مهاب بصلها : مش عارف كتير برجع ببقى شبعان عموما مش تستنينى خليكى براحتك وكمان علشان متزهقيش انزلى اقعدى مع ماما ممكن ابعتلكم السواق تروح ف اى حته علشان انا من انهارده مش هبقى فاضى
رقيه والابتسامه ع وشها : مفيش مشاكل ..ربنا يوفقك يارب
مهاب بص ع الساعه وتليفونه رن واخد شنطته والجاكت ونزل ورجعت رقيه قعدت ع السفره بتبص حواليها تعمل ايه اليوم لسه طويل فقررت تنزل لخالتها تقعد معاها ...!!!
خلصت رقيه تشطيب المواعين ونزلت لخالتها خبطت ع الباب الخدامه فتحت
دخلت لاقت خالتها قاعده بتتفرج ع التليفزيون وبتشرب شاى
رقيه: صباح الخير يا جميل
خالتها مبتسمه: صباح الفل تعالى يا حبيببتى جنبى تشربى شاى
رقيه : لا انا شربت مع مهاب قبل ما ينزل بتعملى ايه بقى
خالتها: بتفرج ع التليفزيون
رقيه : يبقى نتفرج سوا بقى
قعدت رقيه تتفرج ع التليفزيون مع خالتها تليفونها رن وكانت مامتها
رقيه بسعاده: صباح الفل يا بطوط
مامتها: وحشتينى ياروكا عامله ايه طمنينى
رقيه بسرعه وبصوت فرحه مصتنعه: الحمد الله يا حبيببتى انا عند خالتو علشان مهاب وعمو راحوا الشغل واطمننى انا بخير ومهاب بخير وكله تمام
مامتها : انا قلبى قلقان عليكى انتى مبسوطه يا روكا
رقيه بتضحك ضحكه مصطنعه: مبسوطه دى قليله يا ماما ربنا يخلى مهاب من يوم ما جيت ومش مقصر معايا
خالتها باصلها وع وشها ابتسامه : هاتى التليفون
ادت رقيه الموبيل ل خالتها: ايه يا بطوط مش عيب تقلقى ع روكا وهى معانا ومع مهاب
مامتها بقلق: متزعليش منى يا زوزو بس قلبى قلقنى عليها قلت اطمن واكيد هى ف امان وهى معاكى
خالتها: اطمنى رقيه بخير وهتفضل بخير
الوقت ال خالت رقيه ومامتها عمالين يتكلموا اتمشيت رقيه لغايه البلكونه بصت حواليها لاقت الحديقه الصغيره ال تحت البلكونه ال ف البيت مهمله و والازهار والورد والنباتات اغلبها ميت
خالتها خلصت مع مامتها وندت ع رقيه : روكا
رقيه: ايوه ياخالتو جايه
راحت رقيه وقعدت جنب خالتها : قوليلى يا خالتو هو مفيش حد بيهتم بالحديقه ال تحت دى
خالتها : ياااه كتير كان ف جناينى بيجى كل فتره بس من ساعه ما اتوفى ومش لاقينا حد وبصراحه انشغلنا ف جوازتكم ومفكرناش ..هبقى اطلب من مكتب الاشغال واحد يجى
رقيه : وتطلبى ليه وانا موجوده
خالتها بتضحك: ايه يا روكا هتزرعى هنا وتبهدلى نفسك
رقيه: وفيها ايه انتى يا خالتو ملاحظتيش الحديقه ال ف بيتنا ف مصر عامله ازاى انا ال عملت كده وظبطتها وزرعتها وكبرتها كده .. انا جايبه معايا شويا حبوب وحاجات لانى كنت عاوزه ازرعهم بس مكنتش عارفه فين ف الشقه فهزرعهم ف الحديقه واهى تسلينى علشان الملل
خالتها : خلاص ال يريحك اعمليه ولو احتجتى حاجه عرفينى
رقيه: تمام ..انا هنزل دلواقتى هبص بصه وهحاول انقذ الموجود
نزلت رقيه وطلبت من موظف الامن ال قدام الفيلا حاجات يجبهالها واشتراها وكانت جنسيته عربى مصرىاول ما وطت ومسكت الزرع الدبلان والورد والازهار الدبلانه علامات حزن بانت ع وشها
وابتدت تتكلم معاهم: يا حرااام انتوا تعبانين اوى انا هحاول انقذكم والحقكم ومع الوقت هتبقوا احلى ورد وازهار ونبتات ف المكان
وابتدت رقيه تلحق باقى الورد والنباتات انها تموت وزرعت مكانه جديد وظبطت الحديقه.... وبقى يوم رقيه تنام لوحدها وتصحى تحضر الفطار و
ومهاب ينزل الشغل وهى تخلص ال وراها وتقضى باقى اليوم ف الحديقه
هى ومهاب كل واحد ف اوضه منفصله وهى لا قادره تتكلم وهو بيتجب اى فرصه لكلام بيرجع متاخر وهى تطمن انه رجع تدخل الاوضه لغايه ما تنام لغايه ما جه يوم العزومه ال سهر دبست مهاب فيها وكانت يوم الاحد فى الويك اند
_________________________
رقيه صحيت من بدرى يوم الويك اند ومهاب نايم وابتدت تجهز الاكل والحلو والمشروبات وكان مهاب قالها ان الحفله هتبقى ف الحديقه مش ف الشقه ..
وابتدت تعمل تجهيزات لكده وصحى مهاب لاقى حضرت الفطار
مهاب بااستغراب ع نشاطها: انتى بتلحقى تعمل كل دا وحضرتى الفطار
رقيه باابتسامه: ثوانى والنسكافيه البلاك يكون جاهز
قعد مهاب وهو مش مصدق نشاط رقيه قعد يفطر ورقيه جابتله النسكافيه
تليفونه رن وكانت سهر فقام يرد ف البلكونه
مهاب: الو
سهر: صباح الخير يا بيبى صحيتك
مهاب: لا لسه صاحى
سهر: طيب اعمل حسابك ان الهجوم هيبتدى من الساعه 2 ع الله رقيه تعرف تلاحق بقى
مهاب بص ع الحديقه لاقى ترابيزات محطوطه ومرسوسه وتجهيزات موجوده
مهاب ضحك ف التليفون: واضح انها مجهزه كل حاجه من امبارح
سهر : بتقول حاجه
مهاب: لا مفيش متتاخروش
سهر : مسافه السكه يا بيبى
رجع قعد مهاب ورقيه ع السفره يفطروا
مهاب : انتى منمتيش امبارح
رقيه : لا نمت
مهاب: وكل ال تحت وال شايفه دا عملتيه امتى
رقيه بتضحك: فى مصر لما تكون عندنا عزومه او حفله لحاجه بنصحى من بدرى علشان نلحق اليوم قبل ما يروح مننا
مهاب : بس مش كان داعى لكل دا انا شايفك اوفر ف الحاجات يعنى
انا قلتلك حاجه بسيطه يسكتوا بيها وخلاص
رقيه باابتسامه: ودا ينفع يجوا يحتفلوا بيك ويباركولك وتبقى حاجه مش اد كده
ميصحش برضه
مهاب بيبص لرقيه ومستغرب انها برغم تجاهله ليها الفتره ال فاتت الا انها بتبتسم ف وشه وبتعامله كويس ومهتميه بحفله اصحابه بنفسها .. خلص مهاب فطار ودخل المكتب يخلص شغل وكل ساعتين تخبط رقيه وتدخله مره بعصير ومره بفاكهه لغايه ما جت الساعه 2 وابتدا فعلا الهجوم وكان مهاب ورقيه ف استقبالهم ف الحديقه الكل كان مبهور بتجهيزات الحفله لانهم كانوا متوقعين ابسط من كده والبوفيه بالرغم انه صغير علشان المكان الا انه فيه
حاجات شهيه كتير والكل ابتدا ياكل ومبسوطين وكانت رقيه هى ال بتقدم ليهم ومشغوله تجيب لدا مكرونه ودا فراخ مشويه ودا محشى وكانت بتقوم بدور السفرجى بنفسها ع اصحاب مهاب ..كانت واقفه سهر وبتبص ع رقيه ومش ملاحظه اى تغيير ف ملامحها ضيقه ولا حزن بالعكس شايفه نشاط وابتسامه مش بتروح وهى بتقدم لااصحاب مهاب الاكل
واحده من اصحاب سهر ومهاب قربت من سهر :
ليلى: واضح انها بتحب مهاب اوى
سهر بصتلها بقفش: بتقولى ايه
ليلى : بصى عليها وهى فرحانه ومبسوطه وبالرغم الا اننا عارفين انها مراته
الا بلبسها البسيط كنت هفتكر انها خدامتهم .مديره المنزل يعنى
سهر بتبص ناحيه رقيه: ماهما الفلاحين كده مش بيهتموا لا بلبسهم ولا جسمهم
ليلى : بس لو هى ال عامله الاكل ممتازه بجد ومهاب يا بخته
سهر قفشت ع ليلى : ما تروحى تشكريها احسن بتقوليلى ليه
ليلى : خلاص خلاص
وبعدت ليلى عن سهر وجت عين رقيه ف عين سهر وابتسموا لبعض
ف الناحيه التانيه اصحاب مهاب اعجبوا بالاكل
صاحب مهاب: الاكل جميل جداااا معزمتناش ليه من زمان
مهاب: مانا متجوز من اسبوع هعزمكم امتى وبعدين دى مره وخلاص
صاحب مهاب : ودا ينفع
مهاب مش طايق الجو : وبعدين انتم جايين غدا يلا بقى اسحبوا نفسكم وامشى
ف الحظه دى قربت سهر منهم : ودا ينفع حفله من غير شرب اليله عندك يا بيبو ولا رقيه مش هتوافق
رقيه كانت جايبه عصير ليهم : لا براحتكم البيت بيتكم طبعا اتفضلوا
سهر مسكت كوبايه العصير : لا يبقى دا من المطلوب تعالى معايا يا رقيه ممكن
شدت سهر ايد رقيه ومهاب حاول يمنعهم معرفش من اصحابه وطلعت سهر ع شقه مهاب ودخلت ع مكتبه وشاورت ع ازايز الويسكى : هو دا المطلوب دلواقتى
رقيه مخضوضه لانها متعرفش ان مهاب بيشرب وفاكراهم منظر موجودين
رقيه مخضوضه: خمره
سهر بتضحك: انتى مالك اتخضيتى كده ليه يا بنتى
انتى مكنتيش تعرفى ان مهاب بيشرب ولا ايه ..
رقيه متنحه : لا
سهر : متتخضيش كده مهاب بيشرب فى الويك اند وهو مش مدمن كحول يعنى بيشرب تخاطيف ف المناسبات والحفلات والتجماعات كده يعنى ..وغير كده انتى لاحظتى عليه او شوفتيه بيشرب قدامك
رقيه : لا
سهر : اهو زى ما قلتلك تخاطيف واحنا ف حفله والغجر ال تحت مش هيسكتوا غير ع الاقل ما يشربوا كاس ..شيلى معايا
رقيه باصه لسهر : لا اسفه مش همسك الازايز دى
سهر استغربت: ايه
رقيه : سورى يا سهر انا عمرى ما شوفت ازازه خمره ومش عاوزه المسها اسفه
سهر : خلاص خلاص انا همسك اربع ازايز ولو احتاجنا ف العربيه فى
رقيه : سهر هو انتم كنتم بتشربوا هنا ف الشقه
سهر : قبل ما تتجوزوا اه كان معايا بنجتمع عنده وبنسهر بس زى ما قلتلك ف الويك اند ..الشقه ياما شافت مننا ...يلا علشان مش هتاخر
مشى سهر ورقيه سرحت ف المفاجئه ال عرفتها وقالت لنفسها بتلقائيه : يبقى دا السبب ... دا السبب ان ربنا مش مدخل البركه ف بيتنا ومفرقنى عن مهاب .. علشان دى حاجه تغضب ربنا لازم اتخلص منهم ومهاب يبطل علشان ربنا يهدينا لبعض ويجمعنا بالخير
نزلت رقيه بعد شويه لاقت اغلبهم بيشرب وبيضحكوا ومهاب لاقت ف ايده كاس عصير وهى واقفه بعيد لاحظت ان فى منهم ابتدا يسكر ويطوح وراح واحد منهم داس ع ورد ال زراعاه
فبسرعه راحت عنده وبعصبيه : ايه دا مش تخلى بالك
صاحب مهاب استغرب وهو سكران بصلها : فى ايه يا مدام
رقيه وطت ع الارض تلحق ال داس عليه : انت دوست ع الورد والزرع ال هنا
صاحب مهاب بيضحك بصوت سكران: يعنى دوست ع قتيل
مهاب : فى ايه يا رقيه
رقيه بصوت حزين : وردى وازهارى والزرع كان هيموت
صاحب مهاب : الف سلامه عليهم حسستينى انى دوست ع بنادم
رقيه بصتله بغضب: هما كمان بيحسوا وزى مانت مش بتحب حد يخبطك او يدوس عليك وتعيش ف سلام هما كمان ربنا خلقهم علشان يعيشوا ف سلام مش احنا ندوس عليهم هما بيتنفسوا وعايشين زينا
صاحب مهاب بيضحك : بيتنفسوا زينا يبقوا يشربوا كاس زينا
قام ماسك الاازه ودالق منها ع الزرع اتفاجئت رقيه راح مهاب مسكه : انت زودتها اوى يلا يا جماعه الحفله خلصت وشكرا ليكم
سهر : سورى يا مهاب انت عارف لما يشرب وكده
مهاب بغضب : من الاول انا قلت بلاش منها الحفله وانتى ال دبستينى
يلا خدويهم وامشى يا سهر يلا
سهر بصت ع رقيه لاقتها زعلانه ودموع نزلت من عنيها طلبت من اصحابهم انهم يمشوا ومشيوا فعلا
راح مهاب باصص لرقيه : متكبريش الموضوع يارقيه
رقيه بنظره حزن :مكبرش الموضوع يعنى يدوس ع زرع ال عاملااه والورد واسكت
واشوفهم بيموتوا قدامى
مهاب بعصبيه: دى حديقه يعنى مكان متاح للكل ماممكن قطه ولا كلب يعدوا ويدوسوا هتزعقيلهم
رقيه قامت وقفت ومسحت دموعها: انا اسفه انا حبى لزرع والورد مخلينى حساسه ناحيتهم شويا
مهاب بصلها وسابها وطلع ع الشقه ومنها ع المكتب
سكتت رقيه شويا وطلبت من الخدامه تساعدها ف ترتيب الحديقه زى الاول وتنظيفها خلصت وشافت خالتها وعمها راجعين من بره
خالتها: روكا كويس انكم خلصتوا بدرى
رقيه محبتش تبين حاجه فاابتسمت: ماهو علشان ف شغل بكره وكده
انبسطوا انتم
خالتها: عمك عشانى بره ودخلنا سينما كان يوم تحفه ابقى اخرجى مع مهاب كده
رقيه : ان شاء الله
خالتها : لو هتسهرى انا قاعده شويا
رقيه : الصبح بقى يا خالتو لاحسن انا فصلت وعاوزه انام
خالتها : خلاص يا حبيببتى تصبحى ع خير
رقيه : تصبحى ع خير يا خالتو
عمها كان داخل : تصبح ع خير يا عمو
عمها : وانتى بخير يا حبيبه عمو
خلصت رقيه وطلعت ع الشقه ولاقت نور المكتب منور يعنى مهاب صاحى خبطت ع الباب مهاب قالها تدخل ..دخلت كان قاعد ع المكتب :
رقيه بصوت حزين : انا اسفه انى بوظت حفلتك وضايقت اصحابك
مهاب مبصش ليها: خلاص ال حصل حصل وعموما مش هتتكرر تانى
رقيه : اسفه
مهاب: تصبحى ع خير
رقيه : عاوز حاجه اعملهالك طيب قبل ماانام
مهاب : لا شكرا
رقيه: طيب تصبح ع خير
خرجت رقيه وهى مضايقه لان كانت عندها تفكير ان بعد الحفله مهاب هيفرح وهتبقى وسيله تقريب بينهم مش قفش كده ونامت وهى زعلانه
ومهاب بعد ماخرجت من عنده مستغرب من تصرفها وانها بتعتذر ع حاجه مش غلطت عليها ولا قاوحت ولا اشتكت ..شالت غلط غيرها وسكتت ..!!
__________________________
مرت الايام وحياه رقيه ومهاب نفس الطريقه متغيرتش ورقيه اهتمت بالحديقه لغايه ما ظهرت وبقيت جميله ف يوم نهله اتصلت ع مامتها علشان تبشرها بميعاد الولاده
نهله: صباح الفل يا زوزوا
مامتها: صباح الخير يا حبيببتى ..عامله ايه انتى والبيبى
نهله: كله تمام بس عاوزه اقولك ان انا خلاص اتحدد ميعاد ولادتى كمان اسبوعين
مامتها بفرحه: الف مبروك تقومى بالسلامه
نهله: لا انا عاوزاكى معايا احجزوا وتعالوا انتى ورقيه
مامتها : اكيد يا حبيببتى
قفلت نهله مع مامتها وجت رقيه
خالتها قابلتها بفرحه: خلاص يا روكا كمان 10 ايام وهتبقى عمتو رسمى
رقيه فرحت : خلاص نهله اتحدد ميعاد الولاده انا كملت عمار وقالى انها راحت امبارح لدكتور وكنت هكلمها
خالتها : باين عليه مستعجل هيبقى ابن 7 زى خالو كده
رقيه : ربنا يقومها ويقومه بالسلامه
خالتها : عقبالك يا حبيببتى
رقيه سكتت وهزت راسها وابتسمت نص ابتسامه
__________________________
حجزت رقيه وخالتها وسافروا الاول وبعدين وصل مهاب وباباه يوم الولاده
وكانوا ف المستشفى ف الاستراحه مستنيه نهله تخرج هى والمولود وهما كانوا عارفين انه ولد بالسنار
عمار واقف قلقان رقيه راحت ناحيته تطمنه : متقلقش يا عمار ان شاء الله هيقوموا الاتنين بخير
عمار بقلق: ان شاء الله ان شاء الله
رقيه بفرحه: والله هتبقى بابا يا عمورى
عمار بيضحك ورقيه بتحاول تخفف عليه التوتر .. ومهاب وباباه قاعدين
ابو مهاب: اليوم دا بيفكرنى بيوم من 21 سنه يوم ولاده رقيه
كان محمد قلقان زى عمار كده وانا زى رقيه بهديه
ياااااااه ع الايام بتعيد نفسها
مهاب : معتقدش انها ممكن تعيد انت عارف ان عمار ونهله هيسموا عمر
ابو مهاب بيضحك: اها عرفت ومعانى كنت معترض بس دا اخيارهم وهما حريين ف اولادهم
مهاب بيضحك: اختيارهم اذا كان هما مع بعض بااختياركم مش اختيارهم
ابو مهاب: لو القدر مش كتبلهم يكونوا مع بعض مكنش هيحصل
بس النصيب لا مفر منه
مهاب : النصيب ..
خرجت الممرضه ف الحظه ديه عمار ورقيه راحوا ناحيتها بسرعه وبفرحه قالتلهم ان نهله ولدت وهى والمولود بخير حضنت رقيه عمار وباركتله والكل بارك لبعض ومهاب راح لعمار
مهاب بفرحه: مبروك يا بابا
عمار بيضحك: مبروك عليك لقب خالو يا خالو
مهاب : يتربى ف عزك وتفرح بيه يارب
عمار : عقبالك انت ورقيه عن قريب يارب
رقيه سمعت بصت لمهاب ومهاب بص لرقيه
وعمار لما بص لرقيه ابتسمت : ان شاء الله
خرجت نهله ع اوضه وفاقت وجابو المولود تشوفه لكن هيفضل ف حضانه يومين علشان مولود ف السابع لكن صحته كويسه ومفيش مشاكل ... وكانت رقيه مقيمه مع نهله ويومين روحوا ع البيت ....دخلت نهله اوضتها مع عمار والبيبى ومامتها وباباها دخلوا اوضه ولااول مره يبقى مهاب مع رقيه ف اوضه
ولااحراج رقيه كانت مكسوفه اول مره ف اوضه مع مهاب وهينام معاها ف نفس الاوضه كانت هتطير من السعاده وحاسه ان الحاجز هيتشال ...
مهاب : انتى نامى براحتك ع السرير وانا هنام ع الكنبه دى
رقيه استغربت : لا نام ع السرير وانا هنام عليها
مهاب : لا اسمعى ال يلا انا داخل الحمام اغير وهنام تصبحى ع خير
رقيه : وانت من اهله
غيروا الاتنين وهو نام قدامها ع الكنبه وهى ع السرير ونامت وهى بصالها
بالرغم من انه مش جنبها بس فكره انها حاسه بنفسه ف الاوضه مفرحها
وحاسه بوجوده ولااول مره من ساعه ما اتجوزت ونامت وع وشها ابتسامه
ومهاب قعد يفكر بااحساسه بالذنب ناحيه رقيه وطرقيتها بارضائه وانها متكلمتش مع اى حد انه علاقتهم مع بعض اغراب لكن قدام الناس متجوزين وهى ال بتظهر كده علشان متجرحوش.. ونظرتها لنهله ولبيبى وحاسه انها محرومه من الامومه ومش بتتكلم .. مش قادر يستوعب دا طيبه منها ولا غباء انها مش فاهمه ومستنى انها تاخد موقف ومش بيحصل وهو بيحاول ينام ومش عارف قال يقوم ياخد دش وينام وهو قايم وماشى براحه من جنب رقيه سمعها وهى نايمه بتقول :........!!!
____________________
يتبع
ليست هناك تعليقات:
إرسال تعليق