ابتدا امتحان الترم وامتحنوا لكن فى خلال ايام الامتحانات حياه اغمن عليها مرتين وهى خارجه من اللجنه منى معرفتش لان حياه كانت ع طول بتقولها عاوزه اروح انام تعبانه من قله نوم وعمرو كان مشغول بتجهيزات الفرح ...
كان فاضل شهرين ع فرح حياه وعمرو وحدووه خلاص
ادم فى المستشفى قاعد ف المكتب بتاعه دخلت مها
مها: مشغول يا دكتور
ادم: شويا فى حاجه
مها: اها عاوزه اقولك حاجه
ادم: اتفضلى طبعا
مها قعدت وبصت ل ادم: امممم عاوزه منك طلب ومتقولش لا اتفقنا
ادم بيضحك: اجبارى ولا ايه
مها : اعتبر نفسك تحت الحصار
بيضحك ادم: لو اقدر اكيد مش هتاخر
مها طلعت من جيب البلطو تذاكر وحطيتها قدام ادم : اتفضل
ادم بيبص : ايه دا
مها: صاحب بابا ليه قريه سياحيه ف الغردقه وكل فتره بيقدم تذاكر مجانى لبعض الناس ال حواليه وانا كنت موجوده واخدت منه 5 تذاكير ايه رائيك
ادم: مفهمتش المطلوب
مها : ياادم هنسافر يومين نغير جو لانك مش عاجبنى فنغير جو بعيد عن شغل وبعدين نرجع
ادم: بس دول 5 تذاكر
مها: ماهو انا وانت والتلاته الباقيين شوف انت تجيب مين .. انا اعتقد ان عمرو وحياه بماانهم قرب جواز واكيد مضغوطين فتعزمهم يغيروا جو
ادم بيضحك و بص لمها: انتى كمان حددتى مين يجى
مها وقفت: مفيش رفض السفر الاسبوع الجى والعربيه هتكون جاهزه لينا
وشوف انت مين الخامس اتفقنا يلا سلام
مشيت مها من قبل ما يتكلم ادم .. وبص ادم لتذاكر وقعد يفكر هيعمل ايه ...!!!
رجع ادم البيت كان عمرو قاعد بيعمل شغل ع اللاب ...ادم: السلام عليكم
عمرو: وعليكم السلام حمد الله ع السلامه يا دوك
ادم: الله يسلمك ..ايه الاخبار
عمرو: تمام ..
ادم: اتعشيتوا ولا مستنينى
عمرو بيضحك: انا اقدر اكل من غيرك انا مستنيك وخالتو نايمه
ادم: طيب تمام هغير ونخرج نتعشى
عمرو: اكون قفلت ال فى ايدى
دخل ادم اوضته غير وخرج وحضر العشا هو وعمرو ووسط العشا ادم فتح كلام مع عمرو
ادم: عامل ايه ف تجهيزاتك الشقه خلصت محتاجنى ف حاجه
عمرو: تسلم يا دكتور كله بيشطب اهو وهنجز ان شاء الله قبل الفرح كمان
ادم : طيب عمرو بقولك ايه
عمرو: ها
ادم طلع تذاكر الغردقه: قول لحياه وتعالى نسافر نغير جو اهو هروب من ضغط الشغل ليا وضغط وال انتم فيه واهو حياه تغير جو لانها مش عاجبانى
عمرو: والله جت ف وقتها تسلم يادوك انا هكلمها اعرفها الصبح
ادم: وخليها تقول لمنى اهو نسافر انا وانت وهى ومنى ومها
عمرو بيغمز ل ادم: مها ... هى فيها مها
ادم: بس يا سخيف
عمرو بيضحك: خلاص خلاص يا دكتور
رجعوا اتعشوا وادم بيبص ع عمرو من تحت لتحت ولاقاها فرصه لحياه تغير جو
تانى يوم عمرو راح لحياه يتغدا معاها وكانت دافيه شويا بس اتحملت ع نفسها علشان ميقلقش عمرو وقالها ع اقتراح ادم وفرحت ولاقتها فرصه تغير جو .. فاتكلم عمرو مع ابو حياه ومامتها ووافقوا ومنى طلعت قالوها وافقت وقالت لمامتها ووافقت لانها مع حياه ...!!
__________________________
سافروا حياه وعمرو ومنى وادم مع مها ف عربيتها ووصلوا القريه وطلعوا ع اوضهم ف الفندق..وكان عمرو مع ادم ومنى مع حياه ومها لوحدها
شويا ونزلوا ع الغدا واتغدوا وقعدوا يتكلموا لكن حياه تعابيرها كانت مش طبيعيه والوحيد ال لاحظ دا ادم
خلصوا الغدا وراحوا يتمشوا نسيت حياه الكاميرا بتاعتها ف الاوضه فطلعت تجيبها فااتاخرت وادم كان طالع اوضته يجيب حاجه ولان الاوض ف دور واحد
فاادم شاف حياه قاعده ف الطريق فراح ناحيتها وباين عليها تعبانه
ادم بقلق : حياه .. مالك
حياه بتجمع نفسها : مش عارفه حاسه انى دايخه ومش عارفه اخد نفسى
ادم لاحظ ف دم نزل من مناخيرها : ايه الدم دا
حياه بسرعه طلعت منديل : السفر ومرتحتش فحاسه بارهاق بس شويا وهبقى كويسه متقلقش
ادم قلق: انتى ايه ال بتعمليه ف نفسك دا
يعنى انتى عارفه ان مناعتك ضعيفه وااقل اجهاد بتتعبى ضاغطه نفسك ليه كده
حياه لاحظت عصبيه ادم: متقلقش ياادم انا كويسه علشان تصدق انا هقوم اهو
جت تقوم حياه ادم مسك ايدها :طيب خليكى ارتاحى
حياه مبتسمه: ودا ينفع احنا جايين يومين نغير جو فيهم هنامهم هنا لما ارجع بقى
قامت وقفت حياه : يلا انا نازله
ادم: يلا طيب
جت ع نفسها حياه ومبينتش لحد انها تعبانه الا ادم ال مركز معاها وادم استغرب ازاى عمرو مش ملاحظ وعمال يضحك ويهزر .
نزلوا وفضلوا يتمشوا وعمرو ماسك ايد حياه ومنى بتتكلم مع مها عادى وادم ماشى بيراقب حياه ..حياه قعدت تصور بالكاميرا البحر وتصور عمرو ومنى ومها والكل كان مبسوط وصلوا لمكان فيه سلالم كتير ..
فمها وقفت : ايه رأيكم نلعب لعبه
منى بفرحه: يارييييت ايه هى
مها بصت ع السلم: السلم دا درجاته كتيره فهنلعب الشايب
وال عليه العقاب هيشيل واحده فينا ويطلع بيها كل السلم دا
منى : طيب لو طلع لينا احنا البنات
مها : امممممم نطلب منها تروح تجيب لينا حاجه
منى وعمرو وحياه وافقوا وادم كان رافض يلعب لكن بالحاهم وافق
وراحت مها جابت كوتشينه وقعدوا ع ترابيزه وابتدوا يلعبوا
اول شخص طلع معاه الشايب كان عمرو
عمرو: اووووووووه اولها كده
بتضحك حياه ومها ومنى... منى : يلا ارمى الورق ال فيه الاسامى يا مها وخليه يختار
عمرو مسك ايد حياه: متخلوها حياه واهو ال نعرفه بقى
حياه اتحرجت : عمرو بس
مها بصت ع ادم لاقته مش مركز فقالت: صح حياه تشيل عقابنا موافقه يامنى
منى: تمام
وقف عمرو واخد نفس وشال حياه وابتدا يطلع بيها السلالم جيه عند عاشر سلمه وتعب ونزلها
حياه بتضحك: وعاملى فيها سبع رجاله
نزلوا ومنى : لا مينفعش كده ا كده مااخدش العقاب
عمرو: حرام عليكى ظهرى وجعى
مها بتضحك: انا كنت واثقه انك مش هتحصل النص اصلا بس عقابك
تعزمنا ع ايس كريم تمام
عمرو بعلامات صعبنه: مش كنتى تقولى من الاول كده يا شيخه شوف صاحبتك ياعم ادم
ادم: ها
عمرو: ولا انت هنا .. اصبر لما يجى دورك بس هظبطك علشان سايبنى ليهم
ابتدا الدور التانى وطلع الشايب فعلا مع ادم .. فرمت مها الورق ال فيه الاسامى وادم يختار ..اختار ورقه فتحتها مها وكان فيها اسم حياه ..
الكل اتفاجئ
حياه : لالالالا مش لازم شوفوا عقاب ليه ايه هيشتريه لينا احسن
ادم بص لحياه وبيضحك: انتى خايفه منى ولا ايه
حياه : لا خالص بس انا عارفه هتوصل عند اول سلمتين وهتتعب وهتجيب ال هيقولوا عليه وبعدين انت عندك عيانين ومستشفى مش هستحمل اشيل ذنبك لما تتعب لالالالالالا
مها بصت ل ادم: ها قولت ايه
منى: يلا قرر بسرعه
عمرو: لخص وشوف عاوزين ايه وهاته بلاش تتعب نفسك ع الهوا
راح ادم بعد لحظات بص ع السلم وحياه ووقفه: انا موافق انفذ العقاب
الكل : بجد
ادم : يلا يا حياه تعالى
وقفت حياه متردده: ادم بلاش مجازفه داانت دكتور حتى
ادم شدها من ايدها وشالها وابتدا يطلع بيها السلالم وطول ما هو طالع باصص ع حياه وع وشه ابتسامه وحياه ماسكه ف رقبته وعماله تقول : خلاص كفايه هتتعب ..كفايه كده
ادم: هووووووس ولا كلمه هنقع احنا الاتنين
حياه: ادم
ادم ولا اكنه سامع حاجه وحس انه معزول ف دنيا لوحده مع حياه وطلع بيها فعلا السلم كله شايلها ونزل بيها شايلها من غير ما يرتاح والكل اتفاجئ انه حتى موقفش ولا اشتكى ..
مها ف ذهول: ادم ايه دا مكنتش اتوقع
منى: ولا انا
عمرو: ولا انا
ادم: وموافق اعزمكم ع اى حاجه عاوزينها
راح قعد ادم وع وشه ابتسامه وعمرو اضايق انه معملش كده مع حياه ....
وحياه فضلت تبص ع ادم بااستغراب من تصرفه وقوه احتماله ....!!!
شويا وعمرو اشترى الايس كريم وقعدوا ياكلوا ومها قامت تتمشى مع منى
وعمرو جاله تليفون وقام يرد ..قرب ادم من حياه
ادم: حياه اول ما نرجع القاهره تيجى المستشفى تعملى كشف وتحاليل علشان نطمن عليكى
حياه بسرعه: لالالالا مش مستهله انا هرتاح وهبقى كويسه
.هو التوتر بس ال بيخلينى تايه وكده يومين وهبقى تمام
سكت ادم لحظات :مش انتى كده كده محتاجه شهاده صحيه علشان كتب الكتاب
حياه افتكرت: اها سمعت بابا وماما قالوا كده بس قالوا هيدفعوا فلوس ويجيبوها من غير تحليل ولا كشف
ادم: وليه يعنى ,,تعالى نكشف ونطمن علشان تبقى سلمتى نضيف لعمرو علشان لو حصلك حاجه هظبطهولك والشهاده اهى بتقول كله تمام
ضحكت حياه : لا ياراجل
ادم: انا بكلمك بجد تعالى ومش هتخسرى اعتبريه الشهاده من غير فلوس تمام
حياه: امممممم ماشى نرجع بالسلامه ونشوف
وحياه قاعده جتلها كحه طلعت منديل نزل دم من مناخيرها وخبته بسرعه بس ادم لاحظ وقلق اكتر ....
قضوا اليوم وطلعوا ع اوضهم وتانى يوم زى الاولانى قضوه مع بعض
واليله ال صابحين يمشوا فيا حياه نزلت تتمشى لاقت منى نايمه فااخدت كاميرتها ونزات تتمشى وتصور خلصت صور قعدت ع الشط سرحانه ف البحر وفاجاءه حست بدوخه مقدرتش تقوم فقعدت ع الشط >>!!
وادم ف الوقت دا كان مش جايله نوم ونزل يتمشى شاف حياه خارجه من الفندق وبتتمشى فمشى وراها من غير ما تحس لغايه ما قعدت وراح ناحيتها ..!!
ادم: حسبى القرش يطلع ياكلك
بصت حياه ع الصوت ولاقت ادم وضحكت: ادم ايه ال مصحيك
ادم مفيش زهقت قولت اتمشى شوفتك قاعده قلت اجى ارخم عليكى
حياه: عمرو نايم صح
ادم: وبيشخر كمان .. خلى بالك بقى من شخيره دا مش هينيمك
ضحكت حياه نص ضحكه من تعبها ..وادم قعد جنبها
ادم: ورينى كده صورتى ايه
مسك ادم الكاميره ولاحظ اغلب الصور مهزوزه ومش حب بين حاجه لحياه وبيتكلم : ايه الصور الجامده دى انتى يابنتى ليكى مستقبل رائع
ولسه هيكمل كلام لاقى حياه راسها وقعت ع كتفه : حياه ..انتى نمتى ولا ايه
مسك ايدها وبيحركها عرف انها اغمى عليها بسرعه شالها وراح ع العياده الخارجيه وعلقولها محاليل لان حصل عندها هبوط ف الدوره الدمويه لكن ادم لاحظ كدمات ف دراعها فافتكر انها اتخبطت او وقعت بماانه دكتور طلب من دكتور الاستقبال يكشف عليها ولاحظ فعلا الكدمات الزرقا ف جسمها
دم: خبطات دى
الدكنوزر: معتقدش لانها كتيره كده فلما ترجع مصر تحليل الدم هيعرف ف ايه وان شاء الله خير
ادم بقلق: ان شاء الله
و فضل سهران جنبها لفجر لغايه مافاقت وقاعد باصص عليها ..!!
ادم: فوقتى ..
حياه: هو ايه ال حصل
ادم اخد نفس وقعتى قلبى يا شيخه انتى اغمى عليكى بس بقيتى كويسه
حياه مسكت راسها: علشان كده الدوخه
ادم : وادوكى خافض حراره كمان
حياه: واضح انى اخدت لطشه هوا
ادم: هو ال العلامات ال ف دراعك دا يا حياه
حياه بصت ونزلت الكم : دا اتخبطت متحطش ف بالك الحوادث المعتاده يعنى
نزلت حياه من ع السرير ومشيت هى وادم .. ادم بص ع حياه بقلق: هستناكى تيجى المستشفى بعد بكره
حياه: ايه السربعه دى
ادم: اهو قبل الفرح ومتنشغلى يعنى
حياه: خلاص ان شاء الله
وصلوا لفندق طلعت حياه الاوضه ونامت وادم طلع لاقى عمرو لسه نايم وعامل تليفونه سيلنت قعد ع السرير باصص ع عمرو وشويا رمى جسمه ع السرير وفضل صاحى معرفش ينام
تانى يوم الصبح فطروا واتحركوا ووصلوا بعربيه مها وفضل ادم علشان يوصل مها لبيتها وقبل ما ينزلوا قال ادم لمنى تجيب حياه ويجوا المستشفى ومنى اتفقت معاه ...!!
__________________________
تانى يوم حياه كانت نايمه تعبانه ع السرير لاقت منى خبطت ودخلتلها
منى: انتى لسه مجهزتيش يلا البسى علشان نلحق نروح
حياه: مش لازم انا وافقت علشان ادم ميزنش قدام عمرو وعمرو يحس الموضوع كبير
منى: وانا وعدت ادم انى هجيبك حتى لو غصب عنك وبصراحه اطمن انا كمان
حياه : تطمنى هو انتى قلقانه يابنتى مفيش حاجه
منى راحت ناحيه حياه وشدت الغطا : قومى طيب اثبتنلنا ان مفيش حاجه يلا
حياه: ماشى هقوم
قامت حياه غيرت هدومها ونزلت هى ومنى وعمرو اتصل بحياه وهما ف الطريق بالتاكسى
حياه: الو
عمرو: يااحلى الوهات حبيبى بيعمل ايه
حياه بتضحك: نزلت رايحه ل ادم علشان الشهاده الطبيه
عمرو: اه صح تصدقى كنت ناسى المفروض اعمل انا كمان واحده
حياه: مفيش مشاكل هستناك تعالى
عمرو : اممم للاسف مش هقدر لان عندى معاد مع دكتور ال هيناقشلى الرساله
حياه: عادى ياحبيبى مفيش مشاكل ..منى معايا
عمرو: خلاص لما تخلصى عرفينى تمام .سلام
قفل عمرو مع حياه ووصلت حياه هى ومنى لمستشفى وسألو ع ادم ف الريسبشن ونزلهم واخدها ع اوضه الكشف والتحاليل لكن لاحظت حياه انهم اخدوا تحاليل كتير
حياه خلصت : فى تانى ولا خلاص انا خلصت وعاوزه انام
ادم : ف تحليل صغنن كده بس وخلاص
منى : مدام صغغنن يبقى خلاص اعمليه
حياه: تحليل ايه دا
ادم : متتخضيش .. عينه نخاع
حياه ومنى ف نفس واحد: نعم .. ازاى يعنى
منى: انتوا هتحفروا ف البنت ولا ايه
ادم بيضحك: لا يابنتى دى حقنه صغيره هياخدوا عينه
حياه: وايه لازمتها مانتم اخدتوا دم وكل حاجه
ادم: علشان نطمن واهو يبقى معاكى دليل انك صاغ سليم من كله
منى: بيقولك بسيطه يا توتا فيلا بقى وبلاش شغل الاطفال
حياه استسلمت: طيب
اخدها ادم ع اوضه تاخد العينه ووجعتها شويا الحقنه وخلصت وقعدوا ف الكافتيريا
ادم: الكابتشينو ال بتحبيه يا حياه والنسكافيه لمنى
منى : ميرسى
ادم: هو عمرو مش هيجى ياخدكم
حياه: لا مش هيقدر مش فاضى
منى: هنرجع زى ماجينا ف تاكسى
ادم: طيب
حياه: نتيجه كل الحاجات ال عملتها دى امتى بقى ؟
ادم :خلال اسبوع مش اكتر
حياه: طيب لما تشوفها اكتبلى ع فيتامنات تقويه لانى حاسه انى فصلت شحن
منى بتضحك: اومال لما تتجوزى هتعملى ايه
حياه خبطتها: لمى نفسك
ادم ضحك: يلا علشان متتاخروش
وهما خارجين قابلوا مها .. مها: حياه ومنى وانا اقول المستشفى نورت ليه كده
حياه مبتسمه: ميرسى يا دكتور
حياه: جيتى علشان التحاليل صح خلصتى
حياه: اتخرمت انهارده بجد تعبت
مها بتضحك: معلش ارتاحى لما تروحى وهتبقى تمام
منى: يلا
حياه: سلام واشوفك مره تانيه
مها: ف الفرح بقى ان شاء الله ياعروسه
ادم سمع ياعروسه وشه اتغير .. ومشيت حياه وادم وصلهم لغايه باب المستشفى ووقف تاكسى ركبوه وحاسبلهم عليه .. ومها واقفه تبص عليه من بعيد .....!!!
__________________________
قبل الاسبوع ما يخلص ادم كان مهتم بالنتيجه التحاليل وكل يوم يروح معمل التحاليل يسأل ع النتيجه فى يوم وهو قاعد ف مكتبه دخل عليه دكتور ضياء ال مسئول عن نتيجه التحاليل
خبط ع الباب ودخل ..ضياء: ادم
ادم اول ما شافه: اتفضل يا دكتور
ضياء ماسك ملف فى ايده وملامح وشه متغيره : انا جبتلك نتيجه التحاليل
ادم مبتسم: طيب تمام ممكن اشوفها
ضياء كان متردد: بس عاوزك تفتكر انك دكتور فكر بمشاعرك دكتور
ادم قلق: هو فى حاجه
ضياء اداله الملف : بص وهتعرف
اخد ادم الملف وهو قلق ومتوتر وبص فيه ع النتيجه النهائيه خصوصا عينه النخاع ومره واحده علامه الصدمه اترسمت ع وش ادم : ايييييييييه
ضياء: لللاسف "لوكيميا"(سرطان الدم)
ادم بعصبيه قعد يقلب ف الاوراق ال ف الملف : مش ممكن ..لالا مش ممكن
انا هخليها تعيد التحاليل تانى اكيد ف حاجه غلط
ضياء: ادم انت دكتور وعارفنى مش بطلع نتيجه غير ما اتاكد منها
ادم من الصدمه حط راسه بين ايده ع المكتب : مش معقول
ضياء : لحسن الحظ هى موصلتش لمرحله التالته هى فى اخر التانيه بالعلاج ممكن كله يتظبط متقلقش هى ف مرحله كويسه مش الخطر مش هتبتدى الكيماوى
ادم بيبص لضياء: دا فرحها كمان شهر ونص
ضياء: لالالا يتأجل لانها صحيا مش هتقدر والعلاج هيتعبها فى الاول .. يأجلوها لغايه ما تكون كويسه.. المهم بسرعه تبتدى ف العلاج تمام ..انا عاوزك تهدى كده وتبلغ المريضه واهلها
خرج ضياء من الاوضه من عند ادم وعلامه حزن ع وشه شافته مها واستغربت من وش ضياء ودخلت ع ادم وهى مش عارفه حاجه راحت ناحيه ادم ..
مها: فى ايه يا ادم
بصت مها ع ادم لقت ملامح وشه متغيره جداا حزن وف دموع ف عينه
قلقت مها: ادم فى ايه قلقتنى
ادم بيدها الملف مسكته مها وقرات اتفاجئت ومن الصدمه قعدت ع الكرسى
مها: ""لوكيميا"" ف السن دا وفرحها كمان شهر
ادم: مش عارف ابلغها ازاى ولا اعمل ايه
بصت مها ع النتائج: ادم لازم تستعجل ف العلاج مينفعش تأخير مكتوب العلاج هيخففها بسرعه يادوب تلحق والحمد الله هى مش ف المرحله المتاخره يعنى بالعلاج هيتظبط كل حاجه متقلقش
ادم رجع راسه ع الكرسى :يارب
مر يومين وادم مش عارف يتصرف ازاى فقرر يكلم عمرو ويعرفه فااتصل بيه وراحله المستشفى دخل استناه ف اوضته خلص مرور ع العيانين ودخل لاقى عمرو ماسك الموبيل وقاعد
عمرو: ما لسه بدرى يا دوك مدام مش فاضى قولتلى اجى ليه بقى
ادم: اسف جدااا ..المهم انت شربت حاجه
عمرو: ايوه .. خير كنت عاوزنى ف ايه ضرورى كده انت عارف انا مشغول
وقبل ما تقولى حياه بعتالك تكتبلها ع اى مقويات لانها تعبانه شويه
ادم اخد نفس: انا طلبتك علشان حياه
عمرو بيضحك: مالها حياه
فتح ادم درج المكتب وطلع الملف وراح قعد قدام عمرو واداله الملف
ادم: دى نتيجه تحاليل حياه
بص عمرو ع الورق: يعنى انت شايفنى دكتور.. مش فاهم حاجه فيها ايه
ادم سكت لحظات: حياه تعبانه ومحتاجه علاج
عمرو: قصدك الضعف ال عندها ماهى اهملت ف نفسها راحه وعلاج وهتبقى كويسه بالمقويات ال هتكتبها كله هيبقى تمام
ادم بلهجه جد: حياه تعبانه اكتر من ال بتقوله دا يا عمرو
عمرو شاف ادم ملامح وشه اتغيرت : تعبانه ازاى
ادم : لوكيميا
عمرو سمع الكلمه الملف وقع ع الارض هو والورق : ايه
ادم قرب من عمرو: عمرو لازم تتماسك لان حياه انت اكتر حد محتجاك جنبها ف الوقت دا انا مقلتلهاش حاجه ومش عارف هقولها ازاى بس لاقيت الافضل اقولك انت لانك اكتر حد هيساعدها وهيخليها تتعالج
عمرو بصدمه: هتموت ..حياه هتموت
ادم بعصبيه: عمرو ..فوق متقولش الكلمه دى تانى
هتتعالج وهتبقى كويسه مش ف مرحله الخطر هى هى محتاجه وقت ..
عمرو فى ذهول : اعمل ايه انا
ادم: الفرح يتأجل لغايه ما تبقى كويسه لان العلاج هيتعبها ف الاول ومش هديها كيماوى دلواقتى بس العلاج هيبقى تأثيره عليها وخصوصا انها عندها مشكله مع المناعه من زمان
عمرو ف ذهول سامع من ادم علاج وكيماوى زى ال اندلق عليه جردل مايه ساقعه مش عارف ينطق ..
ادم ملاحظ عمرو ف صدمه وتاه : اتماسك ياعمرو علشان حياه ..
عمرو قاعد ساكت .. : هقولها ازاى انا .. مش هعرف
لالالا قولها انت
ادم بص لعمرو : ماشى هقولها انا بس تبقى جنبها ومعاها وتساعدها تمر من الازمه دى طول ماانت معاها هتبقى كويسه وانا هساعد من ناحيتى وان شاء الله هتخف بسرعه ...
عمرو قام وقعد تانى ع الكرسى ورجع قام وخرج ف حاله ذهول وادم حس ان الافضل يعرف عمرو هيساعد حياه نفسيا ..!!
مر اسبوع وحياه بتقاوح التعب ع قد ما بتقدر علشان متقلقش ال حواليها
اتصلت ب ادم لاحظت ان النتيجه اتأخرت وكانت عاوز يكتبلها فيتامينات مقويه
كان مش بيرد ع مكالمتها .. اخدت منى وقررت تروح تشوفه
قابلته فى الريشبشن واخدها ودخل اوضته ..
حياه: ايه يا دكتور منفضلى كده اهون عليك تسيبنى تعبانه وانا هبقى عروسه قريب
ادم: كنت هعدى عليكى انهارده ف البيت النتيجه لسه طالعه حالا
منى: خير بقى مالها اخت العيانه المفستكه دى
ادم مش عارف يقول ايه : تعب بسيط مع شويا علاج هتبقى كويسه
حياه بصت لمنى: مش قلتلك الموضوع مش محتاج قلق
ادم : بس انا اتكلمت مع عمرو والفرح هيتأجل شويا علشان العلاج
حياه اتفاجئت: ليه ..وعمرو وافق
ادم: الافضل ياحياه .. خفى الاول وهتبقى كويسه
حياه بصت ل ادم ودموع ف عنيها: انا عندى ايه يا ادم
ادم : تعب بسيط
حياه بعنيا دموع ورسمت ابتسامه : لوكيميا
ادم اتفاجئ انها عرفت: عرفتى منين
**فلاش باك **
حياه قاعده مع منى مستنين ادم حياه سابت منى تروح الحمام
وهى خارجه سمعت ممرضتين بيتكلموا مع بعض
الممرضه الاولى: يابنتى زى ما بقولك دكتور ادم بقاله فتره متغير
الممرضه التانيه: ليه بقى
الممرضه الاولى:سمعت ان ليه قريبه تعبانه طلع عندها لوكيميا
الممرضه التانيه: ياحرام
الممرضه الاولى : وبصى بقى لعجب اسمها حياه وياعالم هتعيشها ولا لا
الممرضه التانيه: اسم ع غير مسمى ربنا يشفى الكل
ومشيت الممرضتين وحياه مش مصدقه ال سمعته واتاكد شكوكها لما فتحت ودورت فى النت ...
حياه: انا كنت شاكه ودخلت ع النت لاقيت الاعراض هى ال بتحصلى
ادم قاطعها: لالالالا متصدقيش كل كلام النت دا
انتى عندك تعب بسيط هيحتاج علاج فتره وهتبقى كويسه
حياه : كيماوى
ادم: لا ان شاء الله مش هنحتاجه انتى ف مرحله مش محتجاها وان شاء الله مش هنوصلها هو علاج بس ونقل دم علشان انتى عندك مشكله ف المناعه
وكله هيتظبط ف فتره قصيره متقلقيش
منى سمعت معرفتش تنطق ودموع نازله من عنيها وهى ماسكه ايد صاحبتها
شويا ومشيت حياه ركبت تاكسى مع منى وادم ووصلت لبيت ودخلت منى مع حياه الاوضه وشويا وخرجت سمعت ادم بيتكلم مع ابو وام حياه وبيفهمهم الحاله الاتنين ف حاله ذهول من المفاجاءه ومنى دموعها نزلت مقدرتش تحوشها...!!!
اقنع ادم ابو وام حياه بالعلاج هتبقى كويسه لفتره والفرح يتأجل ..!!
حياه من قلقها ع عمرو لما عرف الخبر ومرضاش يقولها بعتتله رساله وهى نايمه ع السرير
"" متقلقش يا حبيبى هبقى كويسه اوعدك .. بحبك ""
عمرو قرا الرساله وايده مطوعتهوش يرد عليها وحط الموبيل جنبه ودخل ف حاله توهان وتفكير ومش عارف يتصرف ازاى ....!!
__________________________
فى الوقت دا نزلت ام عمرو من الامارات علشان تجهز لفرح مع عمرو وحياه
والكل كان بيحاول يتعامل عادى علشان دا ميأثرش ع حياه ..!!
وصلت ام عمرو فى نفس اليوم عمرو قاعد معاها يتكلم يعرفها ان الفرح اتأجل
وكانت قاعده معاه خالته ..وادم كان ف الطريق علشان يفهمها الموضوع..!!
ام عمرو: نأجل الفرح ليه ؟
عمرو: لظروف
ام عمرو: احنا هنهزر.. ظروف ايه مااحنا مرتبين كل حاجه قبل ما اسافر
عمرو: حياه جدت عندها ظروف ومش هينفع لما الدنيا هتظبط هنحدد ميعاد تانى
ام عمرو بصت لاختها: فى ايه يا هدى انتوا مخبين عنى حاجه
ام ادم دموع نزلت من عنيها : حياه تعبانه يا هناء ادعيلها
ام عمرو قلقت: تعبانه ازاى يعنى اجهاد وارهاق يعنى ولا ايه
عمرو مستحملش يسكت: حياه عندها لوكيميا ومحتاجه علاج لفتره علشان تتحسن
ام عمرو اتفاجئت: لو لوكيميا ..سرطان
ام ادم: ادم قال هى محتاجه علاج لفتره وهتتحسن وهتبقى كويسه
ام عمرو ف ذهول: سرطان وهتتحسن ازاى .. فين ادم
فى الوقت دا كان ادم ع وصول وكان جه ودخل يتكلم مع خالته ويهديها من عصبيتها
ام عمرو: فهمنى ياادم ايه حالتها هتموت ولا ايه
ادم: خالتو بلاش تقولى كده هى محتاجه علاج وهتبقى احسن والحمد الله اننا اكتشفناه دلواقتى هى مش ف مرحله الخطر يعنى علاج وهتبقى كويسه
ام عمرو: هتبقى احسن مش هتخف يعنى ..
وانت يااستاذ عمرو موافق ع كده هتتجوز واحده عيانه بدل ما تشيلك وتراعيك انت هتشتغلها ممرض وياعالم هتعيش ولا
ادم بعصبيه: عمرو اتكلم ..
خالتو حاله حياه محتاجه زى ما قولت فتره علاج والوضع هيبقى كويس
الصبر ..الصبر هو المطلوب
ام عمرو: وانا مش مجبوره ان ابنى يتجوز واحده عيانه واحنا لسه ع البر
وخطوبه يعنى لسه مبقتش مراته
ادم بص لعمرو: ما تتكلم يا عمرو دى حياه
عمرو: ممكن تهدى ياماما
ام عمرو بعصبيه: مفيش هدوء انت بتتكلم عن مستقبلك وانت لسه ف اوله محتاج راحه وامان واستقرار قدامك ماجستير ودكتوراه .. يعنى مثلا انا وافقت تتجوز بدرى ليه علشان تستقر بال انا سمعته مفيش استقرار وعمرك هيضيع .. وانا مش موافقه ع استمراك معاها ياعمرو ودا اخر الكلام
قامت ام عمرو وهى متعصبه دخلت اوضتها وادم عمال يهدى نفسه من عصبيه وبيبص ع عمرو ومستغرب من رد فعله البارد ال متححمسش ولا قال هيتمسك بحياه ...!!!
ف الوقت دا حياه كانت واقفه سمعت الكلام لان صوتهم كان عالى ولانها كانت طالعه تسلم ع مامت عمرو بعد ما وصلت .. سمعت اسمها وقفت وسمعت كل الكلام ونزلت بهدوء رجعت ع بيتهم ودخلت تنام وقبل ما تنام كلمت ادم
ادم: حياه
حياه: ادم انا عاوزه اخف بسرعه
ادم: ان شاء الله متقلقيش
حياه: ان شاء الله
وقفلت مع ادم وغمضت عينها ودموعها نازله وقالت: يارب
__________________________
بعد ال حصل بيومين ادم بيدور عافضل علاج سريع لحاله حياه دخلت عليه مكتبه مها
مها: ادم عاوزاك ضرورى
ادم: خير فى ايه
مها: فاكر لما كنا ف فرنسا .. الجزء العلاجى ال كان موجود هناك
ادم: اها ال هو علاج الجماعى لناس عندهم مرض مشابه القسم بتاع السرطان
مها: ايوووه هو دا ..انا اتصلت بالمستشفى وسألت عرفت ان المستشفى هنا هتبعت مجموعه من المرضى لعلاج هناك لمده سنه كتطبيق لنظام العلاجى النفسى والبدنى فسجلت اسم حياه معاهم
ادم اندهش: بجد
مها: ايوه طبعا ..انا عارفه حياه عندك تبقى ايه
المهم ..انا سجلت اسمها وناقص الاوراق والفايل بتاعها انت بقى انجزه علشان السفر كمان اسبوعين وعرفها وعرف اهلها وسافر معاها هناك علشان متبقاش لوحدها وهما اصلا كانوا طلبوك
ادم: انا مش هسيبها ..شكرا يامها مش عارف اشكرك ازاى
مها بتبتسم: عاوز تشكرنى ان انت وحياه ترجعوا والابتسامه ع وشكم
هى خفت وانت ترجع ادم ال اعرفه
ادم : ان شاء الله
خرج ادم من المستشفى حكى لعمرو ع الموضوع كالعاده رده البارد : الاصلح لحياه اعمله ياادم انا مفهمش ف العلاج ودا
ولان عمرو شادد مع مامته فبيتجنب الكلام ف البيت عن اى حاجه تخص حياه .. وهو كان بيروح يطمن عليها ع السريع ويمشى والكلام قليل علشان تعبها .... نزل ادم راح عند حياه وقال لمامتها وباباها ع الموضوع والسفر وبدون تفكير
وافقوا كانها اسرع وسيله لعلاج فى وقت اقل ... وحياه فرحت حست ان ربنا بعتلها طوق نجاه وابتدا ادم يجهز فى الاوراق واتحدد معاد السفر ..!!
فى يوم مامته عارفه ان عمرو هيروح لحياه قبل ما تسافر دخلتله الاوضه
مامته: عمرو
عمرو: ايوه
مامته: بكره انهى كل حاجه مع حياه قبل ما تسافر
عمرو مردش ع مامته ..
مامته: هستنى اخر قرارك ايه وياريت تبص ع مصلحتك ومستقبلك ...!!
خرجت مامت عمرو وسابته عمال يفكر مش عارف هيعمل ايه
راح عمرو عند حياه قبل يوم السفر .. وهما قاعدين لوحدهم
حياه ابتدت كلام ..حياه: عمرو انت بتحبنى بجد
عمرو ماسك ايد حياه: انا بمووت فيكى يا حياه انتى حياتى
حياه بتتمالك وبترسم ابتسامه: وانا بحبك وهرجع هبقى كويسه وخفيت متقلقش اعتبره دور برد وهخف منه
عمرو باس ايديها : ان شاء الله المهم انتى خلى بالك ع نفسك هتوحشينى
حياه: ان شاء الله
عمرو انا عاوزه منك طلب قبل ما اسافر ؟
عمرو مبتسم: اومرينى
قلعت حياه الدبله واديتها ل عمرو فى ايده : انا بحبك وكنت مستنيه يوم فرحنا ونبقى ف بيت واحد مع بعض بس الظروف اتغيرت ..وانا مش بنفصل عنك ..انا بديك فرصه تعيد التفكير تانى وانا موافقه مهما كان ....
عمرو قاطعها : حياه انا بحبك و..
قاطعته حياه: مهما قلت قرارى مش هيتغير .. انا بديلك الدبله ولو انت عند كلامك لما ارجع واكون كويسه لبسهالى فى ايدى التانيه ونبقى مع بعض ع طول ..انا عارفه انك بتحبنى وعلشان بحبك وبتحبنى ...هاودنى وخد وقتك وانا هستناك
عمرو من كلام حياه اتصلب مكانه ومقلش غير: وانا هستناكى
حياه: وليا طلبين تانين
عمرو: ايه هما
حياه: متجيش المطار ولا منى
عمرو: ولا انا
حياه: ولا ماما ولا بابا هيجوا يوصلونى انا هروح مع ادم لوحدى مش بحب لحظات الوداع والدموع وكمان انا ان شاء الله مش هطول
عمرو: وايه الطلب التانى
حياه: منكلمش بعض ومتحاولش تكلمنى لان مش هيبقى معايا تليفون اصلا
لان ع كلام ادم العلاج هياثر عليا شويا ومش هحب اكلمك وانا تعبانه وانا اول ما اتحسن هكلمك ممكن واوعدك هتلاقينى احسن من كده
عمرو: حياه
حياه: عمرو انا بحبك وعلشانك انت هتعالج هرجع احسن واقوى
عمرو مسك ايد حياه : وانا هستناكى مهما غيبتى ..بحبك
باس ايدها وقعد معاها شويا وبعدها نزل وهى دخلت تنام وبتبص ع ايديها ال كانت فيها الدبله وجواها اصرار واتمسكت بالامل ال عمرو ادهولها والسبب انها تتعالج وتخف بسرعه وتثبت لمامت عمرو انها هتخف وهتبقى احسن وتثبتلها عكس الكلام ال قالته وحياه سمعته .. نامت ع السرير حياه وغمضت عينها وبتقول : يارب
عمرو بعد كلام حياه اتمسك بيها اكتر واخد قرار مش هيرجع فيه هيبلغه لمامته ورجع ع البيت مامته كانت قاعده مع خالتو
عمرو: السلام عليكم
خالتو: وعليكم السلام يا حبيبى
حياه عامله ايه
عمرو: الحمد الله ..جهزت وهتسافر بكره خلاص
مامته قاعده وباصه ع التليفزيون عامله نفسها مش واخده بالها من كلام عمرو
فمامته خبطت اختها ف رجلها تسأله عمل ايه :
خالته : احم عملت ايه ياعمرو اتكلمت مع حياه
عمرو بص لمامته: اها اتكلمت واتفقنا ع كل حاجه مامته ابتسمت حست انه نفذ كلامها
خالته: اتفقتوا ع ايه وحياه رأيها ايه ؟
عمرو بيبتسم نص ابتسامه وباصص لمامته: اتفقنا انها هتسافر تتعالج وتخف وترجع نتجوز .. انا هستنى حياه وهى هترجعلى تانى ..انا بحبها و هتمسك بيها ..انا مش هسيب حياه يا ماما
وكده مفيش كلام تانى هيتقال انا داخل اوضتى
مامته ملامح وشها اتغيرت واتنرفزت : شايف يا هدى شايفه
اختها: انتى قولتى هو حر ف قراره وعمرو كبير و بيحبها يا هناء
مامته باصه ع اوضته:بيحبها
تانى يوم ادم اخد حياه وراحوا ع المطار وسافروا ووصلوا المستشفى
حياه كان خايفه اول مره بعيد ولوحدها
ادم مسك ايدها : ادم متخافيش انا معاكى
حياه:متسبنيش ياادم
ادم ابتسم : انا مش هسيبك انا معاكى >>!!
__________________________
يتبع
ليست هناك تعليقات:
إرسال تعليق