(1)
الحب ..حياه , سعاده بين طرفين امان احتواء استقرار دقه قلب تغيرلك حياتك
المهم لشخص الصح فى الوقت الصح ...
...قصتنا عن بنوته دقه قلب هتغير حياتها
ساره بنوته فى ثانويه عامه اخر سنه واخر العنقود وبنت وحيده وليها اخ اكبر منها تامر ودايما بتهزر وبتضحك بنت جدعه وعايشه الدنيا ببساطه سعادتها فى انها تشوف الى حواليها سعداء ومبسوطين .. معتبره صحاب اخوها زى اخواتها واخواتهم البنات اخواتها اتعرفت على ملك عن طريق النت وبقت اقرب واحده ليها .. ساره متعرفش يعنى ايه حب ولا عاشته ولا قلبها دق لحد وفكرتها عن الحب انه سعاده مينفعش يكون فيها حزن ولا الالم ولا وجع ...
فــ ياترى هيحصل ايه لما قلبها يدق .......؟
(1)
ساره: ماما انا نازله رايحه الدرس
مامتها: مش هتتغدى طيب قبل ما تنزلى
ساره: لا انا عملت سندوتش ولما ارجع هبقى اكل
مامتها: طيب متتاخريش وخلى بالك ع نفسك
لااله الاالله
ساره : حاضر .. سيدنا محمد رسول الله
رن جرس الباب
فتحت ساره الباب لاقت شخص واقف قدامها اول مره تشوفه ..
ساره: ايوه حضرتك اى خدمه
مصطفى: تامر موجود
ساره: ايوه ثوانى اندهولك
ساره دخلت عند تامر اخوها فى اوضته كان قاعد ع الكمبيوتر
ساره: تامر فى واحد بره بيسئل عليك
تامر : اه تلاقيه مصطفى
ساره: مين دا اول مره اشوفه
تامر : متفتكرهوش انتى دا كان ساكن جنبنا زمان وكان معايا فى المدرسه انا وياسر ورامى لكن اهله هاجروا ل المانيا من زمان وسافر ,,قابله ياسر صدفه من فتره وبعدين اتقابلنا بره
فعزمتهم ع الغدا انهارده مع ياسر ورامى بس واضح انه جى لوحده
ساره : اه طيب اعمل ايه هتخرجله ولا ادخله
تامر : استنى انا جى معاكى
خرج تامر مع ساره لغايه باب الشقه وفتح لقى مصطفى
تامر: مصطفى ازيك يا درش
مصطفى: واضح انى جيت بدرى بس كلمت ياسر ورامى وقالولى هيجوا ع هنا
تامر: المهم انك متهتش
مامتهم خرجت فى الصاله وهما واقفين عند الباب ....
تامر: ماما مصطفى الى كان ساكن فى العماره الى
فى اول الشارع من 15 سنه وكان معايا فى المدرسه
مامته: اها ازيك يا حبيبى باباك ومامتك عاملين ايه ?
مصطفى: الحمد الله يا طنط فرحوا اوى انى جايلكم انهارده
مامته: السلام امانه والبيت بيتك انت كنت زمان مبتمشيش من عندنا
بصت جنبها لاقت ساره بتجمع: ساره هو انتى لسه منزلتيش ?
ساره: اه فكرتينى يلا سلام انا وفرصه سعيده يا مصطفى
مصطفى باابتسامه : انا الاسعد
ونزلت ساره راحت الدرس وقابلت اصحابها وهى نازله ....
قدام العماره لاقت صاحبتها هناء مستنياها
ساره: اتاخرت عليكى سورى يا نونو
هناء : عادى لسه فى وقت ..
بس مين الوجه الجديد الى طلع عمارتكم ديه
ساره: اها تقصدى مصطفى دا صديق الطفوله لتامر
هناء: بس شكله مش من المنطقه
ساره: لا ماهو مش من هنا
هناء: بس شيك اوى ابن الايه اخوكى دا عليه شويا معارف
ساره: متكمليش كلهم بيتعاملوا معايا انى اختهم
هناء: معرفش ليه بتقطعوا الارزاق كده
ساره: والله لفتن عليكى ل محمد فى الدرس
واقوله انك بتبصبصى لشباب تانيه
هناء: انا مستنيه الجامعه ومزز الجامعه
ساره: خلينا فى الثانويه الاول خلينا نخلص وبعدين بصبصى براحتك
هناء: معرفش ازاى انا ليا صاحبه ملتزمه كده
ساره: حظى المنيل انى عرفتكم شله هبله
ضحكوا هناء وساره وراحوا الدرس وقابلوا اصحابهم
خلصت ساره الدرس ورجعت ع البيت وكان لسه اصحاب تامر اخوها عندهم ..ساره فتحت الباب ودخلت وكانت مامتها قاعده بتتفرج ع التليفزيون ...........
ساره: السلام عليكم يااهل الدار
مامتها : وعليكم السلام يا حبيببتى
ساره: انا مصدعه اوى يا ماما
مامتها: ليه كده
ساره: درسين ورا بعض صدااع
مامتها: ربنا يجعل مجهودك دا خير
ساره: يسمع منك ربنا انا راضيه بالى ربنا كاتبهولى
مامتها: احب فيكى قناعتك بالمكتوب
بس لو تبطلى رغى فى الموبيل مع ملك ونت
ساره: هنبتدى الاسطوانه .. هو تامر لسه عنده اصحابه ?
مامتها : اه ياسر ورامى جوه ومعاهم مصطفى
ساره بتضحك: انا ياماما افتكرته مندوب مبيعات وكنت هقفل فى وشه تصدقى ..
مامتها بتضحك: عارفاكى ممكن تعمليها بس هو فى مندوب مش معاه حاجه ..
ساره : معرفش بقى .. بس انا مش فاكراه خالص
مامتها: اكيد مش هتفتكرى دانتى كنتى صغنونه لما كانوا ساكنين هنا
ساره: الصغنون بيكبر يا سوسو
مامتها بتضحك: ههههههههه ماشى يا صغنون
انا هقوم اعملهم عصير واحضرلك الاكل
ساره: مش لازم انا شويا وهاكل
مامتها: براحتك
قامت مامتها تدخل المطبخ وساره ماسكه الريموت عماله تقلب فى التليفزيون
وبعد شويا جه ل مامتها تليفون وردت ساره
ساره: الو
خالتها: ازيك يا سو عامله ايه فى الدروس
ساره: الحمد الله يا طنط ادعيلى بقى
خالتها: دعايلك ياحبيببتى انتى والى معاكى كلهم ..اومال فين مامتك
ساره: ثوانى اندهالك اصلها فى المطبخ
قامت ساره راحت المطبخ لمامتها
ساره: ماما خالتو ع التليفون
مامتها : طيب خدى العصير دخليه لاخوكى واصحابه وانا هروح اكلمها
ساره : اوكيه
اخدت ساره صنيه العصير وخبطت ع الباب ودخلت ...
ياسر : ايه دا ساره بنفسها تجبلنا العصير
رامى: امسك الخشب يا ياسر مينفعش كده دى فى ثانويه عامه
ساره باابتسامه : علشان بس تقدروا تتضحياتى انى اسيب المسلسل
الى طلعت من الدرس بسرعه علشان الحقه .. واخد الصينيه وادخلكم بيها
ياسر: ياااااااااااااه نكتبهالك فى التاريخ
ساره: ع الله يطمر فيكم انتوا اصلا عيال بق وعدتونى هتخرجونى انا واخواتكم ونفضتولنا
بتبص ل مصطفى : ينفع كده يا اخ مصطفى يكون عندهم اخوات بنات قمرات كده ويوعدونا ومينفذوش وعدهم
مصطفى اتلغبط : ها لا طبعا مينفعش
ساره: عرفنى بقى ع اختك علشان تنضم لشله ونعمل عليكم تحالف رباعى
رامى : ايه ياعم مصطفى انتى بتساريها فى الكلام كده ليه
دى ومها اختى لو قلت كلمه قدامهم بيقفشوا فيها
ساره بمسكنه: يعنى انا فى ثانويه من البيت لمدرسه لدرس ينفع كده فين عوامل التهويه
تامر: انتى بتشحتى خروجه ولا ايه خلاص يا ماما الامتحانات قربت انسى
ساره وع وشها معالم الاحباط: انسى.. انت بتسحب كلامك قدام صاحبك كده يعنى طيب لو مكنتش جبت مجموع حلو يبقى انت واصحابك الى عاملين اخواتى بق السبب
تامر : لا لو مجبتيش مجموع يبقى انتى الى مذاكرتيش عدل
ساره: مفيش اى مصلحه منكم ابدا يوووه
ياسر بيبص ل مصطفى : دى ساره اخت تامر الصغيره
مصطفى مستغرب من البنت الصغيره الى فاكرها كبرت وبقت لمضه كده ه
ساره: اعتقد كفايه عليكم كده ضاع من وقتى الثمين كتير معاكم
ورايا مسلسل ورغى ومذاكره ونوم
رامى: يااااااااه بتتعبى اووى يا سو
تامر : بتتعب مين ياعم الحج دى مقضياها رغى تليفون ونت
مع ملك صاحبتها الى اتعرفت عليها ع النت ولزقيين لبعض
مع العلم ان ملك من الزقازيق وبتنزل مصر علشان تقابل ساره
تليفون ساره رن : مش بقولكم مش فاضيه يلا اشربوا واى طلبالت محدش
يفكر يندهالى ها هعمل مش سامعه يلا سلام
قعدوا يضحكوا على كلام ساره وسابتهم ساره وطلعت ترد ع الموبيل ...
ساره: ملوكتى
ملك: سو عامله ايه يا حبى
ساره: لسه راجعه من الدرس وكنت بغلس ع تامر واصحابه
ملك: رامى وياسر برضه
ساره بتضحك: لا كان فى وجه جديد اسمه مصطفى بس تحسيه مؤدب
بتضحك ملك: مؤدب اشمعنى
ساره: يعنى بيسمع ولا اتكلم والى عليه ابتسامه فى وشه
المهم عامله ايه فى جامعتك
ملك: ماشى الحال
كملت ساره كلام مع ملك وهى بتقفل وخارجه من اوضتها لمطبخ لاقت اصحاب اخوها ماشيين
ساره وهى واقفه من قدام المطبخ: ابقوا كرروها تانى
ياسر : سلام يا سو شدى حيلك معهد خدمه اجتماعيه مستنيكى
ساره : فشر وادخل معهد كنت فيه ماله معهد السيده زينب
ضحكوا ونزل ياسر ورامى ومصطفى وهما ماشين فى الشارع
مصطفى : انا مبسوط اوى انى شفتكم بجد وشفت تامر ومامته
بس ساره اتغيرت خالص عن زمان
رامى: اكيد يا ابنى اتغيرت وبقى لسانها طويل ولمضه بتحب الهزار
والضحك اوى متعرفش تتكلم جد معاها
وعلشان بنوته وحيده وولد
فتلاقى الدلع كله عندها
ياسر: لا مش دلع ولا حاجه لحسن مصطفى يفهم دلع الى هو مرقعه البنات دي
مصطفى : لا خالص انا فهمت قصده ايه
ياسر: تعرف يا مصطفى ان من مجموعه بتاعه زمان مفيش غيرنا الى بنروح بيوت بعض وكلنا بنعامل بعض اخوات واخواتنا اخوتهم والعكس
رامى: علشان كده تلاقى ساره مبتهزرش ولا بتقاوح غير معانا
لاننا متربين مع بعض من زمان .. فدى طريقتها وهى ع طبيعتها
لكن لما بتتحول مقولكش والاحسن متتحولش
ياسر بيضحك: واضح يا رامى ان المنطقه منطقه المتحولاات
ضحكوا التلاته وهما ماشين
وصل مصطفى البيت من غير قصد وهو قاعد فى البيت بليل عمال يفكر ويفتكر اليوم ويضحك تليفونه رن ورد وكان ممدوح صاحبه وانتيمه
مصطفى : ايوه يا مان
ممدوح: فينك كده
مصطفى :فى البيت متيجى تبات معايا وروح شغلك من هنا
ممدوح : اشطه اقفل وانا جايلك
راح ممدوح عند مصطفى وقعدوا يرغوا وحكاله ع اليوم الى قضاه
مع جيرانه القدامى وحكاله عن ساره ولماضتها
ولاحظ ممدوح ان مصطفى كان مبسوط جدااااا بالزياره ديه
فى نفس الوقت ساره قاعده مع تامر فى اوضته بيتكلموا
ساره: قولى يا تيمى هو مصطفى دا منين ومخلص ايه
تامر بيضحك: هتضحكى لو قلتلك
ساره: شكلك هتقولى معيد
تامر : فعلا معيد فى كليه هندسه بكاليوريوس لمره التالته ه
انتى عارفه انى انا خلصت تجاره وياسر خدمه اجتماعيه
لكن رامى قابله صدفه فى الجامعه
كان بيخلص حاجه ليه وعرف انه سافر مع اهله
لكن دخل جامعه هنا بس مطول فى هندسه
وكلمنى رامى انا وياسر وعرفنا وقابلناه بره
فعزمته ع الغدا انهارده زى ما شوفتى كده
ساره: اهااااا يعنى الاخ طلع عضو فاشل تبع شيلتكم
تامر : حوشى النجاح الى بيوقع منك حد يا فاشله فى علمى يجيب 70%ويحول ادبى عاوز تجيبى ايه انتى مش عارفلك
ساره : ايه ايه دا اجيب ايه ربنا كاتبلى اتفسح فبتفسح الله اعترض بقى ع ارادته يا تامر يا اخويا الى بيحصلنا دا مكتوب ولا اعتراض فيه
تامر: صح يا ساره الخفه الذياده والاستظراف الى بيهل عليكى دا خفيه الواد مش ياسر ورامى علشان يستحملوكى ها
ساره : والله يا اخ تامر هو ونصيبه وع حسب المود
اصل الى بيدخل بيتنا وانا موجوده مفقود ولو جدع يخرج مولود
تامر: قومى يابت من هنا عاوز انام
ساره: طيب هتنام هاخد الاب بتاعك اخرجه من الاوضه اهويه
تامر : لا بجد انتى مفيش مدرسه بكره
ساره: صباح الفل بكره السبت
تامر: مفيش دروس طيب
ساره: مساء الفل بليل ان شاء الله ..
وبعدين انت بترغى كتير يلا نامى عندك شغل الصبح
خرجت ساره ودخلت اوضتها وفتحت النت وفضلت ترغى مع اصحابها وملك
__________________________
مر فتره ومصطفى بيروح عند تامر فى البيت هو وياسر ورامى
وبيصادف ساره ع حسب الظروف ومع الوقت اخدوا ع بعض وبقت بتتكلم معاه
زى ما بتتكلم مع ياسر ورامى هزار وهو اخد عليهم جدااا وبقى حاسس انه واحد من البيت وهما حبوه جدااا واعتبره ابنهم التانى بعد تامر
تليفون البيت رن ......
ساره : الو
مصطفى: ازيك يا سو
ساره: اهلا يا مصطفى اخبراتك
مصطفى: تمام بخير انتى عامله ايه فى المذاكره الامتحانات هانت اهى
ساره: متفكرنيش انا بيجيلى كوابيس كل يوم مع قرب الامتحانات
بس خير ان شاء الله هتعدى
مصطفى: تمام ان شاء الله نسمع خير ونشوفك فى الجامعه
ساره: فى حياتك يا خويا
تامر خرج من اوضته شايف ساره بتتكلم فى التليفون
تامر: ع الصبح مش عاتقه
ساره: يا مظلومه دايما ياساره مش ليا دا دا مصطفى عاوزك
تامر : مسكينه يابت صعبتى عليا روحى حضرى الفطار
ساره : امسك التليفون وعيش امك عندك انا الشهر دا مفيش حد يطلب منى اشيل كوبايه
تامر: يعنى هنشوف اسمك من المتفوقين
ساره وهى ماشيه : اتريق اتريق اذا كان اخويا الكبير مقضيها مقبول
عاوزنى اعمل ايه انا
تامر كان هيخبطها بالفوطه بس هى جريت ع اوضتها
تامر: معلش يا درش انت عارف ام لسان ديه لما بتفتح
مصطفى: ولا يهمك يا تيمو بقولك نتقابل انهارده فى وسط البلد
علشان نظبط فى فرح اخت رامى هنعمل ايه
تامر: انا كنت سامع انك مسافر
مصطفى: لا اجلته شويا وهقعد لغايه الفرح وهسافر
تامر : خلاص ع موبيلات بقى لانى هنزل دلواقتى مشوار
مصطفى : تمام اشوفك بليل
تامر كان ناسى موبيله ع الشاحن مقفول وافتكر لما مصطفى كلمه ع البيت
__________________________
جه يوم فرح اخت رامى وكانت ساره ومها اخت ياسر مع بعض
عند الكوافير العربيات كلها اتملت وركبوا مع مصطفى
مها قعدت قدام وساره قعدت ع الكنبه ورا .........
مصطفى : الى يشوفكم كده ميقولش دول عندهم امتحان كمان اسبوع
ساره: ليه يعنى كنا نيجى الفرح ومعانا الملازم
مها: ع فكره انتوا فاهمين الثانويه غلط
ساره بتبصلها وبتضحك: بلاش انتى احنا الى فاهمينها غلط
ضحكوا هما التلاته
ساره: بس احلام زى القمر ربنا يسعدها
مها: عقبالنا بقى بس نخلص الثانويه العامه ديه الاول
مصطفى: هو انتم عاوزين تتجوزوا قبل الجامعه
ساره: لا مش انا انا عاوزه اعيش كل مرحله من اولها لاااخرها
لااستعجل يوم ولا اخر يوم
مها: ونبى شكلك هتعنسى يا سو من كلامك
مصطفى بيبص ف المرايا ع ساره: لا ليه مش يمكن تقابل ابن الحلال وتغير رائيها
مها: ههههههه الى عندها اخوات ولاد واصحاب اخواتها ولاد وهى عندهم
اختهم يبقى صعب حد يقربلها احنا عايشين بحراسه محتاجين منقذ
ساره: والله انا مش مضايقنى الحوار دا
مصطفى: المهم شيدوا حيلكم فى الامتحانات وربنا يسهل
مها وساره: ان شاء الله
وصلوا لمكان الفرح وهاصت ساره ومها مع البنات رقص ولاحظ مصطفى النظرات الى بيتبص ليها ل ساره من المعازيم..........
فراح ناحيتها : ايه يا سو مش كده محسسانى انه اخر فرح هتحضريه
ساره: كبت بقى يا درش بعيد عنك وبعدين انت مركز معايا ليه
بص تامر ورامى وياسر هايصين هناك روح روح افرح وكده دااحنا فى فرح
مصطفى: ساره طيب اهدى شويا انتى اكتر بنت شعنونه الكل بيبص عليكى
ساره: مصطفى بقولك احنا فى فرح وهو انا مصدقت اخلع من تامر
وياسر ورامى تطلعلى انت اعمل نفسك مش شايفنى
مصطفى تنح من كلامها وسابته وراحت كملت رقص وخلص الفرح وروحوا
فى العربيه مصطفى هيروح تامر وساره ,,,,,,,
تامر بيبص ع ساره لاقاها فاصله خالص : اكيد هديتى نفسك من عمايلك
ساره: مش قادره ..
مش حاسه برجلى خالص وظهرى اه ياانى
مصطفى: انا قولتلك اهدى شويا انتى ومها مبتسمعوش الكلام
ساره: اه ياانى .. كنت محتاجه افك يا جماعه بس واضح انى انفجرت
تامر: احسن فرحان فيكى
مصطفى: لا الف سلامه عليك بس خلى بالك بعد كده
ساره: اه يانى ...
دا الى يشوف كده ميقولش انك اخويا يا تيمو من انهارده مصطفى اخويا رسمى
مصطفى : اخوكى رسمى
تامر: ههههههههههه يعنى حطتيه فى ركن ياسر ورامى
ساره: اها ع الاقل بيدافعوا عنى منك يا تيت
تامر: ياام لسانك لو ينفع اتبرى هتبرا منك
مصطفى ساكت وبيضحك ع اسلوبهم مع بعض لغايه ما روحوا البيت
ساره قبل ما تنزل من العربيه : صح يا درش انت مسافر صح
مصطفى: ايوه بابا عاوزنى فى موضوع اسبوعين وهرجع
ساره: امممم وامتحاناتك
مصطفى: انا معايا مادتين هامتحن واحده بكره والتانيه اجلتها لما ارجع
ساره: طيب تمام نلتقى ع النت بقى
مصطفى : تمام هتلاقينى ع طول اونلاين ابعتيلى buzz وهتلاقينى موجود
تامر: نفضلها دى رغايه لو فتحت فى الكلام مش هتفصل
ساره: ملكش دعوه انا ومصطفى بقينا اصحاب وهيستحملنى صح يا درش
مصطفى بيضحك: دا حاجه تشرفنى يا سو
ساره: واخد فيه ثواب ملوش اخوات فبحسسه بالاخت البنت ازاى
يلا بنعمل لينا ولااخرتنا
فضحك مصطفى من غير ما يعلق ونزلت ساره وتامر وروحوا البيت
__________________________
عدت فتره الامتحانات وكانت ساره ع طول بتتكلم مع مصطفى ع النت
ومصطفى بيجيلهم البيت بيقعد معاهم كتير وبيراجعوا ذكريات الطفوله
ولما بيجيلهم البيت بتقعد معاهم يهزر ويضحك وجت يوم النتيجه ,,,,
ساره: ربنا يستر النت التيت دا مبيجمعش
مامتها: متقلقيش كده خير والى يجيبه ربنا خير
ساره متوتره: خير خير الى مكتوبلى هشوفه
موابيلها رن
ساره: الو
مصطفى : عملتى ايه بكلمك ع النت مبترديش سالت تامر قالى لسه
ساره: بجمع ف الشبكه مش بتجمع والنت تقيل اوى
مصطفى: طيب هاتى رقم جلوسك
ساره : هبعتهولك فى رساله
مصطفى : تمام
ساره: مصطفى اخبطنى بالخبر باى كان ولا اقولك ابعتها ف رساله
مصطفى بيضحك: متقلقيش ان شاء الله خير
بعد ربع ساعه موبيل تامر رن ,,,,,,
تامر: ايوه يا درش
ساره ومامتها بصوا ناحيه تامر بااندهاش
ساره: يبقى انا سقطت يا شيلت دور تانى
مامتها: ايه الفال دا بطلى ... تامر ايه حصل
تامر : اامم شكرا يا درش .. اكيد اكيد .. يلا سلام
ساره قاعده متنحه ل تامر ومامتها راحت ناحيته
مامتها: ايه حصل
تامر: بنتك العبقريه
مامتها : مالها
تامر : جابت 75%
ساره: الحمد الله خضيتنى افتكرت سقطت ولا شيلت
تامر: ودا ان شاء الله تدخلى بيه ايه الحمام
ساره : لا هعمل بيهم حمام مخصوص
تامر : يخربيت ظرفتك هو دا مجموع يعنى
مامتهم: الحمد الله انه مسقطتش لان كان عندها وسواس بكده
تامر : اممم بصراحه عندك حق دى مها اخت ياسر عادت السنه
ساره مخضوضه: ايه السنه بحالها
تامر: الحمد الله انك نجحتى من الاساس
بس شوفى هتدخلى ايه
ساره: مش اشوف التنسيق الاول
تامر: اه صح مصطفى عازم نفسه ع الغدا عاوز يشرب الحاجه الساقعه
ساره : اه صحيح هو ليه مكلمنيش
تامر يبيضحك: حب يخضك
ساره : يخضنى مااااشى لما اشوفه
مامتهم: كلمى باباكى قوليله بقى ولا استنى لما يرجع من الشغل
ساره: لا هكلمه لانه كلمنى وقلتله اول ما اجبها هكلمك
راحت ساره تتصل بابباها وباصحابها تسئل عليهم ومصطفى جه ع الغدا واتغدوا وقعدت
ساره تناقر فيه برضه هو وتامر
__________________________
يوم كانت ساره قاعده ع النت دخل كلمها مصطفى
مصطفى: ايه يا سو الاخبار تنسيقك نزل
ساره: هروح بكره اجيب الاوراق وهملها وارجع اقدمها
مصطفى: طيب كويس تحبى اجى اوديكى
ساره: لا شكرا مش مستهله هقابل اصحابى هناك
مصطفى: خلاص اعملى حسابك هعدى عليكى هناك
انا رايحه الكليه عاوزين حاجات
فهجيبها وانا راجع هعدى عليكى
ساره: تكسب ثواب ف اختك تشكر
مصطفى: يلا اهو اعمل الخير وارميه
قفلت ساره وقالت لمامتها ان مصطفى هيرجعها
راحت تانى يوم بالمترو وقابلت اصحابها وسحبت الاوراق وهى واقفه تليفونها رن كان مصطفى ركبت معاه وروحها لغايه البيت وتامر نزل ركب معاه ومشى علشان هيقابلوا اصحابهم ,,,,,
فى البيت ساره عماله تملى الرغبات لاقت مصطفى عندهم فى البيت ,,,,
مصطفى: ايه خلصتى مليتى الاوراق
ساره: لا لسه برتبهم
مصطفى : بصى حطى كل كليات عين شمس مع بعض
ساره: تامر قالى كده علشان المسافه
مصطفى : ايوه علشان مش هتخرجى من واحده فيهم
ساره: ان شاء الله اسيبكم انا وداخله اوضتى اكمل
مصطفى قاعد مع تامر
تامر: انت ليك اصحاب كتير فى عين شمس سواء تجاره او حقوق او اداب
مصطفى: ايوه
تامر: انت بقى هتبقى عينا الى مع ساره ف الجامعه انت عارف حوارات الجامعه يا درش
وانت اغلب وقتك مقضيها ف الجامعه فساره امانه معاك بقى وزى ما تجيلها
مصطفى: طبعا طبعا حتى لو مها دخلت نفس الحكايه انا وعدت ياسر قبل ما يسافر
تامر: وانا عارف انك اد كلمتك والثقه كمان
انا هبقى مشغول فى حوار الشغل الجديد ورامى بيجهز علشان فرحه
مصطفى: متقلقش يا تامر
__________________________
عملت ساره ورقها وقدمته وجالها التنسيق حقوق عين شمس
ومصطفى سافر فى اجازه الصيف لااهله وباءت المحادثات بين مصطفى وساره ع النت وفمره ساره كانت فاتحه مصطفى دخل يكلمها ....
مصطفى: مبروك يا متر
ساره بتضحك: متر ايه داانا لسه فى اول السطر
مصطفى : مستقبلا يعنى
ساره : ههههههه وانت فاكرنى هشتغلها دا التنسيق الى جبرنا
وكم حد فينا التنسيق هو الى زنقه
مصطفى: قولى الحمد الله انك مش اقاليم
ساره: الحمد الله ..
وهنبقى زمايل جامعه واحده اهوه بس كليات مختلفه
ابقى خلينا نشوفك بقى
مصطفى: هههههه متقلقيش من كده وخلى بالك هتكونى متراقبه
طول الوقت وهتلاقينى ع دماغك ومامتك وتامر عارفين كده
ساره: هما لحقوا سلطوك عليا
مصطفى: انا بقولك اهو اى حاجه عاوزاها قوليلى
ساره : ان شاء الله ..
بس مش هتقفش عليا لما يبقالى زمايل ولاد
مصطفى: لا حقك بس حقى الى معايا انى اعرف مين زمايلك
وخليكى فاكره هتلاقى فى وشه فى اى وقت
ساره: الله انتم خططتوا لكل حاجه
مصطفى : والمكان كله محاصر هههههههههههه
ساره: الفاتحه ع المرحومه
وفى نفس الوقت فتحت ملك ودخلت محادثه جماعيه مع مصطفى وساره ...
ساره: اعرفك يا ست ملك بالاستاذ مصطفى الاخ الغير شقيق رقم 3
بعد رامى وياسر طبعا انتى مشفتهمش بس انا بعرفك لان احتمال
كبيبر هتشوفيه قريب
ملك: فرصه سعيده يا مصطفى
مصطفى: احتمال ايه لا اكيد ع فكره
ملك: بس هو ايه الحكايه علشان افهم
ساره: مش انتى قولتى هتنزل القاهره اسبوعين اول الدراسه وهتيجى معايا الجامعه
ملك: ايوه
ساره: انا بعرفك مقدما لان هتلاقينى مش لوحدى هتلاقى مصطفى باشا منورنى فعلشان المفاجاءه حبيت تكونى عارفه ا
ملك: ههههههههههه يا اهلا بالاخوه الاشقاء ..
ساره حكتلى كتير عنك وعن رامى وياسر
ومن حكاويها حبيت اشوفكم اوى
مصطفى : اهلا بيكى .. طبعا دى حاجه تشرفنى
ساره: شكلها هتبقى سنه زى الفل ان شاء الله
ضحكوا كلهم واستمرت طول الصيف المحادثات الجماعيه بينهم واوقات رامى
يدخل وتامر بس الاغلب بيبقى بين مصطفى وملك وساره |
__________________________
وفى يوم وساره فاتحه النت لاقت مها اخت رامى عملتلها اضافه فى جروب وهى مكنش ليها فى الموضوع دا دخلت بصت فيه وكانت هتعمل خروج لاقت محادثه جماعيه مستلمين مها الش عليها ومها مش عارفه تصد فدخلت وسطهم وكانوا الحوار داير بين 3 ولاد وبنت من اسكندريه
وبنت تانيه ومها من القاهره ......
ساره: ايه يا بشر معندكمش اخوات بلاستك البنت هتفرفر منكم
احمد: مين الوجه الجديد ان شاء الله
ساره: وجه جديد ليه هو انا داخله اعمل كاست
محمد: ههههههههه اه اعتبرى نفسك كده انا المخرج
ساره: طيب ما تخرج حد حايشك
عمرو: لالا دى داخل تخبط
ساره: ماانتم الى مش حاطين بابا اخبط عليه
مها : ايوه كده اديهم يابنتى عيال تيت قفشونى ومش سايبنى علشان
كلهم اسكندرانيه وانا القاهرويه الى فيهم
ساره: ماهو انتى الى هبله خليتيهم يعملوا كده
محمد: احنا بنهزر ع فكره
ساره: وانا بهزر ع فكره كانت معاكم ساره من القاهره
هتقولوا ذيع هذيع هتقولوا لا هذيع برضه
كلهم ضحكوا ع القفشه بتاعتها
مها: اعرفكم دى ساره اختى فى الجيره يعنى جيران ومتربين من صغرنا مع بعض خريجه ثانويه عامه طازه ودخلت حقوق اد الدنيا
احمد: الى يشوفك وانت داخله تتكلمى يفتكرك متخرجه
ساره: لا مش عاوزه اخرج دلواقتى
احمد: ههههههههههههههه لا كده مش هنخلص
مها : اعرفك يا ساره احمد ومحمد وعمرو ولاد خاله ..
والتلاته خرجيين تجاره السنادى
ساره: اهلا وسهلا فرصه سعيده اخبار البحر عندكم ايه
عمرو: مش بنشوفه
ساره : ليه اتشفط ههههههههههههه
احمد: البركه فيكم بتيجوا تستولوا الشواطئ فى الصيف
ساره: البركه فينا انا فى بيتنا حضرتك
محمد: بلاش ظلم دول بينورو اسكندريه
ساره: تسلم منوره بناسها
عموما فرصه سعيده يا بشر انا مضطره اقوم واقفل دلواقتى
احمد ومحمد وعمرو: احنا الاسعد
احمد: ابقى تعالى متغبيش كده لشاى يبرد
ساره: ابقى اشربه انت
وقفلت ساره وهى بتضحك من الحوار الى حصل وكانت نازله مع مامتها وخرجت واستمرت فتره الصيف مها تبعتلها تدخل الجروب ويفضلوا يتكلموا ويهزورا شبه يوميا من ناحيه مصطفى وملك ومن ناحيه مها والاصدقاء الجداد الى من الاسكندريه .......
وفى مره وهما بيتكلموا لاقت رساله ع الخاص من احمد .......
احمد: ممكن اعملك اضافه ولا مكهرباه
ضحكت ساره ع الطريقه: طيب استنى اشوف الفيشه فين علشان اشيلها ومتتكهربش
وبعتلها اضافه احمد وبعده محمد وعمرو وبقوا كلهم بيتجمعوا فى محادثه
جماعيه لما بيكونوا اونلاين ويسهروا طول الليل وبقى الصيف عند ساره النهار نوم وطول اليل نت مع مصطفى وملك لما بيفتحوا
ومن ناحيه التانيه مروه ومحمد واحمد وعمرو لما بيفتحوا
بس اغلب الوقت كانت بتتكلم مع احمد خاص وكان كل مره بيألشوا ويرخموا ع بعض
__________________________
وجه اول يوم دراسه وكانت ملك قاعده عند خالتها
وعدت ع ساره راحت الجامعه وقبل ما يدخلو كان مصطفى مستنيهم
واول مره تشوف ملك مصطفى انبهرت بمنظره
ملك: مين دا يا ساره
ساره: دا مصطفى يا بنتى ماهو اتفق معايا اول يوم هيكون معايا
على اساس متهش واعرف الاماكن يعنى
ملك: وكنتى مخبياه فين دا بقى
ساره: هههههههه ايه دا انتى عينك زاغت ولا ايه
لا اثبتى دا المعامله المسموح بيها اخوات غير كده ممنوع
ملك: اخوات ياادى الحظ يلا بس دا ليكى انما انا يا مرحب بالاصدقاء
ضحكت ساره: ههههههههه يخرب عقلك
قابلوا مصطفى عند البوابه ودخلوا سوا وطول الوقت ساره بتهزر هى ومصطفى وملك عايشه فى جو تانى وهى مركزه ع مصطفى
مصطفى بيكلم ساره : انتى عرفتى جدولك اهو ومكان المحاضرات فين ولففتك الجامعه اهو
ساره: وعزمتنا ع الفطار وشاى وعصير كمان دا انت لقطه
مصطفى: على الله يطمر بس داانتى بتذلينى ع كوبايه الشاى عندكم
ساره: خلاص نقضيها خد هات اعزمك فى بيتنا ع حسابهم
وتعزمنى هنا على حسابك وكده خالصين
ضحك مصطفى : ههههههههههههه لا ناصحه يا سو
ساره بتبص ع ملك : مالك يا لوكا الى يشوف كده يقول مؤدبه
ملك خبطتها ع دراعها: متلمى لسانك
مصطفى: واضح انها مكسوفه من وجودى هسيبكم انا وهروح جامعتى وهكلمك ياساره ركزى ع موبيلك لان تامر قالى انه هيجى ياخدك انهارده اول يوم وكده
ساره: ايه الدلع دا ناس تودينى الجامعه وناس ترجعنى لا كتير بجد
ملك بتضحك: يا بختك
مشى مصطفى وملك وساره فضلوا فى الجامعه يلفوا وقابلت بنات وولاد كانوا معاها فى المدرسه والدرس
وقضت اليوم وروحت البي ...
__________________________
مرت شهر ع دخول ساره الجامعه وكانت ملك فى اغلب الاوقات
بتروح معاها ومصطفى بيبقى موجود يوميا ....
فى يوم ملك كانت بتتكلم مع ساره
ملك: بقولك يا سو
ساره: ها
ملك:هو مصطفى مرتبط ولا فرى
ساره: اعتقد فرى لانه لو مرتبط كنت هعرفها
ملك: امممم انتى مبتزهيقيش من كل يوم معاكى
وبيخنق عليكى كده
ساره: هو فى حد بيزهق من الاهتمام لا بالعكس انا مطمنه اوى وهو موجود
ملك: اهتمام مصطفى بيكى دا مش اوفر يعنى
ساره بصتلها: لا يابنتى عادى هو علشان معندوش اخوات
وفى البيت قالوله عليا كاامانه عنده فهما مطمنين عليا معاه
وبصراحه انا مبسوطه بكده
ملك: بصراحه كده عينك مرحتش عليه يعنى مفكرتيش فى حاجه كده ولا كده
ساره ضحكت: ههههههههههه لا يا شيخه ودا ازاى ماانتى عارفه الى فيها
هو بيعاملنى كااخت وانا معتبراه صديق مقرب واخ معايا
ساره: بس ليه بتسئلى فى حاجه ولا ايه
ملك: لا ابدا بيبنى وبينك بقول يا بختك انا نفسى فى حد معايا كده
ساره: ع فكره مصطفى بيعزك اوى انا بحكيله عنك كتير زى ما بحكى عنه معاكى
ملك: بتقوليله ايه الكويس ولا
ساره: عيب عليكى ولا طبعا هههههههههه
ملك: بجد مصطفى فى الفتره القصيره الى شوفته فيها من اول مره
وانا شيفاه انسان كويس جدااا يابخت الى هتكون من نصيبه
ساره: فعلا يا بختها ..بس هو انا هسيبه
ملك بصت لساره اووى : يعنى ايه مش هتسبيه
ساره: يعنى مش سهل اى واحده تاخده لازم تكون تنقيه عنيا يا لوكا
ملك اتخضت افتكرت ان ساره قصدها ليها : اها الى فيه الخير ربنا يقدمه
ساره: بصى ياحبى حياتنا ديه مكتوبلنا كل الى هيحصلنا اللهم لا اعتراض
فكل واحد يرضى بالمكتوب علشان ربنا كريم
ملك: ونعم بالله
__________________________
عدى اسبوع وملك كانت سافرت لاااهلها الزقازيق
فى يوم بليل فتحت ساره نت ملقتش حد غير احمد
فاتح استلمها شويا رخامه وقفلت معاه
ودخلت تنام لاقت تليفونها بيرن وكانت ملك
ساره: فينك يا لوكا مدخلتيش نت ليه
ملك: سو انا قررت اعمل حاجه بعد تفكير وقلت اقولك
ساره مخضوضه : خير فى ايه
ملك: انا ..............
__________________________
يتبع
جميلة
ردحذفاي ده هو انتى سارة اللى ف الروايه
حذف