(15)
ابتدا "على واحمد" الشغل الجديد ف المطعم مع "جميله"وقل شويا شغل "ابراهيم" بسبب الل حصل وبعد "ابراهيم" شويا عنهم وكان شغل "على" يعتمد ع مكالمات الل تجيله وكان "على" معاملته قاسيه قوى مع "جميله" ودايما بيتجنبها ولما يتكلم يخبط بالكلام وكان "احمد" بيدخل يلطف الجو ويهزر ويضحك مع "جميله " ... المطعم ال اشتغلوا فيه كان ف نص اليوم بيقفل ساعه تنضيف وتغيير شيفتات وكانت يعتبر راحه لموظفين والعمال وغدا ليهم ... كان "على" عكس "احمد " جدااا .. فكان اول ما تيجى ساعه الراحه كان "احمد" يقعد مع الموظفين ومايله وتكلم معاهم وكان فيهم جنسيات تانيه وكانت طريقته ف الهزار والضحك اقرب تواصل عن الكلام فكان بيقعد معاهم وبيندمج .. لكن "على" كان بيروح يقعد لوحده ع ترابيزه بعيده وقدامه الاكل ياكل بسيط ويكمل باقى اكله والساعه شرب سجاير ... !
فى يوم وهما قاعدين ياكلوا مع بعض :
احمد بصوت ومبتسم واتكلم عربى : اللمه حلوه اوى
جميله بتضحك: ع اساس هما فاهمينك مبيفهموش عربى
احمد بيغمز لواحده من الل قاعدين "اجنبيه" : الاحساس بيوصل
جميله ضحكت : انت مشكله يا "احمد" بجد دايما بتفصلنى ضحك وبتهزر ومقبل ع الحياه بخفه دمك كده عكس صاحبك الرخم "على" هو ليه كده كاره الحياه بشكل فظيع مش مقدر نعمه ربنا
احمد ابتسم نص ابتسامه وسكت ..
جميله : بجد يا احمد هو مبيضحكش خالص ولا فى المناسبات بس ؟
بص احمد ع "على" وهو قاعد بعيد مولع سيجاره وبينفخ فيها بتنهيده
ملامح احمد اتغيرت : "على" .. "على" كان اكتر انسان مبهج ع الحياه وابتسامته مبتروحش
"على" يعنى التفائل مهما كانت الظروف .. كان اكسير المقاومه لظروف الحياه ليا فعلا
جميله مستغربه: مين دا ..اكيد تقصد حد تانى استحاله يكون "على"
احمد رجع بص لطبق الل قدامه بعد ما اتنهد : متحطيش ف بالك
جميله: لو هو فعلا كده ايه الل خلاه كده دا قطعه جليد متحركه صعب اوى
احمد سكت لحظات: ومين فينا مبيتغيرش .. هى الدنيا كده ياتغيرنا للاحسن
بص احمد ع "على" : يا ل الاسوء
جميله: مش فاهمه
احمد باابتسامه: مش مهم تفهمى المهم خلصى علشان هنستلم الشفت
وهتغسلى الاطباق انتى فاهمه انا بوشت يا جيمى بوشت
ضحكت جميله: اتفقنا وهتعزمنى ع نسكافيه
احمد: من عنيا المهم اترحم شويا هو انا وشى وش صابون مواعين من وقت ما جيت لندن
جميله بتضحك : بتفكرنى ب سبونج بوب وهو بيطلع منه رغاوى
احمد : ها .. هو انا وصل بيا الحال ل سبونج بوب .. فينك ياما ابنك بقى سفنجه
ضحكت "جميله" و "احمد" و"على" لاحظ هزارهم مع بعض واستغرب تقرب "احمد" ل "جميله" بالسرعه وبالشكل دا ... شويا ورجع "احمد" يبص لطبقه ويكمل اكل و"جميله" بصت ع "على" وهو قاعد بعيد وبينفخ ف السيجاره ... رغم قساوته معاها وتغيره المفاجاءه ف المواقف الا انها حاسه بحاجه شداها اتجاهه فضولها عن هو ليه كده خلااها متبطلش تفكير فيه ...!!
مره فتره ع شغلهم ف المطعم ففمره لاحظت "جميله" اسلوب "على" الحاد مع زمايله ومبيقبلش الهزار .. ومره شافت وهو بيلغبط الاوردرات ومش بيعتذر بطريقه شيك فببتدخل "جميله" تصلح الموقف بلباقه وشياكه ...واتكررت مواقف من دى كتير و"جميله" تصلح ورا "على" ...فى مره و"على" بيقدم طلب لزبونه لكن وهو بيحط الطبق عمل صوت جامد
على بملامح حاده من غير ابتسامه : اتفضلوا
الزبونه : انت بتحط الطبق كده ازاى مثلا لو وقع عليا
على بملامح حاده خاليه من الابتسامه : انا حطيته عادى ..
الزبونه بعصبيه: يعنى انا بتوهم ولا ايه .. انت رزعت الطبق قدامى
على بملامح حاده : انا مرزعتش اطباق .. والف هنا مقدما
الزبونه بصوت : فين المدير
فى الوقت دا "على" وقف وكانت "جميله" خارجه من المطبخ وسمعت الل حصل وجريت بسرعه لزبونه.. وباابتسامه: ايوه يا فندم ..تحت أمرك
الزبونه: انا عاوزه المدير .. انتواايه الل مشغلنهم دا؟
جميله بتلم الموقف ومبتسمه : بهدوء حضرتك كده فى ايه ؟
حكت الزبونه الل حصل .. جميله ب ابتسامه : احنا اسفين جدا يا فندم زميلى
"على" بيمر بظروف صعبه الفتره دى ومش واعى شويا لكن هو انسان كويس واكيد ميقصدش .. وبكرر الاسف احنا اسفين جدا
الزبونه اتحرجت من اسلوب جميله الشيك وابتسامتها : لكن ميتصرفش كده
جميله شالت الطبق وباابتسامه: احنا اسفين جداا فعلا ووجبتك انهارده ع حساب المطعم
ومعاه الحلو المخصوص المشهور بيه المكان ومشروبك المفضل
الزبونه ابتسمت: ميرسى ..
شاورت جميله ع ويتر زميل ليهم جه اخد الطبق وادته الاورد ومشى
وباابتسامه: اهلا بيكى ف المكان ..استمتعى بوقتك
الزبونه ابتسمت : ميرسى
مشيت "جميله" وبصت لقت "على" باصص عليها وع وشه نظره حاده ودخلت المطبخ
وقبل ما تدخل راح وراها "على" ونده عليها: جميله ..جميله
جميله: ايوه
على بعصبيه : ايه الل عملتيه دا .. وظروف ايه الل عندى وايه دخلك اصلا ؟
جميله وقفت هدت نفسها من اسلوب "على" العصبى وردت بهدؤء واستغلتها فرصه ترد عليه : عاوزنى اقولها ايه .. اقولها سورى يا فندم اصله مش طايق نفسه فبيطلع عصبيته
وطباعه السيئه على الزباين الل هو هياخد مرتبه منهم ف كل اول شهر ولا اقولها سورى يا فندم هو يتصرف براحته عاوزه تقعدى اتفضلى مش عاوزه مع السلامه .. لالالا استنى
ولا كنت اخليها تتكلم مع المدير ويرفدك وانت لسه مكملتش شهرين .. حضرتك موقف زى دا هيتسبب بسمعه وحشه لمكان وصاحبه ميستهلش مننا كده ..
على لسه هيرد "جميله قاطعته وكملت : اه وايه دخلنى ... ببساطه علشان بحافظ عليك وعلى شغلك لانى عارفه انكم صعب تلاقوا شغل بظروف الل عندكم انت و "احمد " ومش هتلاقوا مكان زى دا وبمرتب زى دا مهما دورتوا ...
على : ع فكره لو دورنا كنا هنلاقى وهنلاقى كتير
جميله ضحكت : والله ... بس عاوزه اقولك حاجه ع فكره انا انقذتك .. بدل ما تقولى شكرا ..جى تتعصب عليا ع العموم شكرا ..عاوز حاجه منى تانى
على معرفش يرد عليها : لا مفيش
جميله : اوك .. نروح نكمل شغلنا ..اكل عيشنا يا "على"
على بصلها .. "جميله" لفت ادتله ضهرها ورجعت بصت لقته لسه واقف:
جميله ميت اتجاهه خطوتين : على .. عاوزه اقولك نصيحك تنفعك لزمن لو هتمشى من هنا احدى الاسباب هتكون وشك وهيكون برضه سبب انك مش هتعمر ف مكان تانى
على ب استغراب : نعم
جميله : ابتسامتك الل خايف تظهرها دى حاول تبتسم .. الابتسامه ف وش غيرك بتديله طاقه ايجابيه وممكن يكون محتاجها ويحس براحه .. ابتسم علشان الدنيا مش محتاجه وشوش غامقه ... ابتسم علشان تحارب الحياه بسلاحك دا الابتسامه بتهز قدامها اى حاجه .... الابتسامه صدقه ورزق متقطعهاش ولا انت متعرفش ..
على ساكت مش لقى رد ... جميله : بص هقولك طريقه سهله اقف قدام المرايه واضحك .. هتلاقيها حلوه .. جرب كده ومش هتندم .. مش جنان جرب بس وصدقنى مع التدريب هتحس انها عادى .. يلا باى
"على" استغرب انه مش عارف يرد عليها ودخلت وع وشها ابتسامتها
وهو خارج سمع ان المدير عاوزه راح عنده ودخل
على: حضرتك طلبتنى
ادم: ايه الل سمعته دا
"على" لسه هيبرر تصرفاته ويعتذز .. ادم قاطعه واتكلم : لولا تصرف وتدخل "جميله" كان
هيبقى ليا تصرف تانى .. ودا مش اول مره.. "جميله" انقذتك كذا مره .. ولولا انى عارف انك محتاج الشغل كان هيبقى ليا تصرف تانى ..ياريت يا "على" نهتم بشغلنا ومعاملتنا مع زباين المكان وميتكررش اللى حصل دا ... ولا هتفضل "جميله" تشيل مشاكلك ؟
على اتحرج : اسف ومش هيتكرر تانى
ادم: ياريت .. اتفضل
على محرج: عن اذنك
خرج "على" وهو مضايق من الموقف الل حصل وطريقه "ادم " الحاده معاه واستغرب اكتر من تدخل "جميله" وانقاذه ف كذا موقف وهو مش عارف والكل عارفين ..خرج من مكتب "ادم" بص لقى "جميله" ف وشه بتضحك وع وشها ابتسامه بتكلم مع واحد صاحبهم من العاملين ورجعت المطبخ..ف الوقت دا قرر "على" ينتبه لنفسه بعد كده وميسمحش لحد يدخل ف حياته ..!!
كان "على" بيخرج هو و"احمد" من الشغل ويرجعوا ع شقتهم .. "احمد" قدام التليفزيون وبياكل
و"على" بيولع فى سجاير وقاعد ساكت ... مرت فتره ع الحالل دا ففى يوم اجازه الويك اند
"احمد" ماسك طبق فيشار كبير وقاعد قدام التليفزيون بيتفرج ع فيلم كوميدى وبيضحك ولاحظ "على" مبيضحكش "احمد" رزع الطبق ع الترابيزه : ايه الملل دا يا جدع
على ساكت ... احمد بصوت اعلى : هو انا عايش مع تمثال من متحف الشمع وانا معرفش
على بصله: انت بتقول حاجه
احمد: بفكر اجيب زجاجه مايه من التلاجه
على : ما تقوم
احمد بيبرطم بالكلام مسك طبق الفيشار واكل : ايه الحياه الممله دى .ع الاقل ف السكن ف اجازه الويك انك كنا بنتجمع ولما بنتفرج ع فيلم بنضحك ونهيس بحس ان ف بشر معايا ولما نزهق اوى كنا بنخرج ..
على : مالك مالك
احمد بيبص حواليه : شاحتين طوال عراض قاعدين لوحدهم ف الهوا دا ومبنعملش حاجه غير نتفرج ع التليفزيون دا احنا مغلبناش البنات حتى ...البنات تلاقيهم منطلقين دلواقتى
على طفى السيجاره : يعنى عاوز ايه .. عاوز تخرج ..اخرج مفيش حد ماسكك
احمد: يعنى هخرج واسيبك لوحدك
على قام يبص ع موبيله ع الشحن : اصلى هخاف انا لو قعدت لوحدى ..
احمد بملامح غيظ من "على" : يخربيت الطوب الل بتحدفه ... انا غلطان انى قاعد معاك علشان متقعدش لوحدك .. ياريتنى استوطى معاك وانفضلك لكن مبعرفش ..مبعرفش
"على" شايف "احمد " بيكلم نفسه وهايبر اوى ومهيس وابتسم ..
ف اللحظه دى موبيل "احمد" رن وكان رقم "جميله"
احمد باابتسامه منشكحه: جيمى
جميله: هاى ..حماده ايه اخبار الويك اند ؟
احمد : ملل وزهق وقرف
جميله: طيب ما تنزلوا اسهروا معانا
احمد فرح ومن غير تردد : بجد ..فين ؟
جميله : هبعتلك العنوان ..عاملين عيد ميلاد صغير ل "مادو" تعالوا اقعدوا معانا هتنبسطوا
احمد بسربعه وانشكاح : مدام هنزل من متحف الشمع دا اكيد هنبسط .. ابعتى وهتلاقينا عندك ..احنا اصلا جنبك وانتى مش واخده بالك
جميله بتضحك: مستنياكم
قفل "احمد" و"على" بصله: فى ايه
احمد: جتلنا خروجه اهو يلا بينا
على: جتلنا وبتجمع ليه .. انزل انت انا مش نازل
راح "احمد" مشى اتجاه "على" وشده من دراعه: وانا مش هنزل من غيرك يا جدع
هتقضيها سجاير لا تعالى شم هوا نضيف ع الاقل تغير اكسجين الرئه الل هريت امها دخان علشان لما تشرب سجاير تانى تشرب ع نضيف
على : بتتريق .. مش نازل انا
بعد الحاح وزن "احمد" لبس "على" ونزلوا ع العنوان وكان كافيه صغير متوسط عادى جداا وكانوا اغلبهم موجودين "جميله" شافتهم شاورت ليهم من بعيد انهم يدخلوا .. دخلوا سلموا وقعدوا وطفوا الشمع و"على" قاعدمش مرتاح ولا عارف يندمج معاهم ولا يخرج من القاعده علشان هيبقى واضح لكن شد نظره تعامل "جميله" وروحها الخفيفه وابتسامتها وهزارها مع "احمد" وانهم كانوا بيحطوا من كريمه التورته ع وشوش بعض وبيهزروا وضحكهم عالى... وكانت القعده ف منتهى البهجه الا على" كان حاسس ان مكانه مش هنا .. جاله اتصال من "ابراهيم" وبعتله رساله فيها عنوان زبونه .. راح قرب من "احمد" وشوشه ف ودنه .."احمد" بعد ما كان مبسوط وشه اتغير ومشى "على" .. جميله : هو "على" راح فين ؟
احمد بص ل جميله: ها .. اه مشوار ف صديق ليه عاوزه
جميله: وانت وشك اتغير ليه كده
"احمد" بيبص ع "على" وهو ماشىوملامح ضيقه ع وشه : اصله صديق مش بحبه ولا بطيقه وبدعى ربنا يبعد عن "على" كفايه كده بقى .. كفايه بقى
جميله استغربت: لدرجه دى هو انسان مش كويس ؟
احمد ومركز نظره ع "على" : جدا جدا .. انسان الل يعرفه بيسوء حالته
جميله : ليه بيعمل ايه .. وليه "على" معاه ؟
اختفى "على" من قدام نظر "احمد" وانتبهه "احمد" من كلامه و لاحظ انه هيقول كلام مش لازم يقوله راح حط صوباعه ف كريمه وحطه ع خد جميله وبيضحك: علشان كده
ورجعت القعده ضحك وهزار.... وروح "احمد" البيت ودخل نام و"على" رجع متاخر يا دوب اخد دش ولبس وصحى "احمد" ونزلوا علشان الجرايد والمجلات ومتكلموش لان "احمد" حس انه بيكلم هوا وف نفس الوقت محبش يضايق "على" ...!!
بعدها بااسبوعين وهما قاعدين وقت الغدا ف المطعم بيتكلموا كان "احمد" و"جميله" بيناقروا بعض كتير و"على" كالعاده قاعد بعيد ...
جميله: حماده ..احنا اتفقنا اننا هنقضى الويك اند الجى طول اليوم مع بعض انت معانا اوكيه
احمد باانشكاح: اوكييييييييه دارلنج
جميله بتبص ع على : مش هتسأل "على"
احمد بثقه : يا حبيببتى انا مكان ما هكون "على" هيكون موجود .. احنا مبنتفرقش عن بعض ابدا
جميله بتضحك : الل يسمعك يقول اتنين مرتبطين مش اصحاب
احمد بملامح جد: احنا فعلا مرتبطين ..مرتبطين بكل الحلو والوحش نعيشه مع بعض
جميله لاحظت تغيير ف ملامح احمد وتاثره .. و "احمد" لاحظ فهزر : احنا الحب الحب
جميله بتضحك : ياسلام ع الثقه دى
احمد : تحبى تشوفى .. استنى
قام "احمد" راح ع ترابيزه "على" وهو بيشرب السجاير : لوول
على : خير
احمد بملامح جد : طالب منك خدمه ممكن ؟
على : خير
احمد بملامح جد : "جميله" مكسوفه ومحتاجه قرشين وقلت انت هتسلفها لانك عارفين مفلس
على اتفاجئ: انا تستلف منى انا
احمد : ايوه يابنى ... وهى مستنيه الرد لو ينفع بص ناحيتها وحرك راسك بالموافقه
"على" بص اتجاه "جميله" وكانت بصاله وحرك راسه بالموافقه وبصلها "احمد" وغمزلها وضحكت "جميله" ..كملوا اليوم و"على" مش فاهم حاجه ورجعوا البيت ودخل "على" اوضته طلع الفلوس وخرج وبيديها ل "احمد"
على: امسك الفلوس اهى
احمد: فلوس ايه لا شكرا معايا
على : مش ليك .. لجميله
احمد ضحك: انت صدقت
على: مش فاهم
احمد بيضحك: دااحنا اتفقنا ع خروجه ف الويك اند وانا اترهنت معاها انى هقنعك تيجى
"على" مسك مجله كانت جنبه وحدفها ع "احمد" ووجعت "احمد" : اى ىى ايه دا يا جدع
على بعصبيه : اسمه ايه دا ها ..ها .. بتكدب عليا يا احمد وانت عارف انى بكره الكدب اكتر حاجه .. وتراهن عليا انت تكوينك ايه ؟
احمد : اسف ياعم اسف ..بس فعلا كنت عاوزك تيجى معانا تغير جو .. انت مبتخرجش خالص ولو بتخرج بالعافيه ولما بتنزل بتروح مشاويرك الل تسد النفس دى وانا حبيت نقضى وقت حلو مع مجموعه حلوه وانت عارفهم مش اغراب .. مغلطتش انا
على بنرفزه : مش رايح ف مكان
احمد: ويرضيك تحرج صاحبك وانا الل ع طول بقولها انا و"على" واحد
"على" بص ل "احمد" بنرفزه ودخل اوضته ... !!
جه يوم الخروجه واتقابلوا كلهم عند محطه الباص وراحوا مدينه ملاهى كبيره شبه ديزنى لاند
وكان بتذاكر مجانيه "جميله" الل جابتها ليهم اخدتها من زبون جه المطعم هديه .. دخلوا وانطلقوا والل راح يلعب والل يجرى والل ياكل كلهم انطلقوا مع بعض وضحك وهزار وصور .. و"على" من وقت ما قابلهم وهو واخد جنب عنهم .. لا اندمج معاهم ولا بيتكلم وع طول قاعد ساكت وبيشرب سجاير شويا و"جميله" لاحظت "على" قاعد بعيد لوحده فقربت منه وهو قاعد ..!
جميله باابتسامه : ينفع اقعد جنبك
على : اتفضلى
جميله ماسكه رجلها وبتتوجع : رجلى مش حاسه بيهم ايه دا
"على" ساكت ... جميله بصت عليه : هى السجاير دى مبتسبهاش خالص
على : ايه
جميله: السجاير هو انت علاقتك بيهم جامده كده
على بص ل السيجاره : عادى
جميله بتضحك: انا كده اقتنعت بصراحه
على بصلها بنظره حاده رغم ضحكها .. جميله : سورى ..سورى بهزر معاك
بس يعنى احنا جايين نغير جو ونبقى مع بعض مش تقعد ف عزلتك ..ولو كان بتحب تقعد لوحدك جيت ليه ووافقت وخلتنى اعمل حسابك ها ..ها
على اتفاجئ من لهجه جميله السريعه لدرجه انها ضحكته وكان شبه هيبتسم ..
جميله بصتله : ايه دا .. ما انت بتعرف تضحك اهو .. كملها والله ما هتخسر حاجه
على : انت بنت غريبه ..مشفوتش زيك
جميله بتضحك: ولا هتشوف لان "جميله" واحده ف الدنيا هى انا
على : نعم
جميله : ربنا خلق البشر انواع وشخصيات مختلفه .. فكل انسان ليه شخصيته المختلفه عن غيره الل بتميزه بيها .. فممكن انت تلاقى "جميله" تانى بنفس الاسم لكن مش هتلاقى بنفس الشخصيه .. هتلاقى اقل او احسن منى .. انما زى بالظبط مفيش غير "جميله" واحده .. زى ما انا متاكده ان مفيش منك اتنين ..
على حب يقطع الكلام : ماشى يا جميله واحده
قام على .. جميله بسرعه : على فين ؟
على : هتمشى شويا فى حاجه
جميله قامت وبمرح : تعبت من القاعده هتمشى معاك انا
"على" بصلها بنظره استغراب : مش كانت وجعاكى من شويا
جميله : وارتحت هو انا مكسحه وانا جايه اتمشى واجرى واشم هوا ..لو كنت عاوزه ارتاح مكنتش نزلت وفضلت ف البيت
على : انتى لمضه اوى وردوك جاهزه
جميله : جاهزه جدا لتمشيه يلا
طول التمشيه "جميله" بتلاعب الاطفال الل بتقابلهم وقفت قدام محل ايس كريم وبلهجه طفوليه : نفسى ف ايس كريم انا
على بصلها : روحى هاتى
جميله حسست ع جيوبها وبلهجه طفوليه : مجبتش الفلوس انا
على بصلها ب استغراب : استنى هنا
جميله ابتسمت وبلهجه اطفال : هستنى ايس كريم شوكلت هنا انا
راح "على" يجيب الايس كريم ورجع لقى جميله باصه ع اتنين كابلز قاعدين ف لحظه رومانسيه ماسكين ايد بعض وهو بيبوس ايديها وهى ف حضنه ... "على" حط الايس كريم قدامها : خضتنى
على : بجد .. غلطتك بتتفرجى ع ايه
جميله باابتسامه: شكلهم حلو اوى .. الحب دا حاجه جميله اووى يا بختهم باللحظه دى
على بلهجه جامده: يا بختهم ... يا غبائهم
جميله استغربت رد فعل "على" : ايه
على بنظره حاده ووجع : الحب دا اغبى حاجه ف الدنيا
مشى "على" ومشيت جنبه "جميله" وبملامح استغراب : الحب مش غبى يا "على" .. الاختيار هو الل بيكون غبى ودا بيبقى احنا السبب لاننا الل بنختار وكتير مبنعرفش ودا غباء ف حد ذاته ..الحب انقى حاجه ف الدنيا هو الل بيدينا الامل والحياه .. بيخلينا ...
قاطعها "على" بضحكه سخريه واضحه: انتى واضح متاثره اوى بالافلام والروايات .. الكلام دا كلام روايات بس وافلام .. مفيش حاجه اسمها حب .. ف الحقيقه والواقع الحب سذاجه وفشل والالم مفيش فيه حاجه حلوه غير لحظاته الاولى الوهميه زى احساسك بالايس كريم شوفتيه كان نفسك فيه ومعكيش فلوس وانا معايا واشتريته ونظره الفرحه وانتى ماسكاه وبتسمتمعى بااكله وبعد ما تخلص هتدورى ع حاجه تانيه نفسك فيها ... اللحظات الوهميه مبتستمرش ف الحب كتير غير ف اولها بس انما تعيشيها لالالا مفيش الكلام دا .. هتعيشى وجع والالم ووحده .. على قد حلاوته ف الاول بيبقى قساوته اكتر بكتير .. نصيحه منى متصدقيش كل الل بتشوفيه ..استمتعى بالفيلم والروايه ومع كلمه "النهايه" ارجعى ل ارض الواقع
جميله بااستغراب : الافلام او الروايات الل بتقول انها وهم مش كلها تسليه وغير هادفه نسبه كبيره منها دا بيكون تجسيد لحياتنا .. حياه عشتها او هتعشها او غيرك عايشها .. نقل تجارب وقصص وبتساعد ع تصحيح مفاهيم كتير ف دنيتنا وحياتنا بيبقى بوصله لحياتنا الل كتير بتوجهنا وبتساعدنا لتصحيح اخطائنا وغلطاتنا ..
على لسه هيتكلم قاطعته جميله : والحب هو الحياه لينا الحب دا من غيره مش هنحس اننا عايشين اصلا .. وهو موجود حوالينا ف كل حاجه ربنا خلق الانسان وخلقله الهوا والاكل والمايه والحب علشان تستمر الحياه .. وزى ما فى حلو ف الدنيا اكيد فى وحش .. ف احنا منفضلش باصيين ع الوحش ونقول الدنيا وحشه وربنا خالق لينا حاجات كتير حلوه تستحق نبصلها ونعيشها وتهون علينا وجع الحياه ومفيش اكتر من نعمه ربنا .. "الحب "
على : انتى مصدقه كلامك دا
جميله : هسالك سؤال .. انت بتشرب سجاير ليه ؟
على : عاده ..مش حب
جميله : بتشتغل ليه
على : عاده .. مش حب
جميله: ارتباطك ب احمد .. ليه ؟
على : قدرى ف الدنيا
جميله عاوزه تخليه يقول كلمه حب .. مامتك بتحبها ؟
على تلقائى: جدااا
جميله : ليه .. عاده ..مش حب برضه
على باانفعال : حب الام ملوش مقارنه ولا مقياس .
جميله: صح اتفق معاك .. مدام فى حب الام وحب الاب وحب الاصدقاء والاخوات يبقى فى حب الاحباب الحب موجود ف كل حاجه ..موجوده ف علاقتنا مع بعض .. هو انت محبتش قبل كده ؟
على اتفاجئ من السؤال وسكت لحظات وبملامح ضيقه: قلتلك الحب سذاجه واغبى احساس ف الدنيا وانا مش غبى
جميله : على . الل بيقول كده زيك دا بيكون اختار غلط او عاش تجربه مكنش حاسبها صح ... نتيجه عدم تفكير وتسرع نتيجتها فشل الاكيد والنتيجه بيشيلها صاحب القرار ومش معناها انه مبيعرفش يختار ولا يقرر بالعكس دا معناه ان يتعلم ازاى يختار وازاى يعرف يقرر لما تجيله فرصه تانيه وميتصرفش زى ما اتصرف مع الفرصه الاولى .. اختصارا يعنى ...لو حد شايف ان الحب غباء فدا يبقى نتيجه اختيار غلط ومش معناه ان كل الاختيارات هتكون غلط كل انسان ليه فرصه تانيه تعويض عن غلطته الاولى .. والل بيفضل متمسك ف غلطته الاولى بيبقى فعلا انسان غبى مش فاهم مغزى وجوده ف الدنيا ايه .. الانسان موجود ف الدنيا علشان يتعلم من اخطائه .. يتعلم ازاى يعيش ...
على ملامح وشه اتغيرت وبقت حاده اوى : جميله انتى ..
ف الوقت دا احمد نده عليهم بص "على" ل "جميله" وبعصبيه ومشى ... رجعت "جميله" وحست من الحوار الل دار بينها وبين "على" ان "على" مجروح جرح عميق جداا
وموجوع جدااا بسبب حدته ف الكلام وانه شايف كل حاجه غامقه ... راحت جميله قعدت وحست بخنقه لان ملامح "على" اتغيرت جداااا وبان عليه ملامح قسوه وغضب حتى لاحظت انه اتعصب ع "احمد" واحمد اتجنبه ..حست انها قلبت عليه وجع مكنش لازم .. تليفون "على" رن وكان ابراهيم ..راح "على" كلم "احمد" بسرعه وخرج ومشى و"جميله" عينيها منزلتش عن "على" لغايه ما مشى ..كملت اليوم ورجعوا ع البيت !!!
تانى يوم ف الشغل "على" كان فعلا بيتجنب جميله ولما بيصادفها كان بيسلم ع السريع ومبيقفش .. واوقات الاكل بيبقى بعيد وبيشرب سجاير استمر الوضع دا شويا .. فضول "جميله" واحساسها الل بيشدها تعرف "على" اكتر .. وتعرف ايه مشكلته بقى شاغل تفكيرها بكتير طول الوقت وهى قاعده كده فجت ف دماغها فكره ... ف يوم راحت المطبخ
جميله: واقفه تغسل الاطباق وسرحانه وطبق وقع منها
احمد : جيمى فى ايه مالك انهارده
جميله بملامح زعل: مفيش
احمد: مفيش ايه هتخبى عليا .. انت متغيره بقالك يومين
جميله رسمت ملامح زعل : انا ف مشكله كبيره
احمد اتخض: خير
جميله: هطرد من السكن انهارده اخر يوم
احمد: ليه كده
جميله : مدفعتش بقالى شهرين ومش قادرين يصبروا عليا
احمد : وهتروحى فين
جميله بملامح زعل: مش عارفه ..مش عارفه
احمد سرح شويا بيفكر وجميله بتبص عليه من تحت لتحت
" ف مره وهى بتتكلم مع "احمد" وحكلها ع الشقه الل قاعدين فيها انها كبيره جداا عليهم وف اوض فاضيه ونفسه حد يجى يقعد معاهم وكان بيفكر يأجر اوضه "
احمد بعد تفكير : خلاص مفيش مشكله .. تعالى اقعدى معايا انا و"على"
جميله رسمت علامه المفاجاءه : ايه
احمد حس انه اتفهم غلط : سورى ..مش قصدى حاجه .. عادى هنا ان اى حد عنده شقه كبيره وف اوض فاضيه بيأجرها .. وبعدين اعتبريها سكن واحنا قاعدين لوحدينا وبنروح ع النوم وهناخد منك ايجار يا ستى .. ايه رأيك
جميله عملت نفسها بتفكر ومتردده : لكن انا معيش فلوس لان مرتبى بقالى فتره بدفع ديون عليا
احمد ضحك: يبقى انتى مكانك صح معانا ..احنا شقه المديونين
جميله ابتسمت .. احمد: هنعديلك وهناخد منك بااثر راجعى ها ..
جميله رسمت ملامح : واضح مفيش حل كده ..اوكيه .. لكن "على" هيوافق
احمد بثقه : اكيد طبعا .. يعنى وقت ما تكونى ف مشكله نسيبك
داانتى وقفتى جنبنا اكتر من اى حد والشغل دا بسببك .. اجهزى بس ونرجع سوا
جميله : طيب قول ل على
احمد: "على" مش هنا وغير كده صدقينى مش هيقول حاجه
جميله حست ان خطتها اشتغلت ونجحت انها تروح تعيش معاهم علشان تعرف مشكله "على" وهو كده ليه لان "احمد " مبيتكلمش وبيهرب فقررت تعرف لوحدها وتتقمص شخصيه " شارلوك هولمز " وخلصوا الشغل وكانت شنطتها جاهزه فعلا معاها ورجعت ع البيت هى واحمد دخلوا الشقه وبتبص حواليها.. جميله بااستغراب : ايه دا انتم قاعدين ف كل دا لوحدكم
احمد بيضحك : هنقر من اولها ..وبعدين دى بتاعه واحد صاحبنا وقلتلك انها صحرا علينا ... بس بجد نورتى يا جيمى ..تعالى اوريلك اوضتك
وهما ماشين شاور ليها ع اوضته وعلى اوضه "على" .. دخلوا الاوضه
احمد: دى اوضتك تتدحرجى فيها براحتك واهو المفتاح يا ستى ذياده امان ويارب تكون عاجباكى
جميله : حلو بجد .. ميرسى يااحمد بجد مش عارفه اقولك ايه ع مساعدتك ليا
احمد بيضحك: قوليلى تاكلى بيتزا ولا باستا علشان جعان
جميله بتضحك: بيتزا
احمد : اشطه .. غيرى هدومك وهطلع اطلب الاورد
خرج احمد من الاوضه وملامح سعاده اترسمت ع وش "جميله" واترمت ع السرير من السعاده .. !!
غيرت "جميله" وخرجت و"احمد" كان طلب الاورد جه لان المحل جنب البيت : يلا يا جيمى
جميله باابتسامه: يلا يا ميدو
جميله بتبص حواليها : هو "على" بيتاخر كده
احمد: يعنى ع حسب ما بيخلص
جميله بتبصله: بيخلص ايه ؟
احمد تنح وبص ل جميله: يخلص قاعده يعنى هيكون هيخلص ايه
جميله: هو بيروح فين كتير كده .. وليه بيروح لوحده وانت لا
احمد اتفاجئ : نعم
جميله: يعنى انتم اصحاب وجيتم هنا مع بعض وع طول مع بعض ليه هو ع طول بيروح فاجاءه يقابل اصحابكم وانت لا
احمد بيحاول يخرج من الموقف: قلتلك انا مبحبهمش ولا بحب قاعدتهم عادى يعنى
انتى بتحبى الشطه
جميله : لا
احمد كان فى صوص فلفل حامى حطه ع البيتزا : انا بموووت فيها و "على " مبيحبهاش اهو عادى .. احنا اصحاب واخوات لكن مش كل حاجه بنحبها بنكون مع بعض .. الاختلاف مطلوب يا جيمى لتنويع
جميله بتضحك: ماشى ...
وهما قاعدين بيضحكوا باب الشقه اتفتح وكان "على" لابس لبس شيك استغربت انه غير لبس الل كان لابسه ف الشغل .. "على" دخل ومش واخد باله : مساء الخير
جميله باابتسامه : مساء النور
"على" ركز وبص ع الصوت لقى "جميله" قدامه بص ع الساعه كانت 3 بعد منتصف الليل
"على" بعصبيه: انتى بتعملى ايه هنا
"احمد" قام ومشى اتجاهه بسرعه : متتعصبش بس تعالى وانا هقولك
احمد بص ل جميله : كملى انتى الاكل واوعى تاكلى بتاعتى هاكلك
ابتسمت جميله وقلقت ف نفس الوقت من رد فعل "على "
"احمد" اخد "على" ودخله الاوضه وحكاله ع موقف جميله
"على" بعصبيه: انتى بتستهبل هتقعد بنت معانا
احمد: يعنى ينفع تكون ف مشكله ومنقفش جنبها .. هى مش لقيه مكان تروحه ومعهاش فلوس اصلا كمان
على بيطلع فلوس : خد اديهالها تروح اى لوكانده
احمد : ودا ينفع يعنى .. البنت قالت لينا احنا اصحابها الوحيديين الل وثقه فيهم نقوم احنا نتخلى عنها ونسيبها ف لوكانده ولا ف الشارع ..وبعدين دا شهر بس لغايه ما تشوف سكن تانى ياعم
مش هتعيش معانا يعنى ع طول .. وبعدين دا ااقل حاجه نردهولها .. دى وقفت جنبنا اكتر من اى حد دورنا بقى نطلع رجاله ونقف جنبها ف ازمتها دى .. شهر بس وهتمشى
على مش عارف يرد : مش عارف انا اقولك ايه
احمد: متقولش حاجه .. انا عرفتها اوضتها واديتها مفتاح الاوضه وعرفتها ان غير مسموح التجول ف اوض بتاعتنا وخصوصا اوضتك .. وهى موافقه هننزل مع بعض لشغل وهنرجع مع بعض ..دول ساعتين الليل بتوع النوم وخلاص يا "على" وانت اصلا مش بتقعد كتير ف الشقه ..فطبيعى مش هتحس بيها ياعم
على نفخ ومعرفش يقول ايه ... احمد: ع خير الله تصبح ع خير
خرج "احمد" من اوضه "على" و"على" حس بضيقه بوجود "جميله" معاه ف الشقه و"احمد" جبره ع الوضع دا ...!!
مر اسبوع وحاول "على" يتقبل وجود "جميله" ف الشقه وبيتجاهلها واغلب الوقت قاعد ف اوضته لما بيكونوا ف البيت ولاحظت بيجيله مكالمات يبلبس شيك وينزل ... فى يوم جميله اخدت يوم اجازه وراحت مشوار ورجعت ع البيت وكانت بتفكر تعمل ليهم اكل اشترت حاجات من السوبر ماركت وفتحت الانترنت ودورت ع وصفات اكل سهله لعشا ع اعتقاد ان "على" و"احمد" ف المطعم وهى لوحدها ... وهى واقفه ف المطبخ سمعت صوت حد بيكح جامد اتخضت واترعبت ومسكت السكينه وبهدوء بتدور ع مصدر الصوت .. بصت ف الاوض مكنش ف حاجه قربت من اوضه "على" سمعت صوت كحه جامده .. فتحت الباب بشويش وف ايديها السكينه افتكرته حرامى ... بهدوء فتحت الباب لاقت "على" نايم ع السرير بهدومه ..جميله بتوتر: انا اسفه مكنتش عارفه انك هنا وسمعت صوت وقلقت ليكون ..
وهى بتتكلم شافت "على" مغمض عنيه وبيكح جامد اوى قلقت من منظره قربت بهدؤء شافته عرقان اوى قربت ايديها ع راسه لقته سخن جدااا : ايه دا ..انت سخن اوى كده ليه "على" انت تعبان .. "على" .. "على"
"على" مش قادر يرد عليها فتح عينه وغمضها تانى ... بسرعه راحت "جميله" ع المطبخ
طلعت تلج من الفريرز وجابت فوطه وراحت بسرعه ع الاوضه وابتدت تعمل ليه كمادات مايه ساقعه كتير .. الموقف ربكها مش عارفه تعمل ايه تانى راحت اتصلت ب "احمد" واستاذن وجاب دكتور وجه ع البيت
وبعد الكشف .. الدكتور : ياخد العلاج دا ويرتاح اسبوع وهيكون كويس
جميله: هو عنده ايه ?
الدكتور: نزله شعبيه حاده .. ولو كنتم استنيتوا شويا كان هيدخل المستشفى لكن الحقنه هدت شويا والكمادات ساعدت الحراره تنزل شويا ومع العلاج والاكل الصحى هيبقى احسن
احمد: شكرا يا دكتور ..اتفضل معايا
خرج "احمد" وجميله زعلت ع "على" وبصاله : هو انت ايه حكايتك بالظبط
دخل احمد : هنزل اجيب العلاج دا انا دلواقتى
جميله: وانا هعمله شوربه
احمد: هتعرفى ..انا هشتريها جاهزه من المطعم الل جنبنا
جميله: هعرف ان شاء الله .. بس هقولك ع حاجات تشتريها
احمد: اوكيه
نزل "احمد" ورجعت "جميله" تعمله الكمادات .. وشويا رجع "احمد" ساعدها انه تغيرله هدومه وفرش السرير وراحت المطبخ تعمل الشوربه فتحت الانترنت وجابت طريقه شوربه الخضار بالفراخ احمد بص ع الساعه:ا انا هرجع المطعم بقى علشان اقدم ع اجازه ل على ومش هتاخر
جميله: اوكيه
نزل "احمد" وابتدت "جميله" تعمل الشوربه ومركزه اوى ع التفاصيل اول مره تعملها
جهزتها وراحت بيها اوضه "على" وبهدوؤ حاولت تاكله منها شويا وهو كان تعبان مش قادر
اكل شويا صغيرين واخد علاجه ونام ...غطته جميله كويس وبمنديل مسحت عرق على جبينه ومن غير ما تحس فضلت دقايق باصه عليه وهو نايم .. للحظات وانتبهت واخدت نفس وجت تقوم رجليها اتخبط ف اجنده واقعه ع الارض ..راحت مسكتها ولقت انها بتاعه "على"
فضولها خلالها تفتحها وكان مكتوب حسابات وخواطر ...اخدتها وخرجت بهدوء بره ف الصاله وابتدت تقراها .. وكان "على" كاتب حاجات فيها كتير حكايته مع ايمان ومشاعره اتجاهها وشافت صوره ل "ايمان وعلى" وقت الخطوبه واستنتجت جميله ان ف حاجه حصلت ليهم ملقتش تفاصيل كتير لكن كلام على لمس قلبها جداا ومشاعره واحلامه ... وغير الحسابات الل مش فاهمها ..بهدوء رجعت الاوضه فتحت الدرج براحه وحطت الاجنده ورجعت خرجت وقفلت الباب وراها ...فضلت قاعده سرحانه فى ايه الل حصل والشخص الل كاتب الكلام دا غير الل هى شايفاه ....فضلت قاعده مستنيه "احمد" كان وصل
احمد: هاى جيمى
جميله: هاى احمد
احمد: عامل ايه على ؟
جميله: بخير .. اكل شويا واخد علاجه وكمان ساعتين ف علاج ليه
احمد: تعبتك معانا .. الحمد الله انك كنتى موجوده ولحقتيه
جميله بتضحك: واضح ان وقت انى الحقه جه
احمد بيضحك: افضلوا انتم اعملوا حوادث وادخلوا مستشفيات معرفتكم معرفه نيله
جميله: اكيد ما اكلتش
احمد حط ايده ع بطنه: بصراحه لا
جميله: تاكل شوربه خضار وفراخ وف باستا
احمد: سيبك من شغل العيانين دا وناولينى الباستا والفراخ وسيبلكم الشوربه
جهزت "جميله" الاكل وحطته ل "احمد" وابتدا ياكل وفضول "جميله" مسيطر عليها
جميله: حلو االاكل
احمد وهو بياكل: برغم انى كنت شاكك فيكى لان اغلب البنات الل بيجربوا الاكل بيفشل منهم من محاولاتهم الاولى لكن انتى طلعتى استاذه ...
جميله بتضحك: التركيز .. انا اتعودت طول حياتى لما اعوز حاجه اركز واصمم انى اعملها واخدها
احمد : ركزى بقى كل يوم كده وورينا الانبهارات بطننا نشفت من اكل الشارع
جميله بتضحك: ان شاء الله
سكتت جميله واحمد بياكل .. جميله مسكت شوكه وبتحط فراخ ل احمد ومره واحده : احمد
احمد : اممم
جميله: ايه حكايه ايمان ؟
احمد سمع ايمان شرق .. ناولته كوبايه مايه وشرب : ايمان .. انت جبتى الاسم دا منين
جميله بتقرب من احمد وبتوشوشه : بصراحه كده وانا ف اوضه "على" شوفت اجنده صغيره ع الارض وفضولى خلانى افتحها ولاقيت اسم "ايمان" وكلام كتير "على" كاتبه وحسابات
ولفت نظرى صوره ل "على" وواحده محجبه وعلى كان بيضحك ودى اول مره اشوفه بيضحك والكلام الل مكتوب دا من شخص غير الل انا شايفاها دا .. فمين ايه وايه حكايتها ؟
احمد حس انه اتزنق : مع ان الموضوع ميخصنيش ..
بس انا هقولك لانك جدعه وممكن تساعدينى
ابتدا احمد يحكى ل جميله ع موضوع"ايمان وعلى" من اول ما "على" حب "ايمان" وارتباطهم وحياه "على" قبل السفر وسبب سفره ورجوعه وصدمته من خبر وفاه والدته وجواز ايمان مع بعض ف نفس الوقت وديونه لكن محكاش ع شغل على مع ابراهيم
جميله اتفاجئت من الل سمعته دا : معقول ف حد كده ف الايام دى بيحب كده
ومخلص بالشكل دا .. وميتقدرش
احمد: تعملى ايه بقى احنا ف زمن لما الجنيه بيتكلم فى داهيه القلب والحب
________________
يتبع
ابتدا "على واحمد" الشغل الجديد ف المطعم مع "جميله"وقل شويا شغل "ابراهيم" بسبب الل حصل وبعد "ابراهيم" شويا عنهم وكان شغل "على" يعتمد ع مكالمات الل تجيله وكان "على" معاملته قاسيه قوى مع "جميله" ودايما بيتجنبها ولما يتكلم يخبط بالكلام وكان "احمد" بيدخل يلطف الجو ويهزر ويضحك مع "جميله " ... المطعم ال اشتغلوا فيه كان ف نص اليوم بيقفل ساعه تنضيف وتغيير شيفتات وكانت يعتبر راحه لموظفين والعمال وغدا ليهم ... كان "على" عكس "احمد " جدااا .. فكان اول ما تيجى ساعه الراحه كان "احمد" يقعد مع الموظفين ومايله وتكلم معاهم وكان فيهم جنسيات تانيه وكانت طريقته ف الهزار والضحك اقرب تواصل عن الكلام فكان بيقعد معاهم وبيندمج .. لكن "على" كان بيروح يقعد لوحده ع ترابيزه بعيده وقدامه الاكل ياكل بسيط ويكمل باقى اكله والساعه شرب سجاير ... !
فى يوم وهما قاعدين ياكلوا مع بعض :
احمد بصوت ومبتسم واتكلم عربى : اللمه حلوه اوى
جميله بتضحك: ع اساس هما فاهمينك مبيفهموش عربى
احمد بيغمز لواحده من الل قاعدين "اجنبيه" : الاحساس بيوصل
جميله ضحكت : انت مشكله يا "احمد" بجد دايما بتفصلنى ضحك وبتهزر ومقبل ع الحياه بخفه دمك كده عكس صاحبك الرخم "على" هو ليه كده كاره الحياه بشكل فظيع مش مقدر نعمه ربنا
احمد ابتسم نص ابتسامه وسكت ..
جميله : بجد يا احمد هو مبيضحكش خالص ولا فى المناسبات بس ؟
بص احمد ع "على" وهو قاعد بعيد مولع سيجاره وبينفخ فيها بتنهيده
ملامح احمد اتغيرت : "على" .. "على" كان اكتر انسان مبهج ع الحياه وابتسامته مبتروحش
"على" يعنى التفائل مهما كانت الظروف .. كان اكسير المقاومه لظروف الحياه ليا فعلا
جميله مستغربه: مين دا ..اكيد تقصد حد تانى استحاله يكون "على"
احمد رجع بص لطبق الل قدامه بعد ما اتنهد : متحطيش ف بالك
جميله: لو هو فعلا كده ايه الل خلاه كده دا قطعه جليد متحركه صعب اوى
احمد سكت لحظات: ومين فينا مبيتغيرش .. هى الدنيا كده ياتغيرنا للاحسن
بص احمد ع "على" : يا ل الاسوء
جميله: مش فاهمه
احمد باابتسامه: مش مهم تفهمى المهم خلصى علشان هنستلم الشفت
وهتغسلى الاطباق انتى فاهمه انا بوشت يا جيمى بوشت
ضحكت جميله: اتفقنا وهتعزمنى ع نسكافيه
احمد: من عنيا المهم اترحم شويا هو انا وشى وش صابون مواعين من وقت ما جيت لندن
جميله بتضحك : بتفكرنى ب سبونج بوب وهو بيطلع منه رغاوى
احمد : ها .. هو انا وصل بيا الحال ل سبونج بوب .. فينك ياما ابنك بقى سفنجه
ضحكت "جميله" و "احمد" و"على" لاحظ هزارهم مع بعض واستغرب تقرب "احمد" ل "جميله" بالسرعه وبالشكل دا ... شويا ورجع "احمد" يبص لطبقه ويكمل اكل و"جميله" بصت ع "على" وهو قاعد بعيد وبينفخ ف السيجاره ... رغم قساوته معاها وتغيره المفاجاءه ف المواقف الا انها حاسه بحاجه شداها اتجاهه فضولها عن هو ليه كده خلااها متبطلش تفكير فيه ...!!
مره فتره ع شغلهم ف المطعم ففمره لاحظت "جميله" اسلوب "على" الحاد مع زمايله ومبيقبلش الهزار .. ومره شافت وهو بيلغبط الاوردرات ومش بيعتذر بطريقه شيك فببتدخل "جميله" تصلح الموقف بلباقه وشياكه ...واتكررت مواقف من دى كتير و"جميله" تصلح ورا "على" ...فى مره و"على" بيقدم طلب لزبونه لكن وهو بيحط الطبق عمل صوت جامد
على بملامح حاده من غير ابتسامه : اتفضلوا
الزبونه : انت بتحط الطبق كده ازاى مثلا لو وقع عليا
على بملامح حاده خاليه من الابتسامه : انا حطيته عادى ..
الزبونه بعصبيه: يعنى انا بتوهم ولا ايه .. انت رزعت الطبق قدامى
على بملامح حاده : انا مرزعتش اطباق .. والف هنا مقدما
الزبونه بصوت : فين المدير
فى الوقت دا "على" وقف وكانت "جميله" خارجه من المطبخ وسمعت الل حصل وجريت بسرعه لزبونه.. وباابتسامه: ايوه يا فندم ..تحت أمرك
الزبونه: انا عاوزه المدير .. انتواايه الل مشغلنهم دا؟
جميله بتلم الموقف ومبتسمه : بهدوء حضرتك كده فى ايه ؟
حكت الزبونه الل حصل .. جميله ب ابتسامه : احنا اسفين جدا يا فندم زميلى
"على" بيمر بظروف صعبه الفتره دى ومش واعى شويا لكن هو انسان كويس واكيد ميقصدش .. وبكرر الاسف احنا اسفين جدا
الزبونه اتحرجت من اسلوب جميله الشيك وابتسامتها : لكن ميتصرفش كده
جميله شالت الطبق وباابتسامه: احنا اسفين جداا فعلا ووجبتك انهارده ع حساب المطعم
ومعاه الحلو المخصوص المشهور بيه المكان ومشروبك المفضل
الزبونه ابتسمت: ميرسى ..
شاورت جميله ع ويتر زميل ليهم جه اخد الطبق وادته الاورد ومشى
وباابتسامه: اهلا بيكى ف المكان ..استمتعى بوقتك
الزبونه ابتسمت : ميرسى
مشيت "جميله" وبصت لقت "على" باصص عليها وع وشه نظره حاده ودخلت المطبخ
وقبل ما تدخل راح وراها "على" ونده عليها: جميله ..جميله
جميله: ايوه
على بعصبيه : ايه الل عملتيه دا .. وظروف ايه الل عندى وايه دخلك اصلا ؟
جميله وقفت هدت نفسها من اسلوب "على" العصبى وردت بهدؤء واستغلتها فرصه ترد عليه : عاوزنى اقولها ايه .. اقولها سورى يا فندم اصله مش طايق نفسه فبيطلع عصبيته
وطباعه السيئه على الزباين الل هو هياخد مرتبه منهم ف كل اول شهر ولا اقولها سورى يا فندم هو يتصرف براحته عاوزه تقعدى اتفضلى مش عاوزه مع السلامه .. لالالا استنى
ولا كنت اخليها تتكلم مع المدير ويرفدك وانت لسه مكملتش شهرين .. حضرتك موقف زى دا هيتسبب بسمعه وحشه لمكان وصاحبه ميستهلش مننا كده ..
على لسه هيرد "جميله قاطعته وكملت : اه وايه دخلنى ... ببساطه علشان بحافظ عليك وعلى شغلك لانى عارفه انكم صعب تلاقوا شغل بظروف الل عندكم انت و "احمد " ومش هتلاقوا مكان زى دا وبمرتب زى دا مهما دورتوا ...
على : ع فكره لو دورنا كنا هنلاقى وهنلاقى كتير
جميله ضحكت : والله ... بس عاوزه اقولك حاجه ع فكره انا انقذتك .. بدل ما تقولى شكرا ..جى تتعصب عليا ع العموم شكرا ..عاوز حاجه منى تانى
على معرفش يرد عليها : لا مفيش
جميله : اوك .. نروح نكمل شغلنا ..اكل عيشنا يا "على"
على بصلها .. "جميله" لفت ادتله ضهرها ورجعت بصت لقته لسه واقف:
جميله ميت اتجاهه خطوتين : على .. عاوزه اقولك نصيحك تنفعك لزمن لو هتمشى من هنا احدى الاسباب هتكون وشك وهيكون برضه سبب انك مش هتعمر ف مكان تانى
على ب استغراب : نعم
جميله : ابتسامتك الل خايف تظهرها دى حاول تبتسم .. الابتسامه ف وش غيرك بتديله طاقه ايجابيه وممكن يكون محتاجها ويحس براحه .. ابتسم علشان الدنيا مش محتاجه وشوش غامقه ... ابتسم علشان تحارب الحياه بسلاحك دا الابتسامه بتهز قدامها اى حاجه .... الابتسامه صدقه ورزق متقطعهاش ولا انت متعرفش ..
على ساكت مش لقى رد ... جميله : بص هقولك طريقه سهله اقف قدام المرايه واضحك .. هتلاقيها حلوه .. جرب كده ومش هتندم .. مش جنان جرب بس وصدقنى مع التدريب هتحس انها عادى .. يلا باى
"على" استغرب انه مش عارف يرد عليها ودخلت وع وشها ابتسامتها
وهو خارج سمع ان المدير عاوزه راح عنده ودخل
على: حضرتك طلبتنى
ادم: ايه الل سمعته دا
"على" لسه هيبرر تصرفاته ويعتذز .. ادم قاطعه واتكلم : لولا تصرف وتدخل "جميله" كان
هيبقى ليا تصرف تانى .. ودا مش اول مره.. "جميله" انقذتك كذا مره .. ولولا انى عارف انك محتاج الشغل كان هيبقى ليا تصرف تانى ..ياريت يا "على" نهتم بشغلنا ومعاملتنا مع زباين المكان وميتكررش اللى حصل دا ... ولا هتفضل "جميله" تشيل مشاكلك ؟
على اتحرج : اسف ومش هيتكرر تانى
ادم: ياريت .. اتفضل
على محرج: عن اذنك
خرج "على" وهو مضايق من الموقف الل حصل وطريقه "ادم " الحاده معاه واستغرب اكتر من تدخل "جميله" وانقاذه ف كذا موقف وهو مش عارف والكل عارفين ..خرج من مكتب "ادم" بص لقى "جميله" ف وشه بتضحك وع وشها ابتسامه بتكلم مع واحد صاحبهم من العاملين ورجعت المطبخ..ف الوقت دا قرر "على" ينتبه لنفسه بعد كده وميسمحش لحد يدخل ف حياته ..!!
كان "على" بيخرج هو و"احمد" من الشغل ويرجعوا ع شقتهم .. "احمد" قدام التليفزيون وبياكل
و"على" بيولع فى سجاير وقاعد ساكت ... مرت فتره ع الحالل دا ففى يوم اجازه الويك اند
"احمد" ماسك طبق فيشار كبير وقاعد قدام التليفزيون بيتفرج ع فيلم كوميدى وبيضحك ولاحظ "على" مبيضحكش "احمد" رزع الطبق ع الترابيزه : ايه الملل دا يا جدع
على ساكت ... احمد بصوت اعلى : هو انا عايش مع تمثال من متحف الشمع وانا معرفش
على بصله: انت بتقول حاجه
احمد: بفكر اجيب زجاجه مايه من التلاجه
على : ما تقوم
احمد بيبرطم بالكلام مسك طبق الفيشار واكل : ايه الحياه الممله دى .ع الاقل ف السكن ف اجازه الويك انك كنا بنتجمع ولما بنتفرج ع فيلم بنضحك ونهيس بحس ان ف بشر معايا ولما نزهق اوى كنا بنخرج ..
على : مالك مالك
احمد بيبص حواليه : شاحتين طوال عراض قاعدين لوحدهم ف الهوا دا ومبنعملش حاجه غير نتفرج ع التليفزيون دا احنا مغلبناش البنات حتى ...البنات تلاقيهم منطلقين دلواقتى
على طفى السيجاره : يعنى عاوز ايه .. عاوز تخرج ..اخرج مفيش حد ماسكك
احمد: يعنى هخرج واسيبك لوحدك
على قام يبص ع موبيله ع الشحن : اصلى هخاف انا لو قعدت لوحدى ..
احمد بملامح غيظ من "على" : يخربيت الطوب الل بتحدفه ... انا غلطان انى قاعد معاك علشان متقعدش لوحدك .. ياريتنى استوطى معاك وانفضلك لكن مبعرفش ..مبعرفش
"على" شايف "احمد " بيكلم نفسه وهايبر اوى ومهيس وابتسم ..
ف اللحظه دى موبيل "احمد" رن وكان رقم "جميله"
احمد باابتسامه منشكحه: جيمى
جميله: هاى ..حماده ايه اخبار الويك اند ؟
احمد : ملل وزهق وقرف
جميله: طيب ما تنزلوا اسهروا معانا
احمد فرح ومن غير تردد : بجد ..فين ؟
جميله : هبعتلك العنوان ..عاملين عيد ميلاد صغير ل "مادو" تعالوا اقعدوا معانا هتنبسطوا
احمد بسربعه وانشكاح : مدام هنزل من متحف الشمع دا اكيد هنبسط .. ابعتى وهتلاقينا عندك ..احنا اصلا جنبك وانتى مش واخده بالك
جميله بتضحك: مستنياكم
قفل "احمد" و"على" بصله: فى ايه
احمد: جتلنا خروجه اهو يلا بينا
على: جتلنا وبتجمع ليه .. انزل انت انا مش نازل
راح "احمد" مشى اتجاه "على" وشده من دراعه: وانا مش هنزل من غيرك يا جدع
هتقضيها سجاير لا تعالى شم هوا نضيف ع الاقل تغير اكسجين الرئه الل هريت امها دخان علشان لما تشرب سجاير تانى تشرب ع نضيف
على : بتتريق .. مش نازل انا
بعد الحاح وزن "احمد" لبس "على" ونزلوا ع العنوان وكان كافيه صغير متوسط عادى جداا وكانوا اغلبهم موجودين "جميله" شافتهم شاورت ليهم من بعيد انهم يدخلوا .. دخلوا سلموا وقعدوا وطفوا الشمع و"على" قاعدمش مرتاح ولا عارف يندمج معاهم ولا يخرج من القاعده علشان هيبقى واضح لكن شد نظره تعامل "جميله" وروحها الخفيفه وابتسامتها وهزارها مع "احمد" وانهم كانوا بيحطوا من كريمه التورته ع وشوش بعض وبيهزروا وضحكهم عالى... وكانت القعده ف منتهى البهجه الا على" كان حاسس ان مكانه مش هنا .. جاله اتصال من "ابراهيم" وبعتله رساله فيها عنوان زبونه .. راح قرب من "احمد" وشوشه ف ودنه .."احمد" بعد ما كان مبسوط وشه اتغير ومشى "على" .. جميله : هو "على" راح فين ؟
احمد بص ل جميله: ها .. اه مشوار ف صديق ليه عاوزه
جميله: وانت وشك اتغير ليه كده
"احمد" بيبص ع "على" وهو ماشىوملامح ضيقه ع وشه : اصله صديق مش بحبه ولا بطيقه وبدعى ربنا يبعد عن "على" كفايه كده بقى .. كفايه بقى
جميله استغربت: لدرجه دى هو انسان مش كويس ؟
احمد ومركز نظره ع "على" : جدا جدا .. انسان الل يعرفه بيسوء حالته
جميله : ليه بيعمل ايه .. وليه "على" معاه ؟
اختفى "على" من قدام نظر "احمد" وانتبهه "احمد" من كلامه و لاحظ انه هيقول كلام مش لازم يقوله راح حط صوباعه ف كريمه وحطه ع خد جميله وبيضحك: علشان كده
ورجعت القعده ضحك وهزار.... وروح "احمد" البيت ودخل نام و"على" رجع متاخر يا دوب اخد دش ولبس وصحى "احمد" ونزلوا علشان الجرايد والمجلات ومتكلموش لان "احمد" حس انه بيكلم هوا وف نفس الوقت محبش يضايق "على" ...!!
بعدها بااسبوعين وهما قاعدين وقت الغدا ف المطعم بيتكلموا كان "احمد" و"جميله" بيناقروا بعض كتير و"على" كالعاده قاعد بعيد ...
جميله: حماده ..احنا اتفقنا اننا هنقضى الويك اند الجى طول اليوم مع بعض انت معانا اوكيه
احمد باانشكاح: اوكييييييييه دارلنج
جميله بتبص ع على : مش هتسأل "على"
احمد بثقه : يا حبيببتى انا مكان ما هكون "على" هيكون موجود .. احنا مبنتفرقش عن بعض ابدا
جميله بتضحك : الل يسمعك يقول اتنين مرتبطين مش اصحاب
احمد بملامح جد: احنا فعلا مرتبطين ..مرتبطين بكل الحلو والوحش نعيشه مع بعض
جميله لاحظت تغيير ف ملامح احمد وتاثره .. و "احمد" لاحظ فهزر : احنا الحب الحب
جميله بتضحك : ياسلام ع الثقه دى
احمد : تحبى تشوفى .. استنى
قام "احمد" راح ع ترابيزه "على" وهو بيشرب السجاير : لوول
على : خير
احمد بملامح جد : طالب منك خدمه ممكن ؟
على : خير
احمد بملامح جد : "جميله" مكسوفه ومحتاجه قرشين وقلت انت هتسلفها لانك عارفين مفلس
على اتفاجئ: انا تستلف منى انا
احمد : ايوه يابنى ... وهى مستنيه الرد لو ينفع بص ناحيتها وحرك راسك بالموافقه
"على" بص اتجاه "جميله" وكانت بصاله وحرك راسه بالموافقه وبصلها "احمد" وغمزلها وضحكت "جميله" ..كملوا اليوم و"على" مش فاهم حاجه ورجعوا البيت ودخل "على" اوضته طلع الفلوس وخرج وبيديها ل "احمد"
على: امسك الفلوس اهى
احمد: فلوس ايه لا شكرا معايا
على : مش ليك .. لجميله
احمد ضحك: انت صدقت
على: مش فاهم
احمد بيضحك: دااحنا اتفقنا ع خروجه ف الويك اند وانا اترهنت معاها انى هقنعك تيجى
"على" مسك مجله كانت جنبه وحدفها ع "احمد" ووجعت "احمد" : اى ىى ايه دا يا جدع
على بعصبيه : اسمه ايه دا ها ..ها .. بتكدب عليا يا احمد وانت عارف انى بكره الكدب اكتر حاجه .. وتراهن عليا انت تكوينك ايه ؟
احمد : اسف ياعم اسف ..بس فعلا كنت عاوزك تيجى معانا تغير جو .. انت مبتخرجش خالص ولو بتخرج بالعافيه ولما بتنزل بتروح مشاويرك الل تسد النفس دى وانا حبيت نقضى وقت حلو مع مجموعه حلوه وانت عارفهم مش اغراب .. مغلطتش انا
على بنرفزه : مش رايح ف مكان
احمد: ويرضيك تحرج صاحبك وانا الل ع طول بقولها انا و"على" واحد
"على" بص ل "احمد" بنرفزه ودخل اوضته ... !!
جه يوم الخروجه واتقابلوا كلهم عند محطه الباص وراحوا مدينه ملاهى كبيره شبه ديزنى لاند
وكان بتذاكر مجانيه "جميله" الل جابتها ليهم اخدتها من زبون جه المطعم هديه .. دخلوا وانطلقوا والل راح يلعب والل يجرى والل ياكل كلهم انطلقوا مع بعض وضحك وهزار وصور .. و"على" من وقت ما قابلهم وهو واخد جنب عنهم .. لا اندمج معاهم ولا بيتكلم وع طول قاعد ساكت وبيشرب سجاير شويا و"جميله" لاحظت "على" قاعد بعيد لوحده فقربت منه وهو قاعد ..!
جميله باابتسامه : ينفع اقعد جنبك
على : اتفضلى
جميله ماسكه رجلها وبتتوجع : رجلى مش حاسه بيهم ايه دا
"على" ساكت ... جميله بصت عليه : هى السجاير دى مبتسبهاش خالص
على : ايه
جميله: السجاير هو انت علاقتك بيهم جامده كده
على بص ل السيجاره : عادى
جميله بتضحك: انا كده اقتنعت بصراحه
على بصلها بنظره حاده رغم ضحكها .. جميله : سورى ..سورى بهزر معاك
بس يعنى احنا جايين نغير جو ونبقى مع بعض مش تقعد ف عزلتك ..ولو كان بتحب تقعد لوحدك جيت ليه ووافقت وخلتنى اعمل حسابك ها ..ها
على اتفاجئ من لهجه جميله السريعه لدرجه انها ضحكته وكان شبه هيبتسم ..
جميله بصتله : ايه دا .. ما انت بتعرف تضحك اهو .. كملها والله ما هتخسر حاجه
على : انت بنت غريبه ..مشفوتش زيك
جميله بتضحك: ولا هتشوف لان "جميله" واحده ف الدنيا هى انا
على : نعم
جميله : ربنا خلق البشر انواع وشخصيات مختلفه .. فكل انسان ليه شخصيته المختلفه عن غيره الل بتميزه بيها .. فممكن انت تلاقى "جميله" تانى بنفس الاسم لكن مش هتلاقى بنفس الشخصيه .. هتلاقى اقل او احسن منى .. انما زى بالظبط مفيش غير "جميله" واحده .. زى ما انا متاكده ان مفيش منك اتنين ..
على حب يقطع الكلام : ماشى يا جميله واحده
قام على .. جميله بسرعه : على فين ؟
على : هتمشى شويا فى حاجه
جميله قامت وبمرح : تعبت من القاعده هتمشى معاك انا
"على" بصلها بنظره استغراب : مش كانت وجعاكى من شويا
جميله : وارتحت هو انا مكسحه وانا جايه اتمشى واجرى واشم هوا ..لو كنت عاوزه ارتاح مكنتش نزلت وفضلت ف البيت
على : انتى لمضه اوى وردوك جاهزه
جميله : جاهزه جدا لتمشيه يلا
طول التمشيه "جميله" بتلاعب الاطفال الل بتقابلهم وقفت قدام محل ايس كريم وبلهجه طفوليه : نفسى ف ايس كريم انا
على بصلها : روحى هاتى
جميله حسست ع جيوبها وبلهجه طفوليه : مجبتش الفلوس انا
على بصلها ب استغراب : استنى هنا
جميله ابتسمت وبلهجه اطفال : هستنى ايس كريم شوكلت هنا انا
راح "على" يجيب الايس كريم ورجع لقى جميله باصه ع اتنين كابلز قاعدين ف لحظه رومانسيه ماسكين ايد بعض وهو بيبوس ايديها وهى ف حضنه ... "على" حط الايس كريم قدامها : خضتنى
على : بجد .. غلطتك بتتفرجى ع ايه
جميله باابتسامه: شكلهم حلو اوى .. الحب دا حاجه جميله اووى يا بختهم باللحظه دى
على بلهجه جامده: يا بختهم ... يا غبائهم
جميله استغربت رد فعل "على" : ايه
على بنظره حاده ووجع : الحب دا اغبى حاجه ف الدنيا
مشى "على" ومشيت جنبه "جميله" وبملامح استغراب : الحب مش غبى يا "على" .. الاختيار هو الل بيكون غبى ودا بيبقى احنا السبب لاننا الل بنختار وكتير مبنعرفش ودا غباء ف حد ذاته ..الحب انقى حاجه ف الدنيا هو الل بيدينا الامل والحياه .. بيخلينا ...
قاطعها "على" بضحكه سخريه واضحه: انتى واضح متاثره اوى بالافلام والروايات .. الكلام دا كلام روايات بس وافلام .. مفيش حاجه اسمها حب .. ف الحقيقه والواقع الحب سذاجه وفشل والالم مفيش فيه حاجه حلوه غير لحظاته الاولى الوهميه زى احساسك بالايس كريم شوفتيه كان نفسك فيه ومعكيش فلوس وانا معايا واشتريته ونظره الفرحه وانتى ماسكاه وبتسمتمعى بااكله وبعد ما تخلص هتدورى ع حاجه تانيه نفسك فيها ... اللحظات الوهميه مبتستمرش ف الحب كتير غير ف اولها بس انما تعيشيها لالالا مفيش الكلام دا .. هتعيشى وجع والالم ووحده .. على قد حلاوته ف الاول بيبقى قساوته اكتر بكتير .. نصيحه منى متصدقيش كل الل بتشوفيه ..استمتعى بالفيلم والروايه ومع كلمه "النهايه" ارجعى ل ارض الواقع
جميله بااستغراب : الافلام او الروايات الل بتقول انها وهم مش كلها تسليه وغير هادفه نسبه كبيره منها دا بيكون تجسيد لحياتنا .. حياه عشتها او هتعشها او غيرك عايشها .. نقل تجارب وقصص وبتساعد ع تصحيح مفاهيم كتير ف دنيتنا وحياتنا بيبقى بوصله لحياتنا الل كتير بتوجهنا وبتساعدنا لتصحيح اخطائنا وغلطاتنا ..
على لسه هيتكلم قاطعته جميله : والحب هو الحياه لينا الحب دا من غيره مش هنحس اننا عايشين اصلا .. وهو موجود حوالينا ف كل حاجه ربنا خلق الانسان وخلقله الهوا والاكل والمايه والحب علشان تستمر الحياه .. وزى ما فى حلو ف الدنيا اكيد فى وحش .. ف احنا منفضلش باصيين ع الوحش ونقول الدنيا وحشه وربنا خالق لينا حاجات كتير حلوه تستحق نبصلها ونعيشها وتهون علينا وجع الحياه ومفيش اكتر من نعمه ربنا .. "الحب "
على : انتى مصدقه كلامك دا
جميله : هسالك سؤال .. انت بتشرب سجاير ليه ؟
على : عاده ..مش حب
جميله : بتشتغل ليه
على : عاده .. مش حب
جميله: ارتباطك ب احمد .. ليه ؟
على : قدرى ف الدنيا
جميله عاوزه تخليه يقول كلمه حب .. مامتك بتحبها ؟
على تلقائى: جدااا
جميله : ليه .. عاده ..مش حب برضه
على باانفعال : حب الام ملوش مقارنه ولا مقياس .
جميله: صح اتفق معاك .. مدام فى حب الام وحب الاب وحب الاصدقاء والاخوات يبقى فى حب الاحباب الحب موجود ف كل حاجه ..موجوده ف علاقتنا مع بعض .. هو انت محبتش قبل كده ؟
على اتفاجئ من السؤال وسكت لحظات وبملامح ضيقه: قلتلك الحب سذاجه واغبى احساس ف الدنيا وانا مش غبى
جميله : على . الل بيقول كده زيك دا بيكون اختار غلط او عاش تجربه مكنش حاسبها صح ... نتيجه عدم تفكير وتسرع نتيجتها فشل الاكيد والنتيجه بيشيلها صاحب القرار ومش معناها انه مبيعرفش يختار ولا يقرر بالعكس دا معناه ان يتعلم ازاى يختار وازاى يعرف يقرر لما تجيله فرصه تانيه وميتصرفش زى ما اتصرف مع الفرصه الاولى .. اختصارا يعنى ...لو حد شايف ان الحب غباء فدا يبقى نتيجه اختيار غلط ومش معناه ان كل الاختيارات هتكون غلط كل انسان ليه فرصه تانيه تعويض عن غلطته الاولى .. والل بيفضل متمسك ف غلطته الاولى بيبقى فعلا انسان غبى مش فاهم مغزى وجوده ف الدنيا ايه .. الانسان موجود ف الدنيا علشان يتعلم من اخطائه .. يتعلم ازاى يعيش ...
على ملامح وشه اتغيرت وبقت حاده اوى : جميله انتى ..
ف الوقت دا احمد نده عليهم بص "على" ل "جميله" وبعصبيه ومشى ... رجعت "جميله" وحست من الحوار الل دار بينها وبين "على" ان "على" مجروح جرح عميق جداا
وموجوع جدااا بسبب حدته ف الكلام وانه شايف كل حاجه غامقه ... راحت جميله قعدت وحست بخنقه لان ملامح "على" اتغيرت جداااا وبان عليه ملامح قسوه وغضب حتى لاحظت انه اتعصب ع "احمد" واحمد اتجنبه ..حست انها قلبت عليه وجع مكنش لازم .. تليفون "على" رن وكان ابراهيم ..راح "على" كلم "احمد" بسرعه وخرج ومشى و"جميله" عينيها منزلتش عن "على" لغايه ما مشى ..كملت اليوم ورجعوا ع البيت !!!
تانى يوم ف الشغل "على" كان فعلا بيتجنب جميله ولما بيصادفها كان بيسلم ع السريع ومبيقفش .. واوقات الاكل بيبقى بعيد وبيشرب سجاير استمر الوضع دا شويا .. فضول "جميله" واحساسها الل بيشدها تعرف "على" اكتر .. وتعرف ايه مشكلته بقى شاغل تفكيرها بكتير طول الوقت وهى قاعده كده فجت ف دماغها فكره ... ف يوم راحت المطبخ
جميله: واقفه تغسل الاطباق وسرحانه وطبق وقع منها
احمد : جيمى فى ايه مالك انهارده
جميله بملامح زعل: مفيش
احمد: مفيش ايه هتخبى عليا .. انت متغيره بقالك يومين
جميله رسمت ملامح زعل : انا ف مشكله كبيره
احمد اتخض: خير
جميله: هطرد من السكن انهارده اخر يوم
احمد: ليه كده
جميله : مدفعتش بقالى شهرين ومش قادرين يصبروا عليا
احمد : وهتروحى فين
جميله بملامح زعل: مش عارفه ..مش عارفه
احمد سرح شويا بيفكر وجميله بتبص عليه من تحت لتحت
" ف مره وهى بتتكلم مع "احمد" وحكلها ع الشقه الل قاعدين فيها انها كبيره جداا عليهم وف اوض فاضيه ونفسه حد يجى يقعد معاهم وكان بيفكر يأجر اوضه "
احمد بعد تفكير : خلاص مفيش مشكله .. تعالى اقعدى معايا انا و"على"
جميله رسمت علامه المفاجاءه : ايه
احمد حس انه اتفهم غلط : سورى ..مش قصدى حاجه .. عادى هنا ان اى حد عنده شقه كبيره وف اوض فاضيه بيأجرها .. وبعدين اعتبريها سكن واحنا قاعدين لوحدينا وبنروح ع النوم وهناخد منك ايجار يا ستى .. ايه رأيك
جميله عملت نفسها بتفكر ومتردده : لكن انا معيش فلوس لان مرتبى بقالى فتره بدفع ديون عليا
احمد ضحك: يبقى انتى مكانك صح معانا ..احنا شقه المديونين
جميله ابتسمت .. احمد: هنعديلك وهناخد منك بااثر راجعى ها ..
جميله رسمت ملامح : واضح مفيش حل كده ..اوكيه .. لكن "على" هيوافق
احمد بثقه : اكيد طبعا .. يعنى وقت ما تكونى ف مشكله نسيبك
داانتى وقفتى جنبنا اكتر من اى حد والشغل دا بسببك .. اجهزى بس ونرجع سوا
جميله : طيب قول ل على
احمد: "على" مش هنا وغير كده صدقينى مش هيقول حاجه
جميله حست ان خطتها اشتغلت ونجحت انها تروح تعيش معاهم علشان تعرف مشكله "على" وهو كده ليه لان "احمد " مبيتكلمش وبيهرب فقررت تعرف لوحدها وتتقمص شخصيه " شارلوك هولمز " وخلصوا الشغل وكانت شنطتها جاهزه فعلا معاها ورجعت ع البيت هى واحمد دخلوا الشقه وبتبص حواليها.. جميله بااستغراب : ايه دا انتم قاعدين ف كل دا لوحدكم
احمد بيضحك : هنقر من اولها ..وبعدين دى بتاعه واحد صاحبنا وقلتلك انها صحرا علينا ... بس بجد نورتى يا جيمى ..تعالى اوريلك اوضتك
وهما ماشين شاور ليها ع اوضته وعلى اوضه "على" .. دخلوا الاوضه
احمد: دى اوضتك تتدحرجى فيها براحتك واهو المفتاح يا ستى ذياده امان ويارب تكون عاجباكى
جميله : حلو بجد .. ميرسى يااحمد بجد مش عارفه اقولك ايه ع مساعدتك ليا
احمد بيضحك: قوليلى تاكلى بيتزا ولا باستا علشان جعان
جميله بتضحك: بيتزا
احمد : اشطه .. غيرى هدومك وهطلع اطلب الاورد
خرج احمد من الاوضه وملامح سعاده اترسمت ع وش "جميله" واترمت ع السرير من السعاده .. !!
غيرت "جميله" وخرجت و"احمد" كان طلب الاورد جه لان المحل جنب البيت : يلا يا جيمى
جميله باابتسامه: يلا يا ميدو
جميله بتبص حواليها : هو "على" بيتاخر كده
احمد: يعنى ع حسب ما بيخلص
جميله بتبصله: بيخلص ايه ؟
احمد تنح وبص ل جميله: يخلص قاعده يعنى هيكون هيخلص ايه
جميله: هو بيروح فين كتير كده .. وليه بيروح لوحده وانت لا
احمد اتفاجئ : نعم
جميله: يعنى انتم اصحاب وجيتم هنا مع بعض وع طول مع بعض ليه هو ع طول بيروح فاجاءه يقابل اصحابكم وانت لا
احمد بيحاول يخرج من الموقف: قلتلك انا مبحبهمش ولا بحب قاعدتهم عادى يعنى
انتى بتحبى الشطه
جميله : لا
احمد كان فى صوص فلفل حامى حطه ع البيتزا : انا بموووت فيها و "على " مبيحبهاش اهو عادى .. احنا اصحاب واخوات لكن مش كل حاجه بنحبها بنكون مع بعض .. الاختلاف مطلوب يا جيمى لتنويع
جميله بتضحك: ماشى ...
وهما قاعدين بيضحكوا باب الشقه اتفتح وكان "على" لابس لبس شيك استغربت انه غير لبس الل كان لابسه ف الشغل .. "على" دخل ومش واخد باله : مساء الخير
جميله باابتسامه : مساء النور
"على" ركز وبص ع الصوت لقى "جميله" قدامه بص ع الساعه كانت 3 بعد منتصف الليل
"على" بعصبيه: انتى بتعملى ايه هنا
"احمد" قام ومشى اتجاهه بسرعه : متتعصبش بس تعالى وانا هقولك
احمد بص ل جميله : كملى انتى الاكل واوعى تاكلى بتاعتى هاكلك
ابتسمت جميله وقلقت ف نفس الوقت من رد فعل "على "
"احمد" اخد "على" ودخله الاوضه وحكاله ع موقف جميله
"على" بعصبيه: انتى بتستهبل هتقعد بنت معانا
احمد: يعنى ينفع تكون ف مشكله ومنقفش جنبها .. هى مش لقيه مكان تروحه ومعهاش فلوس اصلا كمان
على بيطلع فلوس : خد اديهالها تروح اى لوكانده
احمد : ودا ينفع يعنى .. البنت قالت لينا احنا اصحابها الوحيديين الل وثقه فيهم نقوم احنا نتخلى عنها ونسيبها ف لوكانده ولا ف الشارع ..وبعدين دا شهر بس لغايه ما تشوف سكن تانى ياعم
مش هتعيش معانا يعنى ع طول .. وبعدين دا ااقل حاجه نردهولها .. دى وقفت جنبنا اكتر من اى حد دورنا بقى نطلع رجاله ونقف جنبها ف ازمتها دى .. شهر بس وهتمشى
على مش عارف يرد : مش عارف انا اقولك ايه
احمد: متقولش حاجه .. انا عرفتها اوضتها واديتها مفتاح الاوضه وعرفتها ان غير مسموح التجول ف اوض بتاعتنا وخصوصا اوضتك .. وهى موافقه هننزل مع بعض لشغل وهنرجع مع بعض ..دول ساعتين الليل بتوع النوم وخلاص يا "على" وانت اصلا مش بتقعد كتير ف الشقه ..فطبيعى مش هتحس بيها ياعم
على نفخ ومعرفش يقول ايه ... احمد: ع خير الله تصبح ع خير
خرج "احمد" من اوضه "على" و"على" حس بضيقه بوجود "جميله" معاه ف الشقه و"احمد" جبره ع الوضع دا ...!!
مر اسبوع وحاول "على" يتقبل وجود "جميله" ف الشقه وبيتجاهلها واغلب الوقت قاعد ف اوضته لما بيكونوا ف البيت ولاحظت بيجيله مكالمات يبلبس شيك وينزل ... فى يوم جميله اخدت يوم اجازه وراحت مشوار ورجعت ع البيت وكانت بتفكر تعمل ليهم اكل اشترت حاجات من السوبر ماركت وفتحت الانترنت ودورت ع وصفات اكل سهله لعشا ع اعتقاد ان "على" و"احمد" ف المطعم وهى لوحدها ... وهى واقفه ف المطبخ سمعت صوت حد بيكح جامد اتخضت واترعبت ومسكت السكينه وبهدوء بتدور ع مصدر الصوت .. بصت ف الاوض مكنش ف حاجه قربت من اوضه "على" سمعت صوت كحه جامده .. فتحت الباب بشويش وف ايديها السكينه افتكرته حرامى ... بهدوء فتحت الباب لاقت "على" نايم ع السرير بهدومه ..جميله بتوتر: انا اسفه مكنتش عارفه انك هنا وسمعت صوت وقلقت ليكون ..
وهى بتتكلم شافت "على" مغمض عنيه وبيكح جامد اوى قلقت من منظره قربت بهدؤء شافته عرقان اوى قربت ايديها ع راسه لقته سخن جدااا : ايه دا ..انت سخن اوى كده ليه "على" انت تعبان .. "على" .. "على"
"على" مش قادر يرد عليها فتح عينه وغمضها تانى ... بسرعه راحت "جميله" ع المطبخ
طلعت تلج من الفريرز وجابت فوطه وراحت بسرعه ع الاوضه وابتدت تعمل ليه كمادات مايه ساقعه كتير .. الموقف ربكها مش عارفه تعمل ايه تانى راحت اتصلت ب "احمد" واستاذن وجاب دكتور وجه ع البيت
وبعد الكشف .. الدكتور : ياخد العلاج دا ويرتاح اسبوع وهيكون كويس
جميله: هو عنده ايه ?
الدكتور: نزله شعبيه حاده .. ولو كنتم استنيتوا شويا كان هيدخل المستشفى لكن الحقنه هدت شويا والكمادات ساعدت الحراره تنزل شويا ومع العلاج والاكل الصحى هيبقى احسن
احمد: شكرا يا دكتور ..اتفضل معايا
خرج "احمد" وجميله زعلت ع "على" وبصاله : هو انت ايه حكايتك بالظبط
دخل احمد : هنزل اجيب العلاج دا انا دلواقتى
جميله: وانا هعمله شوربه
احمد: هتعرفى ..انا هشتريها جاهزه من المطعم الل جنبنا
جميله: هعرف ان شاء الله .. بس هقولك ع حاجات تشتريها
احمد: اوكيه
نزل "احمد" ورجعت "جميله" تعمله الكمادات .. وشويا رجع "احمد" ساعدها انه تغيرله هدومه وفرش السرير وراحت المطبخ تعمل الشوربه فتحت الانترنت وجابت طريقه شوربه الخضار بالفراخ احمد بص ع الساعه:ا انا هرجع المطعم بقى علشان اقدم ع اجازه ل على ومش هتاخر
جميله: اوكيه
نزل "احمد" وابتدت "جميله" تعمل الشوربه ومركزه اوى ع التفاصيل اول مره تعملها
جهزتها وراحت بيها اوضه "على" وبهدوؤ حاولت تاكله منها شويا وهو كان تعبان مش قادر
اكل شويا صغيرين واخد علاجه ونام ...غطته جميله كويس وبمنديل مسحت عرق على جبينه ومن غير ما تحس فضلت دقايق باصه عليه وهو نايم .. للحظات وانتبهت واخدت نفس وجت تقوم رجليها اتخبط ف اجنده واقعه ع الارض ..راحت مسكتها ولقت انها بتاعه "على"
فضولها خلالها تفتحها وكان مكتوب حسابات وخواطر ...اخدتها وخرجت بهدوء بره ف الصاله وابتدت تقراها .. وكان "على" كاتب حاجات فيها كتير حكايته مع ايمان ومشاعره اتجاهها وشافت صوره ل "ايمان وعلى" وقت الخطوبه واستنتجت جميله ان ف حاجه حصلت ليهم ملقتش تفاصيل كتير لكن كلام على لمس قلبها جداا ومشاعره واحلامه ... وغير الحسابات الل مش فاهمها ..بهدوء رجعت الاوضه فتحت الدرج براحه وحطت الاجنده ورجعت خرجت وقفلت الباب وراها ...فضلت قاعده سرحانه فى ايه الل حصل والشخص الل كاتب الكلام دا غير الل هى شايفاه ....فضلت قاعده مستنيه "احمد" كان وصل
احمد: هاى جيمى
جميله: هاى احمد
احمد: عامل ايه على ؟
جميله: بخير .. اكل شويا واخد علاجه وكمان ساعتين ف علاج ليه
احمد: تعبتك معانا .. الحمد الله انك كنتى موجوده ولحقتيه
جميله بتضحك: واضح ان وقت انى الحقه جه
احمد بيضحك: افضلوا انتم اعملوا حوادث وادخلوا مستشفيات معرفتكم معرفه نيله
جميله: اكيد ما اكلتش
احمد حط ايده ع بطنه: بصراحه لا
جميله: تاكل شوربه خضار وفراخ وف باستا
احمد: سيبك من شغل العيانين دا وناولينى الباستا والفراخ وسيبلكم الشوربه
جهزت "جميله" الاكل وحطته ل "احمد" وابتدا ياكل وفضول "جميله" مسيطر عليها
جميله: حلو االاكل
احمد وهو بياكل: برغم انى كنت شاكك فيكى لان اغلب البنات الل بيجربوا الاكل بيفشل منهم من محاولاتهم الاولى لكن انتى طلعتى استاذه ...
جميله بتضحك: التركيز .. انا اتعودت طول حياتى لما اعوز حاجه اركز واصمم انى اعملها واخدها
احمد : ركزى بقى كل يوم كده وورينا الانبهارات بطننا نشفت من اكل الشارع
جميله بتضحك: ان شاء الله
سكتت جميله واحمد بياكل .. جميله مسكت شوكه وبتحط فراخ ل احمد ومره واحده : احمد
احمد : اممم
جميله: ايه حكايه ايمان ؟
احمد سمع ايمان شرق .. ناولته كوبايه مايه وشرب : ايمان .. انت جبتى الاسم دا منين
جميله بتقرب من احمد وبتوشوشه : بصراحه كده وانا ف اوضه "على" شوفت اجنده صغيره ع الارض وفضولى خلانى افتحها ولاقيت اسم "ايمان" وكلام كتير "على" كاتبه وحسابات
ولفت نظرى صوره ل "على" وواحده محجبه وعلى كان بيضحك ودى اول مره اشوفه بيضحك والكلام الل مكتوب دا من شخص غير الل انا شايفاها دا .. فمين ايه وايه حكايتها ؟
احمد حس انه اتزنق : مع ان الموضوع ميخصنيش ..
بس انا هقولك لانك جدعه وممكن تساعدينى
ابتدا احمد يحكى ل جميله ع موضوع"ايمان وعلى" من اول ما "على" حب "ايمان" وارتباطهم وحياه "على" قبل السفر وسبب سفره ورجوعه وصدمته من خبر وفاه والدته وجواز ايمان مع بعض ف نفس الوقت وديونه لكن محكاش ع شغل على مع ابراهيم
جميله اتفاجئت من الل سمعته دا : معقول ف حد كده ف الايام دى بيحب كده
ومخلص بالشكل دا .. وميتقدرش
احمد: تعملى ايه بقى احنا ف زمن لما الجنيه بيتكلم فى داهيه القلب والحب
________________
يتبع
ليست هناك تعليقات:
إرسال تعليق