(14)
اخد اجازه اسبوعين "على" بسبب الحادثه من الشغل الكازينو وبيع الجرايد لانه فعلا كان تعبان وكان محتاج راحه ... فى يوم و"على" قاعد ف اوضته ع السرير باب الاوضه خبط ودخل "ابراهيم " ..:
ابراهيم: WHATS UP MAN
على : هيما ,, اهلا
ابراهيم قعد : متتحركش خليك مرتاح
على قعد ع السرير ... ابراهيم : ها ايه الاخبار .. عامل ايه دلواقتى
على : الحمد الله
ابراهيم بيضحك: انت الموت بيهرب منك ياا محظوظ .. الوالده باين كانت دعيالك
على : انت كنت فين كده
ابراهيم: كنت ف مشوار قلت ف سكتى امر عليك واشوفك .. شكلك اخدت ع القعده ولا ايه يا مان
على : لا ابدا ..كنت هبتدى نزول من بكره
ابراهيم: بجد يا ابو على التليفونات عليك متبطلش وغيابك باين اوى وكله بيسئل عليك ..
وطبعا قلت انك مسافر مش عملت حادثه ولا حاجه
على : ماانا كنت هسافر فعلا
ابراهيم بيضحك: بعد الشر عليك .. لو محتاج اجازه تانى اوكيه
على : لا خالص بكره هتلاقينى عندك
ابراهيم قام وقف: وانا هستناك
على : مسألتكش تشرب ايه ؟
ابراهيم: هتعزمنى ف مكانى . بكره نشرب القهوه مع بعض ..اشوفك بكره
على: اوكيه
خرج "ابراهيم " ورجع "على" نام ع السرير ..موبيله رن وكانت "هبه "
هبه: على عامل ايه دور البرد الل جالك راح ولا لسه
مكنش "على" بيقول ل "هبه" ع الل بيحصله وقالها انه تعب دور برد الاخير دا...
على : الحمد الله بيروح بلاش قلق كده
هبه : انت متعرفش الفتره الل فاتت وانا مش عارفه اوصلك وبعدين "احمد" قالى انك تعبان ومش قادر تتكلم كنت هتجنن ...
على : اطمنى دور وعدى
هبه: خلى بالك يا "على" من نفسك متقلقنيش عليك ف غربتك
على غير الكلام: العيال الاشقيه عاملين ايه "عمر وعلى "
هبه: نفسهم اووى يشوفوا خالهم بدل الصور يا "على" مش هتنزل اشوفك
على غير الكلام: متقلقيش يا هبه هبقى اطمنك عليا .. سلامى ل عبدلالله وخالتى وعمر و على
هبه بصوت يأس : يوصل ..لااله الا الله
على : سيدنا محمد رسول الله
قفل "على" مش اخته ةحس بخنقه لكن فكره نزوله مصر كانت مستبعده ..فتح درج كوميدنو جنبه وكانت الاجنده القديمه موجوده فتحها وقعد يقلب الصفحات ومع تقليب الصفحات قلب ع نفسه كل الل فات لانه مكنش بيكتب بس ديونه لكن كان بيكتب فيها احلامه وحياته مع ايمان
بص ع التواريخ لاقى انه مر من وفاه والدته وجواز ايمان 3 سنين بالظبط بالظبط .. حس بخنقه قفل الاجنده ورماها ف الدرج بعصبيه وقفله وقام اخد الجاكت وخرج من الاوضه ونزل يتمشى ... !!
تانى يوم الصبح نزل بدرى علشان يروح المستودع يجيب طلبيه الجرايد والمجلات
هو واحمد وراح ع المكان الل بيقف فيه ووقف واحمد كالعاده اخد كرسى ونام ..
شويا و"على" قاعد سمع صوت بيتكلم بالعربى : صباح الخير
على بص ع الصوت وكانت "جميله" و"على" اتفاجئ: جميله
قربت "جميله" ومعاها علبه فيها دونتس وكوبيتين نسكافيه
جميله باابتسامه: صباح الخير
على : صباح الخير
جميله ب ابتسامه : ازيك يا "على" عامل ايه دلواقتى ؟
على بملامح حاده : الحمد الله .. تمام .. انتى بتعملى ايه هنا ؟
جميله بتضحك: انت ناسى ولا ايه العماله المصريه فى الخارج رايحه الشغل طبعا
على بص ع الساعه : الساعه 8 الصبح
جميله: ماانا شغاله شفت الصبح ف المطعم
على : طيب
جميله باابتسامه مدت ايديها ل "على" بعلبه الدونتس والنسكافيه : وبمناسبه ان دا اول يوم ليك تنزل فيه الشغل بعد الحادثه الل انا كنت سببها فحبيت اعزمك ع فطار .. اتفضل
على بلهجه حاده : شكرا ملوش لزمه
جميله تجاهلت طريقته وابتسمت : دى ابسط حاجه اقدر اعملهالك ع الل عملته معايا
على بملامح بارده : اى حد لو فى مكانى كان هيعمل كده انتى مكبره الحكايه ومدياها اكبر من حجمها ..انا معملتش المعجزه
جميله باابتسامه : ظهورك بالنسبالى هو المعجزه
على سكت ... جميله : وبعدين هتخلينى مده ايدى كتير كده ..
(علت صوتها شويا علشان يسمع "احمد " ): و"احمد" كمان ليه نصيب مش نسيته
احمد فتح عينه : حد بينده عليا
على وجميله بصوا ليه : جميله : صباح الخير
احمد باانشكاح: صباح الجماال ل احلى جميله
جميله: يلا اسيبكم انا واشربوا النسكافيه قبل ما يبرد والدونتس دى جميله
احمد: الله ع الروايح الجميله يا جميله
جميله مبتسمه : الف هنا
احمد باابتسامه: وانتى مش هتفطرى معانا
جميله: لا سبقتكم ..
احمد: ينفع كده يعنى .. طيب نعزمك ع شاى ولا سندوتش
جميله : اممم انا معنديش مانغ بس وقت الغدا اعزمونى
على اضايق من جرائتها .. احمد باابتسامه: ياسلام انتى بس تعالى والل تطلبيه هيجااااااااااب
جميله: يبقى اتفقنا وقت الغدا عجيلكم
على بلهجه تطفيش: وهتيجى كل دا ع غدا خليكى لمناسبه احلى
جميله: لالا مش بعيد المكان المطعم اصلا قريب
نفخ على" عكس " احمد" الل فرح : واحنا مستنين
جميله: اوكيه .. باى مؤقت
احمد: باى مؤقت
على تجاهلها خالص ... احمد باصص عليها وهى ماشيه : يهربيت كده هو ف طعاه كده ..شوفتها يا لوول وهى بتقول اوكييه ..باى .. يا نهاررررررى
على بص ل احمد بنظره استحقار : هايف طول عمرك
احمد: بس بحس وبشوف نعم ربنا الل حواليا مش كلهم نوع واح
على بينفخ: انا رايح اجيب قهوه
احمد: النسكافيه اهو لسه سخن
على : مش عاوزه مش بحبه يا اخى
احمد: خلاص متزقش احسن برضه علشان اقتحم العلبه والكوبايتين براحتى ...!
وقبل ما يخلصوا ع الساعه1:30 جت جميله ليهم بعلبتين فيهم سنوتشات وعصير
جميله ب ابتسامتها: انا جيت
احمد فرح : يا اهلا
على بااستغراب: ايه دا
جميله بتبص ع الاكل: دى سندوتشات ..انجازا لوقت لانى مفيش قدام غير ااقل من ساعه مكنتش عاوزه اضيعها واقفه ف طابور مستنيه الاوردر ..
اخنج: بس احنا الل قولنا هنعزمك
جميله ب ابتسامه: مره ليا ومره ليكم
احمد: الله الله يا مراتك يا جميله
ضحكت "جميله" وطلعت السندوتشات من العلبه ...
وبتقدم واحد اتجاه "على" : اتفضل
على بملامح قاسيه ومش باصصلها : لا شكرا
جميله: دا ينفع انت اكيد محتاج تاكل علشان علاجك
على بصلها ب استغراب وبلهجه حاده: انا مش صغير ومش مستنى حد يعرفنى ايه صح وايه غلط .. انا والدتى الله يرحمها ودور السؤال دا مش لايق
جميله مصدومه من طريقه الكلام: انا ...انا مقصدتش حاجه
احمد دخل يلطف الجو : هاتى هاتى انا جعان اوى
على بص وزغر ل احمد .. احمد: ايه ياعم جعان الله
احمد شد كرسى وشد ايد جميله وقعدت .. جميله طلعت سندوتش : على
على : مش جعان
احمد شد السندوتش: سيبك منه
جميله فتحت علبه عصير : ولا عطشان اومال عايش ازاى
على اتحرج ومسك العصير وقعد ساكت جنبهم وابتدوا ياكلوا ويتكلموا واحمد وجميله
مفصلوش هزار وضحك وعلى مضايق من الل بيحصل ... خلصوا الاكل ومشيت جميله
ورجع السكن على واحمد ...
احمد ب انشكاح : حقيقى اسم ع مسمى
على: مين دى ؟
احمد بيتنهد : جميله الجميلات .. جميله
على : لا حول الله يارب .. هو انت تعرفها علشان تتكلم كده كل دا من سندوتش وعلبه عصير
احمد: ومتنساس الدونتس ..احلى دونتس اكلته من وقت ما جيت بلاد الظلام دى وبعدين والله انت ولا بتفهم ولا شايف ..خليك ف الل انت فيه دا بالنظاره السوده الل ع عينك
على خبط احمد بالمخده: اتخمد
احمد: الواحد اتظبط انهارده ..ياريت جميله تيجى بكره كمان ياااه..!
تانى يوم "على " و "احمد" اتفاجئوا ب "جميله" قدامهم " ومعاها نسكافيه ودونتس اتكرر دا كذا يوم .. كان ع قلب "احمد" زى العسل ومعترضش لكن الل كان معترض " على " .. ففى يوم هى جت ف "على" بصلها بنظره حاده .. جميله: بتبصلى كده ليه يا على ف حاجه
على : انتى موركيش حاجه غيرنا .. هو كورس كل يوم تجيلنا كده .. انتى مش مراعيه ان دا شغل وانتى اكيد عندك شغل ..
جميله اتفاجئت بطريقه "على" الحاده : انا عارفه ان دا شغلكم
احمد قاطعها : فى ايه يا "على" الموضوع ميستهلش "جميله" بقت واحده مننا
على بلهجه حاده: لا مننا ازاى لا هى اختى ولا اختك ولا تقربلنا والمكان دا ل اتنين بس انا وانت .. وبعدين احنا مطلبناش منك كل يوم تجيبى فطار لينا احنا بنعرف ندبر حالنا
احمد مسك على من دراعه: مش كده يا على البنت معملتش حاجه
جميله لاحظت حده الكلام مشيت خطوتين اتجاه "على" : انا اولا معرفش سبب الحمقه والعصبيه دى ايه .. هو انا غلطت ف حد فيكم .. سببت مشكله لحد فيكم .. انا اول معرفتكم وحبيت اكون قريبه منكم حبيت اكون صديقتكم لان مش عندى اصحاب كتير مصريين .. لو لدرجه دى صداقتى مش مرغوب فيها اوعدكم مش هتشوفونى تانى . بس عاوزه اقولك ان التعامل مع الناس بيختلف من واحد لتانى .. معرفش انا مين سببللك مشكله ف حياتك وعممتها لكن لو كنت صبرت شويا وعاملتى كان ممكن متتعصبش وتتنرفز كده .. انا اسفه ع ازعاجى ليكم
قامت جميله وهتمشى قرب منها "احمد" ومسك ايدها : استنى يا جميله رايحه فين
جميله: رايحه شغلى .. واسفه بجد ع ازعاجكم
احمد: لا ازعاج ولا حاجه وبجد انتى من الشخصيات النادره الل قابلناها هنا واتقربت لينا كده.. وعن نفسى انا معتز بصداقتك جدااا وهو انا اطول بنوته زى القمر تكون صديقتى ف الغربه دى
جميله ابتسمت ل كلام احمد : ميرسى يا احمد
احمد وقف وبص ل على : بص يا على لو انت معترض ع وجود جميله ف انا مش معترض بالعكس انا متمسك بوجودها وسطنا كده وعن نفسى مش هتخلى عنها واقعد يا جيمى ورحرحى المكان مكانك او معنى اصح رحرحى ف الجزء الل يخصنى
على مستغرب من كلام احمد : انا مقصدتش حاجه بس كده اوفر واحنا منعرفش بعض
جميله: انت اديت نفسك فرصه تعرفنى علشان تحكم عليا .. احمد ادانى فرصه وبنعرف بعض .. انت استعجلت حكمت واصدرت قرار .. اعرفنى الاول وبعدين قول رأئيك
على : انا رايح اشترى قهوه
مشى "على " وجميله باصه عليه : غريب اوى على
احمد بصله : قصدك بقى غريب اوى
جميله بصتله: تقصد ايه
احمد انتبهه لكلامه : اقصد يعنى متزعليش من كلامه هو قاسى شويا بس انسان كويس اوى لما تعرفيه هتحبيه زى ما بتحبينى كده .. مش انتى بتحبينى يا جيمى
جميله ضحكت من طريقه هزار احمد : طبعا طبعا
فى القاهره بعد مرور 3 سنين كان اتحدد ميعاد كتب كتاب اسماء ومحمد ودا لان محمد دخل الجيش سنه وسنتين بيكون نفسه و"اسماء" كانت صابره ومش معترضه اطلاقا ...
وقبل كتب الكتاب نزلت "ايمان" اجازه علشان تساعد اختها ف تجهيزاتها ...
اسماء فى الاوضه بتحط هدومها ف شنطتها وايمان بتساعدها ..
اسماء : بصراحه مكنتش متوقعه انك هتنزلى بدرى كده ..انا قلت هتيجى يوم الفرح
ايمان باابتسامه: يارخمه.. هو انا اقدر افوت يوم زى دا ولحظاتك الاخيره ف البيت
اسماء : بهزر طبعا .. بجد ياايمى كنت هضايق منك اوى
ايمان : يا هبله احنا اخوات ..مبروووك يا سمسم ربنا يكملك ع خير
اسماء: حبيببتى انا تسلميلى وعقبال ما تجبيلنا نونو يقولى يا خالتو
ايمان بتتنهد : ان شاء الله
اسماء كانت بتحط حاجات ف شنطتها و"ايمان " باصه عليها وسرحت ....ايمان : اسماء ... انتى مبسوطه
اسماء باابتسامه: ازاى
ايمان: يعنى .. مبسوطه بقرارك بجوازك من محمد
اسماء بتضحك: نعم.. داانا هطير من الفرحه يابنتى
ايمان: متعبتيش وانتى بتستنيه كل دا وظروفه دى ومفيش فرح وهتقعدى ف شقه اوضتين وصاله و ...
اسماء قاطعتها : بصى يا ايمى .. انا وقت ما حبيت "محمد" .. حبيته بكل حاجه فيه ظروفه وبلغبطته .. بعكه بكل حاجه ووافقت عليه كله .. معنى اصح وافقت ع الشاروه كلها ع بعضها .. لانى انا مش انسانه كامله وهو وافق ع كل حاجه فيا وراضى .. احنا الاتنين مقتنعين ببعض يبقى خلاص هنطلب ايه تانى ... !
ايمان: يعنى مكنش نفسك تتجوزى ويتعملك فرح كبير وتقعدى ف شقه واسعه زى شقتنا مثلا
اسماء: الماديات دى انا مبفكرش فيها .. انا المهم عندى الشخص الل هعيش معاه .. قرارى بااختياره يعنى قرارى بتحمل كل حاجه وقبولى بكل حاجه مش هختار انا الحلو وهسيب الوحش .. بالعكس دا انا اقتنع بالوحش قبل الحلو دا علشان عاوزه اعيش معاه
ايمان: يعنى مش هتندمى
اسماء اتنهدت : عارفه يا ايمى انا كنت هندم لو كنت سيبته .. انا ومحمد بنحب بعض والفتره الل مرت علينا من اول ارتباطنا ببعض ولغايه ما اتشجع واتقدم واخد خطوه وصبرى وانى استحملت ..كل الحاجات دى مواقف واتحانات لعلاقتنا وهو لو مش متمسك بيا مكناش هنكمل او انا .. العلاقه ال فيها طرف ماسك وبيقاوح وبيحارب وطرف التانى سايب طرف الخيط بتبقى علاقه فاشله .. الارتباط اتحاد صعب ينفصل
ايمان بنص ابتسامه: ربنا يسعدك يا سمسم ..
اسماء: اومال مازن منزلش معاكى مصر ليه ..
ايمان: لا هو عنده شغل وهيجى ع ميعاد الفرح ان شاء الله
اسماء : ان شاء الله
اسماء وقفت ف نص الاوضه: ياترى انا نسيت ايه ياترى
ايمان قامت واسماء واقفه حضنتها اوووى ودموع نازله من عنيها : انا فرحانه ليكى اوى يااسماء ربنا يسعدك ويفرح قلبك دايما
اسماء استغربت من تصرف ايمان : مالك ياايمى ف حاجه
ايمان: فرحانه بيكى اووى اختى الصغيره اخيرا هشوفها عروسه
اسماء حضنتها: وانا بحبك اووى يااحلى اخت ف الدنيا
شويا وسط انشغال "اسماء" بتجهيز حاجتها ..خرجت "ايمان" للبلكونه تشم هوا وهى بتبص ف الشارع شافت "هدى " ومعاها بنتها وشكلها لا يسر عدو ولا حبيب وفاجاءه من غير ما تحس ايمان دموعها نزلت وهى باصه ع "هدى " ....!
استمرت جميله تروح ل "على" واحمد" قبل ما تروح شغلها وكانت علاقتها ب "احمد" بتتطور وبتبقى اقوى من الاول عكس "على" الل كان بيتجنبها ...فى الوقت دا كان "على" شغال ف شغله الخاص بالكازينو عادى لكن مكنش بيروح الكازينو كتير وكانت "جميله" اغلب الوقت بتروح ليهم الصبح بفطار تفطر معاهم و يتغدوا مع بعض ...فى يوم احمد كان تعبان جاله دور حمى واطلب منه يرتاح اسبوع وميتحركش .. فنزل "على" وراح اخد الطلبيه من المستودع ا لمجلات والجرايد واول ما وصل بالعربيه لمكان شاف "جميله" واقفه مستنياه "على" نزل من العربيه ومستغرب انه شافها بدرى كده ...
على : جميله انتى بتعملى ايه هنا
جميله باابتسامه: صباح الخير
على بملامح جد: صباح الخير
جميله راحت تساعد "على" ينزل الجرايد والمجلات من العربيه
على مستغرب : ايه بتعملى ايه
جميله: يلا بس خلى الراجل يمشى ولا هيفضل واقف
ف لهوجه ساعدت "جميله" "على" ونزلت الجرايد والمجلات ورستهم ..
على : انتى موركيش شغل
جميله : اومال انا بعمل ايه
على : مش فاهم
جميله : ثوانى
جميله طلعت موابيلها وفتحت رساله وكانت من احمد
" جميله لو تقدرى تكونى مكانى اليومين دول مع "على" علشان انا مش هقدر انزل "
وشاف "على" رد جميله " OK ""
على متفاجئ: لا لا لا .. سيبى الل ف ايدك دا وروحى شغلك
جميله : ماهو انا بشتغل هو انت فاكر هقف بالمجان
على : مش فاهم
جميله بتغمز ل "على" وبتضحك: هنصص مع "احمد " اليوميه
على متفاجئه ومش لقى كلام : انتى مش عندك شغل دلواقتى ؟
جميله وقفت : انت ناسى انه شيفتات .. عادى حولت الشيفت بتاعى بليل
على : نعم
جميله : احنا هنقعد نتكلم ونسيب الحاجه ع الارض كده .. يلا نشتغل يلا
"على" متفاجئ من تصرفات جميله وجرائتها معاهم هو و"احمد" الفتره القصيره الل عرفتهم فيها لكن فكر ان علاقتها ب "احمد" اقوى منه فدا الل خلااها تتصرف كده ومتركزش ع معاملته الجافه معاها وتتجاهله .. استحلف ل "احمد" واخد جرايد ومجلات وبيرصهم ف مكانهم ..مر الوقت وقعدوا الاتنين و"على" اشترى نسكافيه يشربوهم :
جميله باابتسامه: Thank you
على : جميله
جميله: yup
على : ممكن اسألك سؤال ومن غير زعل
جميله باابتسامه : اسئل طبعا
على : انتى بتعملى ايه ؟
جميله بتضحك: مش فاهمه .. قاعده معاك اهو وبشرب النسكافيه الل جيبته
على : لا مقصدش دا .. اقصد تصرفاتك معانا .. الفتره الل عرفتينا فيها قصيره متحكمش انك تتصرفى كده معانا حتى لو علاقتك ب احمد قويه ... ولا انتى ع طول كده ..دى شخصيتك
جميله : احم .. اه فهمتك
بص يا على .. بمنتهى البساطه لانك واضح قلقان من وجود ومش واثق فيا ..انا هوضحلك حاجه صدقت كويس مصدقتش دى حاجه ترجعلك لان دا اللحقيقه ..انا من اول ما قابلتكم واتكلمت معاكم وانا حسيت انى قريبه ليكم اووى ..يمكن علشان مصريين وقليل لما تقابل مصرى جدع يعنى مطبعش بالاستايل الاجنبى حياه تهور وحريه وانفستاح من غير مبادئ ولا اخلاق وكل حاجه مباحه ... اغلب الل عرفتهم متغربين هنا فاهمين انهم لما يخرجوا من بلدهم كل القيود تتفك فبيتعاملوا بالمنطلق دا ودا مش صح لان الانسان الل بيكون من غير منطق ولا مبدء لحياته مبيعرفش يعيش بيبقى شبح لو اختفى بيبقى زى الل مكنش موجود هوا لكن الانسان صاحب مبدء ف الحياه ومنطق وخطوات ثابته وواضحه اثره بيفضل ويستمر .. ف انا فعلا مليش اصحاب كتير لانى مش بصاحب اى حد لمجرد ملي الفراغ .. انا بدخل الاشخاص ف حياتى الل بحتاج وجودهم فيها .. وانا لما قابلتكم حسيت بميول ليكم وحبيت اعرفكم اكتر ونبقى اصحاب بجد ف الغربه الل ملهاش اخر دى وحاجه كمان شدنى ليكم ان فيكم روح المصريه ..وانا بعشق مصر .. دى الحكايه اقتنعت ولا لا ..
على ساكت .. جميله: عموما مش عاوزه اعرف النتيجه بس صدقنى لو عرفتنى صح زى احمد مش هتحس بندم وصدقنى لانى حاسه اتجاهكم كده انى مش ندمانه ع الوقت الل بقضيه معاكم ..
على غير الكلام : هو انتى مبتنزليش خالص
جميله: على حسب ..مش دايما
على بملامح جد : تمام .. موقفى معاكى عاوزك متعتبرهوش انه حاجه مميزه لان اى حد كان ممكن يعمل كده
جميله باابتسامه: انت شايفها عادى لكن مقابلتى ليك مرتين دا حاجه مش عادى ..
وغير كده انا عاوزه ارد الل عملته معايا ودا ابسط حاجه
على : انا قلتلك حاجه بسيطه وبعدين متلغبطيش حياتك بسببنا ..انا كنت اقدر اقف لوحدى وبتحصل و"احمد" بيقف لوحده مفيش مشاكل معانا ..
جميله: متقلقش انا مظبطه كل حاجه متقلقش
ف الوقت دا جه زبون بيشترى مجله قامت جميله بسرعه اتعاملت وباابتسامتها لزبون ..!
استمرت "جميله" لمده اسبوع "على" يوصل المكان يلاقى "جميله" مستنياه ومعاها علبه فيها دونتس ونسكافيه لفطار وبحماس وبهجه وباابتسامه بيتبتدى جميله يومها مر الاسبوع ونزل" احمد" الشغل وراح شاف "جميله" مستنياهم ومعاها علبه فيها كيك وعصير :
احمد: جيمى
جميله باابتسامه: صباح الخير وحمد الله ع سلامتك يا حماده
احمد: الله يسلمك .. بجد بشكرك يا جميله انا تعبتك معايا
جميله باابتسامتها: مفيش شكر بين الاصدقاء ولا ايه واكيد هحتاجك وهترد الل عملته
احمد بيضحك: طبعا طبعا
جميله مدت ايديها بالعلبه : اتفضل حاجه بسيطه بمناسبه نزولك الشغل وانك بقيت كويس واشتريت عصير بدل النسكافيه و"على" كمان عامله حسابه ..
على شافها وسكت وراح يحط الجرايد والمجلات .. احمد: وانتى
جميله: لا انا هروح افطر مع زمايلى الاسبوع دا شفت صباحى همشى انا
احمد: هنستناكى ع الغدا
جميله وهى ماشيه : اكيد
مشيت "جميله" و"احمد" ماسك علبه الكيك وباصص عليها : اجدع بنت شوفتها هنا من وقت ما جيتكل الل قابلناهم يااما ياخدوا مننا يااما ياخدوا مننا .. مفيش واحد اشترتلى سندوتش همبرجر حتى
على : اتكلم عن نفسك
احمد: انت هتقولى يا قاهر قلوب سيدات المجتمع
على: كل كل واسكت انا كنت مرتاح منك
احمد بيغمز ل على : مرتاح منى ..اه طبعا ماهى جميله كانت هنا
على مسك حته كيكه وحطها ف بوق احمد: تافه
فى مصر كان يوم كتب كتاب "اسماء" وكان ف البيت عندها ومفيش فرح وهى ف اوضتها بتلبس الفستان وبتعمل الميكب كانت "ايمان" معاها .. الباب الاوضه خبط
وكان فى طرد هديه ل اسماء .. استلمته :
ايمان: وبيجيلك هدايا من بره
اسماء بتلقائيه : اكيد "على"
ايمان قلبها اتقبض وملامحها اتغيرت: على
اسماء بصت ل ايمان: سورى يا ايمى
ايمان دارت ملامحها باابتسامه: سورى على ايه
اسماء: ان انا ع اتصال ب "على" السنين دى كلها ... انا مقدرتش يا "ايمان" "على" اخويا الكبير وهيفضل اخويا الكبير وبرغم بعده بيسئل عليا كل فين وفين وعرفته خطوات الفرح ويوم كتب الكتاب وقالى هيبعتلى هديه وواضح انها دى ..
فتحت اسماء العلبه وكان عباره عن مصحف فضى بالقعده بتاعته فضى اصليه من النوع الغالى جدااا الل يشوفها يقولها عليها انتيكا وبرواز فيه كارت " زواج سعيد ل احلى عروسين انا اول ما شوفت الهديه دلا اشترتها ومهمنيش المبلغ لانها رايحه ل اغلىلا انسانه عندى اختى سمسم .. ربنا يسعد ايامكم " اسماء فرحت بالهديه اوى وبالكلام وايمان مسكت الكارت وقرت الكلام وتنحت ف الكارت لانه خط على ..شويا وحطت العلبه ع جنب اسماء وكملت الميكب ..ايمان فضلت باصه ع اسماء وهى بتعمل الميكب وشايفه سعادتها باللحظه دى .."ايمان" مقدرتش تمنع دموعها ولاحظت "اسماء" كده وبصت ليها ف المرايه وبعتتلها بوسه ... شويا وخرجت "اسماء" و"ايمان" ووسط الزغاريط كتبوا الكتاب و"محمد" اخد "اسماء" ومشيوا وكان معاهم "مازن" و"ايمان" وكانوا عازمينهم يقضوا اول ليليتين ف فندق واسبوع عسل فى شرم هديه جوازهم وبرغم اعتراض الاتنين "محمد واسماء" الا ايمان صممت ووافقوا .... راحت"اسماء ومحمد" الفندق الل كانوا نازلين فيه "مازن وايمان" ... وبعدها بيومين سافروا يقضوا شهر العسل .... !!
قبل ما تسافر "ايمان" بيومين كانت "شاهنده" عازمه "ايمان" و"مازن" عندها ف بيتها
راح "مازن" و"ايمان" وقعدوا ع السفره يتغدوا :
مازن: اومال "عادل" فين يا شاهى ؟
شاهنده بلا مبالااه : مسافر .. واحسن انه مسافر انا كنت عاوزه اقعد معاكم بس من غيره
مازن بيضحك : لدرجه دى .. طيب اتجوزتيه ليه ؟
شاهنده : ممكن تعتبره تخليص ذنوب
ضحك مازن .. ومسك ايد ايمان وباسها : احنا كده هنتحسد لاننا اتجوزنا عن حب ..
خلى بالك يا ايمى
ايمان ابتسمت .. شاهنده : ايوه ياعم بقى .. انا عازماك علشان نقعد مع بعض
مش نرازى ف بعض فاهمنى .. ولولايا مكنتش عرفت ايمى متنساش
مازن بيضحك : لا طبعا مش ناسى ...احنا بقالنا كتير مقعدناش مع بعض احنا التلاته كده نتغدى
شاهنده: من سنه اخر زياره ليك والباقى ايمى كانت بتنزل لوحدها
مازن: فكرتنى القعده دى بزمان
شاهنده: زمان وحب زمان .. كانت احلى ايام
مازن: انتى اتجوزتى اتغيرتى خالص
شاهنده: رضيت بالامر الواقع يا زوم ... ولا ايه يا ايمى
ايمان : ايوه .. احنا حياتنا واقع ولازم نرضى بيه
مازن: لكن حياتى معاكى جنه ربنا رزقنى بيها ياايمى
شاهنده: لا يا جماعه سهوكه وكده ليكم بيت تتلموا فيه ..
ضحك ايمان ومازن وشاهنده وكملوا اكل .. وشويا استاذن "مازن" ونزل مشوار
وقعدت "شاهنده" مع "ايمان" بيشربوا الشاى :
شاهنده: ايه ياايمى مفيش حاجه ف السكه ولا ايه
ايمان: ربنا يكرم .. وانتى ايه اخبارك
شاهنده : اهو بتابع مع دكتوره ويا مسهل معانى لسه مكملتش سنه بس حاسه انى لما اجيب بيبى هيدى لحياتى طعم شويا واختلاف بدل الملل دا
ايمان: انتى مش مبسوطه بجوازك
شاهنده: عادى .. انا اتجوزت علشان الزن مش اكتر بعد وفاه تيتا ..اترفض اقعد لوحدى ومشاكل فهربت بالجوازه دى وبعدين ومش فارقه معايا كتير لانى الل كنت بعمله قبل الجواز بعمله بعد الجواز وبراحتى .. بسهر وبقابل اصحابى "عادل " معندوش مشاكل لانه بيسافر كتير فحاسس بكده انه بيعوضنى ...
ايمان بملامح ضيقه: وهى دى عيشه
شاهنده: اهون بكتير من انى كنت اتغصب اعيش مع ماما او بابا والخنقه
لالالا ع قد كده عادل ارحم
ايمان: ربنا يسعدك
شاهنده بصت ف رقبه ايمان شافت سلسله على :
شاهنده بخبث: انتى سعيده مع مازن
ايمان: الحمد الله
شاهنده: كلنا بنحمد ربنا .. انتى مبسوطه ..شكلك متغير خالص
ايمان: مازن انسان كويس جدااا ومش مخلينى محتاجه حاجه هعوز انا ايه
شاهنده : و"على" نستيه
ايمان تلقائى مسكت السلسله : على
شاهنده: ايوه على الل لبسه سلسلته دى .. ازاى تلبسى سلسله حد جبهالك وانتى متجوزه
ايمان: مش عارفه بحس دايما لو هى مش فى راقبتى ان ف حاجه نقصانى
شاهنده: ومازن مسالكيش
ايمان: قلتله هديه من هبه جارتى
شاهنده بملامح متغيره: ماشى ياايمى .. المهم شدى حيلك كده وهاتى بيبى يشغل دماغك وقلبك
ايمان: ان شاء الله ...!!
مرت مده و"جميله" اختفت فتره و"على واحمد" استمروا فى شغلهم .. فى يوم وهما راجعين ع السكن بعد شغل بيع الجرايد .."ابراهيم" كلم "على" ع موبيله وقاله ميجوش الكازينو بليل واستغرب "على" وبليل وهما ف السكن "ابراهيم" راحلهم وقعد معاهم وملامح وشه متغيره
على : فى ايه يا هيما
احمد: قلقتنا فى ايه
ابراهيم وملامح قلق وتوتر: الكازينو اتقفل
احمد: ايه
على : ازاى .. مش انت المالك ليه ..
ابراهيم بعصبيه: فى بلاغ اتقدم في المكان والشرطه جت وفتشت ولاقت مخدرات
واتقفل المكان
على : ومين دا الل بلغ عنك
ابراهيم بعصبيه: هعرفه ..هو انا هسيبه هعرفه وموته ع ايدى
احمد: واحنا هنعمل ايه
ابراهيم: انا ف اتصالاات مع معارفى افتح المكان تانى بس قالولى استنى شويا من الوقت
يكون الموضوع هدى شويا وهفتح تانى ..ولغايه الوقت دا اعتبره اجازه لغايه ما يفتح واقولكم
احمد: اجازه
ابراهيم بص ل على : لكن شغلك انت شغال وع تليفون تمام
احمد: والاجازه دى هتطول
ابراهيم قام : ربنا يسهل .. اسيبكم دلواقتى لانى رايح اقابل واحد احتمال يساعدنى
وع تليفونات تمام .. سلام
خرج ابراهيم وملامح البؤس رجعت ع وش احمد: يعنى مفيش غير بيع جرايد ومجلات
مكتوب عليا المرمطه هنا يارب ....
تانى يوم الصبح راحوا جابوا الجرايد والمجلات ووقفوا مكانهم .. ظهرت "جميله"
ومعاها علبه دونتس ونسكافيه فطار ل "على واحمد" زى العاده وراحت اتجاههم لاقت ملامحهم متغيره
جميله ب ابتسامه : صباح الخير
احمد وشه زعلان : صباح الخير
على ملامح جد : صباح الخير
جميل لاحظت التغيير : فى ايه ..فى حاجه حصلت ليكم
احمد شد علبه الدونتس من ايد جميله : شكلها كده الفطار والغدا هيكونوا اجبارى عليكى
جميله: مش فاهمه فى ايه ؟
على اخد جنبه وولع سيجاره يشربها بصت "جميله" ل احمد " : ف ايه يااحمد
احمد بملامح ضيقه: الكازينو الل احنا شغالين فيه قفل
اطردنا لاجل غير مسمى
جميله : وهتعملوا ايه ؟
احمد: زى ماانتى شايفه هندور ع شغل وهنقضيها جرايد ومجلات
جميله سكتت لحظات وبصت ع على واحمد وشافت ملامح وشهم متغيره : ان شاء الله خير متقلقوش
احمد بياكل: ان شاء الله
مشيت "جميله" وهى بتفكر تساعدهم ازاى ...مر يومين وهى بتفكر تساعدهم ازاى .....
فى يوم ..راحت جميله ل "على واحمد" مكان بيع الجرايد والمجلات و"على" وشها ابتسامه وسعاده
جميله باابتسامه: صباح الخير
احمد باابتسامه: صباح الحاجات الجميله يا جميله
جميله: على .. احمد
احمد: فى ايه خضيتينا
جميله : لاقيت ليكم شغل
احمد مش مصدق وعلى : شغل ايه وفين وازاى بالسرعه كده
جميله : انا اصلا كنت بدور ع مكان تانى اشتغل فيه لانى مش مرتاحه ف المكان الل انا فيه ..
وكنت سالت ف كذا مكان ولاقيت مطعم عاوز ويتر ومساعدين شيف ف المطبخ .. روحت سالت وسالت ليكم معايا وطلبوا يقابلكم انهارده الساعه 3 ايه رائيكم
احمد : نروح طبعا ولا ايه يا على
على : مفيش مشاكل
جميله: يبقى بعد ما تخلصوا هكون عندكم نروح مع بعض تمام ..
على واحمد: تمااام
احمد : ميرسى يا جميله بجد يديم علينا ابتسامتك الل بتبتدى بيها يومنا
جميله بصت ل على شافته ساكت بصت ل احمد : على ايه ياحماده احنا اصحاب
يلا اشوفكم بعدين ...
احمد فرح من الخبر : البت دى اجدع بت نقابلها هنا بجد من وقت ما جينا
على بملامح لا مبالااه : على ايه يعنى انا كان ممكن اشوفلنا شغل ف مكان
احمد بااستغراب قاطعه : متفكها ياعم .. اه ماهو انت مش فارق معاك الشغل
..انما انا يفرق معايا انا كنت عاطل اجمالا
على : هو انت طلبت حاجه وقلتلك لا
احمد بيضحك: هتصرف عليا ولا ايه .. لا ياعم "على" كل واحد فينا يشتغل ويكسب قرشه
على بص ل احمد وسكت ... !!
"على واحمد" خلصوا شغلهم وقبل ميعادهم بساعه كانت "جميله" عندهم
وباابتسامه : HEY
احمد باابتسامه : يا هلا
على مردش وكان شاغل نفسه بحساب الايراد .. جميله لاحظت ططنيشه : يلا بينا
احمد : دلواقتى
جميله باابتسامتها : شور .. احنا نروح بدرى علشان نأكد ليهم اننا افضل ناس لشغل
احمد: يا ناصحه .. يلا يا على
على : ثوانى
جميله بنظرات ضيقه ..احمد قرب منها : متركزيش معاه
خلص على حساباته : يلا بينا
احمد مد دراعه : يلا يا جيمى
جميله باابتسامه : يلا يا حماده
على بص عليهم هما الاتنين ومشيوا ركبوا تاكسى ووصلوا لمكان وطول الطريق "جميله واحمد" قضوها هزار وضحك و"على" باصص من الشباك ومش معاهم ... وصلوا ونزلوا ودخلوا المطعم ودخلوا مكتب المدير :
قابلهم شاب طويل ابيض البشره وشعره قصير وعيونه زرقا .. : اهلا بيكم
احمد اتفاجئ : بتتكلم عربى
الشاب بيضحك: اعرفكم بنفسى انا اسمى ادم مدير المطعم
احمد باابتسامته المبهجه: وانا احمد وهو على وهى جميله
ادم : اهلا بيكم ..
واتكلم معاهم ادم ع الشغل واختار "على" لشغل الويتر لانه كان شغال قبل كده نفس الوظيفه ..
واحمد وجميله اشتغلوا ف المطبخ مع بعض .. واحمد فرح جدا ان جميله معاه .. واتفق انهم يستلموا الشغل من تانى يوم ....!!
وفعلا خرجوا من المقابله رجعوا السكن لاقوا ابراهيم هناك مستنيهم :
ابراهيم: روحتلكم مكان الصبح لاقيتكم مشيتوا قلت هلاقيكم هنا اتاخرتوا كده ليه
احمد: كنا بنلف ع شغل
على : فى حاجه ولا ايه
ابراهيم بيتنهد: "على" لازم تسيب السكن دا انهارده قبل بكره
على متفاجئ: ليه
ابراهيم بملامح وشه المتغيره : كل الل ف السكن هيتحطوا تحت المراقبه ..يوسف مشيته من هنا لمكان بعيد البلاغ اتقدم ان فى اشخاص هنا اشتغلوا معايا ف توزيع المخدرات ..
احمد: نعم
ابراهيم: احتياطى علشان نعرف نشتغل يا "على" شغلنا الل بره الكازينو
على : اوك .. اوك
احمد: اهو دا الل كنت عامل حسابه
ابراهيم طلع ورقه : هنا مكتوب عنوان كافيه روح قابل صاحبه هيديك مفتاح شقه اعتبرها شقتك وايجارها مدفوع ..اقعد فيها لغايه ما نرسى ع حوار الكازينو دا ونرجع زى الاول
قام ابراهيم : همشى انا دلواقتى .. ومتتاخرش يا على
على: ان شاء الله
خرج ابراهيم واحمد ملامح وشه اتغيرت : هو ايه الى بيحصلنا دا انا مش فاهم
استغفر الله العظيم
على قام وبسرعه نزل شنطته : قوم يلا جهز شنطتك
احمد: اجهز شنطتى ليه ..انا مليش ف شغل ابراهيم انا كنت ف المطبخ مبعملش غير غسيل الاطباق
على بص ل احمد: ماهو انا مش هقعد ف شقه لوحدى وهسيبك هنا
احمد: "على" .. مش كفايه كده
على بص ل احمد: كفايه ايه ..؟
احمد: شغل مع ابراهيم وترجع زى الاول .. شغل الجرايد الصبح واهو شغل المطعم الجديد بليل الدنيا ماشيه اهو وانت سددت الل عليك وخلاص .. كفايه كده ونقفل الصفحه دى ونولع فيها لانى ابتديت اقلق من الل بيحصل وقلقى عليك بيزد
على بص ل احمد: متقلقش لو حصل حاجه هتاكد انك بره
احمد قام خبط كتف على: انت بتستبهل ايه تتاكد دى انا بتكلم علشانك ..انا خايف عليك
قبل كده متكلمتش قلت لوحدك هتعيد تفكير لان "على" مبيعملش حاجه غلط .. لكن انت بتعمق اكتر مع ابراهيم ودا خطر عليك يا على .. ورحمه امك كفايه
على بعصبيه: احمد.. متحلفش ب امى وانا مش هبطل حاجه ابتديتها بأرادتى ومشتكتش لحد
احمد: بس دا خطر عليك والل بيحصل دا اكبر انذار
على بص ل احمد: مش فارق معايا الل هيحصلى .. هيحصلى ايه اكتر من الل حصلى
ولو انت مش عاوز تيجى معايا براحتك يااحمد واعرف انك سبتنى زى الل سابونى
احمد حط ايده ع كتف على : متقولش كده انت لو رميت نفسك ف النار هتكون ايدى ف ايدك
وهاجى معاك طبعا ... بس يا "على" فكر وغلاوتى عندك وغلاوه اختك هبه الل حرمتها منك 3 سنين متشوفكش ربنا بيبعتلك انذرات كتير وانت بتستهون بيها ... فرصه الرجوع موجوده
على بملامح جد: اجهز يااحمد لو هتيجى
راح احمد جهز شنطته هو وعلى وخرجوا من السكن وقفوا تاكسى وراحوا ع العنوان الكافيه
قابلوا راجل هناك متكلمش كتير اول ما شاف كارت ابراهيم طلع من جيبه مفتاح ومشيوا معاه
وكانت العماره جنب الكافيه والشقه كانت ف الدور 6 .. وصلوا وفتحوا الشقه و ودخلوا احمد وعلى وكانت الشقه كبيره عليهم 4 غرف نوم و2 صاله وريسيبشن و2 حمام ومطبخ امريكانى ... ومفروشه من كله :
احمد مبهور بالشقه: ايه دا ..ايه دا هنقعد انا وانت بس هنا ؟
على ساكت .. احمد: دا ولا السكن الل كنا فيه
على بنظره لا مبالااه: اعتبريها السكن بس الل فيه مسافرين
مشى "على" وقعد ع الكرسى وطلع سيجاره ولعها : شوف هتاخد انهى اوضه
احمد بكسوف: لا انت الل اختار اوضتك وانا هدحرج نفسى ف اى اوضه
على حط رجل ع رجل : مش منهم اى مكان دى نومه مش اكتر
احمد لاحظ ان "على" ملفتش نظره فخامه الشقه وعاملها بلامبالااه راح دخل الاوض واختار اوضه : انا اختارت الاوضه الل فيها بلكونه حاجه كده بحرى وطراوه
على : اوك
احمد : على ..انت زعلان منى ومن كلامى انا قلته خوف عليك عارف انا ان فى قلبك جرح كبير فراق مامتك والل عملته ايمان .. روحك اتقطعت بس الل بتعمله دا مشفاش جرحك دا .. ولا هيشفيه ومينفعش تكمل فيه
على بنظرات حاده : انا داخل ارتاح ..
قام على واخد شنطته ودخل اول اوضه قابلته ..واول ما دخل حط شنطته جنبه وفتحها واول ما اتفتحت كانت الاجنده قدامه مسكها ولسه هيفتحها رجع ف كلامه وحطها ف درج الكومدينو و رمى نفسه ع السرير ..!!
__
يتبع
اخد اجازه اسبوعين "على" بسبب الحادثه من الشغل الكازينو وبيع الجرايد لانه فعلا كان تعبان وكان محتاج راحه ... فى يوم و"على" قاعد ف اوضته ع السرير باب الاوضه خبط ودخل "ابراهيم " ..:
ابراهيم: WHATS UP MAN
على : هيما ,, اهلا
ابراهيم قعد : متتحركش خليك مرتاح
على قعد ع السرير ... ابراهيم : ها ايه الاخبار .. عامل ايه دلواقتى
على : الحمد الله
ابراهيم بيضحك: انت الموت بيهرب منك ياا محظوظ .. الوالده باين كانت دعيالك
على : انت كنت فين كده
ابراهيم: كنت ف مشوار قلت ف سكتى امر عليك واشوفك .. شكلك اخدت ع القعده ولا ايه يا مان
على : لا ابدا ..كنت هبتدى نزول من بكره
ابراهيم: بجد يا ابو على التليفونات عليك متبطلش وغيابك باين اوى وكله بيسئل عليك ..
وطبعا قلت انك مسافر مش عملت حادثه ولا حاجه
على : ماانا كنت هسافر فعلا
ابراهيم بيضحك: بعد الشر عليك .. لو محتاج اجازه تانى اوكيه
على : لا خالص بكره هتلاقينى عندك
ابراهيم قام وقف: وانا هستناك
على : مسألتكش تشرب ايه ؟
ابراهيم: هتعزمنى ف مكانى . بكره نشرب القهوه مع بعض ..اشوفك بكره
على: اوكيه
خرج "ابراهيم " ورجع "على" نام ع السرير ..موبيله رن وكانت "هبه "
هبه: على عامل ايه دور البرد الل جالك راح ولا لسه
مكنش "على" بيقول ل "هبه" ع الل بيحصله وقالها انه تعب دور برد الاخير دا...
على : الحمد الله بيروح بلاش قلق كده
هبه : انت متعرفش الفتره الل فاتت وانا مش عارفه اوصلك وبعدين "احمد" قالى انك تعبان ومش قادر تتكلم كنت هتجنن ...
على : اطمنى دور وعدى
هبه: خلى بالك يا "على" من نفسك متقلقنيش عليك ف غربتك
على غير الكلام: العيال الاشقيه عاملين ايه "عمر وعلى "
هبه: نفسهم اووى يشوفوا خالهم بدل الصور يا "على" مش هتنزل اشوفك
على غير الكلام: متقلقيش يا هبه هبقى اطمنك عليا .. سلامى ل عبدلالله وخالتى وعمر و على
هبه بصوت يأس : يوصل ..لااله الا الله
على : سيدنا محمد رسول الله
قفل "على" مش اخته ةحس بخنقه لكن فكره نزوله مصر كانت مستبعده ..فتح درج كوميدنو جنبه وكانت الاجنده القديمه موجوده فتحها وقعد يقلب الصفحات ومع تقليب الصفحات قلب ع نفسه كل الل فات لانه مكنش بيكتب بس ديونه لكن كان بيكتب فيها احلامه وحياته مع ايمان
بص ع التواريخ لاقى انه مر من وفاه والدته وجواز ايمان 3 سنين بالظبط بالظبط .. حس بخنقه قفل الاجنده ورماها ف الدرج بعصبيه وقفله وقام اخد الجاكت وخرج من الاوضه ونزل يتمشى ... !!
تانى يوم الصبح نزل بدرى علشان يروح المستودع يجيب طلبيه الجرايد والمجلات
هو واحمد وراح ع المكان الل بيقف فيه ووقف واحمد كالعاده اخد كرسى ونام ..
شويا و"على" قاعد سمع صوت بيتكلم بالعربى : صباح الخير
على بص ع الصوت وكانت "جميله" و"على" اتفاجئ: جميله
قربت "جميله" ومعاها علبه فيها دونتس وكوبيتين نسكافيه
جميله باابتسامه: صباح الخير
على : صباح الخير
جميله ب ابتسامه : ازيك يا "على" عامل ايه دلواقتى ؟
على بملامح حاده : الحمد الله .. تمام .. انتى بتعملى ايه هنا ؟
جميله بتضحك: انت ناسى ولا ايه العماله المصريه فى الخارج رايحه الشغل طبعا
على بص ع الساعه : الساعه 8 الصبح
جميله: ماانا شغاله شفت الصبح ف المطعم
على : طيب
جميله باابتسامه مدت ايديها ل "على" بعلبه الدونتس والنسكافيه : وبمناسبه ان دا اول يوم ليك تنزل فيه الشغل بعد الحادثه الل انا كنت سببها فحبيت اعزمك ع فطار .. اتفضل
على بلهجه حاده : شكرا ملوش لزمه
جميله تجاهلت طريقته وابتسمت : دى ابسط حاجه اقدر اعملهالك ع الل عملته معايا
على بملامح بارده : اى حد لو فى مكانى كان هيعمل كده انتى مكبره الحكايه ومدياها اكبر من حجمها ..انا معملتش المعجزه
جميله باابتسامه : ظهورك بالنسبالى هو المعجزه
على سكت ... جميله : وبعدين هتخلينى مده ايدى كتير كده ..
(علت صوتها شويا علشان يسمع "احمد " ): و"احمد" كمان ليه نصيب مش نسيته
احمد فتح عينه : حد بينده عليا
على وجميله بصوا ليه : جميله : صباح الخير
احمد باانشكاح: صباح الجماال ل احلى جميله
جميله: يلا اسيبكم انا واشربوا النسكافيه قبل ما يبرد والدونتس دى جميله
احمد: الله ع الروايح الجميله يا جميله
جميله مبتسمه : الف هنا
احمد باابتسامه: وانتى مش هتفطرى معانا
جميله: لا سبقتكم ..
احمد: ينفع كده يعنى .. طيب نعزمك ع شاى ولا سندوتش
جميله : اممم انا معنديش مانغ بس وقت الغدا اعزمونى
على اضايق من جرائتها .. احمد باابتسامه: ياسلام انتى بس تعالى والل تطلبيه هيجااااااااااب
جميله: يبقى اتفقنا وقت الغدا عجيلكم
على بلهجه تطفيش: وهتيجى كل دا ع غدا خليكى لمناسبه احلى
جميله: لالا مش بعيد المكان المطعم اصلا قريب
نفخ على" عكس " احمد" الل فرح : واحنا مستنين
جميله: اوكيه .. باى مؤقت
احمد: باى مؤقت
على تجاهلها خالص ... احمد باصص عليها وهى ماشيه : يهربيت كده هو ف طعاه كده ..شوفتها يا لوول وهى بتقول اوكييه ..باى .. يا نهاررررررى
على بص ل احمد بنظره استحقار : هايف طول عمرك
احمد: بس بحس وبشوف نعم ربنا الل حواليا مش كلهم نوع واح
على بينفخ: انا رايح اجيب قهوه
احمد: النسكافيه اهو لسه سخن
على : مش عاوزه مش بحبه يا اخى
احمد: خلاص متزقش احسن برضه علشان اقتحم العلبه والكوبايتين براحتى ...!
وقبل ما يخلصوا ع الساعه1:30 جت جميله ليهم بعلبتين فيهم سنوتشات وعصير
جميله ب ابتسامتها: انا جيت
احمد فرح : يا اهلا
على بااستغراب: ايه دا
جميله بتبص ع الاكل: دى سندوتشات ..انجازا لوقت لانى مفيش قدام غير ااقل من ساعه مكنتش عاوزه اضيعها واقفه ف طابور مستنيه الاوردر ..
اخنج: بس احنا الل قولنا هنعزمك
جميله ب ابتسامه: مره ليا ومره ليكم
احمد: الله الله يا مراتك يا جميله
ضحكت "جميله" وطلعت السندوتشات من العلبه ...
وبتقدم واحد اتجاه "على" : اتفضل
على بملامح قاسيه ومش باصصلها : لا شكرا
جميله: دا ينفع انت اكيد محتاج تاكل علشان علاجك
على بصلها ب استغراب وبلهجه حاده: انا مش صغير ومش مستنى حد يعرفنى ايه صح وايه غلط .. انا والدتى الله يرحمها ودور السؤال دا مش لايق
جميله مصدومه من طريقه الكلام: انا ...انا مقصدتش حاجه
احمد دخل يلطف الجو : هاتى هاتى انا جعان اوى
على بص وزغر ل احمد .. احمد: ايه ياعم جعان الله
احمد شد كرسى وشد ايد جميله وقعدت .. جميله طلعت سندوتش : على
على : مش جعان
احمد شد السندوتش: سيبك منه
جميله فتحت علبه عصير : ولا عطشان اومال عايش ازاى
على اتحرج ومسك العصير وقعد ساكت جنبهم وابتدوا ياكلوا ويتكلموا واحمد وجميله
مفصلوش هزار وضحك وعلى مضايق من الل بيحصل ... خلصوا الاكل ومشيت جميله
ورجع السكن على واحمد ...
احمد ب انشكاح : حقيقى اسم ع مسمى
على: مين دى ؟
احمد بيتنهد : جميله الجميلات .. جميله
على : لا حول الله يارب .. هو انت تعرفها علشان تتكلم كده كل دا من سندوتش وعلبه عصير
احمد: ومتنساس الدونتس ..احلى دونتس اكلته من وقت ما جيت بلاد الظلام دى وبعدين والله انت ولا بتفهم ولا شايف ..خليك ف الل انت فيه دا بالنظاره السوده الل ع عينك
على خبط احمد بالمخده: اتخمد
احمد: الواحد اتظبط انهارده ..ياريت جميله تيجى بكره كمان ياااه..!
تانى يوم "على " و "احمد" اتفاجئوا ب "جميله" قدامهم " ومعاها نسكافيه ودونتس اتكرر دا كذا يوم .. كان ع قلب "احمد" زى العسل ومعترضش لكن الل كان معترض " على " .. ففى يوم هى جت ف "على" بصلها بنظره حاده .. جميله: بتبصلى كده ليه يا على ف حاجه
على : انتى موركيش حاجه غيرنا .. هو كورس كل يوم تجيلنا كده .. انتى مش مراعيه ان دا شغل وانتى اكيد عندك شغل ..
جميله اتفاجئت بطريقه "على" الحاده : انا عارفه ان دا شغلكم
احمد قاطعها : فى ايه يا "على" الموضوع ميستهلش "جميله" بقت واحده مننا
على بلهجه حاده: لا مننا ازاى لا هى اختى ولا اختك ولا تقربلنا والمكان دا ل اتنين بس انا وانت .. وبعدين احنا مطلبناش منك كل يوم تجيبى فطار لينا احنا بنعرف ندبر حالنا
احمد مسك على من دراعه: مش كده يا على البنت معملتش حاجه
جميله لاحظت حده الكلام مشيت خطوتين اتجاه "على" : انا اولا معرفش سبب الحمقه والعصبيه دى ايه .. هو انا غلطت ف حد فيكم .. سببت مشكله لحد فيكم .. انا اول معرفتكم وحبيت اكون قريبه منكم حبيت اكون صديقتكم لان مش عندى اصحاب كتير مصريين .. لو لدرجه دى صداقتى مش مرغوب فيها اوعدكم مش هتشوفونى تانى . بس عاوزه اقولك ان التعامل مع الناس بيختلف من واحد لتانى .. معرفش انا مين سببللك مشكله ف حياتك وعممتها لكن لو كنت صبرت شويا وعاملتى كان ممكن متتعصبش وتتنرفز كده .. انا اسفه ع ازعاجى ليكم
قامت جميله وهتمشى قرب منها "احمد" ومسك ايدها : استنى يا جميله رايحه فين
جميله: رايحه شغلى .. واسفه بجد ع ازعاجكم
احمد: لا ازعاج ولا حاجه وبجد انتى من الشخصيات النادره الل قابلناها هنا واتقربت لينا كده.. وعن نفسى انا معتز بصداقتك جدااا وهو انا اطول بنوته زى القمر تكون صديقتى ف الغربه دى
جميله ابتسمت ل كلام احمد : ميرسى يا احمد
احمد وقف وبص ل على : بص يا على لو انت معترض ع وجود جميله ف انا مش معترض بالعكس انا متمسك بوجودها وسطنا كده وعن نفسى مش هتخلى عنها واقعد يا جيمى ورحرحى المكان مكانك او معنى اصح رحرحى ف الجزء الل يخصنى
على مستغرب من كلام احمد : انا مقصدتش حاجه بس كده اوفر واحنا منعرفش بعض
جميله: انت اديت نفسك فرصه تعرفنى علشان تحكم عليا .. احمد ادانى فرصه وبنعرف بعض .. انت استعجلت حكمت واصدرت قرار .. اعرفنى الاول وبعدين قول رأئيك
على : انا رايح اشترى قهوه
مشى "على " وجميله باصه عليه : غريب اوى على
احمد بصله : قصدك بقى غريب اوى
جميله بصتله: تقصد ايه
احمد انتبهه لكلامه : اقصد يعنى متزعليش من كلامه هو قاسى شويا بس انسان كويس اوى لما تعرفيه هتحبيه زى ما بتحبينى كده .. مش انتى بتحبينى يا جيمى
جميله ضحكت من طريقه هزار احمد : طبعا طبعا
فى القاهره بعد مرور 3 سنين كان اتحدد ميعاد كتب كتاب اسماء ومحمد ودا لان محمد دخل الجيش سنه وسنتين بيكون نفسه و"اسماء" كانت صابره ومش معترضه اطلاقا ...
وقبل كتب الكتاب نزلت "ايمان" اجازه علشان تساعد اختها ف تجهيزاتها ...
اسماء فى الاوضه بتحط هدومها ف شنطتها وايمان بتساعدها ..
اسماء : بصراحه مكنتش متوقعه انك هتنزلى بدرى كده ..انا قلت هتيجى يوم الفرح
ايمان باابتسامه: يارخمه.. هو انا اقدر افوت يوم زى دا ولحظاتك الاخيره ف البيت
اسماء : بهزر طبعا .. بجد ياايمى كنت هضايق منك اوى
ايمان : يا هبله احنا اخوات ..مبروووك يا سمسم ربنا يكملك ع خير
اسماء: حبيببتى انا تسلميلى وعقبال ما تجبيلنا نونو يقولى يا خالتو
ايمان بتتنهد : ان شاء الله
اسماء كانت بتحط حاجات ف شنطتها و"ايمان " باصه عليها وسرحت ....ايمان : اسماء ... انتى مبسوطه
اسماء باابتسامه: ازاى
ايمان: يعنى .. مبسوطه بقرارك بجوازك من محمد
اسماء بتضحك: نعم.. داانا هطير من الفرحه يابنتى
ايمان: متعبتيش وانتى بتستنيه كل دا وظروفه دى ومفيش فرح وهتقعدى ف شقه اوضتين وصاله و ...
اسماء قاطعتها : بصى يا ايمى .. انا وقت ما حبيت "محمد" .. حبيته بكل حاجه فيه ظروفه وبلغبطته .. بعكه بكل حاجه ووافقت عليه كله .. معنى اصح وافقت ع الشاروه كلها ع بعضها .. لانى انا مش انسانه كامله وهو وافق ع كل حاجه فيا وراضى .. احنا الاتنين مقتنعين ببعض يبقى خلاص هنطلب ايه تانى ... !
ايمان: يعنى مكنش نفسك تتجوزى ويتعملك فرح كبير وتقعدى ف شقه واسعه زى شقتنا مثلا
اسماء: الماديات دى انا مبفكرش فيها .. انا المهم عندى الشخص الل هعيش معاه .. قرارى بااختياره يعنى قرارى بتحمل كل حاجه وقبولى بكل حاجه مش هختار انا الحلو وهسيب الوحش .. بالعكس دا انا اقتنع بالوحش قبل الحلو دا علشان عاوزه اعيش معاه
ايمان: يعنى مش هتندمى
اسماء اتنهدت : عارفه يا ايمى انا كنت هندم لو كنت سيبته .. انا ومحمد بنحب بعض والفتره الل مرت علينا من اول ارتباطنا ببعض ولغايه ما اتشجع واتقدم واخد خطوه وصبرى وانى استحملت ..كل الحاجات دى مواقف واتحانات لعلاقتنا وهو لو مش متمسك بيا مكناش هنكمل او انا .. العلاقه ال فيها طرف ماسك وبيقاوح وبيحارب وطرف التانى سايب طرف الخيط بتبقى علاقه فاشله .. الارتباط اتحاد صعب ينفصل
ايمان بنص ابتسامه: ربنا يسعدك يا سمسم ..
اسماء: اومال مازن منزلش معاكى مصر ليه ..
ايمان: لا هو عنده شغل وهيجى ع ميعاد الفرح ان شاء الله
اسماء : ان شاء الله
اسماء وقفت ف نص الاوضه: ياترى انا نسيت ايه ياترى
ايمان قامت واسماء واقفه حضنتها اوووى ودموع نازله من عنيها : انا فرحانه ليكى اوى يااسماء ربنا يسعدك ويفرح قلبك دايما
اسماء استغربت من تصرف ايمان : مالك ياايمى ف حاجه
ايمان: فرحانه بيكى اووى اختى الصغيره اخيرا هشوفها عروسه
اسماء حضنتها: وانا بحبك اووى يااحلى اخت ف الدنيا
شويا وسط انشغال "اسماء" بتجهيز حاجتها ..خرجت "ايمان" للبلكونه تشم هوا وهى بتبص ف الشارع شافت "هدى " ومعاها بنتها وشكلها لا يسر عدو ولا حبيب وفاجاءه من غير ما تحس ايمان دموعها نزلت وهى باصه ع "هدى " ....!
استمرت جميله تروح ل "على" واحمد" قبل ما تروح شغلها وكانت علاقتها ب "احمد" بتتطور وبتبقى اقوى من الاول عكس "على" الل كان بيتجنبها ...فى الوقت دا كان "على" شغال ف شغله الخاص بالكازينو عادى لكن مكنش بيروح الكازينو كتير وكانت "جميله" اغلب الوقت بتروح ليهم الصبح بفطار تفطر معاهم و يتغدوا مع بعض ...فى يوم احمد كان تعبان جاله دور حمى واطلب منه يرتاح اسبوع وميتحركش .. فنزل "على" وراح اخد الطلبيه من المستودع ا لمجلات والجرايد واول ما وصل بالعربيه لمكان شاف "جميله" واقفه مستنياه "على" نزل من العربيه ومستغرب انه شافها بدرى كده ...
على : جميله انتى بتعملى ايه هنا
جميله باابتسامه: صباح الخير
على بملامح جد: صباح الخير
جميله راحت تساعد "على" ينزل الجرايد والمجلات من العربيه
على مستغرب : ايه بتعملى ايه
جميله: يلا بس خلى الراجل يمشى ولا هيفضل واقف
ف لهوجه ساعدت "جميله" "على" ونزلت الجرايد والمجلات ورستهم ..
على : انتى موركيش شغل
جميله : اومال انا بعمل ايه
على : مش فاهم
جميله : ثوانى
جميله طلعت موابيلها وفتحت رساله وكانت من احمد
" جميله لو تقدرى تكونى مكانى اليومين دول مع "على" علشان انا مش هقدر انزل "
وشاف "على" رد جميله " OK ""
على متفاجئ: لا لا لا .. سيبى الل ف ايدك دا وروحى شغلك
جميله : ماهو انا بشتغل هو انت فاكر هقف بالمجان
على : مش فاهم
جميله بتغمز ل "على" وبتضحك: هنصص مع "احمد " اليوميه
على متفاجئه ومش لقى كلام : انتى مش عندك شغل دلواقتى ؟
جميله وقفت : انت ناسى انه شيفتات .. عادى حولت الشيفت بتاعى بليل
على : نعم
جميله : احنا هنقعد نتكلم ونسيب الحاجه ع الارض كده .. يلا نشتغل يلا
"على" متفاجئ من تصرفات جميله وجرائتها معاهم هو و"احمد" الفتره القصيره الل عرفتهم فيها لكن فكر ان علاقتها ب "احمد" اقوى منه فدا الل خلااها تتصرف كده ومتركزش ع معاملته الجافه معاها وتتجاهله .. استحلف ل "احمد" واخد جرايد ومجلات وبيرصهم ف مكانهم ..مر الوقت وقعدوا الاتنين و"على" اشترى نسكافيه يشربوهم :
جميله باابتسامه: Thank you
على : جميله
جميله: yup
على : ممكن اسألك سؤال ومن غير زعل
جميله باابتسامه : اسئل طبعا
على : انتى بتعملى ايه ؟
جميله بتضحك: مش فاهمه .. قاعده معاك اهو وبشرب النسكافيه الل جيبته
على : لا مقصدش دا .. اقصد تصرفاتك معانا .. الفتره الل عرفتينا فيها قصيره متحكمش انك تتصرفى كده معانا حتى لو علاقتك ب احمد قويه ... ولا انتى ع طول كده ..دى شخصيتك
جميله : احم .. اه فهمتك
بص يا على .. بمنتهى البساطه لانك واضح قلقان من وجود ومش واثق فيا ..انا هوضحلك حاجه صدقت كويس مصدقتش دى حاجه ترجعلك لان دا اللحقيقه ..انا من اول ما قابلتكم واتكلمت معاكم وانا حسيت انى قريبه ليكم اووى ..يمكن علشان مصريين وقليل لما تقابل مصرى جدع يعنى مطبعش بالاستايل الاجنبى حياه تهور وحريه وانفستاح من غير مبادئ ولا اخلاق وكل حاجه مباحه ... اغلب الل عرفتهم متغربين هنا فاهمين انهم لما يخرجوا من بلدهم كل القيود تتفك فبيتعاملوا بالمنطلق دا ودا مش صح لان الانسان الل بيكون من غير منطق ولا مبدء لحياته مبيعرفش يعيش بيبقى شبح لو اختفى بيبقى زى الل مكنش موجود هوا لكن الانسان صاحب مبدء ف الحياه ومنطق وخطوات ثابته وواضحه اثره بيفضل ويستمر .. ف انا فعلا مليش اصحاب كتير لانى مش بصاحب اى حد لمجرد ملي الفراغ .. انا بدخل الاشخاص ف حياتى الل بحتاج وجودهم فيها .. وانا لما قابلتكم حسيت بميول ليكم وحبيت اعرفكم اكتر ونبقى اصحاب بجد ف الغربه الل ملهاش اخر دى وحاجه كمان شدنى ليكم ان فيكم روح المصريه ..وانا بعشق مصر .. دى الحكايه اقتنعت ولا لا ..
على ساكت .. جميله: عموما مش عاوزه اعرف النتيجه بس صدقنى لو عرفتنى صح زى احمد مش هتحس بندم وصدقنى لانى حاسه اتجاهكم كده انى مش ندمانه ع الوقت الل بقضيه معاكم ..
على غير الكلام : هو انتى مبتنزليش خالص
جميله: على حسب ..مش دايما
على بملامح جد : تمام .. موقفى معاكى عاوزك متعتبرهوش انه حاجه مميزه لان اى حد كان ممكن يعمل كده
جميله باابتسامه: انت شايفها عادى لكن مقابلتى ليك مرتين دا حاجه مش عادى ..
وغير كده انا عاوزه ارد الل عملته معايا ودا ابسط حاجه
على : انا قلتلك حاجه بسيطه وبعدين متلغبطيش حياتك بسببنا ..انا كنت اقدر اقف لوحدى وبتحصل و"احمد" بيقف لوحده مفيش مشاكل معانا ..
جميله: متقلقش انا مظبطه كل حاجه متقلقش
ف الوقت دا جه زبون بيشترى مجله قامت جميله بسرعه اتعاملت وباابتسامتها لزبون ..!
استمرت "جميله" لمده اسبوع "على" يوصل المكان يلاقى "جميله" مستنياه ومعاها علبه فيها دونتس ونسكافيه لفطار وبحماس وبهجه وباابتسامه بيتبتدى جميله يومها مر الاسبوع ونزل" احمد" الشغل وراح شاف "جميله" مستنياهم ومعاها علبه فيها كيك وعصير :
احمد: جيمى
جميله باابتسامه: صباح الخير وحمد الله ع سلامتك يا حماده
احمد: الله يسلمك .. بجد بشكرك يا جميله انا تعبتك معايا
جميله باابتسامتها: مفيش شكر بين الاصدقاء ولا ايه واكيد هحتاجك وهترد الل عملته
احمد بيضحك: طبعا طبعا
جميله مدت ايديها بالعلبه : اتفضل حاجه بسيطه بمناسبه نزولك الشغل وانك بقيت كويس واشتريت عصير بدل النسكافيه و"على" كمان عامله حسابه ..
على شافها وسكت وراح يحط الجرايد والمجلات .. احمد: وانتى
جميله: لا انا هروح افطر مع زمايلى الاسبوع دا شفت صباحى همشى انا
احمد: هنستناكى ع الغدا
جميله وهى ماشيه : اكيد
مشيت "جميله" و"احمد" ماسك علبه الكيك وباصص عليها : اجدع بنت شوفتها هنا من وقت ما جيتكل الل قابلناهم يااما ياخدوا مننا يااما ياخدوا مننا .. مفيش واحد اشترتلى سندوتش همبرجر حتى
على : اتكلم عن نفسك
احمد: انت هتقولى يا قاهر قلوب سيدات المجتمع
على: كل كل واسكت انا كنت مرتاح منك
احمد بيغمز ل على : مرتاح منى ..اه طبعا ماهى جميله كانت هنا
على مسك حته كيكه وحطها ف بوق احمد: تافه
فى مصر كان يوم كتب كتاب "اسماء" وكان ف البيت عندها ومفيش فرح وهى ف اوضتها بتلبس الفستان وبتعمل الميكب كانت "ايمان" معاها .. الباب الاوضه خبط
وكان فى طرد هديه ل اسماء .. استلمته :
ايمان: وبيجيلك هدايا من بره
اسماء بتلقائيه : اكيد "على"
ايمان قلبها اتقبض وملامحها اتغيرت: على
اسماء بصت ل ايمان: سورى يا ايمى
ايمان دارت ملامحها باابتسامه: سورى على ايه
اسماء: ان انا ع اتصال ب "على" السنين دى كلها ... انا مقدرتش يا "ايمان" "على" اخويا الكبير وهيفضل اخويا الكبير وبرغم بعده بيسئل عليا كل فين وفين وعرفته خطوات الفرح ويوم كتب الكتاب وقالى هيبعتلى هديه وواضح انها دى ..
فتحت اسماء العلبه وكان عباره عن مصحف فضى بالقعده بتاعته فضى اصليه من النوع الغالى جدااا الل يشوفها يقولها عليها انتيكا وبرواز فيه كارت " زواج سعيد ل احلى عروسين انا اول ما شوفت الهديه دلا اشترتها ومهمنيش المبلغ لانها رايحه ل اغلىلا انسانه عندى اختى سمسم .. ربنا يسعد ايامكم " اسماء فرحت بالهديه اوى وبالكلام وايمان مسكت الكارت وقرت الكلام وتنحت ف الكارت لانه خط على ..شويا وحطت العلبه ع جنب اسماء وكملت الميكب ..ايمان فضلت باصه ع اسماء وهى بتعمل الميكب وشايفه سعادتها باللحظه دى .."ايمان" مقدرتش تمنع دموعها ولاحظت "اسماء" كده وبصت ليها ف المرايه وبعتتلها بوسه ... شويا وخرجت "اسماء" و"ايمان" ووسط الزغاريط كتبوا الكتاب و"محمد" اخد "اسماء" ومشيوا وكان معاهم "مازن" و"ايمان" وكانوا عازمينهم يقضوا اول ليليتين ف فندق واسبوع عسل فى شرم هديه جوازهم وبرغم اعتراض الاتنين "محمد واسماء" الا ايمان صممت ووافقوا .... راحت"اسماء ومحمد" الفندق الل كانوا نازلين فيه "مازن وايمان" ... وبعدها بيومين سافروا يقضوا شهر العسل .... !!
قبل ما تسافر "ايمان" بيومين كانت "شاهنده" عازمه "ايمان" و"مازن" عندها ف بيتها
راح "مازن" و"ايمان" وقعدوا ع السفره يتغدوا :
مازن: اومال "عادل" فين يا شاهى ؟
شاهنده بلا مبالااه : مسافر .. واحسن انه مسافر انا كنت عاوزه اقعد معاكم بس من غيره
مازن بيضحك : لدرجه دى .. طيب اتجوزتيه ليه ؟
شاهنده : ممكن تعتبره تخليص ذنوب
ضحك مازن .. ومسك ايد ايمان وباسها : احنا كده هنتحسد لاننا اتجوزنا عن حب ..
خلى بالك يا ايمى
ايمان ابتسمت .. شاهنده : ايوه ياعم بقى .. انا عازماك علشان نقعد مع بعض
مش نرازى ف بعض فاهمنى .. ولولايا مكنتش عرفت ايمى متنساش
مازن بيضحك : لا طبعا مش ناسى ...احنا بقالنا كتير مقعدناش مع بعض احنا التلاته كده نتغدى
شاهنده: من سنه اخر زياره ليك والباقى ايمى كانت بتنزل لوحدها
مازن: فكرتنى القعده دى بزمان
شاهنده: زمان وحب زمان .. كانت احلى ايام
مازن: انتى اتجوزتى اتغيرتى خالص
شاهنده: رضيت بالامر الواقع يا زوم ... ولا ايه يا ايمى
ايمان : ايوه .. احنا حياتنا واقع ولازم نرضى بيه
مازن: لكن حياتى معاكى جنه ربنا رزقنى بيها ياايمى
شاهنده: لا يا جماعه سهوكه وكده ليكم بيت تتلموا فيه ..
ضحك ايمان ومازن وشاهنده وكملوا اكل .. وشويا استاذن "مازن" ونزل مشوار
وقعدت "شاهنده" مع "ايمان" بيشربوا الشاى :
شاهنده: ايه ياايمى مفيش حاجه ف السكه ولا ايه
ايمان: ربنا يكرم .. وانتى ايه اخبارك
شاهنده : اهو بتابع مع دكتوره ويا مسهل معانى لسه مكملتش سنه بس حاسه انى لما اجيب بيبى هيدى لحياتى طعم شويا واختلاف بدل الملل دا
ايمان: انتى مش مبسوطه بجوازك
شاهنده: عادى .. انا اتجوزت علشان الزن مش اكتر بعد وفاه تيتا ..اترفض اقعد لوحدى ومشاكل فهربت بالجوازه دى وبعدين ومش فارقه معايا كتير لانى الل كنت بعمله قبل الجواز بعمله بعد الجواز وبراحتى .. بسهر وبقابل اصحابى "عادل " معندوش مشاكل لانه بيسافر كتير فحاسس بكده انه بيعوضنى ...
ايمان بملامح ضيقه: وهى دى عيشه
شاهنده: اهون بكتير من انى كنت اتغصب اعيش مع ماما او بابا والخنقه
لالالا ع قد كده عادل ارحم
ايمان: ربنا يسعدك
شاهنده بصت ف رقبه ايمان شافت سلسله على :
شاهنده بخبث: انتى سعيده مع مازن
ايمان: الحمد الله
شاهنده: كلنا بنحمد ربنا .. انتى مبسوطه ..شكلك متغير خالص
ايمان: مازن انسان كويس جدااا ومش مخلينى محتاجه حاجه هعوز انا ايه
شاهنده : و"على" نستيه
ايمان تلقائى مسكت السلسله : على
شاهنده: ايوه على الل لبسه سلسلته دى .. ازاى تلبسى سلسله حد جبهالك وانتى متجوزه
ايمان: مش عارفه بحس دايما لو هى مش فى راقبتى ان ف حاجه نقصانى
شاهنده: ومازن مسالكيش
ايمان: قلتله هديه من هبه جارتى
شاهنده بملامح متغيره: ماشى ياايمى .. المهم شدى حيلك كده وهاتى بيبى يشغل دماغك وقلبك
ايمان: ان شاء الله ...!!
مرت مده و"جميله" اختفت فتره و"على واحمد" استمروا فى شغلهم .. فى يوم وهما راجعين ع السكن بعد شغل بيع الجرايد .."ابراهيم" كلم "على" ع موبيله وقاله ميجوش الكازينو بليل واستغرب "على" وبليل وهما ف السكن "ابراهيم" راحلهم وقعد معاهم وملامح وشه متغيره
على : فى ايه يا هيما
احمد: قلقتنا فى ايه
ابراهيم وملامح قلق وتوتر: الكازينو اتقفل
احمد: ايه
على : ازاى .. مش انت المالك ليه ..
ابراهيم بعصبيه: فى بلاغ اتقدم في المكان والشرطه جت وفتشت ولاقت مخدرات
واتقفل المكان
على : ومين دا الل بلغ عنك
ابراهيم بعصبيه: هعرفه ..هو انا هسيبه هعرفه وموته ع ايدى
احمد: واحنا هنعمل ايه
ابراهيم: انا ف اتصالاات مع معارفى افتح المكان تانى بس قالولى استنى شويا من الوقت
يكون الموضوع هدى شويا وهفتح تانى ..ولغايه الوقت دا اعتبره اجازه لغايه ما يفتح واقولكم
احمد: اجازه
ابراهيم بص ل على : لكن شغلك انت شغال وع تليفون تمام
احمد: والاجازه دى هتطول
ابراهيم قام : ربنا يسهل .. اسيبكم دلواقتى لانى رايح اقابل واحد احتمال يساعدنى
وع تليفونات تمام .. سلام
خرج ابراهيم وملامح البؤس رجعت ع وش احمد: يعنى مفيش غير بيع جرايد ومجلات
مكتوب عليا المرمطه هنا يارب ....
تانى يوم الصبح راحوا جابوا الجرايد والمجلات ووقفوا مكانهم .. ظهرت "جميله"
ومعاها علبه دونتس ونسكافيه فطار ل "على واحمد" زى العاده وراحت اتجاههم لاقت ملامحهم متغيره
جميله ب ابتسامه : صباح الخير
احمد وشه زعلان : صباح الخير
على ملامح جد : صباح الخير
جميل لاحظت التغيير : فى ايه ..فى حاجه حصلت ليكم
احمد شد علبه الدونتس من ايد جميله : شكلها كده الفطار والغدا هيكونوا اجبارى عليكى
جميله: مش فاهمه فى ايه ؟
على اخد جنبه وولع سيجاره يشربها بصت "جميله" ل احمد " : ف ايه يااحمد
احمد بملامح ضيقه: الكازينو الل احنا شغالين فيه قفل
اطردنا لاجل غير مسمى
جميله : وهتعملوا ايه ؟
احمد: زى ماانتى شايفه هندور ع شغل وهنقضيها جرايد ومجلات
جميله سكتت لحظات وبصت ع على واحمد وشافت ملامح وشهم متغيره : ان شاء الله خير متقلقوش
احمد بياكل: ان شاء الله
مشيت "جميله" وهى بتفكر تساعدهم ازاى ...مر يومين وهى بتفكر تساعدهم ازاى .....
فى يوم ..راحت جميله ل "على واحمد" مكان بيع الجرايد والمجلات و"على" وشها ابتسامه وسعاده
جميله باابتسامه: صباح الخير
احمد باابتسامه: صباح الحاجات الجميله يا جميله
جميله: على .. احمد
احمد: فى ايه خضيتينا
جميله : لاقيت ليكم شغل
احمد مش مصدق وعلى : شغل ايه وفين وازاى بالسرعه كده
جميله : انا اصلا كنت بدور ع مكان تانى اشتغل فيه لانى مش مرتاحه ف المكان الل انا فيه ..
وكنت سالت ف كذا مكان ولاقيت مطعم عاوز ويتر ومساعدين شيف ف المطبخ .. روحت سالت وسالت ليكم معايا وطلبوا يقابلكم انهارده الساعه 3 ايه رائيكم
احمد : نروح طبعا ولا ايه يا على
على : مفيش مشاكل
جميله: يبقى بعد ما تخلصوا هكون عندكم نروح مع بعض تمام ..
على واحمد: تمااام
احمد : ميرسى يا جميله بجد يديم علينا ابتسامتك الل بتبتدى بيها يومنا
جميله بصت ل على شافته ساكت بصت ل احمد : على ايه ياحماده احنا اصحاب
يلا اشوفكم بعدين ...
احمد فرح من الخبر : البت دى اجدع بت نقابلها هنا بجد من وقت ما جينا
على بملامح لا مبالااه : على ايه يعنى انا كان ممكن اشوفلنا شغل ف مكان
احمد بااستغراب قاطعه : متفكها ياعم .. اه ماهو انت مش فارق معاك الشغل
..انما انا يفرق معايا انا كنت عاطل اجمالا
على : هو انت طلبت حاجه وقلتلك لا
احمد بيضحك: هتصرف عليا ولا ايه .. لا ياعم "على" كل واحد فينا يشتغل ويكسب قرشه
على بص ل احمد وسكت ... !!
"على واحمد" خلصوا شغلهم وقبل ميعادهم بساعه كانت "جميله" عندهم
وباابتسامه : HEY
احمد باابتسامه : يا هلا
على مردش وكان شاغل نفسه بحساب الايراد .. جميله لاحظت ططنيشه : يلا بينا
احمد : دلواقتى
جميله باابتسامتها : شور .. احنا نروح بدرى علشان نأكد ليهم اننا افضل ناس لشغل
احمد: يا ناصحه .. يلا يا على
على : ثوانى
جميله بنظرات ضيقه ..احمد قرب منها : متركزيش معاه
خلص على حساباته : يلا بينا
احمد مد دراعه : يلا يا جيمى
جميله باابتسامه : يلا يا حماده
على بص عليهم هما الاتنين ومشيوا ركبوا تاكسى ووصلوا لمكان وطول الطريق "جميله واحمد" قضوها هزار وضحك و"على" باصص من الشباك ومش معاهم ... وصلوا ونزلوا ودخلوا المطعم ودخلوا مكتب المدير :
قابلهم شاب طويل ابيض البشره وشعره قصير وعيونه زرقا .. : اهلا بيكم
احمد اتفاجئ : بتتكلم عربى
الشاب بيضحك: اعرفكم بنفسى انا اسمى ادم مدير المطعم
احمد باابتسامته المبهجه: وانا احمد وهو على وهى جميله
ادم : اهلا بيكم ..
واتكلم معاهم ادم ع الشغل واختار "على" لشغل الويتر لانه كان شغال قبل كده نفس الوظيفه ..
واحمد وجميله اشتغلوا ف المطبخ مع بعض .. واحمد فرح جدا ان جميله معاه .. واتفق انهم يستلموا الشغل من تانى يوم ....!!
وفعلا خرجوا من المقابله رجعوا السكن لاقوا ابراهيم هناك مستنيهم :
ابراهيم: روحتلكم مكان الصبح لاقيتكم مشيتوا قلت هلاقيكم هنا اتاخرتوا كده ليه
احمد: كنا بنلف ع شغل
على : فى حاجه ولا ايه
ابراهيم بيتنهد: "على" لازم تسيب السكن دا انهارده قبل بكره
على متفاجئ: ليه
ابراهيم بملامح وشه المتغيره : كل الل ف السكن هيتحطوا تحت المراقبه ..يوسف مشيته من هنا لمكان بعيد البلاغ اتقدم ان فى اشخاص هنا اشتغلوا معايا ف توزيع المخدرات ..
احمد: نعم
ابراهيم: احتياطى علشان نعرف نشتغل يا "على" شغلنا الل بره الكازينو
على : اوك .. اوك
احمد: اهو دا الل كنت عامل حسابه
ابراهيم طلع ورقه : هنا مكتوب عنوان كافيه روح قابل صاحبه هيديك مفتاح شقه اعتبرها شقتك وايجارها مدفوع ..اقعد فيها لغايه ما نرسى ع حوار الكازينو دا ونرجع زى الاول
قام ابراهيم : همشى انا دلواقتى .. ومتتاخرش يا على
على: ان شاء الله
خرج ابراهيم واحمد ملامح وشه اتغيرت : هو ايه الى بيحصلنا دا انا مش فاهم
استغفر الله العظيم
على قام وبسرعه نزل شنطته : قوم يلا جهز شنطتك
احمد: اجهز شنطتى ليه ..انا مليش ف شغل ابراهيم انا كنت ف المطبخ مبعملش غير غسيل الاطباق
على بص ل احمد: ماهو انا مش هقعد ف شقه لوحدى وهسيبك هنا
احمد: "على" .. مش كفايه كده
على بص ل احمد: كفايه ايه ..؟
احمد: شغل مع ابراهيم وترجع زى الاول .. شغل الجرايد الصبح واهو شغل المطعم الجديد بليل الدنيا ماشيه اهو وانت سددت الل عليك وخلاص .. كفايه كده ونقفل الصفحه دى ونولع فيها لانى ابتديت اقلق من الل بيحصل وقلقى عليك بيزد
على بص ل احمد: متقلقش لو حصل حاجه هتاكد انك بره
احمد قام خبط كتف على: انت بتستبهل ايه تتاكد دى انا بتكلم علشانك ..انا خايف عليك
قبل كده متكلمتش قلت لوحدك هتعيد تفكير لان "على" مبيعملش حاجه غلط .. لكن انت بتعمق اكتر مع ابراهيم ودا خطر عليك يا على .. ورحمه امك كفايه
على بعصبيه: احمد.. متحلفش ب امى وانا مش هبطل حاجه ابتديتها بأرادتى ومشتكتش لحد
احمد: بس دا خطر عليك والل بيحصل دا اكبر انذار
على بص ل احمد: مش فارق معايا الل هيحصلى .. هيحصلى ايه اكتر من الل حصلى
ولو انت مش عاوز تيجى معايا براحتك يااحمد واعرف انك سبتنى زى الل سابونى
احمد حط ايده ع كتف على : متقولش كده انت لو رميت نفسك ف النار هتكون ايدى ف ايدك
وهاجى معاك طبعا ... بس يا "على" فكر وغلاوتى عندك وغلاوه اختك هبه الل حرمتها منك 3 سنين متشوفكش ربنا بيبعتلك انذرات كتير وانت بتستهون بيها ... فرصه الرجوع موجوده
على بملامح جد: اجهز يااحمد لو هتيجى
راح احمد جهز شنطته هو وعلى وخرجوا من السكن وقفوا تاكسى وراحوا ع العنوان الكافيه
قابلوا راجل هناك متكلمش كتير اول ما شاف كارت ابراهيم طلع من جيبه مفتاح ومشيوا معاه
وكانت العماره جنب الكافيه والشقه كانت ف الدور 6 .. وصلوا وفتحوا الشقه و ودخلوا احمد وعلى وكانت الشقه كبيره عليهم 4 غرف نوم و2 صاله وريسيبشن و2 حمام ومطبخ امريكانى ... ومفروشه من كله :
احمد مبهور بالشقه: ايه دا ..ايه دا هنقعد انا وانت بس هنا ؟
على ساكت .. احمد: دا ولا السكن الل كنا فيه
على بنظره لا مبالااه: اعتبريها السكن بس الل فيه مسافرين
مشى "على" وقعد ع الكرسى وطلع سيجاره ولعها : شوف هتاخد انهى اوضه
احمد بكسوف: لا انت الل اختار اوضتك وانا هدحرج نفسى ف اى اوضه
على حط رجل ع رجل : مش منهم اى مكان دى نومه مش اكتر
احمد لاحظ ان "على" ملفتش نظره فخامه الشقه وعاملها بلامبالااه راح دخل الاوض واختار اوضه : انا اختارت الاوضه الل فيها بلكونه حاجه كده بحرى وطراوه
على : اوك
احمد : على ..انت زعلان منى ومن كلامى انا قلته خوف عليك عارف انا ان فى قلبك جرح كبير فراق مامتك والل عملته ايمان .. روحك اتقطعت بس الل بتعمله دا مشفاش جرحك دا .. ولا هيشفيه ومينفعش تكمل فيه
على بنظرات حاده : انا داخل ارتاح ..
قام على واخد شنطته ودخل اول اوضه قابلته ..واول ما دخل حط شنطته جنبه وفتحها واول ما اتفتحت كانت الاجنده قدامه مسكها ولسه هيفتحها رجع ف كلامه وحطها ف درج الكومدينو و رمى نفسه ع السرير ..!!
__
يتبع
ليست هناك تعليقات:
إرسال تعليق