بعد ما سافرت سلمى وعرفت فاطيما انها هتدخل حقوق زى ما كتبت وماريا جالها اداب انجليش زى ما كتبت وقبل ما تبدء الدراسه سافرت فاطيما واسرتها لمصيف اسبوع فىالاسكندريه وراحت معاهم ماريا
ماريا وفاطيما قاعدين ع البلاج ..
ماريا: الجو تحفه يا طيما ياريت سلمى كانت معانا
فاطيما : ماهى نزلت اجازه اسبوعين اسبوع معانا واسبوع ف القاهره ورجعت ع دبى خلى دبى تنفعها
ماريا: ال يسمعك كده يقول مش طايقاها
فاطيما: اه فعلا مش طيقاها
ماريا: انتى بتحبيها وزعلانه انها بعيده انا عارفه
فاطيما: بصراحه مش بلحق اشبع منها الرخمه
ماريا: ظروف عمك بقى
فاطيما بصت لماريا : لا ظروف ولا جوابات ... وانتى كمان كنتى عاوزه تروحى القاهره عاوزين تبعدوا عنى يا واطيين
ماريا بتضحك: عيب عليكى يا طيما انا كتبت طنطا معاكى وهنروح مع بعض ونرجع مع بعض
فاطيما بصوت عالى : ماشى يا مؤدبه يابتاعت الاداب
ماريا بسرعه : يخرب عقلك وطى صوتك هتفهم غلط
فاطيما: حد قالك خشى اداب ..مدخلتيش حقوق ليه .. ها ليه ها
دا حتى باباكى محامى يا هبله
ماريا: تانى يا طيما ..قومى نتمشى
فاطيما بصوت عالى : يلا يا بتاعه الادااب
ماريا راحت خبطتها وجريت فاطيما وماريا بتجرى وراها عاوزه تضربها لان فاطيما عماله تقولها يا بتاع الاداب .... شويا اتمشوا ع البحر واتعرفوا على بنتين من القاهره جايين مع اهلهم وبقوا يقضوا معاهم النهار ع البلاج وبليل فاطيما وماريا كل واحده فاتحه اللاب بتاعها وبيتكلموا مع اصحابهم وعملوا محادثه جماعيه مع سلمى
سلمى : عاملين ايه يا جزم
فاطيما : مبسوطيييييين جدااا البحر والنسيم العليل وميمى معايا هعوز ايه تانى انا
ماريا: والفريسكا وام الخلول طيما مسبتش بياع الا نفعته واشترت منه الناس فى خلال يومين حفظوها وبقوا يدوها ذياده بسبب الكميه الل بتشتريها
سلمى: حتى الاسكندريه مش راحمه ناسها
فاطيما: اعملكم ايه انا كنت محدده شهيتى ف حدود بيتنا واوضتى والسوبر ماركت جدو عبد المجيد ... جيت هنا وسعت منى تغير مكان استلزم تغير كل حاجه
ماريا: وبصراحه طيما ماقصرتش مظبطه نفسها ومظبتنا انا حاسه ان السمك هيطفش بسببها
سلمى بتضحك: هههههههههههههههههههههههههه
فاطيما: سبك انتى الجو تحفه يا سولى ياريت كنتى هنا
سلمى : بلاش تغيظونى بقى انتوا انبسطتوا انا كمان هنبسط
ماريا: بس المعاكسات ايه هنا بالهبل ايه العيال الواقعه دى
فاطيما: انا لاحظت ان الجو العام ادهور .. الناس فاهمه المصايف غلط .. مهملين وبيرموا الزباله ومبيحافظوش ع مكان الل قاعدين فيه عندهم حق الاسكندرانيه يطفشوا بره اسكندريه ويكرهوا المصيفييين لانهم بيبهدلوا البلد والشباب والبنات كمان بيستهلبوا ..البنات اغلبهم بيتعاكسوا والشباب بيعاكسوا ...المصايف دى تغير جو وترويق مزاج مش صياعه وبهدله
والبياعييين حراميه اول ما بيعرفوا انك مش من بلدهم بيضربوا تمن الحاجه تلاته...بيخلوا الواحد يقول قاعده البانيو برقبتهم و فى البنات مستهبله اوووى هنا ماشين ع مبدا البلد الل محدش يعرفك فيها
ماريا وسلمى : ايه
فاطيما:Take off clothes واجرى فيها
ماريا وسلمى ضحكوا وكملوا كلام وقضت الاسبوع ورجعوا ع بيوتهم يجهزوا علشان اول يوم جامعه ..كانت مواعيد اول محاضرات الساعه 9 الصبح وكان لازم يناموا بدرى علشان يصحوا بدرى والمواصلات كمان ... ماريا صحيت فرحانه وشبه منمتش كويس اول يوم جامعه ليها ومش عارفه هتعمل ايه وجو جديد عليها ...رنت ع فاطيما كنسلت عليها ففهمت انها صحيت .. شويا ابتدت تلبس رنت على فاطيما كنسلت عليها ..
خلصت ونزلت راحت لفاطيما ..مامتها فتحت الباب :
ماريا: صباح الخير يا طنط
جيهان: صباح الورد يا ميمى تعالى
ماريا: الانسه طيما فين
جيهان: ادخلى صحيها عماله افوقها مش راضيه تقوم
بصت ماريا ع الساعه :والله انا كنت حاسه
جيهان: صحيها عقبال مااجهزلكم الفطار
دخلت ماريا ع اوضه فاطيما لاقتها نايمه ومغطيه وشها بالمخده راحت قربت منها شالت المخده
ماريا: يا مصيبه اصحى هنتاخر ع اول يوم لينا .. انتى يابت قومى
فاطيما: شويا طيب انا نمت بعد الفجر
ماريا بتشدها من ع السرير : يلا قووووومى هنتاخر
فاطيما بصت بنص عين ل ماريا: انتى متشيكه كده ليه هو انتى رايحه فين
ماريا تنحت: رايحه فين .. فاطيما احنا رايحين الجامعه
فاطيما بصتلها: اه صح ..طيب
قامت فاطيما بالعافيه ودخلت غسلت وشها وخرجت لبست
ماريا: انجزى يا طييما
فاطيما بتلبس الطرحه: محسسانى اننا رايحين مكان عدل دى جامعه يعنى متفرقش كتير عن المدرسه ياهبله
ماريا بسعاده : لا تفرق طبعا.. جو ومكان واصحاب ونلبس براحتنا
فاطيما: قولى بقى انك عندك عقده اليونيفورم ..
ماريا: انتى مسمعتيش ماريان ومايكل كانوا بيقولوا ايه ع الجامعه
فاطيما خلصت: ادينا هنشوف اهو داخلين الجنه ياخى يلا ياختى
خرجت فاطيما وماريا مامت فاطيما : الفطار جاهز افطروا
ماريا : مفيش وقت يا طنط
فاطيما بصت لماريا: لا لا لالالا مش هنزل من غير ما افطر .. انتى مش عاوزه براحتك انا جعااانه مش هنزل من غير فطار لالالالالالا
ماريا : بسرعه يا مصيبه
فاطيما بصت لفطار : هو ينفع الفهم وافرش هناك ف الجونينه واكل
ماريا ومامت فاطيما ضحكوا : يخرب عقلك
خرجت جددتها من الاوضه : صباح الورد يا بنات
فاطيما: صباح الحلويات يا توحا
توحا: ربنا يسلهك امركم ويبعد عنكم ولاد الحرام وترجعوا بالسلامه
توحا : ومنبقاش جعانين
ماريا: يا مفجوعه
خلصت فاطيما فطارها ونزلت راحوا ع الموقف ركبوا ميكروباص وراحوا عند الجامعه وراحت كل واحده فيهم لكليتها واتفقوا يخلصوا ويتقابلوا عند الكافتيريا عند كليه فاطيما.. فاطيما ماشيه ومش فاهمه حاجه ودخلت قعدت وبتبص حواليها لاقت عرض ازياء قدامها والالوان حست انها ف مهرجان الالوان ... والميكب .. حضرت محضرتين وكان ف استراحه نزلت الحمام واستغربت من ال شايفاها اغلبهم بيحطوا ميكب وبكثره والبعض منهم بيعدل طرحه او معنى اصح بيغيرها ... وكان فى بنتين لاحظتهم بيشربوا سجاير وقفت تنحت ..لاقت واحده خبطت ع كتفها : شكلك سنه اولى
فاطيما بصت: ها
البنت: اسماء اولى حقوق معاد
فاطيما: نعم
اسماء: يعنى عايده سنه اولى .. وشوفتك ف المدرج ولاحظت اندهاشك بال شايفاه وتايهه
فاطيما بتضحك: لا ابدا .. بس يعنى
اسماء بتضحك وقاطعتها : تعالى بره لو خلصتى بعيد عن الزحمه هنا
خرجت فاطيما مع اسماء .. اسماء: متركزيش مع اى حاجه تشوفيها هنا ف الجامعه لانك مع الوقت هتتعودى وهتلاقيه عادى
فاطيما: مكنتش اتوقع كده بصراحه الدنيا هنا غير ما كنت فاكره ... دا مولد سيدى التايه والعريان ..
اسماء بتضحك :انتى عسوله اوى تعالى نشرب حاجه من الكافتيريا
فاطيما : يلا بينا
وقضت فاطيما اول يوم مع اسماء وعرفتها ع اصحابها وخلصت وقابلت ماريا وهما راكبين الميكروباص كل واحده حكت لتانيه عملت ايه اول يوم ..!!
رجعت رمت نفسها ع السرير نامت فاطيما وصحيت واتغدت وقعدت شويا مع جددتها واخدت ف ايديها طبق فاكهه ودخلت اوضتها وفتحت نت تكلم سلمى واصحابها الميعاد ال بيتجمعوا فيه دخلت الجروب وفتحت موضوع ال شافته ف الجامعه وحكتلهم :
سلمى: احمدى ربنا انك ربنا رزقك ببنت حلال تكون معاكى ومتسوحتيش
خالد: اه فعلا .. الاغلب بيشتكوا من اول يوم وخصوصا لو لوحدهم بيتوهوا
فاطيما: وهو انا اى حد يا كماحه انا طيما ...
بس بجد غريبه البنات ال بيعملوه ف نفسهم دا.. كميه ميكب والالوان هدوم ترتر ..ترتر الصبح ...دى انا حسيت انى ف مهرجان الالوان والبنات ال كاويه شعرها وفرداه... هو انهارده عيد وانا معرفش
الكل ضحك ... ماريا: اومال لو شوفتى ال انا شوفته دا فى ناس مانتمه ف الكليه عرفت انهم مبيدخلوش محاضرات وبينزلوا يتقابلوا ف الجامعه
فاطيما : ع اساس كوبايه شاى بتكفينا والجونينه تلمنا
ضحكوا كلهم ...معتز: كل دا فى يوم واحد لاحظتوه انتم رايحين تدرسوا ولا تراقبوا الناس
فاطيما: ربنا خلقلنا عينين نشوف بيهم ومهما حاولت متبصش تلاقيهم حواليك تحس انها مؤامره عليك انك تشوفهم .. بجد كان منظر مستفز لدفعه اولى بالخصوص..داخلين الجامعه بمفهوم اليله ليله هنا وسرور
الكل ضحك.. سلمى: يخرب عقلك مش لدرجه يعنى
فاطيما: والله ما مكبره الحكايه ..لولا ال قابلتها انهارده انا كنت هرجع بيتنا اكمل نوم ..انا الل اعرفه ان الكليه ليها لبس معين بسيط انت رايح تدرس مش عرض ازياء ...والكعب ..ماله الكونفرس اشتكى دا حتى مريح انما تلبس البنت كعب شبر ونص وياريتها عارفه تمشى بس منظره ... هو كل واحد حر انا عارفه بس فى اصول وقواعد الكليه ليها لبس معين والخروج ليه لبس معين والفرح ليه لبس معين مرحش انا الكليه بلبس فيه ترتر واقول موضه ...انا البس الل يناسبنى ويكون بسيط والمكيب مش رايحه فرح انا واحط ميكب بهبل وارسم عينى ليه ..هو انا رايحه اتصور ..اهى الواحده من دول تغسل وشها تلاقيه عبد الصمد ابن خالك ف الصعيد ...ليه البنات تبهدل نفسها كده ربنا خلقها حلوه وجميله ليه تبوظ الجمال والبساطه بالبهرجه دى ...بجد شئ مستفز
معتز: هتتعودى بعد كده ..بس ع الله متبقيش زيهم
فاطيما: لا مش هيحصل انا هى انا بعيد عن موضه وتقليد
خالد: يا طيما متركزيش عادى جدا ال بيحصل دا ..المهم انتى خليكى مع نفسك وشوفى اصحابك مين واختاريهم لان مش كل ال ف الكليه بيبقوا اصحاب كويسين
فاطيما: حتى لو مش كويسيين انا عارفه نفسى مش هعمل حاجه مش مقتنعه بيها ابدا وخصوصا مهرجان الالوان وكوى الشعر دا طلع عيد كبير وصغير ودخول الجامعه بيتكولهم الشعر ياجدعان وانا معرفش
ماريا: مش لما تكويه الاول ابقى تتكلمى يااختى
فاطيما: ربنا يديمها عليا الطرحه يااختى بجد نفسى يفهموا ان الكليات مش حدائق عامه محاطه بسور
خالد: لاسف هو دا حال الكليات دلواقتى
معتز :المهم عدى اول يوم
فاطيما: ع خير الله
معتز: ربنا يسهل الايام الجايه ..وخلى بالك لان ايام الكليه بتجرى وبتتفاجئ بالامتحانات
ماريا: تعرفوا فاطيما اتفقت معايا اقابلها فين انهارده صحيح
سلمى: اكيد كافتيريييييييييييييييا
ماريا: فاطيما تعشق 3 حاجات ملهمش رابع ... النوم والاكل ومنيرررر
دى فرحانه انها عندها 3 ايام ف الاسبوع بس ف جدولها
فاطيما: بس يا رخمه ..
قضت فاطيما السهره مع اصحابها لفجر يتكلموا ويناقروا ف بعض لغايه الفجر وقامت صلت وقعدت مع جددتها شويا ودخلت نامت ...!!!
عدى شهر ع دخول فاطيما الجامعه واستمرت تروح ف ايامها هى وماريا
وكانت بترجع من يوم الجامعه تنام وتصحى تسهر ع النت مع اصحابها وكان معتز يوميا بيفتح الفيس هو وخالد وسلمى وماريا واتنين من اصحابهم
بعت معتز طلب صداقه ل فاطيما ووافقت ولاحظ معتز انها ع طول بتهزر حتى ف بوستاتها ال بتحطها فى صفحتها وكان بيضحك كتير ع البوستات ال بتحطها وعلى كلامها وكان بيستناها تفتح ويقعد يناقر فيها ...
فى يوم فى الكليه قابله خالد :
خالد: زيزو
معتز: خالد
خالد: عاش من شافك ياعم انت مبقتش تيجى كتير ليه
معتز: باجى ف المفيد وبمشى مش مستاهله اقعد
خالد: هو دا السبب ولا انت مش عاوز تدخل الكليه تانى
بص معتز ع خالد لاقاه باصص ع مجموعه بنات واقفه كان فى وسطهم بنت يعرفها معتز ...
قام خالد شده من دراعه تعالى الكافتيريا نشرب حاجه ونمشى
معتز: يلا
مشيوا وطلبوا شاى واخدوا ووقفوا يشربوه: قولى بقى اخر اخبارك
معتز بيضحك: مفيش جديد غير الجروب فى حياتى ..بجد حاجه شغلتنى عن تفكير عن حاجات كتير
خالد: ادمنت الجروب انت ها ..
بصراحه مكنتش اتخيل هتحب تتواجد فيه يعنى
معتز باابتسامه:ولا انا بس ببقى مبسوط وانا معاكوا وخصوصا فاطيما وهزراكوا بضحك من قلبى
خالد: هى فعلا فقريه اووى ..تحس كده انها عمده الجروب
معتز: فعلا بنت لذيذه اوووى ومبسوط انى اتعرفت عليها ف الفتره دى
خالد بصله: الفتره دى
معتز: انت عارف انفصالى عن شاهنده بعد ارتباط 3 سنين
وخطوبيتها من معيد معانا هنا .. خلانى قفلت ونفسيتى كانت وحشه ووفاه بابا
خالد: ما دا سبب فى انى ادخلك معانا قلت هتعرف ناس جداد وهتغير المود والنفسيه
معتز باابتسامه: دا فعلا ال حصل وبقيت احب اسهر معاكوا اووى بجد شكرا يا خالد
خالد: ولا يهمك المهم متزعلش من كلام وهزار فاطيما هى تلقائيه كده
بس قلبها طيب
معتز باابتسامه: لا خالص داانا بكون مبسوط وهى موجوده
خالد : المهم انك مبسوط
معتز باابتسامه: جداااا
قعد معتز وخالد مع بعض وبعدين معتز مشى واتفق يتقابل مع خالد بليل ع الفيس ...!!!
استمرت فاطيما تروح الجامعه وتقابل اصحابها هناك وبخفه دمها اتقرب ليها كتير وعملت مجموعه وكانت بسبب سهرها ع النت بتروح يومين بس ف الاسبوع لانها بتبقى عاوزه تنام ..... مر شهر ولاحظت فاطيما ان معتز مبقاش يفتح ولاقت بوست خالد كاتبه ان ابو معتز اتوفى وان معتز هيختفى فتره .... وكتب رقمه ل لو حد عاوز يعزيه ..كانت ماريا قاعده مع فاطيما
ماريا: مش هنتصل نعزى معتز ف باباه ولا ايه
فاطيما: مش عارفه نستنى لما يفتح ونعزيه
ماريا: ميصحش يا طيما دا صاحبنا فاكره خاله وليد لما توفت كلمناه كلنا عزيناه
فاطيما: ماشى ..استنى اخلص طبق الرز بلبن دا وهجيب الرقم
ماريا بسرعه : الرحمه ..سيبى الطبق دا شويا ..انا اخدته وع فكره سلمى بعتتله رساله تعزيه
فاطيما: ايه السرعه دى طيب يلا اتصلى وكلميه وهكلمه
ماريا: مفيش رصيد معايا ..كلميه انتى وانا هكلمه بعدك
فاطيما اتصلت بالرقم ورد معتز بصوت حزين
فاطيما: السلام عليكم
معتز: وعليكم السلام
فاطيما: البقاء لله
معتز: ونعم بالله
فاطيما: انا طيما يا معتز ..اقصد فاطيما
معتز قاطعها وهى بتفكره: اه ..ازيك يا طيما عامله ايه
فاطيما ارتاحت انه عرفها: الحمد الله انت عامل ايه
انا اخدت رقمك من خالد لما كتبه وقلت اعزيك انا وماريا
معتز: متشكر ليكم جدااا مكنش لازم تتعبوا نفسكم
فاطيما: دا اتصال شوفتننا جينالك القاهره والله عاوزين بس معناش الاجره تسلفنا
ضحك معتز: وحشنى قعدنا وهزارنا وضحكنا
فاطيما باابتسامه : ربنا يجعلها اخر الاحزان ان شاء الله وتدوم الضحكه ف حياتك
معتز مبتسم: تسلميلى يارب
فاطيما: خد ماريا هتكلمك بس قصروا لان مش معايا رصيد
معتز بيضحك: حاضر
اخدت ماريا الموبيل وكلمت معتز وعزته وقفلت ..رجعت ماريا لمذاكرتها وفاطيما كمان ..معتز وهو قاعد بص ع الرقم وافتكر كلام فاطيما انها معهاش رصيد وعرف ان دا رقمها راح سيفه وكتب Smile Tema
وكانت ع وشه ابتسامه ونام ....!!!
ابتدت فاطيما تجمع من محاضرات اصحابها وال عرفت تجمعه من نفسها وتذاكر وكانت بتذاكر مع ماريا او ماريا عندها ..وكانوا بيسهروا ع الفيس بيتكلموا لصبح ورجع معتز واتجمعوا تانى فى يوم فاطيما بتذاكر مع ماريا
فاطيما: يقطعها مذاكره ايه الدش دا كله مطلوب منى احفظ كل دا
ماريا بتضحك: مش انتى ال اختارتى حقوق شيلى
فاطيما ماسكه ملزمه: بصى انا هدخل ببركه دعا ماما وتوحا وال فاهمها هشرحلهم هما عاوزين دش فهدشلهم بضمير ....
ماريا: يلا ذاكرى
فاطيما شويا حست بجوع : انا هقوم اجيب حاجه نقنق فيها ولا ايه يا ميمى
وبتبص ع ماريا لاقتها سرحانه وبتكتب اسم عماد وحواليه قلوب
فاطيما قامت بهدوء من مكانها وشدت الكتاب من قدام ماريا : هتمتحنى فى اسم عماد ولا ايه
ماريا اتخضت: بطلى رخامه هاتى الكتاب
فاطيما: هو لسه متحركش ولا عمل اى حاجه
ماريا بتتنهد: ولا اى حاجه ..سلامات وابتسامات وشكرا
هو بالنسبه لل حصل فى احسن كتير عن الاول بس حساه بطئ اوى يا طيما
فاطيما بتضحك: هو ع بطئ هو بطئ ..حتى خالد بطئ مع سلمى جايبلها شلل تلميحات من غير مصارحه ايه الجو ال انتم فيه دا ..ما تاخدوا موقف منك ليها
ماريا : ياسلام.. يعنى مثلا نروح نقلهم اننا بنحبهم وكده
فاطيما سكتت: لالا طبعا بس خلوهم ينطقوا يعنى ..ماانتم مقضينها نظرات وسلامات وهما مستحلينها .. حركوهم
ماريا بتبص لفاطيما: يااما نفسى اليوم ال هيجى واشوفك مدهوله هتعملى ايه
فاطيما بتضحك: انا فشر ولا هيحصل... انا ادهول لو جعانه ومش لاقيه اكل زى دلواقتى انا خارجه اجيب حاجه نقنق فيها انما جيجى عامله ام على بالمكسرات والقشطه مقولكيش انا شيلت اكبر طبق هجيبه وهجبلك طبق صغير
ماريا بتضحك: فصلتينى يخربيت طفستك
ضحكت فاطيما: ارضاء المعده واجب شرعا ..المعلومات مش بتثبت يااختى
وبعدين تعالى ناخد رست ونشوفهم بيعملوا ايه ف الجروب
ماريا : اشطه يلا ...
خرجت فاطيما جابت صينيه فيها سندوتشات وطبق فاكهه وام على
ماريا: مش قولتى ام على ايه كل دا
فاطيما: قولت بدل مااخرج تانى ههضم هخليهم جنبى كده وبعدين محدش قالك تاكلى ..
ضحكت ماريا وقعدت فاطيما وماريا يتكلموا مع اصحابهم ف الجروب
وزكانت سلمى موجوده ومعتز :
سلمى: مبتذكروش ليه يا فشله
فاطيما: وانتم فاتحين ليه بتعملوا تهويه
معتز: انا لسه فاتح حالا
فاطيما: واحنا قلنا نشقر عليكم مش كده يا ميمى
ماريا: اه اصلكم وحشوتنا واحنا مش عارفين نذاكر بسببكم
معتز: امتحانكم بعد بكره
ماريا: فاطيما ال بعد بكره وانا بعدها بيوم
معتز: ابقوا طمنونا بقى
فاطيما : ان شاء الله .. برضه مقولتوش بتعملوا ايه اعترفوا الجروب محاصر ..
معتز: مستنينك تدخلى نورتى الجروب
فاطيما: بلاش كدب دا نور الشاشه
وقعت فاطيما وماريا يتكلموا مع اصحابهم والساعه البريك بقت 4 ساعات وخلصوا وكان الفجر اذن قامت صلت فاطيما
ورجعت : ميمى احنا ننام ونقوم نكمل
ميمى: انا بقول كده برضه يلا
فاطيما: هنقوم بدرى
ميمى: طبعا انا هظبط المنبه اهو
راحوا الاتنين ناموا ونفضوا لمذاكره وكانت ميمى ظابطه المنبه ع الساعه 11 سمعته فاطيما قامت طفته وصحوا بعد العصر اتغدوا وحاولوا يلحقوا ويذاكروا وابتدوا يذاكروا ...!!
امتحنوا وكالعاده فاطيما سيبتها ع الحظ وزى ما تيجى نتيجتها واخدوا اجازه نص السنه وفاطيما بقت تسهر ع الفيس طول اليل لصبح مع اصحابها وسافرت ماريا ل اختها ماريان ف القاهره ...!!
فى يوم ليله راس السنه حصل انفجار كنيسه القديسيين فى الاسكندريه
فاطيما سمعت الخبر من التليفزيون اتخضت واتصلت ب ماريا لانها كانت ف القاهره ردت عليها وهى منهاره عياط من ال حصل ...قفلت معاها فاطيما وفضلت متوتره وقلقانه وبتابع الاخبار من النت والتليفزيووون .. بعدها بيومين رجعت ماريا راحتلها فاطيما قعدت معاها وعاشوا فتره من النكد بسبب الناس ال ماتوا فى الانفجار ولاحظوا ع النت ع الفيس دعوات لنزوول يوم 25 يناير وكانت فاطيما متجمعه مع اصحابها ع الجروب
خالد: تتوقعوا ياجماعه هينزلوا المرادى ولا هيخافوا
فاطيما : انتم شايفين ايه انتم ال بتقروا اكتر مننا
سلمى: مش عارفه بس الموضوع كبير
ماريا: وال ماتوا دول لازم يتعرف مين السبب وازاى الحكومه تسمح بحصول كده
معتز: عموما الايام الجايه هنشوف ال هيحصل ياخبر انهارده بفلوس
وفضلوا يتكلموا ....!!!
جه يوم 25 يناير واحداثها بالهجوم ع الاقسام واحراقها وسرقه السلاح والشغب ال حصل واتملى الرعب ف بيوت ناس كتير مكنتش فاهمه ايه بيحصل وخصوصا ان عمليات السرقه وانهيار الامان فى المناطق
فى الوقت دا حصل لجان شعبيه فى كل الاماكن والمناطق من اهلها لحمايتها وحمايه محلاتهم وبيوتهم وكانوا بيتناووبوا بالدور ع الحراسه ... وكانت فاطيما وماريا مبيروحش الجامعه بسبب الظروف فى الترم التانى والنت كانت فاصل واللتليفونات فتره واول ما رجعت فاطيما جالها اتصال من معتز
فاطيما مستغربه: الو
معتز: ايوه يا فاطيما عامله ايه وايه اخباركم
فاطيما بصوت حزين: مش عارفه ..الحمد الله ع كل حال
معتز: الدنيا فعلا خربانه ..طبعا النت كان فاصل واول ما الشبكات اتعدلت قلت اتصل اطمن عليكى وطبعا ع ماريا وسلمى
فاطيما: الحمد الله احنا قاعدين مبنتحركش .. وبابا مع رجاله المنطقه بيسهروا طول اليل ف الشارع وحماده اخويا واصحابه يعنى امان الحمد الله وسلمى ف دبى والحمد الله انها بعيده
معتز: ان شاء الله فتره وتعدى
فاطيما: مش باين انها فتره واضح انها بدايه وربنا يستر
معتز: تفائلى خير وبلاش يأس كده
فاطيما: ع الله
واستمرت مكالمه فاطيما ل معتز يحاول يطمنها ويهديها من ال بيحصل
وفى نفس الوقت سلمى كانت عماله تحاول تتصل ب خالد ومش بيجمع لغايه ما جمعت وسمعت جرس وكانت قلقانه ومتوتره ...ورد خالد
خالد: الو
سلمى بصوت قلقان: خالد.. عامل ايه واخبارك ..حصلك حاجه طمنى
خالد: سلمى.. واحده واحده مالك
سلمى بقلق : قلقانه عليك ومكنتش عارفه اوصلك وبفتح ومكنتش بلاقى حد فيكم لسه قافله من فاطيما وقلت اجرب اكلمك ..طمنى عليك انت كويس
خالد بياخد نفس: مش عارف اقولك ايه يا سلمى الحمد الله ع كل حال
سلمى: انا شفت فى الاخبار ال حصل الدنيا اتهدت ف مصر
خالد:احنا مش عارفين ايه ال هيحصل لان ال حصل مكنش متوقع بالشكل دا
سلمى: انت بتنزل الميدان
خالد: نزلت طبعا والمناظر ال شفتها من مواجهات الشرطه مع المتظاهرين ف قمه الوحشيه وناس غريبه ف النص وكل الاعمار موجوده ... بجد تحسى ان مصر انفجرت من كل طوابقها
سلمى: خلى بالك ع نفسك يا خالد
خالد: سلميها لربنا وال كاتبه لينا هيحصلنا
سلمى: ان شاء الله خير
وفضلت سلمى تتكلم مع خالد تهديه من حاله الفزع ال عنده وتسمعه ويهديها ويطنها عليه ...ابتدوا يتجمعوا بليل كلهم يتكلموا ع اوضاع البلد ال حصل وبيحصل بتطورتها ..!!
فى يوم ماريا كانت ف الكنيسه قاعده بتصلى وبتدعى ودموعها نازله لاحظها عماد ودخل قعد جنبها بهدوء ولاحظ دموعها ال بتنزل ..خلصت ماريا دعا وفتحت عنيها وبتبص جنبها لاقت عماد
ماريا بتمسح دموعها: عماد
عماد باابتسامه: ازعجتك انا ممكن اقوم
ماريا: لا انا خلصت وكنت قايمه اصلا
عماد: اتمنى تكونى هديتى بدعائك وصلاتك
ماريا : بدعى ربنا يعدى الايام دى ع خير وميكنش فى اموات تانى
عماد: خير .. كل حاجه من عند ربنا خير ..تفائلى
واطمنى ربنا مش هسيبنا لوحدنا
ماريا بدموع نازله : شباب صغيره ماتوا برصاص وضرب مناظرهم صعبه اوى انا مكنتش اتخيل دا يحصل واشوفه متعوده اشوف كده فى الافلام الاجنبى كمان مش المصرى ..انا حاسه انى عايشه فيلم مش عارفه نهايته
مسك عماد ايد ماريا لما شافها وعنيها بتنزل منها دموع وباابتسامه: اطمنى كل حاجه هتكون بخير وفتره وهتعدى
ماريا بصت ع ايده وهو ماسك ايديها واتفاجئت بالحركه ..جمعت : كل حاجه هتكون بخير
عماد باابتسامه : يلا بينا لو خلصتى
ماريا باابتسامه: يلا بينا
وقامت ماريا هى وعماد وقفوا يتكلموا شويا وبعدين مشيت ماريا راحت ع البيت وفاطيما شويا وراحتلها لانها كانت زهقانه ومخنوقه من الى بيحصل
دخلت فاطيما ع ماريا الاوضه :
فاطيما : ياست ميمى
لاحظت فاطيما ماريا سرحانه وباصه ع ايديها ومحستش بيها لما دخلت
فاطيما بتقرب وبتنده عليها: ميمى ...ميمى ... ميمىىىىىىىىىىىىىىى
ماريا اتخضت: يخرب صوتك ايه سارينه انذار
فاطيما: احم احم هما طالبونى اشتغل ف المطافى بس انا مردتش
لانى قلتلهم لو ف شغل الصبح لا سورى وكمان هيبصولى فى الاكل
ماريا : لا جادعه يابت.. امان كرشك اهم
فاطيما راحت مسكت كيس شيبسى كان ع السرير وفتحته ونامت ع السرير ع بطنها وبتاكل شيبسى : انتى بقى قوليلى كنتى سرحانه فى ايه كده
ماريا بصتلها: انا سرحانه
فاطيما بنظره استغراب :لا سرحان ..انتى محستيش بيا ولا ردديتى ع موبيلك انا جيت انا وحظى انى الاقيكى وطنط ال قالتلى انك رجعتى من الكنيسه دخلتى ع اوضتكع طول ومتكلمتيش مع حد هو حصل حاجه ها ..
ماريا بصت ل فاطيما وابتسمت وعنيها كان فيها لمعه بسيطه
فاطيما بتحاول تجمع : ايه قابلتى عماد ولا ايه ياترى السلام كان مدته كام ثانيه
ماريا بصت ع ايديها وفاطمه بصت لشيبسى وبتاكل
ماريا باابتسامه: عماد مسك ايدى يا طيما
فاطيما وهى بتحط الشيبسى ف بوقها سمعت ماريا راحت وقع من ايديها الشيبسى ع السرير
فاطيما : مين ..عمل ايه ..ازاى احكيلى
رراحت ماريا تحكى لفاطيما ع الموقف ال حصل ف الكنيسه
فاطيما بصوت عالى : انا قلتلك من زمان الواد دا بيحبك وعامل فيها تقيييييل
ماريا قامت حط ايديها ع بوق فاطيما وخبطتها: وطى صوتك .. ماتخرجى الصاله وقولى لماما وبابا احسن
فاطيما بصت ع الباب : تصدقى فكره واتصل بمايكل وماريان واقولهم بنتكم المصونه اتمسك ايديها هى دى تربيتكم
راحت ماريا خبطتها ع كتفها وضحكت فاطيما
ماريا: انا من ساعتها ومش حاسه بنفسى بجد .. ايدى مش حاسه بيها حساها خفيفه خالص من وقت ما مسكها
فاطيما: خفيفه ... انتى ناويه تشتغلى حراميه هو عماد ناوى يشتغل ايه ها
ماريا خبطتها ..فاطيما ضحكتك :حسيتى با ايه ها ..ها ..ها
ماريا بنبره حنيه وباابتسامه : القبضه اللى كانت ف قلبى والخوف راحوا وقتها وحسيت بقبضه غريبه مش وحشه بالعكس حسيت انى فرحانه
فاطيما باابتسامه: ياسلالالالام
ماريا: انا لغايه دلواقتى حاسه انى كنت بحلم لما لاقيته جنبى
فاطيما : هو لازم يعنى الدنيا تتقلب والثوره تقوم علشان ينطق ويتحرك
ماريا بتضحك ع كلام فاطيما: يخرب عقلك فصلتينى
فاطيما بتضحك: بجد انا مبسوطه وبرغم احوال البلد ال مايعلم بيها الا ربنا
بس انا متفائله خير ومتفائالك خير .
ماريا :ايه التفائل دا
فاطيما: اصل هقولك حاجه لما بتسد من ناحيه وتغمق تحسى كده ربنا بيبعت سحابه خير بتمطر علينا تهون علينا عيشتنا واللى بيحصلنا
انتى والحياه ابتدت تتظبط معاكى بعد ما خلاص كنتى هتفقدى الامل وهتترهبنى عن قريب وسلمى وخالد ابتدو يتكلموا اكتر والحياه وردى
ماريا: وانتى ..مفيش اى حاجه
فاطيما مسكت كيس الشيبسى: طول ما دا واخواته وقرايبه من نفس فئه الاكل معايا انا بيس وميه ميه كمان ... انا شكلى مرتبطه بالاكل وراضيه
ماريا بتضحك: بطلى طفاسه انا بكلمك بجد ... ماتشوفى معتز كده يمكن يحصل حاجه
فاطيما بصتلها: دجاجه باضت فى التلاجه
ماريا: ايه
فاطيما: زى ماسمعتى .. اصله بنطلون ولا جزمه اشوفه يعجبنى اشتريه
ركزى ف نفسك وفى عماد وحافظى ع اللى وصلتيله بدل ماادعى عليكى ويقلبك
ماريا: واطيه ... طيب وانتى
فاطيما حطت شيبسى ف بوقها: انا هحافظ ع الشيبسى اكله لوحدى ومش هديكى ولا وحدايه
ماريا قامت تنتش من فاطيما شيبسى وقعدوا يضحكوا . وبرغم الجو الكئيب اللى مسيطر وقتها ع كل بيت الا فاطيما وماريا ضحكهم نساهم الحزن حتى للحظات وهما مع بعض وبيهزروا ...!!
استمر الوضع الاتصال معتز ب فاطيما يطمن عليها وسلمى وخالد وماريا تقابل عماد ويتكلموا فى الكنيسه اكتر من الاول ...!!
فى الفتره دى الوضع مكنش مطمن فكانت ماريا وفاطيما مبيروحش جامعتهم تقريبا والجامعات كانت مش بتركز ع الحضور لان فيها مظاهرات فااهل فاطيما وماريا قلقوا عليهم فكانت قاعدتهم ف البيت اغلب الوقت
قربت امتحانات اخر السنه وفاطيما فاتحه اللاب بتكلم اصحاب من الكليه لاقت معتز باعتلها
معتز: مساء الخير
فاطيما: يا مساء النور
معتز: ايه الاخبار
فاطيما: الحمد الله .. بلم من اصحابى ملخصات اهو نذاكرها
معتز: يعنى هى فارقه معاكى ..تلاقى فرحانه علشان بتنامى براحتك
فاطيما : ههههههههههههه انت بتقول فيها
فعلا مبسوطه انى ف البيت بنام براحتى .. بس اكيد مش همتحن براحتى
معتز: هو فى قلق عندكم ولا ايه
فاطيما: انا بصراحه مبنزلش من البيت الا لو عوزت حاجه من تحت
وحماده اخويا كتير هو اللى بيجبلى طلباتى فمعرفش بس اسمع ان فى مناوشات يعنى
معتز: ربنا يسترها ويعديها ع خير
فاطيما: انت عامل ايه ف مذاكرتك
معتز: زيك بالظبط بجمع ملخصات
فاطيما: وتتعب نفسك ليه مدام تقدر تغش
معتز: ههههههههههههه لالا مليش ف الحوارات دى اغش ولا اغشش
انا بخلع بنفسى بالعافيه ..مقدرش اشيل ذنب حد تانى معايا لانى بنجح بالعافيه
فاطيما: مفيش غير خالد الدحيح اللى بيجيب تقديرات والبت سلمى
واضح كده الدحيحه بيعرفوا بعض والفاشلين بيعرفوا بعض
معتز: الطيور ع اشكالها تقع .. وبعدين هو انا اطول
فاطيما: ليه انت قصير ولا ايه ههههههههههههه
معتز: تلاقيكى انتى اللى اوزعه صح
فاطيما: فشر انا بلا فخر 165 انا اطول من سلمى وميمى ب 3 سم
معتز بيضحك: ههههههههههههههههه انتى فرحانه اوى
فاطيما: حساك بتتريق هو انت طولك كام
معتز: 183 سم
فاطيما: يانهارى انتى نخله ع كده
معتز: وانتى بلحه وقعتى من التخله ع كده
فاطيما: هههههههههههه لا بجد يعنى انا مثلا اجيلك لغايه فين
معتز: قلبى
فاطيما: نعم
معتز : اقصد لغايه تحت كتفى بشويا صغيريين
فاطيما: لولا انى عارفك كنت فهمت غلط
معتز حاول يخلع: هههههههههههههه لا غلط ولا صح يلا روحى ذاكرى
فاطيما: تمام.. وانت كمان
معتز: ان شاء الله
قفلت فاطيما مع معتز وكملت كلام مع صحابها واخدت الملخصات منهم
وفتحت الملازم : هو انا هذاكر كل دا ازاى والامتحان كمان اسبوع
هو انا ماكنه ولا ايه احنا بنادمين يابشر
وهى بتكلم نفسها موابيلها رن وكانت سلمى :
فاطيما: سولى سولى
سلمى: مبترديش عليا ع الفيس ليه يا واطيه كل مره تكلفينى مكالمات كده
فاطيما: يعنى انتو مش معاكوا ..طلعى اللى محوشاه ولو مش هتكلمينى انا دولى هتكلمى مين ,,, خالد تكلميه كتير وعادى وانا تذلينى بالمكالمه يا واطيه
سلمى بتضحك: اهو قرك دا اللى بعد ما حسيت انى اتقدمت شويا رجعت تانى لمكانى
فاطيما : ليه كده
سلمى اتننهدت: كنا بنكلم عادى زى ما انتى عارفه ومره واحده مبقاش يردواو بيرد كل فين وفين ... وع الفيس مبقاش يفتح كتير زى الاول
فاطيما: سلمى .. ركزى يا حبيببتى احنا ف فتره امتحانات
وانتى عارفه خالد عاوز يجيب تقدير علشان يتعين ف الكليه
دا هو الدحيح اللى فينا وانتى بعديه .. تلاقيه مشغول الفتره دى
سلمى: تفتكرى كده
فاطيما: ماهو مفيش حل تانى غير كده .. وبعدين راعى ظروف البلد
اللى مكدره الكل ..بقينا مش عارفين راحين فين ولا هنعمل ايه ..واللى مخطط لمشروع ولا ل اى حاجه فكست منه بسبب اللى حصل .. فااكيد تلاقيه بيرتب حاله ونفسه ..خالد مش واطى يعنى وبعدين تعالى هنا هو قالك بحبك ولا وعدك بحاجه
سلمى سكتت للحظات: لا
فاطيما : يخربيت دماغك ..يعنى الواد لا قالك حاجه ولا وعدك ووقفاله ع الواحده اومال لو كنتم مرتبطين رسمى ... دا اللى بينكم تلميحات مش عارفه انا اخيرها ايه معاكم هتشلونى منكم لله وانا صغيره ع الهم دا
سلمى: انتى ع طول بتخبطينى بالكلام كده .. انا عارفه تلميحات وبتاع
بس انا حاسه انه حاسس بيا وانه بيحبنى بس محتاج زقه ..وانا افتكرت قربت خلاص
فاطيما قاطعتها: سلمى لمى جناحاتك الل طايره بيها وانزلى ع الارض .. ركزى ف مذاكرتك وسبيه يركز ف مستقبله ولو فى حاجه ربنا هيكملها ليكم بلاش خيالات يا سولى الحياه مش ناقصه ولا علشان انتى بعيده عن مصر فالحياه معاكى وردى ... انا عاوزه اقولك ان الحياه فى مصر قلبت ابيض واسود والاسود اللى مرترت اكتر فاحمدى ربنا..وادعيلنا
سلمى: والله انا قلقانه عليكوا وزعلانه ع اللى حصل فى البلد وبدعى ربنا تعدى ع خير .. بس انا زعلانه اووى بجد
فاطيما: علشان خالد .. متقلقيش احنا كلنا تجنبنا النت فتره الامتحانات دى
وكمان علشان النت اللى بيفصل بهبل دا
سلمى: لا زعلانه علشان مش هننزل مصر الاجازه المرادى .. والمرادى كنت هنزل شهرين وكنت المرادى هشوف خالد بجد بدل النت دا
فاطيما تنحت: تشوفى مين هو انتم اتكلمتوا ع انكم تشوفوا بعض
سلمى: احنا اساسا عارفين شكل بعض من صور واتفقنا نعمل خروجه جماعيه لاعضاء الجروب يعنى ونتجمع وتبقى علاقتنا حقيقيه بدل الجروب
فاطيما: نعم حضرتك ومين اللى فكر ووافق
سلمى: انا اقترحت وخالد قال هيتفق ويحدد مكان وميعاد وانا وافقت وانتى وميمى علشانى اكيد هتوافقوا علشان مش هروح لوحدى ..
فاطيما: كيسين جوافه معاكى احنا .. هى ميمى تعرف
سلمى: لا مقولتليهاش لان الحوار اللى حصل فى البلد لغى فكره نزولى اصلا فكنت هقولها ليه
فاطيما: شوفتى ربنا علشان بتتفقى من ورايا اهو سدهالك فى وشك
سلمى: فاطيما انتى رخمه وغلطانه انى كلمتك
فاطيما: والله البت ميمى اجدع منك من غير ترتيب موضوعها مع عماد ماشى زى السكينه فى الحلاوه بنت اللذينه مش مقضياها تلميح وخيال ساطع
سلمى اتنرفزت: يلا يافاطيما اقفلى
فاطيما حست ان سلمى اضايقت: بت يا سولى استنى .. متزعليش منى انتى عارفه انا بحبك وبجد اتمنى انك ترتبطى بخالد بس متستعجليش يعنى كله فى وقته واوانه ..تعدى فتره الامتحانات اللى ما يعلم بيها غير ربنا ونشوف الدنيا هترسى على ايه وربنا يسهل ربنا قادر يغير الحال فى لحظه ..تفائلى
سلمى بعد ما اضيقت من فاطيما رجعت اطمنت لما طمنتها : ان شاء الله
يلا هسيبك تذكرى انا وابقى ردى ع الفيس بدل ما تلاقينى جيت اديك ع قفاكى ورجعت دبى تانى
فاطيما بتضحك: ع اساس انى هسيبلك قفايا عادى ومش هديكى نص واعمل عليكى امبليه ابططك
سلمى بتضحك: يلا يافقر سلام
فاطيما: سلام
قفلت فاطيما مع سلمى : جوعتنى بنت اللذينه من كتر الكلام هقوم ادعبس اعملى اى سندوتش اتنين تلاته اتسلى فيهم لغايه العشا ما يجهز
قامت فاطيما علشان تعمل السندوتش لاقت جددتها بتتفرج ع التليفزيون
جدتها: طيما
فاطيما: ايوه يا توحا ..
راحت فاطيما ناحييه جدتها
جدتها: انتى حابسه نفسك ف الاوضه طول اليوم ليه كده يا طيما ياحبيببتى غلط كده تعالى اقعدى معايا شويا نتفرج ع الفيلم دا
محمد سمعها: اللى يسمعك كده يا توحا يقول طيما ديحيحه بتذاكر دى يا فاتحه الللاب يا بترغى ف الموبيل ..ولا مره دخلت الاوضه لاقيتها ماسكه قلم.. الفشل ف دمها
فاطيما: الفشل فى دمى ..تحب اقوم اشفطلك دمك ..وبعدين حاضر هصورلكم نفسى 4فى 6 علشان اثبات ولا اقولكم فيديو علشان تشوف بث حى من الاوضه
ضحكوا ...
جدتها: القنوات كلها عماله تجيب اخبار نكد نفسيتى تعبت
فاطيما: دا كله الا نفسيتك يا توحا .. مش دا الفيلم اللى انت اللى هتغنى يا منعم واغنيه نعم يا حبيبببببى نعم مش عارفه ايه نغم
جدتها ضحكت ع طريقتها: ايوه هو شارع الحب
فاطيما: يبقى نعمل شويا سندوتشات مؤقتا ونقعد انا وانتى نقنق فيهم
مامتها ندهت على فاطيما: طيماااا
فاطيما بصوت عالى: نعم يا جيجى نعمممممممم
_____________________
يتبع
يويو القصة كانت كاملة ليه فى روابط تانية ؟
ردحذف