_ ايه دا ..الصور وصلتللهم ازاى ومين دخل هنا ومفيش حد بيدخل غريب ..
_ الصور دى من حد واثق انه مش هيتمسك وصور وهو مرتاح الصور ثابته ومش مهزوزه .. دى من شخص بيتعامل فى البيت بمنتهى الاريحيه ..
بنبره شك " جى وو" : مين الل ممكن يعمل كده .. مين ؟
فى الوقت دا دخلت "حبيبه" : مساء الخير
"جى وو" و "مين سوك" بصوا ل "حبيبه" ونظرات الشك فيها ... !
"مين سوك" وهو باصص ع "حبيبه": ممكن ..
"جى وو" ساكت قام وقف ومشى خطوتين وبنبره هاديه :
_ كنتى فين ..؟
"حبيبه" كانت فى المستشفى ومكنتش عاوزه حد يعرف : كنت فى المطعم
_ بس ..
_ اها ..
_ اوكيه ..
_عن اذنك انا فى غرفتى ..
_دخلت "حبيبه" الغرفه كانت مجهده من جلسه العلاج ورمت جسمها ع السرير نامت .. فى اليله دى "جى وو" بيتفرج ع الصور تانى وبيفكر وشاكك فى "حبيبه" لانها تعتبر الغريبه الل بتدخل وتخرج من المكان .. !
تانى يوم خرجت "حبيبه" بدرى تتمشى ولاحظت صحافيين واقفين قدام البيت وكان زحمه اتخضت من المنظر حاولت تتجنبهم ودخلت البيت وكان "جى وو" صاحى :
_ هما مين الل بره
بصلها بتمعن : صحافيين
_ ليه ..
قرب منها خطوتين : انتى مش عارفه ليه ..
_ لا هعرف منين هو فى حاجه ..
قرب منها اكتر وقرب منها :لو مش عارفه حقيقى ابقى اقرى الاخبار ع الانترنت ..
وسابها ودخل الاستوديو وفتحت الانترنت وبتدورع الاخبار شافت خبر صور بيته هى فى الاول حست انه عادى لكن لما قرأت انها اول مره تظهر وانه مكنش حابب تظهر دا ضايقها ومفكرتش خالص انه شاكك فيها ..اخدت الموضوع ببساطه ... !
لحظت "حبيبه" بعد ما كان "جى وو" بيتعامل عادى وبيتكلم معاها رجع تانى يتجنبها وميردش عليها .. فى مره كان بيدور ع علبه السجاير ومش لقاها وشافها مرميه فى الباسكت الزباله :
بنبره غضب : حبيببه .. حبيببه
خرجت "حبيبه" من غرفتها مخضوضه من الصوت : ايوه
_ انتى الل رميتى علبه السجاير فى الزباله
_ ايوه ..اصل ..
قاطعها وبنبره غضب : مين انتى علشان تتحكمى فيا اعمل ايه ومعملش ايه .. انتى هنا مساحتك المطبخ وبس غير كده مش مسموحلك تتدخلى فى اى حاجه تخصنى .. وان اتكررت تانى وادخلتى فى الل ميخصكيش ولمستى اى حاجه تخصنى خدى شنطتك وامشى ..
نبرته الحاده فاجئت "حبيبه" وضايقتها حست انها زودتها وغلطت : اسفه ..
سابها "جى وو" ودخل غرفته وهو زعق تنفيس عن غضبه من الل حصل وموضوع الصور ضايقه وشاكه فيها بيزيد عارفاها من فتره قليله وميعرفش عنها حاجه فكان مستعجل ع ترجمه النوتس علشان يفهم مين "حبيبه" .. مر اسيبوعين والمعامله زى ماهى معامله سيئه شبه تجاهل ومفيش كلام .. سافر يومين لتصويراعلان فى اليابان وقبل ما يمشى طلب من شخص يراقب تحركات "حبيبه" ويبعتهاله كان عاوز يمسك دليل عليها يواجهها ويطردها ..فى يوم خرجت "حبيبه" واتجهت لمستشفى لمتابعه وخرجت من المستشفى اتجهت ل المطعم اخدت "فيفى" وخرجوا يشتروا حاجات وقعدوا فى كافيه :
_ شكلك مرهق يا "حبيبه" كنتى أجلى النزول يوم تانى
_ لا احنا اتفقنا يوم اجازتك ننزل ومش هخليكى تاخدى يوم اجازه ويتخصملك فلوس ..
_ بس انتى مالك فى حاجه مضايقاكى ..؟
_ بصراحه فى حاجه حصلت ومش فاهمه ؟
_ خير اتكلمى ..
_ انتى عارفه ان انا قاعده فى بيت حفيد "الهالمونى " موقتا ..
_ اها انتى حكتيلى ..
_ فى الاول خالص مكنش طايقنى وبعدين مع الوقت بقى كويس دلواقتى رجع تانى مش طايقنى
_ انتى عملتى حاجه ضايقته ..؟
_ انا عملت ال "هالمونى" طلبت منى اعمله اهتم بشئونه وبواجباته وبصحته يعنىفى نطاق البيت يكون مريح وصحى بس حسيت انى اتصرفت غلط وكنت اوفر
_احكيلى كده ..
حكت "حبيبه" ل "فيفى " ومقالتلهاش انه "جى وو" الممثل المشهور قالتلها انه رجل اعمال علشان فرق المكان وضحكت "فيفى " :
_ بتضحكى عليا ..شكرا ..
_ اصل انتى عامله زى العشطان وبيشرب بسرعه لانه حاسس انه مش هيعرف يشرب تانى او الجعان وبياكل بسرعه لانه عارف انه مش هيلاقى اكل تانى .. اتصرفتى بتلقائيه من غير تفكير مفكرتيش تحسبيها .. هو انتى اول مره تهتمى ب حد يعنى تخلى بالك منه ومن اكله وعلاجه وحياته يعنى تشيلى مسؤليه انسان ؟
_ بصراحه اه .. اول مره فى حياتى اهتم بحياه حد واكون مسئوله عنه غير "كوكا" مفيش
_بتقارنى حياه انسان بقطه .. ما علينا .. احبك اقولك الل بتعمليه دا خنق مش اهتمام .. انتى ادى لل قدامك مساحه يتحرك فيها وانتى راقبيه لما تحسى انه فى خطر ادخلى وساعديه او امنعيه لكن من الفكره مجرد الفكره مثلا "الهالمونى" قالتلك حاولى تخليه يتجنب شرب السجاير مثلا .. تقومى ترمى العلبه هو انتى شوفتيه مثلا دخن قدامك .. ولو حتى دخن فى حد مسموح اكتر انصحى وبالكلام والزن هيلين اى انسان .. لكن قفش كدهلا مينفعش دا انسان زيك وكل انسان مبحبش حد يتحكم فيه اكيد .. وبعد الل حكتيه كويس انه مطردكيش واداكى فرصه تانيه ..
_ بصراحه لما فكرت فيها حسيت انى اوفر ومصدقت انا عشت حياتى بنفذ الل بيتقالى ل اول مره اكون صاحبه القرار لوحدى ..
_ يبقى تصرفاته دى اعتراض ع معاملتك معاه انتى خنقتيه .. اظبطى بقى الدنيا وفكرى قبل ما تعملى حاجه وخصوصا لو حاجه جديده عليكى .. الفطره والتلقائيه كتير مبيتقبلهاش بينفروا منها لانها بتكون مبهمه غير واضحه وبتتفهم غلط ..
_ اممم .. معاكى حق ..
_ يلا روقى كده وخلصى الكيكه دى وروحى استرحى شكلك فعلا مرهق
_اوكيه ..
قعدوا شويا اتكلموا وضحكوا وبعدين اخدت "حبيبه" التاكسى ورجعت ع البيت دخلت غرفتها كلمت "ندى" وباباها" فيديو ع السكاى وشافت كوكا ولاحظ باباها شكلها تعبان قالتله انها عاوزه تنام وقفلوا مقدرتش تكلم وليد بعتتله رساله واخدت علاجها واترمت ع السرير نامت .. فى الوقت دا وصلت ل "جى وو" صور لحبيبه فى المستشفى ومع فيفى" وبرغم استغرابه لمستشفى لكن ابتدى يشك فيها فعلا وقرر لما يرجع "كوريا" هيواجهها ويعرف الحقيقه ... فى الوقت دا وهو قاعد فى مكان التصوير ظهرت "سى را" : اووبا ..
_ سى را ..
_ وحشتنى وحشتنى وحشتنى ..
_ انتى مش كلمتينى الصبح وقولتى عندك تصوير ..
_ اجلته لبكره علشان نتعشى سوا انهارده ..
_ كاست الفيلم موافقين ع التاخيرات دى ليكى ..
_ لازم يوافقوا انا ستار ..
_ اممم ..كويس ..
وهو ماسك موبيله بيقلب فيه .:
_ الكائن الغريب الل فى البيت مشيت خلاص
_ مين الكائن الغريب ؟
_ الكائن الغريب الل فى البيت معاك ..
_ اهاا وهتمشى ليه ..؟
_ علشان موضوع الصور هى الل صورتها ونزلتها ع الانترنت بتستغل وجودها فى بيتك ومش بعيد اخدت فلوس كمان ,,كان باين انها محتاجه فلوس
بصلها "جى وو" بنظره شك : وانتى متاكده ازاى انها هى ..
اتوترت "سى را" واتلخبطت فى الكلام : اكيد يعنى ماهى الغريبه الل بتدخل البيت
_ مش الوحيده فى شركه التنظيف الل بينضفوا البيت
_ لالالا استحاله هما ,,هى اكيد ولازم تمشيها بسرعه
_ انتى رأيك كده ..
_ مش لوحدى "مين سوك" اوبا رأيه كده كمان ..هى لازم تمشى ..
بصلها وهى اتوترت وقامت : الساعه 8 كويس تكون جاهز باى
مشيت وهو لاحظ توترها .. وصل "مين سوك" وبصله"جى وو" وساكت :
_ بتبصلى كده ليه ..؟
_ انت عملت حاجه انا معرفهاش ..؟
_ اعمل ايه يعنى
_ مع "سى را " مثلا ...؟
اتغيرت ملامح "مين سوك" واتوتر من نظرات "جى وو": ها ..
قرب منه : هتقولى ولا هعرف بعدين ؟
_ "سى را"
_ ايوه مالها .. ؟
بتوتر : هى الل نشرت صور البيت علشان تطرد "حبيبه"
بنظره غضب : وانت ساعدتها ..؟
_هى صاحبه الفكره ..
لاحظ نظره غضب "جى وو" وحب يبرر لنفسه :
_انت دايما تشتكى من وجود "حبيبه" فى البيت وانك مش عارف تمشيها بالطريقه دى هتثبتها عليها وتمشى ومش هترجع تانى ..
_ ببساطه كده .. ومين الل صور استحاله "سى را " ؟
_ انا الل صورت البيت ومكنش فيه حد واديتهملها
كان ماسك كوبايه فى ايده وحطها بعنف ع الترابيزه وقام مشى ... !
رجع الفندق بليل خبط ع الباب "مين سوك " ودخل وكان "جى وو" غضبان .. حط قدامه فايل(ملف) :
_ ترجمه الورق الل طلبته كلها هنا وصلت ع الايميل وقلت اجيبهالك انت لسه زعلان منى
مردش عليه وخرج .. قبل ما يفتح الملف بص عليه كتير وملامح توتر وفضول فى نفس الوقت يعرف مين "حبيبه" .. مسك الفايل وابتدا يقرا من اول ورقه وكان محطوطله صور من النسخه الاصليه ونسخه من الترجمه .. وابتدا يقرا واتفاجئ بالمكتوب .. مكتوب حياه بنت عاديه جدااا نصيبها من الدنيا انها مهدده فى اى لحظه تموت بسبب مرضها (سرطان الكبد) وابتدا يقرا حكايه باباها ومامتها واقرب ناس ليها والحاجات الل بتخليها سعيده وحياتها الل كانت عايشاها فى سجن من خوفهم عليها والممنوعات وارادتها ومحاربتها وعدم استسلامها وتعليمها للغات وانها سافرت وهوسها بالكورى وقائمه امنياتها الطويله الل اغلبها اتحقق نتيجه صدفه .. ولفت نظره قائمه امنيات تانيه كانت عاملاها ف اخر النوتس وكاتبه My Dream with JI Woo اتفاجى بيها انها عامله قائمه امنيات معاه وكتبت جمله " برغم ان الامنيات الل هكتبها مستحيله لكن فى احلام اكيده مجرد اتخيلها او احلمها بيها كفيله تسعدنى وانا مش محتاجه اكتر من احلم بيهم ." .. وابتدا يقرا امنياتها وكان مكتوب حاجات كتير واخر واحده انها "تعيش" لاحظ ان اغلبها حصل من غير ترتيب زى حضورها مكان تصوير وسقوط الثلج معاه وتحضر فان ميتنج وتاخد توقيع وتشوف النجوم معاه جسمه قشعر وقلبه دق لانه مش مصدقه وردد " اكيد مش انسانه زينا " ابتدا يقرا ملاحظاتها ووكلامها عن احلامها وامنياتها ومحاربتها للمرض ل اخر يوم لوحدها وان فرصتها لنجاه ضعيفه ودى اخر سنه فى حياتها .. عرف وقتها هى ليه بتروح مستشفى علشان المتابعه والجلسات .. كلامها اثر فيه جدا لدرجه انه حس بلغبطه وحط ايده ع قلبه من صدق كلماتها حس بيها وقعد يفكر طول الليل لغايه تانى يوم اخد الطياره ورجع ع كوريا ورجع ع البيت وبيدور عليها لقاها خارجه من غرفتها ابتسمت وماشيه :
وقفها : انتى رايحه فين ؟
اتفاجئت: انا .. مشوار ..فى حاجه ؟
_ لالا اتفضلى ..
استغربت "حبيبه" من نبره صوته وانه كلمها .. نزلت ووقفت تاكسى وهو خرج وراها وراحت المستشفى هو نزل وراها وهى مش حاسه شافها داخله قسم الاورام ودخلت عياده وبعدين دخلت معمل تحاليل وشافها وهما بيسحبوا منها الدم وبعدها اتجهت لعنبر اطفال رحبت بيهم بالكورى وابتدت تغنى معاهم وتبهجهم زى ما كانت بتعمل فى مصر ودا لفت انتباهه ان واحده بكل الوجع والالم دا بتبتسم وبتفكر فى غيرها ... رجع قعد فى العربيه واستنى لغايه ما خرجت ووقفت تاكسى ووصلت للبيت شويا ودخل وهى كانت فى غرفتها نايمه ... مخرجش طول اليوم وقفل موابيلاته وقعد فى غرفته يفكر ويفهم اللغبطه الل حساها ... بليل خرج ودخل المطبخ ودور ع الراميون (الاندومى فى مصر ) ومسك كيسين وابتسم .. ابتدا يعمله واتجهه لغرفه "حبيبه" وخبط ع الباب مرتين وفتحت:
_ ايوه فى حاجه ؟
ابتسم : انا جعان
_ اوكيه هحضرلك العشا ..
_ لالا انا عملت راميون ايه رايك ناكل سوا ..ها ..
اتفاجئت "حبيبه" من حاجتين اولا انه خبط ع باباها وانه طلب منها تاكل معاه وانه هو نفسه الل وقف وبيعمله وقفت متنحه : ها ..
_ مش عاوزه .. اوكيه
بسرعه : لالالا انا جايه اوكيه اوكيه
لاحظ فرحتها وشافها كانت ماسكه النوتس وبتكتب قفلت النوتس وخرجت وكانت مبسوطه كان واقف فى المطبخ وبيعمل الراميون وهى مش مصدقه نفسها انها شايفاه فى الحقيقه زى ما كانت شايفاه فى الفيلم .. وكانت بتضحك وباين عليها الفرحه .. شويا وقعدوا ع السفره وكان هيحط فلفل حار : استوب
_ فى ايه ..
"حبيبه" ممنوع من الاكل الحار : انا مبحبش الاكل الحار هاخد شويا هنا وانت ليك الباقى
وابتدت تاكل لكن مكملتش اكلها وهو لاحظ : مش حلو ..
_ لالالا جميل بس فعلا انا مش جعانه ..اكلت شويا علشان انت عملته ويبقى امنيه اتحققت
عمل نفسه مش فاهم : امنيه ايه ؟
_ اقصد يعنى ان انت تعمل راميون بنفسك دى امنيه كل الفانز ليك اللحظه دى انا محسوده عليها من كتير لو عرفوا ..
ضحك : لدرجه دى ..
_ واكتر ..
قعدوا يتكلموا شويا و"حبيبه" مستغربه هو ليه اتغير كده فجاءه ..دخلت غرفتها ومسكت النوتس وعلمت ع "الراميون" وكانت مبسوطه وفى نفس اللحظه "جى وو" فتح الفايل وعلم قدام الراميون " وابتسم ... ونام .. !
تانى يوم الصبح "حبيبه" صحيت الساعه 5 وخارجه تتمشى لرياضه وهى متجهه لباب شافت "جى وو" خارج من غرفته ولابس لبس رياضه وكاب وماسك :
_ انت رايح مكان ..؟
_ الانسان السليم جسمه يكون سليم ودا بالرياضه
_ ها ..
_ بشوفك كل يوم بتنزلى الصبح تتمشى قولت اجرب كتغيير ..يلا
_ انت عندك هنا غرفه مليانه ادوات رياضيه اتمرن هنا
_ واحرم نفسى ليه من هديه سماويه الهوا النقى ولا انتى طمعانه فيه لوحدك دا لجميع
متفاجئه "حبيبه" : ها .. يعنى افهم من كلامك هتتمشى معايا انا ..
ضحك "جى وو" ع منظر "حبيبه": اها هو فى حد غيرنا هنا .. يلا ..يلا
مسكها من دراعها وبيشدها يخرجوا و"حبيبه" مش مستوعبه. مكنتش متوقعه كل دا يحصل ومكنتش مصدقه نفسها حست انها فعلا فى حلم وخرجوا الاتنين وهو متخفى وبيتمشوا و"حبيبه" بتحاول تستوعب والضحكه والابتسامه مغبتش عن وشها ورجعوا ع البيت:
_ الفطار هيكون جاهز ..
اتجهه للمطبخ وفتح التلاجه ومسك علبتين عصير ومد ايده بواحده ل "حبيبه ":
_ امسكى ..
"حبيبه" متفاجئه : ها .. ليا انا
بيبص حواليه ومبتسم: انت ليه بتحسسينى ان البيت فى حد غيرنا هو فيه عفاريت وانا معرفش
ضحكت "حبيبه": لا مش كده
قاطعها: طبيعى بعد الرياضه الجسم بيفقد طاقته وعلشان نرجعله الطاقه العصير الطبيعى هو الحل ودا عصير اورجنال مفيش مواد حافظه ومفيد جداا للجسم ..انا بعت اجيبه من امبارح وموجود كتير فى التلاجه ليا وليكى زى ماانتى بتحافظى ع صحتى انا كمان هساعدك تحافظى ع صحتك ..
_ ها ..
_ امسكى وانا داخل اخد شاور يكون الفطار جهز علشان "مين سوك" فى الطريق ونازليين ..
مسك ايديها وحط فيها علبه العصير وفتح علبته وبيشربها وهو ماشى وكان بيبتسم و"حبيبه" واقفه مكانها مش مصدقه ... حضرت الفطار وسابته وداخله المطبخ ول اول مره طلب منها تقعد تفطر معاه قعدت وهى مش فاهمه وبتحاول تستوعب .. اتكرر نزوله معاها مرتين وانها تقعد تاكل معاه والاغرب انه ابتدى يقولها ع انواع اكل صحيه .. تصرفاته ملفته وغير مفهومه فقررت "حبيبه " تساله :
_ ممكن سؤال ؟
_ اتفضلى ..؟
_ ايه الل بتعمله دا ؟
سؤالها مكنش واضح : مش فاهم ؟
_ اقصد يعنى تغيرك المفاجئ دا معايا .. تنزل تتمشى معايا الصبح وانك تطلب منى اكل معاك ..وقبلها تعمل الراميون واكل وعصير و.. .. فى ايه بالظبط .. ؟
ضحك "جى وو" وابتسم وللحظه حس انه كان اوفر فى رد فعله بعد ما قرا النوتس ومكنش عاوز يعرفها انه عرف بمرضها : انا قررت نكون اصحاب
اتفاجئت "حبيبه": ايه ..
_ قررت نكون اصحاب فيها حاجه دى ..؟
بتستوعب "حبيبه": وبناء على ايه قررت وانت كل يوم بحال ..؟
_ اممم .. ممكن تقولى فضول .. فضول اعرف انتى مين ومنين ودا هيتعرف لما نقرب لبعض واحنا قريبين عايشين يعتبر فى بيت واحد
_ مؤقت ..
_ حتى لو مؤقت نكون اصحاب فى الفتره دى ونبقى صرحاء مع بعض ومنكذبش على بعض
_ انت متاكد من كلامك ..؟
_ اكيد وكنت اتكلمت ليه .. انتى مش موافقه ؟
_ انا متفاجئه فى صدمه ومش فاهمه ..
ضحك"جى وو" : خدى وقتك لكن رد ع كل الل شاغل تفكيرك عن تصرفاتى هو ان انا قررت نكون اصحاب .. كملى فطارك انا خارج .. باى
قام "جى وو" وحس انه هرب من استجواب "حبيبه" وابتسم و"حبيبه" قاعده مكانها بتستوعب وبتردد : جى وو الممثل الكورى المشهور الل كنت بحلم اخد توقيعه بيقولى نكون اصحاب ..انا وهو اصحاب .. انا وهو اصحاااااااب .. ايه الل بيحصلك يا "حبيبه"
ايديها الاتنين ع وشها وكانت هتصرخ ومسكت نفسها وشافت "ليزا " القطه مسكتها :
_ ليزا .. هو ايه الل بيقوله دا .. انا وهو اصحاب ازاى .. ها اززاى ..خربشينى او عضينى او اى حاجه اصدق .. ايه الل بيحصلى دا بس ...
كانت "حبيبه" بتحاول تجمع الل حصلها موابيلها رن وكان "حسام" وكان مجهزلها مفاجاءه تانيه :
_ حسااااام ياااااه
_ زقططتى يا بنت فؤاد الاقامه اتعملت 4 شهور وبعد كده هحدفك فى اول طياره ع بيتكم فى مصر ..
_ بتقول ايه .. يعنى انا معايا اقامه دلواقتى ..
_ مش بقولك زقططتى وارقصى قعدتى 3 شهور مهربينك ودلواقتى معاكى 4 شهور شرعى اقامه فى كوريا دفعتلك تحويشه العمر بس يلا مش خساره فيكى .. هبقى احجز كوكا واخطفها وارجع فلوسى تانى هاهاهاها
ضحكت "حبيبه" ومكنتش مصدقه الخبر من فرحتها:
_ انتى اغمى عليكى ولا ايه يابنت فؤاد
_ بقالى يومين عماله يحصلى حاجات حاسه انى بحلم
_ لا انتى محتاجه قاعده هخلص الشغل واكلمك كاميرا وتحكيلى ..
قفلت معاه وشويا وهى فرحانه بالاخبار الحلوه ووقتها اتصل "وليد "
_ حبيبه ازيك ..؟
_ انا كويسه جدا جدا جدا جداااااااا
شافها فى الكاميرا فرحانه : خير ايه الانشكاح دا
_ انا الاخبار الحلوه عماله تهل ورا بعض
_ فرحينى معاكى ..
_ اولا انا خلاص اقامتى فى كوريا شرعيه بعد 3 شهور بستخبى ومبعرفش اخرج ومحبوسه .. "حسام" عملى الاقامه 4 شهور وبعدها هرجع ع مصر
_ 4 شهور ..
_ اها
_ طيب كويس مش انتى كنتى عاوزه كده
_ بصراحه مكنتش اتوقع كده بس حصل
_ وايه تانى حصلك ..؟
_ بص انا بقالى اسبوع كده معامله "جى وو" متغيره معايا
_ ايه بيعاملك بتجاهل زى الاول ما دا العادى وانتى قولتى فتره وهتمشى
_ لالالا اتغيرت للاحسن ..
ملامح "وليد" اتغيرت : ازاى ..؟
_ يعنى انا زى ما دكتوره "نورهان" قالتلى اتمشى كل يوم واعمل رياضه خفيفه يعنى تنشيط دوره دمويه علشان العلاج .. كنت كل يوم بنزل لوحدى فجاءه بقى ينزل معايا اصحى واخرج القيه جاهز ومستنينى .. اول مره عادى .. تانى مره قولت صدفه وعادى.. بعد كده بقى كل يوم ونرجع يغير هدومه وينزل ع مواعيده .. وبعدين لما بجهزله الاكل كان بياكل لوحده عادى دلواقتى بقى يطلب منى اقعد اكل معاه .. ودى اول مره تحصل من وقت ما جيت .. وبقى كل ما يشرب من عصير يدينى منه وطريقه اهتمامه بالاكل غير الاول و مبقاش يزعق وبقى يتكلم كويس .. والاكبر بقى ..
_ ايه ..؟
_ انهارده قال لى انه قرر نكون اصحاب .. انا وهو اصحاب انت متخيل ..انا و "جى وو" الممثل المعروف اصحاب .. وهو الل طلب .. انت متخيل يا "وليد "..
ملامح "وليد" اتغيرت وهو شايف "حبيبه" وهى مبسوطه وفرحانه حس بخنقه وضيقه وسكت :
_ انت مبتقولش حاجه ليه ..؟
_ هتزعلى وانا مش عاوز ازعلك ..
_ لا قول هزعل ليه ..
_ انا ملاحظ اهتمامك ب الممثل دا زاد عن حده ?
_ نعم ..؟
_ يعنى ايه يطلب منك تكونوا اصحاب هو يعرفك .. هو يعرف ظروفك .. يعرف اصلا انتى موجوده عندك ليه ولا بتعملى ايه غير بتحضريله الاكل وخلاص .. اصحاب ازاى وهو ميعرفش عنك حاجه وانتى بنفسك قولتيلى ان اغلب المعلومات الشخصيه الل جمعتيها عنه مش صحيحه .. اصحاب ازاى ..؟
كلام "وليد" بعد ما كانت "حبيبه" بتضحك وفرحانه اتغيرت وسكتت :
_ انا بقولك كده وبصارحك بحقيقه يا "حبيبه" مش عاوزك تنشغلى بوهم وف الاخر هتزعلى ..
_ انا اصلا استغربت انه قال كده ..بس يعنى هو مينفعش فعلا ما انا ليا اصحاب من بلاد تانيه وعارفين نتكلم مع بعض سواء بلغتهم او ب الانجليش وانا وهو بنتكلم اغلب الوقت انجليش ..؟
_ وهو علشان انتى وهو بيتتكلموا انجليش يبقى ينفع تكونوا اصحاب مش اللغه العائق الوحيد ..
سكتت "حبيبه" :
_ انتى قاعده ف البيت دا ل امتى ؟
_ مش عارفه بس مش هطول "الاجوما" كلمتنى وقالتلى يومين تلاته وراجعه ..
_ طيب كويس اعملى حدود بينك وبينه ومتصدقيش كل حاجه بيقولها انتى مهما كان غريبه من بلد وثقافه ومجتمع تانى وافتكرى اهم حاجه الدين انتى مسلمه يا "حبيبه" وهو ع كلامك متعرفيش له دين ولا لا زى اغلب الكوريين ..
كلام "وليد" كان زى المايه البارده ع راس "حبيبه" بعد ما كانت طايره وفرحانه نزلت ل ارض الواقع ...
_ متزعليش منى انتى عارفه انتى ايه عندى و..
_ لالا عادى يا "وليد" انت عارف ان كلامك مهما قولت مش هزعل انا الل يمكن كنت اوفر
_ المهم مطوليش قعده عندك ولو طلبوا تقعدى اعتذريلهم .. وانتى كده كده شغلك موجود فى المطعم ولا ايه ..؟
_ اه صح ..
_ المهم .. علاجك عامل ايه ..؟
_ اه صح بقيت اخده انام ع طول بعده واوقات بيخلينى عاوزه انام كتير
_ معلش استحملى شويا لغايه ما جسمك بس ياخد عليه ولو فضلتى مش مرتاحه هتكلم مع "نورهان" نغيره ليكى .. هى قالتلى انك رفضتى الحقن ..
_ انا معايا الحقن بس انا تعبت من الشكشكه .. باخدها وقت ما احس ان انا تعبانه اوى
_ انتى دلواقتى حاسه ب ايه ؟
_ حاسه انى كنت بحلم وفوقت الحمد الله
ضحك "وليد": بتخبطينى بالكلمه
_ لا خالص يا دكتور ..
_ المهم خلى بالك ع نفسك اكتر وطمنينى عليكى
_ حاضر ..
قفلت "حبيبه" وكلام "وليد" بيرن فى ودنها وقررت تسمع كلام "وليد" ومتصدقش تصرفات "جى وو" وفى نفس اللحظه قفل "وليد" وملامح القلق ع وشه وبيردد : لازم تخرجى من البيت دا يا "حبيبه " .. اتصل ب "حسام" وكلمه واتفاجئ برد حسام :
_ وفيها ايه يعنى هنا اى حد ممكن يصاحب حد الكلمه دى علشان تشيل الحواجز يعنى وتقربهم لبعض
_ وانت عاوز "حبيبه" تقرب ل الممثل دا ؟
_ انت متعصب ليه .. اولا "حبيبه" كبيره وعارفه هى بتعمل ايه ودا اتفقنا عليه نديها حريتها تتصرف فى اختياراتها وندخل وقت ما تحتاجنا هى.. انت قولتلها ترفض برغم انها كانت فرحانه .. انت خايف من ايه انا مش فاهم .. هو ممثل واى اذى يحصل هيضره قبل ما يضرها برغم انى واثق انه مش هياذيها يعنى و"حبيبه" اكيد مش هتغلط لانها عارفه حدودها ايه بالظبط ..
_ انت بتتكلم بثقه كده ليه انت تعرفه .. هو يعرف "حبيبه" وظروفها واساسا وجود "حبيبه" وموافقتها انها تفضل موجوده وانها تكمل شغل فى البيت دا كان غلط من الاساس ...؟
لاحظ "حسام" عصبيه "وليد": مالك يا "وليد"؟
_ اساسا وجود "حبيبه" عنده غلط انا سكت علشان انت قولت انها هتكون معاك وانت سايبها و..
_ وليد اسمعنى .. انا اخاف ع "حبيبه" اكتر منك .. "حبيبه" اختى يعنى لحمى .. يعنى مش هقبل انها تنضر
_ يبقى"حبيبه" مينفعش تطول فى البيت دا هو غريب عنها ومش من دينها وثقافه مختلفه انا مش مرتاح لتقربهم لبعض ودا ل "حبيبه" ع فكره ..
_ متقلقش انا كمان اسبوعين راجع خلاص وهتيجى تقعد معايا ..
_ ان شاء الله ..
قفل "وليد" وهو مش مطمن ع وجود "حبيبه" فى بيت "جى وو" .. وقفل "حسام" وهو مستغرب من طريقه "وليد ولاحظت "مى سون " :
_مالك ..؟
_ "وليد" قلقان اوى ع وجود "حبيبه" فى بيت "جى وو" عمال يقول غريب عنها ثقافه ودين وحاجات كتيره كده ..
_هو مش عارف ان الدين اخر حاجه نبصلها لبعض فى كوريا الانسان بنحكم عليه من شخصيته
_ انا عارف كده لكن هو باين مش عارف او بمعنى اصح مش عاوز يعرف نبره صوته فيها خوف وقلق اول مره احسها ويتكلم بعصبيه كده
_ لان "حبيبه" تهمه اكيد ..
_ حسيت فى نبرته انه خايف تتاخد منه ل اول مره "وليد" يعترض ع حاجه "حبيبه" بتعملها هو دايما موافقها ..
_ خايف يعنى تحب "جى وو" و..
قاطعها" حسام" لا لا .. مش هيحصل انا عارف فكره انها مهتميه بشخص تانى مخلياه فى الحاله دى ..حب ايه .."حبيبه" عارفه حدودها ومش هتشطح .. وع رايه هو ثقافه تانيه ومنعرفش دينه ايه
_ اه "جى وو" غريب عن "حبيبه" من بلد تانيه لكن هو مسلم زيها وتربيه "هالمونى" له انا متاكده انه مش هيسببلها اذى
اتفاجئ" حسام": مسلم.. بتتكلمى جد
_وهو انت فاكر "هالمونى" فاتحه مطعم اكل حلال ليه .. ام "جى وو" ماليزيه مش كوريه ابوه الل كورى واتعرفوا ع بعض فى بريطانيا هى كانت طالبه عنده فى الجامعه وارتبطوا ببعض وكانت قصه حبهم الكل بيحكى عنها فى الجامعه وتضحيتها بنفسها علشان تسعده ..
_ و"حبيبه" تعرف كده
_ مش عارفه اعتقد لا ..
ضحك "حسام": دى مش بعيد يغمى عليها لما تعرف انه مسلم والقصه دى .. انا مش هقولها ف الموبيل ولا ع السكاى انا لما هرجع هقولها فى وشها عاوز اشوفها وهى هايبر لما تعرف
بعد ما كان مضايق من طريقه "وليد" مجرد تخيل رد فعل "حبيبه" ابتسم .. !
مر اسبوع واتكرر تصرفات "جى وو" و "حبيبه" كانت حذره اكتر من الاول برغم انها كانت مبسوطه ... قرب الكريسماس وكانت "حبيبه" حابه تزين شجره الكريسماس ولان "جى وو" لوحده قررت تزين شجره عيد ميلاد فى بيته كنوع من الفرحه ككل البيوت فى الوقت دا .. لكن مكنتش عارف المكان اتصلت ب "الاجوما" تسألها ع مكان الشجره والزينه قالتلها موجوده فى غرفه مفتاحها مع "جى وو" ف شغلت التليفزيون وقعدت ع صوفه تتفرج ع التليفزيون لغايه ما يرجع .. غلبها النوم ونامت مكانها وهو رجع متاخر من بره ولاحظ التليفزيون شغال قرب شاف "حبيبه" نايمه .. مسكت الريموت وطفى التليفزيون ووقف بص ع "حبيبه" للحظات وافتكر ان انهارده كان موعد متابعتها وجلسه علاجها زى ماهى كاتبه فى النوتس وانها اكيد تعبانه فقرر انه ميزعجهاش ودخل غرفتها مسك غطا وغطاها وقعد قدامها ع حرف الترابيزه وبيبص بتركيز فى ملامحها وفى سره :
_ انتى ازاى بالقوه دى .. ازاى متحمله كل الوجع والالم دا ومبتشتكيش ولا مبينه .. ازاى وهبه لحظاتك الاخيره مع اشخاص غرب عنك لسه قدامهم عمر يعيشوه .. انتى ملاك ع الارض .. انا مش عارف انتى ايه بالظبط ..انتى ايه يا "حبيبه" ...
فضل للحظات مكانه باصص عليها وهى نايمه وبيبص بتمعن فى ملامحها الهاديه وهى نايمه شويا وحس انها هتتقلب قام ودخل غرفته وقفل الباب ... قلقت "حبيبه" لقت نفسها نايمه فى الليفنج وشافت الغطا عليها وبصت ع غرفه "جى وو" كانت مقفوله عرفت انه رجع ودخل نام .. قامت ودخلت غرفتها وكملت نوم .. تانى يوم صحيت بدرى وبعد ساعه التمشيه .. وهما قاعدين ع الفطار :
_ ممكن طلب ؟
_ اتفضلى
_ كنت عاوزه ازين شجره كريسماس هنا ..
_ هنا ..
_ اها عرفت ان فى شجره وانا عاوزه ازينها ..
_ اوكيه
_ لكن المفتاح معاك ..ممكن المفتاح ..؟
_ اوكيه ..فى درج المكتبه هتلاقيه ..
فرحت "حبيبه" شكرا ..
_ مبسوطه علشان شجره كريسماس
_ اها .. مبهجه .. وهتخليك سعيد لما تشوفها .. تبدء عام جديد ب امنيات وابتسامه
_ انتى ايكونه التفائل
_ التفائل هو الل مخلينى ثابته لغايه دلواقتى
سكت "جى وو": عاوزه مساعده
ب ابتسامه: طبعا مش الشجره دى بتاعتك وفى بيتك ضرورى تزينها معايا علشان تحس باللحظه
ابتسم "جى وو" : اوكيه هفضى نفسى بليل ارجع بدرى
_اوكيه .. وانا هشوف ايه الل ناقص وهنزل اشتريه من الماركت
طلع "كيريتد كارت": امسكى دا اشترى الل انتى محتجاه
_ لالالا مش مستهله انا معايا فلوس
مسك ايديها وحط فيها الكارت وقفل ايديها ب ايده :
_ الشجره دى ليا وللبيت الل انا عايش فيه يبقى انا ملزم بكل حاجه فيها ..
قام "جى وو" وملامح وشه متغيره و"حبيبه" من ماسكه ايده اتصلبت بصت ع الكارت : اوكيه
كان "جى وو" فى الوكاله بيقابل مخرج علشان فيلم جديد هيعمله وبعد ما خلص القعده ظهرت "سى را" اتغيرت ملامح وشه وحب يقوم قعدته :
_ هتهرب منى كتير
سكت :
_ اووبا .. انا اعتذرت ليك مكنتش اقصد اضايقك بس فعلا كنت عاوزه اساعدك تمشى الكائن الل عندك فى البيت دا ..
بصلها "جى وو": مش اسمها كائن مبتعرفيش عربى مش مشكلتها لكن اسمها "حبيبه" "حبيبه" اتمرنى عليها زى اغنيه جديده هتحفظيها .. مش كائن .. هى انسانه زيك ..
استغربت "سى را" من رد فعل "جى وو" ودفاعه عن "حبيبه" ل اول مره :
_ اووبا .. هو فى ايه ؟
_ فى ايه ؟
_ من امتى انت مهتم بيها .. دى مجرد شغاله عندك
_ الشغاله دى او غيرها بشر زينا ولا ايه
_ اوكيه .. اوكيه .. اسفه .. فاضى نتغدى سوا ..
_ لا ورايا مقابله وهرجع ع البيت ارتاح
_ هترجع ع البيت ترتاح ..
_ باى
مشى "جى وو" وسابها واقفه والافكار الشيطانيه اشتغلت فى دماغها مسكت موابيلها واتصلت ب "مين سوك" مدير اعمال "جى وو" : اووبا ..انا عاوزه اشوفك حالا ..
فعلا قابلت "مين سوك":
_ ممكن اعرف ايه حكايه "حبيبه" دى ؟
_ ماانا حكتلك موجوده مكان الاجومانى
_ بس
_ اكيد يعنى عموما اجومانى راجعه ع اخر الاسبوع ..
_ وهتختفى "حبيبه" خالص من حياه "جى وو"؟
_ اكيد ..
_ لانها لو مختفتش انا هعرف اخليها تختفى ازاى
لاحظ "مين سوك" نظره الشر فى عيون "سى را " واكد عليها انها هتختفى ..!
خلص "جى وو" المقابله وكلم "حبيبه" وعرف انها ف البيت لسه وشويا هتروح السوبر ماركت تشترى الحاجات الناقصه للشجره واتفقوا انهم يسهروا يعملوها مع بعض .. دخلت "حبيبه" الغرفه الل فيها كراكيب .. وشافت الشجره طلعتها وابتدت تدور ع الصندوق الل فيه الزينه وهى بتقلب ف الصناديق شافت صندوق فيه صور مسكت الصور شافتها كانت فيها "الهالمونى" ومعاها راجل وست محجبه وحامل .. واغلب الصور كانت الراجل والست .. مهتمتش تعرف مين رجعتهم مكانهم وخرجت بالصندوق وقفلت الباب ...وشويا وخرجت السوبر ماركت اشترت بالكارت الحاجات الناقصه ورجعت ع البيت حطتهم ع الارض وبصت ع الشجره وع وشها ابتسامه وكحت جامد ونزل بقع دم بسيطه فى المنديل وحطت ايديها ع صدرها وحست بتعب وقعدت وحست بدوخه ودخلت غرفتها بسرعه واخدت علاجها .. ونامت .. رجع "جى وو" متاخر وشاف كل حاجه موجوده و "حبيبه" باب غرفتها مقفول فمحبش يقلقها ودخل الاستوديو ...تانى يوم صحيت "حبيبه" الفجر اتوضت وصلت ولبست لبس تقيل وفتحت الباب وخرجت طلعت ع الروف(السطح) قعدت ع كرسى محطوط وباصه للسما والنجوم .. وفضلت لغايه وقت الشروق وعينها منزلتش من ع السما وابتسامه ماليه وشها .. صحى "جى وو" وشاف الباب موارب خبط ع الباب محدش رد ونده ع "حبيبه" مردتش بص ع الساعه واتصل بيها ردت عليه وعرف انه فوق ع الروف وطلع وشافها قاعده وباصه للسما والتلج نازل عليها قرب منها وشد كرسى وقعد :
_ انتى هنا ..
_ اها ..
_ مش هتنزلى تتمشى انهارده ..
_ امم هاخد انهارده اجازه ؟
سكتوا لحظات ولاحظ ابتسامه "حبيبه" وهى باصه للسما :
_ انتى باصه فى السما كتير ليه كده ؟
_ ببص ع مكانى
ضحك "جى وو": مكانك انتى موجوده هنا ..
ابتسمت "حبيبه": لا انا مكانى هناك فى يوم هكون هناك
_ احنا فى دلواقتى ..
_ دلواقتى هيوصلنا لبعدين ..انا بقى قررت اشوف بعدين دلواقتى علشان متفاجئش
_ ايه الالغاز دى ..
ابتسمت "حبيبه" وسكتت وفى الوقت دا تلج نزل عليهم :وااااه
ابتسم "جى وو": هدايا سماويه..اعتقد ان السما بتهادى اكتر ما بتاخد ودا معناه انها مكتفيه فوق ومش محتاجه حاليا حد يزاحمها ..
فتحت ايديها ونزل فيها رقائق تلج وبصلها مبتسمه :
_ انتى بتحبى التلج كده ..
_ بحس براحه لما اشوف بياض التلج وخفته بحس انه انا .. رقائق الثلج لما ينزل فى ايدك بيحسسك قد ايه الروح اخف منها وممكن فى لحظه تطير وتبعد بعيد جدااا مش هتقدر تمسكها لانها عارفه هتروح فين ولو حاولت تتمسك بيها ومتطيرش بتسيح يعنى محكوم عليها انها تختفى مهما كان سواء دلواقتى او لا
_ لكن لو حافظنا عليها كويس وهيئنا البيئه المناسبه ليها ومسكنا هتعيش
_ معتقدش لان مكتوب عليها انها تختفى
_ ومين يعرف انها هتختفى كله غير معلوم احنا فى دلواقتى نحافظ عليها ونساعدها تفضل موجوده
سكتت "حبيبه" وملامحها حزينه ولاحظ "جى وو" دموعها ووتلقائى مد ايده وبصباعه قرب من خدها وبيمسح دمعتها انتبهت و تماسكت واستجمعت نفسها واخدت نفس ومسحت دموعها وبصتله :
_ باين البرد خلانى ادمع .. ها جاهز نعمل الشجره انهارده ؟
_ اوكيه
_ انا هخرج وهرجع ع الساعه 4
_ وانا عندى تصوير لمجله وهخلصه وهرجع ..
فضلوا قاعدين باصيين للسما و"حبيبه" مبتسمه و"جى وو" باصص عليها .. !
نزلوا راحوا مشاوريهم وراحت "حبيبه" المستشفى وحكت ل "نورهان" ع الل حسته وطلبت منها تحاليل واشاعه وعملتهم وقالتلها النتيجه لما هتظهر هتكلمها .. رجعت البيت وكانت بتجهز فى الحاجات رجع "جى وو" وغير هدومه وابتدوا يزينوا الشجره وكانوا فى منتهى السعاده والفرحه خلصوا الشجره :
_ جميله اووى
"ابتسم جى وو" ولاحظت "حبيبه": مش قولتلك لما تشوفها هتحس ببهجه وهتبتسم لوحدك
_ اه فعلا ..
_ علشان مجهودك معايا انا هديك هديه ..
دخلت غرفتها وخرجت بشوكولاته من الل كانت ف العلبه ومدت ايديها له وبعد ما كان بيضحك وشه اتغير :
_ جبتيها منين دى .؟
_ مجبتهاش هى الل جت لوحدها
_ ايه ..؟
_ اقصد لما جتلك وانت قولتلى ارميها قولت خساره وفتحتها وكل يوم او يومين اكل واحده
بنبره عصبيه .. : بعد كده لما اقولك ارميها ترميه ..
رمى الشوكولاته ع الكرسى ودخل غرفته .. وحست "حبيبه" فى سر .. دخلت غرفتها وقعدت تفكر فى ايه.. لقت ان الل هيعرفها اكيد هى جددته .. طول اليوم قاعد فى الاستوديو بتاعه وبيعزف ومخرجش .. تانى يوم نزل بدرى من غير فطار وهى لبست واتجهت للمطعم وقابلت "فيفى " وبعدها قعدت مع "هالمونى" وبعد السلام حبت "حبيبه" تسئل لها :
_ انا عارفه انه فضول منى لكن عاوزه اعرف حاجه لما جتله الهديه فى عيد ميلاده قالى ارميها واتعصب عليا لما شاف الشوكولاته ..
اتنهدت "الهالمونى": الحكايه ترجع من 29 سنه وقت ما اتولد "جى وو" كانت امه مريضه قلب وكان صعب عليها الحمل وبسبب حبها ل ابنى حملت .. كان ابو "جى وو" بيترجاها تنزل الجنين علشان صحتها لانه كان بيحبها جدااا ومكنتش منتظر اطفال كان عاوزها بس ..هى رفضت واتمسكت بالحمل واتوفت وهى بتولد ومن وقتها ابنى اتغيرومن غير ما يحس رمى ذنب موتها ان "جى وو" السبب وكان بيبعده عنه وانا الل عشت معاهم ف بريطانيا وربيته وحاولت اعوضه عن فقدان امه وابوه فى نفس الوقت مع الوقت كبر وحس ان ابوه مش بيحبه خصوصا انه سمع منه انه سبب فى موتها ..ابنى بعد موت مراته حس انه فقد معنى الحياه وعاش فى عزله .. وقتها قرر "جى وو" يبعد عن بريطانيا وظهرت فرصه رجوعه ل كوريا وانا معاه واستقرينا هنا وازعجه اكتر انه بعد رجوعنا بسنه عرف ان والده اتجوز وخلف ولما شاف صوره والده مع اخوه الاصغر كان بيضايق لانه اتحرم منه وهو كان محتاجه ..علشان كده من وقت ما رجعنا كوريا 10 سنين ابوه بيحاول يرجع علاقته معاه وهو رافض و بيبعتله الشوكولاته الل كانت امه بتحبها وهو بيحبها فى عيد ميلاده وبينزل فى المناسبات يقابله وهو بيرفض .. علشان كده هو متقلب المزاج ...
"حبيبه" بتسمع وحست بوجع وزعل ل "جى وو" وافتكرت الصور الل ف الصندوق وعرفت سبب طباعه الحاده واتاكدت انه مش كده واتاكدت اكتر بمعاملته الكويسه معاها ان دى شخصيته انه انسان طيب ومراعى لغيره لكن عيشته لوحده السبب حرمانه من والده وامه وعاش لوحده وانه كان بيمثل فى المقابلات السعاده وهو مش حاسسها ..والمفاجاءه انها عرفت انه مسلم ..!
______________
يتبع
ليست هناك تعليقات:
إرسال تعليق