(13)
اتجه للمطار وليد وهو فى حاله غضب فى الوقت دا كان نسى شنطته فى تاكسى وسواق التاكسى فتحها مفهمش الل فيها لكن شاف كارت مستشفى الل فيها دكتوره "نورهان" ف اخد الشنطه واتجه بيها لهناك وهى استسلمتها اتصلت ب "وليد" موبيله كان مقفول فعرفت انه فى الطياره ف مسكت الشنطه ودخلتها غرفتها ع الكرسى فوقعت الشنطه والملفات الل فيها وقعت بتشيلهم لمحت اسم "حبيبه" ع ملف مسكت الفايل وفتحته شافت نتيجه تحاليل واشاعات حبيبه ومعاها نتيجه تانيه متطابقه معاها فرحت "نورهان" ان "وليد لقى متبرع اخيرا ومش هتحتاج "حبيبه" ل العلاج الل احتمال كبير هيأذيها بصت عن الاسم واتفاجئت " وليد" بصت ع تاريخ لقته معمول من سنتين قعدت ع الكرسى ماسكه الفايل وبتفكر " من سنتين من بعد اخر عمليه ل "حبيبه" وهو عارف انه يقدر يتبرع ليها وتعيش بدل ماهى عايشه معاناه وبتحارب الموت لوحدها .. ايه السبب الل مخليه مقلش ومحتفظ بالفايل دا معاه طول المده دى ...
مسكت موابيلها محاولات تتصل ب "وليد " عاوزه تعرف رد ع الحيره الل هى فيها ولغايه ما نزل من الطياره ورد عليها "وليد " ... :
_ حمد الله السلامه
_ الله يسلمك يا "نورهان" فى حاجه ؟
_ اها واضح انك نسيت شنطتك فى التاكسى وسواق جابها لعندى وهى معايا
_ طيب كويس
_ انت مش محتاجها يعنى مفيهاش حاجه مهمه
_ لا اوراق عاديه اغلبهم صور الاصل عندى هنا عموما قريب هرجع تانى ابقى اخدهم ممكن تحتفظيلى بيهم لغايه ما اجى
_ اكيد ..
_ شكرا يا "نورهان" ..
_ وليد ..
_ ايوه
_ كنت عاوزه أسالك لقيت متبرع ل "حبيبه" ولا لسه علشان اصرارها ع العلاج وانا قلقانه
_ لا للاسف مفيش حد موجود من الل شوفتهم متطابق معاها بس انا مش ساكت وبدور
_ ماسكه نتيجه الاشاعه والتحاليل الل ب اسمه"بتدور .."
_ اكيد يعنى لما القى مش هكون ساكت و"حبيبه" هتعمل العمليه بسرعه
_ اوكيه ..
قفلت "نورهان" وهى مش فاهمه ايه الل بيعمله "وليد " ... !
رجعت "حبيبه" البيت وملامح حزن ع وجهها وماسكه فى ايديها السلسله مقطوعه قعدت ع ديسك قدام البيت وبتبص ل السلسله وكلام "وليد" بيتعاد فى دماغها .. وحست انها مشيت ورا احلام ونسيت الواقع حقيقه مرضها وان "جى وو" ضرورى يعرف مينفعش تخبى عليه ..برغم انها مكنتش متوقعه رده فعله لكن قررت تقوله ..دخلت البيت ودخلت غرفتها وفتحت درج الكوميدينو حطتت السلسله بجانب النوتس ونامت ع السرير بتفكر تقوله ازاى .. !
رجع "جى وو" من السفر ورجع ع البيت واول ما دخل نده عليها كانت قاعده مع "ليزا" شافته "حبيبه" وكانت فرحانه ..قعدوا مع بعض وحكالها ع السفر والل عمله واشترالها شوكولاته غامقه الل باباه كان بيشتريهاله وفرحت "حبيبه" انه بعد وفاه باباه منسيش اخوه ولا مراته ودايما بيطمن عليهم وهى كمان حكتله ع حاجات اى مواضيع ..حاولت "حبيبه" كذا مره تستغل فرصه وجودهم مع بعض وبيتكلموا علشان تحكيله كانت قلقانه لغايه فى يوم قررت تكلمه وتحكيله ففى مره وهما قاعدين ع الروف :
_ جى وو..
_ ايوه
_ لا خلاص ..
_ فى ايه
_ كنت عاوزه احكيلك ع حاجه ؟
_ احكى سامعك
_ هحكيلك عن حاجه بتخصنى مكنتش اقصد اخبيها بس كنت مستنيه الوقت المناسب دا الل عاوزاك تفهمه فى الاول بس ..
_ قولى ..
قعدت قدامه وبتحاول تجمع شجاعتها وكان "جى وو" بما انه يعرف اغلب الحاجات عن "حبيبه" فكان طول الوقت مستنيها هى الل تبلغه بمرضها ..فحس من تلميحاتها انها هتحكيله فكان متشجع للفرصه دى هى تتكلم وتحكيله وكان بيطمنها ...:
_ اممم .. انا .. انا ..
_ انتى ايه كملى متخافيش مهما قولتى انا هسمعه وهفهمه متقلقيش
_ بجد ..مهما قولت هتفهمه
مسك ايديها يطمنها : مهما هتقولى هفهمه جدااا متخافيش وقولى عاوزه تقولى ايه ..
اطمنت "حبيبه"ابتسمت : انا ...
فى اللحظه دى طلعت الاجوما بسرعه ع الروف ووشها متغير ومخضوضه وقف "جى وو":
_ فى ايه ؟
_ فى ناس عاوزينك تحت
نزلوا بسرعه وكان موجود ظابطين من الشرطه :
_ ايوه فى حاجه ؟
_ احنا اسفين اننا جايين فى وقت متاخر لكن احنا معنا امر بالقبض عليك وتفتيش البيت
اتفاجئوا الجميع : ليه ..؟
_ فى بلاغ متقدم فيك انك بتتعاطى مخدرات ومتحرزه فى البيت
ضحك"جى وو": دى اكيد نكته .. انا ومخدرات
دخلت فى الوقت دا "سى را " وملامح الخضه ع وجهها : اوووبا ..فى ايه ؟
_ بيقولوا انا بتعاطى مخدرات
_ لالالا مش معقول ..
دخل الظابط يفتش ودخل فتش الحمام الل بجانب غرفه "حبيبه" وخرج بعلبه الحقن علاج "حبيبه " اتفاجئت "حبيبه" وقرب الظابط من "جى وو" العلبه : ايه دى ..؟
_ انا معرفش عنها حاجه
_دى حقن .. انت عارف ان النوع من الحقن دا ممنوع استعامله لانه يعتبر من انواع المخدرات
_ انا اعرف ازاى اذا كانت مش بتاعتى
_ ممكن تتفضل معايا
_ اوكيه
وقفت "حبيبه": العلبه دى بتاعتى انا مش بتاعته
الظابط بصلها و"جى وو": ازاى ..؟
رد "جى وو": "حبيبه" انتى خليكى هنا يلا بينا
حست "حبيبه" انها اتزنقت ولازم تقول ع مرضها ومكنتش تتمنى ان "جى وو" يعرف بالشكل دا .. قربت خطوتين وهما ماشين "حبيبه" واستجمعت شجاعتها :
_ لان انا مريضه وبتعالج ..انا مريضه سرطان
اتفاجئ الكل واتفاجئ "جى وو" انها قالت كده قدام الكل دخل ف الكلام
_ يلا بينا يا حضره الظابط العلبه دى لقيتوها فى بيتى يبقى مسئوليتى "حبيبه" متتكلميش انتى
وقفتهم "حبيبه" : مش مصدقينى ..انا فعلا مريضه سرطان وباخد حقن
راحت رفعت كم التيشيرت وورتهم مكان الحقن فى دراعتها وكان واضح اوى مكان الحقن معلمه فى دراعتها الاتنين :
_ انا بقالى اكتر من 6 سنين بتعالج والحقن دى علاج مسكن دكتوره المعالجه ليا كتبتهولى اصرفه وللاسف الروشته مش لاقياها ..
بصلها الظابط : يبقى اتفضلى معانا واحنا هنتاكد مين فيكم الصح ..
مشيوا كلهم وركبوا عربيه الشرطه واتجهوا للقسم البوليس وقتها كان فى صحافه وصورو وسالوا سبب وجود"جى وو" فى القسم البوليس عرفوا انه مخدرات ... حققوا مع "جى وو" وعرفوا انه سليم بعد اختبار الدم ومشوه وقعدوا "حبيبه" لغايه ما يتاكدوا من كلامها ولان موبيل "نورهان" كان مقفول قعدت "حبيبه" يوم فى الحجز لتانى يوم .. "جى وو" طول الليل كان فى العربيه من قدام القسم مبيتحركش ورافض يرجع البيت من غير "حبيبه" رغم الحاح "مين سوك" و "سى را" ورغم تصوير الصحافيين ...تانى يوم استقبلت دكتوره "نورهان" الاتصال وبسرعه اتجهت للمستشفى وبعد نتيجه تحليل الدم عرفوا انها فعلا مريضه سرطان وان الحقن دى نوع مسكن من كورس علاج وحضرت معاه صوره الروشته وعرفواان "حبيبه" مكنتش بتكذب وخرجوها .. لما خرجت "حبيبه" من القسم كان خبر انتشر فى الصحافه والانترنت ان فى "بيت جى وو" شغاله مريضه وبتتعاطى مخدرات وكانت بتسئ لسمعه "جى وو" فلما خرجت "حبيبه" من باب القسم لقت معجبين "جى وو" ماسكين لفتات مكتوب فيها كلمات مش كويسه ليها بيطالبوها ترجع بلدها وتسيب البيت ورموا عليها بيض وطماطم وورق بسرعه ركبت العربيه مع "نورهان" وهى ف حاله صدمه .. وصلت للبيت وكان "جى وو" فى استقبالها وشافها ملامح وشها متغيره اتجه ليها وحضنها وبيطبطب عليها : كل حاجه بخير متقلقيش تمام ..
بعدت عنه ودخلت غرفتها وقعدت ع حرف السرير وعيطت وحست بوجع مش فى جسمها لكن فى روحها انه عرف بالشكل دا ... حاولت تتعامل عادى تانى يوم خرجت علشان تتمشى معرفتش لانها لحظت فى فانز واقفين قدام الباب ليها وحست انها محبوسه فى البيت وكل الكلمات المكتوبه بيطالبوها تمشى من البيت وتبعد عن "جى وو" وترجع بلدها ...الضغط النفسى أثر عليها خصوصا ان الل بيحصل بيأثر ع "جى وو" ومسيرته الفنيه والاشاعات .. فكرت كذا مره تسيب البيت وقررت فى يوم تسيبه وقعدت مع "جى وو" بعد ما كانت بتتجاهل انهم يتكلموا ل احراجها ب انه عرف مرضها بالطريقه دى :
_ انا عاوزه اقولك واتمنى تتفهمنى ..
_ انتى بقالك فتره بعده نفسك ومبنتكلمش حوار مرضك مش مشكله كبيره تعمل فرق فى علاقتنا
_ انت متقبل الفكره انى مريضه وبتعالج ؟
_ كل انسان معرض ان يمرض دى حاجه مش اختياريه ..
_ لكن بيكون ف ايدينا اختيارت تانيه
_ زى ايه
_ انا هرجع لشغلى ف المطعم وهسيب هنا
_ ليه .. ايه السبب ؟
_ اريح اكيد انت شايف الل بيحصل انا هبعد يمكن الموضوع يعدى
_ هو هيعدى لما يظهرلهم حاجه تانيه تشغلهم .. متشغليش بالك انتى واهتمى بنفسك ومتتحركيش من هنا مهما حصل تمام ..
سكتت "حبيبه" وحضر "جى وو" الاكل ل "حبيبه" وقعدوا ياكلوا مع بعض .. !!
مر يومين ومهتمتش "جى وو" بالاشاعات ولا اعتراضات الفانز ركز فى شغله وفى "حبيبه" يحاول ميحسسهاش بحاجه فى الوقت دا "سى را " فى بيتها وكان قاعد معاها "مين سوك ":
_ يعنى هى لسه موجوده فى البيت بعد الل حصل دا ..؟
_ ايوه .. "جى وو" مش راضى يسيبها تبعد عنه .. انا عارف ان الموضوع والفكره صعبه عليكى بس "جى وو" موعدكيش ب اى حاجه .. هو بيحب "حبيبه" ومتمسك بيها ..اهتمى بمستقبلك انتى ..
بنظره شر وضحكه عاليه : ببساطه كده .. انا اتعرفت عليه الاول قبلها انا قعدت وكنت جنبه لمده 10 سنين .. انا الل شوفته فى بريطانيا واقنعته باانه يرجع كوريا ومضى عقد مع الوكاله ب اعلى سعر .. انا الل عملته ووصلته لشهره دى .. انا الل بحبه ومحبتش غيره الوقت دا .. تيجى بعد كل دا تقولى انسى ..هى بتعمله ايه ولا حاجه اقل من سنه حبها ازاى ها ..
_ يعنى هتخليه يحبك غصب عنه "سى را" اعقلى وبلاش تخسريه انتى عارفه "جى وو" شخصيه عنيده مش سهل يتراجع عن قرار يخص حياته وانتى كده هتخسريه للابد ..
_لما يلاقينى انا بس الل قدامه وهى مش موجود هيحبنى اكيد ..
_ هتعملى ايه بعد الل عملتيه .. انا اتصدمت لما قولتيلى انك تدخلى البيت وتفتشى غرفه "حبيبه" وتعرفى انها مريضه وتستغلى دا فى اشاعه وتبلغنى عن "جى وو" وتحطيها قدامه فى الموقف دا .. وبعد كل دا وفشلت خطتك ..هتعملى ايه تانى ..
_ انت بتقول هو متمسك بيها علشان هى متمسكه به ..انا معايا كارت هيخليها هى تقرر تبعد عنه وترجع بلدها وهيبقى هى الل قررت وانا بعيده ..
_ هتعملى ايه ..
_ هتشوف ..
تانى يوم "سى را" كانت فى عربيتها قدام بيت "جى وو" استنت لما خرج "جى وو" وشافته اتحرك بعربيته ..نزلت من عربيتها واتجهت لبيته رنت الجرس وفتحت "حبيبه" الباب وابتسمت "سى را ": صباح الخير
_ صباح الخير
دخلت "سى را" وبتبص حواليها ..
_ "جى وو" خرج ..
_ اها ماانا عارفه انا جايه علشانك انتى "حبيبه"
_ انا
_ اها ممكن نقعد شويا ..
قعدت "سى را" وقدمت ليها "حبيبه" مشروب ..
_ سمعاكى ..
_ طمنينى عليكى انتى كويسه باين عليكى ارهاق وتعب
_ انا بخير ..
_ وبتاخدى علاجك كويس ولا تحبى اعرفك ع دكتورهنا يساعدك و ..
قاطعتها "حبيبه": انا بخير والدكتور الل متابعه معاه مش مقصر
بملامح"حزينه: ياحرراام بنوته فى عمر صغير يحصلها كده
ابتسمت "حبيبه": القدر .. لا مفر منه
_ ايوه .. القدر لا مفر منه .. علشان انتى بنت طيبه ومتستاهليش بهدله الصحافه والانترنت ولا الفانز انا محبتش تفضلى عايشه فى كدبه وانتى اصلا مشاكلك كتيره ..
_ كدبه ..؟
طلعت من شنطتها فايل وحطته قدام "حبيبه":
_ ايه دا ؟
_ افتحيه وشوفيه دى حاجه تخصك ..
مسكت "حبيبه" الفايل وبتبص ع الورق كان صور ل النوتس بتاعتها وصور للنوتس مترجمه انجلييش واتفاجئت "حبيبه": ايه دا ووصلولك ازاى وانتى الل ترجمتيهم ..؟
_ مش انا
_ مين
_ امممم "جى وو"
اتفاجئت "حبيبه" : "جى وو"..
_ ايوه من وقت ما جيتى للبيت وهو عارف حكايه مرضك كله ولانك زى ما مكتوب عايشه اخر ايامك هو انسان طيب فحب يحققلك بعض احلامك المستحيله كشفقه وعطف
متفاجئه "حبيبه": لا اكيد بتكدبى ..
_ بصى دى صور الاصل موجوده فى غرفته فى درج المكتب شوفيها وهتعرفى ان كل الل عمله معاكى كان من مبدء شفقه وعطف لانسانه الموت محاوطها .. متفاجئتيش يوم الشرطه ماكانوا هنا وقولتى انك مريضه هو رد فعله عادى .. لانه كان عارف يا "حبيبه" من الاول
شافت "سى را" ملامح حزن ع وجه "حبيبه": انتى زعلتى
بصتلها "حبيبه" ودموع نازله من عينيها : يعنى عاوزه تقوليلى ان كل دا تمثيل
_ انتى كل حاجه واضحه قدامك قررى وغير كده انتى مكانك مش هنا يا "حبيبه" انتى ليكى حياتك واهلك فى مصر .. واعتقد ان الايام القليله الموجوده الصح تكونى مع اهلك مش بعيده عنهم هنا ..وانتى لو بتعزى "جى وو" حبه صغيرين اكيد بعد الل عملو معاكى دا مش هتحبى تأذيه انتى شايفه الاشاعات والفانز قدام البيت بيعملوا ايه ودا غلط على حياته الفنيه فى فنانين كتير بيوصلو لمرحله اليأس والاكتئاب من الضغط النفسى ..ف انتى وجودك هنا مش لطيف ..فكرى وقررى ..انا محبتش تعيشى كده فى وهم ... وصدقينى انا اعرف "جى وو" قبلك بسنين هو مبيحبش حد غير نفسه وفنه وحياته الل عاش السنين دى يبنيها ..معتقدش انه هيضحى بكل دا بسهوله كده .. كل انسان له حياه يعيشها ولا ايه ...
قامت "سى را" وسايبه "حبيبه" مش مصدقه الل شافته فدخلت ع غرفه "جى وو" وفتحت الدرج فعلا شافت الفايل وفتحته وكان زى الصور وان الحاجات الل حصلت كان هو عارفها وعملها .. احساس سيطر عليها انه شفقه وعطف ومكنش حب زى ما كانت حاسه وشايفه .. قررت تسيب البيت دخلت غرفتها اخدت شنطتها وسابت جواب و ل "جى وو" ونزلت رجعت ع "ايتوان" شافها "حسام" بتعيط فى غرفتها دخل مخضوض عليها وقعد جنبها :
_ مالك يا "حبيبه" فى ايه حصل ؟
بصتله "حبيبه" واترمت فى حضنه وبتعيط : انا ضحكت ع نفسى يا "حسام" انا عشت كدبه وصدقتها انا وجعت نفسى بنفسى
هو مكنش فاهم ايه حصل وحاول يهديها وهديت وسمع منها واضايق وقام وقف :
_ هو عمل كده معاكى ...
مسكته "حبيبه": هو مش غلطان انا الل اتطفلت ودخلت بيته كانت غلطتى
_ انا كنت شاكك الاول ان فيه حاجه وانتى دايما تطمنينى وتفاجيئنى دلواقتى انك بتحبيه بجد وهو مثل عليكى انك بيحبك الفتره الل فاتت دى كلها وانت متكلمتيش ولا قولتى حاجه .. ازاى يا "حبيبه" تتدخلى نفسك فى ارتباط كده محكوم عليه الفشل من كل الاتجاهات .. وليه ماجتيش تاخدى راى ونتكلم ليه سيبتى مشاعرك تتحكم فيكى وتخليكى تختارى غلط ..
_ معرفش يا "حسام" معرفش انا عارفه انا استاهل ..
_ كان "وليد" شكه صح وانا عاندته ووقفت معاكى ضده ياريتنى سمعت كلامه ورجعتك وقتها مكنتيش هتمرى بالتجربه دى ..
سكتت "حبيبه": هتعملى ايه دلواقتى ..
_مش هرجع البيت دا تانى وهقطع علاقتى به
_ طيب تمام ارتاحى انتى دلواقتى
رجع "جى وو" البيت مش شايف "حبيبه" خبط ع باب غرفتها مبتردش بيتصل بيها موابيلها مقفول .. شاف الاجوما خارجه من غرفتها ومعاها جواب ومسكه .. فتح الجواب كان فيه ورقه والسلسله بص ع الورقه " جى وو.. شكرا جدا ع الايام الل عشتها فى بيتك وطريقتك اللطيفه فى تعاملك معايا انا مش هزود عليك الحمل وكفايه كده .. انا رجعت بيتى لغايه ما ارجع مصر .. السلسله مكانها معاك لانى مستحقهاش مستحقش هديه غاليه كده .. اتمنى ان تكون بخير دايما .. من معجبتك حبيبه " الكلام بيقراه "جى وو" وهومش مصدق وبيحاول يجمع ومش فاهم فى ايه حاول يتصل عليها موبيلها لسه مقفول بص ع الوقت متاخر محبش يقلق "جددته" فضل طول الليل للصبح صاحى غير هدومه ونزل مطعم "هالمونى" وسئل ع "حبيبه" ومكنتش موجوده وطلع بيت "حسام" خبط ع الباب والباب مفتحش وموبيل "حبيبه" مقفول .. اتجه لمستشفى يسئل عليها مكنتش هناك ..رجع البيت وهو مش عارف يوصلها ... مر يومين وكل يوم يكون عند المطعم يشوفها مبيشوفهاش ..مر اسبوع وقررت "حبيبه" تنزل المطعم طلبوا منها تروح مكان جنب المطعم تشترى حاجه هو شافها ماشيه سرحانه هو كان الاتجاه التانى قدامها كان ماشى ع خطواتها لغايه ما وقفت وبتبص قدامها وشافته .. وكان هيعدى الطريق للحظه شاورت انه يوقف مكانه هو استغرب .. حاول يمشى خطوتين شافها بترجع خطوتين .. مسكت موابيلها واتصلت به .. الاتنين واقفين فى تقاطع كل واحد ع رصيف تانى ... :
_ حبيبه ..
_ ايوه ..
_ ايه الل بتعمليه دا انتى مش عاوزانى اجيلك
_ لا ..
_ لا
_ ايوه ..لا كده افضل ليا وليك
_ من امتى واحنا بنتكلم مع بعض كده ومن امتى انتى قررتى ان الافضل دا لينا ؟
_ من وقت ما دخلت بيتك وكان غلط وانا قاوحت وعاندت نسيت مرضى ونسيت الفتره المتحدده ليا وعشت حلم كنت بستمتع به ..من وقت طمعت فى سعاده ذياده مكنتش اتخيل اعيشها .. من وقت ما حسيت انى بأذيك اكتر من انى بفيدك .. من وقت ما احلامى وامنياتى اتلوثت وبقت كابوس وانا مكنتش شايفه .. كدبت ع نفسى وصدقت الكدبه وعشت فيها مسمعتش لحد وكنت فاكره انا صح وقراراتى وحياتى وخرجت ناس مهمه من حياتى كانوا اكتر ناس مش هيوصلونى لكده .. انا غلطت وبدفع تمن غلطتى وانا راضيه ..
_ ايه الل بتقوليه دا ..
بدموع نازله من عينيها : انا عمرى كله كنت بهرب من نظرات ومعامله العطف والشفقه كنت محبوسه فى اوضتى ومعزوله عن الناس علشان نظراتهم ومعاملتهم الل دايما حسستنى انى مريضه وهموت .. بعدت عن الناس علشان انسى انى مريضه واحس انى انسانه طبيعيه ليا حق اعيش زيهم ودا انا عملته فى خيالى فى احلام حلمتها وامنيات اتمنتها وعلشان اثبت لنفسى مفيش مستحيل وان حتى لو الحلم او الامنيه متحققش بس مجرد ما اشوفه احس بفرحه قررت اكتبها فى نوتس كل ما الالم يشد عليا او احس ان ايامى بتخلص ابص فى النوتس واحلم واتخيل وانسى .. النوتس الل محدش يعرف عنها حاجه .. لما جيت هنا لقيت الامنيات بتتحقق بمنتهى الطبيعيه واحده وبعدها واحده كنت بفرح جداا حسيت انها نعمه من ربنا وان كل حاجه ليها وقتها ..لكن عرفت ان الامنيات دى مش محض صدفه حصلت لا دى كانت مقصوده .. مقصوده تتنفذ علشان افرح علشان صعبت على شخص قرا النوتس وعرف انى مريضه سرطان مرحله متاخره وهموت فمن باب العطف والشفقه حققلى امنيات انا كنت شايفاها مستحيله .. وحققلى امنيه مكنتش اتوقع تحصلى وحصلت .. اكيد انت عارف مين الشخص دا ..
بيمشى خطوتين اتجاهها بسرعه شاورت ب ايديها "حبيبه" وقف : خليك عندك ..
_ حبيبه انا مقصدتش اجرحك ولا كنت بتعامل بشفقه ولا بعطف انا فعلا بحبك
ضحكت "حبيبه": انا رجعت ل ارض الواقع واستسلمت له خلاص مفيش كلام يتقال
_ حبيبه انا بحبك
_ لو فعلا بتحبنى انسانى لان انا هنسى ومتستغربش لما اشوفك ومفتكركش ف من دلواقتى انسانى لانك قريب مش هتكون فى حياتى ولا فى ذكرياتى ...
لسه هيتكلم قفلت موابيلها ومشيت اتجاه المطعم بتمسح دموعها وهو واقف مش عارف يعمل ايه بعد ما عرف انها عرفت انه كان يعرف مرضها وخبى عليها وانه كان بيعاملها بعطف وشفقه ودا عكس احساسه بحبه ليها وفكره انها هتنسى وبتطالبه ينسى دى مش متقبلها ... رجع البيت ودخل ع غرفته فتح الدرج شاف النوتس ومش عارف عرفت ازاى سئل الاجوما لو "حبيبه" دخلت غرفته وقالتله انها دخلت فعرف انها شافتهم رمى الورق بعصبيه فى الهوا وقعد ع لكرسى حط راسه بين ايديه الاتنين وكان فى قمه الغضب والوجع علشان الل حسسه ل "حبيبه" واحساسه انه خسرها ...!
حاول "جى وو" يتكلم مع "حبيبه" تانى وكانت بترفض بشده وكانت بتشوفه فى الشارع وتبعد عنه وتعمل نفسها مش شايفاه وحس انها قررت تنساه فعلا لاحظ فى نظرات "حبيبه" له نظره وجع وكل مره يحس بالذنب انه وجعها وجرحها قرر ينفذ طلبها ويبعد عنها لكن قراره كان نتايجه سيئه عليه اتغير "جىوو" وبقى شخص عصبى ورجع لشخصيته السيئه مع الكل والكل لاحظ كده حتى "سى را" بيتجاهلها ويعاملها اسوء عن الاول ..كان بيتجنب يرجع للبيت وكان حجز فى فندوق وكان بيبعد عن اى حاجه تفكره ب حبيبه ..!
قعد "حسام" مع "حبيبه" واتكلموا مع "فؤاد" وفاجئتهم "حبيبه" بقرارها انها عاوزه تاخد العلاج مع اعتراضهم لكن "فؤاد" حس بوجع فى كلام "حبيبه" وانها عاوزه تاخد العلاج علشان تنسى "جى وو" وانها حبته واترجته انها تاخده ومقدرش "فؤاد يضغط عليها برغم معرفتهم بالاثار الجانبيه (الهذيان) فقدان الذاكره الوقتى اخر مده فى حياتها هتنساها طلب منها "فؤاد" تستناه لما يروحلها ووقفت ,,!
فى الوقت دا "وليد" عرف الل حصل من "حسام" :
_ يعنى لو كنت سمعت كلامى من الاول كان كل دا محصلش ل"حبيبه"
_ خلاص يا "وليد" الل حصل حصل انا مكنتش اتوقع انها توصل انها تحبه بجد انا افتكرت حوار الحلم وانها بتعمل حاجه بتحبها مجرد حاجات بتخليها سعيده مكنتش اعرف هتوصل لكده ..
_ كويس انها فاقت دلواقتى احسن من متاخر
_ المشكله دلواقتى انها مصممه ع العلاج
_ نعم ..
_ ايوه زى ما بقولك قالتلى هتجربه مهما كانت النتيجه ومصممه
_ وخالك موافق ..؟
_ خالى لما عرف واتكلم معاها بحالتها النفسيه السيئه دى محبش يضغط عليها وهو هيحاول يكون هنا قريب معاها
_ انا هحاول اجى ..
_ "وليد" هو فعلا مفيش حد فى العالم دا يكون متبرع ل "حبيبه" لدرجه دى مفيش حد متطابق زى "حبيبه" .. "حبيبه" بتحارب مرضها بكل الطرق حتى بتأذى نفسها
سكت "وليد" للحظات : بحاول يا "حسام بحاول صدقنى ..
_ انت بتحاول والوقت بيمر من حياه "حبيبه" ...
ا فى يوم ركب "جى وو" عربيته واتجه لبيته ووقف قدامه لحظات ونزل وفتح الباب ودخل البيت وحس بروح "حبيبه" فى البيت وتخيل وجودها وابتسم وكان بيقرب يلمسها لكن كانت بتختفى طلع ع الروف وقعد ع الكرسى وتخيل "حبيبه" قاعده جنبه وباصه للسما ابتسم " وحشتينى " ... دموع نزلت من عينه وحس ان محاولته فاشله ... نزل ركب عربيته ووقف عند المطعم يشوفها وهى خارجه وكان بيراقبها من بعيد .. وبرغم الل حصل كان بيكلم "مارك" وكان لسه ملقاش متبرع وقاله يدور مهما كان المبلغ ..!
كان "جى وو" متابع اخبار "حبيبه" من بعيد وكان متابع اخبار متابعتها فى المستشفى عن طريق شخص هناك .. كلمه فى الموبيل :
_ ايه الاخبار فى جديد ..
_ عرفت قريب هتدخل المستشفى
_ ليه ..؟
_ علشان علاج هتاخده هتحتاج متابعه من دكتور يوميا لفتره العلاج
_ طيب كويس جدا
سكت الشخص : لكن ..
_ لكن ايه ..؟
_ العلاج له اثار جانبيه ونتيجته مش اكيده ..كل الل اخدوه حصلهم "هذيان" وفى مات
_ هذيان ..
_ المريض الل بياخد العلاج دا بينسى اخر فتره عاشها وبينسى الاشخاص والمواقف الل حصلت وبترجعله الذاكره فتره قصيره وبعدين بينسى تانى .. يعنى اخر فتره بتكون ممسوحه ..
اتفاجئ "جى وو" من كلامه وقفل وراجع كلام "حبيبه" واصرارها ع العلاج عرف اصرارها انها تبعد عنه علشان العلاج هيخليها تنسى علشان كده طلبت منه ينسى وقتها حس بوجع اكتر ورفض فكره انها تكون لوحدها وعرف اكتر عن العلاج ...!
كان بيكلمها كتير ومبتردش عليه بعتلها رسايل لكن اخر رساله كان بيترجاها متتجهلهاش وانها هتكون الاخيره وطلب منها ل اخر مره يشوفها وطلب منها تروح البيت وتطلع ع الروف طلب منها دا ك طلب اخير .. بعد تفكير وتردد كانت "فيفى" معاها وشايفاها فاتحه الرساله وعينيها عليها قربت منها تقراها وقعدت "جنبها واتنهدت :
_ روحى يا "حبيبه" انتى عاوزه تروحى وتشوفيه لكن بتقاوحى روحى وشوفيه عاوز يقولك ايه علشان متندميش بعد كده ..
بصتلها "حبيبه": مندمش ..؟
_ ايوه هتندمى ان جتلك فرصه تسمعيه ل اخر مره وانت ضيعتيها حتى لو هتنسيها لما تاخدى العلاج لكن لما هتخفى وهتفتكرى هتندمى وقتها .. بلاش تضيعى فرصه .. قومى روحى
شاورتلها ع قلبها : اسمعى دا بيقولك ايه لان دا اكتر حد عانى معاكى ..
اتنهدت "حبيبه" وقررت تروح قامت وخرجت ووقفت تاكسى وطول الطريق وهى بتستجمع نفسها انها تفضل عند قرارها ميتغيرش ..نزلت من التاكسى وبصت ع البيت شافت "جى وو" واقف فى الروف باصص عليها بصوا لبعض لحظات وبعدها قررت انها تدخل وطلعت ع الروف وقلبها بيدق .. اول ما وصلت لروف اتفاجئت بالمكان اتغير .. كان حاطط" بروجكتر " شاشه عرض وكرسيين واناره خفيفه فى الزرع وكان واقف باصص ليها ..بصتله : hi
ابتسم : Hi
مشى خطوتين اتجاهها ومد ايده ليها ومدت ايديها ومشيوا لغايه الكرسى وقعدها وحط ع رجلها بطانيه برغم ان الجو مش برد وقعد ع الكرسى بجوارها ..هى كانت ساكته ومش فاهمه فى ايه مسك علبه شوكولاته : الل بتحبيها ..
بصتله وبصتلها : شكرا
مسكت اللعبه حطتها ع الترابيزه جنبها وكان ع الترابيزه حاجات بتحبها :
_ انت كنت عاوزانى فى ايه ؟
بصله مبتسم : نتفرج ع فيلم مع بعض ..
_ نتفرج ع فيلم
_ اها .. نتفرج ع الفيلم وهيعجبك وهقولك بعده عاوز ايه ..
سكتت "حبيبه" واشتغل الفيلم وكان فيلم اجنبى "The Vow" "حبيبه" عارفاه وشافته :
_ فيلم The Vow
_ ايوه ..
ابتدا الفيلم وكان الفيلم بيحكى ع اتنين بيحبوا بعض واتجوزوا لكن حصل لزوجه حادثه افقدتها الذاكره وبرغم علم زوجها اتمسك بيها برغم انها نسيت كل حاجه عنه لكن هو مستسلمش .. خلص الفيلم و"حبيبه" بتحاول تفهم هدف الفيلم دا ولانه مش جديد كان ايه اخدت نفسها وبصتله :
_ وبعدين الفيلم خلص .. عاوز تقول ايه علشان مش عاوزه اتاخر ..
بصلها للحظات : عاوز اقول انا مش هستسلم مهما حصل واسيبك
اتفاجئت "حبيبه": بتقول ايه ..
_ حتى لو نسيتينى ونسيتى اللحظه الل احنا فيها دى انا مستعد اعرفك من الاول ف انا مش هسيبك
بصت "حبيبه" ع شاشه العرض والفيلم وعرفت انه عرف عن العلاج وابتسمت :
_ علشان كده فرجتى الفيلم دا
_ ايوه علشان اعرفك ان الل بيحب بجد صعب يتخلى عن الل بيحبه مهما كانت حالته حتى لو وصلت لنسيان ..
_ لكن هو عانى من تصرفاتها وتجاهلها وانها بتبعده عنه
_ لكن فى الاخر قلبها وجهها ترجعله تانى لان ببساطه يا حبيبه الحب فى القلب مش فى العقل وذاكره القلب صعب تتمسح عكس العقل الل بيتاثر لان الل بيدخل القلب وتعمق فيه صعب ..مستحيل يتنسى ..
سكتت "حبيبه" وكمل كلامه: انا بحبك وواثق من كده زى ما انا واثق من وجودك قدامى انه مش خيال ..وانتى بتحبينى وحبتينى من قبل ما تشوفينى .. انتى صعب تنسينى ولو نسيتى ذكرياتك كلها قلبك هيفكرك بيا دايما .. وانا هكون جنبك ومعاكى ومش هسيبك وقتها
_ وانا مش موافقه ..
_ ليه
_ مش موافقه تعيش حياتك بتعانى مع واحده مش هتفتكرك خالص وهتبعدك عنها
_ وانا مش هبعدك ومش هسيبها
_ مش موافقه انك تعانى مع واحده فى جميع الاحوال محكوم عليها انها هتموت حتى لو اخدت العلاج ..
_ اكيد فى حل والعلاج هيدينا وقت ..
ضحكت "حبيبه": هيدينا وقت .. انت عارف ان لما هاخد العلاج ممكن اموت ومكملش كورس العلاج علشان نعرف نتيجته وقتها هكون خليتك تعانى انى مش فاكراك وموت وانا مش فاكراك مستوعب ..
قامت وقفت "حبيبه" ووقفت قدام الشاشه : انا غيرها انا عارفه حدودى ايه ووقتى قد ايه ..هى كان عندها وقت تسمع كلام قلبها وترجعله ويبدؤ من الاول وهو كان مستنيها ..هو كان فى انتظار اللحظه المناسبه وهو بيعانى ع فراقها .. انا غيرها ..
وقفت وبصتله : انا مش هسمح اعيش قصه بابا وماما وانت تعيش قصه امك وابوك .. الاتنين حبوا وعاشوا قصه حب كلها وجع وعاشوا فى معاناه من الالم والوجع ع فراق الل بيحبوهم وانت شوفت والدك عمل ايه وانا شوفت بابا عايش ازاى كل يوم بليل يمسك جوابات وصور ماما ويبكى .. انا مش موافقه ولا هسمح نعيد التجربه دى مش هسمح انك تعيش فى وجع وتتالم ..
_ "حبيبه" هو دا كان قدرهم واختيارهم ..متحكميش ع عمرك وانتى لسه عايشه
__العمر الحقيقي للبني آدم هي اللحظات اللي حلم فيها بصرف النظر اذا حقق الحلم دة أو لا يكفيه انه استمتع بالحلم
_ واللحظات الل عشناها والوقت الل قضيناه مع بعض يا "حبيبه"
قربت منه خطوتين وبصت للسما والنجوم وابتسمت وبصتله : "جى وو" انا عشت حياتى بحلم احلام وجودى هنا معاك وشايفاك دا كان حلم .. انا هخليه حلم هعتبر وجودك كان حلم .. هعتبر نفسى كنت نايمه طول الليل بحلم وصحيت الصبح ناسيه الحلم .. هو دا قدرى وهى دى حدودى .. اتمنى تكون فهمتنى واتمنى فعلا تكون دى اخر مره لانى مش هاجى هنا تانى ... سلام .. !
نزلت "حبيبه" ودموعها مقدرتش تمنعها و "جى وو" مكانه باصص ع الشاشه ومش مصدق كلام "حبيبه" وانها هتعتبر كل الل بينهم كان حلم وهى بتحلمه .. !
فى يوم حسام فى شغله سمع دوشه بره مكتبه خرج يبص شاف "جى وو" وحواليه الموظفين والموظفات بياخدوا توقيع وبيتصوروا معاه .. اتفاجئ "حسام" بوجوده قرب منه :
_ ممكن 10 دقايق من وقتك
نزلوا قعدوا فى كافيه واتحاطوا بالمعجبين والمعجبات خلصوا توقعيات وصور واستاذنهم "جى وو" وبعدوا عنه :
_ واضح انك مشهور اوى
_ شويا ..
_ كنت عاوزنى فى ايه ؟
_ حبيبه ..
ملامح"حسام" اتغيرت ..: مالها "حبيبه" اعتقد انكم قفلتوا الموضوع
_ هى قررت انا لا انا عارف انى غلطت لما خبيت عليها ودا عمل فجوه بينا لكن مقصدش فعلا اجرحها وانا متمسك بيها ..
_ "جى وو شى " انت متعرفش "حبيبه" غير الفتره الل عاشتها هنا .. انت عارف الل عاشته "حبيبه" لو حكتلك عن الايام الل كانت بتنزف فيها وكنا بنلحقها ع المستشفى وبنكون متوقعين انها خلاص بتموت لكن كانت بتحارب .. عارف العمليات الل دخلتها حبيبه والبنج الل اتعرضتله طول عمرها من صغرها .. عارف قد ايه الوجع كان بيالمها بشده وكانت مبتقولش لحد علشان منقلقش ولا نخاف وكانت بتستحمل لوحدها كل دا .. انت عارف هى عانت قد ايه لوحدها برغم اننا حواليها .. عانت من الناس ونظرتهم وكلماتهم السيئه الل بتأذيها ..
_ انا ..
_ انت ايه .. انا وقفت مع "حبيبه" فى قرارها انها تفضل هنا فى كوريا وتشتغل فى بيتك وتتقربلك وكنت مطمن عليها انك مش هتاذيها لاننا عارفين "هالمونى" كويس وواثقين فيها وانت لو مش امان مكنتش توافق "حبيبه" تكون هناك .. لكن انت خيبت توقعاتنا كلنا وأذيت اطيب واحده فينا وأذيتها مش زى الباقيين لا انت وصلتها لمرحله انها تحبك والحب دا كان مرفوض فى حياتها وبتتجنه لكن معاك استسلمت .. مكنتش اتوقع انك تأذى مشاعرها وتجرحها كده ..
قاطعه "جى وو" بنبره عصبيه : انا بحب "حبيبه" بحبها بجد
اتفاجئ "حسام" من طريقه كلامه
_ انا مقصدتش أذيها صدقنى انا اذى نفسى لكن "حبيبه" استحاله .. انا فعلا بحبها وهى مش مصدقه كده انا مش عاوز من حياه دى غيرها ومش هسيبها تحارب لوحدها مرضها ل اخر لحظه فى حياتنا مع بعض
_ اذا كان هى حياتها مش طويله ..
_ انا مش ساكت وبدور ليها ع متبرع بره
اتفاجئ "حسام": انت بتدور ليها ع متبرع
_ انا مش ساكت وراسلت كذا مستشفى ومستنى رد انا اكتر واحد فيكم عاوز "حبيبه" تعيش .. لانها لو ماتت حياتى هتنتهى فعلا ..
سكت "حسام" ولاحظ ملامح "جى وو" والدموع فى عينه :
_ انت عاوز ايه دلواقتى مش هقدر اجبرها انها ترجعلك او تكلمك
_ مطلبتش منك تجبرها ..
_مش فاهم
طلع تذاكر حفله وحطها قدام "حسام": دى تذاكر حفله Stars انا هكون هناك وهى هتروح لانها بتحبهم ومش عاوز اكتر من كده انها تكون هناك واشوفها ..
بص "حسام" لتذاكر وسابه "جى وو" ومشى ... !
فى بيت "حسام" وهما قاعدين على السفره بيتعشوا طلع تذاكر حفله وحطها ع السفره شافتها "مى سون":
_ حفله Stars
_ اها متعرفيش تعبت قد ايه علشان اجيبهم ايه رايك يا "حبيبه"
ابتسمت"حبيبه": لا لا ايهدا انا كنت فاكراكى هيهيبرى فينك يا ندى
مسكت "مى سون"التذاكر : دول 4 مين هيجى معانا
_ فيفى طبعا .. صديقه "حبيبه" المقربه ..اعملى حسابك بكره رايحين تمام ..
دخلت "حبيبه" اخدت علاجها ونامت وكانت فى حاله نفسيه سيئه بتنام ودموعها نازله ..
تانى يوم جهزوا وراحوا الحفله واخدوا ارقام كالعاده .. قعدوا فى الصف التانى من امام المسرح .. شويا وبدءت الحفله والفرقه ظهرت وابتدوا يغنوا و"حبيبه" حاولت تندمج .. قبل الحفله ما تخلص "حسام" كان عمال يبص وسط الموجودين ع "جى وو" لكن مش شايفه واتفاجئ ب اسمه اتقال ع المسرح .."ياابن المجانين " .. فرقه Stars فى فقره استضافه نجم استضافوا "جى وو" يغنى اغنيه
_ انا بشكر STARS ع الدعوه الجميله انى اكون معاكم .. والاغنيه الل هغنيها ليكم دى وراها حكايه .. حكايه شاب حب فتاه عن طريق الصدفه جمعهم حلم وهما حولوه لواقع بوجدهم مع بعض فجاءه الفتاه بعدت عنه ومش عاوزه ترجعله بتقوله ان علاقتهم حلم بس ف الاغنيه اهداء لبنت دى ... ..
الجميه اتاثر بالاغنيه وكان من طلب الفانز انه يغنى الاغنيه ل واحده من الموجودين يختارها عشوائى راح طلعوا ورقه من البلوره وكانت رقم 25 كله بص ع ورقته وكانت رقم "حبيبه" حبت تغير ورقتها مع "فيفى" شافها حد من الحاضرين وشاوروا عليها وكانت مش عاوزه تقوم لكن قامت فى الاخر وبخطوات بطيئه بتستجمع نفسها وكانت بتتجنب انها تبص فى عين "جى وو" طلعت ع المسرح اخدت نفس ووقفت باصه فى الارض قرب منها مد ايده والكل بيصرخ من الموجودين مدت اطراف صوابعها ومسكها وقعدت ع الكرسى وقعد قدامها وكانت بتتجنب تبصله :
_ ممكن تبصى ليا
بصتله "حبيبه" :
ابتدت الموسيقى وابتدت الاغنيه :
"في عمق الليل حتى عندما تغفو النجوم
القمر يظهر وحيدا
بهدوء ياتى وصولا الى النافذه ويضئ عليك
ويتيح لكى ان تحلمى اثناء النوم
فيه يمكنك ارتداء حذاء مصنوع من الزجاج
انت تأتين الى بخجل والى ذراعى وانت تضحكين
قالت انها تحلم ..قالت انها تحلم
الليل عميق باستعاب ضوء القمر
هذا هو الوقت الوحيد الذى نكون فيه ب انفسنا
قالت انها تحلم .. قالت انها تحلم
انا استسلم وابتسم لنومك بداخلى
كل ما افعله هو النظر اليك
لان عندما ياتى الصباح ستستيقظين كأن شيئا لم يحدث
انا اظهر دائما فى احلامك
وعندها سنكون فقط انا وانت
كلما ارى شخص نقى مثلك
ابدا فى الضحك بدون سبب
انا افقد صوابى .. اريد ان اكون جشعا
اريد ان امسك بك بذراعى واقولك لك "احبك" لكن
انها امال كاذبه ..عندما ياتى الصباح
انتى لن تتذكرى ..اخشى انى ساكون منسى بدون عوده
عندما يقترب الليل العميق من نهايته
انا اتلاشى مثل الدخان
زاعود اليك فى ليله مظلمه مع حلم
سأتى لزيارتك كل ليله فى حلمك
لكن فى بعض الاحيان يصبح الامر لايطاق عندما تنظرين الى كانك لم ترينى من قبل
انها تحلم .. انها تحلم
انا استسلم وابتسم لنومك بداخلى
كل ما افعله هو النظر اليك
لان عندما ياتى الصباح ستستيقظين كأن شيئا لم يحدث
لقد كان حلما وتلاشى ... !
بصتله "حبيبه" وشافت دموع نازله من عينه وباصصلها ... !
_______________________
يتبع
الاغنيه اسمها She`s Dreaming / Exo
اتجه للمطار وليد وهو فى حاله غضب فى الوقت دا كان نسى شنطته فى تاكسى وسواق التاكسى فتحها مفهمش الل فيها لكن شاف كارت مستشفى الل فيها دكتوره "نورهان" ف اخد الشنطه واتجه بيها لهناك وهى استسلمتها اتصلت ب "وليد" موبيله كان مقفول فعرفت انه فى الطياره ف مسكت الشنطه ودخلتها غرفتها ع الكرسى فوقعت الشنطه والملفات الل فيها وقعت بتشيلهم لمحت اسم "حبيبه" ع ملف مسكت الفايل وفتحته شافت نتيجه تحاليل واشاعات حبيبه ومعاها نتيجه تانيه متطابقه معاها فرحت "نورهان" ان "وليد لقى متبرع اخيرا ومش هتحتاج "حبيبه" ل العلاج الل احتمال كبير هيأذيها بصت عن الاسم واتفاجئت " وليد" بصت ع تاريخ لقته معمول من سنتين قعدت ع الكرسى ماسكه الفايل وبتفكر " من سنتين من بعد اخر عمليه ل "حبيبه" وهو عارف انه يقدر يتبرع ليها وتعيش بدل ماهى عايشه معاناه وبتحارب الموت لوحدها .. ايه السبب الل مخليه مقلش ومحتفظ بالفايل دا معاه طول المده دى ...
مسكت موابيلها محاولات تتصل ب "وليد " عاوزه تعرف رد ع الحيره الل هى فيها ولغايه ما نزل من الطياره ورد عليها "وليد " ... :
_ حمد الله السلامه
_ الله يسلمك يا "نورهان" فى حاجه ؟
_ اها واضح انك نسيت شنطتك فى التاكسى وسواق جابها لعندى وهى معايا
_ طيب كويس
_ انت مش محتاجها يعنى مفيهاش حاجه مهمه
_ لا اوراق عاديه اغلبهم صور الاصل عندى هنا عموما قريب هرجع تانى ابقى اخدهم ممكن تحتفظيلى بيهم لغايه ما اجى
_ اكيد ..
_ شكرا يا "نورهان" ..
_ وليد ..
_ ايوه
_ كنت عاوزه أسالك لقيت متبرع ل "حبيبه" ولا لسه علشان اصرارها ع العلاج وانا قلقانه
_ لا للاسف مفيش حد موجود من الل شوفتهم متطابق معاها بس انا مش ساكت وبدور
_ ماسكه نتيجه الاشاعه والتحاليل الل ب اسمه"بتدور .."
_ اكيد يعنى لما القى مش هكون ساكت و"حبيبه" هتعمل العمليه بسرعه
_ اوكيه ..
قفلت "نورهان" وهى مش فاهمه ايه الل بيعمله "وليد " ... !
رجعت "حبيبه" البيت وملامح حزن ع وجهها وماسكه فى ايديها السلسله مقطوعه قعدت ع ديسك قدام البيت وبتبص ل السلسله وكلام "وليد" بيتعاد فى دماغها .. وحست انها مشيت ورا احلام ونسيت الواقع حقيقه مرضها وان "جى وو" ضرورى يعرف مينفعش تخبى عليه ..برغم انها مكنتش متوقعه رده فعله لكن قررت تقوله ..دخلت البيت ودخلت غرفتها وفتحت درج الكوميدينو حطتت السلسله بجانب النوتس ونامت ع السرير بتفكر تقوله ازاى .. !
رجع "جى وو" من السفر ورجع ع البيت واول ما دخل نده عليها كانت قاعده مع "ليزا" شافته "حبيبه" وكانت فرحانه ..قعدوا مع بعض وحكالها ع السفر والل عمله واشترالها شوكولاته غامقه الل باباه كان بيشتريهاله وفرحت "حبيبه" انه بعد وفاه باباه منسيش اخوه ولا مراته ودايما بيطمن عليهم وهى كمان حكتله ع حاجات اى مواضيع ..حاولت "حبيبه" كذا مره تستغل فرصه وجودهم مع بعض وبيتكلموا علشان تحكيله كانت قلقانه لغايه فى يوم قررت تكلمه وتحكيله ففى مره وهما قاعدين ع الروف :
_ جى وو..
_ ايوه
_ لا خلاص ..
_ فى ايه
_ كنت عاوزه احكيلك ع حاجه ؟
_ احكى سامعك
_ هحكيلك عن حاجه بتخصنى مكنتش اقصد اخبيها بس كنت مستنيه الوقت المناسب دا الل عاوزاك تفهمه فى الاول بس ..
_ قولى ..
قعدت قدامه وبتحاول تجمع شجاعتها وكان "جى وو" بما انه يعرف اغلب الحاجات عن "حبيبه" فكان طول الوقت مستنيها هى الل تبلغه بمرضها ..فحس من تلميحاتها انها هتحكيله فكان متشجع للفرصه دى هى تتكلم وتحكيله وكان بيطمنها ...:
_ اممم .. انا .. انا ..
_ انتى ايه كملى متخافيش مهما قولتى انا هسمعه وهفهمه متقلقيش
_ بجد ..مهما قولت هتفهمه
مسك ايديها يطمنها : مهما هتقولى هفهمه جدااا متخافيش وقولى عاوزه تقولى ايه ..
اطمنت "حبيبه"ابتسمت : انا ...
فى اللحظه دى طلعت الاجوما بسرعه ع الروف ووشها متغير ومخضوضه وقف "جى وو":
_ فى ايه ؟
_ فى ناس عاوزينك تحت
نزلوا بسرعه وكان موجود ظابطين من الشرطه :
_ ايوه فى حاجه ؟
_ احنا اسفين اننا جايين فى وقت متاخر لكن احنا معنا امر بالقبض عليك وتفتيش البيت
اتفاجئوا الجميع : ليه ..؟
_ فى بلاغ متقدم فيك انك بتتعاطى مخدرات ومتحرزه فى البيت
ضحك"جى وو": دى اكيد نكته .. انا ومخدرات
دخلت فى الوقت دا "سى را " وملامح الخضه ع وجهها : اوووبا ..فى ايه ؟
_ بيقولوا انا بتعاطى مخدرات
_ لالالا مش معقول ..
دخل الظابط يفتش ودخل فتش الحمام الل بجانب غرفه "حبيبه" وخرج بعلبه الحقن علاج "حبيبه " اتفاجئت "حبيبه" وقرب الظابط من "جى وو" العلبه : ايه دى ..؟
_ انا معرفش عنها حاجه
_دى حقن .. انت عارف ان النوع من الحقن دا ممنوع استعامله لانه يعتبر من انواع المخدرات
_ انا اعرف ازاى اذا كانت مش بتاعتى
_ ممكن تتفضل معايا
_ اوكيه
وقفت "حبيبه": العلبه دى بتاعتى انا مش بتاعته
الظابط بصلها و"جى وو": ازاى ..؟
رد "جى وو": "حبيبه" انتى خليكى هنا يلا بينا
حست "حبيبه" انها اتزنقت ولازم تقول ع مرضها ومكنتش تتمنى ان "جى وو" يعرف بالشكل دا .. قربت خطوتين وهما ماشين "حبيبه" واستجمعت شجاعتها :
_ لان انا مريضه وبتعالج ..انا مريضه سرطان
اتفاجئ الكل واتفاجئ "جى وو" انها قالت كده قدام الكل دخل ف الكلام
_ يلا بينا يا حضره الظابط العلبه دى لقيتوها فى بيتى يبقى مسئوليتى "حبيبه" متتكلميش انتى
وقفتهم "حبيبه" : مش مصدقينى ..انا فعلا مريضه سرطان وباخد حقن
راحت رفعت كم التيشيرت وورتهم مكان الحقن فى دراعتها وكان واضح اوى مكان الحقن معلمه فى دراعتها الاتنين :
_ انا بقالى اكتر من 6 سنين بتعالج والحقن دى علاج مسكن دكتوره المعالجه ليا كتبتهولى اصرفه وللاسف الروشته مش لاقياها ..
بصلها الظابط : يبقى اتفضلى معانا واحنا هنتاكد مين فيكم الصح ..
مشيوا كلهم وركبوا عربيه الشرطه واتجهوا للقسم البوليس وقتها كان فى صحافه وصورو وسالوا سبب وجود"جى وو" فى القسم البوليس عرفوا انه مخدرات ... حققوا مع "جى وو" وعرفوا انه سليم بعد اختبار الدم ومشوه وقعدوا "حبيبه" لغايه ما يتاكدوا من كلامها ولان موبيل "نورهان" كان مقفول قعدت "حبيبه" يوم فى الحجز لتانى يوم .. "جى وو" طول الليل كان فى العربيه من قدام القسم مبيتحركش ورافض يرجع البيت من غير "حبيبه" رغم الحاح "مين سوك" و "سى را" ورغم تصوير الصحافيين ...تانى يوم استقبلت دكتوره "نورهان" الاتصال وبسرعه اتجهت للمستشفى وبعد نتيجه تحليل الدم عرفوا انها فعلا مريضه سرطان وان الحقن دى نوع مسكن من كورس علاج وحضرت معاه صوره الروشته وعرفواان "حبيبه" مكنتش بتكذب وخرجوها .. لما خرجت "حبيبه" من القسم كان خبر انتشر فى الصحافه والانترنت ان فى "بيت جى وو" شغاله مريضه وبتتعاطى مخدرات وكانت بتسئ لسمعه "جى وو" فلما خرجت "حبيبه" من باب القسم لقت معجبين "جى وو" ماسكين لفتات مكتوب فيها كلمات مش كويسه ليها بيطالبوها ترجع بلدها وتسيب البيت ورموا عليها بيض وطماطم وورق بسرعه ركبت العربيه مع "نورهان" وهى ف حاله صدمه .. وصلت للبيت وكان "جى وو" فى استقبالها وشافها ملامح وشها متغيره اتجه ليها وحضنها وبيطبطب عليها : كل حاجه بخير متقلقيش تمام ..
بعدت عنه ودخلت غرفتها وقعدت ع حرف السرير وعيطت وحست بوجع مش فى جسمها لكن فى روحها انه عرف بالشكل دا ... حاولت تتعامل عادى تانى يوم خرجت علشان تتمشى معرفتش لانها لحظت فى فانز واقفين قدام الباب ليها وحست انها محبوسه فى البيت وكل الكلمات المكتوبه بيطالبوها تمشى من البيت وتبعد عن "جى وو" وترجع بلدها ...الضغط النفسى أثر عليها خصوصا ان الل بيحصل بيأثر ع "جى وو" ومسيرته الفنيه والاشاعات .. فكرت كذا مره تسيب البيت وقررت فى يوم تسيبه وقعدت مع "جى وو" بعد ما كانت بتتجاهل انهم يتكلموا ل احراجها ب انه عرف مرضها بالطريقه دى :
_ انا عاوزه اقولك واتمنى تتفهمنى ..
_ انتى بقالك فتره بعده نفسك ومبنتكلمش حوار مرضك مش مشكله كبيره تعمل فرق فى علاقتنا
_ انت متقبل الفكره انى مريضه وبتعالج ؟
_ كل انسان معرض ان يمرض دى حاجه مش اختياريه ..
_ لكن بيكون ف ايدينا اختيارت تانيه
_ زى ايه
_ انا هرجع لشغلى ف المطعم وهسيب هنا
_ ليه .. ايه السبب ؟
_ اريح اكيد انت شايف الل بيحصل انا هبعد يمكن الموضوع يعدى
_ هو هيعدى لما يظهرلهم حاجه تانيه تشغلهم .. متشغليش بالك انتى واهتمى بنفسك ومتتحركيش من هنا مهما حصل تمام ..
سكتت "حبيبه" وحضر "جى وو" الاكل ل "حبيبه" وقعدوا ياكلوا مع بعض .. !!
مر يومين ومهتمتش "جى وو" بالاشاعات ولا اعتراضات الفانز ركز فى شغله وفى "حبيبه" يحاول ميحسسهاش بحاجه فى الوقت دا "سى را " فى بيتها وكان قاعد معاها "مين سوك ":
_ يعنى هى لسه موجوده فى البيت بعد الل حصل دا ..؟
_ ايوه .. "جى وو" مش راضى يسيبها تبعد عنه .. انا عارف ان الموضوع والفكره صعبه عليكى بس "جى وو" موعدكيش ب اى حاجه .. هو بيحب "حبيبه" ومتمسك بيها ..اهتمى بمستقبلك انتى ..
بنظره شر وضحكه عاليه : ببساطه كده .. انا اتعرفت عليه الاول قبلها انا قعدت وكنت جنبه لمده 10 سنين .. انا الل شوفته فى بريطانيا واقنعته باانه يرجع كوريا ومضى عقد مع الوكاله ب اعلى سعر .. انا الل عملته ووصلته لشهره دى .. انا الل بحبه ومحبتش غيره الوقت دا .. تيجى بعد كل دا تقولى انسى ..هى بتعمله ايه ولا حاجه اقل من سنه حبها ازاى ها ..
_ يعنى هتخليه يحبك غصب عنه "سى را" اعقلى وبلاش تخسريه انتى عارفه "جى وو" شخصيه عنيده مش سهل يتراجع عن قرار يخص حياته وانتى كده هتخسريه للابد ..
_لما يلاقينى انا بس الل قدامه وهى مش موجود هيحبنى اكيد ..
_ هتعملى ايه بعد الل عملتيه .. انا اتصدمت لما قولتيلى انك تدخلى البيت وتفتشى غرفه "حبيبه" وتعرفى انها مريضه وتستغلى دا فى اشاعه وتبلغنى عن "جى وو" وتحطيها قدامه فى الموقف دا .. وبعد كل دا وفشلت خطتك ..هتعملى ايه تانى ..
_ انت بتقول هو متمسك بيها علشان هى متمسكه به ..انا معايا كارت هيخليها هى تقرر تبعد عنه وترجع بلدها وهيبقى هى الل قررت وانا بعيده ..
_ هتعملى ايه ..
_ هتشوف ..
تانى يوم "سى را" كانت فى عربيتها قدام بيت "جى وو" استنت لما خرج "جى وو" وشافته اتحرك بعربيته ..نزلت من عربيتها واتجهت لبيته رنت الجرس وفتحت "حبيبه" الباب وابتسمت "سى را ": صباح الخير
_ صباح الخير
دخلت "سى را" وبتبص حواليها ..
_ "جى وو" خرج ..
_ اها ماانا عارفه انا جايه علشانك انتى "حبيبه"
_ انا
_ اها ممكن نقعد شويا ..
قعدت "سى را" وقدمت ليها "حبيبه" مشروب ..
_ سمعاكى ..
_ طمنينى عليكى انتى كويسه باين عليكى ارهاق وتعب
_ انا بخير ..
_ وبتاخدى علاجك كويس ولا تحبى اعرفك ع دكتورهنا يساعدك و ..
قاطعتها "حبيبه": انا بخير والدكتور الل متابعه معاه مش مقصر
بملامح"حزينه: ياحرراام بنوته فى عمر صغير يحصلها كده
ابتسمت "حبيبه": القدر .. لا مفر منه
_ ايوه .. القدر لا مفر منه .. علشان انتى بنت طيبه ومتستاهليش بهدله الصحافه والانترنت ولا الفانز انا محبتش تفضلى عايشه فى كدبه وانتى اصلا مشاكلك كتيره ..
_ كدبه ..؟
طلعت من شنطتها فايل وحطته قدام "حبيبه":
_ ايه دا ؟
_ افتحيه وشوفيه دى حاجه تخصك ..
مسكت "حبيبه" الفايل وبتبص ع الورق كان صور ل النوتس بتاعتها وصور للنوتس مترجمه انجلييش واتفاجئت "حبيبه": ايه دا ووصلولك ازاى وانتى الل ترجمتيهم ..؟
_ مش انا
_ مين
_ امممم "جى وو"
اتفاجئت "حبيبه" : "جى وو"..
_ ايوه من وقت ما جيتى للبيت وهو عارف حكايه مرضك كله ولانك زى ما مكتوب عايشه اخر ايامك هو انسان طيب فحب يحققلك بعض احلامك المستحيله كشفقه وعطف
متفاجئه "حبيبه": لا اكيد بتكدبى ..
_ بصى دى صور الاصل موجوده فى غرفته فى درج المكتب شوفيها وهتعرفى ان كل الل عمله معاكى كان من مبدء شفقه وعطف لانسانه الموت محاوطها .. متفاجئتيش يوم الشرطه ماكانوا هنا وقولتى انك مريضه هو رد فعله عادى .. لانه كان عارف يا "حبيبه" من الاول
شافت "سى را" ملامح حزن ع وجه "حبيبه": انتى زعلتى
بصتلها "حبيبه" ودموع نازله من عينيها : يعنى عاوزه تقوليلى ان كل دا تمثيل
_ انتى كل حاجه واضحه قدامك قررى وغير كده انتى مكانك مش هنا يا "حبيبه" انتى ليكى حياتك واهلك فى مصر .. واعتقد ان الايام القليله الموجوده الصح تكونى مع اهلك مش بعيده عنهم هنا ..وانتى لو بتعزى "جى وو" حبه صغيرين اكيد بعد الل عملو معاكى دا مش هتحبى تأذيه انتى شايفه الاشاعات والفانز قدام البيت بيعملوا ايه ودا غلط على حياته الفنيه فى فنانين كتير بيوصلو لمرحله اليأس والاكتئاب من الضغط النفسى ..ف انتى وجودك هنا مش لطيف ..فكرى وقررى ..انا محبتش تعيشى كده فى وهم ... وصدقينى انا اعرف "جى وو" قبلك بسنين هو مبيحبش حد غير نفسه وفنه وحياته الل عاش السنين دى يبنيها ..معتقدش انه هيضحى بكل دا بسهوله كده .. كل انسان له حياه يعيشها ولا ايه ...
قامت "سى را" وسايبه "حبيبه" مش مصدقه الل شافته فدخلت ع غرفه "جى وو" وفتحت الدرج فعلا شافت الفايل وفتحته وكان زى الصور وان الحاجات الل حصلت كان هو عارفها وعملها .. احساس سيطر عليها انه شفقه وعطف ومكنش حب زى ما كانت حاسه وشايفه .. قررت تسيب البيت دخلت غرفتها اخدت شنطتها وسابت جواب و ل "جى وو" ونزلت رجعت ع "ايتوان" شافها "حسام" بتعيط فى غرفتها دخل مخضوض عليها وقعد جنبها :
_ مالك يا "حبيبه" فى ايه حصل ؟
بصتله "حبيبه" واترمت فى حضنه وبتعيط : انا ضحكت ع نفسى يا "حسام" انا عشت كدبه وصدقتها انا وجعت نفسى بنفسى
هو مكنش فاهم ايه حصل وحاول يهديها وهديت وسمع منها واضايق وقام وقف :
_ هو عمل كده معاكى ...
مسكته "حبيبه": هو مش غلطان انا الل اتطفلت ودخلت بيته كانت غلطتى
_ انا كنت شاكك الاول ان فيه حاجه وانتى دايما تطمنينى وتفاجيئنى دلواقتى انك بتحبيه بجد وهو مثل عليكى انك بيحبك الفتره الل فاتت دى كلها وانت متكلمتيش ولا قولتى حاجه .. ازاى يا "حبيبه" تتدخلى نفسك فى ارتباط كده محكوم عليه الفشل من كل الاتجاهات .. وليه ماجتيش تاخدى راى ونتكلم ليه سيبتى مشاعرك تتحكم فيكى وتخليكى تختارى غلط ..
_ معرفش يا "حسام" معرفش انا عارفه انا استاهل ..
_ كان "وليد" شكه صح وانا عاندته ووقفت معاكى ضده ياريتنى سمعت كلامه ورجعتك وقتها مكنتيش هتمرى بالتجربه دى ..
سكتت "حبيبه": هتعملى ايه دلواقتى ..
_مش هرجع البيت دا تانى وهقطع علاقتى به
_ طيب تمام ارتاحى انتى دلواقتى
رجع "جى وو" البيت مش شايف "حبيبه" خبط ع باب غرفتها مبتردش بيتصل بيها موابيلها مقفول .. شاف الاجوما خارجه من غرفتها ومعاها جواب ومسكه .. فتح الجواب كان فيه ورقه والسلسله بص ع الورقه " جى وو.. شكرا جدا ع الايام الل عشتها فى بيتك وطريقتك اللطيفه فى تعاملك معايا انا مش هزود عليك الحمل وكفايه كده .. انا رجعت بيتى لغايه ما ارجع مصر .. السلسله مكانها معاك لانى مستحقهاش مستحقش هديه غاليه كده .. اتمنى ان تكون بخير دايما .. من معجبتك حبيبه " الكلام بيقراه "جى وو" وهومش مصدق وبيحاول يجمع ومش فاهم فى ايه حاول يتصل عليها موبيلها لسه مقفول بص ع الوقت متاخر محبش يقلق "جددته" فضل طول الليل للصبح صاحى غير هدومه ونزل مطعم "هالمونى" وسئل ع "حبيبه" ومكنتش موجوده وطلع بيت "حسام" خبط ع الباب والباب مفتحش وموبيل "حبيبه" مقفول .. اتجه لمستشفى يسئل عليها مكنتش هناك ..رجع البيت وهو مش عارف يوصلها ... مر يومين وكل يوم يكون عند المطعم يشوفها مبيشوفهاش ..مر اسبوع وقررت "حبيبه" تنزل المطعم طلبوا منها تروح مكان جنب المطعم تشترى حاجه هو شافها ماشيه سرحانه هو كان الاتجاه التانى قدامها كان ماشى ع خطواتها لغايه ما وقفت وبتبص قدامها وشافته .. وكان هيعدى الطريق للحظه شاورت انه يوقف مكانه هو استغرب .. حاول يمشى خطوتين شافها بترجع خطوتين .. مسكت موابيلها واتصلت به .. الاتنين واقفين فى تقاطع كل واحد ع رصيف تانى ... :
_ حبيبه ..
_ ايوه ..
_ ايه الل بتعمليه دا انتى مش عاوزانى اجيلك
_ لا ..
_ لا
_ ايوه ..لا كده افضل ليا وليك
_ من امتى واحنا بنتكلم مع بعض كده ومن امتى انتى قررتى ان الافضل دا لينا ؟
_ من وقت ما دخلت بيتك وكان غلط وانا قاوحت وعاندت نسيت مرضى ونسيت الفتره المتحدده ليا وعشت حلم كنت بستمتع به ..من وقت طمعت فى سعاده ذياده مكنتش اتخيل اعيشها .. من وقت ما حسيت انى بأذيك اكتر من انى بفيدك .. من وقت ما احلامى وامنياتى اتلوثت وبقت كابوس وانا مكنتش شايفه .. كدبت ع نفسى وصدقت الكدبه وعشت فيها مسمعتش لحد وكنت فاكره انا صح وقراراتى وحياتى وخرجت ناس مهمه من حياتى كانوا اكتر ناس مش هيوصلونى لكده .. انا غلطت وبدفع تمن غلطتى وانا راضيه ..
_ ايه الل بتقوليه دا ..
بدموع نازله من عينيها : انا عمرى كله كنت بهرب من نظرات ومعامله العطف والشفقه كنت محبوسه فى اوضتى ومعزوله عن الناس علشان نظراتهم ومعاملتهم الل دايما حسستنى انى مريضه وهموت .. بعدت عن الناس علشان انسى انى مريضه واحس انى انسانه طبيعيه ليا حق اعيش زيهم ودا انا عملته فى خيالى فى احلام حلمتها وامنيات اتمنتها وعلشان اثبت لنفسى مفيش مستحيل وان حتى لو الحلم او الامنيه متحققش بس مجرد ما اشوفه احس بفرحه قررت اكتبها فى نوتس كل ما الالم يشد عليا او احس ان ايامى بتخلص ابص فى النوتس واحلم واتخيل وانسى .. النوتس الل محدش يعرف عنها حاجه .. لما جيت هنا لقيت الامنيات بتتحقق بمنتهى الطبيعيه واحده وبعدها واحده كنت بفرح جداا حسيت انها نعمه من ربنا وان كل حاجه ليها وقتها ..لكن عرفت ان الامنيات دى مش محض صدفه حصلت لا دى كانت مقصوده .. مقصوده تتنفذ علشان افرح علشان صعبت على شخص قرا النوتس وعرف انى مريضه سرطان مرحله متاخره وهموت فمن باب العطف والشفقه حققلى امنيات انا كنت شايفاها مستحيله .. وحققلى امنيه مكنتش اتوقع تحصلى وحصلت .. اكيد انت عارف مين الشخص دا ..
بيمشى خطوتين اتجاهها بسرعه شاورت ب ايديها "حبيبه" وقف : خليك عندك ..
_ حبيبه انا مقصدتش اجرحك ولا كنت بتعامل بشفقه ولا بعطف انا فعلا بحبك
ضحكت "حبيبه": انا رجعت ل ارض الواقع واستسلمت له خلاص مفيش كلام يتقال
_ حبيبه انا بحبك
_ لو فعلا بتحبنى انسانى لان انا هنسى ومتستغربش لما اشوفك ومفتكركش ف من دلواقتى انسانى لانك قريب مش هتكون فى حياتى ولا فى ذكرياتى ...
لسه هيتكلم قفلت موابيلها ومشيت اتجاه المطعم بتمسح دموعها وهو واقف مش عارف يعمل ايه بعد ما عرف انها عرفت انه كان يعرف مرضها وخبى عليها وانه كان بيعاملها بعطف وشفقه ودا عكس احساسه بحبه ليها وفكره انها هتنسى وبتطالبه ينسى دى مش متقبلها ... رجع البيت ودخل ع غرفته فتح الدرج شاف النوتس ومش عارف عرفت ازاى سئل الاجوما لو "حبيبه" دخلت غرفته وقالتله انها دخلت فعرف انها شافتهم رمى الورق بعصبيه فى الهوا وقعد ع لكرسى حط راسه بين ايديه الاتنين وكان فى قمه الغضب والوجع علشان الل حسسه ل "حبيبه" واحساسه انه خسرها ...!
حاول "جى وو" يتكلم مع "حبيبه" تانى وكانت بترفض بشده وكانت بتشوفه فى الشارع وتبعد عنه وتعمل نفسها مش شايفاه وحس انها قررت تنساه فعلا لاحظ فى نظرات "حبيبه" له نظره وجع وكل مره يحس بالذنب انه وجعها وجرحها قرر ينفذ طلبها ويبعد عنها لكن قراره كان نتايجه سيئه عليه اتغير "جىوو" وبقى شخص عصبى ورجع لشخصيته السيئه مع الكل والكل لاحظ كده حتى "سى را" بيتجاهلها ويعاملها اسوء عن الاول ..كان بيتجنب يرجع للبيت وكان حجز فى فندوق وكان بيبعد عن اى حاجه تفكره ب حبيبه ..!
قعد "حسام" مع "حبيبه" واتكلموا مع "فؤاد" وفاجئتهم "حبيبه" بقرارها انها عاوزه تاخد العلاج مع اعتراضهم لكن "فؤاد" حس بوجع فى كلام "حبيبه" وانها عاوزه تاخد العلاج علشان تنسى "جى وو" وانها حبته واترجته انها تاخده ومقدرش "فؤاد يضغط عليها برغم معرفتهم بالاثار الجانبيه (الهذيان) فقدان الذاكره الوقتى اخر مده فى حياتها هتنساها طلب منها "فؤاد" تستناه لما يروحلها ووقفت ,,!
فى الوقت دا "وليد" عرف الل حصل من "حسام" :
_ يعنى لو كنت سمعت كلامى من الاول كان كل دا محصلش ل"حبيبه"
_ خلاص يا "وليد" الل حصل حصل انا مكنتش اتوقع انها توصل انها تحبه بجد انا افتكرت حوار الحلم وانها بتعمل حاجه بتحبها مجرد حاجات بتخليها سعيده مكنتش اعرف هتوصل لكده ..
_ كويس انها فاقت دلواقتى احسن من متاخر
_ المشكله دلواقتى انها مصممه ع العلاج
_ نعم ..
_ ايوه زى ما بقولك قالتلى هتجربه مهما كانت النتيجه ومصممه
_ وخالك موافق ..؟
_ خالى لما عرف واتكلم معاها بحالتها النفسيه السيئه دى محبش يضغط عليها وهو هيحاول يكون هنا قريب معاها
_ انا هحاول اجى ..
_ "وليد" هو فعلا مفيش حد فى العالم دا يكون متبرع ل "حبيبه" لدرجه دى مفيش حد متطابق زى "حبيبه" .. "حبيبه" بتحارب مرضها بكل الطرق حتى بتأذى نفسها
سكت "وليد" للحظات : بحاول يا "حسام بحاول صدقنى ..
_ انت بتحاول والوقت بيمر من حياه "حبيبه" ...
ا فى يوم ركب "جى وو" عربيته واتجه لبيته ووقف قدامه لحظات ونزل وفتح الباب ودخل البيت وحس بروح "حبيبه" فى البيت وتخيل وجودها وابتسم وكان بيقرب يلمسها لكن كانت بتختفى طلع ع الروف وقعد ع الكرسى وتخيل "حبيبه" قاعده جنبه وباصه للسما ابتسم " وحشتينى " ... دموع نزلت من عينه وحس ان محاولته فاشله ... نزل ركب عربيته ووقف عند المطعم يشوفها وهى خارجه وكان بيراقبها من بعيد .. وبرغم الل حصل كان بيكلم "مارك" وكان لسه ملقاش متبرع وقاله يدور مهما كان المبلغ ..!
كان "جى وو" متابع اخبار "حبيبه" من بعيد وكان متابع اخبار متابعتها فى المستشفى عن طريق شخص هناك .. كلمه فى الموبيل :
_ ايه الاخبار فى جديد ..
_ عرفت قريب هتدخل المستشفى
_ ليه ..؟
_ علشان علاج هتاخده هتحتاج متابعه من دكتور يوميا لفتره العلاج
_ طيب كويس جدا
سكت الشخص : لكن ..
_ لكن ايه ..؟
_ العلاج له اثار جانبيه ونتيجته مش اكيده ..كل الل اخدوه حصلهم "هذيان" وفى مات
_ هذيان ..
_ المريض الل بياخد العلاج دا بينسى اخر فتره عاشها وبينسى الاشخاص والمواقف الل حصلت وبترجعله الذاكره فتره قصيره وبعدين بينسى تانى .. يعنى اخر فتره بتكون ممسوحه ..
اتفاجئ "جى وو" من كلامه وقفل وراجع كلام "حبيبه" واصرارها ع العلاج عرف اصرارها انها تبعد عنه علشان العلاج هيخليها تنسى علشان كده طلبت منه ينسى وقتها حس بوجع اكتر ورفض فكره انها تكون لوحدها وعرف اكتر عن العلاج ...!
كان بيكلمها كتير ومبتردش عليه بعتلها رسايل لكن اخر رساله كان بيترجاها متتجهلهاش وانها هتكون الاخيره وطلب منها ل اخر مره يشوفها وطلب منها تروح البيت وتطلع ع الروف طلب منها دا ك طلب اخير .. بعد تفكير وتردد كانت "فيفى" معاها وشايفاها فاتحه الرساله وعينيها عليها قربت منها تقراها وقعدت "جنبها واتنهدت :
_ روحى يا "حبيبه" انتى عاوزه تروحى وتشوفيه لكن بتقاوحى روحى وشوفيه عاوز يقولك ايه علشان متندميش بعد كده ..
بصتلها "حبيبه": مندمش ..؟
_ ايوه هتندمى ان جتلك فرصه تسمعيه ل اخر مره وانت ضيعتيها حتى لو هتنسيها لما تاخدى العلاج لكن لما هتخفى وهتفتكرى هتندمى وقتها .. بلاش تضيعى فرصه .. قومى روحى
شاورتلها ع قلبها : اسمعى دا بيقولك ايه لان دا اكتر حد عانى معاكى ..
اتنهدت "حبيبه" وقررت تروح قامت وخرجت ووقفت تاكسى وطول الطريق وهى بتستجمع نفسها انها تفضل عند قرارها ميتغيرش ..نزلت من التاكسى وبصت ع البيت شافت "جى وو" واقف فى الروف باصص عليها بصوا لبعض لحظات وبعدها قررت انها تدخل وطلعت ع الروف وقلبها بيدق .. اول ما وصلت لروف اتفاجئت بالمكان اتغير .. كان حاطط" بروجكتر " شاشه عرض وكرسيين واناره خفيفه فى الزرع وكان واقف باصص ليها ..بصتله : hi
ابتسم : Hi
مشى خطوتين اتجاهها ومد ايده ليها ومدت ايديها ومشيوا لغايه الكرسى وقعدها وحط ع رجلها بطانيه برغم ان الجو مش برد وقعد ع الكرسى بجوارها ..هى كانت ساكته ومش فاهمه فى ايه مسك علبه شوكولاته : الل بتحبيها ..
بصتله وبصتلها : شكرا
مسكت اللعبه حطتها ع الترابيزه جنبها وكان ع الترابيزه حاجات بتحبها :
_ انت كنت عاوزانى فى ايه ؟
بصله مبتسم : نتفرج ع فيلم مع بعض ..
_ نتفرج ع فيلم
_ اها .. نتفرج ع الفيلم وهيعجبك وهقولك بعده عاوز ايه ..
سكتت "حبيبه" واشتغل الفيلم وكان فيلم اجنبى "The Vow" "حبيبه" عارفاه وشافته :
_ فيلم The Vow
_ ايوه ..
ابتدا الفيلم وكان الفيلم بيحكى ع اتنين بيحبوا بعض واتجوزوا لكن حصل لزوجه حادثه افقدتها الذاكره وبرغم علم زوجها اتمسك بيها برغم انها نسيت كل حاجه عنه لكن هو مستسلمش .. خلص الفيلم و"حبيبه" بتحاول تفهم هدف الفيلم دا ولانه مش جديد كان ايه اخدت نفسها وبصتله :
_ وبعدين الفيلم خلص .. عاوز تقول ايه علشان مش عاوزه اتاخر ..
بصلها للحظات : عاوز اقول انا مش هستسلم مهما حصل واسيبك
اتفاجئت "حبيبه": بتقول ايه ..
_ حتى لو نسيتينى ونسيتى اللحظه الل احنا فيها دى انا مستعد اعرفك من الاول ف انا مش هسيبك
بصت "حبيبه" ع شاشه العرض والفيلم وعرفت انه عرف عن العلاج وابتسمت :
_ علشان كده فرجتى الفيلم دا
_ ايوه علشان اعرفك ان الل بيحب بجد صعب يتخلى عن الل بيحبه مهما كانت حالته حتى لو وصلت لنسيان ..
_ لكن هو عانى من تصرفاتها وتجاهلها وانها بتبعده عنه
_ لكن فى الاخر قلبها وجهها ترجعله تانى لان ببساطه يا حبيبه الحب فى القلب مش فى العقل وذاكره القلب صعب تتمسح عكس العقل الل بيتاثر لان الل بيدخل القلب وتعمق فيه صعب ..مستحيل يتنسى ..
سكتت "حبيبه" وكمل كلامه: انا بحبك وواثق من كده زى ما انا واثق من وجودك قدامى انه مش خيال ..وانتى بتحبينى وحبتينى من قبل ما تشوفينى .. انتى صعب تنسينى ولو نسيتى ذكرياتك كلها قلبك هيفكرك بيا دايما .. وانا هكون جنبك ومعاكى ومش هسيبك وقتها
_ وانا مش موافقه ..
_ ليه
_ مش موافقه تعيش حياتك بتعانى مع واحده مش هتفتكرك خالص وهتبعدك عنها
_ وانا مش هبعدك ومش هسيبها
_ مش موافقه انك تعانى مع واحده فى جميع الاحوال محكوم عليها انها هتموت حتى لو اخدت العلاج ..
_ اكيد فى حل والعلاج هيدينا وقت ..
ضحكت "حبيبه": هيدينا وقت .. انت عارف ان لما هاخد العلاج ممكن اموت ومكملش كورس العلاج علشان نعرف نتيجته وقتها هكون خليتك تعانى انى مش فاكراك وموت وانا مش فاكراك مستوعب ..
قامت وقفت "حبيبه" ووقفت قدام الشاشه : انا غيرها انا عارفه حدودى ايه ووقتى قد ايه ..هى كان عندها وقت تسمع كلام قلبها وترجعله ويبدؤ من الاول وهو كان مستنيها ..هو كان فى انتظار اللحظه المناسبه وهو بيعانى ع فراقها .. انا غيرها ..
وقفت وبصتله : انا مش هسمح اعيش قصه بابا وماما وانت تعيش قصه امك وابوك .. الاتنين حبوا وعاشوا قصه حب كلها وجع وعاشوا فى معاناه من الالم والوجع ع فراق الل بيحبوهم وانت شوفت والدك عمل ايه وانا شوفت بابا عايش ازاى كل يوم بليل يمسك جوابات وصور ماما ويبكى .. انا مش موافقه ولا هسمح نعيد التجربه دى مش هسمح انك تعيش فى وجع وتتالم ..
_ "حبيبه" هو دا كان قدرهم واختيارهم ..متحكميش ع عمرك وانتى لسه عايشه
__العمر الحقيقي للبني آدم هي اللحظات اللي حلم فيها بصرف النظر اذا حقق الحلم دة أو لا يكفيه انه استمتع بالحلم
_ واللحظات الل عشناها والوقت الل قضيناه مع بعض يا "حبيبه"
قربت منه خطوتين وبصت للسما والنجوم وابتسمت وبصتله : "جى وو" انا عشت حياتى بحلم احلام وجودى هنا معاك وشايفاك دا كان حلم .. انا هخليه حلم هعتبر وجودك كان حلم .. هعتبر نفسى كنت نايمه طول الليل بحلم وصحيت الصبح ناسيه الحلم .. هو دا قدرى وهى دى حدودى .. اتمنى تكون فهمتنى واتمنى فعلا تكون دى اخر مره لانى مش هاجى هنا تانى ... سلام .. !
نزلت "حبيبه" ودموعها مقدرتش تمنعها و "جى وو" مكانه باصص ع الشاشه ومش مصدق كلام "حبيبه" وانها هتعتبر كل الل بينهم كان حلم وهى بتحلمه .. !
فى يوم حسام فى شغله سمع دوشه بره مكتبه خرج يبص شاف "جى وو" وحواليه الموظفين والموظفات بياخدوا توقيع وبيتصوروا معاه .. اتفاجئ "حسام" بوجوده قرب منه :
_ ممكن 10 دقايق من وقتك
نزلوا قعدوا فى كافيه واتحاطوا بالمعجبين والمعجبات خلصوا توقعيات وصور واستاذنهم "جى وو" وبعدوا عنه :
_ واضح انك مشهور اوى
_ شويا ..
_ كنت عاوزنى فى ايه ؟
_ حبيبه ..
ملامح"حسام" اتغيرت ..: مالها "حبيبه" اعتقد انكم قفلتوا الموضوع
_ هى قررت انا لا انا عارف انى غلطت لما خبيت عليها ودا عمل فجوه بينا لكن مقصدش فعلا اجرحها وانا متمسك بيها ..
_ "جى وو شى " انت متعرفش "حبيبه" غير الفتره الل عاشتها هنا .. انت عارف الل عاشته "حبيبه" لو حكتلك عن الايام الل كانت بتنزف فيها وكنا بنلحقها ع المستشفى وبنكون متوقعين انها خلاص بتموت لكن كانت بتحارب .. عارف العمليات الل دخلتها حبيبه والبنج الل اتعرضتله طول عمرها من صغرها .. عارف قد ايه الوجع كان بيالمها بشده وكانت مبتقولش لحد علشان منقلقش ولا نخاف وكانت بتستحمل لوحدها كل دا .. انت عارف هى عانت قد ايه لوحدها برغم اننا حواليها .. عانت من الناس ونظرتهم وكلماتهم السيئه الل بتأذيها ..
_ انا ..
_ انت ايه .. انا وقفت مع "حبيبه" فى قرارها انها تفضل هنا فى كوريا وتشتغل فى بيتك وتتقربلك وكنت مطمن عليها انك مش هتاذيها لاننا عارفين "هالمونى" كويس وواثقين فيها وانت لو مش امان مكنتش توافق "حبيبه" تكون هناك .. لكن انت خيبت توقعاتنا كلنا وأذيت اطيب واحده فينا وأذيتها مش زى الباقيين لا انت وصلتها لمرحله انها تحبك والحب دا كان مرفوض فى حياتها وبتتجنه لكن معاك استسلمت .. مكنتش اتوقع انك تأذى مشاعرها وتجرحها كده ..
قاطعه "جى وو" بنبره عصبيه : انا بحب "حبيبه" بحبها بجد
اتفاجئ "حسام" من طريقه كلامه
_ انا مقصدتش أذيها صدقنى انا اذى نفسى لكن "حبيبه" استحاله .. انا فعلا بحبها وهى مش مصدقه كده انا مش عاوز من حياه دى غيرها ومش هسيبها تحارب لوحدها مرضها ل اخر لحظه فى حياتنا مع بعض
_ اذا كان هى حياتها مش طويله ..
_ انا مش ساكت وبدور ليها ع متبرع بره
اتفاجئ "حسام": انت بتدور ليها ع متبرع
_ انا مش ساكت وراسلت كذا مستشفى ومستنى رد انا اكتر واحد فيكم عاوز "حبيبه" تعيش .. لانها لو ماتت حياتى هتنتهى فعلا ..
سكت "حسام" ولاحظ ملامح "جى وو" والدموع فى عينه :
_ انت عاوز ايه دلواقتى مش هقدر اجبرها انها ترجعلك او تكلمك
_ مطلبتش منك تجبرها ..
_مش فاهم
طلع تذاكر حفله وحطها قدام "حسام": دى تذاكر حفله Stars انا هكون هناك وهى هتروح لانها بتحبهم ومش عاوز اكتر من كده انها تكون هناك واشوفها ..
بص "حسام" لتذاكر وسابه "جى وو" ومشى ... !
فى بيت "حسام" وهما قاعدين على السفره بيتعشوا طلع تذاكر حفله وحطها ع السفره شافتها "مى سون":
_ حفله Stars
_ اها متعرفيش تعبت قد ايه علشان اجيبهم ايه رايك يا "حبيبه"
ابتسمت"حبيبه": لا لا ايهدا انا كنت فاكراكى هيهيبرى فينك يا ندى
مسكت "مى سون"التذاكر : دول 4 مين هيجى معانا
_ فيفى طبعا .. صديقه "حبيبه" المقربه ..اعملى حسابك بكره رايحين تمام ..
دخلت "حبيبه" اخدت علاجها ونامت وكانت فى حاله نفسيه سيئه بتنام ودموعها نازله ..
تانى يوم جهزوا وراحوا الحفله واخدوا ارقام كالعاده .. قعدوا فى الصف التانى من امام المسرح .. شويا وبدءت الحفله والفرقه ظهرت وابتدوا يغنوا و"حبيبه" حاولت تندمج .. قبل الحفله ما تخلص "حسام" كان عمال يبص وسط الموجودين ع "جى وو" لكن مش شايفه واتفاجئ ب اسمه اتقال ع المسرح .."ياابن المجانين " .. فرقه Stars فى فقره استضافه نجم استضافوا "جى وو" يغنى اغنيه
_ انا بشكر STARS ع الدعوه الجميله انى اكون معاكم .. والاغنيه الل هغنيها ليكم دى وراها حكايه .. حكايه شاب حب فتاه عن طريق الصدفه جمعهم حلم وهما حولوه لواقع بوجدهم مع بعض فجاءه الفتاه بعدت عنه ومش عاوزه ترجعله بتقوله ان علاقتهم حلم بس ف الاغنيه اهداء لبنت دى ... ..
الجميه اتاثر بالاغنيه وكان من طلب الفانز انه يغنى الاغنيه ل واحده من الموجودين يختارها عشوائى راح طلعوا ورقه من البلوره وكانت رقم 25 كله بص ع ورقته وكانت رقم "حبيبه" حبت تغير ورقتها مع "فيفى" شافها حد من الحاضرين وشاوروا عليها وكانت مش عاوزه تقوم لكن قامت فى الاخر وبخطوات بطيئه بتستجمع نفسها وكانت بتتجنب انها تبص فى عين "جى وو" طلعت ع المسرح اخدت نفس ووقفت باصه فى الارض قرب منها مد ايده والكل بيصرخ من الموجودين مدت اطراف صوابعها ومسكها وقعدت ع الكرسى وقعد قدامها وكانت بتتجنب تبصله :
_ ممكن تبصى ليا
بصتله "حبيبه" :
ابتدت الموسيقى وابتدت الاغنيه :
"في عمق الليل حتى عندما تغفو النجوم
القمر يظهر وحيدا
بهدوء ياتى وصولا الى النافذه ويضئ عليك
ويتيح لكى ان تحلمى اثناء النوم
فيه يمكنك ارتداء حذاء مصنوع من الزجاج
انت تأتين الى بخجل والى ذراعى وانت تضحكين
قالت انها تحلم ..قالت انها تحلم
الليل عميق باستعاب ضوء القمر
هذا هو الوقت الوحيد الذى نكون فيه ب انفسنا
قالت انها تحلم .. قالت انها تحلم
انا استسلم وابتسم لنومك بداخلى
كل ما افعله هو النظر اليك
لان عندما ياتى الصباح ستستيقظين كأن شيئا لم يحدث
انا اظهر دائما فى احلامك
وعندها سنكون فقط انا وانت
كلما ارى شخص نقى مثلك
ابدا فى الضحك بدون سبب
انا افقد صوابى .. اريد ان اكون جشعا
اريد ان امسك بك بذراعى واقولك لك "احبك" لكن
انها امال كاذبه ..عندما ياتى الصباح
انتى لن تتذكرى ..اخشى انى ساكون منسى بدون عوده
عندما يقترب الليل العميق من نهايته
انا اتلاشى مثل الدخان
زاعود اليك فى ليله مظلمه مع حلم
سأتى لزيارتك كل ليله فى حلمك
لكن فى بعض الاحيان يصبح الامر لايطاق عندما تنظرين الى كانك لم ترينى من قبل
انها تحلم .. انها تحلم
انا استسلم وابتسم لنومك بداخلى
كل ما افعله هو النظر اليك
لان عندما ياتى الصباح ستستيقظين كأن شيئا لم يحدث
لقد كان حلما وتلاشى ... !
بصتله "حبيبه" وشافت دموع نازله من عينه وباصصلها ... !
_______________________
يتبع
الاغنيه اسمها She`s Dreaming / Exo
ليست هناك تعليقات:
إرسال تعليق