(14)
دخلت سوسن ل "زين" وقربت منه وملامح وشها حزينه : ياريت ما كدبت انا وسناء وقلنا انكم اخوات ...!
فى اللحظه دى سمعت صوت جنبها : بتقولى ايه ..؟
بصت كان "محمود" وملامح المفاجئه ع وجهها : محمود ,,,,!
قرب منها خطوات وبصوت واطى بنبره حاده: مش هينفع الكلام هنا لما نرجع البيت ... !
فى الوقت الل "زين" تعب فيه كانت "مريم" ف الطياره حست بانقباض فى صدرها ونغز ولاحظ "ايهاب" : مالك .. حاسه بحاجه ..؟
_ مش عارفه حاسه انى مخنوقه وفى نغز ف قلبى اووى ..
راح مسك ايديها وطبطب عليها : متخافيش باين دا لانك اول مره تركبى طياره
بملامح تعب: اه ممكن ..
راح طلب من المضيفه تجيب مهدى ل "مريم" اخدته ونامت لغايه ما وصلت ونزلت وكان الكل بيصورها عروسه بفستان الفرح ,, كان فى ليموزين مستنيهم ووصلهم لغايه الفندق كان حجز فيه "ايهاب " ومن الانبهار ب الل شايفاه "مريم" ضربات قلبها زادت وارتعشت مسك ايديها "ايهاب" يطمنها ودخلوا الفندق وطلعوا ع جناح محجوز ليهم,, دخلوا الجناح ودى كانت اول مره "مريم" تدخل جناح فى فندق 5 نجوم كانت متاخده من ال شايفاه ولاحظ "ايهاب": مالك ..؟
_ ها ... لا مفيش ..!
ضحك "ايهاب": عجبك السويت ولا اغيره ..؟
اندهشت "مريم": مين .. تغير ايه دا جميل جدااا ...!
_ طب كويس ..
راح ايهاب اتصل ب Room Service وطلب اكل كانت مجهزينه لغايه ما يوصل ,, حطت "مريم" ايديها ع صدرها وحست بوجع وكلمت نفسها : فى ايه اهدى كده
قرب منها "ايهاب " وقعد جنبها ومسك ايديها : عاوزه حاجه معينه اطلبها ..؟
بملامح توتر: ها .. لا .. ولا اقولك اه عاوزه موبيل ضرورى ..؟
_ ليه ..؟
_ اكلم مصر اطمنهم انى وصلت واطمن عليهم واكلم "زين "..
ملامح "ايهاب" اتغيرت : تكلمى "زين" يوم فرحك .. اوكيه ..
قام وشغل الخط الدولى معاه واداها الموبيل : انا هخرج بره وهسيبك تتكلمى معاهم براحتك ..
اتصلت ع طول "مريم" ب "زين" وكان موبيله مقفول واستغربت ف اتصلت ع باباها ورد عليها وسالته ع "زين" قالها نايم بعد ما رجعوا من المطار طمنتهم عليها انها وصلت وقفلت وهما ماقلوش ليها ان "زين" فى المستشفى علشان متقلقش ,, قفلت مع باباها وحست بعدم راحه ورددت : كده يا "زين" يا جزمه تنام قبل ما تتطمن عليا كنت عاوزه اسمع صوتك ..
اترسمت ملامح زعل ع وجهها وخبط ع الباب "ايهاب" ودخل : كلمتيهم ..؟
_ اه .. كلهم بخير وبيسلموا عليك
بص ع ملامحها بتركيز: بس واضح انك مكلمتيش "زين " صح ..؟
استغربت انه عرف : وعرفت ازاى ..؟
_ مجرد احساس ..
بنبره ضيقه : الجزمه نام ع طول ماصدق انه خلص منى ..
_ بكره ابقى كلميه .. يلا تاكلى ولا مش جعانه ..
بتوتر : ها .. اه اكل طبعا
قامت ماسكه الفستان مسك ايديها "ايهاب": بالفستان ..؟
بصت ع الفستان وملامح الاحراج والتوتر ع وجهها ,, ابتسم "ايهاب": غيرى الفستان وانا هستناكى بره ..
خرج "ايهاب" وقعدت "مريم" ع السرير وملامح حزن ع وجهها : كنت عاوزه اسمع صوتك يا "زين" تطمنى مش عارفه هو انا خايفه ليه كده ..
حطت ايديها ع صدرها وحست بالخنقه استعاذت من الشيطان وقامت تغير هدومها فتحت الشنط مبصتش خالص ع القمصان طلعت ترينج بزعبوط ولبست من غير ما تفكر .. وخرجت ل ايهاب واتفاجئ ب شكلها : ترينج ..؟
ابتسمت "مريم": ماله وحش ..؟
_ لالالا جميل ..تعالى اقعدى
قعدت "مريم" ولاحظ "ايهاب" الزعبوط : هو انتى بردانه اوى كده ..
_ لا ..
_ طيب ايه الل ع راسك دا ..؟
تلقائيه: مينفعش اقعد قدامك بشعرى "زين" هيشحورنى لو عرف وانا وعدته
تفاجئ "ايهاب: مينفعش و"زين",, احنا اتجوزنا يعنى جوزك واكيد "زين" مش هيمانع انك تقعدى بشعرك قدام جوزك
انتبهت "مريم": اووبس سورى اصل متعوده وكده ..
ابتسم" ايهاب": مفيش مشاكل .. يلا ناكل
كان "ايهاب" طالب قائمه اكل ايطالى "مريم" مكنتش تعرف اسمائهم كانت بتشوف منهم ف التليفزيون وع النت .. ف مدت ايديها تاكل لكن كان اكلها ضعيف كانت مش حاسه انها جعانه ولاحظ "ايهاب": انتى مش جعانه ..؟
_ بصراحه مليش نفس اكل حاسه لو اكلت هرجع ..
_ خلاص بلاش تاكلى
_ كمل اكلك انت ..
ب ابتسامه : ولا انا مش عاوز اكل دلواقتى ..
سكتت لحظات وبان عليها التوتر : تيجى نتفرج ع التليفزيون ..؟
_ اوكيه ..
شغلو التليفزيون واحساس الخنقه ف صدرها مرحش فضل موجود وهما قاعدين حاول "ايهاب" يمسك ايديها ويبوسها اتاخدت وبعدت عنه وحست بنغز ف صدرها حطت ايدها التانيه ع صدرها : اه ..
_ مالك ..؟
_ مش عارفه حاسه انى مخنوقه ونفسى مش قادره اخده ..
قامت من جنبه وفتحت باب البلكونه وكانت بتتنفس شويا ودخلت ولسه الخنقه مرحتش
ابتسم "ايهاب" : ادخلى ارتاحى
نظرت له نظره توتر : ها ..
قام "ايهاب" وشالها وحطها ع السرير وغطاها وباس راسها : نامى وارتاحى اكيد السفر تعبك تصبحى ع خير ..
_ وانت من اهله
طفى النور وخرج "ايهاب" قعد يتفرج ع التليفزيون وبص ع الغرفه النوم وابتسم وكمل فرجه لدرجه انه نام مكانه ... !
صحيت "مريم" من النوم وحاولت تتصل ب "زين" موبيله مقفول واهلها مرضوش يعرفوها بحاجه وكانت مخنوقه بسبب انها مش عارفه توصل ل "زين "..خرجت من الغرفه "ايهاب" مكنش موجود دورت عليه فى الحمام مش موجود شافت ورقه مكتوب انه راح مشوار وهيرجع ع الساعه 12 الضهر وكان طالب ليها الفطار قعدت تاكل وكانت ماسكه الريموت بتقلب ب ايد والايد التانيه كانت ب صباعها بتاكل العسل مشهد طفولى ,, رجع "ايهاب" ودخل لقاها لسه بتفطر وبالمشهد وهى بتاكل العسل ب صباعها وسرحانه ضحك : صباح الخير
_ صباح الخير .. كنت فين ؟
_ اممم .. غيرى هدومك وانا هعرفك يلا ..
غيرت ملابسها ونزلت كان فى عربيه مستنياهم واخدها فى جوله فى "ريفيرا" ودخلها متحف "الارميتاج " الل كان نفسها تروحه وكانت مبسوطه ومسبتش مكان غير لما تتصور وتبعت ل "زين" :
_ بتبعتى لمين الصور دى ؟
بتلقائيه: ل زين علشان اول ما يفتح موبيله يشوفهم
_ ل "زين"..
_ احنا متعودين الل يروح مكان يصوره لتانى علشان ميبقاش لوحده الل راح وكده يعنى
استغرب "ايهاب": وانا فين ..؟
انتبهت "مريم": فين ..فين ..؟
_ يعنى بتصورى نفسك بس مصورتيش صوره احنا مع بعض وبعتيهم ل "زين"
_ اه سورى .. مبعدين انا كنت هعمل كده اكيد اهو ..
صورت صوره سيلفى وهى بتظبط الصوره فاجاءه وهى بتلقطها باسها "ايهاب" ف خدها واتفاجئت وبعتتها ل "زين"..: يلا نكمل اليوم لسه طويل ...!
مسك "ايهاب" ايديها وكملوا اليوم وجولتهم ...!
خلصوا لف ورجعوا ع الفندق دخلت "مريم" رمت نفسها ع السرير بهدومها نامت راح "ايهاب" قلعها الشوز والطرحه ونايمها وغطاها وباس راسها وخرج من الغرفه ...!
فى اليوم دا فاق "زين" ورفض يفضل ف المستشفى ف عملوا اجراءات الخروج ووصلوه للبيت دخل غرفته ونام ع السرير : انا هنام بعد اذنكم ,,,!
خرجوا الكل من الاوضه وكان "محمود" طلب من "كرم" و "سناء" يفضلوا علشان يتكلم معاهم "كريم" كان موجود .. بعد ما اتاكدوا ان "زين" نام خرجوا قعدوا وملامح "محمود" و "كرم" متغيره و "سناء" و "سوسن" ملامحهم خوف وتوتر ... !
للحظات كان "كرم" و "محمود" مركزين نظرهم ل "سناء" و"سوسن" ولاحظ "كريم " صمتهم :
_ فى ايه يا جماعه ايه الصمت الل بيسبق العاصفه دا وقولتلى منزلش ليه يا "محمود"؟
"محمود" بنبره حاده : ممكن تفهمونا الل عملتوه دا ايه وليه ؟
سريعا ردت "سوسن": انت السبب .. انت الل خلتنا نكدب عليكم السنين دى كلها
استغرب كلا من "محمود" و "كرم" : انا السبب ..؟
استكملت " سوسن": بسبب خططك لمستقبل هى الل خلتنا نعمل كده من اول ما كنت حامل فى "زين" وبعدها "سناء" لما حملت ب "مريم" وانت مش ع لسانك غيرك "زين" ل "مريم" زى انك خلقتهم وبتخطط مستقبلهم وهيعملوا ايه وجوزتهم وهما لسه مشفوش من الدنيا يومين ,, وبعدين لقيناك لفيت ع "كريم" ولغايه قريب كنت مصمم تجوز "كريم" ل "مريم" فى الاجازه دى ولو "مريم" مكنتش وافقت ع "ايهاب" كنت هتجوزهم وانا واثقه ان دا هيحصل
اتفاجئ "كريم": الاجازه دى ... انا و "مريم" ..
رد "محمود" بنبره غضب:انا عمرهم ما جبرت حد فيهم ع حاجه ولا عمرى فكرت انى اجبرهم لكن خوفى عليهم خلانى افكر كده
ردت "سوسن": احنا كمان خوفنا عليهم و خوفنا عليك انت "وكرم" وخصوصا ااننا عارفين علاقتكم مع بعض عامله ازاى و"كرم" مبيرفضش طلب لصديق عمره واخوه ,, وانت يا محمود" من خوفك من المستقبل عاوز تربط علاقتك ب "كرم" اكتر واقوى وشوفت شراكه الفلوس مش كفايه عاوزه شراكه الدم والنسب ,, انا و"سناء" خوفنا انكم تكرروا الل حصلكم فى "مريم" و "زين" و "كريم" كمان ,, وهما من حقهم الطبيعى انهم يقرروا حياتهم ازاى واحرار فى اختيارهم لشريك حياتهم لكن من صغرهم هتولد فيهم فكره انت لفلانه وانت لفلان هيكبروا حافظين مش حاسين مقيدين هيبقى زى الاكل والشرب الجواز عندهم واحنا رفضنا يحصلهم كده ونبعد ليه "كريم" ايه الل خلاه يتجوز فجاءه ,,اتجوز علشان يقولك لا يا "محمود" انا الل هختار الل اتجوزها
تفاجئ "كريم": سوسن ..
_ سورى يا "كريم" مضطره اقول سرك لازم "محمود" يعرف انك اتجوزت عند فيه وف تصرفاته برغم انه كان يعرف انك بتحب "ملك" لكن كل ما يشوفك كان تلميحاته عن "مريم" واضح ودا من اهم الاسباب انك عشت فى القاهره محبتش تعيش تحت ضغط وتزعله لانك ملكش فى الدنيا غيره ومش عاوز تتصادم معاه فهربت منه لهناك .. وبسبب تصرفه دا خسر "ملك" البنت الوحيده الل حبها ومحبش غيرها ولغايه دلواقتى هى مش قادره تسامحه ,,
اتفاجئ "محمود" و "كرم" بكلام "سوسن" عن "كريم".. ,,
واستكملت "سوسن" كلامها : زى ما احنا وانتم اختارنا حياتنا بنفسنا عملنا كده علشان يبقى ليهم الحريه فى اختيار حياتهم لوحدهم احنا مش عايشين طول العمر ليهم علشان نصلح اختيارتنا ليهم هما هيعيشوا مره واحده يعيشوها ب ارادتهم وب اختيارهم علشان لما يفتكرونا يفتكرونا بالخير ,, ودا خلانا نكدب عليكم وعليهم
, وجه "كرم" الكلام: ازاى مش اخوات وانتى كنتى كل يوم يا "سوسن" بتكونى مع "مريم" بترضعيها ...؟
_ "مريم " مرضعتش منى غير مره واحده يوم ما اتولدت بعدها مرضتش ترضع سالت الدكتور ع لبن صناعى روحت اشتريته وشربت منه كنت هقولكم يومها لولا انى سمعت كلام "محمود" والوعد ان "زين" ل " مريم" وقتها اتكلمت مع سناء واتفقنا ع الكدبه دى قدامكم انا الل برضع "مريم " لكن كانت بترضع من "سناء" وصناعى ..!
خبط "محمود" ب ايده الاتنين: لاحول ولا قوه الا بالله انتى بترمى الغلط عليا وانتى عملتى اكبر غلطه فى حياتك انتى منعتيهم عن بعض ,, ابنك كان فى صدمه عصبيه نتيجه انه مستحملش فكره بعد و جواز" مريم" ,,انتى كده مبسوطه
ردت "سناء": واحنا كنا هنعرف منين ان وجودهم مع بعض هيعمل ما بينهم علاقه اقوى من الاخوه هنعرف منين مشاعرهم هتكون كده ,,, احنا فكرنا لمصلحتهم
بصوت "عالى محمود": تروحوا تقولولهم انهم اخوات وهما مش اخوات
فى اللحظه دى كان "زين" خرج من الغرفه متجه الى الحمام وسمع كلامهم ووقف لغايه ما سمع الحوار وملامح المفاجئه والصدمه ع وشه ثبتته فى مكانه مقدرش يتحرك لاحظ وجوده "كريم": زين
راحوا كلهم اتجاهه شاور ب ايده يبعدهم عنه ومشى بخطوات متهالكه تعبانه اتجاه غرفته وقفل ع نفسه الباب وقعد ع السرير بيستوعب الل سمعه ان هو و "مريم" مش أخوات ... !
فضل "زين" فى غرفته مبيتكلمش مع حد ففى تالت يوم فتح موبيله لقى كميه اتصالاات ورسائل ع الواتس من "مريم" برقمها وشاف الصور وقد ايه هى مبسوطه وكلامها وانها زعلانه منه انه مبيردش عليها وفاجاءه وهو بيتفرج ع الصور وصور "ايهاب" معاها دمعه نزلت من عينه راح بعتلها رساله " ايوه ياعم ناس فى ايطاليا عايشه وناس فى الاسكندريه لايصه "... الوقت الل جالها فيه الرساله وشافتها طارت من الفرحه وفتحتها واتصلت ب "زين" ولاحظ "ايهاب" ملامح الفرحه ع وشها كانت اقوى من فرحتها بالخروج :
_ 3 ايام معرفش عنك حاجه يا جزمه ..وحشتنى يا "زيزو"
حاول يعدل صوته: عامله ايه يا "ميما" خلصتى ع بيتزا الل فى ايطاليا ولا لسه
بصوت واطى : لغايه دلواقتى ولا شوفتها "ايهاب" عمال يأكلى مخبوزات وانواع مكرونات غريبه كده بس طعمها شغال ..
بهزار: انتى مكسوفه تطلبى منه قوليله عاوزه اكل بيتزا يا هبله .. داانتى كنتى مفلسانى
_ ماهو انا متعودتش اطلب ع طول انت كنت بتجبلى من غير ما اقول الله
ضحك"زين": يعنى المطلوب ايه اجيلك ايطاليا اجبلك
_ والله ياريت يا زيزو مفتقداك هنا اوى
_ دا انتى مكملتيش 3 ايام
اتنهدت "مريم": مرو زى 3 سنين وانت مش معايا بجد مفتقداك
سكت "زين" للحظات : ع "زين" داانتى كنتى هتبيعينى علشان ايس كريم اذا بقى انتى فى ايطاليا
ضحكت "مريم" لما جربت رجعت ف كلامى بس فات الاوان لا راجعه
_ فعلا فات الاوان .
_ بتقول ايه ..؟
_ ولا حاجه .. قوليلى بتروحى فين ..؟
_ "ايهاب" بيخرجنى فى اماكن جميله انا بعتلك الصور شوفتها ..؟
_ اه جميله ..
_ عامله بوعدى اهو مش نسيتك ثانيه مش زيك وصلتنى لمطار وبخ نمت .. نمت 3 ايام
بيحاول يتمالك صوته: طبعا داانا ماصدقت انك مشيتى نمت نوم الافيال كنتى مبتنيمنيش يا شيخه
ضحكت "مريم" وسمع "زين" صوت "ايهاب" بينده عليها : طيب يا زيزو هقفل دلواقتى بس متقفلش موبيلك تانى فاهم علشان اكلمك
_ اوكيه.. "مريم"..
_ ايوه..؟
_انتى مبسوطه ..؟
_ جدااا
_ دا اهم حاجه ,,خلى بالك ع نفسك
_ وانت كمان .. يلا سلام ..
وقفلت "مريم" وراحت ل "ايهاب" وقفل "زين" واتنهد وحط الموبيل جنبه .. ف الوقت دا خبط "كريم" ع باب الغرفه ودخل : انت صاحى اهو قوم يلا نفطر
_ مليش نفس
راح شده: قوم ياغلس وهنفطر فوق فى السطح فى مفاجاءه :
قام "زين" و "كريم" طلعوا السطح وكان "كريم" مجهز الفطار وكانت موجوده فوق "بسنت" : صباح الخير
اتفاجئ بيها "زين": صباح الخير
_ انا عرفت انك بتحب تاكل هنا ف اتفقت مع "كريم" نفطر سوا هنا ايه رايك
هز راسه وابتدوا يفطروا ,, شويا ومشيت "بسنت" : مكنش لازم كل دا وتتعبها
_ مجبرتهاش فى حاجه لقيتها هى الل بتقترح تشكر انها مستحملاك
قعد "زين" وبص ع "المرسم وسرح لاحظ "كريم": البت "ميما" كانت عامله حس فعلا ..
_ اه فعلا ..
_ هتفضل لكده امتى بقى ها ...؟
_ لغايه ما استوعب الل سمعته ومش قادر
_مش قادر تستوعب غياب "مريم" ولا تستوعب" انك حبيتها ..؟
تفاجئ "زين": بحبها
_اه بتحبها ودى اكبر دليل ع الحال الل انت فيه ,, ابوك وامك الاتنين فكروا لصالحنا لكن مفكروش فى الل ممكن يحصلنا ,,ودى النتيجه بص مش هقولك اجبر نفسك تقبل الحقيقه لكن هقولك بص الواقع بيقول تعامل مع الموقف "مريم" متجوزه دلواقتى ومع جوزها ..جوزها وهى متعرفش انك مش اخوها والافضل انها متعرفش علشان متبوظش عليها حياتها ,,
تنهد" زين": صح.."مريم" متعرفش وتكمل حياتها الل اختارتها ..
_ ايوه كده وانت كمل حياتك زى الاول وصدقنى علاقتكم صعب حد يفهمها غيركم ..
سكت "زين".. استكمل "كريم":
_ وغير كده بطل قعده البيت دى زى المطلقه ومش لقيه مكان ..
_ مش هروح المطعم ..ولا قادر اطلع هنا ومريم مش هنا محتاج وقت أقالم نفسى
_ احنا فيها تعالى الشركه انا قولتلك تعالى من زمان اعتبرها فرصه ..
_ ان شاء الله ..
"كرم" و "محمود" و"سوسن" و"سناء" وكريم" و "زين" قرروا ميعرفوش "مريم" بالحقيقه و"زين" هيتعامل مع الموقف .. لاحظت "ملك" ان الكل بعد "سفر "مريم" اتغير حتى "زين" مبقاش يروح المطعم زى الاول .. ففى مره قاعده جه "كريم" يسأل عن محمود :
_ ازيك يا "ملك"..؟
_ الحمد الله
_ هو "محمود" فين ..؟
_ راح مشوار ع وصول
_ طب بعد اذنك فنجان قهوه هصدع ..
راحت جابتله القهوه وقعدت قدامه : كريم
_ ايوه
_ هما الجماعه مالهم من بعد سفر"مريم" وهما متغيرين حتى "زين"
اتنهد "كريم": متركزيش معاهم هى فتره وهتعدى كده بس ممكن اطلب طلب
_ خير ..
_ لا مش ليا متقلبيش وشك انا مصدقت انك ع الاقل بتقبلى سلامى .. الطلب ل "زين"
اتكلمى معاه
_ ليه ..
_ علشان ..
سكت فجاءه : انا قايم ..
مشى "كريم" وفتحت موبيلها اتصلت ب "زين"طلبت منه يروحلها المطعم تفهم وراح لكن مقعدش وقعد بره ع البحر
_ ايه ياعم انت مبتجيش ليه بقالك اسبوع ولما تيجى تقعد هنا ..؟
_ لا مفيش مش عارف ادخل المطعم و "مريم" مش موجوده
ابتسمت "ملك": وحشتنى بنت الايه بس ازاى يعنى تعالى وادخل وبرتع يعنى هى تقضيها لف فى ايطاليا وانت تفضل كده فك كده ع نفسك ,,,
نظر ليها "زين" بملامح حزن: "مريم" تحسى انها اخدت روح كل حاجه معاها مبقاش ليا نفس ادخل الورشه او اطلع السطوح ولا اكمل الدروس ولا اتابع الحاجات الل كنا بنعملها سوا ,, الشغف الل كان موجود حاسس انه اختفى انا حاسس انى ورقه بيضا
_ احساس طبيعى انتم من صغركم مع بعض فى كل حاجه ومكنتوش عاملين حساب للحظه دى وخصوصا انها تكون بره مصر لكن نعمل ايه القدر واحكامه بقى
_ فعلا ... عموما انا من بكره نازل الشركه مع "كريم" كده كده وجودى ف المطعم هيبقى قليل وع حسب فمتقلقيش يعنى ..
_ اوكيه ابقى طمنى عليك
قرر "زين" يتجاهل حقيقه ان "مريم" مش اخته وانها اخته لان مفيش بديل غير كده وخصوصا انها اتجوزت ومبسوطه فقرر يتعامل معاها زى زمان علشان متلحظش حاجه فكان يوميا يتكلموا مع بعض فى الموبيل اغلب الوقت ..!
نزل "زين" الشركه مع " كريم" واول ما دخل لقى احتفال وبص حواليه عرف ان "بسنت" هى الل عملت كده كترحيب به وفرح بالل عملته وهزر وضحك ودخل مكتبه ودخلت "بسنت" ومعاها سندوتشات "كبده مشطشطه": زيزو
_ ايون
من قبل ما تتكلم "بسنت" اتكلم "زين: ريحتك سبقاكى يا بوووووسنت
ضحكت "بسنت": مبعرفش افاجئك خالص ..؟
_ العلاقه بين وبين الكبده علاقه روميو بجوليت
_ طيب يلا يا روميو انا جبت السندوتشات علشان نتغدى سوا واعزمك انا عليها ترحيبا بك
غمز ليها "زين": اوعى تكونى بتحبينى يا بووووسنت وبتغوينى بالسندوتشات
ضحكت "بسنت": حمد الله ع السلامه كنت فين يا راجل
ضحك:زين" هو انا كنت مسافر ولا ايه ..؟
_ الاسبوع الل فات كنت واحد تانى خالص كده رجعت "زين"
_ انا عارف انا كنت رخم ومش لطيف فتره وعدت وبعتذرلك ع قله ذوقى معاكى كنت واخد فولت كهربا ذياده بس وكان مأثر
_ انا مزعلش منك يا زين المهم ودلواقتى تكون كويس ..؟
_ فل الفل يا باشا يلا نضرب السندوتشات قبل "كريم" ما يكبس علينا
_ يلا بينا
وابتدوا ياكلوا ورجع "زين" لهزار والضحك رجع "زين" الل الكل عارفيه ...!
كانت "مريم" كل ما تروح مكان تتصور وتبعت الصور ل "زين " ويتكلموا واتس اغلب اليوم واتصالاات يعنى مبعدوش عن بعض ودا كان ملاحظه "ايهاب" لكن كان بيتهاود لمجرد ان بيلاحظ فرحه وسعاده "مريم" ف الكلام مع "زين" ...!
فى مره كلمت "مريم" "ملك" وقفلت معاها وع طول كلمت "زين" شات :
_ بتعمل ايه قر واعترف ..؟
وصلت الرساله ل "زين" مسك موبيله واترسمت ابتسامه ع وشه : ولا حاجه يا باشا قاعد بتنيل بحفظ ابن عطوه المكوجى ومطلع عين اهلى
_ ليه كده
_ انا بفكر ادفعله فلوس وميجيش
_ هههههههههههه لدرجه دى
_ الواد غبى اوى اقوله قول ab يقولى ab ويسكت شلنى
_ خليك صبور
_ طب غورى انتى ملكيش جوز يلمك سايبك فاتحه نت ع طول
_ وانت مالك يا رخم
_ امشى يابت مش فاضى انا ..
_ سلام ياغلس ..
قفلت "مريم" مع "زين" وع وشها ابتسامه ورجعت تقرا المحادثه بينهم وكانت بتضحك دخل "ايهاب" وشافها:
_ ضحكينى معاكى ..
_ دا "زين" الفقر بجد قلبى هيقف من الضحك بسببه
_ اممم .. ربنا يخليكم لبعض
_ بجد انا من غير "زين" بحس الدنيا كئيبه بشكل
_ ومن غيرى ..؟
_ اكيد مش هتكون حلوه
_ طيب يلا تحبى تتغدى هنا ولا فى المطعم
_ لا هنا ..
_ اوكيه ..
تانى يوم جهزت "مريم" وركبت العربيه متجهيين الى شقتها فى الطريق :
وقف "ايهاب" قدام محل "بيتزا ":
_ وقفت هنا ليه ..؟
نزل من العربيه واتجهه ليها وفتحلها باب العربيه : اتفضلى
_ احنا فين ..
شاور ع الافته وكانت مرسومه بيتزا اترسمت ملامح السعاده ع وشها : بيتزا
_ ايوه .. يلا ..
مسك ايديها "ايهاب" ودخلو وقعدوا وكانت "مريم" مبسوطه اوى
_ ميرسى يا "ايهاب" بجد كان نفسى فيها اسبوعين مااكلتش بيتزا كنت حاسه هيجيلى انهيار
ضحك "ايهاب": دا ادمان بقى ..؟
_ زين كان بيجبلى كل يوم بيتزا كان مظبطنى بصراحه دى اول مره اطول كده
حاول يتمالك ملامح وشه: زين ... تيجى نتفق اتفاق يا "مريم"
_ ها ..؟
_ اى حاجه تكونى عاوزها او نفسك فيها تطلبيها من غير احراج عاملينى زى ما بتعاملى "زين"
سكتت "مريم": صعبه دى ؟
_ ليه ..؟
_ "زين" عشت معاه عمرى حلوه والوحش فيه لما بنمرض لما بنفرح لما بنتخانق ونضرب بعض .. حياتى مع "زين" مختلفه جدا عن حياتى معاك
_ والاختلاف..؟
_ الاختلاف انك جوزى .. حبيبى
ابتسم "ايهاب": بحبك اوى يا "مريم"
_وانا كمان اوى اوى وبعد البيتزا دى اوى اوى اوى اوى
ضحك "ايهاب" : كل يوم بيتزا علشان تقوليلى بحبك
_ بحبك ,, بحبك ,, بحبك,, بحبككككك
ضحك "ايهاب" وبصت "مريم" حواليها : هو ينفع ناخد الاكل وناكل بره
_ ينفع بس هنا اريح
_ مش متعوده اكل البيتزا فى محل يعنى
_ اوووكيه
طلب "ايهاب" البيتزا دليفرى وطلعوا اكلوها ف حديقه قابلتهم وكانت مبسوطه "مريم"
وخلصوا اكل ووصلوا الشقه وغمض عنيها وهما داخلين ودخلو وفتحت عينيها: ايه كل دا
كان المكان فيه ورود وبلونات : كل دا ليا
_ وهو انا عندى اغلى منك فى حياتى
_ ميرسى بجد ياايهاب
مسكها من ايديها : لسه المفاجاءه مخلصتش تعالى ..
فتح الباب واتفاجئت "مريم" ان "ايهاب" عملها غرفه مخصوص كمرسم : ايه رايك
متفاجئه "مريم": ليا دا ..؟
ابتسم" ايهاب" : ايوه عملته مخصوص علشانك ودا السبب الل خلانا نقعد ف الفندق اسبوعين كنت عاوزه يكون خلصان لما تيجى علشان وقت فراغك تشغليه فى حاجات افيد بدل الشات والرغى وكمان علشان متحسيش بملل لما اكون مش موجود
بسرعه اترمى فى حضنه : ميرسى يا ايهاب بجد مفاجاءه جميله اوى
حضنها "ايهاب" : انا مهم عندى اشوفك مبسوطه دايما
بصتله "مريم":بجد مكنتش عارفه هرسم فين واعمل ايه بجد مش قادرؤه اوصفلك احساسى انا بحبك اوى اوى اوى
_ وانا معنديش فى حياتى غيرك اسعده
مسكت الموبيل وبتصور : بتصورى لمين ..؟
_ ل زين اوريله المرسم الجديد ..
مسك "ايهاب" الموبيل واستغربت "مريم" رد فعله وهو لاحظ لكن ابتسم بسرعه : بعدين ابقى ابعتيله احنا دلواقتى مع بعض .. ولا ايه ..؟
_ اه .. ماشى ..
مسك ايديها : تعالى اتفرجى ع باقى الشقه
_ اتفرجت ع باقى الشقه ومره واحده وهما خارجين من المطبخ اتخبط "ايهاب" عند عينه : اى
اتخضت "مريم": ايه دا تعالى اقعد ..
كانت كدمه وتعويره بسرعه راحت تدور ع قطن ومطهر ورجعت : نام وريح راسك كده علشان متدوخش ..
وابتدت "مريم" تنضف الجرح وتحط المطهر وبعد ما حطته كانت متعوده تنفخ مكان الجرح كعاده هى وزين بيعملوها من صغرهم فهى غير ما تقصد بتنفخ براحه ع الجرح وكانت قريبه من "ايهاب" موابيلها رن وكانت نغمه الل خصصتها ل زين جت تقوم ترد مسك ايديها "ايهاب" : ايهاب
بنبره صوت هاديه: وحشتينى ..
واستغل الفرصه "ايهاب" ومخلهاش ترد ع الموبيل ... !
, كان "زين" بعد ما اخد قراره انه يتعامل عادى مع الموقف رجعت علاقته ب اهله كويسه ,,فى المده القصيره اتقربت "بسنت" من "زين" وكان "زين" معرفهاش قصته مع "مريم" وعارفه انهم اخوات بس , وكانت ع طول معاه فى اغلب الاوقات فى الشركه معاه وبره الشركه تطلب منه يروح معاها مشاوير لغايه ما فى يوم فجاءها "زين" بعيد ميلادها فى مكتبها دخلت شافت تورته وبعدها بلحظات دخل "زين": كل سنه وانتى طيبه يا بووووسنت
فرحت "بسنت" وانت طيب ايه المفاجاءه دى ..؟
_ هو عيد ميلادك بعد بكره لكن انتى هتسافرى القاهره بكره فقلت اخطفك قبل ما تسافرى
_ ميرسى اوى يا "زين"
_ يلا قولى هوف واتمنى امنيه ..
ابتسمت "بسنت" وبصت ل "زين" وغمضت عنيها وطفت الشمع وصفق الكل وخرجوا ع مكاتبهم وكانت التورته خلصت : انا عارف ان دا هيحصل
راح مكتبه" وجاب علبه فيها تورته تانيه وفتحها قدام بسنت وكانت مفاجاءه ل بسنت مكتوب عليها " كل سنه وضحكتك منوره الدنيا يا بووووسنت " شافتها وضحكت فى نفس الوقت : بوووسنت
ضحك "زين": بوووسنت ايوه يلا ناكل من دى قبل ما نتقفش واعملى حسابك هنتغدى بره اليوم يومك انهارده
فرحت "بسنت" وبعد الشغل اخدها "زين" وخرجوا وقعدوا ع الكورنيش واشترا سندوتشات "كبده مشطشطه: انا قولت نقعد ف البراح كده
_ اه جميل
_ انا و"مريم" ولا فكرنا ناكل فى مطعم ويتقفل علينا دايما بناخد الاكل وناكل فى الشارع او السطح بنحس اننا بننطلق
نظرت له "بسنت": هى وحشتك ..؟
_ ها ..
_ مريم "وحشتك":
_جداااا ,, برغم انها كل يوم نتكلم لكن وجودها لحم ودم مختلف عن صوت وصوره خالص التكنولوجيا دى فاشله ..؟
_ بس التكنولوجيا عملت كده علشان الناس متغبش عن بعض ..؟
_ بصى انك تتكلمى مع حد بتحبيه ووحشك بشويه كلمات ولو فتحتى فيديو الصوره هتقطع وفى اى لحظه معرضه تفصل الشاشه بتبقى مترقبه انقطاع الخط بتفقدى متعه اللحظه بتبقى خايفه هوووب يختفى والاحساس من فرحه بيبقى حزن وتكدير لكن لو قدامك شايفاه حساه لمساه بيختلف كتير وقتها الاحساس عندك بيزيد بشوفتك له ب بسمعك لصوتك ل احساسك بنفسه جنبك بلمستك له الذكرى الل بتحصل بينكم بتتثبت وليها ملامح مش محادثه ,, فى احاسيس ملهاش وصف بكلمات بتبقى اقوى واكبر من الكلام بتتحس فى لحظتها لما يكون قدامك ومعاكى وقتها دقه قلبك بتختلف بتحسى انك انتى وهو بس لو وسط مليون فمهما اخترعوا من تكنولوجيا مش هيوصلوا لدرجه الاحساس دى ..
_ اممم .. وجهه نظر تحترم
_ وسائل الاتصال اساسا اتعملت علشان تكون وسيله فرعيه مش اساسيه بين اى اتنين او بينا ك بشر عموما ا يعنى اتصال سريع رساله سريعه انما حياه لا دا وهم وناس كتير بتنخدع بيها واحنا للاسف بقينا نستسهل نمسك الموبيل ونرغى عن اننا نتحرك من مكانا ونروح نشوف الل بنحبه حاجه تخيلى وصل الحال ل اى اتنين ينفصلوا بلوك استهتار بالمشاعر فى منتهى الاستهبال البشرى
_ اممم ,, علشان كده جيت هنا ف المكان الل بتاكل فيه انت و مريم
ضحك "زين": لا احنا كنا بناكل فى كل حته ملناش مكان معين بس الفكره نفسها واحده الاكل فى الهواء الطلق مع شخص قريب منك
ابتسمت "بسنت": ميرسى يا "زين "
_ ع ايه ..؟
_ ع احلى عيد ميلاد قضيته ف حياتى افرح به كده
_ ودا المهم سعاده بووووسنت
ضحكت "بسنت " وكمل زين هزاره وضحك وبعدها وصلها لغايه البيت ورجع ...!
مرت مده والاوضاع شبه مستقره ,, فى يوم " مريم" كانت قاعده فى المرسم بترسم وصل "ايهاب" الشقه ومش لقاها سمع صوت فيروز اتجاه المرسم فتوجهه اتجاهه فتح الباب شاف "مريم" قاعد رافعه شعرها ديل حصان وبترسم ومندمجه قرب منها من غير ما تحس وفك شعرها وهى بتلقائيه: ياغلس يا "زين"
اتفاجئ "ايهاب" واتحرجت "مريم":
ابتسم "ايهاب": ايهاب .. زين فى مصر هنا ايهاب
_ اسفه يا ايهاب بجد اسفه اصل الحركه دى بتضايقنى وكان "زين"ع طول بيعملهالى بجد اسفه
ابتسم" ايهاب" : ولا يهمك
_ انا محستش بك
_ انا الل دخلت بهدوء ..
طلع علبه من جيبه وفتحها وطلع منها سلسله : كل سنه وانتى طيبه بكره عيد ميلادك
فرحت "مريم" بيها: الله جميله اوى
لفت علشان تلبسها : انا حسيت انها ليكى من اول ما شوفتها ومبسوط انها عجبتك
وقفت قدامه وماسكها ومبتسمه: جميله يا حبيبى
حضنت "ايهاب: ربنا يخليك ليا
_ ويخليكى ليا
فى اللحظه الرومانسيه دى موابيلها رن بعدت عن ايهاب ع طول وكان "زين" بيتصل مكالمه فيديو ردت وهى سعيده جداا : زيزووو
_ كل سنه والفيل الصغنن الايطالى طيب
ضحكت "مريم" بصوت عالى : وانت طيب يا غلس
_ بمناسبه اول عيد ميلاد ليكى محبتش اقضيه لوحدى ولذكراكى بصى "وراها بيتزا وفيها شمع" هقول لشمع هووف لوحدى واتصلت علشان تهوفى معايا
ضحكت "مريم": ياريتنى كنت عندها كنت هفيت واكلت كمان
_يلا مع بعض :سنه حلوه يا فلافيلو ,, سنه حلوه يا صغنن ,, سنه حلوه يا ايطالى .. سنه حلوه يا ميما ... يلا قولى هووف
راحت "مريم" نفخت وطفى "زين" الشمع : تحبى اكلك انهى واحده
ضحكت "مريم": اممم الل ع يمينك وكتر الكاتشب
_ الل ع يمينى واكتر الكاتشب " اكلها" الله الله الله
_ بس ياغلس متجوعنيش
_ الله الله الله ,, حد يسيب البتزا الخرافيه دى ياناس الله
_ غلس غلس ,,
ضحك "زين" ,, ايهاب كان واقف وشايف "مريم" فى منتهى السعاده اكتر ماهى فرحت ب السلسله مقدرش يقف يتفرج راح دخل ف الفيديو واتفاجئ "زين ": دكتور مكنتش اعرف انك موجود
ب ابتسامه "ايهاب": ميما انشغلت بالشمع والبيتزا
_ اممم واضح انى قطعت الخط الرومانسى طيب اسيبكم انا وهكلمك تانى يا ميما باااى
_ باااى
قفل "زين" وكان مبسوط انه احتفل مع "مريم" بعيد ميلادها وفى نفس الوقت حس بخنقه انها مع "ايهاب" لكن كان بيتغاضى عن احساسه طول ماهو شايفها سعيده وبتضحك ,, بص ل البيتزا وابتدا ياكلها .... !
مرت الاياموقرب عيد ميلاد "زين" اخدته "بسنت" وع كافيه قاعدين وفجاءه جت تورته واشتغلت موسيقى العيد ميلاد ةاتفاجئ زين : ايه دا ؟
ابتسمت "بسنت" كل سنه وانت طيب يا زيزو
_ بووووسنت يطلع منك كل دا
_ دا ااقل حاجه اعملهالك انت تستاهل اكتر من كده بكتير
ضحك "زين": ميرسى ليكى بجد انا بقالى مده طويله مطفتش شمع
_ هو انت مكنتش بتحتفل بعيد ميلادك
_ لا "مريم" كانت بتحتفلى به ع طريقتها وبطفى شمع كبده
_ ايه ..؟
_ هبقى احكيلك بعدين لان تورته الايس كريم دى متتسبش كده
_ انا عرفت انك بتحب الايس كريم وعملتهالك ..
_ بووووسنت
ضحكت بسنت: يلا طفى الشمع
طفى الشمع واتعشوا وفى الطريق
وهما ماشين ع الكورنيش : شكرا يا "زين"
_ انا الل مفروض اشكرك ع كل حاجه من وقت ما عرفتك لدلواقتى كل يوم بتثبتيلى انك بنت ب ميت راجل
ابتسمت"بسنت": بجد انا بشكرك ع صداقتك فرقت كتير فى حياتى ومن الاشخاص الل مش هقدر انساهم عمرى كله
_ زيزو مبيتنيش يا بووووسنت
ضحكت "بسنت": علشان بووووسنت دى استحاله تتنسى
_ عارفه اكتر حاجه بحبها فيكى ؟
اتحرجت "بسنت": ايه ؟
_ ضحكتك ,, جميله اوى اوعى تضحكى ل اى حد كده هطخه احنا رجاله اوى اضحكى ليا بس
_ تدفع كام
_ سندوتشات كبده
_ وانا موافقه ...!
وصلها للبيت ورجع "زين" ع البيت طلع السطح فتح المرسم وتذكر ايام "مريم" والل كانوا بيعملوه وضحك وشويا ونزل نام ,, كان "زين" حلم ب "مريم" بتصحيه وكان مبسوط اووى وع وشه ابتسامه فى الحقيقه سمع بصوت "مريم" : اصحى يا زيزو ايه نوم الافيال دا
بيتمطع ومبتسم حس فجاءه بمخده خبطت راسه فتح عينه واتخض من المفاجاءه ان "مريم" قدامه : مريم .. مريم بجد
ضحكت "مريم" لا عفريتها عوووو
قام قعد ع السرير بيحاول يستوعب: انتى بجد ..؟
بتضحك"مريم" ايه ياابنى فوق كده .. ايوه انا بجد مش مصدق امسك ايدى
راح مد ايده ومسكها وراح زقها: هتقطيعلى الخلف يهدك ربنا ,, وبعدين انتى بتعملى ايه وجيتى ازاى ومحدش قال يعنى ..
_ براحه براحه .. انا حبيت اعمهاللك مفاجاءه فى اول يوم عيد ميلادك ووحشتونى وطلبت من "ايهاب" انزل اسبوع معاكم وارجع تانى لانه مسافر
_ يا موكوسه تسيبى جوزك كده ل الاجانب السمباتيك الموزز
_ نعم ياحبيبى واحنا ايه ..؟
_ انتى فيل صغنن يا حبيببتى
خبطته بالمخده: غلس غلس بس وحشتنى
ضحك: وانتى كمان استنى اغسل وشى علشان استوعب وجودك بس وانه مش كابوس
خرج من الغرفه ودخل الحمام وقفل الباب وحط ايده ع صدره حس بضربات قلبه سريعه هدى نفسه وخرج واخدها ونزلوا المطعم واحتفل عيد ميلاده بتورته سندوتشات الكبده وكان عيد مميز ل "زين" ,, راح "زين" الشركه وساب "مريم" فى المطعم مع "ملك "
_ كنتى وحشانى يا ملوكه
_ وانتى اكتر يا ميما .. بس مفاجاءه جامده انتى مكملتيش 7 شهور
_ مقدرش مشفكمش اكتر من كده وحشنى حضنكم اوى اول ما "ايهاب" قالى ع السفر وطلبت منه انزل مصر اسبوع ووافق مكنتش مصدقه بجد ..
_ بجد مفاجاءه حلوه ..
_ها ايه الاخبار مفيش جديد حصل بعد ما سافرت
سكتت "ملك "لحظات: لا عادى يعنى ..
عمزتلها: و "كريم" لسه مستمر فى محاولاته
اتنهدت "ملك" : خليه لما يفرهد
_ ماخلاص بقى يا ملك الواد غلط واعتذر بقاله سنه بيعتذر
_ عمره كله مش هيكفى الل عمله معايا
_ ياقلبك ...
_ المهم طمنينى عليكى اخبارك ايه وايهاب عامل معاكى ايه ..؟
_ ايهاب كويس جدااا بيعمل كل حاجه علشان يرضينى ويفرحنى ومفاجاءاته كتيره وغير متوقعه
_ يا بختك ,,
اتنهدت "مريم": لكن مفيهاش روح
استغربت "ملك": نعم ..
_واضح ان المشكله فيا مش فيه انا من وقت ما سافرت وحاسه ان كل حاجه فاقده روحها الشغف واللهفه مش موجودين قلبى لما بيدق من الفرحه مبيتحركش ,, لما بيعملى مفاجاءه بنبسط بيها لكن جوايا حساها عادى بس علشان ميزعلش مش بيبن كده مش عارفه يمكن انا عندى حول فى تقدير الامور والمشاعر
_ انتى سعيده يا مريم ..؟
_ مش عارفه لكن لما بكون لوحدى بحس ان انا لما كنت هنا وسطكم كنت بفرح وبكون سعيده اكتر ,, لما زين يشتريلى بيتزا بفرح اكتر من لما ايهاب يعزمنى ع العشا فى مطعم فاخر ,, لما انزل اتمشى مع زين ع الكورنيش بتبقى احلى الاوقات عندى اكتر من "ايهاب" لما يقولى البسى نخرج بحس بتقل وقتها وبنزل ,, انا بعمل حاجات كتير من وقت ما سافرت علشان ايهاب ميزعلش لانه فعلا مش مقصر معايا فى حاجه ويستاهل اكتر من كده لكن مش بعملها علشان انا عاوزه اعملها او هكون فرحانه بيها .. لكن مبسوط مدام "ايهاب" مبسوط
كلام "مريم" حسس"ملك" بشعور مش كويس : بصى يا "مريم" حاولى تنبسطى باللحظات الل عايشاها متستهتريش بيها اخطفى الفرحه منها وعيشيها الل انتى فيه دا علشان التغيير تغيير حياتك واكلك ونومتك واصحابك كله يعنى هتاخدى وقت لغايه ما تتأقلمى ,,
_ ربنا يسهل
قومى بينا نتمشى لغايه الماركت وحشنى اوى ااقلب فى الشوكولاتات وزين يدفع اتحرمت من الاحساس دا بقالى شهور ..
ضحكت "ملك" وخرجوا .. !
__________________________
لايك ورايك
دخلت سوسن ل "زين" وقربت منه وملامح وشها حزينه : ياريت ما كدبت انا وسناء وقلنا انكم اخوات ...!
فى اللحظه دى سمعت صوت جنبها : بتقولى ايه ..؟
بصت كان "محمود" وملامح المفاجئه ع وجهها : محمود ,,,,!
قرب منها خطوات وبصوت واطى بنبره حاده: مش هينفع الكلام هنا لما نرجع البيت ... !
فى الوقت الل "زين" تعب فيه كانت "مريم" ف الطياره حست بانقباض فى صدرها ونغز ولاحظ "ايهاب" : مالك .. حاسه بحاجه ..؟
_ مش عارفه حاسه انى مخنوقه وفى نغز ف قلبى اووى ..
راح مسك ايديها وطبطب عليها : متخافيش باين دا لانك اول مره تركبى طياره
بملامح تعب: اه ممكن ..
راح طلب من المضيفه تجيب مهدى ل "مريم" اخدته ونامت لغايه ما وصلت ونزلت وكان الكل بيصورها عروسه بفستان الفرح ,, كان فى ليموزين مستنيهم ووصلهم لغايه الفندق كان حجز فيه "ايهاب " ومن الانبهار ب الل شايفاه "مريم" ضربات قلبها زادت وارتعشت مسك ايديها "ايهاب" يطمنها ودخلوا الفندق وطلعوا ع جناح محجوز ليهم,, دخلوا الجناح ودى كانت اول مره "مريم" تدخل جناح فى فندق 5 نجوم كانت متاخده من ال شايفاه ولاحظ "ايهاب": مالك ..؟
_ ها ... لا مفيش ..!
ضحك "ايهاب": عجبك السويت ولا اغيره ..؟
اندهشت "مريم": مين .. تغير ايه دا جميل جدااا ...!
_ طب كويس ..
راح ايهاب اتصل ب Room Service وطلب اكل كانت مجهزينه لغايه ما يوصل ,, حطت "مريم" ايديها ع صدرها وحست بوجع وكلمت نفسها : فى ايه اهدى كده
قرب منها "ايهاب " وقعد جنبها ومسك ايديها : عاوزه حاجه معينه اطلبها ..؟
بملامح توتر: ها .. لا .. ولا اقولك اه عاوزه موبيل ضرورى ..؟
_ ليه ..؟
_ اكلم مصر اطمنهم انى وصلت واطمن عليهم واكلم "زين "..
ملامح "ايهاب" اتغيرت : تكلمى "زين" يوم فرحك .. اوكيه ..
قام وشغل الخط الدولى معاه واداها الموبيل : انا هخرج بره وهسيبك تتكلمى معاهم براحتك ..
اتصلت ع طول "مريم" ب "زين" وكان موبيله مقفول واستغربت ف اتصلت ع باباها ورد عليها وسالته ع "زين" قالها نايم بعد ما رجعوا من المطار طمنتهم عليها انها وصلت وقفلت وهما ماقلوش ليها ان "زين" فى المستشفى علشان متقلقش ,, قفلت مع باباها وحست بعدم راحه ورددت : كده يا "زين" يا جزمه تنام قبل ما تتطمن عليا كنت عاوزه اسمع صوتك ..
اترسمت ملامح زعل ع وجهها وخبط ع الباب "ايهاب" ودخل : كلمتيهم ..؟
_ اه .. كلهم بخير وبيسلموا عليك
بص ع ملامحها بتركيز: بس واضح انك مكلمتيش "زين " صح ..؟
استغربت انه عرف : وعرفت ازاى ..؟
_ مجرد احساس ..
بنبره ضيقه : الجزمه نام ع طول ماصدق انه خلص منى ..
_ بكره ابقى كلميه .. يلا تاكلى ولا مش جعانه ..
بتوتر : ها .. اه اكل طبعا
قامت ماسكه الفستان مسك ايديها "ايهاب": بالفستان ..؟
بصت ع الفستان وملامح الاحراج والتوتر ع وجهها ,, ابتسم "ايهاب": غيرى الفستان وانا هستناكى بره ..
خرج "ايهاب" وقعدت "مريم" ع السرير وملامح حزن ع وجهها : كنت عاوزه اسمع صوتك يا "زين" تطمنى مش عارفه هو انا خايفه ليه كده ..
حطت ايديها ع صدرها وحست بالخنقه استعاذت من الشيطان وقامت تغير هدومها فتحت الشنط مبصتش خالص ع القمصان طلعت ترينج بزعبوط ولبست من غير ما تفكر .. وخرجت ل ايهاب واتفاجئ ب شكلها : ترينج ..؟
ابتسمت "مريم": ماله وحش ..؟
_ لالالا جميل ..تعالى اقعدى
قعدت "مريم" ولاحظ "ايهاب" الزعبوط : هو انتى بردانه اوى كده ..
_ لا ..
_ طيب ايه الل ع راسك دا ..؟
تلقائيه: مينفعش اقعد قدامك بشعرى "زين" هيشحورنى لو عرف وانا وعدته
تفاجئ "ايهاب: مينفعش و"زين",, احنا اتجوزنا يعنى جوزك واكيد "زين" مش هيمانع انك تقعدى بشعرك قدام جوزك
انتبهت "مريم": اووبس سورى اصل متعوده وكده ..
ابتسم" ايهاب": مفيش مشاكل .. يلا ناكل
كان "ايهاب" طالب قائمه اكل ايطالى "مريم" مكنتش تعرف اسمائهم كانت بتشوف منهم ف التليفزيون وع النت .. ف مدت ايديها تاكل لكن كان اكلها ضعيف كانت مش حاسه انها جعانه ولاحظ "ايهاب": انتى مش جعانه ..؟
_ بصراحه مليش نفس اكل حاسه لو اكلت هرجع ..
_ خلاص بلاش تاكلى
_ كمل اكلك انت ..
ب ابتسامه : ولا انا مش عاوز اكل دلواقتى ..
سكتت لحظات وبان عليها التوتر : تيجى نتفرج ع التليفزيون ..؟
_ اوكيه ..
شغلو التليفزيون واحساس الخنقه ف صدرها مرحش فضل موجود وهما قاعدين حاول "ايهاب" يمسك ايديها ويبوسها اتاخدت وبعدت عنه وحست بنغز ف صدرها حطت ايدها التانيه ع صدرها : اه ..
_ مالك ..؟
_ مش عارفه حاسه انى مخنوقه ونفسى مش قادره اخده ..
قامت من جنبه وفتحت باب البلكونه وكانت بتتنفس شويا ودخلت ولسه الخنقه مرحتش
ابتسم "ايهاب" : ادخلى ارتاحى
نظرت له نظره توتر : ها ..
قام "ايهاب" وشالها وحطها ع السرير وغطاها وباس راسها : نامى وارتاحى اكيد السفر تعبك تصبحى ع خير ..
_ وانت من اهله
طفى النور وخرج "ايهاب" قعد يتفرج ع التليفزيون وبص ع الغرفه النوم وابتسم وكمل فرجه لدرجه انه نام مكانه ... !
صحيت "مريم" من النوم وحاولت تتصل ب "زين" موبيله مقفول واهلها مرضوش يعرفوها بحاجه وكانت مخنوقه بسبب انها مش عارفه توصل ل "زين "..خرجت من الغرفه "ايهاب" مكنش موجود دورت عليه فى الحمام مش موجود شافت ورقه مكتوب انه راح مشوار وهيرجع ع الساعه 12 الضهر وكان طالب ليها الفطار قعدت تاكل وكانت ماسكه الريموت بتقلب ب ايد والايد التانيه كانت ب صباعها بتاكل العسل مشهد طفولى ,, رجع "ايهاب" ودخل لقاها لسه بتفطر وبالمشهد وهى بتاكل العسل ب صباعها وسرحانه ضحك : صباح الخير
_ صباح الخير .. كنت فين ؟
_ اممم .. غيرى هدومك وانا هعرفك يلا ..
غيرت ملابسها ونزلت كان فى عربيه مستنياهم واخدها فى جوله فى "ريفيرا" ودخلها متحف "الارميتاج " الل كان نفسها تروحه وكانت مبسوطه ومسبتش مكان غير لما تتصور وتبعت ل "زين" :
_ بتبعتى لمين الصور دى ؟
بتلقائيه: ل زين علشان اول ما يفتح موبيله يشوفهم
_ ل "زين"..
_ احنا متعودين الل يروح مكان يصوره لتانى علشان ميبقاش لوحده الل راح وكده يعنى
استغرب "ايهاب": وانا فين ..؟
انتبهت "مريم": فين ..فين ..؟
_ يعنى بتصورى نفسك بس مصورتيش صوره احنا مع بعض وبعتيهم ل "زين"
_ اه سورى .. مبعدين انا كنت هعمل كده اكيد اهو ..
صورت صوره سيلفى وهى بتظبط الصوره فاجاءه وهى بتلقطها باسها "ايهاب" ف خدها واتفاجئت وبعتتها ل "زين"..: يلا نكمل اليوم لسه طويل ...!
مسك "ايهاب" ايديها وكملوا اليوم وجولتهم ...!
خلصوا لف ورجعوا ع الفندق دخلت "مريم" رمت نفسها ع السرير بهدومها نامت راح "ايهاب" قلعها الشوز والطرحه ونايمها وغطاها وباس راسها وخرج من الغرفه ...!
فى اليوم دا فاق "زين" ورفض يفضل ف المستشفى ف عملوا اجراءات الخروج ووصلوه للبيت دخل غرفته ونام ع السرير : انا هنام بعد اذنكم ,,,!
خرجوا الكل من الاوضه وكان "محمود" طلب من "كرم" و "سناء" يفضلوا علشان يتكلم معاهم "كريم" كان موجود .. بعد ما اتاكدوا ان "زين" نام خرجوا قعدوا وملامح "محمود" و "كرم" متغيره و "سناء" و "سوسن" ملامحهم خوف وتوتر ... !
للحظات كان "كرم" و "محمود" مركزين نظرهم ل "سناء" و"سوسن" ولاحظ "كريم " صمتهم :
_ فى ايه يا جماعه ايه الصمت الل بيسبق العاصفه دا وقولتلى منزلش ليه يا "محمود"؟
"محمود" بنبره حاده : ممكن تفهمونا الل عملتوه دا ايه وليه ؟
سريعا ردت "سوسن": انت السبب .. انت الل خلتنا نكدب عليكم السنين دى كلها
استغرب كلا من "محمود" و "كرم" : انا السبب ..؟
استكملت " سوسن": بسبب خططك لمستقبل هى الل خلتنا نعمل كده من اول ما كنت حامل فى "زين" وبعدها "سناء" لما حملت ب "مريم" وانت مش ع لسانك غيرك "زين" ل "مريم" زى انك خلقتهم وبتخطط مستقبلهم وهيعملوا ايه وجوزتهم وهما لسه مشفوش من الدنيا يومين ,, وبعدين لقيناك لفيت ع "كريم" ولغايه قريب كنت مصمم تجوز "كريم" ل "مريم" فى الاجازه دى ولو "مريم" مكنتش وافقت ع "ايهاب" كنت هتجوزهم وانا واثقه ان دا هيحصل
اتفاجئ "كريم": الاجازه دى ... انا و "مريم" ..
رد "محمود" بنبره غضب:انا عمرهم ما جبرت حد فيهم ع حاجه ولا عمرى فكرت انى اجبرهم لكن خوفى عليهم خلانى افكر كده
ردت "سوسن": احنا كمان خوفنا عليهم و خوفنا عليك انت "وكرم" وخصوصا ااننا عارفين علاقتكم مع بعض عامله ازاى و"كرم" مبيرفضش طلب لصديق عمره واخوه ,, وانت يا محمود" من خوفك من المستقبل عاوز تربط علاقتك ب "كرم" اكتر واقوى وشوفت شراكه الفلوس مش كفايه عاوزه شراكه الدم والنسب ,, انا و"سناء" خوفنا انكم تكرروا الل حصلكم فى "مريم" و "زين" و "كريم" كمان ,, وهما من حقهم الطبيعى انهم يقرروا حياتهم ازاى واحرار فى اختيارهم لشريك حياتهم لكن من صغرهم هتولد فيهم فكره انت لفلانه وانت لفلان هيكبروا حافظين مش حاسين مقيدين هيبقى زى الاكل والشرب الجواز عندهم واحنا رفضنا يحصلهم كده ونبعد ليه "كريم" ايه الل خلاه يتجوز فجاءه ,,اتجوز علشان يقولك لا يا "محمود" انا الل هختار الل اتجوزها
تفاجئ "كريم": سوسن ..
_ سورى يا "كريم" مضطره اقول سرك لازم "محمود" يعرف انك اتجوزت عند فيه وف تصرفاته برغم انه كان يعرف انك بتحب "ملك" لكن كل ما يشوفك كان تلميحاته عن "مريم" واضح ودا من اهم الاسباب انك عشت فى القاهره محبتش تعيش تحت ضغط وتزعله لانك ملكش فى الدنيا غيره ومش عاوز تتصادم معاه فهربت منه لهناك .. وبسبب تصرفه دا خسر "ملك" البنت الوحيده الل حبها ومحبش غيرها ولغايه دلواقتى هى مش قادره تسامحه ,,
اتفاجئ "محمود" و "كرم" بكلام "سوسن" عن "كريم".. ,,
واستكملت "سوسن" كلامها : زى ما احنا وانتم اختارنا حياتنا بنفسنا عملنا كده علشان يبقى ليهم الحريه فى اختيار حياتهم لوحدهم احنا مش عايشين طول العمر ليهم علشان نصلح اختيارتنا ليهم هما هيعيشوا مره واحده يعيشوها ب ارادتهم وب اختيارهم علشان لما يفتكرونا يفتكرونا بالخير ,, ودا خلانا نكدب عليكم وعليهم
, وجه "كرم" الكلام: ازاى مش اخوات وانتى كنتى كل يوم يا "سوسن" بتكونى مع "مريم" بترضعيها ...؟
_ "مريم " مرضعتش منى غير مره واحده يوم ما اتولدت بعدها مرضتش ترضع سالت الدكتور ع لبن صناعى روحت اشتريته وشربت منه كنت هقولكم يومها لولا انى سمعت كلام "محمود" والوعد ان "زين" ل " مريم" وقتها اتكلمت مع سناء واتفقنا ع الكدبه دى قدامكم انا الل برضع "مريم " لكن كانت بترضع من "سناء" وصناعى ..!
خبط "محمود" ب ايده الاتنين: لاحول ولا قوه الا بالله انتى بترمى الغلط عليا وانتى عملتى اكبر غلطه فى حياتك انتى منعتيهم عن بعض ,, ابنك كان فى صدمه عصبيه نتيجه انه مستحملش فكره بعد و جواز" مريم" ,,انتى كده مبسوطه
ردت "سناء": واحنا كنا هنعرف منين ان وجودهم مع بعض هيعمل ما بينهم علاقه اقوى من الاخوه هنعرف منين مشاعرهم هتكون كده ,,, احنا فكرنا لمصلحتهم
بصوت "عالى محمود": تروحوا تقولولهم انهم اخوات وهما مش اخوات
فى اللحظه دى كان "زين" خرج من الغرفه متجه الى الحمام وسمع كلامهم ووقف لغايه ما سمع الحوار وملامح المفاجئه والصدمه ع وشه ثبتته فى مكانه مقدرش يتحرك لاحظ وجوده "كريم": زين
راحوا كلهم اتجاهه شاور ب ايده يبعدهم عنه ومشى بخطوات متهالكه تعبانه اتجاه غرفته وقفل ع نفسه الباب وقعد ع السرير بيستوعب الل سمعه ان هو و "مريم" مش أخوات ... !
فضل "زين" فى غرفته مبيتكلمش مع حد ففى تالت يوم فتح موبيله لقى كميه اتصالاات ورسائل ع الواتس من "مريم" برقمها وشاف الصور وقد ايه هى مبسوطه وكلامها وانها زعلانه منه انه مبيردش عليها وفاجاءه وهو بيتفرج ع الصور وصور "ايهاب" معاها دمعه نزلت من عينه راح بعتلها رساله " ايوه ياعم ناس فى ايطاليا عايشه وناس فى الاسكندريه لايصه "... الوقت الل جالها فيه الرساله وشافتها طارت من الفرحه وفتحتها واتصلت ب "زين" ولاحظ "ايهاب" ملامح الفرحه ع وشها كانت اقوى من فرحتها بالخروج :
_ 3 ايام معرفش عنك حاجه يا جزمه ..وحشتنى يا "زيزو"
حاول يعدل صوته: عامله ايه يا "ميما" خلصتى ع بيتزا الل فى ايطاليا ولا لسه
بصوت واطى : لغايه دلواقتى ولا شوفتها "ايهاب" عمال يأكلى مخبوزات وانواع مكرونات غريبه كده بس طعمها شغال ..
بهزار: انتى مكسوفه تطلبى منه قوليله عاوزه اكل بيتزا يا هبله .. داانتى كنتى مفلسانى
_ ماهو انا متعودتش اطلب ع طول انت كنت بتجبلى من غير ما اقول الله
ضحك"زين": يعنى المطلوب ايه اجيلك ايطاليا اجبلك
_ والله ياريت يا زيزو مفتقداك هنا اوى
_ دا انتى مكملتيش 3 ايام
اتنهدت "مريم": مرو زى 3 سنين وانت مش معايا بجد مفتقداك
سكت "زين" للحظات : ع "زين" داانتى كنتى هتبيعينى علشان ايس كريم اذا بقى انتى فى ايطاليا
ضحكت "مريم" لما جربت رجعت ف كلامى بس فات الاوان لا راجعه
_ فعلا فات الاوان .
_ بتقول ايه ..؟
_ ولا حاجه .. قوليلى بتروحى فين ..؟
_ "ايهاب" بيخرجنى فى اماكن جميله انا بعتلك الصور شوفتها ..؟
_ اه جميله ..
_ عامله بوعدى اهو مش نسيتك ثانيه مش زيك وصلتنى لمطار وبخ نمت .. نمت 3 ايام
بيحاول يتمالك صوته: طبعا داانا ماصدقت انك مشيتى نمت نوم الافيال كنتى مبتنيمنيش يا شيخه
ضحكت "مريم" وسمع "زين" صوت "ايهاب" بينده عليها : طيب يا زيزو هقفل دلواقتى بس متقفلش موبيلك تانى فاهم علشان اكلمك
_ اوكيه.. "مريم"..
_ ايوه..؟
_انتى مبسوطه ..؟
_ جدااا
_ دا اهم حاجه ,,خلى بالك ع نفسك
_ وانت كمان .. يلا سلام ..
وقفلت "مريم" وراحت ل "ايهاب" وقفل "زين" واتنهد وحط الموبيل جنبه .. ف الوقت دا خبط "كريم" ع باب الغرفه ودخل : انت صاحى اهو قوم يلا نفطر
_ مليش نفس
راح شده: قوم ياغلس وهنفطر فوق فى السطح فى مفاجاءه :
قام "زين" و "كريم" طلعوا السطح وكان "كريم" مجهز الفطار وكانت موجوده فوق "بسنت" : صباح الخير
اتفاجئ بيها "زين": صباح الخير
_ انا عرفت انك بتحب تاكل هنا ف اتفقت مع "كريم" نفطر سوا هنا ايه رايك
هز راسه وابتدوا يفطروا ,, شويا ومشيت "بسنت" : مكنش لازم كل دا وتتعبها
_ مجبرتهاش فى حاجه لقيتها هى الل بتقترح تشكر انها مستحملاك
قعد "زين" وبص ع "المرسم وسرح لاحظ "كريم": البت "ميما" كانت عامله حس فعلا ..
_ اه فعلا ..
_ هتفضل لكده امتى بقى ها ...؟
_ لغايه ما استوعب الل سمعته ومش قادر
_مش قادر تستوعب غياب "مريم" ولا تستوعب" انك حبيتها ..؟
تفاجئ "زين": بحبها
_اه بتحبها ودى اكبر دليل ع الحال الل انت فيه ,, ابوك وامك الاتنين فكروا لصالحنا لكن مفكروش فى الل ممكن يحصلنا ,,ودى النتيجه بص مش هقولك اجبر نفسك تقبل الحقيقه لكن هقولك بص الواقع بيقول تعامل مع الموقف "مريم" متجوزه دلواقتى ومع جوزها ..جوزها وهى متعرفش انك مش اخوها والافضل انها متعرفش علشان متبوظش عليها حياتها ,,
تنهد" زين": صح.."مريم" متعرفش وتكمل حياتها الل اختارتها ..
_ ايوه كده وانت كمل حياتك زى الاول وصدقنى علاقتكم صعب حد يفهمها غيركم ..
سكت "زين".. استكمل "كريم":
_ وغير كده بطل قعده البيت دى زى المطلقه ومش لقيه مكان ..
_ مش هروح المطعم ..ولا قادر اطلع هنا ومريم مش هنا محتاج وقت أقالم نفسى
_ احنا فيها تعالى الشركه انا قولتلك تعالى من زمان اعتبرها فرصه ..
_ ان شاء الله ..
"كرم" و "محمود" و"سوسن" و"سناء" وكريم" و "زين" قرروا ميعرفوش "مريم" بالحقيقه و"زين" هيتعامل مع الموقف .. لاحظت "ملك" ان الكل بعد "سفر "مريم" اتغير حتى "زين" مبقاش يروح المطعم زى الاول .. ففى مره قاعده جه "كريم" يسأل عن محمود :
_ ازيك يا "ملك"..؟
_ الحمد الله
_ هو "محمود" فين ..؟
_ راح مشوار ع وصول
_ طب بعد اذنك فنجان قهوه هصدع ..
راحت جابتله القهوه وقعدت قدامه : كريم
_ ايوه
_ هما الجماعه مالهم من بعد سفر"مريم" وهما متغيرين حتى "زين"
اتنهد "كريم": متركزيش معاهم هى فتره وهتعدى كده بس ممكن اطلب طلب
_ خير ..
_ لا مش ليا متقلبيش وشك انا مصدقت انك ع الاقل بتقبلى سلامى .. الطلب ل "زين"
اتكلمى معاه
_ ليه ..
_ علشان ..
سكت فجاءه : انا قايم ..
مشى "كريم" وفتحت موبيلها اتصلت ب "زين"طلبت منه يروحلها المطعم تفهم وراح لكن مقعدش وقعد بره ع البحر
_ ايه ياعم انت مبتجيش ليه بقالك اسبوع ولما تيجى تقعد هنا ..؟
_ لا مفيش مش عارف ادخل المطعم و "مريم" مش موجوده
ابتسمت "ملك": وحشتنى بنت الايه بس ازاى يعنى تعالى وادخل وبرتع يعنى هى تقضيها لف فى ايطاليا وانت تفضل كده فك كده ع نفسك ,,,
نظر ليها "زين" بملامح حزن: "مريم" تحسى انها اخدت روح كل حاجه معاها مبقاش ليا نفس ادخل الورشه او اطلع السطوح ولا اكمل الدروس ولا اتابع الحاجات الل كنا بنعملها سوا ,, الشغف الل كان موجود حاسس انه اختفى انا حاسس انى ورقه بيضا
_ احساس طبيعى انتم من صغركم مع بعض فى كل حاجه ومكنتوش عاملين حساب للحظه دى وخصوصا انها تكون بره مصر لكن نعمل ايه القدر واحكامه بقى
_ فعلا ... عموما انا من بكره نازل الشركه مع "كريم" كده كده وجودى ف المطعم هيبقى قليل وع حسب فمتقلقيش يعنى ..
_ اوكيه ابقى طمنى عليك
قرر "زين" يتجاهل حقيقه ان "مريم" مش اخته وانها اخته لان مفيش بديل غير كده وخصوصا انها اتجوزت ومبسوطه فقرر يتعامل معاها زى زمان علشان متلحظش حاجه فكان يوميا يتكلموا مع بعض فى الموبيل اغلب الوقت ..!
نزل "زين" الشركه مع " كريم" واول ما دخل لقى احتفال وبص حواليه عرف ان "بسنت" هى الل عملت كده كترحيب به وفرح بالل عملته وهزر وضحك ودخل مكتبه ودخلت "بسنت" ومعاها سندوتشات "كبده مشطشطه": زيزو
_ ايون
من قبل ما تتكلم "بسنت" اتكلم "زين: ريحتك سبقاكى يا بوووووسنت
ضحكت "بسنت": مبعرفش افاجئك خالص ..؟
_ العلاقه بين وبين الكبده علاقه روميو بجوليت
_ طيب يلا يا روميو انا جبت السندوتشات علشان نتغدى سوا واعزمك انا عليها ترحيبا بك
غمز ليها "زين": اوعى تكونى بتحبينى يا بووووسنت وبتغوينى بالسندوتشات
ضحكت "بسنت": حمد الله ع السلامه كنت فين يا راجل
ضحك:زين" هو انا كنت مسافر ولا ايه ..؟
_ الاسبوع الل فات كنت واحد تانى خالص كده رجعت "زين"
_ انا عارف انا كنت رخم ومش لطيف فتره وعدت وبعتذرلك ع قله ذوقى معاكى كنت واخد فولت كهربا ذياده بس وكان مأثر
_ انا مزعلش منك يا زين المهم ودلواقتى تكون كويس ..؟
_ فل الفل يا باشا يلا نضرب السندوتشات قبل "كريم" ما يكبس علينا
_ يلا بينا
وابتدوا ياكلوا ورجع "زين" لهزار والضحك رجع "زين" الل الكل عارفيه ...!
كانت "مريم" كل ما تروح مكان تتصور وتبعت الصور ل "زين " ويتكلموا واتس اغلب اليوم واتصالاات يعنى مبعدوش عن بعض ودا كان ملاحظه "ايهاب" لكن كان بيتهاود لمجرد ان بيلاحظ فرحه وسعاده "مريم" ف الكلام مع "زين" ...!
فى مره كلمت "مريم" "ملك" وقفلت معاها وع طول كلمت "زين" شات :
_ بتعمل ايه قر واعترف ..؟
وصلت الرساله ل "زين" مسك موبيله واترسمت ابتسامه ع وشه : ولا حاجه يا باشا قاعد بتنيل بحفظ ابن عطوه المكوجى ومطلع عين اهلى
_ ليه كده
_ انا بفكر ادفعله فلوس وميجيش
_ هههههههههههه لدرجه دى
_ الواد غبى اوى اقوله قول ab يقولى ab ويسكت شلنى
_ خليك صبور
_ طب غورى انتى ملكيش جوز يلمك سايبك فاتحه نت ع طول
_ وانت مالك يا رخم
_ امشى يابت مش فاضى انا ..
_ سلام ياغلس ..
قفلت "مريم" مع "زين" وع وشها ابتسامه ورجعت تقرا المحادثه بينهم وكانت بتضحك دخل "ايهاب" وشافها:
_ ضحكينى معاكى ..
_ دا "زين" الفقر بجد قلبى هيقف من الضحك بسببه
_ اممم .. ربنا يخليكم لبعض
_ بجد انا من غير "زين" بحس الدنيا كئيبه بشكل
_ ومن غيرى ..؟
_ اكيد مش هتكون حلوه
_ طيب يلا تحبى تتغدى هنا ولا فى المطعم
_ لا هنا ..
_ اوكيه ..
تانى يوم جهزت "مريم" وركبت العربيه متجهيين الى شقتها فى الطريق :
وقف "ايهاب" قدام محل "بيتزا ":
_ وقفت هنا ليه ..؟
نزل من العربيه واتجهه ليها وفتحلها باب العربيه : اتفضلى
_ احنا فين ..
شاور ع الافته وكانت مرسومه بيتزا اترسمت ملامح السعاده ع وشها : بيتزا
_ ايوه .. يلا ..
مسك ايديها "ايهاب" ودخلو وقعدوا وكانت "مريم" مبسوطه اوى
_ ميرسى يا "ايهاب" بجد كان نفسى فيها اسبوعين مااكلتش بيتزا كنت حاسه هيجيلى انهيار
ضحك "ايهاب": دا ادمان بقى ..؟
_ زين كان بيجبلى كل يوم بيتزا كان مظبطنى بصراحه دى اول مره اطول كده
حاول يتمالك ملامح وشه: زين ... تيجى نتفق اتفاق يا "مريم"
_ ها ..؟
_ اى حاجه تكونى عاوزها او نفسك فيها تطلبيها من غير احراج عاملينى زى ما بتعاملى "زين"
سكتت "مريم": صعبه دى ؟
_ ليه ..؟
_ "زين" عشت معاه عمرى حلوه والوحش فيه لما بنمرض لما بنفرح لما بنتخانق ونضرب بعض .. حياتى مع "زين" مختلفه جدا عن حياتى معاك
_ والاختلاف..؟
_ الاختلاف انك جوزى .. حبيبى
ابتسم "ايهاب": بحبك اوى يا "مريم"
_وانا كمان اوى اوى وبعد البيتزا دى اوى اوى اوى اوى
ضحك "ايهاب" : كل يوم بيتزا علشان تقوليلى بحبك
_ بحبك ,, بحبك ,, بحبك,, بحبككككك
ضحك "ايهاب" وبصت "مريم" حواليها : هو ينفع ناخد الاكل وناكل بره
_ ينفع بس هنا اريح
_ مش متعوده اكل البيتزا فى محل يعنى
_ اوووكيه
طلب "ايهاب" البيتزا دليفرى وطلعوا اكلوها ف حديقه قابلتهم وكانت مبسوطه "مريم"
وخلصوا اكل ووصلوا الشقه وغمض عنيها وهما داخلين ودخلو وفتحت عينيها: ايه كل دا
كان المكان فيه ورود وبلونات : كل دا ليا
_ وهو انا عندى اغلى منك فى حياتى
_ ميرسى بجد ياايهاب
مسكها من ايديها : لسه المفاجاءه مخلصتش تعالى ..
فتح الباب واتفاجئت "مريم" ان "ايهاب" عملها غرفه مخصوص كمرسم : ايه رايك
متفاجئه "مريم": ليا دا ..؟
ابتسم" ايهاب" : ايوه عملته مخصوص علشانك ودا السبب الل خلانا نقعد ف الفندق اسبوعين كنت عاوزه يكون خلصان لما تيجى علشان وقت فراغك تشغليه فى حاجات افيد بدل الشات والرغى وكمان علشان متحسيش بملل لما اكون مش موجود
بسرعه اترمى فى حضنه : ميرسى يا ايهاب بجد مفاجاءه جميله اوى
حضنها "ايهاب" : انا مهم عندى اشوفك مبسوطه دايما
بصتله "مريم":بجد مكنتش عارفه هرسم فين واعمل ايه بجد مش قادرؤه اوصفلك احساسى انا بحبك اوى اوى اوى
_ وانا معنديش فى حياتى غيرك اسعده
مسكت الموبيل وبتصور : بتصورى لمين ..؟
_ ل زين اوريله المرسم الجديد ..
مسك "ايهاب" الموبيل واستغربت "مريم" رد فعله وهو لاحظ لكن ابتسم بسرعه : بعدين ابقى ابعتيله احنا دلواقتى مع بعض .. ولا ايه ..؟
_ اه .. ماشى ..
مسك ايديها : تعالى اتفرجى ع باقى الشقه
_ اتفرجت ع باقى الشقه ومره واحده وهما خارجين من المطبخ اتخبط "ايهاب" عند عينه : اى
اتخضت "مريم": ايه دا تعالى اقعد ..
كانت كدمه وتعويره بسرعه راحت تدور ع قطن ومطهر ورجعت : نام وريح راسك كده علشان متدوخش ..
وابتدت "مريم" تنضف الجرح وتحط المطهر وبعد ما حطته كانت متعوده تنفخ مكان الجرح كعاده هى وزين بيعملوها من صغرهم فهى غير ما تقصد بتنفخ براحه ع الجرح وكانت قريبه من "ايهاب" موابيلها رن وكانت نغمه الل خصصتها ل زين جت تقوم ترد مسك ايديها "ايهاب" : ايهاب
بنبره صوت هاديه: وحشتينى ..
واستغل الفرصه "ايهاب" ومخلهاش ترد ع الموبيل ... !
, كان "زين" بعد ما اخد قراره انه يتعامل عادى مع الموقف رجعت علاقته ب اهله كويسه ,,فى المده القصيره اتقربت "بسنت" من "زين" وكان "زين" معرفهاش قصته مع "مريم" وعارفه انهم اخوات بس , وكانت ع طول معاه فى اغلب الاوقات فى الشركه معاه وبره الشركه تطلب منه يروح معاها مشاوير لغايه ما فى يوم فجاءها "زين" بعيد ميلادها فى مكتبها دخلت شافت تورته وبعدها بلحظات دخل "زين": كل سنه وانتى طيبه يا بووووسنت
فرحت "بسنت" وانت طيب ايه المفاجاءه دى ..؟
_ هو عيد ميلادك بعد بكره لكن انتى هتسافرى القاهره بكره فقلت اخطفك قبل ما تسافرى
_ ميرسى اوى يا "زين"
_ يلا قولى هوف واتمنى امنيه ..
ابتسمت "بسنت" وبصت ل "زين" وغمضت عنيها وطفت الشمع وصفق الكل وخرجوا ع مكاتبهم وكانت التورته خلصت : انا عارف ان دا هيحصل
راح مكتبه" وجاب علبه فيها تورته تانيه وفتحها قدام بسنت وكانت مفاجاءه ل بسنت مكتوب عليها " كل سنه وضحكتك منوره الدنيا يا بووووسنت " شافتها وضحكت فى نفس الوقت : بوووسنت
ضحك "زين": بوووسنت ايوه يلا ناكل من دى قبل ما نتقفش واعملى حسابك هنتغدى بره اليوم يومك انهارده
فرحت "بسنت" وبعد الشغل اخدها "زين" وخرجوا وقعدوا ع الكورنيش واشترا سندوتشات "كبده مشطشطه: انا قولت نقعد ف البراح كده
_ اه جميل
_ انا و"مريم" ولا فكرنا ناكل فى مطعم ويتقفل علينا دايما بناخد الاكل وناكل فى الشارع او السطح بنحس اننا بننطلق
نظرت له "بسنت": هى وحشتك ..؟
_ ها ..
_ مريم "وحشتك":
_جداااا ,, برغم انها كل يوم نتكلم لكن وجودها لحم ودم مختلف عن صوت وصوره خالص التكنولوجيا دى فاشله ..؟
_ بس التكنولوجيا عملت كده علشان الناس متغبش عن بعض ..؟
_ بصى انك تتكلمى مع حد بتحبيه ووحشك بشويه كلمات ولو فتحتى فيديو الصوره هتقطع وفى اى لحظه معرضه تفصل الشاشه بتبقى مترقبه انقطاع الخط بتفقدى متعه اللحظه بتبقى خايفه هوووب يختفى والاحساس من فرحه بيبقى حزن وتكدير لكن لو قدامك شايفاه حساه لمساه بيختلف كتير وقتها الاحساس عندك بيزيد بشوفتك له ب بسمعك لصوتك ل احساسك بنفسه جنبك بلمستك له الذكرى الل بتحصل بينكم بتتثبت وليها ملامح مش محادثه ,, فى احاسيس ملهاش وصف بكلمات بتبقى اقوى واكبر من الكلام بتتحس فى لحظتها لما يكون قدامك ومعاكى وقتها دقه قلبك بتختلف بتحسى انك انتى وهو بس لو وسط مليون فمهما اخترعوا من تكنولوجيا مش هيوصلوا لدرجه الاحساس دى ..
_ اممم .. وجهه نظر تحترم
_ وسائل الاتصال اساسا اتعملت علشان تكون وسيله فرعيه مش اساسيه بين اى اتنين او بينا ك بشر عموما ا يعنى اتصال سريع رساله سريعه انما حياه لا دا وهم وناس كتير بتنخدع بيها واحنا للاسف بقينا نستسهل نمسك الموبيل ونرغى عن اننا نتحرك من مكانا ونروح نشوف الل بنحبه حاجه تخيلى وصل الحال ل اى اتنين ينفصلوا بلوك استهتار بالمشاعر فى منتهى الاستهبال البشرى
_ اممم ,, علشان كده جيت هنا ف المكان الل بتاكل فيه انت و مريم
ضحك "زين": لا احنا كنا بناكل فى كل حته ملناش مكان معين بس الفكره نفسها واحده الاكل فى الهواء الطلق مع شخص قريب منك
ابتسمت "بسنت": ميرسى يا "زين "
_ ع ايه ..؟
_ ع احلى عيد ميلاد قضيته ف حياتى افرح به كده
_ ودا المهم سعاده بووووسنت
ضحكت "بسنت " وكمل زين هزاره وضحك وبعدها وصلها لغايه البيت ورجع ...!
مرت مده والاوضاع شبه مستقره ,, فى يوم " مريم" كانت قاعده فى المرسم بترسم وصل "ايهاب" الشقه ومش لقاها سمع صوت فيروز اتجاه المرسم فتوجهه اتجاهه فتح الباب شاف "مريم" قاعد رافعه شعرها ديل حصان وبترسم ومندمجه قرب منها من غير ما تحس وفك شعرها وهى بتلقائيه: ياغلس يا "زين"
اتفاجئ "ايهاب" واتحرجت "مريم":
ابتسم "ايهاب": ايهاب .. زين فى مصر هنا ايهاب
_ اسفه يا ايهاب بجد اسفه اصل الحركه دى بتضايقنى وكان "زين"ع طول بيعملهالى بجد اسفه
ابتسم" ايهاب" : ولا يهمك
_ انا محستش بك
_ انا الل دخلت بهدوء ..
طلع علبه من جيبه وفتحها وطلع منها سلسله : كل سنه وانتى طيبه بكره عيد ميلادك
فرحت "مريم" بيها: الله جميله اوى
لفت علشان تلبسها : انا حسيت انها ليكى من اول ما شوفتها ومبسوط انها عجبتك
وقفت قدامه وماسكها ومبتسمه: جميله يا حبيبى
حضنت "ايهاب: ربنا يخليك ليا
_ ويخليكى ليا
فى اللحظه الرومانسيه دى موابيلها رن بعدت عن ايهاب ع طول وكان "زين" بيتصل مكالمه فيديو ردت وهى سعيده جداا : زيزووو
_ كل سنه والفيل الصغنن الايطالى طيب
ضحكت "مريم" بصوت عالى : وانت طيب يا غلس
_ بمناسبه اول عيد ميلاد ليكى محبتش اقضيه لوحدى ولذكراكى بصى "وراها بيتزا وفيها شمع" هقول لشمع هووف لوحدى واتصلت علشان تهوفى معايا
ضحكت "مريم": ياريتنى كنت عندها كنت هفيت واكلت كمان
_يلا مع بعض :سنه حلوه يا فلافيلو ,, سنه حلوه يا صغنن ,, سنه حلوه يا ايطالى .. سنه حلوه يا ميما ... يلا قولى هووف
راحت "مريم" نفخت وطفى "زين" الشمع : تحبى اكلك انهى واحده
ضحكت "مريم": اممم الل ع يمينك وكتر الكاتشب
_ الل ع يمينى واكتر الكاتشب " اكلها" الله الله الله
_ بس ياغلس متجوعنيش
_ الله الله الله ,, حد يسيب البتزا الخرافيه دى ياناس الله
_ غلس غلس ,,
ضحك "زين" ,, ايهاب كان واقف وشايف "مريم" فى منتهى السعاده اكتر ماهى فرحت ب السلسله مقدرش يقف يتفرج راح دخل ف الفيديو واتفاجئ "زين ": دكتور مكنتش اعرف انك موجود
ب ابتسامه "ايهاب": ميما انشغلت بالشمع والبيتزا
_ اممم واضح انى قطعت الخط الرومانسى طيب اسيبكم انا وهكلمك تانى يا ميما باااى
_ باااى
قفل "زين" وكان مبسوط انه احتفل مع "مريم" بعيد ميلادها وفى نفس الوقت حس بخنقه انها مع "ايهاب" لكن كان بيتغاضى عن احساسه طول ماهو شايفها سعيده وبتضحك ,, بص ل البيتزا وابتدا ياكلها .... !
مرت الاياموقرب عيد ميلاد "زين" اخدته "بسنت" وع كافيه قاعدين وفجاءه جت تورته واشتغلت موسيقى العيد ميلاد ةاتفاجئ زين : ايه دا ؟
ابتسمت "بسنت" كل سنه وانت طيب يا زيزو
_ بووووسنت يطلع منك كل دا
_ دا ااقل حاجه اعملهالك انت تستاهل اكتر من كده بكتير
ضحك "زين": ميرسى ليكى بجد انا بقالى مده طويله مطفتش شمع
_ هو انت مكنتش بتحتفل بعيد ميلادك
_ لا "مريم" كانت بتحتفلى به ع طريقتها وبطفى شمع كبده
_ ايه ..؟
_ هبقى احكيلك بعدين لان تورته الايس كريم دى متتسبش كده
_ انا عرفت انك بتحب الايس كريم وعملتهالك ..
_ بووووسنت
ضحكت بسنت: يلا طفى الشمع
طفى الشمع واتعشوا وفى الطريق
وهما ماشين ع الكورنيش : شكرا يا "زين"
_ انا الل مفروض اشكرك ع كل حاجه من وقت ما عرفتك لدلواقتى كل يوم بتثبتيلى انك بنت ب ميت راجل
ابتسمت"بسنت": بجد انا بشكرك ع صداقتك فرقت كتير فى حياتى ومن الاشخاص الل مش هقدر انساهم عمرى كله
_ زيزو مبيتنيش يا بووووسنت
ضحكت "بسنت": علشان بووووسنت دى استحاله تتنسى
_ عارفه اكتر حاجه بحبها فيكى ؟
اتحرجت "بسنت": ايه ؟
_ ضحكتك ,, جميله اوى اوعى تضحكى ل اى حد كده هطخه احنا رجاله اوى اضحكى ليا بس
_ تدفع كام
_ سندوتشات كبده
_ وانا موافقه ...!
وصلها للبيت ورجع "زين" ع البيت طلع السطح فتح المرسم وتذكر ايام "مريم" والل كانوا بيعملوه وضحك وشويا ونزل نام ,, كان "زين" حلم ب "مريم" بتصحيه وكان مبسوط اووى وع وشه ابتسامه فى الحقيقه سمع بصوت "مريم" : اصحى يا زيزو ايه نوم الافيال دا
بيتمطع ومبتسم حس فجاءه بمخده خبطت راسه فتح عينه واتخض من المفاجاءه ان "مريم" قدامه : مريم .. مريم بجد
ضحكت "مريم" لا عفريتها عوووو
قام قعد ع السرير بيحاول يستوعب: انتى بجد ..؟
بتضحك"مريم" ايه ياابنى فوق كده .. ايوه انا بجد مش مصدق امسك ايدى
راح مد ايده ومسكها وراح زقها: هتقطيعلى الخلف يهدك ربنا ,, وبعدين انتى بتعملى ايه وجيتى ازاى ومحدش قال يعنى ..
_ براحه براحه .. انا حبيت اعمهاللك مفاجاءه فى اول يوم عيد ميلادك ووحشتونى وطلبت من "ايهاب" انزل اسبوع معاكم وارجع تانى لانه مسافر
_ يا موكوسه تسيبى جوزك كده ل الاجانب السمباتيك الموزز
_ نعم ياحبيبى واحنا ايه ..؟
_ انتى فيل صغنن يا حبيببتى
خبطته بالمخده: غلس غلس بس وحشتنى
ضحك: وانتى كمان استنى اغسل وشى علشان استوعب وجودك بس وانه مش كابوس
خرج من الغرفه ودخل الحمام وقفل الباب وحط ايده ع صدره حس بضربات قلبه سريعه هدى نفسه وخرج واخدها ونزلوا المطعم واحتفل عيد ميلاده بتورته سندوتشات الكبده وكان عيد مميز ل "زين" ,, راح "زين" الشركه وساب "مريم" فى المطعم مع "ملك "
_ كنتى وحشانى يا ملوكه
_ وانتى اكتر يا ميما .. بس مفاجاءه جامده انتى مكملتيش 7 شهور
_ مقدرش مشفكمش اكتر من كده وحشنى حضنكم اوى اول ما "ايهاب" قالى ع السفر وطلبت منه انزل مصر اسبوع ووافق مكنتش مصدقه بجد ..
_ بجد مفاجاءه حلوه ..
_ها ايه الاخبار مفيش جديد حصل بعد ما سافرت
سكتت "ملك "لحظات: لا عادى يعنى ..
عمزتلها: و "كريم" لسه مستمر فى محاولاته
اتنهدت "ملك" : خليه لما يفرهد
_ ماخلاص بقى يا ملك الواد غلط واعتذر بقاله سنه بيعتذر
_ عمره كله مش هيكفى الل عمله معايا
_ ياقلبك ...
_ المهم طمنينى عليكى اخبارك ايه وايهاب عامل معاكى ايه ..؟
_ ايهاب كويس جدااا بيعمل كل حاجه علشان يرضينى ويفرحنى ومفاجاءاته كتيره وغير متوقعه
_ يا بختك ,,
اتنهدت "مريم": لكن مفيهاش روح
استغربت "ملك": نعم ..
_واضح ان المشكله فيا مش فيه انا من وقت ما سافرت وحاسه ان كل حاجه فاقده روحها الشغف واللهفه مش موجودين قلبى لما بيدق من الفرحه مبيتحركش ,, لما بيعملى مفاجاءه بنبسط بيها لكن جوايا حساها عادى بس علشان ميزعلش مش بيبن كده مش عارفه يمكن انا عندى حول فى تقدير الامور والمشاعر
_ انتى سعيده يا مريم ..؟
_ مش عارفه لكن لما بكون لوحدى بحس ان انا لما كنت هنا وسطكم كنت بفرح وبكون سعيده اكتر ,, لما زين يشتريلى بيتزا بفرح اكتر من لما ايهاب يعزمنى ع العشا فى مطعم فاخر ,, لما انزل اتمشى مع زين ع الكورنيش بتبقى احلى الاوقات عندى اكتر من "ايهاب" لما يقولى البسى نخرج بحس بتقل وقتها وبنزل ,, انا بعمل حاجات كتير من وقت ما سافرت علشان ايهاب ميزعلش لانه فعلا مش مقصر معايا فى حاجه ويستاهل اكتر من كده لكن مش بعملها علشان انا عاوزه اعملها او هكون فرحانه بيها .. لكن مبسوط مدام "ايهاب" مبسوط
كلام "مريم" حسس"ملك" بشعور مش كويس : بصى يا "مريم" حاولى تنبسطى باللحظات الل عايشاها متستهتريش بيها اخطفى الفرحه منها وعيشيها الل انتى فيه دا علشان التغيير تغيير حياتك واكلك ونومتك واصحابك كله يعنى هتاخدى وقت لغايه ما تتأقلمى ,,
_ ربنا يسهل
قومى بينا نتمشى لغايه الماركت وحشنى اوى ااقلب فى الشوكولاتات وزين يدفع اتحرمت من الاحساس دا بقالى شهور ..
ضحكت "ملك" وخرجوا .. !
__________________________
لايك ورايك
ليست هناك تعليقات:
إرسال تعليق