(15)
بتضحك "حبيبه" :ايه دى ؟
_ افتحيها
مسكتها "حبيبه" واتفاجئت بخاتم :ايه دا ؟
_ انتى قولتى ربنا وهبلك فرصه حياه جديده تعيشيها وانتى قررتى تعيشيها ف ايه رايك نعيشها مع بعض هتقوليلى اطفال هقولك مش عاوز غيرك .. تتجوزينى يا "حبيبه " ..!
من المفاجاءه معرفتش "حبيبه" تقول ايه باصه للخاتم ول "وليد" وساكته .. ابتسم "وليد ":
_ افهم من كده ان السكوت علامه رضا
_ لا مش شرط غالبا بيكون الصمت علامه عدم الاستيعاب
_ مش فاهم ..
_ انا الل مش فاهماك ايه دا ..انا وانت نتجوز ..؟
ضحك"وليد": هو فى حد غيرنا .. اولا انتى اكيد عارفه مشاعرى اتجاهك من زمان وكنتى بتتجنبيى ع اعتقاد منك انك مش هتعيشى و كنا مستنين العمليه وتعبك لكن دلواقتى مرت سنه من العمليه وانتى بخير وحياتك طبيعيه ووضعك الصحى مستقر مع متابعاتك وانتى نفسك حاسه بتغيير وقولتى ربنا وهبلك حياه تانيه وقولتى هتبداى من جديد وتعيشها
ابتسمت "حبيبه": هو اعتقادك انا اعيش حياتى يبقى اتجوز .. ايه ربط انى اعيش حياتى بالجواز مش شرط اوقات كتير الجواز بيكون نهايه حياه فى حالات كتير كده .. معنى انى اعيش حياتى انى استغل كل لحظه واجتهد واحارب نفسى وانجح احاول انجح ع الاقل فى حاجه بحبها او اعمل حاجه بحبها اقضى لحظات جميله مع اهلى واصحابى اعمل ذكريات جميله .. كده اعيش حياتى مش شرط اتجوز ..
_ "حبيبه" انا بحبك بجد وكنت متردد كتير افاتحك فى الموضوع ومستنى الوقت المناسب وقولت لما تتحسسنى وحالتك تستقر علشان ميبقاش فى خوف سبب رفضك
متفاجئه "حبيبه" من كلام "وليد": ..وليد .. انت فعلا شخص غالى عندى ومهم فى حياتى ولولا وجودك جنبى كان زمانى معرفش هيحصلى ايه .. انت فعلا اخ وصديق بعتز بوجوده فى حياتى الل عايشاها ومش حابه اخسره ..
حس "وليد" برفض من "حبيبه": انتى لسه منستيش مرت سنه يا "حبيبه" احنا نعرف بعض سنين وانتى عارفانى وانا عارفك متخليش فتره قليله فى حياتك تكون عائق انك تكملى حياتك
ابتسمت "حبيبه": الفتره دى اه فعلا ماضى وعدت لكن لولاها مكنت اكون قدامك واقفه كده .. ومين قالك انى موقفه حياتى ع حاجه فى الماضى انا مكمله حياتى وسط اهلى وبشتغل وبقى ليا حياه اعيشها .. الماضى ذكرى محتفظه بيها فى ذكرياتى لوحدى وعمرها ماكانت عائق بالعكس دايما بتفكرنى بالفرصه الل ربنا وهبهالى وانى احافظ عليها واعيش ..
_ حبيبه انا مقصدش ..
_ حتى لو تقصد يا "وليد" انا مش رافضه فكره الجواز علشانك.. لا انا راضيه بحياتى كده مبسوطه
_ لكن مش سعيده ..
_ مبسوطه .. وراضيه وهكمل .. انت قدامك حياه واختار الل تعيش معاك وتكون معاها اسره وتكون أب .. متربطش نفسك بشجره ملهاش جذور مع الوقت هتموت ..انت تستاهل تعيش
مسكت علبه الخاتم وقفلته وحطتها قدام وليد ومبتسمه: الخاتم دا جميل اوى واكيد الل هتلبسه هتكون اجمل ..
خرجت "حبيبه" وهى ماشيه بصت ع موابيلها وفتحت الاسكرين وكانت صوره "جى وو" ابتسمت ومشيت رجعت ع البيت .. غيرت هدومها وقعدت مع "كوكا" وكان معاها كيكه وشمعه :
_ "كوكا" عارف انهارده ايه انهارده عيد ميلاده .. انا قريت انه استسلم جايزه عن دراما عاملها وواضح من الصور انه بخير حتى بصى ( فتحت الموبيل ) بس حاسه انه مرهق ... انا مبسوطه انه رجع لحياته الطبيعيه كان قرارى صح هو يستحق النجاح والحياه دى انا لو كنت معاه كنت هكون سبب فى رجوعه انا بجد سعيده بالاخبار ( بصتلها القطه ونزلت دمعه من عينيها ) يلا انا وانتى نحتفل بعيد ميلاده علشان انتى صاحبتى وكاتمه اسرارى يلا ..!
حطت الشمعه فى قطعه الكيكه الشوكولاته وغمضت عينيها واتخيلت انه جنبها وابتسمت :
_ سينيل تشوكآهميندا جى وو ( Happy birthday )
طفت الشمع وفتحت عينيها وبصت جنبها ع اعتقاد هيكون موجود ابتسمت ودموع نزلت من عينيها ومسكت النوتس وابتدت تكتب فيها انها احتفلت بعيد ميلاده وكان موجود لكن فى خيالها وبرغم كده كانت سعيده .. !
مر ايام وكان عيد ميلاد "حبيبه" فى عيد ميلادها كان "جى وو" اشترى كيكه شوكولاته وشمعه وطلع ع الروف وبص للسما وابتسم مسك الكيكه ب ايده والسلسله ب ايد وغمض عينيه وتخيل وجودها : happy birh day حبيبه
وفتح عينيه وطفى الشمع وحط الكيكه ع الترابيزه ومسك السلسله وبص للسما وللنجوم .. !
استمرت محاولات "وليد" ل اقناع " حبيبه" وعدم استسلامه واصرار "حبيبه" ع موقفها والل استغربه اكتر ان "فؤاد" و "حسام" مش معترضيين عليه لكن سايبن ل "حبيبه" حريه الاختيار ... مر 3 سنين على رجوع "حبيبه" مصر بعد العمليه و"حبيبه" كانت مجتهده فى شغلها وعلاقتها فى الشغل كانت كويسه جداا وصحيا حالتها استقرت والمتابعه كل شهر اتغيرت ل متابعه كل 6 شهور مره واحده ..فى يوم وهى قاعده فى مكتبها ماسكه النوتس القديمه وعماله تبص عليها ومبتسمه دخلت "فيفى" شافتها وقربت منها :
_ لدرجه دى مجرد ما تبصى فى النوتس بتكونى سعيده كده ؟
_ جداا ..
_ لكن دموعك دى مبتقلش كده رغم ابتسامتك بتقول انك سعيده
_ قصاد كل ذكرى فيها وجع والالم فى ذكرى كلها سعاده وفرح هى دى حياتى وهى دى حياتنا .. _ مش شرط فى اوقات بتكون لحظات الحزن اكتر لدرجه اليأس ان مفيش فرح خالص
_ لا غلط بصى ع الدنيا بمنظرها الاوسع ربنا رحيم وكريم مستحيل يقسى ع حد من عباده " ورحمتى وسعت كل شئ " ربنا رحيم بس احنا الل طماعيين عاوزين نعيش فى سعاده وفرح طول الوقت من غير لحظه الالم ولا وجع .. احنا بنحتاج الوجع والالم علشان نقدر لحظات الفرح .. مش شرط تكون حاجه كبيره واو وننبهر بالعكس ابسط حاجه ممكن تفرحك .. يعنى لما تكونى مضايقه وماشيه فى الشارع او واقفه مستنيه المترو وتشوفى طفل صغير متعرفهوش باصصلك بيضحك هتعملى ايه هتضحكيله وهتلعبى معاه .. لما تقفى قدام البحر وانتى مخنوقه وتاخدى نفس هتفرحى وهتحسى ببهجه .. لو حد اشترالك حاجه بتحبيها او قريتى كتاب او روايه فرحتك كل دى رسايل من ربنا لينا انه زى ما خلق النهار خلق الليل زى ماخلق الوجع والالم خلقلنا الفرح والسعاده .. الحكايه بسيطه محتاجه اجتهاد ومحاربه وعدم استسلام لان هى دى الحياه ...!
_ امم معاكى حق احنا الل نظرنا قصير
_ احنا محتاجين نكون قانعوين وراضيين بكل عطايا ربنا مهما كانت وقتها هنحس بالسعاده
مسكت "النوتس " فيفى وبتبص ل "حبيبه":
_ هو وحشك .. مفكرتيش فى مره تكلميه "حسام" بعتلك رقمه ؟
_ لا ..احنا وعدنا بعض ميبقاش بينا اى تواصل وكل واحد يعيش حياته زى ما مكتوبله و كده احسن هو عايش حياته وفى دنيته ليه اتطفل عليه واكركبله حياته وانا بطمن عليه من الاخبار ع النت انتى ناسيه انى عضوه فى نادى معجبينه ..
_ حبك له غريب بتحبيه من بعيد لبعيد ومش عارفه هتقابليه ولا لا مرت 3 سنين يا "حبيبه" ممكن يكون نسيكى مفكرتيش فى كده ..؟
_ اممم .. ممكن وحقه..
_ ايه البساطه دى .. يبقى محبكيش ونسيكى ..
_ بصى الل يربط نفسه ع ذكرى من الماضى ويوقف حياته دا محبش بجد لان الحب الحقيقى قوه بتدفعك تكون الافضل حتى لو اتخذلت فى حبك واتصدمت ..انت لازم تعيش وتكمل لانك عايش وهبتلك حياه تعيشها .. الانكسار والضعف لحظات بتفوقنا وتعرفنا اننا كنا ماشين غلط واختارنا غلط ودا معناه نفوق مش نعيش فيها هى لحظات مؤقته لكن مش حياه تسيطر علينا لانها وقت ما تسيطر علينا وقتها مش هنحس بمعنى الحب الحقيقى ولا هنفتكر فيه غير الوجع ودا مش الحب ..الحب الل اعرفه هو رضا وايمان وثقه وحياه هنعيشها وقوه تدفعها نكمل ..
ابتسمت "فيفى": انتى نعمه فى حياتى يا "حبيبه" اجدع صاحبه فعلا انا حسيت بكده لما اتصدمت فى المرتين حسيت ان الدنيا غامقه ومفيش حب كنت فاهمه غلط التجربتين كانوا عباره عن انذار لتصحيح حياتى وانى مستعجلش الحب لان هو الل هيجيلى لوحده وهنسى كل الل فات ..
_ شوفتى بقى ..
_ نسيت اقولك صحيح ..مش "مجد" جاى الاسبوع الل جاى يتقدملى خلاص
_ لا بجد..؟
_ من بعد ما رجعت من كوريا وهوشبه يوميا مراسلات وشات وكلام لغايه ما قرر يجى يخطبنى من اهلى ظبط الدنيا وخلص الدبلومه وحياته استقرت بجد وجوده فرق معايا حسسنى بالامان الل كنت بدور عليه بتسرع
_الحمد الله شوفتى بقى ان ربنا رحيم
_الحمد الله (بتضحك) شكلى يابنتى ربنا كاتبلى اتجوز من بره مصر ..مين يقول ان "مجد" من المغرب و "فيفى" من مصر نتقابل فى كوريا وهنعيش فى فرنسا
ابتسمت "حبيبه": لان ببساطه الحب ملوش حدود .. الحب الحقيقى بيعدى كل الحدود لا له بلد ولا جنسيه هو احساس بين اتنين بيمتزجوا مع بعض بيكونوا احلى لحن بيستمتعوا به فى حياتهم ...
_انتى عارفه ان فعلا النوتس دى سحريه عملت زيك وكتبت امنياتى واحلامى واول حاجه اكتبها مستسلمش وانى راضيه بكل عطايا ربنا ليا وكتبت اقابل حب حقيقى وبعدها بفتره "مجد" كلمنى عرض عليا الارتباط غير حلم الشغل وانى اسافر فرنسا وهنتجوز هناك واصلا هو عمره ماقالى ع سفره ... بجد كل حاجه ليها وقتها ..
_ مفيش مستحيل لان كل حاجه ليها وقتها ولكل انسان له قدره .. احنا ربنا وهبلنا الخيال والاحلام علشان نحلم نحلم لان لو حلم متحققش هيتحقق حلم تانى او ممكن يتحقق حلم غير متوقع ..هى دى الحياه ..حلم مع اصرار وثقه وايمان وجهد وكل حاجه هتحصل فى وقتها ..
_ يارب حلمك يتحقق وتتقابلى مع "جى وو" للحظه
ابتسمت "حبيبه "وهما بيتكلموا نده عليهم مديرهم للمكتب :
_ من الاسبوع الجى فى شخصيه جايه زياره لمصر محتاجين مترجم ومساعد معاه وانا عارف ان "حبيبه" مبترحش فى مكان غير مع "فيفى" ف اجهزوا انتم الاتنين هيقضى اجازه 15 يوم فى مصر وهتكونوا مرافقين له ..
_ جنسيته ايه ؟
_ صينى امريكانى كورى يابانى متنوع
ضحكت "فيفى" وبصت ل "حبيبه": تخصصك عيشى ..
ضحكت "حبيبه": يا اهلا به فى ام الدنيا
فى الموعد كان المفروض "حبيبه" و "فيفى" يقابلو الضيف فى المطار لكن كان سبقهم ف اتجهوا للفندق .. دخلوا فى الريسبشن مستنينه و"فيفى" بتبص حواليها :
_ "حبيبه" طيب احنا مش عارفين لما يدخل هنرحب به ازاى
_ بما انه من شرق اسيا التحيه الطبيعيه انحناء بسيط مع ابتسامه وهو ع حسب اللغه الل هيتكلم بيها هنتكلم معاه
_ انا مليش فى لغاتهم انجليزى وكورى بس
_ اوكيه ..
خرج مساعد : مستر جى هيوصل حالا
قاموا وقفوا ووقفوا فى وضع التحيه واول ماحسوا بدخوله ابتسموا ورفعوا راسهم بيبصوا وكانت المفاجئه .."جى وو".. "حبيبه" مكنتش عارفه تتكلم و"فيفى" كمان مصدومه ..بملامح حاده دخل وقعد واستغربته "حبيبه" انه اتعامل بتعالى وقفت لحظات تستوعب وشاورلهم يقعدوا وابتدا يتكلم بالانجليش :
_ انتم الل هتكونوا مرافقين معايا فى فتره اقامتى هنا
كانت "حبيبه" بتبصله ومش عارفه تتكلم ردت "فيفى": ايوه
_ طيب تمام انتم معاكم جدول اقامتى بكره فى طياره ل شرم الشيخ اشوفكم بكره الصبح
قام وقف ورجع خطوه :سورى .. اسمايكم ايه ؟
ملامح تعجب ع وجه" حبيبه" و "فيفى" ردت "حبيبه" : حبيبه .. وهى فيفى
_ اها .. اشوفكم بكره الصبح
وسابهم وخرج من الغرفه و"حبيبه" فى حاله صدمه من تصرفاته :
_ حبيبه.. هو دا فعلا "جى وو" الل نعرفه ولا ايه
بصت "حبيبه" اتجاه الباب : قلبى بيقول هو عينى وودنى بيقولوا لا
_ هو معقوله يكون نسينا فعلا ..
_ 3 سنين مرو ..
_ طيب يلا علشان نجهز ..
مشيت "حبيبه" وبصت عليه وهو قاعد وماسك الموبيل وكملت خطواتها ومشيت خرجت وهى بتحاول تستوعب ورجعت ع البيت تجهز شنطتها وقعدت ع حرف السرير وفتحت موابيلها وبصت ع صورته :
_ انت بجد الل فى مصر ولا حد شبهك .. معقوله تكون نسيت ..!
وضبت شنطتها وحطت فيها النوتس القديمه والجديده وتانى يوم قابلت "فيفى" وركبوا الطياره الخاصه ل شرم الشيخ فى الطياره كان قاعد لبس نظارته السودا وسماعات الموسيقى فى ودانه وحاطط رجل ع رجل ومغمض عينيه نايم .."حبيبه" كانت بتبصله وبتحاول تستوعب تغيره ..وصلوا للمطار ونزلوا وتعاملت "حبيبه" و"فيفى" فى اجراءات الفندق وطلع ع السويت ودخلت "حبيبه" و "فيفى" غرفتهم يغيروا وكانت "فيفى" مستغربه لكن "حبيبه" كانت فى صدمه .. خرجوا وقت الغدا وقعدوا ع ترابيزه لوحدهم وهو لوحده وكانت "حبيبه" بتبص عليه عاوزه تصدق .. مر يومين ع التجاهل التام من "جى وو" ل "حبيبه" .. فى يوم قعدت "حبيبه" ع الشاطى ومعاها النوتس وبصت للسما وغمضت عينيها و حطت النوتس جنبها نامت من غير ما تحس فى الوقت دا خرج "جى وو" بيتمشى شافها نايمه ع الكرسى قرب منها ووقف يبصلها وابتسم وحاول يلمس ايديها لكن قلق انها تقلق مد ايده نفسها لمس ايده حس بسعاده لمجرد انه حس بنفسها بص وشاف النوتس القديمه جنبها مسكها وابتسم وحطها جنبها تانى و لاحظ الشمس جايه ع وشها راح وقف قدامها وضهره للشمس ووقف بيبص عليها بس.. لغايه ما فتحت عينيها ووقتها غير ملامح وجه واتفاجئت "حبيبه :
_ انا اسفه واضح انى نمت
_ يعنى لما احتاجك ادور عليكى هو مين الل شغال عند مين ؟
استغربت "حبيبه" طريقته الحاده : اسفه
_ فى مقابله مع منظم حفله اليوم الكورى وطبعا محتاج حضرتك ولا عاوزه تنامى
حاولت تتماسك "حبيبه": اسفه .. انا جايه
مشى "جى وو" وبيضحك و"حبيبه" فى ضهره مضايقه من طريقته .. مشيوا وووصلوا فى مطعم الفندق وقابلوا منظم الحفله واتفقوا ع كل حاجه .. مشى منظم الحفله ووقفت "حبيبه":
_ حضرتك عاوز حاجه تانى
_ هتكملى نوم ..؟
_ حضرتك عاوز حاجه منى ؟
_ لا
_ بعد اذنك ..
ضحك"جى وو" ع تصرفها ومشيت قبل الحفله بيوم طلعت "حبيبه" لسويت "جى وو" ودخلت علشان تحط ورق ع مكتبه دخلت شافته نايم ع الصوفه قربت منه وشالت المجله والريموت من ايده وحطتهم ع الترابيزه ومسكت غطا وغطته ووقعدت ع حرف الترابيزه بتبص ع ملامح وجه وحاولت تلمس خده ب صوابعها وقربتهم فى اللحظه دى مسك ايديها واتخضت :
_ بتعملى ايه ؟
_ انا هنا علشان .. علشان ..علشان ..علشان
فتح "عينيه وشافها متوتره ومخضوضه وبملامح جد : علشان ايه ؟
_ الورق .. فى ورق حطيته ع المكتب هناك اهو
حاولت تمشى خطوتين وتبعد ايديها عن ايده شدها وفجاءه بقت فى حضنه وهى اتجمدت مكانها وقلبها دق بسرعه وهو باصصلها لحظات : هتفضلى كتير هنا
بسرعه قامت عدلت نفسها ومرتبكه : اسفه ..
ومشيت خرجت بسرعه وضحك"جى وو" ع تصرفاتها .. !
فى يوم "وليد" فى مكتبه ماسك علبه الخاتم وبيفكر يسافر ل "حبيبه" شرم الشيخ كنوع من انواع الضغط وهو فى مكتبه الباب خبط وكانت "نورهان " واتفاجئ "وليد" : نورهان
_ ايه مفيش حمد الله ع السلامه
بيضحك "وليد": حمد الله ع السلامه بس زياره مفاجئه
_ يومين وراجعه قولت اشوفك عامل ايه فى حياتك
_ الحمد الله
_ كان فى عرض لمستشفى فى هولندا ليك سمعت انك رفضته
_ اها
_ انت لسه مناقشتش رساله الدكتوراه ؟
_ لا لسه احتمال السنه الجايه
_ السنه الجايه وليه التاخير كده ؟
_ يعنى مشغوليات
ضحكت "نورهان" وبصتله: "حبيبه" .. مشغول ب "حبيبه"
اتنهد "وليد": "نورهان " انا عرفت غلطتى وترددى وكنت جبان و..
_ انت لو عرفت غلطتك فعلا كنت فوقت يا "وليد" انت عايش فى حاله نكران للحقيقه والواقع ,,انت مصدق ومقتنع ان فى يوم "حبيبه" هتحبك برغم انها ولا قالتلك حاجه ومستنى مكانك علشان الوهم دا .. انت وقفت حياتك ..لو عرفت غلطتك فعلا كنت هتكمل حياتك زى ما "حبيبه" كملت حياتها وزى "جى وو" كمل حياته وانا لما كملت حياتى .. انت وقفت حياتك ع "حبيبه" الل اساسا بتفكر فيك كصديق واخ بس وانت طمعان فى اكتر من كده .. سنين عدت من عمرك وانت واقف مكانك يا "وليد" انت مش ملاحظ كده .. رغم "حبيبه" والل عاشته الا انها ولا يوم استسلمت وحاربت ل اخر لحظه قبل العمليه وبعد العمليه قررت تبعد عن "جى وو" علشان يعيش حياته ويكملها من غير ما يعتمد ع وجودها وهى عاشت وكملت حياتها .. قولى انت عملت ايه غير انك هنا فى مستشفى باباك مستنى "حبيبه" توافق ع حاجه هى مش فى دماغها .. فووق يا "وليد" انا حافظت سرك ع امل انك فوقت لكن انت بتكابر وبتضر نفسك .. الحياه مستمره وانت مكانك ..مستشفى هولندا فرصه من فرص كتير بتجيلك وانت بترفضها غير رسالتك المتاخره ..
_ نورهان انا ..
قاطعته: انت ايه ..انت مش شايف ولا فاهم ولا حاسس .. "حبيبه" مبتحبكش يا "وليد" انت عندها اخ وصديق زى "حسام" بلاش تخسرها بسبب هوسك بيها صدقنى مهما انتظرت مش هيحصل الل انت عاوزه فوق ..
سكت "وليد" وكملت "نورهان" : علشان الايام القديمه الل كانت بينا ايام الكليه انا بنصحك تفوق..
قامت وقفت ومشيت اتجاه الباب ورجعت خطوه وبصتله :
_ انت عارف "حبيبه" فين دلواقتى ومع مين ؟
_ فى شرم فى شغل
_ حبيبه فى شرم مع "جى وو" .. "جى وو" رجع علشان يرجع "حبيبه" الل بيحبها وبتحبه .. علاقتهم صعب تنفصل يا "وليد" حتى لو بعاد عن بعض الل رابطهم عشق عدى كل الحدود اتمنى تفهم كده وتلحق الباقى من عمرك ..
خرجت "نورهان" بعد ما وجهت "وليد" بالحقيقه الل حاول ينكرها سنين ومرتبط بوهم بص للعلبه الل فى ايده ..!
فى شرم مر ايام و"حبيبه" من معامله "جى وو" ابتدت تصدق انه نسيها فعلا فقررت تتعامل طبيعى لغايه ما يسافر واكتفت انها شافته .. كان "جى وو" قابل "فيفى" وفهمها ان قاصد يعامل "حبيبه" كده واتفق معاها ع يوم الحفله .. فى يوم الحفله كان بيجهز "جى وو" وقعد فى غرفته لوحده ورفض اى حد يدخل وشويا طلع ع المسرح وكان المعجبين عرب ع اجانب وكان فى حشد .. ابتدا فقرات الفان ميتنج .. كان فى فقره تحقيق الامنيات وخلصت وصلوا لفقره الاغنيه و "فيفى" مسكت رقم وشبكته فى طرحه "حبيبه" :
_ ايه دا ؟
_ انا عارفه بيقولوا الكل هنا يكونوا معاهم ارقام انا معايا اهو زيك
_ وليه رقم 1 هاتى رقم 3
_ انا بحب رقم 3 "ام مجد" عيد ميلادها ف 3 ودى حماتى عاوزه رقم حماتى ليه ها ..
_ انتى رخمه
شويا ومسك بلوره وطلع كارت ومكتوب فيه رقم 1 وكانت هى "حبيبه" اتفاجئت وكانت متردده تطلع زقتها "فيفى" واتكلم "جى وو" :
_ صاحب الرقم المحظوظ هو الل هيسمع اغنيتى الجديده
حصل ضوضاء من الموجودين وكمل كلامه :
_ فى حياه كل شخص فينا شخص بيكون رقم واحد ام او اب او اخ دول من الاساسيات صعب يكون فى حد معاهم رقم واحد لكن مع الوقت ممكن شخص مش من دمك ولا جنسيتك يكون رقم واحد ممكن يكون صديق او حبيب .. رقم واحد فى حياتنا بيكون هو صاحب الفضل ان حياتنا تتحسن وتكون افضل ..رقم واحد الل كان معاك فى اسوء ظروفك واحوالك واتمسك بك ولا فكر يتخلى عنك ..( بص ل "حبيبه) .. رقم واحد فى حياتنا هو الل ممكن تضحى بروحك علشان هو يعيش .. رقم واحد هو الل حياتك بتتحول لقوس قزح فى وجوده وغيابه بيبقى الجو كله غيوم .. رقم واحد هو الل فى غيابه بتفتكره اكتر من حضوره لانه فى قلبك رقم واحد والوحيد الل قدر يحتل روحك .. رقم واحد فى حياتنا مستحيل يتنسى مهما مرت الايام والسنين لانه هو ايامك وسنينك كل لحظه شايفه قدامك ومعاك فى كل الاوقات .. بيشجعك دايما تتقدم وتكون الافضل فى حياتك ومين الل يقدر يعمل كده غير انه يكون رقم واحد ...
كلمات "جى وو" اثرت فى الموجودين و"حبيبه" نوعا ما بتتمالك نفسها ..كمل "جى وو" :
_ الاغنيه دى انا كتبتها لرقم واحد فى حياتى والوحيد فى قلبى وروحى :
قعدت "حبيبه" وطلب منها يمسك ايديها رفضت وسئل الموجودين طلبوا منها يمسكها وابتدت الاغنيه :
" هذا الهواء هو نفسا أخذه مع أذن
أسبح لكن هذا يبقى ضمن ذراعيكى
حتى فى احلامى احلم بكى كل ليله ..كل ليله
اللحظه التى امدد بها ذراعى
هذا الشعور يتموج على أطراف اصابعى
هذه انتى ..كله انتى
ان اوقاتنا مصبوغه مع لون المياه
ابتسامتك الدافئه جميله
انا سعيد تمام كما هو الحال الان
لذا لا تعطينى حريه الذهاب
انت التى وجدتها الاولى والوحيده
نلمس اطراف اصابع اقدامنا
نلمس يدينا ..نشعر بمكاننا
كل ذلك هو انتى
عناقك الناعم الذى توجهيه لى
عندما لا ازال فى اطارك
اكون الاكثر راحه .. انا محبوس بداخلك
وكأن يمكن ان اكون محاط ب ايدى حولك
داخل هذا حوض الاسماك ..ملئ بدفئك
هذه هى مساحتى الشفافه
عبر الجدار الزجاجى الفصول تنعكس
ليسوا مهمين لى على الاطلاق
الفصول التى تلمسنى كلها انتى
يديكى التى تغطى عينى
اقع فى نوم عميق
من اشعه الشمس الخافته
التى يمكن النظر لها من بين اصابعك
يافتاه انتى لى
انتى التى وجدتها الاولى والوحيده
اريدك .. ابقى بجانبى ..لا احد الا انتى
ضباب الماء يتشتت
فقط انتى تصبحين واضحه
المشهد قبل توقفى
انتى فقط تاخذيين النفس
لا تسمحى لى بأن اكون شيئا أخر غير لكى
يا فتاه انتى لى
هذا المكان (ضغط ع ايديها ) صنع فقط من اجلى
درجه حرارتك .. ضوئك.. تموجاتك
كلها مصممه خصيصا لى
امشى على الغيوم تنعكس على السطح
اسبح فى هذا المكان الاكثر زرقه من السماء
انا محبوس بداخلكى
لقد حصلتى على يافتاه ..لقد حصلت عليكى
فقط هكذا حبيببتى للابد فى ذراعيكى
لون عالمى هو فقط فضى (ظهر السلسله)
لا احتاج الى لون اخر
انا محبوس بداخلكى
لقد حصلتى على يافتاه ..لقد حصلت عليكى يا فتاه
انا محبوس فى هذا الحب "
خلص الاغنيه وع وجه ابتسامه وباصص ل "حبيبه" وهى حست انها انعزلت عن المكان هى وهو بس دموعها خانتها ونزلت قامت ونزلت بسرعه وخرجت .. كمل الحفله وانتهت فقرته وخرج يدور عليها عرف انها فى غرفتها وطلبت من "فيفى" تسيبها لوحدها ... مر الوقت فى منتصف الليل الساعه 3 بليل نزلت من غرفتها وقالت ل فيفى انها هتتمشى نزلت "حبيبه" واتصلت "فيفى " ب "جى وو" ونزل يدور عليها شافها واقفه عند الشاطى وباصه فى السما وقرب منها :
_ اكيد النجمه دى امنيتى لسه متحققتش
بصتله "حبيبه": بتكلمنى انا
بص حواليه : هو فى غيرنا ..
بصتله بملامح جاده : سورى .. هو حضرتك تعرفنى
ضحك "جى وو" وحط ايده ع قلبه : عاوز اتعرف من الاول ممكن
بصتله "حبيبه": سورى ..
_ "حبيبه"
_ نعم
_ "هالمونى " و "جو وو" ومامته بيسلموا عليكى
ابتسمت "حبيبه": اتمنى يكونوا بخير
_ انتى عامله ايه ..؟
_..بخير .. وانت
_ من قبل ما اركب الطياره لمصر ولا من بعد ما شوفتك فى الفندق
بصتله "حبيبه" وقربت منه خطوتين : انت كنت متعمد
_ ياااه اخيرا فهمتى
_ اوكيه .. فين "مين سوك" مجاش معاك ليه ..
_ هو هناك اخد اجازه يقضيها مع اسرته
_ و "سى را" ؟
_ انهت عقدها مع وكالتى وانضمت ل وكاله فى اليابان واستقرت هناك واتعرفت ع ابن صاحب الوكاله ومش بعيد قريب نسمع انهم اتجوزو
_ طيب تمام ..بعد اذنك
مشيت "حبيبه" مسكها من ايديها : رايحه فين ؟
_ رايحه اوضتى هنام
بصلها "جى وو" وماسك ايديها وبتشد ايديها شدها وضمها لحضنه :
_ وحشتينى ..
وقفت وبصتله وكرر تانى الكلمه : وحشتينى يا "حبيبه"
بتحاول تبعد عنه : ابعد ايدك الناس
بيضحك وقرب منها : مالهم الناس ..هقولهم اخيرا بعد 3 سنين واسبوع قابلت روحى ..هقولهم اخيرا رجعت ليا الحياه .. هقولهم رجع ل قلبى دقاته . هقولهم اخيرا الامنيتى اتحققت ومش هسيبها
بتحاول تبعد عنه وهو ماسكها : مش هسيبك يا "حبيبه" مهما تحاولى
بتوتر : ابعد ايدك ونتكلم زى الناس العاقله
_ ومين قال انى عاقل ..الل عملتيه معايا يجنن بلاد
بصتله : والل عملته من وقت ما جيت دا ايه
ضحك : كنت بعاقبك عقاب بسيط عن انك حرمتينى منك 3 سنين علشان مخاوف مش اكيده
_ لكن كان عندى حق انا لما بعدت حياتك استقرت ورجعت لحياتك الطبيعيه
_ انتى ليه مش فاهمه انك انتى الحياه ليا انا عايش بدقات قلبك وبلمسه ايدك وبا انفاسك
سكتت "حبيبه" وكمل كلامه :
_ احنا اتعاهدنا اننا منشوفش بعض وسيبنا امنياتنا متعلقه ونستنى الوقت المناسب ل تتحقق وانا استنيت الوقت المناسب وجيت هنا علشان اقولك ان امنيتى الاولى كانت اثبتلك انى هكون بخير والعمليه مش هتاثر عليا فى اى حاجه وتانى امنيه اثبتلك انى مش عاوز غيرك فى الدنيا وتالت امنيه الل كانت متعلقه (بص ل السما وبصت معاه النجم اختفى ) اتحققت دلواقتى وهى انى اقابلك تانى واضمك بين دراعى ومش هسيبك وقتها مهما قولتى ومهما حصل..
بصتله "حبيبه" وساكته وكمل كلامه وهو حاضنها : 3 سنين عايش بتخيل وجودك معايا فى كل لحظه وفى كل وقت وفى كل مناسبه حاسس بوجودك لكن مش شايفك عشت ال 3 سنين بحلم باليوم الل هيتحقق فيه امنيتى .. انا عشت ال 3 سنين معتقد انى عايش حياتى لكن للاسف حياتى كانت ناقصها اهم حاجه (قرب منها وحس ب انفاسها ) كان ناقصها احس باانفاسك الل هى الهوا الل قلبى بيتنفسه وعايش به ..انا افتقدت الاحساس بالحياه كانت ايام بتمر واوقات كنت بيأس لكن كنت بشوفك بتشجعينى اكمل احقق الحلم ويكون حقيقه وكنت بحارب ومستسلمتش ع امل انى هقابلك فى يوم كنت بعمل كل حاجه علشان اليوم دا يجى واشوفك بعنيا والمس ايديك ب ايديا واحس بدقات قلبك وانفاسك ..انا مش هقدر اعيش يوم تانى من غيرك انتى الحياه الل السما هدتهالى يا حبيبه ..
دموع نازله من عينيها وساكته وكمل كلامه : انا مش همشى من هنا غير وانتى معايا والمرادى مهما حاولتى مش هسيبك هنرجع سوا وانتى مراتى باباكى عارف وموافق ومستنى انك تقولى ايوه وهتقولى ايوه لانى مش مستنى اسمعها بودانى لان قلبك قالها من زمان وسامعه دلواقتى موافق ..
_ جى وو انا ..
_ هتقوليلى الاطفال وان العلاج الل كنتى بتاخديه لسنين اثر عليكى وبقى صعب يحصل حمل هقولك القدر الل جمعنى معاكى مفيش حاجه صعبه عليه ..الحلم الل جمعنا سوا وانتى هنا وانا من هناك فرق بينا محيطات مفيش حاجه صعبه ولا مستحيله ..احنا مع بعض هيتحقق احلامنا وامنياتنا لاننا ببساطه هنساند بعض ونشجع بعض نكمل .. "حبيبه" انا بحبك ..انا بعشقك.. انا مجنون بيكى .. حبى ليكى ملوش حدود ومش هتنازل عليه المرادى .. متحاوليش مفيش هروب .. وبقولهالك قدام البحر والسما موافقه تعيشى معايا عمرى الل جى موافقه ترجعيلى روحى موافقه متبعديش عنى ..
ابتسمت "حبيبه" ودموعها نازله وحضنته قالها بهزار : الناس
_ هقولهم دا حبيبى دا حلمى وامنيتى دا حياتى دا عمرى الل جى دا هديه ربنا ليا .. بحبك
_ بعشقك ..
رجع "جى وو" وقابل "فؤاد" وكتبوا الكتاب وكانت صدمه ل "وليد" فقرر يسافر ويقبل بعقد هولندا وسافر وسافرت مع "جى وو" ل "كوريا" ومعاها "كوكا " واستقبلوها فى حفله ف البيت و"حسام" كان موجود و "مى سون" واولاده الاتنين التؤام و"هالمونى" و"جو وو" ومامته وكانت سعيده "حبيبه" وشافت "كوكا" قاعده مع "ليزا" قرب منها "جى وو" وحضنها من ضهرها :
_فى سر كنت عاوز اقولهولك
_ ايه ؟
_ دا قط مش قطه واسمه ليز مش ليزا
اتفاجئت"حبيبه": ايه ..؟
_ متتفاجئيش كده وسيبهم يتعرفوا ع بعض ويملولنا البيت قطط
ضحكت "حبيبه" وتانى يوم سافروا لنفس مكان اعتراف حبهم الاول وكررلها الحلم ولبست الفستان وهو كمان لبس الطقم واتكرر الحلم ع الواقع وقفت "حبيبه" ع الشاطى مبتسمه وباصه للسما شافها وحضنها "جى وو" من ضهرها وباسها ع خدها :
_بتتمنى ايه تانى مش اتفقنا اننا نتمنى مع بعض ..
_ انا بشكر ربنا ع كل حاجه وهبهالى ع كل النعم ع البحر ع السما والنجوم ع الامل ع الرضا ع الحلم وع وجودك فى حياتى ..
_ اوعدك من انهارده انك هتفضلى فى حضنى ومش هسيبك تبعدى عنى ( مسك ايديها وباسها) ايدك فى ايدى وخطواتنا مع بعض فى الحياه .. احنا بنبدء حياتنا من دلواقتى واحنا مع بعض ومفيش مستحيل شويا صبر وثقه وايمان هتكملى علاجك علشان الاطفال حتى لو مرت سنين انا معاكى ومش هتخلى عنك مش هسيب ايدك دى ابدا ...
ابتسمت "حبيبه" :
_حبيبه
_ نعم
_ فى حاجه فى عينى بصى كده
وقفت قدامه وبتبص بدراعه وحضنها وقربها منه :
_ انفاسك هى الحياه ليا ممكن اخد شويا اكسجين
ابتسمت "حبيبه" : ممكن فى شويا اكسجين ذياده هدهملك
قرب منها وباسها ..
باسها ع خدها وكانت الشروق طلعوا ع صخره وباصين اتجاه الشمس مسك "جى وو" ايد "حبيبه" وبصوا ل اتجاه الشمس وكلهم سعاده ورضا وقرار انهم يتمسكوا ببعض مهما حصل ومهما ظروف حاولت تفرقهم يستمتعوا بكل نعمه ربنا خلقها ..!
_________
وخلصت قصتا بحمد الله
لايك ورايكم
اسفه ع التاخير
الاغنيه اسمها One and Only / Exo
المغزى من القصه :
__________________________
1_ الحب مش خيال ووهم هو محتاج صدق ووضوح واختيار اشخاص صح وعدم الاستعجال
2_ الحب الحقيقى افعال اكتر من كلام
3_ الل بيحب بجد بيفكر فى الل بيحبه اكتر من نفسه ازاى يسعده ويحافظ عليه ويهتم به لانه بيكون من الاساسيات فى حياته
4_ حياتنا مليانه مشاكل وهموم كتيره منسمحش ليها تسيطر ع حياتنا ونواجهها ومنستسلمش حتى لو تعبنا نرجع نحارب لان مهما طال الليل شمس النهار بتظهر وتنور الدنيا
5_ مريض السرطان مش فيروس ولا كائن فضائى دا انسان طبيعى زى زى اى شخص سليم هو الفرق انه ربنا بيختبره اختبار انت ممكن متستحملوش وخصه هو بالجزاء دا
6_ الاهتمام الاوفر بدافع الحب بيتعب اكتر من الاهمال لان كده بنحرم الشخص دا بانه يعيش طبيعى وبنحسسه دايما بمرضه او مشكلته ودا بيوجعه اكتر من وجعه
7_ الفراغ .. فى حاجات كتيره نشغل بيها فراغنا دور كويس حواليك هتكتشف حاجات كتيره مش شرط تشغل فراغك ب اشخاص لان كل شخص له حياته ومشغولياته .. اشغل فراغك بنفسك ولو حسيت بفراغ وملل يبقى دى مشكلتك وانت اخترت كده مش مشكله الل حواليك ..
8_ فى فى فراق الحب نوعين نوع بيحتوى الوجع وبيحتفظ به لنفسه وبيكمل حياته وفى بيستسلم للوجع وبيدمر حياته وقتها يا يفوق يا هيكون عدى الوقت وبيخسره انت الل تختار
9_ اى سوء تفاهم بينتهى بالكلام متخزنش كلام جواك ضد شخص حتى لو كاره اتكلم واسمع ووقتها قرر تكمل او تبعد لكن قرار من غير خوض نقاش قرار غلط انت بتاذى نفسك
10_ الحب مرتبط بالخوف لكن لو العلاقه صح ومتماسكين ببعض مهما كانت الظروف هيكملوا
11_ الل بيحب بجد مبينساش بيتناسى وبيعيش
12_ الصداقه مش بالسنين ممكن موقف واحد يربط صداقه وتكون صداقه العمر ودا التشابهه بين الصداقه والحب الاتنين مش محتاجين فتره زمانيه الاتنين محتاجين مواقف وافعال تثبت قوتهم ..
13_ الحب من طرف واحد وهم بيقتل صاحبه برغم تاكيد الواقع انه مش هيحصل النكران مش حل
14_ تربيه الحيوانات الاليفه مش هوايه وموضه فى اشخاص بيحتاجوا يتكلموا معاهم وبيكونوا اقرب ليهم عن البشر ..
15_الاحلام والامنيات والخيال مش عيب ومفيش مستحيل فيهم لانهم نعمه وعطاايا ربنا خير .. احلموا واتمنوا واكتبوا احلامكم وحددوا اهدافكم واسعوا واجتهدوا لعل وعسى تتحقق وتتحق اكتر مما تتخيل
16_ الامنيات حتى لو متحققتش مجرد تخيلها بتبهجك ودى نعمه مش هبل
17_البنات فى حبهم بيخافوا بيبقوا دايما محتاجين الل يطمنهم ويحسسهم بالامان وانه مش هيسبهم ودا مش من خلال الكلام لا افعال لان البنت لما بتحب بتحب بكل مشاعرها ولما بنتصدم بيبقى الوجع قاسى عليها
18_ قددر واحترم واهتم ب اهلك واصحابك واخوات وحبايبك بلاش نظريه الركن لان الانسان طاقه والاهمال نتيجته صعبه بتوجع سواء الل اهملته وسواء لما بتفوق متاخر
19_ لكل حاجه ليها وقت فى حياتنا وليها ميعاد تحصل فمهما طالت المده متيأيسش
20_ احمدوا ربنا ع عطاياه كلها سوء وجع او الالم او مرض واتاكدوا انه هيهاديكم بفرح وسعاده
21_ الوجع والالم بيبقى اختبارات مؤقته الضعيف الل بيستلم لكن الشجاع الل بيحارب ويواجه ويكمل حياته ومبيخافش
22_ احلموا مهما حصل وقالولكم مستحيل احلموا ربنا رحيم ومعاه مفيش مستحيل ودايما بيراضى عباده بالل يستحقوه واكتر .. تفائلو
23_حافظوا ع الل بيتحبوهم وبيحبكوا بجد لان فى لحظات مبتتكررش ولا اشخاص بيتكرروا
24_ حافظ ع مشاعرك وقلبك ومتعذبش نفسك بحب من طرف واحد توقف عليه حياتك
25_ فى عشق ملوش وصف ولا كلمات تحكى عنه ودا لا بيهتم بالمكان ولا الزمان لانه ببساطه عشق بلا حدود
____________________
القصه دى قولت مأخوذه من قصه حقيقيه هى فعلا دمج بين قصتين لبنتين مرضى سرطان الكبد الجزء الل بيخص الحلم والسفر ومقابله الشخص الل فى الحلم والشغل والعمليه ورجوع مصر وال 3 سنين والشغل وشرم الشيخ وشخصيه وليد الزباله ومشهد الفيلم هو كان فيلم فرنسى معرفهوش ف انا كتبت THE VOW يعنى الجزء دا وطبعا الكورسات اللغات فى البيت فعلا حصلوا لبنت مريضه بالسرطان واسمها "هبه" جاره واحده صاحبتى انا معرفهاش شخصيا والشخص الل كان فى الحلم اجنبى فعلا من المانيا وشافته فعلا صدفه ف المانيا انا مليش ف الاجانب اوى فااخدتها وعملتها ع كورى
وكان عندها قطه اسمها بسبوسه
وجزء قصه رجاء وفؤاد وحسام وندى وكريمه وكوكا دى قصه بنت تانيه اعرفها اسمها "حبيبه" انا دمجت القصتين فى قصه واحده طبعا انا عرفت الخطوط العريضه والاحداث الاساسيه وبعض التفاصيل من قصه "هبه" والباقى اطلقت خيالى وتخيلت المواقف ... غير
وبما ان فى قصص ارتباط كورين ب بنات عرب وفى مصريه اتجوزت كورى اعرفها فااخدت فكره الكورى و ال 3 قصص ودمجتهم ف قصه واحده برافوا عليا
______________
الطلب الل هطلبه منكم .. ياريت تدعوا ل "حبيبه" الحقيقيه الل هى بنت فؤاد ورجاء لانها مسافره فرنسا بكره العصر علشان تعمل عمليه زرع هناك وهى فعلا حالتها متاخره ادعولها وادعو لكل مرضى السرطان لانهم بيعانوا ومهما اتكتب عنهم مش هيعبر عن جزء عن وجعهم ..
وعاوزه اقول سبب القصه تكون قصيره بصراحه هى السبب لانها بتقرا قصصى وانا بصراحه كتبت القصه دى ليها وقصدت تخلص انهارده تقراها قبل ما تسافر ودا اهداء منى ليها تقوم بالسلامه وتحقق احلامها انا كتبتها كنوع من تشجيعها وانها متستسلمس وتحارب مرضها وترجعلنا بالسلامه وتديها تفائل ويارب اكون اسعدتها ..!
__________________________
بشكر كل واحد وواحده تابعو القصه برغم احساسى انها مكنتش هتعجب البعض لكن الحمد الله عجبت ناس كتير .. انا فعليا نفسيتى تعبت وانا بكتب القصه ولما بتكتبوا انكم عيطتوا مصدقاكم لانى فى مشاهد وانا بكتبها فعليا من الاندماج بعيط وببقى فى حاله نفسيه نيله ... ف شكرا لكل واحد وواحده اهتموا وتابعوا سواء فى صمت او كل يوم بتعليق ..
___________
رغيت كتير مستنيه اقرا رغيكم عاوزه رأيكم بصراحه ووضوح ونقدكم كمان
ابدعوا وانطلقوا
الى اللقاء فى قصه تانيه جديده امتى الله اعلم هاخد وقتى اخرج من القصه دى
بتضحك "حبيبه" :ايه دى ؟
_ افتحيها
مسكتها "حبيبه" واتفاجئت بخاتم :ايه دا ؟
_ انتى قولتى ربنا وهبلك فرصه حياه جديده تعيشيها وانتى قررتى تعيشيها ف ايه رايك نعيشها مع بعض هتقوليلى اطفال هقولك مش عاوز غيرك .. تتجوزينى يا "حبيبه " ..!
من المفاجاءه معرفتش "حبيبه" تقول ايه باصه للخاتم ول "وليد" وساكته .. ابتسم "وليد ":
_ افهم من كده ان السكوت علامه رضا
_ لا مش شرط غالبا بيكون الصمت علامه عدم الاستيعاب
_ مش فاهم ..
_ انا الل مش فاهماك ايه دا ..انا وانت نتجوز ..؟
ضحك"وليد": هو فى حد غيرنا .. اولا انتى اكيد عارفه مشاعرى اتجاهك من زمان وكنتى بتتجنبيى ع اعتقاد منك انك مش هتعيشى و كنا مستنين العمليه وتعبك لكن دلواقتى مرت سنه من العمليه وانتى بخير وحياتك طبيعيه ووضعك الصحى مستقر مع متابعاتك وانتى نفسك حاسه بتغيير وقولتى ربنا وهبلك حياه تانيه وقولتى هتبداى من جديد وتعيشها
ابتسمت "حبيبه": هو اعتقادك انا اعيش حياتى يبقى اتجوز .. ايه ربط انى اعيش حياتى بالجواز مش شرط اوقات كتير الجواز بيكون نهايه حياه فى حالات كتير كده .. معنى انى اعيش حياتى انى استغل كل لحظه واجتهد واحارب نفسى وانجح احاول انجح ع الاقل فى حاجه بحبها او اعمل حاجه بحبها اقضى لحظات جميله مع اهلى واصحابى اعمل ذكريات جميله .. كده اعيش حياتى مش شرط اتجوز ..
_ "حبيبه" انا بحبك بجد وكنت متردد كتير افاتحك فى الموضوع ومستنى الوقت المناسب وقولت لما تتحسسنى وحالتك تستقر علشان ميبقاش فى خوف سبب رفضك
متفاجئه "حبيبه" من كلام "وليد": ..وليد .. انت فعلا شخص غالى عندى ومهم فى حياتى ولولا وجودك جنبى كان زمانى معرفش هيحصلى ايه .. انت فعلا اخ وصديق بعتز بوجوده فى حياتى الل عايشاها ومش حابه اخسره ..
حس "وليد" برفض من "حبيبه": انتى لسه منستيش مرت سنه يا "حبيبه" احنا نعرف بعض سنين وانتى عارفانى وانا عارفك متخليش فتره قليله فى حياتك تكون عائق انك تكملى حياتك
ابتسمت "حبيبه": الفتره دى اه فعلا ماضى وعدت لكن لولاها مكنت اكون قدامك واقفه كده .. ومين قالك انى موقفه حياتى ع حاجه فى الماضى انا مكمله حياتى وسط اهلى وبشتغل وبقى ليا حياه اعيشها .. الماضى ذكرى محتفظه بيها فى ذكرياتى لوحدى وعمرها ماكانت عائق بالعكس دايما بتفكرنى بالفرصه الل ربنا وهبهالى وانى احافظ عليها واعيش ..
_ حبيبه انا مقصدش ..
_ حتى لو تقصد يا "وليد" انا مش رافضه فكره الجواز علشانك.. لا انا راضيه بحياتى كده مبسوطه
_ لكن مش سعيده ..
_ مبسوطه .. وراضيه وهكمل .. انت قدامك حياه واختار الل تعيش معاك وتكون معاها اسره وتكون أب .. متربطش نفسك بشجره ملهاش جذور مع الوقت هتموت ..انت تستاهل تعيش
مسكت علبه الخاتم وقفلته وحطتها قدام وليد ومبتسمه: الخاتم دا جميل اوى واكيد الل هتلبسه هتكون اجمل ..
خرجت "حبيبه" وهى ماشيه بصت ع موابيلها وفتحت الاسكرين وكانت صوره "جى وو" ابتسمت ومشيت رجعت ع البيت .. غيرت هدومها وقعدت مع "كوكا" وكان معاها كيكه وشمعه :
_ "كوكا" عارف انهارده ايه انهارده عيد ميلاده .. انا قريت انه استسلم جايزه عن دراما عاملها وواضح من الصور انه بخير حتى بصى ( فتحت الموبيل ) بس حاسه انه مرهق ... انا مبسوطه انه رجع لحياته الطبيعيه كان قرارى صح هو يستحق النجاح والحياه دى انا لو كنت معاه كنت هكون سبب فى رجوعه انا بجد سعيده بالاخبار ( بصتلها القطه ونزلت دمعه من عينيها ) يلا انا وانتى نحتفل بعيد ميلاده علشان انتى صاحبتى وكاتمه اسرارى يلا ..!
حطت الشمعه فى قطعه الكيكه الشوكولاته وغمضت عينيها واتخيلت انه جنبها وابتسمت :
_ سينيل تشوكآهميندا جى وو ( Happy birthday )
طفت الشمع وفتحت عينيها وبصت جنبها ع اعتقاد هيكون موجود ابتسمت ودموع نزلت من عينيها ومسكت النوتس وابتدت تكتب فيها انها احتفلت بعيد ميلاده وكان موجود لكن فى خيالها وبرغم كده كانت سعيده .. !
مر ايام وكان عيد ميلاد "حبيبه" فى عيد ميلادها كان "جى وو" اشترى كيكه شوكولاته وشمعه وطلع ع الروف وبص للسما وابتسم مسك الكيكه ب ايده والسلسله ب ايد وغمض عينيه وتخيل وجودها : happy birh day حبيبه
وفتح عينيه وطفى الشمع وحط الكيكه ع الترابيزه ومسك السلسله وبص للسما وللنجوم .. !
استمرت محاولات "وليد" ل اقناع " حبيبه" وعدم استسلامه واصرار "حبيبه" ع موقفها والل استغربه اكتر ان "فؤاد" و "حسام" مش معترضيين عليه لكن سايبن ل "حبيبه" حريه الاختيار ... مر 3 سنين على رجوع "حبيبه" مصر بعد العمليه و"حبيبه" كانت مجتهده فى شغلها وعلاقتها فى الشغل كانت كويسه جداا وصحيا حالتها استقرت والمتابعه كل شهر اتغيرت ل متابعه كل 6 شهور مره واحده ..فى يوم وهى قاعده فى مكتبها ماسكه النوتس القديمه وعماله تبص عليها ومبتسمه دخلت "فيفى" شافتها وقربت منها :
_ لدرجه دى مجرد ما تبصى فى النوتس بتكونى سعيده كده ؟
_ جداا ..
_ لكن دموعك دى مبتقلش كده رغم ابتسامتك بتقول انك سعيده
_ قصاد كل ذكرى فيها وجع والالم فى ذكرى كلها سعاده وفرح هى دى حياتى وهى دى حياتنا .. _ مش شرط فى اوقات بتكون لحظات الحزن اكتر لدرجه اليأس ان مفيش فرح خالص
_ لا غلط بصى ع الدنيا بمنظرها الاوسع ربنا رحيم وكريم مستحيل يقسى ع حد من عباده " ورحمتى وسعت كل شئ " ربنا رحيم بس احنا الل طماعيين عاوزين نعيش فى سعاده وفرح طول الوقت من غير لحظه الالم ولا وجع .. احنا بنحتاج الوجع والالم علشان نقدر لحظات الفرح .. مش شرط تكون حاجه كبيره واو وننبهر بالعكس ابسط حاجه ممكن تفرحك .. يعنى لما تكونى مضايقه وماشيه فى الشارع او واقفه مستنيه المترو وتشوفى طفل صغير متعرفهوش باصصلك بيضحك هتعملى ايه هتضحكيله وهتلعبى معاه .. لما تقفى قدام البحر وانتى مخنوقه وتاخدى نفس هتفرحى وهتحسى ببهجه .. لو حد اشترالك حاجه بتحبيها او قريتى كتاب او روايه فرحتك كل دى رسايل من ربنا لينا انه زى ما خلق النهار خلق الليل زى ماخلق الوجع والالم خلقلنا الفرح والسعاده .. الحكايه بسيطه محتاجه اجتهاد ومحاربه وعدم استسلام لان هى دى الحياه ...!
_ امم معاكى حق احنا الل نظرنا قصير
_ احنا محتاجين نكون قانعوين وراضيين بكل عطايا ربنا مهما كانت وقتها هنحس بالسعاده
مسكت "النوتس " فيفى وبتبص ل "حبيبه":
_ هو وحشك .. مفكرتيش فى مره تكلميه "حسام" بعتلك رقمه ؟
_ لا ..احنا وعدنا بعض ميبقاش بينا اى تواصل وكل واحد يعيش حياته زى ما مكتوبله و كده احسن هو عايش حياته وفى دنيته ليه اتطفل عليه واكركبله حياته وانا بطمن عليه من الاخبار ع النت انتى ناسيه انى عضوه فى نادى معجبينه ..
_ حبك له غريب بتحبيه من بعيد لبعيد ومش عارفه هتقابليه ولا لا مرت 3 سنين يا "حبيبه" ممكن يكون نسيكى مفكرتيش فى كده ..؟
_ اممم .. ممكن وحقه..
_ ايه البساطه دى .. يبقى محبكيش ونسيكى ..
_ بصى الل يربط نفسه ع ذكرى من الماضى ويوقف حياته دا محبش بجد لان الحب الحقيقى قوه بتدفعك تكون الافضل حتى لو اتخذلت فى حبك واتصدمت ..انت لازم تعيش وتكمل لانك عايش وهبتلك حياه تعيشها .. الانكسار والضعف لحظات بتفوقنا وتعرفنا اننا كنا ماشين غلط واختارنا غلط ودا معناه نفوق مش نعيش فيها هى لحظات مؤقته لكن مش حياه تسيطر علينا لانها وقت ما تسيطر علينا وقتها مش هنحس بمعنى الحب الحقيقى ولا هنفتكر فيه غير الوجع ودا مش الحب ..الحب الل اعرفه هو رضا وايمان وثقه وحياه هنعيشها وقوه تدفعها نكمل ..
ابتسمت "فيفى": انتى نعمه فى حياتى يا "حبيبه" اجدع صاحبه فعلا انا حسيت بكده لما اتصدمت فى المرتين حسيت ان الدنيا غامقه ومفيش حب كنت فاهمه غلط التجربتين كانوا عباره عن انذار لتصحيح حياتى وانى مستعجلش الحب لان هو الل هيجيلى لوحده وهنسى كل الل فات ..
_ شوفتى بقى ..
_ نسيت اقولك صحيح ..مش "مجد" جاى الاسبوع الل جاى يتقدملى خلاص
_ لا بجد..؟
_ من بعد ما رجعت من كوريا وهوشبه يوميا مراسلات وشات وكلام لغايه ما قرر يجى يخطبنى من اهلى ظبط الدنيا وخلص الدبلومه وحياته استقرت بجد وجوده فرق معايا حسسنى بالامان الل كنت بدور عليه بتسرع
_الحمد الله شوفتى بقى ان ربنا رحيم
_الحمد الله (بتضحك) شكلى يابنتى ربنا كاتبلى اتجوز من بره مصر ..مين يقول ان "مجد" من المغرب و "فيفى" من مصر نتقابل فى كوريا وهنعيش فى فرنسا
ابتسمت "حبيبه": لان ببساطه الحب ملوش حدود .. الحب الحقيقى بيعدى كل الحدود لا له بلد ولا جنسيه هو احساس بين اتنين بيمتزجوا مع بعض بيكونوا احلى لحن بيستمتعوا به فى حياتهم ...
_انتى عارفه ان فعلا النوتس دى سحريه عملت زيك وكتبت امنياتى واحلامى واول حاجه اكتبها مستسلمش وانى راضيه بكل عطايا ربنا ليا وكتبت اقابل حب حقيقى وبعدها بفتره "مجد" كلمنى عرض عليا الارتباط غير حلم الشغل وانى اسافر فرنسا وهنتجوز هناك واصلا هو عمره ماقالى ع سفره ... بجد كل حاجه ليها وقتها ..
_ مفيش مستحيل لان كل حاجه ليها وقتها ولكل انسان له قدره .. احنا ربنا وهبلنا الخيال والاحلام علشان نحلم نحلم لان لو حلم متحققش هيتحقق حلم تانى او ممكن يتحقق حلم غير متوقع ..هى دى الحياه ..حلم مع اصرار وثقه وايمان وجهد وكل حاجه هتحصل فى وقتها ..
_ يارب حلمك يتحقق وتتقابلى مع "جى وو" للحظه
ابتسمت "حبيبه "وهما بيتكلموا نده عليهم مديرهم للمكتب :
_ من الاسبوع الجى فى شخصيه جايه زياره لمصر محتاجين مترجم ومساعد معاه وانا عارف ان "حبيبه" مبترحش فى مكان غير مع "فيفى" ف اجهزوا انتم الاتنين هيقضى اجازه 15 يوم فى مصر وهتكونوا مرافقين له ..
_ جنسيته ايه ؟
_ صينى امريكانى كورى يابانى متنوع
ضحكت "فيفى" وبصت ل "حبيبه": تخصصك عيشى ..
ضحكت "حبيبه": يا اهلا به فى ام الدنيا
فى الموعد كان المفروض "حبيبه" و "فيفى" يقابلو الضيف فى المطار لكن كان سبقهم ف اتجهوا للفندق .. دخلوا فى الريسبشن مستنينه و"فيفى" بتبص حواليها :
_ "حبيبه" طيب احنا مش عارفين لما يدخل هنرحب به ازاى
_ بما انه من شرق اسيا التحيه الطبيعيه انحناء بسيط مع ابتسامه وهو ع حسب اللغه الل هيتكلم بيها هنتكلم معاه
_ انا مليش فى لغاتهم انجليزى وكورى بس
_ اوكيه ..
خرج مساعد : مستر جى هيوصل حالا
قاموا وقفوا ووقفوا فى وضع التحيه واول ماحسوا بدخوله ابتسموا ورفعوا راسهم بيبصوا وكانت المفاجئه .."جى وو".. "حبيبه" مكنتش عارفه تتكلم و"فيفى" كمان مصدومه ..بملامح حاده دخل وقعد واستغربته "حبيبه" انه اتعامل بتعالى وقفت لحظات تستوعب وشاورلهم يقعدوا وابتدا يتكلم بالانجليش :
_ انتم الل هتكونوا مرافقين معايا فى فتره اقامتى هنا
كانت "حبيبه" بتبصله ومش عارفه تتكلم ردت "فيفى": ايوه
_ طيب تمام انتم معاكم جدول اقامتى بكره فى طياره ل شرم الشيخ اشوفكم بكره الصبح
قام وقف ورجع خطوه :سورى .. اسمايكم ايه ؟
ملامح تعجب ع وجه" حبيبه" و "فيفى" ردت "حبيبه" : حبيبه .. وهى فيفى
_ اها .. اشوفكم بكره الصبح
وسابهم وخرج من الغرفه و"حبيبه" فى حاله صدمه من تصرفاته :
_ حبيبه.. هو دا فعلا "جى وو" الل نعرفه ولا ايه
بصت "حبيبه" اتجاه الباب : قلبى بيقول هو عينى وودنى بيقولوا لا
_ هو معقوله يكون نسينا فعلا ..
_ 3 سنين مرو ..
_ طيب يلا علشان نجهز ..
مشيت "حبيبه" وبصت عليه وهو قاعد وماسك الموبيل وكملت خطواتها ومشيت خرجت وهى بتحاول تستوعب ورجعت ع البيت تجهز شنطتها وقعدت ع حرف السرير وفتحت موابيلها وبصت ع صورته :
_ انت بجد الل فى مصر ولا حد شبهك .. معقوله تكون نسيت ..!
وضبت شنطتها وحطت فيها النوتس القديمه والجديده وتانى يوم قابلت "فيفى" وركبوا الطياره الخاصه ل شرم الشيخ فى الطياره كان قاعد لبس نظارته السودا وسماعات الموسيقى فى ودانه وحاطط رجل ع رجل ومغمض عينيه نايم .."حبيبه" كانت بتبصله وبتحاول تستوعب تغيره ..وصلوا للمطار ونزلوا وتعاملت "حبيبه" و"فيفى" فى اجراءات الفندق وطلع ع السويت ودخلت "حبيبه" و "فيفى" غرفتهم يغيروا وكانت "فيفى" مستغربه لكن "حبيبه" كانت فى صدمه .. خرجوا وقت الغدا وقعدوا ع ترابيزه لوحدهم وهو لوحده وكانت "حبيبه" بتبص عليه عاوزه تصدق .. مر يومين ع التجاهل التام من "جى وو" ل "حبيبه" .. فى يوم قعدت "حبيبه" ع الشاطى ومعاها النوتس وبصت للسما وغمضت عينيها و حطت النوتس جنبها نامت من غير ما تحس فى الوقت دا خرج "جى وو" بيتمشى شافها نايمه ع الكرسى قرب منها ووقف يبصلها وابتسم وحاول يلمس ايديها لكن قلق انها تقلق مد ايده نفسها لمس ايده حس بسعاده لمجرد انه حس بنفسها بص وشاف النوتس القديمه جنبها مسكها وابتسم وحطها جنبها تانى و لاحظ الشمس جايه ع وشها راح وقف قدامها وضهره للشمس ووقف بيبص عليها بس.. لغايه ما فتحت عينيها ووقتها غير ملامح وجه واتفاجئت "حبيبه :
_ انا اسفه واضح انى نمت
_ يعنى لما احتاجك ادور عليكى هو مين الل شغال عند مين ؟
استغربت "حبيبه" طريقته الحاده : اسفه
_ فى مقابله مع منظم حفله اليوم الكورى وطبعا محتاج حضرتك ولا عاوزه تنامى
حاولت تتماسك "حبيبه": اسفه .. انا جايه
مشى "جى وو" وبيضحك و"حبيبه" فى ضهره مضايقه من طريقته .. مشيوا وووصلوا فى مطعم الفندق وقابلوا منظم الحفله واتفقوا ع كل حاجه .. مشى منظم الحفله ووقفت "حبيبه":
_ حضرتك عاوز حاجه تانى
_ هتكملى نوم ..؟
_ حضرتك عاوز حاجه منى ؟
_ لا
_ بعد اذنك ..
ضحك"جى وو" ع تصرفها ومشيت قبل الحفله بيوم طلعت "حبيبه" لسويت "جى وو" ودخلت علشان تحط ورق ع مكتبه دخلت شافته نايم ع الصوفه قربت منه وشالت المجله والريموت من ايده وحطتهم ع الترابيزه ومسكت غطا وغطته ووقعدت ع حرف الترابيزه بتبص ع ملامح وجه وحاولت تلمس خده ب صوابعها وقربتهم فى اللحظه دى مسك ايديها واتخضت :
_ بتعملى ايه ؟
_ انا هنا علشان .. علشان ..علشان ..علشان
فتح "عينيه وشافها متوتره ومخضوضه وبملامح جد : علشان ايه ؟
_ الورق .. فى ورق حطيته ع المكتب هناك اهو
حاولت تمشى خطوتين وتبعد ايديها عن ايده شدها وفجاءه بقت فى حضنه وهى اتجمدت مكانها وقلبها دق بسرعه وهو باصصلها لحظات : هتفضلى كتير هنا
بسرعه قامت عدلت نفسها ومرتبكه : اسفه ..
ومشيت خرجت بسرعه وضحك"جى وو" ع تصرفاتها .. !
فى يوم "وليد" فى مكتبه ماسك علبه الخاتم وبيفكر يسافر ل "حبيبه" شرم الشيخ كنوع من انواع الضغط وهو فى مكتبه الباب خبط وكانت "نورهان " واتفاجئ "وليد" : نورهان
_ ايه مفيش حمد الله ع السلامه
بيضحك "وليد": حمد الله ع السلامه بس زياره مفاجئه
_ يومين وراجعه قولت اشوفك عامل ايه فى حياتك
_ الحمد الله
_ كان فى عرض لمستشفى فى هولندا ليك سمعت انك رفضته
_ اها
_ انت لسه مناقشتش رساله الدكتوراه ؟
_ لا لسه احتمال السنه الجايه
_ السنه الجايه وليه التاخير كده ؟
_ يعنى مشغوليات
ضحكت "نورهان" وبصتله: "حبيبه" .. مشغول ب "حبيبه"
اتنهد "وليد": "نورهان " انا عرفت غلطتى وترددى وكنت جبان و..
_ انت لو عرفت غلطتك فعلا كنت فوقت يا "وليد" انت عايش فى حاله نكران للحقيقه والواقع ,,انت مصدق ومقتنع ان فى يوم "حبيبه" هتحبك برغم انها ولا قالتلك حاجه ومستنى مكانك علشان الوهم دا .. انت وقفت حياتك ..لو عرفت غلطتك فعلا كنت هتكمل حياتك زى ما "حبيبه" كملت حياتها وزى "جى وو" كمل حياته وانا لما كملت حياتى .. انت وقفت حياتك ع "حبيبه" الل اساسا بتفكر فيك كصديق واخ بس وانت طمعان فى اكتر من كده .. سنين عدت من عمرك وانت واقف مكانك يا "وليد" انت مش ملاحظ كده .. رغم "حبيبه" والل عاشته الا انها ولا يوم استسلمت وحاربت ل اخر لحظه قبل العمليه وبعد العمليه قررت تبعد عن "جى وو" علشان يعيش حياته ويكملها من غير ما يعتمد ع وجودها وهى عاشت وكملت حياتها .. قولى انت عملت ايه غير انك هنا فى مستشفى باباك مستنى "حبيبه" توافق ع حاجه هى مش فى دماغها .. فووق يا "وليد" انا حافظت سرك ع امل انك فوقت لكن انت بتكابر وبتضر نفسك .. الحياه مستمره وانت مكانك ..مستشفى هولندا فرصه من فرص كتير بتجيلك وانت بترفضها غير رسالتك المتاخره ..
_ نورهان انا ..
قاطعته: انت ايه ..انت مش شايف ولا فاهم ولا حاسس .. "حبيبه" مبتحبكش يا "وليد" انت عندها اخ وصديق زى "حسام" بلاش تخسرها بسبب هوسك بيها صدقنى مهما انتظرت مش هيحصل الل انت عاوزه فوق ..
سكت "وليد" وكملت "نورهان" : علشان الايام القديمه الل كانت بينا ايام الكليه انا بنصحك تفوق..
قامت وقفت ومشيت اتجاه الباب ورجعت خطوه وبصتله :
_ انت عارف "حبيبه" فين دلواقتى ومع مين ؟
_ فى شرم فى شغل
_ حبيبه فى شرم مع "جى وو" .. "جى وو" رجع علشان يرجع "حبيبه" الل بيحبها وبتحبه .. علاقتهم صعب تنفصل يا "وليد" حتى لو بعاد عن بعض الل رابطهم عشق عدى كل الحدود اتمنى تفهم كده وتلحق الباقى من عمرك ..
خرجت "نورهان" بعد ما وجهت "وليد" بالحقيقه الل حاول ينكرها سنين ومرتبط بوهم بص للعلبه الل فى ايده ..!
فى شرم مر ايام و"حبيبه" من معامله "جى وو" ابتدت تصدق انه نسيها فعلا فقررت تتعامل طبيعى لغايه ما يسافر واكتفت انها شافته .. كان "جى وو" قابل "فيفى" وفهمها ان قاصد يعامل "حبيبه" كده واتفق معاها ع يوم الحفله .. فى يوم الحفله كان بيجهز "جى وو" وقعد فى غرفته لوحده ورفض اى حد يدخل وشويا طلع ع المسرح وكان المعجبين عرب ع اجانب وكان فى حشد .. ابتدا فقرات الفان ميتنج .. كان فى فقره تحقيق الامنيات وخلصت وصلوا لفقره الاغنيه و "فيفى" مسكت رقم وشبكته فى طرحه "حبيبه" :
_ ايه دا ؟
_ انا عارفه بيقولوا الكل هنا يكونوا معاهم ارقام انا معايا اهو زيك
_ وليه رقم 1 هاتى رقم 3
_ انا بحب رقم 3 "ام مجد" عيد ميلادها ف 3 ودى حماتى عاوزه رقم حماتى ليه ها ..
_ انتى رخمه
شويا ومسك بلوره وطلع كارت ومكتوب فيه رقم 1 وكانت هى "حبيبه" اتفاجئت وكانت متردده تطلع زقتها "فيفى" واتكلم "جى وو" :
_ صاحب الرقم المحظوظ هو الل هيسمع اغنيتى الجديده
حصل ضوضاء من الموجودين وكمل كلامه :
_ فى حياه كل شخص فينا شخص بيكون رقم واحد ام او اب او اخ دول من الاساسيات صعب يكون فى حد معاهم رقم واحد لكن مع الوقت ممكن شخص مش من دمك ولا جنسيتك يكون رقم واحد ممكن يكون صديق او حبيب .. رقم واحد فى حياتنا بيكون هو صاحب الفضل ان حياتنا تتحسن وتكون افضل ..رقم واحد الل كان معاك فى اسوء ظروفك واحوالك واتمسك بك ولا فكر يتخلى عنك ..( بص ل "حبيبه) .. رقم واحد فى حياتنا هو الل ممكن تضحى بروحك علشان هو يعيش .. رقم واحد هو الل حياتك بتتحول لقوس قزح فى وجوده وغيابه بيبقى الجو كله غيوم .. رقم واحد هو الل فى غيابه بتفتكره اكتر من حضوره لانه فى قلبك رقم واحد والوحيد الل قدر يحتل روحك .. رقم واحد فى حياتنا مستحيل يتنسى مهما مرت الايام والسنين لانه هو ايامك وسنينك كل لحظه شايفه قدامك ومعاك فى كل الاوقات .. بيشجعك دايما تتقدم وتكون الافضل فى حياتك ومين الل يقدر يعمل كده غير انه يكون رقم واحد ...
كلمات "جى وو" اثرت فى الموجودين و"حبيبه" نوعا ما بتتمالك نفسها ..كمل "جى وو" :
_ الاغنيه دى انا كتبتها لرقم واحد فى حياتى والوحيد فى قلبى وروحى :
قعدت "حبيبه" وطلب منها يمسك ايديها رفضت وسئل الموجودين طلبوا منها يمسكها وابتدت الاغنيه :
" هذا الهواء هو نفسا أخذه مع أذن
أسبح لكن هذا يبقى ضمن ذراعيكى
حتى فى احلامى احلم بكى كل ليله ..كل ليله
اللحظه التى امدد بها ذراعى
هذا الشعور يتموج على أطراف اصابعى
هذه انتى ..كله انتى
ان اوقاتنا مصبوغه مع لون المياه
ابتسامتك الدافئه جميله
انا سعيد تمام كما هو الحال الان
لذا لا تعطينى حريه الذهاب
انت التى وجدتها الاولى والوحيده
نلمس اطراف اصابع اقدامنا
نلمس يدينا ..نشعر بمكاننا
كل ذلك هو انتى
عناقك الناعم الذى توجهيه لى
عندما لا ازال فى اطارك
اكون الاكثر راحه .. انا محبوس بداخلك
وكأن يمكن ان اكون محاط ب ايدى حولك
داخل هذا حوض الاسماك ..ملئ بدفئك
هذه هى مساحتى الشفافه
عبر الجدار الزجاجى الفصول تنعكس
ليسوا مهمين لى على الاطلاق
الفصول التى تلمسنى كلها انتى
يديكى التى تغطى عينى
اقع فى نوم عميق
من اشعه الشمس الخافته
التى يمكن النظر لها من بين اصابعك
يافتاه انتى لى
انتى التى وجدتها الاولى والوحيده
اريدك .. ابقى بجانبى ..لا احد الا انتى
ضباب الماء يتشتت
فقط انتى تصبحين واضحه
المشهد قبل توقفى
انتى فقط تاخذيين النفس
لا تسمحى لى بأن اكون شيئا أخر غير لكى
يا فتاه انتى لى
هذا المكان (ضغط ع ايديها ) صنع فقط من اجلى
درجه حرارتك .. ضوئك.. تموجاتك
كلها مصممه خصيصا لى
امشى على الغيوم تنعكس على السطح
اسبح فى هذا المكان الاكثر زرقه من السماء
انا محبوس بداخلكى
لقد حصلتى على يافتاه ..لقد حصلت عليكى
فقط هكذا حبيببتى للابد فى ذراعيكى
لون عالمى هو فقط فضى (ظهر السلسله)
لا احتاج الى لون اخر
انا محبوس بداخلكى
لقد حصلتى على يافتاه ..لقد حصلت عليكى يا فتاه
انا محبوس فى هذا الحب "
خلص الاغنيه وع وجه ابتسامه وباصص ل "حبيبه" وهى حست انها انعزلت عن المكان هى وهو بس دموعها خانتها ونزلت قامت ونزلت بسرعه وخرجت .. كمل الحفله وانتهت فقرته وخرج يدور عليها عرف انها فى غرفتها وطلبت من "فيفى" تسيبها لوحدها ... مر الوقت فى منتصف الليل الساعه 3 بليل نزلت من غرفتها وقالت ل فيفى انها هتتمشى نزلت "حبيبه" واتصلت "فيفى " ب "جى وو" ونزل يدور عليها شافها واقفه عند الشاطى وباصه فى السما وقرب منها :
_ اكيد النجمه دى امنيتى لسه متحققتش
بصتله "حبيبه": بتكلمنى انا
بص حواليه : هو فى غيرنا ..
بصتله بملامح جاده : سورى .. هو حضرتك تعرفنى
ضحك "جى وو" وحط ايده ع قلبه : عاوز اتعرف من الاول ممكن
بصتله "حبيبه": سورى ..
_ "حبيبه"
_ نعم
_ "هالمونى " و "جو وو" ومامته بيسلموا عليكى
ابتسمت "حبيبه": اتمنى يكونوا بخير
_ انتى عامله ايه ..؟
_..بخير .. وانت
_ من قبل ما اركب الطياره لمصر ولا من بعد ما شوفتك فى الفندق
بصتله "حبيبه" وقربت منه خطوتين : انت كنت متعمد
_ ياااه اخيرا فهمتى
_ اوكيه .. فين "مين سوك" مجاش معاك ليه ..
_ هو هناك اخد اجازه يقضيها مع اسرته
_ و "سى را" ؟
_ انهت عقدها مع وكالتى وانضمت ل وكاله فى اليابان واستقرت هناك واتعرفت ع ابن صاحب الوكاله ومش بعيد قريب نسمع انهم اتجوزو
_ طيب تمام ..بعد اذنك
مشيت "حبيبه" مسكها من ايديها : رايحه فين ؟
_ رايحه اوضتى هنام
بصلها "جى وو" وماسك ايديها وبتشد ايديها شدها وضمها لحضنه :
_ وحشتينى ..
وقفت وبصتله وكرر تانى الكلمه : وحشتينى يا "حبيبه"
بتحاول تبعد عنه : ابعد ايدك الناس
بيضحك وقرب منها : مالهم الناس ..هقولهم اخيرا بعد 3 سنين واسبوع قابلت روحى ..هقولهم اخيرا رجعت ليا الحياه .. هقولهم رجع ل قلبى دقاته . هقولهم اخيرا الامنيتى اتحققت ومش هسيبها
بتحاول تبعد عنه وهو ماسكها : مش هسيبك يا "حبيبه" مهما تحاولى
بتوتر : ابعد ايدك ونتكلم زى الناس العاقله
_ ومين قال انى عاقل ..الل عملتيه معايا يجنن بلاد
بصتله : والل عملته من وقت ما جيت دا ايه
ضحك : كنت بعاقبك عقاب بسيط عن انك حرمتينى منك 3 سنين علشان مخاوف مش اكيده
_ لكن كان عندى حق انا لما بعدت حياتك استقرت ورجعت لحياتك الطبيعيه
_ انتى ليه مش فاهمه انك انتى الحياه ليا انا عايش بدقات قلبك وبلمسه ايدك وبا انفاسك
سكتت "حبيبه" وكمل كلامه :
_ احنا اتعاهدنا اننا منشوفش بعض وسيبنا امنياتنا متعلقه ونستنى الوقت المناسب ل تتحقق وانا استنيت الوقت المناسب وجيت هنا علشان اقولك ان امنيتى الاولى كانت اثبتلك انى هكون بخير والعمليه مش هتاثر عليا فى اى حاجه وتانى امنيه اثبتلك انى مش عاوز غيرك فى الدنيا وتالت امنيه الل كانت متعلقه (بص ل السما وبصت معاه النجم اختفى ) اتحققت دلواقتى وهى انى اقابلك تانى واضمك بين دراعى ومش هسيبك وقتها مهما قولتى ومهما حصل..
بصتله "حبيبه" وساكته وكمل كلامه وهو حاضنها : 3 سنين عايش بتخيل وجودك معايا فى كل لحظه وفى كل وقت وفى كل مناسبه حاسس بوجودك لكن مش شايفك عشت ال 3 سنين بحلم باليوم الل هيتحقق فيه امنيتى .. انا عشت ال 3 سنين معتقد انى عايش حياتى لكن للاسف حياتى كانت ناقصها اهم حاجه (قرب منها وحس ب انفاسها ) كان ناقصها احس باانفاسك الل هى الهوا الل قلبى بيتنفسه وعايش به ..انا افتقدت الاحساس بالحياه كانت ايام بتمر واوقات كنت بيأس لكن كنت بشوفك بتشجعينى اكمل احقق الحلم ويكون حقيقه وكنت بحارب ومستسلمتش ع امل انى هقابلك فى يوم كنت بعمل كل حاجه علشان اليوم دا يجى واشوفك بعنيا والمس ايديك ب ايديا واحس بدقات قلبك وانفاسك ..انا مش هقدر اعيش يوم تانى من غيرك انتى الحياه الل السما هدتهالى يا حبيبه ..
دموع نازله من عينيها وساكته وكمل كلامه : انا مش همشى من هنا غير وانتى معايا والمرادى مهما حاولتى مش هسيبك هنرجع سوا وانتى مراتى باباكى عارف وموافق ومستنى انك تقولى ايوه وهتقولى ايوه لانى مش مستنى اسمعها بودانى لان قلبك قالها من زمان وسامعه دلواقتى موافق ..
_ جى وو انا ..
_ هتقوليلى الاطفال وان العلاج الل كنتى بتاخديه لسنين اثر عليكى وبقى صعب يحصل حمل هقولك القدر الل جمعنى معاكى مفيش حاجه صعبه عليه ..الحلم الل جمعنا سوا وانتى هنا وانا من هناك فرق بينا محيطات مفيش حاجه صعبه ولا مستحيله ..احنا مع بعض هيتحقق احلامنا وامنياتنا لاننا ببساطه هنساند بعض ونشجع بعض نكمل .. "حبيبه" انا بحبك ..انا بعشقك.. انا مجنون بيكى .. حبى ليكى ملوش حدود ومش هتنازل عليه المرادى .. متحاوليش مفيش هروب .. وبقولهالك قدام البحر والسما موافقه تعيشى معايا عمرى الل جى موافقه ترجعيلى روحى موافقه متبعديش عنى ..
ابتسمت "حبيبه" ودموعها نازله وحضنته قالها بهزار : الناس
_ هقولهم دا حبيبى دا حلمى وامنيتى دا حياتى دا عمرى الل جى دا هديه ربنا ليا .. بحبك
_ بعشقك ..
رجع "جى وو" وقابل "فؤاد" وكتبوا الكتاب وكانت صدمه ل "وليد" فقرر يسافر ويقبل بعقد هولندا وسافر وسافرت مع "جى وو" ل "كوريا" ومعاها "كوكا " واستقبلوها فى حفله ف البيت و"حسام" كان موجود و "مى سون" واولاده الاتنين التؤام و"هالمونى" و"جو وو" ومامته وكانت سعيده "حبيبه" وشافت "كوكا" قاعده مع "ليزا" قرب منها "جى وو" وحضنها من ضهرها :
_فى سر كنت عاوز اقولهولك
_ ايه ؟
_ دا قط مش قطه واسمه ليز مش ليزا
اتفاجئت"حبيبه": ايه ..؟
_ متتفاجئيش كده وسيبهم يتعرفوا ع بعض ويملولنا البيت قطط
ضحكت "حبيبه" وتانى يوم سافروا لنفس مكان اعتراف حبهم الاول وكررلها الحلم ولبست الفستان وهو كمان لبس الطقم واتكرر الحلم ع الواقع وقفت "حبيبه" ع الشاطى مبتسمه وباصه للسما شافها وحضنها "جى وو" من ضهرها وباسها ع خدها :
_بتتمنى ايه تانى مش اتفقنا اننا نتمنى مع بعض ..
_ انا بشكر ربنا ع كل حاجه وهبهالى ع كل النعم ع البحر ع السما والنجوم ع الامل ع الرضا ع الحلم وع وجودك فى حياتى ..
_ اوعدك من انهارده انك هتفضلى فى حضنى ومش هسيبك تبعدى عنى ( مسك ايديها وباسها) ايدك فى ايدى وخطواتنا مع بعض فى الحياه .. احنا بنبدء حياتنا من دلواقتى واحنا مع بعض ومفيش مستحيل شويا صبر وثقه وايمان هتكملى علاجك علشان الاطفال حتى لو مرت سنين انا معاكى ومش هتخلى عنك مش هسيب ايدك دى ابدا ...
ابتسمت "حبيبه" :
_حبيبه
_ نعم
_ فى حاجه فى عينى بصى كده
وقفت قدامه وبتبص بدراعه وحضنها وقربها منه :
_ انفاسك هى الحياه ليا ممكن اخد شويا اكسجين
ابتسمت "حبيبه" : ممكن فى شويا اكسجين ذياده هدهملك
قرب منها وباسها ..
باسها ع خدها وكانت الشروق طلعوا ع صخره وباصين اتجاه الشمس مسك "جى وو" ايد "حبيبه" وبصوا ل اتجاه الشمس وكلهم سعاده ورضا وقرار انهم يتمسكوا ببعض مهما حصل ومهما ظروف حاولت تفرقهم يستمتعوا بكل نعمه ربنا خلقها ..!
_________
وخلصت قصتا بحمد الله
لايك ورايكم
اسفه ع التاخير
الاغنيه اسمها One and Only / Exo
المغزى من القصه :
__________________________
1_ الحب مش خيال ووهم هو محتاج صدق ووضوح واختيار اشخاص صح وعدم الاستعجال
2_ الحب الحقيقى افعال اكتر من كلام
3_ الل بيحب بجد بيفكر فى الل بيحبه اكتر من نفسه ازاى يسعده ويحافظ عليه ويهتم به لانه بيكون من الاساسيات فى حياته
4_ حياتنا مليانه مشاكل وهموم كتيره منسمحش ليها تسيطر ع حياتنا ونواجهها ومنستسلمش حتى لو تعبنا نرجع نحارب لان مهما طال الليل شمس النهار بتظهر وتنور الدنيا
5_ مريض السرطان مش فيروس ولا كائن فضائى دا انسان طبيعى زى زى اى شخص سليم هو الفرق انه ربنا بيختبره اختبار انت ممكن متستحملوش وخصه هو بالجزاء دا
6_ الاهتمام الاوفر بدافع الحب بيتعب اكتر من الاهمال لان كده بنحرم الشخص دا بانه يعيش طبيعى وبنحسسه دايما بمرضه او مشكلته ودا بيوجعه اكتر من وجعه
7_ الفراغ .. فى حاجات كتيره نشغل بيها فراغنا دور كويس حواليك هتكتشف حاجات كتيره مش شرط تشغل فراغك ب اشخاص لان كل شخص له حياته ومشغولياته .. اشغل فراغك بنفسك ولو حسيت بفراغ وملل يبقى دى مشكلتك وانت اخترت كده مش مشكله الل حواليك ..
8_ فى فى فراق الحب نوعين نوع بيحتوى الوجع وبيحتفظ به لنفسه وبيكمل حياته وفى بيستسلم للوجع وبيدمر حياته وقتها يا يفوق يا هيكون عدى الوقت وبيخسره انت الل تختار
9_ اى سوء تفاهم بينتهى بالكلام متخزنش كلام جواك ضد شخص حتى لو كاره اتكلم واسمع ووقتها قرر تكمل او تبعد لكن قرار من غير خوض نقاش قرار غلط انت بتاذى نفسك
10_ الحب مرتبط بالخوف لكن لو العلاقه صح ومتماسكين ببعض مهما كانت الظروف هيكملوا
11_ الل بيحب بجد مبينساش بيتناسى وبيعيش
12_ الصداقه مش بالسنين ممكن موقف واحد يربط صداقه وتكون صداقه العمر ودا التشابهه بين الصداقه والحب الاتنين مش محتاجين فتره زمانيه الاتنين محتاجين مواقف وافعال تثبت قوتهم ..
13_ الحب من طرف واحد وهم بيقتل صاحبه برغم تاكيد الواقع انه مش هيحصل النكران مش حل
14_ تربيه الحيوانات الاليفه مش هوايه وموضه فى اشخاص بيحتاجوا يتكلموا معاهم وبيكونوا اقرب ليهم عن البشر ..
15_الاحلام والامنيات والخيال مش عيب ومفيش مستحيل فيهم لانهم نعمه وعطاايا ربنا خير .. احلموا واتمنوا واكتبوا احلامكم وحددوا اهدافكم واسعوا واجتهدوا لعل وعسى تتحقق وتتحق اكتر مما تتخيل
16_ الامنيات حتى لو متحققتش مجرد تخيلها بتبهجك ودى نعمه مش هبل
17_البنات فى حبهم بيخافوا بيبقوا دايما محتاجين الل يطمنهم ويحسسهم بالامان وانه مش هيسبهم ودا مش من خلال الكلام لا افعال لان البنت لما بتحب بتحب بكل مشاعرها ولما بنتصدم بيبقى الوجع قاسى عليها
18_ قددر واحترم واهتم ب اهلك واصحابك واخوات وحبايبك بلاش نظريه الركن لان الانسان طاقه والاهمال نتيجته صعبه بتوجع سواء الل اهملته وسواء لما بتفوق متاخر
19_ لكل حاجه ليها وقت فى حياتنا وليها ميعاد تحصل فمهما طالت المده متيأيسش
20_ احمدوا ربنا ع عطاياه كلها سوء وجع او الالم او مرض واتاكدوا انه هيهاديكم بفرح وسعاده
21_ الوجع والالم بيبقى اختبارات مؤقته الضعيف الل بيستلم لكن الشجاع الل بيحارب ويواجه ويكمل حياته ومبيخافش
22_ احلموا مهما حصل وقالولكم مستحيل احلموا ربنا رحيم ومعاه مفيش مستحيل ودايما بيراضى عباده بالل يستحقوه واكتر .. تفائلو
23_حافظوا ع الل بيتحبوهم وبيحبكوا بجد لان فى لحظات مبتتكررش ولا اشخاص بيتكرروا
24_ حافظ ع مشاعرك وقلبك ومتعذبش نفسك بحب من طرف واحد توقف عليه حياتك
25_ فى عشق ملوش وصف ولا كلمات تحكى عنه ودا لا بيهتم بالمكان ولا الزمان لانه ببساطه عشق بلا حدود
____________________
القصه دى قولت مأخوذه من قصه حقيقيه هى فعلا دمج بين قصتين لبنتين مرضى سرطان الكبد الجزء الل بيخص الحلم والسفر ومقابله الشخص الل فى الحلم والشغل والعمليه ورجوع مصر وال 3 سنين والشغل وشرم الشيخ وشخصيه وليد الزباله ومشهد الفيلم هو كان فيلم فرنسى معرفهوش ف انا كتبت THE VOW يعنى الجزء دا وطبعا الكورسات اللغات فى البيت فعلا حصلوا لبنت مريضه بالسرطان واسمها "هبه" جاره واحده صاحبتى انا معرفهاش شخصيا والشخص الل كان فى الحلم اجنبى فعلا من المانيا وشافته فعلا صدفه ف المانيا انا مليش ف الاجانب اوى فااخدتها وعملتها ع كورى
وكان عندها قطه اسمها بسبوسه وجزء قصه رجاء وفؤاد وحسام وندى وكريمه وكوكا دى قصه بنت تانيه اعرفها اسمها "حبيبه" انا دمجت القصتين فى قصه واحده طبعا انا عرفت الخطوط العريضه والاحداث الاساسيه وبعض التفاصيل من قصه "هبه" والباقى اطلقت خيالى وتخيلت المواقف ... غير
وبما ان فى قصص ارتباط كورين ب بنات عرب وفى مصريه اتجوزت كورى اعرفها فااخدت فكره الكورى و ال 3 قصص ودمجتهم ف قصه واحده برافوا عليا
______________
الطلب الل هطلبه منكم .. ياريت تدعوا ل "حبيبه" الحقيقيه الل هى بنت فؤاد ورجاء لانها مسافره فرنسا بكره العصر علشان تعمل عمليه زرع هناك وهى فعلا حالتها متاخره ادعولها وادعو لكل مرضى السرطان لانهم بيعانوا ومهما اتكتب عنهم مش هيعبر عن جزء عن وجعهم ..
وعاوزه اقول سبب القصه تكون قصيره بصراحه هى السبب لانها بتقرا قصصى وانا بصراحه كتبت القصه دى ليها وقصدت تخلص انهارده تقراها قبل ما تسافر ودا اهداء منى ليها تقوم بالسلامه وتحقق احلامها انا كتبتها كنوع من تشجيعها وانها متستسلمس وتحارب مرضها وترجعلنا بالسلامه وتديها تفائل ويارب اكون اسعدتها ..!
__________________________
بشكر كل واحد وواحده تابعو القصه برغم احساسى انها مكنتش هتعجب البعض لكن الحمد الله عجبت ناس كتير .. انا فعليا نفسيتى تعبت وانا بكتب القصه ولما بتكتبوا انكم عيطتوا مصدقاكم لانى فى مشاهد وانا بكتبها فعليا من الاندماج بعيط وببقى فى حاله نفسيه نيله ... ف شكرا لكل واحد وواحده اهتموا وتابعوا سواء فى صمت او كل يوم بتعليق ..
___________
رغيت كتير مستنيه اقرا رغيكم عاوزه رأيكم بصراحه ووضوح ونقدكم كمان
ابدعوا وانطلقوا
الى اللقاء فى قصه تانيه جديده امتى الله اعلم هاخد وقتى اخرج من القصه دى
ليست هناك تعليقات:
إرسال تعليق