(16)
"مريم" دموعها بتنهار وفى حاله صدمه من كلام "ايهاب" والل عرفته عن "زين" استكمل "ايهاب" كلامه وكان بيحاول يتمالك نفسه : انتى طالق يا "مريم"
الكلمه زى الرصاصه فى قلبها استقبلتها "مريم" و"ايهاب" حس بوجع فى صدره لما قالها تمالك نفسه ودخل غرفه النوم جمع هدومه وخرج بقرب منها وبصلها وهى دموعها نازله :
_ الشقه دى شقتك مكتوبه ب أسمك انا الل همشى منها لان من الاول مكنش ليا مكان فيها انا الل اتطفلت عليها زى ما اتطفلت ع حياتك ,, بجد من قلبى يا "مريم" اتمنالك تعيشى حياه تنسيكى الوقت الل عشتيه معايا لكن انا مش هنسى لانى مش هنساكى ,, اسف
وفتح باب الشقه وخرج "ايهاب" ومع قفله الباب وقعت "مريم" منهاره ع الارض بتبكى بحرقه مش قادره تستوعب الل حصل ,, فضلت فى شقتها أسبوع مبتتكلمش ولا بتخرج بتحاول تجمع الل حصل واحساسها بالذنب اتجاه "ايهاب" وغلطها الل مكنتش حاسه به وكدب "زين" واهلها حسسها انها تايهه ,,وقررت تنزل "مصر" راحت ع المطار وسافرت من غير ما تقول لحد ونزلت المطار اخدت عربيه مخصوص ل الاسكندريه ,, افتكرت انها نسيت سلسله المفاتيح فى شقتها فى ايطاليا فطلبت من السواق انه يوصلها للمطعم ,, بعد شويا وصلت ونزلت شنطها وكان فى حفله ف المطعم حاولت متبينش حاجه برغم انها طول طريق السفر ددموعها مبتقفش ودخلت شافتها "ملك" من بعيد وراحت عليها : "مريم",, "مريم"
حضنتها : ايه المفاجاءه الحلوه دى الجماعه كانوا بيحاولوا يتصلوا بيكى لكن معرفوش ولا حتى يوصلوا ل "ايهاب" قولتلهم تلاقيهم غطاسنين فى مكان لوحدهم بقى وكده ,,
بنبره مرهقه: هى "ماما" فين يا "ملك" هاتيلى منها مفتاح الشقه علشان عاوزه ارتاح
لاحظت "ملك" جمود ملامح "مريم" : هو انتى مش هتباركى لعريسان ولا ايه ؟
استغربت "مريم": عرسان مين ..؟
"ملك" بمنتهى التلقائيه : "زين" و "بسنت" انهارده خطوبتهم ماهو احنا كنا بنحاول نوصلك علشان نقولك اتحدد خطوبتهم رسمى خلاص ولبسوا الدبل و..
وهى بتتكلم "ملك" مشيت بخطوات بطيئه "مريم" اتجاه مجموعه من الناس كانوا واقفين وبعد شويا وصلت ل ترابيزه بتبص عليهم وفجاءه شافت "زين" و"بسنت" جنب بعض ماسكين ايد بعض وع وشهم ابتسامه وسعاده لاحظ "زين" وجود "مريم": مريم
حاولت ترسم ابتسامه : كده تعملها من غير ما تقولى ..؟
مشيت اتجاههم خطوتين: مبروك يا بسنت الف مبروك انا ربنا بيحبنى ان برغم انهم مقالوش ليا ع الخطوبه لكن انزل فى يومها الحمد الله ..
اتجهت ل زين وبتتمالك نفسها : يا رخم كده ماشى علشان خاطر عروستك هعديهالك بس
مفاجاءه وجود "مريم" غيرت ملامح وجه "زين" من بعد ما كان بيضحك بقى قلقان لان ملامح وجه "مريم" كانت بتكدب كلامها وعيونها كان باين انها معيطه ,, مشيت "مريم" اتجاه مامتها :
_ "مريم" ايه الل نزلك فجاءه كده ومالك متغيره كده ليه و"ايهاب" فين ؟
_ ماما بعدين ..بعدين .. هاتى المفتاح علشان عاوزه ارجع البيت ارتاح بعد اذنك
_ طيب اقعدى شويا ..
_ تعبانه مش قادره لو سمحت هاتى المفتاح ..
اخدت المفتاح من مامتها وخارجه اتجاه الباب لاقت حد مسك ايديها بصت كان "زين ": زين
_ حصل ايه يا "مريم".. وفين "ايهاب"..؟
بتوتر حاولت تكدب: ايهاب مسافر وانا قلت اجى اقعد معاكم يومين ماهو انت عارف وحشتونى وكده
_ وشك بيقول غير كلامك ,, فى ايه يا "مريم"..؟
سحبت ايديها " مفيش يا "زين" ولو حتى فى اكيد مش وقته روح لعروستك مينفعش تسيبها كده والناس بيدوروا عليك .. روح ..
بص "زين" ع "بسنت" لقاها بتبصله وع وشها ملامح توترورجع بص ل "مريم" : لينا قاعده وكلام
_ ان شاء الله . يلا امشى روح لخطيبتك ...
مشى "زين" واتنهدت "مريم" واخدت نفس وخرجت لقت "ملك" بتنهده عليها : استنى يا "مريم" انا جايه معاكى ...
فضلت "ملك" معاها و بعد حفله الخطوبه رجع ع طول "زين" ع البيت وحاول يشوف "مريم" لكن كانت نامت ... تانى يوم صحى بدرى طلع المرسم مكنتش موجوده نزل ليها الشقه وكانت لسه نايمه بالرغم انه كان محدد ميعاد يخرج هو و"بسنت" اتفاجئت "بسنت" برساله من "زين" بيأجل الموعد وهيكلمها عرفت ان التأجيل كان بسبب "مريم" وملامح وشها اتغيرت ..!
صحيت "مريم" وحاولوا يتكلموا معاها قالتلهم انها اطلقت وكانت صاعقه للجميع وبالسؤال عن السبب مردتش تجاوب وقالت "انا الل طلبت " وبرغم من تأكيدها ع الرد لكن "زين" و "ملك" كانوا متاكدين ان فى سبب قوى لان ملامح وجهه "مريم" مش ملامح واحده اطلقت عن اقتناع وب ارادتها وفى وسط الكلام عرفوا انها كانت حامل فعلا واجهضت وكانت مفاجاءه ل "زين " ,, "مريم" مكنتش بتتكلم كتير فقرروا يسيبوها ع حريتها من غير ضغط ,, كانت قاعده فى اوضتها اغلب الوقت بترتب افكارها والل حصلها ,ففى يوم باب الاوضه خبط وسمعت صوت "زين" تلقائى شدت طرحه وحطتها ع راسها : ادخل ..
ب ابتسامه مبهجه: لالالا ملناش احنا فى جو الاكتئاب دا يلا قومى وتعالى معايا
_ مش قادره يا "زين" بطل رخامه انا هنام اصلا
_ لا كفايه نوم الافيال بتاعك دا غير كده الفيل الصغنن بتاعى لازم ياكل اومال هنركب الزلومه ازاى ..؟
بصتله "مريم" وفى عينيها دموع لحقتها ولاحظها "زين" وعمل نفسه مشفهاش وشدها من دراعها : يلا بينا ..
اخدها "زين" وطلعوا السطح وكان محضر ليها البيتزا : ترررررا ايه رايك جوعتى صح متنكريش سامع معدتك وهى بتقول بيتزا بيتزا بيتزا ياهوووو صح
ابتسمت "مريم": ايوه كده يلا عاوزك تنسفى كل دول يلا
وقعد جنبها وهى حاولت تاكل للحظه افتكرت كلام "ايهاب" انها مع "زين" بتكون احسن وانها بتحب "زين"ومن ضغط عليها "زين" فى الاكل مكنتش قادره وراحت لحمام ترجع واستغرب "زين" اول مره يحصلها كده ,, رجعت وقعدت وكان عامل كوبيتين شاى بالنعناع : احلى كوبيتين شاى بالنعناع ل "ميما" و "زيزو" والشيطان ثالثهما يتفرج بقى
ابتسمت "مريم": مالك يابت اضحكى انتى مستخسره الضحكه
_ بجد تعبانه يا "زين"
_تعبانه من ايه بقى او معنى اصح اطلقتى ليه يا "مريم"
بصتله"مريم": ايه ..؟
_ من غير ايه ... انا سيبتك أسبوع بحاله اهو ومتكلمتش بالرغم انى مكنتش قادر اقعد من غير ماافهم فى ايه حصلك واستنيت تتكلمى زى العاده لكنك قاعده ساكته ف اتكلمى معاكى المايك وقوليلى اطلقتى ليه ومتقوليش مفيش هتلاقى قفا معتبر هيرجعلك الذاكره بقولك اهو ..
ضحكت "مريم": واطى وتعملها عارفه
ابتسم" زين" : قولتلك اهو وانتى حره بقى ها ..
للحظات : عادى يا "زين" اى اتنين مرتحوش مع بعض الانفصال هو الحل دا المختصر ..؟
_ واكتشفتوا امتى انكم مش مرتاحين بعد سنتين وفجاءه كده زانا لسه مكلمك من مده وكنتى بتقوليلى كل حاجه تمام كنتى بتكدبى بقى ..؟
بصتله "مريم": الناس بتكدب ساعات مفيش حد ملاك يا "زين"
_اه صح لكن انا وانتى مبنكدبش ع بعض وبنحكى لبعض عن كل حاجه
_ متاكد
_متاكد من ايه ..؟
_ راجع نفسك كده من وقت ما اتجوزت كدبت عليا فى حاجه ولا لا ..
سكت "زين" لحظات : لالا مفيش
_طيب
_ يعنى افهم هو دا الل حصل فعلا ..؟
_ اه
بص "زين" فى عين "مريم": متاكده ..؟
بصت "مريم" فى عين "زين" وغيرت الكلام :هو انت فاضيلى لدرجه دى خطيبتك سيباك كده خليها تشيل رخامتك شويا عنى ,, انا داخله المرسم شويا ومتدخلش ورايا علشان هفك شعرى بقولك اهو ...
قامت "مريم" ودخلت المرسم بسرعه وقعدت ع الكرسى وحست بقلبها بيدق لكن دقات بتوجع و"زين" قاعد حاسس ان فيه حاجه كبيره حصلت و"مريم" مصممه تكدب ..!
اصرار "زين" يعرف الحقيقه خلى كل تفكيره فى "مريم" ولاحظت كده "بسنت" ففى مره وهما خارجين قعد "زين" سرحان : روحت فين ..؟
بتلقائيه: ريفيرا .. ايطاليا
بتضحك"بسنت": ايه الدقه دى ..؟
انتبهه "زين": لا لا متحطيش فى بالك كنا بنتكلم فى ايه ..؟
_ كنا بنتكلم عن انا وانت هنسافر القاهره الاسبوع الجى ماما عازمنا ع الغدا ونقضى اليوم معاهم و .."لاحظت سرحان "زين".. زين
_ ايوه معاكى ..
_ لا مش معايا .. ممكن اعرف مالك وايه شاغل بالك كده ..؟
اتنهد"زين": مريم
اتغيرت ملامح "بسنت": مالها "مريم"..؟
_ اموت واعرف هى مخبيه ايه عنى لدرجه دى ,, دى متغيره خالص مش "مريم" الل اعرفها دى مكنتش بتخبى عليا اى حاجه
_ اسالها وبلاش الحيره دى ..
_ مبتقولش حاجه ..وانا مش هسكت غير لما اعرف لو حكمت هسأل "ايهاب" نفسه
استغربت "بسنت" ع اصرار "زين": يااااه لدرجه دى ..؟
_ طبعا "مريم" دى اهم حاجه فى حياتى والل يزعلها يزعلنى مهما كان ومينفعش اشوفها كده ومعملش حاجه مينفعش
_ اهم حاجه فى حياتك وانا فين ..؟
انتبه "زين":ها ,, اقصد اختى والاخت اهم حد فى حياه الانسان ولا ايه والل ملوش خير فى اخته ملوش خير فى حبيبته ..
_ بجد انا حبيببتك يا "زين"
_ ااكيد انا فى حياتى بوووووسنت واحده غير قابله لتبديل
_ ياريت يا "زين" الكلام دا من قلبك ..
_ لا من الحجاب الحاجز "بص فى ساعته" يلا بينا اتاخرتى انتى كده
_ اوكيه يلا
مشى "زين" مع "بسنت" والاتنين ساكتين بصتله "بسنت" ورددت فى نفسها " اختك انت بتكدب عليا ولا ع نفسك يا زين " وقتها افتكرت فى يوم كانت بتزور ""سوسن"
"فلاش باك من 3 شهور وقت ما زين عرض عليها الارتباط "
"بسنت" كانت فى زياره ل "سوسن" وهما قاعدين مع "سناء" دخلت "بسنت" تعملهم قهوه وهى راجعه سمعتهم بيتكلموا :
_ بسنت دى بنت حلال والله يا سوسن
_ اه فعلا يا سناء .. بجد مبسوطه ب ارتباطها مع "زين "
_ الحمد الله ان الاولاد كلهم ارتباطوا بالل هما عاوزينه
_ اه فعلا .. شفتى بقى كدبتنا يا "سناء" الل افتكرنا انها غلط اننا قولنا "زين" و "مريم" اخوات طلعت فى صالحهم ازاى ,,محمود مدخلش فى ارتباطهم وكل واحد فيهم اختار شريكه بنفسه "مريم" اختارت "ايهاب" و "زين" اختار "بسنت" و"كريم" بيحاول يرجع مع "ملك" احنا كنا صح
_ بس "زين" حب "مريم" بجد يا سوسن لما عرف انها مش اخته مكنش رد فعله طبيعى و "مريم" حاسه انها كمان بتحبه
_ لالا يا سناء كل دا كان وهم هما اتعلقوا ببعض ودا سبب تعب "زين" يوم مااتجوزت "مريم" اختفائها من حياته تعبه والدليل ع كده انه عاش حياته اهو وقابل "بسنت"
_ احنا المهم عندنا سعادتهم
_ ودا الاكيد وكويس ان "زين" بس الل يعرف و "مريم" لا ع الاقل "زين" اتاقلم
_ الحمد الله
فى الوقت دا عرفت "بسنت" بحقيقه ان "زين" خوفه وقلقه ع "مريم" مش من منطلق الاخوه لكن علاقتهم ببعض اكبر والساتر بتاعها اخوات ودا خلاها تصمم ع التمسك ب "زين" مهما كلفها الامر وخلاها توافق ع الخطوبه برغم علمها بحب "زين" ل "مريم"
دا الل خلاها ف الخروجه تتاكد ان "زين" بيكدب عليها وظهور "مريم" تانى فى حياتها بيهدد علاقتها ب "زين" ... !
انتهز "زين" فرصه سفر من الشركه ل ايطاليا وسافر من غير ما يقولهم لكن "بسنت" عرفت وشجعته انه يصلح بين "مريم" و "ايهاب" سافر لكن للحظ لقى "ايهاب" سافر لمده 4 شهور وميعرفوش فين بالظبط رجع "مصر وكانت "بسنت" مستنيه الاخبار لكن عرفت انه مقابلهوش ... !
فى يوم "ملك" فى المطعم شافت "كريم" قاعد بيكلم نفسه وفجاءه ندالها :
_خير ..؟
_ ملك بجد انا محتاجلك محتاج اتكلم معاكى فى حاجه مهمه .
ملامح "كريم" كلها قلق : فى ايه ..؟
_ بصى وركزى معايا .. زين بيحب مريم وبسنت بتحب زين وزين مبيحبهاش ومريم كانت بتحب ايهاب وايهاب بيحب مريم وانا بحبك انتى وانتى منفضالى
اتلغبطت "ملك": ايه الهبل دا متتكلم عدل وبعدين ايه الل زين بيحب مريم ماهى اخته
_ لا مش اخته ..
اتفاجئت"ملك": نعم
_ الحكايه "حكى كريم ل ملك الحكايه "
_ يعنى زين ومريم مش اخوات واحساسهم للبعض حب حب يعنى
_اها و "زين" فى المده الل فاتت اتاكد ان مشاعره اتجاه "مريم" مش حب اخوات وحاول يتغلب عليه معرفش فى السنتين الل عدو واخر حاجه فكر فيها انه يخطب "بسنت" وانا للاسف شجعته على الخطوه دى واهو انا متبهدل معاه و دلواقتى فى "بسنت" الل متاكده ان مشاعر "زين" اتجاه "مريم" مش اخوات لكن حب ومهما حلفتلها مش مصدقه اعمل ايه دلواقتى ..؟
_ استنى استنى علشان انا اتلغبطت ,, طب ازاى مريم اتجوزت ايهاب وزين خطب بسنت وهما عارفين انهم مبيحبهمش وفى نفس الوقت عارفين انهم اخوات ,,مش فاهمه حاجه
_ متركزى معايا يا "ملك" بقولك مريم متعرفش انهم مش اخوات لكن زين الل يعرف ومن وقتها لغايه ما شاف "مريم" قدامه يوم الخطوبه كان بيحاول يهرب من مشاعره اتجاهها ووجهها ل "بسنت" لكن ظهور "مريم" لغبط الدنيا خالص و"زين" بقى اهتمامه الاول والاخير هو "مريم " ولاحظت "بسنت" كده وكلمتنى اتصرف وانا مش عارف اعمل ايه ..؟
_لالا استنى نعمل فنجانين قهوه علشان اللغبطه دى ...
وقعدت ملك مع كريم يتكلموا ودى كانت اول مره يتكلموا مع بعض عن قرب من غير خبط كلام ملك ل كريم ...!
"ملك" صممت تتكلم مع "مريم" تفهم منها فطلبتها تبات معاها وسط الكلام والحاح حكت "مريم" ل "ملك" سبب طلقها من "ايهاب " والل حصل :
"ملك" مصدومه من الكلام : وبتقولى مفيش حاجه من وقت ما رجعتى ايه دا يابنتى
_ يعنى هقول ايه انا مش عارفه ,,هقول انا معرفتش احافظ ع جوازى وانا مكنتش قد المسؤؤليه وانى اهتميت ب "زين" وعلاقتى به اكتر من علاقتى ب "ايهاب" الل عايشه معاه .. برغم الل عمله ووجعنى لكن انا وجعته اكتر ب اهمالى وبحاجات تانيه هو عنده حق فيها
_ نعم .. ازاى ..؟
_ "ملك" من وقت ما ركبت الطياره وانا حاسه انى سيبت روحى هنا ,,مفيش حاجه هناك ردت فيا الروح غير لما نزلت ليكم اجازه ولما "زين" جه وشوفته ,, فعلا لما بكون مع ايهاب فى حضنه مبحسش ب اى حاجه وكنت مبرضاش اتكلم ولا اقول وبقول لنفسى مع الوقت هاخد عليه هتأقلم ع الحياه الل اختارتها ب أرادتى هو كويس وحنين وطيب ومش مقصر معايا لكن لاحظت مع الوقت انى ببعد عنه مش بقرب ,, احساسى ولهفتى الل كانت موجوده مع الوقت قلت واختفت انا فعلا بعمل حاجات لمجرد الواجب واتعودت ع كده وبقت عاده خاليه من الاحساس لدرجه ان انا قلت هى كده اصلا ودا لان "ايهاب" مكنش بيتكلم ولا بيشتكى ومهما اعمل بيتقبله ,,الل محيرنى حاجه مش عارفه بجد انا اتجوزت ليه والاحساس الل كان موجود فى الاول راح فين واختفى ازاى ...؟
اتنهدت "|ملك": حب الوهمى
_ نعم ..؟
_ انك توهمى نفسك بانك بتحبى حاجه او شخص بشده ومع الوقت الاحساس يروح الاحساس وتنصدمى بواقع اختيارك .. زى مثلا شوفتى فستان وعجبك اوى وهتموتى عليه ومش شايفه غيره لكن جسمك مش مساعدك تشتريه فبتعملى دايت وبااصرار بتوصلى للوزن المناسب له وبتروحى تشتريه بكل الفلوس الل معاكى وبفرحه رجعتى البيت وبتقسيه دخل فعلا فيكى ومقاسك لكن مش مناسب ليكى ومش مريحك تفكرى ترجعيه تفتكرى ان المحل كاتب البضاعه التى تباع لا ترد ولا تستبدل وقتها تكتشفى انك ضيعتى فلوسك وفى نفس الوقت ادبستى خلاص فى فستان ومجبره تتقبلى وجوده لان مفيش حل تانى ,, علشان كده اختيار شريك الحياه مش سهله محتاجه تأنى وعدم تسرع ومتحكميش مشاعرك لوحدها فى اختيارك لان فى مشاعر كدابه بتوهمك بحاجات مش موجوده ولازم تفرقى بين الاعجاب والحب الاتنين ميختلفوش عن بعض فى الاول لكن بيختلفوا بعدين مع الوقت الحب احساسه بيزيد اكتر وبتتعلقى بالانسان دا اكتر لكن الاعجاب بياخد وقته وبيقل وفجاءه ممكن تعجبى بغيره من غير ما تحسى ,علشان كده لما تحبى شخص فكرى هو دا الل عاوزه اكمل معاه حياتى هو دا الل هقدر احبه ويحبنى مهما مرينا بظروف هو دا الل فاهمنى وقادر ع احتوائى هو دا الل مستعده اسلمه قلبى وعقلى وروحى وجسمى وانا مطمنه ,, انتى مبتحكميش ع حياتك بس انتى بتحكمى ع حياه شخص تانى معاكى ارتبط بيكى
_ ما انا كنت بحب "ايهاب" فعلا الا مكنتش رضيت اتجوزه
_ يا حبيببتى انتى حبيبتى "ايهاب مختار" الفنان المشهور الل كنتى بتحلمى انك تسلمى عليه مش تتجوزيه ,,فجاءه ظهر ف حياتك خرج بره اطار الصوره وبقى قدامك وشويا بقى بيتكلم معاكى وشويا بيقرب منك وشويا طلبك للجواز ,,انتى انبهرتى بوجوده فى حياتك وبجنتلته وبطريقته هو كان فارس احلامك لكن محبتهوش لان اساسا متعرفهوش ,, حبيتى طريقته وحبيتى حياته ووافقتى ولما عيشتى الحياه الل كانت عاجباكى ومبهوره بيها مع الشخص دا اكتشفتى انها من بره حاجه ومن جوه حاجه تانيه خالص والاحساس قلت بالتدريج ..ودى اكبر غلطه عملتيها فى حياتك لان "ايهاب" فعلا حبك بجد وانتى حبيتى حبه ليكى ووافقتى وافتكرتى هتحبيه لكن العكس الل حصل ...
سكتت "مريم" وكملت"ملك": نيجى بقى ل "زين"؟
_ماله "زين"؟
_ احساسه اتجاه حاسه ب ايه فعلا اخوكى ولا احساس اكبر من كده ؟
سكتت "مريم" لحظات: مش عارفه,,بس الل عارفاه مش عاوزه ابعد عن "زين" مهما كانت صفته حياتى من غيره مش حساها ,,
_اكبر غلطه عملوها طنط" سناء" و "سوسن" انكم حطوكم فى تجربه خليتوا مشاركم متلغبطه مش فاهمين حاجه وهما بالنسبالهم عادى ,, انتم اتولدوا وقدركم مع بعض وهما فراقوكم عن بعض نتيجه خوف وجاهلين المستقبل والتقلبات الل بتحصل فيه ,, قربك ل زين و قرب "زين" ليكى خلاكم متشوفوش حد غيركم فى حياه بعض روحكم مربوطه ببعض واحد بعد التانى بياخد روحه معاه ,, انتم علاقتكم زى علاقه التؤام لكن انتم تؤام روح وعرفتوا كده للاسف متاخر ودا نتيجه قرار غلط من الاول هو الل وصلكم لكده ,,السؤال هنا هتعملى ايه بعد كل الل حصل هو دا المهم ؟
_ اعمل ايه "مع "زين"؟
_اها ..
_ مش هعمل حاجه لان مفيش حاجه تتعمل انا فى مرحله مشاعرى متداخله مع بعضها محتاجه وقت استوعب الل حصل و"زين" حتى لو مش اخويا مفيش حل تانى غير انى اعتبره اخويا مش هسمح بمشاعرى وتسرعها تأذى حد تانى وانا لسه مش متاكده مش مشاعرى اتجاهه ,,
_ كويس يا "مريم" انك بتفكرى كده
اتنهدت "مريم ": "زين" دلواقتى خاطب
_ وخطيبته بتحبه
اخدت "مريم" قرار انها تتأقلم ع الوضع الجديد ومتعرفش "زين" انها عرفت انهم مش اخوات وانفصالها كان بسببه وكانت بتاكد دايما انهم اخوات فى معاملتها معاه علشان تقدر تتحكم فى مشاعرها واصرت ع "ملك" متقولش لحد السبب وحافظت "ملك" ع السر ,, وابتدا "زين" فى نفس الوقت يحاول يخرج "مريم" من مود العزله الل هى دخلت فيه .. ففى يوم كانت ف المرسم سمعت خبط جامد ع الباب وخرجت : كبسه بوليس دى ولا ايه ؟
رد "زين" بيهزر: لا انا بحبها بالفراخ هاهاهاها
_ هاهاها خفيف من يومك .. خير فى ايه ؟
_ تعالى حضرتك شوفى الل حصل ف الشارع
_ شارع ايه ..؟
_ لا متعمليش من هناك انتى رجعتى مصر ونشاطاتك المسؤؤله عنها رجعتلك انهارده يوم التنظيف الشارع والعيال مستنين المشرفه الل هى انت ..
_ ها
شدها "زين" من ايديها: لسه هتقولى ها ...
نزلت هى و"زين" وسط الشارع واتكلم "زين" بنبره صوت عاليه : العالم المعفنه بتفضل معفنه يعنى احنا عاملين صندوق زباله ع اول الشارع علشان الزباله اتشليتوا فى معاميعكم يعنى مش قادرين ترفعوا ايديكم وتحطوها ف الصندوق رايحين تحطوها ع الارض يا معفنين ها
راح "زين" خبط "مريم" تتكلم : اه اه صح مينفعش ده يا جماعه
_ اه مينفعش كده يا جماعه يا معفنه "خبط "مريم" فى دراعها"
اتحمست "مريم: المفروض احنا نحافظ ع نظافه شارعنا لاننا احنا الل عايشين فيه ومفيش مجهود ناس تضيع بسبب اهمال ناس تانيه الشقق الل اثبت ان زبالتها الل اترمت ع الارض هتدفع 10 جنى غرامه قولنا اهو الل هيكررها مره تانيه هيزيد الفلوس ل 15 جنى وهيتكتب فى كشكول خليكوا نضاف كده والل مش عاوز يكون نضيف احنا هنعلمه ينضف ازاى
"زين" صفق والشباب معاه صفقوا وحست "مريم" بالحماس : يلا بينا بقى
_ يلا بينا يا "معلمى"
ابتسمت "مريم" وحست فجاءه وهى بتشتغل مع الشباب و "زين" فى الشارع ان فعلا روحها اتردت وهى مع "زين" ومكنش بيحصل دا لما كانت بعيده رجعت ابتسامتها الل من قلبها من هزار وضحك "زين" معاها ومره ع مره "زين" رجع "مريم" لطبيعتها ولاحظت "مريم" ان قلبها الل بيشجعها تتقرب ل "زين" وان القرار الل اخدته مبيتنفذش لان احساسها اتجاه "زين" مع الوقت كان اقوى من قرارها ومع كل حاجه بيعملوها مع بعض دقات قلبهم لبعض كانت مختلفه عن دقات قلبهم مع غيرهم وكانوا فى منتهى السعاده وهما مع بعض من غير ما يتكلموا واتردت فيهم الروح الل كانوا متفرقين منها ورجعت "مريم" و "زين" يضحكوا ويهزروا وكان "زين" سعيد برجوع "مريم" لكن فى وسط فرحتتهم ودنيتهم نسيوا "بسنت" الل كبر جواها كره ل "مريم" الل اخدت "زين" منها ومقضيه معاه وقت اكتر ففى يوم "مريم" قررت تاخد سندوتشات "كبده مشطشطه وتروح بيها الشركه ل "زين" كمفاجاءه لكن لسوء الحظ مكنش موجود كان فى مشوار وقابلتها "بسنت " وقعدوا فى مكتبها :
_ انا لو معطلااكى انا همشى وهسيب السندوتشات دى معاكى ل "زين"
_ لا خالص وكويس انك جيتى علشان عاوزه اتكلم معاكى شويا ..
_ اتفضلى ..
_ طبعا انتى عارفه انا و "زين" مخطوبين لبعض وقريب هنحدد ميعاد الفرح
اتغيرت ملامح "مريم" لكن مبينتش: اه .. الف مبروك مقدما
_ وتعرفى اكيد فتره الخطوبه دى اهم ذكرى عند اى اتنين مخطوبين الل بعد الجواز بيفضلوا يتذكروها صح ولا واعتقد انتى مجربه مع "ايهاب" اقصد طليقك ..
_ اه ..طبعا
_ يعنى هينفع لما احكى ل اولادى عن اهم واحلى ذكرياتنا ملقيش حاجه تتحكى واقولهم مفيش
استغربت"مريم" ازاى مش فاهمه ؟
_ يعنى اقولهم ذكريات ابوكم مع عمتكم "مريم" يعنى ابوكم "زين" كان بيقضى اغلب اوقاته مع "عمتكم مريم" وبينفضلى انا ...؟
اتفاجئت "مريم": مش زى ماانتى فاكره يا "بسنت" اكيد "زين" مش متعمد انه يسيبك يعنى ويقعد معايا
_ لا بيتعمد يا "مريم" يكون معايا وتكلميه يسيبنى ويجيلك ,,اكون متفقه معاه ع ميعاد يكلمنى ويكنسله لانه نازل معاكى ومش هينفع يسيبك لوحدك ,, نشاطتكم الاجتماعيه لما بنكون احنا التلاته موجودين الكل بيلاحظ قرب "زين" وانتى لبعض وتجاهلكم لوجودى انتى مسالتيش نفسك انا مبقتش انزل معاكم ليه .. الناس الغرب افتكروا ان زين خاطبك انتى مش انا ..
تغيرت ملامح "مريم": صدقينى انا مقصدتش اى حاجه من كلامك دا وعلاقتنا ..
قاطعتها "بسنت": علاقتكم مهما كانت لازم يتحطلها حدود يا "مريم" زين داخل ع حياه زوجيه واسريه وحقى الطبيعى ان كل وقته يكون ليا مش هقولك كله لكن معظمه يكون انا وبيته وولاده ان شاء الله وبعدين انتم اخوات يعنى موجودين ع طول مش محتاجين تاكيد لعلاقتكم يعنى ,,
_ اه .. طبعا ..طبعا
_ ارجوكى تكونى فهمتينى صح انا قلت اكلمك هتفهينى وتحسى بيا بما انك اتجوزتى واكيد كان تفكيرك وانتى متجوزه فى جوزك وازاى تحافظى عليه ولا ايه
قامت وقفت "مريم" اه فعلا واوعدك مفيش حاجه هتحصل تانى تضايقك,, عن اذنك
_ اتفضلى
مشيت "مريم" وهى حاسه بخنقه فى صدرها وكلام "بسنت" فوقها من حاله كانت هايشها ونسيت نفسها .. وقعدت "بسنت" حطت رجل ع رجل ومبسوطه انها اتكلمت مع "مريم" شويا وصل "زين" اخدت "بسنت" السندوتشات ودخلتله : شامم ريحتها
_ انا قلت من اللف هتيجى جعان طلبتلك شويا سندوتشات كبده مشطشطه ناكلهم سوا
_ حبيب قلبى بوووووووست يا ناس
_ علشان تعرف انا بفكر فيك طول الوقت
_ وانا كمان بفكر فى السندوتشات طوووول الوقت
ضحكت "بسنت": رخم ..
_ مش جديده ..
مسك موبيله وبيتصل ب "مريم": بتعمل ايه ..؟
_ هكلمك "ميما" كانت رنت عليا وانا مسمعتش الموبيل
مسكت "بسنت" الموبيل : ودا وقته يعنى لما تاكل
قرب منها "زين" تدينى ايه واسيب الموبيل
_ انت عاوز ايه
_ بوووووووووووو
_ ايه
_بوووووووووست اكلينى فى بوقى
ضحكت "بسنت" ماشى ...
_ وهما بياكلوا ..: زيزو ..؟
_ ها
_ هنسافر القاهره امتى ..؟
_ليه..؟
_ علشان نحدد الفرح واجهز واهلى يجهزو
_ اها .. ربنا يسهل اظبط بس دنيتى
_ ايه رأيك الشهر الجى ؟
_ انتى مستعجله كده ليه مش الكلام كان ع الصيف ؟
_ هو لما اكون عاوزه اكون معاك فى بيت واحد دا يكون استعجال ولا انت مش عاوز ؟
_ هاتى بوووووووووووووووو
_ها
_ بووووووووووست السندوتش وبعدين نشوف
_يعنى اكلم اهلى واقولهم احنا جيين ليهم ..؟
_ الل يريحك اعمليه بس هتروحى لوحدك
_ ليه؟؟
_ لانى كمان اسبوع مسافر شغل فى روما بدل كريم اسبوع وراجع
_ بالمره حاول تقابل "ايهاب"
_ايهاب مين ..؟
_ايهاب الل كان متجوز "مريم"
_ وليه اقابله خلاص هى بقت كويسه واحسن ورجعت زى الاول
_مش يمكن بتمثل عليكم ,, حاول ترجعهم لبعض الل بيحب حد صعب ينساه بالسهوله دى و "مريم" بتحب "ايهاب" اكيد لسه
سكت "زين" لحظات وبسرعه اتكلمت "بسنت": مش انت تحب تشوفها سعيده ساعدها بقى ترجع ل جوزها
_ تفتكرى ان سعادتها مع ايهاب فعلا ..؟
_اكيد طبعا اومال اتجوزته ليه هى اشتكت منه قبل كده ليك ؟
_لا
_طيب تلاقى خلاف صغير الل حصل بينهم وكبر انت حاول تصلح ما بينهم
_ خلاص اوكيه
_خلاص اكيد تحاول تشوفه ولما ترجع نحدد يوم ونروح سوا القاهره
_ طب هاتى بوووووس
_ها
_ بوووووست السندوتش الل فى ايدك لان عينى عليه
وهما بياكلوا : زين
_ ايون
_ رد عليا بصراحه
_اوكيه
_مين الل فى قلبك ؟
سكت "زين" للحظات وبص ل "بسنت": سندوتش الكبده فى حد جعان يتسال السؤال دا كلى
نظر "زين" لسندوتش وملامح وشه اتغيرت و"بسنت" حست بعدم راحه واصرار داخلها الحل اختفاء "مريم" ورجوعها ل "ايهاب "..!
قررت "مريم" تعمل حدود فى علاقتها مع "زين" علشان "بسنت" و خافت تخسر "زين" وكانت بتتهرب منه كل ما يكلمها لاحظ "زين" تغييرها تانى لكن كان مسافر وقرر يتكلم معاها لما يرجع ...!
سافر "زين" روما وهو هناك اتصلت به "بسنت" اكدت عليه يقابل "ايهاب" واتصل بمكتب "ايهاب وعرف انه موجود فحجز طيران وراح يقابله ودخل المكتب واتفاجئ "ايهاب" بوجوده :
_ زين
ب ابتسامه: اسف ع تطفلى
_ لا مفيش مشاكل اتفضل
_انا مش هعطلك كتير بس عاوز اتكلم معاك فى حاجه مهمه ..
_اتفضل سامعك ..؟
_ احنا اتفاجئنا بخبر طلاق و "مريم" للاسف موضحتش سبب الطلاق ايه ف انا نيابه عن اهلنا جيت اتكلم معاك لو فى مجال للصلح ياريت الل بينكم مكنش حاجه بسيطه ..
_ مريم الل طلبت منك تيجى ..
_لا خالص متعرفش هى ان انا هقابلك اصلا . ها قولت ايه ؟
_ موافق بس بشرط ..؟
_اتفضل ..؟
_ "مريم" تغير قلبها ب قلب تانى
اتفاجئ "زين" من الكلام: نعم .. مش فاهم ..؟
_عاوز تعرف سبب طلاقنا ايه .. كلمه واحده .. انت
تفاجئ "زين": انا ...؟
_انت عارف عملت انا فى "مريم" ايه بسببك وجعتها ازاى انا خنت "مريم" قصاد عينها فى بيتها ع سريرها برغم انى مقدرتش المس غيرها ومحصلش حاجه لكن المنظر وجعها علشان وجعتونى ..
بيحاول "زين" يستوعب الكلام : انت خنت "مريم"
_اه
من غير ما يحس "زين" قام ضربه بالبوكس وردله الضربه "ايهاب "ومسكه "زين"من ياقه القميص : انت انسان واطى انت تعمل فى "مريم" كده ليه ها ..
_لانك انت السبب انت واخد منى "مريم" من زمان وانا كنت بوهم نفسى سمحت لنفسك تحب واحده متجوزه بدل ما تبعد قربت اكتر واسمك بيتكرر فى بيتى اكتر من اسمى بسببك ابنى مات قبل ما يكمل الشهرين لانك كلمتها ونزلت قابلتك نسيت انها حامل وانشغلت بك ,,
متفاجئ "زين" من الكلام: "مريم" بتحبك يا "زين" لانك انت مالك روحها وانا كان معايا جسمها بس ,, مكنش ينفع نكمل حياه وانا عايش مع جسم من غير روح صنم احساسه وروحه مع حد تانى ,عرفت ليه اطلقنا واستحاله يحصل ونرجع لبعض .. لان الوجع الل عندنا اكبر من حبنا دا لو كانت بتحبنى "مريم" او حبتنى برغم حبى ليها ,,
كلام"ايهاب" ل "زين" دخله فى حاله صدمه ان "مريم" مرت بالازمه دى لوحدها وعرفت انهم مش اخوات وفضلت متماسكه ومبينتش وجعها ,,,خرج "زين"من عند ايهاب ووشه مكان البوكس معلمه وطلع ع المطار واخد الطياره وطول الطريق بيفكر ليه هى عملت كده واتصرفت كده ومصارحتهوش ...!
وصل "زين" المطار واخد تاكسى الى "المطعم" كانت "مريم" هناك ودخل المطعم وشدها من ايديها فى حاله ذهول من الكل ووقفوا قدام البحر وشافت "مريم" الل فى وشه :
_ايه دا انت اتخبطت فين ..؟
شاورلها "زين"ع راسه: هنا ,, طول الطريق بفكر انتى عملتى كده ليه مش لقى سبب
استغربت "مريم" : عملت ايه انا ..؟
بهدوء: انا قابلت "ايهاب" وحكالى ع كل حاجه .. ,,,
اتفاجئت "مريم": ايهاب ..
بص "زين" ل "مريم": ليه خبيتى عليا ان "ايهاب" خانك ودا سبب طلاقك ومكنش ب ارادتك ليه استحملتى الوجع لوحدك ليه لما عرفتى اننا مش اخوات مجتيش تصرخى فى وشهم ولا فى وشى ع الل حصل معانا ليه استسلمتى وعيشتى الكدبه الل اهلنا عايشونا فيها ليه ها ..
سكتت "مريم" وكمل "زين": " خبط ع صدره " متعرفيش انتى الوجع الل حسيته وانتى بعيده عنى ,,روحى بترجع لما بكون معاكى يا "مريم" وخبيتى عليا واتعاملتى عادى ازاى قدرتى ازاى ...
مقدرتش تتمالك نفسها : كنت عاوزنى اقول ايه وانا ظلمت راجل معايا ذنبه انه حبنى وللاسف عملى كل حاجه وانا معملتلوش اى حاجه كنت تمثال معاه فى البيت كدبت عليه بمشاعرى وهو علشان بيحبنى صدقنى ,, اقول ايه لما اكتشف بعد عمرى دا كله ان الل بينا مش اخوه واهلنا سابونا لغايه ما وصلنا لمرحله اننا منقدرش نبعد عن بعض وبنعذب بعض ببعدنا ,, اقول ايه وانا راجعه كنت اكتر حاجه بفكر فيها انت محتجالك لانى كنت خايفه ,, اقول ايه لما اشوفك الاقيك قاعد جنب خطيبتك وبدءت حياتك .. كنت عاوزنى اقول ايه يا "زين" لما عرفت انك كنت عارف قبلى وكدبت عليا مفيش كلام ينفع ولا يبرر الل عشته ,,
_انا مكنتش عاوز اخرب عليكى حياتك وانا كنت شايفك مبسوطه
ضحكت "مريم": اهو دا اكبر سبب يخلينى اشيل وجعى واسكت لما اقرب حد ليا صدق كدبتى بانى مبسوطه ,, "زين" انت لما عرفت قررت ان كل واحد يعيش حياته يبقى كل واحد يعيش حياته سواء اخوات او لا مش هتفرق كتير دلواقتى وانا أقلمت نفسى خلاص ع حياتى الجديده وانت بدءت حياه جديده
_مريم
_ خلاص يا "زين" مفيش كلام يتقال كلامك مش هيغير حاجه الواقع بيقول انك هتتجوز قريب وملهاش ذنب "بسنت" تكسر قلبها وهى بتحبك ,, الل طلباه منك سبنى فى حالى لانى فعلا مفيش حاجه اتجاهك "زين" انت بالنسبالى اخ ومش اكتر من كده صدقنى دا الل حساه اتجاهك وياريت تحافظ ع علاقتنا دى مع بعض على الاقل منخسرش بعض ,,
مشيت "مريم" وسابت "زين" مش عارف يرد عليها وع اصرارها انهم اخوات وتكررها للكلمه لكن حاسس انها بتكدب وحس انه اتسرع فى خطوبته من "بسنت" مشى "زين" وقرر انه يلاقى حل لمشكلتهم ,,,!
كان "زين" صمم انه يخرج اعتراف من "مريم" ع الل حساه حقيقى وان الل حساه اتجاهه مش اخوه زى ماقالت ,,فكانت بينطلها فى كل مكان فى المرسم وهى قاعده الباب خبط وفتحت شافت "زين" ماسك علبه بيتزا ومبتسم خرجت تاكل معاه وهما بياكلوا كان فى كاتشب جه ع شفايفها راح مد ايده يمسحها واتخضت "مريم" بتعمل ايه ..؟" رد عليها ب اسلوب سخريه "الله بمسح الكاتشب من ع شفايف اختىىىى " اتوترت "مريم" وقامت "رايحه فين " ردت "مش عاوزه اكل " ودخلت وحست ان ضربات قلبها زادت وحاول تستجمع نفسها ... ومره تانيه وهما فى المطعم وهى بتحاول تحط الاطباق ع الرف ف المطبخ لاقت "زين" جه من وراها ومسك ايديها جسمها اتنفض " انت بتعمل ايه " رد عليها " بشيل الاطباق عن اختىىىى " اتوترت وسابته وخرجت ,, وفى مره وهى بترسم وهى قاعده ف المطعم الورقه طارت منها راحت تجبها وراح وراها "زين" وكانت هتتكعبل راح مسكها "زين" وضمها لحضنه واتخضت " ايه دا " رد عليها ب ابتسامته " بلحق اختىىى قبل ما توقع مفيهاش حاجه " راحت زقت ايده ورجعت قعدت ترسم وتبص ل "زين" بنظرات غيظ و"زين" بيضحك عليها ... كان "زين" بيتلكك ب اى حاجه ويكون مع "مريم " ولاحظت "بسنت" غيابه من الشغل المتكرر وتواجده بالقرب من "مريم" وفى مره راحت المطعم لاقت ان "مريم" بتبعد فعلا و"زين" الل بيقرب بهزار او افعال وعرفت ان المشكله مش فى "مريم" المشكله فى "زين " .فقررت تتكلم مع "مريم" تساعدها ,.!
راحت يوم المطعم وقابلتها : اسفه لو هعطلك يا "مريم"
_ لا ابدا .. بس ايه الموضوع المهم
_ زين
_ماله
_عاوزاكى تتكلمى معاه احنا كنا متفقين ان الفرح الشهر الجى ولغايه دلواقتى "زين" لا اتفق ع مكان الفرح ولا الماذون ولا راضى ينزل يشوف البدله وكل شويا بيأجلها ومعرفش ل امتى ,, قولت انتى هتساعدينى زى ما ساعدتينى فى الاول ؟
_يعنى اعمل ايه ..؟
_اتكلمى مع "زين" انا بحبه يا "مريم" ومحبتش فى حياتى غيره وامنيه حياتى اكون فى بيت معاه ومستنيه اليوم دا جداا ..
ملامح "بسنت" ودموعها اكدت ل "مريم" انها بتحب "زين": خلاص هتكلم معاه واوعدك هتلاقيه يكلمك يحدد الموعد كمان ..
_بجد مش عارفه اقولك ايه يا "مريم" انتى احسن اخت
مشيت "بسنت" وللحظه حست "مريم" بخنقه ودموعها اتجمعت اتمالكت نفسها واتصلت ب "زين" وكان فى طريقه للمطعم اخدته وخرجوا بره :
_ايه دا بقى هتعترفيلى هنا اخيرا زى ما رفضتينى ولا ايه رومانتيك خالص
ابتسمت "مريم": انت هتبطل الهبل بتاعك دا امتى ؟
_ هو لو حبى ليكى هبل انا موافق
_يا"زين" انت فاهم غلط الل حاسه دا مش حب الل بينا اخوه وانت بتتوهم حاجات تانيه ..؟
_ اخوه... "مريم" انا لمده سنتين راجعت نفسى وكنت بكدب نفسى زيك واتاكدت ان الل اتجاهك مش اخوه ولا عمره كان اخوه معنى ان مفيش واحده قلبى يدق لما اقول اسمها ولا لما اشوفها غيرك لما بلمس ايدك الرعشه الل بحسها مش اخوه احساس الل دايم عاوز اخدك فى حضنى مش اخوه,, وجع قلبى فى بعدك عنى مش اخوه ..انا اتاكدت ومش محتاج اتاكد تانى
تمالك "مريم" نفسها وفكرت فى "بسنت": انت حر بالل انت حاسه يا "زين" لكن انا احساسى اتجاهك اخوه مفيش غير كده ولو هتتكلم ع طلاقى فدا بعيد عنك انا الل اهملت "ايهاب" ومكنش فى حل غير الانفصال .. لكن حب انا وانت لالا مفيش خالص
قرب منها "زين" خطوتين ومسك ايديها : حسيتى ب ايه وانا ماسك ايدك ؟
تمالك "مريم" نفسها ومبينتش حاجه: عادى مفيش حاجه
مسك ايديها التانيه وحطها ع صدره : حاسه بضربات قلبى الل زادت لما مسكت ايدك اهو دا مبيبطلش طول ماانا معاكى ومبيحصلش مع غيرك هتقولى اخوه ..
_ "زين" انت خاطب وبتحبك خطيبتك بلاش اوهام الل عايش فيها دى وفوق
_افوق .. كنت عاوزانى ليه يا "مريم"؟
_ كنت عاوزه مينفعش تركن "بسنت" جنبك وتبتدى تجهز لجوازك ؟
_يعنى اتجوز بسنت انتى شايفه دا الصح ؟
_اه .. ومهما قلت مش هغير كلامى ولا احساسى اتجاهك
مشيت "مريم" وبصوت عالى : ماشى يا "مريم" هتجوز "بسنت"
بصتله "مريم" ومبتسمه: مبروووك
__________________________
لايك ورايك
"مريم" دموعها بتنهار وفى حاله صدمه من كلام "ايهاب" والل عرفته عن "زين" استكمل "ايهاب" كلامه وكان بيحاول يتمالك نفسه : انتى طالق يا "مريم"
الكلمه زى الرصاصه فى قلبها استقبلتها "مريم" و"ايهاب" حس بوجع فى صدره لما قالها تمالك نفسه ودخل غرفه النوم جمع هدومه وخرج بقرب منها وبصلها وهى دموعها نازله :
_ الشقه دى شقتك مكتوبه ب أسمك انا الل همشى منها لان من الاول مكنش ليا مكان فيها انا الل اتطفلت عليها زى ما اتطفلت ع حياتك ,, بجد من قلبى يا "مريم" اتمنالك تعيشى حياه تنسيكى الوقت الل عشتيه معايا لكن انا مش هنسى لانى مش هنساكى ,, اسف
وفتح باب الشقه وخرج "ايهاب" ومع قفله الباب وقعت "مريم" منهاره ع الارض بتبكى بحرقه مش قادره تستوعب الل حصل ,, فضلت فى شقتها أسبوع مبتتكلمش ولا بتخرج بتحاول تجمع الل حصل واحساسها بالذنب اتجاه "ايهاب" وغلطها الل مكنتش حاسه به وكدب "زين" واهلها حسسها انها تايهه ,,وقررت تنزل "مصر" راحت ع المطار وسافرت من غير ما تقول لحد ونزلت المطار اخدت عربيه مخصوص ل الاسكندريه ,, افتكرت انها نسيت سلسله المفاتيح فى شقتها فى ايطاليا فطلبت من السواق انه يوصلها للمطعم ,, بعد شويا وصلت ونزلت شنطها وكان فى حفله ف المطعم حاولت متبينش حاجه برغم انها طول طريق السفر ددموعها مبتقفش ودخلت شافتها "ملك" من بعيد وراحت عليها : "مريم",, "مريم"
حضنتها : ايه المفاجاءه الحلوه دى الجماعه كانوا بيحاولوا يتصلوا بيكى لكن معرفوش ولا حتى يوصلوا ل "ايهاب" قولتلهم تلاقيهم غطاسنين فى مكان لوحدهم بقى وكده ,,
بنبره مرهقه: هى "ماما" فين يا "ملك" هاتيلى منها مفتاح الشقه علشان عاوزه ارتاح
لاحظت "ملك" جمود ملامح "مريم" : هو انتى مش هتباركى لعريسان ولا ايه ؟
استغربت "مريم": عرسان مين ..؟
"ملك" بمنتهى التلقائيه : "زين" و "بسنت" انهارده خطوبتهم ماهو احنا كنا بنحاول نوصلك علشان نقولك اتحدد خطوبتهم رسمى خلاص ولبسوا الدبل و..
وهى بتتكلم "ملك" مشيت بخطوات بطيئه "مريم" اتجاه مجموعه من الناس كانوا واقفين وبعد شويا وصلت ل ترابيزه بتبص عليهم وفجاءه شافت "زين" و"بسنت" جنب بعض ماسكين ايد بعض وع وشهم ابتسامه وسعاده لاحظ "زين" وجود "مريم": مريم
حاولت ترسم ابتسامه : كده تعملها من غير ما تقولى ..؟
مشيت اتجاههم خطوتين: مبروك يا بسنت الف مبروك انا ربنا بيحبنى ان برغم انهم مقالوش ليا ع الخطوبه لكن انزل فى يومها الحمد الله ..
اتجهت ل زين وبتتمالك نفسها : يا رخم كده ماشى علشان خاطر عروستك هعديهالك بس
مفاجاءه وجود "مريم" غيرت ملامح وجه "زين" من بعد ما كان بيضحك بقى قلقان لان ملامح وجه "مريم" كانت بتكدب كلامها وعيونها كان باين انها معيطه ,, مشيت "مريم" اتجاه مامتها :
_ "مريم" ايه الل نزلك فجاءه كده ومالك متغيره كده ليه و"ايهاب" فين ؟
_ ماما بعدين ..بعدين .. هاتى المفتاح علشان عاوزه ارجع البيت ارتاح بعد اذنك
_ طيب اقعدى شويا ..
_ تعبانه مش قادره لو سمحت هاتى المفتاح ..
اخدت المفتاح من مامتها وخارجه اتجاه الباب لاقت حد مسك ايديها بصت كان "زين ": زين
_ حصل ايه يا "مريم".. وفين "ايهاب"..؟
بتوتر حاولت تكدب: ايهاب مسافر وانا قلت اجى اقعد معاكم يومين ماهو انت عارف وحشتونى وكده
_ وشك بيقول غير كلامك ,, فى ايه يا "مريم"..؟
سحبت ايديها " مفيش يا "زين" ولو حتى فى اكيد مش وقته روح لعروستك مينفعش تسيبها كده والناس بيدوروا عليك .. روح ..
بص "زين" ع "بسنت" لقاها بتبصله وع وشها ملامح توترورجع بص ل "مريم" : لينا قاعده وكلام
_ ان شاء الله . يلا امشى روح لخطيبتك ...
مشى "زين" واتنهدت "مريم" واخدت نفس وخرجت لقت "ملك" بتنهده عليها : استنى يا "مريم" انا جايه معاكى ...
فضلت "ملك" معاها و بعد حفله الخطوبه رجع ع طول "زين" ع البيت وحاول يشوف "مريم" لكن كانت نامت ... تانى يوم صحى بدرى طلع المرسم مكنتش موجوده نزل ليها الشقه وكانت لسه نايمه بالرغم انه كان محدد ميعاد يخرج هو و"بسنت" اتفاجئت "بسنت" برساله من "زين" بيأجل الموعد وهيكلمها عرفت ان التأجيل كان بسبب "مريم" وملامح وشها اتغيرت ..!
صحيت "مريم" وحاولوا يتكلموا معاها قالتلهم انها اطلقت وكانت صاعقه للجميع وبالسؤال عن السبب مردتش تجاوب وقالت "انا الل طلبت " وبرغم من تأكيدها ع الرد لكن "زين" و "ملك" كانوا متاكدين ان فى سبب قوى لان ملامح وجهه "مريم" مش ملامح واحده اطلقت عن اقتناع وب ارادتها وفى وسط الكلام عرفوا انها كانت حامل فعلا واجهضت وكانت مفاجاءه ل "زين " ,, "مريم" مكنتش بتتكلم كتير فقرروا يسيبوها ع حريتها من غير ضغط ,, كانت قاعده فى اوضتها اغلب الوقت بترتب افكارها والل حصلها ,ففى يوم باب الاوضه خبط وسمعت صوت "زين" تلقائى شدت طرحه وحطتها ع راسها : ادخل ..
ب ابتسامه مبهجه: لالالا ملناش احنا فى جو الاكتئاب دا يلا قومى وتعالى معايا
_ مش قادره يا "زين" بطل رخامه انا هنام اصلا
_ لا كفايه نوم الافيال بتاعك دا غير كده الفيل الصغنن بتاعى لازم ياكل اومال هنركب الزلومه ازاى ..؟
بصتله "مريم" وفى عينيها دموع لحقتها ولاحظها "زين" وعمل نفسه مشفهاش وشدها من دراعها : يلا بينا ..
اخدها "زين" وطلعوا السطح وكان محضر ليها البيتزا : ترررررا ايه رايك جوعتى صح متنكريش سامع معدتك وهى بتقول بيتزا بيتزا بيتزا ياهوووو صح
ابتسمت "مريم": ايوه كده يلا عاوزك تنسفى كل دول يلا
وقعد جنبها وهى حاولت تاكل للحظه افتكرت كلام "ايهاب" انها مع "زين" بتكون احسن وانها بتحب "زين"ومن ضغط عليها "زين" فى الاكل مكنتش قادره وراحت لحمام ترجع واستغرب "زين" اول مره يحصلها كده ,, رجعت وقعدت وكان عامل كوبيتين شاى بالنعناع : احلى كوبيتين شاى بالنعناع ل "ميما" و "زيزو" والشيطان ثالثهما يتفرج بقى
ابتسمت "مريم": مالك يابت اضحكى انتى مستخسره الضحكه
_ بجد تعبانه يا "زين"
_تعبانه من ايه بقى او معنى اصح اطلقتى ليه يا "مريم"
بصتله"مريم": ايه ..؟
_ من غير ايه ... انا سيبتك أسبوع بحاله اهو ومتكلمتش بالرغم انى مكنتش قادر اقعد من غير ماافهم فى ايه حصلك واستنيت تتكلمى زى العاده لكنك قاعده ساكته ف اتكلمى معاكى المايك وقوليلى اطلقتى ليه ومتقوليش مفيش هتلاقى قفا معتبر هيرجعلك الذاكره بقولك اهو ..
ضحكت "مريم": واطى وتعملها عارفه
ابتسم" زين" : قولتلك اهو وانتى حره بقى ها ..
للحظات : عادى يا "زين" اى اتنين مرتحوش مع بعض الانفصال هو الحل دا المختصر ..؟
_ واكتشفتوا امتى انكم مش مرتاحين بعد سنتين وفجاءه كده زانا لسه مكلمك من مده وكنتى بتقوليلى كل حاجه تمام كنتى بتكدبى بقى ..؟
بصتله "مريم": الناس بتكدب ساعات مفيش حد ملاك يا "زين"
_اه صح لكن انا وانتى مبنكدبش ع بعض وبنحكى لبعض عن كل حاجه
_ متاكد
_متاكد من ايه ..؟
_ راجع نفسك كده من وقت ما اتجوزت كدبت عليا فى حاجه ولا لا ..
سكت "زين" لحظات : لالا مفيش
_طيب
_ يعنى افهم هو دا الل حصل فعلا ..؟
_ اه
بص "زين" فى عين "مريم": متاكده ..؟
بصت "مريم" فى عين "زين" وغيرت الكلام :هو انت فاضيلى لدرجه دى خطيبتك سيباك كده خليها تشيل رخامتك شويا عنى ,, انا داخله المرسم شويا ومتدخلش ورايا علشان هفك شعرى بقولك اهو ...
قامت "مريم" ودخلت المرسم بسرعه وقعدت ع الكرسى وحست بقلبها بيدق لكن دقات بتوجع و"زين" قاعد حاسس ان فيه حاجه كبيره حصلت و"مريم" مصممه تكدب ..!
اصرار "زين" يعرف الحقيقه خلى كل تفكيره فى "مريم" ولاحظت كده "بسنت" ففى مره وهما خارجين قعد "زين" سرحان : روحت فين ..؟
بتلقائيه: ريفيرا .. ايطاليا
بتضحك"بسنت": ايه الدقه دى ..؟
انتبهه "زين": لا لا متحطيش فى بالك كنا بنتكلم فى ايه ..؟
_ كنا بنتكلم عن انا وانت هنسافر القاهره الاسبوع الجى ماما عازمنا ع الغدا ونقضى اليوم معاهم و .."لاحظت سرحان "زين".. زين
_ ايوه معاكى ..
_ لا مش معايا .. ممكن اعرف مالك وايه شاغل بالك كده ..؟
اتنهد"زين": مريم
اتغيرت ملامح "بسنت": مالها "مريم"..؟
_ اموت واعرف هى مخبيه ايه عنى لدرجه دى ,, دى متغيره خالص مش "مريم" الل اعرفها دى مكنتش بتخبى عليا اى حاجه
_ اسالها وبلاش الحيره دى ..
_ مبتقولش حاجه ..وانا مش هسكت غير لما اعرف لو حكمت هسأل "ايهاب" نفسه
استغربت "بسنت" ع اصرار "زين": يااااه لدرجه دى ..؟
_ طبعا "مريم" دى اهم حاجه فى حياتى والل يزعلها يزعلنى مهما كان ومينفعش اشوفها كده ومعملش حاجه مينفعش
_ اهم حاجه فى حياتك وانا فين ..؟
انتبه "زين":ها ,, اقصد اختى والاخت اهم حد فى حياه الانسان ولا ايه والل ملوش خير فى اخته ملوش خير فى حبيبته ..
_ بجد انا حبيببتك يا "زين"
_ ااكيد انا فى حياتى بوووووسنت واحده غير قابله لتبديل
_ ياريت يا "زين" الكلام دا من قلبك ..
_ لا من الحجاب الحاجز "بص فى ساعته" يلا بينا اتاخرتى انتى كده
_ اوكيه يلا
مشى "زين" مع "بسنت" والاتنين ساكتين بصتله "بسنت" ورددت فى نفسها " اختك انت بتكدب عليا ولا ع نفسك يا زين " وقتها افتكرت فى يوم كانت بتزور ""سوسن"
"فلاش باك من 3 شهور وقت ما زين عرض عليها الارتباط "
"بسنت" كانت فى زياره ل "سوسن" وهما قاعدين مع "سناء" دخلت "بسنت" تعملهم قهوه وهى راجعه سمعتهم بيتكلموا :
_ بسنت دى بنت حلال والله يا سوسن
_ اه فعلا يا سناء .. بجد مبسوطه ب ارتباطها مع "زين "
_ الحمد الله ان الاولاد كلهم ارتباطوا بالل هما عاوزينه
_ اه فعلا .. شفتى بقى كدبتنا يا "سناء" الل افتكرنا انها غلط اننا قولنا "زين" و "مريم" اخوات طلعت فى صالحهم ازاى ,,محمود مدخلش فى ارتباطهم وكل واحد فيهم اختار شريكه بنفسه "مريم" اختارت "ايهاب" و "زين" اختار "بسنت" و"كريم" بيحاول يرجع مع "ملك" احنا كنا صح
_ بس "زين" حب "مريم" بجد يا سوسن لما عرف انها مش اخته مكنش رد فعله طبيعى و "مريم" حاسه انها كمان بتحبه
_ لالا يا سناء كل دا كان وهم هما اتعلقوا ببعض ودا سبب تعب "زين" يوم مااتجوزت "مريم" اختفائها من حياته تعبه والدليل ع كده انه عاش حياته اهو وقابل "بسنت"
_ احنا المهم عندنا سعادتهم
_ ودا الاكيد وكويس ان "زين" بس الل يعرف و "مريم" لا ع الاقل "زين" اتاقلم
_ الحمد الله
فى الوقت دا عرفت "بسنت" بحقيقه ان "زين" خوفه وقلقه ع "مريم" مش من منطلق الاخوه لكن علاقتهم ببعض اكبر والساتر بتاعها اخوات ودا خلاها تصمم ع التمسك ب "زين" مهما كلفها الامر وخلاها توافق ع الخطوبه برغم علمها بحب "زين" ل "مريم"
دا الل خلاها ف الخروجه تتاكد ان "زين" بيكدب عليها وظهور "مريم" تانى فى حياتها بيهدد علاقتها ب "زين" ... !
انتهز "زين" فرصه سفر من الشركه ل ايطاليا وسافر من غير ما يقولهم لكن "بسنت" عرفت وشجعته انه يصلح بين "مريم" و "ايهاب" سافر لكن للحظ لقى "ايهاب" سافر لمده 4 شهور وميعرفوش فين بالظبط رجع "مصر وكانت "بسنت" مستنيه الاخبار لكن عرفت انه مقابلهوش ... !
فى يوم "ملك" فى المطعم شافت "كريم" قاعد بيكلم نفسه وفجاءه ندالها :
_خير ..؟
_ ملك بجد انا محتاجلك محتاج اتكلم معاكى فى حاجه مهمه .
ملامح "كريم" كلها قلق : فى ايه ..؟
_ بصى وركزى معايا .. زين بيحب مريم وبسنت بتحب زين وزين مبيحبهاش ومريم كانت بتحب ايهاب وايهاب بيحب مريم وانا بحبك انتى وانتى منفضالى
اتلغبطت "ملك": ايه الهبل دا متتكلم عدل وبعدين ايه الل زين بيحب مريم ماهى اخته
_ لا مش اخته ..
اتفاجئت"ملك": نعم
_ الحكايه "حكى كريم ل ملك الحكايه "
_ يعنى زين ومريم مش اخوات واحساسهم للبعض حب حب يعنى
_اها و "زين" فى المده الل فاتت اتاكد ان مشاعره اتجاه "مريم" مش حب اخوات وحاول يتغلب عليه معرفش فى السنتين الل عدو واخر حاجه فكر فيها انه يخطب "بسنت" وانا للاسف شجعته على الخطوه دى واهو انا متبهدل معاه و دلواقتى فى "بسنت" الل متاكده ان مشاعر "زين" اتجاه "مريم" مش اخوات لكن حب ومهما حلفتلها مش مصدقه اعمل ايه دلواقتى ..؟
_ استنى استنى علشان انا اتلغبطت ,, طب ازاى مريم اتجوزت ايهاب وزين خطب بسنت وهما عارفين انهم مبيحبهمش وفى نفس الوقت عارفين انهم اخوات ,,مش فاهمه حاجه
_ متركزى معايا يا "ملك" بقولك مريم متعرفش انهم مش اخوات لكن زين الل يعرف ومن وقتها لغايه ما شاف "مريم" قدامه يوم الخطوبه كان بيحاول يهرب من مشاعره اتجاهها ووجهها ل "بسنت" لكن ظهور "مريم" لغبط الدنيا خالص و"زين" بقى اهتمامه الاول والاخير هو "مريم " ولاحظت "بسنت" كده وكلمتنى اتصرف وانا مش عارف اعمل ايه ..؟
_لالا استنى نعمل فنجانين قهوه علشان اللغبطه دى ...
وقعدت ملك مع كريم يتكلموا ودى كانت اول مره يتكلموا مع بعض عن قرب من غير خبط كلام ملك ل كريم ...!
"ملك" صممت تتكلم مع "مريم" تفهم منها فطلبتها تبات معاها وسط الكلام والحاح حكت "مريم" ل "ملك" سبب طلقها من "ايهاب " والل حصل :
"ملك" مصدومه من الكلام : وبتقولى مفيش حاجه من وقت ما رجعتى ايه دا يابنتى
_ يعنى هقول ايه انا مش عارفه ,,هقول انا معرفتش احافظ ع جوازى وانا مكنتش قد المسؤؤليه وانى اهتميت ب "زين" وعلاقتى به اكتر من علاقتى ب "ايهاب" الل عايشه معاه .. برغم الل عمله ووجعنى لكن انا وجعته اكتر ب اهمالى وبحاجات تانيه هو عنده حق فيها
_ نعم .. ازاى ..؟
_ "ملك" من وقت ما ركبت الطياره وانا حاسه انى سيبت روحى هنا ,,مفيش حاجه هناك ردت فيا الروح غير لما نزلت ليكم اجازه ولما "زين" جه وشوفته ,, فعلا لما بكون مع ايهاب فى حضنه مبحسش ب اى حاجه وكنت مبرضاش اتكلم ولا اقول وبقول لنفسى مع الوقت هاخد عليه هتأقلم ع الحياه الل اختارتها ب أرادتى هو كويس وحنين وطيب ومش مقصر معايا لكن لاحظت مع الوقت انى ببعد عنه مش بقرب ,, احساسى ولهفتى الل كانت موجوده مع الوقت قلت واختفت انا فعلا بعمل حاجات لمجرد الواجب واتعودت ع كده وبقت عاده خاليه من الاحساس لدرجه ان انا قلت هى كده اصلا ودا لان "ايهاب" مكنش بيتكلم ولا بيشتكى ومهما اعمل بيتقبله ,,الل محيرنى حاجه مش عارفه بجد انا اتجوزت ليه والاحساس الل كان موجود فى الاول راح فين واختفى ازاى ...؟
اتنهدت "|ملك": حب الوهمى
_ نعم ..؟
_ انك توهمى نفسك بانك بتحبى حاجه او شخص بشده ومع الوقت الاحساس يروح الاحساس وتنصدمى بواقع اختيارك .. زى مثلا شوفتى فستان وعجبك اوى وهتموتى عليه ومش شايفه غيره لكن جسمك مش مساعدك تشتريه فبتعملى دايت وبااصرار بتوصلى للوزن المناسب له وبتروحى تشتريه بكل الفلوس الل معاكى وبفرحه رجعتى البيت وبتقسيه دخل فعلا فيكى ومقاسك لكن مش مناسب ليكى ومش مريحك تفكرى ترجعيه تفتكرى ان المحل كاتب البضاعه التى تباع لا ترد ولا تستبدل وقتها تكتشفى انك ضيعتى فلوسك وفى نفس الوقت ادبستى خلاص فى فستان ومجبره تتقبلى وجوده لان مفيش حل تانى ,, علشان كده اختيار شريك الحياه مش سهله محتاجه تأنى وعدم تسرع ومتحكميش مشاعرك لوحدها فى اختيارك لان فى مشاعر كدابه بتوهمك بحاجات مش موجوده ولازم تفرقى بين الاعجاب والحب الاتنين ميختلفوش عن بعض فى الاول لكن بيختلفوا بعدين مع الوقت الحب احساسه بيزيد اكتر وبتتعلقى بالانسان دا اكتر لكن الاعجاب بياخد وقته وبيقل وفجاءه ممكن تعجبى بغيره من غير ما تحسى ,علشان كده لما تحبى شخص فكرى هو دا الل عاوزه اكمل معاه حياتى هو دا الل هقدر احبه ويحبنى مهما مرينا بظروف هو دا الل فاهمنى وقادر ع احتوائى هو دا الل مستعده اسلمه قلبى وعقلى وروحى وجسمى وانا مطمنه ,, انتى مبتحكميش ع حياتك بس انتى بتحكمى ع حياه شخص تانى معاكى ارتبط بيكى
_ ما انا كنت بحب "ايهاب" فعلا الا مكنتش رضيت اتجوزه
_ يا حبيببتى انتى حبيبتى "ايهاب مختار" الفنان المشهور الل كنتى بتحلمى انك تسلمى عليه مش تتجوزيه ,,فجاءه ظهر ف حياتك خرج بره اطار الصوره وبقى قدامك وشويا بقى بيتكلم معاكى وشويا بيقرب منك وشويا طلبك للجواز ,,انتى انبهرتى بوجوده فى حياتك وبجنتلته وبطريقته هو كان فارس احلامك لكن محبتهوش لان اساسا متعرفهوش ,, حبيتى طريقته وحبيتى حياته ووافقتى ولما عيشتى الحياه الل كانت عاجباكى ومبهوره بيها مع الشخص دا اكتشفتى انها من بره حاجه ومن جوه حاجه تانيه خالص والاحساس قلت بالتدريج ..ودى اكبر غلطه عملتيها فى حياتك لان "ايهاب" فعلا حبك بجد وانتى حبيتى حبه ليكى ووافقتى وافتكرتى هتحبيه لكن العكس الل حصل ...
سكتت "مريم" وكملت"ملك": نيجى بقى ل "زين"؟
_ماله "زين"؟
_ احساسه اتجاه حاسه ب ايه فعلا اخوكى ولا احساس اكبر من كده ؟
سكتت "مريم" لحظات: مش عارفه,,بس الل عارفاه مش عاوزه ابعد عن "زين" مهما كانت صفته حياتى من غيره مش حساها ,,
_اكبر غلطه عملوها طنط" سناء" و "سوسن" انكم حطوكم فى تجربه خليتوا مشاركم متلغبطه مش فاهمين حاجه وهما بالنسبالهم عادى ,, انتم اتولدوا وقدركم مع بعض وهما فراقوكم عن بعض نتيجه خوف وجاهلين المستقبل والتقلبات الل بتحصل فيه ,, قربك ل زين و قرب "زين" ليكى خلاكم متشوفوش حد غيركم فى حياه بعض روحكم مربوطه ببعض واحد بعد التانى بياخد روحه معاه ,, انتم علاقتكم زى علاقه التؤام لكن انتم تؤام روح وعرفتوا كده للاسف متاخر ودا نتيجه قرار غلط من الاول هو الل وصلكم لكده ,,السؤال هنا هتعملى ايه بعد كل الل حصل هو دا المهم ؟
_ اعمل ايه "مع "زين"؟
_اها ..
_ مش هعمل حاجه لان مفيش حاجه تتعمل انا فى مرحله مشاعرى متداخله مع بعضها محتاجه وقت استوعب الل حصل و"زين" حتى لو مش اخويا مفيش حل تانى غير انى اعتبره اخويا مش هسمح بمشاعرى وتسرعها تأذى حد تانى وانا لسه مش متاكده مش مشاعرى اتجاهه ,,
_ كويس يا "مريم" انك بتفكرى كده
اتنهدت "مريم ": "زين" دلواقتى خاطب
_ وخطيبته بتحبه
اخدت "مريم" قرار انها تتأقلم ع الوضع الجديد ومتعرفش "زين" انها عرفت انهم مش اخوات وانفصالها كان بسببه وكانت بتاكد دايما انهم اخوات فى معاملتها معاه علشان تقدر تتحكم فى مشاعرها واصرت ع "ملك" متقولش لحد السبب وحافظت "ملك" ع السر ,, وابتدا "زين" فى نفس الوقت يحاول يخرج "مريم" من مود العزله الل هى دخلت فيه .. ففى يوم كانت ف المرسم سمعت خبط جامد ع الباب وخرجت : كبسه بوليس دى ولا ايه ؟
رد "زين" بيهزر: لا انا بحبها بالفراخ هاهاهاها
_ هاهاها خفيف من يومك .. خير فى ايه ؟
_ تعالى حضرتك شوفى الل حصل ف الشارع
_ شارع ايه ..؟
_ لا متعمليش من هناك انتى رجعتى مصر ونشاطاتك المسؤؤله عنها رجعتلك انهارده يوم التنظيف الشارع والعيال مستنين المشرفه الل هى انت ..
_ ها
شدها "زين" من ايديها: لسه هتقولى ها ...
نزلت هى و"زين" وسط الشارع واتكلم "زين" بنبره صوت عاليه : العالم المعفنه بتفضل معفنه يعنى احنا عاملين صندوق زباله ع اول الشارع علشان الزباله اتشليتوا فى معاميعكم يعنى مش قادرين ترفعوا ايديكم وتحطوها ف الصندوق رايحين تحطوها ع الارض يا معفنين ها
راح "زين" خبط "مريم" تتكلم : اه اه صح مينفعش ده يا جماعه
_ اه مينفعش كده يا جماعه يا معفنه "خبط "مريم" فى دراعها"
اتحمست "مريم: المفروض احنا نحافظ ع نظافه شارعنا لاننا احنا الل عايشين فيه ومفيش مجهود ناس تضيع بسبب اهمال ناس تانيه الشقق الل اثبت ان زبالتها الل اترمت ع الارض هتدفع 10 جنى غرامه قولنا اهو الل هيكررها مره تانيه هيزيد الفلوس ل 15 جنى وهيتكتب فى كشكول خليكوا نضاف كده والل مش عاوز يكون نضيف احنا هنعلمه ينضف ازاى
"زين" صفق والشباب معاه صفقوا وحست "مريم" بالحماس : يلا بينا بقى
_ يلا بينا يا "معلمى"
ابتسمت "مريم" وحست فجاءه وهى بتشتغل مع الشباب و "زين" فى الشارع ان فعلا روحها اتردت وهى مع "زين" ومكنش بيحصل دا لما كانت بعيده رجعت ابتسامتها الل من قلبها من هزار وضحك "زين" معاها ومره ع مره "زين" رجع "مريم" لطبيعتها ولاحظت "مريم" ان قلبها الل بيشجعها تتقرب ل "زين" وان القرار الل اخدته مبيتنفذش لان احساسها اتجاه "زين" مع الوقت كان اقوى من قرارها ومع كل حاجه بيعملوها مع بعض دقات قلبهم لبعض كانت مختلفه عن دقات قلبهم مع غيرهم وكانوا فى منتهى السعاده وهما مع بعض من غير ما يتكلموا واتردت فيهم الروح الل كانوا متفرقين منها ورجعت "مريم" و "زين" يضحكوا ويهزروا وكان "زين" سعيد برجوع "مريم" لكن فى وسط فرحتتهم ودنيتهم نسيوا "بسنت" الل كبر جواها كره ل "مريم" الل اخدت "زين" منها ومقضيه معاه وقت اكتر ففى يوم "مريم" قررت تاخد سندوتشات "كبده مشطشطه وتروح بيها الشركه ل "زين" كمفاجاءه لكن لسوء الحظ مكنش موجود كان فى مشوار وقابلتها "بسنت " وقعدوا فى مكتبها :
_ انا لو معطلااكى انا همشى وهسيب السندوتشات دى معاكى ل "زين"
_ لا خالص وكويس انك جيتى علشان عاوزه اتكلم معاكى شويا ..
_ اتفضلى ..
_ طبعا انتى عارفه انا و "زين" مخطوبين لبعض وقريب هنحدد ميعاد الفرح
اتغيرت ملامح "مريم" لكن مبينتش: اه .. الف مبروك مقدما
_ وتعرفى اكيد فتره الخطوبه دى اهم ذكرى عند اى اتنين مخطوبين الل بعد الجواز بيفضلوا يتذكروها صح ولا واعتقد انتى مجربه مع "ايهاب" اقصد طليقك ..
_ اه ..طبعا
_ يعنى هينفع لما احكى ل اولادى عن اهم واحلى ذكرياتنا ملقيش حاجه تتحكى واقولهم مفيش
استغربت"مريم" ازاى مش فاهمه ؟
_ يعنى اقولهم ذكريات ابوكم مع عمتكم "مريم" يعنى ابوكم "زين" كان بيقضى اغلب اوقاته مع "عمتكم مريم" وبينفضلى انا ...؟
اتفاجئت "مريم": مش زى ماانتى فاكره يا "بسنت" اكيد "زين" مش متعمد انه يسيبك يعنى ويقعد معايا
_ لا بيتعمد يا "مريم" يكون معايا وتكلميه يسيبنى ويجيلك ,,اكون متفقه معاه ع ميعاد يكلمنى ويكنسله لانه نازل معاكى ومش هينفع يسيبك لوحدك ,, نشاطتكم الاجتماعيه لما بنكون احنا التلاته موجودين الكل بيلاحظ قرب "زين" وانتى لبعض وتجاهلكم لوجودى انتى مسالتيش نفسك انا مبقتش انزل معاكم ليه .. الناس الغرب افتكروا ان زين خاطبك انتى مش انا ..
تغيرت ملامح "مريم": صدقينى انا مقصدتش اى حاجه من كلامك دا وعلاقتنا ..
قاطعتها "بسنت": علاقتكم مهما كانت لازم يتحطلها حدود يا "مريم" زين داخل ع حياه زوجيه واسريه وحقى الطبيعى ان كل وقته يكون ليا مش هقولك كله لكن معظمه يكون انا وبيته وولاده ان شاء الله وبعدين انتم اخوات يعنى موجودين ع طول مش محتاجين تاكيد لعلاقتكم يعنى ,,
_ اه .. طبعا ..طبعا
_ ارجوكى تكونى فهمتينى صح انا قلت اكلمك هتفهينى وتحسى بيا بما انك اتجوزتى واكيد كان تفكيرك وانتى متجوزه فى جوزك وازاى تحافظى عليه ولا ايه
قامت وقفت "مريم" اه فعلا واوعدك مفيش حاجه هتحصل تانى تضايقك,, عن اذنك
_ اتفضلى
مشيت "مريم" وهى حاسه بخنقه فى صدرها وكلام "بسنت" فوقها من حاله كانت هايشها ونسيت نفسها .. وقعدت "بسنت" حطت رجل ع رجل ومبسوطه انها اتكلمت مع "مريم" شويا وصل "زين" اخدت "بسنت" السندوتشات ودخلتله : شامم ريحتها
_ انا قلت من اللف هتيجى جعان طلبتلك شويا سندوتشات كبده مشطشطه ناكلهم سوا
_ حبيب قلبى بوووووووست يا ناس
_ علشان تعرف انا بفكر فيك طول الوقت
_ وانا كمان بفكر فى السندوتشات طوووول الوقت
ضحكت "بسنت": رخم ..
_ مش جديده ..
مسك موبيله وبيتصل ب "مريم": بتعمل ايه ..؟
_ هكلمك "ميما" كانت رنت عليا وانا مسمعتش الموبيل
مسكت "بسنت" الموبيل : ودا وقته يعنى لما تاكل
قرب منها "زين" تدينى ايه واسيب الموبيل
_ انت عاوز ايه
_ بوووووووووووو
_ ايه
_بوووووووووست اكلينى فى بوقى
ضحكت "بسنت" ماشى ...
_ وهما بياكلوا ..: زيزو ..؟
_ ها
_ هنسافر القاهره امتى ..؟
_ليه..؟
_ علشان نحدد الفرح واجهز واهلى يجهزو
_ اها .. ربنا يسهل اظبط بس دنيتى
_ ايه رأيك الشهر الجى ؟
_ انتى مستعجله كده ليه مش الكلام كان ع الصيف ؟
_ هو لما اكون عاوزه اكون معاك فى بيت واحد دا يكون استعجال ولا انت مش عاوز ؟
_ هاتى بوووووووووووووووو
_ها
_ بووووووووووست السندوتش وبعدين نشوف
_يعنى اكلم اهلى واقولهم احنا جيين ليهم ..؟
_ الل يريحك اعمليه بس هتروحى لوحدك
_ ليه؟؟
_ لانى كمان اسبوع مسافر شغل فى روما بدل كريم اسبوع وراجع
_ بالمره حاول تقابل "ايهاب"
_ايهاب مين ..؟
_ايهاب الل كان متجوز "مريم"
_ وليه اقابله خلاص هى بقت كويسه واحسن ورجعت زى الاول
_مش يمكن بتمثل عليكم ,, حاول ترجعهم لبعض الل بيحب حد صعب ينساه بالسهوله دى و "مريم" بتحب "ايهاب" اكيد لسه
سكت "زين" لحظات وبسرعه اتكلمت "بسنت": مش انت تحب تشوفها سعيده ساعدها بقى ترجع ل جوزها
_ تفتكرى ان سعادتها مع ايهاب فعلا ..؟
_اكيد طبعا اومال اتجوزته ليه هى اشتكت منه قبل كده ليك ؟
_لا
_طيب تلاقى خلاف صغير الل حصل بينهم وكبر انت حاول تصلح ما بينهم
_ خلاص اوكيه
_خلاص اكيد تحاول تشوفه ولما ترجع نحدد يوم ونروح سوا القاهره
_ طب هاتى بوووووس
_ها
_ بوووووست السندوتش الل فى ايدك لان عينى عليه
وهما بياكلوا : زين
_ ايون
_ رد عليا بصراحه
_اوكيه
_مين الل فى قلبك ؟
سكت "زين" للحظات وبص ل "بسنت": سندوتش الكبده فى حد جعان يتسال السؤال دا كلى
نظر "زين" لسندوتش وملامح وشه اتغيرت و"بسنت" حست بعدم راحه واصرار داخلها الحل اختفاء "مريم" ورجوعها ل "ايهاب "..!
قررت "مريم" تعمل حدود فى علاقتها مع "زين" علشان "بسنت" و خافت تخسر "زين" وكانت بتتهرب منه كل ما يكلمها لاحظ "زين" تغييرها تانى لكن كان مسافر وقرر يتكلم معاها لما يرجع ...!
سافر "زين" روما وهو هناك اتصلت به "بسنت" اكدت عليه يقابل "ايهاب" واتصل بمكتب "ايهاب وعرف انه موجود فحجز طيران وراح يقابله ودخل المكتب واتفاجئ "ايهاب" بوجوده :
_ زين
ب ابتسامه: اسف ع تطفلى
_ لا مفيش مشاكل اتفضل
_انا مش هعطلك كتير بس عاوز اتكلم معاك فى حاجه مهمه ..
_اتفضل سامعك ..؟
_ احنا اتفاجئنا بخبر طلاق و "مريم" للاسف موضحتش سبب الطلاق ايه ف انا نيابه عن اهلنا جيت اتكلم معاك لو فى مجال للصلح ياريت الل بينكم مكنش حاجه بسيطه ..
_ مريم الل طلبت منك تيجى ..
_لا خالص متعرفش هى ان انا هقابلك اصلا . ها قولت ايه ؟
_ موافق بس بشرط ..؟
_اتفضل ..؟
_ "مريم" تغير قلبها ب قلب تانى
اتفاجئ "زين" من الكلام: نعم .. مش فاهم ..؟
_عاوز تعرف سبب طلاقنا ايه .. كلمه واحده .. انت
تفاجئ "زين": انا ...؟
_انت عارف عملت انا فى "مريم" ايه بسببك وجعتها ازاى انا خنت "مريم" قصاد عينها فى بيتها ع سريرها برغم انى مقدرتش المس غيرها ومحصلش حاجه لكن المنظر وجعها علشان وجعتونى ..
بيحاول "زين" يستوعب الكلام : انت خنت "مريم"
_اه
من غير ما يحس "زين" قام ضربه بالبوكس وردله الضربه "ايهاب "ومسكه "زين"من ياقه القميص : انت انسان واطى انت تعمل فى "مريم" كده ليه ها ..
_لانك انت السبب انت واخد منى "مريم" من زمان وانا كنت بوهم نفسى سمحت لنفسك تحب واحده متجوزه بدل ما تبعد قربت اكتر واسمك بيتكرر فى بيتى اكتر من اسمى بسببك ابنى مات قبل ما يكمل الشهرين لانك كلمتها ونزلت قابلتك نسيت انها حامل وانشغلت بك ,,
متفاجئ "زين" من الكلام: "مريم" بتحبك يا "زين" لانك انت مالك روحها وانا كان معايا جسمها بس ,, مكنش ينفع نكمل حياه وانا عايش مع جسم من غير روح صنم احساسه وروحه مع حد تانى ,عرفت ليه اطلقنا واستحاله يحصل ونرجع لبعض .. لان الوجع الل عندنا اكبر من حبنا دا لو كانت بتحبنى "مريم" او حبتنى برغم حبى ليها ,,
كلام"ايهاب" ل "زين" دخله فى حاله صدمه ان "مريم" مرت بالازمه دى لوحدها وعرفت انهم مش اخوات وفضلت متماسكه ومبينتش وجعها ,,,خرج "زين"من عند ايهاب ووشه مكان البوكس معلمه وطلع ع المطار واخد الطياره وطول الطريق بيفكر ليه هى عملت كده واتصرفت كده ومصارحتهوش ...!
وصل "زين" المطار واخد تاكسى الى "المطعم" كانت "مريم" هناك ودخل المطعم وشدها من ايديها فى حاله ذهول من الكل ووقفوا قدام البحر وشافت "مريم" الل فى وشه :
_ايه دا انت اتخبطت فين ..؟
شاورلها "زين"ع راسه: هنا ,, طول الطريق بفكر انتى عملتى كده ليه مش لقى سبب
استغربت "مريم" : عملت ايه انا ..؟
بهدوء: انا قابلت "ايهاب" وحكالى ع كل حاجه .. ,,,
اتفاجئت "مريم": ايهاب ..
بص "زين" ل "مريم": ليه خبيتى عليا ان "ايهاب" خانك ودا سبب طلاقك ومكنش ب ارادتك ليه استحملتى الوجع لوحدك ليه لما عرفتى اننا مش اخوات مجتيش تصرخى فى وشهم ولا فى وشى ع الل حصل معانا ليه استسلمتى وعيشتى الكدبه الل اهلنا عايشونا فيها ليه ها ..
سكتت "مريم" وكمل "زين": " خبط ع صدره " متعرفيش انتى الوجع الل حسيته وانتى بعيده عنى ,,روحى بترجع لما بكون معاكى يا "مريم" وخبيتى عليا واتعاملتى عادى ازاى قدرتى ازاى ...
مقدرتش تتمالك نفسها : كنت عاوزنى اقول ايه وانا ظلمت راجل معايا ذنبه انه حبنى وللاسف عملى كل حاجه وانا معملتلوش اى حاجه كنت تمثال معاه فى البيت كدبت عليه بمشاعرى وهو علشان بيحبنى صدقنى ,, اقول ايه لما اكتشف بعد عمرى دا كله ان الل بينا مش اخوه واهلنا سابونا لغايه ما وصلنا لمرحله اننا منقدرش نبعد عن بعض وبنعذب بعض ببعدنا ,, اقول ايه وانا راجعه كنت اكتر حاجه بفكر فيها انت محتجالك لانى كنت خايفه ,, اقول ايه لما اشوفك الاقيك قاعد جنب خطيبتك وبدءت حياتك .. كنت عاوزنى اقول ايه يا "زين" لما عرفت انك كنت عارف قبلى وكدبت عليا مفيش كلام ينفع ولا يبرر الل عشته ,,
_انا مكنتش عاوز اخرب عليكى حياتك وانا كنت شايفك مبسوطه
ضحكت "مريم": اهو دا اكبر سبب يخلينى اشيل وجعى واسكت لما اقرب حد ليا صدق كدبتى بانى مبسوطه ,, "زين" انت لما عرفت قررت ان كل واحد يعيش حياته يبقى كل واحد يعيش حياته سواء اخوات او لا مش هتفرق كتير دلواقتى وانا أقلمت نفسى خلاص ع حياتى الجديده وانت بدءت حياه جديده
_مريم
_ خلاص يا "زين" مفيش كلام يتقال كلامك مش هيغير حاجه الواقع بيقول انك هتتجوز قريب وملهاش ذنب "بسنت" تكسر قلبها وهى بتحبك ,, الل طلباه منك سبنى فى حالى لانى فعلا مفيش حاجه اتجاهك "زين" انت بالنسبالى اخ ومش اكتر من كده صدقنى دا الل حساه اتجاهك وياريت تحافظ ع علاقتنا دى مع بعض على الاقل منخسرش بعض ,,
مشيت "مريم" وسابت "زين" مش عارف يرد عليها وع اصرارها انهم اخوات وتكررها للكلمه لكن حاسس انها بتكدب وحس انه اتسرع فى خطوبته من "بسنت" مشى "زين" وقرر انه يلاقى حل لمشكلتهم ,,,!
كان "زين" صمم انه يخرج اعتراف من "مريم" ع الل حساه حقيقى وان الل حساه اتجاهه مش اخوه زى ماقالت ,,فكانت بينطلها فى كل مكان فى المرسم وهى قاعده الباب خبط وفتحت شافت "زين" ماسك علبه بيتزا ومبتسم خرجت تاكل معاه وهما بياكلوا كان فى كاتشب جه ع شفايفها راح مد ايده يمسحها واتخضت "مريم" بتعمل ايه ..؟" رد عليها ب اسلوب سخريه "الله بمسح الكاتشب من ع شفايف اختىىىى " اتوترت "مريم" وقامت "رايحه فين " ردت "مش عاوزه اكل " ودخلت وحست ان ضربات قلبها زادت وحاول تستجمع نفسها ... ومره تانيه وهما فى المطعم وهى بتحاول تحط الاطباق ع الرف ف المطبخ لاقت "زين" جه من وراها ومسك ايديها جسمها اتنفض " انت بتعمل ايه " رد عليها " بشيل الاطباق عن اختىىىى " اتوترت وسابته وخرجت ,, وفى مره وهى بترسم وهى قاعده ف المطعم الورقه طارت منها راحت تجبها وراح وراها "زين" وكانت هتتكعبل راح مسكها "زين" وضمها لحضنه واتخضت " ايه دا " رد عليها ب ابتسامته " بلحق اختىىى قبل ما توقع مفيهاش حاجه " راحت زقت ايده ورجعت قعدت ترسم وتبص ل "زين" بنظرات غيظ و"زين" بيضحك عليها ... كان "زين" بيتلكك ب اى حاجه ويكون مع "مريم " ولاحظت "بسنت" غيابه من الشغل المتكرر وتواجده بالقرب من "مريم" وفى مره راحت المطعم لاقت ان "مريم" بتبعد فعلا و"زين" الل بيقرب بهزار او افعال وعرفت ان المشكله مش فى "مريم" المشكله فى "زين " .فقررت تتكلم مع "مريم" تساعدها ,.!
راحت يوم المطعم وقابلتها : اسفه لو هعطلك يا "مريم"
_ لا ابدا .. بس ايه الموضوع المهم
_ زين
_ماله
_عاوزاكى تتكلمى معاه احنا كنا متفقين ان الفرح الشهر الجى ولغايه دلواقتى "زين" لا اتفق ع مكان الفرح ولا الماذون ولا راضى ينزل يشوف البدله وكل شويا بيأجلها ومعرفش ل امتى ,, قولت انتى هتساعدينى زى ما ساعدتينى فى الاول ؟
_يعنى اعمل ايه ..؟
_اتكلمى مع "زين" انا بحبه يا "مريم" ومحبتش فى حياتى غيره وامنيه حياتى اكون فى بيت معاه ومستنيه اليوم دا جداا ..
ملامح "بسنت" ودموعها اكدت ل "مريم" انها بتحب "زين": خلاص هتكلم معاه واوعدك هتلاقيه يكلمك يحدد الموعد كمان ..
_بجد مش عارفه اقولك ايه يا "مريم" انتى احسن اخت
مشيت "بسنت" وللحظه حست "مريم" بخنقه ودموعها اتجمعت اتمالكت نفسها واتصلت ب "زين" وكان فى طريقه للمطعم اخدته وخرجوا بره :
_ايه دا بقى هتعترفيلى هنا اخيرا زى ما رفضتينى ولا ايه رومانتيك خالص
ابتسمت "مريم": انت هتبطل الهبل بتاعك دا امتى ؟
_ هو لو حبى ليكى هبل انا موافق
_يا"زين" انت فاهم غلط الل حاسه دا مش حب الل بينا اخوه وانت بتتوهم حاجات تانيه ..؟
_ اخوه... "مريم" انا لمده سنتين راجعت نفسى وكنت بكدب نفسى زيك واتاكدت ان الل اتجاهك مش اخوه ولا عمره كان اخوه معنى ان مفيش واحده قلبى يدق لما اقول اسمها ولا لما اشوفها غيرك لما بلمس ايدك الرعشه الل بحسها مش اخوه احساس الل دايم عاوز اخدك فى حضنى مش اخوه,, وجع قلبى فى بعدك عنى مش اخوه ..انا اتاكدت ومش محتاج اتاكد تانى
تمالك "مريم" نفسها وفكرت فى "بسنت": انت حر بالل انت حاسه يا "زين" لكن انا احساسى اتجاهك اخوه مفيش غير كده ولو هتتكلم ع طلاقى فدا بعيد عنك انا الل اهملت "ايهاب" ومكنش فى حل غير الانفصال .. لكن حب انا وانت لالا مفيش خالص
قرب منها "زين" خطوتين ومسك ايديها : حسيتى ب ايه وانا ماسك ايدك ؟
تمالك "مريم" نفسها ومبينتش حاجه: عادى مفيش حاجه
مسك ايديها التانيه وحطها ع صدره : حاسه بضربات قلبى الل زادت لما مسكت ايدك اهو دا مبيبطلش طول ماانا معاكى ومبيحصلش مع غيرك هتقولى اخوه ..
_ "زين" انت خاطب وبتحبك خطيبتك بلاش اوهام الل عايش فيها دى وفوق
_افوق .. كنت عاوزانى ليه يا "مريم"؟
_ كنت عاوزه مينفعش تركن "بسنت" جنبك وتبتدى تجهز لجوازك ؟
_يعنى اتجوز بسنت انتى شايفه دا الصح ؟
_اه .. ومهما قلت مش هغير كلامى ولا احساسى اتجاهك
مشيت "مريم" وبصوت عالى : ماشى يا "مريم" هتجوز "بسنت"
بصتله "مريم" ومبتسمه: مبروووك
__________________________
لايك ورايك
ليست هناك تعليقات:
إرسال تعليق