(3)
مر 4 شهور منذ اخر زياره "كرم" ل "محمود" وكانت "سناء" بعد عودتها من "الزقازيق" ب اسابيع عرفت انها حامل ولكن بعد 3 شهور اجهضت الحمل وكانت نفسيا تعبانه .. ف طلب "كرم" من "محمود" ان ياتى الى الاسكندريه ومعاه "سوسن" كتغير جو و"سوسن" تكون بجانب "سناء" فى هذه الفتره فوافق "محمود" واعتبرها فرصه ليعيد تفكيره وقراراته ..!
وصل "محمود" و "سوسن" الى الاسكندريه وكان "محمود" فى انتظارهم جلسا سويا وليلا نزل "كرم" و"محمود" يقعدوا ع البحر وتركا "سناء" مع "سوسن" فى المنزل ..:
تنهد "كرم" : كنت بستغرب اوى "سناء" لما كانت بتحب البحر وبتقولى انه مخزن اسرارها وكلامها معاه كتير لكن الاستغربتله اكتر انها حسيت انها مبقتش ترتاح لكلامها معاه وفضلت تقعد فى البيت ..
_ اعذرها يا "كرم" دا 4 حمل ليها مبيكلمش ..
_ صدقنى قولتلها مش عاوزين اطفال ربنا لما يريد هيحصل ليه نستعجل احنا .. الحاجه لو جت قبل ميعادها بنتحرم منها وهى مصره ..
تنهد "محمود" : اعذرها يا "كرم" الوجع بيبقى كبير لما تحس انك محروl من حق من حقوقك الطبيعيه الل ابتدت الخليقه بيها واتعمر الارض ,,احساس انك ملكش لازمه وهتتنسى دى توجع
لاحظ "كرم" نبره "محمود" الحزينه" ومدى المه وضع يده ع كتفه: ربك كبير يا "حوده" عطاياه ملهاش حدود انت بس قول يارب وربك هيفرجها
_ ونعم بالله ...
ساد الصمت للحظات حتى تحدث "محمود": كتير فكرت ان احنا اختارنا فى جوازاتنا غلط
تعجب "كرم": مش فاهم؟
_ يعنى انت " وسناء" وانا و "سوسن" اختارنا بعض غلط
ضحك "كرم": ازاى يا فليسفوف ..!
نظر "محمود" الى البحر : يعنى انت كان المفروض تتجوز "سوسن" وانا اتجوز "سناء "
تفاجئ "كرم": لا ياراجل ودا ع اساس ايه ؟
_ ع اساس ان انت و"سوسن" مش فيكم حاجه وممكن تخلفوا وتكونوا اسره الل محرومين منها بسبب الى معاكم وانا وسناء لينا ربنا ..
_ ربنا لينا كلنا يا "محمود" والجواز نصيب والخلفه نصيب ملناش يد فيها
نظر "محمود" ل "كرم" وصمت لحظات : انا بتكلم جد ...!
_ هو ايه الى جد ..
_ تتجوز "سوسن" ...
ضحك "كرم" بصوت عالى : احنا فى مصر ودينا مينفعش اتجوز واحده متجوزه ع فكره ..
_ماهو انا هطلقها ..
الكلام "كرم" مش قادر يستوعبه وكان بيتكلم بهزار لكن ملامح "محمود" الجاده اكدتله انه بيتكلم بجد ...!
_ انت بتهزر يا "محمود" صح ..هوا البحر لطشك تعالى نروح
قام "كرم" وقف سريعا امسك "محمود" ذراعه : انا بتكلم جد يا "كرم"
نظر "كرم" ل "محمود" نظره حده وغضب: انت مش بتتكلم جد انت بتستهبل وانا مش هعتبر سمعت حاجه يلا ..!
_ "سوسن" ليها حق تكون ام وانت كمان ليك حق تكون أب
_ وانت وسناء حقوقكم فين ..
_ الل زينا ملهمش حقوق عايشين لغايه ما ربنا ياخد امانته
اقترب "كرم" غاضبا من "محمود" محاولا التماسك: لولا انا عارف انك بتتكلم علشان حالتك النفسيه مش متظبطه صدقنى مكنت هفوتلك الكلام دا بسهوله ..
_ ليه يا "كرم" .. انت و"سوسن" اغلى اتنين فى حياتى وحياتكم مش سعيده ودا الحل .. انا قرار الطلاق كان فى دماغى بقاله كتير وظروف "سناء" شجعنى اكتر اتكلم معاك ..انا مش هطمن ع حد على "سوسن" غيرك ..لانى مبثقكش فى غيرك وعارف انت هتعاملها ازاى ..
كلام "محمود" اشعل "كرم" غضبا وبصوت عالى : ايه التخلف الل بتتكلم فيه دا ,,
_كرم
_ "كرم" ايه وزفت ايه .. انت برغم السنين دى لسه الانانيه فيك فاكر لما سبتها زمان فاكر لما ظروفك لما ضغطت عليك كنت هتضيع نفسك ,, عاوز اسالك سؤال وترد بصراحه ؟ عادى انك تشوف مراتك حبيتتك فى حضن صاحبك انت هتعرف تتقبل المنظر لو انت هتعرف انا لا مش هسمح بكده لا يحصل ليا ولا يحصل ليك ,,الازمات بتدينا قوه مش بتتضعفنا يا "محمود" فوق كده وحافظ ع النعمه الل ربنا ادهالك فى حياتك ,,النعمه الل هونت عليك وملت وحدتك ومسبتكش ,, ارمى حمولك ع ربنا ومتجازفش بقرارات من وجهه نظرك هتريح الل حواليك وانت بتدمرهم فاهم ,,الله كريم ومهما ضاقت هتفرج ..!
صمت "محمود" بعد "كلام "كرم" وواجهه بنتيجه قراره المتسرعه بانه هيخسر الجميع ,, ذهبا الى القهوه طلبا شاى ولعبا طاوله واعتبر "كرم" ان محمود مقالش حاجه ..!
فى منزل "كرم" كانت "سوسن" جالسه مع "سناء" :
_ امسكى يا سنسن التفاحه دى كوليها يلا
_ مش قادره يا سوسن بجد ..
_ يا حبيببتى علشان العلاج مينفعش تكونى ضعفانه كده و"كرم" يشوفك تعبانه
ارتسمت ملامح الحزن ع وجه "سناء": "كرم" اهو اكتر حد انا زعلانه عليه هو "كرم" .. هو انتى فاكره ان انا مستعجله ع الخلفه علشانى لا خالص علشان "كرم" , "كرم" يا سوسن عاش لوحده بعيد عن اهله حبيت اكونله اسره يراعيها ويحميها ويتحما بيها لكن مفيش فايده مفيش حمل بيكمل ...
_ وحدى الله كده ,, الاطفال نصيب ورزق ولما ربك بيأذن بيحصل
_ كتير فكرت انى اطلب منه يتجوز ,, بس مش عارفه مين الل هيتجوزها ولا هتبقى كويسه معاه ولا ..
قاطعتها "سوسن" : ايه الاستهبال دا ,, هو انت عادى لما جوزك يكون مع غيرك كده وب ايدك هتدهولها , علشان ايه الخلفه الاطفال وايه ضمنك انها هتخلف او هتجيب عيال عدله وهتريح "كرم" ..ايه التفكير الانانى دا يا "سناء"
_ماهو لو حصل حمل تانى وسقطت هتبقى اخر مره الرحم عندى هيتشال يعنى كده كده هيتجوز ,,
_ انتى نطى ليه كده ونجمتى ,, يا حبيببتى الحاجات دى بتاعه ربنا سلمى امورك لربنا وهيدبرهالك انتى متجازفيش بخساره جوزك لان وقت ما هتخسريه مش هيرجعلك تانى وهتندمى ندم مش هيتعوض ,,انا ليه مفكرتش اسيب واهاود "محمود" علشان انا فى عينى وفى قلبى هو "محمود" بس ولا هشوف غيره ,, حافظى ع "كرم" وبطلى تفكير اهبل ,,!
عادا كرم ومحمود من الخارج تناولا الجميع العشا ثم ذهبا ليخلدوا الى النوم.. كانت ملامح "كرم" متغيره بسبب وضع "محمود" والكلام الل دار بينهم وانه مفيش ب ايده حاجه يعملهاله ولاحظت "سناء" التغيير : مالك "ياكرم" ..فى حاجه ؟
بتلقائيه تحدث : "محمود" دماغه هتوديه فى داهيه
_ ليه كده ؟
"حكى كرم ل سناء الموقف الل حصل بينهم وكان الموقف صدمه ل "كرم" ورد فعل سناء صدمه اكبر له "
_ هو بيفكر صح ..
_ نعم
_ اه .. "سوسن" عارفها وظروفها و ..
قاطعها بنبره غضب : انتى بتتكلمى فى ايه انتى وهو ,, هو قميص اشترناه مكنش مقاسنا فهنبدله ونشحته لبعض ,, انتوا ليه بتعملوا فى نفسكم كده ليه مقللين من نفسكم اوى كده وانانيين اوى كده ..
_علشان بنحبكم ..
_دا مش حب ,,دى انانيه واستهتار بالل معاكى ,, سواء انتى او محمود مش حاسين بيا انا وسوسن رغم اقتراحاتكم دى ,, الحياه بين اتنين نصيب والخلفه نصيب يعنى ايه اتجوز بس علشان اخلف يا فرحتى وسعادتى وانا ولادى بيكبروا قصاد عينى وشايفين امهم وابوهم لوح تلج لان السبب الوحيد الل ربطهم ببعض هو الخلفه لكن تفاهم ووحياه وحب معاشره لا مفيش ... ليه اجيب عيال اعذبهم بحرمان ,, حرمان النفسى والعاطفى الل اى مولود بياخدوا من ابوه وامه من حبهم ومعاملتهم وتقديرهم لبعض ابنهم بيكبر عارف يعنى ايه حب ويعنى ايه تفاهم وحياه ,, ليه اجيب اطفال تعساء فى الدنيا علشان بس اثبت انى راجل وبخلف ,, انا يا اجيب اطفال وممهدلهم حياه كويسه ماديه ونفسيه يا بلاش واكيد ربنا له حكمه ف ظروفنا وظروف "محمود" ليه احنا نسابق الاحداث ,,
لاحظ "كرم" دموع تتساقط من عين "سناء" اقترب منها وبنبره هاديه : "سناء" انا فعلا مقدرش اعيش من غيرك انتى كل حاجه فى حياتى امى واختى ومراتى وحبيببتى وبنتى ,, انا فوضت امرنا لله وهو يحسن التدبير وكل عطاياه خير ,, احنا نقول الحمد الله ع نعمه الحب والتفاهم الل بينا الل بيوت كتير مليانه اطفال لكنها محرومه منها .. !
وضعت "سناء" راسها على كتف " كرم " فقامب احتضانها ع صدره وخلدا الى النوم .... !
تراجع "محمود" عن قرراته المتسرعه و"سناء" وحب "كرم" و"سوسن" لهما كان عوض ف استرضوا به وعاشا متوكلين ع الله ظروفهم وحياتهم ومستقبلهم ,,!!
مرت عام والاوضاع مستقره غير ان والد "سوسن" توفى واستلمت "سوسن" ميراثها وهو الشقه والكافتيريا ومبلغ صغير ف البنك ف انتقلت هى ومحمود الى شقه والدها حيث البراح وقام "محمود" بتوضيبها وشراء اثاث جديد حتى يشعر انه فى منزله ,,,فى احدى الايام و"محمود" جالس" فى شقته طرق باب الشقه ففتحت "سوسن" وجدت رجل يحمل يمسك ب يديه طفل عمره 6 سنوات :
_ايوه حضرتك عاوز مين ؟
_ مش دى شقه "محمود عطا الله " ؟
_ايوه حضرتك عاوزه ف ايه ؟
_هو موجود؟
ندهت "سوسن" على "محمود " : خير حضرتك انا محمود
_ انا من المركز ومعايا الطفل "كريم عطا الله " اسلمه ليك بما انك الوحيد من عيلته المتواجده حاليا
تفاجئ "محمود" بما يسمع : مش فاهم .. مين دا وازاى عيلته الوحيده وايه الل حصل ؟
_ والد حضرتك الاستاذ "عطا الله " وحرمه تعرضو ل حادثه وتوافهم الله من اسبوع والطفل دا كان لوحده عند الجيران وبعتوه المركز وقالولنا ع عنوانك ..اتفضل امضى هنا ع الاستلام وعاوز انبهك انت الواصى الشرعى له واى اذى هيتعرضله هتتسال انت عليه
ردت "سوسن" : تقصد ايه هيأذيه دا طفل ومحمود مبيأذيش حد ..!
_ اسف يا فندم بس الل سمعته من الجيران لما اخدت الطفل قالوا انك كنت ع خلافات مع والدك ..انا حبيت انبهكك بس مش اكتر
من المفاجاءه الصدمه وقف ف ذهول مضى ع الاستلام وكان "كريم" مرتعبا فحاولت "سوسن" ان تهدئه :
_ انت اسمك كريم
_ايوه
_اسمك جميل اوى زيك ..انا لسه عامله كيكه بالشوكولاته بتحب الشوكولاته
هز الطفل راسه : يلا تعالى معايا نجيبها من المطبخ
من معامله "سوسن" تعامل معاها الطفل بطبيعيه وكان "محمود" لم يستوعب الموقف فجلس ع الكرسى وفاجاءه تساقطت دموع من عينيه ع والده ..!
من خلال محادثه تليفونيه بين "سناء" و"سوسن" عرفت" سناء" بوفاه والد "محمود" و ظهور" كريم" ف اخبرت " كرم واخذا اجازه من عملهم وذهبا ليكونوا بجانب "محمود" :
_البقاء لله يا "محمود"
_الدوام لله وحده
لاحظ "كرم" مدى حزن وتأثر "محمود" بوفاه والده .. طبطب ب ايده على كتف "محمود"
_ شد حيلك كده يا "محمود" مش متعود اشوفك كده
نظر "محمود" ل "كرم" : انت عارف يا :كرم" الل مزعلنى حاجه واحده بس
_ ايه ؟
_ ان انا رغم قساوته عليا كنت حاطط أمل انه فى يوم من الايام هيكلمنى وياخدنى فى حضنه .. مره واحده بس الل طلبتها من ربنا ان ابويا ياخدنى فى حضنه .. الموت سبقنى او يمكن دى اشاره بتقولى عشت فى وهم ..
_ مش عارف اقولك ايه يا "محمود" .. انت جواك انسان طيب متلوثتش ابدا بسبب الى حصلك والل عمله معاك ابوك ,,وبعدين ملحقتش حضن ابوك ربنا عوضك بحاجه منه تحتويها وتربيه وتاخده فى حضنك ولا ايه
نظر "محمود" ل "كريم" وهو جالس بيتفرج ع التليفزيون : "كريم" انا مش قادر استوعب ظهور اخ مفاجئ ليا بس منكرش ان ظهوره فرق كتير مع "سوسن" حسيت ان روحها ردت فيها وحرمانها من الامومه بتعوضه فيه مهتميه ب ااقل الحاجات بتاعته من وقت ما جه لدرجه انه لزمها طول الوقت ..
_ وانت بتعمل ايه معاه ؟
_ مش عارف .. محتاج وقت استوعب
_ وقتك اخدته اكتر من كده هتبعده عنك وهتكرر الل ابوك عمله معاك ..اشارات القدر يا "محمود" سواء مواقف او اشخاص كل حاجه بتحصل ليها سبب وليها نتيجه ,,احتضنه وقرب منه وربيه واعمل معاه الل ابوك معملهوش معاك ,, "كريم" ظهرلك فى وقت كنت يائس فيه يا "محمود" وفاقد الامل ,, "كريم عوضك من ربنا ومتهدرش الهديه وتبعدها انت دلواقتى اخوه وابوه وعيلته اكسبه ليك هو ملو ذنب فى الل حصلك احتويه بدل ما يطلع فى الدنيا بائس تانى منعرفش ايه هيحصل فيه ,,,
كلام "كرم" ونظرات "كريم" المليئه بالخوف من "محمود" ل "محمود" كانت ناقوس انذارله..!
مر فتره من الزمن و "كريم" ابتدى ينادى ع "سوسن" ب ماما وكانت فرحه كبيره ليها وكانت "سوسن" فى محاولات لتقريب "محمود" ل "كريم" وفى احدى الايام "محمود" جالس ع طاوله الفطار شاهد "سوسن" واهتمامها بفطار وملابس "كريم وكلامها معاه :
_ يلا يا كيمو افطر علشان ننزل نشترى لبس المدرسه و"محمود" جى معانا
ابتسم الطفل وصمت ونظر "محمود" لمدى سعاده "سوسن"
ذهبا لشراء ملابس المدرسه ل "محمود" وطول الطريق "محمود" منزلش نظره عن اخوه وكلام " كرم" بيرن فى ودانه وشعر بان فى حاجه جواه بتدفعه يقرب ل "كريم
رجعوا البيت ودخلت "سوسن" تحضر الغدا و"كريم" بيتفرج ع التليفزيون راح "محمود" قعد قرب منه وكان ماسك شوكولاته : انت بتتفرج ع التليفزيون
هز "كريم" راسه وملامح خوف ع وجهه ,,قرب منه "محمود" ولاحظ خوف "كريم "
_ هو انت خايف منى ؟
سكت "كريم .. :رد عليا ومتخفش انت خايف منى هو انا عملتلك حاجه ؟
_ انت مبتحبنيش
_ ومين قالك كده انا قولتلك مبحبكش
_ ماما كانت بتقولى انك مبتحبيش ومبتحبهاش ومبتحبش بابا
تعجب "محمود" : انا,, طيب انا لو مبحبكش هخليك قاعد هنا معايا ولا كنت هسفرك الصعيد عند اهل امك
سكت الطفل وردد : انا عاوز اقعد هنا مع ماما "سوسن"
مسك "محمود" ايد الطفل " وب ابتسامه : بص تعالى نلعب لعبه واتفاق ,, اننا نكون اصحاب مش اخوات تمام وتنسى كل الل سمعته وانا هنسى كل الل سمعته ونبدء مع بعض اصحاب ولو نفعنا نكمل منفعناش خلاص شفلك صاحب تانى .. ايه رايك
نظر "كريم" ل "سوسن" ابتسمت وهزت راسها ليوافق فعاد ونظر ل "محمود" وهز راسه بالموافقه ,, ف اظهر "محمود" الشوكولاته : ودى اعتبرها عربون صداقه
فرح "كريم" ب الشوكولاته ,, استكمل "محمود" كلامه ببهجه:ها بقى قولتى الكارتون دا عن ايه
ابتدى "كريم" يحكى ل "محمود" ,,طريقه "محمود" الهاديه وابتسامه وطبطبته ع يد "كريم" ومساعده "سوسن" اشعرته بالامان وقرار داخل "محمود" الا يترك "كريم" كما فعل والده معه وجلس "محمود" مع "كريم" يشاهدا التليفزيون وبعد قليل اخذه وذهب الى الكافتيريا واصبح يلازمه فى كل مكان وتقرب له "محمود" وشعر بالسعاده وبالعوض من الحرمان من الاطفال مع "كريم" اخوه ...!!
تعايشا "كريم" مع "محمود" وتم استلام الميراث وكان "محمود" وصى ع "كريم" واهتم بشئونه واعتبره ابن له وليس اخ ... بعد فتره اعلن صاحب المكتب الذى يعمل به "كرم" انه لديه ازمه ماليه ف بالتالى سيتم غلق المكتب وتسريح الموظفين وكانت صدمه ل "كرم" لانه فاجاءه اصبح بدون عمل "عاطل" فى يوم جلس فى منزله وعلى طاوله الطعام هو و"سناء" :
_ متضايقش نفسك كده يا "كرم" ربنا كريم ان شاء الله هتلاقى شغل تانى
_ ازاى ..وانتى عارفه ان صعب القى شغل بمرتب زى الل كنت باخده ده ..دا كان مساعدنا ع المعيشه والاقساط الل علينا انا بقالى شهرين بلف ومش لاقى شغل ..
_ هونها على نفسك يا "كرم" ربنا هيفرجها ان شاء الله واهو المرتب الل باخده بيساعد بحاجه اهو فى غيرنا حالهم اصعب
وضع يده على يد "سناء" : بجد مش عارف اشكرك ازاى انك مستحمله الظروف دى
طبطبت على ايده : مفيش بين الاحباب شكرا .. انا وانت واحد ومينفعش نكون اتنين,, نساند بعض ومع بعض فى الحلوه والوحشه .. حضنك ليا بليل بالدنيا كلها وانك تكون بخير مش هطلب تانى من ربنا ..
وضع قبله رقيقه على يديها : ربنا يخليكى ليا
_ ويخليك ليا
فى يوم اتى "محمود" ل "كرم" زياره ويحمل معه كل اشهى وطاب من فاكهه ولحوم وفراخ وكانت لفته جميله منه ك مساعده له فى الظروف الماديه لديه لان "كرم" كان يرفض اخذ اى فلوس من "محمود" ,, تناولا الغدا ونزلا الى القهوه بجانب المنزل :
_ مكنش له لازمه كل الل جبته دا يا "محمود" دا كتير اوى
_ مش هيجى جنب خيرك يا ابو الكرم .. مفيش مره تدخل بيتى وغير وانت معاك حاجه خلينى اسد من الى عليا بقى
_ احنا اخوات مينفعش تقول كده ..بس لفته حلوه منك بتساعدنى بطريقه غير مباشره لانك مش عاوز تحرجنى
_ هتزعلنى منك يا "كرم" احنا مفيش بينا كده انت اخويا ياجدع
_تسلم .. تتردلك بس فى الافراح ...
_تسلم..لسه ملقتش شغل برضه
_بحاول ادور لكن اغلبهم عاوز واسطه وفلوس وانت عارف الل فيها
_لو محتاج
قاطعه "كرم" تسلم,,ان شاء الله ربنا هيعدلها .. قولى اخبارك مع "كريم ايه ؟
ابتسم "محمود" : كريم دا هديه ربنا لينا فى الوقت الل ظهر فيه حياتنا اتغيرت ونفسيتنا اتظبطت كفايه انى بصحى ع صوت ضحك "سوسن" و "كريم" الاول البيت كان هسسسس ..الحمد الله ع عطاياه
_مش قولتلك ربنا بيعطى بس كل حاجه فى وقتها ..
_الحمد الله وربنا يعطيك وتلاقى شغل ولو قفلت معاك ارجع الزقازيق اتزقزق معايا وانا هسالك حوالينا ع شغل ولو قفلت تعالى ساعدنى ف الكافتريا والل يطلع بالنص و..
ابتسم "كرم": لو زنقت اوى هاجى ازقزق معاك
ضحك" محمود" والله وحشتنى زقزقتنا ,, لكن انا متفائل خير
_خير ان شاء الله
استلم "كرم" العمل "كاشير" فى احدى المطاعم كوظيفه مؤقته واستمر فى البحث ,, فى احدى الايام و"سوسن" فى الكافتيريا شعرت بدوار ولاحظ "كريم" فذهب سريعا الى "محمود" واخبره فذهبا اليها فكانت فى حاله اغماء فذهبا سريعا الى المستشفى وكان "محمود" فى حاله قلق شديد ع زوجته ,, خرج الدكتور وذهب اليه : محمود: خير يا دكتور مالها "سوسن"
ابتسم الدكتور : مبرووك "سوسن" حامل
من المفاجاءه لم يستوعب "محمود" : بتقول ايه ؟
_بقولك يا "محمود" ان ربنا عوض عليك صبرك ورزقك بالل نفسك فيه ودى حد ذاتها معجزه بعد سنتين من العلاج قلتلك احتمال الانجاب ضعيف لكن سبحان الله لما بيعطى مينفعش نسال ليه ...مبرووك المهم ترتاح
ذهب "محمود" سريعا الى "سوسن" وجدها ماسكه مصحف وبتبوسه ودموعها نازله راح تلقائى حضنها والاتنين انهاروا ف دموعهم حتى "كريم" شاركهم اللحظه بدموع متساقطه دموع الفرحه والعوض ,,,!
سريعا اخبر "محمود" "كرم" وفرح جدااا ولكن لظروف عمله واعده هيسافر زياره له فى الاجازه ,, وكانت "سناء"عندما علمت فرحت جدااا لدرجه ف فترات كانت بتسافر ل سوسن هى وكرم ,, "سناء" اخدت اجازه وقعدت معاها ولا حست بغيره ولا بضيقه كانت فرحتها متساويه لفرحه "سوسن" بعوض ربنا فكانت مرافقه لها فى كل خطوه ولا تتركها .. اقترب موعد الولاده وذهبوا الى المستشفى وبعد ساعات اتاهم الخبر السعيد " مبروك ولد زى القمر " طارا من السعاده جميعا واطمئنا ع الام :
_ ها يا "حوده" قررت هتسموه ايه ؟
_بصراحه هخطف الاسم منك زى ما اتفقنا الل يسبق هيسمى
ضحكت "سناء" : احنا فينا من كده ؟
ضحك " محمود" : احنا واحنا فى الجامعه اتفقنا اختارنا اسمين وقولنا الل هجيب الاول هيختار,,انا سبقتك اهو وجبت " زين " اتشتر انت بقى وهات " مريم " قبل ما اخطف الاسم تانى ومتلاقيش اسم تختاره ..!
ضحكت "سوسن" برغم ارهاقها من الولاده : " زين" وزين حايتنا فعلا
تحدثت "سناء" مازحه: "كرم" احنا لازم نثبت موقف ونلحق "مريم" .. كده " ابو زين هياخد الاسماء كلها لالا مينفعش "يا كرم " اعمل حاجه
شمر "كرم" كم القميص وامسك يد " سناء : انا بقول كده يلا بينا ع البيت
ضحكت "سناء" والجميع .. وحمل " محمود" زين" ودموع تتساقط من عينيه : حمد الله ع سلامه يا هديه وعوض ربنا ليا بعد صبر اوعدك يا "زين" ماهتشوف الل انا شوفته وهتلاقينى دايما كتفك ف كتفى .. هتلاقينى الامان والاحتواء والرحمه .. هتلاقينى الحياه الل كنت بتمناها ..
قرب "كريم" من "محمود": عاوز اشوف النونو
_ اتفضل شوف النونو انت دلواقتى الكبير المسيطر يا "كيمو" اتفقنا
_اتفقنا
عادا الى منازل "كرم" و " سناء " و "كريم" وبقى "محمود" مع "سوسن" فى المستشفى ,, ودخل "كرم" الى غرفه النوم ليستريح وكانت "سناء" توصل "كريم" الى غرفته لينام واستمرت بجانبه تحكى له الحكايات حتى ذهبا ف النوم ثم عادت الى غرفتها ونامت بجانب " كرم" فضمها "كرم" الى حضنه :
وضع قبله ع جبينها :وحشتينى
ابتسمت "سناء" : متقلقش عليا انا مش زعلانه خالص بالعكس انا فرحانه اوى ل " سوسن " ان ربنا كرمها صبرت كتير وربنا جزاها خير نتيجه صبرها .. استحملت كلام ونظرات وربنا عوضها ..انا فرحنالها اوى يا "كرم"
ضمها "كرم" الى حضنه : انا عارف ان "سناء: الل حبيتها واتجوزتها عمرها ما هتحقد ولا تغير من اى حد
_ لانى راضيه بحالى .. مفيش ب ايدى حاجه اعملها ومعملتهاش بس باين ان ربنا لسه مأذنش يفرحنى وانا واثقه ان ربنا هيجبر خاطرى ,,اشارته ل "سوسن" كانت اشاره ليا ولكل الل زى ان ربنا هيجبر خاطرنا كلنا بأذن الله لكن كله فى ميعاده
وضع قلبه اخرى ع جبينها وضمها اكتر: ان شاء الله
ابتسم واغلقت عينيها وهى بحضن "كرم ": ان شاء الله
قبل عوده "كرم" الى الاسكندريه جلسا مع "محمود" وتحدثا :
_ ايه مفيش جديد عن الشغل محدش كلمك
_ ولا حد عبرنى
_ طيب يا "كرم" متروح ياعم تطلب من ابوك قرشين وافتح مشروع خاص ليك ماهى فلوسك
_ما انت عارف "كمال" مش هيطلع جنيه والحج صحته اليومين دول مش كويسه ومش عاوز اضغط عليه ..
_يعنى هتسيب حقك كده
_ مش هتخانق مع اخويا انا علشان فلوس ,,كفايه ال ابويا عايشه بسببنا
_براحتك ...
_انا اصلا قبل ما هرجع اسكندريه هروحله لانه طلب يشوفنى اروح اشوفه صوته مكنش مريحنى اخر مره
_خير ان شاء الله ...
ذهب "كرم" لزياره والده وكان المرض اشتد عليه اكثر واكثر :
_ مالك يا حج شكلك تعبان اوى انت مبتاخدش العلاج ولا ايه
دخلت "الهام" : والله لسه الدكتور ماشى من عنده من شويا قبل ما تيجى وكتبله علاج يمشى عليه وان شاء الله هيبقى كويس
_ ان شاء الله ...
خرجت "الهام" : خير يا حج اصرارك انى اجى خير
بصوت مريض : بص يا "كرم" ياابنى انا عارف انى جيت عليك كتير اوى وظلمتك ومقدرتش اقف ل "كمال" علشانك ..
لاحظ "كرم" بتدهور حاله والده الصحيه اثناء حديثه : متقولش كده يا حج وومتتكلمش كتير علشان هتتعب اكتر ..ارتاح بس
_ اسمعنى للاخر بس "خرج من تحت المخده شيك " خد الشيك دا فيه مبلغ كويس افتحلك مشروع فيه ..
برفض: لا ياحج انا هلاقى شغل قريب متقلقش عليا
_اسمع الكلام وخده ومتقولش ل "كمال" انك اخدت منى حاجه
فى هذه اللحظه دخل "كمال" الغرفه وراى "كرم" ممسك ب الشيك وذهب مسرعا اتجاهه وشد بقوه الشيك وبغضب : انت اخدت منى الفلوس يا حج علشان تدهومله .. انت قولتلى ان عليك دين وعاوز تسدده وخلتنى اكتبلك الشيك دا وطلع علشان الاستاذ
نظر "كرم" بغضب وبنبره غاضبه: انت بتزعق ل ابوك ازاى هو حر يعمل الل يعمله هو يطلب وانت تنفذ كلامه محدش يقدر يحاسب الحج ...
ضحك "كمال" ضحكه سخريه: ايه الجمال دا وطلعلك صوت اهو ..
كرم بغضب: كمال
كمال نظر ل كرم: وهتضربنى كمان اضربنى
اثناء عراكهما تناسيا حاله والدهما الصحيه ومن المنظر الذى كان يتهرب منه والدهما كل هذه السنين زادت حالته الصحيه تدهور ...: امشى يا كرم ..امشى ياابنى وسامحنى
لم يستطع "كرم" تكسير كلام والدده كالعاده وانسحب من امام "كمال" وخرج غاضبا وامسك "كمال" الشيك وقام بتقطيعه امام والده وخرج من الغرفه ... !!
بعد رجوع "كرم" الى الاسكندريه بشهر حدث حمل ل "سناء" ف الخير اتاهم اكثر مما يتخيلوا وفرحوا جدااا وطلب الدكتور منها ان لا تتحرك لفتره الحمل لانه الفرصه الاخيره وخوفا من الاجهاض حرصت ع سمع كلام الدكتور وكانت معاها سوسن ,,
فى احدى الايام والجميع مجتمع فى بيت "كرم" ليلا للعشا :
_ العشا دا بتوصيه من " سناء" لكن عمايل ايدى انا
ضحك "محمود" : ع اساس ان اكل امبارح مش من عمايلك
ضحك" كرم" : تسلم ايدك يا "سوسن" عارف اننا تعبينك بس هانت اهو
تنظر "سناء" الى بطنها : اه فعلا هانت انا حاسه ان بطنى هتنفجر انا مش متاكده انها بنت الل جوه دى نص دسته بطنى كبيره اوى
_ متقريش ع نفسك كده هانت اهو ميعاد الولاده قربت ..
نظر "محمود" الى "كرم" : كده انت لحقت " مريم" وانا معايا " زين"
ابتسم" كرم": تيجى بالسلامه ان شاء الله
خبط "محمود" بيده ع كتف" كرم" : عروسه ابنى هتوصل بالسلامه ان شاء الله
تعجبا نظرت " سوسن وسناء " لبعضهما : عروسه
ضحك "محمود" : اه طبعا خلاص مريم اتحجزت ل زين او كريم خلصت
ضحك" كرم" : ياعم هى تيجى وشيلها كلها ع بعضها ادعى بس تيجى بالسلامه
ابتسمت "سناء" ان شاء الله
فى احدى الايام تلقى محادثه هاتفيه من "محمود" ب اخباره ب وفاه والده فمسرعا ذهبا هو لوحده وكان معه "محمود" وسوسن مع سناء فى الاسكندريه لوضعها الصحى وحضر العزاء ورجع الى الاسكندريه وبعد اسبوع اتصل به "كمال" وطلب ان ياتى ليتحدث معه فى امر مهم .. فسافر له "كرم ":
_خير يا "كمال"
_خير ان شاء الله يا "كرم" .. انا مش هطول عليك علشان عارف انك هترجع انهارده الاسكندريه ... انا عملت اعلان وراثه وحصرت املاك الحج وفلوسه من قبل 10 سنين
_ وبعدين
اخرج شيك ووضعه ع الطاوله امام "كرم" : ودا حقك الشرعى ونصيبك
امسك "كرم" الشيك وانصدم من المبلغ الضئيل
_ ايه الل مكتوب دا يا "كمال" دا ميجيش عشر الل موجود
استقام "كمال" فى جلسته وامسك فنجان القهوه ووضع رجل على الاخر : الل موجود دا انت ملكش علاقه بيه ...
مستغربا: ازاى
بثقه: الل موجود دلواقتى وفى ال 10 سنين الل فاتوا كان مجهودى وتعبى انا .. انا الل تعبت وجريت وروحت وجيت من وقت ما الحج ما تعب وقعد فى البيت ... انا الل كسبت وخسرت فى ال10 سنين دول .. انت كنت فين كنت بتدرس ف الجامعه وسافرت اسكندريه واتجوزت وعشت حياتك الل اختارتها ..لكن انا عشت حياه الل ابوك اختارهالى من اول ما خرجنى من المدرسه علشان اكون معاه لغايه ما جوزنى بنت صاحبه ورفض يجوزنى الل كنت بحبها ... انت عشت حياتك ,,ودا نصيبك وبالحق قبل العشر سنين ف الوقت الل الحج كان بينزل فيه المحل ومن اللحظه الل صممت فيها تكمل وتخرج من البيت انا حاسب الحسبه وكنت راكنها ل وقتها علشان نخلص من الحكايه دى ... دا نصيبك اتفضله
طريقه حوار ونبره صوت "كمال" الغاضبه الموجعه شعر بها "كرم" ولم يقاطع "كمال" واخذ الشيك ومضى ع عقد بيع نصيبه ل اخوه حتى اصبح الملك كله ل "كمال" .. اخذ الشيك وبهدؤء خرج من المنزل واتجه الى محطه القطار وهو فى حاله من الذهول بعد ما سمع حديث "كمال" له والوجع الذى شعر به "كمال" فى حياته وشعور "كمال" انه هو السبب ... عاد الى الاسكندريه ووضع الشيك امامه على طاوله الطعام ينظر له دون ان يتحدث .. لاحظت "سناء" تغيره وعدم تحدثه معها ..احضرت فنجان من القهوه ووضعته امام "كرم " :
_ انا مش هسألك مالك ولا ايه الل حصل لانه واضح ان حصل حاجات كتيره وكبيره .. لكن عاوزه اقولك مهما حصل متفكرش فى ورا فكر فى الل جى .. لان الل حصل خلاص .. الل جى مش عارفين شكله ايه ..
_الل جى
_اه الل جى يا "كرم" حياتنا .. مستقبلنا .. نواجهه بكره ب ايه .. بالمبلغ الل قدامك دا نستغله ازاى بدل ماانت بتبص عليه كده ..
ضحك "كرم" بسخريه: وهو دا يتعمل به حاجه ..انا كنت بحلم افتح مكتب محاسبه واشتغل ف الل بفهمه .. انا بجد مبقتش فاهم الايام والل بيحصلى فيها
_ تفاءل خير .. ربنا هيدبرها بس قول يارب
_يارب
ومرت فتره حمل "سناء" ولكن عند الشهر السابع تعبت "سناء" وولدت بنوته ,, بعد ولادتها تعبت "سناء " بسبب النزييف ,,فكان "كرم" ملامح مليئه بالخوف والقلق ع "سناء" و"البنوته"
خرجت الممرضه وهى حامله الطفله فتوجه "محمود" اليها واخدها : ماشاء الله ..الله اكبر ايه البنت العسوله دى شوف بنتك يا "كرم " ... شوف "مريم "
بخطوات بطيئه توجهه "كرم" ل "محمود" وحمل بين ذراعيه " مريم " : حمد الله ع السلامه .. نورتى دنيتنا يا "مريم"
تحدث "سوسن" : ان شاء الله مامتها هتكون بخير
اطلقت "مريم" صراخ ف اخدتها الممرضه لتطعمها وجلسوا فى الاستراحه ولكن عرفوا ان "مريم" رافضه ترضع للبن الصناعى ومش عارفين السبب فذهبت "سوسن" وحاولت ارضعها فقبلت وتناولته ونامت ... خرجت "سوسن لتطمئن "كرم"
_ متقلقش انا رضعتها ونامت
_الحمد الله
اوصل "محمود" "سوسن" و"زين" و " كريم" الى البيت ل احضار ملابس ل "سناء" وفى الصباح الباكر عادا الى المشفى وكانت استقرت حاله "سناء" واتوا ب " مريم " ل اطعامها فكانت "سناء" ضعيفه فلم تستطع .. فتقدمت "سوسن" وارضعتها .. خرجت "سناء" الى منزلها وكانت مرافقتها "سوسن" دايما وكانت عباره عن مرضعه متنقله ل "زين" و " مريم " فلم يتفرقا ابدا ,,!
فى احدى المرات جلس "محمود" و " كرم" فى القهوه .. وفاجاءه ضحك " محمود .. فتعجب كرم : مالك
_ اصل الل كنت مخططله طار خلاص
_ايه الل مخططله بقى
_ مريم بقت اخت "زين" رسمى فهمى نظمى .. 5 شهور متتاليه رضاعه والاتنين بيرضعوزا مع بعض يعنى خلاص مضوا انهم اخوات
_ وفيها ايه يا عم عادى المهم انهم يفضلوا مع بعض ويبقوا فى ضهر بعض دا المهم
بنظر ولهجه جد تحدث "محمود": يبقى مفيش غير كريم هنوجه الضفه ل "كريم"
_ انت من دلواقتى بتخطط
_اه طبعا مش هخلى حد غريب ياخد مريم بره انسى انت وبنتك ملكى خلصت
ضحك "كرم": لاسع ....
فى احدى المرات تحدثت "سناء" مع "سوسن" واخبرتها بالمستجدات وحاله "كرم" وعدم ايجاد لوظيفه حتى الان ..وكان "محمود" يفكر ماذا يفعل ليساعد صديقه وهو يعلم انه لم يطلب منه مال ولا يستطيع اخذ منه مال مقابل السلف ... وكان يجلس فى حيره ولاحظت ذلك "سوسن "
_ ايه يا حوده مش عجبتك الكنافه ولا ايه
انتبه "محمود" ل كلام " سوسن" : بتقولى ايه ؟
_لا انت مش معايا خالص .. بقالك فتره ساكت كده ليه مالك .. "كرم" برضه
تنهد " محمود": وهو فى غيره مش عارف اعمله ايه وهو دلواقتى معاه بنته ومصاريف وهم و مفيش قدامى ان اديله فلوس لكن انا واثق مش هياخدها مهما عملت ..مش عارف اعمله ايه ..
_ اممم .. طيب فى فكره احلى
_قوليلى بسرعه عليها
_ اعملمو مشروع مع بعض .. "سناء" كانت قايلالى ان "كرم" كان نفسه يعمل مشروع خاص به .. متهيالى بالمبلغ الل معاه تحط انت كمان زيه وتبقوا شركا وكده مش هيقولك لا ... ولا ايه
اعجب "محمود" بفكره " سوسن" واترسمت ابتسامه ع وجهه وفاجاءه قام من مكانه وامسك راس "سوسن" ووضع قبله على شفاتيها :
_ يا مجنون
_ ماهو انا لازم ابوس المكان الل طلع البوقين دول
ضحكت : ياسلام ..ماشى ماشى
جلس ليفكر كيف يفاتح "كرم" : فكره حلوه بس ياترى المشروع هيكون ايه ؟
كان " محمود" فى احدى الزيارات ل كرم وليرى "مريم" وبعد ما تناولا الطعام كالعاده يتركوا النساء فى المنزل ويذهبون الى القهوه ..:
_ هى اسكندريه زحمه كده ليه يا جدع
_ الصيف بقى مصر كلها بتهجم على اسكندريه
_تلاقى بقى السياحه بتشتغل اوى هنا
_ اه فعلا ... والاسعار بتغلى بيعاملوا اوقات المصريين ع انهم اجانب
ضحك... القى بنظره ع مطعم على البحر : ايه دا يا "كرم"
_ دا "مطعم لبيع صاحبه اصلا عاوز يسافر وبيصفى كل حاجه له هنا ..
اضاءه فى عقل "محمود" فكره المشروع : طيب فكره ما تشتريه وتفتحه واهو الناس مبتبطلش تاكل
ضحك " كرم" وهو انا يعنى مفكرتش فى الفكره دى .. المبلغ الل معايا مش هيكفى عاوز زى الل معايا بالظبط وانت عارف الحال يعنى ..
خبط "محمود" كتف" كرم" : عيب تقول كده واخوك هنا
_لا لا .. انا مش هاخد منك فلوس ولا هستلف من حد انت عارف كفايه الل بتعمله كل ما بتيجى
_ وهو انا نطقت كلمه سلف ولا حاجه انا بقولك نتشارك اكون شريك معاك ياجدع ولا هتلاقى شريك احسن منى ... ها
استغرب " كرم" : بتتكلم بجد
ابتسم "محمود" : ماهو هيفرق ايه عن الكافتريا الل ماسكها ف الزقازيق نفس الكارير يعنى وبعدين انا بتلكك عاوز اكون معاك ف اى حاجه وكتر ما "سوسن" بتيجى اسكندريه مبقتش تحب ترجع الزقازيق اتعلقت ب "مريم" و"زين" كمان و"كريم" انت مبتشوفش الل بشوفه لما بنرجع الزقازيق .. وبعدين احنا هنكتب عقد انت النص وانا النص واهو استنفع بالقرشين الل الحج سايبهم واشغلهم اهو اكون استنفعت منه بحاجه علشان ادعيله بنفس
ضحك "كرم" : يخربيت فقرك ... اترحم عليه
ضحك "محمود" : يعنى ع اساس ابوك سابلك فدادين ومليون جنيه .. يلا الله يرحم ابوك وابويا اذكروا محاسن موتاكم ..
ضحك "كرم" ..
_ ها ..قولت ايه ياابو كرم موافق اكيد مش محتاج تفكير
_ مش لما نتكلم مع الراجل مش يمكن يكون اتفق مع حد تانى
قام من مكانه "محمود" : وهنستنى ليه دا هنعدى الطريق ونروح نتكلم يلا
شد "كرم" من ذراعه وتوجها الى المطعم وتحدثا مع صاحبه وبعد حديث مطول اتفقا على سعر مناسب لكلا الطرفين ولكن كانت نسبه "محمود" اعلى .. ف اتفق "كرم" معه ان يكتب له ايصالات امانه لضمان حقه ويسددهم من ايراد المطعم .. توجها الى المنزل وكانت ملامح السعاده على وجههم استغربا وقتها كلا من "سوسن" و "سناء" من ملامحهم المرحه التى غابت منذ فتره وعرفا بالاتفاق والمشروع وفرحا وكانت ليله الاحتفال ل الاربعه موجهين دعوات شكر لربنا ع عطاياه الكثيره مال وبنون ...!
قرر "محمود" ان ينتقل هو " وسوسن" و "كريم" و "زين" الى الاسكندريه فباعت "سوسن" الكافتيريا ووضعت المبلغ مشاركه فى المطعم ووضعت " سناء" ما ورثته من عائلتها مساهمه فى المطعم وبذلك تم انشاء المطعم بمشاركه الاربعه ب اسمهم متساويه .. وبدءت التجهيزات وافتتح المطعم واطلقوه عليه اسم "SoulMate" تؤام روح وذلت تشبيها لعلاقه "كرم" و"محمود" وزوجاتهم وابنائهم جميعا انهم روح واحده لا تتفرق ...!!
بدوا العمل ف المطعم فى البدايه كانوا يعملوا ب انفسهم فى خدمه الزبائن ومعهم 2 شيف فى المطبخ وكان ما يميز المطعم عن الاخرون شكله الكلاسيك الممزوج بالمودرن وتشغيله ل الاغانى القديمه مثل "ام كلثوم_ نجاه_ ورده_عبدالحليم_ فيروز♥ " " بسبب اختلافه كان الاقبال عليه شديد ومع مرور الوقت اصحب لديهم زبائن داءمه فكان مطعم وكافيه فى نفس الوقت ....!
_______
يتبع <3
مر 4 شهور منذ اخر زياره "كرم" ل "محمود" وكانت "سناء" بعد عودتها من "الزقازيق" ب اسابيع عرفت انها حامل ولكن بعد 3 شهور اجهضت الحمل وكانت نفسيا تعبانه .. ف طلب "كرم" من "محمود" ان ياتى الى الاسكندريه ومعاه "سوسن" كتغير جو و"سوسن" تكون بجانب "سناء" فى هذه الفتره فوافق "محمود" واعتبرها فرصه ليعيد تفكيره وقراراته ..!
وصل "محمود" و "سوسن" الى الاسكندريه وكان "محمود" فى انتظارهم جلسا سويا وليلا نزل "كرم" و"محمود" يقعدوا ع البحر وتركا "سناء" مع "سوسن" فى المنزل ..:
تنهد "كرم" : كنت بستغرب اوى "سناء" لما كانت بتحب البحر وبتقولى انه مخزن اسرارها وكلامها معاه كتير لكن الاستغربتله اكتر انها حسيت انها مبقتش ترتاح لكلامها معاه وفضلت تقعد فى البيت ..
_ اعذرها يا "كرم" دا 4 حمل ليها مبيكلمش ..
_ صدقنى قولتلها مش عاوزين اطفال ربنا لما يريد هيحصل ليه نستعجل احنا .. الحاجه لو جت قبل ميعادها بنتحرم منها وهى مصره ..
تنهد "محمود" : اعذرها يا "كرم" الوجع بيبقى كبير لما تحس انك محروl من حق من حقوقك الطبيعيه الل ابتدت الخليقه بيها واتعمر الارض ,,احساس انك ملكش لازمه وهتتنسى دى توجع
لاحظ "كرم" نبره "محمود" الحزينه" ومدى المه وضع يده ع كتفه: ربك كبير يا "حوده" عطاياه ملهاش حدود انت بس قول يارب وربك هيفرجها
_ ونعم بالله ...
ساد الصمت للحظات حتى تحدث "محمود": كتير فكرت ان احنا اختارنا فى جوازاتنا غلط
تعجب "كرم": مش فاهم؟
_ يعنى انت " وسناء" وانا و "سوسن" اختارنا بعض غلط
ضحك "كرم": ازاى يا فليسفوف ..!
نظر "محمود" الى البحر : يعنى انت كان المفروض تتجوز "سوسن" وانا اتجوز "سناء "
تفاجئ "كرم": لا ياراجل ودا ع اساس ايه ؟
_ ع اساس ان انت و"سوسن" مش فيكم حاجه وممكن تخلفوا وتكونوا اسره الل محرومين منها بسبب الى معاكم وانا وسناء لينا ربنا ..
_ ربنا لينا كلنا يا "محمود" والجواز نصيب والخلفه نصيب ملناش يد فيها
نظر "محمود" ل "كرم" وصمت لحظات : انا بتكلم جد ...!
_ هو ايه الى جد ..
_ تتجوز "سوسن" ...
ضحك "كرم" بصوت عالى : احنا فى مصر ودينا مينفعش اتجوز واحده متجوزه ع فكره ..
_ماهو انا هطلقها ..
الكلام "كرم" مش قادر يستوعبه وكان بيتكلم بهزار لكن ملامح "محمود" الجاده اكدتله انه بيتكلم بجد ...!
_ انت بتهزر يا "محمود" صح ..هوا البحر لطشك تعالى نروح
قام "كرم" وقف سريعا امسك "محمود" ذراعه : انا بتكلم جد يا "كرم"
نظر "كرم" ل "محمود" نظره حده وغضب: انت مش بتتكلم جد انت بتستهبل وانا مش هعتبر سمعت حاجه يلا ..!
_ "سوسن" ليها حق تكون ام وانت كمان ليك حق تكون أب
_ وانت وسناء حقوقكم فين ..
_ الل زينا ملهمش حقوق عايشين لغايه ما ربنا ياخد امانته
اقترب "كرم" غاضبا من "محمود" محاولا التماسك: لولا انا عارف انك بتتكلم علشان حالتك النفسيه مش متظبطه صدقنى مكنت هفوتلك الكلام دا بسهوله ..
_ ليه يا "كرم" .. انت و"سوسن" اغلى اتنين فى حياتى وحياتكم مش سعيده ودا الحل .. انا قرار الطلاق كان فى دماغى بقاله كتير وظروف "سناء" شجعنى اكتر اتكلم معاك ..انا مش هطمن ع حد على "سوسن" غيرك ..لانى مبثقكش فى غيرك وعارف انت هتعاملها ازاى ..
كلام "محمود" اشعل "كرم" غضبا وبصوت عالى : ايه التخلف الل بتتكلم فيه دا ,,
_كرم
_ "كرم" ايه وزفت ايه .. انت برغم السنين دى لسه الانانيه فيك فاكر لما سبتها زمان فاكر لما ظروفك لما ضغطت عليك كنت هتضيع نفسك ,, عاوز اسالك سؤال وترد بصراحه ؟ عادى انك تشوف مراتك حبيتتك فى حضن صاحبك انت هتعرف تتقبل المنظر لو انت هتعرف انا لا مش هسمح بكده لا يحصل ليا ولا يحصل ليك ,,الازمات بتدينا قوه مش بتتضعفنا يا "محمود" فوق كده وحافظ ع النعمه الل ربنا ادهالك فى حياتك ,,النعمه الل هونت عليك وملت وحدتك ومسبتكش ,, ارمى حمولك ع ربنا ومتجازفش بقرارات من وجهه نظرك هتريح الل حواليك وانت بتدمرهم فاهم ,,الله كريم ومهما ضاقت هتفرج ..!
صمت "محمود" بعد "كلام "كرم" وواجهه بنتيجه قراره المتسرعه بانه هيخسر الجميع ,, ذهبا الى القهوه طلبا شاى ولعبا طاوله واعتبر "كرم" ان محمود مقالش حاجه ..!
فى منزل "كرم" كانت "سوسن" جالسه مع "سناء" :
_ امسكى يا سنسن التفاحه دى كوليها يلا
_ مش قادره يا سوسن بجد ..
_ يا حبيببتى علشان العلاج مينفعش تكونى ضعفانه كده و"كرم" يشوفك تعبانه
ارتسمت ملامح الحزن ع وجه "سناء": "كرم" اهو اكتر حد انا زعلانه عليه هو "كرم" .. هو انتى فاكره ان انا مستعجله ع الخلفه علشانى لا خالص علشان "كرم" , "كرم" يا سوسن عاش لوحده بعيد عن اهله حبيت اكونله اسره يراعيها ويحميها ويتحما بيها لكن مفيش فايده مفيش حمل بيكمل ...
_ وحدى الله كده ,, الاطفال نصيب ورزق ولما ربك بيأذن بيحصل
_ كتير فكرت انى اطلب منه يتجوز ,, بس مش عارفه مين الل هيتجوزها ولا هتبقى كويسه معاه ولا ..
قاطعتها "سوسن" : ايه الاستهبال دا ,, هو انت عادى لما جوزك يكون مع غيرك كده وب ايدك هتدهولها , علشان ايه الخلفه الاطفال وايه ضمنك انها هتخلف او هتجيب عيال عدله وهتريح "كرم" ..ايه التفكير الانانى دا يا "سناء"
_ماهو لو حصل حمل تانى وسقطت هتبقى اخر مره الرحم عندى هيتشال يعنى كده كده هيتجوز ,,
_ انتى نطى ليه كده ونجمتى ,, يا حبيببتى الحاجات دى بتاعه ربنا سلمى امورك لربنا وهيدبرهالك انتى متجازفيش بخساره جوزك لان وقت ما هتخسريه مش هيرجعلك تانى وهتندمى ندم مش هيتعوض ,,انا ليه مفكرتش اسيب واهاود "محمود" علشان انا فى عينى وفى قلبى هو "محمود" بس ولا هشوف غيره ,, حافظى ع "كرم" وبطلى تفكير اهبل ,,!
عادا كرم ومحمود من الخارج تناولا الجميع العشا ثم ذهبا ليخلدوا الى النوم.. كانت ملامح "كرم" متغيره بسبب وضع "محمود" والكلام الل دار بينهم وانه مفيش ب ايده حاجه يعملهاله ولاحظت "سناء" التغيير : مالك "ياكرم" ..فى حاجه ؟
بتلقائيه تحدث : "محمود" دماغه هتوديه فى داهيه
_ ليه كده ؟
"حكى كرم ل سناء الموقف الل حصل بينهم وكان الموقف صدمه ل "كرم" ورد فعل سناء صدمه اكبر له "
_ هو بيفكر صح ..
_ نعم
_ اه .. "سوسن" عارفها وظروفها و ..
قاطعها بنبره غضب : انتى بتتكلمى فى ايه انتى وهو ,, هو قميص اشترناه مكنش مقاسنا فهنبدله ونشحته لبعض ,, انتوا ليه بتعملوا فى نفسكم كده ليه مقللين من نفسكم اوى كده وانانيين اوى كده ..
_علشان بنحبكم ..
_دا مش حب ,,دى انانيه واستهتار بالل معاكى ,, سواء انتى او محمود مش حاسين بيا انا وسوسن رغم اقتراحاتكم دى ,, الحياه بين اتنين نصيب والخلفه نصيب يعنى ايه اتجوز بس علشان اخلف يا فرحتى وسعادتى وانا ولادى بيكبروا قصاد عينى وشايفين امهم وابوهم لوح تلج لان السبب الوحيد الل ربطهم ببعض هو الخلفه لكن تفاهم ووحياه وحب معاشره لا مفيش ... ليه اجيب عيال اعذبهم بحرمان ,, حرمان النفسى والعاطفى الل اى مولود بياخدوا من ابوه وامه من حبهم ومعاملتهم وتقديرهم لبعض ابنهم بيكبر عارف يعنى ايه حب ويعنى ايه تفاهم وحياه ,, ليه اجيب اطفال تعساء فى الدنيا علشان بس اثبت انى راجل وبخلف ,, انا يا اجيب اطفال وممهدلهم حياه كويسه ماديه ونفسيه يا بلاش واكيد ربنا له حكمه ف ظروفنا وظروف "محمود" ليه احنا نسابق الاحداث ,,
لاحظ "كرم" دموع تتساقط من عين "سناء" اقترب منها وبنبره هاديه : "سناء" انا فعلا مقدرش اعيش من غيرك انتى كل حاجه فى حياتى امى واختى ومراتى وحبيببتى وبنتى ,, انا فوضت امرنا لله وهو يحسن التدبير وكل عطاياه خير ,, احنا نقول الحمد الله ع نعمه الحب والتفاهم الل بينا الل بيوت كتير مليانه اطفال لكنها محرومه منها .. !
وضعت "سناء" راسها على كتف " كرم " فقامب احتضانها ع صدره وخلدا الى النوم .... !
تراجع "محمود" عن قرراته المتسرعه و"سناء" وحب "كرم" و"سوسن" لهما كان عوض ف استرضوا به وعاشا متوكلين ع الله ظروفهم وحياتهم ومستقبلهم ,,!!
مرت عام والاوضاع مستقره غير ان والد "سوسن" توفى واستلمت "سوسن" ميراثها وهو الشقه والكافتيريا ومبلغ صغير ف البنك ف انتقلت هى ومحمود الى شقه والدها حيث البراح وقام "محمود" بتوضيبها وشراء اثاث جديد حتى يشعر انه فى منزله ,,,فى احدى الايام و"محمود" جالس" فى شقته طرق باب الشقه ففتحت "سوسن" وجدت رجل يحمل يمسك ب يديه طفل عمره 6 سنوات :
_ايوه حضرتك عاوز مين ؟
_ مش دى شقه "محمود عطا الله " ؟
_ايوه حضرتك عاوزه ف ايه ؟
_هو موجود؟
ندهت "سوسن" على "محمود " : خير حضرتك انا محمود
_ انا من المركز ومعايا الطفل "كريم عطا الله " اسلمه ليك بما انك الوحيد من عيلته المتواجده حاليا
تفاجئ "محمود" بما يسمع : مش فاهم .. مين دا وازاى عيلته الوحيده وايه الل حصل ؟
_ والد حضرتك الاستاذ "عطا الله " وحرمه تعرضو ل حادثه وتوافهم الله من اسبوع والطفل دا كان لوحده عند الجيران وبعتوه المركز وقالولنا ع عنوانك ..اتفضل امضى هنا ع الاستلام وعاوز انبهك انت الواصى الشرعى له واى اذى هيتعرضله هتتسال انت عليه
ردت "سوسن" : تقصد ايه هيأذيه دا طفل ومحمود مبيأذيش حد ..!
_ اسف يا فندم بس الل سمعته من الجيران لما اخدت الطفل قالوا انك كنت ع خلافات مع والدك ..انا حبيت انبهكك بس مش اكتر
من المفاجاءه الصدمه وقف ف ذهول مضى ع الاستلام وكان "كريم" مرتعبا فحاولت "سوسن" ان تهدئه :
_ انت اسمك كريم
_ايوه
_اسمك جميل اوى زيك ..انا لسه عامله كيكه بالشوكولاته بتحب الشوكولاته
هز الطفل راسه : يلا تعالى معايا نجيبها من المطبخ
من معامله "سوسن" تعامل معاها الطفل بطبيعيه وكان "محمود" لم يستوعب الموقف فجلس ع الكرسى وفاجاءه تساقطت دموع من عينيه ع والده ..!
من خلال محادثه تليفونيه بين "سناء" و"سوسن" عرفت" سناء" بوفاه والد "محمود" و ظهور" كريم" ف اخبرت " كرم واخذا اجازه من عملهم وذهبا ليكونوا بجانب "محمود" :
_البقاء لله يا "محمود"
_الدوام لله وحده
لاحظ "كرم" مدى حزن وتأثر "محمود" بوفاه والده .. طبطب ب ايده على كتف "محمود"
_ شد حيلك كده يا "محمود" مش متعود اشوفك كده
نظر "محمود" ل "كرم" : انت عارف يا :كرم" الل مزعلنى حاجه واحده بس
_ ايه ؟
_ ان انا رغم قساوته عليا كنت حاطط أمل انه فى يوم من الايام هيكلمنى وياخدنى فى حضنه .. مره واحده بس الل طلبتها من ربنا ان ابويا ياخدنى فى حضنه .. الموت سبقنى او يمكن دى اشاره بتقولى عشت فى وهم ..
_ مش عارف اقولك ايه يا "محمود" .. انت جواك انسان طيب متلوثتش ابدا بسبب الى حصلك والل عمله معاك ابوك ,,وبعدين ملحقتش حضن ابوك ربنا عوضك بحاجه منه تحتويها وتربيه وتاخده فى حضنك ولا ايه
نظر "محمود" ل "كريم" وهو جالس بيتفرج ع التليفزيون : "كريم" انا مش قادر استوعب ظهور اخ مفاجئ ليا بس منكرش ان ظهوره فرق كتير مع "سوسن" حسيت ان روحها ردت فيها وحرمانها من الامومه بتعوضه فيه مهتميه ب ااقل الحاجات بتاعته من وقت ما جه لدرجه انه لزمها طول الوقت ..
_ وانت بتعمل ايه معاه ؟
_ مش عارف .. محتاج وقت استوعب
_ وقتك اخدته اكتر من كده هتبعده عنك وهتكرر الل ابوك عمله معاك ..اشارات القدر يا "محمود" سواء مواقف او اشخاص كل حاجه بتحصل ليها سبب وليها نتيجه ,,احتضنه وقرب منه وربيه واعمل معاه الل ابوك معملهوش معاك ,, "كريم" ظهرلك فى وقت كنت يائس فيه يا "محمود" وفاقد الامل ,, "كريم عوضك من ربنا ومتهدرش الهديه وتبعدها انت دلواقتى اخوه وابوه وعيلته اكسبه ليك هو ملو ذنب فى الل حصلك احتويه بدل ما يطلع فى الدنيا بائس تانى منعرفش ايه هيحصل فيه ,,,
كلام "كرم" ونظرات "كريم" المليئه بالخوف من "محمود" ل "محمود" كانت ناقوس انذارله..!
مر فتره من الزمن و "كريم" ابتدى ينادى ع "سوسن" ب ماما وكانت فرحه كبيره ليها وكانت "سوسن" فى محاولات لتقريب "محمود" ل "كريم" وفى احدى الايام "محمود" جالس ع طاوله الفطار شاهد "سوسن" واهتمامها بفطار وملابس "كريم وكلامها معاه :
_ يلا يا كيمو افطر علشان ننزل نشترى لبس المدرسه و"محمود" جى معانا
ابتسم الطفل وصمت ونظر "محمود" لمدى سعاده "سوسن"
ذهبا لشراء ملابس المدرسه ل "محمود" وطول الطريق "محمود" منزلش نظره عن اخوه وكلام " كرم" بيرن فى ودانه وشعر بان فى حاجه جواه بتدفعه يقرب ل "كريم
رجعوا البيت ودخلت "سوسن" تحضر الغدا و"كريم" بيتفرج ع التليفزيون راح "محمود" قعد قرب منه وكان ماسك شوكولاته : انت بتتفرج ع التليفزيون
هز "كريم" راسه وملامح خوف ع وجهه ,,قرب منه "محمود" ولاحظ خوف "كريم "
_ هو انت خايف منى ؟
سكت "كريم .. :رد عليا ومتخفش انت خايف منى هو انا عملتلك حاجه ؟
_ انت مبتحبنيش
_ ومين قالك كده انا قولتلك مبحبكش
_ ماما كانت بتقولى انك مبتحبيش ومبتحبهاش ومبتحبش بابا
تعجب "محمود" : انا,, طيب انا لو مبحبكش هخليك قاعد هنا معايا ولا كنت هسفرك الصعيد عند اهل امك
سكت الطفل وردد : انا عاوز اقعد هنا مع ماما "سوسن"
مسك "محمود" ايد الطفل " وب ابتسامه : بص تعالى نلعب لعبه واتفاق ,, اننا نكون اصحاب مش اخوات تمام وتنسى كل الل سمعته وانا هنسى كل الل سمعته ونبدء مع بعض اصحاب ولو نفعنا نكمل منفعناش خلاص شفلك صاحب تانى .. ايه رايك
نظر "كريم" ل "سوسن" ابتسمت وهزت راسها ليوافق فعاد ونظر ل "محمود" وهز راسه بالموافقه ,, ف اظهر "محمود" الشوكولاته : ودى اعتبرها عربون صداقه
فرح "كريم" ب الشوكولاته ,, استكمل "محمود" كلامه ببهجه:ها بقى قولتى الكارتون دا عن ايه
ابتدى "كريم" يحكى ل "محمود" ,,طريقه "محمود" الهاديه وابتسامه وطبطبته ع يد "كريم" ومساعده "سوسن" اشعرته بالامان وقرار داخل "محمود" الا يترك "كريم" كما فعل والده معه وجلس "محمود" مع "كريم" يشاهدا التليفزيون وبعد قليل اخذه وذهب الى الكافتيريا واصبح يلازمه فى كل مكان وتقرب له "محمود" وشعر بالسعاده وبالعوض من الحرمان من الاطفال مع "كريم" اخوه ...!!
تعايشا "كريم" مع "محمود" وتم استلام الميراث وكان "محمود" وصى ع "كريم" واهتم بشئونه واعتبره ابن له وليس اخ ... بعد فتره اعلن صاحب المكتب الذى يعمل به "كرم" انه لديه ازمه ماليه ف بالتالى سيتم غلق المكتب وتسريح الموظفين وكانت صدمه ل "كرم" لانه فاجاءه اصبح بدون عمل "عاطل" فى يوم جلس فى منزله وعلى طاوله الطعام هو و"سناء" :
_ متضايقش نفسك كده يا "كرم" ربنا كريم ان شاء الله هتلاقى شغل تانى
_ ازاى ..وانتى عارفه ان صعب القى شغل بمرتب زى الل كنت باخده ده ..دا كان مساعدنا ع المعيشه والاقساط الل علينا انا بقالى شهرين بلف ومش لاقى شغل ..
_ هونها على نفسك يا "كرم" ربنا هيفرجها ان شاء الله واهو المرتب الل باخده بيساعد بحاجه اهو فى غيرنا حالهم اصعب
وضع يده على يد "سناء" : بجد مش عارف اشكرك ازاى انك مستحمله الظروف دى
طبطبت على ايده : مفيش بين الاحباب شكرا .. انا وانت واحد ومينفعش نكون اتنين,, نساند بعض ومع بعض فى الحلوه والوحشه .. حضنك ليا بليل بالدنيا كلها وانك تكون بخير مش هطلب تانى من ربنا ..
وضع قبله رقيقه على يديها : ربنا يخليكى ليا
_ ويخليك ليا
فى يوم اتى "محمود" ل "كرم" زياره ويحمل معه كل اشهى وطاب من فاكهه ولحوم وفراخ وكانت لفته جميله منه ك مساعده له فى الظروف الماديه لديه لان "كرم" كان يرفض اخذ اى فلوس من "محمود" ,, تناولا الغدا ونزلا الى القهوه بجانب المنزل :
_ مكنش له لازمه كل الل جبته دا يا "محمود" دا كتير اوى
_ مش هيجى جنب خيرك يا ابو الكرم .. مفيش مره تدخل بيتى وغير وانت معاك حاجه خلينى اسد من الى عليا بقى
_ احنا اخوات مينفعش تقول كده ..بس لفته حلوه منك بتساعدنى بطريقه غير مباشره لانك مش عاوز تحرجنى
_ هتزعلنى منك يا "كرم" احنا مفيش بينا كده انت اخويا ياجدع
_تسلم .. تتردلك بس فى الافراح ...
_تسلم..لسه ملقتش شغل برضه
_بحاول ادور لكن اغلبهم عاوز واسطه وفلوس وانت عارف الل فيها
_لو محتاج
قاطعه "كرم" تسلم,,ان شاء الله ربنا هيعدلها .. قولى اخبارك مع "كريم ايه ؟
ابتسم "محمود" : كريم دا هديه ربنا لينا فى الوقت الل ظهر فيه حياتنا اتغيرت ونفسيتنا اتظبطت كفايه انى بصحى ع صوت ضحك "سوسن" و "كريم" الاول البيت كان هسسسس ..الحمد الله ع عطاياه
_مش قولتلك ربنا بيعطى بس كل حاجه فى وقتها ..
_الحمد الله وربنا يعطيك وتلاقى شغل ولو قفلت معاك ارجع الزقازيق اتزقزق معايا وانا هسالك حوالينا ع شغل ولو قفلت تعالى ساعدنى ف الكافتريا والل يطلع بالنص و..
ابتسم "كرم": لو زنقت اوى هاجى ازقزق معاك
ضحك" محمود" والله وحشتنى زقزقتنا ,, لكن انا متفائل خير
_خير ان شاء الله
استلم "كرم" العمل "كاشير" فى احدى المطاعم كوظيفه مؤقته واستمر فى البحث ,, فى احدى الايام و"سوسن" فى الكافتيريا شعرت بدوار ولاحظ "كريم" فذهب سريعا الى "محمود" واخبره فذهبا اليها فكانت فى حاله اغماء فذهبا سريعا الى المستشفى وكان "محمود" فى حاله قلق شديد ع زوجته ,, خرج الدكتور وذهب اليه : محمود: خير يا دكتور مالها "سوسن"
ابتسم الدكتور : مبرووك "سوسن" حامل
من المفاجاءه لم يستوعب "محمود" : بتقول ايه ؟
_بقولك يا "محمود" ان ربنا عوض عليك صبرك ورزقك بالل نفسك فيه ودى حد ذاتها معجزه بعد سنتين من العلاج قلتلك احتمال الانجاب ضعيف لكن سبحان الله لما بيعطى مينفعش نسال ليه ...مبرووك المهم ترتاح
ذهب "محمود" سريعا الى "سوسن" وجدها ماسكه مصحف وبتبوسه ودموعها نازله راح تلقائى حضنها والاتنين انهاروا ف دموعهم حتى "كريم" شاركهم اللحظه بدموع متساقطه دموع الفرحه والعوض ,,,!
سريعا اخبر "محمود" "كرم" وفرح جدااا ولكن لظروف عمله واعده هيسافر زياره له فى الاجازه ,, وكانت "سناء"عندما علمت فرحت جدااا لدرجه ف فترات كانت بتسافر ل سوسن هى وكرم ,, "سناء" اخدت اجازه وقعدت معاها ولا حست بغيره ولا بضيقه كانت فرحتها متساويه لفرحه "سوسن" بعوض ربنا فكانت مرافقه لها فى كل خطوه ولا تتركها .. اقترب موعد الولاده وذهبوا الى المستشفى وبعد ساعات اتاهم الخبر السعيد " مبروك ولد زى القمر " طارا من السعاده جميعا واطمئنا ع الام :
_ ها يا "حوده" قررت هتسموه ايه ؟
_بصراحه هخطف الاسم منك زى ما اتفقنا الل يسبق هيسمى
ضحكت "سناء" : احنا فينا من كده ؟
ضحك " محمود" : احنا واحنا فى الجامعه اتفقنا اختارنا اسمين وقولنا الل هجيب الاول هيختار,,انا سبقتك اهو وجبت " زين " اتشتر انت بقى وهات " مريم " قبل ما اخطف الاسم تانى ومتلاقيش اسم تختاره ..!
ضحكت "سوسن" برغم ارهاقها من الولاده : " زين" وزين حايتنا فعلا
تحدثت "سناء" مازحه: "كرم" احنا لازم نثبت موقف ونلحق "مريم" .. كده " ابو زين هياخد الاسماء كلها لالا مينفعش "يا كرم " اعمل حاجه
شمر "كرم" كم القميص وامسك يد " سناء : انا بقول كده يلا بينا ع البيت
ضحكت "سناء" والجميع .. وحمل " محمود" زين" ودموع تتساقط من عينيه : حمد الله ع سلامه يا هديه وعوض ربنا ليا بعد صبر اوعدك يا "زين" ماهتشوف الل انا شوفته وهتلاقينى دايما كتفك ف كتفى .. هتلاقينى الامان والاحتواء والرحمه .. هتلاقينى الحياه الل كنت بتمناها ..
قرب "كريم" من "محمود": عاوز اشوف النونو
_ اتفضل شوف النونو انت دلواقتى الكبير المسيطر يا "كيمو" اتفقنا
_اتفقنا
عادا الى منازل "كرم" و " سناء " و "كريم" وبقى "محمود" مع "سوسن" فى المستشفى ,, ودخل "كرم" الى غرفه النوم ليستريح وكانت "سناء" توصل "كريم" الى غرفته لينام واستمرت بجانبه تحكى له الحكايات حتى ذهبا ف النوم ثم عادت الى غرفتها ونامت بجانب " كرم" فضمها "كرم" الى حضنه :
وضع قبله ع جبينها :وحشتينى
ابتسمت "سناء" : متقلقش عليا انا مش زعلانه خالص بالعكس انا فرحانه اوى ل " سوسن " ان ربنا كرمها صبرت كتير وربنا جزاها خير نتيجه صبرها .. استحملت كلام ونظرات وربنا عوضها ..انا فرحنالها اوى يا "كرم"
ضمها "كرم" الى حضنه : انا عارف ان "سناء: الل حبيتها واتجوزتها عمرها ما هتحقد ولا تغير من اى حد
_ لانى راضيه بحالى .. مفيش ب ايدى حاجه اعملها ومعملتهاش بس باين ان ربنا لسه مأذنش يفرحنى وانا واثقه ان ربنا هيجبر خاطرى ,,اشارته ل "سوسن" كانت اشاره ليا ولكل الل زى ان ربنا هيجبر خاطرنا كلنا بأذن الله لكن كله فى ميعاده
وضع قلبه اخرى ع جبينها وضمها اكتر: ان شاء الله
ابتسم واغلقت عينيها وهى بحضن "كرم ": ان شاء الله
قبل عوده "كرم" الى الاسكندريه جلسا مع "محمود" وتحدثا :
_ ايه مفيش جديد عن الشغل محدش كلمك
_ ولا حد عبرنى
_ طيب يا "كرم" متروح ياعم تطلب من ابوك قرشين وافتح مشروع خاص ليك ماهى فلوسك
_ما انت عارف "كمال" مش هيطلع جنيه والحج صحته اليومين دول مش كويسه ومش عاوز اضغط عليه ..
_يعنى هتسيب حقك كده
_ مش هتخانق مع اخويا انا علشان فلوس ,,كفايه ال ابويا عايشه بسببنا
_براحتك ...
_انا اصلا قبل ما هرجع اسكندريه هروحله لانه طلب يشوفنى اروح اشوفه صوته مكنش مريحنى اخر مره
_خير ان شاء الله ...
ذهب "كرم" لزياره والده وكان المرض اشتد عليه اكثر واكثر :
_ مالك يا حج شكلك تعبان اوى انت مبتاخدش العلاج ولا ايه
دخلت "الهام" : والله لسه الدكتور ماشى من عنده من شويا قبل ما تيجى وكتبله علاج يمشى عليه وان شاء الله هيبقى كويس
_ ان شاء الله ...
خرجت "الهام" : خير يا حج اصرارك انى اجى خير
بصوت مريض : بص يا "كرم" ياابنى انا عارف انى جيت عليك كتير اوى وظلمتك ومقدرتش اقف ل "كمال" علشانك ..
لاحظ "كرم" بتدهور حاله والده الصحيه اثناء حديثه : متقولش كده يا حج وومتتكلمش كتير علشان هتتعب اكتر ..ارتاح بس
_ اسمعنى للاخر بس "خرج من تحت المخده شيك " خد الشيك دا فيه مبلغ كويس افتحلك مشروع فيه ..
برفض: لا ياحج انا هلاقى شغل قريب متقلقش عليا
_اسمع الكلام وخده ومتقولش ل "كمال" انك اخدت منى حاجه
فى هذه اللحظه دخل "كمال" الغرفه وراى "كرم" ممسك ب الشيك وذهب مسرعا اتجاهه وشد بقوه الشيك وبغضب : انت اخدت منى الفلوس يا حج علشان تدهومله .. انت قولتلى ان عليك دين وعاوز تسدده وخلتنى اكتبلك الشيك دا وطلع علشان الاستاذ
نظر "كرم" بغضب وبنبره غاضبه: انت بتزعق ل ابوك ازاى هو حر يعمل الل يعمله هو يطلب وانت تنفذ كلامه محدش يقدر يحاسب الحج ...
ضحك "كمال" ضحكه سخريه: ايه الجمال دا وطلعلك صوت اهو ..
كرم بغضب: كمال
كمال نظر ل كرم: وهتضربنى كمان اضربنى
اثناء عراكهما تناسيا حاله والدهما الصحيه ومن المنظر الذى كان يتهرب منه والدهما كل هذه السنين زادت حالته الصحيه تدهور ...: امشى يا كرم ..امشى ياابنى وسامحنى
لم يستطع "كرم" تكسير كلام والدده كالعاده وانسحب من امام "كمال" وخرج غاضبا وامسك "كمال" الشيك وقام بتقطيعه امام والده وخرج من الغرفه ... !!
بعد رجوع "كرم" الى الاسكندريه بشهر حدث حمل ل "سناء" ف الخير اتاهم اكثر مما يتخيلوا وفرحوا جدااا وطلب الدكتور منها ان لا تتحرك لفتره الحمل لانه الفرصه الاخيره وخوفا من الاجهاض حرصت ع سمع كلام الدكتور وكانت معاها سوسن ,,
فى احدى الايام والجميع مجتمع فى بيت "كرم" ليلا للعشا :
_ العشا دا بتوصيه من " سناء" لكن عمايل ايدى انا
ضحك "محمود" : ع اساس ان اكل امبارح مش من عمايلك
ضحك" كرم" : تسلم ايدك يا "سوسن" عارف اننا تعبينك بس هانت اهو
تنظر "سناء" الى بطنها : اه فعلا هانت انا حاسه ان بطنى هتنفجر انا مش متاكده انها بنت الل جوه دى نص دسته بطنى كبيره اوى
_ متقريش ع نفسك كده هانت اهو ميعاد الولاده قربت ..
نظر "محمود" الى "كرم" : كده انت لحقت " مريم" وانا معايا " زين"
ابتسم" كرم": تيجى بالسلامه ان شاء الله
خبط "محمود" بيده ع كتف" كرم" : عروسه ابنى هتوصل بالسلامه ان شاء الله
تعجبا نظرت " سوسن وسناء " لبعضهما : عروسه
ضحك "محمود" : اه طبعا خلاص مريم اتحجزت ل زين او كريم خلصت
ضحك" كرم" : ياعم هى تيجى وشيلها كلها ع بعضها ادعى بس تيجى بالسلامه
ابتسمت "سناء" ان شاء الله
فى احدى الايام تلقى محادثه هاتفيه من "محمود" ب اخباره ب وفاه والده فمسرعا ذهبا هو لوحده وكان معه "محمود" وسوسن مع سناء فى الاسكندريه لوضعها الصحى وحضر العزاء ورجع الى الاسكندريه وبعد اسبوع اتصل به "كمال" وطلب ان ياتى ليتحدث معه فى امر مهم .. فسافر له "كرم ":
_خير يا "كمال"
_خير ان شاء الله يا "كرم" .. انا مش هطول عليك علشان عارف انك هترجع انهارده الاسكندريه ... انا عملت اعلان وراثه وحصرت املاك الحج وفلوسه من قبل 10 سنين
_ وبعدين
اخرج شيك ووضعه ع الطاوله امام "كرم" : ودا حقك الشرعى ونصيبك
امسك "كرم" الشيك وانصدم من المبلغ الضئيل
_ ايه الل مكتوب دا يا "كمال" دا ميجيش عشر الل موجود
استقام "كمال" فى جلسته وامسك فنجان القهوه ووضع رجل على الاخر : الل موجود دا انت ملكش علاقه بيه ...
مستغربا: ازاى
بثقه: الل موجود دلواقتى وفى ال 10 سنين الل فاتوا كان مجهودى وتعبى انا .. انا الل تعبت وجريت وروحت وجيت من وقت ما الحج ما تعب وقعد فى البيت ... انا الل كسبت وخسرت فى ال10 سنين دول .. انت كنت فين كنت بتدرس ف الجامعه وسافرت اسكندريه واتجوزت وعشت حياتك الل اختارتها ..لكن انا عشت حياه الل ابوك اختارهالى من اول ما خرجنى من المدرسه علشان اكون معاه لغايه ما جوزنى بنت صاحبه ورفض يجوزنى الل كنت بحبها ... انت عشت حياتك ,,ودا نصيبك وبالحق قبل العشر سنين ف الوقت الل الحج كان بينزل فيه المحل ومن اللحظه الل صممت فيها تكمل وتخرج من البيت انا حاسب الحسبه وكنت راكنها ل وقتها علشان نخلص من الحكايه دى ... دا نصيبك اتفضله
طريقه حوار ونبره صوت "كمال" الغاضبه الموجعه شعر بها "كرم" ولم يقاطع "كمال" واخذ الشيك ومضى ع عقد بيع نصيبه ل اخوه حتى اصبح الملك كله ل "كمال" .. اخذ الشيك وبهدؤء خرج من المنزل واتجه الى محطه القطار وهو فى حاله من الذهول بعد ما سمع حديث "كمال" له والوجع الذى شعر به "كمال" فى حياته وشعور "كمال" انه هو السبب ... عاد الى الاسكندريه ووضع الشيك امامه على طاوله الطعام ينظر له دون ان يتحدث .. لاحظت "سناء" تغيره وعدم تحدثه معها ..احضرت فنجان من القهوه ووضعته امام "كرم " :
_ انا مش هسألك مالك ولا ايه الل حصل لانه واضح ان حصل حاجات كتيره وكبيره .. لكن عاوزه اقولك مهما حصل متفكرش فى ورا فكر فى الل جى .. لان الل حصل خلاص .. الل جى مش عارفين شكله ايه ..
_الل جى
_اه الل جى يا "كرم" حياتنا .. مستقبلنا .. نواجهه بكره ب ايه .. بالمبلغ الل قدامك دا نستغله ازاى بدل ماانت بتبص عليه كده ..
ضحك "كرم" بسخريه: وهو دا يتعمل به حاجه ..انا كنت بحلم افتح مكتب محاسبه واشتغل ف الل بفهمه .. انا بجد مبقتش فاهم الايام والل بيحصلى فيها
_ تفاءل خير .. ربنا هيدبرها بس قول يارب
_يارب
ومرت فتره حمل "سناء" ولكن عند الشهر السابع تعبت "سناء" وولدت بنوته ,, بعد ولادتها تعبت "سناء " بسبب النزييف ,,فكان "كرم" ملامح مليئه بالخوف والقلق ع "سناء" و"البنوته"
خرجت الممرضه وهى حامله الطفله فتوجه "محمود" اليها واخدها : ماشاء الله ..الله اكبر ايه البنت العسوله دى شوف بنتك يا "كرم " ... شوف "مريم "
بخطوات بطيئه توجهه "كرم" ل "محمود" وحمل بين ذراعيه " مريم " : حمد الله ع السلامه .. نورتى دنيتنا يا "مريم"
تحدث "سوسن" : ان شاء الله مامتها هتكون بخير
اطلقت "مريم" صراخ ف اخدتها الممرضه لتطعمها وجلسوا فى الاستراحه ولكن عرفوا ان "مريم" رافضه ترضع للبن الصناعى ومش عارفين السبب فذهبت "سوسن" وحاولت ارضعها فقبلت وتناولته ونامت ... خرجت "سوسن لتطمئن "كرم"
_ متقلقش انا رضعتها ونامت
_الحمد الله
اوصل "محمود" "سوسن" و"زين" و " كريم" الى البيت ل احضار ملابس ل "سناء" وفى الصباح الباكر عادا الى المشفى وكانت استقرت حاله "سناء" واتوا ب " مريم " ل اطعامها فكانت "سناء" ضعيفه فلم تستطع .. فتقدمت "سوسن" وارضعتها .. خرجت "سناء" الى منزلها وكانت مرافقتها "سوسن" دايما وكانت عباره عن مرضعه متنقله ل "زين" و " مريم " فلم يتفرقا ابدا ,,!
فى احدى المرات جلس "محمود" و " كرم" فى القهوه .. وفاجاءه ضحك " محمود .. فتعجب كرم : مالك
_ اصل الل كنت مخططله طار خلاص
_ايه الل مخططله بقى
_ مريم بقت اخت "زين" رسمى فهمى نظمى .. 5 شهور متتاليه رضاعه والاتنين بيرضعوزا مع بعض يعنى خلاص مضوا انهم اخوات
_ وفيها ايه يا عم عادى المهم انهم يفضلوا مع بعض ويبقوا فى ضهر بعض دا المهم
بنظر ولهجه جد تحدث "محمود": يبقى مفيش غير كريم هنوجه الضفه ل "كريم"
_ انت من دلواقتى بتخطط
_اه طبعا مش هخلى حد غريب ياخد مريم بره انسى انت وبنتك ملكى خلصت
ضحك "كرم": لاسع ....
فى احدى المرات تحدثت "سناء" مع "سوسن" واخبرتها بالمستجدات وحاله "كرم" وعدم ايجاد لوظيفه حتى الان ..وكان "محمود" يفكر ماذا يفعل ليساعد صديقه وهو يعلم انه لم يطلب منه مال ولا يستطيع اخذ منه مال مقابل السلف ... وكان يجلس فى حيره ولاحظت ذلك "سوسن "
_ ايه يا حوده مش عجبتك الكنافه ولا ايه
انتبه "محمود" ل كلام " سوسن" : بتقولى ايه ؟
_لا انت مش معايا خالص .. بقالك فتره ساكت كده ليه مالك .. "كرم" برضه
تنهد " محمود": وهو فى غيره مش عارف اعمله ايه وهو دلواقتى معاه بنته ومصاريف وهم و مفيش قدامى ان اديله فلوس لكن انا واثق مش هياخدها مهما عملت ..مش عارف اعمله ايه ..
_ اممم .. طيب فى فكره احلى
_قوليلى بسرعه عليها
_ اعملمو مشروع مع بعض .. "سناء" كانت قايلالى ان "كرم" كان نفسه يعمل مشروع خاص به .. متهيالى بالمبلغ الل معاه تحط انت كمان زيه وتبقوا شركا وكده مش هيقولك لا ... ولا ايه
اعجب "محمود" بفكره " سوسن" واترسمت ابتسامه ع وجهه وفاجاءه قام من مكانه وامسك راس "سوسن" ووضع قبله على شفاتيها :
_ يا مجنون
_ ماهو انا لازم ابوس المكان الل طلع البوقين دول
ضحكت : ياسلام ..ماشى ماشى
جلس ليفكر كيف يفاتح "كرم" : فكره حلوه بس ياترى المشروع هيكون ايه ؟
كان " محمود" فى احدى الزيارات ل كرم وليرى "مريم" وبعد ما تناولا الطعام كالعاده يتركوا النساء فى المنزل ويذهبون الى القهوه ..:
_ هى اسكندريه زحمه كده ليه يا جدع
_ الصيف بقى مصر كلها بتهجم على اسكندريه
_تلاقى بقى السياحه بتشتغل اوى هنا
_ اه فعلا ... والاسعار بتغلى بيعاملوا اوقات المصريين ع انهم اجانب
ضحك... القى بنظره ع مطعم على البحر : ايه دا يا "كرم"
_ دا "مطعم لبيع صاحبه اصلا عاوز يسافر وبيصفى كل حاجه له هنا ..
اضاءه فى عقل "محمود" فكره المشروع : طيب فكره ما تشتريه وتفتحه واهو الناس مبتبطلش تاكل
ضحك " كرم" وهو انا يعنى مفكرتش فى الفكره دى .. المبلغ الل معايا مش هيكفى عاوز زى الل معايا بالظبط وانت عارف الحال يعنى ..
خبط "محمود" كتف" كرم" : عيب تقول كده واخوك هنا
_لا لا .. انا مش هاخد منك فلوس ولا هستلف من حد انت عارف كفايه الل بتعمله كل ما بتيجى
_ وهو انا نطقت كلمه سلف ولا حاجه انا بقولك نتشارك اكون شريك معاك ياجدع ولا هتلاقى شريك احسن منى ... ها
استغرب " كرم" : بتتكلم بجد
ابتسم "محمود" : ماهو هيفرق ايه عن الكافتريا الل ماسكها ف الزقازيق نفس الكارير يعنى وبعدين انا بتلكك عاوز اكون معاك ف اى حاجه وكتر ما "سوسن" بتيجى اسكندريه مبقتش تحب ترجع الزقازيق اتعلقت ب "مريم" و"زين" كمان و"كريم" انت مبتشوفش الل بشوفه لما بنرجع الزقازيق .. وبعدين احنا هنكتب عقد انت النص وانا النص واهو استنفع بالقرشين الل الحج سايبهم واشغلهم اهو اكون استنفعت منه بحاجه علشان ادعيله بنفس
ضحك "كرم" : يخربيت فقرك ... اترحم عليه
ضحك "محمود" : يعنى ع اساس ابوك سابلك فدادين ومليون جنيه .. يلا الله يرحم ابوك وابويا اذكروا محاسن موتاكم ..
ضحك "كرم" ..
_ ها ..قولت ايه ياابو كرم موافق اكيد مش محتاج تفكير
_ مش لما نتكلم مع الراجل مش يمكن يكون اتفق مع حد تانى
قام من مكانه "محمود" : وهنستنى ليه دا هنعدى الطريق ونروح نتكلم يلا
شد "كرم" من ذراعه وتوجها الى المطعم وتحدثا مع صاحبه وبعد حديث مطول اتفقا على سعر مناسب لكلا الطرفين ولكن كانت نسبه "محمود" اعلى .. ف اتفق "كرم" معه ان يكتب له ايصالات امانه لضمان حقه ويسددهم من ايراد المطعم .. توجها الى المنزل وكانت ملامح السعاده على وجههم استغربا وقتها كلا من "سوسن" و "سناء" من ملامحهم المرحه التى غابت منذ فتره وعرفا بالاتفاق والمشروع وفرحا وكانت ليله الاحتفال ل الاربعه موجهين دعوات شكر لربنا ع عطاياه الكثيره مال وبنون ...!
قرر "محمود" ان ينتقل هو " وسوسن" و "كريم" و "زين" الى الاسكندريه فباعت "سوسن" الكافتيريا ووضعت المبلغ مشاركه فى المطعم ووضعت " سناء" ما ورثته من عائلتها مساهمه فى المطعم وبذلك تم انشاء المطعم بمشاركه الاربعه ب اسمهم متساويه .. وبدءت التجهيزات وافتتح المطعم واطلقوه عليه اسم "SoulMate" تؤام روح وذلت تشبيها لعلاقه "كرم" و"محمود" وزوجاتهم وابنائهم جميعا انهم روح واحده لا تتفرق ...!!
بدوا العمل ف المطعم فى البدايه كانوا يعملوا ب انفسهم فى خدمه الزبائن ومعهم 2 شيف فى المطبخ وكان ما يميز المطعم عن الاخرون شكله الكلاسيك الممزوج بالمودرن وتشغيله ل الاغانى القديمه مثل "ام كلثوم_ نجاه_ ورده_عبدالحليم_ فيروز♥ " " بسبب اختلافه كان الاقبال عليه شديد ومع مرور الوقت اصحب لديهم زبائن داءمه فكان مطعم وكافيه فى نفس الوقت ....!
_______
يتبع <3
ليست هناك تعليقات:
إرسال تعليق