(4)
بوجود الجميع اصحبا عائله واحده والتماسك ما بينهم كان ملفت لجميع ,, حاول كثيرون الايقاع بيهم والمشاكل لكن تماسكهم مع بعض كان قوه امام اى دخيل ,, وجود "زين" و "مريم" و"كريم" كان بالنسبه ل " محمود" و "كرم" و " سوسن" و "سناء" سعادتهم وبهجتهم وهدفهم فى الحياه ولحظه ظهورهم فى حياتهم تغيرت حياتهم تماما فقرر كلا منهم ان يعوا كل حاجه ليهم ويربوهم ويحتوهم وميكرروش الل حصلهم ..!
مع مرور السنين كان الترابط بين الاطفال اقوى من ترابط الكبار فكانوا دائما مع بعض فى كل الاوقات مجتمعين سويا لعب وهزار وضحك واوقات النوم "زين و "مريم" و "كريم" كانوا بيناموا ف نفس الغرفه ولما كانوا بيحاولو يخرجوا حد منهم ع اوضته كان بيصحى بعياط ,, كان العلاقه بين "زين" و "مريم" اكثر تعلقا ببعضهم وذلك لتقاربهم ف العمر ووجود الاشياء المشركه فيما بينهم ,, فلما كانوا بيروحوا الحضانه كانوا بيلبسوا زى بعض وبيرفضوا رفض تام يلبسوا مختلف ,,اكلهم زى بعض ,, العابهم متقاربه لبعض ,, لما حد يزعل حد فيهم كان التانى بدون تفكير بيضرب الل زعله ,, معاملتهم لبعض كانت ملفته لجميع حتى ظنا من كثره قولهم "اختى " " اخويا" والتشابه فى افعالهم اعتقدا الجميع انهم تؤام ,, كانت فى الحضانه اهتمام "مريم" و "زين" متقاربه فلديهما شغف بالفن ,, فكانت "مريم" تترك الالعاب لان الالوان والرسم والتلويين يستهويها اكثر و "زين" لعب بالصلصال وتشكيل اشكال كانت تعجب الجميع فكانا يبهروا الجميع برغم صغر سنهم ,,لكن "كريم" اختلف عنهم وترك لهم حبهم لفن ..!
كبر كلا من " مريم" و " زين" و "كريم" واصبحا "كريم" 12 سنه و"مريم" 5 سنوات و"زين" 6 سنوات الفارق بينهم 5 شهور ,,وبسبب الشهور القليله بينهم تم قبول زين فى المدرسه و"مريم" اتاجلت لسنه التاليه وكانت هذه اول مره ينفصلا عن بعضهم منذ ولادتهم ,,فى صباح اليوم التالى استيقظت "سوسن" و "محمود" حتى يصتحبا "زين" الى المدرسه فى اول يوم دراسى دخلا غرفه "زين" وجدوه جالس يبكى حاولت "سوسن" تلبسه رفض بشده ونبره عياطه وصوته كانوا عاليين لدرجه هيستريه ,,,:
حاولت "سوسن" تهده "زين: يعنى انت عاوز ايه مش عاوز تروح المدرسه ؟
بصوت عالى : "ميما" تيجى معايا مش هروح لوحدى انا بقى
محمود تدخل ليحاول شرح ل "زين : مش هينفع "مريم" تيجى معاك لسه السنه الجايه انت روح السنادى وهى هتحصلك السنه الجايه
تجاهل "زين" كلام والده واستمر فى الصراخ ولكن هذا الوضع ليس فى منزل "محمود" ولكن فى الشقه المقابله له فى العماره "شقه" كرم " فكانت "مريم" مستيقظه وبدءت فى البكاء ايضا حاولت " سناء" تهدئتها : مالك بس يا "ميما " يا حبيببتى
بصوت باكى : عاوزه اروح مع زيزو المدرسه عااااااا
كرم تدخل : السنه الجايه يا حبيببتى مينفعش كده صدقينى
استمرت بالبكاء " مريم" : عاوزه اروح مع زيزو عاااااااااا
حاولا "محمود" و "سوسن" اجبار " زين" على الذهاب الى المدرسه وبالفعل قاموا بتجهيزه اجبارى قرروا انهم مش هيسمعوا كلامه وكان " زين " يحاول اقصى ما يستطيع عدم النزول لكن مقدرش وبالفعل ذهبوا به الى المدرسه واستمر فى الصراخ لدرجه ان المدرسات مقدروش يسكتوه بكل المحاولات ف اتصلا ب والده اتى واخذه ع البيت وسكت لما شاف " مريم " ومسك ايديها ودخل معاها شقتهم هى بتلعب بالالوان وهو يلعب بالصلصال ,, اتى الليل وكانا جالسان ف غرفه "مريم" يلعبان
تحدث "زين" بصوت خافت وبملامح حزينه: ميما
_ ايوه
_ انا مش عاوزه اروح المدرسه دى من غيرك
_ وانا عاوزه اروح معاك
بملامح حزينه:انا فضلت اعيط اعيط لغايه ما رجعونى
بملامح حزينه:وانا فضلت اعيط اعيط لغايه ما جيت
_مش احنا اخوات
_ايوه
_وانا اكبر منك
_ ايوه بس "كريم" اكبر مننا احنا الاتنين
_ عارف ,, اسمعى كلامى طيب
_عاوز ايه ؟
_ايه رائيك نلعب لعبه ؟
فرحت "مريم" : لعبه .. لعبه ايه ؟
_ بكره لما يصحوا مش يلاقونا ايه رأئيك
مريم بخباثه وفرحه :استغمايه الله ..بس هنستخبى فين ؟
فى هذه اللحظه سمعا صوت خلفهما : السطوح
نظرا بخوف وجدوا "كريم" : كيمو
كريم بصوت خافت :ليكم عندى مكان تستخبوا فيه مش هيجى ع بالهم
نظر له زين بخبث: وهتقولهم ع مكانا صح و"محمود" يزعقلى ؟
_ انا .. ابداا .. انا عارف انكم مش عاوزين تروحوا المدرسه غير مع بعض و متخافش واهو نلعب معاهم ..
نظرت "مريم" ل "زين" ونظرا الاثنين ل " كريم : اوكيه اتفقنا
واتفقوا اتفاق الاطفال ع محاوله لتثبيت رايهم رفضت "مريم" ترك "زين" وأصرت انها هتقعد مع "زين" ,.. وبعد ان نام كل من فى المنزل وبعد اذان الفجر بساعه ايقظ "كريم" كلا من " زين " و " مريم " وبهدؤء تحركا الى اتجاه باب الشقه ..وفتحا الباب وخرجا وتوجها الى السطوح ورجع " كريم" الى الغرفه كان شئ لم يحدث ,ذهبا بهدؤء الى السطح وجلسا بداخل حجره الكراكيب وكان معاهم صلصال ل "زين" و كراسه تلوين والوان مع "مريم " فجلسا وابتدا يلونوا وكان شئ لم يحدث ,,استيقظت " سوسن: حتى تيقظ " زين" لم تجده ووجدت " كريم لوحده .. خرجت تبحث عنه ف غرف الشقه والحمام ولم تجد " مريم " و لا " زين " ف انفزعت وذهبت ل ايقاظ " محمود " :
_الحق يا "محمود" مريم" ولا " زين موجودين " الحقنى
قام مفزوع من ع السرير : بتقولى ازاى مش موجودين شوفيهم كده ف البلكونه دايما يستخبوا هناك ولا فى اوضه "كريم" ولا عند "كرم"
طرقوا باب "كرم" وتفاجئ بعدم بتغيير ملامح "محمود" واتخض بخبر اختفاء "مريم" و "زين ".. :
_ راحوا فين .. وازاى وامتى؟
بتوتر " سوسن": مش عارفه مش عارفين
"كرم" احنا لسه هنسأل يلا ننزل ندور عليهم
نزل الجميع ما عادا "كريم" تركوه نائم وكان يمثل انه نائم ف ابتسم لنجاح اللعبه ,, رجعا ولم يجدوا ولم يراهم احد ,,وانهارت " سناء" و " سوسن" فى البكاء وقررا ابلاغ الشرطه ب اختفائهم .. سمع " كريم بذلك فزع : لا استنوا ..
نظر له "محمود" بغضب : انت تعرف هما فين ..؟
برعب : هتضربنى ؟
توجه له "كرم" : متخافش يا "كريم"مش هيعملك حاجه بس قولنا هما فين ..؟
كريم: هما عاوزين يروحوا المدرسه مع بعض فسمعتهم بيتفقوا يستخبوا ومستخبين فوق فى السطوح
سريعا توجهوا الى السطح ودورو فيه وفتحوا غرفه الكراكيب وجدوا "مريم" نايمه ع كراسه التلوين ولم يجدوا زين بحثوا عنه فى السطح ولم يجدوه ...!
بعد ايقاظهم ل "مريم" سالوها عن مكان "زين" :
_فين " زيزو " يا "ميما "
نظرت حولها "مريم" : هو مجاش ..
قالى هينزل يجبلى شيبسى من السوبر ماركت علشان قولتله جعانه ومرداش انزل معاه ..
نزل مسرعا "محمود" و "كرم" متوجهيين الى السوبر ماركت وجدو "زين " يختبئ بجوار السوبر ماركت حيث لم يراه احد,, ابتسم "كرم" و "محمود" وضحكوا على تصرفاته وهو خايف يتمسك ,, بعد مستوى القلق والتوتر التى كانوا بيها ضحكوا كلا من "محمود وكرم" ع تصرف الصغار فنده عليه :"زيزو"
تفاجئ "زين" : بابا .. عمو
تقدم "محمود" و"كرم" اتجاه زين : تعالى
كرم بهدوء: متخافش تعالى
لم يتحرك "زين"من مكانه مصمم ع شراء الشيبسى :لما عمو اشرف يفتح علشان اجيب شيبسى ل "ميما"
ضحك محمود: تعالى وهنجبلكم لما يفتح تعالى يلا
مشى معاهم ووقف للحظه : انتوا عرفتوا منين مكانى هو "كريم" فتن عليا ؟
ضحك "محمود": هو "كريم" كان عارف ماشى لكن المرادى "ميما"الل فتنت يلا بينا
_يافتانه يا ميما ..عيله
عادا الى شقتهم وبعد اطمئنات الامهات عليهم تحدث "محمود" ضاحكا ع تصرفاتهم
_كل الخطه دى علشان مش عاوز يروح المدرسه لوحده الاستاذ "زين" ماشى
قرب "كرم" من " مريم" : ليه يا ميما عملتوا كده
_ علشان هتبعدوا "زين" عنى
_ دا رايحه المدرسه وانتى هتروحى السنه الجايه
مسك "زين" ايديها : انتوا قولتوا منسبش ايد بعض الاخوات بيفضلوا مع بعض وانا مش عاوز اروح المدرسه من غير " ميما "
_ وانا مش عاوزه اروح مدرسه من غير "زيزو"
"محمود" بص ل "سوسن": يعنى كان لازم ترضيعها 5 شهور فيها ايه لو كانوا مع بعض قرايب كانت المشكله هتبقى اخف من التؤام المتلاصق دا
ضحكت "سوسن": ماهو لو مكنتش رضعتها انا كانت مش هترضع اعمل ايه انا
ضحك محمود" متعمليش احنا هنعمل ايه دلواقتى ...
اثناء حديث الكبار ..كانوا الصغتر بيتكلموا :
"مريم" بتكلم "زين": فين الشيبسى بتاعى ..؟
_ بابا قالى هيجبلنا ومجبتش
سحبت ايديها من ايده : عيل .. تانى مره تقولى هتجبلى شيبسى ومتعرفش
_يعنى انتى الل جبتيلى ماهو كل مره يدوكى الشيبسى بتاعى وبتاكليه وتقولى خلص
_ انا ... طيب مش هديك تانى يلا مخصماك
_ خاصمينى
لاحطت "سناء" شجارهم واتكلمت وهى بتضحك: دلواقتى هيصالحوا بعض استنوا
دقائق ونظرت "مريم" ل " زين" : زيزو .. بص انا لونت ازاى
نظر "زين" ل دفتر التلوين : جميله .. تعالى اوريكى الصلصال بقى عامل ازاى
وامسك ايديها واتجها الى غرفه "زين" .. ضحك "كرم": مبيكملوش 10 دقايق زعل
تحدثت "سناء" : ربنا يخليهم لبعض اخوات ومينفعش يزعلوا من بعض
ونظر "محمود" ل " كريم " بغضب : وانت
للحظه نظر "كريم" اتجاه " مريم وزين: استنونى جى معاكم
ضحك الجميع بهروب "كريم" من "محمود" وضحك "كرم" بشده: ايه العيال دى احنا مكناش اطفال ضاعت هيبه الكبار وسمعان الكلام ...
_ اطفال مين ياعم "كرم" داانا فاكر من طفولتى سندوتشات المربى بس
ضحكت "سوسن" : طيب دلواقتى هنعمل ايه فى الموضوع دا ؟
تنهد "محمود" : فى ايه ؟
_ المدرسه الل المفروض "زين" يروحها
بحده تحدث "محمود" هيروح طبعا مفيش دلع
تحدثت "سناء" : ويتكرر تانى الل حصل المرادى وعدت المره الجايه هينزلوا ع الشارع ومش عارفين ممكن يحصل ايه ..
تنهد "كرم": يعنى دلواقتى "زين" مش هيروح مكان من غير " مريم " .. و "مريم" لسه السنه الجايه يبقى الحل نأجل سنه ل "زين" من المدرسه ويدخل معاها من السنه الجايه وخلاص .. مش هتفرق كتير افضل ما يعملوا تصرف لمجرد انهم بعدوا عن بعض ,,
"محمود" : فعلا مفيش حل غير كده مش كنتى يا " سناء" حملتى بدرى وولدتى بدرى مع "سوسن "
ضحكت "سناء" : معلش اصل وقتها كانت رايحه عليا نومه
ضحكوا الجميع ع كلام "سناء" و ع تصرفات "مريم" و "زين" و "كريم "..!
كان " مريم" و "زين" مثل التؤام المتلاصق لا يفارقان بعضها ابدا حتى اوقات النوم يناموا ف غرفه واحده ياكلا سويا .. يخرجا سويا .. حتى عندما يقوما بشراء ملابس يختارا زى بعض ولبعض ومعاهم "كريم" برغم صغر سنهم الا انهم صنعا عالمهم الخاص الغير خاضع لسيطره الكبار لهم ,, مرت مرحله الابتدائيه لكلا من "مريم" و "زين" وكانت " مريم" متفوقه هى و:زين" وحبها لرسم وحب "زين" لنحت ادخلهما مسابقات فى المدرسه وكانوا يحرزون المراكز الاولى لموهبتهم ,, من وقت ما ابتدوا يطلعوا السطح وبقوا كل مره ياخدوا ادواتهم ويتوجهو الى السطح ولما بيدوروا عليهم كانوا يلاقوهم فوق ومعاهم "كريم" بيذاكر .. استمر هكذا حتى وصلا الى 3 اعدادى وكان "كريم" التحق بالجامعه فى القاهره واصر ع ذلك لسبب غير معروف .,,!
فى يوم ما كانا "مريم" و "زين" يجلسون سويا ع طاوله العشاء فى منزل "زين" نظرا لبعضهم ف تذكر "زين " محادثته منذ قليل مع " مريم "
"فلاش باك منذ ساعه ":
_ متقوليلهم انتى هو انتى صغيره ؟
_ يا" زيزو" انت الراجل مش انت ع طول تقولى انا الراجل بتاعك وبتخوف العيال واخويا وكده "كريم" مش هنا كان اتكلم معاهم ف انت تتكلم وهتلاقينى ف ضهرك متخفش
نظرا لها متعجبا: يا سلام .. زى كل مره فاكره اخر مره لما طلبت من ابوكى اننا نجيب قطه وانتى الل زقتينى وخلتيهم يتريقوا عليا وابص عليكى القيكى اختفيتى صح ,,
بتضحك "مريم" : ماهو انا نسيت ان "ماما" ومامتك" عندهم حساسيه من القطط
_ اه ..علشان كده بعدها دخلتى قطه البيت ولما سألوكى رمتيها عليا وقولتى "زين" الل دخلها وشيلت انا التهزيق كله يومها واتعاقبت انى اتحبس ف البيت صح
_ ماهو انا مسبتكش وقعدت معاك الله نسيت دى ,,
_ انسى مش هتكلم عاوزه حاجه روحيلهم ..
بنبره زعل " مريم": كده يا زيزو .. وهو انا لو مطبتش منك هطلب من مين "كريم" مش هنا وانت بتقولى لا ,, يعنى انا لوحدى ومفيش حد و ...
نظر لها "زين" انت هتعيطى ولا ايه
شعرت "مريم" بليونه "زين" واستغلت نقطه انه مبيحبهاش يشوفها بتعيط ف استخدمت السلاح ضده : ماهو اعمل ايه مفيش ب ايدى حاجه اعملها و الموضوع دا لينا احنا الاتنين يعنى مفكرتش فى نفسى لوحدى ,, احنا عاوزين مكان لوحدنا نبقى براحتنا فيه وموجود وناقص بس موافقتهم ,, يلا انت بس وانا فى ضهرك >>!
صمت "زين" وتاثره بكلام "مريم" وافق ,,,!
وهما قاعدين :
غمزت "مريم " ل "زين" فتنحنح "زين :
احم ..احم.. بابا .. عمو كرم عاوزكم ف موضوع
_ خير يا زيزو ؟
نظر "زين" ل "مريم فحمسته : انا ومريم عاوزين نطلع فوق السطح
ضحك والدها .. تحدث "محمود" : وهو انتم من امتى بتستاذنوا مانتم ع طول بتطلعوا
_ لا ماااحنا هنقعد فوق ع طول
تعجب " كرم" : نعم .. ازاى يعنى ؟
خبطت "مريم" رجل " زين " علشان يوضح كلامه : اقصد .. الاوضتين الل فوق فى السطح انا وميما محتاجينهم .. نحط فيهم ادوات رسمنا بدل ما بنكركب الاوضه ونبهدل السجاد وسناء وسوسن بيقعدوا يزعقولنا ,,, ف احنا دورنا ع مكان نلم فيه كراكيبنا وبس كده
_اها
تدخلت "مريم" : واحنا مش صغيرين متخافوش علينا احنا استاذنا طنط سميره مرات صاحب العماره قالتلنا استاذنوا اهلكم .,,الاوضتين فيهم كراكيب هنفضيهم ونقعد فيهم يعنى وقت فراغنا واحنا كبرنا خلاص رايحين اولى ثانوى عاوزين تركيز ونفسيه سليمه
نظر "محمود" ل "كرم" : الحق ياابو كرم " مريم" و"زين" بيدروا ع نفسيه سليمه مش بعيد "كريم" يقولى عاوز ابنيله اوضه هو كمان
تحدث " زين " سريعا: لالالا "كريم" مبيحبش يرسم ولا يلون "كريم" بيحب يعاكس البنات الحلوه الل معاه ف الكليه فى القاهره
ضحك كلا " كرم" و " محمود " : طيب هنشوف الموضوع دا
ركلت "مريم" رجل " زين" فتحدث: طيب
تحدثت "مريم" سريعا: طيب يا "زيزو" يعنى خلاص جهز حاجتك
نظرا "محمود" ليهم : هو احنا وافقنا .. لسه هنشوف..!
نظر "زين" ل والده بضحكه: يا حوده ماهو هنشوف يعنى خلاص خلصت وبعدين احنا داخلين ع ثانويه عامه ومحتاجين نفسيه متظبطه و مستقبل هيضيع ..
مريم اندمجت : اه يا جماعه النفسيه اهم من البتنجان المقلى يعنى نفسيتنا تتظبط هتلاقوا الدنيا متظبطه واحنا بنقولكم فوق فى السطح مقولناش هنهاجر البحيره ..
نظرت "مريم" ل " زين " وغمزت له :اشطه يا زيزو يلا نقوم نجمع حاجتنا علشان بكره نطلع نروق الاوضتين يلا قوم كفايه اكل قوم
شدت "مريم" "زين" من على طاوله الطعام ونظرا كلا من " محمود وكرم" لبعضهما متعجبين من تصرفات اولادهم : شايف العيال يا كرم ...
_احنا الل عيال يا محمود ..
دخلا كلامن " زين و مريم" : انت شدتينى ليه مااكلتش
_ ماهو يا طفس لو هتاكل لسه كانوا هيترددوا انما كده انا اخدنا موافقتهم خطف
_اه صح
_ وبعدين متقلقش تعالى بص " فتحت درج مكتبها " انا شايله الشيبسيات دى من امبارح يلا نتسلى فيهم ولما يقوموا هنخطف الاكل زى العاده من المطبخ وناكل تحت السرير
ضحك "زين" :تمام ...
وافق كلا من "محمود" و "كرم" واتكلموا مع صاحبه العماره وتم استأجر الغرفتين اعلى العماره بالسطح وفرح كلا من "زين" و "مريم" فقاما سريعا بتوضيبها وتنضيفها وفى خلال اسبوع كانت جاهزه والسطح جاهز ونظيف ووضوع زرع وطاوله وكراسى جديده ,, ففرحتهم بمساحتهم الخاصه ومكانهم الخاص السطح ,, وضبت "مريم" الغرفه ووضعت فيها كل ادوات الرسم الخاصه بيها وايضا قام "زين" بالمثل فى الغرفه المقابله لها وكتبا على باب كلا من الغرف " مقر البرنسيس " " مقر اللورد " وكتبا لافته عند مدخل السطح " منطقه محظوره لغير المرغوب فيهم هتدخل تتفلسف وترخم ارجع احسن ما تتبهدل لو اتقفشت ليلتك سوده المود لما بيفصل بيقلب ع سواد كحل وانت الل هتشرب اللمبه تكون شغاله اعرف ان المنطقه دى بتكهرب .. والاطفال يناموا بدرى بدل ما هنعلقهم الطلوع هنا بمواعيد احنا هنقولكم عليها والاحسن متطلعوش علشان هنخنق عليكم ,, كفايه كده وشكرا لحسن استماعكم .. غورو يلا .. امضاء " ميما _ زيزو"
بهذه الافته اكدا حقهم ف السطح وحاولا ابناء العماره يرخموا عليهم فكانت دايما الرخامه تنتهى بخناقه و"مريم" و "زين" الل بيكسبوا لانهم كانوا بيضربوا العيال فعلا ,, ف اعتبر السطح عالمهما الخاص فكان حدود خروجهم المطعم والبيت والغرفتين فى السطح ولما "كريم" بينزل اسكندريه "زياره" بيخرجوا مع بعض ,,!
دخلا المرحله الثانويه وكانا فى السنه الاخيره ومن حبهم وتعمقهم فى الرسم والنحت بقى حلمهم كلا منهما ان يدخلا كليه " فنون جميله " فكان يذهبان الدروس سويا وبيذاكرو مع بعض وكانوا بيشجعوا بعض ع حلمهم ولكن كان "زين" نوعا ما شخصيته تعشق اللهو مع الفتيات فكانت "مريم" تراقبه وتصده ,, فكان معاها "باسورد الفيس والانستجرام والكود الموبيل " فكانت ترسل ل الفتيات التى يعرفهم رسائل غير لطيفه فبيبعدوا عنه ويعرف انها "مريم " لما بيكتشف الامر ويتعاركا ثم يتصالحا سريعا ..!!
جه عيد ميلاد "مريم" واحتفلوا به فى المطعم ولكن الفرحه كانت ناقصه علشان "كريم" مش موجود وكانت "مريم" حزينه ,, لكن وهما بيطفوا الشمع فتحت عنيها لاقت "كريم" و"زين" ماسكين علبه بيتزا كبيره : كل سنه وانتى طيبه يا طفسه
مسكت البيتزا وفرحت وابتسمت ابتسامه الفرحه : ايوه كده عيد ميلادى دا
نظرا "زين" و "كريم" لبعضهم وضحكا ... !!
بعد العيد الميلاد جلس "محمود" مع "كريم" :
_ ايه يا "كريم" انت ناوى تطول ف الكليه ولا ايه مش هتخلص ؟
ابتسم "كريم": والله يا حوده مش عارفهى مش عاوزه تسبنى ولا انا الل قافش فيها
_ لا مينفعش كده خلص وتعالى علشان تشوف مستقبلك واطمن عليك ونفرح
نظر " كريم" ل "محمود" وكان بيبص ع "مريم" : ربنا يسهل يا حوده ادعيلى انت بس
_ يارب عجل فرحتنا
فى اللحظه دى جت"مريم" ومسكت ايد "كريم" : تعالى يا كيمو نتصور
قام وقف معاها ومع "زين" وكانوا بيتصوروا وقعدوا يهزروا ويضحكوا مع بعض ونظر لهم "محمود" : يارب ما يبعدكم عن بعض وتفضلوا قصاد عينى كده دايما وافرح بيك يا كريم انت ومريم ...!
انتهى العيد الميلاد وذهبا "كريم" و "زين" و "مريم" يخرجوا وسهروا ع البحر للفجر وبعدين رجعوا ع البيت ناموا ...!
فى يوم كان "زين" جالس مع " مريم" فى المطعم ورن موابيلها وكانت رساله ع الواتس وهى مكنتش قاعده كانت فى الحمام وفضول "زين" فتح الموبيل ولان كلمه السر معروفه وهى تاريخ ميلاد "زين" ف اتفاجئ بانها رساله من جارهم "عماد" " مردتيش عليا يا ميما ينفع اقابلك عاوز اقولك حاجه مهمه وهعزمك على ايس كريم الل طلبتيه " مجرد ما شاف اسم "عماد" اشتعل غضبا " ايس كريم ان شاء الله تطفحه " ف ارسل له رساله ردا ع رسالته يقابله على اول الشارع امام السوبر ماركت,, ومسح الرساله بسرعه ورجعت "مريم" فقام بسرعه وقالها انه رايح مشوار وراجع ,, وقف بعيد بيراقب السوبر ماركت حتى ظهر " عماد " جارهم وسريعا اتوجه ناحيته وبدون مقدمات اتكلم "زين" :
_ ايه ياترى الل عاوز تقوله ل ميما اختى يا "عماد"
ارتبك "عماد" : ها ؟
_ ها .. مش انت بعتلها هى مش فاضيه والايس كريم مش عاوزه بيعملها تلبك معوى و انا جيت بدالها انت عاوزها فى ايه وبتبعتلها رساله ليه
طريقه "زين" العصبيه اسكتت "عماد" : بص يا "عماد" مش عاوز اعرف انت عاوزها ليه علشان لو عرفت مش هقدر اتمالك نفسى و هضربك وهنلم علينا الناس بس عاوز اقولك متفكرش تبعتلها زفت رسايل تانى لانك هتلاقينى انا ف وشك فاهم .. يلا امشى
احرج "عماد" وذهب سريعا ورجع "زين" الى المطعم وينظر ل " ميما " نظره غضب
_ مالك
_ مش قولتلك انا متتكلميش مع الل اسمه "عماد" دا ؟
_ها
بنبره غضب :هو كل ما اكلم حد انهارده يقولى يقول ها هوا يأويكم منك له للاخر مره لو شوفتك واقفه بتسلمى عليه حتى هديكى ع قفاكى قدامه فاهمه ..
_ ايه يا "زين" ما ممكن ميكنش قاصد حاجه الله ..
بيحاول يتمالك نفسه: يا هبله دا د عاوز يتسلى مش بتاع رومانسيات زيك دا ميعرفش الفرق بين سيف على خان وشاروخان ايه دا فاكر شاروخان هو اميتاب بتشان ومبيكبرش وبيعمل كده علشان يقربلك يا متخلفه وانتى هبله لما تلاقى حد يتكلم معاكى فى افلام الرومانسيه بتروحى ع طول ايه عندك حرمان عاطفى بتحبى ع نفسك ...
_ متتريقش عليا وع مشاعرى ولا الافلام الل بشوفها لو سمحت وبعدين انت بتعلى صوتك علشان متخلنيش اسالك صح انت فتحت موبيلى ليه مش احنا اتفقنا مش هنط لبعض ف الموبيلات ..علشان تعرف ان انت الل بتبتدى وبتزعل منى بعدين ,,,
_ ممكن تفهينى كان عاوز منك ايه ها علشان تدافعى عنه كده ,, وايه الايس كريم الل عاوزه تطفحيه ويجبهولك دا ,, ايس كريم حبكم ولا ايه ..؟
بهدوء اتكلمت "مريم" : بتتريق ماشى ... وبعدين هيكون عاوز ايه يعنى كسب ماتش الكوره ولما قابته قدام باب العماره وقالى وشك حلوعلشان شافنى قبل ما يروحج يلعب ودعيتله وقالى لو كسبت ليكى عندى حاجه حلوه وقلتله ايس كريم الل ب 2 جنى حتى مطمعتش ب الل ب 5 جنى وهو كان هيجبهولى وهيمشى
_ نعم دعيتيله ليه رابعه العدويه قدامى ..دا بيضحك عليكى يا هبله
_ بقولك دا كان هيعزمنى ع ايس كريم بس هو انا قولتلك هيبوسنى انت متعصب ليه
نظر لها " زين " بغضب : باسك الترم يا شيخه ..وهو انتى محرومه ايس كريم ماانتى ع طول بتطفحى وبجبلك محرومه راحه تطلبى منه
تغيرت ملامح وجه "مريم" وبنبره عصبيه: ماهو حضرتك نفضتلى ولما قلتلى هجبلك ورحت طفحت اخته ايس كريم عادى بقى اخوها يجبلى اشمعنى هى
اقترب "زين" ل " مريم" غاضبا : خلاصه الكلام لمى نفسك يا "ميما" ومتتكلميش مع الواد دا تانى خلص الكلام
ومشى غاضبا "زين" وجلست "ميما حزينه: كنت هاكل الايس كريم وهقلبه الهى يتسد نفسك يا "زين" ..
بعد الشجار الل حصل بينهم ب اسبوع فى يوم ذهبا "مريم" و "زين" الى درس لمراجعه ليله الامتحان لماده اللغه العربيه فى السنتر فكانت تقف "مريم" مع اصدقائها البنات لان "زين" مانعها تقف مع ولاد وكان بيراقبها وكان " زين" يقف مع زملائه الولاد وكانت "مريم" بتراقبه لو وقف مع بنت بتقفشه وبتعرف السنتر كله ,, و"مريم" واقفه بتبص ع زين مش لاقته واقف مع اصحابه راحت تدور عليه فوجدته واقف مع بنت من السنتر اقتربت منهم تتصنت على كلامهم :
_احنا مش اتفقنا منلفتش نظر حد هنا ف السنتر
_ ايوه
_ ليه بقى نديتى عليا هنا كده
ب استغراب : مش انت الل بعتلى رساله الصبح وقولتلى انك عاوز تقولى حاجه ضرورى وانى وحشاك
تعجب "زين" لانه ما بعتش اى رسايل ل حد الصبح وافتكر الصبح "مريم" جاتله اوضته وخرج وسابها ولاقاها خارجه من الغرفه ماسكه موبيله ونزلوا فعرف انها هى الل بعتت الرساله انتقاما لانه مسك موابيلها فررد غضبا: ميما ..ميما ,, طيب اوكيه بعدين هقولك علشان دلواقتى ممكن اى حد يشوفنا وخصوصا الفيل الصغير بتاعى
_ ضحكت الفتاه .. تقصد " مريم"
_ هو فى غيرها ..
_ صحيح يا زيزو ازاى "ميما " اختك واسمكم مش زى بعض لا الام ولا الاب
من غيظ "زين" : الرضاعه مش شايفانى رفيع ازاى وهى ناقصلها زلومه شفتت اللبن كله انا علقولى محاليل وانا طفل رضيع تخيلى كنت ضعيف اووى ..
بدلع اتكلمت البنت :يا حرام يا "زيزو"
عاكسها "زين" يا عيون زيزو
ضحكت الفتاه من طريقه "زين" الكوميديه وفى نفس اللحظه شعرت" ميما" بالغيظ بسبب تشبيه "زين" لها "بالفيل" امسكت موابيلها : هوريك انا الفيل ابو زلومه دا هيعمل ايه ؟
قبل ان يغير "زين" الباسورد الفيس سريعا قامت ب ارسال رسائل ل البنات الل "زين" بيكلمهم فى السنتر يذهبوا للمكان الى هو واقف فيه مع البنت وفاجاءه وجد نفسه "زين" محيط بالبنات الل يعرفهم وهما اتفاجئوا ببعض لان "زين" كان شارط عليهم ان علاقتهم تكون ف السر علشان محدش يعرف فيهم وكان بيقابلهم بره السنتر .. فسمع كلمات ونظرات تحقيرا له ,,وكان لا يهتم بكلامهم ع قد ما كان يشتعل من الغضب بسبب افعال "مريم" تركهم وذهب مسرعا للبحث عن " مريم " وجدها دخلت قاعه التى بها محاضره المراجعه فنظر لها بغيظ فضحكت ,, حضرا المحاضره وعادا الى البيت وسريعا ذهبت "مريم" الى شقتها ودخلت غرفتها وقفلت الباب بالمفتاح وراح وراها بسرعه "زين" لكن ملحقهاش ومردتش تفتح الباب : ماشى يا ميما ماشى مسيرك تقعى فى ايدى
رددت عليه من خلف الباب : ليه شايفنى ملوخيه وانت المخرطه
_ ليكى واقعه يا ميما ...
عدى الموقف وحضرا الامتحان وعادا الى المطعم سويا زى كل مره بعد امتحان ليهم وفى هذه اللحظه رن موبيل "زين" فسمعت " اوك نص ساعه هتلاقينى عندك فى سان ستفانو ..
بفضول حاولت "مريم" تعرف بيكلم مين : بتكلم مين يا "زيزو"
_ هقابل واحد صاحبى وراجع
شكت " ميما " .. وانتظرت حتى ذهب الى الحمام وفتحت الموبيل وجدت اسم "اميره" وعرفت انها جارتهم اخت "عماد " : تانى يا "زيزو" ماشى
بعد ذهاب "زين" بلحظات ارسلت "مريم" رساله ل "عماد" ,, وبالفعل عندما وصل "زين" بدقائق ظهر امامهم "عماد" وبدء بالحوار :
_ عماد
ضحك" عماد" : ياترى واقف مع اختى عاوز ايه يا "زين"
تردد زين: دا ..دا ...
سريعا جاوبت "اميره" : كنت طلبت منه ورق مراجعه وقالى هيدهالى
نظر اليها "زين" واكد ع كلامها : اه ورقه المراجعه انت عارف ثانويه وبتاع و.. ع اذنكم
امسك "عماد" بذراع "زين" وهمس له وبنبره غضب : شفت الدنيا دواره ,,انا مش عاوز اشوفك واقف مع اختى يا "زين" علشان انا لو ضربتك دلواقتى هيكون معايا حق اخ وقفش اخته واقفه ف الشارع مع شاب مفيش بنت ف المنطقه عدت من ايده ,,هعديها لكن لو اتكررت مش هقولك الل هيحصل ..
تغيرت ملامح "زين" وامسك "عماد" ايد اخته ومشيوا "وزين" كان فى قمه الغضب ,, رجع الى البيت مش طايق حد شافته "مريم" وراحتله شقته : مالك
_ مفيش
ب نبره سخريه "مريم" : عماد قفشك وبوظ عليك الميعاد الغرامى و
فنظر لها " زين " بغضب : يبقى انتى الل بعتيله
قامت "مريم" من مكانها واقفه خلف الكرسى : انت هتطلعها عليا ولا ايه
بنبره عصبيه : انت ايه حشرك ف موبيلى مش قلنا مش هنمسك موابيلات بعض موقف السنتر عديته وقولت بترديلى الل عملته لكن ليه كده ها ؟
بنبره صوت عاليه :ماهو انت متحللش ليك حاجات وتحرمها عليا
_ وانت مالك بيا ..انا ولد اعمل الل اعمله انتى مالك
_ نعم ياخويا .. ايه ولد وبراحتك دى .ليه ع اساس الل هتقابلهم ولاد مش بنات ,, قفشت عليا لما "عماد" حب يعزمنى ع ايس كريم وانت طلعت مقضيها مع اخته المسهوكه لا وايه الاستاذ "كريم" كان مصاحبلى اخته التانيه انتم واخدين عيله شاروه دى ولا ايه
_ ميما .. غورى واشوفك ماسكه موبيلى تانى
بملامح زعل : بتزعقلى يا "زين" علشان "اميره.. ماشى يازين ماشى
خرجت "مريم" غاضبه من زعيق "زين" ليها وذهبت الى السطح واغلقت ع نفسها المرسم الخاص بها وبعد قليل بعد ان هدا زين .. ذهب لها مع "بيتزا.. وايس كريم " وخبط ع الباب : ميما .. ميما
مريم من خلف الباب : عاوز ايه تانى مش كفايه ولا عاوز تكمل ؟
_ افتحى الباب .. انا متاسف انتى الل بتخلينى ازعق
وقفت ورا الباب وحطت ايديها ع وسطها :نعم ... شوفت انت بتعمل ايه وبتفضل بنات تانيه عليا تنفض ل اختك الل ملهاش غيرك ..مش كفايه " كريم" من وقت ما دخل الكليه فى القاهره مبقناش نشوفه وعمال يسقط علشان بيتسرمح مع البنات ولما بيجى بيثبتنى بخروجه ..انتم الاتنين بعتونى علشان بنات تانيه ,,
_ خلاص متزعليش بقى,, افتحى الباب بس وهتشوفى حاجه بتحبيها
ترددت " مريم" : لا مش فاتحه
_ هتندمى ... وعمتا لو مش عاوزه البت "اميره" صاحيه اهى هبعته ليها واهو افتح معاها سكه بدل الل انتى عملتيه
فتحت الباب سريعا : ان شاء الله تطفحها
شافت البيتزا والايس كريم ابتسمت : الله ..
مسك علبه البيتزا وجلست امام طاوله موضوعه على السطح : اه لحظه
دخلت المرسم وخرجت بشنطه فيها سندوتشات : امسك
فتح "زين" الشنطه : ايه دا سندوتشات كبده
_ من عند عم عبده ومشطشطه .. قلت اصالحك بيهم لكن لاقيتك بتزعقلى كنت هرميهم لكلب الجيران
_ فشر كلب ايه ههون عليكى
_ ماهو انا هنت عليك ..
_ فشر .. ولا مليون كلمه فى اغنيه تكفى وصف "ميما" بنت كرم ياعنيا
ضحكت "مريم" على كلام "زين": ماشى ماشى
فتح السندوتشات وابتدا تناولها بلهفه وتناولت "مريم" البيتزا بلهفه .. فكانت هذه وسيله المصالحه بينهم "الاكل " ...
_ نفسى اعرف بتعرفى الباسورد منين ؟
ضحكت "مريم":ماهو انت بتنساه فبتكتبه فى النوتس الل ع المكتب فا انا كل يوم بفتحها واشوف اخر Update ايه وماشاء الله عليك مبتحرمش ...
_ وانت مغيرتهوش ليه بتاعك ؟
_ اصلك هتفتحه وهتهكر الايميلات والموبيل وهضايق واتخنق ونضرب بعض فليه اعمل كده مدام اقدر اضايقك لو ضايقتنى بسيطه العضلات مش الحل يا "زيزو"
_ ماهو انتى بتصرفاتك الل بتضايقنى كذا مره اقولك متتساهليش مع اى ولد يكلمك فى السنتر حدود الدرس غير كده لا ,,الجيران مش كلهم وعرفينى وانا هقولك لكن القيكى رايحه عزومه ايس كريم الهى تطفحيه يا شيخه
_ان شاء الله الل يكرهونى ماهو انت الاسبوع الل فات بعد الدرس رجعنا ع البيت وانت قولتلى رايح تجيب حاجه وصدقتك وبعدها ب ساعتين الاقى المعصعصه "اميره" رفعت صوره ع الانستجرام وبتقولك ميرسى يا زيزو ..
_ ميما يا اختى انا عارف بعمل ايه لكن انتى اى حد بيقولك كلمه حلوه بتسرحى انت فاكره نفسك جوه فيلم هندى ولا فيلم ابيض واسود من الل بتشوفيهم ,, حب ورومانسيات كله تثبيت يا حبيببتى دول بيقولوا كلام ف التليفزيون علشان ياخدوا فلوس لكن مفيش من الل بتشوفيه دا فوقى ..
_ ليه يعنى اكيد فى واحد هيقابلنى ويحبنى ويموت فيا وانا ع يقين بكده وهحبه واموت فيه وهنعيش احلى من الافلام كمان بس انت غور عنى شويا لحسن بتكون فك مفترس وبتطفش اى حد بيفكر يقولى صباح الخير بيخافوا منك انت وكريم ,,,
_ بصى احنا دلواقتى ف اخر سنه فى ثانويه وداخلين الجامعه ان شاء الله علشان ندرس نخلص الكليه علشان حوارتها كتير وانتى شايفه "كريم" ووعد منى ليكى انا لو لاقيت الانسان بالمواصفات دى دا ليكى صدقينى هوصلك لغايه عنده غير كده لا ..
_ ولو ظهر دلواقتى اقوله استنى ولا اعمل ايه حضرتك الل عاوزنى استنى لما اخلص الكليه
_بصى خليكى ف افلامك ورواياتك والبيتزا والايس كريم وانك تجبيلى سندوتشات الكبده والسجق ل "كريم" بذمتك هو فى احلى من انك تاكلى بيتزا وتتفرجى ع فيلم ولا تقرى روايه هايفهه اقصه رومانسيه ,,
_ اه فى انى اكل او اتفرج او اقرا مع حد بحبه وبيحبنى هى دى السعاده
_ اخواتك موجودين لغايه ما يظهر فارس احلامك تمام ,,,
_ طيب لو ظهر قبل الفتره الل حددتها
_ مش هيظهر ولو ظهر هشوف ساعتها
_ واصلا لو ظهر مثلا فى الكليه انت هتعتقنى
ضحك " زين" : لا طبعا داانا هكتب رغباتى ورغباتك زى بعض فنون جميله
_ يادى النيله انا هعنس بسببك انت ..
_ متقلقليش مش هتعنسى لو ضاقت اوى "كريم" يشيل واهو نعرفه برضه
_ يا سلام وهو "كريم" فاضيلى اصلا .. بعدين انت عارف صحباتى ارتبطوا كام مره
_ اه اعرف لان اغلبهم ارتبط بيهم
_ وانا كده مقضياها اسمع وابتسمتى الهبله ع وشى زى انعام سالوسه بمقولتها المشهوره " ان شاء الله والف الف مبروك "
_ انتى كده احسن .. ع راى "كريم" البنات نوعين نوع مستعجل ع رزقه ودول الل بيدخلوا علاقات مش وقتها ومش مناسبه وغالبا بيفشلوا وبيقضوها مصطفى كامل وبوستات مجاريح وللاسف النوع دا بيكتر ومش فاهم انا سربعتهم دى ع ايه ,,,
_ والنوع التانى ,,؟
_ النوع التانى الل زى حالاات العملات النادره الل حياتها وقلبها ورقه بيضا وبتفكر الف مره قبل ما تدخل علاقه ومبتستعجلش ومش كل واحد يقولها كلمه حلوه تروحله ولا يقولها تعالى اعزمك ع ايس كريم بتجرى .. دول البنات العاقله الل رزقهم هيجى ف وقته فاهمه كل حاجه فى وقته
__ طيب ماهو انت بتقلد كريم ياخويا مقضيها مع البنات ومش حلووين كمان
_ انا مبحبش ازعل حد وكل البنات ع فكره حلووين مش الشكل ممكن صفه فى بنت تشدنى
وبعدين دى اسمها علاقات عامه بحسن من علاقاتى مع الناس ماهو معاملاتى مع الرجاله بيعملى حموض وكرشه نفس انما البنات حاجه كده حلويات نسمه هوا ساعه حر
عاوزانى اسيب كل البنات دى واترهبن دا حتى حرام عليا اسيب النعمه وهى قدامى ,,
زى بالظبط سندوتشات الكبده دى ,,
ضحكت "مريم" ع اسلوب "زين": عاوز اقولك يا "ميما" الملخص ملكيش دعوه بحد يعنى الل ترتبط دا اختيارها مش ضرورى انتى كمان ترتبطى .. متقلديش حد لان انتى من النوع الل هيحب بذمه وانا مش هقدر اشوفك موجوعه داانا اقتله
ابتسمت "مريم": ورايا رجاله
_ طبعا ..
_ طيب بص علشان منتخانقش تانى نعمل اتفاق ؟
_ مش موافق مش هسيبك تعملى الل نفسك فيه وتتحولى الل حبيببه الجماهير
_ لا وعد لو حد كلمنى هقفله بس انت حاول ع قد ما تقدر مااشوفكش مع بنت ولو حصل وشوفت البنت دى اكتر من 3 مرات مش هتعرف ايه الل هيحصلك انا هسيبك تعمل الل نفسك فيه معانه عارفه هيجى ع دماغك فى الاخر
_ ولو لاقيت بنت الحلال اعمل ايه اقولها كان فى وخلص ؟
_ وعد منى زى ما وعدتنى لو لاقيت الل تحبك بجد انا مش هقربلها ماشى
_ ماشى ,, بس مينفعش 4 مرات
_ هما 3 مرات اكتر من كده هنيل الدنيا عليك ولغايه ما تقابل بنت الحلال الل امها داعيه عليها ولا يحصل وتخلى اى واحده اهم منى لو بتعمل ايه اقولك تعالى تسيبها وتيجى عاجبك كده اشطه مش عاجبك هبقى ع وضعى ماهو متبقاش انت وكريم وانا قاعده بتفرج عليكم
_ خلاص خلاص ,, اشطه وبعدين قوليلى جبتى امتى السندوتشات وعرفتى منين انى هاجى
ضحكت "ميما": مش جديده يعنى .. انا كنت عارفه انك هترجع تتخانق معايا وانا هتقمص وانت هتصالحنى فبالتالى انا كمان هصالحك ... بصره يعنى زى كل مره
ضحك "زين" : مبعرفش اسيبك 10 دقايق زعلانه
ضحكت "مريم": علشان احنا ملناش غير بعض ,,
__________________
يتبع <3
بوجود الجميع اصحبا عائله واحده والتماسك ما بينهم كان ملفت لجميع ,, حاول كثيرون الايقاع بيهم والمشاكل لكن تماسكهم مع بعض كان قوه امام اى دخيل ,, وجود "زين" و "مريم" و"كريم" كان بالنسبه ل " محمود" و "كرم" و " سوسن" و "سناء" سعادتهم وبهجتهم وهدفهم فى الحياه ولحظه ظهورهم فى حياتهم تغيرت حياتهم تماما فقرر كلا منهم ان يعوا كل حاجه ليهم ويربوهم ويحتوهم وميكرروش الل حصلهم ..!
مع مرور السنين كان الترابط بين الاطفال اقوى من ترابط الكبار فكانوا دائما مع بعض فى كل الاوقات مجتمعين سويا لعب وهزار وضحك واوقات النوم "زين و "مريم" و "كريم" كانوا بيناموا ف نفس الغرفه ولما كانوا بيحاولو يخرجوا حد منهم ع اوضته كان بيصحى بعياط ,, كان العلاقه بين "زين" و "مريم" اكثر تعلقا ببعضهم وذلك لتقاربهم ف العمر ووجود الاشياء المشركه فيما بينهم ,, فلما كانوا بيروحوا الحضانه كانوا بيلبسوا زى بعض وبيرفضوا رفض تام يلبسوا مختلف ,,اكلهم زى بعض ,, العابهم متقاربه لبعض ,, لما حد يزعل حد فيهم كان التانى بدون تفكير بيضرب الل زعله ,, معاملتهم لبعض كانت ملفته لجميع حتى ظنا من كثره قولهم "اختى " " اخويا" والتشابه فى افعالهم اعتقدا الجميع انهم تؤام ,, كانت فى الحضانه اهتمام "مريم" و "زين" متقاربه فلديهما شغف بالفن ,, فكانت "مريم" تترك الالعاب لان الالوان والرسم والتلويين يستهويها اكثر و "زين" لعب بالصلصال وتشكيل اشكال كانت تعجب الجميع فكانا يبهروا الجميع برغم صغر سنهم ,,لكن "كريم" اختلف عنهم وترك لهم حبهم لفن ..!
كبر كلا من " مريم" و " زين" و "كريم" واصبحا "كريم" 12 سنه و"مريم" 5 سنوات و"زين" 6 سنوات الفارق بينهم 5 شهور ,,وبسبب الشهور القليله بينهم تم قبول زين فى المدرسه و"مريم" اتاجلت لسنه التاليه وكانت هذه اول مره ينفصلا عن بعضهم منذ ولادتهم ,,فى صباح اليوم التالى استيقظت "سوسن" و "محمود" حتى يصتحبا "زين" الى المدرسه فى اول يوم دراسى دخلا غرفه "زين" وجدوه جالس يبكى حاولت "سوسن" تلبسه رفض بشده ونبره عياطه وصوته كانوا عاليين لدرجه هيستريه ,,,:
حاولت "سوسن" تهده "زين: يعنى انت عاوز ايه مش عاوز تروح المدرسه ؟
بصوت عالى : "ميما" تيجى معايا مش هروح لوحدى انا بقى
محمود تدخل ليحاول شرح ل "زين : مش هينفع "مريم" تيجى معاك لسه السنه الجايه انت روح السنادى وهى هتحصلك السنه الجايه
تجاهل "زين" كلام والده واستمر فى الصراخ ولكن هذا الوضع ليس فى منزل "محمود" ولكن فى الشقه المقابله له فى العماره "شقه" كرم " فكانت "مريم" مستيقظه وبدءت فى البكاء ايضا حاولت " سناء" تهدئتها : مالك بس يا "ميما " يا حبيببتى
بصوت باكى : عاوزه اروح مع زيزو المدرسه عااااااا
كرم تدخل : السنه الجايه يا حبيببتى مينفعش كده صدقينى
استمرت بالبكاء " مريم" : عاوزه اروح مع زيزو عاااااااااا
حاولا "محمود" و "سوسن" اجبار " زين" على الذهاب الى المدرسه وبالفعل قاموا بتجهيزه اجبارى قرروا انهم مش هيسمعوا كلامه وكان " زين " يحاول اقصى ما يستطيع عدم النزول لكن مقدرش وبالفعل ذهبوا به الى المدرسه واستمر فى الصراخ لدرجه ان المدرسات مقدروش يسكتوه بكل المحاولات ف اتصلا ب والده اتى واخذه ع البيت وسكت لما شاف " مريم " ومسك ايديها ودخل معاها شقتهم هى بتلعب بالالوان وهو يلعب بالصلصال ,, اتى الليل وكانا جالسان ف غرفه "مريم" يلعبان
تحدث "زين" بصوت خافت وبملامح حزينه: ميما
_ ايوه
_ انا مش عاوزه اروح المدرسه دى من غيرك
_ وانا عاوزه اروح معاك
بملامح حزينه:انا فضلت اعيط اعيط لغايه ما رجعونى
بملامح حزينه:وانا فضلت اعيط اعيط لغايه ما جيت
_مش احنا اخوات
_ايوه
_وانا اكبر منك
_ ايوه بس "كريم" اكبر مننا احنا الاتنين
_ عارف ,, اسمعى كلامى طيب
_عاوز ايه ؟
_ايه رائيك نلعب لعبه ؟
فرحت "مريم" : لعبه .. لعبه ايه ؟
_ بكره لما يصحوا مش يلاقونا ايه رأئيك
مريم بخباثه وفرحه :استغمايه الله ..بس هنستخبى فين ؟
فى هذه اللحظه سمعا صوت خلفهما : السطوح
نظرا بخوف وجدوا "كريم" : كيمو
كريم بصوت خافت :ليكم عندى مكان تستخبوا فيه مش هيجى ع بالهم
نظر له زين بخبث: وهتقولهم ع مكانا صح و"محمود" يزعقلى ؟
_ انا .. ابداا .. انا عارف انكم مش عاوزين تروحوا المدرسه غير مع بعض و متخافش واهو نلعب معاهم ..
نظرت "مريم" ل "زين" ونظرا الاثنين ل " كريم : اوكيه اتفقنا
واتفقوا اتفاق الاطفال ع محاوله لتثبيت رايهم رفضت "مريم" ترك "زين" وأصرت انها هتقعد مع "زين" ,.. وبعد ان نام كل من فى المنزل وبعد اذان الفجر بساعه ايقظ "كريم" كلا من " زين " و " مريم " وبهدؤء تحركا الى اتجاه باب الشقه ..وفتحا الباب وخرجا وتوجها الى السطوح ورجع " كريم" الى الغرفه كان شئ لم يحدث ,ذهبا بهدؤء الى السطح وجلسا بداخل حجره الكراكيب وكان معاهم صلصال ل "زين" و كراسه تلوين والوان مع "مريم " فجلسا وابتدا يلونوا وكان شئ لم يحدث ,,استيقظت " سوسن: حتى تيقظ " زين" لم تجده ووجدت " كريم لوحده .. خرجت تبحث عنه ف غرف الشقه والحمام ولم تجد " مريم " و لا " زين " ف انفزعت وذهبت ل ايقاظ " محمود " :
_الحق يا "محمود" مريم" ولا " زين موجودين " الحقنى
قام مفزوع من ع السرير : بتقولى ازاى مش موجودين شوفيهم كده ف البلكونه دايما يستخبوا هناك ولا فى اوضه "كريم" ولا عند "كرم"
طرقوا باب "كرم" وتفاجئ بعدم بتغيير ملامح "محمود" واتخض بخبر اختفاء "مريم" و "زين ".. :
_ راحوا فين .. وازاى وامتى؟
بتوتر " سوسن": مش عارفه مش عارفين
"كرم" احنا لسه هنسأل يلا ننزل ندور عليهم
نزل الجميع ما عادا "كريم" تركوه نائم وكان يمثل انه نائم ف ابتسم لنجاح اللعبه ,, رجعا ولم يجدوا ولم يراهم احد ,,وانهارت " سناء" و " سوسن" فى البكاء وقررا ابلاغ الشرطه ب اختفائهم .. سمع " كريم بذلك فزع : لا استنوا ..
نظر له "محمود" بغضب : انت تعرف هما فين ..؟
برعب : هتضربنى ؟
توجه له "كرم" : متخافش يا "كريم"مش هيعملك حاجه بس قولنا هما فين ..؟
كريم: هما عاوزين يروحوا المدرسه مع بعض فسمعتهم بيتفقوا يستخبوا ومستخبين فوق فى السطوح
سريعا توجهوا الى السطح ودورو فيه وفتحوا غرفه الكراكيب وجدوا "مريم" نايمه ع كراسه التلوين ولم يجدوا زين بحثوا عنه فى السطح ولم يجدوه ...!
بعد ايقاظهم ل "مريم" سالوها عن مكان "زين" :
_فين " زيزو " يا "ميما "
نظرت حولها "مريم" : هو مجاش ..
قالى هينزل يجبلى شيبسى من السوبر ماركت علشان قولتله جعانه ومرداش انزل معاه ..
نزل مسرعا "محمود" و "كرم" متوجهيين الى السوبر ماركت وجدو "زين " يختبئ بجوار السوبر ماركت حيث لم يراه احد,, ابتسم "كرم" و "محمود" وضحكوا على تصرفاته وهو خايف يتمسك ,, بعد مستوى القلق والتوتر التى كانوا بيها ضحكوا كلا من "محمود وكرم" ع تصرف الصغار فنده عليه :"زيزو"
تفاجئ "زين" : بابا .. عمو
تقدم "محمود" و"كرم" اتجاه زين : تعالى
كرم بهدوء: متخافش تعالى
لم يتحرك "زين"من مكانه مصمم ع شراء الشيبسى :لما عمو اشرف يفتح علشان اجيب شيبسى ل "ميما"
ضحك محمود: تعالى وهنجبلكم لما يفتح تعالى يلا
مشى معاهم ووقف للحظه : انتوا عرفتوا منين مكانى هو "كريم" فتن عليا ؟
ضحك "محمود": هو "كريم" كان عارف ماشى لكن المرادى "ميما"الل فتنت يلا بينا
_يافتانه يا ميما ..عيله
عادا الى شقتهم وبعد اطمئنات الامهات عليهم تحدث "محمود" ضاحكا ع تصرفاتهم
_كل الخطه دى علشان مش عاوز يروح المدرسه لوحده الاستاذ "زين" ماشى
قرب "كرم" من " مريم" : ليه يا ميما عملتوا كده
_ علشان هتبعدوا "زين" عنى
_ دا رايحه المدرسه وانتى هتروحى السنه الجايه
مسك "زين" ايديها : انتوا قولتوا منسبش ايد بعض الاخوات بيفضلوا مع بعض وانا مش عاوز اروح المدرسه من غير " ميما "
_ وانا مش عاوزه اروح مدرسه من غير "زيزو"
"محمود" بص ل "سوسن": يعنى كان لازم ترضيعها 5 شهور فيها ايه لو كانوا مع بعض قرايب كانت المشكله هتبقى اخف من التؤام المتلاصق دا
ضحكت "سوسن": ماهو لو مكنتش رضعتها انا كانت مش هترضع اعمل ايه انا
ضحك محمود" متعمليش احنا هنعمل ايه دلواقتى ...
اثناء حديث الكبار ..كانوا الصغتر بيتكلموا :
"مريم" بتكلم "زين": فين الشيبسى بتاعى ..؟
_ بابا قالى هيجبلنا ومجبتش
سحبت ايديها من ايده : عيل .. تانى مره تقولى هتجبلى شيبسى ومتعرفش
_يعنى انتى الل جبتيلى ماهو كل مره يدوكى الشيبسى بتاعى وبتاكليه وتقولى خلص
_ انا ... طيب مش هديك تانى يلا مخصماك
_ خاصمينى
لاحطت "سناء" شجارهم واتكلمت وهى بتضحك: دلواقتى هيصالحوا بعض استنوا
دقائق ونظرت "مريم" ل " زين" : زيزو .. بص انا لونت ازاى
نظر "زين" ل دفتر التلوين : جميله .. تعالى اوريكى الصلصال بقى عامل ازاى
وامسك ايديها واتجها الى غرفه "زين" .. ضحك "كرم": مبيكملوش 10 دقايق زعل
تحدثت "سناء" : ربنا يخليهم لبعض اخوات ومينفعش يزعلوا من بعض
ونظر "محمود" ل " كريم " بغضب : وانت
للحظه نظر "كريم" اتجاه " مريم وزين: استنونى جى معاكم
ضحك الجميع بهروب "كريم" من "محمود" وضحك "كرم" بشده: ايه العيال دى احنا مكناش اطفال ضاعت هيبه الكبار وسمعان الكلام ...
_ اطفال مين ياعم "كرم" داانا فاكر من طفولتى سندوتشات المربى بس
ضحكت "سوسن" : طيب دلواقتى هنعمل ايه فى الموضوع دا ؟
تنهد "محمود" : فى ايه ؟
_ المدرسه الل المفروض "زين" يروحها
بحده تحدث "محمود" هيروح طبعا مفيش دلع
تحدثت "سناء" : ويتكرر تانى الل حصل المرادى وعدت المره الجايه هينزلوا ع الشارع ومش عارفين ممكن يحصل ايه ..
تنهد "كرم": يعنى دلواقتى "زين" مش هيروح مكان من غير " مريم " .. و "مريم" لسه السنه الجايه يبقى الحل نأجل سنه ل "زين" من المدرسه ويدخل معاها من السنه الجايه وخلاص .. مش هتفرق كتير افضل ما يعملوا تصرف لمجرد انهم بعدوا عن بعض ,,
"محمود" : فعلا مفيش حل غير كده مش كنتى يا " سناء" حملتى بدرى وولدتى بدرى مع "سوسن "
ضحكت "سناء" : معلش اصل وقتها كانت رايحه عليا نومه
ضحكوا الجميع ع كلام "سناء" و ع تصرفات "مريم" و "زين" و "كريم "..!
كان " مريم" و "زين" مثل التؤام المتلاصق لا يفارقان بعضها ابدا حتى اوقات النوم يناموا ف غرفه واحده ياكلا سويا .. يخرجا سويا .. حتى عندما يقوما بشراء ملابس يختارا زى بعض ولبعض ومعاهم "كريم" برغم صغر سنهم الا انهم صنعا عالمهم الخاص الغير خاضع لسيطره الكبار لهم ,, مرت مرحله الابتدائيه لكلا من "مريم" و "زين" وكانت " مريم" متفوقه هى و:زين" وحبها لرسم وحب "زين" لنحت ادخلهما مسابقات فى المدرسه وكانوا يحرزون المراكز الاولى لموهبتهم ,, من وقت ما ابتدوا يطلعوا السطح وبقوا كل مره ياخدوا ادواتهم ويتوجهو الى السطح ولما بيدوروا عليهم كانوا يلاقوهم فوق ومعاهم "كريم" بيذاكر .. استمر هكذا حتى وصلا الى 3 اعدادى وكان "كريم" التحق بالجامعه فى القاهره واصر ع ذلك لسبب غير معروف .,,!
فى يوم ما كانا "مريم" و "زين" يجلسون سويا ع طاوله العشاء فى منزل "زين" نظرا لبعضهم ف تذكر "زين " محادثته منذ قليل مع " مريم "
"فلاش باك منذ ساعه ":
_ متقوليلهم انتى هو انتى صغيره ؟
_ يا" زيزو" انت الراجل مش انت ع طول تقولى انا الراجل بتاعك وبتخوف العيال واخويا وكده "كريم" مش هنا كان اتكلم معاهم ف انت تتكلم وهتلاقينى ف ضهرك متخفش
نظرا لها متعجبا: يا سلام .. زى كل مره فاكره اخر مره لما طلبت من ابوكى اننا نجيب قطه وانتى الل زقتينى وخلتيهم يتريقوا عليا وابص عليكى القيكى اختفيتى صح ,,
بتضحك "مريم" : ماهو انا نسيت ان "ماما" ومامتك" عندهم حساسيه من القطط
_ اه ..علشان كده بعدها دخلتى قطه البيت ولما سألوكى رمتيها عليا وقولتى "زين" الل دخلها وشيلت انا التهزيق كله يومها واتعاقبت انى اتحبس ف البيت صح
_ ماهو انا مسبتكش وقعدت معاك الله نسيت دى ,,
_ انسى مش هتكلم عاوزه حاجه روحيلهم ..
بنبره زعل " مريم": كده يا زيزو .. وهو انا لو مطبتش منك هطلب من مين "كريم" مش هنا وانت بتقولى لا ,, يعنى انا لوحدى ومفيش حد و ...
نظر لها "زين" انت هتعيطى ولا ايه
شعرت "مريم" بليونه "زين" واستغلت نقطه انه مبيحبهاش يشوفها بتعيط ف استخدمت السلاح ضده : ماهو اعمل ايه مفيش ب ايدى حاجه اعملها و الموضوع دا لينا احنا الاتنين يعنى مفكرتش فى نفسى لوحدى ,, احنا عاوزين مكان لوحدنا نبقى براحتنا فيه وموجود وناقص بس موافقتهم ,, يلا انت بس وانا فى ضهرك >>!
صمت "زين" وتاثره بكلام "مريم" وافق ,,,!
وهما قاعدين :
غمزت "مريم " ل "زين" فتنحنح "زين :
احم ..احم.. بابا .. عمو كرم عاوزكم ف موضوع
_ خير يا زيزو ؟
نظر "زين" ل "مريم فحمسته : انا ومريم عاوزين نطلع فوق السطح
ضحك والدها .. تحدث "محمود" : وهو انتم من امتى بتستاذنوا مانتم ع طول بتطلعوا
_ لا ماااحنا هنقعد فوق ع طول
تعجب " كرم" : نعم .. ازاى يعنى ؟
خبطت "مريم" رجل " زين " علشان يوضح كلامه : اقصد .. الاوضتين الل فوق فى السطح انا وميما محتاجينهم .. نحط فيهم ادوات رسمنا بدل ما بنكركب الاوضه ونبهدل السجاد وسناء وسوسن بيقعدوا يزعقولنا ,,, ف احنا دورنا ع مكان نلم فيه كراكيبنا وبس كده
_اها
تدخلت "مريم" : واحنا مش صغيرين متخافوش علينا احنا استاذنا طنط سميره مرات صاحب العماره قالتلنا استاذنوا اهلكم .,,الاوضتين فيهم كراكيب هنفضيهم ونقعد فيهم يعنى وقت فراغنا واحنا كبرنا خلاص رايحين اولى ثانوى عاوزين تركيز ونفسيه سليمه
نظر "محمود" ل "كرم" : الحق ياابو كرم " مريم" و"زين" بيدروا ع نفسيه سليمه مش بعيد "كريم" يقولى عاوز ابنيله اوضه هو كمان
تحدث " زين " سريعا: لالالا "كريم" مبيحبش يرسم ولا يلون "كريم" بيحب يعاكس البنات الحلوه الل معاه ف الكليه فى القاهره
ضحك كلا " كرم" و " محمود " : طيب هنشوف الموضوع دا
ركلت "مريم" رجل " زين" فتحدث: طيب
تحدثت "مريم" سريعا: طيب يا "زيزو" يعنى خلاص جهز حاجتك
نظرا "محمود" ليهم : هو احنا وافقنا .. لسه هنشوف..!
نظر "زين" ل والده بضحكه: يا حوده ماهو هنشوف يعنى خلاص خلصت وبعدين احنا داخلين ع ثانويه عامه ومحتاجين نفسيه متظبطه و مستقبل هيضيع ..
مريم اندمجت : اه يا جماعه النفسيه اهم من البتنجان المقلى يعنى نفسيتنا تتظبط هتلاقوا الدنيا متظبطه واحنا بنقولكم فوق فى السطح مقولناش هنهاجر البحيره ..
نظرت "مريم" ل " زين " وغمزت له :اشطه يا زيزو يلا نقوم نجمع حاجتنا علشان بكره نطلع نروق الاوضتين يلا قوم كفايه اكل قوم
شدت "مريم" "زين" من على طاوله الطعام ونظرا كلا من " محمود وكرم" لبعضهما متعجبين من تصرفات اولادهم : شايف العيال يا كرم ...
_احنا الل عيال يا محمود ..
دخلا كلامن " زين و مريم" : انت شدتينى ليه مااكلتش
_ ماهو يا طفس لو هتاكل لسه كانوا هيترددوا انما كده انا اخدنا موافقتهم خطف
_اه صح
_ وبعدين متقلقش تعالى بص " فتحت درج مكتبها " انا شايله الشيبسيات دى من امبارح يلا نتسلى فيهم ولما يقوموا هنخطف الاكل زى العاده من المطبخ وناكل تحت السرير
ضحك "زين" :تمام ...
وافق كلا من "محمود" و "كرم" واتكلموا مع صاحبه العماره وتم استأجر الغرفتين اعلى العماره بالسطح وفرح كلا من "زين" و "مريم" فقاما سريعا بتوضيبها وتنضيفها وفى خلال اسبوع كانت جاهزه والسطح جاهز ونظيف ووضوع زرع وطاوله وكراسى جديده ,, ففرحتهم بمساحتهم الخاصه ومكانهم الخاص السطح ,, وضبت "مريم" الغرفه ووضعت فيها كل ادوات الرسم الخاصه بيها وايضا قام "زين" بالمثل فى الغرفه المقابله لها وكتبا على باب كلا من الغرف " مقر البرنسيس " " مقر اللورد " وكتبا لافته عند مدخل السطح " منطقه محظوره لغير المرغوب فيهم هتدخل تتفلسف وترخم ارجع احسن ما تتبهدل لو اتقفشت ليلتك سوده المود لما بيفصل بيقلب ع سواد كحل وانت الل هتشرب اللمبه تكون شغاله اعرف ان المنطقه دى بتكهرب .. والاطفال يناموا بدرى بدل ما هنعلقهم الطلوع هنا بمواعيد احنا هنقولكم عليها والاحسن متطلعوش علشان هنخنق عليكم ,, كفايه كده وشكرا لحسن استماعكم .. غورو يلا .. امضاء " ميما _ زيزو"
بهذه الافته اكدا حقهم ف السطح وحاولا ابناء العماره يرخموا عليهم فكانت دايما الرخامه تنتهى بخناقه و"مريم" و "زين" الل بيكسبوا لانهم كانوا بيضربوا العيال فعلا ,, ف اعتبر السطح عالمهما الخاص فكان حدود خروجهم المطعم والبيت والغرفتين فى السطح ولما "كريم" بينزل اسكندريه "زياره" بيخرجوا مع بعض ,,!
دخلا المرحله الثانويه وكانا فى السنه الاخيره ومن حبهم وتعمقهم فى الرسم والنحت بقى حلمهم كلا منهما ان يدخلا كليه " فنون جميله " فكان يذهبان الدروس سويا وبيذاكرو مع بعض وكانوا بيشجعوا بعض ع حلمهم ولكن كان "زين" نوعا ما شخصيته تعشق اللهو مع الفتيات فكانت "مريم" تراقبه وتصده ,, فكان معاها "باسورد الفيس والانستجرام والكود الموبيل " فكانت ترسل ل الفتيات التى يعرفهم رسائل غير لطيفه فبيبعدوا عنه ويعرف انها "مريم " لما بيكتشف الامر ويتعاركا ثم يتصالحا سريعا ..!!
جه عيد ميلاد "مريم" واحتفلوا به فى المطعم ولكن الفرحه كانت ناقصه علشان "كريم" مش موجود وكانت "مريم" حزينه ,, لكن وهما بيطفوا الشمع فتحت عنيها لاقت "كريم" و"زين" ماسكين علبه بيتزا كبيره : كل سنه وانتى طيبه يا طفسه
مسكت البيتزا وفرحت وابتسمت ابتسامه الفرحه : ايوه كده عيد ميلادى دا
نظرا "زين" و "كريم" لبعضهم وضحكا ... !!
بعد العيد الميلاد جلس "محمود" مع "كريم" :
_ ايه يا "كريم" انت ناوى تطول ف الكليه ولا ايه مش هتخلص ؟
ابتسم "كريم": والله يا حوده مش عارفهى مش عاوزه تسبنى ولا انا الل قافش فيها
_ لا مينفعش كده خلص وتعالى علشان تشوف مستقبلك واطمن عليك ونفرح
نظر " كريم" ل "محمود" وكان بيبص ع "مريم" : ربنا يسهل يا حوده ادعيلى انت بس
_ يارب عجل فرحتنا
فى اللحظه دى جت"مريم" ومسكت ايد "كريم" : تعالى يا كيمو نتصور
قام وقف معاها ومع "زين" وكانوا بيتصوروا وقعدوا يهزروا ويضحكوا مع بعض ونظر لهم "محمود" : يارب ما يبعدكم عن بعض وتفضلوا قصاد عينى كده دايما وافرح بيك يا كريم انت ومريم ...!
انتهى العيد الميلاد وذهبا "كريم" و "زين" و "مريم" يخرجوا وسهروا ع البحر للفجر وبعدين رجعوا ع البيت ناموا ...!
فى يوم كان "زين" جالس مع " مريم" فى المطعم ورن موابيلها وكانت رساله ع الواتس وهى مكنتش قاعده كانت فى الحمام وفضول "زين" فتح الموبيل ولان كلمه السر معروفه وهى تاريخ ميلاد "زين" ف اتفاجئ بانها رساله من جارهم "عماد" " مردتيش عليا يا ميما ينفع اقابلك عاوز اقولك حاجه مهمه وهعزمك على ايس كريم الل طلبتيه " مجرد ما شاف اسم "عماد" اشتعل غضبا " ايس كريم ان شاء الله تطفحه " ف ارسل له رساله ردا ع رسالته يقابله على اول الشارع امام السوبر ماركت,, ومسح الرساله بسرعه ورجعت "مريم" فقام بسرعه وقالها انه رايح مشوار وراجع ,, وقف بعيد بيراقب السوبر ماركت حتى ظهر " عماد " جارهم وسريعا اتوجه ناحيته وبدون مقدمات اتكلم "زين" :
_ ايه ياترى الل عاوز تقوله ل ميما اختى يا "عماد"
ارتبك "عماد" : ها ؟
_ ها .. مش انت بعتلها هى مش فاضيه والايس كريم مش عاوزه بيعملها تلبك معوى و انا جيت بدالها انت عاوزها فى ايه وبتبعتلها رساله ليه
طريقه "زين" العصبيه اسكتت "عماد" : بص يا "عماد" مش عاوز اعرف انت عاوزها ليه علشان لو عرفت مش هقدر اتمالك نفسى و هضربك وهنلم علينا الناس بس عاوز اقولك متفكرش تبعتلها زفت رسايل تانى لانك هتلاقينى انا ف وشك فاهم .. يلا امشى
احرج "عماد" وذهب سريعا ورجع "زين" الى المطعم وينظر ل " ميما " نظره غضب
_ مالك
_ مش قولتلك انا متتكلميش مع الل اسمه "عماد" دا ؟
_ها
بنبره غضب :هو كل ما اكلم حد انهارده يقولى يقول ها هوا يأويكم منك له للاخر مره لو شوفتك واقفه بتسلمى عليه حتى هديكى ع قفاكى قدامه فاهمه ..
_ ايه يا "زين" ما ممكن ميكنش قاصد حاجه الله ..
بيحاول يتمالك نفسه: يا هبله دا د عاوز يتسلى مش بتاع رومانسيات زيك دا ميعرفش الفرق بين سيف على خان وشاروخان ايه دا فاكر شاروخان هو اميتاب بتشان ومبيكبرش وبيعمل كده علشان يقربلك يا متخلفه وانتى هبله لما تلاقى حد يتكلم معاكى فى افلام الرومانسيه بتروحى ع طول ايه عندك حرمان عاطفى بتحبى ع نفسك ...
_ متتريقش عليا وع مشاعرى ولا الافلام الل بشوفها لو سمحت وبعدين انت بتعلى صوتك علشان متخلنيش اسالك صح انت فتحت موبيلى ليه مش احنا اتفقنا مش هنط لبعض ف الموبيلات ..علشان تعرف ان انت الل بتبتدى وبتزعل منى بعدين ,,,
_ ممكن تفهينى كان عاوز منك ايه ها علشان تدافعى عنه كده ,, وايه الايس كريم الل عاوزه تطفحيه ويجبهولك دا ,, ايس كريم حبكم ولا ايه ..؟
بهدوء اتكلمت "مريم" : بتتريق ماشى ... وبعدين هيكون عاوز ايه يعنى كسب ماتش الكوره ولما قابته قدام باب العماره وقالى وشك حلوعلشان شافنى قبل ما يروحج يلعب ودعيتله وقالى لو كسبت ليكى عندى حاجه حلوه وقلتله ايس كريم الل ب 2 جنى حتى مطمعتش ب الل ب 5 جنى وهو كان هيجبهولى وهيمشى
_ نعم دعيتيله ليه رابعه العدويه قدامى ..دا بيضحك عليكى يا هبله
_ بقولك دا كان هيعزمنى ع ايس كريم بس هو انا قولتلك هيبوسنى انت متعصب ليه
نظر لها " زين " بغضب : باسك الترم يا شيخه ..وهو انتى محرومه ايس كريم ماانتى ع طول بتطفحى وبجبلك محرومه راحه تطلبى منه
تغيرت ملامح وجه "مريم" وبنبره عصبيه: ماهو حضرتك نفضتلى ولما قلتلى هجبلك ورحت طفحت اخته ايس كريم عادى بقى اخوها يجبلى اشمعنى هى
اقترب "زين" ل " مريم" غاضبا : خلاصه الكلام لمى نفسك يا "ميما" ومتتكلميش مع الواد دا تانى خلص الكلام
ومشى غاضبا "زين" وجلست "ميما حزينه: كنت هاكل الايس كريم وهقلبه الهى يتسد نفسك يا "زين" ..
بعد الشجار الل حصل بينهم ب اسبوع فى يوم ذهبا "مريم" و "زين" الى درس لمراجعه ليله الامتحان لماده اللغه العربيه فى السنتر فكانت تقف "مريم" مع اصدقائها البنات لان "زين" مانعها تقف مع ولاد وكان بيراقبها وكان " زين" يقف مع زملائه الولاد وكانت "مريم" بتراقبه لو وقف مع بنت بتقفشه وبتعرف السنتر كله ,, و"مريم" واقفه بتبص ع زين مش لاقته واقف مع اصحابه راحت تدور عليه فوجدته واقف مع بنت من السنتر اقتربت منهم تتصنت على كلامهم :
_احنا مش اتفقنا منلفتش نظر حد هنا ف السنتر
_ ايوه
_ ليه بقى نديتى عليا هنا كده
ب استغراب : مش انت الل بعتلى رساله الصبح وقولتلى انك عاوز تقولى حاجه ضرورى وانى وحشاك
تعجب "زين" لانه ما بعتش اى رسايل ل حد الصبح وافتكر الصبح "مريم" جاتله اوضته وخرج وسابها ولاقاها خارجه من الغرفه ماسكه موبيله ونزلوا فعرف انها هى الل بعتت الرساله انتقاما لانه مسك موابيلها فررد غضبا: ميما ..ميما ,, طيب اوكيه بعدين هقولك علشان دلواقتى ممكن اى حد يشوفنا وخصوصا الفيل الصغير بتاعى
_ ضحكت الفتاه .. تقصد " مريم"
_ هو فى غيرها ..
_ صحيح يا زيزو ازاى "ميما " اختك واسمكم مش زى بعض لا الام ولا الاب
من غيظ "زين" : الرضاعه مش شايفانى رفيع ازاى وهى ناقصلها زلومه شفتت اللبن كله انا علقولى محاليل وانا طفل رضيع تخيلى كنت ضعيف اووى ..
بدلع اتكلمت البنت :يا حرام يا "زيزو"
عاكسها "زين" يا عيون زيزو
ضحكت الفتاه من طريقه "زين" الكوميديه وفى نفس اللحظه شعرت" ميما" بالغيظ بسبب تشبيه "زين" لها "بالفيل" امسكت موابيلها : هوريك انا الفيل ابو زلومه دا هيعمل ايه ؟
قبل ان يغير "زين" الباسورد الفيس سريعا قامت ب ارسال رسائل ل البنات الل "زين" بيكلمهم فى السنتر يذهبوا للمكان الى هو واقف فيه مع البنت وفاجاءه وجد نفسه "زين" محيط بالبنات الل يعرفهم وهما اتفاجئوا ببعض لان "زين" كان شارط عليهم ان علاقتهم تكون ف السر علشان محدش يعرف فيهم وكان بيقابلهم بره السنتر .. فسمع كلمات ونظرات تحقيرا له ,,وكان لا يهتم بكلامهم ع قد ما كان يشتعل من الغضب بسبب افعال "مريم" تركهم وذهب مسرعا للبحث عن " مريم " وجدها دخلت قاعه التى بها محاضره المراجعه فنظر لها بغيظ فضحكت ,, حضرا المحاضره وعادا الى البيت وسريعا ذهبت "مريم" الى شقتها ودخلت غرفتها وقفلت الباب بالمفتاح وراح وراها بسرعه "زين" لكن ملحقهاش ومردتش تفتح الباب : ماشى يا ميما ماشى مسيرك تقعى فى ايدى
رددت عليه من خلف الباب : ليه شايفنى ملوخيه وانت المخرطه
_ ليكى واقعه يا ميما ...
عدى الموقف وحضرا الامتحان وعادا الى المطعم سويا زى كل مره بعد امتحان ليهم وفى هذه اللحظه رن موبيل "زين" فسمعت " اوك نص ساعه هتلاقينى عندك فى سان ستفانو ..
بفضول حاولت "مريم" تعرف بيكلم مين : بتكلم مين يا "زيزو"
_ هقابل واحد صاحبى وراجع
شكت " ميما " .. وانتظرت حتى ذهب الى الحمام وفتحت الموبيل وجدت اسم "اميره" وعرفت انها جارتهم اخت "عماد " : تانى يا "زيزو" ماشى
بعد ذهاب "زين" بلحظات ارسلت "مريم" رساله ل "عماد" ,, وبالفعل عندما وصل "زين" بدقائق ظهر امامهم "عماد" وبدء بالحوار :
_ عماد
ضحك" عماد" : ياترى واقف مع اختى عاوز ايه يا "زين"
تردد زين: دا ..دا ...
سريعا جاوبت "اميره" : كنت طلبت منه ورق مراجعه وقالى هيدهالى
نظر اليها "زين" واكد ع كلامها : اه ورقه المراجعه انت عارف ثانويه وبتاع و.. ع اذنكم
امسك "عماد" بذراع "زين" وهمس له وبنبره غضب : شفت الدنيا دواره ,,انا مش عاوز اشوفك واقف مع اختى يا "زين" علشان انا لو ضربتك دلواقتى هيكون معايا حق اخ وقفش اخته واقفه ف الشارع مع شاب مفيش بنت ف المنطقه عدت من ايده ,,هعديها لكن لو اتكررت مش هقولك الل هيحصل ..
تغيرت ملامح "زين" وامسك "عماد" ايد اخته ومشيوا "وزين" كان فى قمه الغضب ,, رجع الى البيت مش طايق حد شافته "مريم" وراحتله شقته : مالك
_ مفيش
ب نبره سخريه "مريم" : عماد قفشك وبوظ عليك الميعاد الغرامى و
فنظر لها " زين " بغضب : يبقى انتى الل بعتيله
قامت "مريم" من مكانها واقفه خلف الكرسى : انت هتطلعها عليا ولا ايه
بنبره عصبيه : انت ايه حشرك ف موبيلى مش قلنا مش هنمسك موابيلات بعض موقف السنتر عديته وقولت بترديلى الل عملته لكن ليه كده ها ؟
بنبره صوت عاليه :ماهو انت متحللش ليك حاجات وتحرمها عليا
_ وانت مالك بيا ..انا ولد اعمل الل اعمله انتى مالك
_ نعم ياخويا .. ايه ولد وبراحتك دى .ليه ع اساس الل هتقابلهم ولاد مش بنات ,, قفشت عليا لما "عماد" حب يعزمنى ع ايس كريم وانت طلعت مقضيها مع اخته المسهوكه لا وايه الاستاذ "كريم" كان مصاحبلى اخته التانيه انتم واخدين عيله شاروه دى ولا ايه
_ ميما .. غورى واشوفك ماسكه موبيلى تانى
بملامح زعل : بتزعقلى يا "زين" علشان "اميره.. ماشى يازين ماشى
خرجت "مريم" غاضبه من زعيق "زين" ليها وذهبت الى السطح واغلقت ع نفسها المرسم الخاص بها وبعد قليل بعد ان هدا زين .. ذهب لها مع "بيتزا.. وايس كريم " وخبط ع الباب : ميما .. ميما
مريم من خلف الباب : عاوز ايه تانى مش كفايه ولا عاوز تكمل ؟
_ افتحى الباب .. انا متاسف انتى الل بتخلينى ازعق
وقفت ورا الباب وحطت ايديها ع وسطها :نعم ... شوفت انت بتعمل ايه وبتفضل بنات تانيه عليا تنفض ل اختك الل ملهاش غيرك ..مش كفايه " كريم" من وقت ما دخل الكليه فى القاهره مبقناش نشوفه وعمال يسقط علشان بيتسرمح مع البنات ولما بيجى بيثبتنى بخروجه ..انتم الاتنين بعتونى علشان بنات تانيه ,,
_ خلاص متزعليش بقى,, افتحى الباب بس وهتشوفى حاجه بتحبيها
ترددت " مريم" : لا مش فاتحه
_ هتندمى ... وعمتا لو مش عاوزه البت "اميره" صاحيه اهى هبعته ليها واهو افتح معاها سكه بدل الل انتى عملتيه
فتحت الباب سريعا : ان شاء الله تطفحها
شافت البيتزا والايس كريم ابتسمت : الله ..
مسك علبه البيتزا وجلست امام طاوله موضوعه على السطح : اه لحظه
دخلت المرسم وخرجت بشنطه فيها سندوتشات : امسك
فتح "زين" الشنطه : ايه دا سندوتشات كبده
_ من عند عم عبده ومشطشطه .. قلت اصالحك بيهم لكن لاقيتك بتزعقلى كنت هرميهم لكلب الجيران
_ فشر كلب ايه ههون عليكى
_ ماهو انا هنت عليك ..
_ فشر .. ولا مليون كلمه فى اغنيه تكفى وصف "ميما" بنت كرم ياعنيا
ضحكت "مريم" على كلام "زين": ماشى ماشى
فتح السندوتشات وابتدا تناولها بلهفه وتناولت "مريم" البيتزا بلهفه .. فكانت هذه وسيله المصالحه بينهم "الاكل " ...
_ نفسى اعرف بتعرفى الباسورد منين ؟
ضحكت "مريم":ماهو انت بتنساه فبتكتبه فى النوتس الل ع المكتب فا انا كل يوم بفتحها واشوف اخر Update ايه وماشاء الله عليك مبتحرمش ...
_ وانت مغيرتهوش ليه بتاعك ؟
_ اصلك هتفتحه وهتهكر الايميلات والموبيل وهضايق واتخنق ونضرب بعض فليه اعمل كده مدام اقدر اضايقك لو ضايقتنى بسيطه العضلات مش الحل يا "زيزو"
_ ماهو انتى بتصرفاتك الل بتضايقنى كذا مره اقولك متتساهليش مع اى ولد يكلمك فى السنتر حدود الدرس غير كده لا ,,الجيران مش كلهم وعرفينى وانا هقولك لكن القيكى رايحه عزومه ايس كريم الهى تطفحيه يا شيخه
_ان شاء الله الل يكرهونى ماهو انت الاسبوع الل فات بعد الدرس رجعنا ع البيت وانت قولتلى رايح تجيب حاجه وصدقتك وبعدها ب ساعتين الاقى المعصعصه "اميره" رفعت صوره ع الانستجرام وبتقولك ميرسى يا زيزو ..
_ ميما يا اختى انا عارف بعمل ايه لكن انتى اى حد بيقولك كلمه حلوه بتسرحى انت فاكره نفسك جوه فيلم هندى ولا فيلم ابيض واسود من الل بتشوفيهم ,, حب ورومانسيات كله تثبيت يا حبيببتى دول بيقولوا كلام ف التليفزيون علشان ياخدوا فلوس لكن مفيش من الل بتشوفيه دا فوقى ..
_ ليه يعنى اكيد فى واحد هيقابلنى ويحبنى ويموت فيا وانا ع يقين بكده وهحبه واموت فيه وهنعيش احلى من الافلام كمان بس انت غور عنى شويا لحسن بتكون فك مفترس وبتطفش اى حد بيفكر يقولى صباح الخير بيخافوا منك انت وكريم ,,,
_ بصى احنا دلواقتى ف اخر سنه فى ثانويه وداخلين الجامعه ان شاء الله علشان ندرس نخلص الكليه علشان حوارتها كتير وانتى شايفه "كريم" ووعد منى ليكى انا لو لاقيت الانسان بالمواصفات دى دا ليكى صدقينى هوصلك لغايه عنده غير كده لا ..
_ ولو ظهر دلواقتى اقوله استنى ولا اعمل ايه حضرتك الل عاوزنى استنى لما اخلص الكليه
_بصى خليكى ف افلامك ورواياتك والبيتزا والايس كريم وانك تجبيلى سندوتشات الكبده والسجق ل "كريم" بذمتك هو فى احلى من انك تاكلى بيتزا وتتفرجى ع فيلم ولا تقرى روايه هايفهه اقصه رومانسيه ,,
_ اه فى انى اكل او اتفرج او اقرا مع حد بحبه وبيحبنى هى دى السعاده
_ اخواتك موجودين لغايه ما يظهر فارس احلامك تمام ,,,
_ طيب لو ظهر قبل الفتره الل حددتها
_ مش هيظهر ولو ظهر هشوف ساعتها
_ واصلا لو ظهر مثلا فى الكليه انت هتعتقنى
ضحك " زين" : لا طبعا داانا هكتب رغباتى ورغباتك زى بعض فنون جميله
_ يادى النيله انا هعنس بسببك انت ..
_ متقلقليش مش هتعنسى لو ضاقت اوى "كريم" يشيل واهو نعرفه برضه
_ يا سلام وهو "كريم" فاضيلى اصلا .. بعدين انت عارف صحباتى ارتبطوا كام مره
_ اه اعرف لان اغلبهم ارتبط بيهم
_ وانا كده مقضياها اسمع وابتسمتى الهبله ع وشى زى انعام سالوسه بمقولتها المشهوره " ان شاء الله والف الف مبروك "
_ انتى كده احسن .. ع راى "كريم" البنات نوعين نوع مستعجل ع رزقه ودول الل بيدخلوا علاقات مش وقتها ومش مناسبه وغالبا بيفشلوا وبيقضوها مصطفى كامل وبوستات مجاريح وللاسف النوع دا بيكتر ومش فاهم انا سربعتهم دى ع ايه ,,,
_ والنوع التانى ,,؟
_ النوع التانى الل زى حالاات العملات النادره الل حياتها وقلبها ورقه بيضا وبتفكر الف مره قبل ما تدخل علاقه ومبتستعجلش ومش كل واحد يقولها كلمه حلوه تروحله ولا يقولها تعالى اعزمك ع ايس كريم بتجرى .. دول البنات العاقله الل رزقهم هيجى ف وقته فاهمه كل حاجه فى وقته
__ طيب ماهو انت بتقلد كريم ياخويا مقضيها مع البنات ومش حلووين كمان
_ انا مبحبش ازعل حد وكل البنات ع فكره حلووين مش الشكل ممكن صفه فى بنت تشدنى
وبعدين دى اسمها علاقات عامه بحسن من علاقاتى مع الناس ماهو معاملاتى مع الرجاله بيعملى حموض وكرشه نفس انما البنات حاجه كده حلويات نسمه هوا ساعه حر
عاوزانى اسيب كل البنات دى واترهبن دا حتى حرام عليا اسيب النعمه وهى قدامى ,,
زى بالظبط سندوتشات الكبده دى ,,
ضحكت "مريم" ع اسلوب "زين": عاوز اقولك يا "ميما" الملخص ملكيش دعوه بحد يعنى الل ترتبط دا اختيارها مش ضرورى انتى كمان ترتبطى .. متقلديش حد لان انتى من النوع الل هيحب بذمه وانا مش هقدر اشوفك موجوعه داانا اقتله
ابتسمت "مريم": ورايا رجاله
_ طبعا ..
_ طيب بص علشان منتخانقش تانى نعمل اتفاق ؟
_ مش موافق مش هسيبك تعملى الل نفسك فيه وتتحولى الل حبيببه الجماهير
_ لا وعد لو حد كلمنى هقفله بس انت حاول ع قد ما تقدر مااشوفكش مع بنت ولو حصل وشوفت البنت دى اكتر من 3 مرات مش هتعرف ايه الل هيحصلك انا هسيبك تعمل الل نفسك فيه معانه عارفه هيجى ع دماغك فى الاخر
_ ولو لاقيت بنت الحلال اعمل ايه اقولها كان فى وخلص ؟
_ وعد منى زى ما وعدتنى لو لاقيت الل تحبك بجد انا مش هقربلها ماشى
_ ماشى ,, بس مينفعش 4 مرات
_ هما 3 مرات اكتر من كده هنيل الدنيا عليك ولغايه ما تقابل بنت الحلال الل امها داعيه عليها ولا يحصل وتخلى اى واحده اهم منى لو بتعمل ايه اقولك تعالى تسيبها وتيجى عاجبك كده اشطه مش عاجبك هبقى ع وضعى ماهو متبقاش انت وكريم وانا قاعده بتفرج عليكم
_ خلاص خلاص ,, اشطه وبعدين قوليلى جبتى امتى السندوتشات وعرفتى منين انى هاجى
ضحكت "ميما": مش جديده يعنى .. انا كنت عارفه انك هترجع تتخانق معايا وانا هتقمص وانت هتصالحنى فبالتالى انا كمان هصالحك ... بصره يعنى زى كل مره
ضحك "زين" : مبعرفش اسيبك 10 دقايق زعلانه
ضحكت "مريم": علشان احنا ملناش غير بعض ,,
__________________
يتبع <3
ليست هناك تعليقات:
إرسال تعليق