(5)
بدءت امتحانات الثانويه العامه وفى ليله اول امتحان كان "زين" و "مريم" يجلسان سويا لمراجعه الماده وحدث هذا المشهد الكوميدى :
امسك "زين" بطنه: اه .اه .. انا رايح الحمام
بعده بلحظات ذهبت "مريم" ماسكه بطنها وتخبط بشده على باب الحمام: انجز يا زين مش قادره
عادا الى طاوله المذاكره فامسكت "مريم" بطنها وذهبت الى الحمام وبعدها ب لحظات ذهب "زين : ميما ... ميما انجزى بدل ما ازروطلكم الشقه انجزى
لاحظت "سوسن" و "سناء" تكرار هذا المشهد فى نص ساعه :
"سناء" متعجبا: فى ايه يا ولاد هو انتم اكلتم ايه ؟
"سوسن" بتضحك : ليله الامتحان بقى يا سناء متركزيش
بنبره قلق تحدث "سناء" : لا كده اوفر دول الاتنين فى نص ساعه دخلوا الحمام 10 مرات
بتضحك "سوسن" : قلق ..وخوف هو الل عامل فيهم كده بعد امتحانين هيبقوا تمام .. متركزيش معاهم مش اول سنه يعنى
بعد انتهاء المشهد الحمام جلسا ينظرا الى ورق المراجعه :
ضحكت "مريم" : هو احنا هنمتحن بجد بكره
_ لا خالص احنا رايحين انترفيو لغه عربيه
ظهرت علامات التوتر ع وجه "مريم" : انا نسيت الل ذاكرته مش فاكره
_ متقلقيش غصب عنك هتفتكرى لما تلاقى الاسئله
_ مش كانوا يمتحنونا مع بعض فى لجنه واحده كده يفصلوا البنات والولاد ..
_ لما ابوكى وابويا يلاقوا عروسه البحر الدهب ويبعوها هيبنولنا مدرسه ولو عاوز تستنيهم عادى اسقطى واقعدى جنبهم
خبطت "مريم" كتف "زين" : لما اشوف اللماضه دى بكره
فى اللحظه دى رن هاتف "مريم " وكان من جروب الواتس و"عماد" رسل رساله تشجيع ل :مريم " وشافها " زين " فتنحت "مريم" : والله ما كلمته هو الل بعت لوحده ما انا مرزوعه قدامك وجنبك بقالى اسبوع
مسك "زين" الموبيل وقام ب اشغال الكاميرا الاماميه والتقط صوره سيلفى له هو و "مريم " وكتب اسفلها " شكرا ع تشجيعك احنا تمام ..خليك فى نفسك "
قام ب ارسالها ونظر كلا من "مريم" و "زين" لبعضهما وضحكا بطريقه هيستريه واستمرا اغلب الليل ف هزار وضحك حتى ذهبا الى الامتحان وكانت "مريم" متوتره وملامح الخوف والتوتر ع وجهها ولاحظ "زين" توترها امسك ايديها : اهدى كده
_ خايفه اوى يا "زيزو" خايفه اوى حاسه انى مش هعرف احل
_ لالالا دا عادى انتى بس اهدى كده وركزى وسدى ودانك عن الل حواليكى وغمضى عينك عن اى حد
_ نعم ماهو لو غمضت مش هعرف احل ؟
_ ايه يابت الذكاء دا .. ماهو انتى بتعرفى تهزى اهو
_ يابنى والله خايفه هو انت مش خايف
_ اطلاقا هو فى رجاله بتخاف ,, انا مرعوووب
وضحكت "مريم" ع اسلوب "زين" : بنعرف تفصلنى
_ ايوه كده ركزى وواحده واحده وبلاش خدمه انا والخير دى خلصى اجاباتك ولما تلاقى حد عاوز حاجه اديله هتتردلك فى صحتك وعافيتك
_ انت هتشحت ..
_ يلا روحى ومتخافيش لا اله الا الله
_ سيدنا محمد رسول الله
ودخلوا لجنه الامتحان وخرجا ومن اهم شروطهم ان الامتحان الل يخلص يترمى ومبيرجعوش وهما راجعين اشترى "زين" ليها ايس كريم ورجعوا ناموا واستمرا على هذا المنوال حتى انتهوا من الامتحانات الثانويه ... !
اصبح وقتهم منذ انتهاء الامتحانات فى المطعم و او فى السطح فى غرفتهم السريه ... ظهرت النتيجه ومجموعهم كان كلا منهم "مريم" 95% , "زين" 93 % ,, كانوا فى انتظار اختبار القدرات بكليه الفنون الجميله,, وقبل ما يقدموا ع الامتحان كانت المدرسه عامله حفله تخرج لدفعه الثانويه "prom" وتكريم لمتفوقين وكانوا "زين" و "مريم" منهم واضافه الى انشطتهم الفنيه الل بيدخلوا بيها المسابقات وبيكسبوها ب اسم المدرسه ,, اتفق "مريم" مع صديقاتها ع لون الفستان هيكون ايه وع اساسه فكرت ان "زين" يلبس نفس اللون :
_ انتى هبله صح ,, عرفينى علشان اتاكد انتى هبله
_ليه بس يا زيزو ,,؟
_ فى راجل يلبس فوشيا انتى هبله
_ وهو انت راجل
_ نعم ...؟
_ اقصد يعنى انت اخويا حبيبى واحنا طول عمرنا بنختار الالوان زى بعض فى الهدوم مجاش ع دى يعنى وانت كده كده هتلبس بدله صح مفيهاش حاجه لو الكرافته والقميص تبقى فوشيا ..!
_ متقولى البدله كمان واحط ترتر عليها وبعدين مين قالك ان انا هلبس بدله اصلا ..
_ اومال هتلبس ايه ..؟
_ هضرب اى طقم من الدولاب والبس بدله ليه هو انا هتجوز
بنبره غضب : يعنى انت عاوز يكون شكلك عره وسط الباقيين ..
_ مش هلبس فوشيا انا
_ خلاص بلاش القميص اللبس الكرافته ماشى
_ لا
بنبرع عصبيه : زييييين
تراجع "زين" :عاوزه ايه ..؟
بنبره تحذيريه :اللبس الكرافته دى بكره تمام علشان ندخل انا وانت مع بعض
بلا مبالااه:طاااايب
_ لو لاقيتك لابس بدله ومغير الكرافته يومك مش هيعدى
بلا مبالااه : طاااايب
خرجت "مريم" من الغرفه وردد "زين" : قال فوشيا قال شايفانى عدالات هشتك
تانى يوم لبس "زين" وراح ل "مريم" شقتها علشان ياخدها وينزل وواقف مستنيها ف الصاله : انجزى يا مارى انطونيت ...
_ جايه اهو خلاص ..
خرجت "مريم" مرتديه فستان رمادى فى فوشيا وكعب عالى بتقع كل خطوه نظر اليها "زين " : ايه الل انتى عاملاه دا ..؟
_ ماله حلو صح
_ قرف .. ايه الميكب دا هو انتى رايحه فرح ابن اختك ولا الكعب العالى انتى طولتى كده ليه وماشيه زى الل عندها كساح مش هعرف اشدك من قفاكى يعنى كده وايه الفستان الضيق دا هو انتى رايحه تعملى نمره ..
_ ايه كل الانتقادات دى ياعم ,, ماله الفستان وماله الميكب
_ الفستان زباله والميكب ازبل هو انتى ما صدقتى خلصتى ثانوى حسيتى انك كبرتى ولا ايه يا تافهه .. هى البنات بتخلص ثانويه بيجلها هبل فى دماغها لبس ضيق وملزق ونص شعرها باين من الطرحه وناقعه وشها من بليل فى علبه دقيق ملون
ملامح زعل اترسمت ع وش "مريم" : كده يا "زين"
_ اه ..
_عاوز ايه يا "زين" ؟
_ البسى الفستان التانى
_رجعته لانى قولت هلبس دا
_ وانا مش هنزلك من البيت كده اولا لان الل انتى عاملاه دا اوفر ,,ثانيا مش بتعرفى تمشى ف الكعب هتكملى اليوم ازاى ,, ثالثا مش عاوزك تكونى بنبونايه الليله لان الفستان فعلا ضيق مبين كرشك ناقصلك زلومه وتبقى فيل حقيقى
_ والله انت رخم ,, بص مش رايحه ف حته
مسك ايديها: استنى بس انا اصلا مش طايق البدله تيجى نعمل حاجه لاسعه انا وانتى ؟
_ ها ...؟
_ احنا هنروح الحفله لكن ع طريقتنا ايه رائيك؟
_ ازاى
_ هقولك ... !!
بدلت "مريم" ملابسها و"زين كمان " ونزلوا اخدوا تاكسى لمكان الحفله ووقفوا بصوا لبعض وضحكوا ودخلوا من باب القاعه الكل بص عليهم ب استغراب ,,كانوا لابسين كاجوال "زين" كان لابس شورت وتيشيرت وكوتشى و"مريم" كانت لابسه سلوبيت جينز وكوتشى ... كانوا عكس الموجودين خالص لدرجه انهم لفتوا نظر الجميع اصحاب "ميما" : ايه دا يا بنتى فين الفستان وفين الميكب انتى رايحه النادى
_ وماله كده مش هدوم دى انا مبحبش الفساتين بتخنق كده حاجه خفيفه
_ و"زين" لابس شورت .. هو نازل البحر ؟
ضحكت "مريم": دا كويس انه جى بدا كان لابس شورت عليه سوبنج بوب والتيشيرت كمان ومصمم يجى انا الل اتحايلت عليه يغيره
_ والله انتم فعلا لاسعييين
_ احنا حريييين
ف اتعجب الناس ب لبسهم والاكتر تصرفاتهم الطبيعيه ومهتموش بنظرات الناس ولا اصحابهم ,,, كان "زين" مع "مريم" وقفوا مع اصحابهم واستلموا الجوايز وابتدت الحفله وكان فيها تنطيط ورقص ,, موبيل "زين"رن وخرج يرد وشويا "مريم" مسكت بطنها ودخلت الحمام .. بعد دقائق اتصلت وهى ف الحمام ب اصحابها مفيش حد رد راحت لاقت "زين" بيكلمها وصوتها تعبان وبتبكى : "ميما" فى ايه وانتى فين ؟
بنبره باكيه : الحقنى يا "زيزو"
اتخض "زين": مالك فى ايه انتى فين ؟
_ انا فى الحمام ومش عارفه اتصرف ..؟
_ مش فاهم تتصرفى فى ايه ما تخرجى ؟
بنبره باكيه: مش هقدر اخرج .. روح الصيدليه الل ع الشارع هاتلى مسكن وهبعتلك رساله تجبلى حاجه
_ انتى عاوزه علاج ؟
قفلت "مريم" وبعتتله رساله واول ما فتحها اتفاجئ ومكنش عارف يعمل ايه حس ب احراج وهو واقف "مريم" رنت عليه تستعجله بسرعه اتوجهه الى الصيداليه وفاجاءه وقف مبيتكلمش ,, لاحظت دكتوره الصيدالليه: ايوه يا فندم عاوز ايه ؟
بتهته: انا عاوز .. الل عاوزه انا ... هو هنا صح ؟
_ قول هو ايه وانا هقولك موجود ولا لا
بتوتر : بصى يا دكتور انا عاوز البتاع الل بيطير دا
_ نعم ..؟
شعر ب احراج شديد ومسك موبيله وفتح رساله "مريم" ووراها لدكتوره : دا
ب استغراب شديد نظرت اليه الدكتوره : انت عاوزه ؟
لاحظ "زين" نظره الدكتوره وانتبهه لكلامه: لالالا مش انا دى اختى مش انا مش انا
ضحكت الدكتوره ع لغبطته وتوتره واداتله الحاجه ورجع بيها بسرعه لمريم وكان فى بنوته داخله الحمام راحت وصلتها ل مريم وفضل واقف بره الحمام لغايه ما خرجت "مريم" وهى ماسكه بطنها : اقول فيكى ايه ع الل عملتيه فيا دا ..وبعدين مالك مش المفروض تكونى كويسه ؟
نظرت له "مريم" بعصبيه : بتكلم بجد انت مجبتش مسكن لييييييييييييييه ؟
اتفاجئ "زين" اه صح نسيت
_ يلا نروح البيت علشان مش قادره
_ يلا يلا ...
انا بجد مش هقدر انسى ال عملتيه دا منك لله كنت فى قمه الاحراج برستيجى ضاع ...
_ احسن ...!
عادوا الى المنزل واخدت "مريم" مسكن : نامى بقى علشان بكره عندنا الاختبار القدرات
_ طيب تصبح ع خير
_ راح باس راسها: تصبحى ع خير ... !
تانى يوم الصبح "زين" جهز وراح ل "مريم" وجد "سناء" بتعمل ليها كمادات مايه تلج : مالها
نظرت له "سناء" مش عارفه عماله ترجع وحرارتها عاليه اوى ..
راح حط ايده عليه راسها : لا دى سخنه اوى يلا بينا ع مستشفى ,, وصلوا للمستشفى وبالكشف الاولى ف الطوارى وجدوا عندها دور حمى وكانت تعبانه جداا فضلوا جنبها طول الليل و"زين" معاهم , فى اخر اليوم حتى استقرت حاله "مريم" تذكر "زين" امتحان القدرات الل راح عليهم ,, نظر "زين" ل "مريم"و فكر بسرعه ع رد فعل "مريم" لما تعرف ان الاختبار طار منها وهى كان كل امالها فى الكليه دى راح المطعم ل والده :
_ بابا بقولك هات رقم استاذ "رضا"
استاذ "رضا" احدى اصدقاء "محمود" و "كرم" المقربين وكتير ساعدوه وهو مخذلهمش فى اى طلب ,,مسك موبيله واتصل ب "استاذ رضا " وقابله ع قهوه :
_ اسف جدا يا استاذ "رضا" لكن انا مقدميش حد غيرك ممكن يساعدنى
_ ماهو مش هينفع يا "زين" امتحان القدرات خلص
_شوف اى طريقه انت معارفك كتير بجد الخدمه دى هتفرق معايا كتير ارجوك
بتوسل والحاح اتكلم "زين" و"رضا" اعطاه وعد هيحاول
تانى يوم اتصل "زين" ب استاذ رضا" وراح قابله ع القهوه : ايه الاخبار يااستاذ "رضا"
_ انا اتكلمت مع ناس اعرفهم وفى شكوى اتقدمت وهيتعمل امتحان تانى لعدد معين بس وبالواسطه شخص واحد الل هيدخل الامتحان فيكم مش هينفع ل اتنين
_ يعنى ايه ؟
_ يعنى يا انت يا "مريم" ..اختار
وبدون تردد : مريم ..
رجع "زين" وكانت مريم رجعت البيت دخلها الاوضه : ايه ياست المريضه بتفرفرى من حبه سخونيه ,, علشان كنتى عامله اراجوز انتى واصحابك رقص وضحك متهدوش
_ بس بقى علشان مش قادره ارد عليك اخف ومش هعتقك
ضحك "زين" : لالا "ميما" مش واخد عليكى مؤدبه قومى فزى من مكانك ابت
لاحظ "زين" ملامح وجهه "مريم" المتغيره ودموعها الل بتتساقط : مالك؟
_ امتحان القدرات راح علينا وانا مش عارفه اعمل ايه وانا كنت واثقه انى هدخل فنون جميله غيرها مش هدخل كليات تانيه
_ ولا تزعلى نفسك مفيش حاجه راحت فى امتحان بعد بكره اجهزى انتى بس
فاجاءه تحول ملامح "مريم" الحزينه الى ابتسامه: بجد
_ اه طبعا
_ يعنى انا وانت هنمتحن سوا وهندخل الكليه سوا زى ما خططنا
_ اكيدددد وهو انا ينفع اسيبك للوحوش ..بس انتى متتعبيش تانى
_ لالالا انا الحمد الله كويسه جدا
راح "زين" خبطها بالمخده: ورينى كده
فقامت من ع السرير تجرى وراه فى الشقه: يارخم يارخم ..
ضحك "زين" و"مريم" وهما الاتنين بيجروا ورا بعض ف الشقه فحياتهم مع بعض قط وفار لا يتفارقان ... !!
يوم امتحان القدرات اخد "زين" "مريم" وراحوا يمتحنوا :
_ انت هتمتحن فين
بتهته: انا .. هناك هناك ..ادخلى انتى بس يلا
_ اوكيه اشوفك بعد الامتحان وركز
_ اوكيه يلا ..
دخلت مريم واتاكد زين انها مش شايفاه وخرج استناها لغايه ما خلصت ومثل عليها انه امتحن وحل كويس ورجعوا ع البيت ... ظهرت النتيجه بنجاح "مريم" ودخولها كليه فنون جميله و "زين" انه سقط ف امتحان القدرات ودخل كليه تجاره ... !
قبل دخول الجامعه كانا يساعدان والدهما فى المطعم ففى يوم ما جالسين جميعهم " سوسن" و"سناء" و "محمود " و" كرم " " ومريم " و زين " ..:
بدءت مريم بالحديث : هو كريم مش هيجى خالص ولا ايه مش خلص كليته اخيرادا وحشنى اووى ؟
ضحك زين: عنده حق هيجى ف الزحمه دى هيعمل ايه اسكندريه احتلت يا بنتى
ضحك "محمود" :هو قالى مش هاجى غير لما الصيف يخلص وهيقابلنا ف الساحل كمان اسبوع
ابتسم "كرم" زمان اسكندريه مكنتش زحمه كده .. الناس استقربوا الطريق
سناء بتتنهد : الواحد كان بينزل البحر ومفيش حد بيضايقه والمايه كانت رايقه كده مش كلها زباله
تدخلت "مريم" : المفروض يحطو غرامات لل بيرمى زباله علشان يحرمو ازاى يشوهو البحر الجميل دا
ضحك " زين" مش لما تلمى الزباله من اوضتك والمرسم ابقى انصحى غيرك متبقيش زى النجار لل بابه مخلع
_ حوش اوضتك والورشه بتاعتك بتلمع
ضحك " محمود" هو مفيش مره تقعدوا من غير متناقروا فى بعض
تضحك "مريم": هو الل غلس يا حوده
ضحك " محمود": خليها عليكى دا اخوكى
_ وهو انا مصبرنى عليه غير انه اخويا مكنتوش قادرين تجيبولى بنت احسن
اتكلم "زين" وغير نبره صوته: معاكى "زينه" شابه روشه طحن تبحث عن علاقه جاده
ضحك الجميع ع اسلوب زين ولاحظوا " سناء " شارده فى منظر البحر قاطعها "كرم" فاكره اول مره شوفتك يا سناء كان ف البحر دا ..
محمود : اه ومن وقتها رجع يقولى شوفت عروسه البحر
تدخلت " مريم " الله .. كمل يا بابا انت بحب اسمع قصتكم اوى
تدخل "زين" مازحا: اهو كلامكم دا الل بوظلى دماغ البت عايشالى ف رومانسيات وحب والوساده الخاليه ,, يابنتى دول كانوا فى زمن كان مخترعوش البيتزا الل بتضربيها كل يوم دى ,, بلاش تبوظو النظام الل ممشيها عليها متحسسوهاش ان الخيال بيحصل ,, "ميما " ركزى ف روياتك وافلامك وشاروخان غير كده متسمعيش اسمعى منى ..!
خبط " محمود" ع راس "زين": ايه كل دا ومين قالك ان الل فى الروايات والافلام مبيحصلش ,, ناس كتير ارتبطوا عن حب زى الروايات واكتر كمان وابعد ليه انا وامك اهو وكرم وسناء اهم عاوز دليل اكتر من كده ايه ..؟
زين بنبره ثقه: انتم كنتم مع خير زمان ,, وقت الحاجه ما كانت احسن وانضف والناس نفوسها احسن من دلواقتى ,, انت نيتك كانت سليمه اتجاه" سوسن" و "كرم" كمان لما حبيتوا اخدتوا خطوه وارتبطتوا ومبصتوش ل اى واحده غيرهم ,, دلواقتى الواحد يكون مرتبط بواحده يركنها ع الرف ماهو متاكد هيلف يلف ويرجع يلاقيها وهى هبله بتستناه ويصاحب عليها 10 وعادى عنده ممكن قلبه يدق مليون مره والبنت من دول تلبسلك المحزق والملزق ملهاش دعوه دا يناسبها ولا مش مناسب ليها وكل دا علشان تلفت نظر الشاب الروش والل معاه عربيه وجاهز ولو مش جاهز تقلبه علشان الجاهز بحجه النصيب ,,
تدخلت "مريم": ع فكره مش كلهم كده فى شباب كويسه وبنات كويسه
استكمل "زين" : ايوه اكيد فى بس شاحيين يعنى الل زى محمود وكرم دول عمله نادره تلاقيهم فاهمين يعنى ايه حب ويعنى ايه مسؤلييه اغلبهم دلواقتى بيهربوا من المسوليه قبل ما يشيلوها بيدوروا ازاى يرتاحوا مش ازاى يتعبوا لغايه ما يرتاحوا والبنات الل زيك كده مامنين ان فى حب حقيقى وبيفضلوا وراه وبيحافظوا ع الل بيحبوهم وبيستحملوا ظروفهم ويبقوا معاهم ودول للاسف شاحيين هتلاقيهم بس فى الروايات والافلام غير كده بلح .. والل موجود فيهم واحد فى المليون واحنا 90 مليون يعنى دول 9 ومش بعيد تلاقيهم بيدوروا ع بعض وع فكره دول بيبقوا سهل استغلالهم لانهم بيقدموا حسن النيه لانهم لما بيحبوا بيحبوا بجد ولما بيتجرحوا صعب اوى علاجهم مش سهل وخصوصا مع حد امنوا ووثقوا فيه ,,علشان كده يا بنتى بقولك متستعجليش لان مش سهل تلاقى الل يستاهلك خليكى صفحه بيضا متلوثهاش بتجارب هتاثر عليكى بعدين ,,,
تعجب "محمود" من كلام " زين": معرفش انا جايب الجمدان دا منين لا انا ولا امك كده .. مفيش غيره كزانوفا القاهره قعدتك معاه بوظتلك عملتلك لغبطه ف المشاعر ,, انا غلطان انى اتساهلت معاكم وخصوصا مع بتاع القاهره دا مع الل عمله وانت هتترهبنلى كده والبت الغلبان دى موقفين حالها
ضحك "زين" متقلقش مش هترهبن هملالك المطعم دا
تحدثت " سوسن" عيال صح ان شاء الله
نظر لها "زين" عيال ايه هملاه مزز ,, وومن ,, ليدزز ,, حاجات حلوه كده
كرم بيضحك: انت هتقع واقعه وحشه يا "زين" بلاش تتساهل بمشاعر البنات مينفعش تتعامل مع الحب ب استهتار كده ,,الحب برغم انه مش باين وتحس انه بسيط لكن وجعه بيجوع اووى ومش هتقدر تستحمله ,, انت بتتساهل بمشاعر البنات الل تعرفهم و"كريم" زيك فى مره قلبك هيوجعك لانك كان معاك حب حقيقى وانت استهترت بيه لانك من كتر علاقاتك مقدرتش تميز الحب الحقيقى من الحب الطيارى ,, التجارب العاطفيه مبتعلمش ع قد انها بتدخل الانسان فى دوامه التوهان مبيقدرش فى الوقت الصح يحدد قراره ولا يتصرف ازاى وبنتهى بخساره وندم ,, انا بنصحك علشان انت لسه قدامك الطريق متلوسش قلبك بكركبه ملهاش لازمه ووهم انت الل عملته,, خليه لصاحبه النصيب الل قلبك يفتحلها ,,,,
ضحك "زين" والله يا ابو الكرم هو اصلا حب ايه الل موجودعلشان احسه دا ال اول ما اقول ا اى بنت معجب القيها تقولى بحبك البنات عندها حرمان عاطفى مخليهم يصدقو اى ولد علشان كده الاولاد بيستهلوا ويدخلوا رومانسيات ياخدوا الل هما عاوزينه ويقلبوا البنت وبعدها تقول كل الاولاد خاينين .. طبعا مش كل الولاد ولا كل البنات لكن انا بتكلم على فين التقل فين المرمطه فين الشحتفه دورى جنبك كده يا "ميما" يمكن تلاقيه مزنوق جنبك ولا حاجه ...مصيبه لتكونى جوعتى وضربتيه رجيها يا "سوسن" رجيها
ضحكت " مريم " رخم ..
على فكره يا "زيزو" الحب موجود لكن انت الل مش فاهمه لغايه ما هتلاقى نفسك وقعت ومش هتعرف تقوم
_ وانتى روحتى فين هو انا هسيبك ل اى هوا كده يعدى انتى اطمنى عليا الاول وبعدين شوفى نفسك
تدخل "محمود" انت ايه عاوز توقف حال البنت "ميما" يجيلها امير
بهزار: وهتسفرنا الخليج ونلعب بالبترول
ضحكوا الجميع وتحدثت "مريم": انا ع ثقه ان الحب موجود وانه احلى حاجه فى الدنيا وهرتبط بالانسان الل بحبه مهما حصل ..؟
_ احلمى احلمى
_ ليه مسافرتش انت القاهره " و "كريم" فضل هنا ع الاقل بيحس عنك معرفش انا مطلعتش زى حوده ليه السكر دا ولا ابو الكرم بهت عليك
_ سيبتهمملك انتم يا بتوع زمن الحب الجميل ..
تحدث "كرم": خلى بالك ع نفسك يا "زيزو" الحياه مش سهله كده وخصوصا العلاقات لما بتتعقد صعب ترجع تانى المايه المتعكره مبتصفاش
_ متقلقش يا ابو الكرم كله تحت السيطره
ضحك " محمود" : اهو دا انا واثق دخل تجاره علشان البنات
ضحك " زين" : لا انا داخل علشان مفيش فرصه غيرها قدامى وبعدين متقرش انت بس وركزوا مع الفنانه فشخره عيلتنا ان شاء الله
اخرجت " مريم " لسانها : اممم .. غصب عنك يافاشل يلى سقطت ف القدرات اكيد كنت بتفكر ف اميره ولا عبير ولا سعديه
امسك منديل وحدفه فى وش "مريم" : وريا اجتهادك يافالحه ...!
بدء موسم الصيف والازدحام كالعاده فى مدينه "الاسكندريه" المصيفين من اغلب المحافظات ...ولان غالبا فى موسم الزحمه كما يقولون فكان من الصعب ترك المطعم بدون اصحابه "محمود" و "كرم " .. ولكن من عاداتهم السنويه ان يسافرا لتقضيه بعض الوقت فى الشاليه فى الساحل الخاص بهم .. فسافرا الجميع وسبقهم هناك "كريم" حيث رأى ان الساحل اهدى من المدينه من حيث تكدس المصيفين ...
قبل ان يسافرا عرفا كلا من "زين" و "مريم" نتيجه التنسيق ف التحق "زين" بكليه " التجاره الخارجيه " والتحقت "مريم" ب كليه " فنون جميله " ... فقررا ان يعملو شوبنج لشراء بعض الملابس الجديده ,,فى المطعم رن موبيل "زين" :
_الو..
ايوه يا "زيزو" احنا نازلين كارفور تيجى معانا هنشترى طقمين كده جداد
_لا روحوا انتم انا هنزل مع "ميما "
_ايه ياابنى كل مره كده انزل مره مع نفسك وهات الل انت عاوزه
_وانت مالك ياعم انا اشتكيتلك يلا اقفل
_ اغلق "زين " الموبيل : عيل غتت حشرى خالتى سعديه بتتكلم
جاءت اتجاهه "سناء : بتكلم نفسك يا زيزو ولا ايه ؟
_ عيل غلس من اصحابى حاشر نفسه فى الل ملوش فيه
_ليه خير ؟
_ مش عاجبه انى بشترى هدوم مع "ميما" بذمتك بيبقوا وحشين
ابتسمت "سناء" : وهو بنتى ذوقها وحش ..دا العماره كله بيلبس بعد ما بياخد رايها بس صحابك كده زعلوا ؟
_ لا هبقى انزل معاهم اتفرج واتمشى معاهم ,,انا اصلا اتعودت خلاص ان "ميما" هى الل تختارلى الهدوم واشترى معاها جربت مره مع اصحابى حسيت ان كل المحلات حاجه يع .وبعدين لو فكرت دا لو يعنى انى انزل اشترى "شبشب" من غير ما اخدها معايا مش بعيد تدينى بيه و ترمينى ف المالح الكابوريا الصغيره دى تقرص فيا
اثناء حديثم سمع صوت اتى من خلفهم : ابقى اعملها كده وورينى
نظر وراءه وكانت "مريم" فسريعا تحدث "زين " وابتسامه ع وجهه: دا انا بقول ل سناء انى معرفش اشترى شبشب من غير "ميما" ..هى الل كسيانى ..هى الل سترانى.. هى الل من غيرها كان زمانى عره العرر "نظر الى سناء وتحدث هامسا " هى دايما تقولى كده ..
ضحكت "سناء" بصوت عالى وجهتله كلام "مريم" : بتقولها ايه ؟
توجهه بنظره الى "مريم" بقولها انا من غيرها شورت من غير تيشيرت ..جزمه من غير رباط يا جزمه
اقتربت منه وخبطت ب يديها ع كفته : يا شبشب بصباع صاحبه ضاع
_ يا جزمه من غير رباط علشان هى اصلا من غير رباط عادى يعنى
ضحكت "سناء " ع طريقه كلامهم : فظاع انتم الاتنين فظاع
توجهت "مريم" الى والدتها : يلا يا سنسن مش هنتاخر ان شاء الله
سناء موجهه كلامها اليهم بحذر: خلى بالكم من نفسكم بلاش الجنان بتاعكم
تحركا "زين" و "مريم" اوقفا تاكسى وتحركا متجهيين الى وسط البلد نزلوا من التاكسى لاحظ "زين" ان الشارع زحمه جدااا :
_ ماتيجى يابنتى نروح سان ستفانو ولا كارفور وننجز ليه غاويه تلفى كده هو انتى فقيره دا انتى واخده مبلغ وقدره من "كرم "
_ ملهاش علاقه بالفقر يا خويا ... الل ف المولات بيبقى موجود ف المحلات التانيه وسعر ااقل احنا نستفاد من الفرق دا فهمت يعنى تمن الحاجه ممكن نجيب منها اتنين وتلاته
_ واربعه وخمسه ودسته ... ايه يا حاجه ايه الل بتقوليه دا ,, اكيد طبعا الل فى المولات يختلف دى "برندات" يعنى حاجه اصليه مش تقليد معفنه يلا بينا
مسك ايديها يرجعوا يركبوا تاكسى سحبت ا يديها منه :
_ وهو انت لو ملبستش حاجه توكيل هينقص منك حته ولا هتقعد عريان ..
_ لو الصيف وتكييف مش شغال تمام
_ مبهزرش .. معنديش مشكله مع الماركات لكن انا بشترى الل يعجبنى ويناسبنى مش مهم المكان مدام موجود طلبى وبعدين ليه اضيع فلوسى فى حاجه وانا ممكن اجيب زيها او حاجه تانيه كويسه بسعر كويس واهو كله هدوم والله ما كل حاجه غاليه كويسه ساعات بيبقى الل سعرهم قليل بيبقوا كويسين ..
_ يابنتى احنا معانا فلوس مش فقرا
نظرت له "مريم" : انت مصرف اوى يا "زين"
_ المكان زحمه اوى يابنتى ..
_ طيب بذمتك الهدوم الل بنشتريها بيعجب المزز بتوعك وبتترسم عليهم ولا لا ..؟
_ بصراحه اه ..
_ شفت بقى .. العقل بقى بيقولنا نشترى الل عاوزين بالسعر الل احنا عاوزينه ونوفر الباقى هنحتاجها بعدين و عموما علشان تعرف احنا مش هنتحرك من هنا غير انت شارى طقمين وانا كمان ويلاقدامى وهنرجع بباقى فلوس كمان
_انتى ليه تعبه نفسك كده ؟
_ مش تعب .. بس ليه يكون قدامنا اختيارين ونختار الاسهل المكلف .عاوزه افكرك احنا لما فلوسنا بتخلص بننزل نغسل الاطباق فى المطعم ,, اهلنا مش مرفهينا اوى كده مش بيتعبوا ف الفلوس علشان نبعزقها احنا نمشى ع قدنا ونشترى الل احنا عاوزينه ونوفر كمان ,, ولا شكلك عاوز تغسل الاطباق ..؟
نظر "زين" الى يده : لااااا .. لاااااا غسيل الاطباق دول ما بيصدقوا اقع ف ايديهم "محمود" بيوصيهم يفرمونى ... معرفش انا ايه الاهالى الل بيشغلوا عيالهم دول علشان عاوزين فلوس
_ ااهلها معيشنا احلى عيشه ومتكفليين بكل مصاريفنا اكل وشرب ولبس وتعليم ومصروف كمان اكتر من كده اسمه اصراف احنا نمشى ع قد الل معانا ونوفر كمان اسمع كلامى بقى ويلا واهو نوفر قرشين ينفعونا بدل نظام الشحاته بتاعك ع سوسن وهى تاخد من محمود بالقطاره علشان بيبقى عارف انك زاققها وتفرهدها معاك وبعدين تيجى تقلبنى انا
_ يعنى انتى بتعملى ايه بالفلوس مش فاهم ..انا بخرج مع اصحابى وبخرجك مين الل بيطفحك بيتزا وجيلاتى وشوكولاتات ها ...مش العبد لله وانتى اخرك فسحتين بسيطه واغلبهم يا تقعدى مع اصحابك ع البحر عند المطعم والمطعم بشيل الحساب يااما النادى وغالبا انا الل بشيل حسابكم ... "ميما" يا حبيببتى انتى مضيعه فلوسك وفلوسى ع كرشك وهم هم
خبطته "مريم" على كتفه : يعنى الل بجيبه لنفسى مش بتلاقى زيه فى اوضتك كل يوم الل بيكون ع السرير عندك دا ايه عفريت الليل بيحضرهملك ماهو مصروفى ضايع عليك وع سندوتشات الكبده والسدق لكريم يا طفس
نظرا "زين" حواليه : وطى صوتك بتشرديلى
ضحكت "ميما" :انت الل بتجيبه لنفسك يلا "زيزو" جو جو
اوقف "زين " للحظات : متقفناش طيب
_على ايه ؟
_ الل هيجيب هدوم ارخص ويوفر اكترمن التانى,, الل صرف اكتر بقى هيعزمه على ايه ؟
ضحكت "مريم" : امممم بيتززززززا وجيلاتى
_ اووووه deal هيا الى المعركه
_هيا بنا
وتحركا "زين" و " مريم" وتعمقا فى وسط الزحام وتوجهوا الى المحلات واختارا بعض الملابس منهم معجبهمش ومنهم اشتره فعلا ,, كان كل واحد فيهم بيحاول يخلى التانى يشترى اكتر علشان يصرف علشان الرهان فكان مره "زين" ومره "مريم" ... واستمر حتى وصلا الى الفانيل ودا لان الفلوس الفاضله معاهم متساويه ومبنش مين الل صرف اكتر ووقفا امام "فرشه شباشب صيفيه" :
نظرت "مريم" نظره تحدى ل زين : وصلنا لنهائى التصفيات
رد عليها "زين" بنفس النظره التحدى والنبره :ايوه وصلنا ل الفانيال ياقاتل يا مقتول
بنبره تحذريه وجهتها "مريم" ل "زين": فير
رد بثقه : اقصى نظافه دونت ورى
ب ابتسامه اختارا كلا منهم " شبشب " وتوجها الى البائع :
_بكام دا لو سمحت ؟
_25 جنى
ودا بكام لو سمحت ؟
_25 جنى زيه
نظرا لبعضهم بتعجب ثم استكملا :
حاولت "مريم ": طيب اخره كام ؟
صمم البائع ع السعر مع الاثنان فبحثت "مريم" على 25 جنيه ولم تجد والبائع مش معاه فكه و "زين" قالها مش معاه فتوجهت الى المحل السابق تفك الفلوس وفى هذا الاثناء توجهه "زين" بلوم الى البائع : بقولك ايه يا معلم احنا ناخد منك 3 ب 60 جنى وكده مبروك علينا وعليك
حاول البائع يعترض ولكن "زين" اوجد طريقه ل اقناعه : الشباشب دى رايحه لناس يتيمه مش لينا ولولا ان انت بس الل عندك منهم وعاوز انفعك واشاركك ف الثواب معانا صدقنى كنت روحت ابو قير ..بس انت راجل ابن حلال وبتحب الخير والخير اهو جالك وربنا هيرزقك بذياده ..
كلام "زين" شجع البائع ووافق ودفع لل البائع 35 جنيه وقاله له ان "مريم" هتدفع له ال 25 جنيه ياخدهم ولا يقول شئ لانه وعد مش هيحكى حاجه اخد "الشبشب "التالت وشاله ع طول فى الشنطه و اتت "مريم ودفعت واخدت الشبشب وتحركا :
وقفا للحظات.. " مريم متحيره" : كده بقى مين الل هيعزم مين ؟
سريعا انطلق زين : انتى ع فكره هاهاهاها
_ ليه ان شاء الله احنا كنا متعادليين
اظهر "زين" الشبشب " التالت: كده مش تعادل انا اخدت شبشبين ب 35 جنى وانتى اخددتى واحد ب 25 جنى يبقى انا الل كسبان
ملامح الضيقه ظهرت ع "مريم": دا غش ومش هينفع كده
_خلاص خلاص هعديهالك لكن مش هعدى الجايه
_ ماشى ..
وهما ماشيين شاف "زين" محل اكسسورات وعارف ان "مريم" بتحب الحاجات دى ف اقناعها تدخل تتفرج وبطريقه ما اشترت وهى نسيت الرهان واول ما خرجوا من المحل وقف "زين" بيضحك : هاهاهاهاها وكسبت وكسبت
افتكرت "مريم": اخخخخ وعملتها فيا
ضحك "زين" يلا بينا علشان انتى فرهدتينى .. والله لرجعك معكيش جنى واحد .. ورجعا الى البيت وكان الجميع مازالوا ف المطعم ف بدلا ملابسهم واخدها البيتزا ودهبا الى السطح حيث الهوا الطلق ووضع الطاوله وشغلت "مريم" اغانى ل فيروز وجلسا ..
نظر "زين " ل "مريم" ميما عاوز اقولك حاجه
_ كل حاجه جبتهالك اهو عاوز ايه تانى ؟
_ كونى راضيه عن البيتزا علشان مشرقش
_ليه يعنى
_علشان انا الل لبستك حوار الاكل "
بملامح زعل: متفكرنيش بقى فلوسى طارت الل وفرتها وانت بفلوسك هتصيع انا عارفه مع اصحابك
_ انا بستمتع من الحاجه الل انتى بتجبيها يا "ميما" اختى حبيببتى جبتلى اكل ودا بيحصل فلتات وانا الل على طول بزغط فيكى ... متعه يابنتى متعه ان الواحد يقلب اخته
شدت ميما علبه البيتزا: مفيش اكل واتكل
وقف "زين" وبصوت عالى : لااااااا داانا الم عليكى المصيفين ياكلوكى عضى كرسيا ولا تعضى بيتزاتى
_ طيب اقعد يا فقر
_ صحيح عرفتى ان الواد عماد هيسافر ايطاليا قريب
_ يابخته
_ لدرجه دى
_ تعرف يا "زيزو" انا نفسى اسافر ايطاليا علشان حاجتين
_ البيتزا معروفه والتانيه
_ علشان اروح متحف " الارميتاج " فى فيرارا ياااااه سفريه واحده هعمل كل الل نفسى فيه
_ مش المتحف دا فى روسيا ..
_ لا وانا بدعبس فى النت لاقيته موجود فرع له فى ايطاليا تخيل
_ خلاص نعمل صفقه ونجمع القريشنات وننطلق
حطت البيتزا قدامها وملامح استغراب: ياادى النيله هو انت ورايا ورايا ولما هسافر هسافر معاك لا طبعا انا عاوزه اسافر مع حد بحبه ونروح مكان روميو وجوليت ونركب فلوكه فى فينسيا ورومانسيات بقى وكده ياااااه وتقولى اجى معاكى
_ انت عاوزه تروحى تحبى ولا ايه ..؟
_ ياعالم مش بعيده
_ ويرضيكى تسيببنى داانا اخوكى الل باكلك بيتزا ومظبطتك ,, بزمتك هما المرتبطين بيعملوا ايه ؟
_ معرفش ,,
_هقولك انا ,, بيخرجوا وبيتفسحوا وبيرغوا وبياكلوا مع بعض ,, احنا بقى فرقنا عنهم ايه انا وانتى بنعمل كل دا واحنا اخوات مش احباب يعنى امان اكتر يعنى احنا مع بعض ومفيش حد هيخون التانى ولا هيسيبه ويقوله اتمنالك شخص احسن منى او معلش اصل جدى ف الصعيد كاتب وصيه اتجوز بنت عمتى و اهلك هيغصبوا عليكى تتجوزى مهندس شغال ف دبى ... احنا علاقتنا ابسط بكتير من العقد دى يبقى مستعجله ع النيله الارتباط ليه فاهمينى ها ,,,
_ انت مبتقوليش كلام رومانسى انت بترخم عليا
_ يابت رومانسى ايه .. بصى حواليكى فى حد متجوز بيقول لمراته كلام رومانسى شوفتى ابوكى وامك بيحبوا فى بعض شوفتى اتنين زى الافلام ولا الورايات عايشين طول عمرهم حبايب وغراميات وقبلات طايره وكده ,, الحاجات دى تثبيت بس قبل الجواز علشان يعمروا مع بعض اكتر ومحدش يبص بره مع ان الطبع بيغلب التطبيع وبيبصوا بره وبيقولوا عاوزين من ده ,,, دا كلام بس من غير افعال
_ وانت ايه مضايقك انا بحب اسمع كلام رومانسى احنا ك بنات لما بنحب بنحب نسمع كلام رومانسى يعنى بحبك وحشتينى كده يعنى ,,,
_ بجدمش فاهم انا ليه توجعى قلبك واخوك مظبطتك ها دانتى فى وضع مفيش بنت نعرفها غير لما تقولك يا بختك
_ ياسلام ع ايه يا حسره ..؟
_عليا طبعا هو فى كام "زين" يعنى
_ بس بس شايف نفسك "زين مالك "
_ لا "زين محمود " ودا معناه ان انا مفيش زى احمدى ربنا ع النعمه وبلاش بطر لتزول
_ متحاولش انا ع يقين انى هقابل واحد احبه ويحبنى زى الروايات والافلام واصلا الروايات والافلام بتبقى من الواقع مع تاتش من الخيال يعنى مفيش مستحيل
_ اهو انتى قافشه فى التاتش وسايبه الواقع هتتعبى ..
_ ملكش دعوه بيا
_ انتى محسسانى انه موجود
_ اه موجود وكل وخلص اكل علشان مغضبش عليك
_ انا نصحتك وبرضه بكررها انسى ان اى حاجه تحصل غير لما اوافق انا هسلمك تسليم اهالى ب ايدى ...
مسكت علبه البيتزا : مفيش طفح تسليم اهالى قال شايفنى كرتونه فاكهه
قام "زين" وجرى وراها : كله الا اكلى اكلىىىىىىىىى ... !
قامت "مريم" تجرى و"زين" وراها واكملا الليله هزار وضحك حتى الوقت المتاخر ودخلا كلا منهم اللى ورشته واندمجا ف عالمهم الخاص "مريم" الرسم .. و "زين" النحت ع الخشب ... !
___________________
يتبع <3
بدءت امتحانات الثانويه العامه وفى ليله اول امتحان كان "زين" و "مريم" يجلسان سويا لمراجعه الماده وحدث هذا المشهد الكوميدى :
امسك "زين" بطنه: اه .اه .. انا رايح الحمام
بعده بلحظات ذهبت "مريم" ماسكه بطنها وتخبط بشده على باب الحمام: انجز يا زين مش قادره
عادا الى طاوله المذاكره فامسكت "مريم" بطنها وذهبت الى الحمام وبعدها ب لحظات ذهب "زين : ميما ... ميما انجزى بدل ما ازروطلكم الشقه انجزى
لاحظت "سوسن" و "سناء" تكرار هذا المشهد فى نص ساعه :
"سناء" متعجبا: فى ايه يا ولاد هو انتم اكلتم ايه ؟
"سوسن" بتضحك : ليله الامتحان بقى يا سناء متركزيش
بنبره قلق تحدث "سناء" : لا كده اوفر دول الاتنين فى نص ساعه دخلوا الحمام 10 مرات
بتضحك "سوسن" : قلق ..وخوف هو الل عامل فيهم كده بعد امتحانين هيبقوا تمام .. متركزيش معاهم مش اول سنه يعنى
بعد انتهاء المشهد الحمام جلسا ينظرا الى ورق المراجعه :
ضحكت "مريم" : هو احنا هنمتحن بجد بكره
_ لا خالص احنا رايحين انترفيو لغه عربيه
ظهرت علامات التوتر ع وجه "مريم" : انا نسيت الل ذاكرته مش فاكره
_ متقلقيش غصب عنك هتفتكرى لما تلاقى الاسئله
_ مش كانوا يمتحنونا مع بعض فى لجنه واحده كده يفصلوا البنات والولاد ..
_ لما ابوكى وابويا يلاقوا عروسه البحر الدهب ويبعوها هيبنولنا مدرسه ولو عاوز تستنيهم عادى اسقطى واقعدى جنبهم
خبطت "مريم" كتف "زين" : لما اشوف اللماضه دى بكره
فى اللحظه دى رن هاتف "مريم " وكان من جروب الواتس و"عماد" رسل رساله تشجيع ل :مريم " وشافها " زين " فتنحت "مريم" : والله ما كلمته هو الل بعت لوحده ما انا مرزوعه قدامك وجنبك بقالى اسبوع
مسك "زين" الموبيل وقام ب اشغال الكاميرا الاماميه والتقط صوره سيلفى له هو و "مريم " وكتب اسفلها " شكرا ع تشجيعك احنا تمام ..خليك فى نفسك "
قام ب ارسالها ونظر كلا من "مريم" و "زين" لبعضهما وضحكا بطريقه هيستريه واستمرا اغلب الليل ف هزار وضحك حتى ذهبا الى الامتحان وكانت "مريم" متوتره وملامح الخوف والتوتر ع وجهها ولاحظ "زين" توترها امسك ايديها : اهدى كده
_ خايفه اوى يا "زيزو" خايفه اوى حاسه انى مش هعرف احل
_ لالالا دا عادى انتى بس اهدى كده وركزى وسدى ودانك عن الل حواليكى وغمضى عينك عن اى حد
_ نعم ماهو لو غمضت مش هعرف احل ؟
_ ايه يابت الذكاء دا .. ماهو انتى بتعرفى تهزى اهو
_ يابنى والله خايفه هو انت مش خايف
_ اطلاقا هو فى رجاله بتخاف ,, انا مرعوووب
وضحكت "مريم" ع اسلوب "زين" : بنعرف تفصلنى
_ ايوه كده ركزى وواحده واحده وبلاش خدمه انا والخير دى خلصى اجاباتك ولما تلاقى حد عاوز حاجه اديله هتتردلك فى صحتك وعافيتك
_ انت هتشحت ..
_ يلا روحى ومتخافيش لا اله الا الله
_ سيدنا محمد رسول الله
ودخلوا لجنه الامتحان وخرجا ومن اهم شروطهم ان الامتحان الل يخلص يترمى ومبيرجعوش وهما راجعين اشترى "زين" ليها ايس كريم ورجعوا ناموا واستمرا على هذا المنوال حتى انتهوا من الامتحانات الثانويه ... !
اصبح وقتهم منذ انتهاء الامتحانات فى المطعم و او فى السطح فى غرفتهم السريه ... ظهرت النتيجه ومجموعهم كان كلا منهم "مريم" 95% , "زين" 93 % ,, كانوا فى انتظار اختبار القدرات بكليه الفنون الجميله,, وقبل ما يقدموا ع الامتحان كانت المدرسه عامله حفله تخرج لدفعه الثانويه "prom" وتكريم لمتفوقين وكانوا "زين" و "مريم" منهم واضافه الى انشطتهم الفنيه الل بيدخلوا بيها المسابقات وبيكسبوها ب اسم المدرسه ,, اتفق "مريم" مع صديقاتها ع لون الفستان هيكون ايه وع اساسه فكرت ان "زين" يلبس نفس اللون :
_ انتى هبله صح ,, عرفينى علشان اتاكد انتى هبله
_ليه بس يا زيزو ,,؟
_ فى راجل يلبس فوشيا انتى هبله
_ وهو انت راجل
_ نعم ...؟
_ اقصد يعنى انت اخويا حبيبى واحنا طول عمرنا بنختار الالوان زى بعض فى الهدوم مجاش ع دى يعنى وانت كده كده هتلبس بدله صح مفيهاش حاجه لو الكرافته والقميص تبقى فوشيا ..!
_ متقولى البدله كمان واحط ترتر عليها وبعدين مين قالك ان انا هلبس بدله اصلا ..
_ اومال هتلبس ايه ..؟
_ هضرب اى طقم من الدولاب والبس بدله ليه هو انا هتجوز
بنبره غضب : يعنى انت عاوز يكون شكلك عره وسط الباقيين ..
_ مش هلبس فوشيا انا
_ خلاص بلاش القميص اللبس الكرافته ماشى
_ لا
بنبرع عصبيه : زييييين
تراجع "زين" :عاوزه ايه ..؟
بنبره تحذيريه :اللبس الكرافته دى بكره تمام علشان ندخل انا وانت مع بعض
بلا مبالااه:طاااايب
_ لو لاقيتك لابس بدله ومغير الكرافته يومك مش هيعدى
بلا مبالااه : طاااايب
خرجت "مريم" من الغرفه وردد "زين" : قال فوشيا قال شايفانى عدالات هشتك
تانى يوم لبس "زين" وراح ل "مريم" شقتها علشان ياخدها وينزل وواقف مستنيها ف الصاله : انجزى يا مارى انطونيت ...
_ جايه اهو خلاص ..
خرجت "مريم" مرتديه فستان رمادى فى فوشيا وكعب عالى بتقع كل خطوه نظر اليها "زين " : ايه الل انتى عاملاه دا ..؟
_ ماله حلو صح
_ قرف .. ايه الميكب دا هو انتى رايحه فرح ابن اختك ولا الكعب العالى انتى طولتى كده ليه وماشيه زى الل عندها كساح مش هعرف اشدك من قفاكى يعنى كده وايه الفستان الضيق دا هو انتى رايحه تعملى نمره ..
_ ايه كل الانتقادات دى ياعم ,, ماله الفستان وماله الميكب
_ الفستان زباله والميكب ازبل هو انتى ما صدقتى خلصتى ثانوى حسيتى انك كبرتى ولا ايه يا تافهه .. هى البنات بتخلص ثانويه بيجلها هبل فى دماغها لبس ضيق وملزق ونص شعرها باين من الطرحه وناقعه وشها من بليل فى علبه دقيق ملون
ملامح زعل اترسمت ع وش "مريم" : كده يا "زين"
_ اه ..
_عاوز ايه يا "زين" ؟
_ البسى الفستان التانى
_رجعته لانى قولت هلبس دا
_ وانا مش هنزلك من البيت كده اولا لان الل انتى عاملاه دا اوفر ,,ثانيا مش بتعرفى تمشى ف الكعب هتكملى اليوم ازاى ,, ثالثا مش عاوزك تكونى بنبونايه الليله لان الفستان فعلا ضيق مبين كرشك ناقصلك زلومه وتبقى فيل حقيقى
_ والله انت رخم ,, بص مش رايحه ف حته
مسك ايديها: استنى بس انا اصلا مش طايق البدله تيجى نعمل حاجه لاسعه انا وانتى ؟
_ ها ...؟
_ احنا هنروح الحفله لكن ع طريقتنا ايه رائيك؟
_ ازاى
_ هقولك ... !!
بدلت "مريم" ملابسها و"زين كمان " ونزلوا اخدوا تاكسى لمكان الحفله ووقفوا بصوا لبعض وضحكوا ودخلوا من باب القاعه الكل بص عليهم ب استغراب ,,كانوا لابسين كاجوال "زين" كان لابس شورت وتيشيرت وكوتشى و"مريم" كانت لابسه سلوبيت جينز وكوتشى ... كانوا عكس الموجودين خالص لدرجه انهم لفتوا نظر الجميع اصحاب "ميما" : ايه دا يا بنتى فين الفستان وفين الميكب انتى رايحه النادى
_ وماله كده مش هدوم دى انا مبحبش الفساتين بتخنق كده حاجه خفيفه
_ و"زين" لابس شورت .. هو نازل البحر ؟
ضحكت "مريم": دا كويس انه جى بدا كان لابس شورت عليه سوبنج بوب والتيشيرت كمان ومصمم يجى انا الل اتحايلت عليه يغيره
_ والله انتم فعلا لاسعييين
_ احنا حريييين
ف اتعجب الناس ب لبسهم والاكتر تصرفاتهم الطبيعيه ومهتموش بنظرات الناس ولا اصحابهم ,,, كان "زين" مع "مريم" وقفوا مع اصحابهم واستلموا الجوايز وابتدت الحفله وكان فيها تنطيط ورقص ,, موبيل "زين"رن وخرج يرد وشويا "مريم" مسكت بطنها ودخلت الحمام .. بعد دقائق اتصلت وهى ف الحمام ب اصحابها مفيش حد رد راحت لاقت "زين" بيكلمها وصوتها تعبان وبتبكى : "ميما" فى ايه وانتى فين ؟
بنبره باكيه : الحقنى يا "زيزو"
اتخض "زين": مالك فى ايه انتى فين ؟
_ انا فى الحمام ومش عارفه اتصرف ..؟
_ مش فاهم تتصرفى فى ايه ما تخرجى ؟
بنبره باكيه: مش هقدر اخرج .. روح الصيدليه الل ع الشارع هاتلى مسكن وهبعتلك رساله تجبلى حاجه
_ انتى عاوزه علاج ؟
قفلت "مريم" وبعتتله رساله واول ما فتحها اتفاجئ ومكنش عارف يعمل ايه حس ب احراج وهو واقف "مريم" رنت عليه تستعجله بسرعه اتوجهه الى الصيداليه وفاجاءه وقف مبيتكلمش ,, لاحظت دكتوره الصيدالليه: ايوه يا فندم عاوز ايه ؟
بتهته: انا عاوز .. الل عاوزه انا ... هو هنا صح ؟
_ قول هو ايه وانا هقولك موجود ولا لا
بتوتر : بصى يا دكتور انا عاوز البتاع الل بيطير دا
_ نعم ..؟
شعر ب احراج شديد ومسك موبيله وفتح رساله "مريم" ووراها لدكتوره : دا
ب استغراب شديد نظرت اليه الدكتوره : انت عاوزه ؟
لاحظ "زين" نظره الدكتوره وانتبهه لكلامه: لالالا مش انا دى اختى مش انا مش انا
ضحكت الدكتوره ع لغبطته وتوتره واداتله الحاجه ورجع بيها بسرعه لمريم وكان فى بنوته داخله الحمام راحت وصلتها ل مريم وفضل واقف بره الحمام لغايه ما خرجت "مريم" وهى ماسكه بطنها : اقول فيكى ايه ع الل عملتيه فيا دا ..وبعدين مالك مش المفروض تكونى كويسه ؟
نظرت له "مريم" بعصبيه : بتكلم بجد انت مجبتش مسكن لييييييييييييييه ؟
اتفاجئ "زين" اه صح نسيت
_ يلا نروح البيت علشان مش قادره
_ يلا يلا ...
انا بجد مش هقدر انسى ال عملتيه دا منك لله كنت فى قمه الاحراج برستيجى ضاع ...
_ احسن ...!
عادوا الى المنزل واخدت "مريم" مسكن : نامى بقى علشان بكره عندنا الاختبار القدرات
_ طيب تصبح ع خير
_ راح باس راسها: تصبحى ع خير ... !
تانى يوم الصبح "زين" جهز وراح ل "مريم" وجد "سناء" بتعمل ليها كمادات مايه تلج : مالها
نظرت له "سناء" مش عارفه عماله ترجع وحرارتها عاليه اوى ..
راح حط ايده عليه راسها : لا دى سخنه اوى يلا بينا ع مستشفى ,, وصلوا للمستشفى وبالكشف الاولى ف الطوارى وجدوا عندها دور حمى وكانت تعبانه جداا فضلوا جنبها طول الليل و"زين" معاهم , فى اخر اليوم حتى استقرت حاله "مريم" تذكر "زين" امتحان القدرات الل راح عليهم ,, نظر "زين" ل "مريم"و فكر بسرعه ع رد فعل "مريم" لما تعرف ان الاختبار طار منها وهى كان كل امالها فى الكليه دى راح المطعم ل والده :
_ بابا بقولك هات رقم استاذ "رضا"
استاذ "رضا" احدى اصدقاء "محمود" و "كرم" المقربين وكتير ساعدوه وهو مخذلهمش فى اى طلب ,,مسك موبيله واتصل ب "استاذ رضا " وقابله ع قهوه :
_ اسف جدا يا استاذ "رضا" لكن انا مقدميش حد غيرك ممكن يساعدنى
_ ماهو مش هينفع يا "زين" امتحان القدرات خلص
_شوف اى طريقه انت معارفك كتير بجد الخدمه دى هتفرق معايا كتير ارجوك
بتوسل والحاح اتكلم "زين" و"رضا" اعطاه وعد هيحاول
تانى يوم اتصل "زين" ب استاذ رضا" وراح قابله ع القهوه : ايه الاخبار يااستاذ "رضا"
_ انا اتكلمت مع ناس اعرفهم وفى شكوى اتقدمت وهيتعمل امتحان تانى لعدد معين بس وبالواسطه شخص واحد الل هيدخل الامتحان فيكم مش هينفع ل اتنين
_ يعنى ايه ؟
_ يعنى يا انت يا "مريم" ..اختار
وبدون تردد : مريم ..
رجع "زين" وكانت مريم رجعت البيت دخلها الاوضه : ايه ياست المريضه بتفرفرى من حبه سخونيه ,, علشان كنتى عامله اراجوز انتى واصحابك رقص وضحك متهدوش
_ بس بقى علشان مش قادره ارد عليك اخف ومش هعتقك
ضحك "زين" : لالا "ميما" مش واخد عليكى مؤدبه قومى فزى من مكانك ابت
لاحظ "زين" ملامح وجهه "مريم" المتغيره ودموعها الل بتتساقط : مالك؟
_ امتحان القدرات راح علينا وانا مش عارفه اعمل ايه وانا كنت واثقه انى هدخل فنون جميله غيرها مش هدخل كليات تانيه
_ ولا تزعلى نفسك مفيش حاجه راحت فى امتحان بعد بكره اجهزى انتى بس
فاجاءه تحول ملامح "مريم" الحزينه الى ابتسامه: بجد
_ اه طبعا
_ يعنى انا وانت هنمتحن سوا وهندخل الكليه سوا زى ما خططنا
_ اكيدددد وهو انا ينفع اسيبك للوحوش ..بس انتى متتعبيش تانى
_ لالالا انا الحمد الله كويسه جدا
راح "زين" خبطها بالمخده: ورينى كده
فقامت من ع السرير تجرى وراه فى الشقه: يارخم يارخم ..
ضحك "زين" و"مريم" وهما الاتنين بيجروا ورا بعض ف الشقه فحياتهم مع بعض قط وفار لا يتفارقان ... !!
يوم امتحان القدرات اخد "زين" "مريم" وراحوا يمتحنوا :
_ انت هتمتحن فين
بتهته: انا .. هناك هناك ..ادخلى انتى بس يلا
_ اوكيه اشوفك بعد الامتحان وركز
_ اوكيه يلا ..
دخلت مريم واتاكد زين انها مش شايفاه وخرج استناها لغايه ما خلصت ومثل عليها انه امتحن وحل كويس ورجعوا ع البيت ... ظهرت النتيجه بنجاح "مريم" ودخولها كليه فنون جميله و "زين" انه سقط ف امتحان القدرات ودخل كليه تجاره ... !
قبل دخول الجامعه كانا يساعدان والدهما فى المطعم ففى يوم ما جالسين جميعهم " سوسن" و"سناء" و "محمود " و" كرم " " ومريم " و زين " ..:
بدءت مريم بالحديث : هو كريم مش هيجى خالص ولا ايه مش خلص كليته اخيرادا وحشنى اووى ؟
ضحك زين: عنده حق هيجى ف الزحمه دى هيعمل ايه اسكندريه احتلت يا بنتى
ضحك "محمود" :هو قالى مش هاجى غير لما الصيف يخلص وهيقابلنا ف الساحل كمان اسبوع
ابتسم "كرم" زمان اسكندريه مكنتش زحمه كده .. الناس استقربوا الطريق
سناء بتتنهد : الواحد كان بينزل البحر ومفيش حد بيضايقه والمايه كانت رايقه كده مش كلها زباله
تدخلت "مريم" : المفروض يحطو غرامات لل بيرمى زباله علشان يحرمو ازاى يشوهو البحر الجميل دا
ضحك " زين" مش لما تلمى الزباله من اوضتك والمرسم ابقى انصحى غيرك متبقيش زى النجار لل بابه مخلع
_ حوش اوضتك والورشه بتاعتك بتلمع
ضحك " محمود" هو مفيش مره تقعدوا من غير متناقروا فى بعض
تضحك "مريم": هو الل غلس يا حوده
ضحك " محمود": خليها عليكى دا اخوكى
_ وهو انا مصبرنى عليه غير انه اخويا مكنتوش قادرين تجيبولى بنت احسن
اتكلم "زين" وغير نبره صوته: معاكى "زينه" شابه روشه طحن تبحث عن علاقه جاده
ضحك الجميع ع اسلوب زين ولاحظوا " سناء " شارده فى منظر البحر قاطعها "كرم" فاكره اول مره شوفتك يا سناء كان ف البحر دا ..
محمود : اه ومن وقتها رجع يقولى شوفت عروسه البحر
تدخلت " مريم " الله .. كمل يا بابا انت بحب اسمع قصتكم اوى
تدخل "زين" مازحا: اهو كلامكم دا الل بوظلى دماغ البت عايشالى ف رومانسيات وحب والوساده الخاليه ,, يابنتى دول كانوا فى زمن كان مخترعوش البيتزا الل بتضربيها كل يوم دى ,, بلاش تبوظو النظام الل ممشيها عليها متحسسوهاش ان الخيال بيحصل ,, "ميما " ركزى ف روياتك وافلامك وشاروخان غير كده متسمعيش اسمعى منى ..!
خبط " محمود" ع راس "زين": ايه كل دا ومين قالك ان الل فى الروايات والافلام مبيحصلش ,, ناس كتير ارتبطوا عن حب زى الروايات واكتر كمان وابعد ليه انا وامك اهو وكرم وسناء اهم عاوز دليل اكتر من كده ايه ..؟
زين بنبره ثقه: انتم كنتم مع خير زمان ,, وقت الحاجه ما كانت احسن وانضف والناس نفوسها احسن من دلواقتى ,, انت نيتك كانت سليمه اتجاه" سوسن" و "كرم" كمان لما حبيتوا اخدتوا خطوه وارتبطتوا ومبصتوش ل اى واحده غيرهم ,, دلواقتى الواحد يكون مرتبط بواحده يركنها ع الرف ماهو متاكد هيلف يلف ويرجع يلاقيها وهى هبله بتستناه ويصاحب عليها 10 وعادى عنده ممكن قلبه يدق مليون مره والبنت من دول تلبسلك المحزق والملزق ملهاش دعوه دا يناسبها ولا مش مناسب ليها وكل دا علشان تلفت نظر الشاب الروش والل معاه عربيه وجاهز ولو مش جاهز تقلبه علشان الجاهز بحجه النصيب ,,
تدخلت "مريم": ع فكره مش كلهم كده فى شباب كويسه وبنات كويسه
استكمل "زين" : ايوه اكيد فى بس شاحيين يعنى الل زى محمود وكرم دول عمله نادره تلاقيهم فاهمين يعنى ايه حب ويعنى ايه مسؤلييه اغلبهم دلواقتى بيهربوا من المسوليه قبل ما يشيلوها بيدوروا ازاى يرتاحوا مش ازاى يتعبوا لغايه ما يرتاحوا والبنات الل زيك كده مامنين ان فى حب حقيقى وبيفضلوا وراه وبيحافظوا ع الل بيحبوهم وبيستحملوا ظروفهم ويبقوا معاهم ودول للاسف شاحيين هتلاقيهم بس فى الروايات والافلام غير كده بلح .. والل موجود فيهم واحد فى المليون واحنا 90 مليون يعنى دول 9 ومش بعيد تلاقيهم بيدوروا ع بعض وع فكره دول بيبقوا سهل استغلالهم لانهم بيقدموا حسن النيه لانهم لما بيحبوا بيحبوا بجد ولما بيتجرحوا صعب اوى علاجهم مش سهل وخصوصا مع حد امنوا ووثقوا فيه ,,علشان كده يا بنتى بقولك متستعجليش لان مش سهل تلاقى الل يستاهلك خليكى صفحه بيضا متلوثهاش بتجارب هتاثر عليكى بعدين ,,,
تعجب "محمود" من كلام " زين": معرفش انا جايب الجمدان دا منين لا انا ولا امك كده .. مفيش غيره كزانوفا القاهره قعدتك معاه بوظتلك عملتلك لغبطه ف المشاعر ,, انا غلطان انى اتساهلت معاكم وخصوصا مع بتاع القاهره دا مع الل عمله وانت هتترهبنلى كده والبت الغلبان دى موقفين حالها
ضحك "زين" متقلقش مش هترهبن هملالك المطعم دا
تحدثت " سوسن" عيال صح ان شاء الله
نظر لها "زين" عيال ايه هملاه مزز ,, وومن ,, ليدزز ,, حاجات حلوه كده
كرم بيضحك: انت هتقع واقعه وحشه يا "زين" بلاش تتساهل بمشاعر البنات مينفعش تتعامل مع الحب ب استهتار كده ,,الحب برغم انه مش باين وتحس انه بسيط لكن وجعه بيجوع اووى ومش هتقدر تستحمله ,, انت بتتساهل بمشاعر البنات الل تعرفهم و"كريم" زيك فى مره قلبك هيوجعك لانك كان معاك حب حقيقى وانت استهترت بيه لانك من كتر علاقاتك مقدرتش تميز الحب الحقيقى من الحب الطيارى ,, التجارب العاطفيه مبتعلمش ع قد انها بتدخل الانسان فى دوامه التوهان مبيقدرش فى الوقت الصح يحدد قراره ولا يتصرف ازاى وبنتهى بخساره وندم ,, انا بنصحك علشان انت لسه قدامك الطريق متلوسش قلبك بكركبه ملهاش لازمه ووهم انت الل عملته,, خليه لصاحبه النصيب الل قلبك يفتحلها ,,,,
ضحك "زين" والله يا ابو الكرم هو اصلا حب ايه الل موجودعلشان احسه دا ال اول ما اقول ا اى بنت معجب القيها تقولى بحبك البنات عندها حرمان عاطفى مخليهم يصدقو اى ولد علشان كده الاولاد بيستهلوا ويدخلوا رومانسيات ياخدوا الل هما عاوزينه ويقلبوا البنت وبعدها تقول كل الاولاد خاينين .. طبعا مش كل الولاد ولا كل البنات لكن انا بتكلم على فين التقل فين المرمطه فين الشحتفه دورى جنبك كده يا "ميما" يمكن تلاقيه مزنوق جنبك ولا حاجه ...مصيبه لتكونى جوعتى وضربتيه رجيها يا "سوسن" رجيها
ضحكت " مريم " رخم ..
على فكره يا "زيزو" الحب موجود لكن انت الل مش فاهمه لغايه ما هتلاقى نفسك وقعت ومش هتعرف تقوم
_ وانتى روحتى فين هو انا هسيبك ل اى هوا كده يعدى انتى اطمنى عليا الاول وبعدين شوفى نفسك
تدخل "محمود" انت ايه عاوز توقف حال البنت "ميما" يجيلها امير
بهزار: وهتسفرنا الخليج ونلعب بالبترول
ضحكوا الجميع وتحدثت "مريم": انا ع ثقه ان الحب موجود وانه احلى حاجه فى الدنيا وهرتبط بالانسان الل بحبه مهما حصل ..؟
_ احلمى احلمى
_ ليه مسافرتش انت القاهره " و "كريم" فضل هنا ع الاقل بيحس عنك معرفش انا مطلعتش زى حوده ليه السكر دا ولا ابو الكرم بهت عليك
_ سيبتهمملك انتم يا بتوع زمن الحب الجميل ..
تحدث "كرم": خلى بالك ع نفسك يا "زيزو" الحياه مش سهله كده وخصوصا العلاقات لما بتتعقد صعب ترجع تانى المايه المتعكره مبتصفاش
_ متقلقش يا ابو الكرم كله تحت السيطره
ضحك " محمود" : اهو دا انا واثق دخل تجاره علشان البنات
ضحك " زين" : لا انا داخل علشان مفيش فرصه غيرها قدامى وبعدين متقرش انت بس وركزوا مع الفنانه فشخره عيلتنا ان شاء الله
اخرجت " مريم " لسانها : اممم .. غصب عنك يافاشل يلى سقطت ف القدرات اكيد كنت بتفكر ف اميره ولا عبير ولا سعديه
امسك منديل وحدفه فى وش "مريم" : وريا اجتهادك يافالحه ...!
بدء موسم الصيف والازدحام كالعاده فى مدينه "الاسكندريه" المصيفين من اغلب المحافظات ...ولان غالبا فى موسم الزحمه كما يقولون فكان من الصعب ترك المطعم بدون اصحابه "محمود" و "كرم " .. ولكن من عاداتهم السنويه ان يسافرا لتقضيه بعض الوقت فى الشاليه فى الساحل الخاص بهم .. فسافرا الجميع وسبقهم هناك "كريم" حيث رأى ان الساحل اهدى من المدينه من حيث تكدس المصيفين ...
قبل ان يسافرا عرفا كلا من "زين" و "مريم" نتيجه التنسيق ف التحق "زين" بكليه " التجاره الخارجيه " والتحقت "مريم" ب كليه " فنون جميله " ... فقررا ان يعملو شوبنج لشراء بعض الملابس الجديده ,,فى المطعم رن موبيل "زين" :
_الو..
ايوه يا "زيزو" احنا نازلين كارفور تيجى معانا هنشترى طقمين كده جداد
_لا روحوا انتم انا هنزل مع "ميما "
_ايه ياابنى كل مره كده انزل مره مع نفسك وهات الل انت عاوزه
_وانت مالك ياعم انا اشتكيتلك يلا اقفل
_ اغلق "زين " الموبيل : عيل غتت حشرى خالتى سعديه بتتكلم
جاءت اتجاهه "سناء : بتكلم نفسك يا زيزو ولا ايه ؟
_ عيل غلس من اصحابى حاشر نفسه فى الل ملوش فيه
_ليه خير ؟
_ مش عاجبه انى بشترى هدوم مع "ميما" بذمتك بيبقوا وحشين
ابتسمت "سناء" : وهو بنتى ذوقها وحش ..دا العماره كله بيلبس بعد ما بياخد رايها بس صحابك كده زعلوا ؟
_ لا هبقى انزل معاهم اتفرج واتمشى معاهم ,,انا اصلا اتعودت خلاص ان "ميما" هى الل تختارلى الهدوم واشترى معاها جربت مره مع اصحابى حسيت ان كل المحلات حاجه يع .وبعدين لو فكرت دا لو يعنى انى انزل اشترى "شبشب" من غير ما اخدها معايا مش بعيد تدينى بيه و ترمينى ف المالح الكابوريا الصغيره دى تقرص فيا
اثناء حديثم سمع صوت اتى من خلفهم : ابقى اعملها كده وورينى
نظر وراءه وكانت "مريم" فسريعا تحدث "زين " وابتسامه ع وجهه: دا انا بقول ل سناء انى معرفش اشترى شبشب من غير "ميما" ..هى الل كسيانى ..هى الل سترانى.. هى الل من غيرها كان زمانى عره العرر "نظر الى سناء وتحدث هامسا " هى دايما تقولى كده ..
ضحكت "سناء" بصوت عالى وجهتله كلام "مريم" : بتقولها ايه ؟
توجهه بنظره الى "مريم" بقولها انا من غيرها شورت من غير تيشيرت ..جزمه من غير رباط يا جزمه
اقتربت منه وخبطت ب يديها ع كفته : يا شبشب بصباع صاحبه ضاع
_ يا جزمه من غير رباط علشان هى اصلا من غير رباط عادى يعنى
ضحكت "سناء " ع طريقه كلامهم : فظاع انتم الاتنين فظاع
توجهت "مريم" الى والدتها : يلا يا سنسن مش هنتاخر ان شاء الله
سناء موجهه كلامها اليهم بحذر: خلى بالكم من نفسكم بلاش الجنان بتاعكم
تحركا "زين" و "مريم" اوقفا تاكسى وتحركا متجهيين الى وسط البلد نزلوا من التاكسى لاحظ "زين" ان الشارع زحمه جدااا :
_ ماتيجى يابنتى نروح سان ستفانو ولا كارفور وننجز ليه غاويه تلفى كده هو انتى فقيره دا انتى واخده مبلغ وقدره من "كرم "
_ ملهاش علاقه بالفقر يا خويا ... الل ف المولات بيبقى موجود ف المحلات التانيه وسعر ااقل احنا نستفاد من الفرق دا فهمت يعنى تمن الحاجه ممكن نجيب منها اتنين وتلاته
_ واربعه وخمسه ودسته ... ايه يا حاجه ايه الل بتقوليه دا ,, اكيد طبعا الل فى المولات يختلف دى "برندات" يعنى حاجه اصليه مش تقليد معفنه يلا بينا
مسك ايديها يرجعوا يركبوا تاكسى سحبت ا يديها منه :
_ وهو انت لو ملبستش حاجه توكيل هينقص منك حته ولا هتقعد عريان ..
_ لو الصيف وتكييف مش شغال تمام
_ مبهزرش .. معنديش مشكله مع الماركات لكن انا بشترى الل يعجبنى ويناسبنى مش مهم المكان مدام موجود طلبى وبعدين ليه اضيع فلوسى فى حاجه وانا ممكن اجيب زيها او حاجه تانيه كويسه بسعر كويس واهو كله هدوم والله ما كل حاجه غاليه كويسه ساعات بيبقى الل سعرهم قليل بيبقوا كويسين ..
_ يابنتى احنا معانا فلوس مش فقرا
نظرت له "مريم" : انت مصرف اوى يا "زين"
_ المكان زحمه اوى يابنتى ..
_ طيب بذمتك الهدوم الل بنشتريها بيعجب المزز بتوعك وبتترسم عليهم ولا لا ..؟
_ بصراحه اه ..
_ شفت بقى .. العقل بقى بيقولنا نشترى الل عاوزين بالسعر الل احنا عاوزينه ونوفر الباقى هنحتاجها بعدين و عموما علشان تعرف احنا مش هنتحرك من هنا غير انت شارى طقمين وانا كمان ويلاقدامى وهنرجع بباقى فلوس كمان
_انتى ليه تعبه نفسك كده ؟
_ مش تعب .. بس ليه يكون قدامنا اختيارين ونختار الاسهل المكلف .عاوزه افكرك احنا لما فلوسنا بتخلص بننزل نغسل الاطباق فى المطعم ,, اهلنا مش مرفهينا اوى كده مش بيتعبوا ف الفلوس علشان نبعزقها احنا نمشى ع قدنا ونشترى الل احنا عاوزينه ونوفر كمان ,, ولا شكلك عاوز تغسل الاطباق ..؟
نظر "زين" الى يده : لااااا .. لاااااا غسيل الاطباق دول ما بيصدقوا اقع ف ايديهم "محمود" بيوصيهم يفرمونى ... معرفش انا ايه الاهالى الل بيشغلوا عيالهم دول علشان عاوزين فلوس
_ ااهلها معيشنا احلى عيشه ومتكفليين بكل مصاريفنا اكل وشرب ولبس وتعليم ومصروف كمان اكتر من كده اسمه اصراف احنا نمشى ع قد الل معانا ونوفر كمان اسمع كلامى بقى ويلا واهو نوفر قرشين ينفعونا بدل نظام الشحاته بتاعك ع سوسن وهى تاخد من محمود بالقطاره علشان بيبقى عارف انك زاققها وتفرهدها معاك وبعدين تيجى تقلبنى انا
_ يعنى انتى بتعملى ايه بالفلوس مش فاهم ..انا بخرج مع اصحابى وبخرجك مين الل بيطفحك بيتزا وجيلاتى وشوكولاتات ها ...مش العبد لله وانتى اخرك فسحتين بسيطه واغلبهم يا تقعدى مع اصحابك ع البحر عند المطعم والمطعم بشيل الحساب يااما النادى وغالبا انا الل بشيل حسابكم ... "ميما" يا حبيببتى انتى مضيعه فلوسك وفلوسى ع كرشك وهم هم
خبطته "مريم" على كتفه : يعنى الل بجيبه لنفسى مش بتلاقى زيه فى اوضتك كل يوم الل بيكون ع السرير عندك دا ايه عفريت الليل بيحضرهملك ماهو مصروفى ضايع عليك وع سندوتشات الكبده والسدق لكريم يا طفس
نظرا "زين" حواليه : وطى صوتك بتشرديلى
ضحكت "ميما" :انت الل بتجيبه لنفسك يلا "زيزو" جو جو
اوقف "زين " للحظات : متقفناش طيب
_على ايه ؟
_ الل هيجيب هدوم ارخص ويوفر اكترمن التانى,, الل صرف اكتر بقى هيعزمه على ايه ؟
ضحكت "مريم" : امممم بيتززززززا وجيلاتى
_ اووووه deal هيا الى المعركه
_هيا بنا
وتحركا "زين" و " مريم" وتعمقا فى وسط الزحام وتوجهوا الى المحلات واختارا بعض الملابس منهم معجبهمش ومنهم اشتره فعلا ,, كان كل واحد فيهم بيحاول يخلى التانى يشترى اكتر علشان يصرف علشان الرهان فكان مره "زين" ومره "مريم" ... واستمر حتى وصلا الى الفانيل ودا لان الفلوس الفاضله معاهم متساويه ومبنش مين الل صرف اكتر ووقفا امام "فرشه شباشب صيفيه" :
نظرت "مريم" نظره تحدى ل زين : وصلنا لنهائى التصفيات
رد عليها "زين" بنفس النظره التحدى والنبره :ايوه وصلنا ل الفانيال ياقاتل يا مقتول
بنبره تحذريه وجهتها "مريم" ل "زين": فير
رد بثقه : اقصى نظافه دونت ورى
ب ابتسامه اختارا كلا منهم " شبشب " وتوجها الى البائع :
_بكام دا لو سمحت ؟
_25 جنى
ودا بكام لو سمحت ؟
_25 جنى زيه
نظرا لبعضهم بتعجب ثم استكملا :
حاولت "مريم ": طيب اخره كام ؟
صمم البائع ع السعر مع الاثنان فبحثت "مريم" على 25 جنيه ولم تجد والبائع مش معاه فكه و "زين" قالها مش معاه فتوجهت الى المحل السابق تفك الفلوس وفى هذا الاثناء توجهه "زين" بلوم الى البائع : بقولك ايه يا معلم احنا ناخد منك 3 ب 60 جنى وكده مبروك علينا وعليك
حاول البائع يعترض ولكن "زين" اوجد طريقه ل اقناعه : الشباشب دى رايحه لناس يتيمه مش لينا ولولا ان انت بس الل عندك منهم وعاوز انفعك واشاركك ف الثواب معانا صدقنى كنت روحت ابو قير ..بس انت راجل ابن حلال وبتحب الخير والخير اهو جالك وربنا هيرزقك بذياده ..
كلام "زين" شجع البائع ووافق ودفع لل البائع 35 جنيه وقاله له ان "مريم" هتدفع له ال 25 جنيه ياخدهم ولا يقول شئ لانه وعد مش هيحكى حاجه اخد "الشبشب "التالت وشاله ع طول فى الشنطه و اتت "مريم ودفعت واخدت الشبشب وتحركا :
وقفا للحظات.. " مريم متحيره" : كده بقى مين الل هيعزم مين ؟
سريعا انطلق زين : انتى ع فكره هاهاهاها
_ ليه ان شاء الله احنا كنا متعادليين
اظهر "زين" الشبشب " التالت: كده مش تعادل انا اخدت شبشبين ب 35 جنى وانتى اخددتى واحد ب 25 جنى يبقى انا الل كسبان
ملامح الضيقه ظهرت ع "مريم": دا غش ومش هينفع كده
_خلاص خلاص هعديهالك لكن مش هعدى الجايه
_ ماشى ..
وهما ماشيين شاف "زين" محل اكسسورات وعارف ان "مريم" بتحب الحاجات دى ف اقناعها تدخل تتفرج وبطريقه ما اشترت وهى نسيت الرهان واول ما خرجوا من المحل وقف "زين" بيضحك : هاهاهاهاها وكسبت وكسبت
افتكرت "مريم": اخخخخ وعملتها فيا
ضحك "زين" يلا بينا علشان انتى فرهدتينى .. والله لرجعك معكيش جنى واحد .. ورجعا الى البيت وكان الجميع مازالوا ف المطعم ف بدلا ملابسهم واخدها البيتزا ودهبا الى السطح حيث الهوا الطلق ووضع الطاوله وشغلت "مريم" اغانى ل فيروز وجلسا ..
نظر "زين " ل "مريم" ميما عاوز اقولك حاجه
_ كل حاجه جبتهالك اهو عاوز ايه تانى ؟
_ كونى راضيه عن البيتزا علشان مشرقش
_ليه يعنى
_علشان انا الل لبستك حوار الاكل "
بملامح زعل: متفكرنيش بقى فلوسى طارت الل وفرتها وانت بفلوسك هتصيع انا عارفه مع اصحابك
_ انا بستمتع من الحاجه الل انتى بتجبيها يا "ميما" اختى حبيببتى جبتلى اكل ودا بيحصل فلتات وانا الل على طول بزغط فيكى ... متعه يابنتى متعه ان الواحد يقلب اخته
شدت ميما علبه البيتزا: مفيش اكل واتكل
وقف "زين" وبصوت عالى : لااااااا داانا الم عليكى المصيفين ياكلوكى عضى كرسيا ولا تعضى بيتزاتى
_ طيب اقعد يا فقر
_ صحيح عرفتى ان الواد عماد هيسافر ايطاليا قريب
_ يابخته
_ لدرجه دى
_ تعرف يا "زيزو" انا نفسى اسافر ايطاليا علشان حاجتين
_ البيتزا معروفه والتانيه
_ علشان اروح متحف " الارميتاج " فى فيرارا ياااااه سفريه واحده هعمل كل الل نفسى فيه
_ مش المتحف دا فى روسيا ..
_ لا وانا بدعبس فى النت لاقيته موجود فرع له فى ايطاليا تخيل
_ خلاص نعمل صفقه ونجمع القريشنات وننطلق
حطت البيتزا قدامها وملامح استغراب: ياادى النيله هو انت ورايا ورايا ولما هسافر هسافر معاك لا طبعا انا عاوزه اسافر مع حد بحبه ونروح مكان روميو وجوليت ونركب فلوكه فى فينسيا ورومانسيات بقى وكده ياااااه وتقولى اجى معاكى
_ انت عاوزه تروحى تحبى ولا ايه ..؟
_ ياعالم مش بعيده
_ ويرضيكى تسيببنى داانا اخوكى الل باكلك بيتزا ومظبطتك ,, بزمتك هما المرتبطين بيعملوا ايه ؟
_ معرفش ,,
_هقولك انا ,, بيخرجوا وبيتفسحوا وبيرغوا وبياكلوا مع بعض ,, احنا بقى فرقنا عنهم ايه انا وانتى بنعمل كل دا واحنا اخوات مش احباب يعنى امان اكتر يعنى احنا مع بعض ومفيش حد هيخون التانى ولا هيسيبه ويقوله اتمنالك شخص احسن منى او معلش اصل جدى ف الصعيد كاتب وصيه اتجوز بنت عمتى و اهلك هيغصبوا عليكى تتجوزى مهندس شغال ف دبى ... احنا علاقتنا ابسط بكتير من العقد دى يبقى مستعجله ع النيله الارتباط ليه فاهمينى ها ,,,
_ انت مبتقوليش كلام رومانسى انت بترخم عليا
_ يابت رومانسى ايه .. بصى حواليكى فى حد متجوز بيقول لمراته كلام رومانسى شوفتى ابوكى وامك بيحبوا فى بعض شوفتى اتنين زى الافلام ولا الورايات عايشين طول عمرهم حبايب وغراميات وقبلات طايره وكده ,, الحاجات دى تثبيت بس قبل الجواز علشان يعمروا مع بعض اكتر ومحدش يبص بره مع ان الطبع بيغلب التطبيع وبيبصوا بره وبيقولوا عاوزين من ده ,,, دا كلام بس من غير افعال
_ وانت ايه مضايقك انا بحب اسمع كلام رومانسى احنا ك بنات لما بنحب بنحب نسمع كلام رومانسى يعنى بحبك وحشتينى كده يعنى ,,,
_ بجدمش فاهم انا ليه توجعى قلبك واخوك مظبطتك ها دانتى فى وضع مفيش بنت نعرفها غير لما تقولك يا بختك
_ ياسلام ع ايه يا حسره ..؟
_عليا طبعا هو فى كام "زين" يعنى
_ بس بس شايف نفسك "زين مالك "
_ لا "زين محمود " ودا معناه ان انا مفيش زى احمدى ربنا ع النعمه وبلاش بطر لتزول
_ متحاولش انا ع يقين انى هقابل واحد احبه ويحبنى زى الروايات والافلام واصلا الروايات والافلام بتبقى من الواقع مع تاتش من الخيال يعنى مفيش مستحيل
_ اهو انتى قافشه فى التاتش وسايبه الواقع هتتعبى ..
_ ملكش دعوه بيا
_ انتى محسسانى انه موجود
_ اه موجود وكل وخلص اكل علشان مغضبش عليك
_ انا نصحتك وبرضه بكررها انسى ان اى حاجه تحصل غير لما اوافق انا هسلمك تسليم اهالى ب ايدى ...
مسكت علبه البيتزا : مفيش طفح تسليم اهالى قال شايفنى كرتونه فاكهه
قام "زين" وجرى وراها : كله الا اكلى اكلىىىىىىىىى ... !
قامت "مريم" تجرى و"زين" وراها واكملا الليله هزار وضحك حتى الوقت المتاخر ودخلا كلا منهم اللى ورشته واندمجا ف عالمهم الخاص "مريم" الرسم .. و "زين" النحت ع الخشب ... !
___________________
يتبع <3
ليست هناك تعليقات:
إرسال تعليق